🌿 سأبقى أنتظر قدوم الربيع مهما كان الشتاء قاسيا🌿
مروى : والله اختي لاتلفت والله .. هاذ ليام ضرني راسي ودغيا مشا دار ليا الراديو وشرا ليا الدوا وديما كيصوني عليا يشوفني كيبقيت … بقى فيا … قلت هو راد ليا البال وانا لا .. والبارح تاني جاتو واحد لاكريز ديال داك الحساسية لي عندو …. عرفتي كنت غااااااانمووووت بالخلعة
حفصة : اوا راه باينة و باااينة تانتي كتبغيه وجيتو فنيين مع بعضياتكم علاش كضيعي حياتك … اشمن خوف ولا زمر .. وانا لي ديما كنقول مروى واخا صغيرة راها بعقلها .. ساعة ماعندك ولا تكسابيه .. الرجال امروى قيسيهم فكولشي الااا الفراش ميعقلوش عليك … دوزي معاه شي ليلة زوينة راه كيصبح ناااشط … مادوزهاش كيصبح شاااااعل والله يستر لامالقاش غا الغدا فالوقت يقلب الدار … وملي يصبح ناشط راه الا ملقاهش يقولك انا نطيب ولا نجيبو طايب ….. شتي السعادة ديال النهار … كنبنيوها بالليل … السعادة كووولها كتبنى على داك الناموسية … شتي ابنتي امروى ملي تشوفي جوج كيبغيو بعضياتهم عرفي فراشهم مقاااااد …. مقنعهم .. هو مقنعها … وهي مقنعاه ومشبعاه … وملي تشوفيهم ممفاهمييينش عرفي الفراش فيه شي مشكل …. مكاين لا هاه لا هاه .. راهم فالمحااااكم … كيقولو ليهم عائلتهم … مالك افلان معاها اش خاصك معاها تشقى وطيب ومقابلة ولادها … ومالك افلانة كيصرف عليك و مهلي فيك ودار وطموبيل اش خاصك .. وهوما راااه الفرااااش فيه المشكل …. ولكن تاحد مايقدر يعرف من غيرهم … كتلقاي المراة كتقوليك راجلي فاعل وتارك ودارلي وفعلي ومو دارتلي وختو دااارتلي … وخاصني نطلق .. وهي راه لا هادي لا هاديك .. ماعادا الفرااااش معاجبهاش ومامقنعهاش … وهو كذالك ….. ماتستاهنيش بداك السرير الهبيلة …. راه الزواج كامل .. طالع عليه …
مروى : لهاد الدرجة ؟؟ ..
حفصة : اييييه الالة لهاااد درجة …. الى لقيتي شي واحد متاقي الله ايما كيتزوج عليك ولا كيطلقك والى طحتي فشي واحد مامتاقيش الله راه كيفسد عليك …. قلاااال لي غيصبرو … مدام صبر عليك دغيا قادي الامور قبل مايتسالا ليه الصبر ….
مروى : والله ما عرفت شنو خاصني ندير والله احفصة ، انا راه زرقة فهادشي ….
حفصة : دابا خلاها هو فيديك قالك تاتجي نتي ؟
مروى : اه .. وأنا جاتني فشششكل اصاحبتي … كيغاندير …. جاني بحالا كنطيح براسي …
حفصة : اويلي يا الهبيلة … فخبارك الرجال كاااايموتو على المراة لي هي مرة مرة كتجبدهم ؟ واخا كيكون عيااااان ويتفشش عليك ولا راني عيااان وكتلقايه واخا تكون فيه الموت غااااينوض حيت نتي لي بغيتيه راه تاهوما عندهم غرور فهادشي …. شتي هداك عندك بعدا .. الى مشي تا شبعتيه فالفراش مزيان والله طلبي نجوووم ينزلهم ليك حبة حبة … وميقدش يطول الخصام حيت دغيا غيتوحش الفراش تلقاي غير يوصل ليل يجي يحزر واخا يكون هو الغالط …. اما فالفراش نتي مديريش كرامة …. راه اصلا غير مزال ماجربتيش ملي تجربي غتولي نتي باااغااااه … ونتي عندك راجل فن زوين و باينة نقي اش بغيتي
مروى : لا لا من ناحية نقا اختي نقي بزاااااف .. اصلا كيعجبني هههه وكنموت على ريحتو فاش كنشمها فحوايجو ولا مخدتو ….. غير الفراش شوية مخلوعة معرفتش شنو ندير
حفصة : يمكن مخلوعة حيت هو لي هاز كولشي ونتي غير كتشوفي فيه مفاهماش … هاد المرة لي خلاها فيديك …. نتي لي ديري كولشي ومغتبقايش مخلوعة … نتي لي سيطري عليه ماشي العكس
مروى : اويلي كيغاندير ليه .. واش عارفة كيف داير رضى ..راه يدي مكنحركهمش معاه
حفصة : حيت هبيلة … اصلا راهم فداك اللحظة كيوليو ضعاااافين … ديري ليه كيبغيتي …
مروى : وهادشي ماشي فالمرة اللولاا …
حفصة : وختي نتي دابا شهراين ملي تزوجتي مكاين لا مرة لولا لا ستة حمص …..دابا راه ولفتيييييه ابنتي … غالابغيتي تبعككي ..
مروى : ( دخلات لبيت نعاس وگلسات على السرير ربعات رجليها ) دابا قولي ليا شنو ندير ….
حفصة : كيخليك تخرجي مع نعيمة ياك؟
مروى : اه كيخليني نتقضاو وصافي ..
حفصة : فوقاش غتخرجي ؟
مروى : غدا عندي تقضية .. بصح غيجيبنا هو
حفصة : مكيشوفش ليك التقضية ؟
مروى : لااااا هو كيجي يهز على حساب الكوفر وصافي وكيجيبنا للدار ويمشي
حفصة : اوا مزيااان .. ودابا الالة ملي نتي لي غا
تبادري .. غتوجدي ليا شي ليلة رووماانسية
مروى : لا لا ازين ديالي غير نساي هادشي … الراجل عندي كيقطر بالخضورية ومارومانسيش … وماعندوش مع هادشي …
حفصة : سكتي وسمعي ليا .. لاكان مارومانسيش يعني هو مكيعرفش يدير … ولكن راه كااايعجبو يشوف … مكاينش شي راجل مكيعجبوش الحب والرومانس الا وجداتو ليه المراة ليه … وحتى نتي هادشي مزيان ليك باش متخافيش …كيكون عندك جوو زويييين …. راجلك مغيديروش ليك .. ديريه نتي ليكم ….
مروى : ( كتفكر ) اهاه ؟
حفصة : خرجي تقضاي مسائل دشي عشا خفيف يكون فيه ضروري الحوت … دخلي لواتساب غنصيفط ليك واحد الوصفة دواحد لاسوپ آسيوية ديال الحوت
مروى : هو اصلا كااايموت على الحوت ..
حفصة : وراني عارفة راجلك داير تاهو بحال خوتك وكاااال … داكشي باش ماقلتش ليك ديري طارطة عارفة مغياكلهاش ليك .. غاديري صوبا دالحوت …. وغاديري بريوات دالحوت … وصالاد ديال ليزويتخ بلاڤوكا والاناناس ومكسرات وداك فواكه البحر راهم كاينين فمرجان كونجلي
مروى : الله ياربي الله … فوقاش غنوجد هادشي هدا راه ماغيبقاش عشا هذا راه قاع الهامور اختي .. قالولك مزوجة بلا بالين
حفصة : سمعي ليا وسكتي .. وقطعي حسك …
مروى : هانا الالة هانا
حفصة : غدا قلتي غتجي عندك نعيمة يمكن غتشقاو .. اوا نتي قولي ليه ماعنديش وقت للغدا … مايجيش ليك للغذا
مروى : هو اصلا نهار دالشقا مكيجيش گاع ملي كتكون هنا
حفصة : اوا مزياااان فيقي الالة بشوية عليك شقاو نتي ونعيمة دغيا دغيا … وسيري تقضاي شنو غايخصك … انا الوصفات غنصيفطهم ليك هوما والمقادير … ياك عماتك كيقولك حفصة ساحرة لرشيد .. وهانا غنصيفط ليك سحور اختي لي كندير ليه وسيري تقضااايه هههه … انا كنبخر ليه بليزويتخ و ونسحر ليه بلاڤوكا والاناناس والگرگاع والبيسطاش ولوز ههههه
مروى : الله على خويا مسكين الله وانا نقول مالو غا حفصة حفصة …
حفصة : على انا غاجيت وجبت عمر على الشهر لول ههههه … ملي تقضاي نتي ونعيمة .. رجعي لدار وبداي توجدي … قادي داك العشا هو لول لاسوپ دغياا كتوجد راها غا دالحوت … وقادي شلاضة خليها فتلاجة … ودوك بريوات تاليل وقليهم … حيدي عليك العشا … وبداي توجدي دار شري شوية دالورد فرتكيه فوق طبلة وفوق الفراش
مروى : الورد مكاينش فمرجان والا خديتو غيشوفو
حفصة : سيفطي ليه نعيييمة
مروى : نااري محمدية كلها غتسيق ليا الخبار غنعس مع راجلي ..
حفصة : قوليها عندو عيد ميلااااد وسكتي … دردري الورد .. وديري شميعات خفااااف شعليهم .. . وديري شي موسيقى هاااادئة فتلفازة …. ولبسي شي حاجة يكون عمرو شافها ….
مروى : موجودين اختي مزال ماشاف تاحاجة .. غا هو معريييييييين دبصح ونا باقا مازاعماش لداك الدرجة ….
حفصة : وشنو بغيتي تلبسي ؟ الخمار .. لبسي وسكتي …. دابا اجي نجي ليك لاهم الحوايج باش ماتبانيش أووڤر بحال دوك الڨحاب
مروى : ااااه هادي بضبط اختتي لي مكنحملش حيت كيجيب ليا الله بحالا كنشبه ليهم لادرت هاكاك ، ررركزي ليا على هاد النقطة ….
حفصة : فهمتك … باش تبقاي كيوت كيما نتي ولكن مثيرة … شعرك خليه فازك .. مادوشي تايقرب يجي .. ماتصايبيهش ….خليه هاكاك فازك كيقطر فوق ظهرك … العكر ممنوع … حيدي عليا العكر … مكيحملوهش اصلا …. رطبي غا شفايفك مزياااان …. ديري غير ماسكارا وشي كحل خفييف …. وديري داك لي شريتي كديريه فحناكك داك لي داير بحال كلوز
مروى : ااه داك الغوز … باقي تاماجبدتو من باكيتو …
حفصة : هداك .. ديريه غا لحناكك زنگيهم …. باااااركا عليك … حيدي عليا بارفان ماديريهش لادرتيه ديريه فالحوايج ماديريهش فلحمك حيت مر غايمرر ليك لحمك … ماديريش لا كريم لا والو كيحسو بيها فلسانهم كديرونجيهم .. ديري غا مسك طهارة شوية ورا ودنيك و فعنقك و معاصم يديك فقط فين عندك النبض ….. واصلا غتكوني مدوشة بشي جيل خلا فيك ريحة زوينة …. الخلخال راه عندك داك لي شريتي داك الكحل شافو ؟
مروى : ناري فكرتيني بيه .. مزال كاع مجبدتو ههههه عمرني لبستو كلبس لاخر دالنقرة …
حفصة : اوا هادي هي مناسبتو ، صبغي ظفار رجليك بالحمر تاتصلي و صبغيهم نتي بيضة يجي معاك لحمر فضفار رجلين .. ملي يقرب يجي .. شعلي داك الشمع و وجدي كولشي فوق طبلة خلي غير لاسووب تايگلس وصبيها ليه بشوية .. ديري ليه عشااا ديال شي اميير … دلعيه مزيان خليه غا حال فمو ….
مروى : وناري لادرت هاكا رضى غيشبع عليا غا ضحك
حفصة : سكتي انا عارفة اش كنقول …. الى كمل داك العشا ووصل لديسير ماتقولليييها لحد .. اصلا بلا ماديري ديسير والله لاوصل ليه ….
مروى : وكيفاش غنتعامل ؟ راه هادشي لي قلتي خلعني ههه
حفصة : هانتي منين يقرب يدخل .. ديري داكشي لي قلت ليك سيري زيدي فزكي شعرك وديري فيه شي بارفااان … خليه هاكاك كيقطر على عنقك وظهرك … غيعرفك يلاه دوشتي …. هوما داك المنظر كيحماقو عليه … كيبنيك قدامهم طبيييعية و هوما كل ماكنتي طبيعية كلما جريتهم كتر وكتر …. خليك بلا ماتلبسي والو فرجليك … لبسي غير سي كسيوة سيكسي .. ملي يجي وتحلي ليه الباب ديري صوت خفيف دشي موسيقى تكون مطلووقة …. حلي ليه لباب و ( قاطعتها)
مروى : كاايحل راااسو الباااب
حفصة : اوا تاهادي حسن .. نت بقاي فبيت نعاس … خليه يدخل يكتشف راسو … يلقى الطبلة عليها الشمع والورد … وداك الموسيقى الهاااادئة …. مايجي فين يلاه يستوعبواا خرجي من بيت نعاس ديري راسك عاد كتنشفي شعرك بالفوطة وتعاملي عاادي .. ماشي تبغي ديري فيها سيكسي وتبقا تتغمزي وتحلوني ههه لا ابنتي لا … تعاملي عادي كيما كتعاملي ديما بحالا داكشي نتي عندك عاااادي خليه غا هو حال فمو نتي زعما مامسوقاش هههه
مروى : اهااااه …. هاكا ااااه هاكا غنحس براسي بقيت بغروري .. هادي عجباتني
حفصة : وراه تانقوليك غير سمعي ليا .. قوليه جييتي !!!! ماسعمتش لبااااب … يلاه لقيتييني خرجت من دوش ..لاباس .. كيداز نهارك …. مهم الى بقى ليه شي لسان راه غيجاوبك ههههه وداكشي لاخر شطارتك نتي … نت لي عارفة شنو كيعجب راجلك …. وغير زعمي وبداي داكشي كيجي راسو … گلسيه تهضرو شوية راه داك الوقيتة واخا تسوليه على الاكس ديالو يعاود ليك عليها ههه خرجي منو كولشي ههه … جلسو هضرو وقوليه نوض نتعشاو .. كيما كتعيشي حياتك الواقعية عاادية عيشي داك الليلة معاه خليه غا هو لي يعبر حال فمو وماشي غير كنبغيك لي غاتسمعي ههه كولشي غاااتسمعيه .. وطبعا كوني انووثية وهضري زوين وتمشاي حداه وملي يكون جالس تحناي تهزي تيليكوموند … راك عارفة دوك الحركات ديال ماعلاباليش مرة مرة ردي شعرك لجنب كيعجبهم يشوفو العنق عريان خصوصا لاكانت فيه شي سلسلة رقيييقة …. مهم داكشي شطارتك راه نتي بنت الوقت وكتعرفي …. اوا ملي يجي الصح ابنيتي نساااي الخوف … فكري نتي غير فداك الليلة لي راه ممكن يتولد عندكم شي بيبي صغيييور وزويون وفكري بأشمن طريقة تقوليها لماماك وباباك وكيفاش تفاجئيهم فكري فهاد الحوايج ماتفكريش فالحريق حيت مغاااايكونش الحريق …. ماكاينش .. انا من ورا اختي مافكوني من داكشي .. وجيت نعس معاه .. عرفتي راني حسيت غير بحال قرييصة … عرفتي شنو هي قريصة ! قريييصة لي حسيت بيها لتحت .. وتاخوك عاملني زوين الصراحة …. ودوزي داك الليلة فنة وزوينة وغتعقلي عليها ومن بعد كل مرة نوعي ليه .. مرة يدخل يلقاك بشورط دجين وشي شوميزة ديالو هو …. مرة لسقيه مع شي حييط وبداي تفسخي ليه صدايف الشوميز والسمطة .. مرة ديري شي مساااج نهار تعرفيه غيدخل عياااان .. وجدي ليك زيوت الماساج وشي موسيقى تاني هادئة …. وبرعييه .. عرفتي راه كيوليو كاايموتو فوقاش يدخلو لدارهم يترخاااو حيت كيلقاو المراة ديما قايمة بالواجب ، هاكا العاهرات كايشدو رجالا دالعيالات ، كاتلقايه كايلقى تبرزييط فراااسو و هي كادير ليه الجو ومكتنكدش عليه …. خصوصا العام لول كايكونو موحشين بزاااف ومحرومين … ومرة مرة تجي المبادرة من عندك نتي …. دخلي ليوتوب قلبي على لي بوزيسيون وشوفي النصائح انا كنت كنتعلم اختي غا من التيليفون … مرة عشا زوين مرة تعشاو برا .. مرة ماتعشاوش گاع مرة فبيت نعاس مرة فالصالون مرة فالدوش … شي مرة تاني عمري البينوار و ديري فيه الورد ودوزوها تما
مروى : هادشي زويين ههههه … ولكن راه صعييب يدار
حفصة : دابا دوي واش باغة تحافضي على راجلك ودارك ولا لا ؟
مروى : وااابغيييييت
حفصة : وديري اش قلت ليك … غدا .. ورضي عليا لخبار كيفاش تعامل معاك و شنو قال ليك ….
مروى : فففف صافي .. اصلا ماعنديش بديل نشوف كيندير .. هو حلف وكان قد الحلوف والله ماقرب ليا …
حفصة : اوا هنا الالة غتعرفي راجلك واش كيبغيك ولا لا ….. شتي لي مكيبغيش مرتو اصلا كينعس معاها باااارد باغي غايقضي الغرض ويدير ولاد اما نتي قلتي خلعك .. ادن هداك راه كيموت عليك اصاحبتي ….
مروى : مهم غانحاول والله …. غاندير جهدي …
حفصة : حيدي غااا الخوف ….
مروى : صافي .. كي قلتي نزعم شوية ويكون خير ….
حفصة : اوا صافي وردي عليا غانبقا مشطونة … اه خلي حداك كلينيكس بزايد حيت غاينزل شوية ددم والى بغيتي تبقاي مخلياه عندك دكرى ديري حداك شي زييف بيض نقي
مروى : اودي حيدي عليا اشمن ذكرى ، انا كنفكر هاد الليلة كانترعد ونتي كتقولي ليا ذكرى …
حفصة : ونتي تعرفي انا كنت نسييييت هادشي و صدق مطبع ليا غالكوڤر لي وخبيتو هههه والله ماصبنتوو
مروى : ياااااختي غييير ينزل داك الدم فييين مابغا غاينزل يهنيني
حفصة : هههه غاينزل غاااينزل .. غاكوني مراة جيبي لينا شي بيبي راه توحشنا فين نشطحو تاني
مروى : شتي نتي غانهضر معا خويا يزيدليك فصداق ههههه
حفصة : هههه لا اختي داكشي لي عطااااااني كافيني زايدون صداق لي عطاني گاع ماشفتوه نتومااا .. كيعطيه ليا كل نهاااار شوية هههههه
مروى : ههههه وايلي !!
حفصة : اييييه الالة كيعطيني الحب هههههه
مروى : هههه الله يخلييييكم لبعضياتكم ….
حفصة : امييييين احبيبتي ، ومنين شاركتي معايا سرك وتقتي فيا تانا نقوليك واحد الحاجة مزال ماقلتها لتاااااحد قلت تانزيد شوية
مروى : شنو ؟؟؟
حفصة : راني حاملة …. عندي تمنية دسيمانات
مروى : اوا مبرووك … عمر دابا راه كبر … شحال عندو دابا ؟
حفصة : فهاد شهر عشرة غيدير ربع سنين
مروى: وراه كبر … الالة الله يتبتو ويجيبو على خير
حفصة : مزال ماقلتها لحد … قلت تانزيد شوية ونقول ليكم
مروى : ونت تعرفي … العصر وذن قبيلة وانا عاطياها للهضرة نوض نمشي نصلي ونفكر فهاذ الحريرة ههه سيري تانتي ترتاحي شوية وشكرااا احفصة والله تاااا رتاحيييت ملي هضرت معاك
حفصة : مابيناتناش احبيبة .. فوقما بغيتي تهضري مع شي واحد حسبيني بحال ختك …. تانا عمرني شفت عيبك
مروى : ربي يخليك وخليها بيناتنا المهم لي كان دابا نعلمك ههههه يلاه تلاحي .. سلمي على رشيد وبوسي ليا عمر …
قطعات عليها تيليفون وتنفسات الصعدااااء من وسط صدرها .. حسات بحالا داك الصخرة لي كانت عندها على قلبها غادا وكتفرتت شوية بشوية .. وبحالا بدات كتوضاح ليها الطريق …. كان همها هو تعرف واش رضى باغيها … باش تطمئن على علاقتهم وتعطي فيها كلشي .. هي واحد البنت لي ولفات الحب تسمعو .. عمرها حساتو وعمرها عرفات واش كيبان عن طريق المواقف حتى عاشتهم … موقف واااحد كان كافي يبين ليها شنو هي بنسبة ليه وانها ماشي غير مجرد مسؤولية كيحسها …
وصلها مسج فواتساب من عند مرات خوها وبدات كضحك وهي كتقرا فمكونات هاديك الشربة وهاديك السلطة و كاع اش تصاوب …
فهمات بلي من لول كان خاصها تهضر مع شي واحد .. بعد مرات خاصنا نختارو شي واحد كنثيقو فيه الى تلفنا على طريق باش ينعتها لينا .. حيت بعد المرات الناس هي لي كتشوف الامور من كاع الزوايا اما حنا كنكونو محصورين فزاوية وحدة ..
رتاحت فاش قالت ليها راه كتشوفو كيفاش كيشوف فيها .. وهي كاع ماكتشوف !! …. لقات راسها مبتسمة بحال شي حمقة!!! كأنها اول مرة تعرفو …..
بدات كتقيد فالنوط اشنو غايخصها غذا فتقضية وتحمسات لهاد الفكرة ، فلول كانت كتشوفها فشكل وغريبة وغتخدش ليها غرورها ولكن ملي شرحات ليها حفصة كيفاش غادير حساتها مزيانة … ويمكن حسن من انها غير جالسة وتسناه ، يقدر مايدير تاشي ردة فعل وهي مغتقدرش تهضر …
معارفاش واش رضى غيعجبو هادشي ولا لا ولكن متأكدة غايبغي الى لقاها بادرات للفراش هي حيت قاليها خاصك تحركي نتي … طريقة مكانتش عارفة كيفاش وحفصة سرحات ليها الطريق ….
ولقات ان عندها الحق .. الى كان هو ماعرفش يخلق الجو … تخلقو هي ….
كملات هاديك اللائحة ديال التقضية .. اما حتى الورد غتقول لنعيمة تكلف ليها بيه ….. معرفاتش كيفاش دازت هاديك العشية بالحماس!!!!!! … جابت عشية كاملة كتفكر غير فشنو دير غدا وتقلب فكووكل تاقرات شي معلومات اول مرة تسمعهم وبدات تشوف انواع البكرات .. جاها حمااس غريب !!!!! …. كأنه ليوم عرسها !!!! فرحانة ومتحمسة ليوم كتر من نهار عرسها براسو ….. وكاتقول شحال زوين تكون متأكد من الحاجة !!!
داز الوقت بزربة تاكان جا للدار .. غير من دخلة ديالو من الباب حس بيها فرحانة !!!! كيعرفها من عينيها وهي كتخبي شعورها … تسناها دير شي حركة وفكل ليلة كتكون مهدنة كيكون كيتنسى ومكيلقى والو .. تاهاد للليلة جابت ليه الاحباط حيت الوقت لي هو جالس مع تلفازة كيتسنى دير شي حركة يعفو عليه الله وهي كانت كتصاوب ليپاط للعشا … حيت شاف مورالها طاااالع!!!! …. حطات تعشاو و هي غير كضحك تادخلات ليه العجب !! …. مفهمش كيفاش دغيا تبدلات وشنو وقع وشنو كيضور ليها فالعقل !!! ….
وبقوة مكان مسخسخ بالخدمة ماقصرش بزاف .. طناش دالليل كان نعس بعد ماحيد ليها التيليفون باش متتلهاش معاه وتبقى سهرانة …. وتاهي لقات راسها خاصها تنعس باش تحارب داك الحريق لي جاها فراسها و مايعاودش يرجع ليها …
تخشات فالفراش وغمضات عينيها هاد المرة كتفكر غير فغذا وشنو دير وردة فعلو .. وكيغايدوز
داكشي … مكانت حتى حاجة سلبية فدماغها وكان تفكيرها عامر بالحماس ….
تعجبات كيفاش فلحظة قاااادرين نغيرو حياتنا كاملة .. الامر كيحتاج مجرد لحظة ادراك ! ولحظة استيعاب للاومور وفمهما مزياااان ….
وتقدر فلخر تقلب افكارك كااااملة وطريقك وكااااع مفاهيمك ….. تماما كيف وقع ليها .. اتصال واحد مع حفصة بدل ليها كولشي وعطاها أمل من جديد فهاد زواج .. كانت كتحط راسها على المخدة وكتحلم راسها مع واحد اخر كيعاملها زوين حيت كانت متأكدة هي ورضى مغيكملوش حيت مبيناتهم حتى شي شعور دالحب .. ودابا ولات كتحلم برضى كيفاش غيعاملها مستقبلا !!!! …. كولشي تقلب فدقيقة .. فاتصال واحد .. ولحظة وحدة ….
نعسات على افكارها ….فرحانة …. لاول مرة التفكير مكانش مزعج .. فاقت قبل منو كاع بنشاااط كبير …. صاوبات الفطور وفيقاتو ….وهو دخلو الشك فيها ومخليها على خاطرها غير متبعها كايقول شنو مكان دابا يبان .. واخا بااان ليه شي حاجة كضور ليها فراسها بحالا كانت تالفة ليها شي حاجة ولقاتها ….
وخلاها على خاطرها تايشوف اش كاين حيت دماغو كان مرون بالضرائب .. حيت بداو … وخاصو يمشي هاد الصباح يقاد تاني الفاتورات مع الكونطابل دالشركة …
فطرات هي وياه وعلماتو بلي غتمشي تقضى ورا الغذا … وتاهو بسبب انه مشغول خلاها تاخد راحتها ومغيجيش …
غير نص ساعة من خروجو كانت جات نعيمة عاوناتها سيقو الدار كلها والبيوت .. ومسحو الغبرة … صبنو طابيات ونشروهم … وكتعاونها يعجنو كمية كبيرة دخبز دار وكديرها ففريكو تدي ليها سيمانة ..
ماسالاو تاكانت جوج ديال النهار عاد تغدات هي ونعيمة ولبسات سيرفيتة ديالها وشدو طاكسي خرجو … قالت لنعيمة بلي عندو عيد ميلاد وكتوجد ليه مفاجأة ونعيمة فرحات وبدات تختار معاها تاهي …. فكرات بلي بغات تاخد ليه تاهي كادو … على اهتمامو وصبرو معاها …..
ومشات جهة براون وهزات ليه باك ديال ماكينة دالحلاقة … خدات كاع اش قالت ليها حفصة خلصات ودازو جمعو كولشي وبدات تصوني عليه جالسين فالكراسى تاقال ليها راه فالباركينغ عاد خرجات عندو لطموبيل نزل عندهم يهز معاهم وركبات فطموبيل وهو رد كولشي لكورفر وزادو يوصلهم لدار وطريقو كلها تيليفونات …. وهي كتغزز فشفايفها فاش شافت شحال متوتر ومعصب … غير كيسب مع راسو وهي ونعيمة قاطعين الحس وكتقول واش نأجل هادشي ؟
مروى : رضى … رخف فيك شوية النفس راه هادي هي الخدمة متبقاش تعصب بزاف ( مكيجاوبهاش غير كيشوف فالطريق )
نعيمة : عندها الحق اولدي …. ربي يسر ليك ويعاونكم …
رضى : امين … صافي مخصكم والو ؟
مروى : لا …كولشي خديتو .. غتجي بكري ياك ؟ نوجد العشا ؟؟؟ هم !
رضى : لا لا غا نعسي .. غنجي معطل باقي داكشي مرووون .. كنعيا نهضر يقادو الفاتورات هوما تايخليو ليا تاكيجيو صحاب الضرائب عاد كنوضو نتجاراو كوووولشي مرون ( بدا تيلي كيصوني ) آسمااعيييل
– راه جا داك الطاهر .. نقولو يتسناك ولا غتعطل
رضى : انا جااااي انا جااااي .. جايب الفلوس ولا جاي ثاني يقول صبرو عليا !!!
اسماعيل : كتشوف فيها … مابانتش ليا حال الفوس جاي خاشي راسو بين رجليه
رضى : ( كيدوز يدو على وجهو ) لاااااا الاه الا الله .. اناااا جاااي
قطع عليه وزاد كيسوط ومروى قطعات الحس وصلهم حدا دار وهز داكشي بزربة دخلو ليهم فسانسور ومشى .. ومروى ونعمية طلعو وتعاونو على دوك صيكان تادخلو كولشي للدار حطو على الكونطوار ..
مروى : ناااري اخالتي شاعل غا مع راسو .. واقلة تالغذا ونديرو ليه
نعيمة : بالعكس … مسكين غاايدخل عيااان .. غتفوجي عليه ..
مروى : وهانتي قلتيها غايدخل عيان .. غيخصو يرتاح
نعيمة : ههه بعدا الرجال مكيعياوش على داكشي عههه ..
مروى : ( حرجاتها ) لا لا .. هههه ماقصدتش هاكاك .. زعما ماعندوش الخاطر ….
نعمية : نتي گلتي بغيتي ديري ليه عيد ميلادو … وهو غا مرة فالعام مكايتعاود تالعام جاي … زايدون احسن باش يدخل ينسى شوية المشاكيل .. والله الى حسن لانسا …
مروى : بصاح ؟ اوا عرفتي شنو .. دباا بقى خاصنا الورد … كتعرفي فين كيتباع ؟
نعيمة : وااهذا عليا ابنتي .. نسولك نتي لاكتعرفيه ، يكون كيشريه ليك من شي بلاصة
مروى : اييه قداش قلتيها .. رضى كيعرف الخضار الكزااار ومول الحانوت ههههه مول الورد لا اخالتي لا ههه
نعيمة : ههه اوا خليك نسول بنت ختي هي لي كتعرف فهادشي
مروى : هانتي سوليها اخالتي عفاك وجيبي ليا البيض والحمر … بحال لون دوك شميعات .. وعنداك تعططلي تايجي …
نعيمة : لا لا دابا ..تانا نيت خاصني نرجع للدار باش يلاه ندوز لداك محلبة قالك خاصهم تسياق فاش يسدو بلييل
مروى : ششكرا اخااالتي منساش ليك هاد الخير .. كون كان يخليني نخرج بوحدي نمشي نجيبهم انا منعذبكش
نعمية : الله اوووودي ابنتي … رضى عندي عزيييييز مصاب عليا لي يفرحو هههه ..
مروى : ( جبدات الفلوس مداتهم ليها ) مهم انا معارفاش شحال كيديرو جيبيلي شي عشرة حمرين و عشرة بيضين
نعيمة : صافي واخا ابنتي .. ماخص والو اخر ؟
مروى : لا لا كووولشي جبتو …
خلاتها ومشات ومروى حلات ثلاجة كترد داكشي
لبلاصتو شافت لساعة لقاتها الستة ونص وبدا قلبها يضرب بجهد خافت داكشي ميوجدش دغيا …. ومابقاش الوقت بزاف … قادات كولشي ودارت درة دحياتي فراسها وبدات كطيب كيف قالت ليها مرات خوها و سبقات بلاسوب … وجدات كاع المقادير حداها ودارتها طيب .. ودازت لصالاد لي كانت ساهلة دغيا سالاتها وعصرات فوقها الحامض ودارت ليها سولوفان وهي تفكر واحد طبلة شافتها فانستغرام بغات تنقل منها …ومشات بزربة تعاود تشوفها غير حلات لانسطا وهي طلع ليها أبيل من مسنجر وكانت لابيل السادسة .. تنفسااات معمقة وجاوبات بعصبية بتوتر مع الوقت لي غايفوتها ومغاتكملش ليها السوبرايز ……
مروى : انور . ماضسرش بزاف عفاك .. زعما راه هضرت معاك لبارح … علاش كتصوني علاش واش باغي تفضحني ؟؟؟؟ صافي ازمر دير شوية دالنفس ….
انور : ( بالغوات ) اشنو داااباا باغا تمرضي ديلللمي .. واش عرفتي شحال وانا كنصيفط ليك كون كنت كتجاوبي كاع مانصوني … منقبيييييلة ونا نصوني …راااك مررررضتي ديييييلمي
مروى : انا قلت ليك لي عندي ا انور ….. مرض ولا گلس عطيني تيساع …
انور : واش دابا كتلعبي بيا ؟؟؟؟؟ اش داك الهضرة جالسة كتخربقي عليا منين نتي باغا راجلك لاش انا فارعة ليا كري ؟؟
مورى : واش انا قتليك اجي نرجعو بجوج ؟؟؟ وااااش قتليك شي حاااجة الخراااا واعدتك بشي حاجة ؟؟؟؟؟ قتليك عندي مشكل مع راجلي ، صلحتو وسااااالينا …..
انور : هضرتي معايا بليل ونتي مراة مزوجة …. شنو كيعني هادشي ؟ هي كتبغيني … واش كاينة شي وحدة كتبغي رااجلها تخليه ناعس وتهضر مع الاكس ديالها ؟؟؟؟؟؟
مروى : اسيدي انا اه هضرت معاك وكنت حمارة و مكلخة … كنت تااااالفة …. كنت مكنعررررفش .. وندمااااانة وعطيني تيقاار ….مزيااانة هااااكا ؟؟؟؟
انور : وصافي دابا ؟؟؟ تلوحيني تاني .. فلول جا خبطك لحتيني .. ملي نخلك تفكرتيني .. دابا لي منعرف اش وقع ليك تاني غتمشي عندو وملي دابزو يبانلك انور ؟ انا لعبة عندك ؟
مروى : انور.. انا مامسلياش لييك دابااااا الله يعاون
انور : واش عندبالك دابا صافي تلعبي بيا وتمشي ؟؟؟؟ وانا نسكت ليك ؟؟؟؟
مروى: عرفتي شغادير ؟؟ سييير غاااا تخراااا البرهوش لاخر … نتا لبقيتي ليا ….
قطعات عليه تيل كاتميق ودازت لداك طبلة شافتها ورجعات غاتحط تيل وهي تحس بيه كايسيفط ميساجات ويهدد ، ساطت النفس ومشات بلوكاتو ومسحاتو منعندها …. ولاحت تيل ورجعات لشغالها
صاوبات مشروب لقاتو فيوتوب عارفاه كيموت على الريد بول، والحوت كيحتاج شي حاجة غازية تهضمو … قادات مشروب بريدبول ونعناع والسيرو دالرمان والثلج … كتخدم مزروبة وتشوف للساعة … فاش خافت يجي وهي باقا كتوجد وضيع ليها مفاجئتها … وهي ضرب تاني فراسها ملي لقات راسها مشات تكتب ليها مسج ونساها انور ، و مشاات تاني كتصوني عليه تشوفو معاياش غيجي تاجاوبها …
رضى : امروى
مروى : رضى … بغيت نتكى شوية …. وخفتك تجي وتلقاني ناعسة ولا شي حاجة .. مزال مغتجي ؟
رضى : لا غااانعسي .. مزال معطل غنسدو ونبقى هنا كنحسبو شي وراق
مروى : غتعطل بزاااف ؟
رضى : وعلاما نساليو غااانعسي رتاحي نت .. ضربتو تمارة بزاف ولا ؟
مروى : لا لا داكشي خفيف شوية دالغبرة وصافي فبيت نعاس .. دغيا كيتغبر هو لي ليقيناه مغبر .. صالون لاخر مع ديما مسدود ماقسناهش كاع مسحات غا دوك ديكورات
رضى : اوا مزيان .. خودي شي دوش ورتاحي .. يلاه تانجي …
مروى : ماجيعانش ؟
رضى : جيييعان وماجيعان … ماعنديش خاطر الماكلة دابا راسي مگلوب
مروى : انا غنعس ونوض ندير شي حاجة خفيييفة بلا متجيب والو معاك … .
رضى : صافي .. يلاه تانجي ..
مروى: ( يلاه غايقطع هضرات ) رضااا
رضى : آنعام
مروى: ( بابتسامة حشمانة وفرحانة فنفس الوقت ) توحشت واحد الحااجة
رضى : اناااا جاااي حطها غااا تما ، كتبيها ليا امروى ميساج ملي نكون جاي نجيبها
مروى : ههههه مكتجابش … كتقال
رضى : شنو هي ! ااااصبر اصاااحبي انا جاااي حط تمااااا وهز لاااخر
مروى : رررضاااااا
رضى : هانا معااااك هاناا معاك ، شنو توحشتي ؟
مروى : (بكيوتنيس) توحشت داك بنتي لي كنتي كاتقول ليا
رضى : ( جابتليه الضحكة وسط تمارة ) هههه واخا ابنتي …. واسيري خليني نكمل خدمتي
مروى: ههههه صافي ملي قلتيها غانمشي ، حاول على راسك غير بشوية
قطع عليها وتهدنات بعدا لي مزال معطل وبدات ضحك كي الهبييييلة بحالا يلاااااه كاتعرف على شي واااحد … فنفس الوقت خايفة من هاد الضرائب وخايفة يجي عندها طااافي يدير ليها الخاطر بزز وصافي … كتشوف زهرها ديما معكس ….
تاولات ندمانة كتقول كون غير أجلت ..
لقات البريوات غير غادي يعطلوها ومدارتهمش … حلات البلاكار خرجات قرعة كبيرة ديال الزاج على شكل هرم غسلاتها وخوات فيها داك العصير جا عاطي منظر زوين ودارتو فثلاجة تاتزيد ليه ليكلاصون … ومشات كتوجد الطبلة …
خدات الورد الحمر فرتااتو عليهاا كامل … جبدات من كراطن طباسل ذهبيين شراتهم قبيلة حطات طبسيل كبير فوق منو واحد موسط وفوق منو زلافة دلاسوب …
وحطات كيسان ديال الزاااج طواال … ليفورشيت ومعالق ومواس و سربيتات كان طيم كولو مدهب … حطات شمعات طوااال فوسط طبلة .. والصغارين بعثراتهم ، لقات المنظررر عجبها .. بقات غير عاضة على شفتها بحمااااس ….
حطات حتى فوق البيفيه الخشبي …. والوردات لي بقاو حطاتهم فبوكيه زجاجي ودارتهم وسط الطبلة …. جاها فشكل هاد المنظر موالفة تشوفو غير فتصاور وفيديوات ..
بدات كضحك والادرينالين كيدفق فالدم ديالها بالحمااااس .. هادو هوما الاجواء لي كتشوف فاحلامها وكتمناهم .. طريق كانت غير قدامها ومكانتش شايفاها …. كانت كتسناه هو يديرهم وعايشة حياتها فالتعاسة … وهو كان عليها غير هي ديرهم وتحقق داكشي لي بغات …
مشات تالصالون تاهو قاداتو وحطات فيه لي سناك وتاتما دارت الورد والشمع …. شوكولا والفواكه وكيسان كبار لداك المشروب لي قادات … مكرهاتش هاد الليلة تكون مكتساليش … وجدات كولشي فالصالون وطفات على الشربة بعد ماوجدات تاهي ومشات لبيت نعاس قاداتو ….
واخا بدات كتقاد فيه وقلبها كولو مزير بالخوف ملي دخلات لتما بحالا كتشوف فشي بلوك دالعمليات .. حاولات تطرد منها الخووف وقادات الشمع فوق لي طابل دونوي و رشات فوقهم الورد … اما فوق الكوفرلي جاها ماشي عملي وغايدير غير روينة ….
علات عينيها لساعة وهي تلقاها قريب العشرة دالليل ….
جبدات هاديك السلطة حطاتها وسط طبلة مغطية .. وحطات الما لي دارت فيه ليكلاصون تاهو …وحطات العصير فطبلة دالصالون باش يدوزو يشوفو شي فيلم ..
قالت حتى الى تعطلات فدوش بعدا شي لاخر يكون واجد .. شعلات التلفازة دارت يوتيب وقلبات على موسيقى رومانسية .. لقات وحدة فيها كثر من ربعة دالساعات و تا فالشاشة الورد كيتساقط فجو رومانسي ….
شعلات تلفازة وخلات دار كلها مضلمة من غير دوك شمعات لي شعلات و ضو دتلفازة لي نقصااات ليها كتسمع قلييييل داك موسيقى …
تأكدات من كوزينة انها كاملة مجموعة من غير لاصوب لي دارتها فالبول ديالها ليخداتو تاهو معاها مع طاقم ديال طباسل لي كان عبارة على بول بزاج شفاف محطوط على رجلين ذهبيين و غطاء ذهبي ….
تولات كولشي وتأكدات من كولشي عاد دارت رشة عطر الجو … ودخلات لبيت نعاس جبدات ساشي دوحدة من الكساوي لي ملبساتش ….كانت شوميز دونوي كتبان بحال سواغي … كانت دومونضاتها من شي آن وباقا فساشي ديالها …. كانت كحلة وحد ركابي وفتحة فجنب جهة الفخد كامل .. سماطي د كتاف كانو حديد ذهبي و ظهر كان كولو سلاسل ذهبين رقااااق …
كانت مثيييرة للغاااااية ….. وجداتها مع سترينغ كحل كايجي معاها ومابغاتش تلبس ليباموس ديالو بداك سماطي جاوها غايضيعو ليها منظرها الطبيعي نوعا ما فليلتها لولة ….
كتوجد وقلبها كاااايضرب بجهد وكتحاول ما امكن تترخى وتفكر فهضرة حفصة …دخلات دارت دوش مرطب ومعطر ….
ماخرجات تا تأكدات انها كلها مرطبة ومعطرة .. وقفات قدام مرايا وطلقات شعرها وخلاتو فازك كيف قالت ليها وبدات ضحك فاش لقات هضرة حفصة على حق وفعلا جا سيكسي …..
لبسات هاديك الكسوة وجلسات كتركب فداك الخلخال لي كان على شكل عقيق فالاسود لامع …. ومدلين منو سليسلات خفاف ذهبين …. صبغات ظفار رجليها كيف قالت ليها …. ودارت فيكتوريا-سكرت غير فحوايجها .. وقفات قدام مرايا باش تقاد ماكياجها وهي تتفكرو … وتفكرات بلي موجدة كولشي ولا زاد تعطل كولشي غيبرد … ومشات كتصوني ليه وهي متحمسة لهاد الليلة كيغتكون ….
رضى : ( بتذمر ) آآمرروى ..
مروى : رضى مزال معطل !!!!
رضى : بقى ليما غير شي حاجات خفاف ….
رضى : فوقاش غتجي كاع ؟
رضى : شي ساعة ونص
مروى : ناااااري بزااااف
رضى : خفتي تاني ولا مالك ؟
مروى : اااه .. راك عارفني انا .. واش معندكش كيدير تجي كاع دابا ؟؟؟؟
رضى : لا والو امروى والله الا مشغوول
مروى : بزاف ارضى والله …
رضى : وصافي تلهاي بشي حاجة ضروري خاصني نكمل هادشي
مروى : حاول تسربي عفاك ..
قطع عليها وهي تمشي ترد كولشي للثلاجة وطفات داك الشمع تايقرب يجي باش مايدوبش … وحساات بوجهها كولو سخن وحمار غير بوحدو بالتوتر و الحماس تامن ودنيها حمااارو ….
شعرها جمعاتو عارفة مايجي فين يسالي ويدخل تايكون نشف خصوصا انه كاين الصهد … وخرجات لبالكون جالسة كتاكل فكلاص وكتسنى تايقرب يجي عاد تنوض تقاد الطابلة نيشان … دازت ساعة وربع عليها ثقييييييييييلة وهي تبدا تنصوني عليه تاني
رضى : يااااا مروى وشحال صدعتيني ليوم
مروى : ( بصوت متذمر من الانتظار) واش مزاااال
رضى : وتسناي شوية … كلسي فالبالكون
مروى : راني فيه …… واجي دغيا عفاك
رضى : اش جاك اليوم ؟ موالف نبقى فلاصال تالطناش دليل
مروى : وراه الحدااااش ونص هادي …. وصاااافي أجججي دغيا ..
رضى : واش واقعة شي حاجة ؟؟؟؟ مالكي !
مروى : والله مواقع والو .. صافي غير قنطت وعييت نتسنى فيك و.. ( كتغزز شفايفها ) م.. م محتاجاك هاد الليلة ن .. ن .. نقصرو شوية بجوج ….
رضى : قصاراااااتك خاااويين امروى غا خليني نخدم خدمتي
مروى : والى درت ليك قصارة عامرة تجي !!!
رضى : اودي كون عرفتها عامرة كون خليت الخدمة لغذا وجيت ….
مروى : اوا مالك كاتجري على رزقك ….. مااااعرفتي
رضى : ههههه وعلى مافخباري تا شي حمار ما مات ليوم ….
مروى : ههههه اجي ونقتلوه هههههه
رضى : ابعدي مني اداااك شنيولة خليني نااااسي مع الخدمة نتي راه غسلت عليك يدي .. تانجيب ليك شي نهار شي وحدة نقوليك هاهي ضرتك عاد تكعدي ……
مروى : بسم الله الرحمان الرحيم .. تلقى نتا حسن مني !!!!
رضى : مانعرف .. محاولتش نقلب
مروى : واخا تطوااا ماتلقاهاش .. واااصلا الا لقيتي حسن من العسل غالعقووو
رضى : وفيناهو داك العسل بعدا لقيناه
مروى : هههه اوا اجي لدار ، نجيبو ليك لخدمة مثلا !!!
رضى : وهاد العسل شاد معايا العكس .. ماقرر يبان تالنهار انا عندي الضرائب ..؟؟؟؟؟
مروى : اوا قال ينسيك شوية ههه …..
رضى : ههه .. واحد ربع ساعة ونجي
مرزى : انا كنتسناك …. متعطلش ….
قطعات عليه عاضة على شفتها والضحكة واصلة لوذنيها بالفرحة .. معمرها ظنات ان كاينة شي فرحة قد هادي !!!!!! الحب الحقيقي الحلاااال طعمو فشكل !!!!!! مافيه حتى نبشة من تأنيب اضمير …….
ناضت للمرايا عاد قادات كحل خفيف فقلب عينيها كايزيد يبرزهم و ماسكارا لشفرانها …. زادت حمرات حناكها وفوق نيفها وشوية جبهتها … جمعات داك الروينة دمكياجها وناضت تاني سخنات داك شوربة من جديد …. وحطاتها … جبدات العصير …. وعاودات شعلات الشمع …..دخلات لدوش دارت شعرها فلافابو كتعاود تاني تفزگو كيف قالت ليها … باقا كاتعطر فيه وهي تسمع السوارت فالباب ، علات حجبانها وقلبها بداا يزدح وهي كاتفكر واش كولشي هو هداك … وجهها سخن وريقها نشف ، شدها توتر رهيب لدرجة شدات فلافابو وبظيها كايرعشو …. عاات عينيها فالنرايا وضحكات بتوتر كأنها غاتبكي!!! …..
رضى داخل كايلوي فعنقو وعارف انها هضرتها معاه لبارح جابت شوية دالنتيجة ولكن اقصى مغادير هاد الليلة هو تقوليه نشوفو شي فيلم تاني وينعسو كيف ديما !!!! ….
يلاه سد لباب وضار هو يعلي ححبانو … ضار براسو بشوية لتلفازة وكايشوف فداك الموسيقى هادئة منين جاية … وشاف لطبلة بدهشة !!! وبنفس النظرات شاف للصالون ! بعفوية تسللات من بين شفايفو ضحكة عااامرة بالعيا لي فيه وبدا يحيد سبردينتو كايضحك … وداخل كايشوف وكايعيط عليها والضحكة مخلطة بالغرابة فملامحو ……
رضى : مروى … ماااروى …
مروى : ( خرجات من البيت كطل عليه وكتنشف شعرها بفوطة وهو باقي عينيه على داك الطبلة ) جيييتي !!!! على سلااااامة …
رضى شاف لجهتها …. كايطلع فيها ويهبط ولاح السوات فوق طبلة تاتسنع صوتهم ….وكايقرب عندها كايضحك ضحكة عفوية مقادرش يجمعها ولكن منظرها المغري بدا يحمعها ليه شوية بشوية …… وهي غير شافت ملامحو كيفاش تقلبو من شخص كان مستغرب …. لشخص كايبان بحالا باغي ينقض على شي فريسة !!!!!!
هزها من خلخالها طالع مع اردافها ولمعة هاديك الكسوة …. تيليفون بدا كايصوني ليه وخشا يدو فجيب سروال وعينيه عليها … طفاه ولاحو تاهو فوق الطبلة ومد يدو شدها من يديها قربها لعندو وهي كضحك وعضات على شفتها بفرحة ملي شافت دوك ملامح لي كانت مشتاقة تشوفهم كلما تزينات !!!! عمرها ظنات انه غايديرهم غير لشي حاجة سيكسي بحال هاكا !!! عاد قدرات تفهم هو شحال باااااد بوي !!!!
رضى : آآوو !!!!! …. ( علا ليها يدها لفوق كايتفرج فيها ) اش هااااد الزين تاني !
مروى : ( كتغزز شفايفها وتحاول ما امكن تعيش الجو وتطرد الخوف وتوتر والحشمة كيف وصاتها حفصة وتعيش معاه اللحظة لي شحال تمناتها بهاد ااشكل و ضارت فدامو لكيوتنيس ) كيجاتك كسوتي ؟
رضى : ( هبط عينو كياشوف فيها ورجع علاهم فوجهها ) لا هادي واعرة ( ضورها فيديه كايشوف مع ضهرها وهي فرحانة ورجع جبدها لعندو تاتزدحات فصدرو )
مروى : ( علات يديها حطاتهم فوق من كتافو كتحاول تزعم عليه كتر وكتر وهو دايب كايشوف فيها وفكل تفصيل زادتو هاد الليلة على المظهر ديالها لي كايعرفو ) عرفتك عيان ليوم …. ولكن قلت … امكن غاترتاح هاكا ……
رضى : ( حبدها لعندو كيحس براسو محتااااج هاديك البوسة وعطشان ليها ولكن خايفها تبدا تاني دير ليه كيديما وقال وهو مغزف عليها بالرغبة ) اشوفي عندي .. راه بالله وتمشي تاني تاتبداي ترعددي عليااا تانلوح مك هاد المرة من داك السرجم ..
مروى : هههه ( قربات عندو كتر و تعلات على صبعان رجليها تبدا قلبو يضرب بجهد كيوشف فيها ) والله تغاندير جهدي كامل … نتا بغيتيها تجي مني … ونا انسانة روومانسية ههههه ها ليليتي كيفاش كتكون .. ماشي داك الجو البارد لي درتيه ليا نتا
رضى : وهادشي زوين صراحة ولكن ديريه لينا نتي … واش انا عندي لعقل لهادشي ههههه ( قربها لعندو كتر حيت كتبعد وعوج معاها راسو وهضر يصوت منخفض ) طولتي صراحة ….ولكن لاكانت طولات باش ( شاف مع دار) تجي بحال هاكا …( شاف فيها ) ماعليش ….
مروى : ( كاتشوف لعينيه لي كايبانو عاجبهم الحال وهضرات بندم كبييييييير ) سمح ليا
رضى طول فيها الشوفة ولداك نظرة سحال هازة دالندامة وهزها فيديه ولاحها على الفتوي وهي كضحك وكتفكر هضرة حفصة فاش قالت ليها هاديك راها رغبة ماخاصهاش تخلغك … وجا من فوقها ، غرق فوسط شفايفها كيحس براسو توحشهم بزاااف …. وهاد المرة تجاوبات غير بيديها معنقاه ولقات راسها فعلا كتحيد هاديك الحشمة شوية بشوية ، و كتنساجم كتر وتحاول تعيش ….. دماغها طفى على كولشي وعايشة معاه هاديك اللحظة حيت فيها كاع علاش كتقلب … تاحسات بعضات فعنقها بدات كضحك وعلات ليه راسو ..
مروى: ههههه مغانتعشاوش ؟
رض : اشمن عشااا… اشمن عشاااا دابا … منبعد ( خشا راسو تاني فعنقها وعلاتو ليه كاتشوف فيه وتضحك)
مروى : هههه لا صايبتو بالشهوة ديالي .. والله حتى غايعجبك …. راه غادي يبرد …. ( شدات وجهو ) والليل راه طويل ولا لا ! ولا يمكن عيان ؟
رضى : اشكون قاليك انا عيان …. انا بيييخيير !
مروى : ( تگعدات من على الفوتوي وجوههم قراب و نطقات ) يلاه اجي نتعشاو بعدا وگول ليا كيجاك العشاااا …. وبشوية مالك مزروب ههههه
رضى : ابنت لذييينة ماااخصني عشااا انا … من بعد وناكل … ( جبدها من رديها تاطاحت عليه )ااااجي ….
مروى : ( شادة فصدرو ) لا غايبرد و من قبيلة وانا واقفة عليه … نووض ( كتتجبدو من الكول دتيشورت ) يلاااااه اجي ….
ناض كايتنهد عارفها غاتشحفو تاني …. وتنهد ماشي بجهة بيت نعاس …
رضى : غااابداي تجهلي فديلمي فهاد الليل ، ومنبعد دمعي عليا
بقات كضور راسها وضحك ، هاد جملة كانت كتخلعها ولكن غير شرحات ليها حفصة انها كتعني رغبتو القوية فيها ولات كاتعجبها …..
دخل رضى يغسل يديه و وجهو وشاف لسرير لقاه تاهو مقاد وخدا تنهيدة عمييقة رتاح نسبيا ان داك الكابوس قرب يسالي …وانه خدا القرار الصح ملي مابغاش يتخلا عليها وصبر ….
اما هي فالكوزينة هزات هاديك لاسوب حطاتها فوق طبلة وغير كتفكر فردة فعلو شحال بان ليها فرحان ونسى العيا … كتفكر بلي حل زواجها كان ساهل و بين يديها غير هي كانت كتغمض عينيها عليه .. وعرفات بلي مستحيل غاتقدر تعيش ولا تبغي شي واحد اخر مزال من غيرو هو … كتحس بيه هو اول حب ! انور كان غير تبرهيش ….. حيت هادشي لي كتحسو معاه جديد عليها اول مرة تحسو …. كانو مشاعر ناضجين وصادقين والاهك انهم فالحلال ….
شافتو جا وضحكات ليه وجر كرسي گلس .. هو عينيه غير عليها حمقاتو بإطلالتها …. صبات ليه وهو معلي حجبانو فروعة العشا .. وگلسات تاهي كاتشوف فيه كايدوق …
مروى : كييجاتك ؟
رضى : لا واعرة … بحال ديال لي غيسطو نيشان ماعندي مايتسالك ( شد ليها يديها باسها )
مروى : بصحتك …. ( كتشرب تاهي ولقات راسها عجباتها واخا ماعندهاش مع الحوت اما هو سالا ديالو وبدا كايزيد ) كيداز نهارك ؟
رضى : ( كياكل من لا صالاد ) عاد بدا ….
مروى : هههه هذا راه الليل
رضى : غير كايجيب ليك الله … يلاه شرقات عندي الشمس انايا …..
مروى : هههه .. فخبارك ( كتنقب من لاصالاد ) فكرت قبيلة فواحد الفكرة هبيلة هههه
رضى : شنو هي !!!!!
مروى : نعاود العرس ههههههه
رضى : الاعندك فلوسو عاوديه … راجلك كولشي حطو فضرائب
مروى : ييييي ، هاد الضرائب هادو عاودات ليا عليهم وجدان .. قالت ليا كتكون معصب فيهم وخاصني نعطيك التيساع
رضى : ( كايخوي الما ) وجدي غا ليلات بحال هادو وعليك لامان مكاينش لي يهضر معاك ….
مروى : وزعما عندك الخاطر !!
رضى : الالة مااااشي سوقك …. خاطري هداك انا عارف امتى كايكون وامتى لا ….
مروى : ههههه كول بشوية
رضى : لا مامساليش …..
مروى : ههههه …. عحبك العشا ؟؟؟؟
رضى : زوين زوين ….كولشي زوين ….
مكان كايشوف لحتى شي حاجة تما … ماراد لبال لوالووو من غيرها هي … ومن غير البنة ديال هاديك لاسوپ … عقلو طافي على شي لاخور ….. محلول غير على السرير تامن لعشا كايتعشى بزربة …… سالا من صالاد وهز راسو وشاف عندها هي لي باقا كتاكل بشوية
رضى : ( مد يديه حيد ليها المعلقة) صافي باركا عليك ….
مروى : خليييني ناكل …. راه نورمالمون هادي جلسة رووومانسية ….. ( جاتها بالكية )
رضى : منبعد منننبعد …. نوضي باركا عليك ….
مروى : اويلي من قبيلة وانا نوجد …
رضى : نسالي ونجي نشوف هادشي
مروى : ههههه واخليني نجمع هادشي منقدش نمشي ونخلي هادشي مورايا غانبقى كانفكر فيه مرون وغايطلق ريحة
رضى : ( بنظرة مهدودة ) ضرووووري تشحفيني ياك ؟ …
مروى : ههههه خليني نجمع …
ناضت كتجمع هاديك لاسوپ وهو تنهد مشا لبيت النعاس حيد تيشورت ديالو لاحو و دخل كايبروصي سنانو … حطات كولشي فثلاجة وغطاتو وغسلات يديها وزادت شوية فصوت داك الموسيقى توصل لبيت نعاس ، ورجعات تطات على الكنطوار …. كاتغزز فشفايفها ، وكتحاول تبقى هاااادئة ومتخافش بزاف وتاخد السيطرة تاهي كيف قالت ليها حفصة ولقات عندها هاد مرة نقطة قوية وهي انها ولفاتو دابا ماشي بحال اللول … هي انها بغات تحافظ على زواجها منو … ودابا ولات كتعرف تقرا ردود افعلاو … وقرات فعينيه هو شحال عجبو هااادشي وشحال متحمس !!! …… خدات نفس عميييييق ماضيعش حلاوة هاد الليلة والحو ديالها لي من لبارح وهي كاتفكر فيه وصبحات كتوجد …..
ودخلات لبيت النعاس لقاتو باقي فدوش .. وطلات عليه كان واقف هاز داك الباك لي شراتها ليه ودخلات وقفات موراه ….
مروى : عجبك ؟
رضى : زوييين ( حطو وضار عندها وجبدها عندو شد وجهها بيديها وهبط على راسها باسو ) ماتاتعجبكش اللحية ؟
دمروى : ( علات يديها كاتخربق فيها ) لااااا بالعكس … كاتعجبني … غير قلت مرة مرة تنقصها راسك هنا فالدار … ونقصهاا ليك أنا ….
رضى : ( كايدوز يدو على شعرها ردو لور ومن بعد بدا كيدوز ضهر يديه على خدها بحنية ) شوية حريق الراس ؟
مروى : شووية غير الى تحنيت .. دابا مكنحس بوالو ….
رضى : ( هبط على شفتها ببوسة طويلة مرتاااح فيها لي مغايقطعهاش ويبات معدب …..وشاف فيها بصوت منخفض حنين ) حيدتي منك شوية الخوف ولا باقا مخلوعة ؟؟
مروى : ( هبطات عينيها مدة ورجعات شافت فيه ) حيدت شوية وباقا مخلوعة شوية … ولكن … ماعليش …. مابغيتش نزيد نطول ….شحال مابقيت …. فيا فيا هههه …
رضى : ( كايدوز سبابتو تحت ذقنها ساهي فيها ) شنو خلاك تبغي ليوم ؟
مروى : ماعرفتش .. ولكن ليوم … انا تأكدت بلي … نتا ( علات عينيها فيه بحب كبير ) كتستحق مني نعطيك كولشي ….
رضى : (رفع حجبانو شوية كيشوف فعينيها و ميل راسو معاها ) علاش شحال هادي مكنتيش عارفة ؟
مروى : ( حركات راسها بلا كتشوف فصدرو ) كنت مزال مكنعرفش نقراك … ( علات فيه عينيها ) انا ليوما … ماقريتكش غير نتا … قريت حتى راسي …. (دوزات لسانها على شفتها التحتانية ونطقات بصوت خافت) عرفتي ارضى …
رضى : ( بحب ) امم ؟
مروى : انا راه باقا مراهقة …. ( علات عينيها فيه كايلمعو بالدموع ) ولكن ….. ( بصدق ) والله تاااابغيتك … بقلب واحد مراهقة .. يلاه حلات عينيها على الدنيا … معاك نتا …
رضى : ( ابتسم ليها وهبط على شفايفها ببوسة طوييييلة ثانية غاص فيها لدقيقة ونصف …… غمضات فيها عنييها تنغماتها معاه ….وتعلا حط نيفو على نيفها وهضر وهو باقي منتشي من هاديك القبلة ) الى نت مراهقة عاد حلات عينيها على الدنيا معايا …. انا راه واحد الشارف سالات ليه الدنيا عندك نتي ..
مروى هبطات عينيها وقلبها ضرب بالجهد لهاذ الاعتراف لي كان احسن حاجة سمعاتها و جاها كبييير بزاف على داك تعناب الرخيص لي موالفة تسمع، !! حسات بحالا هدا هو الاوريجينال والباقي كولشي ماركات مقلدة …. غزل جاها كايشبه لشي حاجة غااالية …. كتحس بنفس هاداك الاحساس لي كان كايوقع ليها ملي كاتشوف فشي لقطة رومانسية فشي مسلسل ولا رواية وتتقلص معدتها …..
غير فهاذ اللحظة كتحس بيه مضاعف حيت تقال ليها و موجه ليها هي بالضبط ، ماشي قراتو ولكن سمعاتو بودنيها … الصدى ديال هاذ الجملة لي قال ليها كتحس بلي غايبقا يتردد فگاع الأوردة لي فجسمها حياتها كاملة! … بعث ليها واحد الطمأنييينة كبيييرة وسط عروقها و راب داك جبل لي كان متقل كتافها ولي كان عبارة على سؤال ” رضى واش كايبغيني ” وجا الجواب … اجمل و اكثر تعبير من لي تخيلات ….. حاتها هاد الجملة حسن ببزاف من كلمة كنبغيك حافية لا بل جاتها كنبغيك كلمة عااااادية مقارنة مع اش قال دابا !!!!! بحللا كانت فمدينة صغيرة سادة عليها وفجأة لقات راسها فشي مدييينة كبييييرة عامرة ناطحات سحاب … الامر كان كايشبه نفس الدهشة !!!!!
بلا متحس تخشات فحظنو وعنقاتو مزييرة عليه وهي كاتفكر انها كانت كتهضر مع انور وهو ناعس وشحال من مرة قالت فدماغها راه مكيبغينيش …. تاحسات بالدموع دازو ليها بالندم …وفزكو صدرو وقلبها بدا كايتعصر عليييها بالحسرة …..
مروى : سمح ليا ارضى …. عفااك ..
مروى : ( علا ليها راسها ) علاش غانسمح ليك ؟؟
مروى : ( كاتشوف فيه بعيون باكين ) هاكاك …سمح ليا على اي حاجة … درتها فيك
رضى : ( بدا كايبتسم ليها بحنية وهو كامسح دموعها بيديه …. وهزها عندو تاعنقاتو من عنقو وزاد بيها خارج لبيت النعاس ) راه نتي لي غاتسمحي ليا على شنو غاندير فيه هاد الليلة …
مروى : هههه لا عفااك .. عفااك لامتكاااايس راني غا خوافة هههه
رضى : ليوما غانحيدو هاد الخوف ( لاحها على سرير وهي كضحك وجا فوق منها شد ليها يديها لفوق ) مكاين تاحاجة لي غاتخليك تخافي ( هبط تايفرق بوسات على وجهها ) غايجي غدا غايلقاك ناااااسية كاع …. ليلة وحدة …. وغاتنساي الخوف … وغاتبدا الحلاااااوة … ( علا راسو فيها جسمو ولا سخون بالشهوة ) واخا ديلمك حلوة من اللول …….
مروى : ( كاتشوف فيه بحب ولقات بلي هاد الليلة فعينيها مختلفة ملي فهماتها حفصة شوية ) صافي … غاندير جهدي …
طلع عندها كايمص شفايفها وهي هزات يديها حطاتها على شعرو من اللور و زيرات عليه بقوة مكايعجبوها قبلاتو ……
الشي لي خلاع يزيد فوتيرة هاداك التقبيل وهي شوية بشوية كاتفهم بلي الحركة لي دارت هي لي خلاتو يزيد فهاد الوتيرة وربما عجباتو اذن وعبر بهاد طريقة ..
شوية بشوية كتفكر و تفهم وهضرتها مع حفصة كتعاود فودنيها … الموسيقى لي كانت مطلوقة وصوت انفاسهم وريحة الشموع و تراقص اشعتهم فالحيطان …..خلاتها تشوف الجو رومانسي كتر من انها تحس بالخووف …
هبط لعنقها وهي علات رااسها للفوق بشهقة !! ، من اجمل التقبيل لي جربات معاه هو ديال العنق .. حيت كاتقدر تعبر بملامحها على شهوتها فخاطرها بلا مايكون كايشوف فيها…. للحظة حسات بالدموع تعمرو فعينيها ورحمها كاايتتتقلص …
يديه تخشات من تحت الكسوة وهي زيرات بيديها على الكوڤر لي ملي حسات ببسنانو فصدرها وتسمع موراهم صوت تقطاااع ديال ثوب هاديك الكسوة تاااوسعات عينيها !! .. رغم هاد الحركة الا ان تقبيلو و ان انفاسو كانو مختلفين هاد الليلة !!!! ماعرفاتش واش بسبب الحو لي خلقات ولا بسبب انه كايراعي لخوفها باس تبقى مهدنة ولكن هاد المرة مكانتش عنيف بحال المرة لولا ، حسات انه بحالا فهم غلطو ومابغاش يخلعها و متحكم شوية فراسو …
كانت مداعبة ثقييييييلة ورومانسية اكثرررر والتقبيل كان ثقييييل سواء بالشفايف او باللسان … والموسيقى كانت معاوناهم فالاسترخاء ….
سلت ليها داك الكسوة لي ولات جوج قطع … لاحها وگلس على ركابيه كايشوف فجسمها لي مطلوق قدامو غير بسترينغ كحل غااااية فالاثارة وهي حساااات بالحشمة .. تزيرااات كلها ومابغاتش تبين … مخلياه ياخد راحتو فكل شي …. على القل تحس براسها كتكفر شوية على ذنبها …..
كايطالع صدرها وراد ليها لبال حشمانة ليكيشوف فيها بداك الطريقة و هو يدوز لسانو على شفتو باثارة كتر …. ورجع غاص وسط صدرها تاعضات على شفتها معلية راسه الفووووق …وتسمع منها انيييين تبعاااتو بإسمووو لي هرج ملحن بالتشوة وزاد كمل عليه ….وهو داير جهدو كاااامل يتحكم فراسو ….
ماكانتش كتحسو كيضرها … كانت كتحس غير بنشووة عميييقة كتنهش فيها الداخل وسط معدتها واحشائها ورحمها و و وخزات كيدوزو ليها فقنوات فالوب كايزيدو يخليوها تشهق …
غير كايسمع أنينها كتحسو كايزيد فالوتيرة وكيرجع يهديها ملي كيحس براسو بدا كيترفع… كان بحال شي موسيقار مجنون قدام سمفونية هادئة … بحال شي سائق متهور فطريق ضيقة وعامرة… تماما بنفس الحذر …..
كان كايحاول ما امكن مايفقدش الوعي ويبقى ضابط راسو باش مايخلعهاش كيما المرة لولا وكايحاول يدير اي حاجة تكمل هاد الليلة لي طال انتظارها …. واخا هاكاك عينيه تعسلو وبشرتو ولات مبرونزية كتر وتزييير كايشوف راسو مقادش مزال يكبح راسو وقرب لودنيها بهمس وصوت فيه انفاس متقطعة …
رضى : حبيتي ….. غانديرو سطحي فللول … عاد ندخلو ….. باش منضركش .. راه مغانقدش نصبر ونتعامل بشوية كتر من هاكا …….
مروى : ( كاتنفس وتنهج) مغانعرفش حسن …. ( كتضبط انفاسها ) حسن منك …
رضى : ( غاص فشفايفها تايقبلها بجنون) دييلمك …. خرجتي ليا عقلي اش كاتساليييني
مروى : هههه
رضى : ماضحكيش مااااضحكييش غانفرع والديك مااضحكيييش .. اهاذ البرهوشة ….. ( كايحل سمطة السروال ) تتتقفزي تاااااني نققففز مك ..
مروى : ( عضات على شفتها حرجها ) و .. وراه انا مامولفاش ارضى …..
رضى : ولفي … ولفي دابا ….
شرك تاني شفايفهم ويدو كتنزل ليها الكيلوط وفرح ملي لقاه سرد شوية عرفها مستمتعة …. وطول يدو موراها للطابل دونوي وجبد البواط دلي لانجيت حلها ورجع دفع برجليه سروالو منزلو كامل وتبعو بالبوكسر …. شوية بشوية كاايتررفع وكاينسى اش ضاااير بيه ، عينيه على سترينغها وعقلو فقط فرغبتو الجامحة فالتهامها كلها …. رجع فوقها كايوزع قبلاتو و نزل ليديه لتحت السترينغ …يالاه قاسها وهي تقفز كلها وبقا كيضحك
رضى : غير يدي ههههه
مروى : ( بخوف )ع .. عفاك .. غ غير بشوية …
رضى : مغاندخلوش دابا… لامشيت تادخلو غانفرعك …. تانخد بليزير لولا عاد نعرف نتعامل معاك الخوافة هه … ( بوسة فعنقها ) نوريك شنو هي تشحفيني هانا غانشحف مك تا نت
مروى : ( جاتها الضحكة ) رضااا ههه
رضى : ( خشا راسو فعنقها ويدو كاذاعبها من التحت) اممممم
مروى سكتات وهي كتحاول تستشعر هاد الشعور لي فرحمها ! وهو كايداعبها بصبعانو .. كان شعور جديد كايقلص المعدة ..وغرييييب !!!!!….. قرات عليه ولكن مظناتوش بهاد المتعة كااااملة !!!!! ….
يلاه كتحاول تستوعبو وهو تحس بشي حاجة قاصحة تحطات عليها !!!! تاني قفزات كلللهااا وهو شد يديها رجعهم لور ضابطهم وغرس راسو فعنقها تانساهاااا فيه … ماكانتش خايفة ملي كان كايتعامل بهدوء معاها ولكن كانت خايفة من هادشي الجديد عليها كيفاش داير !!!! …. حساتو بالعضو ديالو كايمشي بحركات لفوق ولتحت غير من الفوق وبين الشفرات ….بدون ايلا.ج … عرفاتو بصح غايما..رس سطحي…. تاشوية تهزات بهادوك الحركات لي بداو كايتسارعو وسراعت معاهم وتيرة تقبيلو فصدرها تاضروها حلماتها …. وبدا قلبها كايضرب بجهد وهي تسمعو فودنيها بصوت هاااامس عامر بالنهيج ……
رضى : ششش … ماشي دابا …. ماتخافيش …
سكتات وهي دماغها غير كايحاول يستوعب هادشي الجديد عليه ، الفضول كان اكبر من الاستمتاع .. كل احساس كتركز فيه .. كولشي كان جديد عليها …. فلحظة رفعها معاه فقبلاتو و تاعي خسات باحساس غرييييب بدا كايسكرها ، بحالا شربات بزااااف من ألكول قاسح مامخلطش الفرق الوحيد لي كان بيناتهم ان لاخر مر وهدا حلو … رفعها بسبب الاحتكاك مع بظرها تامابقاتش عارفة شكون هي ولا فين ولا اش واقع …. كان احساس غريييب عمرها ظنات بلي المما..رسة سطحية بلا ايلا..ج فيها هاد النشوة كلها !!!!
كان البظ..ر ديالها هو لي متفاعل فهاديك العلاقة …. نص دماغها مع نشوتها والنص لاخر مع رضى الجديد لي عاد كتعرف عليه !!! كان ضعيف بزاااف .. انسان حنين وقبلاتو كانو مختالفين على العادين كانو اكثر حرارة وقوة ، مرة كايشراسو مرة كايرجعو ثقااااال …
كاتشوف واش هاذ الإحساس غير بالسطحي؟ والاخر كيفاش غايكون ؟؟؟؟ عاد عرفات علاش السرير كايعطي هاذ السعادة كلها !!!!! فلحظة مبغاتش هادشي يسالي ومابغاتوش يوقف ! … الممارسة كانت غادا وكتزاد فالوتيرة شي لي خلاها تعرف علاش فضل يمارس سطحي هو اللول !!! حيت مستحيل كانت تتقبل هادشي فرحمها وهي باقا فييرج !!!! انفاسها بداو كاتعاالااااو تادماغها حس باحساس غريييي واحد اخر !!! كايشبه لشي ألم حلو جاي شوية بشوية و تايقوا كتر ….. بحال شي صورة مضببة كتوضااح …. حلات فمها بشهقة كبيييييرة ملي حساااات بقوتو و دمعة نزلات من عيييينيها وزايرات بيديها على الكوووفرلي وفرجها تتتقلص بالكاااامل ورضى تتبسم لي خداتو معاه فتفس اللحظة وغير مزادتو نشوة ….. وطاح كامل عليها خاشي راسو فعنقها وهي بقى حالة فمها مامستوعباش هاد الاحساااس شحال كاااان قوي وحساتو فدماغها كتر من رحمها !!!!! كان اشبه بالتقلص مخلط بالالم خفيييف كايعطي اثااااارة كبيرة للدماغ … كان شعور دام لثواني قلييييلة ولكن خلا انفاسها كتنهج مدة طووييييلة !!! اخساس كان خلاها بين المممات والحياة فشي نقطة بيناتهم تما ….فشي عالم بعيد على الواقع وهاد ااسرير ……ترفعات لتما تواني ورجعات باش تشم ريييحتو و وتحسس ملمس شعرو الخشن فعنقها وتزيد تعنقو بيديها كأنها شاكراه على داك المتعة ……
هو كان مرخي بالكامل بحال شي محارب فاستراحتو …. كايشم فريحة عنقها ومرة مرة كاعضها غضات خفااااف باش يسمع هاداك الانييين ….
بلا ماتحس بدات كتبتسم ملي حسات بانفاسو هدااااو !!!! … وهي كاتفكرو كيفاش كان فالممارسة السطحية ….
كيفاش رفعها لعالم اخر بقبلاتو ومداعبتو .. كيفاش كان حنين وعنيف فنفس الوقت !! … قدرات تفهم ان طبعو كامل و شخصيتو كتعكس على ممارستو …. و قدرات تتفهم ان حتى الجو لي خلقات وهاديك الموسيقى ساعدوه باش مايكونش معاها عنيف كتر … شافتو مد يدو لي لانجيت وهي غير كاتشوف وتتعلم وتحاول تتأقلم مع الوضع …
ماقدراتش تشوف و تنزل عينيها للتحت عندو وبقات معلياهم للفوق وشوية بشوية كتجر ليزيار لعندها تاسمعاتو كايضحك وشافت فيه بشوية وهو هبط لعنها مكالي بيديه وباسها ففمها
رضى : مغانحيدوش هاذ الحشمة امم ؟؟؟
مروى : ( كتغزز شفايفها ) اا .. م .. ماعرفتش …. ماشي حشمة … غ غير .. ( وجهها كولو حمر وزاد بالاحراج ) كن كنحاول. .. نولف ….
رضى : ( هزها وعلاها لفوق دالسرير كتر تاولات متكية على المخاد ) غانديرو شي حاجة اخرى دابا … ولفيها تاهي …
مروى : ( قلبها بدا كايضرب وسرطات ريقها ) ماغاضرنيش ياك ؟
رضى : وانتي شتيني درت جهدي كامل … وحيدت البليزير لولا سطحيااا غير باش ماتغلبش عليا ..
مروى : ( عضات شفايفها) .. و … واش مكاابضرش بزاف ياااك ؟؟؟؟ …
رضى : ( جابت ليه الضحكة وهو كايجبد الجيل من المجر ) ههه مفايتش جربت ههه
مروى : ( ضرباتو لدراعو ) رررضاااا
رضى : ههههه ( لاح حداه الجيل وهبط لعندها باسها فشفايفها وشاف فيها ) مكاين تاحاجة كتخوف …. الحاجة الوحيدة لي بغيتك ديري … هي تحسي .. هاد لليلة مغانعيشوهاش ديما …. غانعيشوها مرة وحدة … وغاتبقى ذكرى زوينة واخا تجرجرنا عليها شوية ههههه .. ولكن ماعليش جات بحلاوتها ….
مروى : ( حركا تراسها باه ) ص. .. صافي واخا …
رضى : ( طول بوسة فشفايفها ) انا بصح داك كانبغيك مكنعرفش نقولها … ( مروى حلات عينيها فالسقف وهو طول بوسة اخرى تاااراخاها ودفعو فيها لدااااخل كامل تاغوتاااات ) ولكن كانعرف نديييرها …..
🍃🍃🍃🍃🍃🍃🍃🍃🍃🍃🍃🍃🍃🍃🍃
فهاديك الليلة ….فهاديك اللحظة بضبط لي وقفو فيها أنفاسي ….
ماعرفتش واش خاصني نشكر حفصة ، ولا نلوم هادوك الاشاعات لي ضخمو هاد الليلة تاولات كتخلع! ، ولا نزيد نعنق رضى و لا نتمنى كون ماودنش الفجر وماطلعش الصباح من هاديييك الليلة ! …
شحال تمنيت كون وقف الوقت….. لحظة مقدسة عطيتو فيها دمي …. هادوك جوج قطرات لي نزلو …. كانو مبثابة دمي كامل ….
كنت مرفوعة كنستعوب الاومور ونحاول نفهم هادشي كيفاش كايكون … مزال كنحاول نعرف هداك الجيل شنو هو .. ونحاول نتخيل الحريق كيفاش غايكون …. مزال كنتفكر الكوڤرلي لي راني مفرشة اشمن لون واش بيض ولا كحل … حتى حسيتو اخترقني !!! مكانش اخترق غير بكارتي …حسيت بلي اخترقني انا كااااااملة …
ماعرفتش …. ولكن واقلة انا غانكون العروس الوحيدة لي محسات بحتى شي حريق !!!! كان الم كايشبه نوعا ما لوخز بسيييط !!
كان خاصني وقت كبير باش نتقبل بلي بصح ساليت !!! بلي بصح صااافي! … هاداك كالكاوبس سالا !!!! كنت كانقول مايميكنش !!! وفين هو داك الحريق وداكشي كامل !!!!! صافي غير هادشي !!!! ..
كيف الحمقة شداتني هستيرية ديال ضحك …. واخا كان كايقوليا مضحكيش باش ماتقصحيش مااا اهتميتش !!!! كنت فرحاااانة …. جاتني الاومور غرييييبة بزاف !!!! شفت رضى كان كايوشف فيا وكايبستم باستغراب .. كان كايحاول يفهم علاش كنضحك فنفس الوقت مضحكاه ضحكتي …
بديت كضحك كيف شي هبيلة …. احساسي كان … بحال شي واحد قالو ليه هز جبل … وبقى بزااااف وهو واقف كايشوف لداك الجبل وكايقول كيفاش غانقدر انا نهزو ؟ راه منقدرش راه مستحيل .. وكان كلما يقرب يقيسو … كايفشل و وكايرجع …. وملي زعم .. وقرب … وحط يديه على هاداك الجبل و لقاه خفيييييف !!!! دغيا تهز ….
نفس هاديك الضحكة …. حيت انا ضخمت الاومور وكانو ساهلين … بزاف !!! ..
ولكن فواحد اللحظة انا ماعارفاش كيفاش … لقيت الضحك تحول ليا لبكا ! .. دموع كانو كايسيلو .. وضحكة رضى تاهي تجمعات … فرحت بهاديك تعنيقة لي دار ليا …..
كنت عارفاه معارفش علاش كنبكي … ايما غايقول راه ضرني … و لا باقا مخلوعة ، ولكن فالحقيقة انا راه كنبكي حيت …. لا انا بصح معارفاش ! ….
علاش كنت كنيكي ! …
يمكن …. حيت فداك اللحظة … جا فبالي أنور …
ماكنتش كنبكي على ود صافي عمرني نكون معاه ….
كنت نبكي … على ود انني وعيت براس خنت رضى معاه !!!! …
خنت رضى .. مع واحد برهوش … الى جا وقف قدامو يبان قد ولدو ….
ماعرفتش كيفاش وليت نفكر بهاذ الطريقة رغم انني صغر من انور …هادشي خلاني نفكر بلي تأنا ممكن نكون قد بنتو ….
ولكن الشوفة فيه .. وليام لي عشت معاه .. المسؤولية لي هاز … رجولتو … خلاتني نحس براسي مع راجل قاااد بيا …. خلاوني نحس براسي انني ديما غانبقى هاديك الصغيرة فعينيه لي غايبقا يخاف عليا ….. خلاتني نحمد الله كل ثانية على هاد الأبريل لي كان مكتب ليا …..
كنت كنبكي على داك الخوف لي كان خيفان عليا وكيفاش كان كايشوف فيا بخوف واش تضريت !! واش تقصحت ..
هاديك اللطافة كاملة لي كان كيتعامل معايا بيها … كلمة حبيبتي لي كانت كتخرج ليه مرة مرة …. هادشي كامل تجمع باش يبين ليا انا شحال مكنسواش .. وشحال ضلمتو … داكشي يمكن علاش كنت كنبكي …. عنقتو ومابقيتش قدرت نطلق … مابغيتش نطلقو .. بغيتو يبقا هاكا معايا … مبغيتش الصباح يطلع … مابغيتوش يمشي لخدمة … مابغيتش شي حاجة تفرقنا … وليت كنتنفس ريحتو ….
فهاديك اللحظة كرهت راسي بزاف … وماشي غير فديك اللحظة … انا كارهاه ديما وكل مرة كنت نشوف وجهو … كان واحد تعذيب الضميييير لا يطاق …. واخا ماكانش فنيتي انني نخونو ولكن غير كنتفكر اشنو درت وبلي الى جاب خباري نقدرو نتقارفو وعمرني نعاود نشوفو كنبغي نحماق …. ندمت بواحد الطريقة مايمكنش …. الاومور كاملة تقادات فحياتي ولكن هادشي ماغاديش يتنسى … بالمرة …..
عمرني فحياتي .. ظنيت رضى غايكون بداك الحنية كاملة فهاديك الليلة !!! وماكذبش بصح نهار قاليا غاتعرفي واحد اخر فالفراش ….
غير هو …. كل مرة كنتعرف على واحد جديد .. رضى دليلة الدخلة .. مكانش ابدا هو رضى ديال لاغدا …. وهو دبعدو …. كل مرة كنت كانشوف ممارسة مختلفة على لي قبل منها … كان شوية بشوية كايخليني نولف گاع الطرق .. وفگاع البلايص …. وتانا مامنعتوش من التجدد …. و حفصة نفاعتني بزاف هاذ السيمانة بنصائحها .. واخا ندير لي درت منقدش نرد ليها هاد الخير ….
مرة سواغي ماساج … سواغي فيلم …. كل مرة واشنو كنت كنندير باش نخلق السعادة على داك السرير … تفكرت كلامو للول كامل … وعاد فهمت اش كان كايقول .. عاد فهمت علاش الفراش مهم بزاف فالسعادة الزوجية …. كاع هاداك الغزل لي مكنسمعوش بنهار … كنمسعو بليل ، حياتنا دالليل مختالفة بزاف على ديال النهار … بحالا بالنهار معايا رضى …. وبليل عاااد كايجي راجلي …..
فالنهار كايكون شفايف معايا من على برا .. كايبانوليا فيه گاع نقط قوتو وكنعرفهم …..اما فالفراش كايكون شفاف معايا من لداخل .. تما انا كايبانوليا .. نقط ظعفو …..
بالنهار كنحسو ديال كولشي …. كنحسو راااااجل … وبالليل … كايطيح الظلام غير باش يزيد ليه داك ياء الملكية … ويولي راجلي … انا ….
فالنهار كايكون كولشي كايسال فيه .. الخدمة … الخدامة ديالو .. الصناعية .. مو .. باه .. ختو .. خوه …. عائلتي ….عائلتو … وبليل … بوحدي …. لي كنسال فيه ….
بصح كانت الحياة ديالنا مفروقة على جوج … ولكن الليل هو لي كان كايخدم ليا على النهار .. كلما داز اليل زوين … كايدوز النهار احسن …. كنحس براسي انني كنزرع بللليل ، باش نحصد بالنهار ….
مرة يكون حنيين … مرة يكون عنيييف تاكنهرب ليه لصالون …. مرة يكون تايضحك … مرة غير ساكت .. مرة باااااد بوي وسافل …..
كل مرة ونعاسو كيفاش كايكون … كانقدر نفهم ان نفسيتو كايترجمها فالفراش كاملة .. فالفراش كانقدر نعرف اشنو عندو بلا مايدوي ولا يعاود ليا ….
شوية بشوية وليت كانقدر نقراه … لغة الفراش ….تعلمت ليها شوية بشوية
اما هو … باقي مكنفهموش .. باقي خضر .. باقي مكيعرفش يقول كلام زوين بالنهار .. باقي كايعصبني … باقي كايعيب الماكلة ديالي …باقي فوضوي …. باقي عصبي .. باقي كايتعصب برا ويجي يرد عليا حرو .. باقي كايزعف …. باقي كيطلع ليا طونسيون بخصورتو … ولكن .. راه مايمكنش … مايمكنش انا … شحال وليت كانبغيه …..
دازت شهر .. تلاتين يوم …. كلها … وانا كنبغيه … فكل ساعاتها وفكل الدقايق لي دازو فيها … فكل مرة بدا كيبان ضوء الفجر و فكل مرة النجوم غطاو السما … كايكون كيهضر كنسهى فيه بحال الحمقة ….. صوت السوارت فالباب كايتحل ولا اجمل صوت كنسمع وفين ما كنت كنخرج كنجري ، فايتة عشت هاد الشعور مع بابا ملي كنت صغيرة ، ودابا …. بحالا تعاودات ليا طفولتي معاه هو …. حيت مفششني بنفس طريقة بابا ملي كنت طفلة ….. كايعجبني صوت تجويدو كاصلي …. صوتو هو فايق من النعاس …صوتو كايزعف فتيليفون .. كولشي فيه .. كان كايعجبني ….
وااانه يكون كايعحبني … واخا عااااامر بالحوايج لي مكيعجبونيش ……
هدا هو … لي يمكن كايقولو ليه … “الحب ديال بصح”
كالسة قدام مرايتها … كتعلي شفرانها بالماسكارا …. لابسة شورط ديال دجين وتشورت ديالو بلو مارين طايحة من اللور وخاشياها فالشورط من القدام وكمامها واسعين عليها نازلين تالمرافقها …. قادات شفرانها علاتهم ، رطبات شفيافها وحطات ظفيترها فجنبها ….
ورشات بارفانها وبقات كاتميساجا مع وجدان لي كتعاود ليها على الخدمة ديالها الجديدة مع طبيبة اخرى ….
ومسات لكوزينة حلات الثلاجة كتجبد فالفواكه تصاوب عصير يقصرو بيه هاذ اليلة ….
شاعلة فالتلفازة موسيقى هادئة لي ولات مبيلية بيها فهاد الوقت ملي كايقرب يدخل ….
كتبغي تخلق ليه جو الراحة من ورا الخدمة والستريس …. كتبغي تخلي ليه كولشي هادئ .. .عكس النهار كاتكون شاعلة على شي مسلسل ولا برنامج وصداع دماكينة الصابون والغدا كايتحط وهي شعرها جامعاه الفوق ولابسة بيجامة ….
والليل كايجي النقيض ديالو تماما … كاترتاح فيه من الشقا…. كتاخد دوش وتقاد راسها والجو ديال دارها …. وكترتاح تاهي معاه وهو كابنسى ستريس الخدمة ..
كتقاد راسها ولكن مابقاتش بغا تكون كاتعجبو غير هي وشنو لابسة ! ولا كايجيها داكشي غير تبرهيش .. ولات باغاه دابا يعجبو الجو حتى فدارو ….. وتعجبو حياتو معاها …
النضج فالزواج مكيحتاجش مدة طويلة .. انما كايحتاج موقف ولا جوج يخليوك تشوفي حياتك من جميع الزوايا وتوصلي حتال حافة انك اتخسريها وتفقديها … عاد كديري جهدك كامل .. تصلحيها ..
وملي كتصلح كتولي حتى نتي عاجباك … ومكتبقايش ديري جهدك باش تصلحيها …. كتولي ديري جهدك باش تحافظي عليها ……
صاوبات عصير فواكه ولي فخوي سيك .. حطات سناكات قدام تلفازة وربعات على لي فوتوي كاتقلب على فيلم للسهرة بعد ما ظلمات الدار وخلات غير ضو خفيف جاي من الكوزينة ..
علات عينيها لساعة بانت ليها 11 ونص …. قالت هذا مالو على هاذ تعطيلة فلاصال….
يلاه غاتهز تيليفون تصوني عليه وهي تسمع السوارت فالباب و هزات عينيها لعندو …
كان داخل مسخسخ بشورط كحل نايك معري على ركابيه الكبار السمرين … وتوني معلقو غير فعنقو وصدرو عرقاااان وباينة فيه الخدمة … وصاكدو ديالو على كتفو … غير دخل لاحو وهي كطلع فيه وتهبط .. كايعجبها منظرو ملي كايكون عاد داخل من لاصال …. كايكونو عظلات بطنو بارزين شوية ولي مولي درجليه تاهوما … عكس فالايام العادية مكيبانوش …..وبدات طلع وتهبط فيه بحال شي وحدة اول مرة كاتشوف وكاتشهاه ….ورجعات قدات جلستها …
مروى : يلاه غانصووني عليك تعطلتي. .
رضى : ( كايحيد سبردينتو مسخسخ ) بالعكس هدااا هو الوقت ….
مروى : ( ماشية لجهتو ) ناااري تسخسختي
رضى : واايييه … ( قربات راسها عندو وهو يبعد ) عرررقاااان
مروى : ( تعلات على صبعانها كضحك وعنقاتو بديها من عنقو كداعب شعرو من لور وقرفاذتو ) ومن بعد !!!
رضى : ( ضحك وهبط على شفايفها بيوسة ختمها بعضة تاغوتات ، نطق قريب من شفايفها كيشوف لعينيها) مغاتفرقيش عليك حوايجي ؟؟
مرور. : هههه .. لاااا … ( طلقات منو و بقات قريبة ليه و علات التيشورت ديالو لي لابسة لنيفها و شافت فيه من تحت شفارها ) تاتعجبني ريحتهم …
رضى : ( باسها فجنب فمها غادي لبيت النعاس وهي متبعاه بعينيها ) تانتي تتعجبي مولاهم….
خلاها ومشا وهي بقات متبعاه كضحك …. ورجعات لبلاصتها جلسات كاتسناه تايدوش ويجي ….
كتقلب فلائحة الافلام دالرعب واخا عمرها ظنات غاتفرج فيهم شي نهار ولكن ملي كايكيون حداها كاتفرج عادي .. واخا كتبات مخشية فيه كاترعد … ولكن كاتبقا هاذي هي حلاوتهم !! …
يالاه لقات واحد وهي تسمع تعياط عرفاتو تاني يا إما نسا الفوطة ولا شي حاجة …. ومشات لبيت نعاس بجهة الكولوار فين كاين دوش
مروى : نعاام ارضى …
رضى : أجي …
حلات لباب وطلات عليه .. يلاه كاتقلب عليه جهة الزاج ديال البينوار وهي تحسو جبدها من يديها وسد لباب وتكاها عليه …
بلا تامايعطيها وقت تستوعب كان غرس شفايفو فشفايفها جارها معاه حتا لتحت الرشاش …
ملي استوعبات بقات غير كضحك وعلات عينيها فيه … شعرو كولو كان نازل على عينيه كايدير فيها ابتسامة ماكرة …. تايفتح ليها الصدافة دالشورط وهي علات يديها لعنقو حاوطاتو
مروى : اش بببغيتي ؟؟ مممم…..
رضى : ( كاينصل ليها التيشورت ) تيييشورتي ….
مروى : ههه ( عاوناتو وحيداتو تلاح فالارض ) ها تيشورتك حيدتيها …..لي سوتيان راه ديالي …. ..
رضى : ( مد يدو كايفسخهم ليها ) مممم …. ولكن ، تحت منهم شي حاجة ديالي .. .
مروى بقات كضحك وهو ردها للحيط تاتزدخات معاه … وجا هو قدامها … علا ليها يديها لفوق وغرق وسط نهودها … وهي كتنهج ملي حسات بيديه كاينزلو معاها تحت الشورط … وكاتسمع همسو فوذنيها …..
رضى : مشيهي معاك شي حوايج … خاصني خمسين عام باش نساليهم فكل ليلة ….
مروى : ( باستو من عنقو كتنهج وعضات على شفتها معلية راسها لفوق من نشوة هذاك الاحساس لي وصل بيها ملي قاس بظرها ) وشنو مشهي ليوم …
رضى : ( بعد قبلة تحت ودنها ) مشهي غا هاذ الليلة مايطلعش فيها الصباح …
نزا ليها بزربة داك الشورط وهي غمضات عينيها حيت عرفات تاني هذ العلاقة غادوز عنيفة غير من كيفاش قلبها ولتخها مع الحيط … كتعرفو نهار كايكون هادئ … ونهار كايكون دمووو سخون وغاتخرج من علاقة كلها طبايع و مسخسخة …..
ماعرفات واش تركز مع قبلاتو فظهرها ولا مع ممارستو … فكل مرة كاينجح يرفعها ويخليها ماتعرفش فين تحط عقلها …..
بعد ساعة ….
كانت لابسة تاني تيشورت اخرى ديالو و هاد المرة ضد فيه ، كانت نازلة مغطية فخادها بحال شي كسوة … گالسة قدام المرايا وهو موراها غير بشورط ومركز مع شعرها لي قالت ليه ينشفو ليها مكتقدش تنشفو كامل لور … مركز بحالا كايدير شي حاجة مهمة …
نشفو ليها كامل وبقى مضارب منين يطفيه اما هي غغي كاتشوف فيه من المرايا وشادة وجهها بيديها ومبتسمة …
عنقها كان كامل حمر وعارفة راسها تاني غدا غايخصها تخبي هادشي بلونتيسيغن مكتبغيهش يبان فيها بالنهار عكس الليل لي كاتسيف فيه … بالنهار كتبغي تكون زوجة البيت .. وبليل … هاديك العا…هرة لي فالحلال ..
هبط على كتفها لي كانت طايحة عليه التيشورت معرياه ببوسة ، وزاد لصالون وهي تابعاه تاتلاح فوق الفوتوي وهي مشات للكوزينة حلات الثلاجة كاتشرب
مروى : ختاريت داك الفيلم …. قاليك ماكاينش لي قدر على الرعب ديالو وقلييل لي يكملو ….
رضى : ( شاد تيليكوموند كايشوف المعلومات و تريلر ) وباغا تفرجي ليه نتي اقلب الدجاجة. ..
مرور : مغانخااافش ( جات نعسات فحضنو بين رجليه حاطة راسها و ضهرها على صدرو ) ونتا معايااا ……
رضى : لا … ماخصنيش … غير كنبات كناكل الدق ظعاك بليل بقوة مكتقفزي وتبقاي تباكاي عليا … ( كايقلدها بصوتها ) هاهوما غايجيو هاهوما غايجيو
مروى : والله تاعجبني نتفرج ليه
رضى : مراشقاش ليا على هادشي هاد الليلة …. ديري لينا شي حاجة خفيييف تكون حاااامضة تعصبنا نوضو نعسو …
مروى : ههههه والحامضيين هوما الهنود ونتا مكيعجبوكش ههه … صبر ندير واحد الفيلم تركي حاااامض يعصبك مزياان ههههه ولكن زوين صيفي مابيهش ….
بدات كاتقلب وهو كايمشط ليها فشعرها غير خدماتو جابها قدامو وعنقها شابك يديه فكرشها …
وفعلا كان حامض ولكن زوايا التصوير والموسيقى ديالو وبلايليست كانو زوينين مناسبين ليلة هادئة من بعد حصة جنسية عنيييفة ……
متبعاه ومرة مرة كضحك مع اللقطات وتنقب من السناكات … وهو يديه كايداعبو صدرها ومرة مرة كايحل فمو فاش كتمد ليه شي حاجة ياكلها …وكايتفرج معاها ..واخا جاب ليه الملل ولكن عجبو الهدوء ديالو .. حتى تسالا وهي ضور عندو ..
مروى : منعرفت كيفاش مانعستيش ليا فهاذ الفيلم هههه
رضى : ( كايحك ورا عنقو ويلويه تعوج ليه وهو متكي ) واحيت ليوما راني فقت تاالجوج ….
مروى : احقا راه هضرت مع وجدان وقالت ليا لاكنتو غدا مساليين اجيو بكري .. زعما نمشي مع الغدا ماشي حتى الليل …
رضى : لا والو …. والله مشغول مع السلعة غايجي واحد السيد على ود داك ديبو دالخشب نمشيو نشوفوه … ليل وعاد موحال نمشيو … يمكن تال الحد …..
مروى : خدمتك هي لولا ولكن من الاحسن نمشيو فليل نصبحو تما ولا تاني يمشي لينا نص نهار غير فتعياط عليك فالصباح مكتبغيش تفيق ونص لاخور يمشي لينا فالطريق
رضى : اوا يكون خير .. ( كايرد ليها شعرها اللور ) انا نشوف كيندير …
بقات غير ساكتة كاتشوف فيه وهو موزع نظراتو عليها بهدوء كيف تعودات عليه فشخصيتو الثقيلة ….. وهي تهز يديها كاتلعب فلحيتو …..
مروى : ررضى !!
رضى : اممم
مروة : بعض مرات ملي كنگلس مع راسي ..كالقى راسي تبدلت بزاف ورا الزواج … بزاف دالمفاهيم كانو عندي تبدلو ليا …. وشي حوايج مكانوش كايعجبوني رجعو كايعجبوني وتاني العكس … واش هاذ التغيير لي كنحس بيه باين عليا ولا غير كايجيب ليا الله ؟؟؟ …
رضى : مكنعرفكش كيفاش كنتي قبل الزواج هه ولكن فالزواج اكيد راه نهار على نهار كاتبدلي شوية ومع الوقت كاع كنتبدلو …
مروى : ( قربات عندو كتر ) بحاالااش .. زعما شنو تبدل فيا …
رضى : ( عوج شفتو لجنب ) مااااعرفتش . .. مهم كاتبدلي ههه
مروى : وايه .. زعما فاش ؟ ( ضرباتو لكتفو ) عبر ولو لمرة فحياتك ابنااااادم
رضى : ( تنهد وقاد النعسة طاوي دراعو تحت راسو ) هاديك الحشمة لي كانت مبرزطاني معاك شوية بشوية كتنقص …. ( مروى مبتسمة وهو كايشوف معاه) طوال شعرك شوية …. ( قربها باسها فعنقها ) عنقك غادي وتايزيد يلذاذ
مروى : هههه .. هادشي مالاحظتي نتاااا … ههه انا كانقوليك فشخصيتي
رضى : ماعرفتتش …
مروى : بحال مثلا .. هاداك الشهر دزواج ( شافتو كمش ملامحو وهي ضحك ) لي لهلااا يدوزو مزاااال على شي مسلم ههه …بحال مثلا فهاداك الشهر … مكنتش كنبغي ليك الفراش وكنت كنخاف وكنا كنضاربو بزااااف .. ديما كنت كنبغي نسولك .. شنو خلات تصبر عليا داك المدة كاملة ؟ اممم !!
رضى : راه جاوبتك ديجا غير نسيتي ( زاد قربها عندو كايقاد ليها النعسة فوق من صدرو ) انا ماشي من الناس لي كايشوفو غير العيوب …. كان فيك شي حوايج لي مغالقاهمش تاني فشي وحدة اخرى غتعطيني الفراش دغيا ….
مروى : بحالاش
رضى : دابا نتي بغيتي لي يحلهاا ليك وصافي هههه …. بحال مثلا حادگة بزاف .. يعني الراجل كايفرح الى دخل ولقى الدار نقية مجموعة ، حوايجو مصبنين ومصلوحين …. مكنتيش معكازة فهادشي ديال الدار …. كانت ديما كاتعجبني نقاوتك … فاش كندخل لدار كضربني ريحة زوينة … دوشات ديما كالقى كولشي نقي … كتقابلي الغبرة حيت عارفة فيا الحساسية …. طيابك بنين …. وهادشي راه قليل فين تلقاه هههه البنات ديال دابا راه عاطيينها غالانستغرام دار كاتبقى هاكاك …. وتقوليك نعيطة ليڤرور يجيب لينا بيتزا …
مروى : ولكن تاني راه عندي السيدة كتعاوني
رضى : لا لي نقي راه بااااين .. السيدة معايشاش معانا … كان كايعجبي فيك حيت راسك صغير وخا عصبية … تانتي بحالي مكتشديش عندك فخاطرك بزاف غاكنهضرو صافي كتنساي … كايعجبني حيت كاتسمعي الهضرة فاش كنقول شي حاجة كاديري بيها واخا ماعاجباكش … الاهم تاني انك محافضة على صلاتك … محترمة راسك ، شخصيتك قوية غاتعرفي تربي الولاد ماغايطلعوش ضعاف …. بزااف دالحوايج شفتهم فيك خلاوني نصبر تاديري عقلك هههه …
مروى بقات غير كاتشوف فيه وتنهدات وعنقاتو حاطة راسها فصدرو وهو باس على راسها
مروى : فخبارك بلي نهار شفتك اول مرة فاش جيتي عندنا لدار وفاش هضرنا شوية جاني صعيب نزعم عليك .. مكنتش الصراحة حتى نقدر نتخيل حياتي معاك كيف غاتكون …. دابا … دابا مابقيتش كنتخيل حياتي بلا بيك كيف غاتكون…..
رضى اكتفى فقط بقبلة فراسها مكيعرفش يجاوب على هاد الكلام بزاف او بالاحرى مكيعرفش بمرة ….. تاسمعها
مروى : رضى
رضى : اممم
مروى : كنبغيك … والله تكنبغيك
رضى : ( ابتسم وزاد عنقها ) تانا احبيبتي …
مروى : ( علات راسها فيه بإبتسامة كاتستافزو) نتا شنو
رضى : ههههه وهنيينا
مروى : قوووولها
رضى تگعد وهزها معاه تااغوااات و دارها فوق كتفو ودلا ليها راسها لتحت وضرب ليها فمؤخرتها تاشهقات
رضى : يلاااه لهييه ونقولهااااليك بحاجة اخرى ….
مروى : ( مقلوبة لتحت غادي بيها لبيت نعاس ) ررضااا يلااااه دوشت ونشششفت شعععري
رضى : عااااوديه ….
اليوم الموالي ….
طفات على طاجين .. ومسحات يديها بسربيتة وحطاتها .. كانت ببيجامة حريرية فالازرق غالق … جامعة شعرها للفوق… ولابسة كلاكيط …. يالاه غاتحنى لماكينة الصابون تجبد الحوايج وهي تسمع التيليفون ومشات بإتجاهو دارت الكيت بلوتوث فودنها وغادة كتحيد الحوايج
مروى : ماما صباح الخير
خديجة : ابنتي …. صباح نور …. واخا مابقا صباح ….
مروى : ههه وراه طناش ناس كاين لي كايفيق عليها ههه غا حنا طالعين بهاد النفس العوجة …كيصبحتو ؟
خديجة : لاباس.. غا يسرى مسكينة صبحات كاتقيا يلاه جا خالد داها لطبيب
مروى : قالتها ليا البارح غزلان فاش قالت ليا راه ضرباتها الشمس عرفتها غاتمرض
خديجة : تاهي مسيكينة صحيحتها على قدها .. قوليلي ابنتي ياك جايين ؟
مروى : مانعرف اماما …. لبارح قال ليا عندو الخدمة … راك عرافة راه باغي يزيد داك ديبو دالخشب لي قلت ليك .. وراه ملهي معاه … الى سالا بكري نقدرو نجيو هاد الليلة ونجي عندكم غدا .. الى ماسالاش راك عارفة غانتعطلو مع دارهم ونجي فالعشية نكلس معاكم شوية
خديجة : غير غاتكون خالتك قلت زعما تغداو معانا
مروى : اوا خاصني تانعرف فوقاش غادين .. تالعشية ملي يسالي نرد عليك ففوگال ..
خديجة : او ان شاء الله … درتي شي غدا ؟
مرور : درت طاجين ….
خديجة : ونتي غاتبقاي تقتلي هاد الراجل غابالطواجن …ماطلعوش ليه فراسو
مروى : وااهو لي ماعندوش مع المرقة …. مالقيت غا طاجين مسلكني …
خديجة : ديري شوية دالقطاني استنفعو منهم
مروى : امكيبغيش ياكلهم فالصيف قالك تايبرد الحال
خديجة : ودابا مابقى والو .. الحمدلله تهز داك الصهد …. يلاه يالاه ابنتي نخليك وسلمي ليا على محمد انا نوض نطيب الخبز راه خمر
مروى : سيري الله يعاون سلمي على بابا والله يشافي يسرى ….
قطعات على ماماها ومشات للبالكون كتنشر وهي تسمع تاني كايصوني وعرفات غاتكون ماماها نسات مقالت شي حاجة ومشات لتيليفون وهي تلقاها ابيل من انستغرام ديال بنت سميتها اسماء كانت قبلاتها هاذ صباح ملي لقاتها حاطة تصاور بنسليمان … معلية حاجبها كاتقول فين كاتعرفني هاااذي باش تصوني ؟ .. شكون هاذي ! …
وهي تجاوب باستفهام …
مروى : الو ؟
– مروى …..
مروى: ( حلات عينها على وسعهم ملي سمعات صوتو ) انور ؟؟؟ ( بعصبية ) اش بغييييتي ؟؟؟؟؟
انور : بلوكيتيني فأنستغرام زعما راه مغانديرش واحد اخر …..زعما نتي مطااااااورة …..مريييگلة
مروى : واش مريض فراسك ؟؟؟ زعما راه هضرنا ! غانبقى نعاود نفس الكاسيطة …اش بغيتي تاني ؟؟؟؟؟
انور : شنو سحابلك دابا .. تلعبي بيا وندوزها ليك ؟؟؟؟ واش عارفة اش درتي !!!؟ نتي راه ضربتي رجولتي مع الحيط …. جاية كتهضري معايا …. دوزتي بيا الوقت غاتصالحتي مع رويجلك قلبتي عليا ؟؟ انا تلعبي بيا ؟ انا انوريك تلعبي بيا شنو هي …. باج انستغرام دالخدمة دراجلك راه طالعة ليا .. هي و نمرتو …. و حتى لوكاليزاسيون دخدمتو ( مروى قلبها دغيا بدا كايزدح ) وانا راني فالدخلة دالمحمدية دااابا …. الى مافرتكت ليييك العش انا مااااشي أنور ابلاااااتي نوريك شكون هو انووور ….. غاااابلاتي ، نتي شفتي غالفيگورة المزيانة و لكن دابا غاتشووفي العيانة مزيااااااان
مرور : (كنحس بلسانها ثقال عليها من الخلعة و كرشها ترونات عليها … حطات يديها كترعد على صدرها وهضرات والخوف باين فصوتها ) انور … نتا راه حماقيتي … اش درت ليك انا ؟؟ … ياك بعدت منك وجيتك للصراحة … حرااام عليك
انور : ( بعصبية والغوات ) ششششهر .. شهرر ونا كنتسنى تلقى شي حاااجة على راجلك … ونتي ادمدومة لي كان كدخليييه عندك … هبيلة وغاااتبقاي ديما هبييييلة … انا نورييييك مزياااان دابا شنو هي تلعبي بياااا …. وا سيري تقاودي نتي دابا …. هادشي كان عليا نديرو من شحال هادي ولكن ماشي موشكيل .. ودابا هانا سالييت نوريك مزياان شنو هي ديريني ضحكة … ونشوف شكون هو هاد ميخي هذا لي فارعة لينا راسنا بيه ومخلياني على قبلو … ختاريتي الفلوس .. انا نوريك الفلووس .. باش مرة اخرى تلعبي بولاد الناس …..ووووبربي مغاااندوزها ليك
مروى : ( ركابيها فشلو عليها و طاحت كترعد على الفوتوي … الخلعة غطات على دماغها ودغيا سيناريوات قباح بداو كيترسمو قدام عينيها … دوزات يديها مسحات عنقها لقات راسها عرقااانة ) انور (بترجي وبصوت كيرجف) الله يسهل عليك لا …. اش درت ليك تاضيع ليا زواجي .. ياك انا غير جيت غير شكيت علييييك ….. وماقلتش ليك راه غانولي معاك … عمر هاذ الكلمة خرجات من فمي ولا غيير خليتك تحس راني باغاك ولا نرجعو !! …. واش انا عمرني قلت ليك هاكا ؟؟؟ انا غير قلت ليك راه زواجي على الحافة ..و … ولكن صلحتو
انور : (بالغوات) الالة ماسوقيش انا .. منين قلت ليك طلقيه و نرجعو مع بعضياتنا ماقلتي والو … جيت تال بنسليمان نتلاقاك خليتيني منشور و مشيتي … شكون نتي زعما فملك الله تلعبي بولاد الناس …وهاد راجلك براسو باقية مقلوبة عليه القفة … اصبري نورييييييك شنو هو البلوك … وشنو هو تجي عندي وقتما رشقات ليك دوزي بيا ااوقت …انا نوريك شنو هي نتا بحاال صااااحبتي …. وبررررربي امروى هاد الشمتة لي حسييت بيها نهار بلوكيتني لاااانسيتها ليك واخا نمووووووت
مروى : ( نزلو دموعها كلها كترجف من الخلعة ، نطقات صوتها كيترعد و حتى شفايفها ) انور الله يرحم ليك الواليدين … نتا راه مكتعرفش رضى كيداير وللله تااايڨتلك ….سيييير فحالك …. وزايدون انا مادرت والو … انا كنت معاك صريحة وقلت ليك ماااعرفتش ، ماااقلتش ليك اااه ، قتليك لاتصلح زوااجي حسن ليااا …. لي دوزناه دوزناه شحال هادي ونتااا لي ماكنتيييش معايا راجل .. قلت ليك غانتزوج وقلتي ليا سيري الله يسهل عليك … وتا فاش رجعت كنهضر معاك غير كنت تالفة وقلت نتا لي كتفهمني غاتوريني الطريق … ماشي كنت كنخونو…. انوووور الله يرحم ميييمتك لامااابعد مني راه راجلي صعيب
انور : هههههه واااابزززعطاااا … وبلااتي عليك غاابلاتي الى مافرتكت ليك داك العششش .. انا ماشي انور … واسيري دابا لله يعاون .. انا علمتك … الى مارجعتيش هاذ الليلة لدار باك …. اجي ددفلي قوووجهب
قطع عليها وهي زفات بالتلفون مع الارض … شدات بيديها بزوج على راسها مزييرة على جبهتها مغمضة عينيها مزيرة عليهم و عاضة على شفتها … بقات كترعد و وجهها كلو صفاار … ناضت كتمشي و تجي وقلبها بقوة مكيضرب رجع تايضرها فوسط صدرها .. دقاتو كايدقو بالالم بسبب الخوف …
بدات كتخايل اسوء التخيلات .. وحيت هي عارفة مزبان رضى كيفاش كيفكر وكيف داير .. وكتخايل يوقف عليه انور يقوليه شي حاجة مستحيل مزال يرجعو … يقتلو ويقتلها ….. معدتها كلها ضراتها تاجاتها الرررردة و السخفة بالدموع كااايسيلووو بغزارة و كلها كترعد. …
گلسات على الفوتوي كتبكي وكتفكر فشي حااجة دافع بيها على راسها الى جاه خبارها …. غير طاحو فبالها خوتها غايسيقو ليها الخبار تاهوما قلبها تاني بدا يخبط بجهد تاجاب ليها السخفة … وزادت فالبكا تابدات ض..رب فرااسها وتل..عن انها هي لي دارتها لراسها وخلات راجلها حتى نعس وهضرات مع برهوش … وهادي اخرة لي يتبع البراهش …
ساعة وهي غير كتمشي وتجي .. لون مشا من وجهها ….غير كتفكر وتبكي ….
مشات هزات التيليفون كتصوني لداك كونط مكايجاوبش … ماعرفاتش علاش مافكراتش فتفصيل انه يقدر يشوف كونط شركتو عندها فالناس لي دايرة ليهم فولو … اخر حاجة ظناتها هي انور يكون كايفكر بهاد طريقة حيت كاتوشوفو انسان خواف وكايهرب من الصداع …. و تاهو مامسوقش …
معدتها تقلبات عليها بالخلعة وراسها كايزدح …. لقات راسها مقاداش مزال تصبر على الشك و الوسواس وهاذ الافكار السلبية .. كاتقول صافي دابا راه فخبارو وغايكون انور مشا عندو و عاود ليه كلشي … و ممكن يكون وراه حتى ميساجاتها … من كترة الوسواس لي فيها فكرات امكن غايكون سجل حتى لي زابيل لي كانت كدير معاه … فكرات بلي ممكن رضى … راجلها … الراجل باغا و كتبغي غايكون كايسمع فديك الهضرة لي كانت كتقول عليه … بلا ماتحس و من كرهها لراسها عضات على يديها مغزززفة ، حطات يديها على وجهها و غوتات ! كتحس براسها حمقة ، حمارة و خائنة !!! …
طلعات راسها و خدات نفس ..
سرطات ريقها وبدات كتصوني ليه .. كل ما تعطل مجاوبش كلما كاتزيد تقول راه فخبارو وهاااهو غايغوت عليا. .. تاسمعات صوتو وهي تفاجااا
رضى : امروى …
مروى : .. ( كاتستجمع نفسها ) راك باقي فالخدمة ؟
رضى : اه باقي .. خاصك شي حاجة ؟
مروى : لا والو .. غ .. ( قلبها كايضرب ) تعطلتي …
رضى : واراه قلتها ليك قبيلة … غانتعطل شوية ليوم ، الى جعتي تغداي .. غانجي داك جوايه العصر
مروى :ا .. و وعلاش ! .. كون غير جيتي بكري ورجعتي ( كتسرط فريقها )
رضى : لا … غانسالي شغالي كاملين باش نمشيو شوية بكري لبنسليمان
مروى : ( جلسات على الكرسي قلبها كايضرب حتى كتحس بتنفسها غايخونها ) ااه غانمشيو لبنسليمان ؟ نسييييت … و واسربي .. سربي دغيا
رضى : (بقلق ) مروى ؟ مالكي ! بحالا مخلوعة ؟
مروى بقات غير ساكتة كاتستغرب كيفاش ديما كايطلعها غير من صوتها شنو عندها …
مروى : اويلي على مخلوعة علاش غانتخلع .. غ غير … قلت زعما نمشييو بكري وصافي
رضى : وراه غانشميو بكري …. العصر هاكاك نخرجو …. انا غانسالي شغالي ونجي
مروى : اااه … اوا ص صافي . ا انا كانتسناك ( يلاه غايقطع وهي تهضر ) ررضااا … شوف … ( قلبها كايضرب )
رضى : اشنو ؟؟
مروى : اا .. ب بغيت نقوليك .. ب بلي ….( تنهدات ودموع تجمعو فعينيها) كنبغيك وصافي ….
رضى : هههه امالكي هاذ الصباح ؟
مروى : والو …. غير بغيتك تعرفها
رضى : هههه واخا الالة… يلاه خليني نمشي نكمل شغالي
قطع عليها وهي بقات تاني كتمشي وتجي قلبها كايضرب وكل مرة ترجع تصوني وتسيفط فميساجات ووالو مكيتحلوش ….وداك لكونط طفى!!!!
عند رضى …
بدا ينفض الڤيست ديالو من الغبرة …. وهو خارج من البيرو نازل فدروج عندهم و بدا يجر بيديه سيتيرنات ديال الما كايستفهم فواحد القنت
رضى : ارا هااااديك لهنا …… زيد جر اصاحبي … مالكم مامغديينش ؟؟ …
– ههه لا تغديييينا … غا تقاليما .. راه تايقولك تغدى وتمدى
رضى : ( كاينفض فيديه ) هاديك ملي تكون شاد التقاااعد كايسيفطو ليك تلتالاف وخمسية درهم فالشهر …. خدم لا غاتخدم
– ههه الله اودي … نخدمو ماحدنا صغار …
ضرب ليه على كتفو وزاد … هو يتبسم ملي شافو داخل
رضى : يالاه لقيتيني غااانصوني عليييك ….
– وادزت للدار تغديت عاد جيت .. ياكما تعطلت عليك ….
رضى : لا لا ماشي مشكل ….. ( سلم عليه ووقف كايلبس الفيست ديالو ) ياك مابعيدش بزاف !
– لا لا … ( زاد معاه لطنموبيل ) راه مولاه تما كايتسنى .. وراه تقدر كاع تبني فوق منو …
رضى : انا باغي للسلعة ةصاحبي مغاديش نسكن تمااا. ..
– وداك البلاصة اسيمحمد راه خاوية و ارض فلاحية .. ديبو لتحت ودار لفوق ضورها بالبالكونات مالك … كاع لاماقديتيش تبني داكشي كامل لفوق بني غا نص ونص لي بيقى شايط كلو طيراس ….
رضى : اوا نشوفو دابا الديبيو ويكون خير … ( حل لباب طلع لطونوبيلتو وطاع السمسار حداه ) زعما والو مايبغيش ينقص شوية ! وا الصراحة ثمانين راها قاصحة …. انا راه بغيت غا ديبو ماعندي ماندير بالارض ولا الواد لي قريب …. انا باغي نشري ديييبو …. وتمانين را بزاف
– وادابا هو عاطي تمانين و الارض راك عارف طالع عليها داك ديبو وكايبع كولشي معاه .. ولكن نتساومو معاه الى بغا يبيع ليك غير ديبو .. ولكن تاني مزيانة ليك اصااااحبي الارض … راها ارض فلاحية دير فيها لي بغيتي …. نتا فكر لبعيد .. راها همزة مالك … ضورها غابزيتون و فرم دالليمون
رضى : واش نتا عارفني انا غانمشي لفلاحة … راه ماشي ديالي … انا باغي غاديبو بعيد شوية مانصدعوش الناس بالتقرقيب … نحطو فيه الخشب … اش داني انا لشي ليمون
السمسار : اوا نشوفو معاه …. اما هو مغاتلقاش بحالو تواااااسع و بييبان صحاح داكشي مفيني والاماااان ….
رضى : اخويا البيبان انا نعاودهم .. والامان راه عطى الله الكاميرات … انا خاصني ثمن مزيان .. نتوما اسمااااسىرية ىاه الماركوتينغ ديالكم مواااكلش معايا انايا ههههه ريح اصاحبي انا قلت ليك ديبو ماشي فرمة مردوخ ….واش جات بالبيبان اصاحبي واش انا غانشري البيبان بتمانين !
السمسار : ههههه حاشا اسي محمد حاشا …..اوا نشوفو ويكون خير ..يكون خير …
زادو لتما تاوصلو لداك بلاصة …. لقاو مولاها كاين تما ، سلمو عليه ودخل رضى لداخل كايشوف جاه ديبو تماما كيف داكشي لي باغي …. ورجع خرج لبرا عند السمسار ومول الارض كايتفاهمو على الثمن وكل مرة كتصوني مروى وكايقطع فلخر جاوبها كيبعد عليهم ….
رضى : امروى شنو ؟؟؟
.مروى : ااء … ( حساتو زعف وقلبها ضرب بجهد ) ع علاش كتزعف؟
رضى : واراني مششغووول …. راني برا … اش بغيتي ؟
مروى : ف فين راك ..؟؟
رضى : راني خدام .. اش بغيتي ؟؟؟؟ صدعيتني شوية لا
مروى : ياااك .. ا انا غير توحشتك وقلت تجي وصافي
رضى : وغانسالي وغانجي ….
مروى : ص صافي .. ا انا كانتسناك …
قطع عليها وبقات تاني غير كضور فالدار كتحس براسها لامكانش هنا قدامها ماترتاحش …. ااشك والوسواس كاينهشو فيها …
كتسنى غير فوقاش يجي ويمشيو فحالهم لبنسليمان بعدا غير يوماين تعيشها مازال معاه … ويكون لاخر نسى الفكرة ….
شوية وصلها مساج من داك الكونط وهي دخل ليه بزربة . ….. ورجعات فشلااات والدموع ساااالووو فاش شافتو مسيفط ليها تصويرة من باب الشركة درضى … وطاحت على الفوتوي كاتبكي وتنخصص …..وتعض فيديها ..
انور الشمتة مكانتش كاتخليه يحس بشنو كايدير واخا كايسمع فڤوكالاتها كتبكي وترجاه … هاداك الفقصة والشمتة عامينو … كيفاش استغلاتو فلخر طيحات برجولتو …. مابغا والو من غير يشوفها مدلولة راجعة ليه تاني ويلعب بيها كيف بغا … حيت عارف تعيا ضور غاتولي ليه ….
اما رضى سالا خدمتو مع داك السيد وتفاهمو على الثمن ودارو نهار لي غايتكاتبو فيه مور مايرجع من بنسليمان … وركب فطونوبيل حط السمسار حدا دارو وزاد لخدمتو …. ومشا لمحلاتو بجوج تاني طل عليهم وتفقدهم وتفقد المجورا وشنو دخل داك صباح …. ورجع تاني لشركتو ..
حط الطوموبيل ودخل من لباب لور ديريكت للبيرو ديالو … كايشووف العصر هادي ساعة ملي ودن وهو باقي مشغول و فيه الموت دالجوع …. حيد الفيست علقها فالكرسي وجرو كلس ….. يلاه غايحل بيسي وهو يسمع تيليفون وبدا كايسوط … هو يلقاها وجدان ..
رضى : الو …
وجدان : رضى … لاباااس عليييك ..
رضى : لاباس اختي بيخير .. كيدايرة نتي … الواليدة الواليد!
وجدان : كوولشي لاباس اخويا … ماما هاهي حدايا … واش غاتجيو تعشاو معانا ياك؟
رضى : اه غانجيو
وجدان : او اصافي … باش نتسناوكم ، حيت ماما عرضات عليها خالتي وبغات تشوف واش غتجيو ولا تمشي
رضى : قولها غير تمشي حنا راه غانجيو لداررر ياك مغاديهاش معاها ( كايسمعها حداها )
سعيدة : لا ياااااه .. عطي الله ليام ولدي كايجي عندي غامرة فسيمانة ….
رضى : وانتي تعرفي حنا راه غانجيو لدار .. تجي من عندها تلقاينا …
سعيدة : لا لا صافي نتسناوكم … انا اصلا دايرة شوية دجاج بلدي وجدتو قبيلة لمروى بمرقتو بالعشوب
رضى : علاش ؟؟
سعيدة : هااكاااك …. انا عارفة علاش …
رضى : وا المهم راني فالمحمدية دابا .. انسالي ندوز نتغدا ونجيو …
سعيدة : صافي اولدي طريق السلامة …
قطع عليها ورجع كايشوف فالبيسي ويقيد دوك الفاتورات دالسيمانة كاملة تاني …. كل مرة كايشوف لساعة … ماقال حتى سالا داكشي وسد البيسي جمعو فالكارطابل يديه معاه ….ماكايقدش يخليه ملي كايسافر عندو فيه خدمتو كاملة .
التحت ….
انور جمع شجاعتو من طوموبيل وزفر النفس وتكى على قلبو وتشجع …وخرج تاني يشوفو واش رجع ….
ونزل دااخل عندهم ….هو يقرب عندو اسماعيل حيت لقاه نفس السيد لي جا قبيلة وسولو على مول شي وقال ليه خارج وبقى كايتسناه فطموبيل برا …
انور : جااا ولا مزال ؟
اسماعليل : لا جااا …. راااه قلت ليك غا قوليا فاش بغيتيه انا نطلع نقولها ليه ..
انور : ( علا عينو لفوق لهاداك البيرو لي كايبان شاعل فيه الضو ورجع شاف فيه هاز خنافرو للسمااا ) لا عندي شي حاجة بيني وبينو … غييير انا وياه …
اسماعيل : ونتا تعرف ( كايطلعو ويهبطو ورجع شاف فيه ) راه لفوق لابغيتي طلع عندو …..
انور هز عينيه لداك البيرو وهو مغزززف عليييه ملي كايفكر بلي هو لي دا ليه مروى …
يالاه غايمشي هو يشوفو نازل فالدروج كايلبس للڤيست ديالو هاز فيديه صاك صغير دالبيسي و الفاتورات وسوارتو … وانور بقى كيطلع فيه ويهبط ماحسابوش قد هاكا ! …. كايقول لا واقلة ماشي هو !!!! تاااسمع الخدام قال سمييتو …..
اسماعيل : هاهووو نازل نيت ( خاطبو ) سي رضى … ها واحد السيد كايسول عليك …..
رضى هز عينو شاف فيهم .. طلعو وهبطو كايشوف واش كايعرفو هو يقرب عندو الخدام ديالو لاخر كايوصيه فنفس الوقت عينيه على اسماعيل وانور … سالا معاه وماشي بجيهتهم وقف عليهم كايشوف فانور و انور سرط ريقو من داك الشوفة …….
رضى : اهاه … مرحبا …
بدا انور كايشوف معاه واقف كايتسناه يهضر ..
وشكون غايهضر والهضرة وحلات ليه ماعرفش كيفاش يديير يهضر معاه وهو كايشوفو كبير عليه قد هاكا … لا فالعمر لا فالبنية الجسدية لدرحة هاز راسو فيه …. كايحس براسو بحالا واقف قدام شي عمها كبييير … ماحسابتوش بحال هاكا !!!!! …..
كايفرض عليك تحترمو بلا مايدوي ، كايشوفو دابا والنظرة لي داير فيه عاساااك الى قال ليه مراتك خااانتك معايا ؟؟؟؟؟ ..تأكد ان لامشى تاقالها هنا يموت …. لقى راسو محاصر بيه كايتسناه يجاوب وهو يسرط ريقو وحاول يهضر …
انور : لا .. غ غير … كنبن … ( كايحك بصبعو فوق حاجبو بتوتر ) كنبني واحد .. الدار .. و وجييت نتقضى السلعة
رضى : ( شاف فاسماعيل لي جاتو الضحكة وانور مقادش يهز عينو قدام داك الكاريزما ورجع كايشوف معاه جاب ليه لاستغراب) جاي تقضى السلعة ؟ … نتا هو لي كتبني ؟؟؟؟؟
انور : ااه … ا انا
رضى : واش بناي ولا دارك ؟
انور : لا ….لا … داري
رضى : ( كايرمش فيه كايقول مال هدا جاي بوحدو )اهاه …و فين الطاااشرون؟
انور : ( كايسرط فريقو ) اا. م م ماجاااش …. قلت نجي انا نتقضى سسلعتي ..
رضى : هههه ( جاب ليه الضحكة كايشوف معاه ) لا اولدي لا …. الطاشرون هو لي غايعرف شنو خاصو ….
اسماعيل : نتا مغاتعرفش شحال غايخصك دالبوطون ولا دالحديد … راه لي كايبني كايجيب الطاشرون ولا البناي معاه لي كايفهم فهادشي …. جاي تقضى الموانط هههههه شنو كتبني بعدا ؟
انور : ( غي كتيرمش بعينيه على الحصلة ) ل لا راه نقدر نعرف .. كنعرف شوية فهادشي دالبني .. كننبني دااار
رضى : ( تنهد ونفض ليه على كتفو ) دبا انا راه عندي مايدار …. سير جيب الطاشرون ديالك …. واجي مرحبا ….
خلاه وزاد وانووور جمع شجااعتو وسخانة طلعات ليييه لي ماقضى والو وهو من صبح وهو كايهدد ….و هو يوقفو …
انور : لا… دابا انا قلت … زعما .. ( كايستجمع شجاااعتو ومعارفش كيف يدير يقولها بلا مايدفنو هنا فنفس الوقت يدير ليها الصداع ) لا …عندك الحق .. خصني نجيب الطاشرون … حيت دابا غي جيييت نشري معاك شوية دالمعرفة قبل مانتقضى
رضى : ( ضار عندو جاه غريب ) اهاه …
انور : حيييت اا .. ( كايحك ورا قرفادتو ) انا راني ماشي برااااني … اناااا … انا سيفطوني عندك .. ( رضى كايشوف معاه ) انا من بنسليمااان …. و وملي بغيت نبني داري .. اااا … قالو ليا … ن نجي عندك نتا .. ح حيت .. … حييييت ….. م مراا …. مراتك( رضى علا حااجبووو ) ق .. قررات معايا … قرييينا انا وياها .. و وقلت … راجلها اولى نتقضى عليه .. ح ححسن من البرااااني ….
رضى : مراتي انا ! ( ضار عندو كاامب وهو سرط ريقو ) فين قريتي معاها !
انور : ..ف . فاااش كانت فالكوليج … ي ياك سميتها مروى … ل لانكون غلطت ….
رضى : اهاه ( كايطلعو ويهبطو ) ولكن كبير عليها شوية نتا لا !!!!
انور : ا … اه …. ماقىيناااش فنفس القسم ….وولكن فنفس الكوليييج … ( باغي يقول ليه هي لي هضرات معايا وسسفطاتني عندك وخاف ينحرو وهو يسكت وكمل مفادي يوريه شي علاقة عندو معاها غير يخرج منهنا سالم ) قريينا ف لكوليج ليسي لي فبنسليمااان .. و وراحنا جيييران .. حومة و وحدة … ( هز فيه راسو حيت عارف غاسميتو لاسمعاتها غاتخلع ) راها كاتعرفني .. قوووليعا غير أنور وغاتعرفني …. و وسلم عليها .. ع ع .. عندي عزيزة مسطينة .. ب بحاااال ختي …. .. الله يكمل عليكم ..
رضى : ( كايرمش فيه حيت ماطلق ليه الكلام تاعياه بالتمتيم ورجع تنهد ) اميين. … يلاه سير جييب الطاشرون لي غايبني ليك … واجي مرحبا …
خلاهم ومشا ولكن هيبتو خلاها باقااا تمااا لدرجة انور باقي حابس النفس …. شاف فاسماعليل لي لقاه واقف كايشوف فيه وابتسم ليه يتوتر وخرج بزززرربة كااينهج بعصبية لي ماقدر يدير والو …. ماحساابتوش راجلها كاع قد هاااكاااا وبهاد الهبية كلها …. جاه مضور بيه هالة كبيرة كتخليك بزز تحترمو بلا خاااطرك … وبقى كايحمد الله لي ماتفضحوووش ما كون قتلوووو ….. خصوصا لاعرف اش كايقول عليه وبدا يمشي ويجي كايرد شعرو لور خايف تكون مروى مامسحاتش المحادثة ودير ليه شي مشكل حيت جاه من النوع لي يخرج ليه على حياااتو ….. بقى يضرررب فروييضة ددطموبيلتوو بجهدد وبعععصبية ورجع حل لباب دخل يمشي فحااالو ….
اما مروى كانت گالسة على الفوتوي شادة راسها بين يديها لي كااايزدح ودوخة ڨتلاتها بالتوتر والخلعة …..
تاسمعات الباب تحلات وهي تهز عينيها بزربة ليه ..
كتحاول تقراه واش معصب و لا هو هداك … الساعة بان ليها داخل عااادي …. و حاولات تاهي ماتبين والو واخا قلبها كايزدح
مروى : ا … رضى…. جيتي !؟
رضى : ( حيد سبردينتو كايشوف فيها ) وامن قبيلة نتي فارعة ليا راسي و دابا تا بوسة ماشفناها!!!!
مروى بلا ماتحس ضحكات ليه فرحانة لي مامعصبش و ممكن ماقال ليه والو و مشات كتجري لعندو عنقاتوو وهو بقا مستغرب ..
رضى : كاع هذا وحش ههههه … ( عنقها تاهو ) اش جاك ليوم
مروى : ( شافت فيه ) ماعرفتش .. غ غير توحشتك
رضى : هههه .. الى بصح توحشتيني حطي ليا مناكل راني غااااانطيح بجوع وفيا الظهر والعاااصر وحالتي حالة …
مروى : ههههه سير احبيبي صلي صلاتك غاتلقاع فوق طبلة …
رضى عطاها بوسة فجنب فمها ومشا لبيت نعاس كايعوج فعنقو وهي حطات يديها على قلبها لي نزلات عليه الطمأنينة لثاااانية وحمدات الله لي غايكون ممكن تراجع ولا غير كايخلعها ….فنفس الوقت قلبها كايتقطع لاقال شي حاجة متقدرش تفرق على رضى واخا تمووووت … ومشات لكوزينة تسخن الطاجين وتقاد الشلاضة ، لي وجداتها كتحطها فوق الطبلة ….
تاحطات كولشي … وجا هو جر الكرسي وگلس
مروى : تعطلتي بزااااف
رضى : وشغاندير .. من هادي لهادي
مروى : ( مدات ليه كاس دكوكا ) شفتي داك ديبو ؟
رضى : شفتو …. غلا عليا ولد الحرام مابغاش يبيع ديبو بوحدو باغي يبيع تا الارض لي ضايرة بيه كاملة …
مروى : اوا ؟؟؟
رضى : ( سرط دغمتو وشرب كاس دكوكا كملو و مدو ليها تزيد ليه ) وتفاهمت معاه غانخدها … الصراحة البلاصة عجباتني … وشحال مابقات داك الارض غاتستغل شي نهار ….
مروى : اوا نتا تعرف …. كووول بشوية
رضى : ( كايبرد فمو ) سسسخون ….
مروى : غاتحرق لسانك ههه بشوية عليك …
بداو كايتغداو … ناضت حطات الديسير وهو كل مرة يعوج فراسو وهي باقي قلبها مقبووووط وخيفااانة …..ولكن كتحاول متبينش وشافت معاه مهدووود ….
مروى : ناري كتبان عياااان
رضى : غاندخل نتكى شوية … عاد نشميو … خلي تايبرد الحال مزيان
مروى : واخا لي عجبك ….
شرب الما وباس ليها على راسها ودخل لبيت النعاس يبروصي سنانو وهي بدات كتجمع الطبلة يالاه كديرهم فلافيسيل سمعاتو كيعيط ليها ومشات عندو كان ناعس فوق سرير شاد تيليفون عريان من لفوق ….
رضى : حطي داكشي و اجي
مروى : صبر غير نكمل جميع داكشي باش مانخلي والو مورايا
رضى : ومزال الحال .. اجي دابا حدايا شوية …. ياك كنقوليك ملي ندخل لداخل حييدي عليا كوزينة ….
مروى : هه … وصبر نغسل يدي …
دخلات غسلات يديها وسنانها ومشات عندو وهو حط تيليفون وجابها فجنبو
مروى : غاتنعس ؟
رضى : ( خشا راسو فعنقها كايبوسو) ممممم …
مروى : معاش نفيقك ؟
رضى : ( تايفسخ ليها فسيور السروال لي لابسة ) مابغيتش نفيق …
مروى : ( علات حاجبها ) رضاااااا ….
رضى : ( نازل مع عنقها كايوزع قبلاتو) امممم .
مروى : ومااشي وقتووو
رضى : ماعندوش هو الوقت … ملي شفتك مابقاش كيعرف الوقت …. ماعندي مانيدر ليه
مروى : وراك عيان خليك ترتاح
رضى : ( جا فوق منها وشد ليها يديها للفوق وغرس راسو فصدرها) انا هنا كانرتاح ….
بعد نصف ساعة ….
دخلات لدوش اما هو طاح ديريكت نعس …. خدات دوش و نشفات شعرها فالدووش باش ماتصدعوش …. عاد خرجات حلات البلاكار كاتجمع البيجامة لي غاتنعس بيها واش غاتحتاح …. سدات الصاك صغير و وجدات لبيسة لي غاتسافر بيها …. ومشات لكوزينتها جمعاتها كلها …..وحطات الكيك لي صايبات فكرطونتو … لي ولفات كلمرة تمشي لدار عكوزتها كتدي فيديها شي حاجة ….
قادات كولشي ومشات عندو كاتفيقو
مروى : رضى .. نوض احبيبي باش منتعطلوش
رضى : ( بصوت ناعس ) غاشوية شوية …..
خلاتو ومشات جمعات الحوايج من النشارة دالبالكون وقلبها نوعا ما هادئ و مطمئنة حيت غايمشيو لبنسليمان ويبعدو وهو عارفاه كايخدم سيمانة … الويكاند لاخر بعدا تكون دارت شي حاجة ولا قنعاتو يبعد منها ، رجع ليها أمل ربي يسترها ….
طوات دوك الحوايج وهو كل مرة تفيقو ويرجع يتمخشش فالمخاد تابدا يودن المغرب …. عاد ناض ….
دارت لونتيسيغن فعنقها لي ديما مطبع …. وبدات كتلبس … خلات غير الشال مادارتوش … وخرجات للكوزينة بعد ماسالات لاڤيسيل وبدات تمسح المواعن تردهم … كايعجبها النهار الاثنين مور السفر تلقى دارها نقية …
تاجا عندها رضى لابس سيرڤيت خفيفة وشعرو باقي فزگ وعينيه منفوخين بالنعاس
رضى : هانتي بشوية عليك غنمشي لاڤاج الطونوبيل كاملة مغبرة … نغسلها ونجي
مروى : هاااا ؟؟؟؟ ( قلبها تايزدح خااافت يتلاقاه برا كتسرط فريقها وتمسح فطبسيل يديها كترعد ) ك كووون غييير بلاااش راها نقية
رضى : ( حل بلاكار صبابط فالبالكون كايقلب على شي سبردينة تعجبو ، هز وحدة وخرج وهو يتفكر ) ااه حقاااا …
مروى : ( ضارت عندو كتمسح فطبسيل ) نعام ؟
رضى : جا عندي قبيلة واحد الولد قالك كايعرفك …( مروى قلبها بدا يزدح وسخاااانة طلعات ليهاااا تامن ودنيهو صفرووو وهو كايتفكر ) قالك سميتووو ….. ا انور يمكن
مروى بلا متحس زلق ليها الطبسيل من يديها تاتفرشخ فالارض وهو قرب لعندها
رضى : ابشوية عليك …. ( كايبعدها بيديه ) بببعدي من زاج .. زاطمة بالحفا عاد ….
مروى : ا . غ غير طاح … ز زلق ليا
رضى : وااابعدي بعدي. .. . ( حل البلاكار هز الشيتة و البالة محني كايجمع الزاج وهي قلبها بدا يزدح ودغيا حمااارت )
مروى : ( بتوتر كتخبعو) م ماعرفتوش
رضى : ( لاح داكشي فالبوبيل ) وا قاليك قرا معاك فكوليج ولا منعرف
مروى : ( كاتسرط فريقها ) م ماعرفتش . ي يمكن …. ( قلبها كاتهدن شوية بشوية) م ماعقلتش …
رضى : ( وقف كاينفض فيديه وشاف فيها ) مالكي ؟؟؟
مروى : مالي ؟؟ والو !
رضى : واش تخلعتي حيت سولتك عليه ؟؟؟ مالكي صفاريتي !
مروى : لا غير .. جيتيني على غفلة ماعرفتش شكون ( كاتلعب بعينيها هنا ولهيه)
رضى : ( كايطلعها ويهبطها جابتليه الضحكة ) هههه راه غا واحد الولد صغير … زايد عليك شووووية …. سولتك حيت قاليا سلم عليها وقرا معاك وعندو عزيزة ولا منعرف …. علاش تخلعني گاع هاكا !!! …..
مروى : ( سرطات ريقها كتحاول تتهدن ) لا .. غير .. ( كتحاول تبت راسها ) غير قلت يمكن يكون عندك مشكل
رضى : علاش غيكون عندي مشكل ؟ الولد كان كايقرا معاك وسلم عليك ؟ ( مروى قلبها كايهدا شوية بشوية ) وهااهو كان كايعرفك گاع ولا منعرف اش كان بيناتكم ههه …. ياك انا قلتها ليك شحال هادي قلت ليك شي حاجة عندك فالماضي ماادخلنيييش فيها … ماتهزيهاش ليا معاك لهنا وصافي ….
مروى : ( شافت لجنب مدو سرطات ريقها ورجعات شافت فيه ) لا …. مكاين والو … غ غير كان كايقرا معايا ….
رضى : اوا صافي نبينا عليه السلام …..( ماشي جهة سوارتو ) ماتمشايش تما بالحفا تكون باقا شي زاجة …..
خلاها وخرج وهي مدة غااا واقفة كتستوعب !!!!!! ….
عاد وعات بشنو واقع و الخلعة لي ضربات والطبسيل لي هرسات ….
مشااات بزربة للتيليفون و يديها كايترعدو ماعرفاش واش بالخلعة ولا بالفرحة …..دخلات لهاداك الانستغرام وبدات تصوني عليه تاجاوبها دغيا هاد المرة ..
مروى : والله تااحراام هادشي لي درتي ا انور زعما تانتا عندك خواتاتك …… شهااد التبرهيييش
انور : واسيري تقاودي نتي و داك صعصع ديالك … مانعرف شنو حاسب راسو ….. ناافخ رييشو بحاالا منعرف شكون هوو … سيري يبقى يبتكبر على والديك صباح وعشية ويديرك تحت الصبااااط .. هداك هو لي يصلاح ليك ويحيد ليك ديك الضصااارة لي فيك .. راه طلعت معاك ولد الناس وتااااقيت فيك الله وتراجعت فاخر لحظة اما كون كان شي واحد مقطر والله تاااايفرتك ليك عشك بالرررررب …. تايدير ليك مشكل قط السسسسخط .. ولكن حمدي الله طلعت ولد الناس
مروى : وهو من ناحية ولد الناس راك ولد والله تابزاف عليك الرجلة تخلعني بحال هاكااااك ….. انووور الله يررررحم الوالدين ببببعد مني …. عييييييطي التييييساااااع …..
انور : اسيري تلاحي نتي وياه … سيري اختي بعدي مني انا ماتبقايش مزاال تصوني عليا … ماشي تحرافليك تفكري انور ، راه والله وتصوني عليا شي نهارر تاااانفضحك ونسيفط كولشي لراجلك راه دابا عرررفناه شكون …..
مروى : وغااابعد مني نتا وماشي سووووقك …. اما هادشي لي درتي راه داابرااااهش
انور : تتي لي درتي التبرهييش ماشي انا .. نن لي طلعتي مدلولة و برهوشة ….ياك مسحتي داكشي من تيليفونك الهبيلة راني عارفك غاتفضحينا الخرااااا
مروى : وماااتفضحناااش غا نتا …. بببببعد مني
قطعااات عليه و دخلات بالزربة بلوكاتو من داك الكونط .. عاد گلسات كاتنهج وتسرط فريقها تتخطى الخلعة …..
من هضرتو فهمات بلي غايكون تخلع منو تاااهو ….وهي واخا الخوف لي كان فيها كانت متأكدة اصلا مغايقدرش يهضر حداه حيت كاتعرف انور كيف داير وباقي صغير ….. بلا ماتحس تنهدات مبتسمة ، والدموع سااالو ليها …. وناضت بزربة للدوش توضات وخرجات لبسات عبايتها وصلات جوج ركات دالشكر … وكلسات هازة يديها للسما كاتبكي وكطلب الله يسااامحهاااا و يسترررها …. حيت من داخل ندمااات و عرفات غلطها وشنو دارت ….. لحظة ضعف ولحظة جهل خلاتها دير شي حاجة لي. ذنبها كبييير عند الله … فلحظة كان كايحسابتها هي الضحية …. باقااا كدعي وتبكي تاسمعات تيليفونها كايصوني … وناضت مسحات دموعها غادة بجهة التيليفون وكاتقول فخاطرها انها واخا تصلي يوميا الشكر لله على كيفاش سترها وعطاها فرصة اخرى مااغاااتوفيش حجم العطااااء لي عطى الله والمغفرة ديالو …..
لقاتو رضى كايعلمها تنزل …. لبسات شالها وهزات صاكها دالكتف و صاك صغير دحوايجها …..
نزلات عندو لطونوبيل … وشدو الطريق لدار باه ديريكت … هي كتضحك من قلبها فرحانة شادة فيديه لي حااطها على رجليها … وكتحس براسها تولدات من جدييييد ….حاطة راسها على كتفو و مطمئنة حيت تايقة فالله كيفاش لطيف ورحيم بعبادو …..
دخلو مع وقيتة العشا و سعيدة فرحانة بيهم تسلم وتعاود … ولقاو حسن كايتسناهم تاهو و وجدان ، صينية داتاي وطبسيل داللوز مقلي و تلفازة مشعولة على السادسة ….
گلس رضى مع باه وهي ناضت تبعات سعيدة و وجدان للكوزينة كتعاونهم …. وجدان كاتغسل كيسان داتاي و مروى كتمسح وترد لبلاكار و سعيدة مقابلة العشا ….
سعيدة : ابنتي مامااااك عكسية …. ديييما انا كانمشي هي لي مكتبغيش تجي … لااااا منخويش الدار غايخلف ليا شي حد …اوا هي تبقى غا كاتسنى فهاد ضياف … خوك دابا راه عندو مرتو مقابلاه … اوا تخرج شوية تاهي من داك الدار … وتجي نتهاودو ششوية ياااه
مروى : واقيلة غاتكون تما خالتي غدا موووحال تبغي تجي … تاهي راه الدار مكتخواش ليها … منلي كنت صغييرة وحنا ديما هاكا … دابا شوية اما لي كانت جدة حية مكناااش كنعرفو الراحة عماتي كانو ساكنات عندنا
سعيدة : اوا بزاااف …..تجي هي وخالتك غدا مرحبا بيهم …عندي عزيييييزة داك المراة .. ضريفة تاهي
مروى : لا لا خالتي ضريفة مسكينة هي سكوتية ماشي بحال ماما ههه
وجدان : شوفي سيري لداركم غدا تغداي معاهم و گلسي معاهم و اجيو فلعشية كاملين …
سعيدة : ايييه …. مالها اش فيها … ونگلسو نتهاودو شوية تاني ، قتلنا غالقنط … علاش هاد العائلة لامنصليوش الرحم
مروى : ان شاء الله … نقطع الخبز هنا ؟
سعيدة : اه قطيه فهاديك … نفضيها وديري السربيتة … راهم مطوين فداك السلة فوق الفران
يلاه غاضور للسلة ديال الخبز و هيتحس براسها داخت تاكانت غاطيح وشدات فيها وجدان
وجدان : مروى !!! مالكي ؟؟؟؟ دختي ؟؟
مروى : ( شدات على راسها ) لا باس …لاباس ….
سعيدة : (شداتها) بسم الله عليك …. واش جاتك الدوخة ولا مالك ؟
مروى : ضرت بالزربة يمكن داكشي علاش ..وصلا راسي كان ضارني من قبيلة تخلعت شوية مع واحد طبسيل تهرس يمكن داكشي علاش … هاد الراس غاااكتجي شي خلعة كايرجع يضر تاني
سعيدة : و دوزي دوزي غسلي وجهك … بسم الله الرحمان الرحيم ….
مشات معاها وجدان لدوش غسلات وجهها حسات براسها باقا ديخااانة وراسها ثقيل … وخافت يرجع ليها تاني داك حريق الراس وهي ماقالت تابرات منو وحيدات الدوا … بسباب الخلعة داليوم تأكادت بلي راه يمكن رجع ليها ودخلات عندهم للكوزينة ….
سعيدة : شوية ؟
مروى : لا لا …لاباس غير الدوخة وصافي …. ندير هادشي فطبسيل ؟
وجدان : اه غير ديريه …ولكن الى باقا عيانة غير سيري كلسي انا نكمل …
مروى : لا لا غير خليك مع شلاضة .. انا نديرو …. ريحتو غزااالة … كيدرتو ليه
سعيدة : صلقت ابنتي شيفلور … قطعتو وحكيت مويطيشة وثومة وكرضت الربيع ودرتو معاها. .. ساااهل
مروى : والله كايبان بنييين … ندوق ؟
سعيدة : دووقي ابنتي دوقي …
هزات مروى طرف دالخبز …. داقت منو وعجبها وبدات كتكمل بلا متحس و وجدان كاتشوف فيها وكاتشوف فماماها …
وجدان : عجبك ؟
مروى : ااممم .. كايحمق والله … بنييين لله يعطيك الصحة اخالتي سعيدة …..
سعيدة : بصحة ابنتي … اوا عمري داك الطبسيل الكبير شوية و ديريه حداك كولي تاتشبعي .. عطيها اوجدان داك طبسيل الغارق
مروى : ههه والله مانقوليك لا ههه عجبني …
سعيدة : اوا كولي … كنت درت ليك هنا شوية دالمريقة بالعشوب.. تاااتعشاي ونعطيك زليفة شربيها ونعسي باش ماضربكش عليها لبرد … ودجاج وتريد غانعطيه ليك ديه معااااك ( بالحس كاتهضر معاها ) تعشااااو بيه ( غمزاتها ) وقضيييو الغااارض …..
مروى : ( باحراج بقات غير كترمش ) زعما …. ع . على الولاد
سعيدة : ايييه .. هاكا كنا نديرو حنا ناس بكري …. هي ايه نني باقا صغيرة ويلاه تزوجتو ولكن لاقدر الله وكانت شي برودة عندك فالوالدة يحيدها … فيه الحلبة و مساخن و شي عشوب كنطحنهم عند عطار فيهم الكبار و حب رشاد و كرافص … كنا فليلتهم كنهزو …. شربيهم وربي يجيب ليكم التيييسير
مروى: ( جاتها الغرابة ملي فكراتها اننها ممكن تكون ام وهي مخخطاش كاع لهادشي وناسياه وتبسمات ليها ) ان شاء الله
بدات كتعاونهم وكايحطو فوق الطبلة و گلسو طايتعشاو وهي ماداقتش گاع اللحم لي كان طايب بجلبانة ….بقات كاتكال غير فداك الشيفلور من طبسيلها ورضى كايشوف فيها …
رضى : فالدار كايبقى غير يتلاح …
مروى : هههه والله الى جا بنييين هاكا
وجدان : ( هزات طبسيل اخر من حداها ) هاااكي زيدي …..
مروى : لا لا خلي حداكم والله الى كليييت
وجدان : اغير شدي بابا مكياكلش شيفلور … عطيها آرضى
رضى : ( شد عليها حطو حداها ) وكولي شوية جلبانة ياك كتعجبك
مروى : لا عاجبني هذا ….
سعيدة بقات كتشوف فيها وتبسمات بحالا كايتوضحو ليها شوية شكووكها ….وهي تاني بداك كتاكل بشهية فارهة بحالا غير هذاك الشيفلور لي تما على الطبلة ماداتها فحتى حاجة اخرى …. سلاو العشا …. وبدات كتجمع معاهم ورضى متكي على السداري شاد التيليكوموند ويد فيها والماس كيتعاود هو وباباه وهي معاهم فالكوزينة كترد الخبز لبلاستيكتو
وجدان : وهانتي دابا قالت ليك ماما الطريقة فاش تشمي لدار بقاي تصاوبيه …راه كايجي بنين انا كنديه معايا لخدمة كاع ههه كنديرو سووندويتش فالكومير ونزيد معاه زيتون وفرماج
سعيدة : ألا … لاتصاوبيشاااي ..انا غدا دابا نفيق نمشي نجيب الشيفلور تسالا لينا مانا كون درتو ليك هاد الليلة تشبعيه درت قليل … ونصايبو هنا وديه معاك كوليييه ( فرحانة لي بدات تشك فيها واش كتوحم)
مروى : لا لا مكاين لاش نعذبك والله …. دابا نصايبو انا
سعيدة غير ساكتة كتشوف لداك الطنجرة الدجاج بالعشوب وهي تخويها فواحد السوبيرة ودارتها فالثلاجة مابغاتش تعطيها تشربها …. وحمدات الله لي بان عليها الوحم ماكون شرباتها غاطيحو ليها … ومروى سمعات رضى كايعيط ليها وخرجات عندو ووجدان قربات عند ماماها
وجدان : ماما عانداك تمشي تعطيها شي عشوب
سعيدة : لا لا درتو فالثلاجة تالغدا ونعطيهم للجارة عروستها تاهي مازال ماولدات … ( بإبتسامة) اما ديالي انا واااقلة باانليا ماتحتاج عشوب
وجدات : تا انا شكيت .. شتي فلول كيفاش داخت …. هي اصلا دخلات لونها صفر ..
سعيدة : اوا على رررربي …..الله يفرح ليااااا وللللدي يااااربي ونشوف ولادو
وجدان : ييييي ( بحماس ) ياربي تكون حاملة بصح ..
عند مروى ….
مروى : اويلي والله ماعرفت ارضى شحاال بيني وبين تلفازة …
رضى : بغيت غير سمية ديك القناة كيفاش كانت نسيييتها… ( شاف فباباه) يمكن مكايناش هنا …. ارا تيليفون ديالك نديرها ليك تما وتفرج
حسن : ( مد ليه سمارت فون ديالو ) ايه الله يرضي عليك ديريها ليا هنا … ياك كدوز گاع الماتشات ؟؟
رضى : كاااملين …
مروى خلاتهم ومشات لكوزينة لقاتهم قربو يساليو ومشات كتعاون معاهم تاناض رضى ينعس ….هزات قرعة دالما وطلعو هي وياه لبيت لفوق …..
بروصات سنانها وغسلات وجهها ومشات عندو كاتحيد فحوايجها تلبس بيجامتها وهو فالفراش شاد تيليفون …..
مروى : ماماك عارضة على ماما غدا ..
رضى : مزياان … ( كايشوف التليفون )
مروى : نااااري ارضى دلك بنة الشيفلور مابغاتش تحيد ليا من فمي .. غا حشمت نمشي نقول ليها زيدي طيبيه ههههه شحال بنيييييييين
رضى ( كايهضر وعينيه فيتليفون ) تال دار ونجيبو ليك و ارا ماتاكلي … كان غير كايتلاح موراك …
مروى : وانا بغيت هدا لي صايبات ماماك .. وااخا نصايبو ماغايجيش بحالو
رضى : وتاللسبت جاي وقوليلها تصايبو ليك ( بدا كيتفوه وحط تيليفونو) اجي دابا تنعسي …
قادات بيجامتها ورشات سبراي ديالها …ودخلات معاه فالفراش وهو طفا الڤايوز يلاه غايجبدها لصدرو تاابدات كتشمشم ….
مروى : رضى …. شي ريحة …
رضى : ( كايشم بنيفو ) اينا ريحة
مروى : ( كاتشم فالمانطة ) كانشم شي ريحة بحال فليطوكس …
رضى : ههه اشمن فليطوكس يهديك الله نعسي مكاين تاريحة
مروى : والله تاكنشم شي ريحة …. واش مكتشمش نتا ؟ …
رضى : ماشميت والو انا ( كايشم فليزار )مكاين والو
مروى : والله تاكنشمها ( كاتشم فالكوڤر لي والمخاد ) ماعرفتش منين جاية …. هنا فالفراش
رضى : امكاين والو امروى نعسي….
مروى بقات غير كتشم وداك ريحة مسيطرة عليها كتحس بيها فداك الفراش … فلخر ناضت وهو غير كيتنهد وهزات فيست ديالو …. وتغطات بيها ولاحت عليه ليزار و الكوفرلي
رضى : والله تاحماقيتي بالله … مافهمتش انا منين جات هاذ الريحة
مروى : راه شميتها …. كون ماشميتهاش مغنقولهاش … صافي هاهي عليا لفيست ديالك ….
رضى بقى غير كايتنهد ….دغيا داه النعاس اما هي الليلة كاملة كتگلب وبنة الشيفلور فلسانهااا ….
تاصبح الحال وهي بابتة معدبة مخشية فداك لافيست .. الشمس شارقة داخلة عليهم من الريدو دااسرجم الخفيف ….ناضت كتجبد ومشات لطواليط كتغسل وجهها وكتحي براسها ثقييييل عليها وكل مرة عينيها كايحوالو بدوخة وكتخرج تنفض فراسها … عرفات تاااااني دارتها بيها الخلعة وجبدات ليها داك الراس ….
صلات الصبح وبدات كتفيق فيه حيت كتشم ريحة القهوة وكتسمع الهاراج للتحت بلي فاقو …
مروى : رضاااا … رضاااا راها العشرة ونص
رضى : ( بصوت ناعس ) غاشوية
مروى : نتا لي درتي مع باباك غاتمشي تديه لداك السوق … واافيق حشومة عليك يبقى كايتسناك مسكين …. السوق الى مامشيتوش ليه فصباح فوقاش غاتمشيو ؟ ….. فيق وسير جيبلي الشيفلور طري بايتة مشهياه ….
رضى : ( بدا كايحل عينيه نعس على ضهرو كايتجبد ) شحاااااال فيك دصداااع …..
مروى : افيق فيق …
قادات راسها ومشات عندو باستو ففمو وخرجات من البيت نزلات عندهم لقاتهم كايوجدو فطور ومو شاعلة راديو كيف عادتها و وكاتشحرر فشيفلور غير شافتو بحالا شااافت جنتها وضحكات بالفرحة
مروى : وناااااااري اخاااالتي ( عنقاتها بعفويتها ) شششكرا …..
سعيدة : هههه للله اودي ابنتي .. تشها لينا مروى شيفلور ومنوجدوهش ….
مروى : الله يخلي ليك صحيحتك …. بايتة نحلم بيه ههههه
مشات جابت شوية دالخبز وبدات تغمس فيه وهو باقي فالمقلة
وجدان : اويلي ماتاكليهش على ريق .. غايديرك الحرقة فمعدتك
مروى : ماعليش .. راه ريحتو باااايتة ليا فنيفي .. جاااا كايحمق … عمرني كليت بحال هاذ اللذة
سعيدة غير كاضور راسها مبتسمة و وجدان تاهي ….تاسمعو رضى موراهم بصوت بحوح بالنعاس
رضى : صباح الخير
وجدان : صباح النوور اخوياا
سعيدة: اولدي فقتي صبااح الخير .. باك من قبيلة هو يسول تعطلتي عليه….
رضى : امزاال الحاال … ( شاف فمورى ) الاطيييف الااطييييف … صبحتي عليييييه ؟؟؟؟ واخا نكون كنت راااابطك ومخليك بجوع …
سعيدة : خلبيييها تاكل وتحيد شهوتها منو … خلييييها …..
رضى : وماشي على الريق …
مروى : ( كاتعض فالخبز لي دارت فيه شوية ) وغير شوية …
رضى بقى غي كايضور راسو وخرج لصالون عند باباه …وهي بدات كتحط معاهم الفطور .. وكلسو مجموعين كايفطرو ورضى هرس بيضة مسلوقة قشرها كايدير ليها الكامون والملح وكايهضر مع باباه ومدها ليها وهي شداتها عليه … يلاه غاتقربها لفمها …. تروعات وحسات بمعدتها طلعات ليها لحنجورتها وحطاتها فوق طبلة مابغاتش تاكلها …ورضى شاف فيها
رضى : كووولي ….
مروى : ( هزات كرواصة ) لا لا ماعليش ناكل غي هادي ..
رضى : ( حيدها ليها من يديها ) ياك كانقوليك حيييدي عليا هاد تخربيق … كوولي لبيض نيشان فطري .. كتمشي ليا غير للي مافيهم فوائذ ….
مروى : واامعجبنييييش ريحتو مجهدة
رضى : وحيت بيييض … نورمال ….اش بغيتي .. ريحة الزهر؟
سعيدة : خليي لبنت تاااكل على خاااطرها انااااري بديتي تحررها فيها تاني….
رضى : تاااكل لبيض خليها تحيد عليها هادشي ططلع صحتها خاوية ….
سعيدة : نحيب ليك ابنتي شيفلور ؟؟؟
مروى شافت فرضى كترغبو بعينيها وهو بدا يضور فراسو مالاقي ليها حل ….وسعيدة نااضت كضحك
رضى : كولي هااااديك بعدا وكولي شيفلور
مروى تنهدات وعضات فيه مخسرة ملامحها وحطاتها كاتمضغها بسييف …. وريحة كطلع معاها غيلفاتها ..
عيات صابرة للريحة تاكانت غااترررد فوق الطبلة وناااضت ببزرربة للدوش ورضى كايشوف فيها …ووجدان تبعاتها كضحك بلا هواها …. كتأكد من شكوكها وسعيدة طلات عليهم من الكوزينة منين سمعاتها ناضت كتجري
سعدة : مااالها ؟؟؟
رضى : ( نااض تابعها للدوش مستغرب ) منعرف
سعيدة : وملي ماابغااتش البيض لاش كتوكلو ليها بزز ؟؟؟
رضى : وموالفة كتاااكلو ديماا
سعييدة : ودابا ماجااهاش على خاطرها …تاكلها بزز…..هااااء …. صااافي مااابغااااتوش …..
رضى غير كاايرمش وهي تخرج وجدان من الدوش وسدات عليها لباب
وجدان : رضااات كولشي مسكينة ….
رضى : واايلي !!!!! ياكما داك شيفلور لي كلات على الريق
وجدان : اشمن شيفلور تانتا ….غدا الاثنين سيرو لجينيكو نتا وياها ( تبسمات ليه ) على الله منهنا تسع شهور يجينا شي بيبي صغييييييور يقول ليا عمييييتو ( بفرحة ) ههههه ماتبقاش توكلها شي حاجة بزز …..
رضى : ( وسع عينيه ومشا تبعها للدوش خيفان كايحس براسو بحالا تشمت) لااا لااااا لااا امروى لاااا لا مااااشي داابااااا لااااا ( دخل عندها وسد لباب )
سعيدة : ماشي دابا ؟؟؟ وامتى بالسلاااااامة تاااتشرف
وجدان : ههههههه باغي يعيش حياتو مسكين ههههههه هاهو جا لي ينكهدها عليه ههههه
مروى كانت باقا كتنشف وجهها بالفوطة لي صفاار مور ماردات ….و دخل موراها
رضى : لا امروى … لاااا
مروى : شنو لي لا !
رضى : ( بخووف ) واااش حاملة؟
مروى : اويلي على حاملة ؟؟؟؟؟
رضى : ومنعرف ..وجدان قالتها ليا
مروى : منعرفت … ( كاترمش ) لا لا منضنش … راه روعني البيض مااحملتوش ووكلتيه ليا بزز
رضى : مننعرفت ؟؟؟ كيفاش هاد منعرررفت ( بخوف ) ماااااروى
مروى : ( ضرباتتو لكتافو ) وبااااااز بحالا صاااحبي … وهانا حااااملة كاع مالي جايباه حراام .. اوييييلي
رضى : وااولدي اييييه .. ولكن مزاال …..ماااشي دابا ….يلاااه قلت بسم الله ودرتي شوية عقلك … آو !!
مروى : اماكاين واالو ابنادم راه غا كليت بزز ….
خرجو من الدوش وهو غير كايفكر … ووجدان وسعيدة غاكايشوفو فيهم و مبتسمين ….. اما هي ساكتة وكتلاقي فالاحداث وكتحسب اخر مرة جاتها لي غيكل وورضى مكملش فطورو وخرج ماعرفوه فين مشا ….وهي بقات غير ساهية وتتفكر واش بصح تكون حاملة …. وواقفة معاهم فالكوزينة دخلو ليها الشك ….ووجدان دايرة ليها لونكيت
وجدان : ودابا غا حاولي تتتعقلي اززمرر … تفكري
مروى : ماعرفتش والله عمرني حسبت ليها كااع … ( جاتها فكرة ) لكن صبري ….اخر مرة جاتني كنت كتبت ليه مسج فواتساب يجيب ليا اولويز … انمشي نشوف شحال كانت فااشهر ( مشات لتيليفونها وهزاتو ودخلات للواتساب متكية على الكونطوار كاتقلب تاوصلات لداك المساج كاتقرا التاريخ ) كانت خمسة فالشهر
وجدان : ههههه اوا ابنتي رااحنا فعشرين فااشهر هههه شوفي شحال دالروطار ونت ماجايبة خبار
سعيدة : ونتي واش مكانتش كتجيك دوخة ماحسيتي بوالو تالبارح ؟
مروى : لااا … ولكن هاد سميانة واخا …. كانت مرة مرة كتجيني غا الدوخة …. فالصلاة و لا لاضرت بزربة بحال لبارح اما شي حاجة اخرى لا …
وجدان : وراه هادي وقيتة اي كايبان فيها الوحام ….. ياك ماشربتيش شي دواء؟
مروى : لااا .. كنت كنشرب دوليبران ولكن حيدو ليا رضى كايقولك كايقتل المناعة
سعيدة : احاااملة راها باينة ابنتي … واش نتي عينيك خرجو فالشيفلور كليتي تاماقديتي …. هدا راه شغل الوحم …
مروى بقات غي ساكتة ….كاتفكر و ونوضو ليها الشك بحالا لقات شي حاجة اخرى تااااااني تفكر فيها …..
تاسمعو رضى كايعيط عليها من الدروج … وخرجات عندو لقاتو فباب الدخلة كايمد ليها ساشي دفرماسيان
رضى : هاكي سيري تأكدي … انا غانمشي انا والواليد … ديريه وردي عليا …..
مروى : واش تيست هدا ؟
رضى : اه ….
شداتو وهو بقى كايتسنى باباه فطموبيل تاجا عندو ومشاو وهي دخلات عنهم لكوزينة
وجدان : اوا صافي … هذا هو لي غايحيد ليك الشك … وفرحينا معاك …..
مروى: ولكن كنت كانشوف عيلات خوتي كايديروه قبل لفطور .. انا را فطرت
وجدان : ماعليييش . . ملي كايكون الروطار كبير راه نسبة ديال السكر كتكون طااالعة وخا فاطرة غاسيري ديريه …. حيدي الشك
مروى خدات نفس ومشات دخلات لحمام ووجدان وسعيدة كايتسناو على نااااار ….
كايجمعو فالكوزينة وبالهم معاها …. وهي خدات قطرات … وبدات كديرهم فتيست ويديها كاااترعد تافزكات تيست كامل …. قلبها كاايضرب و كتسرط فريقها …. جاها الامر صدفة وعلى غفلة وفففشكل !!!! جا هادشي فوقت مااامخططاش ليه… باتت عادي وفاقت حاملة !! …
بقات كاتسنى وهي كتطرطق فصبعانها وعلى وجهها ابتسامه غريييبة ….
طلعات ليها الشرطة لولا ….كترمش فيها يلاه كتستوعب وهي تبان ليها الثااانية بدات تبان خفييييفة فللونها على الاولى. وهي تهز حجبااانهااا بلا متتحس ….وضحكاااات …. شوية بشوية تاتسمعات ضحكتها وعينيها دمعو … احساااس غرييب غمرها !!! احساس زوين فنفس الوقت كايخلع شوية….
خدااات نفس بشوية علييها شادة على قلبها ….
وخرجات عندهم بملامح مستغربييين فيهم ضحيكة خفيفة عفوية
سعيدة : ( بحماااس ) ااامضرااا ؟؟؟؟
مروى : وراه عطاني جوج شرطات …( وراتو ليهم ) ولكن منعرف تااااني
سعيمة : ( بفرحة كبيييييييرة ) اوا مبرووووووووك .. مبرووووك ابنتي … كون ماكنت غانجمع جيران كووون زغغغرت …..ولكن لاااا .. خليك مستورة العين خاااايبة
وجدان : مبروووك اصاحبتي ….طيست راه ايفيكاس ههههه كايغلط فالنيغاتيف ..ولكن البوزيتيف مكايغلطش فيها …. مبرووووك ( عنقاتها ) ياربي تببتووو ….
مروى : ( خرجو للصالون فرحانين وكلسات على الفوتوي كااتفكر باقا كتحاول تستوعب … جاها هادشي بحال شي حلمة وسعيدة ماقاداها فرحة ) ههه زعما ؟؟؟
سعيدة : هداك راه كايعطي نيييييشان .. وراها باينة كاع بلا ليه انا لبارح عرفتك .. غا وجهك باينة عليييه ….. اوا الله يتبتو .. سترييييه دابا سترييييه ماتقولي لحد. ….
وجدان : قوليها بعدا لرضى فرحيه ….
مروى : ( حلات واتساب كاتصور تيست وفعينيها فرحة ) هههه اشمن يفرح ….قالك ماخصوش دابا هههه
سعيدة : وفووقاش بغا … تايدير ربعين عاام …. لاعسااااااك …. لاتسنطيش ليه
مروى : ودابا لي وقع وقع تسنطت ولا ماتسنطتش هههه ( سيفطاتو ليه وحطات تيل ) ههه لا لا واخا هاكاك غااايفرح ….
وجدان : وراه اكيييد غايفرح …. كاين شي واحد مايفرحش يولي أب …
مروى : ( بحماس ) هاهو قرا الميساج ……
وجدان : كايتسنى تاهو هههه ( بحمااس ) شنو قالك ؟؟؟؟؟
مروى : ( كمشات ملامحها بصدمة وشااافت فيهم ورجعات شااافت فتيل مااامتيقاش اش كاتشووف و رجعات شافت فيهم وقالت بصوت جاتو البكية بالصدمة ) بلوكااااني !!!!!!!!!
بعد تسع اشهر …
ناعسة على السرير ببيجامة حريرية پينك ، كمامها من تحت و فجهة الكول دونتيل خفيف ابيض .. شعرها مطلوق على المخدة وفوق منو بانضة فيها وريدات طبيعين بيضين صاوباتها ليها نعيمة عاطينها منظر كيووت … وجهها منفوخ ونيفها تاهو و شاحبة بالعيااا … ذاتها غليضة … وصدرها كايبان كبير كتر من المعتاد حتى تزيرو عليه صدايف هاديك البيجامة … مغطية نصها بيزار ديال الكلينيك ويديها باقي فيها السيروم …
على جنبها طابل صغيرة عامرة غير بالما و البيبرونات و ليلانجيت و العصير …. وفالجنب لاخر كونة ديال البيبي وفجنابها معلقين بالونات فالازرق والابيض ….. الغرفة كانت هادئة كايتسمع غير صوت العصافير لي يلاه فاقو فاش بدات تشرق الشمس … وصوت تلفازة لي قدامها مشعولة ومنقصة بزااف …
بدات كاتفيق … مافيقهاش صوت التلفازة ولا صوت الطيور …. كان صوت اخررر هااامس كاتسمعو قرييب ليها هو لي فيقها …. كاتستفق بشوية وتأنن بالحريق دالغراز لي عندها للتحت … تاشوية بدات تحل عينيها وتبسماااات ابتسامة خفييييفة بخفة هاد الصوت و بخفة نسيم الفجر لي هوما فيه …..تبعثات الطمأنينة فقلبها لي نساتها كاع اش داز عليها فالولادة وهي كاتسمعو ….
كان الصوت الاذان … صوت خافت … وحنيييين ومليئ بالفرحة والحمااااس وشوية دالرجفة …..
هزات عينيها فيه وحلاتهم بشوية … كان رضى لي هازو فيديه ومقرب فمو لودنو اليمنى بصوت غااااية فالحنية ….. ومخلط بصوت التونيغيش ديال البيبي …. كايوذن ليه فودنو اليسرى …. وباسو فجبهتو فرحان بيه … ومروى تبسمات كاتشوف فيه وهضرات بصوت عيااان وشاااحبة …..
مروى : واخا تعيا ماتبوس فيه دابا .. ملي غايكبر غانقوليه راه باباك بلوكاني نهار قلت ليه انا حاملة
رضى : هههه اتشري ليا الصداع ( حطو فبلاصتو ) خصو يرضع لا !!
مروى : باش عرفتيها ؟ قالها ليك هههه
رضى : منعرف .. حسيت بيها ..
مروى : هههه باليا واقلة نتا جيعان ههه
رضى : ( قرب عندها وتكا عليها ببوسة فجبهتها ) شوية احبيبتي ؟؟؟؟ اممم ! رتاحيتي شوية ؟؟
مروى : لا مزيان …( شافت لسرجم ) شحال الساعة
رضى : يلاه وذن الفجر …
مروى : ماتعلم تاحد دابا خليهم تالغدا بلا مانوضوهم من النعاس ….
رضى : تايصبح الحال ونعيط ليهم ( تكى حداها كايدوز يديه على شعرها وعلى دوك الوريدات ) جاك زوين
مروى : ( كدوز يديها على داك الوريدات ) هههه هو الحاجة الوحيدة لي تفكرت ملي جاني الحريق ههههه تفكرتو كتر من حوايج البيبي هههه ( نعسات على صدرو ) صاوباتو ليا خالتي نعيمة مسكينة بيديها …
رضى : تاكلي شي حاجة ؟
مروى : مافياش جوع … بغيت غير نعس ….
رضى : نعسي ترتاحي شوية … ماكاملاش عشرة الدقايق لي نعستيها …
مروى : فيقني صوتك … علاش أذنتي ليه وانا ناعسة بغيت نحضر
رضى : وهانتي حضرتي … ( باس يديها) تعذبتي قبيلة بزاف …. رتاحي شوية
مروى : واش حسابتك كاتجي شي حاجة حاخة ساهلة …. ( شافت للكونة ) هذا راه سميناه غااالي و بغيتيه يجي ساهل ههههه
رضى : ( شاف فيها بفرحة وشاف فيه ) صافي نسميوه غالي !!!
مروى : ( كاشتوف فيه ومدات يديها للكونة كاتقيس فيديه الصغيورن لي جامعهم حداه ) امممم غااالي …..
تبسم ليها رضى وهزو عندو شوية وهي تگعدات شوية فوق السرير ومدو ليها … كاتشوف فيه مبتسمة زهو نسخة طبق الاصل على رضى .. تخنزيرتو و ححبانو .. فمو و نيفو …. ورضى متكي فجنبها معنقها عندو متكية على كتفو وشاد معاها البيبي وتنهدات تاتعمرو عينيها بالدموع …. كاانت عنها رغبة تبكي يجهد واحاولات تكبتها وتنفتها فالتنهييييدات ….. ولكن صوتو وهو كايحرك فيديه الصغار خلاو الدموع ينزلو … حاسة براسها فواحد النعمة لي كبييييرة عليها بزاف …ولي حشمانة تهز راسها فالسما تحمد عليها الله … العطاء ديالو خجلها …. حشششمها …. هي ذنبااات بزاف …. وهو عوضها عوض لطييييف بلطاقة ريحة ولدها المخلطة بريحة رضى ….
🍃🍃🍃🍃🍃🍃🍃🍃🍃🍃🍃🍃🍃🍃
اه بصح …. انا كنت حشمانة بزاف …
كنت حشمانة من راسي … منو …و من ربي كثر ….
غلط بقلة العقل دفعني ثمن كبير …. ولكن خلاني نعرف بزاااف دالحوايج .. وربما هاداك هو الغلط لي خلاني نعرف راسي بأنني فالغلط اصلا !!!!
منين كانت عندي 16 عام .. ماكنتش عارفة زواج ليلة علاش تدبيرو عام !!!! … وكنت سولتكم قبل مانعرف …..
ولكن دابا انا راه عرفت ..
غير هو ناس بكري قالوها حيت التدبير كان عندهم عام قبل داك الليلة ..
ولكن التدبير ديالي أنا ….. كان عام … بعد داك الليلة ….
حسيت براسي نهار درت يدي فيد رضى واليد لوخرى كان فيها داك البوكي ديال الورد والكسوة البيضة … كنت بحال واحد الڤاز ديال الزاج خاااوي … وبارد …. وشييي شوية تافه !!!
لا ماشي شوية … بزاااف واقلة !!! …..
شوية بشوية كان كايعمر داك الڤاز ، مع ليام كتازد فيه حاجة بحاجة … المواقف .. التجارب ….عرفت بزاف دالحوايج … وشفت الامور من زوايا مختلفة ….
ولكن .. هضرت بزاااااف على راسي … دابا ماجاياش نهضر على راسي …. حيت انا زواجي صافي تقاد … راني حدا راجلي .. و ولدي غالي هاد العام عندو السنة اولى ابتدائي … خديت التاسعة حرة بمونسيون طخي بيان … خديت الباكالوريا وانا دابا السنة الثانية فكلية الحقوق ….. بنينا فيرمة برا المدينة فين كنخويو ستريس الخدمة والقراية …كنت كنحلم نسافر غا فالمغرب معاه شفت حتى العالم … ماليزيا .. اسبانيا .. فرنسا تركيا …. حياتي مقادة … ولكن علاش كنعاود ليكم هادشي دابا ! ….
هاد المرة كنهضر على ودكم ماشي على ودي …..
حيت انا .. قصتي سالات فهاداك الكلينيك نهار تزاد ولدي غالي ….
ولكن نتوما قصتكم باقا مسالاتش .. اما عاد غاتبدا … اما …. عاد غاتقاد …..
انا تعلمت من غلطي نهار نهار شميت ريحة غالي و عرفت ان ربي شحال كريم فالعطاء ديالو .. شحال متسامح الى عبدو تاب وعرف غلطو وطلب السترة … حيت كانين شي اغلاط الى تعرفو كتعقد الحياة … وربي دعانا لليشر ونشدوها منين خفافت …. الى تبتي وندمتي وعرفتي قيمة غلاطك وماتماديتيش فيه … حبسيه .. حيت ربي الى لقى مافيه خير الى تفضح غايسترك … والى كان فيه خير يتفضح … ربي مغانعرفوش حسن منو …
ونا غلاطي تستر باش عائلتي تلم شملها …
انا عارفة مزيان بلي الله ماسترش هاد الغلطة على ودي انا خيت مكنتستحقش .. ولكن على ودو هووو ..حيت هو لي مكيستحقش يتجرح …. وربي كان لطيف بيه وبيا …..
ولكن دابا جيت نجبَّد ليكم ودنيكم نتووما شوية … جيت نوريكم اش داز عليا وآش درت وآش دّار ليا …
هي بصح انا صرفقتكم ورجعت طبطبت عليكم …. هي بصح زعفت عليكم ورجعت عنقتكم …. هي بصح انا وياكم تمشينا فطريق طويلة بزاف … وهضرنا يزاف …
انا كنت هي داك الصفحة البيضة لي تكتب فيها الدرس باش نتوما لي تقراوه …
ومن هاذ الدرس كامل .. انا بغيتكم تشدو حاجة وحدة … حيت هي كوولشي ….
بغيتكم تعرفو تختارو هاداك لي غاتكتبو نتوما وياه الدرس !..
حيت كلنا تازادينا صفحة بييضة ….ونهار كنبغيو نكتبو فوقها حياتنا خاصنا جوج دالحوايج … قلم … و ممحاة ….
قلم نكتبو افعالنا … وممحاة نمسحو اخطائنا …
ولكن …. مكيكونوش عندنا بجوج …
إما كنتزادو قلم ….
وإما كنتزادو ممحاة ….
القلم بوحدو … مغايعرفش يكتب الدرس مزيان حيت غاتجي الورقة مخربقة بالاخطاء …
و الممحاة بوحدها ماعندها مادير …
ولكن غانعاودها ليكم على شكل قصة اخرى …. بطريقة اخررى …..وغانعاودو قصتي … بشكل آخر ……
نهار جيت لهاد الدنيا …. تزاديت انا هي القلم ….
وكان خاصني الممحاة .. لي تمسح ليا اخطائي باش نعاود نصححهم و مايبانو لحتى شي واحد وتبقى صفحتي نقية ومنظمة ، بغيت نقول زعما …. حياتي ….
وبقلة العقل ختاريت قلم اخر !!!! …تعلقت بيه بزااف … كان كايسحابلي هو علامن كنت كانقلب وهو لي يصلاح ليا …
انا كنكتب وهو كايكتب … وأخطائنا كايتلاقاو مع بعضياتهم و الورقة ولات كلها فوضى !!!!
فواحد النهار …. شفت حال داك الورقة كي ولات !!! حياتي ولات عبارة على كلمات داخلين فبعضياتهم وشي مضروب عليهم وشي مامفهومش !!!! …. حياتي ولات مرونة و ماباينش ليها الطريق …
تما وقفت …. وحاولت نحبس هاد المهزلة لي واقعة ليا … فحياتي …. بغيت نقول فورقتي …..
ومشيت نقلب على قلم اخر …. لي يعرف يكتب معايا الدرس حسن …..
هو الصراحة ماقلبتش عليه .. يكفي انني خديت القرار .. و جا بوحدو …. بلا منحس …..
ولكن جاني مختلف بزااااف !!! ماشي كيف كنعرف ! مكانش طويل بحال القلم وماعندوش الحبر لي كانكتبو بيه …وماعندو والو !! كان باهت …. ممل … حيت كان ممحاة ماشي قلم !!
وانا ولفت نشوف غير القلم ….
تحطات هاديك الممحاة على الورقة ديالي ….وانا مخبية بيدي گاع داك الروينة لي واقعة الفوق حيت فورقتي حشمانة يشوفها … بغيت تبان ليه ورقتي خاوية وزوينة وبيضة وجديدة … بغيت نقول ….حياااتي
ولكن الممحاة ماكانت كدير تاحاجة .. غير حابسة !!! ماكانتش كتحرك .. جابت ليا الملل والرتااابة !!!! ….. بييضة بحال هاكاااك ونقية بزاااف … تقيسها من برا كتبااان قاسحة ولكن لاتمعقتي فيها رطبة … جانني فشكل !!!! غرييييييبة … مكتشبهش ليا …..ولكن مكانت كادير والو !!! غير محطوطة فوق ورقتي … كنحركها بيدي مكدير تاشي تغيييير !!!!!!
تعصبت … مرضت … كمشت هاديك الورقة شحال من مرة باش نلوحها وكنتراجع ونرجع نطلقها فوق الطبلة ونتسنى الممحاة دير شي حركة … عصباتني بزاف شحال من مرة لحتها وكانلقاها كترجع شوية ب شوية ….
علاش مكانت كادير والو .. القلم لاخر كاين كايتحرك معايا بزاف ، و كان معمر معااايا الورقة بعدا على الاقل !!!! ….
تعصبت على حياتي … بغيت نقول .. ورقتي
ولحت هاديك الممحاة للارض وهزيت ورقتي عندي …. ومشيت قلبت على القلم لول فين هو …
و لقيتو ….
بقا واقف فبلاصتو فين خليتو …. ماتحرك مزاد للقدام بحتى شي خطوة ….
فرحت حيت لقيتو من جديد و غانرجع نعمر ورقتي تاني … ولكن شي حاجة فيا الداخل كانت كتخليني منعطيهش هاداك النص لي بقى من ورقتي خاوي يكتب فيه … حسيتو ماشي ديالو ….
كنت مرة مرة كنعري قدامو داكشي المرون لي درناه انا وياه … وكانلقاه كايزيد يرون فيه كتر وكتر … ولكن ماخليتوش يزيد …. ودرت جهدي كامل مايقيسش الجانب النقي من الورقة …….
ولكن انا بلا مانحس فالوقت لي كنت كنضحك معاااه وكانلعقو بريوس الاقلام فوق الورقة ناشطين ، ….. زلق القلم من يدي بلا ارادتي وكتب شوية فالجانب النقي من الورقة !!!!!!! …. تخلعت !!!
ماحملتش راسي علاش هاديك البلاصة توسخات وانا شحال وانا باغاها تبقى نقية …..
تعصبت تاني وكنت غادي نكمش هاديك الورقة ونلوحها ….
حتى فلحظة .. ماعرفتش كيفاش دارت رجعات الممحاة لورقتي ومسحات الخط لي درت بالغلط فالجانب النقي من الورقة ! مسحاتو كامل !!!!!
مافهمت والو !! استغربت !!!! … شفت يمييين وشمال … وعاودت كتبت شوية تما …. وكنلقا الممحاة دغيا مسحاتو !!!؛
عاودت كتبت … وعاودات مسحاتو دغيا …
العرق بدا كايصب على جبيني وقلبي بدا يضرب بالجهد … عاودت كتبت تاني ..
وتااااني دغياااا مسحاتو …
لحت القلم من يدي مافاهمة والو !! الممحاة كتحرك ! كادير شي حاجة !!!!!!!! … ماشي جماد كيف كنت كنضن !!!
عندها دور فورقتي ..
كتمسح اغلاطي !!
سرطت ريقي …. وعاودت كتبت جملة صحيحة وخليت خطأ واحد فاللخر باش نشوف دور هاديك الممحاة فحياتي ….
لقيتها مسحات الخطأ وخلات الصحيح …. مامسحاتش كولشي !!!!
وزدت كتبت … وكتسمح غير الاغلاط .. كاتصحح اغلاطي مورايا …
هزيت الورقة ديالي بعيد … بعيد على القلم لاخر وبعيد حتى على الممحاة … فشي بلاصة كنشوفها انا بوحدي .. وطلقتها قدامي …. وبقيت كنشوف الفرق بين الفوضى الفوق … والتنظيم لي كان التحت … ورقتي شحال منظمة وصحيحة وخالية من الاغلاط!!!! …..
تماك جاتنب لحظة ادراك .. انني كنت محتاجة ممحاة وماشي قلم ! … حيت انا القلم …
هرست هاداك القلم لاخر على جوج واخا كان غايتقب ليا ورقتي ولكن لطف الله كان كبير ….. وهرستو ولحتوووو بعييييد ….
وكملت مع الممحاة فسطر واحد وكلمات منضمين …..كنكتب أيااااامي ….و كلما غلطت انا ، هي كتصحح …. وبعد مرات كايتقلبو الادوار ….كانعطييها القلم ونكون انا الممحاة وهو وتغلط ونصحح حتى انا ….
كان الامر زوييييييين بزاف !!!!
كنت فرحااااانة …..
ولكن ماكنتش فرحانة كليااا !!!! ….
حيت الجانب الفوقاني كنت مخبياه بيدي …. الممحاة مكتشوفوش باش تمسحو ومابغيتش نوريها ليه .. كنت حشمانة منو … وديما مبرزطني ….
ولكن فواحد النهار … انا و الممحاة تزادت عندنا شي حاجة تالتة …. ولحسن الحظ تزادت تاهي ممحاة ماشي قلم بحالي …..
وهي بوحدها لي قدرات تمسح داكشي لاخر لي كنت مخبياه ….. ورجعات ورقتي كلها منظمة وزوينة ونقية ……
ودابا ….عرفتو علاش خاصنا مانقلبوش على شي واحد كايشبهنا ..
لاااا
خاصنا نقلبو على النقيض ديالنا …
كون كانوا الاقواس كايتشابهو .. ماعمر غايخلقو الدائرة …. وكون كان الليل كايشبه للنهار عمر الايام يزيدو للقدام …..
خاصنا النقيض ديالنا ، هاداك الشخص لي بعييييد على افكارنا ولكن قريب لينا حنا ….
مكيشبهش لذوقنا ولكن كايعجبنا ! …
مانخسروش طاقتنا مع لي مايستاهلناش . .. تاحد مايستحق دموعك ….. كاين غير واحد فهاد الكون لي كايستحقهم …. ولكن هاداك ماغايخليكش تنزليهم اصلا ! …
كايدير جهدو كامل باش ماتبكيش وتبقاي ديما فرحانة ..
وحتى الى بكاك هو .. كتكون غير لمصلحتك حيت ديما كايبغيك تكوني حسن من اي واحد ….
هي بصح … كيف قلت لرضى …. الحاجة الزوينة ديما كتكون صعيبة .. ولكن ملي تشوفي راسك كاديري جهد كبير باش تحفري شي حفرة ..
هاديك الحفرة خاصها تكون بير …. باش جهدك فالحفير مايمشيش هباء حيت غايطلع الما فاللخر وتروي راسك ….
اما لا كان غاتعطي جهدك فشي حفرة قاااحلة ، فراه الحاجة الوحيدة لي غاتوقع ليك ملي غاتعياي هي غاطيحي فيها ….. حياتك كاملة غاتعيشي مردومة فعلاقة كنتي غير كتعطي بلا متاخدي ….
نت غالية ، واليديك رباوك وخسرو عليك بزاف ، ماماك وهي كتولدك خسرات صحتها … غوتات بزاااف باش نتي خرجتي لدنيا … باباك صرف عليك بزاف .. خوتك حظنوك..
علاش تعطي راسك لواحد مايستحقش هاد الجهد لي دارو عليك واليديك ؟ الدستور عزك … المدونة عزاتك … القرآن والدين عزووووك …. ونت كطيحي براسك ؟؟؟؟ ..
غلي نفسك وطلعي ليها شاااانها تايجي لي يستحقها كماا ينبغي ….
ماطلبيش طلبات تافهمين بحالي …. ركزي على انه يكون كايحترمك … كايشجعك … كايدلعك … كايدريك فالاوليات ديالو …. كايعتبرك نفسو الثانية ….كايخليك رافعة راسك قدام كولشي …. هادي هي ” كنبغبك ” بلغة الرجااال …..
ملي تحسي معاه براسك … انك كاديري شي ذنب … وكتخوني ثقة عائلتك فيك …
عايشة معاه فالسر والخوف وماقادش يدير تا خطوة يحيد هاد الخوف عليك ويعلي راسك وسط الناس …. هاداك هو لي حفرتو قااحلة وغااارقة واخا تعياي تحفري مكايشبعش …. والى طحتي فيها غاتغرقي فيها بوحدك …..
حيت الوقيتة لي غاتكوني عايشة معاه الحب وظاناه بلي هو مجنونك ونتي ليلى …..
كتكوني نتي هي المجنونة …. وهو رااااااه مع ليلى …..
ماتعطيوش راسكم لواحد مايستاهلكمش …. وماكايعرفش بقدركم …. واخا ويكون الشتاء قاااااسي وصعيب والبررد وكولشي …
تسناي ابرييل …. تسناي ربيعك ….
تسناي شجرة التوت تعمر
“انتظري الربيع …… مهما كان الشتاء قاااااسيا ….”
وداعا ابريل ……
نلتقي في فصل آخر ………
النهاية
بقلم الكاتبة ✍️👇
وها المولودة الصغييييورة ديالي سالاااااات ….
نتمنى تكونو اتسفدتو منها ….
اسمتعت وانا كنحطها معاكم …
كانت اول مرة نكتب هاظ الستيل دالواقع وانا كايعجبني لاكتبت شي ستيل نعطيه حقو
سرقت مروى منكم
وسرقت رضى من رجال لي كنعرف
سرقت سعيدة وخديجة وبوشتى وحسن من والديكم
سرقت وجدان من صحاباتكم ….
كولشي جبتو غير من حداكم ….
باش قصة تكون قريبة ليكم .. ودابا غاتقراو التقديم من جديد وغاتعرفو علاش تقال داكشي … وغاتفهموه حسن …
القصة مكانتش لا لمروى.. لا ليا …
القصة كانت ليكم ….
لكل زوجة … لكل مراهقة … لكل مخطوبة … لكل وحدة فيكم ….
بسلامة ❤️
التعليقات 0