دوزو معاهم ديك يوماين فاليوم الثالث الشميسة ساطعة مزينة السماء الزرقاء.. جالسين على طاولة الفطور..كايتناولو الطعام مشاركين الحديث ولكن بتعجب من ناحية الضيوف على الفطور لي محطوط! نعم كاين مسيمنات،حليوات،كيكات،،ولكن الگرعين! فالصباح جاتهم عجب..وستغربو ولكن ما بينوش كملو الفطور عادي..
..عبد الوهاب:”كايخلق اطراف الحديث” اوا سي محمد شتك ما كاع ما كليتي الگرعين يا كما مكايعجبكش؟
محمد:”بابتسامة ” لا والو غير شبعت الحمد الله ما عندي فين نزيد..
عبد الوهاب:اوا الى هكاك ماشي مشكيل اسيدي..
معتصم:”تحنحن” باغي نخرج اليوم!
عاصم:”ما فهمش علاش قالها ليهم” بغيتي نوصلك؟
معتصم:”بابتسامة شقية” لا مايحتاجش باغي نخرج مع مراتي لا مكانش عندها مشكيل طبعا!
نوميديا:”وحلات ليها الماكلة” كحم كحح كحح..
“بسرعة مد ليها كاس دالما باليد اليمنية لي صحيحة..ومرر يدو على ظهرها ببراءة مصطنعة كايوحلها ليها من جديد..مخلي محمد مخرج عينيه فيه باغي يهدر مالقى ما يقول.. “
معتصم:شنو قلتي؟
نوميديا:”بقات كاتشوف فماماها وباها مالقات ما تقول”
عز الدين:”بهدوء حس بباه ناوي يعتارض وهو ينطق” خرجو ما فيها باس مرتك أخويا ما تحتاجش تشاور معانا غير هو الى رجعتو بكري غايكون حسن حيت العشية شادين طريق؟
نجاة:لواه لواه اولدي ما عندكم فين تمشيو غير زيدو معانا هاد نهار بعدا..راحنا عائلة زعما
سهام:”بهدوء” ربي يخليك اختي نجاة..عارفين لي كاين والضياف حدهم تلتيام مرة أخرى ان شاء الله..
نجاة:اوا ملي مصرين ما بقى عندي ما نقول الله يوصلكم على خير..
سهام: امين..”شافت فبنتها” الى كليتي نوضي بدلي تخرجي مع راجلك!
نوميديا:”حركات ليها راسها وناضت مشات لبيت نهلة نعسات معاها فيه..وبدلات حوايجها لابسة سروال كحل وتريكو گرونة طويل ودارت شالها…وقادات وجها وهزات صاكها وخرجات”
نهلة:”نقزات” راه طلع لدارو يبدل دابا يهبط..
نوميديا:”حركات ليها راسها مبتاسمة ليها ابتسامة خفيفة”
“غير لقات كلامها…وهي تشوف بنص عين فعز الدين لي عمرو هز فيها العين..شي حاجة فيه كا تجذبها والحاجة لي مكاتفهمش انها مراضياش تعتارف ولو لنفسها بلي عجبها..ملي كاتفكر ديك زعرة لي كاتجيه وتعجبو كاتزيد تمرض مفكرة انه ملي معجب بوحدة بيضة وزعيرة..راه مكايميلش لنوعها خبطاات الكاس لي كان فيديها بدون وعي تا شافو فيها كاملين”
نهلة:”بابتاسمة دبزز” سمحولي بالغلط
معتصم:”دخل عندهم مبدل ومحلق على الحالة وريحتو عاطية مكتافي بتيشورت ولو الجو شوية بارد على العادة بزز باس دخلو فيدو لي مهرسة” نوميديا نمشيو؟
نوميديا؛”حركات راسها قلبها كايضرب بعنف”
سبقاتو وهو غادي وراها كايعبر فيها ولو تفاصيلها ماباينينش لكن من النوع لي كايعجبو رقيوقة وطويلة…. ومن حجبانها عرفها زعرة بتاسم متشوق لنهار لي يشوف تفاصيلها كاملين… قرب لعندها وشد فيديها مزير عليها بقوة خلاها حالة عينيها..مشاعر جديدة كا تحس بيهم وهي اول مرة يشد شخص غريب بنسبة ليها فيديها..
“جلسو فمطعم بعد ما طلب الغداء..باغي يجلس معاها شوية يتعرف عليها أكثر..وعلى تفكيرها..ولو زواجهم تم بطريقة تقليدية..ولكن من خلال حركاتها وتصرفاتها عرفها من النوع الهادئ لي ما عندوش مع الهضرة هو هادشي لي باغي فنفس الوقت باغيها تتحاور معاه.. “
معتصم:اوا لالة نوميديا!
نوميديا:”هزات فيه راسها بمعنى شنو”
معتصم:”بابتسامة باغيها تتطلق معاه فالهضرة” فخبارك سميتك زوينة؟
نوميديا؛”بلعات ريقها حناكها حومر” شش شكرا..
معتصم:”ميل راسو منغم بخجلها” شكون سماك..
نوميديا:”بخفوت” جداتي!
معتصم: عرفات تسميك..
نوميديا: شكرا..
معتصم: عرفيني عليك كثر آ نوميديا!
نوميديا:”بتردد” بحالاش؟
معتصم:مثلا شحال عمرك! مستواك دراسي شنو كديري فحياتك؟
نوميديا:”بإستغراب” معارفش؟
معتصم:”ضحك” لا عارف غير بيت نسمعها منك..
نوميديا:”بهدوء” واخا، انا فعمري 24 عندي إجازة صافي غير جالسة فدار!
معتصم:”بتعجب” عندك إجازة وجالسة فدار! فاش بعدا هاد الاجازة؟
نوميديا:القانون!
معتصم:”حرك راسو” مزيان..مناوياش تخدمي؟
نوميديا: لا..
معتصم:”بتاسم بارتياح”اوا واخ الالة تانتي الى بغيتي تسولي مرحبا؟
نوميديا:”مترددة مابغاش تزعم ولكن..!” ونتا شحال عمرك؟
معتصم:31 طالع 32! شي حاجة اخرى؟
نوميديا؛”مبغاش تزيد تهضر” لا
معتصم:على خاطرك،
تحط ليهم الغدا وتغداو بهدوء غير هو لي مرة مرة كايهضر بعدما سالااو الماكلة جلسات قدامو حادرة راسها..كاتقيس فخاتم الخطوبة لي فيديها وهو حاضيها منغم بهدوءها..الى قالو ليه شنو كاتعشق فالنسا يقول ليهم؛شوفو فنوميديا!
معتصم:اري ليا يدك؟
نوميديا:علاش؟
معتصم: غير مدي ليا يديك!
“مداتها يديها ليه بتردد..وهو خشى يدو فجيبه معنكشاه اليد الاخرى لي فيها الكبص..وجبد بواطة مستطيلة فاللون الاسود وحلها بيد وحدة وهو يبان ليها سرتيلة فالذهبي فيها حجيراات بويض غزالة كاتلمع..باينة فيها ساوية ثمن!..بقات غير كاتشوف بعينيها غير مصدقة..حطها ليها فيديها وزيد عليها قائل:”
معتصم:بغيت نلبسها ليك ولكن الغالب الله “ضحك” عندي غير يد وحدة..
نوميديا:ششكرا ولكن مانقدرش نشدها؟
معتصم؛”رفع حاجبه وملامحه تقلبو” علاش؟
نوميديا:”وجهها ولا أحمر” غير هكاك..
معتصم:نوميديا اتخليني نكعى عليك الغزالة ديالي! ما تنسايش انا راجلك ماشي شي واحد براني!
نوميديا:عارفة ولكن!
معتصم؛”قبح فيها شوفة” مكاين ما ولكن..!
“جراتها لعندها مسلمة أمرها لله وستأذنات منو غادية للحمام..حاسة بوجهها شاعلة فيه العافية اما هو بقى حاضيها تا حس بظل وقف قدامو وهو يهز راسو وتسعق من الانسانة لي واقفة قدامو”
بعد العصر هزو حوايجهم راجعين لمدينتهم مودعينهم..بعد ما تافقو على تفاصيل العرس..فور خروجهم خرج حتى معتصم شاد طاكسي وحطو جنب كافي..خلصو ونزل كايمسح على وجهه..توجه لداخل ولمحها عاطياه بظهر توجه عندها ووقف عليها بملامح جامدة وهي شافته مدات ليه يديها محافصة على جديتها..
كوثر:السلام..تفضل..
معتصم:”جلس فالكرسي المقابل ليها” وعليكم السلام..
كوثر: طلب شي حاجة؟
معتصم:”شير لسرباي” واحد كافي كريم الله يحفضاك..
كوثر:”تنهدات” لباس عليك؟ مالك فيديك..
معتصم:”ببرود” الحمد الله اكسيدون خفيفة!
كوثر:”حركات راسها” الله يشافيك..
معتصم:”شاف فيها بتساؤل” شنو كنتي باغا تقولي ليا الصباح؟
كوثر:”عقدات حواجبها” شكون البنت لي كانت معاك؟
معتصم:مكايهمكش!
كوثر:قوليا الحقيقة واش لي سمعت صحيح؟
معتصم:شنو سمعتي؟
كوثر:خطبتي؟
معتصم:”حرك راسه ببرود” اه بصح..!
كوثر:”عينيها تغرغرو ولكن شدات راسها” وأنا شنو؟ شنو انا فهادشي كامل؟
معتصم؛”شكر النادل على القهوة” نتي إنسانة بيناتنا ذكريات زوينة ولات من الماضي؟
كوثر:”بشفايف كايرجفو” كيفاش حتى وصلنا لهاد المواصل ما فهمتش؟ خلاف بسيط بيناتنا خلاك تشوف فغيري؟
معتصم:”شاف فيها بتركيز” خلاف؟ انا وياك سالينا ونتي عارفة هادشي؟
كوثر: سالينا؟ ياك ديما كنا نتخاصمو ونرجعو عادي بحال أي كوبل شنو وقع دبا؟
معتصم:”مسح على وجهه بإرهاق” أنا شنو قلت ليك؟ يا نتزوجو دبا يا ما نتزوجوش كاع خياران لا ثالث لهما ونتي لي حددتي مصير الغولاصيون لي كانت بيناتنا! شهور ويولي شيب فشعري حساب ليك انا باقي فتبرهيش ديال علاقة عابرة؟ من الاول وضحت بلي باغي المعقول! تعرفنا وعرفنا بعضياتنا! باش ندير خطوة ثانية نتي وقفتي فطريق!
كوثر:”رجعات شعر ورا وذنيها” أسباب لا محل لها! لو كان بغيتيني تصبر معايا..وخدمتي تعبت عليها سنين أمعتصم كون ستنيتي غير نشد ترقية ونتزوجو!
معتصم:هاد الهضرة ما بقى عندها معنى؛ نصبر عام عامين؟ مامظطرش إذن الله يسهل عليك فشي ولد ناس..
كوثر:”حاسة بروحها شاعلة فيها العافية” وي بصح! ڤغي صدمتيني ولكن ما كتابش..
معتصم: مرحبا بيك العرس آ ختي..
كوثر:”بلعات ريقها” ضروري ممكن طلب صغير؟
معتصم:وي
كوثر:”مسحات دميعة من طرف عينيها” ما بغيتش علاقتنا تقطع! خديتي بلاصة فقلبي نبقاو فراند؟
معتصم:”بقات فيه” وي علاش لا!
كوثر:”بتاسمات” شكرا..بالمناسبة عروستك زوينة!
معتصم:”باغي غير يتفك” ميغسي.. “حط الفلوس على طبلة” نخليك دبا ساعة سعيدة!
كوثر: بيك!
“خرج من تما..علاقته معاها بدات بجدية من شهور..فالاول كان اعجاب وبغى يجمع راسو وقصد المعقول!..لكن العائق فطريقهم هو خدمتها لي مصرة تاخد ترقية فينا !, وهو من تجربة خوه..ما بغاش يوقع فنفس المشاكل! خصوصا مكايحملش صداع..الخلاف كان كبير يساوي الفراق من جيهته..وخصومة صغيرة من جهتها..ما ينكرش انسانة زوينة قلبا وقالبا شاربة عقلها في اواخر العشرينات ولكن ما كتابش..كل واحد شد طريقه”..
أيام غادة أيام جاية مكاين غير جري جري..موعد الزفاف بقى ليه أيام قليلة..عرضو عائلتهم جيرانهم وصحابهم! متافقين مع تريتور على كل شي..بسبب المسافة الطويلة بين المدينتين إتفقوا يديرو عرس عند العروسة..عاد عند العريس!..سهام واقفة على كلشي معاها ختها لي جات من طنجة خصيصا على قبل شقيقتها..كانو كايفرشو صالة فراش جديد..
رحيمة:”كاتضرب فالمخاد وتقادهم” قولي ليا آ سهام..فين عجوزتك..
سهام:”كاتقاد الملايات” غير دوزو ديك يوماين دالخطبة رجعت مع بنتها غدا غايمشي محمد يجيبها..
رحيمة:اوا مزيان!..طيابة وجدتوها؟
سهام:ضبر لينا عز الدين تريتور غايتكلفو هما بكلشي! وكايقولو المرا لي كاتطيب عندهم ماكلتها ما تشبعي منها..لهلا يحشمنا..
رحيمة:آمين..!
“فالبيت عند البنات بنات خوالاتها وإسراء بنت عمها دايرين بيها عاطيينها لضحك وتزغريت فرحانين بيها كايديرو ليها الماسكات من راس لرجلين.. “
غزلان:”شدات ليها يديها” ناري يا ختي شكون بحالك ما فيك زغبة!
لمياء:ههه وي بصح اول مرة نلاحضها ما فيكش زغب كاع واش دارت ليك خالتو شي حاجة فاش تزاديتي؟
نوميديا:”ضحكات” كايقولو ورثتها من يما حنو ” كاتقصد جداتها”
لمياء:”حطات يديها على خصرها” جداتك غير نتي آ ختي! مالنا حنا ما علينا الله
غزلان: ورثوها غير هي سندس “بنت خالهم”
لمياء:العار لا تقولي تا سندس؟
غزلان:”أكدات ليها بعينيها” ناس لي عندهم زهرة يا ختشي..
لمياء: ناري سعداتكم..
إسراء:”طرطقات بضحك” تخيلي غير تخيلي راجلها يكون كايبغي زغب..
لمياء: هههههه ناري لهلا يطيحكم على شي واحد من هاد نوع..صعاب يا ختي..اتولي بحال شي قردة..
غزلان:مالكم لي يبغيك يبغيك بزغبك!
لمياء: انا دايرة ليزر مهنية!
غزلان:”عطات ليها صبع” هاكي خاسرة فلوسك عام ويبدا ينبت..
لمياء:”هزات كتافها” نديرو تاني اش فيها!
إسراء:بصح البنات مع المدة كايرجع؟
غزلان:من هاد ناحية كاين لي كايقول اه كاين لي كايقول غير لي عندهم زغب غليض ولا عندهم هرمون الرجولة زايد والله واعلم!
إسراء بشحال يكون؟
لمياء:على حسب غير الوجه بوحدو لا بغيتي ديري ليه 1200 درهم لحصة وحدة! وشي لاخر كثر شري ماكينة دليزر حسن وخا غالية شوية طالعة ب3000 درهم!
غزلان:على حسب الكاليتي تاني
لمياء: وي انا عندي وحدة فرباط..ولكن ما ستعملتهاش حيت درتو عند بنت عم بابا فابور!
إسراء:وخسرات معاك!
لمياء:دبا نرجعها ليها فساعة الخير؛
غزلان:”شافت فنوميديا” الماسك نشف زيدي تغسليه!
صلااااااااة وسلاااااام علىىى راااسوول الله والى جاا الجاااه العلالي يويوويوويوويييي مع تزغريييتة فاااعلة تاااركة من العيااالااات دخلات العروووس للقاااعة بتكشيطةة مذهبةة مبينة فصالتهااا ماكيااج ثقيل لأول مرة ديروو خلاها تبان فاتنة شعرها زعيعر دايرين ليه مشيطة وتااج..خلاات ناااس يرددو (ما شاء الله)..(تبارك الله والصلاة عن النبي)..قاااعة مجهززة والتريتوور وااقف على كلشيي..جلسوها على العماارية وهي تتحس بتوتر بسبب الانظار المصوبة نحوها..
المصورة:”قادات ليها قفطان” هزي راسك وفاش نصورك شوفي عندي انا…
سعاد:”قربات عند سهام” ما تخليش ناس يصورو دنيا وزمان ما بقات تيقة!
سهام:اويلي اختي ما فيا لي يتحااشم مع ناس!
سعاد:حيدي من طريݣي اختي الى مابغيتيش…انايا لي نتكلم “شافت فالمصورة” عفااك أبنتي بلاتي واحد دقيقة..
مصورة:واخا الآلة!
سعاد:”وقفات فالوسط وسفقات للنسا يشوفو فيها” آ لعيالات كوولوو وشربووو مرحبااا واللف مرحبااا ولكننن ممنوع تصاااور الله يرحم بيها الواليدين! ماا نشوف تاا تلفون من غير سيدة لي مكلفة تصور..عائلة العروسة ماابغااوش!
تسمعو همسات وهي كاع مداتها فيهم..مشات سهام اللولة تصورات مع بنتها فشحال من بوز..بعدها سعاد وإسراء تا تصورو بنات فاميليتها بلا لي غضبو ما بغاو يتصوروو..نساا عمامها جالسين بحاال ضيااف ما تحركو ما هضرو.
رحيمة:”كانو مجموعين فالكوزينة” واش العريس مغاديش يحضر عرس؟ كاع ما جاو..
سعاد: اوا ياختي ماين العريس باغا تفرح بولدها! تتوجد للعرس! ايجيو غير العريس وختو وصحابو والفاميلة القريبة يركبوها!
رحيمة:اويلي اختي راه ما تجي توصل تا تدكدك! وتبرز تا تما راه بزاف!
سهام:”جاوباتها بهدوء” لا راه عندهم هما تا مور غدا!
رحيمة:اه دبا فهمت!,
هي من نوع لي فضولي وعزيز عليها التسوال..العرس داز فاعل تارك واخا كلشي…محمد كاتبقى هاديك بنته الوحيدة..ما خلا مناش جاب الحاصول حمر وجهه..مع لي حضرو العرس من دجاج للحم لموناضا لكلشي العيالاات نااشطين والبنات كثر كل مرة تنوض وحدة تشطح يتبعوها لوخراياات..يموتو على شطيح..
فاطمة:”مرات أحمد” الله يعطيكم الصحة آ ختي سهام..الطياب فنن..
سهام:”طبطبات على يديها” الحمد الله آ ختي الخير موجود..
فاطمة:الله يزيدكم خير ياالحبيبة..
سهام:أمين ربي يخليك..
شوية جات عندها إسراء وقالت فوذنيها”عمتي راه عز الدين كايعيط ليك..
سهام:واخا ازين ديالي..
هبطات التحت لقاته واقف فدروج ما بغاش يطلع حيت تما العيالات احتراما ليهم..بكل آناقة لابس كوستار وراد شعلو اللور..طولة وتجريدة جا غزال..
سهام:الحبيب اينو..عيطتي ليا؟
عز الدين: اه صونا ليا عصام راه نص ساعه ويكونوا هنا!
سهام:ويلي دغيا وصلو شحال ساعة؟
عز الدين:”شاف فساعة لي فيدو” الخمسة ونص!
سهام:غانمشي عند البنات نشوف واش كلشي واجد..
عز الدين: ماتعطليش باش نتلقاو ليهم!
سهام كون هاني آمي “ولدي”
طموبيلات مستفين تزغريتااات تطلقووو من عند العيااالااات..وهما نازلين نهلة شادة فخوها العريس…بكااامل انناااقتهم هو كأي عريس كوستار فالبلوماري الابتسامة ممفارقاش فمو..اما ختو بقفطان تاهي فالبلوماري مطرز.من جيهة الصدر تالجناب التحت لاصق عليها..مبين فورمتها لي عامرة طاالقة شعر بمكياج غاامق..
سعاد:صلاااااة وسلااام علىىىى رسووول الله والىىى جاااا الجااه العاااالي لولولوووييييي
تابعينها العياالات كاااملين:صلاااااة وسلاام علىىى راااسول الله والااا جاااه الجااه العالي لوويوويويويي
دخلو الداخل والصلاة والسلام مااوقفاات…تزغرييت على جههد وهما طاالعين فدرووج..مع وصلو القااعة كلشي بدا يشوف فيهم تحشم شوية كم كثرة العيالات لي كاينين..وشاف ديريكت لعند العروسة لي كانت بدلاات اللبسة الراابعة لاببسة كسوةة دالعرايسات طويييلةة وبالكمام شعرها مبوكلي طويل مغطييين وجهها..تمشى بشوية وختو وعمتو شادين فيه تا جلس..وجات المصورة كاتدفع فالناس بلطف باش تصور..
المصورة:وقفو وشد ليها فيديها بحال هاكا صبر نقاد ليها..دبااا مزيااان بتااسم عفااك اسيدي وطلع عليها ليزار..
معتصم:”بتاسم بزز غير حشم يسبها”
المصورة:”ضربات ليهم تصويرة بديك البوز”ياله بوسها فجبهتها..
معتصم:”بقى ساهي فتقاسيم وجهها وعينيها الكوحل لي كايلمعو وشعرها الزعر وباس جبهتها بلطف” ما شاء الله..
المصورة:تقدرو تجلسو..يااله لي من فاااميلتهم وبغا يتصوور..
جات نهلة جارة عااصم كاتطير.. جلسات هي جنب نوميديا وهو جنب معتصم..واحد مورا واحد تاتصورو كاملين وبقاو هما جالسين بوحدهم ستاغل الفرصة وقرب من ودنيها.
معتصم:لباس عليك؟
نوميديا:”متوترة من قربه” ا ااه
معتصم:”بتاسم فوجوه الناس” علاش ما كنتيش كاتجاوبي على الميساجات ديالي..
نوميديا:ماشفتهمش.
معتصم:دبا ونتفاهمو الكديديبة..
نوميديا:ما كدبتش..
معتصم:”عض على فمو” واخا آ ذساينو هاكا كاتقولو ليها ياك؟
نوميديا؛”الصمت”
وصل وقت خروجهم…ودعات عائلتها بدموووع سهااام عقلها بغى يخرج بكثرة البكا.. خصوصا من العادات ديالهم ماتقدرش تمشي معاها..بصلاة والسلام كي دخلو بيها خرجو بيها مشات معاهم سعاد وإسراء شادين الطريق ديريكت لمراكش والشميسة غربات..
الساعة تشير إلى الرابعة صباحا..وقفات سيارة قدام أوطيل معروف فمراكش..سيارة العريس لا غير اما لاخرين مشاو للدار..حليها باب الطوموبيل ونزلات بشوية حاسة بالعيا وراسها غايتشقق عليها بسبب الهاراج لي كان فالعرس..شد يديها معاونها تنزل والكسوة البيضة مجرجرة..هازاها شوية…حط يديها فدراعو وزادو داخلين..
معتصم:صافا؟
نوميديا:”بصوت مبحوح متوترة” الحمد الله..
معتصم: فيك جوع؟
نوميديا:شوية وصافي..
معتصم:داكوغ ياله نشدو سويت ديالنا ونطلب لينا شي حاجة..
حركات ليه راسها..حاسة بتوتر شادها من صبعها صغير معارفة كيفاش تتصرف وهو هاز باليزة صغيرة والباقي خلاوه فطوموبيل..دارهم غاتكون عامرة داكشي علاش ختار يجيبها لوطيل..تاخد راحتها…وديجا اتاصل بيهم وخدا سويت مخصص للعرسان..حل ليها الباب وزيرات على عينيها ناطقة فنفسها..
نوميديا:باسم الله..
معتصم:خودي راحتك…انا نازل التحت..
نوميديا:”حركات راسها” وو واخا..
سد عليها الباب وهي بلعات ريقها حاسة بالغربة..حاسة براسها تالفة وتوجهات للكوافوزة الكبيرة لي كاينة تما وجلسات على كرسي صغيور قدامها..حيدات السلهام بصعوبة حاسة بالكسوة ثقيلة..وراسها عامر فيليل..جاتها البكية ماتقدرش تحيدهم بيديهم وعاد الشفار لي مركبة عدبوها وحرقوها فعينيها..زمات فمها بحال الى حكروها..دقائق دخل ولقاها جالسة شاف فيها باستغراب..
معتصم:مالك! علاش باقي مابدلتي..
نوميديا:”مدات يديها لشعرها كاتحاول تحيد الفيليل” ل ا لا والو غير..
معتصم:”شاف فيديها لي على راسها” ماقدرتيش تحيديهم؟
نوميديا:”حركات راسها”
معتصم:ماشي مشكيل..نوضي نعاونك..
نوميديا”بقات كاتشوف فيه”
معتصم:آري يديك..
مدات ليه يديها بتردد…شدها وقفات وجرها معاه بشوية وجلسات قدام على السرير وجلس وراها كايحيد ليها الفيليل من شعرها وكايشم ريحتو مبتاسم..وهي غارقة فتوترها وخجلها..حيدهم كاملين ودخل صباعو فشعرها كايسرحو ويدلك ليها راسها..وهي ساكتة كايتسمع غير صوت أنفاسها..شوية حط يديه على كتافها تا دورها قدامو وهي كاتهز عينيها وتحطهم.. ذاب فتقاسيم وجهها وقرب شوية بشوية تا مابقى كايفصل بيناتهم والو حتى…
تسمع صوت الدقان فالباب فيقو من سهوته تأفأف وبعد عليها وهي حطات يديها على قلبها لي كايضرب على وشك انه يخرج من بلاصته..حل الباب عاقد حواجبه لقى واحد من لي خدامين فالفندق جار واحد طاولة فيها عامرة بالاكل..بكل الانواع لي تشهاهم الانفس.. شكرو ودخل الطابلة وكحزها شوية جنب السرير وقال ليها..
معتصم:ياله نوضي نعاونك تحيدي الكسوة باش نتعشاو..
نوميديا:لا لا انحيدها راسي..
معتصم: ياا نووضي من البسالاات مغااديش ناكلك..
نوميديا:قادرة نحيدها راسي!
معتصم:”نوضها بزز” ضوري لوالديك براكة من ضسارة..
نوميديا:”بقات حالة فمها حساب ليها كايدوي من نيته” اا كيفاش
معتصم:”دوز يدو على شعرو بالفقصة” زيدي زيدي الماكلة باتبرد وشوفي شنو تاكلي..
ستسلمات مسلمة امرها الله هبط ليها سنسلة بشوية وهي تشد من جيهة الصدر حيت كانت غاتهبط ليها الكسوة…
نوميديا:صصافي ششكرا أنا نكمل..تقدر تخرج..
معتصم:”ضحك كايلعب بلسانو” فين غانخرج آ ختي!
نوميديا:”بلعات ريقها” غير نبدل واجي لابغيتي..
معتصم:”تلاح على سرير مغمض عينيه” خودي راحتك وسربي..راه فيا جوع..
نوميديا:”لقاته مغمض عينيه هبطات الكسوة دغيا وبقات بشورط بيض وديباردور فنفس اللون ومشات دغيا لباليزة جبدات بينوار طويلة لبساته دغيا وكادور تشوف فيه تا سالات” اا صصافي تقدر تنوض انا نغسل ونجي…
معتصم:”من الاول كان كايشوف بنص عين بتاسم تاتسدو عينيه” على سلامتنا واجي دغيا..
دخلات الحمام كاتزرب حيدات شفار وهزات لاتروس ديالها وديماكات وجها عاد غسلاتو..وخرجات بشوية حاسة عضامها مفصلين… لقاتو جار طبلة قدام الكرسي طويل لي قدام سرير..جلسات فطرف الكرسي وزايدة كاتكحز وهو كايشوف فيها..
معتصم:”بغيض” زيدي اختي هربي لاناكلك..
نوميديا:اا ؟؟!
معتصم:”خنزر فيها بالعاني” زيدي كحزي تاتلصق ترمتك مع الارض..
نوميديا:”صدمها بهضرتو ودهشرها وفهمات قصدو وتفاديا لحرج أكثر قربات ليه شوية وجلسات نيشان كاتاكل بشوية”
معتصم:”بتاسم” دبا مزيان..
كملو ما كلتهم جر ديك الطبلة بعيد..وهي ناضت لحمام تاني غسلات سنيها وتأكدات من ريحتها وخرجات توتر لاعب عليها..وهي فنفس الغرفة مع راجل غريب عليها.. ولو زوجها حلالا ولكن حاسة براسها متوترة ومكان غريب عليها وخرجات مسلمة امرها لله عاد ناض هو الحمام..وهي نعسات بلاصتها وتغطات..
داز نهار أخر بقات فيه غير فالاوطيل وحتى هو غير داز لدارهم..هضر مع مو فالباب بغا يقنعها يديرو حفل خفيف بيناتهم..ولكن رفضات رفض قااطع حاالفة تا دير عرس فاعل تارك بالدقة المراكشية ويحضرو عائلتهم وجيرانهم كاملين..شاف تا عيا ووافق حيت عارف راسها قاسح ورجع بحالو..يوم الزفاف حلات عينيها شافت جنبها كان ناض قبل منها..دخلات للحمام قضات روتينها ودوشات حيت قاليها غايجيو عندها البنات يجهزوها..شوية وهو يدخل كانت ياله غاتلبس..
معتصم:”بتاسم” صباح الخير
نوميديا:”جمعات البينوار من جيهة الصدر” صبباح النور..
معتصم؛”طلعها وهبطها” بصحة دووش!
نوميديا:”بلعات ريقها” الله يعطيك صحة..
معتصم:”ما بغاش يكثر عليها كايحاول ما أمكن يخليها تولفو عاد يدوزو للتطبيقي” جبت لينا الفطور اجي تفطري..
نوميديا:انبدل ونجي
معتصم:”جرها من يديها وجلسها على الكرسي” جلسي تاكلي ونوضي بدلي..
نوميديا:”جلسات مستسلمة”
معتصم:”عطاها الخبز” كولي مزيان..شوية ويجيو البنات يعاونوك..
نوميديا:”حركات راسها وقالت بتردد” واش غانديرو عرس فداركم؟
معتصم:اه فدارنا ودارك..غير باش نعلمك العرس غايكون مخلط من الاحسن ديري الفولار!
نوميديا:ولكن كسوة ممناسباش مع الفولار؟
معتصم:”كاياكل ويهضر” كريت ليك وحدة كاتشبه لهاديك لي لبستي غير هي مغطية..
نوميديا؛واخا..
كملو ماكلتهم فصمت..كايدير ما فجهدو باش يتوالفو.. خصوصاً عارفها من النوع لي مكايزعمش وحشومية..مابغاش يقرب ليها من نهار الاول..السبب الأول باش تولف عليه شوية وتتقبلها والسبب تاني كاع ما كايتيق فالاوطيلات..عارفهم مأمنين ومغايبغيوش يخرجو على راسهم..ولكن واخا هاكاك مكايتيقش بزاف..لا تكون شي كاميرة شكون عرف..
معتصم:”مسح فمو” جمعي لا كانت عندك شي حاجة هنا..شوية ويوصلو البنات..
نوميديا:”نطقات بهدوء وهي نايضة للحمام” واخا..
دخلات غسلات سنيناتها..وخرجات كاتجمع الفراش..وهو جالس فالبالكون كايهضر فتيليفون حتى وصل ليه ميساج فواتساب..من البروفيل عرفها شكون..شاف تا عيا ودخل جاوبها..باش ماتبقاش تصرد ليه
كوثر:السلام معتصم بخير؟ شفتك غبرتي هاد الايامات
معتصم: صافا اختي ربي يخليك! الغبور ضروري مرة مرة تزوجت شكرا حيت سولتي..
كوثر؛”بعد دقائق” هه اه بصح مبروك كاع ما عرضتيني العرس؟
معتصم:”تأفأف” باقي الحال مرحبا بيك هاد نهار.
كوثر؛”ديجا عندها الخبار” داكوغ..ميغسي على دعوة فداركم ياك؟
معتصم:وي
كوثر:ان شاء الله نكون من اول الحاضرين..
معتصم:مرحبا بيك اختي..
خلاها كاتكتب وخرج من الكونفيرساسيون..جاوبها غير حيت مابغاش يحرجها..واحتراما لذكريات زوينة كانت بيناتهم..دوز معاها نص نهار مرة مرة كايجبد معاها الهضرة ويضحك معاها حتى صونات ليه ختو عالماه بللي جايين وهو يخرج باش يمشي لدارهم ..شوية وتدق الباب فتحات ليهم نوميديا..كانت سعاد وإسراء وختو وشي بنات..مكاتعرفهمش هازين باليزة..
نهلة:”باستها وقالت برقي” مرات خويا الزوينة! لباس عليك؟
نوميديا:”بتاسمات” الحمد الله أختي ونتوما؟
نهلة:”بيخير الزين
سعاد:”عنقاتها وبااستها مزيرة عليها” الحبيبة ديالي تزوجات ولات برااجلهاا..توحشتك أبنتي..
نوميديا:تانا اعمتي..
نهلة:”شيرات البنات” هادو بنت عمة راجلك ملاك! وهادي بنت عمو صفاء وهادي مايكاب آرتيست سهيلة خدمتها متقوونة ومعروفة هنا ! جات خصيصا ليك..
نوميديا:”سلمات على اسراء بتعناق وسلمات عليهم” متشرفين البنات كلكم غزالات تبارك الله..
نهلة:”دورات عينيها فالغرفة” هاد البيت على مزيناتو حبيتو..
صفاء:اه مهوي تبارك الله..
سعاد:شحال الساعة البنات؟
سهيلة:”شافت فساعتها الذهبية وقالت” الثلاثة ونص!
سعاد:هي نبداو؟
سهيلة:وي من الاحسن!
نوميديا:نبدل دبا؟
سهيلة:تا نقاد ليك وجههك الزين..
نوميديا؛”جلسات على الكرسي لي قدام ااكوافوز” واخا
جبدات الماتريال ديالها وبدات كاتقاد ليها وجهها باحترافية عاطية لكل حاجة حقها خدمتها نقيو وزوينة وكاتعرف تدمج الالوان..خرجات نهلة البالكون كاتنهد وتشوف فالشارع فرحانة..حتى دخلات إسراء وقفات حداها..
إسراء:فاش كاتشوفي ابنت خالتي؟
نهلة:والو غير كانفكر!
إسراء:فاش كاتفكري؟
نهلة: نسولك ولكن ماشي على شي حاجة يعني غير جات فبالي!
إسراء: مرحبا علاش تتشاوري!
نهلة:ديك نجلاء لي كاتجيك واش فشي غولاصيون؟
إسراء:”شافت فيها بتساؤل” علاش؟
نهلة:”بتاسمات بتوتر” غير سولتك وصافي..حيت زوينة تبارك الله قلت علاش مانشوفوهاش لخويا عاصم هههه
إسراء:”شهقات” اويلي سيدة مزووجة المصيييبة..
نهلة:”حلاات فمهااااا” مزووجة؟؟
واقفة على كلشي بيديها..بالرغم من أنه معاجبها حال…ولكن ضروري تحمر وجهها مع نااس..لابسة قفطاان تقليدي مع شالها…كاترحب بالضيوف وتعاااود الاغاااني مطلوقين على الجهههد..نساا وعيالاات فالقااعة لي كبيييرة دايرينها فزنقة..كلشي متول ومزوج دخلات فرقة الدقة المراكشية اوا اراك للهرااج والغناا والشطيح والرديييح علىىى الجههد..بنسبة للاكل حمرااات وجهها مااخلاات منين دومونداتك كلشي كاايحمر الوجه جاات عندها خت راجلها وقفات حداها..
العمة:سبحاان الله..بففف هادوك لي خرجوا غير تغداو تقول عرضناهم يتغداو! جايين على كرشهم
نجاة:بصحتهم الخير موجود!
العمة:”ميقات بفمها” اوا اختي سمحيلي زدتي فيه يدك متقوبة..لاش هادشي كامل..وهادشي غير محاملاش العروسة كون كانت عزيزة علم الله شنو كنتي غاتوجدي..
نجاة:الله يهديك..رآه عرس هادا ولدديي هادا علاش مانفرحش بيه..تزوج مرة فحياتو ماشي كل عام!
العمة:اودي ما عزيزش عندك لي كايقول الحق!
نجاة:مالي شنو قلت ليك اختي..الله يهديك! تتزيدي فيه شوية..
العمة:”معاجبها وااالو” ياك اختي اوا بااز شحال فيك ديال البجاق هادشي غير زوجتي ولد واحد اما كون زوجتي العزبة كاع مانقدو نهضرو معاك!
بعدات من قدامها حيت اي محادثة معاها كاطلع ليها طانسيو..دير العسل ففمها تقول مالح مكايعجبها والو الحاجة الوحيدة لي كاتعرف ليها هي تنتاقد فبنادم وفكلشي..
نجاة:”هزات تيليفون كاتصوني لبنتها” اهيااتااا وافينكم؟؟ السبعة هادي اولا؟
نهلة:اماما هاحنا..ياله سالينا…
نجاة:اوا شنو كاتسناو؟
نهلة:يصوني لينا عاصم!
نجاة:أنا ندور ليه..نشوف فين هو!
نهلة:واخ اماما نخليك..
نجاة:”قطعات معاها ودوزات لخط لعاصم شحال عاد جاوبها” اولدي افينك نتا وخوك؟ لا هما سالاو! اوا صافي كيفاش كاتسناهم يصونيو عليك! اه واجدين كايتسناوكم! سير عندهم سييير..
وقفات سيارة مزوقة قدام الاوطيل موراها طوموبيلات آخرين العادة هي العادة خاص يركبو العروسة عاصم لي سايق طوموبيل العروس..تانزل معتصم شادة فدراعو نوميديا في أبهى حلة..كسوة العروسة مع الحجااب والمااكياج الرقيق لي بدعات فيه المايكاب آرتيست المسمات سهيلة..جات بحال شي وردة بيضااء وهو أيضا ببدلة رسمية.. ركبو سيارتهم هما اللور والقدام نهلة..حتى وصلو للقاعة التزغريت على الجههد والدقة المراااكشية..بشوية دخلو للقااعة ضاارو على طاولات الضيوف كاملين وكايعطي ابتسامة خفيفة لصحابو وعائلتو القريبة لي عزازين عليه..ماجلسو على العمارية حتى غفر ليهم الله الدنوب مع الضواوا دالكاميرات كايضربو ليهم فعينيهم قربو يعواارو..تجمعو قدامين العمارية وعطاوها للشطيح..
نهلة:”طلعات عند نوميديا” حبيبة نوضي تشطحي!
نوميديا:”ياله بغات ترفض وهو يقاطعها..”
معتصم:”بابتسامة صفرة”قربي ودنيك نقوليك..
نهلة:”من نيتها قربات ودنيها وهو يقرصها غير بريط” آيي جهلتي..
معتصم:تكركبي لنكركبك..
نهلة:كاتغير؟
معتصم:كاننن…نعلي شيطان دنيا مخلطة
نهلة:ولكن غير المقربين مكاين حد غريب
معتصم:”بغيض”عقلية بلجيكا خليها لهيه
نهلة:”بعدات” واخ اسيدي عقل عليها!
بعد ساعات واخيرااا جااهم الفرج بنفس التزغريت لي دخلو بيه خرجوا…تابعينهم هازين كسوة العروسة حيت طويلة ومجرجرة..طالعين معاهم الفوق حتى لطبقة ديال معتصم..ديريكت لبيت نعاس لي كبير وفرااشو جديد..ومزوق مناسب لعروسين ياله تزوجو..هبطو الآخرين يكملو سهرتهم مخليين العرسان ياخدو راحتهم ويكملو طقوس زواجهم
يمكن فهاد اليومين لي دوزاتهم معاه نقص ليها شوية من توترها منو..ولكن دبا حالة خاصة شاف فيها حس بيها كاترجف وقرب وحط يديه على كتافها..
معتصم:”بدفئ”نعاونك تحيدي الكسوة وراه الحمام لا بغيتي دخلي..
نوميديا:”ضارت وهو كايحيد ليها سنسلة تا سالا” شكرا…
معتصم:”توجه لخارج الغرفة” خودي راحتك انا غانبدل حوايجي فالبيت..
هبطات الكسوة وحيدتها حاطاها على كرسي تما…وحلات باليزتها جابدة منها بيجامة حريرية فالغوز بارد وملابس داخليين..ودخلات للحمام غسلات غير من التحت مقاستش شعرها..وديماكات وجهها..عاد خرجات وقلبها كايدق بعنف كان هو ياله دخل بتاسم ليها وسد الباب بالساروت وباب الباالكون كذلك وجلس على سرير..
معتصم:اجي عندي..
نوميديا:”توجهات جيهتو ببطئ وجلسات حداه”
معتصم:مرتاحة؟
نوميديا:امم..
معتصم:”دخل يدو بين خصلات شعرها وطلقوو ليها واصل ليها لخصرها” شعرك زوين..
نوميديا: ششكرا..
قرب ليها أكثر..وهز ليها راسها كايشوف فعينيها لي فيهم خوف وتوتر..قرب ليها ببطئ كايشوف شفايفها الموردين لي كايرجفو..وقبلها برقة..قبلة سطحية طويلة باش يحسسها بالدفئ وترتاح..قبلة مورا قبلة وسطحها على سرير معاه.. ياله غاينزل فمو لعنقها..وهي توقفو..
معتصم:شنو؟
نوميديا:طفي الضو ععفااك؛,
ناض على سعدو ووعدو طفاه وشعل ضو دالفيوزة وهي رجليها كايترعدو..رجع لعندها ببطئ وطلع على السرير حداها..عاملها بلطف حاس ان الانسانة لي بين يديه غالية وعديمة تجارب حاول ما أمكن يرخيها معاه ونجح نسبيا..داعبها بكل حنان وحب ولو كاتحبسو كل مرة كايطمأنها ويكمل ..وصل للوقت الحاسم وهي تشد فيدو لا إراديا خائفة..
معتصم:”دوز يدو على حنوكها بحنان” مالك؟
نوميديا:”عينيها دامعين وماقدراتش تشوف فعينيه” خايفة
معتصم:مني؟
نوميديا:”شفايفها ترعدو” ما عرفتش!
معتصم:ماعندك مناش تخافي معايا..انا اخر واحد ممكن يآذيك..ماشي شي حاجة صعيبة دغيا نساليو! كانواعدك غانحاول ما أمكن ما تأذايش تيقي فيا!
حركات ليه راسها مترددة..وهو باش يرخيها كثر شدها معاه فقبلة من نوع آخر..قبلة فرنسية بامتياز كايبوس ويرخف عليها..وجهه ولا حمر وكايحاول يتحكم فراسو..لحمها الرطب لي كايزلق فيديه..خلا عقلو يطير..شد يديها وعلاهم فوق راسها..شدهم بيد وحدة والآخرى كايعاونو باش يقادو معاها..ضربة أولى ثانية ثالثا حتى تم اختراق بكرتها بنجااح..
قلبها بغا ينقز من بلاصتو فديك اللحظة..وحيت كانت مكنززة ومزيرة بالخوف..خلاوها تتقصح خرجات صرخة مكتومة…كاتنهج حاسة بتحتها شاعلة فيه العافية وكايوزوز..ناض عليها ببطئ..وشاف تحت هبط منها دم وردي فاتح لا مركزتيش مغاديش يبان ليك..جلس وجلسها معاه معنقها..وهي مزيرة على عينيها ماباغاش تبين واخا هو عارفها مقصحة ..
معتصم:”كايدوز يديه مع ظهرها ويهضر” صافي ها حنا سالينا..مقصحة بزاف؟
نوميديا:”بصوت كايرجف” شوية..
معتصم:تنوضي لحمام دبا؟
نوميديا:بلاتي شوية مانقدرش دبا..
معتصم:”قبل جبهتها برضى” واخا هاني غانسبقك..
دخل للحمام هاز حوايجو..وهي تسطحات على سرير مغمضة عينيها كاتنين..ولو الألم بسيط شوية..ولكن كاتحس بتوزويز…خرج من الحمام مدوش ومبدل..ياله بغا يهضر معاها..وهو يسمع اصوات براا..شاف فيها بتساؤل وقال..
معتصم:ماعرت شنو كاين برا! نوضي نعاونك تدخلي دوشي ونخرج نشوف شنو واقع…
نوميديا:”ملوية فالكورفلي” عطيني بينوار ديالي..
هزو من الارض وعطاه ليها وكانت غاتمشي للباليزة تجبد حوايجها ولكن ما خلاهاش وجبد ليها هو شنو تلبس وعاونها دخل للحمام..بدل الكورفلي..والاصوات باقي كايسمعهم برا وهو يخرج..لقا مو مع نهلة كايفرشو تما..
معتصم:شواقع هنا؟
نجاة:”بتوتر” اولدي باقي فايق هه..غير شي عيالات من العائلة بعاد مساكن..كانفرش ليهم باش ينعسو هنا؟
معتصم:ومالقيتي فين تنعسيهم؟
نجاة:اوا الله يرضى عليك ماتحاشمنيش شنو نجري عليهم؟
معتصم؛”طلع ليه دم” سوقك هاداك..كون كنت نبغي الهراج وبنادم داخل خارج مانبنيش هاد الطبقة..من الاخر شوفي فين تنعسيهم!
نجاة:هاويلي امعتصم رجعتي لعوايدك باغي تفقصني..علاش مايباتوش هنا ياك لباس؟
معتصم:بالعربية تا عرابت باغي ناخد راحتي مع مرتي؛ نعام اسي لا سمحتو لينا سيادتكم..
نهلة:”حشمات بلاصتو وقالت ليه” صافي اخويا ماشي مشكيل..انعطيهم بيتي وننعس مع ماما..
معتصم:”شاف مو عاقد حواجبو” خاصك تحيدي منك هاد الفعايل اأستاذة..مواكلش طحين..ونتي انهلة هادي دارك خودي البيت لي عجبك البراني مايزطمش هنا!
نجاة:واخا اوليدي واخا ملي وليتي تقلل الحيا على مك..مابقات هضرة..
معتصم:”شاف فختوو” سيري جيبي حوايجك واجي..انا داخل ننعس..
هبطات نجاة مفقوصة..معارفاش علاش ولكن كانت باغا تحرمها عليهم..داار كبييرة..ناس لي تما…ولكن هي بظبط كانت باغا طبقة ديال ولدها حيت عارفة كون طلعو نسا بااتو مغايدير والو!دخل بحالو عاقد حواجبو..وزاد عقدهم فاش شافها شنو كادير ونطق بغضب
معتصم:نومييديا!
كانت واقفة فالباالكون..وياله مدوشة شعرها فازك..كانت باغا غير تشم الهوا وتتنفس.. حيت مشات بخاطرها ضيق..توجه عندها طالع ليه دم..خرجها منو وسد الباب وهز منشفة كاينشف ليها شعرها..
معتصم:وااش هبلتييي خاارجة هاكااا لبالكوون؟ مخايفاش يضربك البرد؟ شنو مخرجك فهاد الوقت اصلا؟
نوميديا:”كاتلعب فصباعها” بغيت غير نشم الهوا..
معتصم:سيري جمعي هاد شعر بشي فولار لايدخل معاك البرد..
نوميديا:”شافت فيه” واش عصبتك ؟!
معتصم:”تنهد” لا ماعصبتينيش غير خفت عليك..لا تمرضي ويقول لينا باك رديتو ليا بنتي معطوبة ههه
نومييديا:”ضحكاات وجمعات شعرها دايرة ليه فولار” ننعسو؟
معتصم:شمن نعاس من نعاسات ازين؟ “غمزها”
نوميديا:”بإستغراب” علاه شحال كاين دنعاسات؟
معتصم:”عض على فمو”بزااف
حسات بهضرتو غادة فمنحى آخر ولكن مافهماتش المعنى ما حاسينش بالسيدة لي برا معارفة مادير..هازة فيديها صينية فيها ماكلتهم..خايفة تدق وتجيبها فصحتها..شافت حتى عيات وحطاتو تما قدام الباب ومشات كاتشوف هنا ولهيه..شافت واحد اللعيبة ديدكور..قاسحة هزاتها وخبطاتها مع الارض وهربات..خرج معتصم فاش سمع الصوت لقى الصينية قدامو..عرفهم فعايل ختوو حرك راسو بلا حول وهزها ودخل..
نهلة:”زفرات” اووف الحمد الله…
التــــحـــت
دازو ساعات السهرة سالات..شدات سعاد طريق لدار واليديها معاها بنتها وبنات خوتها..يباتو تما..وصلو للشقة توجهات إكرام ديريكت لواحد البيت وحلاتو.. ودخلات سادة وراها الباب وحيدات القفطان حلات الصاك وجبدات بيجامتها لبساتها وهزات لاتروستها..وجلسات على الكرسي لي قدام الكوافوزة الكبيرة لي كاينة فالبيت..وبدات كاديماكي وجهها للحظة سهات ومشا عقلها بعييد لاحداث مرت..وبظبط ليوم الحنة..
⬇️⬇️⬇️⬇️⬇️⬇️
ضاحكين ناشطين..فعادتهم البنت لي تحني العروسة خاص ماتكونش يتيمة..وتكون عزبة تطوعات بنت خالها وقادات ليها الحنينة والنساا كايغنييو بريفية..خالقينها بيناتهم..عوجات فمها مقلقة حيت كانت بغات هي تحني ليها وخرجات على برا.. ودارت مور دار..كاتشوف فشجر كايديه ريح,ويجيبو نسمات هادئة خلاوها تغمض عينيها تسننشق الهواء،حاسة بروحها تغذات،حتى ختارقات ريحة رجالية جيوبها الأنفية وشافت بنص عين كان عز الدين تفاجأت ولكن مقالت والو حتى هضر هو..
عز الدين:إسراء لباس؟
إسراء:الحمد الله..
عز الدين: لاش واقفة بوحدك هنا؟
إسراء:هه غير ضرني راسي شوية من صداع وخرجت نشم الهوا..
عز الدين:”حك لحيته بهدوء” امم مزيان..بغيت نهضر معاك فواحد الموضوع لا كان ممكن..
إسراء: وي مرحبا؟
عز الدين:الى خطبتك من باك تقبلي ابنت عمي؟
رغم ان الجو بارد نوعا ما..لكن حسات بالسخونية،كتاسحات جسدها حلات فمها باش تنطق العبارات هربو ليها، بصح مكااتعتابروش كأخ ولكن مكاتخايلش راسها معاه نهائيا،جا فعقلها حبيبها والانسان الوحيد لي حلات ليه قلبها ، ولكن باقي ممستاعد لزواج..ها هو جاها عريس وهي فالثالثة والعشرين من عمرها شحال تصبر بقات كاتشوف فيه حتى….
سعاد:إسرااااااااء فييينك
🔙🔙🔙🔙
مر أسبوع أغلبية الضيوف مشاو بحالهم..في عرفتهم فاقت هي الأولى كالعادة من النعاس لقاتو باقي ناعس..عاطيها بالظهر عريان من الفوق..توالفات شوية مع الوضع رغم انها كاتحس بالخجل فبعض المواقف،وهو كايعاملها فوق السلك،شافت فساعة كانت التسعة،زعمات ومدات يديها نغزاتو فظهرو,ماتحركش..
نوميديا:”بخفوت كاتحركو” معتصم معتصم نووض..
معتصم:همم
نوميديا:زيد نوض قلت لي عندك شي شغل ضروري!
معتصم:”تقلب على ظهرو حال نص عين” اممم
نوميديا:”ناضت من الفراش ولبسات بينوارها” هاني غاندخل لحمام..
دخلات للحمام ناسية دور الساروت.. حيدات حوايجها باغية دير دوش خفيف ودخلات تحت الرشاشة، حتى تحلات الباب ونقزات بالخلعة..شافت فيه داخل بلا حشمة ولا حيا..كايقضي غراضو كاع مكايشوف فيها..قلبات وجهها ما عرفات ما دير لحمها تبورش من البرودة..حيت كانت فازكة وقطرات الما بردو عليها..
معتصم:” شاف عندها لقاها كاتشوف فيه بصدمة” مالك؟ أمدام..
نوميديا:”بانزعاج خفيف” كون قلتي ليا مزير نخليك تدخل نتا الاول..
معتصم:”هز كتافو كايحيد حوايجو” عادي فين المشكل انا وياك واحد..
نوميديا:ش شكاادير؟
معتصم:باغي ندوش!
نوميديا:تا نسالي انا!
معتصم:مكاينش شي حاجة سميتها انا كاين نحن..
قرب حتى لصق معاها وشدها من خصرها..كايدوز يديه صعود ونزول..وهي غير كاتشوف وجهها تزنگ، ماشي وقتو بتاتاً..قرب كثر وهبط راسو ديريكت باسها فشقة الصدر..عاد باسها فشفايفها..وطلق عليهم الما دافي..ما عرفات فين تحط وجهها،مركات هو مامسوقش كاع كايغسل،ليها ويغسل ليه كايبغي يغسل شعرها حتى صدق ناتفها..
نوميديا:”حسات بزغبة شعرها طاارت تقسحاات” آااي اوو
معتصم:”تبورش بديك اي حاس براسو تزير” ينعل باات مي انا لي داخل مع مشعكة..
نوميديا:مالي أنا شنو درت ليك؟
معتصم:”شاف التحت” ما درتي والو اختي داار ليااا..
طلق عليه الما شلل لحمو وخلاها تكمل تدواش وهي كاتبلع فريقها كاتحاول ما أمكن تتجاهل وجودو..حتى خرج عاد كملات شغلها براحتها ولكن حاسة بقلبها كايزدح…وركابيها خاويين، شي نهار يوقف ليها القلب بسبب التوتر والخجل لي كايسببهم ليها..لبس حوايجو وهبط التحت لقاهم جالسين على طبلة الفطور لي مراكشية 100 ٪ ها الحريرة ها كلشي..واليديه وخوتو وعمتو؛ اما سعاد كاينة فدار مها مشات قبل يوم تجمع حوايجها..
معتصم:صباح الخير!
نجاة:صباح نواور..فين هي مرتك؟
معتصم:دبا تهبط!
نجاة:”عقدات حواجبها دماغها معمر بهضرة لوستها” شوف..تفيق الوقت لي كايفيقو فيه نااس..سبعيام تالباكور دازت..من نهار الاول يموت المش تفيق توجد معايا الفطوور تجمع معايا داار..يد وحدة ماتقدر دير والو..ولا شوف فين تسكنها الفشوس الخاوي الا!
معتصم:”عقد حواجبه بغضب” الى كنتي بااغية سبة نخوي عليك الداار! الدقان ورا الخوامي بلاش..
نجاة:”خرجات عينيها مرااضيااش قدام لوستها” نتاااا ولدي نهززك فووݣ الرااس ولايني رااك بمرااتك..تجي تدير يديها فشغال داار التسعود ونص ولالة الأميرة باقي مااهبطات فين بقات! تلقاها كاتشخر.
نهلة:”ناضت من بلاصتها تكلمات بحدة” السيدة ما وصلاتك بوالو اماما، فرقي عليك بنت الناس عاد عروسة جديدة,لاوحلتي فشغل دار من هنا لساعة نجيب لي خدامة!
نجاة:سيييري ياابنت الحرااام ديما خارجة ليا من جنب تفووو خزييت بقاليا غير البرااني ندخلو لداري مكفاتنيش وحدة نزيد زوج؛
عبد الوهاب:”ضرب يدو مع الطابلة حتى تكبو الكيسان” الله ينعل الشيطان ويخزيه وليتو تقابحو قداامي..صافي مابقيتو تحتارمو حد، نااهلة هااد سووق خرجي منو الله يرضي عليك وبقاي تعاوني مك..
نهلة:”بجدية” ولكن ابابا ماشي كانبقى جالسة راه عندي خدمتي!
عبد الوهاب:”شاف فمراتو لي ساقرة” ونتي ألالة الأستاذة لا كثر عليك شغل دار نجيبو ليك خدامة! بنت ناس بعدي منها السيدة داخلة سوق راسها حنا ماشي ولاد الحرام لي نخليوها دير يديها فالما من نهار الاول..وماغانزيدش نهضر فهادشي!
معتصم:كلمة وحدة غانكولها! لي سبها يحسب راسو سبني انا! هي الا بغات تعاونكم تعاونكم مبغاتش! هي حرة عندها دارها! كثرة بلا بلا ونݣير العكايز بلاش منو حيت هاد القوالب حافضهم!
خرج معتصم بلا كلمة..طالع ليه دم بلا قياس،زفر وطلع لدارو الفوق لقاها ياله غاتهبط..نفخ فيها وداز من حداها بلا مايعبرها وهي حسات بشي حاجة ماشي هي هاديك وتبعاتو لقاتو كايسوط..
نوميديا:معتصم؟ مالك؟!
معتصم:”الصمت”
نوميديا:علاش ساكت؟ شكون عصبك..
معتصم:”الصمت”
نوميديا:”لا اراديا عينيها تغرغرو” وواش درت ليك انا شي حاجة؟
معتصم:”تفركع عليها” كااااملييين بيييكم داايريييين كاامليييييين باااااقي حتتتى مكاااملنااا سبعياام تزواااااج ولاوو كاايجيوني الشكاااوي عمررررنييي نرتاااااااح فحياااتي..ديييمااااا نگييير نگيييييير، مااارتاااحش انااا مااارتاااحش,تفووو على عيييشة..
نوميديا:”تلفات” واخا غير تهدن قول ليا مالك..
معتصم:”شافيها معصب” بقااي تعااونيهم شوية ماشي ملي جيتي ونتي خاامرة..ماارضاهاش ليك تنعسي ومرا كبيرة تخدم عليك..ديري معاهم يديك..ولا نقوودو بحالنااا من هنااا..
نوميديا:”بحال ضربتيها بموس ولكن تكلمات بهدوء” صافي واخا مايكون غير خاطرك..
معتصم:”شاف فيها مهدنة وهو يتعصب” دااباا باااغية ديري فيهااا العقلل باااش ترجعيني انااااا لي غاااالط ياااك، والله لاا كانت ليك..
نوميديا:”بذهول” شنو ندير دبا؟
معتصم:”حساب ليه كاتستافزو بالعاني”قلبك بااارد الله يستر..اناا ماااتلييق لبوويا غير العزووبية ينعل ديييلمييي..
نوميديا:”بهدوء” صافي فهمت الاعصاب ماعندو باش يفيد! وهاد الهضرة بلاش منها الله يخليك نتا لي طلبتيني من دارنا ماشي انا !
معتصم:”تمتم تحت فمو وخرج زادح الباب”
جلسات فصالون بذهول،ماعرفات ماتقدم ولا توخر..فهاد سيمانة كاع ما هبطات الا فوقت الاكل،ماشي من العكز ولا مابغاتش،هادي هي عادتهم العروسة ما كاتبدا شغل فدارها تا دوز سبعيام..ماعرفات ماتقول.. لي عرفات شي واحد قاليه شي حاجة.. فالاخير حاولات تتناسا وهبطات لتحت مبتاسمة بهدوء..بحال الى ماوقع والو لقاتهم باقيين على الطبلة..
نوميديا:”صباح الخير”
عبد الوهاب:صباح النور أبنتي..
نهلة: صباحو ختيتو كي صبحتي صافا؟
نوميديا:بتاسمات ليها” الحمد الله..سمحو ليا تعطلت شوية ولكن كنت كاندير حوايجي فالماريو.
العمة: اوا حتى لدابا عاد درتيهم فالماريو تلقاهم غملو واباز ليك قلبك بارد..
عبد الوهاب” كحمم الحمد الله..بصحة فطوركم
نجاة:غادي للخدمة؟
عبد الوهاب:اه
نجاة:اوا واخا..
العمة:”شافت خوها خرج” بااااز لقلبببك ياااتي نوووضي تبعيه للبااب سلمي عليه تمناي ليه نهار زوين..ونتي جالسة قلبك برد من الثلج..
نجاة:الله يهديك داكشي ايام زمان..دبا شرفنا..
العمة:ياك اختي اوا زوجيه لشي وحدة صغيرة تتهلا فيه ها هو تبارك الله ماتعطيه ستين خمسة وخميس فعينين الحسود..
نهلة: اوا تانتي زوجي راجلك اطاطا..
العمة:اوااااا لهلااا يحييك تحساب راني مدلولة بحالكم بناات هاد الجيل..انا لي كااينة ومهلياا فيه عينيه ماتشوف فغيري .
نهلة: اوا العين زياغة والبعيد على العين بعيد على القليب ههههه والبرد هاد الياماات.
نوميديا:”بقات غير كاتشوف مصدومة”
العمة:سيري لهلااا يحييك البااايرةة..داخلة فستةة وعشرين عمر راجل دق بابك..
نهلة:”مبردة” خليتهم ليك المزوجة مكاتبغيو لي يقول ليكم الحق..
العمة:بحالك بحال مك..الله يستر عمري حملتكم فيكم غير اللسان..والنفاق انا بعدا عندي الراجل علامن نرجع كيتك
نهلة:اوا الله ينجيك من البايرة الى ضربات الكاغيط
العمة:”ناضت طالع ليها دم” يييخزيت صبري يجي باك..
نهلة:لاتقصريش
غربت الشمس واستوطن القمر مكانها،ريحة اللحم بالبرقوق عاطية ريحة تشهي نفوس..التاحقات بيهم سعاد حيت مالقات معامن تمشي..مضيومة خصوصا بعدما سمعات بلي راجلها عيان..اما نوميديا فالكوزينة واقفة على كلشي بيديها وحداها نهلة كاتعض فتفاحة..
نهلة:”ستنشقات ريحة” اااه جااني جووع،بان ليا هادشي بنين غير من الريحة..
نوميديا:ان شاء الله يعجبكم!
نهلة:طاب ولا مزال؟
نوميديا:طاب ها هو يزيد شوية ونطفي عليه..
نهلة: واخا..
نوميديا:ممكن نسولك؟
نهلة: أكيد ازين وايلي..
نوميديا:فاش خدامة؟
نهلة: اوا يلالة خدامة كانوجد نخدم هههه كنت كاندوز سطاج مع واحد لانجينيور..صافي ودابا غانتوضف رسميا ونولي المهندسة ههه
نوميديا:”باعجاب” تبارك الله عليك..
نهلة:شكرا شكرا ههه..حگا شحال عمرك؟
نوميديا:23
نهلة: نووو وااي انااا كبر منك بثلاث سنوات ههه
نوميديا:هي عندك 26 مكاتبانش فيك..
نهلة: ياك بعدا يخليك ليلي ازين..
نوميديا:قريتي هنا فمراكش؟
نهلة:نوو فبلجيكا..راه عماين مادخلت للمغرب!
نوميديا:باقي ترجعي؟
نهلة: ماعرفت على حساب الخدمة..بيني وبينك ما فيا لي يرجع تكرفيص تما والله..
نوميديا:علاش كايعاودو عليها زوينة؟
نهلة: بقات فزوينة..عيشة تالنصارا اش فيها زوين..
نوميديا: واخا هاكاك بعدا متحررين منفاتحين
نهل:منفااتحين تاتبجقو بزاف كاين تما ناس زوينين كايتعاملو وكدا ولكن كاين لي الله يستر..
نوميديا: كايقولي عليهم كايتهلاو فبنادم,وماعندهمش العنصرية صدمتيني الصراحة
نهلة: ايه لهيا ودي قالك كايتهلاو خصوصا مع العربيات وبظبط المسلمات الله يستر وصافي!
نوميديا:علاش شنو كايديرو؟
نهلة:يسمعوك مسلمة كايبغيو يلصقوك مونتيف بزز.
نوميديا:”مطات شفايفها مندامجة معاها فالحوار”عمر اذاوك بعدا؟
نهلة: هي خليها على اللهشلا بلاانات وقعو ليا تما خصوصا كنت لوحدي العذاب..
نوميديا: اوا لا كان هاكا خدمي هنا حسن!
نهلة:وي داكشي..
نجاة:ها هما قدام الباب جاو خرجو انا نعمر العشا!
نوميديا:ماتعذبيش راسك اخالتي؛
نجاة:اوهو غير سيري انا نتكلف هضرة وحدة ما تعاودش!
نهلة:”شدات فدراعها” صافي يالاه نكملو هضرتنا ماما راسها قاسح؛
حلفات عليهم لا حطو يديهم معاها..ونوميديا مافهمات والو وجاتها حشومة..ولكن جراتها نهلة معاها لبيتها كاتوريها بعض تصاور وتقوليها قصتهم..دخلو الداخل بثلاثة بيهم..لقاو نجاة محزمة راسها كاتنهج..
عاصم: الواليدة! ..مالك؟
نجاة:اووه غير عييت اوليدي راك عارف يدي بوحدي..غسلو يديكم تتعشاو! موجدة ليكم واحد الطاجين بالبرقوق تاكلو عليه صبيعاتكم..
معتصم:فين البنات؟
نجاة:راهم فالبيت لهيه من صبح وهما كايكركرو نفخو ليا راسي مكايعياوش!
عقد حواجبو مقال والو..مافهمش واش شدات معاه ضد قبيلة ولا كيفاش..كايشوف فمو عيانة منيمة عينيها وكاتمشا بزز..حطات ليهم ديك طاجين مع الخبز والموناضا وعيطات لنوميديا ونهلة..
نوميديا:مساء الخير..
عاصم:”شافهم مجاوبوهاش”مساء نور آختي..
نجاة:”جلسات على الكرسي كاتتنهد بتعب مزيف” كولو لا يبرد..
عبد الوهاب:ونتي متاكليش؟
نجاة:”شهاتها ريحة ولكن.. ” لا لا راسي دايخ من قبيلة ماعرفت مالي..
عاصم:شربتي دوا؟
نجاة:”حطات يديها على راسها” اه عطاتني بنتي نوميديا واحد دوليبران ولكن والو؛
معتصم:”شاف فنوميديا بمعنى عارفة مو مريضة ومخلياها كاتشقى” نديوك لطبيب؟
نجاة: لا مايحتاجش..راك عارف مع الطونسيو طالع هابط هاكا كايوقع ليا..باينة طاح ليا بسبب العيا دبا يفوتني الحال..
عاصم:”كايتبنن” زعما ماعندي مانسالك..واخا مريضة طلعتي لينا هاد الطاجين كايشهيي..
نهلة: لا رااه..احح
نجاة:”مع جالسة حداها قرصاتها” بصحتكم اولدي..الله يطول فعمري ديما نديرو ليكم..
عاصم:ياك سعاد جات فين مشات؟ وفين عمتي؟!
نجاة:راهم خارجين مع خالتك غاتمشي بحالها باغا تدور شوية..
عبد الوهاب:الدوران فهاد الوقت؟
نجاة:اوا مالك كاع عباد الله خارجين!
عبد الوهاب:”سرط دغمة” لا لاا هادا ماشي طياابك..
نجاة:”شافت فنوميديا لي مصدومة بنص عين” مالك يحساب ليك غانبقاو ديما فنفس المستوى دالطياب ضروري نتقدمو شوية ههه..
عبد الوهاب:اوا العجب.. اجي ياك كديريش البزار عندك حساسية منو علاش دايراه دبا ومكثرة؟
نجاة:”كانت ياله سرطات غير سمعاتو وهي تنوض للحمام كاتجري ترد”
نهلة:”كاتاكل ممسوقاش” وسديي معاك الباب خلينا ناكلو..
عاصم:ياك آ ختي؟
نهلة: امممم هادشي زيين اخووتي..
نوميديا:”ما عرفات ما دير” واش كايضرها البزار؟
عبد الوهاب:كاتحسس منو..كايدير ليها الحكة فالحلق وصافي ماشي شي حاجة..
نوميديا؛”فركات يديها حاسة بذنب” ماكنتش عارفة سمحوليي..
عبد الوهاب:هانية..علاش شنو درتي أبنتي باش تعتاذري..
نهلة:”ماباغاش مها تتحط فموقف الكدابة” ماما هي مطلعاها عليكم وصاف..ههه باش تميزو ديالمن طياب راه نوميديا لي طيباتو…
بقاو كايشوفو فبعضياتهم.. نوميديا ماشي غشيمة..فهمات شنو كانت كادير…حركات راسها بإستغراب اش غاتستافد..هاد سؤال لي راودها فدماغها قبل مايلمحو نجاة جاية..وجهها صفر وجلسات على الكرسي كاترد النفس..
نجاة:الله ياربي الله..معدتي خوات..
معتصم:”صغر فيها عينيه” ياك ديما مكاتبغيش ديريه شنو وقع دبا؟ امم
نجاة:لا هي نسيت وصاف كنت عيانة تخالط ليا مع العطرية..
نهلة؛”خرجات فيها عينيها” آ ماما..
نجاة:مالك تاني؟
عبد الوهاب:”شاف فمعتصم” تبارك الله اولدي.. مرتك كاتعرف طيب..
نجاة:”بلعات ريقها” على فين دقتيه..
عبد الوهاب:”ضحك” ها هو قدامك..عقناا بيك مطلعاها علينا..
نجاة:”شافت فبنتها بلوم” هههه عقتوو بيا ماعندي مانقول..اوا ملي عقتو بيت نگوليك ابنتي ياك قلت ليك ماديريش البزار علاش درتيه؟
نوميديا:”بهدوء” بصح؟ والله ماسمعتك أخاالتي هي سمحيلي..
نجاة:الا قتلوني حسن وتهناو طلعت ليكم فراس!
عاصم:”مسح فمو” صافي الواليدة راه قالت ليك ماقصداتش..ماتكبريش الموضوع..
نجاة:”ربعات يديها” دبا انا بانبقى بلا عشا وتابعني نشرب دوا! كيفاش هادي تاني..
نهلة:”عقدات حواجبها..فاهماها وناضت” هاني باندير ليك لي باط..
نجاة:”عينيها على نوميديا” لا لا هي گلسي..تاكلي صافي ببلاش..
نهلة:”غادية الكوزينة” لا صافي شبعت..
صلقات ليها لي باط..دارت ليهم ماطيشة..وجابتها ليها وهي كتاكل مرااضيااش..حتى سالات وهي تنوض دخلات للبيت..وسدات عليها الباب..وناضت نوميديا كاتجمع طبلة وكاتعاون فيها نهلة ودخلاات الكوزينة تغسل المواعن واخا عيات معاها نهلة تخليهم الصباح مابغاتش..حتى سالات..وحيدات طابلية ودخلو الصالون كانو مقصرين..
عبد الوهاب:قولي ليا آ بنتي.. هضرتي شي مع باك..
نوميديا:”ماعرفات ماتقول” اه هضرت معاه..
عبد الوهاب: اوا كيداير لباس عليه..
نوميديا:”بتاسمات بزز” الحمد الله..
عبد الوهاب:”ياله غايهضر سمع صوت الصونيت” شوفو شكون..
نهلة:”شافت عصام بغا ينوض” هي گلس انا نحل..
حلات الباب لقات عمتها وخالتها مع إسراء سلمات عليهم باليد ودخلو هازين ميكات وسلمو عليهم كاملين وكلسو..الكليسة فين كاياكلو صغيرة..إسراء ما جات بلاصتها غير مع عاصم..مالقات مادير وهي تجلس..
عاصم:”ضرباتو ريحتها لنيف توتر تحنحن” اوا عمتي شبعتو ضوران ؟
العمة:افف هرسنا رجلينا على والو..كون هي عندهم الدوق نقولو ماعليش..
عاصم:”شداتو الضحكة” اوا شفتي كرفصوك على والو..
العمة:”شافت فنوميديا ومعتصم” اوا تصالحتو شي ولا والو؟
معتصم:”ماعندوش معاها كاع هز حاجبه” شكون قال ليك مخاصمين..
العمة:”ميقات” مرتك لي قالتها لينا..
معتصم:”ضار شاف فيها بحدة”
معتصم:”ضار شاف فيها بحدة” هادشي بصح؟
نوميديا:”بقات غير كاتشوف جاتها حشومة تكذب مرا كبيرة سكتات”
معتصم؛”مع كانت جالسة حداه عنقها بجنب” اوا ها حنا تصالحنا! عمرنا نتخاصمو كوني هانية أعمتي..
العمة”خرجات فيه عينيها” اهيااا معنقها قدامنا؟
معتصم:”باسها فحنكها وشاف فيها” هاني بستها كااع مرتي هاادي..
عبد الوهاب:”ناض كايتحنحن” الحاصول خليت ليكم راحة..
نهلة:تصبح على خير أبابا..
عبد الوهاب:تلقاي الخير آبنتي..
دخل للبيتو يجلس هما بقاو مقصربن واكرام دماغها مشغول..وعاصم عينيه كاتهرب لشعرها لي مطلوق على ظهرها براحة..ريحة زوينة فايحة منها كاتضرب جيوبو الانفسية وتزيد..فعددات دقات قلبه،حاس بشعور غريب بحال الا منجاذب..حاول يزيح نظره..لبعيد ماقدرش..
سعاد:عييت نقلب على طاكسي تديني غدا كاع مالقيت! ماعرفت ماندير دبا.
نهلة:اوا جلسي معانا هاد سيمانة آخالتو..
سعاد:مانلقاش ليها أبنتي..عمك مريض..
نوميديا:”شافت فيها بقلق” علاش مالو؟
سعاد:راك عارفاه مريض بالقلب..عيان شوية تلقاه ماخداش دواه..دماغي مشوش معاه والله..
عاصم:والله يا خالتي كون عندي كي ندير نوصلك نديك..ولكن الخدمة مزيرة..
معتصم:”شاف فنهلة” عندك ما يدار هاد الايامات؟
نهلة :”هزات كتافها” نوو
معتصم:طوموبيلتك هي جالسة فالگاراج وصليها..
نهلة:”ضحكات حتى بانو ضروسها” صافي واخا نوصلها…لهيا ودي..
سعاد:بلا مانعذبك أبنتي
نهلة:ويليي عذاابك راااحة..نيت بااغية نمشي للحسيمة نتبحر..البحر عندكم زيين..
سعاد:مرحبا بيك آبنتي..هي نشدو الطريق فالصباح؟
نهلة:”ناضت” واخا…ماشي مشكيل نيت نمشي نجمع حوايجي وننعس بكري..إسراء واجي تنعسي معايا.
إسراء:واخا ازين
سعاد:آ سيري الله يرضي عليك..
دخلات تنعس شوية وخرجات نجاة عطات لختها لبيت فين تنعس..اما عاصم طلع لطبقته ملخبط..دماغه بحال الا دار ليه اتفاقية مع نيفه..ريحتها مفارقاتوش.. معتصم شد يد نوميديا وطلعو الفوق وهي دخلات توضى باش تصلي..داكشي لي دارت من بعدها صلات العشا..ولبسات بيجامة دنعاس..هو كان على سرير شاد بيسي ديالو..
نوميديا؛”دخلات حداه وتغطات هو كاع ممعبرها” باقي مقلق؟
معتصم:”شاف عندها بنص عين” بصح قلتي ليهم مخاصمين؟
نوميديا:”حركات راسها بالنفي” لا والله ما قلت شي حاجة ماعرفتش علاش قالت هاكا..
معتصم:”حط البيسي” ماتديهاش عليها واجي نقوليك..
طفا الضوء..ودخل معاها تحت الكاشا..منتاقلين لعالم خاص بيهم..وكآي زوجين كايمارسو حقوقوهم الزوجية حالالا طيبا..
فالصباح الباكر..شدات نهلة طريق توصل خالتها وبنتها..خاالقة النشااط مع رااسها حاالة السقف ديال الطوموبيل وكاتغني هما مفوجين معاها..اما في مراكش ناضت نوميديا بكري دارت روتينها الصباحي ..وهبطات لتحت توجد الفطور باش تتفادا هضرة عكوزتها وغضب راجلها..دخلات الكوزينة قلبات على الطحين..لقاتو جبظات المكونات عجنات المسمن..ودارت حريشات صغار..حتى دخلات عليها عكوزتها الكوزينة لقاتها كاتطيب المسمن..
نجاة:”بلا سلام ولا كلام” اهيااااتااا فين هي الحريرة؟
نوميديا؛”قفزاتها” هاا صباح الخير.
نجاة:”بالنفخة” سمعت الحس قلت ااسعدااتي..عروستي حاادكة نااايضة فالصبااحياات تلقااها داارت الكرعين بالحمص ولا الحريرة كااطيب..نجي للقات كاضيعي ليا الطحين فالتفاتف!
نوميديا:حريرة دبا؟
نجاة:”بأمر” اييه دبااا الحمص رقدتوو الباارح ماشفتيهش؟
نوميديا:ولكن راه حنا مكانديروش الحرييرة على الصباح..
نجاة:”خرجات فيها عينيها باغا تاكلها” وحنااا كانديروه داخلة لكوزينتي وباغية تتحكمي فشنو ناكلو؟؟
نوميديا:”عينيها تغرغرو حساب بالحكرة” ما حسابش ليا..كاديروها
نجاة:السحاب فسما..خرجي من كوزيينتي بنااقص من شغاالك..ماتعاوديش تحطي فيها رجليك..
نوميديا:”رماات الطابلية” اهاا واخا..سمحي ليا اخالتي دخلت لكوزينتك..عمر نعاود!
طلعات الفوق كاتجري دموعها ماقدرتش تتحكم فيهم..حسات بالغربة والحكرة بحال الى كاينة فشي بلاااصة بعييدة على دارهم مأمنها..ولو كانت كاتعيش فهدوء وملل وصمت..ولكن على الاقل كانت واخدة راحتها..دخلات لواحد البيت تما وهزات تيليفونها دوزات الخط لماماها…
نوميديا:ماما كيدايرا لباس..
سهام: الحبيبة اينووو الحمد الله ارعما اينو الحمد الله ماللي سمعت صوتك..ونتي كيدايرا لباس توحشتتك أبنتي خليتي بلاصتك هء ءهء بلاصتك بقاات اكبدتي بقات..
نوميديا:”جاو ليها دموع بهضرتها” الحمد الله أماما الحمد الله..بابا وعز الدين لباس عليهم
سهام:بيخير هءءء الحمد الله حتى عز الدين مونسني شوية واخا مارجع لدار تاكان قلبي غايوقف..
نوميديا:”بصوت مخنوق” ماتبكيش أماما..انا ديما معاك ديما ساكنة فبالي..
سهام:الحمد الله الحمد الله المهم تكوني مرتاحة فخاطرك وفصحتك الباقي مكايهمش..
نوميديا:”حطات يديها على فمها باش ماتبكيش” مرتاحة الحمد الله..سمعت عمي مريض ياك لباس؟
سهام:تزاد عليه الحال مسيكين..راه مقابلاه عمتك وجداتك..وسعاد لباس عليها؟
نوميديا: لباس شدو الطريق بكري راجعين..
سهام:الله يوصلهم على خير ياربي
نوميديا:”سمعات الحس فبيتها عرفاتو ناض” المهم اماما نخليك دبا..
سهام: واخا الحبيبة اينو تهلاي فراسك..وفدارك وفراجلك الى قلقك شي واحد ماتسكتيش ليه الله يرضي عليك..
قطعات مع ماماها..مسحات دموعها حاسة بالحنين ليها..هي مها الحنينة لي كاتحن فيها وتهلا فيها..شحال قابلات فيها فاش تمرض..شحال وشحال وشحال..زادتها حكرة لي حكراتها عكوزتها خلاو خاطرها يضيق..دخلات الكوزينة لي كانت مجهزة بمواعنها..حلات المجورة مكاين غير الطباسل ولا الكيسان وأغلبية آواني لي كاتكون فاي منزل..خرجات وجلسات فالصالون كاتطالع على مواقع التواصل الاجتماعي..حتى خرج هو يحساب ليه كاينة لتحت حتى لمحها جالسة تما كاتلعب فالتيليفون وهو يعقد حواجبه..
بقى كايشوفيها..وهي حسات بيه ولكن ماهزاتش راسها باش مايفضحوهاش عينيها المتورمين لي فيهم حمورية واضحة..مفاهمش علاش شادة معاه ضد! ياك هضر معاها البارح! ودبا علاش ما هبطاتش أسئلة ضارت فدماغو كايستنى فيها تهز الراس باش يهضر معاها ولكن والو.. زاد تعصب من تجاهلها ليه..
معتصم:علاش جالسة هناا؟؟
نوميديا:”بصوت مخنوق حاولات تبينو عادي” غير هاكاك..
معتصم:”حل السراجم” راني دويت واقيلا أمدام! علاش ماهبطيش..
نوميديا:”بقات كتشوف فيه ماعرفات ماتقول
معتصم:كاندوي مع الحيط؟
نوميديا؛”ناضت وقفات وقالت بهدوء” والو كنت كانستناك تفيق
معتصم:كيفاش هاادي تااني؟
نوميديا:”شافت بعيد”
معتصم:”شد وجهها شاف عينيها المنفوخين” مالك؟ قلقك شي واحد؟ قاليك شي واحد شي حاجة؟
نوميديا:”حركات راسها بنفي كاتجهاد تحبس دموعها” لا تا واحد ماقلقني…
معتصم:”بقلق” متأكدة مقاليك حد شي حاجة؟ علاش عينيك منفوخين؟
نوميديا:لا، غير توحشت ماما وصافي..
معتصم:هضرتي معاها؟
نوميديا:امم..
معتصم:”بشك” قالك باك شي حاجة قلقاتك؟
نوميديا:”عقدات حواجبها” بابا اصلا ماهضرتش معاه!
معتصم: اوا الله واعلم.. كانعرف ديك باك لسانو ساكناه لفعة
نوميديا:بابا بعيد عليك امعتصم!
معتصم:تانا ما قلت والو!
نوميديا:”غمضات عينيها وحلاتهم” ياله نهبطو لا بغيتي
معتصم:”نزل لتحت بلا مايجاوبها”
“تبعاتو هو خرج برا وهي دخلات جلسات فالصاالون بلا كلمة بلا جوج ماتحركات من بلاصتها..وقلبها طايب”
وقف حدا خوه ، كايزفر هو الاخر شاف فيه بنص عين ،ومد ليه يديه وهو فهمو وعطاه گارو وبريكة..بزوج بيهم ساهيين فلا شيء..كل واحد وهمومو وكل واحد فاش كايفكر..تنهد معتصم وتنهيدة طويلة وهو يشوف فيه خوه مدة عاد نطق..
عاصم:مالك آولد بويا..
معتصم:ما بيا والو
عاصم:”حط يديه على كتفو” ماتنساش انا خوك الكبير لي تضرك تضرني..
معتصم:عارف لي كاين..
عاصم: اوا خوي خوي..
معتصم: غير مع الخدمة…تاصل بيا مول الدار لي شاد قالك ! من هنا شهر خمسة تكون سالات!
عاصم:ياك بعدا خدامين؟
معتصم:”حرك كتافو” باينة غايكونو دايرين ليا حالة تما! كانعرفهم فاش كانغبر
عاصم: ياك خليتي لي يتكلف ليك بالمراقبة؟
معتصم:”دوز يدو على شعرو” اففف اه ولكن ماعرفت شغايكونو دايرين ليا تما مشاكيل وصاف.
عاصم:دير شي طلة
معتصم:وي داكشي لي غاندير غانولي نوقف عليهم بيدي
عاصم:من الاحسن ماتغامرش! حيت غايخصك تحط تعويض فحالة تعطلتي على الوقت لي تحدد!
معتصم:”خرج دخان من فمو” مانساش ديك المرة حطيت 70 مليون فشهر؛ وغرقت كريديات
عاصم:فوقاش هادشي؟
معتصم:”تنهد” ديك الوقت كنتي ففاس
عاصم:”حرك يديه فالهواء” مافخباريش كاع اصاحبي؛ علاش ماقلتيهاش ليا؟ ولينا برانيين
معتصم:غير مابغيتش نشطنك؛ كلشي فات دبا؟
عاصم:وباقي عندك شي كريدي؟
معتصم:”عقد حواجبه كايفكر” لا! خلصتو كامل هي كون هاني
عاصم: مزيان ماتعودش نفس الغلط
معتصم:”تنهد” كانحاول..نخليك دبا
عاصم: غادي لخدمة؟
معتصم: وي نشوف شكايديرو تما..
عاصم:فطر بعدا؟
معتصم:دبا ونفطر فالقهوة فاش نسالي تهلا!
ركب فطموبيلته ودماغو خدام.. كايفكر فخدمته ودارو وكلشي..تحرك لمكان العمل لي شاد ولي هي منزل لواحد سيد دخل الداخل وهو يعقد حواجبه وهو كايشوف العمال..ها لي مجمعين ها اللي كايلعب بتيليفون! لدرجة ما ردوش ليه البال ..انفاسه تصاعدات حس براسو على وشك الانفجار
عااصم”صاح بصوت قوي”:شواااقع هنااا!
“نقزو من بلاصتهم كايتفتفو..وهو كايدور على ديك البلاصة كايشوف الخدمة ممكملاش وهو عندو وقت محدد لي خاص يكون سالا وهادشي فيه صداع كبيير.. الحيوط باقي ماتحكوش خدمة كثيرة مداروهاش..حدرو رااس ساكتين وهو وجهه ولا احمر”
عااصم: مخددم معااايااا غيير نعااسين هنااا! ااش هااد الخدمةةة تالخراااا! مجمعييين لياا هنااا..
واحد فيهم:لا لا اسي معتصم غير..
عااصم:”كايغوت مكشكش” غييير آاااش غيير اااش؟ لي ماااباغيش يخدم يقاااا*د عليا!
احد العمال:عمرها تعاود غير دوزها لينا!
عاصم: ااااش ندووز اااش! غبرتت 15 ليووم درتووو هاااد الحااالة عند بااالي مخددم معااايا الرجااال ساااعة غير الكااسول لخووه! واااش كانصدق عليكم انااا هنااا كل نهااار مصووني لي واحد فيكم بغيت هادي محتاج كدا! قلتت مااعليييش كاايضربوو معاايا تمااارة ساااعة ااش؟ جالسين مجمعين؟
الرئيس ديالهم: والله اسي معتصم حتى عييت معاهم ووالو! ماسمعوش ليا!
عااصم:قووو* حتى نتاااا لااا ماااحضيتيهمش نتااا نحضيييهم اناا؟ ولكن سرييي انا لي دااير ك*ي فيييكم طلعو شمااايت..
الرئيس:عمر تتعااود اسيدي كانوااعدك!
عاصم:زيدوو فييك..من اليووم غاااانخدم معاااكم أسلووب جدييييد…لي باااغي ينعس ينعس فدااارهم لي باااغي يتجمع يمشي للحمام تالعيااالاات!
ياله غايزيد يهضر صونا ليه تيليفون هزو لقاه بااه مايقدرش مايجااوبوش! جاوبو ودارو فودنيه كايسمع شنو كايقول ليه ولكن فالاخير كايسمع غير صوت التصفار عينيه تضببو!
معتصم:”بصوت مرتجف” شنوو؟ مااتت ياك مااتت؟
خرج كاايجري على عينيه الضباابة قلبه كااايزددح باغي يخرج من بلاصته..ممركزش فالطريق زير على قلبه بيديه بحال الا كاينقص الألم…عينيه حماارو بقوة..ما وصل للكلينيك تا كان غايوقف ليه القلب! بزز خلاوه يدخل حتى شاف خوه فواحد الكولوار مسند على الحيط مشا عندو كااينهج..
معتصم: مااتت؟ مااتت يااك! صافي خلاتنا!
عاصم:”زير على كتافه” تهدن آ معتصم تهدن شوية! ما عرفت شنو وقع ليها طاحت لينا على غفلة!
معتصم:”زير على عينيه الحمرين”كون وقعات ليها شي حاجة كنت غانموت! اعاصم.
عاصم:”عنقو مزير عليه وعينيه مغرغرين” مغاديش تخلينا ما تخافش.. الواليدة قوية! دبا تفيق وترجع لينا..
معتصم:تعطلو الا؟
عاصم: لا ااصاحبي ماشي بزاف باش دخلوها..
كايضرب راسو مع الحيط بشوية! بصح كايعصبها شي مرات ويفقصها ولكن هي نقطة الضعف ديالو توقع ليها شي حاجة يتبعها..كايرجع كيف طفل صغير فاش كاتمرض ولكن عمرها وصلت لسبيطار..هز تليفونو وخرج برا مدوز الخط لنوميديا..دقائق جاوبات..
نوميديا:”بصوت رقيق ونبرة تحمل القلق” معتصم لباس عليك كيف بقات خالتي؟
معتصم:”الصمت كايتسمع غير صوت أنفاسه”
نوميديا؛ واش كاتسمعني! معتصم فينك؟ واش مكاتسمعنيش نقطع؟
معتصم:”بحزن” كانسمعك آ نوميديا..ماعرفتش مالها ما عرفتش..
نوميديا:ان شاء الله مايكون عندها والو تفائل بالخير..
معتصم:الى وقعات ليها شي حاجة نموت..تا واحد مايقدر يعوضني على ميمتي..
نوميديا:”قطع ليها فقلبها فلتات منها تخنصيصة ما عارفة ما دير” ماتكونش متشائم! فينكم بغيت نجي عندكم..
معتصم:”زير على عينيه بقوة” مكاينش لي يجيبك هي بقاي! نطمن عليها ونجي ليك..
نوميديا:”بحنان” واخا..ونوا ماتوترش راسك ان شاء الله يكون خير..
معتصم:بسلامة..
قطع ودخل الداخل شاف الطبيب مع عااصم وهو يسرع خطواته لعندهم..
معتصم:”بلهفة” شنو عندها؟ فاقت؟
الطبيب:غير تهدن آ ولدي باقي مفاقت..
عاصم:وشنو عندها؟
الطبيب:”بآسف” مع الاسف الواليدة ديالكم الاعصاب لي طيحوها! راكم عارفين الاعصاب ماشي شي حاجة لي نستاهنو بيها !
معتصم: يعني شنو شي واحد عصبها اليوم ولا كيفاش؟
الطبيب:نو مااشي ضروري.. العرق لي كايتحكم فالاعصب لي عندها فدماغ منفوخ..دونك استنتجنا انها من شحال هي كاتعاني من سرعة الغضب وممكن تكون دازت من احداث خلاوها هاكا! شحال عادي كانت كاتعصب بزاف؟
معتصم:”حدر راسو حاس بذنب حيت هو لي كان كايعصبها الاغلبية” وي..
الطبيب: اذن استنتاجنا فمحله! وهادشي ليه اعراض جانبية خطيرة!
عاصم:”مزير على يديه” وطمنا على حالتها؟ هي بيخير ياك..
الطبيب: للأسف الأم ديالكم وقع ليها شلل نصفي..!
“أخطر حاجة ممكن تتصاب بيها هي الاعصاب..نهار كايطيحوك كايطيحوك دقة وحدة مكاتكونش داير الحساب..أنا السباب اناا…تفكر شحال عصبها شحال فقصها شحال من مرة كاتبعو حتى الزنقة كاتعيط ليه مكايردش عليها..شحال من مرة جا للدار قالو ليه مك سخفات فاش مشيتي..شحال شحال وشحال.. كلشي رجع ليه.. ندم أشد ندم وكايترقب كلمات الطبيب لي لمسو قلبه..دموع غاينقزو من عينيه دوز يديه على راسو غايقرعو وبغا يخرج برا..
عاصم:”بحزن” معتتتصم فين غااادي
معتصم:”ضار شاف فيه مدة وقلب وجهه وزاد”
..راكب طوموبليته وحط راسه على الكوسان..صدرو كايطلع ويهبط..اما عند عاصم لي حتى هو نزل عليه الخبر كالماء البارد..حاس بصعقة ضرباته..تكا على الحيط هابط حتى جلس فالارض الباردة ودمعة سخونة هبطات من عينيه حتى تخباا فلحيته حتى تم داخل عبد الوهاب لي كان الفوق كايعبر الطونسيو لي طاح ليه”
عبد الوهاب:”وقف عليه بقلق” عاصم مالك جالس هاكا؟ ياك مكاين باس؟
عاصم:تشللات آ الواليد تشلات..كيفاش غاتقومو بيها ونهزوها كيفاش! كيفاش غاتعايش مع الوضع وهي ما ولفات جلاس..
عبد الوهاب:”جاتو دوخة من الخبر” كيفاش تشللات!
عاصم:”حرك راسو بأه” شوات لينا القلب الواليد..
عبد الوهاب: لا حول ولا قوة الا بالله.. !
عاصم:”بصدمة” اعلاش تشاادو
عبد الوهاب:”عقد حواجبه” اش عرفتي ما حسينا بيها حتى طاحت كااتغوت حتى سخفات مرات خوك راه سمعات صداع نتا ما وصلكش؟
عاصم:”بحزن” كنت داير الليزيات..
عبد الوهاب:أستغفر الله العظيم واتوب اليه.. الحمد الله على كل حال المهم رجعاات لينا حية..
عاصم:”بحزن أعمق” وشكون غايهزها معانا الواليد..نهلة تابعها مستقبل كبير شهر بالكثير تتعين مهندسة وحنا كي نديرو ليها؟
عبد الوهاب:ماتقولش هاكا اولدي..الله مكايسد بااب حتى كايحل ليك الاخر..
عاصم:ونعم بالله..
“ما عرفش علاش لي عارف باغي لي يخفف عليه شوية داز ديريكت للدار ودخل الداخل حاني راسو..كايحاول يطرد الذكريات لي جاوه فبالو..لقاها فالصالون جالسة عينيها حمرين مشا عندها بلا كلمة بزوج وعنقها بجههد”
نوميديا:”دوزات يديها على شعرو بخوف” معتصم ماالك؟؟ شنو وقع لماماك..
عاصم:”خشا راسو فعنقها كثر” تشلاات آ نوميديا…مغاديش تقدر توقف على رجليها باقي..
نوميديا:”تصدمات ماعرفات ما تقول” الله يارب..الله يشوف من حالها..ان شاء الله تولي بيخير ماتكونش متشائم
عاصم:”خرج راسو من عنقها وشاف فيها عينيه حمرين” بسبابي انا..انا لي كنت كانعصبها بسبابي ولات هاكا..
نوميديا:”بحنان” ماتقولش هاكا امعتصم..كتبها الله..فاقت نمشيو نشوفوها؟
عاصم:لا باقي تالغدا عاد اتفيق..عمري نسامح راسي والله..كون يرجع زمان اللور والله مانعصبها ولا نقلقها..
نوميديا:دبا ان شاء الله تصح..وترجع صحيحتها غير مع ترويض تولي بيخييير..
عاصم:”بحزن عميق” نتمنى..باغيك دبا أنوميديا!
نوميديا:”حلات عينيها على وسعهم كاتتمنى تكون فهمات غلط” كيفاش!
عاصم:”باغي يحس بالحنان فقط رجع راسو لعنقها كايقبلو قبلات صغار” همم بااغيك هي بااغيك…
فاليوم التالي..حل عينيه لقا راسو فالصبيطار شد غرفة تما..جا فالعشية هو ونوميديا طلات عليها ورجعها وهو رجع بات تما حل باب الغرفة كايتجبد..حاس بسخانة طالعة ليه..لقا خوه تما مشا لعندو..
معتصم:شنوو فااقت؟
عاصم:امم بدات تفيق..
معتصم:خاص نشوفوها..بلا ماتعلم نهلة قول لسعاد تقنعها تبقى معاها شي يامات..
عاصم: واايلي علاش!..تسيق الخبار تتقلق..
معتصم:ماعندها علاش تتقلق! عارفها عندها ضيق تنفس! مباغينش صدمة خرا..
عاصم:”تنهد” وي بصح..
الطبيب:”خرج عندهم” المريضة ديالنا فاقت العشية تقدرو تخرجوها..
عاصم: داكوغ دوكتور! نقدرو نشوفوها؟
الطبيب:وي نو بروبليم!
عاصم: شكرا..
دخلو عندها الداخل ومعتصم دخل حاني راس حاس بالذنب بحال الا خايفها تلومو…وهي كانت ساهية عينيها دامعين..احساس انها فقدات نصف من جسدها خنقها..مكاتحسش بيه نهائيا..شافت فيهم داخلين بغات ترسم ابتسامة..ماقدراتش تحرك جزء من فمها..ما حسات غير بدموعها هبطو حاسة بالعجز..
نجاة:”فمها عوج كلامها بصعوبة كايتفهم” ه ولا دي اجججييوو..عندددي اججيو
معتصم:”تخشى فحضنا” ميمتي الحبيبة ديالي..
نجاة:”بغات تهز يديها اليمنية طبطب عليه ماقدراتش..خارت قوتها وهي تخرج تخنصيصة قوية” مممامكم مابقاتشش صصالحة لوالو هءههءههءه
عاصم:”عنقها من جيهة اخرى” ماتقوليش هاكا احبيبتي.. دبا تشاافااي وتعاافااي تولدي دردگي كي العوود..
معتصم:”ضحك بمرح مصطنع” هههه ومانبقااش نهرب..فاش تبغي تجبدي ودنيا نهبط تالعندك؛ وجري ونتفي وكولي كااع..
نجاة:”بحنان” الله يخخلييكمم ليا..
فالعشية ضبر ليها معتصم على كرسي متحرك..وخرجوها من سبيطاار..غاديين بيها لدااار كايحاولو يخلقو ليها جو ترتاح فيه..حتى وصلو ونزلوها مدخلينها الداخل..ريحوها فالصالون وجلسو معاها..شوية طلع معتصم الفوق لقا نوميديا ياله صلات المغرب..شافت فيه..
نوميديا:على سلامتك! جبتو ماماك
معتصم:”بعياء” وي..انا باندخل ندوش..
نوميديا:واخا انا نهبط نشوفها…
معتصم:واخ
هبطات التحت ناسية كاع داكشي لي وقع قبل يوم بقلب بيض ونية صافية…باست ليها يديها متأسفة على حالتها..
نوميديا:على سلامتك آ خالتي! الله يطول لينا فعمرك..
نجاة:”شافت بعيد متجاهلاها” س بح ان الله غير كا ي حضرو شياطين تايخت افيو ملايكو
اياام عديدة دااازو..دوزااتهم نجاااة مكرفسة الألم كااين ولكن حتى الفشوش لي ضحيتهم نوميديا..لي تكرفسات معاها بالمعقول..يدها وحدة كاطيب وتعجن ودوش لعكوزتها وتبدل ليها كل مرة ليكوش..داكشي كامل على ظهرها…والمشكل انها حاساه واجب مكاتشكاش ولكن صحتها تهدات..تا حد محاس بيها ولا بعياها هادشي لي كايزيد عليها..فالكوزينة كاتعجن..وحداها نجاة على كرسيها المتحرك تتعطي الاوامر كعادتها..
نجاة:واش هاكا كايدلكو..نااس العجيين دلكيي مزيان..
نوميديا:”عاطياها الخاطر” واخ اخالتي..
نجاة:فاش تسالي ديك العجينة..عجني مع شي سفنجيات خاطري بغاهم..
نوميديا:”شافت فالساعة المعلقة كانت السبعة” ولكن مشا الحال اخالتي! نخليوها لغدا ونعجنهم لك؟
نجاة: لا صافي بلاش مابقيتش بغيتهم..
نوميديا:”شافت فيديها لي فيهم العجينة” وياك بغيتي بغيتي المسمن..
نجاة:”هبطات دميعات” لا مابغيتش..ومابقيت بغيت والو..
نوميديا:”بتردد بقات فيها” نعجنهم ليك الا بغيتي!
نجاة:”هزات واحد السربيتة كانت فحجرها تتمسح بيها عينيها” لا، شكرا دارتها ليا صحتي، اما مانحاشيها لحد..
نوميديا: ماتقوليش هاكا آ خالتي نتي ميمتي التانية تشرطي شحال مابغيتي..
نجاة:إوا ملي هاكا صافي عجنيهم..وطلقي يديك
نوميديا:”تهلكات” واخ كوني هانية
دارت للمسن يطيب..وجبدات دونات السفنج كاتعجنو على سعدها ووعدها..دازو ساعات دات نجاة ترتاح وخرجات من الكوزينة..بعدما كملات شغلها ودارت الكوتي حطاتو على طبلة..تا يدخلو بالفعل..شوية دخلو كانو فالجامع غسلو يديهم وجلسو..ونوميديا بالكشايف دارت نجاة فالكرسي وجراتها لطبلة!
عبد الوهاب:الله يرضي عليك أبنتي..
نوميديا:”بتاسمات بتعب” هادا واجب أعمي..
معتصم:”شاف فيها مدة عرفها عيانة” كولي أنوميديا!
نوميديا:”ماعندهاش شهية الاكل” امم كناكل..
عاصم:”شاف فماماه” اليوم نوكلك بيدي!
نجاة:اممم..حيت شي ناس سبقو كرشهم..
نوميديا:”حسات بالمعنى عليها وبقات كاتشوف فيها” سمحي ليا اخالتي غير سهيت عليك..
نجاة:”قلبات عينها” الله يستر…
معتصم:”ماعجبوش طريقة باش دوات معاها” الواليدة الله يهديك كاتشوفيها عيانة!
نجاة:”خرجات فيه عينيها” باش عيانة! مالها كانت كاتهز البالة والياجور على ظهرها..
عاصم:اش هاد الهضرة..وهي مقابلاك ديما عمرها تشكات؛شنو بغيتي كثر من هادشي؟
نجاة:”دغيا هبطات الدموع” لا أخويا..مابغيت والو كاملين مليتو مني..وليتو تمنيو عليا هءهء طلعت ليكم فالراس وانا شادة ركنة..مالها شنو كادير ليا كاع؟ هادا واجبها اصلا! ربي وكبري فالاخر فاش تفني شبابك وماتولي نافعة فوالو كايرميو عليك الهضرة
شدات فالبكا مابقات طلقاتو..زدح عبد الوهاب الكاس دأتاي وناض للبيت وهي كاتبكي وتغووت بحالا كايضربوو فيهااا ناضو كايعطيوها تشرب ويسكتو فيهااا وااالوو..
نجاة:عيييطووو لياااا لبنتييي…طل عللى مهاااا دييك سااعة مانحااشيهاا لحد ماايمن علياا حد…هءهءه
نوميديا:”ازماتها حالتها دموع قربو يهبطو ليها” صافي اخالتي ماتبكيش عفااك..
نجاة:بعديي منييي اللفعة الگرطيييطة كللشيي بسباابك كللشيي…تتحرشي ولاادي عليااا…ابنتيي بغييتيهااا سيررووو بعدووو مني كااملين كاتكرهووني بعدووو منيي..
معتصم:”عنقها بجهد” الله يهديك الواليدة ماقصدنا والو هي تهدني..
عاصم:”كايعطيها تشرب” صافي بلااا بكااا نعيطو ليك لنهلة..
بقااو معاها حتى سكتات..مرة مرة كادير ليهم هاد الحالة..مارضاتش نهائيا يذكرو ليها بلي نوميديا لي هازاها..حيت هي كاتشوف بلي وااجب عليها تهزهااا وتكوون بيها..عاد شي مرات كاتظغط عليها غير باش تخرج منها العيب..ولكن والو ممسروطاش ليها وكفى..
معتصم كان كايدوز يديه على شعرها تانعسات..تعاونو هو وعاصم وهزوها لبيتها..وخرج عبد الوهاب جلس فالصالون كايتستغفر الله..
نوميديا:”عينيها حمرين كاتجاهد تحبس دموع” تشربو آتاي؟
عبد الوهاب:”حرك ليها راسو بلا..
جمعات طبلة..وصلات لدرجة عياء حتى مابقاتش حاسة برجليها..بقات على غسلات المواعن ورجعات الكوزينة كاتشعل عاد خرجات عندهم كانو ملهيين فالتيليفون وعبد الوهاب كايتفرج فالاخبار..
نوميديا:”بصوت مبحوح غالب عليه التعب” شنو تبغيو العشاا..
عبد الوهاب:”بقات فيه عرفها كاتعيا” مابغيت والو أبنتي..
عاصم:”هز راسو فيها” تانا اختي غير سيري ترتاحي انا غانتعشا برا مع صحاابي..
معتصم:”ناض” ياله نطلعو..
حركات ليه راسها وزادت قدامو..شداتها الدوخة والرؤية تضببات ليها..كانت غاطيح كون ماشدها معتصم من خصرها..حاضي حالتها بقلق..عاجز ومعارف ما يدير..غالطة الا حساب ليها مكايعرفهاش كاتعيا..ومو كاتزيد عليها..لدرجة فاش كاتطلع مكايطلب منها والو..ولا يقرب ليها باغيها غير ترتاح..خرجات من دوش لابسة حوايجها ملوية فوطة على راسها لي كايزدح..كاتحس بالشقيقة…
معتصم:بيخير؟
نوميديا:”حركات راسها” امم..
معتصم:”تكا حداها على الفراش وجرها متكية على كتفه” شنو كايضرك..
نوميديا:”تنهدات”والو..غير شوية راسي..
معتصم:”قبل جبينها بحب” الله يخليك ليا..غير ترجع نهلة نمشيو لشي بلاصة!
نوميديا:”بتاسمات بزز” ونقدر نمشي عند ماما..
معتصم:”كايلعب فااخاتم لي فيديها” ان شاء الله فاش تكمل شهراين على زواجنا نديك عندها بقاي شحال ما بغيتي..
نوميديا:”جلسات على السرير وحيدات الفوطة كاتمسد راسها” شكراا..
معتصم:”ريحتها ضربات بجهد فنيفه حس بالرغبة تملكاته حاول يسيطر على راسو والو” اجي نقوليك..
شافت فيه وهو يجرها عندو حتى طاحت عليه…وبدا معاها بلسلسلة من القبل..خلاوها ترجف وتتحرك رغبتها حتى هي خشا راسو فعنقها كايقبلها فيه بنهم..كاتحمقو بريحتها ونقاهاا ديما كايلقاها واجدة ونظيفة..
معتصم:”خرج راسو من عنقها عينيه حمرين” لا كنتي عيانة بلاش..
نوميديا:”بقى فيها وكاترتاح معاه فالعلاقة حدرات راسها وتشجعات” ل لا ماعياناش..
معتصم:”دارها فوقو” مزيان نيت نعلمك بوزيسيون جديدة..
راجعة بطوموبيلتها لمراكش.. شادة طريق فرحاانة..دوزات ايام عمرها تنساهم..كاتزيد فصوت الأغنية لي بالفرنسية وتغني معاها..مركزة مع طريقها..حتى تفكرات واحد البلان وغوبشات تتفكر…
🔙🔙🔙
خرجات تشم شوية دالهوا مرتاحة نفسيا وجسديا..سكون غريب مخيم على المنطقة كايبعث راحة فالانفس..وكل مرة مكتاشفة حاجة جديدة مكاينش الملل..ياله غادور ورا الحيط وهي تشوفهم واقفين تسمرات بلاصتها..طالقة وذنيها..
عز الدين:”بجدية” شنو قررتي؟ كاع مارديتي عليا..كانضن عطيتك وقت كافي!
إسراء:”تنهدات” وي فكرت..من دقيقة لي قلتيها ليا قررت…
عز الدين:”ببعض من الامل” وشنو قررتي..
إسراء:سمح ليا مانقدرش..
عز الدين:”بتالع ريقه” هي آش؟
إسراء:مكانتخايلش راسي معاك..وبلاصة لي كاتستنا نعطيها ليك فقلبي عامرة! غير سمح ليا بزاف…بصح نتا ولد ناس مانلقاش بحالك مي والله غالب!
عز الدين:”بعصبية” كاين راجل اخر فحياتك!
إسراء:”ببرود” وي
عز الدين:”بعصبية”واخا آ ختي سمحي ليا برزطك! ونساي بلي قلت ليك شي حاجة..
دازت إسراء من الباب الورانية..ونهلة بقات مسمرة بلاصتها مصدومة..ملي سمعات ضرها خاطرها حسات بشعور فشكل..زيرات على صدرها..ياله بغات تتحرك وهي دوز فواحد العود كانت غاتجي طايحة وتسمع الصوت وهو يدور ورا الصور ولقاها..مع كان معصب لقاها نيت قدامو..
عز الدين:شنو كديري هنا كنتي كاتتسنطي علينا؟؟
نهلة:”تمتمات” لاا ا اا غي
عز الدين:”شد دراعها بجهد محاسش براسو” ديك قلة الأدب خليها تماا فهمتتييي! لا مارباوكش واليديك انا نربيك..
نهلة:”فلتات يديها بعصبية” مربية حسن منك الحمار..
عز الدين:”غوت بجهد” حتتارمييي رااسك شوية ماتنسايش راك غير ضيقة هنا.
نهلة:”غوتات تا بحو حلاقمها” انااا لاااالاااك بنت سيييدك..نقصص صووتك اشرييف ماااخداماش عند بااااك…قمعاتك الكراااش بردددهااا…”هزات صبعها فوجهه” بااقي دور من جيهتييي باانوريك حاجة ما تعجبكش..
🔙🔙🔙🔙
كانت عاقدة حواجبها تاتفكر حتى بتاسمات لا إراديا فاش تفكرات فاش جاا عندها تاني
🔙🔙🔙
غير كادوز من حداه كاتخنزر..وهو نوعا ما حس بلي غلط حيت كاتبقى ضيفة..وهو غوت عليها..وشد يديها تا وجعاتها خرج برا وهو يلمحها جالسة بعيد كاتلعب برجليها ككل يوم كاتحمقها ديك البلاصة مشا جلس حداها وهي تقلب وجهها ..
عز الدين:”بابتسامة لطيفة” مخاصمين؟
نهلة:طلعاته وهبطاتو ببرود” كاتعرفني؟
عز الدين:”ضحك” لهيا ودي؛
نهلة:”ناضت كاتسوس فحوايجها” خليت ليك هاد البلاصة شبع بيها
عز الدين:”وقف تا هو وجرها بلطف” غير خلينا نهضرو بعدا..ماتخليناش بلاكة..
نهلة:”بالنفخة” قول شنو عندك باش نمشي في حالاتي..
عز الدين:”بملامح أسف” كانعتاذر منك على ديك..نهار ڤغيمون كنت معصب وراك عارفة شنو وقع..
نهلة:”رطابت مابيناتش” جاي كاتفش فيا خلوقك..
عز الدين: اوا دوزيها لينا غير هاد المرة يالالة عمر نتعاود،”مد ليها يديه” صحاب؟
نهلة:”بابتسامة فااتنة” صاافي صحااب الله يساامح..
عز الدين:”عطاها تيليفونو” قيدي نمرتك؛لا جات على خاطرك..
نهلة:داكوغ مي هي حيت من لافامي مابغيتش نخسر معاك…
ضحك كايتأملها كاتكتب نمرتها وتغمض نص عين فاش كاتنسى شي رقم..ما حس براسو حتى سهى فتفاصليها المثيرة..عينيها المجبدين لون بشرتها..فمها المنفوخ..غمزاتها لي كايبانو فكاع الحالات..وسنانها ناصعين البياض كحبات اللؤلؤ..مدات ليه تيليفون وشيرات ليه بيديها ومشات
🔙🔙🔙
كملات طريقها كااتضحك بصوت عااالي فرحانة..من ديك النهار وهما كايهضرو عمر قلل عليها الادب ولا شي ولكن..حسات بلي بدات كاتعني ليه شي حاجة..شافت فالبلاكة ديال مراكش وتنهدات براحة مكملة طريقها
وصلات لدار هازة باليزتها فرحانة خلات طوموبيل بعيدة باش مايردوش ليها الباا..دايرة ليهم مفاجئة حلات الباب بالساروت لي كان عندها ودخلات كاتحاول مديرش الحس..مع كان مشا الحال تخلي الصباح وتفاجئهم..كاتسلت على صباع رجليها دازت من صالون وهي تشوف باها ناعس تما مغطي شافت فيه بإستغراب…
نهلة:”بهمس” غايكونو تخاصمو تاني..
دخلات لبيتها وسدات الباب..توجهات للحمام غسلات حالتها ولبسات بيجامة..وتلاحت على سرير كاتنهد بتعب..وهزات تيلفيونها ديريكت لكونفيرساسيون لي بيناتهم كان أولاين بتاسمات بفرح وصيفطات ليه..
نهلة:سلام..بغيت هي نقوليك بلي وصلت..
عز الدين:”جاوبها فالحين” على سلامتك..
نهلة:”تقادات فالجلسة كاتكتب” الله يسلمك..باقي مانعستيش..
عز الدين:لا نعست..
نهلة:”ضحكات تدريجيا” رجعي القميع..
عز الدين: لا لا حاشا..
نهلة:اوا واخا اسيدي هههه..
عز الدين:سيري تنعسي..
نهلة: ههههه داكوغ بونوي.
عز الدين:ليلة سعيدة..
شرقات الشمس…حلات عينيها وحكاتهم بتعب كاتشوف فجنبها..وبتاسمات كاتفوه فرحانة توحشاتهم واخيرا غاتشوفهم..دخلات الحمام وغسلات وجهها بحماس..وخرجات كاتسلت وهي كاتخايل مها غاتكون فالكوزينة..كادير الفطور وتعنقها من اللور..رسمات الخطة فبالها وحلات الباب..سمعات اصوات خوتها فالصالون..وتوجهات عندهم..
نهلة:”نقزات” تاارااا هاااني جييت هههههه مااامااا فيينك توحش.. “تسمرات بلاصتها وهي كاتشوفها جالسة فالكرسي المتحرك..ابتسامتها المشرقة تلاشات توجهات عندها وركعات على رجليها وشدات يديها كاترعد..شافت فخوتها لي غير كايشوفو فيها متحسرين نقلاتهم لباباها لي حدر راسو بأسف..تسارعو دقات قلبها ودمعة يتيمة نقزات من عينيها ممصدقاش”
نهلة:م مام ا مممالك.. علاش جا جالسة هن اا
عبد الوهاب:”بتحسر” اجي ابنتي مديريش هاكا فراسك..
نهلة:”غوتات بقهرة دموع نازلين كي الشلال من عينيها” هءههءه ماااالهاااااا مااماااااا دويوووو..كيفاااااش وققع ليهااا هاكااالل..
عاصم:”ناض عنقها بقوة” المكتاااااب أختي المكتاااب مديريش فرراااسك هاد الحالة..
نهلة:”دفعااتو” بعااااد قووووليييي ليااااا مااالهاااا…قوولووو لياااا كااااضحكووو معاياااااااا..
معتصم:”بحزم” هادشي مافيهش ضحك..انهلة مااتقلقيش راااسك غاتخنقي..
نهلة:خلينييييي نتخنققققق بغيييث نمووووت فهمتيييي بغييييت نمووووووت فوووقااااش هاااادشييييي فيييين كنت هااااا؟! فيييين كنت ههءهءه علاااش ماقلتوهااااش لياااا علااااش هءهءههءءهءه عمريي نسمممح ليكم سمعتوووو عمرييييي..
“جاتها نوبة اختناق طاحت ليهم تما كاتحاول تتنفس والو..حطات يديها على عنقهااا ودمووع خاارجين من عينيها…طاار معتصم البيت جااب ليهااا جهاز التنفس الخاص بيها ولي كايساعدها فاش كايوقع ليها هاكا..اما نجاة معالم بيها غير الله دمووعهااا هااابطييين بشدة ة قلبهااا تقهر من شوفة بنتهااا فهاد الحاالةة..وعاصم معنقها وعينيه على ختو..كان سكين حاد كايتغرس فقلبو بين ثانية واخرى”
ناعسة على السرير الفوق داتها مسخسخة..راسها بحال الى فيه مجمر..عينيها حمرين ومنفوخين..وغير كاتكح معاها باكية ديال كلينيكس..واخا حاولات الصباح تنوض..حبسها معتصم حيت حالتها تقطع فالقلب..سمعات الغواات التحت تخلعات..ناضت مفزوعة كاتحاول تزرب فخطاويها وصلات للدروج وهي تشدها الدوخة وجلسات على درجة راسها كايزدح.. بقات هاكاك حتى مابقاتش كاتحمل برودة الارض لي حستها دخلات ليها مع العظام ودخلات الداخل بالها مشطون..وتكات على فراشها مغمضة عينيها كاتصنت لعظامها..بقات هاكاك شحال عاد دخل معتصم شافها كاتقفقف زاد ليها الغطا..ورائها سخون..
نوميديا:”كاتمتم بسبب السخانة” مماما بغيت الما..
معتصم:”جاب ليها الما ورجع عندها كايحاول يخليها تجلس” هاكي شربي..
نوميديا:”سكفات منهم ورجعات بلاصتها”اممنمم
معتصم:نجيب ليك شي حاجة تاكليها شنو مشهية؟
نوميديا:امم والو..
معتصم:”قبل جبينها” واخ رتاحي مع راسك انا شوية ورجع ليك..
هبط التحت كايزرب وخرج برا ركب طموبيلته..مشا الحانوت جاب ليها بعض المغذيات لي تقدر تاكلهم.. ورجع للدار فالطريق تلاقى مع ختو وجهها صفر..عرفها عيانة وقعات ليها بحال الخلعة عنقها بجنب وهي حاطة راسها على كتفه بصمت..
معتصم:مالك آ حبيبة؟ امم شكون قلقك ليا العمر..
نهلة:”تنهدات” ماما خلعاتني عليها بزاف امعتصم مانقدرش نتخايل راسي فقدتها..
معتصم:”قبل جبهتها بحب أخوي” ان شاء الله دبا تتشافى وترجع صحتها..
نهلة:”بتردد” فين هي مراتك؟
معتصم: الفوق..
نهلة:”عينيها تغرغرو” وماما شكون كان هازها؟ علاش ماعيطوش ليا..
معتصم:”مسح عينيها” هي لي كانت هازاها انهلة..هي قلبها بيض وزوينة بزاف كانت كاتهلا فيها بحال ماماها..ماعلمناكش باش مانخلعوكش..
نهلة:خالتو سعاد مقالت لي والو..
معتصم:هي براسها مافخبارهاش راك شفتي راجلها مريض مابغيناش نزيدو عليها مسكينة..
نهلة:”حركات راسها” انا نمشي نجيب شي حاجة نتغداو بيها..
معتصم:وعلاش ماطيبيش الزوفرية..
نهلة:”ضحكات” يدي ماشي ديال الكوزينة ياله تلاح…
معتصم:”حرك راسه بلا حول”
طلع الفوق دخل لغرفتهم..كانت جالسة حاطة يديها على راسها عاطيها صداع..جلس حداها عطاها تشرب شوية بزز شربات وجبد من الميكة عطاها عصير..
نوميديا:مابغيتش..
معتصم:”شاف فيها” وشنو بغيتي؟
نوميديا:”حركات راسها بزز” بغيتي ندوش
معتصم:”بامتناع” لا دبا نتي مريضة..ياك دوشتي البارح بالليل
نوميديا:كانحس بسخانة فعضامي بغيت ندوش..
معتصم:”باستسلام” واخا..ولكن انا نعاونك..
مقالت والو ناضت بشوية..شاداها دوخة وهو معاونها..تكاات عليه..ودخلها دوش جاب ليها كرسي..جلسات عليه مرخية..مقادرة تهز يديها..هو كايعاونها وكايغسل ليها بلطف وعطف..ولو عمرو تغزل بيها او قال ليها شي حاجة رومانسية..ولكن واخدة بلاصة كبيرة فقلبه..
التحت..متكية على السرير على صدر ماماها..كانعنق فيها وتعاود..والاخرى غير كاتشوف بعينيها الدامعين..كاتعاود ليها..واخا علاقتهم مكانتش قوية..ولكن كاتبقى الام ديالها..
نجاة:كاع ماهبطات ديك بنت الحرام..
نهلة:”تقادات فالجلسة” شكون؟
نجاة:ديك اللفعة مرات خوك..
نهلة:”شافت فيها” والله تا حشومة عليك اماما سيدة دايرة جهدها معاك..
نجاة:”باستهزاء” شفتي هانتي شفتي غير حسات بيك جدي ما بقات هبطات..
نهلة:”بتبرير”قاليا خويا مريضة..
نجاة: انا لي مريضة! توريني فيها…
نهلة:ياك محتارماك ودريوشة..خليها عليك..
نجاة:،حريوشة قالك دريوشة! وزيدون راه بزز منها تهزني! على مالي ماشي مت راجلها..راه واجبها هاداك…
نهلة:”بهدوء” راه مزوجة براجلها ماشي بمو الى خممتي شوية غاتلقاي بلي هي مكانتش مجبرة تهزك..
نجاة:”مارضاتش” مافهمتش! واش راك بنتي ولا ربيبتي..
نهلة:”شدات فيديها” بنتك آ ماما بنتك..نهزك على رموشي ولكن هاد الهضرة ما ليها معنى..هانتي مرات عااصم شفتي شحال كانت عزيزة عليك واخا هاكا جرات خويا لديور الكرا قالت ليه لاا خليني فخير معاها مانتلاقى معاها غير فالمناسبات! هادي واخا كاتسمعيها سم شادة التيقار..
نجاة:”بعصبية” نتي باغية تعصبيني لا! هاديك كانت همة وشااان عروسة الأستاذة نجاة ماشي بحال هادي لا خدمة لا قرايااا..وباهااا داار لينااا حالة فاش مشينا نخطبوها! انا ماشي مدلولة بعدما تعذبنا من مراكش تاالخلااا الكحل ماعرفت سميتووو رجعووناااا بحاالاا ناقصااه يد ولا رجل قتلونا غير بالعنصرية ديالهم قلة الترابي والاادااب..الهمجيين..
نهلة:”ناضت كاتهدن راسها” رتاحي اماما هانا خاارجة من بعد..
نجاة:لااا دبااا سكتيي..تقاداو ليك..رااحتي فبعدها مني..
خرجات من بيت ماماها كاتصوت..هي من طبعها حقانية مكاتبغيش الضلم..ومكاتسكتش ولكن راعات لحالة مهاا..دخلات لبيتها لقات ميساج منو..بقلب كايضرب ويدين كايرجفو حلات تيليفون كاتقرا الميساج…
“بغيت نهضر معاك ضروري”
“مرحبا”
طفا ليها التيليفون فيديها وتأفأفاات ماعرفات ماالو..وهو كان عاد كايكتب دارتو فالشارج والو..طلع ليها الدم وفضولها كلاها بغات تعرف شنو صيفط ليهاا..ضرباتو مع سرير..وخلاتو..
جالسة فبيتها مبتاسمة كاتجمع فحوايجها .. من هادي لهادي باقي ليهم ساعات قلال ويمشيو لمدينة اخرى يتهناو من صداع الراس الشيء لي خلق فيها راحة نفسية .. داكشي علاش كانت كاتسكت دماغها خدام كايفكر ورجع بظبط لأيام لوراء
🔚🔚🔚🔚
طلعات من التحت بعدما سالات شغلها قنطانة ماعندنا گانة بعد يوم متعب من تنظيف المنزل .. ومتطلبات ام الزوج لي مكاتساليش من هادي لهادي دخلات كاتبدل حوايجها فالاخير جلسات على السرير كاتمسد راسها لي ولا كايعطيها الحريق هاد الأيامات .. حتى دخل معتصم وسد الباب بالساروت شافها مكمشة ملامحها وهو يشوف فيها بقلق وجلس حداها ..
معتصم:”حط يديه على جبهتها” نوميديا لباس ؟
نوميديا:”بهدوء” والو غير عيانة شوية ؛
معتصم:”حط راسها على صدرو” عارفك كاتعياي بزاف هاد الأيامات ..
نوميديا:واجب ديالي !
معتصم:”بنفي” ماشي واجب ! واجب على بنتها على ولادها يجيبو ليها خدامة !
نوميديا: هي انا برانية ؟
معتصم : نتي مرتي ! تزوجنا باش تقابليني نقابلك؛ ممظطراش لا تهزي با لا مي ! بنت ناس “باس راسها بحب “
نوميديا:نقدر تانا نكبر؛ مانلقى لي يقابلني ! فمثابة ماما والله شاهد!
معتصم:”زير على يديها بقوة” عارفة لي كاين ؛ ولكن نجاة ماشي بحال اي وحدة عارف مدوزاها عليك !
نوميديا:الله يسامح!
معتصم: هادشي مغايبقاش ديما ! غير تجي نهلة ! ان شاء الله غانستاقرو فالدار البيضاء!
نوميديا:عندك خدمة هنا ؟
معتصم:حولتها لتما !
نوميديا:”بتاسمات بفرحة” ان شاء الله
معتصم:داكشي علاش صبري هاد الأيامات وديري عين مشافت ودن ماسمعات حتى يحن الله !
نوميديا:”بصدق” كون هاني
🔙🔙🔙
خرجات من البيت بعدما بدلات حويجاتها هازة الباليزة .. لقاتو فالصالة كايدوي فالتيليفون وقفات حداه حتى سالا .. وشد فيديها وهبطو التحت كانت نجاة جالسة على كرسيها بدموع هابطين .. كاتخنصص نهار سافرات نهلة فسن صغير مدارت هاد الحالة حيت هو بنسبة ليها اقرب ولد .. ديما حداها وفجنبها .. تحنا عندها وعنقاتو بقوة كاتبكي ..
نجاة:ولدي حبيبي ! صافي غاتمشي هءههء ماتنساش مك ههءههء
معتصم:تنساك الموت اميمتي !
نجاة: سمحليا سمحلياااا اولدي لا غوت عليك شي نهار ههءهءه
معتصم:”مخبي تأثره” نتي لي سمحي ليا الحنينة كنت ديما فاقصك ومعصبك..
نجاة:”حركات راسها بنفي كاتشهق” ماتقولش هاكا هءههء نتااااا ولدي كبدتي شكون يبقى ليا من غيرك
معتصم:”حضن وجهها” الواليدة صافي الله يهديك كازا مابعيداش بزاف كل ويكاند غاتلقايني معاك!
ناض هو وشاف فنوميديا .. لي كاتقرب ليها بهدوء .. كاتشوف ردة فعلها كيف غاتكون .. تحنات عندها بتردد.. صدماتها بتعنيقة ودموع حارين خلاوها تحس بدموعها على وشك الانهيااار..
نجاة:” كاتبوس فراسها” هاااا العاااار لا ما سمحي ليا ههءهءه واخا على وجه ولدي ههءءهه عارفة راسي غالطة هءههءه ومكانسواااش هءهءههء درتي معاااايا لي مدارتوووو كبدتييي هءههءنء قابلتيني كثر ما قابلاتني بنت كرشي هءههءهء قلبي حجر هءههءهء .. مرا كايخلصوها بفلوس ماهزاتني كيف هزيتيني نتي ههءهءه سيري الله يهنيك فحياتك ويحفظك من كل شر ههءهههء تهلااااي فييييه ههءههء ماتحرميه من ميمته
خرجو من تما خلاو دموعها مانشفوش .. حرك عبد الوهاب رأسه بلا حول ودخل لبيته … وحتى عاصم بعدما ودع اخوه طلع لدارو .. هي شافت هاكا وهاك لقاتهم غبرو وهي تمسح دموعها بكمها..
نجاة: بنت الحرام الله يلگيها ليها بقات حتى بعداتو مني ..
نهلة:حلات فمها مصدومة” ماما واش من نيتك؟ ياك عاد طلبتي منها سماحة بدموع!
نجاة:”بنفخة هازة نيفها للسماء” لهلا يحييها لالاها نجاة طلب منها سماحة! مالها شكون بالسلامة !
نهلة:”بعدم إستيعاب” مالقيت مانقول ! كاتعرفي تمثلي!
نجاة:كوني لحلاحة بحال مك! شنو نخليها تديه بمرة! شوية دميعات شوية تبلحيس ! نشوفو مرة فسيمانة !.حسن ماتخزنو عليا؛
نهلة:دبا نتي باقي ماعرفتي راسك غالطة؟
نجاة: على انا فوقاش غلطت ؟ شنو درت كاع بالسلامة ! لي محسوس محسوس والسلام !
نهلة: اوا باز !
_
شدو طريق للدار البيضاء في صمت .. وهي مرة مرة كاتشوف فيه وترجع تشوف فالطريق .. تنهدات وهزات تيليفونها لقاتو ديشارجا لقات الكابلي دالشارج ودارتو يتشارجا حتى مد ليها تيليفونو شافت فيه بتفاجئ .. وهزاتو من عندو لقاتو بلا كود ودخلات لانستغرام دير طلة حتى طلع ليها ميساج ديال شي وحدة
نوميديا:”قراتو بصوت مرتفع” salut ma chéri Ça va ?
معتصم:”شاف فيها ببرود” شكون ؟
نوميديا: كوثر الشاوي !
معتصم:”رفع كتافو” كوني مرا وجاوبيها!
نوميديا:”شعلات فيها العافية تكلمات بهدوء” كيفاش كوني مرا ! خاص نعرف شكون هي اول ديك ساعة نجاوب !
معتصم:”بنص عين” كنت معاها فغولاصيون ! صافي تهنيتي!
نوميديا:”عقدات حواجبها” الووغ كاتعرفها مزيان كاع ! كاتبقى اكس دونك غانبلوكيها !
معتصم:”بامتناع” نوو ماتبلوكيهاش !
نوميديا: كيفاش مانبلوكيهاش!
معتصم:”بعناد” بلا صداع الراس؛ انا وياها اصدقاء دبا !
نوميديا:غير باش نقوليك ! مكاينش شي حاجة سميتها صداقة بين بنت ودري !
معتصم:”باستفزاز” بصح ماحسابش ليا! شكرا على المعلومة !
نوميديا:”شداتها ضحكة عرفاتو باغي يعصبها”
تت هانية ! حتى انا ما فيها باس نسول فالاكس ! كايبقى صديق !
معتصم:اش هاد الهضرة دال*لاوي ! على نتي امتى تصاحبتي!
نوميديا:”بجدية” ها نتا ماعجبكش الحال ! شوف امعتصم بحال هادشي مانلقاهش تاني !.ماشي برهوشة نجلس نتعاطى هنا ! ولكن كيما محتارماك خاصك تحتارمني !
معتصم:”طيرو ليها من يديها” شنو وصلنا لهادشي! يحساب ليا ماعندكش لسان ولكن بان ليا عاد مزاد يطوال!
نوميديا:خاصك تولفو من هنا الفوق ما كاينش سكات !
معتصم:”شاف فيها بتحدي” كلما شديتي معايا ضد غاتجيبيها فصحتك ؛
نوميديا:”بابتسامة عابثة” ان شاء الله ازوجي
معتصم:”خنزر فيها ورجع شاف فالطريق”
الدنيا أحوال وكل واحد واحواله مع الدنيا .. ها اللي فرحان ها اللي حزنان .. كاين لي حاضر سبوع وكاين لي حاضر جنازة .. كاين لي ففرح وها اللي فقرح .. والدنيا فايتة حتى حاجة ما دايمة ..داز في الدار البيضاء بايامها ودقائقها .. عرفات فيه طعم الراحة والهناء .. دارها مقاداها كيما بغات .. لي حباتها خاطرها تاكلها .. ليس اقل من احلامها البسيطة دخل للدار بعدما حط السخرة فالكوزينة كايصفر .. ودخل للبيت لقاها كاتطوي الحوايج !
معتصم:كاين شي ما يتكال !
نوميديا:”هزات راسها بابتسامة” فالكوزينة !
معتصم:شنو درتي ؟
نوميديا:”كاتطوي وتهضر” كفتة ؛
معتصم:”عقد حواجبه كايشوفها هادية” مكاتعجبنيش ؛
نوميديا:”عارفة طبيعتو” ياك كانت كاتعجبك !
معتصم:”كايبدل حوايجو” مابقاتش!
نوميديا:”ستفات الحوايج فالماريو” وهادشي لي درت دبا قضي عشية ندير ليك لي بغيتي !
معتصم:”رمى داك التيشورت فالارض” انا كانجي لداري باغي ناكل ! اختي رزقي علاش ماطيبيهش ولا باغية ناكلو لي بغات خاطرك وانا لهلا يقلب ولا يشقلب ياك !
نوميديا:”بهدوء” ياك قلتي ليا ديري لي كان !
معتصم:”تعصب من برودها” والله مناكل ! تهناي هادشي لي بغيتي !
نوميديا:”بخاطر واسع” واخا! ياله شنو ندير ليك ؟!
معتصم:”مراضيش” ديري الحريرة !
نوميديا: هي الأولى !
دخلات الكوزينة كادندن شادة الضحكة بسيف .. عارفة مزيان طبايعو وعزيز عليه يعصبها وهي هادشي لي مافيهاش .. خاطرها واسع وعقلها كبير كاتخمم عاد تهضر .. جبدات قوام الحريرة كاطيبها .. وهو كايخرج من بيت لبيت باغي يفقصها وربي كبير .. حل داك ماريو وشاف جيهة حوايجه لقاهم مطويين مقرطسين .. بقى كايشوف فيهم وهز هاداك لي التحت كاع حتى قلبهم كاملين لبسو ماعجبوش ورماه على السرير بقى عريان من الفوق ..
معتصم:اوا اختي مزال ما ساليتي ؟
نوميديا:”ضحكات” لا والو اخويا باقي !
معتصم:كيفاش خويا ! دبا وليت خوك !
نوميديا:ياك عاد قلتي ليا ختي
معتصم:”بمكر” ختي بنهار ماشي بالليل
نوميديا:اوا الله يعفو !
معتصم:”مشا هز ديك الكفتة كايسخن فيها” ديري شغلك ونتي مشغولة فالهضرة !
نوميديا:”صغرات فيه عينيها” ياك مكاتعجبكش
معتصم:واش سوقك ؟ باغية توريني كيفاش نصرف رزقي ولا كيفاش !
نوميديا:لا حاشة!
معتصم:ديها فشغلك تبقاي حاضياني حتى توحليها فينا تاني !
نوميديا:”شادة ضحكتها”خود راحتك
دازو ساعات وهي طفات على الحريرة .. وهو متكي فالصالون ناعس حتى صونا ليه تيليفون بنص عين هزو وقطع بلا مايشوف شكون .. حتى عاود صونا ناض كايتأفأف طالع ليه الدم ..
معتصم: آلو شكاين
نجاة:”بحنان” معتصم الحبيب ؛ لباس عليك
معتصم:”تقاد فجلسته” الواليدة ! اش خبارك
نجاة:”بحزن” لباس ماللي سمعت صوتك !
معتصم:”دوز يدو على راسو” مالك اميمتي صوتك مغبون
نجاة: مغاتجيش تشوفني ؟ ماتوحشتينيش انا توحشتك
معتصم:لهيا ودي الواليدة ! سيمانة كاملة خدمة غير اليوم كان عندي راحة!
نجاة:”بصوت مقجوج بالبكا” مغاتجيش تشوفني!
معتصم:غدا نجي !
نجاة:نستناك!
معتصم:ستنايني
نوميديا:”شافتو قطع” ياك لباس ؟
معتصم:غدا بكري غانمشيو لمراكش !
نوميديا: سير
معتصم:كيفاش سير؛ غانمشيو بزوج الشريفة
نوميديا: سمحلي ولكن انا ماعندي ما ندير تما !
معتصم:”بغضب ” كيفاش هادي تاني !
نوميديا:”بجدية” الا بغيتي تمشي تشوف مك مغانحبسكش ولكن انا ممغاديش نمشي !
معتصم:”ناض بنفرزة” عقلي على هضرتك ! لهلااااا
لبس حوايجو وخرج ما دخل حتى العشرة على غير عادته .. غير سمعات ساروت الباب كايتحل سخنات الحريرة وهو دخل عاقد حواجبه هاز بيسي ووراق فيديه وجلس فالصالون كايخدم حتى وقفات عليه وهي كاتنهد بقلة حيلة عارفة مزيان علاش كايدير هاكا.. فنفس الوقت هي مقررة تحيد هاد الخاطر لي كادير لاي واحد حيت الى ولفها هي لي غاتوحل حطات ليه زلافة الحريرة والتمر ..
نوميديا: نوض تشرب الحريرة ؛
معتصم:”بالنفخة” شربيها نتي !
نوميديا:معتصم ! الله يرضي عليك ! غير نوض شربها وبقى غضبان !
معتصم:”رمى دوك الوراق” مخاااصنيش ابنادم كاندوي بالصينية ! شبعي بيها مابغيتهاش هي مابغيتهاش !
نوميديا: علاش هاد الحالة كاملة! واش انا حبستك ولا قلت ليك ماتمشيش !
معتصم:”بتحذير” ماشي حيت كنت كاندير ليك الخاطر تبغي طلعي فوق راسي ! بغيتي تجلسي جلسي ولكن حاجة وحدة مللي كاع هاد طيران وشدان ضد ! ماتستنايش مني ندير ليك الخاطر !
نوميديا: لاش هاد الهضرة ! الله يهديك ! واش نمشي بزز ؟
معتصم؛”ببرود ناض” لا مقالك حد سيري عطيني غير تيساع..
بقات كاتشوف فيه معارفة ما دير فالاخر هزات داكشي داتو الكوزينة مشات ليها الشهية .. وهو دخل للبيت طالع ليهم شاف فالكوافوز.. هز الريحة ديالها وكريمات داللحم خباهم باش ماديرهمش ويبات كايتشوى بريحتها وهو مولف يبقى معنقها وتلاح على السرير بحال مدار والو.. شوية تبعاتو دخلات الحمام قضات حاجتها .. وخرجات مشات الكوافوز لقاتو خاوي حبسات الضحكة عارفة مولاها .. ومشات للماريو شلا حوايج كانو جاو ليها كادو عمرها دارتهم هزات منهم ودهنات لحمها عاد خرجات عندو وتكات جنبو عاطياه بالظهر..
.
.
.
اشرقت الشمس معلنة على يوم جديد .. ضرباتها الفيقة شافت حداها مالقاتوش عرفاتو مشا .. هرب ليها الخاطر وبقى فيها بالجههد ضرها قلبها .. وهي عارفة غايكون مشى بلا فطور عوجات شفايفها بندم وهزات تيليفون مدوزة الخط لمها..
سهام:”بعد دقائق” آلو يما ينوووو لبااااس ذووويثغشم “توحشتك”
نوميديا:الحپيپة را ذنش توحشغشم !
سهام:”بالريفية” مغاتجيش تشوفينيي آ يدجي ! مايقدرش يجيبك أرگاز اينم “راجلك”
نوميديا:”بحزن” والله ما كرهت ! دبا ونشوف ! العائلة كلشي مزيان ؟
سهام:الحمد الله أيور اينوو عندك الخبار ولا لا ؟
نوميديا:شمن خبار الله يسمعنا خبار الخير !
سهام:خير خير ! عز الدين بغا يخطب !
نوميديا:”بفرحة” وااايليي ! وعلامن حط العين !
سهام:لوستك؛
نوميديا:”حلات فمها مصدومة” نهلة ؟
سهام: بييه! بغيت نسولك أبنتي راك دوزتي معايا شلا ايامات كي دايرة فطبيعتها !
نوميديا:صراحة الله يعمرها سلعة ! عمري شفت منها العيب ! ولكن صراحة ماعرفتش مها واش تقبل!
سهام: لا راه دوا معاها راجلك وافقات!
نوميديا:”متفاجئة” بصح فوقاش مقالش ليا؛
سهام:شي 3 ايام هادي
نوميديا:امم مزيان ! الله يكمل عليهم بالخير
جلس حدا مو كايشرب اتاي وهي الفرحة كاتنقز ليها من العينين .. مبتسمة براحة هادا ما بغات ! ولدها حداها بلا ما تكون شي وحدة معاه ! دوزات يديها على ظهرو بشوية ففمها غير العزيز .. الحبيب خود هادي شرب هادي ..
معتصم:وصافي الواليدة شبعت؛
نجاة:اوا زيد كول اولدي ! ماعرفت هاد المرا عندك كا مهلية فيك شي ولا والو !
معتصم:مالها تخليني بجوع!
نجاة:”بابتسامة صفراء” عارفة لي كاين ! اوا قلتي ليها نهلة غاتزوج !
معتصم:ياك قلتي مانقول والو تايقولها ليها خوها ؟
نجاة:ايه نسيت !
معتصم:”ضحك” هادشي الا ماوصلتيها ليها !
نجاة:هاء مالنا كانلعبو هنا !
معتصم:”بتاسم” لهيا ودي ! فين هي ؟
نجاة:فالبيت!
معتصم:ناااااهلة !
نهلة:”خرجات من البيت” نعام آ خويا !
معتصم: “ربع يديه بجدية ” جلسي !
نهلة:”بلعات ريقها” هاني !
معتصم:آراي ما عندك !
نهلة:والله ماعندي شي حاجة اخويا !
معتصم:شوف تشوف !
نهلة:مافهمتش ! شرحلي بعدا ؟
معتصم:”غمزها محرك راسو” فين كاتعرفي خو المدام !
نهلة:والله اخويا ما كنت كانعرفو!
معتصم:نهلة!
نهلة: شوف بصح كنا كانهضرو مرة مرة ولكن عادي من العائلة!
معتصم:”هبط عليها بدقة الظهر” هااااا العائلة ! بقلب بارد كاتقوليها
نهلة:”حكات ظهرها مقصحة” احح والله حتى حرام عليك شنو درت ليك ؟
معتصم:”جرها من قرفادتها” اوا شنو وقع من بعد؟
عاصم:”طلق منها المعتصم الله يهديك !
نهلة:طلق نقوليك ؛ والله مانكذب راه صيفط ليا ميساج قالي با يخطبني صافي قلت ليه واخا !
معتصم:زادها دقة قاسحة على الأولى”مللي مكاتعرفيهش علاش وافقتي؟
نهلة:”قربات دمعة تنقز من العين” ضرب لااا! شوف راه مراتك الله يعمرها دار شنو تتزوج غير نتا؛
معتصم: “شدها من شعرها بشوية مرتي لي الله يعمر ليها الدار وخوها لااااش !
نهلة:الشعررر لاااا! ياك خووووت!
معتصم:واخا على مك! درتي جنحين وباغية تتزوجي حتى نتي !
نهلة:”من نيتها” مالكم غير نتوما لي ديرو الولاد!
معتصم:”عقد حواجبه فهمها عوجة” اش هاد الهضرة وقلة الاحترام الحمارة!
عاصم:”فكها كايموت بالضحك” هههه طلق تاااا طلق ما نوات فيها واااالو
معتصم:”طلقها مغوبش” تعاوديها نسلخ والديك ! شفتي هاد عز الدين وحيت خو المدام الا ماشحفتو لا حلم بيك كما. تدين تدان !
دازو أيام أخرين هو حلف لا هضرها ولا كلامو جا على كلامها .. وهي براسها تقلقات حيت خبا عليها واخا هاكا .. كااطيب ليه الماكلة وتستناه عاد تنعس ! كانت جالسة كاتفرج فالتلفازة حتى سمعات دالقان فالباب فالاول حساب ليها معتصم نسا الساروت ولكن فاش حلات لقات جارة مقابلة معاها هازة طبسيل فيديها مغطياه..
نوميديا:”بتردد” السلام !
الجارة:”مبتسمة” وعليكم السلام ! لباس ؛
نوميديا:الحمد الله ونتي ؟
الجارة:”كاتسلم وتعاود” الحمد الله الشريفة ديالي ! تخليني فالباب ؛
نوميديا:”مابغاتش دخلها تحشمات” مرحبا !
دخلات الداخل كادور عينيها فالدار من قنت لقنت .. الدار كانت متولة ونظيفة وهي كاتعبر حتى حطات الطبسيل على الطبلة وجلسات تبعاتها نوميديا معجبة من هاد الزعامة الكاملة ! حتى بانت ليها حلاتو وبانت كيكة ديال الشكلاط فيها الفريز .. ماعرفاتش علاش ولكن قلبها نفرو وقلبها تروع مابغاتش تبين..
الجارة:”كاتضحك حتى كاتبان ضرسة العقل” اوا كيما عارفة اليوم عيد الحب ! ودرت هاد الكيكة وحيت غير انا وراجلي ! غير غاتبقى وبنتو ليا نتوما ! قلت حجة و زيارة نتعرف على الجارة ديالي ونتشاركو الطعام !
نوميديا:ربي يخليك آ ختي ! تشربي شي حاجة !
الجارة:كاس ديال الما الله يحفظك!
حركات ليها راسها بنعم ودخلات للمطبخ هزات تيليفيونها راسلة ميساج لمعتصم معارفة ما دير ! حتى وصلها اوديو وهي حاطة عينيها على الصالون كاتشوفها جالسة كاتشوف فحيوط دار وشعلاتو بعدما نقصات الصوت !
📱معتصم:”بعصبية” قولي ليها تنوض تقا*د الى جيت ولقيتها تما غانجري على ديلمها الزعامة دالخرا !
نوميديا:”ردات بصوت منخفض” ماعندي ما ندير حشومة نجري عليها !
معتصم:انا جاي !
حطات تيليفون كاتولول وهزات الما داتو ليها وجلسات حداها كاتفرك يديها والآخرى ماسكتاتش من التساؤلات ..نتي من هنا ؟ راجلك من هنا ؟ كيفاش تعارفتو؟ شحال عمرك ؟ كاين شي ولاد …الخ هضرتها نفرزاتها حتى دخل معتصم نوميديا حلقها نشف عارفة لسانو عاضاه لفعة وقف قدامهم كايشوف فهاديك مصغر عينيه !
معتصم: اهلااااا !
الجارة:”مصطنعة الخجل” السلام !
معتصم:اش جيتي ديري هنا ؟
الجارة:”محرجة” لا والو غير بغيت نتعرف على لالة نوميديا ! اوا ندوزو الوقت !
معتصم:تعرفتو ؟
الجارة:ايه !
معتصم:”صفق بيديه” آلي ديكاج هزي الباگاج !
الجارة:”صدمها” كيفاش
معتصم:اختي وقتك دوزيه فدارك! مشي ومجي وسنطيحة خليها عندك !
الجارة:”ناضت حشمانة” سمحو ليا والله ماقصدت شي حاجة زعما !
معتصم:سوقك هاداك ! هزي هاد كيلو دالطحين لي جبتي !
الجارة:”عينيها دمعو هزات الكيكة وخرجات”
نوميديا:”حطات يديها على فمها” ويلي حشمتيني معاها والله حتى حرام عليك ؛
معتصم:”بغضب” نلقاك مدخلة عليا هنا شي وحدة ! بربي تانجري عليك نتي وياها !
نوميديا: نخليها فالباب!
معتصم:عاوديها لراسك ؛ دوينا يمكن !
دخل البيت زادح الباب وهي تنهدات بقلة حيلة وتوجهات للكوزينة سخنات ليه الغدا وحطاتوو فوق الطبلة وتبعاتو للبيت .. كان لابس شورط بوحدو واقف باغي يبدل حوايجو !
نوميديا:حطيت ليك الغدا !
معتصم:”حرك راسو بدون رد”
نوميديا:”بتردد” معتصم ! باغية نمشي عند دارنا توحشتهم !
معتصم:”ببرود” قولي لخوك يجي يديك !
نوميديا:علاش نقولها لخويا ونتا ؟
معتصم:”باستفزاز” انا ماشي شيفور هادي اللولة ! مابغيتش تمشي معايا عند مي مانمشيش معاك عند باك كايطلع ليا السكار ثانيا !
لأول مرة تتعصب من هضرته واستفزازه .. ديما صابرة لهبالو ولكن هاد المرة فاض بيها الكاس .. كلشي الا لعائلتها .. ولكن واش تقدر تغوت ولا تعاير أبدا بقوة الحكرة لي حسات بيها قلباتها لدموع .. ماشي قدامو ولكن فالكوزينة وهو حس بيها وتأفأف .. وقف قدامها وهي كاتخبي وجهها لي عامر دموع .. حاول يتصنع اللا مبالاة ولكن بقات فيه ..
معتصم: نوميديا ! علاش الدموع دبا ؟
نوميديا:”بصوت باكي” بعد عفاك !
معتصم:”كايحاول يحيد يديها” وصافي تاني براكة من تبوحيط ..
نوميديا:”هزات فيه راسها” خليني ندوز
معتصم:”جرها من يديها بزز” غير اجي
تبعاتو بلا ماتجاكرو.. جلسات فوق السرير وهو جلس قدامها مد ليها كلينيكس.. كاتمسح دموعها .. فالاخر دخلات للحمام بردات وجهها وخرجات عندو كاتقاد الفراش ممسوقاش ليه..
معتصم: خلي داكشي واجي نقوليك !
نوميديا؛”ببرود” نعام ؟
معتصم:دبا علاش مقلقة !
نوميديا:”الصمت”
معتصم:راه غير كانضحك معاك !
نوميديا؛”شافت فيه بمعنى من نيتك “
معتصم:خاصك تكوني صبارة! ونتي خاطرك ضيق بلا قياس.
نوميديا:”عضات فمها” امم ختك غاتتزوج ؟
معتصم:”تصعق” شكون قالها ليك ؟
نوميديا:”بنبرة ناقصة” ماما !
معتصم:”حك رأسه باحراج” كنت غانقولها ليك ؛
نوميديا:”بتاسمات” نو ماشي ضروري ! المواضيع العائلية مكايتقاسموش مع البراني !
معتصم:”ماعجبوش الحال” شفتي ها نتي باغية تنكديها علينا ! شكون قاليك هاد الهضرة !
نوميديا:”بلوم” تصرفاتك ! كلامك ! نتا كولك؛
معتصم: نوميديا؛ يمكن نبان ليك متسرع فكلامي وممسوقش ؛ ولكن ديري فبالك بللي انا وياك واحد .. هاد الهضرة مانعاودش نسمعها !
نوميديا:”حركات راسها بهدوء” امم واخا
معتصم:نديك للحسيمة ؟
نوميديا:”عينيها غمرو بالدموع” نو بلاش ! نهار نبغي نمشي انعيط لخويا ماتعذبش راسك !
ياله غايهضر نساحبات هي بهدوء .. ودوزات الخط لبنت عمها شحال ما هضرات معاها .. خلاتو شاد رأسه ! عارف راسو مكرفسها معاه وطبيعته ماشي ديال العشرة .. وكلامو مستفز ولكن هاكا شخصيته..
نوميديا:وكي دايرة الاحوال تما !
إسراء:الحمد الله آ زين ! هههه عاقلة على دري لي عاودت ليك عليه !
نوميديا: مالو؟
إسراء:”بخجل” بغا يجي لدارنا !
نوميديا:”بتاسمات بسعادة” واايليي مبرووووك
كاتهضر معاها بابتسامة فرحانة بالخبرية ، والآخرى مبادلاها الضحكة ثواني تقطع صوت المتصل ، للحظة ضنات ان الخط لي تقطع رفعات هاتفها لقات المكالمة باقي دايزة ، كمشات جبهتها بتساؤل قبل مايوصلها صوت الغوات هز ضلوعها ، قلبها ضرب بعنف وهي كاتسمع للنحيب والصراخ المتكرر..
نوميديا:”بخوف” إسراء شنو واااقع مالك؟
إسراء :”بصوت باكي متقطع” ماااات صاااافي مشااااا عند الله ..
نوميديا:”حسات بالفشلة فذاتها” شش كون؟
نوميديا “صوتها مايخرج ضعييف وسط بكائها” هءهءهه بابا ماااااات مشااااا وخلاناااااا هئهىى…
نوميديا:”التيليفون طاح ليها من يديها عينيها تحجرو بالدموع”
صوت القرآن مطلوق فالدار كاملة جو الجنايز هو هادا .. البكا والغوات ديال العيالات ريحة الماكلة عاطية .. ناس داخلين خارجين ولو يهبطو دموع مكاينش لي غايحس من غير المقصود .. والضربة القاضية كانت من نصيب إسراء .. ماشي اي شخص لي مات هادا الاب والاخ والسند ديالها .. الشخص لي رباها وكبرها وعلمها .. الشخص لي شد فيديها .. على وجهه كبرات .. تحت جناحو عاشت صدمة فقط الصدمة لي حاسة بيها فكها بكثرة الغوات مابقاتش حاسة بيه..
إسراء: ههءءهءهء باااااابااااااااااا علااااااش مشيتييييي علااااااش هءهءههء غييير رجعععع عفااك ههءهءهءه
سهام:”معنقاها لصدرها كاتواسي بدموع هابطين” صافي الحبيبة لاديريش هاد الحالة فراسك !
إسراء:”منهارة” هءهءههءءهء ياااااا ربيييي هءهءه ياااااا ربي نكووووون كااانحلممم بااااباااااا هءهء
سهام:ربي بغاااااه ربيييي بغااااه !
إسراااء: كووون مت انا بلاصتوو هءههءه شمنننن عيشة نعيشها ورااااااه !
سهام:”بحزن” لا حول ولا قوة الا بالله .. قضاااء الله ! إنا لله وإنا إليه راجعون كاملين غانمشيو !
إسراء:”حضنات وجهها بين يديها كاتحرك راسها بنفي كاتشهق” هءههءهء لااا انااااا بغييييتوووو ههءهءههء يااااا ربي غييير رجعووووو نولليسس نصلي فالوووقت وندييير كلشي غير رجعووووو ليااااا هءهءهء رجع لياااا ظهرييييي هءههءهءهه ..
ساعات من الحزن .. واخا العقل يبغي ينسى ولكن القلب مكاينساش .. يمكن تتناسى مع الايااام ولكن كاتبقى ذكرى سوداء فالمخيلة .. راكبة فالسيارة جنب معتصم متكية على الزاج .. كاتمسح دموعها بكلينيكس..وهو كايشوف فيها مرة مرة .. متأسف لحالها وقفو قدام باب الدار .. حل الكوفر جبد الباليزة وشد فيديها ودخلو لداخل غير وصلو للباب ديال الداخل طلقات من يدو .. كاتشوف شنو تغير..الحزن مسيطر عليها .. حتى تلاقات مع مها ثواني استوعاااب قبل ماتعنقها بقوة كاااتشم فريحتها وتبكي ..
سهام:حبيبتي كبيييدتيي نوميديا ديالييي
نوميديا:ماما توحشتتتتك اماااماااا توحشتتتتك
سهام:”حضناات وجهها” كي دايييرة ابنتييي
نوميديا:”كاتمسح ليها دموعها”ماتبكيش آ ماما ؛
سهام:كيفاااااش مانبكيش كيفاش عمك مشااا أبنتي هءههءهء مشااا وخلااااا بنتووو
نوميديا:”قلبها طاب بالبكااا” هءههءه ربيييي بغاااااه الله يرحمو ههءهءه..
معتصم:”قرب عندهم وتحنحن وباس راس سهام” البراكة فراسكم اخالتي الله يبدل محبتو بصبر!
سهام:”بحزن” امين آ ولدي آمين سمح ليا تلهيت مع نوميديا مارديتش ليك البال؛
معتصم:”حرك راسو” هانية لهيا ودي؛ فين كاين سي محمد ؟
سهام:”شارت ليه ورا الدار” راه تما ؛
حرك راسو ومشا لقاه واقف تما مع الرجال مشا سلم على عز الدين .. وتبادل معاه التحية عاد شار لمحمد لي شافو وعقد حواجبه بحدة .. مكايحملوش من عند ربي !
معتصم:”باس راسو”البراكة فراسك آ عمي !
محمد:”أوما برأسه” ما مشا معاك باس !
معتصم:كي داير مع الصحة ! غبرتي علينا !
محمد:”بنفخة” الحمد الله جبتي نوميديا!
معتصم:”باستعباط”مراتي ؟ اه جات معايا ؛
محمد:مرحبا بيها فدار باها؛ مزيان ملي جبتيها ! جلس بعدا غير شرب اتاي وسير!
معتصم:”لعب بلسانه وسط فمو” سخيتي ببنتك؛
محمد:بنتي مزال عليها الحال!
معتصم:اوا خاصك ترحب حتى براجلها رجلي على رجلها حتى القبر ؛
رجع عند عز الدين كايبتاسم بسخرية مشاعر متبادلة بينه وبين نسيبه .. عز الدين غير شافو بتاسم ليه بثقة ووقف قدامه وهو مصغر فيه عينيه .. يمكن عرفو فاش كايفكر غير فالاول كان مزروب بغا يسلم على نسيبه حيت كايستناه حديث طويل مع اخ زوجته !
معتصم:اوا اسي عز الدين!!
عز الدين:”تحنحن” باغي دوي معايا فشي حاجة ؟
معتصم:”ببرود” نتا لي خاصك تدوي كانضن!
عز الدين:على ختك؟
معتصم:سميتها نهلة ماشي ختك؛
عز الدين:”رفع حاجبه من أسلوبه” المعنى!
معتصم:”بسخرية” تلفات ليك نميرة ديالي ولا ؟
عز الدين:”بهدوء” لا؛
معتصم:”بجدية” بغيتي المعقول دوز عند الرجال! ماتمشيش عند العيالات !
عز الدين:نشوفو المعنية بالأمر ؛ عاد ندوزو عند والي الأمر !
معتصم:هادي عندك ! باغي تخطب مرحبا ولكن اولا! شنو كادير فحياتك !فين تعيشها قاد بمسؤوليتك؟ ولا غير مگدم!
عز الدين:”بهدوء” طبعا قاد ! الوجهة ديالي بلجيكا ! عندي اسهم فشركة صنع المواد التجميلية ؛ تقريبا نص بالنص !
معتصم:”حرك رأسه” مغاديش ندخل معاك كثر فالتفاصيل حيت جنازة عمك ! الهضرة لوقت اخر
عز الدين:”بثقة” واخا ان شاء الله المرة التانية هضرتي تكون مع السي عبد الوهاب؛
معتصم:”كتفى ب” مرحبا!
داز من قدامو كايبتاسم بطريقة كلامه عرفو كايشبه لنوميديا فالطباع .. لا من ناحية الهدوء ولا العقلانية بقى واقف حدا الدار هاز گارو فيديه .. منغم حتى لمح بعينيه محمد بتاسم بسخرية خصوصا عينيه لي مركزين على الگاارو نتر نترة طويلة فعينيه نظرة تحدي ! حتى رن الهاتف فجيبه وجبدو
معتصم: وي عاصم !
عاصم:انا دخلت الحسيمة !
معتصم:”سمع توشويش” شكون معاك ؟
عاصم:نهلة !
معتصم:”ساط” علاش جبتبها ؟ فينكم دبا بعدا شحال باقي ليكم توصلو؛
عاصم:هي بغات ! شي ربع ساعة!
معتصم:طلقنا
قطع معاه ورجع تيليفون لجيبه .. بقى واقف تما لدقائق حتى وقفات سيارة عاصم قدامو .. شاف فنهلة لي نزلات وحلف فيها بعينيه وهي دارت راسها مشافتش نظراته وسلمات عليه مبتسمة ..
نهلة:خويا فوقاش جيتي ؟
معتصم:”ببرود” قبيلة زيدي دخلي من بعد نتفاهمو على هاد اللباس !
عاصم:شكون نعزيو؟
معتصم:”ورك على الحروف ساخر” النسيب!
دخلو ورا الدار فين واقفين الرجال ونهلة دخلات لداخل حتى تلاقاو عينيها مع عز الدين بتاسم ليها بادلاتو الابتسامة كاتقلب بعينيها حتى لمحات سهام .. ومشات تسلم عليها الاخرى عبراتها من الفوق التحت .. بعدم اعجاب للباسها بسروال لاصق عليها وتيشورت بيض .. طالقة شعرها المبوكلي الطويل .. ووجها عامر زينة .. سلمات عليها بصمت والآخرى قدمات ليها التعازي ..
سهام:”بعدما مشات تنهدات” يا ربي اش هاد تريكة لي طاحو فيها ولادي ..
دازو أيااام دوزوها الخوت فالاوطيل برغبة من معتصم .. لي عزا عزا ولي بقى بقى …جاء يوم جديد ناضت سهام فالصباح بكري توجد الفطور .. شوية ناض محمد لقاها باغية تمشي تفيق نوميديا .. وهو يوقفها ..
محمد:خلي البنت تنعس !
سهام: راه اليوم غايرجعو لداربيضا ! راجلها شوية يجي!
محمد:ماتبقايش تجبدي ليا داك الحشايشي!
سهام:ويلي ويلي سكت سكت لا تسمعك!
محمد:”بسخرية” مالي كذبت! ما حشايشيش؛ كايكمي هادشي لي شافت عيني ! عسا اش كايدير ؛ ورا داك البهلة !
سهام:سكت الله يرحم بيها الواليدين !
محمد:لا خليني ندوي مزيان نيت ! يخليها سلعة ديك ختو حاسبة راسها فاوروبا لباس ديال ليهود محاكم حتى ختو ! هادا تسميه راجل ؟ اوا الله ينعل بو رج*ل
سمعات سهام الحس دارت لقات معتصم واقف فالباب معاه عز الدين من ملامح وجههم عرفاتهم سمعو الهضرة بلعات ريقها وهي كاتولول فخاطرها
الدم تدفق فعروقه وهو كايسمع لكلماته لي بحال السم .. شاف فيه ببرود ورجع شاف فنسيبته لي وجهها حمار بشدة .. حشمانة من الموقف لي حطها فيه لا هي لا عز الدين مارضاو بكلامو .. توجه عز الدين عند باه عاقد حواجبه ..
عز الدين: الواليد ! اش هاد الهضرة تاني ؟
محمد:”بدون مبالاة” مالي اش قلت ؟
عز الدين:عيب آ الواليد .. ديك السيدة لي كاتدوي معاها غاتولي مرات ولدك !
محمد:”ببرود” شمن ولد ؟ انا گاع ما عطاني الله لولاد عندي بنت وحدة !
معتصم:”عقد حواجبه بغضب” حتى ديك بنتك ! لا باقي سطمات هنا ! بغيتي تشوفها شد الكار ؛
محمد:”شاف بنتو خرجات من البيت كاتشوف فيهم” نوميديا آجي !
نوميديا:”شافت فيهم كاترجف” مالكم شنو واقع !
معتصم:”بنظرة باردة” باك جبد العيب ؛ الا قلت شي حاجة ماتلومينيش!
محمد:”بصرامة” يااااا أناااا ياااا هاد نص راجلك؛ ختاري !
نوميديا:”بحال تصرفقات كاتشوف فيه بدموع” كك يفاش!
محمد:”هز رأسه بجمود” كيما سمعتي ؛ هادا قليل ترابي ! بسبابك نتي وهاد خوك وليت كاندوز مع ناس حادر الراس مكانسمع غير ها لي زوج بنتو لغربي ! حشمتو بياا ؛ عمري نويتها فيك نتي بظبط ! كاع ناس ولادهم ها المحامي ها الطبيب ونتي مشيتي المدينة بقيتي كاتلاوحي شي ما درتيه !
نوميديا:”هبطو ليها دموع وحدرات راسها”
معتصم:”رفع من درجة صوتو” اوا الله ينعل لي مااايحشم! هااادي لي جااالس كااتهزز عليها! راااها مرت الرااجل !
محمد:”بسخرية”فين هو هاد راجل وريه ليا !
معتصم:”جر نوميديا من دراعها” مراتي غاتمشي معاايا وعمر تجبد سميتها على فمك !
محمد:”بتحدي” نتي ختاري يا باباك لي كبرك ووكلك وشربك وقراك وكساك؛ ولا واحد ياله تعرفتي عليه هادي شهر !
عز الدين:”بخيبة أمل” عمرك تتبدل ! خلي عليك السيدة فااتيقار فدار راجلها عايشة بيخير حسن ماتجيبها تخنقها وانا هاد دار ماندخلش ليها واخا تكون فيها جنازتك آسي محمد !
محمد:”مقسح قلبو” غبر عليا المسخوط! انا ساخط عليك دنيا وآخرة الحباس !
عز الدين:”ماعجبوش الحال قدام راجل ختو” رضاك خليه عندك مغايزيدنيش “خرج من تما مضارش وراه”
سهام:”حطات يديها على فمها مقهورة” ها العار اسي محمد على وجه المرحوم باك ماديرش هاكا هااا العار !
محمد:سكتينا ! اوا آ بنتي تختاري سخط ولا الرضى !
نوميديا:”الدنيا ضايرة بيها كانت غاطيح وزيرات على يد معتصم” بابا عفاك !
محمد:”بنظرة كبرياء” آخر كلامي !
نوميديا:”لاول مرة قدرات تهز عينيها فعين باها” علاش جريتي عليه هءههء ياك ديما كايدير ليك خاطرك حرام عليك ههءههء
محمد:”خرج فيها عينيه” واقيلا راني دويت زعمااا ! ماسوقكش فيه ماعندي ماندير بواحد كان كايبيع الحرام !
نوميديا:”مافهمتش !
محمد:كلامي مفهوم ؛
نوميديا:”قربات عندو وشدات فيديه كاتشهق” ههءهءه عفاااك آ بابا ماديرش هااكااا ! ماتهدمش داااري هءهءء
محمد:يعني ختاريتيه هو؛ الله يعرضك السلامة ؛
معتصم:”كايشوف فحالتها ماهياش” صلح كلامك آ سي الحاج؛
محمد:ديما بحالها ! مرحبا بيك فدار باك ؛ ولكن نهار تجيك الدقة منوو ! منك لزنقة !
قلبها ضرب بقوة .. عقلها ممستوعبش ماحساتش براسها امتى تزدحات مع الارض بغا يشدها معتصم ولكن فلتات من يديه .. وجات طايحة عقلها غايب عن الوجود ..ضربة بدمها ولا كلمة بسمها …💔
عطاها قرعة ديال الما غسلات وجهها وهي كاتشهق .. ذاتها سخفانة وهو متحصر لحالتها .. إمرأة قريبة لقلبه احسن انسانة شافها فحياته .. اول وحدة تصبر ليه .. زوجة مكافحة ..
نوميديا:”كاتبكي وتدوي” ههءهءه والله حتى حرااام عليه اش درنا لييه..
معتصم:”حضن وجهها” ششش بلا دموع !
نوميديا:”حركات راسها بنفي” كي غاندير نصبر هءههء ! علاااش علاااش ياااااك ديما كانسمع لكلامه ههءهء
معتصم:”مافهمش بزاف حيت كاتدوي بريفية” نوميديا نوميديا هضري بدارجة ! نفهمك بعدا ؛
نوميديا:”شافت فيه عقلها بغا يخرج بالبكا” هءهءهءه كااان ديما حااابسني ومتحكم فياااا ! هءهءهء كون ماا هو كون راني محااااامية ههءهءههء كووون رااااني بيخييير ههءههء ياااك ديما كاندير ليه خاطرو ههءهءه علاااش قال ليا هاكا علاش !
معتصم:”مسح على وجهه بعياء” صاافي بلاا بكا براكة ماتقهري قلبك ! هو هاكا داير ماعليك غير بصبر؛
نوميديا:”ضربات على صدرها” صبرت صبرت وصبرررت ! عييت ماااا نصبر صاافي “حركات يديها فالهوا” بااااااح كلشي مشاااااا جرااا لياا على خويا للمرة الثالثة …
معتصم:”قاد ليها شالها كايدخل زغيبات اللي خارجين” ها نتي شحال كاتباني زوينة ! كايجيو معاك دموع ! وعينيك لونهم ولا غزال !
نوميديا:”بقات كاتشوف فيه”
معتصم:”مسح ليها وجهها” دبا مزيان ؛ قولي ليا مادوزناش شهر العسل ياك؛ اممم ودبا تلت شهور وحنا مزوجين ؛
نوميديا:”نسات علاش كانت كاتبكي” اممم !
معتصم:”قبلتي بلا خاطرك ؟
نوميديا:”حدرات راسها”
معتصم:”بتاسم باغي ينسيها” امم الا عاودت طلبت منك زواج تقبلي ؟
نوميديا:”شافت فيه وضحكات” ههه واش حماقيتي ؟
معتصم:”حرك راسو بلا” لالة نوميديا الطويلي! قابلة تتزوجي بالمعتصم بالله القدميري على سنة الله ورسوله !
نوميديا:”ماقدراتش تحبس من الضحك” هههههه ويلي ! ههههه قابلة!
معتصم:”باس جبهتها ” صافي دبا مزيان ! امتى ليلة الدخلة ؟
نوميديا:”وجهها ولا احمر” والله تا حرام عليك !
معتصم:”ضحك” صافي صافي ! فين دوزي شهر العسل ؟
نوميديا:”بحب” تمنيت نمشي لوجدة ؛
معتصم:”زير على يديها” جاتك ! ياله نمشيو اوطيل نفطرو ؛ والعشية ندورو شري ليك حوايج نشدو طريق غدا إن شاء الله؛
نوميديا:”حركات راسها مبتاسمة”واخا ! شكراااا بزاااااف !
معتصم:كيما قلت ليك نتي مرتي! وانا وياك واحد لي ضراتك تضرني واخا كانعصبك! ونفقصك عمري نفوتك!
نوميديا:” زعمات وعنقاتو” عمري نندم حيت تزوجت بيك! وباغياك بعيوبك كيما كانو! حتى انا ما كاملاش ؛
معتصم:”بادلها العناق” آ الله ..
خرجها داك نهار كامل كاتسارا والبسمة مرافقة وجهها .. هي تعتبر من سكان الحسيمة ولكن المضحك في الامر انها كاتعرف مناطق أقل من قليلة .. ما خلا فين داها هادشي كامل خوف انها تقبل ترجع عند باها وتخليه هو .. دخلو للاوطيل في ساعة متأخرة.. وهي هازة أغراض فيديها .. دخلو للسويت ديالهم وهي دخلات كاتضحك من هضرتو لي كاملة طنز ..
نوميديا:والله هههههه كنتي طيارة فصغرك
معتصم:ايييه شحال دوزت على نجاة الله يسمح ليا منها وصافي ؛
نوميديا:”ترمات على السرير” شنو كنتي كادير كاع !
معتصم:”بتاسم”بسبابي جلسات من الخدمة !
نوميديا:”بفضول” وايلي ! شنو درتي
معتصم:تهرست من رجلي تهريسة خااااايبة!
نوميديا:”كمشات ملامحها” اححح طحتي ؟
معتصم:نقزت من البالكون
نوميديا:”عضات فمها” اويلي علاش ؟
معتصم:”ضحك” قلت ليهم شريو بيكالة قالك لا غاتتهرس! هههههه درتها ليهم قد فمهم باقي عاقل فاق فقت اش قلت ليهم !
نوميديا:شنو قلتي
معتصم:هاني تهرست بلا بيكالة ! الواليد غير نعل الشيطان كان غايسلخني!
نوميديا: صراحة كنتي تستاهل ! حقا تفكرت فين مشات عمتك !
معتصم:تزوج عليها راجلها .. راها معاه فالمحكمة قربات تحماق !
نوميديا:نااري والله حتى حشومة عليه مكايسواش!
معتصم:”رفع حاجبه”علاش مكايسواش! طبق الشرع والقانون مدار حتى عيب !
نوميديا:”بعبوس” من نيتك كاتهضر! نتا ديرها شي نهار ؟
معتصم:الا بقيتي على طبعك عمري نديرها !
نوميديا:وشنو هو الطبع الا ولا فيا ديرها ؟
معتصم:”ببرود” كثرة نگير ! فين كنتي وعلاش وكدا وكدا! الراجل ديما كايقلب على راحتو الا مالقاهاش كايقلب جيهة اخرى حتى يلقاها! مكاين اما رحميني !
نوميديا:اي مرا كاتمر بتقلبات؛ واش غير الا سولاتك تزوج عليها ! سي پا لوجيك هنا الراجل كايكون على سبة!
معتصم:””كايبدل حوايجو ويهضر” ممكن !
نوميديا:”بخوف” لنفترض حملت ! ياك وكنت كانتوحم وفوحمي وليت مشكاكة غاتتزوج عليا !
معتصم:”تهز بالضحك” ههههه وااايلي فااااش كاتفكريي ! شفتي الا هزيتي ولدي ولا بنتي غاتكوني سنيتي معايا عقد الوفاء مدى الحياة !
نوميديا:”شافت فيه” ديك المرة ماماك قالت بللي فاتت شهرين وماحملتش ! زعما يكون عندي شي مشكيل ؟
معتصم:”توجه عندها” ماتعمريش راسك بالخوا الخاوي ! خصوصا شاك فواحد لعيبة “غمزها”
نوميديا:شمن لعيبة!
معتصم:”بابتسامة” تقدري تكوني حاملة 90 ٪
مدينة جميلة ذات لهجة إستثنائية .. قلوب طيبة رجال ذات جاذبية .. وجــــدة المدينة الشرقية .. بين أزقتها وشوارعها غاديين على أرجلهم شاد فيديها .. من متجر لمتجر وغالبا مكايكونو ديال الاواني المطبخية .. وهو مكايقولش لا فقط كايخلص .. حتى جلسو فمطعم ..
معتصم:”هز الموني” شنو طلبي ؟
نوميديا:”رفعات كتافها” لي بغيتي ماعنديش مشكيل !
معتصم:نشوفو شي حاجة مافيهاش ضرر !
نوميديا:”بخجل” معتصم ! الله يهديك كاتدوي بحالا متاكد بللي حاملة!
معتصم:”ضحك بمشاكسة” راه عارف شغلي آ الزين !
نوميديا:”خرجات فيه عينيها وهو ضحك”
معتصم:”طلب لي بغا من النادل ورجع شاف فيها” كي جاتك وجدة؟
نوميديا:”بأعين لامعة” زوينة بزاف !
معتصم:”حرك راسو” سي !
نوميديا:”بتساؤل” عمرك جيتي ليها ؟
معتصم:وي شحال من مرة !
نوميديا:”مستمتعة بالحديث” عمرك مشيتي خارج أرض الوطن ؟
معتصم:وي مشيت ما مرة ما زوج لبلجيكا!
نوميديا:بالفيزا ؟
معتصم:”بطنز” لا حرگت !
نوميديا:حرام عليك والله حتى داوية من نيتي ؛
معتصم:”حبس ضحكته” وي بالفيزا !
السيرفور:”حط ليهم الطلبية” بصحة آ لالة بصحة آ سيدي !
معتصم:مطيبينها بيديكم ؟
السيرفور:”باحترام” طبعا آ سيدي مانحطوش ليكم لي يضركم !
معتصم؛دبا نشوفو !
نوميديا:علاش تادوي مع ناس بهاد طريقة ؛
معتصم:”عقد حواجبه” شمن طريقة!
نوميديا:”بجدية” معتصم ! مااماك تصبر ليك ! تانا مكاينش مشكيل ! ولكن الغراب لا سيد دوا بكل احترام ونتا بحالا بغيتي تضربو !
معتصم:”بدا ياكل ببرود” انا هاكا داير فطبعي آ ختي مانتبدلش على ودك !
نوميديا:”بهدوء” لا غايخصك تتبدل ماشي على قبلي على قبلك نتا ! مالاحظتيش هضرتك كلها طنز وضحك ! واستفزاز الاخر !
معتصم:”بتحذير” يا غادي تسكتي ولا مايعجبك حال !
نوميديا:”بجمود” هادا هو الحق لي خاصك تتقبلو!
معتصم:نعاود نقوليك هاديك شخصيتي ماعجباتكش سوقك هاداك !
نوميديا:”شربات من كاسها” ماشي قضية ماتعجبنيش انا ! نقولو انا كمراتك من واجبي نتحمل مزاجيتك ! اما ناس غراب مكاين لاش توظف عليهم نفختك !
معتصم:”من بين سنانه” حيت مع ناس لنوميديا مباغيش نخسر معاك ؛
نوميديا:”حركات راسها بتمرد” نتا شخص مفشش بلا قياس آ معتصم !
معتصم:باغي راسي كيما انا آ نوميديا ماتحتاجيش توريني !
نوميديا:تصرفاتك غير مسؤولة !
معتصم:”بتحدي واخد منها موقف” هضرتك غير معقولة !
نوميديا؛حنا ماشي فسباق ! ولا منافسة !
معتصم؛”ضحك بصوت عالي مفقوص” هههه لا آ مدام حنا فريسطو ؛ جينا ندوزو شهر عسل باش ننسيوك ونفاجيو عليك صدقتي منكداها علينا رضينا خاطرك وضريتي خاطرنا ! حكك قلبك على الگارصون!
نوميديا:قلت الحق !
معتصم:”بتاسم بمرار” هضرتك ماشي صريحة هضرتك وقحة آ مدام ! هادا معتصم لي ديتي وتزوجتي ! وحيت بداك الوحم مغاديش نديها عليك سالي ماكلتك وتبعيني الطوموبيل !
متبعاه بنظراتها .. عارفة راسها زادت فيه، وجرحاتو .. ولكن هي باغية غير تبدل طباعه لي عارفة جايين من تربية أمه ليه .. واخا كبر هي بقات كاتعاملو كأنه طفل صغير .. وولف كلمته هو لي تكون .. سالات ماكلتها وخرجات هو كان خلص جالس فطموبيلته كايكمي غير شافت الگارو فيديه وعقدات حواجبها .. عاد حلات الباب بجهالة وركبات.. وحيداتو من يديه ورماتو من السرجم ..
نوميديا:”بغضب” معتصم كاتكمي
معتصم:” ببرود شافيها وديمارا الطوموبيل” اممم
نوميديا:كيفاش اممم ؟ شنو هي هاد اممم ! علاش ماقلتيش ليا كاتكمي !
معتصم:”مركز مع طريق صوته بارد” نسيت
نوميديا:كيفاش نسيتي ! شافك بابا ؟
معتصم:”باستفزاز” اه !
نوميديا:”خرجات فيه عينيها” واش من نيتك آ معتصم نتا سباب تعصب عليا !
معتصم:اه وانا سباب الزلزال لي وقع فالحسيمة في 2004 !
نوميديا:مكااانضحكش مكااانضحكش ؛ بسبااببك مكانش غايجرييي على خوياااا ويقول عليه لحباس !
معتصم: خوك ضرب الحبس على قلبه ! وكلا العدس مالي أنا لي قلت ليه خدم فالحشيش وزوينة هادي !
نوميديا:”تجننات” عااائلتي لاااا المعتصم الاا عااائلتي ماتكذبش عليييهم ؛
معتصم:”غوت حتى هو هاد المرة” وااااصدعتيني فراااسييي واافرعتيييي لياااااا ك ري !
نوميديا:ماتخصرش الهضرررة!!!!!
معتصم:”,مسح على وجهه” مالك هاد نهااااار غير قولي ليا اش وكلوك قبل ماتجي !
نوميديا:”رجعاتها للبكا” وكلوونييي السم والفقصة وكلشي !
معتصم:وقف طموبيل لجنب وشاف فيها بجدية ” نوميديا نقصي من الاعصاب وخلينا نهضرو !
نوميديا:كانسمعك !
معتصم:علاش كانحسك ممرتاحاش معايا ! وباغية صداع!
نوميديا:”حبسات دموعها بسيف” عمري بغيت ولا باغية صداع ! العكس انا كانهرب منو ديما داكشي علاش درت بزاف ديال الحوايج بزز عليا !
معتصم:”عاود سؤاله باصرار” علاش كانحسك ممرتاحاش معايا؟
نوميديا:”بحزن” ماشي قضية مامرتاحاش ، ولكن نتا كاتبقى شخص ماختاريتوش بخاطري ! عرفتي فاش كاتشري ليك ماماك شي كسوة زوينة ونتا مباغيهاش ! واخا هاكاك بزز منك كاتلبسها وكاتجي قدك ويمكن تواتيك ولكن عمرك تلبسها فخاطرك هادي هي لي وقعات ليا !
معتصم:وليت كسوة !
نوميديا:”شافت لبعيد” غير عطيتك مثال !
معتصم:امم مثال! اوك ! ماقلت تا عيب ! نبداو من جديد؟!
نوميديا:كيفاش ؟
معتصم:حوايج لي بغيتي نحيدهم مني ؟
نوميديا:”فهمات تلقائيا” الغنان،ماتبقاش تفقص ناس، تحتارم لي كبر منك!
معتصم:”بجدية” ماتبقايش ديري فيها فقيهة ! وديك نصائح لي بلا نفع عليهم عندك آ ختي
نوميديا:ماتبقاش تقول ليا ختي !
معتصم: غني ليااا !
نوميديا:”بإستغراب” كيفاش غني لواه نزغرت حسن !
معتصم:”بدا كايضحك بهيستيرية” ههههههه لاااا تزغريت خليه ليا !
نوميديا:”بتعجب”الله يستر
جالسة فغرفتها منعزلة كئيبة .. مكاتعرفش طعم الحياة .. الحاجة الوحيدة لي كاتعرفها هي الدموع .. تحت عينيها ولا متورم .. عايشة بالهوا والما .. الماكلة مكاتزورش فمها .. فالاول مواساة فالاخير الوحدة هادا ما كايوقع .. حتى صحاباتها كايصونيو كاتقطع عليهم لدرجة بلوكاتهم .. الشخص الوحيد لي محتاجاه مكايردش على اتصالاتها كتبات ليه ميساج مفاده ” الا مجاوبتينيش نقتل راسي” طلع ليها ڤو وعيطات ليه !
إسراء:”بدموع” هءههء آلو أيوب بابا مات أيوب !
أيوب:”بصوت بارد” الله يرحمو؛
إسراء:علاش متتجاوبنيش على اتصالاتي هءهءه محتاجاك بزاااف !
أيوب:علاش تحتاجيني ؟
إسراء:”بصدمة” كيفاش علاش نحتاجك هءههء نتا لي بقيتي ليا غاتولي نتا بابا وخويا وكلشي هءههء
أيوب:”تسمع صوت نسائي حداه” كيفاش آ ختي مافهمتش!
إسراء:”كاترجف” حداك شي وحدة ؟
أيوب:امم
إسراء:شكون هااادي !
أيوب:مراتــي !
إسراء:”حلقها نشف” كيفاااش مرتك؛ كاتضحك معايا هادا شي برانك! ياك عفاااك
أيوب:كيفاش برانك أختي واش مزلزلة في دماغك!
إسراء:هءههءهه ايوووب مااااديرش هاكاااا عارفنيييي تااانموووت عليييك !
أيوب:آ دوري تق ودي ماتموتي عليا مانموت عليك انا مزوج فوتيني عليك !
مراتو:”طيرات ليه تيليفون من يدو” شوفي آ ديك الخانزة لي كاتضل كاتصلكط على راجل مزوج؛ والله وماتفوتيه عليك حتى نخصر عليك كار واحد نخسر ليك الكمارة لي فرحانة بيها يا الكحلوشة !
أيوب:صافي غير خليها عليك آحبيبة
تقطع الخط وهي مسمرة بلاصتها حتى طاح ليها تيليفون من يديها كاترمش بعدم تصديق .. دموع تحبسو ليها وسط العينين ماقدراتش تهضر بفعل الصدمة .. جمعات الوقفة وخرجات برا كاتجري بالحفا شادة راسها .. قلبها كايتقطع طروفة … كانت غاتخرج فطموبيل لي ياله وقفات ..
عاصم:”بإستغراب” إسراء! ياك لباس ؛
اسراء:”بدات تغوت باعلى صوتها” غدااار ههءهءهء كذااااااب خااااااين شنوووووو درت لييييه ههءهءهءهه
عاصم:”شد يديها لي كاينتفو شعرها” إسرااااء كاالمااا! مالك شنو واقع!
إثراء:”محاساش براسها بدون شعور عنقاتو كاتبكي على كرشو خلاتو مخرج عينيه بعدم تصديق كايشوف فيها رفع يدو بشوية وحطها على شعرها كايطبطب عليها حتى حس بيها ترخات بين يد
لسانها تلجم كاتشوف فيه وهو واثق من نفسه واقف امامها بصمود .. بتالعات ريقها كاتشوف فعينيه باغية تعرف واش باغيها شفقة ! ولا نيته حسنة !
سعاد:آ ولدي انا غير بغيت نخوي قلبي عليك او صافي !
عاصم:”باصرار” عارف لي كاين! عمري نشفق على شي واحد باغي المعقول تبارك الله راه عمري 36 ماشي شي واحد لي يضرها!
سعاد: واش انا قلت ليك ضرها!
عاصم:”بتلاعب” واش حيت مطلق ؟
سعاد:حاشة! طلاق خلقو سيدي ربي !
عاصم: المعنى ؟
سعاد:بنتي موحال توافق اولدي!
عاصم: نجربو!
سعاد: في الشوار شوارها !
عاصم:ماقلتي عيب !
فــــي مـــكـان آخــر
خرجات من الاوطيل كاتضحك وتقاد شعرها فرحانة .. بعدما كذبات على خوها بللي راسها كايضرها ومابغاتش تمشي معاه .. وطبعا وهمات عز الدين باللي خارجة بموافقة أخوها .. لقاتو كايستناها قدام باب الاوطيل مشات عندو وسلمات عليه بلابيز ..
نهلة:”بابتسامة صافية” سلام !
عز الدين:عليكم السلام ! لباس ؟
نهلة:صافا بيان ونتا ؟
عز الدين:”حرك رأسه” الحمد الله نتحركو؟
نهلة: ! D’accord
“حل ليها باب السيارة ركبات عاد ركب هو “
عز الدين:معتصم مكاينش ؟
نهلة:نو مشاو هو ونوميديا لوجدة !
عز الدين:الله يسر ليهم !
نهلة:امين فين نمشيو ؟
عز الدين: نمشيو لواحد الكافي عائلية ! ماعندكش مشكيل ؟
نهلة:لا !
كملو الطريق في صمت خصوصا عز الدين ماشي من النوع لي فيه الهضرة بزاف .. خاصة الا شي شخص ماولفش عليه .. دقائق وقفو امام كافي عائلية .. باش هي تاخد راحتها واخا هي ماعندهاش مشكيل شدو طبلة وطلبو قهيوة وهو ربع يديه امامها ..
عز الدين:ألوغ خرجنا لهنا خصيصا باش ندويو ونحطو نقط على حروف ؛ وكل واحد يعطي شروطه !
نهلة:وي مرحبا !
عز الدين: بداي نتي الا عندك شروط !
نهلة:”بجدية” يوقع لي يوقع ماترجعش تخدم فالحرام ؛
عز الدين:”تزير” كانواعدك !
نهلة:خدمتي مانسمحش فيها !
عز الدين:ماعنديش مشكيل !
نهلة:صافي هادشي لي عندي !
عز الدين:”بابتسامة خفيفة” ههههه هادو ماشي شروط هادو حقوقك ؛
نهلة:”كاتلعب فواحد سنسلة فيديها” اممم ونتا ؟
عز الدين:لباسك !
نهلة:”جمعات ابتسامتها” مالو ؟
عز الدين:”بهدوء” معاجبنيش صراحةً ! مباغيش
أيام وشهور مرت .. ايام حزينة وليام سعيدة.. شهور بفصولها الأربعة .. عاشو فيها الحلو والمر بكاو وضحكو .. في مدينة مراكش في منزل من منازلها .. صوت الموسيقى كايتسمع حتى للشارع .. ناس داخلين خارجين لدار.. ممددة على السرير جنبها طفل صغير مغطيينو في ازار .. حولها بنات عائلتها وعائلة راجلها ..
نهلة:”بحب” ويييينووو حبيب عميييتوووو شحااال زوييين
نوميديا:”بابتسامة تعب” ربي يخليك !
إسراء:”قربات باست يديه” الحلاوة يا ختي
نوميديا:شكرا احبيبة
نهلة:ريحتووو كااتهبللل
نوميديا:”كتافات بابتسامة”
إسراء:نخليوك دبا ترتاحي
نوميديا:الى بغيتي غير بقاو انا مرتاحة
نهلة:لا احبيبة ديالي دبا غانهبطو نجلسو مع الضياف !
نوميديا:ماما كاينة التحت؟
اسراء:وي راها جالسة مع طاطا نجاة
نهلة:باي باي
نوميديا:عيطي ليا معاك عفاك لمعتصم !
نهلة:واخا ازين
هبطت التحت وهي مالت كاتشوف بعينيها فولدها الصغيور بحب قبلات يدو .. مشاعر الأمومة كايتدفقو داخلها .. حتى دخل معتصم مبتاسم باشراقة سد الباب بالساروت .. وجلس فالجهة الاخرى ديال السرير ..
معتصم:عيطي ليا؟
نوميديا:وي بغيت نرضع “محمد أنير” حشمت نقولها للبنات!
معتصم:”ضحك” يخليلي لي يحشم اختي !
نوميديا:عاوني بلا ماضحك عليا حشومة عليك !
معتصم:”عاونها حتى جلسات” شنو ندير ؟
نوميديا:اففف هز ليا أنير
معتصم:”ياله غايقرب يهزو رجع باللور” لا لا مانقدرش!
نوميديا:مكاتعرفش علاش مكلخ !
معتصم:قالو ليك عليا سبق ليا والد ؟
نوميديا:”بتدمر” معتصم ديما كانقوليك ماتبقاش تطنز عليا !
معتصم:”مد يديه كايترعدو” راه والله ويطيح نعرفك نتي ؟
نوميديا:”ماتخافش غير هزو
هزو بين يديه كايشوف فيه .. عينيه فيهم لمعة غريبة .. شعور عجيب مراودو انه هاز بين يديه قطعة منه .. نسخة مصغرة ليه .. ابنه هاد الكلمة شحال غريبة وثقيلة عليه واش هاد الكتلة الصغيرة من لحمه ودمه حطه فحجرها .. وهو مقادرش يزيح عينيه من عليه ..
معتصم:”بدون شعور” هادا ولدي؟
نوميديا:”ماقدراتش تتمالك نفسها من الضحك” ههههه ضحكتيني يعطيك الخير ويلي ديالمن ؟
معتصم:واش ضروري ترضعيه؟
نوميديا:من نيتك؟ مالك هاد نهار ويلي
معتصم:”هبط قبلو وقبل بزولتها” واخا عليك الفنكوش واخد ليا من رزقي
نوميديا:”بعدات مصعوقة” واش هبلتي؟
معتصم:”شد يديها كايشوف فعينيها” عمري قلت ليك واحد الحاجة
نوميديا:شنو هي ؟
معتصم:نتي احسن حاجة وقعات ليا فحياتي والقرار لي عمرني نندم عليه !
نوميديا:”زيرات على يديه” حتى نتا !
هبط قبل عينيها وحضنها هي وولدهم .. حال عويناته كايشوف فيهم .. كأي عائلة مسالمة ومتحدة .. وهاكا كايدوزو ايامهم …
سنوات دازو ، هادي هي الحياة مرة معاك مرة عليك ، كل واحد كيفاش عايش حياتو ها لي فرحان ها لي حزنان ، والحياة تستمر .. بنسبة لعز الدين ونهلة تم عقد قرانهم وعرس مع حضور العائلة , وعايشين الحياة فبلجيكا مع شخصية نهلة الجريئة و عز الدين الانظوائي ,
إسراء كملات قرايتها وتعينات كمحررة قضائية فاتت عليها التفلية ، بعدما رفضات الخطوبة من إبن خالتها , خدامة على مها وعلى رأسها حتى نهار يجيب ليها الله رزقها ..
معتصم ونوميديا مع إبنهم محمد انير عاطيين تيساع لبنادم ، فاش كاتبغي تزور واليديها كايديها ويرجع بحالو ، شخصيتو هي هي ماتغيراتش نهائيا ، وحتى هي مسايسة معاه ، خصوصا بعد موت امه والارزاق كاتبقى بيد الله ، حزن وكتائب ولكن هادي هي سنة الحياة ،
محمد مزال مغاير مع ولدو سنين دازت ماسمعو خبار بعضياتهم ، عايش حياتو مع مراتو بعدما خوات عليهم الدار ، والحياة تستمر
عاصم تزوج وترزق بطفلة ، كالعادة انسان داخل سوق راسو ، مبرع كيما بغا فاش لقى الانسانة لي حبات خاطرو ، ودخلات لدارو وقلبو ربة منزل ، مهتمة بيه وببنتهم كل مرة مسافرين فقنت !
النهاية
التعليقات 0