الفصل 9

محسن : (شاف فلغالية مصدوم) زغرتي

لغالية : هاء واش ضربك ضو

محسن : (تعابير الصدمة لي كانت على وجهو تبدلات فجزء من التانية او رجع كينقز او يضحك كيف لهبيل تقول ماركا شي بيت فدقيقة تسعين) تي زغرتي راه قبل باها نجي نخطبها

لغالية : (ممتيقاش) تا حلف شكون قالهالك

محسن : عاد دوات معايا ، او بنفسها قالتلي بلي باها قابل نجي نخطبها

منى : (طلقاتها بواحد مولاتي تزغريتة فاعلة تاركة او تبعاتها لغالية تاهي بزغاريت) على سلامتك اوليدي على سلامتك

لغالية : (عنقات محسن فرحانة) مبروك اخويا مبروك فرحتليك

محسن : (بادلها لعناق مزير عليها فرحان بقرب ختو ليه او تا بقرب لبنت لي كيبغي)

لغالية : (محسن كان فرحان حيت أخيرا علاقتو معا صباح اتولي رسمية ، ولكن لغالية كانت فرحتها خرى) “زواجك امحسن بصباح هو لي غيخليني نغرس جدوري فعئيلة آيت اوسو زواجك هو لي غيخليني نحافض على مكانتي واخة معنديش دراري”

#نرجعو فلاش باك#

اكسيل : كتبغيه أصباح ؟

صباح : (تزنݣات مالقات ماتقول ليه)

اكسيل : (شاف فصباح مطول سكاتو قبل ميدوي معاها برزانة) سمعيني مزيان أبنتي او ديري كلامي ليك حلاقة فودنيك حيت غيجي نهار لي تقولي فيه قالها بويا ، زواج أبنتي حاجة كبيرة عند ربي ذاك الشيء علاش خاصنا ندوزو ليه من لبيبان ماشي من سطوحة ، حيت ملي كدوز من لباب ماكطيح ما كتجرح كتبقى بعزك ، اما التنقاز من سطح لسطح اطيح مولاه اطيح سوا ليوم سوا غدا او طيحت سطوحة قسح منها ماكاين ، شحال من واحد كيبان ليك داز من طريق لحرام او دغيا وصل لسما اما لي داز من لحلال بقاه تما وصل معطل ، ولكن من بعد فاش كيزلقو رجلين بزمان مول لحلال كيلقا ساسو صحيح مايهزو ريح ، اما مول لحرام ملي كيطيح كيصدق لا دنيا لا آخرة ، يمكن تقولي دبا بلي بابا عارفني كنبغيه او دار هاد لحالة كاملة حيت عرف بهادشي ، لي غنقوليك لحب أبنتي عمرو ما كان عيب ولا حرام او كون كان حرام كون حرمة ربي من هادي زمان ، او حيت لحب ماشي حرام مخصوش ادار بتخبية كون جيتي عندي نهار لول قلتيلي بلغته مكنتش نقولك لا خصوصا انو محسن هو شخص لي كنتي باغة ، الى كنت منعتك من شوفتو فغاباش تفكري مزيان فشنو باغة ، او محسن مضربتوش حيت بغاك ، ضربتو حيت فايت وصيتو ماشي مرة ماشي جوج أنو ديور بنات الناس كندوزولهوم من لباب ماشي من تنقاز سطوح حيت لي بغا لحلال ماخصوش اخاف او تا مول لحرام مخصوش اتخبا حيت لي مخافش من لي خلقو باش نافعو خوف الناس

صباح : (طالقة ودنيها كتسنط ليه مزيان)

اكسيل : (تنهد) متأكدة بلي امحسن هو الشخص لي باغة تكملي معاه حياتك ؟

صباح : (بصوت خافت) واه

اكسيل : هزي راسك أو شوفي فيا ودوي معايا بتيقة فين عمر بنت اكسيل حنات راسها ولا مطلباتش داكشي لي بغات بصوت عالي

صباح : (هزات فيها عينيه او دوات بتيقة) باغاه ابابا او باغة نتزوج بيه الى قبلتي

اكسيل : ويلى كان ميصلاحش ليك

صباح : (بتقة دوات معا اكسيل) نتا كنتي كتقول ليا لحاجة لي بغيتها انا غنشيرلها غتحضر قدامي ، كانت ناقصة تكملها كانت مريضة داويها كانت عوجة تقادها ليا ، ويلى كان محسن ميصلاحش ليا نتا صلحو ليا كان مباغينيش خليه يبغيني

اكسيل : (ضحك لداخل ديالو بإفتخار او هو كيقول بينو وبين نفسو “بنت بوها” ، مد يديه لمجر جابد منو طيليفونها او مادو ليها) هاكي صوني على محسن قولي ليه (جاتو قاسحة اكمل جملتو ولكن مكان قدامو تا خيار) ايجي من بعد جوج سيمانات باش اخطبك

صباح : (نسات راسها) تا حلف صافي قلتي هضرتك مكاينش ترجع فيها (بلفرحة نتراتليه طيليفون من يديه أو طارت خارجة لبرا تصوفي على محسن)

اكسيل : (بعدما خطفاتايه الطيليفون من يديه أو شافها تحركات يسحابلو واش جاية تعنقو داكشي علاش نشر يديه ليها ، صدقات شريفة مشات خرجات بحالها حس بلقمعة داكشي علاش عقد حجبانو او عنق راسو بيديه او دوا بصوت فيه طنز) هادا باقي تا مخطبها او نساها فيا ملي يتزوجو موحال نعاود نشوفها ، ايوا ربي أ إكسيل او قري فلخر قرد دلخلى انسيها فيك تأ على زمر نكون زربت زعما جي قولي غا شكرا علأقل شي تعنيقة مقلناش ليك لا

صباح : (تجمعات عليها لفرحة او لبكية صونات على محسن بزربة) محسن

محسن : (جاوبها بزربة) حياة محسن رضليك باك طيليفون ؟

صباح : ماشي موهيم هادشي دبا سمعني مزيان بعد جوج سيمانات غتجي لدارنا باش تخط

محسن : (زرب عليها) نخطفك ؟ واش من نيتك باغة باك ارزيني فولادي ، مارجعو ليا لملامح لوجهي تال هاد ليامات باغاني نعاود ناكل قتلة خرى ولا شنو ، سمعيني ازين ديالي خلينا نصبرو غاواحد شوي باك غيوافق اوافق

صباح : (عصبها تا خرجات فيه) سمعني أزمر غنقولك جوج كلمات بعد جوج سيمانات ياغتجي تخطبني كيما قال با ، يا غنجيب با او نجي نخطبك انا ، بلا هاد فريع لكر قالك لخطيف تقد عليه عندك صحتو اخليك بلخلى مشحفنا باطل

محسن : (صدماتو بلخرجة لي دارتيه او ماجا فين ارد عليها تا لقاها قطعات عليه ، كان باغي اعاود اصوني عليها ولكن لقا راسو مشا هبط لتحت عند لغالية اخبرهوم بلخبار لي جاتو او يشاركهوم فرتو)

#نهاية لفلاش باك#

محسن : (كان باقي معنق لغالية تا رجع طيليفونو كيصوني ليه مرة خرى ، طلق لغالية او شاف فطيليفون لقا اكسيل لي مصوني عليه) انا غنمشي نجاوب

لغالية : (تا هي بدا طيليفونها كيصوني كانت صباح لي مصونية عليها ، متعطلاتش عليها او دغيا جاوباتها) الو صباح

صباح : (لي كانت لفرحة مقاداهاش) لغالية وأخير راجلك طلق صراح او قبل ازوجني بمحسن

لغالية : (ضحكات) ههههههه على سلامتك ايما غيجي اخطبك

صباح : بعد جوج سيمانات

لغالية : جوج سيمانات زعما يقدنا لحال نوجدو ، شوفي انا واحد خمسيام او نرجع لدار ، غندوي معا لخياط ابدا فتوجاد تاع شي قفاطن ، او من بعد بدوي معا اكسيل على حساب طريطور

صباح : طريطور ؟ لقفاطن ؟ راه غا خطوبة ماشي عرس

لغالية : لعرس حريرتو حريرة بوحدو ، اما لخطوبة ديالك خاصها دوز مزيان او مقومة ، وزيدون اكسيل مغيخليش خطوبتك دوز غا هاكداك او تا جدك فاش غيسيق لخبار غيجي بنفسو يوقف على توجاد

صباح : شغلكوم هاداك ديرو لي بغيتو انا غا نتخطب اوصافي

لغالية : ههههههه اراك على لقرص

صباح : ههههههه شويا وصاف باغة نزرب قبل ميخرم لواليد ، نخليك دبا خاصني نمشي نشوف ماما

لغالية : بسلامة

صباح : (بعدما قطعات معا لغالية ناضت بزربة بدلات عليها او هبطات لتحت واخدة معاها سوارت تاع طونوبيلتها)

جود : (كان ݣالس لتحت معا مجد) زين فين غادة ؟

صباح : غادة عند ماما

جود : درتي معاها تلاقاو ؟

صباح : لا ، كنصوني عليها مكتجاوبنيش غندوز لدار لول نشوفها واش راها تما ، مالقيتهاش اندوز عندها لخدمة

جود : مزيان

صباح : يالاه بسلامة

مجد : بسلامة (ضار عند جود بعدما مشات صباح) ايا أخويا حلمة لبارح واحد لحلمة متبغيهاش لعدوك فقت مفزوز

جود : حلمتي كغك عندك لعجز لجنسي

مجد : ياريت كون كان هو ، حلمة آسيدي بحالي كنت فدار او مشيت طلعت عند صباح لبيت أو حليت لباب عليها عرفتي شنو لقيت ولا ، (دوا مغد) لقيت سيهون محسن معنقها ملي قاليه شكادير طلق لخوادرية ، قالي بكل تسنطيح كانت ختك اما دبا راها مرتي ، أخويا فقت مفقوص

جود : مبروك عليك لحلمة ديالك قريب تحقق باك وافق على زواجها بمحسن

مجد : (ديك لموناضة كاملة لي شرب رضها) شنو قبل بهاد السرعة

جود : راه شهر او هو مجرجرهوم او مجرجرنا تا حنا معاه

#عند صباح#

كانت وصلات لفين ساكنة مها ، بلاصات طونوبيلتها او نزلات منها طالعة لدار دقات لمرة لولة تا حد منعملها تال التانية عاد حلاتلها مها لباب

سناء : صباح نتي هادي

صباح : واه إماما عييت نصوني عليك او قلت نجي عندك

سناء : دخلي دخلي ، كنت طافية طيليفوني ما من تابهاش ليه

صباح : (دخلات لداخل محيدة شالها او سباطها وهي غا كتفرنس)

سناء : شتك فرحانة وقعات شي حاجة

صباح : (لفرحة لي فيها كانت بغات تشاركها تا معا مها داكشي علاش نقزات عليها معنقاها) بابا قبل انو محسن أجي يخطبني

سناء : (حسات بحالي شي حد خوا عليها سطل دلما بارد ، بعدات عليها صباح او دوات مستغربة) داوية بلمعقول ؟

صباح : إيه والله تا قبل متصوريش شحال فرحت ملي قالها ليا

سناء : (جمعاتها معاها بتصرفيقة او دوات معصبة) شلى علاش راك فرحانة ، واش باغة تسطيني تا هاداك لمݣرد قليل لاصل اتخطبو ليه الناس ، (عاودات صرفقاتها) واش فكل مرة خاصني نفكرك فشكون نتي او بنت من أدوي

صباح : شكون انا او بنت من هادشي مكيهمش انا كنبغيه

سناء : (ردات شعرها اللور او دوات مغددة) باقة كتقولك كنبغيه (شدات يدين صباح مزيرة عليها) واش باغة تحمقيني واش عارفة شكون انا دوي ؟

صباح : (عطاتها غالبكا) ماما

سناء : لا أنا سناء وحدة من اكبر او اشهر الصحفيين فلبلاد باغاني نتناسب معا مݣرد دلخلى باغة ضحكي فيا لباشار

صباح : (بقات تصبر تا عيات هي تدوي منفاعلة) مݣرد او باغاه او منو مغاديش نتفرق انا كنبغيه ويلى كانتي خايفة غا من الشوهة فغا تهناي تا واحد معارفك بلي ماما او تا واحد مغيعرف كي ديما (هزات زيفها دارتو عليها بزربة او خرجات بحالها)

#عند لغالية#

خرج محسن مخليهوم هوما بجوج كيوجدو عشاهوم تا بدا كيصوني لغالية طيليفون

لغالية : (كان اكسيل ستأذنات خالتها او طلعات لبيت باش تجاوبو) الو

اكسيل : راك مشغولة ؟

لغالية : لا علاش ؟

اكسيل : غا سولت او صاف

لغالية : مالك صوتك معاجبنيش مقلق

اكسيل : لا ممقلقش

لغالية : تا انا من نية كنسولك واش مقلق كاين شي حد كيزوج بنتو او يتقلق كيخص ايكون فرحان

اكسيل : حاس براسي تخورت و الله

لغالية : ههههههه قولي طايح على جدك الضيم بسباب زواج بنتك

اكسيل : معلينا شوية هادي صونات عليا سناء باش نتلاقاو فواحد لقهوة

لغالية : (طلعات حاجب او نزلات لاخر) تلاقاك ؟ او فقهوة ؟ او فهاد ليل ؟ علاش بسلامة ؟

اكسيل : على حساب لخطبة تاع صباح كنضن بلي معاجبهاش لحال

لغالية : ايوا اتلاقاها ؟

اكسيل : ضروري فلأخير كيبقى لأمر متعلق بصباح تبغي تمشي معايا

لغالية : لهلا يحييها تا تشوفني قالك تمشي معايا بغيتيها تقول هادي خافتني نديلها الراجل تا جايا تابعاه

اكسيل : على خاطرك يالاه انا غنقطع ، حيت غنتعطل عليها

لغالية : (بغيرة) واه سير سير باش متعطلش ليا على ست لحسن قالك غنتعطل (قطعات عليه مخلياه كيكركر على غيرتها ، ناضت طايرة لبريزتها واخدة منها واحد جلابة دارتها عليها معا زيف او هبطات لتحت بزربة)

منى : (شافتها خارجة) تي فين غادة فهاد ليل

لغالية : غادة نحضي رزقي ديك زعترة تاع سناء أضور ليا بيه

منى : يهديك الله شمن الضور بيه مال اكسيل صغير

لغالية : رجال مافيهوم تيقة وزيدي عليها داك زمر عاطي لعين الى مضارت بيه سناء ضور بيه شي برهوشة خرى يالاه بسلامة (خرجات بزربة من الدار او مشات ركبات طونوبيلتها غادة لقهوة فين قالها غيݣلسو ، بلاصات قدامها طونوبيل او مشات دخلات ليها واخة واحد طبلة مدرݣة وبدات كتسناهوم تا بانوليها داخلين او شدو ليهوم طبلة قريبة منها)

سرباي : (جا عند لغالية) شنو تشربي الالة

لغالية : (كتدوي بشوي) غالي جبتيلي

سرباي : كولشي عندنا لقهوة لعاصير أتاي

لغالية : (عينيها على اكسيل) جيبلي قهوة لويزة لي كان لموهيم غا طلقني

#عند اكسيل#

كان ݣالس معا سناء لي كانت معصبة او مفاعلة

سناء : قوليا نتا غا كيفاش وافقتي على زواج صباح من داك زمر

اكسيل : دوي بشوي ناس كاينين

سناء : (نقصات صوتها) ملي كنتي باغي تزوجها تزوجها علاء حسن ليها علأقل هو مهندس كبير

اكسيل : (حط يديه فوق طبلة) اولا انني نبغي نزوجها ولا لا ماشي بيدي هي ختارتو تانيا محسن كنعرفو من زمان عارفة مزيان شكيسوى او شنو غيدير لبنتي تالتا مدام صباح باغاه مكيهمنيش فاش خدام الى كان غا على لفلوس عندي لي يتحرݣ ميتم مغالبنيش نديرليه قهوة ولا تاوطيل الى بغا ، حيت لفلوس ماشي هوما لي كيزوجو الناس او لمعقول مكيتشرى مكيتباع ، او نتي خوي راسك من هاد لموضوع

سناء : نخوي راسي ؟ كفاش نخوي راسي راها بنتي وقيلة هاديك باغالها شي واحد اقوم بيها

اكسيل : بنتك ؟ مزيان ملي تفكرتي بلي عندك بنت ، سناء بلاما نكدبو على بعضياتنا صباح انا عارف مصلاحتها داكشي علاش غادي ندوز ليك داكشي لي درتي فيها هاد نهار ولكن برب لكعبة تعاود يديك تهز عليه غادي يكون عندي حساب معاك سمعتيني ونتي عارفة شنو غيوقع الى درتي عكس هادشي

سناء : بنتي هاديك ندير فيها مابغيت

اكسيل : انا غا علمتك

سناء : (مزادتش معاه لهضرة او مشات فحالها زاعفة)

اكسيل : (تسنا تا مشات سناء هو ينوض متوجه عند لغالية) ياك قلتي مغتجيش

لغالية : (قفزها او مرضاتش منو) شتيني جيت على حسابك عجبني نشرب قهوة هنا كتعجبني (شربات من ديك لقهوة قدامو سعا خصرات سيفتها) تفو مرة

اكسيل : (شدها من يديها جارها معاه لبرا بعدما خلص) هههههه زيدي زيدي المغيارة

لغالية : شمن مغيارة وعلامن غنغير او من من ؟ من سناء متلا ؟ تا هاديك ايغيرو منها الناس

اكسيل : (ركب هو وياها فطونوبيل) او مالها علاش ميغيروش منها الناس ولا نتي حسن منها ؟

لغالية : لا مجال للمقارنة انا صغيرة وهي شارفة أنا زوينة عليها ، مديقة عليها

اكسيل : مديقة عليها شكون قالهالك ؟

لغالية : (خبطاتو فكتفو) شوف لكلب باقي عاقل على تقبتها

اكسيل : (مشا تال واحد الجيهة خاية حدى لبحر او حبس الطونوبيل نازل منها هو لول)

لغالية : (هبطات تا هي من طونوبيل او مشات قربات ليه)

اكسيل : ( دوز يديه مور خصرها مقربها لعندو او ملاسقها معاه ) شنو ندير فيك انا دبا همم ؟

لغالية : شدرتلك ؟

اكسيل : (مد يديه لتهت راسها هازو لعندو او قرب من فمها دامج شفايفهوم فقبلة شغوقة و طويلة)

لغالية : (مستمتعة باحساس او ملمس شفايفو او طعم ريقو لي ندامج معا ديالها ، طيب ليها شنايفها بلبوسان او لعضان أمص او يجر فيهون ويقول شي ما جريت)

اكسيل : (فصل لقبلة لتواني مخليها تأخذ نفسها ولكن لاستراحة دامة لتواني قليلة حدو شاف كفاش شنايفها تنفخو او حمارو جهل او عاود دمج شفايفهوم فقبلة اكثر وحشية واطول من سابقتها)

لغالية : (بعد لبوسة طويلة اخيرا طلقها اكسيل او خلاها غا كتلهت ، تكات على صدرو مستنشقة ريحتو لي فكل مرة كتشمها كتحسسها بلأمان او الدفء او ملي هو ديمة غيكون بجنبها)

بقات لغالية هي و إكسيل ݣالسين جنب لبحر مودة طويلة عاد رجعو فحالهوم

اكسيل : (حبس الطونوبيلة جنب الدار تاع منى)

لغالية : يالاه بسلامة

اكسيل : بسلامة (ستناها تا هبطات من الطونوبيل عاد مشا كسيرا مبعد)

لغالية : (دخلات لدار بعدما دقات لباب او حلات ليها خالتها)

منى : رجعتي

لغالية : واه محسن فدار

منى : لا باقي مرجع ، راجلك مشا ولا باقي على برا

لغالية : لا راه مشا

منى : نحطو لعشا ؟

لغالية : واه راني ميتة بجوع

منى : طلعي بدلي عليك علاما نحط لعشا فوق طبلة

لغالية : (طلعات لبيتها بدلات عليها بواحد لپيجامة فانيدية خفيفة ، او هبطات لتحت تعشا معا خالتها)

منى : غدا خصنا نفيقو شويا بكري باش نمشيو لعندها حيت راها فبلاصة بعيدة شوي

لغالية : ماشي موشكيل معا ديك لخمسة نشدو طريق ان شاء الله

منى : انا أبنتي باقي مفهمتش تال دبا علاش باغة تمشي عند ديك لقابلة على قلت طبة فلبلاد

لغالية : فناضارك مشفتش بزاف تاع طبة ولكن هاديك لقابلة عندها دواية

منى : نتي تعرفي شغلك

لغالية : خليني من شغلي وقوليلي ايمتا غيرجع عمي الراضي

منى : والله معرفتليه تا هو كتر ديك خيطي بيطي لشمال

لغالية : كيمشي لشمال او كتخليه إيسافر بوحدو ونتي عارفة بنات تما غا لقوقة على ختها وداك زهواني دراجلك تدوي معاه غا شي وحدة وتقوليه الحبيب دألبي اديبلها تما

منى : الا عمك الراضي مايديرهاش كيعجبو زهو ديالي ماشي ديال لبنات لوخرينات

لغالية : ايوا غا تيقي

منى : مال طاسيلتك مدخلالي شك باطل عاود

لغالية : ههههه ماقلت والو

تعشاو فجو تاع ضحك او تقشاب تا عمرو لكرش عاد ناض جمعو طبلة او كل وحدة طلعات لبيتها تنعس

لغالية : (بقات مودة طويلة كتقلب فراشها وتقول واش بغا يحبها نعاس شافت تا عيات هي تنوض لحمام توضات او لبسات عليها عبايتها وبدات كتصلي ليها او تدعي ربي افرجها عليها ، بعد جوج سوايع كانت وصلات ديك 4 لغالية لي كانت عاد سلات صلاتها سمعات تقرقيب لتحت ، كان يسحابلها بلي محسن لي جا داكشي علاش هبطات عندو او هي ممحيداش لحوايج تاع صلى وزيف بقات بيهوم ، شافت ضو فلكوزينة مشعول او دخلات ليها) محسن رجعتي (مكانش محسن فاش ضربات ، كان شاب ف28 من عمرو ، فورمتو زوينة مطويلش بزاف ولكن عاطي لعين شعرو قهوي مغلوق او مسبسب لحيتو جاية معا وجهو لمضور بشرتو بيضة ، خلاصة لقول كان تيتيز ، لغالية وسعات فيه عينيها) خير الدين ؟

خير الدين : (لي كان يالاه رجع من السفر ديالو بليل دخل لكوزينة باش ايشوفليه مياكل قبل ميطلع لبيتو يرتاح ، بقا كيشوف فتلاجة تا دخلات عليه لغالية كان فلول يسحابلو مو ولكن مني هز راسو او لقاها لغالية تصدم او معرف مايقول) لغالية ؟

لغالية : (فرحات ملي شافتو او قربات عندو كيشي بنيتا صغيرة كتشوف خوها لكبير ، او عنقاتو بعفوية) خويا خير الدين لاباس

خير الدين : (لي كان باقي تحت تأتير الصدمة ممتيقش بلي لغالية رجعات بادلها لعناق مزير عليها) رجعتي

لغالية : (بعدات عليه مبتاسمة) واه رجعت لكازا

خير الدين : (بتاسم بأريحية) دازت مودة طويلة على آخر مرة تشاوفنا مودة طويلة شخبارك نتي ؟

لغالية : لحمد الله هاحنا ، نتا يالاه رجعتي من السفر غتكون عيان

خير الدين : ماشي غا عيان باغي نموت بنعاس قلت ناكل شي حاجة او نطلع نرتاح

لغالية : ݣلس تما انا غنطيبليك متاكل

خير الدين : بلاما تعدبي راسك انا غنطيب لراسي شي حاجة

لغالية : مكاين لا عداب لا والو (حلات تلاجة او جبدات منها لي صوصيط او شي مطيشة وشي بيض وبدات كطيبليه دكشي تا سالاتو او زادت فوقو لفرماج او حطات ليه ياكل) نخويليك لعاصير ؟

خير الدين : بلاش

محسن : (دخل عليهوم لكوزينة كيفرنس) كتاكلو بلى بيا

لغالية : جيتي

محسن : (سلم على خير الدين) افين اراجل فين غبرتي

خير الدين : غا معا لخدمة وصاف

محسن : (مشى مور لايح على كتفها يديه) زين دلعالم

لغالية : شهاد تلواط على صباح ، فين كنتي دايع ؟

محسن : كنت ݣالس معا نسابي

خير الدين : (ما قشبل تا وزة) نسابك ؟ من ايمتا بسلامة

محسن : ههههه علاه مفخباركش بلي انا قريب نتزوج

خير الدين : قريب تزوج ؟ كي درتيلها بسلامة مادرتي تا عشرين سنة او داوي على زواج

محسن : باغيني نبقا تا نبور بحالك

خير الدين : شوف لكلب كاين شي باير قدك

محسن : شكون فينا دار 28 عام او باقي تا لخطوبة عمرو خطب ، موحال تا واش داتها فيه شي وحدة

لغالية : (ضرباتو لراسو) شوف سلݣوط كي ولا كيدوي نسيتي كيف حرجرك باها او عطاك قتلة تاع لكلاب او بقا مجرجرك شهر عاد قبل بيك

خير الدين : طلعتي اعشيري مدلول

محسن : مدلول ولا مجرور لموهيم لاقي دوا لبرد او ماشي وحداني بحالك

خير الدين : وليتي تضسر البعلوك

لغالية تسنات تا كلى خير الدين او طلع لبيتو يرتاح او محسن تبعو تا هو ، عاد غسلات لماعن او طلعات تبدل عليها حوايجها

منى : (فاقت تا هي بكري او لبسات جلابتها وزيفها ومشات دابة على لغالية) واحدة نمشيو ؟

لغالية : (لبسات تا هي جلابة او دارت الزيف) واه راني واجدة نمشيو

منى : يالاه

لغالية : (خرجات هي ومنى او ركبو الطونوبيل شادين طريق لوجهتهوم) خير الدين رجع لبارح بليل

منى : بصح ؟ شوفي ليك صݣع ݣاع مقاليا بلي غيجي

لغالية : يمكن مكانش عوال على لمجية

#بعد 2 سوايع#

الطونوبيلة تاع لغالية كانت حابسة فلول تاع واحد لحي قديم او مشرشم

لغالية : (نزلات هي ومنى من الطونوبيل) متأكدة هادا هو لحي ؟

منى : قابلة وحدة لي كاينة فسيدي رحال او معروفة هي لقابلة فاطنة

لغالية : شكون فضيور لي ضارها

منى : قالولي ديك طرفانية

لغالية : (تقدمات لعند ديك الدار معا خالتها ، وهي كتحس بقلبها مقبوط عليها لخنقة ولبكية شاداها ولكن هادشي مكانش خاصو يبان قدامها ، وقفات قدام ديك الدار او دقات بابها)

فاطنة : ( مرا كبيرة فلعمر غليضة و راسها شايب او عنقها مكمش ولكن باقة شادة ، لابسة پيجامة طويلة او محزماها بطابلية دايرة الزيف دحيلتي على راسها او كتمشة بشوي) آشكون

لغالية : قريب

فاطنة : (حلات لباب لغالية) شكون نتي أبنتي

لغالية : نتي هي لقابلة فاطنة

فاطنة : ييه هي انا علاش كتسولي

لغالية : بغيتك لشي غراض

فاطنة : مابقيتش ابنيتي كنشوف لعيالات

لغالية : لا أنا ماشي من لعيالات انا لغالية افاطنة

فاطنة : كوني تا عيشة راني قلتلك مبقيتش كنشوف لعيالات (كانت باغة تسد لباب تا حبساتها لغالية بكلامها)

لغالية : انا لغالية عروسة لحاجة يزة تفكرتيني دبا

فاطنة : (طرطقات فيها عينيها او تشوكات بلاما تشعر) لح…اجة ييزة

لغالية : واه لحاجة يزة كتعرفيها ياك او مزيان ݣاع (دفعات لباب او دخلات هي او منى لي مكانت فاهمة والو) كنتي ناوية تخلينا برا او حنا ضيافك ماشي صواب افاطنة

فاطنة : (صفارت او تلفاتلها لهضرة) لا لا غا تلفت او صاف مرحبا بيكوم انمشي نعمر ليكوم كويس داتاي

لغالية : بلاش زيدي ݣلسي ندويو

فاطنة : (ݣلسات قدام لغاية او هي كترعد بتوتر) خير ان شاء الله

لغالية : شخبارك لباس عليك ؟

فاطنة : حمد الله

لغالية : شحال من عام داز على آخر مرة شفنا فيها بعضياتنا أدوي ؟

فاطنة : ر.ربعسنين

لغالية : ربعسنين باش هربتي او خويتي لبلاد

فاطنة : (شافت تا عيات او مقداتش تحبس راسها وتحنات عند رجلين لغالية) سمحيلي أبنتي سمحيلي انا غلط فحقك أبنتي سمحيلي راني ندمانة

لغالية : (تحنات عندها) علاياش ندمانة بالضبط قوليلي نشوف

فاطنة : (ضرباتها بطم او عطاتها غا لبكا) ندمت او تبت على داكشي لي درتليك كنت هبيلة سمحيلي ها لعار ديري بحق هاد الشيب او سمحيلي

لغالية : (شافت فيها بحقد او بغض او استغراب او دوات معاها بصوت كيرجف) تبتي ؟ كطلبي سماحة دبا ؟ الى توبتك ترجعلي ولدي ويلى كان طليبك او رغيبك غيرضلي كبدتي علامن تشويت ، ولا حتى موتك اصبرني على لغالي لي ضاع كنت نقتلك بيدي او نشرب من دمك (خانوها دموعها او صوتها تخنق) قادة تسجدي لي خلقك او تهزي يديك لسما او تدعي ونتي ولدي انا لحبيب ديالي انا لي تسنيتو يام وشهور لي كنت نحسب سوايع باش نشوفو ، بيديك هادوك خرجتيه من كرش مو بلى وقت (زادو دموعها) ولدي لي كنت كنتسنا نهزو بيديا او نشوف فعويناتو صغار او هوما كيشوفو فيا ، هزيتو بين يدي او هو مكيتحركش قلبو حابس ، ولدي لغالي لي بيديك قتلتيه قدام مو لي كانت كتشوف او مقادة دير والو ولا حتى تعتقو مقاداش او منقدرش نساه ، دازو ليام او سنين او باقي كيتو فقلبي تحرق ، باقي جرحو اسيل دم لا فرح فرحتو كيف الناس ولا ضحكة خرجتها من لقلب بعدما ترزيت فيه ، (عينيها ولاو حمرين بدموع او باقي غا كتبكي محبساتش) عند بالك ملي خويتي لبلاد او تخشيتي فهاد لغار مغاديش نلقاك حلفت بحلوفي لا لموت ولا لمرض غيهنيك مني ، سوى فدنيا ولا فلاخرة غنكون الشوكة لي فحلقك ، ماحد حق ولدي متخدا عمرك تحلمي تنعسي على جنب الراحة او واخة تسافري لآخر دنية نلقاك نلقاك ، لعافية لي تكويت بيها ونا عندي 16 رعام ولي كمدتها لقلبي او خليتها تاكلني بوحدي ، زميت فمي اوقلت صحتي لي مقاداش على لحبالة داكشي علاش طاح ولدي ، او صبرت هاد سنين كاملة عرفتي علاش ؟ باش تكبر عافيتي او تحرقك نتي وراس لحربة لي سيفطاتك ، الى كانت لحاجة كواتني فولدي او حرماتني منو انا نديرلها مكتر او حسابها جاي جاي ، الى كنت انا دفنت ولدي هي ماغاديش دفنو ولكن غادي تموت الف مرة وهي كتشوفو تا لعين مكيهزهاش فيها ، كيما مت انا او باقي كنموت على ولدي كلى نهار غادي نخليها تموت ، او ماحد كية لغالي باقة فقلبي عمرك تهناي او عمر نهار لبيض انزل على لحاجة ، داكشي علاش (زيرات على وجها فيديها) صبري على روحك حيت باقي بغيتك تعيشي

لغالية : (مسحات دموعها او هزات صاكها) خالتي يالاه نمشيو بحالنا

منى : (لي كانت غا مدهشرة ماعرفات مادير وقفات تا هي او تبعات لغالية لبرا) تراس ليا سوارت انا غنصوݣ

لغالية : واخة لي عجبك (مداتليها سوارت تاع طونوبيل)

منى : (ركبات هي وياها فطونوبيل او ديمارات راجعة لكازا) نرجعو لدار ولا بغيتينا نمشيو لشي بلاصة

لغالية : نمشيو لشي محال ناخد شي تكشيطة عاد ندوز نشري لكاضو ، واخة معرفتش بضبط شنو نشريلها شي اصونيل ولا جوج براسليات تقال ؟

منى : نمشيو عند دهايبي او نشوفو عندو شي حاجة

لغالية : (ماشي على بعضها) تا هاداك نضار

منى : (شافت تا عيات هي تمد يديها لساكها جابدو منو كاسكيطة او نضاضر كوحل او مداتهوم لغالية) لبسي هادو

لغالية : (دارت لكاسكيطة او نضاضر كيما قالتلها خالتها)

منى : (بركات على لمسجلة او طلقات لموسيقى على جهد او مشات بلاصات الطونوبيل فواحد لخلى او خرجات منها مخلية لغالية بوحدها لداخل)

لغالية : (فهمات التصرف ديال خالتها كانت بغاتها منى تبكي على خاطرها ، دوك دموع لي كانت لغالية كتشد من صباح طلقاتهوم منهارة او هي حاطة يديها على كرشها ، كتألم كأنها عاد دبا خسرات ولدها كأنها عاد دبا هزاتو بين يديها وهو ميت مكيتحركش)

منى : (بقات على برا مودة عاد رجعات دخلات لطونوبيل لاقية لغالية مسحات دموعها او طفات لمسيقة) بيكيتي تا شبعتي ايوا توݣضي معايا ، لي بغا يجيب حقو خصو يكون سبع ماشي ضبع ، او كيما خليتي هادشي سر هاد سنين كاملة زيدي صبري تا يجي وقتو او تبوعيه فهمتيني

لغالية : (تكات على لكوسان بضهرها او شافت فالشرجم بعينيها لي طابو بلبكا) ملي تزوجت كنت جفاف لي جا يمسح فيا رجليه ولكن دبا انا تاج بزز على جدهوم احطوني فوق راسهوم

منى : راجلك فخبارو

لغالية : لا

منى : حسن كلما طالت لمدة لي معرفش فيها غتكون عجاجتو تهز لحجر او شجر

لغالية : (عم سكات طويل بيناتهوم تا وصلو لمحلات لكلاس دتكاشط او لكساوي عاد بلاصاو الطونوبيل او نزلو منها داخلين لواحد فدوك لمحلات)

منى : هاد لمحال تاع واحد صحبتي كتجيب غا دكشي لفريع

لغالية : (كان محال راقي بمعنى لكلمة حاطين سيكيريتي عند لباب او لبنات لابسين داك الزي لموحد ، لكليمة مشعولة او الأرضية كتبري بنقاوة)

لموضفة : (تقدمات عند منى بإبتسامة على وجها) مادام منى شرفتينا نتي و الضيفة لي معاك تفضلو لداخل انا غنمشي نعيط لموديرة تجي عندك

منى : واخة انا غنشوف فلأرجاء علاما تجي رويدة

رويدة : (ملي شافت منى شيرات ليها تجي عندها) انا هنا

منى : (تبسمات ليها او تقدمات عندها هي ولغالية)

رويدة : (مرا زوينة تكون فلعمر تاع منى قاطعة شعرها قصير او مهلية فراسها سلمات على منى من لوجه) زارتنا لبراكة فين هاد لغبور

منى : غا معا شغال او صاف

رويدة : قولي لحاج الراض حاجبك فضار ههه احقا شكون هاد الضيفة لي معاك

منى : هادي بنت ختي لغالية

رويدة : (سلمات على لغالية) متشرفين أبنتي انا رويدة صاحبت خالتك

لغالية : (تبسمات ليها) الشرف ليا

سناء : (خرجات من بيت تبدال لابسة ليها واحد لكسوة بلبيلج واصلة لركبة او مشبكة من ليدين او هازة فيديها واحد الصاية ) رويدة غناخد ها.. لغالية نتي هنا

رويدة : كتعرفيها

سناء : معلوم كنعرفها منى لاباس شحال هادي متشاوفنا

منى : (من النوع لي واخة ميكونش بنادم مسروط ليها غتبسم فوجهو او دير معاه صواب) لابس لحمد الله ونتي كي دايرة

سناء : (شافت فرويدة مبتاسمة) منى كنعرفها من مشحال هادي الطليق ديالي او راجلها صحاب أما لغالية فمرت الطليق ديالي

رويدة : (عاود شافت فلغالية بحالي ممتيقاش كتشوفها بنت صغيرة موحال تا واش واصلة 25 عام او كتسترجع صورة اكسيل او عمرو كطلع ليها ميمكنش)

لغالية : (فهمات شنو دارت سناء داكشي علاش بتاسمات او شافت فرويدة بتيقة) نعرفك براسي مزيان انا لغالية مرة اكسيل او عروسة لحاج محمد آيت اوسو

رويدة : (دغيا ستدركات راسها او تبسمات ليها تا هي) قولي نتي هي مرة اكسيل ملي عرفتو تزوج كنت متشوقة نشوفك حسنلي الشرف انني شفتك او عرفت تا بلي نتي بنت خت منى

سناء : لغالية مكنتش عارفة منى خالتك

لغالية : مجابتهاش لوقت او صاف

سناء : ايوا الله ايجيب لوقت لي نعرفو فيه عئلتك تايلر تلاقيناهوم فزنقة نديرو معاهوم صواب

منى : سناء كيف غادة معا شي خدمة مزيان

سناء : حمد الله هاد الساعة نتي فين وصلتي فلجمعية ديالك

منى : حاليا حنا غاديين مزيان كان عندنا لمشكل تاع لأعضاء ولكن دبا تحل ، احقا قبل منسى مبروك مدارت بنتك صباح فاش قالتها لي لغالية فرحت ليها بزاف

سناء : (تقرصات او ضحكات ليها ديك ضحكة الصفرة) الله تبارك فيك واخة تاحاجة مكاينة

لغالية : حنا عئيلة أسناء ماتخافيش مغضربكش خالتي بلعين حيت فلأخير ملي غتم لخطوبة كولشي غيعرف

سناء : تا دبا كولشي يمكن اتقلب غا تهناي

لغالية : تأ ملي اكسيل بنفسو عطا لكلمة فتا صباح مغتقدرش تراجع على هاد زواج

سناء : شتك متحمسة لهاد زواج كتر تا من صباح ياكما حيت نتي وياه من نفس الطينة كتعرفو غا تلسقو

لغالية : ههه ماشي كنلسقو حنى حناخدو لحاجة لي بغينا هادا مكان

رويدة : (بغات تلطف لجو) منى شنو باغة تشوفي

منى : باغين شي حاجة تاع لحضور

رويدة : باغين لعصري ولا تقليدي

لغالية : شي حاجة تقليدية ولكن تكون عامرة وعاطية لعين

رويدة : واخة انا غنقولك لبنت تجيبلكوم شي حاجة مضايراش

سناء : (كانت مشات تخلص لحوايج لي شرات عاد رجعات عند رويدة) بسلامة انا غنمشي دبا

رويدة : بسلامة تهلاء فراسك بيناتنا طيليفون

سناء : ضروري

لغالية : (كانت هي ومنى بعاد عليهوم كيشوفو فتكاشط او لقفاطن) هاد تكشيطة عجباتني اولها رطب او تا طرز او لحجر لي فيها عجبوني غا هو معرفتش شمن لون ندي فيها

منى : خوديليك رمادي غيجيك فن او زيد قليل لي كيديرو

لغالية : داكشي فاش لقيتيني كنفكر نيت

رويدة : (جات عندهوم) شتو شنو عجبكوم

منى : واه غناخدو هاد الجوج

رويدة : الذوق تاع بنت ختك زوين بحالها

لغالية : (بتاسمات بلاما تدوي)

منى : شحال عندنا فلحساب

رويدة : باغة تامانك ولا تمان الناس لوخرين

منى : ديري التمان لي منضيع فيه ماضيعي فيه نتي

رويدة : ياك الالة ههه ايوا عندك الحاجة Deux mille cinq cents دغهم

منى : قلتيها بفرونسي باش تبان قليل

رويدة : شوف لمرض كحبي خمسين ألف ريال او تلاحي عليا

منى : هاكي هاكي رزقك

لغالية : (حبسات يد منى) غا خليه انا غنخلص ، كتقبلي الشيكات ؟

رويدة : واه

لغالية : (خرجات من صاكها واحد الشيك تاع اكسيل مسيني عمرات فيه التامان لي بغات او مداتو لرويدة) هاكي

رويدة : بسم الله (شدات من عندها الشيك) الله يخلف ، عيشة آجي جمعي ليهوم هاد لحوايج

عيشة : (جات جمعات ليهوم حوايجهوم فساشيات او مداتهوم ليهوم)

منى : (خدات من عندها الساشية) يالاه خليتك على خير انا غنمشي دابة

رويدة : بسلامة نتشاوفو فساعة لخير

لغالية : (خرجات هي و منى من ديك لبوتيك او مشاو لشي بوتيكات خرات خداو منهوم شي حوايج عاد دخلو لعند واحد ذهايبي) السلام عليكم

ذهايبي : (ايكون فربعينات مهلي فراسو او كيبان جون او مبشور) و عليكم السلام شحب لخاطر الالة

منى : شوفنا آسيدي عافاك شي حاجة عاطية لعين يمكن تدا كاضو لعروسة

ذهايبي : شنو بغيتو بضبط اوصومبل سنسلة خاتم دبليج

لغالية : شوفلي شي اوصومبل زوين بلبراسلي ديالو او زيدني شي براسلي ايكون تقيل او عامر

ذهايبي : واخة (جبد شي باطات كبار حومر فيهوم شي اوصومبلات او شي براسليات وازنين او عاطيين لعاين) شوفي من هادو الى عجبوك

منى : (شيرات ليها لواحد من دوك لوصومبلات) شوفي هادا زوين او تا داك لبراسلي لي لهيه زوين

لغالية : ملي عجبوك غناخدهوم ، جمعلي عافاك هادشي او قولي تمان

ذهايبي : مرحبا (جمع ليها كولشي) عندك الالة ربعة دلمليون او نص

لغالية : (متزايداتش معاه فلهضرة او حطات ليه لفلوس فوق الطبلة) ها رزقك

ذهايبي : الله يخلف

لغالية : الله اعاون بسلامة (خرجات هي ومنى من داك لمحال او بقاو كيضورو تم تا ودن لفجر عاد رجعو لدار)

خير الدين : (لي كان نهار كامل خابطها بنعسة ضرباتو لفيقة معا لآدان دلمغرب ، ناض مقلوب شعرو مخربق بطريقة زوينة ، لابس تيشورط واسع عليه معا سروال دتشانضا ، تم هابط معا دروج تا ضرب فلغالية او منى داخلين معا لباب ، نطق بصوت رجولي غالبة عليه لبحة تاع نعاس) لوليدة فين كنتو

منى : خرجنا نتقداو شي حوايج اولدي ، رتاحيتي شوي

خير الدين : (باس لمو على راسها) خمرت فيها عاد دبا فقت

منى : هههههه سير سير تاكليك شي حاجة غيكون فيك الجوع ، فين محسن

محسن : (نازل معا دروج) هاني اخالتي

منى : قلت واش تا نتا نعستي

لغالية : علاه هو باقي يديه نعاس ، سيد باقي ممتيقش بلي غيخطب

محسن : كون شحفتي عليها بحالي انا كون تا لماكلة متاكليش بلفرحة

منى : ههههه الله اكمل عليك اولدي بلخير

خير الدين : تا نتي ماشياليه فلهبال الوليدة عواض متقوليه حشم البعلوك خلي تا يتزوجو لي كبر منك عاد شوف نتا راسك مزيداه فهاد تزويجة

منى : ملي تكون كدوز لپيرمي حتارم لأسبقية اما زواج غا كسيري وزيد

لغالية : خالتي دويتي معا خالي علمتيه بلي غنجيو عندهوم هاد الليلة ؟

منى : واه دويت معاه او علمتو

خير الدين : (كيشرب من لعاصير) غتمشيو هاد الليلة ؟

منى : غنمشيو هاد الليلة ، راه خالك وصاني نجيبك نتا ومحسن معايا قالك خاصو لي يدبح معاه لخرفان فصباح

محسن : دبيح ؟ علاه دوك لعجولة لي والد ميشدوش معاه

منى : ولاد خوالكوم غيكونو تما ولكن قالك نتوما ضاروري تحضرو ولا غيسيفط لي يجيبكوم

خير الدين : ان شاء الله غا نتعشاو نشدو طريق شمن طونوبيل فاش نمشيو

لغالية : من لأحسن نمشيو فطونوبيل وحدة مكاينش لاش نكترو لحديد ، طونوبيلتي كبيرة غتهزنا لباݣاج

منى : تا هاداك نضار

طلعات لغالية فبيتها ترتاح ليها شوي علاما توصل لوقيتة تاع تسافيرة ، غفلها نعاس تا جات منى كتفيق فيها

منى : لغالية فيقي

لغالية : (حلات عويناتها) هاني هاني فايقة

منى : نوضي لبسي عليك باش نمشيو

لغالية : واخة

منى : او لبسي مزيان راه شتى كطيح الى معندكش نعطيك متلبسي

لغالية : لا راني درت بحسابي

منى : لموهيم هاحنا سابقينك لطونوبيل تسالي لحقي عنا

لغالية : واخة (بعدما خرجات منى من لبيت ناضت هي بدلات عليها بواحد لكوستيم زيتي او داخل فيه لبيض ، دارت الزيف ديالها او لبسات واحد الصندالة عالية معا صاكها ، عاد هزات باريزتها صغيرة فاش جمعات داكشي لي غتحتاج ، او هبطات عندهوم لتحت) محسن شد طيليفوني ديرلي شي تصويرة

محسن : (شد من عندها الطيليفون او بدا كيصور فيها او هي غا كتپوزا ليه او هو مساعفها) هاكي باركة من تصوار ، خاصنا نتحركو

لغالية : واخ يالاه (مشات ركبات اللور فطونوبيل حدى خالتها منى ، مخلية محسن صايݣ او خير الدين ݣالس حداه)

#عند شيماء#

فهاد الشهر كامل كانت أغلبية كتخدم عند علاء فدار ، فديك 15 ريوم لولة كانت كتجي كل نهار تقابل الضار او تعاون رقية تا ولا علاء شوي عاد مشات رقية بحالها ، او ولات شيماء كتمشي عندو غا جوج مرات فسيمانة تجمعليه شوي او تقادليه شي ماكلة وكتمشي فحالها ، او قليل فين ولات كتصادف معاه ، وليوم كيف عادتها جات لدار معا ديك ربعة دلعشية سيقاتها او وجدات لعشا وصايبات واحد لكيكة وحطاتها الطيب فلفران

شيماء : (كان فيها لموت دنعاس شافت فطيليفون لقاتها يالاه 8 ، تسنات ليها لكيكة تا طابت او خرجاتها وقالت تمشي تنعس ليها واحد نص ساعة علاما تبرد لكيكة باش تزوقها او تمشي نيت قبل ميجي علاء لي كيرجع معا 9 او نص لدار عادتا ، مشات تال داك لفوطوي لي تما او تكات مخلية نعاس اديها وناسية متعمر طيليفنها)

علاء : (بعدما سالا خدمتو معا سبعة ونص او داز لاصال اطريني كيفما موالف تال ديك 10 عاد رجع لدار لابس شورط معا طوني ، دخل لدار لقا ضواو شاعلين قال يمكن شيماء لي نساتهوم ، كمل نيشن لبيتو حيد حوايجو او دخل لحمام ادوش تا سالا عاد خرج لبس عليه غا شورط او هبط لكوزينة خداليه واحد لقرعة دلما او مشا يتفرجليه فتلفازة ، تا كيضرب فشيماء مسرحة فوق لفوطوي معنقة وسادة او شعرها طالع لسما قفزاتو ملي شافها تما)

شيماء : (كانت باغة تقلب فنعاسها ناسية بلي راها ناعسة فوق فوطوي ، مجات فين تكمل قلبتها تا لقات راسها مخبوطة لارض او فايقة مفزوعة كتحك فطرمتها) أي طرمتي

علاء : (جابتليه ضحك عرفها مشافتوش) تقسحتي

شيماء : (قفزها صوتو وهزات فيه عينيها مصدومة لاقياه واقف عليها بصدرو معري او شعرو مخربق او فازݣ ، حناكها ولاو حمرين او تخالطات ليها لمرݣة معا لحشمة) غ.غفلني نعاس محسيتش بيك ملي رجعتي

علاء : عاد دبا جيت

شيماء : (وقفات او شافت فطيليفونها شاهقة ملي شافت شحال فساعة) ويلي ويلي لعشرة ونص هادي تعطلت غيخصني نمشي

علاء : ( بانتليه تالفة او باقي مقلوبة بنعاس) معندك فين تمشي دبا راه شتى خيط من سما تسناي تا تحبس شوي او نوصلك

شيماء : بلاما نعدبك غنمشي نتعرض لشي طاكسي أصلن شتا غتكون خفافت (طلات من شرجم لقاتها عاد مزادت تجهدات) صدقات مجهدة بزاف

علاء : (طلع بلخف لبس عليه توني عاد رجع هبط لتحت ، لقا شيماء رجعات ݣلسات فوق لفوطوي)

شيماء : تعشيتي نسخن ليك لعشا ؟

علاء : بلاش راني كليت على برا ، تفرجي فشي فيلم ؟

شيماء : واخ

علاء : فاش باغة تفرجي

شيماء : شوف نتا شي فيلم

علاء : واخ

شيماء : (كانت فرحانة كتقول بينها او بين راسها غيدير شي فيلم رومانسي ، لقاتو دار فيلم دلخلعة شدات عندها وسادتها معنقاها او مزيرة عليها وشادة لقنت)

علاء : ياكما كتخافي

شيماء : (نكرات) لا مناش غنخاف

علاء : (عاق بيها) من طبيعة لحال مخاصكش تخافي راك كبيرة

شيماء : (بقات كتفرج فلفيلم او هي مخلوعة باغة طلقهوم تحتها ، مزيرة على ديك لوسادة او سادة عين او حالة لوخرة ، وماسالا داك لفيلم تا كانت اتسخف ليه تم)

علاء : نتفرجو فشي فيلم آخر

شيماء : لا لا باركة علينا غا هادا

علاء : ههه نتي تعرفي شتا باقي محبسات داكشي علاش ها تيليكومونض تفرجي فاش بغيتي انا غنمشي ندير واحد لمكالمة

شيماء : (حضات علاء تا غبر عليها او مشا لبالكو يدوي ، هي بقات بوحدها او لخلعة شداتها كاتقول فراسها دبا يخرج ليها شي حد من جنب ، صبرات تا عيات هي تهز ديك لقرعة دلما او مشات عند علاء)

علاء : (لي كان يالاه سالا لمكالمة ديالتو ضار لقا شيماء واقفة حداه) باغة شي حاجة

شيماء : جيت نعطيك لما شرب لما راه مزيان ليك صحي

علاء : (عرفها مخلوعة داكشي لاش جات لسقات فيه خدا من عندها لقرعة ) ههه عندك لحق لما مزيان

شيماء بقات هي وعلاء كيدويو هضرة تجبد هضرة تا خرجو فلموضوع ديالو هو وصباح

شيماء : او رجعتي دويتي معا عمك مور ديك نهار ولا والو

علاء : ضاروري كان خاصني ندوي معاه او نطلب سماحة منو

شيماء : طلب منو سماحة واخة دار ليك ديك دعقة

علاء : ملي مصفاهاش لي نحمد الله ، عمي إكسيل جبدليه عينيه او متقيسش ليه بنتو

شيماء : او زعما الى عاودتي طلبتيها منو اخليها ليك

علاء : غادي يتعكس ولكن انا مغنتفاكش

شيماء : (حسات بغصة فقلبها ولكن حاولات متبينش) غتعاود طلبها منو ونتا عارف بلي مغيعطيهاش ليك ، لهاد الدرجة كتبغيها

علاء : (تنهد هاز راسو لسما) وكتر تا مكتصوري ، منقدرش نسمح فيها ونا تسنيت سبع سنين على قدها باش نكون معاها

شيماء : (زاد قلبها تزير عليها او جاتها لبكية ولكن مقداتش تا تبكي قدامو) عندك لحق لواحد فاش كيبغي كيخصو يصبر او يعافر على قبل الشخص لي كيبغي ( ” نتا ختاريتي دير لمستحيل باش تولي ليك او أنا تلفت بين نصبر تا تولي ليا او بين نفيق من حلمتي او نساك عليا” داكشي لي مقداتش تقول ليه قالتو بينها او بين نفسها)

عم سكات طويل بيناتهوم مقطعو غا الصونيط تاع طيليفون شيماء

شيماء : الو

مروان : فين راك من صباح ونا كنصوني عليك تشوشت

شيماء : راه شتا شداتني كنت كنتسناها تخفاف شوي باش نجي

مروان : راها حبسات دبا انا ستنايني انا غنجي نديك

شيماء : بلاش غنشد طاكسي

مروان : 12 هادي تسنايني هاني غنجي نديك او نمشيو نباتو عند إلياس

شيماء : علاش ؟ خدوج مكيناش فدار ؟

مروان : داك زعتر تاع دريس جا كيعطعط بشراب قالك باغي اكمل لقصارة فدار

شيماء : تا تجي او ندويو هاني كنستناك

علاء : واش غيجي شي حد اوصلك ؟

شيماء : واه (بقاو ساكتين عاود تا بانلها مرون جاي) نخليك انا دبا غيخصني نمشي بسلامة

علاء : بسلامة

شيماء : (هزات حوايجها او طيليفونها وهبطات لتحت حاضية جنابها ، خرجات من لباب تاع لعمارة قاطعة الشانطي لجيهة لوخرة كتسنا فمروان ، تا غفلها شي حد أو طير ليها طيليفون من يديها بزربة او بلخلعة شدات فداك لي صرق ليها الطيليفون ) شفار

مروان : (حاوط شيماء بيديه او هو كيضحك) سعدات هاد الشفار لي غيشفرك قبل ميمشي اضربيها ليه بواحد تعنيقة فاعلة تاركة

شيماء : (هزات راسها فيه مدققة فيه الشوفة لاقياه مروان بعدات عليه او ضرباتو فكتفو) ألمرض خلعتيني

مروان : هههه نتي لي على سبا

شيماء : (ردات لبال لضربة لي حدا فمو ، مدات يديه كتلمس وجهو مخلوعة) مالك وفجهك شكون ضربك

مروان : (بعد وجهو) مدابزة تاع دراري وصاف

شيماء : دريس هو لي ضربك

مروان : لا ماشي هو

شيماء : هي خدوج

مروان : (حيد لفيسة ديالو لاحها على كتافها) شهاد لحوايج لابسة كاملين خفاف غيزويك لبرد

شيماء : (لبسات لفيسة ديالتو او شداتليه فيديه غاديين بجوج)

مروان : (كيحاول انتر يديها او هي غا لاسقة) حيدي يديك لي شافها يقول واش مصاحبين

شيماء : او مالك يالاه مغاديش اتبسلو عليا دراري

مروان : نتي مغاديش اتبسلو عليك او أنا مكاين لي غتشوف فيا بعدي عليا غا نفوتو هاد الزنقة او لسقي

شيماء : (زادت لسقات فيه) ممفاكاش مغنخلي تا وحدة تديلي خويا

علاء : (كان حاضيهوم بجوج من لبالكو كتبان ليه شيماء لاسقة فولد مكيبانش ليه مزيان معا ضلام لي قشع منو هو أنو طويل عليها داكشي علاش ستنتج نيشن بلي صاحبها ، رجع شاف فسما ممسوقاش ليها ولا معمر بيها بالو ، عقلو عامر غا بصباح ديك لبنت لي بغاها وهي عندها 14 رعام مقدرش ايقول تا حاجة او خبار عشقو ليها فقلبو مستني لوقت لمناسب باش يمشي اطلبها من باها ، ديك لبنت لي كانت كلما قاسها شي دري ولو بلغلط تحمار بلحشومية او متهزش عينيها فلواحد نفسها لبنت لي كانت كتخبا مور ضهر باها كانت هي روحو او نقطة ضعفو لسنين طويلة ، تنهد بألم او رجع بحالو لبيتو ينعس)

#عند لغالية#

بعد مودة تاع طريق وصلو لبن سليمان فين ساكنين خوالها فدار وحدة او كبيرة بزاف ديال لورتة ، ضايرين بيها شجر او جنانات من جناب حيت جات فلخرجة شوي ، طونوبيلتهوم قدام الدار او نزلو منها هازين حوايجهوم معاهوم ، تقدمو لداخل دايزين من جردة باش اوصلو لباب لكبير تاع الدار

لغالية : (كانت كدور عينيها فجناب كتسترجع ذكريات طفولتها فهاد لبلاصة ، هزات عينيها او بانلها راجل ايكون فستينات ديالو لابس جلابة كيف عادتو كتنطابق عليه مقولة الى مشى الزين ابقاو حروفو ، كيتمشى بشموخ عكازو فيد او تسبيحو فيد خرى ، دموع تجمعو فعينيها وهي كتشوف خالها عبد الهادي قدامها ، 5 سنين هادي مشافتو توحشاتو او توحشات حنيتو عليها بلاما تشعر سبقاتهوم فلخطاوي مرددة بصوت مسموع) خالي

عبد الهادي : (هز عينيه ملي سمع كلمة خالي ، لاقي قدامو طفلة كانت كلما تشوفو تجري عندو وهي كتقول حالي حالي ، قدامو بنت صغيرة كانت تشد فجلايل جلابيتو من بين خوالها كاملين او هو كيضحك بفخر حيت ختارتو هو ، نفسها ديك لبنت جاية عندو دابة كتبتاسم او دموعها خانوها ، 5 سنين مشافها 5 سنين او قلبو محرقو عليه) لغالية

لغالية : (ترمات فحضنو خاشية راسها فعنقو او طالقة دموع الشوق ، عنقاتو تعنيقة لي مدارتش لباها وعلاش لا او هي كتلتامس فيه دفء أو لحنان ، من دون خوالها كان عبد لهادي هو لعزيز فيهوم بزاف هو لي كان الصيف ميحلالو او مستعمل فيه تا تجي دوزو معاهوم ، كان لمرات توصل بيه اطلع ايجيبها بنفسو او ياخدها من عند باها باعلى يݣزيها ليه) خالي

عبد الهادي : (بعد عليها كيدقق فيها الشوفة ماد يديه كيتلمس وجها بحنية) بنتي لغالية رجعتي

لغالية : (مسحات دموعها او ضحكات) واه رجعت اعمي

محسن : شهادشي الهادي غا شتي لغالية نسيتينا ولا قول حنا وجه تمارة

عبد الهادي : نتا بضبط متدويش أدحش ختك رجعات او معلمتينيش

لغالية : انا اخالي لي وصيتهوم ميقولوها لحد بغيت تا نجي نشوفك براسي

عبد الهادي : (ضحك ليها) احسن ما درتي ، يالاه ندخلو غتكوني عييتي او زيد عليها خوالك غيبغيو ايشوفوك راهوم توحشوك

لغالية : (دخلات معا عمها لداخل صادمة لعئيلة كاملة برجوعها او مفرحاهوم ، اعنقو فيها او يبوسو)

عبد الهادي : (بدا كيعيط لولد خوه) السيمو وا السيمو

السيمو : نعام أعمي

عبد الهادي : (دوا بفخر) سير قول لدراري عيواض بقرة ادبح جوج بنتي لغالية رجعات

محسن : طلعات بقرة هبطات بقرة منتافكش معاك أعبد الهادي الى مدبحتيليش بقرة فعرسي

عبد الهادي : سير تا تلقا لي تقبل بيك ياوندبح ليك جوج

محسن : ههه أشهدو يا الناس هوا لي قال جوج ماشي انا ايوا أخالينو غا شريليك شي جوج عجولة علفهوم راني قريب نمشي نخطب

تيزة : (مرة عبد الهادي) لاتقولهاش اوليدي تا غتخطب

خير الدين : باش تشوفي فيك اخالتي سيد زارب عنا

تيزة : تا والله تا نزغرة (طلقاتها بواحد مولاتي تزغريتة فاعلة تاركة) مبروك اوليدي الله اكمل عليك بلخير ، ونتا اوليدي خير الدين الله الاقيك ببنت الناس

غيتة : (بنت خال لغالية) بنت الناس ها هي قدامو رجعات بعد هاد سنين كاملة نزوجوهوم قبل متمشي عاود

لغالية : (عارفاها مقصداتش تاشي حاجة خايبة من كلامها حيت منين كانت صغيرة كيقولو لغالية تاخد خير الدين ، ولكن هي مكانت دير فبالها والو) الله يا لحبيبة وقداش قلتيها نتزوج على راجلي

غيتة : راجلك ؟ علاه نتي مزوجة ؟

لغالية : معلوم راني مزوجة

خير الدين : (مكان فخبارو والو بحال لوخرين) مزوجة ؟ من إيمتا بسلامة وعلاش تا حد فينا مفخبارو

لغالية : خمسنين هادي باش تزوجت كان يسحابلي قالتهالكوم مي

عبد الهادي : (خبط عكازو معصب) بنت لهم قالت بلي بوك صيفطك لشي داخلية ، ولكن غا بلاتي تجي او نتحاسبو مزيان

تيزة : (بغات تلطف لجو) خليونا بدا من هادشي او يالاه ابنيتي نديك لبيت فين ترتاحي

لغالية : واخة اخالتي (طلعات معاها لغالية لبيت بدلات عليها بواحد لكيطمة طويلة بلفنيدي ولكحل ، تكات شوي عاد عاودات هبطات عندهوم لتحت او هي كدور فعينيها) فين خالي عبد الهادي ؟

حميد : (خالها لاخر) ييه مبنالكش حنا بانلك غا خالك عبد الهادي فاش تسولي معمرناش ليك لعين ولا شنو

لغالية : (قرصات خالها من حنكو) اخليلي لمغيار ديالي ولكن خالي باغة ندوي معاه

تيزة : سيري غتلقايه فجنان تاع تفاح كيتمشا

لغالية : واخ غنمشي عندو (خرجات من الدار بزربة هازة طيليفونها او مشات كتقلب عليه بين شجر تاع تفاح تا لقاتو كيتمشى بوحدو بعكازو ، قربات عندو شادة فيه او كتمشا معاه ) شنو مقلق خالي

عبد الهادي : لفقصة دمك كادبة عليا هاد سنين كاملة مخلياني نسحاب راك فشي داخلية كتقراي او هي مزوجاك او بلى خبارنا تا عرسك محضرناش ليه او مكبرناش بيك فيه

لغالية : متقلقش اخالينو راني مدرتش لعرس اصلن تا حد مكان عارف بهاد زواج ، سليمان كولشي دوزو فسكاتي

عبد الهادي : ياكما بزز عليك تزوجتي ؟

لغالية : (كتفات بسكات)

عبد الهادي : (تشوكا او حس بشعر دراسو وقف عليه) لا حول ولا قوة الا بالله قليل لعفة على قبل جوج حروفة فلكارني ايديرليك هاكدا والله ماندوزها لمكرد تاع بوه هو وديك لمدلولة دمك

لغالية : ماديرش فبالك اخالي راني عايشة بيخير او حسن من قبل

عبد الهادي : شنو سميت راجلك او فاش خدام او شحال فعمرو منين هو او شكون باه

لغالية : (تبسمات على لقلق دخالها عليها) شنو بانلك نصوني عليه او تدوي معاه بنفسك او تسولو باش يرتاح خاطرك

عبد الهادي : دابة صوني عليه

لغالية : واخة واخة (شدات طيليفونها او صونات على اكسيل كميرة) السلام

اكسيل : (مكان لابس والو من لفوق او عاد خارج من لحمام ، صدرو لمبندر كيبان او شعرو فازك او مخربق ، حط طيليفون قدامو او بدا كيدوي معاها وهو كيدير شي حسابات) وعليكم السلام وصلتي

لغالية : واه وصلت او خالي باغي يدوي معاك او يتعرف عليك

اكسيل : مرحبا

لغالية : هاني غندوزو ليك ، خالي شد هاكدا (مداتليه الطيليفون)

عبد الهادي : (شد من عندها الطيليفون او دوا معاها بجدية) سيري لهيهة قطعي ليا شي تفاح طايب

لغالية : (عرفاتو بغا غا ليصدرها) واخة هاني غادة

عبد الهادي : (تسنى تا بعدات لغالية عاد شاف فلكميرة لاقي راسو مقابل معا راجل باين من لملامح ديالو بلي عندو غا معا نيشن نيشن ، حنحن عاد دوا) احن السلام عليكم

اكسيل : و عليكم سلام اسي عبد الهادي انا إكسيل آيت اوسو راجل لغالية

عبد الهادي : متشرفين اسي ..

إكسيل : إكسيل

عبد الهادي: متشرفين اسي اكسيل ، بلاما نطول معاك فلهضرة زواجك بلغالية يالاه سقتليه لخبار داكشي علاش قلت نتعرف على راجلها او نقوم بداكشي لي مقامش بيه بوها

إكسيل : من حقك منقولش ليك لا شنو باغي تعرف عليا

عبد الهادي : عمرك ، خدمتك ، اصلك ، كنتي مزوج مطلق من قبل عندك دراري معندكش ، شكون باك

إكسيل : عندي ستة وربعين عام فايت لي مزوج او مطلق او عندي تلاتة تاع لولاد جوج دراري او بنت كبار على لغالية ، انا من خنيفرة لواليد ديالي عندو بلادات تم كيخدم فداكشي تاع لفلاحة ، ونا مخالطها شوي فلاحة او شوي محلات او قهاوي

عبد الهادي : (طال سكاتو) باينة فيك مكبراك مرا حرة او والدك راجل ، داكشي علاش غنسولك حاجة وحدة هو علاش تزوجتي بنت فعمر ولادك او صغر كاع زيد عليها كانو غا مبززين عليها هاد زواج شنو لي خلاك تقبل

إكسيل : نتا براسك قلتيها اسي عبد الهادي عندي ولاد او بنت او عارف بحقها او معزتها ولداتني مرا ، عرفاتني بحقها او عزها داكشي علاش معطاتنيش خاطري نشوف فبنت صغيرة بحال لغالية مليوحة فزناقي بين دياب ، او حيت مهيا بنتي ولا ختي ولا تا بنت خالتي نقول نحطها بين ولادي وعئيلتي ، داكشي علاش درتها على ذمتي او خليتها مني او فيا

عبد الهادي : ملي هادي كانت غايتك علاش باقي مخليها على ذمتك تاب دبا علاش مطلقتيهاش من بعد مهدات لومور

إكسيل : كيما قلتليك تزوجتها باش نحميها من بوها ولكن شندير لقلب ميشاور ونتا ادرا بكفاش لغالية كدير بلاصتها او تعمر لقلب ونا على فراقها مقديت ، عطيتها راي او خليتها تختار بين تمشي ولا تبقى او هي ختارات تبقا

عبد الهادي : (عجباتو صراحتو) مقلتي عيب اولد الناس غا هو لي نقولك لغالية الى كانت رخيصة عند باها تا باعها ، عند خوالها ساوية مال الدنية وما فيها متباع متشرى ، كون راس او ديرها تاج فوقو باش نكونو معاك حنا رجال ، او متكونش رجلين او ديرها جفاف باش منكونوش معاد شماية ، عبد الهادي غالية وحدة لي عندو تقاس شعرة منها تبات متصبح

إكسيل : (ضحك بجنب) غا لهبيل لي كيخور عينيه بعود أعبد لهادي او غا قليل لعقل لي يفرط فروحو

عبد الهادي : عارفك مراكش هبيل ولا قليل لعقل غا هو الذكرى تنفع لمومنين خليتك على خير (قطع على اكسيل او مشا عند لغالية) هاكي ها تيليفونك

لغالية : (خدات من عندو الطيليفون) أمضرى دويتي معاه ، راجلي زين ياك اخالي

عبد الهادي : (شاف عينيها ضواو على سيرتو او غا كتفرنس غار شوي) ماشي شي زين انا حسن منو

لغالية : شوف اوكان

عبد الهادي : او مالك باش فايتني بدوك لعينين ملونين كون ندير ليلونتي فين ابان قدام ، ازايدون لعنين لكحلين مكاين محسن منهوم

لغالية : ههههه احياني عليك اخالي غا ملي قلتي هاد لهضرة هي عجبك

عبد الهادي : خليك مني انا دبا او قوليلي كيف كيعاملك باينة فيه قاسح

لغالية : وا هو الصارحة تقال طبعو صعيب شوي ولكن غالي مكيعرفوش ، حاطني فعينيه كيخاف عليا من الريح ، ولي بغيتها تحضر قلت دار اشري جوج ، قلت طيليفون اشري عشرة يدو مطلوقة مكيتحاسبش ، معقول ولي فقلبو على لسانو مرتاحة معاه اخالي او عايشة حسن من عيشتي معا با

عبد الهادي : غا ملي مزيان معاك تا حاجة مكتهم لا عمر لا شكل ولاد الناس قلالو فهاد زمان ، ولي خاصك ديري فبالك خوالك موراك ميخطاوكش

لغالية : (عنقات عبد الهادي) عارفة لي كاين اعمي

عبد الهادي : نرجعو لدار ولا نزيدو نتمشاو شوي

لغالية : خلينا نتمشاو شوي باغة نمشي نشوف جيهة لبكر

عبد الهادي : باغة تشوفي لبكر

لغالية : هههههه معلوم نعقل اخالي شحال بكيت ملي ماتت ديك لعجلة صغيرة او باش تسكتني مشيتي صباح تاع غدليه شريتي ليا عجلة بحالها او سميتيها لغالية هههههههه (نفاجرات بضحك على راسها) كنت هبيلة هههه

عبد الهادي : عارفة راسها هبيلة

رجعات لغالية هي وخالها لعند لوخرين ݣلسو معاهم او بداو كيتجمعو او يتعاودو تا طاح الليل عاد مشاو انعسو بلاما يصدعو تا راسهوم إوجدو شي حاجة فهاد لعرس ، من عادت خوالها فاش كيكون شي عرس كيجيبو طريطور هو لي يتكلف بكولشي من صغيرة تال لكبيرة ، غا باش يبقاو عيالاتهوم مرتاحين فهاد لمناسبة او ممعدبينش راسهوم فشقا وتمارة

#فصباح#

فاقت لغالية بكري او دوشات ليها واحد تدويشة خفيفة ، عاد لبسات واحد لقفطان شيبي مخدوم بالراندة لملونة او لعقيق بلحزام جا معا فورمتها هو هاداك ما مطرطر عليها ملاسقها ، دارت معاه فولار كحل معا مشاية عالية بنفس اللون ، دارت لپارفان ديالها او خلات وجها بلاما دير ليه والو ، لبسات ذهبها لي كان عبارة على سرتلة تاع 12 او سنسلة طويلة فيها تعليقة كبيرة ، عاد كاين فيديها جوج خواتم كبار او واجنين واحد تاع لويزة او لاخر على شكل مصحف (لغالية كيعجبها ذهب تقليدي او لقديم لي كيكون كتير او عامر خصوصا ملي كتكون فحضور ضاروري تسنسل دهوبات), نزلات عندهوم كتمشا بالنشوة

حميد : شهاد الزين شهاد لحياحة على صباح

لغالية : (بتاسمات بخجل)

تيزة : فين إيناس باقي موجدات نقاشة راهي جات او كتسنا فصالون

إيناس : (لعروسة ، هابطة بواحد لقفيطين قفازي بيض او شريبيل فرجليها ، شعرها مضفور بلورد او لجوهر لقديم , تا هي مدايرة والو لوحها مخلياه هاكداك أصلن مكانتش تحتاجو ) هاني اماما هاني

لغالية : (هي ولبنات غا شافو ايناس هابطة عطاوها لسلام او زغاريت) صلا و سلام على رسول الله ، إيلى جا سيدنا محمد الله معا الجاه لعالي ياي يايوي ، صلا و سلام على رسول الله ، إيلى جا سيدنا محمد الله معا الجاه لعالي ياي يايوي ، صلا و سلام على رسول الله ، إيلى جا سيدنا محمد الله معا الجاه لعالي ياي يايوي (هههههه بكترت ما عئيلتنا متعرسش غا من قرن لقرن تنسالي سلام دوزت نص ساعة باش نتفكرو او لموشكيل عندي فيه لأخطاء ههههههه)

دخلو ݣاع لبنات لصالون لاقيين 3 تاع لبنات تما مخلطين لحنة او موجدين كولشي ، تستفو لبنات فوق سدادر مخليين لعروسة لوسط فلݣلسة ديالها

تيزة : (كتدوي معا نقاشات) بغيت ابنياتي الله يرضي عليكوم تحنيو لݣاع لبنات لي هنا ، او تهلاولي فلعروسة

يسرى : (دخلات عليهوم هي ونهيلة) ونا احالتي مغتوصيهاش ديرلي طا انا حنينة

تيزة : (مشات جرات عند نهيلة و يسرى هازاهوم عندها كتبوس فيهوم او تعنق) علاه انا نقدر منوصيهاش ، لبنات بغيتكوم ديرولي حنينة زوينة لفنيونات دياولي

مريم : السلام عليكم (دخلات عليهوم هي وكلتوم او فرح او سعاد)

تيزة : (سلمات عليهوم وحدة مور وحدة) كي دايرين لاباس

كلتوم : حمد الله هاد الساعة ، بنتي إيناس مبروك مدرتي

إيناس : الله ابارك فيك اعمتي

فرح : لغالية مقلتيناش غتجي

لغالية : (سلمات عليهوم وحدة بوحدة) جيت معا خالتي منى

كلتوم : (ݣلسات حداها شادة ليها فيديها) كي دايرة أبنتي لباس عليك

لغالية : (بتاسمات ليها فوجها) حمد الله اماما ، مريم لباس

مريم : (كان باين فيها لعيا او لخاطر معندهاش) حمد الله نتي كيف غادة مزيان

لغالية : انا مزيان (قربات عند مريم او ربتات ليها على يديها) مديريش فبالك كولشي دايز او مبقا قد مفات

نهيلة : عمتي لغالية سوفي لكسوة ديالي

لغالية : أنشوف أنشوف آح شحال زوينة ملي تصغار عليك عطيها ليا صافي

نهيلة : (كانت مضحك تا بانولها سنينات صغيورين ديالها او تقبة دزين لي عندها بحال تاع ياسمين)

لغالية : (تلاحت عليها بلبوسان) آح اخليلي الزين اخليلي ضحيكة

يسرى : عمتي مزاش معاك لازلك

لغالية : لا حبيبتي مجاش معايا

يسرى : عمتي

لغالية : زين ديالي

يسرى : كلتيلي ديك نهار طعطيني لي بغيت ياك

لغالية : نتي غا طلبي ونا نغامر

يسرى : (ضحكات براءة) عطيني لازلك عزبني

لغالية : (شدات فمها) شوفلك السيدة طمعاتلي فراجل

يسرى : عينيه زويني عجبوني

لغالية : (نفاجرات بضحك هي ودوك لي معاها فلبيت) ههههههه ياك اشويطينة باغة تخليني انا بلاش محشمتيش

غيتة : هههه علاه نتي شتي راجل عمتك

يسرى : واه سفتو

ايناس: واجي قولينا كي داير آجي راه لغالية كارزة عليه او حنا ضرنا راسنا

لغالية : معلوم أختي نكرز عليه بغاني نبقا بلاش

يسرى : (تحمسات) أنا أنا عنكولك كيف داير ، دبا هو طويل ياك او سعلو لطب او ليحتو زوينة او عينيش حضلين ولا زركين معلفتس او عندو فلوش

لغالية : ياختي على بنت أحفضتيه

غيتة : لغالية متحونيش زقرامة او خلينا نتشاركو فيه

مها : تي كوني تحشمي ديري غا بحساب باين داك تيلال لي فكرشك

غيتة : الزين امي حبو مولانا

لغالية : أختي بازاك لعرق تاع زهو باقي شادك

غيتة : ايوا الله اخلينا فسباغتنا ، ونا غا داوية الله اخليلي سيدي أسامة

نقشو لبنات يدياتهوم فجو تاع الضحك او تقشاب

منى : مازال دوك لبلانات شوية مسلمين جي تشوفي سيمو مسكين نهار عرسو حرموها عليه كل مرة فاتح عليه واحد لباب

لغالية : (طلعاتها لحمورية) مالقيتي اخالتي فاش تفكرينا غا داك نهار لفضيحة تفو

هاجر : (مراة السيمو نفاجرات بضحك ملي تفكرات شنو وقع) هههههه مقلتها تا انا لي حرمتوها عليا ديك الليلة ، باقي نعقل كنا يالاه سالينا صلى او مشيت بدلت عليا حدو بدا كيقرب باغي يبوس تفرع عنا لباب بلخلعة ضرنا لقينا غيتة او لغالية واقفين عنا ، مسكينا لغالية كانت باقة صغيرة شوي مرݣات او حمارت او تلفات ماعرفات مادير بلخلعة تعكلات كانت اتجي على كمارتها ، أما لالاهوم غيتة الصدمة او لفضول تخالطو ليها بغات تقول كملو شكاديرة بحالي مجيناش ، لقينا سيدة كتقول شكاديرو بلا بينا هههههههه

غيتة : (طاحت لأرض بضحك او هي شادة كرشها) أي دبا فولد بلى وقت ههههههههه واش اعباد الله كاين لي يدخل لبيت العب ماتش او هو مسادش لباب بساقطة ، من زهرك جينا ونتوما باقي محميتو طرح ايما كون ݣاع ملعبتو داك نهار

هاجر : علاه من موراكوم رجعنا لعبنا ديك ليلة ؟ سيمو غا كيقرب كيتفكر الطيحة دلغالية كينفاجر بضحك

لغالية : شكون بحالك حيدنا منك لخلعة او ضحكناك ، تا من سيمو دار خمسة دساقطات لبوليس او ميحلوش عليه لباب

تيزة : بنياتي ساليتو لحنة او نشفات ايوا طلعو وجدو راسكوم راه ل5 دلعشية هادي حباب لعريس جايين او جايبين معاهوم دهاز او بغيتكوم ترحبو بيهوم

لغالية : (بحال لبنات لوخرين فرتات حنتها او طلعات لبيتها تبدل لاقية تما مريم كتنعس فيوسف ، دوات معاها بهمس) واش نعس

مريم : واه سمحيلي جيت لهنا لبيوتة لوخرين سخان بزاف ديالتك لي مبردة

لغالية : معليش (قربات عند يوسف باستو) آح علحبيب ديالي ، باقة مبدلتيش عليك قريب اجيو حباب لعريس

مريم : لا أنا مغنزلش دبا باغة نعس او خاصني تا نرد لباب معا يوسف لايفيق تال ليل او نهبط

لغالية : نتي تعرفي ، واشي بيك شي حاجة ؟

مريم : لا والو انا مزيان

لغالية : متأكدة ؟

مريم : حاست بقلبي مقبوط عليا شوي او صاف يمكن لطونسيو لي نزل ليا

لغالية : مديريش فبالك ، باقة كتشربي دواك ياك

مريم : كنت غنكون واقفة دبا على رجلي كون مشربتوش

لغالية : هاكداك تبعي دواك صحتك اولى ليك من كولشي انا غنمشي نبدل عليا

هزات حوايجها او دخلات لحمام لابسة عليها ديك تكشيطة لي شرات برمادي ولي كانت بلموبرة لمكفحة منبتة بلعقيق او لحج او مطروزة فنقري ، جات معا لغالية كتحمق دارت معاها شدة تاع لمولار بلكحل معا شبكة مسقلية بلفضي باش تهرس داك لكحل عاد طالو فرجليها ، لماكياج لي دارت خفيف بزاف ماسكارة او ݣلوز رشات عليها ريحتها او لبسات واحد جوج براسيات فيديها معا خواتمهوم او سناسل مبرومين فعنقها ، خدات طليفونها تصورات منو او سيفطات لإكسيل تصاور كيف لعادة عاد تمت هابطة عندهوم لتحت

تيزة : (جات جيهت لغالية هازة الصينية فيها لحليب او تمر) الله احجبك ابنيتي او يحفضك من لعين جيتي زوينة

لغالية : عينيك اخالتي لي زوينين

تيزة : شدي عافاك أبنتي هاد الصينية او سيري وقفي حدا خالك ضيفي ضياف لحليب او تمر

لغالية : (شدات من عندها الصينية) واخة اخالتي

مشات لغالية واقفة حدا خالها لي كان كيرحب بضياف هو وتيزة مرتو ولي داز من حدا لغالية فدراري اسها او ياكل تمر ، ولكن على خلاف دوك دراري كاملين كان واحد فيهوم عاطي لعين كتر طويل او مݣلضم سميمر او شعرو كحل ، سنانو مستفين او ملامحو هادية ، لابس سروال تاع التوب كحل معا توني او فيسة تاع لكوستيم لي كانت بشكل عصري ، تقدم لداخل تاع الدار او فجنبو لعريس سبقو عبد الهادي هو لول سلمو عليه عاد تيزة عاد وصلو لغالية خداو منها ضيافة

عبد الهادي : (دوا معا لعريس) ولدي رفيق نقدمليك بنت ختي لغالية

رفيق : متشرفين

**** : (كان مد يديه باش ياخد من الصينية تمر بلاما تهز فيها عينيه ولكن ملي سمع سميتها جاه لفضول اعرف مولاتها ، او للحضة قصير تلاقات فيها عيونو معا وجها ، ديك اللحضة صغيرة كانت كافية تخليه احفض ملاميحها نيفها لي صغير او مقاد بشرتها لحنطية او عينيها صافية ، تبسيمتها لهادية او حضورها لقوي ، كان خليط سام او فتاك بحال شي قطرة دلما اوسط الصحرة ، ولا حتى نبيذ راقي ولا مخدر كيصيبك من أول مرة بلإدمان ، دغيا حيد عينو عليها او كمل طريقو لداخل معا صاحبو)

غيتة : (ضربات لغالية لكتف) شتي أختي زين كيف عامل أيما لحبيبة انا لي زربت انا

لغالية : شمن زين هادا لي تلفك ؟

غيتة : ويلي ديك جولة او تجريدة كاملة مبانتلكش

لغالية : (مكانتش أصلن دققات فيه الشوفة ) مرديتش ليه لبال مزيان

لغالية : (مشات دخلات لصالون فين مجموعين لعيالات هي ومنى او تيزة ، كتمشى بالنخوة مخليا ݣاع نسا لي تما متبعين معاها ، مشات ݣلسات ليها واحد لقنت دايرة رجل على رجل كي لقايدة)

تيزة : مرحبا بيكوم

ماين لعريس : ارحب بيك لخير أختي تيزة فين لعروسة مغتجيش نشوفوها

تيزة : هاهي غتجي غا كتوجد راسها وصاف

قبل مدخل لعروسة تسمع صوت دقايقية او سرباية بداو كيدخلو فصينيات تاع دهاز لي كان دهاز مشارجي من كولشي دال على لمكانة تاع أهل لعريس او سخاوتهوم معا عروستهوم

لغالية : (ملي شافت إيناس داخلة حلقاتها بصلى وسلام او زغاريت تابعينها لبنات) صلا و سلام على رسول الله ، إيلى جا سيدنا محمد الله معا الجاه لعالي ياي يايوي ، صلا و سلام على رسول الله ، إيلى جا سيدنا محمد الله معا الجاه لعالي ياي يايوي ، صلا و سلام على رسول الله ، إيلى جا سيدنا محمد الله معا الجاه لعالي ياي يايوي

ايناس : (دخلات عليهوم بواحد لبسة خضرة تاع لحنة معا الشدة تاع الزيف او التاج او دوك لمسائل لوخرين ، او نݣافات حداها معاونينها تمشي تبرز)

ماين لعريس : (مقداتها فرحة بعروستها) بسم الله او قل اعوذ برب الفلق من شر ما خلق الله احفضك أبنتي او ينجيك من عين بنادم

بداو دوك لأجواء تاع لعرس ها لغاشي ها لمسيقة ناس كضحك او تجمع

غيتة : (شافت عمة لعريس وقفات او تقدمات لجيهة دهاز ، قربات عند لغالية او همسات ليها) ديك لعقيسة هي عمة لعريس واحد لفعة منها مكان حاسبة فراسها غا هي لي كاينة منهار عرفات رفيق خطب ايناس او خلى بنتها وهي هازة شوكتها عليها او مخصرة عليها فرحتها او دبا يعلم الله شغادير

لغالية : (غا حاضية وساكتة)

عمتو : (باينة فيها بنت لقاع او لباع او قلت صواب ، مستقلة دهوبات او كتدوي بفخر) من عادتنا نقولو داكشي لي جبنا لعروسة فلعرس او كلى كاضو مناش جا ، نبداو على بركة الله هادا الساري جاي من بلجيكا كاضو من بنت عم لعريس ، او هاد جوج تواب تاع حرير الدودة جايين من لهند كاضو من مرة خو لعريس ، هاد السرتلة جاية من عمتو ……

لغالية : (بقات حاضياها او هي كتفايش بداكشي لي جابو او عاجبها راسها ، ولكن حلفات لخلاتها فيها تسناتها تا سلات او وقفات متقدمة عندها تا هي او واقفة بتيقة) الله اكتر لخير او واخة ماشي من عادتنا نتفايشو بلي جبنا ولكن ملي وريتونا شجبتو لازمنل نوريوكوم حنا شجبنا ، حيت فلأخير لعروسة ماشي أي وحدة لعروسة بنت من بنات لحاج عبد لهادي ، نبداو على بركة الله پرطمة مفرشة فسونطر تاع مراكش جاتها كاضو من عمها صغير ، او طونوبيل ميرسيديس آخر مكاين من خالها زهير ، فدان ديال لأرض بلعبة ديالو جاها كاضو من خوتها ، او كتر من 25 توب بين جلالب او لقفاطن او تكاشط لمخدومين بليد جاوها من خوالاتها او عماماتها ، فيلة على جنب لبحر جاتها من باها او مها او هاد لمضمة من عمتها كلتوم او ….. ، عاد كاين (جبدات لوصومبل او لبراسلي لي شرات ليها حطاتو قدامهوم او حيدات دوك جوج لي كانت لابسة هي معا خواتمهوم) او اصومبل او تلاتة تاع لبراسليات تاع ذهب لقديم جاوها من عندي انا بنت عمتها

تيزة : (عجبها لحال فداخل ديالها حيت برداتلها خاطرها فيهوم)

لغالية : او هاد لأغنية فخاطر لعديان لي معاجبهوم حال (غمزات غيتة او خلاتها طلق) ما هو جاري مقريب لدواري ألمحبة لي جابتو ابنيا

رجعات لغالية ݣلسات فبلاصتها مستمتعة بلأجواء لي حماو بعدما فاتت تمنية دليل كولشي نايض اشطح من غيرها هي لي ݣالسة وسادة راسها غا بدرع ، لحاصول او منقول ليكوم لالاهوم لغالية ضربات كلام اكسيل معا لحيط او غا سمعات لمسيقى تجهدات او بنات خوالها محميينها او غا كيزيدوها تنوض مابقات قادة تصبر

لبنات : لغالية يالاه نوضي تشطحي راحنا غا بنات بيناتنا

لغالية : ياربي تسمح ليا او متسيقش لخبار لإكسيل حيت غيدبحني الى عرف ولكن راه لغالب الله الدودة لي فيا ماتشاور (ناضت من حدا خالتها منى او حزمات طرمتها بواحد موزون مخلية الزيف فوق راسها) سير عالله

ايوا ياخوتي لالاهوم لغالية لوزات او شطحات مخلية ݣاع لبنات لي تما شادين لقنة او مخليينها تما كيف الشيخة تردح مفقصة عديانها او مهازالهوم هم ، فرحانة او مندامجة معا لموسيقى مراداش لبال لدوك لعيون لي محطوطين عليها مكيتحركوش ، مولاهوم لي كان واقف من بعيد داز بالصدفة وشاف انعكاسها فلمراية كتشطح ، سها فيها او فضحكتها منين جا لهاد لعرس ، صورتها ممشاتش من بالو ، ضحكتها خلات قلبو يخفق بلاما يشعر ، أو فنفس هاد لأجواء لمليءة بلفرح او النشاط كانت أم مقبوط قلبها على بنتها او وحدة خرى غارقة فدمها كتصارع لموت بوحدها

بعد نهار كامل تاع لخدمة جا مسخسخ باغي يموت بنعاس ، دخل دوش او بدل عليه عاد مشا طيبليه لعشا وهو كيحضي طيليفونو كانت قريبة جوج يعني قريب تصوني عليه ياسمين كيفما موالفة كولا ليلة فهاد شهر ، ولا متعود على لإتصال ديالها واخة يكون مايت بنعاس او عيان خاصو تا يدوي معاها عاد ينعس ، مينكرش أنو فهاد شهر قدرات تحرك شي حاجة لداخل واخة احاديثهوم كانت كتكون بعيدة كل لبعد على الرمنسية ، ديمة كتعاود ليه على لمجرمين او لحباسة او زبايلها ، كمل عشاه او رجع لبيت كيتفرج فواحد لفيلم تا سالاه

جود : (رجع شاف فطيليفونو لقا بلي وصلات 3 نص او باقي مصوناتش ممولفاش ليها تعطل هاكدا او مقدرش اصوني خاف لتكون لحراسة مشددة عليها فلحبس ، مشا تخشا فناموسية كيتسنا تا عيا او داه نعاس او هو مشطون)

#عند ياسمين#

شهر آخر داز عليها او هي فلحبس لمضاربات او صداعات عطاتهوم تيساع او تلاهات غا معا جود تصوني عليه او تصدعو كل ليلة ، او كيف لعادة رجعات لزنزانة لجماعية ديالها بعد لفطور ، ضاربة فداك طرح لكواء لمعتاد أمينة شادالها واحد لبنت زبطات بجوجات او كيتباوسو وحدة خاشية صبعانها ففرج لوخرة

أمينة : (كانت كتلهت او عايشة النشوة او ملي شافت ياسمين دوات معاها بطريقة ايحائية) أح ، أي ، الز…ين آجي نمتعك والله

ياسمين : (تقززات من لموقف او لأصوات لي كيديروها ، طلعات لبياصها سادة ودنيها علاما يساليو) بغيتلك جدام

لبنت : (لي كانت لاعبة معا أمينة داك لماتش لكوائي ، بقات تبوس فصاحبها تا جابو بجوج عاد تباعدو كيلهتو ، لبسات كسوتها او قربات عند أمينة بايساها من فمها ) نموت فيك أنا

أمينة : (غا كتشوف فياسمين)

لبنت : (غارت من ياسمين حيت أمينة كتشوف فيها او مدياهاش فيها هي لي حداها ، زادت قربات عند أمينة او دوات بتحلوين) حياتي انا لي غندومليك حيت أنا لي كنبغيك اما هاد ياسمين غا خوي راسك منها راها مضبرة

أمينة : (تعصبات او شداتها من فمها كارز عليها) كفاش ضبرات أدوي كفاش

لبنت : دايرة راسك معارفاش ياك كولة ليلة كتبات كتدوي معا فطيليفون زعما كتدوي معا مها بليل قيام الليل ؟

أمينة : (زادت زيرات عليها) الى مكنتيش متأكدة متدويش سمعتيني

لبنت : ياك ايوا بزولتها لي مكتوبة فيها سميت جود شنو تقولي عليها

أمينة : (بغات تدخلها تسطية) لا لا ميمكنش هي ديالي انا ، أنا

لبنت : (شدات أمينة من يديها ممخلياهاش تنوض عند ياسمين ) ݣلسي خليك تا تشوفي لكتابة بنفسك او دوي راه ليوم نوبتنا فتدواش

أمينة : (رجعات ݣلسات او شعلات لݣارو كتكمي مفقوصة او غا كتبرݣم ) و الله لا كنتي لغيري برب لا فرح بيك شي حد

ياسمين : (بقات متكية لعشية كاملة تا وصل وقت لحمام او ناضت هزات حوايجها او مشات تدوش ، حيدات حوايجها تا بقات غا بسليپ او عمرات سطل بلما وهزات سطيلة كتخوي على راسها لما تا سالات تدواش عاد مشات لبسات حوايجها ، ولكن قبل مترجع لزنزانة ديالها تا تغفلات او تشدات من شعرها مجرورة اللور)

أمينة : (ردات لبال لسميت جود لي مكتوبة تما ، جعرات او مبغاتش تسرط ليها بلي ياسمين معا شي حد آخر بقات حاضياها كتحلفهوم فيها ، تسناتها تا لبسات هي تمشي تجرها من شعرها) شكون هاد جود أدوي

ياسمين : (كانت كتحاول تفك منها ) طلقيني الخرا شغلك فشكون جود

أمينة : (زادت زيرات على شعرها ) شغلي عاد حيت نتي ديالي ديالي أنا

ياسمين : (تفكات منها او ضارت بغات تمشي بحالها ممسوقاش لأمينة او مباغاش تا تجبد معاه صداع)

أمينة : (زادت تجننات او ضبابة نزلات ليها على عينيها)

ياسمين : (كانت خارجة من لحمام مدامياش بشنو جايها من اللور ، أو فلحضة حسات بآلة حادة مختارقاها من اللور او مسبقة ليها ألم كبير فجيهة لمسارن)

أمينة : ( غفلات ياسمين او ضرباتها بواحد لموس كانت مدخلاه بتخبية ، مكتافاتش عند هاد لحد انما زادو حضور فيه فضهرها قبل متبعد عليها) و الله او متكوني ليا ماتكوني لغيري

ياسمين : (طاحت على وقفتها شادة كرشها لي ولات غا دمايات ، حسات بلموت قدامها نفس لألم او نفس منضر دمايات غا هاد لمرة كانت فبلاصة مختالفة ، نفس احساس ضيق النفس او لفشل بدات كتحس بيه او للمرة التانية كتشوف راسها قريب تفقد حياتها)

لحبس ترون لغوات او لخلعة تا دخلو لحراس افكو الجوقة او يهزو ياسمين لي فقدات لوعي ديالها بسبب فقدانها لبزاف تاع الدم ، داوها لسبيطار تاع لحبس ولكن معا لأسف حالتها كانت خطيرة بزاف داكشي علاش ضطرو أنهوم انقلوها لسبيطار لكبير فكازا ، هادشي كامل او تا حد فعئيلتها مساق لخبار لهاد لحادثة ، تا من ناصر مقدش اصوني على اكسيل اقوليه بلي ياسمين تضربات حيت غينوض عليهوم لعجاجة ، داكشي علاش قال اضرب طم لبنت أتبرا او ترجع لحبس بحالا تا حاجة موقعات

ياسمين وصلات لسبيطار او هي ماشي فوعيها بتاتا ، طبيبة غا شافتها فديك لحالة دخلاتها لغرفة لعمليات فلبلاصة

#بعد 5 دسوايع#

عاد سالات لعملية تاع ياسمين ولي فلتات منها بأعجوبة حيت كانت الضربة على شوية تقيس ليها لكلاوي ، هادا بلى التمزق لي وقع ليها فلمسارن

طبيبة : (كتدوي معا ناصر) حاليا راها تخطات مرحلة لخطر ، خيطنا ليها لمسارن من زهرها متقاسوش ليها لكلاوي ، او واخة فقدات بزاف تاع دم قدرنا نعتقوها ، حاليا راها فاقدة لوعي ديالها فلعشية غتقدر تستعيدو ، او من لأفض تبقا فسبيطات تحت لمراقبة

ناصر : يمكنا ادكتورة نقلوها لسبيطار لي فلحبس حيت فلأخير كتبقا سجينة

طبيبة : لحالة ديالها مكتسمحش ليها تنقل من بلاصة لبلاصة ، او شت تا واحد من عئيلتها مكاين

ناصر : حنا غنتكلفو بعئيلتها ادكتورة

#بعد 3 أيام#

جود كان فهاد تلتيام باغي يحماق كيصوني عليها والو طافي طيليفونها كيمشي يزورها او يقولو ليه كل مرة يامابغاتش تشوفو يا ممنوعة عليها الزيارة ، لموهيم دخلو شك او حس بلي شي حاجة ماشي تالهيه تما ، خرج كيف لعادة من لمحكامة راجع لدار تا بدات كتصوني عليه واحد النمرة

جود : الو شكون معايا

ياسمين : (كان صوتها عيان او بدرع باش كتدوي) جود أنا ياسمين

جود : (جاه صوتها فشكل) ياسمين شواقع

ياسمين : (بدات كتبكي) جي خرجني منهنا عافاك ماشي موهيم لفين واخة تا ترضني لحبس لموهيم منبقاش هنا

جود : (مقشبل تا وزة) نرضك لحبس علاه نتي مكيناش فيه ، شرحيلي أياسمين راني مفاهم تا وزة او من آشمن طيليفون كتدوي

ياسمين : تضربت فلحبس او راني دبا فسبيطار شي تلتيام هادي ، او هاد طيليفون صرقتو لواحد لفرملية باش ندوي معاك ، شوف حي دير وجي منقدرش نزيد هنا كتر

جود : (قطعات عليه مخلياه تالف ، شاف تا عيا هو يصوني لمجد) راك مسالي ؟

مجد : واه لقيتيني يالاه خرجت من لمحال باغيني لشي حاجة

جود : تسناني تما انا غندوز عليك (قطع عليه او ركب طونوبيلتو مضيماري لجيهة فين كان مجد)

مجد : (مشا ركب حدا جود فطونوبيل) هانية ؟

جود : محتاجك فواحد لبلان

مجد : (بشك) شمن بلان هادا

جود : ياسمين

مجد : مالها مراة خويا

جود : (خبطو لكتف) سمعتي باركة من لبسالة ، ياسمين تضربات فلحبس هادي تلتيام او راها دبا فسبيطار صونات عليا هاد التها حالة غا كتبكي او قالتلك جي خرجني منهنا

مجد : تلتيام او علاش مفخبار حد

جود : هادشي لي مفقصني تلتيام ونا خيطي بيطي لحبس كل مرة كادب عليا داك ناصر فلخر صدقات مضروبة وݣالسة فسبيطار

مجد : او شنو لمعمول دبا نقولوها لواليد

جود : الا ماشي دبا تا نفهمو لقيصة مزيان

مجد : وا هوا عندو لمعارف دغيا غيتقضا لغاراض

جود : (كان كيصوݣ باتجاه سبيطار) باغيه اعلقني ملي يعرف راني كنت كنمشي نشوفها فلحبس مورا ضهرو او متبع خبارها

مجد : علاه نتا بسلامة كنتي كتمشي تشوفها فلحبس بلا خبارنا

جود : غتبقا شاد ليا فهاد لهضرة ، شوفلي شي حل باش ندخل عندها لسبيطار خاصني نشوفها ضاروري (وصلو لسبيطار او نزلو منو بجوج داخلين لداخل) شنو غنديرو دبا

مجد : خليني نفكر فشي بلان ، أول حاجة خصنا نديروها هي نعرفو فأشمن جناح ݣالسة أبعدا

جود : (دخل هو وياه لداخل بضبط عند لفرملية لي كتكون فلإستقبال) الى سمحتي بغيت نسول على واحد لمريضة سميتها ياسمين تاجي راه نقلوها لهنا شي تلتيام هادي

لفرملية : بلاتي نشوف ، واه كاينة عندنا واحد نزيلة بنفس لإسم واش يمكلي نعرف شنو كتقربها

مجد : (نقز من جنب) خاطيبها

لفرملية : آه لموهيم هي نازلة عندنا فطابق التاني ولكن الزيارة ممنوعة عليها

جود : انا باغي غا نعرف كيف راها واش مزيانة شنو وقع ليها

لفرملية : سمحلي هادو معلومات ممنوع عنا نفصحو عليهوم حماية لمريض ديالنا

جود : ولكن

مجد : (جرو) زيد راني لقيت كفاش نمشيو نشوفوها

جود : كي غنديرو ؟

مجد : انديرو بحال دكشي تاع لأفلام نضربو لينا لباس طبا ولى لفراملية او ندخلو عندها

جود : دبا نخبط جدك جي او ولي طبيب معندك تا حوايجهوم ويلى شدونا شغانديرو ديك الساعة

مجد : هنينا من صداعك او تبعني انا عارف فين غنلقاو لحوايج

جود : (غا تابعو من لور تا وصلو لواحد لبيت أو دخلولها بتخبية كانت ديك لبيت هي لحمام فين كيدوشو لأطباء)

مجد : (مشا بتسلات صارق شي حوايج من تما مستاغل مسألة أنو مولاهوم كيدوش او خرج بحالو تا وصل دروج عاد مد لجود شي حوايج منهوم) شد هاكدا لبس بزربة

جود : باغي تخرج عليا اولد لحرام شعرفك نتا بلبيوتة تاع سبيطار

مجد : تعقل على نبيل لي قرا معايا فلجامعة كان مزعوط فواحد لبنت او خوها لي كان طبيب مبغاش او كان كيسيفطني نصدعو كلى نهار

جود : (كان كيلبس فدوك لحوايج) هادا كامل خير فيك

مجد : شمن خير كان كيخلصني مزيان بفلوسو باش كنت صايبت الطيليفون

جود : (دار لكمامة على وجهو) لي سمع جدك اقول والدك مݣرد تا خارج تسعا

مجد : داير ليا بحالي مكتعرفش باك الى مشحفتي على ريال ميعطيهلكش خصوصا ملي شدينا لباك هز يدو علينا قالك خدمة او دمرو على رزقكوم ، او زيدون نتا لي كتدوي او حال عليا فمك مكنتيش كتب الدروس او تخدم تمارين لناس بلفلوس

جود : غندابزو دبا صافي زيد زيد

مجد : (كان لابس لباس طبيب اما جود كان لابس لباس فرملي) دوي معايا باحترام واش معارفنيش انا دكتور برادة

جود : (شاف فتيكيتة لي معلقة فطبلية جود او دوا بطنز) واه دكتور برادة للتوليد

مجد : (شاف ديك لبلاكة او حيدها بزربة) يالاه يالاه

جود : مغاديرش لكمامة

مجد : لا خاصني نبان طبيعي

جود : زيد زيد الله اخرج هاد طرح على خير

مجد : (بقا غادي فلكونوار ناشط اسلم على لفرمليات تقولي سيد طبيب) باش غنعرف بيتها

جود : أتلقا لبوليس قدامو

مجد : (وصل هو و جود قدام واحد لباب واقفين قدامو واحد جوج بوليسيين شاف فيهوم او قال سلام لول ) سلام عليكم

لبوليسي : وعليكم السلام شكوون نتا ؟

مجد : انا فؤاد طبيب ، جيت نطل على لمريضة لي هنا او ندق ليها شوكة راه وصل وقتها

لبوليسي : علاما كنضن الدكتورة رجاء هي لي مكلفة بيها

مجد : او كنض أنو الدكتورة خاصها راحة تا طواليط مدخلهاش هي لي سيفطاتني حيت مشغولة او مبغاتنيش نتعطل على لمريضة بدوا

لبوليسي : (حليه لباب) تفضل يمكليك تدخل عندها

مجد : (دخل هو لول تابعو جود من لور)

جود : (دخل لبيت أو شعل ضو عليها مقابليه معا منضر عمرو كان ممكن اتخيل اشوف ياسمين بيه)

ياسمين : (كانو دايرين ليها لمينوط ليديها معا لباياص او هي ݣالسة ساهية وكتبكي تا تنفخو عينيها ، ملي شافت ضو شاعل ضارت تشوف شكون جا تا ضربات فجود او محسن)

مجد : (ضحك مشير ليها بيديه) مراة خويا لاباس

ياسمين : (دلات شفايفها او نفاجرات بلبكا كتر من لول) جود

جود : (بلاما يشعر قرب لعندها ݣالس حداها كيشوف فوجها لي كاملو مقموش او مخطوف منو للون) شوقع أياسمين

ياسمين : (ترمات عليه معنقاه او مزيرة عليه كتبكي ليه فعنقو او تنخصص) عافاك ديني منهنا مابغيتش نبقا هنا غنحماق عافاك

جود : (تلف ماعرف مايدير كيشوف يديها لي فيها لمينوط مدبوحة بكترت لمحاولات ديالها باش تفكها ، بعد تردد كبير مد يديه أو طبطب على ضهرها) شش موقع والو انا هنا

ياسمين : (ديك لمسة لبسيكة منو او جملتو لعادية كانت كفيلة تحسسها بلأمان ، بعدات عليه بشوية مساخياش بالدفء ديالو) ديني منهنا عافاك

جود : شرحيلي أبعدا غا شنو واقع باش نعرف شنو ندير

ياسمين : كنت فلحمام كندوش تا جات هجمات عليا ديك ليزبيانة لي عاودت ليك عليها او ضرباتني بموس حيت عرفاتني كندوي معاك فطيليفون كل ليلة

جود : (خلى كولشي فهضرتها او ركز على كنت كندوش فاش ضرباتني) دبا لبوليس فاش جاو هزوك ، كانو هزوك من لحمام زبطة ؟

مجد : (حيد طابليتو او كورها او شير عليه بيها) لا داوها برغوتها تال لهنا عاد شللو ليها

ياسمين : (ضحكات على هضرتو اوسط بكاها) لا راه تا لبست حوايجي او كنت خارجة عاد ضرباتني

جود : هي لي دارت ليك هاكدا فوجهك

ياسمين : لا ماشي هي ، جود خرجني منهنا عافاك

جود : ملي غتبراي اتخرجي

ياسمين : (رجعات عاود كتبكي) لا لا مابغيتش نبقا هنا

جود : صافي غا سكتي من لبكا غندوي معا لمحامي باش ارفع دعوة او يخرجوك من لحبس باش نقدر نخرجك من سبيطار اما دبا فمنقدرش

ياسمين : (رجعات تخشات فيه كي ديك لمشة مكملة بكاها فعنقو)

جود : (خلاها على راحتها او هو كيفكر فهاد لبنت لي بدون كدوب ولا شك قدات دير بلاصتها فقلبو او ضربلو مواصفات بنت احلامو فزيرو ، كان باغي شي بنت تكون محجبة ولا حتى منقبة تكون عارفة بينها او بين لي خلقها مزيان شاربة عقلها ، سعا لقا راسو طايح فبرهوشة مابينها او بين الدين غا لخير ولإحسان كتعطي لتقزاب قتلة)

رجاء : (لي كانت جاية باش طل على ياسمين لقات ضو فبيتها مشعول ستغربات ولكن مدارتش فبالها او خلات لباب داخلة عندها تا ضربات فمجد واقف حدا لحيط او جود معنقاه ياسمين ، دخلها شك فيهوم) ش.شكون نتوما وشكون عطاكوم لحق تكونو هنا

مجد : اهدني ادكتورة رجاء خلينا ندويو بلعقل

رجاء : شمن عقل بيمن غندويو راكوم داخلين بلا حق او باغين تخطفو لبنت

مجد : لواه نعرسو بيها (شير ليها لياسمين او جود) طاعة الله هادي حالا شي خاطف او مخطوفة ؟

رجاء : علاش جيتو لهنا

مجد : حنا من عئيلتها ملي سقنا لخبار بلي تضربات جينا نشوفوها او حيت لبوليس مخبروناش كان هادا هو لحل لوحيد لي قدامنا باش نشوفوها

رجاء : شنو غتستافد الشرطة من انها تخبي عليكوم هاد لخبار

مجد : غتربح روحها ادكتورة الى تساق لخبار بلي ياسمين تاجي بنت خو مرة سي إكسيل تضربات فلحبس او هو موصي عليها بنفسو ، غتنوض عليهوم لعجاجة ادكتورة

رجاء سكتات او مقالت والو حيت جاها داكشي لي كيديرو لبوليس فيه شوية ماشي تال لهيه

جود : (كانت ياسمين باقة مخشية فيه) كي دايرة لحالة ديالها ادكتور

رجاء : لحالة ديالها هاد الساعة مزيان خاصها غا تبع دوا ديالها او غتولي مزيان

جود : (كان بغا يزيد افهم من طبيبة حالتها او يسولها داكشي علاش قال اوقف سعا شداتو ياسمين بقرصة من فخضو)

ياسمين : (دوات بهمس فعنقو كيسمعو غا هو ، او هي باقة مقرصاه) تنوض من حداية باش تدوي معاها نهرسليك رجليك سمعتي

جود : (مزادش معاها لهضرة او ݣلس مقرص) ش.شكرا ادكتورة على داكشي لي درتي معاها او حيت عاونتينا

ياسمين : (زادت زيرات على لقرصة) نوض بوسها نتا ݣاع مالك كدوي معاها مزيان

جود : (كارز على سنانو من حر لقرصة) طلقي فخضي المرض غتزرقيه ليا

ياسمين : (ضحكات) خليه يزراق باش تفكر بلي راك ديالي انا

رجاء : لا شكر على واجب اسي جود

ياسمين : (خرجات راسها من عنقو او شافت فيها) مناش عارفة سميتو

رجاء : من من عندك (حشمات تقولها شفتها مكتوبة فبزولتك)

ياسمين : (فهماتها طايرة او ضحكات الضحكة الصفرة) من مني مني انا لي قلتهاليها هههه نسيت

مجد : (شاف فطيليفون لقاه اكسيل لي كيصوني عليه) جود ، غنمشيو لواليد كيصوني

جود : (ناض وقف كيشوف فياسمين) انا غنمشي دبا تهلاي فراسك ، غندوي معا لمحامي ليوم

ياسمين : (شيراتليه باش اتحنا عندها)

جود : (تحنا لعندها)

ياسمين : (دواتليه فودنيه) الى مخرجتش منهنا بعد تلتيام ديالتك متعاودش أجود سمعتيني ديالتك متعاودش

جود : كتهدديني دبا ولا شنو

ياسمين : لا حاشا ، غا كنقوليك شنو غيوقعليك

جود : (جابتليه ضحك) هههههه على خر يامي وليت نتهدد من بعلوكة مزيان

ياسمين : (مدات يديه لجيبو جابة منو لفلوس)

جود : (حضاها وهي كتاخد 200 درهم من لفلوس عاد رضات لمباقي لجيبو) وليتي دبا كتصرقيني ݣاع

ياسمين : ايوا هي لمشيتي قبل مندير فيك شي حاجة خرى

جود : (ضحك او مشا خرج معا مجد لبرا مخليين ياسمين بوحدها معا طبيبة) شنو قالك لواليد

مجد : مقال والو غا سولني على سلعة واش كانت وصلات هاد صباح ولا لا

جود : يالاه نمشيو نرضو هاد لحوايج قبل ميحصلونا

رجاء : (قربات عند ياسمين) هزي توني باش نبدل ليك لفاصمة او نشوف الجرح كي بقا

ياسمين : (هزات ليها على حوايجها مخلياها كتقلب الجرح)

رجاء : حمد الله متقيحش (دارت ليها دوا لجرح او بدلات ليها لفاصمة او دارتها تا دوا لخبشات لي فوجها) كنضن بلي نفسيتك ولات حسن من قبل ملي شفتيه

ياسمين : (مجاوباتش غا تبسمات)

رجاء : (نزلات عينيها لسنسلة تاع لحديد لي كانت دايرة ياسمين فعنقها ولي كانت بحال شبكة عريضة او فيها شي بولات صغار شادة تقريبا لعنق كامل) فاش كنا بغينا نديرو ليك لعملية مقديهاش نحيدو ليك هاد سنسلة كانت بحالا لاسقة معا الجلدة ديالك

ياسمين : (شافت فيها بفراغ) هاد السنسلة ادكتورة مكتحيدش من عندي سنين هادي

رجاء : لهاد الدرجة عزيزة عليك كاضو من شي حد

ياسمين : يمكن تقولي هاكداك

رجاء : أو هاد الرقعة لي شادة ليك نص فكرشك او ضهرك تزاديتي بيها ولا تحرقتي

ياسمين : فاش كنت صغيرة خويت على راسي لاسيد

#عند لغالية#

من مور لعرس تاع بنت خالها رجعات معا منى لدار او تلاهات غا فتوجاد تاع لخطوبة دمحسن ، من شريان لحوايج او لكاضزيات هو كيخلص او هي كتقدا ليه حيت كان غيسافر لطنجا فهاد السمانة او ميرجع تال قبل لخطوبة بنهار

لغالية : (كانت لابسة جلابتها) كنضن بلي كولشي تقديناه ، ايمتى غتسافر دبا نتا

محسن : غدا الى كتاب

لغالية : مزيان الله اسهل عليك تا انا غنمشي

محسن : فين ؟

لغالية : عند راجلي اشريف ولا نسيتي

محسن : اباقي مولفتك مزوجة

لغالية : هههه دبا تولف

محسن : ايمتا غتورينا هاد الراجل عندك

لغالية : ملي يجي لوقت لمناسب غتعرفو , يالاه بسلامة

محسن : بسلامة

منى : الله اعاونك أبنتي

لغالية : (هزات بريزتها او مشات ركبات طونوبيل او شدات طريق ، مرة مرة كتشوف فطيليفونها ياكما وصلها شي مساج من اكسيل ولى صونا ولكن والو فهاد تلتيام كاملة مسولش ݣاع) ياربي ميكونش لي فبالي لي وقع

وصلات لدار او بلاصات طونوبيلتها عاد نزلات منها او دخلات معا لباب ، سمعات ضجيج فدار او صداع عرفات بلي لحاج او لحاجة او صفية جاو

صباح : (ملي شافت لغالية جات عندها كتجري معنقاها) اهلن الزين

لغالية : أهلن ، لحاجة جات

صباح : واه جات لبارح علي ولحاج او عمتي

لغالية : مزيان دراري كاينين ؟

صباح : لا راهوم مشاو اتلاقاو معا محسن

لغالية : مزيان او باك هو كاين

صباح : واه كاين لفوق فبيتو

لغالية : هاد ليامات كي كان ياكما معصب ؟

صباح : لا عادي علاش

لغالية : غا سولت او صاف فين وصلتي نتي فتوجاد

صباح : هاد الساعة مدرت والو كنت كنتسناك ترجعي

لغالية : مك معاوناتكش

صباح : غا خلي حريرتها ، راها مبلوكياني من ݣاع نوامر كنمشي نضل ندق عليها تا نعيا حرام واش كتبغي تحل او تا فلخدمة موصيا عليا لعساس باش ميخلينيش ندخل

لغالية : ياويلي حي قاسها لهبال ، او جداك هي مقالت والو ؟

صباح : لحاج مقال والو بلعكس فرح الى لحاجة راها هازة شوكتها حيت مديتش ولد عمي علاء ، او عمتي راها من نفس طينتها ايضورو ويقولو ليك ولد عمك حسن ليك ، مهندس معروف بدارو او رزقو

لغالية : شغانقولك الله اهدي لبشار انا غنطلع لبيتي نبدل عليا او نشوف باك عاد نهبط نسلم

صباح : صافي واخة

لغالية : (طلعات لبيتها ومشات ديريكت لماريو ديالها جبدات منو واحد جابادور بسروالها لبساتها او دارت الزيف ، ومشات حطات طيليفونها اتشارجا وبدات كتسنا اكسيل اخرج من لحمام)

اكسيل : (بعدما توضا خرج كينشف فشعرو بلفوطة ، تا ضرب فلغالية قدامو ، مدواش معاها نهائيا او كمل طريقو لبالكو)

لغالية : (مشات تبعاتو لبالكو) حياتي توحشتك نتا متوحشتينيش

اكسيل : (متجاهلها تماما)

لغالية : (دوراتو لعندها) مالك مكدويش معايا مقلق مني ؟ درتليك شي حاجة

اكسيل : نتقلق منك علاش بسلامة ؟

لغالية : (ملي شافتو كيدوي معاها هاكدا عرفات بلي ساقلها لخبار شطحات فداك لعرس) إكسيل غا سمعني انا

اكسيل : (بطنز) نسمعك ؟ علاه نتي كتسمعيلي هضرتي باش نسمعك ؟

لغالية : عارفة راسي غالطة ولكن راه كنا غا حنا بنات بيناتنا شنو فيها إلى نشطنا شوي

اكسيل : (شدها من يديها مزيرها معاه) شقلت لملتك انا ؟ أدوي ؟ قلتلك طرمتك متهزش من لأرض نضتي نتي حيحتي او لوزتي كي الشيخة بيناتهوم ، قلتيلي كنتو غا نتوما لبنات علامن كضحكي أدوي يسحابليك مرا لي جابتلي خبارك ، راك اشريفة نضتي حيحتي بين ولاد خوالك تا شبعتي

لغالية : (تفكرات ملي مشا لعريس او تجمعو ولاد لعئيلة او بناتها او بداو كيشطحو مجموعين) ه .هانتا قلتيها ياك شطحت غا معا ولاد خوالي بحال خوتي ، او زيد كانو خوتي تما او با او خوالي غا لعئيلة

اكسيل : واش باغة تجهلي مي نتي ولا شنو كفاش غا قدام ولاد خوالك أدوي ، من لمحرم ديالك هوما ؟

لغالية : لا

اكسيل : ملي لا كنتي تشدي لارض او تفكري بلي راك مراة الراجل ماشي مراة ديوتي تا نايضة تلوزيلي بين لعزارة

لغالية : سمح ليا عارفة راسي درت لافوت

اكسيل : ملي عارفة راسك دايرة لافوت تحملي مسؤوليتك ، ملي كنت نوصيك او تقوليلي قدامي واخة او مور ضهري ديري مابغيتي مابقا عندي هضرة معاك

لغالية : (طلقها اكسيل او مشا خرج بحالو) الله ياربي او مناش خرجلي هاد تعكاس عاود آجا مبردو

صباح : (دقات على لغالية)

لغالية : دخال

صباح : راك بوحدك ؟

لغالية : واه

صباح : شت بابا خارج قالك فين غادي

لغالية : تا يكون كيدوي معايا عاد اقولي فين مشا

صباح : علاش مكيدويش معاك ؟ تخاصمتو ؟

لغالية : زبلتها

صباح : بلاتي بلاتي نقولك شدرتي تا مكيدويش معاك ، خرجتي بلى شوارو ؟

لغالية : تأ لا

صباح : مكنتيش كتجاوبيه فطيليفون ؟

لغالية : باك مكيقطعش معايا لهضرة معايا على هادشي

صباح : ياكما هزيتي ليه شي شيك مسيني بلا خبارو

لغالية : لا باقي معاقش بيه

صباح : هي خديتيه أبعدا

لغالية : فلوسو هوما فلوسي

صباح : صراحة عندك لحق (شدات فمها او شهقات) هاء لغالية ماتقوليهاش درتيها اصݣعة

لغالية : (بشك) شدرت ؟

صباح : اذن درتيها غيكون وصاك متشطحيش فلعرس او من طبيعة لحال نتي ضربتي هضرتو معا لحيط او نضتي شطحتي

لغالية : لهاد الدرجة مفروشة ؟

صباح : نتي عارفة بابا عدوه اوصي شي حد ميديرش شي حاجة او يديرها كيكعا ، او زيد عليها كيغير عليك بزاف نضتي نتي جمعتي جوج ضقة وحدة وصاك او درتي لعكس او زدتي شطيح اوسط دراري غيستيها

لغالية : زعما ايمتا يبرد

صباح : عندك ديك سيمانة او يرجع لطبيعتو

لغالية : سيمانة ؟ بزاف

صباح : دبا نتي غا حسبيها كون كان شي راجل آخر لي ناضت مرتو شطحات اوسط ناس واخة وصاها ايضربلها واحد لقتلة تاع سيمانة تال تلاتة دسيمانات او هي ناعسة فسبيطار كومة ، او يزيد ميدويش معاها واحد شهر آخر ، ولكن حيت بابا راجل مكيشربش او مكيعايرش او كيبغيك غادي غا يقطع معاك لهضرة واحد سيمانة او صاف

لغالية : ناري كطيحي على جدي ضيم تقولي مانعرف آش درت

صباح : طاعة الزوج أجمتي

لغالية : شوف شوف لفم لي كيقول طاعة الزوج هانتي غتزوجي او نشوفوك شغاديري

صباح : انا احبيبة ديالي كلمة سيدي محسن مطيحش لأرض ههههههههههه

لغالية : تهزي عليا نتي وسيدك محسن

صباح : ههههه هاني هاني ، جيت غا نسولك على لخياط واش دويتيلي معاه ولا باقي

لغالية : قولي واش نمشيو نجيبو لقفاطن من عندو ولا باقي ، راني دويت معاه ديك نهار

صباح : او طريطور

لغالية : كان دوا معاه باك او قال بلي ليوم غيسيفطنا نختارو شكل او زواق تاع طبالي ، احقا فين تبغينا نديرو دكشي فصالون ولا جردة

صباح : الى كان لجو مزيان جردة حسن

لغالية : يالاه نهبطو لتحت عندهوم نسلم انا أبعدا

لغالية : (نزلات لتحت عندهوم ، لاقية لحاجة او صفية كيشربو أتاي او لحاج كيتفرج فطيليفون) السلام عليكم (مشات باست لحاج يديه) عمي لاباس

لحاج : لابس لحمد الله ابنتي

لغالية : لحاجة ، خالتي صفية لاباس عليكوم واغبرتو غبرة وحدة

لحاجة : لاباس لاباس نتي لي فين كنتي مخلية راجلك بوحدو او غادة ديعي

لغالية : الله ياخالتي على غادية نديع ، مشيت غا نشوف خالتي او نݣلس معاها شوي

صفية : كنتي تخلي خالتك من بعد أو تݣلسي تعاوني بنت راجلك راه عندها لخطوبة زعما

لغالية : علاه شكون قالك خليتها بوحدها ، يمكن كنت بعيدة ولكن راني قايمة بكولشي داكشي علاش غا رتاحي ليك

لحاجة : منسالكش ألغالية اراك فرحانة بهاد زواج

صفية : معلوم تفرح ، بنت راجلها غتزوج بموسخ بحالها نيت

لغالية : بزاف عليك او لهلا يحييك تا نكون موسخة ، ريحة بيطانك هاديك لي كتعطعط

صفية : أتحلك لفم ولكن لحق ماشي عليك لحق على خويا او بنتو لي مقبلوش بولد الشان او لمرشان او مشاولي لمݣرد لاخر لا خدمة لاردمة

صباح : عمتي ، متدويش عليه هاكداك محسن بخدمتو

لحاجة : واه بخدمتو ميكانيسيان خدام عند الناس او لي زايد فاقصني صغير عليك ، مالك على حالتك تا واخدالي برهوش على قلت رجال معصبة مك على قبلو

لحاج : مغتسكتيناش احادة من صباح او نتي تدوي لي سمعك ايقول كنتي بنت لقايد ياك باك كان ميكساب ما يعلام ، ياك تا انا ملي خديتك خديتك غا خماس نسرح عند الناس مالك متشرطيش ، حنا باغين غا ولد الناس اقوم بيها لفلوس الراجل كيديرهوم ، ماشي هوما لي كيديرو الراجل ، شفت داك لولد او ݣلست معاه ولد الناس متلقاش حسن منو او لعمر غا تخربيق

صفية : دبا ابا كتقول بلي داك لبرهوش حسن من ولد غويا علاء ؟

لحاج : (تعصب تا ضرب عكازو معا لأرض) حسن منو عاد دري باغيها واخة خوك عطاه قتلة دلعصا بقا شاد فيها ، اما داك سلݣوط دعلاء هز يديه عليها بلى حشمة بلى حيا

لحاجة : لاواه الحاج هو غا غار على بنت عمو او هزاتو نفس عليها وصاف

لحاج : تهزو لموت ماشي النفس احرݣ طواسل بوه لكلب (دوز يديه على شعر صباح) اضربلي بنتي انا

صباح : متعصبش ابا راه علاء طلب مني سماحة ديك نهار

#عند دراري#

كان محسن ݣالس فلقهوة كيتسنا دراري تا بان ليه غا مجد لي جا

مجد : (سلم على محسن سلام رجولي) افين العشير صڤا

محسن : صڤا حمد الله فين جود مجاش معاك

مجد : (شدليه واحد لكرسي او طلب تا هو قهوة كحلة) جود خرجليه شي شغل قالي الى قضاه بكري غيدوز عندنا ، فينك نتا كي غادي معا شي توجاد

محسن : ايوا هانا كون غا مكانتش ديك تسافيرة لطنجة لي خرجاتلي من جنب كنت غنكون هاني

مجد : شعندك فطنجة

محسن : أخاي دوك لفلوس لي كنت جامع مشاو كاملين فلاصلاحات تاع الدار او باقي خاص عاد داكشي علاش قلت نطلع لطنجة نبريكولي ليا شي حاجة

مجد : تا هاديك مزيانة

محسن : مالك نتا بنتيلي مهواش

مجد : اعشيري طابو رجليا بلمشيا او لجيا خيط زناقي وشركة لي ندوز عليها ندفع فيها السيڤي او تقول واش شي وحدة سولات فيا

محسن : ماعندك مادير أخاي كتبريكولي ابعدا شي حاجة ؟

مجد : هاد الساعة كتبريكولي فواحد لمحال تاع لواليد ولكن أخاي لي دارهالي هو داك زعتر دلموطور لي عندي خسر فمرة

محسن : ياك يالاه صايبتو

مجد : اباش تشوف نهار كتقواد كتقواد ضقة وحدة ، موطور شاريه ب4 دلمليون صدقت بايعو لمول لافيراي بخمسين ألفريال ماشي طنز ، كنت كنقول غنبيعو او نزيد عليه او نشري غا شي حاجة سلوك نعدي بيها اوصاف ، صدقت خاسر دوك لفلوس فواحد لبلان او بقيت بلاش

محسن : اعشيري كون كانو عندي نسلفك ولكن خوك تا هو واكحة عندو ، باك ميسلفكش ؟

مجد : يعطيني ماشي ميعطينيش ولكن أخاي قدي قد لبغل عاد نمشي نقوليه عطيني باش نشري موطور

محسن : أجي عاد تفكرت عندك لپاسپور

مجد : واه

محسن : ايمتا غيسالي ليك

مجد : يالاه جددتو

محسن : جابك الله اعشيري غتفكني او تفك راسك

مجد : فاش

محسن : كي شتي من زهري لمكوز لپاسپور ديالي تسالا لبارح او كنت عوال ندخل لسبة نخرج منها شي طونوبيلات او نعاودلهوم لبيع كيفما موالف ولكن ملي لقيتو فات ليه تاريخ قلت نسيفط شي حد أو منلقاش محسن منك داك سيد اخرجلي ونتا تخرجو او غنصدقو مضوبلين رزق او نص بنص شبانليك

مجد : أخاي ملي لقضية فيها لحبة منقولش ليك لا

محسن : صافي مشات

جود : (دخل لقهوة او جا قاصدهوم) شكون هادي لي مشات او فين مشات

محسن : أهلن أهلن نسيبي جيتي توحشتك

جود : توحشك لموت أسلݣوط قالك نسيبي

محسن : او مالكوم ماشي نسابي

مجد : متعرف فأي لحضة نقلبو عليك

محسن : لكلمة عطاهالي بوها شخصيا يعني نتوما مفيدحوم دبا والو

جود : آوا كون ما لخوادرية لي بغاتك تا نخصر لخويا لافيشور دوجهو على هاد لغنانة لي فيك

محسن : هههههه الله اخليها ليا

صباح بقات ݣالسة معاهم كنجمع تا بدا طيليفونها كيصوني ، كان محسن داكشي علاش ناضت من حداهوم او طلعات لبيتها باش تجاوب عليه

صباح : الو

محسن : الزين ديالي صڤا

صباح : حمد الله هاد الساعة راك باقي معا دراري ؟

محسن : لا لقيتينا عاد تفارقنا

صباح : باقي غادي تسافر غدا ؟

محسن : واه

صباح : اهيا شتك كل مرة تمشي قاصد الشمال متأكد غا لخدمة لي داياك لتم

محسن : ها خوك مجد غيمشي معايا او يحضيني صافي

صباح : خويا مجد غيمشي معاك ؟ خلات . نتيق نسيفطك بوحدك او منسيفطكش معا ديك جرانة ، أجي أبعدا ايمتا غترجع ؟

محسن : غنرجع ليلة الجمعة

صباح : غترجع ليلة الجمعة او حنا عندنا لخطوبة بسبت ؟

محسن : واه داك لغراض غياخدلي شويا لوقت

صباح : ويلى كنتي مغترجع تال جمعة ايما ناوي توجد لهاد لخطوبة بسلامة

محسن : شكون قالك موجدتش لهاد لخطوبة قبل منمشي ، راه حوايجك معمرين لبيت مكنلقاش فين نعس

صباح : ههههه باش تعرف بلي ماشي غاياجي او تزوج بنت اكسيل

محسن : ضحكي ضحكي نتي معامن جات انا راه غا كنتفكر بلي قاني نعاود نوقف قدامو نقوليه زوجني بنتك كتشدني سخانة

صباح : ههههههه ميسحابليش راك خواف تال هاد الدرجة بابا راه حنين ، واخة عرفتي معاك تا سليخ مسلخنيش

محسن : واه مسلخكش نتي ولكن سلخني انا فبلاصتك

صباح : شكون بحالك واكل حقي تا فلعصا

محسن : واه سعداتي ، أجي شنو درتي معا ماماك واش باقة مكدويش معاك

صباح : (بحزن) باقة مقصحة راسها

محسن : دابا تهدا نتي غا حاولي معاها

صباح : (سمعات لحس تاع طونوبيلة اكسيل) محسن غنخليك دبا بابا جا او خصني نهبط نسلم عليه

محسن : يالاه بسلامة تال غدا ملي نوصل لطنجة او نصوني عليك

صباح : واخة بسلامة (قطعات معا محسن او هزات راسها خارجة من بيتها او هابطة عندهوم لتحت)

لغالية : (كانت كتجمع معا لحاج لي كان كيسولها على قرايتها كي غادة معاها ، تا دخل عليهوم اكسيل)

اكسيل : السلام عليكم

لحاجة : وعليكم السلام اولدي يالاه رجعتي

اكسيل : واه يالاه رجعت (مشا ݣلس حدا لغالية)

لغالية : (واخة ݣلس حداها كانت عارفاه بلي غا حيت ناس معاهم داكشي علاش مبغاش ابين او صاف) فين مشيتي ؟

اكسيل : (عينيه على صباح لي كانت جاية عندهوم) كنت غا هنا

لغالية : (دوات حداه بشوي) فين هنا

اكسيل : (شافيها او تحنا عندها هامس ليها وهو مبتاسم) ماشي موهيم تعرفي فين هنا

لغالية : انا مرتك او من حقي نعرف فين مشيتي

اكسيل : مرتي كون كنتي كتسمعي هضرتي اما دبا فغا هنينا ناس معانا

صباح : بابا (مشات باستو من لحنك)

اكسيل : (قرصها من حنكها) زين

جود&مجد : السلام عليكم

صفية : وعليكم السلام زيدو ݣلسو نخويلكوم آتاي

مجد : بصحتكوم انا غنطلع لبيتي نجمع حوايجي

اكسيل : فين غادي تمشي ؟

مجد : عادي نسافر معا محسن لطنجة غدا

لحاجة : علاش اتسافر معاه بسلامة

مجد : عندي شي غاراض الحاجة

لحاجة : شمن غاراض بسلامة خاصينك فلوس ها باك يعطيك انا نعطيك ، جدك يعطيك

مجد : لحاجة قلت عندي غاراض خاصني نقضيه او صاف

اكسيل : طلع لبيتك تجمع حوايج باش تنزل تعشا

مجد : واخ (طلع لبيتو مخليهوم بوحدهوم)

لحاجة : غتخليه يمشي معا داك زمر لطنجة شخاصو تا يمشي اسعى لفلوس ، نتا متعطيهش ولا فالح تخسرهوم غاعلى مرتك

اكسيل : اولا هاداك سميتو محسن راجل صباح الى كتاب ، تانيا ماشي غالبني نعطيه لفلوس غا هو الحاجة ولادي مولفتش نعطيهالهوم باردة حيت رجال ، او الراجل مكيعولش على باه كيمشي اعرݣ عليها او مجد راجل بغا يخدم على رزقو او يضبر على راسو براسو الله اعاونو ، او مرتي مفروض عليا نصرف عليها كيما با كيصرف عليك

صفية : وليدي جود ها ختك لي صغر غتخطب قبل منك نتا مناويش تزوج

جود : هاد الساعة اعمتي مدايرش زواج فبالي

لحاجة : لاواه لاواه اوليدي على مدايروش فبالك باك ملي كان فعمرك راه كنتي نتا تزاديتي عندو ، راني شفتليك شي بنات من لبلاد

جود : لحاجة راني قلتلك مكنفكرش فزواج او ملي غنفكر فيه انا غنختار لراسي

لحاجة : هاء تختار لراسك ايوا نيت ديرلي بحال باك او جيبلي شي وحدة ممعروفش اصلها ، انا بيدي غنزوجك لانتا لاجود او زيدون مكاينش لاش نمشيو لبعيد خودلك وحدة من بنات عمتك مروى و لا صفاء

اكسيل : لحاجة

لحاجة : (كان كافي يعيط ليها باش تسكت)

جود : انا غنطلع لبيتي خليتكوم على خير

لغالية : مغتݣلش تعشا ؟

جود : لا مفياش بصحتكوم ضارني راسي أو باغي غا نعس

صباح : (قربات عندو او همسات) بيك شي حاجة ؟ واقعة شي حاجة ؟

جود : (مكيخبي عليها والو) من بعد أو نعاودليك شنو كاين دبا ميعدالش

صباح : صافي واخة تال من بعد أو ندويو

جود : (وقف) يالاه بونوي

لحاجة : داك لعشا عنق يتحط ؟

لغالية : سهام وا سهام

سهام : نعام الالة

لغالية : لعشا طاب ؟

سهام : واه راه واجد

لغالية : وجدي طبلة عافاك باش نتعشاو

سهام : واخة

تحط لعشا فوق الطبلة كولهوم ضارو بالطبلة او بداو كياكلو فسكات ، تا سالاو لماكلة او طلع كل واحد فيهوم ينعس فبيتو

لغالية : (دخلات لبيت لاقية اكسيل ݣالس فوق لفوطوي او كيتفرج فواحد لفيلم فتلفازة ، مدواتش معاه او مشات نيشن لبلاصة تبدال محيدة عليها حوايجها او لابسة ليها شورط قصير معا سيفيطمة ديالو ، مزعماتش تمشي عندو ولا تݣلس حداه عارفاه غيقمعها ولا يتجاهلها ، او واخة تمشي طلب منو سماحة والله لا دوا معاها عارفاه او شارباه ما ، كيوصي او يعاود اوصي ولكن ملي دير لعكس تاع داكشي علاش وصا غيتفاهم معاك ، كون كان جود ولا مجد كون كلاهوم فسما ميحنش فيهوم ولكن ملي هي ، غادي يقطع معاها لهضرة تا يبرد او ينسا بلي ناضت تشطح قدام ولاد خوالها ، مشات تخشات فبلاصتها او غمضات عينيها تنعس واخة مجاهاش ولكن كانت كتسناه ايجي ينعس)

اكسيل : (بعدما سالا ليه لفيلم ناض صلى واحد ربعة دركعات عاد مشا تخشا فبلاصتو مبعد عليها او عاطيها بضهر)

#فصباح#

بقات خمسيام بلحساب لخطوبة صباح او محسن ، هاد خمسيام كانت عند محسن كدوز بحال لحلازون , أما عند صباح او معا روينة او توجاد فكدوز عندها بحال لبرق ، ليوم او كيف عادتها فاقت معطلة معا ديك 12 او نص ، دوشات او بدلات عليها عاد هبطات لتحت عندهوم

لغالية : (كانت يالاه فتحاح لباب او دخلات هازة فيديها شي ساشيات) جابك الله تشوفي معايا زواقات او لحلاوي راه طريطور سيفط لكاطالوݣ

صباح : صافي واخة

لحاجة : قبل متشوفي طريطور كنتي تشوفي لخياط أبعدا

لغالية : راني شتو الحاجة (هزات ليها الساشيات) او ها لحوايج مشيت هاد صباح نجيبهوم من عندو

صباح : صافي سلاهوم ؟

لغالية : واه سالاهوم خاصك غا نتي تشوفيهوم او تقيسيهوم تايلا كان باقي خاصهوم شي حاجة نردوهوم ليه

صباح : (خدات من عندها الساشيات) انمشي نقيسهوم دابة ، فين بابا او با ؟

لغالية : لحاج راه فصالون او جود غا فطر مشا طلع لبيتو او باك راه باقي ناعس

صباح : باقي ناعس ؟ غنطلع نفيقو

لغالية : هانتي ها هو

صباح : اسبق جود أبعدا (قلبات طريق او مشات طلعات لعند جود لبيتو داقة عليه)

جود : (كان مشغول معا طيليفون داكشي علاش مشا حل لباب لول او ملي لقاها صباح خلاها دخل او كمل لمكالمة ديالتو) لمحامي سمير هادا لي معايا ياك ؟

سمير : وي هو هدا

جود : تاصلت بيك لبارح ولكن لقيت طيليفونك مشغول ، انا جود آيت اوسو سيفطني عندك لقاضي جعفر

سمير : آه نتا هو جود لي من طرف سي جعفر مرحبا وألف مرحبا ، واش يمكن ليا نعرف شحب لخاطر ؟

جود : (شرح ليه لوضعية تاع ياسمين) بغيتها تخرج فأقرب وقت ممكن مهما كان الثمن ، لفلوس مضربلهومش حساب لموهيم عندي انا هو تحرر

سمير : كون هاني اسي جود غندير ما فجهدي باش نخرجها من لحبس

جود : آه او قبل منسا بغيت ديك بنت لواس.. بغيت نقول ديك لبنت لي ضرباتها تاخد أطول عقوبة ممكنة على دكشي لي دارت

سمير : كون هاني أمسيو جود غنقوم بلواجب

جود : داكشي لي بغيت تا انا يالاه بسلامة

صباح : جود شواقع

جود : ياسمين تضربات فلحبس هادي ربعيام

صباح : اويلي او فراس لغالية ؟

جود : مفخبار تا حد لبوليس تسترو على لقضية

صباح : او شنو لمعمول دبا ؟

جود : دويت معا لموحامي باش اتكلف بقضيتها

صباح : هاكداك او مغاديش تقولها لبابا ولا لغالية ؟

جود : خلي تا يقولهالهوم لمحامي

صباح : تا هاداك نضار يالاه نخليك دبا نمشي نفيق بابا

خرجات صباح من بيت جود او مشات لبيت اكسيل نيشن دقات ربعة دلمرات عاد حلات لباب او دخلات عليه ، لقات باها باقي خامر او ناعس على كرشو ، قربات عندو او بدات تعيط

صباح : بابا وا بابا فيق ، لواليد ، اكسيل ، وافيق الواليد تشوف معايا لقفاطن ، مابغيتيش تفيق واخة (مشات لحمام او هي كتفرنس عمرات واحد لكاس دلما او جات تال عندو او خواتو ليه على وجهو)

اكسيل : (كان ناس مجايب لدنيا خبار تا حس بما بارد مخوي عليه ، فاق مفزوع يقطر ، هز راسو يشوف شكون هاد مول لفعلة ، لقاها صباح كتفرنس) شدرتي ؟

صباح : وا عييت منفيق فيك ونتا والو

اكسيل : (دوز يدو على وجهو) صباح جري

صباح : (جمعات الضحكة) راني غا كنضحك معاك (كانت بغات تزيد تدوي ولكن ملي شافتو تحرك علقات او طلقات رجليها لريح)

اكسيل : (ماشي من لعاݣزي تبعها بجرا)

صباح : (ملي ضارت لقاتو تابعها من لور زادت فجرها او هي كتغوت) وا كنت غا ضاحكة معاك اصحبي ، با ولحاجة محمد وتا جي شد عليا ولدك

اكسيل : (مدارلهاش فين توصل عندهوم تا لحق عليها او هزها على كتفو) شندير فملتك دبا

صباح : مابقيتش نعاود كنت غا ضاحكة معاك باش تفيق

اكسيل : شبان ليك تا انا نضحك معاك

صباح : لا لا نتا عندك ضحك تاع لبناية

اكسيل : (دار راسو مسمعهاش او شدها مزيان او بدا كيضور بيها تا داخت عاد حطها لأرض)

صباح : (بالدوخة كانت تنوض او طيح تنوض او طيح او جود كان كيصور فيهوم منين كانو كيجريو)

جود : ههههههه شحال هادو أصباح شحال ؟

صباح : كضحك تهجرو

صباح : (بقات ݣالسة تا فاتتها الدوخة عاد وقفات على رجليها) يالاه تشوفو معايا دوك لقفاطن او تعاونوني نختار شنو نلبس فيهوم

اكسيل : (مدارتش ليه أصلن فين يرفض حيت شداتو من يديه أو جراتو تال صالون)

صباح : ݣلسو هنا متحركوش غنمشي نلبس او نجي

جود : هاحنا ݣالسين غا هنينا ، او طلقي راسك لبسي

صباح : واشحال فيك ݣلس او هنينا (مشات لبسات واحد من دوك لقفاطن ولي كان من لجوهرة بلبيلج ، منبت بلعقيق او لحجر ، عاد خرجات عندهوم) كي جاني هادا

جود : ضوري نشوف

صباح : (ضارت كيما قال ليها)

جود : ݣلسي ؟

صباح : (على نيتها ݣلسات)

جود : قولي هاو هههههههه

اكسيل : (خبطو لضهر تا قطع لحس) هنينا

صباح : انا غنمشي نلبس تاني او قولولي شكون فيهوم صافي

لحاج : (حضاها او هي كتمشي وكتفرنس) ديك لبنت مقاداها فرحة

جود : معلوم سيدة غتزوج

لحاجة : شلى بيمن غتزوج

اكسيل : لحاجة شفتيها فرحانة ايوا خليها فرحانة بلاما تنكديها عليها

صباح : (دخلات عندهوم هاد لمرة بواحد لقفطان ݣرونة دلموبرة ، سامپل فيه غا طرزة جيهة لفخض او شي حجر قليل) كي جا هادا ؟

جود : لا لا هادا ناضي (وقف حداها او مد طيليفون لإكسيل) دير ديرنا شي تصويرة الواليد

اكسيل : (صورهوم بجوج)

صباح : يعني هادا لي نلبس ؟

اكسيل : واه لبسي هادا فضل

صباح : لغالية مكنضنش بلي خاصني نرضو لخياط جاني هو هاداك

لغالية : واه جاك هو هاداك تا اللون جا معاك

صباح : صافي مشات انا غنمشي نبدل عليا (خرجات من صالون او طلعات لبيتها محيدة عليها لقفطان او ناوية ترجع عندهوم تا لقات سناء كتصوني عليها ، معطلاتهاش او جاوباتها فلبلاصة) الو ماما

سناء : (كان صوتها حنين او مهدن على غير العادة) الو صباح لباس عليك ؟

صباح : حمد الله ونتي شخبارك

سناء : انا لابس عليا فين وصلتي نتي فتوجاد تاع لخطوبة ؟

صباح : (تعجبات حيت سولاتها) هانا غاديين تقريبا كولشي موجود

سناء : مزيان ، غندوز عليك منهنا شوي باش تݣلسي معايا او نكملو داكشي لي خاص انا وياك صافي

صباح : (مقداتها فرحة) ههه واخة انا دابة غنوض نوجد راسي

قطعات معا مها او سيفطات لإكسيل ميساج كتعلمو بلي غتجي مها اديها ، عاد مشات لبسات عليها واحد جلابة خفيفة بصومو ، دارت معاها شال او سباط پلا ، جمعات ليها شي حوايج او دوا فواحد الصاك صغير او هبطات لتحت بعدما سلمات عليهوم باش تسنا مها

صباح : (باقي ممتيقاش بلي مها صافي قبلات تزوج بمحسن او عيواض لفرحة ولاو جوج فرحات ، تسنات غا شي خمسة دقايق او بانتلها سناء جاية)

سناء : (حبسات طونوبيل قدام صباح او تسناتها تا ركبات عاد قلبات طريق)

صباح : غنمشيو دبا لدار ؟

سناء : لا غندوزو عند دهايبي ناخدو شي اكسيسوارات لقفطان

صباح : واخة (بدا كيصوني ليها طيليفون ولكن مزعماتش تجاوب حدا مها)

سناء : (بتاسمات ليها) غا جاوبيه لايبقا مصدعنا

صباح : (جاوبات محسن) ألو

محسن : الو صباح ياكما فيقتك ؟

صباح : لوحدة هادي شمن فيلق باقي

محسن : راني عارفك نعاسة داكشي علاش سولتك

صباح : وصلتي ؟

محسن : واه وصلنا شي ربعة تاع سوايع هادي ، نعست شوي او ملي فقت صونيت عليك فين راك دبا ؟

صباح : انا معا ماما غاديين نشريو شي حاجة من ذهايبي

محسن : نتي ومك ؟ علاه صافي قبلات ؟

صباح : واه

محسن : مات شي يهودي فجامع ؟

صباح : الله امسخك

محسن : هههههههه غا ضاحك ، ياكما مغيقدوكش دوك لفلوس لي صيفطليك نزيدك ؟

صباح : لا لا راه كافيين غا بغيتي تعدب راسك او صاف

محسن : عدابك راحة

مجد : يعطي لجدك عداب لقبر بن لعناب لاخر

محسن : انا غنقطع دبا راه خوك داير عليا كيف لعسكر

صباح : ههههههه سلم عليه

مجد : (نتر طيليفون لمحسن) اسبحان الله اشريفة وليتي توصلينا سلام من عندو حنا ماعندنا طيليفون ياك

صباح : هههههه امالك اهاد جرانة مغيار مالك

مجد : تلاحي تلاحي عطيني تيساع

صباح : نتا لي تلاح عليا يالاه بسلامة

مجد : بسلامة

سناء : معامن كنتي كدوي دبا محسن ولا مجد

صباح : بجوج ، حيت مجد طلع تا هو معا محسن

سناء : مزيان

كملو طريقهوم بجوجات عند دهايبي خداو منو داكشي لي بغاو عاد رجعو لدار ، صباح غا بدلات عليه مشاتديك الساعة نيشن لبالكو تكمل جماعتها معا محسن ، فحين سناء تا هي بدلات عليها او مشات دخلات لبيت صباح بتخبية او سدات عليها

سناء : (مشات كتقلب فساك تاع صباح تا طاحت على ديك لقرعة ددوا دخلات بيها لحمام او خواتها فطواليط كيما كدير ديما ، عاد جبدات قرعة تاع لڤيطامينات خواتهوم ليها فبلاصتهوم) بنت سناء ماشي مريضة نفسيا باش تبقا تشرب دوا دلمسطيين ، باك معارف والو غا كيخربق شحال من عام او نتي تشربي غا فلڤيطامينات او بيخير شوقعليك انا لي عارفة مصلاحتك مزيان

ياسمين رجعات حالتها بحال لول كتكون ناعسة تا كتفيق مفزوعة او مخنوقة كتشد فعنقها ، كتحس براسها فهاد سبيطار غتحماق بحالا ݣالسة على الشوك ، مقاداش تا تخرج ولا تا تهرب لمينوط فيديها او لبوليس فلباب ، داكشي علاش كيبقا لبكا هو لمتنفس ديالها ، على عكس صورتها لي كتبان قوية او طايشة مكتسوقش لتا حد ، ولكن لداخل ديالها كانت ضعف او هش من الريشة ، فبعض لأحيان لحياة كتخلي لواحد البس قناع ماشي ديالو غا باش اخلي حقيقتو ، حاقيقتو لي يمكن تكون خايبة ولا ضعيفة ولا حتى حقيقة كتحمل فطياتها ألم من لماضي او جروح باقي ليومنا هذا كضر مولاها ، او لعمر ماشي هو لي كيحدد كمية لمعانات لي يمكن ايدوز منهوم لواحد ، ديك لمراهقة طايشة فبحال هاد لأوقات فاش كتكون باحدها مامعاها حد كتسقط قناعها او كتعانق حقيقتها او تواسي راسها براسها ، يمكن هاد لمراهقة كانت غتكون حقيقتها زوينة كون تشد بيديها فواحد لوقت ، او كيما لكل قصة بدايتها كان لهاد لحقيقة بداية تبنات عليها احداث حياتها ، بازف منكوم يمكن كيقول شنو خلى هاد لبنت تولي هاكدا زعما معاملة باها لي خلاتها هاكدا ؟ واشحال من واحد باه خايب او مخرجش طريق بحالها ، ياك عندها مها مزيانة علاش كدير فيها هاكدا ؟ هادو أسئلة لا انا لا نتوما ولا حتى ياسمين قادة تلقالهوم جواب يمكن حيت لجذور تاع هاد لجواب متشابكة فبعضها , ولكن لحاجة لي متأكدين منها هو أنو ياسمين غارقة فبير مضلم شحال خاصها باش تخرج منو ، ولكن فلأخير تا حاجة ماشي مستحيلة

داها نعاس مرة خرى او دموعها باقي منشفو عليها ، كدخل عندها طبيبة تبدل ليها لفاصمة او كل عليها وتخرج ، تا وصلات لعشية عاد جا عندها لمحامي ، ناصر لي معرف لخبار مناش جاتهوم مقدرش امنع لمحامي من أنو يدخل عندها حيت ماشي من حقو او مابغاش ازيد ازبلها

سمير : السلام عليكم نتي هي ياسمين تاجي ياك ؟

ياسمين : واه هي أنا شكون نتا

سمير : انا لمحامي ديالك ، جيت باش ناخد الشهادة ديالك حيت غدا عندك لمحكمة

ياسمين : بهاد الزربة ؟

سمير : لقاضي جود بنفسو وقف على هاد لقضية داكشي علاش كولشي داز بزربة ، او دبا قولي ليا شنو لي وقع ديك ليلة

ياسمين : كنت فلحمام كندوش بعدما ساليت او لبست حوايجي كنت غادة خارجة تا جراتني أمينة من شعري او خشات فيا موس من لور

سمير : فناضارك شنو لي خلاها ضربك بموس تخاصمتي نتي وياها بيناتكوم شي عداوة

ياسمين : دبا هي مخلطة

سمير : كفاش ؟

ياسمين : الوان أصاحبي ، ليزيبيانة او كانت طايحة فيا من مشحال هادي او ملي عرفات بلي انا مباغاهاش او كندوي فطيليفون معا دري غارت او ضرباتني بموس

سمير : (خصر سيفتو) ماعلينا لبوليس ملي جاو هزوك فين داوك او علاش مقالوخا لتاشي حد فعئيلتك ؟

ياسمين : راجل عمتي حجرة تقيلة فلبلاد كان موصي عليا لمندوب تاع لحبس ، ولكن ملي تضربت خافو اسيق لخبار داكشي علاش كولشي داز فسكوتي

سمير : لموهيم انا درست لملف ديالك مزيان كانت بقاتلك شهراين باش تخرجي او معا هاد لحادثة يمكن ليك تخرجي من لحبس فمرة ، داكشي علاش غيخصك تسنيلي فهاد لورقة باش نوب عليك فلمحكامة

ياسمين : واخة (ستات لورقة) بغيت نسولك ؟

سمير : تفضلي

ياسمين : سمعت بلي كاين شي فصل مات فصل كيقول بلي الشخص الى خطف شي حد ل72 ساعة لقانون كيزوجهوم

سمير : سمعتي هاديك او مسمعتيش بلي لعقوبة تاع لاختطاف من عاماين لفوق

ياسمين : تا داك لفصل مينفعنيش

سمير : ههه معا لأسف ، نخليك أنا دبا

ياسمين خرج من عندها لمحامي مخليلها أمل انها تخرج منهنا ، رجعات تكات ليها غافلها نعاس

#فصباح#

كانت لمحاكمة تاع ياسمين معطلوهاش حيت لقضية داخلين فيها لوجوه او لفلوس داكشي شن طن ، ياسمين محضراتش لمحاكمة او بقات فسبيطار كتسنا توصلها لخبار ، او معا ديك تلاتة تقال لحكم لي كان فصالحها او لي عطاها لحق تخرج فحالها من لحبس ، ياسمين ملي رضولها طيليفونها او حوايجها متعطلاتش سنات على لحق فلخروج من لحبس او تا من سبيطار واخة عيات معاها طبيبة لي فيها مهناها ، شدات ليها طاكسي بديك متين درهم لي شفرات ليه او مشات لدار نيشن

مريم : (بعدما سمعات لباب تدق مشات تحل تشوف شكون تا كضرب فياسمين)

ياسمين : (قربات عند مها معنقاها) ماما

مريم : (زيرات عليها مخلية دموعها انزلو ممتيقاش بلي بنتها رجعات ليها) لحبيبة ديالي

ياسمين : (تعݣرات فجرح ديالها ولكن مبيناتش) ماما فيا جوع كاين ميتكال

مريم : (بعدات عليها كضحك) زيدي زيدي دخلي ندير لبنتي متاكل شوف كي ضعافيتي مكيوكلوكومش فلحبس ؟

ياسمين : مكلتهوم كي تاع سبيطارات

مريم : هادي ديرلك لعقل

ياسمين : انا غنطلع لبيتي نعس

مريم : مغتسلميش عليهوم ؟

ياسمين : مفياش لي يسلم

مريم : سيري سيري أبنتي الله ارضي عليك سلمي عليهوم مجاتش

ياسمين : واخة واخة

مشات سلمات عليهوم او طلعات ليتها نيشن سادة عليها او شادة لجرح لي كان كيعطيها لحريق ، عافرات تا وصلات لحمام او دخلات لطواليط قضات حاجتها عاد مشات بدلات عليها بواحد لپيجامة عبارة على شورط او توني ديالو ، مشات تكات ليها او هزات طيليفونها مصونية على جود آپيل كاميرا

جود : (وصلاتو لخبار بلي صافي خرجات من لحبس او تا من سبيطار) واش قاس جدك لهبالي باقي جرح تا متجمعليك او خارجة

ياسمين : وا مكنحملش سبيطارات

جود : لهلا تحمليهوم ، لاش مصونية دبا ؟

ياسمين : توحشتك او صونيت عليك فين راك دبا

جود : انا فلخدمة

ياسمين : معاياش كتخرج من لخدمة ؟

جود : معا ديك ستة علاش ؟

ياسمين : صافي ملي تخرج دوز عليا غتلقاني كنستناك

جود : لاش غندوز عليك بسلامة ؟

ياسمين : باش نمشيو نخرجو بجوج

جود : سيري شوفيليك فيمن تلسقي انا ممساليش ليك

ياسمين : عندك لحق نتا ممساليش ولكن منير غيكون مسالي ليا نسيت

جود : السبعة نلقاك فراس تاع درب

ياسمين : (قطع عليها مخليها كتفرنس) مغيار ، غنعس دبا واحد شوي راه يالاه لخمسة هادي

جود : (بقا خدام على شي قضايا تا وصلات ديك ستة عاد خرج ، داز لدارو لول بدل عليه بلخف اومشا ركب طونوبيلتو او شد طريق لحومتها)

ياسمين : (كانت نعسات ليها واحد ساعة عاد فاقت او هبطات لتحت كلات او رجعات بدلات عليها بواحد لكسوة فوق ركبة او سماطي بشيبي ، جمعات شعرها لور واخة قصير ، او دارت سبرديلة فرجليها ، عكر خفيف او ماسكارة او هبطات لتحت )

مريم : فين غادة

ياسمين : خارجة غا لهنا اماما

مريم : الله يابنتي ونتي يالاه خرجتي

ياسمين : غنضرب غا ضورة نشم شوي دلهوا او نرجع بكري بسلامة

مريم : تسناي نعطيك شي صرف

ياسمين : بلاش راني خارجة معا بنكة

مريم : هاء ؟

ياسمين : غا ضاحكة راه عندي شي صرف فجيبي (خرجات من دار او مشات كتسنا جود )

جود : (ملي وصل لقاها كتسناه تما ، غوبش ملي شاف داكشي لي لابسة)

ياسمين : (مشات ركبات حداه) سلام

جود : علاش عدبتي راسك أو لبستي بزاف كنتي تخرجي بدوپياس

ياسمين : لمرة جاية أبيبي

جود : دجاجة انا ماشي بيبي ، غنهرسليك لفم شي نهار على هاد لهضور

ياسمين : ميبقاش فيك لحال أبيبي يمكن ليك تعيطلي بيبي تا نتا

جود : فين غنمشيو فين ؟

ياسمين : دينا لشي بار بغيت نقول شي بلاصة لموهيم قهوة ولا ريسطو لي كان

جود : الله اخرج هاد لخرجة على خير

ياسمين : (مدات يديها لمسجلة او طلقات لموسيقى ، او حلات شرجم مخلية ريح اضربها فوجها او بقات تغني)

*عييت منضور بغيتك غير نتيا

*غير نتيا لي فعقليا

*عييت منضور بغيتك غير نتيا

*غير نتيا لي فعقليا

*ايشوفوك والديا

*معنديش معا لامور نبغي والديا

*زبلة دايرها بديا

*زهري فين غادي بيا ، فين غادي بيا

جود : (حبس طونوبيل حدا واحد لقهوة مطرفة او كلاس) يالاه نزلي

ياسمين : (هبطات فرحانة) غنكلسو هنا ؟

جود : واه

دخل هو وياها او شدولهوم واحد الطبلة ، طلبو داكشي لي بغاو او بقاو كيدويو عادي ، بلأخص ياسمين هي لي كانت اغلبية كدوي او جود غا كيسمعها ، تا وصلات ديك تمنية ونص عاد مشاو رجعو بحالهوم لدار

#عند شيماء#

فهاد لمودة علاقتها هو وعلاء بدات كتاخد منحى آخر كانو كيخرجو شي مرات ، او مرات خرين كانو كيدويو فطيليفون ، او ليومة كان واعدها اديها لواحد ريسطو جات فلخرجة تاع كازا اتعشاو تم ، وحدات راسها او لبسات ليها واحد لكسوة بلبيلج واصلة لركبة او صايبات شعرها او دارت شوي تاع لماكياج ، تسناتو فشاريع لكبير تا جا ركبها معاه او شدو طريق لديك الريسطو

علاء : (كان لابس بودي بلكول مزير معا سروال او فيسة ديالو من لفوق)

شيماء : خدمتي ليومة ؟

علاء : لا ليوم مخدمتش

شيماء : قريب لپروجي ديالك ايسالي ولا باقي

علاء : لا باقي مطول شوي علاش ؟

شيماء : غا سولتك او صاف

علاء : مسخيايش بيا ههه (بدا طيليفونو كيصوني) الو لحاجة

لحاجة : وليدي علاء لباس عليك ؟

علاء : حمد الله الحاجة ونتي كي دايرة مالينار شخبارهوم لبلاد ؟

لحاجة : كولشي مزيان اوليدي انا مرانيش فلبلاد انا عند عمك اكسيل

علاء : بصح ؟ هانية تا جيتي ؟

لحاجة : جيت انا او جدك او عمتك باش نحضرو لخطوبة صباح

علاء : خطوبة صباح ؟ كفاش ؟ شكاتقولي الحاجة

لحاجة : علاه اوليدي مقالتهالكش مك ، صباح خطوبتها هاد سبت معا داك محسن

علاء : (بالصدمة فرانا فجنب تاع طريق او بقا ساكت)

لحاجة : ميبقاش فيك لحال اولدي تستاهل حسن منها

علاء : بسلامة الحاجة بسلامة (غا قطع معا لحاجة شاف فشيماء) كنتي عارفة ؟

شيماء : ش.شنو ؟

علاء : (بدا كيتعصب) كنتي عارفة بلي صباح غتخطب أدوي

شيماء : (خايفة منو) واه

علاء : علاش مقلتيهاش ليا ؟ (شدها من يديها مزير عليها) علاش ؟

شيماء : مكنتش بغيت يبقا فيك لحال

علاء : (زاد زير عليها) باش من صفة أصلن تهزيلي لهم أدوي ضحكتليك جوج مرات ولا يسحابليك راسك شي حاجة متنسايش راسك شكون نتي

شيماء : (هضرتو كانت بحال لموس كيتغرس فقلبها)

شيماء : (دموعها خانوها او بصوت منكاسر قالت) عندك لحق شكون انا فملك الله تا نهزليك لهم

علاء : (طلقها او رجع اللور) نزلي

شيماء : شنو ؟

علاء : قلتلك نزلي

شيماء : (شافت من الشرجم لقات قدامها غا لخلى او ضلام ، ركبها لخوف) ك.كفاش نزل أعلاء شوف فين حنا لخلى لخالي

علاء : (غوت عليها) وا قودي عليا عطيني بتيساع

شيماء : (عرفات إلى مخرجاتش هو ايخرجها بدرع داكشي علاش نزلات لراسها وهي كتقفقف بلخوف ، وقفات حدا طونوبيل او هي كتقول بينها او بين راسها دابا يبرد او يقولها طلعي ميمكنش اخليها فهاد لخلى بوحدها)

علاء : (ضبابة نازلة ليه على عينيه بلأعصاب ، غا خرات من طونوبيل متسوقلهاش ݣاع او كسيرا مبعد عليها بلاما يفكر فيها ، تفكيرو لوحيد فصباح لبنت لي كان كيبغي سنين هادي تخطبات لواحد من غيرو ، حاس بلعافية شاعة فيه)

شيماء : (لقات راسها بنت بوحدها فداك لخلى لخالي تا طونوبيل مكدوز من قدامها تحبسها ، او تا طيليفونها مافيهش صولد ، باقي متيقاتش بلي سمح فيها او مشا وخلاها مابغاتش تحرك من بلاصتها حيت باقي عندها لأمل ارجع عندها ، سعا هيهات بقات فداك لخلى منشورة او غا حاضية جنابها خايفة اخرج ليها شي حد من جنب) الله ياربي او فين طحت ياربي ديرلي تاوين دلخير ياربي (دازت ديك نص ساعة او تا طونوبيلة مبانت قدامها او عينيها محبسوش من لبكا ، تا تسلط تسلط عليها واحد شمكار)

شمكار : (خرجلها من جنب جابد عليها جنوي او شد ليها صاكها) طلقي ازوينة هاد الساك ولا غادي نشرط أختي وجها طلقي

شيماء : (صاكها فيه فلوس لكرا او لمسروف دخوتها مقداتش تفرط فيه مناش غتجيبهوم ولا حتى مناش اتوكل خوتها صغار ، زيرات على الصاك هوا يجر او هي تجر) عافاك اخويا مطلق ليا صاك او خليني نمشي راه عندي خوتي صغار فدار انا لي كنصرف عليهوم ، لميمة مخليني نمشي بحالي

شمكار : مابغيتيش طلقي الصاك واخ (هز كي جنوية او شرط ليها يديها تا بدا دم اطشطش)

شيماء : (ملي جرح ليها يديها طلقات الصاك او شدات يديها كتبكي )

شمكار : (خدا منها الصاك او شدها من شعرها) ياك ازوينة قلتليك طلقي ساك نتي مكتسمعيش ولكن حيت أنا ضريف غندير معاك واحد لحل خليني ناكل ليك لحلوة او نرضليك ساكك شقلتي ؟

شيماء : (طاح ليها لما فركابي او بدات كتحاول تفك) لا لا غا خود الساك او خليني نمشي عافاك الله يرحم ليك لواليدين ديرني بحال ختك او خليني نمشي بحالي

شمكار : (جمعها معاها بطرشة) نديرك ختي هههههههه ختي ازين مكاضورش فلخلى لخالي بشرويطة ، دايرالي فيها شريفة ونتي غا طحبة مكنشاوركش غنكويك او مغتاخديش صاكك

شيماء : (غفلاتو او عضاتو من يديه تا غوت او طلقها هي تهرب ، ولكن معا ضلام تعكلات بحجرة او طاحت لأرض مشرشمة ركبتها)

شمكار : (لحق عليها او شدها من شعرها جارها فلأرض او حاردها) زيدي زيدي نتفاهمو

شيماء : (قالت صافي هادي هي لخرة ليها تا ضرب واحد ضو فوجها كان تاع طونوبيل ، نزل واحد راجل كان بوليسي)

لبوليسي : (جا مكسيري بطونوبيل كيف عادتو تا بان ليه داك شمكار كيضرب فشي بنت حبس الطونوبيل قدامهوم او نزل عندهوم فاك شيماء من يدين داك شمكار لي غا جاتو لفرصة هرب ، لبوليسي مقدش اتبعو حيت شيماء كانو دمايات من يديها كيف شلال) بنتي واش راك لباس

شيماء : (عاونها لبوليسي لي كان فأواخر ربعينيات ديالو باش توقف) شكرا

لبوليسي : شكاديري فهاد لخلى بوحدك باينة فيك ماشي ديال هاد لبلايص زيدي زيدي نوصلك لكوميسارية تقدمية محضر

شيماء : وصلني عافاك غال كازا مباغا نقدم بو محضر رزقي مشا او مغيرجعش ليا

لبوليسي : واخة واخة ركبي نديك أبعدا غالشي فرملسيان راه جرح عندك غارق

شيماء : (ركبات معاه فطونوبيل تاع لبيليس او هي كترجف من زهرها طيليفونها مكانش فصاك ولكن ديك طيحة لي طاحت تشخسخ ليها او خسر)

لبوليسي : تبغيني نصوني ليك لشي حد من عئيلتك ؟

شيماء : (غا ساكة او كتشوف فشرجم او تبكي ، وصلها داك لبوليسي لواحد لفرماسيان كيعرفو عقمو ليها جرح او دارو ليه لفاصمة ، عاد داها تال شاريه فاش ساكنة او حطها) شكرا او سمحلي صدعتك

لبوليسي : هادي خدمتي أبنتي ردي لبال لراسك

شيماء كملات طريقها تال جبهة فين كاينين طاكسيات او شدات ليها واحد طاكسي لدار تاع اكسيل ، وصلات ليها او طلبات من لعساس اسلفها باش تخلص طاكسي تا ترضهومليه

لغالية : (كانت فلكوزينة كتقابل لعشا تا قفزاتها شيماء ملي دخلات بديك لحالة حوايجها وحرودين او فيهوم دم شعرها وخربق او عينيها حمرين بلبكى او كتعرج) شيماء مالك شكون دار فيك هاد لحالة

شيماء : (غا كتبكي)

لغالية : زيدي زيدي معايا لبيتي (داتها لبيت لي مخصصة ليها او عاوناتها تبدل حوايجها او تمسح مكياجها عاد دارت ليها دوا برجلها لي كانت كاملة محرودة)

يتبع