الفصل 3

صفاء غير كتسمع وساكتة كتشوف منطقت بحتى حرف حتى سمعت مونية موجهة ليها الهدرة نيشان : يااااك اللفعة صافي وصلتي لداك الشي لبغيتي صافي تلويتي لي على ولدي بقيتي دوري دوري نتي ومك وصيفتاتك تدوري بولدي صيفتااتك تكملي داك الشي لبداتو هيا يااااك

– صفاء غير كتشوف فيها منطقت بحتى حرف وهاد المرة حتى دمعة منزلت متبتة راسها ومبردة دمها ومقوية شخصيتها على الاخر

– مونية : شفتك ساكتة ولا راك ساكتة غير على خلاها نوعك السكوتي ولي كيضرب غير من لتحت راني نعرفو

– جا غيهدر حكيم سبقاتو صفاء هدرت : ساكتة ماشي حيت ما لقيت ما نقول ولا راك غلبتيني الى كنت سكت حيت كتبقاي كبر مني والاحترام واجب وعيب يكون صوتي علا من صوتك لكن لنقدر نقوليك دابا هو ربي يخلص كل واحد

– مونية : يخلصني انا مالي ضربت ليك على بيت المال ربي يخلص الشمكارة ديال مك هيا اللولة – بغاات تطير عليها تجرها ..لكن حكيم حتى رجع صفاء وراه وخنزر فمو : متغلطيش أمونية …ديري عقلك حسن متوقع شي خسارة – مونية : توقع خسارة عليا ياك ؟ وشمن عقل بقالي ونت مدخل عليا هاد اللفعة بنت اللفعة حتى لقلب داري

– صفاء شافت فيها : حتى انا عندي الحق هنا وحقي من حق خوتي انا شخصيا مأديتك و مدرت ليك والو بالعكس نتي لاذتيني اذتيني فبا قبل حتى منفتح عيني لدنيا وداك الشي لبينك وبين مي انا بعيدة عليه يعني معندها حتى معنى توقفي قدامي انا وتقولي لي هاد الهدرة بيناتكم نت واسية سيري لعندها ولباقي عندها شي حساب معاك ولا عندك شي حساب معاها تصفيوه ديك ساعة تقتلك ولا تقتليها . انا وخوتي بعاد عليكم مكينش لاش تزرعو فينا داك الحقد لي راه نابت بيناتكم من دا شحال

– مونية : خوتك منين جاوك خوتك ..(كنغوت ) خرجي تقودي عليا من محاااالي ولا اليوم غندير شي كارثة

– حكيم: نززززززهة نززززززهة – جر صفاء من يديها ومشى لفين كاينة نزهة لي كانت غير كتسمع وكتبكي مبقاتش تقدر تنوض غير طواليط وبزز باش ولات تمشي ليها ..

– صفاء غير شافت جداتها غلبوها دموع تكوانسات مقدرتش تحرك

– حكيم: سيري سلمي على جداتك

نزهة كتشوف فيها وكتشوف فيها ولات عزبة وكتبكي دارت ليها إشارة بيديها : اجي ابنيتي عندي اجي اجي اللولة ديال سمير اجي ابنيتي

– مشات لعندها صفاء بخطوات تقال حتى وصلت لعندها او وقف معرفت شنو دير دارت شافت فحكيم لغمض ليها عينيه او فتحهم ورجعت شافت فنزهة لغير كنبكي : حني عندي ابنتي حني راه معنديش الركابي لنوض عندك بيهم حني عندي اميمتي نتي حني

– جراتها من يديها لعندها عنقتها وبدات تبكي : سمحيلي ابنيتي سمحيلي دخلت عليك بتراب باك لفلقبر ما سمحيلي ..

– صفااء غير مكنززة على فمها بسنانها كلها كترعد ودموعها كينزلو دمعة مو دمعة كي الخيوط على وجهها

– نزهة : سمحيلي ابنتي هلا العار انا مزاوكة فالله وفيك لما سمحيلي اناااا لفرطت فيك اناااا ..فرطت فيك ابنيتي وحقدت عليك وفرطت ونتي كنت غير ملائكة مدرتي والو ..مكانش ذنبك وتعاقبتي

* صفاء كتبكي مزيرة على عينيها ووجها حمر: هئ هئ هئ شدرت ليكم انا شدرت حشومة عليكم والله حتى حشومة خلتوني تالفة بيناتكم واش انا درت شي حاجة باش تقهروني وتخليوني وسطكم بحال هاكا هئ

– نزهة كتحرك فراسها بلا : لا اميمتي لا ابنيتي ما درتي والو ها العار لما سمحيلي حسبيني يهودية وسلمت بين يديك. راني وليت رجل فالدنيا ورجل فالاخيرة ذنبك متقلني ابنيتي مابغتيش ندي التقليد ديالك معايا ..انا مزاوكة فيك ابنيتي لما سمحيلي شوفي فيا وجه الله

– صفاء كتشهق وغير صوت بكاهم هو لكيتسمع : هئ طلبو ربي يسمح ليكم اما من عندي انا الله يسامح هئ هئ غير الله يسااامح

– نزهة : هئ هئ سمحيلي ابنيتي نتي باش ربي يسمح ليااا ..مدرتش فيها علاش تسمحي لي ولكن نتي الرابحة غير سمحي ونتي الرابحة ابنيتي …..

قاطعتها مونية دايرة يديها فجنابها كلها كتهز : الى سااااليتو النحيط و التغباان ديالكم ( شافت فصفاء ) يلااااه نتي البااااب تحركي عليا خرجي من داري

– نزهة شدت صفاء من يديها وجابتها حداها : صفاء أمونية معندها فين غتمشي هادي دار باها وهنا فين غتبقى

– مونية : عاودي نسمع انزهة دااار باااهاااا دابا ولات دار باها..شمن دار عندها هادي داري انا وولادي ..

– نزهة : مونية عفي شوية عفي لغلب يعف صاااافي ..الدرية مآذاتك فوالو

– مونية كتغوت : هاذ الهدرة ماااشي لياااا اناااا فهمتي ..الى كنت نتي غاضك الحال وحسيتي براسك قريبة تودعي ماتجيش ديري ليا فيها الميمة الحنينة بغتيها سيري تحابي نتي وياها فشانطي هادي مغتكلسش عندي ومغتشركش الطعام هيا ولادي – حكيم راجع اللور غير مربع يديه وساكت كيتفرج فيهم باغي يخليهم حتى يساليو ولي فقلبو شي حاجة يخويها

– فحين حتى ياسمين وياسر واقفين حدا بعضياتهم كيشوفو ..وكين غير مونية لولاو فيها عشرة كتحكرك عليهم : راااااه معااااك كندوي نتي تهزي خرجي علياااا حسن منجرك من داك الشعر

– صفاء شافت فحكيم لدار ليها براسو لا فهماتو انه عنى باشارتو بقاي فبلاصتك متحركيش وداك الشي لدارت

– نزهة : متقربليهاش ومتحطيش عليها يديك وراه كتليك صفاء هنا فين غتبقى حدايا – مونية : سمعييي انزهة نكووووليك راااه يا هيا يا انا فهاذ الدار

– نزهة : بنت ولدي غتبقى حداايااا

– مونية : واااخا انزهة واااخا ..نتي نزهة وانا مونية الى مندمتكش على هاذ الهدرة راه مراضعة من مي غا القطران هاهي خليها حداك الله يطليك بهااا وشوفي شنو تاكلو نتي وياها گولو الحجر ولا خليها تخرج تخدم عليك فالديور ولا تبع حرفة مها نيت هداك الشي لفالحين فيه وانا غنهز ولادي ونمشي لدار ولدي ونخليك حتى تموتي ونجي نورث فيك وشوفي ديك الساعة واش بنت ولدك غيشيط ليها شي حاجة

– نزهة : منين جايبة هاذ كحولية القلب وهاذ السم أمونية غا ݣوليلي مقصحة كبدتك لهاد الدرجة باقا نتي هيا نتي شوفي شحال من عام دابا ونتي محررة فيا العيشة كون غير مبقتيش معايا من الاول على انك تبقاي تنهري فيا كل ما تحطي داك الطبسيل وتمني عليا فداك جوج دغمات لكناكل

– مونية : وشنو بغيتي ويلي بغيتيني نبقى معاك هنا اولدي يبقى خدام على ولاد عباد الله مكفاكش سنين وهو هازك شنو باغا كثر راهم گالوها خدم التاعس على قبل الناعس …صافي الله يخلف …نهز ولادي ونمشي لعند ولدي نعيش مرتاحة مع راسي معاه لنبغيه يجي حتى لعندي حتى تخوا هاذ الدار وديك ساعة القانون بيناتنا لعندو شي حاجة ياخدها

-شافت فيها صفاء قارنا حجبانها بجوج : ربي لخلق مكيضيعش وربي نهار غيقطع ليها رزقها راه غيديها لعندو مكين لاش هاذ الهدرة…..

— يلاه جات غتجاوبها مونية او وقف قدامها حكيم مزال مربع يديه : مونية ساليتي ݣلتي داك الشي لعندك الى كانت شي حاجة مزال ݣوليها

– (سكتت مجاوبتش ) واخا نقدر نهدر انا دابا ؟ -جبد سوارت ديال دار من جيبو او خدا يديها او مدهم ليها : هاهوما سوارت ديال دار سيري ليها وخوديها لبغيتي من غدا نكتبها ليك مكينش ليحيدها ليك ..- مونية شافت فنزهة او صفاء وضحكت بتعالي هازة نيفها لسما حتى عاود ستانف هدرتو

– حكيم : ولكن غتمشي بوحدك ولادك هنا غيبقااااو معندهم فين يمشيو معاك

– مونية : شناهو شنو كتݣول نت

– حكيم: كي سمعتي ياسر وياسمين غيبقاو فدار باهم حدا جداتهم وختهم ونتي من حقك لمبغتيش تبقاي هنا راه سوارت ديال دار عندك – مونية:ولادي غيزيدو قدامي وفين ما كنت انا غيكونو هوما – شاف فالمرا – ونزهة لبغات بنت ولدها الله يطليهم ببعضياتهم تاكل هيا وياها الحجر

– حكيم مصغر عينيه وكيشوف فمو : مونية بزز باش شاد فمي مباغيش نغلط معاك وكلمة وحدة راه ݣلتها دراري غيبقاو هنا – مونية شافت فولادها: ياسمين ياسر قدااامي غتزيدو مغنبقاوش هنا حتى تخوا دار عاد نجيو ناخدو حقنا ونديو ورثنا – هزو بجوج عينيهم فحكيم دور راسو بلا : هنا فين غتبقاو – حناو راسهم مقدروش يݣولو شي كلمة مونية : راني دويت معاكم واش مكتسمعوليش واش هذا كاع خوف منو

– حكيم: ماشي خوف ولكن نتي ولدتي أمونية وانا لمربي – مونية : دابا شنو احكيم

– ….حكيم: نتي لبغيتي يااااك نهار الاول جيت لعندك كتليك مونية زيدي قدامي خوي الحي وخوي حتى المدينة ويلاه عيشي معايا باش ما قسم الله اش ݣلتيلي ..غير خليني بغيت ولادي يترباو فدار باهم تحملي مسؤوليتك دابا

– مونية : ايه اولدي ايه ݣلتيها لي ومديتش برييك ݣلتيلي يالاه معايا وگتليك لا خليني منفرقش المرا على حفايدها منخويش عليها دار ونخليها وحدها

– حكيم: لا أمونية ماشي هاد الشي لݣلتيلي ماشي هاد.الشي علاش بغيتي تبقاي كنت خايفة لا نتي غير تزيدي و نزهة تجيب صفاء وتحن وتكتب ليها كلشي على هاذ الشي بقيتي هنا – مونية : اه بقيت هنا باش نحظي رزق ولادي وحتى دابا انا باقا هنا معندي فين نمشي باقيا غنحظي رزق ولادي ..( شافت فنزهة ) نزهة سمعي نكوليك لنطولوه نقصروه كنقسم ليك بالله وتمشي حتى يكوليك راسك تكتبي لهادي لحداك دار ولا الحانوت اقسم بالله حتى ندير شي شوهة ونزريك فيها ديك ساعة ديال بصح

– حكيم : دوري عندي شوفي فيا فين باغا ترزيها؟ ..قصدك فصفاء ..سمعي امونية نكوليك عرفتي ايمتا تقدري تقيسي هادي ( شير لصفاء ) وتحطي عليها يديك حتى منبقاش انا عاد توصلي ليها

– مونية : صافي لحست ليك.دماغك قلباتك عليا راك ݣلتيهالي كلتيلي هيا اهم ليا منكم كاملين

-حكيم : مونية اجي معايا – …….

شدها من يديها دخلو البيت وسد الباب وشاف فيها كيتاسف : والو امي وااااالو مابغيتش تهدي عاد مزايدة فاالجهد بغيت غير نعرف فين باغا توصلي بهاد الشي ديالك

– مونية : شدرت انا شدرت من غير كندافع على حق ولادي ومن حقي

– حكيم: هاذ الطمع واللهفة على الفلوس مبغتيش كاع تنقصي منو وخا عييت ما نكب فيك عييت ما نعطي بحال كنكب الما فالرملة – مونية : واجب عليك تعطيني راني مك ولازم عليك تاذي معايا الواجب راه ماشي خير منك راه ملزوم عليك – حكيم : ما ݣلتش العكس وهاذ الشي لكندير مكنخلي ما نعطيك عمري بخلت عليك كنعطي بالكثير غير على وعسى تقنعي وترجعي شوي الرحمة فقلبك ولكن وااالو عاد مزايدة بغيت غا نعرف هاذ دار شحال ساوية كاع باش دايرة عليها هاذ الحالة – مونية : وخا تكون ساوية غير جوج دريال منخليش ديك بنت الشمكارة تدي حتى فرنك

– حكيم : المرا باقا فالحياة ونتي باغا ثورتي فيها محشمتيش هذا كاع فيك طمع

– مونية : حقي وحق ولادي فنيت شبابي انا فهاد دار متجيش وحدة خرا تحط يديها مع ولادي

– حكيم تعصب : شفتي الى كان غير على هاذ الشي خوديه وربحي به شفتي والله صفاء لخليتها فين تحتاج وتفكر تقاتل معاك على هاذ جوج ميترو

مونية كتغوت: ايه ايه مانت وليتي تصرف عليها گول والدها من صلبك ..سمعني بلا متخليني نسخط عليك فرق عليك ديك المصيبة راه غيجيك منها غا الصداع راه انا اولى ليك فكلشي – حكيم : ماشي نتي لغتݣوليلي شنو ندير

– مونية : هيا كتقلب على السخط ؟ لبغيتي سخطي راه قريب

– حكيم : لبان ليك ديريه

– مونية : حسيتي براسك ياااك درتي دوك جوج فرنك او وليتي حاس براسك راه كيف ما طلعتي تقدر تنزل

– حكيم: ناس كديرو مع البراني ونتي دايراه غا مع ولدك….

– – مونية : كون كنت ولدي وتاع ݣلبي كون راك تحت يدي متجينيش فالعكس

– حكيم: معرفت مندير معاك من دابا مبقيت نقلب لا على سخط لا على رضاك غنبقى نتعامل معاك بالمعروف وبداك الشي لوصا به الله – مونية : حيت كنقلب ليكم على مصلاحتكم وليت انا لممزياناش غير نت قلبوك ليهود وليتي باغي تقلب عليا حتى خوتك – حكيم: ديري عقلك أمونية راه هاذ الشي لغادة فيه ممسلكش – مونية : نت واش مشفتيش راسك كي وليتي دارو بيك غا دورة وكلووك يااااك وكلاتك حتى خلاتك غا حال فمك وتهتهت بسميتها

– حكيم : داك الشي تعرفي ليه غانتي

– مونية : واااخااا احكيم واخا ولا عندك هذا معيور معيور واخا احكيم – حكيم : شنو ناوية ديري دابا تبقاي هنا ولا تمشي – مونية :مالي حماقيت نمشي ونخليها هنا تبورد كي بغاات نولي ضحكة عند الجيران كلشي يتشفى

– حكيم: لبغتيه ديريه – مونية : ولكن دار غتكتبها لي دارك بغيتها فسميتي – شاف فيها وضحك مفقوص من هاذ الطمع لفيها : الى عطيتها ليك تقنعي ولا عاد كرشك ما غتزيد تكبر – مونية : راني مك عرف راسك شنو كتݣول وهاذي اقل حاجة تعطيها لي – حكيم: خايفة لنسكن صفاء فيها ؟

– مونية : راه بحال واالو تقدر دور ليك فالخوا وديرها نت كتموت وتجي على عكسي

– حكيم: الى كتبت ليك دار تهنيني ؟ واخا امي دار حسبيها ولات ديالك وغنخويها ليك ولكن بشرط

– مونية : شنو هو – حكيم : طول ما صفاء ساكنة معاك هنا متقربيلهاش خليك بعيدة عليها

– مونية : حتى لين غاتكلس هنا مطولة عندي هنا بزاااف ؟ – حكيم : غتخرج من هنا حتى لنهار لنعقد عليها

– مونية : اهااه وناوي تسكنها فداري لغتكتبهالي

– حكيم: حتى نكون حمق عاد نسكنها معاك التيقار زوين امي

– مونية : حكيم تبغي السخط هو تزوج بها خود لي تبغي من غير بنت اسية عمرها تكون ليك مرا

– حكيم : ومن غير بنت اسية عمر شي وحدة غيرها تكون ليا مرا

– مونية : ترضيها هيا وتاخد سخط مك ياااك باغي تشلنني عاد ترتااح يحساب ليك غطفرو نت تزوج بها وانا نسخط عليك حياتي كلها وشوف ديك الساعة واش تطفروه نت وياها – حكيم:ماشي كاع لولدات ام وماشي كاع سخطهم ولا رضاهم كيدوز نتي ديري كيما تبغي وانا ندير كيما نبغي

– شاف فيها بجدية كثر : ولكن شنو ما ديري يكون بعيد على صفاء جيت كنقسم ليك برب الكعبة وتقسيها لو غير بالقليل عمري نتلفت ليك مزال

– مونية : ايمتا تكتب لي دار

– حكيم: وقت لتبغي انا واجد ياربي غير الهنا ….

فتح البيت وخرج شاف صفاء لمزال كالسة حدا جدتها وخوتو لكالسين فالجهة اللخرا غير كيشوفو مسح على راسو وشاف فيها : صفاء اجي معايا

– شدتها نزهة : فين غتديها احكيم

– حكيم : غير نهدر معاها وترجع – ناضت لعندو خرجت معاه حتى لعند الباب او وقفو شاف فيها حط يدو على حناكها : مالكي مزيرة ؟ – صفاء : مقهورة من هاذ الشي لكيطرا

– حكيم: مرتاحتيش هنا ؟ مفرحتيش حيت تقربتي من جداك – صفاء : مك مبغانيش نبقى هنا انا مقادة على صداع

– حكيم: انا عجبتني حيت على الاقل هاذ المرة مسكتيش ومحنتيش راسك عجبتني حيت درتي بهدرتي

– صفاء: شنو غيوقع دابا واش غنبقى هنا ؟

– حكيم: غتبقاي هنا وعيني ديما غتبقى عليك متخافيش

– صفاء: او مماك ؟ – حكيم: دويت مع مونية مغتقربش ليك ولكن لنوصيك عليه اصفاء حقك عمرك تسكتي عليه متبنيش ليها راكي خايفة عندك شي حاجة حتى نت ݣوليها

– صفاء: كتبقى كبر مني احكيم منقدرش

– حكيم: مݣتليكش علي صوتك غير هو متحنيش راسك انا لكنعرف مونية تحني راسك غتزعم عليك

– صفاء: وملي كتوصيني هاكا نت فين غتكون

– حكيم عنقها حاط ليها راسها على صدرو : انا ديما معاك وانا مكرهتكش تبقاي غير معايا مقادرش نرجع لدار ونتي مكينش فيها ولفت حسك بزاااف محاملش نرجع لدار ومتكونيش ونلقى داك سكير ولفتك تلقاي ليا فالباب ولفت نݣيرك

– صفاء: هانت دابا مبقى ليقرقب عليك ويجي يخسر فيك النعاس ههههه – حكيم باسها من راسها : غير مؤقتا وترجعي عندي ثلت اشهر كاااع وتكملي هاذ تمنطاش وديك ساعة نتربط انا وياك

– صفاء: شفت جداتي و سلمت عليها وتسامحت معاها ودابا بغيت نرجع معاك

– حكيم: واش يحساب ليك جبتك هنا وغنخليك ومغنبقاش نجي لعندك راه انا معاك تقريبا غنبقى معاك فكل وقت ولكن من الاحسن تبقاي هنا فداركم فهاذ الفترة حتى نتزوجو اصفاء من مصلاحتك نتي الاولة انا وياك اصفاء مبقاش صالح لينا نسكنو بجوج مع بعضياتنا بلا زواج راه مبقتيش قادر نشد راسي عليك راه غندير فيك شي فضيحة المسخوطة وحتى نتي مشاداش تقارك كتزيدي غا ما متصعريني

– صفاء : هههههههه …..

ضربها راسها بشوية كيطبطب عليها : كضحكي غا ضحكي وزيدي فيه اما انا راه هجرتو معاك

– صفاء: ملي غنوصل ل 18 غدير لي عيد ميلاد ؟

-حكيم : غندير ليك العرس ماشي العيد الميلاد نهار عيد ميلادك هو نهار لغنعرس بيك

– صفاء : ههههههه غيكون احسن نهار عندي

– حكيم : وعندي حتى انا حيت غتولي مني ومحسوبة عليا انا وممحسوبة على حتى شي حد اخر ومكيش مزال لعندو الحق يتدخل فيك

– صفاء: ياربي تعجل هاذ النهار

– حكيم: ياربي امين – صفاء : غتمشي تجيب لي حوايجي دابا ؟ – حكيم : مغنجيبش كلشي غنجيب ليك غير النص داك الشي لاخر غيبقى عندي حيت مزال فين غترجعي وملي يكون عندك شي وقيت خاوي مقارياش تفكريني واجي طيبي لزمانك مفيا ليرجع تاني الماكلة الزنقة

– صفاء: كون هاني ديما هانا عندك – حكيم: صفاء بغيت نكوليك بلي ناوي نكتب لمونية دار

– صفاء بجدية : هيا لقالتها ليك ..مافيها عيب راها مك كتبها ليها كتبها ليها هيا وحتى لخوتك معاها احكيم

– حكيم : باش منكونش انا خايب غنعطيها ليها وتضبر لراسها هيا وياها – صفاء : ماشي مشكل ربي يعوض بما حسن راه معاطيهاش البراني راك عاطيها غا لمك

– حكيم: ونتي غتصبري معايا ؟ حيت ملي غنتزوجو غير غنگري ولكن غير الايام الاولى حتى نشوف شي بقعة ولا شي سفلية وعاد نبني مباغيش البرطمة باغي شي داير لنرتاحو فيها ونستقرو حسن ياك ؟ – صفاء: انا معنديش مشكل فين ما كنتي نت نكون معاك وخا غير بيت نحمد الله عليه معاك

– حكيم دور يديه على كرشها : نبدلو المدينة اصفاء حسن ؟ نسكنو فشي مدينة غا بوحدنا ميكعرفنا فيها حد ؟ – صفاء:غتزيد تأكد ليهم بلي ديتك ديال بصح هههه

– حكيم: مونية عندها الحق تلويتي عليا دبصح ههه – صفاء: بالخير ولا بالشر – حكيم: غير الخير لجايني من عندك ولكن عرفتي باش تلويتي عليا ؟ – صفاء: اممممم باش

– حكيم: بشعرك ..( كيتلمس ليها شعرها ) بهاد الشعر ديال العود لعندك هو لسد لي عيني ومخلاني باقي فين نزيد نشوف – صفاء: هاذ الشي لبغيت ومعندك فين تشوف اصلا ..بغيت غير انا لنبقى نبان ليك وغير انا لنبقى فعينيك وغير انا لنكون عندك – حكيم: شنو نعتابر هاذي غيرة

– صفاء: انا غير الكسوة كنت بغيتها وشفت وحدة أخرى هزاتها وبغيت نطرطق عاد باقي نت لكلشي عندي ماشي غير نغير راه شي حاجة كثاااار – دور يديه عليها هاد راسو لسما كيضحك – ضرباتو لكرشو بشوي : مضحكش عليا….

—————–غربات الشمس وطاح الظلام زوهرة بقات غير وحدة فداك دار لقد السخط غير هيا والحيوطة كالسة صونا تلفونها كانت اسية لمصونية : الوو على سلامتك ملي صونيتي – اسية ؛ وشغندير راه التعبئة هنا غالية مزال ما بغيتي تمشي عند شي واحد يصايب ليك هذاك الواتساب وتهنينا

– زوهرة : سكتينا من الفهامات وݣوليلي شنو درتي فالفلوس ضبرتي فيهم

– اسية : هنا كنشوف كنشوف كوليلي صفاء رجعت ؟ – زوهرة : ترجع ولا تكلس

– اسية : انا بغيت نعرفها غا فين مشات

– زوهرة : مشيان با لمشا ما ولا فوكاش غتصيفتي دوك الفلوس هدري

– اسية : غنضبر فيهم وغنصيفت غير صبري عليا ..زوهرة شوفي فين تقلبي عليها راها صغيرة وخوافة غير قلبي

– زوهرة : افين عندي غنقلب هاديك صغيرة هاديك اشنو خوافة من الفوق كون كان كيفما كتݣولي كون راه ملي سديت عليها الباب تبقى واقفة لعندو حتى وكان نفتح انا على خاطري كون راه ملي طلع الصباح وفتحت الباب نلقاها مزال واقفة تم ماشي طارت وغبرت غبرة وحدة بحال الى راها كانت تسنى غير نخرجها تجبريها طايحة على شي واحد مشات لعندو تحاز عليه يلعب فيها

– أسية : متكونش زعما مشات لعند نزهة ؟

– زوهرة : كون مشات اتم كون راه وصلاتني بالخف صحاب التبركيك موجودين وزايدون وخا معرف اش يوقع والله مونية لقبلت بها ودخلتها لعندها

– اسية : على مالها مدخلها من نيتك راه تم حق باهااا ..غابلاتي راه مزال منضتش ليهم خليني غير حتى نرجع وتفرجي بالله الى حق صفاء على متحسب لي فوق الطابلة ورقة تابعة ختها

– زوهرة : حمد لله غير من فقتي لهاد جيه هيا لجبتي درتها مفيها نفع مافيها نفع وصاب يكون النفع غير فدوك جوج دريالات لغيجيو وراها ونزيدك لالاهم نزهة صافي شدت الفراش غدا ولا بعدو تعكدهم وتخافي غير تكتب ديك دار لمونية – اسية : مكيحملوش فبعضياتهم الشعرة ملاقيين غير على النفاق والله لكتبت ليها شي حاجة

– زوهرة : وخا زعما ديك دار ولد مونية لعاودها بالبني وحاط فيها رزقو ايه تجي حتى لمونية وتخلي ولدها يحط فيها شي فرنگ كون ما راها قارية المنع وعارفة بلي دار ليها

– اسية : تاني داك حكيم خصو عقل باني ليهم دار ومعندو فيها حتى شبر هههههههه…..

–

زوهرة : ديك نزهة عندها الزهر لقاااتو. هو كيصرف عليها وهاز ليها دواها كون مكان بالله حتى كنت نلقاها كتسعى حدا باب الجامع …فراسك بلي ديك المبهلة ديال بنتك كان تعرض ليها شي واحد او هو لحامى عليها صدق مدوز 48 ساعة فالسيلون – اسية حلت فمها : اربي لا تݣوليهاش

– زوهرة : اما هيا كتحلف وتعطي لݣلبها بلي معرفاتوش

– اسية : هاي هاي هاي على صفاء حكيم كااامل

-زوهرة : هانتي تشوفي نتي عييتي طيري ولا بغا يتشد ليك جات بنتك فدقيقة خلاتو ما ينوض من على السيد حتى هزاتو السطافيط

– اسية : مكذبتيش عييت ما نطير شفتي كون تشد لي غا فليلة او وصلو تصاورنا لمونية برب حتى كانت تكون الآخرة ليها . دقتي لمونية كانت غترجع بولدها حكيم

– زوهرة : سوقك خاوي فيك غا الهدرة عييتي تكولي ومدرتي والو

– اسية : ولد ال*حبة حافظ سواريه هاذي شحااال باقا نعقل كان مقصر مع شي دراري والبنات لكانو معاهم كنت نعرفهم وغوتولي مشيت عييت نتلوى عليه وخا كان سكران كان حاظي راسو مديت منو لا حق لا باطل

– زوهرة : كون طرتي عليه بالله كانت تكون هاديك اللخرة ليهم ولكن سوقك خاوي

– اسية : مزال متزوجش ؟

– زوهرة : منعرفلو وراها باينة كون كان تزوج وشداتو شي وحدة غتشوفيه مزال يصرف على نزهة الى خلاتو يبقى يسرف على جوج خياام مراهاش مرا بنت المرا

– اسية : لكان بلا زواج ملي غنجي انا ليه هههههه

– زوهرة : وحتى لكان مزوج كاع اش بطرا

– اسية : لكان تزوج الله يسهل عليك انا *حبة اه ولكن *حبة وعندي مبادئ هههههههههههه

– زوهرة : تزواق الهدرة جميلك

– اسية : ودابا خلينا من هاذ الشي كوليلي ازوهرة متمشيش تسولي فديك الثانوية لكتقرا فيها على واش كتجي تقرا ولا لا هوما لغيعطيوك خبارها

– زوهرة : اوا صافي هداك الشي لبقى نيت غير نقلب عليها – اسية : وغير سيري ليسي سولي

– زوهرة : اه مع نتوما اولادي تبارك الله خرجتو عندي غير القراي لخوه داك الشي باش عرفت معاكم هاذ لااااايصي ولا معرف شنو سمية مو ياك حدكم حد الابتدائية اسيري بعدي مني انا مرا كبيرة فين غنعرف بقالي غا هاديك الحرامية نمشي ندلع نقلب عليها

– اسية : دابا حتى باش نشوف شي وحدة من تم تمشي تسول منرضاااش اويلي منرضاش يسيق لي الخبار شي واحد بلي بنتي هربت اجي امي عنداك تكوني سيقتي الخبار شي واحد من الجيران

– زوهرة : انا غافيها يوسف خلالي العقل لنفكر فشي حاجة اخرى – أسية : وا عنداك داك الشي لبقى نيت غير يضربو بيا الكيسان – زوهرة : اسية الفلوس تكون عندي فهاذ السيمانة راه بزز باش قنعتهم باش يديرو ليه التنازل

– اسية : واخا وراه اخر مرة ندفع عليه شي ريال يدير عقلو شوية ……

كااالسة هيا ونزهة فالبيت تقريبا ساعة وهي نزهة غير كتبكي وتشكي وتطلب منها السمااحة وصفاء على فمها غير الله يسااامح وان الله غفور رحيم

– حتى قربت ليها صفاء شدت فيها : عافاااك وخا حتى نت تقدري تعاودي ليا بغيت نسمع حتى من عندك

– تنهدت نزهة بحال هازة فوق ظهرها الجبال : اش عندي منعاود واش عندي منتفكر أبنتي فيه لطرا طرا ولدار شي حاجة راه كيتخلص عليها

– صفاء : بغيت نسمع بابا كانت فنيتو يضحك على اسية بصح ؟ – نزهة : الله وعلم ابنتي منقدرش نعرف انا ولكن لنکوليك هو باك الله يرحمو كان خفيف وعينيه زايغة كنت نقيل نهي فيه كنت نخاف يطيح فشي مصيبة الحق ابنتي نݣولو ليك كنت بغيت نتف راسي ملي طاح فاسية وملي تلزم عليه وتزوجها وانا مكنت لا باغا لا راضية بها ومكنتش باغا ندخلها لعندي العداوة كانت بينا من زمان لا زوهرة كانت تحملني لا انا كنت نحملها داك الشي من عند الله اوا هيا هاديك ملي كتاب المكتوب وتلزم عليه يتزوجها ولا يدخل الحبس دار بها الكاغيط وجات سكنت هنا معايا والصارحة مكنتش نعاملها زوين هيا كانت دير الحاجة وانا نعيب ليها فيها وحتى هيا بسلامتها مكانتش تسكت حتى هيا كانت عافية بالحق الحق يتݣااال اسية كانت تضرب فالوجه ماشي بحال مونية لي كتضرب غير من التحت وسمها كتخرجو شوية بشوية ….انا صراحة مكنتش باغا حتى مونية حيت كانت سمعتها خايبة وكان عندها الولد

– صفاء: دابا واخا هاكاك حتى اسية تظلمت

– نزهة : اودي ملي تزوجو وصلحو الوضع كون سمير دخل سوق راسو ومبقاش تابع لالة ومالي ومك تقلت وعرفت كيفاش تسير دارها وكون انا مدخلتش فيهم ومكنتش نحفر فين نفرقهم كون حتى حاجة مطرااات ولكن والله ابنتي ونحلف ليك بلا بيا انا مكانوش يطولو وخا كون مكنتش انا وسطهم مكانش زواجهم غيطول حيت مك كانت خف من رزقها ومزااااال صغيرة معارفاش بحق دار والمسؤولية وباك نهار خدام نهار كالس وتابع غا البلية ومن قصارة لقصارة زعما الحق نݣولوليك.منخبي عليك والو الحقد كبر وزاااد بيناتنا .. وكلنا كان معاونا الجهد وكنا طاغيين غير الفرق لبيناتنا هو انا كنت نهي ومكنتش نخلي سمير يتقاتل معاهم شحال من مرة كانو يجيو ولاد زوهرة كيحيحو عليا قدام الباب و انا كنت نسد على سمير بساروت – صفاء: واش كي خرجو من الحبس جاو قتلوه ؟ زوهرة : لا لا دوزو شحال عاد نواو يديرو فعلتهم كانو ولاو عاودو تشادو او فكو بيناتهم الناس فالزنقة وفالعشية ( بدات تبكي ) كنت حاطة صينية ديال كاسكروط حتى دفعو الباب ودخلو علينا والله ابنيتي محنو فين كبدتي تم تشواااات وكانو باغين يضربوني حتى انا دقة لكان غيهز عليا هيا لفين مات فيها – بدات تشهق حتى كانت غتقطع فيها نفس صفاء ملقات ما دير من غير تطبطب عليها وتعنقها وحتى هيا دموعها دايرين حقهم

– هيا زوهرة كانت تهدد ديما كانت تكولي راكي غترزاي فولدك حلفات بها أو وفاتها

– صفاء: هئ هئ وبابا بصح مقلبتش عليا بصح عمرو سول فيا – نزهة : كذوب الى ݣالو ليك شي حاجة غير كذوبو عليك ابنتي باك كان باغيك وكبدتو كانت فيك كلشي مني انا انا لگنت نݣولو متقربش ليهم مخصني صداع معاهم غتمشي تبغي تسول فيها غيدورو بيك انا لݣتليه ها السخط ها الرضا لعاودتي قلبتي على ديك العائلة كتليه كين غا بنتك دابا تكبر وتعرفك كنت خايفة ابنتي على ولدي حيت مكانوش يعرفو يهدرو لمهزوش المواس نهار ومطال وهوما يمضيو فالجناوا وداك الشي لخفت منو هو لتكتب عليا هئ هئ بالحق قبل سيمانة مطرا ديك الكارثة جا عندي ݣالي مي راه غندوي مع اسية باش تجيب لي بنتي نشوفها قلبو حسسو وبغا يشوفك وغير معطاه داك النهار وصاني عليكم بثلاتة نتي وخوتك وانا مدرتش بالوصية …..

دارت صفاء وجهها بين يديها وبدات تبكي قلبها طايب .حتى تفتح عليهم الباب ودخل حكيم مشى تحنى لعندها حيد ليها يديها من على وجهها وتكاها عليه: علاش كتبكي مالها ؟

– نزهة : سولاتني نعاود ليها وعاودت

– حكيم كيشوف فيها وكيمسح ليها وجهها: ششش صفاء صافي اش كاين رجعنا تاني نسيتي باش واعدتني

– صفاء : هئ هئ علاش طرا هاذ الشي كامل علاش رزاو راسهم هاكا علاش عذبو راسهم وعذبوني معاهم

– نزهة : كتاابت علينا ابنتي كتاابت ولمكتوب على الجبين راه يدوز باشما عطا الله

– حكيم جرها : نوضي اجي معايا شمي شوي الهوا – خرجها الباب خلاها حتى ضرب فيها البرد شوية : مزيان دابا تنفستي باقا نفسك مزيرة ؟

– صفاء : شوي دابا

– حكيم: اش كنوصيك انا باقا مبغتيش تفارقي مع هاذ دموع – صفاء : ماشي الخاطري هيا كتعاود لي وقلبي تزير عليا انا جيت الوسط وبقيت معرفتش شكون ظالم من المظلوم كل شوية ونحن الواحد مرا نكول الحق عند اسية حيت حيت بابا ظلمها واي وحدة فبلاصتها متصبرش على داك الشي لدار ليها بابا مرة كنݣول حتى هيا ظلمت ماماك مكانش عليها تضربها كنرجع نكول ماماك هيا لتعدات وبدات شوية كنحن لبا وكيبقاو فيا خوالي كي كيحسو وهوما عمروهم يخرجو ولا يعاودو يحسو بحريتهم كنشوف ماما لخرجت الطريق مخلطة حلال وحرام وقلبها قصحاتو عليا وحتى على نعمة لكينعم عليها بها الله غير طيح شي حاجة فكرشها وتحمل كتمشي تيطحو ..

– مسحت على راسها : ياربي راني تلفت وسطهم

– حكيم خنزر فيها : نتي علاش غتلفي نتي غير درية صغيرة معندك غراض فهاذ الشي كامل لقد على شي حاجة يديرها نت فكري غير فراسك صافي كيف ما هوما كلشي كان يفكر فراسو ومصلاحتو حتى نت كوني بحالهم حيديهم من حياتك شفتي نهار تخوي باالك منهم غتكوني مزيان نكون منك انا اقسم بالله منبقى نشوف فشي ولد ال*9بة صافي لعندو شي طريق يشدها الله يجعل شي بركة

– صفاء: هانت نت حتى مك اذاتك وكتآذيك وعارفها مكتبغيش ومزالك معاها احكيم

– حكيم : كين خوتي فالوسط منقدرش نسمح فيهم ونخليهم عارفها مغتقدرش ومغتنجمش داك الشي لدزت منو انا ولعانيتو مع مونية منقدرش نخلي خوتي يدوزو ويعيشو نفس الشي ….(سكت عاد عاود كمل ) انا حاط كل واحد فبلاصتو انا ماشي هو نت مونية كيف ما كان الحال كتبقى مرا انا ولدها ومنبغيش نشوفها خرجات تخدم ولا خرجت دير شي حاجة خايبة سيغتو ومونية كنعرفها على الفلوس تقدر دير اي حاجة وانا خايب والعقل بعد الخطرة عندي كيطير ندير لدرتو ومنوعاش على راسي داك الشي باش معاها هيا كنبغي نتفادى

– صفاء: الواحد مكيختارش والديه وميقدرش يبدلهم

– حكيم : هاد الشي لعطى الله …..

مونية

دخلت لبيتها ضربتها بنعسة ممسوقة لوالو همها وتفكيرها دابا كلو غير فدار لغيكتب ليها حكيم ..فحين ياسمين تطوعت ودخلت هيا لتدير ليهم العشا ..غير طاب دارو كاملين على طابلة صفاء حاسة بالحرج كتاكل بتاني وعينها غير على طبسيل هو كلشي عينيه على طبسيل كياكلو بسكات حتى كسر حكيم هاد الهدوء : مك واش مابغاتش تجي تاكل نوضي غوتي ليها – ياسمين : دخلت عندها ومبغاش تجي

– حكيم : خليتي ليها

– ياسمين. : اه خليت

– حرك راسو : دخليه ليها البيت وخليه لعند راسها —- طلع صباااح جديد كانت فيه صفاء فالكوزينة دخلت تشرب بانو ليها المواعن ديال البارح جاتها حشومة تخليهم ما حيت ياسمين البارح هيا لطيبت شافت مافيها باس لغسلت هيا المواعن ..وهي واقفة حتى حست بمونية وقفت عليها : لا لا تبارك الله تبارك الله بالخف ولفتي وزعمتي

– دارت صفاء تكمل شغلها حنات راسها ونطقت : صباح الخير – مونية : لصبح على كمامركم شمن صباح بقى عندي انا بغيت غير نعرف واش نفس والو مكدورش فقبيلتكم لا نتي لا ديك الهايعة ديال مك غا غادين وتلصقو غير مك كانت لاصقة فسمير ونتي لاصقة لي فولدي – صفاء: مغنجاوبكش اخالتي حيت نفسك تخزيك وغنخليك نتي وضميرك يحسابك هاذ الشي الى كان عندك شي ضمير حيت كل وفعالو باينين وفعلتك نتي والشمل لشتتي حتى هو على بالي وراه باين وكلشي عارفو – مونية : بصحتي المهم ربحت مك وخليتها فيها تحفر ودݣ – صفاء: بيناتكم

– مونية : والى بيناتنا تفارقي على ولدي وغير بلا متفرحي بزاف معندك متصوري منو دار وقريب تولي ديالي ومزاال ناخد كلشي فسميتي ومنخليك مزال فين تحطي يديك

– صفاء ضحكت مستهزء : واش غير نتي تموتي على الفلوس اخالتي يحساب ليك كلشي بحالك بصح كبرت بلاش كبرت محرومة ومعندي والو ولكن من ديما كنت مع راسي قانعة كنت طامعة غحاجة وحدة غير فلي يحن فيا وهاد الشي لقيتو فحكيم فراسك نتي مكلخة وسمحيلي على هاذ الهدرة حيت نتي معارفاش قيمة ولدك شايفة فيه غا الفلوس ولكن نهار لغتعرفي بقيمة حكيم ويخاطاك غتندمي بزاااف اخالتي والله…..

مونية خنزرت فيها : اسمعي اديك البرهوشة متخلنيش ندير يديي فيك وهاذي الهدرة عاودييها لراسك وعاوديها لمك لمصيفتاك تديري داك الشي لمقدرتش تديرو هيا غير هيا ملي مصورت منو والو صيفتااتك نتي دوري بيه

– صفاء بعدم الفهم : كيفاش شكتخربقي نتي

– مونية : مك يحساب ليها انا ناعسة على ودني وحكيم مغيجيش يعاود لي ..غاعيات ما تقحبن ليه وتجرو ليها ملي مابغاش يتشد ليها صيفاتتك نتي

– صفاء تصدمت بقات غا حالة فمها اخر حاجة توقعها هيا مها كانت دور بحكيم بقاات ساكتة كتشوف حتى دخل حكيم عليهم غير شافهم عقد حواحبو : اش واقع هنا

– مونية : غير الخير غير كنت نوريها فين تستف المواعن لغسلات – ضحكت وخرجت بحالها من الكوزينة – قرب ليها شاف فوجها ملامحو مبدلين : مالكي ؟ – صفاء: حكيم اسية كانت دور بيك ؟

– دور راسو شاف فجهة الباب متبع مونية بعينيه وعاود دار شاف فيها : وسوسات ليك تاني بالهدرة لمعندها حتى معنى ومشادة حتى طريق

– صفاء: حكيم سولتك عافاك جاوبني اسية بصح كانت تدور بيك

– حكيم: داز على هاد الموضوع بزاف هاد الشي طرا شي ثلت سنين دابا معرف شنو كان يݣوليها عقلها حتى هيا – وجهها تزير عضت على فمها حتى بغات تسيل الدم: شهاد الحالة يا سيدي ياربي

– حكيم: بدا يغوت ) دابا شكين شطرا شنو وقع كاع ليخليك تتزيري هاكا الهدرة كانت ومشاااات اصفاء مونية انا عرفتها علاش كتقلب باغا دخل معاك الوسواس موضوع تافه معند ديلمو لا ساس لا راس

– صفاء عينيها دمعو : حتى لين انا بغيت غير نعرف حتى لين كل شوية كنزيد نتصدم بشي حاجة

– حكيم بجدية: صفااء بلا متبداي تاني وتفرعي لي *كري عييت صابر عليك انا نݣول الحاجة ونت ديري عكسها انا نبعدك على المشاكل وعلى داك الشي ليقهرك ونت تنبشي فيهم واش مابغاش تبعدي وتقلبي على راحة نفسك خلاص – كتهز راسها باه : بالعكس هاكا عاد مكنزيد نشوف ونقنع

– حكيم: علاش نتي مزال باغا تشوفي مزال مبغتيش تقنعي منهم حتى يزيدو يسحقو لمك داك القلب ويبوشيولك دوك العروق عاد وقيلا تقنعي وديك ساعة تحمدي الله – جمع يدو وضربها مع الحيط و سمح فيها وزاد خرج ضارب يدو ….

جمع يدو وضربها مع الحيط و سمح فيها وزاد خرج ضارب يدو ..مشى لعندو مو نيشان هدر بدون سابق انذار : اش ݣتليك انااا اااا؟ ياك شرطت ليك تفرقيها عليك ياك ݣتليك متوصليلهاش شنو علاش كتقلبي أمونية علاش واش مابغاش تعيشي هانية عظامك مزال مرتاحين للمشاكيل

– مونية : مالك كتهز عليا فكتافك وكتغوت ياك لاباس اش كاين جوج كلمات راني سمعتهم ليها سداات

– حكيم : ديك الهدرة سيري شوفي ليمن تݣوليها متجيش تعمري ليها راسها بالخوا الخاوي

– مونية : شمن خوا علاش هاذ الشي كذوب مال مها مدارت بيك كي الفعة كتقحبن عليك وملي مقدات والو لاحت ليك بنتها وماشي بعيد تكون طحتي لااسية وكالات من عندك حتى شبعت من هاذ الحالة لداير على بنتها راه وليت نتوقع منك اي حاجة حكيم : ملقيت منكوليك من غير لا حول ولا قوة الا بالله الحديد وكيذوب ونتي والو واش بغيتي تهدي أمونية عاد مزايدة – مونية : جاي على عكسي مدخل عليا ديك بنت اللفعة لقلب داري باغي تفقصني بالعاني

– حكيم تحت سنانو ظاغط على الحروف : بعدي من صفاء أمونية درية صغيرة عليك ساكنة فدار باها فوتيها عليك وشوفي ليك فيك تلهاي من غيرها مدريش قردك من قردها

– مونية ضحكت بسخرية : عشت وشفت مول العقل وليفتي فالري اخر يامك شاد فوحدة مدوبل عمرها على جوج

– حكيم: مكنديرش شي حاجة حرام وتبغي الصارحة اخر واحد كنتسنى ناخد برأيو هيا نتي

– مونية : ايه معلوم حيت خرجتي من تحت يدي – حكيم : من هذا شحال ماشي عاااد العلاقة ديالنا بقات غير فانا وفالواجب ديالي لمن جهتك راني نأدي فيه هنا وسلاات انا عارف راسي شكندير ماشي نت لغتوريني

– قلبتها مونية تسحليل قربت ليه شدت فيه : وانا زعما اوليدي كنت بغيت غير مصلاحتك بغيت نقلب ونتعزل ليك انا شي وحدة تكون زوينة. ميسرة هي لتصلاح ليك ماشي هاديك ل – قاطعها : مونية هاذ الزواق والنفاق فالهدرة ماشي عليا نتي عارفة وانا عارف نتي مكدريش شي حاجة هاكاك الله فسبيل الله …فوتي عليك صفاء سمعي لهدرتي وغتربحي – مونية : نضمن دار عندي ونفوتها

– حكيم: الدار عطيتها ليك وماشي انا لنرجع فكلمتي…..

خرج مشى فحااالو دازت تقريبااا ثلت ايام وهي الامور لحد الان فدار سطااابل مونية كتقيل دالعة قليل فين كتكون فدااار شدات راحة مع راسها مبقات تبغي تحط يديها فحتى شي حاجة ولات كي الأميرة شقا تقسم بيناتهم بجوج بين ياسمين و صفاء بدون ميشركو الهدرة مع بعضياتهم لبانت ليه شي حاجة راه كيديرها وصافي …دخل ياسر لقى صفاء كتجمع وكتدوز الجفاف فحين كانت ياسمين كتطيب لغدا مع شادين العطلة داك الشي باش كيقيلو غير فدار .

.- ياسر : هاي هاي على الحداااكة تاني هوكاك هوكاك الله يرضي على خوتاتي تعلمو لينفعكم عبرت عليكم مونية ههههه – صفاء: مال الشقا كيقتل حتى نت

– ياسر : حني على الجفاف وسكتي حني

– طل على ياسمين : خيرة الطباخة قتلتينا غا بالمرقة وبداك القوق طلع لي القوق والبطاطة فراسي نوعي لينا ابنتي الله يرضي عليك نوعي – ياسمين : ولا متمشي تحرك عليا حتى نشير عليك بهاذ المغرف لراسك بقى حاظينا سير شوف شنو دير – كان غادي بان ليه السطل الما كتعصر فيه الجفاف صفاء قاصو برجليه بالعاني ودفقو ليها فالارض وضحك : ان في الإعادة إفادة هههههههه –

صفاء : والله حتى حشومة عليك اياسر حرام عليك

– جات ياسمين شداتو من اللور : بربي حتى تحني تجففو نت ونوريك – ياسر : طلقي مني بلا كتحماو عندي ميدار مغوتلي حكيم نمشي لعندو

– ياسمين : بربي لمشيتي من هنا

– صفاء كتشوف فياسر : صافي غير طلقيه خليه انا غنعاود – ياسمين شافت فيها : شمن غتعاودي هذا راه ضاااسر حني لمك تجڤف حني

– ياسر : انا تايب الله لما طلقوني – تسلت منهم وهرب – ياسمين : واخا فيك اسلوكي حتى ترجع

– – صفاء بقات غير كتشوف وكتضحك – حنات ياسمين غتجفف داك الشي شدتها صفاء : لا غير خليك انا نعاود ماشي مشكل – ياسمين : لا من صباح ونتي واقفة مخليتي ما درتي غير خليني انا نكمل

– صفاء: لا والله غير خليك بالخف نعاود – ياسمين : لا غير خليني نكمل عليك ..شوفي لي معاك غير الكوكوط راه تقدر تحرق ليا…..

صفاء تبسمت ليها : واخا – سلاو شغلهم وكلاو غير مع بعضياتهم دراري بثلاتة ونزهة لغير كتنقب شوي بشوية صحتها تهرمت اما مونية كانت مزال خارجة ..سلاو وناضت صفاء لجمعت الطابلة ..ودغيا دوزت على الطبسيل دخلت عندها ياسمين كتحك فراسها متوترة : احممم تمشي الحمام ؟

– دارت شافت فيها : احم هذا لهنا ( تنهدت ) منقدرش نخاف تشوفني مي زوهرة ولا يوصلها ليها شي واحد

– ياسمين : اه صافي ماشي مشكل حتى الصباح ونمشي بوحدي احممم آلى لبغيتي عومي غير هنا انا نحك ليك ظهرك – تبسمت ليها صفاء وبادرت عنقتها وحتى ياسمين بادلتها وتعناقو بجوج : سمحيلي على داك الشي لدرت ليك اصفاء

– صفاء : ماشي مشكل اصلا نسيت والله مبقى فبالي والو

– ياسمين: اجي معايا البيت لكانت ناقصاك شي حاجة خوديها من عندي – صفاء: لا مناقصني والو شكرا بزاااف

– ياسمين: عندي واحد الشمبوان زوين يجي ليك مع شعرك اجي نوريه ليك – مشات معاها دخلو البيت فتحت ياسمين الماريو وبدات توريها فدوك البردويات ….وحتى صفاء جابت ديالها كتوريها ولي عجباتها شي حاجة عند الاخرى كيتبادلو مع بعضياتهم ..بالخف بقاو راسهم تفاهمو.

– ياسمين : صفاء الى بغيتي نشركو انا وياك البيت اش ݣلتي ؟ -صفاء حركت راسها : بصح منديقش عليك ؟

– ياسمين : اويلي لتديقي عليا من نيتك شوفي ناموسية شحال كبيرة تقدني انا وياك غير هو حظي راسك راني كنركل وكنضرب باليل -صفاء : هههههههه

– بقاو يشوفو فبعضياتهم او عاودو تعانقو ——– داز بضع الوقت حتى تعشات العشية عاد جا حكيم يطل عليهم دخل سمع السكير فدار معرفهم فين كين طل على نزهة فبيتها لقاها ناعسة وصفاء ماشي حداها ستغرب لو خرجت كانت تعلمو ..مشا جهة لبيت ديال ياسمين فتحو حتى جات عينيه عليهم بجوج ناعسين تبسم حتى بانو سنانو مو المنظر لكيشوف قدامو قرب ليجهتهم وكلس فجنبهم دوز يديه على ياسمين ولا عاود دوزها على صفاء وتنهد براحة وجر عليهم الغطا غطاهم وخرج جار معاه الباب بشوية باش ميفيقهمش…..

——– داز شوية عاد ضرباتها الفيقة صفاء وناضت خرجت من لبيت تمشي لطواليط لقات مونية فوجهها شافتها قندشت : اش كديري نتي فبيت بنتي دخلتي تسرقي ليها حوايجها اشفاااارة دوي – صفاء: لا حول ولاقوة الا بالله

– سمعت صوت مها وخرجت : اش كاين امي

– مونية : شكدير هاد خيتي فبيتك علاش خاشياها معااك – ياسمين : انا لقلت ليها تبقى معايا وغنتشاركو انا وياها البيت فين كين المشكل

– مونية : اش كتݣولي حتى نت شنو نضتي تخربقي من نيتك منين جبتي هاذ الهدرة تاني – صفاء مشات نساحبت وخلاتهم بجوج كيهدرو معندها ݣانة ولا خاطر لتسمع سم مونية تقريبا هدرتها حفظتها

– ياسمين : شمن هدرة امي مافيها باس لشركت انا وياها البيت شنو فيها

– مونية : تقلبتي تقلب ليك الريح

– ياسمين : ما تقلب لي لا ريح لا والو غير تواعيت مع راسي وعرفت داك الشي لدرتو ماشي مزيان صفااء ختنا ومخصش يكون الحقد بيناتنا

– مونية : هدرتو هو هادي ماشي هدرتك قلب ليك الدماغ ياااك بجوج كلمات خلاك تدوري عليا شحال مد ليك شي متين درهم وقلب ليك الريح

– ياسمين : شنو ݣتكولي امي الله يهديك نتي كلشي عندك كيتمشى بالفلوس ولا كيفاش

– مونية : سمعيني نكوليك هدرتي هيا لتسمعي ..تسمعيلي انا وحدي راه انا لوالداااك ماشي هو يا تسمعي لهدرتي يا نعصي لجد بوك الكلب نخليك ديما تفكرني عليها

مشات من حداها ومجاوبتها بواالو وخلاتها واقفة وكتنݣر عليها وففمها غير السبان وتخسار الهدرة كل وكيفاش الفرق بين اسية ومونية هو اسية كتعطي فالوجه وكاشفة على وراقيها قدام كلشي مكتلبسش قناع البراءة باش تبان بريئة وماصلة على عكس مونية لدايرة بحال اللفعة لكتقتل يسمها غير من لتحت لتحت الكره والحسد والشر والطمع هو مونية شخصيا مي قدام الناس راها هي الام الحنينة المكافحة لواخا مات راجلها صبرت وحضنت على ولادها وبقات فدار رجلها وفية ليه ولكن الزواق يطير يطير وصباغة شحال ما طالت كتقشر ولعندو شي وجه كيبان به…..

يوم الاثنين عاد ستأنفو الدراسة من بعد عطلة لدازت هادئة بالنسبة لصفاء غير الحاجة الزوينة هيا انها تقربات هيا وختها من بعضياتهم وخا شخصياتهم متناقضة شوي من ناحية ياسمين لي كطير مع طيور وخا صغيرة عويفية حكيم كان مراقب علاقتهم من البعيد وعاجبو الحال غير هو مكانش كاع يدير الفرز بيناتهم ليجيب لهادي يجيب لخرا ممفرقش بيناتهم كاااع ..

– غير خرجت من ليسي هاد المرا شدت طاكسي نيشان لدار عند حكيم عندها ساروت فتحت بيه ودخلت مكانش هو فدار ..حطت الكارطابل ديالها وبدات كتبقش من هنا لهنا وكتنهد كتشوفو ممنظمش راسو بالخف كيفركت كلشي ..دخلت لبيت لقات بيجامة ديالها لبستها وجمعة راسها بالعكفة عاد بدات تجمع لخصو يتجمع عزفت وشطبت ودوزت غا الجڤاف حتى خلات دار كتفوح بريحة النقا دازت الكوزينة فتحت ثلاجة لقاتها كتصفر عوجت فمها قلبت عل. الطحين الرطب والسميدة لقاتهم بدات بالسميدة هيا لولة خبزات دوك الحريشات الصغار دارت ليه عشرين وحدة عاد دارت طحين وخلطت العجينة ديال المسمن يد هنا. ويد كتقلب بيهم الحريشات ولطابت كتحيدها ..حتى كملاتهم كانت العجينة تطلقت ..بدات تصايبهم فيهم وبدات تطلقهم وتورقهم بشوية الزيت والزبدة …وطالقة الموسيقى من التلفون مزكة مع راسها ..فحين هو غير فتح الباب سمع الهراج جاي من الكوزينة وشاف الكارطابل دياله محطوطة عرفها هيا دخل لعندها دارت شافت فيه : على سلامتك

– حكيم بااسها من حنكها وخلا راسو عند كتفها : شكديري ؟ دخلتي على العجينة نيشان

– عمر كأس الما شربو صفاء: بالسيف وانا نشوف ديك الثلاجة عندك كتصفر غا كتبغي تخدمها شاعلة على قرعة الما .

.- حكيم : لنجيبو غيبقى غا تم معندي ݣانة لطياب

– صفاء : وعندك الݣانة غير ديال ماكلة الزنقة رجعتي لعادتك – حكيم عاود باسها من حناكها وزاد: كملي مسيمناتك وهنينا من النݣير …

دارت لشغلها: هاهي مكملة ..- قاداتهم وطيباتهم . خلات غا القياس لغتحط دابا والشي لاخر ستفاتو فالثلاحة عمرات براد ديال اثاي مشحر ودارت حتى البيض كيتصلق

– ومشات لعندو فتحت عليه البيت كان كيطلع سروالو – حكيم: مكتعرفيش تدقي يا البݣرة غا داخلة مدرمة كي الحولي هانتي كون شفتي شي حاجة متعجبكش

– صفاء: وانا باش غنعرفك كتبدل…خرج جيب شوية زيتون ليك متعطلش اتاي غا يبرد – حكيم: واخا

– ..دار عليه تشاكيط وخرج جاب لراسو زيتون وجاب ليها هيا الفرماج والكاشير وداز الباتسيري خربق شي حاجة ورجع – لاقاها كتسناه لعند الطابلة

– حط داك الشي فطاابلة وخدا وسادة وقرب ليها : هزي ترمتك خشي تحت منك هادي القاعدة هيا القاعدة يخليها سلعة – صفاء : شحال فيك ديال التحكااار على الخاوي

– حكيم: ايه على الخاوي من كطيحي تخبطي بالوجع ديال لغيكل كنوحل فيك انا ديك الساعة مكديريش حسابك ديما عريانة – خدات فرماجة سرطتها بلا مضيغ وزادت التانية وكتشوف فيه ومزيدة فمها كتمضغ

– حكيم: حنش بو سكة زيديك حتى هاد البيضة خشيها حتى هيا معاهم – صفاء: ههههههه قشرها لي

– حكيم: الله يعطيك عقل هاذ الشي ما غنݣوليك

-صفاء : خصك تزوج بيا قبل رمضان ولا غتموت غا بالجوع المسخوط هههههههههه

– حكيم: ضارب حسابي قبل رمضان انشاءالله راحنا مزوجين وماشي بعيد تكوني حاملة

– صفاء: عجل عجل خير البر عاجله

– حكيم: نتي لعجلي وكبري خلاص

– صفاء : هنا غادا كنكبر دقة دقة ههههه

– حكيم : غا فكيينا – شافت تلفونها : ياسمين صيفتت لي مساج غنوض نمشي

– حكيم: غتباتي معايا اليوم

– خرجت شنايفها : وياسمين عندي انا وياها ميدار

– حكيم: اش عندكم : داك الشي ديال البنات مغتفهمش فيه نت – حكيم : غير حطي ترمتك الارض كلمة وحدة راني ݣلتها

– كمل ماكلتو وهي بقات شادة تلفون كتهدر مع ياسمين علمتها بلي مغتجيش وشدت هيا وياها الحتيت غير النميمة وهدرة البنات سلات معاها رجعت لعندو لقاتو متكي كيتفرج فالكورة ..جمعت طابلة نقلت كلشي الكوزينة وغسلتهم عاد مشات لعندو : حكيم حݣا من كون غادا غدا نهز معايا حوايجي لبقاو هنا بلا متشوفهم ماماك الى دخلت

– حكيم: لا غير خليهم ملي غنتحول انا غنديهم ليك معايا فدار لغنكري

– صفاء: بقى هنا حتى ترصي امورك علاش غتݣري من دابا- حكيم : باغي الهنا انا مناقص نݣير راسي مفروع عليا

– صفاء: قول اعوذ بالله من الشيطان الرجيم مك كتبقى مك مغتديهاش تبدلها

– حكيم: جيبي مانطة غطيني الله يرضي عليك خليني نغمض عيني شوية حتى ياذن العشا وفيقيني……

صفاء: واخا – جابت الغطا غطاتو – حكيم : لدرتيه نقصي من الصوت راسي عاطيني الحريق غا يتشق -حطت يديها على راسو : بحال الى غتبداك السخانة

– حكيم: خرجت فالصباح بكري ومكنتش لابس مزيان داك الشي علاش – مشات قلبت على دوا خلطت ليهم ديال سخانة .. وخدات كينة اخرى ديال الراس .

.- صفاء: حكيم هاكا شرب دوا بعدا عاد نعس – خدا من عندها شربهم ورجع تكا

– صفاء : نزيدك نغطيك – مجاوبهاش مشات جابت ملاية أخرى زادتها عليه كمداتو مزيان وكلست حداه

– حكيم : صفاء نقصي عليا راني عرقت

– صفاء : لا متحيدش الغطا خليك هاكا مزيان تعرق باش تخفاف ..زيد غير شوية مزال ونقص عليك ——- بقاا هاكاك كيعطس ونيوفو يتحلو ويعاودو يتسدو حتى داااه النعاس —- هيا ناضت دخلت البيت لبست عليها جلابة ودارت زيف على راسها مشات لعندو لعند راسو وهدرت : حكيم هاني غناخك من بزطامك الفلوس نمشي نتسخر ونرجع

– مجاوبهاش كان ديك الساعة داه النعاس …فتحت بزطامو خدات الفلوس لتقدها وخرجت الحانوت مبعيدش بزاف كيبيع الخضرة خدات القوام لغادي يخصوها باش تطيب الحريرة او ولات طلعت نيشان الكوزينة. وبدات تطيب من بعد محيدت جلابتها خلاتها طيب عاد بدات تشوف شنو دير اخر ومرة مرة كتمشي تطل عليه وتقيس حرارتو ….حتى وجدت كلشي ومشات لعندو حيدت عليه المانطات لقاتو غير حطت يديها على وجهو فتح عينيه فيها كانو رموشو فازكين بالعرق وجهو حمر ..كدوز يديها عليه : كي كتحس دابا شوي

– حكيم غمض عينيه ولا فتحهم نطق بصوت باح: شوية – صفاء : عظامك مزال تقال – حرك راسو بأه

-صفاء: حكيم تدوش

– حكيم ؛ منقدرش دابا حتى لصباح

– صفاء : نوض تكلس شوية ݣول – حكيم : لا غا خليني فمي باسل مقادر على والو

– صفاء : غير شوية توݣد غا ساعف – شداتو من كتافو وحنات عليه منوضاه شوية ودارت ليه وسادة تحت ظهرو شافت فيه وضحكت : حناك ولاو حميمرين كي الجمرة الزاندة اول مرة غنشوف واحد جا معاه المرض وعاد مزاد زينو

– حكيم : الى عجبوك بوسيهم باش بالخف نبرا

– صفاء : هههه ومالي نعزها فيك – باست ليه حناكو وجبهتو – تبسم ليها : الله يرضي عليك

– صفاء : برا دغيا ممولفاش عليك هاكا – هز راسو بواخا : سيري جيبي ليا طاݣية نديرها – مشات البيت جباتهالو ودارتها ليه فراسو

– حكيم : بغيت نبدل حوايجي عرقت بيهم بزااف

– صفاء : لا خليك حتى الصباح ودوش نيشان غيتحيدهم دابا غيزيد يضربك البرد غير خليك- قربت ليه طابلة حداه وعمرات ليه زلافة الحريرة سخونة : شد بسم الله…..

ستغرب : ثلاجة مكان فيها والو منين جاك باش درتي الحريرة – صفاء : خرجت تقضيت من برا

– حكيم دغيا قلب وجهو : ايمتا ؟ معامن تشاورتي ؟

– صفاء : قبيلا شوية مشيت غير عند لخضار لمولف تاخد من عندو وراه تشاورت معاك وهزيت من البزطام الفلوس

– حكيم حط زلافة من يدو بزعفة حتى نصها تقلب فطابلة : خرجتي بليل وحدك ؟ حتى طاح الظلام عاد خرجتي كدوري والزنقة خاوية شكندير انا ااااااا ؟ شكندير لمنخرجش جي عندي وݣوليلي اش وانا نجيب ليك نتي اش خرجك – صفاء زفرت بغضب : مريض والسخانة كتاكل فيك فين بغتيني نخرجك

– حكيم : سوقك فيااا واش مكينش انا لتخرجي نتي فليل ….هاهو كون شرا حسناتك شي ولد الكلبة فين نوليو – صفاء هزت كتافها : وصافي دابا موقع والو ياااه مشيت وجيت بالزربة اش وقع كاااع

– حكيم هز زلافة خاوية : تعاودي تهزي عليا فكتافك نجيب *امل بوك هاذي فكمارتك ..الزنقة ديال باك لخارجة فيها فهاد الوقت – صفاء : ( كتزفر) ماشي فهاذ الوقت قبل

– حكيم : قبل ولا بعد متخرجيش بلا شواري

– صفاء : راني قلتها ليك ومسمعتيش جيت لعند راسك وݣتليك راني خارجة اش بغتيني ندير ليك نت لمسمعتيش

– حكيم : نحل عيني فيك وتسمعي من فمي اه ديك ساعة سيري مرة خرا تعتبي الباب بلا شوار نتي عارفة بلا منݣوليك – صفاء عوجت فمها مخنزرة : نقدر دابا نوض نعس

– حكيم : كلسي الارض ولا غنوض غنسلخ الزامل بوك مبقى لا مرض لا *لاوي – صفاء : هاذ الشي لبان ليا راك صحاحيتي نيت – دفع الطابلة حتى المواعن مشاو وجاو شوية مكان كلشي غيجي فالارض : دابا لديلمك علاش كتقلبي شهاد الردان الهدرة ولا فيك – صفاء : الى مقطوع احكيم سير تكمي متقطعش عليا…… الطابلة شدارت ليك لغتقلبها ومن صباح وانا واقفة ضاربة تمارة – حكيم 🙁 كيغوت ) ݣتليك ضربي شي ثمارة لواجد عندك ݣوليه اش داك تخطاي الزنقة فداك الوقت

– صفاء : عليك نت درتها اما انا مكانش خاصني

– حكيم : مشكيتش عليك مجيتش لعندك وݣتليك ديري لي شي حاجة لكين كنت ناكلو ولا معند ديلمي ما ندير بشي زمر كاع – صفاء زفرت بغضب بستفزاز : غلطت سمحلي مكانش خصني نخرج فداك الوقت عندك الحق مزيان دبا ؟

– حكيم : غنصمك مك تقادي فالهدرة حسن ليك بلا داك تعفاار الخاوي – سكتت وبردت دمها خدات ولات عاودت عمرات زلافة اخرى حطاتها قدامو : لوقع فات مغتعاودش شد دابا كول – حكيم : مخصنيش -دار عطاها بالظهر ورجع عليه المانطات – تنهدت مفقوصة : وهزات كلشي رجعاتو الكوزينة وخدات الحريرة دارتها فثلاجة لتحت ودخلت البيت تنعس معصبة…

——————

فحين فدار الاخرى كالسة وضحكة واصلة ليها لفين وفين : مكذبوش من ݣالوها قلب البرمة على فمها تخرج البنت لمها دغيا عاودت طارت عندو يبرد دودة لفيها حتى هو متسالوش ماشي غا هاكاك شادها عندو لاقي حاجتو فيها – ياسمين : ماما شكتكولي الله يهديك

– مونية : ݣنكول لكاين اممم هاذي كاع محنة فيه عليا بليمين حتى محملها ومطيحة و معاودة توريني انا فتريكة الزوهرة – ياسمين: غير كلسي تهزي التقليد على رقبتك

– مونية : دابا يحماض ونشمووه الى الزنقة متقفلتش من الطرف حتى الطرف فشي قتلة مع زوهرة وتركيتها اجي لعندي ودفلي على وجهي

– ياسمين :اويلي الله يستر طلبي غا الخير

– مونية : من عندي انا غا الغراق تفوتني وتجي فين ما بغات نكون غير من المتفرجن

– ياسمين: ماما نسولك علاش قلبك ماشي فحكيم

– مونية : من نيتك شهاد الهدرة مالي هاد حكيم شنو كندير ليه كاااع كنهز عليه الحجر .حكيم مشكلتي معاه هي على ديك المصيبة. لشاد عندو ولي غير كتدوي معاه عليها وكتجبديهالو بحال الى كترمي ليه فعينيه السودانية وخا يكون واكل عليها معرف اش ميبقاش يقفز عليها كلو هاكاااك

-ياسمين : من غير صفاء اماما والله حتى كنلاحظها بزاااف كنحس بحال هو معزيزش عليك

– مونية: نوضي تهزي عليا من الهدرة الخاوية يلعن حسك البرهوشة بقى غا حقك نتي تاني ..علاه نتي كونتي ملي كان محرر عيشتي علاه انا لخاطري لصقت فباك نتزوج حسن لي ما نبقى ندخل بالحساب ونخرج بالحساب بحال الى هو لوالدني ماشي انا لوالداااه

– ياسمين : انا غا قلت مبغيتش نخليها فخاطري وقلتها

– مونية : تكمشي ودخلي سوق راسك حسن ليك وبعدي من هاديك خيتي راه لنديرو ليك يعلم به الله وحدو راه ساكتة وميكة عليك ولكن نهار لنوض ليك خلات على جد بوك الكلب نوضي تهزي عليا من حدايا نوض على جيل شحال مكيحشمش كون ماكنتش ولدتكم غير فدار نقول بدلوكم ليا

———

على غد ليه فالصباح فاقت صفاء كتحك فعينيها خرجت البيت دخلت الطواليط دارت روتينها الصباحي وخرجت هازة فوطة صغيرة كتمسح بها وجهها شافت بلاصتو فالسداري خاوية فكرات يكون خرج و تفكرت ما دار البارح تنهدت بلا خاطر ..شوية سمعت صوت جاي من الكوزينة مشات دخلت بخطواتها تقال بان ليها كالس كيفطر حاط قدامو زلافة الحريرة والحرشة …مشات عمرات كاس الما شرباتو وبقات عاطياه بالظهر وكتهدر : اممممم شفتك تفشيتي عليها – مجاوهاش مكمل ماكلتو وساكت

– دارت شافت فيه متكية على البوطاجي : دوشتي طار منك المرض – تاني مجاوبش ..خيبت فيه وجهها وعيباتو بحجبانها عمرت راسها حتى هيا زلافة وكلست مقابلة معاه كتشرب وتبنن على خاااطرها وكتهدر : اااااه الله يعطيني الصحة الحريرة ديالي لا يعلى عليها مكينش ليقدر يقاومها – بدات تضرب بالمعيلقة فزلافة مخرجة صوت وكتهز عينيها مراقبة ردة فعلو حيت عارفاه معندوش مع هاذ الصوت …ساعة كان كالم مداهااش فيها كاااع ..وزادت كتقرقب فديك الزلافة بالعاني حتى هز عينو شاف فيها مخنزر : ريبي نتي دار كاملة لكانت عليا

– صفاء : ههههه واخيرا هدرتي يحساب لي غا مشا ليك الصوت بالمرض

– حكيم خنزر فيها : الله يعميها هاليك – ناضت من بلاصتها لعندو وقفت فجنبو : ودابا شنو غتبقى مخنزر هاكا حرام عليك شنو درت ليك انا كااع وخا نكون معرف اش درت متقلبش عليا وجهك هاكا

– حكيم ناض وقف هز سوارتو مكيشوفش فيها : اودي انا لكندير نتي مكديري والو – شداتو من يدو : فين غادي.كلس تكمل فطورك فين خارج باقي مريض

-حكيم دفعها : حيدي من قدامي نخرج نبدل ساعة بخرا حسن ليك – رجعت وقفت قدامو : لا معندك فين تخرج مزال عيان مزال خصك ترتاح وتشرب الدوا

– حكيم بجدية : من مصلاحتك تحيدي من قدامي حسن من نجمع ليك كاع فعايلك وتخلصي عليهم كاملين وحدة بوحدة – صفاء : شمن فعايل الله يهديك صافي عرفت راسي غلطت مكانش خصني نخرج بوحدي وفداك الوقت غلطت ومتعاودش – داير يديه بجوج على جنابو هاز عينو الفوق – عنقاتو من كرشو : عارفة غير من خوفك عليا والله

– حكيم : صافي دابا غير حيدي نخرج عندي شي شغل نقضيه ونرجع – صفاء : واخا صافي

– حكيم : معاش قارية ؟ – صفاء : حتى الربعة

– حكيم : تسنايني حتى نرجع ونوصلك……

شداتو من يديه جاراه: ولكن اجا غير حتى تكمل فطورك شوف زلافتك مزالة عامرة كلس تكمل وخرج – شاف حتى عييى وكلس مكمل

– صفاء: نعاود نسخنها ليك بردت ؟

– حكيم : لا مزال مزيانة غير كلسي حتى نت كملي ماكلتك وخودي دواك تعطلتي عليه

– تبسمت مشات عنقاتو دورت يديها عليه : مخصني واالو انا الربح عندي هو متبقاش زاعف عليا

– حكيم دوز يديه على يديها : يلاه صافي غير حيدي خليني نكمل ماكلتي

– باستو من حنكو وبقات حاطة فمها فوق حناكو وكتهدر : نت زوين ولكن كي تكون ضاحك معايا تزيد تحلى فعيني كثر

– حكيم غمض عينو : صفاء شكديري صافي سمحت ليك نسيت انا كاع غير رجعي لبلاصتك

– صفا: واخا – عاودت باستو جات غتزيد محستش حتى كان جرهها لعندو جابها فوق فخادو وتلاح عليها بدون سابق انذار كيبوس فيها فين ما جات يا ففمها يا فعنقها يا فوجهها زادت كملت عليه فخطرة ملي دورت يديها على راسو وكتنهد ليه هذا مقال ليها عقلها باش تخرج ديك الرغبة لزرع فيها من القبلات ديالو ومن القرب لمقرب منها وهو حس بها عاد معطااتو الاوكي وعاااد مزال تخشع فيها كثر وكثر زاد زيرها عندو كثر بحال الى باغي يخشيها فيه شنايفها مبقاتش تحس بهم بكثرة ما هو مكرفس عليهم ..موعاااش على راسو حتى كان حيد ليها تريكو الفوقاني وخلاها غا بسوفيطمة لرهيفة وممغطية والو طلق من فمها وهبط لتحت عنقها كيطبع فالقبلات ديالو حتى وصل لجهة صدرها تم كي خشى راسو تقولو الموت ولا تهز راسك يقوليك الموت هيا غير مغمضة عينيها ويديها فوق شعرو وهو صافي جهل عليها بالمعقوول يديه تجرأت كثر لمناطق محظوره حطهم خشاهم تحت مؤخرتها يعني بحال الى ولات كالسة على يديه وهو فمو باقي مفارقش لحمتها ..وهو مغمض عينيه وجهو غيطرطق تزير بزاف ..رجع ليه العقل ومعرفش اش يدير واش يكمل اش بدا ويفك راسو من هاذ العذاب ولا يحبس حتى يجي الفرج حيد راسو من لحمها ورجعو لور مزير وكينهج بصوت مرتافع ..نصل تريكو وخلاااه يضرب فيه شوية البرد كيحاول يتكالما ويفكر اش يدير فحين هيا حتى هيا كتنهج كثر منو ومعارفاش اش دير بغات تحيد من فوق رجليه سمعاتو نطق وهو مزال على نفس وضعيتو : ششش خليك كالسة فبلاصتك

مجاوباتوش ولكن بقات كالسة كيف قاليها …بقى. شوية عاد حل عينيه شاف فيها : شنو نديرو دابا ؟

– بقات ساكتة مفهمتش

– حكيم : كترونيها وكتسكتي .يلاه قتارحي علينا شي حل اش نديرو شحال من خطرة ݣنكوليك انا غا على سبة متقربليش ونتي كديري غير لفراسك …دابا شنو ندير مقادر حتى نوض فشلتيني – هيا غا كدور فعينيها وحانية راسها ونطقت بصوت خافت: شنو نديرو

– حكيم : نهزك ندخلك البيت نكمل داك الشي لبديت حتى تخرجي منو حاملة هاذ الشي باش نقدر نبرد وعقلي يرجع البلاصتو دابا راه قالبة لدينمي الدماغ

– بغات عاود تنوض خنزر فيها : بقاي كالسة غا بقاي كالسة دابا معندك ما تنوضي …كنت اصفاء نتفش على خاطري انا نجي نهدر علاش تجي تدوري بيا ويديك مزاكيينش كل مرة لايحاهم فبلاصة وداك الفم غا طالقاه طلي عليه دابا كي ولا هذاك فم تمشي تقراي به دابا

– حطت يديها على فمها : اويلي مال فمي – ناضت من فوقو بالخف المراية

– حكيم قداد سروالو وتنهد :نتي كتموتي على لحمك وانا مكرفسة عليا فكلشي ولكن غا بلاتي – هي ممسوقالوش كتشوف غا ففمها لمجروح شوية ومنفوخ وفحالة صدرها من الفوق كلو مطبع بعلامات ملكيتو عصر فيها الدم جا وقف حداها من وراها انعكاسهم بجوج على المراية

– حكيم : شفتي الحالة لوصلتينا ليها – صفاء : حرام عليك شوف كي ردتيني واش هاد الشي غيبرا – حط يدو على كتافها وتحنى باسها منو : انا مبغتوش يبرا بغيتك ديما مطبعة هاكا بغيت ديما نشوف اثري عليك وعليك كلك

– صفاء : حشومة عليك – دورها لعندو كيلبس ليها تريكوها : هزي يديك لبسي هزي حمدي الله غا لجاتك فتريكو حيدتو ليك اما راه السروال لكنت ناوي عليه غا شوف كيفاش شديت راسي اما كون كنت دابا كان الله باقي الله المشية غتكون تلفات ليك – صفاء بعدم الفهم : علاش غتلف لي المشية

– حكيم : حتى لمنبعد ونݣوليك

– صفاء : غير ݣول دابا – حكيم : سيري شوفي شنو تقضي حسن ما نتلفها لمك دابا – صفاء : حكيم حاسة براسي فيا النهجة وسخفة وعراقيت علاش زعما

– حكيم : علاش ؟ راك كنت كتباوسي معايا حتى نتي تحركو فيك بزاف الحوايج وشعلت فيك العافية كثر مني – دور يديه عليها : اش ظهار ليك أحبي نبردو على بعضياتنا وندخلو نكملو داك الشي لبدينا – هيا غير كتشوف فيه حانية راسها حتى عاودت هزاتو : غترتاح هاكا ؟

– حكيم حرك راسو بأه : ديك الساعة الجنة

– صفاء: واخا لتبغي احكيم

– حكيم : ونتي شنو باغا ؟؟؟ مابغاش اصفاء تتقربي مني وتقسيني وتحسي بيا ديالك

– صفاء هزت راسها باه : باغاا وبزاف نت اصلا ديالي

– حكيم : ايمتا وليت ديالك

– صفاء عنقاتو : والله حتى ديالي ما سوقيش ديالي وفرحتي وكلشي – باسها من راسها كيضحك : كلشي ديالك ازين غير حاولي عليا عنداك غا تمرضيني

– صفاء : يمرض لميبغيك – حكيم ضحك : دابا ݣولي اش ݣلتي تدخلي؟؟ ندخل نتلف ليك المشية – ضحكت غاطسة راسها فصدرو : لقدرتي عليه ديرو

– حكيم باسها من راسها وتنهد وجر ليها شنوفتها بيدو : اححح اربي وكي ندير وفين نعطي الراس راك مكتسخايش عليا – عاود هز ليها راسها باسها من حنيكاتها بجوج ومن فمها بوسة خفيفة : خلي ليك مشيتك دابا حتى لمنبعد ونشوفو معاها يلاه سيري شوفي ليك ما ديري متبانيش قدامي …..

صفاء : مبقتيش خارج

– حكيم : وي خارج تسنايني حتى نرجع و نجي نوصلك – دخل دوش برد على راسو وبدل حوايجو وخرج فحين هيا بقات شحال كالسة مع راسها كتفكر فهاذ الشي لوقع ومعرفتش علاش حاسة براحة من هاذ الشي بزاااف يمكن بصح الحب لاعب عليها على الجهد واحساسها فحكيم مجهد بزااف وقريب يرجع هوس به لدرجة مبقاتش تخيل شي نهار يفوت بلا حكيم بلا متسمع صوتو بلا متحس به معاها تنهدت ودعات من خاطرها : ياربي نت طال وعالم ياربي دير لينا لفيها الخير ————– كيف عادتها نفسها حركاتها وناضت تفتش فالركاني دخلت البيت هاذ المرة جمعاتو وهبطت الماريو عزلات ليه حوايجو عارفاه غا كيخلط وعاودت طوات كلشي وقادت وخرجت تشطيبة وخلاتو يتنفس من بعد دخلت ضربتها بتدويشة نيت على خاطرها ——– داز الوقت كان محبس طنوبيلتو قدام الموبل ..متكي على الكوسان فتح عينو من بعد مكان سادها وطلق تنهيدة خارجة من خاطرو دوز يدو على وجهو بقى شوية عاد جبد تلفونو صونا عليها باش تهبط لعندو ..وبقى كيتسناها حتى نزلت لعندو فتحت الباب وطلعت حداااه شافت فيه : مالك ؟

– حكيم حنحن : لا مماليش

– صفاء : شفتك ماشي هو هذاك

– حكيم : غا مزال حاس براسي عيان شوية عظامي مدݣدݣن – صفاء : ملي ترجع نعس شوية انا نخرج نجي عندك نيشان – حكيم : لا غير سيري لدار انا فالعشية ندوز لعندكم

– ديمارا طنوبيل حتى وصل حدا ليسي – جبد من جيبو متين درهم مدهاليها : خودي هادي قسميها نتي وياسمين

– صفاء : انا معندي ماندير بها والله ما عندي منشري

– حكيم بجدية :معندي ݣانة اصفاء لهدرة شدي خلاص خليني نمشي نتسير – خدات من عندو وجات نازل. حبسها : سدي ديك الطابلية عاد نزلي علاش فاتحاها

– مزادتش معاه سدتها وقادتها ونزلت مشات وحتى هو زااااد..

دوزت سوايعها عاد ملي خرجت تلاقات هيا وياسمين فوقت الخروج بجوج غادين فالطريق من بعد معاودت ليها على انه كان مريض داك الشي باش باتت معاه وفطريقهم دازو لسناك كلسو ياكلو بديك المتين درهم لعطاهم ولشاطت من الفلوس قسموها عاد ناضو سولت صفاء ختها على نزهة شكون لباقي معاها على واش كلات

– ياسمين : من خرجت مع العشرة من دار مع 12 دزت نيشان المراجعة حتى لدابا ولكن مونية خليتها فدار غير هيا مغتكون دارت لاماكلة لا والو

– صفاء : اجي ناخدو ليها شي حاجة معانا عاد نمشيو – دازو خداو ليها خبزة ديال الكفتة مشوية من عند الكزار عاد مشاو لدار دخلو بانت ليهم مونية كالسة وحداها بنت تكون فعمر 27 عام. لابسة جلابة وجامعة شعرها بمقبط او وجهها مخدوم بماكياج ثقيل شوية وقدامهم طابلة كسكروط عامرة …- تبسمت صفاء ونطقت : سلام عليكم

– حركت غير راسها مجاوبتهاش شافت نيشان فياسمين : الصفريطة اجي بوسيني

– ياسمين : كي دايرة ابنت الحسناوية غبرتي غا غبرة وحدة – هدى : كنت فسيدي سليمان عاد جيت وقلت نجي نطل عليكم وخا فيك اشيخة علاش مكتبغيش تجاوبني فالواتساب كنعيى نصيفت ليك – ياسمين : ختي كل اوديو فيه 3 دقائق منين بغيتي يجي هاذ الصبر – مشات صفاء من حداهم دخلت لبيت عند نزهة – هدى غمزت مونية : هيا هادي ؟

– مونية : هيا هاد المصبوغة – حتى ياسمين كانت مشات دخل تبدل حوايجها بقاو غير بجوج شادين النميمة فصفاء

– هدى : باقي صغيرة ماشي فتقادا ديالو كاع. واش حكيم هرب لو العقل بدا غا كيخرف

– مونية : هانتي تشوفي اش هاذ السخطة لصابتني

– فحين صفاء حطت ليها داك الشي لجابو ليها عاونتها حتى دخلت الطواليط مقدتش رجعتها لبلاصتها نعستها عاد خرجت ….شافت فيهم مزال على الحتيت وكيشوفو فيها زعما وكيضحكو باش هيا تنوى مي متسوقتش دخلت نيشان لبيت عند ياسمين لقاتها بدلت حوايجها وشادة تلفونها : مالكي ما ممشتيش تكلسي مع البنت

– …..

ياسمين: حيدي عليا فيها غا قوة الهدرة والفوحان الخاوي معنديش معاها

– صفاء : حشومة سيري كلسي مع البنت غتكون كتسناك

– ياسمين : هيا جاية لعند مونية مالها جاية لعندي انا

– صفاء : قتليها سلام قبيلا مجاوبتنيش علاش زعما

– ياسمين: ونتي اش داك تݣوليها ليها مفيها صواب

– بدلت غير سروالها وحيدت طابلية مبغاتش تحيد الفوقاني خافت لياسمين تلاحظ دوك طبايع

– ياسمين : غيجي حكيم يشوفها غيكحل بالعمى هههههه

– دارت شافت فيها : علاش مالو حكيم كيعرفها ؟

– ياسمين: راه كان غيتزوج بها

– صفاء دم هرب ليها من وجهها : احم ايمتا هاذ الشي

– ياسمين : ماشي بزااف مونية لكانت بغاتها لحكيم وقتارحتها عليه صدعاتو فراسو عليها وݣاليها توكلي على الله ومنبعد فركتوها

– صفاء : وعلاش

– ياسمين : حكيم مبقاش باين ليه فالبلان هو اصلا كان داير الخاطر غير لمونية حيت صدعاتو فراسو داك الشي مشينا خطبناها وكلشي وحتى قربو باش غيديرو العقد ولا جا عند مونية ݣاليها نساي عليا وراه دويت معاها وقتلها الله يسهل عليك المسخوط قالها ليها فوجهها مبغيتكش ..خلاها غتموت بالفقصة لا هيا لا مونية تاني هيا مونية كتجري ليه غا فااكوارث جايبة ليه وحدة مشكوك فامرها واش راها عزبة ولا مرا – صفاء : حشومة متهدريش فاعراض الناس

– ياسمين : ودابا غا كنݣوليك

– صفاء : ايه ومن بعد اش وقع

– ياسمين : قطع معاها حكيم فخطرة وهي بقات لاصقة وكل شوية هيا ومها خيطي بيطي علينا هنا وݣتكول حكا ما حكا العين سحرو ليها صحباتها عينوها باش مديهش ههههههههه تفك منها حكيم بالسيف ..انا كنعرف خويا فالاول غا بغى يدير الخاطر لمونية اما هو شايف البلان من الاول ممسلكوش – صفاء : لمكتابة ليه شي حاجة كياخدها …..

تكات صفاء شوية حداها غير كتفكر فهاذ الشي لعاودت ليها ياسمين متنكرش ديك الغيرة لجاتها عليه وخا وكان هاد الموضوع قديم ولكن واخا هاكاك غارت سيغتو من ديك الشوفات لكانت تدير فيها اللخرة وسلام لمرجعتهاش عليه عرفتهم عند قصد …داز شحال وهوما كالسين حتى ظلام الحال شدتها مونية باش تبات معاهم وهدى مرفضاتش .. غير شافت حكيم ضحكت ليه او وقفت تسلم عليه فحين هو غا شافها قلب وجهو وحرك غير راسو وقال سلام عليكم خلاها مادة يديها ..حمعتها سارطة القمعة ورجعت كتفرنس : كي داير لاباس عليك صحيحة لاباس

– حكيم : الحمد الله

– هدى : ايه ايه الحمد الله بدلتي النمرة احكيم صونيت ليك ديك الخطرة. نبارك ليك غا العواشر مبغاش يشد لي

– حكيم كتافا غير بالله يبارك فيك وزاد يطل على نزهة وخلاها واقفة دارت شافت فمونية : هذااا عندك جمااد ثلاجة واااه – مونية : هاهو قدامك نتي تعرفي شغلك معااه ماشي انا لنوريك جريه بالهدرة واللسان

– هدى : علاه هو كيعطيك الخاطر بعدا كيخليك تكملي معاه حتى جوج جملات مقادين باش تجريه وهو ݣول بحال الى كيخلص على الهدرة —– عند صفاء على القرص غير سمعت حسو ناضت : حكيم هذا لجا

– ياسمين حالة فمها فتلفون : اه صوتو – لبست عليها بينوار : نشوفو ونرجع – خرجت كتقلب عليه بان ليها خارج من بين نزهة تبسمت ليه : جيتي

– حكيم : جيت نطل على نزهة وغادي دابا

– مونية نداتو : اكلس حتى تعشى فين غادي

– شاف فمونية : يلاه واكل مخصنيش

– شافت فيه صفاء : كلس شوية عافاك

– شاف فيها و حرك راسو بواخا مشى لطابلة شاف البراد اتاي : مبقاش اتاي

– يلاه جات غتهدر صفاء وقفت هدى : مبقاش انا نطيب ليك واحد اخر ياك غتكمي به – يلاه جا غيرفض طارت الكوزينة رادة الما ..صفاء بقات غير كتشوف حتى هو كلس حدا مونية محكرش فالموضوع

– حكيم : عاد تركنتي فدار شحال ونتي دوري

– مونية : اويلي بغتيني نغمل خليني ندور معا راسي من حد الصحة مزال عندي

– حكيم : كلشي بقانونو أمونية

– مونية : هاذ الشي لبقى غير تحكم فيا

– حكيم : ديك المرا لمبقيتي طلي عليها ما بقتي تقلبي لا والو ماشي حشومة مخلياها

– مونية : هاديك لحداك اش كدير نوبتها هزيتها انا خير الله الله يجعل شي بركة

– تنهد حابس الهدرة معندو خاطر يتناݣر معاها ..فحين صفاء كالسة جهة سداري وكتشوف مفقوصة ..تمت جاية مونية هازة البراد كتمايل به بنصها وضحكة غير حطاتو ليه فرنست : هااكا اسيدي احسن برااااااد لأحسن حكيم

– مجاوبش هز غيكب لراسو سبقت : ويلي خليك انا نكب ليك – كبات كاس : هاهو دوق ورد عليا

– ومشات كلست جهة مونية

– تسمع صوت المساج الاول والتاني فتلفونو جبدو شاف صفاء لمصيفتاهم هز فيها عينيه دارت ليه إشارة براسها زعما قرا اش صيفت ليك – دخل لمساجات لقاها كتهدد عليه

”””’ المساج 1 : اقسم بالله وحطيتي داك الكاس على فمك لباقي ذقتي من عندي شي حاجة

المساج 2 : نوض تبعني الكوزينة نصايب ليك واحد اخر

– حط الكاس من يدو وشاف فيها وهي عاقدة دوك الحواجب دارت ليه إشارة براسها كتحذرو .. مخنزرة حتى حط الكاس وناض عاد طلقت فيها النفس

– هدى : حكيم مالك مشربتيهش واش معجبكش

– مونية : علاش هو داقو بعدا

– حكيم : مخصنيش

– خدا كورسي وخرج البرا كلس ناضت صفاء مشات الكوزينة وردت الباب دارت الغلاي يسخن غير ثمن كاس ..طيباتو وعمرت ليه وخرجاتوليه بلا ميشوفوها كان يبرم فجوان حتى وقفت عليه : شد هاكا

– هز عينو فيها كيشوف : مالكي عاقداهم علينا ياك لاباس

– صفاء : شد ها اتاي وهاد المرة ملي تقوليك شي وحدة نصايب ليك شي حاجة نت قول لا مخصنيش سمعتي

– حكيم : لا اجي ضربيني حسن دابا شنو المشكل لكالسة كتحيلفي عليا اش واقع …..

حكيم : لا ضربيني حسن دابا شنو المشكل لكالسة كتحيلفي عليا اش واقع – صفاء : مواقع والو

– حكيم : كلسي الارض وݣولي اش واحل ليك راني نعرف نطقي نطقي خلاص – كلست مربعة يديها ؛ هادي كنت غتزوج بها – حكيم : او مكتابش

– صفاء : واش جاية دير دابا واش باقا باغاك

– حكيم : ونتي مالك فهاذ الشي

– صفاء : مماليش غير شوفتها كي كدير فيك شوية ما تاكلك بعينيها وكطير

– حكيم : جاية عند مونية عشرة قديمة خليها وخوي راسك نتي من هاذ الشي مكينش لاش تحݣري فهاذ الخوا

– صفاء : دابا هاذ الشي بالنسبة ليك غا خوا – مجاوبهاش شعل الجوان ودارو ففمو كيكمي

– صفاء : هيا جات مع ماماك هنا غير على حسابك والله سمعتها ملي بغات تمشي قالت ليها حتى يجي حكيم

– …حكيم كيكمي على خاطرو : دابا انا مالي علاش فارعة لي مخي شفتيني شركت معاها شي هدرة دويتي على اتاي سمحت فيه وخرجت شنو بغيتي مزال

– صفاء : متخليهاش فين تهدر معاك كيف ما نت خاصمتي عليا ديك الخطرة حتى انا من حقي دابا

– حكيم : حيدي عليا حتى نت شادة فالخاوي اش كلسني انا هنا نسالي غا كاسي ونمشي نتقود بحالي – سكتت – شاف فيها : نزهة حالها معجبنيش شد فيها المرض

– صفاء : واخا حتى دتيها الطبيب مرجعتش كاع على دوا شوية حتى انا لاحظتها اكثريا فهاد اليومين

– حكيم : نعاود نشوف شي طبيب اخر نديها وخا تاني غيعطيها نفس دوا .. المهم يكون خير

– صفاء عضت فمها وتنهدت : ياربي تشوف من حالها ايه اخرتنا ضعف …..نتمناو من الله خير ونسألوه الشفا

– حكيم : قبيلة باش دخلت عليها ..ففمها غير نتي وكترضي عليك

– صفاء : عزاات عليا والله وخا زعما عمري ما شفتها ومكبرتش معاها ولكن الدم كيحن والله معرفتش عزيتها بحال الى كنت معاها من هذا شحال

– حكيم : ربي يغفر ليها وخا تعطلات باش تواعا ويتنادم معاها الحال – تنهدت : الله يسامح —– جات لعندهم ياسمين كلست حداهم – صفاء : عاد فقتي

– ياسمين : تسنيتك ترجعي مرجعتيش (-شافت فخوها ) خويا متخرجناش مور العشا نضربو شي دويرة فالكورنيش دارو لااافاار تم قنطنا

– حكيم : حتى المرة خرا

– ياسمين : عافاااك ولا خلي لينا نمشيو لراسنا

– حكيم طلع حاجبو : باليل ؟ – نفااات براسها من دوك الشوفات لدار فيها : لا ويلي بالليل معاك اما لكنا غنمشيو بوحدنا مع ياسر نمشيو بنهار

– حكيم : حتى لمن بعد ونديكم شي نهار يكون عندكم خاوي ..

جا وقت العشاا مونية عاد شرفت ديك الكوزينة ودخلت وجدت العشا لضيفتها محمرة ليها الفروج وشلايض ..عمرات طابلة …دخلت ياسمين عند صفاء لكانت مع نزهة كتوكل فيها فدانون : اجي اصفاء تعشاي

– جاوبتها بواخا وناضت معاها من بعد مغسلو يديهم بجوج كلسو كانت هدى مزال فطواليط ياسمين مدت يديها خدات زيتونة خشاتها ففمها وتبعها حتى ياسر نقب من شلاظة وغير مدت يديها صفاء تاخد زيتونة قبل منحط.يديها عليها ضربت ليها مونية يديها حتى تخلعت رجعت بلور : جمعي يديك من اللهطة الخاوية منين جايبة هاذ الجوع – كلشي داز قدام عينين حكيم من الاول مهدر ما تكلم لكن ردة فعلو كانت خايبة ضرب طابلة برجليه حتى تقلبت كلها وجا كلشي فالارض كلشي بعد مفزوع هدى كانت يلاه جاية بقات واقفة فبلاصتها كتشوف فامر الله ——- مونية صعرت كتندب : اويلي هذا ولا يقلب عليا الطابلة – هو غا مخنزر ضرب كورسي اخر كان قدامو وزاد لعند مونية : علاااش ضاربة ليها يديها اش كين اش دارت كااااع باش تقمعيها على الماكلة هاكاااك – مونية كتغوت : حيت كابرة فالجوع هذا كاع جوع فيها تنسى حتى يتجمع كلشي ممادباش قلة الترابي هادي

– حكيم : هاذ القانون غا عليها مال ولادك ملي بداو هوما لوالة مهدرتي معاهم حتى حطت يديها هيا

—- مونية : دابا غتبقى تحاسب معايا عليها وعلى ولادي راه ولادي هادوك.

— حكيم : يحساب ليك كديري مزية بهاد الشي لكديري راك غير ما كتزيدي تكفريني فيك

– مونية : دويت غير فالخير انا قلة الترابي معدنا منديرو بها تادب شوية

– حكيم : شفتي كون دويتي مع ولادك هوما لوالة عاد كون دويتي معاها هيا مكنتش نهدر ولكن شغنݣوليك امي الله يسمح ليك اخر حاجة يدوي عليها بنادم هيا الماكلة ——- ياسر نغز ياسمين كانت حداه : بالرب حتى خوك جايب الربحة مع صفاء – ….فحين صفاء ناضت بالخف مزيرة على يديها ودخلت البيت تبعتها ياسمين وناض تبعهم حتى ياسر ——- هدى غير مبعدة لور وكتشوف

– مونية حاطة يديها على جنابها كترعد : صافي احكيم خرجتي ليها نيشان على قبل برهوشة وليتي تقلب عليا الطابلة

– حكيم : ونفوتها لهيه وباقي يتعاود بحال هاذ البلان امونية دوي مع ولادك هوما لولين عاد دوي معاها هيا وديك الساعة العيب عليك الى هدرت ،، شمن الربح عندي انا باش نتي ديري ليها بحال هاكاك وعلاش على الماكلة اخر مرة… مكنبغيش نخرج على السيطرة خليني معاك مزيان….

مشى فتح عليهم البيت لقى ياسمين كالسة هيا وصفاء حدا حدا وياسر فجهة الاخرة

– زفر وهدر : لبسو حوايجكم نخرجكم انا كنتسناكم فالباب —- ناضت صفاء بلا خاطر لبست عليها لخراين طايبين اصلا على الخروج …هو بقى فطنوبيل كيمسح على راسو كيحاول يتكالما حتى جاو ركب حداه ياسر وهوما بجوج لور

– حكيم: فين باغين تمشيو

– نقزت ياسمين : للكورنيش عافاك احكيم

– حكيم : حتى ندوزكم تعشاو بعدا ولبقى الوقت نديكم – …..دخلهم ريسطو مولف كيجيبهم ليه ..تعشاو تم ولا غير هوما لتعشاو هو غير كيشوف فيها وفماكلتها لقليلة وحتى خاطرها طاير غير هزت عينيها فيه خنزر فيها : ختاري يا غاتاكلي ولا نقلب عليك حتى هذا

– ياسمين قرصتها كتهمس ليها : كولي اختي مخصنا شوهة هنا دنيا شابعة تيتيز

– ضحكت على هدرة ياسمين : ههههه الله يمسخك عينيك ديما غا كيدورو – عاد بدات تاكل

– اما ياسر ممسوقش داير شغلو من ما بان ليه كياكل : حتى كفرت ملي شفت راسي غنبات بلا عشا ساعة الخير نزل من السما ——

سلاو وداهم الكورنيش خوتو غادين بجوج القدام وهو متقل فالمشية هو وياها مدور يديه على كتافها بحال الى متكية عليه وغادين ساكتين حتى هدرت هيا : بصح مكانش خصني ندير هاكا ولكن انا زعمت غير من شفت ياسر وياسمين قلت عادي ميحسابليش غيوقع مشكل بحال هذا

– حكيم : المشكل ماشي الماكلة مونية مكتدويش على هاذ الشي لو كانت تدوي تدوي مع ولادها هوما الاولين ديك ساعة انا مكنتش نهدر ولكن هيا المشكل معاك

– صفاء : واه عرفت هيا بغات غير تنقص مني وتقهرني قدام ديك البنت – باس ليها راسها وشابك يديه مع يديها : مكينش ليقهرك وانا كين اصفاء سمعي ناس لكيهمونا هوما لكنتقلقو منهم غير هاكا لا

– صفاء : لا بصح متقلقتش عادي ولكن نت علاش قلبتي طابلة غير مزدتي عقدتي الامور الموضوع ميستاهلش هاد الشي كامل – حكيم : متضربش ليك يديك هاكاك

———–

رجعهم كان متأخر الوقت ومفيه ليسوك ويشد الطريق داك الشي باش نعس تم فالدار …. —-. فالصباح فطر وتسناهم يوصلهم معاه ليسي – قبل متركب صفاء ضربت فيها هدى لابسة ومزوقة هدى : حكيم واخا توصلني معاك عافاااك لسونطر ڤيل – عطاها إشارة براسو زعما ركبي

— هدرت صفاء : هو غادي بينا ليسي

– هدى شافت فيها : ليسي غا خطوة يوصلكم عاد نكملو طريق انا وياه ( ظغطت على ديك انا وياه ) طلعت ركبت لور حدا ياسمين ما حيت ياسر لكان راكب لقدام

– حكيم : مالكي نتي واقفة طلعي تركبي

– صفاء : غتكمل الطريق نت وهادي حتى لسونطر ؟

– حكيم : على طريقي نيت نحطها ونزيد فحالي شنو فيها – صفاء : فيها كلشي ..هيا مغارضهاش سونطر حرافت ليها فطاكسي تشدو هيا باغا تبقى مفاردة معاك نت احكيم

– حكيم : صفاء طلعي الله يرضي عليك بلا فريع الراس باقي ما كامي ما داير والو عقلي ماشي ديالي

– صفاء : وكي بغيتي عقلي يبقى عندي انا ويكون معايا فالقسم وهيا شادة معاك الطريق حتى لمنعرف فين

– خنزر : صفاء طلعي تركبي

– زفرت : هاني غنركب ولكن شفتي كندعيك الله الى شركتي معاها الهدرة ولا عطتيها خاطرك وتمالغتي معاها

– حكيم : كدعي فيا دبا

– صفاء : انا قتليك الا شركتي معاها الهدرة ..- ركبت تنهد وركب حتى هو وزاد وصلهم ليسي نزلو مشات لجيهتو صفاء وشافت فيه : خليت ليك التقليد احكيم

– عاد مشات دخلت ..بقا متبعها بعينيه وضحك على غيرتها وهدرتها لكتطيرو ..—— نزلت هدى رجعت لقدام وملي طلعت وهيا مبغاتش تسكت من الهدرة كاااع وهو مخليها كتهدر غا بوحدها مكيجاوبش كاااع على حتى شي كلمة فرعت ليه راسو – هدى ساطت بغضب : علاش مخليني كنهدر بوحدي حرام عليك واش معندكش معايا لهاذ الدرجة والله حتى نعجبك وفشحال من حاجة مزال غير جرب نت اش خاسر مباغيش الزواج معنديش مشكل المهم غير نكون معاك

– زفر وحبس لوطو جنب : نزلي اختي بحالك الله يرحم ليك الوالدين بلا متفرعي لي ݣري – وحلت ليها القمعة مرضاااتش كاااع سرطت ريقها ونزلت – غير نزلت زاااد طاير مخليها فوسط شاعر مقندشة بالاعصاب صونات لمونية كتسب فيه وتعرق – …هو غادي صونات ليه الموصيبة لعندو مقدرتش تصبر طلبت تخرج طواليط باش تصوني تأكد غير جاوبها سبقت الهدرة : مزال معاك ؟ مزال نت وياها

– تبسم ساخط : اخر يامي وليت نتحكم صدقت مهبطها فنص الطريق – ضحكت صفاء من خاطرها : هههههههه على التقليد غا ساهل ههههههه

– حكيم : كتضحكي لمك عاجبك الحال اخيرتها وليتي تحكمي فياا – صفاء : هههه سير انا بغيت ليك غا الرضا….

قطعت معاه فرحانة ومرتاحة احساسها من جهتو اناني كتشوفو ديالها وحدها متقدرش تشوفو مع وحدة أخرى ولا كيتعامل مع شي واحد اخر بنفس طريقة باش كيتعامل معاها من غير خوتو وناس لقرابين ليه ونورمال يكونو فحياتو ..من غير هادو يقدر يسكت ليها القلب ولفها الفشوش ولفها بأنها ديما الأسبقية فكلشي تعلقات فيه حتى فاااتت الحد كاااع ..الحب زوين ولكن مع الشخص الصحيح صفاء تقتها عمية فحكيم بنسبة ليها هو كلشي وهو عليمن كتحط الراس مكنفكرش فشنو ممكن يطرا غدا من حد حكيم معاها ومكتخايلش واش شي نهار يفوت عليها وميكونش فيه حكيم كتناسا الماضي وتفكيرها نحاصر غير فالحاضر والمستقبل لغيكون معاااه ..اكثر نعمة كتحمد عليها الله هيا هادي وكتشكر الله حيت ربي فرج عليها وحطو فطريقها علاش حيت هو بصح صلح فيها شحال من حاجة فحين ماشي هو لهرسها دوا شحال من حاجة فيها فحين ماشي هو لمرضها ..تعامل مع جروحها بطريقة زوينة خلاها تكتاشف راسها تعرف شكون هيا تكتاشف وتجبد ديك صفاء القوية لكانت مخبية مور بزاف ديال الخوف والرعب من طرف ناس لقراب ليها خلاها تعرف بقيمة راسها وهذا هو اهم شي انك متكونيش مع ليقلل منك كوني مع ديما لهاز بك ماشي هذاك لبين راسو عليك ويحسسك بلي راكي ناقصة كوني مع هذاك ليقدر يعشق فيك داك الشي لكتكرهيه فراسك …هاذ الشي كامل خلاو صفاء تحبو بواحد الطريقة فشكل حب طفولي اه ولكن ماشي مراهقي حب طفولي فانانيتها فغيرتها عليه فكونها كتعتابرو هدية من الله ليها وجزاء على صبرها بصح حبها ليه حب بريئ وبدا بطريقة غريبة وبزاف الحوايج كانو معارضين لهاذ الشي اولهم شخصياتهم بجوج المتناقضة وفارق السن ولكن ملي ربي كيبغي يحببنا فشي انسان راه مكيبقى حتى شي عذر ليخالف سبحان الله كيولي كشلي كيتيسر غااا بوحدو حتى كتلقاي راسك طحتي ديال بصح ومعندك منو نواااض ……..دااااز الوقت دازت تقريبااا سيمانة كل نهار ونهااارو وكل نهار وكيفاش داز ..ونهار لكيدوز مكيمشيش غير هاكاك لا اي نهار داز لصفاء مع مونية راه تعلمت فيه بزاف مكانش الهدوء من طرف مونية بالرغم من كلشي ديما بينهم المشاحنات ومكتفلت حتى فرصة فين تهينها وفين تسمعها سمها هيا هاكاك مريضة فحين صفاء دمها برد على الاخر قاتلة مونية غير بالبارد حتى الرغبة باش غتجاوب معاها مكينش تقدر الى جاوبت تجاوب جواب سلمي ..به كتبين لكبر منها عمر وعارفة عليها وفاهمة عليها شحال هيا صغيرة ..على عكس صفاء لصغيرة فالعمر وازنة هدرتها شحال هيا كبيرة باحترامها وهدرتها الثقيلة……

دخلت زوهرة لدارها ضاربة الباب حتى بغا يطير كلها كتنهج ونݣيرها كيتسمع منين ومنين وعلى فمها غير المعيور والسباااان خدات تلفونها دوزت الأپيل لاسية مجاوبتش بقات تصوني وتعاود تصوني وتعاود و كتسناها تجاوب وكلها كترعد بالفقصة …بقااات شحااال اسية عاااد جاوبت …..

– اسية : امالكي امي على هاذ التصونيات كاملين ياك لاباس اش طاري واقعة شي حاجة

– زوهرة كتغوت : بنتك غاااا ترحمي عليها حرام ديني غير تبان لي ولا نلمحها نطير عليها بقجة حتى يخرجو عينيها وعلى مدارت ال*حبة

– اسية : اش دارت ؟ فين هيا لقتيها رجعت ؟

– زوهرة ضحكت على الخاطر مفقوصة: هااااي هاااي ݣاتليك رجعت وفين هيا ..بنتك ابنتي راها مخشية تيتي نيني راس على راس حدا مونية – اسية بصدمة : كيفااااش

– زوهرة : كي سمعتي بنتك هاذ الوقت كامل وهي مخشية فدار زوهرة . ال*حبة عرفت ومشات وتبحلست وتكمدت عندهم وقطعت الحس ..- اسية ؛ نتي شكون ݣالها ليك ؟؟

– زوهرة : شافوها داخلة عندهم وجاو ݣالوها لي .ايه ايه اخرتك ازوهرة تولي لالاهم صفاء تهضر فيا وتجمع بيا مع العوجة المحنية ديال نزهة هاذي لمكانت ومطاحت على البال

– اسية : غير بردي ازوهرة غير بالعقل ..صفاء مغتكون قالت والو – زوهرة : هاديك غا بروالة يكما يحساب ليك غيدخلوها ويسكنوها معاهم غا هاكاك كون راه شبعت فينا هدرة معاهم وتبلحس على الله غير يعطيوها كاس الاتاي توريني انا فديك المبهلة ولكن غا بلاتي بيا ولا بيها منطلق منها حتى نخرج بروحها – اسية : عنداااك تكوني مشيتي لعندهم

– زوهرة : كون مشيت لعندهم وقضيت غراضي وبردت فقصتي تلقايني كنغزل بحال هاكا ..دارها لي يوسف مكينش دارها يوسف اما كون كان معايا وفجنبي ومعمر كتافي كوراه اليوم طايح كثر من النايض بيا ولا بخيمة زوهرة شي تهزو سطافيط شي تهزو لامبيلانس ..ولكن دارها لي يوسف لكيدخل غا على الخاوية عييت نعس عليها ولا بغااات تبان لي غا مكمدة عندهم ولكن غير تبان ولمحها غا ترحمي عليها

– اسية مسحت على وجهها : ديري عقلك ازوهرة ..غا بشوية —- زوهرة : شمن عقل او بنت ال*حبة عرفت وقدت ومشات وتبحلست عليهم ودخلت تكمدت بيناتهم وقطعت الحس ..ياالاااه ربي نتي وكبري ومخليتي ما شفتي عليها هاهي خوراتك فالاخر عقلت غا على خيمة ال*امل ديال بااها راه كنت نݣوليك راها شابهة ماشي تالفة شابهة تريكتهم العوجة …غنمشي نيشان الكوميسارية غنديكالاري وديك الساعة غيجيوها حتى لعندي

– اسية مبردة دمها : مغايديرو ليك والو غيكوليك دار باها وعند جدتها غير غتعذبي راسك

– زوهرة : نتي مها ونتي لمكفلة بيها غنݣوليهم مها وخلاتها معايا وهوما خطفوها لي

– اسية : من نيتك البنت طول منك غيخطفوها ليك ..سمعي ازوهرة واايااك تمشي الكوميسارية تقولي ليهم شي حاجة راه ملي غتقولي ليهم مها خلاتها خصهم يسولو عليا انا جاية لهنا غا بكونطرا ديال حسن العوان او حارقاها من الفوق غتخرجي عليا سمعتي اللهم خليني حتى نجي انا راه جااية وديك الساعة غنبردك غير كوني هانية عارفة اش غندير

– زوهرة : دابا انا تبقى الشمتة تقتل فيا حتى تجي نتي على خاطرك – اسية : قتليك غنجي فوسط هاذ السيمانة مغنطولش بزاااف وبيني وبينك بغيت صفاء تكون تم بغتيها تبقى قبالة مونية قاهراها ..وبغيتها تبقى تم مهدت عليا شحال من حاجة يا يعطيوني ورث بنتي ولا نبقاو ليهم تم انا وياها نقتل *امل بوهم غا بالبارد.

– زوهرة : وشغنكوليك نتي تعرفي ولكن والله ومبردتي ليا هاذ الشمتة لحاسة بها على مفديتها فديك الهبيلة ديال بنتك – اسية : وصافي دويت معاك متعاود غا الصلاة على النبي…

جات زوهرة غتجاوبها سمعت شي واحد كيغوت ليها : بلاتي بلاتي نشوف شكون هاذي لكاسرة عليا الزنقة – طلت من الشرجم : انعاااام ادريسية

– دريسية : وراه نزهة ماااتت

– زوهرة : نزهة نزهة ؟

– دريسة ؛ وااييه ماتت المسكينة

– اسية : اشكون لمااات واش سمعت بصح نزهة جدة صفاء ولا شي نزهة اخرى – زوهرة : على شحااال من نزهة كنعرفو حنا – اسية : مسكينة ان الله وانا اليه راجعون ايه شحال قاصيت معاها الله يمسح ليها …ودابا بصح عاد كي خصني نجي – زوهرة : جي باالخف قبل ميقسمو داك الشي بيناتهم وتݣعدي نتي وبنتك على لفتة

– اسية : غنجي ..سيري تعزي ازوهرة هه

– زوهرة : هههههههه فعزاتك نتي وبنتك نكون الى بغيتي – اسية : برا والباس عليا ما أنا على فااالك ..- تنهدت – ودابا عاد غنبدى بيا ولا بمونية ..عاد غنوض ليها حسابي معاها مزااال مساالااااش -&&&&&&& …اولنا ضعف واخرتنا ضعف كل من عليها فان ويبقى وجه ربك ذو الجلال و الاكرام….نزهة غادرت دار البقاء ماتت فيد صفاااء لبقات معاها ليل كامل تحت طلب من نزهة ملي حست بالموت زيرتها طلبت من صفاء تبقى حداها شادة فيديها واخر كلماتها لبقات مسرحة و لاصقة ففمها هيا سمحلي ابنيتي حتى شهدت ليها الشهادة كاملة عاد ربي طلع الروح عندو – ماشي بزااف باش ماتت دغيا تشاعت الخبار و بدات ناس داخلة خارجة كيعزيو …وصفاء مزال طايحة عليها وجهها مزال مدرقاتولهاش ..اول مرة غتحضر على الموت وتشوف شي واحد قدامها الروح كتخرج ليه جاتها بحال الصدمة والهلع باقي راسها على نزهة وكتنهج بالصوت غير هيا وياها فالبيت ..

.—- حكيم كي وصلاتو الخبار شد الطريق وجاا طاير غير وصل بانت ليه دنيا عامرة بالناس وباقي مكين لا خزانة لا وااالو عينيه كيقلبو غير صفاء بانت ليه ياسمين كالسة فحجرة دايرة يديها على وجهها كتبكي مشى لعندها : ياسمين فين ختك

– ياسمين ناضت عنقت خوها وكتبكي حط يدو على. راسها كيمسح عليه وكيسكتها : ششش ربي بغاهاا ششش صااافي وصل اجالها وربي خداها عندو هاكا رتاحت كثر حسن من المرض لكان ممحنها

– شهقت معنقاه مزيرة عليه وكتبكي وهو غير كيسكت وكيصبر فيهااا ومعنقها عندو بالجهد

– رجع كلسها : صفاء فين هيا – ياسمين كتمسح دموعها : معاها الفوق مابغاتش تنزل – شهقت – كانت غير صفاء لمعاها باش ماتت ماتت ليها فيديها. – مشى طاير خايف عليها لتوقع ليها شي حاجة ممزيانش تبقى معاها هاذ الوقت كامل ..غير وصل البيت فتح الباب ودخل لقى صفاء مزال على نفس وضعيتها متكية براسها على صدر نزهة وصوتها ممسموعش ..غير حط يدو عليها جرها بالجهد من عليها بحال الى عاد تواعااات وبدات كلها كتنهج والعرق كيتصب منها طلع ليزار على وجه نزهة غطاها وبغى ينوض صفاء لكن متانعت كترجع لعند نزهة : لا لا خليني خليني غير خليني معااااهااا البارح بقات تقولي بقاي معايا ومتخلنيش غير خليني معاهااا لمشيت غا تقلق ….

.حكيم عرفها مزال تحت تأثير الصدمة جرها عنقها بجهد وهي فاشلة – حكيم : صفاء بكي ..بكي – شهقت بلا صوت : ما بغاتش مبغاااتش تخرج لي .شي حاجة حابساني مخنوقة

– حطت يديها على صدرها : مقااادراااش نطلع النفس مقاااااادراااش حاسة براسي غا نطرطق

– كانت غطيح شدها حااني على ركابيه وشادها عندو متكيها عليه خاشي يديه فشعرها وضامها عندو فمو فودنيها : بكي اصفاء ترتاحي بكي باش نفسك ترخف ..بكي باش تخففي – صفاء : ماتت لي فيدي …خرجت ليها الروح وانا كنشوف فيها عينيها فعيني انا لشهدت ليها …خفت بزاااف .

.- شد فيها وخرجها من تم ودخلها لبيت اخر وهيا غير كتهدر وتعاود ليه على كاع مراحل ملي كانت تموت نزهة بين يديها وهو شاد فيها مزير مطالقش. منها وكيطلبها تبكي دابا باغيها تبكي باش تفش حيت البكية لبقات محبوسة كتسحق خصك تخرجي داك الشي باش ميضركش ..بقا مساعف معاها حتى فجأة كاع داك الهدوء تحول لهستيرية ديال البكا كتبكي من حر عقلها وهو كيدوز يديه عليها ومخليها تبكي على راحتها..كتبكي حتى حست بجهدها تقااادى نوضها هازها كيمشيها بشوية وكلها مرخية عليه داها غسل ليها وجهها مزيااان حتى حس بها تنفست وخرجت ديك التنهيدة لمزيرة على قلبها عاد دخلها لبيت تكاها وغطاها وبقى عند راسها كيحك ليها فشعرها حتى ترخات ونعست عاد ناض خرج كيخصو يقوم بالجنازة مشى عند ياسمين كانت كالسة هيا وياسر .. عنق خوه ومسح ليه على راسو وقربت ليه حتى ختو بقى كيهدر معاهم شوية عاد صيفت ياسمين البيت تبقى مع صفاء وهو ناض واقف على الجنازة …………….دازت ثلت ايام باش تدفنت نزهة ومشاو زاروها وقراو عليها ومشاو ناس بحالهم وبقاو هوما بجوج موخرين تحت طلب من صفاء بغات تبقى كالسة لعند القبر شوية دفنوها فبلاصة حدا سمير …كتشوف فقبر باها وفقبر جداتها ..وكتنهد بعدت الزيف شوية من راسها باش يضرب فيها شوية الريح وتقدر تنفس تنهدت عينيها على القبورا بجوج : دابا عتكون مرتاحة حيت غتلاقا بولدها يااااك

– حكيم : هيا فالحياة وكانت نفسها معلقة فيه الله يحسن العوان راه ولدها واي ام متبغيش ترزا فولدها هاكاك بالرغم من كلشي كتبغي نهارها يكون قبل نهارو كتبقى مشتاقة لشوفتو …

صفاء : ملي كانت تموت ذكرت حتى سميتو قاتلي هاهو باك حدايا كنحس به

– حكيم : الله وعلم كيقوليك ملي كتكون روحك كتخرج مكيبقى على عينيك حجاب كتولي تشوف كلشي هاذ الشي لكيقولو والله علم يقدر بصح كان كيبان ليها سمير ويقدر تكون كانت غير كتخايل

– صفاء : وتاني كتموت واخر حاجة بقات تݣولها لي وكتطلبها مني هيا انني نسمح ليها وخا راني من قبل قايلة ليها الله يسامح

– حكيم : احساسها بالدنب بقى معاها وخا نتي سمحتي يمكن هيا مقدرتش تسمح لراسها داك الشي علاش

– صفاء : انا لشهدت ليها وخا كنت خايفة ونفسي تزيرات عمري محضرت لشي حاجة بحاال هاكا وعمري كنت فشي جنازة كتخصي وخا هاكاك ظغطت على راسي وبقيت معاها حتى لاخر لحظة – حكيم : هاذي هيا الحياة كتجبرنا ندوزو من شي حوايج مكنكونوش متوقعينها نهائيا داابا نتي قبل مكنتيش كتوقعي راسك كاااع غادي تشهدي لشي واحد كيموت وغادي تبقاي معاه شحال ..ولكن وقعااات .. متقدريش تعرفي من هنا لغدا اش يكون ولا اش يمكن يوقع – تنهدت : اه بصح لو قبل شوية مكنتش نتوقع كاع غنكون انا هاكا وبهاد الشجاعة وانا كنت غير لداز من حدايا غير خيال نترعد ونرجع باللور ولكن الحمد الله لدازت على راس مزيانة

– حكيم : هاكا بغيتك تكوني خليك قوية باش تقدري تستمري نتي باقا صغيرة وباقا يلاه ݣلتي بسم الله وكيف كتليك من هنا لغدا معرف اش كين واش مخبي حنا بطبعنا كي خص نكونو واجدين لكلشي حيت حنا فهاذ الحياة غير كيتختابر صبرنا – صفاء : كي خص يكون الصبر بزااف على هاذ الحساب باش تقدر تكمل

– حكيم : سي كي خص يكون الصبر ولكن كين واحد التوازي راه بالقدر للحياة تقدري تشوفي فيها الخايب راه تقدري تشوفي حتى الشي الزوين ..شوية هاكا وشوية هاكا ..- حطت يديها على تراب وعينيها دمعو : انا مكنتش بغيتها تموت انا يلاه عرفتها مكرهتش كون زدت بقيت معاها بزااف

– حكيم : غندخلو فامر الله ميمكنش للله أعطى ولله ما اخذ حنا بحال فشي لعبة كل شوية ضروري يتقصى واحد وفالاخر غيبقى رابح واحد هو الله سبحانه وتعالى …صفاء راه كل من عليها فان ويبقى وجه ربك ذو الجلال و الاكرام..يعني متݣوليش هاكا ومتكوليش علاش دعي ليها بالمغفرة وصافي وفرحي حيت تسامحتي نت وياها وخلتيها تمشي صافية من جهتك – عنقها كيدوز يديه على وجهها : نتي الرابحة من هاذ الشي كامل اصفاء نتي الرابحة…..

دازت سيمانة عاد دار خوات شوي من العزاية كيجيو يعزيو مونية ويمشيو وملي كيشوفو حتى صفاء كيتعجبو فمونية وكتزيد تكبر فعينيهم انها مسكينة مسالمة وصبارة وبقات معاشرة هيا ونزهة بالمعقول وقايمة بها حتى دا مول الأمانة امانتو وزعما حتى تعاملها مع صفاء مزيان وكلشي هو هذاك ..هنا بانت هيا مول القلب الكبير وهي بنت الخير ومسبقة الخير …….—– اليوم عاد ستأنفو القراية بثلاتة بيهم مشا معاهم حكيم سنا ليهم على الغياب قراو صباح حتى ل 12:30عاد رجعو …ياسمين دخلت الكوزينة تقلب على متاكل فحين صفاء حيدت طابليتها دارت تليفونها يتشارجا مع دارت شافت مونية مراقباها بعينيها ويديها على جنابها

– مونية : شفتك باقا معوااالااش – شافت فيها : علاش مثلا – مونية : شفتك باقا باغا تربعي عليا هنا مناوياش تحسبي الخطاوي – صفاء نقطت ببرودة : لا مزال مناوياش ..ومناوياش كاااع غا كوني هانية

– جات دايرة غتمشي شدتها من يديها مزيرة عليها : كيفاش مناوياش كاااع اسمعي نݣوليك هاذيك لكانت شادااك هنا وكنا شاركين ..الله يرحمها تدفنااات تحت التراب غير سيري قلبي على ليصلاح ليك وفين تلصقي اما هنا معندك متصوري – صفاء : انا هنا فدار با وعندي حق فيها معندكش الحق تخرجيني وانا ماشي درية صغيرة باش تغبقي عليا بجوج كلمات وتغمضي ليا عيني على حقي

—مونية : تحليك الفم البرهوشة كتقلبي عليا ندير يدي فيك عاااد تبردي وتهزي قلوعك وتخرجي تقودي عليا – جات ياسمين : اويلي مالكم اش واقع – صفاء : مواقع والو اياسمين غير مك كيف عادتها وعلى نفس هدرتها مابغاتش كاااع تعف ولا ترخفها – مونية : خرجي تقودي عليا بلا مندير يدي فيك تحركي ولكااانت فيك شوية النفس فرقي عليك ولدي..ياكما يحساب ليك كيبغيك راه غير كيشفق عليه بحال ما كيشفق على شي وحدة كتسعى فالزنقة اما هو ميشوفش لجهتك كااااع ومزاال فين غنجيبلو لاااالااااك سمعتي

-صفاء مبردة : خليه يشفق عليا بصحتو وانا باغا هاذ الشي – مونية : هههههه ولهيلا الدرية متيقة راسها كيبغيها ههههه راه غير كيضحك عليك ولقاك فاتحة ليه رجليك كيلعب فيك نهار يشبع منك ويقنع راه يكركب مك وهذا هو نهار العيد عندي – صفاء مهدنة : انا عاجبني الحال حيت كيضحك عليا وباغاه يزيد يضحك عليا ..نتي فين عندك المشكل ؟

– ياسمين : إماما رجوع الله حشومة عليك واش مبغتيش تحشمي شدارت ليك صفاء دابا حرام عليك امي

– مونية : دخلي سوق راسك نتي حسن ليك ولا نشركك نتي ويااااهاا خليني مني ليها ديني حرام عليا لباااتت اليوم عندي – فوهلة جرتها من يديها بجهد حتى الباب ودفعتها مكتجي صفاء غير على اسية لي كانت يلاه غدق فالباب حتى تفتح وترمات عليها صفاء ….هزت عينيها فيها ونطقت : ماما

– مونية دارت يديها على جنابها كتشوف : غير بلا متعذبي وتدقي جيتي ليها هنا لحتها عليك يلاه هزي بنتك وتقودو عليا بجوج من داري —- ياااالاااه جات غتسد الباب دفعتها اسية هيا والباب ودخلت فيها طول وعرض : اوا اجي دابا نتي لقلبتي عليها لݣرك …الله يلعن ال*امل بوك ابنت ال*حبة مزااال مخلاقتيش باش تجري على بنتي من دار بااها وتحطي عليها يديك……

جرتها من شعرها ناتفاااها ومونية حتى هيا هيا كتحاول تشد ولكن معامن مع اسية لدايرة كي العودة كتحرك عليها صفاء وياسمين دخلو بيناتهم كيحاول يفكو او والو كل وحدة كتجر مها ولكن ملقاو كيديرو ..اسية حلفت من مونية لطلقت – مونية : والله حتى ندي مك فين ترباي ال*حبة نتي وبنتك – اسية زادت جارها والشعر كيطير فالسما : اجي عندي لهناااا نوري لمك ال* حاب ديال بصح اش كيسواو ..ولكان على ال*حوب سبقتيني ليه نتي لولة ومطفرتيهش ..

– حتى كيفكوهم وكيعاودو يرجعو يتشاااادو —–مونية : حسن منك وغنبقى حسن منك وكية سمير من لاحك عمرها تبرا ليك سمعتي

– اسية : كون كنتي لالة مولاتي مكنتيش تقلبي على السحور باش تشدي رااااجل ..ريحتك كانت عاااطية وباقا عاطية

— مونية : رحيتك عطات قبل ريحتي ا*حبة السواعدة – اسية : اللهم *حبة ولا سحارة منخلي حتى فقيه على الله يشوف فيا وخا غا نص راجل ..انا رجالة كيتحناو لعند رجلي ماشي بحالك يا شارفة يا المارجة هو حتى سمير براسو كون كان لخاطرو ميتلفت ليك وميساومك ونتي كبر منو شارفة عليه

— مونية بغات تلاح عليها : بزااااااف عليك فهمتي بزاااف عليك ديتو ليك ديتو ليك وخليت مك معششة عامين فالحباساات وتولدي هاذ الحرامية تم

– اسية : فايت لي ضربت عليك عامين ودابا غنضرب على *حبة مك حياتي كاملة. – عاودت نقزت عليها وجرتها : نشتف لمك على راسك سمعتي وباقا تجبديني على فمك لا انا لا بنتي

عياااااو يفكو ويغوتو بيناتهم او والو صفاء كتقطر بالعرق شافت فختها : ياسمين را تلفوني صوني على حكيم دغيا يجي حسن متوقع شي فضيحة مشات ياسمين دارت لقالت ليها وبقات صفاء وسطهم

– مونية دفعت اسية : حرقة سمير بغيتي تفديها فولدي عييتي ما ت*حبني على حكيم ومحشاااهلكش عييتي ما ترطااااي او والو معطااكش وقت يحساااب ليك بحال دوك ال*وامل لكيقيلو تابعينك رااااه ولدي هاذاااك والله لشاف فيك وسااااومك — اسية : ولدك غير مدرتش راسي فيه اماااا كون بغيتو والله حتى تلقاي غير يديك والريح

— مونية : ايه داك الشي باش صيفتيلو ال*حبة الصغيرة ديال بنتك تلوى عليه وراه متخافيش مربياااهااا على ال*حوب نيت قضااات ليك الغراض وتلوات عليه ختااارها عليك

– اسية دارت يديها على جنابها كتعوج : بصحتها وراحتهاااا ما تولد الزينة غير ما زين منها وما تولد اسية غير ما وعر منها انا كنت بغيتها متخليهش فين يتلفت ليك

-مونية : يا كيتك يا خلاااااك راه غير يشبع فيها ويلاوحها بحال نتي من لاوحك سمير

– جرتها عاود اسية ضربتها لفم وزواتها : لا وقيلا نتي ديك الضربة لدرت ليك فالوجه مقداتش فيك كتقلبي نقتل مك دبا عاااد تبردي

—صفاء كتجر مها : واسية الله يرحم ليك الوالدين ما نعلي الشيطااان ويااااالااه نمشيو. – دفعت بنتها : حيدي من قبااالتي نربي ديلمها مزاااااال مخلاقتش باش تحط يديها عليك – مونية : مزااال نحط يدي لمدتيهااش عليا وخرجتو بجوج تحركتو عليا من هنا

— دفعتها اسية ومشات لسداري وكلست دايرة رجل على رجل : ههههههه اوا الالة دابا مخارجاليكش من هنا حتى تباع هاد الدار من فوق عينيك وحق بنتي غادي يتحسب ورقة تابعة ختها والى بغتينا نسكنو مع بعضياتنا ونتشاركو فالورث ماشي مشكل انا ظريفة بزااف متلقايش معايا مشكل ……

ستفزاااتها ديال بصح مشات طايرة الكوزينة هزت موس وخرجت : والله متخرجي عليا ااسية على مدوزت عليك بهاذي – ناضت اسية كتمختر : هاي هاي هاي على مونية وحتى هيا تعلمت تهز الموس ..كوني مرا واجي ضربي مالكي مزال واقفة فبلاصتك خفتي نرجعو فيك

– ياسمين مشات عند مها : ماما حيدي الموس من يديك مديريش شي حاجة تندمي عليها نعلي الشيطان وتفاهمو غير بالعقل حيدي الموس – دفعت بنتها حيدي من قدامي حسن ليك – صفاء كتجر مها : اسية الله يرحم والديك لما يالاه نمشيو بحالنا من هنا هااا العار لمبدلي ساعة بخرا

– اسية دفعتها : تحركي من قدامي خليني نشوف اش فجهدها غدير كااااع

– قربت ليها هيا : يلااه ضربي ولا خليه ليكعرفو ليه نتي جهدك غا فالهدرة الخاوية

– مونية : زيدي عندي لهنا قربي وتشوفي لمجبدت ليك مصارنك

– كتزيد عندها اسية : هانا عطي معندك وريني اش فجهدك ديري كاع ولكن لحيدتو ليك عرفيه غيكون مرشوووݣ فيك – هزت يديها مونية غضرب اسية جاات صفاء قبالة مها مدرقة عليها داز ليها الموس على عنقها غمضت عينيها متالمة من حر الموس مع الضربة مع دخل حكيم كتجي عينيه نيشان على صفاء شادة عنقها والدم كيقطر والموس مزال فيد مو

الدم هرب ليه من وجهو دفع مو ومشى طاير لعند صفاء شدها كيقلب فيها وفجرحها لغارقة شوية فعنقها ولكن مكبيراش جاب الله غا خطفت الموس

– مونية مع كان الموس باقي فيديها والعقل لتفكر به معندهاش عاودت بغات تهجم على اسية تضربها ساعة جاب الله زرب عليها حكيم شدها مزير على يديها كيحيدو ليها وهي كترطى وكتغوت ربي لخلقها : حيد حيد بعد مني طلقني بيا ولا باسية اليوم – مخنزر : ديري عقلك حسن ليك

– مونية : حيد ولا غنخشيه فيك نت نيت حيت نت سبابي نت لجبتي هاذ ال*حبة وعاودتي خليتهم يدخلو عليا ….

حيد ليها الموس ولاحو ودفعها

– مشا عند صفاء لكانت شاداها ياسمين وعنقها مزال كينزف وهيا الخلعة لاعبة عليها بحال الى باغا تغيب حيد تريكوه الفوقاني وبقى لابس غير نص كم. حطو ليها على عنقها مزير حابس ليها دم وهزها غادي بها الطبيب جات قداجات قدامو اسية : حط ليااا بنتي فين غااادي بها حط حط

– حكيم مخزر : غدوري ت*ودي من قدامي لا

— شاف فمو : يالاه ارا ما عندكم بقاو فيها وفديوها فبعضياتكم وساليوها وتهناو خلاص …و اقسم بالله وتوقع ليها شي حاجة على معصيت ربي فيكم بجوج ديك الساعة ما غنحن فحتى شي قواد فيكم حسن غير فاريوها دااابااا

– دفع اسية حتى طاحت : حيدي من قبالتي

– خرج وجر معاه حتى ياسمين مبغاش يخليها معاهم ..فحين اسية يلاه دارت تشوف لقات مونية طارت للبيت وسدت عليه ..مشات اسية كتضرب فالباب شوية مغتفرعو عليها ؛ حلي ال*حبة حلي حلي اسحارة لسميتك مرا حلي او واجهني وباني قبالتي لمطيرتش ليك الحنك لاخر راه موالدة فيا زوهرة غا الخلا يديك لتهزت عليا وعلى بنتي غنحيدها ليك غا بلاتي – مونية : اسيري اشمكااارة سيري هاديك اخرتك عييتي ما دوري واخرتك وليتي *حبة سواعدة

– اسية ضربت الباب برجليها كتفرعو عليها : دابا غا آلى كنت مرا ومزغرتة عليك مك خرجي عندي وتفرجي كي غندير ليك …غا بلاتي على مك لمشطبت بدينكمك الدرب كامل راني ماشي اسية ..خليك دابا سادة غير حتى نسالي مع داك صعصع ديال ولدك لداخل فيا طول عرض يحساب ليه انا هيا نتي غيطمر فيااا…غا بلاتي غنوريه اسية اش كتسوا ….

داها لطبيب حبسو ليها النزيف و خيطوليها جاتها ستة الغرزات ودݣو ليها برا وعلقو ليها السيروم ما حيت من كثرة الخلعة طاح ليها طونسيو ..ياسمين كالسة حداها وممهنيها وقت خايفة ليكونو رجعو نوضوها فحين حكيم العروق راسو باغين ينفاجرو من هاذ الشي لكيوقع كيشوف راسو هو يصلح من جيه وهوما كيفسدو من جيه مبقى عارف ما يدير مع هاذ القوم ديال الجهالة …بقى غا كيشوف وداير يديه تحت ذقنو تااالف — صفاء عاد شوية رجعت فيها روح من الخلعة وقدرت تهدر : خلتيهم غا بجوج فدار

– حكيم. خنزر : ونتي سوقك اش خشاك خليهم بيناتهم لقد على شي حاجة يديرها

– ياسمين عضت على فمها متوترة تنهدت خايفة كتشوف فصفاء : جاب الله غير خطفت الموس غير ربي حفظ وصااافي – حكيم مسح على راسو : نتووما اش داااكم تبقاو وسط منهم علاااش تفكو خليهم بيناتهم كنتي تجري ختك وخرجو نتوما كاااع وخليوهم لبقى وهداك لمشى الله يرحمو نيت باش هاد القصة تسالا خلاص حيت بان لي حتى غطيح شي روح اخرى عاد لا سالاااات …….

سالا ليها سيروم عاونتها ياسمين قادت حوايجها وخرجو كي خرجو من الباب لمح اسية جاية قاصداااهم كلها كتهزهز – يالاه بغات تشد صفاء دفعها حكيم : زيدي عليا لهيه ونتي جاية كي التران مالكي اش كاين

– اسية : اشوف نت فرق عليك بنتي حسن ليك شنو بينك وبينها

– صفاء : ماما عاافااك بلا شوهة

– اسية : دخلي سوق راسك نتي وغتزيدي معايا دابا ناخد ليك سيرفاتيكا ونيشان الكوميسارية نديكلاريو

– صفاء : بيمن ؟

– اسية : كيفاش بيمن بهاديك لكانت على شوية غذبحك من عنقك .تحركي ..قدامي ياالاااه لكوميسارية نتي ساكنة فدار باك وملي ماتت جداتك بغات تجري عليك وضرباتك بجنوي هاذ الشي لتݣولي بالحرف سمعتي ….

صفاء : لا اماما مغنمشيش معاك ومغنديكلاريش خلي الموضوع يتسااالا هنا

– اسية : كيفاش كيفاش عاودي

– غوتت – تحركي قدامي نوريك مغديكلاريش كي دايرة ملي كانت مجرجرة مك ولاحت على الباب كنت قاطعة حسك ..قدامي تحركي

– صفاء : انا مابغاش نديكلاري

– اسية : شافت فيه : أمزيان ابا حكيم لقتيها صغيرة وأنا مكينش درتي بها لعبتي لعبك مالك مطحتي معايا انا كون وريتك شغلك دزتي غير لصفاء

– حكيم : اسية غدوري تقودي من حدايا وهدااك مغدوريش غنضبر معااك

— جر صفاء شداتو من يديها اسية : اطلق لي بنتي احكيم حسن ليك واش يحساب ليك الدنيا سايبة طلق لي بنتي فين غادي بها

– حكيم عصباتو سلت يديه منها بالجهد ودفعها : عاد ولات بنتك ملي سمحتي فيها ومشيتي كدوري عاطية *رك ديك ساعة كنت ديال راسك دابا عااد ولات عندك البنت .

.- اسية : ونت سوقك نت مالك اش خشاااك ديها فراسك

– شافت فصفاء – زيدي تحركي قدامي لدار نتي

– حكيم : صفاء طلعي لطنوبيل

– اسية : كيفاش طلعي لطنوبيل من نيتك شنو كتخور نت صفاء تحركي قدامي يااالااااه

– حكيم : بلا متعذبي راسك معاك نتي مغتمشيش

– اسية طلعت حاجبها : ݣتكولها ونت تايق فراسك غنسولك وغتجاوبني قستيها ياااك ؟ خسرتيها ؟ …..

حكيم ربع يديه تبسم ليها مستفزها : اه قستها

-صفاء هزت فيه عينيها سارطة ريقها من هاذ شي لكيقول غمض ليها عينيه بشوية زعما سكتي

– اسية شافت فصفاء كتشالي بيديها : صافي الحرامية صااافي بقيتي كطييري حتى جبتي الربحة معاااه غا غبت عليك انا درتي ما بغيتي

– بغات تطير عليها تجرها دفعها حكيم حتى تزدح ظهرها ما الحيط : غتبعدي عليها لهيه وغتجمعي يديك عندك

– اسية : صافي خورك تقبك ياااك باااخف حليتي ليه رجليك وخليتي مونية تضحك عليا ضحك عليك بجوج كلمات خلتيه يدير فيك ما بغا ال*حبة السلكوطة

– حكيم دار ليها نص ضحكة فقصاتها : صفاء مدارتش بحالك ومعطاتنيش الفرصة لعطتيها نتي لسمير ومخلاتنيش نحط فيها يدي بالخاطر كيف ما نتي خليتي سمير يعني إلى كانت شي وحدة هنا *حبة راه ماكينش من غيرك

– شدت فيه صفاء من ذراعو كتحرك راسها بلا مبغاتوش يهدر هاكا فحين اسية بحال الى صرفقيتها من هاذ الهدرة لعطاها ليها غا بالبارد

– اسية بجدية : كيفاش كتقول مخلاتكش و قلتيلي قستيها وشمن خاطر كدوي عليه

– حكيم : تعديت عليها هيا مبغاتنيش وانا اغتاصبتها

– صفاء تصدمت من هدرتو اما اسية حلت فيه فمها وبدات تغوت : كيفاااااش كفااااش اغتاصبتيهااا …-

شافت فصفاء : هدري اش كيݣول هذااا اويلي هدري نتي مالكي ساكتة كيفااااش واش هاد الشي ليݣيكول بصح واش بصح تعدى عليك ..واش بخاطرك ولا تعدى عليك- هزت عينيها كتشوف فيه فحين هو كتافا غير يدير ليها إشارة براسو فهمت معناها انه بغاها تلتازمت الصمت وتبقى ساكتة –

– اسية : اويلي نتي هدري مالكي ساكتة واش مبنجك ولا كيفاش

– شاف فصفاء : تحركي لطنوبيل ومتعاوديش تهبطي… يتبع

شاف فصفاء : تحركي لطنوبيل ومتعاوديش تهبطي

– اسية حطت يديها بجوج على راسها : يا سدي ياربي هاذ الراجل غا يحمقني ..واش مك لهاد الدرجة لفعة سيفطاتك تنتاقم من بنت يلاه قايلة بسم الله فالحياة – شافت فبنتها – زيدي قدامي نتي الكوميسارية زيدي

– حكيم بجدية : صفاء تحركي لطنوبيل يااالااه – شافت فيه عرفاتو واصل لقمة الغضب وعارفة بلي عندو شي بلان فراسو هو سباب هاذ الهدرة لقال دابا داك الشي علاش حنات راسها وشدت فياسمين غادا لجهة طنوبيل بغات تجرها اسية شدها حكيم : اجي لهنا فين تابعاهاا

– اسية : واش نت مريض ف*رك ولا مااالك لهبلتي اولد مونية سير شوف شنو دير لراسك بنتي غتفرقها عليك حسن لك ولا مغيعجبك حال معايا والقانون بيناتنا

– حكيم شير لصفاء : شفتي هاديك لغادا غا حيديها من بالك غا نساي واش عندك شي بنت ..حسن منقود انا وياك السوايع ديال بصح – اسية : واش وليتي بغيتي تاخد لي بنتي ولا كيفاش راه عطا الله الخيريات سير تربي تدي الاجر افووت عليك صفاء وداااك الشي لدرتي ليها بربي لخرجتي منو ناجي لا نت لا ديك مك

– حكيم ربع يدو : مفايتهاش اش غديري

– غمزاتو : وراه كين بزااف ما يدار ..هانت غتفرج غا صبر عليا

– حكيم : اسية داااك التقحبين ديالك ماشي معايا انا غتجمعي *رك وهدااك مغتجمعيهش بربي حتى نخليك تتوبي على يدي وراه فايت ليك عارفاني وعارفة راني خااسر مع ݣري وباغي غير معامن —- اسية : حكيم هبطلي بنتي نديها معايا بلا منتشوهو هنا – حكيم ؛ راها بنتك لقدرتي عليها سيري هبطيها

– اسية : عزيز عليا نت احكيم مشكلتي مع مك ماشي معاك خلينا بلا منخرج انا وياك العيب ارا البنت ومريضنا معندو باس – حكيم شداتو الفقصة : انا ݣنكوليك غتاصبت ليك بنتك ونتي كتكوليلي مريضنا معندو باس لهاذ الدرجة مكتهمكش شهاد ال*لاوي

-اسية : انا بان لي كتهمك كثر ما كتهمني انا ..غارق فيها على الاخر ياااك كون جتيني بشي طريقة أخرى كنت نتفاوض معاك وتلقى معايا السلاك ولكن ملي درتي شغلك وتعديتي عليها بربي لفوتها ليك ..- حكيم : داك الشي لبغيت غير متفوتيهاش ومتقصريش من جهدك

– اسية : بنتي دابا تكون حدايا قولها تنزل

– حكيم : الى كتساليني شي حاجة راه الكوميسارية كتعرفيها سيري ديكلاري

– اسية : لقتيها صغيرة وبوحدها ولعبتي فيها كي تبغي

– حكيم : اه يلاه سيري شوفي متقضي …..

دفعها وزاد طلع الطنوبيل خلاها واقفة كتشوف حاطة يديها على جنابها حساات به زرب عليها زربة خايبة

——شدت طاكسي ومشات غير وصلت لعند مهااا دخلت مكشكشة حيدت الزيف من عنقها ولاحتو وكلست كلها كتقفز – جات عندها زوهرة : اشنو كين مالكي على هاذ الدخلة اش درتي – هزت فيها عينيها عاودت ليها اش وقع مع مونية حتى لشنو دار ليها حكيم

– زوهرة : اويلي اويلي بيمن محزمة وجيتي هاااكاااك خوروك يااااك غبقو عليك لعبو عليك العشرة

– اسية : مونية تغبق عليا ..بغتيني ننحر مها ولكن داك ولدها زرب عليا يحساب لو انا ساااهلة غا بلااااتي غنوريه

– زوهرة : ياااك وقفتي على كلامي شفتي كتليك كون مكانتش قارية المنع وعارفة غتمشي عندو كانت تبقى عند الباب ماشي تطير

– اسية كتضرب ففخادها : اويلي اويلي صفاء انا معرفتهاش كتخرج فيا عينيها وكتكولي مغنمشيش معاك مغديكلاريش ..صفاء لمكانت تقدر تهز حتى عينيها ..بدلووها ليا ماشي هاديك هيا صفاء لكنعرف .سيدة ولا يهدر معاها غا بعينيه تفهمو اويلي يا ويلي على فقصتي

– زوهرة : عبرت عليك انا بغيتها دير ليك كثر من هاكا باش تشوفي فشوشك وضساارتك هاذي يااالااه شدي دابااا

– صفاء : معذر مونية هدرت معذر مونية قالت بلي عندي لمعندكش عندي الولد ولعب فبنتك كي بغا اويلي وتشااع هاذ الخبار فين نعطي راسي مع شي واحد اخر هانية ولكن مع ولد مونية كلشي يتشفى فيااا كلشي منرضااااااش يسيقو لي الخبار ولد مونية ضحك لي على بنتي وخسرها كلشي يبغيها فيااا كلشي يتشفى ..منرضاش يهزوها عليا غنااايا يغنويها ولد مونية تعدا على بنت اسية حتى لهاذي لا .

– زوهرة :سيري تحركي ديكلاري به سيري

– اسية : واش انا ݣنݣوليك مابغاش نتشوه قدام العديان ونخليهم يشمتو فيا ويقولولي مونية غلبات ونتي ݣتكوليلي ديكلاري شكتخوري ازوهرة

– زوهرة : ايه وشنو غديري تخليها تدوز على بنتك كيف ما دازت عليك مع سمير ولا شنو

– حركت راسها بلا سكتاااات شحاااال كتفكر وكتحط النقط على الحروف عاد خرجت بخلاصة : لا ماشي نفس القضية كين فرق حكيم ماشي هو سمير حكيم نيتو من الاول كانت خايبة ..حكيم كيبغي صفاء……

زوهرة ضحكت : ههههههه البغو كاااع اش كتروني كب فيها وغيزيد بحال بحال الشماتة لترافقتي معاه

– اسية : عارفة راسي اش كنكول انا ماشي درية صغيرة باش مغنعرفش ومغنفهمش حكيم من داك الخوف والدورة لدار فمونية وداك التهديد عليها نبصم ليك ونحلف ليك باش ما بغيتي حتى غارق حتى الودنين

– زوهرة : ايه ونتي شنو غتستافدي من هاذ الشي كامل ناوية تزوجيها لو وتناسبي مع مونية ههههههه

– اسية : ناوية ناخد لمونية ولدها وعمرها مزال تفرح به ولا تشوف وجهو ..وهاذ الشي صفاء لغديرو مونية مكتحملش صفاء وتموت لتشوف حكيم مزوج بها وانا مكرهتش شي عراسية لتطرطق لمونية العروق ديال القلب وتخليها تشد بلاصتها حدا عكوزتها – زوهرة : نتي ولا حتى تلفت ليك الخيوط لكانو مزال عندك تسوطاو

– اسية : غير تبعيني وتفرجي غير هو صفاء خصها ترجع تحت يدينا وترجع عجينة يدي باش لقلتها ديرها تدير ..صدق وهداك مصدقتش غنخليها تطلق منو وديك ساعة غنكونو كلينا و شبعنا وانتقامنا ودرنا كلشي راه هدا هو الحل لبقى مزوجة به وشاداه حسن ما لعب بها وتقبها وخلاها

– زوهرة : لعبي كي بغيتي غا هو ملي طيحي فشي زوبية متجيش تسوطي وتنوحي عليا فهمتي

– اسية : دابا غير خليهم هاذ السيمانة ونجمع بعدا الوراق على خاطري ونقلب على شي محامي حيت حالفة حتى ديك دار ديال زوهرة تباااع وناخد حقها وديك ساعة عاد تجي نوبة سي حكيم غير بالمهل كيتكال بوتنجال غا شوية دقة دقة كلشي غيتقدا ودقتي لمونية راجعة راجعة لمكانت بسمير تكون بحكيم ولا مكانت باسية تكون بصفاء مهم لعندو شي حساب غادي يصفيه……

وصلاات العشية كانت غير هيا وياه فدار من بعد ما ياسمين طلبت انها تمشي عند مونية تشوفها وصلوها وزاد هو نيشان لدار غير هيا ماشي نفسها دارو ما حيت هاديك كان كتبها البارح لمونية مابغاش يرجع ليها دابا حيت تقدر تضرب ليها فالخوا وتمشي لتم ..داك الشي باش دوا مع سمسار وضبرو بالزربة فدار مفرشة مقادة وهي لدا ليها صفاء – شافها حاطة يديها على عنقها : مالكي واش كيضرك عاطياك الجرحة الحريق

– صفاء : لا غير دوزت يدي وصافي

– حكيم حك نيفو بجدية : واش على حسابي مبغتيش تمشي مع مك تديكلاري ؟

– صفاء حكت نيفها : معرفتش شفت مكين لاش حادثة او فااتت

– حكيم : ولكن كنت تقدري تآداي كثر كون ماربي حفظك صفاء لكنتي بغيتي تديكلاري بها ديكلاري مديريش على وجهي – صفاء : منقدرش نشوفك مسخسخ ها انا واخا كون سمعت لاسية وديكلاريت راه نت لغتعذب مغاديش تقدر تخليها وتشوفها فشي حالة ماشي هيا هاديك

– حكيم : ومنقدرش نشوفك حتى نتي مآدية جيت الوسط وبقيت هيا مي ونت اعز ما عندي كي ندير كون مخرجتش سالمة او وقعت ليك شي حاجة مكنتش نرحمهم بجوج لا مونية لا اسية

– صفاء : الحمد الله دازت على خير غير ملي خرجت هاكاك اما الله يحفظ كون مدرقتش على اسية ماماك كانت غتضربها ضربة خايبة – حكيم : شحال من حاجة وقعاات والتوبة هيا لمبغاوش يتوبوها – صفاء قربت ليه شداتو من يديه : حكيم فراسك واحد الحاجة

– حكيم : شنو – صفاء : بالرغم من كلشي عجبني بزاف كيفاش اسية دافعت عليا وكيفاش كانت تدوي عليا مع ماماك حسيت بشوية ديال الحب عندها من جهتي

– تبسم ليها باسها من راسها

– صفاء : اسية وقيلا عرفاتني كين تم وكانت جاية غير تشوفني وجات مع مونية. كانت بغات تجري عليا داك الشي باش تدابزو

– حكيم : علاش مصونتليش اينفوا بدات مونية كتهدر معاك ..وليتي كتخبعي عليا شحال ونتي ساكنة مع مونية ونسني عليها الى كل نهار كيفوت كيوقعو فيه شلا بلانات ونتي خبعتيهم عليا

– صفاء : واه بصح ولكن علاش حيت اصلا ولا كيجيني داك الشي تافه او وليت كنتعامل مع بحال هاذ الشي ببرودة بصح نݣوليك مبقاوش يهموني كااع ومبقاوش ياثرو عليا فخطرة – حكيم : شفتي هاكا بغيتك هاد الشي علاش كنت نقلب هاني وصلت ليه

– صفاء : بصح المدة لعشت معاك بدلت فيا شحال من حاجة خلتيني نعرف شحال انا بصح قوية وماشي ضعيفة وهبيلة كيف ما كان يحسابلي والله احكيم الى خلتيني نكتاشف واحد الشخصية اخرى فيا معرف فين كانت مخبعة هههه

حكيم : كان خاصك غير ليشد بيديك شوية او ايوريك طريق منين تدوزي……

بقااات ساكتة هو حس بها وحس بشنو باغا تقول وتسولو داك الشي باش فاتحها هو : سولي على داك الشي لباغا غير سولي -صفاء : احم احم حكيم علاش قلتي لماما بلي نت تعديتي عليا وغتاصبتيني

– حكيم مسح على راسو : ضطريت هاذ الهدرة هيا لكانت خصها تݣال وݣلتها حيت اصلا الامور ترونااات يا تزيد ترون كثر وتقاااد يا يا متفوتش على خير

– صفاء : ولكن نت شنو ستافدتي بهاذ الشي شنو ستافدتي باش بينتي راسك خايب وطيحتي على راسك الباطل وخديتي تهمة ونت مدايرهاش – رجع راسو لور : من بعد اصفاء من بعد ونفهمك كلشي حيت هذا موضوع بوحدو كي خص يتناقش ومقادرش دابا دماغي مخربق على الجهد من بعد ونݣوليك اش كيدور فراسي – شد ليها يديها : غير نتي كوني معايا مرا وخليك غا تايقة فيااا

– صفاء ؛ تيقتي فيك حتى حاجة مغتقدر تزعزعها انا مبقى كيهمني حتى شي واحد من غيرك لدرتيها انا معاك احكيم ——هادي ثلت ايام لدازت باقي مكين حتى شي رد فعل من طرف اسية على حكيم من غير كتوجد لدقة لمونية باش تبدا تداعى على الورث …هاذ ثلت ايام لدازت لاحظت صفاء فيها حكيم ماشي هو هداااك غير شارد وقاتلو غا تخمام غا كيفكر بقى فيها بزاف شافتو هاز الحمل ومجموعة عليه من كاااع الجوايه وبعد شي خطرات كتلوم فراسها حيت ورطاتو فمشاكل هو اصلا معندو بها حتى شي علاقة

فحين مونية خافت لاسية ترجع ليها حيت عارفة عندها غا نص عقل وخا هاكاك كتخاف منها غير بدات تجمع حوايجها باش تخرج تحول لدار لكتبها ليها حكيم سمعت حس الغوات والتعرعير طلت من الشرجم بان ليها يوسف لي كي خرج عرف البلان من الزوهرة جا كيتمايل كالس يسب ويعرق وكيخسر فالهدرة كي الكلب النباح كيغوت زعما على حكيم زعما خرج عندي وهو اصلا ما فجهدو والو ..جات اسية كتجرب طمرت فيه كي الفلوس : اداك وجه الكلب زيد من التعرعير الخاوي تشوه بيا الناس

– يوسف : وبربي اليوم غا بيا ولا بحكيم نوريه كيفاش يحط يديه على بنتنا حيت ملقانيش عليها

– ضرباتو الفم : سكت الله يلعن ال*امل بوك لما سكت راه حتى حد مسايق الخبار غتشوهني زيد قدامي لدار زيد ونت فيك غا التعرعير كون غا كنتي قاد على شي حاجة يعطيك غا ضربة يغيبك شهرين – جراتو غادا بيه وكتعاير فالناس لكيطالو عليها من الشراجم

– مونية كان قلبها غيسكت صونات على حكيم مي تلفونو كان طافي متعطلتش تم تم كملت جميع حوايجها ومشات لدار الآخرى وصونات على ولادها باش يجيو لعندها نيشان لتم …..

فالعشية كان كالس من بعد ما صلا عاد ناض حيد تلفونو من الشارج شعلو لقى مونية مصونيا ليه عاود صونا عليها غير تفتح الخط بدات كي عادتها على الغوات : ايه بسبابك ولا سيهم يوسف كيتهز عليا وكيتهدد علياااااااا شحال وانا ساترة راسي حتى بسبة ديك اللفعة لشاااد ولاو يجيو يحيحو عليا فمحاالي – حكيم بان على وجهو الاعصاب وعروقو تنفخو : قاسك ؟؟؟ – مونية : زعما كنهمك وخا حتا كون قتلني مغتسوقليش شوهني فالحومة عااد مشى طجوني من محالي بلا وقت هاهي كون كانت ختك برا كون تعدا عليها ..ياك احكيم باغي تخرج عليا انا وخوتك حتى تخرج علينا عاد غتفرق عليها ياااك ..

.— صفاء كانت غير كتغزز فظفارها واقفة حداه وكتسمع هدرة مونية حيت كانت تدوي بجهد ..حتى شافت حكيم قطع ودار وجهو مكيبشرش بالخير شافتو حنى هز سوارتو قلبها تهز وقفت قدامو : فين غادي ؟

– حكيم : حيدي من قدامي

– صفاء : الله يحفظك احكيم ما برد الله يحفظك واش غادي عند يوسف عافاااك احكيم لما غا برد – حيدها من قدامو وزاد الباب ودار شاف فيها : تعتبي هاد الباب وتبعيني ترحمي على روحك – خرج طاير مكيشوفش قبالتو حتى الحومة ..غير وصل لقاه واقف على البوطو فنفس بلاصتو مهدر معاه ما تكلم ومخلااهش حتى يستوعب غا شدو جرو وبدا عليه ضربة مور ضربة تم تم تجمعو الناس ..خرجت زوهرة واسية كيجيرو كيبعدو فالناس لقاو شادو كيقتل فيه ضربة ولا ختها. حتى خلااه كلو غارق فالدماياااات حتى الفم لغيعرعر به يوسف ويخسر فالهدرة مبقاش قادر يحركو زرب عليه يديه مقدرش يهزها معاه. ..حطت يديها على حكيم كتجرو : اويلي نت واش قاسك الجهل علينا ولا مااالك وطلقووو

— حكيم دار شاف فاسية حيد يديها من عليه ودفعها : مرا مغنديرش فيك يدي خليك بعيدة حسن ليك – زاد جمع معاااه الكرش حتى قياه الدم

– زوهرة غير كتهلل وزعما كتشهد الجيران وهوما كلهم باغينيها فيوسف ..اسية عاودت كتجر فيه : وراااك غتقتلو ال*لاوي … حيد يديك – زاااد دخل ليه مزيان عاد ناض من عليه وغير صحاب الحسنات لدارو فيوسف هاد الخير او فكوه من حكيم اما كون كان غا هو وياه كان الله يرحمو ميوعى على راسو حكيم حتى كون صافي قتلو

—- اسية كترطى : منين جايب نت هاذ الزعامة منين مكفاتكش القضية. الأولى لشاداها عليك وحالفة عليك فيها زايد فحتى هادي ..معذر مونية عانية بك مانت غا المصعور شوف ملي تجيك لاستدعاء واش غتبقى فهاذ الجهد ديك ساعة نشوفك اش دير حتى فلوسك مغيفكوك معايا

– حكيم : تعطلتي ..سيري دابا داك الشي لباغي حتى انا وخا معندك متصوري مني

– اسية ضحكت مستفزاه : طايحة ليك على نقطة ضعفك وبها غنغلبك ونخليك تحني الراس – ضحكت – مسكين كتبغيها وانا بها غنمرمدك – حكيم : حتى باش ترجع لعندك وتكون تحت يديك عاد ديك الساعة باش تمرمديني لكان غا على صفاء عمرك توصلي ليها ولا تكون ليك بنت – سمح فيها وزااااد . طول هاذ الوقت وصفاء بحال الى كالسة على الجمر كلها كترعد خايفة لتوقع شي كارثة عارفة حكيم وعارفة ضربو كي داير عندو الضرب ديال الموت بقات غير كتدعي الله وكتقرا فالقرآن وكتطلب من الله يحد الباس بقاات هاكاك حتى شافت الباب تحل ودخل ناضت كتزرب لعندو حطت يديها على فمها ملي شافت الدم فتريكوه مع لابس البيض باين بزاف قلبها تهز : اوويلي الدم مالك واش تضربتي

– حكيم زاد كيحد فتريكوه : ماشي دمي هذا دم خالك ….

صفاء : اويلي قتلتيه

– حكيم لاح تريكو : كون ما فكوهش من يدي – حك نيفو : زيدي كلسي هنا نهضر معاااك – مشات كلست حداه

-حكيم : بجدية : فتحي معايا دماغك مزيااان

– صفاء : كنسمعك – حكيم : الدعوة دابا مرونة ديال بصح اسية ناوية على تجيبك عندها فكرات بهاكا غتلوي لي دراعي ..وانا الموت حسن لي على انك ترجعي عندهم ويديرو فيك ما بغااو ..على هاذ كين واحد البلان كيدور فراسي

– صفاء : شنو هو ؟ – حكيم : ستاشرت مع واحد المحامي صاحبي .وشرح لي شي حوايج ..وداك الشي لغنديرو ..انا وياك غنتزوجو – صفاء : كيفاش

– حكيم حك ليحتو متوتر : سمعي. انا كي خصني ضروري نعس معاك ياك حيت – حك جبهتو – حيت كي خصك سيرفاتيكا على انك تغتاصبتي من وراها نتي غتمشي تدعيني ..تݣوليهم تعدى عليا – صفاء : اويلي وراك غدخل الحبس

يتبع