حياة ثانية
هاد المرة هزها من الشارع اللي قريب لدارهم وكانت واقفة بالشعر كحل زربية حرير ومسطر من الاطرراف حتى زغبة ماخارجة ومع الجو كان شوية مغيم بانت كضوي وبيضاء والفم صغيور مطبز ولحنيكات بحال الدراري الصغار . كانت لابس سروال كحل وبودي كحل سامبل بصديفات فلكمام ولايحة عليها كاب زوين عاطي للعين والصاك فيدها وفرجلها حداء رياضي حتى وقف عليها بالسيارة وطلعات كتبسم وسلمات عليه في حين كان وسيم فلباسو وشكلو وعجباتو بان عليه الاشتياق وعنقها بواحد اليد وهي كتشوفيه بنص عين وكتهرب مابغاتوش يقيسها ، ملاحض والو لاكن سكت حتى عيا وقال
سامي: تواضعي معانا شوية مالك متكبرة
سكينة: انا متكبرة؟
سامي: هادشي اللي بان ليا
سكينة: غير كيبان ليك
سامي: تنهد) دوزت اكفس سيمانة فحياتي
سكينة: بنص عين) وعلاش؟
سامي: هاكاك.. هاد السيمانة دازت كحلة .. عاد طلع ليا المورال دابا حتى شفتك
تبسم كيشوف فيها واقترح عليها المقهى اللي جلسو فيها اخر مرة ومشاو ليها نيشان جلسو وخدات راحتها وجلس جنبها عنقها بيدو وشد ليها فواحد اليد كيتجمع هوا وياها ويالاه جلسو بخمسة دقايق وتحطات ليها قهوة سخونة قدامها ما جات فين توصلها لمفمها دوقها حتى مشا راسها كامل جنب وتهزات من بلاصتها هي وقهوتها وتشدات من شعرها وتخوات عليها القهوى سخونة وبدات كتغوت وشادة فراسها ماعرفات باش تبلات وماقدراتش تهز راسها لقات وجهها فالارض والغوات وصوت مرى كتغوت وسامي كيفك
الشعر تقول شداتو العافية وشعرها تبارك الله ديال الشدان وتحكمات بين اليدين حتى كان راسها غيطير وكتغوت وطيح فالاوض وتنوض والقهوى كلها ناضت مخلوعة . اما سامي كيغوت ويدفع وهي كيبانو ليها غير رجلين فواحد الصابو كحل بحال ديال سبطارات وجلابة فالاصفر وكتسمع من تخصار الهضرك المنقي خيارو وكتنعت بأبشع الالفاظ وودنيها كيسمعو غير يا خطافة الرجال يا القح٠٠٠ يا الرخييصاااا تابعة الراجل مزوج وبدارو يا الخانزة
ودنيها كانو مصمكين وزادو تصمكو وحتى الفرصة باش تهز الراس مالقاتهاش وكتسمع الغوات على الجهد وسامي كيتعصر ويغوت تحت سنانو ويفك
سامي: طلقي.. طللقي طلقيييي طلقي يدددك
المرى: ياااك الشاماااتة حصلتي دااابا والله تا نقتلها هادي هي اللي متلفاك هانا غنمشي عليها للحبس
شدات سكينة بين يديها تقول شداتها لمصيدة والبونية من لفوق والضرب حتى فجأة سمعات تسرفيقة مضوبلة على جوج عطاها سامي للمرى للوجه حتى شدات فيها مصدومة وجر سكينة سخفانة وراه وبدا كينهج بالاعصاب وهز يدو وقال
سامي: يالاه دوري تق٠٠دي دابا سيري تق٠٠٠دي لداركم
بالدوخة والسخفة هزات سكينة راسها تشرف شكون لقات جوج عيالات قدامها ماعرفاتش واش كانو شادينها بجوج ولا كانت شاداها غير وحدة ومحروقة فيدها بالقهوى وشعرها مخبل كتجمع وتبكي وترعد وتنهج ماقدرات تقول حتى كلمة .. قدامها مرى بجلابة صفرا والشال ملفوف عليها عشوائي وعينيها خارجين وشادة فحنكها وغلويضة شوية وحداها مرى كبيرة حتى هي لافة الشال عليها كتسب وتعرق .. بالفقصة بغات المرى تعاود طير على سكينة بلغدايد وبدات كضرب هنا ولهيه ودفع وهاجت وكتغوت وكتبكي وتردد
المرى: كضرب مرااااتك الشمااااتة… اااانا تسرفقنييي انااا على لق٠٠اب تضربني وتفكها هي
شنقات عليه كتغوت وتبكي وهوا شاد ليها يدها وكيغلي رجع احمر وسكينة مخبية وراه كترعد وجهها تزير ومكشمة كتهرب من المرى لكبيرة اللي بغات تشدها وكدور من هنا لهنا حتا كانت غتشدها وتحكمها وطير عليها بكمشة لاكن لحقها سامي وتنتر وتعكل حدا الطبلة هربها وراه وهي كتغوت بالخلعة حتى جات واحد السرباية قد الحراس دالكنز كتفك
المرى: بالسخفة) مع ق٠٠٠باااا يااا ولد لحرااام والله لا دوزتها لك … كنقول مالو تبدل مالو … والله تا نددمك نوريك ضرب (كتنهج بالسخفة)
سامي: بغضب) واسيييري تق٠٠٠٠ هاااا دييييي غنتزوج بيها ياااالللااه واسيري دابا موتي ولا نتاحري ولا ديري اللليييي عجبك(شد سكينة من يدها هزها) هادي غنتزوج بيها ونتي غتمشي تق٠٠٠ي لداركم هااادي لالللاااااك
للمرى طاحت سخفات وسط القهوى اما سكينة هزات صاكها وهربات كتجري وتجمع شعرها والدموع كيجريو وبقا سامي كيشوف فجنابو وشار بيدو للمرى لكبيرة
سامي: نتي مها نتي جيتي معاها وابقاي معاها دابا (غادي كيبركم ) نوري لمك الشوهة والضرب واعرة نتي انا غادي نوري طاسيلة مك الكلبة
تبع سكينة كيطير ويقلب عليها شدها فجنب الشانطي غادية كتجري بالخلعة ووقف كينهج
سامي: بلاتي فين غادا
سكينة: بتعب) طلق مني حيد يدك عليا
سامي: اااجي والله ماتمشي تسناي
سكينة: دفعاتو) بعد مني .. طلق مني
نترات يدها يالاه زادت شدها بزز ووقف قدامها بغضب كيشر بيدو جيهت القهوى
سامي: انا حسبني مامزوج ما تا لعبة هاديك ااصلا غنطلقها ونتزوج بيك نتي راه والله مكنكدب عليك اسكينة والله تا نطلق مها
سكينة: بغضب) شكون قاليك انا باغا نتزوج ؟؟ شكوون؟ بعد مني خليني نمشي بحالي
بدات كتبكي وتشهق غادايا وهوا تابعها مابغاش يتفرق عليها وجبدات تيليفون كتصوني على فوز وكدفعو وتغوت فوسط الطريق حتى ردات عليها فوز
سكينة: بانهيار) فوز اجي عندي .. اجي عندي فينك
فوز: سكينة مالكي اوييلي؟؟؟ انا فلحمام
سكينة: اجي عندي انا فهرهورة مالقيتش طاكسي اجي عندي دغياااا(دفعاتو) وابعد منيييي .. بعد منيييي ماتقيسنيش
سامي: بترجي) والله يرحم باااك هانا نبوس ليك راسك غير سمعيني سمعييني انا نعاود كوولشي
سكينة: منعاود ليا منعاود ليك تفرق عليا بعد منيييي
هربات كتجري دخلات لواحد القهوى شادة يدها وتبعها غادي موراها حتى جلسات وجلس حداها بزز منها وهي دور شدات راسها كتسوط
سكينة: نوض من حدايا غتسيفطني للحبس.. نوض بعد مني
سامي: اشمن حبس؟؟؟ جالسين فمكان عمومي سمعيني انا نفهمك
سكينة: شدات راسها ) ياااربي شدرت فحياتي ياربي حتى يوقع ليا هادشي
جات عندها النادلة تشوف اش بغاو وطلقات منها سكينة الماء والثلج وشي مشروب كما كان وصدرها سامي بواحد نص نص وجلس شاد وجهه كيشرح وسكينة شادة يدها وكتبكي عليها
سامي: انا وهاد الق٠٠٠٠ طرا بيناتنا بلان لعام اللي داز .. تصاحبت معاها شهر لسقاتني قالت ليا تقبتيني من اللخر .. تحلات ليا تا شبعات فاللخر لا تقبتيني ضحكتي عليا وهي فاش كانت كتكون معايا كضحك تا كيبانو حلاقمها وعاااجبها الحال وفاللخر قالت لك ضحكتي عليا استغليتيني لا خصك تزوج بيا مهم دارت ليا روينة وصلات للخدمة للمحكمة صافي فارينها بتزويجة ولاكن ما زواج ما تا لعبة عوال نسيفطها لدارهم
سكينة: بخيبة امل وقرف شافت فيه) عليها كتقول ليا حتى لتمنية !! حتى للويكاند.. شهر كامل ونتا كتكدب وداير ليا قصة (بسخرية) اودييي
سامي: انا جادارمي مكدبتش عليك ماتقتيش هاكي ها لاكارط تأكدي
جبد ليها لا كارط شافت فيها بسخرية وزادت تصدمات فاش لقات فعمرو ثلاتين عام وقالت بسخرية
سكينة: كادب حتى فلاج ههه باش تبين ليا مزال فالمدرسة دجوندارم زعما !
سامي: وافهميني غيير فهميني وعذريني علاش درت هاكا .. هانتي شفتي السبب وصمكت مها قدامك وتبعتك نتي وخليتها هي
سكينة: تنهدات) شوف اخويا.. انا هادشي عمرو طرا ليا فحياتي.. صاافي برااكة هاد الصدمة وهاد الشوهة غير سير راه ماتصور من عندي والو
وصلات فوز بجلابتها والزيت فشعرها جامعاه بنقبط كدور بالطموبيل حدا القهاوي وتصوني حتى خرجات عندها سكينة كتجري سمحات فيه فالقهوى ومشات ركبات حدا فوز اللي شافتها هاكاك بدات كطلع وتهبط فيها كاتسول
فوز: يالاه حطيت صاكي ونتي تصوني حاب الله مادخلتش لداخل للسخون ،، مالكي شنو وقع
سكينة: ماعرفت مالي واش انا منحوسة واش ماعندي زهر .. الكلب دسامي طلع مزوج ومرتو جات نتفاتني فالقهوى دارت ليا الشوهة كولشي كيضرني كنحس براسي غنغيب
فوز: ضربات فخادها) ااااويييلي على مزوج !!! اويلي على ولد الق…. ومرتو نتفاتك !!! كانت بوحدها؟؟ نتفي مها نتفتيها؟
سكينة:كتبكي) شغانتف واش كضحكي عليا
فوز: اويييلي تفقصت .. اويلي كنتغدد كون كنت كون كليييتها نوريها النتيف.. تنتف راجلها اللي خارج ليها من الدار وغادي عند بنات الناس كيتفلا عليهم !!! اويييلي فقصة!!!
سكينة: صافي خليني اللي فيا كافيني بغيت غير نرتاح.. يدي شوفي كي دايرة وحالتي حالة
تغددات فوز وشدات الطريق كتاكل فجنابها وسكينة كتعاود ليها بردات ليها شوية قلبها بديك الطرشة اللي عطا لمرتو وخلاها ومشات كتسمع حتى وصلو لباب المحل ويالاه نزلات جات مع سيارة غالي نيشان ضاربة الدورة حداها ووقف فالجنب وهي كدور عينيها مهبطة راسها
سكينة: غالي غالي،، صافي غير سيري شكرا بزاف الله يسهل عليك
فوز: اوييلي مابيناتناش
نزلات سكينة ومشات لسيارة غالي ركبات وسدات عليها كان مزال بحوايج الخدمة وتلفت سلم عليها من وجهها وشاف فيها وقال
غالي: مالك؟ كنتي كتبكي؟؟؟
سكينة: كتنخصص) تحرقت فيدي
غالي: شد فيدها كيشوف) متأ تأ تأ وكيفاش وقع ليك؟
سكينة: تخوات عليا قهوة سخونة ..باباك فالدار؟
غالي: مشا لبارح نسيتي؟
سكينة: ديني معاك ديني
تحرك من قدام المحل وداها للدار معاه وغير دخلات حيدات عليها دوك الحوايج اللي تزلعات عليهم القهوى ولبسات واحد الكابيتشو ديالو كبير بالقب فالاسود نزل غطا ليها مؤخرتها وبقات برجليها مقزبين وفخدها حمر قاستو القهوى ..عطاها تقاشر طوال ديال النايك واصلين حتى للركبة كان يالاه شراهم يلعب بيهم الكورة لاكن جبدهم ليها لبساتهم وجلسات فواحد القنت مكمشة وهوا قدامها يالاه حيد لافيست باقي بسروال للتوب والقميجة وتقاشر جالس قدامها وكيدهن ليها دوك البلايص بالمرهم وكيتأسف على داك الحريق في حين هي ساكتة وكتنخصص غير بوحدها وكتشوف فيه بأسى وتأنيب الضمير وقالت
سكينة: واقيلا نستاهل وربي عاقبني
غالي: كيسد المرهم) نعلي الشيطان الى جا كل واحد يتعاقب فالدنيا على فعايلو حتى واحد مايبقا فيها.. استغفري ودعي الله ان الله غفور رحيم.. (سكت شوية وقال) هي درتي زبلة ؟
بعات يديها وتكمشات فداك الكابيتشو وقالت:
سكينة: مادرت والو
غالي: ومالك جاك تأنيب الضمير؟؟ غيير قولي اش درتي
سكينة : دارت يدها على خدها ساهية ) كنحس براسي عيييت .. عييت وماعندي زهر ووو…
سكتات ودارت يدها على عينها بدات كتبكي وتقلبات نفسيتها الدرامية وبدات كتبكي وتنخصص وتهبط راسها على يديها وتشكي وهوا واقف كيشوف فيها حتى بقات فيه وقرب عندها وهوا واقف عنقها من راسها حتى لسق وجهها مع السمطة دالسروال وبدا يحك ليها راسها ويواسيها وهي كتبكي وتشكي
غالي: اي حاااجة فالدنيا عندها حل… كولشي ليه الحل الى ماكنتيش مرتاحة فشي حاجة حاولي تقاديها باش ترتاحي فيها ولا بدليها
سكينة: كنحس براسي تالفة مامرتاحاش
غالي: جربي تصلي… صلي ومغتبقايش تحسي ببحال هاد الاحساس
سكينة: كتمسح نيفها) ماكرهتش نمشي نعيش فشي بلاصة بعييدة على كولشي
غالي: استغفري مولاك .. زعما البلايص لخرين فيهم الجنة
سكينة: دوزات يدها على الكابيتشو) زويين هاد البيل منين خديتيه؟؟ مريييح ورطب
غالي :دور وجهه بدا كيضحك) الاللة غير بالصحة خوديه .. الى كان غيطلع ليه المورال
سكينة: معنقة دراعها) رطييطب (كتشم) باقي جديد
غالي: لا لبستو شي مرة تسخرت بيه وصافي
سكينة: كتشم) امم فيه ريحة زوينة
بدا كيضحك ومشا خلاها مكمشة حتى توضا وصلى وعمر واحد البراد داتاي وهي جالسة شادة تيليفون طالعة هابطة فالفايس ومشات دارت لسامي بلوك وبقات كتفرج فالناس وساهية حتى حط غالي البراد داتاي وكيسانو وجلس حداها عمر ليها واحد الحاس مدو ليها شربات منو وبقات كتشوف فيه
سكينة: اتاي ديالك واااعر .. كتصرعو
غالي: بالصحة
سكينة: كتعرف طيب؟؟ اجي شكون كيشقا ليك؟
غالي: شكون غيشقا ليا؟؟ راسي!
سكينة: بصح؟؟ حيت تبارك الله دارك ديما نقية تقول فيها خدامة
غالي: لبارح خملتها كلها
سكينة: حلف!!! بوحدك؟ (كتسرح عينيها) شنو درتي؟
غالي: هزيت كولشي من بلاصتو نقيت الدنيا وعاااودت رديتو عاوتاني..
سكينة: يااه!! تبارك الله عليك
غالي: مكتخمليش نتي؟
سكينة: كدور عينيها بتردد) كنخمل .. فاش كيكون عندي الوقت .. حنا البنات ماشي بحالكم نتوما الويكاند كتجلسو ترتااحو اما حنا نهار الراحة يالاه كنمشيو فيه للحمام وكنصبنو حوايجنا ونمشيو للصالون وزييد وزييد
غالي: بتسائل) دابا الصالون والحمام وهاشي كله شحال كيدي ديال المصاريف؟
سكينة: ايوا على حسب(كتشوف فالسقف) كل وحدة حسب جهدها
غالي: شار بحجبانو) نتي نتي.. شحال كيكفيك باش تقضي هادشي كله
سكينة: بتخمين) واااا…. خمس ميات درهم هاكاك
غالي: باستغراب) غير حمام وصالون؟
سكينة: اللي كنخسر على راسي فسيمانة فهادشي هاادا
غالي: هادشي فسيمانة ماشي فشهر؟!!!
سكينة:اويلي لا فسيمانة قالك شهر!!
غالي: راكي مبدرة على هاد الحساب
سكينة: انا فالشهر راه كنخسر زبالك دالفلوس غير البارافارماسي كيديو واحد الف وخمس مية ديال تريتمو كاااامل دالجلد والشعر وكولشي كيسالي ليا مع لخر دالشهر.. عاد زيد ليكونبليمون اليمونتيغ والمنشطات والبرودويات لخرين كنجيب التعادل مع الشهر نيشان
غالي: اه اه اه !!! هادشي اللي كتخسري واحد اخر معيش بيه اسرة
سكينة: بدات كضحك ) راني بنت ضاروري من هادشي .. عاد انا لحمي حساااس وعقلتي على شنو كان وقع ليا؟؟ من ديك المرة وانا الي غسلت بيها ولا درتها ماشي ميديكال دير ليا حبوب رقييق ولا تحمر ليا لحمي..خصوصا دوك جيل دوش وداك تخربيق اللي فيهم الروايح عند مالين الماكياج
غالي: كيحك لحيتو ) امم.. وعندك شوية مع طياب الدار ولا والو
سكينة: بنص عين) لا كنعرف نطيب اويلي ! كنعرف ندير كولشي غير قلت ليك الوقت مكيكونش وصافي
تكات اللور وسرحات رجليها عندو كضحك وقالت
سكينة: برك ليا فرجلي
تكا على ضهرو وسرحات رجليها على حجرو وبدا كيبرك عليها ويداعبها وكيخمم
غالي: باك شحال مزال ليه؟
سكينة: مابقا والو .. شي شهراين وصافي علاش؟
غالي: ضربها رجليها بلطافة) غادي نهضر معاه عليك
سكينة: فدهشة) انا؟؟
غالي: غمزها) مابغيتيش تكوني مراتي؟
بقات كتشوفيه مصدومة وترمش وبدات كضحك وجع وجهها احمر
سكينة: سير سير انا مغنتزوجش
غالي: فخبارك عاد رديت البال لواحد لحاجة
سكينة: شنو هي؟
غالي: كتحشمي من موضوع الزواج مكترضايش تقبلي
سكينة: دورات وجهها) لااالا
غالي: واغير عتارفي مكاين حتى واحد براني دابا غير انا ونتي
سكينة: ألااا ههه كنخاف من الزواج.. ها الدار ها النكير ها الولاد نارييي
غالي: علاش انا كنكر؟
سكينة: لا ولاكن فالزواج مانعرف
غالي: اما الولاد باااقي الحال عليهم .. حتى نديرو الدار ونستاقرو ونرتااحو مزيان عاد نفكرو فيهم ،، تكوني نتي نيت هديتي شوية ودرتي عقلك
سكينة: ويلا طلعت مكنولدش مااااااثلا اللله ينجيني
غالي: جابهم الله مرحبا ماجاوش ماشي مشكل.. خاصكي تعرفي بالي ماعنديش ديك اللهفة على الاولاد.. الحياة مع شريك الحياة كترتاح معاه حسن بزاف ، غير هوا حاجة وحدة اللي منتفاهمش فيها… التقزاب … داك التقزاب والسهير دالليل حيت بإمكانك تجلسي فدارك ومع راجلك وترتاحي وتسيفطي هادوك اللي معاك كما كديري مرة مرة يخدمو بلاصتك
شافت فيه بنص عين فاش سمعات اخر جملة وقالت
سكينة: انا كيعجبني نمشي للعراسات نخدم بيدي
شاف فيها مطولا وعقد حجبانو وقال بهدوء
غالي: اشمن عراسات ونتي مزوجة ؟؟ ترضاي على راسك تخرجي دوري من عرس لعرس فنصاص الليل وراجلك اللي راجل فالدار؟
سكينة: ايوا والاطباء اللي فيهم المزوجات وكيباتو خدامين الليل كامل
غالي: الطبيبة ماشي بحال النكافة
سكينة: خرجات عينيها) اياااه ومالها نكافة كي جاتك؟؟؟
غالي: واغير بشوية حنا غير كنهضرو بغيتي ضربي؟؟
سكينة: ونكافة كي جاتك دابا؟
غالي: نكافة راه خدمتها زهو ونشاط والبلايص اللي كتخدم فيهم متنوعين ،، يعني كل مرة عرس فقت والعرسات مخلطين ها اللي بعقلو ها اللي حمق ها اللي سكران والبسالة .. متاقرنيش كلينيك ولا سبيطار بلعرس والزهو
سكينة: ايوا اللي بغا يدير شي حاجة راه غيديرها واخا يكون فعزو ماشي غير فعرس
غالي: الى كنتي كتفكري بهاد العقلية غير داوي راسك حنا مهضرناش على اللي كتقلب على الفرصة فين دير شي حاجة مزالين حدنا فبنات الناس اللي كيخافو على راسهم وكيبعدو من المشاكيل والصدع سيري حتى نتي قراي وغنسد فمي يالاه
سكينة: اصلا ماعندي ماااندير انا بشي زواج ما انا لايقة ليه ما هوا لايق ليا بغيتي تزوج سير عند البنات اللي راهم من صغرهم كيقراو ويتعلمو يكونو عيالات مزوجين (هزات يديها بدلع) انا مافيا الليييي يمشي على شي قوانين ديال شي راجل وباغا نديراللي قالي راسي
غالي: وغتبقاي هاكا حياتك كااملة ماعندكش حدود ماتخافي اللي خلقك ماتخافي تموتي على غفلة ؟ ماعندك دين ما عندك مبدأ
ماعجباتهاش هضرتو وربعات يدها بقات كتشوف هنا ولهيه وتشوف فالسقف وهوا ساهي قدامو ويديه على رجليها بعفوية
غالي : بتحريك الرأس ) نعلي الشيطان ورجعي للطريق.. ماقلنا ليك واااالو،،، قلنا ليك لبسي مستور وباتي فالدار وهادشي الى قلتو لشي واحد يبقا غير كيشوف .. الناس كيبغيو يتزوجو مكيتناقشو كاع فهاد المسائل
سكينة: وفاش كيتناقشو؟؟
غالي: كن تعرفي فاش كيتناقشو ما تنعسي ما تشوفيه
سكينة: ايوا قوليا نعرف بغيت نعرف
غالي: غير واحد خدام معايا الصباح جا معصب وفاش بدا كيشكي قالك دار بناقص من شي زواج ومتافهمش مع هاديك اللي كان غيتزوج قاليها نتحملو المسؤولية بجوج يعني النص بالنص وتصرف معاه السنتيم بالسنتيم وحتى وافقات ورجعو متفاهموش
سكينة: وهي مالي غتقسم معاه النص بالنص والسنتيم بالسنتيم غيقسم معاها هوا الحمالة والولادة وتمارة ديال الدار ؟ ولا غيمص ليها الدم وهوا يعيش مرتاح
غالي: كاين اللي كتاار كاين اللي باغي المرى تسكن مع والديه فدراهم وكاين اللي مطلق وعندو الولاد وباغي اللي تربي ليه وكاين اللي فارض عليها الحجاب ولا الخمار كاااع .. اما نتي ماقلنا ليك والو ياربي تستري هاد الرجلين ودخلي فالوقت اللي كيدخلو فيه كاع الناس
سكينة: شتي انا اصلا مغانعطيش لفرصة لشي واحد يبدا يتشرط عليا… هاي هاااي يجي يتزوج بيا ويتشرط عليا.. زعما قبلي شرطي ولا منتزوجش بيك هههه زوينة هادي.. اش غيعطيني الكوا؟؟
تلفت شاف فيها وهز حاجبو
غالي: مابقيتييييش كتحشمي
سكينة: وا هي هادي شنو معنيتها ؟؟ كنقوليه عفاك اجيييي ااا.. انا قابلة شرطك غير اجي كويني !! الى مكاويتينيش نتا مكاينش اللي يكويني
بقا ساكت كيشوففيها وخرج لسانو عضو بعفوية وبدا كيضحك بوحدو ويتهز فبلاصتو بتقالة ويحرك راسو يمين وشمال وقال
غالي:تنهد بعمق) لاااحولة ولاقوة الا بالله
بقات هازة خنافرها كتشوف فيه وضربات على سنسلة فالرقبة ديالو رقيقة كتبري مخبية فالدور دالعنق ديال تيشورط لكحل وقربات شداتها كتشوف فيها وتقيسها بصبعها
سكينة: ماشي هي هادي اللي كانت عندك هادي جديدة
غالي: هز فيها عينيها ) شوف دابا حنا دابا فييين وشنو كيبان ليك نتي
سكينة: ياك ماشي هي عطاتها ليك مراتك؟
غالي: سيري سيري تلعبي…. دابا كل شوية دوري وتجبدي هاد الموضوع اشنو بغيتي؟
سكينة: عوجات فمها مع شبه الابتسامة)بغيت نعرف شنو قلتي ليها عليا… عايرتيني؟ بااينة تكون عايرتيني
غالي: لا معايرتكش
سكينة: وشنو قلتي عليا؟؟ قلتي ليها درت ليها وفعلا ليها .. حيت مغتجيبش ديك الهضرة من راسها وتخرجها
غالي: لدابا مزال مافاهم والو اصلا شنو خرج ولمن
سكينة: دابا قولي غيير شنو قلتي عليا
غالي: بتدمر) مابقيتش عاقل.. دابا خلينا فالمعقول شنو درنا غتحيدي لعرا
سكينة: حتى لفين دابا غنلبس
غالي: هادو مايبانوش منشوفهمش عريانين فالزنقة
سكينة: حد الركبة مزيانة
غالي: حد الركبة ولا ماشي حد الركبة راه اصلا عيب وحشومة تخلي الناس يتفرجو فيك ،، خاصك تكون عندك غيرة على لحمك
سكينة: كتسوط) ايوا والخدمة بالليل؟ ضاروري نعرف شغلي كيفاش غادي ونشد فلوسي بيدي
غالي: واااخا هادي غادي نشوفو كي نديرو ليها .. تمشي تشدي فلوسك ونمشي معاك غنلقاو ليها حل..تافقنا دابا؟
سكينة: بتردد) صافي
جرها كيتسبم حتى لصدرو عنقها بحنان وشدها من فكها كيبوسها ويتامل فيها وقال
غالي: ماشي كنتشرط عليك ولا تفهميها فشكل انا باغي نعيش معاك واحد الحياة زوينة نقية هااادية بلا صدع بلا مشاكيل ونحلو امورنا بشوية
تبسمات برضى فاش سمعات بالحياة الوردية ولربما تكون حسن من حياتها وغالي طبعو تقيل ومهدن تقدر تعيش معاه حياة زوينة مرتاحة وغيوفر ليها جميع وسائل الراحة النفسية والمتعة وتقدر تاخد راحتها وحريتها وغتلقا معاه الزواج اللي هي باغا ماشي بحال الزوج المعتاد واللي كتكره سيرتو بسبب العادات والتقاليد والبروطوكولات المعروفة فكل زواج مغريبي ، بهاد العقلية والشخصية اللي عندو يقدر يحتويها وتحس بالسند والدفئ اللي مفتاقداه فحياتها واللي بالرغم من كون واليديها وعائلتها فالوجود الا انها محاساش بيهم واش كاينين ومكيوصلها منهم غير الطاقة السلبية والغمة اللي كتغط على قلبها فاش كدخل للدار ولا يطلع ليها شي واحد فيهم فتيليفون.
سكتات مطولا كتفكر فالموضوع حتى تبسم فوجهها وقال كيداعب خدها
غالي :صافي دابا نبداو حياة جديدة؟
سكينة: امم..وفوقاش؟ حتى يجي بابا؟
غالي :ضاروري .. وغنهضر مع الواليد ومع الواليدة وفاش يجي باك نتوكلو على الله
سكينة: بحماس) غنديرو خطبة صغيرة ولا كبيرة؟
غالي: شوف دابا حنا ديجا كنعرفو بعضياتنا وخاطبين ختك… يعني غنهضر مع باك ولا نديرو كافي مهم نتلاقاو ومن بعد نجيو بلافامي ونديرو خطبة صغيرة عادية بيناتنا صافي وجمعي وراقك ونديرو العقد نيشان بلاا داك تجرجير وسير واجي راه تبارك الله كنعرفك وكتعرفيني هادي شحال ماشي عاد غنتعارفو
سكينة: والعرس؟
غالي: دير العرس فين كاين المشكل
سكينة: يعني العرس مع لعقد؟
غالي:حسن كاع غير نطلعو لوراق وندبرو لعقد نديرو معاه لعرس نيشان
سكينة: بخوف) هادشي كيخلع
كانت مخلوعة من فكرة الزواج لاكن عقلها هنا توقف.. القلب كيحس ويشعر بكل ما كيدور قدامو لاكن العقل توقف وكأنها طلاسيم نزلات عليها او ربما هادا قدرها والمكتاب بدا كيتصرف ومكاين حتى قوة ترقف فطريقو،، احساس غريب انتباها فديك الوقت وسكينة وهدوء ورياح هادية ضرباتها وكأن كل ما كيوقع مكيعنيهاش هي بل كيعني شي بنت اخرى من غيرها.. ماقدرش عقلها يستوعب انها فطريق الزواج .. او انها جات نوبتها والمقصود هاد المرة هوا سكينة ،، كانت كتشوف الامور ببلاهة وكتبسم مصدومة بدون استعياب للامور بثااتا .. وحتى الضروف اللي دازت فيهم الكلمة دالزواج كانو ضروف هادية ومكانش عندها حينها اصدقاء احتياطيين او شباب اللي تخرج معاهم باش تغير رأيها او تفيق وتستوعب فين غادية وشنو كدير .. جميع الشباب تبخروو وجميع المعارف غبرو وحتى الاتصالات تقطعو وبقاو ضايرين بيها غير البنات فقط وكيزيدو يشجعوها اكثر على الزواج .. وخصوصا فوز وليلى.. ليلى اللي كانت بلاصتها ناقصة وفاتوها احداث كثييرة ،، لاكن عرفات من بعد كولشي بالتفصيل وكلشي بالتدقيق من افواه فوز وسكينة اللي كانو جالسين فمقهى مجموعين بحال العادة كيتناقشو امورهم ويتبادلو الافكار والنصائح ، كان البرد تحرك وشهر عشرة دخل والجو عن عشاق فصل الشتاء بدا كيزيان .
فطاولة كانو مجموعين عليها بثلاتة بكامل اناقتهم الخريفية كيتعاودو ويضحكو ضارت فوز شافت فسكينة وقالت
فوز: احسن اختيااار اسكينة شتي انا .. ياااك انا اللي داخلة خارجة غادية جايا فالطيارة بين المغرب والسعوية وكنتلاقا غيير الشيوخ وشكون وشكون كوون جا غالي طلبني للزواج والله مانفكر حتى دقيقة ،، ماشي كااع على الفلوس ولا على العيشة كي غيعشني ولا حتى حاجة من هادو ..(هزات حاجبها) ولاكن على تعاااامل.. التعاااامل اصاحبتي هوا كولشي وحنا عااارفينو كيفاش كيتعامل معاك وداير ليك الخاطر..يعني تزوجي بيه ونعسي على جنب الراحة مايفقصك ما يمرضك ما يشد معاك زكير على الله غير ترضاي
ليلى: عندها الحق وانا متافقة معاها اسكينة.. نتي طبعك ميقبل عليه حتى واحد باش نكونو مفااهمين.. حتى واحد ميصبر ليك وغطلقي من السيمانة اللولة وتبقاي زوج طلق.. بغيتي زواج الفشوش والخاطر عليك بغالي .. حتى انا جاني مهدن ماشي انفعالي وعمرو دار ليك شي فلاش باش يرد ليك الصرف كي كيديرو ولاد لقح بات ويبقا شد ليا نقطع ليك.. تقيقل وماعندو كانة لهاد تخربيق وباغي الهنا ومغيديرش فيك راسو.. فوق هادشي كااامل راجل بمعنى الكلمة وقد كلمتو وغلط معاك قالك نتزوج بيك ..يعني عندو قلب عندو احساس … كيفكر للطرف لاخر
فوز: ايوا هااادا هوا الزواج اللي كنتي باغا هانتي لقيتيه ماعندك ماتقولي
ليلي: ياك نتي باغا زواج بحال ديالي باغا الحرية والاستقلالية وغالي ماعندوش ديك العقلية تقليدية وكوول هاهوا جا تا لبين يديك الى ضعتيه غتندمي عليه
سكينة: المشكل راه مكاينش حب (فحيرة) مكنحسش بالحب والحماس يعني قلبي ناعس فهمتو مكاينش شغف
ليلى: الراحة احبيبة حسن من هاد الحزاق كااامل.. الحب اللي يبيتني كنبكي ونفكر وقلبي مشوي وكنتشوط بالغيرة والشهية مسدودة ليا ماعندي مااااا نحبب بيه .. اللهم ينعس قلبي ونعس تا انا نشبع راحة
فوز: ياك كترتاحي معاه ..كيحرك فيك الغريزة كتحسي براسك سخونة وكيلبي رغباتك؟ (حركات سكينة راسها بالايجاب) ايوا صافي هادشي اللي بغينا هادا هوا الحب ينعل بو شي قلب
منين ماضارت مكاين غير اللي يشجعها على الزواج من غالي وحتى واحد ما خرج ليها يقوليها لا حتى بدات تقتانع وبان ليها تقولها لمونية وتشوف رأيها .. اما رانيا فعاد غتسمع رأيها وماباغاش تسمعو اصلا لاكن ماعندها مادير و ولابد طرح الموضوع عليهم وتسمع منهم .
وديك العشية نيت رجعات مشارجيا للدار وخلاتهم حتى بغاو ينعسو ومشات كتسلت بالبيجامة للبيت عند مونية لقاتها يالاه حطات راسها تنعس والضواو طفاو وجلسات فالجنب كدور عينيها وتحركها
سكينة: ماما..ماما..نوضي نوضي بغيت نهضر معاك
ناضت مونية مستغربة كتشوف فيها وجلسات كتحزم راسها
مونية: شنو كاين؟؟ ياك لاباس
سكينة: واغير جلسي نقوليك شي حاجة
مونية: شنو ؟؟!!
سكينة: واحد بغا يخطبني
دارت مونية يد على يد كتسوط وضارت
مونية: هااء… عاوتاني نفس الكاسيطة وشي مشفناه
سكينة: وابلااتي تسمعي بعدا شكون وشنو كاين عاد هضري راه غنصدمك
مونية: بهتمام) هانا يالاه..شكون
سكينة: غالي،،،(شدات فمها ) غالي خو هشام خطيب رانيا
مونية: عقدات حجبانها كتفكر) غالي خو هشام؟؟شكون ؟
سكينة: ياك عندو جوج ديال خوتو واحد مزوج وواحد كان مزوج طبيبة نسيتي.. طلق طبيبة شحال هادي
مونية: مابان ليك غير خو خطيب ختك اللي مطلق كاع هاد الطيران وهاد الزواق وهاد الشيكي فاللخر ضرتي عند هاد غالي اللي ماعرفناه كي داير؟
سكينة: ايوا هانتي غتعرفيه وغتندمي على هاد الهضرة اللي قلتي كوولها.. هادا ماشي بحال داك هشام اللي خاطب رانيا.. هادا راجل عليه
مونية: كدور راسها) امممم.. وفين عرفتيه ؟
سكينة: كتمتم) د ددخل عندي للفايس بوك
مونية: ايوا؟ زيدي .. زيدي نعرفو هاد العريس كي داير؟
سكينة: مهم هوا اانجينيور .. مهندس وصغر من خوه هشام وساكن حتى هوا هنا فالرباط… خدام فالوزارة (بتذكير) عقلتييييي فاش كنت دوزت ليك واحد قلت ليك بغا يخطبني وهضرتي معاه فتيليفون؟؟… ايوا راه هوا هاااادا قبل مايتزوج وقبل ما يخطب خوه رانيا
مونية: مصدومة) علاه نتي كنتي كتعرفيه؟!!!
سكينة: ماتقولي والو لرانيا تبدا تنوا.. انا نعاود لك.. المهم كان باغي يتزوج بيا فديييك الوقت وماعقلتش كاع كيفاش حتى مابقيتش بغيت وقلت ليه الله يعاون… ايوا الاللة خوه هشام هوا اللي كان كيجي عندو لهنا واقيلا ديك الساعة فاش تلاقا رانيا وخطبها… مشااااا تزوج واحد الطبيبة وماتفاهموش ورجع بغا يتزوج بيا
مونية: شادة فمها) حييييي عليك ياكما نتي اللي درتي ليهم شي حاجة؟ راني كنعرفك .. تكوني تلاقيتيه شي مرة ولا تلاقيتو فلخطوبة درانيا ومشيتي فرتكتي ليهم الشمل عنداااك تكوني نتي السبب فطلاقهم
سكينة: دابا نتي هاكا كتشوفيني؟؟ (صغرات عينيها) هاكا كنبان ليك فعينيك؟ صافي نعسي نعسي تصبحي على خير
يالاه بغات تنوض وشداتها مونية رداتها بلاصتها وقالت بسياسة
مونية: ماتديش عليا انا غير شيطان وسوس ليا وصافي … اعود بالله من الشيطان الرجيم.. ايوا زيدي كملي
سكينة: صافي هادشي اللي كاين طلقها ورجع هادا ماكان
مونية: وكي داير هاد غالي؟ مزيان؟
سكينة: بارتياح) مزيااان وكيصلي ومأدب ومربي… مافيه مايتعاب.. غترتاااحي ليه
مونية: بحماس) امم .. ايوا فوقاش غيجي(شدات فمها) حييي غيقولو ضرنا ليهم بلخوت..جا اللول خطب ودابا التاني حتى هوا جاي يخطب غيوقولو يعلم الله اش درنا ليهم
سكينة: هههه اما العائلة ديالنا مغيفهمو والو، ياك كيقولو حتى واحد ماغيقبل عليا.. هادا الثالت فعائلة هشام غيجي يخطبني وخووه كااع
مونية: باك غيقول مشات فركعات عندهم القنبولة وجات, حتى هوا مغيفهم والو
سكينة: المهم هاد غالي انا قابلة بيه راه عطيتو النمرة دبابا راها عندو ،، غير يدخل للمغرب غيمشي يهضر معاه
مونية:بتذكير) ماعقلتش على هاد غالي مشا ليا من بالي
سكينة: زوييين هوا الزوين فطاسيلتو كلها ..كيحشم ومكيهضرش بزاف وداخل سوق راسو.(كتقلب فتيليفون) بلاتي نوريه ليك (جبدات ليها صورة) هوا هادا
شدات مونية تيليفون كتحقق فيه مزيان وتبسم وقالت
مونية: امم عقلت عليه.. زويين تبارك الله
سكينة: غيدخل ليك لخاطر
مونية عجبها الحال وحتى موضوع الاخوة ماشكل ليها حتى عائق بلعكس شافت بناتها غيتوانسو بجوج وهادا افضل شيء باش ترتاح من جيهتهم اما سكينة بقا في الحيرة كتخمم وتدي وتجيب وغير ساهية ومخبية الموضوع على رانيا وموصية مونية باش متسمع حتى كلمة طيح ليها المورال ولا تعصبها وتنرفزها وتخرجها من الهدنة اللي هي فيها.
تهدنات داك الشهر وحتى غالي داير ليها لخاطر وكيعمرها اكثر من اللي ولات كتعمر مع صحاباتها ،، كتشوفو يوميا وكتمشي للدار يوميا والى ماخرجوش كيتلاقاو فالحومة فطموبيل يتشاوفو ولا يديرو شي فيلم حتى ولفات الدار والعيشة معاه ومابقاتش بغات ترجع لدارهم وكتسنا غير باها يرجع من السفر باش يطرقو داك المسمار وتمشي تسكن معاه فمرة .
بحال ديما وفأخر الاسبوع كيكون تابعها الحمام والروتين الاسبوعي ديالها .. مشات هي وفوز سخنو عضامهم وتحممو وموراها شدو الطريق للصالون عند ليلى ودخلو لقاوه عاامر وجلسو كيتسناو شي وحدة فالبنات تسالي تنشف ليهم الشعر وتقاد ليهم الدفار .. وهما كيتسناو ويتجمعو طاحت لسكينة فكرة فراسها ومشات طلات على ليلى لقاتها يالاه كملات مع واحد الزبونة فغرفة خاصة ودخلات عندها عاضة شنافها والفوطة فوق راسها
سكينة: بخفوت وكتهبط سروالهها) اجي اجي شوفي ليا واش كاينة البكرة .
ليلى: خاصك عقل ههه
سكينة: شوفي مابغيتش نتصدم الى كانت قوليها الى مكانتش ماتقولي ليا والو شوفي كي ديري دوزيني بلا منحس ولا نفهم
ليلى: طلعي طلعي
طلعات سكينة على البياص وهزات رجليها فالسما وشداتهم بيديها وليلى كتلبس القفازات وقربات البولة الدائرية ديال الضو حتى لوسط رجليها وقالت
ليلى: تعصري بحال الى غديري كاكا
تعصرات سكينة مزيان وليلى كتشوف
ليلى: شحال مانعستو ؟
سكينة: تقريبا يوميا اصاحبتي راه فوق ما نجلس معاه فالدار ضاروري شي واحد
ليلى: امم.. نوضي تكعدي نوضي وجدي للعرس باك مابقا ليه والو يوصل
جمعات سكينة رجليها جنب وكتشوف فليلى بتشكيك وليلى كدور فجنابها لاكن فضول سكينة ماخلاهاش تسكت وقالت بخوف
سكينة: مشات؟ صافي غير قوليها مشات
ليلى: قلتي ليا نسد فمي
سكينة لالا غير قولي ليا شنو كاين
ليلى: تنهدات) تقاست اسكينة ماعندي ما نخبي عليك
سكينة: يعني غير تقاست ماشي مشات؟؟ مافهمتش؟
ليلى: مضروبة من برا .. عندك البكرة على برا ماشي غارقة لداااخل..قريبة ورهيفة يعني سااهلة تضرب
سكينة: بقلق) بصح!! وكيفاش دايرة شرحي ليا واش مخلووولة؟
ليلى: لا ولاكن داك الغطا الصغيييور اللي كيغطيها مفتوح .. ماشي وااسع باقا مزييرك غير لغشا تحل من الوسط باين الفتحة فاش كتعصري كيتفرق اللحم على اللحم ولاكن صغييير داكشي مواسعش ولا محلول.. نهار غدخلي نيشان عاد غيتحل كامل ويتجبد..دابا باقي ساد راسو من الجناب..يقدر يسيل الدم حيت اللحم مزال مجموع … الى كان سي قضيب صغييور يقدر يدخل يوسعها بلا دم ولاكن الى كان بالحجم الطبيعي ولا شي سيدي مقلاع راع غيفرعها ويسل منها الدم بلهلا يطريه ليها
سكينة: غالي داكشي عندو عادي.. جاني ماكبير بزاف ماصغير يعني قياس بحال هاكا (حددات ليها بيدها) غيسيل الدم؟
ليلى: غيسيييل اصاحبتي الى كان عندو داك القياس راه غضرك غتحسي
سكينة: يعني عادي
ليلى: هاداك نوغمالمو الحجم الطبيعي اللي خصو يكون الى زاد على داك الحجم غيفرع ليك غير الوالدة بلا حتى احساس
سكينة: العرض بحال هاكا…مزيان؟ منتقولبش؟
ليلى: نااري كطيريني ههه.. لا مزيان هوا هاداك مغتقولبي لا نتي لا هوا
طلات عليهم فوز كتشوف اش كيديرو ودخلات عليهم وسدات الباب
فوز: مالكم اش كديرو؟
ردت سكينة باحباط وهي جالسة على البياص
سكينة: البكرة تحلات
فوز: شافت فليلى) قلبتيها؟ تحلات بصح؟
ليلى: بأسى وحيرة كحيد القفازات) تحلات راه سي نوغمال تحل سيختو ديك لبوزيسيو لي دارو راه تحمد لله ماطلعش معاها كوراه فرعها
فوز: صافي بلا ماديري فبالك ياك فيتزوج بيك ايوا صافي
ليلى: باقا باقا شوية من الجناب مزالة شادة راسها شوية.. (شافت فسكينة) نقصي من النعاس صافي قوليه حتى نتزوجو .
سكينة: انا المهم عندي هوا الدم يسيل دابا خاصني نبينو ليهم نهار لعرس نسد ليهم لفام شحال هضرو فيا وماخلاو ماقالو
ليلى: وااايلي تا نتي فاش كتفكري
فوز: زربي عليه دابا مابقا ليك ماتسناي ،، زربي عليه بالزواج حيت صافي
ليلى: دابا ماعندك فين تراجعي.. ضاروري ومأكد يتزوج بيك ويكمل على خيرو من بعد الى متفاهمتوش طلقو وهانتي مهنية
سكينة: بتأكيد) لا صافي واش حنا كنلعبو هنا .. المهم داكشي اللي قلت ليك هوا هاداك؟
ليلى: كوني هااانيا خاصو غير يكون فنان(شافت ففوز كضحك) قالت ليك واش لقياس مزيان خايفة تقولب
فوز: ايييه اختي من حقك .. الزواج هادا وماشي كلشي بحال بحال خاصها تعرف معامن ماتجيش وطيح
سكينة: هاانتي فهمتيني.
فوز: شحال من واحد اصاحبتي قدو قداش كيبان و٠٠٠ صغيييور.. كيما حنا البنات كل وحدة كي داير عندها حتى هما كل واحد كي داير وكل واحد كي مختن كاين اللي مختنينو خلاوه مشوه لاطراس باين ولا رقييق وطويييل ولا قصيير وغلييييض ولا معوج
سكينة: غالي معوج هههه
ليلى: اللي عوج كيكون وافي ههه كيقنط فالسليب كيقلب على اشمن جهة يرتاح فيها
سكينة: داكشي اللي قال ليا قالي كيمشي جيهة الجيب داكشي علاش مايل جنب
ليلى: ونااري وكتسولي سعداتك
سكينة: اختي نسول خاصني نعرف .. وقلت ليه ردو للجهة لاخرى ماتخليهش فجهة وحدة قالي كينعس على ديك الجهة راسو واخا كيجرو كيبدا يتحرك كيرجع يتكا على ليمن
فوز: المهم الوقفة مقادة ؟ كيوقف مامدليش؟
سكينة: لا كيوقف كيشوف فالسما
فوز: هادا هوا كولشي .. الى مكانش كيوقف ويشوف لفوق راه كاين مشكل
ليلى: علاش كاين اللي مكيوقفش يشوف لفوق؟
فوز: كين اللي كيبقا مدلي لقدام مشادش راسو .. فالنعاس مكيضربش مزيان
سكينة: هاااا… يعني هادشي فيييه حتى هوا ما يتعرف.. زيدي زيدي
فوز: صافي ويكونو ق٠٠٠ وين باينين ماشي صغار بزاف
سكينة: هادشي راه عاد كنسمع جاب الله جيتي فالوقت المناسب قبل منضرب لكحل فالابيض
فوز: باش تعرفي نتي غالي فيدو ولا مافيدوش سولي عليه لق٠٠٠ اللي عرف هههه من اللخر
سكينة : فيين هي شيماء دابا اللي نسول هي اللي تصاحبات معاه
فوز: تصاحبااات معاه !!!
سكينة: وطاحت فيه كااع
فوز: ايوا صافي مالي طاحت فيه راه عندو ميقول حيدي عليا .. يكون كما بغا يكون دابا راه جايب راسو
سكينة: انا خفت غا نتقولب ونصدق مزوجة وماحاسة بواالو
ليلى: صافي دابا غا زطمي
فوز: انا ماعرفتش واش نقولها ولا نسكت (دارت يدها على فمها ) تفهموني غلاط
سكينة: قولي قولي غا قولي
ليلى: ههه شانو باغا تقولي
فوز: فاش جلسنا فالقهوى دييك المرى ودخل هوا وطليقتو جلسو وجا مقابل معايا.. جلس وحل رجليه كان لابس دجين .. ودجين معروف عليه توبو مزير كيجمع ومع ذلك بانليا داكشي مبطبط ماشي غااابر
سكينة: شدات جبهتها) ونااري على عينين عندك
فوز؛ كضحك) مانويتهاش غا بالصدفة هههه
سكينة: صافي كولشي عرف الراجل اللي غنتزوج بيه كي داير
سكينة: صاافي المهم نرتاح من هاد الجهة ياك هوا هاداك؟؟
ليلى: وا هوا هاداك نعسي على جنب الراحة
فوز: ياك شتيه؟
سكينة: اه
فوز: ماعفتيهش؟ عجبك
سكينة: اه
فوز: صافي مبروك.. حنا ماشفناش المنضر غير شرحنا ليك ولاكن مللي كيوقف مزيان راه راه هوا هداك والمنصر عجبك حيت نتي الي شفتي..
سكينة: هوا نقييقي مافيهمش ريحة وعااجبني غير كنت باغا نعرف واش غيقضي واش الحجم هوا هاداك واش مندمش وصافي حيت معارفتش لداخل ديالي كي داير
ليلى: الحجم خاصو يكونو طبيعي كاين اللي قل من الطبيعي وكاين اللي قل كاع وكاين اللي صغيير .. وعاوتاني كاين اللي فايت الحجم الطبيعي وكاين اللي فايتو بزااف وهاداك راه كيهلك مابقاش قض٠يب رجع مدلك كيبقا غير يخبط وصافي يفرع ليك الوالدة،، الحجم الطبيعي هوا هاد القياس اللي وريتينا لا طول لا عرض باش تا نتي تبقاي مزيانة وتعيشي لحياة الجنسية مزيانة وطبيعية .. الى فات داك القد مغتحسيش بالمتعة غتبقاي تاكلي فالدق على والو خصوصا الى مكانش فناان.. اما الحجم هادا راه مزيااان ليك وفوق زوين خاصو يكون فنان وكولشي تيكنيك..واخا يدخل غير نصو ويعرف تيكنيك غتعيشي السعادة ونتي مرتاح
سكينة: صافي رفعت الجلسة .. غنضرب كوية وحدة نزيد نتأكد مزيان
فوز: وناوضي راه البنت كتسنا تصايب لينا .
كملو شغلاهم وتفارقو لاكن طريقها كان باتجاه غالي للدار.. حطات فوز قدام باب العمارة وودعاتها كضحك عرفاتها طالعة عوالة ومشات بحالها خلاتها ، اما سكينة حلات الباب ودخلات للدار لقاتو تما واقف وتلفت مكانش متوقع غدخل حتى دخلات عليه كضحك وداعب شعرها
سكينة: جيتي؟
مشات عنقاتو) حسابني غتعطل فلاصال
غالي: عاد دخلت (حط تيليكوموند) غيبدا واحد الماتش دابا
سكينة: ااه عليها رجعتي دغيا
غالي: وايييه .
شافت فيه بنص بغات تجربو تشوف واش يقدر يتنازل على الماتش ولالا وخلاتو حتى تحمس وبدا كيتفرج ومشات جلسات على رجلو.. عنقها بواحد اليد وعينيه فالتلفزة وبدات كتاعب ليه بشعرو ودوز على لحيتو وعنقو ورقبتو ودخلات يدها داخل المابيتشو لي لابس كحل بدات كتلعب فصدرو وداعبو غالي هز راسو شاف فيها وخطف بوسة ورجع كيتفرج شوية وعاود هز راسو شاف فيها وتبسمات ليه وشدات ليه وجهه بدات كتبوس شفايفو من لفوق وتشوف فعينيه وتبوس ليه لحيتو حتى مابقاش عاود شاف جيهة تلفزة ودار ليها تعنيقة ديال البغاء وانسجم معاها فوق الفوطوي حتى وصلو للمعاشرة وتقلبات على كرشها فوق الكنبي تجبدات وبدات كدور راسها وتشوف موراها باغا تشوفو وكتجبد ودور وهوا كيشوف فيها
غالي: وادوري
سكينة : هانا هانا
غالي: شاف فراسو بانو ليه عينيها كيشوف فيه لتحت وقال كيضحك
غالي: شكاتشوفي؟
سكينة: والو والو هانا
ضارت كتقاد وترمش مشطونة وعاودات ضارت وراها كطل بزز
بانت ليه كتحنزز ووقف مقاد وراه ليها وقال
غالي: شوفي دابا مع راسك مزيان.. هاكي قيسي
دورات وجهها كضحك مجاوباتوش ونعسات مدرقة وجهها حتى قضا الغرض وناض وناضت حتى هي مشات للبيت خلاتو يكمل الماتش وتكات شادة البيسي كتفرج فيه .
كانت اخر معاشرة بغات من خلالها ترضي فضولها وتشبع اهتمامها وموراها سافر لمكناس خصصا على قبل موضوع الزواج وسبق بباه هوا اللول.. دوز معاه النهار الاول مزيان وشافو مزال كيشكر ليه وئام ويمهد ليه لاكن صارحو غالي وهوا فالباب على طريق الذهاب يشوف مو وختار داك اللحضة باش غير يرمي ليه الهضرة ويمشي احتراما وخجلا من باه وقال وهوا واقف
غالي: نويت نتزوج
تفاجئ رشيد بهضرتو وكيشوفو باغي يمشي وكيسلم عليه والسيارة وراه واقفة وقال كيتمتم
رشيد: هاا؟ نويتي
غالي: صافي عولت ان شاء الله نخطب خت رانيا الخطيبة دهشام .. يالاه هوا هادا الواليد تهلا فراسك
صافح باه اللي بقا مصدوم وكيسلم من الدهشة ومتبع ليه العين حتى ركب طموبيلتو وهز يدو شار لباه ومشا خلاه واقف كيتأكد من داكشي اللي سمع
وصل لدار مو ودخل الطموبيل لداخل للفيلا البسيطة اللي عايشين فيها من النوع الفلل القديمة ودخل كيسلم ويضحك لاكن بالصدفة او ربما ماشي صدفة مع الدخلة لقا سارة جالسة وسط الدار مع اسية كيشربو قهوى وداز حادر راسو ماشافش جيهتهم .. فقط لاح السلام وكمل طريقو داير يديه فالجيب هبط لتحت لاكاف فين عندهم مطبخ كبير وجلسة بلدية ومشا جلس ونشر يديه كيرتاح حتى نزلات عندو اسية كتجري فرحانة بيه وطالقة يديها للتعناق
اسية: على سلامتك تعطلتي؟؟
غالي : كيسلم) لاباس ؟ كلشي مزيان؟
اسية: الحمد لله .. ايوا مالك دزتي ماسلمتي ما وقفتي حشومة
ضحك وسلم على مو ماداهاش فشنو قالت وكأنها قالت ليه توحشتك ،، من ديما كيحتارمها وكيوقرها وماضاسرش عليها ولا عمرو عنقها او لعب معاها او بسل عليها .. الوحيد اللي فولادها اللي مكتعرف عليه حتى حاجة .. علاقتو مع واليديه حدها الضحك الحوار او التقشاب شي مرات عن بعد مسافة ويلى حتاجو فالشدة يعاون ويسول فيهم فتيليفون ، هاد الطبع اللي فيه هوا اللي مخلاش للضسارة منين دوز او الزعامة الزايدة او يتطاول عليه شي واحد .
جلس وتكا على ضهرو كيتبسم بحال الضيف
غالي: ايوا هانيا كولشي مزيان .. مكاين حتى واحد فالدار ؟ با سيدي لفوق؟
اسية: خرج راك عارف مكيبغيش يبقا فالدار.. كيجلس فالحانوت يقرقب الناب ويتلف الوقت
غالي: ايوا مزيان .
اسية: ايوا طلع غتبقا جالس هنا؟؟ طلع
غالي: لا لا غير خليني .. هند مكايناش؟
اسية: هند بدات مع شي وحدة فواحد الصالون كطلق يدها
غالي: اهه ايوا مزيان
اسية: ايوا طلع ترتاح ..طلع لفوق
غالي: بالايجاب) بلاتي دابا نطلع
اسية: ايوا على خاطرك .. انا دابا شوية نرجع
تنهد وتكا وسرح واحد الرجل ويالاه تجبد صونات عليه سكينة وهز تيليفون جاوبها في حين اسية طلعات وخلاتو متكي
غالي: افين مات شي حمار
سكينة: فالهاتف) علاش؟
غالي: حتى عيطتي نتي
سكينة: اه هههه بااز ههه وصلتي عند ماماك؟
غالي: عاد دابا دخلت للدار
سكينة: ااع وقلتيها لباباك؟
غالي: قلتها ليييه
سكينة: بصاح؟ وشنو قاليك؟
غالي: مقال والو …شغيقول؟
سكينة: زعنا رأيو راه خت رانيا خطيبت خوك نسيتي!
غالي: اعاادي داكشي .. صافي قلتها ليه مقال والو
سكينة: زعما يعتارض
غالي: لاالا مكاينش داكشي.. صافي علمتو وصافي
سكينة: مهم غير باش تعرف البكرة باح راني قلبتها مالقيتهاش.. واش فخبارك
غالي: وراني عارف هادشي زعما عاد عرفتيها؟ فاش قلتها ليك ماتقتيش
سكينة: دابا راه بصح كنهضر مابقا شك ولا يحزانون يعني بالعربية قوادت عليا
غالي: علاش غتقواد عليك
سكينة: ايوا شداني ولاش مشيت كنت بنت مهنية دابا تقلب كولشي
غالي: وحنا دابا علاش شديتا للطريق وجينا لهنا
سكينة: خفت باباك وماماك ميبغيوش
غالي: وماعندك مناش تخافي(تنهد بارهاق)
سكينة: خفت وصافي.. حاسة بواحد الاحساس فشكل تخلط عليا كولشي
غالي: مكاين وااالو غير نتي مخلوعة بوحدك
سكينة: ماعرفتش (تندهات) هازة الهم اللي عمري هزيتو فحياتي
غالي: هههه واهزي لهم شوية باش تحسي بقيمة الراحة
سكينة: وادغيا قولها لماماك يالاه.. فرقاش غتجي؟
غالي: فلعشية
سكينة: واقولها ليها اويييلي نتا جاي فلعشية ومزال ماقلتي ليها والو
غالي: وعاد دخلت بلاتي
سكينة: يالاه صافي انا غنقطع (كتسوط) الهم اففف
كان كيهضر حتى سمع صوت الاقدام فالدروج حساب ليه اسية وودع سكينة قطع لاكن تفاجأ فاش تلفت ولقا سارة جايا عندو كتبسم وضعافت بان عليها انقاص الوزن من وجهها لاكن فلباسها كانت انيقة وطالقة شعرها الاشقر وكتبسم قائلة
سارة: مابغيتيش طلع تسلم عليا ههه هانا جيت عندك انا
تفاجأ وتبسم بزز منو بجاملة وناض وقف مد ليها يدو ورجع جلس
غالي: لاباس لافامي لاباس كولشي مزيان؟
سارة: جلسات حداه كتبسم) لااباس كولشي مزيان الحمد لله ونتا كي داير مع الخدمة
غالي: الحمد لله على كل حال
سارة: ايوا مزيان(ردات شعرها اللور بارتباك وخجل) ما بقيتي كتسول زعما ما حتى حاجة
غالي: غييير مع الخدمة وصافي
سارة: ايوا مزيان بالتوفيق.. فين وصلتي فالدكتورة هه
غالي: هاحنا كنحاولو نجتاهدو.. (طلع فيها وهبط) رجعتي يمكن لمكناس؟
سارة: لالا باقا تما فالرباط .. صافي رتاحيت تما مكنفكرش نرجع لمكناس دابا .. راك عارف مكناس هه..
غالي: اييوا الله يسهل الامور
سارة: ههه شحاال من مرة كنقول نسول فيك ..
غالي:تبسم) ااه.. هه
سارة: تنهدات) ايوا نخليك دابا .. تهلا فراسك،، وسول مرة مرة ماراحناش اعداء هههه
غالي: ان شاء الله
سارة: يالاه بسلامة .. بالتوفيق
ناضت كتبسم يالاه مشات رجع اللور تكا ورخا النفس تقول كان غاطس فالماء .. مسح على راسو عاد ناض طلع لفوق بقا كيسرح رجليه فالدار شوية وكيفكر كيفاش يجبد الموضوع لاسية .. بقا ساكت ماقال حتى كلمة وماهضر فحتى موضوع وحتى اسية ماعاودات جبدات ليه حتى موضوع واخا ماكرهاتش تهضر ليه على سارة ولاكن التردد فالاخير كيخليها تسكت وتنهد غير بوحدها . ماطولش بزاف ومالحقش يشوف جدو وختو وغير دار معاهم الكَوتي هوا ومو وخالتو كلتوم وناض يشد الطريق .. حتى وصلات معاه اسية لبرا حدا الطموبيل باش يركب وتلفت عندها ويديه فجيابو وقال بجدية كيشوف فيها
غالي: انا غنمشي دابا.. ولاكن قبل منمشييي… بغيت نقوليك راني ناوي نتزوج ان شاء الله
حلات عينيها مصدومة شافت فيه كترمش وقالت كتمتم
اسية: غتزوج ؟؟ شكون غتزوج سارة ياك؟
غالي: بجدية) ماشي سارة خت رانيا خطيبة هشام
اسية: قبل الاستعياب) خت رانيا خطيبة هشام….(كدورها فراسها) شكوون؟
غالي: خطيبة هشام رانيا اللي فسلا ختها
اسية: بالتلفة) شكون ختهااا؟؟
غالي: ختها وحدة اللي عندها راك ديجا شفتيها
دوخها وزرب عليها حتى مشات ليها الصورة من البال بقات كتشوف فيه وتسول بينها وبين راسها كتحضر الصورة حتى استوعبات وتبدلو تعابير وجهها تقول طاح ليها الحنك وشافت فيه مصدومة
غالي: يالاه هوا هادا(حل باب السيارة) الله يعاون
اسية: اجي ااجي بلاتي(شداتو ) واشش خت رانيا خت رانيا؟؟؟
غالي: كفاش خت رانيا .. صافي قلت ليك خت رانيا
اسية: مافهمتش؟؟ ماا؟؟… وسارة مغترجعهاش؟؟(بصدمة)
غالي: واش انا قلت ليك غنردها؟؟ دابا مشا الحال (على عجلة)
شير ليها بيدو وركب وديمارا الطموبيل وهي كتشوف وترمش وقلب الدورة خرج من الفيلا وهي وراه ختى للباب اللي على الشارع وتقاد باش يشد طريق وقال من النافدة هاز يدو
غالي: يالاه الله يعاون تهلاي فراسك …ودعي بتيسيير
تبسم بمجاملة و زاد مع الطريق خلاها واقفة متبعة ليه العين والعقل مفرفر تالفة ودايخة حتى غبر ولقات راسها بوحدها فالزنقة ورجعات لداخل كتفتف بتوثر سدات الباب ودخلات كتجري وتقلب على كلتوم اللي كانت لتحت فالمطبخ بدات كدور فلحريرة
اسية: لحريرة اللي خصها الدور هي حريرتنا
شافت فيها كلتوم باستغراب وكانت واقفة كدور الحريرة ومتولة فلباسها وحالتها وهضرها وقالت
كلتوم: ياك لاباس شنو واقع؟
اسية: قالك سيدي الغالي بغا يتزوج
كلتوم: ببسمة) ايوا مبرووك .. ولاكن ماشي عاد طلق؟؟ مزال العدة ديال مرتو اللولة ماكملات
اسية: بقات فالعدة!! وابقات فهاد لاللة خيتي اللي بغا يتزوج قالك
كلتوم: باهتمام) شكون اللي بغا يتزوج؟؟ شي وحد خدامة معاه؟
اسية: وبغاو الخوت ياخدو لخوتات(شدات وجهها) بغا يتزوج خت رانيا خطيبة هشام
كلتوم: بعد الاستيعاب) هييه!! هاديك اللي قالك كان معاها قبل مايتزوج بسارة؟
اسية: هيييه!! وراني نسييت .. ويلي ويلي وراه هي(دورات راسها) صافي داكشي اللي كانت كتقول سارة كولو صحيح.. حساب لينا بالحرقة كتهضر ساعا هي اللي عارفة اش كاين ومية فالمية طلقها باش يرجع لهادي
كلتوم: شدات حنكها) هيي !!! مالقا شكون !! هي كلام سارة كول صحيح.. واخا مادخلش لينا للراس فاللول
اسية: هه لاصافي… صافي هي اللي كان معاها ودار هوا وياها اللي ما يندار .. طلق ومشا رجع ليها
كلتوم: عنداك تكون عملات سي عجب
اسية: لا راه عملات ليه لعجايب.. دوخ ليا راسي وزاد(شدات راسها) فين كان مخبي لينا هادشي
كلتوم: ولاهيلا هادشي اللي كان ناقص
اسية: بلاتي نعيط لهشام .. بلاتي بلاتي
وصل بعد ساعتاين ديال الطريق للدار ويالاه دخل هز تيليفون يطمن باه بحال العادة بأنه وصل وجلس كيرتاح ويهضر فتيليفون
غالي: يالاه دخلت دابا
السي رشيد: على سلامتك اولدي الله يرضي عليك
غالي: مسح على وجهه) اميين
السي رشيد: قلتي لي بغيتي تخطب واش متأكد بغيتي تزوج خت رانيا؟؟
غالي: الى كتاب علاش لا
السي رشيد: وماشي مزيان اولدي تزوجو نتا وخوك لخواتات يوقع غير مشكل بين خوك وختها يوصل ليكم الصهد ديالو .. ونتوما كذلك حسن ليك شوف شي بنت الناس وحد اخرى وتوكل على الله ،،، اش قلتي؟ ها وئام بنت عمتك ماعجباتكش؟
غالي: وصافي ابا .. قلت ليك اللي كاين صافي(بتدمر) كن بغيت وئام كن مشيت عند وئام
السي رشيد: انا كن دير بالنصيحة ديالي تبعد من هاد الزواج.. ماشي على البنت ولا .. على زواج لخوت راه مالايقش بمرة،، اما البنت مزيانة والعائلة ديالها عرفناهم والله يعمرها دار
غالي: ايوا صافي مزيان .. غير نتوكلو على الله
السي رشيد: واا.. شغنقولك .. نتا تعرف المصلحة ديالك ولاكن انا ما مرتاحش لهادشي
غالي: ههه وانعل الشيطان ابا.. صافي
السي رشيد: هي شنو كدير بعدا؟؟ مكنعرفوهاش
غالي: بنت مزيان.. بنت الناس بنت عائلة
السي رشيد: وشنو خدامة كتقرا؟؟ هاا؟ انا مشات لي من بالي
غالي: خدامة عندها داكشي ديال لباس دلعرايس .. عندها بروجي ديالها
السي رشيد: ااه اه واقيلا سمعت هادشي.. وشحال فعمرها
غالي: واا ديك ثنين وعشرين تكون
السي رشيد: وا كن شفتي شي بنت كبيرة بعقلها .. دابا نتا طلقتي اللولة ومجرب راك عارف .. يعني بلا منوضح ليك فهمتي.. كن شفتي شي مرى تكون عندها ديك ستة وعشرين سبعة وعشرين تفاهم معاك وترتاح حتى نتا .
غالي: تنهد كيضحك) وا ماتدي عير اللي مكتاب ليك ههه بلااا منبقاو نفكرو بزاف ،، كل واحد كيدي اللي مكتاب ليه
السي رشيد: وا هانتا فكر مزيان.. زيد فكر ماتزربش.. باقي الوقت قدامك
غالي: ايوا هوا هادا الوليد ..تهلا فراسك
السي رشيد: الله يعاونك اولدي الله يرضي عليك
دخل هشام فهاد الاثناء للدار وعلى بالو مو كتسناه على احر من الجمر .. كان مدعوق بالخدمة وباينة على وجهه من قوة الضغط والستريس لقاها كتسناه وتعرضات ليه كتجري فتحات معاه الموضوع مباشرة وختها كلتوم كتسمع حداهم وسط الصالون
اسية: كتحك فخادها) ماشي خوك جا قالك بغيت نتزوج
هشام: باهتمام) شكون الغالي؟
اسية: اييه جا قالك نتزوج
هشام: كيفاش يتزوج عاد طلق!
اسية: على هوا مسوق لشي طلاق.. قالك بغا يتزوج خت رانيا
رجع هشام اللور وتجبد فالجلسة شاف فيها وحل عينيه مصدوم حتى تقطع فيه النفس وبلا ميشعر نفاعل وقال بغضب
هشام: مابانت ليه ليه غير ختها خلا البنات كااااملين وجا لجيهتي لسق فيا علاياش كيقلب دابا هادا علاياش؟
اسية: ربعات يديها ) مشكييييلة هادي دابا وماخلالي الفرصة حتى نهضر قالك دعي بتيسير وزاد
هشام: وقف بتوثر) لالالا هادشي ماشي عادي ماخصوش اصلا يكون ،،، يبعد جيهتي والله يعاونو واش حنا عارفين هاد خيتي كي دايرة ولا صالحة ولا مصالحاش يجي يدخلها علينا دير لينا المشاكيل ترونا فعقلنا .. العائلة ديالنا وكنعرفوها واش عاد غنعرفوها خاصهم غير مايلقطو ومايعرفو ومايسمعو والتبركيك عشرة لزيرو
اسية: كي دايرة هاد لاللاهم كيف عاملة انا على ماسمعت ماشي حتى لهيه وباااسلة
هشام: لاح يدو كيسوط) مااانعرف واش مزيانة ولا فنيانة شوف اش دارت ليه حتى مشا عندها واش تيقي فبنات ليوم،، غير من داك اللباس وديك الحالة باش جات فالعرس تعطيك الخبار ،، مشا لهاد الرباط تفلس ،،سمح فالطبيبة وغادي عند ….
اسية: واس نتا كتعرفها؟؟؟ واش كان كيعرفها؟؟ كان كيعرفها ياك غير قول
هشام: مانعرف ماعرفتش انا غير قلت .. ختها بعدا الله يعمر ليها الدار والعائلة ديالها من داكشي هي ما معرف انا شفت غير داك اللباس وتقزقيز،، ماتصلاحش ليه نهااائيا
كلتوم: ايوا هضر معاه نتا اللي خوه قريب ليلو الى ماتكلمتيش معاه نتا شكون غيتكلم معاه؟؟ حنا سمعنا قالك كاااان كيعرفها وصلو فين وفين!!
هشام: افين غيوصلو الله يهديك واش حتى نتي كتيقي اللي جا قالك شي كلمة تيقي بيه،، هي ماتصلاحش ليه والسلام هادا مكان خاصو اللي بعقلها .. هادي حتى هي بنت الناس ولاكن ماشي بحال ختها كتفرفر ماتصلاحش دخل عندنا للعائلة
اسية: شافت فكلتوم) هاد سارة كدااابة.. ولاكن فين عرفاتها؟؟؟
كلتوم: ماكداباش .. ياك الهضرة اللي قالت لينا قالتها شحااال هادي.. هاهوا مشا عندها نييت هي ماشي غيرها
هشام: تتتتأ ماتبقاوش تيقو بالهضور الخاوية راه غيكون غير جاتها لغيرة منها نهار الخطوبة ولا شافتو كيشوف فيها وناضت شعلات ،، (حل عينيه) زعما مكتعرفوشي ساارة عاد غنوريها ليكم انا ولا!!!
كلتوم: الله واعلم حنا ماشفناش،، قالو والله واعلم
اسية: لالالا غادي نسول منال.. منال اللي غتعطيني الخبار صحيحة هي اللي جبدات لهضرة على هاد خيتي نهااااار اللول .. نشوفو واش هي هي ولا ماشي هي راه كتعرفها .. (نفخات كدور راسها) ويلا كانت هياااااا راه كااااارتة كارتة
هشام: انا دابا غنطلع نصلي هادشي رون ليا الدماغ ديالي.. نعيط للواليد نشوف معاه مايقربش جيهتي ماخصني مشاكيل مع النسايب ولا مع المرى تبقا عليا ختي ما ختي وهاد الهم كلو
خلاهن جالسين وطلع كيسوط بغا يموت والغدايد كيحكوه حتى دخل للبيت ونيشان هز تيليفون سبق من منال هي اللولة عيط ليها وبصرامة دخل فيها طول وعرض
هشام: منال… كتعرفي نتي سكينة؟ خت رانيا؟ عاود ليك الغالي شي حاجة
منال: هاا؟!! لا مافهمتش علاياش كتهضر
منال: دابا بلا متسطي ملتي حتى نتي واش عاود ليك واش قاليك شي حاجة.. راه فراسي كولشي
منال: لالا .. ماقالي ما قلت ليه
هشام: دابا غنبقاو قالي قلت ليك انا كرينك دابا ياك،، ماعلينا قالك مقالكش مكتعرفيهاش سمعتيني شنو قلت ليك.. ماشي هي مكتعرفيهاش والى عاود ليك مسحي فوحدة اخرى ها ودني تخرجي شي هضرة ديري ليا مشكل مع النساب هانا فين كنعلمك
منال: اوييلي شنو واقع ؟؟ ماما كتعيط!! اويييلي شنو كاين. اهشام؟؟ انا ماخصني مشاكيل مع حد لا مع غالي لا مع سي حد
هشام: الى ماخصك مشاكيل سدي فمك وبلعي هضرتك راه مي معيطة على هادشي وغتفهني ديك الساعة علاش. سولاتك عليها قوليها مكنعرف عليها والو
منال: بتردد) و ولاكن راه هند هرجات معاها
سخط السخط اللي عمرو فحياتو سخطو وزفر بغيض وقال
هشام: ااااش هاد المرض ،، فيين خرجات معاها هادي عاوتاني اش داها ليها ؟؟ شداها للنسايب ديالي تخرج معاهم ولا ترافقهم معاااامن تشاورات؟؟؟
منال: بارتباك) ماعرفتش اهشام انا ماعرفتش سولها هي
هشام: اش قالت ليك ااااش عاودات ليك
منال: ماقالت لي ما قلت لها ماعرفتش المهم خرجو وصافي للى قالت ليها شي حاجة الله واعلم
هشام: بغضب قطع) الله ينعل جد باباكم كاملين العائلة دنم الناس عندهم العائلة انا عندي المساخط (كيقلب على نمرة هند) يخخخ الله يخليها سلعة (كيصوني) الو هند
هند: هشام؟؟
هشام: بغضب) ايييه هشام اش داك لخت رانيا تخرجي معاها ولا تقربي ليها ؟؟؟ اش داك ليها معااامن تشاورتي واش انا قلت ليك خرجي؟؟ قلتي سيري؟؟ قلت ليك قربي ليها معامن تشاورتييي
هند: بتوثر ) ماخرجت معاها ما شفتها علاش كتقولي خرجت شكون قالها ليك
هشام: دابا غتدروني حمار دابا!! غادي نجي ليك لداك للصالون نقلب جد اموووو على راسك نتي وديك اللي مخدماك عندها (كيقسم) حتى نجي نقلبو على واليديك ونكرش ليك دوك الرجلين السايبين نعلمك الدخول والخروج كيفاش داير والطيران على الناس مالقيتي معامن تقاداو البنات حتى بقات ليك خت المرى تخرجي نتي وياها ودخلي نتي وياها الخانزة
هند قطعات الحس مابقاتش زادت كلمة وحدة وحتى النفس تقطعات اما هشام مسح بيها مكناس بالهضرة ولحسن حضها مكانتش قدامو اما بداك العصبية اللي فيه والانفعال كن ضربها وهرس ليها فمها ماخلا ماقال ساعا مابردش ومابرداتش ليه ومابغاهاش تقرب للنساب ديالو سواء كانو مزيانين ولا خايبين وهوا موصيهم مايقربوش ليهم الى بالاذن ديالو ويعرف حتى السبب اللي يخليهم يتواصلو معاهم وكأنها دوك الناس شي حاجة كتخصو هوا بوحدو وماعند حتى واحد فيهم الحق يوصلهم ولا يقرب ليهم ،، باغي يبقا فالصورة المثالية مع النساب ويفرض الاحترام عليه وتبقا قيمتو فعينيهم كبيرة بلا مايجي شي واحد من عائلتو يلطخ ليه الصمعة ديالو والصورة ديالو قدامهم .. باغي يبان احسن شخص ويبين عائلتو فأحسن صورة واخا يكون النساب مايسواش وجمعاتو بيهم الاقدار المهم هوا ميكونش بحالهم ويكون احسن منهم ورجل مثالي من عائلة مثالية . لاكن اللي ماضربش ليه الحساب واللي شحال وهوا يشكر ويمجد فنسابو كاملين وميرضاش شي واحد يقول عليهم كلمة خايبة او ينعت فيهم ويبقا قدام عائلتو االافضل ويبين ليهم حتى هما انه ماشي بحالهم وحسن منهم ومراضيش بيهم وبان النساب هم ناس اكابر ومحترمين ويليقو بيه ويليق بيهم والباقي يبقا بعيد مايوصلهمش. لاكن تضرب ليه كولشي فالزيرو وحسابو كام ماسلكوش وسكينة خت رانيا اللي عمرو جبد على فمو قدامهم واخا مكدوزش ليه دخلها حتى هي فالنساب المثاليين حتى خرجات ليه خوه شخصيا واللي عمرو توقع يضرب الدورة ويرجع حتى لعندو وعند نسابو ، هدد هند باش تسد فمها وتمسح السما بليكة الى كانت عارفة وكره راسو وكره خواتاتو اللي تفضح ليه كولشي قدامهم وتلات بيه حتى رجع كيرقع ويزوق ويحسسهم انهم غالطين واللي داروه مكيدارش. عيط لباه وكشاشكو خارجة وحلاقمو مقجوجين ووججه احمر معصب كيغلغل وزاد كملات فاش عرف باللي باه ساق الخبار وخوه تاخد الخطوة وماشاور حد
الهضرة فتيليفون مكتبردش الحلق والنار اللي شاعلة فهشام ماحاس بيها حتى واحد وميعرف احساسو وقيمة شنو اللي كيوقع حتى واحد من غيرو . خرج من الدار معصب رجع لدار باه نيشان ومع الباب دخل لقاه يالاه دخل حتى هوا باقي بحوايجو واقف ودخل فيه طول وعرض كيغوت قلب عليه الدنيا.. كان رشيد مع ولادو مهدن وقليل فين كيتعصب الى ناذرا .. حبو لولادو كان كبير بشكل ميتصورش وحتى التعامل ديالو معاهم كان مختالف جدا وعمرو ضربهم ولا حط عليهم يدو ولا عاقبهم ، بل كبرو مفششين واللي طلبوها تحضر وحتى نفسيتهم ماتدمراتش من جهة باهم وعطاهم من الحب والاهتمام مايكفي عاد الغطاء المادي اللي عمرو بخل عليهم ونهار سهل الله على غالي وهز راسو بقرايتو وبقا ليه هشام هاز ليهم الهم حيت كان ضعيف فالقرايا وكان خاصو لابد يدعمو باش يوصلو وكان كيلبي ليه جميع الطلبات والرغبات، قراه بالملاين فالعام فمدرسة الهندسة خصوصية على لانفورماتيك وكان هشام تابع للمضاهر والمدرسة فيها ناس مستواهم المادي عالي ومكانش كيرضى بأي حاجك بل الى خاصو حاسوب ميشريش اي حاسوب وطلب حاسوب آبل (التفاحة) وكان ساوي كتو من جوج ملاين فوقتو ومع ذلك شراه ليه رشيد ، وكان طلب سيارة وجا مع الخدمة درسيد كتحرك شوية و كان حينها شاد واحد المارشي فمكناس وبفلوسو شرا سيارة فارهة وعطاها ليه خداها واخا بقات فالسمية مكتوبة على رشيد لاكن فالاستعمال خداها هشام ومن ديك الساعة وهي طموبيلة هشام مكانيش اللي حيدها ليه ، كان رشيد كيشري السيارات لاكن للاستعمال العملي بحال كونكًو وداسيا غير باش يتحرك فالخدمة .. كان كذلك مسجلو برغبة منو كيلعب كرة القدم مع النادي المكناسي وكان واحد من اللاعيبين فالفرقة وضهر ما مرة ما جوج على التلفازة وكان خاصو ميزانية ديالو بوحدو غير ديال الاكل والشرب والرياضة اليومية والمساج والصونا عاد الملابس والحدية الى اخره . كان فعلا ميزانيتو كبيرة بزاف وكان مدخولو ضعيف واخا كيلعب مع الفريق مكان كيدير ليه حتى حتجة ومكيشوف منو رشيد حتى ريال وعمرو سولو على شنو كيدير بيه .. هاد التوجه خلاه مايقراش وماعندوش عقل لقرايا وكان هوا الوحيد من بين خوتو اللي عايش عيشة فوق الوصف مقارنة بالبقية ومكان حتى واحد كيتدخل ولا يهضر ولا يقول حتى انا بغيت . زيادة على ذلك كان هوا وغالي متقاربين فالعمر وهما اللي عاشو مع باهم لاكن فاش خوا عليهم غالي الدار ومشا لافران يقرا بقا غير هشام مع باه وتفشش كيف بغا حتى صدق ما مطفروش لا فكورك ولا فقراية وفاش باه تزير فالآونة الاخيرة وبغا يتزوج لقا راسو خصو يعري على دراعو بزز منو
هشام : بغضب) واش مالقا شكون يتزوج تقاداو البنات فالدنيا حتى جا بغا يتناسب معايا مزاحمني فالنساب؟؟
السي رشيد: بهداوة) عااد كنتشاورو وعاد كنتناقشو الموضوع دابا مزال مادرنا والو
هشام: فاااش غنتشاورو جا شاورني؟؟؟ جا قالي شي حاجة؟ عاد قالتها مي دابا شنو بغا مني هادا شنو؟ علاش ماجاش قالها ليا
السي رشيد : صااافي دابا نهضر معاه وحتى انا قلت لو الزواج دلخوت ملايقش
هشام: موشكييييلة هادي اش هاد المرض(كيسوط) اش بغا مني يبعد عليا يعطيني تيساع مايتنتسب معايا مانتناسب معاه.. يبعد عليا باغي نتهنا فحياتي ونرتاح
السي رشيد: ماتهضرشي معاه انا مزال غنطلع للرباط ونهضر معاه بالسياسة عنداك تعيط لو
هشام: انا كنت غنعيط لو وداير فراسي نعيط ليوم نشوف اش هادشي بغا يدير ما علمني ما قالها ليا .. خصو يقولها ليا بعدا راه النساب ديالي هادوك انا اللي جبتهم
السي رشيد صاافي بلا متحرق لي راسي راني سمعت فهمت وطلع لي طونسيو
جلس رشيد كيفرك فالتومة باش يدوزها مع الماء تحيد ليه السخفة في حين هشام طار ونزل ومابغاش النعاس يجيه ومقادرش يتخيل زواجو هوا وخوه من نفس الخواتات بجوج ابدا، ماقادرش يستوعب وماقادرش يدوزو ورافضو وفض تاام .
فهاد الاثناء كان غالي قدام المرايا كيحسن وهاز راسو كينقص من اللحية فالحمام وحداه واقفة سكينة بالبيجامة والكاب عليها مربعة يديها كتشوف فيه وكتسول
سكينة: وبابا فوقاش غتهضر معاه؟
غالي: قولي لي نتي فوقاش ،، انا بان ليا يهضر معاه الواليد حسن هوا اللول .. ديجا كيتواصلو فتيليفون يعني يسبقها ليه
سكينة: ونتا مغتهضرش معاه؟
غالي: غنهضر معاه ولاكن يسبقها ليه الواليد .. فهمتي .. ماجاتش نتقدم قدام الواليد حشومة هوا السابق ،، كن ماكانش شي علاقة ولا معرفة بين لي فامي كنت نهضر معاه انا عادي
سكينة: واقولها لباباك يقولها لو
غالي: عااد قلتها ليه خليه يستوعب الفكرة بعدا ونقوليه يهضر معاه.. خليه يوصل على خير وبيخير ويرتاح من السفر
سكينة: بابا صافي كيجمع يرجع بحالو اش بقا ليه
غالي: غمزها) باغا تزوجي بنتي ليا ها؟ درتي عقلك
سكينة: دورات وجهها) راك عارف شنو كاين دابا ومامرتاحتش ومخلوعة وخايفة ،، كنخاف يقوليهم راسهم ديوها تتقلب راه حال واحوال ماما وبابا!!… عرفتي ويسيق لخبار الدبح .. ماعندناش حنا هادشي فالعائلك وعمرو ما مطرا لشي وحدة
غالي: بارتياح) شنو دابا خايفة نخوي بيك
سكينة: خايفة باك ولا مك يرفضو ديك الساعة الحفلة
غالي: خوي راسك خوي،، عطيتك الكلمة قلت ليك غااانتزوج بيك وانا اللي طلبت للزواج نسيتي؟ وصافي غير ديري عقلك ورتاحي
سكينة: وا ها حنا غنشوفو(هزات كتفها وهبطات راسها كتتقيس دفارها ) اخر يامي وليت كندور على الزواج
غالي: ههه ايوا كن ما وقع ليك هادشي كن راك كتقولي ليا منتزوااجش
بناصر حل محله اخيرا واستقبلوه احسن استقبال واالبود ما يبينو ليه انهم توحشوه ويبينو الفرحة باش مايغضبش وما يهزش فخاطرو ومناخرو. كلشي كيصوني كولشي كيعيط مكاين غير بناصر بناصر وصحاب البلاد وتقول واش شي واحد فيهم مايعيطش، كيسولو فيه وفنفسالرقت كيتسناو منو سي هدية ولا شي حاجة ويشوفو منو شي وليمة ، وحتى هوا هادا طبعو كيموت على الزرود وخاصو غير المناسبة باش يهز طموبيلتو ويمشي كيجري للبلاد عند اهلو واحبابو، كان هوا الوحيد اللي كيجمعهم كاملين بالخوت بولاد العم وولاد الخالوكاع اللي كيبغيو قراب ولا بعاد ، كان معروف بالصدقات والولائم ومكيحسش بالفلوس كتصرف فبحال هاد الامور اللي كيسعدوه .
غير وصل ورتاح ديك الليلة وحط حوايجو والهداية اللي جاب لبناتو ومرتو لغد ليه شد الطريق للبلاد وحمع العائلة كلها ودار الصداقة وجاب الطلبة يقراو ماتيسر من القرآن وتجمعو النساء بوحدهم فواحد الطبقة والرجال طلعوهم للطبقة الفوقانية وتحمعو النساء دالعائلة فواحد لاكاف عندو الباب مع الدورة ديال الدار بوحدو على برا بحكم الدار جات فالطلعة مع الارض ماشي مسطحة وتما تحمعو على الطبخ والكسكسو وريحة الطياب عاطية.
اما سكينة كانت مجبدة فالسطح على واحد الحصيرة وموسدة مخدة منها للسما فديك العشية مع جوايه العشا اللي كانت مزالة ماودنات وكتهضر مع غالي فمحاولة اقناعه باش يقنع باه يعيط لباها فديك اللحضة اللي راشقة ليه وكيضحك حتى كيوصل ليها صوتو من لتحت
بطريقتها وباصرارها خلاتها يحاول ويجرب وقطعات معاه وناضت كتجري بالبيجامة كتجر صنادلتها مشات كتقلب عليه حتى لقاتو فالباب كيفرنس حاضي الشادة والفادة .
فهاد الاثناء كان غالي فالدار جالس قدام الحاسوب وتيليفون فوندنو فالخط مع باه كيحاول معاه بالهداوة بحال ديما
غالي: وضاروري غتعيط لو واش السيد دخل للبلاد وماتسول حتى كي وصل ؟؟
السي رشيد: ايه اييه غنعيط ليه بلحق بلاتي غدا ولاا
غالي: تأ عيط ابا للسيد دابا سول فيه وهضر معاه على الموضوع .. هي هاديك الفرصة فين تهضر معاه
السي رشيد: واخليليك غير شوية دالوقت
غالي: وراني عارف اش كندير صافي،، عيط ليه هضر معاه .. انا عارف شنو كنقول وعارف شنو باغي
السب رشيد: متأ … وا عرفتي شنو .. خلي خلي حتى نجي.. نجي ونتلاقاه ويكون خير
غالي: واابا!! واش انا كنقولك عيط للسيد دابا سول فيه وهضر معاه ونتا كتقولي حتى نجي ويكون خير!!! وصافي قلت ليه هضر معاه هضر معاه الله يرضي عليك صافي؟ يالاه هانا غنتسناك ترد عليا
السي رشيد. واا ولدي سمعني الله يرضي عليك.. وراه هاد الزواج مغاينجح لا ليك لا لخوك غتوليو العداوة
غاليي : اشمن عداوة خلينا من هاد الهضرك واش انا شغلي فشي واحد؟؟ كل و احد يعوم بحرو.. عيط ليه يالاه انا كنتسنا ( كيكح ) حلاقمي خرجو ولاهيلا خرجتي لي حلقي
السي رشيد: دابا مشاا الحال
غالي: باقي الحال باقي ما وصلات التعسودغير بالاه عيط دغيا ورد علينا باش نتهنا حتى انا. ونرتاح
السي رشيد:باستسلام ) واخا هانا غنصوني ليه ،،
غالي: واعرف كيفاش تهصر معاه ابا ماتبنيلوش راك معيط لو بزز ..يالاه انا نتسناك
كانت كدور بناصر وتبربص بيه حتى ضار شاف فيها وطلع وهبط وقال باستغراب
بناصر: اديك سكينة ،،، مالك غير كدوري بيا بغيتي شي حاجة
سكينة: شافت فيه بنص بنص عين) لااااالا مابغيت والو
بناصر: صغر واحد لعين بحال حديدان ) ومالك غيير كدوري ليا بجنابي ،… ها؟ غير قولي قولي مالك شنو اللي مقلقك راني كاااانعرفك
سكينة: وما مامالييش
عبسات ومشات بعدات منو حتى سمعات تيليفون كيصوني وطلات عليه من واحد الزاوية حدا الدار شافتو تجبد وهز راسو بحال الديك عاقد حجبانو باش يشوف مزيان مع ناقص ليه النضر ودار نضار دالشوف رشع كيقشع ويحقق بزز
بناصر: هز تيليفون ) هاااالو؟؟ ااالسي رشيد كي داير اسيدي لاباس كولشي بيخير
السي رشيد: الحااامد لله السي بناصر ايوا على سلامتك وعلى سلامة الرجوع ديالك
بناصر: الله يسلمك امولاي اش خبارك شخبار الدراري كولشي مزيان؟
السي رشيد: كولشي مزيان الله ما لك لحمد ايوا خصنا الزردة السي بناصر ههه
بناصر: هي اللي متعاود السي رشيد راني نيت لقيتيني فالبلاد ايوا جمعت لحباب ودرت واحد الصداقة رحمة للميتين.. الله يقبلها يا ربي
السي رشيد: الله يقبل ولاهيلا مزيان ..شفتي بعدا العائلة وطمنتي عليهم
بناصر: هاداكشي اللي كاين
السي رشيد: بتردد) ايوا جينا قاصدين والمقصود الله ههه
بناصر: الله يسمعنا خبار الخير
سكينة سمعات ديك الجملة من فم بناصر وبدات كتشطح فقلاصتها وتغزز دفرها وتعصر حاضية ردة فعل بناصر وهوا كيهضر باهتمام وتركيز
السي رشيد: اييوا السي بناصر الو قبلتي علينا راحنا طالبين راغبين فالصغيرة ههه مالي ماكتابش تجي للعائلة عند خوتي هانا طلبتها لولدي
بناصر: هااا؟؟؟
السي رشيد: واقيلا الى بلاصة ديك البنت عندنا وها المكتوب كيتصرف عاوتاني
بناصر: كيتكمتم باهتمام) اااه .. اا واش باقي عندك شي ولد بلا زواج؟؟
السي رشيد: الصغير فالولاد اللي كان مزوج ماصدقلوش داك الزواج .. هاداك اللي ساكن تما فالرباط المهنيدييس
بناصر: اااه ايه ايه كنعرفو علاه ما.. طلق ولا كيفاش؟
السي رشيد: ايوا ماكتابش راك عارف زواج الواليدين فاش كيدخلو راسهم بزز هادي النتيجة .. هاد المرة خليناه يتزوج اللي بغا ، انا ولاهيلا الا فاجئني فاش قالي خت رانيا وها شكون ها شكون بقيت كنشوف فيه قلت ليه الى كتابيتو ماعلينا غير ندعيو ليكم بالتيسير
بناصر: بارتباك) ااه اييه ايه .. ايوا الله يدير الخير يدوز هادشي ويكون خير .. ايوا نشوفو مع البنت ونشوفو الضروف .. كي شتي دابا الخوت مع الخوت صعيبة القضية شوية السي رشيد باش نكون معاك صريييح
السي رشيد: اييه راني معاك فهادشي ولاكن ايلا دراري بغاو بعضياتهم اش غدير؟ الى كان هادا مكتابهم ؟
بناصر: انا مانعطيك ما نگلع ليك غانشوفو مع البنت بعدا.. ايوا مانبغيش نتاحشم معاك دابا راحنا نسايب وراك دابا عارف
السي رشيد: اسيدي الله يدير اللي فيه الخير.. والحمد لله على سلامتك
شافتو قطع تيليفون وطارت من قدامو طلعات للسطح كتجري وتصوني على غالي حتى شداتو
سكينة: غالي. راه باباك هضر مع بابا
رد عليها وهوا دايخ بالنعاس وداتو عينو والبيسي مشعلو قدامو مافهم علاش كتهضر ونعاسو حتى هوا تقيل كتر منها مع لعيا والارهاق والفياق بكري. بقا غير كيدخل ويخرج فالهضرة ويزير على عينيه
غالي: ااه صافي
سكينة: عيط لباك دغيااا عيط ليه راه بابا قاليه حتى يتشاور معايا
غالي: غدا نعيط ليه راني كنت ناعس
سكينة: اوييلي على غداا؟؟ لا دابا هادشي ما فيهش ختى لغدا
غالي: وصافي راه مافياش اللي يهضر دابا راني كنت نااعس اسكينة. قلتليك غدا غدا مغطيروش
جمعات الوقفة بقات كتزفر وقطعات عليه معصبة في حين كان متكي ولاح تيليفون وراه كيأفأف وتقلب جهة الحيط كمل نعاسو . اما هي سخطات سخط العالمين وقالت غيعيط يحزر لاكن ماعيطش وتسناتو وبالفقصة كتباتليه مسج كتغلي وتغزز سنانها
سكينة: انا مابقيت باغا لا زواج لا خرا وهاد النمرة ضرب عليها عنداك يحساب ليك راسك لاصقة فيك راني من غدا نتزوج اللي بغيت انا وديك البكرة غنلسق وحدة اخرى حسن منها الى بغيت غا بالزعط لا نتا لا داك الزواج اللي غيجي منك
سيفطات المسج لاكن ماردش عليها وعاودات كتبات واحد اخر كتغدد
سكينة: اااخر مرة تعيط ليا ولا تصوني عليا والو شفتيني دير راسك مكتعرفنيش ونهار تعاود لشي واحد عليا راهني غنديكلاري بيك سمعتي هانا علمتك يالاه سير تلاح
بناصر من الصدمة دوز الصداقة دايخ ، لاكن كبريائو زاد على وحس بالفخر وعرف راسو همة وشان وبناتو جايبين العز وغير من كثرة الخطاب اللي من عائلة وحدة يبان انه بالنسبة ليهم نسيب ديال النسوبية وبناتو ديال المعقول ومحبوبين عند الناس واخا مكيبان ليه فسكينة لا معقول لا خوه ومن ديما واخد فكرة على بنات المعقول وهوا يكونو مكيهضرو مكيضحكو ماكيبلسو مكيخرجو وخانيين الراس وهما اللي كيبغيو الناس لولادهم ، اما دابا طرا ليه العجب ومابقا فاهم والو وكيقول مع راسو يمكن انا عجبتهم بغاو يتناسبو معايا وشافو الاصل هوا اللول. هادشي اللي قاليه دماغو فديك الساعة اما سكينة ماداتهاش عينها لدرجة كضربها الفيقة فنص الليل وكطل على تيليفون وترجع تقلب تكمل نعاسها
صبح الحال وصبح غالي جالسحلى حرفالناموسية كيشوف فداك الشي علاياش صبح وكيمسح وجهه بيدو وينفخ بغيض ماعجبوش الحال وطلع ليه الدم وعبس وتقبط عليه الصدر وخدا الموضوع على محمل الجد.. ماعيط ماسول وكمدها وناض توضى وصلى ولبس حوايجو ومشا لخدمتو ، اما سكينة صبحات جالسة قدام الطبلة كتفطر وفين ما تشرف بناصر كدور وجهها تشوف فالحيوط والبيبان والسراجم ، اما هوا كيتصرف ويضحك عادي كأنه شيئا لم يحدث حتى تعاشات لعشية وشدو الطريق راجعين بحالهم في هدوء وهناء
وصلو مع الثمينة ديال العشية ودازو حدا المحل لقاوه محلول والمراكشية تما خدامة وطلبات سكينة من باها يوقف ليها تما تنزل ونزلات كتسوط وتنفخ وتشوف فتيليفون ماحاها حتى اتصال . شافت حتى عيات وماقدراتش تصبر ودخلات للحانوت جبدات واحد لاتروسة دالمكياج بدات كتجبد فالشفار ودوز فلكلوز وتورد فلخدود وترش فالروايح وخرجات واحد الصاك فيه حوايجها مخبي لدواير الزمان بحال هاد المواقف اللي مكيضلاحش ليها طلع تبدل فدارهم . لبسات واحد دجينز مزير طالع ختى للصرك وكانت موضة يالاه بانت ولبسات معاه ديباردور كحل لاسق مخشي فالسروال ولاحت عليها جاكيط كحلة قصيرة منفخة بالقب وحداش رياضي ولاحت شعرها اللور وقدات كدور وتشوف راسها فالمرايا وهزات السوارت ومشات كتجري عندو حتى للدار دقات عليه .
شافها من العين السحرية وكان وجهه فازك بالما والفوطة على كتفو وحل ليها الباب هاز خنافرو فالسما شاف فيها بعبوس وردات ليه حتى هي نفس النضرة خنزرات فيه وقالت
سكينة: شد ها سوارت جبتهم ليك
مد يدو يشد السوارت وجرها معاهم لدارخل وهي هازة نيفها
سكينة: جيت نعطيك غير سوارت ونمشي بحالي
ماهضر وشاف فيها مطولا بنضرات الغضب عاد قال
غالي: بغيتي تعطيني السوارت؟ اريهم وسيري.. وانا غادي نتزوج وغادي نفرح با
سمعو ودنيها مزيان شنو قال وتخلعات بان ليها بصح كيهضر من خلال اصراره كأنه تحدي وبدات تراجع ودبل فعينيها بندم
سكينة: ونتا علاش ماعيطيش ليا يالاه عصبتيني
غالي: عصبتك؟؟!
سكينة: ااه تعصبت داكشي علاش قلت ليك ديك الهضرة
غالي: ااش ديك الهضرة اااش غنلسق البرة غنتزوج اللي بغيت وتلاح!! اش داكشي مزاال مابغيتي ديري عقلك بنتي ليا
سكينة: واغييير تعصبت وصااافييي
تلاحت عليه عنقاتو كتمسكن وهوا واقف ماتحركش غير كيشوف كيشوف فيها وعاقد مية وحداش حتى دفعاتو وقالت
سكينة: ومااالك انا كنحزر فيك ونتا منفخ
غالي:بجدية) ماكتقااالش ديك الهضرة واش عارفة اش كتبتي ولا معارفاش؟؟ هاديك هضرة ؟
سكينة: وصاافيييي
مالقات ماتقول ولقات اسهل طريق عوا الاعتذار
سكينة: سمح ليا صافي .. صافي؟
عنقاتو وهزات راسها كتشوف فيه حتى تنهد عاد هز يدو عنقها وطبطب عليها
غالي: يالاه بلاتي نمشي نصلي راه كنت كنتوضى
ر جعات اللور مشات كدور فالدار حتى صلى وكمل ومن للارض طلع على السداري جلس كيرتاح ومشات عندو كتفرنس جلسات ليه على رجلو وعنقاتو
سكينة: ماكنتيش كاع غتعيط كن ما جيت
غالي:شار بيدو للسجادة وقال : والله لعضيم كنت غنعيط وقلت حبس بلااتي حتى نصلي هوا اللول عاد نعيط .. باش الى كان فيها خير تعطاني شي اشارة
وفعلا كانت اشارة واضحة وكانت القدر معاونهم باش يتجمعو ، وفهدا الاثناء اللي كانت فيها هي معاه فالدار كان بناصر كيناقش الموضوع هوا ومونية فبيت النعاس وهوا مزال مربع فوق السجادة اللي صلى عليها ومونية جالسة وكتسمع فرحانة
بناصر: هادشي اللي قال ماجبرت مانقولو فديك الساعة قلت ليه خلي حتى وكان نشوفو اش يدير الله .. دابا الى قلتي ليهم لا مشكيلةوالى قلتي ليهم اه مشكيلة كن غير مخاطبينش بعدا رانيا ماشي مشكل
مونية: ايوا فين المشكل ياك غيتوانسو حسن ماتجي شي مسخوطة اخرى تحرر العيشة فرانيا وهي غير درويشية
بناصر: وا حتى نتوما طحتو على هاد العائلة مابغيتوش كااع تنوضو.. هما مابيهمش سكينة بيهم انا اللى شافوني راجل مزيان كلهم بغاو يتناسبو معايا.. اما كن جات عليهم مايخطبوهاش على زين ديك التبهديلة باش كتخرج .. نقولو هادا ك اللولاني شافها فالعرس بتكشيطة ماشي مشكل والثاني؟ وهادا حتى هوا ؟ فين شافها وكيفاش الله وعلم
مونية: ايوا سيدي راه هي اللي جابتو .. راه سبق منها قالت ليه اجي باش ميمشيش عقلك بعيد
بناصر: هييه!! شداها لهادوك واش هادي خاص باباها شي عقل غادية تبهدل بينا مع النسايب وشوووف لهاد المسخوطة مابغاتشاي تحشم
مونية: مادارت وااالو ياك بغا المعقول ايوا صافي راه قلب عليها قاليها افلانة انا ناوي المعقول واش قابلة قالت ليه صافي سير عند با شنو بغيتيها تقوليه؟
بناصر: متأكدة قابلة؟
مونية: قاابلة الى بغيتي تسولها سولها
بناصر: غادي نسولها بطبيعة الحال نشوفو شنو هادشي…واخا مابانشلي فزواج لخوت خايب وزوين فنفس الوقت.. هي صعييبة الى هضر معاها شي واحدودا قاليهاغير شي كلمة دير شي فضيحةوغيحقدو عليها هي وحتى ختها معاها
مونية: ايوا ضبر راسك
بناصر: انا بعدا كن جات عليا نزوج سكينة لهاد المهندس ومنزوجش رانيا لداك خيينا .. ماهنانيش خااطري كااع من جيهتو .. هاد المهندس بعدا راه مهندس .. تلاقيتو فداك العرس ديالهم كيبان مزيان وكيحشم مافيهش الهضرة بزاف وباش زدت رتاحيت فاش كانو جاو يخطبوها وقالك عطيه شي سجادة يصلي ومشا صلى تما وسط الدار
مونية: ايوا الرزق. ديالو وديالها عند الله
بناصر: ماعرفتيش علاش طلق؟
مونية: رانيا قالت ليك طلق مرتو بسبب الصدع والغيرة .. بغات هي تحكم وكتقطع بيه حوايجو .. سولتها قلت ليها واش صافي هادا هوا السبب قالت لي راه صبر ليها حتى تقادا الصبر حتى وصلاتو للشوهة قدام الناس صافي تما قاليها الله يعاون ابنت الناس
بناصر : دابا هادا اللي ماصبرش للطبيبة اللي يصبرو عليها الناس يصبر لسكينة اللي غير نكافة وقبيحة واخا تقباح هاد الطبيبة حتى تعيا ماتوصلش لسكينة
مونية: ايوا هادا ماكان (تنهدات) اللي يصلاحليك ديرو
بناصر: خليها حتى تجي ونشوفو هادشي
مع الدخلة للدار لقاتو متكي كيتسناها ، واكيد مادخلاتش بنفس الحوايج وبدلات فالمحل عاد طلعات وفوق هادشي طلعات بكري ومابقات لا حرية لا هم يحزانون كلشي رجع كي كان بالزيار وبالسربيس دالعسكر .
دازت من حداه بغات تمشي للبيت لاكن كم قنانفو من الجناب متبع ليها العين وقال
بناصر: سووكايناااعععع… مالك كاتسلللتي اجي لهنا.
سكينة:ضارت شافت فيه بارتباك) اا؟؟ انا؟
بناصر: اييه شحال من سكينة عندناا؟؟ اجي ياجي.. زيدي لعندي
هبطات راسها ومشات جلسات قدامو مربعة يديها وناض هوا جلس جمع رجليه ويديه شاف فيها مصغر واحد العين كي حديدان
بناصر: فين عرفتي خو هشاام ؟ اا؟؟
سكينة: بتوثر) ماعرفتوش!! هوا تلاقاني فالزنقة حدا الحانوت
بناصر: امم ايوا زيدي؟
سكينة: كتفتف) صافي هادشي لي كاين
بناصر: اممم.. ونتي دابا قابلة تزوج بيه
سكينة:بنص عين) و. وو وا .. مزيان كيبان
بناصر، هااكاك.. هي درتي عقلك
سكينة: الصمت
بناصر: اش كيدير فاش خدام بعدا ؟؟
سكينة: انجينيور وخدام فالمالية
بناصر: هااكاك..مزيان عندو شي دار ؟
سكينة: لا باقي ولاكن قادر يشري الدار غير مازال مااا عول
بناصر: اممم
بناصر عرفها دات وجابت معاه فالهضرة وصافي فتحات ليه الباب وقابلة عليه وحتى هوا رجع اللور هز راسو وقال
بناصر: ايوا قوليه يدوز نشوفوه كي داير.. بلاش ماتفرحي دابا حتى نشوفو نشوف اش تحت راسو
حركات ليه راسها بالايجاب وناضت مشات للبيت لقات رانيا واقفة كتسنط عليها وماعاجبهاش الحال وقالت بغضب وخفوت
رانيا: مابانت ليك غير هاد العائلة باغا تشوهيني. ياك ؟ فين مايدورو يقولو خت رانيا انا عاطياهم وجه ونتي جايا عندي ضربي ليا كولشي فزيرو وتخيبي ليا صورتي قدامهم يحساب ليهم انا بحالك
سكينة: بنص عين ) باش حسن مني نتي هههه كضحكيني والله راه كي خطبوك نتي خطبوني انا مالك نتي زايدة عليا الجناح ..سيري سيري
كانو غيتشادو لاكن ماصلاحش ليهم وبناصر حاضر، اكتفت رانيا بحسبي الله ونعم الوكيل ومشات عطات وجهها للحيط كتبكي ماعجبهاش الحال وماعجبهاش الوضع ومابغاتش سكينة تدخل معاها لنفس العائلة او يعرفوها . تفقصات وتطعنات في حين سكينة فرحانة وعاجبها الحال وماقاداها فرحة وسيفطات لغالي مسج علماتو باش يتاصل بباها ويتلاقاه .
وصبح الحال بنهار السبت وفاقو بحال العسكر على التخمال وبناصر غادي جاي على راسهم حتى للربعك دلعشية عاد جاء الفرج على الجيميع وكان اتصال من غالي لبناصر الليكانو رجليه غاطسين فالرغوة حتى هوا كيشتف على واحد الكاشة فالبانيو ويعاونهم ، مشات سكينة تجيب ليه تيليفون وغير طلعات النمرة دغالي خرجات عينيها وداتو ليه كتجري ورجعات اللور دارت راسها كتعمر السطل من الطواليط في حين بناصر بقا كيحقق فتيليفون وهوا واقف فوك المانطة وسروالو مكفض
بناصر: ماعرت ديالمن هاد النمرة هادي( ربط الغوباشة) االو السلام عليكم …. اييه اسيدي هوا هادا شكون معايا؟… (تبسم) ااه اييه ايه كي دابر لاباس كولشي بيخير العائلة؟،،،،، اييه مرحبا .. ماشي مشكل انا غنكون تما قريبة ليا قريبة ،، الله الموعد االله يتهناك مع السلامة
قطع وكمش قنانفو لقدام كيشوف فتيليفون ماتلفتش وقال كيعيط لمونية
بناصر: ارا مونية داك السروال وديك القميجة نمشي نخرج
مونية: طلا عليه من باب كوزينة) فين غادي شكون عيط ليك؟
بناصر: اري دابا اري الله يهديك كتبغي تعرفي كولشي
خرج بناصر مفركس ومونية متبعة ليه العين من السرجم كتحقق وتسائل غير بوحدها في حين طلعات سكينة للسطح كتجري صونات على غالي بسرعة
سكينة: خرجتي؟
غالي: بهدوء)عاد خارج
سكينة: مهم بابا خرج دابا بغيت نعلمك وصافي اي كلمة قالها ماتديش عليه راه هضرتو قاصحة وهاكاك دايرة فهمتي.. راه قااصح فهضرتو وفكلشي مكيحشمش غير سلك معاه اللي قالها قوليه واخا هي اللولة
غالي: وصاافي صافي يالاه انا خارج(على عجلة) حتى نعيط لك
سكينة: عنداك تقوليه شي كلمة ولا تبغي تفهم عليه
غالي: وصاف اسكينة كتعطليني راه اصلا معطل ( على عجلة) يالاه بسلامة
قطع عليها ونزلات للدار متوثرة لقات مونية راجعة من البيت اللث كانت كطل منو وتسول ختى قالت ليها سكينة ها شنو وهاشنو قدام رانيا اللي كانت قدام البانيو معصبة كتشوف فيهم وقالت
رانيا: انا ماعرفت شنو درت فحياااتي حتى ربي كيجمعني معا ك… واعباد الله وابغيت نتفك منك ومن فضايحك ونتي لاسقاني حتى فالزواج .. اختي شنو بغيتي عندي الله ياخد فيك الحق
سكينة: واش نتي حمقة واسيري سيري راه ااصلا كنعرفو قبااال ما يجي هشام ديالك وقلتها لمي وديجا هضر مع مي فتيليفون نتي عاد صبح عليك الحاا ل
رانيا: ماشي شغلي اصلا تزوج وانا كون كنت بلاصتك منقبلش ومنتشاركش معاك فنفس العائلة ، نتي كاع منتشرف بيك انا قدام الناس شوفي راسك قداش ومزالة كتبولي فالفراش ولباسك مشوه ومكتحشمييييش وااالو ماعندكش كرام ديال الحشمة من شي واحد، وماشي ديال الزواج اااصلا.. شنو غيقولو عليا فاش يلقاوك مزال ناعسة حتى للوحدة ومكتجمعي طبلة ما تغسلي ماعن ماطيبي ماديري والو ..غيوقولو عليا ختك ..واخا نبغي ندااافع على راسي يعايروني بختك ختك ختك ومايبقا حتى واحد يحتارمني
سكينة: بنص عين) ماغنديش عليك ومنديهاش فيك انا ماكتهميني لا نتي لا هادوك اللي دايرة عليهم هاد الحال كلها
رانيا: هاااا ها شنو قلنا(شافت ف مونية) شفتي علاش كنهضر شفتي.. مغتحتارم حتى واحد غتشوهنييييي كن بقات بعيدة عليا ما ساق ليها حتى واحد الخبار
سكينة: واسيييري مالك بيمن مزوجة اصلا شكون هاودو اللي باغا تبان ليهم نتي وااعرة اش يكونو ؟ سيري سيري
رانيا: بغيض بغات تبكي) وابعديي منييييي ماشي سوقك ندير اللي بغيت انا حرة سيري قلبي ليك على شي عائلة اخرى تخشاي فيها وعطيني تيساع مالك باغا تشاركي معايا اللوسات والعكوزة وكولشي
سكينة: وا غا نتي بوووحدك اللي غتخشاي فديك العائلة غييير تهناي اما انا مغنتخشاش انا غندي غا واحد لخرين خليتهم ليك
رانيا: بالفقصة) واش باغا تحمقيييني(شدات قلبها) مي .. مي شديني شديني
شداتها مونية جلسات مخلوعة وسكينة حتى هي مخلوعة بداو كيتجاراو يعطيوها الما وهي يابسة تقول غتموت ومخلوعة مارجعات فيها النفس حتى تطلقات شوية وفاتها الحال وقالت سخفانة
رانيا: بعدي مني غتقتليني مرضتيني فهاد اليوماين ماشفتش النعاس.. بغدي مني اختي الله يرحم ليك الواليدين نبوس ليك راسك كاع.. بعدي مني وديري اللي عجبك خليني نعيش كي بغيت ياك انا اللي سبقت .. خليني نعيش ونكون كما انا بغيت ماضربيش ليا كولشي فالزيرو راه قربت نحماق بهادشي (شدات راسها) بغيت نتسطا مامتخيلاش راسي انا وياك فعائلة وحدة
غالي وصل للمقهى كيزرب لقا بناصر فالباب واقف ومن شدة الخجل حدر راسو وتبسم ومد يدو صافحو في حين بتاصر دافع صدرو معاق. حجبانو كيبين الهبة والصرامة
غالي: ياكما تعطلت عليك اعمي
بناصر: ماتعطلتي والو غير طلقني للمعقول
سمع غالي ردة فعلو وزاد دخل فبعضياتو وحشم ومشا جلس هو ا وياه فطاولة وحدة كيتعاودو على الحال والاحوال حتى قال بناصر كيضحك هز يديه بجو ج
بناصر: ايوا الاحوال مزيانة كلشي مزيان اوا أرا ليا ماعندك دغيا
غالي: بخجل كيرمش) شنقوليك اعمي انا جيت طالب راغب ههه.. الى قبلتي عليا فسكينة بنتك
بناصر: بصرامة) ماقلتي عيب.. ولاكن باش نفهمك مزياان ماتجيش شي نهار تشكي عليا.. على ما بان ليا هي راضية عليك ونتا راضي عليها ايوا سمع مزياان الله يرضي عليك .. سكينة ماشي هي رانيا باش بلااا متقارن بيناتهم ،، الراس قااااصح واللسان شوية ماضي والشقى على قد الحال والطياب زيرو ، والجلاس فالدار مغتجلسش ليك فالدار وتقول زعما تقابل ليك الدار بحال العيالات راه الخدمة مغتجلسش منها والى قدرتي تصبر عليها صبر ماقدرتيش من هنا راني كنعلمك
غالي: حدر راسو كيضحك ) اييه ايوا ضاروري خاص الصبر
بناصر: نتا راك مطلق وعااارف الزواج اش فيه بلا منوريك .. ايوا الى فيك مايصبر هوا هاداك مافيك اللي يصبر من دابا دير بناقص من شي زواج ،،، اشنو السبب علاش طلقتي اللولة باش نعرف اش كاين؟ ياك من حقي نعرف
غالي: من حقك بطبيعة الحال راه بنتك وخايف عليها
بناصر: هااا ههه باش بلا منزوقو الهضرة
غالي: كاينة… الطلاق مكانش ختياري لولا الضروف اللي كانت اجبارية ماكنتش ناوي نطلق.. انا تزوجت زواج تقليدي .. زواج الواليدين كما كتعرف وشوف واش يصدق ولا لا .. خصوصا فاش المشاكل كيتجاوزو الخطوط الحمرا مرة وجوج وثلاثة وكتعيا تصبر وتعطي انذار راه اخرتها كتسالي بالطلاق
بناصر: ايواا هاحنا مزالين فيها وعاد انا كنقوليك سكينة راه ماشي ديال الزواج فهاد السن راه عقلها باقي صغير دغيا كتعصب دغيا كتنفاعل موحاال واش تقدر تصبر لهبالها
هبط غالي راسو كيضحك حشمان وقال
غالي: غنصبرو معاها حتى دير عقلها راه اغلب بنات ديال دابا هاكاك
بناصر: ايوا اللي بغيتي… ومن ناحية السكن فين ناوي تسكنها
غالي: حاليا راني ساكن بوحدي كاري دار غير هنا وان شاء الله راه ضاروري نشري الدار غير نشوف فين غنستاقر بالضبط
بناصر: علاش واش كيحولوكم ؟
غالي: لا ماشي مكنتحولوش ولاكن كنسافر على برا تقريبا جوج مرات فالعام .. ماركزتش مع الدار
بناصر: ايوا مزيان الله يسهل الامور … غير هوا نوصيك وصية.. السكنة مع الواليدين راه ماصالحاش.. باش نكون معاك صرييييييح ..بغيتي تتهنا فالدماغ ديالك ماتسكنها مع حد وخليها غير هي والحيوط(دور وجهه كيتأمل) لحيوط ويا ربي يتهناو راه غير بوحدها كتقلب وتشقلب
بقا غالي ساكت ومهبط راسو واللي قالها بناصر كيقوليه اه حتى عطاه البنت وخرجو بجوج كيتجمعو ويتناقشو باش يقدر بناصر يقرب من غالي شوية ويعرف شخصيتو وكيفاش كيفكر مشا معاه على رجليه كيهضرو فمواضيع متنوعة حتى بدا كيطيح الضلام ووقفو فالحومة قدام باب العمارة يتوادعو
بناصر: ايوا هوا هادا ..
غالي: دابا بقاو الواليدين يجيو معايا وصافي، الى جات على خاطرك مكاين لاش نطولو فالخطوبة انا واجد نديرو زعما شي خطبة صغيرة فالقريب العاجل صافي ونديرو العقد نيشان بلا زعما منطولو راه ديجا داز تعارف بيناتنا
بناصر: ماقلتي عيب.. الواليدين راني كنعرفهم .. فاش تنوي تجيبهم علمني باش نديرو شي خطوبة وكدا
طلع بناصر راشقة ليه وغالي دخل ليه الخاطر ورتاح ليه ، لقا مونية فالسرحم كطل وتسنا حتى دخل هاز خنافرو مطلع شلاقمو من القنات وهاز حجبانو وساد عينيه كيعيط
بناصر: مونياااعععع
خرجات من البيت كتفرنس فرحانة شافتو عرفاتو راضي مرتاح من داك التعبير وديك التعييطة كتعرفو راشقة ليه
مونية: امضراااا شنو درتو؟
بناصر: صافي طرقنا المسمار غدا غنقلب عليه ونبحث عليه نعرفو اش كيدير اش كيخدم
مونية: برقو عينيها) بصح؟؟ هي صافي تافقتو
بناصر: على هي خلاتنا نتافقو .. صااافي تافقات هي وياه توريني فيها .. راه كااتهضر معاااه ،، الى كانت طمعاتو بالكدوب بعدا راني فرشت ليها كووولشي باش ميجيش غدا ولا بعدو يشكي علينا ولا يعيب عليها ولا يقوليها شوفي ختك
مونية: هيييه!!! ويلي شقلتي ليه
بناصر: داكشي اللي كاين راني قلتو باش الى بغا يزيد يزيد الى ماعجبوش الحال يرجع اللور مانتعايب معاه مايتعايب معايا
مونية: باهتمام) ايوا وشنو قال؟
بناصر: مقال وااالو صافي قالي نديرو الخطوبة نيشان مكاين لا تعارف لا يحزانون والعقد ديريكت
مونية: هييه دغيا ؟؟
بناصر: وشنو غنتسناو؟؟ تبقا دي دي. دي ديديدي هي وياه فتيليفون ولا تسلت تمشي تخرج عندو ؟ ااش غنتسناو؟ صافي جا قالك الزواج غدا نقلبو عليه الى كان مزيان ماعندو حتى مشكل صافي الله يسخر .. ماعندها ماتزيد دير هنا ومايصلاحش لجلاس بلا عقد صافي سالينا
طرق بناصر المسمار لسكينة ومابغاش حتى هوا يتعطل، كيعرف بناتو مزيان وعارف كل وحدة وتربيتها وبخصوص سكينة عارفها كطير فماشي لمصلاحتو يعطيها لشي راجل ويطول ليها فالخطبة وفوق هادشي يبقا حاضيها، عارف راسو يحضي حتى يعيىى. ودوز ليه من شي جهة فقال اللهم مادام صافي قررت نعطيها فيضربو الكحل فالابيض نيشان ويوقع اللي بغا يوقع ديك الساعة ، من جهة اخرى كيشوف انه ماعندها حتى حاجة تحبسها على الزواج والضروف والاخوال كلها مناسبة وكيشوفها غير كدور وصافي وحاضية المحل ديالها اللهم تمشي لدار راجلها وتكمل مشوارها .
اما هي كانت فالحانوت غادية جايا ، وغير سمعات تيليفون كيصوني ناضت كطيير جاوباتو ولقاتو قدام المحل واقف ومشات كتجري ركبات معاه متلهفة تعرف التفاصيل
سكينة: شنو درتو؟
غالي: بهدوء) صاافي هضرت معاه مقال والو
سكينة: يعني بغا؟
غالي: وعلاش مغيبغيش؟
سكينة: دابا جاوبني بغا ولا مابغاش
غالي: ا نوووضي اشريفة وجدي راسك راه مابقا ليك والو للخطوبة
سكينة: هييه!! اوييلي حلف
غالي: مالك ماعجبكش الحال؟
سكينة: كمشات يديها) ناااري شداتني الخلعة … صافي زعما وصلت للزواج
غالي: هز حاجبو) دابا واش باغا تزوجي ولا لا؟ الى مافيك اللي تزوج قوليها من هنا
سكينة: باستغراب) دابا شنو بغيتي تقول؟؟
غالي: ومالكي كتفيبري؟
سكينة: راه عاادي تجيني الخلعة !! عرفتي شنو انا غنهبط دابا مافياش اللي يهضر
حلات الباب وهوا كيعيط لاكن زدحاتو ومشات وعينيها مغرغرين ماعجبهاش الحال وماعجباتهاش ردة فعلو وبقات كتلوم راسها بندم شديد وتردد فنفسها
انا اللي حمارة نستاهل .. لويتي ليا يدي اللي كضرني دابا وماعندي كي ندير نرجع اللور بزز مني غنتزوج .. اما كن خليتك بعيد ماتقربش ليا ونشوفو واش غتنفخ وتهز مناخرك بحال هاكا.. ولاكن انا اللي نستاهل وخاصني نسكت حتى يدوز هاد الزمر وعاد نتفاهمو
تفكعات وقطعات الحس ومابغاتش تسمع على موضوع الخطبة ولا الزواج اللي كيوثرها. اما بناصر مابغاش كاع يسكت هوا ومونية وكيتناقشو كلشي قدامهم وقدام رانيا اللي معالم بيها غير الله وقاطعة فيها النفس وكتشوف وماراضياش ولاكن متقدرش تهضر فحضرة بناصر،
ديك الليلة دازت كحلة .. لا على سكينة لا على رانيا ،، كل وحدة قالبة وجهها للحيط كتخمم فمستقبالها حسب عقليتها وشخصيتها .. اما غالي ماتاصل ما سيفط مسج وهادشي زاد اكد لسكينة انها هي الطرف الضعيف فهاد الساعة وخاصها تصبر مدام عطاتو يدها يلويها ليها،، فنفس الوقت ماتبينش ليه انها خايفة ومرعودة ولاسقة فيه باش ميزيدش يتمادى وياخد راحتو اكثر خصوصا مللي وصل للموضوع لبناصر ودوز الكلمة والموضوع داخلة فيه العائلة فأي خطأ غيضيع كولشي ويخسر الخواطر ويمشي فيها جاو ومجرور لا هيا لا ختها .
صبح الحال وصبحات رانيا فالسطح كتهضر مع هشام وكتعاود ليه ماسمعات ودنيها وهوا كيسمع ومن صوتو باين عليه مخنوق باغي قلبو يسكت وكيهضر بدون رضى
هشام: دابا باك صافي عطاه الكلمة
رانيا: صافي قاليه اجيو نديرو خطوبة
هشام: انا قلت ليك راه الى غالي خطب سكينة مانقدروش انا وياك نكملو
رانيا: بغيض) وشنو غندير ليهم انا منقدرش نهضر مع بابا
هشام: شرحي لختك وهضري معاها
رانيا: علاش ماهضرتيش نتا مع غالي انا بعدا هضرت مع سكينة ماسمعاتش ليا نتا مادرتي حتى محاولة
هشام: حنا الرجال ماشي بحالكم نتوما حنا مكندخلوش فهادشي كل واحد كيضبر راسو ..واش غنقوليه لا متزوجش بيها؟ دابا صافي وصل ختى لباك وعطاه الكلمة كاع واش هاد باك حتى هوا مكيفكرش دغيا قاليه هاك
رانيا: بغضب) انا الا بابا ماتهضرش عليه هاكا اهشام وزايدون الى مابقيتيش باغيني صافي الله يعاونك مغنبزز عليك حتى حاجة وانا درت لي عليا وماعجبنيش الحال ولاكن ماشي انا اللي كنتحكم وماعنديش السلطة على ختي ولا على بابا
هشام: وهضري مع ماماك علاش ماهضرتيش معاها انا عرفتي شنو درت لبا؟؟ درت ليه فضيحة .. وتكلخ فهادي ولا ماعرفتش واش مكيفهمش ولا مالو ..كنحس بيه كيفضل غالي عليا مكيخسرش ليه خاطرو واخا انا اللي جالس معاه ومونسو هنا وعايش معاه جميع الضروف، وغالي اللي كيجي مرة فشحال ومكيسيفط ليه حتى ريال كيتعامل معاه باحترام ومكيقدرش يخسر ليه،، مافهمتش علاش هادشي مابغاش يتفهم ليا وعلاش كيميز بيناتنا .. انا كن كنت اصلا كنهمو مكانش كاع يدير هاد المشاكيل وهوا قادر يمنع هاد الزواج والى بغا يمنعو غيمنعو ولاكن هوا متسوقش ليا وتبع غالي فريوو
تنهدات رانيا بأسى وبقا فيها هشام والطريقة باش شكا عليها حتى حزنات عليه وقالت
رانيا: علاش كتقول هاد الهضرة واش كاين شي اب كيميز بين ولادو ؟ بلعكس انا كنشوف باك داير ليك خاطرك اكثر منهم كاملين
هشام: لاالا غير كيبان ليك انا وغالي كيميز بيناتنا،، لخرين مكنهضرش عليهم ولاكن انا وغالي كيدير بيناتنا تمييز بزااف
رانيا: بحالاش شرح ليا؟
هشام: بحال فاش كيهضر عليه كيبقا يشكرو بزاف وكيتعامل معاه مزيان كيقول ليا متقوليهش مادير ليهش ،، كيهز ليه الهم كتر مني وانا اللي حداه مكيتسوقش ليا
رانيا: ياك قلتي غادي يبيع الدار ويشري ليك برطما مابانش ليك باللي كيفكر ليك؟
هشام: مقالهاش ليا انا غير فهمت منو انه ماغيخلينيش بلاش فهمتي،، غيقدر يبيع هاد الدار ويشري لي برطمة ولاكن فوقاش مزال مابين ليا والو..وباك دابا معكس لينا كيتسناك تكملي قرايتك وانا اصلا مغنخليكش تخدمي يعني كنضيعو الوقت وصافي، كن دابا باك تساهل معانا كن راحنا مزوجين وساكنين مع با وبيخيير.. اصلا با غير بوحدو والدار خاوية .. هاد القرايا دوالو اللي دايرة لينا هاد المشاكيل
رانيا؛ مابقا والو بقا غير لعام الجاي ها عماين دازت طايرة، انا نيت مابغيتش نخدم ومافيا اللي يخدم غير دايرة لخاطر لبابا
وهادي هي الاجواء اللي ولات فدار بناصر وفحياة سكينة اللي داخلة فصدمة ومقادراش تستوعب وكتشوف كأنه كولشي كيدور على شي بنت اخرى ماشي هي.. ماشي هي اللي تزوج وتعيش دوك الاجواء لالا مستحيل ،، جالسة وكتقول اوييلي واش صافي غالي هوا شريك حياتي فهاد الدنيا؟؟ يعني صافي هوا اللي غنتزوج بيه هوا اللي مكتاب لي؟!! وكيفاش غتكون الحياة معاه وكيف دايرة عاد الحياة الزوجية ! يعني مغنحققش حلمي ونسكن بوحدي وندير اللي بغيت ونربي كلب ونلبس اللي بغيت ونشري بيجامات معريين وبانطوفات فالالوان وناعب بشعري كما بغيت وناكل فوق النموسية ونفطر بالعصير ونعمر ثلاجة بدانون وندير البينوار ونجلس فالرغوة ونشعل الشمع ونطلق الموسقى!! يعني كاع احلامي تبخرات كاع داكشي اللي حلمت بيه نديرو صافي تبخر !! العيشة بوحدي بلا حتى شي قمقوم صافي تبخرات !!
بغات تبكي وداق عليها الحال ودخلات فاكتآب ورجعات مهمومة واللي هضر معاه كتبقا غير تشوف فيه وتنخصص وتنهد ،، ندمات على النهار اللي عرفات فيه غالي ومشات معاه حتى وقع اللي وقع وبقات كتلوم راسها وتزيد تغرق راسها وتاكل فنفسها وتعدبها وكتحداها وتقول نستاهل حيت درتها بيدي
شكات وبكات حتى بغات تموت ومابقا عندها خاطر لحتى حاجة،، اول مرة توصل بيها الحالة لهاد المرحلة ومايبقا ليها خاطر ولا كانة وتروع معدتها وتسد ليها الشهية ويتقلب مزاجها رأسا على عقب.. بردات قلبها على ليلى وفوز اللي جالسين قدامها وكيشوفو فيها مافهمو واش يواسيوها ولا يباركو ليها ولا شنو يديرو؟ هي فالعادة الانسان كيفرح ليك بالزواج كأنك درتي انجاز عضيم ويبارك ليك لاكن هما حشمو حتى يباركو ليها وهي قدامهم مغبونة ومكضحكش ومكتفلاش وكتهضر بجدية وحالتها حالة
فوز: دابا مابغيتيش تزوجي صافي شكون بزز عليك؟
ليلى: اوييلي من نيتك !! تحمد لله اللي طلع معاها راجل وجا خطبها وناوي يتزوج بيها اما كن شي برهوش ولا كلب كن راه هرب وخلاها وكن راها دايرة هاد الحالة على الشمتة اللي شمتها ، اما دابا راه خصها تكون مرتاحة وفرحانة !! اوييلي عمرني شفت شي وحدة واقع ليها هاكا فحيااااتي!! واش تنادم معاك الحال ؟ ياك عاجبك غالي!
سكينة: اختي الزواج لا … عاجبني حاجة ونعيش معاه حياتي كلها حاجة اخرى .. مباغيتش الزواج مابغيتش كااع ديك الحياة دلخرا يبقا يكوي فيا فوق ما بغا ونصبح عليه يوميا
فوز: وطيبي ليه نسيتيها؟
سكينة: لق٠٠وي(مسحات نيفها بكلينيكس) داكشي اللي بقا… (بحزن) انا اختي كنت باغا نعيش واحد الحياة وحدااا خرا.. نشري دار ونفرشها على دوقي مانديرش فيها الصالون مغريبي كااع .. يكون عندها بالكون كبييير محلول على وسط الدار وقدامو فطويات زويينين فالابيض وتلفازة وزربية بيضا وشميعات .. والبالكون كبيييير(فتحات يديها) بالزاج والباب دلكوليس مفرش فيه طابي خضر والغرس والشجر طبييعي والتراب …شي فوطوي بطبيلة مع القصب وداكشي طبيعي ونبقا نفطر فيه بوووحدي.. بوووحدي مانشوف حتى كمارة كدور قدامي وانا لابسة بينوار رطييييطب حد الركبة وجامعة شعري وكنشوف الشتا كطيح على برا وكترش على الزاج اللي قدامي وفيدي كابوتشينو ولا كافي كخييم سخووونة وريحة التراب طالعة .. ونتكا فليييييل بوووحديتي بشي بيجامة كيووت وطيييطبية وتقيشرات سخاان وسي مانطة بيضافيها ريحة زويييينة ونشعل شميعات وفايوزات ونتكااااااا نبقا غييير كنشوف على برا ونطلق موسيقى كاااالم وزوييينة… ونبغي نعس نمشي لبلاصتي فبيت النعاس ونطلق موسيقى هاادية ونرش ريحة مرييييحة ونتغطا بمانطة سخوونة ورطيييطبة بوووحدي والنقااا وريحة فنة فين مامشيت.. ونفيق الصباح بكرييييي مع الثمنية ونقلي بيضة ونصاوب عصير وطوسط بلافوكا حتى انا ونديه معايا للبيت نفطر بيه مايقول ليا حتى واحد غتوسخي ولا غتخراي…منسمعش صوت بنادم فودنيا كيمرضنيييي مابغيت نسمع حس حتى ق٠٠اد.. وشي كليب صغيور ينقز نربيه ونبقا نخرجو الصباح يشم الهواء وندوز انا وياه عند لكزار ناخدو لحميات ونطلعو نصاوبو ستيك ونتغداو غيير بجوج … نلبس بيجامات مقييزبين وبابيون فشعري كبيرة وتقاشر طالعين حتى للركبة بالبايون وبانطوفة خفيفة وزوينة ونبقا غادية جايا بووووحدي ندير ماسك ندبر كريم ندير مكياج ..(تنهدات وهبطات وجهها كتبكي) مرضت البنات واحق الله
هبطو دموعها حارين والبنات كيواسيوها وقولو ليها غتعيشي نفس الشيء ونتي مزوجة وماشي شي حياة مستحييلة بلعكس ساهلة تحقق وتقدري تعيشيها ونتي مزوجة.. لاكن هي كلمة مزوجة مقادراش تتقبلها وكتكرها وكتكره كل وحدة كتكون بنت زوينة وكيوت وكتزوج كتولي باينة عليها مرى من كل النواحي وكتبدا فهضرتها فلباسها فشوفاتها فتعاملها فكل حاجة وزيد عليها داك الخاتم دالمارياج المذهب اللي كتشوف فصباعنهم كيزيد يجيب ليها القرف ومكتقدرش تتقبل الوضع بتاثا.. وخصوصا المسطلحات المغربية بحال مرت الراجل ” راجلي” “زماني” نتي مرى مزوجة” هاد المسطلحات كيروعوها وغير محببين عندها ومكتبغيش تسمعهم وكتشمأز من حالة الزواج بصفة عامة .
كملات الباهية فاش تاصل بيها غالي وخبرها باللي غيمشي هوا وياها يشريو لخواتم اللي غيجيب معاه نهار الخطبة . تفقصات فاش سمعات الخواتم وحاولو البنات يزينو ليها الزواج ويشجعوها وقدرو يأثرو على دماغها شوي لاكن ماقدروش يأثرو على احساسها وشعورها
داز عندها لنفس المقهى فين كانت جالسة مع البنات وناضت ودعاتهم ومشات عندو ساكتة لقاتو فالسيارة كيتسناها وعاقد حجبانو وغير طلعات ماسلمات عليه ما قربات ليه .. شافتو ونفراتو ماحملاتوش وكمل عليها فاش قال
غالي: ماعلمتينيش .. ماقلتيش ليا خارجة مع صحاباتك
دورات وجهها بضيق ماحملاتش تشوف فيه ومارداتش عليه، ربعات يديها وحتى هوا ماهضرش بقا ساكت لاكن تعابير وجهه منزعجة،، زادت شوية فالطريق وحبس فالجنب نزل بالقميجة بلو سييل ودجينز ومشا بالزربة وبخطوات جدية للكيشي تيرا الفلوس وتم راجع بنفس دوك التعابير وهي كتشوف من النافدة باشمأزاز وكتردد فخاطرها
زعما غادي تشري ليا خاتم داير فيها الحاكم.. سير غير تخرا نتا وخاتمك .. كن ما كنت مجبرة نتزوج بيك وخايفة من الشوهة ومن بابا يدور فيا ويديني يقلبني مانزيد حداك حتى دقيقة.. تفووو على بنادم
ركب حداها ودورات وجهها الجهة لاخرى وهوا غادي ساكت حتى وصلو لواحد القيسارية ديال الذهب ونزلو بجوج واحد مكيهضر مع لاخر وغير كيدورو وكل واحد فين كيشوف حتى شار بيدو لواحد وقال
غالي: اجي نشوفو هادا؟
تبعاتو ودخلات ساكتة كتشوف بالنفخة والذهايبي كيجبد ليها الطابلوات دالهوانم دزواج وهي غير مكتزيد تنفر وتقرف وكيزيد يتأكد ليها ان الزواج ما فيه مايتشاف حتى خواتمو حالتهم حالة وزواقهم لا علاقة. عيات تشوف ودور ماهجباتها حتى حاجة ووقفات مربعة يديها كتشوف هنا ولهيه وغالي قدامها
غالي: بهدوء) ماعجباتك حتى حاجة هنا ؟
سكينة: هزات كتفها) ماعجبونيش ماعرفتش.. مازوينيش
ميعات فمها بقرف ودورات وجهها وهوا ساكت كيتنهد ويشوف بعينو حتى بان ليه واحد مادخلوش عندو وقال
غالي: اجي نشوفو هادا
تبعاتو بنفس الحالة ودخلات بدات كتشوف وذهاببي كيجبد ليها
غالي: شار بيدو) شوفي هادا.. زوين هاداك …. اا؟
سكينة: دورات وجهها ) لا ماعجبنيش..
غالي: واا لي بغيتي نتي تعرفي
ماحملات حتى خاتم لاكن كان خاصها ضاروري خاتم واظطرت تشري واحد قريب شوية لدوقها لاكن مامقتانعاش بيه مية فالمية.. خداو الخاتم وجاو خارجين ودازو قدام واحد الزاجة ديال الذهب وشافت واحد حسن من اللي خدات وقالت
سكينة؛ هادا حسسن نردو لدهايبي الخاتم ونشريو هادا
غالي: بصرامة) واش بعقلك ؟؟ الذهايبي غيبدل ليك صافي شريتي خاتم راه من الصباح وحنا كندورو حتى هادا زوين
قلب وجهه عاقد حجبانو وخلاها غير كتشوف وقامعة فيها النفس.. ماجاوباتوش لاكن من شدة الضغط فرفرو عينيها بالدموع ولاحت داك الخاتم فالصاك بنفور وطلعات حداه فالطموبيل قالبة وجهها وقاطعة الحس كتنخصص.. عرف راسو جرحها وبدا كيساوي ويشرح بشوية وبالهداوة وباغي يضحك معاها ويشد ليها فيدها لاكن هي قلبات عليه وجهها قلبة وحدة وعطاتو بالضهر ، مابقاتش ليه الفرصة خصوصا فاش صونا تيليفون وكانت اسية المتصلة كتخبرو باللي راها فالدار هي وهند وخاصو يمشي باش يفتح ليهم الباب.. قلب الطريق بسرعة كيشرح لسكينة انهم فالدروج كيتسناو لاكن هي تجاهلاتو وبقات ساكتة حتى وصلات ونزلات وزدحات داك الباب وطلعات بحالها
طلعات للدار وغير دخلات لقات مونية كتسناها وتبسم فرحانة
مونية: ايوا امضرا شريتو الخاتم؟
سكينة: ها الخاتم (جبداتو من الصاك) انا ماعرفتش اصلا شداني لشي زواج
مشات كتبكي للبيت ومونية تابعاها وشادة الخاتم كتسول اش واقع لاكن كالعادة سكينة ماتعاود ليها حتى حاجة .
اما غالي كان كيتسناه صراع مع مو وجات عوالة عليه ..لقاها واقفة والشنطة قدامها وهند حداها حتى هي كتبسم ..سلم عادي ورحب بيهم ودخلو للدار كاملين..يالاه سد الباب ضار لقا اسية واقفة ويديها على جنابها كانت لابسة سروال دجينز مزيير وواسع شوية من لتحت وصندالة عالية كحلك وقميجة مدلية شوية من اللور بيضا وشعرها مطلوق والنضاضر فوق الراس ومعبسة زادو بانو تجاعيد اللي فطراف عينيها وبين خجبانها وقالت
اسية: ماحشوماش عليك درتي شرع يديه؟ ماشاورتينا ما علمتينا
غالي: هقد حجبانو) اشنو درت؟
اسية: كيفاش شنو درتي؟؟ مشيتي هضرتي مع بات البنت واش وافقنا عليها ؟؟ واش قبلنا بيها؟
هز واحد اليد بصرامة وهدوء وقفها وقال
غالي: غيير بشوية بلا متهكمي ولا تعصبي عليا انا الى كنا غنتفاهمو بشوية راه غناقشو الموضوع اما الى كنا غير غندابزو على والو من الاحسن نسدو الموضوع من الاول
اسية: بغيض) هانا ..يالاه ناقش معايا هاد الموضوع(جلسات ) علاش مشيتي هضرتي مع باها وحنا مزال فالمشاورات
جاس مقابل معاها كيشوف فيها وقال بهدوء
غالي: اشمن مشاورات؟ ياك اللي غيتزوج هوا انا؟ اشمن مشكيل عندكم ؟؟ والبنت مزيانة مافيها مايتعاب وبنت الناس وعائلتها كنعرفوهم ،، شنو اللي لا وعلاش؟
اسية: درتي اللي فراسك ياك!!
غالي: ههه كيفاش درت اللي فراسي ياك جيت حتى لعندكم وعلمتكم فين كاين المشكل دابا؟
اسية: بانفعال وتوثر) مغتزوجش بييها ماحدي حية والله هاد الزواج مغيدوز وكن تفهم تاخد العبرة من اللي فاتو قبل منك بلا منشرح ليك ولا تخلي باك يقلل معاك الحيا ويبدا يشرح ليك بالتفصيل
غالي: شوف الوالدة انا ماتبززيش عليا شي قرار من القرارات ديالك عفاك راني ماشي دري صغير كنرضع صبعي.. درت ليك خاطرك تزوجت اللي بغيتي نتي وماسهلش الله ايوا صافي ،، دابا عطييت للسيد لكلمة وقات ليه هاد السيمانة ان شاء الله غنجيب الواليدين ونجيو وخليتو داير فراسو باللي غنمشيو عندهم ونخطبو البنت.
اسية: انا مغنمشيش الى بغيتي تمشي سير مغنمشيش وانا ماراضياش على هاد الزواج
غالي: بتعب) وا زعما الى كنتي كتفكري هاكا راه مشكيييلة .. راه ميمكنش نتفاهمو وحشومة ماتمشيش عند الناس حت هشام خايبة فحقو غتبين ليهم ماراضياش وغيهزو فخاطرهم من جيهتنا.. ولاهيلا حشوومة .. الناس مادارو واااالو ياك المشكل عندك معايا وهادوك ديجا نسابك .. خاصك تمشي عندهم وتخلي مشاكيلنا بعييدة عليهم وصورتنا مزيانة قدامهم ..وا زعما صدمتيني بهاد الرد !!
ماكماوش الحوار تفاديا للمشاكيل ولاح اخر جملة وهوا فطريقو لبيتو مشا حيد سبرديلتو حطها فالجنب وناض يصلي وخلاها هي واقفة مربعة يديها فاكوزينة ماعجبهاش الحال وهند كتحاول تقنعها بالحسنى وخايفة دور فيها ولا تخرج فيها عينيها خصوصا مللي كتعصب اسية كيولي لسانها ينقط عسل وسكر وتكره الواحد فعيشتو
هند: زعما شنو فيها الى تزوجها ياك بنت ضريفة وزوينة وصغيرة بلعكس سااهلة ديريها فيدك
اسية: انا قلت لا هي لا .. واش الزواج بزز؟ صافي هضرت وكلمتي خرجات من فمي وهاديك العائل غنديو منهم وحدة هي رانيا.. صلاة على النبي
هند: تنهدات) ياك قلنا اا ليك ماشي هي اللي كان كيعرف وراه مكانش كاااع كيعرف هادي وغيكون شافها فالعرس دمنال
اسية: الاللة جوج خواتات عندي فالعائلة ماعندي مندير بيهم .. ماقابلاش انا لخواتات يدخلو عندي للعائلة الى نتي مكلخة وسايط ليك الريح فراسك انا راني كنشوف بعيييد
هند: وعلاش واقولي ليا باش نفهم
اسية: اولا جوج خواتات عمممرك دخلي بيناتهم والى وقع مشكل مع وحدة تنوض لخرى تحامي وتحرش راجلها ..لخواتات كيتافقو ويتحاماو ويقلبو لعنيني للرجال بجوح ماتقدري كااع تاخدي راحتك مع خوتك وغيبغيو يغلبو عليا غنوليو ماحنا بهشام ما حنا بغالي ..واش ولادي انا لاقياهم فالزنقة !! واش ماعندهم ام يضربو ليها حساب! فاخر ايامي ندخل عندي لخواتات نحصل معاهم …. ماشي بحال لعرايسات كل وحدة من جهة وحدة مكتعرف وحدة واخا يتافقو حتى يعياو كتبقا المنافسة بيناتهم على شكون اللي حسن من لخرى وحتى خوتك يبقاو ليك ماشي يتزوجو ويعطيونا بالضهر يتبعو لخواتات ويديرو عائلة غير بيناتهم .. مزيان تبارك الله
هند: اااه !! فهمتك ،، ولاكن انا كتجيني رانيا درويشة بزااف بحال هادوك بنات الجبل لقدااام فالعقلية.. واخا نقولو سكينة بنت الوقت باينة فيها مجبدة
اسية: اسيييري نتي اللي بنت الجبل اما الزواج كيحل لعينين للعور ماشي غير لبنات الجبل.. وهانتي قلتيها بفمك راه ختها مجبدة .. بااينة من داك النوع باغي يبان وعاجبها راسها … لالالا متقوليش ليا ماعندهاش يد فطلاق غالي.. واخا كااع تكون ماشي هي وسارة مطيحة عليها الباطل كااع.. كيفاش زعما شافها نهار لعرس عقل عليها وهوا كان مزوج.. لالا متقوليش ليا دارت ليه شي حاجة ولا بدات تحلون ليه حتى طاح ليها فالشبكة وناض طلق سارة
هند: هيييه! لالالالا اوييلي لا كن غير ما كنتش معاها نقولو يمكن ! انا كنت معاها فالعرس كامل والله ماقربات ليه ولا ضارت عندو بقااي تيقي فديك المسطية سطاها غالي ولات كتشوف شي حوايج مكاينيش… زايدون البنت زويونة راه سينوووغمال يشوف بحالو بحال كاع الناس ..وفاش طلق راه تفكرها وبانت ليه فالبلان
ربعات يديها وبدات كدور عينيها هافت تقوليها راه اانا اللي قلت ليه صورنا وجات سار دارت لينا فضيحة ومن تما مشات لدارهم ماعاوداتش رجعات عندو. سكتات خوفا من شي فضيحة ولا قيامة تنوض عليها ويردوها هي السبب وهي اللي شتتات شمل خوها وتبقا عليها تعاويدة وغناية طول حياتها . اللهم تهني راسها واسد فمها مادام حتى واحد ما جايب لخبار مكاين لاش تحبد حريق الراس والمشاكيل لراسها
اسية قالت الهضرة وماعاوداتهاش.. وهادا طبعها من زمان وولفات ليهم الى فالت الكلمة وكانت جادة فشنو كتقول بلا ما يناقشوها وغير يطبقوها بلا تعاويد.. لاكن غالي كان حالة خاصة .. ربما لانه عمرو ماطاح معاها فشي نقاش ولا فشي قرار مشترك وحياتو اصلا دازت هااادية مهدنة نكيجيب صداع ما كيدير مشاكيل ماكيتسمعش حسو حتى كينساو واش عندهم شي ولد سميتو غالي.. ماعمرو رفع صبعو باش يبان وعمرو عطا رأيو وكان بحال الامانة ميهضر ماينطق الى الى مرض ولا كان عندو شي مشكل مدرسي كيتدخل حينها باه .. حتى مو كانت مبعدة عليه حيت كان هوا الصغير فالدراري ومنسي من نهار مشا عند باه ورباتو جداتو من تما ما هزات ليه مو الهم وكانت كتشوف ولادها اللي قبل منو شابعين مشاكيل وصدع الراس وكثرة الطلبات لاهما لا لبنات.. وتشطنات غير معاهم وخلات غالي ساكت عمرها سولاتو شنو خاصك ولا مالك غير باش متفتحش ليه باب الشكاوي والطلبات حتى هوا ويرجع يتخل ليه الفم ويرونهوم حتا هوا. اللهم خليه ساكت هاهوا ماخاصو خير وراضي باللي كان وكيشد ويقول شكرا مكيتشرط ما كيعيب .. واخا باه كان مهلي فيه بلا ميحتاج يطلب ولا يقول عطيني وكان كيتيق فيه ومخلي ليه الحرية يدير لي بغا .. لاكن بقا تحت مراقبة باه وشافوه واخا عطاه الحرية مادار بيها والو .. بلعكس مكان لا كيلعب فالزنقة مع الدراري ولا يمشي يغبر ويبداو يقلبو عليه ولا يجيب ليه شي شكوى من سي واحد.. كان كيفضل يبقا فالبيت ديالو فدار باه غير هوا والبليستيشن اللي كان فديك الوقت كيشريه غير شكون وشكون وحتى بيتو هوا وهشام اللي كانو كينعسو فيه كان مقوم ومفرش ومجهز باحسن فراش واحدث خشب وديكورات اللي مزالين لدابا الناس كيصاوبو بحال دوك الغرف لولادهم . اما سمير كان ملهوف على مو وتابعها وكان كيجيبو عند باه غير لفلوس وماباغي يبقا حتى عند شي واحد فيهم باش حتى واحد ميعرفو شنو كيدير ويدير اللي بغا .. يخرج ويكمي ويشرب ويغبر والى نوضها مع باه كيمشي عند مو يحزر ويشكي والى نوضاتها معاه مو كيرجع لباه يشكي وكان مستاغل طلاقهم لصالحو وكيبين ليهم انه اللي تهلا فيه ودار ليه خاطرو هوا اللي يكون عزيز باش يبقاو يتنافسو عليه ويعيش مرتاح وداير مابغا .. حتى فالاخير خرج على راسو لا قرايا لا خدمة لا فلوس وزايدها بالكارو والشراب والعاهرات ، فين ما كانت شي عاهرة بيتات ليه مؤخرتها كيحوالو عينيه ويتبعها ويحط عليها كاع اللي عندو ويرجع يطلب ويشكي باش يعطيوه .. وشحال من مرة زبلها حتى كيشوف بيبان الحبس على عينيه وكيخرجو باه بكفالة .. لاكن لا حياة لمن تنادي اللي كبر على تاحراميات والانانية صعيب يتبدل .
علاقتو بغالي كانت بعد السما على الارض تقول ماشي خوت .. حدهم السلام وعمرهم شركو الهضرة ولا الطريق وعمر غالي جلس معاه ولا تناقش هوا وياه .. كيشوف شنو كيوقع وساكت وعارف هوه مفلس وكيجيب غير المشاكيل وخارج الطريق.. وكذلك سمير كيشوف غالي الدرويش السكوتي او الغبي كما كيبان ليه او بليد حيت عمرو دار سي زبلة يبان فيها راه وااعر وخطيير وذكي.. من ديما كيبان كيليميني وعمرهم غارو منو ولا حسدوه ولا عرفوه اش كيدير فحياتو حتى غفلهم غفلة وحدة فاش صدمهم بالماستر وبقرايتو فاحسن الجامعات فديك الوقت .. عاد حلو عينيهم جيهتو وتفكرو بلي عندهم واحد خوهم غااابر واخا عايش بيناتهم
الموضوع معاودش تجبد عند غالي فالدار .. وحتى هوا كيتصرف عادي مكاين حتى مشكل والهدنة واسية كذلك مبرردة ومتأكدة ان الكلمة اللي قالت غادي تطبق.
صبح الحال من اسبوع داز كله توثر وقلق عند سكينة وهم وغم وزيد عليها العادة الشهرية كرفساتها بالمعقول .. ها الردان ها العروقات ها السخفة ناهيك على الوجع ولألم وتفركيل فالفراش تحت المانطة ومابغاش تمشي للطبيب واخا عياو فيها يديوها يضربو ليها الشوكة بحال كل مرة لاكن هي من خوفها يوصلوها حتى اتما ودور ليهم فالخوى ويقولو يقلبوها دارت بناقص ودوزات اكفس اسبوع فحياتها ماشافتش فيه الضو وحتى غالي مكطولش معاه فالهضرة .. حدها كتجاوبو وتقوليه عيانة وكتقطع .. واخا عيا فيها يخرجها ولا غير تنزل يشوفها لاكن والو .. حتى من الماكلة اللي كل مرة كيجيب ليها كتسيفط خوها يطلعها وتجلس تاكل هث وياه ومونية كتشوف بنص عين وشلاقمها من الحناب مدليين عاجبها الحال بداكشي اللي كتشوفو كيدير على بنتها .
بعد هاد الاسبوع دالقهرة رجعات شوية لاباس ورجعو عينيها لبلاصتهم وبدا كيرجع فيها الدم شوية عاد ناضت مشات للحمام وغسلات منها وتهنات من حريقها لي خلا آصار الالم فضهرها وجنابها ،، كمدات عضامها فلحمام ديال الحومة ورجعات بحالها للمحل حازمة راسها بزيف حياتي وبيضا بحال الحليب وحناكها حومر ويديها مكمشين بالمشا لابسة سورفيت كحلة جديدة وكتشوف فدافرها لاصليين كاملين تهرسو ودكدو مابقا فيهم حتى دفر صحيح .. تكات ترتاح شادة قرعة درايب وبتبانة فيدها كتعتق وتسوط حتى صونا ليها تيليفون وردت بتعب
سكينة: االو
غالي: وافين..صافا؟؟؟ خرجتي من لحمام ؟
سكينة: كتلهت ) عاد دابا جلست فالحانوت كنرتاح
غالي: بالصحة والراحة لاللة.. شنو دابا ندوز عندك ؟
سكينة: لااالا بللاااتي
غالي: وصافي ماتعيقيش ياك نتي فالحانوت؟
سكينة: ااه فلحانوت
غالي: يالاه هانا جاي
تنهدات وحطات تيليفون كتشوط وكتشوف فواخد المرايا حداها بالجنب ماعرفات كي دير لراسها، شعرها باقي فازك وملفوف فزيف حياتي ومربوط اللور على السفنجة اللي وراها وعينيها مبلقين هما اكثر حاجة كبيرة فوجهها ومجبدين والمساحة بين الحاجب والعين واضحة وواسعة وشفاوها كوحل مقلوبين .. اما الوجه مجبد بالنشوفية دلحمام وحناكها حومر طايبين وفمها كيتقشر .. وجهها من كثرة ما طاب فالحمام خرج كيبري وناصع ضارب فيه الضو . هزات كتافها بلا مبالات كتردد
شكون غيكون كاع باش نوض نطير نتقاد ليه.. يمشي يق٠٠. (عضات بتيبانة) يقبل عليا كما انا .. زمر طلع لي فراسي
خرجات عندو كما هي والرايب وخنشة ديال بتيبان فيدها طلعات حداه تابتة كتشوف غير بعينيها .. اما هوا تفاجأ جاتو بحال الى خارج عريانة مامولفش يشوف وجهها كامل وجبهتها وحجبانها والدورة دوجهها كلها .. تبدلات عليه بقا غير كيشوف فيها ويدو على فمو ساكت وشاد الضحكة بلسانو .. مولف كيشوف القصة نازلة والشعر كحل ضاير بالوجه بحال لحوايج ساترها ماشي بحال دابا بانت ليه شي حاج ماشي هي هاديك .. جاتو عيب تخرج بوحهها عريان وقال
غالي : مالكي؟؟
سكينة: كتمضغ) ماماليش؟؟!! نتا اللي مالك
غالي: ماعرفتش.. وجههك جاني عريان
سكينة: وشنو غندير ليه نلبسو جلابة ؟
غالي: ضحكاتو) لااالا ههههه.:. جاتني فشكل تخرجي بوجهك هاكا مامغطيطش… شنو هادي؟
سكينة: اوييلي لعكسة مكتعرفاش؟
غالي: والله مكنعرفها!!
سكينة: ماعندكمش شي واحد كيديرها اويلي!!
غالي: لا!!
سكينة: واغير ماعشتيش مع البنات
غالي: بان فيك الضو ( كيتهز بالضحك ) ههه
سكينة: امم(بميوعة) راني كنت مرييضة كنت غنموت
غالي: واييه داكشي اللي بان ليا.. تزاديتي من جديد( جر ليها حنكها) لحنيكات..ااه سخونة!
سكينة: عاد خرجت غير دابا
غالي: يالاه نديك تاكلي شي حاجة.. بنتي ليا فيك الجوع
ربعات يديها ساكتة وخشات داكشي اللي كانت كتاكل فيه فصاك ورقي دمول لحانوت مع بتيبان باش متشبعش وبدات كتقلب فطوموبيلتو على مقص حتى لقاتو وجلسات كتقطع دفارها بواحد المقص دلوراق حيداتهم كاملين ورماتهم من النافدة باش ميبقاش شي طالع شي هابط ، بغات تربع يديها لاكن جر ليها يدها شاف فيها وقال بارتياح
غالي: هااكا حساااان ليك من دوك الدفار طوال .. شوفي يدك كتبان زوينة وكييوت
سكينة: جمعات يدها) انا كيعبوني الدفار دنسر
غالي: واري يدك على خطفتيها
نفخات عليه ومدات ليه يدها شدها وهوا سايق كيشوف هنا ولهيه وقال
غالي: صافي دويت مع باك ماقاليك والو؟
سكينة: مزال ماطلعت للدار اشنو قلتي ليه!!
غالي: صافي تافقنا انا وياه على النهار راه قلت ليه دييك المرة سيمانة جايا غنجيو
سكينة: ايوا؟؟؟!!
غالي: صافي درت معاه بعد غدا نجيو نشوفوكم راه قاليا ديك المرة غيدير بحساب غنجيو السيمانة جايا على هاد سيمانة فين حنا دابا
سكينة: هيييه!!! دغيا!!
غالي: كيفاش دغيا؟؟ واش كنلعبو؟
سكينة: لا زعما الوقت طار
غالي: الوقت كيطييير.. دابا شنو غنجيبو وشنو عندكم نتوما فخطوباتكم ؟ شنو كتديو؟ ماتنسايش حنا ماشي بحال رانيا وهشام يعني لخطوبة غير بيناتنا وتصيورات وخويتمات صافي مغنديروش داك العرس اللي دار هشام وختك.. ختى ندوزو هاد الخطبة وغندبرو العرس فهمتي.
سكينة: وعلاش زعما كتقول ليا هاكا زعما باش منقولش ليك جيب جيب جيب
غالي: لاااا ماشي هاكاك انا ماعنديش مكشل اللي قلتي نجيبو غنجيبو .. كنهضر على الطقوس وداكشي فهمتي؟
سكينة: ايوا منعرف!
غالي: مالك على سبة؟ مزالة فيك ليغيكل؟
سكينة: ماشتينيش جايا من جهنم!!
دور وجهه كيضحك بوحدو وهي كتشوف فيه بنص عين وطلع وتهبط .. حتى دخل للمدينة بالسيارة وقال
غالي: دابا كنهضر معاك بصح شنو غنجيب؟ ضومين ديالك هادا نتي اللي كتفهمي فيه
سكينة: بتخمين) امم.. جيب لحليب.. التمر معمر لكركاع،،، اممم.. الحنة وداكشي فكمامس راه كيتباع طالع ..والحلوى والورد صافي هادشي .. لخواتم كاينين
غالي: صافي غير هادشي
سكينة: هادشي اللي كنعرف كيمشي فالخطوبة.. غير خطوبة
غالي: هشام علاش جاب لحوايج وتفاصل وداكشي؟؟
سكينة: هشام حيت مطووول حنا غنديرو خطبة عادية صغيرة هادشي اللي كيتعطا فيها .. بغيتي تجيبو جيبو
غالي: لااالا انا غنعطيك باش تشري داكشي اما انا منفهمش فهادشي ديالكم ،،، نجيب شي حاجة متعجبكش تعيبيها
سكينة: وتبلاش اصلا راه غير خطبة ياك مور الخطبة لعرس ولعقد..صافي تا لتما ونشري دهاز وداك تخربيق كامل
غالي: نتي تعرفي … دابا خاصني ندفع لحلوى يالاه يوجدوها ياك؟
سكينة: ااه دابا دفعها .. قلتيها لباك ؟
غالي: معلووم
سكينة: وماماك؟
غالي: حتى هي
سكينة: ايوا صافي
غالي: تنهد) مهم.. غنشرح ليك شنو كاين باش نتفاهمو مايوقع حتى مشكل… الواليدة ماعرفتش واش غتجي ولالا حيت عارضات الزواج ..قلت ليها غنمشيو نخطبو بعد غدا قالت لي مغنمشيش .. جات داكشي اللي بغينا .. ماجاتش مايبقاش فيك الحال
سكينة: بصدمة) اوييلي!!! علاش؟
غالي: بهدوء) داكشي قناعات .. انا قلت ليها تجي بغات مزيان مابغاتش على خاطرها المهم الواليد هضرت معاه قلت ليه شنو كاين قالي غيجي هوا وغيجي هشام وعمتي لكبيرة وبنتها وراجل بنتها راهم ساكنين هنا فحي الفتح حتى هما .. وهند ماعرفتش واش غتجي حتى هي ولالا مهم اللي جا مرحبا بيه اللي ماجاش راه ماعندنا منديرو هادشي اللي كاين
سكينة: هييه!! شنو غنقول لبابا؟ والى مابغاش ؟ وسولني؟
غالي: قولي ليه اي حاجة اللي سلكاتك قوليها نتي غتعرفي لباك حسن مني
سكينة: وعلاش مابغاتش تجي ياك جات عند رانيا!!
غالي: دابا علاش وكيفاش حنا ماشي سوقنا .. كل واحد كيدير داكشي اللي حيرتاح فيه
سكينة: بارتباك) ولاكن انا غطيحني فمشكل!! بابا على نقشة وشافها جات عند رانيا!!
غالي: نتي قولي ليه شي سبب والى مسلكش انا غنعيط ليك ديك الساعة وغنهضر معاه فين ما بغات توصل توصل(تنهد) هادشي اللي عطا الله اسكينة انا براسي معاك فنفس المشكل ولاكن ماعندي مندير .. ماكرهتش .. لغالب الله.. المهم با غيجي وقالي ااانا غنجي والى بغيتي العائلة كلها نجيبها ليك..قلت ليه نتا وعمتي كااافين.. بلا منزيدو نكترو على باك
سكينة: شدات حنكها) وييييلي مشكيلة هادي عاوتاني!!!!!!
مشكل عويص طاحت فيه سكينة والمشكل هوا انها عارفة باها كيف داير يعني حتى الحوار بينها وبينو مكيكونش وصعيب تتواصل معاه باش تشرح ليه ولا تفهمو ولا تدخل ليه شي فكرة لراسو ..
بقات مصدومة وتقطع فيها الحس وبدا عقلها يبلاني وتقلب اشنو تقول وكيفاش تقادها وعلاش اصلا مابغاتش تجي وشنو السبب.. داخت وتشطنات في حين كان غالي كيدور فالمدينة ووقف قدام محل دالخلويات معروف وكبير وتلفت شافيها وتنهد
غالي: يالاه نزلي نشوفو الحلوى
حلات الباب نزلات ولاحت القب على راسها غيات بيه العكسة ودخلات معاه كتشوف المحل والطاولات ..كان محل مشهور ومعروف وعندو فروع ..رحبو بيهم وجلسو وعطاوه كتاب فيه انواع الحلويات وبقات كتشوف وتقلب وهوا كيشوف معاها ، ختارت حلوى باط داموند على شكل كتاب محلول مزينة باللؤلؤ وحتى غالي أيدها فختيارها وطاحت الحلوى بثمن الف وسبع مية فديك الوقت .. كانت من ارقى الحلويات وحتى العبار وافي والشكل رائع . من موراها خرجو رحعو للسيارة من بعد ما عطا فيها تسبيق وطلعو هوا وياها لبلاس بيتري تما فالرباط.. ساحة خاصة بالورد ومحلات الورد ودخلو عند واحد كيشوفو الورد وراهم باقات الورد لاكن هربات منهم بنفور وقالت
سكينة: اوييلي على ورد لالالا ماتجيبش ليا هاد الديكور فين ما مشيت كنشوفو .. موقفينو فسبيطارات فالعراسات فالولادات .. ديكور واحد مكيبدلهوش كيعيف
غالي: وشنو بغيتي هادو اللي كاينين
سكينة: لااالا لا بلاش كاع من الورد الى غتجيب ليا هاد الطابلو بحال هاكا طلع ليا فراسي كرهتو بقوك مكنشوفو غير هوا فالعراسات..مكيبدلو فيه حتى حاجة.. انا بغيت شي حاجة وااعرة جديدة
مول الورد: ماشي مشكل عطيني الشكل انا نصايبو ليك على دوقك
سكينة: الى كان هاكا مزيان
غالي: صافي يالاه وريه شنو بغيتي
سكينة: انا بغيت ورد يجي فبواطة كبيرة على شكل قلب
بدات كتوري لمول الورد وتشرح ليه كيفاش بغاتو يكون وهوا كيسمع ويوريهم انواع الور اللي عندو واحجامهم حتى تافقو على الشكل اللي بغات هي وعلى دوقها وحط فيها غالي الف درهم تسبيق وبقات الف درهم يرجع يكملها فاش يبغي يديه . وبالضحك عطاها وردة حمرا كيضحك شداتها شماتها وخرجات من تما كضحك عاجبينها دوك الاجواء ديال الحلوى والورد حسات براسها كتعيش اجواء جديدة حماسية .. لاكن فكل مرة كتفكر ام غالي اللي مغتجيش كيقبط عليها قلبها وكترجع تيأس
كيفاش غتقول لباها راه ام العريس مغتجيش؟ اشمن سبب واشمن مبرر غتعطيه وكيفاش غتفكها باش باها يقبل.
دارت اخر جلسة مع صحاباتها فمقهى غير حداهم فالحي زوينة وراقية وكانو مجموعين بثلاتة فواحد القنت على اريكات مريحة اقول جالسين فديورهم . كل وحدة فين متكية وكيخممو ليها على حل وطريقة تشلك بيها هاد الجرة، انا هي هزات فقلبها من جيهة اسية وبدا كيتكون داخلها واحد الحقد والكراهية لدرجة بان فعيونها وتردد على انفاسها
سكينة: فسهوة) علاش زعما مابغاتش تجي شنو درت ليها انا؟؟ فاش ضريتها ولا وصلتها ..عمرني شفت شي ام مكتمشيش تخطب لولدها واخا تكون كاارهة هاد البنت
ليلى: كتقاد حوايجها بثقة) كاينييين احبيبة .. هااء!! موجوودين .. صاااحب راجلي شخصيا مامشاتش معاه مو ومابغاتش تخطب ليه وكانت بغات تزوجو من عائلتها .. هوا بغا واحد البنت خدامة نوتيير وبرزقها وبدارعها وغزالة ومابغاتش ليه ومامشاتش معاه مشا بوحدو هوا وعائلتو وعادي
سكينة: اوييلي على عادي!! وباها مقال والو؟
ليلى: شنو غيقول ؟ البنت اصلا مستقلة وبعقلها باها غير مستشار ديالها راه كبيرة هي اللي كتقرر فحياتها..شفتي واحد الحاجة خاصك تعرفيها،، البنت اينفوا كتستاقل ماديا صافي كتخرج من سيطرة باها كتتحمل مسؤولية راسها.. ماشي بحال اللي جالسة فالدار كيصرف عليها باها هاديك كيخاف عليها طيح فشي موصيبة وترجع ليه يوحل فيها داكشي علاش كيقررو فمصيرها ويقولوها شنو دير.. اما المستقلة بنفسها راه هازة راسها ماديا ومعنويا مغتسناش باها يعطيها ولا يوحل فيها
سكينة: بابا انا واخا يكون ساكن معايا وكنصرف عليه غيدخل فيا
ليلى: المشكلة ديالك نتي هوا ختك .. جاو عند ختك دابا المشكلة (تنهدات) بفففف.. كن ماجاتش عند ختك نقولو راه سمحات فولادها وكبرو مع باهم وقاطعين معاها من الصغر.. ولاكن دابا هي جاات وكلات وشربات وضحكات ومشات والثاني مابغاتش تمشي معاه
فوز: الحل اللي عندك هوا تقولي لباك باللي غالي عندو مشاكل مع مو من الصغر ومبااغدين وكبر مع باه
سكينة: ماااشي مبرر .. ماشي مبرر اصاحبتي واخا تكون عدوتو غتمشي تخطب معاه
ليلى: ماعندكش حل اخر.. غتقولي ليه مريضة؟!! غيقولك ماشي مشكل ولاكن نهار لعرس مغتجيش اش غتقولي ليه؟؟ غتقوديها مع باك عاوتاني يقوليك كدابة ينوضها معاك وسط العرس
سكينة: غنقوليه بغات تزوجو شي بنت من العائلة وصافي وفاش مابغاش يدير ليها خاطرها مابغاتش تخطب ليه.. هادشي اللي غنقوليه ومغنقولوش حتى دوز الخطبة ويسولني عليها
ليلى: هضري مع غالي باش يهضر مع باه وباه غيقلد ليكم الامور مع باك ووصيه باش يقوليه راه بغات تزوجو وكدا ومابغاش
سكينة: القوادة هي با غيقوليه ماجاش مك تخطب بنتي اذا متزطمش عندها فالدار وعمرها ما توصلها ولا توصل دارها.. انا عااارفة بابا والله تايقولها ليه ولا يقوليه بناقص
فوز: ايلى قالها ليه منحقوو.. واش هي ماتخطبش ليه ومتحضرش لعرسو ولاكن مرتو تمشي عندها لدارها!!! اش غدير عندها فالدار.. ولدها الى بغاتو يمشي عندها هادا هوا المعقول
سكينة: وراه هادشي اللي غيقوليه بابا راني حااافضااه توريني فيه
ليلى: خلييه يشرطها عليه راه خايبة فحقك ماتجيش مو تخطبك .. علاش مشات خطبات لولادها الا نتي اذا حتى نتي ماتعرفيهاش وماتزطميش عندها صافي سالينا
سكينة: دابا عارفااه غيقول هادشي ولاكن غالي واش يقبل بهاد الشرط(راسي ضرني وغدا جايين ماعنديش الخاطر والله حطاتني فموقف خاااامج الله ياخد فيها الحق
راسها تنفخ وخاطرها تزير وهزات الهم ومابقا عندها خاطر، رجعات للدار لقاتهم فرحانين كيوجدو ويعاودو للخطوبة ومرقدين الدجاج وموجدين اللحم والشلايض مصلوقين فالثلاجة.. المهم مها ومرت عمها الصغير اللي ديما كتمشي تحضر معاهم واقفين فلكوزينة وكيوجدو ويطيبو وناشطين فرحانين.. غير بانت ليهم سكينة دايزة وماعليهاش حالة لعروسة ولا وحدة جايينها الخطاب فداك اللباس اللي لابسة .. كانت لابسة سروال توني واسع رمادي من لفوق للتحت ومزير بالسيور على الكرش وتيشورط مزيرة ولاسقة داخلة فالسورال فصلات تداريس جسمها الجميل من الاعلى وشعرها مطلوق للجنب ولايحة عليها شال غليض رمادي ورطب مدوراه على شعرها بعشوائية وكتافها
فاطمة:مرات العم) هااي هااي هاي على سكينة غتزوج. هههه
قالتها وخشات راسها بين كتافها مزنكة كضحك وسكينة كتشوف فيها بنص عين جامعة الضحكة بينما مونية كتشتف الحلوة وتبسم فصمت .. مامولفاش ضحك مع بناتها وبيناتهم الوقار والحياء.
خلاتهم ومشات للبيت لقات رانيا شادة تيليفون وخنافرها فالسما وغير شافتها شارت للحيط وقلبات وجهها مكتهضرش . لاكن سرعان ما ضارت عندها طلعات فيها وهبطات وسكينة كتبدل حوايجها وقالت باحتقار
رانيا: مو مجاياش عندك تخطبك ونتي قابلة
سكينة: بلا متشوف فيها) ديها فكرك ارانيا حسن ليه ماعنديش ليك لخاطر هاد الساعة.. وقولي لداك الرقاص دهشام يجمع فمو بلا مايبقا يجبد ملتي ولا غنق٠٠د معاه السوايع
رانيا: ياختي بااز انا والله مانرضى (قلبات وجهها)
سكينة: غتزيدي كلمة نكبتها معاك هاد الليلة وفين مابغات توصل توصل
قلبات رانيا عينيها جيهة الحيط مازادت حتى كلمة ، اما سكينة كمشات لحوايج فالماريو معصبة ولبسات بيجامة ومشات للسرجم تجاوب فتيليفون على اتصال غالي اللي كيصوني
سكينة: الو
غالي: امالكي على هاد الو
سكينة: بنرفزة) صافي عفاك ماعنديش الكانة طالع ليا لخرا .. خوك وصلها لرانيا طايبة قاليها مك مغتجيش
غالي: ههه .. اودييي..
سكينة؛ كضحااك…هي مك جايا ؟
غالي: ونساااي نساي دابا مي انا غي نسايها.. الواليد هضر مع باك فتيليفون قاليه راه مغاتجيش ..علمو باش ميوقع حتى احراج غدا وسط لافامي وعيطت ليه باش نفسر ليه شنو كاين
سكينة: اوييلي وشنو قلتي ليه وشنو قاليه باك وشنو قاليك هوا؟
غالي: مكاين واالو صافي هضرنا تفهم مقال والو
سكينة: اش قلتي ليه؟؟؟
غالي: قلت ليه بغيت نتزوج اللي باغي انا بخاطري ماشي اللي غيفرضو عليا الوالدين وانا ماشي لخاطري ماعندي حتى ذنب فهادشي الى الواليدة تعكسات ليا فهاد الزواج
سكينة: هيييه!!!( دارت يدها على فمها) هيييه!! وشنو قاليك؟
غالي: قالي ماللي باغي البنت ومك مابغاتش تجي معاك ماعندنا منديرو ليها ولاكن يبقا التيقار والتيساع شي ميمشي عند شي
سكينة: هيييه!!! كنت عااارفاااها والله تا كنت عارفاها( ضارت وراها) صافي قطع بابا دخل بسلامة بسلامة
بناصر دخل ضارب مية وحداش على جبهتو وهاز خنافرو وشلاقمو مكمشين وماعندو خاطر.. دخل نيشان للبيت كيخمم وجلس وفجأة عيط بصوت قوي
بناصر: سكينااا
طارت من بلاصتها جات واقفة ومشات كتفتف حانية الراس وشابكة اليدين قدامها طلات عليه وقالت بخفوت
سكينة: عيطتي عليا؟؟
بناصر: اجي عندي لهنا زيدي
مشات كترمش وتفتف جلسات قدامو مهبطة الراس وهوا كيشوف فيها بصرامة وجديةوقال
بناصر: واش هاد السيد باغياه ولا مابغايهاش؟ جاوبييييني نييشان (خرج فيها عينيه) ماتفتفيييش عليا الى حشمتي تهضري ماتزوجيش حنا ماشي فحشومة دابا .. جااوبي
سكينة: بتوثر) باغيا باغيا
بناصر: ايوا حلي ودنيييك.. مو قالك مغتجيش… ماكبراتوش ليك .. واش دابا قادرة تزوجي ودخلي لديك العائلة ولالا؟ ماشي غدا ولا بعدو تسمعي شي كلمة من شي واحد واجي تبكي عليا.. هاااودني منك… غتبغي غير شي وحدة تمرضك تقوليك جيتي غير بزز ولا ماحاشها ليك حد وجيتي ولا تعايرك يا المدلولة وتبقاي تبكي .. من هنا كنعلمك … الى فيك مايسمع بحال هاد الهضور ايوا هدا عليا نسد فمي
سكينة: الصمت)
بناصر: عنداك يحساب ليك غتزوجي وتمشي عندهم لتما تلقايهم موجدين ليك الحنة والمشطة … راه مابااغيينكش عائلتو وغيمرضوووك فصحتك .
سكينة : الصمت
بناصر: اشنو دابا؟؟ تمشي؟
سكينة: حركات راسها بالايجاب) ماشي مشكل نمشي
بناصر: ايوا الله يسخر .. انا ماعندي منقول(هز يديه) منعطيك منقلع ليك … الولد مزياان مافيه مايتعاب ولاكن العيب لكبير كاين فعائلتو.. واللي عليا راني درتو وحيدت على رقبتي ونتي تعرفي مصلاحتك
سكينة: الصمت
بقا ساكت شحال وفاللخر تنهد وقال بعفوية
بناصر: مهم بعدا راه شرطت عليه واحد الشرط قااصح خليتو كيتمتم
سكينة: ها؟ شنو قلتي ليه؟
بناصر: قلت ليه الى ماجاتش مك كبرات بالبنت عمرها تجي وعمر بنتي تزطم عندها الى الابد.. حتى بدا كايتفتف فالهضرة قالي صافي اللي قلتيها هي اللي تكون .. ماقال عيب بعدا راه قالي من حقكم …. ولاكن قلت ليه يرحل من ديك الدار اللي ساكن فيها.. يشوف ليك دار اخرى جديدة تمشي ليها نتي اللولة باش ماتلقاي فيها لا مو لا شي حد خور راني قلتها ليه نيشان.. قلت ليه دير ليها دارها جديدة مادخل ليها حد.. باش نوريهم انا الزواج كي داير .. (هز يديه) اللي عليا انا هوا هادا .. حااولت نكبر بيك وندير ليك العز واخا مو مادارت فيها متيصلاح وطيحات بيك.. ولاكن الباقي عليك نتي.. يا ديري لعز راسك يا ديري دل وتبهديلة راسك.. مكاين اللي كيبهدل بالواحد قد راسو.. ولوكان جيتي عليا كن درتي بناقص واخا هاد السيد مزياان وماجبد عيب ولاكن حسن كن درتي بناقص
سكينة: بالايجاب) صافي
جات نوض وبقا بناصر متبع ليها عينو فدهشة وقال
بناصر: صافي درتي بناقص؟
سكينة: لا نسكن بوحدي ماتجي عندي مانمشي عندها
بناصر: بفشل) هاكاك.. ايوا الله يسهل هادشي اللي غنقول… (تنهد بأسف) انا جاني والله واعلم هاد الراجل درويش .. ماشي شي واحد قليل ترابي.. غير كيفاش مو عكسات ليه الله واعلم،، انا بعدا جاني مزيان .. مالقيت منعيب فيه
المسمار واخا تطرق لاكن مامطرقش مزيان وفأي لحضة يمكن لهاد الخطوبة تتبخر .. اي خطأ يقدر ينهي كلشي خصوصا وبناصر على سبة كيقلب على لعيب فغالي. اما غالي العيب ماخرجش من فمو .. واللي قالها بناصر هي اللي تكون ،، حتى انه ما جبدش الموضوع لمو باش ميوقعش شي مشكل ولا ينوض شي صدع وتكون عندها شي ردة فعل غير متوقعة، سكت ولزم الصمت وسد عليه فبيتو بينما اسية فالدار جالسة دايرة رجل على رجل كتقشر الزريعة وحداها هند كتشوف فيها بنص عين مستغربة
هند: واش بصح مغتمشيش!! ماقادراش نتيق
اسية: ببرودة) كلمة وحدة راني قلتها،، انا مغنمشيش نخطب هاديك هي مغنمشيش
هند: وغيمشي يخطب بووحدو؟؟
اسية: ايوا هاحنا غنشوفو
مزال ماكملاها هرج من بيتو بالبيجامة ديال الدار مشا نيشان عندها جلس وهبط راسو كيخمم وقال بجدية وهدوء
غالي: دابا غنهضرو نيشان… انا غدا غادي نخطب ان شاء الله.. ماكرهتش تمشي معايا وتكبري بالناس واخا مابغيتيش.. ماشي مشكل المهم غير تجلسي بيناتنا حتى دوز هاد الخطبة على خير… انا ماكرهتش وكنتمنى تراجعي على القرار ديالك . (شاف فيها بأسى) شنو قلتي؟
عقدات حجبانها وكانت طريقتو فالهضرة كغداء تغدات عليه باش تقدر تفرض سيطرتها عليه وقوتها بحال خوتو وبان ليها بحال الى بدا كيتقاد فالطريق مع خوتو مدام تحاور معاها وشاف فيها بدوك النضرات الحزينة اللي عمرو شاف فيها بيهم .. بان ليها الضعف فعينيه الشيء اللي خلاها تستقوى اكثر وقالت بكبرياء وراسها لفوق
اسية: شتي الزواج اللي كيمشي بلا خاطر الوليدين عمرو مكينجح ومكيسهلش فيه الله
غالي: متاافق معاك .. الى فعلا فيه ضرر ولا اذى للوالدين ولا غيوصلهم بشي حاجة.. اما الزواج بنية صافية والبنت مزيانة وواليديها مزيانين وكلشي مزيان .. بلعكس الله ميبغيش اللي يوقف فطريق الزواج .. اولالا؟
اسية: انا كنشوف ان هاد البنت ماتصلاحش ليك وانا مك عارفة مصلاحتك
غالي: واش عندك نتي مشكل؟ خلييني انا دابا من الهضرة.. نتي واش عندك اشكال الى تزوجت بيها؟ عندك شي ضرر فهاد الزواج؟
اسية: ااايه .. غتشتت الشمل لخوك الى وقع بينكم شي مشكل وهوا كذلك
غالي: ياك بعدا ماشي حرام؟ حلال لخوت يتزوجو لخوت ياك ربي ماحرموش
اسية: ولاكن حنا دزنا م تجربة خايبة وراك عارف كلشي
غالي: كل واحد يتحاسب على افعالو وعلى حياتو.. ربي ماحرمش زواج لخوت يعني مافيها حتى اشكال.. المهم عندي نتي مايكون عندك حتى ضرر من هاد الزواج
اسية: انا قلت ليك الضرر.. وقلت ماقابلاش بلا مدخلني بالدين
غالي: ناض كيتنهد) ايوا على خاطرك هادشي اللي غنقوليك.. بغيتي تشرفينا وتمشي معانا غدا ان شاء الله راه ماكرهناش.. مابغيتيش على خاطرك .. حتى حاجة ما بزز
دار يديه فجيابو كيسوط ويتنهد ومشا للكوزينة هز واحد القرعة دالما داها معاه للبيت وخلاها جالسة كتشطح برجلها وراسها عالي
اسية: ايوا سير بلا مك نشوفو اش غيقولو عليك الناس
هند: راع غيديرها واش مكتعرفيهش!!
اسية: خلييه يديرها يتزوج بلا خاطر مو
هند: اوييلي اماما واش بصح كتهضري!! راه غيمشي يخطب.. والى مشا ماعندو فين يرجع
اسية: وهاد الخانزة اللي غتقبل بيه بلا مو عندها شي نفس؟؟ها؟
هند: تيليفونك كيوصوني
اسية: هشام غير خليه.. غيفرع ليا راسي حتى هوا من صباح مابغاش يسكت .. خايف نسابو يديو عليه نضرة خايبة.. تقول خاطب بنت الرئيس
ها النهار المنتضر وصل.. وشكون قال سكينة غتقبل اخيرا فكرة الزواج … كيوجدو ليها الخطوبة ومامصدقينش انهم اخييرا غيشوفو النهار الابيض معاها وتزوج بحال قراناتها ويتهناو عليها ويتعناو منها ومن مشاكلها ومن والطيران ديالها اللي كانو خايفين يجيب ليهم شي نهار سي فضيحة يغرق فيها جمل.
صبحات فالحمام ومن الحمام للصالون ودايخة بالنعاس مافيها اللي يحضر ولا لي يدوز داك النهار.. ناشرة يديها كيتصبغو ومتكية على كتفها والفوطة علك راسها وكتشكي وتهضر بزز
سكينة: كنمووت اعباد الله باغا غا نعس
ليلى: جالسة حداها) اوييلي راك عروسة زعما
سكينة: بعدي مني اختي الله يرحم باك كنكره هاد اللقب وداك التق٠٠ بين لحلال
ليلى: اوييلي قولي استغفر الله لعضيم .. شمن تقح٠٠ين نتي عاود!!
سكينة:هاد تق٠٠٠بين هادا نيت .. لا عروسة لا راجلي لا ديرو ليا لا فعلو ليا لا مرت الراجل لا لق٠٠وي … ماشي تقح٠٠بين!!
ليلى: وشنو دابا نسيفطو كنزة تبرز بلاصتك
سكينة: ماكرهتش يعطيوني ديك الورقة نسيني عليها ونهز باليزتي ونزيد.. بلا تق٠٠بين لعور دلعيالات كل وحدة تلحس من جهة كيحسسوك انك كتزوجي ..يموتو على الزواج وسيكس ويديرو فيها شريفات
ليلى: ونااري على عقلية شداك اصلا من للول لهاد لخرا كامل مللي ماعندكش معاه
سكينة: ماعنديش مع هاد التبعصيص وتقح٠٠بين دوالو صاافي كنتزوجو ولا كنخراو وا بنادم يجمع عليا كروو،، كيباركو ليا بحالا غادة للجنة..مافهمتش انا هاد البشار عندهم الزواج شي لعبااا.. فرحانين يهزو رجليهم .. تفوو كاع اللي عمرو عيط ليا عيط ليوم جالسين عليا فرحنا ليك ما فرحنا ليك بحالا كنت منسوا بصلة عاد دابا حيت غنتزوج وليت كنسوا
مكانش عندها خاطر ومكانتش فرحانة ومكانش عاجبها دور العروسة بتاتا.. صايبات الشعر والدفار كما موالفة والمكياج صاوباتو ليلى خفيف ضري فومن تما دازت نيشان للحانوت هزات قفطان محلول من الجناب حتى للركبة والسفيفة غليضة من لقدام من لفوق حتى للتحت ونازلة مع الجناب والفتحات والسمطة ديالو خفيفة وبلغة دالصم وطلعات فحالها للدار لقاتهم كيوجدو .. مع الدخلة بقا عليها بناصر تعطلتي ما تعطلتي وكيسول على العريس فين وصل حتى عصبها ودخلات لواحد البيت صونات على غالي منرفزة
سكينة: فيينك راه الربعة هاديياك درنا الجوج ماشي الربعة
غالي: وراني حاصل هنا معا الورد ديالك راه عاد كنقلبو على هوندة نهزوه فيها
سكينة: هزو خشيه فالطموبيل!!
غالي: ميدخلش ليا فالطموبيل راه عرفتي قداش ولا!! كبير بزاف
سكينة:دابا شحال ديال الوقت كاع
غالي: على عجلة من صوتو) ها الهوندة جات صافي قطعي انا غنتحرك دابا
سكينة: اوييلي على هوندة غتجيب ليا الورد فالهوندة!!
غالي: فاش غنجيبو فالطوبيس !! مداخلش فطموبيل عيينا كنتاقتلو معاه انا وبا مادخل لا فطموبيلتي لا فطموبيلتو الهوندة اللي غتهزو
سكينة: هييه!! واسربي سربي دغيا راكم تعطلتو
غالي: صافي يالاه قطعي قطعي
قطعات وبعات يديها كتسوط وتسنا ومرت عمها كل مرة طل عليها وتبدا ضحك غير بوحدها وتحمار حتى كيتنفخو خدودها .. ماهيا غير نص ساعة حتى تم بناصر طالع مع الدروج كيرحب بالجهد وحل الباب زربان كيستقبل فالناس ويدير ليهم الطريق بلا ميعلم مالين الدار اللي تشتتو كلهم تخباو مابقا حتى واحد كيدور وسط الدار وكل واحد منين كيطل عاد بداو كيخرجو ويتبسمو حشمانين واحد مور واحد ويسلمو على العائلة ، كان اولهم السي رشيد.. اييه يا لكلاص كيبان من لبعيد تبارك الله قلدة والوقفة وحتى مع راسو مرجل وموكض كيسلم ويتبسم وموراه غالي بالبذلة بلو مارين وهشام حتى هوا هازين الورد بجوج وسكينة كطل من مور الحيط ويدها على حنكها كتشوف فداك الورد اللي صايب ليها مول الورد ماشي كااع نفس التصميم اللي بغات .. هوا فعلا على شكل قلب كبير وزوين فالكل ومقاد على حقو وطريقو ومكتوبة لوسط بالورد ابيض سكينة ولاكن المشكل هوا داك القلب وقفوه على واحد الخشبة طويلة وعريضة بحال الشجرة زعما ولسقو القلب مع داك الجدع باش يجي واقف وعالي .. عاد فهمات علاش ماصلاحش ليهم يدخلوه فالطموبيل.. كانت باغا غير القلب ويجيبوه هازينو فيديهم لاكن مول الورد تفنن ليها ودار ليه رجل طويلة ودور عليها العروش فالخضر وغير شافتو داخل بداك الشكل شدات راسها كانت غتسخف ماحملاتوش علاش يركبليه رجل ويوقفو بداك الشكل جا طول ديالو بحال طول دبنادم وماعطاش منضر زوين .. كن خلاوه قلب يتحط فوق الطبلة كان يكون احسن من انهم يلسقوه مع الخشبة ويجي واقف. لحاصول مالقات مادير وجاها الضحك فاش شافتهم ماقالين معاه مدخلينو ليها بحال الشجرة كيقادوه حتى وقفوه فالصالة وخلاوه عاد تنفسو الصعداء من تمارة اللي دوز عليهم فالدروج وبداو كيسلمو
نشفو من بعد ما عرقو وسخفو فهز حط وجلسو كاملين فالصالون مع بناصر اللي كيقشب مع السي رشيد ويتجمعو في حين العائلة لخرى جالسين وكل مرة يشكرو مونية على الترحيب.. كانت عائلة السي رشيد فقط اللي جات من بينهم ختو لكبيرة وراجلها وبنتها اللي مزوجة وساكنة فنفس الحي دغالي وراجل بنتها واخ السي مصطفى ومرتو المهم العائلة القريبة ليه وهشام وخوه سمير حتى هوا والجد اب اسية .. اما اسية وبناتها وعائلتها حتى واحد ماحضر.. او بالاحرى حتى واحد ماقدر يحضر بما ان اسية ماكايناش والموضوع حساس فحتى واحد ماقدر يخالف كلمتها ويحضر من غير باها اللي جاي ضدها وماراضيش على شنو كدير وماعندها عليه سلطة.. اما سمير مشا معاهم بلا خبارها وماجايبة ليه خبار فقط السي رشيد فرض عليه يمشي مع خوه اما مرتو ماقدراتش تزيد خلفة وتمشي معاه كونها من صف اسية وماتقدرش تصرف بلا اذن من اسية واخا يكون راجلها فارض عليها ماتقدرش حيت عارفة ليوم ولا غدا غيتصالح مع مو وغتبقا هي فالتوض وتكرهها اسية فحياتها.. لاكن فكلتا الحالتين كانت باغا تحضر وتشوف وتعرف الشادة والفادة وتبركك ختى هيوترضي فضولها ..
كان الصالة عامرة والخلوى كدور ورانيا كتسخر وتسلم حشمانة وتمص شنايفها وتبسم لهشام مزنكةوعاجبها الحال كتبين الحداكة وغادة جايا كتسخر حتى خرجات سكينة من البيت ومع الخرجة خواو بيها رجليها وشدات فمرت عمها مخرجة عينيها وقالت
سكينة: ناريي هادشي بصح!!! ناري حلفي تا بصح !! انا هي العروسة
جاراتها فاطمة كضحك وسكينة كترعد وبدات كتعرق ودور عينيها مكانتش متوقعة يطلع معاها داك الاحساس لغريب اللي مافهمات فيه حتى حاجة.. علاش وكيفاش ماقداتش تعرف مالها وعلاش جاها داك الشعور دالخوف مع الحشمة مع التوثر وقلبها بدا كيضرب بالجهد وجاتها البكية وغرغرو عينيها .. بقات واقفة شحال قاطعة النفس وكتنفس ومونية كتقرا عليها المعودات وكتقوليها راه العين العين وبدا يبردو فيها عاد دخلو معاها للصالون وهي مزيرة ويدها كترعد بدات كتسلم ومعارفة علامن كتسلم حتى وصلات لغالي ومدات يدها سلمات عليه بالزربة وخطفاتها ولقات حداه بناصر وسلمات عليه حتى هوا كتفتف ومشات جلسات حدا مونية هازة راسها وقاطعة فيها النفس مابغاتش تبين الخلعة والتوثر وماشافتش جهة غالي بتاتا.. بقات كتشوف فداك الورد وتلف وتهضر مع راسها على الورد والكل كيهضر ويشوفو فيها ، اللي سامع عليها جاتو الفرصة فين يحقق واللي كيعرفها راه كيشوف فيها ويطلع ويهبط باغي يعرف شنو فيها ماكاينش فغيرها اللي يخلي غالي يتشبت بيها ويخطبها بلا حضور رضى مو، اما السي رشيد كان جالس وكيشوف فيها ويطلع بنص عين كأنه كيوزنها وبشوف بيمن غيتزوج ولدو وشكون هاد سكينة اللي لسق عليها لسقة وحدة .
بقات جالسة شوية ومن بعد ناضت رجعات بحالها للبيت وجلسات كتشوط عاد تنفسات وردات النفس وهزات تيليفون سيفطات مسج لغالي
سكينة: عطيني النمرة دمول الورد
غالي: علاش بغيتيها ؟
سكينة: غير عطيها ليا
سيفط ليها النمرة وصونات عليه خرجات فيه كاع داك التوثر على داك الورد اللي سيفط ليها واقف بديك الرجل مشوه بحال البودا بقا ناقصو غير الشمع يدور بيه ويرجع عندهم معبد فالصالون
فشات خليفتها مزيان وحيدات داك القفطان ومشات جلسات فوق ناموسيتها مابغات لا تاكل لا تشرب حتى حطو الدجاج محمر وناضت بزز منها تاكل مع الناس ومشات جلسات وسطهم متوثرة عاوتاني كتغمس دمغة وتوجع اللور تبقا تشوف، اما غالي كان حداها تقول خوها .. مقابل مع الطبلة نيشان وكياكل بحال الى جالس فدارهم ما عليه حشمة ولا حيا وباها كيزيد يدفع ليه ويعطيه ويرحب بيهم حتى لواحد اللحضة ضار شاف فيها كتمضغ بشوية وقال
غالي: كولي مالك مكتاكليش؟؟
خرجات فيه عينيها كترمش وقلبات وجهها حمرا بقات كتلون بوحدها وهبطات راسها قربات للطبسيل وقالت بخفوت كتشوف فالدجاج
سكينة: ماتهضرررش معايا الله يرحم باك غا خليني
دور وجهه حتى هوا وسكت ولاكن سرعان ما نسا راسو ورجع دار عندها وقال
غالي: واكولي
دورات وجهها عاوتاني حدرت عينيها وكتشوف شكون يشوف فيهم لقات كولشي حاضيهم غير هما وكيشوفو فيه كيحط ليها قدامها باش تاكل وكيتبسمو ليها .. كذلك فالبسطيلة اللي حطو حتى هي قطع وعطاها ومونية كتشوف فيه بنص عين مكمشة فمها من الجناب وكتبسم فخاطرها حشمانة بلاصتهم تقول كتفرج فشي فيلم ميكسيكي رومنسي.. اما بناصر لا تخفا عليه خفية ودار راسو عور مكيفهمش ومكيشوفش كاع جيهتهم حتى كملو داك العشا وا وقت الخواتم والحليب والتمر وهاد اللطقوس مكروهة عند سكينة خصوصا وكلني نوكلك ، كيجيوها حامضين وماشي ديال الوقت وطقوس قديمة ابتاكروها الجدود باش يديرو شوية درمنسية وكانت عندهم الرمنسية هي وكلني بيدك نوكلك بيدي، ماحملاتهمش سكينة ولاكن دوزاتهم بزز منها مالقات مفر من غير تشرب الحليب وتعض التمر .. اما هوا غير حطات ليه الكاس فمو بقا سادو مابغاش يشرب وكيقيس ويرجع اللور وهي كتسناه يشرب حتى بعد وجهه وقال
غالي: مكنشربش لحليب
شافت فيه بنص عين وخطات الكاس وقالت بخفوت كدور عينيها
سكينة: قولها فاللول مانديروش هاد هادشي
غالي: وا مهم هاهيا فراسك
عطاتو تمرة عضها وجاو الخواتم وبداو كيلبسو لخواتم وبنت عمتو كتصور اللقطات حتى لبسو لخواتم وحطو ليهم الكيك اللي على شكل كتاب ووقفو كيقطعو الكيك وقالت عمتو كتبسم
العمة: ايوا مكاين زغاريت هههه
وقفات مونية كضحك وبداو يصليو على النبي ويزغرتو وسكينة كضحك مزنكة وبداو التصاور وشي كيتصور من هنا شي من هنا حتى تصور الجميع وتصورات رانيا وهشام حداهم حتى هما وجا وقت الوداع بدا كلشي خارج وعاطيهم بالضهر حتى بقاو غير بجوج اللور وجاها غالي من اللور عنقها وسط الصالة باسها فحنكها حتى قفزات مخلوعة كدور فجنابها وتبعدو
سكينة: وبابا وبابا ويلي ويلي وييلي
غالي : باك هبط مع الدروج هوا با مالك كتخافي منو لهاد الدرجة كاع
سكينة: كن كان با هوا باك عاد غتعرف علاش.. اجي نتصورو قدام هاد الورد اجي
جراتو من يدو وعيطات لرانيا تصورهم وبدات كتبوزا وضحك وتعنق فيه من هنا ومن هنا كتصور من بعد مشا تحنا على صباطو الاسود كيلبس وقال
غالي: عندي الكلمة ولا ماعنديش (غمز رانيا بالضحك)
سكينة: ههه عندك
غالي: ايوا نقصي الهضرة شوية
قلبات عينيها ورانيا كتشوف فيهم بنص عين مافاهمة والو جاوها تصرفاتهم غريبة وماعرفات علاياش كيهضرو اصلا حتى جمع الوقفة وقال
غالي: اجي بوسيني نمشي فحالي
سلمات عليه كضحك وحشمانة قدام رانيا اللي حاضياهم ومرت عمها اللي كطل من المطبخ وكضحك بوحدها.. مد يدو لرانيا صافحها كما صافحها هشام اللي ودعها وراسو محني قدام باها ونزل تبعهم بينما مشات سكينة جهة السرجم كطل عليهم هي وختها ومرت عمها ومونية حتى هي اللي دخلات كتجري وطل معاهم شافهم غاديين بسياراتهم واحد ورا واحد
فاطمة: مرات العم) هاديك الطموبيل البيضا ديالو ولا ديال باه ؟
سكينة: لا ديالو هاديك الكلحة كاط كاط ديال باه
رانيا: اشمن ديال باه ديال هشام
سكينة: ها هشام !! (عطاتها صبع) ديال باه قالها ليا غالي
رانيا: فين كتعرفي هاد غالي شفتك مضااااسرة نتي وياه.. مكتحشمي مكتستحياي باااز لوجهك
سكينة: ديها فراسك ماشي شغلك
رانيا: داااياها فراسي نتي اللي شوفي راسك شنو كديري جالسة كتعنقيه بقا ليك غير تبوسيه
وصلو للدار كيضحكو وكلشي على ما يرام، وغير دخلو مع الباب كلشي جمع الضحكة وبقاو كيدورو فعينيهم ويشوفو فبعضياتهم لان اسية كانت فالدار وهند كذلك .. اما غالي لاح السوارت فوق الطبلة كأنه جايمن الخدمة ماشي من الخطوبة ديالو .. تنهد بتعب ومشا نيشان للبيت ديالو حيد لافيست وبدا كيجبد الكواش للعائلة اللي غادي يباتو معاه فالدار وبدا كيعطيهم ويفرق عليهم حتى كل واحد شد بلاصتو واللي غيصلي مشا يصلي واللي باغيي ينعس شد بلاصتو ونعس.. اما اسية كانت فواحد البيت فين كتنعس هي وبناتها ديما وسادة الباب والضو مطفي ماطلات ما بانت ليهم وحتى الهضرة على برا كانت خافتة وكلشي كيهضر بشوية الا السي رشيد اللي مكيضربش ليها الحساب لا من بعيد لا من قريب.
كلشي نعس وطفاو الضواو وصبح الحال وناض الجميع باش يشدو الطريق.. فاقت هند وخرجات كتسلم عليهم وتوجد الفطور لاكن حتى واحد مابغا يفطر والكل عوال يمشيو يرجعو بحالهم لمكناس وداكشي اللي دارو.. عاودو باركو لغالي مرة اخرى وبدا باه كيوصيه فداك الصباح لتحت حد الطموبيل باش ميتعصبش ومايديهاش فيها والي وقعات شي حاجة واستافزاتو يتاصل بيه. توادع معاهم هوا وهند وطلعو للدار سدو الباب وبقات هند كدور بغالي بغا تسول وتعرف وتقاد علاقتها معاه باش ميهزش فهاطرو من جيهتها .. لاكن هوا كان بارد معاها وكيجاوبها بالكرام على غير العادة وحتى نضراتو كانت فجهة اخرى مكيشوفش فيها وهنا حسات انه خدا منها موقف حتى هي وسد ودار بينها وبينو الحدود جهد اللي تقول السلام وتسكت.
اما اسية مافاقت حتى حسات بكلشي مشا وخوات الدار عاد خرجات من البيت هازة خنافرها ومكتشوفش فيه ..دازت من حداه تقول مكتعرفوش .. اما هوا كان كيتصرف عادي كأنه ماطرا والو ومكاينة حتى حاجة ومابغاش يحسسها انه واخد منها موقف بل على العكس بغا يحسسها انها حرة وليها حرية الاختيار فحياتها بلا ميتقلق منها حتى واحد كما حتى هوا ليه حرية الاختيار فحياتو بلا ميتقلق منو حتى واحد.
حطات بلاطو ديال الفطور قدامها كتفطر وهازة في نيفها ودايرة رجل على رجل حتى تم دايز هاز الصاك دلاصال باغي يخرج وقالت ليه كلمة وقفاتو عند الباب
يتبع
شاركنا رأيك في هذا الفصل 🌹