جود : مكنتشاورش معاك باغة تخلعي ناس بهاد لكمارة
ياسمين : (ضرباتو بجهد لفخض ديالو) بزاف عليك تا نخلعهوم أنا زوينة مكنخلعش
جود : (بدا كيديرلها دوا لجبهة ديالها) وا سنطيحة عندك
ياسمين : دبا غتكدب او تقول مزويناش انا ؟
جود : الزين غا كيتشاير عندك (بدا كيصوني ليه طيليفون ، حط داكشي لي فيديه او جاوب على لاتصال) الو ماريا صڤا
ياسمين : (شافت فتيليفونو ملي كان كيصوني لقات سمية ماريا لي مكتوبة ، او زاد ملي جاوب او قال ماريا أكدلها داكشي لي شافت عقداتهوم ، او قربات منو تسمع شنو كتقوليه)
جود : (كيدوي معا ماريا او كيحاول ابعد ياسمين لي كانت لاسقة فيه) ليوم بليل ؟ لا راني بوحدي غا واحد لمسة لي مصدعاني
ياسمين : (عيات تحاول تسمع والو مخلاهاش شافت تا عيات هي تغفلو او ݣلسات فوق حجر معنقاه او دايرة ودنيها على الطيليفون تسمع)
جود : (ريحتها دوخاتو او تعنيقة لي ديرتايه خلاتو يتشوكا ، سخونية بدات كطلع معاه او صدرو تزير عليه ، كيحس بأنفاسها سخان كيضربو فعنقو مابقاش مركز معا ديك ݣاع لي كدوي معاه فطيليفون او كيقول غا واه) صاف اماريا ختاري نتي فين نتعشاو يالاه بسلامة تال ليل او نتلاقاو (قطع معاها او شاف فياسمين لي كانت حاطة يديها على كتافو او كتشوف فيه عاقداهوم)
ياسمين : (زربات عليه) كتخوني أجود ؟
جود : (كيحاول ابعدها عليه) نزلي عليا شمن كنخونك آش بيني وبينك أصلن
ياسمين : (نزلات من فوقو كاعية ونترات ليه الطيليفون من يدو) شكون هاد بنت طحبة لي كدور بيك ، علاش باغي تخرج تعشا معاها بسلامة ؟ او مالك كنتي دوي معاها بصواب ؟ وتحاول شنو بينك او بينها اجود ؟
جود : ساليتي ؟ (نتر ليها طيليفون من يديها او ناض جمع حوايجو باش يمشي) ماشي شغلك فشكون هادي ديها غا فحريرتك او هنينا
ياسمين : (شديها طرطق باغي قلبها يسكت خرج مخليها كتغلي ، داوها لبوليس او رجعوها لزنزالة لي فيها لبنات ، مشات طلعات ليها لباياصها او ݣلسات تما عاقداهوم) شكون هاد بنت طحبة لي مدور بيه ، غيمشي يتعشا معاها ويلى محبسوش فلعشا ، زعما تكون صحبتو لا ميمكنش ، واخة تكون والله لا خليتو ليها بلاتي نخرج لكلبة دجدها نوريها الضورلي بالراجل ، تفو تفو غا غبرت من حداه بداو ايضورو بيه ، كان خصني نرشمو قبل منجي لهنا ، ناري الى لقيتو معاها شغانديرليه
امينة : لحبيبة ديالي مالك معصبة
ياسمين : (تكات فوق الناموسية ديالها او واجهات بوجها لحيط)
أمينة : (بقات مطرطقة عينيها فياسمين خصوصا فطغمتها ، مدات يديها او حطاتها فوقها كتعجن فيها) أح على طغمة عندك العمر مهداكش الله تخليني تخشي فيها صبعاني
ياسمين : (نترات ليها يديها بزعفة او شافت فيها ساخطة) جمعي عليا اتاملة يديك قبل منخشيهوم لجدك فلعينيه تفو على ݣنس
أمينة : دايرالي فيها صعبة لمنال ايوا ها حنا غنشوفو
ياسمين : (رجعات تكات ممسوقاش ليها ݣاع)
#عند صباح#
فهاد شهراين كان اكسيل ضاغطها بمعنى لكلمة هو بنفسو كيديها فينما بغات واخة مقالهاش السبب الحقيقي على فعلو ، كيكتافي يقولها بلي بنتو وباغي هو بنفسي يديها او يجيبها فينما بغات ، زائد الضغط تاع لقراية لي كانت بدات شي شهر او تلاتة تاع السيمانات هادي ، هادشي كامل ممخليهاش تبقا تلاقا معا محسن لي هو بنفسو كانو سيفطوه شهر سطاج لواحد لبلاصة ، ولكن هادي سيمانة باش رجع لكازا ، صباح شافت تا عيات او لقات بلي هادا هو لوقت لمناسب باش تفاتح محسن فموضوع زواج أو توافق عليه او تخليه اضبر راسو معا باها وخوتها ، رغم انها باقي مواتقة او خايفة من ردة فعلو ملي يشوف لغالية ، صلاة صلاة الإستخارة و زعمات تمشي تلاقا معاه مستغلة فرصة لمسافرة تاع اكسيل ، او ضغط لخدمة على مجد حيت ولا هو لي مقابل لقهاوي هاد ساعة ماحدو باقي مالقا شي شركة يسطاجي فيها ، او جود لي شاب مسكين للمحاكم او لقضايا لجنائية ، كانت ديك لوحدة ملي ناضت صباح بدلات عليها بواحد لكسوة طويلة معا سمطة لوسطة او فولار او نضاضر ، هزات سوارت تاع طونوبيلتها او هبطات لتحت
صباح : لغالية هاني مشيت
لغالية : فين بسلامة ؟ عند فلان
صباح : واه الى صونا بابا لقايلي شي سبة صافي
لغالية : سيري سري تشوفي حبيب لقلب ونتي دايرالي كي لملهوفة
صباح : بسلامة (مشات طايرة ركبات طونوبيلتها او زادت معا طريق او هي كتصوني على محسن) الو محسن
محسن : زين دمحسن وصلتي ولا باقي
صباح : هاني فدخلة تاع كازا قريب نوصل
محسن : خودي راحتك تلقايني كنستناك فلقهوة دلقدس
صباح : صافي مشات (قطعات معاه او كملات طريقها تال ديك لقهوة ونزلات داخلة ليها ، بقات كدور راسها تا شافت محسن كيشير ليها ومشات عندو كتفرنس) تعطلت عليك كان زحام
محسن : (باغي يطير غا كيفرنس تا هو بحال لهبيل) ماعليش ، شنو تشربي
صباح : شنو تخلص عليا ؟
محسن : لي بغيتي
صباح : اهيا ضورتي لحركة ؟
محسن : ههههههه شي بريكول او صاف
صباح : ملي ضبرتي خلص عليا لعاصير دلأناناص
محسن : جاتك الالة (دومونضا ليها لعاصير او طورطة صغيرة)
صباح : (بدات كتاكل) كي جاتك لخميسات مزيانة
محسن : مزيانة
صباح : او بناتها هوما ؟
محسن : شمن بنات علاه كاينين شي بنات فلخميسات
صباح : ماشي بو بنات ولا معجبوكش ؟
محسن : عندي نتي ونقلب على لوخرينات ماجاتش ، واخة باقة ماحنيتي عليا نضربو لكحل فلبيض
صباح : هههه جمعتي لفلوس تاع لكحل او لبيض ولا غا داوي
محسن : هاد الساعة عندي تاع بلون كاسي نرسي لكلام معا باك نرشمك ملي نتوضف رسمي غنديرو لعقد
صباح : او بالنسبة لدار ؟
محسن : بالنسبة لدار كنت عاطي تسبيق فواحد الدار هاد شهر عطيت شي براكة بقاتلي واحد شي غنضرب واحد لبريكول فهاد السيمانة ونساليها
صباح : مزيان كنت بغيت غا نقولك بلي حسيب بابا شاك بلي انا معا شي حد أو بغيتك تمشي تخطبني منو
محسن : تا حلفي
صباح : والله
محسن : نيشن نيشن
صباح : ماباغيش ؟ قولها ندير بناقص
محسن : (ماقاداه فرحة) تا بربي ماديري بناقص قلتي لكلمة وصافي سدينا ايمتى تبغيني ندوي معا باك ؟
صباح : فأقرب وقت غيرجع من السفر ديالو ليوم بليل (ديك دورة لي دارت بانلها اكسيل داخل معا لباب تاع لقهوة لما جمدلها فركابي بلخلعة تخبات تحت طبلة)
محسن : (مافهم تا وزة بانليه اكسيل كان عوال ايمشي يسلم عليه ولكن ملي شاف صباح تخبات تحت طبلة تحنى عندها) مالك طاحتلك شي حاجة
صباح : (لون تخطف من وجها) لكيكة طاحتلي فسليپ أمحسن ناري قفرتها
محسن : مالك شواقع
صباح : بابا بانلي فلقهوة الى شافني خلات عليا قال تال ليل عاد يرجع مالو رجع دبا
محسن : واش غيدربك زعما ؟
صباح : لا غيضربك نتا ماشي انا
محسن : شكون فيهوم باك نمشي ندوي معاه
صباح : لا مادويش دبا
محسن : واخة واخة غا قوليلي شكون فيهوم باك باش تحضي معاه او نعرفو فوجهو نيت
صباح : شتي داك الراجل لي دخل عاد دبا راه طويل او سمر او زوين لابس قبية معا سروال دتشانضا وسبرديلة
محسن : ههههه بقالك شوي وتقوليلي سميتو اكسيل
صباح : مناش كتعرف با
محسن : هههههه ماضحكيش هاد ضحك لباسل ليصدق بصح
صباح : (باقة مخبعة تحت طبلة وضارباه لفخض) بنتلك تنضحك راني بنت اكسيل ، صباح آيت اوسو
محسن : (الرجلين لي يهزوه مابقاوش عندو ، وهبط تا هو مخبع تحت طبلة معاها او داوي ممتيقش) إيكسيل إيكسيل ، لي عندو جوج دراري مجد او جود
صباح : كتعرف تا خوتو
محسن : (شداتو لبكية) كنعرف تا لقتلة لي غيديرو ليا ، مالقيتي جدك بنتمن تكوني غا بنت إكسيل ناري مي غنمشي فيها كفتة ، لميمة ماقوليلي غا كضحكي
صباح : مالك كتولول عليا راه بابا واخة يبانلك هاكداك راه ضريف
محسن : واه ضريف حݣلو آخر مرة ضحك معاه واحد قاليه شبانلك تزوجني لبلارة دبنتك علقو فشجرة (طرش راسو) وانا لي عاونتو بيدي اعباد الله ، او نمشي عندو دابا نقوليه زوجني بنتك غيشعل فجدي لعافية ونا حية
صباح : ماتقوليش خايف
محسن : (مكرهش فهاد لحضة اينوض اسلخها) واش جدك نتي باك إيكسيل او دوك جوج رهوط خوتك او خارجة معايا كضحكي بحالي مخاص جدك خير ، انا فبلاصتك نحشم
صباح : علاش نحشم ولا ياكما خرمتي
محسن : خصك تحشمي يمشي هاد لخليقة لي قدامك كفتة ولكن انا لي من صغري نطلبها عوجة ناس تطلب سلاك او أنا طالب نسيب مطريني اݣرضني ها ربي صيفطلي قابض روحي
صباح : (خافتو يخرم) اهيا ياكما غتخرم
محسن : موت وحدة لي كاينة ودبيح تاع باك نزاهة ابنت لهم ، لقلب مايشاور ونا قلبي طاح فيك طيحة عمية
صباح : شنو لمعمول دبا
محسن : عليك بدعاء اما تاحجة خرى متفكني من باك
صباح : (بقا فيها واخة هاكداك مدات يديها او شدات ليه يديه) متخلعش احياتي ماتسالني غا نلبس عليك حق الله 5 شهور
محسن : لا لا شوكرا الله اقوي من متالك
صباح : (طلات بانلها اكسيل خرج هو وصحابو من لقهوة عاد رجعات ݣلسات او قلبها كيضرب فمعدتها) عندك شي خطة
محسن : ستناي نشرب أبعدا (طاح على لكاس طيحة وحدة) سمعيني المصيبة ديالي خوتك بجوج صحابي غا ديك نهار زردنا داك خينا مجموعين ، غنبدا منهوم او تانتي من جيهتك دوي صافي
صباح : كون هاني انا غنوض دابة نسربي نرجع لدار قبل من بابا بسلامة
محسن : ستناي هاكي (مد ليها واحد الساشية كبيرة) هادي ديالك
صباح : (خداتها من عندو وهي كتفرنس) شكرا زين
خرجات صباح او ركبات طونوبيلتها غادة بزربة باش تسبق باها ، مخلية محسن واحل فحريرتو شاف تا عيا هو ينوض تا هو خلص او مشا لدار صلى ليه واحد جوج ركعات او هز طيليفون مصوني على مجد او جود
مجد : افين العشير عاش من سمع صوتك
محسن : (لهضرة واحلة ليه ماقاد تا يدوي ماشي حيت خايف ولكن حيت ماعندوش لوجه باش يدوي كانت ختهوم لي بغا ، وهو عارف غيرتهوم عليها تا لهضرة عمرهوم دواو عليها قدام شي حد) فين لباس
مجد : حمد الله
محسن : مساليين نتلاقاو هاد دابا
جود : جبتيها أخاي محسن نيشن لقيتيني كنت باغي نصوني عليك نقولك نتلاقاو مجد راك مسالي
مجد : راني خليت دراري فلقهوة وهاني خارج فين نتلاقاو
جود : عندي فدار
محسن : (غوت مفزوع) لا
مجد : صمكتيني ينعل جد باباك مالنا
محسن : غا غاقلت نتجمعو فبلاصة خرى حدى لبحر متلن
جود : آسيدي لي عجبك غا بقانا على خاطرك
محسن : صاف مشات نتلاقاو بعد شوي
قطع معا دراري او هز طونوبيلتو متوجه لبلاصة لمعهودة كيما دارو تا هوما
جود : (وصل لبحر معا مجد قد قد) لخوادري صڤا
مجد : حمد الله ، أغبرتي اعشيري
جود : انا كرهت أصاحبي لملفات تال فوق راسي تا من لواليد شي سيمانة مشتو ، ونتا كي غادي معا شي تمارة
مجد : هاحنا معديين أخاي
محسن : (كان كيستناهوم تما) جيتو
جود : (سلم على محسن من لوجه) مالك اعشيري بنتيلي مهواش شواقع
محسن : و والو
مجد : شي مخاصمة هادي معا لمادام
محسن : لا غا بغيت ندوي معاكوم فواحد لموضوع
جود : الله اسمعنا خير شطاري
محسن : (ستجمع شجاعتو او دوا بجدية معاهوم) عقلتو ملي قلتو ليا واش كنعرفو لبنت معامن كاين او قلتلكوم مكتعرفوهاش عرفت ليوم بلي راكوم كتعرفوها
مجد : بصح ؟ شكون هادي
محسن : (تردد قبل ميجاوب) ص.صباح ختكوم
جود : (مادار ليه تا فين ياخد نفس تا نزل عليه بواحد لبوكس لكمارة او دوا معصب) محسن هاد ضحك تاع لخرا ماعنديش معاه لخوادرية خليها أپار هاد ضحك
محسن : جود مكنضحكش معاك مكنتش عارفها ختك عاد عرفت ليوم او جيت باش نطلب يديها منك (هاد لمرة مجد هو لي شنق عليه)
مجد : (كان دمو كيخلي او كيدوي كارز على سنانو) كفاش مكنتيش عارف أدوي ، ختي امحسن ختي ؟ واش باغي نخرج على جدك
جود : (كيكشكش ولكن فنفس لوقت باغي يفهم شواقع قرب عند مجد او بعدو على محسن) خلينا نفهمو شواقع
مجد : (مابغاش يطلق غا بدرع او قبل ميطلقو ضربو بݣنݣ لنيفو رعفو) شغا نفهم واش مشتيش هاد ولد طحبة شكايقول كفاش لخوادرية شقربك ليها أصلن هادي هي لعشرة أدوي اتامل
محسن : (متفهم داكشي باش كيحس هو براسو كان غيدير كتر من هاكدا) راني فاهمك أصاحبي ولكن خليني غا نشرحليك او نفهمك لقصة من لول
جود : (باقي عاقدهوم) يالاه دوي هاحنا كنسمعو
محسن : (وقف على رجليه او بدا كيدوي) شي 5 شهور هاد مشيت لمكناس حيت كان عندي واحد لغراض او كانت واحد لبنت غدوز عليا بميمونة ديالها ، لموهيم بعد مودة طلعلي لأنسطا ديالها او درنا متابعة لبعضياتنا ولكن واحد لمرة ملي جات لكازا وقع سوء تفاهم بيناتنا ، او بعد مودة دوينا فلانسطا لشي يامات او درنا نتلاقاو (هز عينيه فدراري لقا رجل تاع جود كتڤيڤري بلأعصاب أو لعين تاع مجد كترمش عرفهوم غينقزو عليه فأي لحضة داكشي علاش كمل هضرتو بزربة) ملي تلاقينا بقينا مباعدؤن والله تا شدات ليدين ماشديناهومش ، او قلتليها بلي عاجباني او ناوي معاها لمعقول ولكن حيت صدقات كبر مني ماقبلاتش او قطعات معايا لاتصال تا دازت سيمانة عاد قبلات تدوي معايا كنت غندوي معا باها ولكن لقينا بلي مكنعرفو على بعضياتنا والو داكشي علاش قلنا ناخدو واحد لوقت نتعارفو مزيان قبل مندويو معا عئيلاتنا ، او فهاد شهراين كاملة مكناش كنتلاقاو او تا طيليفون كندويو غا شوي وصاف حيت أنا مشيت سطاج او فشك باكوم عرف بلخبار او ليوم ملي تلاقينا عرفت بلي هي بنت عمي اكسيل او كنيتها آيت اوسو
جود : محسن جري
محسن : كفاش ؟
جود : محسن هرب حيت الى شديتك غنطحنك واحد
محسن : (مزادش معاه لهضرة او طلقا بواحد الجرية او جود او مجد تابعينو من اللور او هو غا كيغوت) والله ما كنت عارفها ختكوم بي الله ما كنت عارف
جود : (لحق هو ومجد على محسن لي كان تعكل او طاح لارض جود هبط عندو او شنق عليه) شوف بلاما تمرض مي بديك ماكنتيش عارف بلي لخوادرية ، شحال او حنا صحاب أدوي عارف تا با او معارفش بلي صباح ختي علامن كطنز (عطاه بواحد لكروشي لوجه) راضنا شمايت كضورنا معا لخوادرية فزناقي وتقولي مكنتش عارف
محسن : واباش غنعرف انا بلي صباح ختكوم ياك منين كنا عشران بنات لعئيلة مكندويوش عليهوم قدام بعضياتنا ، عمركوم قلتولي عندنا ختنا سميتها صباح ولا دويتولي عليها شنو كتقرا ولا تا عمرها ، عمركوم او بليمرة مكتعرفوش تا انا خواتاتي كتعرفوهوم
مجد : علاه عندك خواتاتك
محسن : جوجات جوجات
مجد : طلق منو اجود طلق (غا طلقو جود شنق عليه مجد) او واخة مكنتيش عارف ختنا هاديك سمعتي غتعطيها تيساع منشمش ريحتك حداها سمعتيني ولا والله تا نݣرضك امحسن
محسن : تا واش هبلتي كفاش نخليها واش انا جاي تال عندكوم برجلي ونا عارفكوم غتاكلوني فسما باش تطلبها كنكوم او نتا كتقولي بعد عليها مريض شوي لا
جود : واش باقي زايد فيه ماعندنا بو بنات لزواج صباح غا خويها من دماغك
محسن : (وقف على رجليه) تا والله ما نسمح فيها قالك تا باكوم غندوي معاه
مجد : غتدوي معاه ؟ ايهيه منك ليه ملي يصفيهوم ليك ديك الساعة نشوفو هاد تزامليت لي فيك
جود : شوف امحسن راني لدابا مدرت فيك والو غا على قبل لعشرة لي بيناتنا او حيت قلتي راك مكنتيش عارفها ختنا ، او دبا ملي عرفتي عطيها تيساع فمرة ماهي ديالتك مانتا ديالها فهمتيني دبا ، او منبغيش نشوف كمارتك مرة خرى كولشي ندوزوليك الى ختي
مشى كل من جود او مجد بعدو متوجهين لطونوبيلاتهوم مخليين محسن الدم كينزل من نيفو وفمو
محسن : (بقا فيه لحال شوي على حساب جود او مجد لي قطعوها معاه فمرة ) تفو على زهر شخلاو لباهوم ايدير فيا ، ولكن ديك لموصيبة تستاهل
مجد : شغانديرو فهاد زمر عاود
جود : ماعندنا مانديرو الى كان بعقلو غيعطيها التيساع بغا غا لمشاكيل حنا صحابهوم
مجد : غتقولها لواليد
جود : ماعندي مانقوليه ايسيق ليه لخبار يمشي فيها داك لمرض كفتة
مجد : ويلى مشا هو عند لواليد براسو او كان فعلن باغيها
جود : بلاما تعصب مي الله يرحم الباك بديك باغيها مالقا ميبغي غا صباح على قلت لبنات
مجد : خصنا ندويو معا صباح نشوفو هي شنو باغة
جود : خايف غالا تكون تا هي باغاه آجا ميفكها
مجد : غترجع لدار دبا
جود : لا معروض لواحد لعشا نساليه او نرجع لدار متدوي معا صباح تا نجي بسلامة
مجد : بسلامة
جود : (ركب فطونوبيلتو ومشا بحالو كيما دار تا مجد ، او هو فطريق صونا طيليفونو) الو ماريا
ماريا : قريب توصل ولا باقي
جود : هاني قريب واحد 5 دقايق تلقايني تما
ماريا : صافي واخة هاني كنستناك
جود : (قطع معاها او كمل طريقو تال قدام واحد الريسطو عاد حبس وبلاصا طونوبيلتو قدامها ، نزل او هو لابس ليه لباس عادي كيما مولف ديمة قبية معا سروال دتشانضا وسبرديلة ، راد شعرو اللور او داير نضاضر ، دخل معا لباب او بدا كيقلب بعينيه عليها تا بانتليه تما هو يمشي متوجه لعندها)
ماريا : (بنت زوينة شعرها طويل ما غليضة ما رقيقة هي هاديك من حوايجها باين بلي كتهلى فراسها او كتشري غا ليماغك ) ها هو جود جا
جود : (بتاسم واخة ماعندو ݣانة) تعطلت عليكوم ولا ؟
دري : (واحد من دوك لي كانو ݣالسين فوق ديك الطبلة لكبيرة) غنسامحوك هاد لمرة القاضي ديالنا
جود : (ݣلس تا هو) هههههه الله اكتر خيرك على هاد لحساب
ماريا : واخيرا تجمعنا كاملين فكل عام كنا كنتجمعو كان جود مكيحضرش تال هاد لمرة
جود : انا كرهت راني تال هاد لعام عاد رجعت لكازا
لبنت : منين شدينا لباك او كل واحد مشا لشي قنت ولكن كنفرح ملي كنتجمعو بحال هاكدا ، كنسترجع لأيام تاع ليسي
ماريا : كون تشوفي ياما شحال توحشت دوك لأيام كنا ديما مجموعين
دري : ومالك تا دبا نتي وجود باقي مجموعين
لبنت : (نقزات فرحانة) تزوجتو ولا ؟
ماريا : (ضحكات بخجل) هههههه شمن زواج الله يهديك حنا غا خدامين فنفس لبلاصة وصاف
دري : مزيان الالة زواج ايجي من بعد
جود : تونا شمن زواج علامن داويين أصاحبي انا وماريا غا صحاب او صاف اولا ؟
لبنت : علاه مكنتوش معا بعضياتكوم مشحال هادي فليسي
ماريا : (تقرصات شوي) الا شمن كنا معا بعضياتنا حنا كنا غا صحاب او باقين غا صحاب او زيدون تلقاو جود ضبر على راسو
دري : جود شهاد لخيانة اصاحبي
جود : واش انا ضبرت على لمرا ونا مفخباريش ههههه خوكوم باقي عالله هاد الساعة غا معا لخدمة وصاف
لموهيم بقاو كيتجمعو بيناتهوم او يسترجعو ذكريات الماضي تا تعطل لحال او كل واحد مشا فحالو ، تا بقا غا جود او ماريا
جود : (خلص كولشي او خرج لبرا لقا ماريا باقة كتسنا برا) ممشيتيش ؟
ماريا : كنستنا فشي طاكسي مجبتش معايا طونوبيلتي
جود : ركبي غنوصلك
ماريا : لا بلاما نعدبك انا غنتسنى شي طاكسي
جود : راه لوحدة هادي فين غتلقاي شي طاكسي يالاه نوصلك راه خطار عليك
ماريا : صافي واخة
جود : (ركب فطونوبيل او ركبات ماريا حداه) فين كتسكني
ماريا : كنسكن فحي *****
جود : (توجه بطونوبيل لعنوان لي قالتليه)
ماريا : تا عئيلتك جات لهنا ولا غا نتا
جود : كولشي جا
ماريا : مزيان علأقل متبقاش بوحدك ، احقا تفكرت ديك لقضية تاع داك لبزناز نتا لي شادها ياك
جود : واه علاش
ماريا : غا سولتك ، فخبارك باقي ممتيقة بلي دازو هاد سنين كاملة او وليتي قاضي
جود : هه مجاتش معايا ولا
ماريا : هههه لا حاشا غا هو كتبان فشكل فلمحكمة
جود : زعما
ماريا : كتبان جدي او صارم
جود : تا نتي فلمحكمة كتسيفي ، هاحنا وصلنا
ماريا : (نزلات من طونوبيل او دوات معاه مبتاسمة) كيشرفني نخدم معاك ألقاضي جود
جود : هههه نتمنا نتوافقو احضرة لمدعي لعام
ماريا : ههههههه ان شاء الله نخليك دبا بسلامة
جود : بسلامة (دور طونوبيلتو او تم راجع بحالو لفيرمة ينعس تما حيت هاد تلتيام مكانش خدام فيها ، بلاصا قدام لباب او دخل لدار متوجه لبيتو نيشن ، حيد حوايجو تا بقا غا بشورط هو يمشي يتكا هاز لپيسي يخدم فيه شوي قبل مينعس ، دخل لألبوم تاع الصور اقلب على واحد تصويرة تا ضرب فتصاور تاع ياسمين لي كانو باقين عندو من داك نهار ، حس بقلبو تزير عليه او تفكر ريحتها لي مقدش ينساها ، دغيا طفا لپيسي ديالو او مشا ينعس)
#فصباح#
كان اكسيل ناعس على كرشو ولغالية حاطة راسها على ضهرو او لايحة عليه رجليها شي لي خلى لغطا يطيح عليها او ديك شوميز دونوي لي كانت لابسة طلع ليها تال سما مخلية طغمتها كاملة كتبان ، بدا طيليفون تاع اكسيل كيصوني شي لي فيقو من نعاسو او مخلي لغالية تغوبش او تقلب لجيهة لوخرة باش تكمل نعاسها
اكسيل : (لي كان لابس غا شورط مد يديه مغوبش لطيليفون لقاها يالاه ديك السبعة تاع صباح او عزيز هو لي مصوني عليه) الو
عزيز : {إيس تسولذ تجنث ماذ ؟} (واش باقي ناعس ولا)
اكسيل : {سولخ عاذ اورغيري لخدنث آسا ثريدي ايشا ؟} (راني باقي عاد ، ماعنديش لخدمة ليوم باغيني لشي حاجة)
عزيز : {عايذغ سݣ سفر آسا ، ذاي ليغ غر علاء دغيك ادزريغ غيرش تعشيثاد أذاش أوشغ إيدجن لامانة قبل أذ دوغ غر ثادارت} (راني رجعت من سفر ليومة ، وراني عند علاء غندوز عندك نعطيك واحد لامانة قبل منمشي لدار)
إكسيل : صافي واخة (قطع معا خوه او ضار لجيهة لغالية لقا سيدة مفرعة رجليها وناعسة حوايجها طالعين عليها او مكوزة لسما ، رجع تكا ياكما يديه نعاس سعا والو من طبيعتو لامشا تا ضرباتو لفيقة مكيقدش ارجع ينعس ، بقا مودة وهو متكي كيشوف فتفاصيل جسدها تا حس بسخونية غادة وكطلع معاه ، مد يديه لكاشة او غطاها بيها)
لغالية : (ملي حسات بلكاشة تحطات عليها خسرات سيفتها او حيداتها عليها وهي كتبرݣم) صهد
إكسيل : وراه صهد تاع بصح لي غنوريك الى متخطيتيش ولا هبطي أبعدا غا كسوتك راه طغمتك كاملها كتبان (حاول اهبط ليها ليها حوايجها سعا والو هو يهبط او هي طلع)
لغالية : (تخلط عليها صهد معا نعاس ، مفهمات تا علاش اكسيل كيهبطلها حوايجها عافرات معاه تا عيات هي تكلس او حيدات ديك لكسوة عليها وبقات غا بسترينݣ تا سوتيامات مكانتش لابساهوم او رجعات تكات) ايوا هبط دبا الريح
اكسيل : (ضحك بشر) داك سليپ مجابلكش الصهد هو نحيدو ليك همم ؟
اكسيل : (مد يديه أو قربها لعندو وملسقها معاه خاشي فمو فعنقها كيبوس او يمص فجلدتو او يديه تمدات لباقي أنحاء جسدها كتلمس فيهوم او كيدوي داخل عنقها) فيقي
لغالية : (حسات بفمو لي همسس ليها فودنيها باش تفيق ، نازل من عنقها تال صدرها وستقر على بزولتها ليمنية ، لسانو نسوخ خلاها تفيق بلى خاطرها) شكادير الحاج ؟
إكسيل : كنفطر الحاجة (قرب عند فمها او دمج شفايفهوم فقبلة طويلة كانت فيها ألسنتهم متشابكة ، فصل لقبلة ورجع خشى راسو فعنقها كيطبع فيه ملكيتو)
لغالية : (خشات صبعانها فشعرو مستمتعة بلمساتو لي كانت كتهيجها او تشعل فيها لعافية) همم كنتي تخلينا غا تانفيقو مزيان
إكسيل : كنتي ضربتي لحساب لهادشي قبل متحيدي لكسوة اما دبا فات الفوت (مد يديه وشحط طغمتها قبل ميحيد ليها سليپ او يدوز ليها يديه تحت ضهرها او هزها لعندو)
لغالية : (دورات رجليها على عنقو او محازطة عنقو بيديها) نتا متعرف نهار ماتعرف صباح بكري خاص غالي يجبدك
إكسيل : شوف شكون كيدوي علاه الحاجة شكون لي فينما نقولها آجي بليل تقولك عيانة ، مابغيتش ، ماشي دبا ياك غا لبارح قتلك ستنايني جيت لقيتك شبعتي نعاس إيوا عوضي دبا فصباح
لغالية : ناري على مسموم راني كنعيا بلقراية
إكسيل : (بطنز) واه بلقراية شمن قراية هادي لي مكيفيق ليها بنادم تال جوج دنهار ، تا من لجامعة انا لي كنمشي نطبعلك دروس او نجي عمر رجليك تحطات فيها
لغالية : أناري ياخويا واش دير لحسابات ، طلق من هاد لبزولة ودوز لوخرة راك حردتيها ليا
إكسيل : (غمزها) شبان ليك نحردو بلاص خرى
لغالية : (بتاسمات ليه او شدات يديه مهبطاها لتقبتها) قاصد هادي
إكسيل : (بقا كيدوز صبعانو فوق ديالها وفمو شاد بزولتها تانية ، وملي حس بصبعانو فزݣو مزيان طلع جوج منهوم معاها تا غوتات)
لغالية : آح (كتحس بصبعانو كيطلعو معاها او ينزلو بوتيرة متباطأة شي لي كيزيد اجننها) إكسيل . سر..بي
إكسيل : (ستاغل لفتيح تاع فمها فلهضرة هو يدخل جوج صبعان من ليد لوخرى فمها) شنو كنتي كتقولي
لغالية : (رفاتو كيشد فيها ، حيت دوك جوج صبعان لي فمها كانو كيلعبو بلسانها ممخليلهاش لقدرة على انها تدوي ݣاع ، غوبشات او بعدات صبعانو من فمها ودوات بإستياء مخالط مع النشوة) إك..سي..ل
إكسيل : شنو ؟
لغالية : (ضرباتو لكتف) يا حرك بزربة يا خليني انا نكمل
إكسيل : تكملي ؟ واخة (حيد صبعانو من أوسطها مخليها كتحرق بلعافية لي شعل فيها)
لغالية : كتلعب معايا إيوا عقل (بعدات عليه شوي تا تقابلات مع بين رجليه او مدات يديها حيدات ليه الشورط معا لبوكسور عاد عاودات قربات لعندو كتبوس فصدرو او تخلي طبايعها تا هي ، وملي حسات بتبو هز لعلام تاع لمعقول ، لجعات ݣلسات فوق حجرو مغلية ديالها ملاسق معا ديالو او بدات كتحكحكهوم معا بعضهوم ، مدات يديها لفم إكسيل او خشات ليه تا هي جوج صبعان فمو او دوات بدلع) حياتي
إكسيل : (عض ليها صبعانها تا خرجاتهوم من فمو) لا
لغالية : كفاش لا شقلتلك انا تا تقول لا
إكسيل : ياغتقوليلي شريلي شي سنسلة ساوية جوج دلمليون ، ولا دبليج ساوي مليون
لغالية : شوفلك الزقرام دوك لفلوس لاش مخبيهوم غا قول ليا
إكسيل : مخبعهوم لراسي
لغالية : ياك فلوسك هوما فلوسي وفلوسي ماشي فلوسك واشريلي ديك سنسلة عافاك
إكسيل : انا غا شرحيلي علاش مكطلبي لحاجة تا كنكون ملعب حكيمي علاش
لغالية : (تهزات شوي او طلعات معاها تبو وبدات تديه وتجيبو اوسطها) حيت احياتي مكاتقولي واه تا كيكون حكيمي كيماركي
إكسيل : (قلبها تا رضها تحتو بلاما يخرجو منها او فرع ليها رجليها وبدا خدمتو عاود)
لغالية : (يديها كيضورو على صدرو او مرا مرة كتهبط راسو تا لعندها وكتبوسو من فمو وتعض شنايفو عاد كطلقو) إكسيل آح عافاك أي أي حياتي عافاك شر أي يلي داك لبراسلي
إكسيل : (جنناتو كتخليه يفقد السيطرة على راسو ، أي جزء فيها كيحركو أي حركة منها واخة تكون بسيطة كتجذبو او كتشعل فيه لعافية ، او دبا وهي تحتو صدرها قدام عينيه او مالاميح وجها لي كتساتهوم النشوة زادتو كطلبو بصوت مخالط معا لآهات دياولها) لغالية متبقايش ديري هاكدا
لغالية : (عارفة نقط ضعفو داكشي علاش نزلات يديها لصدرها كتلعب بيه قدام عينيه او كتأوه كتر من لول) عافاك أح أح ها إكسيل عا عافاك أحياتي
إكسيل : (وصلات بيه لعضم بقا كيتحرك اوسطها بلعرض لبطيء)
لغالية : (مدارلها إكسيل فين تستوعب تا دمج شفايفهوم وبدا كيبوس فيها بشراهة او كيتحرك اوسطها بزربة ، ندمات حيت ستافزاتو سيد جعر عليها كلاها بلعضان فصحتها كاملة)
إكسيل : (جاب لول فيها وزاد موراه جوج عاد طلقها ورجع تكا حداها ، خاشي راسو فعنقها) شنو قلتيلي باغة نشري ليك ؟
لغالية : شري غا شي فران ، تلاتة متابعين واش هانية
إكسيل : هههه نتي لي قلبتي عليها عارفاني مكنقدش نصبر قدام دوك لحاراكات او كاديريهومو
لغالية : كلاتني داكشي علاش
إكسيل : كلاتك وانا حكيتهالك او صافي (عاود باسها فمها) يالاه نعسي
رجعات لغالية تنعس فحين اكسيل ناض لحمام دوش عليه او صلى ليه شي ركيعات عاد مشا لبس عليه او خرج
لغالية : (سادة عين او حالة لوخرة) فين غادي بسلامة ؟
إكسيل : غادي نتقدا شي لحم عزيز غيجي فهاد لعشية
لغالية : راه يالاه 11 هادي ماشي بكري
إكسبل : غندوز نوصي لكزار او ندوز لمحال نشوف دراري فين وصلو
لغالية : ياك قلتي ليوم غتكلس كونجي
اكسيل : تفكرت بلي السلعة جديدة غتوصل ليوم او مجاتش نخلي درك كامل على دراري
لغالية : نوض نصايبليك لفطور ؟
إكسيل : لا بلاش السكر طالع ليا بلاما نزيد ناكل
لغالية : وايلي على طالع دوك تلاتة تاع لماتشات منزلوهش لوالدة نزلات ليا او سكر منزلش
إكسيل : (قرب لعندها او باسها من فمها بوسة خفيفة) معلوم غادي يطلعلي سكر ونا فاطر بلعسل
لغالية : (بتاسماتو على كلامو) سير سير قبل منصدقو فشي ماتش آخر
إكسيل : هاني غنمشي باغاني نجيبلك شي حاجة
لغالية : الصراحة مكرهتش دوز لشي پاتيسري تجيبلي منها شي طاغط دو شوكولا
إكسيل : واخ بسلامة رجعي تنعسي
لغالية : بسلامة الله اسهل عليك
خرج اكسيل بحالو مخلي لغالية راجعة لفراشها تنعس
#عند صباح#
فاقت معا ديك لعشرة دوشات ليها بزربة او صلات صلاتها عاد مشات كتحاول تصوني على محسن لي كان من لبارح مكيجاوبش او طيليفونو طافي حدو سيفط ليها ميساج فيه “أنا بيخير بلاما تشطني عجاجة وغادوز كولشي يهون قدام عينيك” ، حسات لداخل ديالها بشي نغيز فقلبها إثر كلامو حسات بيه بلي ماشي بيخير ولكن ماكان عندها مادير ، مشات ݣلسات فوق لفوطوي ساهية تا تسمع دقان تاع لباب
صباح : دخل
جود : (حل لباب او دخل لعندها بملامح هادية ، ومجد واقف موراه نطق بصوت مرزن او جدي) مسالية بغينا ندويو معاك
صباح : (بتاسمات ليهوم) دخلو غتبقاو فلباب راني مسالية
مجد : (سد لباب او تقدم هو وجود لعندها ݣالسين حداها) كي صبحتي مزيان
صباح : لحمد الله ونتا
مجد : ملي نتي مزيان تا انا مزيان
جود : (كان حاط يديه على ركابيه او حاني ضهرو وراسو ، بقا هاكداك مودة طويلة قبل ميهز راسو فيها او يدوي معاها بهدوء) صباح
صباح : نعام اخويا
جود : من إيمتى ولينا كنخبيو على بعضياتنا
صباح : (بعدم فهم) ايمتى خبيت عليكوم شي حاجة
مجد : (تنهد) داوين على محسن أصباح
صباح : (وسعات عينيها او رجفو يديها حاسة بن
صباح : محسن لي قالها لكوم ؟
جود : واه محسن ديالك الحاجة جا لبارح بسنطيحتو وقالنا انا طايح معا ختكوم انا مصاحب معا ختكوم ، انا باغي نخطب ختكوم من عندكوم
مجد : شرحيلي أصباح غا علاش خبيتي عنا تا تجينا خبارك من لبراني
صباح : (كان بالها غا معا محسن الى كان قالهالهوم لبارح يعني آمپوسيبل ايكونو دوزوها ليه غا هاكداك) واش ضربتوه ؟
جود : بسناه عجباتك هادي ، يحمد الله مصفيناهاش لجدو
مجد : ياكما بقا فيك داك لمرض شي مشافو بلاتي يعرف لواليد
صباح : (تجمعو عليها الضغط ديالهوم او نفسيتها لي أصلن عيانة خلوق) علاش ضربتوه انا لي غالطة هو مكانش عارف بلي ختكوم او تا انا مكنتش عارفة بلي صاحبكوم ، او زيدون شنو فيها حنا كنبغيو بعضياتنا او باغين نتزوجو فلحلال
جود : (شد عنقو معصب) باقي كتقولك كتبغيه زمر ماشي كتبغيه صغير على جد او نتي براسك شعرفك فشي زواج تكمشي وهنينا
صباح : علاش غنهنيك فيها شي حاجة دري باغيني وجا قاصدكوم نيشن ملي عرفكوم خوتي وزيدون انا لي مبغيتش توريه ليكوم
مجد : (خنزر فيها) وعلاش بسلامة الحاجة عجبك تبقاي تخيطي معاه زناقي تا نسيقو خبارك من قنات خرى متلا
صباح : واه عجبني نخيط معاه زناقي ملي كنتي تخيطهوم معا ديك مشݣت لحناك كان عاجبك لحال ولا قولي حلال عليكم و حرام علينا
مجد : (زعف ملي جبداتليه شي حاجة مكانش باغي يتفكرها) ملي كنت نضور معاها كنتي عارفة ماخبيتش عليك ، ماخليتش لخبار تجيك من بعيد اشريفة
صباح : شنو كنتو باغين نقولكوم بلي راني باغية واحد ، شنو كنتو غديرو من غير غتمشيو طحنوه بحال ديما ، لي قرب ليا تنحروه تا كيولي يهرب مني بحالي فيا جدام
جود : ياك الالة شنو كنتي باغانا نديرو نشربوه لحليب او تمر او نقولو ليه ها ختنا كوي وكول ، واش مريضة فكرك نتي ولا شنو
مجد : جود بلى تخصار دلهضرة
جود : (تجنن) واشوفلك السيدة حنا فهمها بداديو او هي كتقلع فوتادنا ، هازا ليه لهم حيت ضربناه مهازاش لهم لراسك أدوي كنتي كتخرجي معاه مرتاحة او كون مكانش محسن كون كان شي ولد طحبة إيديرليك شي حاجة خايبة الله يحفض ولا كون تصادفتي معا باك فشي قنت باش كان غيحس عند بالو خلى بنتو فدار او هي خارجة مور ضهرو كدور
صباح : (لي كانت شادة دموعها بزز معا هضرت جود او غواتو نفاجرات بلبكا)
مجد : (دموعها هوما نقطت ضعفو) جود باركة
جود : (طالعليه لخز تال راسو) مباركاش كتبكي عليه حيت سلخناه ايوا سمعيني الحاجة نشوفو كيضور بجيتك نعاود لجدو لختانة ، ماشي ختي لي تبقا تخيط زناقي سمعتيني ، ديري عقلك ولا ميعجبك حال بقاي بعزك لابغيتي الناس تعزك
صباح : (وصلات فيها لعضم او محسات براسها تا نفاجرات فوجهو اوسط دموعها) هاد لهضرة كنتي تقولها لراسك نتا أبعدا ولا دوران معا ياسمين ماشي تسلݣيط غا دوران تاع صباح او محسن هو لي تسلݣيط ياك ، علاش مكتحاولش تفهمني لانتا لا هو على هادشي مقلتلكومش من لول نفاختكوم فنيفكوم ، ختكوم مكاين لي يقيسها او بنات الناس عادي ولا
جود : (زادت شعلاتو) فين لمك شفتيني كنضور بيها فزناقي أدوي تا حالة عليا فمك ، او لي نفريض نقولو انا معاها واش لمك انا جد بويا غارق فلحرام من ساسي تال راسي زيدي نتي تبعيني
مجد : جود هنينا نقص صوتك ماتبقاش تغوت عليها
جود : (رجع ݣلس فوق لفوطوي بعدما كان واقف ، رد شعرو اللور او ملي تهدن شوي سمع صوت الشهيق ديالها لي خلاه يعرف بلي قسح معاها لهضرة بزاف او هادشي لي مكانش باغي ، هز عينيه فيها لامحها خاشية وجها فيديها و كتبكي بحرقة ومجد كيطبط عليها ، تزير عليه قلبو او ندم علاش دوا معاها ݣاع)
مجد : (كيدوي معاها بحنية) صافي عافاك لما حبسي من لبكا
صباح : (عينيها طابو بلبكا ، وحدها نطقات بصوت ضعيف جملتها قبل متمشي تسد عليها فلحمام) كنبغيه ، ولكن تا واحد فيكم مغيقد يفهم باش كنحس
مجد : (خنزر فجود) عجبك لحال دبا ياك وصيتك تدوي غا بلعقل هانتا بكيتيها دبا عييت نغز فيك تسكت ونتا غا مزايد فيه
جود : مقديتش نتحكم فراسي هي مدارت والو ولكن ماعجبنيش لحال نعرف لخبار من محسن كنت باغي نعرفو منها هي مولفناش كنخبيو على بعضياتنا تا تخبي عنا هادشي
مجد : فناضارك كون قالتها لينا كنا غنسكتو غنوضي حريرة خرى
جود : شنو لمعمول دبا نمشي ندوي معاها ، مابغيتهاش تبقا عاود مقلقة مني هكدا
مجد : معندك فين تمشي خليها تا تبرد شوي عاد دوي معاها ، راه دبا طايب خاطرها
جود : (وقف على رجليه او تم غادي خارج من لبيت)
مجد : فين غادي
جود : غادي لبيتي نعس
مجد : ماعندك فين تمشي تنعس ، يالاه معايا
جود : عندمن
مجد : عند محسن
جود : وعلاش بسلامة ؟
مجد : (سد لبيت تاع صباح او تبع جود) ماشتيهاش راها طايحة فيه طيحة لعمى فضلمة نݣلسو معاه نفليوه ، ولا ياكما كنتي داوي نيشن فاش قلتيلها تفرقي عليه
جود : معندنا فاش ندويو معاه غتعطيه التيساع بحالا تا حاجة موقعاتش
مجد : سمعني المرضي مدام عاجبها غيكون ليها او نبينا عليه السلام سوى بغا سوى كره ، ملي كانت انا عاجباني ديك لبنت راني كنت معاها او نتا يعلم الله شكادير معا ياسمين فكل مرة كتلاقاو فيها فلحبس ، داكشي علاش هنينا لبنت كتبغيه
جود : واش بنتلك مشتهاش كتبغيه او تا داك زمر لاخر طايح فيها ، غا كيبدا يدوي فيها كيدوب كون غا كان شي شمكار نلقاو غا مناش ندوزو ليه ، زمر ولد الناس
مجد : ايوا ملي ولد الناس ما عندنا ما نقولو
جود : (قرب عندو او همس ليه) دبا نتا غا تخايل معايا لاتزوجها شغيوقع
مجد : شغيوقع ؟
جود : غيبقا يغني فيها او يبوسها او تا لكويان يكويها تخايل ، إيسافر معاها اشد ليها فيديها العب معاها ، تا من داك جغديد لي كطيب ايبقا ياكلو بوحدو وحنا شنو غيوقع لينا والو غتنسانا حيت عندها راجلها محسن انبقاو نشوفو فيهوم من بعيد كيتعانقو او حنا مقادين نديرو والو حيت راجلها
مجد : (تبورش عليه لحمو) سكت سكت ماتقولهاش تا بضحك
جود : هادشي لي غيوقع أودي أمجد
مجد : ماعندنا ما نديرو غا ندويو معاه او نزعموه يمشي يدوي معا لواليد ياكما ادير فيه شي إعاقة دائمة نتهناو منو
جود : ويلى قبل لواليد
مجد : الى قبل ماعندنا مانديرو غا نتقبلو لواقع
جود : صاف مشات هاني غنصوني عليه (جبد طيليفونو او صونا لمحسن سعا والو مكيجاوبش) طيليفونو طافي
مجد : (زدح جود فراسو) شوف لكلب دايرلي فيها هاد لحالة كاملة ونتا مقيدو بنسيبي فطيليفون
جود : (سكت مالقا ميقول) تا جيب نشوف باش قيدتيه نتا
مجد : لاش باغي تشوف
جود : (خطف ليه الطيليفون لقاه مقيدو ب”نسيبي” تا هو) شكون فينا لكلب دبا
مجد : بجوج او زيدون صباح غتزوج تزوج أبعدا محسن مسلك شوي
#عند صباح#
بقات فطواليط كتبكي تا بردات خاطرها او عرفاتهوم مشاو عاد خرجات ، راجعة لفراشها باغة غا تنعس حيت كتحس براسها باغي يطرطق ، خايفة من ردة فعل إكسيل فاش يعرف او تا من محسن خافتو يخرم عليها فمرة ، هادا بلى حريرة مها او عئيلتها ملي تعرف
#فليل#
معا ديك 8 كان عزيز او مرتو وعلاء جاو لدار او ݣلسو كيتجمعو فصالون معا لغالية و دراري باستثناء صباح لي كانت خرجات لجردة يدربها لبرد شوي
إكسيل : (كان عاد رجع لدار بعدما خرج فصباح ، هاز فيديه شي ساشيات داهوم لكوزينة نيشن حطهوم تما ، عاد مشا دخل لصالون) السلام عليكم
لغالية : وعليكم السلام
إكسيل : لغالية آجي بغيتك
لغالية : واخة هاني جاية
إكسيل : غنطلع نرتاح شوي اخويا ونعاود نرجع عندكوم
عزيز : الله أودي اخويا سير ترتاح غتكون عييتي
إكسيل : (طلع لبيتو ولغالية تابعاه من اللور)
لغالية : (بانلها اكسيل ماهواش غا ساكت او مكالمي واخة هادي هي عادتو ولكن هاد لمرة كان هدوءو فشكل ، قربات عندو هو لي كان خرج لبالكو ساهي كيشوف) حياتي بيك شي حاجة
إكسيل : مابيا والو
لغالية : تعطلتي كانت عندك لخدمة بزاف ؟
إكسيل : شوية
لغالية : بغيتيني لشي حاجة
إكسيل : (دار يديه فجيبو او جبد منو واحد لباطة كحلة مربعة او مدها ليها) هاكي
لغالية : شنو هادشي (خدات من عندو ديك لباطة او حلاتها باقية فيها ديك لݣورميطة لي كانت باغة ، وسعات عينيها بفرحة او وقفات على صبعان رجليها مادة يديها لعند عنقو باش تزيد تهبطو لعندها حيت كان طويل عليها )
اكسيل : (تماشا معا حركاتها او تحنا عندها مخليلها لقدرة انها تدمج شفايفهوم فقبلة قصيرة وحنينة)
لغالية : شكرا بزاف العمر زوين بزاف
اكسيل : مزيان ملي عجبك
لغالية : انا غنهبط دابة لتحت نطل على لعشا تبغي شي حاجة
إكسيل : لا غا هبطي مباغي والو هاد الساعة
#عند صباح#
لي كانت كتمشي وتجي فجردة من صباح او هي كتحاول توصل لمحسن والو ماخلات صونيطات ماخلات اوديووات ماخلات ميساجات والو مكيجاوبش ، او بعد محاولات كتار اخيرا سيفط ليها ميساج “خرجي عندي راني كنستناك على برى”
صباح : (متيقات تا واش جاوبها تلفتات جنابها تشوف واش كاين لي حاضيها ، عاد مشات كتسلت خارجة عندو)
محسن : (كان كيستناها بطونوبيل بعيد شويا على الدار)
صباح : (قربات لعند الطونوبيل او حلات لباب داخلة ليها ، ومعا شافت فيه او بغات تدوي شهقات مخلوعة) محسن شهاد شي ، شكون دار فيك هاد لحالة أدوي
محسن : (كان وجهو تقريبا كامل منفوخ عينيه منفوخة وزرقة ، جنب فمو كذلك هادا بلى يديه لي كانت ملوية عليها فاصمة) مكاين والو
صباح : (بدات كتبكي ، مدات يديها لوجهو كتلمس فيه) كفاش مكاين والو ونتا فهاد لحالة وجهك كامل منفوخ او يديه مفدوعة ودايرلها لغراز ، و واش جود او مجد لي دارو فيك هاد لحالة أدوي ، جاوبني مالك ساكت
محسن : (ملي شاف لوتيرة تاع لبكا ديالها تجهدات او بدات غا كتشهق تا من عينيها لي كانو أصلن منفوخين زادو تنفخو وحمارو ، مد يديه أو قربها لعندو معنقها او خاشي راسها فعنقو) صافي باركة من لبكا راه مواقع والو انا بيخير هادشي كامل غيدوز او يولي غا تعاويد
صباح : (خرجات راسها من عنقو او دوات معاه وهي باقة كتبكي) الى مقبلاتش عئيلتي علاقتنا غتفارق معايا ؟
محسن : (شد يديها او حط جبهتو على جبهتها) كاين لي يتخلى على روحو ، واخة تكوني تا نتي مقابلاش ماتفارقني عليك غا لموت سمعتيني ، راني غارق فيك أبنتي
صباح : (رتاحت شويا من كلامو وبعدات شوي راسها كتشوف فيه) كيضرك بزاف
محسن : (مد يديه كيمسح دموعها) كيضرني بزاف ݣاع
صباح : نصوطلك عليه
محسن : (نيتو مشات بعيد) شغاتسوطي عليه الله يهديك غا غتزيدي تجهليه
صباح : علاش غنجهلو ياك جرح فاش كتسوط عليه كيهمد
محسن : كنتي دكري جرح من لول
صباح : علاه شفهمتي نتا بسلامة
محسن : فهمت بلي كدوي على جرح
صباح : (بقات كدوي معا محسن لمدة قصيرة قبل متقرر تمشي فحالها) انا غيخصني نرجع دبا لدار بسلامة تهلى فراسك
محسن : بسلامة
هبطات صباح من طونوبيل او مشات نيشن لدار فحين محسن قلب الطونوبيل او رجع تا هو بحالو لدار
صباح : (لي مجات فين توصل لباب تاع الدار او دخل معاه تا حياته بشي يد زيرات ليها على يديها مقسحاها ، بزربة علات عينيها او شافت فشكون مول لفعلة موسعة عينيها بصدمة) ع.علاء ؟
علاء : (لي كان خرج باش ايجيب شي حاجة من طونوبيلتو ، لمح خيال صباح فطونوبيل تاع محسن من بعيد ، دخلو شك وبقا حاضي من بعيد يتأكد تا بانتليه لالاهوم صباح جاية كتسلت حس بدمو كيغلي ولغيرة ونفس دارت فيه مابغات تعصب او ما حس براسو تا كان شدها من يديها مزير عليها او مخنزر فيها) شمخرجك نتي فهاد ليل أدوي ؟
صباح : (خلعوها نضراتو او ضراتها يديها) علاء طلق يدي
علاء : (كارز على سنانو او زاد زير عليها) سولتك جاوبيني شمخرجك فهاد ليل او شكون هاد تامل معامن كنتي فطونوبيل ؟
صباح : (عرفاتو قشعها) علاء طلق يدي راك وعتيني
علاء : (زاد زير عليها) شكون هاد ولد الطحبة ادوي ؟ صاحبك ؟ وادوي أزمر دبا تجمعها بجدك بشي صقلة
صباح : (ملي شاتو كيغوت زادت تقطعات فيها خافت لي لداخل اسمعو صداع او فنفس لوقت حسات بلإهانة من التصرف ديالو) طلقي اعلاء راك ضريتيني ونقص الصوت ديالك دبا يسمعونا
علاء : انا بغيتهوم اسمعو نيت ويجيو ايشوفو تسلݣيط ديالك فين وصل ، وليتي عليا قحبة تا خارجة فنص ليالي تلاقاي ليا معا داك شماتة ، ونا لي عند بالي سيدة محترمة ماشي ديال هاد لفعايل او خطبتك من الباك ، سعا راك بحال غيرك تحلي رجلين لمن والا هادا هو لخانز لي مابغيتيش تزوجي بيا على قبلو أدوي ، عند بالك غيتزوجك ههههه حلمي
صباح : (هنا وصلات بيها لعضم او محسات تا نفاعلات قدامو واخة ماشي من عادتها ولكن عزة النفس لي فيها مخلاتهاش تسكت) بزاف عليك تا يكون خانز او بزاف عليك تا نكون طحبة سمعتيني انا لالاك بنت سيدك طلبتيني من با ونا لي مبغيتكش ، او داك شماتة لي شفتيني معاه فطونوبيل هو لي منو نخلاق اتزوجني ولا يݣلس نحليه رجلي ولا نجمعهوم شغلي هاداك نتا غا دخل سوق راسك
علاء : (عصباتو كتر ملي منكراتش علاقتها بداك لول لا وزايدة كدافع عليه قدامو هو لي لغيرة او نفس لحارة عماتليه عينيه ، هز يديه تال سما ونزل عليها بواحد مولاتي الطرشة خلط ليها بيها لملامح تاع وجها) باقة زايدة فيه عاجبك داك التامل او تسلݣيط ديالك معاه ولكن هاحنا غنشوفو ملي يعرف باك شنو كطري بنتو لمصونة من مور ضهرو فليالي ، باغة ترضينا ضحكة وطيحي بينا لأرض هي لي متكونش ليك ، حيت عئيلة آيت اوسو مكيولدوش طحبات سمعتيني وزيدي قدامي دبا (طلق يديها او شدها من شعرها من فوق الزيف مزير عليها وكيجرها لداخل)
صباح : (لي كانت عاطياها غا لبكا كتحس بشعرها باغي يتقلع من بلاصتو ، عيات تحاول تبعد يديه بيديها ولكن والو كان مزير عليها مزيان ، مالقات مادير او قلباتها طليب ورغيب) علاء عافاك طلقني
علاء : (جعراتو تا مبقاش كيشوف قدامو مكمل جرام ديالها فديك الجردة لكبيرة ممسوقش لطليبها ولا حتى ليديها لي كانو كيخبشو يديه باش يطلقها) باغة غا تسلݣيط اطحبة هاحنا غنعطيوك تمانو
صباح : (بعد كل محاولاتها لفاشلة باش يطلقها مكان عندها تاشي خيار من غير انها تلجأ لمنقدها ، وبصوت باكي وكيرجف غوتات) بابا هئ هئ هئ بابا
#عند دراري#
لي كانو ݣالسين فصالون معا عمهوم كيلعبو كارطة
مجد : اهياوي شت علاء تعطل
رقية : غيكون صوناوليه فلخدمة داكشي علاش
جود : (ملي وصلات نوبتو فلعب وقبل ميحط شي ورقة تسمع تعياط تاع صباح ، دغيا شاف فمجد لي بادلو نفس النضرة وقالو دقة وحدة) صباح ؟
دراري مادارو لوخرين فين يستوعبو تا كانو نقزو فوق الطبلة ودازو بزربة فوق سداد كيجريو حفيانين لجيهة الصوت
رقية : (شدات راسها) الله ياربي شواقع
عزيز : نوضي نوضي نشوفو شواقع لتكون واقعة لصباح شي حاجة الله يستر
لغالية : (لي كانت فلكوزينة غا سمعات غوات صباح ودراري بانولها كيجريو لجردة حطات داكشي لي فيديها ومشات متجري تابعاهوم)
مجد&جود : (لي كانو خرجو لجردة حسو بدم كيغلي ليهوم فراسهوم او هوما كيشوفو ختهوم كيجرها علاء بديك الطريقة وهي باينة فيها مقصحة وغا كتبكي ، متعطلوش او مشاو قاصدينو كي الثيران ، كي دارو تا فكو صباح من يديه شكون عرف كولشي داز بالزربة)
لغالية : (ملي وصلات هي ورقية و عزيز بانتلها صباح طايحة على ركابيها فلأرض كتبكي ودراري بجوج شانقين على علاء ، مشات كتجري جرات صباح منوضاها) شواقع أصباح
صباح : (مقاداش تدوي غا كتبكي)
جود : (كارز على سنانو وكيدوي صاعر او هو باقي شانق على علاء) هاز يديك على ختي اولد طحبة شقال ليك راسك أدوي
مجد : (لايقل غضبا على جود تا هو واصلة فيه لعضم مجنن او باغي يطحب علاء) شماتة بحالك امد يديه على ختنا ياكما يسحابليك ماعنها لي يحامي عليها (زاد جهد فصوت ديالو) عندها خوتها الحمار عندها خوتها لي غيهرسو لجدك هاد ليدين لي تهزو عليها
علاء : (تا هو مامفاكش شانق عليهوم بجوج تا ولات بونية ليك بونية ليه) امانسالكومش تعرفو ترجلو عليا غا انا اما داك تامل لي ضل ختكوم تسلݣط معاه لا
جود : (عرف بلي علاء عاق بلبلان تاع محسن)
مجد : (غفل جود بلأعصاب او بعدو على علاء وبقا بوحدو لي شانق عليه ، دمو كيغلي او صوت بكاها هو لي معمر ودنيه ، محس براسو تا غفلو بواحد لݣنݣ لراس او كان غيتلاح عليه سعا دخلات رقية بيناتهوم ولكن هادشي ممنعوش أنو ايزيد اتجنن) يا لكلب تهز ايديك على ختي باشمن حق باشمن صيفا اواسع طرمة
جود : (كان شاد مجد مبعدو على علاء) تكالما أصاحبي
مجد : (تجنن) شغنتكالما غا قوليا واش مشتيهش كي كان جارها هي كتبكي وهو محانش فيها ، صبعانو مطراسيين فحنكها او دم سايل من فمها ولكن بيا ولا بيك أشماتة نوريك تحݣر عليها و الله ماندوزها ليك
رقية : (كانت مخلوعة على ولدها وكتشوف دم نازل ليه من نيفو وصاعر ، ماحسات براسها تا مشات جمعاتها معا مجد بطرشة) ينعل جد باباك هادو هوما طرابي وليتي تهز على خوك او ضربو او زايدها كتحاما نتا وخوك عليه محشمتوش ماقلتوش تحتارمو غا انا لي كاينة قدامكوم
مجد : خويا بزاف عليه تا يكون خويا با كيولد رجال ماشي شمايت
جود : خالتي رقية خليك بعيدة ، هاد لبلان خصنا نحلوه بيناتنا رجال لشماتة
علاء : ( غفلهوم او عطا لمجد بونية لوجهو) هاد لوقت لي حادݣ تهز عليا فيه سير شوف ختك معامن كانت خارجة بليل
عزيز : (غوت) علاء
علاء : ملي كدبت بعينيا شتها نازلة من الطنوبيلة تاع واحد سيد فهاد شكانو كيديرو كيقراو لقرآن متلا ؟ راه باين او واضح ولى خصنا نديطاييو
جود : (وجهو ولا حمر او لعروقة دعنقو تنفخو ملي سمع هضرة علاء محس براسو تا عطاه بونية لوجهو او تشانق هو وياه او بدا يدوي معاه بلغوات) باقي متزادش هادا لي يطعن ختي فشرافها ولا يقلل منها سمعتيني باقي متزادش
كانو بتلاتة غيعاودو اشبكوه ولكن قاطعهوم لغوات تاع اكسيل لي كان متكي فبيتو تا سمع تعياط تاع بنتو ، ناض مفزوع قلبو مقبوط عليه كل بزربة من لبالكو لامحها كتبكي وكتحاول تفك من يد علاء ، عاد بزربة بانو ليه دراري شنقو عليه فاكينها منو ، معرف تا كفاش ولا كيدار تا وصل لتحت شعرو مخربق او ملامح وجهو مكتبشرش بلخير ، وقف عليهوم
اكسيل : (بلغوات) تباعدوا
مجد : لواليد ماشتيش هاد
اكسيل : قتلكوم تباعدو
مجد&جود : (دارو كيما قالهوم باهوم ولكن لداخل كانو كيتحلفوها فعلاء ، دغيا قربو عند ختهوم معنقينها او كيحاولو يهدنو فيها او فنفس لوقت دايرين بيها مشكلين ليها درع بشري حاميها)
صباح : (كانت مخبية مور الخوتها كترعد ، هزات عينيها ولقات اكسيل واقف قدامها كيشوف فيها مصغر عينيه)
اكسيل : (بانو ليه لآتار تاع صبعان على حنكها او دم باقي كيسيل من فمها ، وعينيها لي حمرين او منفوخين ، بانتليه كاملها كترعد او حالتها ماشي تال لهيه ، حيد لقبية ديالتو وبقا غا بتوني نص كوم) هاكي لبسي هادي
صباح : (خداتها من عندو ولبساتها) بابا
اكسيل : (شاف فلغالية او دوا معاها بهمس) طلعيها لبيتها وخليها تشرب دواها وحضي معاها حيت تقدر تفقد الوعي فأي لحضة
لغالية : واخ ، صباح يالاه نطلعو ترتاحي
صباح : (شدات فيد اكسيل بحال شي مشة صغيرة) بابا
اكسيل : طلعي لبيتك راك عيانة (بقا حاضي لغالية وهي جارة صباح تا غبرو من قدامو ، عاد رجع وقف مستاقم داير يديه موراه او كيشوف فعلاء بجدية) شهاد شي كنشوف قدامي اولد خويا ؟
رقية : غيكون غا شي سوء تفاهم أ إكسيل مغيجيش او يدير علاء هادشي من راسو
إكسيل : شادها من شعرها او طارشها او جارها فدار بوها بديك الطريقة وسوء تفاهم ، ولدي علاء عندك شي مبرر ياك
علاء : (باقي زايد فيه) كون حضيتي بنتك اعمي ماشي نتا غادي تنعس او هي خارجة مور ضهرك كتسلݣط معا داك لميكانيسيان فليالي
مجد : (كان باغي ينقز عليه عاوتاني سعا حبسو جود) باقي زايد فيه
جود : وكا خلي لواليد اتكلف
اكسيل : (عقدهوم) واش راك عارف شكاتقول كفاش كتسلݣط لميكانيسيان ؟
علاء : بنتك اعمي لي دايرا لينا فيها حجابي عفتي بغات طيح بعئيلتنا لارض او تشوهنا بين لي يسوا ولي ميسواش ولكن الى معرفتيش نتا تربيها انا غنعاودلها ترابي ماشي حوتة تخنز شواري
اكسيل : الله اكتر خيرك اولد خويا كي شتيني منعرفش نربي او شرفت نتا تقادلها ترابي ، والصارحة شي مدرتيه ليها تا هاديك طرشة هي خارجة تسلݣط ونتا غا طارشها كنتي تبين ليها رجال علاش قادين بنت لهم بغات طيح بيا لارض او تشوهني (قرب عند علاء واحد جوج خطوات وقبل تا ميحس علاء بقرية كان اكسيل طيحو لأرض بواحد لبونية)
رقية : (كانت بغات تجري عند ولدها سعا شدها عزيز)
عزيز : خليه منو لعمو لكلب لاخر
اكسيل : (دوك لملامح لهادية تقلبو او ولا بحال شي تور هائج مد يديه شانق على علاء او موقفو كيدوي معاه او هو كارز على سنانو) واخة تلقاها تا حالة رجليها او زبطة يديك متهزش عليها (ضربو بݣنݣ او هو باقي شانق عليه) عرفتي علاش ؟ (دوا بهدوء فلول ولكن معا كل كلمة كان صوتو كيرتافع تا ولا كيصمك بلغوات) حيت هاديك بنتي آنا ، بنت إكسيل خوتها لي من لحمها ومنها صوتهوم الى على عليها نمحيهوم من دنية ، لعساك كلب بحالك شداتو الزملة او تجرء إهز يديه عليها نمحيك اولد خويا نمحيك من دنية (عاود ضربو ببونية تا طاح لأرض او طلع فوقو كيقج فيه او يضرب)
رقية : (كتبكي او تنتر باغة تفك ولدها) طلقيني غيقتلي ولدي علاء ، ولد من هادا راه ولدك دير شي حاجة متبقاش غا كتفرج فيه كياكل لعصا
إكسيل : (كارز على سنانو او باقي كيضرب فيه) ديك نهار قلتلك بنتي متصلاحش ليك عرفتي علاش حيت نتا شماتة متستاهلهاش ، عند بالك ملي غتقولي بنتك لقيتها معا فلان فزنقة او ضربتها غنعلق ليك لوسام زعما راني راجل او هازاني نفس على بنتك ، ايوا سمعني مزيان اوليدي انا اكسيل او صباح بنتي انا دمي كيجري فعروقها الريح هو اللخر الى كان اضرها نقطعو عليها حيتاش هي بنتي انا ، أنا لي باها او عمر يدي تهزات عليها ولو بضحك تجي نتا اواسع طرمة ضربها او تشدها من شعرها او تجرها ، كتقلب على موتك ايوا انا هو قباط روحك ، كل دمعة نزلات من بنتي غتدفعها بلغالي سمعتيني ، قالك تعاود ليها ترابي ايوا تا نموت انا او تا ميكونوش عندها خوتها لي يحاميو عليها ، بنتي بزاف عليك بنتي شرف منك ومن لي بحالك ، تقحب تسلݣط ماشي شغلك فيها او مامن حقكش تدوي معاها ولا حتى تعاتبها حيت هي بنتي انا (عاود ضربو بكروشي لوجه) باغي ترجل سير شوفلك علامن او خوي راسك من بنتي او ديك لهضرة تاع غتشوه بينا حنا طاسيلت آيت اوسو الشان او لمرشان غا طلعها معاك ، حيت عئيلة آيت اوسو يديهوم مكتهزش على بنت ملي كيقصدو كيقصدو رجال مكيستقواوش على لعيالات
علاء : (مناض من فوقو اكسيل تا نفخليه وجهو كامل او ردو كيسيل بدمايات مقاد لا يتحرك ولا يدوي)
اكسيل : (ملي بعد عليه زادو واحد جوج ركلات لكرش قبل ميعفس برجليها على ليد تاع علاء) هادي هي ليك لي تهزات على صباح ياك (هز رجلو تال سما او نزل على يديها تا طلق علاء واحد مولاتي لغوتة)
علاء : (حس بضو شبر معاه فهاد اللحضة)
اكسيل : (قاد حوايجو او دوا معاه مخنزر) انا ليد لي تهز على بنتي نهرس جدها ، تهز قود عليا داري مكيدخلوش ليها توامل ، او من ليوم تشوف بنتي قلب طريق ماشغلكش فيها تمشي تا معا عشرة معا مية ماشي شغلك فيها
رقية : (جرات عند ولدها كتقلبو وتبكي) الله على وليدي واش باغي تقتلو هاد نفس كاملة كنتي تجمع بيها بنتك ماتخليهاش تقحب عنا ولكن ديفو منا لي كنا غنزوجو ولدنا لوحدة يعلم الله شحال من واحد داز قاعها
اكسيل : عزيز جمع مرتك ولا مغيعجبها حال ماضربت حد على ودنيها ايجي يخطب بنتي او نتي ارقية غا هنينا واخة تنطابق سما معا لارض او جبال اوليو ريح او رملة تولي بحر ولدك مغيكونش معا بنتي غا يبرد
رقية : (شافت فعزيز) نتا مغتقول والو غا غتفرج
عزيز : لي دار دنب يستاهل لعقوبة ولي بكا بنت خويا نحير رحم ليه ، او بدا تهزي نديو هاد جلاخة عندك لسبيطار
رقية : (عاونات علاء تا ناض او شافت فاكسيل حاقدة) اوا عقل عنداك ملي قاع بنتك اتتقب تجي تقلب على من يستر
اكسيل : (طالعة ليه لقردة لسطح ولكن ملي سمع شقالت رد عليها بهدوء) قاع بنتي الى تتقب عندي ليه لݣبص اما ز*ب ولدك الى تقطع موحال واش ارجع
مشا عزيز معا مرتو او ولدو لي كانت حالتو حالة لسبيطار ايشوفو شنو يديرو ليه مخليين اكسيل واقف فبلاصتو
جود : لواليد راه داك زمر غا داوي خاوي نتا عارف صباح
اكسيل : كنتو عارفين بلموضوع تاع محسن ؟
مجد : (كيدور فعينيه تا عيا هو يدوي) واه كنا عارفين
اكسيل : (هز يديه تال سما او نزل على كل واحد فيهوم ببونية) ايمتا كنتو باغين تقولوها ليا ادويو تا تزوجوها متلا ؟
جود : مقصدناش نخبيو عليك حنا غا قلنا ندويو معاه بيناتنا او نحلوها سعا الواليد بانلي صباح باغاه
اكسيل : عارف او تا هو ممفاكش معاها قالك منها يخلاق
مجد : دويتي معاه ؟
اكسيل : واه
جود : (بشك) دويتي معاه دويتي زعما هضرتو ولا غا كرمتيه
اكسيل : (هرب بعينيه) لا لا دوينا
مجد : هرستيه ؟
اكسيل : لا
مجد : هي خرجتيه بإعاقة دائمة
اكسيل : ماشي شي دائمة
مجد : اذن خصرتي ليه لافيشور تاع وجهو
اكسيل : ماشي شي خصير
جود : مسكين نسيبنا كلى فيها لعصا
اكسيل : (خنزر فيهوم) زعتر ماشي نسيبكوم تجمعو عليا صباح مغتزوجش لا بمحسن لا بغيرو
مجد : ويلى بنتك بغات
اكسيل : ماحدي انا مقابلش مكاين بو زواج غا هنيونا
جود : او شنو غدير معاها هي
اكسيل : اديها فقرايتها هو لول لحوايج لوخرى كتجي من بعد
جود : او تال ايمتى هادشي
اكسيل : تا نشوف بلي لوقت لمناسب او دبا كل واحد فيكوم اقود لبيتو باغي نتبرد بوحدي ، طلعو طلو عليها أبعدا وشوفوها واش شربات دواها
مجد : ضاروري
اكسيل : شوف تا يديها وعنقها ياكما رجعات كتحك فيهوم مرة خرى
جود : واخ ، لواليد الى عرفات لوليدة شنو لمعمول
مجد : مك غتعرف تعرف ولاكن واش ماشي من لأحسن ندويو معاها حنا باش تدوي معا صباح فلخر كتبقا مها او عيالات بيناتهوم
جود : لي سمعك ايقول مكتعرفش ديك مك من لأحسن ميتلاقاوش غا غتنوض عليها صداع باطل او تبدى طلق داك الشيكي لخاوي ديالها او تبدا عليها انا فلانة بنت الشيح او الريح اعرفني صغير او لكبير ، وهادشي غا غيزيد امرض صباح فصحتها
مشاو دراري بجوج دخلو لدار مخليين اكسيل بوحدو واقف تما عاقدهوم مستحضر شنو وقع هاد صباح
#فلاش باك#
بعدما اكسيل خرج من دار داز لعند واحد لݣزار كيعرفو من هادي سنين او مولف كياخد من عندو لحم ، طلب منو شي سوسيط او شي كفتة وشي هبرة وشي كبدة ، تا جمعليه كولشي خلصو او خلى عندو تقدية تا يعاود ارجع عندها من بعد ، رجع لطونوبيلتو متوجه بيها لواحد من لهريات لي عندو تا بدا طيليفونو كيصوني
اكسيل : (جاوب محسن لي كان كيصوني عليه بهدوء) الو
محسن : عمي اكسيل لباس
اكسيل : حمد الله هاد الساعة ونتا كي غادي معا شي خدمة
محسن : حمد الله واش راك مسالي
اكسيل : (صغر عينيه) باغيني فشي حاجة ؟
محسن : باغي ندوي معاك فواحد لموضوع ضروري
اكسيل : سير تسناني ف*** غنلحق عليك لتما
محسن : صافي واخ
قطع اكسيل معا محسن او قلب لوجهة ديالو لبلاصة فين دار معا محسن ، كانت لبلاصة عبارة على واحد لبونبة خاوية جات فبلاصة معزولة شوي ، حبس طونوبيلتو او نزل منها كيتسنا فمحسن يلحق عليه ، تا بانتليه طونوبيلتو بلاصات حدا فين كان هو ونزل منها محسن
اكسيل : (سلم على محسن سلام رجولي بليد) شخبارك ؟
محسن : (كان باين فيه متوتر او واصلة فيه لعضم ) حمد الله هاد الساعة
اكسيل : (رد لبال لزروقية لي جنب فمو) مالك فوجهك
محسن : والو غا لعب دراري وصاف
اكسيل : مزيان (ݣلس على لقدامي تاع الطونوبيل او ربع يديه) فاش كنتي باغيني ؟
محسن : (بلع الريق ديالو) أنا . أنا أعمي اكسيل باغي نطلب منك يد بنتك صباح على سنة الله ورسوله ويلى قبلتي طبعا
اكسيل : (مدهش متصدم) مناش كتعرف بنتي أبعدا ؟
محسن : (خاف الى قاليه راني كنت مصاحب معاها هادي 6 شهور تقريبا او يصدق خالقلها هي شي موشكيل) عرفتها صصدفة
اكسيل : (صغر فيه عينيه) صدفة ؟ مزيان
محسن : (مرتاحش لداك لهدوء تاع اكسيل)
اكسيل : سمعني مزيان اولدي محسن جاو قبل منك عاداد طلبوها مني وانا مزوجتاهش ليهوم ، شنو عندك حسن منهوم تا نزوجهالك نتا بضبط واخة راك صغير عليها
محسن : (ستجمع شجاعتو او دوا معاه بجدية) مكيهمنيش نكون صغير عليها ولا كبير انا باغيها او ربي شاهد عليا بلي باغي نتزوج بيها او نرضها على ذمتي ونحطها فعينيا
اكسيل : (بتاسم بجنب) هه قادين كتافك اهزو هضرتك ولا راك غا داوي خاوي ؟
محسن : لهضرة لي منقدش عليها مكنجمعش حروفها ونطقهوم على لساني
اكسيل : ملي قلتي كتافك قادين على هضرتك ، صبرك مساعفك على لي جاي من بعد ؟
محسن : نصبر تا نتدبر او نكمد دبرتي لݣلبي ومنقولش آح
اكسيل : تا انا داكشي لي بغيت ماتقول لا أح لا برداح ، حيت ديك لي طلبتي يدها مني غلى منها ما عندي ، دنيا بملكها مايديرولي تا ضفر منها ، داكشي علاش غا خوي راسك منها مانتا ديالها ماهي ديالك
محسن : وعلاش منستاهلهاش
اكسيل : (قرب عندو داير يديه فجيبو) متأكد باغي تعرف علاش ؟
محسن : واه باغي نعرف
اكسيل : (معطلوش و نزل عليه بواحد لبونبة لكرش زواه او قطع فيه نفس او دوا معاه كارز على سنانو) عند بالك انا حمار تا تركب عليا ولا شنو تخرج مع بنتي ونا منسيقش لخبار أدوي
محسن : (كان شاد كرشو ولكن ملي سمع هضرة اكسيل هز عينيه فيه مصدوم او تالفة ليه لهضرة) عمي اكسيل خليني غا نشرحليك
اكسيل : (عاودليه بونية خرى) شغاتشرح ليا من غير انو كنتي فهاد شهورة لخرين كدور ببنتي زناقي ولقهاوي
محسن : (زبير لي حس بيه فكرشو خلاه يدوي او هو كيتعصر) والله م…..ما كنت عارفها بنتك
اكسيل : مكنتيش عارف ياك ، يعني ملي مكنتيش عارف دير فيها لي بغيتي خرجها ساريها ماحد بوها معارفش ياك (تلاح عليه بضريب او ركول) واخة مكنتيش عارف مكانش خاصك تصاحب معاها عرفتي علاش ، حيت كتبقا بنت تاع شي واحد خت تاع شي واحد ، الى كانت هي نية متستغلهاش نتا سمعتيني
محسن : (مخليه ايدير فيه لي بغا حيت عارف راسو غالط تا حد ميبغي يشوف بنتو كتخرج معا شي حد بلى موجب شرع او مور ضهرو عاد تا واحد ميقبلها ، هو براسو ميقبلهاش )
اكسيل : (طالع فوقو او كينزل عليه فلبوكسات فوجهو) ملي قدرتي تجي تديها من قدام دارها بليل كنتي دق باب الدار او تدوي معا باها كي رجال ماتكونش شماتة سمعتيني ماتكونش شماتة او دور لي بنتي ، (شنق عليه) بنتي هاديك بنتي آنا او بنتي انا بنت دهب مكتشلشل بلقذدير سمعتيني (رجع جهل عليه بضرب معصب تال لحد لدرجة مردش لبال لداك الزاج لي ضرب يد محسن ، مرضش تا لباب لوجهو لي تنفخ بقات غا يديه ، ملي برد غدايدو شوي ناض من فوقو كيقاد حوايجو او كيدوي معاه بهدوء) كنقسم برب لكعبة كون دزتيلي من لباب او طلبتيها مني من لول كنت غنزوجها ليك حيت كنحسبك فمقام ولادي ، ولكن ملي دزتيلي من شرجم بنتي هي لي عمرها تكون ليك ، او عطيها بتيساع ولى مغيعجبك حال
محسن : (حالتو حالة ولكن هضرة اكسيل لاخيرة ضرباتو كتر او بجهد لي عندو ناض او شاف فاكسيل) عارف راسي غالط ولكن غرام بنتك خرجني على طوعي تا مابقيت نعرف ساسي من راسي ، الى كان غا ضرب ضرب او متحنش ويلى كان تا لقتيل مترددش ، ولكن على بنتك مغنتفرقش او ليا وعلى دمتي غتكون
#نهاية لفلاش باك#
تنهد اكسيل او مشى حيد لمشاية او توني لي كان لابس مخلي راسو غا بشورط واصل نص ففخاضو ، تمشا شوي على ربيع تا وصل جنب تاع لاپيسين او تلاح فيه كيعوم او كيبرد على فقصتو ، بالنسبة ليه صباح ماشي غا بنتو هي الروح ديالو وهي لهوا لي كيتنفس منين كان صغير او هو باغي يكونو عندو بزاف تاع لبنات ، بالنسبة ليه لبنات هوما شموع لي كيضويو ضلام لأب ، او صباح كانت هي الشمعة ديالتو تزادت فلوقت لي كانت الدنيا ضلام عليه ، زواج مكانش تال لهيه او تا ضروفو لمادية كانت صعيبة او كتفرض عليه لخدمة بزاف ، زيد عليها التربية تاع جود او من بعدها بشوي جا مجد عاد جات نوارة ديالو ، ايكون عيان تا يعيا مقاد تا نفس ياخدو براحة ، كانت شوفة منها وهي ناعسة ولا حالة عويناتها صغار ، يديها و رجليها صغيورين كيشدو فصبعانو ، وريحتها لبريئة كانت كافية تخليه يخدم بليل او بنهار باش اوفر ليها لي بغات ، او دمعة وحدة من عينيها كانت كافية تخلي قلبو يتقبط عليه ، شوفتها قبيلة وهي كتبكي او تستنجد بيه بصوتها لي كان كيرجف ، شوفت آتار الصبعان على حناكها او دم سايل من فمها ، ويد يحيى لي كانت شاداها من شعرها ، هادشي كامل خلى دم فعروقو يغلي عمر يديه تهزات عليها ولو بضحك ، تا من صوتو كيحاول ما أمكن ميرفعوش عليها حتى فأشد حالات غضبو ، خوفو من أنو يجرحها ولا يخلعها بغواتو كانت بوحدها كتخليه يترعد ، كون مكانش ضابط قبيلة اعصابو كان غيقتلك ولد خوه او ميحنش فيه حيت يديه تمدات على بنتو و فمو طعن شرفها او قلل منها او من تربيتها ، الى كانت عند اكسيل خطوط حمراء فحياتو فغتكون صباح خط عريض لونو حمر مكيتعداولا يقربليه غا جوج *لول هبيل مايفرق وتاني على موتو كيقلب*
خرج من لاپيسين بعد مدة طويلة كولو كيقطر لما دايز على عضلاتو ، بحكم أنو اكسيل شخص رياضي منين كان تا ماكلتو كتكون صحية ، هز توني ديالو لبسو او دار لمشاية فرجليه او تم داخل لداخل
صباح : (لي كانت نفسيتها واصلة لحد شوفتها لمحسن بديك لحالة ، او زيد عليها داكشي لي دار ليها علاء وصداع لي ناض بسبابها ، ندمات على نهار ݣاع لي شافت فيه محسن او دخلاتو فهاد صداعات ، هادا بلى احساس باها ملي عرف غيكون كاعي نيت ، شبعات بكى فبيتها او شربات دواها ونعسات ليها شي سعات ، تا ضربها معا جوج دليل حيت ضرها لعطش ، لبسات پينوارها او هبطات لكوزينة تشرب ، ومعا دخلات ليها ضربات فاكسيل تلفاتلها جرية او معرفات ماتقول) با…با
اكسيل : (لي كان كيخوي لراسو كاس دلما فلكوزينة هز عينيه فصباح بعدما سمع صوتها او رجع رضهوم لكاس دلما داوي معاها بهدوء) باقي منعستي ؟
صباح : ك.كنت ناعسة عاد فقت باش نشرب
اكسيل : مزيان (مد ليها كاس دلما قبل ميزيد خطوة باش يمشي بحالو) هاكي شربي وسيري تنعسي
صباح : (خدات من عندو لكاس او دوات معاه متوترة) بابا على …. ح.حساب م.محسن انا
اكسيل : (كان عاطيها بضهر او داوي بجدية) تال صباح ماشي دبا ، ماشي دبا سيري دبا كملي نعاسك او رتاحي ليك تال غدا او ندويو فهادشي
صباح : (حضات اكسيل تا بعد عاد شربات لما او ردات لقرعة لتلاجة ورجعات لبيتها تنعس عاود)
اكسيل : (دخل لبيتو لاقي لغالية باقي منعسات)
لغالية : (لي كانت ݣالسة على الشوك من لبارح او هي كتصوني على محسن والو مكيجاوبهاش ، او دبا ملي وقع هادشي عرفات بلي اكسيل ساق لخبار لعلاقت صباح او محسن ، وهي بوحدها لي عارفة لقتلة لي غيكون كلى خوها من تحت يدين اكسيل ، بغات تسولو ولكن مقاداش خافتو يعرف بلي كانت عارفة ولا حتى غيكون عارف بلي هي عارفة ، شافتو داخل معا لباب او باين على التعابير تاع وجهو بلي معصب ، مقدات تقوليه والو ولا تا تسولو شنو دار فخوها ، ملي كيكون اكسيل معصب لغالية براسها مكتقدش تهدنو بلعكس كتعطيه تيساع حيت كتخاف منو فبحال هاد لأوقات ) إ.إكسيل حياتي
اكسيل : (مدواش معاها او مشا دخل لبيت تاع تبدال بدل عليه او مشا ݣلس فوق لفوطوي)
لغالية : (قربات عندو من لور او حطات ليه فوطة على راسو او بدات كتنشف ليه شعرو) باقي مقلق
اكسيل : (غا عاقدهوم او ساكت)
لغالية : (رمات ديك لفوطة فجنب او مدات يديها كدلكليه ضهرو لمعرية ) مقلق مني تا انا تا مباغيش تدوي معايا ؟
اكسيل : (من طبيعتو قدما كان معصب كيكون سكاتو كتر من لعادة ، او بعد صمت طويل تكلم معاها) لغالية سيري تنعسي راه تعطل لحال
لغالية : (حنات راسها او باست عنقو) كفاش بغيتيني نمشي نعس ونا عارفاك مقلق
اكسيل : لغالية باركة من كترت لهضرة وسيري تنعسي ، راسي زاند عليا او غا غنصدق قايلك شي حاجة مهياش
لغالية : (مزادتش معاه لهضرة او مشات نيشن تخشاف فراشها ونعسات)
اكسيل : (بقا شوي ݣالس قبل مينوض يمشي يصلي ليه واحد جوج ركعات عاد مشا ينعس بحالو)
فاقت لغالية جوايه ديك 9 تاع صباح ولقات اكسيل باقي ناعس ، داكشي علاش ناضت من حداه بلى حس او لبسات ببجامتها وهبطات لتحت تقاد لفطور
شيماء : لالة فقتي صباح لخير
لغالية : صباح النور لفطور موجود ؟
سهام : واه موجود
لغالية : سهام سيري عند عمي محمد (لخماس ديالهوم) قولي ليه يجني شي بوعويد تشهيتو لفطور
سهام : واخة الالة
لغالية : (تسنات تا مشات سهام عاد دوات) كنضن بلي جا لوقت باش تحركي اشيماء
شيماء : فين غنتحرك
لغالية : وجدي راسك غتمشي تخدمي ععند علاء فهاد ليامات
شيماء : وعلاش
لغالية : لحقاش هو محتاج شي حد فجنبو خصوصا فهاد لأوقات داكشي علاش اتمشي تقابليه
شيماء : (كان باين عليها متوترة او ماشي تال لهيه) أنا أنا
لغالية : مالك نتي
شيماء : مف.مبقيتش باغة نلعب هاد لعبة هو مغيبغينيش او مغيشوفش فيا نهائيا
لغالية : وعلاش مغيشوفش فيك بتاتا أدوي شنو ناقصك زوينة قارية
شيماء : مغيشوفش فيا علاء طايح فصباح مكيشوفش فغيرها ، شتي تا لحالة لي وصل ليها لبارح بسبابها
لغالية : متأكدة هادشي لي خلاك تبغي توقفي لعبة ولا حاجة خرى
شيماء : شمن حاجة
لغالية : (دارت صبعها على قلب شيماء) ولا هاد لقلب طاح فعلاء أدوي
شيماء : (بقات ساكتة)
لغالية : على خاطرك غا هو انك تمشي تعاوني رقية فلمقابلة تاع علاء مفروضة عليك مكنشاوركش ، ملي خرجتي من هاد لعبة سيري ديري خدمتك او رجعي ، واخة خسارة ملي تعطلتي بأول حجرة حيت طريق الزعطة عامرة شوك وحجر ولي معندو صبر ولا جهد كيحبس فلول او مكيكملش ، او ملي راك مقاداش على الشوك او لحجر حسنليك تحبسي هنا ، ملي ترجع سهام قولي ليها تغسل ديك بوعويدة او حطو لفطور انا غنطلع نفيقهوم (عطاتها بضهر او مشات بحالها)
سهام : (دخلات بالسلة عامرة بوعويد ) هاد بوعويد كبير او كيشهي هزي وحدة الدوقي
شيماء : (ساهية وغا كتفكر)
سهام : اسبحان الله فين مشيتي نتي
شيماء : (فاقت من سهوتها) هاء دويتي معايا ؟
سهام : ايه دويت معاك الحاجة ، شتك نتي فهاد لأيام معاجبانيش غا ساهي او زدتي لبارح كنتي كتبكي تا صبح لحال لي شافك ايقول راجل لي كان كيتسلخ لبارح
شيماء : (هربات بعينيها من سهام) مساهية ماوالو او لبارح كانت ضاراني كرشي داكشي علاش كنت كنبكي وصاف ، او دبا عواض هاد كترت لهضرة زيدي نحطو لفطور راه شوية وتلقتيهوم هبطو
لغالية : (سبقات دراري هوما لولين فيقاتهوم عاد دازت عند صباح تا هي ورجعات لبيتها تفيق اكسيل لي كان باقي خامر ، قربات عندو كتحرك فيه) اكسيل ، اكسيل حياتي فيق ، مباغيش تفيق واخة (طلعات فوقو او ݣلسات على كرشو هابطة لعنقو كتبوس فيه تم او تعض تا حل عينيه)
اكسيل : (لي حل عينيه بصعوبة لقا لغالية خاشية وجها فعنقو او كتبوس فيه) لغالية شكاديري
لغالية : كنفيقك ههههه (خرجات راسها من عنقو او تلاحتليه على فمو كتبوس فيه)
اكسيل : (خلاها تا سالات لبوسان على خاطرها او بعدات عليه شوي وهي باقة ݣالسة على حجرو) شحاف عليك
لغالية : كنت مشهية غا نبوسك او صاف منبوسكش
اكسيل : (قلبها مخليها متكية حداه وعلى يديه)
لغالية : (حياته بيه مهواش) بيك شي حاجة ضاراك شي حاجة ؟
اكسيل : مضاراني تا حاجة انا غا فايق من نعاس او صاف
لغالية : احن حياتي انا بغيت نمشي عند خالتي
اكسيل : (ناض من فراشو متوجه لطواليط) معندك فين تمشي ليوم
لغالية : كفاش معنديش فين نمشي ههه اكسيل راني قتلك باغة نمشي نشوف خالتي
اكسيل : (دخل لحمام غسل وجهو او خرج عندها) تا انا قلتلك اجليها ماشي ليوم
لغالية : وعلاش بسلامة ؟
اكسيل : لحقاش ، انا قلت بلي ماشي وقت داكشي علاش نسدو لموضوع هنا
لغالية : (تنفخات او معجبهاش لحال ميخليهاش تمشي عند خالتها) نزل تفطر الى بغيتي مابغيتيش ݣلس تم
اكسيل : (بقا حاضيها تا خرجات من لبيت بتعفار رادخة لباب من وراها ، رد شعرو اللور او رجع ݣلس حاس بالدوخة ، لي مكانتش عارفة لغالية ملي جات تفيقو هو أنو اكسيل كانت ضرباتو لفيقة ملي فاقت لغالية ولكن غيب تا جات فيقاتو ، مد يديه لمكينة عبر بيها سكار لقاه طايح بزاف ، داكشي علاش دݣ لانسولين عاد لبس عليه او هبط عندهوم لتحت ، لاقي كولشي صغير بالطبلة ، جر ليه كرسي او ݣلس عليه)
بداو فطورهوم فسكات شي مدوى معا شي ، او لجو مضطارب بمعنى لكلمة ، اكسيل كلى غا شوية شوية من كل حاجة قبل ميوقف او فيديه هاز كاس تاع لقهوة
اكسيل : (دوا بنبرة هادئة فيها نوع من لأمر) صباح ملي تسالي فطورك طلعي لعندي لمكتب باغي ندوي معاك
صباح : (بلخلعة ناضت واقفة) انجي دابة
اكسيل : قلت تا تسالي فطورك
صباح : (فشلو عليها ركابيها او ملقات لماكلة مناش دوزلها)
مجد : بلاما تخلعي راك عارفاه غا غيدوي معاك صافي
لغالية : طلعي عندو دبا
طلعات صباح لمكتب تاع اكسيل او دقات عليه لباب او ملي سمح ليها بالدخول دخلات لعندو
صباح : با….با
اكسيل : (هز فيها عينيه او شير ليها لكرسي لي مقابل مع لمكتب ديالو) سدي لباب واجي ݣلسي هنا
صباح : واخ (سدات لباب او مشات ݣلسات فوق لكرسي كيما قاليها)
اكسيل : (رجع بلور على لكرسي او هز كاسو عندو كيشرب منو وهو كيشوف فصباح) ايوا الالة صباح تدوي ولى ندوي
صباح : (لتازمات صمت)
اكسيل : ملي مابغاش تدوي أنا غندوي فبلاصتك ، منين كنتي صغيرة أو تال يومنا هادا كنت كنقولك حاجة وحدة ، عزي راسك إعزوك الناس ، صفي طريقك معا لي خلقك باش ابعد عليك ولاد لحرام ، او قلتلك ملي اصلك دهب تسالي بدهب معندك ماديري بتشلال لقزدير ، شنو درتي نتي أبنتي ستحليتي لقزدير او عطيتيها لضوران مع محسن فهاد شهورة كاملين ، ولا ياكما يسحابليك ناعس على ودني او لما جاري من تحتي ، مغديريهاش بيا سمعتيني الى شتيني درت عين ميكا فغا حيت كنت كنتسناك تجي تصارحيني لا غير
صباح : (غرغرو عينيها) أنا ك.كنت بغيت نقولها ليك ولكن نتا
اكسيل : ولكن انا مكنتش غنقبل ياك ؟ واش عند بالك انا دري صغير نقول لا على كولشي وإيه على لي عجباتني ، راسي شايب أبنتي ماشي برهوش ، غتقوليلي كنبغيه مقداش نعيش بلى بيه وما جاورها كنتي ديك الساعة تقوليها ليا من لول او نمشي نخطبولك انا ݣاع ، ولكن شنو درتي نتي مشيتي ضورو معاه فزناقي مور ضهري معا داك سلݣوط دلخلا مدايرة حساب لا ليا لا لي خلقك بالأخص ، مخليا داك لبرهوش اضحك عليك او يتفلى كيما بغا
صباح : (صباح عطاتها غا لبكا) بابا مح…سن مادار والو انا لي معرفتوش ليك
اكسيل : كون بغا يدوز من لباب كون داز راه عارف طريقو ولكن فضل ايدوزليك من شرجم اتحمل مسؤليتو ، او تا نتي تحملي مسؤوليتك ، لاش كتبكي او تغبني عليا دبا أدوي ؟ بقا فيك حيت سلختو يحمد الله مصفيتهاليهش يحمد الله ، انا ساليت هضرتي يمكن ليك ترجعي لبيتك
صباح : (ناضت وقفات باش تمشي ولكن حبسها اكسيل)
اكسيل : طيليفونك
صباح : هاه ؟
اكسيل : طيليفونك غيبقا معاية معندك ماديري بيه
صباح : (مكان عندها تاشي خيار غير تعطيه طيليفونها)
اكسيل : ديها فقرايتك هي لي غتنفعك او غا خوي راسك منو حيت لانتي غتكوني ليه لا هو
صباح : ولكن ابابا
اكسيل : راني دويت معاك نسايه عليك وديها فقرايتك او لبلاصة فين تبغي تمشي انا غنوصلك ليها منهنا لقدام ، او من لأحسن هاد السيمانة دوزيها فدار او تراجعي نفسك او علاقتك بلي خلقك ، ويلى مشيت تا شميت ريحة شي تواصل بينك او بين محسن داكشي لي غيوقع معالم بيه غا انا ، متخليتيش نتسيف عليك ابنيتي
صباح : (مزادت معاه تا كلمة كتافات غا بلبكا وهي راجعة لبيتها)
اكسيل : (بقا حاضيها تا خرجات عاد تنهد بضيق او تسند على لكرسي بضهرو مغمض عينيه)
#عند شيماء#
بعدما جمعات طبلة تاع لفطور ناضت بدلات عليها او شدات طاكسي لدار تاع علاء كيما طلبات منها لغالية ، ملي وصلات لپرطمة حلات ليها رقية لباب
رقية : (مخنزرة) شجاية ديري نتي هنا ؟
شيماء : سيفطاتني لغالية باش نعاونك او نقابل الدار
رقية : (بطنز) ايه شايط فيها صواب راجلها كان غيرزيني فولدي وهي مسيفطة لي تعاوني زوينة هادي
عزيز : دخلي دخلي أبنتي متديهاش على هادي
شيماء : (دخلات لداخل) شنو تبغيو نوجدلكوم لغدا
رقية : ديري الطاجين بلقوق او دوزي معاك لدار بشي تسييقة ملي راك هنا
شيماء : واخ هي لولة (ناضت على سعدها او وعدها قفلات الطابلية او نصبات لغدا عاد دازت لجميع تاع الدار تا تقسمات من ضهرها هادشي كامل او رقية غا كتنݣر ، حطاتلهوم الطاجين لي كان طاب ، عاد هزات ديك الشوربة لي كانت موجة لعلاء ، هزات لبلاطو بيد او دقات لباب بيد)
علاء : (لي كانت حالتو حالة يديه ملوية عليها لفاصمة او وجها كامل زرق او منفوخ او غا متكي) دخال
شيماء : (لي كانت متلهفة لشوفتو قلبها كان كيضرب فحلقها او ودنيها ولاو حمرين توترات شوي ولكن فلأخير زعمات او دخلات عندو) ها غداك آسيدي
علاء : حطيه تما تا نوض عندو
شيماء : واخ (حطات لپلاطو فوق واحد الطبلة صغيرة حداه او قالت بتردد) كي بقيتي شويا ؟
علاء : (مكانش كيشوف فيها ولكن كان كيسمعها تبسم ليها) حمد الله هاد الساعة
شيماء : محتاج شي حاجة
علاء : غنصدعك معايا واخة تمديلي ديك لوسادة وديريهالي مور ضهري وتشعلي معاك ديك تلفازة
شيماء : واخة هي لولة (مشات جبدات واحد لوسادة من لپلاكار او قربات عندو معاوناه ايديرها مور ضهرو ، عاد حطات قدامو داك لپلاطو باش ياكل ، او شعلاتليه تلفازة حاطة ليه التيليكومونض حدا راسو باش تايلى بغا يغير لقنات ميتعدبش) نخليك ترتاح دبا
خرجات شيماء من بيت علاء او رجعات لكوزينة تطيب ليهوم لعشا تا يبغيوه او يسخنوه
رقية : (دخلات عليها لكوزينة) شكاديري ؟
شيماء : كنوجدو لعشا قبل منمشي
رقية : علاه نتي بسلامة باغة تمشي معا لخمسة دلعشية
شيماء : واه تال غدا وغنرجع معا السبعة
رقية : (بطنز) ماعرفناك خدامة معرفناك موضفة
شيماء : (مجاوباتهاش ݣاع او كملات تصاييب تاع لعشا)
رقية : شنو درتي أبعدا لعشا ؟
شيماء : درت لحوت كيما بغا سي عزيز
رقية : ديري ليا انا الروز بجناوح ددجاج
شيماء : واخ
رقية : (واخيرا خرجات من لكوزينة او خلاتها تخدم على سعدها او وعدها)
شيماء : (معا ديك 6 كانت سالات طياب تاع كولشي او حطات لعشا فلفران كيف لعادة ، عاد مشات بدلات عليها ومشات فحالها لدار)
طلبات من مول الطاكسي يحطها قدام لمارشي لول باش تقدا لدارهوم شي خضرة وشي ديسير عاد تمشي عندهوم ، او داكشي لي دارت النيت عمرات الساك بالتقدية وشدات طريق لحومتها
زيرو : (كيف عادتو او بحالو بحال شماكرية لوخرين كان واقف فراس تاع درب كيكتكيف او يحضي لباشار تا طاحت عينيه على شيماء جاية وهازة تقل فيديها ، بدا كيضحك تا بانو ليه دروص لي نصهوم كحل او طايح ، قرب عندها ماد يديه لساك) طلقين نهزو عليك ازين
شيماء : (بعدات منو) ماقلتلك هز عليا ساك ما شكيت عليك عطيني غا شي شبر تاع التيساع
زيرو : (زاد قرب عندها شدها من يديها) مال زين مقلق همم ؟ تشي راني نموتش فحبك أنا إيمتشا غتشني عليا او نتشوجو تشا حنا بحال الناس
شيماء : (نفضات يديها او دوات بطنز) بحال الناس ؟ علاه نتا حاسب مخك بحال الناس أدوي
زيرو : او مالي علاه ماشي بحال الناس خدام على راسي بضاري تشعيشي معايا قايدة
شيماء : ههههههه لا مضحكنيش خدام ؟ من ايمتا بسلامة ؟ ولا ياكما تا ديك جوج دريال لي كيعطيك حميدة لبزناز حاسبها على لفلوس , او قلتي عندك الدار من ايمتا بالسلامة ولات تا ديك لحفرة فين مخشي نتا وطسيلتك او باك لي كيخلص كراها مسميها دار
زيرو : او مالك لي سمعك ايقول ساكنالي فڤيلة فعين السبع ياك تشا نتشي غا مخشية فحفرة نتشي وطسيلتشك ، حفرة حفرة اللهم معايا انا بعدا
شيماء : عطيني شي شبر تاع التيساع ازيرو وقيلني عليك الى بغيت نتزوج غنشوفلي شي حد اهزني من هاد لقهرة ماشي شي حد نبقا نصرف عليه (عطاتو بضهر او زادت فحالها)
زيرو : وغا تشعفري خرتشك غتشجوج بيا
شيماء : (مداتهاش فيه او كملات طريق لدارهوم ، حطات الساك او بدات دق لباب)
خدوج : آشكون
شيماء : واحلي امي حلي هادي انا
خدوج : (حلات ليها لباب او يديها عامرين بلعجينة) تي جيتي دخلي دخلي
شيماء : (دخلات لدار حاطة الساك فلكوزينة او مشات ݣلسات حدى خوتها فلبيت ) لحرارة لحرارة تقول حنا فشهر تمنية ، مروان مدلي اخويا واحد لكاس دلما نبرد بيه
مروان : (مشا جابلها كاس دلما) هاكي
شيماء : لعز أخاي
خدوج : (دخلات عليهوم لبيت بعدما سالات لعجينة او حطاتها تخمر) تخلصتي ليوم ؟
شيماء : باقي علاش
خدوج : مول لحانوت عاوتاني مبقاش باغي يديرنا لكريدي قالك تا نخلصوه
شيماء : نخلصوه ياك كلى راس شهر كنعطيك فلوسو تخلصيه ، ولا ياكما مخلصتوهش عاود
خدوج : (هربات بعينيها) راك عارفة خوتك كيقراو كل مرة خاصينهوم دفاتر ستيلويات ، ايشريو شي تخربيقات الاستراحة
شيماء : خدوج بلاما تصعري مي دراري مصافطهوم لمدرسة تا شريتلكوم لكتوبة او دفاتر او ستيلويات بزايد عاد ، او تضويرة ديالهوم طرفتها لجنب ، عطيتك لفلوس باش تخلصي مول لحانوت ماشي تعطيهوم لسكايري دراجلك ولكن انا لي هبيلة باقة كنتيق فيك ، مروان (جبدات لفلوس من بزطامها) سير عطي لمول لحانوت رزقو ، لمرة الجاية انبقا نعطي لفلوس لمروان هو يبقا يخلصو اما نتي قطعت منك لياس
خدوج : مالك ابنيتي منوضة عليا صداع غا كيبرد خوك تنوضي نتي
شيماء : (صغرات فيها عينيها) شمن صداع هادا بسلامة
خدوج : علاه ماشي داك سلݣوط دإلياس نوضها باك لبارح او كان غيسلخو بلى حشمة بلى حيى
شيماء : (عوجات فمها) يعلم الله شدارليه تا نوضها معاه الياس ماشي من النوع لي كيدابز
خدوج : مادار ليه والو
مروان : واه مدار ليه والو غا مشا هز لكريدي على ضهرو او غرقو ب50 ألف ريال دلكريدي
شيماء : خمسين ألف ريال مناش جاتو مسكين بسلامة مناش بغا يخلصها
خدوج : مناش بغا يخلصها ، ياك دور لحركة او دار كريسة فسوق كيبيع او يشري فلحوايج
شيماء : دار لكريسة فالسوق باش يلقا باش اخلص ليكوم لكرا او يخلص لكرا دراصو دار مسكين 25 عام سليپ هو لخر الى مخدمش ميلقاش باش يشريه
خدوج : كون كمل قرايتو كون خدم بحال سيادو
شيماء : كون كمل قرايتو كوراه متي بجوع نتي وراجلك ولا نسيتي على قبل من خرج من لقراية ماشي على قبل لخانز دراجلك
خدوج : بزاف عليك تا يكون خانز هاكدا ناس كيدويو على باهوم
شيماء : سمعيني الله ارحم الباك ما با ما جدي ، بويا لي والدني دفنتو 14 رعام هادي ، اما راجلك فراه باين ولادو عز الدين ولد تلاتة الياس شيماء او مروان الربعة لي بقاو راك والداهوم معا شماتة دراجلك ، الضور او تقولك باكوم مناش جانا بانا بسلامة ماولدنا ما ربانا مسرف علينا منين خديتيه او حنا لي نضربو لكرفي او هو ياكلها باردة ، ويلى كنتي غتكملي ليا فهاد صداع الراس غنهز خويا ولد بويا او نمشي نسكن معا الياس او ديك الساعة ضبري راسك نتي وهاد لهيوش لي والدة ، ايما حنا بتلاتة داكشي لي صورتو يوكلنا لحمد الله
خدوج : (ضربات طم مالقات ماتقول)
شيماء : (بغات تغير لموضوع) فين مريم مبانتش ليا باقي مخرجات من لقراية سبعة ونص هادي
خدوج : غتكون غا دازت عند شي صاحبتها تراجع (تسمع صوت دحلان لباب) هاهي غتكون رجعات
شيماء : (دارت يديها على فمها كتشوف فهاد لبنت لي قدامها كطلع فيه او تنزل تا دوات ) على سلامتنا لحݣاتك تمنية فدار كنتي تزيدي تال طناعش لاش جيتي بكري ، او شوفولكوم الناس لعكر حمر او شفار مركبين ضفار مسبوغين صنضالة عالية ، سليپ كيبان من لفتحة تاع لكسوة ، خدوج متأكدة هادي بنتك مريم مولات 13 رعام متأكدة حيت كنشوف قدامي مرا ماشي برهوشة ، شوفي فيا نتي شهاد لحالة
مريم : (كتبان كبر من عمرها بسباب لماكياج او لباس لي لابسة) مالها حالتي بسلامة
شيماء : ما مالها والو حالتك حالة لقح*بات دربعمية ، هادي حالة وحدة عندها 13 رعام هادي حالة وحدة باقي كتقرا فلإعدادي عند بالك خليتيها باغة تخرجيلها بطايطاي باغة تحلي رجليك لي يسوى ولي ميسواش أدوي ؟ هادشي لي باغة
مريم : بزاف عليك تا نحل رجلي بنتلك طحبة تا نحلهوم
شيماء : او ملي مراكش طحبة شهاد لحالة دايرة فراسك باغة تخرجيلي عقلي نتي أدوي
مريم : بلاما تبقاي تصدعيلي راسي نلبس لي بغيت مشغلكش فيا
شيماء : مشغليش فيك ياك (غفلات مريم او الاخت عليها جارها لعندها من شعرها او بدات كتمسح ليها فلماكياج بجهد بعدما خوات عليها كاس دلما وبدات تدوي معاها وهي كتقرص فيها او تعض) باغة تخرجيلي عقلي أدوي ، باغة تصطيني البرهوشة باغة تخرجي على راسك ونتي باقة صغيرة ، باغة ضيعي راسك أدوي كتزوقي بحال طعريجة ونتي باقة صغيرة علاش كتقلبي من غير على تطحبين أدوي (بدات كتضرب فيها ) باغة تخرجيلي عقلي شقلتلك انا أدوي قتلك ماضربي حساب لا لماكلة لا امرا نتي غا قراي ، مابغيتيش تقراي ديري تكوين لموهيم شدي طريق او بعدي على لحرام
خدوج : (كانت كتحاول تفك مريم من شيماء) بعدي عليها غتقتليها الكلبة بعدي على ختك
شيماء : (طلقاتها او شافت فخدوج صاعرة) عاجباك هاد لحالة لي وصلات ليها ، عاجبك تخرج طريق او تضيع راسها أدوي ، عاجبك تخرج على راسك أو تبع طريقك أدوي
خدوج : (مشات عنقات مريم) بسم الله عليك أبنتي مريم نوضي ، واش نتي هبلتي شدارت حيت لبسات كسوة درتيلها ه لحالة
شيماء : ليوم كسوة او عكر غدا شنو أدوي غدا شنو
خدوج : (غوتات عليها) ماشي شغلك دير لي بغات بنتي هادي
شيماء : كتعتابري راسك ام دبا نتي عاجباك لحالة فين وصلات
مروان : شيماء صافي بردي باركة داكشي لي درتي فيها
شيماء : مباركة موالو خاصها تفيق من لݣلبة (نفاجرات بلبكا او مشات شدات لقنة تبكي على خاطرها فحين مريم مشات دخلات لحمام غسلات وجها او بدلات عليها ودخلات لبيت مها)
شيماء بقات شي نص ساعة غا كتبكي تا بردات عاد مسحات دموعها او ناضت دخلات عند مريم لبيت ، لقاتها متكية وعاطاها بضهر ، قربات عندها او ݣلسات حداها كتدوي معاها
شيماء : (صوتها باكي) علاش مباغاش ديري عقلك غا قولي ليا ، واش يسحابليك انا مكنحملكش او غا زكارة فيك كنقولك مديريش هاكدا ، راك معارفاش شكيوقع برى او شنو كيستناك الى كنتي نية ، (نفاجرات بلبكا عاود) لي بحالي وبحالك أمريم الى مشاو تا حلو رجليهوم مرة غيبقاو حياتهم كاملة حالينهوم ، ملي يمشي تا يتتقب قاعك امريم تا حد مغيحن فيك حيت غتولي غا موسخة ، لي عندها لفلوس كترقع راسها ولي لي مزلوطة بحالنا كتبقا طريقها مسرحة لي جا يكويها او يلوح ليها ربعمية ، الى كان يسحابليك بلي غالي حلات رجليه كتغنا فراك غالطة ، كضل حياتها كاملة مطيبة قاعها باش فلخر ملي تمرض ماتلقا لي يهزها ، شنو باغة باغة تخرجي او يتنعتو عليك الناس باغة تبعي ديك طريق او ملي تشرفي تعيطي على شوف طيڤي تقوليلهوم المحسنين عاونوني ، ولا باغة تقولي ليهوم انا عندي قنات فليوتيوب كنشطح دعموني ، غا قولي ليا واش هادي هي لحياة لي بغيتي ها مك تعطيك لخبار ماخلات مادارت طفراتو ؟ مطفراتوش او عمرها طفرو
شيماء : لي بحالي وبحالك امريم الى مداروش لعز لراسهوم عمر شي حد غيعزهوم ، راك باقة صغيرة او كتبعي غا هواك ولكن ملي تزيدي شوي لتعرفي بحق هاد لكلام ، داكشي علاش مابغيتكش تخرجي على راسك أو تندمي حياتك كاملة ، فهاد لعمر كيبانلك راسك بلي نتي عارفة شنو باغة ولكن الحقيقة راك معارفة والو ، غتلقاي تيقي لي قالوليك او غتقرحي مني يقولك شي دري عجبتيني نتي زوينة ، غتحسي بقلبك كيضرب حيت عند بالك هو كان باغيك او فعلن عجبتيه ولكن هو كانت عينيه على تقبتك باغي علامن يلعب او يدوز لوقت او صاف لاغير ، شحال من واحد كيبقا مطمع لبنت او كادب عليها بلكلام لحلو تا كطيح فيه مسكينة او متيق فيه ولكن فلخر شنو كيوقع كيضحك عليها او يزيد معا طريق ، مابغيتش اوقعليك هاكداك مابغيتش عقل صغر اخرج على حياتك امريم مابغيتكش تفرطي فقرايتك او تخرجي على راسك ، حيت بلى قراية مكيتسناك غا جفاف او تطراس فديور بحالي ، غضلي واقفة نهار كامل على قبل جوج دريال او فلخر اعيبو فيك او ينقصو منك ، داكشي علاش قراي باش تخرجي راسك من هاد لقفارة فاش عايشة ، او فلأخير نتي تعرفي انا غا قلتلك (هبطات شيماء تا باست مريم من حنكها او ناضت خرجات فحالها بعدما مسحات دموعها)
مروان : نعسات ؟
شيماء : وقيلة
مروان : هاكي طيليفونك راه الياس صونا عليك
شيماء : بصح ؟ او مجاوبتيهش تعرفو آش بغا
مروان : ملي جيت نجاوب قطع
شيماء : صافي هاني غنصوني عليه نعرفو آش بغا (شدات طيليفونها او خرجات لبرا مصونيا على الياس) الو
الياس : شيماء صڤا
شيماء : صڤا لحمد الله هاد الساعة كي غادي معا شي خدمة ؟
الياس : هاحنا كنعديو
شيماء : سمعت بدكشي لي وقع لبارح شنو غدير دبا
الياس : (تنهد) ماعندي ماندير من غير اني نخلصها من جيبي
شيماء : شوف غدا الى لقيتك فصوق فصباح بكري اندوزليك شي امانة تعاون بيها
الياس : لا بلاش خلي فلوسك عندك غتحتاجيهوم ، انا حمد الله دبا مشيا عندي لقضية او سلعة كتباع غنجمع شوي او ندفع داك لكريدي ، نتي كي غادية معا لخدمة ياكما مزيرة عليك
شيماء : هاد الساعة مزيان
الياس : صبري عليا غا واحد شوي نمشي لحركة مزيان او تحبسي من ديك لخدمة وترتاحي ليك
شيماء : زوجني باش نرتاح
الياس : هههههههههه الله أودي خصني غا نلقا لي يقبل بيك او يهنيني منك منقولش ليه لا
شيماء : شوف سلݣوط كون سمعك مروان اتخاصم معاك
مروان : علاش غنتخاصم معاه شنو قالك ؟
الياس : دردݣ يالاه دكرناك
شيماء : قالك الى لقا لي يقبل بيا او يهنيني منك غنزوجك ليه
مروان : (غوبش او عنق شيماء) واخة تلقا انا مغنزوجوش لخوادرية
الياس : هههه شوفلك لمغيار
شيماء : حسن منك أبعدا هو كيغير عليا
الياس : تلاحي عليا نتي وياها
شيماء : ههه بسلامة ، فين غادي نتا ؟
مروان : غادي مسخر
شيماء : مسخر ولا غادي تشوف لحبيبة
مروان : غادي نشوف خلى دار بويا منايض مني غا حبيبة
شيماء : ههههه سير سير او متعطلش (ملي مشا مروان كانت بغات تدخل لدار تا بدا طيليفونها كيصوني مرة خرى ، جاوبات واخة كانت نمرة مكتعرفهاش) الو شكون معايا
***** : أنا علاء اشيماء
شيماء : (حياته بقلبها قفز من بلاصتو ملي سمعات صوتو) ع.علاء ؟ مناش جاتك نمرتي ؟
علاء : ديك نهار فاش نسيت طيليفوني كنت صونيت من ديالك او بقات عندي نمرة
شيماء : هاكداك ، بغيتيني لشي حاجة ؟
علاء : الصراحة كنت بغيت نسولك فين حطيتي لپيسي ديالي ملي جمعتي لبيت
شيماء : حطيتو ليك تحت طبلة الصغير
علاء : (شاف تحت طبلة) آه صافي هاني لقيتو سمحيلي صدعتك معايا
شيماء : مكاين لا صداع لا والو كي بقيتي نتا شوية ؟
علاء : بيخير بيخير
شيماء : (سكتو بجوجهوم سكات محرج لمدة)
زينب : (خرجات عند ختها كتغوت) ختي شيماء قالتلك مي جي تعشاي
شيماء : (مرݣات او طلعات معاها لحمورية وبدات كدير لختها اشارة باش تسكت)
علاء : ههههه منعطلكش سيري تعشاي
شيماء : بسلامة (قطعات معاه او دخلات لدار تعشا)
#عند عئيلة لغالية#
كانت مريم يالاه نعسات يوسف او حطاتو فلباياص ديالو
سعاد : (دقات عليها لباب)
مريم : (مشات حلات ليها لباب) سعاد
سعاد : جيت نعيطليك باش تعشاي
مريم : غا تعشاو نتوما انا مفياش
سعاد : على خاطرك نخليك دبا تصبحي على خير
مريم : ونتي من اهل لخير (مشات سعاد بحالها مخلية مريم راجعة لعند ولدها طل عليه)
عبد الله : (طلع لبيتو بعدما سالا لعشا ودخل على ريم لقاها ݣالسة قدام لكوافوز كتمشط شعرها طويل ، قرب عندها واخد ليها لمشطة او مكمل هو لمشيط دشعرها) علاش مهبطتيش تعشاي ؟
مريم : مكانش فيا جوع
عبد الله : مالك مريضة ؟
مريم : ضارني غا راسي شوي وصاف
عبد الله : (تحنى تال عنقها او باسها منو) مشيتي ليوم تشوفي ياسمين
مريم : (توترات) و.واه
عبد الله : مزيان
مريم : (كانت بغات تنوض تا حسات بيه لاوي شعرها فيديه او جارها منو تا حسات بيه تقلع)
عبد الله : (كيدوي بشوي حدا ودنيها) شنو قلت لكلب دجدك أدوي
مريم : (معالم بيها غا الله رجعات كتقفقف منو) أنا أنا مشيت غا نشوفها راها كتبقا بنتي اعبد الله
عبد الله : (زاد زير على شعرها تا غوتات ولكن كان دغيا سد ليها فمها) ششششش يوسف ناعس تفيقيه بغواتك ديالتك متعاودش ، كيسحاب لجدك نتي تاع راسك ماعندك لي يحكمك معامن تشاورتي تا تخرجي بسلامة معامن ؟
مريم : (كانت مقصحة بزاف فشعرها او غا كتبكي) سمح ليا اعبد الله غا توحشت بنتي ومشيت نشوفها
عبد الله : توحشتيها ههههه توحشتيها ومشيتي تشوفيها واخة منعتك (طلق شعرها) منسمعش حسك ݣاع ، يالاه حيدي حوايجك
مريم : (كانت عارفة شنو كيستناها) عبد الله عافاك يوسف ناعس
عبد الله : او حيت يوسف ناعس خاصكي ديري داكشي لي قلتلك ونتي قاطعة لحس ، يالاه امرتي ليل باقي طويل نلعبو شوي
مريم : أنا … أنا حاسة براسي مهياش بغيت نعس عيانة خلي تال غدا عافاك
عبد الله : (نزل عليها بواحد تصرفيقة ورجع شادها من شعرها مقربها لعندو) مكنشاوركش الحاجة ، ملي مابغيتيش بلخاطر انا متأكدة غتعجبك طريقة لوخرة بحال لعادة ياك
مريم : (وسعات عينيها مخلوعة منو او ماجات فين تفرح أنو طلقها حتى لقاتو دافعها على لحاشية تاع لباياص دولدها او بدا كيهزليها فحوايجها وهي غا كتحاول تبعدو) عبد الله شكادير يوسف ناعس
عبد الله : (زير ليها على شعرها بعدما عرى على طغمتها او شدها بقرصة منها) سكتينا
مريم : (تغرغرو عينيها بحر لقرصة مقادة تا تغوت كتحس بيه كينتاهكها بحال كل مرة ، علاقتهوم لجنسية ديما كانت هاكدا هو بوحدو لي كان كيستمتع اما هي كانت غا كتألم ، كتحس بيه كيدخل تبو فيها بدون مداعبة ولا تهييج ليها ، جارها من شعرها او بدا كيلتاهم فشفايفها بوحشية مخليها متحسش بذرة متعة معاه)
عبد الله : (مندامج فلمتعة ديالو كيديه او يجيبو اوسطها ، ندوز يديه تحت حوايجها كيعصر ليها فبزازلها او يعجنهوم ، مرة مرة كيبوسها فمها ، مستمتع بشوفتها كتبكي او بغا يزيد اخليها تبكي داكشي علاش كان كيمارس معاها بجهد او بطريقة كتخليها تألم ، هادشي بلى فمو لي كان كينزل لعنقها او يعضها منو تا يسيل دم)
مريم : (كانت كتعض فراسها او تنتف راسها باش متغوتش او تفيق ولدها ، او ماهي إيلى شوي تا جرها من شعرها راميها على ناموسية او مقطع ليها حوايجها قبل ميعاود يهجم مرة خرى او يطلع فوقها مكمل على داكشي لي بدا ، ولكن هاد لمرة بأذى وضرب كتر) عافاك اعبد الله لما حبس
عبد الله : (مكانت عندو تا نية باش يحبس سيد عاد ما زاد جعر مرة يقجها مرة يصرفقها مرة يعضها او ينتفها ، او لمعيور خلاص مكاين غا من السمطة لتحت)
مريم : (لي مطلق ربي سراحها تا جابو او سطها وقضا غاراضو فيها عاد ناض جامع سروالو عندو ، مخليها هي كيف شرويطة غا كتبكي) حرام عليك دير فيا هاكدا الله ياخد فيك لحق
عبد الله : (رجع شدها من شعر او ضربها بواحد الركلة لكرش) هاد لهضرة كنتي تقوليها لمك هي لي لسقاتك ليا كيف طحبة ، نتي لي بغيتي زواج ايوا هاش كيصورو لي بحالك من زواج (طلقها ومشا دخل لحمام ادوش)
مريم : (مدات يديها بدرع لپينوار ديالها لبساتو او جمعات رجليها عندها معنقاهوم او عاطياها غا لبكا تا حمارو عينيها ، عاد ناضت كتعرج او لحريق داير فيها مابغات ، جمعات حوايجها لي مليوحين فلأرض او مشات حطاتهوم فشبكة ، موجدة لحوايج لعبد الله فاش يخرج من الدوش
#عند لغالية#
كانت لغالية ݣالسة فبيتها كطوي فلحوايج تا دخل عليها اكسيل
لغالية : (باقة منفخة منو على حساب صباح) رجعتي ؟
اكسيل : وقيلة
لغالية : فين مشيتي ؟
اكسيل : كنت غا هنا
لغالية : فين هنا بضبط ؟
اكسيل : هاد قوة لأسئلة لاش ؟
لغالية : لا غا كنسولك او صاف حيت بنتيلي نتا كتخرج ديع او تيارا فينما بغيتي بلاما يقوليك شي حد شي حاجة ، ونا محرم عليا لخرجة
اكسيل : (دخل لبيت كيبدل عليه) ونا كنقول مالك قولي ليا على حساب صباح
لغالية : على حساب صباح عاد ولا ياكما يسحابليك دوزتها ليك
اكسيل : عارفك ممكدوزيهاش شنو لمطلوب مني انا دبا
لغالية : كحب واحد ألف درهم فوق الطبلة
اكسيل : الف درهم بنتلك داير خطية
لغالية : على خاطرك غا هو بعد يوماين غتنزل ليا هاديك يعني غيخصك تݣلس ديك ربعيام خمسيام بلى حلوة ويلى محطيتيش هاد الف درهم فغا زيد تا هاد يوماين علحساب شنو قلتي باقي مناويش تحط الف درهم
اكسيل : أصلن كنت ناوي نصوم هاد السيمانة كاملة
لغالية : نتا تعرف انا قدمتلك عرض ونتا رفضتيه تحمل مسؤوليتك
اكسيل : خاسك لحبس نتي ولعروض ديالك
لغالية : دويتي معا عزيز ليوم
اكسيل : لا
لغالية : سيفط شيماء لعند رقية باش تعاونها فلمقابلة تاع علاء
اكسيل : مزيان
#عند جود#
كان يالاه رجع من برا او طلع لبيتو نيش نصل حوايجو هوما لولين او مشا دخل لدوش ، مخشي تحت رشاشة او مخلي لما كينزل عليه او كيريحو من لعيا تاع نهار كامل ، متعطلش فدوش بزاف ديك ربع ساعة وخرج لاوي عليه فوطة ، او توجه لماريو ديالو واخد منو بوكسور زرق لبسو بلخفة لايح عليه ديك لفوطة ، خدا تيليكومونض او دار واحد لفيلم امريكي وتسرحليه فوق الناموسية كيتفرج
جود : (كان متبع معا لأحداث تاع لفيلم تا وصلات واحد اللقطة فاش تباوسو واحد جوج فيه ، بلاما يحس على راسو قلقا نفسو كيتخايل راسو معا يسمين او يديه محطوطة على شنايفو مسترجع لمسة او دفأ شنايفها ملي باستو او ريحتها دازت فنيفو ، ولكن مفيقو من سهوتو داك الصوت دلقنبول لي تسمع فلفيلم قفزو من بلاصتو او خلاه اشد قلبو من لخلعة) تفو تفو على زمر قفزتوني وقطعتو فيا لبوسة (صرفق راسو) شمن بوسة اتامل فين مشا عقلك عاود (رجع كيتفرج عاود ولكن ملي شافهوم عاود بغاو ايديرو بوسة خرا او هو بدا كيتخايل تاني طفا تلفازة بزربة) ستغفرت الله فين مشا عقلك اجود فين ، نمشي نعسلي حسن (حدو تخشا فراشو بدا طيليفونو كيصوني ، عقدهوم حيت كانت ديك جوج دليل لوقت معطل شكون غيصوني عليه فهاد لوقت او زيد نمرة معارفهاش ، جاوب بشك) الو شكون معايا ؟
***** : شكون فناضارك غيصوني عليك فهاد لوقية ؟
جود : (الصوت كان تاع بنت او حس بلي فايت سمعو فشي قنت) ماريا ؟
***** : لخرا لا ؟ واش معرفتيش صوتي ولا كيفاش
جود : (ديك لخرا لا قالتها بجهد تا صمكات ليه لودن او رجعات كتدوي بهمس مخلياه اقول سميتها بشك ) ياس…مين ؟
ياسمين : على سلامتنا ملي عرفتيني
جود : (ناض مفزوع من فراشو) ياسمين ؟ كفاش او مناش كتصوني ؟
ياسمين : (كتدوي بشوي) ميسحابليش راك مكلخ تال هاد الدرجة ، مناش كنصوني ؟ من واحد لاختراع سميتو طيليفون بالنسبة لكيفاش ملي نخرج او نوريك كيفاش
جود : باركة من الطنز او قيليلي كي درتي تا دخلتي الطيليفون لحبس او زايداها كدوي منو مخايفاهومش احصلوك
ياسمين : عندي طرق ديالي ، او زيدون كولشي يهون قدام صوتك ازين
جود : (تنهد بسخط او رجع تكا فبلاصتو) علاش مصونية
ياسمين : حيت توحشتك
جود : (سكت مردش)
ياسمين : فين مشيتي ؟
جود : احن انا هنا
ياسمين : وا قلتلك توحشتك زعما مغتجاوبنيش
جود : اتوحشك لخير
ياسمين : ماري على خضر كنقولك توحشتك انا لي قلتهالك ماشي صاحب لي قالها ليك
جود : غتبقاي شادة فيا ولا شنو ؟
ياسمين : ماعلينا قوليا دبا شكون هي لبعكاكة تاع ماريا
جود : لاش باغة تعرفي
ياسمين : باغة نعرف من حقي راك ديالي باغيني نخليك ليها
جود : ديالك من ايمتا بسلامة
ياسمين : من بعد أو نقولك من ايمتا ودبا جاوبني شكون هي ماريا
جود : كنشم شي ريحة
ياسمين : شمن ريحة ؟
جود : ريحة لغيرة متلا
ياسمين : ريحة زعتر جاوب بلى الدوران فلهضرة
جود : (قهقه بصوتو الرجولي) تي بربي تا كتغيري
ياسمين : تهجرو ان شاء الله على هاد ضحك ، صافي قطع قطع نمشي نصوني على سمير حسن ليا
جود : (جمع ضحكتو) شكون هاد سمير ؟
ياسمين : واحد دري كنعرفو او صاف بسلامة (قطعات عليه)
جود : (بدا كيشوف طيليفونو ممتيقش انها قطعات عليه باش تدوي معا داك زعتر دسمير ، متسرطاتش ليه او رجع كيصوني عليها كيلقا لخط مشغول ، ولكن تا هو ماشي من لمعكزين بقا كيصوني عليها او يعاود تا جوباتو)
ياسمين : شنو بغيتي لاش كتصوني عليا مخليتينيش ندوي معا سمير على خاطري
جود : غا بلغلط صونيت
ياسمين : صونيتي 6 لمرات غلاط
جود : احن كنت كنت باغي غا نسولك كي غادية شنو خبارك فلحبس ؟
ياسمين : بيخير بيخير نخليك دبا
جود : ستناي متقطعيش انا
ياسمين : مالك نتا
جود : تسمعي لموسيقى ؟
ياسمين : شحاف عليك
جود : والو شنو الأغنية لي تبغيني نطلقليك
ياسمين : طلق ليا ديك لاغنية فاش كيقولو لو كان دا حب راها مشهورة فلأنسطا
جود : واخ (شعل ديك لأغنية او نقص ليها صوت)
“لو كان دا حب يا ويلي مينو”
“لو كان دا ذنبي متوب عنو”
“لو كان دا نصيبي اعيش في غرام”
ياسمين : شنو كدير
جود : متكي ونتي شنو كديري
ياسمين : كندوي معاك هه
جود : هه تعناب عندك ديال الله يحسن لعوات
ياسمين : شكون بحالك لقيتي لي يتعنب عليك
جود : سعداتي ههه شحال من وحدة نتفتي هاد سيمانة
ياسمين : تا وحدة
جود : يعني علأقل كاينين خمسة
ياسمين : راه والله تا هوما لي كيجبدوني
جود : كون شديتي لقنت مكاين لي يقربك
ياسمين : واش يسحابليك راني ݣالسة فعرس ، والله اونشد لقنت تا يجيو اكويوني من ودني ماشي غا يضربوني ، راه دكشي بحال لغابة الى مكنتي سبع تكون ضبع ، لحبس هنا عامر زاملات شمكارات
جود : زاملات ؟
ياسمين : واه زاملات لكوا او لبوسان على جهد تقول راك فلموقع لأزرق
جود : ونتي ما محلك من لإعراب
ياسمين : ههههههه انا لي كيتزعطو فيا لبنات او دراري داكشي علاش خصك تعرف بقيمتي
جود : كيتزعطو فيك تا لبنات ؟
ياسمين : نخليك دبا تعطل لحال ونا فيا نعاس
جود : بونوي
#بعد مرور شهر#
داز شهر على لحادثة تاع داك نهار ولي تغيرو فيها بزاف تاع لحوايج منهوم صباح لي كان اكسيل حاضيها هو بنفسو كيوصلها لعيادة فين كتقرا او يعاود ارضها ، تا من طيليفون باقي مرضوش ليها داكشي علاش مقداتش تواصل معا محسن بتاتا ، او كيف كولا نهار كانت فلعيادة كتحضر لسطاج ديالها تم لابسة ليها سروال واسع مع قميجة او دايرة ليها من لفوق طابلية بيضة طويلة فجيهة الصدر من لفوق كانت مكتوبة سميتها عليها ، بعدما كانت واقفة مع الدكاترة لي تما كتسولهوم على شي حوايج ، تا عيطو عليه دوز على واحد لمريض (ملي كتكون لحالة بسيطة بحال لغسيل تاع سنان وما جاورها باش تطلق يديها) ، متعطلاتش او مشات داخلة نيشن لبيت فين كيعالجو لمرضا
صباح : (دخلات لبيت عند لمريض سعى ملقات تا حد تما ، كانت عوالة تخرج بحالها تا شدها شي واحد من يديها ، ضارت مخلوعة تا شافت شكون شدها) م.محسن ؟
محسن : (مجا فين اجاوبها تا نقزات عليه صباح معنقاه ، بادلها لعناق محاوط خصرها بيديه) توحشتك
صباح : (بعدات عليه بشوي وهي حشمانة ، محساتش براسها تا تلاحت عندو معنقاه) شكادير هنا ؟ ياكما شافك شي حد ؟
محسن : مشافني تا حد غا تهناي واحد صاحبي كنعرفو هنا هو لي دخلني ، خلينا دبا من هادشي وقوليلي شخبارك
صباح : حمد الله هاد الساعة ونتا كي غادي مع شي خدمة ، بنتيلي تفورميتي
محسن : هه هاحنا غادين كنا غنتفورماو كتر كون طلقنا باك
صباح : باقي كدوي معا بابا
محسن : كندوي معاه ؟ انا قربت ندير ليه لخيمة قدام لمحال ونتي كتقوليلي كندوي معاه ، تا من خوتك قربو ايديرو معايا لخيمة ولا هو بغا يتفك ، راسو حجرة
صباح : ماشي غا بابا لي معكس دبا تا ماما
محسن : واش ساقت لخبار
صباح : خالتي رقية ملي وقع دكشي لعلاء صونات على ماما قاتلها بنتك كتخرج معا واحد لميكانيسيان ، هي تنوض عليا واحد مولاتي لعجاجة
محسن : معليش دابا تبرد
صباح : راني عارفاها تلاقات معاك غتكون سمعاتك لمنقي خيارو
محسن : هههه الصارحة الله دوات بهدوء او كلاس غا هو فكل جملة كتقولها خصها دخل ديك انا صحفية على قدي كولشي عارفني او بنت وحدة لي عندي باها داير او فاعل
صباح : هههههه لوليدة راها مهووسة شوي بداكشي تاع الطبقات لاجتماعية منين كانت تا بابا طالقات معاه على هاد لحساب
محسن : كولا وهمو باباك لي غيجي اديك تا هاد نهار
صباح : ياس ، هاد شهر كامل داير عليا لعسا
محسن : مبقى قد مافات
صباح : (سمعات صوت لخطاوي) سير سير دبا نتا قبل ميشوفك شي حد هنا
محسن : واخ هاني غادي تهلاي فراسك
صباح : بسلامة (ستنات تا خرج محسن عاد خرجات تا هي بحالها ، حيدات ديك الطابلية دارتها فلماريو لي تما عاد مشات هبطات لشاريع كتسنا فاكسيل ايجي يديها)
اكسيل : (وقف بطونوبيلتو قدامها وستناها تا ركبات حداه عاد كسيرا غادي فحالو) كي دوزتي نهارك
صباح : مزيان كيف كولا نهار ، بابا
اكسيل : نعام
صباح : فيا جوع واخة ندوزو لماݣضو ناخدو منها شي حاجة
اكسيل : واخ (دور الطونوبيل او مشاو تال فين قالتليه صباح او ضومونضا ليها ولوخرين عاد مشاو لدار)
لغالية : (حلات ليهوم لباب او هي مبتاسمة) رجعتو
مجد : (مشا نيشن خدا من اكسيل الشاسية) شنو جبتو معاكوم ، لقص لعز الواليد
جود : حط حط فوق الطبلة راه فيا الجوع
صباح : داك لي مافيهش لخضرة هو ديالي غنطلع نبدل عليا ونجي
لغالية : (كتشوف فساشية لقات ربعة تاع لحصص صافي) مجبتيش لراسك
اكسيل : لا سكر طالع عندي
لغالية : او باش غتغدا دبا
اكسيل : ازيد شوي وندݣ لانسولين وناكل شي حاجة ، هنيونا نتوما بجوج ياك لاباس
مجد : وشوف معاه هو الواليد باغي ياخد كاسكروط لي مافيهش لخص او يخليني انا بلاش
جود : بنتلك كناكل لخص انا
لغالية : غا هنيونا راه كاينين جوج بلى خص واحد ليك او واحد ليا داك لي خديتي امجد ديالي انا
مجد : آه هاكي
لغالية : (كلات حقها بزربة او تبعات اكسيل لبيت) كويت معا خالتي ليوم او قالتلي بلي راها مريضة
اكسيل : شعندها
لغالية : رواح لي ضربها ، وهي كيهلكها رواح وبغيت نمشي نݣلس معاها هاد ليامات نقابلها
اكسيل : لي كنعرف الراضي ميخليهاش بوحدها وهي مريضة
لغالية : مرضات او هو مسافر او تا مرة ولدها لي تقابلها مكايناش ، دبا ݣالسة بوحدها
اكسيل : هاكداك (بقا ساكت)
لغالية : (قربات عندو) وعافاك
اكسيل : شحال ناوية تݣلسي ؟
لغالية : واحد تلتيام نقابلها فيها علاما يرجع راجلها
اكسيل : ولدها لي ممزوجش كاين فدار )
لغالية : واش خير الدين ؟ مكنضنش واش كاين حيت قالتلي باقي مسافر او زيدون راه ولد خالتي تربينا او كبرنا بجوج منين كنا صغار
اكسيل : تربيتو بجوج ماشي هي خوت والداكوم كرش وحدة
لغالية : كتقول هاكداك حيت مراكش تعرفو مزيان ، خير الدين تا الشوفة مكيهزهاش فيا ودايرني بحال ختو صغير ، وزيد خالتي كاينة ونا مزوجة
اكسيل : ملي مغيكونش فدار سيري ولكن هاه تلتيام متفوتيهمش
لغالية : ديرها ديرها ربعيام راه من ديك نهار مشفتها
اكسيل : (شافها كتبلحس عليه) ربعيام متفوتيهاش ، او طيليفونك ديما حداك نصوني جاوبي
لغالية : ندخلو معايا تال طواليط ؟
اكسيل : دوشيليه تا تدواش لموهيم هو ملي نصوني عليك تجاوبي
لغالية : كون هاني انا غنوض نجمع حوايجي باش نمشي
اكسيل : خلي انا غنوصلك
لغالية : لا بلاش غيخصني ندي طونوبيلتي باش نرجع بيها
اكسيل : على خاطرك
لغالية : (طارت نيشن لبيت تبدال جابدو باريزتها او بدات كتحط فيها لحوايج لي غتحتاج) لبيجامات كاينين ، زيوفة كاينين ، سليپات كاينين ، جلابتي تاع لحضور كاينة لقفطان لعامر كاين
اكسيل : (وقف عليها عاقد حجبانو ملي شافها كتحط قفطانها لعامر او جلابتها لمزوقة فلباريزة) ناوية تقابلي خالتك بقفطان ؟
لغالية : (قفزها ملي شافتو واقف عليها ، مالقات مادير او ضحكات ليها واحد الضحكة صفرة) علاه مقلتلكش دبا خالتي مريضة غنمشي نقابلها ، او بنت خالي غتزوج او بغيت نحضر لعرسها
اكسيل : ملي دوينا قلتيلي خالتك مريضة ماشي بنت خالك غتزوج
لغالية : راك عارف شحال هادي مشفت عائيلة ماما منهار تزوجت ماشفتهوم ، او خوالي وخوالاتي الى ساقولي لخبار رجعت او مشيت شفت غا خالتي منى غيتقلقو عليا ، وزيد نتا عارف بنات خوالي شحال عزيزين عليا نص فيهوم محضرتش لعرسهوم فهاد 5 سنين او دبا الى محضرتش لعرس بنت خالي انا وغيبقا فيا لحال لعساك هي
اكسيل : ايمتا عرسها
لغالية : بعد يوماين
اكسيل : معامن غنمشي ؟
لغالية : غنمشي معا خالتي منى او محسن طبعا ، غتخليني دبا نمشي ؟
اكسيل : تمشي ولكن بشرط قزيبتك تهز من لأرض نتفاهم معاك
لغالية : هاء مالي غادية لݣنازة لبنات بيناتهوم ضاروري نوض نشطح شوي
اكسيل : اذن مكاين بو عرس
لغالية : صافي صافي واخة
اكسيل : (صغر فيها عينيه) اهيتا دوك تحراميات ماديريهومش معايا هنا تقوليلي ايه او مور ضهري تحيحي غنجيب خبارك نجيبها نجيبها
لغالية : كلمة تاع رجال ، يمكلي نمشي دابا ؟
اكسيل : (باستسلام) سيري
لغالية : (وقفات على صبعان رجليها او باستو من حنكو) غنمشي نبدل او نمشي
مشات كتجري لماريو ديالها خدات منو واحد لكسوة ݣرونة لبساتها ودارتها معا شال كحل او ساك او صندالة بنفس اللون عاد رجعات عندو هازة فيديها سوارت تاع الطونوبيل
لغالية : كي جيت
اكسيل : زوينة
لغالية : (مدات ليه يديها)
اكسيل : (شدليها يديها يسحابلو بغاتهوم يتشابكو ليدين)
لغالية : (فكات يديهوم) لا لا ماشي بغيتك تشدي ليا ليدين بغيتك تعطيني باش نشري لكادو لعروسة
اكسيل : لغالية تمشي تزها واكسيل اخلص فلوس لكادو كي درتيلها
لغالية : ايوا شغادير هادا هو تامان تاع زواج ببنت زوينة بحالي
اكسيل : ههه ملي هاكداك ها شيك عمري تامان لي بغيتي
لغالية : (ضحكات بفرح أو خدات منو الشيك معمرة فيه 5 دلمليون) هاك سيني
اكسيل : (تحلو ليه لعينين ملي شاف التامان) متأكدة كاضو لي داية ماشي صداق
لغالية : ههه باغة نكبر بيها
اكسيل : سعداتها الحاجة
لغالية : (خدات منو الشيك) سعداتها هي بلكاضو وسعداتي انا بيه يالاه بسلامة
اكسيل : بسلامة
لغالية : ( هبطات لتحت غادة متوجهة لطونوبيلتها تا ضربات فدراري )
جود : (شافها هازة لباريزة) زين فين غادة ؟
لغالية : جرا عليا باكوم او غادة نغضب عند خالتي
مجد : خالتك عندها شي بنات ديني نغضب معاك
جود : مكاين بو غضيب نتي غتݣلسي فدار او هو يمشي يخرج بحالو
لغالية : هههههه طلع عندو قولها ليه فوجهو او خرج فيه
جود : لوحدة هي لي تهز راسها او تمشي معفرة تا يجي يحزرها عاد ترجع معاه ، كندعمك فقرارك كملي
لغالية : اكتسيف اولدي ، يالاه نخليكوم دبا بسلامة
مجد : بسلامة
لغالية : (مشات ركبات طونوبيلتها او توجهات لدار خالتها ، وصلات لقدامها عاد بلاصات طونوبيلتها او نزلات منها متوجهة لسونيط تاع الدار)
منى : (لي كانت ݣالسة هو ومحسن كيتفرجو فتلفازة سمعو سرسار فلباب) سير حل شوف شكون
محسن : واخ (ناض من بلاصتو او توجه لباب حلو تا ضرب فلغالية) لغالية هادي نتي
لغالية : كنتي كتسنا شي وحدة من غيري
محسن : (عنقها) دخلي دخلي
منى : محسن شكون فلباب
لغالية : أنا هادي اخالتي
منى : (ناضت فرحانة كتسلم عليها) اهلن اهلن بزين دخالتها
لغالية : (بدا اكسيل كيصوني عليها داكشي علاش بزربة جاوبات) الو حياتي
اكسيل : شفتي خالتك ، واش راها مريضة بزاف ؟
لغالية : (بدات عليه تمتيلية ديالها) مريضة بزاف تا لوقيف مقاداش توقف او تسلم عليا (دارت إشارة لمنى باش تبدا تكحب)
منى : (عاشت الدور وبدات كتكحب او تدوي بصوت ضعيف بحالي فيها رواح نيت) مح.سن مدلي اولدي دوا
اكسيل : سيري مدي لخالتك دوا وقوليلها الله ايشافي ، بليل ملي نصوني عليك جاوبيني
لغالية : كون هاني بسلامة
منى : واش صافي قطع
لغالية : (بحماس) واه
محسن : (طول فيهوم قبل مينوض يمشي يطلع لبيتو) لعفو
لغالية : فين غادي
محسن : ملي كيحضرو الشياطين كيغيبو لملائكة
منى : (شيرات عليه بسرفاقة) شوف لكلب شوف
لغالية : ماضربيش ليا خويا
منى : (شدات لغالية بقرصة) كلاتك عليه
لغالية : آح اطرمتي غتخليلي زروقية
منى : (ستنات تا مشا محسن لبيتو عاد دوات) غزيت فيك او قوليلي دبا علاش كدبتي على راجلك قلتي ليه راه خالتي مريضة
لغالية : باش بغيتيه اخليني نبات كون مكدبتش عليه
منى : علاه مكيخليكش تباتي ؟
لغالية : دبا منين تزوجنا تال دبا مكنتش كنمشي عند حد نبات خصوصا ملي كيكون فدار مكنبغيش نخليه بوحدو فلأصح هو مكيبغيش اخليني بوحدي مربي عليا لكبدة
منى : همم مربي عليك لقلاوي ماشي لكبدة
لغالية : هههه ماشي موهيم شنو مربي عليا لموهيم مربي شي حاجة ، احقا دويتيلي معا ديك السيدة
منى : واه دويت معاها غدا نمشيو عندها فصباح بكري
لغالية : مزيان ، باش ندوزو فلعشية نشريو لكاضو او شي تكشيطة متخمة
منى : صاف مشات تغديتي أبعدا ولا نوض نصايبليك شي حاجة
لغالية : لا لا تغديت
منى : مشيتي فهاد ليامات طليتي على ياسمين
لغالية : ماساليتش فهاد لأيام ݣاع خصني نمشي نشوفها فأقرب وقت
منى : أحياني على ديك لبنت خرجات على راسها او شوات كبدة مها عليها
لغالية : غا سكتي مريم حالتها حالة لموشكيل تا دوا قادعاه
منى : (وسعات عينيها) لاتقوليهاش
لغالية : (حيدات الزيف او ربعات رجليها كتشيش على راسها) قلتها وعاودتها
منى : الله ياربي تا هاديك صݣعة كتر من بنتها ، صابرة على داك لمجحوم تقول مكاين محسن منو ، ديك لبنت كنت نشوفها ملي كانت تقرا كي لبلارة زينة وعاطية لعين تبسيمة مكتخرجش وجها ݣاع دراري كانو يحماقو عليها ، نهار قالولي عبد الله خطبها متيقتش ، او زادتها تا هي غا تزوجات هزات كتولد من تما وهي لور لور مهمومة او مامرتاحاش فعيشتها وزايداها بسكات ، او مرضات تا مشات الصحة او لوجه دبال ، او زادتها بلولاد شي لي كيخليها تقطع دوا شغانقولك لا الاه الا الله الله يلطف بيها
لغالية : علاه لي واخدة داك سلݣوط قانها تهز الصحة ملي محماقتش تحمد الله ، كون غا دير بنتها لعقل متزيدش عليها وها هي بيخير
منى : (قربات عند لغالية) ايمتا ناوية تقولي لربيبتك بلي محسن خوك
لغالية : كنت باغة نقولهالها ملي رجعو معا بعضياتهوم ولكن وقعو شي مشاكيل ملي جيت نقولها ساقت مها لخبار او دارتلها حالة قاتلها نون وكحل لعيون لاديتيه ويلى عرفات بلي راه خويا غتزيد تعكس ، داكشي علاش قلت نخلي تا لخطوبة او نفقصها
منى : لخطوبة ؟ علاه داك الراجل عندك بغا يقبل ماكفاتوش ديك لقتلة لي عطاه او زايدها باقي مجرجرو
لغالية : يحمد الله ماقتلوش راه ولد خوه او محنش فيه ،او زيدي عليها محسن راه مشا يخطب الروح دإكسيل عينيه هاديك قيسيه او متقيسيهاش ، كيديرلها هاه لمرض الى مرضات مايديهش نعاس ونتي باغاه ازوجها ليه غا هاكداك ، ولكن غا تهناي دابا يرطاب يرطاب حيت محسن دبا شادو من ليد لي ضاراه
منى : ايوا على ربي اوافق دغيا راه خوك مسكين ولات حالتو حالا عاطيها غا لخدمة بليل او بنهار كيجمع فلفلوس
لغالية : عطاك خبيتي ليه شي حاجة
منى : واه عطاني 20 مليون او لمباقي حطو فلبنكة
لغالية : شوفي ليك لحرايمي شكيخدم بسلامة
منى : فهاد لأيام ملي رجعات مليلية وسبتة تحلو مشا تسلف شي فلوس او دخل ليهوم شرا منهوم شي طونوبيلات بتمان رخيص بزاف او كيخرجهوم لي خاصها موطور كيركبو ليها كوسانات روايض سباغة تا كيرضها جديدة او يعاود فيها لبيع بالتامان لي بغا
لغالية : مزيان الله اسهل عليه
#عند صباح#
كانت ݣالسة فبيتها تا دق عليها مجد
مجد : (حل لباب او دخل عليها) زين لواليد بغاك سيري لمكتب ديالو
صباح : (ناضت من فراشها) فاش بغاني ؟
مجد : والله معرفت انا قالي نعيط عليك عيط
صباح : صافي واخة هاني غنمشي عندو (لبسات فرجليها او مشات لمكتب تاع اكسيل دقات عليه قبل مدخل لعندو) بابا عيطتي ليا ؟
اكسيل : واه ݣلسي باغي ندوي معاك
صباح : (مشات ݣلسات على لكرسي مقابلة معاه) الله اسمعنا خبار لخير
اكسيل : (شاف فيها بجدية وسولها) تلاقيتي ليوم معا محسن ؟
صباح : (جاوبات بصراحة واخة كانت باغة تموت بلخلعة) واه جا لعيادة باش اغسل سنانو
اكسيل : (غوبش شوي) يعني عاود جا عندك واخة منعتو
صباح : (بعدما دوات معا اكسيل خرجات من عندو او دمعة على خدها مصونية على محسن من طيليفونها لي كان يالاه رضولها اكسيل او بصوت باكي نطقات سميتو) محسن
محسن : (لي كان على الطرف الآخر من لخط حدو سمع شنو قالت ليه او هي كتبكي هبط منهار لعند لغالية ومنى لي غا شافوه تصدمو)
لغالية : (حسات بشي حاجة مهياش وقعات) محسن شواقع
يتبع
التعليقات 0