اسماء : حاولي على رااسك عيشي لراسك وراحتو اكنزة ماشي لواحد ااخر ايلا بقيتي مقابلة الراجل ااش دار معامن كيهضر اش وااقع فحيااتو وخانقة راسك وخانقاه حتى هو غتشرفي قبل منو..غتكرهييه وتكرهييه فييك ريحي بالك مالكي هازاها منين تقاالت….(تنهداات) امتى غتجي واش قرييبة..
كنزة بتأكيييد شادة راسها : انا غنجي فهاد الايام…ولا فهاد اليومين غنجي….براكة عييت ومابقيتش حاملة هاد البلاصة…ايلا جيت نتلاقاو فدارنا…!
اسماء : صاافي احبيبة رخفي على رااسك وحاولي على داك الوليد اللي عندك راه نهار تشوفي عويناتو مايبقى يبان لييك حتا حد خوديها مني.ددواحد النعمة جاياك فالطريييق ماكينش بحالها اختي والله العضيم…
كنزة دوزات على كرشها مبسمة بحسرة : عدبني…
اسماء ضحكاات : حلاوتو تنسيك فعدابو…الله يفكك على خيير ياريي ويفرحناا بييك وبييه ولا بيها انشااء الله..
كنزة : اللهم اميين….بسلاامة علييك تهلاي فراااسك وفتسنيم بوسيها ليا سلمي على محمد والحاجة والحاج كللهم..
قطعات معاها ولاحت تيليفون كتنهد تاالفة ودااايخة وكلام اسماء قلب ليها رااسها مابقاتش عارفة كيفاش تفكر وفعلة عماد ماتسرطاتش ليهاا لحد الان…ناضت واقفة هزات دجاكيت الدجين القصيرة رماتها فوق كتافها بلاما تلبسها على الكسوة الصيفية بالازرق سموي مفتوحة من جناب بجوج وصندالة لاصقة فلرض ونضاضر فوق شعرها..خلات ميساج لاسية عالماها بلي غتجي وخرجات من شومبر لقات سلوى جاية عندها نزلو يفطرو بجوج…
نزلو للكافي ديال الاوطيل طلبو اش بغاو لحضات حتى تحط قدامهم فطور متكاااملة من اللي تشهات النفس اكل كلاسيكي مقدم بفخااامة ماخدات منو كنزة غير كاس دالعصير قرباتو كتشرب فيه مرة مرة مقطوعة ليها الشهية حاضية مع البيض والكاشير كتبعد فيهم من قدامها بقد ماكانت كتحماق عليهم ولا كارهاهم…وسلوى كتفطر وحاضياها بغاتها تسولها على عماد ولا تعرف غير فين عابر على الصباح وهي مامسوقاش كاع…
سلوى كتكرر سؤالها كاسرة الصمت بيناتهم : صبحتي شوية على البارح…حاسة براسك مزيان..
كنزة : الحمد الله..حسن من لبارح
سولى : هضرتي نتي وعماد…نتمتى تكونو حليتو المشكل بينااتكم ومايبقى حتى شي واحد فيكم شاد فخاطرو…
مع علات عينيها تجاوبها حتى شافت وحدة قدامها فطبلة كتشوف لجييهتهم هازة رجل فوق رجل كتهضر مع صاحبتها قدامها..طولات فيها كنزة الشوفات تفكراتها وحدرات عينيها ب برودة كتغلي…
كنزة : ماعندي علاش نشد فخاطري….عادي…خوك كدب عليا ماصارحني حتى فات الفوت مي هانية المهم عرفت…واخا ماشي من عندو…عرفت..
سلوى : ماشي كدب علييك كنزة عفاك حاولي تفهمي الموضوع…انا فاهمة خويا حاولي تفهميه هو عاش تجرية خااايبة بزاااف وانا اللي كنت حاضرة فيها.. عمرو حس براسو مزوج باش تعتابريه تزوج بيها…تخايلي معايا شافها نهار لاكط من بعد رجع للمغرب وهي بقات هنا وملي رجع لقاها مع واحد ااخر يعني خيانة وطلقها سيتو هادشي لي كااين ما بيل ماديريش فباالك…ايلا بغيتي نشرح ليك اونديطاي انا متأكدة (بهمس)حتى ديك لاغولاسيون سيكسياال ماكنضنش واش دازت بينااتهم..
كنزة : ففف صافي سلوى عفلك قلبي الموضوع…بصح هادشي بدا كيعصبني ولاات وحدة اخرى مركز المواضيع ديالي راسي عامر ومامسالياش نفكر فهاد التخربيق…(رجعات لور شادة تيليفون كتشوف فالميساج ديال رشيد باستغراب)بان ليا عندك بزاااف مايتقاال
سولى : بحالاش ؟
كنزة : راجلك ماغندوش شي كونط شي بلاصة نتأكد منو..حتى صورة لي كانت عندي مشات مع تيليفون…
سكتات سلوى كتشرب من كاسها عينيها على جردة برا والبيسين الكبيير الجو كيحمق وشميسة غزاال مصحصحة كانت مكمشة عينيها منها حتى حسات بشي ضل اسود غطاها علات عينيها وهي تبان ليها روان واقفة عليها…!!
تفزعااات و دغيا دورات عينيها لكنزة لقاتها شادة تيليفون بهدوء ماتحركات ما تزعزعاات…
سلوى : روان !!
روان : ممم…روان يعني مافي مرحبا يعني..شوو احمر وجك لما شفتيني ههه
سلوى : لا بالعكس صافا حبيبة…نتي يخير؟
روان : ممم ام فاين(بخير)…مين الحلوة ؟
سلوى : معك…ك كنزة..زوجة عماد..
روان ديجا شافتهم فالاوطيل بزوج وشكات واش مرتو : ممم نايس تو مويت يو حبيببتي….ماعرفتيني بضن ههه…
كنزة : لا.. شكون ؟
روان : شكون !! هه يعني مين…اوكي راح عرفك عني…انا روان..طليقة زوجك…
شافت فسلوى مبسمة
كنزة : متشرفين..من بعد…اشنو يعني طليقة زوجك ؟
روان استفزاتها ب برودها: ما حكالك عني …
كنزة : حكا ….حكا شلا حكايااات ولكن انا ماكنرتاحش نهضر فالماضي…الماضي كيبقى ماضي والحاضر و المستقبل اهم…(وقفات)متشرفين احبيبة مرة اخرى…
سلوى : كنزة فين غادا نمشي نعاك..
كنزة : انطلع لشومبر غير خليك مع ضيافك حتى تلحقي عليا…بصحة ..
تبسمات ليهاا ومشات وسلوى متبعاها بعينيها حتى غابت عن نضرها ورجعات كتشوف فروان مبسمة بزز خايفة يشوفها عماد معاها…
تما كنزة غير بعدات على الكافي قصدات الباي الثاني خرجات منو لبرا دوموندات على طاكسي ووقفات كتسنى وتيليفون فايديها مشطونة مع عمااد ماعرفاتو فين خرج على الصباااح ملي فاقت مالقااتو…وهي تدوز رقمو غير بدا كيصوني وهي تقطع تسنات شوية جتى طلع ليها كيصوني ليها قطعات عليه..المرة لولا وتانية وتالتة عاد جوبات..
كنزة : شنو عماد كنت كنهضر مع ماما مالك…
عماد : صونيتي ليا ؟
كنزة : لاا راه غير غلطت ودوزت ليك لابيل كنت باغة نهضر مع ماما..
عماد : واغير غلطي وسولي فينا كدوب مالك..
كنزة : خاصك شي حاجو..
عماد : فيينك
كنزة : فيين غنكون كنسولك انا فيينك ؟ قلت ليك دابا فين مشيتي !!
عماد : ايلا سولتي غنجاوبك.. انا فالقنصيلة على حسب الباسبور دياالك ياك نتي فالبييت
كنزة : وي عاد طالعة لييه…كنت كنفطر…نخلييك..
ماخلاتوش يجاوبها وهي تقطع علييه….
ماخلاتوش يجاوبها وهي تقطع علييه…..كان طاكسي جا حلات الباب وطلعات ملاهية مع تيليفونها والمسياج ديال رشيد لي قلب ليها العقل…دوخها كيطلب منها بالخط الكبيير اخر مرة تاصل بيه وتنكر واش كيعرفها ولا كتعرفوو ماتردداتش صونات ليه ديك سااعة..
رشيد : آلو..
كنزة : ااش هاد الهضرة ارشييد ااش كتقول علاش غنكرك ومانبقاش نعيط ليك وزايدها ضاربها ليا ب بلوك عالمي كتسالني شي حاجة اخويا….انا حتى احتاجيتكم دابا عاد كل واحد ولا خايف على راسو دير غير على وجهة صاحبك عزوز الله يرحمو ولا هو لي كان جامعنا…
رشيد : مابقاش عاجبني هادش امدام كنزة مابقيتش باغي نخدم فييه الله يساهل علبيك والله يعااونك
كنزة : على اسااس مزال باقة شي حاجة نسى الخدمة ارشييد اخر مرة نحط ايدي فهادشي واخا نبقى بالجوع…
رشيد : ري بالك امدااام كون عليا انا تجمعي حوايجك وترجعي بحاالك….عندااك يزغبك شيطانك وتمشي عند ماليين لاجونص لي حنا معااهم راهم كيقلبو عليك وبسبابهم مشى عزوو الله يرحمو تما..تلقاو ليه فالمطاار (بصوت مخنوق) كان كيهضر معايا غير قاليا هاني معاهم….ماجيت فين يدوز نهار حتى وصلاتني خبارو مات
كنزة تأزماات مقصحة من جيهت عزوز : و ولكن علاش انا كيقلبوو علياا ااش كااين وشنو بيناتنا باش يقلبو عليا
رشيد : وا مدام كنزة والفلوس الي سيفطو ليك على البناات لي كتسيفطيهم يخدمو عندهم هممم…شحال من مليووون كل وحدة كتشدي فيها جوج ولا تلاتة فلخر مامشاوش عنندهم…بحالا راك ضحكتي علييهم ونصبتي عليهم…
كنزة قندشات: يااك…على هادشي زعما نتا خاايف منهم وغيقتلوو عزوز ااش واخدة ليهم ملياار هذا سبب مقنع بالنسبة ليييك ؟؟؟ هادشي لي ضارهم هوماا…
رشيد تلف : ا ايوا ش ا اش غنقولليك هادشي لي كاين وهادشي لي شكييت فييه…نخلييك خداام ايلا لقيت شي وقيتة راه نسول فييك مالقيتش الله يسااهل علييك امدام كنزة..
قطعات فوجهو مغددة من زمان ماعندهاش معااه كان الوحييد لي هاز عليها الشغل هو عزوز وهو لي عرفها عليه واخا خلعها كلامو وعشش ليها فدماغها حاولت تناسى وماتشغل بالها معااهم…معولة يوم ولا يومين تقلع بحالها ترجع منين جات وتنسى كلشي وتلوح كلشي وراها…
اللي باغة داباا هو توصل عند هند والبنات مدام شافتهم عاجبهم داكشي ومرتاحين فيه بغاتهم غير يهضرو مع واليديهم يعرفوهم حييين تما خدامين على راسهم والله يسر ليهم يتحاسبو على اختيارهم وترجع هي فحالها لبلادها…خلات ميساج لاسية بلي قربات للدار ونيت شوية وصلات عندها خلصات طاكسي ونزلات بانت ليه اسية فالبااب ضاحكة ليها مشاات سلمات عليها وطلعو لدار…!
فالكلينيك….
داخل الغرفة عند الحاجة وبفضل عائلتو تبارك الله الغرفة غطرطق وعرق الفرملية غيطرطق معااهم…عيات تخرج كتخرج واحد كيدخل ليها واحد من قنت اخرى وكاين كاع اللي جا من وجدة على حسابو.. واسراء وواليديها حتى هوما تما والعائلة غير كيشوفو فبيهم كاين لي عجباتهم بحضورها بحال غيثة وسميرة وحتى الحاجة وكاين لي مغوبش فيهاا بحال الجد لي غير مخنزر ماعجبو حال…..وكاين لي مامسوق ليها اصلا…وااقف ليه محمد على راسو وابرة فايديه شاد الضحكة من جدو اللي خايف من البرا ومامبينش قدامهم عاقد الحجبان ومخنزر وهوما كيسايسو معاه ومحمد كيضحك كيزيد يفقصو…
محمد : تخليني ندير شغلي ولاا كيفاش دابا ؟
هو كيحط البرا فوق العرق وجدو كيحيدها وبحطها وسط اللحم…
الجد : هنا…دكّها هنا ماشي تما….
محمد حك دقنو مستغفر الله: فين هنا اش غندكّ هنا….غتوريني شغلي شد خدم فبلاصتي..
الجد ولا كينهج : جبتوني لهذا….ن نتاا(نعت فالحاج مسكين مافاهم والو) نتال اللي مسيفط ليا ولدك دير فيا مابغى يبرد فيا حركم…مسخوط الواليدين…لاش جاي عندي واقف تما خايف تقرب نعاديك نلقاك ساير تدعي وتعاود متمني نموت تجي تقرا عليا جوج سورات لي حفضتك..فقييه..منيين جاااك فقييه المسخوط…..
الحاج غير كيشوف فيه كيسوط مارضاش قدام نسابو القدام..دخان خرج من نيفو ..
سميرة فجهة اخرى : متشرفيين ابنيتي….متشرفين….سمعينا صوتك ملي دخلتي ماسمعتك البنت حشومية عندك واقيلة الالة رقية ههه…
اسراء : الشرف ليا اخالتي..
سميرة : ايوا بعدا كتهضر الحمد الله هههه الله يفرحك ابنتي
رقية : لهلاا يخطيك الالة سمييرة اللهم اميين لجميع وليدات المسلمين…
تبسمات ليها سميرة مطبطبة على ضهرها عجبوها وعمرو ليها العين من مضهرهم وطريقة وقفتهم وكلاامهم كيبانو من عائلة كبييرة منقطة بلفلوس تلفتات عند غيثة..
سميرة : مرتو لولى هادي..علاش طلقها…
غيثة: مافخباريش
سميرة : مايمكتش البنت زويينة كتحمق بالزين اللهم بارك…قارية الزين والفلوس والاصالة والاناقة شغيطلق فيها تكون ماكتولدش زعما..
غيثة خايفة منها كتوصل الهضرة : ماعرفتش اختي سميرة والله مانكدب عليك….
سميرة ضرها راسها : ايوا شنو…مالقاش عندها الهضاب والتضاريس بحال اللي عندو فالدار ولا كيفاش
اية وراهم سمعاتها حشمااات عارفة خالت ماماها جريئة فكلاامهاا غير لي بغى يوقف حداها..وغييثة كضحك جاتها على الكانة نغزاتها سميرة تسكت وهي غير مزاادت فالضحك حتى تلفت فيها عيسى وادراري الحفايد كيشوفو فييها كتضحك هي وسمييرة ضحكااتهم حتى هوماا والجد كينهج حمرر بالعصاااب مابغاهمش يضحكو هو مرييض حتى زف عليهم كااامليين…
الجد : كضحكو علياااا….عجبااتكم حالتي…الله يقطع حسسكم تريكية المساخيط خرجو علياا….خرجو عليا براا وضحكو ولا نبكي باباكم هااد نهاار…
شافو فبعضاتهم واحد تخشى فلاخر وخرجو من عند وهو كينهج ولاا حمر بالعصاب والحاجة حشمات قدام رقية قلباتها ضحك كتفرنس بزز…
عبد الكريم بزز: بالشفاء على سلامة الله اسيدي..بالشفااء للجد ديالك اولدي محمد..على سلامتو …
محمد : الله يسلمك اسي عيد الكرييم…
تمناو ليه الشفااء كاملين وحتى اسراء سلمات علييه وخرجو ومشات معاهم حتى الحااجة شداتهم حلفات عليهم مايمشييو وهوما عاد دخلو…
ومحمد باغي يدكّ ليه البراة حتى هز فيه رااسو بهمس خايف شي حد يسمعو….
الجد : بشوياا..ب بشويا سيير..
حرك رااسو بسلب ملامحو مبشررة والجد حاضي معاه حتى ظك ليه الشوكة ورجع لور كيشوف فيه كيحك فيهاا معلي حاحبو..
الجد : امتى ناوين تطلقوني نمشي….خنقتوني بهاد الريحة وهاد الخنونة شفيها مايتكال…وجدت ليا مك بيت فين نجلس عندي فيين نمشي ولا ولو..
محمد : عرضتي على راسك اسي ابراهيم هههه مرحبا بييك مرحبا…
الجد : مرحبل بيا غادي لداري…غادي لداري ماشي عندك
محمد :داارك اسيدي الله اودي دارك..ارتاح شوية…
الجد :ديك السيدة لي طلقتي اش جاية دير عندك هنا..
محمد : جاو عندك نتا ماشي انا..
الجد : جاو عندي حيت انا جدك معناه جاو عندك اش الفرق بيني وبيينك..
محمد :رانيا عينيك معاه..ردي البال
حركات راسها بايجاب وهو كيقاد ليه السيروم كيسمع كيبركم تحت سنانو ماتسوقش ليه..
الجد : قلة التراابي ياك طلقتو ااش هاد التقاليد والعادات لي خرجتو جديدة مزوج ماشي تا ديال راسك ااشناهيا هادي تاني لي ولات..انا نعرف ايلا طلق الراجل المرا كتقطع الصلة بنياتهم ماكنبقاوش خيطي بيطي عندها وعندنا..البسالاات…
محمد :رخي النفس…ارتاح ليك شوية باش نخليك تخرج من هنا للشعية…
الجد : انشااء الله يبعد منك غا كحل الراس ماكين اللي تأدي…
تنهد محمد وخرج وااااه جدو شحال نكّااار…طوكسيك هاد السيد واخا هكااك عجبو وحس براسو متفاهم معااه وارتاح ليه…
خرج عندهم برا خلا معاه رانيا الفرملية مسكينة غير كتبقلل حاضية مع ايديهاا لا دير شي غلط حاسة بعينيه كيتحركو معاها غير كتغلط فشي حاجة كيقفزها بغوااتو حتى كتطلق كلشي وتهرب بااكية عند الدكتور محمد شاكية لييه من كلاام جدو…فحين محمد خرج عندهم برا مطمنهم عليه بلي راه بخيير منهنا للعشية غيخرجوه للدار فرحو كاملين ايلا الحاجة لي بدات كتبقلل وتشوف لهاد الفرقة كيف غدير ليها فالدار غينوضو ليها الحرب تما…
اسراء : مزال …كنفكر نخدم مع بابا مي مزال ماقررتش..
الحاجة : الله يعاونك ابنيتي الله يعاونك تبارك الله مشاء الله علييك…
غيثة : اشمن نيفو عندك ثدكنتي قلتي ليا نسييت احبيبة ههه !
اسراء : ماشي مشكل هه…عندي ماستر اون جيستيون سبيسياليزاسيون اون بانك اي جيستيون داكتيف(ماجستر فالادارة تخصص الاعمال المصرفية وادارة الوصول) واخا كانت كتعجبني اوطيس دوليغ كنت عارفة راسي غنمشي فيها مزيان عندي سي لونك مي بون الحمد الله فيها خيير ههه
غيثة : مشااء الله..اللهم باارك مشااء الله علييك ابنتي…ااية اجي هضري مع ختك فداكشي لي كتفكري ديرييه حتى هي يلاه دوزات الماستر ديالها…تبارك الله عليك…
بافتخاار هزات رقية راسها واسراء مبسمة فحين الحاجة حشمات من راسها تلفتات عند خديجة بهمس..
الحاجة : تباارك الله….هادي هي البنت وايلا فالا ضاعت من ايدينا اخديجة وزربت على ولدي
خديجة : ماتقوليش هكاك الحاجة لي مكتابة ليه داها حتى اسماء بنت نااس
الحاجة : بنت ناس مكدبنااش عزييزة حتى هي ومعقولة ماشفت متها كلمة العيبة وليني اسراء هي ديال ولدي…حفظ الله ماجات معانا ليوم كون سولوها ااش عندها والو تبقى ضور فعينيها…الحمد الله ماجاتش
خديجة : هاهوما غادين كاملين عندها هههه…اييه واش السي محمد هو اللي قاليها تجي زعما يكون بغى يويري للعائلة بيمن كان مزوج ؟
الحاجة : شكون عرف ايلا عجبت الحاج عليا بليمين تايرجعها ليه…
رقية : الحمد الله…الحمد الله على سلاامتو الالة سمييرة والله العضيم ايلا خفنا علييك راكم من العائلة ماشي غراب عليناا…اللي من جيهت الحاجة والحاج من جيهتنا حتى حنا…
سميرة : ربي يخلييك الحبييبة..مرحبا بيك والف مرحبا ايلا جيتي عندي لوجدة هاداك هو نهار الكبير ارتاحيت ليك ربي عاالم الحبييبة
سميرة : حتى نتي الالة كنتسناوكم للزيارة عندنا فنهاية الاسبوع انشاء الله مرحبا بيكم كامليين ايلا ماهزكم هاد الكتف يهزكم لاخر..
اسراء غير مبسمة قدامها حشمات تنغز رقية علاش كتعرض عليهم ماحملاتهم ماقبلاتهم ملي ضحكو قبيلة لداخل حساات بيهم علييها…
اسراء : ماما انا غنمشي الحمام…تسنايني دقيقة…
رقية : غتمشي بوحدك نمشي معاك احبيبة ديالي…
خديجة: غير خليك الالة رقية انا نمشي معاهاا……
مشات معاها للحمام كيهضروروخديجة من نيتها كتشرح ليها وتسوس ليها فالمزيودة واسراء كتجر ليها فلساانها بمهاااارة كبيييرة…
اسراء كتغسل فايديها كتشوف فيها من المراية: كنعرف محمد مزيان ههه هو اللي موحال واش خلاها تجي…
خديجة : هو اللي مخلاهاش تجي…والحاجة ماعجبهاش الحاال قالت ليك علاش ماتجيش معانا طريق كلها وهي جاية معصبة
اسراء : مممم ههه …ايوا تعلمتي تكتبي شوية شفتك فالواتساب ههه(شافت فتيليفون ديالها)كتعلمي بهذاا؟
خديجة : لاا لا كتعطيني اسماء ديالها غير محطوط كنتعلم فييه ومرة مرة كتعلمني هي…
اسراء : ممم مزيان حتى حاجة ماصعيبة غير بشويا عليك حتى تعلمي..عندي واحد تيليفون المرة حاية ايلا تلاقينا نجيبو ليك
خديحة : عنديييي وااحد كبيير كان محمد جاب للحاجة واحد وعجبني وجاب ليا بحالو وماعرفتش ليه خزنت حتى نتعلم…
رجعات عندهم واقفة حدا رقية كتهضر مع العيالات وباها مع لرجال عيات تضور ف عينيها وتسنى فمحمد يبان وهو ملي مشى مارجع تمنات تشوفو قبل مايمشيو لكن جراتها رقية ومشاو خرجو من الكليينيك…
شادة ايديها بحوج فوق خدودها ساهية بتفكير غي صوت انفاسها لي كيتسمعو شغلات كنزة تفكييرها بكلامها مع عماد…والمشكلة بعيدة عليها كون غير قدرااات فهاد الحضة تخرج تمشي عندها ماعندها كيف دير…تنهدات مطولة بغات تعاود تصوني ليها وحبسات خافت تصدعها…ساست عقلها وناضت للدوش عايفة راسها شامة ريحة الصابون والت ومواد التنضيف كتبعت منها…عطراات الجاكوزي وترخات فيها مدلعة نفسهاا ولحمها وشعرهاا دايرة ليه كيف الماء القلييل بشويا بشوياا علييه شداتها البكية تقريبا نصو كلو طاح بقاو فيه خصلات قليلة وزادت عليه بالبروتين والمواد الكميائية خرجت عليه….حتى كملات وخرجات بكسيوة رطبة حريير غالغوز بيبي بالفوطة ديالها والبناطوفة ديالها تقابلت مع المرااية كدهن فليكريم ديالها على رجليها وايديها ورشات على وجهها الما ورد خلااتو ينشف على خاطرو…
طلقات شعرهاا كتنشف فيه بالفوطة وحلات الباب خارجة كتنشف فييه حتى بان ليها محمد حل الباب ديال البيت خرج منو بهدوووء وسدو وراه وهي تهز رااسها دغيا شافتو…
اسماء : محمد جيتي !!
ماجاها حتى رد منو كمشات ملامحها وتبعاتو كتقلب حلات البااب براا بان ليها الصقيل ودار كيف خلاتها مورا ماصيقاتها بقات وحتى الباب ديال دار لتحت مسدود..بلا عكز مشات كتحل فييه وتقلب دار صااااقلة كاينة فيها غير هي وخيالها تاحد مكاين …قفز قلبها كتشوف بنص عين فجنابها متأكدة مليون فالمية شاافت محمد ماشي خياالو شافتو هو لي خرج من البييت…
ولاا كتننهج شادة فقلبها فاشلة وبهدوء رجعاات داخلة كتحس بحالا شي حد غيقجها من لور…رجليها تخربقو عليهاا فالمشية فاااشلييين وقلبها كيضرب فودنيها عقلها غيخرررج مااكدبش عينيها ابداا شاافتو يعني شافتو مافيهاش تخيلات ولا جاب ليها عقلها…رجعات للبييت داايخة سداات عليها بالساروت وجلسات فوق النااموسية جامعة رجليها وايديها عندها مغطية بليزار كتشوف هنا ولهييه وقلبها كيدير ددف ددف دف كتنهج حتى تخنقات مابقاتش قادرة تهز النفس…
بعفوية هزات رااسها حتى جات فالمرااية نيشاااان تهزز قلبهاااا حااسة بالسخاانة طلعاتها كتشوف فوجهها قدامها ديريكت خلعهاا بحالا وحدة اخرى ماشي هي غتموت بالخوف وناضت دغياا جرات ليزار غطات لمرااية كاملة وغطات حتى المراية الوااقفة عاد ارتااحت ورجعات كات فبلاتصتها كترعد كاملة متدكرة نهاار شافت كنزة وتسنييم فالاوطيل دخلو عليها فالاخر طلعو ماشي هوما وليوم تاني مستحيل تقول ماشي محمد وهي متأكدة منو…..زعما تكون مزال كيتخايلو ليها فسيفة بنادم مابغاتش تدخل لراسها ياك تشافات ياك صافي سالة داك الحلم الاسود يلاه تحررات منهم شنو مزال تاااني …!!!
ما بان ليها غير تيليفون جراتو عندها دوزات رقم محمد تسمع غير صوتو بعدا تونس بييه ولا تبقى هكا كتسمع فصوت قلبها غيخرج من بلااصتو…مع غيجاوبها مع تسمع الصونييت فالباب تهزز صدرهاا مخرررجة عينيهااا اكثر جامدة فبلاااصتها واحد اللحضة مرررعبة بجههد…
محمد بهدوء : وي اسماء..
ماردااتش علييه بالها مع الباب كيتدق..خايفة تحلو وماتلقى تاحد كي كان كيوقع ليهم فديك ست شهر ديال مرضها شي حوايج كيشوفوهم مكتخايلش…وديك الساعة تموت ديال بصح..
محمد : آلوو….اسماء كتسمعيني…!
اسماء تالفة :ءءء مم ا اه
محمد : توحشتيناا دغياا زعما….ولا كيفاش مممم!
باالها مع الباب دايخة ردات عليه بلا عقل : ممم توحشنااك بزااف…(دهشااتو خلاتو كيضحك وهي كتهضر بلا عقل ) واش نتا فالخدمة ولا فالباب هنا..
محمد: خدام …. علاش ؟
اسماء : شي حد..ك كيدق براا
محمد : ترونسبور ديال تسنييم هذا هو وقتو….
اسماء علاد تفكرااتهاا وتنهداات براحة : ااه ب بصح بلاتي نشوف…
ناضت بسرعة طلات من ريدو لداخل بشويا هزاتو شافت شكون غير بان ليها طرونسوبر ارتااحت تسترات ومشات حلات عليها دخلات تسنيم عاد بدات كتهضر مع محمد مرتاحة نوعا ما ملي معاها بنتها عاد محمد مطمنها بصوتو ولكن مزال الخلعة فيها حاضية غير مع جنابها لا تشوف شي حاجة ولا يبان ليها شي خيال تاني…!!!
___________
كنزة مدة طويلة وهي جالسة مع اسية والبنات مجموعين عليها كل وحدة تسول من جيهة اكثر بعدما شافو شكل عماد وطوموبيل لي راكب فيها تدهشو كانو شاكين فيها كتككدب وربما اصلا موحال واش مزوجة غير كتبوهل عليهم حتى شافو بعينيهم…
فحين هي شاعلة فيها العافية باغة تمشي للمرقص حتى ضربات تلاتة قد قد تقريبا شي ساعتين باش جات عاد ناضت اسية توجد راسها يمشيو…وسلوى كتصوني ليها حتى جاوبتها قالت ليها غير خارجة غنرجع وسدات عليها…
خرجات عندها اسية لابسة مقادة كيف المونيكة بالماكياج والحاالة..وخرجو بجوج بيهم مباشرة للمرقص واخا كان خاوي معاها اسية ماغتهنا حتى تدخلها وفعلا غير وصلات دخلو حيت حتى بنهار كيكون عامر غير هو ماكين لا سهرة لا شطيح غير ناس عادي جالسين مع بعضياتهم والمنصة كيوجدو فيها على حسب سهرة دليل…
كنزة : خاوي ليوم لا ؟
اسية : ااه ازيين …السهرةحتى لييل عاد كيبداا النشاط دابا غير الملل ماكين حد ماكتشوفي حد…
كتزة : ايوا صافي نجلس غير شوية ونمشيو عجبني ال٠و ديالو..بلاتي نمشي للحمام خلييك انا جاية..
اسية : عقلتي عليه فين جا ولا نمشي معااك…؟
كتزة : عارفة عارفة…غير خليك…
خلاها مشات للحمام وهي ناضت متاجهة عند واحد ملي دخلات وهو يغمز فيها بكاسو حتى ناضت عندو كتمايل وضحك…
اما كنزة مامشاتش للطواليط غير فاتت سلوى تقلبات مع واحد الكولوار غادا نازلة جيهت المنصة باغة تمشي للغرفة لي شافت ديك النهار هند هربت ليها متأكدة غتلقاها غير تما…ماشية وكتشوف فالعمال كيوجدو المنصة ويستفو فالقراعي ويعلقو فالاضاءات حتى خرجات فشي جسد قاصح قدامها هزات فيه عينيها لقاتو لكارد كور علمها انه ممنوع تنزل هنا وهي تبسم ليه….
كنزة : اوكي..سمح ليا..
حرك راسو وهي رجعات منين جات غير تقلبات عليه ضارت مورا الميني بار غادا من جيهة اخرى مامفاكاش كيعاودو يحبسوها وكتعاود تعتاادر منهم ما ارتاحت حتى تخشات فين بانت ليها هند دخلات عاد هزاات النفس براحة…لقات راسها فغرفة المايكاب كلو كيلمع بليغوب سواغي الروايح والحزامات…مكاين حد دنيا خاوية خرجات منو ماشية مع الكولوار جنبو حتى لقات واحد الدروج كينزلو للتحت….شافت هنا ولهيه ونزلات معاهم كيبانو ليها البنات غادين جاين ماداوهاش فيها كاع مقلوبين لالنعاس والمكياج سايح والعرا على الجههههد…
مع الهزة لي غتهز عينيها جات فوحدة من البنات لي كانت سيفطااتهم هاد الاخيييرة اللي تصدمات كتشوف فيها بدوت شعور نطقات ب بلااهة…!
_مدااام…كنزة…!!!!
___________
جلسات وسطهم وهند قدامها والبنات وراها وحدة ناعسة بزز باش كتحل عينيها ولاخريين شادين فراشهم كيمسحو الماكياج لي نعسو بيه كل مرة كتلفت تشوف فيهم وترجع تشوف فهند قدامعا…
هند بهمس : اشنو جابك اكنزة تاني…شنو قلت ليك اختي مانجيش واش تفهمي بشي لغة اخرى ..حسابتلك كنضحك معاه راك والله ماعارفة ااش واقع..عفااك رجعي منين جيتي ديري الخير فرااسك ورجعي منيين جيتي ماتغلطيش بحالي…
كنزة بتبات : ملي غنقدي غراضي انمشي اهند ماتخافيش عارفة اشنو كندير…!
هند : اشنو عارفة ااش كديري…كنشوفك دابا كنشوف فيك راسي بحالي… قبل مانطيح هنا…كنشوف هند لي لاعبة فيها مطور طرت حتى عيت وجبتها فراسي وجالسة كيف الكلبة….ردي بالك اكنزة هاد الشجاعة لي فييك والله اختي ماغتخرجك فشي بلاصة نتمنى نكون نية ومكلخة االف مرة ولا هاد تطور الخارج على حدو لي فيا…
كنزة باستهزااء محروقة من جيهتها وحالتها : كتهضري بحالا حابسينك هنا ونوي جالسة بخاطرك كلكم عااجبكم الحال علاش كتشكاو واش حتى كتحطو رااسكم فالعافية عاد كتبغيو لي يبردكم فيها ولا كيفاش ؟؟
حركات راسها كضحك بالفقصة وتهزات كتجكع فشعرهاا…
هند : وييه عاجبني الحاال ههه عاجبني بزاف باينة فيا يااك عاجبني الحال…!!!
كنزة تنهدات : شوفي هند… انا جايبني حاجة اخرى جيت لهنا..باش نشوفكم كلكم كتهضرو مع والديكم ونتي اولهم اهند ماماك وصلات بيها الدرجة شكات بيا للبوليس حيت سيفطت بنتها للامةرات تخايلي على شوية كنت غنولي فتهمة الاتجار بالبشر..عفاك اختي صوني على ماماك هضري معاها تسمع صوتك قولي ليها ااش كديري هنا وخليوني انا فالتيقار لي عليا درتو سيفطتكم تخدمو حلالا طيبا نتوما عجباتكم هاد طريق ليكم كامل الاختيار…
خشات ايديها فصاكها غتجبد تيليفون غير شافتو هند قفزااات مخرررجة عينيهاا وشدات ليها ايديها حابساها تجبدو هازااهم فالكامييراات كتقلب لايكون شافهم شي حد..
هند كتررعد: اااش كديري اكنزة رجعييه رجعيه ماتخرجيش هنا ممنوع تيليفون منووع بخطرة…اخر مرة تجبديه غتجبدي ليا صداع …
كنزة :علاش ممنوع….فين تيلفونك..واش مكتهضرو مع حتى حد ولا كيفاش ؟
بهستيييرش كتهضر شافت ايليفون بحالا شافت شي الممنوعات ولات كلها كترجف حاضية مع جنابها والبنات قفزو كيشوفو معاها حتى غوتات عليهم رجعو جلسو مامبينيينش…
هند: مكنهضرو مع حتى حد…فالدخلة ديال الباب حيدو لينا التيليفون قالو لينا غير شدو بلايصكم وتاخدوهم من بعد حيدوهم علينا برمة وممنوع منعا كليا شي وحدة تدوز شي اتصال…واخا ماتعرف اشنو يوقع…وممنوع ندخلو باسمنا عادي….هند مشات ليا مع الدخلة قالو لياا اختاري اسم جديد انا جاتني ضحكة قلت ليهم غِنوة غير بالضحك حتى ولات فعلا اسمي غنوة..!
بدهشة سكتات كنزة كتسمع…
هند دمعو عينيها : فخباري ماما كتصوني ليا وخويا وختي متأكدة ولكن ملي كيقولو ليهم بغينا هند كيقولو ليهم ماعندنا حتى حد بهاد الاسم حيت فعلا انا غنوة ماشي هند…
شدات كنزة على راسها داخت بحالا عايشة فشي مسلسل مافياوي تلفات وتحدرات كترجع هادشي لي سمعت تستوعبو….
كنزة : شكون هادو اللي دارو ليكم هادشي…ك كيفاش..واش انا سيفطتم لعندهم…
هند : حياة من العائلة ديالي…كنت خدامة معاها انا وختك كتعرفيها كنت جيت معاها شفنا اسماء ملي كانت عيانة…مكانتش عارفاني فديك الوقت غنمشي للاماراات حتى قربت نمشي قلتها ليها…قلت ليها افلانة انا غنجي هنا غنخدم فالحلاقة تلت شهر وكدا عاودت ليها كلشي…قالت ليا ايلا مشيتي هكا تخدمي تلت شهر راه مفيغطيوكش الخلصة هي هاديك وديما كتبقاي تابعة ليهم والمشكلة فاش كتخدمي مع ش حد كل مرة دخلتي شي حاجة..تقسمي معاه بالنص ياك هادشي لي كااين
كنزة : فاي بلاصة مشيتي ماشي غير هنا ونتي نيت اللي صاوبتي ليها ماكنتيش كتقسمي معاها فصالون حياة؟
هند : قالت ليا غتمشي عند اللي كانت خدامة عندها هي… كتعطيك كرسي والكليان لي صاوبتي ليه غتاخدي فلوسو ماغتعطيها حتى درهم…يكفي تخلصي ليها غير الكراا وهادي وهادي عمرت ليا راسي مانكدبش علييك طممعت…قلت ليها اوكي نمشي عندها البنات هادو كلهم جاو على ضهري اناطمعت وطمعتهم معايا…كيف نزلنا من الطيارة لي سيفطتينا فيها لقينا شي الناس من الوكالة لي قال ليا عزوز غيستقبلونا…مامشيناش عندهم خليتاهم كيتسناو وهربنا ليهم من جيهة اخرى…كانت عندي لادرسية ديال الباطرونة لي شفتي الفوق هاديك خالة حياة جينا عندها رحبات بينا كلينا وشربنا معاها سيمانة حتى ولفنا وتقنا فيها وهي تقول لينا غتمشيو تشوفو الصالون فين غتخدمو….
كنزة : دونك خدمتو بصح معاها فالصالون..!
هند : انا غنكمل ليك…مشينا لواحد الصالون شفناه خدمنا واحد يومين انا كنت معلمة البنات عاد بداو كيتعلمو شبعت فلوس الكليان داخلزط خارج الفلوس كدخل الماكلو شراب كلشي موجود قلت هادي هي الحياة اللي كنقلب عليهاا طمعت وتحلو ليا العينين…(تنهداات)المهم جابت لينا واحد الكونطرا على اساس غنسنيو معاها تلت شهر ديال الخدمة شفت البنات سيناو مافكرتش سينيت ديك الساعة ماكنتش عارفة راسي غنسني على ورقة الحبس ديالي….سينيتي على كونطرا غير محدودة ديال الخدمة غتحد ايلا فقط رجعت ليهم الفلوس اللي كيتسالوني…
كنزة : ااشمن فلوس هادو ؟…
هزات نفس بزز مدخلاها مع صدرها مزيرة ومخنوقة كتكره تهضر فهاد الموضوع…الدموع فعينيها لاصقيين باغين غير علاش ينزلو وهي حابساهم مكابرة وشادة نفسها ماتنهارش بهدوء كتهضر محافضة على سوكونها…عاد بدات كتعاود ليها بالتفصيل كيفاش خدمات فالكازينو وعلاش خدمات حتى وصلات فنهار لي غتمشي فيه للامارات..
هند : فليلة لي غنمشي للامارات صافي واجدة فلوسي واجدين لفاليز ديالي واجدة كلشي مرتاح هاني…شعيب ساهي مامسوقش ليا الفلوس داخلين ووالكازينو غيطرطق…زغبني راسي ههه…قلت مانخرج من تما حتى نخليها متورخة….كنت كنعرف لكازينة كاامل كنت كنبات فيه وناكل ونشرب فيه اي بلاصة كنت كنعرفها دخل للكاميراات…فين كانو ناس كيقمرو شكون هاد الناس غير الريوس الصحاح نخاف نجبدهم حتى بين لساني اش قال ليا راسي هههه صورت فيديو من لكاميرا وهوما كيقمرو ولحتو فواحد الكروب ديال الفيسبوك تخايلي اكنزة فديك اللحضة طار ليا الكونط هههه والله ماعرفت اش وقع وخرجت هربااانة نيشان عندكم هنا لاكادير فطريق كيعيط ليا شعيب كنقطع عليييه عرفت وقعت شي حاجة عيطت لحيااة..سمعي اش درت سمعي ههه…عيطت لحياة قلت ليها انا غنمشي غنقطع تيليفون قولي لماما ماتخلعش عليا من بعد غنعيط ليها وطفيت تيلفون بخطرة……ماجيت فين نوصل لعندكم حتى بعت معايا شعيب ماعرفت باش تبليت وحيت دخلناا للمطار كانو البولييس ماقدرش يشدني قدامهم حمدت الله هربت لييه…وهي صراحة تمنييت كون شدني ونرجع معاه ولا نجي لهنا..نبقى محبوسة وانا فبلاادي ولاا كلبة فبلادت الناس…
سمعات الحس وراها وهي تسكت حتى دخلات واحد البنت هزات مواد الاستحمام ديالها وخرجات..
هند : ايوا صافي لقيت عزوز تما قديت الاجراءات وداكشي وانا نطلع للطيارة هي طايرة وانا غنطير بالفرحة معاها هههه…تهنيت من شعيب من الكازينو غادا للامارات شكون بحالي…مشيت عند خالة حياة كيف قلت ليك سنينا الكونطرا وهي تدينا للمرقص قالت لينا نفوجو فيه شوية..ونشطو وكدا..حتى حنا طالبين عليها..نهار لول نهار تاني نهار تاالت شحاال وهي كتدينا وتيجبنا ليه حتى ولفو البنات وعجبهم الحال فالمرقص واحد نهار وهي تقول ليهم يلاه لي بغات تخدم فيه ماعنديش مشكل غير تقولها ليا…نصهم مشى معاهم انا لا قلت عاجباني خدمة الصالون علاش غنجي نشطح للحوالة هنا مالي حماقييت…قالت ليا اوكي رجعي للصالون رجعت للصالون ومن داك نهار اقسم بالله اكنزة مابقيت دخلت درهم منو…تحزييت وتا الفلوس لي بقاو عندي مشاو كلشي مشى ملي كنتلقا مع لبنات لاخرين لقيتهم عايشيين الحياة الفلوس اللبس الماكلة ديما الجدييد ديما ديما وانا هوقت بالجوع
كنزة بحسرة تنهدت : تاني طمعتي..
هند بايجاب: تاني طمعت…وجيت خدمت هنا…دوزت الجحيم اكنزة نهار عرفت راسي تبعت لييهم بخاطري ولا بلا خاطر كنت جاية جاية..غي هي كانت كتسايس معايا بشويا بشويا حتى نجي…!
هند :العدااب الكحل شفتو لا من جيهة البنات لا الناس هنا شحال من مراة جراو عليا بلا باسبور بلا ورااق ضربوني الحيوط ورجعت عندهم كي الكلبة..حتى القنصلية غي كيشوفوني ماكيعطيونيش وقت..كنرجع نقوليها عطيني ورااقيا نمشي كتقول ليا حطي الفلوس لي خلصنا علييك..
كنزة : باش تباعيتي..
هند ضحكات شادة دموعها: مم ههه باش تباعييت..
كنزة : بشحاال باعوك !!
هند :عشرين مليون مغربية..
كنزة بصدمة: كامليين..
هند : عشرين مليون للوحدة ايلا بغينا نخرجو…قلت ليها كيفاش تبعايت اش كتقولي تصدمت ههههه …وهي تقول ليا هكا كتضحك..قالت لياا..شعيب…ملي قالت ليا هكااك والله حتى دخت حتى هو مابقيتش عاقلة عليه من نيتي كنقول ليها كيفاش شعيب..شنو كتقولي شكون شعيب..وهي تقول ليا سولي حياة تقول ليك شكون شعيب هههه شنو نحمااق ولا نهبل ولا شنو نديير ديك ساعة اكنزة؟؟
كنزة : شعيب لي كنتي معاه …وخدمتي معاه فالكازينو… ولكن علاش غيبعيك ….نقولو نتي عليه كيفاش غيبييعك هنا مافهمتش..
هند : كان خاصو باش يمشي لسويسرا هربان من البوليس ماعرفتش علاش هادشي لي سمعت ودني…..خاصو الفلوس باعنا حنا ولكن راه مزال هنا ماقادرش يمشي للمطار حيت كيقلبو علييه…
قاطع كلامها تيليفون كنزة كيصوني وهي تخشي ايديها دغيا حبسات ليه الصوت وشافت المتصل ….
كنزة: راجلي..ضروري نجااوب ماكينش شي بلاصة نجاوب فيها..
حركات راسها باه وقال : اجي معايا..
هزات صاكها وناضت مع هند غادا بيها حتى لحمام لقاتو عامر هو كيصوني وهي كتقطع عليها بالحس هازة تيليفون فصاك حتى خوات الطواليط عاد دخلو بجوجات وسدو عليهم الباب وهي تجبد تيليفون لقاتو كيصوني وجاوبااتو مع قالت الو سمعات الغوات ديالو بجههد مكشكش عليها
كنزة : عماد راه كنسمعك هضر بشويا شنو كاين ؟؟
عماد : واش ماعيقتيش…كتشوفي راسك كيفاش كتهضري معايا ؟ نسيتي شكون انا راجلك الالة فين خرجتي بلاما تعلمي واش كتقلبي عليا اكنزة نتقلب عليك هادشي لي بغيتي..
كنزة تبسمات نصف تبسيمة كيعجبها الحال تعصبو هكا حاسة براسها كتبرد من ديك الشمتة بعصبيتو..: شنو خاصك اعماد قول ليا مامسالياش؟
عماد : فيييينك ؟؟ فين مشيتي فين خرجتي بلاما تعلمي
كنزة بهدوء : انا مع هند…
سكت لحضات ماردتش علييها غي صوت نفسو اللي كتسمع عاد جاوبها..
عماد : واخا..واخا امادام هند سيطفي ليا لوكاليزاسيون..
كنزة بنفس الهدوء : واخا..
دخلات للواتسااب دغيا سيفطاتها ليه فميساج وهو شافو وديك ساعة صونا ليها..كيهضر بسرررعة كتسمعو كيديمارا طوموبييل ملي شاف لوكاليزاسيون تزعز يسحابليه غير كضحك عليه باش تعصبو ولكن هي كانت كتهضر بصح…
عماد : كنزة..كنزة سمعيني بقاي تما ماتحركييش انا غنجي عندك…عييت معااااك عييت معاك تسمعي ليا غير مرررة وحدة فحيااتك بلاااش…خلي غير تيليفون شاعل ماتطفيهش خلي كونيكسيون خدامة طلقي لوكاليزاسيون خلي كلشي شاعل انا جاي عندك خليك تما ماتحركيش ماتخرجيش
كنزة : واخا…
دارت لي قال ليها وقطعات معاه وخرجات رجعو جالسين حتى تحل عليهم الباب ودخلو ربعة ديال ليكاردكور..هند جرات كنزة وراها جلساتها فوق الناموسية وخلاتها واقفة قدامها اول مرة تشوف هاد الوجوه ماعرفاتهم علاش جاو والبنات لاخرين حتى هوما واقفين كانت تقريبا شي عشرين ولا كثر فبيت واحد..كل وحدة وسريرها فين كتنعس..
هند تلفتت عند وحدة غمزاتها : شوو صاير ؟ مين دول!!
بخوف كضور عينيها : مابعرف..شو لي صاير..ليان تعرفي شيئ..؟
ليان : لاء والله مابعرف ماحكتلي الاستاذة(الباطرونة) شيئ…
وحدة كتشوف فلاخرة حتى وحدة فيهم مافاهمة اشنو كاين حتى تحركو هادوك ليكاردكور بداو كيخرجو فيهم وحدة بوحدة وهند غمضات عينيها تزيرااات ماعرفات اشنو ديير و كنزة حداها خافتهم يعرفوها ويعزلوها علييهم فنفس الوقت خافتهم يهزوها حتى هي يديوها معاهم للمحهول براسها ماعارفة فين غادا ولا علاش جاو عندهم…اما احتمال انهم يطلقوها تمشي فهاداك مستحيييل…حيدات ليها هند الصاك دغيا لاحتو ورا الناموسية خباااتو كنزة خرجت عينيها تلاحت علييه حتى هي خطفات منو تيليفون خشاتو فصدرها كتشوف فيهم وصلو لهند دفعوها مع البنات عاد وصلو عندها حتى هي هزاات فيهم عينييهاا بخوف كضورهم مافاهمة واالو حتى دفعها واحد فيهم تبعها للهند…طبعا مافرقوش بيناتها وبين البنات حيت كاينين الغراااق منهم مقسوميين فالبيوتة كيفاش غيعقلو عليهم كامليين…!
كنزة: شنوو وااقع ؟؟
هند : بقاي ورايا ماتبانيش تحدري شوية راك طول مني..بقاي غير ورايا ماتشوفكش الباطرونة حتى نشوفوهم فيين غاديين بينا..ماتخافيش..
كتوصيها ماتخاافش وهي قلبها حاساه غيزهق بين رجليهاا بالخلعة…!!!
جمعات الصلاية بهدوء مبسمة وتلفتات شافت فتسنيم جنبها مطولة حتى جراتها عندها كتبوس فخدودها حمقتها بالحجاب لي دارت ليها مضور على حنيكاتها العااامرييين والكسيوة طوييلة مع تريكو طويل تحت منها مزال ماواخدة ليها حجاب كامل على قدها…
اسماء :يخليلي الفونون الحجاب معان كيجي…شفتي دابا شنو درنا اماما..
تسنيم : اهااه..ت تلاقينا مع سيدي ربي وصلينا باش نتلقااوه..انا عااارفة هادسي كاملو..وبابا محمد قالي ديماا فااش نبغي نتلقا مع سيدي ربي غنجي هنا ونصلي باش نتلقى معااه حيت سيدي ربي كيبغينا ويبغي يتلاقا مع حنايا وحتى انا كنبغييه ونبغي نتلاقا بيه هوايا…
اسماء عنقااتها بحب كبير: ياربي تحفظك ليا ياربي..تحمييك من كل شر ياربي…كنحماااق علييك انا ماما ديالي كنموت عليك اكبييدة…كون تعرفي يا بنيتي شحال خايفاك تكبري ويولي تابعينك العينين…البشر والله ابنتي والله حتى خايب..متأديه ماتقربي ليه ولا تقيصييه وتلقايه ناوي ليك الشر الله اودي اش درت لييك فاش اديييتك…
تسنيم لصقات فلكمة البشر: شكون البشر
اسماء : البشر هوما الناس احبيبة…كاين ناس زوينين بحال بابا محمد وكاين خايبين كنطلب الله عمرك تلاقاي بيهم…قلوبهم كحلة مكيخافو الله فالانسان خوه(تنهداات وسرطات لسانها مابغاتش تعمر ليها راسها بهاد الافكار الكحلين) بنتي انا زوينة…وقلبها زوين وكتبغي الله وكتبغيني وانا كنحماق عليها اشنو بغيت كثر الله يخليك ليا ماما ديالي الله يطول فعمري حتى نشوفك فين بغيت ياربي…
تكات على الحيط بضعرها هازاها قدامها كتسرح فشعرها وتضحك معاها مرتاااحة على الامل فهاد المسجد الصغير بقد ماهو صغير بقد ما محسسها بحال شي مركز امااان ضامها هي وبنتها سادة عليها بابو وجالسة براحة خياالية…مستنشقة ريحتو العطرة بريحة المسك والعود القماري المصحف الكريم ضاير بيها فكل قنت بحال شي سلاح حامي… والسجادة قدامها فاللون الوردي مسرحة وهي بالحجاب كلها مغطية بيه فنفس لون السجادة…
غير لحضات من دابة وهي خارج المسجد كانت فيها وااحد الهالة كبييرة فوق قلبها مخلاياها تخاف من خياالهاا وبمجرد ماحطات رجليها وسجدات الي خلقها تبخراات ديه الهالة بحالا عمرها كانت ولا بانت…
حركاتهل تسنييم كتحك على كرشها جاها الجوع..
تسنيم : ماما..الكريشة خوات..
اسماء : ههه مابقى فيها والو كاع..
تسنيم : والو كاع
اسماء : شوفي وكان والو والو هههه(هرااتها كتلواا بين ايديهاا) شنو بغيتي تاكلي نوجد لماما
تسنيم عوحات راسها سادة عينيها كتعبر بصباعها: شويكيكة ديال الشكلااطة
اسماء : لااا مامي مكاين بو شكلااط…نوضي يلاه نوجدو شي حاجة زوينة غتبقاي بداك الشكلاط حتى تخرجي على سنانك ماكاينش الشكلاط…
شدات فايدها ووقفات حيدات الحجابب طواتو وحطاتو تما..عاد خرجو بجوج كانت مخلية صندالتها قدام الباب لبستها ومشاو طالعين للكوزينة مارتحات حتى خدمات القران فالتلفازة لفوق عندها عاد بدات كتوجد لتسنيم ماتاكل جلساتها قدامها قادت ليها صندويتش خفييف وصالاد ديسير متنوعة خلاتها كتاكل وجبدات الة العجيينة كتقاد فالرغيفات باغة غير تشغل بالها وتعمر ايديها ماتبقاش هكاك بوحدها صقيل وغير كتخمم…وتسنيم كتفرج فيها شادة وتعلب برجليها وايديها مشطونة…
تسنيم : بغيت حلوة دالكراميل ديالتي…
اسماء مشغولة : ماكنييش الحلوة اماما حتى لغدا… وحدة فالنهار كتاكليها براكة
تسنيم هزات كتافها: ماشي سوقي بغيت حلوة عفاك ماما عفاااك ماعنديس سوسة فسنينات شوفي ماما سنيناتي زوينة..عفااكي عفاكيي
اسماء جبدات سربيتى وثربات كتسمح ليها فمها: تسنيم قلت ليك لا….نقاد لبنتي حلوة بلا كراميل بلا شكلاط حلوة زوينة وخفيفة كوليها مع حليبة سخونة…واخا
تسنيم هزات كتافها مغبنة راخية شفايفها: بغيت كراميل..
اسماء : واش عمرك شفتي الكراميل كياكل الكراميل
تسنيم داخت : ءءء!!
باست خدودها بجوج وهزاتها عندها جلسات فوق الطابل قدامها كيقادو بجوج فالكيكة…غير صوت ضحكهم اللي مسموع والكوزينة تقلباات سفاها على علاها رشقات ليها خاصة ملي كتكون فالكوزينة بوحدها…نسات رااسها وهي مع بنتها نسات حتى اشنو تخايل ليها مرتااحة بالكاامل كتصرف كيف بغات وهي كتفكر كلام الحاج اللي كيقول لها تكون غير موضية متدكرة ادكارهاا مصلية صلاتها ماعندها مناش تخاف حتى حاجة ماتأديها وفعلا داكشي اللي دارت كتحرك براااحتها….طيبو حتى عياااو وتسنيم اللي دارت اسماء دريها معاها حتى ولات حالتها بدقيق والعجينة فشعرها والروينة جمعات اسمااء داكشي ومسحااات ونيطوايات الكوزينة عطرااتها وغطات دكشي اللي وجداات قطعات ليها طريق ولتسنييم من الحلوة وشدات فايديها غادين نازلين…
اسماء : شفتي حالتك كي ولات..شوفي العجينة ويلي هههه زيدي ندوش ليك واخا البرد ابنيتي شوية ماعندنا مامديرو حالتك..
تسنيم : نعس شوية..
اسماء :ندوش ليك ونعسي..ماعندكش لحفاضة ماعطاتك لاميتخيس والو..
خرجات من الكوزينة تسنيم كتهضر واسماء كتسمع ليها يلاه غينزلو من الدروج وهو يبان ليها الباب تحل وقفات فبلااصتها كتشوف فمحمد داخل وجدو وراه والهضرة كثييييرة معاهم مسموعة رجعات لور دغيا كتولول وتقلب باش تغطي راسها وهي غير بكسوة خفييفة وشعرها عريان دااخت وتلفاات…!
كتسمع الهضرة كثيرة التحت ماعرفاتش شكون جا اصوات غرييبة بلهجة وجدية كتردد فالدار..سدات عليها باب الكوزينة سورتاتو وبقات تما كتصنت قاطعة الحس…حتى حسات بيهم قربو حداها ومشاو للصالة وهي ساهية اطة ودنيها عند الباب كتصنت حتى كتقففز ملي حساات بشي حد كيحل فالباب مضارب معاه مابغاش يتحل حيت هي مسورتاه من الداخل…
اسماء بالحس : شكون…شكون فالباب..
خديجة : اسماء اناا خديجة..مالكي علاش سادة علييك البااب…
اسماء :خديجة عفاك جيبي ليا عبايتي من البيت عندي لتحت مالابسة والو مانقدرش نخرج….
خديجة : ملاابسة والو!!
اسماء : ااه جيبي ليا حجابي من لتحت عفااك دغيا…غتلقايه معلق فسانتر
خديحة : و..و واخاا واخاا سورتي عليك الباب انا غنجيبو ليك…
طارت خديجة دغيا نزلات لتحت كتقلب فاليت وتضور فيه عينيهاا باعجااب عمرها دخلات ليه من نهار جات اسماء تبدل عليهاا لمسة انثوية بجههههد عاطية فييه.. تبدل بخطررة…مع دخلة كتحسي بلي كاينة انثى فهاد البييت عاشية فيه مخلية لمستهاا مع لمسة رجولية خفييفة باينة …هزات الحجاب وطلعات عندها حلات عليها اسماء الباب دخلاتو ليها لبساتو يلاه كتقاد فزيفها وهي تدخل الحاجة..
الحاجة : الصالات بجوج عمرو اربي الحبييب ااش غنديرو لهادو تبارك الله تا نقول سالاو كتجي فرقة اخرى يلاه عيطو وحدين اخرين جاين حتى هوما…
خديجة : ندخل مع اسماء تسلم ولاا تدخل بوحدهاا..
الحاجة علات الحجيان : فيين..!!!
خديحة : تسلم عليهم كيسولو عليها الحاجة…
الحاجة : حتى يتقسمو راه مجموعين رجال ونساء عمامو كاينين و ولاد عمامو حتى هوما عندهم عااادي ومولفيين هكااك ماتدخليش عندهم مايبغيش راجلك بقاي هنا ابنتي ولا نزلي لبيتك حتى يتقسمو ودخلي عندهم….(كتقلب فالطبااسل مستفين فوق البوطاجي ) اش هادشي مغطي ٧نا..
اسماء : غير شوية دالمسمن وشي رغايف و شوية البغرير شغلت ايدي فيه مشووية..
وراتها اش قادت ها المسمن ها للبغريى والرغايف وزادت جبدات الحلوة لي وجدات لتسنيم بالكرااميل كتشهي…شافت الحاجة فخديجة مبسمة كتقلب فداكشي والبغريير رطب كيلعب فايديهاا والمسمن بحال شي ملفااي مغللف طبفة فوق طبقة قلبات شفايفها باعحاب وقالت..
الحاجة : ااش غنقوليك الله يرضي عليييك تقولي كنتي حاسة بيها…الله يرضي علييك الله على راحة كنخمم ااش غنحط ليهم فالطريق هضرت مع تريروت عبد الله ليوم دومونديت مايوصل حتى يشحفني…
نزلات اسمااء لتحت بدلات لتسنيم حالتها وطلقاتها تلعب وطلعات لقات الحاجة خرجات عندهم عاطياهم الصواب فحين اسماء مشات كتقطع فالحلوة وخديجة جالسة كتعمر فالثمر غير بان ليها محمد جاي داخل وهي تنوض كتفتف وتشوف فجنابها شاافتو داخل عند اسماء خرجات كاع من تما حمرة كتحشم منو كتحشمم تشوفو واقف مع مرتو راس فالراس كتبقى تشوف فيهم وكيفاش كيضهرز وكيفاش كيتحركو كيمشي عقلها نبشان يتخيلهم فالفراش ماشي غير هوما اي ازواااج نفس الحاجة كتوقع ليها معااهم..
تبعها محمد بعينيه كيضحك ودخل كيشوف فاسماء واقفة على، اليوطاجي عاطياه بضهرو معوجة راسها مغطية كاملة ماردااتش لييه البال مركزة هازة ايليفةن كتصور فالحلوة بشوياا عاطياها الخااطر وهو يقرب دوز ايديه على خسرها وباااس خدهااا مطول خطف ليها تيليفون وهي تبسمات..
اسماء :محمد جيتي … علاش ماقلتيش ليا عائلتك غيجيو معاك..حرام عليك…
محمد : على هاد الوقفة ماعلمتكش..ماتعدبيش راسك معاهم اشنو خاصكم !
بدات كتقطع الكيك ..
اسماء : ماعرفتش..حتى تجي خالتي تشوف شنو خاص…بغيتي تدوق…
نزل عينيه كيشوف فالكيك قدامو وهي قطعات ليه طرف صغيير هزاتو باطراف صبيعاتها وعطاتو ليه
اسماء : كيجاتك..
محمد كيتبنن : ممم مزيانة…
حافضت على تبسيمتها غير كتشوف عرفاتو مكيزينش لحلجة واخا تكون كتحمق واخا كتطيب ليهم مرة مرة كلشي كيشكر طياابها ايلاا هو كيبقى غير يتبنن كتعرفو عجباتو غير من طبسيلو لي كيخوا كيف هاد الكيك بقا واقف حداهاا مرة مرة كيجر طرف عجبااتو حتى بان ليها غيسوط فيها كااملة وهي تجرها
اسماء : اويلي ااش غنحطو للضياف…
محمد : الواليدة بصماتك بفعايلها….هاد الضياف حسن مني ولا كيفاش !
اسماء : حتى نقاد ليك وحدة اخرى….هادي غير مزيانة..كون كانت زوينة تاكلني انا ديسير وراها…جاتك حلوة ولا شنو هههه
دوز ايديه على شفايفها بشبه ابتسامة وهي رجعات لور كتشوف مع جنابها لا يددخل شي حدد حادرة راسها كتسمع ليه…
محمد : حتى حاجة ماتوصل مرتي فالحلاوة..
خرجوهم مستفيين وحدة حدا وحدة متاجهيين لناحية الباب وكنزة مخشية ورا هند منزلة عليها شعرها شداتها الضحكة بالفقصة فين كانت وفيين ولات كرشها عطاتها الحرييق بالخللعة…تبااعتهم فين داو هند حتى خرجو لبراا فين كان كار كبييير كيبانو ليها البنات قداامها كيطلعو وهي تنغز هند…
كنزة : فيين غادين هادو..انا ماغنقدرش نمشي حماقيتيي نموت ومانطلعش معاهم(كتحاول تاصل بعماد فالحس)
هند :غالباا على ما فهنت غاديين بينا لشي بار اخر غنشطحو فيه ليوم واقيلا والله يعلم فين حدهم كاع يديونا..
كنزة فشلااات بالنوف لون هرب من وجهها: غنهرب اهند ماغنطللعش معااك فين غادين بينا هادو..
مارداتش عليها هند عينيها كيضورو بحالا كتقلب على شي حاجة مكيناش خايفة من شعيب يجي واخا عارفاه مستحييل يباان والاوطيل مطوق بالكاميرات وهو هربان من البوليس مايزعمش يحط رجلييه هنا ولكن الخوف منو مسيطر على قلبها…غير بانت ليها الباطرونة رجعات دخلات لدااخل كتهضر فتيليفون مزروبة بقاو معاهم غير ليكارد كور واقفين عليهم كيطلعو فيهم وحدة بوحدة حتى وصلو عند هند يلاه غيقول ليها طلعي وهي تقرب عندو كتهضر فودنيه وهو كيشمع ليها حتى كملات وهو يدفعها وشاف فكنزة هاز حجباانو كيجبد فتيليفونو….حبساتو هند دغيا كترررعد ورجعات كتهضر معااه وكنزة قربات كتسمع فاااشلة غير شوفات ديال دوك ليكارد كور كتخلع عساااك الهضرة معاهم..
قربات كثر واخدة كلام هند فودنيها وهي وكتسمع فيها كترغب فيه يخليها تمشي بعذر انها صاحبتها فقط وجات تشوفها وهو كان راافض الفكرة مية فالمية …
تصدمات موسعة عينسها ملي سمعاتها كتساومو براسها…مقابل يطلقها…دااخت كننزة وسداات عينيهاا بغصة مزييييرة كتسمع فكلامها معااه مساوماه نفسها بحركااات كثر ما هي جريئة مقززة وصعييبة على هند ارا غير يوافق ويخليها تمشي بحال كتساومو على سلعة شايطة فالسوق… وهو عينيه كيف شي ديب كيطلع ويهبط فهند ويعبر فيها وهي عينيها دمعو…علاتهم لفوق حابسة دموعها حتى رجعات قوات نفسها وقصحات شوفتها وكملات متشاطرة معاه حتى وافق فالاخر تبسم جنب وحرك ليهم بجوجهم وقفو جنبو كيكمل تطلاع البنات لاخرين حتى قربو يكملو البنات وهي تشوفو جبد تيليفون كيهضر بسرعة…
_في مشكل…في نقص فعدد البنات….لازمني بنت…
كلامو بسرعة وصل لدوك ليكارد كور شافو فبعضياتهم كيهضرو غير بالعينين…وهو كمل كيهضر
_انا مراقب المكان…مافي كثير بنات اصلا..روحو شوفو فين الناقص..
مابغاوش يتحركو ليه واحد كيشوف فلاخر و واحد متايق فالثاني…حتى عاود هضر مرة اخرى شاافو بقاو غير ربعة البنات خاصهم يطلعو وهوما يمشيو بسرعة يعلمو لدااخل بلي شي حد نااقص عاد هو تلفت فكنزة حرك ليها رااسو تمشي وهند قفزاات كتدفع فيها ظغيااا قبل مايخرج شي حد..
هند : سيري سيري كنزة من لهيييه وراا طوموبيلات ماتشوفيش وراك سيري
كنزة دااخت ماقدراتش تخليها معاه وتمشي..: ونتي..
هند : ماشي سوقك فيااا سيري غيير نتي سيريي..
دفعها لااخر طلعاات وهي واقفة ليه فالباب متبعة عينيها لكنزة لي كتجري مارجعاتش تلفتاتت حتى اختافات عند نضرها عاد طلعااات هند حادرة رااسها وطلع هو موراها…
اما كنزة فلتاات كتجري بالخلعة شادة فكرشها عاطياها الحرييق بجهههد حتى وقفات ورا الطوموبيل ديال الموقف تحناات جالسة كتنفس حاطة راسها عليها كلها كتهززز كتننهج عرقااانة بالجري بقات كتشوف فيهم كيطلعو فالبنات ويقلبو واش شي حد ناقص…حتى كيبان ليها شي واحد خارجة مع الباطرونة القب على راسو بدجااكييت بحالا كيطيح عليه الثلج كلو ملتم صغراات شوفة واالو واش بان ليها وهي تجبد تيليفون قطعةت الفيديو للي كانت كتسجل ودخلات للكاميرة كتزوومي علييه وهو كيتحرك ويتبربص برااسو حتى وقف فواحد جيهة عاد زومات علييه مزيان شادة غير عينيه ماعرفاتوش شكوون ولكن صورااتو وخبات عندها تيليفون حتى بان ليها الكار تحرك بييهم غادييين وهي تجبدو تاني صوراات اللوحة ديالو من الخلف حتى مشاا ومشات موراه طوموبيلات ديال لباطرونة ولاخرين لي معاها…..
عاد خرجات كنزة من تما شادة صدرها كتنفس و تصونيو لعماد لي شحفهل بالتعيااط…حتى جاوبها….
عماد : فيينك اناا دخلت لاوطيل خرجي عندي ولا نجي عنندك..فيينك نتي ؟؟
تبسمات اسماء وقلبات منو عينيها دغيا كتلف الشوفة مارجعاتش شافت فييه زنكها بكلامو حتى دخلات للحاجة مشغولة هزات اعواد الند وخرجات واسماء كملت شغلها ومحمد واقف عليها كيدوق ليها من كل حاجة قاصت فيها وهي واكلها لسانها بغات تعاود ليه اشنو شاف حتى تلفتات عندو بهمس…
اسماء : محمد …بغيت نقوليك شي حاجة…
حرك راسو بايجاب كيمسح فايدييه..
محند :ممم قولي…كنسمع..
بهمس شافت وراها ورجعاات شافت فيه كتعاود لييه بالتفصيل اشنو وقع معاها…وهو ككسيمع ليها حتى بان ليه شعرها شوية كيطل علييه ومد ايديه دخلو ليها تحت زيف حادر عينيه فيها وهي معلياهم فيه..
محمد بهدوء لاعب بعقلها : عادي غير تخلعتي حاجة عادية كتوقع لاي واحد ماتشوفيش رااسك فشكل وتخايلي شي حوايج ماكينينش عادي هادشي….بحالك انا واقعة ليا كنشوف الواليدة مرة كتعيط ليا مرة كنتخايل دازت من جنبي عادي حيدي من بالك هادشي حاولي تشغلي راسك وتنسااي….(جمع حجبانو بتساؤل)صلاتك فالوقت ياك ؟
اسماء بتأكيد : ااه فوقتها والله ماكنفوتها..
محمد : ادكارك..اللي عطيتك…!!
اسماء : حتى هوما واخا كنساهم كنعاود نقولهم من لول مهم ماكيدوزش النهار بلاما ندكرهم…
محمد : مزيااان…(باس على راسها غيخرج)ماديريش بالك محمية من عند الله عز وجل خوي راسك من هادشي…يلاه رخفي شوية ماتعدبيش راسك حتى تخوا صالة ودخلي عندهم…
حركات راسها باه ومشى خرج شوية وهي تدخل عندها الحاجة وحتى غيثة وراها كتهضر مع اسماء عادي فحين هاد الاخيرة باقة شادة فخارطها من جيهتها كتجاوبها غير باه لا لا ااه..
غيثة : كيف جاك الزواج…واخا راه مكيبان حتى طول العشرة ههه
اسماء : الحمد الله كلشي مزيان..
غيثة باغة تجبدها فالكلام: مهلي فيك راجلك راه ولد ناس كون تشوفي اشنو دار على جدو..وحتى هو ولا مقطر ليه من عينييه غير الله يهدي القلووب وصافي..
اسماء بهدوء : داكشي لي كاين…
فقصاتها وغيثة مارضااتش كيفاش قالبة عليها وجهها وهي تضور عند الحاجة كضحك مسمعة لاسماء…
غيثة : اية تفاهمت ليا مع اسرااء خليتها شادة معاها تيليفون البنت بعقلها تباارك الله..عبقرية وفهيمة…عاونتها وعطاتها المعلومات لي كتقلب عليهم..
الحاجة : الحمد الله الله يكمل عليهم..
حدراات اسماء راسها كتصنت ليهم بهدوء من كلامهم فهمت بلي اسراء حتى هي كاانت فالكلينيك عند جدو..تزيرت ولات كتهز النفس بسررعة كبيييرة وخدودهاا غيتعصرو بالحمورية …بدات غير كتفتف كتشقى بلا عقل حتى مابقاتش قادرة توقف حداهم مزياان…خلات كلشي ونزلات دايرة السبة بالحمام تخشاات فبيتها شادة على جنابها كتمشي وتجي دايخة تلجم ليها لسان ….
حتى نزل عندها محمد كان كيقلب عليها لقاها فالبيت..
محمد : لابغيتي تجلسي معاهم طلعي صالة خاوية…ماتبقايش كالسة بوحدك هنا…
بزز هضرات عيات تشد لسانها صدرها تحررق عليها باغة غير تبرد نفسها…
اسماء : ماقلتيش ليا حتى اسراء غتمشي تشوف جدك ليوم..ع علاش ماقلتيش ليا غتجي عندكم..
محمد زول الشوميز ولبس قبية رمايدة من الفوق وهي كتشوف فيه…
محمد : اش عرفني فيها فشكون غيجي الله يهدييك….ومن بعد جات مع العائلة ديالها شافوه ومشاو…
اسماء كتغلي فقصها ب برودتو : لا قلت زعما داكشي علاش واقيلا ماخليتينيش نمشي معاهم لعند جددك..خفتيني نتلقى معاها زعما راه واخا نجلس حداها غير هي ماتجمع بيناتنا حتى شوفة مابقى غير نهضر معاها…
محمد عقدرحجبانو كيشوف فيها قالب سيفتو : ااش هاد الكلام ا اسماء؟
اسماء بدون شعوور : مافهمتش اشنو جابها لعند جدك لكلينييك علاش زعما ؟
تنهد فاهم منحنى الهضرة فين غيديهم وهو يضور ايديه على كتفها ظرعها غادي مخرجها حتى نتراات منو ورجعت لوور مبعدة عليه طرييقة مفرووشة خلاتو هاز حجبانو فيها كتسووط ماحاساش براسها..
اسماء تعصباات : بغيت غيير نعرف..هادي اشنو مزاال باغة علااش كتقلب..باشمن صفة غتمشي عند جدك امحمد اشنو مزال بينااتكم ؟؟
رجعات اسراء مع رقية وعبد الكرييم للدار كيتعاودي واسراء الطريق كلها وهي كتشوف فالتيليفون طالعة نازلة وميساج المهدي مزال معلق لفوق خلات راسها طالعة ليه اونلاين بلاما تجاوبو…
رقية : ماسحابتنيش عائلتو هكا..كبييرة مشااء الله الكولوار عمر غير بيهم …هه هادوك كاملين غادين عند الحاجة ههه خاصهم اوطيل على هاد االحساب ههه
عبد الكريم : تيساع فالخاطر ….تلقاي العائلة كلها واقفة فجبنك هكااك اشنو يطلب الانسان ثاني..
رقية : عندك الحق غير جاوني كثاار تبارك الله ههه وكيتشابهو اما محمد غيير جدو سبحان الله تقول نسخة كاملة..
اسرا تبسماات شاهية : بصح كيشبه ليه..
وقفات الطوموبيل قدام الباب ونزلت اسرااء بسرعة ددخلت لبييتها سدات عليها وشعلت داخلة لولتسااب كتقرا فالميساج ديال المهدي وتعاود مبسمة….
المهدي : اونلاين لا سلام لا ميساج ياك ههه…
غير شافتو وهو يبان ليها كيكتب تاني وسيفط ليها ديك ساعة…
المهدي : غير كنضحك معاك…نتي صافا محمد هاني الفنكوشة بخير….
اسراء تكتب : سمحلي كنن مشغول عاد قدرت ندخل…نتا بخيير لباس عليك..
المهدي : الحمد الله ونتي صافا ؟
اسراء كتبكتب: مابقيتش كنحس براسي بخيير..انا ماشي هي هاديك..واش صاحبك هكاك داير ولا غير انا كيتعامل معايا بهاد الشكل المهدي..
المهيد : اسماء شنو واقع ؟مالكي ! شنو دار ليك..
اسراء : نتا عارف جدو مريض قالكلينيك ياك ؟
المهدي : وي عاارف علااش
اسراء : ماخلانيش نمشي مع الحاجة نشوفو تخاايل..حبسني من دون كلشي علاش يحبسني شنو درت لييه اشنو فيها ايلا بغييت نشوفو
المهدي : عادي يمكن دنيا مخلطة ماخلاكش تمشي مديريش فباالك …شنو درنا فالمشروع لقيت ليك واحد الفكرة نااضية ؟
اسراء قليبت عينيها بملل : من بعد ونهضرو فييه ممكن انا دابا مامرتاحاش ماعنديش الخاطر نهضر فالمشروع امهدي عفاك..
المهدي : داكوغ على خاطرك.. عرفتي شنو يلاتي نوريك واحد الحاجة لقيتها عندي ايلا تفكريتيها هههه نعرفك كاينة
كتبات ليه واخا وبدات كتسنى حتى سيفط ليه سبعة تصاور بسرعة دخلات شافتهم وهي تحل عينييها بدهههشة كضحححك وتقلب فيهم كانو تصاورو مع اسماء ملي كان لحق عليها باكادير…هاهونا،فالمافي فالبيسين خارجيين كيتسارااو فامادير..
المهدي : عقلتي على هادو ههه…
اسراء : اه ههههه عقلت عليهم..صراحة احسن ايام دوزت والله..ماكنكدبش عليك امهدي هاد احسن ايام عندي..
المهدي :حتى انا مابغيتش نمسحهم احسن وقت دوزتو مابغيتوش يمشي من عندي…
اسراء : مزال محافظ بيهم امهدي..وااو صدمتيني فخبارك ههه..
كيبان ايها كيكتب وكيرجع يمسح بحالا باغي يسيفط شي حاجة ومتردد فيها فالاخر كتب ليها…
المهدي : محتافظ باي حاجة كتخصك…
سدات تيلفةن ماجوباتوش مبسممة بفرررحة عينيها لمعو واصلة لاشنو بغاات حتى سمعات ميساج اخر كاتب فيه..
المهدي :اسماء..مزال معاياا..نعستي تاني ههه
اسراء : انا معاك ههه ولكن حاسة براسي غنعس دابا ههه
المهدي : داكووغ بون دودو ههه…عنداك تحلمي بيا تاني..
اسراء ماتفكرنييش معرفتش علاش كنحلم بيك كل نهار ههههه
المهدي : شغلت بالك لهاد درجة..!
اسراء كتبات ليه دغيا هريانة من الجواب زعما حشمات: انا غنعس ههه..
سيفط ليها ايموجي كيضحك وجنبو قلب احمر..ةهي تبسم وطفات تيليفون وناضت نقلاا الكونفيرساسيون بيناتهم كلها فالبيسي كتخزنهم تما عاد رجعات تكات فبلاصتها….!!
كنزة : لا خرج من تما…واحد الباب لوو شوف غيبان ليك جنبو واحد الرجال لابسين الكحل واقفين علييه…(شدات جنبها بالحريييق محنية)
عماد : زيدي…
كنزة :بعد من هاداك شوف الباب لي حداه جنب الكافي شفتييه راه غير حداه..خرج معاه
بقات كتنعت ليه بشويا بشويا ماقدراتش تدخل لدار متيكة على واحد طومزبيل كتمسد فكرشها بهدوء عاطياها الحريق عرقاات والصهدة طلعات معاه حاسة براسها غتولد قبل الوقت حتى بان ليهاا خارج مع الباب شاد تيليفون عاد نالضت بزز حركاات ليه بايديها لفوق حتى وتما جاي عندها شداات فيتيديه مزييرة بالحريل كلها رجفاانة كتعرق..
عماد : ماالك ؟؟…(داخ) اشنو وقع ليك شوفي فياا اااش واقع ليييك ؟!!!
كنزة : فلت منها اعماد…حسيت بالسيف داز فوق عنقي فلت منها…(عنقات صدرو فاااشلة كتبكي) ياربي اش هادشي بغييت نرجع فحالي اعماد بغيت عند ماما مابغيتش نزيد حتى نهار هنا…بغيت نمشي فحالي انا ماشي ديال هادشي ماقادراش عليه….
عماد : ششش بشويا عليك اجي….بشويا قولي ليا شنو وقع مالكي…
ماردااتش علييه بهتييرية دموعها داايزيين مقطوع فيها الحلاامرماقدرات تنطق حاى حرف حاسة بعقلهااا غيطييبر ليهاا بخادش يلي شفات دابا…كلشي دااا دغيا بحالا كانت فالموت حتى زهقات روجها وعلى غفلة رجعات فيها…ملي كتفكر شنو كان غيوقع فيهاا داباا شوية كون زادت خطوة وطلعات فداك الكار شنو كان غيوقع…
شاف يمين شمال خاشيها تحت دراعو غادي بيها وهي كلها كترررجف بحال شي قطة داخلاها الموت…داها للطوموبييل على براا وهي غير شافت البووليييس والقضية مرونة قدام الاوطييل خرجاات عينيها ووقفاات واقفة كتضورهم فيهم كيبانو ليها فكل بلااصة شي كيسول فشي ماخلااهاش شافت على خاطرها دخلهاا لطوموبيل وعطاها قرعة دالماء كتشرب حتى وهو واقف عليها حتى كملات وهز دقنها عندة كيمسح قدموعهاا ووجها بهدووء بشوفة بااردة كيسمع ليها ولكن عقلو فنفس الوقت كيفكرر ….
كنزة : حابسينهم كنت حاسة حابسينهم واخدين ليهم تيليفونات مبدلين ليهم سمية ومن لفوق سانيين معاهم كونطراا عشرين مليون لوحدة ايلا بغيتهم خرجو كيغندير…
دموعها دايزين بحررقة كتجي بين عينيها غي ه اشنو غيديرو فيها هاد لييلة….وهي كتعاود ليه…
كنزة : تصدمت مابقاش عقلي قادر على هادشي…(بعدن استوعاب)كيديرو شي حوايج ماقدرتش نتخايلهم باش يخرجو من هنا باش يجمعو داك الفلوس ويمشيو…غير باش يخرجو وانا ضنيييتهم عاجبهم الحااال(كتبكي) وهوما شادينهم بزز علييهم و ودابا داوهم كاملين كلهم هزوةهم دااوهم..مااعرفتش فيين ولا شنو،باغي يديرو ييهم حتى هوما مساحن معتارفيينش..
تفكران الفيديو لي صورت وجبداتو من جيبها كتررعد عطاتو لييه جتهضر بهستييريية ايديها كيترعدوو وهي كتمح دموع من وجهها….
كنزة : صورتهم….صورت كلشي باش نعطيهم للبوليس….شووف تما كبش يمسنموووع لي خرححوونا من البييت وانا كنصور فييهم و وحتى ديك الاستادة هاديك الباطرونة ديالهم صورتها و..و ش شووف..و وصورت حتى الماطريكيل ديال الكاار بااش يتبعووهم اعمااد غيدييوهم لشي بلصة عااك يمشييو يلوحوهم منرشي جبل ولا يتقلوهم جملة ولا يديرو ليهم شي فضييحة…و ولا عنداك يديوهم يبيعوهم لشي بار ااخر …
وقف واقف كيشوف فالفييدييو واخا كلوو مضبب شادة غير رجليين ولكن حتى وجوهم شاداهم مزيان وحتى البنات باينيين حتى كمل الفيديو ووحرك الشافة كيشوف فالصور الالتاليين….
عماد : شكون هذا اللي صورتيه هنا…؟؟
كنزة : انشوف..ش شكون ..م ماعرفتوش صورتو كان معاهم جا تالخر والله ماعرفتو…
عماد حتى هو بحالها كيزومي ويعاود على الصورة وهي كتشوف فيه حتى هز حدر عينيه شاف فيها مطول ورجع نزلها كيتنهد دوز ايديه على وجهو عينيه عليها ماحيدهاش ماعرفش مايدير معاها ولا يقول ليها..حالتها قدامو كلها كترجف مافيها حتى بلاصة حابسة وجها هرب منو اللون بالخلعة ولا خايفة مع جنايها غير كتلفت وتقلب لايجي شي حد…عندو بزااف مايقول ليه ولكن اشنو غيقول غير غيزيد يكمل عليها فضل يسكت راسو غيطرطق عليه مابغاش حتى هي تولي بحالو وعارفها ايلا سمعات الحاجة كتبقى تحفر فيها ماكترصى حتى تسيل دمها…!
عماد تنهد : واخا كّلسي ارتاحي شوفي حالتك كيف ولات..حتى تجي سلوى تمشي معاها…كّلسي…!!
بقات كتشوف فتيليفونها عندو شافتو خشاه فجيبو ماعطاهش ليها سكتات ماقالت ليه واالو تكات براسها على الكوسان وهو مزال واقف عليها كيدوز ايديه فوق شعرها شادة فايديه مرعوبة غير كتحرك شي حاجة كتقفز معاها…!
حتى جات عندهم سلوى وقفات كتسول فكنزة وفيهم ااش وااقع متعجبة فالاوطيل لي عمر بالبولييس دنيا تقلبت سفاها على علاها…حتى جا سلطان وخلاها عماد ومشى عندو وسلوى قربات طلعات حداها…
سلوى : خاصنا يلاه نتحركو نوصلو قبل مايضلام علينا الحال..
كنزة جتبد طل علييهمر: فيين مشى عماد….هاداك لي واقف معاه بوليسي…اشنو باقين كيديرو هنا ناغيتبعوش الكار ديال البنات يااك كلشي صورتو ليهم علاش مامشاوش موراهم…
سلوى:مزال ماسلوى على البنات اكنزة واش نتي مخيفاااش على راااسك…نساايهم شوية نسااااي راه خرجتي لداك السيد العقل نساااايهم علييك شوية..
كنزة : كيفاش غنساهم اسلوى واش كضحكي عليا…كتشوفي حالتي كيف دايرة وكتقولي ليا نساي
سلوى : هادوك جاو لهنا برجليهم….هوما لي ختارو هادشي ماشي نتي سيفطتيهم ليه…سمحي ليا انا غنفكر فخويا سبق منهم عقلو خرجتييه ليه واديري عقلك شوية ونسايهم عليك فكري فراجلك شوية
كنزة تعصباات : علاش مالو خوك اشنو واقع ليه قدامي صحة سلام اشمن مشكل عندو واش حيت جيت هنا..غير ارتاحي عماد ديما عندو مشاكل فالبلايص لي كنمشي لييهم واخا نمشي غير لكافي..هي لخرا غتلقايه صاعر مورايا…
سكتات سلوى كتشوف فيها بنص عين كرهات تصرفاتها واللامبالاة لي فيها خاصة ليوم كيفاش خلاتها فاكافي باناانية كتصرف مكترفكرش شنو ممكن يوقع وراها..
حتى رجع عندهم عماد طلع جنب كنزة القدام وسلوى لور…وزاد مع الطريق…غير الصمت اللي جامعهم حتى حد مكيهضر وكنزة كتشوف فيه مرة مرة…واكلها لسانها حتى نطقات….
كنزة : عماد…
تلفت شاف فيها ورجع كيصوق…
كنزة : واش عطيتي الفيديو لبوليس…شافوه شنو قالو ليك…واش غيتعبوهم غيشدوهم فالطريق يااك هادشي اللي خليتهم يديروه ؟
سلوى قلبات عينيها كتسوط وهو تنهد كيحك فشعرو وخلف رقبتو نزل عليه الزاج بلاما يجاوبها وخرج ايديه منها صايق بسرعة حتى دوخها وتكات على الزاج كل مرة كتشوف فيه بغات غير تسولو عرفاتو مغيجوبهاش وتما بقات كتسول وهو قالب عليها وجهو…!
عند اسماء…
اسماء تعصبات : بغيت غيير نعرف..هادي اشنو مزاال باغة علااش كتقلب..باشمن صفة غتمشي عند جدك امحمد اشنو مزال بينااتكم ؟؟
محمد بهدوء عاقد حجباانو حتى كملااات كيقيص درجة صوتها وقال…
محمد: ماتعليش صوتك…!!
اسماء خفضاتو شوية بعصبببية : علاش طلقتينها جاوبني غير على سؤالي ريحني امحمد علاش طلقتي اسراااء..المشكل ديالها معاك واخا مكيبان ليا حتى مشكل بيناتكم كتهضر كعاك عادي عزيزة عند عائلتك(دمعو عينيها بقى فيها الحال) عزيزة عند الحاجة وانا ش شنو ش شنو جابني هنا اصلا ايلا كانت اسراء غتبقى تابعاني فين مشيت علاش غنن…(هزات ليديه اكاحنغ فضعرها تسرسب علييها) ناا نهار سمعتك تزوجت بييها نسيتك امحمد حيدتك من باااالي…حتى باش نتلقاك هكا وجه لوجه مابقيتش كنقدر خايفة تجي عينييك فعيني وليت هربانة منننك مابغييت عيني تبقى على واحد مزوج ومرتو واقفة جنبي صبررت بقى فياا الحااال نهار سمعتها ولكن دوزتها دعيت معاك بالخيير وربي شااهد علياا…هي علاش مداارتش هكا علاش لحد الان غادا جاية فينما حضرتي نتا تحضر هي كلشي كيهضر علييها قدامي وفوجهي لهاد درجة انا ماعنديش قيمة عندهم…كيهضرو على طليقة راجلي قدامي بحالا كيهضرو على ختو….!!
قلبات وجهها ساكتة كتدكر كلام الحاجة على اسراء وغيثة وخديجة لي كل مرة كتجبدها ليها..وهو مطول فيها شوفة بدون اجابة عاقد حجبانو من صوتها المعلي فوق راسو كتغوت وهي كتنهج قدامو مابقاتش حاسة على نفسها واكلاها الغيرة من سيرة اسرااء اللي كتردد على طرف كل لسان…مستنية جوابو والحل اللي غيدير معاها ومع هاد اسراء لي عششات عندها فالدار…!!
حتى بدات كتغوت عليها الحاجة من الفوق هزات شالها العريض بيج كتلوي فيه على راسها وخلاتو واقف كيشوف ايديه فجيابو مارجعش قال شي كلمة اخرى وخرجات من البيت مزييرة غطرطرق بالحموورية طلات على الحاجة من لتحت…جوباتها !
اسماء تبسمت بزز : نعاام اخاالتي..!
الحاجة : تعالي ابنتي جلسي معانا طلعي ماتبقايش بوحدك..
اسماء : واخا اخالتي تسنيم تما ؟
الحاجة :كاينة كاينة غير تعالي طلعي..
حركات راسها وطلعات عندهم دخلات للصالة مزنكة غطرطرق خدوظها حمريين وعينيها كيبرقو بدموع يسحابليهم غير حشمانة وهي صدرها كيغلي شاعلة فيه العافية…!!
سلمات عليها وحدة بوحدة بحالا كدير ليهم اعرض الازياء فينما دازت من حدا شي وحدة كتبقى تطلع وتنزل وتعبر فيها مالقاو ما يعيبو منين ما جااتهم تحنتهم…منقية حالتها ريحتها غير كدوو من حداهم كتبقى وراها وماشي شي ريحة لي مجههدة وقوية غير ريحة خفيفة فالحوايج مخلطة بريحة المسك والعود خفييفة منعشة..جلسات معاهم وهوما كيسولو فيها ويعاودو كيتعرفو عليها واخا جوابها الحد فالقد غير مارااشقااش ليها ما هي من النوع الاجتماعي مامتسوقش لبنادم واش باغيها ولاا مناافقها…كتعطيه حلاوة اللسان كيفما كان احساسو جيهتها هاهي ضاحكة ليه ولي فراسها فراسها…
نطقات بنت عم محمد : عبايتك غزاالة مشاء الله حجت علييك..خديتيها من خليج فاشن
اسماء تبسمات ليها : شكون ؟
بنت العم : باج فانستقرام معروفة بهاد النوع من اللباس كيبيعو بحالهم غزالين كيهبلو…
دوات عمة محمد ماماها: غتجييك غزاال خودي شي وحدة بحالها قلت ليك غيجي عليك الحجاب..غير جربيه
بنت العم : حتى نجربها نشوفها كيف غتجيني….(تبسمات لاسمااء)هه ايلا مكانش عندك مشكل هههه
اسماء بهدووء ي :لا بالعكس عجباتك نعطيها ليك نتي لولى احبيبة…
بنت العم شافت فمها وغمزتها: من خاطرك …(ضحات)غير كنضحك معاك لهلا يخطيك
اسماء : بالعكس بالفرحات عليا نتي لولى احبييبة والله حتى تاخديها…
مرت ولد العم معنقة ولده فايديها كتطلع وتنزل فيها مبسمة : حتى سلسلة لي فعنقك غزاالة… دهب مغربي ولا اماراتي ؟
اسماء : ماعرفتش…ههه حتى لهذاا ماعرفتش صراحة هههه
_بصاااح هه منيين خديتييه ؟ انل تقوليك نوعو دومونديتي عليه ؟ كيفاش وصلك؟
اسماء : لاا ههه جاني كادو….(شداتها بين ايديها) جابو ليا محمد مكنسولش منين خدااه غير كنلبس هههه
_غزاال كيحممق والعمارة لي فيه خلاص حتى هي زويتة…
اسماء : عويناتك اللي زوينين لهلا يخطيك احبيبة ديالي..
تبسمات ليها بمجاملة كتقول هادي مالها ياكما بغاااتني نقوليها نعطيه لييك والله لا لبساتو…حاطة رجل على رجل والعباية البيج محجرة كلها كتبريي بعقييق كحل نازل معاها حتى لتحث عاد الشال العرييض فالبيج مليوح عليها كيبان شعرها شوية حريير نازل مع جبهتهاا وفخاضها عامريين مع جامعة رجليها كيبانو مزيريين فالعبااية…عينيها كيفلييوركيشوفو هاد لملطقة لي واخد محمد…ماعرفت كيفاش كانو كيتخايلوها ملي شافوها قداامهم تعجبو وعجباتهم الحق يتقال…الاغلبية كانو كيقولو كبر منوو وشي مطلقة شارفة جابها لداارو ملي جاو يشوفو لقاوها صغر مننهم الوحيدة لي تما صغر من اسماء هي اية وماشي حتى بزاف ما البااقي كلهم كبار عليها…
هازين كويسات دالكريستال مدهبين فايديهم كيرشفو منهم مرة مرة وهي كتشوف معااهم ماشية كيف كيمشييو التبعكييك على اوصولو شادين الكسيان غير بريوس صبعانهم رجل على رجل تاهونا مقلعين الزيوفة معرين على دهوباتهم وشي كيبان على شي الاناااقة والفخااامة والجلسة هماوية كتبان فيهم عائلة كبيرة ووازنة ولكن سوقههم خاااوي…كيهضرو بيناتهم بهدوء مستمعيين لكلام الرجال فالصالة لي حداهم مرة مرة كيبدا الجد يغوت شوية يرجع يقطع الحس…حتى بانو ليهم الرجال غادين نازلين مع دروج من قدامهم هي حات مقابلة مع الباب علات عينيها كتشوف فييهم عاطينها بالضهر حتى بان ليها محمد جاي وراهم بعفوية تلفت مستنى الحاج باه حتى تلاقاو عيونهم….طولات فيه شوفة كيفو حتى هو…تا بان ليها بشر ملامحو و غمزهاا بثقااالة خاااثرة حركاتو هاادئة وثقييلة ماشي خفييف بشويا بشوياا كلشي عنندو بالمهل..وهي تحدر عينيهاا ب بهدوء قلباتهم علييهم والحاجة قشعات البلاان قلبات عينيها حاطة يد على يد كتشوف فاسماء وعينيها كيشميو غير لداك الكولي د دهب لي فعنقها كلاها فقلبهاا…!!
قربات عندها بنت العم كانت شبه اية تقريبا شعر اسود مموج وراهااا بحال لحرير كيميل من جيهة لجيهة ونضاضر مهزوزين الفوق رجل على رجل ريحتها كتحمممق فايحة وسطهم تبسمات ليها ورجعاتها ليها اسماء التبسيمة حتى جات عندها تسنييم فرحانة لاقية معامن تلعب باست خد اسمااء كضححك وبغاات تمشي حتى شداتها بنت العم جراتها عندها بهدووء كضححك عينيها لامعين كتموت على الوليدات الصغاار
_ويينوو اجي اجي شكون هاد الفنون ماشفتهاااش اجي بوسيني..
اسماء : بنتي ههه اجي تسنيم …بوسي خالتو
حشمات تسنيم كضور فعيمنها وتشوف فيها وهوما شافو عندها عادي فخبارهم ب بنتها كيتغامزو بيناتهم ويرجعو يشوفو فالحاجة…..اغلبيتهم عيالاات الولاد وغير غيثة لي بنت خو الجد و سميرة ووحدة اخرى بنات الجد….مزرزريين بدهوبات فالايديين والعناق عامريين اللبس كيشعل ويبري بالحجر لااامع….غير جالسيين فالدار لا خدمة لا جوج….ماعندهم لي يشغلهم ولا لي يرون بالهم نهار كلو وهوما شوفي دهبك من دهبي شوفي لبسك من لبسي الرجال تجار ماكيين غير جبد وعطي مكيقولوش لاا وخيرهم باين علييهم ولكن السوووق خاوي والعقل كيصفر ايلا ضربتي فيه تسمعي صدى الدهب والماعن وريحة تواب عاطية منو هوما اللي شاغلين ليهم الباال….وخلاص ساكنين فدار وحدة دار كبيييرة وعريضة تقول قصر ماشي فيلا والجماعة على الطبلة مزال عندهم عااادة وضرووري لي حضر ياكل لي محضر هزو الماء بأمر من الجد هو لي مزال جامعهم وصاين ولادو وحفاايدو معلمهم يتجمعو على المرة والحلوة عمرهم ينساو بعضهم والدم لي جامعهم…!
_شحاال غزويلة شنوو سمييتك….قولي ل خالتو شنو سميتك نشوف مشاء الله…الله يحفضها ليييك…
تسنيم خاشية صبعها الكبير ف فمها: انا سميتني تااسنيم ونتي…
_انا نجلاء اجبييبة يخليلي تسنييم…وجمال عيون تسنييم فنكوشة….
سميرة : الحااجة شفت الرجال خرجو مارجعو فااين مشااو …نجلاء عيط ابنتي لبابا شوفي فاينو..
الحاجة : مشاو غير للجامع يصليو مجموعيين الالة سميرة دابا يجييو…اسماء كنتي باغة تشوفي ابنتي السي ابراهيم طلي عليه راه جالس وحدو
اسماء : بصح…(قادت شالها ووقفات)يلاه معايا اخالتي..
الحاجة حركات راسها: نوضي اجي نديك…
نطقات نجلاء : هاهي تسنيم معايا غير خليها….(عنقات تسنيم عجباتها) تعطيها ليا عفااك نديها معايا ولدي وحدة اخرى وخلي ليا هادي ناخدها معاياا …تمشي معايا خالتو نمشييو انا وياك
اسماء ضحكاات : هاهي عندك بصحة ديها معااك…تمشي اماما معاهاا تمشي مع خالتوو…؟
تلفتات شافت فيها تسميم ورجعات شافت فاسمااء وحركات راسها باااه ضحكاات معاهاا كلشي تبسمو كيشوفو فيها ويديعو اللله يخليها ليها…خرجات اسماء مع الحاجة و سميرة شافت فغيثة..
شميرة : حاجبة يمكن ؟ ماسلماتش على الرجال محجبها ؟!
غيثة : ممم راه من دارهم جات محجبة…مانعهم عليها راجلها حتى الحاجة ماكتخلطش بالرجال من غير ايلا كانو العائلة….داكشي علاش تا خرجو الرجال عاد عندنا …
سميرة : ومالهم علااش ياك بحجابها ومستورة ااش فيها تسلم على ولاد عمامو وعمو..ايوا صافي….يطمعو فيها زعما…ممم
غيثة : ملي كانت هنا جلست معاهم شي ايام ليام وكتطلع عندنا كديير حجابها عاد كطلع حيت كيكون الحاج..حتى من باه مانع عليهاا تعري شعرها قدامو عسااك تسلم على ولاد عمو وعمامو…
نطقت وحدة اخرى : ايواا خلااص عليا تانتي بااه ما محرم عليها بحال باهاا…هذا تاهو كثر من جدو بان ليا…..الحكام الخاوي
نجلاء هزات راسها :ماما…شدي فمك بابا تبرا فييك قبل ماتجي…
خافتها توصل الكلام لباها يطليها بالهضرة : ماقلت والو ياناا اش قلت غير مشاركة الكلام…
سميرة : ومالها ااش قالت خليها تهضر وليتو تقطعو لينا الكلااك ااش كاين مالك
نجلاء غير شادة تسنيم كتبوس فيهاا وتضحك وسميرة ماسكتاتش من الهضرة ضور ضور وتمشي ليها وهوما مولفينها نكاااارة ايلا بدات مكتحبسش ماكيتسوقوش ليها…
واسماء دخلات عند الجد السي ابرااهيم ماعرفات تقرب تسلم ولا ترجع لور حتى غمزاتها الحااجة تقرب تسلم على ايديه كيف كيدرو ولادو وحتى هو مد ليها ايديها على اسااس تبسوهاا لكن هي قلباتها وسلمات علييه عاادي كتهضر…وهو كيشوف فايديه جاتو فشكل مولف بعيالات ولادو وحفايدو كيبوسو ايديه فالسلام…قرن حجبانو ماعجبوش الحال كينهج وجدو ليه البييت على حقو و طريقو الفرااش واللباس والحالة واخا مكانوش عارفينو غيجي عندهم حتى جا عاد بدلات ليه غيثة الفراش فبيت الضيااف مابغاش يجلس فييه…قالو ليه نفرشو ليك فالصاالة فوق الصدااري مابغااش…نونو بعيونو تفرشو ليا فلرض وتضورو بيا وتجلسو حدايا مانجلس بوحدي ودارو ليه خاطرو وفرشوو لييه تما مدفين ليه الفراش نقي كيشعل وحتى هو وسطو نضييف مهلين ليه فالحاالة…!!
اسماء : كيف بقيتي الحاج شوية….الله يجيب الشفاء ياربي….الحمد الله على سلااامتك
الحاجة : بغات تشوفك اسي ابراهييم وبغات تجي عندك لكلينيك غا كانت مشغولة مع بنتها….كيف بقيتي شوية مشا و خلاوك هه نونسوك حنا حتى يجيو….
الجد : الله يسلمكم…(باغيهم يونسيوه ومارضاش يقولها) دار داركم بغيتو تجلسو جلسو..
غمزات اسماء وجلسو بجوجات…
اسماء : مكانش فخبارنا الحاج والله العضيم….حتى محمد مكانتش فخباارو نهار قالها ليه الحاج مشى عند ديك السااعة وحنا نيت كلنا عاد البارح باش عرفنا اخالتي يااك…
حركات راسها بايحاب موافقاها الكلام وهو حرك راسو…
الجد : مكاين باس…مكاين باس…
الحاجة : راك وليتي بخيير الحمد الله الراحة باينة فوجهك
الجد غوبش : ااشمن رااحة اودي اشمن رااحة شفتي علياا انا تبان علياا راحة بانت ليك فيا شي راحة…كواو ليا المعدة بدوايات شد سرط سرط وشي شفاء ماشفتو المناعة وااهلي ربينااها يامات زماان ما دابا بقا غا لاثر دياالها…
الحاجة : هادي هي الصحة اسي ابراهيم…غدارة ماتعلم..الله يجي الشفاء والحمد الله على كل حال….
اسماء : لهجة الحاج فشكل وجدية يااك اخالي ههه…..شحال غزالة لهجتهم كتحمقني نبغي غير نجلس قدامكم ونسمع اش كلاامهم…
الحاجة :كون تشوفي عمك الحاج ملي كيهضر بيها هه
اسماء :والله ايلا غزاالة وخاصة ديال الحاج السي ابراهيم عندو واقيلا ديك اللهجة المأصلة كتحممق تباارك الله
حرك راسو فالتة ليه التبسيمة كيعجبو يمدحو شي حد وهو كيشوف فيها جاتو فشكل على كيفاش شافها كانت غير سااهية وحجبانها ملااقين ماكتهضر ما كتقول شي كلمة فحين دابا غير مبسمة كتهضر برااحة كاسرة الصمت والحدة لي بينو وبين الحاجة..
الجد : كاينة…كاينة..لهجة راه نواع..كاين الوجدية وكاين الوجدية المفرنسة
اسماء ضحكاات:كيفاش هههه كيفاش مفرنسة..
الجد : ماعرفتيش المفرنسة ههه…المفرنسة هي لي تيكون الواحد يهضر يهضر تا يفلت كلمة بلفرانسيسية..تخلطت ليهم فالدم وليتي تلف ماتعرف رااسك فبلادك ولا فيلات الناس وكون غير يكونو تاهوما كيفنا يجربو يهضرو بلهجتنا ويهزو بيها..
اسماء : عندك الحق الحاج ههه …
الجد تكعد وهي تحرك قادات ليه الوسادة ورجعت جلست كتصنت لييه وهو تحمس جبد ليها ايامات الزمان عهد فرعون و الديناصوراات و الحرب الثالثة لي اختارع وهي كتصنت ليه عاطيااه ودنيها وتركييزها والحاجة مرة مرة كتفوه بغات غير تسلت تمشي ومابغاتش تخلي اسماء بوحدها عارفة لسانها حلو…كيف دارت لسي براهيم واخا ماهضرات ما تكلمات ولكن الخاطر لي عاطياه ليه كتفي الغرض ….
واسماء عرفات كيفاش تجبدو وتهضر معاه بعيدا على موضوع العائلة والزواج والطلاااق..مكانش غريب عليها كيف كاع الجدود..اي واحد كبير فالعمر كيبغيي يشد شي حد ويبقى يعاود ليه على ايام زماان وشحاال كيموتو على هاداك اللي كيتصنت ليهم ويعيطيهم ودينييه هكا و مع اسمااء عجبو الحاال وتوكّد متحمس كيعااود ليهاا وهي كضحك ومركزة معااه من نيتها مرة مرة كتسهى…
مارحموها غير الرجال لي كانو رجعو للدار مشاات مع الحاجة الكوزينة باش يوجدو الغدا او العشاء حيت كيف خرجو يصليو العصر صلاو حتى المغرب عاد جاو…محمد طبعو كيف اسماء رغم انه مامولفش بنادم كثييير كابر بوحدو وسط والديييه وحتى لالصحاب غير المهدي ولكن كيعطي الصواب ماكيخنزر فالواحد ما كيغوبش فيه….هكاك ددار مع ولاد عمامو رغم المشاااكل وخصام السنيين دارو كأن شيئ لم يكن متجمعيين بحالا كيعرفو بعضياتهم هذا زماان على وجه باه الحاج مساايس حتى مع جدو واخا كيقول ليه دار داااري ونتوما لي ضياف وانا لي مولااها…والدار راه فاسم محمد كون كانت فعلا ديال الجد مايزيدش فيها دقييقة نفسو واقفة فالنيييف يسمع بحال ديك الهضرة يخليها ليه بفراشها…
تجمعو العيالات على عشاء واحد..عاد المرة ماشي من ايد اسمااء طبعا حيث كانو كثاار فضلات الحاجة دوموندي على عشااء كيف كدير ديما ملي كيجبوها ضيااف وتهنى بالها…وفعلا دومونداات على عشااء متووول فخم خلااتهم كيشوفو فبعضيااتهم عاحبهم الحاال وزاد عجبهم ترحاب الحاجة وااش دايرة علييهم رغم كلامهم عليها تلات العيب ودارت عين ميكة…والرجال حتى هوما تعشاو كملو بقاو مجموعين فالصالة على الجد..والعيالات من غير اسماء وخديجة مشااو عندهم حتى هوما…
تسنيم داخت بالنعاس هزاتها اسماء ونزلات دخلاتها للبيت غسلات ليها سنينات وبدلات ليها لباسها وخشاتها ففراشها تنعس وهي فوق راسها كطبطب عليهاا…حسات بحس شي حظ على برا عرفاتو محمد دخل كانت غتنوض وهي دير بناقص تشحفو شوية وبقات جالسة تماا مع بنتهاا شادة تيليفون فايديهاا بملل كطلع وتنزل فيه سيفطات ميساج لكنزة مارداتش عليها خلاتو هكااك…
فحين محمد دخل للبيت قاضي روتينو كيف العادة كيدور فيه وااخد راحتو فينما داار داير معاه خياالها مخلية بصمتها فكل شبر فالبيت…دخل الحمام يلقى ليخودوي ديالها كثر من ديالوو داز للماريو لباسها كثر من دياالو داز للمراية ماكيلقى م ايهز كلشي دياالها…دوش بالخف وخرج كيمسح فشعرو لاوي فوطة على نصو رش معطر تحت درااعو ونشف شعرو لبس عليه صيرفيت كحلة وطاقية فوق رااسو عاد خرج عرفها مع تسنيم شافها ملي نزلاتها دخل عندها للبييت وريحت دوش عاطية منو طل عليها غي من الباب…
زاقفة وسط الداار تاالفة كتشوف فسلوى جلسات فوق الفوطوي كتحيد فالكويرة ديالها كترتاح من الطرييق الطوييييلة وعماد خرج خلاهم مخلي الباب موراه مفتوح عرفاتو مشى غير للطوموبيل…
تحركات من بلاصتها كتشوف فالدار كبيييرة وعريضة والجردة مفتوحة على برااا فارق بينها وبين الدار باب من الجاج مبين الجردة كاااملة..البيوتة الفوق ولتحت بلازما كبييرة وليفوطوي ضايرين جنبها …جلسات حدا سلوى كتشوف مع جنابها بفضول واكلها…
كنزة : فيين جينا ؟ فين كاينة هاد البلاصة !! ديالمن هاد الدار…
سلوى بهدوء تفوهااات : ديال راجلك…عماد ..ياربي فيا النعاس…
كنزة : علاش جينا ليها….غنجلسو هنا ماغنرجعوش للاوطيل مافهمتش..شرحي ليا اسلوى..
سلوى ضحكات باستهزااء مسايراها : مافهمتيش علاش اكنزة ؟
كنزة هزات حجبانها : ايلا شرحتي ليا غتفهم…!!
سلوى : كون كنتي كتسمعي لكلامو ولو غير شوية قال ليك جلسي جلسي..قاليك قبل مادرييش شي حاجة صوني ليا اكنزة قولي ليه واخا..نتي اصحبتي كتحدري راسك وديري لي ملاه علييك عقلك حتى حد ماكتعلمييه ولا ديري بحسابو…بزااف هه للصبر حدود…وكلشي على مصلاحتك هذا هو المشكل..
كنزة علات حجبانها كثر ماحملاتش طريقتها فالهضرة : ااش جاب هاد الهضرة دابا لسؤالي انا…
سلوى بهدوء:غنبقاو هنا ماغنرجعوش للاوطيل..هنا باش تكون تحت عينين راجلك وماديريش لي قال ليك راسك….ففف ماحملتش هاد الدار غير بوحدنا تقول جالسين فراس الجبل مانشوفو حد مايشوفها حد فففف…
سكتاا فاش شافت عماد دخل مع الباب ولفاليز ديالها وديال سلوى فايديه عاد جوج رجال مورااه هازين جوج فاليزات اخريين ماعرفاتو امتى هزوهم ولا جمعوهم ليها..مشى طالع بيهم نيشان للفوق وهي تحركات دغيا طلعات تبعاتو خلات حتى حطو دوك دراري الفاليزات ونزلو عاد دخلات عندو وهو كيقلب فالبيت لي غتجلس فيه اش فيه واش ناقصو وهي كضور بيه من قنت لقنت..
كنزة : علاش جينا هنا اعماد…شنو غنبقاو هنا مافهمتش..انا ماحملتش هنا خنقاتني هاد دار ماعجباتنييش واش انبقاو فيها..
عماد طلع الريدو مكيشوفش فيها : غتعجبك غير ولفي عليها..
كنزة : علااش…ش شكون هادو اللي واقفين قدام الباب واش البوليس..حتى هوما غيبقااو هنا
عماد : ماشي بوليس وغيبقاو هنا..
كتزة : وشكون هوماا…
طللق النننفس بصوت مسموع وضار عندو مزير نيفها وسط صباعو حتى كمشات ملاامحها كتسمعو كيقول..
عماد :المشاكل كلها جاية من هاد النيف هذاا كلشي داخل فيه كلشي باغي يعرفو ريحي دماغك شوية عطي رااحة لرااسك ارتااحي كتعرفي شي حاجة سميتها الراحة طبقيها على رااسك وجلسي..
خلاها ومشى نازل للتحت تلاقا مع سلوى طالعة لفوق تشوف شي بيت تجلس فيه وهو دخل للكوزينة وكنزة تبعاتو كتسول فيه وتعاود باغة تعرف كلشي وهو كيجاوبها غير ب ممم ااه..بصح …لا…حتى تفقصااات عصبهاا بلا مبالاة ديالو حتى نزلو دموعها بحرررقة كتغلي …
كنزة: كندوي معاك اعماد جاوبني..كدير ليا بحال شي بنية صغيرة فعمرها ربع سنين كتسكت فيا…قول ليا شنو كاين علاش جبتيني هنا واش غنبقاو هنا واخا ولكن علاش(حط راسو على البلاكار قدامو وتنهههد بصوت مسموع حتى تهز كتاافو وهي موراه كيسمع صوت بكاها) عطيتك كاع الفيديوهات لي صورت عيطتيهم للبوليس اشنو قالو لييك قول ليا شي حاجة حاسة بيك عارف كبشي وحتى حاجة مابغيتي تقولها ليا حراام علييك…من حقي نعرف واش تبعوهم ولا لاا شدوهم ولا هربو علييهم..قول ليا شي حاجة راه عقلي غيخرج…
عماد تلفت عندها بقلة صبرر: شنو باغة تعرفي..تروني دماغك هادشي اللي باغة..
كنزة : ياك عقلي خلييه يترون ايلا كنت غنعرف كلشي غير يترون مانبقاش بحال هكا مرونة ومعارفة حتى حاجة كنزيد نحس براس غنحماااق…
عماد تنهد وجرك راسو بايجاب : اجي..واخا اجي جلسي هنا..
جر ليها الكرسي ديال طابلمونجي بليفوطوي واقفين فخمة رماديين والزرية مرفشة بيضة تحت منها..جلسها فواحد فيعن دموعها دايزيين شفايفها كيرجفو بالعصاااب وهو جر كرسي جلس قدامها موسع رجلييه وهي وسطو هازة راسها كترمش فيه….
حتى مد ايديه كيمسح الدموع من وجهها مقرب وجههو عندها بهدوء مركز فعينيها بلطف….كيدوز ايديه على خدودها..
عماد : ديري فبالك….اللي درتو على حسابك كنديرو والرب العالي رااحتك اهم ليا من هاد المرض كااامل…شنو بغيتي تعرفي(تنهد كأنه هاز جبل فوق كتافو وقرب دقنها باس على راسها مطول) قولي ليا شنو بغيتي تعرفي…كنسمع …!
———————
محمد :تسنيم نعسات ؟
حلات فيه تسنيم عينيها مقلوبة بالنعاس ورجعت سداتها…
اسماء : ممم.. يلاه غتنعس…غير مغمضة عينيها وبالها مع اللعب..
محمد : ونتي مناوياش ؟
اسماء بهدوء : مزال شوية غنبقى مع بنتي…حتى تنعس ونجي..
محمد : واخا…انا لفوق نشوف الدراري ناوين يمشييو تيليفون حداك ايلا احتاجيتي شي حاجة …صوني ليا…
حركات راسها بدون اجابة وهي حادراه ماشافتش فيه وهو خرج مدايرش فبالو ملي شافها ضاحكة وفالكوزينة قدام الحاجة كتهضر معاه عادي ملي كيجي يشوف واش ناقصة شي حاجة…قال يمكن نساات فحين هي كدير هكاك غير قدامهم مكتبغييش تبين الخصام…كيف خلاها جالسة بقات هكاك غير جالسة سااهية وتيليفون فايدي وايديات تسنيم فايد لاخرة مرة مرة تبوس عليها…
ومحمد مشى مع عمامو وولادهم مشاو للدار لي كانو شادين مابغاوش يباتو كاملين تما فحين العيالات غيبقا فالدار… مدة ورجع خلا جدو الفووق مع الحاج والنساء ونزل هو للبيت تسرح فوق الناموسية شاد البيسي القديم ديالو لي عطاها قداامو كيرتاح ويطل عليها ااش دايرة ليه فييه…!
خداام دبانة ماكتزنزنش حداه محاسش بالوقت اللي دوز حتى كمل وسدو كيطرطق فعنقو ودراعو عاد هز تيليفونو ودخل عندها لواتساب ملي شافها تعطلت مابغاتش تجي لعندو حس بيها مغييرة مامولفاش ليها…
مدة طويلة حتى وصلها ميساج يصحاب ليها غير كنزة حتى طلع ليها محمد دخلات قرااتو وهو كاتب ليها..
محمد : ايلا مانعساتش جيبيها وآجي هنا…
رمشات عيونها وكتبات ليه بهدوء..
اسماء : نعسات غير دابا خفتا تفيق مزال غنبقى معاها شوية غير نعس ماتسنانيش…
قرا الميساج مطلع ليها فييو ولاح تيليفون جنبو عينيه الفوق كيحاول يغمضهم يرتاح شوية ماعندو نعاس…ولفهاا الفرااش جاه خاوي بلا بيها وحتى البيت مولفة غادا جاية قدامو كيف الفراشة مكترصاش كل مرة ااش كدير ماتجلس حتى تشحفو ولكن معمراه علييه…الخدية جنبو فاايحة بريحتها واثرها فينما ضار يبان لييه…خلاص ملي لقى زغبة من شعرها لاصقة فااخدية جبدها عندو كيجبد فيها حتى كيحددها ويرجع يسرحها…مااعندوش الصبر عليها كثر مد ايديه لتيليفونو مرة اخرى سيفط ليها ميساج بدون تردد..
محمد : مزال مناوياش ؟
سمعات الميسا٠ فتيليفونها وفتحاتو قرات اش كتب ليها وتحركات كتكتب حتى هي بمكر غتمشي ولكن ماشي بساهل….
اسماء : واش خاصك شي حاجة نجيبها ليك..انا مزال هنا…
محمد : ماتنعسيش…؟
اسماء :مافياش نعاس…خفت تسنيم تفييق غير نعس ماتسنانيش ايلا كتتي عيان…
قراه وحطو جنبو عااقدهم تقلب ليه المود غير كيسوط تجبد هز البيسي من جنبو وفتحو طالق فيه صباعو …ركب نضاضر على عينيه خداام عليه ملي كيحط ايديه علييه ماكيحسش بالوقت حتى كيلقى مدة طويلة دازت عليه…رجع سد البيسي لاحو حداه فاقد للراحة….وزاد تأكد منها مزال مقلقة و وهو يرجع سيفط ليها ميساج مبسم جنب قغى يجيبها عندو…!!
محمد : اسماء…!
وصفها الميساج وقراتو ردات عليه كيتراسلو بحالا بعاديين على بعضياتهم بعشرين درهم ديال المركوب…
اسماء : نعام خاصك شي حاجة….؟!
محمد مالقى مايقول وهي تجي عينيه فالبيسي قدانة : بيسي كان هنا مابانش ليا….فين حطيتيه..!
اسماء : غير تما….شوف حداك غتلقاه..
محمد : اجي جبديه….
اسماء : راه غير تما حداك شوف غير تما غيبان ليك…
محمد بسرعة كيكتب كيحك فدقنو: واجي جبدييه…مببانش ليا…يقدر يبان ليك نتي…
شداتها ضحكة وبللات شفايفها وطفات تيليفون عاد وقفات غطات بنتها دفاتها مزيان وخرجت عندو للبيت حلاتو عليه شادة التبسيمة لي فالتة ليها ولكن باينة فعينيها..
اسماء : نعاام ..(شافت البيسي غير حدااه وضيقت عينيها بمكر) قلت ليك حداك….هاداك مشفتيهش..؟
شاف فين كتشوف كيتبوهل عليها مصدوم زعما…..
محمد : فين؟….شتي..كّلت ليك ايبان ليك نتي..انا مبانش ليا…
اسماء : الكدوب مكيبغيهش سيدي ربي علمتيها لتسنيم ومادرتيش بيها
محمد : ماخفتيش الملائكة تبات كتنعل فييك ايلا نعست غضبان عليك…
اسماء تضهشرت: نتاا ع ءء ع علاش غتغضب انا لي خاضني نتقلق…علاش نتا ؟
محمد : مدي ليا داك البيسي ونشوفو شكون غيغضب..اريه ليا…
كتشوف فيه حددا رجلييه قريب ليه كثر منها..
اسماء : راه حدااك غير بايديك جرو…
محمد بحدة عقد حجبلنو فيها تقلب فلحضة : قربييه لهناا…
تنهداات مابغاتش تضحك قدامو وسدات الباب ودخلاات هزاتو مدااتو ليه وهو خلاااه وجرها لعندو من ايديها طاحت على صدرو حيد ليها البيسي لاحو حنبو وهو مد ايديه كيرجع ليها شعرها لور ناااشر كتافو قدامها……مبشر ملامحو …باس رقبتها بنفس حاارة…كيهضر وسطها هاامس مبورشها…
محمد : شي ناس غضبانين علينا…!
كنزة بتأكيد: غادي تجاوبني..م ماتكدبش عليا تقول ليا كلشي ؟
عماد : ايلا كنت غنخبي شي حاجة انخبيها لمصلاحتك…نقوليك شنو خاصك تعرفي ولللي ماقلتهاش ديري فبالك ماخبيتهاش عليك حيت رشقت ليا عليها…
كنزة حدرات رااسها كتسرق فيه شوفة : حلفتي ليا ماتخبي لياا مزال حتى حاجة
عماد : ايلا كانت لمصلتاحتك نكدب فوجهك اكنزة مخاايفش منك ولكن خايف من شيااطن الي فعقلك حتى كيخرجو يطلو عليك ونتي تابعااهم مخلياني جااهل ورااك سمعتي…
حركات راسها بايجاب وهو كيتسنى يسمع سؤاالها فحين هي بقات غير كتشوف شحال من تسؤال عندها وملي وصلات للحضة لي تقدر تاخد جواب اي سؤال فراسها تبلوكات بحالاا عمر رااسها ضرها بقوة التفكيير..مابقات عارفة ظاتقول تزيراات ونفسها ديااقت عليها حتى شدات على راسها..
كنزة : ماعرفتش مابقيتش باغة (نزلو دموعها مرة اخرى) بغيت نرجع فحالي بغيت هادشي يساالي ونرجع لدارنا ندمت لي جييت شفت شي حوايج كرهوني فحيااتي عشت الرعب لي عمرني عشتو..بغيت غير البنات يخرجو سالمين من تما ونرجع فحالي مةبقيت باغة حتى حاجة والله…
باس على راسها حتى هزاتو وش فايديها بجوج بجدية..
عماد : واش هادشي اللي باغة…كنزة شوفي فيا هادش ياللي باغة ..
كنزة : هادشي اللي بغيت ومكيهمني حتى حد بغيت غير نرجعو فحالنا وهند وحتى البنات معاياا ونرجع منين جييت…مابقيت قادرة نسمع شي حد وقعت ليه شي حاجة بسبابي.عزوز مات حيت خدام معاياا قالو ليا مات مقتوول اعماد حيت كان خدام معاياا يعني بسباابي
عماد : فنظرك لوكان مات مقتول ماغينوضوش روينة عليه هنا نتي اول وحدة غيطلبو يديرو معاه تحقيق
كنزة : داروه معايا..
عماد : تحقيق ديال جوج دراهم..السيد مات والسبية مكيناش فالبلاد غينوضو يقتلوه فالمطار دنياا سطوك بالبوليس والناس غادين جاايين…خدمي عقلك ..
كنزة : ولكن هو راه جا لهنا باش يجي لعندي..
حتى كيبغي يعاود ليها وكيحبس ملمح ليها غير من الفوق مافيهاش تيقة واحتمالية كاع تنوض تمشي عند اللاجونص لي كانت خدامة معاهم ولي كانت سبب موت عزوز بلا خباارو
عماد : شكون سيفطك لهنا من لول شكون عمر ليك داك الرااس قنعك بهنا…
كنزة : سمعت كلام حياة..و..وحتى عزوز قنعني نجي لهنا..
عماد : اهاه وعلاش نقولو كاع جا لهنا هو..؟
كنزة : لحق عليا عادي عرفني محتاجة لييه وبغى يعاوني كان عارفني جاية بوحدي قبل ماتلحق عليا نتا المطار..
عماد: واخا وعرفني جاي مورااك ولحق عليك حتى هو ايلا كنت انا هنا ااش عندو مايدير معاك هو..ماعلينا…
كنزة : وشنو غيكون جابو
عماد : علاش جا من ديبار بلاما يعلمك شنو جايبو ايلا ادا وصلتو الخبار راك مامشيتيش فين مسيفطيك وجا يتأكد بنفسو فين راك نتي..خدمي عقلك شووية فكري بلوجيك دياالك…ماعلينا دابا بغيتي غير البنات يخرجو من تما..غنخرجوهم غير ارتاحي عارف خرجوهم غير عطيني شوية د الوقت غنرجعو وهوما نعانا..
كتزة : ولكن علاش..نقولو للبلوسي بلي راه محبوسيين تما ماتخاافش انا نهضر مع البناات ويعتارفو بكلشي والله حتى يقولو راه شادينهم تما بزز عليهم…
عماد بجدية : ماغتغامرش بييك اكنزة…فكري بالعقل تاني مرة كنقولهاا…ها البوليس عرف البنات مشدودين تما واخا..عرف شكون بايعهم لداك البار واخا مزيان…هاد البنات منين جاو من المغرب مزياان…كيف جااو سانين كونطرا دالشغل..واخا منين جايين هاد الكونطراات من مكتب عشوائي… ديالمن ديالك…عندك شي اجونص..عندك شي بيغو اوفيسياال…عندك شي رخصة هادشي ساهل عنندك..كلشي كيبان ليك ايزي نقولو ليهم حابسينهم وغيمشيو يجمعو كلشي للحبس وصافي سالينا لمنامة…هادشي منطقي عندك نتي ؟
كنزة تلفاات : شنو انديرو ايلا مادخلش البوليس فهادشي شنو اندير اعماد..
عماد : شكون قاليك مداخلش البوليس…ياك نتي باغة غير البنات يخرجو انا حلفت لييك كاع الالة غيخرجو هي غيخرجو واخا نعرف نحط دوك الفلوس عليهم ويخرجو ولا نغامر بيك فسبيلهم…يلاه ريجي ليا داك الدماغ وعطي الراحة لرااسك(دوز ايديه على بطنها بلطف مبسم) تهلااي ليا فولدي وخلينا نرجعو منين حيينا وااخاا ؟
حركات راسها بايجاب كتمسح فوجهها مرتاحة نوعا ماا حتى ترخات وتكات براسها على كتفو كتحس بيه مدوز ايديه على ضهرها…
عماد : ارتاحيتي شوية ؟ عرفتي شنو باغة تعرفي !
كنزة تنهدات: عندي بزااف بزااف دالاسئلة ماعرفتش منيين نبدا عقلي بقى مع هند اعماد عرفتي شنو داارت مسكينة باش يخليني داك الراجل مانطلعش للداك الكار..باعت ليه راسها تخاايل قلبي كيضرني ملي كنتفكرهاا…صعييب هادشي بزااف اعماد اناا نكون فبلاصتها نقتل راسي والله حتى ندير فراسي شي حاجة مانقدرش نعييش هكااك ماانقدرش..
عماد : ششش..كل واحد كيتخلص على حسب الاختيارات ديالو…اختارت ديك الطريق هاداك هو جزائهم…ولكن غنخرجوهم منو..ايلا كانت غير هاد هند الي شاغلة بالك غنسيفطوها لبلادها قبل مننك…واخا ؟(حركات راسها باه) بخااااطرك ؟
تبمسات وحرطات رااسها بايجاب وهو تبسم ليها شاد اديه عندهاا شةبكهم مع صباع ايديه الصحيحة قرييبة لصدرو كيدوز ايديه على شعرها وهي كتمخشش فيه مستنشقة ريحتو كتجننهاا…علات فيه عينيها كتعاود ليه اشنو شاافت فالباار وتشكي عليه
كنزة : كاملين مسكنات كينعسو فبلاصة وحدة … قالت ليا اسية واحد نهار…واحد البنيتة دارو ليها الماء ديال السودانية هاديك الحارة وحطوه ليها فبلاصة دالماء ديال ليلونتي تخايل انا غير تخيالهاا حسيت بعيني مشااو لياا …وهاداك المنضر ملي كيطلعو للمنصة والرجال كيرشو عليهم هادلك الشراب ريحتو خايبة بزاف ومجهدة بزااف وكلهم كيضحكو على دوك البناات واحد الجو خاايب انا تخنقت فيه ماقدرتش نبقى هكااك
عماد : ونتي ااش دااك لتما !!ممم؟
كنزة بهدةء علات فيه عينيها : غير كنعاود ليك اشنو شفت صافي مابقيتش غنمشي ليه…انا تايقة فيك ملي قلتي ليا غترجع البنات ارتااحيت عليهم والله العضييم..
عماد : اشنو رجعات الثقة ههههه
كنزة : ماسنييش شنو درتي ليا كدبتي عليا اعماد ماعمري غنساها لييك..شفتي كون سمعتها من عندك نتا مايبقاش فيا الحال هكا والله نتا خبيتيها عليا حتى شفتهاا غير صدفة صدميتيني..
عماد : ماعندهاش قيمة عندي لدرجة نعطيهها وقت ونهضر ليك عليها…فهميني..(هز دقنها عندو بلطف مقرب عندها بغى يقبل شفايفها وهي تقلب وجهها )
كنزة : مساهلش عليا نسى شنو درتي ليا اعماد…نتا كدبتي علياا مطلق قبل مني وانا مافخباري حتى حاجة..
عماد معسل عينيه فيها مانع نفسو عليها بزز: حتى انا ماناسيش خدمتك اللي خبتي عليا مناسيش القبر لي غتسيطفيني لييه بالعصاااب لي مركبة فيا…ولا لكلامي لي عندك كيف والو كتمشي على كيفك بحالا مامزوجاش…ماكاين لي يحكمك….ولكن خديتي القلب ماعندي ماندير (باس شفايفها بعممق بجدية محول كلامو) ماتيقيش فيا تيقي فالله عز وجل كاين واحد من عبادو يفدي روحو فسبييل راحتك …!
محمد : شي ناس غضبانين علينا..!
قلبات وجها فاالتة ليها ضحكة كتهضر..
اسماء : غير اللي بغيتي..!
محمد كتحننو بحركاتها حكمها معنقها عندو : كيفاش اللي بغيتي
اسماء : شوف نتا اشنو كدير امحمد انا ماغضباناش…انا ايلا كنت غضبانة حتى هاد الهضرة مكنهضراااش
ضيق عينييه عاض على فمو كيتبوهل عليها وهي جامعة فمها كيف النقطة شادة الضحكة..
محمد : يلاطيف….يلاطييف هادشي كاع….
اسماء :ايوا شنو….(حدرلت راسها متعلب فالسيور دالقبية)ماقلت ليك والو انا مراتك لولى ماتكهمنيييش تكون كيفما بغات تكون ودير لي بغات دير…عقل ديال الانسان مكتعرف اشنو فيه…قلت ليك نتا علاش طلقتيها شنو دارت لييك مابغيتيش تقول صافي خليتك على خاطرك مابغيتيش تعاود ليا نتا حر
نااضت علييه وهو تكعد شدها قداامو جالس طاوي رجل وطالق تانية وهي وسطو جامعااهم بضهر مستقييم كترمش فيه محافضة على هدوئهاا…
محمد : ماكين مانعاود ليك شنو بغيتي تعرفي نقولو داابا مشكل صغير وكبر فات الحدود معايا ومع الواليدة فرتكناها قبل مايفوت الفوت…كل واحد شد طريقو اشنو وقع دابا والوو…علاش كتحفري عليها تعرفي ولا ماتعرفيش اش غيزييدك..
اسماء : فااتت الحدود معااك علاش باقة كتجي و تمشي عندك واش باغة تعاود ترسمهم…نتا راك ماكتسمع واالو ماكتشوف حتى حاجة انا اللي كنسمع الهضرة..(بغيرة حااارقة بللات شفايفها) كلشي كيدوي عليهاا بحالا انا مكينااش هاهي قارية…هاهي دوريشة….هاهي كانت هكا وكانت هكا…انا ماكنغييرش ولله مكنغير من حتى وحدة ولكن هكاك كيهضرو عليها قدامي ماحتارمونييش….
محمد عقد حجباانو عرفهم العائلة حيت ملي جاو تغيرت: شكون هاادو ؟ شكون كيدوي عليها كّدامك ؟!
اسماء : كلشي …. (شافتو تسيف تااني وهي ترطب) راه مناوينش زعما ضد فيا ولا زعما شي حاجة…بالعكس غير هكا كيكونو كيهضرو عادي حتى كتفلت ليهم فالهضرة…انا مابقيتش كنقدر نسمعهم هكاك والله ….مابغيتهمش يهضرو هكا قدامي غير حتى مانكونش معاهم هوما حرين…ولكن نتا كتهمني.. علاش هي مزال كتمشي وتجي عندك امحمد انا مافهمتش كقول ليا فاتت الحدود معاك ولكن مكيبانش ليا هكاك..بحالا عمركهم طلقتو ولا كاع وتزوجتو باش يوقعو بيناتكم شي مشكل..
تننهد كيسرح شعرها قداامها بحدية متكلم..
محمد : وااش كتضني عاجبني هادشي….ايلا سامحت مكنساش واللي سمعتو منها مكيطيرش من البال ولكن اشنو..نشدها من ايديهاا ونقوليها خرجي عليا من هنا ابنت الناس…هادو فعيلنا ؟
اسماء :ماشي هكااك..
محمد : سمعيني…نتي مرتي على سنة الله ورسوله تزوجتك بوحدك ؟ لاا حتى العائلاات تزوجو الزواج مكيعنييش ورقة وتسناات هو راابط كيجمع عائلااات واصل ودم مع يعضو…والدييك معايا ومع واليديا والعكس صحييح ماخديتكش ليا بوحدك حتى والديك خديتهم معاك وخديتهم للواليدين ديالي…هكاك معاها بالرغم واليديها كانو ععلى علاقة بالحاج والحاجة قبل ما يوقع بيناتناا زواج…يعني ملي قطعنا العقد اللي جمعناا الواليدين بقاو مجموعيين رغم الخطأ ملي تطلبت السماحة الله يسامح مكاين باس…الواليدة ديالها اللي خرجت العيب اللواليد ديالها السي عبد الكريم رجل طيب ولو توترت العلااقة كنحتارموه….فهمتي شنو بغيتي نوضح ليك اسمااء…مجاتش نجري علييهم ولو مانكونش باغييه ماكرهتش العلاقة تحد ولكن فاش كيجيو عندك ويضايفو راسهم عندك مالقيت مانقول….حتى يفهمو من عندهم…!!
اسماء: ايلا كانو عائلتها على علاقة مع عائلتكم ماشي ضروري كيعني حتى هي فكل مرة دير هاد الصواب معاك تجي وتمشي علييك….واخا نقول الحاجة والحاج عادي كيعرفوهم مغيقطعوش الصلة معاهم ولكن نتا امحمد شنو مزال علاقتك بينهم تزوجتي بنتهم ماتفاهنتوش طلقتو صافي الله يعااون
حك راسو كيقاد فالطاقية داافية عليه ووقاال بقلة صبر باغي يسد الموضووع..
محمد : واخا شنو بغيتي ندير….(دوز صبعو فووق شفايفو بهدوء)قولي ليا شنو بان ليك نتي يريحك نديرو…
اسماء بتأكييد شافت فيه : م ماتبقاش تلاقى معاهاا البلاصة لي تكون فيها هي ماتكونش فيها نتاا..هكا غتفهم راسها حتى هي ماغتبقاش ضور بيك انا اه كنعرف العيالاات كيفاش كيفكرو وعارفة حتى اسراء شنو باغة علاش ملي تزوجت بيك هي انا مادرتش هكا بعدت علييك مابقيتش كنرتاح حتى نهضر معاك حيت وليتي مزوج ماش بوحدك علاش ملي تزوجتي حتى نتا تبعد علييك ولا حتى كيخسرو الواحد عاد كيندمو عليه دابا عاد بنتي ليها…
محمد : داكشي فبالك غير نتي مااكينش هاد الهضرة خوي رااسك منها…(هز دقنها عندو) صداقك تلبى ابنت الناس لا رجوع فييه…واش ولاد الحرام حنا عطينا الوعد فالصداق ونرجعو فيه( باس رقبتها) ياك ولا لا
اسماء : ماعرفتش من بعد واش غيبقى تاابت ولاا لا …
علا حجباانو بنظرة يااك وهي اخيرا طلقات التبسييمة اللي كانت شاداها كتشوف فعينيه لاصقين فشفايفها مامنعاتوش فاش حسات بيه تحنى عندها بقببة طويييلة على شفايفها وايديه ورا عنقها شادها لعندو ماتفلتش لييه…قبلات متقطعة كيهضر بهمس مسكرر معاها…
محمد : باقين غضبانين عليناا !
بحركاات جنيينة وصوت هادئ دوزات ايديها فوق درااعو..
اسماء : مكانش خاصني نعلي صوتي علييك…سمح ليا
كأنها فقداتو داكرتو كتحس بلحيتوو كتقرص خدوودهاا…
محمد : امتى !…سمعتي شي حاجة…..انا ماسمعتش… عاودي نشوف كي عليتيه….(تبسماات حتى تكورو خدوظهاا باسها فييه وجرها عندو راجع متكي) اجي قولي ليا كيفاش مابقيتيش مرتاحة تشوفي فيا نهار تزوجت كيفاش قضيتك…
نسى جدو والحاج اللي بقاو الفوق فصالة شوف فيا نشوووف فيك مستنيين محمد زعما يطلع والحاجة والعيالاات كيهضرو بالتاوييل بينااااتهم…وغرق فالعسل والمعسول مع اسماء…كلامو كيسيفطو غي من لتحت لتحت وهي لي خاصها تفهم مافهمااتش تمشي تموووت وايديه مامربيهمش علييهاا فينما بغاااو كيقييصو معنقها عندو تحت ضو خفييف كتعوج علييه ولسانها كيقطر بالسكر مخلياه كينهج وهو فقط فبداية العلااقة غير بكلامهاا وهمسااتها وضحكتها عاالم تاني هااددئة وصوتها بزز باش كيتسمع وهو اكثر دايب فييها…كاشي هكاك طبييعتها هي كتصطنع تحلي لسانها وتخلي اثرها فالعلااقة معاه ماتكونش غير عاابرة يقضي غراضو ويعطيها بالضهر لا كتخلي داك الكلام هو، اللي يتردد فعقلو طوول نهارو وتخليه كيتسبم مشتاق ل ليل تاني يسمع نفس الهضرة منها….بزز عليه كيأجل يدخل معاها فعلااقة جنسية متكااملة غير باش يطول فترة التسخييناات بكلاامها ولمساتو حيت غير كيدخل معاها للمعقول كتصقل وكتسخف دغياااا داايخة و مقلوبة بالنعااس….!
——————-
بعدات عليه عينيها معسليين كترجف كثر من معدتهاا كتلوا فبطنهاا من قربو ليها..
كنزة : الرااحة اعماد ماشي تخبي عليا وتقول ليا غير لي بغيتيي علاش مكتشارك معايا حتى حااجة..علاش عمرك قلتي لياا شعيب رااجل ختك مثلا واخا وريتو ليك فالتصويرة لي سيفط ليا رشيد
عماد وسط شفايفها هامس : هانتي عرفتي..من بعد شنو غيوقع مكيشرفنييش نعرف مرتي على دك ولد ال…داك البشر…خبيث الكلب ماعندك ماتعرفي فييه…ماشي راجل ختي كاان…سالينا
كنزة : ولكن هي قالت ليا راجلها مزال ماطلقو يمكن..
عماد : رافعة دعوة الطلااق ولكن مزال مااتطبق…ديما فالتأجيل ديما كيتأجل…
كنزة : وعلاش تابعيينو البولييس ديال هنا شو كيدير واخا نقولو خدام فالكازينو كيقمر وداكشي ريسك ولكن فالمغرب ماشي هنا..
عماد حك جبينو بتعب وااضح عليه : حكاية طويلة اكنزة راسي غيتفركع حني شويية نسااي علياا المرررض ياك همك مع اللي جبتي هنا ارتاحي من جيتهم ونساي شي شعيب ولاا المرض…(هز ايديها بهدوء،حطهم فوق راسو) حركي صباعك شوية كيف كنتي كديري…شي مساج خفيف…
تتهداات وتقول واش دماغها بغى يرتاااح ولاا يهدى ليهاا قالت ايلا جاوب على اسئلتي غنرتاح وهو عاد مزااال كمل ليها الباقي…كيفاش غيخرجهم شنو غيدير وكيفاش غيديرو ليهم بلاما يعلمو البولييس..
ساست عقلها ملي حسات بيه مد ايديه وجرها بكرسيها عندو باس على رااسهاا وحط راسوو على صدرها صدمها معنقها بايديه حتى جبدها كاملة جلسها فوق رجلييه ضهشرها بقاات غير كتشوف بصدددمة…. قرصااتها معدتهاا من حركااتو اللطيفة معاها بعدما ولفاتو ثور بتجاهلو ليها…حاسة بالفراشات كيلعبو داخلها…مدات ايديها بشوية فالتة ليها تبسيمة وعنقاتو مغرقة صبيعاتها وسط شعرو كتحرك بهدوء علييه كيفها كيف اسمااء حنيينة فحركاتها واخا لسناها سليييط وعناادها كيف المعزة صعيبة وهو مرتااح فحضنها راسو فوق صدرها غمض عينييه كيتنتهد تنهبيدة مرتاحة مرة مرة كيعلي شفايفو لرقبتهاا بقبلات خفييفة زاد طلع اكثر وخطف شفايفها عندو حاكمها بداارع واحد ما لاخر غير حاطو عليها تهزااات داتها مبوورشة مرفوعة معاه غير عاطياه رااسهاا حتى باش تجاوب معاه فااشلة عليها داااتهاا بقدر ما توحشاااتوو مابقاتش عارفة كيفااش تصرف وتطفي نار الشوق لي فيها وهو اكثررر حرارتو بانت عليييه حتى كيقول غيبعد لا تنزل ختو وكيرجع غاطس فيها معاقلش على راسو حتى فاض الكاس والصبر تقادا الشوق حقيير والفراق خبييث…وقفها معاه مدرعها عندو لاصقة فجنبو وطلعها للبيت الفوق..تيليفونو كيصوني فجيبو وهو مخلييه…وهي مرفوعة حاسة بنفسها باغياااه ناسية كلشي باغاه غي هو الوحم غالب عليها والهرمونات طلعو على عمااد ماحسااتش بيه حتى تلاقا الجسم على الجسم فوق الناموسية بدون ملاابس…!
فارقت شفايفها معاه بصعووبة..
كنزة : تيليفونك اعمااد..كيصوني..
غرق راسو وسط رقبتها كيبوس بنفس حارة هازاه وهي مغضمة عينيها مرفوعة معاه ومد ايديه وقطع عليها ولاحو حتى طاح فلرض راجع ليها..
عماد : توحشتك..
كنزة تبسماات معنقة كتافو : انا ولا حاجة اخرى…راني عاايقة بيك..
عماد ضحك وقبلهاا بععننف منشي معاها : بجوجكم كلك حلوة….مال ديلمك على هاد الحلاوة كاملة ماالك..
تبسمااات عاجبنا رااسها كتلوا تحت ايدييه ووتضحك كأنهم عمرو،وقع بيناتهم شي خصاام ولاا فرااق…
كنزة : ريحتك ولات زوينة واش بدليتها
عماد موحال واش سمعها : لا
كنزة : ماشي هادي اللي كنتي كدير….(هزاات نفس طويلة مستنشقة رحيتو حاسة بيها لاصقة فلحمو حمقاااتها) زوينة بزاااف..
عماد :انوريك واحد الحاجة حسن منها
كنزة ضحكاات عايقة بيه : ههه لا مابغيتش
تلاح ماكي جنبهاا مييت بالضحححك كيبعد الشعر على وجهها العرقاان..
عماد :حشومة عليك….ماتوحشتيهش…ههمم ؟؟!
ماقدرش يكالي بايديه بجوج وحدة فيها مهرسة تقلب على ضهرو وجرها عندو فوق صدرو ايديه فثديها بجووج وشفايفو فعنقها غاطس رااسو فيهاا بجسد مهتززز بحراااارة وهي اكثر الناموسية شعلات فيها العاافية بيييهم حتى سخن بيهم البييت عرقاانيين بجوج بييهم وسط حمييم بامتيااز غير صوتو بهمس كيتسمع وضحكتها عاالية ناسيين لايحين كلشي ورااهم كتشوفو غير هو وكيشوفها غير هي بين ايدييه واللي بغى يموت العام طويل… كانت عايشة فالعسل والسكرر كيتقطر حتى حساات بييه دخلها للمعقول فااقت قاافزة بغووتة عاااضة فكتفو كتبكي بالحرييق…
كنزة بشكوى حطات راسها على صدرو: قلت لييك بشويا…صافي…صافي مابغيييتش براكة غفاااك..
عماد مسايس عرف راسو غيعاودو من لول : واش تقصحتي…غير بشويا كنحاول علييك نتي خايفة رخي النفس شوفي فيا نسااي تما..
كنزة : كتعدبني اعماد ماكنقدرش…كتحرقني بزاف..
عماد : صبري احبييبة شوية راك تزيرتي نوغنال تقصحي نعااود ؟ (قبل شفايفها) تصبري معاياا مم ؟
كنزة حركات رااسها بهدوء كترجف حاسة بليلة الدخلة كتعاةد معاها كن جديد وقصح كاع من لول…
كنزة : واخاا..غير بشويا عفااك..
عماد درعها عندو كيبوس بحرارة : خواافة ديالي ههه
رجع من الاول مطول فترة التسخيناات بشويا بشوويا كيحاول ينسييهاا فالسفلي مخليها مرفوعة ظعااه بقبلااات اقل ما يقال عنها احترااافية لاعب على وثرها الحسااس حافض نقط ضعفها وعارف كيفاش يحكمها غير من رقبتها الصاافية…..واحساس رأس الانسان اللي كتعشقي فعنقك وشفايفو دافيين كيتسارو فيه احساس من نوع اخر…رافعها لعالم تاني..!
عند اسماء..
كيف العادة انتهى بيها المطاف ناعسة على صدرو عارية كااملة مغمضة عينييها وناعسة بتعب وهو مزال فايق كيدوز ايديه على شعرها كيتنهههد حتى صبح الصباح دوش وخلاها دخلات مورااه وصلاو بجوج الفجر خلاها رجعت نعساات وهو حرج لقى الحاج داخل من الجامع دياال برا كيصلي فيه…
الحاج : صباح الخيير اولدي نهارك مبرووك..
محمد : صباح الخير الحاج الله يتقبل..
الحاج :لينا اجمعيين اولدي…خارج بااقي عليك الحال فطر معانا…
محمد : كنت باغي ندوي معاك قبل مانمشي..اجي الواليد..
الحاج : الله يسمعنا خبار الخيير…ياكما ماين باس..
محمد : غير الخيير الحاج اجي..(حل باب الدار لتحت والحاج وقف برا جتى حرك ليه) دخل…غير دخل الواليد..
حرك راسو ودخل كيسمي الله من نهار تزوج ولدو مادخل عندهم هناا لتحت محتاارم ولدو وحرمتو وحتى محمد عارف اسماء غتكون نعساات الفوق عامر ومن الاحسن يهضرو هنا….جلسو فوق ليفوطوي..
الحاج :خبار الخير اولدي ااش كاين
محمد بجدية : السي ابراهيم االواليد ديالك الحاج..
الحاج تنهد عارفوغيدوي على موضوع الصلح كيف ديما اولدي ..اولدي محمد داكشي مايتنساااش اللي عشتو مع جدك صعيييب….وصعيب علياا بين ليلة ونهار نسااه باَّ على راسي وعينيي نحتاارمو ونقدروو ولكن القلب عمرو يصفى من جيهتو….
محمد : عارف الواليد…داكشي علاش بغيت نهضر معاك….واش عارف جدي علاش جا لكازا علاش فهاد ااوقت بالضبط رجع كيسول علييك وعليا وعلى كلشي..باغي يجمع كلشي ويصلح كلشي يصفي الخوااطر ويهني بالو..
الحاج : وا هو اولدي حال ةعقل…ماتعرف غدا يجمع حوايجو ويمشي مايبقايش يرجع وشهر اخر تاني يجي ويقول ماسولتوش فيا انا جيت عندكم…
محمد : الواليد..جدي عياان..عيان دياال بصح…مابغيتش نخلعك ولكن هادشي اللي كاين..ماعرفتش كيفاش غنشرح ليك..داتو للداخل كلها كترجفف اعضاائو كاملة تقدر توقف فاي لحضة..
الحاج تزعزع :اااش كتقول اولدي ..
محمد : مااتخافش الواليد هادشي عادي خاصة فعمرو…. مزاال من الممكن يتوقفو على غفلو من العمل…مزال غيلقى مشكل فالداكرة غينساااكم وينسااك وينسى المشكل منيين جاي..علاش انا جبتو لهنا قربتو ليك الواليد وليا حتى انا…على حساابك…(طبطب على كتفو) خلي الماء منين يديوز نسى اللي فاات علميتيني الواليديين هوما دنياا كيف ربحتها معاكم اناا…بغيتتك حتتى نتا تربحهاا الوالييد..على وجهي..حاول تنسى..
سكت الحاج ساهي داكرتو مساافرة بيه كيتننهد وحدة مورا الاخرة ومحمد غير كيشوف قدامو مخلي ليه حرية التفكيير …
صبح عليهم الحال فاقت كيف العادة لبسات تسنييم ولبساتها وفطراتها وعطاتها لمحمد خرجها للطرونسبور عاد طلعات كتوجد ليه الفطور بينمما لبس وطلع عندهاا كيفطر وكيهضروو بههدووء صوتهم حاادر وضحكتها مرزنة وحفييفة غير كتبسم الاغلبية حتى كتفطر معااه بزز..
اسماء ماقدرتش والله هه صافي براكة حاسة بالشهة مسدودة ليا ..
محمد : علاش يااك لبااس(قاص جبينها) حاسة براسك عياانة..
اسماء : لاا غير مدكدكة حاسة برااسي مسخسة (تبسم بمكر كيشوف فيها)وضهري غيتقسم علياا بحالا كنت هاازة جبل فنعاسي
محمد بمكر : هاداك غير ثقل البارح ماتخافيش..
حدراات راسها قالبة الشوفة من عينيه كضحك بخجل وهو متبعها بشبه تبسييمة حتى شافها هزات فيه عينيها غتهضر قالبة الموضوع..
اسماء : داياالش هادوك التحلااليل لي دارو ليا فالكلينييك..
محمد عقلهم ودار راسو نسى: تحالييل ؟
اسماء : ملي كنا فالكلينيك وديتيني درتهم ..
محمد : ممم عرفتتهم…(حرك رااسو منسيها فيهم) بغيت غير نشوفك حالتك ونرتاح عليها من جيهتك..
اسماء : ولكن علاش..و كيفاش خرجو.. شفتيهم امحمد مزياانين
محمد: مزياان…الحمد الله كيف بغيت نشوفك..
تبسمات فوجهو ناطقة الحمد الله وهو رشف اخر ججعمة من قهوتو ووقف كيشوف فيها قال ليها مزياان علة التحاليل اللي اصلا مزال ماخرجو …باس على راسها مودعها وخرج عاد دخلات عندها خديجة كيوجدو الفطور للضياف…وجدات شربة خفييفة معطرة بالعشووبة ومنسمة ريحتها كتشهي حطااتها فاواني زجاجبة كتلمع فخمة مابين اللون الرمادي والابيض فبلاطو هزاتها فايديها وقصدات الصالة تشوف الجد قبل مايجيو ولادو…
لقاتو فاايق رسمات تبسيمة عرييضة ودخلات عندو..
اسماء : عمي ابرااهيم صبااح الخيير…كيف صبحتي شوية ليوم..حالتك منورة مشاء الله ….لله يطول فعمرك
حطات البلاطو وهو تكعد مبشر وجهو كيشم فريحة الشرية كان مغوبش ماحا طل عليه حتى حد ماشافو حد من غير محمد حتى طلات عليه هي قبل من كلشي صبحت عليه….!!
———————
داز عاى داك النهار اسبوع..اسبوع بكاملو واسماء مكلفة بفطور الجد ابراهيم…على قبلو دارت رييفاي باش تفيق قبل من ولادو وتدخى عندو هي لولا يبدا بيها نهار..خلاتو يفكر انه ولادو لي كيتعطلو يفيقو يطلو ويطمنو عليه ما شي اسماء لي كتفيق بلعااني غير باش تمشي عندو هي لولا….كل نهار وفطورو معتانية بييه احسن الاهتماام داير ليه كيف شي وليد صغيير كيف تخوا عليه الصالة تدخل تونسو اول وحدة تصبح عليه واخر وحدة تمسي عليه….واخا بعد المرات كيغوبش وكلامو قاصح ملي كيخرج كيقطر بالسم تقول غير عكوزة مشراارة كادير عين ميكة ماكتسوقش ليه دايراه كيف الحاجة كي دوا كي مدوااش..مصلاحتها فيه وماشي من مصلاحتها تغوبش فيه…
الحااجة ولات طالبة الشرع مع ضيااف الغفلة اللي جاو عندهاا ماكيرضاوش بلي وماياكلوش لي كان مغرورين وبااينة فيهم ماكيتعاشرو المسكيين مكيرضاو يهضرو مع الدروييش….ولكن الحق يتقال مامتقلينش عليهاا مالايحينش كلشي على خديجة واسماء دايرين دار دارهم لي بغى شي حاجة كينوض يدييرها ماشي غير جالسين ويتشهاو عليها…مبعديين منها مابقاوش كيف كانو تقول موصيينهم مايلوحو ليها هضرة مايمعنيو عليهاا هادشي لي كانت خايفة منو نهار لول هضرتهم مسمومة وكدخل مع العضام ولكن عاطينها تيقار ولات كتقول مصاب غير يبقاو هكا يجلسو عندها طول العام وماتقلقش بيهم ….
كيف كل نهار حتى مشاو الولاد والحفاايد عاد دخلات عند الجد السي ابراهيم لقات الحاج جالس معاه تبسم ليها ورحب بيها تدخل نجلس حدااه..
الحاج : اجي جلسي ابنتي جلسي جنبي…الله يرضي علييك محنااك ابنيتي ..
اسماء : عدابك راحة الحاج….جيت غير نطل على عمي ابراهيم قبل مانمشي نعس…
الحاج :اجي ابنتي زيدي وتشاوري من الفوق دار دارك نتي لولا اجي…(جلست حدااه وهو كيطبطب على ضهرها بمعزة) نعمة التربية الله يرضي عليك ابنت السي عبد المتقي..
اسماء : الله يطول فعمرك الحااج …(مبسممة)كي ضليتي اعمي ابراهيم شوية لييوم…
الجد حرك راسو عاقدهم كيف ديما : شووية..الحمد الله الحمد الله
اسماء ياكما بغيتي تحول لبيتك راه مفرش ونقي وايلا تبغيتي نعاود نقادو لييك دخل ارتاح لييك حسن فييه
الجد : مرتااح هنا غير خليني…فاين بنتك؟
اسماء :نعساات كتنعس بكري باش تفيق بكري قاارية هه..
الجد حرك راسو بايجااب: الله يكبرها فطاعتك ..الله كبرها فطاعتك….
حركات راسها بابتسامة غير كتشوف فالسي ابراهييم عرفاتو مابغاش يهضر معاها قدام الحاج حيت ملي كتكون بوحدها معاه كيكون مطلوق وعندو حس الكلام ولكن ملي كيكون زايد كيبغي يقصح رااسو ويجمع الهضرة كثيرة قدامو هادشي لاحضتو غي فهاد السيمانة حتى لحقات عليها الحاجة جلسات معاهم فرحانة نوعا ما بفضل اسماء وبقتت كتجلس مع الجد بلاما تخااف منو يلوح ليها شي كلمة تضرها…عاد يمكن حس بوجودها فينما دوز من جنب صالة يقول ليها كلمي ليا اسماء…الحاجة فين اسمااء…ماتعجباتش منها…تنكر تاتعيى عارفاها مقبولة ودغياا كدير بلاصتها…
بقاو معااه حتى بدا كيغفى بالنعاس عاد خرجات اسماء مشات طلاات على لاخرين ناعسين فالصالة مجموعيين على الهضرة والقيل والقاال رغم انهم فرقو ليهم البيوتة باش ينعسو زعما مرتاحيين كلهم بغاو الصاالة كبييييرة ووااااسعة يجري فيها خيل فضلو ينعسو فالصدادر واخا مامولفينش علييهم على انهم ينعسو بناموسيااتهم ومفرقيين فالبيووت…كل وحدة شادة تيليفون فايديها وتقرقيب دهوبات فالايدين مسموع…طلت عليهم من الباب مبسمة..غي الضلمة وضو تيليفون ضارب فوجوههم…شعلات عليهم الضو ودوات…
اسماء : تصبحوو على خيير…خاصكم شي حااجة قبل ما نزل..
نجلاء تبسمات ليها : اسمااء غتمشي معانا اغداا..قلتها لها لخالتي الحاجة قالتي قوليها لييهاا تشوف لي بغات..
غيثة : مابغاش راجلها بعدي من البنت انجلااء…تولي حابدة ليها المشاكل..
نجلاء بحسسسرة بغاتها تخرج معاهم: بصاااح…مابغاش ؟؟
اسماء تبمسات بزز : ماكرهتش ولكن مرة اخرى بصحتكم….غتسارااو غير هنا نيت ؟
نجلاء : انا غنرجع لوجدة بغيت نتساراا شوية نشوف كازا هاد لاسوميين…شوية دشوبينغ ونمشي..
اية : انا بغيت ندير جيل لقيت واحد الولد كيقادهم هنا كيحمق غنمشي عندو…
اسماء : بصحتكم…ردو بالكم..ماخصكم حتى حاجة ههه (كلهم قالو لا وهي تبسم )تصبحو على خيير…
ردو عليها طفات عليهم الضو ونزلات عند محمد وهوما كيهضرو بالحس بيناتهم…!
نجلاء : والله ماكرهتها تمشي معانا دوقها كيحممق اماما ديك نهار غير جلست حدايا وريتها شنو بغيت نشري عرفتي كتقتارح عليا شي لبيسات بقيت غير كنشوف هي محجبة دونك ماغتعرفش ستيل دياالي مي لقيتها كتعرف فكلشي..
اية : واخا محجبة كتستلي كتعرف تلبس كيعجبني لبسهاا واخا غير فالدار نقيية مشاء الله عليهاا لبستها زويينة وريحتها ديما خفيفة و وكتصلي ديما الصباغة خفيقة فصبيعاتها ماكتعكزش شحال من مرة كنشوفهاا كتنزل تحيدها تصلي وتردها..
غيثة ضحكات كتصنت: ياك ابنيتي ماتبغيش تبركييك عاداتك نجلااء…
اية : لا امام انا كنشكرها واسماء عزيزة عندي والله العضيم…درويشة وحنيينة وحتى شوفتها زوينة ماشي شي مسمومة ولا معقدة..
غيثة : وادرويشة غير خدينا عليها نضرة خايبة الله يسمح ليا ضربت ليها بنيتهاا كانت غتصطى تقيصيها فعينيها ماتقيصيها فيهاا ولكن بنت النااس مابقاتش كاع شادة فقلبها من جيهتي
سميرة عوجت ملامحها : فيها غا الطياب لي زيين ش حاجة اخرى ماشفتهااش..
نجلاء : عرفتي اعمتي غيثة ملي جلست حداها كنقارن ايدي بايديها انا كنبان راجل عليها فلوس جدي كاع خسرتهم على بشرتي وماوصلتش كيفها بشرتها كيف ديال لبيبي الصغار رطبة بحال الحريير كدير الوصفات الطبيعية غير ديال الدار انا ماخلتي ماخسرت عليهيم مزال نالقيت النتيجة لي تعجبني هههه
غيثة : راه كتعرف لداكشي واقيلا ايلا كانت خدامة فصالون ايلا ماكنت نكدب…
سميرة : ممم حولها…مولفة بالتلحليييح الكليانات…
نجلاء : خالتي سميرة ياك محتارماك كي كتبغي مهلية فيناا شكون هادي لي ماتنعس حتى تشوف اش خاصكم وغير تفيقو تجي تطل علييكم والله حتى بنت ناس واخا تكون كاع كتنافقكم المهم عطاتكم صواابكم وضحكات فوجهكم ماشي خنزرت وبينت ليكم
سميرة : مم انا مايغرنييش داك النوع بان ليا كضرب من لتحت لتحت نيتها مصافيااش ماتغركمش هاد التبسيمة الصفراء….
غيثة : الله يهديك اعمتي سميرة البنت مدارتش ليك حتى حاجة وانا نقول كنت مدابزة معاها ونتي فاش اداتك
سميرة بعصبية:ونسيتي ااش قالت ليا فالكلينيك نسيتي
غيثة : وصافي شكون كان عاقل على رااسو ديك ساعة غير لابغيتي ديري فيها رااسك وصافي راه صغييرة ولي وقع ليها صعب منو مكاين راك نتي مولات العقل ونساي لي فات
سميرة قندشت: كيفاش صغيرة ونتي مولات اعقل..شارفة انا…هادشي لي بغيتي تقول فوجهي كتقولي لي شارفة اغيثة يااك ابنت خويا…
ناضت سميرة كيفاش ما كيفاش مارضاتش بديك جملة نتي مولات العقل وهوما كيمهدو حتى نعساات مقلقة وهوما كيتنهدو ويشوفو فبعضااتهم…فحين اسماء نزلات لتحت عند محمد يلاه جا من الخدمة طالع يشوف عمو ويتعشى..لقاتو كيلبس فالبيت دالصيرفيت مع تقاشر بيضين وصنداالة كحلة جلدية فرجلييه…
زعمات عليه مطيرة الحشمة ديال النهار لول بتبسيمة مزينة ملامحهاا عنقاات من خسرو كتشوف فيه من المراية..بصوت هادئ حنون بزز باش كيتسنع..
اسماء : تعطلتي عليا ليوم قلتي ليا غتجي بكري علاش كدبتي عليا…
محمد : الخدمة كثييرة…تشغلت….كتساليني غدا على براا(ضار عهتها معنقها عندو ) عارف راسي داير معاك الفالطة
اسماء ضحكاات بنعومة: لاا متزيرش راسك حتى تكون مساالي…غير بقى ترجع شوية للدار بكري ولفتك فالدار بحال الكونجي لي كنتي واخد…الدار مملة بلا بيك..
محمد : غنديير بناقص ونجلس حدااك نشوفو شكوز غيهزنا انا ويااك…
ضحكات وهو يبوس رااسها كيسرح شعرها بايديه حتى شافت شي وراق فوق البلاكاار بفضوول قالت..
اسماء : ديالك هاد الورااق ؟
محمد : فين ؟..محمد ديالي حتى لغدا وتشوفي شي حاجة غتعجببك وتعرفي ديالاش دوك الورااق..
اسماء :ش شنو غيعجبني
محمد: ختى لغدا…خليها بحلاوتها..
حركات راسها بايجااب مسمممة مرطبة معاه الهضرة مرة اخرى على الله يوافق..
اسماء : غدا غادين البناات خارجين..اشنو فيها ايلا خرجت معاهم انا كنبقى بوحدي حتى حد مامونسني(غبنات ملامحها متفشش عليه) كيف راس المقطوع كنبقى نتتخايل شي حوايج خايبين…مرعوبة غير بوحدي..وغدا جدي غتديه لكلينيك باش يدير الكونطول يعني كاملين غتخرجو تاني وتخيليوني بوحدي…
محمد :دوينا فهدشي ا اسماء.
اسماء :غير…(جاات تهضر وهي تبسم وسكتت حادرة راسها) صافي اللي بغيتي..
محمد : غنجي بكري على حسابك ونخرجك تسراي حتى تعياي ورجعي…صافي…مشات ؟..
اسماء : صافي اللي بغيتي غير قلت خارجين بنات بيناتهم ويعني غادين فالطوموبيل من الدار للمول ومن المول لهنا…
مداوش معاها وعينيه كيمشو لصدرها باين من العباية كانت مغيطاه بالشاال حتى دخلات حيدااتو ماعجباتوش العبابة فصالتها فشكل ومعيقة شووية واخا كانت عاادية بالعكس عريضة عليها غي من لفوق ايفازي شوية على صدرها…
محمد : اشنو حسن تخرجي معاهم ولا معايا ؟
اسماء كتلعب فسيور القبية بدلع ميلة رقبتهاا كتلوا عليه:معاك نتاا…هادي فيها الشك..ملي طلبوني سيمانة كلها وهوما كيأجلو وانا كنقوول ليهم حتى نقولها لمحمد حيت عرفتك ماغتبغيش حتى زيروني وقلتها ليك
محمد برفض باس خدها: حتى نجي ونخرجك الفتنة ديالي..خليهم يمشييو انا ماولفتكش تخرجي مع اللي كان..ختك مرحبا مانمنعكش علييها الواليدة ظيالك الوالييد ديالك مرحبا شي حد اخر ا اسماء لاا واخا يكونو مني من غير الواليدة..
حركات راسها بايجااب بزز محافضة على تبسيمتها وهو علا ايديه كيسد ليهاا العباية على صدرهاا وهي مزيير عليها من الفوق افاازي بحههدد باان صدرهاا منو منفووخ واااضح لييه..عيى يسد فيها كترجع تفتح حتى ضحكاات كتحاول تسدها بنفسهاا وهو كيسد معاهاا تسدات بزز بااس على شفايفها المبسميين بهمس علييهم كيقول…
محمد : واش تزاادو ولا غير انا تنوييت…!!
اسماء :ماعرفتش..يمكن ليغيكل قربو…(بحياء) فاش كيتزادو و وكيضروني..
محمد تدههش كان ناسيهم : كيفاش..امتى ؟ شحال باقي ليهم..
اسماء :ماعرفتش هه مامنضميينش..ماكنحسبش
محمد حك دقنو كيشوف : ما اخبار ما واالو…
ضحكاات كيضهرو على الواقف حيت مزال طالع عند جدو لفوق حتى تفكرت كنزة ورجعت دوات…
اسماء : محمد كنزة ختي كندوي معاها ماكتردش عليا..خلعاتني عليها بزااف..عيت نسيفط ليها فالواتساب حتى جواب ولا حتى تيليفون مكتجاوبش فيه ماعرفتش كيفاش ندير وصل ليها..
هاد الاخيرة…..اسبوع بكاملو من ديك ليلة مارجعات شافت عماد…حتى تبليفون اللي يجمعم بالكلام محيدو ليها…من غير مرة مرة كيسول عليها فيتليفون سلوى هضرة خفيفة ويقطعو…..قاطع عليها الماء والضو لا جردة مفتوحة تهوا فبيه لا باب تخرج منو موقف ليها جوج الكلااب (جوج رجال) كيف سماتهم هي واقفببن لييهم اللي خصاتهم يجيبوها لييهم الخرووج ممنوووع…ماعرفاتش واش تكرهو على السجن اللي دار ليها ولا تصبر وتفكر باجاابية ولمصلحتها كيدير هادشي كيف قال….
هي وسلوى راس فالراس رغم انهم مابيناتهمش شي تفاهم لكن مدوزين وقتهم باللي عطا الله…يوم جديد عليها ويوم كحل كيزييد عندها بالوحم اللي غادي مكيزيبد يتجهد عليها…زاد على الاول كيف كان جاها خفييف…ولات ماكتفرقش الحمام اللي كلاتها تحطها فيييه طااجة وغير كتغبن حتى حاجة ماعاجباها كلشي كيجيها مسخ وربحتو قبييحة..بدلات فراش الناموسية ممالقات راحة بدلات ليطابي حيداتهم كاملين خلات الارض قرعة ومارتاحت الحاجة لي كترتاح فيها وكتعجبها هي تلبس حوايجو وتجلس تشمشم بحال دابا…تربعات فوق الناموسية شادة تلفازة كتقلب فيها وتشقلب فالقنوات مامولفااش ليهاا ومكيعبجهاش تفرج فيها لكن دابا ملعندهاش البديييل…
تفرجات فيها شوية حتى ملاات وناضت كتعيب فالممثلة ماعجباتهاش خشات بانطوفة فرجليها وخرجات كتشوف فسلوى جالسة لتحت رجل على رجل التيليفون فايديها مطلوق مرة مرة كتدوز ايديها ماشطة وسطو بصبيعااتها…طلقات رجليها نازلة عندها مع الدروج حتى جلسات عندهاا وسلوى هزات فيها عينيها شافنها اشنو لابسة وضحكاات…
سلوى : مزال مابغيتي تحيديها كتصبنيها وترديها ععييك…حنقة والله ايلا حمقة…ولكن جااك لبساو كيحممق..
كنزة : كدابة ههه
سلوى : عرفتي كيف كتبااني وسطو ههههه مكتبانيش اصلا ههههه ملبوسة ماشي لابسة هههه
كنزة : خوك كبييير يديير مني جوج اش غندير لييه هه خطفتها ليه قبل مايمشي…هضر معاك ؟ يومين مابقيناش هضرنا معااه..
سلوى: كتصوني ليه كيقول ليا مشغول كنسول عليه سلطان مكيجوبنييش….مابقيتش باغة نصوني ليه…
كنزة : انا قلتها ليك اسلوى هو طليقك نتي نيتتك حسنة بغيتي تتخلي معاه العلااقة زوينة وتكوني نعاه صداقة ملي مابغاش حتى ديك النمرة قطعيها معاه ماتبقتش تهضري معاه
شلوى :غير على قبل خويا…مكنهضرش معاه من نهار اسقرت فالمغرب….(تفوهات)تشهيت السوشي…ماعرفتش اش جاني عليه هضرت مع سلطان ولدي لقيتو مع ماما خرجو لبارح يتعشاو على براا وخداوه شهاوني فييه….نمشي نقوليهم يجيبوه ليا بغيتيي نجيي ليك معايا
كنزة،: لا لاا ماكيعجبنييش…شكرا
سلوى :مابغيتي واالو
كتزة : بحال ديما..
حركات رااسها وناضت خرجت عندهم لبراا وكنزة تكات على ضهرهاا كتفووه بملل قالبة عينيها بغات تجر عندها المخدة حتى حسات بتيليفون سلوى مليوح حداها….مدات ليه ايديها وهزاتو عارفة ليه الكود بعد المرات كديرو قدامها مكترضش البااال حلااتو كتشوف هنا ولهيه مخرجة عينييها ماكتيقش فسلوى عارفاها كتهضر مع عماد بالتخبية مرة كتقولها ليها مرة لا..لقات صورتها هي وسلطان فالشاشة ودخلات نيشان للتيليفون كتشوف معامن اخر اتصال وهي تلقى واحد مسجل بغير بقلب مكسر هكا 💔 …
هزات شفايفها ماعرفاتوش شكون وهي تدخل للواتساب لقات نفس الرقم هو الفوقاني ودخلات ليه نيشان كيبانو ليها غير الفوكالات مع حلات اول وااحد سمعت صوت راجل كيقول ليها فيه..
_نتي ماعارفة واالو..ماسوليتيش علاش درت هادشي بزز علياا واش انا كرهت نجلس حداك نتي و ولدي ونعيشو كأي عاائلة انا كرهت (هزات حجباانها من كلمة ولدي باستغرااب) كنعتاارف اسلوى ضلمتك معايا طلعت ولد الحراام للي درتو فيك ماييديروهش ولاد الناس عارف وضلموني حتى انا …ااه اسلوى ضلموني وتضلمت كيف ضلمتك شوفي حالتي كي ولااات كنتخلص على ااش درت فييك اسلوى !!
كمشاات ملامجها حاضية مع البااب وكملات التصنات بفضوول معيبة ملامحها من طريقة كلامو
كنزة :شكون هاد مهند وسامحني ديالو!
طلقات الفوكال ديال سلوى..
سلوى : هاد الهضرة فات الفوت عليها اشعيب انا وياك سالينا مابقيتش كنتييق فيك هدمتي الثقة لي كانت بناتنا مانتشرفش تكون اب لولدي …ولدي مكيستهال يكون باباه متبع من طرف البوليس…كان عليك تفكر فيه قبل مااتوصل لهادشي هو كيبغييك ونتا عمرك حسيتي بولا سولتي عليه….انا نسييت لي درتيه فيا حيت مابقيتيش كتهمني ولكن ولدي كيهمني بعد عليا اشعيب عفاك بعد ليا وعلى ولدي خلينا نعيشو هانيين…
زهق التيليفون من ايديها وهزاتو دغيا كترجف عينيها مع البااب رداتو على ودنيها كتنقز فالفوكالات وتصنت باغة تفهم غير محور الهضرة بييناتهم مصدومة فشلات وهي كتسمع هضرتهم وحدة وحدة خاااصة ملي وصلاات ليه وهو كيطلبها بااش يشوفها قبل ماايمشي من الايمارات لاخر مرة…زادت كملات ليها الصدمة ملي سمعت سلوى كتقول..
سلوى : خسمة دقايق اشعب غنعطيها لييك من حياتي ماشي من وقتي خمسة دقااايق..
فرح شعيب وتصدمااات كنننزة كتشوف توقيت الفوكال لقاتو غير هاد الصبااح لاحتو دغيا معنقة المخدة عندها ملي حسات ييها جاية داخلة مع البااب عينيها خارجين كتقلب على تيليفون حتى هزاتو كتشوف فشك فكنزة مبسمة ليها وجلسات جنبها بنص عين كتسرق فيها الشوفة وكنزة ساهية قداامها بتفكير عميييق وبفضوول اكثر واش هادشي فخبار عمااد كيفاش غتلاقا معاه ااش كدرهادي؟ شنو كيضرو فرااسها..نقولها لعمااد هو يشوف بنفسو يشوف ااي كدير ختو..وايلا حصل عليها شي حاجة يمشي يقتلها ولايدير فيها شي كارثة نخرج على راجلي..؟
هزات كتافهاا سايسة عقلها..انا ماسوقيش فييها تهضر معامن مابغاات نمشي نخلي راجلي هنا فالحبس ونرجع بوحدي راه بعقلها عارفة ااش كدير ضبر راسها…
والو واش قدرت تجلس بلااما تجبدها تحكت مع جنابها حتى عيات فالاخر ضارت عندها..
كنزة : سلوى حبيبة عطيني نهضر مع عمااد.. نسول فيين ماشي تشغل بالي علييه..واخا عفاك ؟
سلوى : واخا..عنداك يكون مشغول ومايجاوبناش كاع
كنزة : غير نجربو..مافيها والو
حركت راسها بايجاب ودوزات رقموو..المرة لولا والتانية مجاوبش مابغاتش تعاود تصوني ليه حتى زيرااتها كنزة عاد صونات لييه تاني وهو يجاوبها وعطاتها نيليفون ناضت بشوياا كتهضر معاه وكتبعد بشويا بشويا لكن بقات قدامها قربات غير لباب ديال الجردة..
كنزة : عمااد…
عماد : مممم روحو….(تبسمات وهو كمل كلامو) هانية ارتاحيتي تما..
كنزة : الحمد الله فيينك نتا شنو كديير..
عماد : غنجي غنجي عندكم هاد يومين ندووز واخا ؟
كنزة : واخا…ب بغيت نسولك شنو درتي ولكن مابغييتكش تعصب اعماد انا غي كنسول فيك وصافي..
عماد : ايلا كنتي غتبقاي بعقلك هكا سولي احبيبة نسمع لييك مااديريش غير ايديك فايد شياطنك وتخرجي ليا العقل..
كنزة : انا درت لي قلتي ليا..قلتي ليا جلسي ودخلي سوق راسك هانا جلست كنسنااك
عماد : غي ا رتااحي احبيبة تهناي لياا كلشي مزيان..قريب نرجعو منيين جينا ونشوف واش تعاودي تجبدي شي امارات على لسانك..
كنزة : هادي وتوبة ههه لا صافي انا مابقيتش باغة حتى نزيد دقيقة فيها…
عماد : شوية ونصوني لييك خليك حدا سلوى نهضر معااك واخا ؟ نخليك احبيبة دابا
كنزة : واخا صافي بسلامة رد البال لراسك..
حاافض على هدوئو حتى قطع معااها عااد تنننهد كيسوط قدام الطوموبيل اللي واقفة امام الاوطيل لي فيه البار لي خدامة فيه هند غادي جااي عليهاا حتى جا سلطان بطوموبيل اخرى وقف جنبو ونزل منها بلبااس عااادي جدا انييق مكتبانش عليه كااع من رجال الامن..وعماد واقف كيسووط محاملش يدخل ولكن باغي يعرف ااش كاين مشى دااخل وهو يبدا يصوني تيليفون جبدو بنص عين شاافو رقم مامسجلس لكن عارف رقم رواان مزيان قطع عليهاا مغددة كينفخ..
عماد : ينعل الساعة لي شفتك فيها…المرض !
_______
عقد حجباانو تفكر اخر مرة تلقا بيها هي وعماد حد الان ماقال لاسماء والو…
محمد : عندها شي مشكل ؟ امتى اخر مرة دويتو…
اسماء : ماعقلتش راه شي سيمانة تقريبا دابا…
محمد ضرب ايديه فجيابو كيقلب على تيليفون : نجربو مع عماد نشوفوه..معاه هي ؟
اسماء : لا قلت ليك مسافر مخليها هي مع ختو يمكن…
حرك راسو كيقلب على رقم عماد مدة طويلة بزز باش لقااه وهو يصوني ليه برصيد وطني لكن بدون اجابة وقطع مارجعش صونى..
محمد : شوية ونعاود نشووف ماكيجاوبش…ماتخافيش ماشي بوحدها ماكاين ما يوقع ليها شوية ونعاودو نشوف..
اسماء حركات راسها بهدوء موافقة كلامو : واخا…صافي
محمد : انا الفوق تنعسي ولا تطلعي ؟
اسماء : كنت معاهم غمي ابراهيم بغى ينعس وقيلا كيتسنااك تطلع عندو انا غنتسنااك….
حرك رااسو بابجاب وخرج خلاها طلع الفوق عندهم لقاهم كيف خلاتهم اسماء غير الحاجة والحاج والجد شوف فيا نشوك فييك قلييل فين كيهضرو التلفازة شاعلة قدامهم باخبار مغربية…كح ونطق صوتو الخخشن داخل عليهم…
محمد : السلاام علييكم..
الحاج : السلام ورحمة الله وبراكته زييد اولدي على سسلاامتك كي ضل يومك..
محمد : الحمد الله هادي هي الخدمة…السي ابراهيم بخير شوية(بشر ملامحو وجلس مفرق دراعو،على الخداادي كيشوف فيه) ياكما صدعنااك نخوييو عليك ولا ؟
الجد ه فيخ صبعو كيمعني على الحاج : بوحدك بلي تمشي معايا غداا تاحد مايتبعني من غيير ولدي عيسى وسميرة وولادهم ونتا ومرتك و…والحاجة مك..
الحاج كيفور دخان من ودنيه: دخل نيشان وقول ليا بقى فد…ارك
الجد : الدار داري (خرج عينيه)وماتمشيش معايا آسيدي هاهي فوجهك نيشان فهمها كي بغيتتي…
غمز محمد باه والحاج قلب وجهو كيسوط جالس بزز على وجه ولدو والحاجة غير كترمش خايفة فاي لحضة يضور ليها الموضوع كبر فيها الخوف من الجد وللحضة اللي هز البندقية على ولدو نهار مشاو عندهم لوجدة باقة بين عينيها..
محمد : مايمشى معاك حد…غير كونطول خفيف دوزو وترجع…شفتي الفيرمة مع الواليد….تبغي تشمي ترتاح فيها شوية الريح نقية وراحة عجيبة فديك ليسباس اش بان ليك
الجد : ويااك نتا خدام !!
محمد : الحاج معاك…ولد السي عيسى وحفايدك حتى لويكاند ونلحق عليكم…
الجد : من هنا لتما يحن الله دابا نشوف…ونشوفو هاد الكونطرول هذا تاهو…مايلحق عليا حد فيه ولاد الحرام المساخيييط لقاو سيبة لقاوني شاد الفراش يطلو عليا الوقت للي قال ليهم راسهم…
محمد ضحك عليه عاد كان باغيهم : هي حنا ماكيفناش…
الجد :اشو..الله يرضي عليك نتا بوحدك لي فهاد دار…ومرتك تاهي بنت الناس..مايلحق عليا حد مانشوف حد ماتقول ليهم عندي كونطرول ولا جوج ديني نديرو ورجعني فحالي..مابغيت قوة خيطي بيطي علياا وشي ناس عمر عيني شافتهم يجيو يطلو عليا باشمن مناسبة اسيدي فين نعرفهم ولا يعرفوني…يديو الاجر فطريقي….يربحو الجنة على ضهري..
الحاج : علامن ظاوي..شكون هادو اللي جاو عندك بلا مناسبة انا ماشفت تاحد من طرفك جا من غير العايلة ديالك..
الحاجة: داوي على اسراء وفاميلتها..
الحد :هي هادييك..اسراء ولا عصراء قلة الديين والعفة ياك اواا طلقتي ااش هاد قلة التراابي اسي محمد قطع الرجل الله يرضي علييك خلي التيقار بيناتكم انا ماتجي عندي مانجي عندها….لي وقع بيناتكم ربي لي عالم بيه ماعرفتوش…وليني انا لي تطيح بدمي وتجرجرو فالمحاكم ماعندي ماندير بيها..
الحاج : منجريوش عليهم ايلا جاو ماعندنا مانديرو من عيب مرحبا بيهم…
الحاجة ميقات فيه : غير من باب الصواب طلو عليك…دوات معايا لالة رقية غير البارح ناوين يجيو هنا يطلو عليك تاني اسي ابراهيم باش تفهم الطيبة ديالهم.. ومالقيت مانقول ليهم قلت ليهم مرحبا و وراه عمي….
محمد هز فيها عينييه مضلمين بتبات : لا الحاجة….اعتادري لييهم ورجعي العراضة….
الحاجة : و وكيغاندير ليها اولدي…قلت ليها مرحبا حشمت وغلبني وجهي قالت ليا حسو براسهم ماداروش الواجب على اكمل وجه فالكلينيك عندو وبغاو يزوروه فالدار
محمد : الواليدة كلام واحد قلناه…نبداو تاني نعاودو فنفس الحكاية….حلفت والوعد خرج من اللسان لي خرج من هاد الداار لا بقى حط فيها الرجل ولا دخل ليها…
الحاجة المسامحة اولدي…
محمد : نعلي الشيطان الواليدة السماحة سامحنا..
حنا بشر ماعندناش بوطون فراسنا نكليكو ونسيبريميو لي فات فدقيقة… مانعاودوش تاني نحفرو علييه نتي الحاجة اللي بان ليا نسيتي وفوتي لهييه…(بنرفزة قلب وجهو)سدو علينا هاد السيرة مانحبش نسمع حسها مرة اخرى…
ضربت الحاجة طم ماعاودتش دوات والحاج غير كيسمع سكت فحين الجد كيشوف هناا ولهيه حتى تبت الشوفة فجيهة وحدة حاط ايد فوق ايد على كرشو المكركبة قدامو…..
الجد : ايوا…من حقو…!
يتبع
التعليقات 0