نصك جنة نصك نار
فمدينة القنيطره وسط احدى شوارعها واقفين جوج بنات حدى واحد مول الحانوت مدرقين من الشتا المجهدة كانت وحدة مربعة يديها وهاذئة او وحدة كتفيفري من ملامح وجهها المكشرة وحجبانها لعاقداهم باينة فيها واصلة لاخر ديالها ولجا قدامها تسوط فيه بكثرة الاعصاب لفيها حطت تلفون فودنيها وكتسنى الرد غير تفتح الخط بدات كتهدر بصوت مرتافع : واخيراااا جاوبتي اسعيد من الصباح ونا نصوني ليك ونت تكول واش بغيتي تهز داك المشقوف لعندك دخلنا عليك بالله واش حشمتي ولا محشمتيش -.سعيد : وهاني جاي قربت راه الشتا وطريق مسدودة هاني شوية ونكون عندكم -قطعت كتغزز فسنانها شافت فيها صحبتها : اش كاليك واش جاي افناينة – فناينة : كاليك شوية ويكون هنا وديك ساعة غنتفاهمو .. – غير شي دقايق حتى حبس عليهم سعيد راكب فطريبورطور – نواال : هاهو جا – فناينة : على سلامة اسعيد كون غير زدتي تعطلتي شوية واش حشمتي ولا لا غا كولي شتا خيط من السما ومخلينا كنتسناوك فالزناقي المغرب غا تغرب – سعيد : وهذا جهدي راه الشتا وطريق كانت عامرة ومسدودة ..اش طاري ياك لاباس – فنانية : لا والو باس واقع غا الخير كتشوفنا مشتين فزنقة حنا وشراوطنا وكتكولينا ياك لاباس – سعيد : ابا با با با انتوما كولو شنو كاين – نوال : دابزت فناينة مع مولات دار -شاف ففناينة مخرج عينيه : اويلي قتلتيها؟ -فناينة: كون مشدتنيش نوال كنت غنصيفت مها هيا وبنتها لمقبرة ونوريها حلان الفم باش كيتقااام – سعيد : هاذ العصبية الزايدة لفيك ابنتي مغادي تخرجك فين غتادي. بك غا الهلاااك نقصي شوية نقصي الله يرضي عليك – فناينة : شفتي غا من مقتلتهاش راه لاباس مزال محكمة فعصبيتي بنادم دين مو ميخليكش راصي مع راسك ضروري يجبدك – سعيد : اش طرا دابا – فناينة: نت لزرفتيني اسعيد فأخر يامي سكنتيني عند قحبة طلعت لي لخز فراسي وااه ملي هي عزيزة عليه خربتها لاش تكريها كل دقيقة داقة فتحي شرجم متقليش الحوت راه غتشد لي الريحة فالحيوط شميت ريحة البلاك سمعت صوت السيشوار الكوكوط خصها تجي طل علينا تشوفنا واش مطيبين …وديك القحبة مو دراري ديال بنتها دور دور وتبومما عليا بحال دايرة فينا فسبيل الله ومسكنانا فابور الله ها البلا ……
سعيد : وملي دابزتو جرات عليكم – فناينة خرجت عينيها وقوست حجبانها : شناهو تجري عليا انااا ههه من نيتك بحال الى مكتعرفنيش اسعيد ندخل فقحبة ديلمها طول وعرض كلاك تجري عليا انا لخرجت عدباليها غنسكت ليها وتردعني الشتا ولهيلا كاليك جرات عليا زيدي مع هذا حتى هو تاني -نوال : دابا خلينا من هاذ الشي ونهدرو فالاهم كين اسعيد شي كاغسونيي -سعيد : القضية ناااشفة مكين والو راه يلاه نص شهر هذا لشاد شي حاجة راه مكمد فيها علاه بحالكم معوناكم الخفة – ففناينة: اايه تحل عليا ترمتها ونسكت ليها الله يرضي عليك اسعيد – سعيد : وجيتي تنوضيها معاها غير فهاذ الوقت للقضية فيه مزيرة – فناينة : نت عارفني مكنصبرش – سعيد : وعلاه داك الشي كتقيلي محولة من دار لدار مبغيتي تركني فحتى بلاصة – فناينة : واش بغتيني نجلس فشي بلاصة مفيهاش راحتي ولا شنو واش هاذي ملي كدق عليك خصها تخشي نيفها تشوفك حتى شنو مطيبة ماشي تشدي قحبة مها داك الوجه تحكي ليها مع دروج -نوال:, دابا هاد الهدرة معدنا منديرو بها المهم هو نلقاو دابا شي قنت نتخشاو فيه راه البرد شواني اعباد الله – سعيد: وراه مكين حتى حاجة دابا فالموقع لكتبغيو نتوما عرفتو اش ديرو يلاه ترجعو عندها ندوي ليكم معاها نصالحكم غير تكملو شهركم ونيت غتكون خوات شي حاجة وعاد تحولو اش كلتو – فناينة ميقت فيه : من نيتك اسعيد لا واش من نيتك انااا فناينة نرجع عند ديك القردة المشعتفة حانية الراس لا او نطلبوها مزال ههه ضحكتيني والله ، شفتي واخا نعرف راسي نفرش غاهنا نعس والما تحت مني ومنرجعش عند ديك عوجة الرجلين – سعيد : الله يهديك ابنتي الله يهديك ويرد بعقلك ( شاف فنوال ) نت بقاي متبعة هاذي ما غتمشي حتى تخرج عليك – فناينة: الله يرضي عليك اسعيد – سعيد : نت هاذ الطيران كامل لفيك فالاخر غتاخدي شي مقطع هارب ليه كثر منك غتبقاي تاخدني قتلة فالصباح وقتلة فالعشية – فناينة : ( بستهزاء ) هيهبههيهي على باسل كي دااير – نوال : وهاااااااالعاار اعباد الله اش هاذ الهدرة بحال الى حنا مساليين معدنا ميداار وراه البرد شواني لقاولينا شي حل – سعيد : مكين حل من غير اليوم جمعة بعدو غا سبت والاحد ..غتمشيو لديوركم وغنحاول نقلب ليكم فهاذ اليومين حوايجكم غادي يبقاو عندي فالحفظ والصون – نوال : اه هاكا مزيان – فناينة (خرجت عينيها) من نيتك اشريف ومن نيتك حتى نت أنوال شمن دار وشمن زفت – سعيد : هذا هو الحل الوحيد لعندكم من غيرو مكينش – فناينة :, ولا مغااديش نرجع عند حمد وتريكتو مناگرة معااهم ولا رجعت ولا عرفني دابزت مع مولات دار نت عارف اش غيدير ..والله لعاود خلاني نعتب هاذ قنيطرة مرة خرا – سعيد : تاني داك حمد اللله يهديه غير سيرو وميكون غا الخير مغاديش يعرف بلي وقع شي مشكل – نوال : ايه افناينة منين غادي يعرف غير خلينا نمشيو لدارنا – فناينة : نت ماشي انا أنوال نت داركم كيفرحو بك ومدا بيهم غير ايمتا تجي انا تم معندي حد عدمن غنرجع ؟ غنرجع عند الخوت لكيبقاو واقفين فوق راسي ربعة وعشرين ساعة على ربعة وعشرين ولا عند با لي ديما عاكدهم بحال الى جاية هنا نفسد ماشي نقرا ولا عند ديك القحبة ديال مراتو نمشي نرتاكب فيها شي جريمة وعاد نت شفتي على عينيك بالطليب والرغيب ديال صحابو والجيران باش خلاني نجي نكمل قرايتي ..طول هاذ المدة وهو يتسنى مني غير شي غلط صغير يجلسني فدار ويزوجني شي مسخوط الوالدين وبغتوني نرجع لعندو والله لحطيت رجلي حتى الوقت لمولفة نمشي فيه لمشيت دابا غادي يعرفني جيت ماشي حيت باغا ومشتاقة فيهم مي حيت مظضرة وغادي ينبش ويعرف بلي راه دابزت وغيصدق مجلسني حداه فخطرة والله لمشيت ليكم بغيتي تمشي سيري نت أنوال انا مغااداااش اومبليس نسيتي رآه خدامة الخرا حسابك ديك الشيبة العاصية غيعطيني هاذ اليومين ..مزيرة معندي كيف ندير سيري نت لبغيتي تمشي انا غنضبر لراسي – نوال : عارفاني منقدرش نمشي ونخليك – فناينة: إوا جلسي وتركني ضروري ميكون شي حل – سعيد : دابا اش غديرو – فناينة: علاش كتسولنا حنا مالنا حنا لسماسريا…..
فناينة: علاش كتسولنا حنا مالنا حنا لسماسرية راك نت لسمسار نت لخصك تعرف تفكر غا تفكر ضروري متكون شي حاجة – سعيد حبس شوية كيفكر عاد هدر : هو كين وحدة ولكن مغتبغيوش تسكنو فديك البلاصة – نوال : اينا بلاصة ؟ سعيد: قصبة ..-فناينة: ومالها قصبة – سعيد : علاش مكتعرفيش مال القصبة وعاد زيد الحي لفيه الدار خااايب -نوال: شفتك افناينة كتهدري بحال الى نسيتي اش كان وقعليك ماشي كنت غتكريساي فناينة: ومشفتنيش انا شنو كنت درت ليهم – نوال : وغير ربي وقف من جهتك وكانو هاذو مساليين قصبة خايبة افناينة وحنا بنات بوحديتنا وكنخرجو حتى ليل لا مصالحاش لينا – سعيد : واش داك الشي علاش قتليكم مكين حتى حاجة حيت مصالحاش ليكم وزيد حتى الدرب خايب – فناينة : نوال هانتي سمعيني نقدرو نديبانيو فيها غير هاذ اليامات غير حتى يلقالينا سعيد شي حاجة مزيانة راه معندو ميوقع تيقي فيااا – نوال : واخا فيد الله – فناينة : شنو فيها هاذي اسعيد – سعيد : سفلية فيها على قدكم من ناحية الجودة مصلوحة ومشمسة وااااعرة والله – فناينة: واش مولات دار ساكنة – سعيد: اه مولات دار ساكنة الفوق ولكن الله يعمرها دار مكتخرجش العيب على فمها – فناينة: ايه راه حتى ديك خيتي كلتي عليها بحال هاكا نتوما سماسرية اناري يا ناري كتبقاااو تزوقو تزوقو هاهي بنت ناس هاهيا مكتخرجش العيب فالاخر كتطلع بنت القحبة مقطرة – سعيد : بعدا الهدرة ابنيتي جميلك زيدو زيدو نمشيو نشوفوها————داز شوي من الوقت حتى كانو فوسط الدار ومعاهم لالة كنزة الريفية ببتسامتها المعهودة او وجهها المبشور دخل الخاطر كل من شافها ودوك شيباات الوقار لخارجين شوية من زيف حياتي لجامعة به شعرها غير من شوفتها تعرفها امرأة حرة غرة داات فالزماان وجابت هي هاذي لالة كنزة الريفية مكينش لميعرفهاش وميحتارمهاش فكاع الدرب اصلها هي وراجلها حسن الله يرحمو رواااافة ابا عن جد غير هو طرف الخبز والمعيشة كتابتو عليهم يقطعو مسافاات وفمدينة قنيطرة يديرو عشهم وينصبو خيمتهم يحطو راحلهم ويرصيو وتادهم راجلها كان جدارمي وديبلاصا فخدمتو فقنيطرة كان ولدو الكبير عندو 18 العام باش تحولو لقنيطرة ………..جالسة فناينة كدور عينيها فدار كتشوف بتركيز وكدور عينيها فالقنات نوال حتى هيا كتشوف فالكوزينة وكدور فعنيها وهو الحق يتكال كان الاعجاب باين فعيونهم حيت دار مصلوحة على حقها وطريقها والبني جديد بالڤايونس والكبص كلشي متول وزين – لالة كنزة نطقت : اكي جاتكم الدويرة يا الزينات – نوال : تبارك الله معدنا منقولو دار زينة – فناينة : واه هي زينة وحتى الثمن زينو زين ههههه-كنزة: علاه مبانش ليكم فيه – فناينة كترمش عويناتها ببراة قاصدة تستعطفها : هو فالصارحة اخالتي زين وفالمستوى بالنسبة لشي واحد خدام مزيان اما حنا راه غير طالبات مزال مدخلناش سوق الشغل ههه وحتى والدينا غير على قد الحال وانا اخالتي كنقرا وشي سوايع كنمشي نخدم غير فواحد القهوة باش نسرف على راسي نصي هاكا ونصي هاكا اخالتي غير شوفي كي ديري تقادي معانا – كنزة : ( بحب ) شغنكوليكم ابنيااااتي مغنكونش انا كنزة بنت الدار الكبيرة لرجعتكم مغاابين ولخسرت ليكم الخاطر انا كلت 22 ونتوما عطيوني لعجبكم وعلاش ما قديتو ابنياتي – فناينة : هذا المضمون فيك اخالتي كنزة منضروك مضرينا نت كلتي الف ومئة درهم حنا نكولو 18 ونت ديري لتسلكك حيت هيا لفجهدنا كيف كنت كتليك حنا غا طالبات – لالة كنزة : واش نكوليك ابنتي مخلتيلي منكول لاله الا الله عليها ربي يسخر ودار هاهي داركم وانا حسبوني ميمتكم لتقلات عليكم خفاافت عليا لبغتوها انا معاكم بغيتو ديرو شي حاجة فثلاجة مكينش ليكلع ليكم بغيتو تصبنو نهبط ليكم ماكنية الصابون بغيتو تنشرو راه السطح طلعو الوقت لبغيتو…….
فناينة: الله يحفظك اخالتي ويشد ليك فالصحيحة – لالة كنزة : من جيهتي انا مكينش لتخصكم ولا حتى تاذيكم كين ولادي على ضمانتي ميهزوش فيكم العين كااااع – فناينة:(خرجت عينيها) اويلي واش عندك الولاد ؟ – لالة كنزة : علاش مقالهاليكش سعيد قبل ميجيبكم لعندي ..( شافت فالسعيد ) اش هاذ الشي اسعيد علاش مقلتيش البنات بلي عندي جوج ديال العزارا – سعيد : والله الى نسيت ومشاتلي من بالي كااااع – كنزة : لا هاذ الشي ميتنساش اسعيد بحال هاذ الشي خصو يتݣال هو الاول عادي تجيب البنات – فناينة بقات تشوف فالدار بحزن عجبتها وفنفس الوقت مغتزعمش تسكن فدار ساكنين فوق منها جوج العزارا وحتى باها الى عرف مغيبغيش ويقدر يكلسها من القراية -نوال أشارت ليها براسها زعما آش نديرو ..تبسمت ليها فناينة : خالتي وخا تسمحي لينا نتشاور غير انا وصحبتي شوية ونرجعو اجي معايا أنوال اجي – خرجو جهة الباب : اش بان ليك فالبلان -نوال: راه باينة اش غادي يبان ليا عندها جوج العزارا اصحبتي اش بغتيه يبان لي راه معلوم لا – فناينة : ولكن دار زوينة وثمن طايح ومعدنا فين نمشيو – نوال : اه او ولادها نسبتيهم هاهوما لكانو شي مساخيط الوالدين – فناينة : ها شونتيو حداك شوفي غير المرا كي دايرة حلوة كتخرج غير الخير من يديها راه باين تربيتها كي غتكون اكيد ولادها غيكونو بحالها ولا كثر وزايدون مالهم غيقتلونا كين غا بابنا ديما نسدوه علينا ياك جامعنا غا دروج -نوال: فالصارحة مزعمتش -فناينة : وخا لعندك شي اقتراح اخر تفضلي كوليه لينا فراسك شي بلاصة غير هاذي – نوال : نت علاش مصممة لهاذ الدرجة -فناينة : انا مابغاش نرجع لخربتنا واخا نسكن غير فبراكة ومنرجعش لديك الإمبراطورية ديال فرعون -نوال: ههههههههههه ضحكتيني يسمعك حمد تكولي هاكا يقطع سميتك من الحالة المدنية ههه-فناينة : حتى نت زعما سميتي عندو دايرة بها شي حاجة غا يطفرو دابا شنو نتوكلو على الله ؟ ….
نوال : اختي لباليك زعما كتشاوريني ياك نت من ديما كديري غالݣالها ليك راسك – فناينة : نت عارفني ماشي شي وحدة لخفيفة كون مبانش ليا فالبلان منزعمش …زيدي دابا نتفاهمو مع المرا ويكون خير- رجعو البنات وتافقو على أنهم يشدو الدار خلصو مي كنزة ودورو مع السمسار عاد بداو يدخلو فحوايجهم كانت دار نقية غير شطبوها وصافي وبداو يفرشو فحوايجهم ويقاددو شغلهم دغيا داز الوقت اوصل وقت العشاء ناضت فنيانة الكوزينة ردت المقراج يطيب باش طيب اتاي ناوية تقلي غير البيض يعديو به هاذ ليلة شوية كتسمع الدقان فبابهم خرجت من كوزبنة : شكون – كنزة : غير انا ابنيتي – فتحت ليها فناينة وعلى وجها شبه بتسامة
ولكن زادت وساعت وبانو سنانها كاع ملي شافت الطاجين لهازة كنزة فيديها – كنزة : غير انا ابنتي عرفتكم مغتكونوش ساليتو باش ديرو العشاء وطيبت لقسم الله وهبطتو ليكم -خرجت نوال ملي سمعت الحس وجات مع هدرة مي كنزة : ناري اخالتي علاش عذبتي راسك والله مخصنا شكرا والله – خنزرت فيها فناينة وقرستها حتى طارت: لا اخالتي غا كضحك معاك بغيناه فينا الموت ديال الجوع ( كتمسكن ) ويلاه لقتينا غنطيبو واحد جوج بيضات وخا مغادي يقديو لينا والو جيتي فوقتك اخالتي وهازة معاك هاذ الخير دخلي دخلي – نوال نغزتها : اويلي نت حشمي كرشك دايرة فيك الضحك – فناينة: علاش مالكي مفيكش الجوع ݣلت شي حاجة كذوب باغا تعشاي بالبيض ؟ – نوال : لا – فناينة: اوا سكتي وتكمشي زيدي اخالتي زيدي – كنزة بقات غا ساهية ففنانية والهدورات ديالها ضحكتها عفويتها الزايدة ..مكتصنعش لكين كتكولو مكتزيد مكتنقص جاتها على ݣانتها سمات الله ودخلت .. حطت الطاجين فطابلة جابت نوال قرعة الما ودارو على طابلة بدون سابق انذار رمات فناينة يديها لطاجين عراتو وغمضت عينيها من ريحة لطلعت معاها كان باقي كيفور طاجين اللحم وبالفريت ..فناينة عينيها ولاو فيهم القلوبة : الله الله الله اري اخالتي داك الراس نبوسو – طارت ليها على راسها كتبوس فيه وكنزة كضحك ومستغربة من تصرفات هاذ الهبيلة – فناينة : سير اسعيد سمسار انا بغيت ليك عمرك تخيب وفين ما مشيتي تلقى الهوتات كيف ما جبتينا عند هاذ الهوتة زعما بغيت نݣول الحاجة كرمتا ..سيري اخالتي الله يكرمك ..وطاجين هو عندك ..كولو كولو متحشموش قطعت الخبز وبداااات كتخشي متعقل – نوال تحرجت من تصرفات فناينة : احم احم مديش عليها اخالتي صحبتي مسكينة هكا كتشوف الماكلة كيهرب ليها الريزو كتولي غا تخرف – كنزة كضحك من خاطرها : ههههههههههه لا لا بالعكس زينها زين عقل غير وكان لفقلبها على لسانها – فناينة كتاكل وكتلحس ففمها لعامر وكتهدر : شفتي اخالتي شفتي والله حتى ظريفة انا هههههه شكرا اخالتي طيابك بنين هاذي الشي راه الخير لعندك هههه ربي غادي يجازيك على هاذ الكرمة لكرمتينا …هههه نسالي اخالتي الماكلة وندير واحد الوقفة ندعي معاك راني شريفة هههه ندعي معاك نت وولادك ههههههههههه – كنزة : ههههههههههه ايه ايه ضحكتيني الله يعطيك الخير ….
فناينة كتاكل وكتهدر وكتضحك مخلطاهم حتى وقفت ليها وبدات كتكحب مدت ليها نوال الما : اناري غا بشوية عليك البغلا مالهم تابعينك – فناينة تنفست : البغلة هي مك – نوال : اويلي حشمي غا حدا المرا – فناينة شافت فكنزة وتبسمت بتسامة عريضة بدون متبين سنانها : خالتي الزوينة – كملو ماكلتهم تحت تقشاب فناينة لبهدرتها وحلاوتها وضحكها دخلت داغي الخاطر لمي كنزة كلات اخر دغمة ودفعت الطاجين : الله يخلف ويقوي الخير شكرا والله اخالتي نردوه ليك فساعة الخير عذبناك – كنزة : لابنتي متكوليش هاكاك اصلا كان طايب كنت دايرة بحساب ولادي ساعة مكينيتش اللهم فيكم شفت راسي منقدرش نأكل بوحدي وهبطتو – نوال : جا فوقتو نيت – فناينة : دابا عاد وليتي تكولي جا فوقتو قبيلة باش كنت نازلة عليا بالنصائح ههههه – كنزة : ايه مكلتوليش منين نتوما – فناينة : حنا بجوج من نواحي قنيطرة كنزة : اه وشنو كتقراو هنا فالجامعة ؟ – فناينة : اه الجامعة انا كنقرا علم النفس عندي العام الثالت وهاذ الخطية كتقرا للأدب الانجليزي – كنزة : مزيان مزيان كلشي ينفع مزيان الواحد يقرا القراية نور وزينة الواحد يضوي بها حياتو .. انا الحاجة لمزالني نشكر ولديا عليها هي دخلوني المدرسة على الاقل دابا كنقشبل شي حريفات وماشي كي البهيمة – نوال : تبارك الله قارية اخالتي – كنزة : غير لقسم الله حتى الشهاذة وحبست – فناينة : الشهادة ديالكم راها بحال الإجازة ديالنا ههههههههههه راك مجهدة على هاذ الحساب ولادك يكونو حتى هوما قارين – كنزة : الكبير لخرجت فيه نفس القراية ذكي تبارك الله عليه من صغرو وهي نقطة لولة ديالو فكاع المدرسة سبحان الله منشوفو كيحفظ منشوفو هاز كتاب كي يدير لدوك النقط الله وعلم خدا الباكلوريا ديالو بحسن جدا 17 هيا ..- فناينة: وسعت عينيها: دخلنا عليك بالله وشكيدير دابا – كنزة : كمل قرايتو فداك الشي ديال لافوغماتيك والريزو ..وداك تخربيق ديال سلوكة منعرفوش انا غير سلا قرايتو خشى ديبلوماتو تحت منو فتح محال كيصايب داك الشي ديال تلفونات وتخربيق وشي حاجة على مكيكول هو التجارة الإلكترونية – فناينة: اويلي علاش واش ملقاش خدمة وخا بكاع هاذ الامتيازات؟ – كنزة :علاش هو ناض قلب عليها بعدا ملي كنت ندوي معاه فهاذ الموضوع مكيبغيش يعطيني خو كلامي ويسد عليا بحكا مباغي نخدم عند حد مباغي حد يشوف راسو عليا ..بييني وبينكم عندي داك الولد مجهد شوية صعيب غا ربي يرد به وصافي- فناينة : معندكش مجهد عندك حمق – نغزتها نوال باش تسكت – فناينة : حيدي بعدي مني رآه بصح واحد واخد الباك ب 17 وعلم الله اش قاري من بعد وكاليك مباغي يخدم عند حد لقليلة كان غيوصل ليه صالير شي عشر الاف درهم ولدك اخالتي ذكي ولكن مكيفكرش ههههه – كنزة : وشغندير عيت نهدر معاه ملي كان شوية فيه الدوا اما دابا هدرة جوج يقلب عليا كلشي ربي يهديه – نوال : امين ايه اخالتي او ولدك لاخر – كنزة : هذاك الصكع ليام سميتو حمزة هذاك دا الباك غا بزز ههه وراه جالس يدور قاتلاه غا البليا او ولاد الحرام لمرافق معاهم – فناينة : الله يهديهم اخالتي هاذو هوما الولاد- سلاو الماكلة ناضت فنانية جمعت طابلة غسلت لغيتغسل رجعت لكنزة ماعنها ..كل وشدت بلاصتها طافين الضوء من غير ضوء التلفون لكل وحدة خاشياه فكمارتها نوال مكونيكطيا مع ليزامي ديالها فنانية غا طالعة هابطة فالفايس مداوية مع حد فايس تبارك الله عامر مساجات حتى واحد من هاذوك لداخلين عندها مراشقة ليها عليهم ….
هاذي هيا فنانية زينها زين ،زينها حرش وحروفها كحلين باينين مع العينين مجبدين حروفها طبيعين وفنفس الوقت مثيرين تخلي الواحد يكمل فيها شوفة وعلاش لا ميعشقها ..تدويرة وجها جاية عاطية العين مع شعر كحل كيبري علاش وهيا من صغرها وهي مهليا فيه بالحناني والعشوب ديما راسها مطلي شي لخلاه هابط مسبسب لجهة خسرها طاييتها لجاية عامرة شوية واقفة على صح بالماكلة البلدية يجيها الهمري تنوض فنص ليل تضرب البيض مصلوق هو البطاطة وتفيق عاود تغوت بجوع عندها قياسها من كل حاجة فمها سليط وتصرفاتها ديال العزارا وخا هاكاك لشافها من بعيد من شكلها يحلف عليها بنت محلونة تقطر بالأنوثة ههه شخصيتها قاصحة فارضة وجودها فين ما مشات وسخونية دمها هي لخارجة عليها متخليش دقتها تبات لݣاليها كلمة ترد عليه بعشرة هاذشي لمخليها ديما منوضاها مع دارهم وديما باها مفوت فيها شي دقة ديما كين المشاكل فدارهم سيغتو مع مرات باها ..باها كان مزوج جوج عيالات ام فناينة كانت هي المرا التانية غير ولدتها مدازش بزااف ماتت بالمرض الخايب كين هوما جوج بنات وسط قشلة ديال العزارا كلهم خوتها غير من باها كتحس براسها شوية غير مرغوب فيها وديما حاكرينها وسطهم اول حاجة حيت بنت وخايفنها دير شي فضيحة وتاني حاجة مها لغترد ليها شوية الاعتبار ربي خداها عندو باها ممسوقش ليها كاااع دوزات طفولة قاسية مع مرات باها وغير كبرت شوية تمردات عليها كلمة بكلمة , فناينة فين ما مشات دغيا تاونكاجا مع بنادم تدخل راسها فاي مجمع بزز اجتماعية شوية هاذ الشي مكيعنيش لجا يكسبها معندهاش الصحابات من غير نوال حيت بنات حومة وحدة وكابرين مع بعضياتهم من غيرها لا مكين اصدقائها كيكونو متعلقين بداك العام دراسي نهار يسالي كتقطع العلاقة بخصوص الجانب العاطفي خلاتها نوال سيدة عندها المشاعر صحراء قاحلة كيجيها كلشي تبرهيش عروضها كثار لكن القلب مزال ملقاش عليمن يحط عروقو ويرصي وتادو ماشي ناشفة لا راها كتشوف و كتعجب ولكن كيكون اعجاب مؤقت تعشق الزين عشاقة ملالة هي ونوال لواطين لداز من حداهم يشدو، فيه حارة شعبية وبنت الوقت حيت مكابراش وسط الفشوش. كابرة وسط تمارة والتحوفير على عكس نوال لشوية راخفة عندها دعوة عكس فناينة هي هادئة مسالمة كون ما فناينة لكتزيدها العوافي وفين ما كانت شي مصيبة مجرورة معاها وخا مدير لبيديها لبرجليها دنبها مصاحبة مع فناينة العقل المدبر زين نوال شهب وهاذئ حروفها زوينين زعرين لونهم بارد بجوج عاطين العين والهدرة ديما وراهم
داز شوية من الوقت فاقت فناينة على صوت الغوت نغزت نوال حداها : اناري تي اش هذا – نوال : الغوت جاي من الفوق – فنانية : مي كنزة كتدابز مع شي واحد -نوال : غتكون مع شي واحد من ولادها ——-الفوق كان جالس على الكرسي طالق رجل وجامع لخرا صوت انفاسو مسموعة وكنزة واقفة عليه حاطة يديها على راسها : ياك المسخوط تاني جايني معرݣها شراب واش باغي تقتلني اااا باغي تسالي معايا كتغبر حتى كتغبر وكترجع تجيني فهاذ الحالة ياك احمزة باغي تقتل ميمتك واش باغين طيحو عليا الروح اليوم واش باغي عصام يقتلك غا كول اليوم لجا يصفيها ليك – حمزة بزز باش كيهدر الشراب لاعب عليه صوتو ثقيل : داك ولدك هو لخارج عليااا ويفرقني عليه مالو والدني ويفوتني عليه يخليني نخرج نضبر على كري باغي نهز راسي انا مديالش هنا – كنزة : وديالاش ديال البحر باغي تعطي لراسك لما عاد باش ترتاح راني كنكوليك ها السخط ها الرضا عصام ايه خايب ولكن باغي مصلاحتك كيدوي معاك من مصلاحتك خوك كبر منك يفكر ليك – حمزة ( كيغوت ) وميفكرش ليا ويفوتلي غا كري ياك نت ديما هو كيدير غا لݣالها ليه راسو ودير غا لتسلكو علاش يدخل فيا انا فين ما مشيت نلقى سميتو تابعاني داير عليا العسا فين ما حطيت رجلي -كنزة: رآه خوك كبر منك دير عقلك اوليدي انا راضية عليك – حمزة :(ضرب لكورسي كيغوت) ماخوياش علاش كتجي من جهتو ديما كون كان قاضي غير طايلة ديما مركب فيك الخلعة شوفي اكنزة كل وخو راسو ولدك كوليه يفرقني عليه رآه غنتقطع عليه راني خااايب كثر منو وداك البحر هو لغادي نقطعو بغى ولا كره -تسمع الباب تحل بشوية تم داخل بخطوات متوازنة مفيهمش الحس نظرتو حادة جامع حجبانو شوفاتو كي الصقر مخنزر ومكمش جهة عينيه مديق شوفتو فحمزة لغير شافو لبد بحال ماشي هو لكان غير دابا شوية كيعرعر قاطع فين النفس خنزر فيه تخنيزرة ديال الموت ودوا بصوت هامس وهاذئ على عكس ملامحو لنار : مااالنا ..- حتى حد مجاوب رجع هدر بنفس نبرة الصوت : سولت ݣلت اش كاين صوتكم يتسمع من راس الدرب (شاف فيه مخنزر ), شكاين احمزة -صغر فيه عينيه كيشمشم- زيد عندي لهنا -غوت- كتليك زيد لهنا حل فمك -غوت – ݣتليك حل فمك -جرو شم ليه فمو – سكران الكلب – نزل عليه بدقة الوجه حتى غوتت كنزة ربي لخلقها جارة عصام بزز طايحة ليه على رجليه: ها العار اولدي لتحط فيه يديك تاني ها العار لقصتيه ها السخط ها الرضا باغين تقتلوني عاد تهناو ياك باغين تصيفتوني لقبر -بعداتو عليه غير بعد عصام خرج بحالو حمزة رادخ الباب من وراه كاعي اما عصام نوض مو لكانت حانية عليه بعدها شوية وزاد لبيتو بنفس الشوفات الحادين الريف يا الريف وشنو. راك ولدتي وخرجتي منك ماضي من جوج جوايه بحال زيزوار تطلب فيه غير يهدر ويخرج سمو على انه يطمر ويسكت حيت سكاتو مصيبة وميسكت غا على خلاها مفيهش الهدرة بزاف كيطبق نيشان ….
الريف يا الريف وشنو. راك ولدتي وخرجتي منك ماضي من جوج جوايه بحال زيزوار تطلب فيه غير يهدر ويخرج سمو على انه يطمر ويسكت حيت سكاتو مصيبة وميسكت غا على خلاها مفيهش الهدرة بزاف كيطبق نيشان
زينو زين تخنزيرة وزينو زين تبسيمة لمتبانش كاع ديما عاقد
الحداش ممضسر عليه حد ممرافق مع حد فارض هيبتو بشكل خطير ليشوفو من بعيد ميزعمش لا يقرب منو لا يشرك معاه كلام …صورة لواخدين عليه هو أنه شخص انطوائي
ميجمع ميدير صحاب حتى واحد مفاهمو متيدن صلاة فوقتها ميطحش الفجر ..عاد هئية جسمو الوشام لواشم متناقضة مع جانب الديني ديالو لميعرفوش ميعرفش شخصيو المتناقضة المريضة وشافو داخل الجامع بداك الوشام فيدو كيكول اوا ربي هداه وهو المهتدي عصام وقرتيه ميقربك ميحديك قستيه مستيه بعيب جبدتي نحل على راسك ونهارك مطلع فيه شمس دقتو صعيبة فين ما مشى مسيل الدم عصام يا عصام نصك جنة نصك نار 🔥
#نرجعو لتحت عند البنات غير سمعو صوت الباب تخبط من الخرجة لخرج حمزة قفزو -فناينة : الله يناري هاذ الشي من ليلة لولة ياربي السلامة-نوال: وݣوليها لزكك نت للصقتي لصقة وحدة يالاه فكيها دابا من ليلتنا لولة شوفي اش طرا الخبيط فوق راسنا معرف لجاي اش غيكون
– فناينة : وباز احبيبتي نكونو واقعين شوية هاذ الشي رآه عادي يطرا علاش نتوما فداركم مكيوقعش بحال هاذ الشي ضروري مدوز السيمانة تكون نايضة شي مطايفة عندكم نعسي نعسي ديري راسك مسمعتي والو -نوال: هاهي ناعسة غا الله يخرج عقيبة هاذ الشي على خير رآه حنا غا وليات ربي تحفظنا –
فناينة قاطعتها: نت نعسي من هاذ الموال الحافي ديالك فرعتيلي كري نعسي خلينا نعسو ..داز الوقت او افجر الحاال ادن الفجر فاقت على صوت الباب كيتحل ضروري من أنهم باقين جداد فدار وليلتهم الأولى يكونو على القرص كاس لتحرك من بلاصتو خص يعرفو علاش بنات وخايفين على راسهم نغزت نوال كتدوي بشوية : شي واحد كيحل الباب – نوال : غيكون غا شي واحد من الفوق خارج يصلي الفجر
-ناضت فناينة كتطل من الشرجم بشوية حتى بانت ليها بنية ضخمة بديك الفقية شافتو غير من ظهرو وكتافو العراض لكتتناو فكل خطوة كيخطيها تنهدت من خاطرها :الله يارب العالي أنوال اجي تشوفي الزين البلدي
– جات نوال كتحك فعينها طلت شافتو: اناري هذا ساكن معانا ؟ -فناينة : رآه هو لخرج غيكون هو ولد خالتي كنزة شوفي ياختي على المشية بالعبار….
نوال : طول وعرض ارتفاع تبارك الله دوزي نعسو – فناينة :نعسي غا نتي انا طار لي النعاس غنراجع شوية -رجعت نوال تنعس وهي جبدت كتبتها وجلست حدى الشرجم كتدوز فلبوليكوب وعينيها على الشرجم جاها الفضول تشوف وجهو داز الوقت وهي حانية على وراقها تا بدات تسمع صوت الخطوات كييكولو ليل سمااع هزات عينيها كيبان ليها جاي قاصد دار باين شوية من وجهو حيت كان ظلام حتى قرب يوصل وضرب فيه ضوء البوطو عاد تفرزت ملامحو الشرقية خرجات فناينة فمها ميلا شفايفها جنب : تبارك الله -تسمع الحس هدرتها شي لخلا عصام يشوف جهة الشرجم لشاعل فيه الضوء غير حست فناينة سدت الشرجم بالزربة ..ميل راسو ساااخط زفر بغضب : درتي غا لفراسك اكنزة ..فتح الباب ودخل نيشان طالع فدروج تا فتح باب دار الفوق ودخل
$شرقات الشمس وطلع صباحها خارج من دوش كيمسح وجهو وعنقو بالفوطة شاف فكنزة لكتحط الفطور على الطابلة شافت فيه : حمزة مرجعش مباتش هنا ليل كامل وانا نستناه – عصام بصوت فيه نوع من البرود : حيت عارف راسو كون رجع لبارح كنت غنفصلو من شي قنت – كنزة : رخف عليه اولدي انا راضية عليك -عصام : راني دويت كتليك خرجي سوقو راك نت لغتخرجي عليه خليني نربيه -كنزة : ربعة وعشرين عام شباقي عندك متربي فيه – عصام : باقي يتربى انا لعارف شغلي خليني مني ليه ديك البلية لفيه نقطعها لو وطريق غيشدها بزز منو -كنزة كتهدر تحت منها: شدتيها حتى نت – عصام : سمعتك اكنزة وانا عارف روحي اش كندير ..نت لبنتي ليا معارفاش، وهدرتي ضربتيها فالخوا كتليك متكريش مدخليش لبراني لدارك ودرتي غا لݣالها ليك راسك –
كنزة : مدرتش العيب كاع جيراني كيكريو وانا عندي تحتانية غا خاوية اللهم تكرا وراني كريتها غير جوج بنيات طالبات كيقراو منشوفو منهم عيب – عصام : انا خرجت سوقك ولكن بديني وما اعبد نشم ريحة ديال شي حاجة من ديك السلعة لجبتي لتحت بلا منهدر راكي عارفاني
– كنزة : حاشاك ليكونو سلعة بنات شهوة منهم تحطهم على الجرح يبرا
– عصام : يضبرو لكرهم نشم ريحة ديال الخواض ولا نشم ريحة شي زلال واقف عليهم هنا ديك الساعة ربي بخبرو – كنزة : فمك خاسر ياربي السلامة….
اليوم سبت حتى وحدا فيهم مقارية ناضو كملو تخمال دار فنانية تجمع وتدندن بكلمات الأغنية : عيونو كيساااان فمو خاتم لونو قهوي وعليه كندوي – نوال : اشكون هذا للونو قهوي وعليه كتدوي
– فنانية :(حطت يدها على قلبها ) ولد خالتي كنزة ههههههههههه – نوال : اناري نت فعار الله نت فوقاش شفتي لونو القهوي – فناينة: شفتو ياختي شفتو البارح صورتو بديك الفقية الكحلة وصلاية لهاز فيدو باقا بين عيني
– نوال : ( صغرت فيها عينيها ) ماشي من عادتك يلصق ليك شي ولد المرا فعقلك وعمرك دويتي على شي واحد بهاذ الطريقة. دخلنا عليك بالله لمݣوليلي كي طرا ليك
– فناينة : احح ازين داك الشي من عند الله
– نوال : واش زينو اوڤر ؟ – فناينة:( كدير حركات بيديها) مغتفهميش فيه واحد الانجداب قوي- نوال : اناري يا ناري شكون فيهم بعدا الكبير ولا صغير – فناينة: الله وعلم واحد فيهم وصافي
– نوال : تسالي نمشيو الحمام نفركو عظامنا – فناينة: مغنديرو ما حسن منها يلاه زربي – سلاو شغلهم وتحركو الحمااام كان عااامر حيت الويكاند بزز باش لقاو بلاصة – نوال : غنمشي نعمر السطولة – فناينة : غير كلسي نت غنمشي انا لمشيتي نت غيبقى لجا يلوحك – نوال : اوا هو نوضيها تااااني ..نت راك عاافية – فناينة: تشعل فيك لما شدي الارض -عمرات سطولة وجلسو دهنو صابون وبداو يحكو وهدرة تجبد هدرة حتى جابو ليل وسخفو عاد ناضو تهزو خرجو من الحمام لمكانش بعيد وفطريقهم د دازو الحانوت لكان جا ملاصق مع الدار
– نوال : عمي شي جوج خبزات ونص يترو الحليب الله يحفظك – جاب داك الشي وبقى كيشوف فيهم : عاد سكنتو جداد هنا – نوال : اه – مول الحانوت : فين واش نتوما لسكنتو فدار الريفية – نوال : ايه حنا ..ياك مزيانة بعدا ؟-مول الحانوت: الله ياودي كلشي زين كنزة الريفية مرا مخيرة عمرك تشوفي منها العيب – نوال : حنا يلاه سكنا جداد معارفينش عمي سمعنا عندها الولاد واش عادي زعما – مول الحانوت: وشغنكوليكم لكنت داخلين سوق راسكم حاجة متمسكم ..صغير لشوية كيجبد الصداع الله يعفو عليه الكبير عمري حققت فيه شوفة كيبان قليل على مكيكولو ناس شوية ماشي حتى لهيه – نوال : كيفاش ماشي حتى لهيه
– مول الحانوت : منعرف تصرفاتو شوية ماشي هوما هاذوك ..ولا هو خليقتو داير هاكاك نتوما زينات ودخلتو لي الخاطري كون غا خرجتو من عندها منظنش واش تصلاح ليكم مهم لبغيتو تبدلو الكرا انا رآه كنكري داري حسن ليكم من دار فيها جوج العزارا …
-فناينة :دخلنا عليك بالله واش محشمتيش من صباح ونت جالس تدوي فناس وماشي حتى ناس جيرانك يا حسرة – مول الحانوت: نتوما غا سولتو وانا قلت ليكم ازينات منين نتوما الزين – فناينة (جرت الميكا بالنترة) طلق لهنا وجمع عينيك دبا نطفيهم ليك زيدي أنوال
– تبعتها : اناري نت مالك درتي فالراجل رآه انا لسولتو – فناينة : محشمتيش بديتو تنمنمو فالناس نسيتي داك الطاجين لشركتيه معاها ياكما بغيتي طعامها يحتل ليك فالركابي ؟ -نوال : لا احبيبتي لا ههههه ضحكتيني هزاتك النفس ههههههههههه
-فناينة: لا ماشي قضية هزاتني النفس ولكن مشفتيهش هو كيفاش كان كيهدر وشوية وياكلنا بعينيه وجهو كي اللخرا….وفلاخر قاليك لبغيتو تكريو عندي بنادم شحال محساااااد يا ختي ….
من مور العشاء جالسة مدورة بها البوليكوب كتراجع ومنغامسة حتى قاطعتها نوال : غدا خدامة ؟ – فناينة: ايه غنمشي حتى الجوج – نوال : باك مصوناش -فناينة : الخرا لغيصوني ..فين عمرو صونا باش يصوني دابا كيخاف يصوني نكوليه صيفتلي رآه تقدات لي الفلوس ..غا داك الحمار ديال هشام كل شوية مصيفتلي مساج (كتعيبو ) رآه ديري شي حاجة رآه غتوصلني ديري شي خرية نشربو من دمك ..فارعلي الاكرور ديالي بحال إلى مجاياش نقرا جاية نهز رجلي – نوال : وهاذ الشي نيت لغتكون كتكوليهم لفعة ديال مرات باك حليمة – فناينة: بغيت ليها مصيبة فهاذ نهار عرفتي فالعطلة لمشيت غطيح شي روح بيناتنا واه عيقت فمها كي المقص غا تعمرهم ويجيبو يتفركعو عليا انا
نوال : ديري عقلك شوية ازمر –
فناينة سهات: فراسك أنوال بعد شي خطرات كنبقى نكول كون كانت ماما مزال فالحياة كيفاش كنت غنكون ..واش كنت غنكون بحال هاكا نبات نخمم ونفيق نخمم نصي نقرا ونصي نخدم باش نهز راسي ولا كانت غتكون هازة عليا الحمل -نوال: الام مبحالها حد هاهي ماما وخا نعياو نتناكرو والله متفوتني لمصوناتش عليا ميديها نعاس
-فناينة : كتعجبني علاقتك بماماك كنحس بيكم بحال شي صاحبات سعداتك والله ..فراسك احيانا كنبقى نحس براسي بوحدي ..لا اب ربح لا خوت ربح ..كنحس براسي معندي حد فهاذ الدنيا مكنحسش براسي عندي شي واحد لكنهمو .وكيخاف عليا ويحن فيا ويفكر ليا والله ..
– نوال : الخرا علاش كتكولي هاكا وانا فين خلتيني اجي لهنا -عنقتها- والله حتى عزيزة عليا ومقطرة ليا من العينين وخا فيك التحرميات افناينة الدويبة
– فناينة: نت راك بوحدك نت راك الحب الابدي ههههه طبعا من مور زوجي قرة عيني – نوال : حتى تلقايه بعدا …- فناينة: بغيتي تكولي غنبقى بايرة لمك نوال: لا كين كين – فناينة: اين هو يا ترى…..
الفوق كان جالس فسريرو حاط يديه على دقنو وتلفون فودنيه من ملامحو باين أهمية المكالمة ݣال اخر كلامو وقطع خرج من بيتو بانت ليه كنزة متكية وتلكموند فيديها كتفرج شافتو جاي تكعدت جالسة: نحط اولدي العشا تعشا –
عصام حرك راسو : فين هو حمزة – كنزة : رآه فبيتو مابغاش ياكل -عصام : العشا غيتحط وهو غيجي ياكل بلا منعصى فيه ربي هاذ ليلة -كنزة: وانا علاش كتكولي سير لعندو بيناتكم انا قتلتوني وسطكم – مشات الكوزينة تحط العشا وهو ناض متوجه لعند حمزة فتح باب البيت بلا ميتستأدن ..كان مشبح عريان طالق مزيكا راب كيعاود معاها -عصام : تحرك نوض تهز تاكل -حمزة بدون ميشوف فيه : مخصنيش كول غا نت – عصام : راسي مفروع عليا الخوادري كتليك تحرك تحرك بلا منزعزعو الحيوط حتى اليوم.
ناض حمزة كينتر وكيتعنكر .. زاد قدامو وتبعو دارو على طابلة كياكلو بسكات كنزة وسط جوج دراري حامدة الله عليهم وخا كبدتها محروقة على البنت تعمر عليها وتحط عليها راس وخا تولدي الولاد كيبقاو بعاد ماشي بحال البنت المؤنسات الغاليات …تنهدت كنزة بألم من شي ذكريات راودوها
– نتابه ليها عصام : مالك امي ياك لاباس -كنزة : لا والو غا عييت اليوم مبقيتش نقد ندير والو صحة مشات صبنت غا شي حوايج بغيت نموت مقدرتش عليهم
– عصام : نجيب شي وحدة تعاونك -كنزة : زعما خدامة -عصام : شي وحدة جبيها تعاونك – كنزة : علاش نجيب وحدة جيب مرتك تقابلك او ولد ولادك راك شرفتي – تسمع صوت ضحك كان حمزة كان يشرب مع سمعها خرج ليه الما من نيفو – كنزة : انااري نت فعار الله مالك على حالتك -حمزة مزال كيضحك : ههههههههههه نكتة زوينة عندك زيدي الحنانة شي وحدة بحالها نضحك
– كنزة : علاش لتضحك هاذ شي كيضحكو فيه ناس ابن المسخوط لاخر نوض تهز عليا – عصام : خليه انا لغنتهز غا هو حمزة عندو الحق شي نكتة بحالها نضحكو -حمزة: شفتي بعدا ياك – ناض عصام مسح يديه ودار إشارة بيديه زعما نو تسوق ودخل لبيتو فحين كنزة شيرت على حمزة بسربيتة : يضحكهم عليك انشاءالله لما جمع فمك لا نت لا هو معاك مالي ݣلت شي حاجة العيب – حمزة : دابا اكنزة دخلنا عليك بالله وبيناتنا ..هذاك عندك غادي يتزوج ههههههههههه حتى مجرد تفكير مقدرتش نتخايل نحلف عليها عمرو هدر حتى مع بنت نحلف عمرو قال حتى سلام لشي وحدة علاش مبغتيش تقتانعي بلي ولدك معقد ..ماشي على برجو ههههههههههه -كنزة : اوا نوض تزوج نت نيت انا غنبقى دايمة ليكم حياتي كلها
حمزة : اودي هزيت حتى راسي عاد باقي غنتزوج ننن انا باقي عليا الحال عاد نشوف فداك جيه – كنزة : وملي غتنوي تشوف غتلقى مول الأمانة دا امانتو ..- حمزة ناض عندها معنقها: الا هاذي اكنزة نت هي الشمعة ديال هاذ الدار ونت لكتجبيني ليها نت لعندي والله اكنيزة
– كنزة : وعلاش كتشطني عليك علاش مبغتيش تسمع هدرة خوك كبر منك ودير عقلك كيف ما كان الحال باغي غير مصلاحتك وخا حتى هو ممطفروش وفعايلو ديال لهود ولكن فشي حوايج معاك عندو فيهم الحق – حمزة : يحن الله يحن انا عارف ومݣلتش العكس عارف عصام عمرو يدوزني ولكن غير طريقتو وطغيانو وتصرفاتو هي لمكتعجبنيش مجربش يهدر معايا بالعقل وبالشوية ديما مسبق يدو معايا شي نهار يفصلني من شي جهة
– كنزة : منك ليه قتلو ولا يتقتلك – حمزة : لا يا ميمتي. لا ما بنيش وبينو ولدك عندو غا نص عقل حتى داك نص ميكسابوش باغا تادي بيا الهلااك ههههه – كنزة : راكم شابهين بوكم اهيا نااااري خرجتو فيا الحلفة – حمزة اوا دعي بالهداية الحنانة دعي – كنزة : ربي يهديكم اولاد كرشي ربي هو المهتدي
&صبااح يوم الاحد فاقت فناينة وجدات الفطور عاد فيقت نوال فطرو وجمعو دار وكل وحدة شدت قنت فناينة كتسنى الوقت يوصل باش تمشي لخدمتها لمخلات فين قلبت عليها فالاخر رضات تكون سيرفور فواحد القهوة واخا ناقصة فالخلاص ولكن اللهم هيا ولا بلاش ….واقفة فالكوزينة كتغسل مواعن سلات خدات شطابة كتشطب فتحت باب الفصيل ديالهم كتشطب حداها ناوية تخرج تشطيبة حتى الباب ديال الزنقة شوية سمعت صوت لدخل قلبها بلا استئذان خلاها توقف مستقيمة وعلى ملامحها علامات الإستغراب كان صوت اقل ما يقال عنه روعة ….
صوت التجويد القرآن ، بكل بحة وخشوع زادت خطوات الامام هي متأكدة من مصدر صوت جاي من الفوق فضولها خلاها تقدم حتى الدروج وطلع باش تزيد تكتاشف داك الصوت وتزيد تسمع دوك الايات لحسات بيهم كيهبطو باردين على قلبها محست براسها حتى قربت توصل الباب الفصيل ديال الفوق عاد وقفت دافعة راسها ومغمضة عينيها بخشووع عرفت وتاكدت بلي مول الصوت غيكون ديال نفس الشخص لشافتو خارج يصلي الفجر تحبس صوت وفناينة باقا مغمضة عينيها ساهية كتفكر وكتخايل فداك الشخص حتى فجأة تفتح الباب فوجها بالتلفة معرفت اش دير بغات تدور تهبط تلوات ليها رجليها وجات جالسة فدروج غوتت : اييي رجلي رجلي مشيت مشيت احح ميمتي رجلي –
هو كان واقف كيشوف بدون اي رد فعل ملامحو كاسياها البرود كنزة كانت قريبة غير سمعت صوتها جات دازت من على عصام وهبطت لعند فناينة : الله يا بنيتي اش طرا ليك – فناينة رجلي رجلي تلوات –
كنزة : اكي طراليك ليها حيدي اري نشوف – شدت رجليها وتم هابط عصام خاشي يديه فجيب الكيطما داز هبط من حداهم بدون اهتمام وبدون مينطق بحتى حرف فناينة ستغربت من تصرفو الغريب الواحد ملي كيطيح حداك على الاقل غير لوجيست ولا شي رد فعل بسيط هو والو البرود تم البرود هاذ الشي كاع كتفكر فيه ساهية حتى نغزتها كنزة : انعام اخالتي – كنزة : كتليك واش باقا ضرك
– فناينة : لا صافي رجعت شوية -وقفت عليها – لا صافي دابا مزيان غير تلوات – كنزة : كنت طالعة عندي على شي حاجة ؟ افناينة : لا لا بغيت نكول زعما اه كنت بغيت نطلبك غير شوية القزبر لكان عندك
– كنزة : اه انا نجيبو ليك زيدي دخلي -دخلت معاها وفناينة كتدور عينيها فدار وكتشوف الفراش التبركيك وميدير جابت ليها كنزة خدات من عندها شكرتها وهبطت دخلت على نوال باقا كتعرج على رجليها – نوال :, امال رجلك اناري -فناينة : غسكتي كنت غنتكركب ونجي على وجهي غا ربي حفظ وصااافي -نواال،: اناري اش وقع
-فناينة : سمعت شي واحد كيجود الفوق عجبني صوت وطلعت باش نسمع صوت كثر -صغرت فيها نوال عينيها زعما عايقة بيك – فناينة : الا الخرا والله غا تخشعت -نوال : اتبارك الله عليك يا شيخة تخشعتي زيدي اش وقع -فناينة : وراه تخشع ديالي هو لدارها لي هو السيد سالا تجويدو وانا بقيت ساهية حالا فيه فمي حتى فجأة تفتح الباب ..بالخلعة جيت نهبط تلوات لي رجلي كنت غنجيب الربحة غا ربي جا من جهتي
نوال : ههههههههههه ههههههههه مزيانة فمك باش تشوفي ديك ساعة تبركيك فين كيوصل مابغاش كاع يعفو عليك الله – فناينة: ودابا هاذ الشي كلشي دوزناااه تخايلي معايا سيد مشافش حتى فيا – نوال : علاش هو لفتح الباب – فناينة: ايه هو لفتحو طحت كنغوت برجلي قدامو مكلف راسو حتى يعرف مالي ..سيد جاني انورمال بسيكوباط بزاااف على الهدوء والله ماشي لهاذ الدرجة لا والواعرة تخطاني وزاد هابط تخايلي
-نوال :بلاتي بلاتي غادي تسمحيلي حيت مغاديش نقدر -طلقتها بضحكة – ههههههههههه ههههههههههه ههههههههههه لا لا بزاااااااف طيرني ههههههههههه تشوقت نشوفو ليلة الفجر نعس عليه حتى يخرج يصلي وحتى يرجع غنشوفو هذا لخلا عقلك طاير نهار كامل كي داير ههههه تعطبتي من رجلك على الاول …فال زوين هذا ههههههههههه
-فناينة: شمن دالي العقل ولا زعتر رآه غا اعجاب مؤقت انمي منين كتفهمي من ترمتك – نوال : انشاءالله هنا فين غديري الولاد هاني ݣلتها ليك وعقلي عليها مزيان – فناينة :**لاوي لا -نوال: حشومة راجلك يجود ليك فالقرآن ونت فاسقة فاجرة بحال هاكا ارتقي شوية – فناينة شيرت عليها بقرعة : دوري ت*ودي من حدايا – نوال : ههههههههههه بقيتي فيا فالصارحة حب ملعون هذا – جات غتعاود تشير عليها هربت…….
– وصل الوقت لبست حوايجها وخرجت الخدمة واخا رجليها باقا شوية ضارها مي ضروري خصها تمشي شدات طوبيس ومشات .وصلت دخلت كتجري حيت تعطلت
.لبست طابليتها وبدات السيرڤيس .وقفت عليها وحدة من البنات لخدامين معايا – حفصة : اعااش من شاافك القردة – فناينة : غا سكتي هاذ اليومن كانت عندي الروينة دابزت مع مولات دار وبدلت الكرا
– حفصة : متفاجئتش حيت عارفاك عافية – فناينة: هوما لكيجبدوني انا رادعة وقتي – حفصة : جاب الله مول القهوة مسافر اما والله لعاودتي زدتي الضربة هنا عرفتي شحال غطيت عليك انا والدراري – فناينة: عارفاك الحب لهلا يخطيك وانا حتى عرفتو مسافر عاد ترخيت ههه اما كون كان كنت نجي رغم من كلشي – شيرت ليها حفصة بعينها لواحد خونا : خونا قريب يدير شهاذة السكنة عدنا هنا بسبتك غا حشم هاذ اليومن لغبرتي اما كان يجي يسول عليك – فناينة: هذاك رآه كيقلب عليا نشقوو شوفي كي كيفرنس كي الراس المشوط
– حفصة : حبك يا ختي حبك شوفي ليك معاه – فناينة: غنشوف معاك نت نيت بشي ترعيفة لنيف..دخلنا عليك بالله واش غيكون ناوي الحلال انا غنكوليك اش باغي – باغي يدور بيا ميخلي بيا حتى قنت يلعب فيا كيف باغا ومن بعد يكولي الباب الحباب انا هذاك نحلف عليها حتى مزوج وعندو الولاد راهم ولاد الق*اب غا لمعرفهم يديرها بيا انا
– حفصة : ملقى بيمن يديرها ..كتعجبني هاذ التقالة واالختورية لفيك كتعرفي تحسبيها مزيان وماشي بالساهل دار بك – فناينة : اودي بزز مني شفتي لمكنتيش كتعرفي تحسبيها وقارية صوارك غدار بيك سيغتو لكنت بعيدة على داركم وعندك غير راسك
– حفصة : عرفتي حاسة غيجيك شي خير وشي مكتوب وشي رزق مشافوه عينين مقاسوه يدين هههه – فناينة: ههههههههههه هي غيكون جن هههه
– حفصة : ولا ملاك هههههه – فناينة: دابا جن ولا ملاك – حفصة : نصو جن نصو ملاك – فناينة: هي نصو جنة نصو نار ههههههههههه – كملت خدمتها حتى ضربت سبعة ديال العشية عاد خرجت شدت طوبيس ومشات لدار حبست فشارع كملت على رجليها غادا وحاظية جنابها سمعت تلفونها كيصوني جاوبت كان خوها – فناينة: نعام
– مصطفى: امناوياش تجي باغا تعزمي فديك القنيطرة عجبك الحال دوري كيف مبغيتي وميجيب ليك حد خبارك -فناينة(بقلة صبر ) انا رآه جايا كنقرا ماشي جيت نهز رجلي – مصطفى: لا غا هزيهم باش ديك ساعة نجيو ندوزو عليك من الودن حتى لودن – فناينة: دابا نت غا مليقيتي ميدار بنت ليك انا فالبلان غير كتعمركم ديك مك خصكم تجيو تخويو فيا انا اليوم غيبقى يصوني بالواحد كيبان لي غنطفي انا هاذ تلفون – مصطفى: طفيه يطفيك باك من الحياة – فناينة: اودي رآه الحياة عندي انا طافية علاش بانت ليك شاعلة – مصطفى : بلا كثرة الهدرة وصيفتي معااك شي تعبئة
– فناينة : (ضحكت بتسهزاء ) هههههه هاذ الشي علاش مصوني وقيلا كيبان لي غنهز رجلي نيت باش نبقى نصيفت ليك الروشارجات ليك ولصحباتك دور تقود عليا – قطعت عليه – هزت راسها كان وصلت قدام واحد المحال كان ديال الالكترونيك هو ديال عصام غير هو مسدود فين ما دوز عليه كيكون ساد ترسمات على وجهها بتسامة وزادت لدار دخلت لقات نوال كتفرتت الحرشة حيت ناصبة الرفيسة – نوال : على السلامة جيتي بكري اليوم
– فناينة: ايه حيت داك الشيبة العاصية مسافر وداراري عارفيني انا كنقرا ومزيرة بالامتحانات عليها كيخليوني مساكن نخرج بكري وكيغطيو عليا …اططط نحيد حواجي ونجي نعاونك -حيدت حواجها وغسلت يديها وجات كتفرتت معاها -فناينة : نوال معندكش شي تلفون خاسر خصو يتصايب هههههه – نوال : لا ختي تلفوني صحيح – فناينة : كيبان لي غنخسر تلفوني ونمشيو نزورو سي عصام ههههههههههه – نوال : دخلنا عليك بالله واش حمقتي هههههههههه – فناينة : ياختي داك المحال عندو ديما سادو ههههه معرف باش كيتزرق الله -نوال: ياك ݣاتليك مو كيدير حتى التجارة الإلكترونية رآه فيها الفلوس اللعاقة ديال بصح – فناينة : كنتسنى غير نشوفو حال نمشي نوقف عليه كي ملاك الموت – نوال : ههههه من نيتك الخرا – فناينة: خصني غا شي تلفون خاسر وتفرجي
-نوال : غيعيق بيك الخرا ههههههه – فناينة: من نيتك نديرها رآه غا كنݣول ههههه بالحق جاني على الݣانة معرفتش علاش ههههههه – نوال : غريب فالصارحة ههههههه – فناينة: نوضي حطي لينا ناكلو خلينا نرݣدو رآه عيانة ديال بصح – نوال : نوضي دوقي المرقة قبل منسكي ..حيت نت فيك بزاف الفهامات نوضي دوقيها راسك….
نهار جديد كانو قارين فيه نوال قرات نهار كامل فناينة غير صباح وفالعشية مشات لخدمتها وصلات العشية جات عندها نوال حتى البلاصة. فين خدامة ورجعو بجوج لدار وصلو لدرب كيشوفو دنيا غا طرطق ببنادم والغوات مجهد
– فناينة: اواااه اش واقع هنا شكون كيدابز ؟ – بداو كيحاولو يشوفو سولو واحد البنت كانت واقفة حتى هيا كتفرج : شكون كيدابز اختي
– البنت : ولد كنزة الريفية حمزة .مع ولاد العربي محامين عليه – نوال : اواااه – زادت فنانية دخلت وسط جوقة كان حمزة بوحدو هاز موس صغير محاميين عليه ولاد العربي كلهم غا المشرط لاخر كانو ثلاتة هازين المضى وغير تخسار الهدرة غير من سمطة لتحت حمزة قاطع فيهم ولكن كيكولو الحمية كتغلب السبع يجي يشد الواحد كيغدرو لاخر والغوات ديال كنزة لكانت حتى هيا عاد ساقت الخبار وجات كتجري ركابي خاينينها ولكن الكبدة عدوة تسمع ولدها تقاس راه تطير ماشي غا تجري ..داخلة وسطهم كتفك فولدها ..وصلاتها الخبار يحساب ليها غا كيتغانن خرجت بلا متعلم عصام لكان فبيتو ناعس قالت مع راسها بلا منعلمو نجرو ونجيبو بلا منكبر الشغل وغير شافت ولدها دوراتو الحمية بدات تغوت : غوتو لعصام ..غوتو على خوه ..شي واحد فيكم يمشي يغوت على عصااام – جاوبتها اخت هادوك دراري: مال هاذ عصام اش غيدير بسلامة غيطير ريوس مثلااا – كنزة : اهااااديك هاااا نت جمعي فمك مرانيش ندوي معااك تكمشي حسن ليك
– جات ختها تانية : ولا متكمشاتش اش غادي ديري ليها – هدرت مهم : جمعي ولدك اكنزة وغبري بلا منديرو راسنا فيك حتى نت ..تمشي تموتي لينا فيدينا – تسمع صوت فناينة لداز كلشي على ودنيها : نخااافك غير نت نيت لتموتي ليا فيدي ….- $فناينة كلشي تقبلو الا الحكرة مكتقدرش تصبر عليها وهي شافت كيفاش دورو كنزة – نقزت وحدة من البنات : ونت اش دخلك محامية كتخلصك الشهرية سيري ابنتي بلا متجيبها فعظامك وفداك الوجه تكمشي وسكتي – فناينة : هاذ التفرعين ديال بنات ال*حاب دايز عليا كلو ندخل فيك وفطاسيلتك كاملة ومعنديش مشكل دوري تقودي حسن ليك – كنزة جرت فناينة : بلا مديري راسك فيهم – تدخلت نوال. : لا غنديرو راسنا فيهم وبالزايد كاااع – بنت العربي : نت راك باقا مكتعرفنيش – فناينة :لا راني كنعرفك وكنموت على لبحالك…..
تكبتت بالمعقول القتلة عند البنات وعند الدراري ..فنانية بديك الغدايد ديال كيفاش دورهم وديك الحكرة طارت على وحدة من البنات خشاتها تحت منها كلاتها ماكلة حلفت منها لطلقت ونوال حتى هيا مقصرتش حارو فيهم الفكاكة ..كين غير حمزة لدوروه الدراري ملقى كيف يدير ولا حتى شكون ليجي عليه الغوت حمى ..شي لخلا عصام يحل عينه وسط نعاسو حك.عينيه مخسر سيفتو ساخط من هاذ الصداع لكيسمع ناض فتح الشرجم كيطل عرف كين مقاتلة ولكن شكون معرفش يلاه جا غيسد الشرجم ويرجع ينعس حتى نداه واحد من لتحت : راااه خوك محاميين عليه ولاد العربي – طلع حاجبو مزادش الهدرة دخل الكوزينة داغي وخرج كيجري بالزربة فدروج كلشي شهق ملي شاف عصام كانو ملامح وجهو مكيبشروش بالخير ابدا هاازها ربعة وعشرين باقا كتبري مد يدو نصل تريكوه لاحو مع دخلة مع هبط على واحد من ولاد العربي الكتف حتى طار دم معندوش مع الهدرة بزاف الدق والسكات ..كلشي غوت وشهق لاح الجنوي مد يدو لخوه نوضو ..وكل واحد فيهم شد واحد وتالت هو لضربو عصام لكتف خلاه مجبد فالارض خرجو ليها دراع بقااات غا فيا فيك ..حتى واحد ما زعم يدخل يفك اما واحد فناينة ونوال مطلقو من بنات العربي حتى خلاوهم كيشهدو .. فناينة قلبها تهز ملي شافت عصام كيفاش نزل على ولد العربي غمضت عينها مقدرتش تشوف ديك البشاعة تصدمت فيه ديال بصح متوقعاتوش بحال هاكا وقت كتشوف ديك المجزرة لكيدير عصام لدرجة قربت منهم بزااف هيا هاكا دايرة فيها نفس حارة سخونة حتى واحد مكيفك خافت طيح الروح توقع شي مصيبة سيغتو وكنزة كتتغوت على ناس يفكو وحتى واحد مزعم يفك خافت عصام يموت ليه شي واحد فيدو يمشي فيها فخطرة ..دخلت فناينة تحاول تفك وخا راها بنت ولكن نفسها مسحمتش ليها مع قربت ليهم كتحس بشي واحد جرها كان نفسو ولد العربي لضربو عصام لكتف معرفهاش شكون هيا ولكن ملي شافها بلي حمات على كنزة ودابزت مع خوتاتو عرفها كتجيهم شي حاجة من العائلة جرها حط ليها موس بو نقشة على وجهها هي غوتت بالجهد دار عصام بالزربة جات عينيها فعينيه اكيد عرفها هي نفس البنت لكارية عندهم شافها مرة وحدة وبقى عاقل وعرفها بلي دخلت راسها فهاذ المقاتلة وهزتها النفس على مو – عصام دوز يدو ماسح نيفو مخنزر فيه : كنقسم برب الكعبة وتقيسها راس ديال *حبة مك غنطيرو تزيد تحط عليها يديك دمك غادي نعاود نسيلو وديك الساعة من يد عصام لقبر – ولد العربي : غنقيسها وغنفوتها ليه غنخسرها واجا شدني ديك الساعة – عصام يلاه جا غيتلاح عليه كانت فناينة لعبت خفيفة ستغلت الوضع فين كانو يهدرو اصلا مع مكانش شادها بزاف وديجا هيا سبورتيف ولاصال كتعرف شوية ففنون القتال وكفاش دافع على راسها بحركة خفيفة منها كانت زواتو الكرش باللور ديال يديها وجرات فتجاه عصام ترمات ليه فوق صدرو شدها وشدت ليه فكتافو ودورها مور ظهرو كيحس بنفسها سخونة كتضرب ليه فظهرو العريان دوى معاها بلا ميشوف حيت نظرو باقي مركز على ولد العربي لقبالتو : سيري حدا مي وبقاي حداها -فنانية : انعام – عصام : ( بقلة صبر ) تحركي حداها يالاه…
غير مشات ، هو تلاح عليه شدو شدة وحدة .الخبيط ديال بصح عصام معندوش شي حاجة سميتها الحنان….كيخبط بلا ميهدر دق والسكات وفكل ضربة كيخلي بلاصتها لدرجة ولد العربي بدى يطلب فيه غا ربي يرحمو ولزاد من خوه باش يفكو الى مشى حتى فات حمزة محكموش يجي عند عصام يشركو هو ولكياكل دق تحت يدو حمزة زاد قوى بخوه ولاو فيه عشرة حتى هو جايب قاعتو ملي بقى منو الواحد رآه وراه الموت ..حارو فيهم الفكاكة ملقاو ميديرو من غير يعيطو البوليس لتعطلو باش يجيو كيف دايمن تعلااات الاصوات وزادت حمااات دنيا حتى دخلت الڤارݣو ديال البوليس جرو عصام من فوق خونا كان كلو كيقطر بالعرق وكينهج جروه جوج ديال البوليس وباقي كيطرطا زاد عليهم الثالت حيت جوج مقدروش يحكموه
– عصام دفع واحد من البوليس حتى كان على شوية غادي يختل توازنو : متشدنيش ا*بي – البوليسي : حاسب راسك مفرعن هاني غنديك فين تربا – عصام دفع حتى هاذوك لشادينو :القانون كنعرفو وعارف كري فين غادي غير بلا متبقى تصور عليا البواطة عندي ديقة وشاعل ودمي باقي سخون نقدر نغلط ونخرج فيكم كاملين معنديش مشكل دور تقود من قدامي – كان سطافيط محلولة طلع فيها لراسو محامل حد يشدو موسوس غا مع راسو تبعو حتى حمزة او واحد من ولاد العربي اما جوج الاخرين داتهم الاسعاف زادت سطافيط لخرجت غا بزز وسط ديك قشلة عباد الله لتجمعت ݣول غير الموسم عامر بداو التعليقات كل.وشنو كيقول دارو بالمجموعات
– …….: ياختي شفتي شفتي كيفاش دار ليهم انا بعدا بقيت غير حالا فمي – …….: انا رآه صدمني فيه حيت اصحبتي دري كيبان كااالم متوقعتوش – …….: انا كنت حظرت عليه مرة كيدابز دابا رآه طالعة أربعة سنين ولكن كانت غير دابزة صغيرة ماشي بحال هاذي ولكن حتى هيا سيل فيها دم تاني بسباب خوه اما هو مكين ليجبدو – ……….: ياختي كيضرب ومكيحنش فينما جاه هو زاد صعر غير من داك هشام شد ديك البنت ………:اجو بعدا شكون هيا شفتيها كيف حمات على كنزة ودخلات طول وعرض فدوك العويقاات اناري ياختي باينة فيها شالوطية شنو كتجيهم باينة غتكون من عائلتهم – ……: الا الخرا رآه هي لكرات ليهم خالتي كنزة – ……..: هاذو غير كارين عندها وهزتهم نفس عليها – …….: غتكون عينيها فشي واحد من الولاد عنداك تكون مصاحبة مع عصام ؟ – …….: منظنش اصحبتي هذاك المعقد غادي يتصاحب هو موسوس غا مع راسو -…….: حيت درتيه فبالك وقمعك ههه – ……: بزااف عليك قالاك قمعني – ……: مالكي تنكري مخلتي حتى محاولة مدرتيها غير تشركي معاه الكلام مخسر عليك حتى سلام الله، عليها دابا كتكولي عليه معقد – …….: وراه معقد نيت مكتشوفيش تصرفاتو غراب – ……..: كيجيني انا بحال شي متوحد والله -………: دري غا داخل سوق راسو وممضسر عليه حد رديتوه متوحد اناري ياربي السلامة -………: لا لا غا داخل سوق راسو وشد ولاد العربي طحنهم رد كلشي دم هاذ الشي غا داخل سوق راسو اما كون مكانش داخل خلاااص اش كان غيوقع كون دابا شوف تيفي جايا ناصبة الخيمة هنا ههههههههههه – ……..: ههههههههههه وايه ولكن غير بالعقل هو داخل شوي سوق راسو لمجبدتيه ميقيسك بعيب اصلا قليل فين كيبان بعد الخطرة كيغبر بثلت شهور بالربعة مكنشوف وجهو واش خدام شي خدمة خرا من غير داك الحانوت حيت شفتو مكيحلوش كاع قليل – ……..: ونت معندك ما يدار غير عساسة عليه – ………: واختي منكذبش عليك زين حبو مولانا – …….: اودي زين مشى يضرب العدس بحصو فالحبس….
نرجعو عند كنزة لغير تحركت السطافيط هازة عويناتها بجوج هاذ المنظر كيقهر اي ام اي ام متبغيش تشوف كبدتها غادا لداك لمكان الكبدة كتشوى دفع لقدامها ولوراها غير متشوف ولدها مشدودين عليه البيبان بديك الحرقة مشات كتجري لدار هزت جلابتها هبطت كتلبسها فالزنقة كانت فناينة واقفة: خالتي فين غادا واش غتبعيهم – كنزة دموع فعينها وكلها كتقفز – ايه ابنيتي ايه غنمشي نتبع وليداتي -كنزة مسكينة معارفة لا فين تمشي ولا فين تجي ولا شكون غتقصد غير ديك الكبدة للداخل ممهنيهاش ومقادراش تجلس وتربع يديها شافتها فناينة فديك الحالة شدتها : خالتي غنمشي معاك منخليكش تمشي لتم وحدك -شافت فنوال : نوال انا غنمشي مع خالتي بقاي نت فدار ..زيدي اخالتي زيدي -بتمارة عاد لقاو طاكسي حيت العشية لكيدوز كيكون عامر ركبو ومشاو مسافة طريق وكانو وصلو الكومسارية لشادة ديك المنطقة – دخلو كيسولو حتى واحد معطاهم شي خبار خرجو لبرا كيتسناو – فناينة كتاكل ظفارها بتوتر : خصهم محامي ضروري هو لغادي يقدر يكولينا الملف اش فيه – كنزة : الله على ولادي الله مشاو عليا بجوج فدقة وكي غندير اناري فحالتي وفين نعطي راسي – فناينة: ضروري ميكون شي حل دابا معرفتش المحضر شنو غيكونو دارو فيه الى كانت دفاع عن النفس غتكون القضية شوية مرخوفة دابا خص ندخلو محامي باش يجيغي القضية من الاول – كنزة : افينك المرحوم مشيتي وخليتيني وكي ندير فحالتي ابنيتي غير ݣوليلي كي ندير – باقين كيهدرو حتى كتنطق كنزة بسمياتهم : عصام حمزة – دارت فناينة حيت كانت عاطية بالظهر غير دارت شافتهم حلت فمها …مشات كنزة عندهم بزربة وفناينة بقات تابعاها كتمشى حتى لحقت عليهم كانت كنزة كتقيسهم بلهفة وفرحة مغمرة عينيها علاش وهيا كتشوف وليداتها قدامها – كنزة : الله ياربي على وليداتي ياربي حمدتك وشكرتك – فناينة هدرت بدون متحس : كيفاش طرا نتوما يلاه جابوكم هنا و حنا يلاه كنا غنشوفو ليكم محامي وكان خصكم تقدمو عند وكيل الملك وتحاكمو كي درتو خرجتو بهاذ السرعة اويلي – شاف فيها عصام طلعها وهبطها بنظرة ممفهوماش او قلب شوفاتو لمو ..اما حمزة ضحكاتو طريقتها فالهدرة هي عاد حست على راسها اش قالت عضت فمها بتوتر ودوات بشوية : على سلامتكم – عصام بدون ميهتم شاف فحمزة : ديهم لدار وسير من بعد ونتبعكم عندي ميدار – كنزة : قولي اولدي كي درتو خرجتو ااااا واش تسامحتو ولا كيفاش مفهمتش – عصام : من بعد اكنزة من بعد غنمشي نقدي شي شغل حتى نجي – نطقت فناينة: يلاه نخليكم حتى انا غنمشي عندي شي غراض – جات غتمشي – هدر عصام بقلة صبر : تحركي معاهم لدار جيتي مع كنزة معاها غترجعي – فناينة معجباتهاش طريقتو فالهدرة : لا خويا شكرا حتى انا عندي ميدار – عصام : نقصي من الهدرة وتحركي معاهم – فناينة : شفتك بحال إلى باغي تحكم فيا
عصام بقلة صبر جمع يدو : غنضرب ديلمك حتى ميلقاوكش قودي من قبالتي حسن ليك وبرك من الزيادات
فناينة خنزرت فيه : تحط عليا يديك، ديك الكومسارية غنباتو فيها بجوج انشاءالله ،مبتيش فيها مع ولاد العربي غتبات فيها مع فناينة ….
فناينة خنزرت فيه : تحط عليا يديك، ديك الكومسارية غنباتو فيها بجوج انشاءالله ،مبتيش فيها مع ولاد العربي غتبات فيها مع فناينة – عصام حك وجهو مطلع فيها حاجبو وداير فيها شي شوفات : الطيران ديال البراهش ماشي معايا انا ، هدرت تحركي معاهم يااالاااه – جات غتجاوبو قاطعتها كنزة : مالك اداك المسخوط مع البنت شدارت ليك كتنفخ وتفش عليها هاذي هيا الله يرحم الوالدين عشية كلها وهي مجرجرة معايا – عصام بلا ميهتم : حمزة ديهم وسير – كنزة : ( جرتها غادين ) اجي ابنتي الله يرضي عليك زيدي زيدي مديش عليه رآه معندو عقل – فناينة : لمكانش عندو العقل يبوانتيني عندو رآه انا لغنرد ليه العقل – كان زاد عصام بحالو ملي هدرت هيا مسمعهاش اما كون ملقاو فيها ميجمعو – كملو طريقهم غادين فضلو يمشيو غير على رجليهم – كنزة : مديش عليه ابنتي هو غير خاف عليك يتعرض ليك شي واحد عليها بغاك تمشي معانا – فناينة : خالتي ولدتي الزين ايه ولكن رآه معندوش اسلوب الحوار – حمزة شاف فيها بعينه فيهم دموع ديال الضحك : دخلنا عليك بالله شكون نت – بابتسامة : فنانية – حمزة : ومالك كتكوليها ونت فرحانة بها هههههه واش نت لكارية عدنا لتحت – كنزة : على سلامتك عاد طفات عليك الشمعة هي لكارية عندي ولقيت فيها الخير لملقتوش فولادي غير فقصتوني فصحتي اش داك نت لولاد العربي ااااا اش داك كتموت على المشاكل – حمزة : وهوما لجبدوني انا كان عندي المشكل غا مع واحد حتى جاو خوتو تحماو – كنزة : ونت اش داك لداك الواحد اصلا – حمزة : هو لجبدني اكنزة تزايدنا فالهدرة ومتفاهمناش -كنزة : لعايرك ليك مك كوليه الله يرحم ليك الوالدين مخصك صداع شوف فين وصلتينا – فناينة : وتاني متزديش فيه اخالتي يجبدو ويسكت ليه – حمزة : يرضي عليك اختي فناينة ݣوليهاليها – كنزة : ايه حيت حتى نت بحالو مخليتي فالبنات غا لنسيتي كون ماتت ليك نت شي وحدة فيديك فين كنا غنوليو جايا تقراي تصدقي مجرجرة فالمحاكم – فنانية : ومالها خسارة فيك اخالتي – حمزة ضحك مخربق لفناينة شعرها : منين جبتي هاذ البنية اكنزة تبنتيها وحنا مفراسناش غا هي سايبة وفمها سليط ومنصحكش به مع عصام -فناينة خنزرت فيه: واش خشاني انا فهاذ عصام شبيني وبينو – حمزة : انا غا قتليك مشفتيهش كي بقا كيدير فيك قبيلة شوي. ما يتلاح عليك يدير ليك كثر ما دار لولاد العربي -فناينة : فناينة ماشي هي ولاد العربي – حمزة : اه هاذي كاينة الله ياودي باينة فيك عويفية مع راسك – فناينة: اوا حسن ليك غا خاف – حمزة : هاني خايف دابا اجي نكوليك متحاميش على خوك ياختي كيشدني عصام شوي ما يقتلني ..خصك تبقاي تحامي عليا – فناينة: نت غير پيبي عليا أو ولا عليك مالو غادي يخلعنا شكون يكون هو كااع – حمزة : هو عصام هههههه- فناينة: اوا بزعطة لكان عصام – كنزة : اتا بعد من البنت اهذاك المسخوط ..ݣولي كي درتو واش باقين غادين ترجعو .باش سالاوها معاكم – حمزة : والله امي معارف شي حاجة غير دخلنا انا هبطوني لتحت تفرقت على عصام شوي حتى جاو عندي ݣالولي خرج وكان عصام كيتسناني سولتو كيفاش طرا قالي عندي شي معارف دخلو ومعاودش زاد معايا الهدرة حتى المحضر مقيدوهش بحال إلى مجيناش هنا كاع – كنزة : اودي الله يدير شي تاويل الخير غير ملي خرجت طريفة لاباس( ضرباتو) ونت عود دخل سوق راسك وبعد من الصداع – حمزة : هاذ المرة صداع غندخلو فيه انا وفناينة ياك معايا – فناينة:نت غير غوت لي ورجع لور نعجبك ههههه – كنزة : نت بعد من البنت جات تقرا على راسها خليها تقرا على راسها ،……
كملو طريقهم شوية وصلو لدار تعشات العشية وظلام الحال واكيد من بعد كل مدابزة كتجي وراها التحاليل والتعاليق وهاذي هي السيرة لكانو يدويو فيها البنات – نوال : انا مكين لسالة معايا من غيرك نت ههههه ياكما هزاتك نفس على عكوزتك- فناينة: ومالي متهزني نفس – نوال : حتى انا كنت هاذي شحال مدابزت بردت غدايدي فديك شطابة الحبس – فناينة: فراسك تصدمت فيه – نوال: فشكون – فناينة: فعصام الخرا فيمن كان ياختي يبان كااالم وميجبد صداع ميدابز ما والو والله متوقعتها منو انا كنت نقول لمشى حتى جا غير غادي يحاول يهدن الوضع ويفك خوه ساعة اختي دخل دخل وحدة دخل شاعل مسول حد مدوى صوتو متسمعش مدارش الحس غا جا نزل عليه نزلة وحدة جبدو فالارض قبيح ياختي انا خلعني كيضرب بلا ميحن فين ما جات – نوال : نت شفتي غير هاذ الشي مشفتيش ملي مشيتي كطيري داخلة وسط منهم اش يحساب ليك راسك نت هاهو كون خسر ليك وجهك بصح – فناينة: وانا بقات فيا خالتي كنزة كتغوت حد مبغى يفك دخلت وسطهم بلا منحس حتى جرني لاخر وحط لي الموس على وجهي عاد طلع معايا القالب – نوال : حفظك الله خرجات ليك بسلام – فناينة: غنقوليك ومضحكيش عليا ملي جا عليا عصام وكيفاش دوا مع لاخر وملي دارني وراه حسيت بگري بحال إلى كنمثل شي فلم ههههههههههه فرحت فرحت هههههه – نوال : نت هاذ عصام شفتك نهار على نهار عاد مكيزيد يعشش ليك فمخك من بعد داك الشي لطرا اليوم مبقيتش مامنة واحساسي يكولي داك عصام ماشي نورمال وماشي طبيعي فعقلو نخاف عليك منو – فناينة: علاش مالك شفتيه مقنتني ولا كنبات نتمعشق انا وياه بيني وبينو غا الخير ..نعستي نعسي رآه نت لوليتي دابا انورمال …راه غير كنضحك وصااافي – نوال : رآه عارفاااك نت غا كضحكي نخافك غير شي نهار تزبيلها قدامو ويتجبدو المشاكل – فناينة حتى كانت غتعاود ليها اش طرا بيناتهم قبيلا ومرداتش عارفة نوال غتبقى شادة فيها عليها فضلت تسكت -فناينة : انا رآه راسي مفروع مربجة والله -نواال : واش على قبل بروجي ديال فان ديتود – فناينة: واه باقا ضايخة معرفتش علاش غنخدم وعاد زايداها معطلة ناس قراب يساليوه – نوال : نت مبغتيش ديري داك الشي لداروه ناس – فناينة : شي خدم على التوحد شي خدم على الانفصام على للاكتئاب على الأزمات ..كلشي خدم على المواضيع المتداولة انا مبغيش هاذ الشي مبغيش نخدم على المعتاد وممقتانعاش بهاذ الشي – نوال : ايه وشنو. عندك شي حاجة فبالك من غير هاذ الشي ؟ – فناينة : فكرت فواحد الموضوع هو فالصارحة قليل لكيعرفو وملي قتارحتو على البروف رضا عجبو هو لزاد زعمني ولكن باقا مترددة حيت مكينش فيه معلومات كافية- نوال : شناهو – فنانية: اضطراب ثنائي القطب – نوال : شناهو هذا تاني اول مرة نسمعو – فناينة: هاذ الشي علاش قتليك ماشي كلشي عارفو او موضوع غير متداول ….
نوال : ايه وبداي في الخدمة اش كتسناي – فناينة : واه راه بديت البحث ديالي ولكن دوك المقالات ديال ݣوكل واليتويوب مفادوني بوالو نفس الهدرة كتعاود وكيف كنت قتليك ملقيتش شي معلومات كافيه تستاهل تكون فالمقال بغيت شي حاجة ملموسة انا – نوال : لفهمت منك هو خصك ديري البحث ديالك على شي شخص معين مصاب – فناينة: داك الشي الله يرضي عليك – نوال : ايه وفين غتلقاي هذا بنادم – فناينة: وخا يكون كين راه هاذ المرض قليل الاطباء لكيشخصوه نوعا ما مكيعتارفوش به اصلا حنا كمجتمع قليل فينا اصلا لكيعتارفو بالامراض النفسية يقدر يكون هو غير مريض نفسي يردوه مسكون وميخليو به حتى فيقه حتى يشيروه ديال بصح – نوال : ايه قليل فين كنشوفو شي واحد دا ولدو عند طبيب نفسي كيخليوه حتى يولي يضرب بالحجر تسولي اش طرالو يقوليك مسكين دارو ليه التوكال الله يهدي مخلق وصافي – فناينة : دابا دويت مع البروف رضا او واعدني انه غيعاوني يشوف لي شي شخصية من الواقع ندير عليها البحث ديالي كيعرف هو واحد البسيك يقدر يعاونو – نوال : هاذ البروف رضا خدام معاك بعدا اش تم غا ݣري ݣري – فناينة: والله مكين شي حاجة غا بلا ميهرب عقلك لداك جيه غير كتعجبو خدمتي وقرايتي عليها كيبغي يعاوني متنسايش رآه شوكر دادي – نوال : ومالو راه مزال شباب ومتوتز
دازت سيمانة فهاذ سيمانة معاودتش طلقات هي وعصام من غير حمزة لتقربو ولاو اصدقاء ، فالويكاند عاد طفات عليهم الشمعة ومشاو لدارهم فناينة كون مكان ضروري خصها تمشي تجيب شي وراق وپيسي ديالها كون ممشاتش مكتحملش. كاع ترجع لعندهم دخلت لدار لقات غير مصطفى لمشبوح فوق سداري شافها تكعد : جيتي – فناينة: لا باقا -مصطفى : جاب الله اري اري شي مئة درهم نخرج ندير غير قهيوة – فناينة: اتا سير فحالك راني جايا من القرايا ماشي جاية من الامارات – مصطفى : تحليك لفمك كتغلبي عليا غا انا هاهوما جايين لغادي يقادوك هوما لكيعرفو ليك – خنزرت فيه ضربت فيه وزادت لبيتها حطت الكارطابل وبدلت حوايجها ..حطت تليفونها يتشارجا يلاه غتكى ترتاح من دوخة ديال الكار تفتح عليها الباب بجهد غا شافتها دورت وجها لجنب : الخرا كي داير – حليمة : اعلى سلامتك مكنتيش ناوية شفتك عزمتي تم شوية ميعطيوك شهادة السكنى تم – فناينة: سيري احليمة سيري خلي هاذ ليلة دوز على خير جايا عيانة مناقصاكش – حليمة : شو كي كتهدر لا اجي ضربني نيت هاذ الشي لبقى : فناينة: سيري اختي الله يبعد بلايا على بالاك شبيني وبينك – دخلو خوتها جوج ملي سمعو صداع – حميد كيخرج هدرة ودفال : اش كاين هنا تاني – خالد : امالك اديك لفعى كدوري حتى تعيااي فزناقي ديال قنيطرة وتجي تنفخي لينا راسي – فناينة كترعد كلها : هي لجاية نافخة ليا راسي داخلة هاجمة عليا بلا موجب شرع -حميد : نت مغتقليش عليك هاذ المرا ركبتي فيها السكر فوتي عليك مي حسن ليك اديك اللعابة – خالد : وغتحتارميها بزز منك والا مغيعجبك حال نيت نت راه رجليك خرجو الشواري طلعتي لسما ومبقى قاد عليك حد….
حليمة : خليوها راها شابهة ماشي تالفة شابها الشيخة ديال مها خطافة رجال – فناينة خرجت فيها عينيها : تعاودي تجبدي مي على فمك حلاقمك نجبدهم ليك مقاستك بعيب راها فقبرها ولكن بنتها باقا فالحياة – جرها حميد من شعرها زدح ليها راسها مع الحيط : اجي لهنا اصلا حالف على مك اليوم يتجمع دوار كامل ميفكوكش مني ا*حبة قنيطرة – دخل باها داير يديه من وراه : اش كاين هنا ادوك المساخيط – شافها – ونا نكول علاش كين الصداع ݣول مجبد البلا جاااات ..- فناينة ساطت نفس سخونة : كملت نت لكان خاص تحامى مع ولادك – حمد : غتنقصي من هاذ الطيران لفيك وغتحتارمي خوتك ومرات باك تبارك الله مغتحتارمهمش غنشوف شغلي معاك هاني كنعلمك – فناينة: قبيلة الحكارين معرف باش غتلقاو الله – شافت فباها- ونت بالخصوص حيت مكتحكمش بالحق ومدايرش العدل بين ولادك من عندي انا الله يعطيكم الغراق كاملين بجملة حتى واحد فيكم مكيهمني – حمد : حيدو طلقوني عليها حيدو – جرها صرفقها – فناينة: غا ضرب ضرب مبقاش يݣر فيا – دخلت اكرام وسط منهم كانت عاد هبطت من طرونسبور ديال القراية سمعت صوت فناينة عرفتها جات وكيف العادة منوضاها مع خوتها ومها عندها 19 العام صغر من فناينة ب ثلت سنين …- جرت فناينة من يد باها ودخلو لبيتها وسدت بساروت – اكرام : الله ياختي يا فناينة مالكي على هاذ الحالة جايا شاعلة – فناينة: مك لكتسناني غير وقت نجي باش تجبدني – اكرام : مي راكي عارفاها نت لمبغيتيش تخوي راسك منها خليها تهدر حتى تشبع تهدر وتسكت ياااه – فناينة : هاذ دار تجمعو فيها غا ولاد ال*حاب – اكرام : شوف الشالوطية جمعتنا كلنا بجملة ختي انا اش درت هههه – فناينة كتقيس وجهها : بغاو يخسرو ليا وجهي الله يعطيهم ضربة ..- اكرام خدات بوماضة دهنتها ليها : شي نهار تجي فيك شي ضربة ما شي هيا هديك – فناينة: نت عاد خرجتي – اكرام : عاد خرجت عييت ياختي جايا ناوية غير نطيح نركد حتى لقيتك منوضاها – فناينة: دوك شماكرية ديال خوتك مبغاوش يقلوني حتى شي نهار ندير ليهم شي فضحية نخلي كلشي كيدوي فيهم غا بلاتي عليهم – اكرام : اممممممم – فناينة: كي غادا مع القراية – اكرام : مزيان وهداك صافا – فناينة: ملي تشدي العطلة طلعي عندي القنيطرة لبقيتي مع هاذو غيسوطيوك – اكرام ميلت فمها بحزن : حليمة مغتبغيش – فناينة: ملي تشديها ݣوليها لي ونشوفو هاذ حليمة مغتبغيش كي دايرة – اكرام : نت فوقاش راجعة – فناينة: غدا اصلا جيت ناخد غا البيسي ديالي – اكرام : كون غا قلتيها ليا كون صيفتو ليك – فناينة: نت ساليتي بيه ؟ – اكرام: اه ساليت بيه غير ديه – فناينة بقات تشوف فيها جرتها عنقتها : اجي اجي توحشتك – بادلتها العناق اكرام :حتى انا توحشتك بزاااف اختيتو الغزالة مغنسخاش بيك ملي غتمشي غدا كون غير زدتي جلستي – فناينة : باغاني نجلس باش نطيح الروح انا ومك – اكرام : ههههههههه لا صافي غا سيري – نعسو ديك ليلة فحضن بعضياتهم واخا خوت غير من الاب او حليمة كتعيي تحرش اكرام على فنانية لكن مكتسوقش ليها علاقتهم زوينة بزاااف وحنان على بعضياتهم سيغتو فناينة كتحن عليها بزاف معناويا وماديا خص غير تكون عندها الفلوس كتصيفت ليها بلا هي متݣول &شرقات الشمس باقين ناعسين حتى دخلت عليهم حليمة – فناينة: صبحنا على الله وملكة الرحمان…..
حليمة : خصنا نخملو دار خص نخرج كلشي – فناينة: حتى كنجي انا احليمة عاد كيبان ليك تخرجي دار ياك غاد كيبان ليك كلشي يتهز والواني يهبطو شفتك نت ولفتيها فين ما نجي خص كلشي يدوز عليا كتخلصيني لشهر وانا مفراسيش – حليمة : ياك الخانزة حيت ولفتي الخنز نجبرك كاع ديور ديال عباد الله طليتيهم بخنزك – اباردة اليدين – فنانية غمزتها : حارة عليك فين ما جيتني نحنتك ونحدهم ليك والخنز منك طالع طلعي هزتك عينيك فسقف شوفي العنكبوت عشش فيه غير بخنزك تقيلي نهار كلو ونت غا من فقيه لفقيه وسامحة فدار لقريب دود يخرج منها – حليمة : بزاف عليك وعلى لولداتك يا كيتك يا خلاك البايرة قدك دارو الولاد ونت مزال كدوري نجبر كاع ولاد قنيطرة دازو عليك وسمحو فيك – اكرام : ونعلو الشيطان اعباد الله – حليمة : نت علاش ناعسة معاها ياك كنكوليك بعدي منها ما هيا من سهمك ما نت من سهمها تبقاي متبعاها غتخرج غا خليك – اكرام : وقيلا نسيتي راها ختي- حليمة : ختك منين جاتك مولدتهاليكش من كرشي – اكرام : سيري خرجي فحالك احليمة الله يرحم باك رآه نت لكتجبديها راه والله لفكيت – فناينة: غا خليها انا لغنخرج نقود فحالي – هزات كارطابل ديالها خشات فيها لبيسي والحوايج لجابت معاها وشي حاجة خلاتها الاكرام سلمت عليها وخرجت دازت عند نوال جلست حتى تغدات معاهم عاد خرجو راجعين لقنيطرة وصلو دخلو رتاحو شوية عاد ناضت فنانية: نوال هاني غنطلع نشوف غا حمزة واش كين شفتو صونا ليا ومسمعتوش نشوف غا شنو باغي نيت نطل على خالتي كنزة – طلعت الفوق دقت جاوبتها كنزة : زيدي افناينة دخلي – دخلت مبانتش ليها : فينك اخالتي – كنزة : هاني فالبيت زيدي – دخلت عندها كانت جابدة واحد الباليزة فيها شلا ورق مشتين كتقلب فيهم: على سلامتك عاد جيتو ؟ – فناينة: جينا قبيلة شوية مالكي مخشية وسط هاذ الورق كتقلبي على شي حاجة – كنزة : واحد الورقة عندي طلبوهالي فالمحافظة بغيت نحفظ غير ديك البلاد لعندي فنواحي الحسيمة من قبيلا وانا نقلب عليها ملقيتهاش وسط هاذ قشلة الورق حتى العينين لنشوف فيهم ولاد غا على قد الحال – جلست حداها مربعة رجليها : انا نقلب معاك – قالت ليها اينا ورقة و شدت الورق وبدات تدوز ورقة بورقة وشي ورق كاشفين تقسيهم يتقطعو – فناينة : مالكي جامعة عليك اخالتي هاذ الوراق كاملين عزلي غير المفيد حطيه وحدو وشي لاخر لمعندك مديري به لوحيه -بقى كتهدر حتى قلبت ملامح وجهها باستغراب مركزة نظرها فداك الملف لفتحاتو كتقلب فيه – كنزة : لقتيها ؟ داك الملف فيه غير وراق طبيب ديال عصام – فنانية كتقلب وكتقرا ورقة بورقة وعلامات الصدمة على وجهها هزت عينيها فكنزة : عصام واش مريض نفسي ؟ – كنزة : فواحد الفترة ملي كان صغير كنت متبعة ليه مع طبيب نفساني – فناينة كتنطق بشوية حروف داك الشي لكتشوف : trouble bipolaire
لهي اضطراب ثنائي القطب واش اخالتي هاذ الشي لمشخص فالوراق هو لنيت لݣالوليك طبيب واش عصام مريض ثنائي القطب ؟…..
كنزة : داز شحاااال ابنتي على هاذ الشي وعصام نعقل ديتو غا شي جوج مرات وبزز باش با يمشي معايا لعند طبيب وهاذو وراق لعطاني طبيب ممعرفتش اش فيهم حيت مكتوبين بالفرانساوية – فناينة بثوتر ظاهر على ملامحها : غير بشوية وفهميني نت باش ديتي عصام لطبيب شحال كان فعمرو وعلاش شنو الأعراض لكانو فيه – كنزة : اش نعاود ليك ابنتي واش فداك الشي منتفكر ..كي نتفكر داك الشي قلبي كيولي دم – فناينة: غير عاودي ليا اخالتي غا عاودي – كنزة : عصام فصغرو بسلامتو كان مجهد .. مراهقة جاتو صعيبة بغى يطير ديك ساعة كان يقرا فالكاطريام كان عندو واحد صاحبو عزيز عليه بزااف كان يفارقهم غير النعاس سميتو نبيل الله يرحمو فهاذ نهار – فنانية : مااات – كنزة : عصام ونبيل كانو فين ما كين شي مصيبة مخشين فيها عيى باه بوسلهام ما ينهي ويضرب وجهد عصام مغبى يتقادى غير من مصيبة لمصيبة حتى لداك نهار لغتوقع فيه ديك المصيبة لكبيرة – فناينة: اناري شوقع – كنزة : داك نهار وقعات مصيبة ماتت فيها بنتي ونبيل – فناينة: كانت عندك بنت – كنزة دموعها طاحو بحرقة كنتهدر وتنخصص : ايه كانت عندي بنية كانت صغيرة عندها غا عام – فناينة : ( متأثرة ) كيفاش طرا باش ماتو – كنزة : اية كانت تحماق على خوها عصام فين ما تشوفو تبقى تبكي وكتلصق فيه داك نهار نيت لصقت فيه داها معاها لدارهم ديال نبيل مكانوش والديهم كانو غير هوما وݣاليك ناضو يصايبو المعجون ويخلطو شي تخالط ….- فناينة : ( بخوف ) وشنو طرا من بعد – كنزة : عصام خرج يتسخر معرف اش كان مشى يجيب وخلا ختو ونبيل فدار وديك اللحظة فاش خرج عصام طرطقت عليهم البوطة كاز الكبيرة -بدات كتكحب بكثرة البكا ودكريات الأليمة لرجعت ليها ناضت فناينة كتجري جابت ليها كاس الما وبدات تسكت فيها وحتى هي دموعها كيطيحو من هاذ الشي لسمعت حسات بها حيت صعيبة بزاااف وكرهت راسها حيت فكراتها فهاذ الشي – فناينة بقهرة : غير سمحيلي اخالتي فكرتك فهاذ الشي – كنزة : علاه انا نسيت بعدا باش تفكريني تشويت فكبدتي من وراها طحت مدة وانا شادة الفراش حتى حضرت عقلي وعرفت داك الشي هو المكتاب ولله ما اعطى ولله ما اخذ مجيت نوض لقيت عصام حالتو تكفست قطع الكلام مبقى يهدر ما بقى يتكلم تصدم صدمة خايبة. وهو باقي صغير انا ملمتوش حيت داك الشي كان مقدر ومكتوب لقيت راسي لا انا بالبنت لا انا بالولد ..دري مشى فيها – تخنقت عاود بالبكا وفناينة كتبكي معاها – كثرو عليا بالفتاوي شي كيكولي دري حماق شي كيكولي دري تقاس شي كيكولي غا مصدوم شي كيكولي رآه مخطي خصو الفقيه كل ويلغي بلغاه انا وباه الله يرحمو مبغيناش نسمعو لهدرة ناس وديناه لطبيب نفسي ملي خرج ليه دوا وبدى يشربو تم حالتو تبدلت للاسوء ولا غير يهرس ويدكدك لدرجة ولا يادي راسو رجعنا لطبيب.قاليك مزيان دوا بدا يدير مفعولو حسن يخرج داك الغضب لفيه حسن ميبقى مخبيه عندو ..وانا كنشوف دري عاد مزايد فيه يكون يهدر خير سلام حتى ينوض ينفاعل….
فناينة : دابا فهمت هاذ التشخيص لكين فهاذ الوراق كان من مور ما خدى عصام جرعات ديال دوا – كنزة : اه يمكن هاذ تحاليل حتى وليت رجعت لعندو ملي شفت حالتو كيفاش ولات ملي ولا ياخد دوا – فناينة : هديك الصدمة وداك الغضب لكان كاتمو تحول ليه على شكل مرض اظطراب ثنائي القطب …واش باقي مريض به لدابا ؟ اه اكيد باقي مريض به هاذ الشي باين غير فتصرفاتو لمريضة واش اخالتي اهو كبير معاودتش مشى لطبيب – كنزة : لا ابنتي من داك الوقت لكان يمشي غا بزز دابا منقدرش نجبد معاه حتى الموضوع غير نجبد حسو ينوض يغوت ويدكدك ليا كلشي – فناينة : حسن ملي قطع داك دوا او معاودش شربو حيت كون بقى متبعو كون رآه حماق ديال بصح دوك الأدوية خايبين بزاااف وكياديو العقل بشكل مباشر ..معظم الأمراض النفسية كيكون العلاج ديالها فينا حنا نقدرو نعالجو راسنا براسنا ..عصام اخالتي تصدم صدمة خايبة وزدتي حتى نت طحتي فالفراش يعني كثم عندو مخرجش داك الشي لكيحس به هو لخلاه يتكون عندو ديك العقدة كان خصو غير ليمن يعاود ويخوي قلبو شفتي كون غير بكا ويفرغ ديك الطاقة السلبية كان غادي يرتاح شوية على عكس الى بقى داك الغضب لداخل سيغتو وانا حاسة بيه عارفة غادي يكون كيحمل راسو المسؤولية عليها بقى داك الشي مأثر عليه اما داك الشي كان مقدر ومكتاب عصام قدر عليه الله يخرج يتسخر فداك الوقت وينجى من داك الحاذث اونبيل قدر عليه يموت وعمرو يتحد فداك نهار أما اية كانت صغيرة مكانتش من اهل الدنيا كانت غير ملاك وهي لغتوقف ليك غدا قدام الله وتجر بيديك الجنة فكل توجيعة توجعتي عليها – كنزة : انا معمرة قلبي بالله ابنتي عارفاه غير مكتاب وتصرف – سمعو الباب تحل دخل عصام كان غادي عند مو شاف فناينة مدوا متكلم زاد نيشان لبيتو – توادعت معاها وهبطت يومين وهي غير كتخمم فهاذ الموضوع شغل ليها بالها بجهد حتى نوال مابغات تݣوليها والو فاالاول مترددة كتشوف فعصام هو المشورع ديالها هو الشخصية لكتقلب تدير عليها البحث ديالها ولكن كيفاش غدير طاحت ليها فكرة فبالها ولكن مزعمتش لدالك قررات تشاور نوال …عاودت ليها اش كاين من غير متجبد لديطاي لعاودت ليها كنزة ..كتفات غير تكوليها ان عصام مريض ثنائي القطب وصافي مݣالتش ليها كلشي – نوال : سيري عندو نيشان وݣوليه يعاونك ويخليك طرحي عليه أسئلة – فناينة: منقدرش ومغيبغيش ولعرف خالتي كنزة عاودت لي غيتعصب عليها المرا تاقت فيا وعاودت ليا مبغيتش نحطها فشي موقف خايب – نوال : فناينة قوليلي شنو فبالك رآه كنعرفك ملي كتبقاي دوري فعينيك كنعرف فنيتك شي حاجة غير نطقي نطقي اش باغا ديري – فناينة : بغيت ندير ليك كاميرة فبيتو غير لمدة ربعة وعشرين ساعة نشوفو غير من كيبقى بوحدو كيف كيتصرف صافي غير هاذ الشي – نوال : اويلي غير هاذ الشي نت واش كتقلبي تمشي الحبس عارفة هاذ الشي فين يقدر يوصلك ولا معارفاش – فناينة: حتى واحد مغادي يعرف خص ضروري أشرطة فيديو ف المقال ديالي غير نهار ونحيدها مغيوقع والو وحتى لتسجل الفيديو غادي نخبع ليه وجهو مغاديش يبان هو ومعندو منين يعرف – نوال : نت كتقلبي ديري شي فضيحة انا غا نخرج سوقك ديري لبغيتي – فناينة : بصح خايفة ولكن مبقى عندي حتى حل استاذ رضا مشغول وقلب وملقاش داك الشي لبغيت ..عصام هو PFE ديالي الى بغيت نعطي حاجة زوينة وندي ليسونس بالموسيو -نوال: واخا الآلة كي غديري دخلي لبيت عصام وشمن كاميرة غتحطي….
فناينة : غير كاميرة صغيرة هاهي عندي خدامة – وراتها ليها – غنحطها فشي فبلاصة فبيتو تكون مخبية غير ليلة ونحيدها – نوال : وبيت عصام كي غدخلي ليه – فناينة : عارفة شغندير – شرقات الشمس وجا غدا نوال مشات تقرا وفناينة طلعت لعند كنزة – فناينة : خالتي انا اليوم مقارياش وحتى لخدمة عندي روپو نعاونك فالشقا ؟ – كنزة: لا لا ابنيتي بلا متمحني راسك – فناينة : الله يهديك اخالتي نت عيانة مغتقدريش على دار بوحدك واليوم الشميسة غنخرج ليك دار كاملة – كنزة : لا لا ابنتي بزاف عليك والله غير خليها رآه كنت باغا نجيب شي مرا تعاوني وندور معاها – فناينة : تجيبي المرا وانا هنا انشاءالله انا لغندور ليك بهاذ الدار اليوم نردها تشعل شعيل الحيوط نحكهم ليك نت غير جلسي تفرجي – كنزة : نت مالك ابنيتي عزيزة عليك ثمارة كتحشميني والله – فناينة :صلي على نبي اخالتي مالي شغندير كااااع -كفدت فناينة على كمامها وتنات سروالها وبدات شغلها طلعت سدادر وكاع داك الشي لخصو يطلع لسطح يتشمش وبدات تسيااق والحكان لقات دار بصح موسخة حيت كنزة شحال مخملتها داك تخمال نيت ولات قليلة الصحة جمعت فناينة دار من نيتها تسيق وتعاود – كنزة : غا بشوية عليك اهاذيك البنت جلسي ترتاحي – فناينة : غندخل حتى البيوت نشوف فيهم اش يتجمع – كنزة : غير بيت حمزة نجمعوه انا وياك اما بيت عصام بلاش – فناينة: علاش مال بيت عصام ؟ ….
كنزة : كيكوليك ابنتي منقربو ليه لبيتو كيݣوليك غا يجمعو راسو – فناينة : شمن يجمعو راسو هو وجميعو داك البيت غيكون نايض عندو فيه الدود – كنزة : اودي خليك كملي هنا انا غنجمع بيت حمزة -دخلت كنزة لبيت حمزة وهيا ستغلت الفرصة ودخلت لبيت عصام شافتو داك نهار ملي كان داخل ليه وعقلت عليه ..بقات تشوف فالبيت عادي ممرونش بزاف قلبت على بلاصة مزيانة مبايناش و حطت فيها الكام عاد خرجت من بعد متاكدت ان كلشي مزيان ..خرجت كنزة هازة الوسخ فيديها -فناينة : هاذوك خصهم يتصبنو – كنزة : ايه نصبنهم – فناينة : شوفي عصام واش عندو شي وسخ انا نصبن عليك اخالتي -كنزة : لا لا لواه ابنيتي منعيقش عليك حشومة كاع – فناينة: الى بقيتي تكولي هاكا عاد غادي نتقلق ونتخاصم معاك ياك كتݣوليلي بلي انا بنتك اوا خليني نلعب معاك دور الابنة المطيعة ههههههههههه شدت من عندها : جيبلي حتى حوايج عصام نصبنهم – داز الوقت جات نوال طلعت نيشان لعندهم ستغربت من داك الشي لدارت فنانية ولكن محكرتش عارفة صحبتها راسها قاصح ،،،عاونتها هبطت داك الشي من السطح وعاودو فرشو داك الشي غير هي فناينة تفننات وعاودت ليها ديكور ديال دار قلبت الفراش كامل صايبت وقاددت كلشي لدرجة كنزة فرحات حست بتغير والبهجة دخلات لدارها وريحة نقا فكل جيه بقات دعي مع فناينة وتقول مدعيت تعنق فيها وتبوس وترضي عليها دنيا واخيرة – عمرات ليهم كنزة كاس ديال اتاي مشحر وحطت الحلوة ودارو عليه مقشبين حتى نقزت نوال لاصقة ففنافية تغني ليهم – كنزة : وصافي ابنيتي غني غني – نوال : والله حتى صوتها زوين وغني لينا الخرا – فناينة: احم احم يلاه بداو معايا .وييييه الله الله وييييييه اللله الله اللله وهااا الله الله – نوال : دابا يحن مولانا فناينة : وياااا الميمة و هذا حالي -نوال : لا اله الا الله – فناينة : وفدنيا واش جرالي … نوال : لا اله الا الله – فناينة : ويا الحنينة وراني بنتك لا اله الا الله وسمحي ليا الى عدبتك لا اله الا الله …وسمحي ليا لمحنتك – حماو طرح بتطباال فناينة طااالقة حلوقها حتى دخل عليهم عصام مخنزر عاقد الحداش لابس فوقية كحلة خنزر فيهم بجملة جمعهم كاملين …فناينة غير شافتو قلبت الأغنية كتغني وتشوف فيه : والى جااا دارو عالية كتسول عليه والى جا جلابتو رقيقة حبة حبة والى جا كتافو عراض وديال السلهام والى جا صباطو مسيري حدو القدام والى مجاش نمشي الريف نسول عليه ههههههههههه – هي باقا كتغني هو زاد الكوزينة قاس كاس بديه طاح تشخشخ غوت بسمية مو : كنزاااااااة – حتى قفزو – هدرة فناينة : نوضي اكنزة سيري لعندو دابا يجي يجمعنا بجملة اه وديه زوريه هانتي جمعة عند الوالي سيدي سليمان والسبت عند سيدي العربي والاحد عند السهيلي والى مولاش شوية صيفطيه عندي ندير ليه الرقية هههههه نوضي أنوال نهربو ههههههههههه ….
خرجو البنات هبطو وفناينة غتموت بالضحك من دوك الشوفات لكان يدير هابطة وكتهدر : ههههههههههه معرف مالو غا مزير ومعاجبو حال شي نهار يطرطق فيه شي عرق ههههههههههه
– نوال : ههههههههههه ونت المسخوطة غير شفتيه وبديتي كتافو عراض وديال السلهام تلواط والتحرش عندك عاين باين ههههههههههه – فناينة : ومالي كذبت علاش كتافو ماشي عراض وديال ديال السلهام شوفي تبارك الله غير ديك الفقية كي جاتو مع ديك الوقفة ديالو ياختي جبل جبل ههههههههههه -نوال: هاذ الجبل كان قبيلة على شوية يريب عليك ههههههههههه –
فناينة : تا نت انا غا مسوقة ليه غنفقصو غا بلاتي عليه ههههه – الفوق كان مربع يديه وكيزفر بغضب – كنزة : مالك ياك لاباس اش كاين شديك الدخلة داخل – عصام : تقدري تشرحلي شداااك الخرا شديك الروينة فتحتي هنا بار بلا خباري ولا كيفاش
– كنزة : نت ل آش هاذ الهدرة شمن عيب درنا ..البنات جالسين معايا مفرحيني ..وناشطين شوية ، نت مالك بغيتي تسدها عليا من كاع الجوايه واش انا معنديش الحق نفرح شوية واش ربي كتب عليا نبقى غير بناتكم نت وخوه فمشاكلكم والنكد والقهرة – عصام (كيغوت ) ديك خيتي أنا عارفها كارية عندك لتحت اش طلعها لعندك لهنا وماشي اول مرة فين ما نجي نلقاها مخشية عندك هنا …ݣلتي غادي تكري ماشي غادي تبناي عزبة -كنزة : انا بغيت غير نفهم نت مالك مع البنت اش دارت ليك امممم البنت مسكينة مدارت ليك والو غا عاونتني مسكينة وشقات ليا .عرفتني قليلة الصحة ومنقدرش نجم بوحدي – عصام زفر : ها علاش كنهدر علاش مدخلاها اكنزة علاش مخلية البراني يفتش ليك فالركاني ديال دارك واش لهاذ الدرجة هترتي – كنزة : كتعايرني بالهتران اولد كرشي ياك
– عصام : متخلطيش شي فشي اكنزة نت عارفة هدرتي مزيان فين غادا ديك خيتي منعاودش نشوفها حاطة رجليها هنا ولا نهرسهم ليها – كنزة : ايه هذا هو خيرها مسكينة مصبنة ليك حوايجك …..
عصام خرج فيها عينيه بالفقصة دوز يديه على. وجهو جاب الله واعي براسو بلي لي قدامو مو جمع يديه وضربها مع الحيط بالفقصة : اش بيني وبينها اش قربها لحوايجي ..واش مريضة فكرها هاذي ..كنزة راك نت لكتخليني نخرج على السيطرة شهاذ الخرا هذاااا
– كنزة : وصافي دابا مالك طالع السما البنت غا عاونتني ميفها باش اعصام اش وقع – عصام ؛ ( من تحت سنانو ) كنزة .هاذ المرة دازت مرة خرا بالله منعقل على شي واحد ..غنعاود هدرتي لاخر مرة ديك خيتي منعاودش نشوفها هنا كارية لتحت غتبقى لتحت وفرقيها عليك حسن ليك هاني دويت عاودي ضربي هدرتي فالحيط وديك ساعة عارف انا شغلي -كان غادي بحالو رجع شاف فيها – ودوك الحوايج غير سيري شوفي فين تغبريهم حيت نشوفهم نحرݣهم
– كنزة : هاذ الوسواس لفيك مابغاش يتحيد منك كاااع اعصام معرف فين غادي بيه – عصام : حاجتي منحملهاش تقااااس اه والفراش ديال هاذ الدار يرجع كيف كان بغات تزوق وتبدع تمشي لدارهم – خرج وخلا كنزة كتنهد : معرف منين جبتي هاذ القصوحية ..ياربي نت تهديه ياربي نت ترد ليك العقل راه هاذ الولد شهمني مبقيتش عارفة كيفاش نتصرف معاه – دخل لبيتو كيحك لحيتو بثوتر محاملش الوضع هو فيه الوسواس القهري مكيحملش الزايد معاه وعاد زيد فنانية لخشات راسها فكلشي فكرة حاشرة نيفها فيهم لدرجة مصبنة ليه حوايجو نيرڤاتو ديال بصح يقدر يكون هذا امر طبيعي بالنسبة لأي واحد ولكن لعصام لا معندوش مع هاذ الشي حتى باش كان قال لكنزة تجيب شي وحدة تعاونها كاين غيمنع عليها دخل لبيتو ولا تقيس ليه حوايجو ..شد تلفونو كيخربق فيه وكيجاوب على المساجات بهتمام حتى دخلت عليه كنزة من بعد مدقت فالباب: نحط ليك تاكل – جاوب بدون ميشوف فيها : شكون مطيبو
– كنزة : مطيبوه الجيران ..نت مالك موسوس ياربي السلامة ماشي فناينة لطيبت انا لطيبت – عصام نطق سميتها : فناينة – كنزة : انعام شنو – عصام : سيري حطي لي ومنعاودش نسمع هاذ السمية اكنزة – كنزة : الله يهديك الله يهديك
– عصام : ساعة الله خلي كل واحد على خطارو ونت عارفاني انا كي داير دويت حيت داك الشي ديال قبيلة معجبنيش منبغيهش يتعاود لباغي يزهى البيران عطاهم الله – كنزة : واخا واخا ملي نبغيهم انا لغنهبط عندهم – عصام : شمن تهبطي عندهم انا بغيت نعرف غير هاذي اش دارت لخلاتك نهار ومطال تهتري بسميتها
– كنزة : البنت زينة ودخلت لي الخطاري شنو المشكلة …دابا صافي لݣلتيه هو لغيكون بلا منعاودو نتزايدو فالهدرة الله يرضي عليك…..
عند فنانية كانت جالسة حتى صونات ليها حفصة علمتها بلي خصها تجي حيت القهوة الاحد وعامرة او هوما تزيرو فالخدمة حتى مول شي كين عليها كان ضروري خصها تمشي تخدم لبست حوايجها سروال سليم مزير مبين طايتها وجنابها وقميجة فالبيض عاقداها وخاشياها فالسروال جمعت شعرها كوب شوفال لبست سبيداري ديال نوال وهزت ساكها وخرجت طايرة متسناتش طوبيس حيت غيتعطل شدت طاكسي ومشات ..غير وصلت بدات خدمتها وخا عيانة من شقا لشقاتو صباح …كل شوية كتشوف شحال فالساعة الوقت غادي وكيتاخر بغات تشوف غير كيف دير تسلك لكن القضية مزيرة سيغتو فواحد لزون من القهوة دايرين فيها عيد ميلاد عليها كانت عندها تمارة مضوبلة متفكت حتى ضربت لحداش ونص ديال ليل عاد سلاو ..خرجت مهدودة تعكس معاها طاكسي بتمارة باش لقاتو خلصاتو مضوبل غير تفك وتمشي الدار داغي طيح تركد حيت بصح عيااات بالجهد ..حبسها طاكسي فراس الزنقة خلصاتو ونزلت صونا ليها تلفونها بقات غادا متقلة وكتدوي كان باها وكيف العادة كان المحاذثة بيهم كلها مشاحنات مخلا فيها غير لنسى ..بسباب 200 درهم هزاتها ليه من الصرف لحاط فدار كانت بصح محنسرة وعارفاه لطلباتو مغيعطيهاش عليها هزاتها ليه – فناينة : على متين درهم احمد متين درهم كتخسرها غا فليلة فالشراب انا منين غادي تجيني كنت محنسرة بانت ليا هزيتها
– حمد : وضبري لمخك علاش هازاها كون كنت حدايا نقطع ليك يديك لقاسوهم سيري خدمي ولا قحبي فيهم – فناينة: راه هاذ الشي من الواجب عليك لمكانش فراسك – حمد : كبرتك وليتي قدك قد البغلة شنو واجب عليا مبقى واجب عليا والو قدك دابا راهم هوما لكيعطيو لوالديهم
– فناينة : والديهم لضربو عليهم تمارة نت شمن تمارة ضربتي عليا . لا نسيتي نفكرك ديك دار ديالمن وداك الحانوت لخاشي راسك فيه ديالمن وديك البلاد لشادها ديالمن كلشي ديال ماما كلشي رزق ماما..وانا هاذ لمتين درهم هزيتهم من رزق ماما – حمد : الخرا لمك عندها شي حاجة لبغيتي مك سيري تبعيها القبر – فناينة: انا عارفاك تزوجتيها غا على طمع ..جبتيها عندك تحاميتي عليها نت ومراتك ديتو ليها رزقها وقتلتوها غير بالفقصة ..ركبتو فيها جميع الامراض غير بالفقيص ديالكم ولكن دابا ربي يخلص كل واحد
– قطعت عليه ملي حست بدموع ونخصة واحلة ليها فحلقها حكت جبتها وكملت طريقها كانت نوعا ما خاوية حيت الوقت تاخر قليل ناس لغادين وقفت قدام الباب كتقلب فساكها على ساروت شوية حست شي واحد واقف عليها هزات فيه عينيها شافت فيه ورجعت حناتهم ونطقت : سلام عليكم
– عصام فتح الباب : تحركي قدامي لداخل نتفاهمو….
عصام فتح الباب : تحركي قدامي لداخل نتفاهمو – زاد وتبعاتو هي مستغربة : بلاتي مفهمتش فاش غادي نتفاهمو – عصام كينادي على مو : كنزززة ….كنننننزة
– كنزة طلت عليه : اهنا اش كاين – عصام قالب عينيه من نظراتو مبين مصبر راسو بزز : هبطي اجي لهنا – نزلت كنزة غير بشوية على رجليها : هنا اش كاين …مالك محبس البنت تاني اش كاين – عصام : شنو كنت ݣتليك انا اكنزة
– كنزة : اش كنت ݣلتيلي – عصام : ݣتليك مفاتحش كباري هنااا ..ياك ݣلتها ولا مݣلتهاش ..ݣتليك نشم ريحة شي حاجة ماشي هيا هاديك منعقل على حتى شي واحد
– كنزة : كيفاش تاني ؟ – عصام : لكنعرف انا القراية حدها حد ستة ماشي حتى لطناش تاع ليل ..لباغي يتقحبن ويدور فزناقي يمشي يشوف فين يمشي …هاذ الشي مكيدارش عند عصام – فناينة: بلاتي بلاتي شنو كتخور نت على شمن تقحبين كتهدر – عصام طلع حاجبو : مكنهدرش معاك نت راه غنخرج مك فشي حيط وفمك صلحيه
– كنزة : اولدي الله يهديك غا بالعقل – عصام : ستة ونص هاذ الباب غيتسد لبغى مرحبا لمبغاش يهز خراه ويقود عليا – فناينة : شفتك كتهدر بحال إلى داير فيا فسبيل الله غتحتارمني حسن ليك سينو غنوصلو انا وياك الاخر
– عصام بتحدي قربت ليها : تفضلي وريني فين غنوصلو …تقحبين ديال بنات ال*حاب كلو دايز على هاذ الراس مغاديش تجي نت يلاه تزاديتي البارح تلعبي عليا العشرة هناااااا تدوزيها على كنزة هانية على عصام لا منصحكش …- خرجت نوال ملي سمعت صداع مفهمت والو حتى حمزة هبط واقف فدروج غير كيتفرج فامر الله
– فناينة مكرزة على يديها وجها حمار بالاعصاب هدرة باها وهدرة عصام دابا ضروووها شادة دموعها بززز لخلاه حمد كملو عصام – كتهدر بصوت منغنغ قريب تبكي معرفتش اش واقع ليها: شنو مشكلتك معاياا امممم فاش اديتك فاااش ..فاش ضريتك مالك معايا … معندكش الحق تدوي عليا هاكا معارفنيش كيف دايرة ومعارفنيش فين كنت ومعارف عليا والو عليها معندكش الحق تݣول عليا حتى كلمة معندكش الحق تدوي عليا لاا بالزوين لا بالخايب لغتدوي عليا انا ، انا شرف منك ولكنت مريض فكرك سير مرض فشي جهة خرى اما انا معندك متصور مني …ال*لاوي لغتصور مني شي حاجة – مع نطقتها سبق يدو غيضربها هي خوات وهو قلب يدو ضربها مع الحيط ..زفر نفس سخونة من نفيو : دخلي تقودي غنعصى ربي فيك
– فناينة :(بتحدي) كون جات فيا الضربة اليوم ليلتنا مكانتش غطلع فيها الشمس اولد كنزة – عصام : شفتي اكنزة ها لي ݣتليك معجباتكش حال دارك، جالسة مناقصك خير ..ݣلتي اش ندير نقلب داري دار الدعارة…..
كنزة : حتى لهنا وبرك متزيد حتى هدرة البنت كانت خدامة ..الى مخدمتش على راسها شكون بغيتي يسرف عليها نت مثلااا – عصام : ( بستهزاء ) علاش انا ݣتليك مكانتش خدامة رآه كانت خدامة خدامة كتتت
– جمع الهدرة وتسغفر – خنزرت فيه فنينة بحقد نزلت ليها دمعة مسحتها بالزربة كارهة تبين ضعفها ولكن مع هي اصلا يومين وقلبها طايب مقدرتش تحكم فراسها وديك الدمعة تبعوها دموع خراين عينيها فعينيه : ربي يخلصك اولد الناس – هاذ الجملة بدات خلاتو يبقى مركز نظرو عليها بدون ميتكلم .عنقتها كنزة كتسكت فيها : صافي ابنتي صافي – شافت فعصام – كي بكتيها انا بغيت ربي يبكيك – شدها حمزة من كتافها اما نوال غير كتشوف هدرت فناينة كتنخصص : غنمشي اخالتي دابا بحالي بلا مندير ليك المشاكل
– كنزة : هو لغيمشي بحالو يهز راسو عليا ، نت معندك فين تمشي – فناينة: لا اخالتي غنمشي يلاه أنوال نمشيو – عصام : حتى واحد مغيخرج من هاذ دار فهاذ ليل لبغى يخوي يتسنى لصباح عاد يزيد مع الطريق – زاد فحالو وخلاهم
-جروها ودخلو هيا كان قلبها طايب كانت محتاجة لهاذ الحضن كانت محتاجة. لشي واحد يعنقها باش تبكي ..من غير عصام هيا اصلا كانت غا على سبة …هازا شحال فقلبها وعصام كانت النقطة لفيضت الكاس
– كنزة : صافي ابنيتي الله يرضي عليك قطعتيلي فقلبي الله يلعن جد بوه الكلب بن الدحش لاخر ..- نوال : افناينة ختي صافي الله يحن ليك لبغيتي نخرجو نمشيو دابا غير سكتي الله يحن عليك – كنزة : دخلت عليك ابنيتي بوجه الله لما مسحيها فيا انا راضية عليك عصام هو هذا ..عور وميعرفش يهدر دخلت عليك ابنتي بوجه الله
– فناينة مسحت دموعها : نت اخالتي مدرتي والو – كنزة : انا عاودت ليك عليه كي داير مديش عليه ابنتي هو هاكاك مريض ومعقد غا بوحدو ومعاجبو حال لدارت متعجبو غير صابرين معاااه. ها حمزة يكوليك
– فناينة: اصلا انا لكنت غا على سبة صافي اخالتي مطرا باس غير هو غادي نخرجو ونخليها ليه ويزرع فيها البصلة…
كنزة : والله لخرجتي غضبانة من هنا وانا لكارية ليك وانا لمسكناك مكتعرفيهش هو كتعرفيني غا انا فوتي غير هاذي انا راضية عليك غير هاذ المرة ونواعدك هاذ الشي عمرو يتعاود -بقاو معاها كيطيبو ليها فخاطرها حتى رطابت هي هاكا دايرة داغي كترطااب كتشعل غير ديك ساعة وداغي كتبرد قلبها بيض ..واصلا هي ولفت هاذ المشاحنات مع عصام عارفاه معقد وعاد داك الشي لمعاودة ليها كنزة ..خلاها تبرد ولكن دارتو فراسها ..عوالة تبقى هيا وياه على شد ليا نقطع ليك – حمزة كيفرنس نغزها : صافي هاذي هيا الفن داغي كومنك وقلبتيها دموع ههههههههههه كان عدبالي غضربيه …طحتي ليا من عيني ازين
– فناينة ضرباتو الكرش : بعد مني لنخرج فيك نت نيت نوعتك من شي قنت – حمزة : ايه غير على حمزة لتحكري اما عصام قطعها فيك – فناينة: قطعها فيا غير لقى جهدي مقادي اما رآه نوريك ونوريه ولكن غا بلاتي على مو ..غنبقى انا وياه حتى نشوفو شكون فينا لغادي يتهد ويعلن الاستسلام -داز الوقت وجا نهار جديد داز روتيني عادي حتى وصل ليلو – نوال : اجي نكوليك نت واش ديك الكاميرة مناوياش تحيديها – فننية : الخرا لقيت كيف ندير واش ندخل ونكوليهم سلام عليكم ونمشي ندير شرعي …ملقيتش كيف ندير خايفة يلاقاها ديك ساعة غتقواد عليا ديال بصح ..وغنزيدو ن*ودو السوايع انا وياه كثر ما هوما م*قودين – نوال : خصك تحيديها ضروري
– فناينة : غتكون طفات من الشارج غير معرفتش واش غيكون داك الشي تاونغيجيستا ولا تعكس
– نوال : وطلبي زهرك دابا غير ميشوفهاش – فناينة: إنشاءالله ميغكون غير الخير
نوال : وباقا ناوية تبعي تحركاتو ؟ – فناينة : اه خص ضروري نشوف كيفاش كيهدر وكيف كيتعامل برا واش نفس العصبية ونفس التصرفات ولا لا ..كيقيل نهار كامل غابر فين كيكون سيغتو وكنزة ݣالت ليا مكيجلسش كاااع فالقهاوي يعني ضروري خص نعرف فين كيدوز وقتو – نوال : باز ليك اختي بعد كاع داك الشي لطرا بيناتكم باقا باغا تزعمي فهاذ الشي كنخاف غير توقع شي حاجة وتحصلي ويصدق مفوت فيه ضربة – فناينة: اناري تفايلي غا بالخير ..انا محيدة سلبيات من راسي يومين بالكثير وغنكون ساليت معاه وديك ساعة حجارو يشدوه عليا وعليه بالتقار – نوال : راسك قاصح حجرة – فنانية : هاذ الشي لصبرني باش بقيت هنا غير البحث اما كون كبتها معاه بالمزيان وخرجنا بحالنا
– باقا كنتهدر سمعت حمزة كيناديها خرجت لعندو : مالك شخاصك – حمزة : امالكي غير عاقدة شوكتك ياربي سلامة ..زيدي نخرجو نجيبو شي دورة
– فناينة : دابا دويتي ههههههههه ستناني…
– فناينة : دابا دويتي ههههههههه ستناني – حمزة : ݣوليها لنوال ونخرجو بثلاتة – فناينة: ( ندات عليها ) نوال تخرجي معانا انا وحمزة – نوال ناضت خرجت لعندهم : لا اناري غا سيرو مهلوكة مقاااداااش مجاكم الخروج اولاد الحرام حتى وانا عيانة – حمزة : فوتيها على راسك – دفعها – سيري طيحي تركدي – نوال : غا بشوية مدفعش ادحش رآه عنطحك – فناينة : ههههههههههه تنطيحه مالك وليتي ثور – حمزة : لا بݣرة الثور هو عصام – فناينة: بسم الله الرحمن الرحيم قل اعوذ برب الفلق ملقيتي متجبد – دخلت فناينة لبست حوايجها وخرجت لعندو : نوضي أنوال سدي عليك الباب – نوال : ( بسخرية ) غير سيرو وعنداكم تفوتو ستة ونص غتلقاو الديوانة سدت الباب ههههههههههه
حمزة : يسد عليا الباب وانا عندي نص فهاذ دار – فنانية : وانا المنادجر ديالو لغيجيغي ليه الاملاك الشرعية ديالو ههههههههههه – نوال : نتوما بجوج تلاقيتو الله يحضر السلامة فيكم غا تخراج العينين يلاه خويو – حمزة : ها حنا خاوين لبدلتي رئيك وبغيتي تخرجي صوني نصيفتو ليك لوكاليزاسيو – نوال : غاسيرو لكليتو شي حاجة جيبو ليا حقي لكليتو وخبيتو بغيتكم تاكلو فيه السم – مشاو المهدية جلسو فكافي عائلية حدا البحر هادرين وخالقينها بنميمة طبيعة الحال مخلاو حتى واحد مدواو عليه ..نهار على نهار كيزيدو يتعرفو وكتزيد صداقتهم …صونا تلفون فناينة كانت اكرام مصونيا ابيل فيديو – اكرام : افين اديك القردة – فناينة : اوا حاشاك القنية -اكرام : فين راك خارجة بلا بيا ياااااك فين نت واش مهدية – وراتها : اه مهدية – اكرام : حرام عليك نت كتفجاي مع راسك وانا؟ مخليا ختك هنا وسط حمد او ولادو وريحة الغنم انا مسامحاش ليك – فناينة جات دور الكام بان حمزة – اكرام خرجت عينيها : احححححح اربي واش هاذ الزين حدااااك اش هاذ توت البري ياربي – فناينة كتغمزها : اويلي نت كوني تحشمي – اكرام : واش صاحبك لحداك -حمزة خشى وجهو فالكام : لا غنكون صاحب ختها باذن الله ههههههههههه – اكرام حلت فمها جاها على غفلة – حمزة : دخلنا عليك بالله افناينة هاذي هي حمزة خويا ونت عزيز عليا عندك زين ومخبياه عليا محشمتيش شايفة خوك وحداني ومقهور وساكتة منسمحش ليك – فنانية: ههههههههه نت غير نوي وانا نعطيك – حمزة : سيري تقودي شغتعطيني فات الفوت دابا غندير شرعي بيدي ..- شاف فالكام – سمع الغزال معاك حمزة الفتى المهذب الجميل المطيع هل تقبلين ان تدخل معي فعلاقة غير شرعية ..حيت الشرعي باقي بعيد وخصو بزاااف ههههه – فناينة: لا عنداك اكرام شمن ظريف ومطيع رآه هذا واحد ولد ال*حبة مقطر ههههه انا لكنعرفو – اكرام : ونا نكول علاه تجمعتو. بجوجكم من فصيلة وحدة ههههههه – حمزة : اح اقلبي على الضحكية ندفع لقدامي ولورايا على مولات الضحكة كرمتي قلبي ااكرااام -…..
اكرام حشمت تم تم قطعت – فناينة: هانت حشمتينا البنت شفتي -حمزة : بعدا هي عندها علاش تحشم كيتك نت لبايعاه – فناينة : ونت لشاريه ههههههههههه نوض نتحركو من هنا – حمزة : ،خايفة نفوتو الستة ههههههههههه – فناينة : الخرا لكنخاف راه غير على وجهكم اما راااه -قاطعها حمزة : اسكتي فيك غير الهدرة البارح صرعك كومنك هههه قلبتيها بكا هههههه – فناينة : غير ملقانيش فكانتي ، خوك ولد ال*حبة حݣار – حمزة : هههههههههه شوااااك – فناينة : عليها جيتي عليا البارح هاذي. هيا الصحبة غا معندي ݣلب باقا كنهدر معاك – حمزة : وا الخرا مبغيتش نكبر شغل كنت غنجي عليك هو عقلو كيهرب البعيد غتصدق كابتة ديال بصح …ولكن كون ضربك كنت غنكبتها انا وياه – فناينة: تفو المعقد.لولدو ….- رجعو لدار كيتراشقو بالضحك …حمزة كيمسح عينيه من دموع ديال الضحك داغي جمع ضحكتو ملي لمح عصام نازل من دروج شاف ففناينة : تلاحي حتى لغدا …هزت ليه راسها وفتحت ودخلت بحالها بلا متشوف فعصام لكان كيشوف فيهم مصغر عينيه دور راسو بلا حول وزاد خرج
_____&&&&________&&&&______دازت يومين فمكان شبه خاوي بعيد بزاف على رواج المدينة كان الحال مغمغم. وفايتة المغرب …فواحد المبنى مهجور حاط يديه على ركابو وحاني شوية براسو عند داك الشخص لقبالتو كان آجي فعمرو جالس فوق كورسي يديه مشدودين بالمينوط معندو كيف يدير يتحرك ..على وجهو علامات الخوف من دوك الشوفات الجدية لداير فيه الشخص لقبالتو كان وجهو مكيبانش بالضرب بزز باش قادر يفتح عينيه دم سايل من من كل بلاصة باين لضربو رآه محنش فيه كون زاد شوية كون مات ليه بين يديه . الهدوء غير صوت انفاس داك الراجل حتى كسر هو هاذ الصمت : طرتي حتى طرتي وبين يدين عصام طحتي – …..
كيسرط ريقو ومداعي القوة : مغتقدرش تاديني حيت حتى نت غتاذى – عصام : انا مكنتآذاش انا لكنآذي – الشخص : وخا تحيدني انا من طريقك مغادي يتغير والو كيف ما قدرت نوصلك انا غادي يقدر واحد اخر يوصلك كيف ما قدرت نعرف شكون هو العميل السري ديال وكالة ل FBI التابعة ل GCHQ …ماشي بعيد واحد اخر يقدر يعرف – عصام : ( بستفزاز ) جنيتي على راسك ملي عرفتي مكانش خصك تعرف – حط ليه سلاح فوق راسو – ……: معندكش الحق تعاقبني بهاذ الطريقة نت رجل قانون وراك عارف هاذ الشي لمخدم معايا مخالف للقانون هذا كيتسمى اختطاف واعتداء القانون ماشي بهاذ الطريقة كيتطبق – حك لحيتو بالسلاح : ونت معارفش بلي عصام ملي كيتعلق الأمر بعائلتو والمحيط لعايش فيه مكيبقى يعرف لا قانون لا*بي ونت سخن عليك *كرك لدرجة يديك وصلو حتى لعائلتي لهذا ضروري مدوز من عقاب عصام عاد ديك ساعة تخضع القانون لغادي يكون ارحم ليك من العقاب والقانون لغنطبقو عليك انا – ……: عصام ولد كنزة الريفية ههههههههه الراجل المعقد ..الكالم لداخل سوق راسو وفاتح محاال ديال الالكترونيك كيترزق فيه الله كايتها الناس ذكي لدرجة مبعد عليك الشبوهات مزيان ومبعد على كاااااع الانظار كون غير تعطلتي شوية باش تلقاني كنت غادي نهرس ليك داك الهدوء العائلي لراك فيه – عصام : مقدرتيش تهرسو ولكن أنا غنقدر نهرسك نت – جمع معاه الوجه حتى تقي دم : كح كح كنعااد نقوليك راك كتخالف القانون بهاذ الشي لكدير -عصام قادد سلاح ثيرا فالحيط : جوج فالحيط ثلاتة غتكون فراسك – تسمع صوت شهقة وصوت بحال شي حديدة طاحت دورة لغيدور كتجي عينيه فعينيها لكانو كلهم خوف الدم حابس ليها فوجهها .. شهقت جوج شهقات اللولة متسمعتش مع صوت السلاح وملي عاودت قفزت قاست حديدة كانت حداها طاحت …كانو شوفاتو حادين فيها رجعت بلوور كلها كتقفز من حدها هي كترجع بلور وهو كيتقدم عندها بخطوات قلال شوية زادت فالسرعة ودارت هاربة تبعها كيجري جرها من شعرها زدحها مع الحيط صدرهم بجوج كيطلع ويهبط هي من الخوف او هو من الغضب نطقت بحروف متقطعة : ش.كو ن نت – عصام خشى وجهو زفر فعنقها : انا لغن*وي مك ….
كانو شوفاتو حادين فيها رجعت بلوور كلها كتقفز من حدها هي كترجع بلور وهو كيتقدم عندها بخطوات قلال شوية زادت فالسرعة ودارت هاربة تبعها كيجري جرها من شعرها زدحها مع الحيط صدرهم بجوج كيطلع ويهبط هي من الخوف او هو من الغضب نطقت بحروف متقطعة : ش.كو ن نت – عصام خشى وجهو زفر فعنقها : انا لغن*وي مك
– فناينة نطقات بشكون نت حيت بصح هذا لقدامها معرفاتوش شكون ..متوقعاتش يكون عصام بهاذ البشاعة كلشي الا يكون مجرم ..
&&&&&&فلاش باك $$$$$$$
نرجعو شوي لور قبل بساعة تقريبا ..كانت لابسة حوايجها خارجة يلاه جات غتفتح الباب كان هو هابط من دروج كيزرب فخطواتو وكيدوي فتلفون غير وصل الباب حبس مكمل هدرتو وكيسب من الصمطة لتحت قالت فنفسها اويلي هذا مالو ضاخ شوية خرج زادح معاه الباب حتى قفزت : اناري ياربي سلامة
– بدات دور فراسها وخرجت تبعاتو تشوفو غير فين غادي وتكمل طريقها حتى شافتو دخل من واحد الزنقة وخرج على شارع وقف شوي حتى حبست عليه طنوبيل كاملة كحلة وزاج فيمي مكيبين والو فتح الباب طلع وزادت اللوطو ..ستغربت بالجهد مفهمت حتى حاجة عقلها بدا كيدور مع بان ليها طاكسي جاي مفكرتش جوج مرات ركبت فيه
وطلباتو ليها ديك الطنوبيل حكا ما حكا هذاك غير خوها وبغات تبعو باش يوافق ليها مول طاكسي مكانتش طريق عامرة بزاف عليها طاكسي بقات عينيه على اللوطو لقدامو
حتى وصلو غير الخلا مول طاكسي مابغاش يكمل خاف يدخل راسو فشي مشكل ملي بدى يشوف غير الخلا والقفار قدامو ..نزلت خلصاتو ومشى بحالو وهي بقات كدور راسها تم متنكرش بلي بصح خافت حيت دنيا خاوية مكنيش حس بنادم وحتى طنوبيل لفيها عصام معرفتش فين
حبسات ..كملت طريق على رجليها غدا وكدور فعينيها فكل متسمع الحس دور راسها بحظر بقات غادا مسافة حتى دخلت فشي بنايات مهجورين وايلين للسقوط فلحظة بانت ليها ديك لوطو تبسمت بلا متشعر على الاقل لقات عصام وماشي
بوحدها هنا زادت تمشات حتى لبلاصة لوطو كتشوف فيها باعجاب :احححح بشااااخ وحديدة هيا ركبتي فيها ابا عصام ….
زادت كتكتاشف داك المكان وكتحك راسها بثوتر : معرف فين هو ولد كنزة يلقاني شي واحد هنا يدير ليا كوية معتبرة …وعصام آش جابو لهنا واش يكون زعما هنا فين كيفرغ داك المرض ديالو ..
– زادت كتقلب وطل هنا وهنا حتى شوية سمعت الحس فواحد جيه مشات طايرة ليها كتطلل حتى كيبان ليها شخص مربوط وكلو دمايات حطت يديها على فمها مخرجة عينيها
وشوي. كتزيد تصدم باش كتشوف عصام ..ملي بداو يهدرو عيااات متسرق السمع والو مقدرت تسمع والو معرفتهمش علاش كيهدرو يلاه ناوية تقرب ليهم بالحس باش تسمع الحديث ديالهم حتى كيتسمع صوت رصاص لفشلها وقتل فيها النص وجهها هرب منو دم بالخلعة رآه اول مرة ليها غتشوف سلاح وتسمع صوت ديالو فالحقيقة
تصدمت من عصام مقدرتش تحكم شهقتها من ديك البشاعة لكتشوف قدامها شي لخلاه ينتابه ليها غير جات عينها فعينيه بدون وعي منها رجعت بلور وهربت وماشي بزاف كان لاحق عليها بدورو هو مبقاش يتفاجئ منها ، ولا يتوقع منها اي حاجة ولكن حاجة وحدة لمتاكد منها هو فناينة ضبرت عليها معاااه ومغادوزش ليها بالساهل
– نظرات الخوف هوما لكانو فعينين فناينة وهي كتشوف دوك الشوفات لكيدير ليها كان حاكمها مزيان ممخليهاش فين تحرك هو غير كيشوف ونفسو كطلع وتهبط مبقى قال والو مزال وهي عارفة بل متأكدة بلي من مور هاذ السكات غتكون شي مصيبة وهاذ المصيبة غطيح غير على راسها هي …
ملي طول سكاتهم نطقت هيا بصوت غالب عليه البكا : طلقني خليني نمشي بحالي الله يرحم ليك الوالدين
– عصام دار نص ضحكة مستهزء :جيتي حتى لعندي برجليك …حظرتك ولكن مسمعتيش نت درتي لفراسك وحتى انا غندير لفراسي اش ظهار ليك ؟…..
فنينة كتفتف بزز باش كتجمع الحروف : فففاااش
– عصام : نقتلك وندفنك هنا وميسيق ليك حد خبار
– فنينة : ( وجها صفر بالخلعة ) وماشي حشومة شدرت ليك تحكر عليا وانا غير بنت ومعنديش الجهد ديالك نمشي غا فحالي الله يرحم ليك بها الوالدين عمر كمارتي تبقى تشوفها رحمني رآه غنبول على سروالي بالخلعة …واش هذاااك الفردي ديال بصح ؟ واش فيه القرطاس بصح ولا غير كذوب
– عصام مبرد معاهااا حطو ليها فوق راسها وكيدوي بشوية بدون اي انفعال : تجربي …نتيري فيك وديك ساعة تاكدي راسك – فناينة : ديك ساعة غنكون الله يرحمني خليني نمشي متحكرنيش رآه الحكرة خايبة
-ميل راسو فيها بنظرات ممفهومينش هي عاد مكيزيد يخلعها بهاذ البرود لمصطانع : هاااا العاار دخلت عليك بخالتي كنزة لا تشوف فيا هاكا رآه كتخلعني ….-
كدور راسها فديك البلاصة – اويلي عنداك تكون نت ماشي عصام تكون جن…لا لا جن نلقى معاه دوا معاك نت لمكين دوا – تسمع صوت ديك لوطو الكحلة ديمارات دور عصام راسو ليها بقى كيشوف حتى زادت مخلية العجاج وراها وخلاااتهم هنا عصام جمع يده على شكل قبضة سايط نفس سخونة بلا ميهدر جر فنينة بجهد حتى تعكلت وطاحت تقصحت فركبتها محنش هاكاك عاود جرها وهي حاسة بروحها غتخرج دار على ديك البناية كانت لوطو خرا كين تم جبد الكونطاك من جيبو فتحها وفتح الباب رمى فنانية تم وزاد طلع ركب مديماري حتى الروايض تسحقو غادي طاير ماشي سايق ..فناينة قلبها كيتهز ويتخبط وجهها كلو هابط كيقطر بالعرق يلاه نطقت ب : عااافااااك – ضرب يدو مع الڤولون كيغوت مخنزر فيها وعينيه العافية خارجة منهم : سكتييييي حسك منسمعوووووش ..تزيدي تهدري لسانك نقطعو ليك ابنت ال*حبة سكتي حسن ليك
– قطعت الحس معاودتش زادت معاه الهدرة شايفة حالتو عارفة الى زادت نطقت بشي حرف مغيكونش من مصلاحتها كاااع من غير كتفرك يديها بثوتر معارفاش اش غيوقع ولا حتى فين غادي بها – حبس لوطو قبالة بناية عالية فسونطر ڤيل -نزل منها وفتح ليها لباب : نزلي
– فنينة : فين غادي بيا –
عصام : كتليك نزلي بلا فريع ال*ر – نزلت بقات تشوف فيه – عصام : زيدي تحركي قدامي…
دفعها حتى كانت غتجي على وجهها بغات تعايرو ولكن عارفة بلي هيا اصلا غارقة حتى النخاع وخصها شي طريقة غير كيفاش تسلك راسها عواض متزيد تغرقها دخلو لداك لموبل طلعو فلاسانسور حتى وصل قدام واحد الاپارطومو جبد ساروت فتحها وبقى واقف ليها عند الباب حتى دخلت وسد الباب بقات دور عينها تم تصميمها زوين غير هي فراشها قليل لفيها ما هناها هي طايحة فمصيبة ولكن جينات التبركيك ديما طالعين عندها شافتو كي. يگفد كمامو سرطت ريقها : اش ششباغي دير
– عصام : اليوم تاخدي خلاصك على كلشي باش بغتيني نبدا ليك ؟ – فنينة بقات راجعة بلور حتى وصلت الحيط : غا تهدن انا عارفة راسي غلطت وتماديت بزااف خليني نمشي بحالي وكنواعدك عمرك باقي تشوف وجهي مزال
– عصام : ماشي نت لغادي تمشي انا لغنغبرك
– فنينة : تغبرني اويلي فين غا تغبرني – عصام : نت درتي بزاااف تخطيتي معايا كاع المراحل ݣتليك ماطيريش ولكن نت طرتي وجبتيها فكرك …ملي جيتي ونت ضاراني فراسي كل شوية خارجة ببلان فشكل
– بغات تهدر حبسها بصعو : شششش خليني نكمل هدرتي حسن ليك حيت غا دابا لغنهدر اما من بعد غتسالا الهدرة وغيجي التطبيق ..
– فنينة كدور راسها : ايييه هدر اخويا هدر ليلة ليلتك ا فناينة كاع لدرداݣاتو المعزة فراس الجبل غا تخلصو فدار الدباغة – عصام ضربها بيديه اضربة خفيفة لفم باش تسكت : كتليك قطعي حسك حيت فمك هو لخارج عليك – دفعها على الكرسي : ريحي الارض – جا قبالتها خشى يديه فجيب تشاكيط وجبد منو الكاميرة شاف فيها وتبسم مطمر : ديالك هاذي ياك
– فنينة غا شافت الكاميرة لفيديه سرطت رقيها وحركت راسها بالنفي دوات بالزربة : لا ماشي ديالي و عمري شفتها والله العظيم – عصام ضربها بها راس : متحلفيش علاش كتحلفي على الكذوب من ديما فيك تخراج العينين حتى دابا خرجي فعينيك وݣولي ديالي
فنينة : ( كتغبن ) ولا خرجت عيني وݣتليك ديالي اش غادي يوقع من بعد – عصام: ( ببرود ) غتهرس ليك فوق راسك – فناينة كتحرك راسها : لا لا لا لكان هاكا صافي ماشي ديالي وعمرني شفتها وعمري ما دخلت لبيتك وحطيتها ….
عصام : سمعي نكوليك انا عارف كلشي عارف البلان ومافيه حيت مغتجيش نت يالاه تزاديتي البارح غدوزيها عليا انا ولكن ماعليش بغيت نسمع منك نتي، غتعاودي كلشي من الاول حتى الاخر تكذبي فشي حاجة ندفن مك هنا
– فنينة : ناري اخويا اش وصلنا لدفين هانتي غابرد والله حتى نكول كلشي انا والله معندي مشكل معاك او والله مكنعرفك انا رآه دكية وعارفاك فاش غتكون كتفكر دابا عارفاك غتكون ݣتكول مع راسك انا مصيفطني ليك شي واحد نتجسس عليك حيت نت مجرم وعندك الفردي والفردي كيكون عند هاذوك لدايرين عصابات وكيبقاو يتجسسو على بعضياتهم وانا سيفطوني باش نتجسس عليك ولكن والله مهاكا
– قاطعها ضاربها راس : كنكوليك هاذ كثرة الهدرة وهاذ الزيادات لفيك غيخرجو عليك كنكوليك تكولي داك الشي لكاين متزيدي حتى حاجة من راسك -عاود ضربها بالكاميرا راس – فناينة دفعات ليه يديه : ولا الخرا مضربش ..بلا عنف
– عصام جمع معاها الفم : صلحي فمك رآه غنهرسو ليك ..كملي – فنينة : انا كان هدفي شريف نبيل …كرينا عندكم انا وصحبتي كايتها الناس والله مكانت فنيتي شي حاجة ….انا يمكن مجيتكش على الݣانة حيت وقيلا بصح فيا الطيران ونفس هاذ الطيران هو لوصلني لهنا …متفاهمناش حيت نت فيك القميع وانا مكنحملش ليقمعني …نت حݣار – طلع فيها حاجبو – اه والله حتى حݣار ويحساب ليك انا ساهلة وغادي تحكرني – عصام : يعني نت مساهلاش – فناينة: لا مساهلاش
– عصام : . كملي – عطاها واحد الخاطر معرف منين جابو كيدوي معاها ببرود حتى هيا براسها تفاجئت فيه بقات ساكتة كتشوف حتى قفزها صوتو : ݣتليك كملي – فناينة : غتكون باغي تعرف علاش درت ليك كاميرة فبيتك. انا غنكوليك علاش والله ما على شي حاجة دابا انا عندي العام ثالت فعلم نفس ونت عارف بلي فالعام الاخر خص ضروري من PFE والموضوع لبغيت نخدم عليه هو اضطراب ثنائي القطب – عصام كيحك لحيتو : ايه ومن بعد – فناينة: بالصدفة عرفتك نت كنت ديجا مصاب بهاذ الاضطراب
– عصام ضحك بسخرية : ههه بالصدفة اه بالصدفة كنت كالسة ما عليك ما بيك حتى طاحت عليك من السما – فناينة: ولله غير كنت نقلب مع خالتي كنزة على واحد الورقة وطحت فوراقيك نت وياريت كون مطحتش فيهم كاع ولا هاذ الحالة وهاذ الخوف …
عصام : درتي الكام اه كملي – فناينة: كنت بغيت نشوفك غير كيفاش كتصرف باش كتكون بوحدك واش كتكون طبيعي ولا كدير شي حاجة خارجة على النورمال
– عصام : اهااااه هاذي كاع زعامة فيك اممممم مزيان مزيان (حط يديه على ذقنو ) امممم زيدي شنو اخر – فناينة: ( كتغبن ) ديرها قلة العقل. والله غير من قلة عقلي .عندي العقل ناقص .اما كون كان عندي العقل كامل منزعمش لهاذ الدرجة منفكر ندير كاميرة ما نزعم عليك و نتبعك ..انا رآه خصني الحبس انا على هاذ الشي لدرت
– عصام : نت خاصك نحيد ليك العصب ديال رجليك – فناينة : هانت انا عاودت ليك وعتارفت ليك بكلشي والاعتراف فضيلة والمتهم ملي كيعتارف كيتخفف عليه الحكم وماشي بعيد يتعفى ..عفو عليا وخليني نمشي بحالي الله يحن عليك ويشد ليك فلي عزيز عليك عمرني نعاود فوت ليا غا هاذي – خلاها حتى سالات ونطق بكل برود : لا
– فناينة: انا عارفاااك خايفني نمشي نبلغ بيك ونكوليهم داك الشي لشفت ولكن والله منديرها غير خليني نمشي بحالي والله منݣول لشي واحد شي حاجة اصلا انا مكنعرفكش اصلا فين عمرني شفتك غا خليني نمشي فحالي وغنمسح شهر للور من ذاكرتي والله ما نݣول لشي واحد شي حاجة والله ما نمشي لعند البوليس -عصام : لا غا سيري انا بغيتك تمشي ولكن حشومة نصيفتك عندهم صحيحة حتى ندير فيك علاش عاد سيري – فناينة : انا غا تبغي تقيسني نموت ليك والله مواقفة على الصح دير فيا علاش وانا شاركة معاكم الطعام ماشي حشومة …انا عارفاك نت بصح مجرم ولكن مجرم ظريف او ولد ناس خلينا نتفاهمو غا بالعقل الله يطول ليك فعمر خالتي كنزة …تقتلني وتعدى عليا وانا مصبنة ليك حوايجك ماشي حشومة هذا هو خيري
– مع نطقتها مع عاود جمع معاها الفم هبطو سنانها بالدم وحتى دموعها هبطو دفعاتو بالجهد كتغوت وتبكي حيت بصح مخلوعة منو غير كتبغي تلطف الجو وتدير الصحة فوق الضر : بعد مني بعد سناني ضرتيني بعد مني حشومة عليك – خرج فيها عينيه جات تنوض تبعد تهرب منو جرها من رجليها جات طايحة حوايجها كلشي تخربق شي هبط شي طلع شدها من عنقها خانقها : ديك هبل تربح مديرهاش معايا – بغات تلقى شي طريقها تفك منو جمع رجليها ناوية تضربو بركبتها كان سرع منها عرفها اش باغا دير سبقها متبت ليها رجليها ونزل عليها راس : شنو دابا امممم شندير فيك – فنينة كتبكي : والله حتى ندعيك الله بعد مني الحكار بعد داير فيها فقيه ونت جالس تقتل فعباد الله …
عصام ؛ ونت غتكوني من هاذ عباد الله لغنقتل -كنزة كترطى : غنعاود لخالتي كنزة كلشي غا بلاتي عليك – عصام : حتى تعاودي تشوفيها – حطت يدها على صدرو كتبعدو ضربهم لها : متقسنيش ا*بي ….متحطيش يدك عليا ( ها الوسواس القهري لفيه ) ناض من عليها عطاها بظهر حتى هيا داغي جمعت الوقفة شعل ݣارو كيكميه ..غير جا يدور عندها دغيا سبقت هزت كورسي : تقرب ليا ولا حتى نشير عليك -اول خطوة دار فتجاها مفكرتش جوج مرات حتى كانت فعلا مشيرا عليه بيه وهربت بانت ليها غير الكوزينة دخلت ليها تبعها قبل متفتح الشرجم ديال كوزينة كان طاير عليها خانقها : مال مك مبغتيش ديري عقلك والو واش بغيتي تهدي عاد مزايدة فيه شنو ندير فيك شنو….
-فنينة : ( كتغوت حيت تعصبت ) ومدير والو خليني نمشي غير فحالي رآه ݣتليك مغادي نعاود لحتى شي واحد على هاذ ال*لاوي لشفت – عصام مفكرتش بزاف تم تم حط ليها ݣارو الملتهب على فمها كواها به : كنكوليك فمك يتصلح معاياا -بقى مزير عليها حاطو وهي كترطى باش تفك منو وكتبكي حيت داك الشي كيحرقها ..مقدرتش تفك من قبضتو حتى رحمها هو راسو عاد حيد الݣارو من على فمها وبعد هي بقات تنهج صدرها كيطلع ويهبط وفمها عاطيها الحريق حطت يدها على فمها غمضت عينيها بألم وعاد مكتزيد تخاف منو عرفاتو مريض فعقلو ديال بصح – عصام : شنو دابا باقا غتعاودي تخسري الهدرة ..هاذ المرة كويتك المرة جاية لسانك نحيدو ليك – هي مهدرت مقالت والو غير كتنهج دورت عينيها بان ليها موس محطوط فالجنب مدات يديها ليه بشوية هزاتو بلا ميحس وكتشوف فيه – قرب ليها شدها : سمعي شنو غنݣوليك …باقي مكملش كلامو حتى حس بها حاطة ليه الموس على عنقو : نت لغتسمعني غتفتح ليا داك الباب وغتخليني نمشي بحالي وغندير براسي بحال إلى هاذ الشي عمرو وقع مغادي نجبد سيرة هاذ الشي لحتى واحد ولا مبغتيش غنرشك فيك هاذ الموس – عصام دار على وجهو بتسامة فقمة الاستهزاء ..هي بالفقصة وهاذ البرود لمخدمو معاها محستش حتى كانت جارة الموس مهبطة ليه عنقو بجرحة جاب الله مغرقتش هو غير حس بالموس هابط من عنقو متفاجئتش عارفها ديرها ضرب ليه يديها وحيد ليها لموس ورجع حطو ليها على وجهها كيدوز عليه بشوية قاصد يخوفهها : انا فعنقي ونت اش ظهار ليك تكون فوجهك حسن ياك – هي عاد طلع معاها القالب وعاقت براسها اش دارت بدات كتمتم : والله مكنت قاصدة كنت باغا غا نخلعك ها العار راه هاذ الخفة لفيا شي نهار غتخرج عليا – عصام : خرجات عليك ابنت ناس ماشي عاااد – غير حست به زير على الموس حماتها بالبكا هو السلاح الوحيد لبقى عندها : هئ هي هي الا وجهي الا وجهي ..- عصام لاح لموس وبعد كيحد السمطة ديال السروال – فنينة قلبها تهز الهدرة تلفت ليها : شش غادير…دير عقلك الله يرضي عليك واش باغي تعدى عليا لا ماشي حتى لهاذ الدرجة – عصام لوا السمطة على يدو : غا نعاود لمك فالترابي حيت ناقصاه – غير كمل هدرتو نزل عليها الجناب طارت هربت تبعها كيضرب فين جات وفكل شحطة كتهرب ليه وحامياها الغوات بان ليها كاس هزاتو شيرت عليه بيه جاب الله خوى وجا فالحيط – مشى ليها جرها من شعرها : شنو ندير فمك ابنت ال*حبة شنو ندير ..واش مكتهديش نت واااالو – فنينة : عااافااك نهدرو بالعقل بلا عنف – جمع معاها بنص :يلاه حطي كرك دابا الارض – فنينة كتحك فيها : بغيتلك غا ضربة كيفما حكرتي عليا بغيت ربي يجيب ليك ليحكر عليك …
فنينة : عااافااك نهدرو بالعقل بلا عنف – جمع معاها بنص :يلاه حطي كرك دابا الارض – فنينة كتحك فيها : بغيتلك غا ضربة كيفما حكرتي عليا بغيت ربي يجيب ليك ليحكر عليك
– عصام حس براسو ضرو ممولفش يهدر مع شي واحد بحال هاكا ولا يكون عندو الخاطر لهاذ الحد غير جاتو بنت اما كون كان راجل وهلي والله مكان يحرك فمو يديه لكانو غادي يخدمو ..حس بالحريق فراسو ..وزوزاتو بالجهد محكم فراسو بزز باش ميشدهاش ويرميها من الشرجم…وهي فيها الهدرة بزاف حلفت هي لسكتت كتغبن وتمسكن ..حتى ضرب كروسي برجليه ودار فيها دورة خايبة عاد قطعت حسها ..صونا ليه تلفون شاف المتصل زفر وزاد من حداها خرج وسد الباب من وراه ….هي مفهمت والو معرفاتوش علاش خلاها هنا ناضت تحاول تفتح الباب لقاتو مسدود. رجعت لبلاصتها تكمشت فيها وسكتت كتاكل فظفارها بثوتر حيت معارفاش اش غيوقع من بعد ولا كيفاش غادي تسالي هاذ الحكاية وهاذ المنتيف لخشات فيه راسها ..دازت مدة عشر دقائق عاد تفتح الباب ودخل عصام باين التوتر على ملامحو وباين فيه واصل الاخر ديالو واصل لافان ديال الاعصاب عروق ديال راسو باينين وعرقان دوا معاها بصوت مجهد ومن نبرتو باين فيها ماشي كيطلب وانما كيامر وبلي لا هدرة فوق هدرتو ….: سمعي نكوووليك غتوضي غتمشي قدامي لدار .وغتصرفي عااادي ..بحال إلى حتى حاجة مواقعة غتكملي كلشي عاااادي وكاااع داك الشي غادي تنسايه غتمحيه من بالك نهائيا ..- فنينة : ولكن أنا بغيت نمشي غا لدارنا…مبقيتش بغيت نبقى ..وليت باغا نقرا غير عن بعد اصلا كنت غنخرج من الكرا حتى نوال دات حوايجها مبقاتش غادي تجي وحتى انا كنت غنتبعها ….
عصام : انا مكنفهمش بهاذ الهدرة …داك الشي لݣلتو هوا لغادي يكون نت غترجعي لدار وغتبقاي فيها وغادي تصرفي عاااادي ..ومغادي ديري حتى شي حركة قبل ما انا نعطيك الاوكي – فنينة : علاش هاذ الشي كامل واش حيت تبعتك ..-سرطت ريقها – واش غيوقع لي انا شي مشكل ..- عصام : نت معندك سوق فهاذ الشي غادي ديري غير داك الشي لكنݣوليك ..ونصحك متزديش تصعريني كثر ما انا صاااااعر مبرد دمي معاك لآقصى درجة بلا متزيدي تجعريني حيت ديك ساعة غادي ناذيك ديال بصح ياالاااه تحركي دابا قدامي
– فنينة سكت مزادتش هدرت و خرجت معاه …..طريق كاملة وهوما ساكتين حتى واحد مهدر. ..وصلو لدار فتح الباب دخلو سد الباب عاد شاف فيها وهدر بنبرة كلها تهديد : غدخلي وغتكمشي ..ومتفكريش بزاااف ودوك الفهامات الزايدة لفيك غادي تنقصي منها حيت مغادي تخرج معايا لفين ..هاني كنعلمك باش متݣوليش ظلمتك ..كنعاود نأكد ونكول وياك ديري شي حاجة ماشي هيا هاذيك غتصرفي بشكل طبيعي ومتحاوليش ديري شي حاجه. من راسك..حيت عيني غتكون عليك ومنصحكش تزيدي تلعبي معايا انا معندي فين تسااااع وعطيتك الخاطر بزاااف يلاه دابا دخلي ت*ودي – هي عضت فمها وحركت راسها بالايجاب ..ملقاتش الخاطر لشد ليا نقطع ليك. سيغتو بعد هاذ الشي تأكدت بلي راها بصح طايحة فشي مصيبة غير من هاذ التلميحات ديالو فهمت البلان ..جلست حاطة يديها على فمها كترجع كاع دوك الاحذاث وقلبها كيضرب …وفنفس الوقت كتفكر فشي حل .باش تفك من هاذ المصيبة لخشات فيها راسها….ساااعااات وهي كتفكر اما عصام ساعات وهو تلفون عندو خدام يقطع آبيل يبدى اپيل اخرى ترون بالمعقول ..داز الوقت وصلت ثلاتة ديال ليل هنا كانت فينينة هازا غا ساك وخارجة كتسلت باغا تهرب سامحة فحوايجها فكلشي غا الله يربح المهم غير تفك من هاذ المشكل ولات باغا غا تهنى حيت كثرة التفكير قهرها ..عليها قررات تهرب بلا ميسق ليها حد الخبار ترجع لدارهم تكمد فيها حتى تشوف اش دير ظنا منها أنه مستحيل يعرفها فين مشات ولا حتى فين كتسكن ولات باغا تخرج بأقل الأضرار ، فتحت الباب الفصيل بشوية وزادت بخطوات مفيهمش الحس بلا متشعل الضوء دايرة غير الپيل ديال تلفون زادت الباب خشات ساروت كدورو بشوية وكلها كتفتف خايفة لتحصل . تعكس ليها ساروت تعصبت معاه : تفتح الخرا تفتح ماشي وقتك حتى نت *لاوي كي داير -يلاه بدا يدور ليها ساروت كتفتح بشوية باش مديرش الحس ..شعرت بنفس سخونة كضرب ليها فعنقها غمضت عينها ساخطة كتنهج ريحتو ولات كتعرفها مزيان دارت بشوية تقابلت معاها غير صوت انفاسهم لكيتسمع هزت الپيل ديال تلفون تضرب فيهم بجوج غير شافت ملامح وجهو لمكتبشرش بالخير عاودت هبطت تلفون محيدة الضوء حيت خلعوها دوك الشوفات
– عصام مهدرش حدو جرها ودخلها لداخل وسد الباب ديال الفصيل عليهم شعل ضوء وتكى على الحيط مربع يديه:درتي غير لفراسك ياك؟ – فنينة : لا والله غير صوناو ليا دار با مسكين مريض وتزاد عليه الحال قريب يموت ومرات با مسكينة حتى هيا ماتت بغيت نكول زعما حتى هيا مريضة وشدت الفراش حدا با عليها صوناو ليا وݣاالولي خصك تجي ضروري تسامحي مع باك ( بدات كدمع ) با مسكين الحنين ديالي غيمشي ويخليني …( داغي هبطو ليها دموع ) خليني نمشي نشوف باا ونشبع منو….
عصام : كي ندير نشد راسي ومنعصاش ربي فيك كي ندير -دوز يدو على وجهو ساخط – كي ندير منحطش يدي فيك كي ندير …نت الهدرة مكتنفعش معاك نت كتنفع معاك غا العصا -فنينة حطت ساكها وحنات راسها : انا غا خايفة على راسي ومن حقي نخاف من بعد كاع داك الشي لشفت وبغيت نهرب راسي قبل متوقع ليا شي حاجة انا مقادة على مشاكل – عصام : (بستهزاء) دابا عاد وليتي تݣولي هاكا ملي كنت طيري مكنتيش عارفة بلي غتجبيها فراسك – فنينة : عارفة راسي غلطت انا مكنكرش هاذ الشي وعارفة بلي انا لجبتها فراسي وبلي نستاهل اي حاجة غتوقع لي عارفاك متعدتيش عليا وانا لتعديت على راسي ولكن طلبت سماحة وعتارفت بالغلاط ديالي وليت طالبة غا تعفو عليا ونمشي فحالي مبقيت نقلب على والو – عصام : لا ماشي بهاذ السهولة – فنينة : كيفاش زعما واش غادي نتآذى – عصام : شنو شفتي وشنو سمعتي بالظبط عودي ليا بالحرف كاع داك الشي لشفتيه وسمعتيه متنساي والو – فنينة : انا غير شفت مسمعتش شفت داك راجل كان مضروب وݣلو دم ..حرام عليك مسكين اش دار ليك والراجل كبير تكرفس عليه بديك الطريقة ماشي حشومة – عصام : كملي بلا دراما خاوية – فنينة : وشفتك نت هاز داك الفردي وشفت ملي تريتي فالحيط تم قلبي على شوية كان غادي يسكت بالخلعة – عصام : كون غير سكت بصح ولا هاذ الفريع راس زيدي اش. اخر – فنينة : صافي غير هاذ الشي من بعد نت شفتيني وتبعتيني الباقي راك عارفو – عصام : كي درتي تبعتيني – فنينة : مكانتش فنيتي نتبعك ديك ساعة غير فضول وصافي ملي كنت خارج كتدوي فتلفون وكتغوت ..من بعد ركبتي فديك الطنوبيل الكحلة وهنا لعب ليا شيطان بدماغي وشديت طاكسي وتبعتك – عصام : طاكسي ؟ طاكسي كان معاك ؟ – فننية : لا هو موصلش معايا حتى لديك البلاصة مابغاش يكمل معايا حطني بعيدة ورجع فحالو كملت غا على رجلي – عصام : منين خايفة دابا – فنينة : خايفة من كلشي مقادراش حتى نغمض عيني كنفكر بزاف …نت داخل فشي عصابة ياااك؟ عليها عندك السلااح واش بزنازة ؟ واش كتقتلو عباد الله وانا شافوني تم ؟ واش حتى انا غيقتلوني….
– عصام : ششش تفكيرك هرب بزاااف حبسي – فنينة : علاش باغيني نبقى هنا ونت اصلا مكنتيش حاملني – عصام : اوباقي محاملكش – فنينة : اذن علاش شادني مفهمتش – عصام : داك سلاح ماشي ديالي ديال واحد خونا بزناز -فنينة : ونت علاش كنت شادو وكتهدد به على الراجل -عصام : هاذ الشي نت بعيد عليك ومعندكش علاش تعرفيه انا كنت طايح معاهم فمشكل وكان غادي يتحل كون متبعتنيش نت. وزدتيني مشكل فمشكل …سمعي نكوليك وهاذ المرة بالعقل حيت راسي بصح مفروع غادي تريحي وتبتي حتى نجي عندك انا ونكوليك تقدري تمشي فحالك عاد غادي تغبري وجهك عليا ، لخصك تعرفي هو نت تحت حمايتي وطالما كديري داك الشي لكنݣوليك عليه وكطبقيه بالحرف مكينش شي حاجة لغادي تاديك – فنينة هزت راسها بالايجاب ونطقت : شكرا .. قالت ليه شكرا حيت حست براسها بصح خصها تقولها علاش هي عارفة بلي حد متعدى عليها وحد مضربها على يديها وقاليها ديري هاذ الشي كامل وطيري هاذ الطيران كامل .عصام شاف فيها متعجب ملي سمعها ..حنات راسها او ولات عاودت هزاتو شافت فيه : بلا متعجب فيا ..جلست مع راسي او فكرت مزيان وعرفت بلي نت مقستيني فوالو انا لكنت خف من رزقي وبغيت نطير تماديت وتجرات عليك بزاف ودرت شي حوايج لمخصهمش يداارو ولكن والله حتى نيتي كانت مزيانة مكنتش متوقعة هاذ الشي كامل غيوقع ومكنتش حاسبة هاذ الشي غيكون بهاذ الخطورة هاذي حتى لدابا عاد وعييت – عصام : شحال فعمرك؟ فنينة : 22 عام – عصام : باقا صغيرة وبااقا غادي تعرفي بزاف الحوايج وغتعرفي بلي هاذ الطيران لفيك ممسلكش – فنينة : عارفة والله حتى عارفة سمحلي الى بصح كنت تسببت ليك فشي مشاكل والله ما بقصدي ..وحيت انا سباب غادي ندير عقلي ولقلتيها ليا غنديرها بالحرف – عصام : نتمنى – خلاها وزاد فحالو ..وهي رجعت طاحت فالفراش بحوايجها اذن الفجر وهزت يديها : ياربي اني لا اسئل رد القضاء ولكن اسئلك اللطف فيه ..يارب حتى تلطف وتخرجني من هاذ المشكل ..غا هاذي اربي وعمرني نعاود ياربي نت تحفظني وتسترني ..ياربي نت تسلكها من عندك
دازت ربع ايام كان كلشي فيهم طبيعي من غير عصام لغبر قليل فاش ولا يبان فدار ولكن عينيه كانت على فنينة واخا من بعيد كان نوعا ما مراقب تحركاتها وهي فهاذ ربع ايام دارت عقلها وتبعت هدرتو كتمشي لقرايتها ولخدمتها عاادي ..وخا باقا محسوسة وخايفة طبيعي تحس هاكا حيت ولات مشكاكة ..وعلى بال بكلشي غير هو فنفس الوقت كتحاول تناسى وتكمل نورمال ومتبقاش تفكر فداك الشي سيغتو وان باقا موقعت حتى حاجة ماشي هيا هاذيك لغادي تخليها تخاااف غير هو بلا نوال قنطت بوحدها كانت موانسة هي وياها ومبغاتش تبقى تمشي تجلس مع كنزة ولاات تحاول تفادى المشاكل قدر الإمكان سيغتو وان المرا مدارت ليها والو مابغاتش تزيد على داك الشي لدارت وحاولت تبقى بعيدة من غير حمزة لديما لاصق فيها مخرجها .. .وكانت تخرج معاه يدور. شوية يبدلو الجو ويرجعو بعدا حمزة قدر يخرجها من داك المود لهيا فيه حس بها مغيرة وفيها شي حاجة ولكن تلفاتلو الهدرة وقنعاتو بلي غير السطريس ديال الامتحانات…
من وراها فواحد الصباح فنينة كانت حاطة تليفونها كيتشارجا وكتقدي شغلها ملي جات تهزو كتلقى نميرو بريڤي مصونيا عليها كثر من عشر المراااات مفهمت واااالو قلبها زدح شكون هذا لغيكون كيصوني عليها ..حيداتو من الشارج ومشات هزت السلة ديال الحوايج لصبنت وطلعت السطح كتنشر فيهم ..لابسة غا كلون او تريكو نص كم قصير حاسة بالصهد طالع معاها من الخلعة ديال هاذ البريڤي لمصونيا عليها كل شوية طلع على تلفون واش جاها شي مساج ولا واش كيصوني ..سلات النشير الحوايج وتمت هابطة كان عصام طالع لدراهم يلاه غيفتح الباب سمعها نادات عليه : عصام – شاف فيها بلا خاطر : -اش كاين ؟ – فنينة : بغيت نكوليك غير …(سكتت ) – عصام : طلقي خلاص اش كاين – فنينة : من صباح وشي نمرة بالپريفي كتصوني عليا – عصام : او شنو مجاوبتيش – فنينة : مكنتش هازة معايا تلفون باش كانت تصوني حيت شديتو عاد لقيت كثر من عشرة ديال لزاپيل ..خفت لتكون شي حاجة – عصام : طلعي لسطح سبقيني- فنينة : وخا – زادت قدامو طالعة هو جات عينو عليها بالصدفة ومع داك الگلون لابساه مزير مبين ليها كلشي تم تم حنى راسو غاض البصر وستغفر الله ..وتبعها طالع رد الباب سدو ومشى لجهتها : اري داك التلفون لهنا نشوف – مداتوليه – خداه بدى دخل بلاصة لزابيل كيخربق كون كان بالبيسي كون تم تم طلع النمرة بلا بيسي عشر دقائق عاد طلعها دور ليها تلفون لوجهها : كتعرفي هاذ النمرة ؟ – فنينة : لا مكنعرفهاش – عصام : اممم واخا غنصوني وغتهدري بلا متفتفي هدري عادي -فنينة : احمم واخا – دوز الآبيل بدى يصوني شوي. عاد تفتح الخط دار لها عصام إشارة براسو زعما هدري – فنينة : الو سلام عليكم – المتصل : فنينة ههه – فنينة : شكون معايا – المتصل : اححح واخيرا سمعت صوتك افنينة – فنينة : ݣتليك شكون معايا بلا خرا – المتصل : انا لتبعتك ديك نهار باش مبغتيش دوي معايا- فنينة : اناري شكون فيكم – شاف فيها عصام مخنزر – فنينة : احم احم معرفتكش – المتصل : انا لكنكلس فديك القهوة لراك خدامة فيها مالك البارح مجيتيش – فنينة : ونت سوقك ..غتكولي دابا نمرتي منين جاتك حسن ليك ولا غنوصل لمعاك شي حاجة مغتعجبكش – المتصل : والله ازين عطاها ليا واحد من هاذوك لخدامين معاك بالحق منقدرش نقوليك شكون ولكن الى قبلتي نديرو انا وياك شي كافي نقوليك اش قلتي نخرجو نضربو دويرة – عصام : انا لغنخرج فيك دور ت*وى حيد عليا من هنا – حيد لها تلفون من يدها بنترة قطع …فتحو جبد الكارطا هرسها – فنينة مفهمت والو : اويلي علاش هرستيها – عصام : الحاجة لغتشكي فيها من الاحسن تحيد – فنينة : ولكن صدق هاذ الشي معندوش علاقة بداك الشي لاخر مفهمتش علاش هرستي ليا كارطتي عصام : شنو بقات فيك – فنينة : رآه الكارطة عندي قديمة ضروري متبقى فيا – عصام بنبرة فيها السخرية : بقات فيك الكارطة ولا الزلالة لعندك فيها – فنينة : من نيتك اش كتخربق – عصام مسح على وجهو بثوتر هو اصلا مفهمتش كي دار حتى هرستها كان رد فعل لا ارادي منو : اخر مرة تجي تفرعي ليا راسي بهاذ التبرهيش واللعب ديالك حيت ممساليش ليك – زاد غادي فحالو رجع شاف فيها : وهاذ المرة ملي تبغي طلعي لهاذ السطح تستري مطلعيش مسفحة عليا حيت هاذ دار فيها جوج العزارا ماشي غا وحدك لساكنة فيها ..- هبط فحالو وهي بقات غا حالة فمها ..زرب عليها وبصح مفهمت والو طلعت فراسها وهبطت كتشوف فحوايجها وكتدوي غا بوحديتها : على مريض كي داير ..رزاني فكارطتي الله يرزيه تفووو اش داني اصلا نݣولها لو ولكن غير بلاتي على داك ولد ال*حبة لمشيت حتى شفتو نكح مو. نكيح هو وهداك لعطاه النمرة…
داز داك نهار وجا غدا لداز عادي وروتيني عند كلشي من غير عند عصام لتزير عندو شغل فالخدمة كلشي تخربق وترون ليه….كان طاح ليل وهو فبيتو كيدوي فتلفون كارز على فمو من شدة الاعصاب صدرو كيطلع ويهبط كيجاوب على المكالمة بانفعال مع قطع الاپيل ضرب تلفون مع الحيط حتى تشتت وكمل بواحد الكورسي كان قبالتو …حط يدو على المكتب ديالو كيطلع نفس ويهبطها …وكنزة كدق الباب بجهد عليه خايفة معرفت مالو خافتو يكون كيآذي راسو هي ام وحست بولدها هاذ الأيامات مغير وعلى غير عادتو عرفاتو عندو شي مشكل : اعصااااام عااافاااا ولدي لما فتح هاذ الباب انا راضية عليك لمفتحو
– بقات تزاوك وطلب فيه عاد فتح كيشوف فيها ..- كنزة : مالك اوليدي مالك
– عصام : ساعة الله اكنزة …- كنزة : غا عاود ليا اوليدي مالك …عاود لميمتك ݣوليها شنو واقع ليك حسيت بيك هاذ ليامات مغير حتى دار مبقتيش كدخل ليها شطرا – عصام باس على راسها : غا هني بالك اكنزة مواقع والو .غا معصب شوية
– كنزة : منين معصب واش شي واحد دار ليك شي حاجة ݣولي اش عصبك – عصام : ( نفاعل ) بغيتي تعرفي منين معصب معصب منك نت بالخصوص نت كريتي دار و جبتي الوناسة راسك وانا تبليت ..- زاد خارج قبل ميوصل الباب تبعاتو كنزة : غا ݣولي اش وقع كيفاش تبليتي واش عاود تاني دابزتي نت وفنينة – عصام بلا ميحس بدا يغوت اصلا كان خصو غا لبداه مع سمع سميتها مع شعل شعلة وحدة : فنينة فنينة فنينة فنينة فنينة ..كرهت هاذ السمية …بقيتش باغي نعاود نسمعها ..تفرع لي راسي بهاذ السمية وبمولاتها …ݣتليك متكريش ݣتليك مباغيش الزايد معايا فدار درتي غير لفراسك نت رتاحيتي وانا تبليت بمصيبة حيت ديك البنت مصيبة وطاحت على راسي وباقي ملاقيش كندير نتفك منها -..فنينة كانت طالعة لسطح.وباالصدفة سمعت كاع هاذ الهدرة غمضت عينها وزادت طلعت بحالها كتعض على فمها وكتاكل ظفارها محملتش يدوي عليها هاكاك حست بالحكرة للحظة عينيها دمعو بقات كتمسح على وجهها كتمشي وتجي فسطح وكتدوي بالجهر مع راسها : مالك افنينة اش وقع ليك ممولفاش تبقى فيك شي هدرة ..علاش غيبقى فيك الحال من جهتو علاش يݣول لبغى نت مالك ..اصلا كلامو زايد ناقص تبتي افناينة تبتي هو بصح مكيحملكش وجالسة عندو غير فوق النفس غير حتى تقادد هاذ الأمور وغيݣوليك غبري ..-كتحك راسها : ياك نت هاذ الشي لبغيتي رجعي لوعيك افنينة رجعي بلا متخلي عقلك يبقى يتوهم شي حوايج معندهم حتى معنى مخصش يبقى فيك الحال من عصام …الا عصام افنينة الا عصام لمتحكمتيش فراسك غتندمي من بعد…..
يتبع
شاركنا رأيك في هذا الفصل 🌹