صفية : (دخلات عليهوم لابسة قفطانها او مقادة راسها) لحا… شهاد لحنان كامل طاح عليك نتي
لغالية : حرام عليك لحاجة عزيزة عندي ، انا غنهبط لتحت نسبقكوم لحاجة تا تلحقو عليا لتحت (خرجات من عندهوم)
صفية : فاش بغاتك تا جات
لحاجة : والو غا علماتني بلي جات سمية وصاف ، جي عاونيني نلبس تا انا باش نزلو (لبسات لحاجة واحد لقفطان تاع تليجة ، مطروز او منبت بلعقيق عاد دارت معاه سنسلة تقيلة تاع دهب او سراتل تا هوما ذهب ، معا خاتم كبير) يالاه
صفية : يالاه (خرجو فجوجات من لبيت أو نزلو لتحت ارحبو بضياف ، صفية جوها عادي ولكن لحاجة فشكل غا ساكتة ومهمومة)
لغالية : (هبطات لتحت او مشات نيشن لبيت فين ناعسة غزلان دقات عليها تلاتة تاع لمرات او حلات لباب لاقياها باقي ناعسة) غزلان وا غزلان تي فيقي
غزلان : (حلات عينيها بدرع) ثكون نتي ؟
لغالية : انا لغالية جيت نفيقك باش توجدي راسك راه قريبة لعروسة تجي
غزلان : ثحال دابة فثاعة ؟
لغالية : سبعة دلعشية ، نوضي دوشي او لبسي هاد لقفطان منهنا نص ساعة غنرجع عندك نشوفك واش ساليتي (خرجات من لبيت تاع غزلان او مشات بحالها)
غزلان : واح (ناضت من لفراش بدرع كتحس براسها مدݣدݣة ، جرات رجليها تال لحمام او دخلات دوش او تحيد لعيا
غزلان خرجات من لحمام أو نشفات شعرها لي كان قصير عاد لبسات عليها تكشيطة لي جابت ليها لغالية ولي كانت بلون لݣرونة
لغالية : (بعدما رحلات بعئيلتها لي جات او دخلات معاهوم لصالون فين كاينين لعيالات لوخرين رجعات عند غيزلان لبيت) لبستي ؟
غزلان : واه
لغالية : جاتك تكشيطة فنة تا لون جا معاك مغديريش شي حاجة لوجهك ؟
غزلان : اندير عكر (خدات صاكها او جبدات منو واحد لعكر حمر دارتو) ثافي نمثيو
{صافي نمشيو}
لغالية : (شافت فرجليها لقاتها لابسة سبرديلة) غتلبسي سبرديلة معا تكشيطة راني حطيتليك واحد صندالة ماشي قياسم
غزلان : (حكات شعرها بإحراج) متنعرفث نتمثا بيه
{مكنعرفش نتمشا بيه}
لغالية : صافي معليش حيدي ديك سبرديلة ويالاه معايا لصالون راه قربات تجي لعروسة
غزلان : (ديك لخطوة لي دارت بتكشيطة تعكلات بيها او طاحت)
لغالية : (شدات راسها) ارسول الله فلتي واش اول مرة تلبسي تكشيطة
غزلان : واه
لغالية : آجي مصائب ليك (قربات عندها او هزات ليها جلايل تكشيطة وخشاتهوم فسمطة) دبا مغتبقايش تعكلي بيهوم (سمعات زغاريت) ها لعروسة جات يالاه نتعرضو ليها
خرجو بجوجات من لبيت أو مشاو وقفو قدام لباب كيستناو فياسمين دخل معا نݣافات ، مريم او سعاد او كلتوم او فرح كانو هاهوما لابسين او مقادين او واقفين فلباب فحين قدامهوم كانت واقفة لغالية وغزلان او صباح او لحاجة ، وعيالات عمهوم او بناتهوم
لبنات : (ملي شافو ياسمين حطات رجليها على لعتبة تاع لباب حماوها لصلى وسلام او زغاريت) صلاة او سلام على رسول الله إيلى جاه سيدنا محمد الله معا جاه لعالي ، صلاة او سلام على رسول الله إيلى جاه سيدنا محمد الله معا جاه لعالي
ياسمين : (كانو ضايرين بيها نݣافات تا هوما كيصليو على نبي او هي داخل بواحد لقفطان خضر وتقيل مطروز كامل من ساسو تال راسو بدهبي او فوق كتافها كان بحال شكل سلهام بلى قبل تا هوا بحال لقفطان ، دايرة واحد لمضمة لوسط معا التاج فوق راسها او لإكسيسوارات لي كيكونو معاه من لحلاقات تال لجوهر لخضر لي فعنقها ، دايرة فوجها مكياج تقيل تاع لعريسات جاي معا وجها او عاطيها لكبورية ، سلمات على مها او عمتها)
لغالية : الله احجبك احبيبتي
ياسمين : (وصلات قدام لحاجة) لحاجة
لحاجة : (قلبات وجها او مدات ليها يديها باش تبوسها ليها زعما)
ياسمين : (شافت فلغالية لي غمزاتها لول عاد ضارت عند لحاجة او باست بيها يديها عاد كملات طريقها عند لبنات لي كانو كيمدحو فيها ويشكرو)
غزلان : (غا تابعة لغالية تا دخلو لداك الصالون او ياسمين قادات ݣلستها فديك لبلاصة لي وجدو ليها ولي كانت ݣلسة وشمن ݣلسة لوسايد بزيتي او مطروزين بدهبي تا هوما ، او قدامها طبالي صغار فيهوم لحنة او او لورد او شموع ، عاد كاينين دوك طواجن لكبار (هههه معرفتش شسميتهوم لخزابن ولا منعرفت ليهوم) كتير لعدد ديالهوم او منهوم لي عامر بليدغاجي او شكلاط ، او منهوم لي عامر بتواب على شكال او لوان او زيد لباطات تاع دهب لي كانو مفتوحين او كيبانو منهوم لأوصومبلات او سراتل او لمضمات ، لموهيم غا داكشي لغالية لي جاها كاضو من ضياف
لغالية : (فرحانة او غا كترحب بضياف هي وصباح) مرحبا بيكون نهار كبير هادا لي جيتو تشاركونا ففرحنا نعوضوها ليكوم فساعة لخير
لبنات : (كانو واحد جوجات ݣالسين فاقت كيطلعو فلغالية او ينزلون او يوشوشو بيناتهوم) شكون هادي لي كترحب بينا خت جود ولا
لبنت 2 : لا هادي مراة باه ديك لي لابسة تكشيطة ليمونية او منبتة بلحجر هاديك هي ختو ، اكسيل عندو بنت وحدة هي صباح
لبنت : مرتو كتبان صغيرة أختي
لبنت 2 وراها صغيرة نيت تكون قربات ل21 عام
لبنت : ربي ياختي شوصلها لراجل قد باها وهي باقة صغيرة وزينة
لبنت 2 : ياختي كولى وشنو هزات ليه مغرفتو ولكن بيني وبينك راها عايشة مهيرة شوفي غا تكشيطة لي لابسة متفرقيش بينها او بين لعروسة هي وبنات لعئيلة كاملين مسنسرين دهوبات
لبنت : هاد لقفطان لي لابس شنو ديك نهار فواحد لبوتيك قالولي 5000 درهم
لبنت 2 : فين جاتها ديك 5000 درهم كيقولو راجلها لي حلات عليها عينيها متحضر قدامها
لبنت : معلوم أختي تحضر او هي كتقطر بزين او صغيرة شبغا كتر او باينة فيها مساهلاش تا من لحاجة يزة ݣالسة وهي لي كترحب بناس
لبنت 2 : علاه نتيا مفخباركش لحاجة مقابلاها محاملاها كانت غتسطا ملي تزوجها ولدها او جابها معاه جداتي كانت معروضة عندهوم او قالتها ليا
لبنت : لعروسة لي خدا جود واش من لعئيلة ولا من بعيد
لبنت 2 : راها بنت خو مراة باه
لبنت : ولايني مساهلاش دخلات بنت خوها لعئيلة تزيد شوي تشوف لربيبتها او ربيبها لاخر بحال والو
لبنت 2 : جاتني لخبار بلي شي شهر هادي خوها خطب صباح ولكن واش كمل زواج ولالا الله وعلم
غزلان : (شافت كولشي ݣلس غا هي لي بقات واقفة) غنثلم على هادو حاملين
{غنسلم على هادو كاملين ؟}
لغالية : من صواب سلمي
غزلان : (ملي قلتلها لغالية سلمي قصدات لعيالات او بدات بوس فيهوم او تقول) الله ابارك فعمر ثيدي
لعيالات معا كانت لموسيقى باقي متشعلات بداو كيسمعو ديك الله ابارك فعمر سيدي كتعاود مفعمة والو تا وصلات عليهوم غزلان كتبوسهوم او تقول الله ابارك فعمر سيدي ، مافهمو والو او معرفو واش اضحكو ولى ياخدوها على قد عقلها
لغالية : (مفهمات تا وزة) شكادير هادي
صباح : (كانت خرجات تجيب طيليفونها من الشارج او ملي رجعات كتبان ليها غزلان كتبارك فعمر سيدي) هاواي شكون نوض هادي تسلم
لغالية : قاتلي واش نسلم قتلها سلمي تا ناضت كتبارك فعمر سيدي
صباح : (شدات طيليفون او بدات كتصور فيها وهي شادة ضحكة بزز تا عيات هي طلقها) هههههه هاويلي على هبيلة ، لبارح قالها مجد بلي فلكازا باش نسلمو كنبوسو جوج بوسات او كنقولو الله ابارك فعمر سيدي
غزلان : (رجعات عندهوم سخفانة بتسلام) فيا ثي حاجة علاث كولثي كيضحك
{فيا شي حاجة علاش كولشي كيضحك ؟}
لغالية : (جابتلها ضحك) ݣلسي ݣلسي ونتي لاحروف كتقاديهوم ولا عقل عندك شداك سلام حاضرة ليا فلقصر
غزلان : مذد لي قالي نثلم هاكدا تحية تاع لملك باث ميذيث يديني {مجد لي قالي نسلم هاكدا التحية تاع لملك باش ميجيش يديني}
لغالية : واش كاينة شي وحدة بعقلها كتسمع لديك جرانة دجود راه الى قالك ليمن سيري نتي ليسر
غزلان : ضحك عليا ؟
صباح : شبع فيك ضحك
غزلان : هي تا صحاب دار لبيضاء مرحبوث بيا ملي ذيت غا كدب {هي تا صحاب دار لبيضاء مرحبوش بيا ملي جيت غا كدب}
لغالية : ارحبو بيك مالك ولي عهد النمسا ملي نصرقوكش حمدي الله
غزلان : واحيت ثرقوني قالي غا رحبو بيك فين هو دبا لحلب {وا حيث صرقوني قالي غا رحبو بيك ، فين هو دبا لكلب}
صباح : ملي يرجع بالي بيه
لغالية : (شافة فشيماء) سيري عافاك قولي لبنات ابداو دوران باتاي ولحلوة حيت غا تأدن لعشا غنحطو ليهم يتعشاو
شيماء : واخة
مشات شيماء علمات لبنات او فلبلاصة بداو كيضورو بلحلوة واتاي ، وستناو تا فاتت لعشا بشوي عاد بداو كيحطو لناس تعشا بداو ليهوم بشلايض تاع لحوت منوع موراها لبسطيلات تاع دجاج او لوز ، عاد حطو لحوالة لمشويين متبعينو بديسير
لغالية : (بعدما شافت بلي ضياف كلاو او شبعو شارت لنݣافات يبداو لحنة تاع لعروسة او ينقشو ليها هي ولبنات لي ݣالسين ، ولكن قبل قربات من مريم او همسات ليها) حضي معاك لحنة لايدير شي حد فيها شي حاجة
مريم : كوني هانية عيني عليها
لغالية : قبل متبداو النقش خاص لحاجة دير النقطة لولة تاع لحنة لعروسة باش تجيبلها لفال اولى الحاجة
لحاجة : (ناضة مقربة عند ياسمين بضحكة الصفرة ، او مادة يديها لديك زلافة تاع لحنة واخدة راس تاع معيلقة صغيرة منها او حطاتها فيدين ياسمين) الله اكمل كولشي بلخير امراة حفيدي
ياسمين : الله ابارك فيك الحاجة
لحاجة : (هزات عينيها فلغالية لقاتها باقة كتشوف فيها ، هي تمد يديها لديك سرتلة تاع 12 لي كانت فيديها حيداتها او مداتهوم لياسمين) باش تعرفي راسك عزيزة او تليقي بمقامنا هاد سرتلة كاضو مني ليك
ياسمين : لاش عدبتي راسك مبيناتناش الله اكتر خيرك (مدات يديها باش تشدها من يدها او بلعاني رخفات يديها تا طاحو دبالج لأرض او تزلعو) ياه شدرت انا طيحتهوم واخة تجمعيهوم ليا الحاجة راك عارفة عاملة لحنا ميعداليش
لغالية : ويلي حشومة تخلي لحاجة تحنى انا غنحمعهوم ليك ياك الحاجة
لحاجة : لا غا خليهوم انا نجمعهوم بلاما تعدبي (نزلات عند رجلين ياسمين كتجمع فدوك دبالج واحد بواحد تا وصلات لخر لي غا قاستو حطات عليه ياسمين رجلها)
ياسمين : (تحنات عند لحاجة كضحك او كتشوف ليها فعينيها) موسخة طحبة كلبة بنت زنقة ، متصلاحيش لحفيدي بلاصتك ماشي حدانا بلاصتك تحت رجلينا ، هادشي لي قلتي الحاجة ياك ولكن شكون فينا دبا لي طايح عند رجلين لاخر أدوي
لحاجة : (هزات داك دبليج او هي حابسة غضبها) ماشي موهيم شكون لي تحنى لول بقات فشكون غيتحنا فلخر
ياسمين : لا هادي عندك فيها لحق غا هو ماشكيت عليك ضهري كاضرني وكأنه عليا طبيب لحنيان خسارة كنت باغة نتحنا ليك ولكن تا صحتي ممطاوعانيش
صباح : ياسمين شوفي فيا نصورك
ياسمين : (بتاسمات قدام لكاميرا مخليا صباح كتصور فيها) سيفطيلي تصاور
صباح : لا هاد تصاور غيمشيو لخويا
ياسمين : لا متسيفطيش ليه ايشوفني فهاد لحالة
صباح : هههه صافي تسيفطو ليه
ياسمين : (بدا جود كيصوني عليها) ها هو بدا كيصوني جا مفكنا منو ، قطعي عليه
صباح : (جاوبات جود) الو خويا ، لا راها حدايا غا حيت يالاه سالات نقيش او باقي منشفات ليها لحنة ومعدالهاش تهز طيليفون ، هاني غندوزهالك
صباح : (حطات طيليفون على ودن ياسمين مخلياها شاداه بكتفها)
ياسمين : آلو
جود : لالة ياسمين شهادشي
ياسمين : شنو دكشي
جود : لابسة تقليدي او كتنقشي بحال لبنات الطبيعيين سبحان الله
ياسمين : لبنات طبيعيين ؟ بنتلك انا خارجة عقلي
جود : تا يكون عندك لعقل أبعدا عاد خرجيه
ياسمين : من لخر لاش مصوني
جود : (باغي يفقصها) ضاروري يكون عندي سبب باش نصوني على مرتي او نسول فيها حيت توحشتها
ياسمين : توحشك لفعة ان شاء الله
جود : ههههه عمرني شت شي وحدة كتدعي لراسها توحشني تاليك نتي
ياسمين : لا لا كوميدي بلاتي نخرى بضحك
جود : صلحي فمك العقوبة ونتي لكلمة لي جات على طرف لسانك طلقيها معدنكش لفرانات
ياسمين : الى كنتي مصوني عليا باش تلقي لخطبة قطع حسن راك سمكتيني
جود : مابغاش تسمعي لخطبة ولاش باغة تسمعي سلامة لكلام لمعسول ؟
ياسمين : كي شتي نتا تعرف ليها هنينا وقطع
جود : شتي كضلميني ونا كولي رومنسية
ياسمين : باينة سمعني نشوف ولا فيك غا جبهة
جود : دبا هوا ماشي انا لي ماشي رومنسي نتي لي مجاياش معا دور
ياسمين : من أشمن ناحية
جود : كفاش غنشرحها ليك نتي زوينة
ياسمين : عارفة راسي متحتاجش تقولها
جود : (تنهد) ها لي قلت نوغمالمو فهاد لأجواء الرومنسية لوحدة ملي كتكون كتدوي معا راجلها ولا صاحبها او كيقولها نتي زوينة ياتقوليه عينيك لي زوينين احبيبة متلا ، ولا تسكت او دير ضحكة خفيفة ، ماشي تقولك عارفة راسي متحتاجش تقولها ليا
ياسمين : لي سمع هاد كترت النصائح ايقول هادا خيبرة ونتا تا لمصاحبة عمرك تصاحبتي
جود : حي شتي نتي حسن مني
ياسمين : قطع دابا من بعد أو ندويو (قطعات عليه او رجعات ملاهية معا لبنت لي كتنقش ليها)
بعدما سالاو لبنات مفيش او نشفات ليهوم لحنة دغيا ناضت لغالية
لغالية : لبنات عافاكو لي عندها شي طيليفون ديرو فصاكها بغينا نوضو نشطحو بيناتنا او نفرحو غا لعيالات بلى تصوار بلى والو باش كل وحدة فينا تاخد حريتها (تسنات تا تجمعو ݣاع طيليفطونات عاد ݣحزات طبالي باش دير لمساحة فين تشطح هي وصباح)
بعدما خواو لبلاصة حزمو طغاميهوم بموزون ياو بداو شطيح او لڤيڤران كي الشيخات، كيبالك داك موزون غا كيتحرك مكيزݣاش وحدة تجي او لوخرة تمشي تا نوضو جعرة تا البنات لوخرينات او ناضو يشطحو تا هوما ، او بعد واحد جوج طروحة فاعلين تاركين رجعو ݣلسو لبنات ياخدو نفس عاد ايعاودو ينوضو.
صباح : (باقة كتننهح) طلقونا *****
لحاجة : لواه من صباح او حنا مخليين جوق اغني وحنا عندنا شيخات فدار بغيت نقول مراة ولدي وحفيدي عندهوم تا الصوت بحال تاع شيخات ماشي غا شطيحهومو سبحان الله
لغالية : الله يالحاجة وقداش طلبتيها هي لولة (شافت فأسماء او ضحكات) نتي من لجزائر ياك
أسماء : (بتاسمات ليها تا هي) واه
لغالية : عندكوم واحد لأغنية كتغنيوها فعراساتكوم بزاف او كتعجبني (شافت فياسمين او غمزاتها) مديلي داك لبندير نشد بيه طرح او غني معايا ، هادي فخاطرك الحاجة يالاه البنات ديرو معانا
ياسمين : (ضحكات لغالية حيت فهماتها ، او ملي لغالية بدات كتضرب لبندير بدات هي وياها لغنا دقة وحدة)
لغالية : (كتضحك او تغني بتغزاز فلحاجة او لبنات اعاودو موراها)
* فرشي لعجوزتك وقوليلها لالة وماهيش لالة وماهيش لالة
*وجها وجه الكسكاس وحرمتني من لعراس قوليلها لالة وماهيش لالة
*فرشي لعجوزتك وقوليلها لالة وماهيش لالة وماهيش لالة
*وجها وجه الحجة وحرمتني من لخرجه وقوليلها لالة وماهيش لالة
*شيخي جاب التفاح خلاتو حتى فاح و قوليلها لالة وماهيش لالة وماهيش لالة
*سيدي جاب الزليف خلاتلي غير النيف و قوليلها لالة وماهيش لالة وماهيش لالة
*فرشي لعجوزتك وقولي لها لآلة وماهيش لآلة وماهيش لآلة
*دارتني مور الباب وقرصتني بالكلاب وماهيش لآلة وماهيش لآلة
*دارتني في تاقة وحسبتني سراقة وماهيش لآلة وماهيش لآلة
*دارتني في الفيسي وحسبتني بوليسي وماهيش لآلة وماهيش لآلة
*فرشيلها فوق سطح او حطي عليها الكلب و قوليلها لالة و ماهيش لالة وماهيش لالة
*علقيها فشجرة و عطيها بلحجرة وقوليلها لالة وماهيش لالة وماهيش لالة
لغالية : (معا آخر سطر غنات طلقاتها بواحد تلاتة تاع تزغريتات فاعلين تاركين او متابعين) هاد لأغنية سبحان الله كانت كتعجب لخالتي يزة من مشحال هادي ياك الحاجة
لحاجة : (مرضاتش مرضاتش من حشيان لهضور لي دارت ليها بهاد لأغنية ، واخة لآصل فهاد لأغنية أنو مافيها تاشي إساءة لحماوات غا هوا كيضحكو او ينشطو بيها مجموعين او صاف ، ولكن حيت لحاجة عارفة لغالية فهمات حشيان لهضور من تحت دف بزربة
بعد ليلة كاملة من شطيح او رديح قرب يصبح صباح او لغاشي خفاف تقريبا بقاو غا من لعئيلة ، كولشي تقريبا غا سالا لعرس مشا لشي بيت بدل عليه او لبس حوايج خفاف وخرج
كلتوم : يالاه حنا غنمشيو دبا فين ياسمين باقي مسالات
لغالية : راه لبنات كيعاونوها تحيد قفطانها كون غا بقيتو تا تنعسو شوي او ترتاحو عاد تمشيو
لحاجة : واه ايباتو عندك لوطيل هنا
مريم : منصيبوش نباتو عندنا ضارنا لحمد الله
ياسمين : انا ساليت نمشيو (حيدات داك لقفطان او لقزادر لي كانت دايرة معاه راداهوم لنݣافة ، او مسحات لماكياج من وجها ولبسات كسوتها عاد نزلات عندهوم)
لغالية : يتناول ايجيو غا دراري اوصلوكوم راهوم فطريق قريب اوصلو
اكسيل : (تم داخل معا لحاج او دراري) السلام عليكم
لغالية : وعليكم السلام ، مجد جود جابكوم الله توصلو ياسمين ولي معاها لدار
مجد : (كان واقف كيتسنا معا دراري باش يمشي يوصل معا جود عئيلة لغالية ، تا بانت ليه غزلان جاية مقربة عندو بقبية او سروال تاع لكيطمة)
غزلان : (وقفات قدامو تحت أنضار لموجودين كاملين ، او بدون سابق انذار هزات يديها على شكل بونية او عطاتها ليه لجيهة النيف)
مجد : (معرف باش تبلى غفلاتو بديك لبونية تا ضار عند جود معجب) مال هادي ؟ واش ضرباتني ؟
جود : (شير لنيف تاع مجد) نيفك كيسيل دم
مجد : (عاد فاتو شوي الصدمة او بدا كيحس بلحريق فنيفو او دم كينزل منو)
غزلان : (غا ضرباتو عطاتو بضهر او زادت بحالها غادة لبيتها تنعس)
اكسيل : (كان عاض يديه بفمو او غا كيتفرج فيهوم ، او ملي مشات دار يديه فجيابو او زاد غادي لحدا لغالية وهو كيضحك)
لغالية : كضحك عيواض متشوف ولدك واش فلت منها عاجبك لحال
اكسيل : تانتي هاداك راه عندو سبعة تاع رواح ميوقعلو والو
صباح : (مشات جابت التلج او قربات عند مجد تشوف الضربة) كمد ليها التلج باش متزراقش ليك
لحاجة : (قربات عندو تشوفليه تا هي) الله على وليدي على ضربة دارتليك ديك لمغصوبة واش جهلات ولا شنو تا الضربك بغيتلها ضربة
صباح : لحاجة متدعيش على لبنت هو لي جابها لراسو
مجد : شدرت انا ؟
صباح : باقي زايد فيه علاه شكون لي كدب عليها مسكينة وقاليها ناس تاع كازا ملي كيبغيو اسلمو كيبوسو جوج بوسات ويقولو الله ايبارك فعمر سيدي أدوي او هي كي لهبيلة تاقتك او مشات كتسلم على لعيالات وحدة بوحدة تا كولشي بدا كيضحك فيها أدوي
مجد : ونا غا ضحكت
جود : ( زدحو فضهرو ) داكشي علاش كنقولك نقص داك ضحك ديالك ولكن ربي جاب ليك لي تريب ليك سنانك باش تشد لارض ، ياسمين يالاه
لحاجة : فين غتمشي هي معاهوم بسلامة
كلتوم : علاش متمشيش معانا فين غتبقا ؟
لحاجة : ههه لاواه ياكما نسيتي بلي تزوجات هي وجود يعني ولات مرتو غتبقا فدار راجلها
لغالية : لحاجة الله يهديك ياسمين مغاتجي تعيش هنا تا يفوت لعرس
لحاجة : شمن عرس ؟ ماكفاتهاش لقصارة تاع ليوم ولا شنو لعزبة او مكيديروش ليها الناس هاكدا لاعساك وحدة مدوزة
جود : لحاجة شهاد لهضرة عاود
لحاجة : مالي كدبت كاملنا عارفين علاش تزوجتيها داكشي علاش بلاما نغطيو شمس بلغربال
اكسيل : (شاف تا عيا وعرف بلي لحاجة غتبغي تنوضها عاود) جود سير وصل ياسمين لدار راه غيكونو عياو باغين ارتاحو
لحاجة : (ناوية على خزيت) راني قتلكوم لمرا لمزوجة دارها هي ديال راجلها
اكسيل : (تعصب ولكن مابغاش ايقول لحاجة شي هضرة لي تحرجها) مقلتي عيب ألحاجة عندك لحق جود وصل لعئيلة ياسمين لدارهوم او دوز نتا ومرتك لدارك
لحاجة : شنو ؟ شمن دار غتبقا هنا هنا ضار راجلها
اكسيل : لحاجة هادي ضاري ماشي دارو قلتي يديها لدارو ماشي دار باه
جود : يالاه (خرج هو ومجد اوصلوهوم بسكات)
اكسيل : انا غنطلع نرتاح او تا نتوما لغالية يالاه
لغالية : (شدات فيديها) يالاه
تفرتكات جوقة او كل واحد شدليه بيت ينعس فيها
لغالية : (حيدات عليها زيفها او پيجامتها ولبسات ليها غا سدرية وشورط عاد مشات تخشات فلفراش حدا اكسيل متكيا ليه على صدرو او حاطة يديها على صرتو) بيك شي حاجة ؟
اكسيل : لا علاش
لغالية : غا حيت بنتيلي هاد ليامات ماشي تال لهيه عيان او اللون مخطوف من وجهك ضاراك شي حاجة ؟
اكسيل : لا غا معا لخدمة فهاد ليامات شوي تزيرات او صاف
لغالية : رخف على راسك سكار كيبغي الراحة خلي دراري ايقابلو دكشي
اكسيل : الى موقفتش على خدمتي مغتمشيش ، شفت بلي خرجتي 30 مليون من لحساب ديالك شنو درتي بيها
لغالية : (هزات فيه راسها) تعقل على ديك سيدة لي دويت ليك عليها ديك نهار ديك لي مات ليها الراجل او خلى ليها ربعة دليتاما
اكسيل : ديك لي واحد فولادها كانت خاصاه لعملية فلقلب ؟
لغالية : واه هاديك بعدما تكفلت ليها بلعملية تاع ولدها او عطيتها 80 مليون باش ديرها ليه ، داك ولد لحرام تاع لوسها عمودراري احصرا قاليها جيبي نخلص طبيب هو يدوز على لفلوس ، من زهرها كانت عطات قبل 50 لطبيب او بقاتلها غا 30 مليون داز عليها شلاهبي ، وملي مالقاتش باش تخلصها صونات عليا
اكسيل : (طبطب على شعرها) الله يرضي عليك ، اعوضها ليك ربي فميزان لحسنات
بعد داك شطيح او رديح تاع ليل كامل لبنات كاملين ضربوها بنعسة تا فات لعاصر مخليين لعزارة فايقين بوحدهوم او مجموعين فصالون
مجد : ايوا غنبقاو شوفيا نشوفيك راه قتلنا جوع
جود : هيا لنضتي طيبتينا شي حاجة راه تا حنا فينا الجوع
مجد : امانوضش أخاي مول الضار اينوض ايديرنا لغدا
اكسيل : لي معنا عليا يمعني على مو
عزيز : آسيدي كيمعني على مو غا نوض ديرنا شي حاجة نجغددوها
اكسيل : نوض نتا نيت راك عارف لكوزينة فين جات
يحيى : باغي خوك لكبير اتصخر عليك ايوا نيت نوض نوض قادنا شي حاجة ناكلوها
اكسيل : وابا تا دوي معا هادو صغير عليهوم نوض نشقا عليهوم
لحاج : عاجبينك كتافك تا وليتي تهز على خوتك لكبار علاش متنوضش طيب ليهوم يالاه نوض انا باغيك تنوض
اكسيل : (شاف فخوتو عاقدهوم او كيبرݣم) هاهوا ناض تاكلو فيه جغديد اتريكت لقنب
مجد : حشومة عليكوم حݣرتولي لواليد
لحاج : نوض عاونو لبقا فيك
رابحة : (فاقت هي لولة فيهوم او نزلات عندهوم لصالون) نتوما مجموعين هنا تا وحدة فلبنات باقي مفاقت ؟
يحيى : تا وحدة مفاقت
رابحة : غيكون فيكوم الجوع نمشي نقادلكوم متاكلو ؟
مجد : (غوت) لا لا
جود : (نغزو)
مجد : (دار الضحكة الصفرة ) هههه متعدبيش راسك الوليدة غتكوني عيانة من لبارح داكشي علاش غا رتاحي لواليد تكلف بطياب
لحاجة : اكسيل لي كيطيب على فين لمصونة دمرتو باقة ناعسة تال دابا
مجد : كانت كتسناك تدشني لفياق باش تفيق تا هي
لغالية : (ضرباتها لفيقة على لحيس تاع لقطة لي مربيين ، مدات يديها معنقاها وهي باقي دايخة بنعاس) جيتي تفيقيني خلينا نعسو راني عييت (والو لقطة مزݣاتش او زاد عليها تا لقط او حيت بجوج من فصيلة قططية كيكون حجمهوم كبير ، مخلاوش لغالية تنعس) شنو عاود واش فيكوم الجوع ؟ باغين تلعبو ؟ مافيا لي يلعب دبا سيرو عند اكسيل هو لي مربيكوم ، اكسيل وا اكسيل فين مشا هادا
ملي مبغاوش اهداو عليها ناضت على سعدها وعدها دخلات لحمام غسلات وجها او لبسات پيجامتها وسروالها وهبطات لتحت كتمشا معاهوم فدروج
لغالية : اكسيل ، اكسيل (دخلات لكوزينة تشوف شكون فيها تا ضربات فيه داير الطابلية او كيطيب) شكادير
اكسيل : كنشطح ، كنطيب
لغالية : وعلاش نايض نتا كنتي تفيقني
اكسيل : (مفقوص) دوك جوج قرودة دعزيز او يحيى بقاو كيحرشو فلحاج عليا قالك انا صغير نوض نطيب
لغالية : ههههه لحبيب ديالي حݣرو ليا عليه انمشي نخرج فيهوم واحد بواحد ، ولكن قبل قول ليا فين درتي لماكلة تاع هاد جوج راه فيهوم الجوع
اكسيل : (شلل يديه أو مشا هاد واحد فيهوم عندو كيلعب معاه او يضحك او يبوسو ولمش متبع معاه او كيلعب تا هو) خليتك اولدي بجوع ، أ أ هههههه متعضش اصحبي ، أنا نعطي لولدي ياكل (بدات تا لمشة كتشد فيه)
لغالية : هزها هزها راه كتغير تا هي
اكسيل : (حط لمش او هزها هي كيلعب معاها) مال لمغيارة ديالتي أ أ ألحبيبة ديالي بنتي
لغالية : (هبطات لضهر) ايوا بزاف حطها او باركة متبقا تبوس فيها المرض
اكسيل : (حط لمشة ) هاني حطيتها
لغالية : (خواتلهوم لماكلة ديالهوم او هي مغوبشة)
اكسيل : (خلاها تا سالات لخويان تاع لماكلة هو يعنقها من اللور) تا لمشا كتغيري منها
لغالية : نتا لي كتبوس فيها او تعنق او تݣلي عليها لحبيبة ديالي بنتي ولدي حبيبي ݣاع مكتقولي انا هادشي
اكسيل : شوف شوف لكدوب مكنقولكش اتاسانو {كبدتي}
لغالية : تا سير شحال هادي مقلتيها ليا
اكسيل : (هزها او حطها فوق لپوطاجي داخل بين رجليها او محاصرها بين يديه) آشنو ندير فيك دبا ؟
لغالية : (دارت يديها فوق كتافو) ديلي لي بغيتي ولكن ماشي هنا تا نطلعو لبيتنا غيدخل عنا شي حد
اكسيل : (قرب من فمها او دوا) او يدخل انا ومرتي لحبيبة ديالي كيسالني شي حاجة
لغالية : مكيسالكش ولكن (مخلاهاش تكمل او شدها من فمها كيبوس فشنايفها ، او هي لي كانت كتقول حشومة زادت كحزاتو عندها او كتبوس فيه تا هي )
مجد : لواليد نعاو…. (ضرب فداك لمنضر) شكاديرو استغفر الله العظيم
اكسيل : (بعد على لغالية او ضار عندو مغوبش) سير تقود عليا محرمها على جدي
مجد : تا تاقي الله راه معاكوم زوافرية راعيونا شوي ، شهاد قلت ترابي خسارة تربيتي فيك أ إكسيل
لغالية : (نزلات من لپوطاجي) أجي نتا بعدا معيط ليه بسميتو قرينك هو أدوي ؟ فكرتيني زيد زيد قدامي (مشات معاه لصالون) شكون فيكوم لي حݣر ليا على راجلي او قلقو ليا او نوضو يشقا أدويو
عزيز : لحاج لي دارها عيينا معاه خلينا حنا نوضو والو مبغاوش
لحاج : شوف لكفارة ، ابنيتي طيابو بنين او نوضناه راه فينا جوع
لغالية : ههههههه احسن حاجة درتي (سمعات لخطاوي موراها عرفاتو اكسيل حيت سبقاتو ريحتو هي تقلب هضرتها غامزاهوم) طيابو بنين تحݣرولي ليا عليه مسيكين لقيتوه درويش او مرضي
اكسيل : يالاه نوضو تغداو راه طاب لغدا
لغالية : انا غنمشي نفيق لبنات
طلعات لغالية لعند لبنات فيقاتهوم وحدة بوحدة تا فاقو او بداو عليهوم عاد نزلو لتحت ايضور بالطلبة ، لاقيين اكسيل وجد كولشي وحطو فوق الطبلة من شلايض او لموناضة دجاج بالروز او لحوت مشكل او سخن تا من لبسطيلة تاع لبارح
مجد : لواليد او لحداݣة
غزلان : (خرجات من بيتها لابسة عليها قبية وسروال كي ديها وجات تعداد معاهوم) ثلام عليكم
صباح : وعليكم السلام آجي ݣلسي حدايا تغداي
غزلان : (مشات ݣلسات بين صباح او مجد حيت تما لي كان خاوي)
مجد : (دوا بشوي) مقلقة مني
غزلان : (شافت فيه بإستغراب) ثكون نتا بثلاما باث نتقلق منك
{شكون نتا بسلامة باش نتقلق منك}
لحاجة : (طولات فغيزلان الشوفة) هادي صاحبتك أصباح ؟
صباح : واه الحاجة عرفتها من فرانسا ، غزلان هادي لحاجة جداتي ولي حداها جدي ، وهادي عمتي راجلها ولادها ، عمي ومرتو او ولادو ، عمي لاخر او مرتو او ها ولادي ، وهاد جود خويا لكبير ، بعدو مجد بعدو انا ، او هادا بابا اكسيل او مرتو لغالية
غزلان : متثرفين {متشرفين} (قربات عند صباح) باباك بوݣوث
لغالية : (سمعاتها وضحكات) حيت ديالي
غزلان : (ضحكات او رجعو كياكلو فسكات تا جات اللحضة الحاسمة او عطشان فيها غزلان وبغات تشرب ، او معا لقرعة كانت حدا اكسيل وجهات طلبها ليه بكل تقة) عمي اكثيل حوي ليا شوي دلما فلكاث عافاك
{خوي ليا شوي دلما فلكاس}
كتعرفو داك لبلان تاع كولشي كيدوي تال لحضة كولشي كيسكت دقة او يشوفي فيك ، هاكداك وقع فديك الطبلة كولشي تشوكا معرفو باش تبلاو شي وحلات ليه شي حبس الضحكة ، شي باقي مستوعب
لحاجة : استغفر الله العظيم الله إقل حياك أبنتي على هاد لهضرة
مجد : (نقز) راها مقصداتش الحاجة عندها موشكيل فلحروف (قرب عند غزلان ودوا بهمس) وا خوي ليا ماشي حوي ليا راها كلمة عيب
غزلان : (ضارت عند صباح) واث بصح عيب ؟
صباح : (دوات معاها بلفرونسي) ديك لكلمة لي قلتي كتعني النكح
غزلان : (شدات فمها او بغات تصلح غالاطها صدقات عملتها كتر خوراتها) ثمحلي أعمي إكثيل انا قثدت حوي ديالي ماثي حوي ديالكوم
جود : (داك روز لي دار فمو تزلعا او ولا حمر بضحك) ههههههه تا سكتو هاد لموصيبة قاتلك ديالي ماشي ديالكوم ههههههه وامي كرشي
لحاج : (حابس الضحكة بزز او كيدوي بتقطاع) جود … حشومة ….. مضحكش على لبنت
اكسيل : (كتر من لحاج ولا حمر) مسامحك أبنتي ها لقرعة دلما خليها عندك
لموهيم كولشي بقا صابر صابر تا عياو هوما ينفاجرو بضحك تا شبعو وكملو ماكلتهوم
صباح : (غا سالات لغدا بدا طيليفونها كيصوني , كانت نمرة آنكوني) الو شكون معايا
محسن : انا محسن بدلت النمرة ، راك فدار ؟
صباح : واه
محسن : منهنا جوج سوايع أندوز عندك خاصنا ندويو
صباح : (فرحات او خافت فنفس لوقت ) واخ
محسن : (غا قالت واخ قطع)
اكسيل : معامن كنتي كتدوي ؟ محسن ؟
صباح : (مقداتش تشوف فباها) واه
اكسيل : على سيرتو كنضن جا لوقت لي ندويو فيه على هاد لموضوع أولا لا ؟ يالاه لبيتك ندويو
صباح : واخ (تبعاتو لبيتها او سدو عليهوم لباب)
اكسيل : (ݣلس فوق لكرسي او شاف فيها) ايوا الالة صباح شغانقول فداكشي لي درتي ؟ ولا شندير ؟ نوض عندك نهرسليك لعضام او نهز عليك يدي داكشي لي عمرني درت ، ولا نسمعك خل ودنيك ، ولا نسفق ليك او نقولك مبروك أدوي ؟ هادا مسويت عندك تنوضي ديري لي فراسك او تبعيلي راي لغالية او تزوجي بلى خباري او نسيق لخبار بحالي بحال لوخرين ، لاش درتي هاكدا أدوي ؟
صباح : (بدات كتبكي) هو مابغاش يسمح ليا مخلالي تاشي خيار
اكسيل : جي عندي قوليلي با باغاه او عيب عليا الى مزوجتوش ليك ، شحال قدي نقولها ليك عزي راسك اعزوك ، شباغي يقول عليك هاد دري ملي تزوجي راسك ليه بلى خبارو الله كتبغيني داكشي علاش رضاتني كي لكيضار ، والله كون مكان ولد الناس تا قدام لباشار اقطع ديك لورقة او يخليك معلقة لانني مزوجة ولا نتي معلقة ولكن ضرب حسابك قدام الناس ، خرمتي على دري او فسختي كولشي او ندمتي قلنا مكاين باس كولشي كيغلط اتخلي تا يبرد او دوي معاه ، ناضت لبنت ديالي خدمات لعقل ديالها لأول مرة او تبعاتلي راي لغالية لي بحالك بحالها عندكوم غا لكادر اما لمغ لوزة
صباح : شنو غندير دبا ابابا مابغيتوش اطلقني
اكسيل : كنتي تفكري فيها قبل متزبليها (تنهد عرف قلبها طايب داكشي علاش قرر يحبس هنا) معندي فاش نعاونك حيت هادشي كيعتامد على شنو بغيتي نتي ، الى نتي أبنتي باغة تحبسي هاد تخربيق نعاونك طلقي او مريضنا معندو باس , ولى نتي أبنتي باغة تكملي فهاد لهبال ماعندي مانقول ولا نزيد منك ليه طلقك ولا خلاك نتوما تعرفو حيت أبنتي هادا جهدي عليكوم واحد مزبلها معا بنت ناس نتي مزوجة سيد بزز منو ، داك سلݣوط لاخر جاي فطريق راني شام الريحة منهنا ، لحاجة مابغاتش تهدا ، ولغالية مشيباني راه والله مابقا عندي جهد ليكوم عييت لغالب الله ديرو عقلكوم ، ديري عقلك أبنتي باش متندميش من بعد الله يرضي عليك (وقف او قرب عندها ماسح ليها دموعها او راسها فوق راسها عاد
صباح بعدما خرج اكسيل من عندها ، بكات ليها شوي تا خوات قلبها عاد غسلات وجها او مسحاتو ودهنات ليه شي كريمات ، عاد مشات جبدات لحوايج لي تلبس ولي كانو عبارة على صايا واسعة بلبلو مارين ، عاد لبسات ليها قميجة واسعة وطويلة بلون لبيض او فيها وريضات صغار بلبلو مارين من فوق الصايا ، دارت فولار بلومارين معا ساك او صندالة بيضين ، طلعات عينيها بلماسكارا او دارت عكر خفيف او هبطات لتحت
لغالية : (كانو غا لبنات مجموعين تما دراري طلعو لفوق ) فين غادة
صباح : محسن كيستناني
لحاجة : هاي هاي على محسن كيتسناني ياك ابنيتي ؟ ايوا سيري سيري سربي دروك يتقلق عليك حضرة لباشا
صباح : لحاجة علاش هاد لهضرة على صباح
لحاجة : واش ابنيتي نتي هبيلة ولا كتبوهلي عليا أدوي مزوجة بلى خبارنا بلى حشمة بلى حيا أدوي ، او كو غا كان شي واحد مستاهل زواج
ياسمين : او مال خالي كيف جاك (دخلات عليهوم من لباب كتلوى فلمشية لابسة سروال دجين معا قميجة او شعرها شاداه بلبانضة لور واخة غا بدرع حيت قصير) أدوي الحاجة
لغالية : ياسمين ؟
صفية : شجابك نتي ؟
ياسمين : جابتني لموت (شافت فلحاجة) داك خالي لي معاجبكش الف وحدة تمناه الزين او صواب
لحاجة : او زلط
ياسمين : لي عرفنا عراه ميهمنا كساه الحاجة ، ويلى نتي نسيتي يامات زلط هوما منساوكش
لحاجة : كون كنت فبلاصتك كنت غنحشم ندوي ، عييتي تكوزي وتعطيه فابور فلخر لسقتي فولدي اتزوجك
ياسمين : لاواه لاواه الحاجة واش مكتعرفيش جود راه حفيدك زعما ، طريق لمسرحة ميدوزهاش هيت كيعجبو يسرحها راسو ويلى متيقتينيش سوليه هههههههه صباح خالي كيستناك برا
صباح : انا غادة بسلامة
صفية : ݣلسي لارض قاتلك انا غادة
صباح : كنت بغيت نبقى اعمتي ولكن راجلي كيستناني بسلامة (متسوقاتش ليهوم او خرجات بحالها)
جود : (تم هابط معا دروج لابس قميجة وشورط ، لحيتو ممشوطة وشاعرة راجع لور داير ساعة فيديه او خاتم تاع لخطوبة فصبعو ، وصل عليهوم او شاف فياسمين) جيتي ؟ ياك تافقنا ندوز عليك
ياسمين : (قربات عندو كتضحك او شداتليه فيديه) خالي كان جاي جاي او جيت معاه نربحو لوقت
جود : يالاه نمشيو
لحاجة : فين غتمشيو اولدي
جود : غاديين ناخدو لخاتم لياسمين او شي حوايج خاسين لضار
لحاجة : تسناني نلبس عليا جلابيتي او نجي معاكوم
جود : بلاما تعدبي راسك الحاجة
لحاجة : لا اشمن عداب بقا فيا لحال حيت متقديتش معاك حوايج دهاز ولكن دبا خليني نشري معاك لحوايج
جود : صافي واخة هاحنا كنتسناوك
ياسمين : (بقات غا حاضياها او كتبرݣم) ياربي سلامة على شارفة تسيف كي زمان
جود : شنو كتقولي ؟
ياسمين : لاش غتمشي معانا تافقنا نمشيو بجوج
جود : باغاني نقولها لا متلا ، بغات تمشي معندي ماندير ليها او زيدون شغيوقع ݣاع الى مشات
ياسمين : مغيوقع والو غا غتحرمها عليا
لحاجة : (جات عندهوم لابسة جلابتها) هاني واجدة يالاه
جود : يالاه
لغالية : (خلات لحاجة وجود سبقو او تبعات ياسمين لباب جاراها عندها) شوفي الى قاتلك لحاجة نشريو هادي قوليلها نتي غا واخة واخة
ياسمين : ويلى خداتلي ديك الشارفة شي حاجة معاجبانيش
لغالية : متخافيش جود بحال باه ايقول واخة واخة فلخر كيدير غالي فراسو داكشي علاش نتي متشديش معاه لعكس تجيبيها غا فراسك كوني مضلومة ومتكونيش ضالمة
ياسمين : هاني مشيت (خلات لغالية او مشات تركب فطونوبيل لاقية لحاجة ركبات لقدام حدا جود ، مدواتش ركبات اللور او دارت ليكوت)
لحاجة : شكون فدهايبية عندمن غتمشي
جود : عند لحاج حماما مناش موالفين كناخدو هاحنا وصلنا نيت يالاه نزلو
بلاصا الطونوبيل او نزل منها هو ولحاجة او ياسمين
ياسمين : (قربات عند جود باغة تشد ليه يديه سعا لحاجة كانت شدات فيه باش اعاونها فلمشية ، هي تبقا لور زاعفة)
جود : (دخلو لواحد دهايبي) سلام عليكم
راجل : وعليكم السلام زارتنا براكة اولدي جود ، لحاجة كي دايرة صحيحة
لحاجة : حمد الله هاد الساعة
راجل : شحب لخاطر ؟
لحاجة : بغينا شي خواتم تاع زواج
راجل : (شاف فياسمين) بلى شك نتي هي لعروسة
جود : آجي لهنا تشوفي شنو عجبك
ياسمين : (قربات لعندو او ولات بينو وبين لحاجة)
راجل : (جبد شي شكيلات تاع لخواتم او دوا معا ياسمين) شوفي أبنتي شنو عجبك
لحاجة : (دورات عندها لباطة) شوفنا شي حاجة خفيفة هادو عامرين بزاف
ياسمين : (حمقها واحد لخاتم او دوات معا لحاجة بصواب) ولكن الحاجة تا هادا خفيف او زوين
لحاجة : (محاشاهاتهاش ليها ݣاع او هزات خاتم آخر) هاكي قيسي هادا
ياسمين : (خداتو من عندها او قيساتو مدلية شفايفها بعدم ريضى)
لحاجة : صبعانك مطبزين قيسي هادا لعلى وعسا ايجي معاك
ياسمين : (خداتو من عندها او قيساتو ودوات معا جود) كي جا
جود : (فين هو جود راه ساهي فياسمين لي كانت عاطياه بجنب ، بضبط ساهي فودنها نفيقو غا صوتها) هاء ؟ شنو ؟
ياسمين : (هزات فيه عينيها) كي جاني هاد لخاتم
جود : شوفي نتي واش عجبك
لحاجة : غناخدو هادا
ياسمين : ولكن
لحاجة : مكاين بو ولكن كوني تسمعي لشنو كيقولو لكبار
ياسمين : واخ لي عجبك
جود : (تعجب فسكاتها كان كيتسناها تنوض صداع ولكن سكتات) شحال عندي (خلص راجل او خرجو كاملين)
لحاجة : فين غنمشيو دبا ؟
جود : انمشيو عند صحاب لأتات ولكن قبل خاصني نرجع عند دهايبي نسيت عندو لاكارط بونكيغ
لحاجة : واخة سير حنا انستناوك فطونوبيل
ياسمين : (ركبات اللور او بقات كتسنا فجود تا رجع عاد مشاو لمحال تاع لأتات او نفس لبلان وقع لحاجة لي كتختار)
لحاجة : مكاينش لاش تبدل الصالون ولا تشري ناموسية جديدة دوك لي عندك باركة راك مجايبش جديد باش تبدل لأتات بجديد
ياسمين : (بقات ساكة او خلاتها دارت مابغات تا سالاو عاد رجعو ركبو فطونوبيل)
جود : (وصل لحاجة لدار)
لحاجة : مغتنزلوش
جود : انمشي نوصل ياسمين
لحاجة : او مالك موصلتيهاش عاد وصلتيني لدار ؟
جود : هات غدا صابح عندي لخدمة انبات فداري
لحاجة : صافي واخة بسلامة الله يرضي عليك
جود : آمين (دور طونوبيل او تم راجع لكازا) رجعي لقدام
ياسمين : مابغيتش
جود : ياسمين
ياسمين : (دازتا من لكوسان لوراني لقدام او دارت السمطة وبقات ساكة تا بدا طيليفونها كيصوني) الو ماما
مريم : فينك ؟ ساليتو شغل
ياسمين : عاد دبا ساليناه او غنرجع
جود : قوليها غتباتي معايا ليوما
ياسمين : (شدات ليباف تاع الطيليفون بيديها او دوات معاه) شمن غنبات معاك تسطيتي
جود : شنو فيها باغيك تباتي معايا علمي ماماك
ياسمين : ونا مباغاش
جود : لهلا تبغي
مريم : (كانت سمعاتو شنو قال فلول او دوات معا بنتها) صافي أبنتي سيري معا راجلك تال غدا فصباح او رجعي بسلامة
جود : (وصل لموبل فين ساكنين) يالاه
ياسمين : (هبطات كتجر فرجليها تابعاه لفوق)
جود : (حل لباب تاع لپرطمة بساروت او دخلو بجوج)
ياسمين : (حيدات سباطها او دخلات مدرمة لداخل شاعلة ليها واحد لݣارو)
جود : (دخل لبيتو بدل عليه بواحد شورط او توني تاع دار او خرج عندها عاود بعدما خوا ليه كاس دلما بارد لاقيها بادية فلݣارو لخامس ، قرب عندها او نترو ليها من فمها طافيه) باركة عليك قاضيتي لبكية تاع لݣارو
ياسمين : (كان طالع ليها لخز لراس فتحات ليها صدايف تاع لقميجة تا بانت سيفيطمة لي كانت لابسة لتحت)
جود : (حل شراجم تهوا ضار او تخرج الريحة ورجع ݣلس ولكن هاد لمرة حداها مسند على لفوطوي بيديه) مالك معصبة ؟
ياسمين : مشتيش جداك شدارت ليا لحاجة لي تعجبني تاخد بلعاني عكسها ونتا مدويتيش ݣاع
جود : معجبكش داك لخاتم ؟
ياسمين : شفيه ميتعجب انا كان عاجبني داك لخاتم لمربع اما لمدور معجبنيش قديم
جود : (جبد باطة من جيبو او حلها حاطها قدامها) هادا هو لي عجبك ؟
ياسمين : (فرحات لداخل ديالها ولكن مابغاتش تبين ليه) هادا حسن من داك لمدرح
جود : مغتقيسيهش
ياسمين : (لبساتو فيديها جاها عبار) لاش جايبني لهنا ؟
جود : رشقات ليا عندك شي مانع ؟
ياسمين : دير لي مسلكك شغلك هاداك انا فيا جوع نوض طيبلي شي حاجة ناكلها
جود : زعما راك تزوجتي مخاصكش تبداي تعلمي طياب لا ؟
ياسمين : نتعلم طياب ونتا كاين ؟ راك كافي وافي مقادش طيب نشدو لخدامة معنديش موشكيل
جود : عندك لحل لكولشي
ياسمين : (شعلات تلفازة وبدات كتفرج)
جود : غدا غنسافر
ياسمين : مزيان
جود : مغنرجع تا يبقا نهار لعرس راني وصيت لغالية تكلف بلقاعة وتوجاد غدا ملي يجي مول شي لدار ختاري شنو بغيتي ويلى لقيتي لحاجة ختارات داكشي لي بغات نتي سيفطيلي فطيليفون انا غنتكلف
ياسمين : تا هاداك ناضار ، طيبلي اندومي إلى عندك
جود : شمن نكهة بغيتي
ياسمين : ديرلي تاع دجاج ولحامض
جود : واخ ايكون فيها تا لفرماج ؟
ياسمين : واه ديرو
جود : (طيب ليها اندومي او حطها ليها)
ياسمين : (بدات كتاكل) نتا مطيبتيش لراسك ؟
جود : مقياس جوع دبا
ياسمين : نتا تعرف (كملات لماكلة او مشات دخلات لبيت واحد شويا هي تلقاه باغي يدخل عندها معا لباب) خرج باغة نعس
جود : معسي شكون شادك
ياسمين : وا خرج باش نعس غنعس معاك فنفس لبيت ؟
جود : (بدا كيقرب منها) غنتقلق عليك ، كتدوي بحالا انا براني عليك نسيتي بلي انا راجلك يعني إلى منعستيش معايا او حدايا فين غتنعسي
ياسمين : تنعسك لي متفيق (لاحت عليه لوسادة او ليزار) هاك سير نعس فصالون
جود : (كيسحابلو غا كتضحك) باغي نعس تا انا فبيتي هبلتي
ياسمين : (شدات عليه لباب) نعس شكون شدك ولكن انا ونتا نعسو فبيت وحدة ابدا
جود : حلي باركة من دصارة
ياسمين : وا محالاش مافيك تيقة شكون قال تخليني تا نعس او تنوض عندي
جود : انا لي خاص نقول هاد لهضرة شكون ناض عند لاخر آخر مرة أدوي او زايدون شفيك مينوض عليه لواحد
ياسمين : (كانت حيدات حوايجها تا بقات غا بسدرية او سترينݣ او ملي سمعاتو قال ديك شفيك مينوض عليه لواحد ، نسات شلابسة او حلات عليه لباب) بزاف عليك مالي كي جيتك على مزيناتي
جود : (كان كيدوي معصب تا حلات عليه لباب بداك لمنضر تشوكا فبلاصتو ولا اراديا عينيه تساراو فصحتها من صبعها صغير تال فخاضها وداك سرينݣ مستتر والو كرشها صرتها لوسام لي جنب سليپ كتافها ، واخة ديك لحرقة تاع السيد كانت شادة تقريبا نص فصحتها يمكن ايجي لناس داك تشوه مقزز او مخصرها ولكن هو جاه فشكل ساهي فتفاصيلها)
ياسمين : (عاد عاقت بشنو لابسة ورجعات سدات عليه لباب تا لبسات واحد توني عندو) دخل تنعس هنينا فيقنا جيران
جود : (بلع ريقو بلاما يحس او دوا فشكل) لا لا غنعس فصالون حسن ليا
ياسمين : نتا تعرف
رجعات ياسمين لداخل او حيدات داك توني ونعسات ، فحين جود مشا تكاليه فوق لفوطوي ينعس
#عند صباح او محسن#
بعدما خرجات من دار لقات محسن كيستناها بطونوبيل خرى قدام لباب ، قربات لعندو او حلات لباب ݣالسة لقدام) تعطلت عليك ؟
محسن : (كيدوي بلاما يشوف فيها) ماشي موشكيل (مد يديه لمجر جابد منو واحد كلينيكس او مدة ليها ) مسحي فمك
صباح : راني دايرة غا مرطب فمي كيتقشر
محسن : بليل ملي تبغي تنعسي او ديريه ماشي ملي تكوني خارجة ، مسحيه
صباح : (شدات من عندو الزيف او مسحات فمها) هاكدا مزيان
محسن : (بقا ساكت مجاوبش)
صباح : (سكتات طريق كامل مالقات كي تجبد معاه لهضرة حسات بيه داير حدود بيناتهوم)
محسن : (بقا صايݣ تا وصل لواحد الجيهة خاوية عاد حبس او دوا بأمر) نزلي
صباح : (نزلات من الطونوبيل او مشات وقفات حداه كتسناه هو يبدا لهضرة)
محسين : (بقا مودة ساكت عاد تنهد ودوا بهدوء) لاش درتي داك زمر كامل أدوي ؟
صباح : معارفش لاش درت هادشي ولا كدير راسك معارفش ؟
محسن : صباح واش كطنزي عليا من بين الطرق كاملة لي فدنيا مالقيتي غا هاد الطريقة باش تصلحي علاقتنا أصباح ؟ واش فناضارك هادي هي طريقة الصحيحة ؟ واش بنتلك انا واحد تشديه بزواج بزز ؟ دوي متبقايش ساكتة دبا نخرج فيك
صباح : وأنتا لي مخليتيلي تا حاجة قدامي فوقما نحاول ندوي معاك متولي بحال تور غا كتغوت مكتخليلي تاشي فورصة ندويو ، عارفة راسي غلط معاك ولكن امحسن والله ما لخاطري منين بدينا بجوج ونا كنسولك واش كتعرف شي وحدة كنيتها ***** ونتا كتقولي لا مكنعرفهاش ونا شايفة تصاورك معا لغالية زيد عليها ماما من جيهة
محسن : باغة تقوليلي لغالاط فيا انا ياك ؟ خمسنين هادي وياك مزوج بختي معرفتيش بلي عندها خوتها
صباح : لغالية مكانتش كتدوي على عئيلتها كان يسحابنا ݣاع بلي مقطوعة من شجرة ، او زيدون ياك شحال ونتا صاحب جود او مجد او كتعرف تا بابا ولكن عمرك عرفتي بلي انا بنتو
محسن : شنو كتسناي مني دبا أصباح شنو بضبط
صباح : (شدات ليه يديه) عارفة راسي غلطت معاك او جرحتك بدكشي لي درت ، صغرتك او خرجتليك على خدمتك ولكن والله ما كنت بيخير ونا بعيدة عليك ، عطيني فرصة وعطي تا لعلاقتنا فرصة أمحسن عافاك
محسن : (طول فيها شوفة عاشق تفاصيلها وريحتها عينيها فمها كولشي فيها كيقدر اخربق ليه لمشاعر ديالو ، تنهد ودوا) محتاج وقت أصباح خاصني وقت مكنحملش لواحد احطني فمواقف لي طيح بيا كون كان شي حد آخر كون خويت لمدينة باش منعاودش نشوف كمارتو ولكن دارهالي ݣلبي أبنت الناس دارهالي ݣلبي حتى وليت حاضي خيالك ، داكشي علاش كنقول ليك خاصني وقت نسا فيه داكشي لي درتي او نفوتو
صباح : مستاعدة نستناك حياتي كاملة ولكن علأقل خلي ديك لورقة جامعانا
محسن : فهمي أصباح ديك لورقة كي كاينة كي مكايناش مغتغير والو أصباح
صباح : عارفاها مكتعني ليك والو ولكن انا كتعنيلي بزاف علأقل كتعطيني أمل أنو غتسامحني شي نهار او نرجعو بجوج
محسن : يالاه نمشيو تعطل لحال
صباح : واخ (ركبو بجوج فطونوبيل مرة خرى فجو هادء تا وصلو لقدام الدار) شكرا حيت وصلتيني بسلامة
محسن : لعفو
صباح : (كملات طريقها لدار فحين محسن مشا تا هو لدارو بعدما تأكد بلي دخلات لداخل ، بانلها كولشي تجمع فصالون واحد) السلام عليكم
لغالية : وعليكم السلام
لحاجة : فين هاد تعطيلة ليل هادا
رقية : (بطنز) كانت معا زمانها شيعتي زربعة ابنيتي فزناقي ولا باقي ؟
صباح : (مشات ݣلسات حدا اكسيل) الزريعة اخالتي تاع لحمام او زناقي تاع لمشوش اما بنت اكسيل تاع صداق او لعدول
اكسيل : (كيعجبو يشوفها تايقة فراسها) أحن فكرتوني ماحدكوم باقين مجموعين نيت بغيتكوم توجدولي راسكوم لغدا بليل بغيت كولشي ايكون حاضر
لحاجة : علاه اوليدي شكاين غدا بسلامة ؟
اكسيل : (ربت على ضهر صباح) غدا غيجي محسن او عئيلتو اطلبو يد بنتي صباح على سنة الله ورسوله او بغيتكوم كاملين تكونو او توجدو على حساب غدا
لحاجة : كيفاش ايجي يخطبها عيواض متشوف كفاش طلقهوم او تسالي هاد زمر غاديلهوم فلهبال
اكسيل : دراري كيبغيو بعضياتهوم او باغين يتجمعو فلحلال علاش انا غنفرقهوم بسلامة
لحاجة : واش اولدي غتخليها تاخد واحد صغير عليها تا لوضيفة مموضفش غا كيبريكولي
اكسيل : صغير عليه ولا كبير او من بعد حرام ؟ لا
صفية : محرامش ولكن راه عيب شغايقولو عليها الناس
اكسيل : ناس داويين خاويين لي كيصرف عليها ولا ميسالها شي وزة ايجي نعطيها ليه ، اما بالنسبة لماشي موضف الحاجة الى مشينا على هاد لهضرة لا انا لا خوتي كان خصنا نتزوجو او نديرو دراري حيت تا لقراية مقريناش أولا لا ؟
لحاجة : وليدي نتا ماشي مبحال هاداك شوف تبارك الله شدرتي
اكسيل : مدرت هادشي الحاجة تا دزت مسيح طبالي او هزان تقل داكشي علاش خلينا نسدو هاد لموضوع دري كنعرفو ولد ناس عارف بينو وبين لي خلقو مافيه ميتاع او سدينا هاد لموضوع
صباح : (بحالا خويتي عليها سطللما بارد يالاه كانت معاه مقال ليها والو ، بقات غا ساكتة تا زادت شي شوي او طلعات لبيتها بدلات عليها او مشات تكا واخة عارفة بلي نعاس مغيجيهاش)
#عند مجد#
بعدما قاليهوم اكسيل بلي غيجي محسن اخطب صباح غدليه ناض باش يطلع لبيتو يلعب تا تصادف معا غزلان لي كانت عاطياه النخال
مجد : شي ناس باقي مبغاو اسامحوني واخة ضربوني ؟
غزلان : ثباغي ؟ {شباغي ؟}
مجد : نتصالحو
غزلان : ثغنربح انا إيلى ثالحتك ؟ {شغنربح انا الى صالحتك}
مجد : شنو باغة نديرو ليك ؟
غزلان : بلاتي نفكر ، نحرجو نتثاراو {نخرجو نتساراو}
مجد : شحال دابا فساعة تمنية هادي باقي لحال يالاه
غزلان : يالاه انا لابثة
مجد : على لقرص ، سيري دوزي من الجردة لورانية ونا غندوز من لباب او نتلاقاو على برا
غزلان : واح {واخ}
مشات غزلان دازت من الجردة لورانية او مجد خرج عادي من لباب تا تلاقاو برا ، مجد حل طونوبيل لي عندهوم تاع لعئيلة او ركب فيها مخلي غزلان تركب حداه
مجد : فين نمشيو
غزلان : لفينما بغيتي لموهيم تكون بلاثة حاوية {تكون بلاصة خاوية}
مجد : صافي نديوك لهاد حاوية (صاݣ تال واحد لقهوة مطرقة ولكن لموقع ديالها زوين) يالاه نزلي
غزلان : (نزلات او تبعاتو لداخل تاع ديك لقهوة)
مجد : (جرليها واحد لكرسي تاع واحد الطبلة تا ݣلسات عاد مشا ݣلس مقابل زعاها او ريزيرڤا لاݣلاص منهوم)
غزلان : (بدا طيليفونها كيصوني هزاتو او جوبات قدام مجد عادي) الو ماما
مها : ماشيغي صاڤا
غزلان : حمد الله
مها : كنت كنصوني عليك قبيلة مكتجاوبينيش مكنتيش فدار ؟
غزلان : حرجت نتثخر او نثيت طيليفوني فثارج {خرجت نتسخر او نسيت طليفوني فشارج}
مها : معليش كي داير لجو عندكوم فتوركيا ؟
غزلان : مزيان لجو هنا فتركيا
مها : انا غنقطع دابا من بعد أو ندويو صافي
غزلان : بثلامة {بسلامة}
مجد : ماماك هاديك معامن دويتي
غزلان : واه
مجد : مفخبارهاش بلي راك فلمغريب ؟
غزلان : لا
مجد : وعلاش
غزلان : ماما مكتبغينيث نجي لمغريب الى الى كانت عندي شي مثابقة هنا وثاف {ماما مكتبغينيش نجي لمغريب الى الى كانت عندي شي مسابقة وصاف}
مجد : عئيلتك فلمغريب
غزلان : واه ماما فلمغريب صحفية
مجد : او باباك ؟
غزلان : معنديث {معنديش}
مجد : مات ؟
غزلان : معرفتث ماما كتقول بلي باقي عايث ولكن معارفنيث واث تزاديت {معرفتش ماما كتقول بلي باقي عايش ولكن معارفنيش واش تزاديت}
مجد : واش تخاصمو تا مقالتهاش ليه ؟
غزلان : كتقول ليا ماما بلي كانت بغات طلق منو ويلى كانت قاتليه بلي حاملة مكانث غيبغي يطلقها داكثي علاث بقات فرانسا لو طلقات بلاما يعرف
مجد : (غير لموضوع) ايوا شنو كديري فحياتك ؟
غزلان : انا حاليا رياضية فلمنتحب لفرنثي {رياضية فلمنتخب لفرنسي}
مجد : شمن رياضة كديري او فين واصلة فيها
غزلان : عندي الثمطة لكحلة فلكاراتي او لجودو ، ولكن هادي كتبقا غا هواية انا ملاكمة فلمنتحب لوطني الفرنثي {عندي السمطة لكحلة فلكاراتي او لجودو ، ولكن هادي غا هواية انا ملاكمة فلمنتخب الوطني الفرنسي}
مجد : (ملي سمع السمطة لكحلة او هادشي غا هواية او بلي هي محتارفة فلملاكمة قاد لݣلسة) الله أودي او متعلمي ، كنتي تقولي بلي راني ݣالس معا بدر هاري
غزلان : ونتا ثكادير فحياتك {ونتا شكادير فحياتك}
مجد : تخرجت فداكشي تاع لانفورماتيك او دفعت لواحد الشركة فتركيا ندوز فيها سطاج ديالي ويحن الله
غزلان : (حمارو ودنيها) او حياتك الثخثية {الشخصية}
مجد : عازب مكتوبة بخط كبير
غزلان : او عندك ثي وحدة فبالك ؟
مجد : سي كاينة غا باقي كنفكر فلموضوع ، ونتي ؟
غزلان : عازبة تا انا
مجد : وايلي نتي عازبة عمرك تصاحبتي ؟ تخطبتي ؟
غزلان : لا وتݣول
مجد : هههههه وعلاش
غزلان : حيت لي ثمعني كندوي يا كيضحك عليا يا مكيبقاث باغي يدوي معايا كيقولو بلي هضرتي كتقنط ، او زيد كيقولو بلي راني مملة حيت مكنحملث لبلايث لي فيهوم ثداع {حيت لي سمعني كندوي كيضحك عليا يا مكيبقاش باغي يدوي معايا كيقولو بلي هضرتي كتقنط او زيد كيقولو بلي راني مملة حيت مكنحملش لبلايص لي فيهوم صداع}
مجد : بلعكس طريقة تاع لهضرة ديالك كتفوج على لواحد
غزلان : ثكادير لكدوب {شكادير لكدوب}
مجد : كنقوليك لي كاين لوخرين الى كانت كتجيهوم هضرتك كتقنط او مملة انا كتفوج عليا
غزلان : (بتاسمات بخجل)
مجد : غزلان
غزلان : (هزات فيه عينيها وهي كتشرب لما)
مجد : نتصاحبو ؟
غزلان : (رشات عليه داك لما كامل لي شربات) ثنو ؟ {شنو}
مجد : (كيمسح فكمارتو) قتلك واش نتصاحبو ؟
غزلان : فجأة ؟
مجد : شنو لي فجأة بغيتيني نسيفطهالك حرف بحرف
غزلان : قثدت أنا ونتا باقي مكنعرفوث بعضياتنا مزيان امكن ايكونو مجرد احاثيث عابرة وثاف {قصدت أنا ونتا باقي مكنعرفوث بعضياتنا مزيان امكن ايكونو مجرد احاسيس عابرة وصاف}
مجد : داكشي علاش قتليك نتصاحبو باش نتعرف عليك او تعرفي عليا او نعرف نيت واش مجرد اعجاب او احاسيس عابرة ولا حاجة خرى
غزلان : (توترات)
مجد : مكنضغطتش عليك خودي وقتك او فكري على خاطرك او باشما كان لجواب معنديش موشكيل ايمتا اترجعي لتركيا ؟
غزلان : غدا فثباح
مجد : اذن ملي نرجع انا لتركية ندويو او رضي عليا باشما كان
غزلان : ثافي واحة {صافي واخة}
مجد : نرجعو لدار ولا نمشيو نتمشاو شوي ؟
غزلان : نتمثاو {نتمشاو}
مجد : واخ (ناض خلص داكشي لي طلبو عاد خرجو يتمشاو بجوج او يتجمعو تا عياو عاد رجعو لدار او كول واحد فيهوم دخل لبيتو ينعس)
#عند جود#
بعدما حلف نعاس لاجاه صورتها بداك سترينغ او صدرية مابغاش اخرجلو من عقلو عيا يتقلب والو كيحس بلحرارة طالعة معاه ، داكشي علاش جمع لوقفة اوار سبرديلتو وخرج كيجري
ياسمين : (كانت ناعسة تا ضرباتها لفيقة حيت ضرها لعطش او مبقاتش لما حداها داكشي علاش خرجات من بيتها او مشات لكوزينة تشرب ، ملبسات عليها والو حيت قالت غيكون جود ناعس)
جود : (بعدما خرج اجري تا عرݣ مزيان او ضربو لبرد رجع لدار او قال يمشي يشرب ، ومعا ديك لخطوة لي دار كيتشوكا بداكشي لي كيشوف قدامو ياسمين عاطياه بضهر او طرغمتها كاملة كتبان قدامو ، فخاضها ضهرها خلاو لعافية تشعل فيه من جديد او محس براسو تا كان وقف موراها) شكاديري
ياسمين : (قفزها تا شمية مطلق لكاس ، او بزربة ضارت مقابلة معاه بعدما تفكرات شنو لابسة) باقي فايق ؟ يسحابلي نعستي فقت غا باش نشرب
جود : (زاد قرب عندها محاصرها بين يديه أو نازل لمستواها) او شربتي ؟
ياسمين : (كتشوف فعينيه لمعة ممفوهوماش ولكن كتخلعها) و.واه شربت انمشي نعس
جود : (مخلاهاش تمشي او زاد قرب منها تا نبقا كيفصل بين شنايفهوم والو) فيك نعاس ؟
ياسمين : واه نتا مافيكش ؟
جود : كان فيا ولكن دبا منقدرش نعس واخة نبغي
ياسمين : (شافتو كيزيد اقرب منها او شنايفهوم قراب اتدمجو ، حسات بقلبها كيضرب فحلقها) لاش كتقرب شباغي
جود : باغي نعاود داكشي لي د تا ديك نهار حشومة منكون عاقل على والو اولى
ياسمين : (على اثر هضرتو حسات بركابيها فشلو او ماجات فين تدوي تا كان قربها ليه كتر او دمج شفايفهوم ، تلفو عليها لأحاسيس مالقات باش تعبر على ملمس فمو ناعم او سخون ، ولا حتى على لمصان ديالو لشنايفها شي لي خلاها تفقد داك خيط لإدراك لي بقا عندها او تغنض عينيها مستمتعة باللحضة )
جود : ( حلف لا طلق فمها كيبوس فيه او يعاود ويبوس او يعاود مكانتش قبلة شرسة ولا حتى سريعة ، انما قبلة هادئة او ناعمة او حتى خرقاء كدل على أنو طرفين بجوجهوم فطريق تعليمهم او تجريبهوم لتقبيل بدون اي خبرة)
ياسمين : (كانت مندامجة معاه واخة مكتبادلوش ولكن مكتمنعوش تا حسات بيديه تحطات على طغمتها شي لي خلاها تفيق من احساسها او ابعدو عليها كتنهج) شكادير ؟
جود : (عاد ضرباتو لفيقة من شنو كان كيدير او بعد عليها داير راسو معارف والو او مدار والو) جاي نشرب تا انا
ياسمين : انا غنمشي نعس (قالت هضرتها او هربات لبيتها سادة عليها لباب)
جود : (رض شعرو لور بزعاف او تنهد كيشوف فديك ليد لي كانت كتعجن طغمتها ) لا صافي بديتي كتخرج عقلك اجود مافيهاش
هز معاه قرعة دلما او مشا ينعس فبلاصتو
#عند غزلان#
ملي رجعات بيئتها بقات غا كتفكر فشنو قاليها مجد من ناحية خايفة ، او من ناحية باغة تجرب ترتابط معاه خصوصا انو عجباتها شخصيتو ، يمكن فيه ضحك بزاف او الطنز ولكن مكيحتاقرش بنادم ولا كينافقو ، وهادشي عاجبها فيه ، طول تفكيرها تا عيات عاد مشات جمعات حوايجها فلبريزة او مشات تنعس
فاق كولشي بكري باش اوجدو لخطوبة تاع صباح
لغالية : (كتوادع معا غزلان) طريق السلامة او تهلاي فراسك
صباح : ملي تعاودي تهبطي لمغريب او دوزي عندنا خلاص يبقا بيناتنا طيليفون
غزلان : بثلامة {بسلامة}
مجد : يالاه مشينا
غزلان : يالاه (مشا ركب هو وياها فطونوبيل او شدو طريق لمطار)
مجد : (مد ليها طيليفونو او دوا شوي بتردد) قيدي ليا نمرتك تاع تركيا راها معنديش
غزلان : (طلعات معاها لحمورية أو خدات منو طيليفون قيدات نمرتها او رضاتو ليه) هاك
مجد : ثانكس ، هاحنا وصلنا (بلاصا الطونوبيل او نزل معاها هاز ليها لباريزات تا دخلات لداخل)
غزلان : صافي يمكليك تمثي انا غنثتنا الطيارة بوحدي بلاما نعذبك معايا {صافي يمكليك تمشي انا غنستنا الطيارة بوحدي بلاما نعذبك معايا}
مجد : معليش أصلن مكاين ميدار فدار (ݣلس معاها تا وركبات فطيارتها عاد رجع لطونوبيلتو او مشا عند جود لدار)
جود : (فاق من نعاس بكري هو لول او مشا لمحكمة حيت كانت عندو واحد لجلسة عاد رجع لدار حيد حوايجو تا بقا غا بشورط او بدا كيقاد فلفطور)
ياسمين : (ضرباتها لفيقة ملي سمعات تقرقيب على برا ، داكشي علاش ناضت او لبسات عليها سروال دجين ديالها او قميجتها وغسلات وجها عاد خرجات عندو)
جود : (كان كيحط فوق لفطور فوق الطبلة تا بانت ليه ياسمين جاية) فقتي ؟ زيدي تفطري
ياسمين : (طلعاتو ونزلاتو لاقياه لابس غا شورط بوحدو او كيحط فلفطور ، دخلها شك فيه ولكن مشات ݣلسات)
جود : (ݣلس فلكرسي ياكل تا هو تا لقاها ݣالسة مقابل معاه بيناتهوم شي تلاتة تاع لكراسة حيت الطبلة كانت كبيرة) لاش ݣالسة تما او لماكلة هنا قربي لهنا
ياسمين : لا غا خليني هنا يدي كتوصل لماكلة
جود : واخة تكون عندك عزافة ماشي يد مغاديش توصلي لهنا داكشي علاش قربي لهنا باركة من تبرهيش
ياسمين : غا خليني هنا أصلن مفياش جوع اندومي تاع لبارح باقة شادة فيا
جود : (دخلو شك فيها) مالك هاد صباح (هز طباسل بغا يقربهام ليها باش تاكل تا لقاها بعدات عليه) امالك اهاد لبنت على هاد صباح واش فيا جدام تا كتبعدي
ياسمين : فيك الدود ، مافيك تيقة لابس عليا غا شورط على هاد صباح او زايدها مصايب لفطور يعلم الله علاش ناوي داكشي علاش ضاروري من مسافة لأمان بيناتنا اتصدق دايرلي شي حاجة
جود : (مفهم تا وزة) شغانديرليك متلا ؟
ياسمين : شكون عرف ، يمكن تكون داير ليا شي منوم فلماكلة ناكل او نعس ياوتنوض عندي
جود : (ضحك بفقصة) هاد لبلانات دياولك أبنتي داكشي علاش زيدي تحنجري باركة من لهبال
ياسمين : كول نتا لول أبعدا نشوف
جود : (رجع ݣلس كياكل) لهلى يطيحو فمعدتك
ياسمين : (سمعات سرسار فلباب او مشات تحل)
مجد : (تصدم مني بانت ليه ياسمين) مراة خويا شكاديري هنا
جود : (ناض من بلاصتو يشوف شكون جا) ياسمين شكون كيدق ؟ مجد ؟ نتا هادا
مجد : (شاف خوه غا بشورط او ياسمين باقة بحوايج لبارح مشا عقلو بعيد او جاتو لمرݣة) هههه ديروني مجيتش بسلامة
ياسمين : (شداتو من يديه ) جابك الله دخل تفطر معانا
مجد : (كيحاول اتفك) لا لا غا سيرو نتوما فطرو انا شبعت
ياسمين : (خافت تبقا غا هي وجود) تا بربي لامشيتي حشومة تجي تال دار او مدخلش تفطر معانا ، شبغيتي ناس ايقولو عليا مرحباتش بلوسها
مجد : (ملي شافها اتحيدليه كتفو بجران دخل لداخل او ݣلس معاهوم فطبلة)
ياسمين : (مشات ݣلسات حدا مجد مقابلة ليها معا جود)
جود : (كون يبقا ينقز عليها يفرسها ولكن ميعداليهش خوه كاين) محتاجين فشي حاجة تا جيتي
مجد : جيت غا باش نعلمك بلي ليوم بليل لخطوبة تاع صباح او محسن
جود : ليوم ؟ مناش خرج هادشي عاود باقي تا مدويناش على داك زواج لمزروب لي معرفنا مناش جا ولينا فلخطبة ؟
مجد : أخاي هدا عليا بحالي بحالك لبارح ملي كنا مجموعين علمنا لواليد او بغاك ضاروري تحضر
جود : (ضار عند ياسمين) مرتي لعزيزة كنتي عارفة بهاد لبلان تاع زواج ؟
ياسمين : (نكرات) لا بلعما ، هاد لومليط جا زوين
جود : الله يجعلني نتيق
ياسمين : غنكدب عليك زعما او فوجهك ؟
جود : لبراءة ، الله يعطينا وجهك ، معاياش قلتي كاينة لخطوبة ؟ ليل ؟
مجد : واه
ياسمين : ولكن قلتيلي غتسافر ليوم
جود : ضاروري خاصني نحضر واخة نعرف غا تسالي لخطوبة نشد طريق (بدا طيليفونو كيصوني) الو لحاجة
لحاجة : آوليدي لباس كي صبحتي ؟
جود : مزيان الحاجة
لحاجة : بغيتك اوليدي دوز على ديك لمغصوبة دمرتك تجيبها تعاونا فتوجاد
جود : احن ، لحاجة ها لبنات معاك
لحاجة : مرتك محنية ولا شنو
جود : (شاف لحنة لي فيدين ياسمين) واه راها محنية
لحاجة : راني دويت معاك قتلك جيبها تعاونا
جود : ان شاء الله الحاجة
لحاجة : دابا قبل من ضوهر تكون عندنا
جود : (قطع معا لحاجة او شاف فياسمين) كولو باش نمشيو لدار لحاجة كتسنانا
ياسمين : تا انا
جود : واه تا نتي
ياسمين : اوا خاصنا لول ندوزو لدار نبدل عليا عاد نمشيو
جود : ان شاء الله
كملو بتلاتة فطورهوم او وجدو راسهام باش يمشيو
ياسمين : مجد جبتي طونوبيلتو ياك وصلتي معاك
جود : (جرها لعندو او دوا بين سنانو) مال جدك ليوم
ياسمين : والله ماعرفت مالو بيه شي حاجة ؟ خليتو فدار بيخير
مجد : (ندم ݣاع لاش جا حس براسو محشي بيناتهوم او دار كتفوح بريحة الزوجية هو لي زوفري بيناتهوم) انا غنمشي ياكو او نموما كملو لمدابزة ديالكوم على خاطركوم بسلامة
جود : (خرج مجد او خلاهوم بجوج راس فراس) ايوا شنو دبا الالة ياسمين مشا لحارس ديالك ، غتزيدي قدامي ولا لا ؟
ياسمين : (بعدات عليه شي خطاوي) هانا زايدة ، خلي مسافة لأمان بيناتنا
جود : الصبر ياربي صبر (ركبو بجوج فطونوبيل طبعا ياسمين ركبات لور او هوا لقدام)
ياسمين : (وصلو قدام لباب او نزلات بوحدها من طونوبيل) تسناني هنا دغيا غنرجع
جود : ياسمين شي حاجة مستورة أياسمين
ياسمين : صافي واخة (خلاتو كيستناها برا او مشات هي دخلات لدار)
كلتوم : جيتي ابنيتي
ياسمين : واه فين ماما ؟
كلتوم : ناعسة فبيتها
ياسمين : (دخلها شك) ناعسة او فهاد لوقت ؟
محسن : ياسمين
ياسمين : عمي لاباس عليك
محسن : حمد الله
ياسمين : محشمتيش لخبار تاع لخطوبة ديالك توصلني من مجد ماشي حشومة
محسن : اعمينو غا معا تشغلة تا عمتك مقلتهاش ليها مجاش معاك جود ؟
ياسمين : راه كيستناني برا نبدل باش نمشيو
محسن : انا غنخرج عندو
كلتوم : عيطليه يدخل ماجاتش يبقى برى
محسن : واخ
ياسمين : (طلعات لفوق بدلات عليها بواحد الصايا او قميجة وهبطات ولكن قالت تسبق مها هي لولة ، مدقاتش عليها وحلات لباب مصدومة من داكشي لي شافت او بصوت كيترعد قالت) ماما شهدشي
مريم : (لي كانت لابسة غا دوبياس او صحتها كاملة زرقة كاين لبلايص لي سال منهوم دم ݣاع غطات راسها بالزربة او شافت فيها مصدومة) ياسمين جيتي
ياسمين : (ركبوها لأعصاب) رجع كيهز يديه عليك ياك
مريم : (خافت من ردة فعلها) لا لا أبنتي ݣلسي خلينا ندويو
ياسمين : (مداتلهاش فين تدوي او خرجات كتغوت هابطة عندهوم) عبد الله ، خرج عندي اتامل خرج عندي اقليل لحيا خرج عندي ألحمار
مريم : (لبسات عليها ببجامتها او تبعاتها بزربة) ياسمين بنتي يهديك الله
ياسمين : (وصلات قلب الضار) خرج عندي
جود : (كان داخل معا لباب هو ومحسن تا ضرب فياسمين كتغوت مفهم والو او مجا فين يدوي معاها تا شاف عبد الله جاي صاعر او صرفقها تا طاحت)
عبد الله : حتارميني الكلبة دوي معايا بصواب باك انا ماشي صاحبك
ياسمين : (ناضت من لأرض او شافت فيه كضحك قبل مدفل عليه) هههههههه با ياك تفو عليك تفو على نهار لي كويتي فيه مي او ولدتيني اشماتة ، اتامل قسمت ليك بالله من قبل اوتعاود تهز يديك عليها تا نسيفطك فين تربى شدرتي نتا زرقتيلها لحمها الكلب
عبد الله : (هز يديه تال سما بغا يطرشها سعا شدليه جود يديه)
جود : (كيدوي من تحت سنانو) نزل يديك ماحدي باقي محتارمك
ياسمين : (شافت فمها) انا غنصوني لبوليس ايجيو اجمعوه او طلقي منو صافي اماما خلينا نخرجو منهنا
مريم : ياسمين بيني وبين باك أياسمين خرجي هاد السوق الله يرضي على بنتي ، راجلك كاين بلى شوها عافاك
ياسمين : (فقدان اعصابها) شمن شوهة واش مكتشوفيش صحتك حاملها زرقة حياتك كاملة دوزتيها فسبيطارات لبنات أدوي بيننا اتبقاي هاكدا واش تا يعوقك ولا تا يقتلك رحمي راسك أو رحميني ، راني عييت فبلاصتك عييت لينتا انبقاو بحال هكدا (بدات كتبكي) شوفي كفاش عايش حياتو تا من جدي او جدة عارفين او كيسكتو ، دوي اسليمان ترضى لبنتك ايدار ليها هاكدا مترضاش ولكن بنت لبراني ديرو فيها مابغيتو الله انعل جدكوم كاملين اولاد طحاب من صغيركوم تال كبيركوم ، بغيتلكوم لموت واحد بواحد ينعل طواسل مكوم الكلاب
جود : (غوت عليها) ياسمين سكتينا شهاد لهضور زيدي معايا زيدي
ياسمين : (كانت على سبا غا قاسها تنترات منو او كملات غواتها) ينعل طواسلكوم احرق جدكوم ، سير اعبد الله شبغيتلك غا لحكة وجدام اشماتة الكلب الحيوان
جود : (عصباتو او بدا كيجر فيها بزز) زيدي باركة من هاد لخرى
ياسمين : طلقني بعد عليا
مريم : (كانت كتبكي) ياسمين عافاك أبنتي لما سكتي
ياسمين : نسكت ؟ شربحتي نتي من هاد سكات شوفي حالتك او باقة صابرة معاه ، شوفي بربي اوطلقي منو او تسيفطيه لحبس او تخرجي من هاد الدار ليوم قبل من غدا ماتعرفني منعرفك سمعتيني يالاه لكوميسارية
مريم : نتي مفاهمة والو باك هادا ، راك غا معصبة داكشي علاش مكتعرفيش شنو كتقولي
ياسمين : نفهم منك ماباغاش كافيه ياك ايوا طليه منك ليه ايدير فيك مابغا ضبري راسك معاه ملي عاجبك الدل غرقي فيه ، ونتا (نترات يديها من جود) طلقني متقيسنيش
جود : (خرجها لبرا) زيدي ونتي صواب متكسابيهش طريقة تدوي بيها معا مك هاديك
ياسمين : (تنترات منو عاود) آسيدي انا ممصواباش طحبة مكنسواش ممحتارماش مسخوط لواليدين غا عطيوني تيساع صافي ، راكوم ݣنس واحد
جود : (زير ليها على يديها) متشبهينيش لتامل تاع باك سمعتيني ، يالاه دخلي لطونوبيل
ياسمين : مداخلاش صافي (تهازات عاود معاه او مشات خلاتو معصبة)
جود : (مرضاتو او حلف لتبعها ركب طونوبيلتو ومشا بحالو)
جود : (دخل لدار معصب ناوي يمشي لبيتو نيشن تا تصادف معا لحاجة)
لحاجة : شتك جاي بوحدك فين ديك لعقوبة
جود : ياسمين سميتها ياسمين الحاجة ماجبتهاش معايا خليتها فدارهوم
لحاجة : مجبتيهاش ولا مابغاتش تجي تعاونا
جود : نجبتهاش حيت مرتي ماشي خدامة عندك سمعتيني الحاجة ماشي خدامة تجيبيها طرسي عليها او تا ديك لهضرة لي كضلي تقولها ليها منبغيش تعاود تخرج من فمك ولا غنتقلق عليك ، خليتك على خير انا غنطلع لبيتي نعس
طلع لبيتو مخلي لحاجة كتغلي وبدا كيمشي ويجي فلبيت ، صبر تا عيا او هز طيليفون كيصوني عليها والو كتقطع عليه
لغالية : (دقات على جود عاد دخلات) نعستي ؟
جود : لا باقي
لغالية : واش هانية تا مجاتش معاك ياسمين ؟
جود : واه هانية انا لي قتلها بلاما تجي
لغالية : علاش ؟
جود : لحاجة غا غادي تكرفص عليها اصدقو منوضينها مقاد على صداع
لغالية : نتا تعرف ، عافاك الى كنتي مسالي سير عمر لينا لبوطات راهوم قربو يتقاداو او راك عارف لماكلة يالاه كطيب
جود : واخة ، الى كنتو محتاجين شي حاجة قيدوها فورقة نبدل او نجي
لغالية : صافي كون هاني
جود : مجد راه فدار ؟
لغالية : لا جا عند صباح خرجو بجوج ، صباح محتاجة شي حاجة
جود : مزيان
#عند صباح او مجد#
مجد : فين غلقاو حنا هاد لبرمة ولا منعرف سميتها واش عشبة ؟ شجرة ؟
صباح : ههه الا ماشي لبرمة سميتها تبريمة فيها عشوب مخالطة ، انا عندي لحنة وشوك الصدارة وشبة فدار ، باقة خاصاني غا نيلة الزرقة انشوفوها عند لعطار
مجد : او لاش كتصلاح هاد تبريمة
صباح : كترطب لبشرة او كتنقيها وكتصفي وكتوحد لون تاع لبشرة
مجد : هههههه هي على هاد لحساب غا نديروها تا حنا نزيانو
صباح : دوزلي غا هاد نهار او نشبع خويا تبريمات
مجد : ايمتا غتمشي عند طبيبة
صباح : شديت عندها رونديڤو على حساب بعد غدا
مجد : فخبار لواليد ؟
صباح : لا مقلتهاش ليه
مجد : وعلاش ؟
صباح : هاد لأواخر بانليا ماشي تالهيه مابغيتش نزيد عليه ، الشهية عندو نقصات او ماشي مرة ماشي جوج كنشوفو بحالا شاداه الدوخة يقدر ايطيح فأي لحضة
مجد : السكر عندو خايب او مكيحاولش داك نهار كنت هبط لكوزينة نشرب معا 3 تا سمعت زدردلاف فلأرض او بان لي طاح ملي سولتو قالي غا كان لما فلأرض او زلق
صباح : انا خايفة من حاجة خرى راك عارف بابا نعاسو خفيف بزاف غا ضل كيفيقو ، شي مرات واخة ساعة تغوت حدا ودنيه مكيفيقش ، كنعيا نحرك فيه بدرع باش كينوض او كيدير بحال شي واحد عاد رجعاتليه الروح بحالا كيكون فغيبوبة
مجد : الله احضر السلامة خاصو يحاول على راسو
صباح : خص شي واحد فينا يدوي معاه
#عند ياسمين#
بقات كتمشا فطريق معصبة او غا كتبكي مشات ݣلسات حدا لبحر كتكمي تا فات لعاصر بشحال او قرب لمغرب عاد مشات لواحد لبار شدات لقنة او عطاتها لبيرات تا سكرات مزيان او كانت قربات ديك لعيشة عاد خرجات منو
~~~~~~~~~~~~~~
ملي قرب لمغرب كان كولشي موجود الصالون مجموع او نقاد طبالي بزواقهوم لماكلة لحليب او تمر لموهيم داكشي كان مقوم
لغالية : (كانت لابسة قفيطين خفيف او ݣالسة حدا لباب معا اكسيل لي كان لابس سروال او قميجة كيستناو فضياف ايجيو تا دخلات عليهوم سناء)
سناء : (لبسات هاد لمرة جلابة مخزانية جاتها زوينة او بيناتها صغيرة) بون جوغ
اكسيل : وعليكم السلام
لحاجة : بنتي سناء جيتي مرحبا بيك فرحت بزاف ملي غتحضري
سناء : معلوم نحضر راها خطوبة بنتي زعما ، فين هي صباح ؟
غيتة : راها فبيتها كتوجد راسها
سناء : مزيان (تسمع الصوت تاع طونوبيلات) أ هاهوا لعريس وصل (مشات حدا اكسيل او وقفات مبعدة عليها لغالية) غتسمحي ليا غنوقف هنا امامات لعروسة من لمفروض عليا نستقبلهوم انا وباها
لغالية : (معجبهاش لحال ولكن مبيناتش بلعكس مشات وقفات مقابلة معاها او بتاسمات) خودي راحتك ماشي كل مرة كتسمح ليك لفرصة تكوني مها قدام ناس
منى : (دخلات عليهوم هازة لورد او موراها راجلها الراضي او محسن او ولادها بجوج معا عروستها هازين الساشيات فيديهوم ، عاد حداها كلتوم او سليمان او ناصر او عبد الله وسعاد) السلام عليكم
سناء : (خدات من عندها لورد) وعليكم السلام ماشيغي لباس عليك
منى : حمد الله هاد الساعة
الراضي : (كان راجل طويل او صحتو باقي شادة كيبان صغير من عمرو شايب ليه الراس ولكن الزين باقي شاد فيه) لحاجة كي دايرة بيخير
لحاجة : حمد الله اوليدي ، تفضلو لداخل مرحبا بيكوم
خير الدين : عمي اكسيل لباس عليك
اكسيل : (ربت ليه على كتفو) حمد الله اولدي فينك نتا شخبارك
خير الدين : حمد الله اعمي (سلم على سناء او داز عند لغالية) لغالية لباس
لغالية : (مدات يديها باش تعنقو ناسية راسها تا بان ليها اكسيل مخنزر هي تجمع يديها) خويا لباس عليك
خير الدين : حمد الله
عبد الرزاق : (دفع خير الدين او عنق لغالية حيت مكانش شافها منين تزوجات) تيتزة ديالتي بنتي لباس عليك
لغالية : هههه لابس لحمد الله حيد راك خنقتيني
عبد الرزاق: ههههه غبرتي غبرة وحدة علينا تا معرفناك فين صديتي
خير الدين : طلق لبنت راها مزوجة غيتقلق راجلها
عبد الرزاق : (لاح يديه على كتافها) شكون هادا لي مزغرة عليه مو امنعني نعنق ختي أدوي
اكسيل : تهز ديك ليد ولا نهرس ولدي
عبد الرزاق : (عرفو هوا راجلها حيت سمع بلي تزوج ولكن معرفش بيمن ، غا سمعو هز عليها يديه أو خلى بيناتهوم ميترو) ههههه كنت باغي غا نجربك هاكداك حضي رزقك
الراضي : خسارة تربيتي كتحتارمو هاد زمر كتر مني
اكسيل : (كيفقصو) مبقاتش فشكون والد بقات فلهيبة اسي الراضي
الراضي : (تعانق هو واكسيل) توحشتك الحمار
اكسيل : تا انا الكلب
لحاج : دخلو دخلو متبقاوش واقفين برا
لغالية : (دخلو كاملين لصالون او دوات معا محسن لي كان لابس حوستيم بحال ولاد خالتو) شهاد تفركيسة كاملة
محسن : لخطوبة ديالي اولى
لغالية : ياك مكنتيش باغي
محسن : تا دبا غا حيت تحطينا امام الامر الواقع
لغالية : ديك لهضرة كولها تا منكونش كنعرفك تكون مقداتك فرحة وكنتي على سبة
محسن : نوضي عطيني التيساع سيري حدى راجلك
لغالية : كتجري عليا هاني نايضة حدى زماني
منى : (جراتها قبل متنوض) زيدي ݣلسي بغيت نسولك
لغالية : هاني شنو
منى : هاد لبنات كاملين مزوجات ؟
لغالية : لا حيدي غا هاديك (شيرات لرانية) لي مزوجة لماباقي ممزوجاتش
منى : او ديك لي لابسة صفر
لغالية : كتدوي على غيتة ممزوجة ممطلقة علاش ؟
منى : كنقلب لخير الدين شي بنت او عجباتني
لغالية : هاديك بنت صفية
منى : واخة مها مسمومة ولكن منفلتهاش
لغالية : او خير الدين باغي
منى : طيبتليه راسو بزواج تا ولا طالب غا سلام او قالي صافي غا قلبي على شي وحدة
لغالية : انا خارجة هاد السوق اكسيل الى لقاني زوجت عاود شي وحدة من عئيلتو لعئيلتي يطلقني راه كيجمعهوم ليا
منى : مدخليش نتي غا سيفطيها لحدايا تݣلس نسولها على خاطري
مجد : (شاف فخير الدين او عاود ليه سلام) مبروك عليك اعشيري لعقبان راري فرحت ليك
خير الدين : مبروك لاش ؟
مجد : لزواجك قريب تزوج
خير الدين : باش عرفتها
مجد : شتي دوك جوجات مك او لغالية ملي ݣلسو بجوج هاد لݣلسة صافي وصلو لسمية تاع دراري
خير الدين : هنينا الله اخرجنا من هاد دار مزوجين
محسن : هههههه اراك علقرص غا دافع كبير
خير الدين : غا نتا أخاي لي تلقا دوا لبرد حنا معليناش الله
مجد : (بدا طيليفونو كيصوني وبغا ينوض اجاوب سعا شدوه دراري)
محسن : ݣلس دوي حدانا فين هارب
مجد : لا والو غا لخدمة خليوني نوض
خير الدين : ݣلس قالك لخدمة جاوب جاوب
خير الدين : ݣلس قالك لخدمة جاوب جاوب
مجد : (مخلاوليه تا حل من غير انو يجاوب حداهوم) الو
غزلان : الو مجد
مجد : اولو لباس
غزلان : حمد الله نتا بيحير {بخير}
مجد : حمد الله
غزلان : قالتلي ثباح ليوم حطوبتها (خطوبتها}
مجد : واه ليومة
غزلان : ناث جاو ثورلي لعروثة او لعريث {ناس جاو صورلي لعروسة و لعريس}
مجد : واخة (غفل دراري او مشا كيجري)
جود : (دخل عليهوم) السلام عليكم
محسن : افين انسيب
جود : زمر انا
محسن : مالك حالف علخصارة ؟
جود : مال هاداك مشا كيجري
خير الدين : كيدوي معا صحبتو او كيقوليك لخدمة
جود : لبجغوط لاخر
منى : ايوا فين هي عروستنا مغنشوفوهاش
رانيا : هاهي غتجي
غيتة : أجي لغالية
لغالية : شنو
غيتة : داك لولد لي ݣالس حدا محسن مزوج ؟
لغالية : لا
غيتة : خاطب
لغالية : يالاه مو كتقلبليه على لبنت
غيتة : فين مو
لغالية : راهي لهيهة هي منى ، علاش كتسولي
غيتة : بغيت غا نعرف او صاف فاش خدام ؟
لغالية : شد لماستر ديالو فدكشي تاع تيجارة او مشا كيخدم معا باه مقابليه لمحلات ديالو
غيتة : مزيان
لغالية : سيري سيري وصلي ليها هاد ساك راه ديالها
غيتة : لا لا اويلي
لغالية : تي سيري وهنينا ويلى سولاتك جاوبيها صافي
غتية : لا لا الغالية حشمة كولشي كيشوف
لغالية : ستناي ملي دخل لعروسة يتلاهاو معاها وسيري ݣلسي حداها (بانتلها صباح داخلة عليهوم) يالاه نوضي نوضي دبا
غيتة : (معطلاتهاش او مشات وصلات ليها الساك سعا لسقات فيها منى تݣلس حداها)
اكسيل : شي تزويجة هادي عاود كون دخلتك تقراي الشريعة او تولي عدولة
لغالية : لخير كيجي تال عندي مانديروش
اكسيل : ملي تسالي هاد روينا انعطيك لحسنات تاع هاد لخير
لغالية : هههههه لا بلاش
صباح : ( دخلات عليهوم لابسة قفطان بزرق سماوي مرشوش بلعقيق معا فولار او شوية تاع لماكياج فوجها ، مشات ݣلسات بين اكسيل او سناء)
الراضي : (بتاسم كيفقص فإكسيل حيت عارفو مساخياش عليه بنتو او كيضحك غا بزز) بما انو بنتنا جات نبداو احن
اكسيل : (نقز) عطيو لناس أتاي
لغالية : يالاه فرقنا أتاي او شربوه
اكسيل : زيديهوم أتاي حشومة
لغالية : واخة (فرقو أتاي عاود)
الراضي : شربنا أتاي لحمد الله او دبا ندويو فلموهيم
اكسيل : شربتي أتاي او مكليتيش لحلوة حشومة فرقو لحلوة
محسن : باك شاد لعكس
مجد : باقي مشتي والو لمدابزة عاد غتبدا
خير الدين : لواليد داخل سخون اول مرة نحس بعمي اكسيل مكالي
الراضي : شربنا أتاي او لحلوة تا تݣهمنا او والله ما نزيدوه او ندخلو فلموضوع نيشن ، كيما كتعرفو ولدي محسن او لالة صباح كيبغيو بعضياتهوم او حنا عائيلة وحدة داكشي علاش ليوم جينا طالبين راغبين فيد بنتكوم صباح لولدنا محسن على سنة الله ورسوله شنو قلتو
اكسيل : (سكت مابغاش يدوي)
لغالية : (كتنغزو) اكسيل تا شحاف عليك جاوب الناس
اكسيل : (شداتو لبكية) مقادش الغالية مقادش ، مابغاتش تخرج ليا من فمي ديك قابل مساخيش بنتي
لغالية : (غمزات جود يدوي هو عرفات اكسيل ممسروطاش ليه)
جود : (كان مشطون معا ياسمين معرفها فين زادت مشا كيقلب عليها والو)
الراضي : اكسيل شتك ساكت
اكسيل : بغيتلك لي متسما (حنحن) احن ملي بنتي صباح قابلة انا منزيدكوم غا لخير ولإحسان
سناء : واخة كان لحال باقي شويا على هاد زواج او زيد عليا مكنتش باغة نزوج بنتي لواحد ختو دايزة لحبس ولكن شندير بنتي باغاه نتمنا ليهوم غا السعادة
لغالية : (فديك الحضة كولشي سكت او هي بلخلعة طيحات لكاس داتاي من يديها)
لحاجة : ختو دازت لحبس ؟ لاواه لاواه ماشي تال هاد الدرجة بقاونا غا لحباسة نتعاشرو معاهوم
صباح : (مفهمات والو) شمن حبس ألحاجة الله يهديك واش وقتو هادا
سناء : راك مزوجاها اولدك الحاجة ياكما كدبة الغالية ياك فايت دزتي لحبس ولكن ماشي موشكيل بنادم كيغلط
محسن : شكاتقول هاد مك عاود
جود : لوليدة باركة من هاد زمر او خلي هاد ليلة دوز على خير
اكسيل : (قرص لغالية تا فاقت من سهوتها او دوا بشوي) هزي راسك متهبطيهش او دوي عادي
لغالية : (دارت داكشي لي قالها او وقفات كتشيش بشاشية ديالها) قالوليك غا دخلت لحبس مقالولكش علاش ؟
لحاجة : هي بصح أبنت لحرام (ضربات فخاضها
سناء : معلوم بصح راها دخلات لحبس حيت ضربات واحد السيدة
لحاجة : هاويلي هاويلي على مدخلة بين ناسي او عئيلتي حباسة
لغالية : (كانت متوترة تا سمعاتها قالت دخلات لحبس حيت ضربات واحد السيدة هي ضحك) هههه سمعيني اخالتي سناء انا ماشي هي نتي ليد لي تهزات عليا كنݣرضها ولسان لي قال فيا لعيب كقطعو واخة نعرف خرتها تكون حبس جمافو
اكسيل : (رجعات لغالية ݣلسات حداه) ساليتو من السجل لعدلي نكملو
لحاجة : (بغات تاكل راسها ولكن لقات ناس ضايرين بيها)
الراضي : (شاف فإكسيل او ضحك) كنت تافقنا انا واكسيل نهار ازوج بنتو ازوجها بحال لمسلمين تاع مشحال هادي باقي عاقل
اكسيل : (من تحت سنانو) باقي عاقل
الراضي : اذن على بركة الله سي لفقيه ݣلس بيناتهوم محسن قرب لفقيه او شد ليد لعمك اكسيل
محسن : ضاروري
الراضي : سير متخافش
محسن : (مشا ݣلس حدا لفقيه)
لفقيه : على بركة الله اللهم صلي و بارك على سيدنا وحبيبنا محمد وعلى اله وصحبه اجمعين الى يوم الدين ونعوذ بالله من الشيطان الرجيم ، ولدي محسن عطيني صداق لعروسة ولا باقي
محسن : واه عطيتو لباها
لفقيه : عطاك شي صداق
اكسيل : لا
صباح : (نغزات اكسيل) بابا
اكسيل : عطاه ليا (شد ليد لمحسن او زير عليها)
لفقيه : قول مورايا زوجتك يا محسن
اكسيل : (واصلة فيه لعضم بدرع باش كيخرج لهضرة مكرهتش يبكي او راضي غا كيضحك عليه او كيصورو) زوجتك يا محسن بن سليمان
لفقيه : أبنتي صباح
اكسيل : أبنتي ص.صباح آيت اوسو
لفقيه : على كتاب الله وسنة رسول الله صلى الله عليه وسلم
اكسيل : على كتاب الله وسنة رسول الله صلى الله عليه وسلم
لفقيه : على مهر قدره 10 ملايين
اكسيل : على مهر قدره 10 ملايين
لفقيه : اما امساك بمعروف او تسريح باحسان
لفقيه : (ضار عند محسن) قبلت زواج ابنتك
محسن : (مقدش ايقول هاد لجملة مجموعة قالها مقطعة حيت اكسيل كان غيهرس ليه يديه) ق.بلت زو.اج ا.ابنتك
لفقيه : صباح على كتاب الله وسنة رسول الله صلى الله عليه وسلم
محسن : صباح على كتاب الله وسنة رسول الله صلى الله عليه وسلم
لفقيه : على المهر المتفق عليه
محسن : على المهر المتفق عليه
لفقيه : اما امساك بمعروف او تسريح باحسان
لغالية : (زغرتات)
الراضي : (شاف محسن بغا يبكي) اكسيل صافي طلق يد نسيبك مسخيتيش
اكسيل : (على شوية كان غيهرسليه يديه ولكن طلقو ، او شاف فراضي كيتحلفها فيه)
الراضي : جود ولدي مبروك مدرتي فين ياسمين مجاتش معاك
منى : واش بقات معا مها حيت تا مريم مجاتش
جود : لا خليتها فدار (بدا كيتسمع لخبيط فلباب)
لغالية : شيماء سيري حلي شوفي شكون
ياسمين : (دخلات عليهوم كتمايل السكرة دايرة فيها مابغات او مقاداش تا توقف مزيان ، كتدوي تقيل او فيها لفواقة) هاني جييت هاء ، او.حششتوني ؟ معلوم توحشتوني (بقات كتقلب بعينيها تا بان ليها جود ݣالس كيشوف فيها مخنزر هي تمشي عندو او ݣلساتليه على حجرو ) علاش جيتي لعرس بلاما تجيبني معاك أدوي هاء ولا باغي تبقا معا لبنات بوحدك ؟ هههههههه ولكن انا غنسامحك هاد لمرة (عنقاتو)
لحاجة : داكشي نيت لي كان باقين عاجباك هاد الشوهة اولديناس كيتناسبو معا لي بعقلهوم ونتا جايبلي لحباسة وسكايرية
ياسمين : هاء سوكتو سكتو بحالا شي كلب كينبح (قلباتها ضحك عاود) ههههههه ماشي كلب هادي لحاجة لي كتدوي ههههههه انا هبيلة
جود : (صافي وصلات بيه لعضم وقف او وقفها معاه) زيدي زيدي راك ماشي فوعيك
ياسمين : بعد مني مابغيتش نمشي معاك نتا خايب باغة نشطح او ناكل دجاج
جود : (كيدوي تحت سنانو مزير ليها على يديها) زيدي تحركي قدامي حسابها من بعد أياسمين
ياسمين : (قلباتها بكا) أي يدي ضريتيني
جود : (رخف عليها) يالاه
ياسمين : (عنقاتو وبدات كتبكي) هئ هئ هئ يدي كضرني
جود : (باغي غا يخرجها باركة عليه غا هاد الشوهة) صافي يالاه نديرلك ليها لفاصمة
ياسمين : لفاصمة ؟ على سيرت لفاصمة انعاودليك واحد نوكتة
جود : يالاه ماشي وقت نكت هادا
ياسمين : مغنمشي معاك تا نعاودها ، قاليك هادا واحد ديما كيمشي مور سبيطار كيخرى او كيمسح بلفاصمة بعد شهر براتب ليه ههههههههه
مجد : (نفاجر بضحك) هههههه واع على براتليه (ملي هز راسو لقا بلي غا هو وياسمين لي كيضحكو على نكتة لماباقي غا كيشوفو فيهوم ، مرݣ او رجع ݣلس )
محسن : مالقيتي فين تضحك غا دابا
مجد : ديك النوكتة واعرة والله
جود : عاودتيها ايوا يالاه نمشيو
ياسمين : (دفعاتو) لاء مغاداش
عبد الله : (تعصب تا لمعقول او ناض عندها باغي يطرشها)
ياسمين : (خافت من عبد الله اضربها او تخشات فجود كي لمشة)
جود : (شد ليد لعبد الله او شنق عليه داوي صاعر) آخر مرة تهز يديك على مرتي كتسمعني
لحاجة : خليه ايعاودلها ترابي راه باها
جود : ايكون تا جدها مشغلش دين مي انا ميضربهاش ميقيسهاش ولا برب لكعبة تا نطيح الروح
محسن : (ناض عندو مفارقهوم) تهدن أصاحبي
جود : واش مشتيهش باغي يضربها قالك باها دوزتليه تاع صباح او باقي زايد فيه
ياسمين : (علات راسها فجود ) تحنا نقوليك واحد لحاجة عليه
جود : (مسايسها)
ياسمين : (ملي عطاها ودنيه عيواض متدوي بهمس غوتات) عندو صغير هههههه قد هاكدا
كلتوم : استغفر الله العظيم شكاتقول هادي ياسمين يهديك الله
ياسمين : مالي كدبت ههههههه ملي كنت كنقرى فتاني كانت عندنا واحد جارتنا راجلها عسكري ياكو ههههههه عرفتو شنو كان بابا كيدير حيت عزيز عليه ايدير لخير كان ملي كيسافر راجلها كيمشي يكويها هوا ههههههههههه (بقات كضحك تا دمعو عينيها) وعرفتو شكون لواعرة كانت جدا عارفة او عواض متدوي معاه مشات كتغوت على ماما او ماتقول ليها كون جمعني راجلك ݣاع ميخونك كون ولدتي ليه دري ݣاع ميشوف وحدة خرى ، عقلتي اكلتوم ولا لا هههههههه تفو عليك نتي او ولدك تفو ههههههه (رجعات مضحك عاود كتر من لول او هي شادة فجود بحال دري صغير) جود بوسني بحال كيما بستيني لبارح عافاك ، أجي فخبارك بابا عندو تلاتة تاع لقل.وات ؟ انا او نهيلة او يوسف ، عمي عندو غا جوج (مشات عند مجد) ونتا شحال عندك من لقل.وة ؟
مجد : (على نيتو) جوج ؟
ياسمين : (بدات كضحك بهستيرية) معندك تا وحدة هههههههه امسكين معندو تا لقل.وة زوجوه ايدير لقل.اوي ، حيبيبي جود نديرو شي قل.وة ؟ لا لا نديرو او دابا قدامهوم
جود : (صبر تا عيا او غفلها هازها او غادي بيها لبرا)
ياسمين : (كتخبش فيه او تعض او تفركل) عتقو روح اعباد الله بغا يغت.اصبني عتقوني
لحاجة : (بعدما مشا جود او ياسمين شافت فصباح لقاتها غا كتبكي) عاجباك هاد لحالة نهار لول قتلك متزوجاش ليه متصلاحش ليه شمكارة لوخرة
اكسيل : لحاجة بلاما نبقاو نعيبو فناس او نساو عيوبنا ، بنتي صباح مسحي وجهك موقع والو غتخصري لماكياج ديالك أبنتي ونا باغي نتصور معاك (لاح طيليفونو لمجد) صورنا
مجد : واخ
صباح : (مسحات دموعها او وقفات حدا باها تصور معاه)
محسن : واخيرا جا لوقت لي نفقص فيه اكسيل ايت اوسو
الراضي : خود راحتك اولدي
محسن : (وقف قدام اكسيل) عني واخة تخليني باغي نتصور حدا مرتي
اكسيل : (شاف فلغالية) غنضربو
لغالية : أجي تصور معايا انا مباغيش تصور معايا (جراتو تا ݣلس حداها) مالك مغيار شوف بنتك كي فرحانة
اكسيل : هادشي لي فاقصني ربيتها 22 عشرين عام علفتها بليل او بنهار ماخليت فين ديتها ولا شريتلها فلخر مشات تزوجاتلي بهاد لكلب ، لا وكضحكليه عمرك شتيها ضحكاتلي بحال هكدا
الراضي : (ݣلس حداه ناشط) ميبقاش فيك لحال هادو هوما لبنات تا كتربي عليهوم لكبدة او فلخر واحد آخر كيديهوم
اكسيل : نوض قود من حدايا تفو على ݣلنس
الراضي : هاني غادي حدا مرتي ونتا موت فسمك المسموم
اكسيل : (وسع عينيه ملي شاف محسن شاد ليها فيديها)
محسن : (كان كيركب ليها لخاتم تا شاف اكسيل واقف عليه مخنزر)
اكسيل : حيد يديك شكادير المرض
محسن : (لقا مناش ابرد غدايدو) مرتي اعمي اكسيل مرتي منشدلهاش فيديها
اكسيل : حيد يديك دبا نهرسهوم ليك قالك مرتي
محسن : (حلف تا يسكتليه لقلب او باس صباح فوق راسها)
اكسيل : (صافي شديه يطرطق او صباح ولات حمرة)
مجد : (حط طيليفون او مشا قصدو) تركاب لخاتم قلنا مكاين باس ولكن تبوسها فوق جبهتها هنا خاص جدك لعصا ، كحاز لهيه حيد من حدا ختي الݣرادة لمرض
صباح : (رجعات كتكركر ملي شافت مجد واقف بينها وبين محسن) ههههههه مالك هبيل (ضارت عند اكسيل عارفاه معاجبوش لحال مكرهش إݣرض محسن ، داكشي علاش شدات فيه) مال لحبيب ديالي مقلق
اكسيل : ممقلقش
صباح : زعما زعما
اكسيل : بنتلك مقلق
صباح : الى مكنتيش مقلق سير تصور معا محسن
اكسيل : لا
صباح : وعافاك ابابا ليوم خطوبتي زعما او بغيت شي تصويرة تكون فيها نتا وياها
اكسيل : صافي واخة ، زيد نتا نتصورو
محسن : معايا ؟ كي درتي ليها
اكسيل : صباح عندها لحق عمرني تصورت معا شي كلب هادي فرصة قدامي
محسن : (شاف فصباح) قايلا لباك انا كلب ؟
صباح : لا لا والله ما هكداك قتليه ، دبا غا تصور معاه عافاك
محسن : (وقف او تصور معاهوم)
لغالية : انا غنطلع لبيتي نرتاح شوي ضرني راسي (خلاتهوم او طلعات لبيتها خارجة لبالكو او غا كتشوف او هي كاملها كترعد او كتحلفها فسناء) والله لا فلتها ليك قلت مانقيسش سيدة شبيني وبينها سعا كتقلبي عليا ، تا ياسمين مجات فين تسكر تال هاد النهار (صبرات تا عيات او نهارت بلبكا)
اكسيل : (غا تصور ضار ملقاش لغالية وطلع عندها لبيت لاقيها غا كتبكي سد لباب او قرب عندها ) مال لحبيبة ديالي كتبكي هممم ؟
لغالية : (باقة كتبكي) شنو كان غيوقع كون قالت سناء شي حاجة خرى ليوم اقول
اكسيل : (ݣلس حداها كيهديها) عمركي شتي شي واحد كيقول شي حاجة معارفهاش ؟
لغالية : شحال قدهوم ميعرفوش أ إكسيل كيما عرفو بلي دخلت لحبس غيعرفو علاش دخلت ليه ، او كون قالت ياسمين شي حاجة ليوم
اكسيل : او يعرفو او من بعد سارقين
لغالية : عندك نتا عادي ولكن شغايقولو عليا ناس ملي يعرفوني قات.لة روح أ إكسيل شغايقولو عليا بغيتيهوم انعتوني بلقت.الة فينما مشيت (نهارت بلبكى كتر من لول)
اكسيل : (عنقها) ششش متبكيش تا واحد مغيعرف داك سر تدفن معا مولاه صافي
لغالية : داك سر عمرو غيتدفن قانو يرجع يتفتح مرة خرى
اكسيل : او نعاودو نسدو جدو غا تهناي صافي
لغالية : (رتاحت شوي او بقات معنقاه) دويتي معا جود ؟
اكسيل : لا
لغالية : سمح ليا ليوم بسباب ياسمين لخطوبة تاع صباح مدازتش تال لهيه
اكسيل : هههه بلعكس دازت متورخة يبقاو عاقلين عليها شكون بحالي انا عندي مرات ولدي كضرب الطاسة او تجي تزهيلي لعراسات
لغالية : واخة هاكداك راها بنت ماشي عزري تا تبقا ضربلي فلكيسان
اكسيل : كي دري كي لبنت ياسمين خاص غالي يرضها لطريق او صاف او داكشي علاش زوجتها لجود
لغالية : ههههههه عنداك غا هي لي تخرجو على طريق
اكسيل : ههههه بحال والو اوليو عندي جوج سكايرية فدار
لغالية : هههههه سعداتك
اكسيل : عرفتي كنت كندعي الله متشوفش فيا وتقول ليا عندك تلاتة دلقل.وات
لغالية : هههههههه فلتي
اكسيل : يالاه نهبطو لتحت علاما يقود عنا داك خوك
لغالية : اهيا راك خويا علامن داوي
اكسيل : (طول فيها الشوفة) تعرفي داك لمتل تاع الى شتي لغزالة خارجة عرف لقرد فدار ، انا ديت لغزالة او خليت لبنتي لقرد
لغالية : (ضحكات ليه بلعاني بحال ضحكت الشيخة) هههه هاي احياني عليك
اكسيل : شي مرات كاديري شي ضحكات شي اصوات كنشك فراسي فين ݣالس
لغالية : شعرفك نتا فدوك لبلايص أصلن
اكسيل : (بدا كيقرب منها) شبان ليك منزلوش حنا ݣاع او نبقاو هنا
لغالية : (شافتو كيقرب منها باغي يبوسها هي دفعو) ههههه زيد زيد ملي نسافرو نبرع حبيبي انا دابا نسا
جراتو بزز لتحت او ݣلسو شوي معا ناس كيتجمعو طبعا بعدما تعشاو او سلاو عاد توادعو او كل واحد مشا فحالو لضارو
صباح : (مدواتش معا محسن ليوم ݣاع حدهوم غا تصورو )
رانيا : مبروك عليك احبيبة مدرتي
صباح : الله ابارك فيك
مروى : طلعونا نعسو راه عيينا باش غدا نشوفو دهاز لي جابليك لعريس
صباح : هههه صافي كوني هانية ، ماما بسلامة او شكرا حيت جيتي
سناء : تصبحي على خير
مجد : لوليدة يالاه نوصلك
سناء : يالاه
مجد : (ركب هو وسناء فطونوبيل او مشا اوصل سناء لدارها):غنبات عندك ليوم
سناء : كي درتي ليها
مجد : شحال هادي مݣلست معا ميمتي او مخرجناش بجوج ، او زيد عليها قريب نرجع لتركيا
سناء : ايمتا أتمشي ؟
مجد : تنين جاية خاصني نكون تما
سناء : ان شاء الله
#عند جود#
بعدما خرجات من دار ركبها طونوبيل بزز او دار ليها السمطة الور او ركب هو لقدام سايݣ او معصب
ياسمين : (والو سكرة باقة شادة فيها) فين دايني رضني عند راجلي حبيبي ، جود آ جود
جود : كنقسم ليك برب لكعبة أياسمين تا نخرج منك هاد لفضيحة غا صبري عليا نوصلو لدار
ياسمين : (ملي سمعات صوتو فرحات او بدات كتضارب حتى فكان سمطة او ناضت معنقاه من لور تاع لكوسان ) لحبيب ديالي توحشتك فين مشيتي وخليتيني
جود : (ماعندو ݣانة ليها زيد كتنوغشو فسوݣان داكشي علاش بدا كيبعد ليها فيديها) بعدي عليا غنديرو كسيدة
ياسمين : مقلق مني ؟ متقلقش انا غنصوݣ فبلاصتك صافي (بدات كتمد لبولون تاع طونوبيل تحركو او جود كيبعدها قبل متقلبهوم)
جود : بعدي أزمر بعدي (بلغدايد بغا يبعد يديها لور رجع لمرفق ديالو بجهد تا ضربها لنيفها رعفها)
ياسمين : (شدات نيفها بيديها تحبس دم سعا والو ، بدات تبكي او توجع بسكات) أي ، أي
جود : (شافها تكالمات او حسها تقطع ولى كيسمع غا تنخصيص ، هز عينيه فلمراية كتبان ليه كتبكي او شادة نيفها لي ولى كولو دمايات او تا حوايجها ، عاد سرا معاه شنو دار او محملش أنو ضربها بلغلط خصوصا انها تكمشاتت او بدات كتبكي ، او من زهرو كانو وصلو لدار بلاصا طونوبيلتو او نزل منها حال عليها لباب لباب او مقرب منها) ياسمين
ياسمين : (ملي شافت يديه تمدات عندها تكمشات خايفة) بعد عليا
جود : (تنهد) سمحليلي والله مادرتها بلعاني بعدي يديك نشوف
ياسمين : بعد عليا ماتقيسنيش
جود : منقيسكش غا يالاه نمشيو لدار
ياسمين : (خرجات من طونوبيل كتمايل) لا مغنمشيش معاك بحالك بحالو كتعرفو غا ضربو تفو عليك مكنحملكش غدا نطلقك
جود : صافي واخة غدا سيفطيني لدار با غا يالاه ندخلو نشوفلك هاد النيف مالو مابغاش يحبس
ياسمين : (حلقات لا قاسها تا دخلو لدار عاد خلاتو ايشوفلها نيفها)
جود : (جارها لحمام اغسلها نيفها) ستنايني نجيب ليك لخل (مشا يجيبها لخل رجع لقاها وقفات تحت رشاشة او بلغلاط طلقات لما بارد عليها تا فزݣات كاملة) شكاديري المصيبة شكاديري غيضربك لبرد
قرب عندها او حبس لما عليها ودارلها لخل فنيفها تا حبس ليها دم
ياسمين : (بدات كتحيد فلقميجة) حوايجي بزݣو
جود : زݣاي متحيديهومش قدامي ها لعار (جارها لبيت أو عطاها واحد توني) هاكي بدلي انا غنخرج نستناك على برا
ياسمين : (فرج او خلاها بوحدها كتحاول تبدل تا بدات كتغوت) جود عتقني كيقجوني حوايجك عتقو الروح
جود : (كان على برا كيستناها تا سمعها كتغوت هو يحل عليها لباب لاقيها كتحاول دوز راسها من ليد او ممحيداش تا لحوايج ، جرا عندها كيفك ليها فراسها) شكاديري نتي شكتخوري تا لحوايج معارفاش تلبسيهوم الراسك
ياسمين : لبسني نتا
جود : لا
ياسمين : عافاك ، صافي انا انحيد لحوايج ونتا تبدا تشوف ليبغيو اخنقوني
جود : (شافها نصلات لقميجة او بغات تبدا فصدرية هو يحبسها) وكاين انا غنبدل ليك متحركيش او هزي يديك (نوضها لعندو او لسق صدرها معا صدرو او مد يديه لصدرية ديالها كيطلعها تا حيدها ليها)
ياسمين : (عنقاتو) نتا سخون سخني معاك
جود : صبر آربي صبر
ياسمين : عنقني عافاك
جود : (باغي غا يتفك ) لبسي حوايجك او نعنقك
ياسمين : (رخات راسها او خلاتو يلبسها توني او هو مكيشوفش فيها)
جود : (بعدما لبسها توني مد يديه من تحتو او نتر ليها سروال معا سليپ) واخيرا سالينا ياليه نعسي
ياسمين : لا نبدليك تا نتا
جود : انا غنبدل لراسي غا نعسي
ياسمين: (تكات ولكن غا مشا يبدل خرجات لفوطويات تݣلس او هي كتغني او تزغرت)
جود : (ملي سمع زغاريت لبس عليه غا الشورط او خرج عندها) ياك مشيتي تنعسي
ياسمين : أجي ݣلس حدايا آجي
جود : هاني ݣلس شبغيتي
ياسمين : (ملي ݣلس نزلات هي على ركابيها لأرض او تقابلات معا بين رجليه)
جود : (كانت غتحيد ليه شورط كونما حكم يديها) شكاديري نتي
ياسمين : (دلات شنايفها) بغيت نشوفو
جود : شغاتشوفي
ياسمين : بغيت نشوفو مشتوش ديك نهار خليني نشوفو عافاك
جود : (كيحاول إݣلسها حداه) ݣلسي لارض معندك ماتشوفي
ياسمين : وا بغيت نشوفو واش تقيل
جود : واش تقيل ؟ عندي مدفع
ياسمين : علاش مابغيتيش توريه ليا آدوي
جود : تا تكوني فايقة او نوريه ليك دبا يالاه نعسو
ياسمين : (مخلاتوش اينوض او ݣلسات ليه على حجرو مدورة رجليها على خصرو ، او معنقاه حاطة راسها على كتفو ) عرفتي ديك نهار
جود : (عيانة ولكن عرف بلي دبا جا وقت تسرسيب) شمن نهار ؟
ياسمين : ديك نهار فاش شربتك ديك لكينة تاع نعاس طحتي دودة ههههههههههه نتا تقيل
جود : ايوا وشدرتي ليا
ياسمين : والو هي جريتك لبيت واخة تقيل كي لكلب او حيدت ليك حوايجك
جود : هي شفتيه
ياسمين : (بحزن) لا كنت سادة عينيا حشمة
جود : باش كتقتليني كتحشمي مأدبة تبارك الله ايوا
ياسمين : او تصورت معاك او صافي
جود : او صافي بريئة ، وعلاش كذبتي وقلتيلي درنا شي حاجة
ياسمين : غا ضحكنا معاك او نتا درتيها بصح
جود : عندك ضحك تاع لبنانية ولاس ديري نتي هاكدا ݣاع
ياسمين : حيت نتا عارفني كنبغيك او قامعني
جود : ايمتا قمعتك
ياسمين : ماقلتيليش مغنشوفش فشمكارة بحالك
جود : ماشي شي قميع
ياسمين : تا انا غدا اسيفطك لدار باك او نخليك معلق مانتا مزوج مانتا مطلق
جود : لا عافاك ماديريهاش على قبل لود لي فكرشي
ياسمين : (شافت فيه) هاء حامل ؟ ولكن انا معنديش مناش نحملك
جود : وايلي انا واخد خونتا ملي معندكش باش تحمليني
ياسمين : (على نيتها ناضت كتقلب راسها قبل متشد فمها) فين تبي أدوي فين هو قطعوه ليا ، باش غنبدل نبول انا دبا باش (بدات كتبكي) شوف واش باقة بلاصتو تا لقل.اوي داوهوم ليا خلاوني بلاش
جود : (هي كتهز فحوايجها او هو كينزلهوم ليها) نزلي المرض راك ملابسة والو من لتحت
ياسمين : (رجعات تخشات فيه)
جود : (حس بيها ترخات ليه على صدرو داكشي علاش دوز يديه تحت رجليها او هزها مدخلها لبيت أو حاطها فوق الناموسية)
ياسمين : (حلفات لا طلقاتو يبسات عليه )
جود : (شاف تا عيا هو يتكا حدا منهد بتعب ، محملش داك لمنضر ديالها او ناس كيشوفو فيها بحال شي موسخة مكتسواش زيد لفضيحة لي دارتليه تم عاد لكدوب لي كدبات عليه ، واخة رتاح ليه لبال ملي عرف انها مدارت معاه والو ديك نهار ، ولكن حالف ميدوزهاش ليها هاد لمرة غمض عينيه ينعس او من زهرو السفر ديالو تأجل تال بعد يوماين)
#غدليه#
ياسمين كانت ناعسة ناعسة تا ضرباتها لفيقة على الضران تاع راسها ، حلات عينيها بدرع تشوف فين هي تا لقات راسها فبيت جود او لابسة توني ديالو بوحدو على لحمها ، حاولات تنوض من فراشها واخة الدنيا كضور بيها او معاقلة على والو ، جرات رجليها او دخلات لحمام دوشات او خرجات لاوية عليها واحد لفوطة بدات كتشوف فجنابها مبانش ليها جود ݣاع داكشي علاش خدات من لماريو ديالو واحد توني لبساتو
ياسمين : (ملي لبسات داك توني مشات ݣلسات ليها فوق ناموسية مسترجعة ذكريات تاع لبارح او هي شادة فمها) ويلي ويلي شدرت انا ليوم ادبحني جود آويلي على فضيحتي شوهتو معا ناس (تشجعات ليها شوي او خرجات عندو لبرا لاقياه كيتفرج فتلفازة) صباح لخير
جود : (دوا برود بلاما يشوف فيها) كاين شي صباح معا سبعة تاع لعشية ؟
ياسمين : (عرفاتو مقلق منها داكشي علاش مشات ݣلسات حداه) لبارح مكنتش فوعيي سمح ليا
جود : لبارح غندويو عليه من بعد ، دبا غتسمعيني مزيان باش متخاسرش معاك أبنت الناس ، صبرت عليك بزاف ولكن نتي ماشي ديال لهضرة من ليوم رجليك ميعتبوش برا الدار بلى شوارب سمعتيني
ياسمين : جود عارفاك مقلق ولكن ميمكنش ليك تحبسني علاش غنتشاور معاك ملي نبغي نخرج بسلامة
جود : باش مديريش ليا بحال لفضيحة تاع لبارح او دبا سيري وجدي راسك غنمشيو نتعشاو عند لواليد هاد ليلة
ياسمين : معنديش لحوايج لي غنلبس
جود : راني جبت ليك حوايجك كاملين من داركو سيري لبسي منهوم
ياسمين : وعلاش جبتيهوم ياك باقي لعرس مدرناهش
جود : غتبقاي هنا تا نديرو لعرس داركوم مغترجعيش ليها غا هنينا وطلقي راسك غنتعطلو
ياسمين : (عرفات راسها مقوداها معاه ملي تا شوفة مكيشوفش فيها داكشي علاش ناضت بزربة دخلات لبيتها تبدل عليها بواحد السروال او سيفيطمة سماطي ، مشطات شعرها او هزات طيليفونها وخرجات عندو) صافي نمشيو ؟
جود : (مهزش فيها لعين او زاد سائقها لطونوبيل او هي موراها ، ركبو فيها بجوج او شدو طريق لدار فسكات) يالاه نزلي
ياسمين : (نزلات من الطونوبيل)
جود : (مشا عندها شابك يديه معا يديها او حرها لداخل )
لغالية : (حلات ليهوم لباب) جيتو كنا كنستناوكوم بقيتو غا نتوما
جود : جا محسن ؟
لغالية : واه لقيتيه يالاه وصل دخلو لداخل
ياسمين : عمتي لباس
لغالية : هههههه لاباس اسكايرية ديالي لابس
جود : (جر معاه ياسمين لداخل عند صحاب الدار ) السلام عليكم
لحاج : وعليكم السلام اولدي جيتي
صفية : (شافت فياسمين او دوات بطنز) راك ساحية هاد نهار ولا ضاربة طاسة عاود
مجد : خليو عليكوم مرة خويا
صباح : (ݣلسات حداها ياسمين او جود) كي دايرة لاباس
ياسمين : سمحيلي على لبارح كنت
محسن : كنتي متقلة ههههههههه جود صاڤا ؟
جود : حمد الله هاد الساعة
لغالية : (دخلات عليهوم بصينية تاع أتاي او خواتاهوم أتاي فلكيسان او دوراتو عليهوم)
مجد : مراة خويا تا عاودي ديك نكتة لي قلتي لبارح
ياسمين : شمن نكتة ؟
مجد : تاع داك لي كان كيخرا مور سبيطار او كيمسح بلفاصمة بعد شهر برات ليه هههههههههههههه
ياسمين : (شدات فمها) ماتقوليش عاودت هاد النكتة قدام عمي اكسيل او لحاج
محسن : كون غا حبستي هنا مشيتي كتقولي بلي باك عندو تلاتة دلقل.وات او عمك غا جوج او مجد معندو تا وحدة
ياسمين : (نزلات عليها لفضيحة) ويلي على فضيحتي ويلي
لغالية : نوضو تعشاو راه لعشا وجد
اكسيل : واخ
لحاجة : (ناضور كاملين ضارو بالطبلة لي كانت لغالية معمراها من ساسها تال راسها )
رانيا : نتي لي طيبتي الغالية
لغالية : واه
غيتة : الله يعطيك الصحة طيابك بنين
لحاجة : تعلمتي طياب فلحبس ؟ اتكون تا بنت خوك كتعرف طيب حيت تا هي دازتو
ياسمين : (دوات بهدوء او هي كتنقب فداك دنجال) نتي الحاجة لي صايبتي هاد دنجال
لحاجة : معلوم انا علاه هادا تعرفو ليه
ياسمين : (تبسمات ليها) على حساب هادنجال عندك من 25 تال 40 عام تاع لحبس باش تعلمي تصايبيه هادا لاما كان خاصك لمؤبد باش يالاه تعلمي طيبي
لحاجة : راك خيبرة فلحباسات
ياسمين : معلوم راه عامين او ربعشهور لي مدوزة فيه
صفية : على هاد لحساب خصك طيبينا ندوقو طيابك
ياسمين : هههه مكرهتش نطيب ليك ولكن لقيتيني مكنعرفش كي شتي حنا فلحبس على حساب المرتبة ديالك على حساب شنو غتكون ، متلا الى كنتي داخل غا على شفرة ولا ضرب لخفيف مكيحسبوكش ݣاع واش حباس كدوز وقتك او تمشي ، ولى كانو شدوك على الضرب او لجرح او الشفرة لكبيرة كتكوني السخارة ديالهوم ويلى دخلتي على محاولة لقتل او حتى كنتي سخار تاع شي بزناز كتكون الشاف دلخدامة ، اما الى كنتي داخل قتيلة لا هنا كتكون نائب الرئيس عاد كاين الشاف لكبير غالبا كيكون بزناز ولا ولد شي فلان بن فلان
لحاجة : على هاد لحساب كنتي نتي من سخارة
ياسمين : (ضحكات) هههههههه لا دخلت معا لي ممحسوبينش او حيت تا حنا عندنا داكشي تاع الترقية وليت نايبة تاع الرئيس او كنت غنولي الرئيس ݣاع ولكن راجلي حيت حنين شدلي محامي او خرجت بكري
لحاجة : كتقوليها بحالي دايرة انجاز بحالك بحال عمتك غا لحباسة على ختها
ياسمين : احقا نسيت علاش انا مقتلكش كفاش ترقيت ، بلاتي نعاودليك انا متأكدة غتستافدي كي شتي كنا واحد نهار مجموعين فبحال هاد الطبلة او كانت واحد راس لحربة كانو مدخلينها لحبس حيت قاتلة وليد صغير ايوا كانت كدير عنا فيها صعصع ، ملي ݣلسنا بقات كتحشي قنوفتها فشي حاجة مكتعنيهاش او تلوح لهضرة منهنا لهيه او لقاتني كاعية ديك نهار داكشي علاش خسرت ليها لافيشور دوجها بواحد لموس او كنت غنقطع ليها لسانها بحال هاكدا (كطعات مورسو دلحم بلموس او كلاتو مكملة هضرتها بإبتسامة ) ولكن لقاتني حنينة او قلبي هشيش من تما طلعت ݣرايض ، عرفتي الحاجة عندك زهر مراكش فلحبس ايما يقطعولك لسانك ، ههههه ولكن من طبيعة لحال نتي عارفة لفضول او حشيان لهضور ممزيانش منخافش عليك واخة دخلي ليه
جود : (قرب حدا ودنيها او دوا بهمس) الى ساليتي من لمغامرات ديالك كولي حيت غنمشيو
ياسمين : شمن شاهية بقات دبا
جود : هنينا
مجد : جود فاش نساليو لعشا نلعبو شي طرح ماحد محسن معانا
جود : حنا غا غادي نتعشاو انرجعو لدار
لغالية : علاش تمشيو باتو معانا ليوم او تا نتا امحسن مكاينش لاش تغامر او تمشي بليل خصوصا ملي ضو لقدامي تاع طونوبيل عندك خسر ليك بات هنا او فصباح سير
محسن : لا انا غنمشي
اكسيل : لغالية عندها لحق ݣلس تبات عندنا دبا راك وليتي واحد فينا ، او تا نتا اجود ݣلس معا مرتك تباتو باغي ندوي معاكوم من بعد لعشا
جود : واخة الواليد
اكسيل : كملو عشاكوم قبل ميبرد (رجعو كياكلو تا شبعو او جمعو لبنات لماعن عاد مشاو تجمعو فصالون معا لوخرين ، اكسيل لي كان ݣالس او حداه مجد او لمباقي ضايرين بيه ، مد يلكل من جود او ياسمين او محسن او صباح واحد جوا كبير) هادا لكاضو تاع زواجكوم
مجد : (ضار عند اكسيل) ماشي رجلة الواليد فين شوا ديالي انا أدوي ولا حيت أنا مخليتينيش نتزوج مناخد والو
اكسيل : (خربق ليه شعرو) نتا لي بقيتي معايا هادو كاملين تزوجو نتا لي بقيتي ليا داكشي علاش كولشي ديالك
جود : متفقناش على هادشي الواليد
اكسيل : شيبتيني زوجني زوجني ، زوجتك تساليني شي حاجة ؟
لحاجة : كون غا كان شي زواج نيت
اكسيل : لموهيم انا غنطلع نعس ولكن قبل جود زيد شوي او طلع باغي ندوي معاك
جود : واخة الواليد (بقا واحد شوية عاد طلع عند اكسيل لبيرو ديالو لاقيه ݣالس فلكرسي ديالو) لواليد بغيتيني لشي حاجة ؟
اكسيل : ݣلس باغي ندوي معاك
جود : (سد لباب او مشا ݣلس)
اكسيل : (سكت شوي قبل ميدوي) مالك معا مرتك ؟
جود : مامالي والو
اكسيل : مزيان نتا تعرف , فناضارك اجود علاش زوجتك بياسمين ؟
جود : حيت غلط معاها
اكسيل : لا كنت انزوجها ليك حتى كون مغلطتيش معاها ، لغلط غا زربا زواجكوم وعكن عرفتي علاش
جود : لا
اكسيل : حيت ديك لبنت كان خاص لي يشد بيدها او يعاونها تخرج من ديك لحفرة فاش كاينة ، او مكاينش محسن من واحد فايت داز ديك لحفرة باش اعاونها
جود : لواليد ياسمين باقة برهوشة فعقلها واخة تدوي معاها بلعقل مكتسنطش تموت او تشد لعكس لحاجة لي نقولها مديرهاش ديرها وهي ناشطة
اكسيل : الى بغيتي تبدل شي حد خاصك جوج حوايج تعرفو مزيان او تكون صبار ، تا واحد مكيلوح راسو لعافية أجود
جود : عارف الواليد ولكن راه كتعصب ديالنا لي شدها الوحها من شرجم ولا ينحرها من لودن تال لودن ، مستفزة لواحد درجة باقي فيها داك تبرهيش دوالو
اكسيل : لي خاصك تعرف ياسمين ماشي كيما كتبان ليك او دير فراسك انها بنت تاع 16 رعام غتقولي كاينين قدها بعقلهوم غنقولك ماشي ديما لعقل كينضج على حساب لكسدة ، سايس معا مرتك او حاول تفهم كفاش كتفكر او علاش كدير هاكداك
جود : ايكون خير
اكسيل : ها ودني منك راني منبغيش تجي عندي شي نهار كتشكا منك ، ولى نسيق ليك لخبار بكيتيها راه لحالة لمدنية لي جامعانا نقطع جدها
جود : دبا وليتي كتفضلها عليا
اكسيل : حاجة أكيدة او دبا سير تلاح عند مرتك خليني نمشي نعس
جود : تصبح على خير (خرج او خلاه مشا ينعس)
مجد : جود آجي لهنا
جود : شنو
مجد : كولشي مشا ينعس بقات غا لغالية او لبنات لتحت
جود : ايوا
مجد : محسن قالوليه والو تنعس فبيت مرتك
جود : او من بعد
مجد : هاويلي غدايدي مرتو هي صباح اينعس هو وصباح فبيت وحدة او يسدو عليهوم لباب لباب او شيطان تالتهوما
جود : (عاد سرا معاه لقالب) لا ميمكنش تا بربي لكانت ليه ايجي يتعشا معانا او يكوينا ختنا ايوا نيت فين داك زمر
مجد : ݣلس فين غادي خلي تا نفكرو شنو نديرو
غيتة : يالاه كل وحدة فينا طلع تنعس
صباح : غتمشيو تنعسو دابا باقي لحال
صفاء : شوف سيدة عيواض متمشي تسبقينا تطلعي لبيتك عند راجلك لاسقة هنا
ريحان : خليوها خليها راها مموالفاش بزواج
مروى : نوضي نوضي طلعي عند راجلك ونسيه مسكين او ديري معاه شوي دساكسا حيدي عليه لقنط
صباح : تفو عقلكوم موسخ بعدو عليا شمن ساكسا ولا زمر
ياسمين : انا طالعة لبيتي نعس بونوي
رانيا : تا حنا هاحنى غاديين نعسو بونوي
صباح : بونوي (كل وحدة فلبنات طلعات لبيتها تا بقات غا بوحدها هي طلع لبيت ولكن قبل دازت عند مجد لبيت )
مجد : زين
صباح : عطيني شي حوايج من عندك محسن مجايبش معاه باش ابدل
مجد : علاش غيبدل بسلامة
صباح : اتعس بسروال دجين عطيني لحوايج باركة من لملاغة
مجد : (ماشا جاب ليها واحد لكبوط او سروال مصوف) هاكي
صباح : كطنز عليا كيطيح عليه تبروري
مجد : لبرد خايب كيضر فركابي
صباح : حيد حيد نجبد لحوايج لراسي
مجد : (خلاها تجبد واحد توني معا شورط)
صباح : يالاه تصبح على خير
مجد : كون غي خليتيني نديليه لحوايج او زيدي تفرحي معايا فيلم
صباح : لا غا خليني نمشي باغة نعس (مشات او خلاتو حالة لباب او داخلة فبيتها لاقية محسن ݣالس فوق لكرسي كيخدم فطيليفون) باقي منعستي
محسن : باقي
صباح : جبتليك هاد لحوايج من مجد الى بغيتي تبدل عليك
محسن : واخ (خدا من عندها لحوايج او دخل لحمام ادوش)
صباح : (ملي دخل محسن لدوش حيدات عليها زيفها او لعباية لي كانت لابسة او لبسات ليها سروال معا سيفيطمة ديالو تاع نعاس ، ݣلسات فوق لكرسي قدام لكوافوز او مشطات شعرها ، سعى طيليفون تاع محسن صدعها طلات عليه لاقية سميت هند هي لي كتصوني عقدات حجبانها متساءلة على شنو بغاتو هادي فهاد ليل ، ضرها دماغها او جاوبات بعد تردد كبير) الو
هند : محسن ؟
صباح : لا ماشي محسن هادا
هند : (بفظاظة) شكون نتي أختي لي مجاوبة فطيليفونو
صباح : انا مرتو
محسن : (خرج من دوش لابس حوايجو تا كيضرب فصباح هازة طيليفونو او مجاوبة عليه تعصب كتر ما كان أصلن معصب او متر ليها طيليفون من ودنيها مجاوب هو على لمكالمة) هند تال غدا فصباح او ندويو (قطع معاها) ونتي لاش مجاوبة فطيليفوني بسلامة ؟
صباح : كان غا كيصوني من صباح او نتا تعطلتي او جاوبتك ، او مالك معصب لمحسن مكنتيش باغيني نجاوبها ولا شنو شكون هاد هند أصلن لي مصونية عليك فهاد نصاصة دليل بسلامة
محسن : ماشي شغلك تكون لي بغات تكون آخر مرة أصباح تجاوبي فطيليفوني هاني علمتك (خلاها باغة تموت بلفقصة او مشا فرشايه فلأرض او تكا ينعس ليه تم)
صباح : مغتنعسش فوق الناموسية غتنعس فلأرض
محسن : خليتليك لفراش ربحيبي بيه متصدعيليش مخي أنا
صباح : علاش كدير معايا هاكدا حيت جاوبت فطيليفونك ، محسن متبقاش تعامل معايا بحال لبرانية راني مرتك زعما
محسن : (كان طالع ليه زعاف تاع لمعقول) شوفي الله يرحم ليك لوالدين ياك زواج علاياش كنتي كضوري ، ماخليتي مادرتي باش نتزوجو فارضة عليا راسك ، اوا سمعيني مزيان ديك لورقة لي كنتي باغاها تجمعنا راهية عندك نعسيها حداك ونا خليني نعس هنا
صباح : محسن عافاك متبقاش دير معايا هاكدا انا كنبغيك او درت هادشي غا باش نكون معاك
محسن : (نفاجر عليها بضحك) ههههههههه كتبغيني ، بغيتي تا راسك باش تبغيني ، الى عند بالك اضحكي عليا بهاد لهضرة فراك غا كضيعي وقتك ، بعد ديك لفضيحة لي درتيلي عمرك تحلمي تجمعني معاك شي حاجة أبنت ناس ، حيت لبارح نطلبك لزواج غا حيت عارف بيني وبين لي خلقني او لوجه باك مابغيتش نخيلك معلقة
صباح : لهاد درجة نافر مني ، كنتي متزوجنيش ݣاع او تهنينا
محسن : واه سري نعسي وخليني محدي ندوي معاك بلعقل او شاد راسي قتلك خاصني وقت صافي خليلي لوقت لي نسا فيه او متبقايش تزيدي تبعدي بيناتنا
جود : (شاف فمجد) شغانديرو دبا راهوم فبيت وحدة
مجد : زعما يكونو بداو لماتش
جود : مضنيتش ولكن قريب شوفنا شي حل
مجد : (مجد مشا كاب لمطرقة) غنهرس هاد لحيط او ندخل عليهوم
جود : هاواي حاي جيج جيب ديك لحرقة او مد ليا شي مسمار والله لا نعس فيهوم شي حد هاد ليلة (مد ليه مجد لمسمار او بدا كيدݣو فلخيط لي ملاسق معا بصباح)
محسن : (كان يالاه بغات عينو تديه تا كيصوك دݣان رجع بغا ينعس بحالي مكاين والو سعا مقدش ينعس أو صداع كاين)
صباح : (تا هي كانت باقة مناعسة) شكون كيدݣ شي حاجة فهاد ليل
محسن : (خدا طيليفونو او صونا لمجد)
مجد : الو
محسن : ياولد الواسعة حبس عليا هادشي لي كدݣ مبرزط لينا راسنا
مجد : ماشي حنا راه من برى
محسن : (ناض على سعدو او وعدو خرج من لبيت أو مشا عندهوم حال عليهوم لباب او باقي جود كيدݣ) مال زامل بوكوم مصدعينا فهاد ليل
جود : جابك الله شوف هاد الطابلو واش ايجي هنا مزيان إلى علقناه
محسن : علقو فطرمتك ايجي حسن ، راني عارفكوم علاش كاديرو هاد زمر كامل غا هيونا كنا ناعسين ناعسين الباشار
مجد : حلف
محسن : ياربي معامن مناسب انا (مشا نتر ليهوم لمطرقة او لمسمار من يديهوم) نتا سير لبيتك تنعس او نتا تخشا فراشك هنيونا اولاد طحاب باغين نعسو تعطل لحال (خرج من عندهوم او رجع لبيتو متكيليه عاود فلأرض)
صباح : (غا شافتو مشا تكا فلأرض هزات وسادتها او مشات حطاتها حداه او تكات تا هي فلأرض حاجة راسها على كتفو او معنقاه بيد)
محسن : (مدار والو او مقال تا حاجة من غير انو مد يديه لشعرها كيلعب بيه تا داه نعاس)
#عند ياسمين#
طلعات لبيتها تنعس بعدما دازت لبالكو كمات فيه ، دخلات لحمام لول حيدات عليها حوايجها او بقات غا بسيفيطمة وسترينݣ كيفما موالفة تنعس ، او خرجات لاقية جود منشور فوق الناموسية غا بشورط
ياسمين : شكادير نتا ؟
جود : (هز فيها لعين او عاود حدرهوم) ناعس
ياسمين : عرفتك ناعس ولكن راك متكي فوق ناموسية انا فين غنعس
جود : نعسي فلبالكو ها ناموسية قدامك
ياسمين : لا منعسش معاك فباياص واحد
جود : صبري راسك
ياسمين : والسير نعس نتا فلأرض خليني نعس انا هنا ماتكونش مسموم
جود : بيتمن هادي ؟ بيتي ، ناموسية من هادي ؟ ناموسيتي ، او نعس فلأرض هبلتي باغة تنعسي ها لبلاصة ماباغاش ها لأرض
ياسمين : مسموم (حيدات ليه لوسادة من تحت راسو او مشات تكات على ضس تنعس
جود : نوضي من لأرض باركة من لهبال ديالك غيزويك لبرد راك ملابسة والو
ياسمين : اللهم يكويني لبرد ولا تكويني نتا
جود : نوضي باركة من تسطية شكون غيقيسك
ياسمين : (بشك) حلف متنوض عندي
جود : نوض عندك مايا خليفة نتي زيدي تنعسي باركة من تسطية
ياسمين : (شافت تا عيات ماقداتش تنعس ضبراتها الأرض هي تمشي تكا فلقنت تاع الناموسية) متنوضش عندي
جود : (خلاها تا قادات تكية هو يمد يديه أو جرها لعندو)
ياسمين : (بدات كتحاول تفك منو) ياك قلتيلي مغتنوضش عندي مالك دبا تا طلق
جود : تا دبا منضتش عندك غا جريتك لعندي كاين فرق
ياسمين : راك على سبة طلقني متعنقنيش
جود : (بلعاني دوز يديه تحت راسها او حط راسو على صدرها او زير عليها بديك ليد لي كانت دايرة على خصرها)
ياسمين : هز راسك راك ضريتيني فبزازلي المرض
جود : بزازلك ؟ فيناهوما هاد لبزازل ونا مني لقفس الصدري
ياسمين : (مرضاتش) غا حيت ليل هادا كينعسو تا هوما
جود : ههههههههه مساكن
ياسمين : مضحكش أزمر تفو
جود : هاني منضحكش (والو مقدش احبس الضحكة) ههههههههههه كون غا فيقتيهوم راني تضبرت بلعضام
ياسمين : بعد عليا ازمر (دفعاتو عليها او ضارت عاطيها بضهر)
جود : (رجعها كيما كانت متكية فلول او حط راسو على صدرها عاود) متقلقيش غا تنمر لي كنت كنتنمر على بنات ناس ربي زوجني بولد الناس
ياسمين : (عصبها) معجبوكش بزازلي سير لضرع تاع لبݣرة آرا متقيس فيه او تنعس عليه خزيت
جود : ههههههه صافي صافي هاني ساكت نعسي دبا (حس بيها ترخات دغيا ملي هز راسو لقاها نعسات ، رجع راسو متكي على صدرها او متبع دقات تاع قلبها وهو كيشوف فداك لوشام لي عندها جيهت سليپ تا داه نعاس)
#عند مجد#
بعدما بقا بوحدو فلبيت دخل ادوش بزربة باش ينعس ، او بعد ديك ربع ساعة كان خرج من لحمام غا بوكسور او تلاح فوق الناموسية تا تفكر بلي كان داير معا غزلان يدوي معاها معا 12 او دبا قربات جوج ، كان متردد ايصوني ولكن ملي شافها اولاين صونا عليها كاميرا
غزلان : (كانت ݣالسة كتسناه ايصوني عليها تا فاتت طناعشاو هي تحط طيليفون او شدات ليها واحد لفيلم ، تا بدا طيليفونها كيصوني مكانتش عوالة تجاوب ولكن ملي عرفاتو مجد جاوبات فلبلاصة) هاي
مجد : (بانتليه من لكميرا لابسة سيفيطمة سماطي معا شورط تاع دار او كتاكل فشپس) اهلن باقي منعستي ؟
غزلان : لا باقي
مجد : (ضحك) مقديتيش تنعسي ونتي مدوينيش معايا
غزلان : لا كنتفرج فواحد لفيلم داكثي علاث {داكشي علاش}
مجد : شي فيلم رومانسي ولا
غزلان : واه (عاد ردات لباب بلي مكانش لابس توني ديالو او تا من شعرو باقي فازݣ) يالاه دوثتي ؟ {دوشتي ؟}
مجد : واه لقيتيني يالاه خرجت من لحمام مشيتي ليوم لاصال ؟
غزلان : لا ممثيتث رجلي تفدعات ليا {لا ممشيتش}
مجد : او شغديري دبا عندك مسابقة نهار تنين غتقدري تلعبي بيها
غزلان : واه راني ممقثحاث فيها بزاف منهنا تلتيام ترجع ناضية ، نتا غتكون هنا فتركيا بتنين ؟ {واه راني ممقسحاش بزاف منهنا تلتيام ترجع ناضية ، نتا غتكون هنا فتركيا بتنين ؟}
مجد : معرفتش باغاني نحضر نجي
غزلان : ثوف نتا واث باغي تحضر ولا لا {شوف نتا واش تحضر ولا لا}
مجد : صافي بلاما نحضر أصلن معنديش معا دوك لمسابقات
غزلان : (تقلقات) على حاطرك نتا تعرف نحليك دبا فيا نعاث باغة نمثي نعث {على خاطرك نتا تعرف نخليك دبا فيا نعاس باغة نمشي نعس}
مجد : أتمشي دابة راه مكاملة تا 10 دقايق باش كندويو
غزلان : ماثي موهيم نطولو فلهضرة بثلامة {ماشي موهيم نطولو فلهضرة بسلامة}
مجد : (قطعات عليه) هههههه قطعات عليا بنت لهم
حط طيليفونو فوق لكوافوز او تقلب ينعس تا هو كيما دارو لوخرين ، تا صبح صباح عاد فاق ليه لبس عليه لفوقية ديالتو بعدما توضا ليه او نزل لتحت لاقي دراري كاملين ضاربين لفوقيات تا من اكسيل او خوتو او ريحة كسكسو كتعطعط
جود : مات شي يهودي فجامع تا فقتي بكري
اكسيل : ليوم جمعة خاصو ايفيق بكري باش يحضر لخطبة او يدي لاجر
لغالية : (كانت لابسة قندورة خفيفة بلبيلج معا فولارها او دايرة دهب خفيف ، او هازة واحد لمبيخرة صغيرة وبدات كضور بيها على دراري)
مجد : بخريني بخريني معرفت هاد لعكوس مناش جاني
لغالية : هههههه الهبيل هادا راه لبخور فيه الريحة بحال لمسك ماشي داك باش كيبخرو لعكس ، لباروك دلحج هادا
جود : صباح فين محسن مغيمشيش اصلي معانا
محسن : (تم نازل معا دروج بواحد لفوقية مخططة تا هو) هاني جيت نمشيو
صباح : (حدها هزات عينيها فمحسن سرات معاها تبوريشة مفكرة شنو وقع بيناتهوم هاد صباح)
#قبل جوج سوايع #
الشمس ضربات فلبيت تاع صباح مضوياها او موريانا دوك الجوج لي كانو باقين ناعسين ، واحد داخل فلاخر محسن محاوط خصرها بيديه ، او صباح مخشية فيه او لايحة رجليها عليه
صباح : (ضرباتها لفيقة هي لولة لاقية راسها ناعسة بين يديه ، هزات راسها بشوي فيه لاقياه باقي ناعس ، بقات كتشوف فيه مودة وبلاما تشعر لقات راسها كتقرب منو تا باستو على شفايفو بوسة خفيفة ، ومعا كانت بغات تبعد حل محسن عينيه او زرب عليها شاد ليها الشنفة لتحتانية بسنانو)
محسن : (طلق ليها شنفتها او دوا قبل مينوض) لمرة جاية ملي تبوسي بوسي وحنا فايقين ماشي ناعسين مالك شافراني
صباح : (مرݣات منو بغات تنشق لأرض او تبلعها ، تسنات تا دخل لدوش عاد ناضت هي طوات لفراش او قاداتو ، وقالت معا راسها تبدل حوايجها بزربة ماحدو دخل ادوش ، هي هاديك نصلات ليها لفوقاني وبقات غا بسروال او سوتيامات ، ومعا بغات تجبد متلبس عليها من لفوق حسات بصبعان قاسو خصرها ، تخلعات او ضارت قافزة معرفة تا كي دارت تا دخلات فمحسن بونية لفم مسيلة ليه دم) م.حسن
محسن : (كان دخل لحمام غسل غا وجهو او خرج البس حوايجو تا كيضرب فصباح عاطياه بضهرها لعريان لي فيه غا سماطي تاع سوتيامات ، قال استغل لموقف او يدير معاها شوي درومنسية او يهرها سعا غا وقف موراها او قاسوها صبعانو ضارت عندو قافزة او عطاتو لفم مخلياه كيتوجع ) مالك ياك لاباس ؟ تي برب متصلاح معا جدك رومنسية
صباح : والله ما درتها بلعاني يسحابلي راك باقي فلحمام ، ديك الضورة لي ضرة ضربت فيك تخلعت او يدي تمدات عليك بدون قصد ميسحابليش نتا لي قستيني
محسن : (كيمسح دم لي فشنفة ديالو) شكون غيقيسك من غيري جنون ، شكانتسنا من بنت عنتر بحالك بحال باك عندكوم غا لخباطة على ختها
صباح : (كانت غدوي تا سمعات الصوت تاع تعياط) انا غنمشي نشوف شكون كيدق
محسن : (شدها من يديها قبل متزيد لخطوة تانية) فين غادة اشريفة ؟
صباح : نحل لباب
محسن : (عقدهوم) غتمشي تحلي لباب او صدرك كامل معري ؟
صباح : (عاد سرات معاها بلي كانت هاد لوقت كامل كتدوي معاه او هي لابسة غا سوتيامات من لفوق ، بزربة جبدات ليها واحد لپينوار او لاحت عليها زيفها وخرجات من بيت تبدال كاملها حمرة) لغالية ؟
لغالية : (مدات ليها واحد لفوقية) هاكي الى فاق محسن مفاقش فيقيه البس هادي او ينزل راه كيستناوه باش امشيو اصليو مجموعين
صباح : (خدات من عندها لفوقية) واخة انا انعطيها ليه
محسن : شكون ؟
صباح : هادي غا لغالية بغات مني نعطيك تلبس هاد لفوقية دراري كيستناوك لتحت تمشيو تصليو مجموعين
محسن : واخ
مشاو دراري كاملين لجامع مخليين غا لبنات بوحدهوم فدار
غيتة : (دخلات عند لبنات لكوزينة لاقية لغالية كتفتل طعام) لفتيات شتكون كاملين هنا من غير مراة جود باقي مفاقت
رانيا : هههههه علاه مافخباركش راجلها قالنا واياكوم تفيقوهالي من نعاس
لغالية : ههههه حيت عارفها الى مشبعاتش نعاس اتفيق مقطوعة تقربل هاد دار
صفاء : وايلي نفيقوها ؟
مروى : ههههههه عجباتني لفكرة ديالك
لغالية : كتقلبو علبلى
صفاء : نموتو فلبلى شحال هادي منوضناها فهاد دار يالاه
مروى : يالاه (طلعو بجوجات لبيت ياسمين حالين عليها لباب بعدما دقو) ياسمين وا ياسمين
ياسمين : (والو ميتة ماشي ناعسة)
صفاء : نوضي نوضي راه جود باغيك تفيقي دبا
ياسمين : (ناضت كاعية) شبغاني ؟ تا نفيق معا نبوري بسلامة خزيت
مروى : يالاه يالاه ماتكونيش نعاسة
ياسمين : (طالع ليها زعاف نيت) يالاه نشوفو هاد لمرض شباغي
صفاء : اتنزلي بتوني ديالو ؟
ياسمين : (دخلات لحمام محيدة داك توني او لبسات عليها حوايجها وخرجات عندهوم بعدما هزات لباكية تاع لݣارو ديالها حطاتها فجيبها او نزلات لكوزينة معاهوم) فين جود ؟
لغالية : (دارتلهوم إشارة ها شنو قلنا) جود راه مشا لجامع اصلي
ياسمين : هوا مشا يصلي انا لاش مفيقني ؟
لغالية : ماشي هو انا لي قتلهوم افيقوك تݣلسي شوي معانا ونتي باقة خامرة
ياسمين : (محدها باقي مكمات لمورال عندها زيرو)
لغالية : (هزات الصينية تاع أتاي) يالاه نمشيو نشربو هاد لكويس داتاي فجردة
خرجو لبنات لجردة او ݣلسو فيها كيتجمعو فحين ياسمين شادة لقنة باقة مراشقة ليها
ريحانة : ايوا الالة رانيا وجهك هاداك ولا كفاك حنا كنقولو لالة رانيا مسكينة ساكنة بوحدها فطانجة واخة رضوان كاين فنفس لمدينة ولكن ميقدروش ايعيشو معا بعضياتهوم حيت عمي عزيز معكس ليهوم ، نوضي نتي الالة رانيا تكواي معاه تا تحملي
رانيا : مالكوم بغيتوني نستنا با تا ترشقليه يعطيني الرخصة ، ويلى على لحبالة غا زلقلي لحساب او صاف
مروى : كترو عليك لكويات تا مابقيتيش شادة لحساب
رانيا : طنزي ملي تاكلي لحلوة عنداك متشديش لحساب
لغالية : لا من ديك ناحية عندك لحق شد لحساب فكولشي تا لكوا اوهو
غيتة : (غمزاتهوم) ياسمين هي لي غتعطيكوم لخبار
ياسمين : (صبرات تا عيات هي تحط واحد لݣارو فمها او قبل متنوض تشعلو قالت ليهوم) ضرب لحم فلحم او ربي يحفض
لحاجة : (تمت جاية عندهوم هي او بنتها او عريساتها) توما مجموعين هنا
رابحة : (وسعات عينيها فياسمين لي كانت كتبخ داك لݣارو) واش مراة جود كتكمي ؟
لحاجة : (ملي شافت ياسمين كتكمي تعصبات او مشات قاصداها نترات ليها لݣارو من فمها او جمعاتها معاها بطرشة) نعلة الله عليك أقلية دين ، ݣالسة كتكمي ليا فلݣارو فقلب ضاري بلى حيا بلى حشمة او زيدها ليوم الجمعة
ياسمين : (كانت أصلن على سبا ) سمعيني مزيان اهاد الشارفة عطي لدين مي بتيساع ماشي شغلك فيا نكمي تا بعرفة ، قيليني عليك حسن ليك راني منسوا منصلاح لݣنس الناقص
يتبع
التعليقات 0