نصك جنة نصك نار
الريح ديال السطح مقداليها والو حست براسها غادي طرطق لمخرجتش .هبطت بحالها من السطح دخلت بدلت حوايجها لبست كسوة وسبرديلة جمعت شعرها كوب شوفال جات تهز تلفونها تفكرت بلي خلاتو فالسطح طلعت ليه بزربة جابتو غير وصلت لدروج ديال دار الثانيين
مع الهبطة لغتهبط شدها تكاها على الحيط خشى رجليه بين فخادها حاكمها قلبها كان غيسكت بالخلعة شهقت بصوت مرتافع دوات بهمس : اي بعد مني واش حماقيتي
-مخنزر فيها تخنزيرة الموت دوى بصوت مرتافع شوي على عكسها هي كتدوي غا بالحس : فين غادا –
فنينة : ونت مالك سوقك – بقا مكملتهاش قاطعها مزير على فمها كتحس بيه غيتهرس تحت قبضة يديو : نعاود نسمع هاذ كلمة مالك وسوقك سنانك تحسبيهم جمعي كرك معايا حيت خايب منسوا منصلاح –
فنينة : حيد بغيت نخرج الحانوت نجيب شي حاجة خاصاني -باقي بنفس الشوفااات ومركز عينيه عليها بشكل كيخوف : تحركي دخلي حطي كرك الارض لخاصك غيجي حتى لعندك غير القحاب لكيخرجو فهاذ الوقت وانا معنديش القحاب فهاذ الدار
.فنينة .:(طلعت حاجبها ) هيا بغيتي تكول انا *حبة -زاد ضغط عليها برجليه دور ليها وجها الحيط وخشى نيفو فودنيها كيسووط نفس سخونة كتحس بها كتحرقها : منين كتفهمي ابنتي منين
فنينة :كنفهم من …رجعت شدت فمها ونطقت ب استغفر الله -.عصام غمض عينيه كيدوز يديه على وجها بشوية غير باطراف صباعو شوية فتح فيها عينيه : ناقصة ترابي وانا لغنربيك احبي- فنينة .: خليني ندخل فحالي غتهبط خالتي كنزة غتشوفنا – .عصام .: خليها تهبط وتشوف باش ديك الساعة تعرف -.فنينة : شغتعرف غتعرف بلي دارت الخايب ملي قبلت تكري لينا وخص تجري علينا حيت ولدها مبقاش حامل يشوف معاه الزايد فدارو ..عصام …. : تتتتتت ماشي هاذ الشي – ..فنينة.: او شنو شنو غتعرف -.عصام : غتعرف بلي غندخلك عليها عروسة – صدمها عم سكوت بيناتهم شوية من غير نظرات عينيهم لكل واحد فيهم مركز نظرو فالتاني بدون ميرمش حد فيهم حتى كسرت هيا هاذ الصمت : كلشي حاير فيك شكون نت بالظبط واش شخص مزيان ولا خايب كل مرة كتبين شخصية فشكل نصك جنة نصك نار اولد كنزة – عصام : ونت لتختاري بغيتي الجنة بغيتي النار…..
عصام : غتعرف بلي غندخلك عليها عروسة – صدمها عم سكوت بيناتهم شوية من غير نظرات عينيهم لكل واحد فيهم مركز نظرو فالتاني بدون ميرمش حد فيهم حتى كسرت هيا هاذ الصمت : كلشي حاير فيك شكون نت بالظبط واش شخص مزيان ولا خايب كل مرة كتبين شخصية فشكل نصك جنة نصك نار اولد كنزة – عصام : ونت لتختاري بغيتي الجنة بغيتي النار – فنينة : علاش ؟ – عصام : حيت بغيت
– فنينة : انا وياك عارفين مزيان بلي هاذ الزواج من موراه شي حاجة انا ماشي غبية لديك الدرجة باش مغاديش نفهم – عصام : برافو ، هنا بصح فين كان عليك تخدمي داك الذكاء الوهمي ديالك باش تختاصري عليا الوقت – فنينة ضحكت على راسها : وهمي اه بصح وهمي ..انا كنت متأكدة بلي من مور كاع داك الهدوء غادي تجي شي مصيبة
– عصام حرك راسو كتاييد : بصح مصيبة حيت زواج منك اكبر مصيبة – فنينة : شنو قضية هاذ الزواج خصني ضروري نفهم علاش خص نتزوجو والى تزوجنا اش غادي يتغير ؟ – عصام : هاذ الزواج هو لغادي يرجع كلشي كيف كان وغيصلح بزاف الحوايج خربقتيهم نت.
– فنينة : ياك كنت ݣلتيلي بلي خصني غير نبقى هنا – فنينة : وجودك هنا بوحدو مبقاش كافي .. ضروري خص تجمعني معاك شي ورقة – فنينة: شكون لبغا هاذ الشي حيت نت ممشتاقش فيا باش تزوج بيا واش دوك العصابة ؟
– عصام : مغاديش ندخل معاك فلديطاي انا ݣتليك لعندي او باش تعرفني ماشي كنطلب لا لا انا كنامرك حيت معندكش اختيار اخر لبغيتي ترجعي لحياتك الطبيعة
– فينية : هذا رآه الزواج ماشي اللعب كي بغتيني ندير – عصام : زيدي حداها اتفاقي ..زواج اتفاقي ..غتجمعنا ورقة لمدة شهرين من بعد ريحتك منعاودتش نشمها كدور حدايا – فنينة : انا قبل كنعتارف كنت أنانية وعلى قبل مصلاحتي تبرهشت بزاف حاولت نستغل المرض ديالك باش نقدم احسن بروجي ..تسرعت فشحال من حاجة او مفكرتش فالعواقب ..عصام الى كان هاذ الزواج غيصلح داك الشي لدرت وغادي يبرأني انا مواقفة عليه
– عصام : حتى شي واحد مغادي يعرف بهاذ الشي …..غتسينا بناتنا ورقة وغتكملي حياتك عادي لمدة شهرين من بعد ديك الورقة لبناتنا مغتبقاش وغتمشي الله يعاونك – هزت راسها بالايجاب – عصام : هاذ المزيان لدرتو معاك ..غير حيت راعييت بلي راك بنت اوباقا صغيرة او جايباك غير القرايا هنا ..عليها غمضت عيني عليك اما كون كانت شي حاجة غير هاكا نخليك تمناي الموت او متلقايهاش..
فنينة حانية راسها وكتحركو بالايجاب – عصام : يلاه تحركي دخلي فحالك – خلاها وخرج ساد الباب وراه وهي دخلت بحالها كطلع النفس وتهبطها : الله ياربي شنو هاذ الشي ..اربي وفين كنت مخبي ليا هاذ الشي شنو باقي غادي يزيد يوقع مزال شنو …كي غيكون هاذ الزواج وكيفاش غيسالي ..ياربي سلامة من عندك ياربي رآه معندي جهد اووووووف …الله يافنينة وفين خشيتي راسك ..كاع دعاوي لتدعاو فيك هانتي جالسة كتخليصهم دابا وحدة بوحدة ..غير هاذي ونتوب نبقى نتمشى غا جنب الحيط .
عصام كان محبس اللوطو فجنب البحر على الشانطي مرجع راسو لور وخاشي الݣارو ففمو كيكمي وكيسوط دخان وعقلي كيفكر رجعت به لذاكرتو لور فكاع هاذ الايام عييى يحاول يلقى شي حل من غير الزواج بها لكن كلشي تعكس ..تفكر الهدرة لدارت بينو وبين العميد قبيلا لخلاتو ينفاعل ويفقد السيطرة
فلاش بااك ..حاط يدو على دقنو كيسمع هدرة العميد لكيحاول يقنعو بلي هذا هو الحل لبقى -عصام : سمع نكوليك انااا عارف مزيان اش كندير انا كون شفت كين شي خطورة كنت غادي نتصرف من راسي البنت معارفا والو او مفهمت وااالو …والحد هاذ الساعة كلشي تحت سيطارتي – عميد : انا تايق فيك وعااارفك مزيان او متأكد منك مقلتش العكس ..ولكن اعصام هاذ شي ولابد منو باش الامور تستاقر نت عارف مزيان بلي داك الشي لدرتيه كان مخالف للقانون حظرتك ولكن مسمعتيش مي ابغي قلت ما عليش عصام هو هذا كيبغي حسابو يصفيه بيدو او هذاك تجرأ عليه وبغى يقيسو فعائيلتو .. شحال وهو يقلب عليه خليه يطيفي الغضب لفيه ولكن باش تبعاتك ديك البنت هنا كلشي ترون نت عارف حسن مني بلي الامور الشخصية كتبقى بعيدة على. الامور العملية ..مخصش نخلطو بين الجوج
-عصام : ( مزير على سنانو ) عارف …. عارف هاذ الشي كامل لݣلتيه عارفو …نقبل بكلشي الا داك الحل لقتارحوه ماشي عصام لكتفرض عليه شي حاجة
– العميد : عصام نجحاتك كانو كثااار شي لخلاك مثير الانتباه وشحال من واحد عينيه عليك وكيتسنى غير فوقاش يتصدر منك شي غلاط ..هاذ الزواج غيكون فمصلحة كلشي او فمصلحة حتى البنت لمحتاجة حماية متنساش بلي رآه كان داير حسابو و مخدم جهاز تصنت وحنا كنا غافلين عليه يعني يقدر يجيوهم فضول ويبيغو يعرفو شكون هيا ديك البنت ويفكرو يقلبو عليها عاد زيد اعصام ضروري خص تعطي لمنظمة شي حاجة ملموسة ليتأكدو بلي راك قادر تضمن سكوتها……
فاق عصام من شرودو نتر اخر نثرة من الݣارو وديمارا وزاااد ..كاره بالجهد محاملش الوضع نهائيا من ديما مكيحملش يتحط امام الامر الواقع..من ديما مكيحملش تفرض عليها شي حاجة رد ديالو كيكون عنيف ..شخصيتو هاكاا دايرة يمكن نرجسي نوعا ماااا ماشي هو لكيمشي عليه الكلام بالساهل ..جرب عدة محاولات باش يلقى مخرج لهاذ القصة من غير زواج ….ولكن مكانش شي لخلاه ينفااعل بجهد …من مور هاذ الشي غبر عصام يومين عاد بان جا لفنينة على غفلة جرها داها نيشان سناو العقد .بشكل رسمي مشركوش الهدرة بزاااف هو مكان عندو خاطر لحتى حاجة باغي غا يتفك خلاص وهي كثار منو حاسة براسها مقيدة مكتحملش تكون هاكااا بجوج بيهم مكانوش راضيين على الوضع ولكن احيانا كيوقعو لينا شي حوايج كيكونو خارجين على ارادتنا ومكنكونوش حاسبين ليهم حسااب حنا كنكونو مخططين لحاجة والحياة كتكون مخططاليك حاجااات خرا ..مكينش حل من غير الرضا بالامر الواقع – عصام رجع لدار شاف فمو ناعسة ودايرة عليها ملاية وباين فوجهها تعب جا عندها جلس حداها : كنزة مالكي ؟
– كنزة : غير حسيت بالعيا اوليدي – عصام كيقيس فيها : شنو كيضرك نديك الطبيب – كنزة : لا اميمتي لا غير دوا ولا كيرخيني مبقاش عندي جهد ولا ركابي لنوض بهم صحة غادا وكتقلال – عصام كيشوف فيها قرب باس ليها راسها – كنزة ولدها وعارفاااه شايفة الخوف فعيونو عارفااه كيموت عليها .غير لكانت ناعسة وكحبت بجهد يخرج طاير من بيتو كيجري…- كنزة : مفيا والو اوليدي بلا متشغل بالك انا كون كنت حاسة براسي ماشي هيا هديك نكوليك ديني الطبيب
– عصام : حمزة فين هو فين دايع اش كيدير ملي ميجيش يجلس معاااك يونسك علاش يخليك نهار كامل وحدك – كنزة : اويلي مالو ولا ولية لغنشدو حدايا الله يهديك اعصام . اجي فيك جوع – عصام : لا – كنزة : شوية ونوض ندير ليكم متاكلو – عصام : غير خليك دابا نجيب العشا واجد من الزنقة غير جلسي شربي دواك وقابلي صحتك
-كنزة : مخصنيش بماكلة الزنقة غير نشد راسي ونوض نطيب – عصام : كنزة اهم حاجة عندي انا هيا نت …انا مبغيت منك والو عطي غير الراحة لراسك – كنزة : راحتي اوليدي هيا راحتكم بغيت نشوفكم غير ضاحكين..اعصام ولييدي سمعني نݣوليك – عصام : ݣولي اكنزة ݣولي
– كنزة : أنا راه الصحة عندي قلالت مبقتيش قادرة نهز هاذ الدار بصابونها وبتخماالها شفتي كون ما جات بنتي فنينة داك النهار وجمعت ليا الله يرضي عليها كوراه هاذ الدار دود خارج منها -عصام : جي من الاخر وݣولي داك الشي لواحل ليك – كنزة : كملتي اوليدي 35 عام فعمرك ݣرانك راه ولادهم داخلين المدرسة ..نت مناويش تشوف ليك شي بنت الناس تهز بيك وتجمعك وتولد معاها وليداتك ودير علاامن تحط راس – عصام باس ليها يدها : انا هاذ ساعة خليني حاط راس غا عليك الحنينة – كنزة : وانا واش غنبقى ليكم رآه شي نهار ن – عصام قاطعها : الا هاذي ا الحنينة ..داك الشي ديال الله وممعروفش منبقاش نسمعك كتفايلي على راسك….
كنزة : ودابا ݣولي دير ليا خاطري اولدي انا بغيت غير نشوفك بوليداتك ..ومنكرهش تعمر عليا دار بولادك وتسخن ركانيها – عصام : نت غير كتبغي تجبدي معايا اكنزة هاذ الهدرة حيت راك عارفاني مزيان انا خايب ماشي ديال الزواج ومكينش هاذي لغنشرك معاها حياتي انا مريض غا بوحدي راسي ومحاملوش ..وأصلا خطيني انا من داك الشي مكنعرف حتى وحدة ومباغي نعرف حتى وحدة
– كنزة : عارفاااك مكتعرف حتى وحدة وعارفاك ماشي ديال دوران نقدر نشوف ليك انا شي بنت من العائلة ولا شي وحدة لتكون مزيانة وتوكل على الله رآه زواج نص دين – عصام : هاذي لغتجبيها لي وتزوجيهاالي مغتكونش مزوجة بعصام غتكون مزوجة بكنزة غنتعدى غا عليها ..انا عارف راسي مزيان كي داير غير غادي نتعدى عليها اللهم خلي كل واحد فخاطرو ..غنوض نصلي ونرجع – كنزة : اوا الله يدير شي تاويل الخير هاهي سجادة مفرشة غا فصالا يلاه دابا صليت فيها – مشى لصالة او اقام صلاة- كنزة بقات كتفكر فهدرتو وخاطرها مغير عليه اي ام تبغي تشوف وليداتها مستقرين فحياتهم ..وعصام كاويها كية ملي كيرفض ليها فكرة الزواج فكل خطرة كتجبدها لو كتشوفو دار 35 وطالع ل 36 ومزال مبغى يشوف ليه شي بنت ناس او يولد ولادو وهي كتخمم وكتحل وتفك سمعت صوت فنينة كتناديها ..جاوبتها : طلعي افنينة بنتي رآه الباب محلول غا دفعيه رآه ركابي معنديش باش نوض
– فنينة سمعتها وطلعت دخلت مشات لعندها باست ليها على راسها : مالكي ياك لاباس واش عيااانة – كنزة : انا من ديما عيانة ابنيتي هه كي درتي نت غبرتي مالكي مبقتيش طلعي لعندك – فنينة : غير مكنساليش اخالتي والله ومع الإمتحانات كنجي عيانة الخدمة كنمشي ليها بزز
– كنزة : ايه القرايا وعاد كتقيلي واقفة فالخدمة رآه بسيف متعيااي ..- فنينة : واييه كنتسهت .-مدت ليها الفلوس – هاكي اخالتي فلوس الكرا سمحيلي تعطلت عليك
– كنزة : علاش ابنتي كتݣولي هاكا بغتيني نخاصم عليك نت ماشي برانية عليا ماعليش ابنتي ماعليش غير خليهم ليك حتى وكان ترخف عندك – فنينة : لا اخالتي شدي رزقك اويلي – كنزة: عافا بنتي انا ممحتجاش بيهم دابا غير خليهم ليك – فنينة : خالتي كنزة هاكا رآه غنتقلق منك والله حتى تشديهم هههه – كنزة : راسك قاصح ابنتي قاصح
– فنينة حطتهم ليها حداها فسداري وناضت : نخليك خليت البوطة شاعلة حتى نعاود نطلع لعندك – وقفت جات عينيها على عصام لكيصلي تمتمت بالحس : الجنة والنار هههههه – وزادت هبطت بحالها – سالا عصام صلاة دار دعاء ديالو عاد ناض مشى لعند كنزة جات عينيه على الفلوس – كنزة :فلوس الكرا هاذوك عاد طلعتهم ليا فنينة
– عصام : عرفت سمعتها هزهم خداهم : متعاوديش تشدي من عندها شي حاجة…..
-كنزة : اه عرفت راني ݣلت ليها حتى ترخفي وحتى البنت لكانت معاها معاونين مبقاتش مشات – عصام : انا غنتكلف – هبط لعندها دق عليها ..فتحاتلو تفاجئت ملي شافتو : سلام
– عصام مد ليها الفلوس : شدي فلوسك خليها عندك – فنينة : الواحد على الاقل كيرجع السلام ..-مجاوبهاش – شمن فلوس هاذو تاني واش ديال الكرا لعطيت لخالتي كنزة …علاش عاود جبتيهم لي خلاص الشهر هادو – عصام : فلوسك غتشديها وعمرك تحطي شي ريال دويت مع كنزة – فنينة : ولكن علاش هاذ الشي كامل مفهمتش – عصام : حسبي راسك وليتي من مسؤوليتي دابا حتى يتفسخ العقد لبناتنا وديك ساعة ضبري لروحك
..-كان غادي ولا عاود رجع شاف فيها : ديك القهوة متعاوديش تحطي فيها رجلك ..جيتي لهنا باش تقراي …اوا ديها غا فقرايتك – زاد وخلاها مبلوكية مفهمت والو زرب عليها زربة خايبة ميلت فمها معجبة : كل شوية بوجه جديد مبقيتش فاهمة فيه والو منين نزل عليه هاذ الحنان عاود الله يستر
على غدا فالعشية كانت فنينة كتسيق هبط حمزة كيدردك فالدروج : ابشوية الخرا مالك كتعسف رآه سبرديلتك عامرة غيس – حمزة : حتى نت شحال فيك
– فنينة : افين غادي – حمزة : مرندڤ – فنينة : ( كتغبن ) ديني معاك – حمزة : اسيري تكمشي ديما لاصقة فيا – فنينة : عقل فيها اولد الحرام دابا تجي تبحلس عليا ونوريك غا عقل – حمزة : هاني عاقل غا سيري – فنينة : اجا لهنا بلاتي خالتي كنزة كين – حمزة : او فين عندها غتمشي طلعي عندها جلسي معاها ونسيها رآه غا بوحدها – فنينة : وخا هاني طالعة ..خلي معاك الباب مفتوح تنشف الدنيا
– حمزة : هاهو ..وملي يجي عصام يلقاه مفتوح فوكيها معاه ديك ساعة – فنينة : غا سير قهرتونا بهاذ عصام…..
سالات تسياقها دخلت داك الشي وطلعت عند كنزة دقت فالباب ودخلت : كنزة عييييو هاني جيت هههه
– كنزة تبسمت بحب : فنينة بنيتي زيدي زيدي – مشات جلست حداها كيتعاودو جبدو الهدرة على فلوس الكرا وقنعاتها كنزة …حيت كانت ناوية ترجعهم ليها وخا دوا معاها عصام بقات مترددة ولكن ملي طلبتها كنزة وݣاتلها انا حسباك بنتي حست بواحد الكمية ديال حنان تجاه كنزة لبزاااف حتى فنينة من جهتها هاذ المرا دخلت ليها الخاطر بجهد او ولات عزيزة عليها ..- كنزة : عافا بنيتي لما نوضي جيبي ليا شي كويس ديال الما من الكوزينة نشرب غا دوا
– فنينة : هي اللولة ازين ههه – كنزة : نوضي الله يعطيك عقل – فنينة نايضة وكتهدر : امين امين رآه حيت فاقدة العقل ديال بصح عليها غا جالسة من كارثة الكارثة
-كنزة : اناري برا ولباس عليك الله ينيجك – دخلت الكوزينة ميلت فمها بحيرة حيت كانت مرونة ديال بصح او قشلة ديال مواعن مسخين ..خدات كاس غسلاتو وعمرت ليها فيه الما وداتو ليها – كنزة : الله يرضي عليك – فنينة : خالتي فين هو تيد – كنزة : رآه تما علاش بغتيه – فنينة : ديك الكوزينة مالها مرونة بحال إلى كانت فيها الحرب – كنزة : اودي جهد لغنوض بيه فين هو ..ودوك العزارا كلشي قلبوه – فنينة : انا غنجمعها – كنزة : دخلت عليك ابنتي بالله لما خليها غاشوية يسرا فيا غا دوا ونوض ليها – فنينة : اويلي مغتقديش عليها كي بديري لدوك الواني كاملين ..انا غندخل ندور بها تعاودي دخلي ليها متعرفيهاش هههه
– كنزة : عارفة عارفة مكينش لتفوتك العزبة فحداكتك سعدات لغيديرك فدارو – تبسمت ليها ودخلت كفدت حوايجها وبدات شغلها كانت الروينة ديال بصح ..- عصام دخل مشى لعند مو باس ليها على راسها : كي بقيتي شوية – كنزة : شوية شوية بديت نتوكد هههه قهرتكم اولادي بماكلة الزنقة غا سمحولي ..- عصام جا غيجاوبها سمع التقرقيب فجهة الكوزينة : شكون كين لداخل
– كنزة : هاذيك غير فنينة دخلت تجمعلي ديك روينة لفالكوزينة وتغسل ليا دوك المواعن الله يرضي عليها – عصام حرك راسو – كنزة : ها العار اولدي لتݣول حاجة البنت غير بقيت فيها وكتعاوني لتنهض فيها ولا تقهرها انا راضية عليك – عصام : دابا انا شفتيني ݣلت شي حاجة باقي مݣلت والو دير لبغااات غير هو شغلي انا ميتقاسش ..شد الكاس ديال الما كان خاوي هزو وناض لكوزينة فحين فنينة كانت منغامسة فشغلها تغسل هاذي وتقادد هاذي مخشعة حتى دخل عصام غا شافتو بتلفة طاح ليها الكاس من يديها – عصام : غا بشوية عليك مالكي كتفتفي قدي شغلك غا بالعقل…
شد الكاس ديال الما كان خاوي هزو وناض لكوزينة فحين فنينة كانت منغامسة فشغلها تغسل هاذي وتقادد هاذي مخشعة حتى دخل عصام غا شافتو بتلفة طاح ليها الكاس من يديها – عصام : غا بشوية عليك مالكي كتفتفي قدي شغلك غا بالعقل – فنينة سرطت ريقها : احم احم لا غير كنت ساهية ونت جيتي على غفلة – مجاوبهاش عمر الكاس شرب حطو وخرج – هي بقات واقفة فبلاصتها كتشوف حطت يديها على قلبها كان نبضو مسموع عندها : اووووف مالك افنينة وليتي غا على سبة غير كتشوفيه كتفقدي التوازن
– نفضت عقلها من هاذ الافكار وكملت شغلها سلات الكوزينة خرجتها بتسيقة كاملة ردات كلشي كيشعل وكنزة غير كترضي عليها – – كنزة : اجي ازينة حدياا عييتي وقيلا
– فنينة : لا ويلي علاش نعيى مالي اش درت كاااع شقا عادي وصافي – كنزة : زنية وحادكة وقويفزة تحطي على الجرح يبرا سعداتهم والديك بيك – فنينة : اودي اخالتي اش سعداتهم غا خلي داك الجمل راگد
– كنزة : كنحس بيك مهمومة شكي عليا عاودي لخالتك كنزة
– فنينة : يݣوليك اخالتي الى مات الاب توسدي الركبة ولا ماتت الام توسدي العتبة ..- كنزة : الام مبحالها حد تمضغك ومتسرطكش دور فيك وعمرها دور عليك – فنينة : بعد شي خطرات كنبقى نكول اخالتي علاش ربي حرمني من ماما ومخلاهاش معايا واش مكنتش غنكون الابنة المثالية ليها عليها ربي بعدها عليا – كنزة : لا متكوليش هاكا ابنيتي داك الشي ديال الله ربي حد ليها عمرها بغاها وداها لعندو والى كنت غا نت افنينة راك بنت لتطلب اي مرا تولدك من كرشها زينك زين رآه كتليك نحطوك على الجرح يبرا وانا مكرهتش كون ولدتك من كرشي ولكن حتى دابا راك بنتي ياك
– فنينة : ايه بنتك الحنينة – كنزة عنقتها وباستها : اوا فوقاش غنفرح ببنيتي – فنينة : حتى نتوظف وفرحي بيا ندير عندك الحفلة – كنزة : هاذيك هي فرحتي بيك …ولكن أنا دابا ندوي ليك على غطى راسك فوقاش دريه…
– فنينة : صافي نخرجو انا وياك سويقة ونشري شي زيف هههه – كنزة قرصتها : راكي فاهماني علاش كنهدر بلا متبقاي دوخي عليا …كتخبي على ميمتك كنزة ماشي حشومة – فنينة : والله مخبيت عليك شي حاجة
– كنزة : عاودي ليا وݣوليلي كتعرفي شي حد مواعدة مع شي حد داوي فيك شي حاجة راهنك شي حد نت هدري وݣولي – فنينة : والله اخالتي الى راني سيلباطيرة حقيرة محزوقة عليا القضية مكنعرف حد مكيعرفني حد
– كنزة : هاذ زين كامل مكيعرفو حد علاش كتكذبي عليا ..ݣولي لكاين – فنينة : والله اخالتي مراني معمرة راسي بداك الشي كيجيني غير تبرهيش وخوا خاوي او الشوهة انا طبعي صعيب مغنݣوليكش مكونيش اه كوني وداويين فيا وكيجيو الخطاب لدارنا ولكن مزال ممقتانعاش باقي مكنشوفش لداك جيه مزال خصني بزاااف
– كنزة : الله يا ميمتي لنهدر معاه يݣولي مزال مكنشوفش لداك جيه واش قايصاكم السخطة ولا مالكم
– فنينة: علاش شكون عاود ݣالهاليك من غيري
– كنزة : بثلاتة بيكم نت وعصام وحمزة ..- فنينة : وراه اخالتي كل واحد وعارف اش يسلكو فحياتو والزواج دابا ماشي هو كلشي كين شي حوايج اهم – كنزة : واخا ابنتي واخا سر المرا دارها هيا غا ضايفة عند ولديها وضروري تروح لدارها وسر الراجل ولادو لي يرصيو وتااادو ..وعصام هدني ولا بغى يسمع لي. نݣولو حمزة باقي صغير وباقي مجامعش راسو اوا او عصام دخلنا عليك بالله ابنتي يا فنينة هذا ماشي ديال يكون داير على اقل شي 3, ديال الولاد ومعمر عليا دار بلعبهم او غواتهم – فنينة : علاه شحال عندو
– كنزة : رآه 36 مبقى لو عليها والو – فنينة: اممممم مبايناش فيه 36 عام ..- كنزة : اودي رآه العمر كيطير ..وخايفة حتى انا نطير قبل منشوف ولادو لمشيت قبل منشوفهم غندي حرقتهم معايا – فنينة : اويلي اخالتي متݣوليش هاكا دابااا تشوفيهم دابا – كنزة : كي ندير نشوفهم او هو مقصح راسو حلف لهو بغى يسمع ليا – فنينة : علاش مبغاش يتزوج
– كنزة : هداك عندي خرج مريض فمخو معقد غا بوحدو..هو انا غا كنبغي نعاود نهدر معاه وندير راسي فيه اما خروب بلادي عارفاه كي داير ولجبت ليه شي بنت ناس غير غادي يتكرفس عليها ونصدق غا انا لواخدة دنوبها اما هو ميتعاشر معاه حد – فنينة : لهاذ الدرجة – كنزة : ماشي كنهدر فيه ولا شي حاجة رآه ولدي اولد كرشي وتشركت عليه باش حطيتو هو ضوء عيني ولمسخن ليا كتافي وهاز حملي وحمل خوه ولكن رآه طبعو صعيب بزاااف مشيبني معاه غا الله يهديه ..- فنينة : اوا ربي يهديه – كنزة : ربي يهديه عصام حنين غير مكيبينش مع البراني كيبان ما يسوا ما يصلاح ولكن أنا لنعرفو مكينش ليفوتو فحنانتو لدرجة بعد المرة يݣول ماشي هو لولدي انا لبنتو هههه غير مات باه الله يرحمو شد بلاصتو فكلشي….
فنينة : ههه اوا سعداتك به ..اوا وحمزة – كنزة : دااك مجبد البلا فين ما كان شي مصيبة خاشي نيفو فيها ولكن هذاك القلب البيض او موفج عليا ..عصام قاصح بزااف ومعندوش فين تساع حمزة لا ضحوكي ونشوطي غا هو كيطير من المقلة – دخل حمزة – فنينة : هاهو جا جبد الكلب او وجد العصا ربي سلامة – حمزة : جمعي فمك نت راه كتقلبي عليا – فنينة : نقلب عليك مالك برا دوز تبرك ونت غا دايع فالزناقي – حمزة دفعها وجلس طالق ركابيه
– فنينة : جاي كتنهج ݣول كنت تجاهد – حمزة : رآه غنخمج مك – فنينة : اسير بعد مني لكانت فيك النفس متبقاش تهدر معايا – حمزة : بزز على مك تهدري – فنينة : بعد مني غنهدر معاك صحة – كنزة : امالكم نتوما تاني شكاين
– فنينة : قبيلة ولد الحرام كان خارج ݣتليه ديني معاك مابغاش ..وملي كيبغي حاجتو كيتم جاي كيتلبد عليا – كنزة : كون خرجتيها معاك مالك غتهزها فوق ظهرك
– حمزة : وراه كنت داير مع دراري – فنينة : غا كيكذب عليك اخالتي والله عرفتي هذا مغيمشي حتى يدير ليك شي مصيبة كيقلب غا على القاصرات ..فين ما كانت شي فرفارة تجبريه معاها شي نهار تريطو شي وحدة – حمزة ضربها راس : برك من الكذوب الخرا غتيقك او غنصدق واحل – فنينة : وعلاه مالي كنكذب ݣوليه يبعد من الصغارات راه غيدير شي فضيحة – كنزة : لدار شي حاجة يتحمل مسؤوليتو ديك ساعة منو لعصام رآه كيعرفو غيعطيه غا ضربة -حمزة؛ نوضي تقودي شريتي لينا غا صداع عاود ضربها بغات ضربو جرها من رجليها زواتو الكرش وطاحت ضرب فيه : وهداي هداي الخرا صاااافي صااافي
– فنينة : باقي تعاود – حمزة : برب لا الخرا راه عندك ظفار وزبل وصافي – فنينة : عندي السمطة الكحلة ونخليك تقيسني – رونوها بالمزيان وكنزة كضحك عليهم هزت وسادة ضرباتو بها راس ودورة لدارت تهرب دخلت فعصام راسها تضرب مع صدرو حيت بجهد تقصحت : اححح
– حمزة ناض باقي فيه داك سخونية مردش البال لعصام لمخنزر فيهم كانت عينيه غا على فنينة باغي يشدها : اجي لهنا ابوبريص شنو نجمع مك دابا بنص – فنينة غير كتشوف عصام كتكوانسا مكتبقاش عارفة اش دير
– شدها حمزة جرها : هههه يلاه فين طيرانك دابا – عصام : هدى عليها ..وبرك من التبرهيش لا نت ولا هيا معاك ….
كنزة: رآه غا كيضحكو ويتزافطو اولدي خليهم مالك فيهم شبغيتي عندهم – عصام: كنزة داخل نعس منسمع حس حتى شي واحد – قطع فيهم غير مشى رخاو النفس
– حمزة : اناري قطع فينا النفس كيدخل بلا حس ياربي السلامة – فنينة : ديما عاقد دوك الحداش فكمارتو غيشرف قبل الوقت مالو على حالتو مكذبتش عليك باش كتليك خصك ديه تزوريه – كنزة : سكتي دابا يسمعك المصيبة – فنينة : ويسمع مالو غادي يخلعنا
– حمزة : ههههههههههه شفتيه ونت تكوانساي – فنينة : الا الخرا رآه جيت نهرب دخلت فيه اححح هرسلي راسي شكياكل اناري ݣول كياكل الحجر كي الحيط – كنزة : نتوما هدرو بالحس هاهو غيجيلكم ههههههههههه
– فنينة : تجيه فراس – كنزة : مديوش عليه غا خوكم هذاك -فنينة ضربت حمزة : انا غا هذا لخويا – حمزة حك كرشو وطلق راسو. على الوسادة ..: مكين ميتگال فينا جوع -كنزة : نوض حرحر شي جوج بيضات لراسك
– حمزة : مالي وليت حنش نبقى ناكل غا البيض -كنزة : عيانة دابا حتى نوض ونشوف شنو ندير ليكم – حمزة شاف ففنينة: وهاذ عوجة الرجلين شكدير نوضي طيبي لينا ندوقو طيابك الخانز- فنينة : بزاااف على مك نت راك كتقلب عليا
– كنزة : نت بعد من الدرية فين باغي تنوضها جلس تركن ونت كرشك دايرة فيك الضحك – حمزة : وراه قتلنا نشاف بغينا غا نسمعو ديك الكوكوط عندكم كتصفر ..نوضي افنينة ديري المزيان مع خوك الله يرضي عليك شي طاجين زاهي -فنينة : نوض تهز عاوني نقي لي الخضرة
-حمزة : ولا ماشي هاذ الشي – فنينة : ولا مالك باغي تاكل غا الباردة تهز لباغي تجغدر – ناض تبعها الكوزينة جبدت داك الشي لخاص ولكان ناقص من الخضرة صيفتاتو السويقة جابو ليها. ,,, غا جالس مونسها ويعاود ليها على البنات ..سلات طاب طاجين طفات عليه ..عاد هبطت عيااات تشدها كنزة باش تاكل مبغاتش ݣالت ليها شبعانة مفيها لتاكل عندها الحفاظة وخصها تمشي تحفظ …
خرج حمزة جاب الخبز حطو طاجين – كنزة : شفتك كفدتي يديك وربعتي نوض غوت على خوك حتى هو يتعشى – حمزة : رآه غيكون ناعس غا خليه تعشاي غا نت – كنزة : كول غا بشوية مالك فيه لهطة ..خوك يبات بلا عشا ..( كتغوت ) عصااااام اعصااااام ..- نوض تهز نت غوت لخوك
– حمزة : اوووف ..هاهو نايض – غا وقف تفتح باب لبيت خرج منو عصام كيحك فراسو : هنا شنو ..كين – كنزة : غسل اولدي يديك ودوز تعشى – عصام : عيانة ونضتي طيبتي واش مبغاش تعطي راحة لراسك – كنزة : لا اولدي ماشي انا لطيبت فنينة لطيباتو انا منضتش
– حمزة: شمن فنينة رآه انا وياها راه حتى انا عاونتها – كنزة : باز لوجهك عاونتيها فجمل كنت تحمروه غا فقصتيها …دوز اعصام تاكل قبل ميبقى ليك والو رآه شفت هاذ العجل دخل فطاجين طول وعرض – عصام : مخصنيش
– كنزة : اويلي مخصكش … تبات بلا عشا فين كليتي اجي ݣول طاجين شحال مكلتيه وعزيز عليك – عصام : نت عارفة اكنزة بلي مكناكلش من غير يديك بلا متبقاي تحكري هنا خارج – كنزة : متاكلش من غير يدي وديك ماكلة الزنقة لكنت دخل مالها مطيباها الماكينة ماشي اليدين
– حمزة : هههههه كلاش مقود الحنانة هههه – كنزة قطعت الخبز كتاكل : بغيتي جي كول جي مبغتيش غتجيبها غا فكرشك – متسوقش ليها زاد مع الباب خرج — اما فنينة كانت دايرة اپيل فيديو مع البنات ودراري لكيقراو معاها كيپريپاريو جميع ..جامعة شعرها شفنة بستيلو ومركزة معاهم وفحفاظتها فالاغلب هي لكانت تشرح ليهم داك الشي لمفاهمينش وتݣوليهم علاش يركزو – داز الوقت هو عاد رجع لدار دخل كان سقيل كان كلشي نااعس .دخل توضى صلا لعليه عاد داز الكوزينة ناوي يدير قهوة ..جات عينو على طاجين محطوط عرف كنزة خلات ليه حقو هاذ هي الام متقدرش تدوز ليها على ولدها فتح طاجين شافو ورجع سدو ..قادد قهوتو شعل الݣارو وجلس يتكيف ويسوط دخاان نتر اخر نترة وطفاه …شاف فداك طاجين فتحو خدا الخبز كلا دغمة الأولى وزاد تانية كان ناوي غير على جوج دغمات غير باش يسد الجوع مواكلش من صباح .ولكن محسش حتى لقى روحو داخل فيه بالمزيان حتى كان مساليه عاد وعى على راسو حط الخبز من يديه بنترة مسح فمو لاقي عذر بينو وبين راسو انه. غير كان فيه الجوع عليها كلا وماشي حيت الطاجين لبنين….
دازت كثر من جوج سيمانات كان فيها الوضع نوعا ما مستقر ..فنينة نوعا ما ولا كتعمر الفوق كثر مع حمزة وكنزة يهبطها غير نعاس او ولات هازة شقى شوية على كنزة لولات شوية لاباس او كتحرك ، علاقتها بعصام مكتسيها البرود ..معاودوش هدرو بطريقة مباشرة من غير هو لاحظ وجودها بكثرة عندهم او رادة البال مزيان لكنزة او مفوجة عليها شي لخلاها تكعد من الفراش وترجع شوي فصحتها ..هاك دازو هاذ ليااماات الروتينة
جالسة كنزة كتقرط فالقزبر وحداها فنينة شادة تلفون مكونيكطياا ..ونفس الوقت شادة هيا وياها الحتيت كل شوية جابدين موضوع فشكل…كانت شي الخمسة ونص ديال عشية عاد دخل عصام لدار شافهم لقى سلام على مو وزاد غادي لبيتو قاطعاتو كنزة : نسخن ليك غداك اولدي تاكل – عصام : واه سخني – زاد دخل يبدل حوايجو
– فنينة : غا خليك كملي التقراط انا نوض نسخن ليه – كنزة : واخا ابنتي يرضي عليك – فنينة : كين اخالتي شارجور نحط تلفوني يتشارجا غيطفى – كنزة : شوفي واحد راهو فين واش يخدم ليك – فنينة مشات ليه هزاتو : اه بحال لعندي – دارتو يتشارجا ودخلت الكوزينة حطت المرقة تسخن وكانت الفريت ديجا مقلية ….قلبت علا شلاظة فثلاجة ملقاتهاش خرجت لعند كنزة : خالتي واش شلاظة مبقاتش
– كنزة : رآه رجع ليها داك الجن ديال حمزة وساط فيها – فنينة : ماشي مشكل نقادد ليه وحدة أخرى – خدات خضرة شلاظة نقاتها ..وبدات تقادد فيها طلت على المرقة لقاتها سخنت حطتها فطبسيل ودارت عليها الفريت رجعت تقادد شلاظة سمعت تلفونها كيصوني – كنزة : افنينة اجي شوفي تلفونك كيصوني – فنينة مسحت يديها وخرجت لتلفونها لقات غا نوال جاوبتها قالت ليها نسالي ونرجع نصوني ليك ..رجعت الكوزينة كان دخل شاد طبسيل جالس فطابلة كياكل ..بلا متحس دوات معاه : بلاتي تسناني غير حتى نقادد ليك شلاظة عاد تغدا نيشان شدت تكمل على داك الشي لبدات حتى سمعاتو نطق بنبرة قاصحة خلات قلبها يزدح – عصام : شنو كتحاولي ديري اممم
– دارت شافت فيه مستغربة : كيفاش مفهمتش – ناض وقف تقابل معاها : راك فهمتيني ومزيان – فنينة : لا بصح مفهمتكش – عصام : يحساب ليك مغنعيقش طول هاذ الايام ونت كتحاولي تلعبي دور الزوجة المثالية ..- فنينة : من نيتك – عصام : اذن باش كتفسري هاذ الشي لكديري فيه – فنينة : انا غير خالتي كنزة كتبقى فيا عليها كنبغي نعاونها او -قاطعها : داك التبحليس يقدر يمشي على كنزة وماشي على عصام وبرك متبقاي تلعبي دور الزوجة المثالية حيت مجاش معاك دور اذن خليك بعيدة قدر الإمكان باش متشوفيش شي حاجة متعجبكش او متحليش كلك وتيقي راسك ..ديجا ݣتليك شنو بناتنا مجرد زواج اتفاقي ..مجرد ورقة قريب يسالي صلاحية ديالها وما نت كتعرفيني ما انا كنعرفك ..خليك ديما كتفكري على هاذ الاساس ومتوهميش راسك بشي حاجة مكينش اصلا ،،، ها انا حظرتك باش متݣوليش ظلمتك من بعد – خرج وخلاها مصدومة من هدرتو عضت على فمها مزيرة بسنانها وعينيها حمارو ..حتى عااود سمعاتو كيغوت كيسول على شارجورو
– كنزة : ابشوية رآه فين كتشارجي بيه فنينة
– عصام سلتو من البريز بنترة ورما ليها تلفون فسداري : من ديما كنݣول زمري ميتقااااسش ..هاذ دار ولات جمهورية ولا كيفاااش لجا يلعب فيها…..
فنينة زيرت على يديها خرجت من الكوزينة دازت قبالتو هزت تليفونها من سداري مدوات متكلمت جهدها هبطت بحالها لتحت كتزرب فدروج دخلت جبدت حوايجها كتلبس فيهم بدون متهدر غير نفسها لكتطلع وتبهط من وجهها تعرفها واصلة الاخر ديالها فالاعصاب مرة مرة كتمد يديها كتبعد شعرها من على وجهها دليل على غضبها وشدة التوثر ديالها عندها بزااف الكلام فحلقها باغا تݣولولو ومقدرتش قبيلة معرفتش شنو وقع ليها حتى تبلوكات تفاجئت فراسها ..شوية بلا متشعر حتى بدأت كتسب : ولد ال*حبة الله ينعل ال*امل بوه شحاسبك *رو انا لكبرت ليه الشان حتى بدا يتصور عليا ولكن سري ايه سري انا لخفيفة ومدايراش العز راسي أنا لحنيت راس ..علاش غيبقى فيا الحال عليه شكون هو فملك الله باش هدرتو تبقى تاثر فيا علاش تعصبي علاش علاش افنينة يبقى فيك الحال جمعي راسك شهاذ الحالة وصلتي ليها كان يقصح معاك كثر من هاكا وكنت تعطيه علاش كيقلب علاش وليتي تسكتي ليه علاش مبقتيش تقدري تجاوبيه علاش كتفكري فيه علااااش -عينيها دمعو – اربي غنحماق علاش كنتزير علاش انا ماشي هاكا ومكنتش هاكا ومخصنيش نكون هاكاااا – كتلبس وكتعاير وتسب فيه وفراسها حقدت ديال بصح خرجت طايرة باغا غير تشم الهوا حاسة براسها لبقات فدار غا متزيد تخنق بغات يضرب فيها غير البرد هبطت المهدية مشات البحر جلست مع راسها كتحاول تفكر فاش هاذ الشي وشنو هاذ المشاعر الغريبة لولات تراودها ..علاش مبقاتش تقدر تجابه معاه علاش ولات كتزير من معمالتو الباردة ولات تشوف واش بصح عندو الحق ملي قاليها كتحاولي تلعبي دور الزوجة المثالية … بزاااف الأسئلة كيراودوها والجواب كان مجهول ..هي براسها مفهمتش اش واقع اوشنو هاذ الشي او فوقاش وقع هاذ الشي،،، كتاكل ظفراها مغددة بغا تغوت عليه باغا تهدر باغا تفرغ اكثر حاجة معصباها هي مقادراش تعرف على راسها حاليا هي متأكدة بلي شخصيتها ماشي ضعيفة هاكا وعمرها كانت هاكا اخيب حاجة هي تولي متعرفش راسك …ساعااات وهي جالسة تم كتفكر وتحلل وتستنتج وتلوم فراسها …حتى طاح الظلام عاد ناضت تكعدت مشات تسنى شي طاكسي يدوز ..صونا ليها تلفون جاوبت بلا خاطر : نعام امنصف اش كاين – منصف : اصحبتي شحفيتنا على دوك البوليكوب ولا نت بغيتي تجيبهم – فنينة : صافي بعد غدا نجيبهم ليك – منصف : باغا تصدريني تاني شمن بعد غدا رآه بغيتهم دروك – فنينة : كي ندير ليك ليهم دابا دور ت*ود بعد مني دابا القردة طالعة لعندي السطح مناقصاكش – منصف : بالرجولة تعاملي مع خوك – فنينة : كي ندير ليك تهبط عندي القصبة ؟ – منصف : نهبط غا فكينا – فنينة : عرفتي شغدير نيت ملقيتش طاكسي غنصيفت ليك لوكاليزاسيو جي لعندي وطلع معايا لدار نعطيك خراك يالاه متعطلش – قطعت معاه صيفتت ليه لوكاليزاسيو مسافة طريق وكان عندها باللوطو ديالو هو كبر منها بشي عامين دارهم لباس عليهم ملعق ركبت معاه وزادو لدار حبست لوطو قريب الباب نزلت : تسناني نجيبهم ليك – دخلت هزات البوليكوب. وخرجت لعندو كان هو نزل من اللوطو او ومتكي عليها – فنينة :شد ها خراك – منصف شدهم من عندها : طلقي لهنا اناري شحفتينا عاد شديناهم من عندك – فنينة : يلاه دور حيد عليا من هنا كلشي كيشوف ݣول غا صاحبي مقنتني – منصف : ومكرهناش نكونو بصح هههه – جا غيسلم عليها بلابيز قبل ميوصل حنكو لحنكها حس منصف بضربة جاتو لنيف خلاتو يفقد توازنو شد نيفو كيقطر بدم يلاه جا يهز عينو فيه كان عصام عاودو ضربة خرى مرعفاه كثر من الأولة جمع معاه شبحو فالارض فنينة جاها على غفلة ثواني عاد وعات بشنو كيوقع بدات تجر عصام من على منصف وكتغوت : اويلي واش حماقيتي جات قبالة عصام شاداه …منصف غير طلق منو عصام لمعرفو منين نزل عليه ناض طاير هرب لطنوبيلتو وكسيرا هارب فحين عصام باقي كينهج صدرو كيطلع ويهبط عروقو باينين – فنينة : شهاذ الخرا اش دار ليك دري باش تعدى عليه هاكا واش جهلتي – عصام : نزلي صوتك وحسك منسمعوش لداخل تحركي قدامي يالاه نتفاهمو على هاذ الت*بين -غوت – تحركي قدامي ..- دفعها دخلها وسد الباب حتى طار – مكان حتى واحد فدار من غيرهم حمزة خارج وكنزة عند جارتها – فنينة : نت لدابا تقدر تفسر لي اش هاذ الشي دري اش دار ليك جا معايا عطيتو البوليكوب ديالو فين كين المشكل باش تلاوح عليه – عصام بستفزاز : ساهلة شفت شي حوايج معجبونيش ودرت داك الشي لخصو يدار .- فنينة : شكتخور اشريف واش طايح على راسك بحالاش هاذ الحوايج لمعجبوكش – عصام : قبل كنت شرطت على كنزة بلي نشم ريحة شي *امل واقف هنا غندير داك الشي لخصو يدار – فنينة : لا راك درتي او بزايد – عصام : لا مزال حيت باقي مدرتش فيك نت ..حتى نرد ليك خنافرك كلهم هابطين دم عاد ديك ساعة ݣولي درت – فنينة : نفس السؤال ليك شنو كتحاول دير ؟ كتحاول تلعب دور الزوج المثالي لكيغير على الحرمة ديالو ولا كفاش – عصام ضحك مستهزء ومسح على لحيتو : لا تفكيرك مشى بعيد – فنينة : يمشي بعيد ولا يبقى قريب نفس الهدرة غنعاودها ليك انا وياك جامعنا ورقة قريب تسالي صلاحية ديالها يعني كل وسوقو فراسو ..وخا جعلك تشوفني جالسة نت*وى مدخلكش – مع كملتها مع جمع معاها بتسرفيقة وعاودها الثانية بظهر يديه تا طاح شعرها على وجها بقات حانية راسها كلها كترعد بزربة تحقن ليها الدم وجهها دليل على قمة الغضب لوصلات ليه ماشي بزاااف وكانت هازة يديها غتضربو كان سرع منها وشدها ليها مزير عليها..قلبها على الحيط مرجع ليها يديها ورا ظهرها ومزير عليها من اللور : نݣردها ل*حبة مك قبل لتفكري تهزيها
– فنينة كتزفر شاعلة ديال بصح : طلقني وتفرج واش نعاود نهزها ولا لا .الى سميتك راجل طلقني وتفرج
– طلقها بنترة حتى كانت على شوية غتجي على وجهها ..مفهمش كيفاش حتى كانت طايرة عليه مهبطة لو وجهو بظفارها وغارسة فيه سنانها عاضاه من جهة كتفو …زربت عليه دفعها بجهد : واش جهلتي رآه غنقتل دينمك -فنينة مخرجة عينيها الحومر وعرقانة كتهدر وتبعد شعر من على وجهها : الااا اناااا الا انا منصحكش تحط يديك عليا ماشي انا لتقيسني ونسكت ليك مااااشي فنينة لتسكت على حقها ..باااا لولدني ومكنصبرلوش ..علاش غنصبر ليك نت …باشمن حق تحط يديك عليا شكون لعطاك الحق -غوتت – الى كنت مولف تحكر على كلشي علياااا انا لا ..لكنت نت حمق مريض اناااا كثر منك معنديش جرام العقل نسوط فالمرض كامل معنديش مشكل ..- عصام ربع يديه كيشوف فيها اومبرد : ايه زيدي كملي – فنينة هاذ الشي ليقهرها فيه هو هاذ الاستفزاز ديالو : عرفتي نت اكثر واحد مريض عرفتو الحد الآن ومرضك صعيب مليه دوااا …ومنصحكش به معايا حيت حتى انا كثر منك معندي منخسر نوصل معاك فين ما بغيتي حيت لكنت داير فبالك كنخاف منك بحالهم فراك غااالط ياكما شفتيني ماخرا بديت نغمض عيني ونسكت ݣلتي صافي هاذي تهدت خافت وتكمشت . الى راني سكت ليك غير حيت كنت نراعي على وجه مك لمصرفة فيا غير الخير اما انا كنخاف غير ملي خلقني اما العبد مكيهمنيش
– عصام : (ميل فمو لجنب مبرد لاقصى درجة ) خايف عليك ابنتي خايف لشي نهار نفقد اعصابي ديال بصح ونصدق موفت فيك شي ضربة لمتنوضيش منها حيت زعمتي بزاااف وتخطيتي كاااع الحدود لكنت حاط ليك ..وهاذ الشي مغيوصلك معايا لفين غتجببها غا فراسك وفصحتك ..جهدك قليل ومتقدريش عليا حيت انا خايب او خايب بزاااف
– فنينة : اصدق حاجة غنݣتولها هيا هاذي ..اه فعلاا نت خايب بزاااف خايب لدرجة متصورهاش ..خايب لدرجة ميقدر يعاشرك حتى واحد …..
عصام : مزيان ملي راك عارفة .. نصحك خليها ديما فبالك باش متندميش – فنينة : لا لاا لا راني ندمت ديجاااا ندمت على كلشي ندمت على نهار لحطيت فيه رجلي هنا ندمت على نهار لفكرت فيك وحطيتك فبالي ندمت على نهار لفكرت نتبرهش معاك ..غلطت غلطة صغيرة وهاني مزال كندفع الثمن ديالها لمعرفتش فوقاش غيسالي …حتى لين غنبقى صابرة ليك انا ممضطراش نصبر ليك كنموت فكل لحظة كتهيني وكتغلط فحقي حيت مكنرضاش ..مكنرضى بتواحد
– عصام : انا ممظطرش نراعي ولا نحافظ ليك على كرامتك موتي ولا بقاي ولا عطي راسك العافية نت كاع هاذيك كتبقى مشكلتك ماشي مشكلتي – فنينة : الخير لغندير فراسي .. هو ن*ود بحالي من هنا حيت انا واياك كلشي الا تجمعنا دار وحدة ..غنسمح فكلشي ونزيد فحالي غا الله يربح ..حيت بصح عييت مبقيتش قادرة نستحملك ..غلطت فالاول اه ..ولكن بزاااف من كل شوية عاطيني القاااصح …غنزيد فحالي ونهار لتخلص صلاحية ديال ديك الورقة كيف ݣتكول نجي ناخد طلاقي
.- عصام : هههه طلاقك ؟ هههههه من نيتك ..علاش هو كان زواج بعدا باش يكون طلاق ..راني ݣتليك بلي تيقتي *رك لدرجة وليتي تلعبي درو الزوجة المثالية …لهاذ الدرجة عصام بغى يتزوج وملقاش بيمن …لدرجة يبغي يتزوج بوحدة ناقصة عقل وناقصة ترابي – فنينة بانفعال : ناقصة عقل اه متافقة معااك ناقصة عقل حيت خشيت راسي فيك من الاول ناقصة عقل حيت لدابا باقا شاركة معاك العربية وكنهدر مع واحد مريض بحاالك اما لكان على ترابي مربية بزز منك ..مربية راسي براسي مربية لدرجة مكنقدرش نقهر بنادم من والو ..ولغتݣول عليا ممربياش مالك شنو شفتيني كي ندير شفتيني كنهز رجلي ولا كيفاش
– عصام : لا غا هزيهم باش تشوفي اش غيطراليك ندفن مك حية – فنينة : دفني كاااع علاش فاش يقيصك نت هاذ الشي اممم فاش يهمك ياك نت بعيد عليا وانا بعيد عليك وديك الورقة لجامعانا معندها حتى معنى ما نت محسوب عليا ما انا محسوبة عليك فين كين المشكل لشفتيني مع شي واحد هااا هاذ الشي فاش ياذيك نت ….. اوكي هنا كون كنت ماونكاجيا مشي ولد الناس وعلاين نتزوج كي ندير فحالتي ..اكيد مكنتش غنطيعك ومنقبلش من الاول نسيني معاك ديك الورقة وفين ما بغات توصل توصل
– عصام : انا مسوقيش فهاذ ال*لاوي كامل غتسمعي اخر هدرتي وغتحلي ودنيك مزيان ودخليها لداك دماغ المسخ لعندك ..قرب لودنها كيهدر بنبرة تهديد : طول ما سميتك على سميتي وطول ما نت على ذمتي نشم فيك ريحة شي حاجة ماشي هيا هاذيك ولا نشوف عليك واخا غا القليل نذبح مك ..شفتي يصوني عليك شي *امل وخا غا بالغلاط نقتل ديمنك نت وياااه ..ومنصحكش تختابري صبري….
فنينة كتدوي بشوية : مبقتيش باغا نختابر حتى حاجة فيك بغيت غير نمشي فحالي ..بغيت نرجع لدارنا منقدرش نبقا هنا بغيت نرتاح شوية – عصام : ماشي بهاذ السهولة ..قبل منعطيك انا الاوكي متقدريش تمشي ..ديري لفراسك وتعتبي هاذ الباب رجليك نكردهم ليك – فنينة : انا مكنفهمش بهاذ الهدرة وهاذ السلطة والطغيان ديالك مكيمشيوش عليا كلشي الا نحني ليك الراس -عصام: غتحنيه ابنتي غتحنيه المرة الجاية مغنهدرش بفمي ومغاديش نتحاور معاك غيكون ليك عندي بلان اخر تصرف خر حيت بصح نت مكتفهميش بالهدرة كتفهمي بالعصا لمربيتكش وخليتك تمشي جنب الحيط راني مسخوط كنزة -فنينة : ها حنا غنشوفو شكون فينا لغيتهد
– تسمع صوت الباب كيتحل ..طلق منها وطلع بحالو ..- تفتح الباب ودخلت نوال جارة شانطتها كتبسم
– فنينة : نوال جيتي – نوال : جيت ومجيتش وحدي شوفي شكون جبتليك معايا بعدت دخلت اكرام كتنقز : احححح هنااا جيت عند الحب نتاعي -فنينة تفاجئت : اكراااام اتي جيتي كي درتي كي دارو خلاوك – اكرام : هههههه مخلاونيش هربت ليهم هههو-فنينة : اويلي لهربتي …واش بغيتي يجيو يهجمو علينا يقلبو عليك هاذ قنيطرة زنقة بزنقة هههه
-اكرام : ماسوقيش .ݣلتها لحليمة وخرجت وخليتها كتنݣر -فنينة : وقرايتك واش مقارياش -اكرام : مقارياش هاذ اليومين ..عليها لصقت فنوال باش نجي اواااه نجي نفوجو غا شوية تقهرت تم -فنيتة : هانتي غدوزي هاذ اليومين مخيرة وترجعي لعنهم غيضبرو معاك مزيان
-اكرام : نو تسوق يهدرو حتى يشبعو ويسكتو – فنينة : ونتوما اش هاذ المجية فليل كي درتو ليها – نوال : رآه مكناش عوالين على غفلة صباح عندي شي حاجة فلافاك ..واكرام كانت ݣايلالي ملي نكون غادا نعلمها غا مشيت ݣلت ليها زيدي ..قالت بسم الله وناضت خلات حليمة كتغوت غا بوحدها ههههههههههه – فنينة : دابا تجبريها تكول دات ليا بنت. دات بنتي تخرجها ليا لطريق مشات بنتي لعندها تضيعها لي – اكرام : ههههه بحال لعلمك الله هاذ الشي لخليتها ݣتكولو شوي متبعني بالحجر
– فنينة : جاب الله المسخوطة مكانوش دوك رباعة الشماكرية اما كون رآه دوروك – اكرام : طز فيهم ..- فنينة ضحكت بلا خاطر فتحت الباب دخلو – بدلت نوال حوايجها لبست بيجامة اكرام خدات حتى هيا بيجامة من عند ختها بدلت وتلاحت تجبدت….
دار عندكم زوينة نقية حسن من هاذيك للخرا الحيوط كانو فيها شبعانين برد شوية متمرضو بالسل – فنينة تنهدت : اودي كون غا بقينا تما على هاذي – اكرام : من نيتك شوفي شحال متيسعة باينة يلاه مصلوحة باش كاريين
– نوال : 18 بالما والضوء. – اكرام : وااايلي مخيرة بزاااف فين تلقاو بحال هاذي بهاذ الثمن طيحت معاكم بزاف هاذ المرا – نوال : اصلا المرا ظريفة الله يعمرها دار هاهي فنينة تعاود ليك لدرجة مبقيناش نحسبو راسنا غا كارين ولينا نحسو بحال إلى هاذ الدار درانا …ديك المرا بزاااف فيها شي ظرافة عمرها شافتها عيني راخفاهااا ومهازاهاش منين تقالت نور نازل ليها على وجهها…عاودي ليها افنينة على خالتي كنزة – فنينة: اودي معندي منݣول – نتابهو ليها والحال لفيه
– نوال : هاذي مالها -اكرام : امالكي مخنزة ومعاجبكش حال شنو عندك -نوال: شنو طاري ليك واش مدابزة مع شي واحد نت هدري -فنينة : لا مفيا والو غا عيانة شوية ..ومعندي خاطر -اكرام : هاء هاء لݣلنا نمشيو عند فنينة نفوجو شوية ساعة فين ما مشيتي مكين الربح ..نت اش طاري ليك ابنت حمد عندك شي مشكل – فنينة: لا مكين حتى حاجة..غا مخربقة شوية اجو فراسكم على شوية كنا نتخالفو فالطريق كنت تجيو متلقاونيش كنت هازة راسي وجاية
– نوال : علاش مقارياش – فنينة : عييت هنا كنت بغيت نجي لدار ونپريپاري على خاطري – اكرام : الخرا لكنت غديري مع حليمة شي حاجة كانت تقيل نهار كامل واقفة عليك كي قباض الرواح حرف واحد من دوك الدروس ميبقى ليك فالبال – نوال : هههه كي درتي حتى بغيتي تمشي غا معاطاك ياك نت مكتحمليش تشدي الطريق ليها ومدا بيك غير فوقاش تخرجي منها – فنينة: وخا هااكاك كتبقى دارنا ومكينش لبقبل عليك من غير داركم….فين ما مشيت وشحال ما درت ..فالاخر غنرجع ليها – نوال قلباتها جدية : فنينة واش واقعة شي حاجة كنحس بيك قلبك عامر شنو طرا ݣولي .-نغزت اكرام لكانت ساهية فتلفون
– نت حيدي داك تلفون ودوزي تشوفي ختك مالها
– فنينة : وصافي الخرا مالكم فيكم التحكار الخاوي معندي والو ساعة الله غا خاطري مزير شوية – اكرام ميلت فمها : رخفيها على راسك مالك جلسي تزيري وقتلي فراسك…
شوية فنينة سمعت حمزة كيغوت بسميتها رد عليه : حمزة دخل – حمزة : كي ندير ندخل ..، ندخل فالباب رآه مسدود – ناضت فتحت لو : هنا شنو- حمزة جات عينو على اكرام نسى فنينة لكتهدر معاه عينيه غا على اكرام شد فنينة دفعها من قبالتو شوية مكانت غطيح : احححح التوت البري بان عدنا فالواقع -نوال : اداك جن سير بعد من البنت
-حمزة : دخلي سوق راسك اديك صفرة الوجه
-شاف فاكرام لكانت تزنكت حشمانة : اححح شوفي ليك على الزين لعندو علاش يحشم ماشي بحال شي قردات -فنينة جراتو من تريكوه : اداك ال*واد بعد لي من ختي -حمزة : كانت ختك دابا ولات قلبي -…كانت كنزة داخلة سمعت صوت هدرتهم دخلت لعندهم : نتوما مجموعين هنا -شافت نوال واكرام – على سلامتك أنوال غبور هاذي عاد جيتي -نوال : الله يسلمك اخالتي عاد كي دخلنا دابا -كنزة :كي خليتي مالين الدار لباس عليهم
-نوال : حمد الله اخالتي لباس عليهم الله لهلا يخطيك -كنزة شافت فاكرام لناضت سلمت عليها من الصواب -فنينة : هاذي هي اكرام ختي لكنعاود ليك عليها
-كنزة بحنية: تبارك الله تشابهي نت وياها لا لا كين الشباه بيناتكم الله يتاويكم -حمزة تنهد بصوت مسموع : امين ويبلغنا الحلال -نوال نغزاتو : الله يتاويهم هي وختها ونت اش خشاك -حمزة : ونت مالكي دعوة تدعات وتلݣيت ليها ههههه كنزة مكتفكريش تزوجي ولدك – كنزة : نت جمع عينيك رآه كنعرفك ملي كيبداو عينيك كيدورو
– حمزة : الزعطة خايبة اكنزة كنزة : حيد عينيك على البنت قيلها عليك من الضسارة شو كي حشمتيها – حمزة نتوما اش كتفهمو شو كي ساكتة وحشمانة قرب عندها كيهدر معاها : ݣولي واحد جوج ثلاتة – اكرام : انعام
– حمزة : غير ݣوليها – اكرام : واحد جوج ثلاتة – حمزة : عجبوني عندك بثلاتة الزين ، لطاي ، العقلية – حس بسندالة جاتو الظهر دار لقاها فنينة لشيرت عليه – ناض وقف كيضحك مطاكي على راسو من فنينة لكتشير عليه باش ما كان : بلا عنف غنساحب بهدوء خليني نخرج صحيح ها العار ..تخبع ورا كنزة : والله حتى غا كنت نضحك هنا غنمشي بحالي… -تسلت حتى لباب ورجع طل براسو : كرمتي قلبي اكرام…
اكرام بلا متحس معا هي تبسمت ليه مع شيرت عليها حتى فنينة بسندالة : الله يعطيك غبارة كضحكيلو عاجبك الحال هههههههه – نوال : شوفي ليك درية غا شافتو نزلت عليها الحشمة – فنينة : ههههههههههه وتزنكت كاااع ..مال مك تحليتي ليه تجمعي كيتلوط ونت كتفرنسي ليه عاجبك الحال – كنزة : حيدو ادوك لفعات دورتو البنت ..اجي حدايا ازينة اجي ..- مشات اكرام جلست حداها :البنت غير حشومية عليها مقدرتش تجابه معاه …مديش عليه ابنيتي حمزة هاكاك ضحكو داير باسل شوية -اكرام ؛ ماشي مشكل اخالتي
– فنينة : هاهي عطيتها ليك زوجيها لو – كنزة : وعلاه انا كرهت ناخدهالو .-ضحكت معاها – تكوني كنتي امممم نزوجك لوليدي – نوال كتشرب الما وكتهدر : زوجيها لعصام اخالتي – كنزة : لا لا هاذي ما هياش لداك العافية الكحلة. .هاذي خصها شي فرفوش .ضحك وتبسط هيا وياه نعطيها لعصام غير غادي يعقدها ..عصام تصلاح ليه غا فنينة. .تخرج فيه عينيها كتحدهم لو هههههههههه
– فنينة : احح اخالتي شبيني وبينو اناري ماشي حشومة ولدك خصو شي وحدة صبااارة نيت وعاضة فالصبر يالاه يااالاه تصبر لو..اما انا وياه شي تهزو الاسعاف شي تهزو السطافيط – كنزة : داك الشي باش ݣتليك نت لكتحديهم ليه هههه – على غدا فالعشية اكرام لصقت فنينة باش تخرجها مي لقات راسها معندها خاطر للخروج ودوران ..صونات لحمزة هبط عندها طلباتو يخرج اكرام – …اكرام : وناري افنينة رآه منقدرش نخرج معاه بوحدي مناقص من هاذ الخروج مبقيتش بغيت – فنينة : غا حمزة هذاك كنعرفو مزيان كي داير عادي غا سيري معاه – اكرام : ولاء يلاه معانا حتى نت – فنينة : معندي ݣانة والله اختي
– جا حمزة دخل : نت مزال ملبستي – اكرام غا كتشوفو كتلف : ما بقيتش غنخرج غا سمح لينا اخويا – دخلت عليهم نوال كانت عاد جات من لافااك : سمعت سيرة الخروج غتخرجو بلا بيا اولاد الحرام – فنينة : هاهي نوال جات خرجي نت وياها او حمزة مزيان دابا – حمزة : ونت علاش مبغتيش تخرجي اش غتجلسي ديري وحدك نوضي تهزي معانا – فنينة خشات راسها فالوسادة : وبعدوو. مني انا حزينة – جرها حمزة من رجليها : نوضي تهزي دابا نوري لحبك الحزن كي داير ..متحلاش لينا الخرجة بلا بيك الخوادرية ديال قلبي نوضي – فنينة بابتسامة فوق خاطرها :حتى طلبوني ..بقاو تݣولو عااافااك افنينة عااافااك لمخرجي معانا عاد نوض – نوال جرتها من شعرها : انوضي برك من دراما – فنينة ركلتها : ابنت ال*حبة كنت طولي فيه باش تجريه ..-شافت فاكرام – مدي لي ديك الجلابة نخرݣها مدي – حمزة : شوية لباس لا ..جلابة مالك نازلة معايا السويقة نوضي ضربي علينا شي حطة خلي فيها طايح كثر من النايض او النايض فاتيكي – فنينة : هههههه هيا لولة – ناضت لبست حوايجها سروال بويفراد بقات تشوف اش تلبس الفوق عضت فمها بحيرة خرجت من لبيت لعند لعندهم : حمزة متجيبش ليا داك تيشورت لكنت لابس البارح ؟
– حمزة : اينا هو فيهم – فنينة: رآه ݣتليك الخرا لكنت لابس البارح علاه مالك البارح كنت لابس مليون
– حمزة : اه داك الݣري..فين غيجي قدك -فنينة : ماسوقكش عارفة كي غندير لو اصلا كيعجبني نلبس تيشورطات كبار كيجي ستيل ديالهم زوين نوض طلع جيبو لي….
حمزة : هاهو طالع -ماشي بزااف وكانو خارجين كيتمشاو غا على رجليهم حمزة وفنينة غادين شادين الهدرة واكرام ونوال تابعينهم من اللور فاتو قصبة او وصلو لمهدية …مشاو جهة البحر او جلسو فالحجر ضاحكين وشادين فبعضياتهم ..وخا هاكاك كانت فنينة مغيرة ماشي على ݣانتها مكانتش كيف موالفة تضحك وتخلقها من والو دابا كضحك بالقياس وكتسهى بزااف – ناض حمزة : اكرام اجي نتمشاو لهيه نوريك واحد الحاجة – نوال : نوضو معاك ورينا كاملين هاذ الحاجة – فنينة: اهياتا فين غاديلي بالبنت – حمزة : سلامة ياربي ما ترحمو متخليو رحمة ربي تنزل زيدي ااكرام ها حنا شوية وراجعين – فنينة : متعطلوش شوي.وتكونو هنا ولا غنتسيف عليك – حمزة : عاداك عصام عصام اوس جوج هو نتي – فنينة بديك الفقصة ملي جبد سميتو هزت حجرة شيرت عليك : سير ت*قود نت وداك ال*امل ديال خوك – ضحك عليها جر اكرام ومشاو كيهدرو – فنينة دورت راسها البحر كتامل فيه وساكتة ونوال كتشوف فيها : هدري كنسمعك – فنينة: مكين والو – نوال : لا كين بزااف ملي مشيت مخلتيكش هاكا شنو وقع افنينة عاوديلي واش عندك شي مشكل واش مع دار – فنينة: لا – نوال : ايه وشنو هدري افنينة هدري كنحس بيك مهمومة او واصلة لاخر ديالك واش كين شي حاجة – فنينة تنهدت : كين حاجات هوما ماشي غير حاجة وحدة – نوال : شنو كاين – فنينة: دابا منقدرش نعاود ليك ..منقدر نݣول حتى حاجة مقادراش والله …كنحس بروحي غريبة على راسي مبقتيش نعرفني مزيان مأخرا وليت نشوف بلي غير كنخور وتراجعت فكلشي ..-شافت فيها بعينين مدمعين – نوال كنحس بلي بديت كنفقد راسي كنحس براسي كنضيع وانا ما بدي والو كنحس براسي غادا الهاوية ومقادراش نقد راسي خايفة خايفة لطيح شي طيحة خايبة وملي نبغي نوض منقدرش ومنلقاش حتى شكون ليشد بيدي- نوال : لهاذ الدرجة افنينة …عندك مشكل كبير لهاذ الدرجة ݣوليلي شنو هو نقدر نعاونك – فنينة؛ مكينش ليقدر يعاوني قد راسي الى عرفت كيفاش نتحكم فروحي مزيان ومنخليش قلبي يتعلق فشي حوايج معندهم حتى معنى – نوال : كتقصدي شي شخص معين فهدرتك ؟ شكون هو لا لا لا متݣوليش ليا عصام ولد كنزة – فنينة : متجبديش سميتو مبقيتش نحمل نسمع هاذ سمية ابدا …
نوال : لهاذ الدرجة شنو وقع بناتكم لخلاك تهدري بحال هاكا اش كاين – فنينة: مكين والو ومغيكون والو غا انا عقلي كيبقى يتوهم شي حوايج مكنينش وأصلا كلي بديت غا كنخور – نوال ،ة واقعة شي حاجة انا متأكدة
-فنينة : نوال نقدرو نسدو هاذ الموضوع هنا دوري دوري شوفي فالبحر تأملي فيه حسن ليك – وفالاخير نوال فضلت تخليها على خاطرها مابغاتش تزيد ظغط عليها هي عارفة نهار لغتبغي تعاود ليها فراه غتعاود ميكنش لاش داك الظغط – قريب منهم شوية كانو كيتمشاو وكيهدرو ويدو ويجيبو فالكلام ..ختارو بلاصة جلسو فيها مكملين هدرتهم – حمزة : ياااالااه دابا كنسمعك عاوديلي شوية على راسك
– اكرام : شنو غنعاود ليك مكين ميتعاود – حمزة : لا كين ميتعاود عاودي ليا على حياتك – اكرام : حياتي هاذئة مفيهاش الاكشن ههههه طبيعية كأيتها الناس – حمزة : هاذ الحياة الطبيعية كايتها الناس هي لبغيت نعرف انا – اكرام : امممم اوكي انا اكرام ههههه – حمزة : هههه وانا حمزة متشرفين – اكرام : ههه وصافي خليني نهدر .- حمزة : مالي شاد ليك فمك هدري – اكرام : اكرام فعمري 18 العام قريبة ل19 كنقرا فالباك شعبة الآداب – حمزة : مزيان مزيان على حد علمي البلاصة فين ساكنين مفيهاش الثانويات فين كتقراي هنا فقنيطرة حيت هيا لقريبة ليكم – اكرام : اه هنا كين واحد ليسي جا بين دوار ودخلة ديال قنيطرة ولكن محسوب على قنيطرة ماشي علينا – حمزة : اه هاكاك كتمشي على رجليك ؟
– اكرام : اويلي لا بعيد الحال كين الطرونسپور ديال القراية – حمزة : ومالكي على حالتك كون نتاقلتي وسكنتي مع ختك كارية كارية
– اكرام : اودي شكون خلاااك دار مكيبغيوش – حمزة : علاش
-اكرام : كين خوتي وبابا صعاب وماما ميبغييونيش نجي
– حمزة : ميبغيوكش تجي تسكني هنا ولا ميبغيوكش تكوني مع فنينة – اكرام : من الاحسن بلا مندخلو فليدطاي
-حمزة : انا عارف معاودة ليا فنينة ..نتوما كلكم خوت شقاق الا فنينة ياك ختكم غير باكم – اكرام : اه داك الشي ولكن فنينة اعز وحدة عندي فخوتي وحنا قراب بزاف وحنان على بعضياتنا وخا كاع دوك المشاكل لكتبغي تخلق بيناتنا ماما ..
حمزة : باينة فيك قلبك بيض اصلا وماشي شي وحدة لكتحرش ههه – اكرام : لا حيت فنينة كدير معايا شي حوايج لمكديرهمش معايا ماما لولداتني بعد المرات كنحس بها ماما ماشي ختي ..هيا حنينة بزاف لواحد الدرجة متخيلهاش فراسك كتبقى فيا كنشوفها معندها زهر كتعيىى دير فالمزيان والو مكيبانش ملي كانت صغيرة وهوما عاطيينها القاصح ماشي لخاطرها دابا ملي مكتبغيش ترد الراس لدار حيت بصح ملي كترجع لدار ضروري متنوض شي روينة وخا متبغيش دير راسها فيهم ..كيتلاوحو عليها وكيجبدوها ..ودابا نيت مبزين عليها تزوج واحد السيد وهي مباغاش – حمزة : عاودت لياا باك لباغي يزوجها لشي واحد كيعرفو ياك -اكرام : اه غير من دوار عدنا نيت باغي يزوجها ليه على طمع حيت داك خونا شوية مسك عليه الله عندو فيرمة ݣال لبا باغي فنينة ويعطيه واحد البلاد جات تم فالخرجة ..واحمد تفتحو ليه العينين وكبر كلشي ودابا مبزز على فنينة تاخدو داير معاه غير تسالي القراية – حمزة :ومن نيتك فنينة توافق هههه – اكرام : غتنوض الحرب ههههههههههه نت باقي مكتعرفش فنينة انا بعدا كتصدمني ..تقدر تشعل العافية فكلشي غا الله يستر
– حمزة : منكرهش ملي تشعل تصوني لي نجي نتفرج ههههههههههه – اكرام : باااز ..- حمزة : اوكي دابا نرجعو لينا مابغاش تعرفي عليا ؟ -اكرام : كنعرفك – حمزة : شكتعرفي عليا -اكرام : كنعرفك سميتك حمزة وصديق مقرب لفنينة – حمزة : نو سمية وحدها مكافياش ..نزيدو عليها شي حاجة باش تولي تعرفيني عن قرب ..مهم انا حمزة فعمري 25 عام حياتي فيها الاكشن عكسك نت لحياتك هادئة ..انا باسل شوية فين ما مشيت منوض المشاكل مكنخاف مكنحشم هههه لا لا كنخاف كنخاف غا من واحد من خويا الكبير هههههه – اكرام : ههههه ولاباس بعدا ملي كتخاف من شي واحد – حمزة : كنحتارمو ماشي كنخاف منو ههه
اكرام : اه. وشنو كدير فحياتك – حمزة : اممم علاش حنا بعدا عدنا الحياة باش نديرو فيها شي حاجة – اكرام : ههههههههههه بصح بصح – حمزة : انا حياتي مخربقة بجهد معارفش راسي اش غندير ولا شنو لخصني ندير الى سولتيني ااكرام شنو هي اكثر حاجة كتخوفك ..غنݣوليك هيا المستقبل باغي نوصل ومعارفش كيفاش ..باغي مستقبل زوين ..ومعارفش كيفاش نخطط ليه ونرسمو باغي ندير شي حاجة فحياتي ومعارفش باش نبدا كنشوف راسي عندي 25 وباقي مدرت حتى لعبة ..كنزيد نمرض ..عصام كيبقى يهدر ويخاصم ويغوت على هاذ الشي يحساب ليه انا ممسوقش لراسي ..ولكن لمعارفوش هو بلي انا كنفكر وكيضرني خاطري على راسي كثر منو .- اكرام متأثرة معاه : واش معندكش الباك – حمزة : شاد الباك ..وداير لافاك غير عامين الأولة لكنت نقرا بنيتي وكنحضر اما دابا وليت ندوز غير من حداها – اكرام : وعلاش مبقتيش داير راسك فقرايتك – حمزة : اودي رفقاء السوء اصلا ماخرا وليت غا كنخور ملي تبليت وانا لور لور عصام عيى يهدر وكيضرب كاع ولكن خرجت ليه على السيطرة ههه – اكرام : ونت ملي كتهدر هاكا اذن معاجبكش هاذ الحال وضروري غتكون كتفكر فالتغيير – حمزة : واه كنفكر كنت بغيت نحرك بغيت نخرج لبرا . حيت مكنشوفش راسي فالمغرب ولكن عصام جا ضدي مبغااش ، حتى كنزة كتݣولي ها السخط ها الرضا كتكولي منسخاش بيك نصيفتك لما – اكرام : اه بصح عندهم الحق الحريگ مساهلش او ممضومونش تقدر متنجاش وتخلي مك مشوية عليك هذا ماشي اختيار مناسب -حمزة : كنعرف شي دراري مشاو او سوڤاو راسهم ودابا عايشين مزيان – اكرام : ماشي كلشي كتصدق ليه انا كنعرف شي وحدين مشاو ما رجعو وما عليهم حتى خبار – حمزة : فكرت مزيان مع راسي فكرت فكنزة بالاول مسخاتش عليا عارفها مريضة خفت ندير لفراسي وتزيد توقع ليها شي حاجة من فقصتها عليا…عارف كنزة انا نزيد وهي تشد الفراش عليها انيليت كلشي – اكرام : هوما بصح معكسين ليك غير حيت خايفين عليك – حمزة : عارف عارف حتى عصام ملي كيغوت عليا غير على مصلاحتي عارفو بلي باغي يشوفني واصل او مزيان هو باغي ليا البوليس – اكرام : وعلاش مدفعش البوليس مزيان – حمزة : ماشي قضية مزيان ولا عيان ..رآه كنت خايف لندفع ومنتقبلش ..ݣتليك انا باسل شي ثلاتة المرات لوصلت حتى الكومسارية كان يخرجني عصام حيت يمكن عندو شي معارف ولكن باينة ضواسا عندي مسخين رآه من سابع المستحيلات انني نتقبل – اكرام : ونت مالك غا جرب دفع غا على الله – حمزة : دفعت فسيت ملي تفتح تسجيل وكنتسناهم يعطوليا على الكنكور ولكن لمتقبلش غنمرض ديال بصح – اكرام : نت غا دير لي عليك معرفتي الخير فين كين – حمزة : بصح نجرب او مولاها ربي ..نوضي يلاه نتحركو لعندهم …
– – عند البنات باقين داويين – فنينة : هانتي على بلال صدق انا كنت نݣول عليه غيخدم معاك التبرهيش – نوال : بزز من دين مو ههههه -فنينة : كي درتي ݣلتيها لماماك انا بغيت غير كون شفت وجها باش عرفاتك مصاحبة مع ولد ختها ههههههههههه – نوال : باش ݣلتها ليها متصدمتش ههه كانت عايقة بينا هي وخالتي بالعكس ݣالت ليا خيرنا ميديه غيرنا اصلا ماما من ديما عزيز عليها بلال – فنينة: اي والعربي اش ݣاليك -نوال : العربي خليتو منو لماما هي لكتعرفلو ههههههههههه – فنينة : باك مسكين حنين يبغي غير يشوفك مزيان وعايشة مخيرة دابا هيا شي عراسية قريبة ههه – نوال : الى كتاب رآه عوالين على الخطبة غير وكان يساليو الامتحانات – فنينة : ربي يسر ليك احبيبتي .. معرف فين زادو هاذو -نوال : راهم جايين شوفي هاكا راهم – فنينة : معرف فين كان دالع ليا بدرية – وصلو لعندهم : اعلى اسلامة مكنتوش ناويين فين ديتي البنت الشامبانزي دتيها تفسد ليها اخلاقها – حمزة : كنت نشرح ليها الدرس ديال التوالد زيدو نوضو نتحركو بحالنا – راجعين فالطريق كان الحال بدى يظلام ..قربو لدار كان عصام كيفتح الباب حتى هو عاد راجع بان ليه جاين لقى نظرة عليهم ادور راسو – عند الكليكة – فنينة شافت ديك الشوفة لدار فيهم : مسينا على الله وملكة الرحمان مال هذا كحنزز فينا – حمزة : الا وقيلا كيشوف فيك نت حيت شافك لابسة تيشورت ديالو – فنينة من كثرة الصدمة ضحكت يحساب ليها غا مسمعتش مزيان :هههههه مفهمتش – حمزة : رآه تشيروت ديالو للابسة عليها ، هو وقيلا ملي شافك لابساه عليها بقى كيحنزز – فنينة : دابا بغيتي تݣولي هاذا ماشي ديالك وانما ديال داك المصيبة – حمزة : تماما – فنينة : ونت جبتيه ليا وخا عارفو ديالو – حمزة : ونت ݣلتيلي غا جييبو ليا ومسولتنيش ديالمن -فنبنة مبسمة : حمزة خويا – حمزة : نعام افنينة ختي – فنينة : واش فراسك بلي من دابا شوية الملامح ديال وجهك غادي يتبدلو غنعاودهم ليك بالخدمة – حمزة : اناري لا – فنينة : اه – حمزة : ماشي فالزنقة حتى ندخلو ها العار – فنينة جمعت معاك تم تم بركلة : سير احمزة بغيت ليك غا دقة غا نفرج فمك الكلاب ليلة غا صبر بلاتي …
فنبنة مبسمة : حمزة خويا – حمزة : نعام افنينة ختي – فنينة : واش فراسك بلي من دابا شوية الملامح ديال وجهك غادي يتبدلو غنعاودهم ليك بالخدمة
– حمزة : اناري لا – فنينة : اه – حمزة : ماشي فالزنقة حتى ندخلو ها العار
– فنينة جمعت معاك تم تم بركلة : سير احمزة بغيت ليك غا دقة غا نفرج فمك الكلاب ليلة غا صبر بلاتي -هرب ليها وخلاها غتموت بالفقصة ..عصام مكانش مهتم دخل بحالو بلا ميحكر اصلا راسو مرون بالخدمة كان عندو النهار شاغجي بزاااف عامر اجتماعات مابغاش يدير راسو فهاذ الشي اولا يمكن مل اصلا معندو ݣانة معندو خاطر لهاذ التخربيق ..حيت بصح ولا كيشوف بلي كلشي غا تخربيق اولا هو من الاول وهو شايف هاذ الشي غير تخربيق – داخلة كطلع ما تهبط كلها كترعد على حمزة لغبر طار البنات مفهمو والو ..كان غادين حتى شافوها ركلت حمزة او هو هرب .- اكرام : اويلي نتوما مالكم
– نوال : نت مالك ركلتي دري – فنينة: خليه غا يبان ..لمطيرتش لمو الودنين ديالو راني *حبة وكبيرة ال*حاب غا بلاتي عليه نوريه انا يبيدقني
– نوال : شدار ليك – حيدت تريكو لاحتو : هاذ تريكو لجابو ليا ديال داك المختل – نوال : اويلي ديال عصام
– فنينة : حطني بوجهي ال*واد لولدو ولاخر جالس كيحنزز ݣولي تريكوه مصنوع من الذهب .- نوال : ههههههههههه ههههههههههه ههههههههههه لا بزاف عبر عليك – اكرام : اابلاتي غا فهموني دابا هاذ تريكو ماشي ديال حمزة وانما ديال خوه الكبير ..ياك حمزة لعطاه ليك فين كين المشكل واش خوه غيخاصم ؟ – فنينة : زيدي ليك مع هاذي ݣاتليك غيخاصم …دابا حنا بقات لينا غا فالمخاصمة ..رآه داك خوه جلخة ديال بصح مكنتسرطلوش ومكيتسرطش ليا رآه شي حاجة لبزاااف وخا نعييى نشرح ليك مغاديش تفهمي ..دابا حمزة ولد ال*حبة شراها ليك هو غيبقى يتهز عليا وانا غنكبتها انا وياه …لا لا خصني نبرد لبقيت هاكا غنرتاكب فحمزة شي جريمة تهدني افنينة تهدني اصلا عندك باش دافعي على راسك حتى لخرجتي فيه عينيك جات معاك حيت مكنتيش عارفة حمزة لقولبك -اكرام : دابا مالك.لݣاليك شي حاجة ݣوليه مكنتش عارفاه ديالك حتى هو على تريكو طلعي رجعيه لو وݣولو رآه حمزة لعطاه لي
-فنينة ضحكت بالفقصة وشافت فنوال : ههه مسكينة باقا صغيرة بريئة مفاهماش البلان ..-رحعت شافت فاكرام
– شفتي انا وهذاك معدناش أسلوب الحوار ..الحوار بيناتنا كيكون عقيم مستفز يعني مستحيل نهدرو بلا متكون شي خسارة ضروري انا وياه كيف العافية او زيت …
نوال: الى مشاو حتى تفاعلو كتنتج شي قنبلة درية قابلة للانفجار فاي لحظة ههههههههههه
-اكرام : اناري لهاذ الدرجة – نوال : او بزاف كاااع -اكرام : واش هو صعيب بزاف حيت حمزة كان ݣالي مكيخاف من حتى واحد من غيرو – فنينة : هو ماشي صعيب هو خايب او خايب بزاااف رآه مستحيل تهدري معاه بلا متحسي براسك كترعدي من كثرة الاعصاب لكيديرهم فيك شي استفزار فيه ميمكنش مستحيل تقدري تشدي راسك الا اذا كنت باردة النفس ..هي مرونة وزاد حمزة رونها عليا دعيتو الله
– نوال : وصافي ابردي اهيا ناري – فنينة : هاني دابا غنبرد ..ولكن غير يبان ليا حمزة غنشعل عليه مزيااااان ..غندخل نرگد حتى واحد ميفيقني
– اكرام : اسيري اناري اسيري نت فعار الله. نبي رسول الله
– الفوق غير كنزة لجالسة متلفة الوقت بتلفازة اما عصام كان فبيتو جالس فالمكتب ديالو داير نظرات طبية وخدام فالپيسي ..وشي وراق مشتين حداه داير هوط باغلوغ فالأپيل ..مرون بالخدمة يدو كتخدم بسلاسة فالݣلاڤي ديال البيسي كيجاوب على لزيمايل او فنفس الوقت شارك الآبيل مع باقي الاعضاء …مدة اوهو غاطس فخدمتو عاد سالا وناض يجلس شوية مع مو سد البيسي وناض خرج بانت ليه كيف العادة متكية فسداري وكتسرح عويناتها فتلفزة .باس ليها على راسها وجلس حداها .تبسمت ليه بحب: الله يرضي عليك اوليدي -عصام ببرودة : امين
– كنزة : كنحس بيك اولدي عياان مالك شعندك – عصام : لا والو – كنزة : تحت عينيك شوية زرق من قلة النعاس واش مكتنعسش مزيان – عصام : غا كيبان ليك انا مزيان ما فيا والو -كنزة : انا ميمتك اولدي وخا تعييى تخبي عليا وتبين راك مزيان ولكن أنا كنحس ..ملي مكتكونش مزيان كنحس بك – عصام : علاه انا من ايمتا كنت مزيان -كنزة : نت لولدي مزيرها على راسك رخفها اولدي رخفها باش ربي يرخفها عليك – عصام : علاش اكنزة – كنزة مفهمتش : شنو لعلاش – عصام : علاش دوي فشي حاجة كتخصني معا البراني اممم علاش شركتي معاها الهدرة فشي حاجة كتخصني ..- كنزة : مفهمتكش علاش كتهدر اوليدي شنو هاذ الشي لكيخصك ومعامن شركت الهدرة – عصام : كي دارت هاذيك للتحت عرفت بلي راني كنت مريض -كنزة عاد فهمت : اه على فنينة والله اولدي ماشي حاجة غير كانت تقلب معايا على الورقة ديال الملكية حتى طاحت فضوسي ديالك درية تبارك الله قارية قرات داك الشي وعرفات داك الشي راسها -عصام : واكيد معرفتش غا داك الشي غتكون عرفت بكلشي ..عاودتي ليها كلشي ياك
– كنزة سكتت – عصام : راني نعرفك اكنزة راني نعرفك خص غا ليبداك وتبداي تشكي قلبك طايب
– كنزة : والله اولدي غير هدرة جبدت هدرة -عصام : هدرة جبدت هدرة ..وليتي تشدي الهدرة فولدك اكنزة مع البراهش…
كنزة : حاشا اوليدي حااشا منبغي ليهدر فيك منبغي ليضرك راك عوينتي باش كنشوف غير وكان تفكرت ما جرا ومحسيتش حتى كنت خاوية قلبي على فنينة -عصام : نت خويتي قلبك وانا راسي عمر ..- كنزة : واش كين اولدي كي درتي نت عرفتي بعدا واش فنينة لݣالت ليك
– عصام : مݣالتش حتى حد مݣالي شي حاجة عرفت راسي ..سمعي اكنزة نݣوليك نت نية ولجا يديرها بيك .يحساب ليك كلشي نيتو زوينة بحالك ولكن لا بنادم خايب متعرفوش علاش مطمر – كنزة قاطعاتو : واش كدوي على فنينة – عصام : لا كندوي انا بصفة عامة من راسي وجبد كين شي حوايج اكنزة مكيتعاودوش كين شي حوايج كيبقاو لينا ومكنشركوهمش مع اي كااان .حيت زمان نية لكنت عايشة فيه مبقاش ..تعلمي تسدي بابك وتشدي تقارك والهدرة تكون بالقياس سيغتو مع البعيد حيت البعيد كيبقى بعيد …انا مݣنكوليكش دابا بلي راك مكتعرفيش ابلي راكي غالطة وانا لعلى صح …لا ماشي هاذ الشي نت لولدتي كبرتي وقريتي .. ماشي غير جيت او وليت قد هاكا، ليك فضل عليا أو فضل كبير اكنزة كنت الام المثالية صبرتي وكافحتي ..مخلتينيش نضيع بالعكس شديتي بيدي اوخرجتيني من الحفرة لكنت غارق فيها ..حيت كون مكنتيش نت بصح كنت غنكون حماقيت دابا ..لداز عليا ماشي ساهل تعقدت ديال بصح داك الشي جاني وانا صغير عليها مقدرتش نجم ..قاسيت او مرضت فدماغي وعاد نت ملي شديتي الفراش تم وليت نشوف كلشي كحل .او فداك السن مكنتش عارف اش ندير ولا كيفاش نشد راسي ..بالرغم من كلشي نت مخلتينيش كانت صعيبة وبقيتي واقفة معايا غير هو لمكنتوش عارفينو انا مكنتش مريض ..داك الشي مكانش مرض ..ديك الهدرة ديال كاع دوك الاطباء لدتيني عندهم غير هدرة خاوية ..وخير دليل هو كل واحد كان يݣوليك حاجة فشكل – كنزة : او اش كان
– عصام : حاجة نورمال يوقع لي هاكا من بعد ديك الصدمة انا مكنتش مريض اكنزة انا غير كنت مقلق على راسي ..كنت محمل راسي الدنب كنت نشوف راسي أنا سباب فموتهم ..وكنت كاره راسي ..كنت نݣول بلي حتى انا مكانش عليا نبقى كان خصني نموت معاهم ….عرفتي شنو كان دوايا فداك الوقت .كنت محتاج غير لصدر حنين ..كنت محتاج غير شي واحد يݣولي رجوع الله اعصام هاذ الشي قضاء الله وقدره ..هاذ الشي مقدر ومكتاب نت مليك ذنب….
كنزة كتمسح فدموعها : ݣلتهاليك اولدي ݣتليك متلومش فراسك ݣتليك داك الشي مقدر ومكتاب – عصام : اه ݣلتيها ولكن ݣلتيها حتى فات الحال …مݣلتيهاش فالوقت لكان عليك…حتى حالتي النفسيه زادت تازمت ..انا مرضي مكانش ديال طبيب ..ابدااا غير بغيتي تجريني معاك ، ،،، داك دوا لكنت تعطيني كان غير كيخرج عليا وكيزيد ييحسسني بالضعف ديالي انا كنت قادر نداوي راسي براسي ..كان خصني غير شوية الوقت ونخرج من ديك الحالة ..كان خاصني غير نتصالح مع راسي ونرجع مزيان…ولدك مكانش مريض اكنزة مكانش كان غير مقلق على راسو – كنزة : انا اولدي مكنتش نعرف كنت خايفة عليك ولكان يكولي شي حاجة كنت نديرها بلا منسول كان المهم عندي غير ترجع لي مزيان مكنتش بغيت نترزا فيك حتى نت – عصام : علاش ردتوني مريض ..علاش ملي كنت نبغي نهدر ونفرغ ديك الطاقة السلبية لعندي تردوني مريض ..بهااكااا عاد كنت تزيدو تمرضوني ديال بصح …-سكت شوية عاد هدر
– مكنتش لاقي ليفهمني مكنتش لاقي ليشد بخاطري مكنتش لاقي عليمن نحط راس ويسمعني ..
-كتزة : هاني ها انا ميميتك حداك انا تشكي عليا وانا نسمع ليك ولتضرك تضرني – عصام ؛ انا مكندويش على دابا كندوي على دا شحال اما دابا انا نورمال مفيا والو. وحتى حاجة متقدر تضعفني ولا تهرسني …داك الشي لداز عليا …مجاش وداز غا هاكاك بالعكس كان فيه الفضل هو لبدل من عصام او خلاه يولي هاكا – كنزة : خلا قلبو يولي قاصح حجرة اولدي – عصام باس يديها : قلب عصام شحال ما قصاح عمرو يقصاح عليك الحنينة وعلى خوه ..نتوما بجوج لعندي عمرني نقصاح عليكم وعمرني نعطي بظهري ..نتوما لكين ونتوما علاش عايش ونتوما لعندي نت اكنزة هيا النور لكيضوي كلشي عندي مظلم -كنزة غلبوها دموعها : اجي عندي اوليدي حبيبي عنق ميمتك اجا عنقني الحنين ديالي او فرحتي اللولة – قرب ليها عنقاتو خشى راسو فعنقها حطت يديها عليه كتحك ليه راسو وكتبوسو : ونت هو عويناتي باش كنشوف نت هو كتافي وعليك كنحط الراس ..ݣنكولها لحمزة كنݣوليه انا وياك عدنا غير خوك .كتغيب عليا بسيمانة بجوج وكتخليني مشطونة عليك وقلبي مشدود عليك مكنعرفك فين هزيتي ..متبقاش ديرها اولدي متبقاش ..عارفة راسي كنقلقك بهدرتي ولكن كندوي غير من خوفي عليك وغير على مصلاحتك كندوي معاك غير حيت بغيت نشوفك مستقر وداير وليداتك هاذ الشي لباغا وهاذ الشي لنفسي فيه
-عصام : مكرهتش ندير ليك الخاطر الحنينة ولكن مقادر ندخل حتى شي وحدة لحياتي حاليا مزال ملاقيش لتفهمني ولتماشى معايا ولتصبر عليا ..نهار لغنلقى لتفهمني غندير ليك خاطرك وخا يكون فوق خاطري غير صبري معاياا بغيتي غير ولادي غتشوفيهم وغتهزيهم وغتلعبي معاهم غير وكان نلقى لتناسبني – كنزة : (باستو ) الله يرضي عليك الحنين …..
طلع صباح نهار جديد هابط حمزة كيتسلت فدورج محس بفنية حتى تلاحت عليه قاجاه من عنقو : حصلتي أوجه الكلب – حمزة : بلا عنف نجلسو نتحاورو اطابل – فنينة : ني حوار ني تبي .. اليوم نقج مك ميفكك مني حد منعست مشفتو ليل كلو وانا كنترعد عليك ها نت طحتي بين يدي دابا شنو ندير فمك – حمزة : لا مديري والو خلينا نخضعو طاولة الحوار – فنينة : ديك طاولة غنهرسها ليك على راسك
– خرجت اكرام يالاه فايقة غا شافت فنينة كي دايرة لحمزة دارت يديها على فمها كضحك عليهم – حمزة شاف فاكرام : احح صباح التوت الذي لا يموت صباح الحشمة والتزنيكة – ضرباتو فنينة لراس : صباح ال*لاوي لا راه غنفرع دين مك خليك جاري معايا – اكرام : هههههههه – حمزة : كضحكي عليا لمك عواض متجي تفكيني من قبضة هاذ المتوحشة غتقتلني وتخليك أرملة على صغرك تي اجي فكي راجلك
– فنينة : تقربي نخلطك نت وياه …ادوي يا بن المسلكط لاخر هاذو هو فعايلك – حمزة : اش من فعايل ولا تبي ..انا باش غنعرف نت ݣلتيلي جيب وانا نجيب…ونت مالك على هاذ الشي فيك السعاية او عزة نفسي من الفوق – ضرباتو راس – بزاف على مك حتى نسعاك ..دابا غتݣولي البارح شنو وقع بالحرف وداك صعصع ديال خوك اش ݣال عليا البارح متنسى والو – حمزة ذو والله مݣال شي حاجة تلاقيت انا وياه فالعشا والله مجبد سيرة شي حاجة غا نت معرف مالكي مكبراهااا رآه عادي فين كين المشكل – فنينة زواتو : المشكل فيك حيت معلمتنيش ديالمن ..نت راه امبوسي ميهدرش ..ديك نهار غا على شارجور ناض يعرعر يموت على حاجتو عاد باقي تريكوه – حمزة : لا عصام ماشي هاكا بالعكس حاجتو هيا حاجتي
– فنينة : نت حيت خوه اما انا علاش ..دابا هدر ݣول اش ݣال عليا -حمزة جا غيهدر شاف عصام نازل خاشي يديه فجيبو : هاهو نازل نيت عصام..دخلنا عليك بالله واش البارح ݣلتي شي حاجة على تريكو هاهو هو يݣوليك ..والله مجبد حس شي حاجة غا طلقيني خليني نخرج غتعطليني
– فنينة غا شافتو دوزت يديها على وجهها : سكت سكت امسخوط الوالدين عاد مكتزيد تخليها عليا – وقف عليهم عصام : شكاين هنا مالكم – حمزة : البارح عطيتها لبست تيشورت ديالك بلا منݣوليها ديالمن
– عصام : او منبعد – حمزة : البارح ملي شافتك كتشوف فيها يحساب ليها غتكون تعصبتي ملي شفتيها لابساه
– عصام : لغيخرج يخرج ولغيمشي يقرا يمشي يقرا فرقو عليا هاذ المجمع من تبرهيش الخاوي…..
زاد وخلاهم – حمزة : سمعتيه وحيدي خلينا نفرقو عليه هاذ المجمع – تسلت ليها وهرب ..مسحت على وجها ودارت شافت فختها :دخلي نديرو الفطور ..تمشي معايا لافاك ؟
– اكرام : اه اه نمشي – فنينة : يلاه دوزي نفطرو دغيا ونمشيو
في ليل 🌆🌆🌆 كانت فنينة فالسطح كتهدر فتلفون صونا ليها باها مابغاتش تهدر قدام لبنات طلعت لسطح بوحدتيها حيت عارفة الاپيل مع باها كي بتكون .كانت تهدر وكلها كتهز وكتسرط ريقها وتجاوب بملامح معصبة عاقدا حجبانها ومزيرة على سنانها لدرجة عروق وجها كيبانو بالاعصاب كتهدر بصوت مسموع : فين كين المشكل ابا فين ؟ فين هو العيب فهاذ الشي اكرام جات لعندي جات عند ختها مالها جات لعند البراني رآها ختي هاذيك وكنخاف عليها كثر منك .غير باش تكون فبالك – حمد : الالة تفرقي من البنت خليها حدا مها شبينك وبينها تجري درية لعندك تدلعيها وتخرجيها لطريق بحالك
-فنينة : ياااك ابااا صافي هيا دابا انا خارجة لطريق – حمد : ومالكي دايرة الربح التسلكيط ديال بنات الحرام كاع جمعتيه – فنينة سرطت ريقها بغصة بضعف فصوتها: ياك ابااا ياك هذا نت لوالدني وكتݣول عليا هاكا او كتعاملني هاكا وكدير فيا هاذ الشي .مخليتي البراني ميكول او ما يدير فيا ..بغيت غير نعرف شنو لدرت انا ممزيانش شنو لدرت انا خايب. ااااا؟ شنو درت ليكم باش نكون مكروهة عندكم وحتى واحد فيكم ميحملني ..كنعيى ندير معاكم فالمزيان او والو مكيبانش ..نت ابا ملي كطيح فالفراش شكون كيهزك..كنسمح فكلشي كنسمح فقرايتي وكنجي نطير لعندك ..هي براسها مكتعقلش عليك عمر ديك مرتك مدات ليك حتى كاس الما عمر شي واحد عقل عليك..ابدا نسمح فلي قدامي وفلي ورايا ونجي نجري لعندك وخااا هااكاك مكيبانش غير تصح انا الأولى تقلب فيا وترجع تعطيني غير القاصح حيت لمعندو زهر معندو زهر ولمكروه مكروه وخا يعيى يسحلل ويدير الزوين
– حمد : يخخخخ شحال فيك ديال الهدرة وتغبان والشكاوي كيفك كيف مك سلعة وحدة ياربي السلامة -فنينة : اه كيفي كيف مي ..وديك مي لكتدوي عليها باقين دنوبها غادي يحتلو فيك نت وحليمة ..لدرتو بها دروة ديال الكلاب حيدتو ليها لقدامها ولوراها..خديتوها لحم او لحتوها عظم حيت لقتوها يتيمة ودرتو بها ما بغيتو ولكن ربي كبير مزال الدعوة فين غا تخرج ..دابا ربي فرجني فكل واحد – حمد: نت بان ليا كتقلبي على السخط ونقطع سميتك من الحالة المدنية ونلوحك ديال بصح عاد غتبردي
– فنينة : علاش دابا نت ملايحنيش ..هاذ تلاويحة كاملة ومقادتكش ..رزق مي كتاكل فيه حليمة وشماكرية ديال ولادها وانا جالسة ملاوحة من قهوة لقهوة ..سنتيم مكنشوفوش من عندك كتاب هو الاخر مكتشريهليش
– حمد : وعمرك تشوفي من عندي شي حاجة رآه نت لخصك تعطيني ماشي انا لخصني نعطيك ..جالسة دالعة فديك القنيطرة غير هاكاك – فنينة :..نت باغيني بصح نخرج ليها نيشان ون*حب بالعلالي ونجي نلوحها ليك كاملة عاد نولي بنتك لعزيزة عليك – حمد: ال*حوب نت تكدي عليه انا عندي ليك بلان اخر غا خليك حتى طيحي بين يدي او تشوفي او ولد بوشتى هو لغتاخدي باش ما بغيتي …
فنينة : ( كتغوت ) هذاك هو نهار لعمرك تفرح وعمرك توصل ليه ..لمشعلتش العافية فال*لاوي كامل راني يهودية او مسالماش مع أمة محمد – قطعت عليه بصعرة لفيها والاعصاب لاحت تلفون ضرباتو مع الارض حتى تشتت ..بقات تنهج بصوت مرتافع عرقانة وصدرها كيطلع وكيهبط ماشي بزاااف ونهارت بالبكا ..طاحت الارض كتبكي بصوت مرتااافع ..حاطة يديها على. قلبها حاسة به مزير عليها وكتبكي -ناض بشوية مقرب ليها .كان هو جالس كيتكيف فواحد القنت من السطح ملي طلعت مشافتوش حيت ظلاام حتى هو مدارش الحس خلاها دوات فراحتها سامع كلامها بالحرف ..حتى طاحت كتبكي عمرو شافها ضعيفة بحال هاكا ولا كتبكي بهاذ الطريقة..قرب حنى شوية لعندها حتى وصل لمستواها ونطق بهمس : شششششش سكتي برك من البكا
– هيا هزت عينيها فيه كانو ولا حمرين بجهد ودموع هابيطن واد من عينيها ..حطت يديها على قلبها : هنا كيضرني اعصام هنا كيضرني — عصام : ششش صافي من البكا – محبستش عاد زادت فبكاها او فشهقاتها حاسة روحها غتخرج باغا غا تبكي وتفرغ داك الشي لكابتاه معاناة سنين واوجاع اعوام ناضو عليها دابا حاسة بالحكرة وحكرة القريب خايبة شدتها نوبة عصبية كتبكي وتضرب فراسها الهدرة مبقاتش باغا تخرج ليها بلا ميحس كان جرها لعندو على صدرو متبتها باش يقدر يتحكم فنوبة الاعصاب لجاتها .ماشي بزااف وكانت سخفات بين يديه ..من كثرة الاعصاب طاحت مكيتحرك والو فيها تم تم هزها هبط بها كيجري ..شافتو كنزة غوتت غا غوتة وخرجو حتى البنات وحمزة كلشي تجمع اكرام ونوال كيغوتو معرفو مالها حبسو عليه طريق بكثرة الخلعة ..حتى تعصب : حيدوو من قدااامي وبلا غوااات .. – ركبها فالطنوبيل وديمارا وزاد بها السبيطار …
شدتها نوبة عصبية كتبكي وتضرب فراسها الهدرة مبقاتش باغا تخرج ليها بلا ميحس كان جرها لعندو على صدرو متبتها باش يقدر يتحكم فنوبة الاعصاب لجاتها .ماشي بزااف وكانت سخفات بين يديه ..من كثرة الاعصاب طاحت مكيتحرك والو فيها تم تم هزها هبط بها كيجري ..شافتو كنزة غوتت غا غوتة وخرجو حتى البنات وحمزة كلشي تجمع اكرام ونوال كيغوتو معرفو مالها حبسو عليه طريق بكثرة الخلعة ..حتى تعصب : حيدوو من قدااامي وبلا غوااات – ركبها فالطنوبيل وديمارا وزاد بها السبيطار
&&&بعد مدة قليلة كانت فايقة معلقين ليها السيروم او الأكسجين باقا ضايخة مدة عاد رجعت للاحذات فبالها او تفكرت اش وقع واش وصلها لهاذ الحالة غمضت عينيها ساخطة – عصام كان برا دوا مع مو علمها بلي دكو ليها برا او راها صافا وبلي شوية وغيجيبها باش بلا موه .قطع معاها ودخل لعند فنينة شافها حلت عينيها نطق ببرود : صافا ؟ – فنينة هزت راسها بالايجاب بلا متهدر
– عصام شاف سيروم سالا حيدو ليها : قادرة تنوضي – فنينة : اه – غير وقفت جاتها دوخة شوية مطيح كون مشدهاش دوا بهمس : غا بشوي عليك شدي فيا
– شدت فيه من جهة يدو وخرجها ..غادي معاها شوية بشوية حتى الطنوبيل ركبها وعاد ركب وديمارا لدار ..مسافة طريق كانو واصلين نزلها وطلعها نيشان الفوق اصلا كاملين كانو يتسناوها الفوق ..غاشافوها كلشي تم جاي لعندها حتى قاطعهم عصام: حتى واحد ميقرب ليها راها باقا ضايخة -داها لسداري نعست فوقو شاف فكنزة : جيبي شي حاجة غطيها – تم تم كنزة جابت مانطة خفيفة دارتها عليها: شنو ݣالو ليك عندها اولدي -عصام : الاعصاب
-جبد ورقة من جيبو او شي فلوس : حمزة. هبط الفرماسيان جيب هاذ دوا دابا متعطلش لكان ساد شوف شي پيرمانونس…
-شدهم حمزة ومشا طاير – كنزة : الله يا بنيتي وكي وقع ليك ومالكي عليها واش عصبك وطيحك ديك طيحة – فنينة هزت عينيها فختها لواقفة كارمة وكتبكي غا بالحس مدت ليها يديها ودوات بتعب : اكرام ختي اجي لعندي
– مشات لعندها تلاحت عليها عنقتها كتبكي : ششش علاش كتبكي اختي -اكرام : (كتشهق) خفت عليك خفت لتكون وقعات ليك شي حاجة كيحساب لي متي -فنينة : ششش مكين والو خوي راسك – اكرام : بسبابي ياااك بسبابي طلعتي لسطح تهدري مع با عليا غيكون عايرك هو لعصبك ياك
– فنينة : شش صافي نت مدرتي والو انا وحمد لديما مدابزين بيك ولا بلا بيك صافي اخيتي هاني مواقع لي والو هاني كنهدر معاك صحيحة مفيا حتى حاجة – مسحت ليها دموعها وجلستها حداها معنقاها -نوال : افنينة ختي كتحسي براسك دابا شوية مزيان -فنينة : شوية الحمد لله غا ضوخة لباقا لاعبة عليا – كنزة كطبطب عليها : غا مرضة ودابا تفوت ابنتي – عصام جالس مبعد منهم حاط يديه على ذقنو مرة يشوف لجهتها مرة يرجع يقلب نظرو لجهة خرا
– حتى دخل حمزة هاز فيديه دوا – ناض خداه من عندو جبد دوك الكينات قراهم لقبل ولبعد : شي واحد يجيب كاس الما – طارت نوال الكوزينة جابت الما وجات خلط ليها لكينة ومد ليها الكاس شداتو من عندو شرباتو – جبد كينة خرا شاف فكنزة : عطيها تاكل عاد تشرب هاذ الكينة
– كنزة : واخا اوليدي هي الاولة فنينة 🙁 يتعب ) لا غا خليك اخالتي مقادراش مقادة ناكل والو دابا
– عصام خنزر فيها : كنزة هدرت عطيها تاكل وتشرب دواها كامل بلا فريع راس ..حمزة هاني خارج بقى نت هنا متخرجش لا وقعات شي حاجة صونيلي….
-خرج بقات فنينة متبعاه بعينيها شوية تبسمت بلا متحس معرفتش علاش ولكن حست بنوع من الاهتمام وخا ممتاكداش منو ومعرفتش شنو هاذ الشي لدار معاها اليوم ولا حتى فين تصنفو ..لعارفة ولحاسة بيه دابا هن نوع من الفرحة وبحال شي حاجة باردة هبطت على قلبها .معارفاش شنو هاذ الاحساس لكتحس به ..تفاجئت من هاذ لوجيست لدار معاها معرفاتوش واش بقات فيه ولا شفق عليها ولا شنو بالحق بالنسبة ليها هاذ الشي ماشي مهم ..المهم هي لمست الاهتمام وخا كان بنسبة قليلة وهاذ الاهتمام فرحها وكان بمثابة بلسم طفى العافية لشعلت فيها قبيلة ..وصل نص ديال ليل عاد دخل عصام من الخدمة ..فنينة كانت باقا ناعسة الفوق فنفس بلاصتها وحتى كنزة ناعسة حداها فسداري فجنبها ..حلت عينيها ملي حست به داخل ..مشى نيشان لكوزينة شعل ضوء قادد قهوتو شعل ݣارو وجلس كيتكيف ..عند فنينة بقات حالة عينها كتشوف فالسقف شوية ناضت بشوية باش متفيقش كنزة مشات بشوية فتجاه الكوزينة ..هو كان مغمض عينيه كيسوط دخان حتى سمع الحس فتح عينيه كتبان ليه داخلة لعندو شافت فيه ونطقت بتوتر : وخا نهدر معاك ؟ – عصام مجاوبهاش جهدو جر من الݣارو وساط دخان -هي قربت ليه جلست قدامو فالكورسي : احمم معرفتش اش نكول ولا اش خصني نكول ولا حتى باش نبدا ….-سكتت مدة عاد نطقت – عصام شكرا
سمعها او مجاوبهاش حتى هي متسناتش رد ديالو كملت على كلامها : كون مجتيش نت وبقيت بوحدي فالسطح كانت غتوقع لي شي حاجة ممزيانش ..شكرا حيت نقدتيني واهتميتي بيا .بالرغم من الخلافات لبناتنا ، درتي معايا المزيان وخا انا صرفت فيك غا العيب ودرت بزاف الحوايج عصبوك -.ساط دخان من نيفو وهدر بدون ميشوف لجهتها : انا درت داك الشي لخصو يدار واي واحد فبلاصتي كان غيدير نفس الشي ..يعني مكين لاش هاذ الهدرة ، سيري تنعسي
– فنينة : لا… حيت انا وياك ماشي بحال كاع الحالات ..كين استتناء باش نكون واضحة معاك اول مرة غتوقع لي شي حاجة وغيهزني شي واحد الطبيب وغيبقى فوق راسي حتى نرجع صافا هاذ الاحساس عمرني حسيتو نهائيا عمرني حسيت بخوف شي واحد عليا
– عصام نفى براسو : مخفتش عليك مخفتش شفقت عليك صحي هدرتك شفقت مخفتش….
فنينة سرطت ريقها : اه شفقتي عليا على الاقل نت شفقتي كين لي ما كيخاف ما كيشفق ..وكنقصد بهدرتي القريب -عصام : عارف حيت مكينش لغيطيحك بحال هاكاك من غير القريب -فنينة : معرفتش كي وقع لي قبيلة ..ماشي من عادتي نكون هاكاك ..انا قوية -عصام : لا نت ضعيفة
– فنينة : لا انا قوية – عصام : نت كداعي القوة
-فنينة حنات راسها : اه ممكن بصح عندك الحق انا مقوياش انا ضعيفة ..انا ملي وعييت ولقيت راسي بوحدي كان ضروري وبزز مني ناخد شخصية غير ديالي ونحاول نبين على راسي انني قوية وبلي قاصحة باش حتى واحد ميحكرني وحتى واحد ميتعدى عليا أو ياخد لي حاجتي شحال من كلمة ݣتقال ليا وشحال من تصرف دار ليا ضرني فخاطري ولكن مكنبينش كنحاول نبقى واقفة لدرجة مكنتش نعتارف بالضعف ديالي حتى وبيني وبين رااسي تاذيت بزاف وشفت الويل فحياتي ولكن هاذ الشي مزادني غير اصرار انني نزيد لقدام ومنرجعش بللور ..غتݣول مع راسك علاش كنعاود ليك هاذ الشي ..حتى انا معرفتش علاش ݣنكوليك نت ..ولا يمكن باغا غير معامن نهدر القلب عندي جامع بزاف وباغا عليمن نخويه ..بعد شي مرات كنبقى نݣول الحياة معادلاش ..حيت قسات عليا ..كنبقى نحط راسي فمقارنات مع بزاف .وݣنكول علاش هوما وانا لا ..علاش انا مكرفسة او واحد اخر عايش نورمال..- عصام قاطعها كيهدر او مركز نظرو للحيط : الحياة دايرة بحال شي متاهة ملي كتحاول وكتقدر تفتح فيها شي باب كتفرح بلا متعرف ان ورا داك الباب لفتحتي او فرحتي بيه كينا شي عشرة البيبان مسدودين ..وملي كيتسد فوجهك باب كتغضب بلا متعرف ان من ورا داك الباب لتسد ليك كين قدامك عشرة البيبان
مفتوحين ، المتاهة هي لكتعيشها فكل يوم وفكل يوم كتعطيك فرصة جديدة باش تفتح بيها ابواب جديدة لكن ابدا حتى مرة مغادي تعطيك فرصة باش تخرج منها طول ما نت فيها -…
فنينة متبعة معاه حرف بحرف : اه فهمتك
– عصام : باقي مكملتش ..باش تقدر تسلك راسك وتجيب قاعتك او مضيعش فهاذ المتاهة. خصك تكون واقف على الصح متكونش كتخاف ومتكونش كترجع باللور واهم من هاذ الشي يكون عندك الصبر وتكون كتامن بلي كين الزوين وكين الخايب وبالقدر ما عشتي الزوين غتعيش الخايب واي حاجة كتوقع ولا غادي توقع الا وفيها شي حكمة او متدارتش غا هاكاك
– فنينة قاطعاتو : ولكن أنا الحد الآن مزالني عمرني شفت الزوين شفت غير الخايب او بالزايد كاع
-عصام : 21 عام ولا 22 عام لعندك باقا صغيرة وباقا غتشوفي وغتعيشي بزاااف غير هو نصحك عمرك تبيني ضعفك لشي واحد وخا تكوني بصح ضعيفة حيت نهار شي واحد غتبانلو فيك ويقيس ضعفك مغيرحمكش ..وخا تكوني كتحسي بروحك غير مرغوب فيك وحتى واحد ممهتم ليك غتفرضي وجودك بزز من كلشي نيفك ديما لسما وعمركي تحني الراس لبغاك مرحبا ولمبغاكش الله يعاون تكوني وحدك خير ليك من مليون واحد داير بك مزيف .ولبغيتي توصلي وتكملي مزيان غتعيشي حياتك بزيرو دراما
-ناض فحالو او خلاها سارحة فيه وفهدرتو او فالطريقة باش كان يدوي بها كتاشفت بلي النقاش او الحوار مع عصام حسن من المشاحنات وشد ليا نقطع ليك ..بانت بتسامتها اليوم المرة التانية بفضل عصام ..عقلها سرح كيفكر من اول لقاء لحتى لدابا وكترجع هدرتو فبالها حرف بحرف شوي بقات تضرب على راسها : ..خوي خوي راسك افنينة خوي بارك من الاوهام الخاوية ..راه غير شفق عليك بلا ميهرب تفكيرك البعيد -تنهدت – اووووووف عصام يا عصام نصك جنة نصك نار –
على غدا خرجت ختها داتها تركبها ..فمحطة الطاكسيات واقفين بجوج كيتسناو طاكسي يعمر …
– اكرام : عااافااك اختي متبقايش تعصبي رخفي على راسك ها العار
– فنينة : انشاءالله اختي انشاءالله ..- اكرام : غنتوحشك
– فنينة : مغنطولش ماشي بزاف وغنجي حتى لمجيتش لدار او جيت مع نوال نصونيلك تخرجي لعندي ..- اكرام : واخا ..يلاه رآه طاكسي غيزيد .خص نطلع – فنينة : بلاتي – خشات يديها فجيبها جبدت متين درهم : هاكي هادي خليها عندك – اكرام : لا لا اختي والله مخصني
– فنينة : شدي ازمر – اكرام : لا اختي نت معندكش – فنينة: هدرت معاك ااكرام شدي بلا متعصبني
– تنهدت وشدتها من عندها عنقتها عاد ركبت مشات وهي رجعت لدار دخلت كتسمع الهدرة بزااف الفوق تعجبت شافت فنوال : شنو كين الفوق شكون جا – نوال : خالتي كنزة جاو عندها شي ناس يطلو عليها – فنينة : امممم مزيان ومسكينة المرا بوحدها كي دير ضايفهم ..اجي طلعي معايا
– نوال : نت باغا غا تبركي – فنينة : لا على عليا الله هههه غازيدي – طلعو الفوق دخلو – كنزة : اجو البنات زيدو ..( شافت فناسها ) هاذو البنات لكارين عندي لتحت او هاذي لوستي فضيلة خت راجلي الله يرحمو او بنياتها بجوج الكبيرة سارة او صغيرة نعمة – فنينة ونوال تبسمو وسلمو عليهم من صواب ..حتى هوما بدالهم سلام .. عادي ديال الصواب من غير سارة لغير كتحنزز وكتبركك كتشوف اش فيهم ناقص واش فيهم زايد كتقلب على شي ديفو
فنينة جرت نوال ودخلت هي وياها الكوزينة ردت الما يطيب دير اثاي وكتقلب تشوف ما تحط وكتنكر : بااااز جوج عزبات جايين مربعين على المرا مريضة مكتقدر حتى تنوض طامعين فيها توجد ليهم جاب الله جيت ومتعطلتش
– دخلت كنزة لعندهم : جيتي فوقتك ابنيتي والله ..لوستي جايا وعوالة تبات عندي حتى ليلة العرس وصحة باش نهزها والو متخلي فين تهدر عليا تكول مشيت عند كنزة او خلاتني بجوع – فنينة : جايا معروضة لشي عرس ودازت لعندك نت
– كنزة : ومعروضين كاملين ..حتى انا معروضة عدنا العرس ديال شي عائلة هنا وجات من الحسيمة لعندي تبات عاد باش نمشيو مجموعين – فنينة : اه وصافي فيها خير …خالتي ميكنش شي حاجة ديال دواز اثاي
– كنزة : لا ابنيتي ممصايبة والو
– فنينة جبدت فلوس من عندها : هبطي أنوال المخبزة خربقي شي حاجة ..خودي من كل حاجة شوية مهم نت عارفة – كنزة : علاش ابنتي هاني غنعطيها الفلوس
– فنينة : عاد خصك دخلي تجبديها غا تعطلي ماشي مشكل هاهو عندي الصرف سيري أنوال….
دارت كملت اتاي بالتعمار ..فيضت الحليب دارت القهوة ..جات نوال قادت داك الشي لجابت فالطباسل زوقتهم حطت تخربيق كامل ديال زيت زيتون الكوفتير الزبدة ..جبدت ليها كنزة البلاطوات والكيسان الجداد ..قادات كلشي عاد حطو داك الشي مقادد متول فوق الطابلة .وكنزة كترحب بناسها .دارو على طابلة وفنينة لكتكب ليهم ولبغى شي حاجة كتقربها ليه كياكلو وشاركين الهدرة والكلام ..سارة ملي شافت فنينة وهي عينيها عليها كتعبرها : منين نتوما البنات – نوال : غير من النواحي ديال هنا
– سارة : كتقراو ولا خدامين – نوال : كنقراو ..
– سارة : فاش فلافاك – فنينة : واه فلافاك
– سارة : حتى انا دايرة لافاك ولكن مكنمشيش ..غا دار كنعكز – فضيلة : ونت ديما عكزانة على طول ليام
– سارة : انا معكزاني الحسيمة طلعت لي فراسي مزال قنيطرة فيها ما يدار. – فنينة : لا غا كيجيب ليك الله – سارة : لا والله كنفكر نجي لهنا نقلب على راسي يا شي خدمة يا قراية يا سطاج ..ياك تخليني نسكن معاك امرات خالي – كنزة : مرحبا بيك ابنتي علاه انا نقدر نكلع ليك جي جلسي شحال ما بغيتي. مكينش ليكلع ليك
– سارة : هانتي شفتي اماما – فضيلة :ونت تعرفي ديري لعجبك بغيتي تجي تجلسي فدار خالك جلسي .- كنزة : داك الشي لي كاين من جهتي مكينش ليخسر ليها
– سارة : نيت اخالتي نعاونك شفتك مبقتيش تقدري نعاونك غا على دراري نهز عليك شوية ماكلتهم وصابونهم وتخمال متقدريش بوحدك – كنزة : الله يرضي عليك ابنتي شكرا ..هذا المضمون فيك – سارة : الله ياودي امرات خالي شنو غندير كاااع ..- فضيلة : شفت دار نقية ونت ݣلتيلي فتلفون مبقتيش تقدري تهزي حتى الكاس .واش دراري جابو ليك شي وحدة تعاونك – كنزة : لا لا .غا وكان بنيتي فنينة الله يرضي عليها هي ونوال مرة مرة يطلعو يديرو يديهم
– سارة : اه ودابا بلا ميعاودو يطلعو انا قادة بكلشي ..بلا ميحتاجو ..اممم مرات خالي فين هوما دراري مبانوليش فين هو عصام .واش مسافر – فنينة بلا متحس دوات تحت منها : يعصمهم عليك انشاءالله
كنزة : لا ممسافرش غا خارج كيدخل حتى ليل
– سارة : اه هاذي شحال ما شفتو توحشتو – فنينة (بهمس ) توحشك لمتعتقك – سارة : باقي طبعو صعيب اخالتي ههههه انا كيخلعني – كنزة : شوية شوية اوا عصام هو هذاك هاكاك داير شنو نديرو ليه. نبدلو لوه – سارة : هههه خصك تزوجيه متزوجيهش ليا امرات خالي ونبقاو حداك ههههههههههه – فننية خنزرت فيها بصوت شبه مسموع : هاذ وجه الترمة تاني – نوال سمعتها نغزتها : اويلي سكتي شنو كتكولي – فنينة : غنوض نلاوح مها من الشرجم ..ݣاتليك زوجيني عصام ..عصام غا محطوط ليك
– نوال : اويلي ونت مالكي ههههههههه
– فنينة : غنوض نقود فحالي حيت لبقيت غنرتاكب فيها شي جريمة معنديش مع هاذ التعواج الخاوي ملي دخلنا وهي كطلع وكتهبط ….
ناضت دخلت الكوزينة فتحت تلاجة لقات الدجاج خرجاتو وبدات .توجد ليهم فالعشا وكلها كترعد محملاتهاش تهدر عليه بحال هاكااااك ..وخا معارفاش علاش كتكول مع راسها انا مالي ..علاش نتعصب شنو هاذ الشي لكنحس به وعلاش كنحس هاكا ..عصام شنو بالنسبة ليا شنو كيعني لي شنو هاذ المشاعر الغريبة والمتناقضة لولات تراودني ..معندهاش الشجاعة باش تجلس مع راسها وتحاول تلقى تفسير لهاذ لاحاسيس وتعطيهم شي سمية ..كتهرب من راسها ومن مشاعرها مبغااش تعتارف حتى وبينها وبين روحها كتشغل راسها بأي حاجة باش متفكرش فهاذ الشي
– دخل عليها حمزة لكوزينة كيفرنس : عويشة الطباخة ديتي ليا المدام بلا متعلمي ماشي حشومة
– فنينة : بعد مني احمزة مناقصاكش خرج *ود بعد مني
– حمزة : خليني معاك فين باغا تخرجيني كون كان يحساب لي دوك الخريات جاو كاع منجي لدار تقولبت – فنينة : ياك بعدا كتعتارف بها خرية – حمزة : انا جمعت كلشي نت شكون فيهم – فنينة : ديك سارة ولا منعرف شنو سميتها – حمزة : شدارت ليك ديك صفرة لكمارة – فنينة : عصبتني منين دخلت وهي تعوج ..-؛حمزة : هي اصلا معوجة خلوق
– فنينة : كاتليك حكا ما حكا غتجي تسكن معاكم وتقابلكم – حمزة : تقابلنا مالنا فالسبيطار …هههههه تسكن معانا هههههه معامن مع عصام يكركبها من دروج – فنينة : لا والواعرة كاع ݣالت لمك زوجيني عصام ..وكتفرنس كي الراس المشوط – حمزة : ههههههههههه عصام غا محطوط
– فنينة : داك الشي لݣلت حتى انا عصام غا محطوط ليها كيتسنى فيها – حمزة صغر عينيه : بلاتي بلاتي ..نت مالك مخنزرة ومعاجبك حال هاهي حتى لتزوجت عصام بصح ..( بدى يحرك راسو ) الا الا هههه – فنينة : مالك الخرا ..بلا متبقى دور عليا فراسك وعقلك يهرب لبعيد
– حمزة : كنشم بحال ريحة ديال شي – قاطعاتو هازة موس : تنطقها نخشيه فمك – حمزة : بديتي بديتي كتميلي بديتي ههههههههه خايف غا تكوني مملتيش وطحتي ديال بصح ..- شيرت عليه بطاس بلاستيك : خرج هاارب ..ورجع طل عليها براسو : الغييييرة ههههههههههه –
فننية : ال*لاوي ..لا – هرب وبقات تحك فراسها : ݣاليك الغيرة شمن غيرة ولا تبي وانا اصلا مالي فيه يتزوج ولا يجلس …اووووووف معرف انا مالي غنموووت ..الله ياربي متعطينش شي حاجة فوق طاقتي راني ماقاداش ..الا عصام اسيدي ربي. الا عصام ماشي صمت حتى صمت ونطيح فمعقد يعقد عليا الحياة…
رجعت تكمل شغلها كتشرمل فالدجاج..سمعت حس الباب تفتح خرجت راسها من الكوزينة. كطل ..كان عصام لداخل غا شافهم قلب وجهو مكيحمل يجي عندو حد نطق غير : السلام عليكم – وزاد غادي بحالو خلاهم غير حالين فمهم من هاذ الفرشة لدارليهم حتى كنزة معرفت فين دير وجهها من تصرف ديال ولدها ..زاد حتى لبيتو داز على الكوزينة كانت فنينة مزال واقفة فالباب كتلحس فصباعها لمزال لاصقة فيهم شرمولة لدايرة الدجاج ..غير قرب حداها شاف فيها طلعها وهبط وهي بلا متحس تبسمت ليه زاد لبيتو وهي باقا كتشوف ومبسمة ماشي ليه وانما من تصرف لدار معرفتش علاش عجبها الحال على عكس كون سلم عليهم وعنق بنات عمتو كون روحها خرجت ضحكت ونطق : الله يرضي عليك اباا عصام هاكاك نبغيك مضسر عليك حد .-طلت على سارة لباين معاجبها حال – العوجة لولداتك مزيانة فمك خلاك بلاكة -فالمجمع كانو بصح معجبهم حال من تصرف عصام جاهم بحال إلى قلل منهم هدرت فضيلة : الله يا ختي كنزة واش ربيتي ..هاذي فعلة يديرها ولدك ، خير الله مشافنا وفالاخر خسر علينا غا سلام وحتى سلام ناقصة نطقها ومشاف فحد فينا مقلل منا العين مالنا اش درنا ليه – كنزة كتحاول تلطف الجو :وهاذ الشي لعطىى الله عصام هو هدا نت ديما تعرفيه هاكا من صغرو معندي من دير ليه
– فضيلة : وا تاني زاد فيه ميكن ليقبلو هاااكاا ولا حتى ليشوف فيه – كنزة : اسكتي اناري دابا يسمعك ومخصنا صداااع – فضيلة : مشاف حتى فينا اويلي على خويا اش ولد واش خلا من وراه مفيه صواب والو اكنزة وااالو
– سارة : الا هو غا موقر – كنزة : ايه غا موقر
– فضيلة : وبزاف على التقار تاني حك ليه شرف وباقي مدار الولاد – سارة : دابا يدير عقلو خصو غير يلقى لتناسبو وميلقاش حسن من دمو حيت هي لتعرفلو
– كنزة : اوا الله يدير شي تاويل الخير ….
فنينة دخلت عندها نوال كتعاونها كدير شلاظة وشادين الهدرة ..كتعاود ليها على داك الشي لتقال فالمجمع …..حتى قادت كلشي عاد مشات نوال طلعت السطح تهدر مع خطيبها حيت كان كيصوني او فنينة خدات تلفون صونات على حمزة باش يجيب الخبز ..عيااات تصوني عاد جاوبها: والخرا فينك علاش مكتجاوبش ..جيب الخبز معاك واجا تحنجر
– حمزة : غا خليلي حقي انا بعيد
– فنينة : وا النم وخصنا الخبز مكينش ليجيبو من المخبزة انا معندي كيف ندير مشغولة – حمزة : سيري بعدي مني والله لجيت انا بعيد ومباغيش نتلاقا بديك عمتي والخريات ديال بناتها فيهم قوة الفاهامات وحشيان الهدرة غا يفرعو لي غا *ري – فنينة : وخااا فيك الكلب (قطع عليها ) الو حمزة ..واحمزة ..قطعتي الله ينعل مك
– سمعت صوت عصام من وراها : مالكي نت وحمزة اش كاين – فنينة كيخلعها ملي كيجيها على غفلة : احم احم لا والو غير..- عصام : غير اش – فنينة: صونيت ليه يجيب ليا الخبز حيت اليوم الجمعة وملقتوش فالحوانت بغيتو يشوف ليا واش كين الفوق فشي مخبزة..مابغاش ݣالي رآه بعيد ومعندوش كيفاش يجي – عصام : وانا بغيت غير نعرف نت علاش قاتلة راسك لباغي الخبز ينوض يجيبو ل*رو مفاتحش خيرية هنا – فنينة صدمها : اويلي حشومة ناس ضيااف – عصام : شحال خاص – فنينة : ستة الخبزات
– خشى يديه فجيبو وزاد خرج
وهي خرجت مشات جلست حداهم
-كنزة : امدرا جاوبك حمزة صيفتيه يجيب ليك الخبز ؟ – فنينة شاف فسارة وكيتعوج فالهدرة : لا حمزة بعيد من هنا مشيت عند عصام ݣلتهاليه هو لمشى يجيبوليا
– كنزة شافت فيها بديك الشوفة ديال من نيتك : عصاااام ؟ – فنينة : اه عصام شافني غنخرج ونتمحن نبقى نقلب واليوم جمعة دنيا خاوية هنا خاف عليا وݣالي غير خليك انا غنمشي نجيبو
– عاود كنزة شافت فيها كتاكد : عصااام ..هذا ولدي ماشي شي واحد خر
– فنينة تبمست بتسامة صفرة : رجوع الله اخالتي .شربي شربي اسارة اتاي غيكون برد ليك -سارة : لا شكرا بغيت كاس الما : فنينة : خصك كاس الما يكون بارد وقيلا
– سارة : اه – فنينة : ثلاجة راها فالكوزينة نوضي جبيه راسك
– سارة : ونوض نجيبو راسي مالي غنتشاور معاك راها دارنا هاذي -فنينة : ( فنسفها ) تريب عليك (تبسمت ) داك الشي لݣلت حتى انا غا نوضي….
مشات دخلت وشوية وتبعاتها فنينة خافت ترون ليها شي حاجة عرفتها غا كتقفقف —– ماشي بزااف وكان دخل عصام هاز فيدو البلاستيك ديال الخبز ..زاد به الكوزينة تصادف بسارة خارجة شافتو تبسمت ليه كي الحمقة : عصام صافا – مجاوبهاش بانت ليه فنينة خشاية وجها فالكوكوط كتقلبها نادا عليها : فنة ..(مسمعاتوش عاود نادا ) فنة
– هزت راسها فيه مرفوعة قربت ليه حالة فمها : شدي – شدت من عندو البلاستيك زاد وخلاها مبلوكية حالة فمها ديال بصح كتدوي بصوت مسموع : ݣالي فنة ..والله حتى ݣالي فنة ماشي حتى فنينة فنة -شافت فسارة – ياك سمعتيه ݣالي فنة واش ݣالها بصح ولا غا تهيئ ليا – سارة : لا غا تهيئ ليك – فنينة : وتي ماااالك نت سوقك نت شكون سولك ..سيري ازينة تركني حدا ميمتك حسن ليك
– سناء : شناهو واش من نيتك اختي داوية يكما يحساب ليك جاية لعندك الى نسيتي نفكرك هاذي دار خالي ودار خالي هيا داري نت لمنعرف منين جاية مدخلة راسك وداخلة جبهة وجالسة تمشي وتجي بحال إلى دار داركم مخليها ليك باك فالورث – فنينة : لا لا ماشي با لمخليهالي فالورث راجلي لمخليها ليا فالورث – سارة : شنو كتخوري
– فنينة : ..ياك خالتي كنزة من قبيلة وهي تعاود ليكم عليااا اوا غتكون عاودت ليكم بلي انا عندي البواطة ديقة ومعندي فين تساع وبلي مكنعرفش نهدر بفمي عليها الله يرضي عليك غدوري ت*ودي من حدايا هو هذاك مغادوريش غنوري لختي تخاور ديال بصح اش بان ليك -سارة : نت غا كارية هنا وكتهزي عليا كلك ياك لاباس غنمشي نكولها دابا لمرات خالي ولعصام ونشوفو شنو هاذ قلة الاداب لدرتي معايا -فنينة :لا عاافاك عنداك تݣوليها ليهم هههه من نيتك سيري ݣوليها لمن ما بغيتي …سيري كوليها لعصام ݣوليه فنينة قللات عليا الادب وخليه هو يجي يدوي معايا هاذ الشي لااااا دوا معاك بعدا اما رآه باين العربون غير من داك السلام لدار ليكم -سارة : انا مفهمتش نت شنو مشكلتك ..عينيك على عصام ياااك – فنينة ضحكت : اه انا عيني عليه ونت غادي تحيدي عينيك من عليه …-سارة : كنت عارفة ههههه
– فنينة : مزيان ملي عرفتي وخصك تزيدي تعرفي بلي انا معنديش الجرام ديال العقل ومعنديش الجرام ديال الصبر والخاطر..دوك الشوفات لمن صباح ونت كديري فيا رآه على بالي بيهم رآه كان فيا ما نجي نخشي لمك راسك فالحيط ولكن ميكت على وجه خالتي وحتى نت تاني نقصي من الطيران لفيك حسن ليك -سارة خافت منها : نااري على سوفاجية – فنينة : اه سوفاااج انا ومقطعة ديال بصح نت بغيتي تشوفي راسك عليا ومن صباح ونت كتهزي وانا معنديش مع هاذ الفعايل ديال البراهش نكوليك انا رآه خايبة تقلبي عليا تلقايني فوتي ساحتي حسن ليك
– سارة : ها نا فايتة ساحتك ولكن غير باش نݣوليك رآه عصام مغيديكش
– فنينة تبسمت ليها بستفزاز : ديتو غا هني بالك ودابا غبري حسن منكركب مك من الدروج …
مشات سارة بحالها باقا مرعودة من فنينة وتصاروفاتها ..هذا هو المعنى ديال دخلت فيها طول عرض ..سارة بصح ملي دخلت وهيا كتحاول تبين راسها على فنينة وتبغي زعما تسخرها وتقلل منها غا عقلها واش ݣاليها يحساب ليها فنينة شي وحدة لي غشيمة ونية وداغي تركب عليها ساعة صدمتها دخلت فيها طول وعرض رجعت سارة لخايفة على راسها عرفاتها حاارة ديال بصح دوز فيها ومتعقلش اما فنينة وصلت لواحد النقطة ديال مبقاش عندها فين تزيد تنكر …تنهدت وقالت : راجلي حيت راجلي فالوراق ضروري متهزني النفس عليه شي طبيعي داك الشي كيكون اوتوماتيك هاذ الشي فطري انا معندي به دخل – وصل وقت العشا ..حطت فنينة داك الشي حمرت جوج فرارج على حقهم ودارت معاهم الفريت .. تعاونت هي ونوال فالحطان ..زوقو طابلة بالشلايض قاددو كلشي عاد ناضو غسلو يديهم و دارو على طابلة ..كياكلو فنينة غير كتنقب معندها شهية .فضيلة طاحت عمية فداك الطبسيل : اتباااارك الله على اليدين لوجدو هاذ الخير ( شافت ففنينة ) نت ابنيتي لطيبتي ياك – فنينة : ايه اخالتي
– فضيلة : تبارك الله معندي منݣول – سارة : متزديش فيه اماما عادي حتى انا كنعرف نطيب ما حسن – فضيلة : لا سكتي ݣالاك الحق يتقال هاذ الشي ديال القلب ودغميرة هيا شو كي معلكة وخاترة – نوال : ايه فنينة كتصرع طيااب من صغرها فراسك اخالتي كنزة .بعد المرات كيلصقو ففنينة تطيب ليهم فالمناسبااات حيت كلشي كيعجبو طيابها – فنينة : متزديش فيه
– كنزة : تبارك الله تبارك الله باينة شغلها اصلا متول او حاار والله افضيلة الى تحنت عشرة فشقاها – فضيلة : تبارك الله تبارك الله الله يكمل ليها
-سارة : غير زدتو فيه اصلا طياب ماشي شي حاجة لصعيبة عادي – نوال : تفكرت واحد الخطرة هههههههه واحد المرا -شافت فنينة – مرات تهامي مول الدجاج تعقلي عليها ..كانت تولد شادها الوجع وكتغوت كتكوليهم بغيت فنينة لتطيب ليا كصعة الفكاك ههههههههههه – كنزة : ههههههههههه ههههههههه ههههههه غتكون مسكينة كانت نفسها فيها
– فضيلة : هههههههه وخاطرها واش تشهى نوال : هههههه كون قلبتها فنينة طباخة كون خرجت ليها مكينش شي مناسبة وميرغبوهاش تطيب ليهم ههههه -سارة : وحتى حنا علاش لا منطلوبهاش تطيب لينا فشي مناسبة بحال فشي تزويجة فاعلة تاركة انا وعصام
– فنينة حطت الخبز لفيديها وحكت دقنها وضحكت باش ميديو ميجيبو : كنطيب أنا فالجنايز تبغي ؟
– سارة شافت فيها ..تم تم فنينة غمزتها : اوا الله يعميها ليك
فضيلة : اه حكا فين هوما دراري مغياكلوش معانا – فنينة : لا خليت ليهم بوحديتهم – فضيلة : ها حنا تاني كندويو عليه اكنزة حمزة مكينش اوا وعصام يجي يشرك معانا غا طعام ونشوفوه غا شوية وليت غير كنسمع بولد خويا شي هدرة ماني هادرة معاه غوتو عليه يجي يتعشى معانا – فنينة : خالتي حنا غير نسا بيناتنا وعصام مكيبغيش يتخاالط مع النسا – كنزة : فنينة عندها الحق افضيلة راجل معندو ميدير وسط منا مغيبغيش غيكون نعس – فضيلة : اوا الله يهديه – جا نهار جديد لهو ليلة العرس ..كنزة طلبت فنينة او نوال يمشيو معاها…فنينة ماكنتش بغات راسها مفروع مقادة على عرس نوال للصقت فيها وطلبتها باش يمشيو ..ملي ݣالتها ليهم كنزة وهي طلب فيها مابغاتش ههههه ..طلعت نوال عند كنزة كتغبن ݣالتها ليها وهبطتها معاها عند فنينة – نوال : راها اخالتي عييت نطلب فيها والو راسها حجرة – كنزة :. نت مالكي ابنيتي معكساها عارفة صحيبتك متقدرش تمشي بلا بيك- فنينة : وا خالتي شغنمشيو نديرو ومكنعرفو حد تم- كنزة : نتوما غتمشيو معايا وكتعرفوني انا – فنينة : وا خالتي ..وتمشي معاك هيا لبغات انا دايرة مع حمزة ..غيجيب البارتي وغنلعبو جلسي أنوال غنبلبلوها مع حمزة -نوال : ولا نمشيو العرس هاذي شحال ما نشطنا ..نت كتحماقي على العراس مالكي دابا معكساها علينا -فنينة : وراه معدنا الخرا ما نلبسوا – نوال : غنكريو -كنزة : وصافي تاني لتقصحيش راسك ديري عقلك وديري لينا الخاطر الله يرضي عليك -فنينة تنهدت : صافي واخا -نواال : ييييييس واخيييرا – ..فليل كانو لابسين مقادين نوال لابسة تكشيطة فالكحل وفنينة لبست قفطان مرصع بارز ليها طايتها بشكل خطير ولون الخزي جاي معاها بالجهد سرحت شعرها طالقاه على طولتو مع ماكياج مصروع خدمت ليها ولنوال ..مع هيا كتصرع الماكياج ..وحلفت لحطت يديها فسارة ..خلاتها تمشي لعند لكوافورة تݣولها اش لون التكشيطة وطلعها كي الطعريجة ..تمنية ديال ليل كانو ناضين وخارجين الباب – فضيلة : افين غنمشيو خصنا نشوفو طاكسي يوصلنا يبغي يهزنا كاملين ؟
كنزة : لا راني دويت مع عصام هو لغيدينا معرفت فين تعطل -لمحاتو- هاهو هاهو جا يدكرو بالخير
– حبس عصام لوطو ديالو – كنزة : يالاه نطلعو -فنينة باقا يلاه غتخطوي طارت سارة من وراها فتحت الباب ركبت القدام – فنينة كتبركم : هاذ ال*لاوي هاذي تاني كتسابق – طلعت فضيلة وبنتها لور وركبت حداهم نوال وطلعت حتى كنزة ..فنينة بقات واقفة فبلاصتها مكتحركش حتى نتابهت ليها كنزة : افنينة مالكي واقفة فبلاصتك دوزي طلعي
– فنينة : معندي فين نطلع نتوما براسكم مزاحمين غير سيرو غناخد طاكسي وغنتبعكم – نزلت عندها كنزة : علاش ابنيتي لا تاخدي طاكسي ها التساع عطى الله -فنينة : غا سيرو مغنمشيش – تسمع صوت الباب تضرب .كان عصام لخرج من طونبيل ضارب الباب ملي سمع هدرتها : ماالنا اش كاين – فنينة :مكين والو غير معندي فين نركب غناخد طاكسي وغنتبعهم بلا منزاحمهم – عصام : طلعي تركبي بلا متفرعي لي راسي مكين لا طاكسي لا *لاوي ولا مناقص من هاذ الشي كامل ، غنصدق مرجع كلشي وحد مغيحط رجليه فداك العرس دنم – نقزت فضيلة : الله يا وليدي وبغيتي تحرمها علينا – عصام خنزر : انا كندوي مع لكيخصوني ولعندي عليهم الحكام – فنينة كدور فعينها عرفاتو شاعل ويقدر فاي لحظة يجمعها معاها زادت حنا لعند سارة : هبطي ركبي نت لور معانا وخلي خالتي كنزة تركب حدا ولدها متقدرش على الزحام ..زيدي اخالتي كنزة ركبي حدى ولدك وانا وسارة غنرجعو لور – فتحت الباب وخرجت سارة زربت عليها مفهمت والو ..ركبت كنزة وعاد هي ركبت لور كتبسم بانتصار المهم وصلت لمرادها وحلفت لخلاتها تجلس حداه وهاذ الشي لكان -وصلو القاعة العرس نزلو غادين ….عاد نزل عصام من لوطو شير على فنينة بجوج صباع : اهاذيك اجي لعندي لهنا
– فنينة جات لعندو : اهذيك سميتها فنينة وعيطتي عليها قبيلة بفنة ..ولكن أنا سيمتي فنينة ماشي فنة
-عصام : تعلمي تجمعي فمك من الهدرة الخاوية ..وعينيك يبقاو على كنزة ردي ليها البال فامانتك – خلاها وزاد ركب مديماري طاير -حطت يديها على قلبها : ميمتك هيا ميمتي ازين الله ياودي فعينيا هههه…
دازت شي جوج سوايع والعرس خدام ..كنزة قلبت على دواها بغات تشربو حيت وصل الوقت لقات راسها نساتو ودواها مخصهاش تعطل عليه – فنينة : صونيت على حمزة مجاوبنيش دابا شكون لغيجب لينا دوا كون غير صونيتي على عصام هو يجيبو – كنزة : لا بلاش غير غادي نربجو معايا وغينوض يخاصم ملي يعرفني نسيتو آش جاب ميسكتو
– فنينة : صافي غنمشي انا رآه باقي الحال او موجودين الطاكسيات غنمشي داغي نجيبو ونجي اش غا نخسر
– كنزة : الا ابنيتي غادي تمحني – فنينة : الله يهديك اخالتي غنمشي طايرة ونجي اصلا مبعيدش بزاف
– كنزة : هانتي غتلقايه غا تم محطوط غا قلبي
– خرجت داغي لقات طاكسي ركبت ومشات وصلت لدار فتحت بساروت دخلت طلعت نيشان الفوق ..بان ليها دوا محطوط فوق الطابلة. هزاتو يلاه كانت غتخرج عاودت تشاورت مع راسها حاسة بالقفطان مزير عليها ملاقياش فيه راحتها وديجا كانت هازة معاها كسوة فالساك عكزت تبدلها تم ݣالت جيت لدار جيت اللهم نحيد عليا هاذ القفطان خنقني …دغيا سلتاتو حيداتو بقات غير بديباردو او شورط ديالو على شكل سليب رافع ليها المؤخرة حنات لساك يلاه فتحاتو .تقطع الضوء قفزت : الله يا خويا الضوء ومجاك تقطع غا دابا -كان شرجم محلول بان ليها حتى ديال الزنقة تقطع – بفففف وحلة هاذي كي بندير فالظلام
– فتحت ساك جبدت منو الكسوة غتلبسها ..شوية كتحس بشي يد تحطت عليها وطالعة مع طول يديها ..بالخلعة شهقت جات غتغوت سد ليها فمها ونفسو السخونة كضرب فيها فجهة عنقها ..عرفاتو. هو غير من ريحتو شكون من غيرو وشكون ليقدر يتجرا من غير عصام .ثوااني ونفسهم كطلع وتهبط دورها لعندو للحظة رجع الضوء مبين تفاصيلهم جات عينيه فعينيها ..نظراتهم عميقة ..ونظراتو هو كانت أعمق وهي قدامو تقريبا عريانة ديباردو ممغطي والو فرقة صدرها باينة وكلها عرقانة نظراتو كانت جريئة فيها لاقصى الحدود كيشوف فيها بجراة وهي مركزة شوفتها فيه ماشي بزاف وكان متكيها على الحيط خاشي رجليه بين رجليها او خاشي فيها وجهو فمو كيلامس عنقها ..حاسة بسخونية طالعة معاها وهو كثر منها معارفش شنو هاذ الشي وشنو هاذ الرغبة لجاتو عليها …كل ما كيحرك فمو فعنقها كتحس بقلبها غا يسكت حتى نطق بالكلام لفشلها : باغي نطبق معاك شرع الله ..باغيك الفراش افنة ….
ماشي بزاف وكان متكيها على الحيط خاشي رجليه بين رجليها او خاشي فيها وجهو فمو كيلامس عنقها ..حاسة بسخونية طالعة معاها وهو كثر منها معارفش شنو هاذ الشي وشنو هاذ الرغبة لجاتو عليها …كل ما كيحرك فمو فعنقها كتحس بقلبها غا يسكت حتى نطق بالكلام لفشلها : باغي نطبق معاك شرع الله ..باغيك الفراش افنة
– فنينة نفسها كطلع وتهبط .الهدرة تلفت ليها كتهدر بصوت مقطع : عصام ..شكدير ..شباغي دير
– عصام ساط نفس من فمو : ݣتليك اش باغي ندير كتليك باغي نطبق معاك شرع الله – صدرها كيطلع وكيهبط دوز نيفو على سائر عنقها شهقت ملي حست بشفايفو محطوطين على عنقها تنهدت : عصام عاافاك لا
– عصام زاد مزير على فمو فعنقها : شششش انا عمري قصت شي وحدة ..بغيتك ..بغيت نقيصك نت
– فنينة كتحس بقلبها غيسكت كيضرب على غير العادة غمضت عينيها مزيرة عليهم عاضة على فمها بجهد : عصام عاافاك قلبي حاسة بيه غيسكت ..رحمني مابقيتش قادة – عصام : غتقدي افنة غتقدي عطيني راسك .خليلي راسك ومتخافيش – فنينة : واش هذا نت اعصام ..هذا نت لكتكول هاكا ولباغي هاذ الشي – عصام : واه عصام
..-فنينة : عصام خليني نمشي عاافاك غيجي شي واحد يشوفنا ..-عصام :شششش اجي معايا
– جرها لبيتو دخلها وسد الباب برجليه ..فنينة الحد الآن مفاهمة واالو ..قلبها كيضرب بالجهد وتولدت فيها رغبة قوية من جهتو ..حتى هو مفهمش راسو معارفش راسو اش كيدير من غير حاس برغبة كبيرة تجاهها ….خشى يديه فشعرها كيدوز نيفو عليه كيشمشم فيها حاط يديه على ديباردو كيهبطو على طول كتافها..حتى وصل لنص عاد رماها على السرير او جا فوقها خاشي ركبتو وسط فخادها وباقي غير كيشمشم فشعرها ومرة مرة يهبط نيفو حتى لعنقها كيحركو تم ..هي مزيرة على يديها وعينيها كترعد ..نقطت بهمس بحروف متقطعة : علاش مقادراش نبعدك .علاش مقادراش نقاومك – عصام دوا بفحيح بصوت مهموس بالكاد كتسمعو : مقادراش تقاوميني حيت باغاني
– فنينة تنهدت : اه باغاك وباغا حتى هاذ الشي لغدير ..-عصام زفر نفس سخونة: حتى انا باغي نقيصك ….
رجع خشى راسو فيها ..معارفش اش كيدير ولا حتى منين
يبداها من غير كيشمشم ريحتها سكراتو ديال بصح ..كيطلع
يدو مع فخادها كيتلمس فيهم ويرجع ينزلهم ..هيا دورت يديها على. عنقو ..معنقاه ..غير حست بشفايفو على ودنيها قفزت بلا متشعر كانت مدوزة ضفارها على عنقو قابشاه ..هو
غير حس بظافرها مغروسين فعنقو بحال الى صرفقتيه ولا تكب عليه شي سطل ديال الما بارد فتح عينيه من بعد ما كان مغمضهم بقى مدة حابس كيسترجع كاع داك الشي لدار ولكان ناوي يدير … تم تم ناض من عليها دوز يديه على. وجهو بثوتر ماسح على راسو مرجع شعرو اللور كلو كيترعد معرفش كيفاش حتى وصل معاها لهنا ..هو اكيد كان فوعيو وكاع هاذ الشي لدارو كان واعي به .ولكن معرفش كيفاش ضعاف وخلا غريزو تحكم فيه ..شنو هاذ الشي لطرا وكيفاش وقع ضرب راسو جوج ضربات مع الحيط ..بندم على كيفاش مقدرش يتحكم فراسو ..
–هيا ملي كانت ناوية تبدل تما دخل عصام محستش به جات عينو عليها وهي تقريبا عريانة غير جات عينو عليها تم تم تقطع الضوء ..مفهمش اش وقع ليه حتى لقى راسو مقرب
منها جاتو عليها رغبة قوية مقدرش يتحكم فيها كاااااع واي حاجة ݣالها ودارها كانت نفسو فيها .مفاق وحس على راسو حتى غرست فيه ظفارها تم بحال إلى عاد توعى بشنو كيوقع ..مكانش سكران بالشراب كان سكران بيها وبريحتها ..- هو باقي متكي براسو على الحيط ومغمض عينيه ..اما فنينة هاذيك حاجة اخرى ..حالة عينيها مكترمش كتشوف غا فيه …عقلها مقادرش يستوعب هاذ الشي لوقع دابا شوي تصدمت صدمة خايبة ..تنفست بجهد وناضت ..فالاول ضاخت شوية مكانت غطيح شدت فالحيط ..متبتة راسها…..
ضربت فيه وزادت وهو عينيه غير عليها …خرجت من لبيت هزت كسوتها لبستها بالزربة …هاذ الشي كامل كديرو وهي ساكتة منطقت بحتى حرف من غير وجها لمزير ولا حمر غا يطرطق ..عاضة بسنانها على فمها بحال الى حابسة شي حاجة بزز. ..هو مربع يديه كيشوف فيها وفتحركاتها واحد ..الصمت رهيب كان فدار ..حتى كسرو هو : فنينة ..-مجاوباتوش كتلبس سندالتها وساكتة .قرب ليها بشوية حتى وصل لعندها :سمعني
– فنينة واخيرا نطقت بصوت ضعيف بزاااف حيت بزز باش حابسة راسها على البكا كتهدر بالزربة ومرة مرة كتشهق : شششش متهدرش متݣول والو ما بغيت نسمع من عندك والو ..-شهقت – انا دابا غنخرج بحالي يااك ..غنخرج من هنا وغنسى كاع هاذ الشي ..اصلا حتى حاجة موقعت ..هاذ الشي كامل موقعش كنت غير كنحلم اه انا كنت غير كنحلم وكان حلم خايب بزاااف ..اه كان حلم خايب وانا دابا فقت منو ..دابا انا غنمشي فحالي وهاذ الشي مغيبقاش ..انا باقا هي انا انا باقا فنينة وباقا بكلشي فيا ومتهانيتش …وباقا محافظة على كرامتي .او نت مقدرتيش تقيسني ومقدرتيش تقيس كرامتي ..اه هاذ الشي لكين كلشي كان غير حلم اه انا كنت غير كنحلم .انا مسمحتش ليك انا مخليتلكش فرصة فين تجرأ. عليا ..- عصام شاف حالتها عرفها غتكون حست براسها تهانت :ششش تهدني اتبي ماشي هاكا
– فنينة : لا لا هاااكاااا – بغى يقرب ليها بعدت منو كتغوت مخرجة فيه عينيها : لاااااا بعد مني بعد متقربش لياااا ..متقربش متعااااودش تقيسني متعاودش تحط عليا يدك مزاااااال ..اخر مرة كتسمعني اخر مرة…..غنمشي فحااالي غنمشي فحالي من هنا وهاذ المرة مغاديش تقدر تمنعني .غنمشي فحالي ومغادي نتسوق لحتى حاجة ..حيت لممشيتش فحالي من هنا غتوقع لي شي حاجة ..خصني نمشي -غوتت- خص نمشي
– عصام : حتى انا مغنشدكش تقدري تمشي فين ما بغيتي …وحتى ديك الورقة لبناتنا غدا مغتبقاش ..المشكل لكان قدرت نحلو قبل المدة المحددة غتاخدي ورقتك وغتخوي عليا – فنينة : درتي المزيان ..-….
عصام : واه درت المزيان حيت انا مابقيتش صابر عليك وما بقيتش صابر ومتحمل نشوفك قريبة مني ..غدا غنصوني ليك باش تجي تسني على ورقتك – فنينة : او من وراها. نت فطريق وانا فطريق حيت حتى انا ما بقيتش مستحملة قربك – خرجت فحالها كتزرب زادحة الباب وراها ..شدت طاكسي المحطة وتم نيت لقات طاكسي يلاه غيقلع بقات ناقصاه غير بلاصة ركبت فيها هيا وزاد الطاكسي وصلت لدوار سيدي حييى …كان ليل ملي وصلت لدارهم فتحت بساروت كان كلشي ناعس زادت نيشان لبيتها دخلت لاحت ساكها وطلعت فوق سريرها جالسة ومدورة يديها على ركابيها ضاماهم لعندها .كتنفست بالجهد .مركزة عينيها فنقطة وحدة عقلها كيفكر فلحظة وحدة وهي بالظبط ديك للحظة لناض من فوقها تم حست به سلب روحها منها حست بنقصها كون غير ضربها وعايرها وميديرش داك التصرف ومينوضش ديك النوضة حست براسها بصح رخيصة ومتسوى والو تقهرت بالجهد بالاعصاب لشدوها نتفت راسها وندبت حناكها يظفارها مهبطاهم ..مخلية لا طراس .كتغوت بلا صوت باش حد ميسمعها : لاااا افنينة لااا ويااااك مغتبكيش واااياااك مغتنزلي حتى دمعة …تحملي ..تحملي حيت تستاهلي ..تستاهلي. هاذ الشي لوقع ليك ..تستاهلي هاذ الشي لدار ليك ..نت لخلتيه نت ..نت لمشدتيش راسك نت لكنت طالبة عليها وكنت بااغاه تستاهلي اي حاجة يديرها فيك …وهاذ الشي لدار فيك غا القليل كان خصو يدير كثر باش عاد تعلمي ديال بصح ..ويااااك افنينة تبكي .. واااياااك
– كتمسح دموعها بجهالة – لا لا مخصكش تبكي ..مخصكش ..تستاهلي تستاهلي ما كثر ..مخصكش تبكي دابا مخصكش – هاذ ليلة مكانتش طويلة غير على فنينة كانت حتى على عصام ..ملي خرجت بقى مدة واقف فبلاصتو مغمض عينيه حاس بسخونية فشكل ..كلو عرقااان …بلا ميحس حتى كان ضارب الطابلة برجليه قالبها كيدوز يديه على راسو بجهد ..كيحاول يتمالك اعصابو ..مقدرش معارفش شنو هاذ الشي لكيحس به وشنو هاذ الاعصاب لجاوه ومقادرش يفسر حتى شنو ديك الرغبة لجاتو عليها قبيلة ..اكيد ماشي حيت كانت نوعا ما عريانة ..هاذ الشي ابدا واش يغريه …كيسول راسو كون كانت بنت خرا من غير فنينة فديك الوضعية واش كانت تجيه نفس الرغبة واش كان يدير نفس التصرف …هو عارف راسو ومتاكد من راسو مزيان بلي بحال هاذ الشي ابدا واش يغريه ….ولكن مع فنينة معرفش شنو وقع ليه عييى يحاول يلقى. شي تفسير منطقي لهاذ الشي ..مقدرش يلقاه وهاذ الشي لمجننو ..ومخليه كلو كيغلي ….دخل الكوزينة كيحاول يضبط راسو شعل كارو خشاه ففمو وهز كاس القهوة ..بلا ميشعر تاني لقى راسو ..ضارب الكاس مع الارض حتى تشتت وبدى كيضرب راسو بيديه : رجع لوعييك اعصام رجع لوعييك نت ماشي ديال هاذ ال*لاوي ..تبت اعصام تبت ….
طلع الصباح .وصلات تسعود .فنينة باقا على نفس وضعيتها ديال البارح منعست ما شافتو ليل كلو وهي تحل وتفك وتخمم وترد لومة لراسها ..عذاب الضمير كينهش فيها شوية بشوية ..بقى فيها الحال على راسها بزاااف وهي باقا غاطسة فهاذ الدوامة ديال التعذيب النفسي حتى كيجيها مساج هزات تلفون ..كانت نمرة ممسجلاش عندها غير دخلت لمساج عرفاتها نمرتو ..حيت محتوى ديال مساج كان فيه العنوان فين غتجي لعندو وعاطيها ساعة ديال الوقت ..ناضت. حيدت ديك الكسوة لبست كيطمة وسبرديلة وخرجت ..تلاقات باكرام فالباب تفاجئت ملي شافتها : فنينة اويلي فوقاش جيتي – فنينة : جيت بليل بت هنا
– اكرام : وايلي كي درتي علاش مفيقتنيش
– فنينة : كنت ناعسة ..ما بغيتش نفيقك .المهم غنمشي دابا مزوربة حتى لمنبعد ونتلقاو
– اكرام : اجي بلاتي نكوليك واش غترجعي – فنينة : واه غنرجع ..مهم حتى لمنبعد غنشمي دابا
– خلاتها ومشات – اكرام مفهمت والو معرفتش اش هاذ المجية ..فتحت تليفونها لقات ديجا نوال مصونيا عليها ومصيفتة ليها مساجات كتسول على فنينة ..حيت وخا كانت تصوني ليها مكانتش تجاوبها وحتى كنزة عيات متصوني ليها او والو تشوشو عليها دوات اكرام مع نوال وقالت ليها بلي فنينة جات وبلي باتت فدار ..وبجوج بيهم مفهمو والو ومعرفوش اش وقع وعلاش جات لدارهم بليل واش ديك المشية دارت .- فنينة وصلات المقر لعندها فلوكاليزاسيو لصيفت ليها عصام لقاتو واقف كيتسناها ..مهدرو متكلمو …حتى سلام متقالتش بيناتهم..دخلت سنات على طلاقها بشكل رسمي ..حيت ديجا عصام كان موجد كلشي كان ناقص غير توقعيها هيا وكلشي يسالي ..بعد فترة قليلة كانو خارجين بجوج منفاصلين على بعضياتهم ..حتى حاجة مكتجمعهم لا بشكل مباشر ولا بشكل غير مباشر ..حتى ورقة مبقات بيناتهم….
يتبع
شاركنا رأيك في هذا الفصل 🌹