لغالية : (خرجات كتجري تابعة صباح كتقلب عليها تا بانت ليها واقفة مبلوكية وكنشوف فمحسن لي مشا ركب طونوبيلتو وزاد او خلاها بوحدها ، سربات فلخطاوي لعندها) صباح خلعتيني عليك فين مشيتي
صباح : (منهارة بلبكا) نتي سباب نتي لي كدبتي عليا علاش ملي سولتك على داك لي فتصويرة قلتيلي بلي دري كيقرى معاك علاش مقلتيليش بلي خوك علاش درتي فيا هاكدا
لغالية : (مالقات باش تجاوبها سناء لعبات لعبتها مزيان او خلات لخطط ديالها كاملين اتضربو فزيرو) اهدني دبا او خلينا نمشيو لطونوبيل راك عيانة ، ترتاحي او ندويو
صباح : معندنا فين ندويو مكنتيش باغاني ناخد خوك داكشي علاش كدبتي عليا
لغالية : والله ما هدشي لي بغيت ، مكنتش باغة جداك دير ليكوم لعصا فرويضة ملي تعرف محسن خويا ، شوفي دبا غا خلينا نرجعو لدار ترتاحي او ملي محسن يبرد ندويو معاه صفي
صباح : مغيبغيش ارجع معايا محسن راك مشتيهش كي ولى كيشوف فيا عينيه مابقاوش كيبريو بحال قبل
لغالية : غا زيدي ندخلو لطونوبيل أبعدا (مشاو بجوجات تا دخلو لطونوبيل) عطيني غا لوقت او صبري علاما نسالي لموضوع تاع جود او ياسمين او غنصالحكوم صفي
صباح : (ضورات وجها لجيهة شرجم او سهات فطريق)
لغالية : (ضيمارات طونوبيلتها او تمت راجعة لدار هي وياها)
صباح : (غا وصلات لدار طلعات لبيتها بيشن ، دوشات ليها واحد الدوش خفيف او مشات تخشات فراشها تنعس)
لغالية : (دخلات موراها لدار لاقية سناء فصالون معا جود او اكسيل ولحاجة ولحاج او صفية) السلام عليكم ، خالتي سناء مرحبا بيك عندنا ميسحابليش غتجي
سناء : جابك الله الغالية ݣلسي باش ندويو حيت هاد لموضوع كيخصك
لغالية : (مشات ݣلسات حدا جود لي كان باين بلي ماشي تال لهيه) هاني ݣلست الله اسمعنا خبار لخير
سناء : باش منبقاوش نطولو فلهضرة انا مقبلاش أنو ولدي لكبير جود او لحبيب ديالي اتزوج ببنت خوك
لغالية : (كتحاول تمالك راسها) او علاش بسلامة
سناء : متفهميش هضرتي غلاط ولكن نتي عارفة بلي بنت خوك متصلاحش لولدي ، جود تبارك الله قاضي بخدمتو او دارو او رزقو ولد الناس انا بنت خوك بعيدا عن الجانب لمالي لبنت خارجة طريق كتكمي كتشرب معمرة غا لبيران يعلم الله شكطري آخر دايزة لحبس على جوج مرات ، فنضارك هادا ماشي كافي باش ميتزوجوش
لغالية : انا عاضراك اخالتي سناء او عارفاك أم او باغة لمصلاحة تاع ولدك ، ولكن دراري بغاو بعضياتهوم او قررو يتجمعو فلحلال ، او بنت خويا ماشي وحدة خارجة طريق بنت خويا بحالها اي واحد عندها اغلاطها لي رتاكباتهوم فواحد لوقت ولكن اغلاط يمكن تصلح بحال لبلية وصاف ، او جود متقبلها كيما هي او باغيها
سناء : هاد لهضرة كاملة مكتهمنيش جود الى مشيتي تا قررتي تزوج بيها نسا بلي عندك مك ماتعرفني منعرفك ها سخط ها رضى
لحاجة : لاواه ابنيتي متقوليش هاكدا جود ولدي مرضي مغيخسرش ليك لخاطر ياك
جود : (كان حاني راسو او داوي بصوت معصب ضاغط على يديه أو كيحاول أدوي بشوي) واش كضني عندك لحق تسخطي عليا ولا ترضاي ، كون كنت فبلاصتك نحشم تا نقولها بضحك ، باشمن صفة جاية كتحكمي فحياتي وتقوليلي شنو ندير أدوي
سناء : جود انا ماماك لي ولداتك عرف شنو كتقول
جود : عارف مزيان شنو كنقول داكشي علاش دور لامومة متجيش ديريه عليا الله يرحم الباك ، باش نتي مي باش حيت حملتي بيا ؟ ولا ولدتيني ؟ غا هاد جوج حوايج لي درتي ليا لاغير او راك تخلصتي عليهوم اولى
سناء : (مرضاتش او جمعاتها معاه بتسرفيقة) حتارم راسك أو عرف شنو كتقول كفاش تخلصت عليك ؟ هادا هوا جزائي حيت تعدبت عليك تا ولدتك
جود : (شاف فيها وعينيه حمرين) تعدبتي عليا داكشي علاش لحتيني او سافرتي عمركي كنتي معايا لا فصغري ولا فكبري او دبا جاية كتقوليلي انا ماماك ، فين كنتي ملي كنت محتاجك نقوليك فين كنتي
اكسيل : (بركليه فخضو باش يسكت ) جود
سناء : (حسات بقلبها تخطف أول مرة تشوف لحقد فعنين ولدها من جيهتها) جود ولدي نتا عارف بلي كنت مضطرة نخليك
جود : واه كنتي مضطرة داكشي علاش ليومنا هذا تا واحد معارف بلي عندك دراري ، لدرجة كنتي كتوصينا منبقاوش نقولو سميتك ملي يسولونا على منا ، (دمعة كانت على طرف عينيه او وجهو ولا حمر بلأعصاب) أنا و صباح او مجد بكترت ماكنا مكنقدوش ندويو على منا قدام ناس ولا كيعاملونا بحال ليتاما ، ولكن عرفتي شنو بكترت مبقاو اعاملونا هاكداك ولينا حنا براسنا متيقين أنو معندناش منا ، داكشي علاش مكاينش لاش ترجعي تحياي مرة خرى بقاي مايتة حسن ليك او لينا
سناء : (متحملاتش هضرتو او عاودات طرشاتو ماشي حيت فكرها بلواجب ديالها لي مدارتش ولكن يمكن حيت مرضاتش من لغالية لي مستحملاتش لوضع او نزلو دموعها) باقي ممتش كون مكنتش انا ݣاع متزاد دير هاد لهضرة فبالك ، او متبقاش تقلل عليا ترابي
جود : سمحيلي مكانتش عندي لي تربيني داكشي علاش
جود : (خرج من لبيت أو مشا طلع عند صباح لبيت دق عليها عاد دخل لقاها متكية او مشا تكا حداها معنقها)
لحاجة : ماديريش فبالك أبنتي راه غا معصب
سناء : انا لي خاصني تتعصب ماشي هو انا غنخليكوم دبا
لغالية : بلاتي نمشي معاك لباب
سناء : ميحتاجش عارفاه فين جا
لغالية : عرفاك عارفاه غا هو خاصني نسدو موراك راك عارفة ليل هادا (تمشات سناء سابقاها او موراها لغالية لي غا وصلو حدا لباب دوات) متنسايش نهار سبت لخطبة الى بغيتي تجي
سناء : داكشي لي كتحلمي بيه عمرو يوقع كيما خوك مقدش اتزوج لبنتي تا ولدي مغياخدش بنت خوك
لغالية : هههه لي ليام توريك اسناء شكون غيضحك فلخر
سناء : عواض متبقاي مقابلة ولادي سيري ليك لشي طبيب ياكما تولدي شي ولد تشدي بيه بلاصتك فهاد لعئيلة
لغالية : بلاصتي مشدودة بلى ولاد ، او زيدون كون كانو لولاد اشدو كون شدوك نتي أبعدا لي عندك تلاتة اولى لا ؟
سناء : (مشات ركبات معاها بلاما تدوي ݣاع)
لغالية : (بقات حاضياها او هي كتبعد تا غبرات عليها) حسابك هو لخر أسماء
صباح : (هزات راسها فجود) مالك كنتي كتبكي
جود : لا
صباح : عادي ݣاع رجال كيبكيو ملي كيقربو يتزوجو
جود : هههه وايلي شكون قالهالك
صباح : كيعرفو راسهوم غيبعدو على زهو ونشاط هههه
جود : من ديك الناحية من حقهوم يبكيو ولكن انا مزهيتش تا فياماتي عاد دبا فاش غنتزوج
صباح : كتبغيها تا باغي تزوج بيها ؟
جود : ماشي شرط تبغي شي حد باش تزوجو
صباح : داكشي ديال لحب ايجي من بعد
جود : لحرب معرف اما لحب مضنيتش
صباح : جود نسولك ؟
جود : سولي
صباح : هاد السؤال كان ضارني فراسي من مشحال هادي ، نتا واش منهوم ؟
جود : (بشك) شكون هوم ؟ الوان ؟
صباح : ألا واش زعما نتا من دوك لي كيعجبهوم اسلخو ؟
مجد : كفاش ؟
جود&صباح : (شافو فلباب لقاو مجد واقف عليهوم) مجد ؟
مجد : مجد شخصيا هادا
صباح : (مشات بزربة تلاحت عليه معنقاه)
جود : شكادير هنا لخطوبة تال سبت شجابك ليوم
مجد : من زهري ديك الشركة وقع فيها واحد لموشكيل فسيسطيم على حساب لموضافين جداد او قالونا سيرو واحد 3 دسيمانات علاما نقادو كولشي او رجعو وهاني جيت ، او دبا كملي سؤال ديالك
صباح : واش نتا سادي ؟
جود : (كان متكي فوق ناموسية تا لقاوه طايح لأرض كيموت بضحك) وامي كرشي ههههههه عاوديها عاوديها سادي ، هاري انا ماشي سادي (وقف قدامها او باقي كيضحك) طاعت الله هادي فصالت سادي وما مكنفوتش عشرة كيلو فلحديد
مجد : رمي مناش كتجيبي هاد لأفكار
صباح : وهوا لي فايت قال لغالية واش لي كيبغي شي وحدة كيبغي اشدها يعطيها لعصا ولا تا يشنقها تا يخرجو عينيها ولا يحزمها معا شي شجرة ويبقا يعطيها يعطيها تا يشحف
جود : لا هو الصراحة تستاهل ندير فيها هادشي ولكن راني غا كنت داوي وصاف
مجد : شتي هاد لقرد غيتزوج تا هو او يدير عئيلة بحالو بحال بنادم
صباح : كان فخباركوم بلي محسن عم ياسمين او خو لغالية صغير
مجد : شنو ؟؟؟
جود : لبارح فسبيطار عاد عرفت ، مفهمتش علاش لغالية خبات عنا
مجد : يمكن عندها اسبابها لي مخلاتهاش فلأخير يالاه بدينا كنعرفو عئيلتها
لغالية : (جات عندهوم) نتوما مجموعين هنا ، جود غدا عافاك واخة تمشي لسبيطار تخرج ياسمين من سبيطار راك عارف باها مغيجيش او أنا عندي شي غراض فسوق خاصني نمشي نقضيه معا باك
مجد : كوني هانية غنمشيو معاه تا يجيبها منها نيت نطل عليها تا انا
لغالية : صافي واخة انا غنمشي نعس بونوي
جود : بونوي ، غنمشيو تا حنا نعسو
#فصباح#
فاق كولشي بكري او فطرو مجموعين ، كان اكسيل مكيدويش معا جود نهائيا او مكيشوفش فيه ݣاع ، سالاو لماكلة او كل واحد يقضي شغلو ، كل من صباح او جود او مجد وصلو لسبيطار لاقيين محسن او ياسمين او مها ومرت عمها كيستناوهوم
صباح : (سلمات عليهوم كاملين من غير محسن لي رمات عليه سلام او صاف) ياسمين كي بقيتي
ياسمين : وأخيرا خلاوني نرجع ناكل لخبز
مجد : مراة خويا شهادشي الزين تا فلمرض
ياسمين : ههههه لوسي شهادشي لعنب تا دبا
مجد : هههههه (دوا معا مريم) خالتي على سلامة ياسمين
مريم : الله اسلمك اولدي
مجد : خالتي كنت باغي نسولك معندكش شي بنت كبيرة شوي من لعئيلة
جود : بديتي عاود
مجد : خليني نضبر على راسي سلعتهوم جربناها مضمونا ها لغالية ها ياسمين بقيت غا أنا
مريم : ههههههه أنشوفليك شي وحدة كون هاني
مجد : لعز
مريم : (قربات عند ياسمين او همسات ليها) خديتي خديتي كنتي تاخدي هاد لمفروح أبعدا شوف لاخر كي عاقدها ، كون كانت بنتي نهيلة كبيرة منفلتوش شوفي تبارك الله كي زين او طويل
ياسمين : او مالك تا جود زوين او طويل او بعقلو راه غا هاد لأيام معصب او صاف
مجد : ملي كاين لبݣاج بزاف طونوبيل وحدة مغتكفاش داكشي علاش انا غنوصل خالتي مريم او سعاد او لحوايج لدار ، او جود او صباح او ياسمين غيوصلهوم محسن
مريم : ولكن ياسمين
مجد : غتقابلها صباح ، يالاه حنا نمشيو
صباح عاونات ياسمين تا ركبات فطونوبيل عاد ركب محسن بلاصة الشيفور او جود حداه او ديماراو غاديين بحالهوم كيما دار مجد
ياسمين : عمي خلينا ندوزو ناكلو شي حاجة راه فيا الجوع
محسن : واخ (شاف فجود لي او دوا معاه حيت ياسمين عاودات ليه شنو وقع ولكن مقالتليهش بلي مقربهاش) واش عادي ندوزو
جود : لي عجبكوم
صباح : (فوقما سمعات ديك عمي كيتقبط عليها قلبها او كتفكر شنو دارت فيه ، هزات طيليفونها او كتبات ليه مساج من نمرتها جديدة فيه جوج كلمات ، *كنبغيك،سمح لي*)
محسن : (طل على طيليفونو واخة كان كيصوݣ ، حس بقلبو كيضرب بجهد ملي قرا مساجها ولكن ديك لأغنية لي تطلقات كانت كافية تعبر على إحساسو)
ياسمين : (لي كانت مركبة ليكوط او طالقة لمسيقة ميسحابلهاش بلي ممركبينش معا طيليفون او لأغنية مطلوقة)
صباح : (وحلات ليها لهضرة او دمعة حارة نزلات من عينيها ملي سمعات ديك لأغنية بحالا كانت لجواب على مساجها)
{من البداية قلت لك}
{إن مش دايما يكون الحب كافي}
{والحياة ليها حسبة ثانية، يومها نزلت دمعة منك فوق كتافي}
{قلتي حاول قلتي حاضر، بس إوعي ما تكمليش}
{لو حتمشي إمشي حالا، لو فضلتي ما تبعديش}
{أنا ما كنتش عايز أعلق نفسي، بحب نهايته جروح}
{ليالي أبني في وهم وحلم وييجي، في ثانية ده كله يروح}
{وأديني خذت نصيبي من حبيبي، جرح قاسي كثير}
{ساعات لما الجرح بييجي بسرعة، بيبقى أهون بكثير}
{من البداية قلت لك}
{وإنت كنت حتى رافضة تسمعيني}
{والنهار ده أنا بسألك}
{أعمل إيه في قلبي اللي حبك فهميني}
{صعب أسامحك بعد جرحك، واللي أصعب إني أعيش}
{بس عارفة حتوحشيني، حتى لو مسمحتكيش}
{صعب أسامحك بعد جرحك، واللي أصعب إني أعيش}
{بس عارفة هتوحشيني، حتى لو مسمحتكيش}
ياسمين : (طفات لمسيقى ملي عاقت بلي كانت مطلوقة بجهد)
محسن : (سطاسيونا الطونوبيل قدام ماكدونالد) انا غنزل ناخد ليكوم شنو بغيتو
جود : دي معاك صباح تعاونك او طلب ليا تا انا
محسن : (عرفو بغا يدوي معا ياسمين) واخ يالاه
صباح : (نزلات من الطونوبيل او مشات معا محسن لي كان سائقها بشي خطاوي)
جود : (غا مشاو رجع لكوسان لوراني ݣالس حداها او ناتر ليها ليكوط من ودنيها) خاصنا ندويو
ياسمين : (مكتشوفش فيه ݣاع) علاش باغينا ندويو على زواج ؟ غا تهنا هاداك هو لي عمرو يكون
جود : داك زواج غيكون بلهلى يطريه لجدك
ياسمين : غتزوج بيا بزز ولا شنو انا مباغاكش
جود : تا انا ديك ليلة مكنتش باغيك او درتي لي فراسك او تا انا غندير لي فراسي
ياسمين : (شافت ليه فعينيه داوية بسخط ) انا غا شرح ليا مالك شاد فديك ليلة نسا أصاحبي داير بحالا عمرك كويتي شي بنت انا وملسقتش فيك بحال هكدا
جود : انا راجل ولد راجل ماشي شماتة ، لحاجة لي هرستها كنقادها ماشي حنلوحها ، او لقاع لي تقبتو كنݣبصو مكنوسعوش او نلوحو
ياسمين : ونا ماشي وحدة كتزوجها بزز غا هني راسك انا ونتا ولا يمكن سميتي وسميتك اتجمعوا فورقة وحدة واخة تكون ديال لموتو
مجد : (شدها من يديها او زير عليها) سميتك غتكون حدا ديالي سوا فحياتك سوا فموتي او على ذمتي غتبقاي تا تودعي ، بديتي لعب أبنت عبد الله انا غنكملو غتولي مرتي باعلى يݣزيه ليك او غتݣلسي معايا تحت سقف واحد ، او غطلبي لفكاك مني او مغتلقايهش (برك على راسها بصبعو) او خلي فبالك بلي نتي لي درتيها لراسك ، دوينا بلعقل او مفهمتيش بغيتي غا لحكام انا مولاه (طلقها او رجع لقدام)
صباح : (وصلات هي ومحسن لمطعم طلبو داكشي لي بغاو او تمو راجعين لطونوبيل ولكن محسن قرر استنا شوي تا يدويو دوك الجوج ، حط دوك الساشيات تاع لماكلة فوق واحد لكرسي وبقا واقف كيستنا ، قربات عندو او شداتليه فيديه) محسن عافك سمح ليا او خلينا نرجعو معا بعضياتنا انا منقدرش نعيش بلى بيك
محسن : (نتر ليها يديها بجهد ممتأترش لا بكلامها لا بدموعها او دوا معاها بصوت كان كيتجهد معا كل كلمة) نسمح ليك ؟ نرجع ليك ؟ تا نكون شماتة او قليل نفس ، انا أبنت الناس درت على قبلك داكشي لي عمرني درت ، صبرت على لعصا تاع خوتك او وقفت قدام باك ونا كنقوليه باغي بنتك واخة كنت خايف منو ، كليت لعصا ونا فرحان كي لحمار عرفتي علاش ؟ عرفتي علاش ؟ حيت كنت كنبغيك كنت كنتسطا عليك ، أنا أصباح خدمت بليل او بنهار باش نجمع لفلوس لدارنا او خطوبتنا (غادي او كيولي حمر الأعصاب او الدمعة على طرف عينيه) أنا أصباح كنت قاطع لهضرة معا طسيلتي عوام او على قبلك مشيت نطلب فيهوم او نزاوݣ ايجيو معايا نخطبك ، انا أصباح مكانتش قادة سما تشدني بفرحتي نضل نتخايل فينا ، او حنا مزوجين او حنا عايشين بجوج انا أصباح بت ليالي وشهور كنحلم بيك ، نشري ليك قرعة دريحة او نشريها لراسي باش نشم فيها ريحتك ، حيت تا تعناق هو لخر معنقتكش أبنت الناس عرفتي علاش ؟ حيت كنت باغيك لحلال مبغيتش نضحك عليك ، انا بغيتك أبنت الناس لدرجة مبغيتش بيها تا ديك لي ولداتني ، ولكن عرفتي نتي شنو درتي (دوا بخيبة امل متزامنة معا دمعة حارة نزلات على خدو) خسرتي عليا مكالمة وحدة تقوليلي فيها مابقيتش بغيتك اولد الناس غدا بلاما تجي تخطبني ، عرفتي شنو وقع فيا او باش حسيت ؟ حسيت بلي بوحدي لي كنت كنبغيك بوحدي لي بنيت لأحلام لي جامعانا , او معا ذلك متيقتش او عواض منمشي لداري ديك ليلة نعس هادا لاداني نعاس بلفرحة ، لقيت راسي تابعك لمطار كيف لمجنون باش نسمع منك شنو ؟ انا مابقيتش باغاك نتا صغير عليا نتا ماشي فلمستوى ديالي ، كون قتلتيني أصباح او مديريش فيا لي درتي ، او رغم هادشي كامل بقيت نحزر فيك او نحاول نلقالك أعذار ، تا وانا فلحبس او طلع ونزل دلإجراءات او لخسارة ديالي لخدمتي كان عندي امل فيك ، عييت نصوني والو
صباح : (نهارا بلبكا) كان يسحابلي راك فعلاقة معا لغالية
محسن : (غوت فوجها) كنتي تسوليني نيشن تجيني نيشان
صباح : (غوتات تا هي اوسط بكاها) كنت خايفة ، خايفة من لجواب ديالك ، كنت خايفة تشوف ليا فعينيا وتقولي صباح انا كنبغي لغالية صباح انا لقيت لغالية
محسن : كنتي خايفة ياك ؟ ماشي موشكيل غرقي فخوفك حيت مابقات بيناتنا تا حاجة نتي فطريق ونا فطريق
صباح : لا عافاك مديرش فيا هاكدا عافاك
محسن : من ليوم تشوفيني قلبي طريق
صباح : كنبغيك امحسن
محسن : كنت كنبغيك أصباح اما دبا مابقاتش عندك تا بلاصة فقلبي ، مابقيتش باغيك أبنت الناس دبا ملي وضاحت لأمور انا كنقول ليك الله اعاون لي بيناتنا سالا (قال هضرتو او هز دوك ساشيات تاع لماكلة ومشا لطونوبيل)
صباح : (حسات بدنيا كضور بيها مسحات دموعها بزربة او جمعات راسها غادية تا هي لطونوبيل راكباها)
ياسمين : (كنت مفقوصة ولكن لماكلة خلاتها ترد شوي ، كان لجو فطونوبيل مكهرب)
محسن : (وصلهوم لدار تاع عئيلتو مخلي جود نازل عند مريم او صباح معاونة ياسمين باش تنزل او مشا هو بحالو بعدما ودعهوم)
مريم : (خلات سعاد دخل ياسمين او بقات هي معا دراري) دخلو تشربو شي كويس داتاي
مجد : بلاما نعدبوك عندنا شي غاراض تابعنا نقضيوه
مريم : على خاطركوم
جود : سبقوني لطونوبيل باغي ندوي معا خالتي مريم
مجد : واخ : (مشا دخل هو وصباح لطونوبيل)
مريم : الله اسمعنا خير
جود : (تلف مسكين ماعرف مناش يبدا) عارف بلي هادشي جا على غفلة ونتي معارفانيش مزيان ولكن لمكتاب تصرف ، تقدري تكوني مقابلاش هاد زواج ولكن حاليا هو لخيار لمناسب ليا انا وياسمين باش نصلحو غلطنا ، او هادشي مكيعنيش بلي راني واخدها بزز مني ولا غا باش نغطي على فعلتي ، زواج حاجة عندي مقدسة او بنتك هي لي تكتابلي نتزوج بيها
مريم : (رتاحتليه شوي بعدما سمعاتو شنو قال) سمعني اولدي نقوليك عوينة وحدة باش كانشوف غتديها ليا ، لغلط كيوقع او مزيان ملي بغيتي تصلحو ولكن متحسبهاشاي شائكة ولا بنت الزنقة ، واخة تشوفها هازة لبلية او عاطيا الجبهة كتبقا بنت صغيرة لداخل ديالها فواحد لوقت تا هي كانت بحال لبنات لوخرين مهدنة او كتكمد لݣلبها ، ولكن كترت صبر كيضبر غا هو ياسمين ماشي من نوع لي تآدي لوخرين كتبدا من راسها ، صعيبة وقاسحة الا متشداتش بلخاطر مكتشدش ، داكشي علاش سير معاها غا بلخاطر
جود : ايكون خير (مد يديه لجيبو او جبد منو واحد جوا فيه شي فلوس) ها واحد لبراكة تاع لفلوس خوديليها بيها شي حاجة لخطبة (مد ليها هاد لمرة شيك) او هاد الشيك على حساب لخطبة الى حصلت شي حاجة يمكن ليك تعيطي ليا ها نمرتي
مريم : (مابغاتش تشدهوم) لاواه اولدي مكاينش لاش حنا غنتكلفو
جود : (اصر عليها تا شداتهوم) عارف هادشي جا بكري او مدرتوش بحسابكوم ، او زيد عليها من عادتنا الراجل هو لي كيقوم بكولشي من لخطبة تال لعرس ، كنت بغيت نعطيها هاد لفلوس ولكن راك عارفاها غتمشي تخسرهوم فشي جايحة ، انا غيخصني نمشي دبا
مريم : الله اعاونك
جود : آه قبل منسا متخليهاش تخرج من الدار تا على حساب الصخرة يمكن ليكوم تصونيو عليا نتسخر ليكوم ولكن هي متخليهاش تخرج بتاتا
مريم : وعلاش ؟
جود : كترت تحراك ممزيانش لجرح ، او زيد عليها مكيعجبنيش داك دخل خرج ديالها
مريم : (بتفهم) كون هاني
جود : بسلامة (مشا دخل لطونوبيلتو كيما دخلات هي لدار)
مجد : (كان هو لي كيصوݣ) مالك أصاحبي عاقدها تقول ݣنازة لي عندك ، زعما عرسك هادا
صباح : راه مسكين معا سطريس تاع زواج اول مرة داكشي علاش
جود : شوف لخبرة كتدوي شحال من عرس مدوزة ابنت بويا ؟
مجد : نمشيو لبحر ؟
جود : هبلتي لمغرب قرب او لكز برا ونتا كتقولي لبحر
مجد : تا بربي تا نمشيو لبحر (ضور طونوبيل او مشا لبحر بلاصات او نزلو كاملين) الله على منضر
جود : مخليني جدك تا لبست توني عاد جايبني لبحر
صباح : (بقات غا ساكتة وكتشوف فلمواج)
مجد : لأخت حضيا لبحر ليرح
جود : حاضيا لمواج لتعواج
صباح : آدادا عيط الله تصيب الله ههههههه
مجد : عرفتي فاش كنشوف لبحر شنو كنتفكر
جود : شي قتلة كليتيها حداه
مجد : (بقا كيضحك تا دمعو عينيه او فنفس لوقت كيعاود ليهوم) أول مرة كنت انا وهاد دحش باغين نجربو نكميو او حصلنا باك
صباح : ههههه علقكوم ؟
جود : (تا هو بدا كيضحك) هههههههه ياريتو علقنا
صباح : عاودو ليا عمركوم عاودتو ليا هاد لقصة
مجد : (باقي كيضحك) ههههههه واع شنو تفكرت ، احن دبا فاش كنا فتامنة انا وهادا كانت فينا ديك زعامة لخاوية زيد عليها داك لكوليج تاع محمد لخاميس فاش قرينا كان مخالط ها شماكرية ها لي باع بزناز ها لي مبلي هالي كيقرا معا ولادو لموهيم كولشي مخالط ، نضت انا بزهو لي فيا طحت فخت واحد الشمكار
جود : (بقا كيضحك تا تخنق) كانت من داك نوع لي ضفرانها فيهوم سباغة مقشرة او لابسة سروال مشنوق من لفوق او عريض من لتحت جابتو ليها خالتها من سبانيا ههههههه كان عندك اعشيري واحد الضوق ياربي السلامة
مجد : تفو عليك متفكرنيش لموهيم انا ملي لقيت راسي زالق فيها كان خاصني معجب خوها لول او باش نعجبو خاصني يانكون ملعق يا كملي بحالو او راك عارفة لواليد ميعجبوش نفوحو على ناس حقا عندي ودوك لمسائل داكشي علاش كنا كنبانو حازقين هو الصارحة دالله كنا حازقين ، لموهيم معلينا لولة مشات بقات تانية وهي نكون كملي ولكن تا هادي مكنتش كنديرها ولكن كان يمكن ليا متعلمها ، داكشي علاش جريت معايا هادا باش نتعلمو لكمايا
صباح : او شنو كانت مصلاحة جود
مجد : وايلي راه غيكون نسيب شمكار زعما ، لموهيم خلينا لواليد تا مكانش فدار الله يسمحنا منو كنا مشيبينو ، مشينا لكوزينة او لوينا لوراق بعدما عمرناهوم بفليو وبدينا كنحاولو نشعلوها تا شعلات ولكن معرفناش نكميوه يتا وقف عنا باك كيف عزرايل ، او قالنا شكاديرو حنا تلفنا ماعرفنا مانقولو ، هو يقولنا باغيتو تكميو علاه ناس كيكميو بلوراق ؟
جود : ههههههه هاد صݣع طاح فلفخ هو يقوليه بكل تسنطيح لا قلنا نجربو فلوراق عاد نشريو لݣارو دبصح
صباح : (بكات بضحك)
مجد : لواليد شاف فينا بهدوء او قالنا آجي نوريكوم كفاش تكميو حنا تقنا او فعلن ورانا غا هو كان غيحيدنا لحلاقم ، سيد ملي برم لورقة دار فليو او سودانية وعطانا نكميه او ورانا كفاش نجبدو دخان او نخرجوه ، ايوا منقولوكش لعافية شغلات فينا ولينا نزغرتو بلبكا ، وقف هنا ابدا شد لما او كتر فيه لملحة وعطاهنا نشربو منو ، حنا بلحر فرحنا ملي شفنا لما ولكن غا شربناه رحنا كنزغرتو عاود
جود : ولكن بداية باقي عاقل على شنو قالنا ، “ماشي لي كما شي ݣارو يقول انا راجل ، الرجلة نفس ولي معندو نفس كي لكلب لي كينبح بلاما يعض ، داكشي علاش عضو او متنبحوش*
جود : يالاه نرجعو راه برد لحال
مجد : يلاه (ركبو فطونوبيل او تمو راجعين لدار)
جود : (غا سلم عليهوم تم طالع لبيتو) انا غنمشي نعس بلاما تفيقوني صباح ، لغالية غدا وجدو راسكوم غيخصنا نمشيو بكري لمدينة
لحاجة : علاش بسلامة
جود : ليوم الحاجة تنين او غدا تلات انا مخدامش خصنا نمشيو نتقداو شي حوايج لخطوبة
صفية : ومالك داي غا لغالية وياسمين حنا معجبناكش ؟
جود : كنتو اتقبلو تمشيو كون قلتها ليكوم ؟ لا اظن مكاينش لاش نطولو فلهضرة تصبحو على خير (متسناهومش أدوية او طلع لبيتو ينعس حيت كان عيان)
#فصباح#
كانت ديك لعشرة تاع صباح فش خرج كل من جود او لغالية و صباح يتقداو لحوايج لي خاصين لخطبة ، كانو لبنات كيهزو داكشي لي خاص بحال شي كساوي لياسمين او شي توابات او حيت كانت غا لخطوبة مشراوش بزاف بزاف خلاو تال لدهاز او يشريو كولشي ، جود كان هو لي كيخلص او كيشوف غا لحوايج لي شراو ليها واش طوال ولا ، من غير لكساوي شراو ليها شي كولونيات ماركة او شي پرودويات تاع لوجه او شي مكياج خفيف
جود : (كان مسكين هو لي هاز دوك الساشيات كاملين بوحدو وباين فيه لعيا) باقي شي حاجة خرى نشريوها
لغالية : ههههه لا لا صافي سالينا بقاونا غا لخواتم تاع لخطبة نشريوهوم او نمشيو بحالنا
جود : غا يالاه نمشي لخواتم تا ندوز نشريهوم انا ملي نخرج من لخدمة
لغالية : صافي على خاطرك
جود (خرجو من لمحال معا ديك ستة دلعشية وركبو طونوبيلتهوم باش ارجعو لدار)
لغالية : جود وصلني عافاك لدار تاع ياسمين حيت أنݣلس معاهوم هاد ليامات نعاونهوم
جود : واخة (وصلها تال دار او قبل متنزل دوا معاها) لغالية قولي امين ياسمين تبدا تصاييب تاع لوراق
لغالية : شمن وراق ؟
جود : لوراق تاع لعقد
لغالية : صافي واخة كون هاني بسلامة
صباح : بسلامة
لغالية : (مشات دخلات لدار فحين جود او صباح رجعو لدار تا هوما) السلام عليكم
كلتوم : (كانت ݣالسة فالصالون كتخوي ليهوم فاتاي) وعليكم السلام أبنتي جيتي زيدي تݣلسي
فرح : (جات هي ولدها صغير) لغالية غبورات هادي
لغالية : (خدات من عندها نوفل حاطاه فوق ركابيها كتلعب معاه) تا نتي غبرتي
فرح : واش فعلا داكشي لي سمعت
لغالية : شسمعتي ؟
فرح : سمعت بلي راجلك عند تلاتة تاع دراري كبار منهوم واحد غياخد ياسمين
لغالية : واه عندو جوج دراري وبنت
فرح : هي شي واحد شارفة
لغالية : عندو 46 عام
فرح : (شدات فمها شاهقة) ويلي على 46 عام كبير بزاف
مريم : نتي لي كبيرة سيد كيبان خوهوم ماشي باهوم لقلدة وزين ها مك براسها سوليها
سعاد : فرح عندها لحق ايكون كيما بغا يكون راه كبير عليها بزاف او عندو دراري ، وهي باقة صغيرة خاصها طلق منو او تشوفها شي حد فعمرها ليوم ولا غدا غيعيا مايقد ايدير والو ضيع هي ، هادا لاما يكون عيا نيت باقي كيتحرك شوي ولا مات ليه
لغالية : هههههههه لواه الحبيبة متخالطيشاي بين ديالي وديالك ، راجلي انا صحيح كي لعاود مكيعياش ، او نزيدك داك طلاق هو لي مغيكونش مغنفرطش فراجلي تاج راسي مول لعقل او نمشي نتبعلي لبرهوش دلخلى ، او الله اعزل لماتال شارف بفلوسو آرا داك الراس نبوسو ، او مرد بشبابو ديه لمو تحوصو
فرح : أختي تبدلتي بزاف مكنتيش هاكدا دبا غا حيت عندو لفلوس قابلة بيه هاكدا كون كان شي مݣرد كون وا فرطتي فيه
لغالية : لي هزني ملي لاحني با كي جفاف او دارني تاج فوق راس عليه منتفرق غا تهناي ، او ديها فراجلك صغير او لمݣرد انفعك ، أه مريم قبل منسا قالك جود خاص لوراق تاع زواج دياسمين نبداو فتوجاد ديالهوم
مريم : ان شاء الله غدا انمشي نخرج ليها شي نسخ
ياسمين : (هبطات عندهوم لتحت باش تݣلس معاهوم شوي حيت قنطات) مي خويليا شي كويس داتاي
لغالية : (مدات ليها لكاس) هاكي
ياسمين : جبتي طيليفوني معاك
لغالية : واه ها هو
فرح : لحبيبة دعمتها مبروك مدرتي
ياسمين : الله ابارك فيك اعمتي
فرح : لبنات دغيا كيكبرو هاهي ياسمين لي كانت قد هاكدة غتزوج تا هي
مريم : لوقت كطير
لغالية : مزيان ملي هبطتي دويت معا طريطور على حساب لخطبة ، غيجيو غدا يشوفو الصالون فين غنديروها او حنا خاصنا نختارو شكل تاع طبالي او لحلوة او لماكلة
ياسمين : هاد تخربيق كامل معندي ماندير بيه انا ، صداع الراس ايجيو اشربو أتاي ويمشيو
لغالية : هاد لهضرة قوليها كون كنتي اتزوجي بشي واحد باحال باك ، اما نتي فراك غتزوجي لقاضي جود آيت اوسو حفيد لحاج محمد او دري لكبير دإكسيل ، يعني غتكوني عروسة لحاجة يزة زواجك مغيدوزش بسكاتي واحة ميعجبكش لحال ، نتي شخاسرة شدي ركنة او ديها غا فراسك بلوصفات او خلي راجل يسرف عليك
ياسمين : ديرو لي بغيتو انا مشغليش
لغالية : تا هاديك مزيانة
ياسمين : أنا غنمشي نخرج غا لهنا ونرجع
لغالية : ݣلسي راك يالاه خرجتي من سبيطار
ياسمين : قنط فدار باغة نخرج غا لجردة
مريم : باغة تخرجي تشواري معا راجلك
ياسمين : هاء ؟ دغيا لبقتيه ليا ايمتا ولا راجلي بسلامة
مريم : دري وصاني منخليكش تخرجي ونا عطيتو لكلمة بغيتي تخرجي دوي معاه
فرح : ياويلي امريم على تشاور معاه ضارب عليها لكاغيط لحكام من دابة خلي لبنت تخرج قاتلك تشاوىو
لغالية : راها محسوبة عليه تقريبا لكلمة تعطات او سيد مابغاهاش تخرج مكاينش لاش تقسح راسها
ياسمين : صافي غا هنيونا انا غندوي معاه صفي (مشات طلعات لبيتها ولبسات ليها واحد سروال مزير مبين طرمتها مزيان او عازلها ، ودارت معاه واحد لقميجة من لفوق مطويلاش بزاف او خرجات او هبطات عندهوم) يالاه هاني خارجة
مريم : دويتي معاه ؟ خلاك تخرجي فهاد ليل ؟
ياسمين : (كدبات عليها) واه قال ليا غا خرجي او متعطليش ، هاني مشيت (خرجات بزربة قبل ميكترو عليها لأسئلة ، او حدها فاتت لباب تاع برا ضربات فشي حد) واش راك عور مكتشوفش ؟
جود : فين خارجة بسلامة (ملي وصل لدار لقا بلي لغالية نسات ساكها فطونوبيلتو داكشي علاش تم راجع عندها ، بلاصات طونوبيلتو فراس تاع درب او نزل منها كيتمشا على رجليه تا بانت ليه ياسمين خارجة من ضارها بزربة ، وكغمتها كاملة كتبان من داك سروال لمزير ، عقدهوم او قرب عندها)
ياسمين : (هزات عينيها فيه مصدومة) شكادير نتا هنا
جود : راني سولتك فين خارجة ؟ او شهاد لخرى لابسة ؟
ياسمين : مال حوايجي معجبوكش ؟ ياك كنت كنلبسهوم شحال هادي مكنتي كتقول والو مالك دبا مخنزر فيا كي تور ؟
جود : غندخل فيك نوريك تور مكنتش كنتسوق لباسك حيت مكان بيني وبينك تا وزة دبا راك محسوبة عليا الحاجة ، بنتليك تامل تا تخرجيلي بكولون او مساطتك كاملة كتبان
ياسمين : شوف الله يرحم الباك هاد لحكام ديالك سير ديرو على ختك إيما انا فوتني عليك ، او زيدون باقي مدرنا فطاجين ميتحرق نخرج وقتما بغيت او معامن بغيت ، لابسة شنو بغيت ونتا مشغلكش فيا با ؟ تا تحكمني
جود : او حيت أنا ماشي شماتة تاع باك مغتبقايش تخرجي عليا بهاحدا مساطتك كاملة كتبان ، تامل لي داز ابقا يعبر فيك
ياسمين : (قربات عندو) أهيا شتك بحالى كتغير
جود : زيدي لدار ونتي فيك كترت لهضرة
ياسمين : راني مليت فدار او باغة نخرج
جود : زيدي لدار مشغليش انا
ياسمين : مبغيتينيش نخرج بوحدي ؟ اوا خرجني نتا
جود : هاء ؟ نخرج أنا وياك ؟ او بوحدنا ؟ تا نكون هبيل لواحد كيتخور مرة وحدة ماشي جوج ، آخر مرة بقيت انا وياك بوحدنا صدقنا غنتزوجو هاد سيمانة ، الى مشينا دبا غنديرو سبوع شهر الجاي
ياسمين : ناري على زمر هاني راجعة لدار حسن ليا ولا نݣلس معاك
جود : شايفاني كنحزرك تݣلسي معايا هاكي عطي هاد ساك لعمتك راه نساتو عندي فطونوبيل
ياسمين : (خدات من عندو ساك او مشات كتلوا)
جود : (صغر عينيه فمشيتها او هو عاقدهوم بلعاني كتفقصو ، تسناها تا دخلات لدار عاد ركب طونوبيلتو او رجع لدار)
صباح : جود رجعتي ؟
جود : واه (ملي شافها لابسة پيجامتها طويلة او زيف عرف بلي عندهوم شي حد) شكون جا ؟
صباح : علاء لي جا يشوف لحاجة
جود : مزيان ياكما قالك شي حاجة
صباح : (قربات عندو او دوات بشوي) سولني على شيماء واش كاينة عندنا
جود : شيماء ؟ لبنت لي خدامة هنا ؟ شبغاها ؟
صباح : معرفتش ولكن ملي دخلات عندنا باش تحط آتاي بقا نتبعها بلعين او هي بحالي كانت مخاصمة معاه قلبات وجها
جود : شكون عرف تا هو شكيرون انا غنمشي نسلم عليه او نطلع لبيتي نعس راني عييت (تخطاها ومشا دخل لصالون سلم على علاء او طلع فحالو)
علاء : (بحالا كان ݣالس على الشوك من صباح او هو كيسيفط لشيماء ميساج او كطلع ليه لvu ، ولكن فلأخير جاوباتو على آخر مساج سيفطلها ، *باغي ندوي معاك أشيماء ستنايني برا حدا طونوبيل* ، *واخة* شرب داك لكاس داتاي بزربة وناض ) لحاجة نخليكوم انا دبا
لحاجة : مغتݣلسش تعشا
علاء : لا أنا دبا مزروب عندي شي غراض خاصني نقضيه
لحاجة : ايوا الله اعاونك
علاء : (خرج بزربة بعدما سلم عليهوم او مشا لفين بلاصا طونوبيلتو لاقي شيماء تما) شيماء
شيماء : (هزات فيه عينيها وهي معفرة عليه ) لاش معيط عليا
علاء : (من نبرة صوتها لباردة عرفها باقي مقلقة منو ، قرب عندها تا كان بيناتهوم سونتي ميطرات قلال) سمحيلي على ديك نهار كنت معصب بزاف
شيماء : باش غتنفعني سماحتك بعدما خليتيني فتلت لخالي بوحدي بنت تما ، كون ما واحد لبوليسي لي جا عاوني كان غيتعدا عليا داك شمكار
علاء : (ساق لهادشي لخبار) عارف راسي غلطت معاك اومكانش خاصني ندير ليك بحال هاكدا او معندي تاشي عذر يشفع ليا ، ولكن كنت غنتسطا عييت نصوني عليك تا من لغالية قالتلي بلي مراكش هنا
شيماء : انا لي مبغيتكش نشوفك (كانت لداخل ديالها فرحانة شوي بشوفتو ، واخة كانت مقلقة منو ولكن شنو دير قلبها ممطاوعهاش طايحة فيه دودة ، او تا اهتمامو لي بان من لاپيلات او لميساجات او تسوال عرفاتو نادم)
علاء : (زاد قرب عندها مكاليها معا طونوبيل) شنو ندير باش تسمحي ليا
شيماء : (قلبها باغي يخرج من بلاصتو ريحتو طلعات ليها معا جدورة دشعرها ، ولكن كتحاول تبين بلي ممتأتراش) بعد عليا متعرفني منعرفك كلى يشد تيقارو او يعرف بلاصتو ، ودبا طلقني بغيت نمشي
علاء : (زاد قرب ليها ملاسقها معاه) ويلى مابغيتش نطلقك
شيماء : (توترات بقربو) غن غن نغوة تا يسمعوني
علاء : تا غوتي نسمع
شيماء : وا..(قبل متكمل غواتها حسات بشنايف سخان تحطو على ديالها ، طرطقات عينيها مصدومة علاء كيبوس فيها تلفها)
علاء : (فصل فمو على فمها بلاما يبعد عليها او دوا ضاحك) خاصك تؤدي عينيك
شيماء : (مسكينة معرفات باش تبلات ، غا شافتو زاد قرب منها باغي يبوسها عاود دارت ليه يديها على فمو) هدا شكادير ؟ واش ت.تسطيتي ؟ لاش كتبوس فيا بسلامة ؟
علاء : معجابتكش نعاودها
شيماء : (ضرباتو لصدرو) باسل كيف داير حيد عليا غيشوفنا شي حد
علاء : ويشوفنا
شيماء : ساط ليك لبرد فمخك بعد عليا ( دفعاتو عليها او رجعات لكوزينة وهي باغة تموت بلحشمة)
#بعد 4 أيام#
كانت روينة نايضة فدار سليمان جري منهنا ومن لهيه تقول عرس ماشي غا خطبة ، ولكن الصارحة تقال طريطور قام بلواجب صالون بتفريشة جديد او ديكور تاع طبالي زيد عليها لماكلة بشكال او نواع ، ياسمين لي كانت باقة خامرة فراشها دخلات عليها مها كتولول
مريم : (لابسة واحد لقفطان بلكحل او مقادة راسها واخة مدايراش ماكياج بزاف ولكن حيت هي أصلن كتحمق بزين ، بانت فنة ياسمين ليها لاش شبهات) هاويلي على لبطبوطة باقة خامرة تي نوضي ناس قريب ايجيو ونتي موجدتي تا راسك
ياسمين : (تهرس فيها نعاس) هاني نايضة على صداع
مريم : نوضي نوضي دوشي وصايبي شعرك او ماكي شوي ولبسي شي كسوة زوينة راه خوطوبتك زعما هادي
ياسمين : واخة واخة (خلات مها تا خرجات عاد مشات هي دوشات بزربة او نشفات شعرها ولبسات ليها قبية معا سروال او نزلات عندهوم)
مريم : (كانت هازة الصينية تاع لكيسان توصلهوم لكوزينة) شتك باقة ملبستي
ياسمين : بنتلك عريانة راني لابسة
مريم : (حطات الصينية فلأرض او حيدات شربيلها مشيرة عليها بيه) باغة تفقصيني أدوي لابسة ليا قبية وسروال خارجة معا صحبتك
ياسمين : شحال فيكوم هاني طالعة نبدل عليا (طلعات لبيتها مرة خرى او حيدات حوايجها ولبسات عليها واحد لكسوة كحلة بليدين أو لكول طالع او من لتحت طويلة ومطلوقة ، او مشبكة من ضهر ، مدارت تا قطرة دلماكياج اوجها او بقات كتستنا فبيتها)
#عند لغالية#
لحاجة حلفات لامشات معاهوم او تا هوما محزروهاش ، كولشي تقاد لغالية وصباح ݣربوليك واحد مولاتي جليلبات داكشي لفريع تاع لحضور ، عاد زيد عليها دوك لإكسيسوارات ، لحاج دار جلابيتو لي من تحتها قميجة مشط شعرو او مسك راسو ، سيد كيبان صغير عاد دوك جوج حلاقم جود او مجد لي ضربو كوستيمات عصريين سروال قصير شوي او فيستا متقونة ولتحت طوني ، جود لبس لكوستيم برمادي وطوني كحل ، او مجد لبسو بلكحل معا طوني بيض ، رضو شعرهوم اللور او عامو بريحة
مجد : كي جينا
لغالية : كتحمقو الله يحفضكوم من لعين ، جود لخواتم عندك ؟ شريتيهوم أبعدا
جود : واه
لغالية : وريني نشوف شكل لي خديتي
جود : (وراها لخواتم لي كانو عبارة على جوج خواتم سانپل بزاف ولكن كيوت ، ديالو هو مافيه والو ويلى ديالها هي فيه حجرة مغروسة وسطو) غنقضيو بهادو الى معجبوهاش نبدلوهوم من بعد
لغالية : زوينين غيعجبوها
صباح : (سمعات سرسار فلباب) غتكون ماما هادي لي جات
لغالية : علاه قالتلك أتمشي معانا ؟
صباح : راه مشا بابا هاد صباح أدوي معاها غيكون جابها
لغالية : (معجبهاش لحال ملي مشا اكسيل يدوي معاها بلاما يتعلمها او زايدها جايبها معاه ، طولات فيه الشوفة وهو واقف حداها مآنتيكي وسناء واخة معاجبها حال جات مقادة ومزوقة ، ديك لوقفة لي وقفو بجوج محملاتهاش) على سلامتها أ إكسيل ملي جيتي كنا غنمشيو بلى بيك
اكسيل : كان عندي شي غراض مشيت قضيتو
لغالية : غاراض ؟ مزيان يالاه نمشيو غنتعطلو
صباح : فاشمن طونوبيل غنمشيو ؟
لغالية : غنمشي انا وباك فطونوبيل ديالو باش نهزو فيها لحوايج ، مجد او لحاج او خالتي سناء ايمشيو فطونوبيل ، ونتي وجود أتمشيو فطونوبيل
جود : صافي مشات
لغالية : صباح ردي لبال لداك لورد راه فطونوبيل تاع جود
صباح : كوني هانية أنرجع اللور عندو
خرجو مجموعين من الدار او ركب كل واحد فيهوم فطونوبيل
اكسيل : (ركب فبلاصت الشيفور او دار عند الغالية) مالك قالبة وجهك واقعة شي حاجة ؟
لغالية : شوف نتا
اكسيل : من لخر جيني نيشن
لغالية : ديماري طونوبيل او يالاه فحالنا غنتعطلو
اكسيل : حنا مغاديينش ݣاع تا تفهميني شواقع ، لهلا نحضرو لجد باباين هاد لخطوبة ݣاع
لغالية : داير راسك زعما معارفش ، شداك عند سناء فهاد صباح بلاما تقولها أدوي
اكسيل : هاد لحالة كاملة حيت مشيت عند سناء هاد صباح ، كان خاصني نمشي ندوي معاها خطوبة ولدها او متحضرش بحالا يتيم ، او زيدون عييت نفيق فيك نقولهاك والو مفقتيش
لغالية : (ديك لهضرة كاملة متسرطاتش ليها) هاد لخضرة سير قولها لشي حد آخر ماشي ليا سمعتيني ، آه هاز لولدك لهم اوحق لهضرة لي كتدوي معاه ياك منين عرفتي ونتا قاطع معاه لكلام ، جي من لخر او قول توحشتي ديك لكلبة او درتي السبة بولدك باش تمشي تشوفها
اكسيل : (رجع شعرو اللور مخنزر) الله ياربي واش راك عارفة شكتقولي ولا غا داوية شمن توحاش ايشدني من جيهتها ونا مطلقها 16 رعام هادي واش كنبان ليك زامل ، مشيت ندوي معاها باش تجي تخطب لولدها لا أقل ولا أكثر
لغالية : مابغاتش تجي تݣلس لاش تمشي تبقا تحزر فيها او ديرلها الشان ، مقبلاتش هي ولحاجة او ختك بنت خويا اضبرو راسهوم ، ولكن نتا عطيتيهوم علاش كيقلبو شغايقولو مشا يحزرها تحضر حيت الى محضراتش مغيقدرش اخطب لولدو
اكسيل : (تنهد) استغفر الله العظيم ، غنحبسو لهضرة هنا حسن لنصدقو فشي حاجة خرى تفوت هاد لخطبة او ندويو
لغالية : (قلبات وجها لجيهة الزاج او سكتات مخليا اكسيل كيصوݣ)
#عند ياسمين#
كانت مريم مسكينة كتمشي وتجي فدار تشوف واش كولشي واجد او فرح او كلتوم معاونينها ، اما سعاد فكانت مقابلة دراري صغار ، سليمان لابس جلابة بزيتي بارد اما ناصر او عبد الله لابسين سروال معا فيستا ديالو او ݣالسين فصالون
سليمان : (شاف فولدو عبد الله لي كان باين عليه السخط) شوف اولدي خلي هاد الليلة الدوز على خير لبنت غلطات واه ولكن راه غيجي دري يخطبها او يصلحو لغلاط
عبد الله : تا جابتلي لفضيحة او شوهاتني معا الناس عاد جا يخطبها او زيد عليه داك الشارف دباه متسرطش ليا
سليمان : اتسرط ليك ولا يݣلس فلخر كيبقا راجل ختك
عبد الله : الشمتة كتحرق فيا كون ما ديك لكلبة طاحت معا ولدو ، بالله لا بقا معا لغالية
ناصر : شكنتي غدير ليه السيد باينة حجرتو تقيلة فلبلاد ، راك شتي غا لخطوبة شحال حط فيها ولدو
كلتوم : (ملي سمعات الصوت تاع الطونوبيل جات كتجري لصالون) سليمان عبد الله نوضو راه جاو الناس
سليمان : (وقف او مشا معاها يحلو لباب او يستقبلو الناس)
كلتوم : (واقفة حداها منى لي جات معا محسن) مرحبا و ألف مرحبا دخلو
لغالية : (سلمات عليهوم من لوجه او دخلات هي وصباح لي دارت نفس الشي)
مريم : كي دايرة أبنتي لاباس
صباح : لابس لحمد ، ماما هادي مريم ماين ياسمين
سناء : (كانت بغات تسلم عليها مريم من لوجه سعا مدات ليها يديها بنفخة) سلام
مريم : (سلمات عليها بيديها او هي فاهمة بلي ماين لعريس مقابلاش هاد زواج ، طلعاتها او نزلاتها بلخف لابسة كسوة حد الركبة او مقادة راسها مكتبانش فيها حالة وحدا عندها دراري) وعليكم السلام متشرفين تفضلو
لغالية : (غمزات مريم او دوات معاها بشوي) فين ياسمين
مريم : راها فبيتها كتوجد راسها ، مال هاد ماين ربيبك هازة شوكتها
لغالية : متسرطاتش ليها ولدها اتزوج ببنت خويا ولكن غا خليها ماعندها ماتقول
صباح : (دخلات لصالون هي ومها او خوتها او شدات ليها واحد السداري ، خاطفة الشوفة فمحسن لي مكانش وسوق ليها ݣاع او كيدوي غا معا دراري)
سناء : (ردات لباب لفين كتشوف صباح) نوضي عندو ݣلسي حداه او زيدي فقصيني بحال خوك ، حمد الله قطعتي خطوبتك بيه
صباح : كون مكدبتيش عليا مكناش غنتفارقو
سناء : هنينا من صداعك
سليمان : (كيدوي معا لحاج) الشرف لينا السي لحاج ملي جيتي مناش نتوما ؟ مكنضنش بلي منهنا
لحاج : حنا من خنيفرة
عبد الله : (بطنز) من لحفرة بلاد لحوالة
إكسيل : علاه خنيفرة بلادك ؟ مفخباريش
عبد الله : (مرضاش) فكرني فسميتك
لحاج : سميتو اكسيل
عبد الله : فاش خدام اسي إكسيل
إكسيل : فاشما معنديش خدمة وحدة
عبد الله : قول سبع صنايع و رزق ضايع
إكسيل : لي رزقو على لي خلقو مكيضيعش
كلتوم : (جات بالصينية تاع أتاي) مرحبا و ألف مرحبا
لغالية : (فرقات لكيسان داتاي عليهوم واحد بواحد) مريم كون عيطي لياسمين
ياسمين : بلاش هاني جيت
جود : (لي كان كيشوف فعبد الله او كارز على يديه مكرهش اينوض عندو ، ضور عينيه لجيهة لباب مناش داخلة ياسمين بديك لكسوة لكحلة او وجها مفيه تا قطرة دلماكياج تقول السيدة شادة لعزو ، عقدهوم او طول فيها الشوفة متبعها بعينيه تا مشات ݣلسات بين مها ولغالية) استغفر الله العظيم
مريم : (بقات غا كتشوف فياسمين) شاك ݣلستي نوضي عزي الناس
ياسمين : مال لكسوة مجاتش معايا
لغالية : جاتك كتحمق ولكن كون خليتيها لشي نهار آخر ماشي نهار خطوبتك او داك لوجه مدرتيليه تا عكر هو لخر
ياسمين : هانتي قلتيها غا خطوبة
جود : (جبد طيليفونو او كتب ليها ميساج ) “طلعي بدلي عليك هاد زمر راه كاملة مشبك من ضهر”
ياسمين : (مجاوباتوش او كتافات غا تبتاسم قدامو فاقصاه)
اكسيل : (شاف فلحاج) لحاج
لحاج : غا دوي نتا
إكسيل : (تقاد فلݣلسة او حنحن) احن سي سليمان مكاينش لاش نطولو فلهضرة داكشي علاش غندخل لموضوع نيشن ، كيما كتعرفو نتوما عندكوم بنت او حنا ولد داكشي علاش جينا قصدناكوم نطلبو منكوم يد بنتكوم ياسمين لولدنا جود على سنة الله ورسوله
فرح : لغالية هادا لي دوا دابا هو راجلك ؟
لغالية : واه هو علاش
فرح : كيبان قاصح
لغالية : راجلي حنين غالي مكيعرفوش
عبد الله : (باغي يطرطق شاف فياسمين قبل ميدوي ) مكاينش لاش نبقاو نغطيو شمس بلغربال لي عطا الله عطاه او ولدك دار معا بنتي مابغا ، او أنا تشوهت بين الناس داكشي علاش ماهي بنتي مانا باها راها محسوبة عليكوم انا لي موهيم عندي تخرجو عليا هاد لموسخة من ضاري
سناء : (مفهمات والو) بلاتي بلاتي كيفاش دار فيها مابغا او جابتليك لعار ، باغي تقول بنتك متقوبة او باغي تلسقوها لولدي
مريم : شريفة ديري لما منين ايدوز داري بغاو بعضياتهوم او غلطو او دبا بغاو اصحو لغلط ديالهوم
سناء : (لقات السبة) سمعيني اشريفة ولدي غالي عليا ملي غنبغي نزوجو غنزوجو لبنت لآصل ماشي وحدة كتعطيه برخيص يعلم الله شحال من واحد حكها قبل من ولدي ، ولي عطاتو مرة تعطيه جوج او تلاتة
جود : (تعصب نيت او وقف جار مو او داويلها فودنيها) “ݣلسي وخلي هادشي يدوز على خير ولا برب لعالي تا نعبر فبنادم نوريك شكون رخيص او شكون لغالي أميمتي ، وطريق لي سرحتها ديالتي صافي”
سناء : (مالقات ماتقول او رجعات ݣلسات كتغلي)
سليمان : (بغا يلطف لجو) لحاج نقراو لفاتحة ؟
لحاج : على بركة الله (هزو يديهوم لسما او قراو لفاتحة بيناتهوم)
لغالية : (زغرتات هي ومنى واحد تلاتة تاع دزغريتات) الله اكمل كولشي على خير
مريم : (متسرطاتش ليها داكشي لي دارت سناء او زادت فاش هزات عينيها لقات عبد الله كيشوف فيها هي تكمل)
منى : مريم مالك
مريم : مشتيش ديك لكلبة على طريقة باش دوات على ياسمين ، والله كون مكانتش خطوبة بنتي تا نريشها
لغالية : متديش عليها راه بزز منها ولدها كيتزوج مرضاتش
مريم : شوفي غا لخطبة وشنو دارت ليها فيها ملي يتزوجو يعلم الله شغادير ليها
لغالية : ماعندها مادير ليها ، كي شتي تا بنتك ساهلة ليها ، نحلف عليها دبا تا كتفكر ليها فشي بلان غا ياربي تحفض
ياسمين : (بقات مصغرة عينيها فسناء او غا كتدوي بينها او بين راسها) “ياشيبة لعاصية كنقول ندير بوجه عمرك ولكن بغيتي غا تطحبين انا مولاتو” (هزات طيليفونها او كتبات لجود) *عجباتك هاد لحالة لي دارت مك ، كتدوي بحالي انا مايتة نتزوج بيك*
جود : *علاش كتقلبي ؟*
ياسمين : *كنقلب على لخسارة لي ضربني*
جود : *بلاما تقلبي عليها افوت لعرس او نتهلى فيك*
سعاد : مريم غنحطو دبا لغدا ولا باقي
مريم : لا غنحطوه دابا راه الربعة هادي باشي نديرو تركاب لخواتم
سعاد : صافي واخة
ناضت مريم او سعاد احطو لعشا مخليين لغالية وفرح او منى كيتحمعو
مجد : (كان ݣالس كيضحك معا دراري) شتي أخاي محسن تا هاد لكلب ولاو ناس ازوجوه
محسن : آسيدي مكرهناش نكونو كلاب غا يزوجونا
مجد : هههههههه هاو هاو
أمين : (دخل معا لباب او قرب عند دراري بضبط مجد او بدا كيربت ليه على راسو) ششششش روكي أسيطوا
مجد : (ضار عندو مراضيش) حاشاك
أمين : هههههههه (ݣلس حداهوم كيضحك عليه تا دخلات عندهوم يسرى وكسيوة فوق الركبة او طالقة شعرها او غا كتضحك)
يسرى : (جات كتجري عند مجد ) كي زاتني لكسوة
مجد : (هزها لعندو حاطها فوق ركابيه) جاتك كتحمق الغزالة
أمين : (تعصب) حط لخوادرية باركة من ضسارة ونتي نزلي من فوق ركابيه
يسرى : (زادت عنقات مجد) لاء هادا لازلي غنجوجو
مجد : (تفرشخ بضحك او زاد عنقها تا هو) غا قولي انسيبي هاد لحلاولة لي فختك مناش جاتها
أمين : شبهات ليا
مجد : ههههههه ملي تشوف لغزال برا عرف لقرد لداخل
أمين : (مد يديه هاز يسرى عندو او مبعدها على مجد) طلق لبنت ألپيدوفولي لاخر
محسن : عطيها ليا عطيها (خداها من عندو) لحبيبة دعمها شهاد زين
يسرى : عمي دبا ياشمين غجوج
محسن : واه غتزوج
يسرى : او سكون لازلها
محسن : (بغا يضحك معاها هو يشيرلها لمجد) هادا
يسرى : لا هو غجوجني انا كتخوني
مجد : ههههه انا نقدر نخونك ناكل
محسن : الفليفلة شعرفك نتي فزواج ، ياسمين غتزوج جود ماشي مجد
يسرى : (شافت فطيليفون جود لي كان شاعل) غجوج هادا ؟ وعلاس مدايرش تصويلى ديالها فطيليفون بحالك نتا
مجد : مالو هو
محسن : مجد هنينا
يسرى : (شيرات لصباح براءة) عمي دايل تصويرتها فطيليفون حيت كالي ديك نهار غيجوجها
صباح : (كانت كتشرب فآتاي تا تخنقات ، كولشي ضار كيشوف فمحسن لي مرݣ فحين دراري حبسو ضحكة)
كلتوم : (مدات ليها كاس دلما) بسم الله عليك
تحط لغدا او كولشي ضار بالطلبة ديالك او يضحك طبعا من غير شي مخلوقات ، تجمعات الطبلة او بداو كيقادو لݣلسة تاع لخطوبة حطو لورد لي تجاب او الشملات او لحبيب او تم او لمخلكة وطورطة فوق الطبلة او تطلقات لموسيقى وصلى على نبي وزغاريت تقول عرس ماشي خطوبة
لغالية : ياسمين سيري وقفي حدا جود نصوركوم
ياسمين : بلاش
مريم : (قرصاتها) نوضي طرطقيلي بمرارة لديك عݣوزتك
ياسمين : (وقفات على سعدها او وعدها حدا جود او بداو كيتصورة معا لعئيلة او بوحدهوم)
جود : (قرب لحداها او همس) لبركة فراسك الله اعوض محبتو بصبر
ياسمين : ههه باقي ممتي لاش كتعزيني
جود : علاه نتي ناوية تلبسي لكحل فموتي
ياسمين : ناوية نلبس غوز بيبي غا موت او هنينا
جود : لبسي اي لون غا متلبسيش لكحل
ياسمين : (صغرات فيه عينيها) وعلاش زعما
جود : (زاد قرب عندها او حط يديه على خصرها) حيت كيجي معاك لكحل نخاف لعزاية اخطبوك
ياسمين : ياشكادير لعنب بعد عليا لهيه كولشي كيشوف
جود : حشمتي ؟ متحشميش
مجد : عشيري شبان ليك تطلق لبنت او تقطعنا لحلوة لول
جود : (رخف على ياسمين) لي ضاربك ضاربك على كرشك
مجد : (دفع جود لو مشا وقف حدا ياسمين) لي ضاربني ضاربني على مراة خويا باغي نتسيلفا معاها ةد
ياسمين : ديرنا شي ڤيديو بفيلطر زوين اعشيري
مجد : هي لولة اعشيرتي
لغالية : الى ساليتي معاها تصاور حيد اركبو لخواتم
مجد : ها هو محيد
منى : بداو أبعدا بلحليب او تمر
لغالية : (كتصور بطيليفون)
ياسمين : (ملي سمعات ديك بداو بلحليب او تمر ، هزات كاسها تاع لحليب معا شي تمرات او طاحت عليهوم ، ديك الضورة لي دورات وجها لقات كولشي كيشوف فيها او سقيل ، او جود محني شوي عندها او حال فمو) مالك حال فمك راه لموت كضور
مريم : (قرصاتها او دوات بشوي) وكليه الهيشة تمر او شربيه لحليب مالك دمدومة
ياسمين : هاء ؟ مندغوش ليه او نحطو فمعدتو
مريم : (عاودات قرصاتها)
ياسمين : صافي واخة (هزات لكاس بعدما عمروه او مداتو ليه يشرب عاد عطاتو واحد التمرة)
جود : (شربها تا هو لحليب او تمر ، عاد هو لباطة تاع لخواتم او ركب ليها لخاتم)
ياسمين : (ركباتليه تا هي لخاتم تحت صلى وسلام او زغاريت ، عاد قطعو طورطة بجوج)
ياسمين : (شافت فلخاتم تاع لخطوبة لي فيديها او طولات فيه الشوفة سارحة فخيالها وغا كتدوي بينها وبين راسها) هاد لخاتم لي كيعني لأي وحدة فهاد لعالم ارتباطها بنصفها التاني ، رمز لعلاقة غيبداوها بجوج ، ولكن بالنسبة ليا هاد لخاتم كيدل على حاجة وحدة ، لكابوس لي كنت كنهرب منو حياتي كاملة قريب يتحقق ، هاد لخاتم شوفة وحدة منو كافية تخليني نحس بلخنقة ، هاد لخاتم كيعني ليا حاجة وحدة هو أن مصيري تربط بشخص آخر ، أو بلي حرييتي تخدات مني قريب نولي مراة الراجل ، او قريب نولي بحال مريم
جود : (هز عينيه فعبد الله او عاود رجع شاف فياسمين ، قبل ميزير على خصرها او يشوف فعبد الله مرة خرى بشوفات ممفوهوميش او غامضين )
ياسمين : (شافت فيه او دوات بطنز) شتك كتشوف فلواليد ياكما تزعطي فيه
جود : (شاف ليها فعنيها بلعرض لبطيء او قال جملة هي بنفسها مفهماتهاش) علاش من بين ناس كاملين كنتي بنتو
ياسمين : شنو لفرق كون كنت بنت شي شخص آخر
جود : (تنهد او دوا بصوت شبه مسموع) بزاف تاع لحوايج كانو غيتغيرو
مجد : (بدا كيقرب عند جود بطبتيل فيه طورطة باغي يغمسليه وجهو فيها سعا هيهات جود عاق بيه او حيد ليه طبسيل)
جود : باغي ديرها بيا راني حاف..(ديك الضورة لي ضار عند محسن فرحان حيت عاق بمجد لقا محسن موجد ليه طبسيل تا هو او خاشيليه وجهو فيه مخلي لغالية كتصور فيهوم او لوخرين كيضحكو)
مجد : (ضرب ليد تاع محسن بنصر) معامن نتا أخاي جود
جود : (ولا كامل كريمة) مبلانش اعشيري مبلانش
محسن : (بدا طيليفونو كيصوني داكشي علاش خرج لزنقة يجاوب مرادش لباب لصباح لي كانت تما) ألو هند لباس
صباح : (ملي تغداو حسات براسها مخنوقة ، محسن ممحاشيهاش ليها ݣاع ولا باغي يدوي معاها ، داكشي علاش مكانت عندها ݣانة لشي حاجة راسها هاد لأيام كيعطيها لحريق كتر من لول واخة كتشرب دوا ، خرجات لبرا اضربها شوي دلبرد ، تا سمعات الصوت تاع محسن كيدوي معا شي وحدة سميتها هند ، حسات بقلبها باغي يخرج من بلاصتو او قربات من موراه)
محسن : (كيفرنس) هههههه تا انا توحشتك والله قوليلي غا فين راك نجي نشوفك هههه شفت دوك تصاور جيتي فيهوم ناضية ، كوني هانية تجي نزهيوها او نخرجو نتعشاو بجوج ، يالاه نخليك دبا بسلامة (ديك الضورة لي ضار باش يرجع ضرب فصباح عينيها حمرين ، قلب وجهو او كان باغي يكمل طريقو)
صباح : (بصوت مخنوق) محسن شكون هادي معامن كنتي كتدوي ؟
محسن : (طبعها او هبطها داوي معاها برود) باشمن صفة خاصني نجاوبك ، تكون لي بغات تكون ماشي شغلك
صباح : (ملي شافتو غادي زايد مخليها عنقاتو من اللور طالقة سراح دموعها) شغلي ، منقدرش نعيش بلى بيك أمحسن منقدرش نشوفك معا شي وحدة خرى هئ هئ عافاك ماديرش فيا هاكدا عارفة راسي غلط ولكن سمح ليا
محسن : (نتر ليها يديها لي كانت محاوطاه او ضار عندها مخنزر ) شوفي الله يرحم باك راني عييت منك او من تصرفاتك ، عييت منعاود معاك نفس لهضرة ولكن مافيها باس نقولها لآخر مرة “آنا لي مبقيتش باغيك أبنت الناس ، انا دبا لي كنقولك إيخ فيك او إيخ فمعرفتك ، مابقيتش باغيك حيت بكل بساطة وحدة بحالك متستاهلش نضيع عليها وقتي ، عطيني غا بتيساع او غنجيب حسن منك ، بعدي مني او خليني نعيش حياتي هاني كيما كنت عايشها قبل منعرفك ، نعاودها عاوتاني باش تفهميها مزيان ، عطي لدين مي بتيساع ملي تشوفيني قلبي طريق ديري راسك متعرفينيش كيما أنا منعرفكش”
صباح : (كتفات تقول كلمة وحدة اوسط دموعها) كنبغيك امحسن والله ما لخاطري خليتك ، عافك مديرش فيا هاكدا انا منقدرش نعيش بلى بيك
محسن : (قرب تال عنها او دوا بتقة) أو انا مكنبغيكش راه واخة تنطابق سما معا لأرض انا وياك عمرنا نتجمعو عرفتي علاش ؟ حيت غا شوفتك كتجيبلي لخنقة و الديق
صباح : (شدات فيه بيديها لي كانت كترعد او كتحاول تقرب منو وهي غا كتبكي) غا سمعني والله تا كنبغيك مكنكدبش عليك عارفة راسي غالطة معاك
محسن : (نتر يديها بجهد او زير عليها مقربها لعندو او مغوت فوجها) وا ماتبغينيش ماشكيتش عليك قتلك بغيني ، عطيني غا التيساع خرجي غا من حياتي او موتي نتي ݣاع ماشي غا بغيني (غا سلى هضرتو زاد او خلاها)
صباح : (كانت باغة تبعو سعا وقفات عليها مها سادة ليها طريق) ماما
سناء : (مربعة يديها او مطلعة حاجب اومنزلة لاخر) سيري سيري تبعيه او تحناي ليه لرجليه باش يرضى عليك سيدك محسن
صباح : ماما هو مقلق مني حيت مشيت او خليتو خاصو يسامحني او يرجع معايا
سناء : (قربات عندها حالة يديها شوي) بنتي
صباح : (مسكين يسحاب ليها مها بغات تعنقها ، تا صدمها لواقع بواحد تصرفيقة)
سناء : (مكفاتهاش تصرفيقة وحدة ولا جوج عطاتها خمسة لنفس لحنك تا دارت طبعة حمرا كبيرة) فيقي ألمدلولة فيقي ، تابعالي هاد زمر او كتحزري فيه ارجع معاك ، باش زوين هاد محسن باش مزلوط ولد مزلوط لا خدمة لا ردمة
صباح : (غا كتبكي) ك.كنبغيه اماما
سناء : (عاودات صرفقاتها) واموتي نتي ماشي بغيه ولكن نتي وياه والله لا تجمعتو فيقي من لݣلبة راك نسيتي راسك ، تهزي من قدامي غسلي وجهك او ديري شي مكياج لكمارتك او منبغيش هاد السيرة تعاود تفتح
صباح : (سناء
سليمان : ݣلسو تعشاو
لحاج : لا منصيبوش مرة خرى ان شاء الله
عبد الله : ايمتا غيكتبو لكتاب
لغالية : أحقا عاد تفكرت بعد غدا غيجي عندنا لعدول فصباح لدار دراري غيكتبو كتابهوم او فليل ليلة لحنا
سناء : مالنا على هاد الزربة كاملة
مريم : كون اكتبو كتابهوم او نخليو لحنا من بعد باقي موجدنا والو او منلحقوش
لغالية : متخافيش ضربنا لحساب لدكشي لحنا او ضريب صداق غيكونو عندنا فلفيرمة
كلتوم : ولكن ابنيتي لحنا كيديروها حباب لعروسة فدارهوم
لغالية : عئيلة جود غيجيو كاملين داكشي علاش حسن عندنا فدار كاين التيساع
عبد الله : مكاين لا عرس لا هم يحزنون هاد لخطوبة باركة عنا اضربو لكاغيط او تمشي معاه نتهناو
اكسيل : مبغيش تفرح بنتك شغلك هاداك ولكن ولدي انا مصارقش باش نزوجو بسكوتي ، او ماشي عروسة آيت اوسو لي تخرج من دار باها بلى عرس ، خليناكوم على خير
سليمان : تلقاو لخير
تسالمو لعيالات بيناتهوم او توادعو عاد كل واحد ركب طونوبيلتو
سناء : غنركب معاك أ إكسيل خاصنا ندويو
لغالية : (كات وا ركبات طونوبيل تا بانتلها تا سناء راكبة ، مدواتش او بقات ساكة)
سناء : (شافت فإكسيل لي كيصوݣ) مكتشوفش بلي زربنا فهاد تزويجة ليوم لخطبة بعد غدا لعرس او زيد عليها لبنت متليقش لولدي جود ، غيتزوجها غا حيت غلط معاها ماشي حات باغيها
اكسيل : كون مكانش باغيها ميغلطش معاها
سناء : غتكون غا نزوة او صاف او زيدون لي بحال ديك لبنت آخر حاجة أهمها هي شرفها لقات فين تليق او صاف ، جود مكيبغيهاش
إكسيل : (فرانا او خرج من طونوبيل معصب مخلي سناء تابعاه من لور) سناء عرفي شكتخرجي من فمك ، بنات الناس ماشي مونيكة يلعب بيهوم ولدك او يخليهوم ، كتفهمي شناهية نعس معاها زنا معاها او كتقوليلي غا نزوة
سناء : مالك داير هاد لحالة كاملة نعس معاها او من بعد نعطيوها فلوس ترقع راسها او تشوفلها شي شمكار اقبل بيها
اكسيل : واش باغة تجهلي مي نتي ولا كيفاش نعس معاها هي يتزوج بيها ماشي يمشي ويخليه بانلك تامل ، او زيدون نتي خرجي هاد السوق
سناء : كفاش نخرج هاد السوق راه ولدي هاداك
اكسيل : ولدك ؟ ربي لما خليني ساكت
سناء : دوي متسكتش قول لي عندك
اكسيل : باش بغاني نبدا ليك لكينات او لعشوب لي كنتي كتشربي باش طيحيه ولا رضاعة لي خلقني مترضعيه تا تصاب بسوء التغدية ، ولا شوفات لي مكنتيش كتبغي تجي تشوفيه ، ولا عيد ميلاد لي عمرك حضرتي ليه نزيد ولا براكة
سناء : عرفتي شناهو اكبر غلط درتو فحياتي هي تزوجتك او ولدت معاك هادشي كامل هازو فقلبك جود منين كان كيدوي معايا بدرع بقيتي كتعمر ليه فراسو من جيهتي تا مبقاش باغي يسمع ليا او كيدير غالي بغا
اكسيل : مضحكينيش اسناء ها لعار حمدي الله لقيتيني كنزيرو يدوي معاك اما تا سلام ميقولوش ليك ، او دبا ركبي نوصل باغي نرجع لدار مرتي خاصها ترتاح
سناء : (رجعات ركبات فطونوبيل زاعفة تا وصلوها لدار عاد هبطات)
لغالية : شكانت كتقول ديك لكلبة على بنت خويا
اكسيل : مقالت والو
لغالية : او علاش كنتو عتغاوتو بسلامة
اكسيل : لغالية سدي عليا لموضوع تاع سناء يرحم باك راسي كيزدح عليا
لغالية : هاني مدوياش معاك انا ݣاع صافي
اكسيل : لغالية ماشي
لغالية : (نزلات من طونوبيل لي كانت حبسات قدام الضار او دخلات لداخل بلاما تدوي معاه)
إكسيل : (دخل لدار كيتنهد تا ضرب فلحاجة) يو تسولذ اور تجينت ؟
{مي باقي منعستي}
لحاجة : (بقا فيها لحال حيت اكسيل مدارش بهضرتها او مشا خطب ياسمين لجود) سولغ {باقي}
إكسيل : ياغكم شا ؟ {ضاراك شي حاجة}
لحاجة : تابعث ثمطوط نش ، تخظبظ ايليس توماس واخة تسنذ أثين اور ريخ إيولاذ {تبعتي مرتك ، خطبتي بنت خوها واخة عارفة بلي انا مباغاش هاد زواج}
إكسيل : (شد راسو) انعاوذ نفس نواوال ، جود ايرا أذييول ياسمين ، صافي ، اور غيرنخ مغاس نزايد غاس اللهم بارك
جود : (كان لتحت تاع دروج واقف غا بشورط او شعرو فزاك )
اكسيل : (دوا بلاما يشوف فيه) لبس حوايجك غيضربك لبرد
جود : (مدار ليه فين اجاوب تا لقاه خرج من دار)
مجد : (خرج من لكوزينة او جا عند جود) باقي مكيدويش معاك ؟
جود : غادي وكيبرد فلول تا سلام مكانش كيقولهالي
مجد : حمد الله قطع معاك غا لهضرة مقطعش ليك لجهاز التناسلي
جود : ههههههه كان غيديرها غا تفكر ديك بنت الناس لي غناخد مابغاش احرمها
مجد : هههههه زيد زيد أيحرمها نتفرجو فشي فيلم
جود : يالاه
لغالية : (غا مشا اكسيل ناضت من فراشها او مشات عند صباح لبيت ، دقات عليها ودخلات)
صباح : (كانت واقفة فلبالكو) لغالية
لغالية : (لاحت عليها واحد الزيف من زيوفة تاع صباح او خرجات عندها لبالكو) لجو زوين ليوم
لغالية : (شافت صباح غا ساكتة) شنو تقدري ديري ݣاع باش تخلي محسن اسامحك
صباح : شعندي ماندير مغاديش اسامحني راك عارفاه نفسو هنا
لغالية : واخة تشوفيه مباغيش أدوي معاك راه باقي غا ممسامحكش ماشي كارهك
صباح : شنو لفرق سيد مكيهزش فيا الشوفة
لغالية : محسن فاش مكيحملش لواحد كيبعد عليه او مكيعمرش جيهتو ، خمسنين على قدها مكانش كيدوي معا خوتي تا من ولادهوم معرفهومش تا واش تزادو داكشي علاش محدو كيتراد معاك فلهضرة كاين أمل ، صباح
صباح : (شافت فيها بشك) شنو ؟
لغالية : بعد غدا غيجي لعدول اضرب لكاغيط لجود او ياسمين ياك شنو بان ليك عواض زواج واحد نديرو جوج او نزوجوك تانتي معا محسن
صباح : (شدات راسها) انا كنشكيلها بلعݣر هي كتقولي شخبار دراري ، دبا بانلك محسن محني على ركبتو او كيطلبني لزواج
لغالية : اسمعيني أزمر تزوجي بيه بلى خبارو
صباح : (بدات كتصفق) لا لا زعما لإبداع عندك ، نيڤو طالع
لغالية : واش باغة محسن يرجع معاك ولا غادي تبكاي عليا او تعطيها لتحزار
صباح : وباغة نرجع معاه
لغالية : ايوا تبعيني وسكتي
صباح : شنو غديري
لغالية : غنزوجك بمحسن بلى خبارو انخليه يسني بلاما يعيق
صباح : لي نفريض قدرتي تخليه يسني كي غديري تخلي لعدول ازوجنا
لغالية : حنا غا نكحبو لفلوس اطلقكوموماشي غا يزوجكوم
صباح : و.ولكن زواجنا مغيكونش شرعي غيكون غا فلوراق ملي غيسيق لخبار غيطلقني مافيهاش
لغالية : شوفي الى تزوجتيه قانونيا غيخصك طلقيه قانونيا او هادشي كياخد وقت
صباح : ويلى بابا ساق لخبار ؟ خوتي ؟ ماما ؟ هو براسو الى ساق لخبار انحرني الغالية غنولي مراتي مزوجة مراني مطلقة
لغالية : لا متخافيش غيتعصب فداك لول اقدر تا يجمعها معاك ولكن عادي من بعد غيجيب لواليدة تخطبك او يعطيك صداقك او يديك معاه لدار ، ونتي ديك ساعة شوفي كي ديري تشديه باش ميطلقكش
صباح : كتدوي بحالي هادشي لي كتقولي ساهل
لغالية : وراه ساهل غا نتي مكتزعميش
صباح : هاحنا انزعمو معاك الله اخرج هادشي على خير
لغالية : انا غنمشي نعس بونوي
صباح : بنوي
لغالية : (خرجات من بيت صباح او رجعات لبيتها)
#عند اكسيل#
بعدما خرج من الدار ماشي تال لهيه ركب طونوبيلتو او شد طريق لمكناس
اكسيل : (كان كيصوݣ معليه مابيه تا واحد اللحضة لقا راسو دخل فواحد الشجرة بالطونوبيل او تزدح ليه راسو معا لبولون تاع طونوبيل ، معرف باش تبلا حس بحالا داه نعاس فواحد اللحضة ، حل عينيه بدرع شاد راسو بيديه او كيتسنا فضبابة تحيد ليه على عينيه)
بقا شي نص ساعة على ديك لحال تا حس براسو مزيان عاد كمل طريقو
#عند شيماء#
بعد داك نهار فاش جا عندها علاء معاوداتش تلاقات معاه ولكن كان كيصوني عليها ديما يهضر معاها فطيليفون
خدوج : شيماء طلي معاك على داك لخبز واش خمر
شيماء : (كانت لابسة حوايج لخريج سروال سليم مزير معا قاميجة واسعة او مطلوقة من لفوق ، مشات طلات على لخبز لول) باقي مخمر انا غنخرج دابة
خدوج: فن غادة ياك مخداماش ليوم
شيماء : بغيت نمشي نشري شي حوايج خاصيني ، محتاجة شي حاجة من برا ؟
خدوج : ملي تكوني راجعة دوزي لسويقة جيبي منها شي بصلة وشي مطيشة راها مبقاتش
شيماء : واخة ، تايلى مرجعتش غنسيفطها معا شي واحد فولاد لحومة
خدوج : علاش مغترجعيش ؟
شيماء : أندوز عند أنس نجمع ليه شوي دار راك عارفة الزوفري
خدوج : الله يهدي داك لولد دوك لفلوس لي كيعطي فلكرا زايدين فينا ايجي يسكن معانا ها تيساع
شيماء : (كتقاد فعكرها)واه تيساع عندك الرياض تاع مولاي حمد ، دري كبر باغاه يبقا ينعسو اوسط لبز نتي وراجلك ملي كتبغيو تكواو كتسدو عليكوم لبيت ، او ملي هو يبغي غا يكفت شيدير اشد طريق لوطيل فاهما ضارو تايلى حزق اشمها غا هو
خدوج : غا حضيني انا وراجلي عنداك ملي تزوجي تفوتيني
شيماء : انا إيلى تزوجت غنتزوجو بعقلو ماشي شمكار بحال ديالك ، ونهار نولد غنولدي واحد ولا جوج ماشي منتخب ، او خلي نبغي ندير ساكسا معا الراجل نقص صوتي حيت عيب اسمعوني ولادي ولا ضيافي كنوحوح
خدوج : شوف لمرض فين عمركوم سمعتو حسنا ولا عرفتونا شكانديرو
شيماء : ربي علامن كطنزي ونتي الجيران كيحسبو ريوسة لي كيجيب راجلك
خدوج : لمخيرة فجاراتنا حاسداني حيت راجلي موطورو صحيح على رجلاتهوم ، كيجيو مهدودين مقادين اهزو لعلام
شيماء : طر علاش غيحسدوك رجالاتهوم الالة الى جاو عيانين مقادين تا يكويوهوم بليل فحيت كيضلو نهار كامل خدامين ايجيبو ليهوم مياكلو او يكسيوهوم ، اما سي دريس ديالك يعرف لطاسة و لكويان اما شي رزق مشفناش ، كون غا باعليه شي قل*وة اخرجك من هاد لبراكة على لأقل ، يالاه نخليك انا دبا
خرجات شيماء من الدار مخلية مها غا كتنݣر او مشات لمركب تشريلها شي حوايج ، دخلات لواحد لمحل
لبنت : شحب لخاطر الالة
شيماء : كنقلب على شي سبرديلات ايكونو موريحين فلباس او صحاح
لبنت : كاين هاد النوع يالاه خرج
شيماء : شحال داير
لبنت : 120 درهم
شيماء : فيه لوان ؟
لبنت : واه كاين لبيلج او لفنيدي شيبي لبيض لكحل رمادي
شيماء : شوفيلي رمادي
لبنت : هي لولة شحال النمرة ؟
شيماء : 36
علاء : باغة تاخديها لختك صغيرة ؟
شيماء : (ضارت عندو لاقياه واقف موراها بتوني بيض او شورط كحل معا سبرديلة ، مخلي شعرو لقهوي وخربق او داير ساعة فيديه) شكادير هنا ؟
علاء : جيت نسلم على واحد صاحبي او بنتيلي هنا كاديري
شيماء : جيت نشري شي سبرديلة لراسي
علاء : (هبط عينيه لرجليها قبل ميتفرشخ بضحك) هههههه قدك قد لبغلة وكتلبسي 36 فرجليك
شيماء : (مرضاتش) لبغلة هي مك اساتور
لبنت : ها سبرديلة لي طلبتي
شيماء : (شدات فعلاء او قيساتها) كي جاتني
علاء : مزيانة
شيماء : جمعيها ليا أختي عافاك
علاء : (قبل متجبد شيماء لفلوس كان هو خلص لبنت) يالاه نمشيو
شيماء : لاش خلصتيها راني جايبة معايا لفلوس
علاء : حشومة انا معاك او تخلصي مجاتش
شيماء : دايرلي فيها جانتل مان
علاء : أغا حيت راس شهر هادا شديت سالير ديالي وضسرت داكشي علاش
شيماء : الله ادومها ضسارة
علاء : يالاه نمشيو
شيماء : فين
علاء : ياك خديتي داكشي لي بغيتي ايوا يالاه نريحو فشي قهوة
شيماء : هههههه انا عاد باغة نقول بسم الله ونتا كتقولي ساليتي
علاء : شنو باقي ناوية تشري
شيماء : معرفتش نضور او نشوف إلى لقيت شي حاجة عاجباني
علاء : يالاه يالاه نتبعو حريرتك
شيماء : (خرجات معاه او بداو كيضورو فلحوانت ولي عجباتها علاء هو لي كيخلصها تا دخلو لواحد لبوتيك كبير ، شيماء بقات كتشوف لكساوي تما تا عيط عليها شي حد)
لولد : شيماء ؟
شيماء : (ضارت مستغربة تشوف شكون عيط عليها تا كضرب فواحد لولد طويل او زوين عاطي لعين)
لولد : معقلتيش عليا انا عز الدين
شيماء : (دارتلها طن فراسها او بتاسمات) عز الدين لاباس عليك شخبارك
عز الدين : حمد الله هاد الساعة فينك نتي غبرتي غبرة وحدة
شيماء : شغانديرو داتنا ليام ولكن راك تانتا غبرتي منهار مشيتي لميريكان مسمعنا خبارك
عز الدين : حقك عليا ، ايوا درتي شي ولاد تزوجتي
علاء : (شد ليها فيديها) تخطبات
عز الدين : آه مبروك مبروك ، غنمشي انا دبا شي نهار نديرو شي كافي معا دراري لوخرين
شيماء : ضاروري بسلامة
عز الدين : بسلام (ضار او خلاهوم)
شيماء : من ايمتا تخطبت اسي علاء
علاء : شكون هاد زمر
شيماء : لإيكس ديالي قريت معاه فسانكيام او سيزيام
علاء : او شحال ونتوما مصاحبين ؟
شيماء : كنا معا بعضياتنا شي عام
علاء : عام على قدو هي ضرتو زناقي دكازا كاملين صحاب زريعة دار لباس من تحت ضهركوم
شيماء : هههههه كنا كنتلاقاو غا فلمدرسة
علاء : ناس كانت كتقرى ونتي كنتي كتصاحبي
شيماء : واضاروري شوي دلخبرة ولكن خسارة كان ضريف ديك لمسمومة تاع صحبتي هي لي فرقاتنا اما كون راني دبا كنوجدو لعرسي معاه شوف كي صحاح او زيان او دار لاباس
علاء : زيدي زيدي نمشيو
شيماء : وغا طلقلي يدي ويالاه
علاء : لا مغنطلقهاش
شيماء : تا طلق أصاحبي دبا يغلط فينا الناس
علاء : مغيغلطوش فينا راحنا مصاحبين
شيماء : من ايمتا بسلامة
علاء : من ديك نهار (جرها تا خرجو لبرا كان لحال ضلام ، ركبات معاه فطونوبيل او مشاو لواحد لمطعم كلاص ݣلسو فيه) شنو طلبي
شيماء : شوفنا شي حاجة تاع تغلاق راه فيا جوع
علاء : هههه هي لولة (طلب هو وياها دجاج محمر ناس بغاو أغنية او نزلو عليه طول او عرض) داك لي جا يديك ديك نهار شكون ؟
شيماء : هاداك خويا صغير مروان
علاء : خوك صغير متأكدة ؟
شيماء : غنكدب عليك علاش ؟
علاء : شحال فعمرو ؟
شيماء : عندو 15
علاء : غا هوا لي عندك ؟
شيماء : بلاتي نحسبهوم ليك كاين لكبير أنس بعدو انا بعدو مروان ، بعدو مريم بعدو عثمان بعدو زينب بعدو ريان ، ستة دخوتي لي عندي
علاء : تبارك الله باك عندو لموطور نحيلة
شيماء : لا لواليد كان على قد لحال ولدني انا وأنس او مروان ويلا دوك ربعة لوخرين خوتي من مي ماشي شقاق
علاء : هاكداك مزيان
شيماء : ونتا شحال من خوتك عندك
علاء : عندي ختي وحدة
شيماء : عئيلتكوم صغيرة على هاد لحساب
علاء : دبا واخة عندي غا ختي وحدة عمتي او عماني ساكنين كاملنا فدار جدي يعني لبز على جهد كاينين بينا شي 10 دلبطابط
شيماء : على هاد لحساب دار جدك كبيرة
علاء : واه عندو فيرمة كبيرة فآجدير
شيماء : فين جا هاد أجدير عاود
علاء : نواحي دخنيفرة لأطلس لمتوسط
شيماء : يعني نتوما من تما وعلاش عمك اكسيل مساكنش معاكوم فلبلاد
علاء : عمي اكسيل مني كانت عندو 13 رعام كان ديك الساعة جدي باقي غا خماس ، هز حوايجو او طلع لكازا والشرق او الشمال يخدم كل مرة كان معمر بلاصة
شيماء : كان ميسحابليش عمك تا كمل قرايتو او كبر عاد طلع لمكناس
علاء : قرا ؟ راه لمخير فعمامي مشدش شهادة تاع السادس ، لواليد خرج من تاني هاداك عمي لاخر من تاني تا هو عمي اكسيل الرابع ، عمتي بوحدها لي شدات السادسة او هي لي مكانتش باغة تكمل قرايتها حيت لكوليج كان بعيد بزاف عليهوم ، داكشي علاش كاملين مكملوش قرايتهوم او عطاوها غا لفلاحة
شيماء : مزيان
علاء : نتي فين وصلتي فلقراية ديالك
شيماء : شديت لباك ديالي او حبست
علاء : وعلاش مكملتيش من بعد
شيماء : كان خاصني نخدم ملي كنت كنقرى كنت غا كنديپاني وصاف
علاء : راجل مك مخدامش ؟
شيماء : لا خدام
علاء : فاش خدام
شيماء : كيخدم على ولادو كل ليلة او فصباح بعد ليلة لكواء كيمشي يضرب الطاسة
علاء : قولي دير عندكوم ديك لأغنية تاع ليلة حلات جيبونا شي بيرات ياوعيطو لبنات ههههه
شيماء : ههههه بحال هاكداك
علاء : ايوا شنو كتفكري ديري
شيماء : نعيش نهار بنهارو او صاف
علاء : معندكش شي خطط ؟
شيماء : بحالاش هاد لخطط
علاء : بحال زواج متلن
شيماء : هاد الساعة ملقيتش الشخص لمناسب باش ندوز لديك لمرحلة
علاء : او شنو بان ليك فيا انا
شيماء : من آشمن ناحية
علاء : زعما واش كاين احتمال انني نكون الشخص لمناسب ليك ؟
شيماء : معرفتش انا لي خاصني نسولك هاد سؤال واش انا وياك نليقو لبعضياتنا ؟
علاء : إذن خلينا نجربو زهرنا او مكتابنا
شيماء : باغي فعلن تجرب معايا ولا باغي تنسي راسك فصباح بيا ؟ شكون فيهوم لي باغي ؟
علاء : باغي نطوي ديك الصفحة تاع صباح او نحل صفحة جديدة عييت نبقا شاد فأمل خاوي
شيماء : نسيتيها ؟ باقي كتبغيها ؟ قادرة تكون معا وحدة من غيرها ؟
علاء : صعيب عليا نساها أشيماء راه منين عقلت على راسي وأنا كنبغيها ولكن هي باغة واحد آخر ، داكشي علاش بغيت نجرب تا انا نعيش حياتي بلاما تكون جزء منها
شيماء : (حطات ديك لفرشيطة من يديها او مسحات فمها ودوات معاه) يمكن لا مؤكد راك عارف بلي كتعجبني او باغة نكون معاك ، ولكن اولد الناس مهما بغيتك مابغيتش نكون بديلة تاع محدة خرى ، كيما قلتي صعيب تنساها او تا انا صعيب عليا نعيش معا واحد فقلبو وحدة خرى سمحلي منقدرش ، شكرا على ليوم او نتمنا تلقى بنت الناس لي تليق ليك (هزات صاكها او دكشي لي شرات ومشات بوحدها راجعة لدار)
علاء : (بقا فبلاصتو مقدش اتبعها رجع بلور مسند على لكرسي مودة قبل مينوض اخلص ويرجع بحالو لدارو ينعس هادا لاداه نعاس)
#فصباح#
طيليفون لغالية لي كانت فطواليط بغا يطرطق بسونيط
لغالية : (خرجات من طواليط او مشات تجاوب مريم لي كانت من صباح او هي كتصوني عليها) الو مريم ياك لاباس تا كتصوني فهاد لوقت
مريم : (كاملها كترعد) ملباس والو ديك لبنت غتقتلني ياسمين مكايناش ݣاع فبيتها
لغالية : غتكون غا خرجات
مريم : طيليفونها هنا ولكن حوايجها مكاينينش تا لموطور خلاتو او خاتم لخطوبة لقيتو مليوح فزبل
لغالية : (شدات راسها) الله ياربي سلامة سلامة ، عبد الله فخبارو
مريم : لا تا واحد مفخبارو
لغالية : مزيان الى سولك شي حد عليها قولهوم مشات معا لغالية لصالون تاع تجميل هاد صباح انا غنشوف كي ندير نلقاها
مريم : ويلى ملقيناهاش ؟ غدا ضريب صداق معرفت شنو ندير واش نكمل توجاد ولا نحبس
لغالية : تعاملي بحالا مواقع والو او كملي توجادك انلقاوها معندها فين تمشي (قطعات معا مريم او مشات نيشن عند جود دقات عليه فبيتو او دخلات) مسالي ؟
جود : واه خاصة شي سخرة ؟
لغالية : (قربات عندو او دوات بشوي) ياسمين هربات
جود : كفاش ؟
لغالية : حوايجها او هي مكاينينش فدار غبر ليها لاتر او تا طيليفون خلاتو
جود : (رد شعرو لور معصب) شوف على خرى دبا فين غتكون مشات ؟
لغالية : معندها فين تمشي من غير جوج بلايص يا لبار **** يا غتكون شادة طريق لطانجة
جود : انا غنمشي نقلب عليها دبا باشما كاين غنرض عليك ونتي كملي توجاد تاع كولشي
لحاجة : (دخلات عليهوم) فين غادي ؟ وقعات شي حاجة ؟
لغالية : لقيتيني كنسولو واش بغا طورطة عادية ولا ݣلاص
جود : نتي ختاري انا غنمشي دبا درت معا دراري
خرج من لبيت كيجري ركب طونوبيلتو ومشا كيقلب عليها كيف لهبيل او هو معصب او كيتحلفها فيها ، اما لغالية فكملات توجاد ديالها شرفات على طريطور حط طبلة هنا لا هنا ، دير زيوفة بهاد شكل لا شكل لاخر تا طاح ليل او رجع جود
لغالية : امضرا ؟
جود : والو مخليا بيران ماخليت محطات دلكيران ولا طاكسيات تقول نشقت لأرض او بلعاتها
لغالية : صافي يعني مخرجاتش على كازا انا عارفها فين غتكون
جود : فين نمشيو نجيبوها
لغالية : خليها عليا غدا تلقاها صافي طلع ترتاح انا غنخرج دبا عندي نتلاقا معا نقاشة
جود : نمشي معاك ؟
لغالية : بلاما تعدب راسك صباح أتمشي معايا
صباح : (هبطات معا دروج بجليليبة بيلج) انا واحدة نمشيو ؟
لغالية : يالاه
لغالية : (ركبات هي وصباح فطونوبيل او شدو طريق)
صباح : فين غنمشيو دبا ؟
لغالية : غنمشيو عند داك لعدول ندويو معاه
صباح : فهاد ليل ؟
لغالية : يالاه تمنية دليل انتلاقاو معاه فواحد لقهوة
صباح : الله اخرج هاد لبلان على خير
لغالية : (حبسات طونوبيل قدام ديك لقهوة او دخلات ليها هي وصباح تقدمت لواحد الطبلة فيها راجل كبير او ݣلسو قدامو) السلام عليكم
راجل : وعليكم السلام لاش معيطين ليا
لغالية : لخير اسي لعدول ، نجيك من لخر بغيتك تزوج واحد الجوج
راجل : هاديك خدمتي ايجيو عندي او نزوجهوم
لغالية : مفهمتينبش يمكن بغيت نزوج جوج بلى خبار الراجل
راجل : منقدرش ندير هادشي لي كتقولي راه مخالف لقانون
لغالية : شحال كطلب ؟
راجل : ماشي مسألة فلوس انما مسألت مبادئ او قانون عندي مسؤولية كنتحملها
لغالية : مليون ؟
راجل : راني
لغالية : جوج ؟
راجل : أبنتي
لغالية : تلاتة ؟
راجل : سمعيني الله يهديك
لغالية : صافي خمسة ، لعروسة او مواصلش صداقها هاكدا
راجل : (كان على سبا) كون مأصريتيش عليا مكنتش نقبل
لغالية : واه ، غدا تشد رزقك او دبا سمعني مزيان غتزوج جود او ياسمين عادي تقول داكشي لي موالف تقول او غتخليهوم يسنيو فعقد زواجهوم او فبلاصت شهود تاع صباح او محسن لي مغتقول عليهوم والو او غتعتابرهوم غا شهود تاخد لكارطات ديالهوم او تخليهوم يسنيو ، هاد لملف فيه جميع النسخ لمطلوبة فزواج
راجل : ان شاء الله كوني هانية خليتك على خير
لغالية : يالاه نمشيو تا حنا
صباح : (خرجو بجوجات من ديك لقهوة او ركبو فطونوبيل) زعما يدير داكشي لي قلنا ليه ، بدرع باش قبل
لغالية : ههههه راك نية أبنتي كون مبغاش اشد مكانش غيجي من لول غا بغا يدير فيها زعما رجل قانون
صباح : انا خايفة هادشي كامل لاش ضربنا لحساب اخرج فزيرو
لغالية : متخافيش كولشي غيدوز مزيان (بلاصات طونوبيل قدام الدار او نزلات منها هي وصباح) لي سولك فين مشينا قوليليه مشينا لنقاشة
صباح : واخ
لحاجة : (تعرضاتلهوم فلباب) فين كنتو بسلامة فهاد ليل
لغالية : كنا كنقضيو واحد لغراض
صفية : شت غا سافر راجلك عطيتيها لضوران فليالي
لحاجة : خليها راه مقاداها فرحة مسكينة غتزوج الواسعة دبنت خوها لحفيدنا
لغالية : (عواض مترد عليها كملات طريقها كتغني بصوتها لقوي او كتلعب بدبالجها ) سعدي يالالة وفرحي يا سيدي ، ياخوجت بنت خويا لربيبي ، سعدي يالالة وفرحي يا سيدي يا وفقصت عدياني ، سعدي يالالة وفرحي يا سيدي زوجت ولد ميمتي وحيدت لومة عليا يا وسعدي يالالا وفرحي يا سيدي مني عدياني غارو
صفية : (كانت غا كتنفخ او تصوط) يا ربي سلامة على صوت عندها كي ديال شيخات
لحاجة : علاه باش تلفات خوك ياك غا بشطيح او رديح كي طحبات طاسيلتها غا لخانز على خوه من بنت خوها تال خوها
صباح : لاواه الحاجة خلي عليك خوها بغيت نقول بنت خوها
صفية : هزاتك النفس عليها
صباح : معلوم راها مراة خويا خليتكوم على خير (طلعات فبيتها كيما دارت لغالية دوشات ولبسات عليها كسوة قصيرة ، ݣلسات قدام لكوافوز كتمشط شعرها ، لي كان كامل كيتساس لدرجة بانت ليها واحد الرقعة فلور تاع شعرها)
مجد : (دق لباب او دخل) شكاديري
صباح : كنكوي جران
مجد : (مشا ݣلس على الناموسية ولا نقول تنشر فيها) شوفليك لبرهوشة ولات تخسر لهضرة تا هي
صباح : لبرهوشة هي مك
مجد : كون تسمعك سناء قلتي عليها برهوشة طير بلفرحة ، أجي مال شعرك ولا هاكدا ؟
صباح : مالو شعري
مجد : خفاف بزاف ماشي هاكدا كان ݣاع تا نشوف (ناض عندها كيفلي ليها فراسها)
صباح : شكادير بعد على شعري
مجد : زݣاي نشوف (بقا كيشوف شعرها تا كيلقا رقاعي صغار فشعرعرها مافيهوم تا زغبة ، او فلوسط كاينة رقعة قد برهم مافيها تا زغبة) واش مابقيتيش كتشربي دوا ؟ شعرك نصو مشا
صباح : لا كنشربو
مجد : (بشك) حلفي تا كتشربيه
صباح : والله تا كنشربو او معمرة الساعة على حسابو ݣاع
مجد : (رد لبال لعنقها لي فيه طبايع زرقين او لخباشي فكتافها وأتار لعضان فيديها) الى كنتي كتشربيه علاش هاد طبايع رجعو كيبانو فيك ؟
صباح : والله معرفت كنشرب دوا ولكن كنحس براسي بحالا مكنشربوش تا من نعاس مابقاش كيجيني واخة نشرب دوا
مجد : (رجع ݣلس مقابل معاها شاد ليها فيديها او داوي معاها بحنان) واش رجعو دوك لأفكار كيجيوك ؟
صباح : (كدبات عليه حيت مبغاتش تخلعو) لا
مجد : متأكدة ؟
صباح : متأكدة
مجد : من ايمتا بديتي كتحسي بلي دوا مكينفعكش
صباح : الصراحة منين مشيت عند ديك طبيبة دوك شهور كنت كنحس براسي بيخير تا شعري مابقاش كيتساس ولكن هادي شهراين كنحس بحالا لحبة لولة من دوا كتأتر فيا لمباقي بحالا مكنشرب تا حاجة فوقما كنشري دوا جديد كنحس بهكدا
مجد : (خربق ليها شعرها او عنقها) كولشي غيولي مزيان
صباح : مجد
مجد : شنو
صباح : بابا دبا مسافر نمشيو نخرجو بليل
مجد : فين غنمشيو
صباح : لشي بار
مجد : ها ناري أبنت با هاناري تقاي الله
صباح : مديرش راسك فقيه راني عارفة كتمشي تزها بلى خبارو
صباح : ويالاه نمشيو
مجد : مقلتي شي ريسطو شي قهوة لبار أصباح لبار
صباح : بغيت نمشي نشوف لأجواء تما عمرني مشيت ، غنمشي معاك نشوف كيف دايرين من لداخل او نخرجو نكملو سهرتنا فشي قنة اوكي
مجد : ههه صافي مشات ولكن هاه نضربو غا طلة او نخرجو
صباح : كون هاني
مجد : انا غنمشي نبدل عليا خمسة دقايق نلقاك لتحت حدا طونوبيل
صباح : (غا خرج مجد ناضت طايرة لبسات عليها كسيوة معا سبرديلة ودارت زيف كبير نازل تال طغمتها ، ونزلات لتحت كتسناه حدا طونوبيل)
مجد : (لبس شورط معا قبية او عام بريحة وهز سوارت طونوبيل جود او هبط لتحت) سبقتيني
صباح : شندير ليك نتا لي معطل (ركبات هي وياه فطونوبيل)
مجد : (كسيرا مجهد) باقة بغانا نمشيو لبار ؟
صباح : (حلات شراجم او تا داك شرجم لي كيكون فسقف تاع طونوبيل ) بلاش خرمت ماعندي ليه ݣانة مرة خرى
مجد : (مد يديه أو طلق لمسيقى على جهد)
صباح : (ملي سمعات ديك لأغنية لي كتعجبها حيدات السمطة او طلعات فوق لكوسان مخرجة نصها لفوقاني من سقف او كتغني معا لأغنية)
مجد : (تا هو ناشط كتر منها او كيعاود مور طوطو فأغنية مغايار ، تا وصلو لواحد الريسطو كتحل بليل او بلاصاو طونوبيل تما ونزلو)
صباح : (شدات فمجد او دخلو بجوج لداخل شادين ليهوم واحد الطبلة ) شنو ناكلو
مجد : انا باغي نجرب السوشي
صباح : عندهوم ماكلة أسيوية ؟
مجد : واه
صباح : مزيان اناخدو سوشي او النودلز شي حاجة خرى
مجد : (شير لݣارسون ايجي او هز طيليفونو ايجاوب على ديك نمرة لي مصونية ليه) ها دري غيجي او نتي طلبي شنو بغيتي
صباح : صاف
مجد : الة
لبنت : الو مجثد هادا لي معايا ؟
مجد : واه (من ديك ثا عرفها شكون ، ناض من حدا صباح او خرج لبرا كيدوي) شكون معايا ؟
لبنت : انا غزلان
مجد : شكون غزلان ؟
لبنت : جارثك لي ثلخاتك ديك نهار
مجد : لݣزارة ياك لباس توحشتي تسلخيني ولا شنو او مناش جاتك نمرتي
غزلان : (بتردد) ثراكة خذيت نمرتك من ثمثار كيت كنت مكتازاك تعاوني
مجد : مرحبا شحب لخاطر ؟
غزلان : انا جيت لمغريب فطيارة هاد نهار عندي واكد لغراض ولكن ملي وصلت تلغا دكثي ونا دبا كاثلة فلمطار معرفت فين نمثي او فيا ثوع
مجد : صافي هاني جاي عندك دبا راك فلمطار تاع كازا ؟
غزلان : لا تاع الدار البيضاء
مجد : (شد راسو حمدتك اربي كاين مكلخ مني) هاني جاي عندك لدار البيضاء ههه (قطع معاها او رجع عند صباح)
صباح : ݣلس راه لماكلة قريب تجي
مجد : الزين انا غنمشي نقضي واحد لغراض بزربة ونرجع نص ساعة منفوتهاش او نرجع
صباح : شمن غراض هدا
مجد : ملي نرجع نعاود ليك صافي ستنايني هنا (باسها فلحنك او مشا وصا عليها ناس داك عاد خرج ركب طونوبيلتو او شد طريق لمطار)
صباح بقات ساهية فواحد لوردة قدامها ، تا من لماكلة قتلهوم اعطلوها ، ومعا ديك لهزا لي هزات راسها من ديك لوردة لقات راسها كتشوف فمحسن لي كان ݣالس فواحد الطبلة مقابلة معا طبلتها ، عاطيها بجنب او معاه واحد لبنت تكون فلعمر ديالو قاطعة شعرها قصير او لابسة قصير او غا كضحك معاه او هو نفس شي ، حسات بغصة فقلبها او مقدات تقول والو والا تمشي عندو تسولو شكون هادي لي معاك ، ولكن باشمن صفة بغات تسولو ، داكشي علاش قلبات وجها محمد حرقتها فقلبها او دمعة على طرف عينيها كتسنا فمجد ارجع ، حتى حسات بشي ضل عليها ديك لهزة لي هزات عينيها بانلها واحد لوليد زوين ولكن كيبان حاس براسو شوي
دري : يمكنلي نݣلس معاك ؟
صباح : (قبل مترفض ولا تدوي لقاتو ݣلس مقابل معاها)
دري : نعرفك براسي امهدي ونتي
صباح : متشرفين و
دري : بنتيلي من صباح ݣالسة بوحدك نطلبو شي حاجة ؟
صباح : (أصلن مكانتش فعقلها مزيان) كنتسنا فواحد الشخص
دري : أبون لموهيم باش نجيك ديغيكطومون ڤوزط بيل او مكرهتش ناخد نمرتك هه
صباح : (قبل متجاوب بان ليها محسن ناض من طبلتو فرحات لداخل ديالها يسحابلها غيدافع عليها سعا دار بحالي مشافهاش او مشا زاد او خلاها ، حسات بقلبها تهرس فديك لحضة) سمح ليا منقدرش نعطيك نمرتي
دري : (بتقة) متسرعيش انا غنمشي لحمام او نرجع ديك الساعة ردي عليا
صباح : (حسات بلخنقة مهمهاش يمشي ولى يݣلس)
محسن : (داز فرجوع ديالو على صباح ممعبرهاش او مشا ݣلس بحال لول) سمحيلي تعطلت عليك
هند : لا معليش (شداتو من يديه مخلوعة ملي شافت نقاطي تاع دم فلكم تا قميجتو) محسن شوقع ليك ؟ تجرحتي ؟
محسن : لا راه غا واحد دري صغير لقيتو ترعف او صاف
صباح : (داكشي لي كان خاصها كمل ملي شافت ديك لبنت شدات ليه فيديه) مديريش فبالك أصباح عادي غتكون غا من عئيلتو متعاوديش نفس لغلط
دري : (بعدما ناض من الطبلة كان فطريقو لحمام او قبل كيغوت لباب تاع لحمام شنق عليها واحد)
محسن : (طالع ليه لخز) غتبعدا على ديك لبنت ولا مغيعجب خويا لحال
دري : طلقني واش عارف راسك معامن
محسن : (غفلو بواحد لݣنݣ تا رعفو وطلقو طايح لأرض) ماشي موهيم نتا شكون لموهيم انا شكون هاد لمرة غا لعلمتك لمرا جاية ناكل خويا (تخطاه او رجع لبلاصتو بحالي مواقع والو)
#عند مجد#
وصل لمطار او بقا كيقلب عليها تا لقاها ݣالسة على طروطوار بحال ليتيمو
مجد : اهلن
غزلان : علاث تعطلتي عليا
مجد : سري انا لي باغي ندير فيك لخير
غزلان : ثمح ليا راه فيا جوع
مجد : مجبتي معاك تا فرانك تشري بيه ولو بيمو ؟
غزلان : (شافت فلأرض مدلية شنايفها او داوية بهمس) تثرقت
مجد : شنو قلتي مسمعتكش
غزلان : وا تثرقت
مجد : (طاح لأرض بكترت ضحك) ههههههه لا لا هههههه ميمكنش
غزلان : عواض تقولي ياحما تأذيتي حتضحح
مجد : خاصني نسول فيه هو ياكما قتلتيه ولكن ناديريش فبالك راهوم مسرقوكش
غزلان : وثنوار
مجد : هادا غا ترحيب تاع صحاب كازا ، شحال كنتي هازة معاك ؟
غزلان : 1000 أورو
مجد : نعجة ، بغيت نقول ليك كلما صرقوليك بزاف كيعني كيرحبو بيك بزاف
غزلان : راه ثرقوني حاملة
مجد : الله اولدك على خير باركوليك تا دري ، يالاه يالاه (ركبات لقدام او دارت سمطة علاما حط مجد لباريزات فلكوفر او مشا رقب لقدام او هو فرحان او كيدوي معا راسو ) حمدتك اربي و شكرتك بينتي ليا بلي كاين مكلخ مني
غزلان : ديني ناحل
مجد : تا قولي كاكا
غزلان : عيب
مجد : اهادي سميت لعاب
غزلان : ملي لعاب حاحا
مجد : هههههه (كيصوݣ او هو كيضرب لبولون بحال لبندير) ايني حا ايني حا حا ايني حاو ايني حوحاو (بعد ديك عشرة دقايق كان حبس طونوبيل قدام ديك الريسطو هبطو راجعين عند صباح) زين تعطلنا
صباح : لا (هزات فيه عينيها) شكون هادي ؟
غزلان : (مدات ليها يديها) انا غزلان
مجد : (قرب عند غزلان او دوا) فدار لبيضاء عيب تسلمي على لواحد من ليد خاصك تبوسيه جوج بوسات فلحنك او تقوليليه الله ابارك فعمر سيدي
غزلان : (كترمش فيه عينيها بنية) زعما ؟
مجد : فين هي تحية لملك اصݣعة بغيتيهوم اديوك لسيلون
صباح : (كانت بغات تدوي تا لقات غزلان هبطات عندها باستها واحد جوج بوسات فلحنك تاع لخاطر)
غزلان : الله ابارك فعمر ثيدي
مجد : (هنا صافي مقدش يحبسها او تزلع بالضحك) هههههه واع امي كرشي غتقتلني
صباح : (ضحكات واخة مافيها لي يضحك) هههه حشومة عليك ݣلسي ݣلسي أختي راه هبيل
غزلان : (ݣلسات حدا مجد لي كان باقي كيضحك)
صباح : شنو طلبو
غزلان : غالي طلبتو
مجد : بحال قبيلة وصاف (بان ليه محسن دايز من حداهوم بوحدو ديك لبنت مشات هو يشير عليه) مح
غزلان : (كانت ݣالسة تا شافت محسن وقف عليهوم او جاتها دودة دير صواب) الله ابارك فعمر ثيدي
محسن : (مفهم والو سمع ديك الله ابارك فعمر سيدي او ديك لبنت بدات كتقرب ليه)
مجد : (غا سمع ديك الله ابارك فعمر سيدي عرفها آش بغات دير ، داكشي علاش عتق لموقف بزربة او مد يديه شاد ليها فمها او راضها تݣلس) ݣلسي رجال مكنسلموش عليهوم
غزلان : (قربات عند مجد داويا ليه بشوي) خليتيه اݣلث حدا حبيبتح
مجد : (زاد قرب منها هامس) هاديك ختي ماشي حبيبتي انا سيليباطير
مجد : (ضحك غامزها فلخر تاع لهضرة) ههه متعاوديش تغلطي
محسن : (ركلو من تحت الطبلة)
مجد : أي رجلي
صباح : هاهوما جايبينو (حطو ليهوم لعشا)
مجد : شنو كنتي كدير هنا بوحدك
محسن : مكنتش بوحدي
مجد : معامن ؟ شي (حبس مكملش )
محسن : غا على ود لخدمة وصاف (خطف الشوفة فصباح بعدما قال جملتو لقاها ساهية فديك لوردة عاود)
مجد : (بدا كيشير لصباح) اسبحان الله لعشا غيبرد
صباح : هاني كناكل (بدات كتاكل فسكات مخلياهوم هوما كيتجمعو بيناتهوم تا سالاو)
محسن : (بعد مناقشات معا مجد على شكون اخلص فرقو تمن بيناتهوم) يالاه نخليكوم انا دبا تال غدا او نتشاوفو
مجد : غنمشيو تا حنا بسلامة (ركب محسن طونوبيلتو ، او ركبو لبنات معا مجد فطونوبيل)
غزلان : ثوفلي ثي وطيل نبات فيه
صباح : بلاش لوطيل يالاه تباتي عندنا او تݣلسي عندنا دوزي معانا لعرس
مجد : (شاف فيها) الى سولوك قوليلهوم راك صحبت صباح كنتي معاها فرانسا
غزلان : علاث ؟
مجد : حيت اكسيل الى ساق لخبار بلي راك عشيرتي غيعاودلي لختانة
غزلان : علاه نتا باقي ممختن ؟ قدح قد لبغل
صباح : هههههههه لا راه مختن أصلن هو مزيود مختن من عند ربي
مجد : ديرينا لإشهار نتي
صباح : ههههههه عادي مبيناتناش ، شحال فعمرك ؟
غزلان : عثرين
صباح : عندك موشكيل فسا ههه
مجد : عندها فسا و شا و لكا ، قولي سميت داك لعاب كاكا
غزلان : (مسكينة غا نية) حاحا
صباح : (هي لي نفاجرات هاد لمرة بضحك) هههههه معرفت ربي فاشمن طبقة فجهنام ايحطك
غزلان : ديالو ثفلي
مجد : ههههههههه باركة غنبول بضحك
وصلو لدار معطلين معا ديك ربعة دليل عطاو لغزلان واحد لبيت
صباح : بيتي حداك الى حتاجيتي شي حاجة ، غدا الى فقتي بكري تحضير لكتيب تاع خويا مفقتيش ليل تحضري لحنة معانا
غزلان : بونوي
صباح : بونوي (طلعات تا هي لبيتها تنعس)
بعدما كولشي تخشا فبيتو ونعس ، بضبط معا ديك 4 و نص تاع صباح لغالية خرجات من بيتها بشوي كتحاول مديرش لحس ، لابسة ليها عباية كحلة معا شال كحل او كمامة ، خرجات من دار او ركبات طونوبيلتها متوجهة لواحد لبلاصة خاوية كتخلع ، فيها صور كبير ضاير بديك لمقبرة لي تما ، مدخلاتش هي لمقبرة انما فاتها بشوي تا وصلات لواحد الشجرة كبيرة حداها واحد لقبر او حدا داك لقبر كانت ياسمين واقفة
لغالية : (قربات من ياسمين او جراتها من يديها) زيدي قدامي
ياسمين : لاش جيتي
لغالية : ماشي بلاصة لهضرة هادي تحركي قدامي
ياسمين : (مكان فيها لي يدوي داكشي علاش كملات طريقها بداك الساك لي هازة فيديها)
لغالية : (طولات الشوفة فداك لقبر قبل متنطق بصوت شبه مسموع) بغيت نترحم عليك ولكن تفكرت بلي جوج ميترحموش عليهوم ناس لكافر الى مات ، ولي بحالك
تبعات ياسمين لطونوبيل او ركبات حداها ، غادية بيها لواحد لوطيل ، بلاصات قدامو
لغالية : نزلي
ياسمين : (نزلات من طونوبيل او تبعاتها لداخل)
لغالية : (كتدوي معا موضفة لإستقبال) بغيت عافاك واحد لبيت
لوضفة : تاع واحد ولا جوج ؟
لغالية : تاع واحد
لموضفة : داكوغ لكارط ديالك
لغالية : ها هي ، شحال عندي
لموضفة : ألف درهم
لغالية : (عطاتها لكارط ݣيشي باش تقطع منها لفلوس ) تفضلي
لموضفة : (بعدما سجلات لمعلومات لمطلوبة ردات ليها ليكارط دياولها معا لاكارط تاع لبيت) ها لكاغط تاع لشومبغ ديالك
لغالية : شكرا ، يالاه
طلعات هي وياسمين لديك لبيت ، هاد لأخيرة حطات حوايجها او مشات شربات ليها لما عاد ضارت عند لغالية
ياسمين : لاش جايباني لهنا
لغالية : لاش فناضارك عرسك غدا ونتي غادية كضوري
ياسمين : مكاين بو عرس انا مقابلاش
لغالية : هاد لخضرة كنتي تقولها قبل متفرعي رجليك او تخلينا نوحلو هاد لحصلة ، قبل منوجدو كولشي
ياسمين : نتوما لي زربانين
لغالية : حنا لي زربانين ؟ (قربات عند ياسمين معصبة او هزات يديها تال سما او جمعاتها معاها بصقلة) مبغاش ديري عقلك ؟ كندوي معا لحيط انا ؟ (شداتها من كتفها او ضوراتها لمراية) شوفي حالتك كي ولات لݣارو ، شراب ، تا حلان رجلين درتيه معا جود او مبردليك لخاطر ، داها فيك داك باك ؟ دوي ؟ حاشاهاليك ؟ باك ازمرة كون بغاك كان يبغيك ملي كنتي طرف تاع لحم ماشي تال دبا ، شقلت لجدك انا أدوي ؟ شديتك او دويت معاك بلعقل او قتلك أياسمين جاتك فرصة بين يديك مضيعيهاش تزوجي بجود ، شكون جود ؟ لحفيد تاع لحاج محمد عندهوم لي يتحرݣ ميتم ، طلبت منك حاجة وحدة ديري عقلك او تستغلي لفرصة او دخلي عروسة لآيت اوسو ، شدرتي نتي عفطتي على النعمة وزدتي هاربة ليا يسحابليك مغنلقاكش
ياسمين : (كانت معصبة كتر منها) من لول قتلك ماشي شغلك فيا انا مباغاش نتزوج لا بجود لا بغيرو ، تا انني نولي عروستهوم مبغاهاش صعيب تفهمو هادي ، ولكن انا عارفاك مزيان علاش باغة هاد زواج حيت غتستافدي منو على ضهري
لغالية : (زادت تعصبات او شداتها من وجها مزيرة عليها) ياك عندي لمصلاحة من هاد زواج ؟ ايوا الالة ملي عندي لمصلحة فيه غديريه سمعتيني ماشي انا سنين هادي ونا كنبني تجي اني تريبيلي كولشي هاديك لي عمرها تكون ليك سمعتيني عمرها تكون ليك ، (جهدات فصوتها) غتزوجي بجود بلهلى يݣزيها لجدك سمعتيني ولا قسما عظما داكشي لي غيوقع ليك معارفاه غا انا ، حيت نتي أبنت خويا كتمشي غا بنغيز ، كبرت بيك او بغيت نهزك لفوق ولكن نتي ولفتي غا عيشت بوخرار بحال طوبات
ياسمين : (نترات ليها يديها) بعدي مني ماشي شغلك فيا كتسمعيني والله لا تزوجتو ولي فجهدك ديريه
لغالية : غتزوجي بيه بلهلى يطريه لجدك لانتي لا لخانزة ديزة وسناء
ياسمين : (تهازات هي ولغالية مزيان ولكن هي سكتات او مشات جيهة لباب تحلو والو مبغاش) حلي هاد لخرى باغة نقود فحالي
لغالية : (سخفاتها او مرضاتها تا ولات كتدوي بهدوء) ها سوارت سيري هزيهوم او حلي لباب او قودي ، ولكن تحملي مسؤولية راسك
ياسمين : (جاها شك من هضرتها) شمن مسؤولية
لغالية : رجع
ياسمين : (قربات عند لغالية) كفاش رجع كفاش واش عارفة شنو كتقولي
لغالية : (ݣلساتها فداك لكرسي لي مقابل معا لكوافوز او بدات تمشط ليها فشعرها او هي كتدوي بهدووووء) ديك شجرة لي قطعنا قطعنا جدورها كانو باقين فلأرض ، او واحد من دوك جدورة ولا شجرة ، لحل لوحيد لي قدامي وقدامك باش نتخباو من ضلها هي نكونو فعئيلة آيت اوسو ، ولا نتي عارفة شنو غيوقع ليا انا وياك الى وصلنا داك ضل ، سنين هادي ونا كنغرس عروقي فلأرض باش نقدر نحميك نتي وخوتك ولكن الى معونتينيش بهاد زواج مغنقدرش أياسمين ، الى وليتي عروسة آيت اوسو كولشي غيولي تحت يديك من لبوليس تال لحباسة ، سم دبا بين يديك يا تقتلينا كاملين بيه ياتعتقينا نتي تعرفي
لغالية : (بعدات على ياسمين لي كانت غا ساهي فلمرايا او حطات ليها واحد الساشية فوق الناموسية) ها واحد لكسوة الى بغيتي تلبسيها وتجي معا 10 لدار غتلقاينا كنستناوك ، ماجيتيش نتي تعرفي انا غادة دبا (مشات هزات ساكها او خرجات بحالها راجعة لدار)
ياسمين : (حسات بدنية ضارت بيها معرفات مادير ولا تاشنو تقول ، فديك اللحضة فاش دوات ليها لغالية وقالت بلي رجع تما عرفات بلي لكابوس ديالها عاود رجع ، او سر لي كانت مخبية سنين هادي غيقدر اعاود يتحل او داكشي لي مابغاتش ، شافت تا عيات هي تمشي دخل لحامام دوش بعدما حيدات حوايجها )
بعد ساعة وهي ݣالسة تحت لما خرجات لاوية عليها فوطة او مشات تكات فوق ناموسية تنعس شوي هادا لاداها نعاس
#عند لغالية#
رجعات لدار معا ديك 6 طلعات لبيتها نيشن حيدات حوايجها او مشات تنعس ليها واحد جوج سوايع بعدما سيفطات لمريم بلي لقاتها
لغالية : (بعدما نعسات ليها دوك جوج سوايع فاقت مقلوبة بدرع باش كتحل عينيها ، ناضت من فراشها او مشات حلات لباب تاع لحمام تا ضربات فإكسيل كيدوش) مالك مسادش لباب تاع لحمام مخلينا داخلين عليك
اكسيل : (حبس رشاشة او ضار عندها معجب) نتي لي حالة عليا لباب مسمعتيش الصوت تاع لما مطلوق ؟ او زايدون دخلتي عنا لحمام او من بعد شوقع لي سمعك ايقول مموالفاش تحلي عليا لحمام واخة تعرفيني فيه
لغالية : سالي تدواش ديالك باغة ندوش تا انا
اكسيل : (شلل راسو بزربة او خرج لاوي عليه فوطة على نصو لتحتاني)
لغالية : (بغات دخل لحماما دوش ولكن اكسيل كالاها معا لحيط) شنو باغي
اكسيل : باقة مقلقة مني
لغالية : لا
اكسيل : زعما زعما ؟
لغالية : شوية
اكسيل : شنو ندير باش نحيد هاد شويا
لغالية : بلاتي نفكر ، ملي يدوز لعرس تاع جود او ياسمين نسافرو شي 15 ريوم
اكسيل : 15 ريوم على قدها
لغالية : مابغيتيش صافي نتا تعرف ، حيد عليا باغة ندخل ندوش
اكسيل : ههه صافي صافي فين باغة تمشي
لغالية : معرفتش مممم نمشيو لعرايش ؟ وجدة ؟ تطوان ؟ لموهيم شي قنة
اكسيل : صافي الالة جاتك
لغالية : (بساتو من لحنك) الله يرضي عليك يالاه بعد خليني نمشي ندوش
اكسيل : (زاد قرب منها) متبغيش نعاونك فتدواش ؟
لغالية : هههه هاد تحرميات ديالك سير شوف علامن ديرهوم ، قادة نعوم بوحدي
اكسيل : شوفي وكان
لغالية : (كدفعو عليها وهي كضحك) سير سير بدل عليك راه تسعة هادي ، لعشرة غيجي لعدول وجد راسك أو خليني تا انا ندوش بزربة باش نوجد راسي
دخلات لغالية لحمام دوشات بزربة عاد خرجات تنشف شعرها وتلبس عليها واحد لكسوة ودير شال ديالها ، فحين اكسيل لبس عليه غا قبية وسروال
لغالية : (مدارت تا حاجة لوجها او غا سلات تبدال هبطات لتحت تفتح لباب لعئيلتها لي وصلو) مرحبا
مريم : (سلمات على لغالية ) كي دايرة لباس
لغالية : لابس لحمد الله شيماء سيري معاهوم لصالون انا غنمشي نشوف دراري واش فاقو
شيماء : واخة تفضلو معايا
فرح : تبارك الله امي هادي كاملة دار عند لغالية
لغالية : (سبقات صباح هي لولة سعا لقاتها فايقة او موجدة راسها) عروستنا
صباح : ربي مخليها عالله راني غنديرهوم تحتي بلخلعة
لغالية : هههه عادي كل وحدة كتخلع نهار عرسها انا غنمشي نفيق دراري
صباح : بلاش راهوم فاقو او مشاو ايجيبو لعدول حيت معرفش الدار
لغالية : مزيان
صباح : غزلان فاقت ؟
لغالية : شكون غيزلان ؟
صباح : الضيفة تاع مجد جارتو فتركيا
لغالية : ايمتا لحقات ديك جرانة دير جيران هههه
صباح : تي سيد كيضبر على راسو
لغالية : واش نمشي نفيقها ؟
صباح : غا خليها غتكون عيانة تال لحنة او نفيقوها
لغالية : تا هاداك نضار انا غنمشي نشوف واش كولشي واجد (خرجات من بيت صباح او مشات لبيت لحاجة لي كانت خارجة منو هي وصفية) لحاجة صباحو لقيتوني جاية نفيقكوم راه لعدول جاي فطريق او عئيلتي لتحت
لحاجة : مكينش لاش تفيقينا حنا فايقين
لغالية : داكشي لي بغيت تا انا (سمعات صونيط تاع لباب او تمت هابطة تحل) خالتي سناء جيتي مرحبا بيك
سناء : ارحب بيك لخير
لحاجة : بنتي سناء جيتي دخلي دخلي
سناء : جيت الحاجة واخة ماشي لخاطري
لغالية : ماشي كولشي كيكون بلخاطر اخالتي هاء ها دراري رجعو
جود : زيد اسي حسن مرحبا لغالية كولشي جا ؟
لغالية : واه لعئيلة كاملة جات
جود : لحاجة وصلو معاكوم لعدول لداخل (قرب لغالية) ياسمين جات ؟
لغالية : خليتها فلوطيل جات هي هاديك ماجاتش نشوفو كيف نديرو
جود : لعشرة ونص هادي الغالية ديك بنت خوك راه غا صبر باش كنمشي معاها
لغالية : مسحها فيا ملي ضرب عليها لكاغيط منك ليها
جود : ديتيلها ديك لكسوة لي عطيتك ولا غتلبس بحال ديك لمرة
لغالية : كون هاني اتلبس ديك لكسوة لي عطيتهالك
لغالية : لموهيم نتا سير ݣلس معا ناس فين مجد ؟
جود : راه واقف على برا معا محسن او لحاج
لغالية : قولهوم ادخلو ماجاتش تخليو لعدول بوحدو اوسط نسا
مجد : هاحنا جينا
لغالية : لحاج محسن جود سيرو ݣلسو فصالون ونتا تراس لحربة (شداتو من ودنو جاراه) زيد معايا زيد
مجد : شنو
لغالية : (حيدات سرفاقتها او شحطاتو بيها لفخاض) ياشلاهبي وليتي تجيب عليا لبنات لضار الى ساق ليك باك لخبار
مجد : أح واناري ، شغيعرف با بلي جارتي قولي ليه صاحبة صباح من فرانسا ، لبنت جات لمغريب لشي غراض صدقو خواو بيها او صرقوها شندير نخليها فزنقة ماجاتش راك عارفاني حنين
لغالية : لمحنة كتقطر منك كي شهد اشلاهبي تلقاها مسكينة نية كي لقنية او طاحت عليك كي ديب
مجد : كضلميني والله
لغالية : امسكين درويش نتا انا لي كنجبدك ياك سير سير
مجد : احقا اكسيل رجع
اكسيل : (ملي سمعو كيعيط ليه بسميتو خبطو فضهرو) قرينك انا تا تعيطلي بسميتي
مجد : بسم الله الرحمان مناش خرجتي
اكسيل : باقي زايد فيه
مجد : هههه غا ضاحكين (قرب عندو او لاح يديه فوق كتفو) دبا الواليد جود هاهو غيتزوج ياك يعني انا موراه هه
اكسيل : (لاح ليه تا هوا يديه فوق كتافو) ههههه ذكي معا راسك , نتا هو جود ؟
مجد : لا
اكسيل : اذن لاش غتكون موراه
مجد : حرام عليك شي زوجو شي خليه ايبور
اكسيل : نتا بضبط متفكر فزواج تا تفوت ربعين او شوف او شوف
مجد : قول تا نموت نتي او ناخد من حر لعين
اكسيل : تاخد من حر لعين الى دخلتي لجنة او شوف او شوف واش دخل ليها
مجد : ناري أصاحبي كتفشل لواحد
لغالية : (كانت خلاتهوم بجوج او مشات لحمام تا ضربات فسناء)
سناء : راك باغة تموتي بلفرحة
لغالية : معلوم عرس بنت خويا هادا
سناء : (طلعاتها ونزلاتها) بحالك بحال بنت خوك غا طماعة على ختها ، بنت خوك غا شافت ولدي غلط معاها لسقات فيه
لغالية : هههههههه وشحال كتبقاي فيا لهاد درجة متسرطش ليك لقالب ، ولكن غا شوري دبا تولفي ههههههه هاه الى لقيتيها وحلاتلك دوزيها بلما لعلى وعسى
سناء : راه نتي لي تتبقى فراسك كيما كاين زواج كاين طلاق او لفراق او نتي أدرى بفراق خوك على بنتي هههههه كانو ممكتابينش لبعضياتهوم بنتي فين او خوك فين ، ولدي فين او بنت خوك فين جود غا نزوة شاداه او غدوز
لغالية : هههه طلاق احبيبتي معندش بنات عئيلتنا حنا الراجل الى عواج حنا نسݣدوه ، آه ويلا كان غا على خويا وبنتك شكون عرف يمكن ربي يحن ويجمعهوم ليوم قبل من عدة وعلاش لا دابة ݣاع شكون عرف لمكتاب ايمتى كيتصرف (زادت او خلاتها تابعاها من لور كتغلي)
لحاجة : ايوا شت لعروسة مكايناش خرمات ولا ل11 هادي
لغالية : هه ويلي الحاجة على خرمات يالاه دويت معاها قاتلي بلي لموافورة لي عطلاتها
صفية : نديرو راسنا تقنا هاد لبلان
لغالية : (قلبات وجها لعند صباح) جاك هاد لون زوين معا وجهك
صباح : زعما ؟ بشرتي ضرباتها خطية
لغالية : غدا ان شاء الله نمشيو لحمام ندير ليك تبريمات تا ترجعي كتشعلي
صباح : شت ياسمين : تعطلات
لغالية : غا خليها عالله راه 11 اونص هادي
لحاجة : قريبة طناعش او لحاجة باقي مجات باين لعربون من نهار لول ، غالي مبغاش يفهم
جود : هاني غنمشي نجيبها (ناض من بلاصتو معصب ناوي يزيد خطوة تا تسمع الصوت تاع الطالون)
ياسمين : (دخلات عليهوم بواحد لكسيوة بلوردي طويلة فيها فتحة تال ركبة ، يديها طوال او مشنوقين من لتحت ، لقتاف او لعنق باينين ،دايرة فوجها مكياج خفيف معا حلقات كبار فودنيها شعرها خلاتو طبيعي او مطلوق ، شافت فجود او بتاسمات) سمحولي تعطلت عليكوم الطاكسي خسر فنص تاع طريق
لغالية : معليش تا حاجة موقعات ولكن سيري ݣلسي باش ديرو لاكط راه عطلنا لعدول معانا
اكسيل : (ݣالس تما بشموخ) سي لعدول يمكن ليك تبدا
لعدول : (خدا من ياسمين او جود لكارط ديالهوم او بدا كيقيد فلمعلومات عاد سول كل واحد فيهوم) ياسمين تاجي واش نتي قابلة هاد زواج
ياسمين : قابلة
لعدول : ونتا اجود آيت اوسو قابل بهاد زواج ؟
جود : قابل
لعدول : بالنسبة لصداق واش شديتيه
جود : (جبد واحد الشيك او عمرو تما قدامهوم او مدو ليها) ها صداقك أبنت الناس
لحاجة : (نترات ليه الشيك قبل تا متشدو ياسمين او حلات فمها) هاواي على 10 دلمليون فصداق ياك لاباس
مريم : (عصبها التصرف لي دارت لحاجة او نتراتو ليها تا هي من يديها راداه لبنتها) كلى ورزقو او حولى واش سݣاتليه مغرفتو الحاجة
لعدول : احن ، كاينين عندكوم شي شروط
جود : لا
ياسمين : (قاطعاتو) انا عندي
صفية : لا مزيانة هادي بقالك غا تشراط
مريم : (خلفتها تقول شي حاجة مهياش) ياسمين خلي من بعد أو دويو على الشروط راه لعدول غيكون زربان
ياسمين : مكاين بو من بعد شرطي بغيتو يتكتب فلاكط معرف بنادم شكتجيب لوقت اللهم كل واحد اضمن حقو
لحاجة : قبلنا بيك او زايداها بتشراط والله إيلى
اكسيل : لبنت مقالت تا عيب الحاجة بغات تشرط من حقها ربي وعطاها الرخصة ، او تانية حنا طلبناها من باها ماشي قبلنا بيها
لعدول : شكوناهوما شروطك أبنتي
ياسمين : بغيتو الى جا شي نهار او بغا يطلقني اكتبلي دار بسميتي وطونوبيل او 250 مليون احطهالي كاش
سناء : (صافي كانت غتسطا) عاودي عاودي 250 مليون او دار او طونوبيل الى بغا يطلقك ، علاه ابنيتي راك تبيضي ديامون ، فكو عنا هاد لحريرة راه باين لعربون من دابة
جود : (كان داير يديه تحت وجهو او غا ساكت) انا قابل
لحاجة : كيفاش قابل واش تسطيتي
جود : سي لعدول كمل خدمتك
لعدول : بما انو لعرسان قابلين او صداق تعطا وشرط تكتب مبقالكوم غا تسنيو نتوما وشهود ، شكون شهود ؟
مجد : (نقز) أن.
لغالية : (قرصاتو) سكت هنينا ، سيدي , صباح او محسن هوما شهود
مجد : ولكن
لغالية : (عاودات قرصاتو) هنينا
لعدول : عطيوني لكارطات دياولكوم (خدا من عندهوم لاكارطات او سولهوم تا هوما) محسن تاجي نتا قابل بهاد زواج ؟
محسن : قابل
لعدول : ونتي أصباح آيت اوسو قابلة بهاد زواج ؟
صباح : قابلة
لعدول : ملي بجوجكوم قابلين سنيو ليا هنا
ياسمين : (سنات فجوج وراق)
جود : علاش جوج
ياسمين : (قرصاتو تا هو) شعرفك نتا ، سني وسكت
جود : (معاودش معاها لهضرة او سنا)
محسن : (تا هوا سنا على جوج مرات ، او ملي هز عينيه فصباح لقاها متوترة او يديها لي كتسني كترجف ، حس بلي شي حاجة مهياش تما)
إكسيل : (كان مصغر عينيه فهادشي لي كيدوز قدامو او غا ساكت)
لعدول : (بتاسم) مبروك عليكوم أوليداتي هاد الزواج ، الله اكملو عليكوم بلخير او يرزقكوم بلبنين او لبنات ، جود او ياسمين يمكن ليكوم تجيو تاخدو لعقد ديالكوم منهنا سيمانة حيت نتوما سابقين ، او بالنسبة لمحسن او صباح ايجيو ياخدو لعقد ديالهوم منهنا عشريام
مجد : (داك لما كامل لي شرب خرجو) عقد ؟ شمن عقد
لعدول : عقد زواجهوم اولدي ، خليتكوم دبا انا على خير
محسن : (فهم لبلان او حس بلقالب لي طلع معاه ، ضور عينيه فلغالية لقاها كضحك او صباح غا ساكة ، أصلا كولشي ساكت مالقاو ميقولو)
كلتوم : (تصدمات) وليدي مكنتيش قلتينا بلي اتعقد تانتا ليوم
محسن : (شاف بلي لبراني معاهوم داكشي علاش مقال والو) كان لعدول جاي جاي قلنا نديرو حجة وزيارة ياك أصباح
صباح : (هزات عينيها فيه لقاتو كاعي ولكن ممبينش ، أما واحد مها او لحاجة كانو غا مطرطقيق عينيهوم مفاهيم والو ، او بصوت متردد نطقات) و.واه
لغالية : ايوا طلقونا شي زغاريت البنات او صليو على نبي شتكوم ساكتين زعما راه زواج هدا لفرح (بتاسمات فخر كلامها فاقصة لحاجة ، عاد طلقاتها بواحد مولاتي تزغرية)
سناء : (ناضت معصبة) سكتينا من زغاريت شهاد تخربيق شمن زواج هادا أصباح لي خرج على غفلة أدوي
صباح : ماما دبا
سناء : شمن ماما ولا تخربيق ولكن ميكونو هادو غا فعايلك الغالية باغة تخرجيلي على بنتي او تزوجيها لشمكار دخوك
مجد : ماما يالاه نخرجو ندويو على برا
سناء : مغندويوش على برا اندويو هنا شهاد لعب لبراهش كديرو فيه ، ونتا ياك ديك نهار قتلك بعد على بنتي عطيها تيساع مضورش بساحتها راك متليقش ليها ، ولكن معامن كندوي انا معلوم مغتفرطش فيها او غتشد فيها شدة لعما فضلما راها دجاجة بكامونة هادي لي طاحت بين يديك فين غنبقا شي همزة خرى بحالها ، أصلن كاملكوم هاكدا سلالة لانتا لا ختك لا بنت خوك
اكسيل : (تعصب) سناء سدي داك لفم او حتارمي راسك أو عرفي شكتخرجي منو
لحاجة : عيواض متوقف مرتك عند حدها باقي زايد فيه
اكسيل : ماشي وقت لهضرة هادي كولشي يسكتنا
سناء : او ايمتا وقتها بسلامة اسي اكسيل تا دير فينا مرتك مابغات
اكسيل : (حمر فيها) بنت خالي هنينا ولا غنغلط فيك
سناء : (تعصبات او خرجات هي ولحاجة او صفية لبيت خرى يدويو فيها)
اكسيل : (رجع ݣلس)
لغالية : (قربات عندو كطبطب عليه) حياتي متعصبش راسك راه ممزيانش لسكار
اكسيل : أيا لغالية اونشدك نفرسك واش نتي كديري لمصيبة وتعطي لعربون لختها ، واش باغة تشيبيني بلى وقت
لغالية : ها سلوݣية بدات ياك تزوجتك شايب انا غا كملت عليك او صاف او زايدون الشيب كيجي معاك كيحمق
اكسيل : راه واخة تبقاي تشكري فيا تال غدا والله لا دوزتهالك غا بلاتي نبقاو الراس فراس او نتحاسبو
ياسمين : اديك مك ماساهلاش
جود : كنتي عارفة بهاد لبلان ؟
ياسمين : بلعمى مكنت عارفة أصلن فين كنت انا بعدا معاهوم
جود : ديك فين كنتي غنتحاسبو عليها ملي تسالي هاد روينة ، فين لخاتم تاع لخطبة
ياسمين : هانتا قلتيها براسك تاع لخطبة ماشي تاع زواج غيخصك تشريلي تاع لمارياج ، احقا (ضارت عند مجد) هاد الشيك يمكلي نصرفو ولا راه شيك بدون رصيد
جود : من نيتك يسحابك كنلعب معاك
ياسمين : اوا منعرف نمشي نبغي نتيري لفلوس لقا معندك تا ريال
مجد : نتي لي باغة تيريهوم فين غتحطيهوم ونتي تا لحساب تاع لبنكة معندكش
ياسمين : غنخبعهوم عندي مكنتيقش فلبانكات
جود : (بطنز) وايلي غيبقا فيهوم لحال الى عرفوك مكتيقيش فيهوم
ياسمين : انا با ومكنتيقش فيه بقاتلي غا لبانكة
مجد : فكرتيني فيه شتو مجاش معاهوم
ياسمين : تلقاه شادايه شي طحبة دربعمية فشي قنة
مجد : (هز عينيه فمها) دبا هادي يخونوها الناس تا بربي باك تا خاصه لفلاقا ممقدرش النعمة
ياسمين : أجي نتا شتك ممصدومش من زواج صباح
مجد : ملي غتعيشي بين عئيلتنا غتفهمي علاش مكنتصدمش تا كون ايجيبو بعلوك قدامي يقولولي ولدنا منتصدمش
جود : متخافش منهنا عام تلقا راسك كتراري فيه
مجد : (عاد سرا معاه لقالب او وقف مشوكي) اداك زمر مابغيت نولي بو خال عطي تيساع لختي متحملها متحملك
جود : (جرو ݣلسو لأرض سادليه فمو) هنينا الخطية لنصدق جامعك مشي نص ، ديما فاضحنا تفو
محسن : (كان معصب النيت لخرى طالع ليه فوق راسو ، شاف تا عيا هو يوقف) صباح باغي ندوي معاك
صباح : (حسات بلما جمد وليها فركابي )
لغالية : نوضي دوي معاه متخافيش
محسن : صباح
صباح : ها.هاني جايا
محسن : (سبقها وخرج من صالون مخليها تابعاه من لور)
صباح : (كانت كتعكل فجلايلها وكدعي اخرج طرح على خير ) خلينا ندويو فبيتي حسن
محسن : فين جات بيتك ؟
صباح : لفوق (سبقاتو فلخطاوي تا طلعو لبيتها او دخلو سادين عليهوم لباب)
محسن : (دار يديه على راسو او كيحاول ما أمكن يدوي بهدوء) شهاد تخوار درتي دبا أدوي
صباح : مخليتيلي امحسن تاشي حل آخر ، مابغيتيش تسامحني ولا تدوي معايا شنو كنتي باغيني ندير نتسنا تا طير من بين يدي
محسن : مابغيتش نسامحك قالك داك طانطو دراسك تزوجيه بلاما يعيق او طلعي معاه لقالب ياك ، واش انا مقاتل معا كغي كنحاول نسرط داكشي لي درتي ليا نضتي نتي عميتيلي عينيا بهادشي لي درتي ، ولكن كيما تزوجنا بلغلط غنطلقو بلغلط بحالنا بحال ناس
صباح : (شداتو من يدو وهي غا كتبكي) لا عافاك مديرش هاكدا عارفة راسي غلطت معاك ولكن درت هادشي غا حيت كنبغيك او باغة نكون معاك
محسن : ونا ماباغيش نكون معاك ابنادمة كتفهمي ، شنو كان حيسحاب ليك ملي غنعرف بلي تزوجنا غنفرح او نوض نزغرت بحال لهبيل ولا شنو ، ايوا تا نكون تامل او زيديني قالب آخر هاد زواج هو لي مغيكملش سمعتيني حمدي الله راني شاد راسي ايما نزدح جدك معا لحيط على هاد لخرى لي درتي ولكن والله ما ندوزهالك برب لعالي يالي داكشي لي غندير ليك أ صباح معالم بيه غا انا نوريك ضحكي عليا
صباح : (زادت نهارت بلبكى) دير فيا لي بغيتي غي مكلقنيش أمحسن متفرقنيش عليك راني مقاداش نعيش بلى بيك نموت
محسن : (شدها من يديها او زير عليها مزيان) هاد لهضرة كوليها من زهرك حضرولي شي ناس منبغيش نبان صغير قدامهوم ، غنسكت ونقول تزوجنا حيت كنا متافقين تفوت هاد روينة وكلى واحد فينا يشد طريقو أبنت الناس ، انا ماشي محسن تاع مشحال هادي أصباح داك محسن نسايه مات ، او مات معاه تا داكشي لي كان بيناتنا او غيجمعنا او بهادشي لي درتي ليوم راه واخة سما تولي رملة بالله لاجمعاتنا شي حاجة غا تهناي ، او دبا مسحي عليا وجهك ولا غسليه او هبطي عندهوم (خرج من بيتها مخليها باغة تاكل راسها بلبكا او مشا هو خرج لجردة اضربو شوي تاع لبرد تا تصادف معا اكسيل)
ياسمين : (بقات ݣالسة فصالون شوي معا مها تا حسات براسها خاصها تكمي هي طلع لفوق بضبط لداك لبالكو لمعزول ، شعلات ليه واحد لݣارو وبدات تكمي على خاطرها تا وقفات عليها لحاجة هي وسناء)
لحاجة : منايض منك غا لكمي على زين فعايلك
ياسمين : من لخر كاين منقضيو
سناء : شحال تبغي باش تبعدي على ولدي
ياسمين : ماشي مسألة شحال نبغي ، مسألة شحال تعطي
سناء : 10 دلمليون ؟
ياسمين : لاواه انا شادة فصداقي عشرة
سناء : 20 ؟
ياسمين : من مئة لفوق
لحاجة : من نيتك ؟
ياسمين : من ريتي ، راه غا طلاقي ساوي 250 مليون قاتلك شحال بغيتي ، معا لأسف احماتي معجبنيش لعرض ديالك كنتسنا شوي تاع لمجهود فلمرة الجاية تشاو
سناء : (بقات كتنفخ او تفش تا عيات هي تهز صاكها او خرجات بحالها راكبة طونوبيلتها او راجعة لدارها)
لغالية : شيماء قولي بنات احطو آتاي راه متنا بجوع
اكسيل : (دخل لصالون بوحدو)
لغالية : محسن باقي مسالا لهضرة ؟
اكسيل : لا راه مشا حيت عندو شي غراض
جود : انا غنخليكوم نطلع لبيتي نعس
مجد : ستناني هاني جاي معاك
اكسيل : لحاج انا خارج
لحاج : (كان كيتجمع معا سليمان) الله اعاونك اولدي
لغالية : فين غادي
اكسيل : غادي نجيب دراري
لغالية : علاه جاو
اكسيل : واه او خسرات بيهوم طونوبيل منهنا شوي اتشوفي عزيز او يحيى سبقوهوم
خرج اكسيل ومشا يجيب ولاد خوتو فحين خوتو او عيالاتهوم كانو سبقوهوم ، دار ولات عامرة بلغاشي سلم منهنا وبوس منهنا
مروى : (نقزات على ضهر جود) فين برامج باغة نشوفها
جود : نزلي راك قطعتي فيا لحم راها فصالون
مروى : (غا سمعات ديك كاينة فصالون هبطات عليه ومشات كتجري هي وتويمية ديالها صفاء)
صفاء : (غا دخلو لصالون مشاو قاصدين ياسمين او واقفين عليها كيف لعسكر) نتي لي تزوجتي بجود ؟
ياسمين : (معرفات باش تبلات تا كتلقا نفس لبنت واقفة فجوج بلايص او كتسولها بقات شحال عاد ستوعبات بلي رهوم توام)
مروى : (مدارتلهاش فين تجاوب على سؤال لول تا نزلات عليها هي وختها بلأسئلة) شعجبك فيه ؟ كمارة عندو هاديك تعجب لناس
صفاء : لا لا نتي ميكونو غا ساحرين ليك ولا موكلينك شي حاجة جريو بلبنت لشي فقيه
مروى : لا لا بزاف على سحور غتكون كانت سكرانة حيت لا يعقل وحدة بهاد زين تزوج داك تمساح
جود : تيمساح هو باك
مصطفى : (قرفدو فراسو) تيمساح هو جدك
لحاج : ايوا حاشاك
اكسيل : خليو لبنت عليكوم ضهشرتوها
صفاء : خالي خاصك تعطيها جائيزا قبلات بلباير تاع ولدك
جود : اديك لبرهوشة كاين شي باير قدك
مروى : تزوجتي وبديتي تعاير فينا نسيتي يامك
ياسمين : (صغرات فيه عينيها) شمن يام هادو
صفاء : كان…..
جود : (قفل ليها فمها) تدوي ندوي
لغالية : طلق عليك لبنت او خليها تݣلس تشرب آتاي
جود : (طلقها ومشا ريح حدا ياسمين من جيهة دراري)
يحيى : (تعارفو لعائيلات بيناتهوم) الله اكمل كولشي بلخير اولدي
جود : آمين
لحاجة : (بطنز) باركتو غا لجود ياوختو صباح لي تزوجات تا هي ماتباركولهاش ؟
عزيز : صباح تزواج ايمتى ؟
اكسيل : هاد صباح ملي جا لعدول جا قالو يدوزو كولشي تالفينما دارو لعرس
غيتة : ايوا مبروك مبروك ازين ديالي فين لعريس مباناش ؟
صباح : عندو شي غراض خرج يقضيه
علاء : (كان يالاه جا) السلام عليكم
رقية : وعليكم سلام اولدي جيتي
علاء : لا جابوني
جود : (ضحك عليه) جابوك
علاء : (فهمو بلي كيمعني على شيماء) مبروك مدرتي
جود : الله ابارك فيك
رقية : بارك تال صباح راها تزوجات
علاء : (متصدمش كان متوقع بلي غيجي ليوم لي تزوج فيه ولكن واخة هاكداك حاول ميبينش ) مبروك عليك أصباح مدرتي عقبان لدراري (مشا ريح معا ولاد عمو كيتجمعو وهو حاضي لباب)
جود : عجبك لݣبص لي فلباب ؟
علاء : عاجبني داك لفم نهرسو باش تهنينا
يوسف : (لي منين جابتو مريم كان ناعس فواحد لبيت أو سيهام لي كانت حاضياه ، ضرباتو لفيقة وداتو لصالون عند مو ، هو مسكين ملي شاف الصالون كبير او عامر بناس تضهشر او بدا كيدور فعينيه ايشوف فين يمشي تا بانت ليه ياسمين ݣالسة وحداها جود هو يمشي كيجري عندها ، وبدا كيبعد فجود من حداها باش يݣلس هو حداها)
مريم : (كتدوي معاه باش يزݣا) يوسف أجي إماما ݣلس عندي خلي عليك ختك
يوسف : (كيحرك ليها راسو بلا) يامين
ياسمين : (ملي شافتو كيعيط ليها ضحكات او هزاتو عندها) شنو بغيتي أ
يوسف : (والو متسرطاتش ليه لعيبة تاع جود ݣالس حدا ختو) ياسمين هنا
ياسمين : (شافت بلي كيشير ليها لفين ݣالس جود) خليك ݣالس عندي ، جود مدليا ديك لحلوة
جود : (مد لطبسيل وخدا منو واحد لحلوة او مدها ليها سعا يوسف مخلاهش كيبعد ليه فيديه) مالك اعشيري زاعف عنا خلينا نمدو غا سخرة
يوسف : (صافي وصلات فيه لعضم خلى جود تا عاود ماطا يديه هو يشدو بعضة كارز عليه)
جود : (ولا كيزغرت بلحريق تاع لعضة) يوسف طلق ، توما عاونوني فكوني من هاد تمساح
مريم : هاويلي تا طلق دري واش جعرتي (شحطاتو ليديه بشوي باش اطلقو) يوسف طلق دري حشومة
يوسف : (تا شحطاتو مو عاد حيد سنانو او بعد عليه)
مريم : لاش عضيتيه
يوسف : (بدا كيبكي او هو معنق ياسمين او كارز عليها) يامين ديالي هوليه اينوض (ضور وجهو عند جود لي كان شاد يديه لي تطبعو فيها سنانو ، هو يدفل عليه) تفو موشخ
جود : (كيسمع كولشي كيضحك على تصرف تاع يوسف هو ينوض مبعد على ياسمين) هاحنا آسيدي بعدنالك على ختك ربح بيها مغيار كيف داير
مجد : (قرب عند يوسف او هزو عندو كيفرنس) لعز اعشيري هاكدا يكونو رجال ، ماتخليهش اݣلس حدا ختك سيبة فلبلاد ولا شنو
يوسف : (متبع معاه او مركز بحالي كيفهم شنو كيقولو)
جود : اسعداتنا اسي يوسف شي عضو شي ضحك معاه
مجد : ههههههه وحاقد عليك اصحبي
مريم : لي فيه مهناه غيبقا هاكدا فوقما يشوف شي حد قرب لياسمين اتجنن عليه
لغالية : هههههه خليه من حقو (شافت فرانيا بانتلها مهياش) رانيا مالك ؟ ضاراك شي حاجة تا لونك مخطوف
رانية : (هربات بعينيها) لا غا معا طريق او صاف انا غنمشي نرتاح ليا شوي فلبيت او نولي بيخير (ديك نوضة لي ناضت باش تخرج تزادحات معا مروى او طاح ليها الساك مزلع كولشي)
عزيز : (ملي شاف بنتو طيحات ساكها او كتجمع داكشي لي طاح ليها بزربة مد يديه باش اعاونها تا كيطيح على تحليل دإختبار الحمل ، هزو لعندو كيتحقق منو شايف قدامو جوج شركات حمرين)
رانيا : بابا
صفية : رانيا ؟ نتي حاملة ؟
لعئيلة : (بصدمة) حاملة ؟
عزيز : (وقف على رجليه او ضار بلعرض لبطيء عند ولد ختو رضوان) درتيها اولد لحرام
رضوان : (حبسليه لما فركابي) عمي خليني غا نشرحليك
عزيز : (شير عليه بوسادة) شغتشرح ليا ونتا محملها أدوي الكافر بالله
رضوان : (شداتو لبكية) وراه مرتي اناس مرتي
عزيز : مناش جاها مرتك ياك تا لعرس باقي مدرتوهش
رضوان : واش اخالي حنا درنا لاكط عام هادا او قرينة لفاتحة وعطينا صداق ونتا كتقولي لعرس شهر لي جا نقولك اخالي خلينا نعرسو ندي مرتي ونتا ݣالس عليا هاد لعام مطاحتش شتا بزاف ميعدالش ديرو لعرس تقول غنحرتو ، وهاني درت زريعة لي كتنوض بلى سقيان
عزيز : (دم بدا كيغلي ليه فعروقو) مخليتكش دير لعرس نوض نتا حملها الكافر بالله ليوم نصفيها لجدك جيبولي ديك جويجة
رضوان : (غا سمع ديك جويجة هو يعطيها لريح هو يجري او عزيز موراها يجري تا صدقو خارجين لجردة كي لمش او لفار ولوخرين غا كيتفرج) وا عتقو الروح اعباد الله بغا يقتلني هاد سيد ، تا راه باغي نشوف ولدي ولا بنتي مابغيتهومش يتيتمو
عزيز : ليوم نبالي بيك اولد ختي ليوم تلبس عليك بنتي حق الله
رانيا : (مسكينة هزاتها النفس على راجلها وبدات كتغوت لباها باش يسمعها) با فوت ليه غا لوجه ها لعار او ضربو غا بشوي متقصحوش مسكين ، او متقتلوش راه مكيجيش معايا لبيض ابا
رضوان : (باقي كيجري) واسكتينا نتي ، با وا مصطفى تا عتق
مروى & صفاء : (هزو واحد التيو او مشاو كيجريو تابعين عزيز او محبسينو) آش كادير اخالي تابعنا خونا بصندالة شنو قالك راسك
رضوان : (حبس جرى فرحان حيت خواتاتو كيدافعو عليه) رضا راني نحبكوم كاملي ، آشنو دبا اسي عزيز صافي تقاضاو ليك حݣرتي عليا يسحابليك معندي لي يحامي عليا
مروى : (حيدات لخالها الصرفاقة او زاوطاتها هي تمد ليه داك تيو) هاك هادا حسن ليك من صرفاقة تهلى فيه وريه كفاش احمليك بنتك
رضوان : (رجع كيجري ملي شاف خالو تابعو بتيو) وغا بلاتي عليكوم ادوك زمرات غنشدكوم (شاف تا عيا او بان ليه شخص واحد لي يقدر الجء ليه فهاد لموقف هو خالو اكسيل داكشي علاش مشا تخبا موراه) خالي لعار ما عتقني راه باغي يسلخني واش انا درت شي عيب مرتي هاديك
عزيز : (لحق عليهوم كينهج) اكسيل بعد خليني مني ليه
اكسيل : تهدن او حط داك تيو
عزيز : مغنحطو تا نرشمو
اكسيل : الله يهديك اعزيز دري مدار تا عيب مرتو هاديك ايديرو ما بغاو
بقا اكسيل كيدوي معا عزيز او يهدنو تا صافي برد او رجعو دخلو لدار , فحين جود او مجد مشاو اوصلو ياسمين او عئيلتها لدار حيت كان تابعهوم ايدوزو لكوافورة او يقادو راسهوم لليلة لحنا لي كانت فلعشية
#بليل#
معا جوايه لمغرب لأجواء فدار لغالية تبدلات طريطورين غا كيضورو الصالون تبدلو ليه طلامط او لݣلسة تاع لعروسة تا هي وجدات لبنات ضربو ليك تكاشط او روايح او لماكياج تا ضواو ، فحين دراري خرجو يسهرو برا بحكم أنو ليلة ليلة خاصة غا بلعيالات ، بداو ضياف كيجيو او لغالية مستقبلاهوم حدا لباب بواحد تكشيطة تقيلة مديورة بصاري او ذهب خلاص كيف لعادة ها دبالج ها سناسل ها لخواتم لموهيم جات محيحة ، واقفة حداها صباح او شيماء أو سيهام لي كانو تا هوما لابسين تكاشطهوم حيت لغالية قاتلهوم احضرو لحنا بحال لبنات لوخرين تسخار اخليوه على طريطور
لغالية : مرحبا وألف مرحبا زارتنا لبراكة
سمية : (خت اكسيل برضاعة او بنت خالو) كيف نتينا الحبيبة دألبي كيف عاملة صحيحة
لغالية : حمد الله هاد الساعة فين فطيمة مجاتش معاك
سمية : راها فسبانيا هاد الساعة قريب ترجع
لغالية : الله ايجيبها على خير دخلي متبقايش برى
منى : لغالية
لغالية : (سلمات عليها بلوجه) خالتي دخلي دخلي مرحبا
منى : ها أسماء مراة عبد الرزاق
لغالية : مرحبا وألف مرحبة بمرة ولد خالتي شخبارك
أسماء : حمد الله
منى : (سلمات على صباح) مبروك أبنتي مدرتي فرحت ليك
صباح : الله ابارك فيك اخالتي
منى : باقي صحاب الدار مجاو ؟
لغالية : عاد واو معايا قالولي بلي غيخرجو من الدار دابا
منى : مزيان فين لحاجة مبانتش ليا
لغالية : لقيتيني غنطلع عندها نشوفها فين تعطلات ، صباح رجلي بضياف علاما نرجع ولكن قبل واش دويتي معا ماماك شتها باقي مجات
صباح : عييت منصوني ليها والو مكتجاوبش موحال واش غتجي تحضر
لغالية : هي تعرف راها مصغيراش ولا كترضع فصبعها باش تبقاو نحزرو فيها تجي لعرس ولدها
لغالية : (خلات صباح بوحدها كتستقبل ضياف او طلعات هي لفوق داخلة على لحاجة لبيت بعدما دقات لباب) لحاجة باقي ملبستي ضياف غيستناوك راه قريب اوصلو
لحاجة : (كان باين عليها سخط) سمعيني اديك قليلة لحيا ديك لخانزة تاع بنت خوك هي لي مغدخلش لدار حفيدي عروسة سمعتيني ، باركة عنا غا لخنز ديالك زيدينا لطحبة تاع بنت خوك مزيانة هادي
لغالية : (تبسمات ليها او مشات لماريو جابدة منو واحد لقفطان تاع تليجة) لبسي هاد لقفطان او كحلي و ديري لعكر ، ياوركبي سراتل تاع دهب او تبسمي وهبطي عند ضياف راهوم كيستناوك لتحت
لحاجة : هاد نهار هو لي عمرك تحلمي بيه او ماحدي موافقتش على هاد زواج فراه والله لا كان ، مابقالي نيت غا نمشي نتعرض لطاسيلتك بلحليب او تمر على زينة اصلهوم او بناتهوم
لغالية : (قربات عندها كضحك بنخوة) شكون كيتسنا رايك أصلن لكتاب او تكتب شنو باغة كتر ، او نزيدك كنقولك داكشي لي غديري ماشي كنطلبك ديريه ، غتهبطي عند عئيلتي او ترحبي بيهوم او بالحليب او تمر تستقبليهوم ، او نزيدك غتمشي عند بنت خويا او تكبري بيها قدام الناس او تحيدي دبالجك او تركبيهوم ليها ياوتقولي هادي هي عروسة آيت اوسو ونتي ضاحكة
لحاجة : ههههههه حلمي ابنيتي حلمي ، لحاجة يزة وجرك عالله هادي لي معاك ، لي كنقولها كنديرها ونا قلت هاد زواج مكاينش هي مكاينش
لغالية : يزة أيزة ضحكي ونشطي او ملي يجي وقت لحساب عنداك تبكي ، ولا ياكما عند بالك مدوزتي عليا نسيتو او كيتي برات بعد هاد سنين كاملة ، الى شفتيني سكت او درت على جرحي لملح او يسحابليك انا نفسها لغالية لقديمة راك غالطة او بزاف ݣاع ، ديك لعروسة درويشة لي كنتي كتحرتي عليها وتسكت ، او تغوتي عليها وتبكي او ضربيها وتقطع لحس ماتت ، ديك لغالية ماتت او هادي لي قدامك هي لي غنجيب آخرتك ضوري وتقولي عليا لفعة ، ايوا الالة انا لفعة وخافي مني سمي هو لي غيدخل لفتنة ولعداوة بينك او بين ولدك أيزة غا صبري وتشوفي
لحاجة : عند بالك تقدري تفرقيني على وليدي هههههههه مسكينة ، كون كانت خانزة بحالك تقدر دخل بيني وبين ولدي ݣاع منولدو
لغالية : بصح ؟ منقدرش ؟ زعما ولدك ايبقا يهز فيك لعين حتى من بعد ميعرف بلي نتي لي قتلتي ليه ولدو ، تء تء منضنش نتي عارفاه حسن مني
لحاجة : غتقولي ليه لكدوب او كتسنايه اتيقك
لغالية : معلوم اتيقني كيما بكلمة وحدة مني خليتو اتيق ديك لكدبة لي نتي براسك تيقتيها ، بكلمة خرى مني غنقوليه شنو جرى فديك ليلة او نشوفو واش غيتيقني ديك الساعة ولا لا ، غنخليه يعرف بلي هاد ليديدات لي كيبوس فيهوم كل صباح نفسهوم ليدين لي قتلو ولدو او حرموه من شوفتو ، نفسهوم ليدين لي خلاوه يبكي على ولدو او هو هازو بين يديه طرف تاع لحم مكيتحركش ، ولكن منصحكش تخليني ندوي ابزة ، داكشي علاش نزلي لتحت او ديري داكشي لي قلتلك عليه ، ياك اعݣوزتي ههههههههه
لحاجة : (صفارت او خضارت ولكن كتحاول تبين راسها قوية او مكتأترش) لمخير فخيلك ركبيه اشايطة
لغالية : (سمعات تقرقيب تاع لباب او تسيفات) الله يهديك الحاجة الناس كيتسناونا لتحت ، عارفاك محاملانيش ولكن بنت خويا شدارتلك فوجه ولدك او حفيدك نزلي راه فرحتنا مكتكملش بلى بيك (عنقات يزة او همسات فودنيها) حرݣتيلي ݣلبي أيزة وشويتيني فولدي ، ولكن راني حالفة بحلوفي تا نرض صرف بالضوبل أحماتي
يتبع
التعليقات 0