الفصل 10

لغالية : شيماء قوليلي شكون دار فيك هاد لحالة

شيماء : (نفاجرات فلبكا او عاودات ليها داكشي لي وقع كامل)

لغالية : (بكات معاها او عنقاتها) ولد لهم خلاك فلخلى بوحدك ولكن والله لا بقات فيه ، شوفي فيا

شيماء : (شافت فيها)

لغالية : مسحي دموعك او شدي فراسك الى مشا ايخ فيه ويلى بغيتيه خليه هو ايجي يطلبك او يرغبك باش ترجعي ليه ، عطيه نخال او تعفري عليه هزي خنافرك لسما او متهزيهش من أرضو ، ولفك كديري ليه لي بغا او فينما ايضور يلقاك خليه هو دبا لي يقلب عليك

شيماء : مابقيتش باغاه يعطيني غا التيساع مابقيت باغة منو والو

لغالية : نخليك ليك دبا شوي ترتاحي تا تولي لاباس او ندويو فهادشي

شيماء تكات فراشها او نعسات ودمعة على خدها اما سيهوم علاء فما تفكرها تا وصل دار عاد تنادم معاه لحال على داكشي لي دار او وعى بزبلتو ، فلبلاصة ركب طونوبيلتو او كسيرا راجع لبلاصة فين خلاها والو غير ليها لاتر كيصوني عليها طيليفونها طافي ، تخلع تاع لمعقول او تقطعات فيه بزربة هز طيليفونو او صونا على لغالية

لغالية : الو

علاء : لغالية شيماء عندكوم ؟

لغالية : (كدبات عليه) لا معندناش غتكون هاد لوقيتة فدارهوم علاش ؟

علاء : غا نسات فدار شي حوايج ليها داكشي علاش سولت وماعرفتيش ضارها فين جات نوصلهوم ليها ؟

لغالية : لا معارفاهاش فين ساكنة عمرها قالت ليا “خليك اوليدي علاء تقلب شوي”

علاء : صافي معليش (قطع معا لغالية او بقا يمشي ويجي فديك طريق تا فات لفجر عاد رجع لضار او هو باقي مشوش عليها) فين غتكون مشات فين ؟

#فصباح#

صباح جديد صبح على عروستنا لي بقات قدامها غا تلييام او تخطب لداك السيد لي قدر ايدير بلاصتو فقلبها ، هاد ليوماين لي ݣلسات معا مها كانت كتعاونها فكولشي او تقدا معاها ، شي لي خلى نفسيتها تزيد ترتاح واخة شي مرات كتلقا راسها مخنوقة بلى سبب ولكن كتقول غا معا سطريس او صاف ، فرحتها مسكينة كانت فرحة او زهرها كان زهر او قدارها مكان عالم بيه غا الله ، او بحال كلى نهار فاقت ناشطة مصبحة على لميساجات تاع محسن او تعناب ديالو ، توضات ليها وصلات واحد جوج ركعات عاد خرجات عند مها تقاد معاها لفطور

صباح : صباح لخير

سناء : (مكانتش على بعضها غا ساهية او كتخمم)

صباح : ماما

سناء : (فاقت من سهوتها) صباح لخير أبنتي فقتي

صباح : واه فقت عاد دبا بيك شي حاجة من لبارح ونتي مهياش واقعة شي حاجة ؟

سناء : لا لا والو مواقع والو ، ها فطورك فطري انا غنمشي لبيتي عندي شي خدمة

صباح : (معجبهاش حال مها ولكن مالقات مادير ليها ، فطرات على خاطرها او مشات متفرج فتلفازة او تدوي معا لغالية فطيليفون على تحضيرات فين وصلو تا طاح ليل عاد خرجات مها من لبيت أو هي هازة واحد جوا) ساليتي خدمتك ؟

سناء : (بوجه حزين ݣلسات حدا بنتها او شدات ليها يديها) صباح

صباح : (نتابهات معا مها) نعام اماما

سناء : متأكدة أبنتي من لقرار ديالك بخصوص محسن ، متأكدة بلي هو الشخص لمناسب ليك ؟

صباح : (دخلها شك) واه اماما علاش ؟

سناء : شوفي أبنتي انا راه ماشي باغة نوقف فطريقك انا غا باغاك تعيشي معا الشخص لمناسب مباغاكش ضيعي حياتك او تغنيها معا الشخص لغلط نتي باقة صغيرة او زوينة غادي تلقاي لي يعرف بقيمتك

صباح : (حاسة بقلبها كيضرب بجهد) ماما علاش كتقولي هاكدا فهميني عافاك راني تخلعت شواقع

سناء : أنا غنوريك شي تصاور او نتي شدي فراسك صيفي هو لي ضايع ماشي نتي

صباح : (خدات من عندها داك جوا او هي كترجف تا شجاعة باش تشوف شنو فيه مابقاتش عندها ، فشلو عليها يديها او بدرع باش جبدات واحد تصويرة من داك جوى)

سناء : (دغيا عنقات او زيرات عليها كاوية معاها بصوت حزين ولكن وجها لاتخفى عنه السعادة) مديريش فبالك أبنتي هو لي ضايع ماشي نتي هو لي ضيع

صباح : (بقات ساكة مودة مقطوع فيها لحس ، عينيها كيهبطو تال دوك تصاور او يعاود ايشوفو فلفراغ ، بعدات على مها او بدات كتمتم) م.ميمكنش محسن ايديرها محسن كيبغيني انا هو هو نسا لغالية ، انا عارفاه نساها داكشي علاش جا خطبني هو كيبغيني انا اماما هادو غا تصاور يمكن تلاقاو صدفة ولا قراو معا بعضياتهوم

سناء : (تخلعات شوي لداخل ديالها حيت بانتلها صباح كتدوي مصدومة او بحال لهبيل) بنتي صباح يهديك الله شمن قراو معا بعضياتهوم ، مرا مزوجة كتعانق هي وياه فزنقة كون مشتهومش بعينيا ݣاع منقول هاد لهضرة

صباح : لا لا نتي مباغيانيش نكون معاه داكشي علاش كتقولي هكدا ، لغالية قالتلي كيقرا معاها لغالية كتبغي بابا ياك كتبغي بابا ماشي محسن ، نتي مبغيتينيش نكون معاه داكشي علاش كتقولي هاكدا م.محسن ميديرهاش محسن ك.كيبغيني أنا أنا (شدات مها من لكتف) قوليها كيبغيني انا ياك اماما عافاك عافاك قوليها هو ميديرش فيا هاكدا

سناء : (ركبها لخوف تاع لمعقول) صباح اهدني أبنتي غا بلعقل

صباح : (طلقات سناء او ناضت مشات لبيتها وهي غا ساهي تقول مطرطقة عليها بوطة ، سدات عليها لباب بساروت او بقات غا كتمشي وتجي فلبيت ، شوية بدات كنحس بالصهدة داكشي علاش بدات تحيد فحوايجها تا بقات غا بدو بياس ، هي تمشي توقف قدام لمراية وبدات كتمشط شعرها) خليتي شعرك أصباح تا تخبل داكشي علاش مشا عند لغالية غادي غا تمشطيه او يرجعليك ياك ؟ ياك ؟ هو أصلن كيبغيك نتي مناش كيعرف هو لغالية ، لغالية كتبغي بابا او محسن كيبغيني و.واخة أنا كبر منو هو قالي معليش ههههههه شتي هانتي مشطتي شعرك او رجعتي زوينة خاصك غا شوي دلمكياج او تجي فنة (مدات يديها لي كترعد تقول فيها بوتفتاف أو خدات واحد لعكر او بدات كديرو واخة كانت كتخرج على جناب دفمها ولكن كملات) ه.هانتي دبا جيتي زوينة غنصوني عليه او تسوليه شكون لغالية او غيجاوبك ياك ياك (مشات هزات طيليفون او صونات عليه)

محسن : الو صباح

صباح : (بقات غا ساكتة)

محسن : الو صباح كتسمعيني ؟

صباح : (بعد صمت طويل سولاتو او هي مترددة) نتا ل.ليقيتي ديك علامن كتقلب ؟

محسن : واه لقيتها علاش

صباح : إيمتا ؟

محسن : غا السمانة لي فاتت

صباح : ن.نتا كتبغيها ياك

محسن : (كيسحابلو سولاتو على لقطة ديالو لي كانت تجلاتليه هادي شي شهر) كون مكنتش كنبغيها غنقلب عليها ؟ راه كنت غنحماق كون ملقيتهاش

صباح : ولكن هي هي مزوجة

محسن : ههههههه وايلي على مزوجة زعما تكون حاملة

صباح : (واخة كتدوي معاه عقلها مكيفرزش او يفهم شنو كيقول محسن بضبط ، عقلها شد غا فكلمة معلوم كنبغيها) بسلامة انا غ.غنقطع

محسن : (مفهم تا وزة) مصونيا عليا باش تسولني على لقطة واش لقيتها هههههه هبيلة

صباح : (حسات بضيق لي فصدرها غا كيزيد داكشي علاش مشات نيشن لصاكها جابدة منو دوا او شارباتو ، لعلى وعسى تهدن شوي حيت بدات كتحس براسها كتهلوس تا لبكا ماجاهاش ، بقات غادة جاية فلبيت) غ.غندير طبالي بزرق او لبيض ياك او نفرش فجردة لورانية او نخليهوم ازوقو تا لابسين باش دوز لخطوبة زوينة او تا تصاورنا زوينين ، ولكن لموسيقى شنو نطلق فيها شتي أصباح هانتي لمسيقة نسيتيها انقلب عليها

رجعات هزات طيليفونها او بدات كتب فيه ولكن مكيطلع ليها والو حيت أصلن كانت قالباه تعصبات او حطات طيليفون ها او رجعات كتشوف فدوك تصاور كتلقا فيهوم محسن معانق معا لغالية او كيضحكو ولا حتى تصاورهوم فلقهوة ، وأخيرا دمعة حارة نزلات من عينها مخلياها دوز لمرحلة خرى ردات لفعل ، رجعات وقفات ولكن هاد لمرة مشات واخدة الزيزوار او غا كتشوف فيها ، عقلها رجع كيعطيها أفكار سوداء بحال مشحال هادي ، ولكن ملي حضرات ليها صورت باها قدامها طيحات دازيزوار او مشات ݣلسات فلقنت او بدات كطرش فراسها وتبكي

صباح : علاش علاش كيبغيها هي ونتي لا علاش (عاودات طرشات راسها) معلوم غيبغيها نتي نتي مريضة او كبر منو داكشي علاش مقديتيه تنسيه فيها (هاد لمرة ماشي طريش لي كانت كطرش راسها هاد لمرة كانت كتخبش فراسها تا كيسيل منها دم او هي محاساش بلألم ݣاع) علاش امحسن دير فيا هاكدا علاش أمحسن انا بغيتك ونتا مشيتي عند لغالية هئ هئ هئ علاش امحسن فيقي أصباح كنتي عارفة هادشي غادي يوقع كنتي عارفاه غيمشي (رجعات كتخبش فراسها مودة طويلة و كتر من لول تا طيرات الجلدة الراسها ، حبسات من لخبيش دراسها او كتافات انها تبقا عاضة راسها لمدة طويلة)

صباح : (تكالمات او رجعات بحال لميت غا ساهية او كتعض فراسها شي جوج سوايع عاد حلات فمها لي كان يبس على لحمها ، مخلية دم ديالها فسنانها او رقاعي دسنانها فكل بلاصة قدر يوصل ليها فمها ركابيها يديها تحت كتافها ، كانت مجردة من لأحاسيس بمعنى الكلمة كاملها دم ولكن بحالي ماشي هي ، ناضت من لأرض او دخلات لحمام طالقة رشاشة او مقابلة معا راسها فلمراية ، كتشوف فإنعكاسها بحالا كتشوف قدامها شي شخص غريب ، خلات لما انزل عليها مفزݣها ، عاد خرجات من تحتو لاوية عليها فوطة او مشات ديريكت تخشات فلفراش ناعسة)

سناء : (لي كانت على برا كتقلب على ضوبل تاع سوارت اخيرا لقاتهوم او مشات حلات عليها لباب لاقياها ناعسة فراشها ، مادواتش معاها او خرجت من عندها وهي ناشطة) هاحنا غنشوفو اسي اكسيل كنتي باغي تناسبني معا داك لمݣرد جحموم ، نشوفو شنو غدير ملي تعرف بلي لبرهوشة دمرتك طايحة معاه ، قاتلك كيبغيني كيزعترك ونتي كي دمدومة لي قالك كنبغيك تبعيه ، او زايداهالي قالك مريضة هاهي ساقت لخبار او مشات ضرباتها بنعسة كترت تبوحيط ، كنت كنقول غتشبهيلي سعا والو تا تحمار متحمريش لوجه كي ناس

#بعد يوماين#

غدليه كانت لخطبة محسن او مجد مغيرجعو تال نصاصة دليل صباح كانت رجعات لدار من عند مها او هي مدمرة غا ساكتة او مكدوي مكضحك ، غا دخلات لدار سلمات او طلعات لبيتها تنعس كيما كانت كدير فهاد يوماين لي دازو

لحاجة : (تحط ليهوم لغدا) صباح مغتنزلش تغدا ؟

لغالية : قالتلي بلي بغات غا تنعس ملي تفيق غتاكل

صفية : منعرف مارها بانتلي ماشي تال لهيه

لغالية : يمكن معا لعيا ولا لخلعة تاع توجاد داكشي علاش

صباح : (بقات فبيتها متكية وغا كتشوف فسما بحالا هازة هم دنيا ولاخرة ، ولات غا كتسها او ساكة ، تا فات ليها لمغرب عاد ناضت جمعات حوايجها فواحد لبريزة كبيرة ، او دارت دواها فصاك معا الطيليفون او لبيي تاع طيارة لي كانت قطعات لفرانسا لبارح او لڤيزة تا هي ، لبسات حوايجها او هجبدات طيليفونها مصونيا على محسن) الو

محسن : الزين ديالي توحشتيني تا مصونية ، واحد ساعة نكون عندك

صباح : مزيان

محسن : عرفتي شحال فرحان موحال واش يديني نعاس هاد الليلة ، ممتيقش غدا انا وياك غادي نتخطبو واخيرا

صباح : (حسات بقلبها مزير عليها “كداب”) محسن

محسن : روح محسن

صباح : بلاما تجي غدا لدارنا انا مابقيتش باغة نتزوج بيك

محسن : (نفاجر بضحك يسحابلو غا كتمازح معاه) هههههههه ياك لالة مابقيتيش باغة تزوجي بيا هههههه

صباح : (برود) انا لي عندي قلتو ، انا ونتا سالينا مابقات كتجمعنا تا حاجة بلاما تصدع راسك أو تجي لدارنا غدا

محسن : (حس بيها مكضحكش) صباح كضحكي ياك ؟ صباح صباح

صباح : (قطعات عليه او خرجات ديك لاكارط هرساتها مخلياه باغي يتسطا بليزاپيل ، جرات باريزتها او هبطات لتحت)

جود : صباح فين خادة بديك بريزة او مالك لابسة ؟

صباح : (شافت فيهوم كاملين) انا غادة لفرانسا عندي طيارة منهنا جوج سوايع او نص

اكسيل : شمن طيارة هادي بسلامة علاش انا مفخباري والو او لخطوبة لي عندك غدا

صباح : عندي سطاج فرانسا ندوزو سيمانة الجاية او غنمشي دابة باش نقاد اموري او بالنسبة لخطبة مابقات بو خطبة حنا سالينا

لغالية : (ناضت عندها مفزوعة) ك.كفاش مابقات بو خطبة ؟ دابزتو ؟ راه كولشي كيدابز ، متفاهمتوش على شي حاجة عادي خلي تا دوز لخطبة او تفاهمو

صباح : مدابزنا موالو انا مابقيتش باغاه او صاف

جود : (تعصب) كفاش مابقيتيش باغاه غا لبارح كنتي اطيري بلفرحة باش تاخديه شوقع دابة أدوي ، او دري لي موجد كولشي مسكين او خاسر فلوسو شغانديرو معاه

لحاجة : (فرحات) لبنت مابقاتش بغاتو تبززوه عليها

صباح : راني قلتها ليه قبيلة فطيليفون

جود : (دوا مفقوص) شوف شوف شنو كتقول قاتلك غا شوية هادي باش قالتهاليه واش باغة تحمقي مي هاد لهضرة متقال فطيليفون ؟ او زيدي عليها غادة مسافرة (بدا طيليفونو كيصوني) ها دري كيصوني شنو نقولو انا دبا شنو

صباح : قول ليه مابقاتش بغاتك او صاف

لغالية : مابقيتيش بغيتيه بهاد السهولة (هزات يديها تال سما او نزلات عليها بواحد تسرفيقة) منيكة هو بين يديك تا تقولي ليه بغيتك وقتما بغيتي او مبغيتكش وقتما رشقات ليك أدوي

صباح : (قربات عندها او دوات بشوي) بقا فيك لحال حيت مغيتزوجش بيا ولا حيت مغيكونش قريب ليك شكون فيهوم

لغالية : (كانت بغات تعاود تجمعهوم معاها سعا شد ليها اكسيل ليد)

اكسيل : عنداك تعاودي تغلطي نفس لغلط او ضربيها جمعي يديك عليها ، ونتي (شاف فصباح) ولاد الناس لعبة فيديك نعستي فقتي مابقيتش باغاه او غنسافر كي درتي لها ؟

صباح : ياك ابابا نتي لي كتقول ليا تا حاجة مبزز عليك داكشي علاش انا دبا كنقولك مابقيتش باغاش بدون سبب ، باغة نطلع لفرانسا ندير فيها سطاج ديالي

اكسيل : واخة سيري

لغالية : (تجننات) كيفاش واخة سيري او محسن ؟

اكسيل : (خنزر فلغالية تا سكتات او رجع كيشوف فبنتو) قلتي مابقيتيش باغاه بدون سبب ربي غيعوضو خير منك ، باغة تمشي لفرانسا سيري شكون شادك ، غا هو تحملي مسؤولية راسك أو متجيش عندي من بعد ندمانة تفكري بلي نتي لي ختاريتي

صباح : متخافش مغاديش ندم (جرات باريزتها او كملات طريقها خارجة من لباب او شادة طاكسي لمطار ، كانت بحال ديك لمنيكة خاوية من لداخل باغة تبكي ولكن مابقاش عندها تا جهد لبكا ، داكشي علاش قررات تهرب منو او منها او من كولشي ، مقاداش تا تقول لباها شنو شافت حيت مابغاتش اتفرق على لغالية ولا يتخاصمو بسباب دوك تصاور مابغاتش باها يخرج فمحس ولا تا يقتلو مابغاتش باها او يرجع وحيد او عايش بوحدو كيما فاش طالق هو ومها ، عارفة باها كيموت على لغالية ولكن نفسو كبر ميرضاش تكون كتلعب موراه ، دكشي علاش فضلات هي لي تنساحب )

جود : (ݣلس فوق لفوطوي مقاد تا يجاوب محسن فطيليفون)

صفية : جاوبو قوليه لي كاين

جود : شغا نجاوب أدوي شغانقول لصاحبي شغانقوليه

لحاجة : ايوا النيت قوليه لي كاين لبنت مابقاتش بغاه فيها شي عيب

جود : فيها لعيب او بزاف ، تخلي بنادم كيستناك تال لخر او اخوي بيه فيها لعيب أنك تخلي ولد الناس شاد معاك طريق او طلعي بنت شماية ، خسر مسكين وباباع تاع لفلوس خدم بليل او بنهار باش ايدير ليها خطوبة بحال لبنات فلخر شدارت هي خسرات عليه آپيل وحدة

صفية : الى كانت غا على لفلوس نخلصوليه داكشي لخير او مريضنا ماعندو باس

اكسيل : ولاد ناس ضحكة عندكوم ياك نخلصو ليه داكشي لي خسر ، يرحم باكوم لما غا سكتو وهنيونا

لغالية : (لعافية كتجري فدمها تفكيرها كامل غا معا محسن لي مسكين يعلم الله حالتو)

#عند محسن#

محسن لي نزل عليه لخبر بحال الساعقة تلف ماعرف مايدير هضرتها باقة لاسقة فودينه كيحس بقلبو باغي يخرج من بلاصتو ، عيا يصوني عليها والو تمنا غا تجاوبو او تقوليه كنضحك معاك سعا هيهات ، مجد لي كان حداه مقد ايقول ليه والو بقا غا ساكت

محسن : (معرف تا كي دار ليها لموهيم لقا راسو قدام دار تاع اكسيل كيدق فلباب)

سهام : (حلات ليه لباب) شكون نتا

مجد : راه معايا

محسن : (دخل لداخل كيقلب بعينيه عليها تا ضرب فلغالية) لغالية ؟

لغالية : محسن

محسن : (عقلو مشوش او مروبل غا معا صباح تا باش اسولها شكاديري هنا مقدش) فين صباح

اكسيل : (خرج عندو هو وجود) ولدي محسن

محسن : عمي اكسيل فين صباح صونات عليا فطريق او قالت حقا تفارقنا سالينا مفهمت تا حاجة ، فين هي بغيت غا ندوي معاها او نفهم شواقع

لحاجة : شعندك متفهم اولدي بنتنا مابقاتش بغاتك الله ايعاونك او يجيبلك شي بنت ناس خرا

محسن : (متسوقش ليها او شاف فجود لي كان حاني راسو مقلد تا يشوف فيه) جود شواقع مال ختك

اكسيل : صباح عاد دبا لقيتيها خرجات ، مشات لمطار قالتك باغة تسافر لفرانسا

جود : خويا محسن واش تخاصمتو راها مقالتنا والو تا على السفر ديالها

محسن : (رد شعرو اللور) متخاصمناش وا مدويناش ݣاع انا غنمشي نشوفها (قلب طريق ديالو غادي بطونوبيلتو راكبها او مكسيري لجيهة لمطار)

ولصل امطار او دخل كيجري كيف لهبيل كيقلب عليها بعينيه تا قشعها ، مدارلها فين تشوفو تا مشا قاصدها جارها من يديها

صباح : (كانت كتعطي لبيي ديالها تا حرها شي حد من تما ديك الصورة لي ضارت لقاتو محسن ، بدات تنطر منو باش تفك) محسن طلق مني

محسن : (طلقها او شاف فيها بحنية) صباح شواقع ليك فين غادة او غدا خطوبتنا أدوي

صباح : غادة لفرانسا ندوز سطاج ديالي او لخطوبة تلغات

محسن : واش على حساب سطاج ديالك بغيتيها شوفي معنديش موشكيل نأجلو لخطوبة تا ترجي صافي

صباح : بلاما ضيع ليا وقتي امحسن أنا مابقيتش باغة نتزوج بيك

محسن : واش درتليك شي حاجة ؟ قلقتك ؟ سمحيليا او خلينا ندويو غا بلعقل صباح راني منقدرش نعيش بلى بيك علاش كديري فيا هاكدا علاش مابقيتيش باغياني ، او فين سنسلة لي عطيتك ياك مكتحيديهاش ؟

صباح : (دوات معاه برود) دورتها فراسي او لقيتها ممسلكانيش انا فين ونتا فين ، تا مسألة لعمر عندي فيها موشكيل ماغاديش نتزوج برهوش عليا غا على قبل زعطة او داك تخربيق لخاوي ، لحياة لي ولفت كنعيشها مغاديرلي فيها لا تولوت لا روبوع داكشي علاش حسنا نتفارقو

محسن : (بغات دخلو تسطية) صباح . صباح سمعيني خلينا نمشيو لشي بلاصة او ندويو لعمر غا أرقام حنا كنبغيو بعضياتنا ياك ، او أنا كنواعدك واخة نعرف نخدم بليل او بنهار تا نعيشك كيما راك عايشة عند باك نتي دبا غا رجعي معايا ، كولشي واجد لخطوبتنا كولشي لحوايج لعئيلة كاملة علمتها ، معجبكش نديرو لخطوبة غدا نأجلوها تالفينما ، لموهيم ماتمشيش او تخليني ، سيري لسطاج ديالك او رجعي غتلقايني كنستناك صافي أصباح راك دبا غا متوترة داكشي علاش كتقولي هاكدا

صباح : كتعرف شي بنت كنيتها زوهري ؟ (معقلتش على أمنية لي درت لغالية)

محسن : (فلبلاصة جاوب معطلهاش) لا و الله ما كنعرف شي وحدة بهاد لكنية

صباح : (طرشاتو او دوات بصوت باكي) ندمت على نهار لي شفتك فيه او على نهار لي بغيت فيه واحد كذاب او منافق بحالك ، لخيانة كتجريليك فلعروق معارف تا بنت بديك لكنية قلتيلي ؟ (وراتو واحد تصويرة كان معنق فيها لغالية) او هادي شنو أدوي او هادي شنو لقيتها بعدما كنتي كتقلب عليها ياك

محسن : (قريب يتسطا) ها هادي ختي ختي أصباح

صباح : (عاودات طرشاتو) كان يسحابليك راك غا كداب صدقتي مكتسواش ختك هههه الى هي ختك اما مك صافي ، بعد عليا او عطيني التيساع مابقيتش باغة نشوف كمارتك

محسن : (كان باغي يتبعها تا تلاحو عليه واحد جوج بوليس)

لبوليسي : خوي منهنا اشريف ماشي مسموحليك تكون هنا

محسن : (كيحاول اتنتر منهوم) خليونا غا ندوي معاها صباح وا صباح غا سمعيني عافاك صباح

لبوليسي : (كيجرو) زيد تحرك

محسن : (تعصب باغي يمشي عندها او هاد لبوليسي تابعو محس براسو تا ضار عندو شنق عليه او ربو بالروصية تا ترعف) قلتليك بعد عليا باغي ندوي معاها (كان ناوي يتبعها تا تلاحو عليه بوليسيين خرين ردو ليه يديه لور او دارو ليه لمينوط او جروه معاهوم او هو حالتو حالة)

كملات صباح طريقها لطيارة مضايراش ݣاع عند داك لي كان كيعيط ليها بحال لمسطي او جارينو لبوليس معاهوم

#عند لغالية#

كانت كتمشي وتجي فلبيت محروݣلة على خوها بلمعقول

اكسيل : (دخل معا لباب البيت او هو كيتمشا عادي تا قابل لغالية قدامو)

لغالية : (طالع ليها زعاف) عجبك هادشي لي دارت لبرهوشة دبنت فوخيا

اكسيل : (خنزر فيها) زكي فمك او عرفي علامن كدوي

لغالية : معلوم غتعصب ونا نسيت بلي كندوي ليك على بنتك مومو دعينيك ، هي مخليها تمشي مدايرلها والو او خويا مسكين

اكسيل : خلينا ساكت الغالية حسن ، راني باقي منسيتش فيك ديك طرشة تاع قبيلة

لغالية : دوي دوي متخبعهاش فقلبك حشومة ، شغا تقول ݣاع

اكسيل : (زادت عصباتو) سمعيني مزيانة او باركة من هاد تبرهيش الى كان شي حد هو سباب لهادشي فاش وصل خوك فهو نتي ، لي مخبية عليه بلي راك مرتي سمعتيني ولا ياكما يسحابليك راني ناعس على ودني باش ديريها بيا ، (زاد قرب عندها)

لغالية : (تكمشات خايفة منو عرفات بلي ساقلها لخبار خبات على صباح شكون محسن ، زيد عليها عرفاتو تعصب نيت تدوي السق جدها معا لحيط)

اكسيل : (كيدوي كارز على سنانو) شقلت لملتك انا من قبل لعبي كيفما بغيتي او معامن ما بغيتي انا مغندخلش ، قتليك كنموت على تراب علاش كاتمشي ولكن برب لكعبة دخلي ولادي فلعب ديالك ولا تآدا شعرة وحدة منهوم نرض داك تراب جمر او نوريك وجهي لاخر ، او ليوم شدرتي نضتي طرشتيها انا لي باها اومدخلتش بينها او بين خطيبها فباشمن حق دخلي نتي ؟ أدوي

لغالية : خويا مسكين بغاها او هي جرحاتو

اكسيل : خوك مكاين لي جرحو قد داك لموس باش لعبتي عواض ميتخشا فين بغيتي تخشا فخوك محسن ، عييت نقري فجدك او نقوليك حسبي كولشي قبل متلعبي ، داك تدرام كينوض لعجاج بلى فايدة او خوك هاد لمرة هو لي ضارت بيه لعجاج او شوفي باش غتفكيه

لغالية : (مالقات ماتقوليه عندو لحق فهادشي كامل لي قال ، ديك لحفرة لي حفرات خوها محسن هو لي طاح فيها ، مدات يديها تشد اكسيل) حياتي شوف

اكسيل : (شد ليها ديك ليد او زير عليها تا قربات تبكي) ألو او آخر مرة يديك تهز على بنتي الغالية مرة خرى غنهرسها ليك سمعتيني كيما هي يديها متهزش عليك نتي نفس شي وهاني علمتك

لغالية : (شدات يديها لي بدات تعطيها لحريق او بدات تبكي) عافاك شوف شنو دير راه محسن كيبغيها

اكسيل : الى كان ربي جامعهوم فسما فغيتجمعو فلأرض ، خلي لمكتاب إتكتب راسو الغالية (خلاها كتبكي او مشا خرج لبالكو اضربوا لبرد معصب او طالع ليه زعاف ، بنتو رضاتو صغير قدام محسن مقد ايقول ليها والو ولا تا يهضر معاه ديفو من عند بنتو او كتر من هاكدا لغالية هي راس لحربة ، عدوه يعطي لكلمة او مادارش عطا لمحسن لكلمة أنو غيزوجو بنتو شوف دبا فاش صدقو) ياربي زيدني صبر راه زبايل مجد او جود مشييبيني ماتزيدلياش تا لغالية او صباح راه مابقا عندي جهد ، استغفر الله العظيم واتوب إليه من كل ذنب عظيم

#عند جود#

بقا معصب او حاس بمخو كيغلي ماعندوش لوجه لي يشوف فصاحبو او هو لي شافو شحال كان فرحان او شحال شرى فلخر خوات بيه

جود : (بدات ماريا كتصوني عليه) الو

ماريا : الو جود راك فدار دبا ؟

جود : لا راني على برا باغة شي حاجة ؟

ماريا : كنت بغيت غا نوصليك شي ملفات مهمة ولي ضاروري تقراهوم هاد ليلة

جود : (جاتو فشكل تجي عندو لدار خصوصا فهاد الليل) قوليلي فين نتلاقاك او نجي عندك شي قهوة ؟

ماريا : دارك قريبة ليا على طريقي

جود : صافي واخ ، انا واحد ربع ساعة نكون فدار

ماريا : تا انا يالاه غنوصل

جود : (هز سوارت تاع طونوبيل او خرج مقايلها لتا حد أو شد طريق لدارو)

ماريا : (وصلات لقدام لعمارة تاع جود او هي مقادة راسها او هازة واحد لملف فيديها طلعات لپارطمة ديالتو لي كانت خدات عنوانها من لمكتب ، شافت ضو مشعول فدار قالت بينها او بين راسها جود لي سبقها ، مدات يديها او دقات على لباب ولكن عواض كيحل ليها جود حلات ليها بنت لابسة غا توني تاع جود لي كان واصل لنص تاع فخاضها ) ه.هادي الدار تاع جود ؟

ياسمين : واه هي هادي باغاه لشي حاجة

ماريا : (حسات بلخنقة او معجبهاش لحال ) أنا ماريا خدامة معا جود جيت نوصل ليه شي ميلف

ياسمين : آه نتينا هي ماريا

ماريا : كتعرفيني ؟

ياسمين : نو غا فايت سمعتك كتدوي معا جود فطيلي تبغي تعطيني لملف نعطيه ليه ولا دخلي تسنايه فدار ؟

ماريا : غندخل نستناه حيت هادا ملف موهيم

ياسمين : اوكي دخلي مرحبا (تبعاتها بلعين كطلع فيها او تنزل تا دخلات لداخل) شنو تشربي ؟

ماريا : بلاما نعدبك معايا ، نتي خدامة هنا ؟

ياسمين : (تبسمات ليها) حالتي حالة خدامة ؟

ماريا : ههه لا غا حيت جود عمرو قال ليا بلي مرتابط

ياسمين : هاكداك داير جود مكيعجبوش افصح على حياتو الشخصية لبراني (سمعات سرسار فلباب) غيكون هو هادا لي جا غنمشي نحليه لباب

ياسمين : (ديك لوقفة لي وقفات باش تمشي تحليه لباب لقاتو حل لباب بسوارت او دخل)

جود : (تعجب ملي حل لباب او لقا ضو مشعول ولكن غا هز راسو شاف ياسمين لابسة حوايجو او ماريا ݣالسة فوق لفوطوي عقدهوم ولكن مقال والو) السلام عليكم

ياسمين : وعليك السلام جيتي

جود : واه

ماريا : (وقفات عندو او مداتليه داك لملف) ها لملف ديالك ضاروري تقراه هاد الليلة او غدا نتناقشو فيه يالاه نخليك دبا

جود : جبتي طونوبيلتك ولا نوصلك ؟

ماريا : بلاما بعدب راسك راني جبتها بسلامة

جود : بسلامة

ياسمين : (تسناتها تا مشات او بدات كتعيب فيها) بلاما تعدب راسك نا نا نا هادي هي ماريا باش فارعلي كري

جود : (كان لخرى طالع ليه فوق راسو غا خرجات ماريا ضار عند ياسمين مبرد فيها اعصابو) شجاب جدك عندي لدار أدوي مناش جاوك سوارت

ياسمين : هزيتهومليك ديك نهار او مالك معصب ولا حادݣ فيا غا انا مالك كدوي معا ديك لعقروشة بصواب

جود : (متحكمش فراسو او خوا عليها لاعصاب ديالو كاملين) كندوي معاها بصواب حيت وجه صواب مداخلاش لدار الناس بتخبية او لابسة ليهوم حوايجهوم مكاديرش فعايل طحاب حيت راها بنت ناس ، نتي لاسقة فجدي كي لݣرادة ضوري او تجي عندي والدك او ناسيك ولا ضارب عليك لكاغيط ، شنو عند بالك كتقولي الى جيت او لقيتك فداري او لابسة حوايجي غنفرح بحال دوك زوامل ولا شنو ، نهار على نهار كتزيدي تبين ليا على شحال مستواك هابط

ياسمين : (مالقات ماتقول أصلن من هضرتو لي فعلن جرحاتها او خلاتها تشوف شحال كتبان دون مستوى فعينيه) ماجيتش عندك حيت متوحشاك انا جيت حيت

جود : (زاد غوت عليها) وماتجيش عندي أبنادم ماتجيش شبيني وبينك تا تجي عندي بسلامة شبيني وبينك

ياسمين : (غرغرو عينيها بدموع ولكن مبكاتش) عندك لحق شبيني وبينك تا نجي عندك ، انا غا طحبة تسلطات عليك موسخة شمكارة جات لضارك هادي غنمشي صافي (هزات طيليفونها او خرجات خابطة لباب مخليا دموعها كيسيلو) مكانش خاصك تجي لعندو كنتي تباتي فالزنقة او متجيش لعندو ، راه بحالو بحالهوم نتي بالنسبة ليهوم غا موسخة الى كان باك لي ولدك او جرا عليك كفاش بغيتي لبراني يقبل بيك آياسمين

رجعات لدارها بتسلات او طلعات لبيتها نيشن بدلات عليها او تخشات نعساو او هي شادة جنبها او سخانة دايرة فيها مابغات ، فحين جود لي لأعصاب مخلاوه ايشوف والو قدامو دخل لبيتو ادوش فلحمام عالله ابرد شوي

جود : (سالا تدواش ديالو او لوا على نصو فوطة بيضة ومشا دخل لبيت تبدال ابد ، وقبل ميجبد حوايجو ضرب فشي حوايج فلأرض نزل إيشوف ديالاش بانو ليه ديال ياسمين ، ديك لقلبة لي قلبهوم كيلقا رقعة تاع دم كبيرة بيهوم) مناش جا هاد دم (عاد طاحت فبالي قضية انها مجروحة ، ناض زاعف ملي تفكر انها لبسات حوايجو حيت حوايجها موسخين ، هز طيليفونو كيصوني عليها او هي فكل مرة كتقطع عليه)

#فلاش باك#

فاقت فصباح عادي بحال كل مرة كمات ليها واحد لݣارو عاد هبطات لتحت فطرات ليها فطورها او كانت غطلع لبيتها تنعس عاود تا حبساتها مها

مريم : ملي طلعي لفوق دوزي على بيتي شوفي واش طيليفوني خليتو تما

ياسمين : واخة (كملات طريقها لفوق تا وصلات لبيت مها او دخلات ليها وبدات تقلب على طيليفونها سعا لقات طيليفون باها ديك لمشية لي بغات تمشي بدا كيصوني شافت شكون لقاتها وحدة سميتها نجاة ، طلات من شاشة بلاما تفتح طيليفون او قرات واحد من لميساجات “الزين غتجي عندي ليوم ؟ توحشتك” فديك لحضة حسات بالدنيا ضارت بيها ، او مزاد خلعها غا باها لي دخل عليها)

عبد الله : شكاديري هنا

ياسمين : شكون نجاة ؟ رجعتي كتخون ماما أدوي ؟

عبد الله : شقربك لطيليفوني ؟

ياسمين : باش مهم دبا شنو قربني ليه سولتك جاوبني رجعتي كتخونها

عبد الله : (جا قاصدها او شدها من شعرها) كتقلبي عليا لمك

ياسمين : شدارتلك ماما تا دلها بحال هكذا ؟ شدارت ليك مسكينة تا تستاهل منك هادشي ؟ ملي مباغيهاش طلقها

عبد الله : شدارت عليا ؟ باقة كتسولي ولداتلي طحبة فحالك ( ضربها بكروشي لكرشها)

ياسمين : (طاحت لأرض شادة بلاصة الجرحة فين ضربها)

عبد الله : (خدا طيليفونو او زاد بحالو خارج)

ياسمين : (عافرات تا ناضت او مشات خرجات على برا ݣاع مخنوقة او باغة غا تبعد ، وصلات تال واحد لخلى او ݣلسات فيه مودة تالفة او معارفة فين تمشي تا شافت رقعة تاع دم فحوايجها عاد قررات مشي عند جود لدارو ، بزاف تاع لمرات كتلقاه هو ملاذها لوحيد ، دقات عليه تا عيات هي تحل بضوبل تاع الساروت لي كان تحت واحد لڤاز تما ودخلات لدار ، مشات نيش لبيت تبدال حيدات حوايجها او بدات كتبدل لفاصمة لجرح ديالها لي كان تقيح او تفتح حيت فهاد لمودة كاملة مكانتش كتاخد اونتي بيوتيك او تا من مها مفخبارهاش مكانتش باغة تخلعها ، دارت فاصمة جديدة أو خدات ليه واحد التوني من التونيات ديالو لبساتو)

#نهاية لفلاش باك#

ياسمين صبح عليها صباح او هي باقة فايقة كدور فراسها لهضرة لي قال ليها باها ملي سولاتو علاش نتا عندك لحق تخون او دير مابغيتي وماما لا “حيت أنا راجل ندير لي بغيت اما هي مرا”

ياسمين : حيت نتا راجل يمكن ليك دير مابغيتي تاشي حد ميحاسبك لا علاش لا فوقاش ميلسق فيك عار ، ولكن هانتا كتشوف غنخليك متقدش تعاود تهز راسك أو حيت أنا طحبة غندير فعايلهوم (شافت فطيليفونها لاقية جود مصوني عليها كتر من 13 مرة ، متسوقاتش او ناضت لبسات عليها او شدات طريق لعند لغالية تشوفها ، حيت منين خرجات من لحبس مشافتها ، وصلات لقدام الدار او دخلات نيشن تال قلب الدار )

لحاجة : (شافت ياسمين داخلة لدار) أبنتي تي فين غادة مدرمة ياك لاباس

ياسمين : (صغرات فيها عينيها) كان خصني نجيب معايا دفوع باش ندخل متلا ؟

لغالية : (شافت ياسمين او جات عندها كتجري) ياسمين لحبيبة ديالي ايمتا جيتي

ياسمين : غا هاد ليامات

صفية : (طلعات ياسمين او نزلاتها كتشوف فداك تقزاب لي لابسة) شكون هادي

ياسمين : لي كوا بغيت نقول انا بنت خو لغالية

لحاجة : مابقيتش نتعجب كل مرا تخرجنا ماركة جديدة ، شجابك لعندنا ؟

ياسمين : جابني وحشك او جمالك داكشي علاش جيت نشوفك

لغالية : يالاه يالاه تفكري راك جيتي معا وقت لفطور نيشن

ياسمين : (تبعاتها لطبلة بسكات مصادفة معا جود ݣالس تما ، دارت راسها مشافتوش او ݣلسات مقابلة معاه)

جود : (ملي شاف ياسمين جات تال قدامو او ݣلسات بقا حاضي معاها واخة متجاهلهاه ، عرفها تقلقات منو بسيف تقلق او هو لبارح خرج فيها تعصاب ديالو كامل او مخلى مقال ليها)

ياسمين : (فاقما تلاقا عينو بعينيها تشوف لشي جيهة خرى )

صفية : (شافت ياسمين بدات فلماكلة قبل تا ميجي لحاج او إكسيل هي تحمر فيها) من لأداب ميبدا بنادم لماكلة تا يتجمع كولشي ماشي بنادم مضروب على دغمة بحالي عمرو شاف النعمة

ياسمين : (كملات ماكلتها) او من لأداب بنادم ميحضيش لوخرين بزاف

مجد : (حابس الضحكة بزز)

لغالية : خودي ليك من ديك لمسكوة لكحلة نوع لي كيعجبك

ياسمين : (قبل متمد ليها لقات جود قرب ليها طبسيل لجيهتها)

لحاج : السلام عليكم

لغالية : وعليكم السلام صباح لخير

لحاج : صباح النور

ياسمين : (داز من وراها اكسيل او ربت ليها على شعرها)

اكسيل : ياسمين لاباس

ياسمين : لابس أعمي

اكسيل : ايمتا رجعتي مكاين لي قالي والو

ياسمين : غا فهاد ليامات فاش رجعت

اكسيل : مزيان

لحاج : شكون هاد لبنية بنت من ؟

لغالية : هادي بنت خويا الحاج

لحاج : تبارك الله بنت خوك كبيرة

سهام : لالة الشيفور عند لباب كيسولكوم واش يقدر يمشي

لحاجة : (نقزات من بلاصتها) قوليه يستنا شوي علاما تسالي بنت خو لغالية فطورها باش اوصلها معاه

ياسمين : غا قوليه يمشي ميستنانيش ، ونتي الحاجة حشومة تجري عليا ونا قدامك ماشي من صواب

لحاجة : مجريتشاي عليك أبنتي غا قلت واش كنتي جيتي غا تسلمي او تمشي

ياسمين : نسلم او نمشي مالي زايرة قبة ، انا معولة نتعشا معاكوم ونتي كتقوليلي نفطر او نمشي ماجاتش

لغالية : (عاجبها لحال أنو ياسمين كتبرد ليها غدايدها فلحاجة او حينها فرحاتها شوي مخلياها متبقاش مشوشة بزاف على محسن لي عيات تصوني ليه او تقول واش كيجاوبها)

كملو فاطرهوم او كل واحد شدليه شي قنة يقضي فيها شغلو ، جود حاول يلقا شي سلة باش يدوي معا ياسمين او يعتاذر منها سعى والو تخشاتليه بين الناس

ياسمين : (بقات ݣلسة فصالون غا هي ولحاج او دوك جوج شيبات عاصيات اما اكسيل مشا لخدمة ، بقات هاكداك تا شداتها لقنطة هي تمشي قربات عند لحاج ) لحاج

لحاج : نعام أبنتي

ياسمين : كتعرف تلعب كارطة نديرو شي طرح

لحاج : استغفر الله قاتلك واش كتعرف تلعب كارطة ، كنعطيها قتلة أبنتي نلعبو تا جوج طروحة الى بغيتي

ياسمين : صافي مشات شحال نميزيو

لحاج : لي بغيتي

مجد : (دخل هو وجود) شكاديري ؟

ياسمين : جابك الله سلفني واحد 500 درهم نلعب بيها

لحاجة : داكشي نيت لي كان خاصنا غا تقمري عندي فدار

لحاج : شمن تقمار نتي حنا غا لاعبين او صاف ، عطي عطي لبنت تلعب معايا

مجد : (جبد لفلوس او مدهوم ليها) هاكي

لحاجة : (شافت تا عيات او ناضت خرجات لجردة لاقية اكسيل رجع)

اكسيل : (باس ليها فوق راسها) لحاجة شتك ݣالسة بوحدك

لحاجة : خرجت اضربني لغربي

اكسيل : مزيان

لحاجة : مغادير والو ؟

اكسيل : فاش

لحاجة : فهادي لي جات ليوم ، لبنت ماشي صغيرة او عاطية لعين زيد عليها لباسها تقول معندها حوايج فدار ، ونتا عندك لعزارة فدار شغيوقع

اكسيل : انا امي والد رجال ماشي شماية ، لبنت تلبس لي بغات او هوما مفروض عليهوم احدرو عينيهوم او ميشوفوش فيها شوفة ناقصة ، ويلى مقدوش عادي نحيد لولادي عينيهوم شنو فيها

دخل إكسيل لداخل عند دراري فصالون

ياسمين : (كانت كتلعب معا لحاج او جود او مجد كارطة على 2000 درهم) أح أزݣا (ربحاتهوم فطرح او جمعاتلهوم حب او تبن)

مجد : خلينا غا شي زرقة مالك ديتي كولشي

ياسمين : ها 500 درهم لي سلفتيني او متسالني منسالك كون ربحتي كون ديتي هاد لفلوس ، تلعبو شي طرح آخر ؟

لحاج : (ملي غلباتو فكارطة او داتليه لفلوس مابغاش يتفاك او حط ليه 500 درهم خرا) هاني حطيت

مجد : لفلوس مشاو مشاو اللهم طرح آخر (حط تا هو وجود لفلوس)

ياسمين : (حطات لفلوس او بدات تيك فلكارطة او تفرق عليهوم) يالاه نبداو

بدا طرح جديد ولكن مطولش بحال لي قبل منو حيت ياسمين عاودات غلباتهوم أو خدات لفلوس

مجد : خلينا غا نفرحو شوي

ياسمين : ههههه شنديرلك نتا لي مكتغلبنيش

اكسيل : (لي كان حاضي طرح من لول ) لحاج شهادشي خسرتي على جوج مرات

لحاج : هاد شنيولة كتعطي قتلة لكارطة

اكسيل : ههه أوا شمن اوا شمن شرفتي

لحاج : (شير عليه بوسادة) الله امسخك

اكسيل : شنيولة نلعبو شي طرح

ياسمين : (مقزدة) شحال غتميزي

اكسيل : ديري نتي التمان

ياسمين : داكشي كامل لي ربحت انلعب بيه

اكسيل : صافي مشات (ݣلس مقابل معاها او حط تا هوا لفلوس وبداو طرح ديالهوم)

ياسمين : (مجات تا فين تحمي طرح تا لقات اكسيل غلبها ، دلات شفايفها بحزن او مسخاتش بدوك لفلوس ، اكسيل كيجر او هي كتجر) عمي اكسيل شوف شحال عندك تاع لفلوس ماشي حشومة طمع ليا فرزقي لي عرݣت عليه ؟

مجد : عارݣة عليه ؟ طلقي طلقي لفلوس ملي كشطينا كان عاجبك لحال

ياسمين : (شافت فمجد) مسموم

اكسيل : هههههه تبغي تلعبي شي طرح آخر

ياسمين : لا خليني بكرامتي

إكسيل : ههههه نتي تعرفي (رض لحاج فلوسو ولكن فلوس جود او مجد عطاهوم ليها هي)

مجد : تا كي درتي ليها أ سي إكسيل باك رضليه لفلوس او حنا لا

إكسيل : (خبطو فضهرو) معيطلي بسميتي قرينك انا أدوي

مجد : هاني ساكت

لغالية : (دخلات عندهوم بصينية تاع أتاي معا لخروج دجود) مغتݣلسش تشرب أتاي ؟

جود : عندي واحد لمكالمة خاصني نديرها

لغالية : واش صباح ؟

جود : لا واحد لمدعية عامة على واحد لقضية وصاف

لغالية : آه صاف الله اعاونك (خلاتو يمشي او حطات هي الصينية فوق الطبلة وبدات كتكب ليهوم فاتاي)

ياسمين : (كان خاصها تكمي داكشي علاش هزات كاسها داتاي او بغات تخرج تا هي) انا غنخرج شويا لجردة

لغالية : (فهمات بلي بغات تخرج تكمي ولكن ملي تفكرات بلي لحاجة كاينة برا فجردة قالت ليها) طلعي لفوق لبالكو حسن ليك برا شمس بزاف

ياسمين : واخة (خرجات من الصالون او طلعات لبالكو لي كاين لفوق ولي كان معزول ممشارك معا تاشي بيت او كيطل على الجردة ، جبدات لݣارو ديالها او شعلاتو وبدات تكمي)

جود : (لي كان سالا لاپيل ديالتو معا ماريا بزربة كان باغي يرجع لتحت عندهوم ، سعا شم ريحة لݣارو مشا بغا يطل من لبالكو ايشوفها فين كاينة حيت عارفها هي لي غتكون كتكما ، تا ضرب فيها واقفة تما)

ياسمين : (حسات بشي حد موراها داكشي علاش ضورات وجها تشوف تا ضربات فجود هي تقلب وجها عليه )

جود : (قرب عندها او هو داير يديه مور عنقو او معارف مناش يبدالها) لبارح أنا

ياسمين : (كملات لݣارو ديالها او ضارت باش تمشي بحالي مكاينش)

جود : (ملي شافها باغة تمشي تعرض ليها او حبسها بلاما يقيسها)

ياسمين : بعد من طريقي

جود : تا تسمعيني عارف راسي غلطت او مكانش خاصني نقوليك بحال ديك لهضرة ، لبارح كنت معصب او خرجت فيك اعصابي كاملين سمحيلي

ياسمين : مكاينش لاش طلب سماحة نتا كان عندك لحق انا لي جيت دخلت لدارك بلى إذن ، او تا لهضرة لي قلتي كان عندك فيها لحق أنا غا قح*بة لسقات فيك او فعايلي فعلن تاع بنات الزنقة مكاينش لاش نكدب على راسي

جود : عارف راسي خورتها لبارح والله تا كنت معصب ماقصدت بيها والو

ياسمين : راني قلتلك مكاينش لاش تعتادر او دبا بعد من قدامي ندوز

جود : عارفك باقة مقلقة مني او من حقك ولكن على لأقل خليني غا نشوفلك الجرح راه كان دم فدوك لحوايج بزاف فيكون لتاهب

ياسمين : ماشي شغلك فجرح ديالي إلتاهب ولا يݣلس بعد خليني نمشي

جود : الى مخليتينيش نشوفلك جرح غنقل لغالية بلي تضربتي فلحبس او تجرحتي ولي بغا يوقع يوقع

ياسمين : مغتقولش ليها او مغتشوفش الجرح

جود : غنشوفو او دبا (شدها من يديها او جرها معاه واخة كانت كتنتر ليه ولكن دخلها لبيت أو سورت لباب موراه)

ياسمين : (مصغرة فيه عينيها) تا مالك سديتي لباب

جود : انسدليك تا لفم الى مسكتيناش ( مشا تا جاب لباطة فين حاط دوايات او رجع عندها) عري على كرشك

ياسمين : بعد عليا ولا والله تا نعري على مكتر من كرشي

جود : الله يهديك أبنتي شعندك أصلن باش تعري عليه

ياسمين : (حسات بلقمعة هي ضرب طم ومشات ݣلسات فوق الناموسية او هزات توني ديالها مبينة جيهة لفاصمة)

جود : (ݣلس حداها او حيد ليها ديك لفاصمة معري على جرح او هو مخصر سيفتو من دكشي لي شافو) شش ها دكشي لي كنت كنقول ها جرح تعفن ليك

ياسمين : (سهات فيه حيت كان لكاضر دكمارتو جيهة صدرها او يديه خدامين كيعقمو ليها فجرح او فلحضة عݣرها تا تأوهات) أح

جود : (تسمر فبلاصتو ملي سمع صوت لي دارت او ضور وجهو ليها لقا راسو كان قريب ليها بزاف ، هو من عادتو ملي كيكون كيدير شي حاجة كيركز فيها)

ياسمين : (شافت وجهو قدامها ، قريب منها لدرجة يمكن ليها تسمع صوت التنفس ديالو ، عينيها نزلو مباشرة لشفيايفو مفكرينها بدفأهوم فأول قبلة جمعاتهوم ، داك لإحساس نتاعشات بيه ذاكرتها او احساس اللهفة انها تتذوق طعم شفايفو مرة خرى جتاحها ، او بلاما تشعر لقات راسها كتقرب ليه)

جود : (غا شافها كتقربليه خاف على راسو او معرف باش تبلى تا نقز لور مبعد عليها او طايح لأرض) لا.لا.لاش مقربة

ياسمين : مال جدك مرعود أدوي زيد كمل هادشي لي بديتي او خليني نمشي

جود : (رجع دار ليها لفاصمة او مشا حل لباب) ساليت دبا

ياسمين : (قادات حوايجها او خرجات من لبيت بلاما دوي معاه مخلياه حاضيها بعينيه ، ولكن قبل متوصل دروج باش تهبط ضربات فلحاجة)

لحاجة : (حمرات فيها) شكنتي كديري فبيت جود أدوي

ياسمين : (دارت راسها متوترة او كتقاد فحوايجها ) أنا أنا غا غا كنت دايزة وصاف (دغيا تقلبو ملاميحها او قربات عند لحاجة داوية ليها فلودن قبل متبعد او هي كضحك) متأكدة باغة تعرفي شنو كنت كندير فبيتو حشومة ألحاجة راك شرفتي على هاد لأمور ههههههه (هبطات لتحت باش تمشي بحالها مخلية لحاجة كتغلي بلفقصة)

لحاجة : (مصبراتش او مشات حلات على جود لباب بلا دقان لاقياه غا بشورط) شكانت كدير ديك لخانزة عندك هنا فلبيت

جود : (لي كان حيد توني ديالو او بقا غا بشورط حيت بغا ينعس ليه شوي تفرع عليه لباب ماشي تحل لاقي لحاجة مولات لفعلة) لحاجة شهاد شي كديري فيه داخلة بلى دقان متعرفي لواحد فشمن منضر اتلقايه

لحاجة : سولتك شكانت كدير عندك ديك قليلة لعفة هنا

جود : لحاجة حتارمي شوي راسك كفاش قليلة لعفة شايفاها كدير بسلامة ؟

لحاجة : داك النوع انا كنعرفو مزيان غا لملݣطة على ختها غي لباسها يعطيك لعربون

جود : من ايمتا ولينا الحاجة نشوفو لمضهر قبل من لجوهر

لحاجة : باركة عليا من هاد تخربيق او عطيها بتيساع ولا ياكما باغي تفقصني بحال باك او تجيبلي ملݣطة لدار

جود : (عصباتو) سمعيني الحاجة لبنت الى عجباتني غناخدها بلى شوارك تكون ملݣطة سعاية انا لي كنختار ماشي نتي داكشي علاش خرجي سوقي

لحاجة : (عرفاتو بدا كيتعصب دكشي علاش غيرات نبرة صوتها او دوات بحنية) سمعني اوليدي او ديرلي الراي انا حداك او عارفة مصلاحتك ملي تبغي تزوج انا نختار لولدي زينة لبنات غا بعد عليك هاد الساعة الله يرضي على ولدي

جود : (مكشكش) راني شت لإختيار ديالك لواليد او شت آخرتو فين كانت ، داكشي علاش ماتختاري ليا منختار ليك او سدينا

لحاجة : (خرجات من بيتو كتسب) لفعة لݣرطيطة مكفاهاش ضارت ليا بدري سيفطات تا بنت خوها دور بحفيدي

#بعد 3 أيام#

محسن لي دوز هاد لأيام كاملة فسيلون بما شدوه لبوليسي تاع لماطار ، خرج منو بكفالة او زيد عليها شي معارف توسطو ليه باش ميدخلش لحبس بتهمة الإعتداء على موظف أثناء ساعات لعمل ، ولكن رغم هادشي كامل مشفعوليهش صحاب لخدمة او طردوه ، هادشي كامل لي وقع مأتر فمحسن او دمرو قد دكشي لي دارت فيه صباح بين ليلة ونهار سمحات فيه بحالي تاحاجة مجمعاتهوم ، لي نفريض تا كانت فاهمة علاقتو بلغالية غلاط واش مكانتش تسولو او تحاول غا تفهم شواقع كيما كان غيدير هو فبلاصتها ، ولكن هي ختارت متبحتش على لحقيقة حيت يمكن من لول مكانتش واثقة فعلاقتهوم ، فلول كان كيحاول اعاود ايصوني عليها ولكن من بعد 39 آپيل قرر احبس كولشي هي لي مشات او خلاتو ماشي هو ، رجع لدار او دخل لدوش نيشن حيت حالتو كانت حالة ، عاد مشا صلى ليه داكشي لي فاتو او تكا فوق الناموسية كيحاول ينعس ، ولكن ملي تفكر أنو لقا لغالية فدار اكسيل مفهم والو او ناض فلبلاصة لبس عليه او شد لعندها طريق

محسن : (وصل قدام الدار ولكن مابغاش يدخل كان عوال ايصوني عليها او تخرج عندو هي ، سعا لقا طيليفونو ديشارجا ، لذلك مابقا قدامو تاشي حل من غير انو يدخل لعندهوم)

لعساس : (فتحليه لباب حيت كان عاقل عليه من ديك نهار)

محسن : (فات على الجردة تا وصل لباب تاع الدار او صونا على سرسار)

سهام : (حلات ليه لباب)

محسن : كاينة لغالية ؟

سهام : واه كاينة تفضل دخل غنعيط ليها دبا

محسن : (دخل لدار ولكن ݣلس غا جنب لباب)

لحاجة : (كانت داخلة لدار تا بانلها محسن واقف تما وقبل متدوي معاه شافت لغالية جاية كتجري عندو معنقاه)

لغالية : (عنقات محسن) فين كنتي تخلعت عليك علاش مكتجاوبنيش فطيليفون

لحاجة : أديكاه شتك سايرة تعنقي فراجل بحالي معلك حكام

لغالية : (ماداتهاش فيها ݣاع همها لوحيد تعرف شوقع لمحسن) محسن دوي معايا شواقع

محسن : (طول فيها الشوفة قبل ميجرها مبعدها على لحاجة او دوا) نتي لي خاصك تشرحيلي شواقع ؟

لغالية : كنت كنتسنا لوقت لمناسب

محسن : يرحم باك لما باركة عليا من هاد نهار شرحيلي اصلا شراك تجبها لصباح مراة شي واحد فولاد عمها ؟ فولاد عمتها ؟ أدوي

لغالية : أنا أنا مراة باها

محسن : (طرطق عينيه) شنو ؟ نتي مراة من ؟ مراة اكسيل واش باغة تصعري مي شجابك نتي لواحد والد دراري كبر منك

لغالية : هاد لهضرة قولها لبا لي زوجني ماشي ليا

محسن : (كام معصب بلى قياس) ملي نتي مرة باها لاش مقيلالهاش انا خوك لاش معالمانيش انا دوي واش عارفة شوقع ليا بسباب هاد سكات ديالك

لغالية : مكنتش باغة هادشي يوصل تال لهنا كنت غنقولها فلخطبة

محسن : مكنتيش باغة هادشي يوقع ياك ؟ او هاهو وقع صباح شافت تصاوري انا وياك او حسباتها حاجة خرى داكشي علاش سمحات فكولشي او مشات سمعتيني بسبابك نتي وقع هادشي

لغالية : شوف محسن انا خبيت عليكوم على مصلاحتكوم كانت مها اتزيد تعكس كون عرفاتك خويا

محسن : (قرب عندها تا وقف قدامها او دوا برود) على مصلاحنتا ؟ لغالية علامن كتكدبي أدوي ؟ راني خوك عارفك مزيان او شاربك كون كنتي لغالية تاع مشحال هادي كنت غادي نتيقك الى قلتيلي هاد لهضرة ، ولكن لغالية لي واقفة دبا قدامي مكاديرش تا حاجة إلى مكانتش عندها فيها لمصلاحة ايمتى وليتي أنانية بحال هكذا الغالية دوي ؟

لغالية : (سكتات مالقات ماتقول عارفاه معصب) عارفاك مقلق مني او من حقك قول لي بغيتي انا غنشوف كفاش نتواصل معا صباح او نشرح ليها كولشي صافي

محسن : معندك ماتشرحي ليها عطي لهاد لموضوع بتيساع سمعتيني ، انا وصباح سالينا منين شدات طيارة لفرانسا

لغالية : خلينا ندخلو نكملو هضرتنا لداخل عافاك

محسن : باغي نمشي معندي فين ندخل

صفية : لغالية شكاديري هنا معا هادا

لغالية : هادا عندو سمية أولا لا ؟

محسن : انا غادي

لغالية : محسن ستنا متمشيش

محسن : (متسوقلهاش او مشا كمل طريقو خارج بحالو)

صفية : شبينك او بينو تا توقفي معاه بحال لعزبة

لغالية : نوقف معاه او نزيد شحرݣ شطاطك تا لاسقاني وحاضياني

لحاجة : ايهيه زيدي حلي فداك لقادوس او ديري لفضيحة كتر ماراك فيها

لغالية : ياك لالة انا فلفضيحة ايوا عطيوني تيساع لتفضحو معايا (طلعات لبيتها مخلياهوم كيغليو بلفقصة ، ملي حلات لباب لقات إكسيل مسند ضهرو على الناموسية او ناشر رجليه ، مشات تال حداه او تكات بعرض حاطة راسها على صدرو ، منهار تاع داك لعرس تال دبا كانت علاقتهوم متوتر بزاف ، اكسيل من النوع لي مكيتقلقش على اتفه لأمور ولكن الى مشا تا تقلق صعيب يرجع) جا محسن عاد دبا

اكسيل : كي داير لباس عليه

لغالية : لاباس جا غايسولني شنو كنجي لصباح او صاف

اكسيل : مزيان

لغالية : (هزات راسها او شافت فيه) بوسني

اكسيل : (ملي قالتليه ديك بوسني عرفها مقلقة غيكون محسن قالها شي حاجة بقات فيها ، مقالش ليها لا او قرب عندها بايسها بوسة خفيفة او سطحية فمها)

لغالية : (غوبشات) هادي بوسة ؟

اكسيل : كتشرطي من لفوق

لغالية : معلوم شوف شحال هادي مبستيني ، تقريبا شي عشريام

اكسيل : فعايلك لي داروها ليك

لغالية : فعايلي لي داروها ليا ولا قصوحية راسك ، ماعلينا خليني دبا نعوض

اكسيل : (مد يديها جارها من دقنها لعندو مخلي انفاسو كضرب فوجها ، او دوا بصوت رجولي هامس) عوضي شكون شدك

لغالية : (بعدات عليه او مشات ݣلسات ليه فوق حجرو ، مضورة واحد ليد مور عنقو او ليد تانية كانت كتلمس بيها وجهو مقربة ليه او ساهية فعينيه ، كلما دققات فيهوم الشوفة كنحس براسها غارقة فبحر مامنو خروج ، كلما سمعات صوتو كتحس براسها شاعلة فيها لعافية من كل جيهو ولكن ماشي عافية كتحرقها ، عافية كتحسسها بلي ماشي بوحدها ، نزل صبعها لكبير لشنفتو لتحتانية كيتحسس فيها) مالك غادي وكتزيان

اكسيل : انا ديمة زوين

لغالية : ههههه قلنالك لعكس ؟ غا هو زعما وصلتي 46 عام خاصك تبدا تعيا او لموطور مرا يخدم مرا لا ههه

اكسيل : داك لموطور علاش كتموتي الى مشا خلات عليك اتبقاي بلاش

لغالية : ههه ايلى مشا شريلي تاع لميكا صافي

اكسيل : (دمج شفايفهوم بجوج فبوسة كانت بدايتها لطف ولكن ما كل تانية كتزيد شراستها)

لغالية : (إكسيل حلف ميطلق ليه فمها كيمص فشنايفها او يعاود ، اجر فيهوم ويقول شي مجريت تا طيبهوم ليها عاد طلقهوم مخليها كتنهج او شادة فمها) أي فمي طيبتيه ليا دبا يتشقق عاود

اكسيل : (رجع راسها ولكن بوسة خفيفة قبل مينوض يدخل لحمام)

#عند جود#

جود : (ضرباتو لفيقة معا ديك لوحدة فتح عينيه غا بدرع بسباب لحريق تاع الراس ، ديك لكلية لي ݣلس باش يستوعب راسو فين ، كيلقا نفسو فبيتو اوسك دارو او فراشو ولكن لأجواء مختالفة ، راسو كيطبخ مخلي الشوف عندو مضبب ، شد فلكوافوز او وقف كيتمايل مشادش التوازن ديالو ، ديك لخطوة لي بغا يدير رجليه عفطات على شي حاجة فشكل بحال نفاخة عامرة بلما ، هبط عينيه ليها كتبان ليه شي نفاخة شفافة اوسطها شي سائل بيض ، مفهم تا وزة او هبط خدا دكشي كيدقق فيه الشوفة ، موسع عينيه بداكشي لي كيشوف قدامو) پ.پروطكس ؟ شجابو لعندي (رجع دقق الشوفة فيه كيلقاه فعلا واقي ذكري مستعمل او داكشي لي اوسطو بحال لمني مفهم تا وزة سؤال واحد كيضور قدامو هو مناش جاه ، هز عينيه فلبيت مصدوم من داكشي لي كيشوف حوايجو مزلعين فلأرض لفراش مخربق ، كارطونة تاع پروطيكس محلولة ، او زيد عليها واحد لحاجة لي يالاه رضليها لبال هو كان زبط كيما خلقاتو مو ، رجع ݣلس فوق لفراش شاد راسو ) الله ياربي وشنو وقع وشنو درت انا معاقل على والو والو ݣاع

رض شعرو اللور بعصبية ولا كاملو حمر معاقل على والو كفاش جا لهنا ولا معامن زبلها معقلش ، جر داك كوڤرلي اغطي بيه راسو تا طاحو عينيه على نقاطي تاع دم لي فلملاية او واحد سترينݣ كان ملوي معا كوڤرلي ، هنا او فهاد اللحضة بضبط جمدليه لما فركابي ، هو لي كان تا تصاحيب مكيتصاحبش حيت حرام لقا راسو بين ليلة ونهار زنا ، هو لي كان جامع قشاوشو عندو باغي تا يتزوج عاد ايدير ، يمكن فواحد لوقت كان طايش او كيسكر ولكن عمرو قاس شي بنت تا بشدان ليدين حيت كان عارف بينو او بين لي خلقو وزينا هي لي مكانش باغي ولا حامل اقرب ليها ، صدق ناعس معا شي بنت او تاقبها تلف او معرف تا معامن يدوي ، تفكيرو كامل فهاد بنت الناس لي ضيع او فعلاقتو بينو وبين لي خلقو شداتو لبكية او لخنقة معرف ما يسبق ولا يوخر ، شد راسو او بدا كيحاول اتفكر شنو دار لبارح

#فلاش باك#

بعدما سالا خدمتو معا ديك ستة تم راجع لپارطمة ديالو انعس فيها ويرتاح ، وقبل ميوصل قدام دارو بانتليه ياسمين واقفة حدا لباب او وجها ماشي تال لهيه سربا فلخطاوي تا وقف عليها

جود : ياسمين شكاديري هنا ؟

ياسمين : مكنتش باغة نجي عندك غا ضطريت او صاف

جود : (عرفها باقة واخدة منو موقف من ديك نهار) واقعة شي حاجة ؟ كاين فاش نعاونك ؟

ياسمين : (هزاتليه على جرح لي كان رجع سيح دم)

جود : سس يالاه نمشيو عند طبيب يالاه

ياسمين : لا لا ديرلي غا نتا دوا وصاف

جود : لا خاص ضاروري طبيب ايشوفك

ياسمين : مابغيتش نمشي عند طبيب هي مابغيتش نمشي

جود : صافي واخة انا غنعيط ليه ايجي لهنا غا دخلي دبا

ياسمين : (دخلات معاه لداخل مخلياه كيعيط فطيليفون)

جود : راني صونيت على واحد طبيبة غتجي منهنا شوي

ياسمين : واخة

جود : (مشا دخل لبيتو بدل عليه عاد رجع عندها يݣلس حداها سعا سمع دقان فلباب) غتكون طبيبة هادي لي جات أنوض نحل ليها (مشا حل لباب لاقيه راجل) سلام شحب لخاطر

راجل : نتا لي طلبتي طبيب ياك ؟

جود : واه ولكن انا طلبت طبيبة يطو

راجل : (مدلبه يديه) نقدم ليك راسي عصام يطو

جود : هاه سمحلي غلط تفضل دخل (خزيت ملي راجل لاش مكنيينك يطو)

عصام : فين لمريض

جود : ها هي هنا (داه تال عند ياسمين )

ياسمين : (بقات كتشوف فعصام او دقق فيه الشوفة كان طبيب باقي شاب زوين عاطي لعين)

جود : (مصغر عينيه فيها)

عصام : شنو عندها ؟

جود : مضروبة فكرشها بموس او جرح تقيح

عصام : عري على جرح نشوف

جود : (عرف مافيها تيقة داكشي علاش مشا هو قرب ليها او عليها توني مبين غا بلاصة الجرح)

طبيب : (بدا كيعقم ليها جرح ديالها تا سلا) انا دبا عقمت الجرح خاصها تاخد هاد اونتي بيوتيك او متقيسش الجرح بلما نهائيا او تا تحراك مخاصهاش تحرك بزاف

جود : صافي واخة

طبيب : نخليك على خير كنتمنا ختك تولي بيخير

جود : (كان كيسلم عليه من ليد تا سمع ديك لكلمة تاع ختك هو يزيرليه على يديه مفقوص) ماشي ختي

طبيب : سمحلي غلط

جود : معليش كتوقع

ياسمين : (ستغلات لوقت لي كان جود مشا يوصل طبيب لباب او خوات واحد لغبرة فلقهوة لي كان كيشرب منها ورجعات لبلاصتها بحالا مدارت والو)

جود : (رجع ݣلس مقابل معاها فوق لفوطوي هاز لكاس تاع لقهوة معاه)

ياسمين : (شافت فشرجم) شتا كطيح

جود : هاد لعام كولشي فيه مخربق صيف او عاد شتا بدات كطيح

ياسمين : كولشي مخربق ماشي غا لجو

جود : (بدا اكسيل كايصوني ليه فطيليفون ، دار اشارة لياسمين تقطع لحس او جاوب هو فطيليفون) الو بابا

اكسيل : خرجتي من لخدمة ؟

جود : واه خرجت من لخدمة

اكسيل : غتجي لدار ؟

جود : لا راني دزت لداري غنبات فيها علاش

اكسيل : غا سولتك او صاف واش راك بوحدك ؟

جود : (كدب عليه) واه راني بوحدي معامن غنكون

اكسيل : مزيان ، بسلامة

جود : (قطع معا باه او رجع كيشرب من قهوتو وهو كيتفرج فتلفازة) فيك جوع ؟

ياسمين : واه فيا لموت دجوع

جود : هيا لنضتي طيبينا شي حاجة ناكلوها

ياسمين : مكتحشمش تقول هاد لهضرة انا مجروحة ونتا باغيني نوض نطيبليك

جود : (كيبرݣم) ملي كنتي كتحنززي فداك زمر مكنتيش مجروحة

ياسمين : او زايدون انا مكنعرفش نطيب تا بيضة

جود : وايلي ؟

ياسمين : جوج وايليات مالها جاتك عجب

جود : مابقيتش كنتعجب منك ، شنو بغيتينا نطلبو من برا ؟

ياسمين : نطلبو پيتزا و دجاج ولا عرفتي شنو طلبنا دجاج او شوارما

جود : كتوحمي ؟

ياسمين : ولدك لي طلب هادشي ماشي انا

جود : الله اعفو (مد يديه باش ايجيب طيليفونو سعا حس بدوخة)

ياسمين : جود مالك

جود : (كيحس براسو ماشي تال لهيه) انا غنمشي لبيتي نتكا واحد شوي نتي ريزيرڤي من طيليفوني صافي

ياسمين : واخة

جود : (عافر تا وصل لبيتو ومشا ݣلس فوق لفوطوي شاد راسو ، كيحس بضبابة نازلة عليه او صحتو فاشلة عليه ، مكاملة تا دقيقة تا تحل لباب دبيتو او دخلات ياسمين عليه)

ياسمين : (قربات عندو بعدما سدات موراها لباب) جود نتا بيخير ؟ مالك ؟

جود : والو غا دايخ شوي (هز راسو لقاها وقفات قدامو او حيدات تيشورط ديالها مخلية راسها غا بديك الصاية لي كانت لابسة او صدرية) ش.شكاديري

ياسمين : (دفعات شوي لور تا سند ضعرو على لفوطوي او جات ݣلسات ليه فوق حجرو مضورة رجليها على خصرو او مقربة لودنيه كتهمس فيها) قلتي عليا بنت الزنقة او طحبة كان عندك لحق انا وحدة مكتسواش او طحبة جات دير كيما كيديرو ݣاع طحبات

جود : (كان باقي فيه شوية تاع لوعي كيشوفها قريبة منو) ياسمين علاش كديري هاكدا

ياسمين : حيت كنبغيك أجود حيت كنموت عليك

جود : ياسمين بي عليا راك غا كتخربقي (كان كيحاول ادفعها عليه واخة معندو جهد ولكن واحد لقطرة باردة طاحت على وجهو خلاتو يتشوكا)

ياسمين : (داك دمعا لي خانتها دغيا مسحاتها) عندك لحق غا كنخربق وحدة بحالي مخاصهاش تبغي متستاهلش تبغي او تبعا ، تا فبحال هاد لوضع لي نتا ضيف فيه محركت فيك والو داكشي علاش انا تأكدت بلي معنديش بلاصة فقلبك او مغتكونش عندي دكشي علاش غنبعد عليك بمرة ، ولكن قبل خاصني ندير دكشي علاش جيت من لول

جود : (غادي وكيحس براسو فاشل مقاد تا يفتح عينيه مزيان ، ومعا غرابت شعورو حس بشفايف سخان فوق دياولو ، رغم انها كانت بوسة خرقاء ولكن كافية تحرك فيه شي حاجة)

ياسمين : (ستغلات وضع أنو جود مرخي او كملات على بوستها وبيديها دازت تحت التوني ديالو وبدات كتسارا او تلمس فصدرو)

#نهاية لفلاش باك#

جود كانت هادي هي آخر حاجة عقل عليها ولي خلاتو ايزيد يتجنن لبرهوشة دلخلى دارتها بيه ، بلأعصاب لي فيه هز الطيليفون كيصوني عليها والو طيليفونها طافي ، حاول لمرة لولة وتانية ولعاشرة والو مكتجاوبش ، ناض وقف او مشا لحمام دوش او توضى ليه عاد خرج جمع لبيت أو نقاها ، وخرج بحالو غادي عندها لدار

جود : (بقا واقف حدى دارهوم كيتسناها تخرج والو ، ساعة سعتاين تلاتة وتقول واش خرجات ، شاف تا عيا او مشا رجع لدارو ساد عليه)

#عند ياسمين#

بعدما خرجات من دار جود فصباح بكري وهي كتقاد فحوايجها لي تكمشو ، مشات تال واحد لفرماسيان حدا لحي فاش ساكنة

ياسمين : (كتدوي معا لبنت لي تما) عطيني عافاك شي كينة تاع منع لحمل

لبنت : شمن ماركة بغيتي

ياسمين : مكيهمش لموهيم تكون شي ماركة كتشرب من بعد

لبنت : (دققات الشوفة فياسمين كيبانولها حوايجها مشي تال لهيه شي طبايع حومر فيها) واخة هاكي هاد لكينة مزيانة

ياسمين : شحال دايرة

لبنت : 97 درهم

ياسمين : (خلصاتها وهزات ديك لكينة وخرجات تال برة هي تاخد واحد لحبة شرباتها عاد كملات طريقها)

جارة : (كانت يالاه دخلات لفرماسيان) شت بنت مريم كتشر شي كينة على صباح ضاراها شي حاجة

لبنت : (قربات عندها) كتشرب لكينة دمنع لحمل

جارة : (شهقات) هاويلي

لبنت : والله يالاه شراتها من عندي

جارة : تي مكان بقالها نيت غا هاديك تزيدها على لبلية ، كانت مشات غبرات ليها واحد ربعشهور او هاهي رجعات عاود ، ولكن انا منهار شت واحد الطونوبيل كانت كتوصلها ولا تديها يا بليل يا بنهار عرفت لقضية فيها إن

جارة 2 : ياتي غتكون طايحة معاه ݣاليا ولدي بلي واخة كدير لبلية دراري مكتقربلهومش ، ولكن فهاد لخر ولا كيشوفها معا واحد دري باينة فيه ملعق او هو مول ديك الطونوبيل نيت

جارة : الله ابقي ستر او يبعد عنا ولاد لحرام

ياسمين : (لاحت ديك لكارطونة فزبل او هي كنسمع هضرتهوم ، ضحكات بجنب او زادت راجعة لدار ، حلات لباب بسوارتها او طلعات لبيتها نيشن تنعس ، مخلية طيليفونها طافي)

#عند صباح#

بعدما وصلات لفرانسا او مشات لپرطمة ديالها سدات عليها او مكانتش كتخرج ݣاع تا من طيليفون مدوات معا تا حد ، ملامح وجها كانو فشكل كانت بحال شي صندوقة خاوية ، باين فيها لمرض او تحت عينيها غادي وكيكحال بقلت نعاس ، فوقما غمضات عينيها تفيق مفزوعة ، راسها غا كيطبخ او تا من لماكلة مابقاتش كتاكل لي حطاتها فمها كتقياها ، كتحس براسها منهارة مقاداش تكمل او تا من دوا كتحس براسها مكيدير ليها والو عقلها باقي كيجيب ليها دوك لأفكار لانت*حارية ، باغة تموت او فنفس لوقت معندهاش الشجاعة باش تموت ، بعد تفكير طويل ناضت لبسات عليها وحد سالوپيط واسع معا فولار او خرجات تمشا ليها شوي جنب واحد الضايا

وكمى كانت هي مجروحة كان محسن كتر منها ، منهار لداخل ديالو معندو ݣانة لتا حاجة ، حوايجها لي كانو باقين فبيتو كيما شراهوم ليها ، تصوارها لي كانو معمرين طيليفونو مقدرش تا يمحيهوم ولا يفرط فيهوم كيما فرطات فيه هي ، داكشي علاش غبر داك لمشقوف او شرا طيليفون آخر ، فاق ليوم بكري وجد راسو باش يمشي يخدم فلݣاراج تاع طونوبيلات كيما كان كيدير قبل ، او خصوصا انو جراو عليه دبا من لخدمة مكانش عندو تاشي خيار آخر

#عند مجد#

كان ݣالس فبيتو ماعليه مابيه تا بدا كيصوني ليه الطيليفون

مجد : (جاوب النمرة واخة مكانش كيعرفها) الو السلام عليكم

لموضفة : وعليكم السلام مجد آيت اوسو هادا لي معايا ؟

مجد : واه هو هادا

لموضفة : ألوغ ، معاك موضفة من شركة ****** كنتي دفعتينا السيڤي ديالك مودة هادي او تاصلت بيك باش نقوليك بلي راك تقبلتي عندنا الى كان عند لوقت او يعداليك تكون عندي هاد لعشية معا 3 باش نتناقشو او نسنيو كونطرا مكانش عندك غدا ان شاء الله تكون عندي معا 9

مجد : لا لا أنا تلاتة نكون عندك

لموضفة : داكوغ انا غنكون فلإنتضار

مجد : (شاف فساعة لقاها لوحدة ، داكشي علاش ناض بزربة دخل لحمام دوش بلما مزيان او توضا ، عاد خرج كينشف فراسو لبس حوايجو لي كانو عبارة على سروال تاع التوب او طريكو عندو لكول ، مشا صلى ليه واحد جوج ركعات عاد هبط لتحت عند اكسيل) لواليد

اكسيل : (كان واقف فجردة يالاه سالا واحد لمكالمة ، ضار عند مجد ملي سمع صوتو) غادي خارج ؟

مجد : واه صوناو عليا من واحد الشركة او عندي معاهوم مقابلة معا تلاتة

اكسيل : اللهم سهل

مجد : لواليد سلفني طونوبيلتك الطاكسي الى ستنيتها غنتعطل

اكسيل : (مدليه سوارت تاع الطونوبيل) هاك او رد لبال فطريق

مجد : لعز يالاه بسلامة (خرج من الدار ناشط او متوتر فنفس لوقت ، وصل قدام ديك الشركة فلوقت او دخل ادوز لانطغڤيو ، لي ستغرق منو جوج سوايع على قدهوم عاد سالا ، وخرج من عندهوم باغي يطير بلفرحة ، ركب طونوبيلتو او زاد بحالو عند جود لدار ، بلاصا لتحت او طلع تال عندو)

جود : (لي كان ساهي فبلاصتو قفز ملي سمع الصونيط دلباب او ناض مشا يحل بزربة) مجد ؟

مجد : واه مجد باقي عاقل عليا

جود : دخل دخل

مجد : (دخل لداخل بعدما حيد سبرديلتو ، او مشا تسرح فوق لفوطوي)

جود : لاش جاي ؟ باغي شي حاجة ؟

مجد : جاي نتوادع معاك

جود : اخيرا قررتي تموت

مجد : شوف لكلب ، راني غادي هاد ليلة لتركيا

جود : شعندك مادير نتا فتركيا

مجد : قلتليك قبل بلي دفعت لواحد الشركة ، ليوم عيطو ليا او قالولي بلي تقبلت ولكن سطاج ديالي خاصني ندوزو فلفرع ديالهوم لي كاين فتركيا

جود : مزيان الله اسهل عليك

مجد : (دقق فيه الشوفة) مالك اعشيري بنتيلي ماشي تال لهيه غا مهموم او وجهك مخطوف منو اللون راك مريض ؟ واقعة شي حاجة ؟

جود : هاد الساعة منقد نقولك والو تا نعرف انا براسي شواقع

مجد : شي زبلة هادي عاود

جود : كارتة الى ساق ليها باك لخبار غيقتلني مافيهاش شك

مجد : خاي جود ملي لقضية فيها لواليد او لقتيل نخليك انا دبا خاصني نجمع حوايجي بسلامة

جود : هه بسلامة بسلامة

مجد : (عنقو) ماديرش فبالك كولشي غيفوت

جود : (خرج مجد من عندو مخليه غا كيفكر فشنو وقع ، رجع لبيت او بدا كيحاول مرة خرى ايصوني عليها سعا والو مكتجاوبش ، عقلو مشوش تاع لمعقول ماحيلتو لتأنيب الضمير لي شادو بسباب هاد الذنب ليدار ، ماحيلتو لتفكير فاش غيعرف باه شنو غيوقع ، ماشي لعصا لي دارها ليه ولكن خيبة الأمل تاع باه فيه هي لي قاتلاه ، ماباغيش اخيب ضنو فيه بحال قبل ، كفاش غيقدر ايشوف ليه فعينيو ويقوليها داك لخط لحمر لي كنتي راسم ليا انا تخطيتو او درت معا بنت الناس لي ميدار كفاش غيقولها ليه)

مجد : (وصل لدار او مشا علم اكسيل لول بشنو وقع عاد داز جمع حوايجو بزربة حيت كانت عندو الطيارة معا منهنا جوج سوايع)

لغالية : (دقات عليه لباب قبل مدخل عندو) ساليتي جميع ؟

مجد : واه

لغالية : (مدات ليه دوك لباطات لي كانت هازة فيديها لوخرى) هاك هاد لباطات حكهوم فشي باريزة

مجد : شنو فيهوم

لغالية : فيهوم شي حلوة او شي زميطة وشي خليع قضي بيهوم علاما تعرف فين جاو لحوايج

مجد : (عنقها) لهلا يخطيك

لغالية : (دوات معاه بشوي) شوف مجد الى تلاقيتيلي معا شي توركي ايكون كيشبه لداك لممتل تاع حب للإيجار ، جيبو ليا صافي

مجد : (كان باغي يقولها واخة تا لقا باه واقف موراها بحال قباض لرواح) هه لغالية نتي عندك لواليد الزين او الطولة او لوقفة لوقف من اللور او من لقدام

لغالية : (ملي سمعاتو كيقول ديك لوقفة من للور عرفاتو كيلمح ليها بلي اكسيل موراها) ههه الله يهديك مابغيتوش ليا بغيتو لياسمين

اكسيل : شبان ليك نسيفطك لتركيا تختاري بنفسك

لغالية : (ضارت عندو) هه علاه انا نسخا بيك منقدرش نمشي ونخليك

اكسيل : باينة ، ونتا مغتحركش نمشيو غتفوتك الطيارة

مجد : (سد لباريزة بعدما ستف فيها دوك لباطات) انا واجد يالاه

لغالية : ستناو ندير عليا غا جلابتي وهاني غادية معاكوم

اكسيل : ݣلسي هنا معندك فين تمشي

لغالية : علاش باغة نخرج دقت فدار

اكسيل : لبرد برا او لجو ماشي تال لهيه غتمرضي

لغالية : ونا بغيت نمشي معاكوم غنلبس مزيان

اكسيل : لغالية دويت معاك كوني تسمعي

لغالية : وعافاك

مجد : يوها الواليد او تبقا فطونوبيل متخرجش

اكسيل : سيري لبسي بزربة او ملي تمرضي نتفاهمو

لغالية : واخة (مشات طايرة تلبس جلابتها عاد هبطات عندهوم لتحت عند طونوبيل) هاني جيت

اكسيل : فين لفيسة ؟

لغالية : وراه مباردش لحال تال ديك الدرجة او زيدون راني لابسة لتحت

اكسيل : (حيد لفيسة ديالو لاحها ليها وبقا هو بقبية) هاكي لبسي مكتسمعيش او دخلي لطونوبيل ݣلسي فيها

لغالية : (لبسات ديك لفيسة) هاني لبستها شحال فيك

مجد : (توادع معا لحاجة ولحاج او صفية عاد مشا ركب فطونوبيل)

لغالية : ايمتا اتبدا لخدمة ؟

مجد : بعد غدا ان شاء الله

لغالية : شحال لمدة تاع سطاج

مجد : شي ستة شهور

لغالية : ناري أصݣع أتغبر عاود

مجد : خليني نغبر باش اتوحشونا شي ناس

اكسيل : لي معنا عليا امعني على مو

مجد : ههههههههه

لغالية : واش اتكلس فلوطيل ولا غتكري الدار

مجد : فهاد يوماين غنݣلس فلوطيل علاما نشوف شي دار نكريها

لغالية : صافي كري الدار باش نجي ندوز عندك الصيف

اكسيل : (حبس طونوبيل قدام لماطار) نزل تلاح عليا

لغالية : مغندخلوش معاه

اكسيل : غتكمشي لا ؟ سير نتا هبط عليا سير

مجد : هاني غادي ، (شد لغالية من حنكها) بسلامة ازين ديالي

اكسيل : (شحطليه يديه) حيد يديك أزمر

مجد : مالك مغيار مالك يالاه بسلامة

لغالية : (رجعات لكوسان لقدامي حدا اكسيل ، او تسناو تا غبر مجد من قدامهوم عاد ضيمارا اكسيل) فين غنمشيو ؟

اكسيل : لدار وقيلا ؟

لغالية : (مدات يديها كتحسس فصدرو او كتدوي معاه بتحلوين) متأكد باغينا نمشيو لدار مشي لشي بلاصة خرى

اكسيل : (شاف فيها) بلاصة خرى ؟

لغالية : (حيدات داك لفيسة او قادات ݣاستها مطلعة جلابة شوي على رجليها) زعما شي بلاصة نكون فيها غا انا ونتا ، الراس فراس شبان ليك

اكسيل : (شد ليها فيديها جارها لعندو او بايسها منها) منقولش لا

لغالية : ههههه ديني لشي اوطيل زوين

كملو طريقهوم تا وصلو لواحد لوطيل زوين ونقي ، هبطو ليهوم من طونوبيل او مشاو ريزيرڤاو ليهوم واحد لبيت تما

اكسيل : (دخل هو وياها لبيت مشادين ليدين) كي جاك لبيت

لغالية : زوين (مشات سبقاتو لداخل او حيدات عليها جلابتها وزيفها ، مخلية راسها غا بكسوة زرقة طويلة ومشبكة كاملة فيها فتحة فجناب طالعة تال فوق لفخض ، عاد تمت راجعة عندو كتلوى فلمشية)

اكسيل : (قرب عندها مدوز يديه مور ضهرها او ملسقها معاه ، مدقق الشوفة فيها او فحناكها لي توردو بلحشمة ، ودوا بهيام) شهاد الزين كامل أبنت سليمان

لغالية : زعما زعما أنا زوينة ؟

اكسيل : علاه هادي فيها شك ، زين كامل ديتيه نتيا

لغالية : غتبقا بحال هاكدا تبغيني ونبان ليك زوينة ولا غا تلقا محسن تبدلني وتسخا بيا

اكسيل : (حط جبهتو على جبهتها) كاين لي يسخى بروحو ؟

لغالية : (دوزات يديها مور عنقو) بزاف سخاو فرواحهوم ملي لقاو محسن

اكسيل : متقارنينيش بشمايت الراجل لي ولدني وصاني على جوج معندهومش التالت ، لولة منفرط فلي خلقني وتناينة

لغالية : وتانية آش ؟

اكسيل : وتانية لمرا لي على ذمتي مانبدلها مانفرقها مانشوف غيرها

لغالية : ياك ؟ او سناء لاش فرقتيها

اكسيل : مكنبززش على لوحدة تبقا معايا او مكنجريش ورا لي بعدات عليا واخة تكون لي كانت

لغالية : واخة تكون انا ؟

اكسيل : هادي ليك مانفرط فيك ، ولكن أبنت ناس نهار تبغي تمشي منشدك منحزرك او ملي تعطيني ضهرك منتبعكش ، نفسي عزيز لبنت سليمان لي باعني برخيص مكنشريهش

لغالية : (بتاسمات) شنو نديرو دبا همم ؟

اكسيل : انا غنوريك شنو نديرو (بعد عليها ومشا خدا طيليفونو طالق منو الشعبي ومجهد الصوت ، او خدا الزيف ديالها ورجع قرب عندها محزم ليها طغمتها) يالاه وريني حنة يديك

لغالية : (طلقات واحد الضحكة بحال تاع الشيخات النيت) هههههههه باغي تقول نوريك حنة طغمتي ياك

اكسيل : (قرب عندها او باسها بوسة خفيفة جار ليها شنفتها او رجع بعد عليها واخد ليه واحد كوكا مسوسة وتسرح فوق لفوطوي كيشوف فيها)

لغالية تسيفات عليه او غا سمعات داك شعبي طلقات سالفها وبدات كتلوز

اكسيل : (شحال هادي بينو وبين تحييحة تاع لغالية ، بقا غا كيفرنس)

لغالية : (قربات عندو كتلوى حداه او تلوز ليه ، مدات رجليها حطاتها ليه فوق حجرو بلاما تعصر ، مخلية ديك لفتحة مبينة ليها فخضها معري كامل) متنوضش تشطح معايا ؟

اكسيل : (ماشي من لمعݣازين كانت راشقة ليه نيت داكشي علاش ناض وقف قدامها مبدل لمسيقى لتاع رݣادة وبدا يضرب بلكتاف)

لغالية : (وسعات عينيها ممتيقاش شنو كتشوف قدامها ، اكسيل شخصيا كيشطح رݣادة او يضرب بلكتاف كي وجادة) هههههه اهيا لي نعرف عليك شلح ماشي ريفي

اكسيل : تمشي تال ناضور او وجدة و تعاشر ناسهوم او متعلمش شطيحهوم ؟ ماجاتش

لغالية : ههههه هادي عندك فيها لحق نتا دبا كتعرف الريفية ياك

اكسيل : واه علاش

لغالية : قولي كنبغيك بيها

اكسيل : تخسخشم ألعمار إينو

لغالية : تسسخسش آهيا ناري انا راه كنبغيك بشلحة او وحلت فيها تا عاود قولها ليا بشلحة

اكسيل : لكم طيريغ

لغالية : تا انا هه

إكسيل : ربعسنين دزواج او باقي مكتقشعي فشلحة والو

لغالية : مالك ياك كنعرف أغروم أو أمان

إكسيل : ههههههه خلات علينا ملي عرفتينا لخبز و لما بالشلحة (مشا طفا لمسيقى) انا غنمشي ندوش ستنايني

لغالية : واخة هاني غنستناك متعطلش عليا (مشا اكسيل لحمام او هزات هيا طيليفونها لي كان كيصوني من صباح) الو

مريم : (كان صوتها مغنغن) الو لغالية هادي انا مريم

لغالية : مريم لاباس ؟ واقعة شي حاجة ؟ مال صوتك ؟

مريم : نتي مسالية غدا ؟ باغة ندوي معاك فواحد لموضوع مهم

لغالية : مريم شوشتيني دراري واقعة ليهوم شي حاجة ؟

مريم : هاد لموضوع ميعدالش فطيليفون

لغالية : صافي واخة غدا بكري غنجي لدار او ندويو

مريم : صافي واخة وسمحلي صدعتك فهاد ليل

لغالية : ماشي موشكيل (قطعات معاها وبقات ساهية فطل من شرجم مرضاش لبال لداك لي خرج من لحمام او جا معنقها من اللور)

اكسيل : (باسها مور عنقها) تعطلت عليك ؟

لغالية : (مالقات عندها ݣانة دير تا حاجة) اكسيل

اكسيل : روح اكسيل بيك شي حاجة ؟

لغالية : حاسة بشي حريق فكرشي يمكن هاديك لي بغات تجيني

اكسيل : ماشي باقي لحال عليها ماشي وقتها هادي

لغالية : داكشي لي قلت تا انا ولكن ست شي وسخ نزل ليا وزيد عليها راك عارف عندي مخربقة ، سمح ليا

اكسيل : ماشي موشكيل زيدي تنعسي او ترتاحي وتسخني تحت لكاشة قبل ميشدك لوجع

لغالية : (مشات تكات هي وياه فلفراش مخلياه غعنقها او يغطيها مزيان ، جاها شوية تأنيب الضمير من جيهتو عارفاه ماشي من النوع لي كيفرض لعلاقة ، ولكن لغالب الله عقلها تشوش بلمكالمة تاع مريم)

#فصباح#

بعد دوك سوايع كاملة او معا ديك لخمسة دصباح تحطات طيارة تاع مجد قنطار اسطنبول فتركيا ، نزل جار معاه باريزاتو او شاد ليه طاكسي لواحد لوطيل كان ريزيرڤا فيه من قبل پاغ أنترنيت ، خدا من عندهوم سوارت تاع لشومبغ ديالو او طلع نيشن ليها ، مستناش ادوش ولا يستف حوايجو دغيا نصل داكشي لي كان لابس او عمر الساعة تاع طيليفون او تلاف فلفروش ناعس

مجد : ( دازت ديك جوج سوايع او كان سي مجد باقي ناعس فناموسية مجايب لدنيا خبار ، مفيقو من لغيبوبة ديالو غا سونيط تاع الساعة ، مد يديه باش يطفيها ولكن قال ايشوف شحال فساعة بعدا ، عينيه لي كانو معسلين بنعاس تحلو غا بدرع) شحال فساعة ؟

مجد : (كيشوف قدامو 8 پونتو ديك التغميضة لي بغا يدير عاود قفز تال سما تالف) ويلي ويلي تعطلت على لخدمة (مشى بزربة لبس عليه قبية حمرة وسروال او سوارت تاع طونوبيل وخرج كيجي ، ولكن من زهرو لعوج لقا لمازوط تسالى فيها) تفو تفو على صباح كيف داير تفو (خرج من الطونوبيل او عطاها لجرا ، اسرتح ويقول شي مسرتحت مرادش لبال لا لناس لي حداه لالشنو كيقولو همو لواحيد اوصل لخدمتو فلوقت)

داك لوقت لي كان فيه مجد كيجري كانت واحد لبنت يالاه خارجة من لمخبازة بعدما شرات ليها شي پتيپان ، او بصدفة كتشوف واحد السيدة كبيرة كتبكي وكتغوت

شارفة : (مرا كبيرة فلعمر كتدوي بالتركية) Paramı çaldı, paramı çaldı, biri bana yardım etsin lütfen

{شفرولي لفلوس ، شفرولي لفلوس عاونوني}

لبنت : (قربات عندها مسكينة كتسولها) Teyzem paranı ؟ Nereye gitti? kim çaldı ؟

{خالتي شكون سرقليك لفلوس ؟ منين داز ؟ }

شارفة : (بدات كتشير ليها لنيشن)

لبنت : (هزات عينيها كيبان ليها واحد لولد لابس قبية حمرة وكيجري ، متعطلاتش حطات لخبز او تبعاتو بجرا وهي كتغوت) Dur, dur, nereye gidiyorsun hırsız?

{وقف وقف فين هارب لهاد شفار }

مجد : (ملاهي معا جرا ديالو او واخة كان كيسمع وحدة من موراه كتغوت مداهاش فيها حيت أصلن مكانش فاهم تا علاش كتدوي ، او بين تانية وتانية لقا راسو مجرور من يديه أو مخبوط لأرض على ضهرو تا تقطع فيه لحس) أي ضهري شواقع (هز عينيه كيشوف قدامو بنت ولا دري معرفش تخالطو عليه حس بضبابة نازلة عليه ، او زيد ضرائب ديالها لي كانو فعلن قاسحين داكشي علاش توقع ايكون دري)

لبنت : (بانولها لبوليس دايزين من تم) hırsız hırsız gel onu yakala

{شفار شفار جيو شدوه}

مجد : (شاف لبوليس جايين قال صافي جاو افكوه او بدا يدوي معاهوم بلونݣلي) Please take this crazy

{عافاكوم بعدو هاد لمجنونة)

لبنت : (زرݣة كتر منو فلونݣلي غا سمعات ديك كرايزي نهمات عليه ببونية لوجهو تا طاح مغيب) Aramızdaki deli kim, seni pis hırsız?

{شكون لمجنون فينا اهاد شفار ، لموسخ}

لبوليس : (تقدم عندهوم كيجري هو واحد لبوليسي آخر) Burada neler oluyor?

{شواقع هنا بسلامة}

لبنت : Kardeşim, bu piç zavallı bir hanımın parasını çaldı. {خويا هاد الزمر شفر لواحد لعݣوزة مسكينة فلوسها}

لبوليسي 2 : (قرب عند جود كيحرك فيه والو سيد مغيب) Efendim, bilinci yerinde değil, ambulans çağırabilir miyiz?

{سيدي راه مغيب واش نعيطو لامبلونص}

مجد : (قبل ميهزوه لامبيلونس حل عينيه)

لبوليسي : (عاونو تا وقف)

مجد : what happened ؟ {شنو وقع}

لبوليسي : (عرفو ماشي منهنا) This lady says you stole that old woman

{هاد السيدة كتقول بلي راك سرقتي ديك الشارقة}

مجد : No, I didn’t steal anyone { لا ، مسرقت تا حد}

لبوليسي : And why were you running then? {وعلاش كنتي كتجري}

مجد : I was late for work so I was running {تعطلت على لخدمة داكشي علاش كنت كنجري}

لبوليسي : Do you work today even though it is Sunday? {واش كتخدم بنهار لحد ؟}

مجد : Sunday ? {لحد ؟} (شد راسو على هبالو تالفو ليه لأيام) Listen, I didn’t steal any old men, I thought it was Monday so I was running to get in time

{سمعني ، انا مسرقت تاشي عݣوزة ، كان يسحابلي ليوم تنين داكشي علاش كنت كنجري باش منتعطلس}

لبوليسي : (خدا من عندو لوراق باش اتأكد من هويتو او قلبو لقا معندو والو ، او تا فاش شاف ديك لعݣوزة عرفها داكشي علاش ضار عند ديك لبنت) Hanımefendi, bu yaşlı kadın bunama hastası ve ne zaman bir hikaye uydursa

{لالة هاد لعݣوزة مريضة بلخرف كل مرة كدير قصة}

لبنت : (عرفات راسها زبلاتها معاه داكشي علاش قربات عندو كتحاول تدوي معاه بلونݣلي تاع لعبار) سو سوري

مجد : (بعد عليها خايف لتعاود تسلخو) no problem

متعطلش او مشا مبعد عليهوم ، او ملي لقا راسو خرج خرج قرر امشي يقلبليه على شي دار لكرا ، او هو فطريقو بان ليه واحد لمكتب تاع شي سمسار او مشا دخل عندو ، او من زهرو كان داك السمسار كيعرف لونݣلي

سمسار : (كان لحوار بلونݣلي) سي مجد من زهرك لقيتي واحد الپرطمة زوينة وخايوية او فحي هادئ او جات اوسط لمدينة كولشي قريب ليك

مجد : واش يمكن ليا نمشي نشوفها ليوم ؟

سمسار : إيه مرحبا ، الى عجباتك يمكن ليك تسكنها فلبلاصة حيت كونطرا ديالها موجودة

مجد : صافي مزيان (مشا هو وداك سمسار ايشوفو ديك لپرطمة لي كانت مكبيرة مصغيرة هي هاديك ، نقية او فبلاصة زوينة وقريباليه تا من لخدمة او تمانها زوين او زيد عليها بفراشها)

سمسار : كي جاتك ؟

مجد : زوينة عجباتني غناخدها

سمسار : يالاه نمشيو نسنيو كونطرا تايلى بغيتي تمشي ليها ليوم

مجد : (رجع معاه لمكتب او سنا لكونطرا او خلص ليه ستة شهور تاع بكرا فلبلاصة ، عاد مشا رجع لوطيل اجمع حوايجو كانت ديك لخمسة تاع لعشية فاش سالا جميع او مشا رحل لدار)

#عند لغالية#

ملي فاقت هي واكسيل فطرو بجوج او وصلها لدار باها حيت قالت ليه بغات دوز تشوفهوم او كمل هو لخدمتو

كلتوم : (حلات لباب لغالية او سلمات عليها سلام حار بحال كل مرة) فطرتي ؟

لغالية : (دخلات لداخل) واه فطرت عاد باش جيت ، فين مريم ؟

كلتوم : راها فبيتها ݣالسة باغاها لشي حاجة

لغالية : غا جبت شي حاجة ليوسف او بغيت نعطيها ليها ، هاني طالعة عندها (دغيا طلعات لبيت مريم او دقات عليها)

مريم : (حلات ليها لباب) لغالية جيتي دخلي

لغالية : (دخلات معاها لبيت) مريم شواقع شوشتيني ، او مال عينيك حمرين كنتي كتبكي

مريم : عاونيني الغالية راه نتي بوحدك لي تقدري

لغالية : فاش غنعاونك ؟

مريم : عاونيني نبعد ياسمين منهنا او نخرجها من لمدينة

لغالية : أويلي علاش ؟

مريم : (رجعات كتبكي) متهنات لمغصوبة تا دارتها

لغالية : شدارت ؟

مريم : غلطات معا شي حد أو لموشكيل صحاب لحومة ساقو لخبار او أنا خصني نبعدها قبل ميسيق ليها عبد الله لخبار

لغالية : (شدات راسها) صافي كملات ، دويتي معاها

مريم : دويت معاها و لبنت معلى بالهاش

لغالية : مقالتلكش شكون ؟

مريم : مابغاتش تقول كتقولك غا كانت سكرانة وغلطات معا شي واحد او صاف

#فلاش باك#

بعد يوماين من داكشي لي وقع لخبار بدات كتنشر او كترو لهضور ولقال على ياسمين تا وصلات لخبار لمريم

جارة : مريم شهادشي سمعت ؟

مريم : شسمعتي بسلامة

جارة : قالو ليا شافو بنتك كتاخد لكينات تاع منع لحمل ، ياصحيبتي فرطي فديك لبنت عييت منقولك ربطي وزيري لاتخليهاش ديع

مريم : (بحالا صرفقتيها ماعرفات باش تبلات) الله ياختي واش راك تيقي كلام الناس

جارة : سيري سولي لفرملية لي فلفرناسيان منها مناش شراتها او شرباتها فدوك جوايه غا ول لبارح

مريم : (ستجمعات ملامحها) آه واش راك تدوي على ول لبارح كي شتي ياسمين عندها لعادة مخربقة شبهات لعمتها او ملي عرفات بلي لكينة كتريݣلها قالت تشربها

جارة : هاكداك او مالها مستنات تا رجعات لدار او شرباتها ولا اشريها ليها نتي

مريم : الله يهديك علاه هي كتسمع ليا بعدا قلتلها معندك لاش تشربي داكشي ولكن والو لي فراسها فراسها وخافت لنقولها علاش داكشي علاش شرباتها برا ، نخليك دبا راني حطيت لخبز يخمر نخافو يخسر (رجعات لدار بزربة وهي ممتيقاش شنو سمعات ، حطات السخرة فلكوزينة او طلعات كتجري عند ياسمين داخلة عندها او سادة موراها لباب) شهادشي سمعت ؟

ياسمين : (كانت ݣالسة فراشها مهدنة) شسمعتي

مريم : (مشات ݣلسات حداها كتدوي بهمس) قالولي شافوك كتشربي لكينة تاع منع لحمل

ياسمين : (ضربات طم)

مريم : (ضربات فخاضها) هي بصح درتي أبنت الشايط هي بصح ، أدوي معايا كنسولك تقبتي قاعك ؟ تهنيتي ؟ (ملي لقات ياسمين باقي ساكة عرفات بلي فعلن داكشي لي خافت منو وقع ، دموعها خانوها او يديها تماطاو عندها كيضربو فيها او يقرصو) درتيها أبنت لحرام درتيها ، ضيعتي راسك ضيعتي راسك أو فضحتينا معا ناس ويلى ساق ليك باك لخبار الكلبة ويلى ساق ليك لخبار ، غيدبحك واش عارفة شناهية غيدبحك

ياسمين : (مخلية مها دير فيها مابغات)

مريم : (طلقات ياسمين او بدات كتخبش فوجها) شدرتلك انا تا ديري فيا هاكدا أياسمين ، شدرتلك تا طيحي بيا لأرض شدرتلك تا تشوهيني ، ماكفاتكش داكشي لي كديري فيا زدتيني هادي

ياسمين : (بدات كتحاول تبعد يدين مها باش متخبش راسها) ماما زݣاي راك كضري راسك

مريم : (دفعاتها تا طات او رجعات كضرب فخاضها او تبكي) هاماك انا ؟ كون كنت هاماك ماديريش فيا هاكدا من صغرك معدباني من صغرك حارݣاني ، شدرتليك أياسمين شدرت ليك ، فين غنرض وجهي انا شغانقول لباك ملي يسيق لخبار شغانقوليه أدوي ، شغايدير ليك الى عرف بغيتيه ازوجك لشي حد مباغاهش كيما دار لعمتك ولا بغيتيه اصفيها ليك أدوي ، أدوي اقليلة لحيا هادا هو جزائي ياك أياسمين هادا هو خيري ، حملت بيك ألعقوبة تسع شهور فكرشي على ݣدها وصبرت على لخانز دبوك او طسيلتو ، ولدتك او رضعتك او سهرت معاك قريتك او دمرت عليك فلخر هادشي باش كتجازيني ياك ، شكرا أبنت كرشي شكرا ولكن ذنب ماشي ذنبك الذنب ذنبي انا لي قبلت نهار لول نولدك اما كون درت الراي لباك كون وا شربت على جدك لعشوب او طيحتك او تهنيت منك ، ولكن انا لي حمارة قلتليه كبدتي منفرطش فيها نستاهل

ياسمين : (هضرت مها خلاتها تحس بقلبها كيتقطع شي لي خلى دموعها يسيلي) كنتي تقتليني شكون شدك اللهم لموت ولا هاد لعيشة كنتي عارفاه مباغينيش او ولدتيني ، كنتي تقتليني حسن ليا ، حياتي كاملة ونا عايشة كي لعبد عندو لا خروج كنا نخرجوه كي ناس ولا ضحك ضحكناه ، الشوفة هي لخرة مكانش ايديرها فيا تقول قاتلة ليه الباه كيسب او يضرب ، ونتي غا كتفرجي آشداك تزوجي بيه شداك تولديني معاه ونتي عارفاه كيف داير ، شداك تبقاي معاه ولكن والله لا بقات فيه ، خلي ناس يدويو او نشوفوه ديك الساعة واش يقدر يبقا يهز راسو بيناتهوم

مريم : (هزات يديها تال سما او طرشاتها) يسحابليك فيه فاش درتيها غيتبرا منك او ينوض نايض اما نتي شصورتي لخرى ؟ ، ضيتي راسك أو تقبتي قاعك شكون يقبل بيك دبا أدوي

ياسمين : مقلت لحد يقبل بيا

مريم : (تلاحت عليها عاود شبعاتها ضريب عاد ناضت من فوقها) شكون هادا لي تقبك ؟

ياسمين : معرفتوش

مريم : (عضاتها) كفاش معرفتيهش كفاش معرفتيهش أدوي

ياسمين : (كدبات عليها) كنت سكرانة ومعقلتش معامن

مريم : (شدات راسها) الله ياربي وشهاد لمصيبة فاش طحت ، نوضي تݣعدي جمعي حوايجك

ياسمين : علاش

مريم : غتخوي لمدينة مغتبقايش هنا

ياسمين : معندي فين نمشي انا غنبقا هنا

مريم : واش بلغته اقتلك ملي يسيق لخبار أدوي باغاه اعلقك ؟

ياسمين : لي فجهدو يديرو ويلى وصل ودنيها اعضها ماعندي فين نمشي

مريم : مكنتشاورش معا جدك غتمشي هي غنمشي

#نهاية لفلاش باك#

لغالية : فين هي دبا

مريم : راني سادة عليها فبيتها

لغالية : يالاه نطلعو عندها (طلعو بجوج لبيتها او دخلو عندها) شهادشي درتي نتي

ياسمين : وصلاتك لخبار

لغالية : وصلاتني فضيحتك واش تسطيتي ولا ساط ليك لبرد فمخك شوصلك لهاد لمواصل

ياسمين : رشقات ليا وصاف

لغالية : (عصباتها تا جمعات معاها بتسرفيقة) هادشي فيه رشقات ليا ولا لا واش عارفة راسك شنو درتي ويلى ساق ليك عبد الله لخبار انحرك ، شوفي بلاما نطولو فلهضرة قوليلي معامن غلطي

ياسمين : راني قلت ليكوم من قبل كنت سكرانة ومعقلتش

لغالية : (تحنات عندها شاداها من فمها او مزيرة عليها) سمعيني مزيان هاد لكدبة كنتي تقولها لشي حد آخر مشي ليا ، راني حافضاك مزيان هاد لهضرة مداخلالي منهنا مخارجالي من لهيه

ياسمين : شغلك هاداك انا قلتليك

لغالية : مباغاش تقولي واخة ، مريم فين طيليفونها

مريم : (مداتو ليها) هاهوا

لغالية : ضروري غيكون هنا ياك شحال لكود

ياسمين : مغنقولكش

لغالية : (شداتها هي ومريم مزيرينها او شادين صبعها حابين بيه لكود ، عاد طلقوها)

ياسمين : (كتحاول تاخد ليها طيليفون ولكن والو)

لغالية : (بقات كتقلب تقلب تا طاحت على واحد لملف فيه شي تصاور تاع ياسمين او جود فوضعيات لي باين شنو كانو دارو ، متلا فوحدة كان جود معري صدرو او معنقها خاشي وجهو فعنقها او هي كان باين بلي ملابسة والو غا لزار لي نعطيها ، او فعنقها كانو باينين شي طبايع حومر ، لغالية وسعات عينيها ممتيقاش او طفات طيليفون حاطاه فساكها) وجدي راسك

ياسمين : راني قلتليك مغنسافرش

لغالية : تا انا مقلتليكش اتسافري غا هو خطوبتك غتكون فهاد لأيام

مريم : كفاش ؟ شمن خطوبة ؟

ياسمين : (عرفاتها عرفات بلي جود معامن كانت) والله لا تزوجت سمعتيني زواج هو لي مغيكونش

لغالية : هاحنا غنشوفو

مريم : (خرجات هي ولغالية من لبيت) لغالية شرحي ليا كفاش زواج انا مغنزوجوش بنتي لداك لي تقبها ابدا

لغالية : مريم سمعيني مزيان باغة بنتك تعيش حسن من عيشتها هنا خلينا انا غتكلف بهاد لموضوع نتي دبا غا حاولي متخليش عبد الله ايسيق لخبار (هبطات لتحت توادعات معا مها او خرجات بحالها راجع لدار كتفكر فحل لهاد لمصيبة)

#عند جود#

داك لبلان تاع نعس معاها باقي مدخلوش لراسو كفاش قدر ايدير معاها علاقة او هو كان مقادش تا يدفعها عليه ، تساؤلات كتيرة كدور فراسو او كان خاصو يلقالها جواب باش يرتاح بالو ، داكشي علاش مشا ركب طونوبيلتو او توجه لحي ديالها عاس عليها ايمتا تخرج ، او من زهرو بعد ديك ساعة شافها خارجة من دارهوم بتسلات ، بقا حاضيها من بعيد تا ركبات موطورها او زادت معا طريق او هي تابعها تا وصلات لواحد لبار او دخلات ليه ، مكانش باغي يتبعها تال لما وبقا كيستناها على برا تا فاتت شي جوج تاع سوايع او وصلات ديك تسعة دليل عاد قرر اتبعها لتما حيت مخرجاتش ݣاع

جود : (دخل لداك لبار او هو معاجبوش لحال او محاملش راسو ، لبنات محاكين معا لعزارة شراب على جهد لمسيقة كتقب لودنين قوم ربي لعالمين ، بقا هاكداك كيضور فعينيه تا بانت ليه كتشطح او تلوى او سط الناس او تفرنس مهامهاش لبشار أصلن السيدة سكرانة تال لحد ، صدرو زاد ضاق عليه او احساس بنفير منها تزاد ، علاش بضبط هي هكدا علاش من بين لبنات كاملين ختارات تكون هكدا ، بحالو بحال اي راجل فدنيا مكيحملش بحال هاد النوع او كيحاول اتجنبهوم ولكن لقا راسو طايح معاها ، تقدم عندها عاقدهوم او شدها من يديها مزير عليها ) زيدي معايا

ياسمين : (دايرة فيها سكرة مابغات او زيد لمسيقى مجهدة) شنو قلتي نشطحي يالاه

جود : (شاف تا عيا او من زهرو كانت لابسة كسوة طويلة داكشي علاش لاحها على كتفو او خرج بيها تال برا ، ركبها فطونوبيل بدرع او زاد بيها معا طريق)

ياسمين : حطني علاش خاطفني ، وا عتقو الروح اعباد الله بغا يغتاصبني من ودني واعتقو الروح ههههههه (دققات فيه الشوفة مبوقة) جود نتا هادا يسحابلي شي حد خاطفني ههههههه (تقلبات عاود او بدات كضرب فيه) حطني الخطاف حطني شبغيتي عندي

جود : (كان معصب نيت هو يغوت عليها) هنيانا الخرى

ياسمين : (تكمشات ولكن محشماتش وبدات كتقول بصوت منخافض ولكن مسموع) لمغتصيب هو نتا ، مغتصب حݣار اناني جبار ، لمغتصيب هو نتا ، مغتصب حݣار أناني جبار

جود : راه قلت لملتك هنينا

ياسمين : هاء ؟ علاه سمعتيني صافي هاني غنقولها غا بشوي ، مغتصب حݣار أناني جبار ، لمغتصيب هو نتا

جود : (وصل بيها لواحد لخلى او جرها من طونوبيل بجهد) شوقع ديك ليلة أياسمين ؟

ياسمين : هاء ؟ شمن ليلة

جود : ديك نهار فاش جيتي عندي

ياسمين : بلاتي نتفكر شنو وقع شنو وقع هههههه تفرجنا فروسوم ؟

جود : واش باغة تجهلي مي ولا شنو ، واش وقعات بناتنا شي حاجة ؟

ياسمين : بحالاش هاد لحاجة ؟

جود : (كيحاول اشد فداك صبر) واش تقبتك ديك نهار ؟

ياسمين : (سيدة مبوقة او رجعات غا كتضحك) هههههههههه تقبتيني مالك شنيول ؟

جود : (عصباتو) وجاوليني المرض مكنضحكش شنو درنا ديك نهار واش نعسنا معا بعضياتنا

ياسمين : (حركات ليه راسو بإيه) نعستي حدايا

جود : الله ياربي وفهميني المرض واش حويتك ديك نهار ايه لا

ياسمين : ويلي كيقول لكلام لقبيح

جود : (صافي بدات ضبابة كتنزل ليه على عينيه ، داكشي علاش شدها مور عنقها أو قربها لعندو داوي مغدد) ياسمين دبا قولي ليا شنو درنا ديك ليلة

ياسمين : حيدنا حوايجنا ياك ، ولكن من بعد من بعد معقلتش أه تفكرت واحد لحاجة

جود : شناهيا طلقينا

ياسمين : قرب عندي نقوليك ؟

جود : (تحنا عندها على نيتو)

ياسمين : (مكانتش عارفة تا شنو كدير ملي شافتو تحنا عندها بدات كتسول راسها شنو بغا منها ، وعقلها توصل لحاجة وحدة وهي ، قربات عندو او باستو من فمو)

جود : (هنا صافي كشكش بعد عليها وهز يديه تال سما او جمعها معاها بطرشة تا طاحت لأرض) واش باغة تحمقي دين مي كندوي معاك ونتي غا مزايدة فيه ، مكفاكش مخلياني نعصي لي خلقني او دبا وليت نهز يديا على مرا لحاجة لي عمرني درتها ، وطلقيني وقولي ليا واش نعسنا معا بعضياتنا ولا لا نعرف شغندير

ياسمين : (والو غا ساكتة)

جود : (زاد عصب او نوضها بجهد زايد بيها لواحد الساقية فيها لما وبدأ كيخشي ليها وجها تما باش تفيق ليه)

ياسمين : (بعدما ضربها لما اوجها عاد حسات براسها وعاد شوي براسها) شكادير نتا واش تسطيتي ؟

جود : واه تسطيتي خرجلي لعقل او دبا قوليلي شنو وقع بيناتنا ديك نهار ؟

ياسمين : وقع داكشي لي كان خاصو يوقع بين بنت او دري بوحدهوم فدار

جود : ميمكنش توقع بيناتنا شي حاجة انا أصلن مكنتش فلوعي ديالي

ياسمين : نتا يمكن مكنتيش فلوعي ديالك ولكن لموطور ديالك كان فلوعي ديالو هههه

جود : كضحكي بحالي مخاصك تا خير واش عارفة شنو درنا ولا لا حنا زينينا كتعرفي شناهيا زنينا

ياسمين : مالك فارعلي كري زنينا ولا مشينا انا مالي بقا فيك لحال سير صليليك شي جوج ركعات ولا حج نتا ݣع ياك ربي كيسمح لبنادم كيما كيقولو قوليه اسمح ليك

جود : هادشي لي نايض من جدك نيت غا سخرية من الدين

ياسمين : شوف الله يرحم باك داكشي لي وقع بيناتنا نساه او هنينا

جود : غنمشيو عند طبيبة نتأكدو بلي وقع بيناتنا شي حاجة عاد نشوفو شنو نديرو

ياسمين : مغنمشي معاك لفين او داكشي لي وقع نساه حيت واخة تأكد عند طبيبة مغيتغير والو

جود : غيتغير الى وقعات بيناتنا شي حاجة غيخصنا نتزوجو

ياسمين : ههههههههه واع على نتزوجو هبلتي لا انا وياك مغتجمعنا تا حاجة غا هنينا ، آه ويلى متيقتينيش (جبدات طيليفون آخر كان عندها او وراتو تصاورهوم) ها دليل على هضرتي

جود : (بقا غا حال عينيه فدوك تصاور او معصب ، طلعها بزز عاود لطونوبيل او رضها منين جابها ، او كمل هو طريقو عند دار باه)

لغالية : (هي لي حلات ليه لباب) جود جيتي ؟

جود : واه لغالية باغي ندوي معاك

لغالية : تا انا باغية ندوي معاك

جود : (مشا هو وياها تال جردة اللورانية باش يدويو) لغالية انا

لغالية : نتا غلطي معا ياسمين ياك ؟

جود : معاقلش

لغالية : كفاش معاقلش

جود : (عاودلها كولشي من طقطق تال سلام عليكم) دارتها بيا بنت خوك

لغالية : شداك دخل نتا بنت لدارك او بوحدك غا قول ليا

جود : كانت مضروبة او جرح تقيح ليها

لغالية : (شدات راسها) شنو باقي مخبي آخر غا قول ليا ، دبا فنضارك شنو لمعمول ويلى ساق ليك باك لخبار شنو غيوقع

جود : هادا هو لموشكيل كفاش بغيت نقول لواليد بلي غلط معا ياسمين

اكسيل : (كان نسا سوارت ديالو وقال ايدوز من لباب تاع لكوزينة ، وهو فطريقو ليها بانتليه لغالية وجود كيدويو او ميسمع غا جملة جود لأخيرة) عاود شقلتي شنو درتي ؟

جود : (حس بلما نزليه فركابي) ل.لواليد خليني غا نفهمك

لغالية : (عرفات بلي اكسيل غينوض لعجاجة على جود ، او هي مابغاتش هادشي يوقع فلأخير ياسمين هي لي جراتو مسكين لهادشي كامل) اكسيل تهدن لأعصاب ممزيانينش ليك خليني انا غنعاودليك كولشي

اكسيل : (تعصب نيت) ماتعاودي ليا مانعاودليك ، ونتا جاوبني على حاجة وحدة واش بصح غلطتي معا ياسمين ؟

جود : (تقطعات فيه) انا معاقلش الواليد

اكسيل : معاقلش ؟ كطنز عليا ؟

لغالية : اكسيل خلينا ندويو بلعقل

اكسيل : سيري دخلي خليني معاه

لغالية : لا غدير فيه شي حاجة مغنخليكش معاه بوحدك

اكسيل : (غوت) طلعي لبيتك او دابا

لغالية : (خلعها تا معرفات مادير او مشات دخلات لكوزينة تحضي من تما)

اكسيل : ايمتى وقع هادشي

جود : هادي تلتيام

اكسيل : تلتيام هي فاش ثانيا عليك او سولتك واش راك معا شي حد كدبتي عليا ياك ؟

جود : انا خفتك تفهم غالاط

اكسيل : (قرب عندو تا وقف قدامو) هادي هي تربيتي ياك ؟ ضحك على بنات ناس أدوي ؟ هادي هي الرجلة تعدى على بنات الناس ؟

جود : والله الواليد مدرتها بلعاني شرباتي شي حاجة تا معقلتش على راسي ݣاع

اكسيل : (ضربو لكرشو زاويه) قطع حسك منسمعش صوتك (مدارش لدقتو لولة تبرد تا رجع كيضرب فيه بركول او لكروشيات مخليه كيتعصر بلألم) والد زامل انا تا معديلي على بنات الناس ، هادي هي تربيتي

جود : (بحر دقات رجع كيبكي) والله ابابا مدرتها بلعاني

اكسيل : (غوت) سكات منسمعش جدك ألحمار وليتي تقحب ليا ناسي لي خلقك أدوي ، ياك كنت كنوصيك دير لي بغيتي دير الى بنات الناس خط حمر تا الشوفة ناقصة متهزهاش فيهوم شنو درتي نتا نضتي معدي على بنت صغيرة أدوي محشمتيش ، او ݣالس عليا معقلتش ويلى نتا معقلتيش شكون غيعقل (رجع كيعطيه بركول لكرشو تا طيبو) ولكن اوليدي هاد الدودة لي واكلاك او طالقها تسرح على بنات الناس انا غنقطعها لولدي (هز رجليه تال سما او عطاه لحجرو واحد الركلة قطعات فيه لحس ، مكفاهش داكشي او مشا شنق عليه باغي يضربو لوجه تا جات لغالية كتبكي)

لغالية : (شداتليه ليد) حرام عليك جود مدار والو ياسمين هي سباب

اكسيل : ماشغليش شداه ادخلها عندو لدار من لول او يكدب عليها او زيد عليها ناعس معاها ، ولكن مغنضربكش لوجه حيت غتحتاجو فعرسك (طلق منو) علمي عئيلتك بلي هاد السمانة غنمشيو نخطبو ليهوم لبنت

جود : (كيتعصر او بدرع باش كيدوي) بابا ، سمح ليا

اكسيل : نسمح ليك ؟ نتا بضبط مكنتش متوقعها منك كون ايديرها مجد نقول زهواني منين كان ، ولكن نتا أجود ديرها او تحشم بيا قدام ناس ، آنا اكسيل نولد واحد كيضحك على بنات الناس او نسامح تا تكون مرضعاني حمارو ، ويلى كان يسحابليك بحالي بحال دوك شمايت لي يقولو انا والد راجل مكيتعابش كيت لي عندو لبنت فاراك غالط ، لحرام مافيه لا دري لا بنت ، أو من ليوم مانتا ولدي منا باك ، ميشرفنيش نكون باين زامل بحالك كمارتك منبغيش نشوفها قدامي تا نمشيو نخطبو

جود : (مضروش ضرب لي عطاه قدما ضرباتو ديك لجملة تاع مانتا ولدي منا باك ، هنا حس براسو خسر كولشي باه هو لي عندو كان تايق فيه ولكن دبا شنو وقع خيب ضنو فيه او خلاه ميشرفوش اعيطليه بابا ، نفاجر بلبكا بحال داك دري صغير)

لغالية : (كانت كتبكي تا هي او كتحاول تعاونو ينوض) جود نوض طلع لبيتك راه دبا غا معصب داكشي علاش قال هاكدا

جود : (كان باقي كيبكي) لواليد نكرني الغالية مابقاش باغي نكون ولدو ، كان واخة يتعصب تا يعيا او ندير ليه لي درت عمرو قال هاد لهضرة ، هو صافي تبرى مني ألغالية مغيعاودش أدوي معايا ولا حتى يشوف ليا فوجهي مرة خرى

لغالية : ماتقولش بحال هاكدا غا غادي يتهدن او ندوي معاه او نشرح ليه كولشي (عاوناتو تا طلع لبيتو او مشات هي لبيتها عند اكسيل) اكسيل

اكسيل : شنو باغية

لغالية : شوف والله تا جود مدنبو والو فليفلة تاع بنت خويا لي شرباتو شي حاجة

اكسيل : شداه ادخلها لعندو او هوا بوحدو فدار شداه ؟

لغالية : تقيح ليها جرح لي فكرشها او مكانتش بغات تمشي لطبيب داكشي علاش دخلها لعندو

اكسيل : شنو مصلاحت بنت خوك من هادشي كامل ؟

لغالية : عقلها قائل ليها باش تشوهي باك خصك تزبليها ، ونتا راك عارف جود مغيستافد والو من هاد صداع كامل

اكسيل : واقلة مشتيهش كفاش كيضويو عينيه ملي كيشوفها جود طايح فيها من شحال هادي

لغالية : الى كان طايح فيها فعلن نزوجوهوم او نسترو لفضيحة او مريضنا معندو باس نتا لاش مبري منو

اكسيل : مابغيتيش تفهميني الغالية ، كتعرفي شناهي ولدي انا معدي على بنت الناس معدي عليها مضيعها ، ماشغليش انا علاش ولا كفاش ولا شكون سباب ، حيت تا حاجة مغتغير أنو هو نعس معاها سمعتيني تا حاجة مغتغير ، كنوصيه من لول اعطي تيساع لبنات باش منطيحوش نهاد زعتر ، ولكن انا لي عارف كفاش نعاودليه ترابي ، علمي مراة خوك بلي غنجيو فهاد السمانة نخطبوها

لغالية : واخة ، غا متعصبش نتا راه هدشي ممزيانش ليك

لحاجة : (كدق عليهوم لباب)

لغالية : (مشات حلات لباب) لحاجة ؟

لحاجة : اكسيل كاين لداخل

اكسيل : (جا عندها) مي ؟ باغاني فشي حاجة

لحاجة : مالك بنتيلي طالع لفوق معصب

اكسيل : غا معا لخدمة وصاف ، جابك الله نيت باغي ندوي معاك نتي ولحاج يالاه نهبطو لتحت

لحاجة : واخة اوليدي الله اسمعنا خبار لخير

اكسيل نزل معا لحاجة لتحت مخلي لغالية فلبيت او دخل لصالون عند لحاج او صفية

اكسيل : (ݣلس مقابل معاهم) لحاج لحاجة بغيتكوم توجدو ليا راسكوم ان شاء الله فهاد ليامات غنمشيو نخطبو

لحاجة : (فرحات) الله ياوليد فرحتيني اخيرا درتي برايي او مشيتي تزوج ، شكون هادي ؟

اكسيل : لحاجة ، غنمشيو نخطبو لجود

لحاج : (عاد فرح مسكين) مزيان مزيان نمشيو علاش منمشيوش

صفية : وشكون هادي بسلامة ياك يالاه قالك مكيفكرش اتزوج

اكسيل : جا عندي قالي باغي بنت خو لغالية

لحاجة : (تصدمات) كيفاش ؟ بنت خو لغالية هادي هي لي متكونش انا مقابلاش هي مقابلاش بقاتلي غا ديك الشايطة تدخلها عروسة لداري

اكسيل : لحاجة دري باغيها مكاينش لاش هاد كترت تعكاس او صافي

لحاجة : باغي تمشي تخطبها سير ولكن انا وصفية مغنمشيوش

لحاج : لهلى تمشيو انا غنمشي لبنت زينة او ضريفة شهوى منها ميلقاش حسن منها

لحاجة : ايوا النيت يديلي ديك شمكارة مولات لݣارو

اكسيل : انا قلت لي عندي جود غياخد ديك لبنت هي غياخدها

لحاجة : او سناء فخبارها ؟

اكسيل : اندوي معاها غدا ، يالاه نخليكوم دبا غنطلع نعس

لحاج : تصبح على خير

لغالية : (دخلات عليهوم بصينية تاع أتاي مبسمة) لحاج ها أتاي

لحاجة : اراك فرحانة

صفية : معلوم تفرح ملسقانا ديك لخطية تاع بنتها لولدنا

لحاجة : بلاما تحلمي داك زواج هو لي ميكونش

لغالية : داكشي بلمكتاب الحاجة واخة متبغيش الى تكتبو لبعضياتهوم ايكونو لبعضياتهوم ، او زيدون انا مبززت على حد ياخد بنت خويا جود عجباتو بغا يخطبها ونبينا عليه السلام

#عند مجد#

وصل لدار او ستف حوايجو عاد مشا خرج لسپير ماركيت يتقدا شي حاجة ياكلها ، او هو فطريقو لدار وقبل ميحل لباب حس بشي حاجة ضرباتو لنيفو تا رعف

مجد : (شد نيفو او هز عينيه فشخص لي ضربو لقاها ديك لبنت تاع صباح) نتي عاود

لبنت : مغريبي ؟

مجد : شينوي شباغة عندي أختي ها لعار مقوليلي شنو مشارك معاك

لبنت : (عندها موشكيل معا شي حروف كتنطقهوم الثاء) ثمح ليا عافك انا مقثدتث نضربك ، يثحابلي ثي ثفار

مجد : سحاب فسما ونتي كل مرة عاطياني قتلة راني رحلت لهنا

لبنت : (قربات عندو) خلني نثوف ليك نيفك

مجد : (بعد عليها) ماتشوفيلي نيفي منشوفو ليك خلي بيناتنا جوج ميترو تاع لأمان

لبنت : (كانت عبارة على بنت زوينة وكيوت تكون فيها ديك ميطرو وسبعين ، حروفها قهويين او شعرها قصير طول من تاع دراري بشوي) ثمح ليا عافاك

مجد : معليش معليش (خلاها ومشا دخل لداخل لدارو غادي لحمام اغسل وجهو او يدير لقطه لنيفو) ناري على ضرابي عندها خصني نبقا ندير لكاسك (هز طيليفونو او صونا على جود)

جود : ألو

مجد : افين العشير ؟

جود : وصلتي ؟

مجد : واه ، مال صوتك وقعات شي حاجة ونا مكاينش

جود : (عاود ليه كولشي)

مجد : ناري ناري أصاحبي غتعرس قبل مني

جود : من هادشي كامل شديتي غا غنعرس

مجد : تا مالك اعشيري نشط ليك شوي كولشي غيفوت ، علمني نهار لخطبة باش جا واخة نعرف نجي ونرجع فنفس نهار لموهيم منفلتهاش

جود : او لخدمة هي

مجد : معليش كاينة شهادة طبية ويلى حفات عندي واحد الجارة تعطيني واحد 15 ريوم لموهيم نحضر معاك

جود : سير سير تلاح عليا خليني نعس

مجد : هاحنا مخليينك تنعس نتا معامن جات لاقي باش الدوز لبرد

جود : (قطع عليه) هبيل

#عند ياسمين#

بعدما حطها جود حدا داك لبار بقات مودة تا رضات وعيها عاد ركبات فلموطور او رجعات لدار ، دخلات معا لباب معليها مابيها تا كيتحل لباب من موراها

ياسمين : (داك الضورة لي ضارت باش تشوف شكون موراها جمعها معاها عبد الله بتصرفيقة تا طاحت لأرض)

عبد الله : (كان صاعر نيت هبط تال عندها او شدها من شعرها وبدأ كيجفف بيها لارض) مشوهاني ياطحبة أنا عبد الله تخلي ناس ابقاو يدويو فيا و يقولو ݣاع مجمع بنتو

كلتوم : (جات هي ولوخرين كيجريو) عبد الله شكادير اولدي طلقها

عبد الله : والله مانطلقها غا بيا ولا بيها ليوم نصفيها اجدها نوريها تجيبلي لعار

سليمان : شمن عار او طلق لبنت اهاد لمسخوط طلقها

عبد الله : (ركلها جوج ركلات لكرش بضبط بلاصة الجرح) هاد لكلبة ابا مشات فرعاتلي رجليها لشي واحد تا تقبها وجاية عندي برجليها

خوه : شكاتقول أعبد الله شكون قالها ليك

عبد الله : شكون مقالهاش ليا لحومة كاملة عارفة بلي تقبهوم

ياسمين : (عاود ضربها تا ترعفات ، ستغلات انشغالو بلهضرة او وقفات قدامو كضحك) ههههههه مالك اسي عبد الله شاكر بحالا بقا فيك لحال ، علاش يبقى فيك لحال ولا ياكما معجبكش لحال الناس اتقبوليك بنتك ونتا كتقب فبنات الناس عادي زعما ، كون منفاتح شوي هههه

عبد الله : (تلاح عليها بقجة)

مريم : (جات عندو كتحاول تبعد ليه يديه) لعار أعبد الله لما طلقها اتقتلها لعار

عبد الله : (باقي كيخنق فيها) غنقتلها او نتبعك ليها

ياسمين : (ولات حمرة او بدرع باش كتاخد النفس) قتلني حيت مابقيتش باغة نعيش ، ها لعار لما قتلني كيما قتلتيني من لداخل ، ها لعار مهنيني حيت مابقيتش قادة نعيش ، بقا فيك لجيل حيت غيدويو عليك الناس ؟ او مبقاتش فيك بنتك ملي كانت كطلبك تعتقها ؟ الى مقتلتينيش دبا كون متأكد عمر تحلم بنهار لبيض لعافية لي شعلتي فيا اعبد الله الى ممتش ديك لعافية غتحرقك او حقي غناخدو منك طال زمان ولا قصار

عبد : (طلقها او نزل عليها بطرش او ركول او تا خوه تزاد عليه كيضرب فيها) تموتي واخة ليوم ندبح جدك على لفضيحة لي جبتي ليا

مريم : (صافي دخلها لهبال ترمات على بنتها او بدات كتشد ليهوم فرجليهوم) لعار مبعدو ليا على بنتي غتقتلوها لعار

خوه : نبعدو عليها باغينا نخليو لعار لعار علينا هي لي متكونش

عبد الله : (شدها من شعرها او بعدها) حيدي عليا

مريم : (مشات ترمات عند رجلين سليمان كتبكي) لعار اعمي لما عتق ليا بنتي ، واش باغي تعاود داكشي لي درتي فلغالية اعمي بنتك بعتيها ماتغليهش ابيعلي بنتي

محسن : (كان جاي اشوف ياسمين ملي عرفها خرجات من لحبس تا سمع صداع فدار او بدا كيدق فلباب بجهد) وا حلو

مريم : (غا سمعات الصوت تاع محسن مشات كتجري تحل ليه لباب) لعار اخويا محسن معتق ياسمين

محسن : (شاف مريم حالتها حالة وتخلع) شواقع امريم

مريم : خوك بغا يقتل ياسمين

محسن : (تعصب او دخل كيجري عندهوم ، لقا باه غا كيتفرج فدوك جوج حمير لي كيضربو فياسمين لي كانت مغيبة والجرح ديالها رجع كيسيل الدم هادا بلى نيفها لي كان بحال الروبيني ، مشا بالزربة دفع خوه تا طاح او شنق على عبد الله ضاربو بݣنݣ تا طاح) هادو هوما فعايلك الكلب هادي هي لكبدة

عبد الله : وليتي تا نتا البرهوش تهز عليا (تشانقو بيناتهوم او بداو يونيو ليك بونية ليا)

كلتوم : (دخلات بيناتهوم كتبعدهوم) لعار اوليداتي مادابزوش راكوم خوت

محسن : (صعر او شاف فسليمان) سي سليمان عاجبك هادشي لي كيدير ولدك فبنتو هههههه معلوم اعجبك لحال حيت بحالك بحالو شماتة على لاخر كيما قتلتي لغالية هو كيقتل فبنتو دبا علاش ؟ علاش هادشي كامل ؟

كلتوم : ياسمين غلطات معا شي حد

محسن : او من بعد شنو ؟ شنو ؟ غلطات ايدير فيها هاد لحالة بحال لكلاب ، تا لكلاب مكيديروش هاد لحالة فولادهوم

مريم : (مشات كتحرك فياسمين والو مابغاتش تحرك ليها وانا بانت ليها ديك الرقعة تاع الدم ، فديك لحضة زادت تخلعات او غوتات معنقة ياسمين عندها وغا كتبكي) ياسمين بنتي فيقي عافاك فيقي بنتي هئ هئ هئ بنتي

محسن : (مشا جرا عندها بزربة هازها عندو او جاري بيها لطونوبيل مخلي مريم تابعاه من اللور)

مريم : (هزات طيليفونها وصونات على لغالية) لغالية

لغالية : (فرحانة) لقيتيني يالاه غنصوني عليك

مريم : لغالية بنتي كضيع عبد الله ساق لخبار

لغالية : شنو ؟ فينكوم دبا واش ياسمين بيخير ؟

مريم : حنا غاديين دبا لسبيطار ياسمين كاملها دمايات

لغالية : صافي شوية او نلحق عليكوم لسبيطار (قطعات معاهوم مخلوعة او مشات رمات عليها جلابتها وبدات كتفيق فإكسيل والو مفاقش ليها ݣاع هي بلخلعة مركزاتش معاه او مشات كدق على جود)

جود : (خرج عندها كيعرج او مخلوع) لغالية شواقع

لغالية : (كتبكي) ياسمين داوها لسبيطار مغيبة

جود : شنو ؟ كفاش وعلاش ؟

لغالية : لكلب تاع باها هو لي دار فيها ديك لحالة

جود : يالاه ياه نمشيو نتبعوهوم لسبيطار

لغالية : واخة (مشات هي وياه او ركبو الطونوبيل متوجهين عندهوم لسبيطار ، لقاو ياسمين دخلوها يخيطولها جرح مرة خرا او مريم حالتها حالة بلبكا او كلتوم او سعاد او سليمان لي تبعوهوم واقفين تما حداها ، ومحسن باين بلي معالم بيه غا الله) امضرى شنو قال ليكوم طبيب فين هي ؟

كلتوم : راهوم دخلوها لداخل مخلاوناش ندخلو معاها

لغالية : فين داك لخانز دباها فين هو داك عيفة رجال

محسن : (شاف بلي لغالية جات معا جود او مشا سلم عليه) صاحبي

جود : محسن لباس شكادير هنا ضاراك شي حاجة تا جيتي ؟

محسن : لا جيت غا معا بنت خويا ياسمين

جود : (تصدم) بنت خوك ؟

لغالية : جود محسن خويا صغير

عبد الله : تانتي جيتي تشوفي ديك لخطية

لغالية : حمد الله لقيتينا فسبيطار اما ديالتك هي لي متعاودش

جود : (ضار بلعرض لبطيء ايشوف مول هاد الصوت لمألوف تا كيوسع عينيه ممتيقش) مناش كتعرفي هادا الغالية

لغالية : هادا خويا لكبير

جود : (كان باغي يدوي ولكن فضل يسكت)

عبد الله : شوك هادا لي معاك ؟

جود : (تقدم عندو بفخر او مدليه يديه مبتاسم) انا جود آيت اوسو ربيب لغالية او راجل بنتك ياسمين الى قسم الله

عبد الله : (شنق عليها) هي قولي نتا لي ضحكتي عليها ياك ليوم نشرب من دمك (هز يديه تال سما باغي يضربو سعا منعاتو شي يد)

اكسيل : (لي كان سخف ماشي نعس بلأعصاب لي ركبو فيه ، من زهرو ضرباتو لفيقة كيشهق ، ضار حداه مالقاش لغالية قلب عليها لبيت كاملة والو خرج تال برا او لقا طونوبيل تاع جود مكيناش هو يقصد لعساس لي قاليه بلي مشاو لسبيطار ، تما فلبلاصة عرف لقضية فيها ياسمين متعطلش تا هو او ركب طونوبيلتو تابعهوم لتما ، سول عليهوم فين جاو او مشا عندهوم لاقي عبد الله شانق على ولدو او باغي يضربو ، كشكش كتر من لول او مشا شاد ليه ليد او دافعو) وياك تعاود تهز هاد ليد عليه حيت غنهرسها ليك

عبد الله : شكون نتا عاود

اكسيل : لي كواك مزيانة هادي

لغالية : اكسيل جيتي ؟

اكسيل : شنو قال طبيب

لغالية : باقي مخرجش

قبل متسالي هضرتها خرج طبيب مبشرهوم بلي فاقت او يمكن ليهوم اشوفوها

اكسيل : تقدم هو لول دخل عندها مخلي لوخرين غا كيشوفو ، بانت ليه ياسمين دم مخطوف من وجها قرب عندها او دوا بهدوء) كي بقيتي

ياسمين : مزيان

اكسيل : لي نطولوه نقصروه عرفت بشنو وقع بينك او بين جود ، عجباتك هاد لحالة لاش وصلتي ؟ انا غنقولك غا واحد لحاجة شمايت لي بحال باك مكيهزو لهم لتا واحد يعني تضحيتك مشات هاكاك ، لغلط كيوقع ولي عطا الله عطاه ولكن كل خطأء كيديروه دراري خاص واليديهوم اصلحوه وجدي راسك هاد سبت انجيو نخطبوك لجود او تزوجو على سنة الله ورسوله

ياسمين : شوف اعمي اكسيل انا ولدك مبغاش نتزوج بيه او مغنتزوجش بيه بلاما تعدب راسك

اكسيل : تا انا مكنشاوركش غتزوجي بيه هي غتزوجي بيه

ياسمين : (مكانتش باغة أصلن تزوج بجود) أنا وجود موقع بيناتنا والو انا ضحكت عليه او نعستو وخليتو وخرجت مكاينش لاش تزوجني بيه

اكسيل : (دقق فيها الشوفة عرفها مكتكدبة) تصبحي على خير امراة ولدي

ياسمين : (بقات غا مضهشرة فيه بحالي مسمعهاش خرج او خلاها باغة تموت بلفقصة)

اكسيل : (خرج عندهوم او تقدم عند سليمان كيتمشا بالنخوة) واخيرا تلاقينا اسي سليمان

سليمان : شكون نتا

اكسيل : (كان مخلي يديه فجيابو) انا اكسيل راجل بنتك لغالية أو باين راجل حفيدتك الى قسم الله

عبد الله : ماعندي بنت لزواج ديك لعقوبة غنقتلها او نشرب من دمها

اكسيل : (غفلو او مشا شنق عليه) راني باقي منسيتش فيك يديك لي تهزات على ولدي جيتيني خو مرتي ايما نغلط فيك ، داكشي علاش عنينا او نبقا خبشة وحدة زائدة على مراة ولدي ديالتك متعاودش

محسن : (لي كان كيجمع لأحداث من صباح غفل جود بواحد لبوكس لوجهو او شنق عليه) بنت خويا ألكلب بنت خويا ؟ هادي هي الصحبة ضحكتي عليها او لعبتي بيها كيما بغيتي

جود : (بقا ساكت او خلاه اضربو كيما بغا او تا جود ممنعوش خلاه على راحتو ابالي بيه)

محسن : (قدرش استوعب بلي جود غلط معا ياسمين ، ضرب جود جود رجولة لكرشو او طلقو مبعد عليه) حمد الله لقيتينا فسبيطار أو عشيري او ربيب ختي ايما نشرب من دمك

دوزو ديك الليلة فسبيطار تا تعطل لحال عاد كل واحد رجع لدارو او طلع لبيتو ينعس

#عند صباح#

بعدما كانت خرجات شوي او رجعات لدار حسات بنفسيتها رتاحت شوي ، تا طلات على طيليفونها ولقات مها من صباح او هي تصوني كتر من تلاتين آپيل

صباح : الو ماما واش هانية

سناء : (لي وصلها لخبار تاع لخطبة دجود كشكشات او حيت مكيجاوبهاش صونات على صباح تبرد فيها لغدايد او تغوت عليها) سيري آش بغيتليك ابنت كرشي غا جدام من صباح ونا نصوني فين كنتي

صباح : كنت خارجة عاد رجعت

سناء : خرجي نتي معامن جات ، ماكفاتنيش فقصتك ملي تخطبتيلي لداك لمݣرد زادني لحمار تاع خوك لفقصة انا سناء نتناسب معا ديك لموسخة تاع لغالية لهلى يجيبها لهلى يطول زمان عليه ، طافي طيليفونو مكيجاوبنيش عارف راسو شنو داير باغي يفقصني ، على قلت لبنات تا يشوفلي فديك لموسخة تاع بنت خو مرة باه

صباح : (مفهمات والو) واش جود غيتزوج بياسمين ولا شنو

سناء : دايرة راسك مفخباركش بلي غيتزوج منها أدوي ، معلوم كتسترو على بعضياتكوم اولاد لخانز الله يحرق جدكوم كاملين لانني لاخوتك

صباح : (مدارت ليها فين تدوي تا قطعات عليه مخلياها كتصوني على جود تفهم منو)

سناء : (ملي معطاتهاش صباح لخبار صونات على مجد مفيقاه من نعاسو مسكين)

مجد : (كان مسخسخ ولكن غا شاف نمرة مو فرح او جاوبها) لعزيزة توحشتيني تا مصونية عليا

سناء : توحشك لفعة أدوي تا نتا كان فخبارك بلي جود باغي ياخد بنت خو لغالية أدوي

مجد : عاد ليوم عرفت تا انا غا تهدني الوليدة متعصبيش

سناء : منتعصبش ؟ او خوك مكيجاوبنيش او مدخلي ديك لفعة لدار أدوي ، دابة تصوني ليا عليه او تقوليه قالت ليك ماما تصبح عندي ولا مانا مك منتا ولدي سمعتيني

مجد : يهديك الله العزيزة شهادشي كتقولي فيه (قطعات عليه تا هو او رجع كيصوني على جود)

مجد : (رجع من سبيطار طاير ليه نعاس او ضارو راسو ، ملي حل طيليفون لقا خوتو او مو عياو اصونيو عليه ، مصوناش على مو مكانش فيه لي يسمع هضرتها داكشي علاش صونا على خوتو فلݣروپ) سلام

صباح : جود شواقع شرح ليا ماما مكشكشة قلتليك زواج مات زواج شرح ليا

جود : انا غنتزوج بياسمين

صباح : وعلاش بسلامة مناش جبتي هاد لقرار لمفاحئ

جود : ماشي غا نتي لي متعرفي تفاجئي الناس

مجد : سكتونا نتوما بجوج ، ونتي أصباح مال صوتك بانلي ماشي تال لهيه واش راك مريضة

صباح : (كدبات عليه) لا راني ممريضاش غا بحالا ضربني لبرد شوي وصاف

مجد : (مدخلاتش ليه ديك لهضرة لراسو ݣاع) جود دير كاميرا

صباح : بلاش ليل هادا تصبحو على خير غنمشي نعس

جود : هداي معندك فين تمشي (دار كاميرا)

مجد : (وسع عينيه ملي شافها مكانتش تال لهيه ابدا تحت عينيها كحل بقلت نعاس ، ضعافت واحد ضعوفية خايبة شنايفها مقشرين او لاطراس تاع سنان فيديها) غدا تكوني فلمغريب

صباح : شكتخربق نتا عندي سطاج

مجد : يحرݣ بو هاد سطاج واش مشتيش راسك فلمرايا كيف وليتي غدا تكوني فلمغريب

صباح : مغنرجعش خدمتي

جود : مال مك عزيز عليك ضد قالك اترجعي هي اترجعي غنقطع ليك طيارة دابة ولا بربي تا تلقايني مصبح عليك تم او جايبك معايا بزز

مجد : باقي كتشربي دواك ولا قطعتيه عاود ؟

صباح : باقي كنشربو

جود : (بشك) صباح باقة كتشربيه ولا قطعتيه ؟

صباح : والله تا باقة كنشربو راني ممريضاش غا معا لقراية رجعت كنصهر مكاينش لاش نرجع

مجد : اسمعيني ابنت بويا بلاما تصعري مي راه راسي كيطبخ او مشابعش نعاس او غدا تابعاني لخدمة ، لقراية لي تمرضك نقطعو جدها حنا او نعطيوك لمانضة ، غدا تكوني فلمغريب او سدينا

صباح : (عرفات بلي واخة تناقش معاهوم والو) واخة ، بسلامة

مجد : (قطعات معاه من مخلياهوم غا هوما بجوج) مكانش خاصنا نخليوها تسافر بوحدها

جود : علاه هي شاوراتنا

مجد : حالتها معاجبانيش فكراتني غا فمشحال هادي ، تأكد بلي غتجي غدا حيت الى بقات بوحدها تقدر دير شي حاجة فراسها

جود : غنقطع ليها طيارة دبا

مجد : مزيان شتك باقي منعستي انا فيقاتني لوليدة قاتلك غدا تكون عندها

جود : أخاي لمشاكيل تابعيني مك غتنوض لعجاجة او غتوقف فوجه هاد زواج تعكسو ، زيد عليها ياسمين دخلات لسبيطار ليوم

مجد : ويلي علاش ؟

جود : (عاودليه لي وقع)

مجد : او دخلتي عندها شتيها

جود : منكدبش عليك مقدرتش ، كانت فلول عاجباني ولكن دبا حاس براسي نافر منها مكنحملش لعب دراري ، ياسمين ضاربة دنيا بركلة ممسوقة للعبد لا لربي

مجد : معندك مادير صبر او حاول تفهمها او توعيها

جود : أصاحبي فهمت تا كري غا نفهمها تا من لواليد قطع معايا لكلام او تبرا مني بسبابها

مجد : شغانقوليك أخاي مالقيت مانقول والله

جود : عرفتي لموشكيل لكبير فين ؟

مجد : فين ؟

جود : محسن صدق خو لغالية صغير

مجد : ماتقولهاش ؟

جود : قلتها

مجد : انا غنمشي نعس لنصدق انا ربيب لغالية

جود : وراك ربيبها

مجد : تا حلف ؟

جود : سير سير تنعس بنتيلي مبوق (قطع معا مجد او ريزيرڤا طيارة لصباح عاد مشا ينعس تا هو)

#فصباح#

صباح ملي صبح صباح فاقت بكري او جمعات حوايجها كاملين حيت كانت عندها الطيارة معا لعشرة دصباح ، مقداتش توق إخوتها لا عارفاهوم شنو يقدرو ايديرو لمجاتش عندهوم ، او واخة مكانتش بغات ترجع لمغريب او تعاود تكون فنفس لمدينة معا محسن ولكن معندها مادير ، بعدما سالات جميع ديالها شدات ليها نيشن واحد الطاكسي لمطار واصلة معا طيارة قد قد او ركبات فيها

صباح : (بعد سوايع تاع طريق اخيرا حطاتها الطيارة فلمطار تاع كازا ، كانت عوالة تاخد ليها طاكسي سعا لقات جود كيستناها تما ، قربات عندو او عنقاتو) خويا

جود : (حالتها معجباتوش بتاتا) يالاه ركبي زربة راه لبرد

صباح : واخ (ركبات معاه او رجعو لدار ، جود حطها قدام لباب ولكن منزلش من طونوبيل) مغتنزلش ؟

جود : لا انا غيخصني نمشي عند لوليدة نشوفها

صباح : واخة (هبطات من طونوبيل خدات بريزتها او دخلات لدار)

لغالية : (ملي شافت صباح تصدمات ايمتا جات ؟ او مالها هاكدا مقرقبة) صباح ؟ رجعتي

صباح : واه رجعت (مكانتش هضرتها ناقصة او فنفس لوقت مكانتش ودية بحال قبل بحالة مخليا بيناتهوم خط)

لحاجة : بنيتي صباح جيتي (مشات عنقاتها)

صباح : جيت اني جيت

لحاجة : مالك ابنيتي شوف كي صفاريتي وضعافيتي

صفية : خليها امي غا تاخد نفس ديالها

اكسيل : صباح ؟

صباح : (قربات عندو معنقاه) بابا

اكسيل : (مدواش ولك عنقها وهو خايف من لداخل ديالو شوفتها فهاد لحالة فكرة فشي أيام عمرو ينساهوم) طلعي لبيتك ترتاحي

صباح : بغيت نمشي نشوف أبعدا ياسمين كي بقات

لحاجة : شعندك ماتشوفي فديك زمرة طلعي لبيتك ترتاحي حسن ليك

صباح : ويلي يامي ضاروري خاصني نمشي نشوفها راها مرة خويا ماشي شي وحدة برانية

لحاجة : ملي يضربو لكاغيط ديك الساعة قولي عليها مراة خوك باقي مدرنا فطاجين ميتحرق

صباح : (شافت لغالية موجودة) غنمشيو دبا

لغالية : واه ، يالاه (مشاو بجوجاتهوم ركبو فطونوبيل او شدو طريق لسبيطار فسكات ، تاوصلو ليه او مشاو ديريكت لبيت فين ناعسة ياسمين) لحبيبة دعمتها كي بقيتي

ياسمين : مزيان

صباح : ياسمين لباس عليك

ياسمين : مزيان ونتي لباس

صباح : لابس لحمد الله

لغالية : مريم هادي صباح ربيبتي ، صباح هادي ماين ياسمين

مريم : (سلمات على صباح) سلام بنتي لباس عليك

صباح : (بتاسمات ليها) على سلامة ياسمين

مريم : الله اسلمك

صباح : (بدا طيليفونها كيصوني) غتسمحو ليا انا خاصني نجاوب على هاد لمكالمة (خرجات لبرا او جوبات مها) الو ماما

سناء : فين راك نتي دبا ؟

صباح : انا فسبيطار اماما

سناء : هي هضرة لحاجة بصح ؟ مشيتي تشوفي ديك الزمرة

صباح : سميتها ياسمين اماما ياسمين

سناء : سميتها الجايحة لكحلة لي ضربها ، واحد باغي يتزوج ليا ببنت خو لغالية وتانية كانت اتاخدلي خوها كون ملطف الله

صباح : شمن خوها كنت غناخد بسلامة ؟

سناء : (عرفات راسها زلقات بلهضرة) انا غنقطع دبا مشغولة

صباح : ماما متقطعيش قوليلي كفاش خوها (لقات راسها كتدوي معا ريح ، سناء وا قطعات عليها مخلياها مفاهمة والو او تالفة ، فديك اللحضة بضبط حسات بالدنيا كضور بيها او قلبها مقبوط عليها ، تمشات بخطوات تقال راجعة لبيت أو معا ديك لحلة لي حلات كتضرب فمحسن داخل تا هو لبيت

ياسمين : عمي محسن جيتي

محسن : (محاشاهاش ݣاع لصباح او دار بحالي مكيعرفهاش ، تقدم عند ياسمين قارصها من حنكها) الزين ديالي كيبقيتي

ياسمين : فيا الجوع جبتيلي مناكل

محسن : جبتليك صوبا من الزنقة

ياسمين : شربها نتا نيت انا باغيا لقص لحمة شي حاجة كتندغ راه معدتي طابت بالصوبا

محسن : ههههه طبيب لي قال ماشي انا

صباح : (بقات مكوانسية فبلاصتها مفاهمة والو غا كتشوف فمحسن او ترجع تشوف فلغالية)

لغالية : (بانتلها صباح ماشي تال لهيه بحالي بيها شي حاجة ، عرفاتها اتكون عرفات بعلاقتها معا محسن داكشي علاش مشات قربات ليها) صباح شنو بانليك نمشيو ندويو برا

صباح : (نترات يديها من عند لغالية) متقيسينيش ، نتي كدبتي عليا الغالية كدبتي عليا او رضيتيني برهوشة كضحكي عليها او تلعبي بيها كيما بغيتي (عطاتها بضهر او خرجات شادة فلحيط باش مطيحش حيت كتحس بلأرض كضور بيها)

لغالية : (تلفات معرفات مادير واش تابعها واش تخليها)

محسن : أنا غنخليكوم دبا عندي شي خدمة

لغالية : محسن

محسن : (كمل طريقو لبرا مناعمش ليها ݣاع ، خرج لفين بلاصا طونوبيلتو او ركبها غادي بحالو ، او هو فطريقو وصل لجيهة سطوپ او ملي شاف لإشارة خضرة زاد غادي بحالو تا خرجاتليه صباح قدامو كون مفرانا كان غيطحنها ، حيد السمطة او هبط عندها صاعر شدها من يديها او جرها لجنب) واش خرج لمك لعقل نتي ولا شنو

صباح : (لي كانت بحال لميت معارفاش فين غادة وشنو كدير ، ملي سمعات صوت محسن طاحو دموعها او هزات عينيها فيه ناطقة بصوت ضعيف) شكون نتا امحسن ؟ قوليا عافاك شكون نتا ؟

محسن : مكيهمش دبا تعرفي شكون انا حيدي غا من طريق خليني نمشي بحال

صباح : (شدات فيه كارمة عليه) لا لا مغنخليكش تمشي تا تقول ليا واش فعلا نتا خو لغالية

محسن : واه انا خوها طلقيني نمشي

صباح : م.ميمكنش تكون خوها حيت حيت نتوما معندكومش نفس لكنية او مكتشابهوش او أو أو لغالية قالتلي نتا نتا غا قريتي معاها ملي شفت تصاوركوم ، ميمكنشش ميمكنش تكون خوها نتا ك.ك.كتكدب

محسن : شوفي الله يرحم باك باغة تيقي تيقي مبغاش شغلك هاداك تا حاجة مغتبدل

صباح : (زادت شدات فيه واخة كان كيتنتر منها او منهارة بلبكا ) غيتدلو بزاف تاع لحوايج قولي عافاك واش نتا خوها بصح ، ايلى إيلى كنتي خوها أنا أنا ونتا يمكنا نرجعو ياك

محسن : (حس بيها بدات دخل او تخرج فلهضرة داكشي علاش شدها من كتافها او دوا معاها بجدية) سمعيني مزيان أصباح انا ونتي مابقاتش شي حاجة بيناتنا سميتها حنا ولا نرجعو انا وياك سالينا ، سواء كنتي كتعرفي ولا مكنتيش كتعرفي شغلك هاداك انا مابقيتش باغيك سدينا كل واحد فينا غيمشي فطريقو

صباح : (فهاد اللحضة بدات كتحس براسها غتسطا زادت شدات فيه او بدات كتبكي كتر من لول) لا لا نتا ميمكنش تخليني أمحسن نتا كتبغيني ياك ، او تا انا كنبغيك سمح ليا انا هبيلة تيقت هضرة ماما عافاك امحسن

محسن : (نتر يديها بجهد او بعد عليها) تا حاجة مغتغير ، أنا و نتي سالينا أصباح ، دخليها لعقلك

صباح : لا لا نتا كتكدب نتا باقي كتبغيني غنرجعو امحسن ياك

محسن : مكنشريش لي باعني أبنت الناس (عطاها بضهر اوزاد بحالو مخليها غتحماق)

يتبع