#عند ياسمين#
ملي صبح صباح تاع نهار تاني ليها فسيلون نقلوها لبوليس لسجن الأحداث تݣلس فيه هاد لويكاند علاما وصل تنين باش دوز لمحكامة ، تا من الزيارة التاواحد مجا عندها عارفة باها مغيخلي تا واحد أجي يشوفها او تا من لغالية مغيكونش عندها لخبار ، ملي حطات داكشي كامل لي عندها الطيليفون ، الساعة ، ليكوط عاد داوها لزنزانة فاش غتݣلس ، مكانتش مخلوعة ولى حتى متوتر بلعكس غادية وكتسلم او ضحك ، يمكن اكون هاد لمكان حبس لبعض و لكن بنسبة ليها هو داك الدار لي كتلجء ليها ملي كتعيا من باها ، مدوزاتش فيه لقليل عاماين بلحساب لي دوزات بين حيوطو ، عاماين لي عاشت فيها بزاف تاع لمواقف لخايبة ، لحضات الضعف الضياع لألم لجوع او تا لغدر ، ديك الطفلة تاع 12 رعام لي دموعها على خدها خايفة باغة ماماها ، كاملها كترجف مكرهاتش لي يشد فيديها براءتها كانت باقة معاها ، ماتت بين هاد لحيوط مبقاتش كيما كانت تغيرات او ولات مراهقة عمرها 16 رعام ممسوقة لحد او مدايرة اعتبار لتا حد ديك لبنت لي باها طلق يديها من اول لحضة تولدات فيها مبقاتش ديك لبنت لي محتاجة ديك ليد ، طاحت او ناضت براسها ، بكات او مسحات دموعها لراسها ، دخلوها لديك الزنزانة لي كانو فيها شي خمسة تاع لبنات متقاربة اعمارهوم معا عمرها
لبنت 1 : (ضاربة حجبانها او مشرطة يديها وباينة فيها هي زعيمة تاع دوك لبنات) ههههههههه مرحبا و الف مرحبا شوف شكون رجع عندنا ياسمين ديالنا
ياسمين : (طلعاتها ونزلاتها) كنعاودو نتلاقاو أعشيرتي
لبنت 1 : (تسنات تا مشات لبوليسية بعدما سدات عليهوم لباب ، عاد ناضت مقربة من ياسمين) هههههه ياسمين تي توحشتك او توحشت يامنا
ياسمين : (شافت فيها باشمئزاز) متوحشتك متوحشت يامنا
لبنت 1 : ههههههههه حشومة عليك متوحشتيش أمينة (بدات كتقرب عها بقرب غريب او حركات اقل مايقال عنها شهوانية قذرة)
ياسمين : (خلاتها تا قربات منها هيا تغرس ليها ضفارها فعنقها او زيرات عليها خانقاها تا بغات روحها تزهق او دم بدا كيسيل من عنقها) سمعيني مزيان اهاد التاملة راه ماعند جد مي ميخسر مقطعة وراقي من زمان او موالفة بلحباس تعاودي ديري معايا هاد لخرى ديالك خبارك اجيبوها لخرين ، داكشي علاش الى كنتي كتقلبي علامن تكوي بالي بطب*ونك نيت نتي وقيليني عليك
أمنية : (بقات مزيرة عليها ياسمين تا زراقت او قربو عينيها يخرجو من بلاصتهوم ، بدات كتكحب شادة عنقها من يديها) كح كح كح لما جيبولي لما
ياسمين : (شافت فدوك لبنات لي كانو عوالين اتسخرو) تمد ليها شي طحبة فيكوم لما نتبعها ليها ، الى بغات لما تجيبو لكغها
أمينة : (مشات جابت لما لراسها شرباتو او بقات شوي تا تهدنات عاد طلقات واحد ضحكة) ههههههههه من ديمة نتي هاكدا قاسحة او مكترحميش ممسوقة لحد فكرتيني فدوك عماين لي كنتي هنا واخة خايفة مكتبينيش او مكتخليش دقتك هادشي لي عجبني فيك او باقي عاجبني تال دبا نموت فيك انا
ياسمين متسوقاتش ليها ݣاع او مشات طلعات لواحد لباياص او نعسات فوقو مخلية أمينة غا كتشوف فيها
#عند لغالية#
لي كانت مسايقة خبار لشنو واقع لياسمين ، ناضت على خاطرها وجدات راسها لابسة ليها واحد الجلابة مخزانية متولة بلون الزيتي فيها طرزة خفيفة بديݣرادي تاع التوب
دارت لفولار عليها او لبسات صندالتها وساكها عاد هبطات عندهوم لتحت ، لقاتهوم لابسين جلالبهوم او واجدين ، تسناو صباح تا هبطات عندهوم لابسة سروال واسع مع قميجة وفولار او صندالة خفيفة وعالية
لغالية : (همسات لصباح) فين ؟
صباح : غا واحد لغراض
لغالية : أجي عمرك وريتيني داك لغراض وريهلي دبا
صباح : (توترات) ماشي قتو دبا
لغالية : على خاطرك ، لحاجة نمشيو
لحاجة : يالاه
مشات صباح او لحاجة وصفية سبقو لغالية وركبو فطونوبيلتها
لغالية : (قربات عند اكسيل) حياتي
اكسيل : (عرف ديك حياتي ديالاش ، مد نيشن يدو لجيبو جبد منها 2000 درهم او عطاهوم ليها) هاكي هادو ويلى حتاجيتي شي حاجة خودي من لبنكة راني دوزتلك لفلوس فيها لبارح
لغالية : (وقفات على صبعان رجليها او باستو من حنكو) شكرا هاني مشيت
اكسيل : متعطلوش
لغالية : كون هاني (مشات خرجات من الدار او ركبات طونوبيلتها او ضيمارات متوجهة لأوسط كزا) صباح فين نحطك
صباح : حطيني غا هنا
لغالية : (حبسات طونوبيل) شوفي ملي تسالي صوني عليا نقولك فين راحنا باش تجي تخلطي علينا
صباح : صافي واخة بسلامة (نزلات من الطونوبيل او تسناتهوم تا بعدو عاد هزات طيليفونها او صونات على محسن) الو محسن
محسن : راك فكازا ؟
صباح : واه راني قدام قهوة *****
محسن : تسنايني واحد شوي نكون عندك
صباح : صافي واخة
محسن لي كان يالاه سلى واحد تدريب كان عندو حيد حوايج لبوليس او لبس حوايجو لعادية ، عاد صباح صونات عليه جاوبها او عرف فين راها ، عاد قطع معاها او خرج ركب طونوبيلتو لي كان عاد سالاها فتصياب ، كانت من النوع كاطكاط ، توجه عند صباح لي كانت كتسناه تما فشاريع
محسن : (بلاصا الطونوبيل قدامها او نزل الزاج) صباح ركبي
صباح : (كانت كتسنا فمحسن او هي متوترة لعافية شاعلة لداخل ديالها تا وقفات قدامها واحد لكاطكاط كانت باغة تبعد تا هبط الزاج تاع الطونوبيل او بانلها محسن عاد رتاحت ، حلات لباب او ݣلسات حداه) سلام
محسن : لباس عليك
صباح : حمد الله
محسن : فين تبغينا نمشيو
صباح : ختار نتا هاد لمرة بلحق تكون شي بلاصة قليل فيها لبشار باش ندويو على خاطرنا
محسن : ميكون غا خاطرك (حرك طونوبيلتو او داها لواحد لقهوة كلاس مكالمية ناس لي فيها كلى داخل سوق مخو ، بلاصاو الطونوبيل فلپارݣينݣ او خرجو بجوج طلعين لطاج تاني تاع لقهوة لي كان خاوي كتر او كيطل على لبحر ، شدولهوم واحد طبلة فلقة او ريزيرڤاو عاصير لصباح او قهوة لمحسن
صباح : ديك طونوبيلة كريتيها ولا ديال صاحبك
محسن : لا ديالتي
صباح : بصح ؟ زوينة
محسن : غا بريكول او صدق ليا كان خرجها مولاها من مليلية او ملي وصلها لكازا لقا فيها واحد الديفو فلموطور او حيت هو كيصمصر فيهوم خديتها من عندو او درتلها موطور جديد او رجعات نحيلة
صباح : مزيان او شحال باش تقامت عليك ؟
محسن : خديتها من عندو بديك 3 او صايبتها بديك جوج فلمجموع ديك 5 دلمليون
صباح : (عينيها تركزو على لخاتم لي فعنقو ولي شافت بحالو فصندوق لغالية) هاد لخاتم زوين مناش خديتيه
محسن : هاد لخاتم كنت خديتو شي 6 سنين هادي
صباح : ستسنين ؟ وقت طويل او باقي محافض عليه تال دبا ؟
محسن : محافض عليه حيت عزيز على قلبي
صباح : محسن شنو كنيتك
محسن : كنيتي تاجي
صباح : (حسات بخيبة لأمل “تا لكنية ماشي بحال بحال يعني تا لاحتمال انو يكون من عئيلتها مكاينش”) مقراتش معاك شي بنت كنيتها زعري ؟
محسن : زعري زعري ؟ لا مقرات معايا تا وحدة علاش
صباح : غا سولتك واحد صحبتي قالتلي بلي قرات فلمؤسسة لي قلتيلي قريتي فيها داكشي علاش سولتك
محسن : غتكون قرات فقيسم آخر
صباح : (عقلها كيقولها جيه نيشن او سوليه على لغالية او وريه تصويرتها واش كيعرفها ولا لا ، ولكن قلبها خايف من جوابو خايفة توريه ديك علامن كان كيقلب سنين هادي خايفة ترد ليه مشاعر قدام يمكن نساهوم معا لوقت ، خايفة تفرتك شمل تاع باها ولغالية ، موقف صعيب تحطات فيه خصوصا انها عارفة دنيا دوارة يتلاقاو يتلاقاو داكشي علاش ستجمعات قوتها او تاخدات قرارها) احن كنت عيط عليك ليوم باش ندوي معاك
محسن : (بجدية ركز معاها كيستناها تقول لي عندها) الله اسمعنا خبار لخير
صباح : الصراحة انا فكرت مزيان فهاد ليامات او لقيت بلي الى كنا فعلن مفاهمين نقدرو نكملو معا بعضياتنا
محسن : (وسع فيها عينيه ممتيقش او دوا بشك) او على حساب لعمر ؟
صباح : الى كان نتا مغيكونش عنك معاه مشكيل مستقبلا يمكن لي نتغاضا عليه
محسن : (مكرهش انقز عليها يبوسها ولكن شد راسو) انا ماعندي بو لموشكيل خصوصا معاك ، الى بغيتي تا من غدا نجي نخطبك معنديش موشكيل
صباح : هههه خلينا ناخدو وقتنا نتعارفو مزيان ديك الساعة ندوزو لحاجة خرى
محسن : لي بغيتي لموهيم هو قبلتي نرجعو لبعضياتنا
صباح : توحشتيني فهاد ليامات ولا والو ؟
محسن : كنت غنموت كون مصونيتيش عليا لبارح
صباح : (طلعات ومعاها لحمورية) مزيان
محسن : باقي داك ولد عمك معاكوم ؟
صباح : (تخنقات ملي ذكر علاء) كح كح واه باقي علاش
محسن : غا سولت ايمتا ناوي يقو، امشي بحالو ؟
صباح : معرفتش بضبط خص تسالي خدمتو او صاف
محسن : مزيان
#عند لغالية#
بعدما حطو صباح كملو طريقهوم لموركاب اتقداو منو ، لغالية بلاصات طونوبيلتها عاد تبعاتهوم لمحالات تاع لحوايج
لحاجة : (كدور فلمحلات او كتختار غا لپياس لمخير) صفية شبالك ندوزو عند صحاب تواب ناخدو منهوم شي تواب تاع لقفاطن
صفية : واه علاش لا
لغالية : تواب تاع لقفاطن ؟ هي شي عراسية فاعلة تاركة فلبلاد هادي ؟
لحاجة : علاش متقوليش شي عراسية فاعلة تاركة عندنا فلعئيلة
لغالية : ايهيه او شكون معرس بسلامة ، رانية و رضوان ؟
صفية : هههه هادوك عرسهوم محدد شي عرس آخر
لحاجة : حنا غا بغينا نوجدو راسنا وصاف عندي احساس بلي غتكون شي عراسية عن قريب
لغالية : ههههههه تا انا حاسة بجوج عراسيات ݣاع ههههه
صفية : صوني على صباح تجي راها تعطلات
لغالية : واخ (هزات طيليفونها او صونات على صباح) الو صباح
صباح : الو لغالية
لغالية : داك لغراض عندك مقربش اسالي ؟
صباح : راني فطريق قوليلي فين راكوم
لغالية : حنا فلمركب
صباح : صافي ديك خمسة دقايق نكون عندكوم
صباح : (بقات مجمعة معا محسن مودة تا وصلات ديك ربعة تاع لعشية هوما ينوضو بعدما خلص محسن من طبيعة لحال ، ركبو فطونوبيل هي تصوني عليها لغالية وراتها فين جاو عاد قطعات معاها او ضارت عند محسن لي كان مركز فصوݣان) هبطني غا هنا حدا لمركب
محسن : واخ (حبس طونوبيل فلبلاصة لي قالت ليه)
صباح : نخليك دبا بسلامة
محسن : بسلامة
صباح : (نزلات من الطونوبيل او دازتلو من الجيهة لوخرة) بيناتنا طيليفون صافي
محسن : ضاروري الى ساليت غنصوني عليك
صباح : (عضات شنفة لتحتانية بسنانها) غتشغل باياش
محسن : (عينيه مشاو لشفايفها) متعضيش فمك
صباح : واخة ، قولي غتكون مشغول باياش
محسن : راك عارفة لأكادمية كيكونو عندي تدريبات بليل على غفلة كل مرة وشنا
صباح : هاكداك لموهيم تا تسالي وصوني عليا ولا سيفطلي مساج
محسن : صافي واخة ، انا غنمشي دبا علميني ملي ترجعي لداك
صباح : واخ كون هاني (عطاتو بضهر او مشات داخلة لمركب مخلية محسن مكسيري تا هو راجع فحالو ، دازت على لمحل لول تاني تال رابع عاد لقاتهوم تما) ياكما تعطلت عليكوم
لحاجة : بنتي جيتي
صباح : واه
صفية : زيدي زيدي قيسي هاد لقفطان غيجي عليك فن
صباح : لقفطان ؟ لاش غنشريه ماعندنا تا مناسبة
لغالية : (قربات عندها او نغزاتها) لبلان تاع لبارح
صباح : علاه مسديناهش لبارح
لغالية : يالاه تحل او عولي ملي جات مو هاد ليلة صافي غيتفتح لموضوع
صباح : وشنو لمعمول
لغالية : خليها على بوك
صباح : (ردات لبال لواحد دري من صباح او هو كيشوف فيهوم) اهيتا شت هاداك من صباح حاضينا غتكوني عجبتيه
لغالية : هههههههه ماتكون غا عمتك لي عجباتو قبيلة مشيت نقيس لقيتو واقف عليها
صباح : واع ههههههههه لا لا متقوليهاش راها قد مو
لغالية : كاين لفلوس لي يموت على دجاجات
صباح : هادا كيموت على بيبية ماشي دجاجة
لغالية : هههههههههه واع سكتي سكتي غتسمعك
لحاجة : شكتوشوشو تما
صباح : والو الحاجة
لحاجة : زيدي قيسي هاد لقفطان
صباح : بلاش الحاجة هاد شكل مكيعجبنيش
صفية : صافي نشوفو شكل آخر
صباح : موالفة اعمتي بابا لي كيشريلي ويختارلي التوب عاد كنمشي نفصلو على دوقي
لحاجة : على خاطرك
كملو تقدية تا فات لمغرب عاد ركبو الطونوبيل او رجعو بحالهوم لدار ، دخلو لقاو عزيز او رقية جاو
لغالية : سيري سلمي على حماتك
صباح : تلاحي عليا ، عمي
عزيز : (عنق صباح) حبيبة عمها لباس عليك
صباح : حمد الله اعمي هاد الساعة ونتا كي غادي
عزيز : ايوا ها حنا ابنيتي كنعديو معا صحيحة
صباح : ابانلي غا غادي او تزيان او تولي شباب عطيني سر
عزيز : هههههههه نتي هاد الساعة لي خصك تفيديني معاك
رقية : بنيتي صباح لباس عليك
صباح : لابس لحمد الله اخلتينو فين رانية لباس عليها
رقية : لابس عليها لحمد الله
صباح : انا غنطلع لبيتي نبدل عليا ونزل
لغالية : (سلمات عليهوم تا هي) ستناي أصباح غنطلع معاك
لحاجة : فين غطلعي وهاد ناس هادو مغتعمريلهوم تا كويس داتاي ولا كتسنايني نمرولهوم انا
لغالية : علاه فين سيهام او شيماء
لحاجة : عطيتهوم ليوم او غدا عوطلة
لغالية : ومعامن تشاورتي بسلامة الحاجة ؟
لحاجة : دار ولدي ندير فيها مابغيت عندك شي موشكيل
لغالية : (كانت بغات تزيد تدوي ولكن حيت كان عزيز حشمات قدامو ، عطاتهوم بضهر او مشات داخلة لكوزينة تعمر آتاي)
عزيز : (طلعليه زعاف) لي فيك مهناك الحاجة غاما زايدة فيها تاقي لي خلقك شوي
لحاجة : نتاقي لي خلقني شايفني كندير فلمنكر قلنالها تنوض تعمرلكوم أتاي تشربوه او نشربوه
عزيز : لهلى ينزل جدبو هاد أتاي معا ݣرجوطنا الى كنتي اتبقاي ديريلها هاكدا ، مجد نوض اولدي سير عند لغالية قولها بلاش من شي أتاي
مجد : واخ
صفية : ݣلس فين غادي كويس داتاي شفيه
عزيز : (خنزر فصفية) نوض اولدي قوليها والله لا عمرتي شي أتاي بلحلوف ، دار ولدك هي لانضاي عمرتي أتاي لراسك ولا قلتيها لبنتك
مشا مجد طاير عند لغالية لي جات عندو كتجري
لغالية : عمي عزيز مكانش عليك تحلف كويس داتاي مدا ماجاب
عزيز : لواه ابنيتي او زيدون خالتك صفية قاتلك هي لي باغة تعمرونا ياك اصفية ولا متعرفيليهش
صفية : (مارضاتش) نعرفليه قالك منعرفليهش
مشات دخلات لكوزينة تعمر أتاي او هي كتنݣر فحين لغالية طلعات لبيتها تبدل كيما دارت صباح لي كانت حيدات كسوتها او لبسات پيجامتها وزيفها
صباح : (هزات طيليفونها او كتبات ميساج لمحسن) °وصلت° (حطات طيليفونها وشافت فلمراية مطولة الشوفة)
“دنية صغيرة تجمعهوم تجمعهوم ولكن قبل ميتلاقاو غنخليه يبغيني انا او نسيه فيها حيت كيما قلب لغالية تبدل من جيهتو تا هو يقدر يتبدل ، باغاه يعني ديالي”
بدلات لغالية عليها او هبطات لتحت باغة دوق من داك أتاي لي عمرات صفية ، او فطريقها تلاقات معا صباح او نزلو بجوجات ، دخلو لصالون او ݣلسو معاهوم
رقية : زيدي أبنتي ݣلسي حدايا زيدي
صباح : (مشات ݣلسات بين جداتها ورقية)
رقية : كي غادة ابنيتي معا شي قراية
صباح : ايوا ها حنا كنعديو
رقية : مزيان ابنيتي
لغالية : (كانت ݣالسة بين جود او مجد ، كيوشوشو بلهمس) فين باكوم
جود : بانليا فجردة كيدوي مع علاء
لغالية : الله احضر السلامة وصاف بانتلي هاد رقية عوالة على شي حاجة
مجد : داكشي لي لقيتيني كنشوف
#عند اكسيل#
واقف فديك جردة يديه فجيابو كيستنا فعلاء الحق عليه
علاء : (باينة فيه راشقة ليه) عمي عيطتي ليا
اكسيل : واه عيطليك حيت باغي ندوي معاك
علاء : مرحبا تفضل
اكسيل : لبارح دويت معا صباح على حساب داك لموضوع
علاء : (تحمس لداخل ديالو) ايهيه وشنو قالت
اكسيل : مقبلاتش
علاء : (بحالا خويتي عليه سطل تاع لما بارد) كفاش ؟
اكسيل : (داوي بجدية) كيما قلتلك صباح مقبلاتش تزوج بيك
علاء : صباح لي قاتلك مقابلاش ولا نتا اعمي لي قلتيها من راسك ؟
اكسيل : (خنزر فيه) جمع شوي راسك غنكدب عليك
علاء : (معجبوش لحال حيت مقبلاتوش) ماشي هاكداك اعمي ولكن راه كان باين من لول انك ماباغيش هاد زواج
اكسيل : انا ماعندي تا دخل قلتيلي نسولها سولتها مابغاتش تبزز عليها ؟
علاء : (كيحاول ابقا منضابط او يتحكم فراسو) وعلاش مقبلاتش بسلامة
اكسيل : حيت كتشوفك غا بحال خوها لا اكتر ولا اقل (حط يدو على كتفو مربت عليه) سمعني اعمينو زواج كيكون عن قناعة ورضى الطرفين باش ينجح ، ونتا راك عارف بينك او بين لي خلقك دبا تلقى بنت الناس لي تكمل معاها حياتك صافي ، يالاه انا غندخل لداخل او تانتا دخل راه لبرد عليك
علاء : (بقا ساكت حاضي عمو او هو كيبعد ، باقي مصدوم او ممتيقش بلي صباح مقبلاتش بيه)
~~~~~~~~~~~~
حطات صفية الصينية داتاي او كبات لكل واحد فيهوم كاس
مجد : (بحالو بحال لوخرين غا جغم من لكاس ردو او خصر سيفتو) الله ياعمتي كنتي تعطينا سم نشربوه نيشن هاد طرق تعديب لاش شافرينلك دجاجة
لحاجة : (بغات تغطي على أتاي دبنتها) مالو هاد أتاي على مزيناتو
جود : راك بشيبك الحاجة سايرة تكدبي علينا فوجهنا مناش جاها زين او هو غا لما وزغاريت تقول مشللا لينا لبراد
صفية : (مرضاتش) لي معجبوش ميشربوش أتاي ديالي مكيعرفليه غا دواقة
عزيز : (مكانش قرب لاتاي ݣاع ، هز عينيه فاكسيل لقاه جا عندهوم) تا تعالا دوق أتاي تاع دواقة
اكسيل : شكون معمرو
لحاجة : ختك
اكسيل : طبيب منع عليا أتاي
عزيز : ݣلس تشرب ياك نتا لي قتلتينا باغي تشرب أتاي
اكسيل : تفكرت عندي واحد لمكالمة نديرها صفية خليلي أختي كاسي علاما نسالي ونجي نشربو (شاف فخوه شوفة تاع لقتيلة قبل ميمشي يطلع لبيتو)
مجد : عمي نلعبو شي طرح تاع كارطة
عزيز : توحشتي تقمار اسلݣوط
مجد : جود تلعب
جود : لاعب ولكن على شحال
مجد : ألف درهم الف درهم او عمي الفاين درهم
عزيز : كي درتيلها اولد خويا
جود : نتا خدام حنا باقين غا سطاج
عزيز : نوضو نوضو نلعبو
رقية : (ستنات تا خرج عزيز او دراري عاد ضارت عند صباح مبسمة ليها) ايوا اعروستي ايمتا باغانا نديرو لخطبة
صباح : (موسعة عينيها) شمن خطبة
لحاجة : هههه الله يابنيتي وشحال فرحت ملي قالنا علاء بلي قالها لباك لبارح كنت باغاك ليه نيت
صفية : الصراحة جيتو مواتيين لبعضياتكوم
رقية : تا انا ملي قالي علاء باغي يتزوج طحتيلي فبالي او تشهيتك لولدي
صباح : (مرݣات او شافت فلغالية كتغمز فيها تعتقها) أنا أنا
لحاجة : هههه حشمتو ليا بنتي
لغالية : واهوا الصراحة الحاجة لبارح ملي قالها علاء لإكسيل تصدم او تصدمت معاه او تا من دراري تصدمو او واخة هاكداك تشاور اكسيل معا صباح لبارح بليل او عطاتنا جوابها دغيا
رقية : معلوم تعطيك جوابها دغية علاه فين تلقا بحال ولدي علاء باغيها وباغياه
لغالية : واه باغياه بحال خوها ماشي حاجة خرى
صفية : كفاش بحال خوها
لغالية : صباح مقبلاتش تزوج بعلاء او اكسيل راه قالها لعلاء علمو
رقية : كفاش مقبلاتش ؟
لحاجة : شاك الغالية حاقدة لدرجة كتكدبي على لبنت قدامها صباح ميمكنش ترفض ولد عمها علاء ياك ابنيتي
صباح : صراحة الحاجة انا
صفية : مكاينش لاش ابنيتي تدوي عارفينك باغة او هاد لفعة غا مرضاتش او صاف
اكسيل : (دخل عليهوم) كفاش عارفينها باغة قاتلكوم هي باغة ولا نتوما دويتو من عندكوم
لحاجة : وليدي مسمعتيش مرتك كي كتكدب او تقول صباح مقبلاتش بولد عمها
اكسيل : لغالية مكتكدبش امي او صباح لبارح دويت معاها مقابلاش
رقية : كفاش مقابلاش ؟ علاش ابنيتي ؟
صباح : علاء غا بحال خويا او صاف
لحاجة : خوك ابنيتي هو لي ولداتو ليك مك اما علاء مخوكش (دونات على راسها بحنية) او زيد ابنيتي مغتلقايش حسن من ولد عمك علاء صلى والدين او لخدمة راجل قاد بيك
صباح : ولكن امي انا
لحاجة : مكاين بو ولكن الصلاة عالنبي هادي غا لخلعة وصاف
لغالية : لخلعة باغة تفتح بلى بنج لبنت مابغاتش هي مابغاتش بزز
صفية : شوفي ابنيتي صباح هاني واخدة ولد عمي او والدة معاه 4 ، نتي باقة صغيرة او معارفاش مصلاحتك فين جات داكشي علاش ديري لي قلناليك او مغتندميش
صباح : (جاتها لبكية) انا مباغاش نتزوج بيه هي مباغاش نتزوج بيه
لحاجة : ولدي مغاتقول والو على هاد لهبال لي كتقول بنتك
اكسيل : (مشا جر عندو صباح كيمسح دموعها) متبكيش أبنتي لي مبغيتيهاش هي لي عمرها تكون ، زواج بلخاطر ماشي بزز ، لحاجة رقية سدو هاد لموضوع بنتي مباغاش ولد عمها او أنا مغنبززش عليها شي حاجة مباغاهاش او لموضوع سالا هنا
رقية : (شافة فلحاجة) سمعتيه الحاجة شقال اوا شوكرا اخويا اكسيل هادا هو لمضمون فيك ، كبرنا بنتك او خطبناها لولدنا قلنا خيرنا مايديها غيرنا نوض نتا خليها كتعفر عنا ونتا مسايرها فهبالها ، عواض متقولها لي لازم يدار مخليها على خاطرها
اكسيل : (بدات لقردة كطلعليه) سمعيني مزيان امرة خويا بنتي تعفر او تعاود ماقلت لحد اكبر بيها ، ويلى كان على زواج بزز ماعندي ماندير بيه ، دموع بنتي غلى ليا من كولشي وباقي متزادش هادا لي يبزز عليها شي حاجة ونا عايش ، طلبتوها فلحلال رضيناكوم فلحلال
لحاجة : (نفاجرات عليه) انا باغة صباح لعلاء هي باغة صباح لعلاء او كلمتي مغطيحش لأرض سمعتيني ، لبنت ماتلقاش حسن ليها من دمها يصونها او يسترها
اكسيل : يسترها بانتليك بنتي تشالي فزناقي زبطة ، ونا قتلك الحاجة بنتي مابغاتش هي مابغاتش او سدينا
لحاجة : قولي معمراكوم هاد لفعة لݣرطيطة لانتا لا بنتك
اكسيل : مي
عزيز : شواقع هنا صداعكوم كيتسمع تال برا
رقية : جي تشوف خوك طلبنا منو لبنت لولدنا قالك حقا بنتي مابغاتش
لغالية : (بانلها اكسيل تعصب نيت خافتو غالا يطلعليه سكار) اكسيل يالاه نخرجو تا تبرد لامور كتحل غا بلعقل لاعصاب او لغوات لاش
عزيز : خويا يالاه ندويو على برا يالاه
اكسيل : (شاف فصباح او دوا بحنية) سير أبنتي طلعي لبيتك ترتاحي الله رضي عليك سير ابابا لغالية تا نتي طلعي ترتاحي
لغالية : واخ صباح يالاه
طلعات لغالية وصباح لبيت وحدة فيهوم ، مخليين دوك تلاتة باغين ياكلو جنابهوم بلفقصة
لغالية : (شافت فصباح لي محبساتش من لبكا) صافي مسعي دموعك مغيوقع والو راه غيدويو او صاف عادي
صباح : (فعز دموعها صونا عليها محسن هي تقلبها سيدة تفرنيس) ههههههه
لغالية : الالة باز آپيل وحدة دارت فيك هاد لحالة
صباح : معلوم راه جوجي لمستقبلي هدا
~~~~~~~~~
صفية : شتيها امي لي ضارت بلبنت قلباتها
رقية : تا صباح مساهلاش ولدي على مزيناتو الف وحدة تمناه او هي معفرة عليه
لحاجة : صباح حالها ساهل ، لي حارݣني هو ولد كرشي على ربي أقنعة عزيز
~~~~~~~~~~
عزيز : (واقف هو وخوه بعيد فجردة) ولد بويا شرحلي شواقع
اكسيل : مواقع والو ولدك جا طلب مني صباح لزواج شاورتها مابغاتش ، ناضت لحاجة وصفية ومرتك قالك لا علاش خاصها تقبل بزز
عزيز : زواج ماشي بزز ولكن بنت شنو سبب لي خلاها ترفض
اكسيل : دري كتحسبو بحال خوها لا أقل ولا أكثر
عزيز : خويا ضاهرلي ماشي غا بنتك لي مابغاتش تا نتا
اكسيل : (تنهد او دوا برزانة ورجولة) شغانقولك اخويا ونجيك لمعقول ولدك كبر قدام عيني ونا عارفو وعاجنو ، دري تعول عليه فشدة عارف بينو وبين لي خلقو يتهلى فصباح ، او هادشي لي غنقولك مقلتوش لولدك حيت جاني لحلال او لمعقول مابغيتش نقولو لي يقسحو ولكن واخة هاكداك ماشي هو لي بغيتو لبنتي ، او كون نلقاه مناسب ليها نقولها ليها او نخليها تختار ولكن ميليقوش لبعضياتهوم او واخة يتزوجو ميكملوش ، او ملي صباح مابغاتش انا منبزش عليها نهائيا واخة يكون عاجبني هي لي غتعاشرو او هي لي غتزوج بيه
عزيز : مقلتي عيب او لوكان صباح قبلات ليك شنو كنتي غدير
اكسيل : كنت غندوزها بجغمة دلما وندير حجرة فوق خاطري ونقول على بركة الله ولكن لقا لحال بنتي رايها من رايي ، انا اخويا زواج دم منحملوش
عزيز : ياك نتا تزوجتي من بنت خالك شوقعلك
اكسيل : موقعلي والو غا ملي كل واحد شد طريقو بوها قطع لمواصل معايا او خرجنا لعيب ، بنتي عزيزة او أنا صعيب أجي نهار لي ولدك اتهز عليها فيه ولا يقلقها نݣرضو او نصدقو فما هي وما لونها اللهم التيساع
عزيز : او ملي متحملش زواج دم لاش مخليني عاطي بنتي رانية ولد عمتها رضوان أدوي
اكسيل : بنتك كانت باغاه او هو باغيها او تا انا لوكان صباح بغات كيما قتلك غندوزها بجغمة دلما ونقبل ولكن لغالب الله هي مابغاتش ، انا اخويا بغيت لبنتي لي يخاف عليها كتر مني او يحطها بين عينيه
عزيز : واهو عندك صح زواج ماشي تاع بزز او انا براسي مكنتش باغي داكشي فيه غا صداع ، ولكن ياخويا شحال عزيزة عندك ديك لبنت
اكسيل : معلوم راه وحدة لي عندي مومو دعينيا
عزيز : غا وحدة ولغالية محاسبهاش
اكسيل : هههههه لا هاديك شادة طرف بوحدها
عزيز : هههههههه كون تحشم راني خوك لكبير زعما
اكسيل : ونتا لي كتسول
عزيز : كنشوف اخويا تا كنعيا وكنقول حسن عوان هاد ولد ناس لي غيبغي بنتك غدوز عليه
اكسيل : معلوم غا أجي وتزوج بنت اكسيل او زيدون ماناويش تزوجها ولي عماتليه ايجي يخطبها تا ولدك غا تاقيت فيه وجه الله ايما نسلخو
عزيز : هههههه مالك كارز على لبنت دبا غا تخايل معايا تجي تقولك انا باغية فلان
اكسيل : غا كنفكر فهاد لبلان سعر تاع راسي كيوقف
عزيز : ياك قلتي لي بغاتو هو لي غتاخد
اكسيل : او باقي فهضرتي لي بغاتو هو لي غتاخد كان فسما نهبطو فلأرض نطلعو
عزيز : كيما بغا يكون ؟
اكسيل : ماحدو كيموت عليها الى كان تا شمكار نقاد جدو هبيل نديرليه لعقل لموهيك ايكون شي واحد ايموت على جد بوها
عزيز : شري لبنتك سباغة تاع شعر تسبغ بيه الشيب لي غينوضلها بمسبتك
اكسيل : (مجا فين يدوي تا لقا راسو مدفوع فلابيسين ، هز راسو وهو اوسط لما كيعوم راد بيديه شعرو لفازݣ للور ، او هو كيسمع ضحك تاع دراري) واش شد بوكوم صرع
مجد : ههههههههه واش صورتيه
جود : ناري الواليد طلع ڤيديو ناضي
اكسيل : (خرج من لما التوني ديالو لاسق عليه او مبين ليه فورمتو) كلاتكوم ضهركوم لا
مجد : ناري الواليد لفصالة عندك واعرة شهادشي اسي اكسيل هاد زين كامل مخبيه عنا
جود : قولنا لوصفة الواليد ها لعار
اكسيل : (ردليهوم صرف غا بشوي) شوي تاع قبلات صباح او لمساء مع اضافة لاحضان او من طبيعة لحال هناك العاب لخفة ، ولكن لي موهيم من هادشي كامل هو ميمكلكومش تبعو هاد لوصفة حيت بكل بساطة معندكومش معامن العوانس
مجد : حياتي كاملة عمرني شت شي مسموم بحالك ولادك حنا ولا مسلفنا ، عاطيها لبروتين الطبيعي وحنا شرينا لپلاطويات تاع لبيض نقضيو بيهوم والله تا حرام
اكسيل : (ضحك فاقصو) عندكوم شي مانيع ها لبحر شربوه
جود : عمي عزيز شتيه بعينيك او سمعتي هاد لمسموم كي مابغاش ازوجنا تا حنا نديرو لفورمة
عزيز : شبغيتو بشي فورمة نفعاتني تا انا ولكن لحق يتقال ضاعت عليكوم لحلاوة ملي راكوم ممزوجينش
مجد : زيد جهلني تانتا علاه شكون خلاك تزوج شكون
اكسيل : (خلاه ملاهي معا لهضرة هو يغفلو ودفعو فلما) برد اوليدي برد ونتا شاعلة فيك لعافية
جود : أكتغفال جي نيشن ماشي تقرص تحت دف
اكسيل : (ماتصادعش معاه او لاحو تا هو فلما) تانتا سخنتي اوا برد دبا
جود : (مرضاش) متقولش نتا لي دفعتيني راه أنا لي بغيت نعوم او صاف
عزيز : برد برد على راسك بديك لهضرة
دخل اكسيل لداخل او طلع لبيتو ابدل عليه حوايجو لي كانو فازݣين كيقطرو , اما عزيز فدخل عند لحاجة ولوخرينات لصالون
رقية : امضرا
عزيز : لبنت مقبلاتش او هادشي من حقها او مابغيتش تعاود تجبد سيرة هاد لموضوع نهائيا
صفية : اخويا …..
عزيز : صافي يدينا لموضوع
~~~~~~~~~
لغالية : (خرجات من بيت صباح مخليا لها لمجال فين تهضر على خاطرها او دخلات هي لبيتها شادالها وا لفيلم متفرج فيه او كضرب فلاݣلاص ، شافت اكسيل دخل معا لباب كيقطر) اها شواقع عمتي بحوايجك
اكسيل : لي والد دوك جوج ݣناطح ماشي غيعوم غا بحوايجي ايشير بلحجر
لغالية : ههههههه دخل حيد عليك دوك لحوايج غيضربك لبرد واجي تفرج معايا فلفيلم
اكسيل : (مشا لحمام حيد دوك لحوايج لفازݣين او نشف صحتو ولبس ليه غا شورط قصير بلى توني حيت أصلن كان سخون لحال ، جا ݣلس فوق لفوطوي حدا لغالية كيتفرج معاها فلفيلم)
لغالية : (تكات ليه على صدرو وهي كتاكل فلاݣلاص بلمعيلقة ، شوية هي تهز لمعيلقة عمراتها او غواتها ليه على صدرو) سمحلي مقصدتش
اكسيل : (صغر فيها عينيه او هو كيحس بلبرودة على صدرو) تيقتك
لغالية : وا هو لي تكفح بوحدو شغاندير دبا
اكسيل : مدي ليا داك زيف نمسح مدي
لغالية : الى مسحتيه بزيف غيتعلك او صاف
اكسيل : بعدي نمشي نغسلو
لغالية : لا تا لغسيل مينفعش
اكسيل : وشنو لمعمول الحاجة
لغالية : وايلي انا كاينة لحل عندي ، الى الزيف مغينفعش معاه ولا حتا لما (ردات شعرها فواحد جنب او تحنات لصدرو لاحسة شوية من داك لاݣلاص براص تاع لسانها) لساني ينفع (غمزاتو وكملات لحيس تا داك لاݣلاص تا مابقاش)
اكسيل : (شربها ما مد يديه أو هز ليها راسها مقرب فمو من فمها) بالي عندك شوي دلاݣلاص على فمك شنو باليك نبالي بيه انا همم ؟
لغالية : ههههه بالي ومتقصرش (قادات لݣلسة فوق حجرة او دخلات معاه فقبلة طويلة داخلات فيها شفاههوم او تبادلو ريق بيناتهوم عاد فصلوها او كملو تفراج عادي)
دازت ديك ليلة على خير واخة تعشاو فجو مأزم شي مكيدوي معا شي ، عاد كل واحد طلع لبيتو ينعس تا صبح لحال ، لغالية لي كانت باقة خامرة واخة فات لعاصر بشحال او مفاقت غا على صوت دقان تاع لباب ، فاقت مقلوبة جمعات غا شعرها وحلات لباب او هي لابسة غا شوميز سماطي قصيرة
لغالية : دخال
شيماء : (حلات لباب او دخلات) لالة
لغالية : شيماء رجعتي
شيماء : واه هاد صباح وصلني لميساج ديالك لبارح
لغالية : سدي معاك داك لباب
شيماء : واخ (سدات لباب او قربات عند لغالية)
لغالية : انا لي مخدماك اشيماء ماشي لحاجة داكشي علاش ديري بكلامي ماشي بكلامها صافي
شيماء : واخ
لغالية : كنتي غتفلتي عليك واحد لفرصة
شيماء : شمن فرصة
لغالية : ديري هاد لهضرة فودنيك انسب وقت باش تقربي من شي راجل هو ملي يكون مجروح خصك نتي تكوني دواه ، ولكن باش تكوني دوا تاع علاء آيت اوسو خاصك تكوني معقولة ماشي كتزيݣزاݣي ، علاء عزيز عندي او منبغيش لي ضحك عليه ولا تخونو ولا تغدرو شدي معاه طريق اشيماء او شدي فيه شدة صح باش مايجيش نهار لي طيحي فيه او تقسحي
شيماء : كوني هانية
لغالية : يمكليك تمشي دبا
شيماء : لعشا شنو ندير فيه
لغالية : كاين شي حوت فتلاجة ديريه او ديريلي انا دجاج (تسنات تا مشات شيماء عاد ردات على طيليفونها لي كان كيصوني) الو شكون معايا
دري : احن لغالية هادي لي معايا ياك
لغالية : واه هي يمكلي نعرف شكون معايا
دري : نتي مكتعرفينيش ولكن انا كنعرفك
لغالية : آه صافي ملي انا مكنعرفكش ماشي مهم تكون كتعرفني ولا لا يالاه بسلامة (مطولاتش معاه او قطعات عليه او بلوكاتو عاد مشات لحمام قضات حاجتها او طرفات حالتها او صلات ليها الظهر او لعاصر لي فاتها ، عا دارت قفطان قفازي تاع الدار معا فولار او هبطات عندهوم لصالون) السلام عليكم
لحاجة : وعليكم السلام فقتي بكري كنتي تزيدي ليك شوي تا يودن لمغرب راه مبقا ليه والو نيت
عزيز : لعنداك أبنتي نعسي وشبعيه شغاديري بلفياق بكري كي لفرارج او زيدون لقراية قربات او ديك ساعة ارا متفيقي بكري
لغالية : (مشات ݣلسات حدا صباح) داكشي نيت اعمي ، صباح فين باباك
صباح : فصباح لي خرج او باقي مرجع (تسمع دقان فلباب) يمكن هاهو انا غنوض نحليه
مشات صباح حلات لباب لقات واحد لمرا تكون فلخمسينات ديالها حداها راجل كبير تا هو فلعمر عاد ولد اكون فلعشرينيات ديالو هاز معاه شي باطات او بوكي دلورد
لمرا : السلام بنتي
صباح : و عليكم السلام الالة
لمرا : واش هنا فين ساكنة واحد لبنت اسمها لغالية ؟
صباح : (بإستغراب) واه بغيتوها لشي حاجة
لمرا : ههه باغينها للخير أبنتي غتخلينا واقفين فلباب
صباح : (بتردد) دخلو مرحبا (سبقاتهوم صباح لصالون او هوما موراها غاديين او كيشوفو فهاد لخير) لغالية شي ناس جاو على حسابك
لغالية : على حسابي شكون هادو ؟
صباح : هاهوما تابعيني
لغالية : كفاش تابعينك مدخلة لبراني لقلب دار
صباح : قلت يمكن اكونو من عئيلتك او زيدون قالولي بغاوك لخير
لمرا : السلام عليكم
لحاجة : (غمزات صفية) وعليكم السلام تفضلو مرحبا بضيف الله
جود : (شاف فمجد او مجد شاف فلغالية) كتعرفيهوم
لغالية : لا ولكن داك ولدهوم فايت داز قدامي
صباح : (شهقات) ويل الشيطان علاه ماشي هادا لي شفنا فلمركب لبارح
لغالية : أييه والله تا هو
مجد : شتهوم جايين بلورد ياكما باغين اخطبو
لغالية : ماتقولهاش تا بضحك باك اعلقو من كراوعو
صفية : بنتي لغالية نوضي عمري لناس كويس داتاي ماجاتش منضايفوهمش
لغالية : واخة
صباح : انا غنوض معاك
مجد : (بقا هو وجود حاضيين معا داك خينا لي منين دخل محيدش عينيه على لغالية وبقا متبعها) غيمشي فيها هاد صݣع كفتة مافيهاش
جود : شباليك نعيطو على لݣزار ايجي يبدا خدمتو
مجد : خلي تا تحط لغالية أتاي ياوسيفط ليه أجي ديما حنا لي كناكلو لعصا شهوتي نشوف شي حد كياكلها
لغالية : (كانت كتمشي وتجي فلكوزينة)
صباح : زݣاي الله يرحم باك دوختيني
لغالية : ليوم تخلى دار عشتي خصوصا لجا باك او لقاه هنا ، ولكن هادو ميكونو غا فعايل جداك او عمتك كانو كيدويو معاه هوما لي وراوه فين ساكنة
صباح : اكون خير دبا غا عمري أتاي اجغددو او يمشيو
لغالية : جي سخني معاك هاد لمسمن
صباح : ناوية تحطي ليهوم لمسمن عاد ؟
لغالية : واه او تا لحلوة او لحرشة ولبغرير
صباح : (ضربات فخاضها) او لفقاص الفقايس تا هو واش باغة تجهليني كنقولو اشربو أتاي اقودو ونتي باغة تعمري طبلة
لغالية : معلوم خاصني نعمر طبلة شبغيتيهوم اقولو عليا مولات دار شحيحة متعرفش لجود ولكرم ؟ انا لالاهوم لغالية حرام الضيف اعتب باب ضاري او منكرموش واخة يكون عدويا
صباح : شتي نتي الى مصفاهاليكش ليوم لواليد حمدي الله
لغالية : هزي هزي دوك طباسل او تبعيني قبل منهجروه
دخلات لغالية بصينية تاع أتاي او موراها صباح بلبلاطو لكبير لي كان فيه لمسمن او لبغرير او لحرشة ، لغالية غا حطات صينية رجعات عاود لكوزينة هازة ليها بلاطو آخر فيه تقاوت او لكوفيتير او لعسل وزيت وزيتون لموهيم سيدة مقصراتش عمرات طبلة تال لحد
لحاجة : مرحبا بيكوم قبلو على موجد
راجل : الله اكتر لخير
صفية : (خواتلهوم أتاي فلكيسان) هاكو كولو متحشموش
لحاجة : (خلاتهوم تا كلاو شوي او بدات كتسولهوم او هوما كيسولوها أسئلة بحال مناش نتوما ؟ فين ساكنين ؟ فاش خدام راجلك او ولدك ؟ شحال فعمرو …. تا دخل عليهوم اكسيل لصالون)
اكسيل : السلام عليكم
لحاجة : وليدي جيتي ݣلس
اكسيل : (سلم على ضياف او مشا ݣلس حدا لغالية ودراري) شكون هادو
لغالية : (تقطعات ملي شافت اكسيل دخل عليهوم او جا ݣلس حداها) ممن منعرف يمكن لحاجة لي كتعرفهوم
لمرا : كيما قلتليك الحاجة ولدي خدام فشركة السالير ديالو مزيان بدارو او طونوبيلتو ممحتاج لحد يسرف عليه
لحاجة : الله احفضو ليك أبنتي
لمرا : آمين او دبا دار 28 عام او هادا عمر مناسب لزواج اولى
لحاجة : ييه هادا هو لعمر لمزيان
اكسيل : (نص شدو ونص لاخر باقي شاد فيه ولكن بقى مكالمي او مصغر عينيه فداك دري لي كان كيشوف جيهة لغالية وصباح)
لمرا : منحلفلكومش بلي شحال من بنت وريناهاليه مابغاهاش ، تال ول لبارح ملي جا عندنا وقالنا بلي كاينة واحد لبنت عجباتو او خدا لعنوان ديالها من عندك الحاجة قتليه منتعطلوش او نجيو عندكوم
لحاجة : مرحبا وألف مرحبا
راجل : (غمزاتو مرتو اكمل لهضرة فبلاصتها شاف فاكسيل او دوا برجولة) احن مكاينش لا نطولو فلهضرة شفناكوم او شفنا تا لبنت او مكرهناش نجمعو دراري فلحلال الى كتاب ، داكشي علاش جينا قاصدينك اسي
اكسيل : (باقي مكالمي) اكسيل
لغالية : (رتاحت فهاد اللحضة ملي دوا معا اكسيل عرفات بلي باغين صباح)
راجل : اسي اكسيل باش نطلبو منك وعلى سنة الله ورسوله يد بنتك لغالية لولدنا
اكسيل : (وحليه داك لما لي كان كيشري شاف فلغالية لقا دم مخطوف من وجها) احن بنتي لغالية ؟؟؟
لغالية : (فهاد اللحضة تمنات لارض تشق او تبلعها على هاد شمتة دارو بيها الشارفات)
لمرا : (مبتاسمة) واه بنتك لغالية ولدي منين شافها مخرجاتش من بالو او معندكش لاش تخاف مغيخصها خير معاه لي بغاتها تجي تال عندها تا لخدمة معندوش موشكيل تخدم
لحاجة : (نقزات) ماقلتو عيب غا هو لغالية متصلاحش ليكوم
دري : (غوبش) وعلاش
صفية : حيت راها مزوجة أصلن
دري : (تصدم) كفاش مزوجة
اكسيل : مزوجة كي مزوجين الناس
دري : ولكن لحاجة قالتلي بلي راها ممزوجاش
لحاجة : (نكرات) الله ياوليدي ايمتا قلتلك لغالية انا دويتلك على صباح ، لغالية راها عروستي مراة ولدي اكسيل
لمرا : (طرطقات عينيها فاكسيل ممتيقاش بلي راجلها ماشي باها)
دري : (تعصب شوي) لحاجة جيت عندك او سولتك على لي لابسة الجلابة بزيتي قلتيلي بلي بنتك او غا نجيب ولديا ونجي نخطبها راها ممزوجة ممخطوبة ، او بليمرة عطاتني بنتك لكبيرة نمرتها او صونيت عليها هاد صباح
اكسيل : (شاف فلحاجة شوفات مكطمنش او حاول يدوي ما أمكن بلاما يتعصب) شوف اولدي غتكون لحاجة معا لكبر غلطات داكشي علاش انا كنعتاذر فبلاصتها حيت عدباتكوم بجية تال لهنا على والو ولكن كيما قلنا لغالية راها مرتي او مهياش ديال زواج يمكلكوم تفضلو دبا الله اعاونكوم
دري : (كان باغي يحماق او يتزوج لغالية او متسرطاتش ليه) كنضن أنو خصك تسول لغالية هي لي بيديها لقرار
مجد : (شاف اكسيل باغي ينوض اطحنو) سمعني اعشيري راه قلنالك لبنت مزوجة مكاين بو جواب تعطيك
دري : كتكدب عليا كفاش بغيتيني نتيق بلي بنت قدها مزوجا واحد قد باها ، شوفي لغالية
اكسيل : (بادا كيكشكش) سمعني مزيان نتا جمع فمك او قلب عينيك ماتشوف فمرتي مادوي معاها ونتوما جمعو ولدكوم او ديوه عليا قبل منريب لجدو سنان
لمرا : (معجبهاش لحال) يالاه اولدي نمشيو فحالنا عطا الله بنات ناس لي حسن منها (جرات هي وراجلها ولدهوم بزز او خرجو بحالهوم ،مخليين لحرب لعالمية التالتة على لابواب)
اكسيل : (عاقد حجبانو او باينة فيه معصب نيت) صونا عليك داك زمر هاد صباح ؟
لغالية : (مقداتش تكدب عليه) واه ولكن راني بلوكيتو حيت مكنتش عارفة مول نمرة والله تبغي تشوف
اكسيل : (شاف فطبلة كي عامرة) شكون عمر هاد طبلة ؟ نتي الحاجة ؟ ولا صفية ؟ حيت بانلي مكبرين بضيافكوم مزيان
صفية : لا اخويا مرتك لمن قلنا حطي أتاي لضياف ناضت معمرة طبلة من راسها تال ساسها تقول شايط عليها لخير
لغالية : (نسات بلي اكسيل حداها) شنو بغيتيني ندير نحطليهوم أتاي حرفي بنتليك انا هي نتي معلوم غنعمر طبلة او نرحب بيهوم مزيان ، راهوم ضيافي
صفية : قولي عجبك لحال ملي جاو فيك لخطاب
لغالية : (كشكشات عليها ) معلوم يعجبني لحال تساليني شي حاجة ولا ياكما نجحش لبلان ديالك نتي ومك
اكسيل : (فعقلو كدور ديك لجملة تاع معلوم يعجبني لحال) ياك اشريفة عاجبك لحال اجيو اخطبو فيك ؟
لغالية : (عاد تفكرات بلي اكسيل حداها شافت فيه او ضحكات ليه ضحكة الصفرة) هه غا ضاحكة شمن عجبني لحال او أنا ملي عمرت طبلة كان يسحابلي بلي ضياف لحاجة جاو عندها باش اطلو عليها كي بقات او زايدون باش غنعرفهوم انا جايين عندي
لحاجة : باين معاجبكش لحال
لغالية : شوفي اخالتي نقولك راك نتي لي غالطة ماشي انا
صفية : لي سمعك ايقول هادا هو اول واحد جا يخطبك هادا ماهو لول ماهو تامن ماهو لخر كدوري بيهوم واخة راك مزوجة
اكسيل : صفية جمعي فمك ولا غنتفاهم معاك
لغالية : بلاتي بلاتي كفاش كنضور بيهوم ياكما تخالط ليك معا مخك انا بزاف عليك لي جا يخطبني جا حيت طاح فيا سطيتو عجبتو شنو دنبي انا الى كنت عاطية لعين
لحاجة : سمعتيها اولدي كي عاجبها رجال اشوفو فيها ، ولكن نتا لغالط مفششها شاريلها طونوبيل فينما بغات تمشي تمشي بحالا راها ممحسوباش على راجل
عزيز : لحاجة باركة من شعيل لعافية
لحاجة : (كانت غترد على عزيز تا قفزات بصوت تاع تهراس)
اكسيل : ( كان صابر صابر محس براسو تا هز داك طبسيل زدحو معا لحيط من زهرهوم الزاج مقاس تا واحد) لغالية طلعي لبيتك او تانتوما باغي ندوي معا لحاجة وصفية
صباح : (عرفاتو معصب بزاف) بابا غا تهدن راه هادشي ممزيانش لسكار
اكسيل : (كاعي او مباغيش اخوي فيها سمو وهي مدايرة والو) طلع ابابا لبيتك الله يرضي على بنتي طلع
مازادوش معاه لهضرة او كل واحد فيهوم مشا تسلت لبيتو مخليين غا اكسيل معا لحاجة و صفية
لحاجة : مالك اوليدي معصب شوقع سيد شافها عجباتو ميسحابليهش بلي راها مزوجة
اكسيل : (مشا ݣلس مقابل معاهوم فوق سداري حاط يديه على ركابيه او حاني ضهرو وكيحاول يدوي بلآداب حيت فلأخير هادي لي قدامو راها مو لي ولداتو) عمرني درتلك امي شي حاجة
لحاجة : لا اوليدي مرضي ميمتك منين كنتي
اكسيل : عمرك طلبتي مني شي حاجة او محضرتهاش ليك ؟
لحاجة : ولو بضحك عمرك رديتي فوجهي لحاجة
اكسيل : ونتي اصفية ؟
صفية : منين كنتي لي بغيتها تجيبها ليا تا واخة تزوجت او درت ولادي
اكسيل : وعلاش كديرو فيا هاكدا علاش اميمتي كتمرمدي بيا لارض علاش
لحاجة : (عرفات بنبرة صوتو بلي واصلة فيه لعضم ، داكشي علاش شدات فيديه او دوات بحنية) متقولش هاكدا اوليدي باقي متزادش هادا لي يمرمد بيك لارض
اكسيل : لا تزاد امي نتي وبنت واش لهاد درجة انا مساوي عندكوم والو
صفية : متقولش هاكدا اخويا غلى منك مكاين
اكسيل : لا مرانيش غالي بتاتا او رخص مني ماكاين ملي ولات ميمتي او وبنت بويا يجيبولي لخطاب لمرتي او يخليو لبراني يحط عليها لعين ، واخة متكونوش ݣاع كتحملوها او ماباغينهاش مكنتوش ديرو فيا هاكدا أصلن بهادشي هي مقستوهاش ݣاع انا لي تقاسيت عجبكوم لحال ملي برهوش دلخلى كان كيشوفلي فمرتي ولواعرة كيخطبها مني علاش امي مفكرتيش بشنو غنحس ولا قلتي صافي غنشوف لخطاب جاوها غنوض نطلقها ولا شنو
لحاجة : (لحاجة بقا فيها لحال على ولدها وندمات حيت دارتلو هاكدا) سمعني اوليدي عارفة راسي غلط ولكن مرتك راني منحملها منقربها
اكسيل : علاش متحمليهاش ؟ حيت صغيرة ؟ ولا حيت مشي وحدة من بنات خوتك ؟ ولا حيت ماشي نتي لي ختاريتيها ليا؟ ولا حيت ماشي هي سناء
لحاجة : سمعني اوليدي وتبع رايي راني ميمتك ونا لي عارفة مصلاحتك تفرق على لغالية راها متليقش ليك راه غا عقل صغر لي شادها دبا ملي تزيد شوي تلقا صغر غتبدلك ، او سناء راه مت ولادك او بنت خالك راكوم طالقتو حيت كانت قليلة لعقل او صاف اما دبا راها كبارت ادارت عقلها هي لي تصلاح ليك
اكسيل : (ضحك بلفقايس) مي واش عند بالك انا و سناء طالقنا غا على ود لمشية ديالها لفرانسا ؟ انا وياها متفهمناش هي كتشرق ونا كنغرب تزوجها حيت نتي ختاريتيها ليا مشيت معاها بلمعقول بدات تزيݣزاݣي وتفارقنا ماحدنا مخرجناش لعيب
لحاجة : عطيو اوليدي فورصة لراسكوم راكوم غا معفرين على والو وصاف
اكسيل : لحاجة داكشي لي بين لمرا وراجلها معالم بيه غا الله او زايدون ماشي شغلك فهادشي خوي راسك اميمتي من زواجي او من مرتي لغالية ، ويلي سكت دبا فراه غا حيت كمدتها لداخل ديالو او دوزت فعايلكوم بجغمة دلما ولكن او برب لكعبة اتعاود شي بلان بحال هادا داكشي لي غتشوفو مني عمركوم شفتوها او قولو معلمتكومش (تحنا باس الراس لحاجة ومشى خرج ديركت لجردة يبرد)
بقى اكسيل ݣالس فجردة لورانية مودة مبعد علاما يبرد ، حيت فعلن تعصب تاع لمعقول ولي زاد فاقصو ميقدرش تا يغوت ولا يضرب هادا لي عصبو حيت مو لي ولداتو هي لي دارت فيه هدشي
اكسيل : (كان واقف ماعليه مابيه تا سمع صوت تاع لخطاوي او يدين عنقوه من لور)
لغالية : (لي كانت كتسنا فإكسيل يطلع لبيت سعى والو ، شاف تا عيات او ناضت بدلات عليها بواحد لكسوة طويلة او فولار رشات شوي من ريحتها وهزات صاكها وطيليفونها وهبطات لتحت كتقلب عليه تا لقاتو واقف فجردة لورانية ، توجهات جيهتو او عنقاتو من لور) حياتي باقي مقلق
اكسيل : (دوا معاها بطنز) علاش غنتقلق انا غنموت بلفرحة مرتي كيجيو فيها لخطاب شحال كان الرقم تاع هدا ؟
لغالية : (وقفات قدامو كضحك) تاسع
اكسيل : اشادة لحساب
لغالية : معلوم نشد لحساب باش تعرف شحال من واحد باغيني عاد هادو غا لي جاو اخطبو محسبتش لي بغاو اتصاحبو ولا لي مخبيينها فقلبهوم ݣاع منسالي
اكسيل : حاس بجدك فرحانة
لغالية : هههههه شكون متفرحش ملي تعرف راسها بلي مطلوبة ، او داكشي علاش اراجلي لعزيز خاصك تحضي وديرلي داكشي لي بغيت ولا غنسمح فيك او نشوفلي محسن
اكسيل : الى لقيتي حسن مني غا مشي لما وشطابة تال قاع لبحر
لغالية : شوف شوف سيد يسحابلك مانديرهاش ، تتمشي نخليك او ديك ساعة شوف لي تقبل بيك
اكسيل : عطى الله لي باغاني خاصهوم غا يعرفوني طلقت او يجيو كيجريو
لغالية : (عقداتهوم فيه) شكون هاد بنات طحاب لي كيتسناوك طلق بسلامة
اكسيل : ملي تمشي ويجيو هوما ديك الساعة غتعرفيهوم
لغالية : الله يعميها لشي وحدة واخة نمشي انا مخاصكش تبدلني
اكسيل : غا جربي تمشي وغتشوفي شحال من وحدة غنجيب
لغالية : (خسرات فيه سيفتها) والله لا مشيتليك ألمكبوت كتسنا غا لفورصة باش تعدد
اكسيل : هههه شتك لابسة فين غادة
لغالية : غادة نبدل لجو او نتعشا برا
اكسيل : انا معروض لداك لعشا ولا لا
لغالية : معلوم راك نتا لي عارضني
اكسيل : ايمتا عرضتك بسلامة ؟
لغالية : غتبقا تحاسب معايا ولا شنو
اكسيل : (لاح يديه على كتفها او تم غادي بيها لجيهة طونوبيل) فين باغة تمشي المصيبة فين
لغالية : ديني لشي غالية
اكسيل : عوالة تسيزيني مافيهاش
لغالية : (ركبات حداه فطونوبيل) فلوسك الى متخسروش عليا انا مرتك حبيبتك علامن باغي تخسرهوم بسلامة
اكسيل : (بقا مركز معا الصوݣان تا وقف قدام ريسطو باينة فيها غالية غا من ديكور ديالها او ليݣارد لي واقفين قدام بابها ، نزل هو لول او تبعاتو لغالية شادة فيديه او متوجهين لداخل)
لغالية : (بقات كتشوف فلداخل تاع ريسطو حالة فمها من لمضر ، ناس كياكلو فسكات او موسيقى هادية فلجو) بشاخ ، مناش كتعرف هاد لبلايص الحرامي
اكسيل : (جر ليها كرسي ݣلسات عليها او مشا هو ݣالس مقابل معاها كيدويو غا بشوي) هاد الريسطو معروفة من زمان او هي كاينة او فواحد لوقت كنت خدام فيها
لغالية : بصح ؟ مزيان
سرباي : (تم جاي عندهوم كيعرض عليهوم ديك رابعة تاع لفرونسي لي حافض) Bienvenue dans notre restoront Que vous rdemande ?
لغالية : (فتحات لmenu او بدات كتشوف شنو طلب او حدها كتنزل عيينيها كتلقا رقم او حداه لأصفار)
اكسيل : (جابتليه لغالية ضحك ، شافها مطرطقة عينيها فلأتمنة) الى حرتي يمكنا نخليوهوم اقدمونا طبق من عندهوم هوما شبانلك
لغالية : (جاتها لقوة تسنات سرباي تا مشا هي تشوف فاكسيل) شلاضة تاع مطيشة ولبصلة 100 درهم واخة يكونو زاحمين عليها
اكسيل : هههه هاد ريسطويات تا لما كتخلصي عليه ، او ياك نتي لي بغيتي ريسطو غالي
لغالية : قتلك غالي زعما شي ريسطو كدير شوايات تاع لكفتة ب100 درهم الى غلات 120 درهم ماشي عود تاع سنان بخمسين درهم ، أجي ملي لما مخلص تا لاكسيجين غنخلصو عليه ؟
اكسيل : حنا وزهرنا
سرباي : (تم جاي عندهوم بلعشا ) هدا طبق خاص من ريسطوغون ديالنا نتمنا يعجبكوم
لغالية : (تحط طبسيل تاع لعشا قدامها او كون مجاتها حشومة كون غوتات بلفقصة ، شداتها لبكية وبغا قلبها يسكت كتشوف قدامها طبسيل خاوي كامل او مشا تال لوسط او تحط واحد لمورسو تاع دجاج معا شوي تاع لخضرة وشي لصوص) دبا هادا هو طبق لخاص باش كان مصدعنا ويلي على شوهتي اشداني انا لشي ريسطو غالي
اكسيل : (بغا يدوي ولكن ملقا ميقول ، داكشي علاش تحنا كينقب فداك طبسيل شويا)
لغالية : (نقبات تا هي شوي عاد حطات لفرشيطة وشافت فاكسيل) حياتي قودناها قودناها شبان ليك نطلبو من عندهوم لاݣلاص باين واعر
اكسيل : شكنقول ليك على تخصار لهضرة
لغالية : وغا زلقات لي ، صافي تا فقنا
اكسيل : هههههه غرقنا غرقنا اللهم نبردو بشي حاجة
طلبولهوم لݣلاس لي كان لحاجة الوحيدة لي كتستاحق داك التامان حيت كان واعر كيدوب فلفم ، أوسط انشغالهوم الهضرة موضوع يجبد موضوع ، جسد صغير كتلة من اللطافة مدات يديها او شدات فكسوة لغالية
دري : (كان وليد صغير بزاف يالاه ݣيسݣد لمشية عويناتو منفوخين بلبكا او باينة فيه مخلوع بزاع ، شاد فجلايل لغالية بيدي ياتو صغارو او كيدوي بصوت باكي او متلعثم عائد لصغر سنو) م ماما
لغالية : (كانت منساجمة فهضرتها معا اكسيل تا تجرات كسوتها او سمعات شهيق تاع شي دري صغير ، ضارت بزربة تشوف القياده وليد صغير كيبكي او كيناديها بديك لكلمة لي تحركات من سماعها ، للحضة حسات بقلبها هتز من بلاصتو وبلاما تشعر مدات يديها هازاه لعندها او دافناه فصدرها كطبطب عليه او كدوي بصوت حنين) صافي صافي الحبيب ديالي متبكيش ها ماما غتجي
دري : (بعد مدة قدر يتهدن او يخرج راسو من صدرها او يشوف فيها) ماما
لغالية : (كتشوف فيه بحنية او كتمسح آتار دموع من حناكو) فين ماما ؟
اكسيل : (بقا كيدور فعينيه ياكما يبانو ليه شي ناس كيقلبو على ولدهوم سعا والو) غيكون تلف على واليديه
لغالية : داكشي لي بالي تا انا ، فين بابا وماما ؟
دري : (نص فهضرتو كتفهم او نص لاخر لا حيت مكانش كيفرز لكلام) ماما كووا (ماما كورا)
لغالية : (شافت تا عيات او ملقات قدامها غا تسنا واليديه تا يقلبو عليه) نعطي لولدي ياكل ؟ فيك جوع ؟
دري : (مقال والو من غير انو فتح ليها فمو باش توكلو)
لغالية : (ضحكات على داكشي لي دار او مدات يديها لاݣلاص وبدات كتوكلو تا شبع) شنو سميتك ؟
دري : (قبل ميهضر جات واحد لمرا حالتها حالة بلبكا خطفاتو من عند لغالية)
لمرا : (معنقة ولدها وكتبكي) مهدي ولدي فين مشيتي
لغالية : (شافت بلي لابسة هي وسيدة نفس لكسوة) جا عندي كيبكي يمكن حيت تخالط ليه معاك ملي شاف لكسوة بحال ديالك
لمرا : شكرا سمحولي صدعتكوم مشيت نجيبليه كورتو نساها فطونوبيل رجعت مالقيتوش تخلعت
لغالية : لعفو دراري صغار هوما هادو
لمرا : نخليكوم تكملو ماكلتكوم بسلامة
لغالية : بسلامة (دارت بيباي لوليد صغير او بقات متبعاه بعينيها تا غبر عاد ضارت عند اكسيل) نمشيو
اكسيل : (شاف بلي مالاميحها تقلبو او دبالو داكشي علاش مابغاش ازيد احكر) واخ يالاه
ناضو بجوجهوم من الطبلة ، اكسيل كحبليه لفلوس صحاح عاد خرج هو ولغالية ركبو طونوبيل او رجعو فحالهوم لدار
لغالية : (مدواتش ݣاع ومشات طلعات نيشن لبيتها ولكن قبل حبسات واحد شوي كتشوف فبيت لحاجة فسكات عاد طلعات لفوق ، دخلات لحمام بدلات عليها بواحد شورط او سفطمتو)
اكسيل : (دخل لبيت ولقا لغالية واقفة قدام لحيط تاع الزاج ساهية فلفدادن ، مشا بدل عليه بزربة وقرب عندها معنقها من اللور)
لغالية : (ملي حسات بيديه محاوطينها رخات راسها على كتفو او بقات ساكتة ساكتة مودة ، عاد نطقات بصوت مغموم) كون كان باقي عايش كان غيكون فلعمر تاع داك لولد ياك
اكسيل : (بقا ساكت تا حس بنقطة طاحتليه فوق يديه ، بزربة ضورها عندو كيشوف فيها بهدوء ، هي لي كانت مغطية وجها بيديها وكتبكي بحرقة ) ششش متبكيش الغالية ، ماديريش فراسك هادا قضاء الله او معلينا غا نرضاو بيه او نصبرو
لغالية : (تخشات فصدرو او زادت فلوتيرة تاع لبكا) مقدرتش نحميه داكشي علاش مات
اكسيل : شششش متقوليش هاكدا نتي مدرتي والو (شد راسها بيديه او بدا كيمسح دموعها) صافي باركة من لبكا كنتي صغيرة ديك الساعة الصحة ديالك مقاداش على لحبالة وصاف ، نتي مادرتي والو دابة نعاودو نولدو وليد آخر صافي
لغالية : (باقة كتبكي) ولكن نتا ماباغيش تولد معايا
اكسيل : شكون قالك مابغيتش نولد معاك ، انا نموت او يكون عندي وليد منك كيشبهليك ، ولكن صحتك اهم ليا من دراري صافي غا متقلقيش ليا دبا نربيو شي وليد
لغالية : بصح ؟ تبغي
اكسيل : نبغي علاش منبغيش ها مجد ربيتو
لغالية : وعلاش باقين مربينا تال دبا
اكسيل : كنتسنا تولد شي وحدة من لعئيلة باش ترضع هادشي لي ربينا مابغيتش نربي شي بنت او تا تعناق منقدرش نعنقها
لغالية : ولكن تا واحد موالد
اكسيل : علاما تسالي قرايتك غيتزاد شي بجغوط ولا نزوج واحد فدوك لحتارف
لغالية : بلمعقول داوي
اكسيل : عمرني كدبت عليك
لغالية : (نقزات عليه معنقاه او كتبوس فيه) شكرا اخليك ليلي
اكسيل : (خربق ليها شعرها) متبقايش تبكي هاد لعينين ماشي دلبكا
لغالية : وديالاش
اكسيل : ههه ديالي انا
لغالية : معلوم انا كولي ديالك
اكسيل : اوا اديالي نمشيو نعسو ولا ؟
لغالية : ههههه ولا شنو همم ؟
اكسيل : نمشيو نعسو ولا نمشيو نعسو (خلاها ومشا تخشا فبلاصتو) مغتجيش تنعسي
لغالية : من نيتك غادي تنعس
اكسيل : من ريتي
لغالية : (تخشات حداه او تكات على صدرو) حك ليا شعري حك
مد يديه لشعرها وبدا كيحكو ليها
صبح صباح بضبط معا ديك 6 دصباح كان طيليفون جود باغي يطرطق بصونيط
جود : (مد يديه مغوبش لطيليفون او جاوب بلاما يحل عينيه) ألو
سيكريطيرة : مسيو جود خاصك تجي لمكتب معا سبعة ونص حيت عندك لمحكمة معا تسعة
جود : لمحكمة ؟ راه ماعندي تال الجوج
سيكريطيرة : لقاضي محمد هزوه لبارح لسبيطار او طلبني نكلفك بلقضايا ديالو
جود : ولكن انا راه قاضي ديال لجينايات ماشي تاع لأحداث
سيكريطيرة : هو بنفسو طلبني نكلفك بهاد لقضية حيت واخة تاع لأحداث داخلين فيها لمخدرات
جود : صاف واخة هاني جاي
ناض جود بزربة دخل لحمام دوش او جمع لوراق ديالو عاد مشا لبس سروال تاع لكوستيم ، جا يلبس لقميجة لقا راسو ماعندو تا قميجة بيضة مشا بزربة لبيت مجد فارع عليه لباب كيقلب فلماريو ديالو
مجد : (فاق مفزوع) مال تامل بوك ، واش ضاربك حمار ليل
جود : (باقي كيقلب) سكتني واش عندك شي قميجة بلقة ؟
مجد : لقوامج مكيدوروش عندي ݣاع علاش كتقلب عليهوم
جود : خاصني مشي لخدمة غنتعطل
مجد : ياك قلتي تال لعشية
جود : خرجلي بلان آخر او خاصني سبعة نكون فلمكتب
مجد : سير شوف باك تلقا عندو شي وحدة
جود : واه فكرتيني (خرج كيجري غادي لبيت تاع اكسيل كيدق عليهوم دقان دلعسكر)
اكسيل : (كان يالاه سالا صلى او لقراية دلقرأن ، وقبل ميمشي يرجع ينعس سمع لخبيط دلباب هو يقلب الضورة ومشا يحل مغوبش) كتي تݣلعو وتديه معاك
جود : عندك شي قميجة بيضة ؟ خاصني نمشي لخدمة دابة عيطو عليا ونا ماعندي تا قميجة وتا داك لحتروف او غنتعطل راه 6 ونص هادي
اكسيل : بلاتي نشوف ليك (دخل لداخل كيقلب فلماريو ديالو)
لغالية : (لي فاقت مخلوعة بسباب دقان) شواقع
اكسيل : والو غا جود لي باغي شي قميجة بيضة غيمشي لخدمة دابة ، غا رجعي تنعسي
لغالية : غيمشي لخدمة او دبا خاصني نوض نوجدليه لفطور (ناضت بزربة لبسات عليها او خرجات عند جود) ها لقميجة سير لبس علاما نوجدلك لفطور
جود : بلاش شكرا غنتعطل
لغالية : ضاروري تفطر
جود : (شاف تا عيا ومشا يبدل عليه عاد هبط)
لغالية : (مشات طايرة لكوزينة وجداتليه لفطور بزربة وحطاتو قدامو) كول مزيان نزيد نسخنلك لمسمن
جود : راك مسخنة ليا 6 دلمسمنات فين غتزيدي
لغالية : كول مزيان راه لقانون خاصاه الصحة
مجد : (كيتمنضر هو واكسيل فهاد جوج واحد كيخشي فوجهو وتانية دايرة بحال مو ضور او تسخن ليه) خاصاه الصحة باغي يهز لحكم على ضهرو
جود : يالاه بسلامة هاني غادي
لغالية : ستنا هاك هادي شي ماكلة كول منها ملي يضرك الجوع
جود : هاد لخمارة تاع لحلوة لاش
لغالية : متعرف معا ستريس اشدك لاسهال شربها
جود : هههههه شكرا الزين لهلى يخطيك عليا
لغالية : سير الله اعاونك
مجد : (لاح يديه على كتفها حاضي طونوبيلة جود لي ضيمارات مبعدة) شهاد لخيانة الغالية جود قاديليه لفطور او سيفطيه لخدمة ومجد كتصيفطيه بجوع
لغالية : امتا خدمتي ونا مفخباريش
مجد : او دوك لمحلات تاع راجلك لي نضل ݣلس فيهوم معجبوكش
لغالية : ملي تبدا سطاج فشي شركة جي دوي معايا ، انا كنخدم غا معا لموضفين
مجد : كتخدمي غا معا لموضفين اسيرونس نتي
#عند جود#
وصل لمكتب معطل معا ديك 8 حيت طريق كانت بعيدة
جود : سلام
سيكريطيرة : سي جود وصلتي ها لملف تاع لقضية قراه بزربة حيت لمحكمة عندك بعد ساعة
جود : صافي واخ (خدا من عندها لملف او دخل لمكتب ديالو كيقرا فيه بزربة ممركزش معا لإسم مركز غا معا سبب لمحاكمة حيت معندوش لوقت بزاف)
سيكريطيرة : (دخلات عليه لمكتب بعدما دقات لباب) مسيو جود وقت لمحاكمة وصل
جود : واخ هاني جاي دابة
ناض من بلاصتو او لبس لباس ديالو او مشا متوجه لقاعة تاع لمحكمة معا لمستشارين تناقشو شوي على لقضية ، قبل ميدخلو لقاعة لي كانت خاوية فيها غا شي ناس قلال ، تقدم جود لكرسي ديالو وقاد لمسائل كيتسنا فيهوم ادخلو لمتهم
جود : (هز عينيه فديك لبنت لي دخلو لمحكمة ، متيقش عينيه ونزل بزربة لوراق تاع لقضية يقرى او يعاود فديك سمية *ياسمين تاجي* *ياسمين تاجي* ولكن الى كانت بنت خو لغالية علاش لكنية مغايرة ، أصلن علاش هي هنا شجابها لشي حيازة مخدرات ، دارت بيه دنية وعاود هز راسو فيها تا حد من عئيلتها مجا بوحدها كاينة ، تا من لمحامي مبانليهش معاها طول فيها الشوفة ممتيقش عينيه كيقول يمكن غا غلط فشوفة ولا تشابهات ليه ولكن هي نفسها لبنت الطائشة لي مخرجالو عقلو ولي ݣالسة ممسوقاش او ممكتارتاش لوضع ، بحالي موالفة بهاد لأجواء) احن بسم الله الرحمان الرحيم و بسم جلالة الملك نفتتح الجلسة الملف 102 ، ل2022 للمتهمة ياسمين تاجي (هادشي لي حفضنا من ديك مداولة غنعرضوه عليكوم هههههه)
ياسمين : (هزات فيه عينيها هو لي كان ݣالس فبلاصة عالية عليها ، طولات فيه الشوفة كان مختالف تماما على داكشي فاش موالفة كتشوفو ، لباس لقاضي فوق كتافو لجدية مكتاسحة وجهو ، مكانتش متوقعة يكون هو لقاضي لي شاد لقضية ديالها ، حسات لداخل ديالها بنوع من لأحراج واخة مبيناتش يمكن حيت مكانتش باغاه ايشوفها هنا)
جود : (كمل هضرتو عادي) ياسمين تاجي نتي متهمة بجنحة حيازة و تعاطي لمخدرات الأفعال المنصوص عليها وعلى عقوبتها في لفصل 560 من القانون الجنائي شنو كتقولي فلمنسوب ليك ؟ .
ياسمين : واه درتها
جود : اذن كتعتارفي بلجنحة لموجهة فحقك ، فين لمحامي ديالك
ياسمين : موكلتش محامي
جود : (تناقش شوية معا لمستشارين على لحكم قبل مينطق بيه) بعد لمناقشة معا لمستشارين توصلنا لتالي ، ياسمين تاجي بما انو التهمة تبتات عليك او نتي بنفسك معتارفة بيها غيتحكم عليك ب6 اشهر سجن نافذة وفق الفصل 560 ، 478 من القانون الجنائي معا شرط اطلاق السراح في حالة حسن السلوك اثناء الفترة السجنية ، رفعت الجلسة (مزادش ݣلس دغيا خرج بزربة ومشا لمكتب ديالو باقي ممتيقش ، يمكن شافها كتكمي كتشرب ولكن توصل تال لمخدرات او تشد فلحبس حاجة صعيب يستوعبها ، شاف تا عيا او هز طيليفونو مصوني على باه) الو لواليد
اكسيل : لقاضي ديالنا شمفكرك فينا
جود : كاينة لغالية حداك
اكسيل : (عرفو بغا يدوي معاه فشي موضوع متعلق بيها) غا دوي راني بوحدي فلبيت
جود : معرفت مناش نبدا ليك ، احن ياسمين
اكسيل : مالها
جود : لمحاكمة لي كانت عندي ليوم ديالها
اكسيل : شنو ؟ علاش تشدات ؟
جود : تشدات بسباب لمخديرات شي حد بلغ بلي كتعاطاهوم او لبوليس ملي مشاو لقاو مورسو عندها او هي براسها عتارفات
اكسيل : (تنهد) او بشحال خرجات حريرتها
جود : 6 شهور دلحبس الواليد 6 شهور على قدها
اكسيل : بلان هادا واشمن بلان
جود : غتقولها لغالية
اكسيل : ضروري ، غنشوف كينديرلها
جود : يالاه نخليك انا دبا تال لعشية ونتلاقاو
اكسيل قطع معا جود وبقا مودة ݣالس كيفكر قبل ميصوني لواحد النمرة
اكسيل : الو
راجل : سي اكسيل نتا هادا
اكسيل : انا هادا اسي نصر الدين
نصر الدين : اهلن اهلن سي اكسيل عاش من سمع صوتك
اكسيل : باغيك فواحد لبلان انصر
نصر الدين : مرحبا نتا تآمر وحنا نفذو
اكسيل : ياسمين تاجي كتعرفها ياك منحتاجش نفكرك فيها
نصر الدين : الله أودي عمر هاد سمية تخرج من بالي خصوصا لاكنتي نتا بنفسك كتوصي عليها
اكسيل : راها عندكوم فلحبس دخلات فهاد ليامات
نصر الدين : عاوتاني دخلات
اكسيل : مزاحماك فدار ونا مفخباريش ؟
نصر الدين : لا حاشا انا غا تعجبت او صاف
اكسيل : خلي جوج بوليسيات يحضيوها فدخول او لخروج بغيت صغيرة ولكبيرة عليها توصلنا
نصر الدين : كون هاني
اكسيل : (أكد عليه او قصح معاه لهضرة) قتلك بوليسيات لي يحضيوها سمعتيني مزيان ، ولا داكشي لي غيوقعلك معارفو غا نتا
نصر الدين : لا لا كون هاني
اكسيل : (قطع عليه او لاح طيليفونو معا لحيط تاع لمكتب) كلب ، نسالي شغلي وغنرجعليك
لغالية : (حلات عليه لباب داخلة بلقهوة ديالو) حياتو ها قهوتك
اكسيل : جابك الله باغي ندوي معاك
لغالية : الله اسمعنا خير
أكسيل : (جاها نيشن) ياسمين دخلات لحبس او لمحكمة ديالها كانت ليوما وتحكم عليها ب6 شهور دلحبس
لغالية : شنو ؟ كفاش ؟ وعلاش ؟
اكسيل : (عاودلها كولشي) هادشي لي وقع
لغالية : (شدات راسها) شنو غندير دبا انا شنو الله ياربي على بنت اطيح فيا نص
اكسيل : تبغيني نخرجها
لغالية : لا خليها تما كلما كانت قريبة من باها غا كتجنن
اكسيل : او تجنان تاعها ملي كتخرج من لحبس ، قالي جود كانت عادي بحالا فدارها ساكة وهادية
لغالية : وراه داكشي مناش خايفة ياسمين تبدلات بزاف تقول هزيتي بنت او حطيتي بنت ، نخاف غا هاد لهدوء ديالها نخاف تجي موراه شي علصفة
اكسيل : منضنش راها كبرات
لغالية : كبرات او زبايلها كبرو معاها شتيها كانت كضحك او مهدنة ، طلع ليها لقردة وتشوف دويتي معا نصر الدين ؟
اكسيل : واه وصيتو عليها
لغالية : قوليه يحضي معا لبنات لاتصدق مشرملة شي وحدة
اكسيل : (تكا فوق لكرسي) غتمشي عند داركوم
لغالية : ضاروري مريم غتكون حالتها حالة
مشات لغالية لبيتها نيشن بدلات عليها بزربة وحطات ليها شي فلوس فساك او مشات ركبات طونوبيلتها وكسيرات جيهة دارهوم ، بلاصات قدام لباب او وقفات قدامو كدق
سعاد : (حلات ليها لباب) لغالية ؟
لغالية : سلام مريم فين ؟
سعاد : راها لداخل فصالون
لغالية : (دخلات لقلب الدار بضبط لصالون ، لقات كولشي مجموع تما من غير عبد الله)
مريم : (ݣالسة حدا كلتوم كتبكي وتقول شي مبكات) مغنعاودش نشوف بنتي عاود ، حكمو عليها ب6 شهور دلحبس اخالتي
لغالية : مريم
مريم : (عنقات لغالية لي كانت قربات عندها) شواني خوك فكبدتي ، شواني لحرامي
لغالية : مريم عاوديلي شنو وقع راني باقي مفهمتش
مريم : (باقة كتبكي ) خوك لقا مورسو صغير تاع لحشيش فبيت ياسمين عواض ميدوي معاها ضربها وعيط ليها لبوليس
لغالية : (شافت فباها ومها) سي سليمان لالة كلتوم كي جاكوم رويجل تاع ولدكوم شتو ترابي دلخلى فين كيوصلو ، ولكن انا غنعاود ليه ترابي
كلتوم : تهدني ابنيتي كولشي كيتحل بلعقل
لغالية : (بدات كتكشكش) تا يكون ولدك يكسابو وديك الساعة ندويو بلعقل ( ناضت خرجات من الصالون او مشات تال قلب الدار او بدات كتغوت على حر جهدها ) افينك اعبد الله ، افينك اعيفت رجال
عبد الله : (كان ناعس مرتاح معلبالوش تا سمع تعياط تاع لغالية هو يفيق مفزوع او هبط عندها عاقدهوم) مالنا نتي شكاين
لغالية : شكاين ؟ باقي عندك لوجه علاش تسول أدوي ؟ ناعس ليا مرتاح مخاص جدك تا خير ؟ معلوم علاه تكساب شي نفس ولا كبدة ؟
سليمان : (كيحاول اهدن لوضع) لغالية بنتي خوك لكبير هادا دويو غا بشوي
لغالية : (طلقاتها بواحد تكركيرة) ههههههههه خويا لكبير ؟ ماعند جد بويا لا خو ولا طسيلة
عبد الله : ادغيا نكرتينا اشريفة
لغالية : ميشرفنيش ايكون شمايت من عئيلتي ، او دبا جاوبني شحال باش بعتي بنتك هاد لمرة الف درهم ؟ (كانت خشات يديها فصاكها او كولما كتهضر او هي كتلوح عليه لفلوس) الفين ؟ خمسالاف ؟ مليون ؟
عبد الله : (زرقة على ختها كيدربو ليه فكمارتو) حتارمي راسك كفاش بعت بنتي عارفة شكاتقولي
لغالية : (كدوي بجهد) عارفة مزيان شكنقول او عارفة دوصيك لخانز الخانز ، ولا ياكما نسيتي قبل ربعسنين هادي كي بعتيها أقليل لعفة نعطيك تا تمان باش بعتيها ؟ او لمن ؟ او علاش ؟
عبد الله : (تخطف لون من وجهو) شوفي بلاما تجهلي مي او تقولي شي هضرة مكايناش ، ويلى كانت غا على ديك لكلبة فصيفطها فين تربى مدخلالي لحشيش لدار بزناز انا
لغالية : كلبة ؟ سيفطيها فين تربى ؟ معلوم خاصها لي يربيها حيت منهار حلات عينيها وباها ممعاهاش منهار حلات عينيها وغا مها لي حداها ، لقات قدامها غا شماتة تا شوفة مكيهزهاش فيها (تخنقات بلبكا) شحال دارت ديك لبنت باش تشوف فيها او تقوليها ولو لمرة وحدة الله يرضي عليك أبنتي ، سعا خسارة تا فولادتها محضرتيش او فسبوعها ماجيتيش بحال ناس ، ضربتي وعايرتي فزنقة وفدار او عمر هاد لبنت قاتلك شي حاجة فلخر بعتيها اعبد الله بيديك بعتي بنتك او دايرلي فيها دبا شريف ولا ياكما نسيتي يامات لقمر او لحشيش ، هادا غا داكشي لي بان انا لمستور معالم بيه غا الله
مريم : (لي كانت حالتها حالة بدرع باش واقفة او عينيها كيطلقو غا دموع ، حمرين او منفوخين ، كلمة لغالية تاع بعتي بنتك ضارت فدماغها) كفاش باعها الغالية ؟
عبد الله : (زرب عليها) راها غا معصبة معارفاش شكتخرج من فمها ، او ياسمين هي لي غلطات تحمل مسؤولية غلاطها
لغالية : (كانت بغات دوي ولكن فضلات تبقا ساكتة لي فيها كافيها ، شافت فخوها او كملات هضرتها) يمكن غلطات ولكن تا اب مكيلوح ولادو بيديه لعافية أعبد الله ، تا أب ولكن بطبع نتا استثناء ، آه او ديك لبنت اعبد الله لي معاجباكش او لي خرجات طريق او ولات عاطياها غا لݣارو ولحشيش وشراب نتا سبابها ، او حيت عندها أب بحالك ولات هاكداك كون شديتي بيديها نهار لول مكانتش غتوصل لهاد لحالة ، نتا لي تخليني على بنتك ملي طاحت فلغيس ، كان بيديك تعتقها من داك لوسخ ولكن فضلتي تعطيها بضهرك او تخليها غارقة (دفلات ليه على وجهو) تفو عليك وعلى لي بحالك أعبد الله أعيفة رجال ، جمع دوك لفلوس عتابرهوم صدقة من عندي ليك
هزات ساكها لي كان تلاح فلأرض او خرجات بزربة من عندهوم ، ركبات طونوبيلتها او ضيمارات راجعة لدار
#عند ياسمين#
رجعات لزنزانة ديالها بعدما سالات لمحكمة ، طلعات لباياصها بلاما تقول تا كلمة
ياسمين : (كدوي بينها وبين راسها وهي كتفكر لقطة تاع جود فلمحكمة وكنشوف انعكاسها فديك لمراية لمهرسة لي كانت عندها) ” باقي شي علامة خرى مبانتش قدامك باش توريك بلي نتي وياه بيناتكون فرق سما ولارض ههههههه قاضي على قدو باه سميتو بوحدها كافية غيشوف فشمكارة بحالك اياسمين ، نوضي على سلامتك حلمتي ليك شوي اوا ها متسواي ماتجي فين تخرجي تا تلقايه ضبر على راسو ودار دراري ݣاع تفو عليا وعلى زهري”
أمينة : (لابسة حوايج تاع دراري او تمشا تقريبا بحالهوم ، كانت حاضية ياسمين منين دخلات ، قربات عندها او بدات تدوي معاها بلهجة وضحكة خانزة) مال الزين ديالي مقلق ، كاين لي خصر معاك بربي تا نخصرو غا وريه ليا
ياسمين : (بقات ساكة ممسوقاش ليها ݣاع)
أمينة : آح وشحال نموت انا فيك الكبيدة ، خصوصا ملي تكوني مقلقة نموت فجدك انا
لحارسة : (جات عندهوم لزنزانة كتغوت) يالاه نوضو تغداو يالاه
خرجو ݣاع لبنات متوجهين لبلاصة فين كيفرقة لماكلة ودارو صف باش اعمرولهوم لبلاطو ، عاد كل وحدة مشات شدات ليها كرسي ، ياسمين لي كانت معطلة فيهوم خدات ماكلتها ومشات بشوية عليها لواحد طبلة خاوية حيت كانو أغلبية كياكلو فمجموعات
ياسمين : (بقات كتاكل فسكات تا سمعات شي ضحك)
لبنت : (كان باين عليها مفضية وحاسبة فراسها عندها ضربة فوجها ، حدها دوات كولشي سكت كان باين عليها كتخلعهوم او كيحتارموها تا من أمينة) ههههههه لبنات عندنا ضيفة جديدة او معلمتونيش حشومة ، عيب ماستقبلناها ما رحبنا بيها ماشي من عادتنا ، آجي نتي لهنا لعندي آجي عند ختك حياة
ياسمين : (عرفاتها عليها معامن داوية ولكن كملات ماكلتها ممحاشياهاش ليها)
حياة : ههههههههه دايرة راسك مكتسمعيش واخة (ناضة وقفات على رجليها او تقدمات عندها هازة لبلاطو لي فيه ماكلتها او رباعتها موراها ) فيك جوع باغة غا تاكلي لبنات عطيوها تاكل ههههه عطيوها (ناضت وحدة من دوك لبنات دفلات ليها فطبسيلها او طبسيل لي جابو معاها وعطاوه ليها) هاكي كولي ازين بصحتك
ياسمين : (حبسات لماكلة ملي شافتوهوم جايين عندها او واخة ستافزوها مادواتش ݣاع وبقات مهدنة ، تا غفلاتها ديك حياة وشداتها من شعرها مزيرة عليها)
حياة : (كتدوي من تحت سنانها) يا طحبة كبرنا بيك او جيني تال عندك ، قلنا جديدة ومعارفاش شكون انا قلنا نقريوك بلهضرة ، سعا بنتيلي كتفهمي غا بلعصا ، ونا غنوري لبنتي دبا شكون هيا حياة زيباوي
ياسمين : (واخة طرشاتها صباح بقات راسية ممحركاش او خلات حياة او صحباتها كيضربو فيها ، حدها دوات بسخرية) حياة آش زباوي شي طحبة نتي لا ؟ جابوك على الدعارة ؟ لفساد ؟
حياة : (زادت جعرات عليها وجبدات واحد لفرشيطة من جيبها وحطاتو ليها على عنقها) غلاط ازين ماشي الدعارة لي جابني لقتيل انا راني حياة مولات هاد لحبس او أنا لي غنفضيهوم ليك أبنت لقح**
ياسمين : (كانت ساكت ساكت ومهدنة حدها سمعاتها قاتلها بنت طحبة ، مدارتلها فين تكمل هضرتها تا جمعاتها معاها لوجه بداك لپلاطو طيحاتها لأرض ، او تلاحت عليها بحال لمجنونة تسيفات ولات وحدة خرا بحال شي مريضة نفسية مشرباش دواها ، كتهز يديها تال سما او تنزل عليها بتصرفيق لوجه او هي كتدوي بحال لمختلين) موسخة بحالك تجبد مي على فمها ، راني نقتلك او نشرب من دمك سمعتيني نقتلك ، الى ميمتي إلى ميمتي بغيتي غا لقتيل انا مولاتو (هزات ديك لفرشيطة وبدات كتخشيه ليها فلحمها بحالا كتقب لپيتزا ، وحياة غا كتبكي وطلبهوم اعتقوها اما لحراس ممسوقينش أصلن ولفو بدوك لمضاربات ، كتخشي لفرشيطة وتصرفق فيها) ماباغاش تاقاي شري غتخلعيني بفرشيطة هههه ندبحك انا موتك على يدي قاتلك انا مولات لحبس اوا تا منكونش انا (هزات يديها هاد لمرة تال سما او هبطات عليها بلفرشيطة لوجه قاصة ليها لعين ولكن خرمات او خشاتها ليها فلحنك) كنت باغة نطرطق لجدك لعين ولكن غتحتاجيهوم باش تشوفيني وتعرفي شكون انا
ناضت ياسمين من فوقها كتنهج ومشات تال اوسط لبنات او بدات كتدوي
ياسمين : آتشوفوني يالاه دخلت لحبس تقولو مسكينا جديد عليها لحال لمخيرة فيكوم هنا سبقتها ولقديمة فيكوم كتعرف تامل بويا شكيسوى ، تاقاو شري ولا بربي تا نقلب هاد لحبس على جدكوم كيما درت آخر مرة ملي كنت هنا او دبا (ضارت عند دوك لبنات لي كانو معا حياة) تسفتو ليا كيف سردين فلأرض يالاه
لبنات : (مفهمو والو ولكن خافوها تسطا عليهوم او تكاو بسة لأرض)
ياسمين : ضربولي طبلة ݣانتي طاحتلي على شطيح باغة نحيح (لبنات خصوصا رباعت أمينة بداو كيطبلو ليها ويغنيو ، ومشات هي طلعات برجليها فوق داك لبنات وبدات تشطح فوقهوم ، هوما يغوتو وهي كتكركر وضحك مخلي غمازاتها يبانو ، كانت ضحكتها لبريئة منافية تماما لأفعالها وليديها وحوايجها لي كانو فيهوم نقاطي تاع دم ، طالقة حلقها كتغني صوتها زوين وقوي)
*انا جاية
*حيدو حايدو هاهي جاية فاقصة لعدو
*حيدو حايدو الزين كولو شكون لي ولدو
*حيدو حايدو هازة لكولشي و فاقصة لعدو
*حيدو حايدو بنت بلادي فاقصة لعدو
*حيدو حايدو وبز منو غاتديه او بز منو غتديه
*حيدو حايدو هاهي جاية فاقصة لعدو
*حيدو حايدو الزين كولو شكون لي ولدو
*حيدو حايدو هازة لكولشي و فاقصة لعدو
*حيدو حايدو بنت بلادي فاقصة لعدو
*حيدو حايدو وبز منو غاتديه او بز منو غتديه
بقات تشطح وتغني تا شبعات عاد نزلات عليهوم او مشات معا لحراس لي كانو جاو هزو حياة او دوك لبنات او داوها هي لإنفرادي تݣلس فيه
بقا جود فلمكتب ديالو تا وصلات لوقيتة تاع لمحكمة ديالو حضر ليها ولي ستغرقات ديك جوج سوايع عاد سالات ، مشا خرج بزربة شاد طونوبيلتو لطريق لحبس فين كاينة ياسمين قبل ميسالي وقت زيارة ، بلاصا قدام لباب او نزل متوجه لداخل
جود : السلام عليكم
لبوليسية : وعليكم السلام
جود : جيت نشوف واحد لحباسة عندكوم هنا سميتها ياسمين تاجي
لبوليسية : واش يمكلي نعرف شنو كتجيها
جود : (شاف تاعيا شغايقولها كيجيها ولد راجل عمتها وديك لحريرة) أنا أنا خطيبها
لبوليسية : واش يمكلي نشوف لكارط ناسيونال ديالك ؟
جود : واه تفضلي
لبوليسية : (خدات منو لاكارط او عطاتو واحد لورقة) هاك عمر هادي
جود : (عمرها)
لبوليسية : يمكلك دخل تسنا علاما نعيطو ليها (هزات طيليفونها او صونات لبوليس لوخرين دوات معاهوم) معا لأسف متقدرش تشوفها دبا
جود : وعلاش ؟
لبوليسية : راها دبا فالسجن لإنفرادي ممنوعة عليها الزيارة
جود : (قبل ميضور سمع شي حد دوا موراه)
نصر الدين : سي أوسو مرحبا وألف مرحبا
جود : (دار عندو سلم عليه واخة معارفوش)
نصر الدين : جيتي تشوف ياسمين ياك ؟
جود : كتعرفها ؟
نصر الدين : الله أودي سي اكسيل بنفسو موصي عليها تفضل معايا تسناها علاما يجيبوها راني علمتهوم
جود : (تبعو بسكات لواحد لبيت خاوية ومشا ݣلس على واحد من لكراسة لي كانو تما)
نصر الدين : (خرج من تما مخلي لبوليس مدخلين ياسمين عند جود)
ياسمين : (كانت ناعسة تا جاو كيعلموها بالزيارة ، ستغربات فلول حيت كان ممنوعة عليها الزيارة دبا ولكن ملي عاودات حسباتها شكات فواحد من آيت اوسو لي يكون جا ، طارت بزربة غسلات وجها او قادات شعرها بيديها وجبدات واحد لعكر خفيف كانت مخبعاه فجيبها دارتو عاد خرجات معاهوم لعند فين كاين جود ، حيدولها لمينوط او خلاوها دخل لعندو بوحدها ، عينيها فيه او بتاسمات قبل متجر كرسي تا هي و تݣلس قدامو) توحشتيني تا جيتي تشوفني ؟
جود : (هز عينيه فيها كيدقق فيها الشوفة من راسها تال ساسها) شعندي منتوحش فيك
ياسمين : هه حشومة عليك انا توحشتك ونتا لا القاضي ديالي ، عرفتي كي جيتي بداك لباس ولا كتحمق هه
جود : عاجبك راسك ونتي هنا
ياسمين : عادي كي هنا كي برا
جود : معامن داوي انا ، دبا غا قولي ليا واش عاجباك هاد لحالة لي نتي فيها مشدودة 6 شهور على قدها او ممسوقاش
ياسمين : شنو بغيتيني ندير نبكي ولا ندب حناكي قدامك باش تبان عليا لقهرة ولا شنو ، الى كنتي كتسنا مني هادشي فغا هني مخك 6 شهور ديالي غندوزها او غنخرج من بعد كي ديمة
جود : واه كي ديمة ، أصلن معندكش لاش تبكي ممحتاجاش ، خلي لقهرة و لبكا وضران لعينين لميمتك مفكرتيش فحالة ديك سيدة ؟ ولا مشفتيهاش كي كانت واقفة كتسنا قدام لمحكمة مقاداش تا دخل تشوفك بلمينوط ، شدارتلك ديك سيدة ݣاع تا ديري فيها هادشي لي درتي أدوي ولا ياكما غتݣلسي تبرري عليا افعالك بضروف بباك متبقايش ضحكي على راسك بديك لخضرة نتي لي باغة ضري راسك او صاف
ياسمين : (كتحاول تخفي رجفة لي فصوتها او تدوي بتقة) شكون قالك بلي ضروف لي خلاتني هاكدا ولا بسباب با ، اي حاجة درتها حيت انا بغيت نديرها افعالي تصرفاتي ممنسوبة لتاحد ، داكشي علاش متبقاش دوي معايا اسعادة لقاضي بحالا كتعرفني ولا بحالا كتهتم لأمري
جود : جيت نشوفك ليوم على قبل ديك سيدة لي طابو عينيها بلبكا ماشي حبا فيك ، حيت فعلن طلعتيلي فراسي كل نهار كنقول ها هي غدير عقلها ولكن انا لي هبيل كنتسنا من وحدة بحالك شي حاجة ولكن دبا قطعت رجايا فيك أبنت الناس انا وياك واخة طابق سما مع لارض مغنتجمعوش بحال ضو ولما
ياسمين : (شافت فيه بهدوء) كون مكنتش فلحبس او كون مكنتش كنكمي ولا نشرب كانتي غتقول نفس هاد لهضرة ؟
جود : (قرب لعندها واقف قدامها) كنت كنحاول ندوز انك كتكمي كتشربي او نلقالك اعذار ، ولكن عرفت بلي أصلن مكاينش لاش نحاول معاك متستاهليش نضيع عليك وقتي ولا حتى نخالف لمبادء ديالي على قبلك ، انا قاضي كنعاقب لمجرمين مكنتصاحبش معاهوم
ياسمين : (بتاسمات ليه) عقل على هضرتك اسعادة لقاضي او بقا عليها واخة يوقع لي يوقع ، تبقا تفكر بلي راك قاضي وانا متهمة عندك لا غير
جود : راني مفكر غا تهناي طريقي بوحدها وطريقك بوحدها لانتي غتصلاحي ليا ولا انا غنصلاح ليك او كنتمنا منعاودش نشوف كمارتك مرة خرى
ياسمين : ملي مغنعاودوش نشوفو بعضياتنا مرة خرى ، قبل متخرج صيفطيلي معاك شي حوايج راه لحوايج باش جيت باش بقيت معنديش باش نبدل ، عتابرو آخر معروف بيناتنا
جود : (مدواش معاها او مشا هز طيليفونو وخرج بحالو لبرا ، حل لباب تاع طونوبيلتو و ركبها مكسيري راجع لدار)
دخلو لبوليس لعندها ملي مشا جود او رضولها لمينوط ليديها او رجعوها لزنزانة لمنفردة
ياسمين : (لحراس حدهوم خلاوها بوحدها مشات تكات فوق الناموسية ديالها ونفاجرات بلبكا ، مهما كانت قوية وقبيحة من برا كتبقى ديك لبنت صغيرة لهشيشة لي أي حاجة تقدر تهرسها ، كل واحد فينا عندو اخطاءو و أسرارو ، كل واحد فينا عندو نقطة ضعف مهما كانت قوتو ، لحبس بالنسبة لياسمين كان هو لملاذ او لمهرب من دارها او فنفس لوقت كان هو داك لمستنقع لي غرقها ، ياسمين ديك لبنت صغيرة لي كانت عايشة حياتها ممسوقة لحد وتا حاجة مكتأتر فيها كانو دموع مها كيشعلو لعافية فقلبها وكيقتلوها وهي حية ، بزاف غيقولو بلي كون كانت مها عزيزة مكانتش غدير فيها هدشي ولكن واش فعلن بوحدها لي كانت مسؤولة على هاد نتيجة واش بوحدها لي كان دنبها ، حتى بعدما دازو سوايع كتار كانت باقة كتبكي عينيها ولاو حمرين او تنفخو) “تا هو مبغاكش أياسمين تا هو مبقاش قاد يصبر عليك” (ناضت من فراشها ومسحات دموعها بيديها او بدات كدابز معا راسها) “لاش كتبكي على لخانز بوه شساوي ݣاع كيخرا بلوقيف متلن ، لمسموم لاخر لحمار قالك مابغيتش نعاود نشوفك شايفني كنموت على جدك ، او مالك مطايحاش فيه ؟ شمن طايحة فيه ؟ متأكدة ؟ وا ماشي شي طيحة ؟ وزايدون باش كيهم لمجحوم لاخر ماخلى مقال ليا غا ولا قاضي تسيف ، تفو تا انا ماجيت فين ندخل لحبس تا ولا قاضي شحال من طحبة دبا غتبقا الضور بيه او حيت هو مفرعن او ماباغيش شي وحدة دايزة لحبس مغيشوفش فيا ، أصلن شكون كيتسناه اشوف فيا خلات عليه الى مخدانيش الف واحد يتمناني ، الالة باز هاد زعطة كاملة او كديري معاه لفعايل تاع لكلاب معلوم ميبغيكش ؟ سكتي نتي اش كتعرفي فلحب كي شتي دبا هو ضايرين بيه غا بنات ناس الى كنت بحالهوم مغنبانش داكشي علاش شيبتو باش يبقا عاقل عليا سعا ولد لطحبة نكرني ، خاسرة على جدو بوستي لولة ومعفر عليا لكلب لاخر انا لي مسطية عاطياه كتر من قيمتو
#عند لغالية#
بعدما خرجات من دار باها تمت راجعة لدار ولكن ملي قربات حبسات طونوبيل او صونات على شيماء تجي لعندها
شيماء : (جات كتجري عند لغالية وهي هازة واحد الساشية ، حلات لباب او ركبات حداها)
لغالية : دويتي معاه
شيماء : واه راه كيتسنانا لهيهة
لغالية : (ديمارات طونوبيلتها ومشات فديك طريق تا حبسات قدام واحد مول لموطور نزلات الزاج او شافت فيه) وصلتي
دري : (نفسو دري لي كان جا باش يخطبها معا واليديه غا هو هاد لمرة كان لابس لباس عاد او راكب موطور قديم) واه عاد دبا
لغالية : (خدات من شيماء ديك ساشية او جبدات منها واحد تستيفة تاع لفلوس او مداتهوم ليه) ها رزقك تا فقنا على ألفين درهم ليك او ألف ألف لواليديك ، ولكن حيت قضيتو ليا لغاراض مزيان ، بصحتك خمسالاف درهم ليك او ألفين او خمسمية لكل واحد فواليديك
دري : (ماقداتو فرحة بلفلوس) الله اقوي لخير فينما حتاجيتيني غتلقايني شكرا
لغالية : شكرا قولها لختك شيماء هي لي ضبراتليك على هاد لبريكول ، او دبا سير تا نعاود نعيط ليك الى حتاجيتك ، هاه ايسيق شي حد لخبار نهار ميطلعش عليك
دري : كوني هانية نخليكوم دبا انا
لغالية : (حضاتو تا بعد عاد تكات على لكوسان مرتاحة او دوات معا شيماء) كل نهار كتعيشيه تفكري شكون واقف موراك (غفلات شيماء او جراتها من عنقها مقرباها لعندها ودوات بتهديد) كنقسم ليك برب لعالي اشيماء ديري معايا هاه ولا هاه غنسيفطك لموتك بيديا ، راني كنتيق فيك دبا او معاوناك باش توصلي لعلاء ولكن تمشي تا تشدي معاه طريق او تبغي تقلبي عليا نقلب على جدك سمعتيني او نرضك لداك لخنز فاش كنتي وهاني علمتك
شيماء : (مرتاحت تا طلقاتها لغالية) كوني هانية الالة عمر لعين تعلى على لحاجب
لغالية : (رجعات بطونوبيلتها لدار بلاصاتها عاد دخلات لداخل ، وقبل نتطلع لبيتها ضربات فلحاجة وصفية و رقية وعزيز كيتسالمو معا دراري او باريزاتهوم حداهوم) غتمشيو ؟
عزيز : واه الى كتاب غنوصلو لحاجة وصفية قبل منمشيو نصافرو
لغالية : الا لحاجة فين غتمشي يالاه جيتي
لحاجة : (مرضاتش) غنرجع بحالي رجلي ولات لاباس او عندي شي غراض نقضيه
لغالية : تأ كنت باغاكوم تزيدو تݣلسو معانا ماسخيناش بيكوم
عزيز : مرة خرى ان شاء الله يالاه بسلامة
هزو حوايجهوم او خرجو بحالهوم راكبين فطونوبيل او شادين طريق
صباح : (غا ودعات لحاجة طلعات كتجري لبيتها تجاوب محسن لي كان كيصوني عليها) الو
محسن : تا قلت راك مقلقة مني وماباغاش تجاوبي
صباح : لا علاش انتقلق منك غا كنت كنسلم على جداتي وعمي كانو غيرجعو فحالهوم
محسن : (بفرحة) هي غيرجع معاهوم تا داك ولد عمك ؟
صباح : لا ولد عمي باقة عندو شي خدمة هنا فكازا
محسن : (معجبوش لحال) مزيان
صباح : مال صوتك تبدل راه مݣالسش عندنا راه عندو دارو فكازا ݣالس فيها
محسن : خلينا منو وقولي ليا امتى غنقدر نشوفك
صباح : شغاتشوف فيا ياك غا هادي تلتيام باش تلاقينا
محسن : شندير كنتوحشك
صباح : (ولات حمرة بحال مطيشة كتحس بقلبها كيدق فحلقها) ومعندي كي ندير نشوفك دبا
محسن : تا خمسة دقايق ؟
صباح : (بقات ساكة مودة عاد دوات) انا غنطلع ليوم عند ماما نݣلس عندها واحد سيمانة صافي
محسن : صافي واخ ستنايني جيهة داركوم غنجي نديك
صباح : ويلى شافك شي حد
محسن متخافيش غنبلاصي بعيد شويا
صباح : صافي واخة هاني غنوض نبدل عليا او نجمع حوايجي
قطعات مع محسن او مشات ديريكت لماريو ديالها جبدات منو لحوايج لي غتحتاج فهاد سيمانة ، دارتهوم فباريزة عاد مشات بدلات عليها بواحد سالوپيط واسع مع فيسة من لفوق او فولار وسنضالة ، عاد هبطات عندهوم لتحت
اكسيل : (شافها مبدلة عليها وهازة باريزتها) بنتي فين غادة
صباح : غنمشي عند ماما نݣلس معاها شوي
اكسيل : مزيان ، تسنايني نوض نجيب سوارت تاع طونوبيل او نوصلك
صباح : ميحتاجش غنشد طاكسي لعندها حيت راها كتسناني بطونوبيلتها نمشيو نقضيو واحد لغاراض
اكسيل : صاف مزيان
صباح : بايباي (تمشات خارجة لبرا وركبات ليها واحد طاكسي وحدها بعدات من دار او بانلها محسن نزلات من طاكسي ومشات عندو) ياكما تعطلت عليك
محسن : لا لقيتيني يالاه جيت تا انا يالاه ركبي نمشيو
صباح : واخ (حلات لباب او ركبات حداه)
محسن : (ضيمارا طونوبيل او تحرك ) فين تبغينا نمشيو ؟
صباح : معرفتش شوفنا نتا شي بلاصة
محسن : واخ انمشيو لشي بلاصة نتغداو فيها
صباح : انا غنصوني على ماما نعلمها لول (هزات طيليفونها وصونات على مها) الو ماما
سناء : صباح
صباح : راني دبا فكازا غندوز عندك نݣلس شي يمات
سناء : غتجي دبا ؟
صباح : لا دبا غندوز نتغدا ونضور شوي عاد انجي
سناء : صاف مزيان غتلقاي ساروت عند لعساس انا عندي لخدمة بليل
صباح : صافي واخة
محسن : (دوا بشوي) سلميلي على نسيبة
صباح : (ضرباتو لكتف يسكت لاتسمعو سناء) سكت دبا تسمعك
سناء : صداع حداك واش راك معا شي حد
صباح : لا راني راكبة فطاكسي داكشي علاش يالاه بسلامة
سناء : بسلامة
صباح : (قطعات معا مها وعاودات ضربات محسن)
محسن : (شد لبلاصة فين ضرباتو) آح شهاد لخباطات عندك
صباح : (عاودات ضرباتو) تستاهل على ديك ضسارة لي فيك كون سمعاتك
محسن : ههههههه ماشي حشومة عليك انا بغيت ندير غا صواب معا نسيبة ولا خفتي توصل سلامي لنسيب
صباح : سلامك كان غيوصل غا ليها مغيوصلش لنسيبك حيت راهوم مطلقين
محسن : (حس بنبرة صوتها تبدلات شوي) طلاق كيكون احسن قرار كيتاخدوه جوج متفاهموش
صباح : زعما
محسن : من طبيعة لحال طلاق حسن من انهوم يبقاو اجرحو بعضياتهوم ، او دبا ها حنا وصلنا نزلي
صباح : (نزلات من طونوبيل هي لولة وتسناتو تا بلاصا عاد لحق عليها)
محسن : (هبط من الطونوبيل او هو حاط عينو على واحد لولد كان حاضي صباح منين نزلات من طونوبيل ، مد يديه او حطها على ضهرها دوافعها بشوي باش تزيد) يالاه
صباح : (تسمرات فبلاصتها ملي حسات بيديه على ضهرها) و واخ
دخل هو وياها لواحد لقهوة شدو ليهوم واحد طبلة مقنة
محسن : شنو بغي تاكلي
صباح : معرفتش عمرني جيت لهنا طلبلي نتا على حسابك
محسن : انا غنمشي نجيب مناكلو من عندهوم لتحت او نرجع بزربة
صباح : (مشى محسن اجيب ليهوم مياكلو فحين هي بقات ݣالسة بوحدها تا وقف عليها واحد دري)
دري : (كان نفسو داك لي كان حاضيها من قبيلة ملي شافها دخلات لقهوة تبعها مخلي طيليفونو عند صاحبو برى ، و حدو شاف محسن بعد مشى قرب ليها ودوا بصوت مأدب) واخة عافاك تعطيني طيليفونك ندير واحد لمكالمة ضرورية
صباح : (توترات شوي معرفات مادير معاه خافتو يكون شي شفار ولا شي حد كيضحك)
دري : (دوى بتوتر) تا صل بيا شي ناس كنعرفهوم او قالولي بلي مو هزوها لسبيطار او صوناو عليا انا حيت معندهومش نمرتو ، ونا معنديش الصولد باش نصوني عليه داكشي علاش قصدتك
صباح : (ملي حساتو مكيكدبش او تا يديها كيرعشو عطاتو الطيليفون فلبلاصة)
دري : (دار لمكالمة ديالو حداها ورض ليها طيليفون ملي سالا) شكرا بزاف او سمحيلي صدعتك
صباح : لعفو مكاين تا موشكيل
دري : نخليك دبا بسلامة
صباح : (بتاسمات ليه) بسلامة
محسن : (بان ليه داك دري هابط من دروج كيفرنس مفهم والو ياك كان لتحت ايمتا طلع لفوق ، بزربة خدى غداهوم او طلع بيه لفوق عند صباح ، حط قدامها طباسل او ݣلس مقابل معاها) جا عندك شي حد ملي مكنتش ؟
صباح : واه علاش
محسن : واش داك دري لي شفت هابط معا دروج ؟
صباح : واه هو
محسن : لاش جا بسلامة
صباح : (بانلها محسن معصب شوي) جا بغا يدير شي مكالمة لصاحبو
محسن : وعطيتيه طيليفونك ايصوني منو ؟
صباح : معلوم عطيتو راه كانت ماين صاحبو فسبيطار أو باغي يعلمها
محسن : ونتي تيقتي هاد لكدبة ديالو وعطيتيه طيليفونك
صباح : مفهمتش مالك امحسن نعطيه طيليفوني ونا نݣلس ، دري حتاج مساعدة عاونتو
محسن : ياك الحاجة عاونتيه كدب عليك تيقتيه شمن صاحب هادا علامن كان باغي يصوني وصاحبو ݣالس معاه ، او ملي الحاجة عزيز عليك ديري لخير تال هاد درجة كنتي تعطيه طيليفوني لاش مخليهليك انا
صباح : باش غنعرف انا بلي كيكدب او زيدون باينة فيه ولد ناس ممحتاجش يكدب كون بغا نمرتي كون قالهالي
محسن : (فضل يسكت) هاني ساكت نتي تعرفي
صباح : دبا غادي تحرم عنا هاد لغدا ولا شنو
محسن : ممحرم عليك غدا موالو ها لماكلة قدامك
صباح : واه ها لماكلة قدامي ونتا قالب عليا سيفتك
محسن : مقالب عليك بو سيفتي انا عادي غا كيبان ليك
صباح : (شافتو رجع كياكل فسكات ، سد ليها شهية ماشي هادا هو لجو فاش كانو ݣالسين طلع ليها دم لراسها بان ليها عاطي لموضوع كتر من قيمتو ، شافت تا عيات هي تبدا ماكلتها تا هي فسكات تا سالات)
محسن : (حس براسو تكالما) فين تبغينا نمشيو ؟
صباح : (شافت فيه بهدوء) انا غنرجع لدار مغنمشي معاك لتا قنة
محسن : علاش ؟ ياك تافقنا نمشيو نخرجو مجموعين
صباح : خرمت مرشقاتليش نمشي لتا بلاصة باغة نرجع لدار
محسن : على قبيلة سمحيلي راني غا تعصبت حيت خليتي داك زمر ياخد نمرتك
صباح : شغلك هاداك تعصب ولا ݣلس قلنا نجيو نتغداو بجوج هجرتيه لينا ، ودبا نوض وصلني لدار
محسن : (عرفها مقلقة منو) على خاطرك
ناضو بجوج نزلو لتحت محسن خلص لغدا انا صباح سبقاتو لطونوبيل تا لحق عليها محسن ، ضيمارا وشد طريق تال دارها عاد حبس
صباح : (مدواتش معاه ݣاع طريق كاملة وملي وصلها حلات لباب او هبطات) بسلامة
محسن : (مدارتليه فين ارد السلام تا لقاها مشات دخلات لعيمارة ، شاف تا عيا ودور طونوبيلتو راجع فحالو تا هو لدار)
صباح : (دخلات لدار وبقات بلي سناء باقي مخرجات) ماما
سناء : جيتي بكري لا ؟
صباح : مابقاش عندي لخاطر لدوران داكشي علاش غا تغديت او رجعت نتي اتخرجي دبا
سناء : لا باقي تا توصل وقيت لعشا
صباح : غتخرجي تعشاي على برا ؟
سناء : واه معروضة لواحد لعشا مع صحاب لخدمة
صباح : مزيان ، انا غندخل لبيتي ندوش عليا ونعس شوي
سناء : صافي واخ ملي نبغي نمشي غنفيقك
صباح : (دخلات لبيتها ودوشات ليها واحد تدويشة فاعلة كيبان راسها مزيان ، عاد خرجات بعدما دوزات ديك 3 تاع سوايع ، نشفات شعرها وبدلات عليها ومشات تخشات فراشها ، ولكن قبل متنعس طفات طيليفونها) محرم عليا لغدا ولد لهم
#بعد 6 تاع سوايع#
فاقت صباح على تعياط تاع مها
سناء : صباح فيقي راك نعستي بزاف او مغيجيكش نعاس بليل
صباح : هاني فاقت هاني (خرجات عند مها وهي باقة مدوخة بنعاس) هاني فقت هاني
سناء : (كانت موجدة راسها ، ولابسة ليها كسوة فوق ركبة بشوي لاسقة عليها بلون لكحل ولكن حيت فورمتها زوينة جاتها فنة او فوقها دارت مونطو طويل ، دارت ماكياج خفيف) كي جيت
صباح : متأكدة غادية تعشاي مغادياش طيحي لباشار هه
سناء : هههههه بجوج
صباح : ديريلي غا نتزوج انا بعدا عاد ضبري على راسك سبقتيني مرة وباغة تسبقيني مرة خرى
سناء : هههههه نخليك دبا (صيفطات ليها بوسة فسمى ومشات خرجات بحالها)
صباح : (مشات دخلات لبيتها هزات طيليفونها شعلاتو ولقات 20 آپيل من محسن او واحد لمساج ، دخلات لميساج تقراه لقاتو كاتب ليها “نزلي لتحت خليتليك شي حاجة عند لعساس”) شنو غيكون خلى زعما
طلات من شرجم مبانتليهاش طونوبيلتو ولا هو ، صبرات تا عيات ولكن لفضول قتلها دارت عبايتها وزيفها وهبطات لتحت
صباح : عمي ناصر (سميت لعساس) لباس عليك
ناصر : لابس لحمد الله ابنتي ياك نتي هي الضيفة تاع مدموزيل سناء
صباح : واه هي انا كنت باغة نسولك واش مخلاليش شي حد شي امانة هنا
ناصر : واحد دري داير كاسكيطة وقب جا وصل ليا هاد ساشية باش نعطيها ليك
صباح : شكرا اعمي ها حقك من واحد لحلوة صايبتها
ناصر : (شد من عندها الطبسيل) الله يخلف عليك أبنتي
صباح : نشوفو شجابنا (خدات من عندو ديك الساشية او طلعات لدار بزربة ، ݣلسات فوق لفوطوي او جبدات واحد لكارطونة كبيرة من ديك الساشية حلاتها ولقاتها واحد لحلوة تاع لاݣريم لاكريم ، مدات يديها مرة خرى لساشية ولقات واحد لباطة صغيرة حلاتها ولقات فيها واحد كولونيا حيدات ليها لغلاقة وشماتها وبدات كتفرنس كي لهبيلة) هههههه آح على ريحة شحال فنة بحال مولاها ، هههههه نمشي نجيب لمعيلقة باش ناكل من هاد لكيكة كتشهي
مشات طايرة جابت لمعيلقة ونزلات على ديك لكيكة تا ضربات فيها نص تقريبا او مقاطعها غا طيليفونها لي كيصوني
صباح : (جاوبات محسن او هي كتندغ) الو
محسن : كتاكلي لكيكة لي جبتليك
صباح : (نكرات) لا علاش غناكلها انا مكتعجبنيش لحلوة
محسن : علاه فايتليك دقتي لحلوة من قبل تا مكتعجبكش
صباح : (على نيتها) ضقتها علاش مضقتهاش او ممرة ماجوج منين كنت صغيرة ونا كناكل فيها
محسن : هههههههههه
صباح : مالك كضحك
محسن : هه احن والو ، واخة تكوني شبعتي حلوة حلوتي مكاينش محسن منها وخلي حق نسيبتي راك ضربتي نصها غا نتي الهيشة
صباح : انا هيشة ؟ ايوا شوكرا بسلامة غنقطع
محسن : لا لا متقطعيش غا ضاحك معاك نزلي باغي نشوفك
صباح : تأ مفايا لي ينزل
محسن : يا نزلي يانطلع عندك وحدة من جوج
صباح : هاني نازلة بلا شوها (قطعات عليه او مشات طايرة بدلات عليها بواحد لكسوة طويلة بليدين او فولار عاد مشات هزات ديك الريحة ساطت بيها ليديها عاد هبطات لتحت عندو)
محسن : (كان كيستناها حدا لباب تاع لعمارة )
صباح : (غا شافتو كيشير ليها مشات كتسربي عندو جاراه لبعيد) باغي تخرج عليا نتا مافيهاش الى شافك شي حد فين غنوليو
محسن : هاحنا بعدنا الحاجة ، أجي درتي من ريحة لي جبتلك
صباح : لا
محسن : متأكدة ؟ حيت بنتيلي عمتي بيها
صباح : شمن عمت بيها كنت باغة غا نشم ريحتها صدقت راشاها ليدي
محسن : زعما زعما غا يديك
صباح : وله هاه شم راها غا فيدي (مدات يديها مقرباها ليه لوجهو)
محسن : (عينيه نحطو على يديها او ريحتها طلعات معاه تا دوخاتو)
صباح : (هيا براسها سهات فيه ولي فيقها من سهوتها هو لعضة لخفيفة لي دار ليها محسن اوسط يديها ، حسات برعشة سارية معاها)
محسن : (سيد داخ بعد على يديها او قرب عندها تا تلاسق معاها وبدا كيتحنا عندها ناوي يبوسها ولكن قبل ميقرب لفمها حبس او بعد عليها مدور وجهو كيكحب من لاحراج) احن
صباح : (تلفات بيها دنيا او ولات حمرة وقلبها كيضرب فمعدتها ، قمت لاحراج حسات بصهد او ملقات تا متقول) صهد ليوم بزاف
محسن : بزاف ݣاع (بانوليه ناس دايزين بجاكيطات تا واحد ملابس توني حيت تحرك لبرد شوي فهاد ليامات ، ولكن معا لقطة لي وقعات ليهوم تقوليه تا تلج اقولها واه) ايمتا غتبداي لقراية
صباح : هاد السمانة لا السمانة الجاية
محسن : هاكداك ، شحال من عام باقي ليك باش تخرجي
صباح : بقالي واحد عام
محسن : مزيان مبقاليك والو
صباح : احن انا غنمشي نرجع لدار قبل متجي ماما بسلامة
محسن : بسلامة
صباح : (زادت واحد بخطوات قلال او حبسات ضايرة عندو)
محسن : (شافها راجعة عندو قال واش نسات شي حاجة ولكن قبل ميدوي عنقاتو )
صباح : (عنقاتو بزربة ودغية بعدات عليه) شكرا على الريحة
محسن : (مدارت ليه فين أدوي تا لقاها طارت او دخلات لدار)
صباح : (بقات حاضياه من شرجم تا ركب طونوبيلتو ومشا وهي غا كتلهت ، شدات طيليفونها وجاوباتو هو لي كان كيصوني عليها) الو
محسن : معنقاني وهاربة شنو زعما
صباح : (تمنات لارض تشق او تقطع عليه مجاوباتوش ݣاع)
محسن : (عاجبو لحال اشد فيها) شتك ضربتي طم تبغي شي تعنيقة خرى ازين
صباح : باركة المرض من طنز
محسن : هههه الى مطنزتش عليك علامن غنطنز
صباح : شبع طنيز معا راسك انا غنقطع بسلامة
محسن : ستناي متقطع . قطعات بنت لهم عليا
صباح : (حدها قطعات مع محسن صيفطاتلها واحد النمرة ميساج فلواتساپ)
°سلام°
صباح : °وعليكم السلام شكون معايا ؟°
°انا دري تاع قبيلة لي طلبتليك طيليفون على قبل لمكالمة°
صباح : °آه نتا هادا هانية ؟ °
°هانية لحمد الله ونتي لباس عليك°
صباح : °لابس لحمد الله°
°الصراحة بغيت نجيك نيشن انا كنت حاضيك منين دخلتي لديك لقهوة والصراحة عجبتيني او مكرهتش نتعرف عليك°
صباح : (هالي قالت شوافة محسن) °سمح ليا ولكن منقدرش نتعرف عليك ؟°
°علاش ؟ واش على قبل داك دري لي كان معاك قبيل بيناتكوم شي حاجة°
صباح : °مكنضنش أنو خاصني نشرحليك علاقتي الشخصية بسلامة° (بلوكاتو من لواتساپ او بدا كيصوني عليها فلعادي بدات كتقطع عليه او بلوكاتو مرة خرى)
#بعد 3 ايام#
كيف إعادة وكيف كل نهار منين جات صباح تݣلس عند مها كانت هي ومحسن كيخرجو كلى نهار اضورو ، محسن مكيخليها تحط تا درهم لي ولي عجباتها يشريها ليها ، وهاد لمرة كانو ݣالسين فواحد لقهوة جنب لبحر
محسن : (لاحض بلي صباح هاد ليامات كاملين او طيليفونها مكيزكاش بصونيط ولا حتى لي ميساج ملي كيسولها كتهرب فلبلاصة)
صباح : (داك زمر كل مرة خارج ليها بنمرة تا سيبها عيات تبلوكيه عيات تجمعو او هوا والو لاسق مقدات تقولها تال محسن حيت هضرتو طلعات فمحلها حصلات ، شافت تا عيات هي تنوض) حياتي انا غنمشي لحمام
محسن : واه سيري غا هو فين داية طيليفونك معاك لحمام تا هو باغي يدخل لطواليط ولا هههه
صباح : (توترات او حطات طيليفون) هههه غا ولفت نديه معايا فينما مشيت او صاف
محسن : (حدو شافها غبرات هز طيليفونها ودار بكود لي ولا عارفو او دخل لميساجات جداد كيقرا ، صبر تا عيا هو يكتب ليه ميساج كرد لآخر مساج ديالو لي كان عبارة على °شوفي عطيني غا واحد لفرصة غنعجبك حسن من داك رويجل معامن كاينة عافك°) رويجل ؟ ههه هاحنا غنشوفو °قلايلي نعطيك غا واحد لفرصة واخة°
دري : (متيقش تا بلي ردات عليه) °واه فرصة وحدة خلينا نتلاقاو°
محسن : °واخة نتلاقاو فلبلاصة لفلانية *** معا لخمسة دلعشية°
دري : °صاف غتلقايني تما كنستناك 😘❤️°
محسن : (مسح دوك لميساجات او رد طيليفون لبلاصتو وتسناها تا رجعات)
صباح : تعطلت عليك ؟
محسن : لا متعطلتيش ، ݣلسي كملي ماكلتك باش نوصلك
صباح : (ݣلسات او طلات على طيليفونها قبل متشوف فيه) توصلني ؟ علاه متافقناش نمشيو بجوج لبحر ؟
محسن : كخخ سمحيلي والله ، صوناو عليا من لݣاراج خاصني نمشي نقاد واحد طونوبيل
صباح : آه صاف معليش نتا غا سير لخدمتك انا غندوز عند ماما عاد غنرجع لدار
محسن : صاف واخة يالاه بسلامة (ناض خلص داكشي لي كونصوماو او مشا طاير لطونوبيل ، هو طيليفونو او صونا لجود) لعشير
مجد : لبوليسي ديالنا
جود : دير اوط پاغلوغ ونتا دايزلي على طيليفوني
محسن : دراري محتاجكوم فواحد لبلان ضاروري
مجد : شمن بلان فلبلانات
محسن : واحد سيد خصني نكرمو او بغيتكوم تقومو معايا بالواجب
جود : حنا فلخدمة غا هو شمن نوع تاع لكرم نديرو ليه ، سلخة لكلاب ، نتيف دجاجة ، فريع جرانة ، شواية لحوت
محسن : ديرلي من كولشي شوية شوية
مجد : قول بغيتي ليه كوية لحمار
محسن : تماما
جود : على هاد لحساب لقضية فيها لمادام
مجد : لمادام ؟ درتيها اولد لواسعة ؟
محسن : من بعد من بعد ، ربعة ونص نلقاكوم كتسناوني ف**** اوكي
جود : اوكي حسبنا عندك
#بعد 2 سوايع#
كان كل من محسن او مجد او جود لابسين قبيات او دايرين ديك الطابلية تاع شقا وكيتسناو فداك خينا يجي
دري : (جا لبلاصة لمعلومة لي كانت عبارة على واحد لقهوة صغيرة جنب لبحر ، تقدم فإتجاه لباب ديالها ودخل ليها كانت كتصفر مافيها تا حد) كاين شي حد هنا
مجد : (كيهمس لمحسن) نفخ صدر او خنزر او كشر سنان وريه بلي راك راجل مغيار متزادش هادا لي يهز لعين فمرتك
محسن : (على نيتو كيدير داكشي لي قاليه مجد)
مجد : هاكداك او دبا قول هاو
محسن : (شحطو لفم) حاشاك الكلب انا على نيتي متبعك ونتا كطنز عليا
جود : غتخليو ضيفنا يستنا مناويينش تمشيو تكرموه
محسن : (قاد مشيتو وخرج متقدم عليهوم او هوما موراه) منسالكش جيتي
دري : (شاف فيه معجب او قشع بلي هو نفسو دري لي كان معا صباح ) ننتا لي سيفطيلي داك لميساج
محسن : (مصدوم) ويلي كي درتي تا عرفتي بلي انا ، لا لا تستاهل على الدكاء ديالك شي تسفيقة دراري سفقو على لعالم ديالنا (دراري ماشي من لمعݣازين هزو يديهوم او بداو كيسفقو ليه)
دري : (دخلو شك فيهوم ولكن باقي دافع الجبهة) لاش جبتوني لهنا ؟
مجد : جبناك باش نكرموك او نديرو معاك صواب
دري : وشنو مناسبة هاد صواب بسلامة
جود : هههه بمناسبة انك حطيتي عينيك على شي حاجة ماشي ديالك
دري : هههه هاه قولي راك داوي على صاحبة صاحبك
محسن : مكتنكرش أنك حطيتي عليها لعين
دري : معلوم شكون هادا لي غيشوفها ومغيحطش عليها لعين غايلى كان عمى واخة غا صوتها اعشقك فيها بلاما يشوفها (غمز محسن او خاطبو باستفزاز) واتويشية عندك هادي متسلفهاليش
محسن : (نفاجر بضحك) هههههههههه واع واش سمعتوه سيد ماشي غا دكي عندو تا معا لفكاهة هههههههههه قالك نسلفهالو
جود : (همس لمجد) سيد بداها ضحك غيساليها دم ، خلينا نبعدو لا نوسخو حوايجنا
مجد : (بعد هو وجود على محسن او جرولهوم واحد جوج كراسة ݣلسو عليهوم او خداوليهوم شپس باش ياكلوها)
دري : (ماجا فين افهم علاش محسن كيكركر تا وقف عليه وعطاه بواحد الروصية دوخو ، رجليه خواو بيه او طاح لارض شاد نيفو لي كان كيسيل بدم) واش تصطيتي نتا واش معارفنيش شكون انا
محسن : (تلاح عليه بركول قبل ميهبط عندو او يشدو من شعرو) عارفك مزيان شكون نتا تبغيني نقولك شكون نتا (عطاه واحد لكروشي لوجه) نتا واحد زا*مل حط عينو على مرتي (مع كل جملة كيعطيه كروشي) نتا واحد قليل ترابي طمعتي فحاجتي ، نتا واحد ولد لكلبة تجرأ يتشهى مرتي بلى حشمة بلا حيى ، ولكن والله لا دوزتها لجدك هاد لعينين باش شفتي فيها انا لي غنقادلهوم شغل (ناض من فوقو مخليه كيترعد ولا طالب غا سلاك منو ، اما سيهوم محسن فماناويش يتفاك هز واحد لحامضة كان موصي دراري يجيبوها ليها قسمها على جوج او عصرها ليه فعينيه تا ولا كيتقلب بلحريق) لعينين لي يتحطو على حاجتي نحيدهوم لمولاهوم من جدر سمعتيني ايوا قيلني عليك راني منسواش
جود : (كان هو ومجد غا كيتفرجو عاجبهوم لحال فسلخة لي خلى داك دري منهوم ، لي تبسل على شي بنت الناس او برزطها هاش خاصو ) صافي امحسن بعد عليه راك سخفتيه
مجد : واه بعد عليه راه جات نوبتي انا
محسن : (حيد على دري او مشا ݣلس حدا جود ياكل زريعة معاه ، مخلي مجد نايض عند دري)
مجد : (هز واحد السمطة فيديه او بدا كيلعب بيها) غندوزو لواحد لفقرة انا شخصيا كتعجبني غنعطيك سؤال ونتا غتجاوبني جبتيه صحيح غنخليك تمشي بحال غلطتي انسلخك
محسن : عمي اكسيل خرج من مجد
جود : ههههه واخة ميكونش لواليد تأتير ديالو كيبان فهاد لمواقف
مجد : نبداو على بركة الله كنتي آسيدي راكب فواحد طران فميريكان ركبو فيه 500 او نزلو منو 100 معا لعلم أنو طران لونو حمر اجل على السؤال تالي كم عمر السائق ؟
دري : (كان متبع معا مجد طالب الله اسولو شي سؤال ساهل اجاوب عليه او يمشي فحالو سعا هيهات) هاه ؟ باش غنعرف انا
مجد : الى معرفتيش نتا شكون غيعرف (نزل عليه بواحد الشحطة وعاود سولو) هاني غنسهل معاك دبا فين غادي هاد طران ؟
دري : (شداتو لبكية) باش غنعرف انا افران ؟
مجد : لاواه موريزݣو (عاود شحطو) هانا غنزيد نسهل معاك شنو سميت داك لي تفوه فلخر تاع طران
دري : (كل مرة كيعطيه امل او كيفشلو)
مجد : (عاود سلخو ) انا غنبدليك من طران بصفة عامة ونعطيك سؤال غيعجبك ، لي نفريض كنتي دايز قدام واحد الجردة او دازت قدامك واحد لبنت لابسة جلابة كحلة مئيڤازية جاتها ناضية السؤال لمطروح شنو اللون تاع سليپ لي غتكون لابسة
دري : (بشك) ك.كحل ؟
مجد : هههه جواب صحيح ولكن والله تا نسلخك (نهم عليه بواحد خمسة تاع شحطات عاد دوا) واش الزا*مل بوك واكل قتلة تاع لكلاب على قبل بنت او باقي كتجاوب على شمن لون تاع سليپ لابسة ، يالاه نوض قود على سلامتك
دري : (هز كغو ومشا كيعرج مضرݣ زلافتو)
محسن : جود مغتسلخوش
جود : انا خاطيني لعنف راني قاضي زعما ههه
مجد : يخ تفو سخفني
جود : امنسالكش العشير كتستافد من سوايع تاع لواليد
مجد : معلوم ولكن والله تا دابة عاد حسيت بديك الراحة باش كيحس لواليد ملي كيسلخنا ، كيحيد بينا سطريس
جود : ايوا اسي محسن شهاد لغدر
محسن : شمن غدر ؟
جود : مضبر او حنا آخر من يعلم شبلانك
محسن : هههههه واقلت تا نرسي لأمور او نقولكوم
مجد : هي ناوي ضربها بشي تزويجة
محسن : انا مكرهتش ولكن هي باقي
جود : وعلاش
محسن : سيد بدرع باش قنعتها تكون معايا وزواج باقي خاصني نشحف عليه
مجد : ههههه قولي صداتك وعلاش بسلامة
محسن : احن حيت صغير عليها
جود : ماتقوليش أصاحبي ولاو اعجبوك لميمات
محسن : الله يستر شمن ميمات راها كبر مني غا بعامين
مجد : عاماين كي والو ، كنعرفوها ؟
محسن : لا مكنضنش
جود : الله اكمل عليك بلخير غا هو نهار لخطبة رجلي برجليك
محسن : الله أودي نتوما لولين
مجد : شوف خطب ورجع اللور تا نتزوجو حنا لي كبر منك عاد تبعنا نتا
محسن : تا واش تخورتي خاصني غا نجمع ليا شي فلوس او هي تقول واخة ومنعقلش على زا*مل بوكوم
جود : غيديرنا بحال لبنات كيتزوجو بلى عليم او طيبلوكيو صحاباتهوم حقا مات حقا كولشي جا مزروب
مجد : الله يعميها لجدك تبلوكيني نخصر لجد باباك ضواصا معاها او نوريها تصاورك معا لبنات
محسن : شمن بنات بسلامة ؟
جود : شمن بنات ؟ نسيتي ولا نفكرك فاش كانتي غتزعم على ديك مريم لي كنا كنلقاوها فلبار ديما
محسن : (خصر سيفتو) تفو شوفو علاش عاقلين سكرة كانت دايرة فيا مابغات تا خلاتني نشوف فديك زمرة
مجد : بغيتي تقول فداك زمر ياك
محسن : سكت لاش مفكرني راه باقي فيا لحرقة لدابة شفت صدر مبندر قلت الله على جمال رباني ، سعا صدق جمال نيت شخصيا لي مركب صدر او ناسي تب ولد طحبة
جود : ههههههه اباش عند ملتك زهر واخة كنتي سكايري مكانش عندك معا لبنات فليالي
محسن : (باس يديه من لفوق او لتحت) اللهم لك لحمد تبنا من ديك طريق اما اخرتنا معالم بيها غا الله
مجد : دراري شبانلكوم نضربوهانا بشي تسافيرة هاد لويكاند
محسن : منرضهالكش فوجهك
جود : هاد لجو ديال الشمال
مجد : اح على داك الشمال تا لمعيور فيه بحلاوتو
محسن : حنا غادين نفوجو ونتا سير جيب معاك شي عايلة صافي
جود : ههههه تا شكون تقبل بيه سيد شروطو عاليا قالك ميتزوج لوحدة تا تكون قادة تسلخو
محسن : على هاد لحساب عليك ببدر هاري
مجد : هههه صافي نشدو طريق هاد ليلة باش صباح دسبت نصبحو تما
جود : صافي مشات
محسن : نمشي نقود تا انا نجمع حوايجي
جود : بلاتي شمن حديد فاش غنمشيو
مجد : غنمشيو فطونوبيلة لواليد
جود : تا هادا نضار
محسن : يالاه بسلامة نمشي نخليكوم
جود : تهلا
مجد : بسلامة
خرج محسين هو لول ركب طونوبيلتو عاد تبعوه دراري
#عند صباح#
كانت رجعات لدار لي كانت خاوية حيت سناء فلخدمة ، بدا طيليفونها كيصوني
صباح : (كان اكسيل لي مصوني عليها) الو بابا
اكسيل : (دوا بهدوء) خوتك كاينين فكازا غيدوزو عليك منهنا شوي رجعي معاهوم
صباح : (مفهمات والو) ولكن درنا تال تنين عاد غنرجع
اكسيل : صباح راني دويت معاك قتلك خوتك غيدوزو عندك رجعي معاهوم او صاف يالاه بسلامة
صباح منين قطع عليها اكسيل حسات بلما جمد ليها فركابي من طريقة باش هضر معاها كانت فشكل زعما يكون عرف ببلانها معا محسن ناري اويعرف لقيامة غتنوض ، ناض بزربة جمعات حوايجها او صونات على مها علماتها قبل متنزل لتحت تسنا دراري
#عند جود#
كان حيصوݣ طونوبيل تا صونا ليه طيليفون هزو بزربة او جاوب
جود : الو لواليد
اكسيل : نتا باقي فكازا ياك
جود : واه باقي علاش محتاجة شي حاجة
اكسيل : دوز جيب ختك غترجع معاكوم
جود : ولكن صباح
اكسيل : جود دويت معاك
جود : صافي واخة
مجد : (تسنا تا قطع جود لاتصال عاد دوا) شواقع ؟
جود : مواقع والو غا لواليد قالي ندوز على صباح نردوها معانا يمكن بغات ترجع
مجد : هاكداك
جود : (مشا بطونوبيل تا وقف قدام صباح لي كانت كتسناهوم تما او صدقات تا سناء كانت حداها ، هبط هو ومجد لعندهوم) ماما لاباس
سناء : (عنقاتو) لاباس ونتا صاڤا
جود : صاڤا
مجد : (قرب عند سناء او باس ليها يديها غامزها فآخر كلامو) مادموزيل سناء شهاد زين كامل تكايسي عنا
سناء : (كضحك معنقاه) ههههههه باقي مابغا يهديك الله دير عقلك
مجد : شندير نتي سبابي مطيرالي عقلي
سناء : هههههه الله يعفو
جود : لوليد نخليوك دبا بسلامة
مجد : أمي إلى اللقاء
صباح : (بعدما ودعات مها مشات ركبات معا دراري فطونوبيل او رجعو بحالهوم لدار ، نزلات من طنوبيل او مشات دخلات نيشن لداخل عند لغالية و اكسيل) السلام
لغالية : (كانت كدوز جفاف لرحبة) صباح ؟ رجعتي علاه مقلتيش غتبقاي تال تنين
صباح : داكشي علاش كنت عوالة ولكن بابا عيط ليا قالي اجي (قربات عند لغالية او همسات ليها) زعما يكون قشعني ؟
لغالية : أويلي على قشعك او باقي لعجاجة مناضتش
صباح : نخاف غا يكون هاد سكات هو لهدوء ما قبل العاصفة فين بابا ابعدا
لغالية : راه فلمكتب ديالو
صباح : خدى قهوتو ؟
لغالية : لا راه يالاه لقيتيني ساليتها و بغيت نطلعها ليه
صباح : انا غنطلعها ليه
لغالية : واخة
صباح : (مشات لكوزينة او خوات لقهوة فلكاس او طلعات عند اكسيل لفوق تعطيها ليه ، دقات لباب جوج دقات قبل متحلو أو دخل) بابا
اكسيل : (مشغول معا لكارني دلحسابات) صباح دخلي
صباح : (حطات قدامو لقهوة) ها قهوتك
اكسيل : (تبسم فوجها) شكرا
صباح : كنتي زربتيني باش نرجع واش محتاجني فشي حاجة
اكسيل : غا توحشتك او قلت تجي عندي ولا ياكما مخاصنيش نتوحش بنتي
صباح : ههه تا انا توحشتك (باستو من حنكو او ضارت باش تخرج تخليه يخدم على خاطرو ، ولكن قبل متفتح لباب جمداتها هضرتو)
اكسيل : حلاوة لحرام حلاوة او تامانو مرارة ، و لي اصلو ذهب أبنتي كيتشلل غا بدهب أما لامشا تا تشلل بلقزدير مانعودوش نفرقو بين بنات ذهب او بنات لقزدير
صباح : كون هاني (خرجات من لبيت ديالو وهي مفاهمة تا وزة ولكن حاجة وحدة مناش متأكدة أنو باها شم ريحة شي حاجة ، داكشي علاش خاصها تسيقو لخبار قبل ميسيقلها هو لخبار ، رجعات لبيتها وبدلات عليها بزربة وهبطات عند لغالية تعاونها)
لغالية : (كانت كتصايب فواحد طورطة)
صباح : زين شتك محيحة على طورطات كاينة شي مناسبة
لغالية : غا تشهالها ليا خاطري وصاف
صباح : درتي تا لحلوة ؟
لغالية : درت واحد لعجنة تاع لݣرݣاعة او شي فقاص مالح او حلو او شي كعب لغزال باش نصيفطهوم لولد عمك علاء
صباح : هاكداك واش دراري لي غيوصلوهوم ليه
لغالية : لا دراري راهوم جمعو حوايجهوم او مشاو مسافرين ، شيماء هي لي غدوزهوم ليه منها نيت تجمعليه شوي الدار او دوز على واليديها تشوفها
صباح : هاكداك ، كاين ماندير لك ؟
لغالية : لا صافي راني ساليت انحطها غا فتلاجة تبرد سبقيني نتي لصالون شدينا شي مسلسل
صباح : اوكي (خرجات من لكوزينة ومشات نيشن لبيت تاع تلفازة ݣلسات فيها شادالها واحد لفيلم)
لغالية : (حطات ديك طورطة فتلاجة او ضارت شافت فشيماء لي كانت كتستف لحلوة فلباطات) شوفي نتي غتوصلي ليه هادشي او غتخملي ليه شوي الدار او تصايبيليه لعشا وخليه هو لي يوصلك
شيماء : ولكن كي غندير نخليه اوصلني
لغالية : نتي غا تبتي ورزني وكوني على طبيعة شيكي نسايه او لعياقة تا هي بيني ليه بلي راك بنت جاية دير غا خدمتها او تمشي ، او حاجة عنداك ايقولك راسك ديري معاه دوك حركات لإغراء و الله تا تخرجي على راسك سيري ديري خدمتك او نساي شي حاجة سميتها طيحيه الى بغيتي توصلي لداكشي لي بغيتي ، حيت هادا معامن كتعاملي راه علاء آيت اوسو لي معروفين بلي مكيهزوش لعين فأي وحدة او خاصك ماتكونيش أي وحدة باش توصلي لقلبو
شيماء : (كانت بحال داك لقراي دلقيسم لي قالتها لغالية كتسجلها عندها) كوني هانية
خدات شيماء دوك لباطات فواحد الساك او بدلات عليها بحوايجها لي موالفة كتلبس قميجة مع سروال دجين ، جمعات شعرها سفنجة او مشات ركبات الطاكسي متوجهة لعنوان لي عطاتها لغالية ، طلعات مع ديك لعمارة تا وصلات لاخر پرطمة لفوق او دقات لباب
علاء : (لي كان فهاد ليامات كاملة ماشي تال لهيه ماعندو ݣانة لتا حاجة ، سمع دقان فلباب ديالو او ناض احل لباب) شكون ؟
شيماء : (ملي شافت علاء خارج عندها بتيشورط او شورط تاع الدار ، ريحتو سابقاه ، حسات بقلبها باغي يخرج من بلاصتو ولهضرة تلفات ليها) أ أنا شيماء لغالية لي سيفطاتني عندك
علاء : آه لخدامة ، دخلي (حيد ليها من لباب مخليلها لمجال منين دوز)
شيماء : (دخلات لدار أو حطات دوك ساشيات فوق طبلة) هادي شي حلوة قاداتها لغالية على حساب
علاء : ( عينيه ماكانوش كيشوفو فيها ݣاع ) راها قالتها لي فطيليفون
شيماء : فين جات لكوزينة عافاك باش نوصل ليها هادشي
علاء : راها على ليمن ديالك
شيماء : (هزات دوك الساشيات او دخلاتهوم لكوزينة شي حطاتو فتلاجة او شي حطاتو غا تما ، عاد مشات لپلاكرات حلاتهوم أو خدات من عندهوم ليپغودوي تاع تنظيف ، دارت عليها الطابلية او لبسات ليها الليݣات و بدات بلكوزينة هي لولة ، حكات لمجامر او لماعن او مشات الزاج او الزليج او تلاجة تا ردات لكوزينة كتشعل ، او خرجات تكمل لبيت لجميع تا سالات هي ترد داكشي ݣاع لي ستعملاتو لبلاصتو ، عاد طلعات عند علاء لبيت دقات عليه)
علاء : (لي كان طلع ݣلس فبيتو باش اخلي شيماء دير خدمتها على راحتها ، بقا خدام على لپيسي ديالو تا دقات عليه شيماء فلباب ، حط داكشي لي فيديه او مشا حل ليها لباب) واش ساليتي
شيماء : واه ساليت جميع او جيت غا نسولك شنو تبغي لعشا
علاء : بلاما تعدبي راسك انا غنطيبو لراسي
شيماء : مكاين لا عذاب لا والو أصلن راه هادي خدمتي
علاء : ديري لي عجبك انا كناكل كولشي
شيماء : صافي واخ (مزادتش معاه لهضرة او رجعات لكوزينة ، شافت فالساعة لقاتها 8 و نص دليل ، بزربة جبدات داكشي لي غتحتاج باش تصايب اللازانيا لعشا)
#بعد 2 سوايع#
كانت ديك لعشرة ونص ملي سالات شيماء طياب ديالها او بدلات عليها باش تمشي
شيماء : (وقفات قدام علاء لي كان ݣالس فصالون) راني ساليت لعشا راه فلفران ، انا غنمشي دابة
علاء : (شاف فساعة لقا بلي لحال تعطل شوي) واش عيطي لشي طاكسي ايجي يديك
شيماء : لا غنمشي على رجليا تا نوصل لشاريع لكبير او نحبس ليا شي وحدة
علاء : (جمع لوقفة او هز سوارت تاع طونوبيل) يالاه انا غنوصلك
شيماء : لا لا بلاما تعذب راسك انا غنمشي الراسي
علاء : راه تعطل لحال او خاطار دبا تمشي بوحدك او أنا كان خاصني نخرج نخرج ، غا يالاه نوصلك فطريقي
شيماء : (تبعاتو لطونوبيل او ركبات حداه)
علاء : (ديمارة الطونوبيل) فين ساكنة ؟
شيماء : انا ساكنة فجيهة لتحتانية تاع درب عومار
علاء : غندوز ناخد غا شي حاجة من كاغفوغ او نوصلك
شيماء : معليش خود راحتك
علاء : (بلاصا قدام مرجان) تبغي تمشي معايا ولا تبقاي غا فطونوبيل
شيماء : غنݣلس غا هنا
علاء : مغنتعطلش ( خرج علاء من طونوبيل او مشا دخل لمرجان خدا منو شي سقاطات او شي ݣلاص عاد رجع لطونوبيل او مد لشيماء واحد لميكة فيها واحد لباطة تاع لاݣلاص كبيرة) هاكي هادي
شيماء : شكرا مكانش خاصك تعدب راسك
علاء : لعافو (مشا بطونوبيل تا حطها فين قالت ليه)
شيماء : شكرا (نزلات من طونوبيل او تسناتو تا بعد عاد مشات تا هي دخلات بين شي زناقي شعبية ناسها على قد لحال ، جبدات سوارت من جيبها او حلات لباب تاع واحد الدار سفلية نصها قزدير او نص لاخر مرطوب متكونو من كوزينة صغيرة بزاف او طواليط او جوج بيوتة صغار ، ضاجيج فدار على لحد او لبز غا كيجري) او يحنقز
خدوج : (ماين شيماء مرا تكون فربعينيات ديالها زوينة ولكن معا تكرفيس زينها دبال لابسة پيجامة طويلة دربعمية خليضة شوي عندها لكرش ، ݣالسة فلكوزينة كتغسل لماعن على داك لپوطاجي او كتغوت على ولادها) مروان وا مروان
سعيد : (دري تكون عندو ديك 8 سنين) راه مشا خرج امي
خدوج : هاويلي على خرج فهاد ليل سير أمروان شبغيتلك اولدي غا تابعة تهزك عليا
شيماء : (كتحيد فسبرديلتها) نقصي دعاوي امي نقصي
خدوج : تي جيتي
شيماء : واه جيت (دخلات لبيت عند خوتها لي غا شافوها نقزو عليها كيعنقو فيها)
زينب : (خت شيماء) شداكشي جايبة معاك
شيماء : (مشات فتلاجة صغيرة وقديمة لي كانت فواحد لقنت حدا لكوزينة ، حلاتها او حطات فيها داك لاݣلاص ايزيد يبرد) مي كاين شي عشا
خدوج : جي سخني آتاي او هزي لخبز كوليه ملي تعطلتي قلت واش تعشيتي
شيماء : لخبز وأتاي لخبز وأتاي مكاينة تا حاجة خرى
خدوج : بلاتي ندير لبنتي شوي
شيماء : انخرج نشريلي شي بيضة حسن ليا
خدوج : ملي راك خارجة خارجة سيري دوزي على خوك جيبيه
شيماء : فين غنعرف انا فين كاين
خدوج : فين غيكون من غير عند لبيار
شيماء : (دارت لمشاية فرجليها او خرجات غادية لحانوت هي لولة) محمد عطيني واحد لبيضة او حوك تاع مطيشة متوسط
محمد : جبتي لفلوس ولا قيد عاود
شيماء : ياويلي تا مالك ياك غا لبارح خلصك موحى
محمد : ريح لي عطاني وهو لبارح قيد من عندي ألفين ريال دسلعة ، هاه راني ݣلتها لمك هاد صباح ماحدكوم ماخلصتو لي عليكوم ماكاين بو كريدي
شيماء : (خنزرات فيه) جمع جمع لحساب او هنينا
محمد : عندكوم 12 ألف ريال
شيماء : (حلات بزطامها او عطاتهوم ليه) ها رزقك
محمد : اجميلكوم فتخباع لفلوس او تقولو معندناش
شيماء : واه كنخبعوهوم حيت كنخراوهوم كل نهار تبغي نخراليك شي براكة ، عطيني داكشي لي قتلك او خليني نمشي فحالي لݣنس الناقص (خدات من عندو صخرتها او كملات طريقها لبيار اوهي كتبرݣم) عزيز وا عزيز
عزيز : (مول لبيار) نعام أختي شيماء شحب لخاطر
شيماء : سير عيطلي على داك دحش تاع مروان قوليه ايجي
عزيز : (عيط بجهد) مروان آجي راه ختك باغاك
مروان : (دري زوين او طويل تكون عندو ديك 14 رعام صوتو بدات فيه لحروشية ) لاش جاية ؟
شيماء : (بطنز) توحشتك
مروان : اتوحشك لخير
شيماء : يالاه زيد قدامي مك فارعالي راسي
مروان : داك سكايري كاين فدار ؟
شيماء : باقي مجا او سربينا نسبقوه لدار (تمشات معا خوها لي كان فايتها فطول ، بقاو كيتمشاو فطريق تا دازو قدام واحد لقهوة)
زيرو : (واحد الشمكار من شماكرية تاع ديك لبلاصة فاش ساكنة شيماء لي كيموت عليها ، وحدو شافها دايزة جا عندها صاعر او شدها من يديها مزير عليها) شكون داك ولد طحبة لي وصلك بطونوبيلتو قبيلة او آش معطلك فزنقة تال هاد لوقيقة أدوي
شيماء : (نفضات يديه أو خنزرات فيه) شدخل جدك فيا با ؟ مي ؟ راجلي ؟
زيرو : لي غيولي راجلك الالة
شيماء : هههههه حلم على قلت رجال تا نشوف فشمكار فحالك
زيرو : برب لعالي تا نديك او هانتي غتشوفي
مروان : (تعصب نيت او عقدهوم فيه) برب لعالي تا نريب لملتك سنان لمبعدتيش على لخوادرية
شيماء : مروان سكتنا ويالاه نمشيو مقادين على صداع
زيرو : هههههههه هاي هاي على لبرهوش ولا كيترجل عليا او يتهز
مروان : (شنق عليه) منين كنت ونا راجل أشماتة غندخل فمك طول او عرض لاما عطيتيهاش تيساع سمعتي
شيماء : (كتبعد مروان على زيرو) مروان طلقو ماقادين على صداع ، ونتا ازيرو عطيني التيساع و لا والله ما ندوزها ليك او دبا تشوف
مروان : (طلق منو او دار يديه على كتف شيماء او زادو مخليين زيرو ݣيغوت)
زيرو : والله تا نديك برب لعالي ، يالاه كودو عنا وغا حضيوني انا هادا
شيماء : (دخلات هي وخوها لدار او مشات طيب عشاها)
خدوج : على سلامة وليدي فين خرجتي الديع تاني ؟ مشيتي تقمر
مروان : (بطنز) واه كانت عندي واحد ربعالاف مشيت ميزيت بيها ، علامن كطنزي اخدوج
شيماء : (حطات لمقلو فيها لبيض او ماطيشة وبدات كتاكل) مي خلصتي لحانوت ياك
خدوج : ياه فاش فكرتيني نسيت غدا ندوز عندو
شيماء : نسيتي ولا عطيتيهوم لداك سكايري ديالك اقمر بيهوم أدوي ولا قلتي ماعليش شيماء تخراهوم كيف ديما
دريس : (دخل عليهوم او ريحة لݣارو ولكيف كتعطعط منو) مالك نتي عاوتاني جيتي بعجاجتك غا تسلفتهوم منها او غنرضهوم ليها
شيماء : (بطنز) هه واه اترضهوم ليها خصك غا تمشي تيريهوم من لبنكة تاع الطاسة
دريس : واشوفيليك اخدوش بنتك كي ولات تدوي ياكما يسحابلك راسك ديك جوج دريال ديالك هي لي موكلانا
شيماء : او مالك ديك جوج دريال ديالي هي لي مخلصة عليك لكرا او لما وضو هي لي كاسية ليك لهيوش لي والد هي لي موكلاهوم او موكلاك ولا ياكما كدبت
خدوج : أييه وليتي تمني علينا ابنيتي
دريس : (تعصب) هادشي كامل لي كديري كي والو قدام داكشي لي درت على قبلك نتي ودوك رهوط تاع خوتك
شيماء : شدرتي ياقليل لعفة منين كنتي وحنا لي هازينك لانتا لا ولادك
دريس : (كان باغي يشير على شيماء بلوسادة سعا منعو مروان)
مروان : جمع يديك إدريس ولا غنتخاسر معاك
خدوج : دريس هاكداك حرفية اشلاهبي ، هاكدا الناس كيدويو معا باهوم
مروان : با ؟ علاه من إيمتا كان تب هاد شمكار دراجلك هو لي والدني من ايمتا
دريس : سمعتيهوم اشريفة وحدة كطرطق فيا عينيها او كتمن عليا و لبجغوط لاخر دور لحصيصة او ضربها بغبرة متفكر لا مو لا خوتو اما انا نقول محاسبنيش باه
خدوج : دور لحصيصة ؟ ايمتا بسلامة
دريس : ولدك اشريفة راه شد طريق لطنجة قالك ايجيب سلعة ونتي كتقوليلي ايمتا ، ما قال تا عامرين كريديات اخلصهوم عنا ولا خوتو لقراية قربات ايشريلهوم كتوبة
شيماء : بغيتيه أجي يخسر رزقو كامل عليك نتا وطسيلتك او فلخر هو يبقا بلاش مسكين مزيانة هادي
دريس : (زادت عصباتو) زيدي طرطقي عينيك فيا اموكا بحالك بحال خوتك ݣنص الناقص ولكن انا لي حمار داير لخير فولاد التامل
مروان : (محس براسو تا شنق عليه معصبب مكشكش ، دمو كيغلي كان فايت دريس فطول ، بدا كيدوي معاه او هو كارز على سنانو) كاين شي تامل قدك اولد طحبة بزاف عليك با ماتسوا تا ضفرو
خدوج : (كضرب او تعض فمروان ولا بغا يطلقو ، بدات كتشوف فدريس كطلعو زروقية) طلقو المرض طلقو غتقتلو اولد لحرام
شيماء : مروان طلق غتحصل فيه طلق اخويا عافاك
مروان : (طلقو مخليه طايح لارض كياخد النفس لي تقطع منو ) برب لعالي ادريس او تعاود تجبد با على فمك ما يصبح عليك صباح
شيماء : (دفعات مروان لبرا) خرج لبرا اضربك لبرد خرج
خدوج : (كتعطي لما لدريس لي يالاه بدا كياخد نفس) ويلي مي انا على صݣع لي والدة كان غيقتلك ، سير أوليدي مروان شبغيتلك غا لݣرض الحمار الكلب ، سير انا بغيتلك لموت تديك عليا
شيماء : (شافت بلي خوتها صغار تخلعو داكشي علاش مشات لكوزينة خواتلهوم لاݣلاص فزلايف او عطاتو ليهوم عاد خرجات عند مروان بواحد زلافة) هاك كول
مروان : (خدا من عندها زلافة او بدا كياكل فسكات)
شيماء : برد دمك او متبقاش تهاز معاه راه غا سكايري مسالي مخو
مروان : الى كان مسالي يعطيني شي شبر تاع تيساع راه طلعلي فمخي
شيماء : غا صبر مابقا والو او نتهناو من هاد لمعيشة
مروان : الله يهديك شمن نتهناو من هاد لمعيشة زلط شادنا زمان
شيماء : ماديرش فبالك دبا غا ركز معا قرايتك راه مابقا والو او بدا دخول لمدرسي
مروان : انا غنخرج من لقراية لقيت خدمة جديدة
شيماء : هاويلي على تخرج من لقراية كطنز عليا
مروان : راه طنز هو لامشيت قريت ماشتيش لأتمنة تاع لكتوبة كي ولاو بحال تاع صحاب لپريڤي كتاب بربعالاف واخة يكون با هو اخنوش
شيماء : خلي لكتوبة عليا انا
مروان : شغانخلي عليك ولا شغاتخلي عليها شريهوم ليوم باش نلقاهوم غدا كيتباعو فجوطية كي ديما ، وزيدون انا هاد لمعيشة طلعاتلي فكغي غنخدم فين قلتلك او نمشي نكريلي شي بيت كيما دار أيوب ، راه ما عيشة ما توزة صلى هي لخرة ميقدرش اصليها بنادم عندنا فدار
شيماء : ماعندك مادير مكنضربش لكرفي باش تخرج ليا من لقراية ، بغيتي غا تخدم انا نشوفليك شي بلاصة تبريكولي فيها منين تكون خارج من لقراية ، او زيد قريب اتحل كولشي او نهنيك من هاد لمعيشة
مروان : (صغر فيها عينيه) شوفي اشيماء هاد نهنيك من لمعيشة الى كانت بشي حاجة مهياش غا خلينا نقطعوها من دابة
شيماء : شوف شوف دحش قلت لملتك غنمشي نلوز فلبيران ، راني خدامة عند ناس لاباس عليهوم اضبرو عليا وصاف
مروان : واش دوك عندمن كنتي خدامة فمكناس
شيماء : واه هوما واش عرفتي على دار ، فيرمة فاش ساكنين ها لبيوتة كبار ها صالونات غا طواليط ايدير نص فدارنا اما لكوزينة منعاودلكش ، زيد عليها لاپيسينات او لكوريات تاع لبݣر او لغنم ، هادجاج ها بيبي ها طاوس لي حليتي عليها فمك تلقاها عندهوم تا بلاصت لعودان كاينين ، اما جنانات تاع تفاح او لخوخ او لعنب او زيد اوزيد شي نهار نصورهالك
مروان : مول هادشي مغريبي ؟
شيماء : واه مغريبي قح
مروان : هي بزناز
شيماء : تا شمن بزناز سيد غا صلى ودين او لخير فناس ، قالولي بلي كان غا فلاح جا لكازا ملي كان صغير بوحدو تا لقراية موحال تا واش شد شهادة ، بدا بقهوة تا دار جوج تلاتة او بقا هاكداك ، تا ولاو عندو لبلادات او لمحالات او لقهاوي
مروان : وشحال فعمرو
شيماء : 46 عام او تصور شحال عند مرتو تانية
مروان : (خصر سيفتو) مزوج جوجات ؟
شيماء : اويلي لا مرتو لولة لي عندو منها دري و بنت او مربي ولد خوه تا هو طلق هو وياها او شي خمسنين هادي عاود زواج بوحدة صغر من بنتو صغيرة بعاماين عندها ديك 20 عام
مروان : (وسع عينيه) شنو 20 عام واش مغصوبة عليه ولا شنو
شيماء : تا شمن مغصوبة سيدة كتموت عليه او تا هو لحق يتقالي حاطها فعينيه ، وزايدون كيبان صغير او شاد
مروان : ملي مفاهمين لعمر ماشي موشكيل الله ازيدهوم او يعطينا تا حنا
شيماء : (كانت بغات تقوليه يالاه ندخلو سعا ملي سمعات الصوت تاع لموسيقى تطلق فدار ) ها لقصارة بدات
مروان : غدا تقولك ديك لقنية تاع مك راني حاملة
شيماء : هههههه يالاه يالاه نمشيو نتمشاو شوي علاما يساليو لماتش ديالهوم
مشات هي ومروان تمشاو ليهوم واحد ساعة عاد رجعو لدار ، دخلو نيشن لبيت تاع لݣلاس فين كانو ناعسين خوتهوم فلأرض ، شيماء شدات ليها واحد لقنت او تكات فيه كيما دار تا مروان ، او هزو بجوجهوم لوسايد داروهوم على راسهوم حيت لماتش تاع دريس او خدوش كان باقي مسالى
مروان : (غا كيسب بينو وبين راسو بسباب صوت توحويح دمو) استغفر الله العظيم
#بعد مرور شهران #
ياسمين فهاد لمودة كاملة كانت غا كدخل او تخرج لإنفرادي حيت فكل مرة منوضة صداع ، كيف لعادة كانت متكية فباياصها تا قالولها لحراس عندك واحد زيارة ناضت فرحانة قالت يمكن جود لي هداه الله او جا يشوفها حيت فعلن مقداتش تخرجو من بالها فݣاع هاد لمودة لي كانت كتفكر فيه ولكن حيدات داك لأمل او توقعات تكون لغالية ولا مها لي ولفو ايزوروها ، وقفات من بلاصتها او مشات معا لحراس تا دخلوها لديك لبيت أو تلاقات اكسيل لي كان كيستناها ، قربات عندو باحترام او باستليه يديه قبل متݣلس قدامو بأدب) عمي اكسيل لباس
اكسيل : (مبتاسم ليها فوجها) حمد الله نتي لباس
ياسمين : لاباس
اكسيل : ث(تكا بضهرو على لكرسي) سمعت بلي راهوم حطوك فلانفرادي عاود علاش هاد لمرة
ياسمين : دابزت معا وحدة فنفس الزنزانة
اكسيل : (شاف طبايع لي فوجها) كنشوف ، تكالماي باش تخرجي دغيا ، محتاجة شي حاجة
ياسمين : (ترددات شوي قبل متدوي) ممحتاجة والو ولكن واش واخة تقول لعمتي لغالية تدي ماما لطبيب او توصي جدة تحضي معاها فشريب دوا حيت بانلي قطعاتو
اكسيل : صافي واخة انا غنمشي دبا تهلاي فراسك
ياسمين : (شيرات ليه مبتاسمة) بسلامة او شكرا حيت جيتي
خرج اكسيل من ديك لبيت بعدما طبطب على راسها ، ياسمين كانت تا هي باغة تمشي ترجع بحالها ولكن لحراس منعوها حيت كانت باقة عندها زيارة خرى ، رجعات ݣلسات كتسنا تشوف شكون هادا لي جا يشوفها ، ملاميحها لي كانت تابة تحولات لملامح طفلة كتشوف شي حاجة كتعجبها
جود : (تقابل معاها كيشوف فيها عاقدهوم او زاعف ولكن دوك تقابي تاع الزين لي ترسمو إثر ضحكتها نساوه تا علاش جا ݣاع)
ياسمين : (ضحكة شادالها من لودن ، او دقات تاع قلبها كتسمعهوم فودنيها) رجعتي جيتي
جود : (مشا هز لكرسي حطو حداها وݣلس داوي معاها بجدية) واش مابغاش ديري عقلك
ياسمين : شمن عقل باغيني ندير ونتا دايو ليل
جود : (بدا كيكعا عاود) سمعيني الله يرحم الباك شغال عندي تال فوق راسي ماعندي فين نزيد همك ، قلتلك ديك نهار تبتي او رزني او فوتي ديك 4 شهور لولة بلا مشاكيل او غتخرجي ، نضتي نتيا عاطياها ليا لمدابزات نص سلختيه او نص لاخر قاطعاها فجدو مالنا على هاد ضسارة كاملة باغة تغملي فلحبس ولا شنو
ياسمين : وراه هوما كيجبدوني
جود : بلبوشة نتي تا يجبدوك ، عطي تيساع لمدابزات راني علمتك ها ودني منك
ياسمين : (قربات عندو كضحك) باغيني نخرج بكري ياك ؟
جود : (شاف فيها ديك الشوفة تاع واش من نيتك أبنت لعبد) كون بغيتك تخرجي بكري كون درتلك غا شهراين دلحبس او لغرامة نخلصها انا
ياسمين : ملي هادشي كامل فيك لاش جاي كتقريني دبا ولا توحشتيني وجيتي تشوفني
جود : علاه شايفاني جاي بخاطري راه غا لغالية لي شيباتني
ياسمين : (خصرات سيفتها او قلبات وجها) ملي غا لغالية لي بززات عليك لمجية مكنتيش تجي ݣاع او هنينا
جود : (جبد شي قطن او فاصمة و پيطادين حطهوم فوق طاويلة ، او مد يديه مدور وجها لعندو) زݣاي نديرلك دوا لكمارتك
ياسمين : لا شكرا ماباغاش
يتبع
التعليقات 0