اورطيغا: (ديك العصبية والاستفزاز لي دارت ليه سكتاتو بكلامها وعينيها كدورهم باش متبكيش.. راه سيمانة وهو عارفها كتبكي مسح على وجهووو حاك ذقنو)
حتى انا داز علية العذاب هاد السيمانة واش انا قاد نسخى بيك املاك !!!
ملاك: سخييييت بية منين حسبتني طامعة فيك
اورطيغا: يهديك الله البنت، عمرني قلت ليك نتي طماعة ولا شي حاجة فحال هكا!!
ملاك: يا ريت وقلتها!! نتا بينتهالي نيييشان شحال من مرة جاتك الفرصة تقولي شنو كاين علاش خبعت علاش فخبار كولشي الا انا؟!!!!
اورطيغا: شكون هاد كولشي
ملاك: مك ماما بابا هاد تلاتة لي بانو انا راه مرتك وكما كتقول حبيبتك وكولشي علاش تخبي علية نتا عارف ومتأكد نهار بغيتك بغيتك بالخايب وزوين فيك هادشي مكانتش غيأثر فية ونقول وااااو!!! عادي كنت غنفرح ليك وكنت غرتاح من جهة انني كل مرة هازة الهم ليك ولمستقبلك
اورطيغا: نتي مبغيتيش تسمعيني !!
ملاك: كان عندك الوقت فين نسمعك قبل ونفهمك ولكن نتا شنو درت متقتش فية ولا حسبتني برهوشة معرفتش صراحة كفاش فكرت فيها المهم التقة لي كنت دايرة فيك تهرست
اورطيغا: (بقاو ساكتين شحاال) مغتنعليش الشيطان دابل!!!!
ملاك: (عصبها هي كتسنى اعتذار تعنيقة كلام زوين كادو يحلف ويرغب ويزاااااوݣ وهو كيخسر عليها غير نعلي الشيطان غمضت عينها بعصبية وحلاتهم)
بغيت نطلع للدار عيييت وبغيت نرتاح
اورطيغا: اخر مرة تخرجي بلا متقوليها المرة جاية انا نوصلك لفين بغيتي
ملاك: (عصبها)
اورطيغا: ياله طيبينا من داكشي لي تعلمتي هاد نهار
ملاك: لقلا** الا درت ليك شي حاجة
(طرطق عينو دفعااتو وحلت لباب خارجة مكرهة، تبعها وهو يدخلو شي رجال وبقا فالمحال طلعت للدار صااااعرة حتى كيبغي المشكل يتحل ويدير هو شي خطوة ووالو مزال مستصغر غضبها وهي حلفت متصالح معاه حتى يدير داكشي لي باغاه هي بلا متقولو ليه!!
حيت فالمصاحبة كان فشكل ومن مور زواج رجع فشكل!!
دخلت للكوزينة مكاين والو حلت الثلاجة جبت خليع دارتو فطجين دارت بيض عليه سخنت الخبز وعمرت براد أتاي صغير سمعت لباب تحل جبدت فرماج دارتو فوق البيض وتمت داية الصينية للبيت جا كيحيح على تخصار الهضرة وهي كتاكل مهزتش عينها فيه عاطياه النخال.. كملت وناضت)
اورطيغا: راه معاك تنهضر أبنادم!!!
ملاك: (شدت فكرشها) راك كتعصبني وكتبقى كرشي ضرني
اورطيغا: (سكت وهي طاحت فهاد النقطة لي كتسكتو بيها، مشات لبيت عاد بدلت حوايج ومشات توضى تابعها)
علاش مدرتيليش حتى انا نتغدى؟؟؟
ملاك: واحد لباس عليه حشومة ياكل البيض والخليع نتا خاصك تاكل الكاڤيار ولكراپ !!
(دخلت لبيت لبست عباية ديال صلا تبعها وهي تفرش صلايتها بدات كتصلي)
اورطيغا: لا مزيان تبارك الله نتي طيبي لراسك وانا تخليني بجوعي!!!!
(كتصلي… ماشي للكوزينة وكينݣر)
أنا مزوج بيك باش نجي ونلقى مرا تتسناتي مهتمة بية ماشي ماماتي غير فالزنقة وحتى شي *** معاودش شفناااه الا كانت وحدة مقادراش كاين الحل
ملاك: (كملت صلاتها كتستغفر الله مخلاهاش تركز، عاود دخل عندها للبيت)
اورطيغا: فالليل نلقاك واجدة بزاف علية انا كتر من سيمانة *****
ملاك: (صبعااتو جا عندها وجمعت يدها من مور ظهرها وطلعت فوق النموسية باش كتجي قدو) والله حتى نعيط لبابا يجي يديني الا مبعدتنيش
اورطيغا: صْلِييييبَة مع راسك!!!
ملاك: بعدني امراد!!!
اورطيغا: أنا خارج منين نجي بلاتي وعندنا كلام اخر!!!
ملاك: (تكات فبلاصتها ممسوقاش ليه عارفة مغيدي منها والو فالليل هي مقلقة منو وبزااف عاد تخليه يقيسها!!!!..
صونات على مها علماتها تجيب حتى مرت عمها وبنتها غدا حيت بغاو يجيو يشوفوها وكانو كيتسناو هي تقولهم الوقت لي مناسبها، ناضت كدور فالدار كانت مرونة ماشي بحال فاش كتكون أمينة بغات تجمع ولكن جاها بزاااف وهاد الايام كتحس بلعيا بزااااف جبدت نمرة ديال السيدة لي عطاتها أمينة قبل متمشي كانت كتجيبها ديما على حساب التخمال عيطت ليها وقالت ليها تجيب شي وحدة اخرى باش تعاونها حيت الدار حالتهاحتى الشطابة مكدوزهاش.. شي ساعة جاو ملاك بقات فبيتها كتجمعو وتشطبو مزيان ولوخرين كيجمعو بين الكوزينة الصالون الصالة اما بيت أمينة مسدود هي كملت من بيتها ومشاتلو ولي ردت التصبين ولي كتجفف وتمسح الغبرة من لحيوط ورخام حتى سقف كيمسحوه ولي كتعاود غسيل لماعن كاملين عطات ملاك لوحدة طيب ليها لعشا ومشات الماريو ديالو كان الكوفر فور مسدود تعصبت وعاد سادو عليها من لفوق!!! ياك كاين فالدار غير هو وهي علاش يسدو عليها!!!!
قلبت فجيابو ديال جواكط لي معلقين جمعت شي حصيصة هو موالف كيخلي الفلوس فيهم حيت مدايرش فلوس فالبنك مشات خلصات لعيالات لي 4 سوايع وهوما كيجمعو فالدار تهلات فيهم وعطاتهم فوق حسابهم وعاد شي حاجة ديال تقدية وجوج ميكات لحم من لفريݣو مشاو كيشكروها وهي شافت فلعشا طاايب كانو دارو طاجين لحم بالجلبانة)
ميستاهلوش!!!!
(مشات دوشت سمعت لباب تحل كانت حتى هي غتخرج بقات شي 5 دقايق كتفكر وهي تحايد البينوار ولوات على راسها غير فوطة متوسطة دارت عكر خفيف نشفت شعرها بفووطة باش ميقطرش وطلقاتو بقات كتزدح فلباب باش ينوض وتشد انتباهو ولا فين كان يجي عاد حلت لباب لقاتو حدا لباب باغي يعرف مالها)
بففف كولشي ضااايع فهاد الدار
اورطيغا: (طلعها وهبطها هي دارت بحال تفاجئت منين شافتو عاد تمت ماشية للبيت متبع ليها العين سدت لباب عليها وهو يتبعها)
ملاك: سد لباب راه غيضربني البرد
اورطيغا: (خرج بهدوء كيشوف فالدار لي نقية وريحتها زوينة والطاجين لي طايب!!! ويمكن موجدة راسها ليه كما قال ليها بقا شي 10 دقايق وهو يعاود يدخل عندها كانت لبست بيجامتها وكتنشف شعرها بالمشطة)
جات السيدة لي تتعاون الوالدة!!
ملاك: اه.. تبقى تخلي الفلوس ماشي نتحشم معاااها ونبقى نقلب منين نجيب فلوس
اورطيغا: معلمتينيش!! انا كنت لتحت
ملاك: كفاش نعلمك نبقى نرغبك تعطيني جوج ضورو!!!
اورطيغا: مال مك غير شاعلة
ملاك: (عوجت فمها مكملة التصواب) غدا جايين عندي عائلتي يشوفوني
اورطيغا: اهااااه.. مرحبا!!! صافي نتقدا ليك شنو خاصك
ملاك: معندك متقدا.. انا هضرت مع واحد تريتورة ووصيتها شنو تقادلي كولشي غتجيبولي واجد
اورطيغا: (عرفها غتبدا الحرب عليه) اهاااه!!
ملاك: وغنجيب حتى السيدة لي تغسلي الماعن ميمكنش الناس جايين يشوفوني وينوضو يشقاو علية
(مهضرش ضارت شافت فيه)
ولا تبغي انا لي نوض نغسل ونخمل ونعيى ونتكرفس على هادشي لي فكرشي!!!!!
اورطيغا: مقلت والو!!!
ملاك: اصلا خاصني شي وحدة لي تبقى معايا ديما من نهار اللول قلت مقادة على شي طياب ولا شي تمارة… (شافت فيه بتحدي) خاصني مساعدة لي تجمع وطيبلي!!
اورطيغا: (تبسم وكان هدا سبب من الاسباب لي خلاتو يخبع عليها ماشي قضية طمع ولكن عارفها غتفرتك داك رزق لي جمعو درهم بدرهم)
اوا!!!
ملاك: اوا شنو؟؟
اورطيغا: شي حاجة اخرى؟!!
ملاك: هاد الساعة غير هادشي لي كاين !!!
اورطيغا: الزين ديالي واخا يكونو عندي لملااااااير نتي لي غطيبيلي ونتي لي غتجمعيلي حوايجي ونتي لي غطيبي لولاادك وغنصبر عليك حتى تعلمي على خاااطر خاطرك.. غدا منين تجي لكموند لي طلبتيها غنخلصها وغنبقى نخلي ليك فلوس انا غير معرفتش غتحتاجيهم
ملاك: اممم
اورطيغا: اجي نتعشاو ونكملو هضرتنا
ملاك: مفياش الجوع.. (كتموت بالجوع)
اورطيغا: واخ ديريلي غير خاطري وجلسي حدايا أنا موحش نجلس حداك.. انا نحط لعشا متعطلييش…
ملاك: (مشا.. كانت متأكدة مغيبغيش يجيب ليها مساعدة وهي خاصها شي حيييلة كفاش تجيبها وحلفت فيه داكشي مناش خاف فاش خبع عليها هي غطبقو!! صونات أمينة عليها هضرت معاها وخرجت عندو وهي كتهضر كملو معاها الهضرة هي والحاج قطعت ونسات وبقات كتاكل معاه يد بيد..)
اورطيغا: شكون غيجي غدا!!
ملاك: مريم خديجة وماما ومرت عمي وغتجي حتى مامات حمزة (باغا تعصبو) اوا قلت نعيط حتى على غيثة
اورطيغا: اممم باباك؟! مغيكونوش رجال؟؟؟
ملاك: موحال..
اورطيغا: (كيشوف فيها مبقاتش حتى كتشوف فيه كملت وناضت بقا كيتسنى حتى شافها تعطلت ناض غسل يدو مشا للبيت لقاها متكية)
علاش جيتي تنعسي!!!
ملاك: ضرني ظهري بزاف شربت دوا وجيت تكيت
اورطيغا: (يعني هاد الليلة مافيها والو خرج وبدأ ينݣر ويزدح فلبيبان منخلاه جمع داكشي غسل لماعن ومشا كيتفرج ففلم وهو كيفكر غير فيها مشا حداها كانت نااااعسة تكى حداها كيشوووف فيها نغزها بيدو)
ملاااااك وااااا مليييييكة نوضي ختي انا رجع ليك فلووووسك ورزفك ورديلي غير مليييييكة ديالي!!!!
(جابلها الظحك ومقدرتش تعطيه بظهر حيت غيهجم بقات فبلاصتها)
اصبحنا واصبح الملك لله
اورطيغا: (قطع مع مو فصباح ورجع للدار لقاها كتلبس حوايجها) فين؟!
ملاك: تعطلت خاص نحضر لحصة ديال صباح باش دغيا نرجع قبل ميرجعو ضياف
اورطيغا: لا مخارجاش!!!
ملاك: علاش؟؟؟
اورطيغا: باش تعلمي مرة أخرى تشاوري قبل متخرجي (تم ماشي للكوزينة وتبعاتو حيت عارفة الا خرجت غيتبعها ويصدقو فمواصل خايبة هادشي بلا الشوهة لي يدير ليها)
واش مغديريش غدا؟!!! راه خاص نرجع الحومة
ملاك: كفاش منخرجش؟!
اورطيغا: كيف سمعتيها باغا طبقي علية القاعدة ولا شنو!!!
ملاك: لا باغا نخرج نتعلم نطيب!!!
اورطيغا: مغتخرجييش!!!
ملاك: (شافتو معصب بزاف وهادشي ماشي فمصلاحتها وعاد العائلة لي جاية بلاتي) شنو بغيتني نديرلك؟!
اورطيغا: لي درتي اي لعبة نسدو بيها هاد الجوع وبزاااااف 3 شهور ولا اكتر ونتي مابغاش ديري الحل قلنا ليك بداي غير بالسااااهلة لا ماكلة لا ح** وااااااعيقتي!!!!!
ملاك: (عرفاتو غينݣر على لبارح حيت مبغاتش تفيقلو.. خواتلو طريق وخرج من الكوزينة كينݣر)
زمر واش مكيفهمش انا مقلقة راه باينة مغنديرلو والو!!!!
(حن قلبها عليه عارفاه كيضرب تمارة حلت التلاجة كتشوف فيها حتى دخل لقاها هكاك)
اورطيغا: شنو تتحفظي شنو كاين فالثلاجة؟؟
ملاك: مشكلتك مكتعرفش تهضر معايا!!!! واش امراد مكتشوفش راسك غاالط؟!!
اورطيغا: فاش؟! حيت مكطيبيليش؟! ولا حيت أنا تنجي مسخسخ من الخدمة وتنجي نطيب ليك ونجمع ليك!! ولا حيتاش 10 ايام ونتي حتى الشوفة متطلعيهاش فية!!!
ملاك: لا كنهضر على مشكلتنا؟!
اورطيغا: (كيعرعر) شنو هاد المشكلة لي غتخلي حياتنا واقفة عليها؟!
ملاك: صغرتيني!!!
اورطيغا: واخا لالة المسامح كريم!!!
ملاك: لا
اورطيغا: عارف راسك قاسح يابس واخا معرفت شنو نقول مغترضايش ومغتبغيش تسامحي
ملاك: يعني عارف راسك غالط
اورطيغا: استغفر الله العظيم… ايييه غالط حيت خبعت عليك منين تزوجنا شي حاجة اخرى لا!! ومغالطش حيت بعت ليك الدار بالخساااارة
ملاك: (سباتو فخاطرها) اوا ولي كيغلط؟؟؟
اورطيغا: تيخلص وانا معاك للي درتيه نخلصو غير متبقايش منكداها على جد أمنا هاكا!!!!
ملاك: علاش متعرفش تشري كادو منك لراسك ماشي حتى نقولهالك انا!!!
اورطيغا: ملاك بغيتي كادو خرجي ختاريه راسك مغنجيبش شي حاجة وفالتالي مفتعجبكش
ملاك: ماشي طريقة هادي!!!
اورطيغا: انا غنزل للمحال ديپانينا بشي لعبة وعيطيلي ويخرجو ضياااافك وديك الساع ندير الطريقة لي بغيتي!!! مزيان هكا!!!
(حركت راسها باه خرج مجاهاش هادشي مقنع حست مزال كرامتها مرجع ليها اعتبار ولكن هي عارفاه هو هكا خضر واش غتعاود ليه ترابي من اللول!!! عاود حلت الثلاجة مكانتش عامرة قلبت شنو كاين ودارت يوتيوب كتقلب تطيب شي حاجة من داكشي لي عندها موجود!!)
ملاك: (أكدت فالتيليفون مع السيدة لي دارت معاها توجد ليها داكشي صونات على كولشي لي بقات ساعة ويشدو طريق دارتلو طورطية بالشيفلور والكفتة والبيض تبعت الطريقة هي معجبتهاش تاكلها معجبتهاش ريحة الشيفلور جاها خاانز..طلع عندها حطاتلو ياكل)
اورطيغا: عفاك قوليلي هادي غير شلاظة!!! والماكلة عاد غتحطيها
ملاك: لا هدا هو الغدا
اورطيغا: الله يرضي عليك انا تنبغي الماكلة بزاف
ملاك: اوا طيبها
اورطيغا: داك لسااان!!
ملاك: انا هادشي علاش قديييت
اورطيغا: معليييكش!! (شافها جلست مبعدة) مغتاكليش نتي؟؟
ملاك: مفياش
اورطيغا: وباش غتغدي دوك لولاد زيدي تاكلي
ملاك: متشهيتهاش!!!
اورطيغا: (بقا كياكل كانت مابيهاش) انا نكمل ونجيبلك كفتة مشوية.. تبغيها؟!
ملاك: واخ.. معاها لفريت!!
اورطيغا : لا الفريت نقليه ليك فالدار (صونات على خديجة باش تجي عندها قطعت هو ناض كيهضر فالتيليفون مع شي كليان.. تبعاتو)
ملاك: راني هضرت مع السيدة هي غتجيب الكموند للمحال خلصها وطلعلي داكشي هنا
اورطيغا: شحال؟!
ملاك: 1800 درهم
اورطيغا: (تخلع) علاش؟! علاش مكملتي 2000!!!
ملاك: ههه دابا سمع
اورطيغا: 1800!! علاش ؟!
ملاك: شنو لي علاش راه خديت من عندها باك برووومو
اورطيغا: شنو دمونديتي؟؟ حولي معمر بالكروفيت؟!
ملاك: لا… دابا انا قلت منين غيجيو كاملين درت ليهم بحال شكل غدا وهي غتجيب كولشي داك لباك فيه كولشي
اورطيغا: (عارف مغدوزهالوش حرك راسو بأه راه الا تناقش معاها غتفرݣع هاد الساعة كانت بحال شي بوطة منفسة خاصو يسايس معاها الا شعل معاها هي غتفرݣع)
وااخ… الا خصاتك شي حاجة اخرى متعيطيليش
ملاك: ههه (هبط مكمدها فقلبو شوية جات خديجة وجايبة معاها غيثة) فين ولادكم؟!!
خديجة: بقاو مع جداهم
ملاك: (جاتها حشومة) غيثة دوزيلي نمرة ماماك نعرضها
خديجة: مغتبغيش تجي!!
ملاك: غير دوزيهالي (عطاتها هضرت معاها بصواب والادب وأكدت عليها تجي حيت غتكون حتى مها وعطات لخديجة حتى هي تقولها تجي هي ومرت أشرف صافي وافقو.. كانت الدار نقية مجموعة وجدو غير لماااعن اما الحلوى وكولشي غيجي مع الكموند..
جات مها وجات معاها مرت عمها وبنتها ونجية وجات مريم ختها وعݣوزتها..)
غيثة: (سلمت على نجية وبحال حشمت منها مكرهتش تسولها على حمزة ولكن شدت راسها اما الغالية بقات غير كتعبرها بعينيها شافت فبنتها كان باينة فيها الحزن)
اورطيغا: (شد الكموند وطلعو هو والدري حيت فيه غدا بسطيلة مع ديسير مشكل وفلو شمالي.. وعاد بلاطويات مشكلة مملحات وحلويات ودواز أتاي بغرير وملاوي بانواعو و3 انواع كيكات حط داكشي فالكوزينة فين كانت هي ومريم كيقادو..)
صافي خاصك غير هادشي؟؟؟
ملاك: غتجي السيدة لي غتعاوني فلماعن؟
اورطيغا: ختي نطلع نبريكولي معاك ؟!! راكي هوتة صراحة!!
مريم: ههه بلاش عليك املاك حنا نتعاونو
اورطيغا: الا ختي غير تنظحك معاها وانا غير طاالب باش ترضى علينا لالة مليييكة ااااا ملاك ملاك
مريم: ههههه
ملاك: انا نعيط عليك واجي تاخد حقك نتا والولد
اورطيغا: لباس طلعنا معاك شي حاجة الالة ملاك!!!
ملاك: شحال فيك دالطنز!!!
مشات لبست عباية الحضور وشيكت على راسها وروايح دارت ذهبها مقادة ميكاب زوييين ومشات عندهم للصالون كتعرض عليهم وترحب بيهم..
بقات كتحط هي ولبنات داكشي مجمعين عاطيينها الظحك والغالية تطلقت شوية واكترية مع زهرة لي كتعرف ليها… غيثة شدت ولدها كتوكلو من الخضرة
نجية: اري نشدو عليك ابنتي وكولي نتي
غيثة: بلاش عليك مغيبغيش يجلس ليك (شداتو من عندها نجية)
حشومة والله غير باش تجلسي مرتاحة
نجية: انا مرتاااحة البز ݣاع مكيبرزطني..
الغالية: (ميقت فيها على كلمة البز مكيعجبهاش هاد المصطلح)
غيثة: (شافت فنجية لي دايرة ليه الخاطر وكتوكلو بشوية شافت فخديجة لي غمزتها وبقات كتاكل باينة مو زوينة وظرييييفة للحظة جاتها لحظة ندم على شرطها وكان دابا راها باقة معاه ولكن السكن تماك غيكون فوق خاطرها ومغتكونش مرتاحة..
ملاك: (جابت بلاطو وهزت حق راجلها والدري لي خدام معاه صوناتلو باش يطلع بقات جالسة حتى طلع نيشان دخل للكوزينة مشافش فالصالون فين جالسين لعيالات، تبعاتو عطاتو لبلاطو شحااال مشافها مقادة حالتها ودايرة مكياج)
اورطيغا: تتقادي غير لمن بغيتي!!!
ملاك: كنتقاد لراسي (حنا عندها بحال باغي يبوسها وبعدت)
خخخ فيك ريحة لحم مخلطة مع الݣارو!!!
(مكانت فيه حتى ريحة غير بغات تصدرو)
اورطيغا: (بعد راسو وهز داك لبلاطو) الله يخلف عليك الالة
ملاك: بالصحة هوما شوية وغيمشيو
اورطيغا: باغا كادوك
ملاك: علاش نتا مباغيش تصالحني؟
اورطيغا: علاش مزال متصالحنا عاد حطيت فلوس دابا
ملاك: هداك راه إكرام الضيف الغزااال
اورطيغا: اهااااه نكرمو الضيييف ونخرجو على جيب العزي
ملاك: اوا شنو غنديرو العزي صدق لباس عليه (غمزاتو)
اورطيغا: غير الحيوط ازين مزال مدرنا الفلوس
ملاك: وجد راسك الكادو
اورطيغا: الله يخرج سربيسنا هاد نهار على خير (مشات كظحك جات السيدة لي دارت معاها بقات كتجمع معاها جمعات ليها ملاك شنو تدي معاها وجمعت حق باها حتى هو باش تصيفطو مع مها جا حمزة باش يوصلهم، غير غيثة عرفاتو لتحت حمات فيها البيضة بغات تنزل عندو شدتها خديجة)
خديجة: رزني
غيثة: غير نشوفو واش لباس عليه
خديجة: ههه لباس خليه هو يصوني عليك مو راه غتديلو خبارك دابا الا تحرك داك لقلييب هو غيصوني عليك..
مريم: (كتلبس المونطو ديالها فبيتها) ملاك ضربي وقيسي عنداك تديه لشي بلاصة غالية بزاااف
ملاك: (حتى هي كتلبس باش تخرج) كوني هاااانية
مريم: هاد كوني هانية هي لي كتخلع براكة غير هادشي لي خسرو هاد لعشية وراه كبر بيييك متعيقيش عليه اصاحبتي
ملاك: كوني هانية!!
مريم: متعاوديش تقوليلي هاد كوني هانية راك باينة مبلانية شي حاجة فراسك… راه سمعت مو شنو قالت ليك
ملاك: (مفرنسة) كوني هااااانية!!!!
غيثة: (زربت هبطت بحجة كتلعب مع ولدها فالجردة وكتجري باش يظحك ويغوت وتجلب انتباااهو.. بغات غير طل عليه من بعيد كان واقف مع مراد عاطي بظهر..
كانت نجية جاية معاهم وشافتها وحضاتها فين كتشوف غير شافتها دارت راسها كتلعب مع ولدها)
الغالية: (عاد لحقت فالمصعد التاني)
غيييييثة!!!
غيثة: (تبسمت مع نجية ومشات عند مها) شنو؟
الغالية: عيطت على خااااك يجي ياخدنا!!…
شنو كانت تتقولك؟!
غيثة: شكون؟؟؟
الغالية: هاديك نجية
غيثة: مقالتلي والو.. فين خديجة مغتمشيش؟! الا كانت تبقى مع ملاك حتى انا نبقى معاهم
الغالية: لا غتجي.. سير شوف واش خاك وصل حيت غنمشيو عندو للدار (غيثة خرجت برا كان واقف حمزة حدا طموبيلو والعيالات كيدخلو حيت هو لي جابهم وهو لي غيرجعهم بقات مبعدة كتشوف فيه كان عاطيها بظهر كتحاول متعيقش ولكن توحشااتو بزاااااف)
حمزة: ياله هو هدا.. حتى نتشاوفو..
اورطيغا: ان شاء الله.. (بانلو يوسف كيقلب فين يوقف)
دير دوزيام بوزيسيون راه نزلو كولهم تيتسناوك
(ضار حمزة لقا غيثة واقفة هازة ولدها)
حمزة: (معرفهاش كاينة بقاو كيتشاوفو مدة حتى نزل يوسف جا يسلم عليهم حمزة ضار وهي ضارت كتعيط على الغالية لحقت خديجة ومريم وعكوزتها غيمشيو معاها على ميجي راجلها)
يوسف: فين غااابر اصاحبي؟؟؟
حمزة: غير هنا..
يوسف: مبقيتش تتبان..
اورطيغا: وقت الزيت والكيف
حمزة: ههه زيدهم نيت باش يضربو علية بستيلو احمر اخويا غير الزيت
يوسف: هه
حمزة: مهم تهلاو (مشا لطموبيلتو وعينو عليها وممبينش غيثة جاتها لبكية غير بقات صاااامدة حتى تكون بوحدها..)
يوسف: (شاف فختو عاد لحقت مو وخديجة ومريم وعكوزتها وولادو ركبو ومشا فاهم من حمزة انه مزال مغيرد عليهم.. هبطت ملاك لقاتو فالمحال ركبو فطموبيلتو)
اورطيغا: (كتقاد لاسنتير) فين غنخلصو هاد البروصي؟؟
ملاك: قالتلك طاااتي أمينة!! فين مولف كتخلص بروصيها فاش كتزبلها معاها!!
اورطيغا : ياااااك!!! قولي متافقين!!!
ملاك: على أساس مدايرهاش قد راسك حمد لله غنسااامحك
اورطيغا: واخا لالة حتى حاجة متغلى عليك!!! (مشا صايݣ التيليفونات مكيساليوش هي غير متبعة طريق حط طموبيلتو ودخلو قيسارية ذهب هو بقى على برا كيهضر حتى كمل ودخل لقاها كتقيس شي دبالج)
لقيتي شنو عجبك؟؟؟
ملاك: (تبسمت) هادو!!
اورطيغا: بشحال هاد الخير؟!!!
ذهايبي: ليك نتا اسي مراد 49000 ألف
اورطيغا: ريال!!
ملاك: (مفرنسة) لا بالدرهم
اورطيغا: (مخرج عينو) 5 كيلو؟!!
ملاك: اوا راه سرتلة ديال 7 وذهب طالع شي شويييش
اورطيغا: شي شويش!!!!
ملاك: زوينين!!!
اورطيغا: لوكان اختي غير خليتك تمشي لداركم حسن لي!!
ملاك: ههه منخليش راجلي العزيز بوحدو (كتحرك يديها والسرتلة كتقرقب) ناااااري شحال فنيييين!!!!
اورطيغا: (بقا كيشوووف هو جايب معاه 3000 درهم رجع شاف فيها كتقيس دوك دبالج وذهايبي مشا لڤيترينة مخليهم يتشاورو حيت باين فيه مصدوووووووم)
ماشي بزاف!!
ملاك: شوف انا واش بزاف علية!!
اورطيغا: (شاف فذهايبي) حتى حاجة مبزاف غير الجيب مسكين مموعلش يخرج معاه لملاين
ملاك: عطيه شنو عندك حتى دوز ليه لي بقا ذهايلي ديالنا كليانو!! (عض على شنافتو مغزف عليها)
متفكرش بزااااف غير زعم هه
اورطيغا: (حك على ذقنو) مجبتش معايا فلوس كاملين مكنتش معول على هاد لبروسي
ملاك: (ضرباتو لكرشو بشوية)
اورطيغا: (متسرطتش ليه) 5 كيلو أبنت رشيد؟!
ملاك: لااااا ماشي 5 كولها 4 وشي حاجة (شافت فذهايبي) زيد نقص شي شوية
اورطيغا: (كيشوف فيها كانت مقتانعة انها دايرااهم)
ذهايبي: ماشي مشكل أخاي مراد حتى دوزهم ولا تقسمهم نتا راك كليان ديالنا
اورطيغا: (بقا غير عاض على شنافتو مصدوم رجع شاف فيها فرنست.. حك على قرفادتو)
صافي واااخ انا غدا ندوز عندك..
ملاك: (بقات كظحك بالفرحة فاللول مكانش عندها مع ذهب ولكن مها وأمينة وخوتاتها حببو فيها ذهب ودخلوه ليها لراسها وعاد رجع كيفرحها)
واش ناخدووهم؟؟؟؟
ذهاببي: اه بصحتك امدام
ملاك: الله يعطيك الصحة اخويا.. (كتب ليها الروسي بسميتها وعطاه ليها هو موالف كيتعامل مع مراد وأمينة والسمعة ديالهم سابقاهم يعني ثقة وعارف مراد غيجيب ليه رزقو… عطاه 2500 درهم لي هاز مخلي فجيبو 500 درهم ودار معاه الوقت لي غيجيب ليه خرجو من تماك مزال ممسروطاش ليه)
بصحتي وراحتي مسموووم ݣاع مقلتلي بالصحة
اورطيغا: تعاودي طوفي بساااحة هاد ذهايبي غندير لمك إعاااقة
ملاك: ههه باش مرة أخرى تعلم متخبعش وهادشي غير قرسة أذن أشريييف انا ماشية معاك بنيتي وعمرني طمعت فيك وكان لي ديالي هو ديالك هادي باش تفهمها نهار بغيتك بغيتك بالخاااايب ديالك قبل من زويين
اورطيغا: سيري املاك من قدامي هاد الساااعة…..
5!!!!!! اويلي على خمسة ماهية مليون ما هي زوووج 5 دقة وحدة!!!!!
ملاك: ههه فاش جاتك 5 دالمليون قدام عيشتنا لي كانت زوينة وعاد حاملة ليك بجوج تواام راه سهلت عليك عام اخر ديال باش تسنى ولد اخر
اورطيغا: 5؟؟!
ملاك: تكبر وتنسى لي مخاصوش يتنسى هو منعاودوش نخبعو على بعضياتنا شي حاجة!!
اورطيغا: سيري قدامي!!
ملاك: فين عارضني هاد نهار؟؟؟
اورطيغا: الدار عندك عام مغتخرجييش فيه!! 5!!!! باغا ترجعي فلووسك غير بالريط!!
ملاك: هادوك من بعد وعاد نتناقشو فيهم ودابا انا لي عارضااااك تشرب قهيييييوة
اورطيغا: خاصني شي صندووق بيرا ياله ياله دووزلي هاد تقوووليبة!!!
ملاك: (مشاو لقهوة وجلسو خدات هي شنو بغات وهو خدا غير قهوة جبد ݣارو كيكمي)
هدا الرابع بزااف!!! غتهلك ريتك
(جات تحايدولو وبعد وجهو)
اورطيغا: (خنزر فيها) رساااااي!!! اخر مرة تقيسيه!!!
ملاك: (بدلع) شكون!!!
اورطيغا: 5!!
ملاك: ههه (كتحرك يديها باش كيتقرقبو دبالج ديالها وكظحك وجهو غير عاااابس)
بحالا معجبكش الحال!!! دابا نحطهم ليك ونمشي لدارنا!!!
اورطيغا: (عفس داك الݣارو وضار عندها محرك كرسيها مقربو لحداه)
متبقايش تحطيني قدام هاد لبلانات نهضرو عليهم فالدار ونمشي هاز رزقي فجيبي
ملاك: اوكي مرة جاية نبقى نقولك
اورطيغا: (شافها هزت يدها وحركتها وكتحرك حواجبها وهي كظحك)
طاحت عليا هاد الظحكة غالية !!!
ملاك: (بقات متبسمة) تقلقت منك بزاااف حتى ظرني خاطري والله شي مرات كنفيق من نعاس وقلبي ضاارني
اورطيغا: غير نتي بغيتي تعقديها احبيبتي
ملاك: مزال مباغيش تعتارف انك غااالط وبزاف!!!
اورطيغا: (جاب ليهم السرباي شنو طلبو.. سكتت حتى مشا)
راه لدابا املاك مخاصش شي واحد يعرف شي حاجة حتى يرجع كولشي بسميتي حدك عارفة نتي والوالدة وواليديك حتى الحاج معارف واالو لا شريف لا يوسف حتى حد من غيييركم..
ملاك: وعلاش لدابا ماشي بسميتك؟؟!؟
اورطيغا: مصااالحش ولاد الحاج غيتبعوني فهادشي براكة غير كل مرة دايرين لية بريكول فالمحاكم طالع هوااااد معاهم على الاقل غير نكمل شغلي قانونيا
ملاك: كتبهم بسميتي!! (هز حاجبو) غير ظاااحكة ولكن بالصح شنو غيديرو ݣاع ؟!! يمشيو يزبلووو
اورطيغا: الضريبة مزال عندي فيها شي شغااال خاصني نكملهم راه ماشي ساهلة نرد شحال من دار بسميتي
ملاك: اممم وكفاش تايف فهاادو لي كاتب ليهم
اورطيغا: راه عوااام ابنتي وانا تايق فهاد 3 وعمرهم ضاارو علية
ملاك: كنعرفهم أنا؟!!
اورطيغا: (خسر كمارتو) وعلاش غتعرفييهم!!!!
ملاك: غير قلت حيت زعما صحابك بزاف وتايق فيهم قلت.. صافي مقلت والو زعما غير بحال كما عرفت شريف ويوسف
اورطيغا: اش تترݣعي!! انا لوكان نتي مكنتيش تتعرفي يوسف قبل مكنتش غنبينك حتى لشي واحد فيهم (تبسمت) شي مرات تيهرب ليك!!!
ملاك: نتا فاهمني شنو قصدت بلا متحرفها لشي حاجة اخرى… عاودلي كفاش حتى درت هادشي؟؟؟؟
اورطيغا: (عاود ليها داكشي لي عاود لواليدها)
مجيتش املاك ودرتو باش تجي تزلعي ديلمو فدقيقة!!! 5 كيلو على
(هز يدها وهي كظحك)
دابا نتي ظحكتي علية!!
ملاك: ههه
اورطيغا: (كيعيبها) ديتيليي رزقي!! نصبتي علية!!!
ملاك: ههه مشيت فيها العزي درت ليك بااااخا ولي قلتها ليك عليها تقولي واخا!!!
غيثة: ( وصلو لدار يوسف وبقات غير ساكتة ومها غير مجمعة مع مريم كتهضر كتهضر حست براسها غينفاااجر ناضت من حداها مشات البالكو تفكيرها غير فحمزة
علاش مجاش سلم عليها؟؟
علاش مدارش الحجة بولدها وجا عندها!!
حست بالبكية مكرهتش تبكي وتحايد هاد الغصة لي واحلة ليها فقلبها وحلقها..)
~~~~~~~~~~
حمزة: (طريق كاملة مهضرش كيسمع غير لكلامهم وعلى عراضة ملاك وصلو هوما مشاو لدارهم وهو وصل مع مو باغي يعرف الموفييييد)
كداز داكشي؟!
نجية: غزااال يا ولدي تبارك الله الدار فننننة وتهلات فينا وهاانتا على ملووووكة بدارها ولحداااݣة والعراضة كيف دااايرة
حمزة: ملاك حادݣة!!!
نجية: الوحدة منين كتجوج كتبدل
حمزة: (بلا ميحس) هكا قلت ليك على غيثة!!
نجية: حتى هي أولدي زيييييينة بحال شي ݣاورية انا معيبتهاش انا غير قلت ليك ما تما شرط قالولك نتا ترضاها على راسك تسكن مع نساب فين عمرها هادي كانت ياك لمرا هي لي كتبع الراجل
حمزة: شكون قالك انا غنعيش مع نساب اه قالو فاس ولكن حدهم هنا مقالوليش نعيشو معاهم
نجية: ومها واااعرة!!! يا لطيييييف غير هازة نيفها لسما
حمزة: واعرة على راسها.. حتى حنا دابا مدرنا والو
نجية: عاود هضر معاها اولدي وفهمها راه المرا لي كتبع الراجل ماشي الراجل لي يتبع فالسكنة
حمزة: هي مبغاتش تسكن هنا فهاد الدار
نجية: علاه مالها الدار زوييينة والا بغات تعاود لفراش تعودوا حتى حنا بغينا لي يدخل الفرحة لهاد الدار ويقادها..
حمزة: مبغاتش تكن فدار كنت مزوج فيها
نجية: اممم معرفت اولدي البنت باينة درويشة وزييييينة وحتى داك لوليد بسلامتو بحال دواااا تحطو على الراس وتبرا
حمزة: (زفر) هداك الولد هو لي مسخفني توحشتو دايرو بحال ولدي كنشوفو كتقول محمد ولدي لوكان عاش غيكون بحالو واخا مشفتوش ولكن كنقول غيكون هكا فطوكوبي..
نجية: (بحزن) الله يرحمو..
حمزة: سماتو محمد على سميت المرحوم
نجية: ياه!!!!
حمزة: والله
نجية: سمع اولدي عاود هضر معاها وسايس معاها بالعقل نتا باغيها وهي باينة باغاك علاش تشدو زكيييير
حمزة: يكون خير.. أنا غنخرج نلعب ماتش مع دراري..
ملاك: (صورت السرتلة للي فيدها وصيفطاتها فلواتس لخوتاتها ومها عاجبها الحال) كتحمق!!!
اورطيغا : متوريهاش الوالدة
ملاك: علاش؟!
اورطيغا: حتى تجي ونشريلها شي حاجة
ملاك: تشريييينا
اورطيغا: (بلا ميحس صبعها وبقات كظحك) ههه نوضي لمك بقالي غير نتعاطا معاك
ملاك: هه… (دخلو للدار حالف ليها مياااكلوش برا بقات كتجاوبهم فلواتس حتى وقف عليها مزول ليها التيليفووون)
غتنزل للمحال؟!
اورطيغا: اه.. ديرينا بحال داك لݣرتان ديال داك نهار
ملاك: ها!!! راه باقي من لبسطيلة نحطها لعشا غير باش متلاحش فزبل حشوووومة نعمة سيدي ربي تلاح فزبل
اورطيغا: صافي صاوبيلي شي مقيلة معاها باغي نغني
ملاك: (ميقت فيه) لعشا راه حدوورا
اورطيغا: قادي بي قلت ليك
ملاك: اممم إوا جيب معاك مونادا
اورطيغا: لا.. صاوبي شي عصير حسن ليك.. (خرج وهي بقات كتقلب فاليوتيوب على هاد لمقيلة كانت الكفتة ناضت قداتها جبدت شنو غتسخن وقدات سلطة بالخضر مطيشة ولخيار.. مسخاتش تحط دوك دبالج عمرها كانت معمرة راسها بذهب ولكن دابا عشقااااتو مشات بدلت حوايجها ولبست بيجامة يخيخنة ولكن مزيرة شافت كريشتها فلمرايا)
واخييييرا مغنحشمش من هاد لكرش بعدا الحمل غيكالي عليية الكروووش هاد شهوور غير نولد ندخل لاصال
(هاد الجملة كتقولها 10 سنين وعمرها دخلت لاصال..
دازت مدة طلع للدار نيشان دخل دوش لقاها كتهضر ابيل فيديو مشا طفا الويفي خرجت كتقلب مالو لقاتو مطفي وهو يعيط ليها للبيت)
ملاك: نتا لي طفيت الويفي ؟!
اورطيغا: اه.. دخلي وسدي داك لباب
ملاك: شنو عاود ياكما مخبي شي حاجة اخرى!!!
اورطيغا: اه.. اجي تشوفي ( زول الفوطة من على نصو وهي طرطق عينها) شنو اول تشوفيه!!!!
ملاك: باسم الله عليك!! مالك؟!
اورطيغا: اش غندير فهاد اليتيم!!
ملاك: هه مووووراااد
اورطيغا: والله يا مك ديك خمسة دالمليون حتى نخرجها منك من هاد نهار مكاين غير 5 داخلة 5 خااارجة!!!!
ملاك: هه وااااا غير نتعشاو بعدا
اورطيغا: تنسبقو بليتاامة هوما لوالة (كيشير ليها بيدو تجي وهي كتحرك راسها بلا) الا جيت انا غندير فيك ما بغييت
ملاك: يااااه ݣاع معندك مع الرومانسية ماشي هكا كتبداااا
اورطيغا: الرومانسية نديرها معاك منين نكون شااابع ماشي محرووووم.. تجي ولا نجي!!!!
الغالية: (عيات دورها فراسها كتشوف بنتها رجعت كتذبال نهار على نهار صونات على ختها وخوات قلبها مزياان بكات ولامت راسها على ما وقع لبنتها.. فاقت صباح لبست لولد غيثة فطراتو وعيطت على يوسف يجي عندها..
دخلت عند بنتها لي مظلمة عليها بيتها)
غيثة!!!
غيييييثة!!!
غيثة: (دايرة راسها ناعسة مجاوبتهاش، خرجت مها وبقات فبلاصتها.. حاسة بعظامها تقاااال مقادرة دير واالو باغا غير تكى ومعندها خاطر لحتى حاجة حتى من ولدها معندهاش الطاقة لي تشدو وتلعب معاه وتعتاني بيه…)
الغالية: (تسنات يوسف فالجردة دخل هز محمد كيلعب معاه)
…هادشي لي بغيت ندير اولدي!!
يوسف: (سمع ليها) معرفتش الوالدة!!
الغالية: انا عارفة اولدي وعارفة شغااالي
يوسف: للي بغيتي.. ياك نتي غير غتشرحي ليهم
الغالية: اه..
يوسف: صافي واخا نعلم خديجة (صونا على خديجة توجد راسها باش يمشيو لصفرو وحتى هي كانت نبت باغا تمشي دازو عندها ومشاو فطريق ساكتين..)
~~~~~~~~~~~~~
ملاك: (فاقت من نعاس مسخسخة من داكشي لي دوزو عليها اورطيغا فالليل دخلت دوشت لبست حوايجها صلات ومشات للكوزينة سخنت ملوية وقدات حليب بلويزة ومشات لبيت كتفطر جاتها لحظة إدراك وبقات كتخمم وهي تبدا تبكي وتقول مبكاااات حتى سالتها بشهييق..
رجع اورطيغا من الݣرنة باش يدوش دخل عندها لقا عينيها منفوخين وباينة عليها بكات، بقا مبعد وتمت على الحيط)
مالك!!!
ملاك: (بصوت مخنوق) والو!!
اورطيغا: هضري مالك!! عاد خليتك صحة سلام صباح!!
ملاك: (طرطقت كتبكي وتهضر) توحشت خدمتي!!
اورطيغا: (بقا واقف حيت ريحتو خانزة وهي كتبكي) واش ناقصك شي حاجة معايا اصاحبتي؟!
ملاك: مناقصنييش ولكن ديك الخدمة شحال قرييت عليها وكانت عاجباني ومرتاحة فيها وفالتالي لاحوني
اورطيغا: انا ندوش ونجي عندك
(مشا كيزرب دوش بالخف لبس حوايجو ومشا عندها كانت غير ساهية جلس حداها وجرها معنق راسها فصدرو وهي غير كتنهد)
ملاك: عمرني نسمحلها هي لي ضيعااني فخدمتي انا بغيتها ديما ضييييع عمرني نسمح ليها الكلبة ولاخر الله يعطيييه موتة دلكلاب
اورطيغا: (كيطبطب على كتفها) مبقى والو وترجعي ليها
ملاك: انا عارفاك نتا مباغينيش نرجع لديك الخدمة
اورطيغا: صراحة لا
ملاك: (تهزت من عليه وشافت فيه) علاش؟؟؟؟؟ ياك فاللول شرطتها عليك ونتا براسك قلتي معنديش مشكل وكان عاجبك الحال
اورطيغا: ماشي على حسابي مباغيكش ترجعي لتماك على حسابك نتي!!! نتي عارفة الهضرة دغيا كتوزع وانا مغنحير حتى فواحد الله يجعلني ندخل على الز**** للحبس الا شي واحد غير شير عليك بصبعو ولكن نتي مبغيتكش تآذاااي واش فهمتيني شنو بغيت نوصل ليك.؟؟!!!
ملاك: انا مدرت والو باش غنحشم من شي واحد هوما خاصهم يفهمو انا مدرت والو انا غير دااارت بية راه انا لي ضحية فهادشي
اورطيغا: عارف املاك ومن نهار اللول وقفت معاك وكنت معاك ولكن واش كل واحد نبقاو نشرحو ليه وانا غير عطيتك فاش تنفكر اما نهار تبغي ترجعي ليها حتى واحد مغيمنعك وانا اول واحد نكون معاك
ملاك: (تغرغرو عينيها) هنا حتى واحد مفخبارو يمكن
اورطيغا: (كيلمس على حنيكاتها) وصافي احبيبي منين نتي باغا ترجعي رجعي انا نوصلك ونجيبك
ملاك: غتكون وصلاتهم زعما؟؟؟
اورطيغا: راه إدارة وحدة احبيبتي علاش مدفعيش معرفت شنو هاديك الشهادة للي تتجلسي فيها بزااف يمكن بلا خلاص حتى تبغي ترجعي ورجعي ومنها متعييش راسك حتى تولدي ووليداتنا يكبرو شي شوية ورجعي عمري وقتك
ملاك: (قنعها اصلا هادي فكرة ديالها غير بغات تسمع منو هو انه فأي وقت غترجع لخدمتها وميولفهاش انها ربة منزل)
معرفتش!!
اورطيغا: شوفي دابا نساااي هادشي انا نهبط نكمل شي لعيييبة قادي لينا شي حاجة ناكلوها باش تخرجي معايا
ملاك: فين؟!
اورطيغا: الليدو
ملاك: مبغيتش نهبط تماك صافي مبقيتش كنحمل ديك لبلاصة
اورطيغا: (تبسم) معليش غير ديريلي خاطري
ملاك: (بزعااف) وشنو بغيتني نطيب ليك؟؟؟؟
اورطيغا: انا جبت شي لحيمات ديرينا شي طويجييين
ملاك: بففف
اورطيغا: بالبصلة املاك عاود ديري لحم وزغرتي عليه… (باسها وناض) حقا شنو غيخصك فتقدية درمضان
ملاك: اممم انا نكتبها (معارفة متكتب)
اورطيغا: صافي.. (ناضت مشات كتصوني على مريم لقاتها خرجت دير الجلبة لبنتها صونات على خديجة كانت فطريق لصفرو ، صومات على مها حتى هي مشغولة كتوجد لضيااف صونات على نعيمة هي لي عتقاتها..
كملت وبقات كتفتي عليها شنو تكتب وكل حاجة كتقولها فاش تحتاجها..
طلع كان الطجين مزال كيطيب وهي تجيد الليستة وهو كيقرا)
اورطيغا: وهادشي غطيبيه!!
ملاك: نحاااول
اورطيغا: اممم مزيان، انا نعاونك مرة مرة
ملاك: نتا صاوب لينا داكشي ديال ستيك ولابيغي
اورطيغا: كولشي يحصر لحبيبي
ملاك: (فرنست) حقا غدا مخاصنيش نغيب حيت دايرين لينا حصة المملحات (تبسم) راه غير عليك كندير هادشي اما انا معندي غراض اقرب مخبزة ولا تريتور ندموندي ومريضنا معندو باس
اورطيغا: انا باغي كولشي من يديييك
ملاك: (بدلع) وشنو نستاهل!!!
اورطيغا : تستاهلس (تفكر السرتلة) متساليني منساالك نهار ندير المزيااان معاك ن*** شي ***** مبرعة
ملاك: ههه غير خاااتم ديالهم!!! (كتحرك دباليجها)
اورطيغا: سيري حطي الطاجين املاك ونسااااااااي..
خديجة: (وصلو لصفرو خرجو من الطموبيل وتم جاي عندها باها لي كان معلوم بزيارتهم سلمو عليه وهو مرحب بيهم… يوسف بقا مع باها شاد ولدو وهي والغالية مشاو للدار)
واش تبغي تهضري معاها فالدار ديالها؟؟؟
الغالية: اه… تماك حسن
خديجة: واخ.. (دقت على دار حمزة وخرج هو حل ليها لباب)
خويا حمزة لباس عليك ؟؟
حمزة: (تصدم من الغالية لي حتى هي تماك) الحمد لله ونتي (شاف فالغالية لي هازة محمد) سلام
الغالية: سلام اولدي.. (جاية مرضياش ولكن هاد المجية كانت ضرورية) بغيت نشوف الوالدة ديالك
حمزة: (كان كيعاون مو فالتسياق) امم اهاه دخلي مرحبا دخلي اختي خديجة
خديجة: انا نشوف ماما ونجي اري نشد عليك محمد حتى تجي للدار ومنها يبقى مع غزال
الغالية: غيبرزطك
حمزة: لا خليه يدخل هنا انا نشدو… (جبد الكراطة وجر لما القادووس تحت أنظارها، خديجة مشات لدارهم والغالية بقات حدا لباب كتشوف فيه كيجبد الما محايدو من تماك دخلها ومو خرجت من الكوزينة مفاهمة والو كترحب شدت من عند ولدها الكراطة )
غير خليك انا نكمل هادشي دخلي الالة الغالية
الغالية: (دخلت كانت الدار زوينة عادية دار ملاك حسن منها فالعناية والزريعات لي دايرين والفراش هادي كانت عادية ممهلينش فيها.. دخلتها للصالون كتشوف حمزة كيكرط داك الماء مزيااااااان)
سمحولي على هاد المجية مكانتش على البال ومقلت لييكم والو!!!
نجية: مرحبا مرحبا نهار كبيييير هدا اختي االغالية
حمزة: (مشا لبيتو ونفس السؤال لي ضاير عند بزاف علاش جات؟!!!! بدل حوايجو)
الغالية: لالة نجية بغيت نتكلم معاك نتي والابن ديالك الا جات على خاطركم
نجية: واخ.. أنا نرد كاس أتاي
الغالية: لا لا بلاش عليك
نجية: لواه لواه مجيتك غالية الالة الغالية ههه
(شافتها مظحكتش غير تبسمت تبسيمة مواصلاش العين)
احم..انا نجي دابا!!
(خلاتها وحمزة دخل عندها الكوزينة كيهضرو غير بعينيهم حطت احسن ما عندها فلماعن والحلويات هو بقا غير واقف باغي يعرف شنو وااقع؟!!)
اجي راه بغات تهضر معاك
(مع دخل محمد كيهز يدو لعندو باغيه شدو حمزة وجلس مقابل معاها كيشوفها بحال حشمانة الهضرة مخرجتش من فمها)
حمزة: غيثة لباس عليها؟!!!
الغالية: الحمد لله هي معارفاش انا جيت هنا..
حمزة: (حرك راسو باه) مرحبا بيك
الغالية: انا بغيت نوضح ليك ان غيثة بنتي وحتى حنا ماشي جرينا عليك منين شرطت داك الشرط ديال تسكن ففاس
حمزة: من حقها تشرط فاش هي مرتاحة
الغالية: ونتا مرديتش علينا
حمزة: لالة الغالية انا مغتسمحش فالوالدة ديالي هي عندها غير انا وانا عندي غير هي!!! غيثة الا بغات تجي تسكن هنا غنديروها فعينينا مغيخصها والو بحال كما عايشة عندكم من غير هادشي مغنخليش الوالدة ديالي تبقى بوحدها!!!
الغالية: (شافت فنجية لي دخلت هازة الصينية) هي مبغاتش تفرقكم فاش قالت الشرط زعما بغاتكم تسكنو مجموعين ففاس
حمزة: (كيهضر مبرد ومأدب) حنا عندنا الدار فصفرو الالة الغالية وكولشي عندنا هنا
الغالية: هي مسخاتش بفاس وباغاك حتى نتا
حمزة: (ممتيقش الغالية هبطت كواريها وجاية كتسااااوم)
انا غيثة بغيتها وانا لدابا باقي باغيها ولكن الشرط لي قالت صعيييب
نجية: (حتى هي متعجبة من لي مغرورة جاية عندهم حطت الضيافة فوق الطبلة) اولدي انا منوقفش فطريقك
حمزة: حتى واحد مقالك الوالدة نتي واقفة فطريقي كما بغيت هاد بنت الناس نعيش معاها كما منقدرش نعيش بلا بيك حتى نتي
نجية: (عينيها غرغرو بالفرحة)
الغالية: (شافت فنجية) حتى فاس تعجبك
حمزة: وعلاش غيثة متعجبهاش صفرو؟؟؟؟ (عندو شك كبير أن هاد الشرط ديال الغالية كتر من غيثة)
الغالية: لا حتى صفرو زوينة هي غير قالت تما كاين مستقبل كبير ليكم بجوج ولولدها محمد ونكون كاملين قراااب
نجية: (حشمت) معنديش مشكل نمشي
حمزة: الوالدة هدا راه دواااام
الغالية: غيثة نتا عارفها اولدي (هز حاجبو من هاد الكلمة حيت من نهار شافتو وهي كتستصغرو ودابا كتقول “”ولدي””) مناش عانات وشنو دوزت!!
حمزة: واخا هكاك كان شرط أناني منها..
الغالية: (جاتها لبكية) انا غير بغيت نوضح ليك هي كان قصدها تبداو من جديد بجوج بيكم.. (صافي هنا خاصها تحبس الهضرة وقفت)
انا غنمشي
نجية: (بقات فيها) لواه لواه اختي الغالية جلسي شربي معانا كاس أتاي وتغداي معانا
الغالية: معليش مرة أخرى
نجية: والله حتى تجلسي معانا
حمزة: (غير كيشوف حالة الغالية وانكسارها وبالعربية وتاعرااابت طيحت من كواريها وجات عندو حتى لدارو!!!!)
الغالية: بلا حلوف الالة نجية نخليوها مرة أخرى أن شاء الله غتكون لالة زهرة تتسناني
نجية: مشربتيش حتى كاسك؟؟؟؟
الغالية: (شافت فحمزة) خليت ليكم الراحة (مشات تهز محمد لي شد فحمزة)
حمزة: (حتى هو مكيسخاش بيه) خليه معايا نخرجو للقهوة ونجيبو ليك
الغالية: وااخا.. راه حتى يوسف ولدي تماك مع سي رشيد
حمزة: (حتى يوسف!!!) صافي واخ..
الغالية: مهم انا غيربغيت نفهمكم بنتي مقصداتش زعما تخلا على الوالدة ديالك باش متفهمهاش غلاط…
(خرجت من تماك ومشات لدار زهرة وهو ومو بقاو غير كيتشاوفو..)
الغالية: (خرجت من عندهم وهي كتمنى غير ميفهموهاش انها جات كتلوح بنتها عليهم هي بغات تفسر هاد النقطة وبغات تعرف واش هو مزال باغيها كما بنتها باغااه..
دخلت عند دار زهرة سلمت عليهم وبقات جالسة غير صاااقرة باين عليها الحزن شافت فخديجة زعما واش نمشيو ولكن هوما وجدو على حسابهم لغدا غيبقاو حتى يتغداو ويمشيو..)
~~~~~~~~
حمزة: (خرج مع محمد مشا لمحال ديال الألعاب مكانتش شي حاجة زوييينة داكشي عادي شرا ليه غير شي حاجة حيت عارف حتى من الألعاب لي كيشربو ليه كاليتي مشا كيقلب على يوسف فالقهوة وتيفكر فكلام الغالية وفغيثة لي توحشها.. جلس شاد محمد عندو كما يوسف شاد ولدو عندو)
يوسف: ولفك هاد لخوينز انا متيبغيش يجلس عندي بزاااف
حمزة: حتى انا ولفتو
يوسف: مقلتليش شنو درت من هداك نهار مرجعنا هضرنا كولها وفاش تشطن!!
حمزة: خويا قضية نسكن ففاس ونخلي الوالدة!!!
يوسف: علاش تخليها الا كنت غتجي هي غتكون معاك واش غيثة لي قالت ليك على الوالدة ديالك شي حاجة!!
حمزة: لا.. غير الوالدة موالفة هنا
يوسف: اممم… انا مغلقاش شي راجل حسن منك لختي ولكن نتا دير لي غترتاح فيه كما هي شرطت نتا تعرف شنو مسلكك
حمزة: (حرك راسو باه)
يوسف: الواليد راه مزال تيتسناك تجاوبو على داك المشرووع هو قالي واخا متكملش مع غيثة قالك مرحباا مزال العرض كااين
حمزة: زعما!!
يوسف: علاش اصاحبي حنا تنشريوك باش تزوج ختنا الواليد شاف فيك راجل معقوول وقالك مرحبا
حمزة: (هو حسابلو العرض كاين غير الا كان شي زواج) الا هكا عمي يشد تماك !!
يوسف: اهاااه نتا غير تفاهم مع الواليد وقادو امووووركم… محمد!!!
حمزة: (طل عليه كان نعس)
نعس، انا نديه لدار..
(ناض من حداه حااااير كان حاقد عليهم حسابلو غيثة غير مجروورة فهاد الشرط دابا بان انهم باغيينو بالصح.. دخل لدارهم كانت مو فين خلاها جالسة كتخمم)
الوالدة!!
نجية: ودابا الا مشينا لفاس فين نسكنو!؟
حمزة: نشريو
نجية: الا نشريو شي دار كاملة انا لتحت ونتوما الفوق
حمزة: علاش صافي بغيتي تسكني تما؟!
نجية: البنت زينة وباغاك وحتى نتا باغيها هاد المرة مغنوقفش فسعدك اولدي ومنوقفش حتى فسعد ديك البنت نتا غير ولدها وشو كيف باغيه عساك مو!!
منين نتا هكا من اللول اولدي قولي انا باغي ديك البنت وانا نمشي معاك فينما بغيت..
غير هو هاد الدار متباااعش بيع لي فالحي جديد شري دار ففاس
حمزة: معنديش النية نبيع هادي
نجية: مرة مرة نجيو ليها
حمزة: يكون خييير….
حمزة: (بقا فلبيت حدا محمد لي نعسو فنموسيتو وهو كيفكر فهاد الحريرة…. جبد تيليفونو وصونا ابيل لغيثة مجاوبتش وعاود رجع صونا جاوبت)
علاشش مكتجاوبش؟؟
غيثة: (قلبها وصل لحلقها، متوترة بحال واقف حداها) مسمعتوش!!
حمزة: علاش مجيتيش لصفرو؟!
غيثة: (باستغراب) نجي؟! مفهمتش!! علاش نجي واش زعما نجي عندك؟؟!!
حمزة: علاش مجيتيش معاهم؟! لهاد الدرجة مبقيتش باغا تشوفيني؟؟
غيثة: مفهمتش شكون جا واش خديجة؟؟ خديجة وخويا جاو لتماك!!!
حمزة: ( هنا تأكد انها مفخبارها والو بقا ساكت شحال) تجاوبيني أبيل ڤيديو؟؟؟
غيثة: (مكرهاتش) ملبساااش!!! (بغات تشوفو ولكن خاصو يكون ملح ومقنع على هاد الغبرة لي دار)
حمزة: بغيت نشووفك اغيثة هضرتنا مزال مسالات
غيثة: نتا لي بغيت تغبر اما انا بقيت تنتسناك
حمزة: مصعبتيهاش علية؟!
غيثة: صعييبة علينا بجوج انا غير فكرت مدام نكريو بعيد على داركم الأصلية نسكنو هنا ففاس فأي بلاصة تبغي ونبداو بجوج بينا
حمزة: علاش فاس بالظبط!!!
غيثة: معنديش مشكل نمشيو لشي مدينة أخرى بلا فاس وصفرو
حمزة: والوالدة؟!
غيثة: عمرني نفرط فيها وغنديرها بحال ماما اصلا مكنتش ناوية نفرقكم نتا لي مفهمتنيش كما نتا مفتفرقنيش على محمد هكاك حتى انا
حمزة: اممم.. بغيت نشووفك
غيثة: نتا ففاس؟!
حمزة: لا.. غنجي على ودك فلعشية نشوفك غنقولها لخوك باش تخرجي عندي
غيثة: واخ..
حمزة: (بقا ساااكت حتى تسمع صوت بكا محمد لي فاق مخلووع)
غيثة: شنو هادشي؟!
حمزة: ولدي
غيثة: اشمن ولد؟؟؟؟
حمزة: ولدي فاق مخلووع
غيثة: (قلبها ضرب حسابها شي ولد اخر) مفهمتش!!
حمزة: انا فلعشية نجي عندك
غيثة: لا قولي شكون هاد الولد كفاش ولدك؟!
حمزة: بلاتي ونوريه لييك..
ملاك: (بقات كتشوف دارها كانت الفينيسيون كااملة شافت فيه ومشات عنقاااتو وبقات حاطة راسها على صدرو)
جات زوييييييينة
اورطيغا: بصحتوووو
ملاك: شكرا بزاااف.. (مجاوبش) فنظرك نكريها ولا بلاش خفت يكرفسوهالي وهي جديييييييدة
اورطيغا: خاص نعرفو لمن تكرا كاين بنات نقيات (ضرباتو لكرشو) كراايا املاك غتغيري من كرايات عندك ونتي مولات هادشي كاامل
ملاك: اه مولات كولشي وحتى من مولا هاد العمااارة ديااالي
اورطيغا: هه.. مهم شنو بانلك؟!
ملاك: صافي نتا تكلف
اورطيغا: شحال تبغي تكريهم؟؟؟
ملاك: معرفتش على حساب الا كانو شي بنات لي محتاجات بزاااف متغليش عليهم شحال من وحدة مسكينة كتجي معندهاش وباغا تقرا باش توصل وتصوڤي راسها وعائلتها
اورطيغا : ألاا!!! نتي هادي؟!
ملاك: وشنو حساااابلك ندير الخير نلقاه..
اورطيغا: معرفت اشمن خير درتي باش لقيتيني!!
ملاك: ههه التوااااضع!!!!
اورطيغا: وااااخا لالة.. والفراش؟؟ ودوك الماعن؟؟ وهادشي اي عندك هنا؟!!!!
ملاك: معرفتش!! قلت الثلاجة والفران ولي يحتاجوه خليه ليهم والفراش لاخر..
اورطيغا: انا غنديهم لدار اخرى حتى نبيعو
ملاك: نبيعوليك ونتا ديرو فشي أپاغطومو تبقى تكريها مفرشة كما كنت داير فلبارتما لي كريت لولد خالك نهار ضريب صدااق مع وفاء!!
اورطيغا: (كمش عينو فيها متبسم) تبيعيه لي أنا!!
ملاك: تعلمت منك حاجة اكبييييدة الخدمة فجيهة وحبنا فجييهة اخرى!!!
اورطيغا: هه واخا لالة
ملاك: ولكن شرط عليهم ميوسخولييييش الدار
اورطيغا: متخافيش من اللول كنديرو معاهم كونترا
ملاك: كاري ديور ديالك كاملين؟؟
اورطيغا: تقريبا
ملاك: بشحال!؟
اورطيغا: كل وحدة وبشحال حيت كاين لي كاريها غير بيوت كاين لي مكرية مفرشة وجوج دايرهم مكاتب
ملاك: اممم (كمشت عينها) وداك المشروع ديالي فإينا ݣراج غنديرو؟!
اورطيغا: (متبسم) باش جاية باش ضايرة!!!!
ملاك: ونتا لي قلتلي نديرلك مشؤووع باش تلهااي فيه!!!
اورطيغا : هاد الساعة المشرووع ديالك هو أنا وولادك
ملاك: اممم
اورطيغا: وغنعطيك شهرية ديالك
ملاك: بلاش عليك براكة غير الدار لي فينيتها
اورطيغا: كل مرة نخلي ليك شي براااكة ونتي لي بغيتيها ديالك وخلي شي يامات غنبدل ليك الطموبيل (فرنست)
بشرط تعلمي طياب دغيا املاك
ملاك: كون هاني
اورطيغا: مكاينش لي كيخلع جد امي قد هاد كون هاني ديالك نتي..
غيثة: (عرفت من خديجة راه مشاو لصفرو استغربت من مها لي مقالت ليها والو يعني حمزة كان عندو ولدها منين قاليها ولدي!!
وكفاش وقع هادشي بلا خبارهاا!! جاها فضول كبيييير ومها مجاوبتهاش فالتيليفون هي غتعرف تعرف..
مشات للصالون بغات تقاد حالتها وبشرتها لي هملتها بزااف ومنها تقاد باش لعشية يتلقاو جاها بصيييص أمل انه غيقبل بشرطها ويرجعو بجوج وحتى ميقبلش ممكن تنازل وتسكن معاه فصفرو ولكن ماشي فدارو يكري ولا يشري فشي بلاصة اخرى!!!)
يوسف: (كانو راجعين من تماك من بعد متغدااو) شنو بانلك الوالدة فاش هضرتي معاهم!!!
الغالية: (تنهدت) الناس درااوش وحتى الولد باين مرضي لقيتو تيسيق لمو الدار
يوسف: حمزة ولد عائلة
الغالية: مزال طامعة يسكنها حدايا ختك كنت غنخسرها مرة وجوج مبقيتش قداها تبعد من عيني
يوسف: (سكتو حيت القرار كيرجع لحمزة وحتى لغيثة.. وصلوها للدار وخديجة كانت دايرة مع ملاك باش يخرجو يتقداو داكشي ديال رمضان)
انا غرجع للخدمة غير تكملي عيطيلي
خديجة: صافي الا ملقيتنيش فالدار غتلقاني فدار ملاك
يوسف: وسليمان؟؟
خديجة: منين نكملو شغالنا غندوزو عند داركم ناخدوه يبقى معايا هاد الليلة
يوسف: غير خليه مع الوالدة باش ناخدو راحتنا شوية.. (مطلعش معاها للدار مشا لخدمتو ولقا الياقوت تماك اصلا كانت دايرة معاه هاد الوقت بقا واقف حدا طموبيلتو مبغاش يدخلها المكتب ديالو… جات عندو وهو مكره من شوفتها ميمكنش شحال رجع كيكرهها)
شنو؟!
الياقوت: توحشت ولدي بغيت نشوفو
يوسف: شنو عاود غتخلوضي؟!
الياقوت: بغيتو يبقى معايا هاد السيمانة
يوسف: (مكيشوفش فيها) منقدرش
الياقوت: راه ولدي أيوسف!!!
يوسف: منقدرش نتيق فيك الياقوت هو تيعرف انا باباه وخديجة هي ماماه نتي والو بالنسبة ليه وحتى يكبر غنعاود ليه كووولشي.. نتي بالظبط مصالحاش تكوني أم
الياقوت: (بكية فحلقها) سليمان عندو أم وحدة هي أنا
يوسف: اشريفة راك عام والصرف مشفتيهش متيعرفكش اصلا حتى فوجهك كفاش أم وحدة!!! ضربي طليلة على خديجة باش تفهمي شنو هي أم!!
الياقوت: (جاتها لبكية) ندمت بغيتو دابا
يوسف: لا
الياقوت: شوف بلا منوصلو هادشي للمحاكم انا ولدي بغيت نشوفو.. مرة عندك مرة عندي بغيتو يعرفني ويولفني حتى انا
يوسف: (بقا كيشوفها كتبكي) اجي لدار عند الوالدة شوفيه تماك
الياقوت: يوسف انا غنتزوج هنا فالمغرب وبغيت ولدي يبقى معايا مرة مرة ماشي نجي نشوفو بحال شي برانية
يوسف: موستحيييييل ولدي يبقى فشي دار من غير دار باااه
الياقوت: انا ماماه
يوسف: مشغلييييش ولدي يبقى مع راجل من غير باه راه غير تتخوري
الياقوت: هدا لي تزوجتو راجل مزيااان وقااابل يكون عندي ولد ماشي بسكن ديما غير مرة مرة يكون عندي
يوسف: دوماج راجل مزيان تجمع مع وحدة خبييييثة
الياقوت: عفاك!!!
يوسف: شوفي غير نساي بغيتي تشوفيه عند الوالدة مرحبا وتكون خديجة مبغيتيش احسن حاجة خلي الولد راه تيتربى فجو مزيااان..
(خلاها ودخل مخليها كتبكي وشهيقها كيتسمع ليه…)
ادم: (متهنى حتى عرف توفيق فين كاين مشا لتركيا بسهولة حيت مجنس والفلوس كالروز.. والعنوان للي عطاه الدري لي صاحبهم بجووج لقاه فيه، بقى حاضيه كل مرة فين كيكون وهاد نهار عول يتواجه معاه تبعو فين غيمشي كان التوجه لبواااط هو كانت عندو انڤ وادم خلص الضوبل باش خلاوه يدخل حيت جنسيتو فرنسية..
جلس فكرسي بعيييد داير كاسكيط وفوقو القب ديالو ونظاظر قاني عليه وتااابعو فينما مشا حتى شرب مزيااان ونغااامس فالاجواء لي كولها سخب ونشاااط..
شافو مشا لطواليط كيتمااايل تبعو كيحاول ميبانش فالكاميرات ومن ديما هدا هو اسلوبو كيبغي يكون كتر من حذر وكان هاز باسبور يكمل معاه ويرجع لفرنسا لي كان حاجز تذكرتو!!!
مع دخل كان طواليط عامر بقا كيشوف فلمرايا كيشوف انعكاس ديال صبابط خرج اللول التاني بقا واحد يعني توفيق كاين تماك وجد المووس ودخل خالع توفيق لي واقف تيب** )
توفيق: (هز سروالو دغيا وهو مزال كيديرها على حوايجو)
ادم!!!!
(هز يديه منين شاف الموس وزاد تخلع) شششششششنو تدير هنا!!!!
ادم: معندك فين تهرب مني!!!
توفيق: شنو درت ليك؛!!!
ادم: غيثة!!! من التالي ومنخلوش ونخرجو فالهضرة!!!!
توفيق: انا راه صاااحبك
ادم: كنتي تتعلب من ظهري!!! نتا لي حملتها!!!
توفيق: لا!! (برعب) شكون قالك هادشي؟؟؟
ادم: كولشي فالمغرب عارف؟!
توفيق: لا (بالخلعة بقا غير كيحلف ليه ويبكي بغا يغفلو يحايد ليه الموس وهو يضربو لراحة يدو فارقها على جوج زاد كيبكي كتر)
ادم: (التقة لي عندو فراسو كتعطيه القوة يبان هو القوي واخا هو ماشي شي قوة ساهلة الواحد يضربو ويزيد مخلفو)
نتا هو باه؟!
توفيق: (شاد يدو كيبكي وخايف مقسح وعند بالو راه ادم عندو الحماية برا طواليط حيت من ديما عارف مكيكونش بوحدو ومكيدير الحاجة حتى كيكون ميقن منها وعندو لي يطاكي عليه هكا كانت الفكرة ديالو..)
عمرني قستها ولا قربتها
ادم: وشكون!!!!!؟ شكوووون؟؟؟؟
توفيق: مرااااااد راه شحال من مرة شفتها معاه والله الا هو لي باه انا شفتهم بجوج
ادم: (حرك راسو بلا) نتا!!! نتا هو باه!!!! علاش كولشي متأكد نتا هو لي حملتها؟!!!!!
توفيق: غير كدووووب بغاو يلسقوها فية داك مراد منين شافني هربت قال يلسقها فية راه نوض الفتنة عندهم وسرق حتى الحاج خلاه يكتب ليه محالات تماك عيط وسول شوف شنو دار فالمغرب
ادم: مشغليش فالمحالات شغلي فغييييييثة!!!
(دفعو بغا يهرب وهو يتكوووو بالموس فكرشو حتى لاخر تكوانسا)
هاد المرة غنذبحك!!!! قول الحقيقة!!!
ملاك: (عاودت ليها خديجة كووولشي شنو وقع فصفرو) زعما حمزة ميفهمهاش راه جاو كيرغبوووه على زواج
خديجة: هوما ماشي رغبوووه غير الغالية بغات زعما تشرح راه ماشي بغاو يفرقوه مع خالتي نجية
ملاك: اممم اوا على الله ميفهمهاش عوجة حيت انا نكون بلاصة غيثة ميعجبنيش الحال
خديجة: موحال واش يفهمها غلاط بلعكس انا جاتني خطوة زوينة دارتها الغالية ونزلت كواريها شوية
ملاك: (سمعت لباب تحل وهوما يسكتو دخل مراد سلم على خديجة وهز بنتها كتشوف فيها كيحماق على دراري صغاار)
هاحنا نشوفو منين يجيو هادو كفاش غيحمقوووك
اورطيغا: مشحاط واحد يدوز عليكم بتلاتة
ملاك: وانا علاش؟!
اورطيغا: حيت صلابة لي فيهم غدوزيهالهم وانا غلقى السبة علاش غنسلخكم ونتي اولهم
خديجة: ههه
ملاك: باش أقرب جمعية حقوق المرأة والاطفال وشوف تيفي تكون عندك هنا
اورطيغا: هه ساهلة تقلبيها علية
ملاك: اواااااا رد بالك
اورطيغا: (حط بنت خديجة) ياله نوصلكم
ملاك: انا غنمشي بطموبيلتي ولا عطيني طموبيلتك حسن
اورطيغا: لا
ملاك: على مسمووووووم شحال من مرة كنعطيك طموبيلتي علاش نتا مكتسخاااش بقزديرتك
اورطيغا: ألاااا يا نوصلكم ولا سيري بديالك
ملاك: اوا عقل.. (دخلت من موراه لبيت كترغبو عاود يعطيها طموبيلتو ووالو عمرها عطاها ليها ولا خلاها تسوݣها.. عطاها فلوس)
صافي هادو كافيين
اورطيغا: عارفة شنو غتقداي؟!
ملاك: خديجة عارفة لي شراتو نشريه معاها
اورطيغا: سيييييير على الله زلعي وشتتي مهم دوك الفلوس وفالتالي غنفطر معاك ببيض مقلي وخلييع
ملاك: ههه لي طيباتو خديجة ذوقنا منو…
~~~~~~~~~~~~~~
ادم: (شاف توفيق كيتعصر ويدو عمرت دم لدرجة رجليه فشلو دار الموس تحت حوايج يدو وخرج من تماك بحال مدار واالو متوعد يرجع ليه حيت حس بيه انه بالصح هو مول الفعلة..
مع خرج برا لبار ضربو شي واحد بقرطاااس ودفعوو داخلين بيهم بزااف لبواط يكملو..
كان عمل ارهاااب**ي هو شد فكرشو وبقا مصدووووم واقف مفاهم والو شكون هادو وعلاش تضرب وكفاش تضرب!!!! كيسمع غير غوات الناس وعاد لي تمو هاربين من لدااااخل دفعينووكتر هو طاااح حال عينيه مطرطقهم مصدوووووم حتى تسمعت بوووووووم وبداو كيطفااااو عينيه ومبقى عاقل ولا شااايف شي حاجة ولا شنو عاود غيتداااار فيه!!!)
سعد: (عيا يصوني على ولدو كان تيليفونو مطفي..
صونا على واحد من دراري لي كاينين تماك وساكنين فدار وحدة علموه بأنهم مشافوهش يوماين وكان جالس مع شي مليكة تعرف عليهم، قطع وبقا حااااير جا عندو باين ادم لي من ديما مكيتفارقوش وصحاااب)
…. واحد ادم مبقاش غيرجع للمغرب؟!
أب ادم: مبغاش راك شفت الباطل لي نزلت عليه ديك بنت الزنقة مسخوطة الله يسخط عليها!
سعد: بنت الغالية؟!
أب ادم: اه شكون من غيرها!!! شفت تحاليل الأبوة لي دار تماك ولدي ففرنسا وقريتهم بعيني تأكدت داك الولد ماشي من صلبو!!
سعد: اممم بغات تلسق فيه؟!
أب ادم: حتى ميكونش ولدي نزق باش تلسق فيه!! هو ماأكد ان داك الولد من الشمكار، غلطت نهار اللول كنت ماشي غير نسلخو ونعلمو درس باش ميشوفش لبنات سيادو ساعة كان خاصني ندير ليه شي إعاااقة ونتهناااو منو فمرة!!
سعد: عاد الموصيبة الكبيرة لي خلات عمتي فلفراش ولكن منين غيجي الحاج يا غيدير عقلو يا غندخلو القانون فهادشي
أب ادم: علاش تسنااااو حتى يرجع من دابا رجعو المحال الحاج تتقول ماشي فوعيو وهادشي فمصلاحتكم
سعد: سولت المحامي خاص يكون هو هنا من غير الا مرجعش ومات تماك عاد غنرفعو الدعوة
أب ادم: هاد التزويجة لي دار الحاج كانت من اللول غلط فغلط
سعد: وشكوووون سمعك داك المحال ساوي فلووووس صحييحة ملااااير.. وعطاه بااطل لولد ماشي من دمو ومخلينا حنا وولادنا!! على الاقل يعطينا حنا داك المحال لي جاي الموقع ديالو فأحسن حي ففاس ويعطيه هدا بعدا لي أنا محشر فيه عمرني نسمح الواليد على هاد الحݣرة لي تيدير لينا
أب ادم: مخاصوش يعطيه شي حاجة اصلا براكة غير معيشو ونزيدك صدق شاري دار فالبلاصة لي شاري لمراتو فيها
سعد: شرالو دار؟؟!!
أب ادم: ااااه، وهادشي غير لي بان دابا علم الله فاش واكلينو
سعد: واش تتحفر عليه؟!
أب ادم: اه حق ولدي مغنسكتش عليه خلا كولشي تينعت فولدي وحاقد عليه وعاد الجلسة لي جلسني هنا مغنخليييهش هاني!!
سعد: من حقك
أب ادم: (صونات عليه ليلا) عاد بلا داك الحرب لي دار بين الخوت وخلا واحد متيشوووف فلاخر…
سمحلي انا نجاوب على هاد المكالمة (جاوب)
وي ليلا!!
لا متااصلش..
لا حتى واحد متاصل بية من تماك.. علاش؟؟
شنو واقع؟!
(تخلع) كفاش!!!
بلاتي عاودي من اللول كفاش صوناو عليك من تركيا!!!
سعد: (وقف بلا ميحس مخرج عينه) تركيا!!
اب ادم: واش خوك متأكدة هو كان ففرنسا اش داه لتركيا؟؟!!!
…واش غتمشي؟!..
..عفاك ابنتي سيري ميمكنش خوك يبقى تماك واش عندو شي مشكل ؟!
..عفاك ابنتي انا عارفاني منقدرش نسافر
واخا..
خودي لفلوس لي بغيتي.. (قطع)
(ضار عند سعد) عيطو لبنتي من السفارة تماك لقاو صاك ديالو فيه باسبور ادم تماك وشي وراق
سعد: ولدك؟! ياك هو ففرنسا؟؟!!!
أب ادم: مشرحوش ليها قالو ليها ضروري خاصك تجي حيت لقاو نمرتها لي مكتوبة تماك فورقة كاتب عليها ختي…
سعد: (هنا تنووووغش وبقا كيصوني على ولدو حس بالخنقة بقالو حل واحد هو يمشي لتركيا يقلب على ولدو..)
ملاك: (ستفت السلعة لي شرات مع خديجة ورجعت كتعرف المقادير من داكشي لي كتقرا فالمدرسة وحيت كولشي منظم ونقي خاصها ترد كل حاجة بلاصتها ، مدارت والو لعشا طلع عندها لقاها مرونة فالكوزينة عاونها فالتستاف كيوريها كل حاجة فبلاصتها)
عيييت مقادراش نطيب شي حاجة
اورطيغا: (كولشي كيصبر ليه الا الماكلة) نبقاو بالجوع!!!!
ملاك: حشوومة عليك واش مكتشوفنيش عييت راه كتر من شهر مكناكلوش فالزنقة كل نهار كنطيب
اورطيغا: هضرنا فهادشي املاك!!!
ملاك: وانا عييت اليوم
اورطيغا: ديپانينا غير بشي حاجة
ملاك: نتا كطلب داكشي بزااف والله الا ظهري غيتقسم راني حااااملة وبتوام ونهار كامل كنتقدا متعيقش علية حتى نتا
اورطيغا: شحال فيك ديال تبوحيييط!!!
ملاك: واغير هاد نهار
اورطيغا: شنو بغيتي وكااااان!!
ملاك: لي جبتي لينا انا بحرا نكمل هاد روينة وبغيت ندخل ندوش
اورطيغا: خليييها مغوفلة شوية (شافت فيه مفاهمااااش) داك ط***** متحسنيهش
ملاك: واش مكتحشمش!!
اورطيغا: هضرت معاك خليها عليك هاد الايام
ملاك: (هنا حشمت ديال بالصح) تأ…. بفففففف (ضارت كتستف مستغربة من هاد الطلب!!!)
اورطيغا: (خرج من تماك ورجع المحال لقا شفيق تماك عارفو علاش جا دخل كيتأفأف طلعلو فصحتو وتبعو لداخل)
شنو تما عاود!!!
شفيق: خود المحال ديالي وعطيني هدا!!
اورطيغا: واش متتفهمش انا هدا شريتتو مبقاش ديالكم
شفيق: سعد غيمشي للمحاكم
اورطيغا: سيرو حتى **** شغاكم هداك انا عندي كولشي قانوني
شفيق: حتى دابا نسهلها عليك ومتخرجش خااوي خود نتا المحال ديالي وخلي لي هدا راه الا دخلنا المحكمة مااا غتبقى رابح لا هدا لا هداك ونتا لي غتخرج خاااسر فيينا
اورطيغا: خرج **** علية من هنا!!! منين يجي باكم وضبرو ***** معاه
شفيق: اخر كلام
اورطيغا: (كيبان ليه غير ينزل عليه بكروشيات ولكن مكيقدرش وجه الحاج غااااالب خرج لاخر وهو بقا كيمكمل شي حسابااات لي تزادو عليه وكانت ملاك دغيا كتفكو فهادشي هز داك لبيسي ودوك لوراق وطلع عندها وخلاها كتقاد داكشي ومشا يجيب ليهم لعشا.. رجع كانت ياله كملت، شاف داكشي)
الله يرضي عليك
ملاك: عقلتي فاش كنت كنقاد ليك هادشي
اورطيغا: من اللول قلت ليك خدمي معايا غير نتي راسك قاااسح
ملاك: حتى دابا نكون مديرة الاعمال ديالك ياك صدقتي مرفح خاص لي يݣيديييك
اورطيغا: هه هاد الساعة يا ربي غير طيبي لية نشبع كرشي انا قلت ليك ندير ليك براكة وخدمي هاد لبريكولات معايا
ملاك: شحاال؟!
اورطيغا: كل مرة شحال
ملاك: اممم قول باش نشوف
اورطيغا: 2000 درهم ديااالك
ملاك: انا كنت كنتخلص 6500
اورطيغا: ولكن دابا مرتاحة لا فياق بكري لا صداع واكلة شاربة مسارية م****
ملاك: مراااد
اورطيغا : مالي كذبت!!
ملاك: اممم (تفكرت انه فينا الدار وغتكريها لقليلة 2000 درهم) غير كبداااية وصاافي!!
اورطيغا: كولشي ديالك احبيبة…
ملاك: وديك بيم
اورطيغا: الله يخلف عليك التسبيق درتيه فيدك
ملاك: (فرنست) يخليك ليلي العزي ديالي…. صراحة واخا كحل قلبك بيض
اورطيغا: ههه وا نوضي حطي وكان هادشي!!!
يوسف: (مشافش انه كاين عيب تمشي تلقاه حمزة راه دخل الدار من بابها من اللول غراضو شريييف خلاها تلقاه جا بطموبيلتو باش صافي يرصيييو أمورهم طلعت من حدا باب الڤيلا شافت فيه كانت مقااادة راسها هو شاف فيها طلعها وهبطها شير ليووسف وزاد مكسيري بقاو ساكتين هي غير كتشوف فطريق موجدة شنو تقول وهو مركز مع طريق وصلو لصطووپ وقف وشاف فيها)
حمزة: صاڤا غيثة؟؟
غيثة: (تبسمت) الحمدلله ونت؟!
حمزة: الحمد لله.. (بقا غير كيشوف فيها حتى حنات راسها شعل الضو الاخضر وزاد وصلو لقهوة جاية فطريق موزاار كندر بعيييدة على صداع والبشر نزلت وونزل دخلو لداخل كان فيها ناس قلااااال جلست وجلس مقابل معاها حط تيليفونو سوارتو جا السرباي هي خدات كافي كريم وهو خدا قهيوة نص نص..)
قبيلة كان معايا محمد
غيثة: قالتها لي خديجة
حمزة: علاش مبغيتيش تسكني معايا فصفرو علاش باغا نسكنو هنا؟!
غيثة: (بقات كتشوف فيه مابغاش تخسرو ومباغاش دير شي حاجة ممرتاحتش ليها راه زواج هدا ودواااام)
حمزة: هضري!!
غيثة: انا تنبغييك
حمزة: (بقا كيشووف فيها أول مرة تقولو هاد الكلمة) حتى انا كنبغيك اغيثة وباغيك تكوني ديالي مرتي باغي نولد معاك لولاد باغي نعيش معاك
غيثة: الشرط لي قلتو ليك قلتو عفويا حيت تنرتاح معاك وعارفاك تتفهمني وباغي دير اي حاجة باش نكون معاك أليييز
حمزة: اه باغيك ولكن فكري فية حتى أنا
غيثة: تنفكر فيك وبزاف وتيهمني بزاف تكون مرتاح وفرحااان وعارفة حتى نتا داركم عندك منها واحد الجانب لي مخليك ممرتاحتش عندك فيها ذكريات صعييبة شوية
حمزة: (كمش عينو فيها حيت هضرت فموضوع كان ديجا شكا عليها فيه وبالصح نهار الشوهة وموت باه وموت ولدو مأثرين فيه)
غيثة: انا فينما كنت نتا غنكون معاك فاس صفرو فينما بغيت وفينما كنت مرتاح
حمزة: (تبسم) رميتي عندي الكورة!!
غيثة: (تبسمت) الكورة عندك
حمزة: الا سكنا ففاس راه غنكونو مرة هنا ومرة فصفرو
غيثة: معنديش مشكل
حمزة: أنا قبل متشرطي هاد الشرط كنت ناوي نستقر ففاس (تبسمت ديك الابتسامة اه تيقتك وحركت راسها باه باش ميحس انه تغلب)
غنشوف شي دويرة صغيرة على قدنا
غيثة: معنديش مشكل
حمزة: صداق وداكشي!!!
غيثة: مغنتشرطش عليك
حمزة: (حك على ذقنو) الزعطة فيك خلاتني ندير داكشي لي باغية غير بالفن
غيثة: ههه انا بغيت غير نكونو مفاهمين
حمزة: غنعيشو شي يامات فصفرو على منلقى الدار ففاس
غيثة: (حركت راسها باه عارفاه ولد الخير ومنها بغات تبين نيتها انها ماشي بغات تسيطر عليه…)
سعد: (غيحمااق دراري لي ساكنين معاه عرفوه كان فالانفجار لي وقع تماك فتركيا ولكن حتى واحد مبغى يمشي يقلب عليه ويعطيه الخبار واش حي واش ميت قايلين ليه خدامين…
مشا نيشان للمطار وهو غيهبل حيت ديجا عندو باسبور منين مشا العمرة حاول يقطع بييي فداك الوقت لي كاين واخا قطع بلغلا تسنى الوقت الطيارة كاينة من بعد 8 سوااايع…
كيتمنى تجيه الاخبار من دراري الا حنوو فيه.. لي فهم انه ولدو توفيق وادم كانو فنفس البلاصة وأكيييد ماشي صدفة.. رجع لدارو وخدا الفلوس لي يقدوووه وكلهم عندهم فكرة أن الفلوس كيداروش فالبنكة حيت هكا علمهم الحاج من غير الا بغا يبلوكيهم باش يجمعو.. جمع حوايج خفاف مقال حتى لواحد شي حاجة.. ورجع مشا للمطار كيتسنى على أعصااابو وهو حاضي غير التيليفون يردو عليه دراري لي قالولو فالشك والا كملو يقلبو على ولدو…
تفكر توفيق هرب من المغرب باش ميتشدش فالحبس حيت كان باغي يقتل مراد واش هدا عقااب من عند الله!!!
وعاد البنت لي تكرفس عليها وحملت وولدت منو وهي معارفاش راه هو مول الفعلة ومسمية فنفس الشخص لي باغيين يقتلووه!!
محس حتى بكا ماشي على الاجرام دولدو ولكن على ولدو مبغاهش يمووت مزال داير أعذار لولدو وانه مزال صغير وغير طاااايش معارفش شنو كيدير!!! جاه اتصال وهو كيرجف أكدو انه كان تمااك فداك لبواط لي وقعت فيه العملية حيت لقاو حجز تماك باسمو يعني كان تماك ودابا غيمشيو لخدمتهم غير يكملو و يقلبو فصبيطارات لي تماك.. زاد فشلو ليه ركااابيه.. عيط على أب ادم يعرف شنو وقع لولدو حتى هو)
….انا ولدي كان مع ولدك!!!!
أب ادم: فينك نتا؟؟؟
سعد: (كيمسح دموعو)
انا فالمطار تنتسنى الطيارة
(قالو غيجي عندو قطع وبقا كيتسنى وهو فالعذاااب شي ساعة لارووب جا عندو وجلس معاه حتى لاخر كانت حالتو خااايبة)
ولدك وولدي كانو هاربين من هنا وشوف فين تجمعو وشنو وقع ليهم!!!
أب ادم: لا أنا ولدي مظلووم!!
سعد: ولدك كان باغي يقتل داك الشمكار هو وولدي نهار عرسو تافقو يديرو ليه السم ولدك كان داير عصااابة ومخدم حتى المنونخ ديال ولدي
أب ادم: صغاااار معارفينش!!!
سعد: (شاف فيه كفاش كيدافع على ولدو) واش سمعتني راه كانو متافقين يقتلو!! شنو لي صغيير فيهم؟؟
أب ادم: واش مات شي واحد لا!! إذا كانت غير ريح ودااايرة وانا سعد متيهمنيش هادشي المهم عندي ولدي يكون بيخيير
سعد: (زفر متنهد كيدعي مع ولدو فقط ومينكرش انه مبكره هاد ادم وكيتمنى يمووت حيت هو سباب ولدو…)
حمزة: (وصل غيثة حدا باب الڤيلا وبقاو فالطموبيل) علاش مبغيتيش حتى تعشاي معايا ونوصلك!؟ مزال الحال موصلتش حتى 8!! وكولشي عارفك معايا
غيثة: مرة أخرى
حمزة: اممم (شد يدها وباسها) سيمانة ونعاود نرجع هاد المرة متخرجيليش بشي حاجة مكينااش!!!
غيثة: هه صافي تفاهمنا
حمزة: من بعد نبقاو نخرجو نقلبو على شي دار
غيثة: واخ
حمزة: (كيشوف فشنايفها حتى هربت يدها وزادت بعدت راسها لاسقة فباب الطموبيل)
انا غرجع لصفرو
غيثة: (حست بيه باغي يتقرب) صافي واخا انا ندخل عييت وتنحس براسي ماشي هي هاديك
حمزة: علاش؟!
غيثة: تضرني كرشي
حمزة: ليغيݣل!!
غيثة: اممم اه
حمزة: تبغي شي دوا نجيبوولك محدي هنا!!
غيثة: (معرفتش علاش كذبت وهي ما فيهاش ليغيݣل ولكن مبغاتش توقع بيناتهم شي حاجة ومن جهة واش هو اصلا باغي تكون شي حاجة يمكن بغا غير يبوس!!!!)
كولشي عندي فالدار
حمزة: وااخ..خاصني نبقى نشد معاك الحساااب من اليوم!!
غيثة: (حنات وجهها متبسمة وجا فبالها داكشي لي وقع مع ادم حيت مزال عاقلة على شي تشاااش وقلبها زدح)
حمزة: غيثة!!! (شافت فيه) مالكي؟!
غيثة: ها… واالو غير مزال تنحشم منك وصااافي
حمزة: متعاوديش تحشمي احبيبة انا وياك وااحد (حركت راسها باه) ياله سيري دخلي بلا منشدك بزاف
غيثة: بسلامة (سلمت عليه بالوجه وخرجت داخلة وهو مشا نيشان شاد طريق لفاس.. دخلت وهي فحييييرة مع هاد الاحساسيس لي كيضاربو شي باغيه يقيسها واحساسيس كارهين تكون شي علاقة حميمية بيناااتهم!!)
ميمكنش نعاقبو وهو مداير والو!!!
ملاك: (واقفة كتاكل تفاح وكتسمع لاورطيغا لي كيغسل ماعن فين تعشاو وكيعاود ليها على شفيق وشنو جا قال ليه)
ولد لحرام واش هادو تسطاو مبغاوش يبعدو منك
اورطيغا: ها علاش مبغيتش نبلبل
ملاك: اوا؟! غيبقاو ديما لاسقينك فحياااتك
اورطيغا: سلااااك
ملاك: هادو خاصهم شي مونتيييف باش يحرمو ويبعدو منك
اورطيغا: لا لا لااااا!!!! اختي متفتي علية حتى شي حاجة اخرى
ملاك: هه شنو؟!
اورطيغا: عقلتي نهار قلتي على لحشيش لي ديرو فجيب الواحد وديكلاري بيه من تماك مشفت نهار زويين
ملاك: انا مقلت ليك والو!!
اورطيغا: هو مقلتليش ليا انا ولكن سمعت الفتوى ديالك وجبتها ف***
ملاك: سرك باش تحرم تبعد على لبنات
اورطيغا: ياااك!!!
ملاك: اوا هدا درس
اورطيغا: سيري سبقيتي لبيت نعاس قادي داكشي انا جاي ياك محسنتيش بعداا!!!!
ملاك: اووووووووف (حطت نص التفاحة فوق البوطاجي خرجت محرجة اه دارو بزاف دلحوايج ولكن هادي جاتها فشكل واش هي كتظل تقلد ليه وهو كيبغي دابا العكس!!!…)
~~~~~~~~~~
أب ادم: (عارف ولدو مجرم ومتأكد ولكن عمرو غيصرح بيها ولا يعترف غيبقى ينصر ولدو ويبرءو ديييما وكما بغات تكون الجريمة فنظرو ولدو غير كيخطأ مرة مرة وصااافي… وقف)
انا صيفطت بنتي هي لي غتقلب على ولدي تنتمنى حتى نتا تقلب عليه وتلقاه على سلاااام ونسا ديك الفكرة ان ولادنا دارو شي جريمة راه خاصك توقف مع ولدك واخا يكون ظااالم الحديث تيقول انصر اختك ظاالما او مظلووما..
سعد: (بحزن حرك راسو باه) غنقلب
أب ادم: غترجع ولدك؟!
سعد: ولدي معليه حتى دليل هنا وتأكدت مغنخليهش تماك
أب ادم: وغيثة؟! الا بغات دير التحاليل
سعد: (هنا عرف انه حتى هو عارف) ݣاااااع الا وصلت لقانون ولدي غيشهد انها مشات معاه بخاطرها وهوما مغيبغيوش لبنتهم الشوهة وغيلبدووووها وحتى حنا غلبدوها
أب ادم: وحفيييدك؟!
سعد: معمرني غنعتاارف بيه حفيد هداك كان غلطة ميمكنش شحال من واحد داز عليها ويقدر ولدي تصيد فيها فشي ليلة ويهز الدقة كاااملة
أب ادم: من نهار جيت للمغرب وأنا معذب ومزال تنتعذب انا وولادي غير نتبرأ غرجع فحالي ومنعاودش نرجع لهاد لبلاد…
الغالية: يعني ضرووري يسكنك تماك!!
غيثة: غير على ميقلب
الغالية: اوا حتى يقلب عاد يتزوجك علاش مزروووب
غيثة: ماما صافي انا عطيتو الكلمة كنا هو عطاني الكلمة مغنبقاش لعب بيه
الغالية: راه كاين واحد الفيلا تتباع
غيثة: بغا دار
الغالية: غتسكني فديور سواارت مع 60 جار؟!!
غيثة: واش عمرني قلت ليك هو لبااااس عليه!!!
الغالية: اه لباس عليه عندهم الاراضي
غيثة: ومالو غيبيعهم باش يشريلي ڤيلا؟!!
الغالية: ديري بكلامي
غيثة: لا.. هو يشري شنو بغا براكة غير قبل بشرطي وبغا يتبعني لفاس…
الغالية: يشويني فييييك نتي وهو!!
~~~~~~~~~~~~~
ليلا: (معندوش أثر كاين غير باسبور ديالو عند لبوليس وهو مكاينش حتى مع الأموات مكاينش؟! قالتها لباها وبقات برا كتسنى ممكن يجي شي خبار عليه)
راه قلبت فكولشي انا وصحباتي حتى هوما جاو معايا وعاونوني
أب ادم: وفين غيكون ياكما غير شي واحد سرق ليه الباسبور
ليلا: معرفتش هداك مريييض يمكن بغا يدير هادشي باش يدير شي زبلة عاود!!!
أب ادم؛ لا لا ولدي مبقاش غيدير شي حاجة هو واعدني
ليلا: وتقتيه؟؟!
أب ادم: اه
ليلا: شوف هو الا جا لتركيا غير باش يقتل هداك صاحبو وبفمو قالهاااالي
أب ادم: لا
ليلا: بففف انا درت لي علية خاصني نرجع
أب ادم: بقاي هاد اليوماين نقدرو نسمعو شي حاجة عليه انا نصيفط ليك الفلوس
ليلا: (بقا فيها الحال فرق كبييير فمعاملتو لادم وليها) غنزيد غير غدا
أب ادم: واش مبقاش فيك خوك؟!
ليلا: لا حيت بالصح بغيتو يكون ميت!!! (قطعت مكرهة وبقات غير ساااهية رجعت حدا لبنات صحباتها رغباتهم على نهار اخر وبغاو هوما رجعو لوطيل وهي مشات لبوليس كتسنى شنو يجاوبوها…)
ليلا: (2 دالليل مكاين حتى اخبار عليه بقاو غير يتسناو الناس لي تعجنو لداااخل يديرو ليهم تحاليل باش يعرفوهم شكون!!! عندها إحساس قوي انه كان هنا وأنه ميت صونات على حمزة كان فرق بالوقت مجاوبش خلات ليه ميساج فالواتس قالت ربما يرتاحو ويتهناو منو)
“”ادم مات””
ليلا: (صونا عليها باها دارت صيلونص وضربتها بنعسة…)
~~~~~~~~~~~~~
سعد: (وصل صباح عطا لتاكسي العنوان ولقا مشكل كبييير ديال اللغة معارفش حتى يتوااصل ولا يهضر مع الناس… عندو حل واحد اب ادم صيفطلو نمرة ليلا ورغبها بزاااف باش وافقت تلقاااه عند البوليس وهي تݣيدو وتكون لسااانو.. جات عندو بغا يسلم بالوجه وبعدت)
ليلا: فين غتبغي تمشي؟؟!!
أب سعد: ندخلو نسولو على ولدي
ليلا: غيصيفطونا لسبيطار لي حدا لكلوووپ تماك نسولو بعدا عاد نرجعو هنا (شدت تاكسي وهو يصوني عليها حمزة جاوبت)
وي!!!
حمزة: كفاش مات واش بالصح؟!
ليلا: كان فكلوپ فتركيا وشي إرهابيين فجرووه
حمزة: (ممتيقش) ألا!!!
ليلا: لقينا غير الباسبور ديالو وهو مكاينش حسوو فمرة
حمزة؛ يعني الجثة ديالو مكيناش؟!
ليلا: مزال غيردو علينا منين يخرجو التحاليل يقدر يكون من الناس لي تعجنو و
سعد: (قلبو تعصر وعاد كتهضر بحال كتعاود ليه شي خبيرة ماشي ناس أبرياء ميتين ومنهم ولدو لي مزال معرفو فين وحتى دوك دراري مجاوبوهش حيت معندهم سوووق)
حمزة: خاصكي تأكدي
ليلا: وانا هنا باش نتأكد
حمزة: غيكون أحسن خبر الا مااات شحال من واحد غيرتاح
.ليلا: وي!!
حمزة: نتي فين دابا
ليلا: (قلبتها فرونسي) انا مع واحد من العائلة حتى هو جا يقلب على ولدو
حمزة: سميتو
ليلا: ولد الكبير ديال العائلة…
حمزة: سعد؟! حتى هو مات؟!!
ليلا: مزال تيقلب عليه وانا تنعاونو حيت معرفش يهضر مع الناس
حمزة: نتسناك تقوليلي كولشي؟!
ليلا: اوك
حمزة: شكرا بزاااف ليلا
ليلا: بسلامة (قطعت متحسرة انها بالصح بغات حمزة مكرهتش لوكان حتى هو بادلها المشاعر ولكن هي كانت غير قنطرة لخوها وصافي براكة غير كان دوك الايام كيعاملها مزيان وهادشي لي خلاها تبقى محتارمااااه…)
حمزة: (نشر الخبر بين يوسف واورطيغا وصلت الاخبار لشريف وخوووه وكولشي عرف أن حتى سعد مشا يقلب على ولدو لي مشا لتركيا..
مو سخفاات مفتاحة كانت اصلا شادة لفراش وزادت تفقست ومرضت كتر الحاج وأمينة وصلولهم الاخبار ولكن الحاج قرر يكمل العمرة ديالو هو وأمينة عاد يرجعو حيت مبقاش ليهم بزاف…
حمزة طلع لفاس باش يقلب على ديور شرا كان فالمحال عند اورطيغا كيهضرو على موضوع توفيق وادم)
مزال نتسناو خييير…
اورطيغا: (بقا ساااكت ادم بغاه يموووت ولكن توفيق!!! اه بغا يقتلو واحد الوقيتة ولكن طريقة موتو غتكون قاااسحة وفاش كان توفيق صغير قبل كان دايرز بحال خوه صغير قبل ميكرهو سعد فيه.. دخلت ملاك للمحال راجعة من ليكول كتزرب)
ملاك: سلاااام (شافت فحمزة لي ردها عليها ومشات كتسلم على اورطيغا بالوجه وبان فوجهو مغير) صاڤا!!
حمزة: (حدو قال السلام بغا يسولها على أحوالها ولكن دار بناقص اكترية اورطيغا كفاش كيشوف فيه جبد تيليفونو كيكتب ليلا ميساج يزيد استفسر شنو واقع تماك واش بانت جثة ادم!!! وهي بقات كتهضر معاه)
اورطيغا: (قمعها) صافي سيري طلعي نتي
ملاك: فخبارك شنو وقع صونات علية خالتي وعاودت لي!!
اورطيغا: عارف… سيري طلعي نتي
ملاك: (عوجت فمها من هاد لقميع ديالو وخرجت من تماك مبقات قادة على شي صداااع.. صونات على مها فطريقها كتعاود ليها الجديد..)
~~~~~~~~~~~
سعد: (رجليه فشلو منين قالت ليه ليلا ولدو بالصح كان فبواط ودابا وكيتأكدو هو فين…)
بزاااف بزاااف دالوقت باش يقولنا فين هو؟؟!؟
ليلا: غير صبر… بغيت نسولك!!
سعد: (على أعصاابو) شنو!!
ليلا: علاش تتكره اورطيغا!!!
سعد: (تعصب عليها) واش حنا فهادشي؟!!!!!؟
ليلا: انا غنمشي ونتا شغلك فهادشي دير لي بغيت انا لي مضيعة وقتي فشي حاجة ماشي سوقي فيها
سعد: (بترجي) عفاك ابنتي متمشيش (رجع كيرغب) انا كرهتو حيت لحس دماغ الحاج غير عاد عاد عرفنا كتبلو المحال ديالنا المحال لي من صغري وانا تنحلم يكون لية كره ولادنا فهاد الحرفة حيت هو تيسبق هو اللول فكولشي عاكسه الخاطر لي معاطيهناش حنا!!
ليلا: يعني خاصك تلوم الحاج ماشي هو الحاج ماشي ولد صغير باش يلعب عليه اورطيغا يقدر شفق عليه حيت هو بلا أب وعتابرو مسؤوليتو
سعد: هادشي مغتفهميهش حتى يكونو عندك وليدات والأب منين كيفضل واحد ماشي ولدو على ولادو لي من لحمو ومن دمو كيتهرسو وكيرجع الحقد عامي قلووبهم
ليلا: انا بابا تيفضل ادم لي عذبني وظلمني واخا هكاك هانا تنقلب عليه!!! نتا اصلا باغي تكرهو نتا قلبك خااايب من اللول وتتقلب غير على السبة باش تزيد تكرهو, عارف ولدك بغا يقتل اورطيغا ودارلو السم نهار عرسو وعاد غيثة لي حتى هو كان مشارك فاش ضيعها وخرج على حياتها ومزال تتقول اورطيغا هو سباب علاش متشوفش داكشي لي داير بيك عاد لومو هو..
سعد: عارف هادشي كااااامل ومزال غنفضل ولدي عليه هو.. قلت ليك ابنتي منين غيكونو عندك وليدات عاد غتفهميني….
ليلا: لا مغنفهمكش حيت مغنبغيش الشر على الخير
سعد: (هاد الهضرة مكتهموش غير داير ليها الخاطر باش تبقى معاه.. واخا يعرف يبوس ليها رجليها مهم تبقى باش تصوڤيه حتى يرجع ولدو المغرب)
ليلا: (صافي سكتت، جا عندها واحد لي مسؤول على الضحايا علمها فين لقاو توفيق.. ضارت عند سعد لي وجهو مخطوووف)
ولدك مزال حي
سعد: الحمد يا ربي الحمدلله يا ربي فينو (كيبكي) فينو فينو بغيت نشوووفووو!!
ليلا: قالي كاين فالانعاش حيت تضرب بزاف هادشي لي فهمني السيد وخاصنا نشوفو مع طبيب لي تكلف بيه هو يقولنا على الحالة ديالو
سعد: ياك بعدا واش غيعيش؟!
ليلا: راه طبيب.. (مشاو لعند طبيب وشرح ليها شوية جبت مزروب خاصو يمشي لوخرين ) قالك يتمناو يكون خير
سعد: يااا ربي متحرمنيش من ولدي صغييير هو غير طااايش معارف والو فهاد الدنيا!!!!
ليلا: (شكراات طبيب قالهم فين كاين ومشاو يشوفو عطا وراقو لي كتبت انه توفيق ولدو شافو غير من برا شبع بكا وبداو يصونيو عليه من المغرب يطمأنو وأكترية مو لي كتسخف وتنوض وحتى الحاج هضر معاه.. جات بغات تمشي وبقا يرغب ويزاااوݣ باش تبقى معاه قبلت هي هكا دااايرة… علمت لبنات باش يمشيو يرجعو لفرنسا وهي غتبقى شي أيام تماااك.. رغبت وحدة كانت على علاقة مع خوها تقلب عليه فين ساكن الا بان ليها تعلمها حيت عارفة خوها خبيييث بحال والو يبغي يزور مووتو…)
~~~~~~~~~~~~
اورطيغا: (من بعد مقلب على شي دار من سماسرية دصحابو فتا عليه راي ديال ڤيلات صغاار كاين خارج المدينة بشوية جايين فطريق لوتورووت ديال ربااااط مكانوش غاليين بزاف ومنها يسكن حتى مو معاه ويكون مرتاح مشا حمزة لتماك يشوف ويسول وهو طلع للدار لقاها كتقاد شلاظة حيت الطاجين نصبااتو ودارتو على نار مهييييييييلة يطيب على خاطرو)
زييين!!!
ملاك: نتا عندك انفصام فالشخصية
اورطيغا: (معنقها من اللور) علاش؟!
ملاك: شو كفاش ضرتي فية لتحت!!!
اورطيغا: يكون معايا الزايد سلمي وطلعي لدارك انا غنتبعك ونجي نهضر معاك
ملاك: بففف شحال فيييك
اورطيغا: مفيااا والو (كيطقع معاها الخص) مفيا والو نتي شري رااااحتك وديري بكلامي
ملاك: انا غنتغدا وغرجع ليكول حيت غنزيد حصص
اورطيغا: (جرها معنقها) يدترجع الوالدة نجلسو معاها يامات وغنسافرو لأي مدينة بغيتي
ملاك: بالصح!!!!
اورطيغا: نتي غير ختاري
ملاك: اممم.. نمشيو الشمال
اورطيغا: نمشيو حتى لاارواس
ملاك: هههه واش عارف شنو كتعني؟؟
اورطيغا: ماشي مشكل مهم تكوني نتي
ملاك: ههه وحتى تعرف شنو هي!!
سعد: (كيبكي على حالة ولدو وهي زادت شرحت ليه انه عندو مشكل كبير فلمصارن ومن حسن حظو كان فطواليط بعيد على مكان الهجوووم واخا وصلو تشاش زائد مقادرش يتحرك وحتى يفيق عاد غيشخصو الحالة البدنية ديالو..)
ليلا: (كتلوم قلبها لهشييش حست بتعاطف مع هاد الاب وفنفس الوقت كتسائل علاش مبانش ادم واش شي لعبة منو ولا تعجن مع للي ماتو ولا هرب!!!! كتشوف الدنيا مقلوبة تماك كان جو كئييييب حست بالخنقة بغات تخرج وشدها سعد)
سعد: عفاك ابنتي متخلينيش متنفهمهمش شنو تيقولو خليك معايا
ليلا: أنا غير برا
سعد: عفاك غير صبري أبنتي
ليلا: تخنقت بغيت غير نسم شوية ديال لهوا براا (بقا لاسقها حتى بقات حداه باها كيصوني كتجاوب بمزال معرفت على ادم والو حمزة حتى هو كيصوني.. خرجت جاوباتو)
وي حمزة!!
حمزة: بان ادم؟!
ليلا: لا.. غير وراقو وصافي الأغلبية تيقول غير نفقد الأمل حيت الحال لي لقاو فيها الناس لداخل متيعرفو الراس من الرجلين
حمزة: اممم خاص نشوفو ميت قبالتي باش نتيق
ليلا: لي نصصحك بيه هو نسااه ديرو صفحة وتطوات
حمزة: صعييييب مغنساش شنو دوز علية أذى ناس كتار وعزاز على قلبي
ليلا: اه غيثة وباباك
حمزة: وحتى نتي…
ليلا: أنا؟ انا عزيزة عندك
حمزة: اه.. لوكان تعارفنا فشي ظروف حسن من هادي مكنتش غنخليك
ليلا: (واخيرا شي واحد هضر معاها بصواب جاتها لبكية فاش كتفكر منين خلا صحابو يضربوها ويقرعو ليها شعرها)
حمزة: حتى نتي نسااي وعيشي حياتك مزال غتلقاي لي تبغيه ويبغيييك
ليلا: امم
حمزة: بسلامة ليلا..
ليلا: (قطعت وبقات كتبكي حتى بدات كتشهق.. بقات مدة مسحت دموعها ودخلت عند سعد تعلمو غتمشي لوطيل ترتاح حتى لغدا وترجع عندو)
#دازت #أيام….
ادم: (كان كل نهار كيجي عندو طبيب يداويه حتى رجع كيقدر يوقف على رجليه بوحدو والألم لي فكرشو مبقاااش هز تريكووه بلاصة القرطاسة صغاارت رجعت بحال شي خبشة.. دخل عندو طبيب)
بغيت نعرف شكون جابني هنا
طبيب: (جاوبو بلونݣلي) يو سبيك انجلش!!
ادم: (جاوبو بالانجليزي) بغيت نعرف شكون جابني هنا؟!
طبيب: هي قالت ليك منين تبغي تعرفها غتجي عندك
ادم: اه بغيت نعرف اليوم
طبيب: فلعشية غتجي عندك
ادم: اوك.. (ناض كيطل من السرجم كانت باينة شي فيرمة حيت ضايرين بيها غير شجر وبيسين كاين تماك جاه فضووول كبيييييير شكون هادي لي نقذاااتو واخا راه دارت خير كبير فيه كيحاول يتفكر داكشي لحمو كيقشعر عليه ودوك الاصوات حتى قال صافي غيمووت حتى حل عينيه فهاد الشوومبر لي دوز فيها أياااام فقط كان كيداوا يدوشولو يوكلوه وحتى هو مايهضر مسول كان باغي غير يعيييش..
جابو ليه عاود لغدا كولشي كان زوين نقي وصحي كلا ودخل خدا دووش خفييييف لبس حوايج لي حاطين ليه مفكرش يحل لباب حيت طبيب ولفام دميناج لي كيدخلو عندهم كيحلو بالساروت..
فكر تكون عصابة ديال بيع الاعضاء البشرية ولكن لوكان بغاو يفصلووه باش يبيعو اعضاء ديالو كون داروها من قبل ماشي حتى يبرا على خاطر خاطرو وعاد مهليين فيه..
تسنى مدة حتى تحل لباب ضار كانت امراءة فالخمسينات شاف فيها وبقا كيتسنى تهضر حتى دخل اخر وهضر بالفرونسي)
بغيت نعرف علاش نقذتيني وجبتيني هنا!! (متأكد انه عجبها)
…: (كتهضر بالتركية للمترجم)
قولو انا نقذتك من الموت لوكان خليتك تماك كانو غيزيدو يقتلوك ميخليوكش حي
ادم: (ترجم ليه بالفرونسي) شكرا..
المترجم كيترجم ليها وليه…
….: قولو أنا مبغيتش يشكرني بغيتو يخدم ويرجع لية الشكر
ادم: (باستغراب) فاش نخدم؟؟؟ انا اصلا جيت غير أيام لتركيا وغرجع لبلادي فرنسا؟؟
….: نتا دابا فحكم ميت عندهم الا بغيت ترجع للحياة خاصك تخدم عندي
ادم: فاااش؟!!
….: بغيتو يفهم انه انا سيدة أعمال عندي أصدقاء كيبغيو يجيو يرتاحو عندي وهوما من النوع لي كيبغيو رجال
ادم: (بقا مصدوم من شنو شرح ليه المترجم ورجع شاف فيها وهو مخرج عينيه) انا ماشي من هاد النوع
….: طبيب قالي انه نتا عااجز يعني مع الوقت غتولف والناس لي كيجيو نقيين
ادم: انا ماشي gay
….: تقدر تكونها شي جوج سواايع فنهار مهم نتا ولف حيت هادشي لي غيكون على متبرااا ونتا عندك الاختيار الطريقة لي تبغيها بالخاطر ولا…
(تبعهم كيهضر حتى بقا كيرغب وسدو لباب.. يعني طاح فعصاابة مغيتاجروش بأعضاااءو ولكن غيولي ق*** عندهم متقبلهاش بقا غير كيبكي ويفكر فشنو يدير باش يهرب من هاد الجحييييم…)
….دازت أيام وكانت أول نهار ديال رمضان حالة توفيق تحسنت شوية حيت فاق وعرف شنو وقع ليه وفين هو ومعامن!!!! ولكن للي زعزع سعد هو ولدو تشلل بلا المشاكل لي عندو فالمصارن بسبب الطعن والحيط لي راب عليه..
قررو يرجعو للمغرب تماك يكون حسن ويداويه..
شكر ليلا بزااااف لي شدها معاه وكانت حتى هي غترجع للمغرب حيت حالة واليديها خايبة على ادم لي مزال معروفوووه واش حي ولا ميت!!!
~~~~~~~~~~~~
اورطيغا: (كان نقص من لكماية ولكن صباح مولف كيكمي واااحد ضروووري باش كيبدا نهارو….
فرعو رااسو بزااف وكانت ديما حالتو هاكا فايام اللولة ديال رمضان والخدمة كانت كتييرة وعاد شي وراق ديال الضريبة كولشي خرجلو فنهار واحد وخاصة يقضيييهم.. صونا على ملاك طمئن عليها كانت عاد فاقت من مور الظهر وبغات تدخل للكوزينة باش توجد لفطوور..)
ديري وكتري
ملاك: ههه يا ربي غير تكون البنة
اورطيغا: البنة عندك فكوولشي غير كتري اشحييييمة تنبغي نشوف الطبلة مزوقة وللي بغيتيها نجيبها ليك
ملاك:امم دابا عندي كولشي… (قطعت وبقات كتفكر اول حاجة قاداتها هي طجين ديال الكفتة ومطيشة وقدات كيكة تعلمتها فالمدرسة ديال خيزو واالݣرݣاع من ريحتها جاتها كتشهي.. خلاتها تبرد عاد دير صوص عليها..
مشات صلات العصر وقرات حزب من القران كتحس براسها مزيان واخا حاملة قادرة تصوم.. رجعت للكوزينة جببدت البطبوط خلاتو يطلق حيت جامد وقدات ليه حشوة بالبصلة ودجاج وزيتون وفرمااح احمر هنا حست براسها سخفت وهي كدير هادشي كاااامل فكرت شنو دير اخر دارت سلطة خفيفة ديال الخص لخيار ومطيشة والماييص..
وحيت ممولفاش هادشي كامل عيااات وتسلاو ليها كتبت ليه ميساج يجيب معاه خبز..
وجدات تعميرةة ديال أتاي ودارت عصير قصب السكر لي شاري منو 5 لتر زادت معاه الفرومبواز ومشات كتوجد الطبلة تزوقها وتقادها واتصور وتصيفط لخوتااتهاا كاملين ومنهم ووفاء لي غدوز سيمانة فكرسيف وتجي، حست براسها دايرة إنجااز كبيير وقالت فنفسها تهنات من فطور لغد ليه حيت زعما غيشيييط..
مشات لبست كيطمة وكتشوف فكريشتها كانت باينة شوية معرفت واش من لحمل ولا كريشتها العادية وبقات كتسنااه حتى سمعاتو دخل خرجت عندو كتفرنس)
غتزغرت بالفرحة
اورطيغا: (متبسم بتعب) الزين ديالي!!
ملاك: كيف داز نهار
اورطيغا: (بتعب) الحمد لله…
ملاك: (مفرنسة) اجي تشوف معايا (جراتو من يدو للبيت ووقف كيشوف داكشي حيت حطت كولشي بقات غير شي نصف ساعة للمغرب تبسم وحنا باسها فعنقها)
كيف جيتك؟؟؟
اورطيغا: قلت ليك نتي غير ديري عقلك فهادشي وغتخرجي ذهب من يديك انا نمشي للجامع متحطيش لحريرة حتى رجع تنبغيها سخونة ونبدا بيها هي اللولة!!
ملاك: (ركضت بالزربة وهزت حواجبها) لحريرة؟؟؟
اورطيغا: مدرتيهاش؟!!
ملاك: اممم لا قلت ناكلو داكشي خفيف حسن ولي بقا نخليوه غدا
اورطيغا: بلا مزاح املاك
ملاك: (غير كتشوووف فيه وفنفسها كفاش انا ندير حريرة هدا راه تحمس؟!!!)
واش ڤري!!! انا قلت فطور خفيف على المعدة حسن
اورطيغا: خفييف!! ملاك نرجع من الجامع نلقى الحريرة!!!!!
اورطيغا: خفييف!! ملاك نرجع من الجامع نلقى لحريرة (بقات غير كتشوووف هوو مشا لبيتو مهضرش.. وعاد خرج من الدار هاز صلايتو فكتفو هزت تيليفونها بالزربة وهضرت مع خديجة)
ملاك: دايرة حريرة!!!
خديجة: امااالك هه
ملاك: وهضري دايرة حريرة!!
خديجة: ضروووري علاه كاين شي فطور بلا حريرة!!
ملاك: زمرة عليييكم مالو مكتوب فالقران!!!!
خديجة: ههه مالك!!
ملاك: دابا صيفطيلي شي زلافة ولا جوج هاد المصعوور عندي غيطيح بعظاامو الا رجع وملقاش لحريرة
خديجة: هههه وعلاش مدرتيهاش ياك قلتك لبارح ديريها خديتيها مقومة من عندي
ملاك: ودرت بزاااف فالفطور وعزت نديرها و هاد زمر بلدي بحال بابا خاصو لحريرة باش يبدا
خديجة: ودابا كفاش نديروولها يوسف غيمشي للجامع دابا
ملاك: مكاينش شي أجر حسن من موحمة طلب ليكم هادشي
خديجة: ههه علاه نتي لي باغاها ؟؟؟
ملاك: خديجة راه الا مجبتوهاش غندابز معاه وغنجي نمرضكم فالدار ونغضب عندكم غير صيفطي ديك السوبيرا ونتوما فطرو خفاف
يوسف: (واقف كيتسنى) صافي انا نديها ليها راني تنعرف داك المقطووع راه من شحال هادي عندو هانية مياكل والو يشري غير لحريرة
خديجة: ها هو سمعتيه
ملاك: يحطها فلاسنسور انا نتعرض ليها ومتعطلوووش..
خديجة: شي أوامر اخرى
ملاك: لا..
(قطعت وبقا فيها الحال من ردو الفعل ديالو هي سوايع وهي واقفة فالكوزينة كتوجد شهاوي وهو عينو غير فلي مقاداتش!!! بقات على اعصابها أذن المغرب مشات هزت تمرة وجغيمة من حلييب صونا عليها يوسف ومع الدنيا خاوية دغيا وصل ليها مشات للمصعد تسنات حتى وصلت تحل كانت بانيي هزتها ودخلاتها كانت مصيفطة ليها حتى مليويات ديال لخليع هزت لحريرة حطاتها فسوبيرة مع جوج زليفات سخنت شوية لملاوي سمعت الساروت دخل عندها كيشم ريحة لحريرة مستغرب)
اورطيغا: (باستغراب) وهادي!!!!
ملاك: (منفخة هزت السوبيرة حطاتها فوق الطبلة تابعها بزلايف وطبسيل لملاوي حطهم كيشوف الطبلة كانت زوييينة وعااااامرة جات ماشية) ها فطوورك كمل وهبطني لصفرو
اورطيغا: وصاافي نعلي الشيطان نتي عارفاني مع لحريرة.. واش كنتي مصاوباها (مكتجاوبوش بقا يرغب ويبوسها)
غيبرد هادشي احبيبة وانا مشهي هادشي كاااامل فكينا دغيا!!!
ملاك: كمل وديني لدارنا نتا مكتلقاش حاجتك كتسيف مكتراعيش لية ولهادشي لي كندير على ودك؟!!!
اورطيغا: منين نتي مطيباها احبيبة علاش تتقولي مكيناش انا فرمضان الفطور عندي هو الحريرة متنقدر نبدا بوالو الا مكانتش هي وهادشي سيمانة وانا تنقولك لحريرة املاك لحريرة عندي أهم من الخبز
ملاك: (بقات ساكتة منفخة)
اورطيغا: (كيبوس يدها) والله كولشي عجبني احبيبتي ودرتي هادشي زوييين بزااف لهلا يخطيك علية احمامتي
ملاك: كول وديني لدارنا
اورطيغا: لوكان ماشي خدمتي نمشيو بجوج نشبعو غير حريرة!!!
(شافت فيه جامعة الظحكة) وصافي طلقيها اجي نفطرو تابعني نمشي لتراوح
ملاك: وتخرجني؟!
اورطيغا: (كان عيااان) نخرج حبيبتي
ملاك: ياله كوول (بداو كياكلو وهو كيتبنن فالحريرة) عجباتك غير لحريرة!!!!
اورطيغا: أحسن حريرة
ملاك: عااادية ماشي شي حاااااجة دوك ديك الكيكة
اورطيغا: لا لا مصرووووعة ناضية!!! معندي منساالك
ملاك: (حتى يشبع عاد تقولو ديال خديجة) اممم
اورطيغا : (صونا عليه شريف كانو فالرياض مجموعين حيت فاي مناسبة كيتجمعو من غيرو هو لي مولف كيدوزو بوحدو عرف سعد جا وجاب ولدو معاه وادم مكاين حتى اخبار عليه.. قطع عاد عاود لملاك شنو واقع)
ملاك: مبغيييتش نتشفى ولكن يمهل ولا يهمل هو بغا يقتلك ها هو جا دابا مشلل
اورطيغا: يضبرووو ل****. يقيلوني غير انا عليهم
ملاك: مغتمشيش تشوفهم؟؟!
اورطيغا: دابا انا هو الشيطان عندهم انا سباب باش ولدو تغرب وهرب حيت مكملش شنو بدا فية كيف بغيتيهم يستقبلووني تماك
ملاك: يمشيو يزمروو
اورطيغا: خوي راسك انا داك الرياض كان تيديني ليه غير الوالدة والحاج
ملاك: حتى انا كرهت نمشي لتماك (شافتو وقف من الماكلة) زيييد!!!
اورطيغا: مقادانا شي لعيييبة لعشا؟؟!
ملاك: (بعصبية) والله أمراااااد!!!!!
اورطيغا: ههه صافي خلينا هادشي لعشا نتي باينة غنطيحو معاك الكيلواات فهاد شهر
(ناض مشا للجامع وهي جمعت
داكشي مسخسخة خلاتو فالكوزينة حيت عيااات مشات صلات لعشا مقدرتش تزيد تصلي تراوح ومشات دارت التلفازة كتقلب شنو تفرج حتى جبدت عليها بنعسة…)
سعد: (كان بكا فتركيا ورجع بكا حتى فالمغرب على حالة ولدو لي دخلوه لبيتو كان غير كيشوف بعينيه طبيب عطاه أمل باش يرجع يوقف على رجليه ولكن خاصو مشوار طوييييل وعملية اخرى بلا العملية لي غيدير على مصارنو لي لدابا دايرين ليه غير كيس بلاستيكي فكرشو.. كانت عندهم جنازة فالرياض والداخل والخارج كولشي كيجي يطل مو كانت حالتها خايبة مفتاحة زاد عواج ليها فمها بالفقسة..
مشات الغالية وراجلها فالليل ومشا معاهم حتى يوسف لدابا مقالوش لباه على شكهم فتوفيق يكون اب الطفل ديال غيثة حيت بغاو حتى يتأكدو..
دارو الواجب يوسف خرج هو وشريف برا كيهضرو حتى جا عندو سعد)
بغيت نهضر معاك
شريف: انا نشوف أسماااء واش تبغي شي حوايج من الدار حيت غنباتو هنا
يوسف: (حرك راسو بأه وشاف فيه) شنو
سعد: ولدي راك شفتي حالتو شوف تشوف واش يقدر يتزوج وحتى الا بغا مزال خاصو الوقت بزاااف باش يداوا
يوسف: (خرج عينو فاهمو) تجبد ختي غيثة نقلبوها جنازة ديال بالصح اسعد
سعد: والولد؟! انا راه ولدي قبل ميمشي لتركيا بغا ختكم وانا لي وقفت ليه قلت ليه سير تقرا حتى دير مستقبلك على متهدا عجاجة ديال ادم وديك الساعة نمشيو عندهم ونتا راك عارف من اللول لحكااااية
يوسف: سعد خلينا رجال!!!
سعد: مقلتش شي حاجة دلعيييييب على الاقل غير يعقدو الولد يتسمى على ولدي ويطلقو بعدا يربح فهاد الدنيا ولد
(شنق عليه)
فكر فيها الولد من حقو يتسمى على كنية باه ويعرف شكون باه لحقيقي
(عطاه بونية حتى جا لاسق فالحيط ومدار حتى ردة فعل.. شد حنكو وكيحس بالدم ففمو)
فكرو فيها مزيان كما من مصلاحتي راه من مصلاحتكم حتى نتوما
(سكت سعد حيت جاو الناس كيفكو ويوسف صاااعر كيغوت ويخصر الهضرة كبعدووه.. خرج شريف كيستفسر شنو كااين..
مجاوبش مشا يوسف من تماك شاااعل ركب فطموبيلتو متسناش باه ومو غيصيفط ليهم أشرف خوه هو يجيبهم..)
غيثة: (جالسة كتلعب مع ولدها حتى نعسااتو وبقات كتبرد ظفارها وتخمم فهاد توفيق زعما يكون هو أب ولدها وكفاش دار ليها ياك كان كلب ادم!!! كفاش تجرأ وتكرفس عليها كان قبل تبسل عليها ومنين حمر فيه العين يوسف معاودش طاف بساحتها!!!
منين وصل الخبر شنو وقع ليه متأثرتش مسوقتش واش حيت دابا قلبها هاني وفحالة حب كبيرة مخليها مطنشة وناسية العالم كولو ولا صافي بكترة المشاكل مبقى كيتوشيها والو!!!
صونا تليفونها كان حمزة جاوبت متبسمة شادة معاه الهضرة وحتى هو مبقاش كيبخل بالكلمات مكاين غير الحب والرومانسية ونشدك نمحنك بالعاني كيدخل ليها فهاد المواضيع باش تولف ومتبقاش مزيرة فهاد الناحية..)
يوسف: (دخل للڤيلا صااعر كيرجف جاه هادشي بزااف علاش هاد غيثة تابعينها هاد المشاكل كاااملة علاش ميخليوهاش تهنى فحياتها شوية هادشي كامل لي وقع هي الضحية الوحييييدة بقا جالس على أعصاابو حتى جاه أبيل من شريف باغي يستفسر شنو وقع مجاوبش وصل باه ومو واشرف)
أب يوسف: يوسف شنو داكشي اولدي عملت فديور الناس!!
يوسف: خاصك تعرف الواليد انا كنت..
الغالية: بلاش اولدي!!
أب يوسف: شنو مخبيين عاود؟!
يوسف: داك توفيق كان مع هاديك العصابة ديال الكلب دادم
أب يوسف: اوا؟!!
يوسف: حتى هو تكرفس على غيثة والكلب ديال سعد جاي بوجهو يقولي الا الولد ولد ولدو نزوجووهم بحال ختي غير شايطة وتنقلبو ليها على لي يتزوجها
الغالية: الله يلݣيها لييه فهاد نهار
يوسف: مكرهتش لوكان قتلتوو
اشرف: خاص نديرو التحاليل الا ولدو صدق هو ولد محمد خاصو يتحبس وواحد يجبد لاخر
الغالية: براكة على ختكم راه الا ناض عاود هادشي غيطرطق ليها القلب صافي محمد تسجل علينا خليو الولد ديالنا منربطوهش بسمية داك الشمكار
أب يوسف: (بقا غير مخرج عينيه) عيط للسيد يجي
يوسف: شكون؟! حمزة؟!
أب يوسف: مور رمضان يديرو لاكط ديالهم مبقى لاش نجبدوها السيد معقول وولد الناس ختكم باغاه صافي
الغالية: حسن والعرس نوجدو ليه على تيساع
يوسف: انا نهضر معاه
اشرف: وعلاش صافي استقر هنا
يوسف: تيظل تيقلب هنا على ديوور بغاو يكريو يضبرو راسهم هي باغاه وهو باغيها حنا نزيدوهم الله يكمل بالخير يوقفو علينا يلقاونا
أب يوسف: انا عندي كلام مع هاد الكلب ديال سعد بغا يتفرعن علينا وعلى بنتي انا واقف ليه…
دازت أيام فرمضان والحاج وأمينة كانو فالطياارة راجعين للمغرب أمينة عيات ترغب ولدها يفطر معاها فالرياض وحلف ميكون تماك وحتى منين هضر معاه الحاج باش ميرضهاش فوجهو دار السبة ملاك عيانة واحتارم قرارو…
ملاك: (كانت خديجة ووفاء لي رجعت من ݣرسيف قادة فطور مظخم وملاك دارت واحد التحلية تعلمتها فليكول مخلية ليهم تمارة كانو بغاو يستقبلوهم بالحليب وأمر ساعة صايمين..
لبست قفيطين مخلاهاش اورطيغا تمشي معاه للمطار وبقات فالدار.. جرت القفطان اللور مزيرة على طايتها)
باانت كرشي!!
خديجة: كاينة شوية
وفاء: كنا فهبيلة غرجعو ف3
ملاك: لهبيلة هي ختك
وفاء: نتي نييت ههه
ملاك: طبيبة دارت معايا نرجع باش نشوف ولاد ولا بنات
خديجة: يا ربي يكون بنت وولد
ملاك؛ زعما!!! مصااب
وفاء: ولا شي جوج بنيتااات
ملاك: مصاااااب صراحة لي كان معنديش مشكل
خديجة: الله يعطيك غير الفكاكة على خير وشي وقفة ساهلة
ملاك: أمييييييييييين يا رب.. (صونا عليها مراد علمها الطيارة نزلت بينما يكملو الإجراءات غيجيبهم بجوج.. صونات مها كتسول واش وصلت أمينة بقات مجمعة معاها شوية حتى بداو كيوجدو تحضير السفرة…)
~~~~~~~~~~~~
اورطيغا: (كان حتى شريف كيتسنى باه هو شفيق هو بقا بعيد وشريف مجمع معاه كيعاود ليه على المطايفة لي دار سعد ويوسف)
بزاااااف طغاو عليهم بزاااف
شريف؛ الله يهدي خويا سعد
اورطيغا: زعما حتى تعطل ولدو عاد حقا بغينا لحفيد على عقلية د*****
شريف: لوكان تشوف حالة الولد هو لي بقا فية
اورطيغا: اممم
شريف: وداك الكلب ختو قالت شحال من يام بقاو تماك مباانش
اورطيغا: داكشي مبقاش معمر لية الݣانة!! يموتو يحياو شغلهم هداك يقيلةني غير انا
(شريف مفخباروش شنو دار توفيق اخر مرة لاورطيغا.. بانو والديهم استقبلوهم وخرجو معاهم حتى لبرا الحاج قلبو واكلو على ولد ولدو غيمشي للرياض وأمينة غتمشي لدارها حتى يدوزها اورطيغا فالليل للرياض..)
ادم: (طلع للبيت لي عاطيينو شاف فلمرايا وعينيه عامرين دمووع لابس غوب صواري ووجهو مقااد من عند ميكاب ارتيست يعني مقاد مكياج زوييين ومحايدين ليه زغب لحمو كامل…
ممتخيلش هادشي لي وصل ليه كيحس بألم كبييير ف🍑 تحل لباب ودخلت نفس لمرا ومعاها المترجم ضار عندها)
قتليني حسن انا ماشي ديال هادشي وعمرني نكون من هاد النوع
المترجم كيترجم..
….: غادي تصبر أيام من بعد سير
ادم: مقادرش الا بغيتي نعطيك الفلوس نعطيك لي بغيتي غير خليني نمشي
….: ماشي مسألة فلوس ولكن نتا نافعني.. ولّف هاد الحياة جديدة
ادم: انا عرفت الشخصيات لي تيجيو من الاحسن نساليو هادشي هنا وصليني القنصلية ومغنقول والو باغي نرجع لبلادي فرنسا
….: من الاحسن ولف.. (خرجت خلاتو محطم مقدرش حتى يتعايش حتى لمئات لي كيطلبو ديما كيعرف الفرنسية مقدرش يتحلون عليه باش يخرج من هنا ولكن هدا الحل لي بقالو من موراه كاين الانت**حار…
هو لي معمرلو راسو هاد الساعة وكان حتى قبل فاش جا يتبع توفيق حيت كيحس بحياتو وقفت نهار فقد رجوولتو…)
~~~~~~~~~~
ليلا: (كانت فدارهم مع باها ومنها لي حالتهم خايبة بزاف اكترية معندهم حتى اخبار على ولدهم لوكان غير عرفوه مات ولا هاد الحالة تسناو باها رجع مهدووود وضعااف ومكبر لحيتو)
شنو؟؟؟
أب ليلا: صافي عطاوني الحق نساافر
ام ليلا: صافي غرجعو لفرنسا وغنقابو عليه انا حاسة ولدي كاين تماك
ليلا: حسن مبقى منديرو هنا
أب ليلا: انا غرجع لتركيا تماك غنقلب عليه
ليلا: وحنا نقلبو فين تيمشي وتيكون (بداو كيجمعو حوايجهم وقطعو الببيي لي عندهم حتى من بعد يوماين..)
انا غنخرج
(مسولوتاش فين ومعامن وحتى هي مسوقتش لبست عباية دورات شال عليها ودارت نظاظر خرجت برا شدت تاكسي وعطاتو العنوان.. وصلت لبلاصة لي نعتت ليه وهبطت شافت فلبلاصة ودخلت ملقاتوش هو)
بغيت اورطيغا ممكن تكلمولي
…: ها هو طلع لدارو شوية وينزل
ليلا: انا نتسناه هنا
…: واش شي كموند ديالك؟!
ليلا: لا من المعارف ديالو
….: مرحبا ختي شوية وينزل حيت عاد جات الواليدة ديالو من العمرة ووصلها…
اورطيغا: (جالس حدا مو كانت ضعاافت شوية ماشي كما مشات شبع منها شوية وعرف انها بيخير. كان خاصو ينزل المحال باش يسدو حيت قرب الاذان تبعاتو ملاك)
كتكوووت!!!
ملاك: واش الكادو نعطيوهلها دابا؟!
اورطيغا: خلي حتى نطلع اسميمو
ملاك: ياك بحال انا بحال نتا
اورطيغا: (تبسم) للي بغيتي
ملاك: هي رغباتني بغاتك تمشي معاها للرياض بلاتي معليش دير ليها خاطرها حيت الا مبغيتش غتبقى تسول علاش وكفاش
اورطيغا: نتي مغتمشيش
ملاك: ماشي مشكل مهم دير ليها الخاطر هاد المرة
اورطيغا: واخا لالة..
ملاك: ماما وبابا غدا غيجيو يفطرو معانا
اورطيغا: مرحبا بيهم
ملاك: اممم صافي غير سير
اورطيغا: باغا تقولي شي حاجة!!!
ملاك: بغيت نخرج بلاتي مع لبنات نمشيو لشي كافي
اورطيغا: هاااااا وانا نقول
ملاك: عفاك عفااااك امراد من نهار بدا رمضان مخرجت عفاك غير مع لبنات
اورطيغا: غدا نخرجك القهوة
ملاك: عفااااك مع لبنات!!!!
اورطيغا: دخلي غيضربك البرد (تم ماشي سمعها قالت شي كلمة ضار وهي تزدح لباب)
~~~~~~~~~~~
ليلا: (بقات كتسنى مدة حتى شافتو نزل جاي جيهتهم وقفت دخل كيشوف فيها)
اورطيغا!!
اورطيغا: شنو؟؟؟
ليلا: بغيت نهضر معاك
اورطيغا: هضري
ليلا: هنا
اورطيغا: نشوفلك شي برتووش نمشيو نفطرو فيه انا وياك!!!
ليلا: لا زعما!!.. بغيت نطلب منك سماااحة على هادشي لي وقع فاش كنا انا وياك
اورطيغا: بنيتك!!
ليلا: اه انا محتاجة نقولك هادشي حيت هاد المرة غنمشيو من المغرب فمرة بابا عطاوه باش يرجع لفرنسا
اورطيغا: جلا.. (تم ماشي تبعاتو) سيري ابنت الناس فحاالك منعاودوش كولشي ازييرو
ليلا: كانو قالولي نتا ولد الحاج وعندك فلوس بابا لي قالي سيري معاه وصوني علية باش يزيروك ونتزوجو انا كنت حمارة بزاف وسمعت معرفتش اصلا كفاش سمعت كلامهم
(وقف كيسمعها)
غلطت بزاف منين صونيت عليهم
اورطيغا: لوكان قلتيلي شنو كاين غنقولك انا واحد زلال حاازق كنت باغي غير **** وصافي
ليلا: (حركت راسها بلا) نتا ماشي هكاك فاللول كانو بيناتنا مشاعر بالصح
اورطيغا: (بالصح كانت عاجباااه) من اللخر
ليلا: نتمنى تسمحلي وصافي
اورطيغا: صافي غير سيري انا معندي ݣانة لا ليك لا لباااك لا ل***** دخوك غير قيلونا عليييكم
ليلا: بسلامة
اورطيغا: (حاااقد عليهم ولكن كيحس بنوع من الشفقة على هاد لبنت كمل شغلو وكلامها كيتعاود فراسو يعني عاود سعد هو لي من مور هادشي!!!)
ملاك: (جالسة كتعاود لأمينة شحال تكرفس عليها اورطيغا وبالسيف خلاها تعلم دير الحريرة وعاد مكيبغيش الحريرة البايتة خاصها كل نهار طيب وحدة جديدة… دخل هو ويوسف قادة شيلانهم لبنات وتجمعو على الفطور)
خالتي زيدي
أمينة: مݣديييت أبنتي عيييت
اورطيغا: حسن تكاي الوالدة غدا ونوصلك للرياض
أمينة: لا ولدي حشومة مجاتش نطلو على داك الوليد مسيكين ونرجعو شحال بكييين عليه فداك المقام
اورطيغا: اممم..
يوسف: (شاف فمراد زعما راه خاصك تعاود متخليش مك معارفة والو وحنينة على لي مخاصش يتحن فيه مراد حرك راسو بلا)
أمينة: مالك ضعافيتي ابنتي؟؟؟
اورطيغا: (شاف فملاك لي بلعكس زادت صحاحت شوية وهي تنهد مكمش عينو فيها عارف غتبدا دراما ديالها)
ملاك: مع تمارة درمضان
اورطيغا: هه تتقرااو علية (شاف فملاك) تمارة؟!!!
ملاك: لا ماشي تمااااارة زعما غير لعيا ولحمل عادي الا ضعافيت
اورطيغا: ودوك جوج كيلو لي زدتي ديالاش
ملاك: (عوجت فمها وشقلبت عينها)
امينة؛ تبارك الله عليها خمسة وخميييس عليها راها حاملة بتوام مزال تزيد 20 كيلو ونتا حاوول عليها
اورطيغا: انا محااول
أمينة: باش تجيبلها لي تعاونها جالس تشها عليها وهي لي خاصها تشها وزايدها بلحريرة كل نهار
اورطيغا: (شاف فملاك رجعت راسها اللور كديرلو اشارات انها ماشي هي لي شكات على مو رجع شاف فمو)
نخرج من الجامع نلقاك لابسة حوايجك
ملاك: نجيبو لخالتي داكشي!!! (حرك راسو بأه وهي تجبدها من جيب بينوارها وعطاتها بواطة حمرا)
كادو ديال العمرة
خديجة: هاي هاي وريونا نشوفو
أمينة: (فرحت حلاتها كان خاتم كبير فيه لويزة شافت فولدها حيت عارفها كتموت على لويييز بقات كتشكرهم ودعي معاهم)
اورطيغا: بصحتوووو.. مهم لقاك واجدة باش رجعو بكري..
السمسار قالو جا مول الفيلا باش يتفاهم معاه على الثمن، مشا لدارهم كانت مو كتوجد الفطور دخل معاها للكوزينة كيتعاودو)
مهم حتى تشوفيها عجباتك ندخل فهاد لبيعة وشرية معجباتكش نشوفو حاجة اخرى
ام حمزة: شوف لعروسة واش تعجبها!!
حمزة: هي غتسكن معانا فينما الموهيم هو نتي حيت هاديك دارك نتي وحنا لي ساكنين معاك
ام حمزة: كيف؟!!
حمزة: غتكون بسميييتك نتي
ام حمزة: لا ولدي
حمزة: كفاش لا ولدي راه رزقك هداك اشريفة (مو عجبها الحال) خاصك شي حاجة
ام حمزة: لا ولدي كولشي كاين
حمزة: نمشي للجامع قبل ميعمر…
~~~~~~~~~~~
اورطيغا: (بقا مصمم على رأيو حتى لبنات دارو بناقص مخرجوش بقاو مع ملاك فالدار وهو وصل مو للرياض رجعت اكره بلاصة عندو هي هاد القنت!
دخلو لتماك وجا وجهو مع سعد وحيت كاين الحاج حتى واحد فيهم مهضر دخلت أمينة عند توفيق طلت عليه بقا فيها بزاااف حتى بكاات اما اورطيغا طلع لسطح كيكمي كيقرا ميساج ملاك لي كتغبن عليه مزال عندها أمل يخليها تخرج حتى سمع تحنحين دار كان سعد رد التيليفون لجيبو متوقع اي هجوم عليه)
سعد: شفتي ولدي
اورطيغا: علاش غنشوفو
سعد: تشوفو فين وصلت بجرتك؟؟
اورطيغا: بجرتي انا؟! واش ***** نتا؟؟؟
سعد: اشنو ربحت دابا
اورطيغا: هههه صبر ياااااا رب واش حمااار اصاحبي!!! ولدك كان غيصفيها لية داك نهار ودابا جاي تتبوهل علية
سعد: خرجتي على ولادي با خرج عليهم عمرهم بالسم من جيهتك
اورطيغا: (بقا كيشوف فيه) من اللخر بغيت ولدك يترجل عطيهلي
سعد: شكون فيهم؟!
اورطيغا: مهدي!!! هداك مزال فيه الضو عطيهلي نبردو ليك ميجي فين يكبر يدير محال حسن من هداك لي فالسعادة ولكن تخرج سوقو ومتجيش تبكي علية بحال لولية
سعد: (كان استسلم واقعة توفيق هدااااتوو وزاد خاف على ولادو كتر) شنو عندك فيدك باش تبرد ولادي!!!
اورطيغا: (حس بيه مقتانع) نتا غير عطيه لي ندخلو لكزارة وخرج سوقو وبدل داك ت**** لي تديرلي خليني مني ليه
سعد: غدا يبدا معاك.. (هبط من سطح هادشي لي دار مقتانع بيه فقط 10٪ ولكن معندوش شي حل اخر)
اورطيغا: (بقا غير كيشوف واش هاد المحادثة كانت حقيقية ولا لا بقا كيفكر بزااف حتى صونات عليه مو. نزل عندها باش يمشيو فحاالهم…)
اورطيغا: (رجع للدار مخربق كفاش عطا داك الراي لسعد وكفاش عاود يتيق فيه وهو نوالو على لقتيلة مرة وجوج وتلاتة وعاد القضايا لي كيعمر عليه فالمحاكم!!! داخ وندم دخل لبالكو كيكمي ويفكر كولشي مشا ينعس حتى سمع تقرقيب كانت مو فاقت خرج عندها كان موحشها بزااف)
الزين!!
أمينة: منعستش؟!
اورطيغا: لا.. مزال الحال على سحور اش فيقك؟!
أمينة: لواه نعجن شوي ديال بوشيار
اورطيغا: واش نتي جاية من سفر لتمارة انا نوض ملاك
أمينة: وجه الله الا ماااا بعد منها البنت حاملة بتوام!!! انا راه فاش كنت حاملة بيك صيام وكنت كنصومو بالزز (كذبت)
اورطيغا: واش على بالك انا مكرفس عليها؟؟
أمينة: مݣلنشاااي ولكن حاااول عليها راه فدارهم مكانتش تهز الكاس من الطبلة ودابا بسلامتها طيب وتجمع ودير كولشي غير باش ترضيييك حاول اولدي الله يرضي عليك
اورطيغا: لي سمعكم!!!!!…. مهم بغيت نتشاور معاك فشي حاجة نديرها ولا نرجع اللور
أمينة: الله يسمعنا خبار الخير.. (عاودلها شنو واقع ومبين ان سعد ممزيانش معاه فمرة ومقالش على بلان لقتيلة)
فيها خير اولدي بحال خوك صغير
اورطيغا: ولكن راه مسؤولية
أمينة: نتا غتعاملو بحال واحد من الخدامة وهو غتزير معاه ياك باه عطاك الضو لخضر اوا متحنش
اورطيغا: واحد شحال وهو بحفرلي وعاد المحاكم وفالتالي نعاون ولدو؟!
أمينة: (دارت قرب وهي كضور عينها)
اورطيغا: مهم انا غنزير الا باه جا تشكا غنبعد
أمينة: صافي اولدي الله يرضي عليك ويكملك بعقلك
اورطيغا: بلا متقادي شي حاجة نسخنو غير داكشي دالفطور..
دازت أيام مهدي ولد سعد كان تحت رحمة اورطيغا لي شد فيه وكيعلمو ويديه لبلاصة شياه واخا تكرفس شوية حيت هادشي هو سالاه ولكن بدا معاه من اللول سعد غير من لبعيد كيشووف مكيدخلش رغم نݣير شفيق لي مفمهش كفاش مخلي ولد الكرسيفية كيتحكم ليه فولدو ياك كان غير خدام عندهم ودابا كيعلم ولدو!!!
اما بالنسبه لمهدي كان باغي يتعلم شاف شنو وقع لخوه ولبدها وهو بحال خوتاتو عزيز عليه مراد حاجة وحدة لي مقبلهاش اورطيغا هو يدخل مهدي للمحال ديالو مزال متايقش 💯 كيقول بحال والو يديرو ليه شي حاجة عاود فالمحال ويبقى طالع هابط فالمحاكم…
أمينة كتمشي للرياض كل نهار طل على الحاج لي تفهمها انها خاص تبقى مع عروستها وتهلى فيها ملاك رجعت كطيب شهيوات واحسن حاجة عندها هو أمينة لي كتعاونها ففطور رمضان وتهنات من الحريرة خرجت صباح باش تمشي عند طبيبة مشات معاها أمينة ووفاء اما اورطيغا مشغوول فالكرنة وحيت ليلة العيد كانت عنهم كموند كتييرة دخلت عند طبيبة دارت الكشف واخا مكانتش معولة ولكن قالت ليه…
طبيبة: مبروووك عليك عندك جوج وليدات
ملاك: مكيناش البنت؟!!! (من ديما كان عندها احساس عندها ولد وبنت)
طبيبة: (كتشوف فالتلفازة) لا… (كتأكد وتوريها) جوج وليدات
ملاك: يمكن مزال الحال مزال ميبانو مزيان
طبيبة: سبحان الله توام تيبانو دغيا
ملاك: (عجبها الحال ومعجبها) الحمد لله
طبيبة: صحيحتهم مزيااان… (بقات كتوريها لعظام القلب.. خرجو المكتب عطاتها فيتامين على مترجع للحصة الموالية خرجت. هي هازة تصويرتهم)
أمينة: بنتي ندوزو نجيبو حلوتنا راه تݣادات
وفاء: انا غنمشي نقضي شي شغل ونلحق بيكم
أمينة: فين ماشية؟!
وفاء: غير البنكة ديالي نتوما سبقوني انا لحق عليكم
أمينة: امالكي باك كولشي مزيان؟!
ملاك: قالتلي عندي جوج ولاد
أمينة: بالحݣ؟!!!
ملاك: والله هادشي لي قالت
أمينة: (بفرحة) اللله ياااا ربي الله يجيبهم على خير ويعطيك وݣفة ساهلة ابنتي
ملاك: لوكان غير كانت واحد فيهم بنت
امينة: ههه المرة جاية نيشي على جوج بنات
ملاك: سيري سيري (مشاو أمينة عاجبها الحال وملاك غير ساكتة كانت كتمنى تكون شي بنوتة من ديما كانت كتمنى يكونو عندها لبنات بحال كما هي تربات مع خوتاتها.. صونات على مراد مجاوبش وهي تركب فطموبيلتها مشاو جابو الحلوة خدات شي سخرة من باتيسري ومشاو للدار يرتاحو شوية باش ينوض يقادو الفطور..)
اورطيغا: (طلع يدوش لقا وفاء ياله طالعة حتى هي)
فين كنتي؟
وفاء: (عينيها مغرغرين) ديك الكلبة ديال فاطمة الزهرا!!
اورطيغا: شكون؟! ومالك تتبكي؟!!
وفاء: (مسحت وجهها من دمووع) عطيتها فلوس باش تجمع راسها مبغاتش طالبة لي 5 دالمليون بحال انا كنسكهم!!
اورطيغا: واش لي كانت كارية معاك؟!
وفاء: اه
اورطيغا: باش تتهددك
وفاء: توري لراجلي تصاور فاش كنا انا وياها كن…
اورطيغا: اممم وعلاش مقلتيلي والو
وفاء: نتا ياله مكافي مع هادشي ديالك ومشاكلك والمشكل عرفات عمر ولد خالتك و..
اورطيغا: (حك ذقنو ووقف المصعد ماشيين جهة الدار) صيفطيلي فميساج نمرتها ولادريس ديالها
وفاء: مراد خويا بلا مدخل راسك فهادشي
اورطيغا: نتي خرجي هاد السوق حتى انا غنبقى بعيد
وفاء: بففف مرضاتني فحياتي
اورطيغا: شحال خدات منك؟!
وفاء: مليون و20
اورطيغا: اممم صافي نتي خوي راسك انا غنشوف مع هاد ال..
(تحل لباب كانت ملاك)
الزين
ملاك: فين كنتو؟!
اورطيغا: تلاقينا هنا (دخل وهي كتشوف فيهم اصلا معاجبها حال)
مال مك!!
وفاء: مالكي؟!
امينة: (خرجت عندهم) جيتو وفا بنتي شحال وانا نتسناك وراجلك شحال وهو يصوني
ملاك: علاش مكنتيش كتجاوبي؟!
اورطيغا: اجي نتي بعدا (دخل لبيت وجرها معاه راد لباب)
ملاك: واش كنتي معاها ؟؟
اورطيغا: (كيلمس حنكها باينة مرشقاش ليها) مالكي
ملاك: (طرطقت كتبكي) عندي غير لولاد كنت كنتمنى تكون عندي بنت
اورطيغا: جوج ولاد توام؟؟
ملاك: اه
اورطيغا: (تبسم وجرها معنقها)
خاص نحمد الله احبيبة بحال الولد بحال لبنت نطلبو غير صحبتهم تكون مزيانة
(سمعها كترد بعد وجهها من عليه نسا كتعيف ريحة لحم، شاف حوايجو)
ملاك: (دايرة كف يدها على نيفها) والله حتى نتا لي غترد هاد نهار من صباح وانا صابرة الجوع العطش ودابا ضيعتلي نهار ومع 6 العشية والله حتى تردو نتا!!!
داز العيد فجو زوين ملاك طلقت فشوشها على اورطيغا لي شحال وهو ميك وغاابر عليها بشغال لي تزادو عليه.. جاو فالعشية عائلة ملاك باش يباركو العيد والعمرة لأمينة..
~~~~~~~~~
دازت شهوور وفاء تقادو ليها لوراق بكات هي وخديجة وملاك حتى شبعو مسخاوش بيها ولكن خاص تمشي لحدا راجلها وتستااقر فحياتها الحاجة زوينة لي رتاحت منها هي فاطمة الزهراء من داك نهار لي عاودات لاورطيغا فيه كولشي.. جمعت حوايجها وقدات اومورها على ميجي راجلها ويمشيو بجوج كانت ملاك عند طبيبة ودخلت كتفحصها
ملاك: غير قولهم انا مقدراش نولد عادي بغيت سيزاريان
…: علاش ابنتي نجربو الولادة العادية هي اللولة
ملاك: (بخوف) لا لا منقدرش عفاك ادكتورة انا كنتيق فيك وباغا نولد عندك انا بغيت سيزاريان بروݣرامي ولكن قدام العائلة قلهم شي سبة باش نولد سيزاريان
….: مكاينش ما احسن من الطبيعي ابنتي
ملاك: عااارفة ولكن خفت بزاف مبقيتش كنقدر نعس فالليل ديما كنبكي وكنخاف نموووت وانا كنولد
…: مبغيتش نزيد نخلعك ولكن سيزاريان حتى هي صعيبة
ملاك: عفاك ادكتورة
….: ديري بعدا راديو الحكاك ونشوفو
ملاك: واخ
…: عاود فكري ابنتي
ملاك: فكرت مزيااان غير.. صافي انا قررت عفاك غير قدام العائلة متقوليش انا لي ختاريت
…: ولكن خاصك تسني على ورقة سيزاريان بروكرامي
ملاك: اه نسني
….: عاودي فكري ابنتي هادشي لي عندي نقولو ليك وغنعطيك شي تحاليل جيبهم لي
ملاك: واخا.. (خرجو عند اورطيغا لي جالس كيتسنى برا كتبت ليها شي تحاليل والراديو خرجو برا)
فين غتمشي دابا
اورطيغا: (كانت ضعاافت بزاف وبان فيها لعيا) تبغي نمشيو لشي بلاصة؟!
ملاك: بغيت نمشي للدار نتكى
اورطيغا: نسافرو هاد اليوماين؟!
ملاك: فين؟!
اورطيغا: اممم رباط قرية جوج سوايع الا كترنا وهاحنا فيها
ملاك: وطاتي؟!
اورطيغا: هي مشغولة مع مها دابا ومنها نبدلو الجو انا وياااك متعرفي ربي يجيب التيسير
ملاك: ههه مراد (فهمت قضدو هادي شهرين مبقاتش كتخليه يقيسها حيت مع الكرش ولات نافرة العلاقة وهنا هو حتارم قرارها) واخا نمشيو ولكن شي لاخر
اورطيغا: غنتزوج على مك
ملاك: ههه غندخلك الحبس نسيت راك كاتبها فالعقد
اورطيغا: بفففففف شحال بقى باش تولدي
ملاك: ههه راني فشهري نيت مبقى والو عفاك غير زيد صبر معايا…
ادم: (شهوور ديال المعانات لي سلكو هو واحد تصاحب معاه ومثل عليه الحب والغرااام وحتى جسمو ووجهو مبقاش مسااعدو حيت مرض بزااف خرجو خداه للمطار على اساس يبقى يجي عندو لفرنسا.. كان قادلو الوراق وعاود قاد ليه باسبور حيت شخصية واصلة تماك ركب فالطياارة ومقدرش يحبس دموعو كان جاي لتركيا بكل قوة وفرعنة باش يقتل توفيق وشو دابا حالتو كيف دايرة..
مدة الطيران كاملة وهو كيبكي حس براسو عيا بزااف براكة غير عتقوه جوج مرات منين بغا ينتاحر حتى رجع محبوس فبيت فيه نموسية ووسادة وحتى الماكلة كتجيه فطبسيل بلاستيك لا فرشيطة لا معالقة بالمعنى كان فحبس..)
~~~~~~~~~
غيثة: (كانت دارت عرس كبيير فرحو فيه عائلتها وهي وحمزة وولدها ومن موراها مشاو شهر العسل لاوروبا.. كانو راجعين اليوم كيتسناو موعد طيارتهم شافت فحمزة)
توحشت محمد
حمزة: قريب نشوفوووه
غيثة: غنمشيو لدارنا نيشان؟!
حمزة: ناخدو محمد ونمشيو الوالدة كتسنانا
غيثة: شنو بان ليك فداكشي لي قلت ليك على العمرة
حمزة: مزيانة مهم نكمل بعدا داكشي ديال الزيتون ونشوفو هاد القضية بحال والو نمشيو كاملين
غيثة: ان شاء الله
حمزة: (بقا مدرعها وهي حاطة راسها على كتفو كيتسناااو حتى كيبان ليه.. غمض عينو وعاود كلهم كيتأكد ومتيقش واش هدا هو ادم!!!! ياك هو مات بقا متبعو لاخر دار قب الكابيتشو وحنا راسو ماشي خاارج)
غيثة انا جاي
غيثة: فين ماشي الطيارة مبقات ليها والو
حمزة: (متبع داك الشخص) غير هنا نجيب قرعة الما
غيثة: (باستغراب حيت كانت عندهم وحدة ياله شارب منها شي جغمات)
حمزة: (ناض وهي كتشوف وهي تهضر لي كتقول على أن الركاب خاص يلتاحقو بطيارتهم بقا حاير يخرج يرضي شكو ويشوف واش هو ولا لا ولا ينسى ويمشي)
غيثة: حمزة!!
حمزة: (مشا عندها هز شكارتو وهي كتسول مالو) غير تشابهلي شي حد
غيثة: صاحبك؟!
حمزة: معرفة وصافي.. (مشاو وبقا حاير واش هو ولا ماشي هو؟؟؟)
ملاك: (شادين طريق هي ومراد وغير كتفكر خايفة بزاف من الولادة اكترية كتفرج فالفيديوهات كتزيد تمرض شدلها يدها وضارت عندو متبسمة)
قربنا؟!
اورطيغا: مبقى والو.. مكليتي والو من داكشي لي جبت ليك
ملاك: هم!! ما فياش الجوع
اورطيغا: مواكلاش من الفطور املاك!!
ملاك: غير.. بغيت شي حاجة مالحة
اورطيغا: شنو بغيتي
ملاك: معرفتش
اورطيغا: قوليلي مالك؟!
ملاك: والو غير كنشوف طريق وصافي قولي فين وصلت مع ولد داك شلاهبي
اورطيغا: ولدو لا علاقة بيه
ملاك: غدخلو للمحال؟!
اورطيغا: لا ضربت عليه فواحد المحال باه والحاج غيعمرو ليه وديك الساعة يوريهم شطارتو
ملاك: براڤو عليك دغيا كتنسى انا كنبقى حاقدة
اورطيغا: الولد صغير مدار لي والو!!! ميمكنش نرد لومة باه ولا خوه فيه
ملاك: اممم
اورطيغا: انا لي تيهمني دابا هو نتي قوليلي مالك؟!
ملاك: والو.. غير عييت وصافي
اورطيغا: مبقى والو احبيبة
ملاك: الحمل صعيييب
اورطيغا: مبقى والو ونهزوهم ونفرحو بيهم
ملاك: غنديرو سبوع ؟
اورطيغا: معلووووم حتى ترتاحي ونشوفو القاعة
ملاك: وخاص نقادو بيتهم
اورطيغا: نقادو لي بغيتي غير رجعي كتاكلي شوية ونسااي هادشي فاش عايشة غتولدي ان شاء الله وتولي مزيان انا توحشت غير داك نݣير ديالك
ملاك: (تبسمت وبقات ساكتة..)
~~~~~~~~~
ليلا: (كانت صدمة ليهم ان ادم رجع من بعد هاد شهوور كاااملة بقاو غير كيشوفو اما هو حدو كيبكي مهضر مقال والو حدو قال ليهم بغيت نعس.. دخل لبيتو وهو بقاو مصدومين)
شنو يكون وقع ليه
ام ادم: (كتبكي) ولدي خاصو طبيب
أب ادم: اه.. اه غير يتوݣض غنمشيو طبيب ولكن فين كان هاد المدة كاملة
ليلا: زعما علاش تخبع واش كان مخطوف ولا خداوه لشي صبيطار كان فاقد الذاكرة
أب ادم؛ ينوض ويقول لينا كولشي…
ملاك: (كتسمع الموسيقى كان مطعم شرقي وكيتسناو الكموند ديالهم وهي تشوف فيه كان شاد تيليفونو)
معامن كتهضر؟
اورطيغا: تنشوف شنو الماتشات لي كاينين اليوم!!
ملاك: علاش عمرك جبتلي الورد؟
اورطيغا: (طفا التيليفون وحطو فوق الطبلة ) شنو ديري بيه؟!
ملاك: ناكلو!!!
اورطيغا: صافي نديك لشي جنان ونطلقك على الفصة علفيها
ملاك: مكنظخكش علاش مكتجيبليش الورد انا كيعجبني الورد من نهار عرفتك عمرك جبتلي شي وردة!!
اورطيغا: وعلاش نحيبلك هاد الورد ونتي احسن وريييدة عندي
ملاك: (بقات ساكتة كتشوف فيه)
اورطيغا: بغيتي الورد؟
ملاك: اه ولكن تفاجئني بيه
اورطيغا: واخ لالة شي حاجة اخرى
ملاك: لا صافي.. (جا السرباي حط الماكلة جا يسولها واش تزيد شي حاجة اخرى لقاها كتبكي)
اورطيغا: ملاك!!!
ملاك: (كتبكي حتى دارت يدها على وجهها جر كرسيها مقربها حداه كيسولها بشوية حتى هزت عينيها الدامعين فيه)
خفت نموووت
اورطيغا: متقوليش هكا ان شاء الله غتولدي. كولشي غيكون مزيان
ملاك: نتا محاااسش بية
اورطيغا: حاس بيك احبيبتي ولكن تفائلي فكري غيجيو وليدات زوينين بحالك ويعمرو علينا القنت
ملاك: الولادة صعيبة داكشي لي كنتفرج فيه صعيييب
اورطيغا: وعلاش اصلا تتفرجي راه نتي لي تتغلطي هادشي متيتفرجوش فيه الناس (بقا كيسكتها حتى بقا كيوكلها وكيبزز عليها الماكلة حيت ماكلتها رجعت قليييلة كملو وناضو من تماك مشاو لوطيل حاول يتقرب منها ووالو نفرااات العلاقة الحميمية وحتى هو مكيحكرش عليها بزااف عاطيه عذر وفاااهم انها مبغاتش غير بسباب الحمل ماشي حيت كرهاتو هو)
غيثة: (كانت شربت لكينة وبقات جالسة كتسنى حمزة لي كان فبيت مو وكتخمم فكلامو صيفطت ميساج لماماها كتسولها على ولدها لي بقا كيتنتر مبغاش يمشي معاها مولف الغالية وجدو وخلاتو يبات معاهم سولات عليه كان نعس دخل حمزة تبسم معاها)
نعست طاتي؟!
حمزة: نعست طاتك
غيثة: علاش تظحكك هاد الكلمة
حمزة: لا بلعكس زوينة مالها رقية كانت تحلم بمرت ولدها تقولها طاتي
غيثة: هه
حمزة: معجباتكش هضرتي قبيلة؟!
غيثة: (حس بيها) لا… غير!!
حمزة: نتي باغية؟!
غيثة: لا
حمزة: وشنو لي معجبكش حيت قلتها انا؟؟
غيثة: (بقات كتشوف فيه بحالا كيقرا شنو كيدور فعقلها)
حمزة: مخاصش يكونو بيناتنا هاد الحزازات احبيبة بحال قلتها أنا بحال نتي المهم هو نكونو متفاهمين
غيثة: ونتا باغي؟! ماشي دابا ولكن من بعد باغي؟
حمزة: أنا باغي قبل حتى منتزوجو ولكن عليك نتي باغي نعطلو وحتى محمد يكبر شوية وعاد نجيبو ليه ختو ولا خوه
غيثة: (حركت راسها باه) انا صراحة ممستعداش دابا
حمزة: وحيت عارفك مابغاش وممستعداش قلتلك نبقاو شي عماين عاد نولدو
غيثة: ومبغيتش نكون أنانية معاك عاود
حمزة: محمد ولدي متهزيش هاد الهم من نهار تولد حسبتو ولدي
غيثة: (تبسمت) عارفة
حمزة: اممم…. (جلس مدرعها) انا سفر معيانييييش
غيثة: ههه انا عيييييت
حمزة: صافي نحايدوها علينا باش تنعسي مزيااان
غيثة؛ شنو هي؟!
حمزة: *****
غيثة: اوووو عاود احمزة
حمزة: معرفتش كفاش غنبقى نوصلها ليك
غيثة: بالاشارات
حمزة: واخا أبابابّا 👌🏻👉🏻
غيثة: هههههه
حمزة: مزيااان هكا……
ملاك: (حست بحريق فظهرها وبقات كدور عينها سمعت أذاان الفجر ناضت من بلاصتها شافت مراد كان ناعس شوية نقزت وقفت جاها حريق خفييف وبقات سادة فكرشها)
ألا؟!!؟!
ماشي وقتكم؟؟!!!؟
(بقات واقفة صاقرة كدور عينها وشادة كرشها بيديها مدة حتى رجع نغزها أسفل ظهرها هزت التيليفون لي كيزيد يخلعها ودارت عاود google لي كولشي كيتبرا منها تبعدو ومتبقاش متبعة حيت كل مرة خالعها خرجت عينها وهي كاقراها انها من علامات الولادة)
ولكن باقي 10 أيام!!!!!!
مراااد مراااااااااااااد
اورطيغا: (فافاتو) مااااالكي!!!! (شافها شادة كرشها من لتحت واقفة مشا بالزربة عندها)
مالكي؟!
ملاك: معرفتش يمكن غنولد نوض وصلني
اورطيغا: ياله نمشيو لشي مستعجلات
ملاك: لا لا لا ديني لفاس بغيت طبيبة ديالي؟!
اورطيغا: راه حتى هنا كاين الطبة علاش حتى لفاس
ملاك: عفاك امراد
اورطيغا: والا شداتك لولادة فطريق فالبنت؟!
ملاك: لا لا انا نشد راسي غير نمشيو دغيا راه حتى سقية مطرطقتش عفاك نمشيو
اورطيغا: راسك قاااسح!!
ملاك: عفاك امراد عفااااك (مشات كتزرب تلبس عبايتها وحتى هو كيزرب كيقنعها يمشيو لطبيب تماك مبغاش وقلبتها بكا سكت وهبطو شادين طريق لفاس كيدعي فخاطري يوصلو على خير وهي كدعي متولدش حتى توصل لفاس كتصوني على طبيبة شي جوج مرات عاد جاوبتها علماتها بشنو وقع ليها وقالت ليها تسبقها كلينيك لي دايرة تولدها فيه)
خاص الحوايج
اورطيغا: يقدر غير حريق فايت
ملاك: (فنفسها واخا يكون فايت غدخل تولد سيزاريان)
الا مت منسمحش ليك الا تزوجت
اورطيغا: اش هاد الهضرة الباسلة عاود!!!
ملاك: باغي تزوج؟!
اورطيغا: من لعزاايا ولا شي وحدة من دوك الفرمليات
ملاك: ياااك!!!
اورطيغا: نعلي الشيطان املاك وقراي شوية القران راه غير حريق دااايز وحتى لوكان تولدي فرحي غتشوفي دوك الوليدات ونساي عليك هاد العقلية ديال التشاؤم
ملاك: (رجع نغزها حريق غمضت عينها كتقرا حتى شد يدها زير عليها)
اورطيغا: تكااي وحطي رجليك فوق رجلي (تكاات فبلاصتها دايرة زيادتها تحت عنقها وهو شد رجليها بيد زيد شاد الڤلون)
رخي راااسك الا جاك نعاس نعسي
ملاك: (بقات كتشوف فيه شحال حنين فيها..)
ليلا: (كانت حتى بغات تعلم حمزة بمجية ادم لي قالو صافي راه مات وهي تراااجع من نهار سمعات بيه تزوج من غيثة حلفت متبقاش تهضر معاهم ولا تفكر فيهم ولا فأي واحد فالمغرب عتابرتها صفحة وتطوااات من غير الا رجع هاد خوها لشي شر واخا دابا صعيب يدخل المغرب وكولشي متحلف فيه..
دقت الباب عليه)
ادم: دخلي
ليلا: (حلت الباب وشافت فيه كان حاااالتو) نهضرو؟!!!
ادم: (كانو كل نهار كيحاولو يهضرو معاه وكان مباغيش يهضر حرك راسو بأه يمكن الا هضر تفاجا عليه شوية!!!)
دخلي وسدي من موراك الباب!!
ليلا: واخ.. (جرت كرسي وقربت حداه) فين كنت؟!
ادم: تركيا خطفاتني عصااابة وباش هربت وجبت هنا غير ب…
ليلا: عصابة؟!!
ادم: عشت اصعب أيام حياتي
ليلا: شنو بغاو منك
ادم: (عاود ليها كولشي) هادشي لي وقع ودابا متنخرجش حيت خايف هداك يكون تيقلب علية
ليلا: (بقات مصدووومة وفنفس الوقت كلام كيتعاود فراسها لي دارو كيدارلو باش أذى الناس باش تأذى حتى هو!!!)
وعلاش متمشيش البوليس
ادم: بغيت نبقى غير فالدار حيت باين لاخر عندو معارف كتيرة
ليلا: ميمكنش تبقى مخبع حياتك كولها
ادم: على الاقل هاد الوقت اصلا مقادرش نشوف الناس مبقيتش قادر نخرج من هنا
(وراها يديه فين كاين طراسي ديال جراحي فاش فكر ينتاحر)
فكرة لي تدور لية فراسي دابا هو نتهنى من هادشي
ليلا: لا الانتحار ماشي حل حاول تصلح راسك
ادم: وشنو غنستافد انا ضعت
ليلا: حتى حاجة مضااعت انا نعاونك نمشيو طبيب وحاول تعمر وقتك بشي حاجة لي تنفعك على الاقل رجع لخدمتك وبعد عليك الشر لي درتي فالناس..
لقات طبيبة سبقتها لاكلينيك دخلت عندها بوحدها كتفحصها وكترغبها دير شي سبة باش دخل تولد سيزاريان بغات تعاونها واخا عيات معاها وتقنعها ان الطبيعي احسن بألف مرة من سيزاريان وانها هي كتعدى على صحتها واخا هكاك مقنعتهاش خرجت طبيبة عند مراد كان مشا يصلي وجدو ملاك باش دخل العملية حتى جا هو عندها حيت قلب عليها فين كانت وملقاهاش)
اورطيغا: فينها؟!!!
طبيبة: المدام غتولد دابا سير جيب ليها حويجاتها وحويجات البيبي
اورطيغا: علاش جاها الحريق؟! كانت دخلت عااادي؟!!!
طبيبة: غتولد سيزاريان
اورطيغا: بالعملية زعما؟!؟ علاش؟!
طبيبة: مدام ملاك خايفة بزااف وماقدرتش تولد طبيعي عييت معاها باش تولد طبيعي هي مقدرتش الا قدرت تقنعها تسنى شوية هي اصلا قربت تولد والوالدة تحلت ليها بسنتيم يعني بقى غير شوية ديال الوقت وتولد
اورطيغا: (عارفها خايفة بزاف) واش هاد العملية صعيبة عليها؟!
طبيبة: لا بإذن الله غتكون مزيان
اورطيغا: هي راسها قاسح وهاد الايام غير تتبكي صافي ديري داكشي لي بغات غير تفك على خير
طبيبة: (هو دخل عند ملاك وهي هبطت لتحت لغرفة العمليات على ميهبطوها)
ملاك: (كان باين عليها الخوف) قلتلك طبيبة راه غتولدني دابا!!!
اورطيغا: سمعي توقع شي حاجة ليك ولا لدوك لبراهش غندبح مك باغا غير تولدي هبطي دغيا فكينا
ملاك: ومخايفش علية
اورطيغا: لا معاك ربي وانا معيا شي فرمليات منقوولكش صݣيطاااااات
ملاك؛ واش شوية لباس انا فين ونتا فين؟!!!!!
اورطيغا: فين نتي صافي غدخلي طبيبة قالت مكاملاش حتى نص ساعة وغتجيبك عندي.. شنو بغات الزين ديالي فكادوها
ملاك؛ اممم غير شي لويزااات
اورطيغا: لويزات ݣاع وحدة
ملاك: جوج غنولد ليك جووووج
اورطيغا: واخا لالة ولدي ونخرجو انا وياك نجيبهم (عنقاااتو وباس ليها راسها)
متخافيش الله معاك وقراي شوية القران
(صونا على مو باش تجي وتجيب حوايج ملاك لي جامعاهم هي وولادها جلست فالكرسي المتحرك وداوها كيشير ليها على الفرملية انها زوينة مخليها تنسى الستريس شوية وهي مغددة عليه بقا على أعصاابو جاتو البكية غير حشم يبكي قدام الناس جات مو وخرج تعرض ليها وجار جوج باليزات صغار حتى هي كانت بلا عقل صوناو على زهرة وعلى خديجة وعلى وفاء وبقاو كيتسناااو حتى جابو ليهم الوليدات هنا عينيه دمعوو ومو كتبكي وتمسح ليه عينيه شدهم بجوج واحد فذراع ولاخر فذراع التاني شاف فالفرملية)
فين ملاك واش هي بيخير
….: هي بيخير وكولشي داز مزيان غير يكملو ليها لخياطة غتجلس ترتاح شوية ويطلعوها عندكم…
جات خديجة ووفاء ومها ورشيد كانو فطريق خدات الوليدات عند الحضانة باش يعطيوهم يرضعو وهو يطلعو ملاك كانت داايخة كولشي كيسولها على أحوالها ويطمئن عليها واورطيغا غير شاد يدها وجالس حداها حتى همس فودنيها
اورطيغا: شفتيهم؟!
ملاك: (متبسمة) اه زوينين
اورطيغا: أهم حاجة جابو اللون ديالي
ملاك: ألااااا
اورطيغا: كفاش ألاا بحال معاحبكش الحال
ملاك: لا ماشي هكاك أنا شفتهم كانو بيوضييين
اورطيغا: لا عزيين بحالي ولا كتر
ملاك: ألااا!!!
أمينة: ههه بعد البنت لعساك ابنتي مزويناتهم
اورطيغا: علاش انا خاايب
ملاك: (نساها فداك الحريق) واش مصورتووهمش؟؟!
اورطيغا: هانتي ككما تتشوفيني هكا دايرين (بقا شاد فيها حتى جابوهم ليها شافتهم.. وصلت مها وباها ومرت عمها جات غيثة حتى هي كطل عليها جا حتى الحاج وشريف ومرتو كان كولشي فرحان وهي واخا شوية ديال الحريق ولكن الفرحة غلبت تافقو على سميات أيوب وأيمن….
كملت 3 أيام تماك على مولات مزياان وخرجت لداارها فين ستقبلوها والعائلة مجموعة قررو يديرو ذبيحة ويسميو ومن بعد متبرا مزيان ويديرو سبوع..
كانت ملاك هاد الايام كترتاح حدها كترضع واخا جاتها قاسحة فاللول ولكن صبرت باش ترضعهم وكتعاون حتى بحليب الفرماسيان مرة مرة انا سهير كان على أمينة واورطيغا ومها لي جلست هاد الايام تماك مخلينها ترتاح مزيان ونفسيتها تقاااد.. دازت 30 يوم قررو يديرو سبوع كراو ڤيلا جمعو فيه العائلة وصحااب وداروه ولكن بلا عمارية وقوة لباس كان سبووع تقليدي فارقين رجال بوحدهم والعيالات بوحدهم.. كولشي كان هو هداك كملو ورجعو لدارهم.. كانت خرجت من الدوش لقاتو كيشوف فيهم وهوما ناعسين فنموسيتهم)
ملاك؛ عنداك تفيقهم… باز ولدت ومفكرتش تجيبلي حتى وردة
اورطيغا: كيلو كفتة حسن
ملاك: عاود!!!
اورطيغا: انا جبت ليك كادو
ملاك: بالصح!!! (شير ليها على ساشية مشات كتجري حلاتها كان غوب دونوي) شنو هدا
اورطيغا: قلبت قبيلة مبقاتش فيك؟!
ملاك: (شحال من مرة تكون ناعسة كيقلبها واش فيها) اوا والولاد
اورطيغا: هضرت مع الوالدة غيبقاو معاها
ملاك: حشوووومة والله وزايدون خاصني نكمل 40 يوم كولها
اورطيغا: 40 يوم غنمشي نضرب مها بشي تزويييجة
ملاك: اممم تيقتك
اورطيغا: ياله لبسي مزياان انا نتسناااك راه حداها شي 2 3 سوايع وهاحنا هنا
ملاك: نص ساعة منفوتوهاش
اورطيغا: ياله ياله راه تابعانا خدمة!!….
ملاك: (كانت كتقاد ظفارها سمعت باب الدار تحل شافت فوليداتها ناعسين وقفت خرجت من لبيت)
نحط لغدا
اورطيغا: فين الواشون
ملاك: ههه ناعسين
اورطيغا: حقا جاتك شي بريا (عطاهالها ومد ليها جاكيط ديالو)
انا ندخل ندوش بالخف
ملاك: (شدت لبريا مشات للكوزينة كتحلها بقات كتقراها كانت من الخدمة باش تمشي عندهم كما قال ليها المحامي صافي قربت ترجع للخدمة وباينة جاها تعويض شعلت على الطاجين كتخمم شحاااال هي ولفت الدار ومراد ممخليهاش مخصوصة من والو راه حتى دارها مكرية وفلوس لمرا كيمشيو لكونت ديالها كيتجمعو كل شهر قليل فين كتهز شي حاجة وكتصيفط لبنت عمها شي حاجة حيت واعدتها غتهلى فيها حتى تكمل قرايتها صونات أمينة عليها علمتها مغتجيش اليوم غتبقى مع الحاج قطعت وجا كيعاونها كيحط لغدا معاها)
حبيبي
اورطيغا: غير لخصي عندي خدمة بزااف
ملاك: علاش متجيبليش شي خدامة
اورطيغا: علاش؟!
ملاك: غير تعاوني فطياب عرفتي صباح بقيت كتزرب بزاف وكنخليهم مساكن كيبكييو
اورطيغا: الوالدة تتعاونك
ملاك: اوا ها هي يوماين مكيناش وحتى اليوم قالت مغتجيش
اورطيغا: صبري بعدا نكمل داكشي ديال الارض
ملاك: انا نخلصها
اورطيغا: واش على الخلاص ابنادم انا باغيك نتي لي تكوني واقفة على طياب ماكلتنا هدا هو شرطي من اللول
ملاك: توام راه صعاب امراد
اورطيغا: نصبرو
ملاك: مكيبقاليش حتى الوقت ليك فالليل بلا متبقى تنفخ وتقولي مبقيتيش كتسوقليلي
اورطيغا: (بقا ساكت كياكل) انا نشوف مع الوالدة ديك السيدة
ملاك: (كتسبو فخاطرها حتى سمع حس الليل عاد بغا يدير الحل)
اورطيغا: غنشوف الارض ومن بعد غندوز الليدو ونرجع دغيا باش متبقايش بوحدك
ملاك: واخ
اورطيغا: تبغي شي حاجة؟!
ملاك: لا
اورطيغا: شنو الورقة لي جاتك؟
ملاك: غير على الخدمة
اورطيغا: (مباغيش يمنعها ولكن مبغاهاش ترجع على الاقل حتى يكبرو ولادهم)
انا مشيت
ملاك: (بجوج كيتهربو من الموضوع مشات معاه للباب حنا باسها فشنايفها)
اورطيغا: جبدينا داك الحزام الحمر
ملاك: وجد الغرامة
اورطيغا: ونغرم على مك حتى لصباح
ملاك: ههه وجيب عشا معاك باش متكونش عيانة..
أمينة: (مفتاخرة بزااااف بولدها وأكترية منين سعد حنا الراس وخلا ولدو يكون متعلم عند ولدها وعاد عاجبهم الحال واخا مكيهضروش مكيشكروهش ولكن باينة..
دخلت عند توفيق لي جالس فكرسي متحرك مكيخرج مكيدخلش رجع فيه الرعب وخايف غير من جنابو نعاس مبقاش كينعس مزيان كل ليلة نفس الكابوس وكيتعاود نفس السيناريو بين عينيه منين ضربو ادم حتى منين تشدو ودنيه…)
ولدي نخرجك شوية
توفيق: لا
أمينة: شحال قدك تبقى محبوس مك مسكينة راداها غير على عينيها باغية تشوفك غير خارج من هاد لبيت
توفيق: مبغيتش نخرج غيجي عندي
أمينة: شكون واش داك صفر الكمارة ؟؟
توفيق: اه هو مماتش هو ضربني وهرب ماتكون وقعت ليه والو
أمينة: واش غيدخل حتى لهنا راه غيخاف على راسو
توفيق: هداك يقدر يدخل فينما بغا انا لي عارفو مزيان راه نهار عرس ولدك سيفط لي يدير ليه السم
أمينة: (متيقاتوش حيت منين جا وهو كيدخل ويخرج فالهضرة) ولكن دابا ميݣدرش يدخل
توفيق: وراه تيعرف شكون يدخل انا راه صرفطني ندير السم غير الواليد هو لي عتقو ولاح كاس القهوة
أمينة: اوا الحمد لله دابا موقع والو
توفيق: واش متيقتينيش؟!
أمينة: تيقتك اولدي هو غير بزز عليك ونتا مبغيتش
توفيق: لا بغيت كنت غنقتلو
أمينة: اوا ربي كتب ليه عمر جديد وكتبو ليك حتى نتا باش تخرج من هاد الحفرة وتعيش حياتك
توفيق: الا مقتلنيش ادم يقتلني ولدك
أمينة: لا لا ولدي ݣاع ممسالي وهو راه معارف والو خلي هادشي لي راك تݣولي سر بيناتنا
توفيق: هو معارفش؟!
أمينة: لا اجي نفرحو مك وخرج عندها
توفيق: انا بغيت غيثة
أمينة: اجي بعدا عند ميمتك وحتى لمن بعد ونهضرو عاود على غيثة
…بعد مرور 5 سنين
ملاك: (ناضت من لبيرو وهي متقلة شافت فالسيدة لي خدامة معاها)
عييت..
…: شحال بقالك باش تولدي
ملاك: (بقات ليها 15 اليوم) هاد شهر الا كتاب
….: الله يفكك ابنتي على خير حطيتي الكونجي ديالك
ملاك: مزال مسنااااه
….: سيري دابا ترتاحي حتى يسنيه ويجي راجلك ياخدو
ملاك: حتى وميسنييهش غنشوف شي حل اخر اصلا قريت عليها من حقي 5 سنين بلا خلاص وعاد منقدرش نخليه وليداتي ونجي
….: يصاوب الله ابنتي
ملاك: (توادعت معاها وخرجت اصلا رجعت للخدمة وهي مكرهة هي ولفت لجلاس فالدار والراحة لوكان ماشي الاكتئاب لي شدها من حمالتها وموت مرت جدها مكانتش ترجع كانت عزيزة عندها بزااف ديك السيدة خرجت برا ركبت فطموبيلتها جديدة وبقات كترتاح داز من حداها موظف معاها خسرت كمارتها هادا واحد من هادوك لي كانو كيسمموها بشوفاتهم واخا مهضروش ولكن كيوصلو ليها الميساج زعما راه عارفين تشدت فالحبس على الخيانة الزوجية واخا هي مخااانت مكانت مزوجة فداك الوقت صونات عليها وفاء ابيل فيديو جاوبت)
وفاء: يااااا ختي هبلتني هاد البنت
ملاك: غير وحدة وشيباااتك
وفاء: جنية جنية جنية
ملاك: وشنو نقول على دوك لي عندي فالدار وعاد هدا لي جاي فطريييق
وفاء: واخا هكاك اختي غير كيشوفو مراد كيجمدو اما هادي باها لي زايدلها فيها ظلعة
ملاك: بعدي البنت ياله مسكينة عندها عام ونتي كتهضري بحال عندها 20 عام
وفاء: لهلا يوريييييك
ملاك: انا بعدا تكون عندي البنت انا نفششها ونزيلها جوج ظلعات
وفاء: مزال تحملي ويكون عندك بنت (قطعت عليها بقات كظحك ناضت من بلاصتها كتقلب على بنتها لقاتها فالكوزينة حالة الثلاجة مروناااها)
يااااااااااااااا ربي ياااااااسميييييييييين
ملاك: (صاݣت وهي متعبة مشات لدارها ماشي فين كانو ساكنين حيت باع دارهم وشرا بقعة والفلوس لي كان جامع بناها على شكل ميني فيلا لقات طموبيلتو تماك حطت الطموبيل برا حتى يدخلها هو حلت لباب كان الصيف الصهد ولعيا كان معمر ليها لابيسين البلاستيكي كان ساريه كبيييييير وجالس حداهم لابس غير شورط وجالس فالشمس)
اورطيغا: الزين!!
ملاك: عيييييت
اورطيغا: لوكان علمتني انا نجي نجيبك
ملاك: جات خالتي؟!
اورطيغا: لا كنت نجيب معايا هاد رجال ونجيو نجيبوك
ملاك: (تبسمت معاهم وهي كتشوف كل واحد كيعيط ليها باش تشوفهم كفاش كيعومو اصلا منين كيكون مراد كيكونو مأدبين ومهدنين)
انا ندخل نتكى
اورطيغا: اجي جلسي معانا
ملاك: بصحتكم الشمس قاسحة ونتا سلامتك معندها متدي من عندك مبروزي من عند الله
اورطيغا: هههه سيري دوشي انا نحط لغدا كولي عاد رتاحي
ملاك: مفياااش متخليهمش فالشمس بزااف
اورطيغا: غتاكلي ومن بعد وتكاي
ملاك: (دخلت كتجر رجليها ورجعت عندو) الطموبيل بقات برا عفاك دخلها (لاحت ليه الكونطاكط)
اورطيغا: (باغيها تزيد تكره ديك الخدمة… دخلها ودخل الولاد يدوشو مشا للكوزينة حط لغدا كان هو مطيب حيت هاد نهار بقا فالدار مرتاح مع ولادو حط لغدا وعيط ليهم وهي نزلت لابسة كسيوة قصيرة ودايرة كوب شوفال عنقوها ووجلسو كياكلو)
هانتي مهدنين غير نتي ظالماهم
ملاك: اييييه ظالمااااهم
اورطيغا: شنو نتي بحال الحمالة اللولة كتسديها فوجهنا
ملاك: ههه مبقى والو والله حتى هاد المرة قاسحة
اورطيغا: معلييييكش
ملاك: (كلاو ولادهم مشاو لبيتهم ينعسو وهوما دخلو لبيتهم كتشمى ليه على الخدمة)
صافي منعاودوش نمشي سير غير نتا حط داك الشهادة
اورطيغا: اهااه
ملاك: (تكات) ان شاء الله هاد المرة نذبحو نعيطو على العائلة وصافي
اورطيغا: مخاصكش تكوني هما راه كاين لي بغا لولاد وملقاهمش
ملاك: لا ماشي كارهااه غير مزال مي حلو الله يرحمها مدازتش على موتها حتى العام
اورطيغا: اه اوا هكا واخ
ملاك: شنو غتجيبلي كادو
اورطيغا: تبراي نمشيو لتركيا
ملاك: حلف بالله
اورطيغا: عندك كلمتي
ملاك: (عاد فرحت) اوا دابا مزياااان
اورطيغا: ملاك توحشتك
ملاك: امممم واخ ولكن غا بالتاويل
اورطيغا: ههه اجي….
النهاية
التعليقات 0