صبح الصباح علييهم غير فطرو مجموعين دا محمد جدو ومشاو لكلينيك مع باه وعمو عيسى اما درااري رجعو لوجدة مشغولين حتى لغد عاد يجيو عندو…
لبسو البنات وتجهزو بالسروال والشومييزات والشعورات مكيحليين مطلوقن الروايح والمكياج والالوان وغيثة غادا معاهم الجلابة والفخامة ساعة انيقة فايديها…تكلمات كتخشي تيليفونها فالصاك…
غيثة : دويت معاك جلسي وهنينا عرفتي ويسيق ليك الخبار جدك باغة تمشي لوجدة مع نجلااء اش غيدير لينا واخا يبان ليك ساكت راه كيحضي بنص عبن …وهنينا يلاه نخرجو ونرجعو قبل مايجي من الكلينيك غيرجع هو هاداك مع هو ماكيحملش المستشفى غير الله يدوز هاظ العشية على خير..
اية : ماما جدي راه محاسش بيا كاع واش نا معاكم خليني نمشي مع نجلاء ليوم وغدا نجي مع ولد عمي فاروق..
غيثة : وعلاش باغة تمشي ينتي…نقولو نجلااء الطبيبة ديالنا هه قارية ابنتي نتي اش عندك فهاد وجدة غير قولي ليا…
حدراات راسها ساكتة كتنهد بنص عين كتشوف فنجلاء هي فاهمين بعضياتهم جالسة حدا الحاجة اللي غير كتشوف فاسماء قدامهم حاطة رجل على رجل محافضة على تبسيمتهاا…بقات فيها بغاتها حتى هي تخرج معااهم ماكتخرج ماكتشوفو لكن عارفة ولدها ماغيخليهاش تخرج معاهم بوحدها…
نجلاء : نسييت على هاديك العشبة….شنو قلتي ليا ا اسماء شنو سميتها؟
اسماء : عرفتي شنو غديري ماما غتجي عندي ولا انا غنمشى عندها واقيلا ونجيبها ليك ماتبقايش تقلبي عليها تما مغتلقايهاش..سميتها ورق السدر ولكن مانضنش تلقايها تما..
نجلاء : كون غيير مشيتي معانا والله العضيم..اصلا ماغتنعلطوش…نجيو قبل مايجي جدي..
اسماء : بصحتكم احبيبة غير سيروو..مرة اخرى..
الحاجة حركات عينيها: واش بغيتي تمشي…ندوي مع محمد ايلا قلت ليه نمشي معاك ماعندو مايقول..
غيثة : قوليها لييه ويلاه معانا الحاجة بدلي الجو…
نجلاء : وي مافيها حتى شي مشكل قوليها لو اخالتي عفااك جربي من عندك…(رمشات عينيها فاسماء بهمس) فف حسيت بالخنقة فبلاصتك..
اسماء : اللي بغيتي اخالتي…ماعندي كيفاش ندير حتى بنتي فالمدرسة غير سيرو بصحتكم…
الحاجة حسات بيها باغة تخرج : تسنيم ايلا جات راه كاينة خديجة وبنت غيثة وسمييرة عطى الله معامن تبقى ماتسخاش عليهم كي تحضيها نتي يحضيوها هوما راه فدارهم…عايني نصوني علييه..
جلسات نجلاء واسماء تقادت حتى هي فالجلسة بحمااس كتسنى تشوف ماكرهااتش تخرج معااهم والحاجة كتصوني على محمد..مابغاتهمش يسمعو كلامها وهي تنوض خرجات من الصالة كتصوني ليه…مدة حتى جاوبها وهي ترطب وتعااود فالكلااام حلف لا رطاب ليها..
محمد : شكون غادي معاكم.. غتمشي معاهم ؟
الحاجة : وتعرفها معايا اولدي انا لي غادا بييها ..
محمد : الحاجة السيدة عيانة ونفسيتها على الحافة غيقول ليها شي حد شي كلمة غنوليو فالمشاكل…راك كتشوفي اش واقع نبقاو داوين…!
لحاجة : كلهم باغينها تمشي معاهم والله العضيم ماقالتها ليهم حتى بالضحك هوما لي فتاو عليها وكون مابغاوها وارتاحو ليها مايقولوهاش ليها الله يرضي علييك رخف على مرتك الزيار المزير تاني راه صعييب
محمد : مكاين لا زيار لا حكام الواليدة تعرف معامن كتخرج مامنعتهاش…
الحاجة : غادية معاها انا اوليدي رجلي مع رجلها ماكين اللي يهضر معاها ولا يدوييها صلي على النبي وكون بخاطرك
محمد تننهد بصوت مسموع : عطيها تيليفون الحاجة..عطيها..
الحاجة : واحاا لله يرضي علييك الله ينقي طرييقك من شوك ولاد وبنات الحرام هاهي اوليدي اسماااء..اسمااء تعاالي…اجي ابنتي هاك راجلك بغاك..
خرجات عندا اسمااء تالفة اول مرة طيح فموقف هكاا او بالاحرى تمنع من الخروج مع ناصر كانت عايشة الحرية ماكيينش الحكاام كانت حاكمة راسها براسها حتى لمحمد حدهم ليها…خدات منها تيليفون وحطاتو على ودنيها مجاوبة بهدوء مستنية كلامو ماعرفاتو اش باغي يقول ليها
اسماء بصوت هاادئ ردات :آلوو…محمد..
محمد : محمد…شنو دابا كتعمري عليا الوالييدة ولا كيفاش..تافقتو بيناتكم ! اش قلت ليك انا..؟
تبسمات عاضة فشفايفها ملي لمسات نبرة مرحة فصوتو..
اسماء :حتى انا ماقلت والو غير خالتي بغات تقولها ليك…حيت حتى هي بغات تخرج معاهم وقالت ليا يلاه معانا
محمد : كارط بونكيغ عندك هزيها معاك الكود عندك…شي شوميز نواغ على دوقك
اسماء : كحلة…واخا صافي..
محمد : يلاه ردي البال خلي تيليفونك شاعل نجيب تسنيم وندوز علييك نخلصو معاك الفالطة
اسماء : ههه غتجي عندنا….واخا صافي انا غتتسنااك تما…
قالت ليه بسلامة وقطعات معاه علماتهم ونزلات ناشطة تبدل لباسها حتى رجع صونى للحاجة جوبااتو..
الحاجة : هانا اوليدي…
محمد بتدكييير : كارط بونكيغ معاك الواليدة..انخلي ليك فيها شي براكة ايلا احتاجيتي ولا احتاجت شي حاجة تكلفي
الحاجة : واخا اولدي واخا الله يرضي علييك…بسلاامة احنيني الله يعاونك..
قطع معاهم محمد من تيليفون سيفط للحاجة فلكارط ديالها اما لي عند اسماء كانت ديجا عامرة…قال ليها بلان شوميز اكسبري باش تزعم تاخد وتشري منها كتعصبو من النفس الخاوية لي دايرة على فلوسو شحال من مرة كيجلس يختار معاها شي لباس من سييت عندوو كترد البال للفلوس بجهههد رغم انه كيقول ليها تنسى الثمن تشوف غير لي عجبها كيلقاها واحلة نعاه غير هو…لحسن الحظ كيفهم شوية ايلا عجبااتها شي حاجة كتبان فعينيها واخا كتردد تقولها لييه..كيدوموندي عليها بلا سؤال!
كيف دارو كيفهم حتى لبيسات وتفننات فلبسها واناقتها محافضة على سترتها لبيسة طوييلة حتى لتحت عرييضة بحال شكل صاية كتلعب من لتحت مشدودة من جيهت الايدين بدونتييل ومن الكتاف اللي تغطاو بشالها الطويييل فلون التفاح مضور على وجهها واخد شكل الخوخة ولا نقطة مايكاب عليه حتى بغات تزعم على الكحل دارت بناقص ماقادة على مشاكل…هزات صاكها وجات تحبد كلينيكس كتقلب عليه فالمجر حتى جات عينيها على سواارت دالخزنة اللي عندو فالبييت مخلي كلشي فايديها ولكن باش تمدهم وتهز بلا خباارو ولا بلاما يعيطيها هي وااالو مكتزعمش….مرات كتلقاه حاط فلوس فشي مكان وماعقلش عليهم وماشي غير شي حاجة قليلة بل فلوس نييت صحيحة ولكن باش تهز منهم شي حاجة ماكتقدرش واصلا مكتحتاجش باش تقوليه يعطيها اللباس الاغلبية كتكدومندوي من سيت ديالو نيت وخلاص هو راه مغرقها بليكادو كل مرة حاجة فشكل…
رجعات المجر سداتو وهزات لكارط بونكييغ مع الكود كتنساه وخرجات عندهم كتسد فصاكها …خرجو مجموعين للطوموبيل دنجلاء مباشرة للمول الكبيير…
وحيت خرجو فالصباح دنيا خاوية ونقية كيضورو بخاطرهم وحتى البوتيكاات ماعامريينش بزاف نجلاء عجبها الجو بجهههد اللبس لي بغات لاقاتو فمول كازا رغم ان بعد الاتمنة خيااالية لاحضت فيهم كلهم ماكيتسوقوش ابداا للثمن كيقلبو غير لي عجبهم تنهداات لهاد ناس كيفاش عايشيين مكانتش كتضن يكونو بهاد الثراء…..الحاجة والحاج كتبان دعليهم البسااااطة من ناحية المضهر وحتى محمد لو مكانت عارفة طبيعة العمل ديالو وشحال كيدخل فالساعة ماشي للنهار…فحين عائلتو ثرائهم باين علييهم وبجهههههد نييت جاتها ضحكة غير لبارح كانت كانت مضاربة تكمل فلوس الروز ليوم ولات حتى هي ماتحتاج تنزل حتى عينيها للثمن ااه عليك يا دنيا هادي هي ديال نهار كيجي الخير كيجي فخطرررة وحدة…
هزات واحد الشوميز بيضة وعيطات على نجلاء عجبها دوقها حتى هي دوااقة وانيقة فاختياراتها
اسماء : اجي شوفي كيف جاتك هادي..معجبونييش صدايف
نجلاء :مم لا جيم با…هي غزاالة مي بصح صدايف هكا ماعطاوهاش منظر بانت عادية…لراجلك ؟
اسماء : ممم اه بغيتها كحلة ولكن تكون …ماعرفتش كيفاش ماعجبنيش هنا…
نجلاء : صافي حتى ندخلو لي حداه ونشوفو كيبان ليا راجلك متنوع مرة كلاص مرة صبور مي كيركز على صبور بزااف لي صيرفييت هكا فهمتيني..فالخدمة واقيلا كلااص حاجة باينة مي فدار صبور بزاف ياك
اسماء ميقات فيها مهمهمة تحت سناانها حفضات لبااسو الحافيض الله مع هاادو تبسمات بزز وردات عليها…
اسماء : ممم صافي حتى نشوف وحدة اخرى …
كانت بوتيك خاصة بلباس رجالية اللي مراقبة مراة ولكن المحل الثاني مولاه راجل وحتى المستقبلين رجال دخلات معاها الحاجة وهي كتقلب وسط اللبس الرجاالي والقوامج حتى لقات وحدة عجبااتها هزاتها هي وكويرة كحلة معاها شافت الثمن خرجاات عينيها كتحاول تحسبو بالريال حتى دااخت وهزات كتافها بغات تخلص وهي تسبقها الحاجة خلصو وخرجو لحقو على لاخرين فبوتيك اخرى كيضورو من بوتيك لبوتيك مجموعيين ايلا دخلات تقدا وحدة كلهم كيعطيو رأيهم فيها من غير اسماء ايلا عجباتها شي حاجة مكتاخد رأي حد كتشوفها غير هي واش معمرة عينيها..
بحالو واحد اللبيسية حجابية سروال توب عريييض وشوميز ديالو طويل ومستور كتقلب وسط لوينات شنو تهز منهم مادة ايدها ليمنية كيبانو غير صباعها رقاق شوية نقييين كيشعلو مع ساعة دهبية انيقة كتلمع قالبة شفايفها بعفوية كتقلب حتى حسات بشي وحدة جبدات لبيسة من العلاقة ومداتها ليها مبسمة..
_هادي زوينة…ولكن ملي تلبسيها عاد غتبان عليك غزااالة..
شافت فيها ووسعات تبسيمتهاا بانت ليها مراة كبييرة تقريب فعمر الحاجة مها مزاال واقفة شادة فراسها زوينة وانيقة باين عليها الفلوس..شداتها منها وضحكات بعيون لامعة وصوت هاادئ..
اسماء : بصااح على دوقك الالة…
_الزين واخا يلبس مرون كيبان وسطو جوهر كيلمع..
اسماء ضحكات : عوينتك الي زوينين لهلاا يخطييك اناخدها الالة مانرجعهاااش متأكدة غتعجبني..
_بصحتك ههه…
تبسمات ليها وديك المراة ضارت مشاات كتشوف فولدها غمزاتو وهو جالس فوق لبفوطوي كيشوف فيها شاد تيليفون فايديه بكوستيم انيق هادئ فجلستو باينة فيه نقي وولد ناس ومعقوول..فهم نضرات مو وشاف جيهت اسماء مطول كيعبرهااا عجباتو ورجع قلب عينيه منها ملي شاف الحااجة مشات عندها كتشوف فيه مغوبشة…
الحاجة : عجبااتك هادي تاخديها..(كتشوف فديك المراة وولدها بنص عين)
اسماء : انقيصهاا ايلا جاتني ماعرفتش واش قياسي..
الحاجة : قياسك ابنتي قياسك هانتي عينيك ميزانك شحال دايرة كااع غير هزيها يلاه نمشيو..
اسماء داخت : ءء و واخ اخالتي…
شافت القياس بسرعة متاقتش فيه واخا هكاك عاد قالت للبنت لي كتسخر جبدت ليها على قياسها خلصات وخرجو مجموعيين…
طبيعة الحال هاد الخرجة ماغتسااليش بدون مايغرقو عند شي محل دهب نزلو للكولوار لي خاص بمحلات الدهب كيقلبو ويضورو حتى لقاو واحد كبيير وواسع دخلو ليها الضوااو شاعليين والاثاات فخخخم بجههد كيلمع بلون دهبي حتى هو الارضية زوجاجية والمراياات فينما ضارت يبانو ليها..
بلهفة تفرقو كل وحدة تقلب فجيهة وتسول فجيهة وهوما يرحبو بيهم ويعاودو اشنو بغيتو تشربو مرحباا بيكم جلسو ارتاحو نعطيوكم اخر موضيلاات شنو حب الخاطر..؟!
اسمااء مكانتش مختلفة حداهم حطات عينيها على واحد الخاتم غلييبض وعامر حيدات دزواج وخشاتو فصبعها ….
اسماء :شفتي هذا زويين…عامر وعاطي للعين باين غير ديال المناسباات الكبار ديال بصح ماشي تاني ديال الدار عادي..
نجلاء : جاك مع ايديك كيحممق زويين…(شفات فالبنت)عندك فشكل بحالو عطيني نشوف(قيصات واحد بحالو) هذاا حتى هو زويين …ماما شوفي…
مشات عند مها جالسة فوق الفوطوي رجل فوق رجل شوفتها مغروورة ومبعككة واسماء بقات واقفة جنب البنت مولات المحل كترحبب بيهاا وتجبد ليها المديلات تشوف..
اسماء : عجبني هذاا..ولكن الثمن لي قلتي ليا بزااف ههه بزاف صراحة…
_هذاا احبيبة راه يلااه دخل مودييل جدييد ونتي اول وحدة جربتيييه كنجبدو غير للناس الزوينين بحالك ماشي اي واحد كيشوفو…وكيف تخايلت جاك كيحمق هاد الحجيرات لي فييه عرفتي كيفاش تقادو ولا لاا…زعما شي حاجة صبيييصيااال راك عرفتك دواقة غير لي شرتي ليه بصبعك هه
جلسات عليها بالماركوتيينغ ودخل وخرج فالهضرة واسماء طاح عليه حبها وحمقها كثر ولكن ماقدراتش تهز داك الفلوس كامليين من الكارط هكاك واخا الخاتم مكيبانش قدام لي فيها دااخت وتلفات ماعرفات مدير وماقدراتش تحطو طير بيه شي وحدة…
مارداتش البال للعينيين لي مراقبينهاا من داخل المحل نيت..نفس السيدة لي شافتها فمحل الملابس و ولدها معاها وهي من الزاجة لداخل عينيها كيمشيو لاسماء مبسمة حتى هضرات فودنييه حرك راسو بايحاب مبسم عينيه على اسماء وخلاها مشات وقفت حتبعاا كتشوف فالخوااتم دارت راسها كتقلب فييهم حتىه وات فيها راسها مصطنعة الدهشة….
_اووه تلاقينا تاني..(تبسمت)شنو بان ليك نختار على دوقي حتى هنا هه….
اسماء تفكراتها: الله اودي مرحبا اخالتي نتييق فدوقك كيحمق مشااء الله
_الله يباارك فيك احبييبة…اش سمااك الله زوينة مشاء الله ربي يحفضك..
اسماء تبسمات ليها كتحصي : انا اسماء هه….(شافتهم الحاجة وناضت عاقداهم عند اسماء كتشوف فولد ديك السيدة حط عليها عينو مابقى هزها)
_متشرفين ابنتي انا فوزية….(وقفت عليها الحاجة) سلام الالة ماماك هاد السيدة تبارك الله…..
الحاجة بضييقة مغوبشة: فمقاام مها الالة اش حب الخاطر…
فوزية : متشرفين الالة تبارك الله عليك…واخا ناخد من وقت دقيقة..نجلسو ايلا ممكن وسمحو ليا على هاد الدخلة……
الحاجة : مرحبا الالة واخا مرحبا…
حرات راسها مشات معاها والحاجة شدات فجنبها اسماء مشات بيها…وولد ديك المراة جا جلس معاهم فوق ليفوطوي…دخل معاهم العجب وخاصة اسماء تنواات ولات غير كضور فعينيها هاد دخلة عارفاهم ماشي اول مرة توقع ليها….بدات كتهضر فوزية والحاجة قاارتاهم كتصنت لييهم ماعجبها حال مارتاحت لا ليها لا لولدها..
وغيثة قربت عند نجلاء بهمس..
غيثة : شكون اللي مع الحاجة….شكون داك الراجل والمراة اللي معاها…
نجلاءكتشوف معاها :ماعرفتش…القبيلة كانت كتختار معاهاا لبيسات يمكن كتعرفها..شوفي هاد السلسلة هباال والله ههه
غيثة : لا لا موحال تعرفهم شوفي اللحاجة كي مخنزررة واسماء كضور فعينيها ماعرفت شكون..
بقات كطل علييهم وتحاول تفهم حتى بغات تمشي عندهم وهي تبان ليها اية بنتها جاية بخطوات مزرووبة حاطة ايديها على فمها شادة ضجكة….
اية : مامااا
غيثة : مااالكي.. !
اية : خالتي الحاجة خطبو منها اسمااء هههه قالت ليها ديك المراة بغيت بنتك على سنة الله ورسوله لولدي هههه
غيثة بصدمة شهقاات كتشوف فنجلاء : دخلت عليك بالله ويلي ويلي على شوهة….
ناضت الحاجة معصبة كتقاد فزييفها واسمااء وراها مزننكة غطرطق كتبلع فريييقها وتقلب فالشوفة تلفاات شداتها دوخة ولات غير كتفتف وتشوف فجنابها وداك الولد كلاها بعينيه..
فوزية ماراضيااش ترفضهم: ماتفاهينيش غلط الالة سمحي ليناا ايلا قلنا شي كلمة ماعجبااتكش…
الحاجة تسرط ليها اللسان ملي سمعات ماعرفت ماتقول اول مراة طيح فهاد الموقف : لاا حول ولا قوة ايلا بالله…لا حول ولا قوة ايلا بالله..
جرات اسماء باغة تمشي وهو يشدها داك الولد بمحاولة تاانية….
_سمحيلي…ممكن دقيقة غير نتكلم معاك..الحاجة..عطيني غير دقيقة من وقتك….انا ناوي المعقول..!
الحاجة تلفات وهي تعلي صوتها مفافية : مزووجة اولدي مزوجة مرت ولدي وب بنتهاا..مزوجة مزوجة….استغفرر الله العلي العضيم لا اله ايلا الله…
غيثة :الحاجة ماالكي ااش واقع ؟؟؟
الحاجة :تيخطبو ممرت ولدي من عندي لا اله الا الله يلاه نمشيو …يلاه
هزو صيكانهم حطو داكشي لي كانو ناويين ياخدو وخرجو كلهم من المحل تابعين الحاجة معصبة كتسوط واسماء كثر منها كلها كتررجف صدموها وحشمات غتغرق فحوايجها قدام الحاجة…
فحين ام نجلااء هزاتها الغييرة علاش مشافش ف بنتها وشاف فاسمااء نطقات بسم كيقطر….
_نبصم عليها ايلا هي لي غمزاتو سيد ما يزعم عليها ايلا ماحركات لييه ولا بينت ليه….
نجلاء كيشوفو فالحاجة واسماء قدامهم مكيسمعوهمش :ماما دخلي لسوق راااسك الموضوع بعييد علييك…
غيثة : واهي صراحة تاني الراجل مازعم على بنتي اية ما زعم على نجلاء تهببل بالزيين الحبيبة ديالي فين تجي قدامهم هي… ماعزلها غير هي مغطية كلها يبان فيها غا راس….
_وفارقة علينا الوقفة بعدا..واقفة بوحدها تختار ماراضياش بينا ولاا باغةا تنافرد بيه واقيلا يسحابلييها يجي يوقف عليها بوحدو بلا مو ولا الله اعلم….
خرجو من المول بخطرة كااع مابقاوش دارو وراهم والحاجة كتسووط وتنفخ مارضااتش مابقاتش شافت عند اسماء حتى اسماء غير وااقفة داخت وتلفات و واحد الحشمممة كتخنننق شدااااتها كون لقات الارض تسرطهاا وترتاح ولا هاد الموقف..
غيثة : نعلي الشيطان الحاجة هادشي عادي كيوقع يلاه نتغداو ونمشيو
الحاجة : مابقااش الخاطر هرب ليا ابنيتي الله يجازيك بالخيير…(شافو فاسماء عاقداهم)عيطي على راجلك يجي نمشييو…
_الحاجة الله يهدييك اشنو وقع دابا هانتي عطيتيهم خو كلامهم ماكاين باس مرة اخرى…ماتشوف هي فحد ماتهز فيه عينيها حتى هوما مايدويوش معاها…
اسماء : انا ماشفت فيه ماهضرت معااه القبيلة وراتني اللبيسية قالت لياا غتجي زوينة علييك وصاافي..
غيثة بشك: مكيعرفوكش عمرك تلاقتي بيهم ولا هضرتي معاهم وتكوني نسيتي….هه حيت مايمكنش تاني غير هكاك حتى يوقفو عليك
اسماء : لا ماكنعرفها لا هي لا ولدها….
الحاجة : هي تخلعت منهم بقات غير كتشوف…لا حول ولا قوة ايلا بالله
نجلاء : كنتي داير الخاتم فايديك شافتو زعما وقالت ليك هكاك..
اسماء : لاا حيدتو فاش قيصت الخاتم التاني لي عجبني….
الحاجة : هاااا عليهااا عليها فاش وقفت عليك مشافتوش…علاش تحيدي ابنتي خاااتمك ركبيه فايديك وسورتييه تمااا ….على شوهة حشمت من راسي حشمممت يلاطيف….
اسماء : انا ماسحابليش غنوليو فهادي مانهضرش معاها حتى الهضرة…
الحاجة : ماتهضرييش ابنيتي ماتهضريييش ماكينش اي دايرها ليك قد فمك ولسااانك ….هادش يعمري عشتو..ياربي على حالة…(تنهداات كتحاول تتنسى) صافي نساو اللي وقع….يعرف راجلك عمرك باقة تعتبي بلا بيه…مصيبة والله ايلا مصيبة…
غيثة : ااش فيها الحاجة ايوا هادشي راه عادي..
الحاجة : ماعادييش ابنتي…عندنا ماعادييش…ملي البنت هكا محجبة وموقرة وحطو عليها العين اش بقى مايتقال..انا ماضرني لا هو لا مو وليني ولدي وانا كنعرفو كيغانولي ملي يعرف مرتو خرجت معايا وخطبوها مني…فين ندير وجهي معاه وهو مشكاك غير بوحدوو..يتيق بيا ولا والو…فين ندير وجهي…(شافا فاسماء) عنداك تقولي ليه شي كلمة الله يرضي عليك ربطي لسانك
كبر الموضوع ولا هو محور الكلاام مشاو للكافي عائلية تغدااو مجموع كلهم كيديو على نفس الحاجة واسماء غير ساااكتة مارضاتش وتيزرت قدامهم حاولت تنسى ولكن ملي كتفكر الهضرة غتوصل غتوصل لمحمد مع هاد العائلة الكريمة…مخايفاش منو…ولكن خافت من المشكل اللي غينوض معاه ويقدر كاع يتربط بقضية الصورة شنو زعما يكونو كيعرفوها من تصااور لي تلاحو ولا غير عجبااتهم وقصدوها…مشاو البنات يكملو تسايرتهم بقات مع الحاجة كيتسناو محمد حتى جا عندهم قلبو الهضرة دا معاه غير اسماء الحاجة بغات ترجع للدار ماقدراتش حتى تشوف فيه…حطها قدام الدار خلاها دخلات عاد زاد خارج هو واسماء وتسنيم ..!
اما غيثة ولاخرين رجعو للدار وفم كيقولها للفم وصل الكلام لسمييرة وخدييجة دارت بوووم فالدار مرت محمد خطبوها من الحاجة..دااروها ضحك وواحد يضحك بلاخر بيها
والحاجة غير كضور عليهم وتسوووط مادارو بوججها وسكتو….ما سمعو الواقعة وطموها كيف طلبات منهم…حتى سخفاات وتقادا ليها الصبببر وهي تسووط فيهم كامليين….
الحاجة : قلبو علينا هاد السيرة الله يجازييكم بالخيير…الله يجازيكم بالخيير ماتقولو هاد لكلام قدام ولدي..عاادي الالة غيثة عادي وليني ولدي انا نعرفو نفسو فوق نيفو يعطس طيح قدامو نسااو هاد الهضرة ديرو راسكم عمركم شفتو هاد الشوهة…وااه
لكن سميرة ماقلباتش الموضوع خلات سمها على طرف لسانها حتى هي ساكتة على خزييت كضور فعينيها…حتى تجمعو كامليين فالصالة قدام الجد والحاج..وهي ترشق بايديها فوق كتف عيسى وتكلماات كتشوف فاية وتفرنس….
سميرة : العزبة كبراات تبارك الله اعيسى امتى ناوين تعرسو لينا اجدي كاين شي متطوع….
قلب فاروق وجهو منها وخطف الشوفة مخنزر فاية لي حادرة راسها حتى هي كتشوف فيه كيقول ليها تفتح الموضوع مع مها باش هو يكمل…ورجع شاف فجدو ماجوبهاش كاع..
عيسى نبسم : انشاء الله ايلا كان مكتاب ليها فالرزق علاش لا…
سميرة : ايوا بالي بالي..عرفتي ابّا البنت راه مكتبانش حتى تزوج عاد كتعطي للعين سبحان الله عاد كييوليو يجيو فيها الخطاب (شدات الضحكة) ويعشقوها العيون بحال اسماء ههههه ياك اغيثة
الحاج : المراة ديال ولدي..؟ مالها كيفاش !!
غيثة بهمس: دوي مع ختك تسكت اعمي عيسى..
نجلاء : خاصها ترجع منين جات فالحقيقة ماغتخرج حتى تشتت ليهم الشمل الله يحفظ….ففف اعمتي اافف
سميرة: ايوا جاو فيها الخطاب عهههه عند مرتك الحاجة…ليوم ملي خرجو يتساراو قاليك حتى وقفت علييهم شي وحدة تخطب هههه لولدها هخخخخ
الجد خرج فيها عينييه كيسووط تعصصب : اااش عاد الكلااام كتقولي…شهاد قلة الترااابي على مراة الرااجل..شكون قال هادشي.. ادويي نيشااان من التبهلة ديالك كضحك عليااا ولا مدكيفااش !!!
عيسى : سميرة هني الوقت سكتي شوية…
سميرة طرطقت عينيها : :والله مانكدب عليهاا…اويلي اباا انا مولفة نكدب ولا نضحك علييك سول الحاجة تعاود لييك…انا غير سمعت منهم ماعرفت امتى شافها السيد وقالها لمو تبعوها للمول…وخطبوها من الحاجة…من شحال هذا كيعرفها واقيلا حيت مغيجييش ويوقف عليها…!!
_____________
كيف اي جوج دالازواج خارجة اسماء مع محمد جلسو فغيستو عائلي بامتياااز شادين طاج الفوق كيطل على البحر الجو باارد هدووء زويين ناس قلاال شي تلاتة ولا ربعة ديال ليكوبل ماكيتسمعش حسهم غير صوت الطبالس والفورشيط مرة مرة كيتسمع…موسيقى خفيفة وجو هاادئ كينعش الروح…
واسماء غير كتنقب من طبسيلها تسدت ليها الشهية ولكز مابينتش قدامو مصطنعة الهدوء..
محمد : كيف داز نهارك بانت ليا الحاجة ماشي هي هاديك..
اسماء (بهدوء محافضة على تبسيمتها): لا بالعكس عادي…غير عينا شوية كان المول خاوي تساريما بخاطرنا وخالتي عيات شوية هي فاش جلسنا تغدينا وعطنا ليك..
محمد : بصحتكم…خيدتو شي حاجة….
اسماء ضحكت :اااه هه داكشي زويين بزاااف..خديت ليك معايا الشوميز لي قلتي ليا وواحد ….الكويرة علاش مكتلبس الكويير زوين غيجيو معاك كتافك عرااض خيت اكبر طاي فيها…
محمد : ايلا خديتها نلبسها علاش لا…كولي ماكليتي والو..ماعجبكش هادشي…(هز ايديه للسيرفور) تاخدي شي حاجة اخرى..
اسماء : تغديت…مزال شبعانة ولكن ماعجباتني حتى حاجة(هزات شفايفها تعلمت من عائلتو التبعكيك ديالهم) حتى حاجو ماكتشهي فالصراحة ماكين ما احسن من ماكلة د الدار
بقى كيشوف فيها كتعجبو طريقة كلامها..وقال بمكر..
محمد : بحال بحاال…
اسماء هربت ضحكة من وجهها : ك كيفاش ماكلتي انا بحال هادشي لي كيحطو هادو..لا لا علاقة بالعكس..
محمد حرك راسو : فري لا علاقة هادو زايديين شوية افونسي على ديالك…
اسماء بدهشة : ياااك …م محمد م مالكتهم حسن من ديالي…وشكون لي ملي كيشد طبسيل دماكلتي ماكينوض حتى يرجعو ليا مغسول انا ولا نتا….شي نهار تاكلني وراه…
محمد رشقات ليه عليها : الاطيف شادة معايا لعبار…(شبع حط الفورشيط) شديتي لينا الشهية
اسماء : علاه شهيتك عندها الباب باش تسد ؟ نفكرك نهار قاديت حلوة دالكراميل جيت ندوقك منها كليتيها كاملة..
محمد : مابييهاش…صافا !
اسماء هزات راسها مارضاتش : عائلتك كلها عجباتها غير نتا ليجاتك مابيهاش…..ولكن ماشي مشكل انا حاسة بيك عجباتك غير ماكتبينش….
محمد طول فيها شوفة بابتسفزاز نطق كيضحك: بان ليا وزنك نقص شووية…خاصني نوكلك معاياا تزايدي شوية ااش بان ليك…
اسماء تصدمت : بصح و وانا كنجيني كنتازاد ماشي كنقص..وااش بصح هادشي كيبان لييك
حدر راسو مربع ايديه فوق الطبلة كيضخححك رشقاات ليها عليهاا وهي من نيتها كتجاوب وهو غير شاد فيها…حتى هز راسو شاد ضحكة..
محمد : دااوي معااك…
اسماء : ولكن لاا انا كيبان لياا كنتزااد….ش شوف ايدي كيف ولااو عامرين على قبل انا كنعرف راسي تزاديت غير من ايدي ايلا عمرو كيعني عمرت ايلا ضعافو كنضعاف
محمد دار راسة مركز معاها :انشوف لييك…
شد ايديها رطبيين ونقين كيشعلو بين ايديه الخشين قااصحييين ومشعريين كيلتمسهم مبسم جننب عارفها كيعجبها الغلض حيت عمرها فكرت دير شي ريجيم ولا تنقص ماكلتها بحال اسرااء باش تحافض على رشاقتها…وهي من نيتها كتهضر خافت بصح تضعاف بحال كيف كانت مريضة…
اسماء :شوف ماشي بحال لول…انا حاسة براسي كنتزاد ماشي كنقص..
محمد : فتنة بكل حالاتك(باس ايديها مطول وهي عجبها راسها تبسمت) حافضي ليا على صحتك حيدي من بالك شي وزن ولا المرض كوني غير بصحتك هانية وبخيير هادشي اللي بغينا…
اسماء بحب عينيها لمعو مبسمة: حاسة براسي بخيير معاك…حسن من قبل والله…
محمد حرك ايديه جنبو : اجي حدايا…اجي
وسعات تبسييمتها ووقفات مشات جنبو فوق الفوطوي جلسات حاطة راسها على كتفو معنقة دراعو بايديها بجوج عينيها على الزاج حتى كتبغي تهز راسها وتقول ليه شنو وقع معاهم ليوم وكترجع تحدرو ماقدرااااتش لسانها تربط عليها عيات ماتحاول فالاخر سكتاات وحاولت تنسى الموضوع ايلا كان مغيقول ليه ماكينش لااش تقول ليه حتى هي حتى تجيبها الوقت وتبرد القضية…واصلا حاجة عادية كتبان ليهاا ماكين لاش تعطيها قيمة وتخسر خرجتها بيها..
حتى كمل غدااه وتسنيم حتى هي جنبو من لهييه غير كتلعب فطبسيلها كلات شوية وحبسات وهو كيشد فيها مرة مرة يجر ليها شعرها ولا يهر جنبها وهي تلوا وتضحك…رجع تكى على ضهرو حتى تحط راس اسماء فوق صدرها درعها بايديه وخلاها هكااك كيبوس على راسها مرة مرة شابك صباعهم بجوج عينيه على الجو براا مرتاااح وهاني بالو واخظ راحتو فالجلسة….
خرجو من الريسطو متاجهين لمرجان كيتقداو هو جار الشاريو وهي قدامو فينما دخلو لشي كولوار كتوقفو عاميين فييه فلخر كتاخد حاجة ولا جوج ولا والو كاع و هو عاطيها الخااطر تختار تا تعيى وعلى خاطرها ماكيزربها ماكينكر عليها…وتسنيم مجلسها فالشاريو ضاسرة عليه فوق القياس غير كتنيش بايديها فشي حاجة كيحلها ليها تاكلها ويحط الغلاف حتى يتخلص..
اسماء : شوف محمد هادي زوينة….بغيت نديرها قدام الجاكوزي بحال جلدة قاصحة كتنشف رجل فنفس الوقت من الماء..!
محمد بهدوء جبد تيليفوتو : اللي بان ليك…
تسنيم هزات ايديها محلخة بجبن بيض كتلحس فشفايفها : سالات…بابا محمد سالات لي جبنة….بغيت شكلاط
اسماء مشغولة كتختار : براكة من الشكلاط عيقتي اتسنيم…
تسنيم هزات كتفها : شكلاط بابا محمد شكلاط عفااكااا وحيدة صافي عفاك عفااك..
عطاها وحدة اخرى مخلي اسماء داوية بوحدها حيت عارفة اش كيدير كيعطيها شكلاط مرة مررة وبالوقت ماشي حارمها منو بمرة وماشي كتاخدو بلا قياس..عزييزة عندو تسنيم ماشي غير حيت من طرف اسماء معزتها خاصة…طلاق الوالديين صعيب وتسنيم كتكبر بوحدها ومع مها وكبرت فضروف صعيييبة…محاول ما فجهدو يبني حياتها بمسار نقي من المشاكل والعقد النفسية…عاشت اسوء الايام من مرض اسماء واغتصابها قدام عينيها هاديك ماشي غير حادثة وغتمر….بالعكس غتبقى مع حياااتها وغيجي النهار اللي غتنفاجر ظاخلها…
كانت دايزة من تما لمياء هي ولالة رقية حتى هوما كيتقداو شافو محمد واسماء من بعييد وقفو فبلاتصتهم كيشوفو فاسرااء اللي تشهات تاخد ليها كلاص كتحمااق عليه…مامولفينش يخرجو يتقداو ولكن بسبب اسراء لي ولات غير سادة عليهاا ماكتخرج ماكتشوف الشااارع قررو يوليو يخرجو بنسفهم ويجروها تخرج معاهم تبدل الجو…
لمياء :ماما…هاداك ماشي محمد طليق ختي..شوفي تما..
رقية : مم هو..مرتو هاديك ؟ هي هي اللي معاه…بنتي مكانش كيرضى يخرجها معاه نهار كامل وهو خانقها عندو…تفكاات منو ربي كبير كيبغي بنتي الحمد الله حسيت بيها الحبيبة ديالي رجعت لصحتها ولعقلها كانت بانت ليها بحال ايلا حماقت على الولاد..
لمياء : كيفاش حماقت…ختي راه عقلها مابقاش فبلاصتو ولاا فييه غير الولاد الولااد…نسيتي شحال من مرة كتتاصل تقول لينا بلي محمد بغاها يسافرو بجوج ونتي كتمنعيها تخرج فالبرد وهي عاد شاربة داكشي لي كانت كتشرب…وشحال من مرة منعاتو من فراش الزوجية بامرك نتي..اعدى حاجة عند الراجل هو نهار يبغي مرتو وترفضو وهادشي اللي وقع لبنتك شحال من مرة قالت ليك حتى كيقرب يعاشرها كتفكر كلامك وكتمنعو…
رقية : كفاش يعني بنتي انا سبب طلاقها… راه بصح مكانش خاصها تخرج ولا تشرب البرد والعشيبات كيخصهم يبقاو سخيخنيين فداتها…وكون خرجات كانت عمرها تولد وتبقى شاكة فنفسها عاقرة…
لمياء :هاحنا شفنا عشيباتكم اش دارو ليها لا ولاد لا زواج ولا حتى حاجة وزيداهاا ب..(قلت وجهها ساكتة مراضياش على اشنو كادر اسراء فالخفاء)
رقية : بصحتها…خليها غير حدايا نبقى نشوف فيهاا الحبيبة دياالي عاد فرحت بيهااا…شوفي خواتاتك كيف عايشين مع رجالهم فوق النعيم…اي حاجة عليها فمهم تحضر لعندهم هوما يتحكمو فيها….وانة بنتي بغى يمشيها على كيفو يلعب ليا بيها خليها هكااك حتى يجي شي ولد ناس يعرف بحقها هي تسيرو ماشي هو يسيرها….حيت ابنتي ايلا خلينا راجل يسيرنا على كيفو كتولي كيف دمية الكراكييز بصباع ايديه كيمشيك…
لمياء : صافي اماما هاهي بنتك حداك حتى تفارقت عليه عاد عمر ليها العين اوو ولات باغاه قالت لييك تمشي ضرة وماعندهاش مشكل….
رقية تصدمت : كيفااش..كيفاش ضرة هي قالت هاد الكلام بهاد الطريقة..
لمياء : يلاه نمشيو عندها قبل ماتجي وتشوفو هنا يلا اماما..
شدات فايديها ومشاو عندها خداوها مبعديين على فيين كاين محمد واسماء لكن مداامش البغد وجمعااتهم لاكييص فين كان محمد كيدفع يخلص واسرااء من بعييد شافتو قلبها ضرب وعينيها خرجو دفعات الشرايو ديالهم لجييهتو مارداتش لبال كاع لاسماء او ماتسوقاتش ليها حتى وقفات موراه بدهشة مصطنعة…
اسراء : محمد ..!!!
شاف لجيهتها باستغرااب غير لمحها حرك راسو ليها ولرقية ولمياء لي وقفو موراها…..
محمد :السلام عليكم..بخيير !
اسراء : الحمد الله ونتا كيف احوالك..
رفية : سلام اولدي كيف بقى جدك ياك لباس عليه شوية …
محمد بهدوء حرك راسو : الحمد الله..شكرا..
رقية : بلغ للحاجة وللحاج ولالة سميرة وكلهم اجمعيين سلامي..
محمد :اعتابري سلامك ووصل…الله يهنيك..
رقية حركت ليه راسها مبسمة : نهارك مبروك…اجي اسراء اجي شوفي هادي عجباات ختك شوفي واش تعجبك حتى نتي..
جراتها بطريقة مفروشة ومحمد ضور راسو بهدوء كيجبد كارط كيشي من بزطامو سرق الشوفة فاسماء حتى هي بهدووء كتقاد فليشاصي مادوااتش بخطرة ولا هزات راسها موراهم…
خلص كلشي ودفع الشاريو قدامو ماد ايديه لاسمااء بعفوية وهي خشات ايديها فدراعو بهدوووء زيرات غليه مقربة عندو لاصقة فيه هازة راسها بضهر مستقيم وصاك صغير فصبيعاتها من لهيه شادة برقة بحالا خايفة تجرحو وتسنيم كتنقز فالزلجيج حتى مشات شدات فييه كتغوت بابا محمد ما بابا محمد…سمعاتهم اسراء وتلفتات كاتمة غضبها بمهاارة مصطنعة التبسيمة….غضب كتحس بييه غادي وكيكبر ايديها ولات كترعد وهي متبعة لييهم العين حتى جبدات تيليفونها ودخلات للواتساب عند المهدي كتكتب ليه ميسااج…
اسراء :نهارك مبروك..سمحلي لبارح نعست بكري هه..كيف صبحتي بيوم بقى بالي معاك…
كتبااتو هكا وسيفطاتو ليه…
لمياء : اسرااء !!
اسراء جمعات تيليفونها : مممم…
لمياء : راك عيقتي حشومة هادشي لي كديري حشومة وخطير علييك عارفة اختي شنو هي..
اسراء ببرودة : واش حيااتك هادي ؟
لمياء :انا غير بغيت مصلحتك
اسراء : ماتبغيهااش…ديها فشغالك المياء…شغلي قادرة بيه..بعدي من طريقي واخا….نتوما لي خرجتو عليا بعدو من طريقييي…
لمياء : ماشي من حقك ديري هادشي ايلا وقعات ليك شي حاجة من هنا للقدام ماتبكيش على بابا حيت ماضلموكش
اسراء : بعدي مني غير نتي ولا اقسم بالله حتى نهز راسي ماتعرفوني فين مشييت ونخلي ليهم رسالة فيها نتي سباب..بعدي مني المياء..
قلبات عينيها وبعدت منها ولات كلمة جوج كتهددها غتمشي ماتبقات ترجع ولمياء ظرها خاطرها ماقدراتش بقات فيها ختها وهي فهاد الحالة وفنفس الوقت بقات فيها حتى اسماء حطات راسها فبلاصتها ماليها حتى دنب اي واحد كيطلق كيقلب يعاود يتزوج واسماء جات موراا اسراء يعني ماخانها محمد معاها ما غدرها…شنو دنبها فهادشي كامل !…
من مرجان مباشرة للدار كانت الضلمة طاحت وصوت ادان العشاء مسموع…مانزلااتش حيت كان طريق كلها هو كيهضر فتيليفون وحتى ظابا ملي وصلو للدار باقي كيضهر كتشد معاه لعض الكلامات اغلب كلماتو فرنسية باينة عليه كيدوي فالخدمة حتى كمل وشاف فيها..
محمد : راجع لكلينيك….طلعي نتي شوية نقضي شي شغل ونجي…
اسماء بهدوء : واش واقعة شي حاجة….
محمد دوز ايديها على ملمس خدودها بلطف :لا لا كلشي مزيان….ماتسناونيش للعشاء..
اسماء بهدوء محركة راسها: صافي واخا….ماتعطلش
محمد مد ايديه قربها ليه من دقنها: مانتعطلش الالة شوية وانا معاك…
كيشوف فيها باعجاب واااضح وهي مبسمة كتلعب برموشها مبسمة بعيون لاامعة غمضاتهم فاش حسات بيه باس جنب شفايفها مطووول وقبلة وسط شفايفها دفففية بنفس حااارة بورشتها عاد بعد وهي حلات الباب…
اسماء : طريق السلااامة…(حلات على تسنيم لور) يلاه اماما نزلي
تسنيم هزات عينيها ممن تيليفون : لا نبقى..
اسماء : وصلنا نزلي يلاه
محمد : خلييها غير خليها….ماعندهاش القراية غدا…
اسماء :غتصدعك راه ماكترصاش..
محمد : غيير خليها…
حل حتى هو الباب نزل دخل معاها داكشي اللي تقاداو حتى للباب ورجع خرج مزروب طلع فالطومزبيل وكسييرا مشى وهي دخلات للدار عندها لتحت بدلاات حاالتها ارتااحت شوية وقادت اللي تقادتو اما لي غيطلع لفوق خلاتو برا..عاد طلعات عندهم سلمت عليهم كتقلب على خديجة..
اسماء :خديجة عفاك اجي هزي معايا ش حوايج تقدينااهم..
الحاجة :جلسي استاراحي بعدا جلسي عاد دخلتي دابا يطلعوهم…دوتي مع محمد قلتي ليه شي حاجة..
اسماء : لا اخالتي قلتي ليا مانقول والو..
غيثة :وكون غير قلتيها لييه كلشي فخبارو وجدي بحال والو يدوي مع محمد..
اسماء ماعحبهاش الحال مابيناتش :علاش قلتو ليا اخالتي مانقول والو وجيتو هنا قلتوها…كون غير عرفها مني انا لولى..ماسحابلييش غتعلمو كلشي..
الحاجة : مافيها مايتقال ابنتي خلي حتى يقولها ليه باه مزال يحشم قدامو..
اسماء دااخت ندمت لي ماقالت ليه والو : عادي اخالتي انا غير قلتي ليا مانقولها لييه مافيها حتى حاجة كون عرفوني مزوجة مايوقفوش عليا اصلا….راه ماشي اول مرة توقع ليا مع ماما…
غيثة :حنا ماقلنا ليه وااالو سميرة لي قالتها لجدي بالضحك وتعصب يسحابلييه كضحك معاه….راك عرفتي حدي على والو كيتعصب…
الحاجة :ما سميرة ساهلة زنداتها تا زنداتها وطلقاتها بوجهو…
سميرة دخلات كضحك بزز عيتيها فاسماء : لالة العروسة مرحبا بيك جيتي….ههههه قالو ليا جاو فيك الخطاب…
اسماء :غير سوء تفاهم وقع وخالتي كانت معايا…مكنتش بوحدي…
سميرة بجدية عينيها كيتقلبو وسم كيقطر منها: ايوااا دابا راك ولتي مرت الراجل ايلا كنتي كتعرفي شي حد ولا مواعدة شي وحدة من الاحسن ليه يعرف راك تزوجتي باش يبقاو الحدود بينااتكم….
اسماء علات دوك الحجبان : كيفاش ايلا كنت كنعرف شي حد..،
سميرة : ايوا زعما هاد المراة لي وقفت عليكم ماكتعرفك لاهي لا ولدها…مانضنش يجيو ويوقفو علييك غير هكااك يقدر يكونو كيعرفوك ولا كيعرفو مك مواعداهم بالزواج بييك فهمتيني..حيت مايمكنش تاني شكو فهاد الومان لي غير كيجي ويقصد …
اسماء : كيفاش زعما….واش كنعرفهم انا داكشي باش جاو عندي..مافهمتش زعما نكون انا لمحت ليه….هاظشي لي بغيتي تقولي…
سميرة باستفزاز قلبت عينيها : انا مانوييت فيها والوو..علاش تعصبتي..
الحاجة :ماوقع باس نزل ابنتي طلعي مع خديجة التقدية
اسماء تعصبت : خالتي هادشي رااه خطير…يتقال قدام محمد كيف فهمتها انا غيفهمها هو..شفتو على عينيكم شنو وقع وكيفاش جاو لعندي..سميرة عفاك ماكنتيش معانا ماتحاوليش تفهمي من عندك….
سميرة : انا غير مافهمتش..كيفاش جاو عندك نتي من دون اية ونجلااء اللي باينة فيهم من طيارة بلا زواج علاش نتي بالضبط انا غير كنهضر ماتديش عليا…
اسماء :عفااك اختي سميرة هادشي بنيااتنا عفااك ماتجبدييهش مرة اخرى على فمك..حيت موضوع بااااسل(بدات كتقندش وبنت الكرا كتبان) وعاااادي ولكن ايلا كتر فييه القيل والقال غيكبر ويسخر..ويتفهمو شلااا تخربييق مقلوبين…واش اية ونجلاء عمر شي حد طلبهم للزوااااج واش نتوما عمر شي حد شافوكم وطلبوكم للزواج حسستيني بلي اول وحدة غيوقع ليها هاد الموقف راه حاجة عادية…والحاجة خالتي عارفاني اشنو كنسوا..
سميرة : شنو قلت اناا داباا….اويلي علاش تعصبتي..
اسماء : غير مافهمتش اشنو كتقصدي كتقولي ليا كتعرفيهم ..مايمكنش يوقفو عليك غير هكاك..واش زعما انا غمزتو لمحت لييه جاو وقف عليا راه هادشي لي فهمت من كلامكم ومتأكدة كلشي غيفهمو هكا…
غيثة : صافي ماوقع والو….نتي قولي لراجلك راه حاحة عادية وخالتي سميرة غتسكت …
اسماء بجدية قلبت وحهها من سميرة: عفااك ماتدخليش فالهضرة….عفااك انا فهمتك غير باغة تبردي القضية ولكنن راه هضرتك كتفهم فشكل عافك اسميرة خلييك بعيدة..
سميرة وقفت مقنددشة كثر من اسماء باغة غير منين دو ليها :كيفاااااش خلييك بعيييدة علااه مالي منين جاااية…
الجد : سميييرة…سمييييرة
سميرة : نعام اباااا
الجد : اسماااء…اسماااء
مشات عندو اسماء كانو عندو حفايدو وولادو مابغاتش تدخل لكن هو كيقول ليها دخلي بلعات ريقها كتبلل شفايفها ودخلات عندو حتى هو كيسول شنو وقع علاش سميرة كتغوت معاهاا وهي عاودت ليه بالتفصييل اشنو وقع حتى بداي كيغوت على سميرة دخلاات عندو كتهز وتحط وعينيها جمرة حاارة فاسمااء…
الجد : يااك قلت لييك سدي فمك المسموم ااش قبحك على المراة ديال حفيدي اسميييرة….
سميرة : اشنو قلت ليهاا انا اباا راني ماقلت حتى حاجة غيير كنضحك واش حتى ضحكي مابقاش مقبول
الحد : وتقوولي ليها كتعرفو..اشنو زعما كتغدر حفيدي
سميرة طرطقت عينيها بصرااخ كيتقب الودن : انا قلت ليهاا هكاا..اناا قلتهاا لييك ايواا الله يمسخ الكداااب الله ياخد الحق فلي يطح عليا الباطل…
اسماء : انا ماقلت ليه والو غير لي وقع بيناتنا اسميرة…
من والو كبر الموضوع وسمييرة شانتة وصوتها قااصح كتغوت وتطاالو وخوتها دشو رااسهم مايكقيدرووش عليهاا هي والجد ابراهيم عطيني نعطيك ماشي معيور غير كيحاسبها وهي كدافع على رااسها وعينيها عاافية فاسمااء اصلا من لول ماحملتها ماقيلتها و حتى اسماء ماسكتاتش على حقها مداافعة على نفسها بهدوء وصوتها بسيف باش كيتسمع ماغوتت ماتجابهت معاها….
بالعكس تصدمت من غواات سمييرة وتا وااحد من الولاد كلشي كيغوووت ويهضر فنفس الوقت وهي ولفت مع محمد وعائلتو الهدووء والحوار بشويا وبالمهل..كلشي يدخل كايفك وكلشي بغى يعرف ااش واااقع…حتى خرجات الحاجة اسماء دفعاتها بهدوء تنزل لتحت وهي ضارت عندهاا كتمسح فدموعها..
اسماء : مااقلت واالو اخالتي واش قلت شي عيب شفتيها شنو كتقول دارتني كنعرفو واش انا بنت الحرام اخالتي ندير هاد الفعايل..انا ماشي غداارة…
الحاجة بقات فيها كتخاف من الصداع: مسحيها فيا ابنتي مسحيها فيا انا كنت معاك وعارفاك اش كتسواي نزلي الله يرضي عليك خليها تموت فسمها نزلي….
————————————
عند كنزة….
الوقت كيدوز عليها ساعة بالنهار الملل كيقتل ولات بحال شي مهوسة بالتفكير غي جالسة وكتخمم وتخيط فالطرقات اش ممكن يوقع واشنو ميوقعش…لدرجة جبدت مدكرة كتكتب فيها تخيلااها وتقاد فالطرقان وتحاول تخايل شنو غيديير عماد وشنو الحلول ل عندو..
رادة البال مع سلوى غير ايلا تحركات من جنبها كتسولها بفضوول فيين غاداا…لدرجة مابقاتش كطلع لبيتها بزاف غير باش تعرف كيفاش غتلاقا مع شعيب وعماد قاطع علييهم كلشي لا خروج لا جوج ماكيفوتوش حتى عتبة البااب مابقى غير تلاقااه…
بحال كل نهار جالسة فالصالة مشعليين ليهم المدفئة الجو بدا كيبرد شوية دفااتهم وكنزة جامعة عندها رجليها مغطية بايزار سخيين دالحرير بيييض لابسة غير قبية ديال عماد طالقة شعرها قدامها والقب فوق راسها شاعلين التلفازة قدامهم شاديين فلم درامي وهي كتقلب فعينيها كتبان ليها البطلة غير كضور وتبكي كرهاتها وكرهت حسهاا..
كنزة : يلاطييف على مدلولة واش هادي حمقة واخا يكون كيعطيها الاوسكيجين ماتدير عليه هاد الحالة…
سلوى : راه كتبغييه ماشي ساهلة عليها حتى هو مسكين بزز عليه اختار وحدة اخرى مالو كره
كنزة : ومن بعد…صافي تفارقو تمشي تشوف حيااتها اويلي اختار وحدة اخرى فبلااصتها ومزال لاصقة فيه ريحة دل شميتها من هنا عصباتني….انا كنعرف الانثى الحقيييقة القادة مكترضاش اصلاا راجلها يشوف بعنيه فوحدة اخرى يعني هي مكفاتوش يعني هو كيشوف قيمتها قلييل باش مشى شاف فوحدة اخرى..ففف كنتعجب لهاد البنااات مايمكنش لياا مزال نزيد نشوف ايلا طحت فنفس الموقف..
سلوى : كنزة واش فايت ليك كونتي علاقة قبل ماتزوجي بخويا…عادي غير قولي ليا كلنا كنعيشو علااقات غرامية..ونتي ؟
كنزة :ماغيتيقيش بيا ايلا قلت لييك عمري دخلت فشي علااقة ههه
سلوى : سمحيلي مي مانتييقش بييك بكل صرااحة هههه
كنزة : والله العضييم ايلا عمري دخلت فشي ععلاقة من غير خوك…ماكنفتاخرش بيها ولكن انا ماكنشوفش راسي اي واحد كيستاهلني مايمكنش ليا نعطي راسي لاي واحد شافني وعجبتو وصافي..ايلا محااولش بجهههد على قبلي مايمكنش لياا نعطي راسي لييه..من غير ايلا كان كيعجبني هده حاجة اخرى..
سلوى : وعماد..كيفاش تلاقيتوو اشنو دار باش تشوفيه كيتسااهلك
كنزة : عماد..كان كيعجبني فاول مرة تلاقيت معاه…ههه من بعد ماتلاقيناش ست شهر..على حسب كلامو ست شهر وهو كيقلب عليا وكيف قلت ليك كان كيعجبني…دونك مكانش عندي مشكل نتزوج بيه مدام كيعجبني من بعد غنبغيه انا متأكدة..
سلوى : ودابا كيعجبك..ولا كتبغييه
كنزة : شنو بان ليك هه
سلوى : ايوا نسمع مننك…
كنزة : راه غيولي عندي بيبي معاه كيفاش ماغنبغيهش…
سلوى : ديبلوماسية فاجوبتك..كتبغيه غير حيت اب ولدك
كنزة:نتي لي اسئلتك كتبان ليا ماشي واقعية كتسولني واش كنبغيه راه راجلي الحمقة كنبغييه بيان سييغ…عماد ماكنشوفش حياتي بلا بييه دار عليا شي حوايج ماكنتش كنتسناهم منو صراحة….واخا كنبان ليك كنتخاصمو بزاف مامفاهمينش ولكن حنا هكاك كنتفاهمو…
سولى : الله يدونها محبة..
كنزة : اللهم اميين…
شافت فالفلم مبسمة كتننهد حاسة برااسها توحشاتو وهو يبدا يصوني تيليفون سلوى هزاتو وطلعات وهي متبعاها بعينيها ورجعت تكات على الكانابي برااسها كتفرج…ماحسااتش برااسها حتى داتها عينيهااا…ماكتفيييق ايلا على شي ايد كتحرك فوق خدودها وشفاايف باردين تحطو فرقبتها حلات عينيها مقلوبة مخطوفة وسط نعاس وهزات عينيها وهي تلقاه عماد مبسم واقف كيشوف فيها…
كنزة : عمااد !!
وسعاات ضحكتها ووقفات بهدوء على صبااعتها عنقااات كتاافو وهو ضور ايديه على خسرها خاشي راسو فعنقها بقبلاات متقطعة..
كنزة : على سلاامتك….عاد جيتي علاش ماقلتيهاش لينا
عماد :توحشتك…(باس شفايفها غاارق فيها كيهضر) صافا..ارتاحيتي شوية..
كنزة : مممم غير شوية..هاد الدار مملة بزاف اعماد كون غير رجعتينا للاوطيل كان زويين..و باردة مزال حتى حاجة مافيها زويينة..
عماد :غنمشييو..انمشييو بخطرة..اجي جلسي..
جلس وجرهاا عندو جلسات قدامو معنقها بايديه مرة كرةة كيبوس خدها واديه فخسرها كيحركها موحشها وهي كثر مبسمة ليه ملهوفة تعرف اشنو وقع داوين بشويا كيزيلو الشوق من بضهم…وسط ضلمة ليل وصوت الصراصير فالجردة مسموع حتى لعندهم…
كنزة : مشيتي غير بوحدك تما ؟
عماد : لاا قلت ليك مشيت انا وسلطان..على حسب ماعودتي لياا كيعمر من ليل كيكون على شكل سهرة ياك…داكشي للي لقينا….
كهزة :ااه شفتي هند..ياك عااقل عليها شفتيها شفني البنات ولكن شنو وقع لييهم ملي خرجوهم فداك الكار…فين داوهم هضرتي معااها ؟ عرفااتكم ؟ ءءء و ولكن بلاتي كيفاش دخلتو زعما سلطان بوليسي كيفاش دخل تما…ماشي زعما البوليس مكيدخلوش تما..
عماد : بوليسي كأيها الناس علاش مايدخلش..واش عارفة شكون كيشدمشي لتما..كنقوليك غير الريوس الصحاح ديال البلاد..فلوس كحلة كدخل ليهم كل نهار ونتي كتقولي ليا البوليس….
#فلاش_باك…
كيف العادة وكيف كل يوم كليان جديد وقدييدم الفوق المنصة زاهية دنيا صوت الموسيقى والغوات كيتجههد ضحك الرجاادل والبنات فالسموات معلي ..
طلعات هند بلباس شبه عاري تقريبا طالقة الشعر والماكياج هي الوحيدة لي كانت بمكياج متول وزويين كيفتح النفس ما لاخريين كي جنيات وجههم مصبغ ها زرق الحمر الخضر الموف والزقلي الزقلي ولكن غير كيبان فيهم الضو كيباانو مالكاات جمال…طلعو للمنصة كيشطحو ويتمايلو على اغاني خليجية ولفلوس كيتلاحو غلييهم والقراعي كيتخواو عليهم والتحيات وهند كتضور فعينيها وتشطح وتقلب شكون ضحية ليووم حتى بانت ليها فواحد الجوج واحد هندي سمر باينة فيه واحد جنبو خليجي حطات عليهم العين وبدات كتشط غير قدامهم..حتى فشطيحها هبييلة ومسطية مرة دير حركات هندية مرة خليجية مرة تقلبها مغربي كضحك وتهز فشعرها والباطرونة كتشوف فيها وكضحك يسحابلها شاربة بحال البنات لاخرين فحين هند ماكتشرب ماكتكمي ايلا ماضحكات ونشطات مع الاغنية احتمايلة تمشي تقتل راسها ولا هاد الحاالة..كلشي كتترجعو ضحك ولعب فعينيها بحال شي مساابقة اياام غتعيشيها وترجع لبلاادها حياة وحدة كتعاش سواء صعيبة ولا ساهلة علااش ماتعيش اليوم بيومو وتحاول تفك راسها فعوض ما تجلس تبكي وتشكي على زهرهاا بحال شحال من بنت هناا كيضلو يبكييو ويهرننو فالاخر كيشربو ويطلعو يشطحو بزز…
حتى بان ليها داك الهندي جر واحد القرعة ظشرااب طوييلة حلهاا ورشهاا عليهاا وداك الخلجيي حتى هو تبسماات بفرحة وكملت شطيحهاا ضمنت جوج نقطاات تزادو ليهاا…
كل قرعة كتحل وترش كتعني تحية نزلت ليها…ولكل تحية عندها نقطة وديك النقطة كتحول لخلاص فلخر دالشهر كيخاد…كلما كانو نقط كثيرة كلما الصاليير كيطلع…
ميلاات شعرها جنب كتحرك خسرها ومؤخرتها كضحك مع الاغننية ومعاهم حتى هوما حتى جات عينيها على الباطرونة شافتها بهدوووء غمزاتها بعينيها وحطات هزات ايديها مشكلاهاا بجوج صبعان(✌) وحطاتها فوق كتفهاا وهند حركت راسها بايجاب وشافت جيهت البااب بانو ليها جوج رجال ظظاخليين من حركة الباطرونة من صبعانها عرفاتها كتعلمها بلي البوليس دخلو…
كان سلطان وعمااد دخلو كيشوفو مع الاجواء ومشاو مبااشرة جلسو قدام المنصة وهند كملات كتشطح عادي مرة مرة كضوور تشوف فيهم وترجع تكمل رقصها بشكل عادي والتحيات كينزلو عليها…
عماد : هو هذاا….(جمع الدفلة لاحها جنبو عاايف الوضع)على حاالة….
علا عينيه وهي تبان ليه وحدة كتشوف جيهتو وتبسم طلع ونزل فيها باستهزااء حجامع حجبانو وقلب منو عينيها عايفها شاف جيهت سلطان لقاه حاط عينيه على هند ماهزهاااش ولو ل لحضة حتى شاف فيها عماد وركز فييهاا حبد تيليوفنو بخفة كيشوف فتصاور ويقاارن بيناتهم..
عماد : واايلي..هي…ديك ختنا هند هي هاديك….مبدلة اصحبي..
ماردش عليه سلطان كيشوف فهند وفحركااتها اشنو كديير كلشي توقعو ايلا يعاود يتلقاهاا مرة اخرى بعد الكازينو وفهاد الحالة من لفوق…وهند مارجعتش شافت فيهم ماكتبغيش تخالط مع البوليس ولا تجدب انتباههم دائما كتمشي للضحايا لي كيبانو ليها ساهلين يطيحو وتفتخهم كييف بغااات…حتى وقفات الاغنية وحبسات معاها هند كتنننهج بدا كيتلاح عليهم الورد وهوما فالكازينو بالشراب لي كترش علييهم..نزلات من تما كضحك غادا عند داك الهندي حتر بانت ليها وحدة صحاباتها مشاات لعندو كتمحكك عليه وتشوف فهند بنص عيين..هاد الاخيرة لي عقدات فيها حجبانها وقلبت الضورة مشات عند الباطرونة..
الباطرونة : سيري عندوو..علاش راجعة عندي انا سيري
هند : ماشفتبش هاديك الكلبة لي مشات عندو بناقص من الحاجة المشروكة
الباطرونة : مكلخة راك عجبتيه نتي نزل علييك خمسة ظالتحياات اش بغاها هي دابا يجري عليها سيري عندوو..
هند : حتى تمشي ونمشي عندو…تاني مرة كديرها ليا مرررة اخرى دنوبها على نفسها والله ماندوزها ليها
وقفات حداها كتقلب وتشقلب فشعرها وعينيها كبضوروو حد كتقلب بين الكليان حتى جا عندهم واحد السيرفور قرب عند الباطرونة دوا فودنييها وهي تعقد ححبانها ودوات بصوت مرتفع..
الباطرونة : لييش…ليش لا يطلبها لعندو ؟
هز راسو بماعرفتش وهي شافت فهند…
الباطرونة: غِنوة..البوليسي لي دخل طلبك عندو…سيري شوفيه
هند : علااش…ففف ماكيعطيونا والو غير كيتلمسوو ويسيفطونا..
الباطرونة : ماعندك ماديري..طلبك ماغنقولوش ليه لا سيري
هندد : نهاار كيدااير باين من صباااحو لي صبحت عليا ديكك القمقومة تفو على حالة(مشات) الله يعطييك تانتي العداب القح*بة..الله يعطيك الحبس
وسعات تبسيمتها بزز دغيا ومشات كتمايل عندو وعماد كيشوف ويطلع وينزل فيهاا وقدفلباس لي لاصق على جسمها فاازك حتى قربت جلست جنب سلطان مسحرة ايديها فوق الفوطوي رجل على رجل فخاضها عريانين ميلة راسها مبسمة فييه وهو كيطلع وينزل فيها وفايديها لي ورا ضهرو..
هند : مرحبا…كيف الغالي…!!
—————————
نزلات اسماء لبيتها كتبكي دمعة وخنونة بقى فيها احاال وحشمت من نضرااتهم كتبان فيهم الاغلبية تاق بكلام سميرة لي كتقول كتعرفو ومواعداه بالزواج وتلاقااتو والمشكلة كتغلبها فالهضرة كتجي اسماء تهضر كتبحسها…لقات تيليفونها كيصوني جبداتو لقاتها الحاجة مها قلبها طااايب ماكتبغيش تعاد ليها ولكن دابا دات عليها دغيا ..
اسماء بصوت باكي : آلوو ماما
الحاجة صوتها ضاحك : كديرا ابنت كرشي ايلا ماسولت انا ماتسولي الهبيلة نسيتي ميمتك..
اسماء : غير مع الدار اماما… (كتنخصص)رااك عارفة
الحاحة : ماالكي….امااالكي كتبميك.ي ااش وااقع …
اسماء مسحت دموتها : واالو….
الحاجة : اويلي على واالو شكون دوا معااك مع رااجلك ااش وقع ليكم هضري ابنتي راك طيحتي فيا النص
اسماء : لاا مدار ليا واالوو….عائلتو واحد المسومة اماما ليوم خرجت معااهم وهي توقف عليا واحد المراة..
عاودت ليها كلشي من الوقت لي خرجو فيها حتى لداباا وهي كتبكي مارضاااتش ونفسها تقااصت من كلام سمييرة مارضاتهاش تقول ليها كتعرفو وهي لي لمحت ليه يوقف عليها….
الحاجة: لاا حول ولا وقة ايلا بالله..حسبياا الله ونعمة الوكيل فيها..حسبياا الله ونعمة الوكييل فيها..ماتبكيش ابنيتيي ماتبكيش المرضية الله ياخد الحق…علاش دابا نتي بقى فيك الحال علاش عارفة راسك اش كتسواي خليها تقول لي بغات
اسماء : لا اماما ماتقولش ليا بحال هكاك واخاا انا عارفة راسي مانديرش هكا ولكتن حطاتني فواحد الموقف كلشي ولا كيشوف فيا بالشك..
الحاجة: لا اله ايلا الله رااجلك اشنو كيقول فهاادشي شنو قال ليك..
اسماء : مزال ماقلتها لييه محمد مغيقول لياا والوو هو عارفني اشنو كنسوا وكيتيق فياا ماغيتييقش بهضرتها انا اماما مارضيتش قدامهم…علاش تقول ليا هكااك… مافيهمش الخير كاملين انا شنو درت علييهم ملي جاو رحبت فيهم وحطيتهم فوق الرااس فلخر تحطني فهاد المقام….مكيمهني تا حد من غير راجلي…ومحمد غنشرح ليه شنو وقع غيفهمني غير هي بقات داوية..
الحاجة : صافي ابنيتي صاافي ياالمرضية الله يرضي علييك خليهاا تموت فسمها..غدا جي عندي ابنيتي جي عندي بدلي الجو شوية خوي عليهم خلييهم يتساطحو بوحدهم….عاد يعرفو بقيمتك…
اسماء : اه كنت باغة نجي عندك…غدا نجي انشاء الله اماما….
طولات معاها الهضررة والحاجة كتبرد فييها وتهدي فيها حتى تهدناات وجمعت دموعها عندها…..
الحاجة : سيري ابنيتي بسلاامة بشويا علييك ماتفقيصيش لي تضر خاطرك رميها وراك
غدا جي عندي قوليها لراجلك يجيبك ايلا كان مامساليش جي بوحدك وعنداك تخاصمي معاه بااهداوة ابنيتي تكلمو وفهميه ااش وقع راه نافيها باس انا نعاد ليه ااش كان كيوقع ليا معاك هادي راه كي واالو قدام اشنو داز عليا معاك نتي وختك…
اسماء : حتى لغدا ونتلاقاو اماما بسلامة تصبحي على خيير ..
قطعات معاهاا وحيدات شاالها كتنفس على رااسها باقة مزيير وضرها قلبها بالبكى بقات غير شادة على صدرها كتنفس شداتها الردة وزيراتها دايخة…تسطحات فوق الناموسية بثات هكااك مدة طويلة حتى سمعات صوت شي طوموبيل على برا عرفتو ماغيكون غير محمد وتأكدت ملي تحل الباب دالزنقة ورجع تسد عرفاتو هو اللي جا…نطقات بخفت بين سنانها..
اسماء : هاهو جا الكلبة الشارفة ونشوفك اش غتقولي قدامو ملي يحدهم ليك…المسمومة… !!
_________
كنزة : شنو زعما واش كيعرفهااهو ؟؟ فين كيعرفها اويلي واش بصح منين كيعرفها
عماد : ماعرفتش برب ماعرفت عاد لباارح مشينا..مزال مادويت معاه نيشاان نعر٥ اش كاين لي بان ليا كيعرفها….
كنزة : ايواا اشمو دار معاها دواو شنو قال ليها…ماسمعتي حتى حاجة (بشك) ولا ياكما بقيتي مقابل البنات..
ضحك كيشوف عزدهاا ةهي مزيرة فمها مابغاتش تطلق التبسيمة..
عماد : مقودييين بالرجولة عاد فهمت علاش كلشي كيدوي على داك البار….
كنزة بغيرة مابيناتش : علاش كدير هكا زعما باش نتعصب..راني ماكنتيقش فيك عارفاك اشنو كتسوا…
عماد : نتي كتقولي مانخبيش عليك مانكدبش علييك…قنبولات علاش غنكدب ولكن برب مكاينش اللي تبان قدام مرتي انا بوحدها ماكينش بحالها…
جرها من ايديها لعندو كيبوس فرقبتها بحراارة وايديه فخسرهاا كيقيص لحم كرشهاا صبعااهو وهي مرخية علييه مبسمة عاجبها راسها…
عماد : فيين غنلقى هاد الحلاوة كاملة فيين..ريحتك….شعرك..رطوبتك…ضحيكتك…وحق الرب المعبود مامنك جوج…
كنزة بغنج ميلات راسها كتموت فدلعو : واكمل ليا…عماد..ماقلتيش ليا شنو وقع ليهم فاش داوه فداك الكاار اشنو عرفتي شي حاجة شنو دارو لييهم…
عماد : راسي كيتشقق عليا….ماكرهتش شي مساج من ايديك احبيبة ونقول ليك كلشي…شنو مانستاهلوش!
كنزة حركت راسا بطااعة : واخا..سبقني للبيت نقاد ليك لويزة زويينة تريحك وندير ليك مساج وغتعاود ليا كلشي..
عماد : واخاا…(وقفات وهو يشدها) اري شي بوسة…
تحنات ضاحكة باستو على شفايفو مطول ارا غير يقول ليها اش كاين وناض كيهز فسروالو طلع سبقها للبيت طل على سلوى فبيتها لقاها نعسات غطاها مزيان وسد عليها الشرجم المفتوح وخرج مشى للبيت فطريقو صونى تيليفونو وهو يجبدو لقاها رواان ..زفرر بقللة صبر وجوبها…
عماد : اش كاين اروان ..شنو كاين تاني..!!!
روان : ماتعصب عليا عماد بليز..انا فقط حبيت اوصلك كلام بابا حابب يشوف لا غير….سامحني على اتصالي..
عماد : باشما كان نرد علييك…ماتتصليش بيا حتى نتاصل بيك انا…
قطع عليها وخشى تيليفون فجيبو كيحيد فالشوميز بقى عريان من الفوق وتسرح فوق الناموسية حاط دراعو على راسو فوق عينيه شادهم باالو مشغول مع روان وبااها وكلامو لي باقي حد الان كيضرب فودنيه…وهو كيتدكر اخر حوار بيناتهم ماردش البال لكنزة لي دخلت مع الباب فايديها كاس داللويزا شافتو وتبسماات فرحانة بمحيتو حطات الكااس وقربات عندو بهدوء كتشوف فصدرو مطراسي قدامها كيعحبها تبقى غير تتشوف فيه وفعنيه المقرودونين شفايفو مزيرين…
بدون تردد قربات كثر محنية لجيهتو حطات ايديها على متافو بجوج وباستو فشفايفو مطول ماكتفكرش كدير غير لي ملاه عليها عقلها توحشاتو وحمها جا علييه..وهو كثر على سبة ضور ايديه على خسرها وجرها فوق منوو كيحضحكو بجوج بشفايف مشابكة حاسة بيه وهو كيعري جسمها قطعة بقطعععة حتى تلقى اللحم على اللحم فوق الناموسية بحرااارة عااالية هزااتهم بحوج كيف العادة مايمكنش تعيش معاه علاقة حميمية بدون بكااء وغوااات قالبة البيت وكتفو كلو مقموش وايديه معضوضين وهو كيضحك عليها بشويا بشوياا كيساايس حيت كتغفل ماكيتيقش فيها فاي لحضة تقدر تقلب علييه وتخليه مقطوع كيضور ويبرد..
حتى انتهى بيها المطاف متكية على صدرو كتلعب بشعيرات صدرة ةلخفااف ساهية كتشوف فيه مغطي راسو بايديه ماعرفات مالو غير كيخمم بغاتو غير يكمل ليها اداشنو قع ماقظراتش تحركو وهو ناعس كيتننهد بتنهديياات غاظضة حتى كيتهز صدروو حسات بيه مهمووم ومامبيينش…تنهدات حتى هي وهزات ايديها كتمشط لحيتو بصبااعها حتى جرات واحد الشعرة قصحااتو وقاال..
عماد :هداي..
تبسماات بشقاوة وعودت نفس الاامر كتلعب بشعر لحيتو حتى قمشااتو بضفاارها وعضات على شفايفها مبعدة حسات باشنو دارت وهي يبعد ليها ايديها
عماد : هدااي..هداي اروان..
تخطفااات هازة فيه راااسها رااسها دغيا مفافية كتأكد ملي سمعتت ودنيها قلبها ضررب بجههههد وايدييها فشلو علييها
كنزة : عماد..
عماد : ممم
كنزة : عماد….انا كنزة
عماد : ممم..
بلعاات ريقهها فمها نشف علييها تالفة حااسة براسها دااخ عليها ولاات كلها مدكتررجف مستترجعة شنو قال ليها واش تكدب ودنييها ولا شنو دير….مقالش ليها روان غير هي جاب ليها بالها…لهاد درجة تكون طليقتو شغلت بالو حتى نطق اسمها ووهي وسط حضنو وسط معاشرتو نطق باسم وحدة اخرى…
كنزة حركاتو كتررعد وهو باقي على حالو : عماد انااا كنزة ماشي روااان …
غير سمع اسم روان فتح عينيه دغيااا كيبلع فريقو عيينييه خرجو كيسترجع اشنو كان كيقوول..
عماد : كنزة… (داخ ملي شاف حالتها)علاش انا شنو قلت…!
كنزة : انااا كنننننزااا كنزاا ماشي روااان اعمااد
عماد شد ايديهاا كيترعدد بحاالها وهي كتننهج مطرطقة ليه عينيها : بشويا علييك شرحي لياا شنو قلت كننزة مراتتي شنو قلت اناا..
كنزة : انا كنزززة مااشي رواااان(دفعت صدرو حتى قمشاتو كتغوت بحرقة) كيفاش روااان كيفاش اعماد انا معااك وكتقول ليا روان شاغلة باالك لهاد درجة….(غتحماق) عمااد اناا كنزة…كنزااااا ….مااشي روان…!!
____________
مكانش دكرو لاسم طلييقتو قدام مسامعها فديك اللحضة صعييب….قد ماكان صعييب عليها ترجع تقبل من جديد متعاودش تشوف فوجهو مرة اخرى…تمنات يكونو ودنيها غير كدبوو عليها وترحع تخط راسها على دصروو مرتاحة فحضنووولكن ايديه اللي كيترعد عليها وهوما شادين فيها عينييه الموسعين فيها هو بفسو مصدوم من اشنو خرج مع فمو فكيفاش غتكون حالتها……مابقات عارفة اشنو تقول لسانها تربط عليها جملة وحدة تكرر بين لسانها ” انا كنزة ماشي روان ” هو شاد ايديها بجوج عندو كيترعد كثر منهاا وهي كتنتر من وسطو عينيها خارجيين كتعاود نفس الجملة بحالا شي واحد كيحلم وكتفيق فييه…تحرق قلبها بلهييييب قوي ماقدراتش تبلع غصتو فكرة ان وحدة اخرى كتضور فباالو مادخلاتش لعقلها…ماشي غير حيت فقط هو عماد…ولكن كيفاش شغلات بالو لعاد درجة حتى ينطق اسمها شنو دارت ليه هاد البنت حتى تفكرها هي وماتفكر مرتو وهي لي بين ايديه فديك اللحضة واللقطة الحمييمة لي كان خاصو كيهمس غير باسمها ماشي باسم طليقتو.. !
لواات عليها البينوار احمر بلون دم الغزاال على الحم ديرييكن وناضت كتجمع شعرها عرقااانة ودموعها نازليين فشلااانة شادة على صدرهاا مخنوقة وهو بشورط خلفها كيف خياالها من جيهة لجيهة كيضور معاها.
كنزة : خليني عفاااك…مابغيتش نهضر(كلها كترجف) مابغيتش ندوي دابا اعماد خليني
حاني راسو لمستواهاا كيشوف فملامحها باكين قالباهم علييه…
عماد : شنو قلت شرحي ليا مااعقلتش على راسي قلت كنزة شنو قلت من غييرها تاوليتي فهاد الحاالة (بنكران ضورها عندو) شنو قلت ااش وقع عاد كنا بخيير…ماالنا !!!
كنزة نتراات منو: طلللق مني ماتقيصنيش هضر بعيد طلق مني(رجعات لور عايفة قيصتو فيها) هاادشي لي جاايبك تفكريني فيهااا هممم…ماقلت تا نسييتها وااش تزوجت بيييك دير فيا حالة البنات لي كنت نضحك علييهم اعماااد(تفكرت الممثلة لي كانت كضحك عليها دابل شويا)انا كنت كنضحك عليهم ااي وحدة تشكاات من رااجلها حيت خانها كنضحك عليها كنسبهاا حيت هي لي مااقدرااتش تشدوو عندهاا انا ولييت داباا فيهاا بناات عميي كيجييو يتشكاااو ليااا من صحاابهم انا كنضحك علييهم حيت مضيعيين راسهم معاهم واناا وليت ضاايعة معاااك
عماد مسح على وحهوو كيتنفس بسرررعة شد فكتاافها برفق بغى يجلسها..: جلسي نهضرو…اجي هنا…اجي
كنزة دفعااتو هربانة منو : مااااتقيصيينيييييش بعععد منيي غدااااار تفو كرهت الشووفة فوجهك بععععد منيي سيير عندها خرج عليا خررج سيير عندهااا(واخا كتبكي نزرتها قاصحة وقوية ليه) واااش نتا مريض كتخايلها حدايا كتحلم بيها فوقي ياااك قووول وااش كنتي كتخايلها فبلاصتي كنتي…كتستحلم بيها عماد على فراشي
عماد عقدههم تاللف: كيفااش كتستحلم بيها غنضرب حسسسك…حسني لسانك اكنزة وجلسي لرررض منيين جات هاد المررض تاني اشمن سيير عندهاا فيين غنمشي..جيت عندك بااش تقولي ليا سير عندها كون بغييتها من ديبار مانطلقهاش
عكااتو بضهرهاا سخفاانة مابغاتش مزال تشوف فيه كلها كتجرف مغطية وجهها بايديها كتبكي…كتكب عليها كلشي فلحضة وحدة مامتقبلاش طلااقو اللي مخبيه علييها زااد كمل ليها بالكلمة اللي نطق حرقات قلبهاا بناار هاادية على المهب كيتحرررق مطلع الغصة مع حلقها صعيب تبلع….
كنزة بوصت فشلاان هادئ كاع داك الغواات رجع هداااوة كتخلع : راك كتخايلها قدامي اعمااد…راك كتنطق بييها….راك كتلحم بيها قدامي اعماد…باقي باغيهاا ماتكدبش عليا وعلى راسك باقة معششة فيك نتا معدب ومعدبني معااك سيير عندهاا مساامحة لييك غيير بعد مني سير عندها(جلسات فاشلة كتبكي)
ضورهاا لعندو صدروو كيطلع وينزل كلوو كينهج كثر منهاا والندم مع الحزن محاسر عينييه عيات تنتر منوو ولكن حكم خسرها بايديه بجوج عنظو شادها بزز كيتكلم حااني رااسو عندها
عماد : مااااغنمشي لتاا قننننت مزووج بييك نتي …مرتي نتياا ماشي هي باغييك نتي كنزة ديالي….(هز وجهها عندو) كنزة ديالي نتي….فعينيك مكدبة كلاامك نتي براسك ماتايقاش فشنو كتقولي عاارفة كلشي اللي كاين ماشي عاد ليوم نقولو ليك…باغيييك نتي ماشي وحدة وحدة اخرى….شوفي فيا…برب ماكنت ناويها وحق رب الكعبة ايلا نتي لي فالبااال
مابقااقتش قادرة تسمع صوتو هزات فيه عينييها مدمعيين كتنخصص غتحماق بالبكى بنضرة قاصحة فيه مقوية رااسها قدامو بزز واخا ظموعها خاينينها قدامو فهاد اللحضة مصطنة القوة قدامو….
كنزة : وااش شفتييهاا من نهار تخاصمنا…
كنتي كتلقاها..خنتيني معاها اعماد قول الصراحة مااتكدببش عليا…(بعداتو شوية عليها) الله يرزييك فولدك وهو فكرشي ايلا كدبتي عليا…قول ليا الصراحة
عماد تصدم فاخر كلام ليها بقى غير كيشوف فيها وفالدمووع كيقطرو على خدودها فشلاانة بجهههد القدرة بااش تنوض وتجابه وتغاوت معاه طاااح ومابقاش منها ولو واحد فالمية…كيقولو المراة عدوو المراة وكنزة باسم وااحد من فمو باسم مراة تااانية فشلهاا وهدم قوتها الي مكانتش كتهز مهمااا وقع…..شكااات فصمتو المطول ورجعاات تلفتاات عندو بنبرة وااضحة مابعدها كلام..
كنزة : تلاقيتيهاا يااك كنتي كتشوفها شحال من مرررة ونتا كتشوفها قول ليا غير شحاال من مرة تلاقتي معاها من نهار جيتي… عقلي غيخرج قول ليا شحال من مرة شفتيهااا…
عماد بااس ايديها بجوج بييهم مزير عندهم وهي فاشلة وسطو : سوليني علاش تلاقيتها علاش كنشوفها….
كنزة نتراات منة ايديها كتبكي بكلامو أكد ليها شكها كثر : شحال من مرة شفتيها
عماد بتبات حدر راسو ونطق : تلاتة المرات…
عضات فشفايفها مزيييرة قالبة وجهها ودمووع دايزيين مخنووقة مزيرة على قلبها بايديها…
كنزة : تلاتة دالمرااات ونتا كتخوني
عماد فشلاات لييه الركاب بكلامها تحنى على ركابييها محرك راسو بلاا : كنزة..لاا
كنزة دفعااتو ناايضة : طللق مني واامااتبقاااش تقيصنيي حييد ايديييك عفتتتك كنعيييفك بععد منيي مااتقيصنييييش تلااتة دالمراات ونتا كتخوني معاهااا الخيانة ماشي هي حتى تنعس معاها وتقول ليا خننننتك ديك الهضرة لي كتضهر معاها والوقفة ديالك راه خيااانة…وانا الحاجة لي كتجي بالجقلة ماعندي ماندير بيها…
عماد تعصصب خايفها ديرها بصح وتخلييه : ماكيين لا خياانة لا مرررض ماتجهلينيش جلسي لررض اااشمن خياانة لدينمها مااكيناش غيير نتي ديريها فبااالك عارفة خدمتي كنشوف بنااات اشكاال وانوااع كل نهااار كل سااااعة النوع لي يتخايل دماغك كنشوفو كل دقيييقة من بيينهم كتبااني غييير نتيا ماشي هوما…..حتى غننتزوج وندير الولاد عاد غتبان ليا شي خيااانة علااش ااش تفارقنا باش نخون فين كان عندي شي وقت فين نخونك اشمن وقت خليتي ليا فيين نخون وتاخدمتي مابقيتش كنحط فيها رجلي غير حيت تابعك من قنت لقنننت…من نهار دخلتي رااسك فهاد المعماعة عيني ماكيشوفوش النعاااس من المغرب لهااد البلااد الكحلة ونتي كتقول لي ليا خياانة فين هاد الوووقت ليها فيين كاااين
سلوى فبيتها ناعسة بهدووء حتى فاقت مفزوعة على صووت الغوااات رجعات غمضت عينيها وتكات يسحابليها كتحلمم حتى سمعات صوت عماادد كيغوت معاه صوت كنزة وهي كتبكي وكلماتها مامفرزيينش..
ناضت طاافجة من بلاصتها لوات عليها بينواار فوق الشومييز وخرجات من البييت بسررعة لجيهت بييتهم يسحابليها غير وقعت ليها شي حاجة بخصوص الحمل بدون تردد بداات كتدق فالباب مفزوعة
سلوى : عمااااد…عمااد كنزة شنوو وااقع ….(كدق ) عماااد
عماد : شووفي فياا كنزة هزي راسك شوفي فيا غيير فكري منك لراسك مانزييد حتى كلممة اخرى وااش نجي تالهنا عااد نفكر نخونك ….اشنو جابني هنا من غييرك نتي انا هاد البلااد ضربت عليها حتى عرفتتك اكنزة….اللي كنت مزوجها ماكنتش كنعرفهااا زوااج تلت شهر وسديينا الكتاااب زوااج على حاجتي وحاجتها وحتى دابا تلاقيتها على حاجتها هي ماشي حاااجبتي…شوفي سمعي ليا (كيهز ليها دقنها تشوف فييه وهي قالبة وجهها منو) تلاقيتها اول مرة من نهار جينا لهنا قدام الاوطيل لي كنا فيه بالصدفة داز بيناتنا السلاام والله يسر مابقييتش شفتها حتى لنهار لي شفتينا فييه نهار خرجت منو على اسااس قاصد شعيب تا كنلقاها ورايا فسطااسيون مالك ما مالك كتقول ليا ندوييو انا راسي ماكنتش عااقل عليه بررب العالي ماكنت عارفها ااش كتقول كنشووف شعيب قداامي لااا غير
كنزة حركات راسها بلا سخفات بالبكى : زوااج لول مكيتنساش اعمااد ماكنتش عااارفة هادشي نهار لول واخا نكون كنموت علييك ماانشووفش فيييك اعمااد….ماكنتش عارفاك مطلق…. حتى ختي مطلقة واش نساات راجلها لول عمرو يمشي من باالها عمرها تنساااه عندها بنت معاه كيفي لي غيولي عندي وولد معااك…..كنشوف حياتي غتمشي فطرييق ختي هادشي لي بغيتي ليا نتعدب كي تعدبت هي يدوز عليا كي دااز عليها (شهقااات بدمووع دايزيين كيحرقوو قبل منها ) حراام عليييك..باغيها اعمااد معششة فعقلللك علااش ضيعيتيني معااااك
عماد بقوة ماداخ مغاهاا تعصب : واش حتى غندييرو الولااد عاد غنبداااو فالخيااانة(عصباتو)
كنزة :ماانقولش ليا الزلااااد…نهار لول زربتي عليااا ماحسيييتش برااسي حتى ولييت قدام مسؤوولية الولاد… مااعرفتش حد الان علاش ماولدتيش معاها هي ولا اصلا ماعرفتش واش قلتيها بصح ولا كتكدب عليا شكون قاال يكون عندك معاها شي ولد وناكرو حتى نشوفو حتى هو صدفة شكون قااال…
سلوى كدق : عماااد…واش كتسمعني شنو واقع
فرعلت ليه رااسو بالدقاان هز وجهو ناحية البااب وغووت حتى قفزات كنزة مخرجة فييه عينيها وحيدات ايديها منو وهو رجع شدها..
عماد : سيرييي تنعسيي..سيريي تنعسيي اسلوااا
قفزااات فالباب كتشوف هنا ولهييه ماقدرااتش تمشي حطات ودينها على الباب كتصنت علييهم قاطعة الحس..
رجع شااف فيها وهي قلبات وجهها علييه مابقاتش باغة تهضر معاه واخا حاول حتى عيى فالاخيير تنهد ونااض كيسوط شاعلة فييه العاافية كلو كيرررجف متايقش فييها كتغفل ماكيتييقش فعقلها وشنو ممكن يملي عليها لحد الان عمرو قدر يفهم تفكييرها كل مرة كتصدمو بشي حركة وشي عقل جديييد علييه….
هز دقنو عندها واخا مكتشوفش فييه مسح دموعها لي كيقطرو من رموشها وبااس على راسها مطول عينييه حمرين مزيير كيتنفس بزز بلاه هضرة بلا جوج ومشى خارج كيظوز ايديه على وجهو غيير كتينهههد عينييه كحليين ضللمة وحزن مخييم عليهم…وهو يلقى سلوى فوجه كترمش حشماانة من الحصلة..
سلوى :تخلعت سمعت غير صوت الغوااات شنو واقع اخويا مالكم(شافت عينيه لمعو نازل عليه ريدو من لحزن)
عماد : خوك تهرس فخدمتو…تهرس فيك..تهرست فالواليد…وليوم تهرست فيها…(حدرات عينيها دامعيين نبرة كلاامو وحالتو هزات قلبها وهو طبطب على كتافها مشى كيقول)دخلي عندهاا…دخلي..
———————-
سمعات صوت تسنييم داخلة مع الباب كضحك وتخرشش شي حاجة فايديها تكعدات جالسة دغيا مسحات دموعها كدوز ايديها على وجهها وتنش علييه محاواة معاه يبان عادي واخا عينيها حمرين كيف الجمرة ونيفها وشفايفها حمارو دغياا…والخنايين واادموع والحالة تقول ميت ليها شي حد غزيز..
تحل الباب ودخل معاه محمد ماحتاجش يضور عينيه يقلب عليها حيتت مع الدخلة بانت لييه جالسة فوق السرير كتجمع فشعرها بااش تغطييه…سد الباب رامي السلام بصوت خششن مدعدع بالبرد مسمعو ليهت…
محمد : السلاام علييكم..
ردات عليه السلام بلاما تهز راسو فيه وهو تحرك كيحيد فالدجااكييت علييه بشكل طبيعي كيف كل نهار….
محمد : ماطلعتييش عندهم…ولا نزلتي ؟
اسماء بهدوء : عاد نزلت..
سرق فيها الشوفة وفكلماتها اللي كتقطر عليه بيهم حط الدجاكيت جبد قبية اخرى ووقف كيشوف فيها وفتسنيم اللي تخشات فحضنها كتخمشش فيها كيف شي قطييطة باغة تنعس حيت ديجا جا ينزلها من طوموبيل ناعسة حتى فاقت ليه كتبقلل فعينيها…
محمد كيتحسس ردود فعلها : شي جديد !
مارداتش عليه حس عليها كاينة شي حاجة…من وجهها اللي قالبها عليه ماشافتش كاع لجيهتو غير حادرة راسها كتمشط شعر تسنيم باطراف صبيعاتها بحنان…لبس ديك القبية على لحمو عاقد حجباانو حتى هو كثر منها داخل للدار هو هاداااك….تحرك جوج خطواات وقف قداامها حتى ضلم عليها الضو وتسنيم ارتااحو عينيها المكمشين يسحابليها طفاو الضو عليها…
فحين اسماء هزات فييه رااسها مصطنعة البرودة واخا شوفاتو و وجهو الغامض فزعو قلبهاا ماكرهاتش تغبر من الدار ليوم قبل غدا حتى يقولو لييه اشنو وقع ويبرد وترجع….
حركات رموشها بالعة ريقها قالت باستغرااب مرطبة كلامها كيف العادة كتلحنو تا توصل لحاجتها…
اسماء : ماالك…
محمد ضور عينيه فالبيت مرجعو ليها : السؤال ليييك ماشي ليا…مالك ؟
اسماء بنفس الهدوء حدرت راسها : والو..
محمد : لا مالك شي حاجة…ياك شي باس مكاين ؟
اسماء : والو امحمد …ما مالي والوو…
من جوابها تيقن كاينة ييها شي حاجة مخلياها هازة فقلبها من جييهتو وقالب عليه وجهها…مافهم والو عاد خلاها هي هاديك قبل مايمشي…..
حك تحت نيفو و بلطف ناوي يصالحها واخا ماعارفش اشنو دار ليها اصلا هز دقنو عندها كيف هزا رموش عينيها شافت فعينيه مبسمين ليها…
محمد : متأكدة ؟
اسماء غلباتها التبسيمة وشداتها معجبة بحركاتو : ماكين والو…
محمد : ما قلت علييك فتنة حتى حفظت ملامحك ايلا تغيرت فيه النبشة نجبدها قبل منك….القلب عامر بينا ولا علينا….عاودي ليا نفهم…
تبسمو ملاامحها قلبها ضرب لكلامو حدرات منو عينيها دغيا مييتة فييه وفكلاامو والخصاام معاه تانية بعد تانية كيزييد يخلعها….باغة معاه غير الهدووء والحيااة المرتاحة مابغة مشاكل ولا صدااع….
اسماء : والو امحمد غير كيجيب ليك بالك ما مالي والو والله..
محمد حرك راسو متفهم : تسنيم نعسات…طلعي معايا ولاا ترتاحي هنا ؟
اسماء : لا غي خليني يلاه نزلت من عندهم اصلا….كاينين عمامك وولادهم مابغيتش نبقى تما..
محمد أكدت ليه شكوكو وشي حاجة كااينة قال بأكر كثر من سؤال : يلاه طلعي معايا…
مازادت لكلمة موراه حضنات تسنيم عندها ناعسة وقفاات بيها وهو حيدها ليها كيقول..
محمد : وجدي راسك…
عطاتها لييه داها لبيتها وهي دخلات غسلت وجهها و قادت شعرها ورمات عليها حجباها كتقااد فعباايتها على جسمها عاد خرجات عندو لقاتو خارج من بيت تسنيم ضور دراعو فوق كتافها حاضنها تحت صدرو….
محمد : على خاطرك ؟
اسماء : ما بيا والو…
حرك راسو مدفي عينيه وباس جنب شفايفها حتى تبسمت وميلت راسها على صدرو معنقة خسرو بايديها واخدها معاه طالعين عندهم الفوق سمع صوت الهضرة فالصاالة ضو شاعل فيها عرفهم محموعين تما….مد ايديه حطها على خصرها مزيدها قدامو ومشى لعندهم مع الدخلة رمى عليهم السلاام بصوت مسموع حتى كلشي وقفو على الكلاام ردو عليه…..
عمامو وولاد عمامو حدرو راسهم هادي تالت مرة ليهم يشوفو اسماء بعد اول مرة فالكلينيك ملي كانت بلا حجاب وتاني مرة هاد الصباح فنقاشها مع سميرة..
مكتدخل عندهم ماكيشوفوها ماكتشوفهم البلاصة لي فيها هوما كتخويها والبلاصة لي فيها هي حتى هوما مكيضوروش بيها بحال دابا كيشوفو فكلشي ايلا فجيهتها..
محمد فارض احترامو بييناتهم وحتى هي فرض ليها احترامها بيناتهم ايلا الكارهين…جلسات جنبو جاو بجوج وسط الحاجة والحااج ولاخرين قدامهم فحين الدرااري جالسين حدا الجد فرااس الصالة من لهييه….
عيسى : بَّا…شي تبسييمة اللسي محمد غداا انشااء الله ماشي معانا لوجدة..ايلا بقى فكلمتو..
الجد شاف فمحمد فرح ولكن مابينش كيف العادة : كاين هاد الكلام..؟ تمشي تشوف الدار..
محمد :ايلا كتاب..انشاء الله..
شافت فيه اسماء ماقال ليها والو ورجعت شافت قدامها محافضة على تبسيمتها كتجي عينيها فسميرة قدامها جالسة كتلقااها كتشوف فيها هازة نييفها لفوق ماحملاها ما قابلها وطبعا القلوب عند بعضها….
الكلام كثيير فالصاالة شي كان كيضهر مع الشيئ ولكن ملي دخل محمد ولا كلامو مع الحاج والجد وعيسى مرة مرة كيتداخل معاهم كلشي سكت تقرييبا كيسمعو ليهم غير ايلا مرة مرة كانو شي همساات بين نجلاء واية وتيليفون فايديها كيشوفو اخر ماغنات ام كلتوم فالطوموبيلات بجوج بيهم ناجحات وقاريات بمستويات عاالية وبجوج بييهم متربياات وعمر شي حاجة خايبة بانت عليهم الجد ابراهيم موفر ليكم كاع لي تحل عليها فمهم وكل عام كتبدل لوحدة فيهم طوموبيل نجلاء واية من ديما كانو فمنافسة فالقارية حيت عندهم نفس المستوى ولكن هاد المرة الحظ كان من نصيب اية وهي اللي نجحات فعامها بدون مشاكل كان من نصيبها تغير ليها الطوموبيل من موديل قدييم للجديد بشرط انها كتحرك بيها غير فوجدة وممنوع عليها تخرج خارج المدينة بلا واليديها…مرة مرة كتهز عينيها كتشوف ف فاروق عينيه مكيتحيدوش عليها بشوفات مفروشين بجههد مابقاش عندو الصبر باغيها ليوم قبل غدا….
حتى طلات خديجة على الحاجة كتعلمها واش تحط العشاء قالت ليها تحطو وناضت معاها للكوزينة وغيثة مشات معاهم حطو العشاء تعشاو مجموعيين ورجعت تهزت الطبلة وتحط فبلاصتها اتاي والفواكه الجافة ومقبلات خفييفة قبل النوم…
نجلاء : هادي هادي..الحمرة غزاال والله حتى غزالة نتي قصيرة راه يلاه تباني فيها….(عيبات ملامحها) كليو حتى هي طوموبيل مالك قظييمة مالك….ناس كيزيدو لقدام ونتي كترجعي لور..
اية : ماعجبنييش لون دهادي بغيت شي حاجة سامبل وعادية ماشي عليها الاضواء واثيغي فهمتي..
نجلاء : مافهمتش اشنو هاد الدوق عندك..نمشيو لهاد لاجونص غدا(كتوريها لكونط فانستا) كيبان ليا داكشي زويين وحتى سيرفيس ديالهم كلشي كيشكرها..قرييبة لعنا شوفي
اية : مابقيتيش غادية لوجدة..شفتك قلتي لماماك غادا ليوم شوية تالغدا
نجلاء : غدا نمشيو مع الصباح ل لاجونص وعشية انمشي مع عمامي راه جلست حيت بانو ليا غادين تالغدا قلت نمشي معاهم فااطريق ماقادراش نصوق والله….
اية : جدي ماغياخدش ليا من كازا حسن تانمشي لوجدة ونختار على كيفي..
نجلاء بهمس : المكلخة نقولو ليهم نمشيو ل لاجونص غير نطلو عليها ومن تما نمشييو للمول لي مشينا ليه ليوم حمقني داك الخاتم غنرجع لييه عفاك ا اية ماتكونيش معكسة نتي كيتيق فيك جدي ماشي بحالي عفاك…ماكرهتش نقول لاسماء تمشي معانا مي ماعرفتش لي وقع نعاها ليوم مانضنش…
غيثة خاشية ودنيها معاهم : اسماء ماتقولوهاش ليها حتى بالضحك ماتمشيش معاكم..
نجلاء زفرات النفس : هاد العائلة كلشي فيها معقد اويلي خنقونا نتوما خنقونا…حتى البنت مسكيينة غيخنقوها يسحابليا محمد واخا متدين كول ساعة صدق معقد كثر منهم….
غيثة غوبشت :كتقل لي الحيا على عمامك ولا كيفاش ؟
نجلاء :ماقلتش هكاك اخالتي غيثة
الجد نهض فييهم حتى نقزو :ااش كاين تماا…ماالكم مابقينا نهضرو معااكم نوضو للصالة لخراا نوضو حيدو عليا من هنا…
غيثة : والو آجدي والو….غير…(خنزرت فيهم) غير البنات بغاو يشوفو شي طوموبيل غدا وماعرفوش قالوليا يلاه معانا ويقولو لاسماء تمشي معاهم..
سميرة فلتاات ليها الضحكة كتنقب فاللوز قدامها : ايوا صافي…كملاات ههههه
شاف فيها محمد ورجع قلب وجهو عند الحاج باه لي كيتننهد ويشوف فيها بشوفات حارقة ورجع تلفت عند اسماء رامي ايديه وراها قاري ردة فعلها من ريقها اللي تبلع حتى لراسها اللي تهز فسميرة…
حرك صبعو على كتافها باش تشوف فيه قال بينو وبينها بهمس …
محمد :تمشي معاهم ؟
اسماء : بغيت نمشي عند ماما غدا….مرة اخرى انشاء الله…
حضاتهم سميرة حتى كملو وتلفتات عند غيثة لي ولات هربانة منها كتجبد ليها صدااع والغواات بهمس كتهضر معاهاا وتضحك…
سميرة : تا فلاجونص غتجيب معاها الخطاب ههه شوهتك يا غييثة فاخر يامك تولي تخطبي لبنت ولد عمك فموضع بنتك هههه
واش كانت كتهضر بشويا بصح ولا باغة تسمع ليهم ماعرفووش…رمشاات اسماء عينيها دغيا وجات واقفة بصووت هادئ بينها وبينو..
اسماء: بغيت نزل امحمد غنتسناك لتحث..
شدها من ايديها وقفها رجعت جلست حادرة راسها ماقالت تاكلمة وهو غير كيشوف ويحصي….والحاجة كتشوف فيه حتى سرح صوتو بصوت عالي كيشوف فيهم كامليين ويهضر…
محمد : ااش كاين..شي حاجة دازت عليا هاد النهار…
تبسماات سميرة كتضحك تقول شداتها هستيرية من الضحك واسماء غير كتشوف بحالهم كلهم…فحين الحاجة تننهد وكلت امرهاا ل الله طلعو فرااسها وعيات منهم…..
الحاجة :والو اولدي..ماكين باس غير اليوم البنيات خرجو راك شفتي وانا معاهم كانت معايا اسماء شافتها واحد السيدة مع ولدها يسحابليها بنتي جات قالت ليا واش البنت للزواج ماسحابش ليها مرت ولدي وصافي هادشي اللي كااين راه سميرة ههه باقة شاداها الضحكة جاتها عجب..
سميرة الضحكة كتقاطع كلامها : ماعجبش الحاجة غير جاتني فشكل هادشي مامولفيينش بيه ههه تكوني خارجة مع مرت ولدك….ههههه..هه حتى يجيو يخطبو فيها هههه(طلعت فاسماء وهبطت كتشوف فالحاجة كتقطر السم) بلحق جاتها الشوفة فيها كتخطف العين بسيف…تعقل آجدي حتى نتا وقعت لييك بالحق نتا لي مشيتي تخطب لعيسى والبنت كانت مزوجة ههههه….ويلي ويلي
قلبوها ضحك كل واحد كيحاول يضحك من جيهة كااع الانضار متاجهة ليه كيشوفو ردة فعلو واش غيضحك حتى هو… محاولين بضحكم يلينو الجز ويبنو انه حاجة عاادية كيتسناوه حتى هو يضحك ويعحبو الحاال حيت مرتو عاطية العين ومزال عليها الخطاب..
اما محمد مازولش عينيه على سميرة كيشوف فييها مطوول بدون ملامح ماباين فيه لا معصب ولا فرحان ولاا ضاحك ولا مقلق..خلاها حتى ضحكات بنبرة هاادئة مستغربة…نطق..
محمد : شنو كيضحك فهادشي ؟..الفورير كاع…(عقد حجبانو كحلين فيها) شنو ضحكك حكي لينا نضحكو معاك….!
الضحكة بشويا بشويا كتغبر من فمها حسات بالاحراج ضورات عينيها هنا ولييه فيهم كاملين تزيرت وتزنك وجهها جمعات راسها ورجلييها تكمشو حشمات من شوفاتو واخا قد ولدها ماحتارمتوش ماحتارمهااش…
ماشي غير هي….كلهم حسو بالاحراج وكاع اللي ضحك حس براسو ضحك على شي نكتة حامضة مكانش خاصو يضحك علييها…..حسو براسهم تافهين قدام شوفاتو…واسماء خرجات عينيها واخا هكاك شداتها ضحكة على سميرة كي ولات كي شي بنيتة صغيرة مقموعة..
تلفت شاف فالحاجة مسولها بعينيه…هاادئ وشوفاتو باارديين ولكن صوتو قااصح ونبرتو خشننة كثر من المعتااد..عينيه المبسميين تهجرو وملامحو المبشرة طفاات…تسيف وفدقيقة تقلب ولكن ماغيلاحض هاد التغيير ايلا القراب ليه بحال واليديه واسماء فقط…
محمد : امتى هادشي ليوم..؟
الحاجة : غير هاد الصباح اولدي..قلت ليهاا اسماء مرت ولدي بقات مسكينة غير كضحك وطلب ااسماحة غير غلطت ماسحابلهاش كااع مزوجة..
محمد : مكاين باس..الغلط كيوقع…( قلب وجهو شاف فجدو) اشنو دابا تمشي ضرب شي دورة تما….غيعجبك الحال واحد الجو فشكل…صداع المديينة والهراج والرويينة ماكيينش تما…ترتاح ليك شوية اش بان ليك
الجد : انشاء الله يكون خير ايلا كنتي تمشي نمشي..تسيفطني مع شي حظ اخر ماعنظي فين نمشي
محمد تبسمو ملامحو : نمشي الله اودي..
صدمهم الحق يتقااال…الحاجة اللي كتوصي العيالات مايقولو والو..الحاج وصاهم موراها مايقولو والو قدام ولدو ويخليو القضية تبرد…ملي ضحكات سميرة وتكلمات الحاجة عاودت لييه كلهم كانو مستنين شي ردة فعل قووية..ينوض يغوت على سمييرة…يغوت على مرتو علييهم كلههم ولا ينوض ينزل مرتو ويتفاهم معاها لتحث ولاا يسول على هذا لي جا خطب فمرتوو…
ولكن حتى توقع من هادو ماطلع ب بروودة جالس مفرق رجليه مريح ضهروو مرتااح ناشر صدرو بهييبة قوووية واخد نضراتهم ليه…
نجلاء : اول مرة كنشوف شي متدين كول ههه..ماقال ليها والو غير كنتو مكبرين الموضوع..
اية : مسكيينة اسماء كي ولات صفرة خلعوها على والو….
نجلاء: ما صفراء ما خضرة جاتني بحالا شادة الضحكة شوفي عينيها ضاحكيين هي لي كتعرف راجلها كثر منهم عرفاتو مغيدويش معاها…(نغزات غبثة مشغولة )خالتي واش ولد خالتي الحاجة بحال دوك الديوثيين اللي مكيحكموش عيالاتهم ولكن هو محجبها دونك تحكم فيها…
اية : شنو هادي ؟
نحلاء :ديوثي زعما ماكيحكمش فمرتو زعما عندو عادي تحاك مع الرجال وتهضر معاهم وتجلس وسطهم من غير لافامي طبعا…
اية : بحال بابا…بابا ماكيحكمش ماما دونك بابا ديوثي..
نجلاءقفزات كضحك سدت ليها فمها حيت كتهضر بجهد : ءءء سكتيي ههه سكتي هههه اويلي
توتر الجو وشي ولا كيشوف فشي والانظار على محمد واسماء…بعد اللي وقع جاتهم حاجة غرييبة وعمرها دازت على بناتهم ولا على عيالاتهم وحيت اسماء مرت ولدهم مابنتهم ما حفيدتهم الشكوك مشاو ليها الراجل فضننهم ماغايجي عندها ما يزعم عليها ديما المراة اللي كتحل ليه الطريق وتعطيه الفرصة يعني هي اللي جراتو عندها وحالتها كمطلقة زادت الطيين بلة…غير الفرق سميرة عطاتها ليها فوجهها فاص والباقي نفس الفكرة فعقلهم ولسانهم كينطق حاجة اخرى…
تهزو العيالات مشاو للصالة التاانية فين كيباتو فيها والرجال خرجو على العادة مكيباتوش معاهم فالدار….الحاجة مشات الكوزينة عند خديجة بقا غير الحاج ومحمد واسماء والجد اللي معمرين الصالة الكبيرة….غير جالسين مرة مرة كيلوحو شي كلماات ولفو محمد وهو اللي كيهضرهم ويخليهم يتواصلو مع بعضياتهم ولكن ليوم كانو ساكتيين ملي شافوه هو ساااكت قارن التمنية فحجبانو وعينيه كحليين ضلمة….مزير وتقلب لييه المود تقول عمرو عاش شي حاجة زوينة هاد النهاار….حااس غير بصبيعات ايدييها قرابين للدراعو واخدة راحتها بجلسة انثوية كيتلفت يشوف فيها ويرجع يقللب عينييه….الشمس حارقاه من جيهتهاا شايفها مرتاحة ومهنية ماقالت ليه حتى حاجة ماعلماتو فاش خرجو ولا فاش رجع للدار….. كانت مقلقة وغضبانة ولات باينة لييه دابا مرتاخة خاصة ملي ضار فسميرة قدامها وماعلق بحتى حاجة على الموضوع..
محمد ماشي من النوع اللي كيفرش مشاكلو مع مراتو قدام العائلة ولا حتى واليديه…مانح بعض الخصوصية ليهم بجوج…
واسماء جنبو داخت بالنعاااس واخا ماقال حتى كلمة قدامهم وداير راسو كأنه مكاين حتى حاجة حاسة بيييه مغيير وماشي على كيفو ولفات حركاات ايديه على كتفها ودابا مبعد ايديه عليها…ولفات اهتمامو بيها كل مرة كيسول كيف حالك جاك نعاس شنو خاصك تنزلي ولا تبقااي..دابا ماتلفتش عندها بخطرررة…لكن ارتاحت شوية ملي مانهض ما غوت عليها قدامهم…
قربات لودنو بهدوء وصوت حاني : محمد…جاني نعاس انا غنزل
سمع كلامها شاف فيها بنص عين عاقدهم حرك راسو بايجاب وهي غير كتشوف يلا غتوقف شافتو وقف حتى هو قاليهم تصبحو على خير دارت بحالو وزيدها قدامو نازلين للبيت لتحت…
مادخلاتش عند عائلتو كيف مولفة كتمسي عليهم عاد تنزل…وحتى هوما حسو بالفرق هاد الليلة..
دخل سد الباب بعدو ودخل وهي تلفتات عندو حاسة باشنو تابعها…
محمد : من هنا للقدام ايلا كان خاصني نعرف شي حاجة نتسنى سميرة تحكي ليا…هذا المضنون فيك..!
اسماء تبسيمتها شوية بشوية كتغبر : كنت غنقوليك…
زاد عندهاا بتباات ماكتبان فيه معصب ولا منيرفي هاادئ ولكن هدوء كيجيب الشك..
محمد : شنو كتسناي..
اسمماء : انا غنقول ليك شنو وقع امحمد ماتفهمش غلط…
محمد : كتعرفيييه…؟
اسماء : كيفاش…كنعر(قاطع كلامها ناهض فيها حتى رجعت خطوة لور)
محمد :كتعرفييه…سؤال بديهي مافيه حتى حاجة مامفهوماش كتعرفييه اه..لا
هزاات فيه عينيها حمريين بقى فيها الحال على النهضة لي دار فيها ردات عليه بصوت حاني محافضة علييه ماكتغوت ماكتعليه وحتى هو مامعلييش عليها صوتو واخاا كتباان فيه واصل لقمة العصبببية صوتو بحدة كيخررج هادئ ولكن حركاتو مامفهومينش ..
اسماء : مكنعرفوش اول مرة كنشوفو امحمد غير سمع ليا…
صدمها بحالة وجهو وعينيه لي مضلميين فيها تقول عمرو بغاها تسيف وتقللب عليها قلبة وحددة وجداات حتى عيااات…بلعااني قلبات عليه وجها فاش دخل باش تحسسو راه شي حاجة كاينة….ملي كانو جالسين مجموعين وسمعت كلام سميرة ودارت راسها تقلقت منو وبغات تخرج باش تبين ليه ماعجبهاش الحال وهادشي هو سبب غضبتها اللي كان كيقول ليها ماالك…
كانت عارفة غيجي من جيهتها ووجدات حتى ملي غينزلو وينفارد بيها تدافع على راسها قدامو وتقلب كلشي عليهم وتبرأ راسها كيف ديما…توقعاتو يغووت عليها وهوما بجوج يغيير ويغوت كيف ولفت ناصر لكن هاد الهدوء والتباات زاد خلعها..
تحرك من قدامها كيقلب على شي حااجة وهي بقات واقفة لاصقة فالبااب كتشوف فيه حتى هز تيليفونها
فتحو وهي تطلع لييه صورتها ف فوطو ديكخون بالكود شيما هز فيها حجباانو امتى دارتو وديما كان كيلقاه مفتوح هكاك لا كود لا جوج…قرب مدو ليهاا..
محمد : حلي هادشي
اسماء حادرة صوتها بحالو : شنو بغيتي تعرف انا نقولو ليك قبل ماتفتحو
محمد بحدة : علاش عندك مشكل تفحتييه..
اسماء : قلت ليك ماكنعرفوش ماتقتيش بيا امحمد(هزات فيه عينييه بمنضر كيدبح الخاطر مدمعين ) حتى نتا شكيتي فيا كنعرفو واش غتوصل بيا قلة لادب لهاد درجة نهضر مع واحد اخر فدارك….حتى نتا شكيتي فيا بحالهم
محمد ب بروودة بحالا ماسمعهاش: واخا يلا حلي هادشي…
مدات ايديها عاصرة الدموع من عينيها بقى فيها الحال وتزيراات من شوفاتو الباردين وشكو اللي واضح وضوح السماء فيها..حلاتو ليه وشدو كيدخل ويخرج من هنا ولهيه وهي قالبة وجهها مكتشوفش فيه حتى مدو ليها بتبااات شداتو من عندو وهي تجي عينيها فمحادثة كلها عامرة تصاور بناات ها لي مصورة مؤخرتها وهي لابسة كتشكى من العضلة النائمة ولي مصورة صيقانها كتشكى من المسام المفتوحة ولي مصورة رقبتها وايديها وصدرها فالكروب الخاص بالبنات لي داخلة ليه….
خشات راسها بين كتافها بالحشمة تزنكات مابقاتش قادرة حتى تهز فييه راسها حتى سمعت صوتو كيقول ليها
محمد : تجبدي ليا شنو كتصوري ليهم ولا نجبدهم …
اسماء بدهشة حركت راسها بلاا : ماكنسيفط ليهم والو غير كنتعلم من مشااكلهم
محمد شداتو الضححكة بالفقصة : مشاكلهم !!
اسماء حشمت وتلفاات : كنصحهم…ز زعما..حيت كنت خدامو فصالون كنعرف لهادشي كيسولوني مرة مرة وكنعاونهم يحلو شي مشكل فلحمهم والله مكنصور شي حاجة ليهم نتا حر تيق بيا ولا لا ولكن ايلا بغيتي قلب حتى تعيى عمرك غتلقى داكشي ل كتفكر فيه..
رحع حيدو ليهاا وهي هاد المرة كتشوف معاااه ملي جبد التصااور لي فالكرووب يعني راه مكيطلش على شي حاجة من الفوق بل كيدقق فيها ويفليها عاد كيخرج منهاا…صدمها ملي بدا كيشوف حتى لمحادثة بينها وبين الحاجة مها بينها وبين كنزة طلعو ليه ميساجات قبل الزواج سمع فوكال واحد ونقزو مابغاش يكمل…مالقى عندها حتى ريحة رااجل ماكضور فحتى قنننت خرج من تما ودخل للفيسبوك وكيف العاادة الميساجات كيف الشتاء من الرجاال ماشي ضرور حتى دير صورتها ولكن الزلايلية فينما مشتي كاينيين….
من ميساجاتهم تزيير خاشي عينييه بعصبية فالتيلييفون كيقللب فييه بحالا كيتسنى يلقى شي حاجة وهي بثقة كتشوف معاه عارفة راسها مدايرة حتى حااجة…
حتى بان ليها ديزاكتيفا ليها الكونط فالفيسبوك حيدو بخطرة ومسحو من تيليفون خرجات عينيها كان كيعجبهاا
اسماء :علاااش….علااش حيدتييه امحمد واش كتشك فياا قلبتي تيليفون كامل واش باغي تلقى فييه شي حاجة..كون بغييت ندير هادشي غنخلييه انا زعماا ماغنخبييهش علييك..(بدموع عينيها جمرة حمرة هازاهم فيه كتنخصص) عارفني غنغدرك وقدام عائلتك حرام علييك تحطني فهاد المقام..
زير دراعو عندها عينيه على رموشها مقطرين الدمووع ماهزات فقلبو المحرووق بنار الغيرة حتى شعرة
محمد : الغدر جا من لسانك نتي….حتى دابا ماقلت والو
اسماء شافت فتيليفون فايديه :نتاا قلتي كلشي…(قلبات وجهها)عفاك نهضرو من بعد مايمكنش ليا نتنااقش معاك دابا
تمات غادا حتى جرها عندو جمع صدرها مع صدرو و ضرب جبهتها بديالو عينييه كحلة فيها بحدة نهض فيها كثر من لول وهي غير كترمش فييه مفزوعة
محمد : سولتك اشنو بيك هاد النهار علاش ماتحكييش لياا اش كاااين…كيفاش وقف عليك من دونهم علاش نتي بالضبط شرحي ليا نفهم…
اسماء مسحت دمووعها مخنوقة: ماعرفتش كنت واقفة بوحدي حتى جات عندي ماماه فلول هادي اختارت معايا واحد الكسوة ومشات من بعد دخلنا لمحل ديال الدهب عجبني واحد الخاتم ورجعنا تلاقينا وقالت ليا كضحك نعاود نختار ليك وبدات كتسولني شنو سميتك واش هادي ماماك على خالتي من بعد وهي تقول ليها ممكن نهضرو شوية مشينا معاهاا..وقالت ليها بغييت بنتك نزوجها لولدي صافي وقالت ليها خالتي راها مرت ولدي مزوجة صافي طلبات منا المراة السماحة ومشات…
شافتو دخل للواتساب خرج من الكروبات بتلاتة ومسحهم من عندها..
اسماء : واتساب فيه غير ماما وختي راك شفتي ماكين حتى حد حتى فنماري ماكينش
سد تيلييفون كيشوف فيها مطول وهي كتبعد منو الشوفة حسسها غاالطة وحسات بيه هاز من جيهتها كثر ماتوقعاات… حتى نطق بغيييرة حااارقة حرقاتو قبل منها كيحقق فملامحها…
محمد : اشنو ندير معاك دابا…قلت لييك ماتخرجييش معاهم عارف علاش قلتها مامنعتكش من الخروج تخرجي معايا وشي بني ادم يزعم علييك…واش يزززعم علييك ونتي معايا…جاوبي
حدرات رااسها ساكتة حيت فعلا ملي خرجت تغدا معااه شادة فدرااعو جنبها على جنبو حتى حد مكيزعم يحط عينيه علييها ايلا ادا كانت بالصدفة العكس ملي كانت خارجة مع العيالاات الرجال غادين جايين عينيهم على نجلاء كتشالي بشعورااتها وعلى اية الخضورية كتنقز من عينيها وعليها هي بنفسها ماكين لا غض البصر لا جووج..
اسماء بصوت رجفاان كترطب فييه وترطب خاطرو : كنت باغة نقولها ليك ملي سمعت سميرة اشنو وقع رجعاتني انا لي غمزتو وعيطت ليه يجي لعندي كلهم شكو فياا بقى فيا الحال شافو كلشي على عينيهم وكيقولو لياا نتي لي غمزتيه وعيطتي لييه يوقف عليك…وهوما كانو معايا كون كنت بوحدي ماعرفتش اش كانو، غيقولو عليا خالتي شاهدة غلى كلشي سولها ايلا بغيتي
اسماء : مني غير غتجي غنقولها ليه حتى شفتك غتطلع قلت حتى نزلو نتا راك ماحضرتي لوالو كلهم شاكين فيا حيت انا مطلقة كلشي فيا مباح…حتى نتا شفتي فيا بحالهم شكيتي فيا امحمد
محمد كيقرا حركااتها وايديها على صدرها كتوسع عنق القميجة مخنوقة : شنو قلت لييك دابا علاش هاد البكى كلو…
اسماء شافت فيه كتلحن صوتها وتمسح دموع من عينيها بحركاات حنيينة كلشي فيها هادئ وحنين شوفتها وحركااتها ولمسااتها كيحسهم حنان وغير بخشبة يقمشهم…ماعرفتش واش هادشي هو لي كيلاحضو ويشوفو ولا كلشي كيشفو معاه…
اسماء : فعينيك كتبان…انا مانقدرش نغدر بيك واخا نبغي…قلبي تعلق بيك ماعنديش العيينين لي يشوفو فبلاصو اخرى..كنتي كتبان ليا حلم زويين حتى تحقق ليا ونمشي لبلاصة اخرى..انا زواج مكانش اصلا فباالي امحمد نتا عارف كلشي
بلعات ريقها مكملة كلامها كتسرق فيه الشوفة وهو غير كيحقق فيها لا كلمة لا جوج حسابو فراسو…يخاف يقوول اش فبالو تموت ليه هنا…رطبة كثر من القياس…
اسماء : ماحملتش رااسي ملي وقع ليا هكاك ولكن انا لي غالطة ملي بغيت نقيص الخاتم جديد حيدت خاتمي واقيلا ديك الساعة فاش زعمات المراة تهضر معايا انا والله ماكنعرفها ولا نعرفو…
خضى تيليفونها فجيبو خلاه عندو و مد ايديه جرها عندو بحجبان معقودين مزال مابردت فييه غير كيبرد …
محمد : ماقلت لييك حتى حاجة تبكيك اتقاي الله فغضبي ماتكونيش ضحيتو اسماء….ايلا قلت ليك شي كلمة عارف علاش قلتها ماتعصايش كلامي خليك كيف بغيتك
حطات راسها على صدرو مدمعة مخبية عينيها من شوفتو
اسماء : انا مابغيتش خصامك ولا المشاكل معاك امحمد بغيت غير نكون مرتاحة….و راحتي معاك لقيتها…
محمد ارتاحو حجبانو المعقودين ولطف صوتو على قبل كيدوز ايديه على خسرها : ولا انا….(هز دقنها عندو عينيه فعينيها) نمنع عليك الخروج ولكن شنو دنبك…بغيت نشوفك بالنقاب ولكن يكون بنيتك وقناعتك ماشي قناعتي….شنو ندير معاك…
بطرف صباعو مسح دموعها ملي شافها بدات كتزير وصدرهاا كيطلع وينزل بسررعة حالتها كتخلعو فضل يوقف النقاااش غير باش يقنع راسو ماعندها حتى حااااجة….وحاجة عادة توقع ليها وسط البكاء…يمكن هي كتخنق ملي كتبكي..باس على راسها عينيييه كحلييين عااقدهم فتسعود كاتم نفسو عندو واللي فراسو فراسو…
محمد : نعسي ترتاحي شوية..
اسماء : عيطاتلي ماما ليوم..سلمات علييك..وقالت ليا كتسنانا هي وبابا غدا….ب بغيت نمشي عندها غدا…
محمد رفض بطرييقة غير مباشرة : مرة اخرى انشاء الله…
مزادتش معاك الكلمة حتى تلقى خاطرو مرة اخرى ماكتبغييش حاجة بزز بشويا وبالهداوة كلشي كيصدق ليها..خلاتو خرج ومشات جلسات فوق السرير كتحيد فلبااسها مرة مرة كيدمعو عينيها بقى فيها الحال وشكو فيها حرقها من لدااخل…لعنة المطلقة غتبقى تابعاها حياتها كاملة كون خداوها عزبة مايشكوش فييها غمزاتو ولكن حيت مطلقة كلشي كيديرها كتقلب على الراجل بالريق الناشف…
تخشات فالفراش معنقة المخدة خلات الضو شاعل كتخاف تطفيه وهي بوحدها فالبييت دموع مز عينيها نازليين قد القطرة دالشتااء ماحبسوش ما دوا معاها ماجبد شي كلمة العيب تضرها ولكن باغة تبكي حاسو بشي حاجة ضراتها وغير البكى هو دواها….
صبح عليها الصباح لقاتو جنبها ماحساتش بيه ملي دخل لبارح ناضت من بلاصتها هزات كريماتها ودخلات غسلت وجهها وضارت بحالتها مشطات شعرها وعطراتو جماعتو،الفوق بمقبط خفييف وزغيبات نازلين على خدودها وخرجات جبدت حوايجها بدلاتهم ب بيجامة بيتوتية رطبة حريير كيف العادة كتموت على بيجامات الحرير الرطبين كيقادو ليها الفورمة ضرووري ماوفيق وضور بحالتها ماكترضااش يشوف عليها شي حد شي حاااجة حيت من طبع الرحال ايلا شمو مثلا غير شي ريحة ماشي هي هاديك بحال ريحة العرق كتبقى فنيفهم ديماا واخاا ماعرتن باش تعطر كتبقى فباالو راه شم فييك ديك الريحة…بجال شي دكرة غير تفكراتها كمشات ملامحها عايفة عاد صلات صلااتها ومشات جلسات جنب السرير مادة ايديها لصدو كتفيقف فييه بشوياا…
اسماء : محمد…(دوزات ايديها على لحيتو) محمد فييق تعطلتي..
حل فيها عينيها عااقد حجبانو من الضوء الصباحي من الشرجم…وقاال بنبرة معنكشة فاايق هو هاداااك عاقدهم نيشاان…
محمد : صباح الخير..
اسماء : صباح النور….(شافت فييه كان ناعس كيبان دروييش غا كيحل عينيه كيتسيف) معاش جيتي البارح مارديتش ليك البال..جيتي معطل واقيلا..
محمد حرك راسو بايجاب : شوية…(تلفت كيشوف فيها وريحة النقر هالة ضايرة بيها وجهها كيشعل وكلشي فيها نقيي كيبري بشك هز حجبانو ) علاش دوشتي ؟
اسماء داخت : ءء ك كيفاش..لا مادوشتش..علاش واش باينة فيا..
شاف فيها عقدهم بدون جواب وناض من بلاصتو ماردش عليها دخل للحمام خلاها كتشوف مستغربة…وهي نااضت كتوجظ ليه حواايجو حتى خرج عندها لاوي فوطة على نصو كيلبس قدامها وهي كتضور فعينيها كتشوف فكلشي ايلا فييه حتى بان ليها لبس سروالو بقى عريان من الفووق وهي نمد لييه تيشورت محافضة على تبسيمتها كتسرق فيه الشوفة وهو كيسمع ويلبس…
اسماء : انا اللي خاصني نتقلق منك ماشي نتا..خططتي و وجدتي تمشي لوجدة وانا اخر من يعلم..
محمد هز حجباانو كينشف فشعرو : كفاش ؟
اسماء : قاليك عمك لبارح غتمشي لوجدة ليوم…سمعتو لباارح..ونتا قلتي ليه انشاء الله يعني غتمشي..
محمد حرك راسو : انشاء الله ناوين هاد النهار…
اسماء مرطبة صوتها كتلعب بشعرها راخية ملامحها : كون غير اجلتيها عوض ماتمشي لتما بقى معايا..شحال ماجلتسي معايا هنا…كنت باغاك تدوز معايا شي نهار عيت مانشوفك غير من ليل ل ليل..
محمد شاف فيها مطول وكلامها كيزيد يعصبو ماكرهاش ماعرفش واش هادا هو كلامها ولا كيسمعو غير هو وايلا كان بصح هذا كلامها ادا خاصهة تقصحو شوية على برا وتخليه كيف هو لداخل معاه..
محمد: علاش..شنو خاصك ..بغيتي تخرجي حتى نجي ونخرجر ..
اسماء حيدات ليه شي حاجة لاصقة فلحيتو : لا مابغييتش نخرج نبقى معاك غير فالدار كافيني…
محمد ترخاو حجبانو وكلامو بلطف كينطق : لبسي حجابك… يلاه تفطري..
تسناها حتى لبساات وغطات راسها وحط ايديه على خسرها غادي مخرجها معاه
اسماء : محمد….ماعرفتش علاش كنحس براسي بوحدي واخا كاينة خالتي وعمي الحاج ولكن كنحس براسي بوحدي (دمعو عينيها) وتوحشت ماما بزااف امحمد..
محمد : شنو مخليك تفكري راسك بوحدك وانا معاك…بغيتي تشوفي ماماك وجدي راسك ناخدك عندها مزيان ؟..
اسماء حرك رااسها مبسمة بعيون لامغة : ايلا كنتي مسالي….مابغيتش نشغلك على خدمتك…
محمد قاد ليها حجابها : نتي شغلي هاد الساعة…
تبسمت فوجهو واخا مزال حاسة بيه ماشي هو هادااك معاها احسااسها مايخيبهاش ومحمد حفضاتو ولو شوية تقدر ماتوقعش ردة فعلو لكن حالتو واشنو بيه فعينيه كتبان…طلعو بجوج دخلات هي عند العيالاات للكوزينة غيفطرو فيها هاد النهار والرحال بوحدهم طلعت عندها تسنييم مقلوبة بنعاس وهي شداتها الحاجة وغيثة وام نجلاء بالهضرة ماتديش على سميرة وديري على وجهنا ونتي بنت ناس ماشفنا منك غير الخير وهادي وهادييك وهي غير كتحرك فراسها ودنيا حلوة واحلى سنيين…متلات عليهم انها عمرها تقلقات ولا هزات فخاطرها من سميرة..
حتى بان ليها محمد داز من جنب الكوزينة وهي توقف خافتو ينساها علمات الحاجة و سلمات عليهم ونزلات وجدات راسها ولبسات وتأنتكات سااترة جسمها من لفوق لتحت ماخلات ليه فين يهضر لبست بنتها وخرجو لعندو..ركبت جنبو كسيرا طوموبيل عاد ارتاحت..
مادواش معاها وحتى هي ماقالت حتى كلمة غير كتسمعو كيهضر مع تسنيم جالسة لور حتى وصلو للدار..
محمد : خلييك معاهم حتى نجي موراك…
اسماء : واخا…صافي..يلاه طلع حتى تغدا معانا..
محمد : مرة اخرى ..
اسماء : عرفاتو مشغوول حركت راسها بايجاب : غتمشي لكلينيك دابا ولا من هنا لوجدة..
محمد : ندوز عند دراري من تما لوجدة..
اسماء : طريق السلامة الله يوصلكم على خيير…
محمد : اللهم امين..
اسماء : تيليفوني بقى عندك البارح امحمد فاش غاهضر معايا..
محمد : عندي رقم السي عبد المتقي ريحي باالك..
حرمات رااسها وسلمات علييه من الخد الخد ونزلات حضاها حتى دخلات للدار عاد زادد مشى…
كانت جالسة والحاجة مها قايمة بالواجب مرحبة بيها على اكمل وجه..
الحاجة : وعلاه يابنيتي منيين خرجت ليه هاد اللوسة السوسة كنتي هانية مع عكوزتك وزمانك وشييخك لا حول ولا قووة ايلا بالله…
اسماء عينيها دمعة كتشكي لييها : والله مابقى فيا الحال من جيهتها طز فيها تمشي تموت الشارفة البايرة واحد الشوفة عندها مسمومة وزايداها بالكحل مضورة فبيه عينيها الشوفة فيها كتخلع مكنحملهاش اماما ياربي تسمح ليا ولكن هي كتجبدني…
الحاجة : قولي اعوود بالله خليقة ربي ماكنعيبوهاش ابنيتي…مامولفة ليك ابنيتي واخا ماتبغييش الواحد كتخليه يموت فييك بكلامك مال هاد سميرة تاني معاك..
اسماء :ومكتهمنيش زميرة اماما والله العضييم ماكنتسوق ليها راجلي لي كيهمني واخا بقى فيا الحال من جيهتو البارح حسيت بيه شك فيا بصح غمزت داك الراجل حتى جا عندي بمو…
الحاجة تنهداات: بسييف ابنيتي بسييف مايشك وبسيف مايتقلق وبسييف مايغضب عادو هوما الرجال راك واخدة راجل ماشي دكر لي تعاودي ليه هادشي ويضحك ويعجبو الحال حيت مرتو عجبت البرااني…
اسماء : مابغيتوش يشك فيا اماما انا ماشي بنت الحرام نغدرو..
الحاجة،: يهدييك لله ابنيتيي…يهديك الله المرضية ماشي شك فيك ماتفهميهاش من قفاها…
جلسات حداها كتمشط على شعرها وترطب فخاطرها..
الحاحة : سمعيني الحنيينة….نتي يسحابليك واقيلا الرااجل بحال المراة يغير بحالك ويتعصب بحالك نتي تقولي كتيقي فييه وليني الراجل عمرو يتيق فالمراة…كون كانت فينا التيقة ابنيتي ربي مايخلقش فينا جلدة تحت منا..النفس امارة بالسوء وليني راجل راجل والمراة المراة..
اسماء : ماعرفتش اماما..جاتني قاصحة منو ماولفتوش هكااك ايلا كان كيبغيك الواحد خاصو يكون كيتيق فيك ومايشكش فيك وانا مكتيتيقش بيا حاسة به..
الحاجة تنهدات حاسة ب بنتها مزال مافهمات دنيا كي خاصها تفهم: الراجل ملي كيبغي…ماكيبغييش بحالنا..مايكبغييش بحال المراة..حيت ابنتي الراجل ملي كيبغيك كيبغييك بكلشيي ليييه…كتولي تباني ليه غير نتي وتاوحدة ما بحالك يدير عليك لي ميدرااش المرضية وهانتي غا تفكري..حنا مانبعدوش وسامحيني ابنيتي غنفكرك فييه..
حركت راسها وهي كملات..
الحاجة : ناصر لي طلقتييه نتي…هانتي فعام نسيتي بحالا عمروو كان ولا كنتي لييه وهو شفتي كي باقي يهترف بييك دازو سنيين وعاد مزال باغي يرجعك…
اسماء: محمد ماشي بحال داك الشمكار
الحاحة : محمد ولد الناس…واللي دارو علييك ابنيتي خوتك وماداروهش..علاشما جيتي..علاش انا عطيتتيك ليه وعيني مغضمة محمد ولد الناس…علاه انا حلمت بييك ابنيتي مزال توقفي على رجليك بعد ديك المرضة..ما ربي وهو وباه…طاح ونزل هو وبااه مرة يقرا علييك هو مرة بااه حتى ربي شاف من جيهتك ورجعك ليياا..
تنهداات كطبطب عليها..
الحاجة : هز لييك راسك قدام البشار خرجك من دااركم كي بنت الاميرة خرجك وراسك مرفوع بالصداق مدازش على تا بنت المراة فالعائلة وب لامة الزينة بنادم حد الان يتكرع فخبرها ويعاود عليها….كون مكان يبغييك يدير عليك هادشي ابنيتي..
اسماء : عارفة اماما..حتى انا باغاه ماكنصبرش ايلا تخاصمت معااه..ماكنقدرش ندوز شي نهار وحنا مخاصمين …
الحاجة : ياك كنت نقولها ليك ديما الراجل بلسانك تكسبييه وبلسانك تضيعيه..ياكما كتقصحي معاه الهضرة ولا كتنهضي فيه…ولا كتعطي وجه للبراني وتعطيه هو وجه
اسماء : لا اماما عمري خسرت معاه الكلام والله العضييم..
الحاجة تنهدات بحييرة : انا حاسة بييك من نهار زهروك بالسحور مايمشي حتى يخلي شامتو فيك..ياخوفي يكحل وجهك نتي وختك عند الناس
اسماء : كيفاش اماما اشنو هادشي..
الحاجة : وعلااه راع كاينة الخيوبة..الخيوبة ابنتي تاهي سحور كيتداار لي شافك يقول ييخخ تيكون وجههك كحل مامقبولش وكلام كيف السودانية على عيون البشر….
اسماء تخلعت : حتى انا وليت كنحس براسي اماما كلامي حار حتى حد مكيقبلو ليا حتى عائلة محمد ماكيبغيونيش ماعرفتش علاش…لا كبير ولا صغير(من نيتها كتبكي) انا مادرت ليهم والوو بالعكس لي من نهار جاو هازاهم فوق راسي..
الحاجة : وانا ابنيتي عرفتك بحنانتك ولسانك سكرة تاكلي بنادم بحوايجو كنبقى غير نشوف فيك بعد المرات انا وكتبلعيني عساك البراني..مالهم معاك هادو ماالهم..
تنهدات ساهية كتفكر حتى شافت فيها..
الحاجة : عرفتي شغاديري…صبري عليا شربي اتاي شريي هانا جاية دروك ليك..
حركات راسها كتمسح فدموعها والحاجة ناضت من جنبها شوية وهي تبان ليها جاية وجتيبة معاها سطلة دالسكر بيضة فايديها حطاتها فوق الطبلة وجلست جنبها..
الحاجة : قربي عندي اجي لهنا..
اسماء تفكرات عادة ماماها : سكر مابقى قادي ليا والو اماما هه
الحاجة : اجي لهنا ابنت الهم..علاه باش كبرتك…
ضحكات اسماء كتفكر ملي كانت صغيرة كانت الحاجة كتجمعها هي وكمزة كل وحدة كتعطيها نص سكرة تدوزها على لسانها وتحزمها ليهم فكتانة وتعطيها ليهم يخشيوها فشكارتهم….باش ايلا مشاو للمدرسة وهضرو ولا تكلمو الاساتيدة يبغيو كلاامهم ومايضربوهم مايزعفو عليهم…
كبرو والحاجة ماتخلاتش على فكرتها وديما اسماء عندها صرة صغير فيها نص سكرة فبزطامها ولا شكراتها ولا حوايجها ماكتفرقهاش يا نص سكرة يا فنيدة حلواااااا كتقطر بالحلاوة فجيبها ديما ديما….
وفعلا بنات الحاجة معروفين بالضحيكة واللسان الحلو لا من الجيران ولا عائيلاتهم خاصة اسماء كتعجبهم فالهضرة والجماعة كيبغيو يبقو غير يسمعو ليها…وحتى ناصر ملي تصاحبت معاه كان كيعجبو كلامها الحنيين والرطب كيضل يحلم بيها…
لكن ملي تزوجت مشات لدارها نساات هاد الفكرة وتخلات عليها وكنزة ملي سدات على راسها وعالمها حتى هي تخلات عليها…
الحاجة مدان ليها طَوْبَة: هاكي قسمي هادي على جوج ايلا بغات تقسم ليك..
شدات اسماء طوبة دالسكر قسماتها على جوج وحطاتها…
الحاجة : تيقولو المرضية اللحلاحة غلبت السحارة…ايلا دوات القلب كيرتاح ليها..ايلا قال ليك سلام قولي مرحبا واهلا زارتنا البراكة..مانقولش شكرا نقول الله يجازيك بالخيير لهلا يخطيك الله يطول فعمرك…ايلا قالك صباح النور…نقول الصباح نَوَّر بيك…ايلا زيدك قولي ليا نتا لول مانزييدش قدامك…ايلا جبدوك بالعيب ضحكي وقولي مقبولة منكم…
اسماء : ويطلعو ليا فوق راسي اماما..
الحاجة : الا تاني..انا نقولها ونعاودها ضحكي فالوجه وماتسبقي العيب ماتخليش العيب يجي منك..خلييه منهم هوما وليني تانتي ماضلميش شوفي بعينك وحصي ملي تبان ليك القضية ماهياش ديري الحدود وسلي شوكتك منهم بلا دم..ماضصري عليك بنادم..كترت الضرافة تاني تاتجيب الدل..
مدات ليها نص سكرة كتقول..
الحاجة : ضوري عليها لسانك من كاع جوايه من لفوق ولتحت…فزكيها بريقك واريها…باقة حافضة كلامها..
اسماء : كنقولو…(كتفكر) عاقلة عاقلة..كنقولو….السكرة احلى وكلامي يحلى..
الحاجة : ألاا…هانتي نسيتي..عند النساء والرجال..
اسماء : اااه اه …السكرة احلى…وكلامي يحلى…عند النساء والرجتل..والكلمة مسموعة مسموعة….وكلمتي مسموعة مسموعة…
الحاجة : الرضى هههه ماتناسايش تقولي…انا اسماء بنت الفلان وبدااي…فزكيها يلااه..
فزكاتها بريقعا…كيف قالت ليها من كاع الجواه كدوو عليها لساانها من لفوق كتحسس حلاوتها..وهي كتقول..
اسماء : انا اسماء بنت عبد الله المتقي…السكرة احلى…وكلامي يحلى..عند النساء والرجال..والكلمة مسموعة مسموعة..وكلمتي مسموعة مسموعة…
الحاجة:دكري سميات قولي شكون..
اسماء : انا اسماء بنت عبد الله المتقي..السكرة احلى وكلامي يحلى…عند النساء والرجال..والكلمة مسموعة مسموعة عند محمد راجلي وعائلتو وكاع اللي كنعرف…وكلمتي مسموعة مسموعة…عند راحلب وعائلتو وكاع اللي نعرف..
الحاجة : يلاه اريها لهنا…عاودي لي قلتيها بقاي تعاودي فييه..
حركت رااسها شداتها الضحكة كتكرر نفس الكلام مع فمها والحاجة حزمات ديك نص سكرة فشرويطة بيضة ومداتهاا لاسماء…
الحاجة : خشيها فبزطامك ولا صاكك خليها حداك مرة اخرى ونعاودها ليك تاتجي ديك السلكوطة دختك ونديرها لييها لسانها ناضي يقطع مزال نتي ضو عليها يا بنات كرشي من نهار خرجتوو على طوعي ونتوما لور لور
اسماء : ماكين اللي يخرج على طوعك اميمتي الله يطول فعمرك ويخلييك لينا حتى تشوفينا فين بغيتي(عمقاتها كتبوس) شحال توشحتك اماماا كون ماشفتك وهضرت معااك كنت غنطرطق الله يخليك لينا ياربي..
الحاحة : يا حيدي حيدي..شفتك بديت بيا ..
طرطقاات اسماء بالضضحححك حتى دمعو عينيها معنقة الحاجة كضحك معاها…
______
اسماء ضحكات حادرة راسها وعيونها حكاية اخرى مغطية حزنهم بالضحيكة : سكر مابقاش نافع معايا اماما..هضرتي ولات كيف السودانية لي دويت معاه تقولي كتقمشو بيهاا…
الحاجة : تا دابا ماوقع بااس…فاميلت راجلك ضياف يضلو ضياف ابنيتي واخا يجلسو معاك شتاء وصييف لي يهز تخمامك هوما ناس دارك…ايلا كانو ملاح الله يزيدهم حلاوة وايلا كانو قياح دار باك عمرها تقنط بيك….
اسماء بعد صمت تنهداات ساهية فبنتها كتلعب قدامها : انا مابغيتش الطلاق اماما…جربت وصعييب عليا ماقدرتش علييه كلام بنادم ماكيرحم…واخا تعيااي تنسي وديري عين ميكة كيضرني قلبي وديما شوفتهم فيا ناقصة…انا دايرة جهدي نكمل فهاد الزواج مابغيتوش يضيع ولا يجي العيب مني…
الحاجة : الله يدير ليكم تاويل دالخير ابنيتي الله يرضي عليك رااك مرضية لغيت الحتجة اللي تبكييك وتنزل دموعك ماتبقى فطريقك كيفما بغات تكون راجل ولا مراة لي يبكييك ويضيمك الله يبعدو عليك….
ناضت جمعت داكشي باللي قدات بيه واسماء وقفات حيدت حجابها واخدة راحتها فدارهم غير ب شووط وديباردو ديالو زادت عليها بيحامة ديال الحاجة من الفوق وخرجات عندها من البيت كتهضر…
اسماء : عطيني تيليفونك اماما اجي نهضرو مع كنزة شويا صوني ليها..جلسيي تسنيم جلسي شوية ياربي على عاد البنت ماكتعياش…اجي حدايا اجي تشوفي الدراري فزنقة كيلعبو اجي طلي…
تسنيم بحمااس : نمشي عندهم
اسماء : ههه داكشي لي بقى…تحمقيني وتجلسي لرض
الحاجة : خليها علييك تعلب…تيليفون ديك المسخوطة خسر….اري نشوف تاع راجلها هو اللي تيجاوبني ويهضر معايا الله يرضي علييه فينما نضرب ليه تيليفون يجاوبني والحااجة ونسيبتي طايبة ف فمو
___________
من نهار حطات رجلها فهاد البلاد عمرها صبحات شي صباح وهي فرحانة ومنورة… كل نهار وقصتو كل نهار ومشاكلو كل نهار وصداعو….
لكن هاد النهار كان غير…صباح كيحرق فعز الجو البارد..حالة عينيها على حقيقة خيانة عماد اللي تبتات فعقلها وعمرها تزول…حلات عينيها منفوخين كيف البالونة كترمش بيهم صابحة خاسرة ومعنكشة غير كتنننهد وكل مرة تسهى…حتى كيدمعو عينيها وينزلو كيقطرو بحرقة فوق خدودها جامعة رجليها عندها فااشلة والطاقة باش تنوض وتخطي الخطوة ماعندهااش….
من الوقت لي خلت عندها سلوى البارح لقاتها مكمشة فوق الناموسية جامعة رجليها عندها والدموع نازليين كتنصخص بصووت مسموع وسلوى غتحماق معاها ماعرفاتش اشنو واااقع كيبان ليها غير عماد لي نزل محطم لتحت مابقاش رجع وهي كتبكي وتشههق غتموت وصوتها غادي كيترفع حتى تخلعات سلوى شداتها البكية معاها ولات غير كتسكت وطبطب عليهاا حتى تكات فبلاصتها عطاتها بالضهر ونعساات هكاك بدموعها….
تدكرات ليلة الامس ليلة كحلة واثرها عمرو يغيب على عينيها جمعات شعرها كتهز النفس بزز داخل صدرها وناضت من الفرااش كتجمع البينوار على داتها عارية كيف ضلات لييلة الامس دخلات للدوش بالخف غير خوات عليها الماء ماعندها كانة لحتى حاجة وخرجات مخشية فالبينواار حلات الباليزة كتقلب وسط حوايجها حتى جدبات صيرفييت اونسومبل بيج لبساتها وجلسات كتنشف فشعرها بالفوطة حتى تحل عليها الباب عرفاتو هو حيت سلوى ماكدخل حتى تدق ماشافتش لجيهتو بقات كيف هي عاطية للباب بالضهر عينيها على الطيراس قداامها كتحس بيه جاي كيقرب ليها حتى غطى الشمسية الحلوة لي مضوية عليها بطولتو ضللها…..
حادرة عينيها كتسمع نبرة صوتو الهادئة لطيفة نوعا ما مدااعب ملامح وجهها المقرونين..
عماد : صباح الخير….
مارداتش عليه محافضة على هدوئها مكمشة ملامحها من صوتو بقد مكانت كتعشق غير همسة بحتو كرهاااتها فييه…سمعات تنهيدتو لي خرجات حارة من صدرو ملي ماوباتوش ومد ليها تيليفون..
عماد : الحاجة…الواليدة دياالك بغاتك..
لاحت الفوطة جنبها غير سمعت الحاجة ماماهاا على التيلييفون هزات ايديها دغيا بغات تاخدو وهو يخطفو عندو حتى هزات فيه راسها بعفوية شافت عينيها فعينيه مطولة ورجع مدو ليها بهدوء شداتو منو…جات تحلو لقاو بلا كود وهي تبسم بفقصة مستهزأة….
كنزة : بلا كود !! شحال من تيليفون داااير هه ؟
عماد : جوج….واحد ليك واحد الخدمة كتشوفيهم بعينيك
كنزة حركات راسها متقلب على نمرة ماماها: واحد جارنا مان عندو غير نوكيا كحل عقلتي عليهم داك التيليفون اللي كان قديم كيدير مية وخمسين دررهم….هاداك كان عندو غير هو ملي جات تشوف عرفتي شنو لقات…تخاايل
حرك رااسو مكرز مع كلامها كيسمع ليها بتمعن شنو غتقول…..
كنزة قالية وجهها باستهزااء معوجة ملامحها : لقاتو مع ختها ههه شتي…الراجل….لا الدكر…اما الرجلة بزاف علييه…كيقولو الدكر واخا تسد عليه مع قفص الدجاج….يخلي التقلاب على الباب لي يخرجو ويخونك مع الدجاجة…!
دوز ايديه على وجهو كيتنن بجرعة كبييرة من الاوكسيجين هازها فصدرو…بهدوء..
عماد : ماخنتكش..
كنزة التيليفون على ودنها : خليني نهضر مع ماما ايلا كان ممكن حتى هي..
عماد مكيتيقش فافكارها: دوي قدامي اشنو باغة تقولي..تشكي ليها مني دوي معاها حتى انا نشكي من بنتها…
كنزة بهدوء هزات فيه عينيها : ماما ماشي ماماك اشنو غتشكي ليها….غتشكي ليها مني باغي تسمع شي كلام مايعجبكش..
عماد بتحدي ملطف الجو بناتهم غير باش يهضرو واخا كتبان لييه مزيرة عليه الطريق : تجربي..
تنهدات ولااحت ليه التيليفون بدون مبالااة وهو غير كيشوف..
كنزة : مابقينش….قوليها اللي بغيتي حتى انا ماقدراش نهضر..
رجع هز تيلييفون قارن تسعود فحبجاانو اه ليها بتباااات فاقد فيها الامل..
عماد : حاولي تدوي معاها ديجا بالها مشغول من جيهتهك ماتحكريش…انخرج غير ارتاحي ودوي فراحتك..
خدات منو التيليفون ووقفات كتشوف فيه حتى فهم راسو وخرج وهي متبعاه بعينيها رجعات دخلات للطيرااس جبدات النمرة وصونات ليها لحضات حتى ردات..
الحاجة : آلوو وليدي عماد
كنزة : هادي انا اماما
الحاجة : احياني عليك الجييفة ابنت باها ماتسولي فيا ماتقولي ماما مسيكينية والو غتزوجتو وشديتو رجالكم قلبتو على مييمتكم
خرجا تفلطيراس سدات عليها الباااب بعصبية هزاات حجبانها على سبة خاص غير لي يجبدها..
كنزة : هو آلو وليدي عماد واناا لاقيااني بالجيفة ياك اماما هادشي لي مفكرك فيا حتى نتي ماعنديش معاك زهر اشمن بنت باها على باها عمرو بغاني بعدااا عمر شي حد فيكم (دمعو عينيه وصوتها باكي) بغاني كي كتبغيو ولادكم لاخريين ديما المشكل فيا انا لي مكنسولش انا لي عصبية انا لي قبيحة انا انا ديما انا..
الحاجة بفزع حمعات التبسيمة واسماء كتسمع معاها : وعلااش تبكي ابنتي غير كضحك معاك ميميتك عارفاني نتقلق منك علاه شحال عندي منك علاش ابنتي بسم الله علييك يااك لباس المرضية ااش بيك عاودي ليا
كنزة بلعات غصتها كتمسح فظموعها صوتها بح بالكبى : ماكين والو غير طالع ليا الدم شوية
الحاجة : اشنو مطلعو ليك…اش كااين ابنتي شكون دوا معاك ياكما مناكرة مع راجلك اش درتي لييه
كنزة : اش درت ليه هو…ماوااقع والو اماما راجلي سمن على عسل ولد النااس ودرويييش تبارك الله عليييه …
الحاجة على نيتها : ايوا الله يكمل ليكم وعلييكم الله يفرحكم بداك التيلااد ااش مقلقك ياكما الوحم دايرها ليك…
مسحات على وجهها كتسووط مفقووصة حتى سمعات بحال صوت اسماء من تيليفون كيقول ” عطيها ليا ندوي مهاها”
كنزة : اسماء هاديك لي حدااك….صوتها هي لي حداك
الحاجة : اييه هاهي بغات تدوي معاك…
كنزة دمعو عينيهاا مخنووقة باغة غير تخوي : عطيها ليا اماما….ندوي معاها عطيها التلييفون..
مدات ليها اللحاجة التيليفون كتقول : بغات تدوي معااك شدي ماعرفتش ماالها صابحة خاسرة كي ديما شدي دوي معاها ز رجعيها ليا عنداك تقطع..
حركت راسها وخدات مها تيليفون مجااوبة كضحك..
اسماء : آلو كنزة توحححشتك الكلبة
كنزة بصوت رجفاان جلسات فوق الكرسي وراها : سيري للبيت..سيري بوحدك..ماتبينيش لماما..
تشطناات من صوتهاا التبسيمة كتغبر بشويا بشوياا على شفايفها..كتشوف فالحاجة بنص عين عرفات كنزة باغة تقول ليها شي حاجة..
اسماء : آلو..الوو كنزة..الو كنسمع عندك التشاش بعيد من تما..من عندي انا لاا ريزو مزيان..
الو(ناضت من بلاصتها دارت راسها كتقلب على ريزو والحاحة كضور فراسها وراهاا عايقة)
الحاجة : مم ريزو ..يسحابليهم طار ليا الفرييخ..نوضاتها معااه خضرة الكلام..انا لي نعرفها..
اسماء : ااش واقع ماالكي كتبكي خلعيتيني…انا بوحدي عاووي ليا
كنزة كتبكيي بصوت فاداشل كلامها مامفرزش: بغييت نرجع لدارنا كرهت هاد البلاصة تخنقت فيهاا اسمااء كرهت كلشي بغييت نرجع فحالي مابقيتش حاملة نشوف فوجهو
اسماء تخلعاات كتسايس معاها مافهمت والو : وااخا بشويا عليك عاودي لياا شنو كاين اشنز قع تااني غير بشويا عليك…
كنزة : ماتسولنييش شنو ووقع مااعندي مانقوول انا برااسي ماقدراااش ندخلها لرااسي كيعيط ليا بسميت لكلبة دياال طليقتو كيقارني بيها ا اسماء بغيت نخرج بحاالي ليوم قبل غداا..بغييت نرجع ايلا زدت نهار واحد مزال هنا نحمااق والله حتى نلوح راسي من شي بلااصة ولا نبقى جالسة معاه فنفس الداار..ندمممت حتى جيييت نددم قد الزغب فراسي نهار حطيت رجلي هناا..
اسماء جلساات كترحف من بكاهاا مخلوعة كثر منها بعصبية ردات : وارجعي شنو كتسناي….فلوسك فجيبك باسبورك عندك شدي طيارة ورجعي خلي الخراا تما غيحمقك الله ينعل بو شي زواج ولا حب ايلا كان غيدير فيك هاد الحالة…
كتزة :غنرجع..غنشد الطيارة ليوم ونرجع فحالي والله مانبقى معاه دقييقة مزاال..كرهتو كرهتو عيشني العدااب البارح..(شهقاات قاطعة كلامها كتبكيي)بغيتو ا اسماء كنبغييه حاسة بقلبي كيتحرق مابقيتش قادرة نتنفس غنمووت خاني معاها ساد عليا انا فالدار ويتلاقى معاها هي برا تلاتة دالمرات وهو كيمشي عندها هاشي غير لي نطق ليا بيه علم الله اشنو كاين اخر….علم الله شحال من مرة انا عااد عرفتو مطلق علم الله شحال وهو كيجي عندها ولا كتمشي عندو…
اسماء : صاافي آحبييبة عفاك حاولي على رااسك ماكيستاهلش والله مكيستاهل ديري على قبلو هاد الحاالة جمعي حوايجك ورجعي بحالك خلييه تما كي راس المقطوع ماتق لي لييه والو..رجعي فحالك لداركم اشنو بغى يدير ليك غيقطع لييك رااسك..
كنزة مسحان دموغها بتأكيد : غنرجع…باسبوري عندي جبدتو لبارح غنرجع فحاالي…والله مانزيد ليلة هنا..شوفي عقلتي واحد النمرة كنت عيطت ليك بيها..عقلتي عليها راه كتبدا ب +917 ايلا عقلتي
اسماء : عرفتها يسحابلي نمرتك الجديدة ولكن تيليفوني بقى فالدار ماشي عندي..
كنزة شدات جبهتها ماحافضاش نمرة اسية : ماهزيتيهش معاك
اسماء : والله ماعندي..واش محتاجاه ابزااف ماسحابليش بلاتي نعيط على محمد يعطيها ليا ؟
كنزة : لا لا صافي لا..دابا نشوف شنو ندير…
اسماء تنهداات داايخة معاها : كنزة..واش حصلتي عليه شي حاجة غير شرحي لياا
كنزة : مابغييتش نهضر فهادشي ماتفكرينيش صدري كيحرقني مايحسابليش هادشي كيعدب هكا ماكنتش كنقول ايلا بغيت غنولي نتحرق نهار بعد نهار….مابغيت والو غير نرجع بحالي والله مابقيت كنقلب على شي حاجة اخرى…
تنهداات اسماء ساكتة خلااتها كتكشي عليها كتبكي وتخوي قليها العامر بحرقة الغيرة وشمتة الخياانة وغصة الفراق لي كتشوفو على الابواب وهي غير كتهدن وترطب فيها حتى ارتاحت شوية وقالت
كنزة : انا غنعاود نعيط لييك ديري بالك مع تيليفون بقاي تسولي عليا كنبغي غير نهضر شوية
اسماء : ماكنبغيش نصدعك ماضنييتش هادشي كامل وااقع ..سمحي ليا نهار احتاجيتك لقيتك ونهار احتاجيتيني مالقيتينييش
كنزة : راك ختي تعاودي تحتاحيني وتلقايني…
سيري نخليك بسلامة ناتقولي لماما وااالو غتخلع وهي على سبة وانا مابغاش نجبد معاها الطلاق من دابا خليها بشويا بشويا حتى نمهدو ليها..
قطعات مع اسماء ورجعات فتحات عليها باب الطيراس بشويا راسها كيزدح عليها بالحرييق دالبكى عينيها حاساهم غيخرجو من وجهها دخلات غسلاتو وخرجات كتنش عليه غادا نيشان للناموسية شافت يمين شماال ورفعاتها شوية هزات الباسبور ديالها لي كان فالدجاكيت ديال البارح ملي خرج خلا كلشي فالبييت كانت عارفااه غابر فالقنصلية كيقادو ليهاا وفعلا تقاد فضرف اسبوع طلع ليها من جديد نقي كيشعل كيف لول….غير كضور وتسب فيه بفلوسو زايغ كيحرك البشر على كيفو وعينيه فالتين…
جبدات صاكها الصغيير والفالييزة هزات مها كاع دهبها لي جابت معاا من المغرب منهم خاتم زواجها لاحتة تماا وواحد البرااسلي رقييق حتى هو خشاتو فالصاك بزطامها ليكارط كاامليين والباسبور حتى هو تما ورجعات خزناتهم تحت الكادر ديال السرير حتى تلقى الفرصة….غير جالسة ساهية كتخمم كيفاش غتمشي من عند اسية لعند هند للمرقصة تاني ياضبحة يا ربحة المهم مةتبقاش جالسة معاه هنا ودوز للمطار من تما فمدة قصييرة فين عماد ماغيحسش بغيابها…ويحاول يحبسها…حتى حسات بيه دخل عندهاا حدرات عينيها وراسها معاه كتشوف قرب هز تيليفونو ويلااه غيخرج وهو يرجع شاف عندها
عماد : ماتنزليش تفطري ؟ غتتبقاي ساظة عليك هنا اكنزة…
كنزة بهدوء ردات علييه قالبة وجهها : بالصحة..
هز السروال من جيهت ركابييه وجلس جنبها كيشوف ويحقق فملامحها غير كيتنهد حاس برااسو خسرها وصعيب ترجع لييه كيف لول….عينيه كيطلعو فيها من الفوق لتحت بحسرة ولهفة حزيينة كتبان ليك كيف شي جوهرة ممنوع عليه يقيصها وايلا غطرطق فيه…..تحرك من بلاصتو زااد قررب عندها باغي غير يخلق جو للكلام وتعطيه ودنيها وتتفاعل معاه وماتبقاش باردة هكا لا حركة منها لا ردة فعل…شافها ماتزعزعاتش من بلاصنها وهو يزيد يقرب تاني حتى بعدات عليه كتجمع شعرها خلف ودنييها وريقها كيتبلع مابغاتش تشوف فيه سادة نيفها من ريحتو لي كتجننها وكتعجبهاا…
كنزة : مابغييتش نهضر اعماد خليني عليك عفااك…ماعنديش الجهد للتقاش خليني مرتاحة….بعد منيي
عماد زاد قرب وهي ترج لوور حتى حبسها مع الكادر : تخشاي فالحيط دابا… مامبعدش نهضرو هي نهضرو ماكاينش الفكااك..
كنزة : مابغييتش نهضر من بعد ماقاادرااش ندوي معاك…(بتعب قبطات وسط حجبانها) عفاك خليني..
كانت غتنوض وهو يمد ايديه ضورها على خسرها جرها لعندو حتى جلسها فوق ركابييه راابط رجليها برجلييه وايديه محاوطة خسرها كيف ديما ماخليها فين تحرك لا هك لا هك…
عماد : واش انا انخلييك هادشي كلو اللي دوزنا وغنخلييك مزال مم..هادا ماقال ليك عقلك ماخنتكش يا هاد المراة فين الوقت لي نخونك فييه فكري بعقلك..كنزة شوفي فياا…(ضور وجهها عندو)ماتقيقش بياا تقي فالله عز وجل..(تلمس بطنها بايديه حتى حيداتها ليه بزعفة) وبروح ولدي ومعزتو ماخنتك مع بنت المراة..
_____
كنزة :عارفة شنو باغي تقول اعماد عفاك ماعنديش جهد للهضرة خليني عليك غير نسى شوية
عماد : ماعندك ماتنساي….واش تنساي شي حاجة ماكيناش… حلي معايا عقلك فكري بلوجيك ديالك امتى جيتي وامتى لحقت علييك
تنهداات بقلة صببر قالبة وجهها عليه مزييرة وسط ايديه ماكتنفنفن لا هنا لا لهييه…
كنزة : ماعقلتش ومابغيتش نهضر فهادشي البارح البارح وليوم حاجة اخرى خنتيني وعمري نساها ليك واخا ماعرفت اشنو تقول كون عاودو ليا نشك فراسي ونكدب ودني….سمعتها من فمك ماكدب عليا حتى حد..
دفعادت دراعو تنوض وهو يرجعها لييه مقصح من ايدييه حيت كتنتر وسط منو وهو مزال موجع منها..
عماد : خمسطاش اليوم باش جينا تخوا جوغ وانا كنقلب عليييك وخمسة السوايع اللي دازت عليك فبوسط دالبوليس موراها باش لقيتك….تخوا جوغ اشنو وقع فيها كلها دازت عند مع سلطان ديجا كتعرفييه كنقلبو مابيين ليكاميرا دالمطار والشوارع تخايلي معايااا من المطاار منين يخرجتي وحنا كنقلبو على طاكسي اللي مشيتي فييه اشمن بلاكة فين داك اكسزااكت….(جبد تيليفونو داخل للصور وعطاهم ليها كتشوفو مصور كاميرات المرااقبة وبعض اللقطات لي كانت فيهم هي) شوفي الفرق مابين ليفوطو ف ليدات(التوارخ) شحال تقريبا كيدوز باش نشدو عليك لقطة اخرى ماتنسايش ورايا قيامة من البوليس كيقلبو وانا معاهم كنحاول ومعارفش كيفاش
كنزة بلوم شافت فييه : نتا اللي قلتي ليا سيري للاوطييل
عماد : كيفااش سيري لشي اوطيل واش انا كون لقيت نزلك من ديك الطيارة ونجي فلخر نقوليك سيري لاوطيل بلا بيا اش كتروني اكنزة
كنزة : من نمرتك اعماد شكون من غيرك قادر يكتب فييه واش كتشوفني بنت صغيييرة..ضحك عليها بجوج كلمات ؟
عماد : تيليفون مشى ليااا نهار دويت معاك فيه نهار واحد ولد القح/بة قصدني ناوي يجمعني غير المكتاب…(هز ايديه) هي اللي تهرست فيها
كنزة بصددمة هزات حجبانها ماعارفة والو وحتى سلوى مكتعاودش ليها : واش درتي اكسيدون ؟؟
عماد : مممم شي حاجة خفييفة من بعد مالقيتش تيليفون مشى بطريقة مقصودة كنت عارف ااش كاين باي طريقة مخاصنيش نخرج من البلاد(كيشوف ملامحها بصدمة كيتوسعو) ماشي شاك غير فشعيب ولكن كاين بنادم كثيير فين نشك…
كنزة : شنو بغاو منك…علاش غيمنعوك تخرج من البلاد وشكون غيسفط ليا انا ميساج من تيليفونك
بشبه تبسيمة ميل راسو كيبعد شعرها لي باقي شبه فازك بالماء نازل على وجهها…
عماد : راجلك عارف شي بلانات ماخصهمش يخرجو على البلاااد…علاش كتشوفيني كنلقى صعوبة بااش نخرج..وايلا خرجت ماكسيمون دو جوغ ايلا تعطلت حتى تعطلت سومين ونرجع مزال هنا طولت…اما خصوص الميساج بامكان عززز يسيفطو حيت هو لي كان معايا باختصار…
كنزة حركات راسها بلا : عزوز مايديرهاش ع علاش هو غيقول ليا نمشي للاوطيل وبتيليفونك عزوز عرفتو قبل منك والخير لي درتو معاه مايديرو معاه حتى حد ماكنمنش عليه ولكن هادي هي الصرااحة ديك الدار لي جالس فيها غير ديك الدار بيا انا باش رهنها ولكن طلع قد الكلمة وكمل فلوسها كون ماكنتش انا كون راه مزال واحل فالكرا(بتأزم تنهدات بحرقة) الله يرحمو…
شاف فيها مطول من ديك عرفتو قبل منك كاره النقارانات الخاوية لي كدير لييه…مسح تحت حاجبو وكمل كلامو داير عين ميكة….
عماد : المهم..خلينا من شي عزوز هادشي باش نوضح لييك كتقولي خنتك فين الوقت اللي غنخونك فيه هاد الوقت ماتقتييش فيا تيقي فنفسك وتفكيرك غير نتي ولوجيك ديالك ايلا فهمتي منو خنتك..نتي ادرى
هزاات فيه عينييها مدمعيين حمريين فيه بمنضر قطعو من لداخل كلامها هامس حاسها عيات من الغوات حتى جهد مابقاش عندها…هدها..!
كنزة : ماشي حتى تنعس معاها عاد تسمى خنتيني ولا حتى تمشي عندهاوتلاقاها عاد تخوني…بعقلك تقدر تخوني ايلا حلمتي وفكرتي فوحدة اخرى خنتيني…ونتا ماغتنطقها على فمك وايلا اوادا خنتيني بصح…
عماد :خديتي عليا هاد الفكرة صعيب عليا نبدلها ليك اكنزة…ماشفتش قصح من راسك نتي بزاااف
على كلام ناضت مفزوعة دفعاتو ووقفات بعييدة علييه…وهو واقف عليها كيمسح على وجهو بقلة صبر وعياء وااضح علييه..
كنزة : كدبتي عليا وخبيتي عليا طلاقك انا خبيت عليك غير فاش كنت خدامة وماكنتش ناوية نخبيها نتا ماسوليتينيش وانا كنت قررت نبعد من داكشي ونهار عرفتي دوزتي عليا الجحيم كنت محتاااحة ليك بجهههد ماعنديش غيرك نتيق فييه…..ونتا قاطع ليا تيليفون…
عماد : ماكنتش ناعس على جناب الراحة(قاااطعت كلامو كتبكي بحررقة بزز باش كتخرج الحرف كلها ولاات حترجف مزال مابردات فيها)
كنزة : شنو كنتي كديير كنحس بيك بحال شي صندوق دالعجائب كل مرة كنكتاشف فيك حاجة جديدة…خبيتي عليا طلاقك واش عرفتي شنو هي راجلي مطلق وانا مافخباري وااالو…وحتى نشوفو بالصدفة مع طليقتو تحط راسك فلااصتي غير تخايل…
هزات ايديها كتمسح فدموعها مخنوقة تنخصص حتى كتبغي تهضر وكترجع تحبس حتى جمعات النفس ونطقت بزز…
كنزة : ولكن ملي حلفتي ليا بالله عز وجل ليكبر مني ومنك ماتعاود تخبي عليا شي حاجة وميكت حلفتي ليا ماترجع تكدب علية وحلفت ليك ماتعاود تشوف وجهي وترجع تغلط معايا…نتا ناوفيتيش انا غنوفي
خلاتو هاد المرة هو اللي بقى فالبيت ونزلت هي لتحت قااصدة الكوزينة مباشرة غير غادا برجليها ماعرفة فين غاديين بيها كتمسح فظموها وتجمع فشعرها الفوق مع الدخلة بانت ليها سلوى جمعت التيليفون دغيااا خشاتو فجيييبها ماتسوقاتش ليها كنزة كتعمر ليها فالماء…
سلوى : كنزة حبيبة….صباح الخير…كيف صبحتي ليوم شوية
كنزة : شوية شكرا..
مازادت حتى كلمة اخرى وحتى سلوى خرجات بارتباك كترعد غير بوحدها طلعات لبيتها خلات كنزة جالسة فوق الكرسي ودموعها كيقطرو كأنها جامعاهم وليوم نزلو فدقة وحدة…قررت الفراق وماكينش لي يحيدو ليها من لسانها وماترتاح حتى ترجع حرة كيف كانت حتى الولد اللي فكرشها مابغاتوش يجمعها بيه غير خافت الله تنزلو وتسمى قتلت روح…
عند اسماء..
تغدات هي والحاجة مجموعين والسي عبد المتقي مرحبيين بيها وبمجيتها عندهم كانت عندهم البنت العزيزة والمرض اللي داز عليها والخوف من فقدانها زااد كبر ديك المعزة كثر وكثر باانت فتعاملهم وضيافتهم تقول ضيفة ومن اعز الضياف عندهم ماشي بنتهم وغير مدة قليلة باش كانت عايشة معاهم….
حتى كملو بقى السي عبد المتقي متكي فالبيت عندو وهي خرجات للكوزينة ملاهية راسها كتعجن وتلوي فالحلاوي وتفنن فيها وتزوق وتعسل كيعجبها داكشي وكينغم يومها وتسنيم جالسة فوق الطبلة غاطسة وجهها فالشكلاط لي دوبااتو اسماء وحطاتو شوية يبرد كتغفلهاا وتعشق منو حتى حصلاتها
اسماء : وااش نزلك للارض مابغيتييش ترصاي علاش كتقلبي…
رخات تسنيم شفايفها فاش نهضت عليها مقلقة واسناءك تشوف فيها معصبة حتى قالت
تسنيم : مابقيتييش عزييز ليك
اسماء بدهشة حطات الحلوة من ايديها : ءءء شك علاش شكون قال ليك هاادشي علاش اماما ماعزيزااش عندي
تسنيم : ماتعطينيش شكلاط وبابا محمد ديما ديما كيعطيني حيت عزيزة ليه نتي مابقيتش عزيزة لييك بحال كي كنا مع سارة فدارنا الصغيرة..
اسماء : لاا اماما ااش هاد الهضرة انا شكون عندي مني غيرك (جراتها عندها مجلساها فحضنها) اجي عندي ماشي مكنبغييش نعطيك الشكلااط فيه الحلاوة بزااف وكيضر فسنينيات وغيوليو سنيناتك فيهم سوسة ويضروك وماتبقايش تمسعي ونتي كيعجبك تنعسي….
تسنيم : انا عزيزة ليك
اسماء : نتي هي حياااتي مكاينش شي حد مكيبغييش حياتو كنحمااق علييك كبيدة دياالي بنوتي نتي
تسنيم كتفشش وتاكل فصباعها : عزيزة لييك كثر من سلطاان صاحبي
اسماء تبسماات بحنان:كثر من سلطان صاحبك ههه
تسنيم : و وكثر من …وكثر من جداتي ماما ديالك
اسماء : ششش غتسمعنا..اجي نقوليك فودنيك..كثاار منها..
تسنيم : و ..و كثر من بابا محمد
اسماء : كثرر منووو هههه كنحمااق على بنتي انا…ويلاه ماتبقايش تاكلي هادشي بزااف ولا غيولي سنيناتنا خايبيين…
سمعو صوت البااب خرجات الحااجة واسماء كتصنت تعرف شكون جاا ولا شكون غيجي عندهم حتى سمعات صوت الحاجة ام محمد داخلة كتسلم على الحاجة ماماهاا وصوت الهضرة والترحاب والهضرة كثيرة يعني مجاتش غير بوحدها…حطات تسنيم ودفعات الكرسي غسلات ايديييه وطلاات من الكوزينة بانت ليها الحاجة وغيثة والبنات بجوج اية ونجلاء ومها من غير سميرة لي مكيناش…رجعات لور قادت شعرها مزياان رخفااتو على ملامحها ومسحات بيجامتها واخا ظالحاجة جااتها قصيرة شوية صيقانها كيشعلو بااينين دخلات عليهم كتسول ونجلاء شافت فاية كيهضرو غير بالعينيين اول مرة يشوفوها بلا حجاب كامل تعجبو بيها وفورمتهااا بضعفهاا باانت زوينة فعينيهم ملي كتلبس الطويل مكتباانش بخطرة كتبان ضعيفة كثر من هكا وسطو…
اسماء بضحييكة :ماقلتيش ليا اخالتي باغة تجي كون بقيت حتى جيت معااك ..مرحبا بيكم …
الحاجة : بالي بقى معاك ابنيتي ياك غير نتلكم الجاجة مك بحال ختي ماكين مانخبيو عليهاا راحنا فاميلة وحدة..
الحاجة ام اسماء نكرات : ااش واقع الحاجة ياكما شي باس مكاين..
اسماء : غير ديك المراة لي قلت ليك عليها جات دوات مع خالتي الحاجة على حسب يسحابليها بنتها..
مشات اسماء مع ماماها فالكدبة لي نكرات واش اسماء عاودت ليها ولا تشكات علييهاا زادت كبرات فعين الحاجة اكثر عحبها الحاال ماشي من النوع اللي كيتشكى ولا ينوض الفتنة بين العائلتين وحتى ام اسماء مابغااتش الحاجة تولي تخاف تعاود شي كلام ولا تهضر قدام اسماء لا تولي توصل ليها الهضرة مسحات السماء بليكة تقول اسماء عمرها شكات ليها بشي حاجة…
الحاجة : خرجتي ديك الخرجة المزروبة قلت تغير خاطرك وهيتي من جيهتنا وجيهت سمييرة جيت عندك نصفييو الخواطر راه معزتك كبيرة فقلبي عارفة لي كاين مانبغيكش تقلقي فقلب داري..
الحاجة ام اسماء : مافيها باس الحاجة مافيها باس ضرووري من الغيار وضروري من المشاكل ماكينش الدار اللي هانية مكاين بااس…
اسماء بتبات موضحة كلامها : انا مانتقلقش الحاجة ماكنديرش فبالي عارفة راسي اشنو كانسوا وكلام سميرة مادخل ليا من ودن ماخرج من تانية غيير كيفاش تهماتني قدام كلشي بقى فيا الحال وعمرها شافت مني كلمة العيب لي نقول بقات هازة فخاطرها مني…ماشي مشكل انا مانديش عليها…
غيثة : وزايدون ماكنتييش بوحدك لي بنادم يكثر عليك الكلام كنا معاك وشاهديين على شنو وقع ومن بعد اصلا عادي على نتي اول وحدة راه كاين لي كيخطبوها من راجلها براسو اشنو يقول بنادم كيغلط شكون معصوم من الغلط..الحمد الله ولد الحاجة محمد انسان بعقلو ومتفهم ماشفنا منو حتى عيب..
اسماء : الثقة هي اساس الزواج ايلا مكانش كيثيق فيا وعارفني اشنو كنسوا غيتبع سميرة فكلامها ماشي مشكل انا ماهازاش كاع فخاطري منها…
الحاجة طبطبلت على ضهرهاا مبسمة ليهااا : الله يرضي عليك والله يكمل ليك بعقلك…
_________
تعاشات العشية وضلامت الدنيا عند كنزة وضلامت فعينيها كثر وكثر…..عرفااتو بقى فالبيت مارجعاتش طلعات بخطرة ولاا داازت حتى بالصدفة من حدا البييت هربانة منو مابقاتش حاملة تشوفو لا تقابل مع وجهو…
تشغل بالها بالطلاق كثر ماشاااغلها هو…وخاايفة من كلمة المطلقة خاايفة من المسؤوولية هي ماشي سكوتية وصباارة بحال اسمااء باش تسمع الهضرة فضهرها ودير عين ميكة…او بالاحرى خايفة تعييش ما عاشت اسماء وخايفة تواجه المجتمع كأمراة مطلقة..
غير مربعة ايديها اوكتنهد حاطة راسها على الزااجة دباب الجردة كتشوف فالربييع والاضوية بلون اصفر نضورية الجردة مع نجوم الليل اللي كتباان لفوق معلية ومنورة السماء السودااء بضلمة الليل…
كانت مربة وماحاساش حيت كان معاها عماد كيف كانت طتضنو ماشي هاد عماد اللي بدات كتعرف علييه عاد ولات حاسة بكلمة المغتربة حاسة براسها ب بلاد الغربة مااشي بلادهاا كلها كتغرق فالتفكير كيفاش غتخرج وهو حاط ليها جوج قدام البااب ماتنفنفش معاهم كتحس بضعفهاا وقلة حيلتها لي كيزيد يأزمها كثر وكثر…
حتى حسات بشي حد وقف حداها بلاما ضور حسات بريحتو وطيفو كيضور بجناايها عرفاتو هو حدها هزاات فيه عينيها حمرييين منفوخين بالدموع ورجعات بعداتهم منو ب برودة وهو تنننهد ومد ايديه ضورها لعندو حاني رااسو عندها بلطف تاالف معاهاا…
عماد : مرضتي رااسك ومرضيتيني معااك اكنزة علاش نتي كتبكي دابا ياك انا لي غالط انا لي غلطت معااك انا لي خاصني نكون فهاد الحال ماشي نتي
ماجوباتوش قلبات عينيها كتبلل فشفايفها وهو ضور ايديه مورا خصرها جرها لعندو وايد تانية هز بيه دقنها عندو شافت فييه ورمشووها كيقطروو دبحوه من لداخل بمنضرهم..
عماد : شنوو ندير…مم شنو ندير غير قولي لياا ماتقتيش بياا شنو الحل معااك…غير قولي شنو عندك كيفما كاان ندير معااك راحتك اهم عندي
كنزة بهدوء : بغيت نرجع لداارنا
عماد : غنمشييو…مابقى عندنا ماندير هنا عطيني ايام ونرجعو منين جينا…
كنزة :مابقييتش باغة نبقى تخنقت مابقييتش كنقبل ريحة هاد الداار بغيت نمشي فحالي ليوم قبل غظا
عماد : تخرجي..تبغي تخرجي تمشي شوية دالهواء
كنزة شافت فييه : بوحدي ؟
عماد : ماندويش معاك ماتحسيش بيا ولكن ماتخجرييش بوحدك نمشي معاك..شنو قلتي ؟ ترتاحي هكا !
حركات راسها بايجاب اللهم العمش ولا العمى وهو مسح على وجهها بحنان كيقطر منو بقلة حييلة معاها تلفااتو ودوخاتو على عقلو شد وجهها الصغير بين ايديه وتحنى بااس شفايفهاا مطول بننفس حاارة هزاتها حتى غمضت عينييها مرفوعة معاه فعز ضلمة ليل ماوقفاتوش فاشلة حتى ردة فعل ماعطاتهاش ملي شافتو بعد علييه رجعات واقفة كيف كاانت كتسمع فييه..
عماد : نمشي نجيب الكونطااك تلبسي علييك شي حاجة محرك البردعلى برا..؟
مارداتش علييه وهو طلع لفوق لبس كويرة دياالو من الفووق هز تيليفون ولكونطكاك دياالو وهز دجاكيت ديالو اخرى ينزلها لييها حوايجها مزال فالفاليز عكز يحلها خرج وهو يتلقى مع سلوى..
سلوى : خارح فين غتمشي
عماد : غير هنا وراجع عناخد معايا كنزة…(شاف تيليفون فايديها مزيرة عليه) ياك لبااس ؟
سلوى : ءء..و والوو..غ غير كنتسنى سلطان ولدي يعيط ليا..
حرك راسو مطبطب على كتفها ونزل مد ليها دجاكت لبسااتهاا ومد ايديه شد فييها غادين خارجيين حتى نترااتها منو حيداتها بطريقة مفروشة تلفت شاف فيها ورجع شاف قداامو بهدوء ماعلقش..وخرجو من الدار…
الدار او الفيلا جات بين ديور قلال والاغلبية فيهم مسدودين واضح مافيهم حد..تمشاو على واحد الشارع طويل على جنابو الديور والشجر والاضواء شاعلة مضوياه طوموبيلات قلال كيمشيو ويجيو …
وكنزة غادا وهو جنبها بيناااتهم مساافة مبعدة علييه مامتقرب خدااه ولاا توصل ليه وحتى هو خلاها على خاطرها وزااد رجع خطوة لور خلاها مشاات قداامو ارا غيير ترتااح كتبان ليه مربعة ايديها وغادا كتشوف نيشان ماكضور لا هاك لا هااك حتى لواحد اللحضة وهي تلفت عندو
كنزة : طوموبيلتك مبانتش ليا فين هي…نمشيو فيها حسن
عماد : مابغيتيش تمشاي
كنزة : لا ماقدرااش بغيت نشم الهواء فشي بلاصة زويينة..
عماد : فلخر ديال الشاارع واقفة نمشيو ليها..
بغات تسولو علاش محطاهاش قدام باب الدار دارت بناقص وكملات مشيتها ولات حااسة بواحد البرودة عجيييبة من جيهتو مابقى كيوترها ايلا قرب ليها ولا كيف كانت قلبها كيبغي يخرج من بلاصتو ايلاا قاصها بقدر ماولا قلبها مرتااح وسط حضنو بقدر ما كرهاتو وكرهات شوفتو…
يتبع
التعليقات 0