صفاء: صافي غنشربو والله – باسها من حنوكها : الله يخليك ليا هاكاك خلي راسك خفيف وسمعي الهدرة – خدا الحبة لخصها تشرب من ورا الماكلة حيت كان غداها : يلاه فتحي فمك – فتحات فمها خشاليها الحبة وشربها الما : الله يرضي عليك – صفاء : كيعصبوني عاد كيتسرطو
– حكيم : فمك صغير وحلاقمك صغار مكتكبريش نت كاع
– صفاء : غا خليني بصحتي – رشقات ليه عليها : حاجة وحدة لكبيرة فيك وكبر منك كاع هو هاد الشعر لغالب عليك – صفاء : هاد الشعر لفاقصك نت بزااف البنات كيجيو عندي كيقولولي اش كندير ليه باش راه فهاد اللون وفهاد الطولة
– حكيم : اقسم بالله العظيم ما كذبتي فاقصني فين ما طلقيه كيفقصني انا عليها من هنا الفوق سالات فرحتي به شوية الله يجعل شي بركة غتجمعيه عليا وديري زيفك
– صفاء : الا علاش – حكيم : اه اصفاء اه شعرك عاطي العين لونو مشعشع بزاف بقات غا العين حتى هيا دير حقها فيك – صفاء : اويلي يضربوه لي بالعين
– حكيم : خايفة عليه اوا غطيه وهني راسك
– صفاء : شعري عزيز عليا شحال تحاربت عليه باش ميقطعوهليش هو اكثر حاجة كنتهلا فيها
– حكيم شد شعرها كيتلمسو : شعرك كي ديال العود – جراتو بزعفة : طلق لهنا طلق العود شعرو حرش انا شعري رطب – حكيم : فرحاتك به زيدي فرحي به غير شوية وغدخليه للغار لا نت لا ديك ياسمين لعندها شي شعر غتجمعو عليا
– صفاء : وعلاش بالسلامة نت مالك فهاد الشي
-؛حكيم: معرفتيش مالي حيت أنا لغنتحاسب عليكم كلكم راع وكلكم مسؤول عن رعيته – سكتت ملقات متضيف – حاول يرطب معاها : انا ماشي باغي نسيطر عليك ونتحكم راه معايا تقدري ديري اي حاجة وتجربي اي حاجة بغيتي ولكن فحدود …. التربية زينة باش تاني متخرجليش من الجنب – صفاء : ولخرجتليك من الجنب اش بيطرا – حكيم : غنعصي والديك حتى تعاودي ترجعي الطريق
– صفاء : ياه على حݣار ..الحݣرة ممزياناش – حكيم : حتى الضسارة تاني خايبة …صفاء عاوديلي كي كنت عايشة نت واسية واش عشتي هاد المدة كاملة فطنجة ؟
– صفاء : ههههه مع اسية ما كنت نولف بلاصة حتى ديني البلاصة خرا كل عام قارياه فقنت ههههه ولكن طنجة هي لي كنا نطولو فيها شوية
– حكيم : مع اسية كنت عايشة مزيان ؟
– صفاء : فين ما مشيتي ما كين خير ولكن اسية كانت شوية عليهم مكانتش تضربني بزاف غير الا كانت معصبة غير هيا الله يسمح ليها كانت تسمح فيا بالسيمانة وكنت نبقى غير بوحدي وخايفة ليدخل عليا شي حد حيت كانو يجيو عندها الرجال بزاف -حكيم : كانت تدخل الرجال قدامك ونت كتشوفي ؟ …
صفاء تنهدت : اه واحد نهار لمكانتش وجا واحد دق فتحت ليه قتليه مكيناش وبغى يدخل عليا ملي بقيت نغوت عاد هرب – حكيم : وسط خانز كبرتي فيه تسالي كلشي الحق فهاد الشي من مي وزيد لهيه ..ولكن سمعي نهار لغنجيبك عندي وتحسبي عليا غتنساي وتضربي على كاع هاذ الشي ومتعاوديش تلفتي وراك ولا تعقلي على شي واحد فيهم والى رجعتي شفتي فيهم غيكون عندي معاك حساب اخر ..لكان غير الحقد غنعلمك تحقدي وتكرهي ال*امل بوهم كاملين غااا بلااتي —-دوزااات نهار دغدا كولو غير فالقرايا بين الليسي و المراجعة وحتى هو كان عندو نهار شاغجي بالخدمة ..لكن هاد الشي ممنعومش بقى معاها على تواصل نهار كامل كل شوي. يصوني يسول ولا يصيفت مساج ————– فحين مونية ممهنيها وقت خاطرها واكلها عليه بالجهد عارفاه وعارفة تقليقتو خايبة وماشي تحت يديها لمشى حتى تعصب وقلب كيقلب فخطرة هادي شحال مجبد ليها موضوع باه وهادي شحال مانوض معاها الصداع عليه صافي خلاها وميك عليها ومسح داك الكوطي من حياتو على باالو مبقاش يهمو يعرف وااالو – ضربت تلفون مع سداري غطرطق : وااالو كيصوني ومكيجاوبنيش غنمشي عندو وقيلا لدار – نزهة بصوت عيان : خليه أمونية. غير حتى يبرد هو لراسو غيجي …كيتعصب منك واخريتو هو كيرجع يتسامح معاك – مونية : هاد المرة غير المرات هاد المرة قصح معايا بزاف او وصل معايا لشي هدور صعاااب وهاد الشي كلشي من دوك عائلة المجرمين حتى نݣول اللفعة مااتت ولبقاش دور فساحتي ولاحتلي بنتها تكمل داك الشي لبقا …باقي غير حقها هيا تاني تلوا لي على ولدي وانا نقتلهم ونمشي ندوز عمري لبقالي فالحبس خير لي منشوف ولدي ضاع من بين يدي ..حكيم المرضي بقالو شوية ويهز يدو عليا على قبل حرامية ملقطة ديال الخلا مزيان تبارك الله – نزهة تنهدت : مونية أمونية متكوليش هاكا البنت مقاستك فوالو – خرجت فيها عينيها : اهااااه ادابا ولات مقاستني فواالو دابا وليتي دافعي عليها قبل مكنت تبغي تسمعي حتى سيرتها شنو تبدل دابا
– نزهة تنهدت : كيف ما كان الحال راها بنت ولدي
– مونية : دابا عاد ولات بنت ولدك ..مي نزهة كوليلي فاش عاينك اااا؟ – نزهة : راه القلب كيحن للدم ولغلب يعف ..ديك الدرية بصح مذنبها والو
– مونية كشكشت : سمعي نكوليك انا مجيتش وفنيت عمري كالسة هنا لا شغل لا مشغالة معمرة عليك باش فالاخر تقلبي عليا هاكا وتكوليلي لا حكا الدم كيحن ..ملي نت عينيك فبنت ولدك كون خلتيها معاك من الاول وانا هزيت ولادي وتبعت ولدي نسكن معاه هانية مهنية بعيدة على المشاكل واكلة شاربة مناقصني خير والله يقلب بشي لاخر ولكن سري حيت كلست لا حكا خلي الولاد يترباو فدار باهم حتى دابا وليت غنضيع فولدي اش ݣالي فيه انا كاااااع مالي على حالتي
– نزهة : وليتي كتمني دابا أمونية الجهد تقادى او وليتي تمني – مونية : وشوفي نت شنو رجعتي تݣولي – ناضت وخلاتها….
يوم الجمعة المباركة كان كالسة على قبر باها كتقيس ترابو لأول مرة من بعد مطلبت من حكيم يجيبها ليه …غير كتقيس فتراب وكدوز يديها عليه وساكتة نفسها مزيرة عليها ..هزت عويناتها فيه كتسائل : حكيم بابا كي كان ؟ واش كان ظريف ولا لا – حكيم : الله وعلم ..منقدرش نكوليك معشتش معاه بزاف ولكن كنظن كان غيكون على الاقل ماشي بحال هاد حطب جهنم لمعاهم نتي دابا – صفاء : حكيم نت كنت حاضر على كلشي ياك كنت كبير قولي شكون لظلم ؟ بابا ولا خوالي
– حكيم ضحك : ههههه داك الشي فشكل عندهم صدقيني الى ݣتليك نتي بوحدك لمظلومة فهاد القصة كاملة …اما راه كلشي ظلم ودار حقو وصفاوها لبعضياتتهم وهناو السوق هههههههه
– صفاء : علاش كضحك
– حكيم : الفقصة لمضحكاني
– صفاء ؛ عاودلي بغيت نسمع من عندك
– حكيم : اش معاودليك نت واش عارفة
– صفاء : انا لعارفة هو بابا تعدى على ماما وهي صغيرة فالوقت لكانو خوتها فالحبس وملي خرجو .قتلوه باش ينتاقمو زعما لشرافهم – حكيم حك نيفو : آلى كان هاكا خوالك مداروش علاش يتلامو اي واحد ميبغيش ختو يتعداو عليها ويأذيوها مني انا وجبد ولكن اسية كانت ملاقية مع باك بخاطرها متعداش عليها ولكن يمكن من بعد مبقاش باين ليه فالبلان وبغا يسلت ومك كانت صغيرة يعني ملقاش كي دير يسلكها وظطر يتزوج بها ..يعني شكون المذنب الاول هنا هو باااك ..سمير باك مصفااش مكانش متبت… عينيه مكانوش خوت – صفاء ؛ اويلي اذكرو امواتكم بالخير
– حكيم : كنهدر معاك نت سولتيني انا كنكوليك لو باك كان مصفي النية من الاول وقصد الباب نيشان مكانش يطرا كاع هاد الشي هو كان باغي يزهى ويضحك طاح فمك حتى هيا مزال برهوشة سايط ليها الريح فمخها بالخف طاحت ليه فالشبكا جا مع خوالك لمعندهمش كاع معاااه من قديم صفاوهالو وكل وشد بلاصتو – صفاء : دابا خوالي ظالمين ولا مظالمينش
– حكيم : هو القضية ديال مك كانت غير نقطة لفيضت الكاس اما هوما راه من قديم مكيحملوش بعضياتهم وديما مطايفيين – صفاء : اوياك مي كانت تزوجت ببابا وسكنت معاه علاش طلقت ورجع ناض الصداع – حكيم : اه هنا سبابك مي حتى هيا من الناس لظالمين وظلموك حتى هيا دارت حقها ومقصرتش من جهدها
صفاء : اش دارت – حكيم حك نيفو : بدلي عليا هاد الموضوع كيستفزني بغيتي تشوفي باك زوريه قراي عليه شي جوج سورات ويلاه نتݣعدو – صفاء : عافاااك غا كولي واش هيا سباب باش ماما وبابا تطلقو – حكيم : مكانش يعجبني داك الشي لكتدير وشحال نهيت فيها وغوت عليها وخرجت وسمحت فيها … باش دير عقلها ولكن بلا نتيجة
– صفاء : ترافقت مع بابا وهو مزوج باسية ياك
– حكيم : او فالاخر قبلت على راسها تدخل ضرة وهاد الشي لمقبلاتوش مك وضربتها لوجهها – صفاء : عليها دخلت اسية الحبس فراسك كانت حاملة بيا ديك الساعة او ولداتني فالحبس ههه
– حكيم : ذنوبك عليهم
– صفاء : واخا وعلاش بابا ملي عرفني تزاديت مابغاش يقلب عليا ويشوفني واش ماماك لمكانتش تخليه ؟
– حكيم : دعي الله لكان سبابك ..هاد الشي باش كتليك راه فهاد القصة كلشي ظالم….
-صفاء : حكيم ونت فين هو باباك واش مات ؟ – حكيم : منعرف لو حتى هو – صفاء : واش حتى نت معندكش باباك
– حكيم : نوضي نوضي تهزي بحالك يلاه نمشيو
– صفاء : عافاك غا كولي الله يحفظك
– حكيم تنهد : كنت ناتج على قلة العقل ديال مي مكنلموش هو هو كيبقى راجل والراجل كي يلقى المرا طالقة ليه اللعب وممسوقاش راه معلوم غيبغي يلعب على الخفيف كنت فالاول محروق من هاذ القضية وتقريبا يوميا منوض معاها صداع باغي نعرف با شكون عطاتني العنوان ديال واحد السيد واش هو ولا ماشي هو الله وعلم مهم قلبت عليه لقيتو داير مراتو او ولادو مستقر معارفنيش حتى واش كاين رجعت بحالي باللور وخليتو الله يسهل عليه
– مشات لعندو عنقاتو : ناري بجوجنا معندنا زهر
– حكيم : هاذ الشي لعطى الله ..نوضي يلاه نمشيو
– صفاء : واه كي خصني نمشي ندير الغدا
– حكيم :بركي الارض مبقتيش غادا ..- صفاء : اوفين غنبقى
– حكيم : غتبقاي معايا حتى العشية
– صفاء : غا خليني نمشي اصلا مشهية كسكسو بزاف باغا نديرو غا خليني – شاف فيها : ݣلت لا هيا لا
– صفاء شدت ليه فيدو : والله حتى مشهياه
– شابك يديه مع يديها جارها : الى مشهياه دوزي تاكليه فشي بلاصة
– صفاء : وراه باغا انا لنطيبو ..اصلا طياب مفيهش تمارة كيعجبني نطيب والله كسكسو ديالي زوين شي نهار نديرو ليك – دور يديه على خصرها : يلاه معايا دريهلي دابا
– صفاء : او زوهرة اش تاكل الحجر هههه
– حكيم : ياك دابا الزوهرة اولى مني
– صفاء : هههههه نت بوحدك مكينش ليجي فبلاصتك ..ولكن بصح كندوي معاك غا خليني نمشي وقارية فالعشية كي خصني نبدل كتوبتي ونشرب الدوا
– حرك راسو : زيدي نوصلك ———- كالس فدارو مريح وقدامو فالطابلة فيها بقايا الاكل كمونداه من الزنقة كلا علاش قد وسمح فداك الشي لاخر وبقى طالق تلفازة مونس بصوتها ..سمع صوت صونيط الباب ناض كيتعنݣر يشوف شكون ممولف يجي عندو حتى شي حد …فتح الباب كانت مونية شاف فيها لقى عليها السلام عادي ورجع لبلاصتو ..سدت الباب وراها ودخلت تبعاتو شافت فداك الشي لمزلع فالطابلة : الله ياوليدي ومالك على حالتك معدتك مطابتش بهاذ المواكل ديال الزناقي – ( مجاوبهاش ) شحال وانا حاطة القصرية كنتسنى فيك تجي تغدا علاش مجتيش اولدي عارفني مدوزتش ليا بلا بك – حكيم : مكنتش مسالي….
– مونية : مكنتيش مسالي ولا اصلا مابقيتش باغي تجي ..مقلق عليا عليا اولدي ومقاطعني ماشي حشومة كنعيي نصوني ولا نت بغيتي تهز داك التلفون وتجاوبني كين شي واحد كيدير لوالديه هاكا ماشي عيب تقهر ميمتك
– حكيم : ما قهرت حد انا دويت فالحق معجباتكش هدرتي مكينش لاش نبقاو زايدين فالهدرة بزاف
– مونية : انا راه مك احكيم ماشي صحبتك باش دوي معايا بديك الطريقة – حكيم : علاش بشمن طريقة كنت بغيتي ندوي وانا كنشوفك كتحرشي بنتك على ختها وعاد مزايدة كتشعلي فالعوافي فحين كان عليك نت تردي ليها عقلها وتنهيها
– مونية : انا غير حرقة وجهي ومادارت فيا اسية مازال طلع فيا وتهبط حيت حقي منها متخادش كيف ما خصو يتخاد
– حكيم : هانتي ݣلتيها اسية اسية ماشي صفاء ..صفاء اش دارت قاستك ؟ كتعرفك؟ هيا حتى المعرفة مكتعرفكش – مونية : هذا حالي لحمي ميت من دوك العائلة ديال المجرمين ومادارو فينا ويتمو خوتك – حكيم : وخا نتي شفتي غير ولادك لتيتمو او هي متيتماتش ..مونية بلا منبقاو نكذبو على بعضياتنا نكونو واضحين خلي العائلات بجوج اپار و اش كان طاري بيناتهم ..نتي متعدتيش ؟ اش داك نهار الاول تلاوحي على راجل مزوج ومرتو حاملة ..نتي لغتهدري على ولادك وتݣولي عليهم تيمتمو صفاء راكي كنتي حيدتي ليها باها ويتمتيها وهو باقي فالحياة بسبابك تزادت وسط الحبس وتفتحت عينيها فيه – مونية دوزت يديها على وجهها متوترة من هدرتو : حكيم كنعاود نكوليك انا راه مك ومخصكش تدوي معايا هاكا ..كي خصك تحتارمني – حكيم : الاحترام مݣيكوليكش سكت على الحق – مونية : شنو درت انا من غير بغيت نتزوج وندير ليا انا وياك فين نستقرو
– حكيم : الاستقرار عندك هو تفركتي شمل واحد اخر ؟ – مونية : علاقتهم اصلا كانت غا على سبة حيت ممبنياش على الصح يعني انا جيت غا فالطريق
– حكيم : وخا هاكاك كتبقاي غالطة والذنب راكبك كلك وماشي غير فهاذ الشي فبزاااف الحوايج ..-شافت فيه مقدرت تكول والو من ديما حكيم كيلجم ليها فمها ومكتقدرش تزيد معاه فالهدرة وخا هو لولدها ولكن عارفاه من صغرو طالع حار وغير بدا يوعى حرر فيها العيشة ماكنش يسكت ليها على فعالها – ستانف كلامو : مونية سمعي نكوليك ياسمين غتخرجي سوقها وخليني مني ليها انا لعارف كيفاش نربيها – مونية : هيا بغيتي تݣولي بلي انا مكنعرفش نربي يااااك .
.- حكيم : الضسارة والفشوش الخاوي مكين لاش
– مونية : دابا انا وليت مكنعرفش نربي دابا نت غا جيتي ورجعتي قد هاكا مربيت فيك والو انا ياك – حكيم ؛ بصح مربيتي فيا والو ماشي نتي لربتيني أمونية الزنقة لرباتني – مونية : يااااااك – حكيم : اه ونت عارفة بلي فداك الوقت مكانش عندك العقل وكنت تفكري غير فراسك وداك الاستقرار لكنت تقلبي عليه ..كنتي تقلبي عليه لراسك ماشي ليا – مونية قلبتها دموع : يااااك اولدي ياااااك هاد الشي كلو مخبيه فقلبك ياااااك هدا منستاهل من عندك
– حكيم : بلا دموع حنا دابا غا كنهدرو – كتنخصص : انا مخليت ما درت على قبلك وربي عالم بمعزتك عندي
– حكيم ضحك وهز عينو لفوق : حتى لمؤخرا امونية عاد بانت عندك هاذ المعزة لكتهدري عليها اما باش كنت ملاوح فالزناقي لا ريال لا جوج راه مكنتيش تعقلي عليا ومعارفاني حتى فين بايت عمرك حتى سولتي فيا مرضت وشفت الموت وعمرك طليتي ولا قلبتي عليا ولا تفكرتي راه عندك ولد مكنتيش كاع مسوقة لحكيم – تنهد – ماعلينا الله يسامح ..كلشي فات – كتبكي وتكول ما بكيت : ايه اولدي ايه بالخف قلبوك عليااا فسبة هاديك لمكتسماش سمعتيني هدرة كتاكل فيا كي العافية – خدا شوية الفريت كلاه بشوية عليه مبرد : هاديك لمكتسماش سميتها صفاء – مونية كتبكي : هادي كاع محنة فيك ضارب ختك شوية مكنتي تقتلها ومسمعني انا هدرة كي السم على قبلها حيت زعما بقات فيك او واقف مع الحق – حكيم : صفاء ولات عندي اولا من كلشي واهم ليا منكم كاملين أمونية هنا جيتك من الاخر هاد الشي لكنت باغا تسمعي هانتي سمعتيه تقدري تمشي فحالك دابا -مونية : قول هاكااا ؟ – حكيم ؛ اه هاااكا – مونية : عينيك فيها – حكيم ؛ وعينيكم نتوما غتحيد من عليها – مونية ؛ فضلتي بنت عائلة المجرمين على مك – حكيم : لكان غا على الاجرام كلكم كتبانو لي مجرمين ناضت كتبكي وكتنصت : الله ياخد الحق الله الله ياخد الحق فين كان حيلة وسبااب الله ياخد الحق ..
خرجت كتبكي وهو رجع متكي عادى بحال الى مقال والو ..من برا باين عليه البرود ولكن من الداخل لا نفسو كتاااكلو مكيبغيش يوصل لهاد الشي ولكن بالنسبة ليه مونية دايرة علاش ومكيندمش على اي هدرة كيقولها ليها ولا على اي تصرف كيديرو معاها علاقتو بمو كيشوفها غا واجب عليه وسطحية نوعا ما حيت مترباش معاها بزااف ومكانتش قريبة ليه ومكانش قريب ليها ————–
غارجعت مونية دخلت محيحة غا طرطق من داك الشي لسمعولها حكيم شوية متنفااااجر – ياسمين واقفة كتشوف فيها : نتي لمشيتي عندو اش داااك .كتليك راه غيصيفتك كتبكي ومتيقتنيش – مونية كتندب: اويلي ياااا ويلي يشوف فيا ويكولي بدم بارد هي اولا ليا منكم كاملين ..عينيه فعينيا محشم ماوااالو ..اويلي ياربي وكندير فحااالتي اناري اسيدي ربي ولدي ضاع من بين يدي ..تلوات لي عليه اللفعة وداتولي ..باقا عاد گالت بسم الله قلباتو عاليا وخلاتو يقلب عليا. وجهو – نزهة : أمونية رجوووع الله ابنتي حكيم نت كتعرفيه كي داير راه غير يكون معصب يبرد ويرجع يتساامح معاك راكي مو – مونية : معصب عليا مالي أنا شنو داير ليه اش درت لو تشوفي كيفاش هدر معايا وكيفاش كيدافع على ديك الملقطة قول غاا والدها من صلبو بقالو شوية ويخرجني ويسد الباب على وجهي اويلي واش نندب هاكا ولا هاكا ولكن هاد المرة والله لا سكت حتى لولدي وحبس ..- ناضت كتسوووط – فحين نزهة غير كتنهد وكتطلب من الله اللطيف وقلبها كياكل فيها …ياسمين كانت كالسة حدا خوها لشاد تلفون ممسوقش نغزاتو : اهداااك اش ݣتكول نت فهاد الشي
– ياسر : بيناتكم ابيضاوة انا مالي أنا غا واحد الطفل كي خصني ندخل سوق راسي هههههه
– ياسمين: نت لعبرتي ..ممسوقش كاع لشنو واقع فهاد دار هاني مع راسك
– ياسر :شفتي حسدتيني ديري فحالي ..ياسمين بصح كندوي معاك نت مسوقكش فهاد الشي كامل هوما الكبار بيناتهم حنى ماخشاناش ومكانش عليك ديري ليها بحال هاكاك قدام ليسي كامل
– ياسمين : نت غا بقى داخل سوق راسك
– ياسر : وحتى نت خصك دخليه بلا متجبدي عليك الصداع من عند حكيم
——————————
يوم جديد داخل ايام الاسبوع صونات ساعة كانت عندها حصة ديال السبور خرجت خاشية يديها فجيوب طابلية مشات جهة السقاية تشرب بلاصة عامرة شوية ماحيت كان وقت الاستراحة جابدة قرعتها كنتسنى شي بلاصة تخوا باش تدوز تعمرها ..وهي واقفة شافت دري وقف حداها ومد يدو ليها : عطيني نعمرها ليك
– صفاء تبسمت : لا اخويا شكرا غنتسنى حتى تخوا ونعمرها – ضحك : مغتعمري حتى تصوني الساعة وكلشي يدخل ( حيد ليا القرعة ) اري القرعة لهنا نعمرها ليك شوفي شوفي كي غندير ليهم – دغيا دخل كي النمس بيناتهم كيدافع …بالخف عمرها ليها ورجع لعندها كيضحك : شفتي ههههههه داك الشي خفا زربا عاد نبقى انا نتسنى
– صفاء خدات من عندو الما : سير الله يحفظك
– جبدت كينة من جيبها خشاتها ففمها وشربت عليها الما – شاف فيها : ديالاش دوا كتشربي؟ مريضة ؟
– صفاء: اه مريضة بالقلب – طلع حاجبو فيها :مريضة بالقلب وكتلعبي السبور
– صفاء : دويت مع البروف وملعبتش مي كي خصني نقادد الوراق ديال الاعفاء – تبسم ليها : الله يشافيك اصفاء
– صفاء ستغربت : كي درتي عرفتي سميتي؟
– حك شعرو حاني راسو : ههه انا ياسر خوك -تبمست بتسامة واسعة وعينيها دمعو ثوترت بزاااف : بصح نت هو ياسر – ضحك : انا هو ياسر
– صفاء بدات تفرك فصبعتيها : مكانش يحساب لي نت غتكون ظريف هاكا حيت – قاطعها : حيت ياسمين متعاملتش معاك مزيان يحساب ليك حتى انا غنكون بحالها ..- حط يدو على كتافها : حنا كيف ما كان الحال كنبقاو خوت والهدرة لݣلت لياسمين غنكولها ليك حتى نت داك الشي لبينات الكبار ولوقع هادي شحال حنا ماسوقناش فيه
– صفاء: بصح عندك الحق و ياسمين انا مدرت ليها والو عزيزة عليا وخا مكنعرفهاش والله
– ياسر : هاديك شاطة ماطة حال وعقل ولكن حتى هيا ظريفة غير خصكم تعارفو ..دابا شكون لكبر حنا ولا نتي
– صفاء : وقيلا انا هههه انا تزاديت قبل عندي 17 العام وشي حاجة – ياسر : وحنا 16 وشي حاجة هههههههه قارية ؟
– صفاء : لا خارجة دابا
– ياسر : حتى أنا خارج يلاه نمشيو بجوج سمعي لي هدر معاك ولا لتعرض ليك فهاد ليسي كوليهالي – صفاء : ههههههههه ياسر وخا نعنقك
– ضحك وعنقها بلا متحس حتى بكات
– حتى ياسر عينيه دمعو : امالكي كتبكي ازمر غتبكينا معاك – كتمسح عينيها : ههه غا دموع الفرحة – درعها من كتافها وخرجو – صفاء : انا كي خصني نتسنى حكيم ݣالي تسنايني غيجي عندي – ياسر : ايمتا جاي دابا ؟ – صفاء: هاد الشي لقالي
– ياسر : صافي اجي نكلسو نتسناوه بجوج حتى يجي – كلس هو وياها كيهدرو وكيزيدو يتعارفو على بعضياتهم قتلها غا بالضحك بدوك الطرائف لكيعاود ليها -محسوش بالوقت ومحسوش بحكيم حتى ايمتا وقف عليهم مربع يديه كيشوف مستغرب – حكيم ؛ ياسر شكدير هنا – ياسر : كالس أنا والخوادرية – شاف فصفاء : اه ونتي شكديري مع هذا ؟ – صفاء : ههه كالسة مع خويا
– حكيم تبسم : اهااااه نوض وقف نت نهدر معاك نوووض
– ناض ياسر كيتفضفض : هنا ݣولي
– حكيم : من اليوم عينيك على ختك كي كتجيبلي خبار ياسمين غنجيبلي خبار حتى هادي لحداك
– ياسر : الله ياودي ما طلبتي غا المجود اخويا علاش انا هنا غاهو مسكينة هادي دريويشة داخلة سوق راسها ماشي بحال المفرعنة دياسمين – شافت فيه : التبرݣيك يا خويا التبرݣيك امكانش يحساب لي برݣاك – ياسر : المراقبة زينة هههههه – صفاء: يااااه كتهدر بحال خوك
– ياسر : راه بانا هذا ماشي خونا – حكيم غير كيشوف عجبو ياسر بهاد الشي لدار جرو من قرفاذتو : نت لتربيتي ليك مخرجتش فالصو هاكا بغيتك تكون…. متكون كتدي على هدرة حتى حد -اشار ليه لصفاء – هادي ختك او محسوبة عليك عمرك تدوزها – ضحك ياسر وعنق صفاء جنب : وختنا ومكتشبهش لينا نتي ليمن شابهة ليمن
– حكيم : زينة عليكم ياك
– ضحكت صفاء : هههه دابا عاد وليت زينة مبقاش شعري كي العود او ماالي هاكا ومنين جايبة هاد اللون
– حكيم جرها دارها تحت يديه حاني ليها راسها لتحت كيضحك : الزين كلو ديتيه نتي مخليتي ليهم والو – خشات وجهها فصدرو كتضحك – حكيم : فين غادي طالع لدار
– ياسر : اه – خدا بصطامو جبد منو 500 درهم مدهالو : عطي لمونية هادي وسولها واش خاص شي حاجة – شدها من عندو : واخا ..وانا اخويا ؟ شي مئة درهم معاك الله يحفظك ومتݣولهاش لمونية
– حكيم : هاهي شد – شدها
– نهار السبت فالعشية نلقاك مع دراري خدام فالكارااج – ياسر : مكينش شي حاجة فسبيل الله
– صلا معاه القرفاذة : قدك راه كندخل التقدية على مونية ..تحرك نهار السبت نلقاك عندي متجيش ذنوبك على راسك…..
سلم على صفاء ومشى فحين هيا غير كتضحك : ههههه ناري مسكين عطتيه مئة درهم غتخرجها منو – حكيم : الحاجة الساهلة كتبرد الكتااف خليه يتحك ويعرفها منين كتجي غير فوقت القراية كنرخف عليه شوية فالصيف كيدوزو معايا يتعلم لي ينفعو خير ميبقى عاطيها لدوران – صفاء : مزيان والله نت لربتيهم ياك – حكيم : تقريبا كنشوفهم ولادي ماشي خوتي – صفاء : سعداتهم بك والله دابا هوما مغيكونوش حسو بالفرق انهم معندهمش باهم حيت نت كنت معمر بلاصتو – حكيم : معرفتش ممكن – صفاء: الله يخليك ليهم – حكيم :ݣولي الله يخليك لينا ويخليني ليكم -دور يديه على كتافها معنقها جنب : اش درتي اليوم
– صفاء : والو فراسك فرحت بزااف ملي جا عندي ياسر تمنيت كون كانت حتى ياسمين بحالو وتجمعنا بثلاتة
– حكيم : ياسر تربية يدي وماشي تحت ريحي وحتى ياسمين كنواعدك غتجمعو انشاءالله ———-الوقت ولا كيمشي طاير والايام كدوز باالخف وكل واحد وكيفاش ممشي وقتو وكيفاش مسلكها كين لمهنيها وراخفها وحطاها فيد مولانا وكين لمزير وكيقتل فروحو ….نفسية صفاء وروتينها الممل تهرس اينفوا دخل حكيم لحياتها حسات بفرق كبير وكبير بزااااااف تقدر تقول بلي عاد حست براسها عايشة وعاد حياتها تلونات بالالوان الفاتحة وتسللات ليها الفرحة اهتمامو بها بان عليها بزااف الوردة لكانت شوية ما تذبل تنورااات بالجهد وديما الضحكة على وجهها وجايبة فشوشوها عليه بالجهد مبقات لا تحشم لا تمرݣ منو كين غير باغا وخصني وتغبااان وهو مرتاح داير جهدو معاها وكثر مفششها على الاخر على بالو باغي يعوضها وخا غير شوية على داك الشي لفات ومباغي يخليها تحس براسها ناقصة من حتى شي حاجة باغيها تحس براسها حسن من كلشي حتى دور الاب لاعبو معاها ممخليلهاش مجال فين تحس بالنقص —— في المقابل كين مونية لمزال الفقصة كطلع وتهبط فيها سيغتو من ولا غير كيصيفت الفلوس ومبقاش كيحط رجلو عندها نهار كامل وهي عطياها غير النݣير والغوت..معاجبها حال وممهنياهاااا وقت
-واقفة كتغسل المواعن وكتخبط فيهم بعصبية حتى سمعت جوج دقات فباب الكوزينة دارت كيبان ليها هو متكي على الباب تبسمت ليه فرحانة به
– حكيم : آلى كين شي غدا حطيه أمونية – الضحكة وصلات ليها لفين وفين : ههههههه هيا اللولة البكر ديالي وفرحتي اللولة – (عنقاتو ) توحشتك اكبير الكتاف …درتي الكتاف وليتي تهزهم على ميمتك – حكيم باس ليها راسها : بلا متبداي تاني صافي الله يسامح و لكين شي غدا حطيه راه ميت بجوع – مشى وخلاها غطير بالفرحة دخل لعند نزهة باس ليها حتى هيا راسها وكلس حداها – نزهة : الله يرضي عليك اولدي
– حكيم : اللهم امين كي وليتي شوية
– نزهة : ها نت كتشوف كنعديو فيها وكنلقطو شي يامات – حكيم : متݣوليش هاكا ربي يطول فالعمر
– نزهة : الصحة رشاااات اولدي دوزنا داك الشي لقسم الله .الله يجعل شي بركة اش بقى عندي منزيد نشوف – حكيم حك لحيتو : بنت ولدك مثلا ؟ – غمضت عينيها وتنهدت – حكيم : قلبك باقي مابغاش يحن فديك البنية
– نزهة حطت يديها على قلبها : ربي بوحدو لعالم بالعافية لشاعلة فيا من هاذ الشمل المشتت
– حكيم مستهزء : الشمل تشتت غا على صفاء اما ياسر او ياسمين عرفتي كي تخليهم مجموعين حداك
– نزهة نزلت دمعتها : كي دايرة وكي عايشة معاهم كبرات ياك – حكيم : ملي تبغي تشوفيها ݣوليها لي نجيب هاليك اما كي عايشة معاهم نت راك عارفة الجواب على سؤالك .ديك الدرية غتسالكم الحق كاملين امي نزهة غا الله يسمح ليكم وصافي – تغدا معاهم وتكى شوية ينعس على ما توصل 6:30 وقت خروجها يمشي يتلاقاها حيت هادي يومين مشافها كان مسافر ….
صونات 6:30 وخرج كلشي وهو محبس طنوبيلتو فراس الشارع مدوز معاها الأپيل
– صفاء : افينك مشفتكش
– حكيم : هزي عينيك العورة شوفي لجهة الآخرى .
.- صفاء ضحكت : هه شفتك شفتك
– حكيم : قطعي الشانطي بشوية واجي – هيا باقا يالاه غتقطع حتى وقف عليها واحد خونا : احح ازين ݣلبي هزاه الما ݣوليلي غا كلمة – …هاذ الشي نيشان جا فودن حكيم من الأبيل لمزال دايزة وهو عينيه عليه شايفو قاطع طريقها
– باقي خونا مسالاش هدرتو حتى كان حكيم وصل لعندو جمع معاه الركابي جابو طايح فشلو من يدو بعدها اللور مخنزر : دوري تحركي من هنا منشوفكش حدايا
– عاود جمع معاه و تكا ليه راسو على طيطوار مكيهدرش غير كيخبط فيه فين ما جااات – صفاء مفهمت والو شهقت بالخلعة رجعت بجوج خطوات اللور من هدرتو وحالة العصب لهو فيها عمرها شافتو هاكا تم تم تجمعو الناس والتلاميد لخارجين طريق عمرت عييااو ميجرو فيه ويفكووو او والو حلف حكيم لا عف عليه كيدير ليه الضرب ديال الموت كيضرب وساااكت ولي مد يدو يفك حتى هو كتجي فيه الضربة
– جا ياسر كيجري ملي سمع الخبار بانت ليه صفاء واقفة كترعد بالخوف مشى جرها من الجوقة : صفاء سيري لدار – صفاء كتبكي : هئ هئ فكو راه غيقتلو ..اياسر راه غيقتلو ..- غوت ياااسر : وغير سيري نتي لدااار اصفاااااء بلا ميشوووفك مزااال هنا راه عاد مغا تزيدي تجعريه
– صفاء كتشهق : هئ هئ هئ لا مغنمشيش هئ – ماشي بزاف وكانت وقفت سطافيط البوليس ولامبيلانص بالحق مجاو حتى كان حكيم دار علاش يمشي وبرد اعصابو فيه مزيااان وسنى ليه على عمرو مزال يهز عينو فشي بنت مرة خرا ——دوز 48 ساعة وخرج اكيد من بعد ما دورها فلوس .لقى صاحبو واقف كيتسناه خدام محامي وعشرة هو ياه من الصغر هو الصاحب الوحيد لعند حكيم مزوج و بوليداتو – ياسين : وا مبغتيش تووب ابا حكيم وااااالو
– حكيم كيماصي جبهتو : هاد الشي لعطى الله مكين توبة مع هاد ولاد ال*حاب –
ياسين : وخا يكون معرف اش دار ليك أصاحبي متديرش فيه ديك الحالة
– حكيم : وباقي نعاود نلمحو قبالتي ندفن عدو ربو حي – ياسين : بهاذ الجهد شي نهار تقتل شي واحد احكيم
– طرطق عنقو : بلا متبدا اياسين الله يرضي عليك…..
كالسة حدا زوهرة حاطة ليهم صينية د اتاي و دايرة يديها على حنكها مقادرة لا تاكل لا دير حتى حاجة كتسنى غير ايمتا تشوف حكيم وتريح قلبها عليه – تم داخل يوسف ريحتو كتعطعط بشراب كيف عادتو شاف فصفاء : اجي نتي لهنا شكون هذاك لتعرض ليك
– صفاء سرطت ريقها : معرفتوش كنت غادا او وقف عليا – يوسف كيحك وجهو : اهاااااه معرفتيهش
– زوهرة : اسمع اهداك دخل سوق راسك فلوس الݣفف والسبيطارات راه مبقاوش عندي سير تقاتل تاني خليها هيا كتقيل غادا خيطبي بيطي مجلدة بدوك سورال بسيف الواحد ما ينگ – يوسف شاف فصفاء : اه او هدااااك لحامة عليك فين كتعرفيه – عضت فمها : معرفتش
– زوهرة : شكون هذا لجا عليها
– يوسف بدا يعرعر : وااااا زوووهرة ولد مونية ضارب 48 ساعة مفرشخ واحد على قبل هااادي ..
.- زوهرة : هاي هاي هاي على ولد مونية وهو مااالو اش خشاااه
– يوسف : سولي بنت بنتك اش خشاااااه ….اناااا بنادم بدا يحشي فيا الهدرة ويحل فمو ويكولي بنت ختك راه حاما عليها ولد مونية زعماااا انا ماشي راجل ..بغاو يكولو زعما انا ماشي راجل محاضي وااالو – جر صفاء : هدري ابنت ال*حبة فين كتعرفي نتي ولد مونية وفين كيعرفك هو باش يحامي عليك – بدات تبكي وكتلست منو : مكنعرفوش كي وقف عليا هذاك خونا جا هو وحامى عليا وانا معرفتوش شكون – يوسف دفعها حتى كانت غطيح : بربي ونشم الريحة ديال شي حاجة
– قاطعاتو الزوهرة : شعندك ما دير سير قابل بليتك وخلينا هانيين من التعرعير – شافت فصفاء – ونتي ها ودني منك – يوسف غادي وكيميل بالشراب : واخا ولد مونية داير فيها راجل هزاه زعما النفس انا عارف شغلي معاااه
– خرج يوسف عاد طلقت فيها النفس وهي تسمع هدرة الزوهرة : نسيق ليك الخبار كتخطاي لعندهم لنديرو ليك والله لا ݣلتو —- مشات لبيت دخلت كلست حاطة يديها على قلبها حيت كينغزها حاسة بالقهرة كتنفس بالجهد كتحاول ترخف فيها النفس .. سمعت تلفونها كيصوني جاوبت غير سمعت صوتو ناضت واقفة نبرة البكا فصوتها : هئ هئ حكيم .. – غمضت عينيها ملي سمعت صوتو لنزل بارد على قلبها : علاش كتبكي – صفاء شهقت : حكيم خرجتي
– حكيم : خرجت خرجت. شوفي انا فالزنقة الديقة لورا دار خرجي عندي دابا – مسحت دموعها : اه نجي دابا
– لبست بينوارها وخرجت كتسلت طلت على الزهورة ناعسة حدا الصينية ديال اتاي كتشخر ..- خرجت وخلات الباب غا مردود دارت على الزنقة لقاتو واقف مربع يديه متكي على الحيط غا شافتو طارت عليه معنقاه مزيرة عليه من كرشو وبدات تبكي…..
حط يدو على راسها بعدها عليه مخنزر : مالنا على هاذ التنخصيص جمعي عليا دموعك اش واقع مات ليك شي حد – كتشهق : خفت لتبقى مشدود ومتخرجش هئ هئ خفت لمنعاودش نشوفك
– حكيم مسح ليها وجهها بالزعااف : سكتي من التنخصيص – عطست جبد كلينيكس من جيبو مسح ليها نيوفها : تروحتي تاني مشربتيش الدوا – حط يدو على. جبهتها : غتبداك السخانة – صفاء : انا غا فدوا ونت معرفت اش واقع ليك
– حط ليها راسها على صدرو وجر ليها قب البينوار على شعرها : غطي راسك السمرة – شدت فيه كتبكي : سمح لي عافاااك انا سباب ملي عرفتيني ونت مصدع عرفتي فياا غا المشاكل باقا مكملتش حتى زوااات مقصحة ملي حست بصباعو جاريين ليها شنايف فمها مزير عليهم بجهد حتى بداو يوزوزو : نعاود نسمع من فمك هاذ الهدرة نحيد لدينمك لسان ديالك سمعتي
– بعدت شاد فمها شنايفها كيوزوزو : احح ناري حرام عليك مالي شدرت ليك كنتي غطير لي فمي – حكيم : باش مرة أخرى تعرفي راسك شنو كتخرجي من داك الفم – بدات تغبن : والله حتى ضرتيني ففمي عندي حبوبة لداخل ضرتيني فيها
– حكيم : اجي لهنا نشوف
– صفاء : اووف كيوزوز زيرتيلي على الحبوبة – جرها : زيدي لهنا حلي فمك نشوف – جبد تلفون دار لپيل ) حلي فمك – صفاء : اي غا بشوي. كضرني – فتح ليها فمها شادو بيديه كيشوف كيقبس فيه : غير ديال سخانة غا شوية وتفش ومتبقاش
– صفاء : ملي زيرتي عليا بالجهد ضرتني – بقى كيشوف فيها ضارب الپيل فوجهها كيشوف فيها وعينيه معسلين فيها ويلاه ضارب جوان طالعة لو تبويقية ضايخ على الاخر – قرب ليها راسها ليه حتى ضرب نيفو فنيفها وفمو علاين يقيس فمها غمض عينو زفر نفس سخونة فوجهها وميل راسو وحط فمو جنب فمها وباسها بالجهد
– صفاء : ايي عوتاني ضرتيني ….
تنهد : كي ندير معاك كي ندير وفين بغتيني نحطك – صفاء ضحكت شداه من يدو : حطني فقلبك هههه
– جر ليها نيفها : نحطك فين ما يقدر يوصلك حد ..دخلي شربي دواك وخودي معاهم ساشية دسخانة قبل متشد فيك وطيحي تنعسي نطل نلقاك اونلاين غدا عولي على شي سلخة
– حركت راسها بالنفي : لا لا كون هاني غنعس – دوز على وجهها بلور يديه – عاود باسها من حناكها وطلقها تمشي بقى متبعها حتى شافها دخلت عاد دار القب على راسو وخشى يديه فجيب تشاكيط ومشى فالطريق طالع القهوة —— واقف فالشارع على جنب البوطو مع صحاب من نفس طينتو كالسين على الجواناات وقراعي الماحية حتى قشع حكيم دايز من حداه ونادا عليه : ولد موووونية – حكيم شاف فيه من تحت القب ضحك ومتسوقلوش كمل طريقو غاادي حتى جا واقف قبالتو محبس عليه الطريق : عاش من شافك اولد مونية -غمزو- كيفاش بلانك زعما
– حكيم هز فيه حاجبو مبرد دمو على الاخر : شمن بلان – يوسف : هزااتك النفس على بنت راجل مك ولا كيفاش وضارب عليها 48 ساعة اش خشاك فيها نت سوقك ؟ حكيم : هيا ضربت عليها 48 ونت غنضرب عليك حياتي كاملة لمدرتيش تقود من قدامي
– يوسف: نت راه باقي مكتعرفش يوسف اش كيسوا – بالزربة حيد ليه حكيم القرعة الشراب هرسها على جوج ودفعو الحيط جاب ليه القرعة فعنقو جارحاه مسيلة ليه الدم غارسها فيه : الى بغتيني انا لنوريك حكيم اش كيسوا معنديش مشكل …ولد الزوهرة لعب بعيد ديك الضسارة ماشي عليا انا اللعب معايا انا منصحكش به تعاود تجي قدامي نشتف لمك على راسك ونت عارف ضربي كي داير – زدح لو راسو مع الحيط – نخلي مك شهر ونت مغيب معارف صباحك من ليلك – عاود زدحلو راسو : او مرة أخرى تعاود تقطع طريقي نحيد ال*امل بوك رجليك – لاح القرعة ودفعو وزاااد -وخلاه وراه كيعرعر كي الكلب النباح لعمرو يعض…..
دخل القهوة لقى ياسين كالس لاح سوارت وباكية الكارو فوق الطابلة وكلس مريح طالق رجليه
– غمزو ياسين : مالك اش كين طايرلك
– حكيم : والو ساعة الله – ياسين بقى كيشوف فيه خدا حكيم قهوتو وشير ليه بيدو : هدر هدر ݣول داك الشي لواحل ليك – ياسين : شنو واقع وشكون ديك البنت لدابزتي عليها ..شنو كاين احكيم – حكيم : ياسين بغيت نتزوج – ياسين تبسم ليه : مغدير ما حسن منها ابا احكيم توكل على الله اش كنتسنى
– حكيم : كنتسناها تكمل 18 حيت قاصر
– ياسين حل فمو : اشنو ..واش من نيتك على قلة البنات شفتي فوحدة مزال قاصر نت برب حتى كضبر فيها
– حكيم : دابا واش ضروري خصني نصبر حتى توصل ل 18 الى بغيت قبل شنو خصني ندير
– ياسين : نت والله حتى تسوطيتي ملقتيش من غيرها – حكيم : ودابا انا كنهدر معاك بصح كنت غتبقى مطلعها عليا غا نوض تقود من حدايا
.- ياسين : ## طيحة مقودة العشير ههههه – خنزر فيه جمع الضحكة وهدر بجدية – كي خصك الموافقة ديال باها هو ليسني – حكيم : باها ميت – ياسين : كي خص الموافقة ديال والي امرها شي واحد لمكلف بها قانونيا ولكن راه زواج القاصرات تعقد بزاااف مبقاش بالزربة كيدوز الا اذا كانو مضطرين – حكيم حك لحيتو: امممم فهمت – ياسين : هاذ البنت كنعرفها انا ؟ – هز سوارتو وناض : معندك متعرف فيها تهلا ———فاتت ايام من الاسبوع “”” ياسمين واقفة فالساحة ومعاها وحدة من صحباتها دازت من حداهم صفاء بالزربة حيت كان عندها فرض – هدرت صاحبتها : دابا بصح هادي ختك
– ياسمين: هاذ الشي لݣالو
– عائشة : باينة فيها ظريفة والله حشومة داك الشي لدرتي ليها داك النهار – ياسمين : ماشي سوقك
– عائشة : انا غا ݣتليك داك الشي لبان لي ونتي تعرفي …- ياسمين : زيدي نتحركو ندخلو راه الشتا بدات
رجعت لدار من بعد مخرجت دخلت الكوزينة من بعد محيدت حوايجها ديال مدرسة ولبست بيجامة بكلون شوية مزيرة عليها حانية على لڤابو كتنفس فيه باش يدوز الما دخل يوسف كيطلع فيها ويهبط من لور عينيه منحارفين فيها : من عذرهم كيتلاوحو عليك وااافوووورمة مقاااااودة عندك هازة ما هاز قلبي – غير سمعاتو قفزت وجهها تزنك ولا حمر اخر حاجة هي تسمع هاذ الشي من عند خالها
– غمزها وخرج خلاها غتموت وعاايفة من شوفاتو وكيف كان يدير فيها حست بالخطر ورجعت متوقعة انه يقدر فاي لحظة يتعدى عليها ويقرب غير من هاذ شوفات لدار فيها دابا….
داير هو وياها اپيل فيديو كي ولفاات فكل ليلة قبل متنعس حاط تلفون قبالتو او واقف كيطيب فطاجين حطو يطيب على خاطرو ورجع يقادد فاتاي – وهي كتهدر معاه وفنفس الوقت مزلعة كتوبتها حداها زعما كتحفظ حاولت متبينش ليه على داك الشي لطرا بينها وبين يوسف خافت ينوض صداع وطرا شي حاجة خايبة – صفاء : ناري على اتاي شحال كحل غتشربو غيدير لك الحرقة تبقى ليل كامل ونت تنهد
– حكيم كيكب الكاس : انا غا نت لكتنهديني
– صفاء : دابا علاش نتوما لكتكميو كتشربو اتاي داير بحال هاكا حار – شعل ݣارو دارو ففمو : باش طلع التنغيمة هيا هاديك
– صفاء : باز ليك عواض متشرب ليك شي كاس الحليب تنعس مرتاح كالس تهلك فصحتك
– حكيم: صافي حتى تجي ونشربوك الحليب ونشربوه معاك هههههه مزيانة هاذي نتي كي خصني نعمر ليك الثلاجة غا بمشتقات الحليب .وثلاجة وحدة أخرى يكون فيها غا الفرماج
– صفاء : ههههههههه الفرماج الحب – حكيم : ماتجي توصل يومين حتى كنلقاك كملتي ثلاتة باكيات وخا تكوني معرف اش عندك معاه شي نهار يضرك وطيحي توجعي عليا – صفاء : ههههه لا متخافش مكيدير والو – حكيم :حكا داك الشي لكتليك كتبتيه
– صفاء هزت راسها بالايجاب كضحك وحبدت ورقة من تحت الكتاب : هاهي ..شوف قداش طويلة
– حكيم : وفالاخر غنلقاك مدايرة حتى شي حاجة صحيحة تم غا الخوا الخاوي – صفاء : والله ما الخوا الخاوي بالعكس كين شمبوانات لشعري مهمين هو كين پاك كامل كيتاخد بحال طريطمو العناية بالشعر – حكيم : اه عزيز عليا داك الشعر العود لعندك غا كتبي كتبي نتهلاو فيه حتى يزيد يجمع لمي ويتلفني كثر ما أنا تاالف – صفاء : وكي خصني باندوشات وكريمات اللحم – حكيم : شكيديرو هادو ؟ – صفاء كتهدر بتأني وصوت محلون بدون قصد : كريمات ؟ كيرطبو اللحم وكي خليو الريحة زوينة واللحم رطب كيزلق
– حكيم عقلو سرح غمض عينو ولا فتحهم : اعوذ بالله من الشيطان الرجيم ..صفاء حتى تصوري الورقة وصيفتي هالي فالواتساب
– صفاء : ابلاتي خليني غا نكمل ليك
– حكيم : فوتي غا اللحم او وصلي فين بغيتي ليل هذا والبرد معندي فين نعطيها – صفاء حكت راسها بستيلو كتفكر : مزال كي خصني شي حاجة معقلتش خصني نتفكر
– حكيم : تفكري اختي تفكري
– صفاء : هههههه سيزيتك مكنحنش فيك كاع هههه
– حكيم تفوه حاط راسو على الوسادة : التقليد عليك الى حنيتي فيا فهاذ الشي ..حني فيا غا فالكام طفيها ورجعي اپيل عادية راه الوسواس بدا يجيني من شوفتك…..
زادو هدرو غير شوية وقطع معاها مخليها تكمل حفاظتها مابغاش يلهيها ..وهي كتحفظ مركزة ودايرة فيديو فيوتيوب كتفهم فيه حتى تفتح عليها باب البيت بالجهد بالخف خدات تلفون خشاتو فجيب البينوار وشافت فزوهرة لداخلة عليها مكشكشة وملامحها ابدا واش كيبشرو بالخير غير دخلت طارت عليها شدتها من شعرها كدي فيها وتجيب وصفاء مفاهمة حتى علاش – زوهرة : ياااااك البنت الحرااام .ياك الملقطة حتى نت البرهوشة وليتي تعرفي تطمري على الفلوس
– صفاء : اييي اينا فلوس ..-كتبكي – اينا فلوس امي
– زوهرة صرفقتها : الفلوس ابنت ال*حبة لكتصفت ليك الشيخة ديال مك يحساب ليك غتسترك ..
– صفاء : هيا لقالتها ليك – زوهرة : مبقات باغا تصيفت لي انا حتى ريال ونت مصيفتة ليك الالفااات وطامرة عليهم وعلم الله شنو مخلية ليك خر – صفاء : ستلاف ريال هادي شهر امي باش صيفتتها راه مبقى عندي منها والو
-جرتها من شعرها : طلقي الفلوس لهنا ولا البوم نقتل مك على هاذ التحرميات لولاو فيك – نتابهت لسقاطة لكانت حداها : هاي هاي هاي اش هاذ الشي واش هاذ المواكل الحانوت كلو منݣلاه وݣتكوليلي عندك والو واخا اسية واخا لبقات فيك ابنت كرشي راني ناعسة انا وبا ففراش واحد
– صفاء : ( كتمتم ) اعوذ بالله من الشيطان الرجيم
– زوهرة : اعوذ بالله مني ..مني انا تحلك الفم الملقطة ..واجي نوريك اش غندير ليك لمندمتش اسية على هاذ التقحبين لولات تخدم معايا راني مسخوطة مي وبا – بقات جاراها من شعرها وصفاء كتبكي وتغوت باش طلقها حتى وصلتها الباب ودفعتها جات طايحة والشتا خيط من السما وزنقة خاوية كانت علاين الوحدة الليل : يلاه سيري شوفي دابا فين تعطي راسك معنديش اوطيل هنا سيري تبعي مك وقلبي عليها فين طاجة
– سدت ليها الباب على وجهها – رجعت كدق عليها وكطلب فيها وتزاوك باش تفتح ليها او والو خافت بزاف الشتا وحس بنادم مقطوع وغير الكلاب لغادين جايين غلوبها دموع من هاذ الحال …مشات تحت واحد الباش ديال مول الحانوت او وقف مدرقة جبدت تلفونها ويديها كيترعدو بالبرد صوناات لحكيم وبقات تسناه يجاوب – فحين هو كان ناعس فيقو صوت تلفون كان ضايخ غا شاف نمرتها توݣد غير فتح الخط سمع صوت بكاها ناض قافز مخلوع : شنوووو واقع علاش كتبكي
– صفاء كترعد : جرات عليا ..خرجاتني وسدت عليا الباب وخلاتني بوحدي فالزنقة خاوية والشتا – هيا كتعاود لي وهو طاير هز سوارت وخرج منو لتيشورت نص كم الباب مسدوش بالتلفة ….ركب طنوبيلتو وعفط عفطة وحدة باقصى سرعة عندوو وهي مزال معاه على الخط كتبكي وتشكي وكتعاود ليه شنو وقع مسافة طريق لمدارش فيها بزاف كان وصل عندها غا شافتو تلاحت عليه معنقاه كتبكي وهو زيرها عندو معنقها بالجهد والشتا عليهم بجوج خيط من السما – شد طلعها لطنوبيل كلسها مسح ليها دموعها بالظهر يديه : تسنايني هاني جاي – فتحت عينيها فيه وشداتو من يدو مزيرة : لا فين غادي
– حكيم : غير طلقيني شوية ونرجع
– صفاء زادت زيرت عليه : غتمشي عندها لا بلاش الله يرحم ميمتك بلاش غتمشي غتشوفك عاد غتشد العكس وتبغي ترجعني صحة باش تكرفس عليا انا مبقيتش باغا نبقى معاهم صاااافي .مبقيتش باغا نرجع
– حكيم ( كيحاول يهدر مهدن ) : ششش صافي غير سكتي ..دابا غير طلقيني من يدي نݣولها غير جوج كلمات ونرجع ليك
– صفاء جراتو خلاتو يتحنى عندها معنقاه مبغاتش ترخيه : الا كنت عزيزة عليك غير ديني من هنا مبقيت باغا من عندهم والو وحتى نت معندك متݣولها غير ديني معاك متخلينيش الله يحن عليك – حكيم : صفاء طلقيني – تنتر منها غادي وهي تعاود تبعو شداتو كتجر فيه صفاء : دخلت عليك بوجه الله لمشيتي خليهم منهم لله ..انا ما بقيت بغيت من عندهم والو غير يلاه نمشيو بحالنا من هنا ومعزتي عندك احكيم ما يالاه
– خشى فمو فودنيها كيهدر وكيسوط نفس سخونة كلو كيقطر بالما دشتا من صوتو باين فيه واصل الاخر فالاعصاب : غنطلع ونزيد من هنا بشرط إلا معاودتيش جبدتي حس هاد الشي لوقع وجمعتي دموعك الى عاودتي نزلتي دمعة وحدة غنرجع وغنحرق زامل بوها ديك الدار بلي فيها …..
خشى فمو فودنيها كيهدر وكيسوط نفس سخونة كلو كيقطر بالما دشتا من صوتو باين فيه واصل الاخر فالاعصاب : غنطلع ونزيد من هنا بشرط إلا معاودتيش جبدتي حس هاد الشي لوقع وجمعتي دموعك الى عاودتي نزلتي دمعة وحدة غنرجع وغنحرق زامل بوها ديك الدار بلي فيها
– تم تم مسحت دموعها وباقا كطلع ليها الشهقة : صافي ما بقتيش غنبكي كنواعدك ..اصلا انا هاذ الشي لباغا .مبقيتش بغيت نبقى معاهم كاااع – ركب وديمارا وزاد طريق كلها هو ساااكت مهدرش وحتى هيا مهدرتش قطعت حسها ومنعات راسها حتى على البكا حيت بصح مبقاتش باغا تبكي عيااات بالدموع —- وصلو ..طلعو لدار فتح الباب ودخلت .كدور راسها فدار كتبرݣك عجباتها وعجبها فراشها والديكورات الخفاف وخا داك الشي ممقاددش حيت ساكنها زوڤري مفيهاش لمسة الانثى – لاح سوارت فطابلة باهمال : اجي معايا نشوف شنو يجي قدك بدلي حوايجك – دخل البيت فتح البلاكار كيشوف شنو يجي قدها – عطس ماسح نيفو – شافت فيه غدمع بقى فيها : ضربك البرد خرجتي غا بتريكو نص كم علاش ملبستيش عليك – حكيم كيقلب فالبلاكار : بقى عند مي شي عقل انا لنفكر فشي حاجة اخرى – (هز تريكو صوف او سروال الكيطمة وسوفيطمة) زيدي دخلي دوشي ولبسي هادو حتى لغدا ونجيب ليك باش تبدلي – شدت من عندو ودخلت لدوش – حتى هو حيد عليه داك الشي لفازك مسح بالفوطة وبدل عليه لبس سيرفيت ودار تحت منها تريكو سخون – هيا دغيا دوشت ولبست داك الشي لعطاها زيرت على سروال بسيور باش يجيها وݣفداتو من لتحت – نشفت شعرها بالفوطة وجمعاتو بالبانضة وخرجت لابسة سندالتو كبر منها كتجر فيها كتقلب عليه بعينيها لمحاتو فالكوزينة كيسخن فطاجين حيدو من العافية وحطو هو والخبز : زيدي تاكلي – مشات كلست كتحك فيديها : هاذ الطوجين مكتابلي
– حكيم مد ليها الخبز : كل وكياكل رزقو ..شعرك نشفتيه ؟ – صفاء : اه –
حيد طاكيتو من راسو ودارها ليها : متحيدهاش نعسي بها باش يبقى راسك سخون – حك نيفو و عطس
– صفاء : رحمك الله (حطت يديها على وجهو ) ضربك البرد بزاف غتمرض
– حكيم : مكيشدش فيا بزاف غنشرب شي دوا عاد نعس نصبح مزيان
– صفاء : كول معايا – حط يدو على حناكها : غير كولي نتي وخليني انا غير نشوف فيك
– صفاء : كلس تحسبلي شحال من دغمة غناكل ههه كذبتي عليا طيابك بنين.
– حكيم : من غير طاجين مكنعرف ندير والو – عمر ليها كاس الما حطو حداها
– صفاء : دارك زوينة وخا ورتيها لي فالأبيل ميحسابليش بحال هاكا – حكيم : عجباتك
– صفاء : اه غير خصك تهلا فيها مسكينة شو كي مكرفس عليها – حكيم : مكنجمعهاش هاد الدار خصها مولاتها لتعرف ليها – حكيم عطاها بالظهر كيصايب ليه قهوة
– صفاء : اممم وشكون مولاتها
– حكيم : حتى ديري 18 ونكوليك شكون مولاتها – سمعها كضحك دار شاف فيها كملت كضحك بشوية دخلات ليه الشك : ياك لاباس مالكي كتفرنسي شنو لمضحكك
– صفاء : كنضحك حيت فرحانة ..فرحانة حيت انا معاك دابا وغنبات معاك وغنبقى معاك ومبقاش غنرجع لهيه – تكى على بوطاجي وطلق يدو ليها : اجي عنقيني اجي – ناضت عندو عنقاتو حاطة راسها على صدرو وهو جمعها عندو همس ليها فودنيها : عزيز عليك أنا ؟
– صفاء كتخشي وجهها فصدرو : بزاااف بزاااف عزيز عليا الواحد الدرجة متخيلش اكثر واحد كنبغيه فهاد الدنيا هو نت – باسها من راسها : حتى انا ربي لعالم بمعزتك عندي ..ماشي بزاف باش عرفتك او ولفتك معايا وحكمتي بلاصتك عندي بالخف وناوي فيك الخير والله يقدرني حتى نوصلك فين باغي نشوفك – شد ليها وجهها بين يديه كيشوف فعينيها : معايا عمرك تحسي برااسك ناقصة شي حاجة ندير جهدي كامل باش تكوني مرتاحة نحيدها من عندي ونعطيها ليك – شدت يديه باست ليه كفها وحطتها على وجهها خلاتو يغمض عينيه ويتنهد من تصرفها هزت فيه عينيها : اصلا درتي او وفيتي كااع من عرفتك ونت كدير معايا جهدك كامل من نهار عرفتك ونت كداوي شي حاجة ماشي نت لهرستيها … كاع لنفسي فيها درتي هالي وكاع لكنت محرومة منو او شهوتي فيه جبتيه لي او وكلتيه لي ..ربي بوحدو لغيجازيك احكيم على هاذ الشي لدرتي معايا وغيكون عندك خير كبير مع الله حيت ربي كيوصي على اليتيم ونت حسنتي بيه – …..
لهز ليها وجهها عندو متلف الحرقة لكيحس بها من كلامها : شنو ݣلنا على دموع ااا شنو – خرجت فيه عينيها : اناري على باطل هاااانا شوف فين هوما والله ما كنبكي
– حكيم : زيدي خرجي فيا دوك العينين زيدي
..- صفاء : مالهم عيني مساكن
– حكيم : الشوفة فيهم كتفشل ..هوما لجابوني على راسي نهار الاول وخلاوني نتلفت ليك
– صفاء : كنعجبك ؟ زوينة انا ياك
– حكيم : الزين معطي ليك غا نتي ومدفعيش عليا كبير تاني – .مشى لجهة الشرجم : بقاي كالسة تم متقربليش باش متوصلكش الريحة ممزيانش ليك
– صفاء : حكيم نسولك عمرك تصاحبتي ؟ – ..ساط دخان على برا : عاد ناوي ..اش بان ليك تصاحبي معايا نتي ؟ – صفاء : علاش دابا انا وياك ممصاحبينش
– حكيم : لا مصاحبين راه كتليك المراهقة طالعة معاك ابنتي داك الشي باش خصني نزرب عليك قبل ميتفتحو ليك العينين على الاخر -صفاء : علاش زعما شنو بنت ليك كندير حيت واضحة وكنجيك نيشان وكنكوليك بغيتك ..غتكولي العمر علاش نت شحال عندك بسلامة 32 وانا قريب نكمل 18 ..يعني الفرق ديال 15 العام لبيناتنا ماشي بزاف او منطقيا راه كيخص الراجل يكون فايت البنت فالعمر باش حتى الى مكانتش هيا معارفاش شي حاجة هو يوريها ويفهمها ويكون ناضج وعارف راسو اش كيدير باش زواجهم يكون ناجح اما الى كانو بجوج صغار راه يقدر ميعرفوش كيفاش يسيرو حياتهم – بقى ساهي فيها وفهدرتها حيد الݣارو من يدو لاحو ومشى كلس حداها حط يدو على حنكو : اهاااه زيدي كمليلي
– صفاء : كنهدر معاك بصح مكنضحكش ..وهدرتي مبينة على واحد الاساس احكيم بصح نقدر نجيك صغيرة ومعارفاش راسي اش باغا .وݣي قلتي نت مراهقة ولكن لا حالتي انا متسمحش ليا نعيش هاد المراهقة لكتدوي عليها نت وأصلا كون بغيت نعيشها راه عطى الله داراري قدي لنضحك ونتفلى معاهم حكيم انا من هاد الشي لكنعيش من ديما كنݣول نهار نبغي نكون مع شي واحد كي خصني نحسن الاختيار حيت مبغيتش تزاد صفاء اخرى بحالي ونكون أنا سبابها .. بغيت شي واحد يكون حنين عليا ومسؤول يخاف الله فيا نتلقاو انا وياه على البر ولكتاب الله وكانو عندنا شي وليدات نكبروهم على طاعة الله – خدا يديها حطهم على وجهو : الله يلعن دينمو هذا لباقي يكوليك شي مراهقة ..راه انا دابا لقدامك حسيت براسي مقاري حتى حرف – حنات راسها كضحك
– حكيم : هزي عينيك نكوليك – (شافت فيه) – تزوجي بياااا هاااا العاار ..خليني نكون راجلك وكوني مراتي ونديرو هاذ الوليداات ونكبروهم على طاعة الله كيف ݣلتي….
صفاء : باغي بصح تزوج بيا ؟ – غمزها : اش بان ليك نت – صفاء : من غير انك شفقان عليا كولي واش – قاطعها معصب : ها نتي بديتي تخسري الهدرة شمن شفقة ولا خرا كون كنت غير شافق عليك كين بزاف ميدار فهاد الحالة من غير أنني نبغيك مراتي …شوفتي ليك مكانش بريئة من الاول غير باش نكونو واضحين – صفاء : كيفاش زعما
– حكيم: من اول مرة شفتك عجبتني يعني مشفتش فيك كاخت ولا كانسانة باغي غير نعاونها لا …كنت باغيك
– صفاء حطت صبعها على فمها : كنتي باغي تتصاحب معايا اذن – حكيم : ماشي تصاحيب بداك المفهوم لا زعما علاقة زوينة نقية فيها تعارف ..والى تفاهمنا كنت نتوكل على الله هاذي كانت نيتي .قبل منعاود نتراجع ونفكر انك صغيرة عليا وملازمش نجرك معايا ونلهيك على قرايتك
– صفاء : فكلتا الحالتين نيتك زوينة
– حكيم : دابا شنو درنا ديري خير وتشفقي عليا نتي وتزوجي بيا – صفاء : ههههه صبر حتى نكمل 18 وعاد نفكر
– حكيم : والى فاالاخر مبقتيش باغاني ههه
– صفاء بتعالي : معرفتي كلشي ممكن كي خصك بزااف راه ماشي غير جي ودي الزين ههههههه
– حكيم : هادي عندك ماشي غير اجي وخود الزين ..وانا معرف شمن خير درت باش ربي عطاني هاذ الزين وبغااه يكون ليا – صفاء : انا لمعرف اش درت باش ربي عوضني بك
– حكيم : حاس براسي غنوصل معاك لواحد المرحلة لمغنبقاش عارف راسي حتى شكون دابا ويقيسوني فكلشي الا فيك من هنا القدام معرف اش غيزيد يطرا -نوضها : يلاه الليمونية نوضي ترݣدي فات الحال -دخلها لبيتو تكات ورجع عليه الغطا جوج ملايااات سخااان زيدهم عليها حتى لحد عنقها : تݣمدي تݣمدي – صفاء : هههه خنقتيني – حكيم : شمن خنقتك تغطاي مزيان – صفاء : ونت فين غتنعس
– كيقادد ليها الوسادة : غنعس برا – غمزها : غير مؤقتا حتى يجي الوقت فين نشرك انا وياك الفراش وعلاش لا وسادة وحدة الراس حدا الراس – خلاها وخرج نعس على برا فحين هيا دارت يديها تحت وجهها وتنهدت هاذ المرة مرتاحة حاسة بواحد الراحة نفسية فشكل جاتها……
ضرباتها الفيقة حتى لشمن وقت جبدت تلفونها تشوف كانت لحداش ونص ضحكت على راسها كتمتم : ملقيتش الزوهرة درت ما بغيت فالنعاس – ناضت خرجت من البيت كتقلب عليه ملقاتوش دخلت الكوزينة. لقات الكومير وشي شكيلات ديال بتيبان شكولا مخليهم ليها – فتحت ثلاجة عمرات كاس الحليب ..شرباتو بوحدو على الريق عاد عمرات كاس العصير وخدات الفرماج والكاشير حطت كلشي حداها وبدات تفطر بشهية مفتوحة وعلى خاطرها – سمعت تلفونها كيصوني هزاتو كتمضع وتهدر
– حكيم : مزال يلاه كتفطري ؟
– صفاء : عاد فقت لقيتها سايبة هههه مكينش زوهرة لتوقف لي عند راسي هههههه
– حكيم : غا الاحد معندك قراية فيقي حتى المغرب لبغيتي
– صفاء : ههههه نت معاش فقتي
– حكيم : بكري كان عندي واحد البلان فالخدمة مشيت قضيتو ودابا لقتيني كنقلب على شي فرماسيان بيرمانونس نجيب ليك دواك – صفاء : ويلي دوا نسيتو
– حكيم : نت اصلا شنو مفكرة ..يلاه شوية ونجي – قطع معاها ورجعات تكمل ماكلتها سالات غسلت المواعن لكلات فيهم وناضت كتسارا فدار كتكتاشفها من بعد فتحت الشرجم وكلست تطل حيت جات دار على الشارع———-فحين زوهرة مسولات مقلبات مخرجة بنت فنص ليل ماقالت فين هيا ما قالت فين تكون مشات ما قالت يكون تعرض وتكرفس عليها شي حد من هاذ ناحية القلب عندها حجرة وميت متحركات فيها شعرة ومنين جايبة هاذ قصوحية القلب مكذبوش لقالو تقدر تلقى الخير فالبراني متلقاه فلي من دمك ..لكن دعوة تخرج تخرج ودعوة اليتيم ميصبح عليها صباح غير هيا خرجات صفاء الزنقة ويوسف دخلوه للحبس تم تم وصلاتها خبارو تشد ضرب شي واحد ديكلاراو به وجاو داوه زوهرة عطاها ربي فااش تلهى وغتبدا موالها غادا جاية لعند عائلة المضروب باش يديرو للمسخوط دولدها التنازل ..حسن ميوليو عندها ثلاتة. ديال الزيارات و ثلاتة ديال الݣفات && سمعات صوت الباب كيتحل مشات طلت عليه لقاتو جاي محمل ومجمل يدو عامرين ممخلي ما جايب وممخلي ما ممقدي
– سد الباب برجليه : كطلي عليا الفارة اجي عاونيني – مشات لعندو وعينيها مشاو غير مع البلاستيكات لفيهم الحوايج عينيها كيدورو هوما لجرتهم من يدو
– حكيم : ابشوية عليك تموتي غا فالشراوط سيري قيسي شوفي واش يجيو قدك جبت ليك غا باش تبدلي حتى تخرجي معايا وخودي على ذوقك – طارت عليه بايساه من حنكو : ربي يطول ليك فعمرك ويخليك ليا.
كمل الكوزينة حط داك الشي لاخر كانت تقضية منوعة من كل حاجة حيت مكان والو فثلاجة وأصلا مكيتقداش قليل – دخلات البيت اغلبيتهم كانو بيجامات ديال دار بدلت لبست وحدة جاية بياسة وحدة هابطة كاملة ..ولقات بينهم زيف حياتي جمعت بيه راسها ..وخرجت عندو – حكيم شاف فيها : دابا عاد بنتي لي كبيرة وديال الزواج……..
– صفاء: أغلبية داك الشي لجبتي لي غير حوايج ديال دار – حكيم : عرفت داك الشي لعرفت نجيب حيت ساهلين اما داك الشي لاخر منفهمش فيه خصك تكوني معايا باش تختاري وتقيسي..خديت ليك غير كيطمة سيري غدا بها تقراي ومن بعد ندوز عليك ونمشيو خودي لتبغي- صفاء ضاحكة مبينة سنانها: حذاري احكيم حذاري كتفششني وغتوحل فيا من بعد اطونسيو – حكيم : اودي لجات غير فهاد الشي غير تفشي وزيدي فيه .فشي حاجة خرا تبغي ضسري ضربة فيك وضربة فالحيط ..زيدي لهنا شوفي هاد التقضية لجبت وشوفي شنو ناقص نجيبو ..راه معرفتش بقيت غا لبانت لي كنجيبها شي تفكرتو وشي لا – صفاء : حيد خليني نشوف – بدات تقلب فالميكات : هاد البطاطة مالك جبيتها داير هاكا مضروبة واش معزلتيهاش – حكيم : انا مسالي نبقى نعزل ݣتليه عبرلي وزدت -كتقلب : القزبر جبتيه صفر طايل عندو
– حكيم زاد خارج من الكوزينة : لعجبك خليه ولي ملايقش لاوحيه حتى نخرجو انا وياك وعاودي تقداي
– حط تلفونو يتشارجا ومشى يبدل فحوايجو وهي كتقادد فديك الخضرة وكدير كل حاجة فبلاصتها وكتشوف شنو ناقص باش تعقل ..سالات خدات اللحم دارتو فالكوكوط نصبااتو على حقو وخلاتو بتشحر على خاطرو مرقت غير شوية وسدت عليه مخلياه كيطيب نقات البطاطة وخلاتها فالما باش تقليها ….قلبات على طحين ملقاتوش ..مشات لعندو كتنادي بسميتو – حكيم: اجي هنا فالبيت – دخلت عندو : نوض جيب لي شي كيلو ديال الطحين
– حكيم : شغديري به
– صفاء : ورااه بغيت نعجن
– حكيم : شغتعجني ..كين غا الخبز دابا نوض نجيبو
– صفاء : ومالي اخويا مݣرودين لي اليدين لدخل عليا خبز الزنقة نوض سير جيب طحين نوض – ناض لبس سندالتو داز من حداها خسرلها زيفها : تموتي فتمارة أنا نحيدها عليك ونتي تلصقي فيها – صفاء : ودابا بيني وبينك مطلعش ليك فراسك خبز الزنقة – حكيم : هنا غادي نجيب ليك هاذ طحين ونذوقو هاذ خبز دار من يدك – صفاء : متعطلش – حكيم : سدي عليك الباب – ماشي بزاف كان راجع .حط ليها طيحن هو وميكة ديال سقاطة – حكيم : حياني الله حتى وليت نوقف فالحانوت ونكوليه عمرلي الميكة بهاذ التخربيق بحالا عندي التربية -صفاء : كتعجني ملي كتفهم راسك بلا منكوليك هههههه قطع عليا الخبز ومتقطعش عليا هاذ الشي ههههه
– حكيم : شوي شوي. تاني راه الطبيب مانع عليك هاذ الشي – صفاء: موت وحدة حتى نت لكين
– حكيم : الى كنت نتي رخيصة على راسك انا عندي غالية – ضحكت لو و جبدات خلطت العجينة وبدات تعجن وهو قدامها مقابلها – مدت ليه يديها : جمع لي هاذ الكمام – . ݣفد ليها كمامها : جمعي غا هاذ الشعر ديال العود مزيان راه نلقى شي زغبة نتفاهم معاك – صفاء : بقى حاظيني سير شوف ليك ما تقضي شعري راه مجموع وقيلو عليك بعد منو من الحكرة – حكيم : كنحكرو انا كيشكي عليك مسكين
– صفاء : مآذاك ما قاسك فعيب غير مع زويناتو هاذيك غير الغيرة فيك حيت شعري حسن من شعرك
– حكيم: منين جاه وهو طويل كي ديال العود …..
صفاء : مزال نزيد نتهلا فيه وشوف كي بيزيد يطواال وزيان وزيد نت تفقص
– حكيم : نتي غير زيدي زين على زين وانا زيدي على ما بيا باقا فين غتزيدي تكبري وتباني وتعطي العين كثر وانا نفسي خايبة وغنلقى معاك مشكل غا الله يلطف بيا وصافي – كدلك العجينة : وفين عندك المشكل
– حكيم: زينة البنية زينة كان خصك تكوني زوينة غا شوية ماشي بزاف الحاجة إلى زادت على حدها كتضر وزينك نت يقدر يضرني انا ويقدر يضرك حتى نت غنولي داير ليك الحبس وحاظي معاك فكلشي منبغيكش تلبسي وتقادي وتخرجي الزنقة – صفاء : ماشي لهاد الدرجة
– حكيم ؛ وكثر شي عينين خراين يشركوني فيك نعميهم – صفاء : ههههه قول اعوذ بالله من الشيطان الرجيم
– حكيم ؛ اصلا المرا خصها تتزين غير لراجلها ..كملي عجينتك كملي مغتفهمنيش
– صفاء : مد ليا غا باش ندرقها
– حكيم : قلبي راسك – مشى بحالو خرج من الكوزينة — سالات لغدا وخبزت الخبز نقلات كلشي حطاتو فطابلة وهو كانت متكي تم طلت عليه لقاتو ناعس حطت يديها عليه بشوية: حكيم …حكيم نوض تغدا -حل عينو فيها كيتفوه دوز يدو على وجهو حتى تواعا عا ناض كيحك فعينيه : نغسل يدي ونجي – كلست كتسناه حتى مشى غسل وجا مدت ليه الخبزة : هاكا قطع بسم الله – شد من عندها قطع الخبز وقال بسم الله وبدا كلا اول دغمة بتأني وهز عينو كيشوف فيها : الله يرضي عليك جامعة كلشي عندك هاذ الشي باش كنكوليك خديتي الحق كامل مخليتي للبنات والو
– صفاء : عجبك طيابي ؟
– حكيم : متزوجيش بيا بالفاتحة حتى يحن الله فالعقد ونديروه – صفاء : ههههههههه بصح هه
– حكيم : مال مك كضحكي كندوي معاك هاذي شحال باش كانو يتزوجو غا بالفاتحة وكان يجيب الله التسيير وكانت البركة….
صفاء : هادي شحال كانت النية صافية وكانت الثقة
– حكيم : ودابا ؟ – صفاء : دابا مبقاش هاذ الشي كلشي ولات فنيتو الغدر – حكيم : خلينا من كلشي ..شوفي فيا أنا كي كنبان ليك نقدر نضحك عليك ونكون ناوي ليك على الغدر ؟
– صفاء : كلشي يغدر الا نت احكيم نشك فراسي وفيك لا حيت نت ماشي هاكا نت واحد الراجل مزيان وتعاملك زوين
– حكيم كياكل وكي يهدر : كين شي تصرفات كيدارو غير مع واحد الشخص كيكون عندو قيمة فحياتنا ومكنتعاملوش بنفس الطريقة مع كلشي يعني حكيم لمعاك ماشي هو لمع الناس اما لنقدر نكوليك غير حيت عزيز عليك عليها كنبان ليك راجل مزيان
– صفاء : كيفاش زعما
– حكيم : انا بزاف يقدرو يكونو مكيحملونيش و گيكولها فيا خايبة عادي
– صفاء : او علاش ؟ – خدا كياكل من شلاضة : يمكن حيت بصح مكنعرفش كيفاش نتعامل مع الناس ولا كيف ݣيكولو معنديش الخاطر وصبري قليل وعيبي قريب ولكن بصح انا معنديش مع كثرة البشر بزااف شوية حدودي عزيز عليا التقار
– صفاء : هاذ الشي لاحظتو فيك وحتى لهدرة بزاف معندكش معاها – حكيم : الى كانت شي هدرة معقولة واخا شي حاجة اخرى معنديش مع داك الجموع والهدرة لبلا فايدة
– صفاء : هههه هاذ الشي علاش باقي بلا زواج حتى لدابا – حكيم : داك الشي كان خصو الخاطر وكثرة الهدرة وانا الخاطر لنديرو لشي وحدة والو مكينش
– صفاء : وهانت دابا شاد معايا انا الخاطر – حكيم : نتي اصلا معارفش حتى كيفاش منين علاش كيفاش ايمتا الله وعلم عتاااا لقيتك حدايا ومطيبة لي هاذ الطبسيل
– صفاء : ههههههههه طحت عليك كي الباطل معرفتي راسك باش تبليتي هههههه – حكيم : ربي جابك ليا باش تفوجي عليا وتونسيني وتكوني ديالي نعوضك وتعوضيني حتى انا كثاار منك معندي عليمن نحط الراس
– صفاء : مهوم هههه
– حكيم : بزاااف قاتلاني غا القنطة مكين لي ليطل ولا ليسول – صفاء كتاكل : ومك وخوتك
– حكيم : مغتفهمنيش اصفاء كتجي شي فترة كنكونو محتاجين لشي واحد ليكون قريب لينا بزااف طامعين فيه يعمر داك الفراغ لكنحسو به
– صفاء ضحكت : انا بعدا داك الفراغ والوحدة لكنت نحس بها مبقاتش نت درتي وصلحتي كلشي …والله يقدرني نكون حتى انا ليك كلشي فحياتك ولكان غير على الوناسة انا هنا نفخ ليك فراسك بصداعي حتى تهزني وتلاوحني من الشرجم ههههه ..
ضحك على هدرتها : بالعكس كيعجبوني هدوراتك باغيك تفوجي عليا ونسمع الحس فهاذ الدار قتلاتني الوحدة
– صفاء ناضت كلست حداه فجنبو : حكيم كنحس بيك مهموم مالك ؟ – حكيم : لا والو غا كنشوف هاد الدنيا ممقاداش كل وكيفاش عايش فيها
– صفاء : كين لمرتاح و لقاها واجدة وكين لشاف الويل وعمرو تهنى
– حكيم : اودي تفوت غا الصحة وتجي فين ما بغات ..الصحة هيا كلشي حيت والله وطحتي مكين ليهزك ويقلب عليك داك الشي باش كنكوليك حاولي على صحتك ورخفي راسك متزيريش – حركت راسها سرطت الدغمة : عارفة وهاد الشي لوليت كندير بصح منبقى نديها على هدرة حتى حد
– حكيم : ملي كنهدر معاك ونصحك فشي حاجة مكنكونش كندوي من فراغ لداز على هاذ الراس راه بزااف وعشت وشفت شي حوايج خلاوني نعرف نميز بين العدو والحبيب بين لكيبغيك دبصح وبين لباغيك غير حيت شايف مصلاحتو فيك – صفاء : ونت عرفتي شكون كيبغيك ؟ وشكون للا – ضحك وكلا دغمة أخرى : تبغي الصارحة انا حتى شي واحد ما كيبغيني وحتى شي واحد مكنهمو انا
– صفاء : علاش كتكول هاكا
– حكيم : هاد الشي لعطى الله
– صفاء : عندك مك قريبة ليك علاش متبغيكش
– حكيم : هانتي حتى نتي عندك مك كتحسي بها كتبغيك – صفاء تنهدت : الوضع كيتختالف انا وياك ماشي بحال بحال
– حكيم : سمعي اصفاء دازت عليا بزاااف عشت وشفت شي حوايج صعااب … مرضت مرضة خااايبة مرضت بالسل وكان جاني مجهد وصحتي فداك الوقت ضعاافت ورشااات كل ليلة كتفوت عليا كنت نݣول غدا مغنصبحش ..ربي لكان عالم بحالتي او كنت بوحدي حتى حد مكان معايا حتى واحد مكان يجي يسول فيا ولا يقلب عليا مونية كانت تخسر عليا جوج ثواني فتلفون .وتفوت شحال وتنساني وشوف عاود ايمتا تفكر ..ولا متفكرش كاااع بحال راني ماشي ولدها عمرها ݣالت مع راسها نمشي نطل على داك دري لملاوح فالسبيطارات عرفتي علاش حيت مكانوش عندي الفلوس ديك الساعة كان جيبي خاوي ..حتى واحد مكان مسوق لحكيم ولكن نهار لوقفت على رجلي ديك الساعة عاد ولا حكيم عزيز،،،، عاد ولا حكيم كيتوحشوه او ولات مونية تسول وتقلب….ديك الشتا اصفاء لخرجاتك فيها الزوهرة فايت لي انا وقفت فيها كندق فالباب على مونية باش ندخل نبات عندها وهي كين لداخل وكدير راسها مكتسمعنيش …..
صفاء مقدرتش تحبس دموعها وهو كيهدر طلعت معاها الشهقة – حكيم ضحكاتو : امااالكي على تغبان نتي مال دينمك مع هاذ دموع سانية معاهم كونطرا داڤي – جات فوق منو معنقاه مزيرة عليه : حتى واحد ميستاهل شي حاجة كلشي خايب
– حكيم : قلبك طايب نتي ههههههه
– صفاء : حتى نت مكتبغي حتى واحد حتى نت مكتبغيش مك – حكيم: لا عادي مونية عزيزة عليا كيف ما كان الحال كتبقى مي وعندها حق عليا وكي خص نآدي الواجب ديالي معاها – صفاء شدت فيه معنقو : كيفما لقتيك واقف معايا حتى انا ديما غتلقاني معاك ويدي فيديك وخا تبغي تطلقها نت انا غنبقى شادة فيك
– حكيم : يدي ديما فيديك ..انا هاذ الشي لعاودتو ليك ماشي على شي حاجة ولكن بغيت نعطيك مثال بيا باش عمرك تحكمي على واحد من برا انا عارفك شنو لكيدور فبالك وعارفك كتشوفي راسك ناقصة على ناس الاخرين كتكولي مع راسك علاش هوما اه ونتي لا ..انا مبغيتش هاكا عمرك تحطي راسك فالمقارنات ..حيت حتى واحد ملاقيها كيف بغاها كين لعاطياه حاجة وحارماه من حاجة اخرى شي عطاتو وشي حيداتلو .. هاذا لكتشوفي قدامك بالله العظيم مداز عليا القليل تكرفست ديال بصح الحياة ختابرت صبري بواحد الطريقة لقاسية ولكن فلاخر مكنعتارضوش على شي حاجة مكتبها عليك الله خصك تبقى على يقين تام انه كلما دياقت الدنيا كتفرج من بعد ..صفاء كندوي معاك حيدي دوك الافكار من بالك باش ايمانك ميضعفاش
صفاء: هدرتك كاملة غندير بها حيت كلها على حق بصح ايماني مضعيفش مكنتش نتشكى كنت راضية ولكن كنت نݣول ربي عوضني خير وزرع فطريقي ناس قلبهم رحيم ويمكن دعائي كانت ليه استجابة – حكيم : ربي يعوضنا كاملين ..دوينا بزاف نستيني نوضي تحركي شربي دوا لعندك وسط الماكلة عاد اجي كملي – صفاء: هيا الاولة راه خصني نبرا
– حكيم : براي باش دردكي عليا كي العودة – خدات دواها دارت حبة ففمها: بزاف عليك – رجعة كلست حداه مفرقة رجليها شدها من ودنيها : هاذ ردان الهدرة غتحيديه منك الله يرضي عليك – صفااء كتنتر : احح صافي غا رخي منعاودش
– حكيم : و كلسي مقادة ياالااه – ربعت رجليها : هنا
– حكيم : هاد المالكة معرفناها منين دازت – كمل كياكل حتى مخلا فالطبسيل والو عاد رجع اللور : الله يرضي عليك يديك بنينة يا البنية
– صفاء : ههههه نبقى نطيب ليك ديما
– حكيم: الى بقيتي طيبي لي نحلف من غير يديك منبقى ناكل…
يوم جديد غير دخلت حيدت كارطابل ديالها لاحتها فالسداري وشاف فمها لكانت متكية شادة تلكموند وحداها نزهة حتى هيا شادة السداري فجنبها
– مونية : امالكي داخلة عاقداهم وهازة نيفك لسما اش كاين – ياسمين : كنشوفك نت لمرتاحة مناقصك خير ممسوقاش كاع لآش كاين – مونية : اش كاين تاني شمن مصيبة جايبة لي – ياسمين : لا والو غا الخير غير ولدك الحبيبة ولا غادي جاي ببنت ضرتك يوصلها وقبل متخرج تلقاه يتنساها عند الباب ونت كي تصوني يقطع عليك ديما قايلك مشغول ..عرفتي دابا فاش مشغول . – ضربت ففخادها مفقوصة : اويلي يا كيتي على حكيم ما غيتهنى حتى يصيفتني القبر ..هاذ الفقصة لداير لي ما غتخرج ليا على خير باغي يطيح لي الرجل ما اليد
– ياسمين: هزك الما أمونية لكان غير حكيم نبصم ليك عليها حتى لحسات ليه دماغو وماشي بعيد عمرو لباقي يتلفت ليك
– مونية بنفعال : والله. لكانت ليها هيا انا ماشي مونية حالفة بحلوفي وما راضعة غا القطران لبنت اسية لكانت ليه مرا ..غنمشي عند زوهرة نحيح عليها يا تشد الحرامية ديال بنت بنتها يا ندير شي شوهة لنخلي فيها الحومة كاملة تفرج – نزهة : رجوع الله أمونية حضري العقل وراك نت مولات العقل حكيم مسكين غير بقات فيه الدرية وغيكون كيعاونها
– مونية : يعاونها ؟ مال ولدي انا فاتح خيرية لجا يعاونو ..لا لا هاذي مفيهاش الشك البرهوشة الملقطة باغا تتلوى لي على ولدي – نزهة : محرمياش ومملقطاش راها ببابها وسمير هو باها متبقاش تكولي عليها هاد الهدرة أمونية
– شعلت كتغوت وكلها كتهز : ادابا ولا عندها باها مبقتيش منشبهاش دابا عاد تحركو فيك الأحاسيس والكبدة نغزاتك ..- نزهة : كندوي معاك البنت بنت ولدي كيفها كيف خوتها والحق لعندهم عندها حتى هيا راه كتسال فباها
– مونية : شمن كيفها كيف خوتها اش كتخربقي عليا أنزهة كين غا حق ولادي ..من غيرهم مكين حد ولكتهدري سمير شمن حق خلا ياك خلا غير هاد دار كلها رايبة كل شوية كنا نݣولو غطيح علينا كون ما ولدي حكيم برزقو وعرق كتافو عاودها ليك بالبني على وجهي وجه خوتو ..ودابا كتكوليلي الحق شمن حق عندها – بقات كتشوف فيها نزهة وكتنهد بلا حيلة لاها – فحين هيا وياه كان داز عليها وداها تشري الحوايج على ذوقها كيف واعدها كي وصلو المول دخلو لواحد المحال صفاء كدور وتشوف من عينيها صدموها الأثمنة لمعلقين على الحوايج شداتو من يديها ناغزه شاف فيها دوات بالحس : حكيم يلاه نمشيو بحالنا من هنا – حكيم : علاش
– صفاء : ويلي مكتشوفش الأثمنة هنا كي دايرين
– حكيم ؛ انا لجبتك ياك نتي مشغلكش فالثمن لعجباتك هزيها – صفااء : انا غير قلت نشوفو شي حاجة اخرى تكون رخيصة هنا غالي بزاف
– حكيم : الغالي يرخاص ليك زيدي لجات عينيك ليها خوديها – بدات كتشوف ومزاعماش فحين هو غير يشوف عينيها مشات مع شي حاجة كيهزها ليها حتى كان جمع شلا بياسات عاد صيفتها تقيس وكتنادي عليه يشوف وتاخد برئيو ..
– خدا ليها سراول تجين على ستايل لخارج تبدل فيهم وشي قبيات اوڤر سايس عجبو شكل ديال مونطو سخون كيحمق جاي هابط حتى لتحت خدا ليها جوج واحد فداك صفيفر لمايل لخزي او واحد فالكحل خداه ليها على ذوقو وخا كان غالي بزاف عجبوه وخداهم تشهى يشوفها لابساهم ..سلاو من داك لبوتيك دخلو لواحد اخر خدات منو جوج تريكوات صوف وشي تريكوات سامبل كول مونطي ….
بقات تشوف واحد الكسيوة دصوف عجباتها بزاف خداتها حتى هيا تقيسها ..لبستها جات عليها لاصقة عازلة ليها كلشي ..ندات عليه يجي غير طل عليها بقى غير كيشوف
– صفاء: شوف كي جاتني كتحمق ياك
– حكيم : حيدي الخرا ورجعيها فين كانت
– صفاء : علاش شوف الله حتى جاتني زوينة هادي اكثر حاجة عجباتني والله شوف كي جاتني
– حكيم : هدرة وحدة راه ݣلتها حطي الخرا ودوزي تحركي قدامي نخلصو هادو ؛ صفاء : هانتي عاااافاك باش منكثرش رجع واحد من داك المونطو خلي لي غير واحد وخودلي هاد الكسوة راها رخيصة عليهم حسن هاكا
– حكيم : حيديها ورجعيها فين كانت – مشى كيتسناها تنهدت وحيدها ورجعت لبست حوايجها هازة داك الشي لاخر فيديها خرجت وجها مغبن كي تعجبنا الحاجة ومنقدروش نحصلو عليها هاكا يطرا فينا اما لشفناها عند واحد اخر كيبقى فينا الحال كثر وهاكا حست صفاء ملي كي عاودت علقت الكسوة فبلاصتها وهزتها بنت اخرى ..تنهدت بملامح حزينة تبعاتو للاكيست خلص وزادو حطو داك الشي فطنوبيل بقى كيشوف حتى عييى ونطق: تسنايني هاني جاي – لفيه ما هناه مابغاش يخليها تمشي مقلقة سيغتو وشاف شوفاتها ملي هزتها بنت اخرى دخل كقلب بانت ليه البنت مزال كتسارا وهازة الكسوة فيديها كانت كبيرة شوي زفر كاره يبرر ويشرح تقدم عندها من بعد مستأذن وشرح ليها اش كاين فالتالي تبسمت ليه : مكين حتى شي مشكل اسيدي مكتابة ليها نيت انا ملي قيستها مجاتش قدي – خداها من عندها وخلصها وزاد رجع لعندها غير دخل لطنوبيل رماها عليها بالزعاف : هاهي لشوي وغطرطقي على قبلها شديها هنا جبتها ليك ولكن غير شوفي فين تلبسيها حيت اقسم بالله ما تعتبي بها للزنقة ونت لابساها – صفاء شدتها فرحانة ضحكة واصلة ليها لفين وفين
– حكيم : كلسي تفرنسي عليا تما واحد يلݣاها مع مك هادي كسوة يلبسوها ناس داك الشي لبقى نيت تبقاي تعوجي عليا بفخادك مجبدين بلا ترمتك لمعزولة كاملة ..استغفر الله شرتيها اوا خليها ليك مزيانة تبقاي تنعسي بها – مهدرت ما تكلمت قطعت حسها خلاتو يهدر كيف بغا المهم عندها هو الكسوة لبغات وتشهات بين يديها ومخداتهاش ليها وحدة أخرى
– حكيم : معامن كندوي انا قاطعة حسك ملبداهاا….نزلي هبطي قلبي على متخشي فرجليك – نزلت معاه غادا غا ساكتة مخلياه كينݣر يدور يدور ويتحيلف على الكسوة……
خدا ليها ثلاتة سبرديلات او ݣاط وبانطوفة ديال دار
– حكيم : تفكري شنو باقي ناقصك – صفاء : صافي الله يخلف عليك هاذ الشي وكثير فرحت به شكرا
،- حكيم : إلى عندك شي هدرة خليها عندك .. هذاك تخربيق لكنت باغا منين كتاخديه – صفاء: الشومبوانات والكريمات – حكيم : اجي خوديهم منين كتاخديهم
– صفاء : من هذا ديال الماكياج دخل معاها وبدات كتختار حمقها حتى الماكياج خدات منو – حكيم : صفاء مخدتيش الحوايج ديال التحت – صفاء على نيتها ساهية كتقلب فالبرودويات : اينا حوايج – حكيم : مغتاخديش سليبات وداك الشي لكتلبسيه فصدرك – غمضت عينيها وجهها طلع بالحمروية : احم احم – حكيم : مالكي تصبغتي اش كاين المهم مخدتيهش زيدي نشوفو شي محال كيبيع داك الشي دخلي شري وانا نتسناك على برا – تبعاتو غير كدور فعينيها غلبتها الضحكة ملي ݣالها داك الشي لكتلبسيه فصدرك ——- وصل عليهم الليل كانو فدااار مزلعة كاع حوايجها فصالة كتقيس وتهز وتحط تجرب هاذي وهادي فرحانة على الجهد بهاذ الشي لشرات – هو غير وصلها ولا عاود خرج عندو ما يقضي ..شافت تلفونها كيصوني جاوبت : وي حكيم – حكيم : صفاء نجيب معايا الخبز ؟ – صفاء : راه باقي ديال البارح
– حكيم : بارد – صفاء : دايراه فالفريكو يسخن يولي مزيان – حكيم : نتي تعرفي يلاه شوية ونجي – خلات داك الشي وناضت بالخف نصبت طاجين كي حطاتو يطيب دخل حكيم شاف فداك الشي لمزلعة : مشيت خليتك ناشراهم جيت لقيتك مزاال ناشراهم
– صفاء عنقاتو باستو من حنكو : انا بغيت ليك غا الجنة وفين ما حطيتي يديك تربح الله يفرحك كي فرحتيني – عاود باسها: نبدل حوايجي ونجي – رجعت كلست وسط حوايجها بدل وجا كلس حداها كانت هازة كريماتها كتقلب فيهم
– حكيم : هادو هوما لݣلتيلي كيرطبو اللحم
– صفاء : اه واعرين كنت شفتهم عند واحد البنت فالانسطا دوات عليهم – مدت ليه : شم شم الريحة فيهم كي دايرة – حكيم زيد نيفو شم وعاود زيد نيفو بشوية حتى لعنقها ستنشق ريحتها وزفر نفس سخونة فيه حرقاتها ودغدغتها خلاتها تميل عنقها مبورشة نطق بصوت ثقيل : معجبنيش هاد الشي ريحتك حسن خليك طبيعية هاكا ريحة لحمك حسن بزاف من هاد الشي – عضت فمها حانية راسها وانفاسو مزال كتحس بهم على عنقها قاسها بنيفو وبعد راسو : جمعي هاد الشي وحطي ليا نتعشى مواكل والو – صفاء : واخا واخا ..شم شم حتى هادي
– حكيم : وا زين زين كلشي زين غير نوضي حطي لينا نجغددو خليني نحط راسي نعس راه فايق الخدمة بكري – ناضت جمعت داك الشي حيداتو ومشات سخنت العشا …حطاتوليه ومشات تزيد تبقش – حكيم : فين غادا دوزي تاكلي
– صفاء: مزال شبعانة مفيا لياكل – حكيم : غتحطي داك الشي ودوزي تاكلي تبارك الله مغتدوزيش غنعرف شغلي معاك داك الدوا لمخلياه محطوط تما شكون بغا يشربو انا…..
صفاء جات كلست : غير نسيتو وبصح مفياش الجوع
– حكيم : خودي تاكلي بدات كتاكل معاه وهو كياكل بشهية مفتوحة – صفاء : عجبك ؟؟
– حكيم : لدرتيه مزيان – صفاء : هيا ناقص
-حكيم : ولفتيني نشكر فيك ونكوليك يديك بنينة – هزت راسها كضحك: هاد الشي لكنبغي نسمع انا كتزاد لي الثقة بالنفس وكنحس براسي كثر ههههه
– حكيم : عنداك غير تبقاي تحسي برااسك حتى ماتبقايش تحسي بيا انا – صفاء خرجت فمها : معرفتي كلشي ممكن رد بالك – حكيم : هانا راااد – كلات غير شوية ورجعت لور – حكيم : زيديك – صفاء : والله حتى شبعانة كليت قبيلة ملي مكنتيش – حكيم : يلاه تحركي جيبي داك دوا واجي قدامي وشربيه – صفاء ناضت جابتو ورجعت : هاهو
– حكيم : شربي شربي من الفشوش الخاوي ……داز الوقت ودازت عندها تقريبا سيمانة روتينية غير من ليسي لدار عند حكيم مرة هو يجيبها مرة يخلي ليها تشد طاكسي وترجع لدار مخلي ليها سوارتها ..فهاذ المدة لدازت كانت تبقى تسائل غير بينها وبين راسها زعما لهاذ الدرجة ممهتمينش ليها لهاذ الدرجة زوهرة مفكرتش كاع تقلب عليها ولا تسول خرجت بنت صغيرة فليل وشتا ومفكرتش فيها فين تكون مشات هنا عرفت بلي بصح قلبهم قاصح عليها بالجهد ومكين لا محنة لا شفقة مرة وجوج مشات للحي بلا خبار حكيم وغير كتطل على دار من بعيد على وعسى تعرف غير واش كتقلب عليها لكن لا لا من يسول لا من يقلب ——غير خرجت شدت طاكسي نيشان لدار كانت متكي داير بالو معاها باش يمشي يجيبها حتى سمع حسها فتحت الباب ودخلت – حكيم ؛ شحال فالساعة باقي الحال على وقت خروجك – صفاء حيدت الكارطابل: مقريتش ساعة الآخرة شديت طاكسي وجيت – حكيم : مالكي عيانة ؟ – صفاء : لا مفيا والو غا كان عندي فرض – حكيم : كي داز مزيان – صفاء : وهداك مزيان – حكيم : سيري دوشي وبدلي حوايجك واجي تاكلي – صفاء : طيبتي نت ههه – حكيم : كيف ما جا كوليه بلا تعليق – صفاء دارت حركة الصمت بفمها : منقول حتى كلمة الله ياودي ههههههه فرحاتي غا للقيتك مطيب ههه
– دوشات داغي وبدلت حوايجها لبست بيرميدة حد الركبة وجات لعندو : هاي هاي هاي هانت تعلمتي ولكن طاجين هو طاجين متفارقش معاه
– حكيم شافها وشاف فيها اش لابسة رجع نظرو كيقادد الماكلة : ههه ولكن كين شوية الابداع دابا اجي تطلي – مشات خشات راسها فطاجين: طاجين اللحم بالبرقوق او الفريت لا كين الابداع كين – غسلت يديها وهزت الخبز وتبعاتو كالسة مربعة رجليها – حكيم : تموتي على الجليس فالارض
– صفاء : الارض رحمة – خدا وسادة رماها عليها : ديري هادي تحت منك دابا تطلع معاك البرودة – خدات من عندو الوسادة كلست عليها وبدات كتاكل – حكيم : كي جاك ؟
– صفاء : خليني مزال كندوق
– حكيم : راه الدغمة ثالتة هاذي لخشيتي هاذ المذاق باقي كاع محسيتي به
– صفاء : هههه راه باين بنين حيت انا لعلمتك تطيب غير هو ناقص ملحة مالك معاها كتجيك غالية ههههه
– حكيم : عليك منقصها ..نتي لمالك مبغتيش تفارقي معاها – صفاء : واش ناكلوه باسل انا كي خصني ناكل المسوس ونت شدرتي باش تاكلو معايا
– حكيم: شكيت عليك اختي انا بغيت ناكلو معاك عندك شي مشكل ..دويت معاك اصفاء الملحة غتنقص…..
صفاء : واخا صافي – حكيم : بقاي دوري عليا فعينيك تم..نوضي جيبي لي كاس الما – ناضت مع كانت جالسة البيرميدة طالعة ليها لاقصة ليها من اللور وفخادها وسيݣانها كلشي عريان ما حيت قصيرة وهو من لي بدلت عليها ولبستها وهو كيشتت نظرو متفادي يشوف فيها ..مشات جابت ليه لما شرب وكملو الماكلة ..سلاو ناضت جمعت طابلة مسحتها دات المواعن الكوزينة زربت عليهم بالخف غسلتهم عاد خدات شطابة وجات تشطب هو كان كالس طالق تلفازة داير يديه مور راسو -صفاء: هز رجليك خليني نشطب – حكيم : حتى لصباح مالكي مزروبة دوزي تكلسي
– صفاء: لا الفراتت كيلصقو فالرجلين . – بدات تشطب حانية شوية وهو عينيه بلا هواه كتمشي ليها عصبااتو وتعصب من داك الشي للابسة غير كيتنهد حس بالحال سخن عليه عيى يحاول يشتت نظرو وهي عاد مزايدة معذباه بدون قصد منها تصروفاتها كيغريوه مسالات تشطاب حتى كان غا يمووت .. حمد الله وݣال دخلت ترݣد او ولات رجعت كلست حداه شادة تلفونها كتفرج فيه شوي نقزت عليه : حكيم شوف شوف هاد الفيديو
– حكيم كيدفعها من عليه بشوية ؛ شفت شفت غير سيري كحزي عليا لهيه – كتجبد معاه : والله حتى شوف غتموت بالضحك – محدها كتجبد وبيجامة عاد مكتزيد تطلع ليها حتى فخادها تقريبا كلشي تعرا ..مجا يبعدها بدون قصد كان حاط يدو على لحمها غمض عينو حس بالتبوريشة طالعة معاه تزير وخنزر حمر فيها : صفاء حيدي لهيه وسيري لبسي سروالك متبقايش دوري عليا هاكا
– صفاء: اويلي علاش مالي
– حكيم ؛ لا والو غا عريانة وكالسة تجبدي ففخادك عليا ..مجاكش البرد سيري لبسي سروالك
– صفاء : انا كنصهد ممولفاش الحوايج بزاف الى لبست بزاف كنتخنق – حكيم : وتخنقيني انا ..صفاء سيري حيدي عليا هاد الزمر ولبسي شي حاجة مستورة راعي ليا غا شوية راني راجل معاك هنا بلا متعذبيني
– صفاء توترت : انا معرفتش شنو درت ..فاش عذبتك – تنهد : نسولك ملي كنت عند زوهرة تاني كنتي تلبسي بحال هاكا قدام يوسف ؟ – صفاء: اويلي مالي هبلت حتى نبقى هاكا كنت ديما لابسة مستورة – حكيم : واخا وهنا علاش متستريش كيف ما كان الحال كنبقى غريب عليك وكي خصك تردي البال مني الشيطان كيغر – صفاء تنهدت : واخا تقول لي قلتي مغتبدلش نظرتي ليك انا سكنت معاك شحال وعاشرتك وانا بصح كناخد راحتي معاك بزاف عارفاك متقدرش تآديني ولا تقيسني بشي حاجة خايبة – حكيم : مزيان ملي عارفة وكيف ما انا مكتسخايش عليا حتى نتي متآذنيش اصفاء مديريش شي حاجة لتضرني
..- صفاء عينيها دمعو : انا اقسم بالله العظيم مدرت شي حاجة عن قصد سمحلي – حكيم تنهد : عارف علاش كتحلفي عاارفك مقاصداش ولكن المشكل فيك حيت زينة عاطية العين وانا راجل معاك هنا بلا زواج ومباغيش نقيس فالحرام ..هاذ الشي لكين غير الله يرضي عليك مفيها باس ترحميني شوي – شحطها لفخادها : وتغطي عليا هادو راه مرة خرا مغاديش نهدر بحال هاكا غنطبق نيشان وبحاال والو نغتاصبك ..- صفاء: وتقدر زعما – حكيم : واالى بقيتي معرية عليا فخادك راه نقدر ونفوتها لهيه كلشي ممكن الحال ميشاور
– صفاء : طير حتى طير وفالاخر غتزوج بيا هههه شنو الفرق كاااع – حكيم دفعها : دخلت عليك بالله ما نوضي لبسي سروالك عاد اجي كملي الهدرة – ناضت كتضحك : هههههه هاهي نايضة غير هو خصك تعجل الزواج بيا حيت شوفتي فيا وشوفة حرام خصك دير بيا الحلال ولا ندعيك
– حكيم : لبسي جلابتك ويالاه لعند الفقيه نتزوجو بالفاتحة
– صفاء: زوجتك نفسي من دابا يا زوجي سندي قرة عيني – شير عليها بدفتار كان حداه : سيري الله يمسخك – صفاء حنات تهز دفتارها : ويلي دفتاري – حكيم زفر ضارب وجهو بيدو : بالعاني كديرها ياك مباغاش هاذ ليلة تفوت عليك بخير ..الى نضت تكيت مك وجيت فوقك مغانتلامش ياك كتقلبي عليا نغتاصبك
– صفاء غالباها الضحكة : هههه اويلي اسيدي حكيم نت مول العقل ههههه
– حكيم : مبقى مع ديلمك عقل نت راه غنوض غنصمك مك سيري لبسي سروالك ومترجعيش عندي طيحي نيشان ترݣدي – صفاء: مكيجيوش معاك الاعصاب ابا حكيم
– حكيم : دويت معاك بالعقل مبغيتش تفهمي *رك ..ولكن ملي كنخسر معاك الهدرة كتفهمي بالخف – صفاء : ضلعة عوجة هههههه…..دخلت لبيت كتضحك عليه وعلى هدرتو وبدلت عليها لبست بيجامة بسروالها عاد هزت ملاية وخرجت لعندو : تقادد نغطيك تنعس – تقادد وغطاتو باستو من جبهتو وقالت تصبح على خير – حكيم غمض عينو مرخي كامل : كتقلبي عليها ابنتي والله حتى كتقلبي عليها
– صفاء : ههه مالك غا من الاحترام والله ههههه – حكيم : الاحترام الدودة لفيك هاذيك ماشي الاحترام….صفاء : ههههههههه
صفاء: ههههه – حكيم : كنعيق بك غا باش تعرفي ..عارفك كيعجبك تشدي فيا بحال هاكا
– صفاء : هههه كنموت بالضحك كيعجبني نشد فيك.
– حكيم: وتاني ماشي ديما كيكون عندي الصبر
– صفاء: حكيم عندو صبر غا عليا انا ..- حط يدو على وجهها كيقيس فيه: يلاه سيري تنعسي خليني حتى انا نحط جنابي – ………..طلع صباح وشرقااات شميسة فاقت هيا لولة غسلت وجهها ودارت روتينها صباحي طيبت الفطور على حقو كانت ديجا دايرة الملوي والمسمن فثلاجة سخناتو وخبزت ليه الحرشة حيت كتعجبو حطت وقادت كلشي ومشات لعندو فحين هو كان مزال ناعس بدات تفيق فيه : حكيم نوض بارك عليك من نعاس نوض تفطر – حل غا نص عين ضايخ بالنعاس : صفاء سيري خليني ناعس – حيدت عليه الملاية : ونوض بارك عليك راه بغيتك تعاوني نخرجو دار بغيت نطلع هاذ الشي لسطح يتشمش شحال وانا كنتسنى شمس نطلع الحوايج يتشمشو – مهدرش جرها تكاها حداه خشاها تحت منو وجر عليهم الملاية : طيحي تنعسي ونتي القاعدة هيا القاعدة تفيقي من تحت ليل – صفاء: وا حكيم وعافااك نهار كيمشي غا فصباح وباغا نمشي لحمام العشية مغيقدينش.الوقت
– حكيم : غتقطعي حسك وترݣدي لا ..غتبقاي ناعسة هنا حتى نفيق على خاطري – بغات تزيد تهدر قرصها فجنابها حتى زوات : يااالااه لبديها دابا —-بقى خاشيها تحت منو ورجع نعس وخا مطاب عليه نعاس وهي مبغاتش تهدى من تفركين كل شوية قايساه فبلاصة طيرات عليه نعاس دفعها وناض : مناااااقص مناااقص من شي نعااس معاك – تبسمت بانتصار : ياالاااه نوض دابا – شافتو غادي كيحك تحت منو ضايخ بالنعاس
– صفاء : اجي فين غادي دوز تفطر – دار عندها عصباتو : غادي نبول واش منبولش ولا نبول حداك وقيلا – صفاء : ههههههه يحساب لي غادي البيت ترجع تنعس سير قضي الغراض بالخف واجي راه تابعنا نهار شاق -خنزر ودخل الحمام دوش بالخف بدل صلا الصبح وجا لحداها دفعها بشوية: كحزي لهيه – صفاء: اناري غا بشوية ونت كتصبح شاعل عاقدهم – حكيم: قهوتي فين هيا – – مدات ليه الحرشة وقربت ليه طبسيل زيتون حدا: قهوتك صيبتهاليك ولكن غير فطر بعدا كول شوية علاش دور المعدة عاد كمي .. – بدا يفطر : مبغتيش تحيدي منك ديك القاعدة متخلي لينعس كتفيقي كدوري كي بوبريص ..غا كتسالي من التقرقيب فالكوزينة كتجي توقفي لعند راسي – صفاء: وراه كيطير مني نعاس شغندير
– حكيم : طار ليك نعاس بقاي شادة قنت واحد متجيش تلالي فوق راسي مرة خرا راه نلاوح مك من الشرجم منوعاش على راسي كتكون طالعة معايا القطعة مكاميش متحادنيش
– صفاء رجعت راسها لور كيضحك : هههههه غا كتقول عييتي ما تقول فيها ومدرتي والو —حكيم : غااا ديري فيا متبغي عطاااك الله – صفاء ؛ هههه يلاه كول خلاص كول راه تابعنا بزاف ما يدار – حكيم : شنو باغا ديري نتي ناوية تبدلي الحيوط من بلاصتهم – صفاء: بحال داك الشي – حكيم: انا غنفطر نهز سوارتي ونخرج بحالي منرجع حتى ليل
– صفاء : والله لخرجتي ..حتى تهز معايا سدادر نطلعوهم يتشمشو وديك ساعة سير فين ما عجبك
– حكيم: شدارو ليك فاش اداوك هاهوما مفرشين مقادين
– صفاء : وراه مواصلاهمش الشمس راه غا يغملو نت وقيلا ملي جبتيهم لهنا محركتيهم من بلاصتهم ديك المرة شطبت تحت منهم شمن حالة لقيت – سلاو فطور تسناتو حتى شرب قهوتو وكما ݣاروه ..عاد بدا يهز بوحدو كينقل لسطح كان قريب حيت دار فأخر ايطاج منها لسطح -وهي حركت الماݣينة دارت فيها الحوايج لخصهم يتصبنو وفنفس الوقت كضربها بتسيقية بتيد وچافيل وكتحك بالشطابة حتى نزل هو من سطح شداتو فالباب : حط سندالتك فالباب مدخلش بها ..وحط دوك الحوايج للابس بدل واراهم ليا يتصبنو
– حكيم لاح سندالة من رجلو : العذاب معاك اصفاء – هي كتغني مع راسها ممسوقاش ليه – خرج ليها الحوايج رماهم عليها : هاكي ها لتساليني غندخل نرݣد تدخلي عندي تفيقيني غنعطيك غا ضربة ونقصي من هاد الغنا راسي تفرع
– صفاء : غنطلع ننشر ملي نزل ندق عليك فتح لي الباب
-حكيم: لبسي عليك شي حاجة واسعة نلحق عليك نلقاك مقزبة هاكا نذبح مك – دخل لبيت وهي بقاات على خاطرها كتصبن وكتعصر ونفس الوقت رادة لغدا كيطيب ..سلات دخلت لبيت عليه شعلت الضوء كتقلب شنو تلبس باش تطلع لسطح هو خاشي راسو تحت الوسادة كيغوت : واااااطفي الضوء
– صفاء ؛ ابشوية نت مالك كتغوت ها حنا غنطفيوه نقلب غا على منلبس…..
خدات كيمونو طويل لبساتو هز عينو شاف فيها : متعطليش دابا تكوني هنا – خرجت هزت شبكا ديال الحوايج وطلعت تنشر سلاتهم دازت لسدادر نفضاتهم من الغبرة وقاداتهم مع الشمس مزيان عاد نزلت صونات فالباب عليه وبقات واقفة كتسناه يفتح .. طلع واحد من الجيران لدارو كيفتح الباب لقا عليها السلام جاوبتو. بابتسامة : وعليكم السلام
– الراجل : كي دايرة لاباس كي داير واحد حكيم مبقاش يبان ياكما عيان – صفاء : لا لاباس الحمد الله يسول فيك الخير – فتح حكيم الباب كيشوف فيهم
– صفاء كضحك : هاهو حكيم هه كان يسول فيك قاليك غبرتي – حكيم دار ليها إشارة براسو : دخلي – تبسمت لراجل : بسلامة – ودخلت خلاتو معاه ..غير حطت شبكة من يديها سمعاتو سد الباب يلاه جات غتهدر حست بضربة جاتها الفم طارت قافزة راجعة بلور – خرج فيها عينيه معصب : زيدي عندي لهنا – صفاء : بعد مني شنو درت جمع يديك
– حكيم طار عليها شدها : هاذ التفرنيس مبغتيش تحيديه منك لدوا معاك ضحكي ليه فمك غا محلول
– صفاء: وبعد مني الراجل غا سلم عليا سلام غا ديال الله شنو بغتيني ندير ننخلو – حكيم صلا معاها الجناب : ايه نخليه معنديش انا المرا لتسلم على الرجال اخر مرة اصفاء اخر مرة ها ودني منك – مشات الكوزينة كتنفر
– حكيم: كلسي تهزي عليا تم فكتافك حتى نجي نݣردهم ليك راني خااسر مع گري غا قلبي عليا وغتلقايني
– صفاء: عرفت راسي تقلت عليك ݣولها لي نيشان متبقاش ديرلي بحال هاكا وتقلب غا على سبة – محسش على راسو حتى كان عندها صرفقها بجهد شدت وجها عينيها حمرين فيه كيسيلو بالدموع شهقت ودخلت البيت سدت عليها فحين جمع يدو مزير عليها ضرب سطل كان قدامو حتى طار وخرج ضارب الباب بالجهد وسد وراه بساروت خافها لتخرج —— بقى حتى العشية عاد رجع دخل مبانش حسها وسط دار مي عرفها مزال فالبيت ..مع كانت غربت الشمس طلع نزل دوك سدادر من سطح على السمرة وخدا حتى الشبكة جمع فيها الحوايج نزلهم وحطهم هيا دوزت ديك العشية ناعسة بصح بغات تخرج ملي خرج هو لقات الباب مسدود ساطت مقلقة منو ورجعت تنعس فاقت بيه ملي كان يهبط الحوايج ومبغاتش تخرج من البيت سمعت دقان فالباب مجاوبتش حتى فتح الباب ودخل ..بقى كيشوف فيها مطلع حاجبو شوفاتو ممفهومينش متعرفو معصب ولا عادي هدر بصوت جاف : باقا منضتيش ..- نغزها – راه معاك كندوي – دارت شافت فيه : لا نضت ولقيتك ساد الباب
– حكيم : هيا كنتي باغا تخرجي بصح فين كان عندك اصلا غتمشي – صفاء بغصة فصوتها : ارض الله واسعة عريضة ربي ملي كيقطع ليك رزقك راه كيديك …هانت جيتي تقدر تفتح لي الباب نمشي فحالي – حكيم: معندك فين تمشي بلاصتك حدايا تعتبي الباب نحيد ليك العصبة ديال رجليك وهاد الهدرة ديال الخرا معندي مندير بها وعليها ضربتك قبيلا بلا متخليني عاود نتصرف شي تصرف اخر ميعجبكش حسن ليك جمعي عليا فمك – بقات تشوف فيه مزيرة على سنانها عينيها مدمعين هاكاك مكابرة شادة دموعها مبغاتهمش ينزلو – هو ناض واقف كيمسح على راسو معصب وضايخ معارف كي يدير يهدر معاها دار شاف فيها : علاش كديري لي بحال هاكا علاش كتكولي بحال هاكا نت عارفة بلي هاذ الهدرة ماشي بصح عمرك مغادي تقلي عليا وعمرني مغادي نقنط منك – تنهدت مسحت على شعرها متوترة ونفسيتها مخربقة ديال بصح جا كلس حداها تكى بظهرو على الناموسية ورجليه حاطهم فالارض ..هيا بقات تشتت نظرها كتفرك يديها مع بعضياتهم الصهدة طالعة معاها مخنوقة بالجهد ناضت كتلف وكتقيس فداك الماكياج لعندها غير باش تشغل راسها وتشغل عقلها خدات صباغة ديال ظفار وكلست كتصبغ ظفارها ولا غير كتجخطن فيهم ..وهو غير متبعها بعينيه وكيتنهد ..ناض حتى لعندها وكلس الارض مربع رجليه حداها تبسم ليها وهدر بحنية : عطيني نصبغ ليك – بغا يشد من عندها بعدت يديها ساكتة
– حكيم : وعطيني نصبغ ليك ظفيراتك – شد.ليها يديها لعندو باسهم من كفهم وخلا راسو تم وسط يديها : سمحيلي انا مزااوك فيك منعاودش نهز يدي عليك — دورت راسها عليه الجنب طاحو دموعها مد يدو كيمسح ليها : علاش كديري لي بحال هاكا ؟ علاش كتبكي اعدى حاجة عندي هيا نشوف دموعك عاد مزال نكون انا سباب فيهم – زادت كتنخصص – جرها عنقها كيدوز يديه على وجهها : سكتي من البكا اصفاء الله يرضي عليك ولبغتيه نديرو -باس ليها يديها وشابكهم مع يديه : ماشي حشومة انا كبر منك ومخلياني كنطلب فيك …..
باس ليها يديها وشابكهم مع يديه : ماشي حشومة انا كبر منك ومخلياني نطلب فيك
– شهقت : صرفقتيني هئ هئ ضرتيني فوجهي
– حكيم باسها من حنكها : ها انا حداك ديري فيا ما بغيتي باش ما حكمتي عليا نديرو
– صفاء كتنخصص : ما بغيت منك والو …ما بغيت من حتى شي حد شي حاجة – حكيم: ياك اصفاء ..دابا انا وليت حد ..رجعت عادي عندك غريب عليك مبقتيش كتبغيني ومبقيتش انا اقرب واحد ليك – شدت ليه فتريكو وزادت خشات راسها فيه كتنخصص قلبها طاايب
– حكيم : غير باش تعرفي انا مندمتش على داك الشي لدرت قبيلة حيت انا لعارف هذاك ولد ال*حبة لسلمتي عليه شحال عينو زايغة محملتوش يشوف فيك لا بالخير لا بالشر ..مبغيتكش تضحكي لو وماشي غا ليه لكلشي مزال نݣولها ونعاودها راه منبغيكش تحادي ولا توقفي ولا تسلمي على شي واحد كيف ما كان – بدات تسكت شوي بشوي : وعلاش هاكا – حكيم : حيت انا داير هاكا تقدري تحسبيه مرض ولكن هاذ الشي اللي عطى الله باغيك ليا وحدي باغي غير انا لنشوفك عيني بوحدهم ليشوفوك باغيك تاع حكيم وحدو وميحاديك ليه حتى واحد انا دقة قديمة تفكيري قديم ماشي ولد هاذ الوقت من حقي البنت لباغي ناخد وتكون مراتي منبغيهاش تشرك الهدرة مع رجال وتمازح معاهم
– صفاء بنبرة البكا : ولكن هو غا سلم عليا سلام غا ديال الله -؛حكيم : ضحكتي لو اصفاء وشديتي معاه الجموع عارفك تموتي على الحتيت وانا عارفو ولد الكلب عينو زايغة كنت غضبريلي فيها قبيلا كنت غنجبد لمو عينيه .طلعتي لسطح تقضي شغلك طلعي ونزلي بحالك متهدري ما تجمعي مع حد – (سكتت مجاوبتش) دابا الله يسامح منعاودش – هزت كتافها مدورة راسها عليه جامعة فمها وكتشوف فيه بنص عين – ضحك عليها وحك جبهتو : ادابا عاد خصني نبدا تحزار – عاودت هزت كتافها : باش تعرف ديك التصرفيقة ماشي ساهلة غا تخلصها غالية – ضحك وحنى ليها راسو : طحت بين يديك هنا ديري فيا ما بغيتي رجعي ضربتك – حتى هيا معطلاتوش تم تم شداتو من شعرو ناتفاااه – حكيم كيضحك : هههههههه الله يسامح الله يسامح
– صفاء: مكينش الله يسامح – خدات يديه لضربها بها عضتها : ياااالاااااه بقى تهزها دابا عليا – شد يدو : اححح على مسمومة وليتي سايبة مع راسك كنت غا درويشة
– صفاء : الله يخلف عليك نت لعلمتيني
– حكيم: علمتك تقصاحي ولكن ماشي على حبيبك…..
صفاء عضت فمها كتضحك : حبيبي
– حكيم بجدية : عرفتي ايمتا غنعاود نهز يدي عليك ..نهار تعاودي ديك الهدرة ديال قبيلة دابا نتي متقلة عليا ؟ دابا انا تكوليلي هاذ الهدرة – حنات راسها – زيدي لعندي لهنا – قربت ليه كلسها فوق منو : قصرت معاك اصفاء فشي حاجة باش تكوليلي هاكا ..معرفتنيش باش حسيت ملي سمعت منك هاد الهدرة. فشلتيني كون كنت عارفة راسك شكون نتي عندي وشنو كتسواي عندي مكنتيش تݣولي هاكا – كتفرگ فصبيعتيها : انا ما – قاطعها: نتي شنو شنو فالاخر مكملاها ببغيت نمشي فحالي والارض الله واسعة دابا هنا شكون لخصو يتقلق نتي ولا انا هادي هيا أنبقى معاك نونسك ونعمر عليك ونكون ليك ونكونو لبعضياتنا وليتي باغا تقلبي على رزقك فجهة أخرى وتسمحي فيا ياك حكيم مبقتيش باغاه مبقاش هو رزقك خلتيني حتى ولفتك معايا عاد بداو يبانو ليك بلانات اخرين – شافت فيه جامعة حجبانها شدت ليه وجهو : لا والله مهااكاا اقسم بالله ما هاكا انا دويت بلا عقل والله ما كنت قاصدة – حتى هو دور وجهو : صافي حيدي بعدي مني خليني دابا
– صفاء عاد بدات تبكي ديال بصح : لا مغنخليكش انا كاع داك الشي لقلتو مكنتش قاصداه نت عارفني هبيلة وكنبقى غير كنهدر لجاتني ݣنقولها.انا فين عندي غنمشي اصلا معندي عليك فين – حكيم: اه يعني كون كان عندي عليا فين وعندك فين تمشي مكنتيش تبقاي معايا
– صفاء كتبكي : ولا تااني ماشي هاكا راه انا مكنعرفش نهدر -؛عنقاتو كتبوس فراسو : من غيرك معنديش نت كلشي عندي فهاذ دنيا نهار لمتبقاش ولا تعطيني بظهرك تضوخ بيا انا معندي حتى شي واحد فهاذ الدنيا من غيرك ومكيبغيني حتى شي واحد من غيرك نت كلشي عندي احكيم متخلنيش عافاااك – عنقاتو كتبكي ديال بصح – حست به زير عليها بالجهد : معنديش منك جوج باش نخليك حتى نتي متخلنيش ومتبقاش تݣولي ديك الهدرة – صفاء: لبقيت قلت شي حاجة بغيت لراسي غا – قرصها فجنابها : زكاي لمك من الدعا اجي نوضي من البرودة – مشاو الناموسية گلسو شد يديها : اري نصبغ ليك ازين – صفاء: ههههه وغتعرف
– حكيم : غا اري نشوف وريني كي ندير وندير – وراتو وخدا بدا يصبغ ليها وهي كضحك
– حكيم : وشوية ومسحيها صافي متبقاش بها حيت كتصلي – صفاء: واخا – كمل ليها يديها – حكيم: نقادد ليك حتى رجليك – صفاء: هههه حشومة
– حكيم : اري دوك رجيلات لهنا اري – حيد ليها تقاشر لابساهم قصار ..وبدا يصبغ ليها حتى رجليها مع بيضين وصباغة حمرا بقى غا كيتنهد وحمار وجهو تزير ما كمل حتى تغفرو ليه الذنوب
– حكيم: يلاه نوضي بصحتك
– صفاء : يااااه جاو كيحمقو – حكيم تنهد بالجهد : كلك كتحمقي من رجليك ونتي طالعة ولو نسد عليك فهاذ البيت ومنخليكش تخرجي من حقي…..
حيد تشاكيط ورجع حيد حتى تريكو لاحو وبقى عريان من الفوق – صفاء: مالك كتحيد فحوايجك غا الحمق ولا المريض لكيلوح فحوايجو – حكيم: ولحاااس بالصهد حتى هو كيحد حوايجو – تجبد فناموسية خشى راسو تحت الوسادة ..- حطت يديها على ظهرو كتقيس فيه: حكيم مالك ؟
– حكيم : متحطيش يديك متحطيش متحطيش متقسينيش – صفاء: اويلي مالك عاد كنت على خير وبخير
– حكيم: سيري جيبي لي نشرب
– صفاء: واخا – غير ناضت خرجت تجيب ليه ناض حتى هو وسد الباب بساروت ملي جابت ليه لما وجات تفتح الباب تدخل لقاتو مسدود دقت : حكيم واش سديتي الباب
– حكيم: اه – صفاء : علاش ؟ – حكيم : باش منديرش شي حاجة نندم عليها
– صفاء: شنو كاين احكيم
– حكيم: صفاء وليت باغي ننعس معاك وليت باغي نقرب ليك مبقيتش كنقدر نسيطر على راسي وانا معاك وباغي هاد الشي انا فالحلال باغي حتى نتزوجو مبغيتش نقيسك فالحرام والشيطان كيوسوس ليا كون مخليتكش تخرجي وسديت الباب راه مكنتش نتحكم فراسي وهاد الشي كيمرضني كل ما كنشد راسي عليك كنقتل فجهدي وطاقتي وكنمرض – سكتت غير كدور فعينيها ملقات متݣول داك الما شرباتو هيا من كثرة الحرارة لطلعت معاها
– حكيم: سيري اصفاء غير نبرد ونجي لعندك —- مشات بدات تفرش دوك سدادر كتقاددهم وعقلها ممعاهاش كتفكر غير فيه ..فحين هو بصح شوفتها كتعذبو وكتاكل فطاقتو كيف ما كان الحال كيبقى راجل وكيطراو بيناتهم بلانات لبصح كيهيجو شهوتو عليها رغبتو فيها كبيرة ومباغيش يقيسها هاكا قيمتها عندو وطريقة باش كيشوف فيها كبر من هاد الشي باغيها تكون ليه اه ولكن حتى يدير معاها الحلال ديما هادي هيا حالتو معاها حتى بدا يحس براسو غيمرض بسبابها كون مخرجهاش وسد على راسو كان يدير فيها شي مصيبة بقى مدة حتى حس براسو مزيان عاد ناض دخل دوش ولبس وخرج عندها ..شافتو ضحكت غمزاتو : بصحة دوش
– حكيم: ضحكي يا البنية ضحكي اما انا هجرتو معاك معدية عليا غا الله يسمح ليك….
صفاء ؛ ههه انا بالعمى لكنت ندير شي حاجة ههههه
– حكيم: اودي انا لكندير نتي مكديري والو .نوضي نخرجك
– صفاء: ههه بصح فين
– حكيم: فين ما داونا رجلينا ونشري البنية لبغات ولي حطت عليها يديها نخلصو حق الدموع – طارت عليه عنقاتو : كنموووت كنتسطى كنهبل عليك احكيم بقى ديما تقلقني باش تحزرني هاكا —- حكيم كيتبسم : وراه يلاه دوشت يا هاد البنت ديري عقلك – صفاء: ههههه تعاود ماشي مشكل النظافة من الايمان نوض نلبس ونجي – حكيم: طلعي تاني شي سروال مزير ندير بناقص —– بدلت عليها لبست سروال جاي كامل واسع حتى لتحت وطالع حتى لجهة الخسر مع تيركو كول مونطي خشاتو فسروال ودارت السمطة لبست سبيداري بيضة وهزت المونطو فيديها ما حيت سخن شوية الحال شتا قريبة تخرج جمعت شعرها كوب شوفال دارت اونتسيغن او ماسكارا وشوية البلاش عارفاه غيخاصم على العكر داك الشي باش عكرات فمها ومسحاتو باش يبقى فمها فيه الحمورة وخرجت لعندو كان هو حاني كيلبس سبيرديلتو .سالا وهز عينو شاف فيها : داك المونطو مالو مغتلبسيهش ؟
– صفاء: صهد الحال غنديه غير فيدي الى جاني البرد باليل – حكيم : دوري شوف من لور – دارت : هانا
– حكيم : شݣتليك انا ياك كتليك الى طلعتي عليا شي سروال مزير غندير مناقص
– صفاء : من نيتك هذا راه واسع كامل ماشي سليم – حكيم: شوفي ترمتك كي دايرة وݣتكوليلي واسع ختاري يا تخرجي تريكو تهبطيه على السروال ولا لبسي المونطو – صفاء : لهبطت تريكو راه مغيجيش
– حكيم: اوكي حتى حنا مبقيناش خارجين سيري لبسي بيجامتك وشدي الارض – خنزرت فيه ولبست مونطوها : مزيان دبا – حكيم: داك العكر مسحيه
– صفاء: شمن عكااار شمن – بدات تمسح ففمها : هانا كين شي عكاار فين هو الله يهديك – حكيم: دايرة شي عجب ففمك مغادوخنيش اصفاء – صفاء : مدايرة والو غير واحد الݣݣاويط باش ميتشققش لي فمي ولوني كيلصق
– حكيم: غا زيدي زيدي تجي نتي يالاه تزاديتي البارح تدوزيها عليا انا – زادت قدامو كتعوج فاقصاه : شحال فيك ديال النݣير مالك نݣار – جرها من شعرها : دخلي تقودي مبقى خرووح – شدت فشعرها : الله يرحم ميمتك الله يرحم ميمتك مباقيش نعاود
– حكيم: حداايااا تلصقي فيااا ديري كيف ديك المرة تخليني كنقلب عليك من حانوت لحانوت نقتل مك
– صفاء: والله ما نفرقك راه غا كنشوف الحوايج كنتلف
– حكيم: وتزيدي نيشان وتنقصي من داك تعواج فالمشية…
دوزو عشية كاملة وهوما خارجين مخلا في دااها ومخلاا مشراليها خلص الحق وبالزايد كيحطهم عليها صحاااح فششها ديال بصح غير يشوف فعينيها بلي الحاجة عاجباها ياخدها ليها .حتى نت على الاخر عاد دخلها لقصارية ديال الذهب مفهمتش علاش جابها لهنا – صفاء: علاش جينا لهنا
– حكيم : بغيت ناخد ليك شي حاجة
– صفاء : الذهب زعما ؟ لا مكيعجبنيش النقرة كتعجبني كثر فاللبسة – حكيم قاص ودنيها : ودنيك ممتقوبينش ياك
– صفاء : لا متاقباهمش
– حكيم: اجي تقبيهم وناخد ليك حوالق ددهب عمري بيهم ودنيك
– صفاء: ما بغيتش الذهب مكيعجبنيش خلي غير النقرة حسن – حكيم: لا بغيت ناخد ليك الذهب وتشهيت ناخد ليك على ذوقي – جرها. من يديها : اجي معايا – دخل عند واحد سيد كيعرفو معرفة قديمة ختار ليها حويلقات زونين غاليين ونفس الوقت شكل ديالهم كيوت تقبت ودنيها كانت خايفة مي محستش — سلاو عاد طلعو لطنوبيل راجعين ..مهبطة المراية وكتشوف فودنيها وكتبسم
– حكيم : شفتي دابا عاد وليتي بنية ..عجبوك ؟
– صفاء: حمقوني على الجهد ههه عندك الدوق
– حكيم: بصحتك عجبوني فودنيك غير ندور الحركة شوية نفك عليا الݣريدي ديال طنوبيل لݣتليك خديت وندخل السلعة …وناخد ليك الانسوبل كامل
– صفاء : اويلي الپاك كامل لشفنا قبيلة غاالي هذاك بزاااف – حكيم : عجبني غير خمسطاش اليوم ترخف عندي القضية ونجبوليك – حيدت السمطة وتلاحت عليه معنقاه بايساه من حناكو : شكرااا بزااف حيت كدير لي خاطري ومهلي فياا – حكيم: وصفاء زكاي راه سايݣ وطريق عامرة رجعي لبلاصتك حتى نحبس
– صفاء عاودت باستو من حناكو مزيرة عليهم عاد رجعت لبلاصتها كضحك : واا ربي وشحال كنموت على هاذ الراجل – حكيم : ديري غا عقلك معايا وسمعيلي هذا هو الربح عندي ..وملي ندوي معاك على مصلاحتك متبقايش تهزي عليا فكتافك وتݣولي شي هدرة معندها حتى معنى اليوم حزرتك ولكن مرة أخرى تعاودي بحال داك الكلام راه نصلخ مك و نخليك كتنخصي حتى تفشي على خاطرك….
صفاء : ديك الهدرة خرجات مني غير زعاف
– حكيم : متخرج منك لا زعاف لا بصح بغيتي تخسري معايا وتخرجيلي من خاطري هيا تعاودي تݣولي بحال ديك الهدرة – سكتت مجاوبتش حتى وصلو وطلعو لدار ..يلاه جا غيحني باش يحيد سبرديلتو حتى حس بها عنقاتو من لور مدورة يديها عليه وحاطة راسها على ظهرو : متبقاش مقلق عليا وشاد فخاطرك على الهدرة لقلت والله مكنت قاصداها كنقسم ليك بالله حتى خرجت مني غير زعااف والله ما نعاود نقولها
– حكيم شدها من يديها وجابها قدامو: صافي نساي الهدرة كانت ومشاات
– صفاء : نت غااالي عندي بزااف منبغيكش تقلق ولا تزعف مني كاع لتخسر خاطرك احكيم منبقاش نديرها قيمتك تسوا عندي بزاف – تهزت وباستو من جبهتو ودورت يديها على عنقو : نت خلصتي الحق وكي ندير انا باش نخلص الحق
– حكيم دور يديه على خصرها وجبدها عندو مقربها ليه كثر : باش باغا تخلصيه -صفاء: بلي بغيتي نت ولي طلبتيه نديرو – حكيم : اي حاجة – صفاء عينيها فعينيه : اي حاجة
– حكيم: كيف ما كانت – هزت راها بالايجاب : اه كيف ما كانت – حكيم كيحرك يدو فخصرها : الى ݣتليك باغي نقرب ليك و تنعسي معايا شنو تݣولي -..سكتت شحال كتفكر حانية راسها عاد هزاتو كتشوف فيه : غنكوليك دايرة فيك التقة العمية – حكيم : والى خذلت تقتك – صفاء : على بالي نت متخذلنيش ومتضحكش عليا متقدرش – حكيم : والى قدرت – صفاء : والله متقدر وبزااف الحوايج عشتهم معاك اكدو لي هاذ الشي – حكيم : والى صفاء تعاود نفس السيناريو ديال مك
– صفاء : انا ماشي اسية ونت ماشي سمير – حط نيفو على نيفها : تنعسي معايا بصح
– صفاء : انا كنبغيك نت وغنبقى نبغيك غير نت منظنش واش. يجي شي نهار ونقدر نبغي من غيرك ولا نخلي شي واحد يقيسني .مكنتخيلش راسي مع شي واحد اخر من هنا لقدام كنشوفك غا نت يعني ..- قاطعها : يعني انا لكتشوفيني بوحدي مقرب ليك وداخل بك وقايس فيك – هزت راسها باه -حكيم : ننعسو دابا ولا بلاتي – شافت فيه هازة حاجبها – عنقها مرجع راسو لور كيضحك وكيخربق ليها فشعرها
– صفاء : كضحك عليا ياااك
– حكيم : ههههه معاك معاك ماشي عليك ..(باسها من راسها) الحرام هو لعمرني نجرك ليه واخا نتي تايقة فيا أنا متايقش فراسي الدنيا وزمان هذا معرفتي الوقت باش تݣلب نتي غاالية عندي بزااف منبغيكش تتآذاي وكلشي بوقتو زوين يوصل الوقت ونتوكلو على الله ويكون خير…..
صفاء تبسمت براحة معنقاه مدور يديها عليه مزيرة : كنشكر ربي لبينك ليا فطريقي
– حكيم؛ انا لخصني نشكر الله حيت معمر داري بالزين غنحسن النسل ههه – صفاء : حكيم ماماك غتخليك تزوج بيا
– حكيم : ودابا من نيتك كتسناي مني انا بطولتي وعرضي نتسنى الراي ديال شي واحد
– صفاء : ماماك مغتكونش كتبغيني يااك
– حكيم : علاش نت كتبغيها ؟ الى قلتي لي اه من بعد كاع داك الشي لعاودت ليك غنعرفك عقلك مخلخل وممزكيش وبزااف على البراءة – صفاء : انا معندي مشكل مع حتى شي واحد لدار شي حاجة بينو وبين الله هو لغيخلص اما انا معندي ما نخلص ولكن لنقدر نكوليك حتى ماماك تظلمت حيت واخا معرف شنو اسية مكانش خصها تضربها هاكاك
– حكيم : بلا مندخلو فديطاي داك الشي خليه بيناتهم ولقدر على شحاجة يديرها ..راسك هو لتفكري فيه حيت كلشي لداير بك كيݣول غير انا وانا كلشي كيفكر غير فراسو وفراحتو – صفاء دورت يديها عليه بدلع : حتى نت واحد من هادوك لداير بيا ولكن كتفكر فيا كثر ما كتفكر فراسك كيفاش بلانك
– حكيم : عارفة راسك بعدا اش دايرة فيا – صفاء : محمقاااك ومخرجة ليك العقل – حكيم : ومشيباااني معاك ..عرفتي لاش باغي نوصل بهاذ الخاطر لكندير ليك : صفا: لاش
– حكيم : لواحد المصلحة راه حتى انا كنفكر فراسي — صفاء : اهااه ݣول هاكا اييه وشنو هاذ المصلحة
– حكيم : كنجرك ليا وباغيك تبغيني وتزيدي فيه باش نهار تجيني شي مرضة ولا شي حاجة ونطيح فالفراش ومنبقى نقدر ندير والو تكوني نتي حدايا او فوق راسي وتبقاي معايا وفجنبي ومتخلنيش – صفاء ضرباتو لكرشو بركبتها : ها نت داير دابا كي النمر شمن فراش غتشد
– حكيم : والله وعلم معرفتي شنو يكون كنوجد دابا فشكون يكون معايا وخا تمدي لي غا كاس الما
-صفاء: عول عليا انا ..انا غا هبيلة نجي حداك ونكلس نبكي
– حكيم : باش تنوضيني بزز مني نسكتك ههه – صفاء: شفتي انا لخليتك نت عرفني يا مسحورة يا ما عند دينمي اصل ههههه : حكيم : نتي لمكتوبة لي…. معاك نتي غندير الولاد
– صفاء : والبنااات هههه-
حكيم : تولديلي وخا باقا صغيرة – صفاء: نكبر معاهم – حكيم : ولدي لي واحد خليني ملهي فيه وحبسي شحااال حتى ديري ديك 25 عام عاد ديك ساعة نعمرو الدار
– صفاء : هيا لمتعاودش – عنقها خشى فمو فودنيها : زيدي فرحي براك بنت بنوت غير شوية مبقاش بزاف ونرجعك مرا( سكت شوي)..مراتي – صفاء ؛ هههه مرات حكيم
– حكيم : منلقااش حسن منك مرا ….-صفاء : ومكينش شي راجل حسن منك نت احكيم ……….
هاد العشية داز لعند مونية يطل عليهم من بعد ما صونا لصفاء وخبرها بلي غادي يتعطل شوية حيت داز عندو مو او وصاها تسد عليها الباب ومتخرجش حتى يرجع وهي داك الشي لدارت من بعد مسالات شوي. حافظاتها تخشات فالمانطة حاطة الماكلة حداها كتنقب وكتفرج متلفة الوقت حتى يجي …فحين هو كالس شاد غير كاس اتاي فيديو وطابلة ديال كسكروط محطوطة ..شاف فمونية : فين بنتك
– مونية: فبيتها ناعسة عيانة شوية
– حكيم: شعندها – مونية : غا ضاربها البرد – حرك راسو وناض لبيت دق دقة وفتح الباب ودخل كانت متكية مغطية و شادة تلفونها ملاهية فيه غا شافتو توݣدت وناضت كالسة مربعة رجليها ..جا لحداها وكلس جنبها : مالكي مريضة ؟
– ياسمين : احم احم والو – حط يدو على جبهتها قاس حرارتها : شوي مطالعاش بزاف خديتي دوا ولا نجيبو ليك – ياسمين عطست : ݣاتلي ماما غتجيبو وقيلا مزال ممشات
– حكيم: بقاي عوالة على مونية بقيتي تم – ناض خرج مشى الفارماسي خدا ليها الدوا ورجع دخل عندها خلطو ليها فالكاس وشربو ليها – حكيم : نزيد عليك شي مانطة اخرى باش تسخني – تبسمت : ليه : غير هادي بركة – حكيم: يالاه نعسي شوية ويفوتك الحال – شدت فيه وقربتلو عينيها دمعو : خويا سمحلي حيت رفعت صوتي عليك عارفة ماشي هاكا ربتيني – طبط عليها وجاب ليها راسها فوق تكاها عليه فوق فخادو وجر عليها الغطا كيحك ليها فراسها : متعاوديش – حركت راسها بالنفي – حكيم : مقلقة مني حيت ضربتك ؟
– ياسمين: شوية ههه وكنتسناك تخلص الحق كيف ديما عندي ليك شلا طلباات – حكيم : الفتيخ تاني هه
– ياسمين : وانا شكنعرف ندير من غير نفتخك ههههه
– حكيم: معرفتش شنو ندير معاك خرجتي لي من الجنب كنعييى نضرب حتى الضرب مبقاش يݣر فيك
– ياسمين : هههه حيت كتضربني وترجع تحزرني بحال هاكا عليها كنضسر – حكيم: ياسمين ديري عقلك
– ياسمين: كون هاني – حكيم: شكون لمربيك انا ولا مونية
– ياسمين : نت وتبغي الصارحة ومتݣولهاش ليها عزيز عليا نت كثر من مونية ههههه
– حكيم: نتي وياسر راكم ولادي ماشي خوتي مخليت ما شفت عليكم باش نكبركم ..باست ليه يدو : الله يخليك لينا
– حكيم : ياسمين نسولك عمرك حسيتي براسك يتيمة ؟ – ياسمين حنات راسها : لا .نت كنتي هو بانا فراسك حتى كبرت شوي ووعيت عاد عرفت بلي نت خويا ماشي بابا ههههه – ….
حكيم : اذن عمركي حسيتي براسك.يتيمة طفولتك دازت مزيانة وحتى دابا عايشة مزيان ياك ؟
– ياسمين : اه الحمد الله
– حكيم : هاذ الشي لفيه نتي تمنات واحد البنت لو قدرت تاخد منو غير شوية نتي كان عندك الزهر تربيتي بين مك او جداتك وخوك و انا تربيتي فدار باك مناقصك خير عايشة مرتاحة ..تخايلي معايا كون عشتي وسط ناس خايبين محاملنيكش ومكرفسين عليك غير حيت نت بنت واحد السيد لهوما كيكرهوه وعاقبوك نت فبلاصتو …
– ياسمين : كتهدر على صفاء ؟
– حكيم : ختك مكانش عندها الزهر لكان عندك نت هي مترباش بحالك معاشتش فالهنا والراحة لعشتي فيها نت ملعبتش بحالك مدوزتش طفولة بحال لدوزتيها نت تعداو عليها بالمزيان حتى واحد مكان قابلها خلاوها تدفع الثمن ديال غلطة لهي اصلا مدارتهاش عقدوها ومرضوها بزاااف ياسمين كوليلي تبغي نت تخلصي على شي حاجة مدرتيهاش ومعندك بها حتى شي علاقة – ياسمينة : لا – حكيم: صفاء باش اسية ضربت مونية كانت حاضرة ؟ لا ونتي علاش تعديتي عليها هاكاك .
– ياسمين سكتت مجاوبتش
– حكيم : سمعي نكوليك خوي راسك من هدرة مونية راه كتعمر ليك راسك غير بالخوا الخاوي …مك دارت علاش تلام ومك هيا لبدات لولة دارت بزاف الحوايج خايبين وباش تضربت راه متضربتش هنا تضربت فدارهم ديال اسية يعني شنو ؟ يعني هيا لمشات هاجمة عليها والله وعلم هيا لكان فنيتها باغا تضرب
..- ياسمين : دابا هيا تضربت فدار ديال الزوهرة ماشي هنا ؟ انا كان يحاسب لي اسية جات لعندها حتى لهنا وضربتها
– حكيم: مباغيش نهدر بزاف باغي نخلي صورة مك عندك زوينة لمهم من هاذ الشي كامل ديري عقلك مع ختك مبغتيش تهدري معاها متهدريش ولكن فوتيها عليك – عاود قاددها ففراشها غطاها مزيان وباس ليها راسها وخرج وخلاها كتفكر فهاذ الشي ..كان خارج بحالو وندات ليه نزهة مشا لعندها
– نزهة : كلس اولدي حكيم حدايا نݣوليك
– حكيم: هنا الله يسمعنا خبار الخير اش كاين
– نزهة. : بغيت نشوف صفاء – هز حكيم حاجبو: قلبك حن – نزهة : قلبي حن من هذا شحال غير مبغيتش نتعكس مع مونية – حكيم: وشنو تبدل دابا – نزهة : الموت والحياة وانا صحتي قلاالت معرفت ايمتا مول الأمانة يدي امانتو بغيت نشوفها ونتسامح معاها ( عينيها دمعو ) البارح حلمت بولدي سمير وحلمت به غضبان عليا حيت فرطت فبنتو ..بغيت نشوفها واخا غير شوية جيبهالي
– حكيم : صفاء عندي امي نزهة ..ساكنة معايا جرات عليها زوهرة وجبتها لعندي
– نزهة : اويلي ايمتا هاد الشي
– حكيم : شي جوج سيمانات دابا خرجتها فليل وشتا خيط من السما
– نزهة مسحت دموعها : الحديد وكيتهد وزوهرة والو واش بغات تهد جيب اولدي البنت جيبها لدار باهاا تعيش وسط خوتها – حكيم : واخا انشاءالله …..
باس ليها على راسها وناض خرج من بعد مسلم حتى على مو …رجع لدار فوقت متأخر لاقاها ناعسة كلس حداها كيدوز يديه بحنان على راسها وهي نفسها منتاظم كتحس بها مرتاحة فالنعسة ..هزها بالشوية دخلها لبيت نعسها غطاها وباس ليها راسها وخرج طلع الصباااح كان واقف حدا المراية شاد طوندوز كينقص شوية من لحيتو ..حتى شافها جاية لعندو كتمشى بالحفا يلاه فايقة شعرها مطلوق كتكسل وكتفوه :ايمتا جيتي البارح مفقتش بيك
– حكيم : لقيتك ناعسة مبغيتش نفيقك
-صفاء: خليت ليك العشا متعشتيش كون فيقتيني نسخنو ليك – حكيم ؛ مكانش فيا لياكل – وقفت حداه : عطيني نجرب نحسن ليك الله يحفظك – حكيم: مغتعرفيش
– صفاء : غير عطيني نجرب
– حكيم : تديري لي شي مصيبة نحسن ليك شعرك
– صفاء : لا صافي ما بقيتش باغا – ضحك شدها من كرشها : غا اجي اجي
– صفاء كتنتر منو : هههه لا صافي صافي ملي ولينا فالشعر ما بقيتش باغا
– حكيم : غير شدي هاد شعر العود عزيز عليا انا كثر ما هو عزيز عليك – خدات من عندو طوندوز : فوت عليك شعر العودان ديالي – حكيم: نفوت كلشي الا شعرك اليمونية
– صفاء : تقادد تقادد خليني نحسن ليك – طلعت على صباع رجليها باش تقرب ليه شوية ساطت بسخط : وحني عندي شوية احكيم راني غا على قد الحال ميترو ونص بلا متحكر عليا – حنى براسو كيضحك ..وهي كتجرب ومركزة زعما فداك الشي لكدير وهو عينو معاها ومع ملامح وجهها لكيتغيرو وفمها لكتميلو كل مرة وفين ولسانها لمرة مرة كتخرجو بعفوية ..مشعرش براسو حتى كان دفع ليها يديها حتى طاح طوندوز فالارض وتلاح على فمها كيبوس فيها وݣيكول ما بست كيجر ليها فشنايفها على الجهد عذباتو حيت قصيرة هزها لعندو دور ليها رجليها على ظهرو وجابها كلسها فوق لاڤابو وفتح ليها رجليها ودخل وسطهم عاد عاود خلاها تزير بيهم على خصرو وهاذ الشي كامل فمو مفارقش فمها كيبوسها بطريقة جامعة كاااع داك الشي لكان كابح ليها ..مبقاااتش واعي على راسو نهائيا لا شنو كيدير ولا فين باغي يوصل ملي حس بها تخنقت طلق من فمها ونزل ديركت لعنقها بدات كتهر كتحاول تبعدو شد ليها راسها دورو لجنب وتلاح تاني على عنقها ݣيبوس فيها على جهد وبيديه كيهبط ليها البيجامة من جهة الكتاف حتى شاف نص فصدرها حط يدو على لحمها وطار عليها ببوسة ديال الغدايد عاد مشى لودنيها باسها ليها مرة وجوج وبدا يهمس بصوت ثقيل وعيااان : شحال وانا شاد راسي واليوم مقدرتش نسيطر ..هربي اصفاء وسيدي عليك البيت بالخف هربي ولا اليوم غنفرعك ..هربي اصفاء راه نقدر ندير ليك شي حاجة خايبة …..
وبدا يهمس بصوت ثقيل وعيااان : شحال وانا شاد راسي واليوم مقدرتش نسيطر ..هربي اصفاء وسيدي عليك البيت بالخف هربي ولا اليوم غنفرعك ..هربي اصفاء راه نقدر ندير ليك شي حاجة خايبة – طلقها ودار عطاها بالظهر كيمسح على راسو ..فحين هيا بقات واقفة موراها ممشات لحتى بلاصة دار شاف فيها : واش مسمعتنيش شنو ݣلت ليك
– صفاء : وجهك حمر بزاااف – شدها من يديها حتى البيت ودخلها وجر الباب : بقاي هنا متخرجتيش سدي عليك من لداخل – مشى دخل نيشان لدوش طلق عليه الما بارد كيزفر ويسووط كيحاول يبرد راسو ولكن والو العافية شاعلة فيه من جهتها غير دوش عاود لبس نفس حوايجو وخرج نيشااان ….هيا غلبها النعاس ونعست ملي فاقت تفكرت شنو وقع حطت يديها على فمها وضحكت ناضت فطرت حيت مكلاتش ولبست حوايجها وخرجت مشات تقرا ؟..ملي خرجت رجعت نيشان لدار لقاتو جا غا شافتو ضحكت : هههه شفتك جيتي
– حكيم : تجيك فراس
– صفاء : ههه حشومة عليك شنو درت ليك انا
– حكيم: شفتي انا خط حمر متبقايش تقربي لي
– صفاء: ههههههههه
– حكيم نتابه لعنقها : مشيتي تقراي بداك العنق داير هاكاك – صفاء : الله يخلف عليك شفتي شنو درتي – مشى لعندها : اري نشوف
..- صفاء : رجعت بحال لقارصني الناموس
– حكيم: نتي السباب حتى كتجي حدايا عاد كيعجبك تبقاي تلمطي ففمك حمدي الله لمطيرتش ليك شنايفك من بلاصتهم – صفاء: متعاودش احكيم ضرتيني
– حكيم: غنعاود وبزااف البوسان غنبقى نبوسك غير وجدي لي داك الفم راه هو بيه باش غنبقى نبرد على راسي حيت نتي السباب عييت منلعن فالشيطان معاك
– صفاء سكتت مجاوبتش من غير حنيكاتها لتزنكو – مشى دخل لبيت وخلاها ……
داز شوية عاد فاتحها فالموضوع وقالها بلي جداتها بغات تشوفها وبلي غيديها لعندها ..فرحت على الجهد وفنفس الوقت خايفة حيت عارفة جداتها مساكناش وحدها وبلي كين مونية وحتى ياسمين ..وخا هاكاك زعمت وباغا من كل خاطرها تلاقا بجدتها . واقفين قدام الباب يلاه غيدفعو ويدخل شدت ليه فيديه : حكيم بلاتي خايفة والله
– حكيم : وقيلا راه معاك انا علاش غتخافي
– صفاء: معرفتش متوترة معرفتش اللقاء كيب غيكون وماماك واش غتقبل بيا
– حكيم: هادي لكتشوفيها دار باااك حقك هنا وفيها معند حتى شي واحد الحق يخرجك منها سمعتي
-صفاء : واخا ونت غتبقى معايا هنا مغتخلنيش وسطهم بوحدي – دفعها بشوية. الباب : زيدي قدامي من الهدرة الخاوية عارفاني نديرها ونخليك – دخلت بخطوات تقال كتفرك فيديها غير شافت مونية لحتى هيا تصدمت من شوفتها وخنزرت من ملامح وجهها ..رجعت بلور حتى تضربت فصدر حكيم وبدون متردد شدت فيديه وحتى هو زير عليها بمعنى انا معاك – مونية راسها زند غير كتشوف فيها وشافت فحكيم كتغوت ماشي بعيد يكون صوتها وصل لعند الجيران : اش جاايب لي هادي كدير عندي بشمن حق مدخلها علياااااااا
– حكيم: داخلة بحق باها
– مونية : اشمن حق عندها لا هيا لا باها. .حكيم رااك عيقتي وهاذ الشي فات الحد .واش بعقلك اولدي واش واعي بهاد الشي لكدير فيه اش خشاك فيها شعندك معاهااااا واش باغي تقتلني واش باغي تشللني جايبها لي لقاع داري مدخلها علياااا ݣولي راه باغي نقتلك امي ومديرليش هاذ الحالة
– حكيم: انا مدرت ليك والو نتي لفاقصة راسك غا وحدك لو كنت تقلبي على الهنا كنت تدخلي سوق راسك ..الدرية جايبها لدارهم وممدخلهاش عليك مدخلها لدار باها وهنا فين غتبقى حتى يوصل الوقت فين نخرجها من هنا عروسة
– ضربت ففخادها: اويلي اعباد الله اويلي اويلي ياربي وشهاد السخطة صابتني من دون الناس واش عارف راسك احكيم شنو كتݣول شكون لباغي تخرج عروسة شكون واش عارف هاذي مها شنو دارت فياا ولا معارفش ..
– حكيم مبرد : عارف ..وعارفك حتى نتي شنو درتي
– مونية : كون كان ݣلبك على ݣلبي كون راك تحس بيا وتشرب سمي وتكره لي نكره ولكن نت ممعبرنيش مفضل البراني على ميمتك
– حكيم: مي و على راسي عمرني نقصر من جهتك حقك عليا ولكن انا تجيني حتى الحق منسكتش عليه وخا تكون مي…
يتبع
التعليقات 0