لعشقكي انحنيت ♥️
كنزة حطت يديها على صدرها حتى ام متبغي تسمع على ولدها لفظ ميت : نطلبو ابنتي غير الخير رآه كبدتي مشوية ربي لعالم بها دخلي ويكون خير ما يكون غير خاطرك ،- حنات راسها ودخلت حتى هيا معرفتش كيفاش نطقت ديك مييت يمكن خرجت ليها بلا متشعر ولكن خير خرجتها على فمها حست بيها وضرتها بزاف ديك ميت واش يكون زعما عصام مات ولفظ انفساو الأخيرة بحال باها .. توالات الايام لكانت روتينية بالنسبة للكل كانت نوعا ما مملة والاجواء حزينة حيت القلوب هازة الهم والغم والعقول حيرانة كتفكر ..اكثر حاجة لكتضر وكتاكل من بنادم هو داك التفكير الزايد مول النفس عمرو يعيش هاني وهذاك ديما لقبل ميغمض عينيه وينعس كيفكر ويحلل كيفيق بحالة نفسية خايبة حيت التفكير الزايد كيضر وكيبقى ياكل منك شوي بشوية على عكس هذاك لطالقها تسرح وغادي بمبدا كلشي على مولانا ..فنينة غتكون كتنافق راسها الى ݣالت موت باها ماثرش عليها بالعكس اثر بزاااف طريقة باش مات مبغاتهالوش مكرهتش كون زاد معاها غير شوية وتزيد تحس بقربو ليها حست براسها كان ليها نصيب من حنان الاب لمدة شهر مكاملش وفارقها لكن على الاقل حاسة بالصفاء من جيهتو محاقداش عليه هي هاكاك فيها غا الهدرة وكتبان قطعية بالحق فداخل ديالها بنيتة صغيرة بريئة ومسالمة باغا غير تعيش بسلام ابدا واش فيها الحسابات اه دازو عليها بزاف الحوايج خايبين قواو من شخصيتها ولكن ابدا واش قدرو يغيرو ديك الطفلة البريئة لفداخل ديالها كانت وغتبقى فنينة حنينة….فهاذ ليامات لكدوز مشاعر فنينة تقسمت فنص وتاهت مبقاتش قادرة تسيطر على احاسيسها نهائيا شي فيها كاره وشي فيها باغي شي فيها مال وشي فيها باقي متمسك .شي فيها حاقد وشي فيها مشتاق …تكون ناعسة حتى كتفيق مفزوعة دوك الكوابيس الليلة كانو ناتجين على داك التفكير المرهق فعصام لكيكون مراودها طول النهار مابغاش تفكر فالاشياء السلبية ولكن واخا تعييى انها تمنع راسها كتلقى روحها كتفكر فيهم كيجيوها افكار واحتمالات .كتكول مع راسها واش بصح يكون وقعت ليه شي حاجة خايبة .. الوسواس فيها بلغ اشده او وصلت المرحلة لمبقاش عندها فين تزيد سيغتو وهي عارفة بزاف الحوايج على عصام عارفاه مورط مع شي بزنازة خافت ليكون بصح واقعة ليه شي مصيبة وهي عواض متحسر عليه حاقدة عليه لدرجة وصلت فيها بعض ليالي انها تدعي فيه …شافت راسها مبقاتش قادرة تهز الحمل وحدها داك الشي علاش قررات انها تعاود الحمزة يقدر يكون داك الشي لعارفة فيه شي حاجة تقدر توصلهم ليه ….بقات حتى وصل الويكاند وجا حمزة مشات هيا وياه عند طبيبة طمنت على بنتها من ديما حمزة كيمشي معاها عمرها مشات وحدها كتسناه حتى يجي هو يديها غير سالاو من عند طبيبة مشاو كلسو فكافي فجهة الواد حمزة حس بها مغيرة وشي وحاجة شاغلة ليها بالها بحال باغا تهدر ومترددة قرر هو ليبداها – حمزة : ݣولي ديك الهدرة لواحلة فيك كنسمعك شنو باغا تكوليلي – فنينة: حسيتي. بيا باغا نكوليك شي حاجة – حمزة : حسيت غير من داك تحكار ديال ضروري تجي عنداك متجييش شنو كين افنينة – فنينة تنهدت بجدية : باقي مكين حتى شي خبار عليه ؟ مقدرتي تعرف والو ؟ – حمزة : نهاييا عييت نقلب سيميتو ممسجلة فحتى بلاصة مخليت حتى مرفق مقلبتش فيه حتى شي دراري خدامين معايا عاونوني بزاف مكين حتى حاجة خبارو مقطوعه
– فنينة: هاذ الشي مجاكش غريب ؟ – حمزة : بزااف …حيت ماشي غير كيعاودو لي كنبحث بيدي واحد شاف باش عرفو خويا حتى هو مبخلش عليا ولكن مكين حتى اثر مفهمت والو معرفتش فين غيكون عطى الراس – فنينة: حمزة خوك متورط فاعمال مشبوهة …
حمزة بعدم الفهم : كيفاش – فنينة : غنعاود ليك كلشي من الاول عطيني خاطرك – بدات تعاود وتسرد عليه كلشي وهو مصغر عينيه متبع معاها ومرة مرة يمسح على وجهو بتوتر خدا كاس الما هبط عليه كيحك راسو بحيرة – فنينة تنهدت : فالاول فرض عليا زواج حيت زعما تبعتو وشفت شي حوايج لمخصنيش نشوفهم كان زواج اثفافي من بعد طلقنا كاليك مبقى حتى شي خطر ..الامور معقدة بزاااف خوك مزاكيش داخل فشي حوايج لصعااب – حمزة : ماشي غريبة على عصام اصلا كنت شاك فيه كنت شاك غتكون عندو شي خدمة خرا غير هاذيك لكنعرفو كاملين ..ولكن توصل بيه حتى لتبزنيز رآه بزاف – فنينة: وليت نشك فهاذيك خيتي لجاب معاه تكون داخلة فهاذ الشي معرفتش زعما يقدر يكون وقع ليها بحالي وضطر يتزوج بها كي زواجو الاول مني ..
– حمزة ضحك مفقوص : شنو كتحاولي ديري دابا كتحاولي تلقاي ليه مبررات – فنينة: لا كنحاول نبسطو الامور باش نفهمو شي حاجة حيت انا بصح مبقيت فاهمة فهاذ الحكاية والو – حمزة : الى كان هاكا بحال والو هاذ الشي لفكرتي فيه يكون بصح علاش حيت عصام كون كان فعلا مزوج بها زواج طبيعي شنو لغادي يخليه ميبينش مراتو لينا وهو لكان نهار وليل كنزة فاضحاه بزواج كون جابها وݣاليها هاهي مراتي وتهنى ..يعني كين شي ان فالموضوع – ..تنهدت بجهد حاطة راسها على طابلة كتنهد بصوت مسموع : اوووف راسي غيطرطق بهاذ الشي اووووف – حمزة : باقا عاقلة على البلاصة فين تبعتيه – فنينة: اه – حمزة : يالاه ديني ليها وريهالي نشوف – حكرت راسها بالايجاب: نوض – خرجت هيا وياه ومشاو مسافة طريق كانو فنفس البلاصة
– حمزة كيدور راسو : شهاذ الخلا والقفار – فنينة جراتو دخلو : هنا فين كان شاد داك راجل وكان هاز حتى سلاح كان ضاربو بزاف – حمزة : متأكدة مسمعتي حتى حرف من هدرتهم غير كولي بلا متستري عليه – فنينة: والله مكنستر والله مسمعتش شي حاجة اصلا غير وقفت شافني وهربت حتى تبعني – حمزة : هاذ الشي خلعني بزاف حسيت براسي تكتفت منقدر نكول حتى حاجة منقدرش نزيد هاذ الشي بالبحث حيت مغيكونش فصالحو معرفتش شنو المعمول .انا كثر من كنزة خاطري ممهنينش هاذ الغبرة ديال شي مصيبة واقعة ليه – فنينة كتنطق بصوت خافت وعينيها كيدمعو شوية بشوية : يقدر يكونو قتلوه احمزة ؟ – حمزة : ما بغيتش نخلعك ولكن حتى انا بصح هاذ الشي لوليت نفكر فيه دابا ..خايف لتكون طرات لخويا شي حاجة – فنينة تنهدت عاضة على فمها بجهد حابسة فيه دم تزير وجهها ولا حمر نزلو دموعها جرها حمزة عنقها كيطبطب عليها : شششش متبكيش عافااك – فنينة شهقت بصوت باح : خايفة تكون وقعت ليه شي حاجة ..خايفة يكون مات وحنا مسايقين ليه خبار ..خايفة اخويا خايفة بزاااف – حمزة : ششش صافي بركة من البكا مدبرها حكيم انشاءالله مغيكون غير الخير شششش صافي الله يرضي عليك ششش بلا بكا طيبيتي عينيك – فنينة: عصام كنعرفو غتكون واقعة ليه شي حاجة داك الشي باش مرجعش ..يقدر يكون مكيبغنيش وبغى بتفرق عليا ولكن أنا متأكدة كون عرفني حاملة و عرف داك الشي لدزت منو لا انا لا خالتي كنزة غيرجع يقدر يكون بصح مبغانيش ولكن كنعرفو هو مسؤول ماشي. من نوع لكيسمح فمسؤولياتو ومكيتسوقش…..
حمزة شدها مزير عليها : ششش صافي تهدني تهدني مغنزكاش غنظل نقلب ليل نهار – فنينة: ولا ملقيناهش شغنديرو كيفاش غادي نقدرو نعيشو وحنا معارفينو واش حي ولا ميت – حمزة : سمعي نكوليك هاذ الشي يبقى بيناتنا كنزة متعرف والو المرا مريضة مغتقدرش على هاذ الشي – فنينة: وانا جيتك نقدر الجهد عندي تقادى طاقتي ولات فيبل وماشي بعيد يسكت ليا القلب – حمزة : خلي كلشي عليا واخا حنا معلينا نتفاءلو غير بالخير ونخليو علينا سلبيات خليك ايجابية حيت ماشي من مصلاحتك حاولي شوية راكي ضريتي ديك البنت مسكينة غتسالك الحق
&&النفسية كتغير لكن واش للاحسن ولا للاسوء اصعب حاجة تكون مقادرش تحكم فالمشاعر ديالك تكون معندكش سلطة على الأحاسيس ديالك ..تخلي احساسك يلعب بيك كيف بغى نهار تكون كاره ونهار تكون راغب .. فنينة طاحت فموقف خايب بزاف من امراة حاقدة وكتدعي فيه لطفلة بريئة كتدعي معاه …اه رجعت تدعي يكون سالم هذا هو الحب هذا هو الحب الصادق تولي دعي غير يكون مزيان وبخير ماشي مهم لكان بعيد عليك المهم متبغيش تسمع عليه شي خبار خايبة ..فكل صلاة ليها تاخد وقت فدعاء …تدعي معاه وتطلب من الله يتبت ليها مشاعرها حيت هاذ الاحاسيس المتناقضة عيااات بيها ….بكات وتفشات قطعت الماكلة وعيات فالاخر صبرات وكافحات باش توصل لداك نهار لغادي تشد بنتها بين يديها دخلات فشهرها وتقلااات بزز باش كتقدر تنوض كرشها لفمها ..كان يوم الجمعة دايرين على غدا غير بثلاتة بهم كتاكل وتنهد حاسة بوجع خفيف
– نتابهت ليها كنزة : ياك لاباس ابنيتي – فنينة: لا والو غا حسيت براسي تزيرت يمكن غا من الصهد – حمزة : مكين لا صهد لوالو – فنينة: انا لعرقت وقيلا -شافت فحمزة -,,, حيد الكرعة من قدامك باش تاكل فراحتك – حيدتهالو حيت مكتعجبوش – حمزة : دابا شنو فالبلان ضخت معرفت راسي عدمن نشمي نخطب – فنينة: رآه دويت معاك حليمة مبقاتش مسوقة لا ليها لا لحتى واحد كل وفين هز راسو هشام شد بلاصتو فالحبس محمد دارها مخيرة اللهم الحريك بقى غير مصطفى هذاك مديها غير فبليتو معندو ميعطيك ومعندو مياخد ليك – حمزة : ايه وكي ندير نقصد حليمة نيشان رآه غتعكس معانا – فنينة: اكرام لكانت باغاك وباغا تزوج حليمة معندها متكول البنت راها كبيرة -كنزة : وتاني غير يجي ويدي البنت بلا قانون – فنينة: وسيرو عند حليمة قصدوها تبدى تعوج عليكم -….
كنزة : ضروري من الصواب بغى البنت انا لعليا نمشي معاه ونقصدو مها ونشوفوها اش تكول – فنينة: انا بعدا مغاداش معاكم غير غتفقصني وانا واحلة فروحي – حمزة : نت غا كلسي شكون دواك غنمشي ندخل عليهم كايها ناس ندير صواب بدات كتزيكزاكي ديك ساعة نشوف شندير مع اكرام وعلاش لا نخطبها من عندك نت نيت هههههه – فنينة: انا غنشحف مك عاد ديها -عضت فمها من حست بنغيز فكرشها – خدات كاس الما شرباتو ..كازة على راسها صابرة – حمزة: مالك مزيرة واش فيك الوجع – فنينة غمضت عيونها بجهد وتنهدت نقطت بشوية: وقيلا غنولد
– كنزة : الله ابنتي – ناضت شدتها – فنينة: حمزة غنولد الوجع كيسحق فياااا – حمزة : خلينا نكملو غا غدانا اناري مجاتك حتى لدابا
فنينة: انا كنموت اخالتي وشوفي هاذ ولد الحرام فاش كيفكر – غوتت ربي لخلقها كتنهج ملي زاد الوجع زير عليها خلاتهم كيتفتفو مفهمو والو الوجع جهاااااد فيها بزاااف – ماشي بزاف وكانت وسط البلوك كتولد وشحال هو صعيب الم الولادة الله يسمح لينا من الوالدين فنينة صباااارة مراهاش بنت فالفشوش لهاذا كانت قوية ومتحملة كاااع داك المخاض وكتعاون بكل جهدها باش تخرج بنتها لنور وتمنحها الحياة مترخات وغمضت عينيها بتعب مبتاسمة حتى تسمعت صرخة البنت فنفس الوقت لخرج فيه صراخ البنية تحركات عيون خرا عيون لشحال وهوما مسدودين عيون لكانو مغيبين وخارجين على الواقع تحركات عيونو وتزادت دقات قلبو وتغيرات الموجات على شاشة صوت تخطيط القلب هو لمسموع فالغرفة طيط طيط طيط ..دخل طبيب والمرافقات ديالو كيجريو كيفحصو فيه وعلى وجه طبيب علامات التوتر شاف احدى الممرضين: قلبو كيضرب بشكل عنيف فاي لحظة يقدر يوقف ليه القلب – تسعة أشهر ديال الانتظار تسع اشهر وهيا صابرة وكتسنى بفارغ الصبر فوقاش تهز مولودتها بين يديها وهاهي هزتها والابتسامة ودموع فعينيها مفارقوهاش احساس الأمومة لا يوصف حاسة بقلبها كيرفرف بحال شي فراشة مطلوقة فالبساتين ففصل الربيع كدوز اطراف اصبيعها على حنيكات البنيتة غير دخلو عليها الغرفة حيت ولدت فالكلينيك مبغاهاش حمزة تعذب كان حريص على ان كلشي يكون مزيان غير جات كنزة عينيها على الطفلة تبسمت بعيون مدمعة ونطقت بسمية ولدها : عصام – هزت فيها فنينة راسها ..مبسمة : شوفي اخالتي شحال غزالة شوفي بنتي شحال فنة – كنزة قربت خداتها من عندها شاداها كتبكي : عصام غير عصام ملي كان صغير نفس الصورة نفس الحواجب مخلات من عصام والو ابنتي نت كنت غا مسخرة -كتشم فريحتها وكتبكي – اربي على الكبدة المعاودة …
هزت عينيها لسما – حمدتك ياربي وشكرتك وصلتيني لهاذ نهار ،،، انا شاكراك. وحامداك اسيدي ربي كتبتيلي نهز بنت ولدي بين يدي – حمزة لوهلة عينيه دمعو دور وجهو لجنب رافض يبين دموعو فنينة خلاص دموع واخدين راحتهم على وجهها هابطين على عنقها..كنزة دارت شافت فولدها : حمزة اجي اولدي – قرب ليها – بغيتك تواعدني – حمزة : باش الحنينة – كنزة : انا اليوم معاكم وغدا فيد الله عليها بغيتك تواعدني حيت حتى نت غتزوج وغتولد ولادك ،،،،،،، خوك معرفناه فين عاطي الراس غنقصح قلبي ونكولها معرفناه ميت ولا حي طول ما خوك غايب تحضي غيبتو وتكون اب لبنتو متفرقش بينها وبين ولادك لغيكتبهم ليك الله بنت عصام تكون هيا بنتك عطيني عهد الله اولدي انك تصون الأمانة -حمزة عييى صاير نزلو دموعو وباس على راس البنيتة : غنحضي ونصون امانة خويا نحيدها من عندي ونعطيهاالهم بنت خويا عندي ولا من كلشي
– بقى كتحلف فيه حتى تسمعت شهقة فنينة بكثرة البكا كتبكي بجهد شدها حمزة كيسكت فيها ومدت ليها كنزة البنيية : ششش صافي ابنتي سكتي شوفي كي خلعتي بنتك ممزيانش ليك البكا فبحال هاذ نهار بالعكس خصك تفرحي وتزغرتي وترحبي بونيستك – فنينة شادة بنتها كتبوس فيها وكتبكي : علاش كون مكانش معاياا علاش كون مكانش جنبي دابا وحتى هو شاد بنتو … كنا غنكونو فرحانين دابا ماشي كنبكيو
من بعد مكمل الطبيب الفحوصات لازمة خرج من الغرفة كيمسح العرق من جبينو كان قدامو العميد باين على وجهو التوتر : خير ادكتور غير وصلاتني الخبار جييت شنو وقع ليه – دكتور : جاتو نوبة قلبية تسارعت دقات قلبو بشكل كبير كون تعطلنا غير شوية الله يستر كان يقدر قلبو يتوقف – العميد : باقي الخطر عليه ؟ – الدكتور : حاليا قدرنا نسيطرو على الوضع ..لكن الحاجة الإيجابية فهاذ الشي ان من مور هاذ نوبة احتمال كبير يقدر يفيق من غيبوبتو .- العميد : كيفاش زعما – الدكتور : المريض واخا كيكون فغيبوبة رآه كيكون كيحس ويشعر وحتى هو كتكون عندو تقلبات مزاجية وقلبو باش ضرب بهاذ الشكل يمكن المريض حس بشي حاجة يا زوينة يا خايبة هي لخلات تكون عندو هاذ ردة الفعل….
العميد: فهمت دابا كلتي بلي غادي يفيق – الدكتور : ماشي ماكد هو مجرد احتمال وتنبأ من خلال هاذ ردة فعل لدار هاذ الشي كيعني ان عصام كيستاجب العلاج ومتفاعل معانا اما قوقاش يقدر ينوض معرفتش يمكن دابا يمكن من بعد ويمكن يطول كثر – عميد حرك راسو. بتأني : احمممم ممكن ندخل نشوفو -دكتور : وي تقدر تفضل غير متبقاش معاه بزاف – كتافا يحرك ليه غير راسو ودخل شاف فيه كان مدد فالفراش والاسلكة الكهربائيه معمرة ليه صدرو والاكسجين فنيفو ..نفسو كان بطيئ غادي فريتم واحد ..بقى العميد كيشوف فيه شحال وعلى ملامحو علامات الحزن نطق بشوية : .ماشي ليك هاذي اعصام ماشي نت لتشد الفراش نوض كنعرفك قاصح وشديد وبحال هاذ الشي مكيطيحكش .نوض خلاص رآه مخلي وراك مسؤولية كبيرة اولدي &&&&&&&& دوزات فنينة ربعين يوم ديال نفاسها لتقام فيه صدقة صغيرة وتسبعت فيه بنتها هاذ الشي كان بناءا على طلبها مابغاتش الهيلالة اما كون طلبت كان يدار ليها سبوع يخلي كلشي حال فمو هيا لمبغاتش ومكان نفسها والو بغات غير ذبح وتسمي بنتها دير صدقة بطلبة والله يجعل البركة ،،،،،،،،فنينة مكانتش تسنى على فراغ ..كانت متحمسة لفوقاش غتجي بنتها وفعلا غير خرجت لدنيا دخلت الفرحة والبهجة لحياتها هرست ليها داك الروتين ممل اوتماتيكمو حسات براسها كبرات ونضجات علاش لا وهيا ولات ام احاساس الأمومة شعور زوين ربي ميحرم حد منو …دايرة فوق جهدها باش تقوم بيها وعلى تربيتها وكانت مصغرة راس لكنزة حيت فايتاها فالحكمة لتݣالت ليها ديرها عمرات دار وخوات بناس لكيجيو يباركو جيران وعائلة .. وفنينة تاني كان لها نصيب من هدرتهم السامة لكتحفر فيها ..خصوصي عائلة عصام كلشي كيسول فيه فين هن الاب نباركو ليه اش عندهم ميݣولو واش عندهم ميديرو ملي كتضر بكلامهم تدخل لبيت وتسد عليها هيا وبنتها ،،،،، حيت قصوحية راسها تهرسات وخا تبغي معندها متكول ناس تسول عادي على فين غابر الاب معندها متدير ولا حتى باش تجاوبهم سكتت وطمرت وردت لقلبها كيف كل مرة &&& فليلة شتوية كانت الشتا مجهدة شادة بنتها كتراري بيها كتسكتها وهي والو طالقة حلوووقها كتبكي بجهد حتى كتبغي تخنق – كنزة : ابشوية ابنتي فنينة دابا معرفنا نسكتوك نت ولا نسكتو بنتك – فنينة من حد بنتها كتبكي وهيا كتبكي معاها : وراه مابغاتش تسكت شوفي كي كتخنق وجهها حمار بزاااف – كنزة شدتها من عندها : دابا ترجع شوية غير شوية وتهبط ليها السخانة رآه كاع الوليدات هاكاك – فنينة وقفت لعند كنزة كتبكي وكتسمح على بنتها من لور : مكنقدرش قلبي كيتقطع ملي كتبدى تبكي شوفي رآه باقا طايبة بسخانة غندي بنتي لطبيب – كنزة : ياك دتيها البارح وكاليك رآه عادي عاد درتي ليها دوا صبري غير شوية يشد فيها وترجع لاباس ابنتي غير صبري رآه عاد مكتزيدي تخلعيها ببكاء – فنينة كتسمح دموعها : رآه مكنقدرش نصبر على دموعها غير ارهالي اخالتي اريها – كنزة : ودابا معرفنا نسكتوك نتي ولا نسكتو الدرية – فنينة هزت كتافها كتنخصص و شدتها من عندها كتراري بيها وتبوس : عاافا بنيتي لما سكتي عاااافاك ابنتي الله يرحم ليك الوالدين افرحتي لما سكتي من البكا عاافاا ماما نت بنتي زوينة ياكي نت بنتي انا وسكتي الله يرضي عليك – لبنية عاد مزايدة فبكاهاا صوتها كان بنسبة ليهم قريب حيت كتبكي حداههم وبالنسبة ليه كان بعيد على مسامعو ولكن ماشي بعيد على قلبو ..صوت بنتو كان كيحفر فيه بالجهد طول غيبوبتو وهو على تواصل ببنية صغيرة وخا كانت مزال فكرش مها كان متاصل بيها وهيا ونيستو فعثمتو كان يحس بيها بالجهد وحتى دابا كيحس سبحان الله ملي كتكون واكلة وشبعانة وناعسة ولا فايقة مهدنة كيكون حاس بهدوء وسلم فخاطرو غير تنوض تبكي كيتقلب ليه المزاج ..ماشي غير الام لكتحس رآه حتى الاب وبزاف كاااع الدم كيجر وعصام مدفق فيه احساس الابوة بالجهد ..من حد بنتو كتبكي وهو نفسو كتجهاد بنفس طريقة ديال قبل ملي لفظت عشق صرختها الاولى مستقبلة الحياة ….
غير هاذ المرة زير على عينيه كانو رموشو كيتحركو بشكل بطيئ دخل عليه طبيب كيحاول يشوف وضعو ويراقب حالتو وهو على داك الحال تقريبا شي نص ساعة ورموش عينيه كيكتحركو فجاة تحرك فمو شوية لجنب ..خلا طبيب يتبسم مقرب ليه : عصام عصام كتسمعني
– مكانش رد زاد تحرك شوية فمو ورجع حبس غير عينيه لبداو يتحلو بثقااالة حتى تفتحو نص فتحة وتعاودو تسدو لكن تم تم رجعو تفتحو وهاذ مرة عاود سدهم على اثر الضوء لضرب فيهم شحال وهو فالظلام اكيد غيلقى مشكل مع الضوء لضرب فعينيه مجهد – طبيب بانت فيه الراحة وكمل الفحوصات ديالو وفهاذ الاثناء كانت عصام كل شوية كيحرك عضو من الاعضاء ديالو حتى ستاطع يفتح عينيو بالكامل – دكتور : عصام كتسمعني – شاف فيه مفاهم والو ضايخ وراسو عاطيه الحريق غمض عينيه ورجع فتحهم كدليل على الإجابة وبلي راه سامعو مقدرش ينطق بها حيت فمو مزال ثقيل عليه —&&&&&&&&& فحين كانو هوما دايرين اپيل فيديو مع حمزة – حمزة : شنو دابا واش نركب نجي ؟ – كنزة : غا خليك هاهي البنت سكتت
– فنينة: والله عاد دابا باش سكتت رآه كانت تبكي بزاف خلعتني – حمزة : وكيف كل مرة هيا كتبكي ونت كتبكي معاها – فنينة هزت كتافها : وشغندير منقدرش نصبر على بكاها – حمزة : كضحكيني نت وديك البنت عندك كتباني نت وياها بحال شي بنيتة صغيرة ومونيكتها هههههههه -فنينة : كضحك عليا دابا تولدهم وتحس غا بلاتي
-حمزة : مكنضحكش عليك ولكن خصك ترخفي راسك معاها شوية راكي مزيرة وكتخافي بزااف غا الى كحبت تنوضي كترعدي – كنزة : ههههههههههه ومال الى عطسات بجهد كتكول صافي روحي غتخرج ههههه – فنينة: حيت محاسنش بيا رآه بنتي مزال لحمة طبيعي نخاف عليها راها شركت عليها كرشي باش حطيتها – قلبت وجهها عليهم – كنزة : هاهي غضبت اش جا ميحزرها دبا ههههه- حمزة : يحسن عوانك معاها ولات عندك غا على سبة – فنينة : بصحتي وراحتي …
حمزة ؛ بزعطة ياختي بزعطة ..شوفي فنينة. بلاتي شوية وغنرجع نصوني ليك متنعسيش – تم تم قلبها تهز : عرفتي شي حاجة ؟ – كنزة تهزت عنيها دابلين : عصام عليه شي خبار ؟ اولدي – حمزة : مكين والو حتى كيبان ليا شوية ديال الضوء وكنرجع نلقى داك الشي غالط خويا معرفتو فين عطى الراس وخلانا مشويين لا هو مع الموتى ولا هو مع الحييبن يلاه نخليكم شوية ونصوني – قطع عليهم وكيف كل مرة ضروري ميكون فنهار جلسة بكاء من كنزة على ولدها تبكي تبكي تبكي وترجع تسمح عينيها وتهز بنتو تعنقها مصبرة راسها بريحتها لي كي ريحة باها – فنينة: صافي اخالتي شوفي عينيك بانت فيهم بزاف شوفي كي طابو ليك – كنزة كتنخصص : غا. خليني ابنتي خليني رآه الدخلانية ممهنيانيش كبدتي حاسة بيها كتفرتت – فنينة: علاش انا ملي نوض نبكي تنهضي فيا وتكولي لي سكتي حتى نت سكتي دبا – كنزة ؛ معلقة تعليقة خايبة معرفتو واش من الحيين ولا من الميتين ياربي انا حمدتك وشكرتك الى حي رجعو لي آلى ميت نحط حجرة على قلبي وقصدني لقبرو نشم ترابو ..- فنينة مكتحملش تبجد سيرة الموت عليه نهاييا : خالتي هاا العار لما سكتي هاذ الهدرة رآه كضر فالخاطر ولدك عايش وغبر وختار يعيش بعيد علينا صافي خليها هااكا حسن بلا دوك الفالات الخايبة لغير كتزيد تقهر فينا ،،،،،،،،،،،،،&اصبحنا واصبح الملك لله $$$$$$ كان فايق كيشوف فالسقف كيرمش عينيه عاقد حجبانو وجهو مخنزر كي العادة باقي ليه غير خيوط الأكسجين لفنيفو ..كان متواجد العميد معاه لغير. سمع الخبر جا طاير لعندو مبسم بوجه مبشور دوا بجدية وفنفس الوقت بلطف مبين فيه معزة عصام عندو : ..كنت عارفك اولدي قدها كنت عارفك غتنوض ماشي نت لطيح وتبقى طايح ماشي ديالك هاذي قاصح وشديد وهاذ الشي لكيعجبني فيك – عصام محافظ على نفس تعابير وجهو نطق بصوت ثقيل متجاهل هدرتو : شحال وانا هنا ؟ شحال داز عليا وانا مغيب ؟ – العميد : عام علاين تكمل العام حتى كنا فقدنا الأمل فيك ولكن الحمد لله
عصام زفر نفس سخونة من نيفو ملي سمع بلي داز عام ..غمض عينيه ساخط ورجع فتحهم : تقدر تخرج بغيت نبقى بوحدي – العميد: تهدن اعصام عرفتك غتكون تصدمتي ولكن كانت اصابتك خطيرة حتى الامل باش تعيش كان ضعيف – عصام : شنو وقع فهاذ العام ؟ – العميد : متخافش الامور كلها غادا فتمام كلشي كان تحت السيطرة نت معاقلش كيفاش تصابيتي ؟ – عصام : ( مزير على الحروف ) عاقل او مغاديش نرحمو – العميد: لكن مع الاسف مات غير تضربني نت تم تم تيراو فيه حتى هو خدا نصيبو من الرصاص – دوز يديه على وجهو : كنت على حق نت شكيتي فيه انه جاسوس بناتنا نبهتينا كاملين انا لمسمعتش ليك حتى وقع لوقع لكن هو لكان لاعب الدور مزيان ممخليكش فين تشك فيه – عصام : هو ماكنش لاعب الدور مزيان نتوما لكنت اغبياء – العميد : هو دخل فالاصل مستهدفك نت من الاول كانت مهمتو يقتلك – عصام : عامين وهو وسط منكم يلعب على الخفيف يرسم ويخطط ونتوما مجدينلو على اعمالو الشريفة – العميد: نت جيتي حظرتي منو من فشل اول مهمة ولكن مكانش دليل ملموس. عليه نت عارف اعصام بلي المنظمة مكتخدمش بالشفوي – عصام : وكي جاها التطبيق ديال دابا ؟ – العميد سكت – عصام كمل متسانف كلامو : بنت العميد الشرقاوي قدرات تخرج – العميد: اه نفس داك النهار لتصابيتي فيه رجال لكلفتيهم وصلوها حتى لفين كان مخطط تمشي دابا عايشة حياتها عادية معليها حتى شي خطر – سكت شوية وكمل – صنتي الأمانة العميد الشرقاوي الله يرحمو كان يتيق فيك بزاف لدرجة امنك على بنتو حيت فعلا كون مردتيهاش تحت جناحك كانو غادي يستهدفوها وتقتل كيف باها – عصام : خصني نخرج من هنا – العميد : نت ماشي فالمغرب نت ففرانسا من بعد متصابيتي كنت فالطبيب العسكري حيت كانت حالتك حرجة بزاااف ضطرينا اننا نقلوك خارج البلاد ..
عصام تجاهل كلامو. طارح السؤال لمن نبرتو باين فاي لحظة يقدر ينفاجر : شنو وقع فهاذ العام فعائلتي مغنسولكش واش لباس عليهم ولا واش تقاسو حيت نسيق لخبار وصلتهم شي حاجة واخا غير صغيرة راك عارف اش غيوقع حيت انا نبهت المرة لولة وتانية وثلاتة – عميد : نت من الاول كنت ناجح فإنك تخلي عائلتك بعيدة على الانظار ..متخافش كلشي على ما يرام متبع اخبارهم بلديطاي خوك غادي مزيان فخدمتو وراه ترقى – تبسم مكمل هدرتو – وكين ليك خبارك غادي تفرحك وتخليك تبشر ملامح وجهك
– عصام شاف فيه محرك وجهو بقلة صبر : اش كاين – العميد مبسم : تزادت عندك بنية . – عصام عض على فمو بجهد غمض عينيه مرجع راسو لور احساسو مخيبوش فاق كيسول راسو على ديك البنيتة لكانت منورة عليه ظلامو ديك لبنيتة لكانت تشد فيديه وتخليه يتسارى معاها الجنانات تقطف الورد وتعمرو ليه فيدو ..مهدرش متسمعش صوتو من غير ترسمت على وجههو بتسامة غير حس بعينيه غيدمعو غمضهم حتى دموع الفرحة رافض يبينهم حمد الله وشكرو فخاطرو شعور زوين كيحس بيه حس بواحد الراحة لبزاااف نطق محاول يحافظ على جديتو : نرتاح شوية
– العميد: اه اولدي رتاح شوية ويدخل عندك طبيب يفحصك
– رتب ليه على كتفو : تربى فعزك اولدي – غير خرج العميد عصام طلق تنهيدة حارة راسم بتسامة عريضة وشوية ديك الابتسامة تحولت لضحكة هاذ ردة الفعل بغى يبينها غير بينو وبين راسو ماشي قدام العميد عينيه دمعو بزاااف شعشعو بنور ماشي بعيد قلبو يسكت بهاذ الفرحة فكرة أنه ولا اب لطفلة عندو بنيتة فرحاتو بزاااف بنيتة كتسناه غيرجع ليها يهزها ويضمها ليه يشعر بدفئها ويخليها تشعر بحنانو ..تنهد بقلة صبر مدا بيه غير فوقاش يكون عندهم لدرجة مهماتوش صحتو ولا اش طاري فيه مكلفش راسو حتى. يسول على وضعو كي داير عقلو كلو مع بنتو….
$$$$$$سيمانة دازت طااايرة صبر فيها بزز باش يكملو ليه الفحوصات ويتدار ليه ترويض لرجليه باش يقدر يتحرك ..كانت ربعة ديال العشية دار ساكرة دبانة مكتزنزنش هي وبنتها فبيتها ناعسين وغارقين فنعاس ديما فهاذ الوقيتة ديال العصر كتكون ناعسة حيت كظل فايقة بليل مع بنتها كتعوض شوية نعاس بنهار حتى كنزة كانت فبيتها شاربة دواها ومتكية كتصنت لعظامها ..البيت لناعسة فيه فنينة كان مظلم شوية بدا نور كيدخل ليه بشكل بطيء على اثر الباب لكيتفتح بشكل ابطئ ورجع تسد ورجع نفس الظلام فالبيت .نفس فنينة كانت منتاظمة كتدل على انها غارقة فسبات نومها فالاول غي نفسها لكتسمع فالغرفة حتى تزادت عليها نفسو لكانت كتسارع انفاسها حكت عنقها بشوية ملي حست بشي حاجة لمساتو ودارت الجنب غارقة فنعاسها ..كان نيفو لخشاه فعنقها وزفر نفسو السخونة نطق بصوت خافت ببحة تحسك بالقشعريرة: توحشتك ومشتاق فيك لكن جات لتنسيني فيك ازينة عاد تقدري تكولي ولات عندك الشريكة ومبقيتش ليك وحدك وليت ديالكم بجوج
-سكت شويعاد رجع كمل – شكرا حيت خلتيني نفيق على شي حاجة زوينة شكرا حيت دخلتي الفرحة لهاذ القلب لولا غا على قد الحال كنت حاس بيك وبها كنت حاس بلي رآك مخبية ليا شي حاجة عندك وعلى قبلها قدرت نصبر ونبقى متشبت كنت نحس ببنتي معايا كنت نسمعها ونحس بها – ناض من عليها كيشوف فين كين الكونة قرب ويديه كيترعدو تالف معارف اش يدير -جبد تلفونو شعل لپيل وجهو نيشان على وجه بنتو سمى الله فخاطرو ونطق : سبحان الخالق العظيم – ضحك بشوية بعينين مدمعين نايمين يديه عرقو مقدرش يهزها ومعرفش كيفاش دوز بصباع يديه على وجهها شعر بملمسها الرطب خرج تنهيدة راحة من القلب وزعم ومد يديه ليها بحظر حتى قدر يضمها ليه وخا هاكاك باقين يديه كيترعدو من شعور الفرحة لكيحس بيها ضمها ليها وباسها من جبينها كيشم ريحتها وكيستنشق كيتمتم بصوت خافت : ريحتك ابنتي ريحتك ادمااان بحال مك
– كيتلمس وجهها – مك القلب ونت العينين…انا ليكم ديرو فيا ما بغيتو …..
ضربتها الفيقة خدات تليفونها كتشوف شحال فساعة حكت عينيها شعلت الضوء وناضت طل على بنتها عاد تمشي تشوف شنو دير للعشا شافت بلاصة الكونة خاوية متفاجئتش عادي مولفة تفيق تلقاهم هزوها لبست بينوارها سخون تدفى بيه على خطارها وخرجت من لبيت فنيتها غتكون البنت عند كنزة لكن كتشوف كنزة فالكوزينة بوحدها نطقت بصوت عادي: خالتي فين هي عشق خصها ترضع
-كنزة : كيفاش فين هيا عشق علاش بنتك مكانتش معاك ؟- فنينة سرطت ريقها وجهها تم تم هرب منو لون : كانت معايا لكن واش مجتيش خدتيها – كنزة: انا عاد فقت دابا شوفي لهبيل ديال حمزة غيكون كيف عادتو دخل هزها وخرج -فنينة : حمزة ديما فاكرني مغنمشي حتى نقتلو يخليني حتى نعس وحيدها لي -فجاة تسمع صوت بكا الصغيرة ..قلبت ملامح وجهها بستغراب: اويلي هذا صوت بنتي اويلي فين جلاها لي هاذ الحمق – كنزة : شوفي رآه غيكون فبيتو – فنينة: الا صوت جاي من هاذ لبيت – قربت لبيت لخارج منو صوت وغير فتحاتو تفتحو معاه عينيها بصدمة قلبها ضرب بجهد كان عاطي بظهر هاز بنتو غير تفتح الباب دار نص دورة عينيه فعينيها لسانها ثقااال حست بشلل فكاع اعضائها من كثرة صدمتها بيه حيت شوفتو فهاذ الوقت وبهاذ الطريقة مكانتش متوقعاها نهائيا تمتمت بسميتو بشوية : عصااااام – عصام نطق بصوت خافت لكن قدر يوصل لمسامعها : لمحنااه – عينيها بقاو مفتوحين فيه من كثرة صدمة شهقت لكن دموعها منزلوش بقات محافظة على تعابير وجهها الجدية – كنزة كتشوف فيه بلهفة نزلو دموعها وعينيها فرحو وقلبها نشارح نطقت بصوت حنين غالب عليه الوحش والاشتياق حست بكبدتها براااات والجرح بدى كيتلم : ولدي ولدي حبيبي – عصام تنهد : الحنينة – …..فنينة تبسمت وضحكت فنفس الوقت ضحكة ديال السخرية ورجعت بخطاويها اللور هو نيم عينو ساهي فيها – تم تم حيدت عينيها من عليه وشافت فكنزة : بسلامة اخالتي – كنزة : بنتي الله يرضي عليك – فنينة: نت عارفة اخالتي بلي وافقت نرجع ندخل لهاذ الدار كانني مرا أرملة و كتليك نهار لغيدخل ولدك من هاذ الباب انا غنخرج منو ..ولدك دخل اذن انا خصني نخرج – عصام تبع هدرتها وسهى فيها نطق بصوت ثقيل : مرا أرملة فنيتك بغاني نكون ميت —— تجاهلت كلامو ومكلفتش راسها حتى تشوف لجهتو دخلت لبيت فتحت البلاكار كتجمع حوايجها بعصبية شي كتخشيه وشي كيطيح فالارض خدات ساك بنتها حتى هو دارت ليها فيه حوايجها هاذ الشي كامل كديرو بزربة وكنزة دخلت تابعها كتطلب فيها وكتزاوك – فنينة كلها كترعد كتمسح العرق من على وجهها حيدت زيف كتنش على راسها ولا عاودت صايباتو صدرها كيطلع ويهبط : خااالتي صااااافي بلا مطلبي .نت عاااارفة اش كاين ونت عارفة شنو لخلاني نرجع لهاذ الداااار – كنزة : غير سمعيلو رطبي ابنتي قلبك وهدري نت وياه معرفتي تفاهمو فين غتمشي دابا الله يرضي عليك ابنتي لما تهدني الحق حقك ولدرتيه ولا لݣلتيه عندك فيه الحق ..ولكن ابنتي غير بالعقل ..هدرو ابنتي بالعقل – فنينة خرجت عينيها كتغوت : مكنعرفوش ومكين حتى هدرة لغادي تجمعنا – كنزة : غنغوت على حمزة يجي ديك ساعة فين ما بغيتي تمشي هو ليديك – خدات تلفونها صونات لحمزة لمكانش بعيد على دار كان مريح فالقهوة مع صحابو غير سمع هدرة كنزة ناض طاير راجع لدار – كنزة كتطلب وتزاوك وهي مكتجاوبهاش كتجمع غير حوايجها بنترة هزت جلابة لبستها ورجعت قادت شالها باهمال.جرت بليزتها وساك ديال بنتها وخرجت من لبيت جات نيشان مع حمزة لدخل ..يلاه جا غا يهدر قاطعاتو : حمزة بلا متحاول تݣول والو حيت هاذ المرة مغنسمعليكش – حمزة : مغنكول والو حيت خاطرك لغيكون ولتشوفيه مناسب هو لغيدار – ….
دورت نظرها ليه كان فصالة جالس مهدن ضام بنتو ليه بدون اي حركة تعابير وجهو باردة الهدوء من جهتو لواحد الدرجة متخيلش مباين عليه والو من غير نيفو لخاشيه فوجه بنتو كيستنشق عبيرها كيهدر بصوت خافت كتسمعو غير بنتو ومرة مرة كيضحك معاها بحال إلى ممسوقش لداك الشي لكيطرا بحال إلى متواجد غير هو وبنتو فقط
– فنينة قلبت وجهها لحمزة وشيرت ليه فين كين عصام : حمزة جيب لي بنتي باش نخرج نمشي بحالي -حرك راسو وتوجه فين كين خوه : عطيها بنتها – مد يدو هز فيه عصام راسو مخنزر جمع حمزة يدو لعندو : عطيها بنتها اعصام بلا مينوض صداع ولا توقع شي خسارة – عصام ناض وقف بشوية عليه باقي هاز بنتو بطولة طول من خوه نطق بصوت ثقيل عيااان حيت باقي مريض : شكون لغادي ينوض هاذ الصداع نت ؟ – جات فنينة مخنزرة وجهها ابدا واش فيه شي تعيبر ديال الحب ولا الاشتيااق بالعكس كتشوفو بطريقة كأنه انسان عادي : بنتي ..عطيني بنتي حسن ليك ولا غيوقع لمغيعجبكش .عطيني بنتي خليني نخرج نت*ود بحالي – جات غتمد يديها تاخد بنتها رجع بلور داير الجنب مخنزر فيها تخنزيرة الموت : حيدي يديك بنتي هاذي – كنزة قربت ليه شدت فيه : عطيها بنتها اولدي غير عطيها دابا بنتها حتى تبرد النفوس عاد شوفو شنو ديرو عطيها دابا بنتها – عصام: بنتي هاذي ديالي هاذي حتى واحد مغياخدها – حمزة تعصب بالمعقول: اسبحان الله اشريف بنتك باش بنتك وايمتا كانت بنتك عاد ضرباتك الفيقة ولا كيفاش شكتخور نت وشهاذ النم كدير فيه . .هاذي ماشي بنتك ومتقربها والو ومعندكش الحق تكول عليها بنتك فين كنت اباها باش كانت مهما معذبة بليل وبنهار – فنينة : حمزة سكت – حمزة : لا مغنسكتش غنهدر حيت عصام ولفنا ديما ساااكتين ليه هو لغلط شي واحد كيحاسبو وعلاش هو ميتحاسبش حتى هو غلط وحتى هو خصو يتحاسب – عصام كيهدر بشوية : صوتك ميعلاش هدر بشوي – حمزة : لا غادي يعلى – عصام: صوتك ميتهزش عليا – حمزة : لا غادي يتهز والى ظطريت غنهز حتى يدي
– عصام : على خوك كبر منك ؟ مبقتيش تحتارمني ؟ – حمزة: وعلاش نت حتارمتي شي واحد فينا باش انا نحتارمك ..كلشي الا الظلم منقبلوش نت معارفش هاذي لحداك اش داز عليها ولا شنو قاسات قبل متحط ليك هاذ البنت لكتكول عليها بنتك .زدتي مع الطريق ومدرتيش باش تشوف شنو خليتي وراك – فنينة خنزرت مقصحة صوتها شدت حمزة مقصحة فيه شوفة : متزيد حتى كلمة احمزة حيت هاذ الهدرة دابا مبقات نافعة فوااالو اصلا ليمن كتعاود كتعاود لجماد لواحد قلبو ونفسو باردة -عصام جا غيمد يديه ليها بلا متشعر قفزت ورجعات من ورا حمزة
– عصام منيم فيها عينيه : مالكي تخبعتي وراه خويا خفتي نضربك .بلا متخافي مكنتش غنضربك كنت باغي نقيس غير وجهك – خنزرت فيه تخنزيرة ديال الموت : حمزة خودلي بنتي خليني نمشي فحالي – عصام قرب شاد بنتو بيد وحدة باحكام ويد تانية شد حمزة من كتفو وبعدو من عليها وقرب حتى مبقى كيفصلهم والو عينيه على عينيها كيشوف فيها بتعب وارهاق باين فعينيه بجهد مدة وهو كيشوف فيها بطريقة فشكل تنهد مخرج نفس سخونة من داخل ديالو عاد هدر : فيا الجوع امراتي بغيت نتغدا باش نشرب دوايا ونعس معنقك ومعنق بنتي حيت عياااان ومريض بزاف -….
عصام قرب شاد بنتو بيد وحدة باحكام ويد تانية شد حمزة من كتفو وبعدو من عليها وقرب حتى مبقى كيفصلهم والو عينيه على عينيها كيشوف فيها بتعب وارهاق باين فعينيه بجهد مدة وهو كيشوف فيها بطريقة فشكل تنهد مخرج نفس سخونة من داخل ديالو عاد هدر : فيا الجوع امراتي بغيت نتغدا باش نشرب دوايا ونعس معنقك ومعنق بنتي حيت عياااان ومريض بزاف-فنينة رجعت جوج خطوات اللور مبعدة منو مخنزرة ومشمازة من هاذ الوضع ومن هدرتو – عصام شاف فطريقتها كيفاش بعدت وشوفاتها ليه حرك راسو. بشوية بالايجاب مقادر ينطق بحتى حرف حاس براسو فاتيكي بزاف جهدو داز من حداهم بلا ميتسوق العينين لي عليه دخل نيشان لبيتو قبل متوصل عليه فنينة فنيتها تاخد بنتها كان ساد الباب فوجهها ومدور فيه الساروت مخليها غتحماق وراه فحين هيا كضرب الباب بالجهد باغا بنتها هو كان ستلقى على الفراش باقي ضام بنتو ليه كيشم فريحتها وكيبوس فيها مرة مرة مغمض عينيه باغي غير ينعس حيت اعضاءو كاملة متشنجة طبيعي يلاه فاق من الغيبوبة واصباتو خطيرة باقي مجمعش صحتو وخاطر باش جا حيت صحتو مزال غا على قد الحال فاي لحظة تقدر تحصل عليه شي مضاعفات .. فنينة كان عقلها غيخرج وهي كضرب فالباب شافت فحمزة لكان كيحاول انه يهدنها : حمزة رآه والله ميخرج ليا بنتي على مدرت شي فضيحة يعيطني بنتي يخليني نخرج نت*ود ..ويعطيني بنتي – حمزة : صافي تهدني بنتك غتاخديها – فنينة: وسد لباب سدو زعما موتي لبغيتي تموتي شهاذ الخرا – كضرب الباب برجليها – وفتح الخرا حسن ليك عطيني بنتي – كنزة : ابنتي غا بشوية غيعطيك بنتك وغتاخديها غير صبري راه حتى هذاك باها خليه يشوف غا بنتو – فنينة صعرت ولاو فيها عشرة : ما بنتوش ما بنتوش هو مباهاش بنتي بوحدي انا سمعتي مديالوش يعطيني بنتي ويفرقني عليه معندو حتى حاجة عندي يمشي يرجع فين كان – كنزة : نعلي غا شيطان ابنتي – فنينة : مكينش شي شيطان قد ولدك شفتك رجعتي من جيهتو ياك كنت ݣلتيلي غتوقفي معايا ولا رجع متخليهش يقرب لينا غير شفتيه نسيتي كاع وعودك ليا – كنزة : وراه ولدي هذاك ابنتي وشو كي جا حالتو – فنينة: شفتي غا حالتو هو وحالتي انا مشفتيهاش ..بصح رآه هو ولدك اما انا شكون حتى حاجة حتى دابا انا مباغا والو. باغا غا بنتي ونمشي نشوف فين نهز راسي – حمزة : غا بردي دبا الله يرضي عليك بنتك غتاخديها غا صبري – فنينة مشات كلست مقابلة مع البيت كلها كتقفز : هاني كلست ولكن بالله وميتحل هاذ الباب وميعطيني بنتي على مدرت شي فضيحة لمحركتش هاذ الدار بلي فيها راني مسخوطة وكبيرة المساخيط ..حيت هو لكان يعد راسو حمق انا رآه حمقة كثر منو ݣرام العقل معنديش….
رجع حمزة كيدق عليه بشوية كينادي عليه باش يفتح او والو لا مجيب رجع كلس حداها كيتسناو فيه يفتح – فنينة : دابا شهاذ الخرا شنو غنبقاو مربعين يدينا حتى يفتح على خاطرو شهاذ السلطة كيخدم معياااش من هاذ التصعصيع ديالو – حمزة : غا صبري غيفتح غيفتح شحال قدو يبقى شاد فالبيت – ولا. فيها واحد الاعصاب لبزاااف كلها كتڤيفري كتاكل ظفارها بثوتر باين بزاف على ملامحها ماشي بزااف وبدأ يتسمع صوت البنت كتبكي ناضت قافزة كتضرب فباب البيت بجهد : وفتح الباب فتح الخرا وعطيني بنتي عطيني – فحين عصام كان ناعس فتح عينيه ملي سمع صوت بنتو ناض كالس معنقها كيسكت فيها وكيهدر معها بشوي. : ششش صافي ابابا صاافي شششش صافي ها بابا حداك شششش متبكيش صافي – كيبوسها من حنيكاتها – ملي كتبكي كتقلقي باباك ..وباباك مريض وعيان بزاف متزديش تمرضيه ابنتي الزوينة ديالي – كيبوس فيها – ياك نت الزوينة ديال عصام ياك نت فرحة باباك شششش صافي – فحين بنتها كتبكي وهي عاد مكتزيد تصعر من مور الباب كضرب بيدها وبرجليها وكتغوت عليه : وحل المرض حل رآه البنت كتبكي خصها ترضع وحل رآه غتخنق بالبكا حل بلاااا هاذ الفعايل ديال النم – فلحظة تفتح الباب فوجهها كان هو لفتحو مشافتش فيه دخلت نيشان جيهة السرير هزت بنتها وكلست فالجنب لاخر عاطية بالظهر معنقة بنتها قادتها كترضعها وكتسكت فيها رجع هو سد الباب ومشى كلس فجهة التانية ديال السرير حتى هو عاطيها بالظهر والصمت لبيناتهم – برا كانو حمزة كيدوز يديه على وجهو من كثرة الاعصاب وكنزة واقفة كدعي الله فخاطرها فلحظة شدت حمزة من يديه : حمزة سمعني – حمزة : شنو – كنزة : خص نخرجو ونخليوهم بوحدهم – حمزة : انعام مسمعتش – كنزة : لا راك سمعتيني زيد خص نخرجو ..هوما بيناتهم شلا حوايج وكل واحد فيهم عندو شحال من هدرة خص يكولها لاخر محتاجين يكونو غير بجوج زيد يلاه نخرجو وخليهم غير مع بعضاياتهم معرفتي شنو يقدر يوقع يقدر عصام يفسر ليها ويجبر خاطرها ويتصالحو – حمزة : غا كتخربقي اكنزة غا كتخربقي – كنزة : غا خليني نخربق وزيد خرج قدامي – حمزة : رآه تقدر فنينة تخرج من دار ومنعرفوها فين زادت – كنزة : عصام والله لخلاها تعتب الباب غا زيد نخرجو حنا تسناني ندير جلابتي – هزت جلابتها لبست وجرت حمزة بزز منو وخرجو خلاوهم غا بوحدهم ..كنزة مسكينة هاكا فكرت قالت مع راسها لكانت دار خاوية عليهم غيقدرو يخرجو داك الشي لفداخل ديالهم وكل واحد غيقول داك الشي لدارو وبحال والو تقدر تصفى الخواطر ——- فلبيت غير سلات الرضاعة لبنتها ونعست ليها بين يديها قادت حوايجها وجات نايضة دورة لدارت لقات عيينو عليها محدرتش عينيها بالعكس شوفااتها بقاو قاصحين لشافها على هاذ الحال يݣول ماشي هيا لكانت تبكي ليل نهار عليه – ناضت وقفت حبست ملي سمعاتو هدر : فين غااادااا ؟ – فنينة تبسمت وضحكت مستهزء وجات خارجة حتى تجرت من يديها بجهد مخنزر فيها : معاك كندوي – فنينة نزلت عينيها ليديه لفوق يديها ورجعت طلعت فيه الشوفة قاصحة وجرت يديها بجهد : منصحكش تعاود تحط عليا يديك – عصام تبسم مبين سنانو وزاد بجسمو عليها ظاغط عليها غير بنتهم لمدايرة حاجز بيناتهم اما حتى وجهو خشاه فوجهاا ويديه خشاها تحت زيف كيتحسس شعرها وهي نفسها كطلع وكتهبط.صوتو كيبورش فلحمة ودنيها : عندي ليك كلاااام كثير يا زينة وعارف راسي مقودها معاااك مزيان وخصني شحاااال باش نرطبك السايبة وترجعي تحت يدي خصني شلا منهدر ومنݣول هاذ الشي خصو صبر او جهد كثير وجهد حبيبك مسالي ..معنديش الجهد ليك باش نهدر – فنينة مقصحة صوتها دفعاتو من بيد وحدة من عليها : نت معندكش الجهد باش تهدر وانا معنديش الرغبة باش نسمعك…
عصام حرك راسو بشوية : عارف عارف السايبة مغتبغي تسمعني مغتبغي تصبر عليا وغطلعي ليا السما واش جاب ميحزرك وميشد بخاطرك – فنينة : مزيان ملي عارف هاذ الشي وخصك تزيد تعرف مزال بلي نت وليتي شي حاجة نكرة فحياتي مكتهمنيش كاااااع يعني ديك الهدرة لباغي تكول غير خليها عندك حيت مغنسمعش ليها وحتى التبريرات ديالك معندي مندير بيهم اسي فلااان – عصام حك لحيتو الكثيفة وزادت على مكانت : سي فلان سميتو عصام وعصام راجلك – فنينة طلقتها بالضحكة ديال القلب : ههههههههههه ههههههههههه راجلي هههه اه راجلي متشرفين اراجلي – هزا بنتها سمحت فيه وخرجت من لبيت فين حاطة حوايجها هزت كابوط لبساتو لبنتها جرت فاليزتها وغادا خارجة وهو كان مربع يديه كيشوف فيها اش غتخلق خلاها حتى قربت لباب عاد نطق بكلامو : نحيد لدينمك العصب ديال رجليك لو تفوتي العتبة ديال الباب – فنينة دارت شافت فيه وعلى وجها نفس الضحكة ديال السخرية : بعدا لكيصدمني فيك هو الكمارة علاش تحشم معندكش باااااااز انا بعدا فبلاصتك كنكوول بااااز ..هذا رآه مبقاش مرض فيك نت راك فتي المرض لهيه حالتك ولا مستعصية – عصام قرب ليها حتى وصل حداها شاف فيها مزيان وضوبلها كان ساروت لاصق فالباب دورو سدو وحيدو خشاه فجيبو ورجع لعندها حيد ليها البنت بزز من يديها وخلاها تابعاه كترطى وكتغوت داها حتى الكونة ديالها حطها ودار شاف فيها مخنزر من داك الغوت لكتغوت : جمعي فمك من الغوت ولا غتحسبي سنانك غتفيقي بنتك – فنينة : سمعني نكوليك معندكش الحق تشدني هنا بنتي غناخدها وغنمشي فحالي ونت غتفرقني عليك حيت مكتسالني مكنسالك والو معندك حتى حاجة عندي – عصام قاصد يستفزها : نت مراتي وعندنا بنت هاذ الشي كامل ومعندي عندك والو – فنينة: لاش باغي توصل بهاذ الشي ديالك اااا الكره وراني كارهاك ومبقيتش نحملك الندامة وراني ندمت شنو باقي مزال شنو باقي كفس من هاذ الشي علاش مصر تخلي نزيد نشماءز منك – عصام خدى يدو كيقيس فوجهها : نت كارهاني وانا موحش فيك على الاخر ازينة – جا غيبوسها دفعاتو مخرجة عينيها ومقوصة حجبانها : تعاود تفكر تقيسني والله حتى نقتلك سمعتي – عصام ضحك : ولدتي وليتي ام وباقا سايبة الحبيبة تقتليني كااع راني مقتول من عند الله فين باغا تزيديني ..عام وانا مقتول غير فكرة أنني مكنتش حاضر معاك فكاع مراحل حملك وحتى باش تزادت بنتي هاذي بحد داتها كتقتلني كين كثر من هاذ العقاب -…..
فنينة مسحت على وجهها : بعد مني حسن ليك بلا متجبد عيبي رآه عيبي صعيب ومتقدرش عليه فرقني عليك وخليني نهز بنتي ونمشي فحالي نسمح ليك فداركم فمك وفخوك فكلشي غير الله يربح والله يكمل عليك فتح ليا الباب خليني ناخد بنتي ونمشي وعمر وجهي يجي فوجهك
– عصام : علاش كتكولي بنتي…هي ماشي بنتك وحدك هيا بنتنا – فنينة ضحكت ماسحة العرق من وجهها : بنتنا هههههه بنتنا باش بنتك بااااش ولا بلاتي نفكرك هاذ بنتك كي دارت جات ..كي درتي جبتي هاذ بنتك نفكرك نهدر ولا نسكت ..- عصام : هدري احبي هدري – فنينة : فنظرك هاذ بنتك ملي غتكبر وتعرف بلي كانت ناتجة على اغتصاب باش غتحس ولا كيفاش غتبقى تفكر فيك – عصام : ههه كتخربقي
– فنينة: ايه رآه كنخربق اصلا من الاول لدابا كنخربق وحياتي معاك هيا اكبر تخربيقة – عصام صغر فيها عينيه : علاش كتكولي غتاصبتك انا مغتاصبتكش ..نت مراتي ومحسوبة عليا وأصلاا داك الشي ديما كنديروه غير داك نهار ستفزتيني وكنت معصب عليها جهدت عليك ونت مولفاني ديما هاكاك وكنت محتاج انني نعس معاك فين كنت بغتيني نمشي لمجتيش عندك نت – مجاوباتوش ومشافتش فيه كااااع حاسة براسها مخنوقة من هاذ الحبسة كتشوف.فداك الباب بحال شي جنة الى تفتح وقدرت تخرج منو – عصام كمل كلامو كيهدر بشوية : نت ݣلتي عليا شماتة ..معارفاش بلي حشومة تكولي على راجلك هاكا
– فنينة كتحرك راسها مستهزءة : ايه راك بنيتي ليا انك ماشي شماتة وبينتي ليا انني كنت غالطة – عصام : غالطة فكلشي ابنتي فكلشي غالطة حيت صغرتي داك الشي لبيناتنا وفكرتي فيا بهاذ الطريقة فكرتي انني نقدر نخليك بلا سبب حيت لو كنت حاسة بالقيمة ديال داك شي لجامعنا مكنتيش تظني هاكا هاذ الشي باش كنكوليك داك الشي لعندي ليك شي حاجة كثر من الحب وحيت نت غير كتبغيني عليها مقدرتيش تعرفي وتيقي فيا لو كنت وصلتي الدرجة ديالي كان غيكون قلبك على قلبي وغتكوني حاسة بيا وكبدتك فيا بحال انا ملي كبدتي عليك وحتى وانا فالظلام قايس النور فيك وباغي غير فوقاش نرجع ليك…..
فنينة هدرت متجاهلة كلامو لنصو مفهماتوش : فراسك كنت عارفاك غترجع ولكن كنت متأكدة غترجع فالوقت لقلبي غادي يبرد من جهتك..وهانية نعيش بلا بيك كنت عارفاك غترجع حتى نشد صحتي ونرجع قاصحة حيت غنكون متأكدة ان ضعفي هو لغادي يقويك ويخليك تشوف راسك عليا .عليها جمعت راسي قبل متجي وتشفى فيا – عصام طلع فيها حاجبو – هي كملت كلامها عادي : نكوليك واحد السر هاذ المرة مرتاحة والله حاسة بواحد الراحة فشكل بحال كنت كنغرق فشي بحر هايج ودابا خرجت البر .قلبي مبقاش كيضرني وحتى خاطري صفى..مخصنيش نكول هاذ الهدرة ولكن معارفش راسك شحال قهرتيني ..غير هو هاذ الشي كان شحال اما دابا كتليك قلبي برد وحتى حاجة مبقات تهمني هاذ الشي كامل علاش رافضة انني نسمع ليك حيت بصح مغنستافد واالو وحتى حاجة مغادي تغير عندي حيت تعودت على الغياب ديالك تقدر تكول ولا عندي بحال الغياب بحال الحضور يعني وجودك والعدم ديالو واحد
– عصام مشد والو من هدرتها من غير هاذيك قهرتيني قرب ليها قبل متبعد كان شادها بزز وجهو على وجهها حط فمو على فمها كيهدر وشفايفو كيلامسو شفايفها : نت كنت مقهورة هنا بين خوك ومك وبنتك وانا كنت مقهور وانا بعيد عليكم -فيننة كترطى بغا تسلت منو : حيد بعد مني – عصام : (باسها بشوية ) ششش رصاي احبيبة عافاك – فنينة: غير مكتزيد تكرهني فيك – عصام : عمرك مغتكرهي حبيبك .. حبيبك ديما غتبقى بلاصتو زوينة فقلبك غلطت حيت فكرت نبعد سيمانة ..بصح كنت ناوي غير على سيمانة كنت حاسب حساب وربي كتب لي حساب اخر نقدر نكون كنت بعيد على عينيك ولكن عمرني كنت بعيد على قلبك ولا بعيدة على قلبي انا رجعت ليك ازينة —– شد يديها وحط وجهو على كف يديها بايسهم بشوية: عارف راسي غلطت وغلطت بزاف كنت اناني وخا كلشي درتو على حسابكم باش نآمن ليكم حياة هادئة ونبعدكم على المشاكل ولكن كان عليا نعلمك بكلشي غلطت حيت خبيت عليك غلطت حيت متشاورتش معاك كنت مربج بزااف – باس يديها وهي مزيرة على سنانها – عارفك حاقدة عليا ومن حقكك غير هو راني حبيبك انا معندك فين تخليني -فنينة مغمضة عينيها : لا متقربني والو مكنعرفكش وبغاش نعرفك – عصام : لا كتعرفيني احبي ..حبيبك انا وراجلك واب بنتك،،،،،،،،،،، انا كلشي عندك انا لشحال ونت كتبكي عليا حيت متسحملتيش البعد وبغى عقلك يخرج وانا بعيد عليك،،،،، حيت كتبغيني بزاف وكتشوفي فيا كلشي – فنينة كارزة على سنانها بحقد : كنت عارف هاذ الشي كامل ومشيتي
– عصام : فوق طاقتي مكتاب الله وتصرف ولكن رجعت وطحت دابا بين يديك حكمي عليا دابا باش ما بغيتي ديري فيا لبغيتي انا تحت رحمتك دابا باش ما حكمتي نفد ،،،،،،حكمي باي حاجة الا الفراق كلشي الا الفراق حيت معنديش جهدو……
فنينة: كان عندك جهدو لمدة عام علاش لميكونش عندك جهدو دابا..،،،،، بغيت غير نفهم علاش كديرلي هاكا علاش ديما كتحاول تسغبيني اااا؟ واش كنجيك حمارة مكنفهمش راني كنفهم اعصام كنفهم ،،،، فراسك. نت اكثر واحد اناني شافتو عيني – عصام : لا – فنينة: اه وكتفكر غير فراسك وكيهمك غير راسك – عصام : ماشي بصح وراك غير كتخربقي ابنتي – فنينة: خليني نمشي فحالي الله يرحم ليك الوالدين راه انا لجهدي تقادى ماشي نت – تسلتت منو ومشات لبيت فين كين بنتها تبعها بشوية على حساب مكيقدرش يتحرك بالزربة – عصام : فين باغا تمشي ؟ – فنينة: شي بلاصة مفيهاش نت – عصام : شوفة فيا لهاذ الدرجة ولات تخنقك – فنينة : بزاف حيت لشفتو منك ماشي قليل..شفت وعشت وقنعت وليت طاالبة غا التعادل ونعيش سالمة مع بنتي بوحدتينا مبقيت باغا حتى شي واحد زايد فحياتي
– عصام : انا وليت واحد دابا ؟ – فنينة: نت بصح ماشي نورمال – شدها من يديها جابها لعندو دوز يديه على عنقها عينيه على عينيها : علاش مبقيتش نحس برجفتك وانا قايسك مبقيتش نحس براسي كناثر عليك – فنينة : عادي حيت كتليك قلبي برد من جهتك وليتي بالنسبة لي شخص عادي ما بقتيش تهمني كاع مبقيتش نشوف فيك لا الزوين لا الخايب – عصام : قلبك قاصح عليا لهاذ الدرجة – فنينة: هاذي هيا الحقيقة – عصام : اذن مكنتيش كتبغيني كاااع كنت غا كتفالاي – فنينة: شفتي لو كنت نت بغتيني غير ربع داك الشي لبغيتك انا وهلي فين كنا غنوصلو – عصام : كون بغيتني بصح كنت غتحسي بيا – فنينة: وانت حسيتي بيا ؟
– عصام : واه كنت حاس وكان الجهد فوق جهدي
– فنينة: وخا يكون معرف اش وقع مكينش شي حاجة لتخليك انك مدورش وراك وتشوف الحالة لخلتيني فيها عرفتي شحال من جرحة خلتي فيا شمتيني شمتة خايبة اولد كنزة خليتي كلشي يحل فمو عليا ،،،،، فغيابك لاموني ،،،،،لاموني حيت بغيتك ݣالولو شفتي هاهو خلاك او مشى فين هو هذاك لكنت تكولي عليه كيبغيك وكنت دافعي عليه هاهو سمح فيك وقتلك وزاد …..،،،،شفت الويل على غيابك منك ومنهم ومن راسي ،،،، حتي شي واحد ملامك على هروبك كلشي رد ليا اللومة انا كلشي ݣال بلي الدنب دنبي انا لمعرفتش نختار -…..
عصام 🙁 سرط ريقو بتعب ) ونت اش خرجك من دارك باش تسمعي هاذ الهدرة انا خليتك هنا بقاي فدارك حتى نجي ومكانش عند الحق حتى شي واحد يحل فمو عليك -حيدت الزيف كتنش على راسها بالفقصة : ياربي شوف انا اش كنكول وهو اش كيݣول – عاودت صايبت زيف عكساتو على راسها : شفتي نت حتى الهدرة معاك حرام فتح ليا الخرا خليني نخرج فحالي – عصام : انا لغنخرج نت معندك فين تخرجي داركم هاذي – فنينة: معندي دار انا الزنقة هيا لغتهزني – عصام : الزنقة خليها ليا انا ،،،،،،،،انا لمعندي فين نبقى حيت طولت الغيبة ونهار رجعت لقيت الزينة قلبها برد من جهتي – فنينة ضحكت : شنو كدير كتحاول تستعطفني رآه ما غضحكش عليا هاذ المرة رآه مكين حتى شي حاجة لتشفع ليك عندي غير باش نكون واضحة معاك
– قصحت شوفوتها فيه حطت عينيها بعينيه وزادت براسها تعلات برجليها باش توصل لجهة ودنيه ونطقت بحروفها كتخرج هدرتها كي السم : شفتي كنقسم ليك بحق البنت لشاركين بلي غنذوقك من نفس الكاس وغتعيش نفس الحرقة شفتي كنقسم ليك بعيونك لشحال ما حلمت فيهم وبعينيا لشحال ما بكتيهم بلي غنزرع فيك نفس الخوف غنعطيك نفس الجرعة ديال القهرة لزرعتيها فيا ولقهرتيني بيها باقي فين غنتحساسبو انا وياك اعصام مزيان – عصام هيا كتهدر وهو. مغمض عينيه مبسم مستمتع بكلامها ليه والحرقة لكدوي بها خدى يدو كيدوزها على. كتفها من فوق جلابة حتى سلات ونطق بصوت مرتاح: رتاحيت دابا ازينتي عرفتي علاش حيت حسيت بهدرتك وطريقة لدويتي بها كدل على قلبك باقي مبردش من جهتي بالعكس قلبك باقي واكلك عليا احبي احححح على كبدتي – فنينة : مريض
– تبسم عض على شنفتو تحتانية : بيك ازينة البنات – جات غتمشي جرها مزير عليها بايسها بالجهد من فمها وهي كترطى جمع يديها كتضربو لجهة قلبو بجهد وهن مع كل جرة كيجر شنايفها كيزير عينيه بألم لون وجهو تبدل من شدة الألم لكيحس بيه فصدرو – هي كضربو وكتسب بلي جا فمها مخلات فيه غا لنسات فلحظة حس براسو تشلل من كثرة الألم رخاها وطاح على ركابيه كيكحب بجهد حتى بدى كيتقيى الدم كيكحب بالجهد الدم – هيا رجعت بلور كتشوف داك الشي مصدومة حط يدو على قلبو مزير حيد تريكو نزل راسو جهة لفيها الخياطة واحد العرق عندو شوية تنفخ حس بألم مجهد فصدرو ..فنينة غير كتشوف مصدومة بدات عشق حتى هيا كتبكي بصوت مجهد ..عصام حس بدوخة شداتو خاطرو تروع رجع كيرد شوية داك الشي مخلط بالدم صحتو فشلت عليه هز عينو فيها كانت غير كتشوف فيه مزال واقفة فبلاصتها متحكرتش ومدارت حتى ردة فعل شاف فيها هدر بصوت كيترعد : بنتك كتبكي افنة دوزي شوفي مالها …
عصام حس بدوخة شداتو خاطرو تروع رجع كيرد شوية داك الشي مخلط بالدم صحتو فشلت عليه هز عينو فيها كانت غير كتشوف فيه مزال واقفة فبلاصتها متحكرتش ومدارت حتى ردة فعل شاف فيها هدر بصوت كيترعد : بنتك كتبكي افنة دوزي شوفي مالها – فنينة مسمعاتوش غا كتشوف فيه وحالة عينيها مفهمت والو – عصام كيلمس على بلاصة الجرح كيحاول يرخف راسو : معاك كندوي دوزي شوفي بنتك مالها – حركت راسها ودازت هزت عشق وعينيها مزالين عليه ناض مزال شاد على قلبو مشى فين كين الكارطابل ديالو جبد دوا ديالو دار جوج حبات ففمو دور راسو بان لي الما محطوط هز القرعة هبط عليها مشى كلس باقي شاد فصدرو وحاني راسو حتى بدى مفعول المسكن. شوي كيسرى فيه وصدرو كيترخف عليه فهاذ الاثناء كانت خلاتو وخرجت من البيت كلها كترعد خدات تليفونها وصونات على حمزة تخلط عليها الشغل مفهمتش شهاذ الخلعة لفيها وشهاد الترعيدة لشدتها غير فتح حمزة الخط بدات تبكي وكتهدر وعلى فمها غير اجا خرجني ديني بحالي – نيت مع مكانوش بعدو بزاف من دار مكاملاش خمس دقائق كانو فدار ديجا كانو هازين معاهم الساروت غير دخلو كانت هي جالسة شادة بنتها كلها كترعد وعلى وجهها اثر دموع حمزة مشى بالو غالط غير شافها هاكاك طار لعندها : شدار ليك شدار قاااصك ؟؟ ضربك ؟؟ – فنينة كتحرك راسها بالنفي وكتبكي : نمشي فحالي بغيت نمشي فحالي ديني بحالي من هنا بقيتش باغا نبقى هنا خرجني احمزة عافااك – حمزة : زيدي يالاه معاياا نوضي
– خرج عصام من لبيت : بركي الارض معندك فين تمشي – شاف فحمزة – ونت غدخل سوق راسك حسن ليك
-حمزة : لا مغندخلش سوق راسي ختي هاذي ..ومن الواجب ديالي نحميها لشفتها كتآذى – عصام : منين باغي تحميها مني ؟ – حمزة : اه منك حيت نت اذتيها بزاف وقهرتيها بما فيه الكفاية صافي حتى لهنا وبرك اعصام كثرتي وعيقتي وزدتي فيه – عصام : الاخر مرة غنكوليك خرج سوق هاذ الشي دابا هدرت بفمي المرة الجاية غنهدر بيدي ونت عارفني – حمزة : فنينة نوضي يلاه معايا اختي
– فنينة ناضت : يلاه نمشيو – عصام دار شاف فمو : كنزة شهدي على ولدك ما بغيتش ندير فيه يدي – حمزة : نت غدير فيا يديك وانا غندير فيك يدي وفين ما بغا توصل توصل المهم فنينة غتمشي معايا – عصام صغر عينيه : ونت اش خشاك فيها نت مالك فيها شعندك فيها داخل فيها شريك معايا ولا كيفاش – حمزة : فنينة ختي
– عصام : مولدتهالكش كنزة فنة ما خت خد خرج سوقها ولا بربي حتى ندير فيك لميدارش نيت طالع لي الخرا ال*ري خصني غير معامن -حمزة : حتى انا خصني غير معامن – فنينة شدت فحمزة : حمزة خويا مبقيتش قادرة نبقى هنا زيد يلاه خرجني الله يحن عليك – عصام تعصب جرها بجهد حتى زدحها مع الحيط : شكان شعاندك نت وياه طالعين لسما بجوج بيكم اش تزاد عليكم لا نت كتسمعي لا هو بقى كيحتارم شكاين شطرا بغيتوها غير ت*واد نقودو دين مها حنا كاااع مالنا اش خاسرين – حتى حد مجاوب تجاهل حمزة كلامو ومد يدو غيشد فنينة غيجرها كان سبقو عصام شدها بجهد رجعها وراه وبداك الاعصاب لفيه دخل فخوه رعفو وجمع يديه عطاه الوجه حتى حمزة مع معصب مشعرش براسو حتى كان هو تاني مسبق يديه مجا فين يوصل عصام حتى كان فنينة حبساه شادة ليه يديه : متقسوووش احمزة راه مريض – عصام صعر حيد فنينة من عليه دفعها وتقابل مع حمزة : اتبارك الله على خويا الصغير ولا يهز يديه على خوه الكبير صافي مبقى احترام الكتاف تقااادو ؟….
حمزة حنى راسو ودار يدو من وراه جامعها نطق تحت منو : مكنتش قاصد ..راها حتى هيا حاسبها ختي طبيعيي تهزني النفس عليها وانا كنشوفها كتعذب – عصام : ختك غتخرج سوقها ملي تكون هيا وراجلها – تدخلت كنزة : دابا شنو هاذ الشي شنو هاذ الحالة دايرين واش ندخل الجيران يفكو بينااتكم هاذ الشي لخاص نيت حيت انا معندي صحة ليكم ومنقدرش عليكم – فنينة : مكين لاش اخالتي انا غنمشي فحالي من هنا وغيتفك المشكل ..انا لمنوضة الصداع غير نمشي فحالي انا الحيوط غيسكرو – عصام حك وجهو دار فيها ديك شوفة ديال مبقى عندي فين نصبر ليك ضرب يدو قدامها مع الحيط دخل فيها حتى قفزت : انا بغيت نعرف غا هاذ فحالي شناهي ..من صباح ونت كطيري وكترطاي نمشي فحالي نمشي فحالي نمشي فحالي فين هاذ فحالك فين عند ديلمك غتمشي – فنينة : شي بلاصة منشمش فيها ريحتك – عصام : ريحتي هيا لغتشمي بغيتي ولا كرهتي وتجمعي معايا حسن ليك لا نت لا هاذ خاينة لمعاك لنصدق معاود مكم فالترابي بجوج – فنينة: فراسك بفعاليك هاذو عاد مكتزيد تكرهني فيك – عصام : كرهي ولا كلسي ضبري لمخك
فنينة: فين باغي توصل بهاذ الفعايل فين كرهتك لدرجة ما بقيت حاملة نشوف حتى فوجهك
– عصام : مباغيش نهز عليك يدي – فنينة: لا غا هزها باش اليوم تنوض الروينة شي الحبس وشي القبر – عصام : نت واش مكتحشميش والو مبغتيش كاع ديري عقلك غتبقاي طيري طيري حتى نحش لمك الركابي عاد غادي تهدي وتركني – فنينة بسمت ليه فاقصاه : هاذ الهدرة ديالك سير كولها حيت مبقاتش واكلة معايا كنت تجيب حكامك عليا اما دابا الكتاف تقادو غا سير شوف عليمن تخدم هاذ العنصرية ديالك حيت انا خرجت ليها نيشان معاك وحتى حاجة مبقات تهمني من غير بنتي لغنهزها ونخرج نترك نشوف حياتي ونعيشها بالعرض وبالطول ونت معندك متصور مني
– حمزة حاول يهدر مهدن : عصام شوف بلا متظغط عليها خليها فراحتها حيت ماشي من حقك دابا تكوليها شي حاجة رآه داك الشي لداز عليها ماشي ساهل ماشي جيتي حتى لدابا عاد بغيتي تشد معاها الضدد حيت ماشي من حقك
– كنزة : ايه اوليدي علاش هاذ الحالة كاملة راك نت لغالط ماشي هيا خصك تشد بخاطرها ماشي تزيدها قهرة فقهرة – حمزة : نت جيتي داخل بحال إلى حنا زايدين ناقصين رشقات ليك زدتي مع طريق ومتلفتيش وراك وملي عاودت رشقات ليك دخلتي بلا متعطي حتى شي تفسير وبغيتي تقطع فينا الحس ومعدناش الحق نسولوك لا كيفاش ولا علاش فنظرك هاذ الشي كيدار ؟ هاذ الشي مزيان بالنسبة ليك ؟…..
عصام كان مربع يديه كيسمع ليه خلاه حتى سااالا وزاد من حداه هز ساروت لكان فطابلة مشى الباب عاود سدو وخشى ساروت فجيبو مع ساروت الاول ومشى تحت نظرهم الصالة شد سداري تجبد فيه داير يديه تحت راسو مغمض عينيه خلاهم غير كيشوفو فنينة بالفقصة دوزت يديه على وجهها : بالبرب حتى حلال ندوز عليه بجنوية حافية
– عصام مغمض عينيه وكيهدر : ديك الجنوية للحافية سيري دوزيها على الخضرة ونصيبي ليا العشا رآه فيا الجوع
– فنينة عضت على فمها وغادا قاصداه جا حمزة قدامها شداتو بعداتو: حيد احمزة من قدامي حيد
– دفعت حمزة ومشات لعندو وقفت عليه وهو مزال مجبد طلع حاجبو وحل عينيه نص حلة ومبسم ليها
– اما هيا وجها حمر بالاعصاب : غتحط ساروت نفتح الباب ولا مغتحطوش – عصام قاصد يستفزها : لا محاطوش ضربي راسك مع الحيط – فنينة كتحرك راسها : نضربو مع الحيط اه نضربو مع الحيط – عصام : يلاه دوري تحكري ديريلي ما ناكل
– فنينة: اه نديرليك علاش منديرلكش ندير ليك
– عصام : وهي لنقصتي من الهدرة وتحركتي طيبيلي
– فنينة بديك الجعرة لجاتها محست براسها حتى هزت واحد الكورسي كان حداها ونزلت عليه بيه لراس كنزة شهقت دارت يديها على فمها حمزة حل فمو اما عصام زربت عليه مفهمش كي دارت ليه لكن تم تم حتى هو زرب عليها وخا كان مضرور تم تم جرها وجمعها بنص حتى جات طايحة الارض هز ليها راسها من الشفنجة لتحت الزيف ونطق خاشي فمو فودنيها
عصام : مغتيحديش منك هاذ الزعامة أسايبة باغا تقتليني راني غا على سبة باغا تولي أرملة ديال بصح وتسمعي ان للله وان اليه راجعون عاد تبردي لمك يااااااك هدري ….باغا تسمعيها عاد تبردي بغا تيتمي لي بنتي وترزيها فيا عاد تبردي -….
فنينة: مكرهتش حيت موتك حسن من حياتك كون غا سقت ليك خبار متي على الاقل كنت غنشد عليك حق الله نعطيك ياماتك وطير من الݣلبة ونسى – عصام : الى بصح مت دغيا غتنسايني ؟ – فنينة : نساك من اول نهار
– عصام : وعلاش دابا باقا شاعلة فيك العافية من جهيتي وفراقي هرب ليك العقل ؟ – فنينة: ماشي فراقك الشمتة والتخويرة لدرتي ليا اولد كنزة الشمتة هيا لباقا كتاكل فيا ماشي نت – عصام : حيت دخلت عليك التانية لا نسيت اللولة نت لكنت التانية – تلمس عنقها من لور – اش ظهار ليك نعاود نجيبهاليك ندخلها عليك تونسك شوية ازينة
– فنينة كازة على سنانها : جيب حتى عشرة اش مشالي انا رآه كتليك مكتهمنيش ومبقيتش مسوقة ليك عوم ببحرك وغرق فيه كاع لكنت عليا نيپالا ما بقيتش مسوقة وليت طالبة انا غا التقار وكمارتك متعاودش تجي فكمارتي
– عصام : ولكن ازينة طلب ديالك مرفوض حيت وجهي هو لغتبقاي تصبحي عليه طول ما انا فالحياة وكنتنفس وجهي لغتبقاي تشوفي حيت سنيتي معايا العقد ديال مدى الحياة
– فنينة كتنهج : طلقني – عصام : شناهي هاذ طلقني تاني مكنفهمش شنو كتعني هاذ الكلمة- فنينة غمضت عينيها مستسلمة : علاش كدير ليا هاكا شنو بغيتي عندي هاكا عاد ما كتزيد تكرهني فيك وكتزيد تعذبني شنو درت ليك شنو صرفت فيك خايب باش تخرج فيا سمك وتاديني بهاذ الطريقة ياك سمحتي فيا بخاطرك ومشيتي علاش دابا راجع وحابس عليا الطريق خليني حتى انا نمشي فحالي علاش شادني -عصام : حيت عزيزة عليا انوارة القلب
– فنينة: هاذ الشي غير حيت عزيزة عليك ودرتي هاذ الشي
– عصام : ربي لعالم بشنو نت عندي – فنينة: علاش ؟ – عصام : مستعدة وباغا تسمعيني ؟ – فنينة: لا ….
عصام : ملي لا متسوليش وتكوليلي علاش
– فنينة: مبغاش نسمع ليك حيت كتليك مكين حتى شي حاجة لتشفع ليك عندي وتبرد العافية لشاعلة فيا من جهتك – عصام : هاذ الشي باش كنكوليك بلي قلبك مزال مبردتش من جهتي هانتي عتارفتي بفمك – فنينة : اه عندك الحق مزال مبردش عرفتي فوقااااش غيبرد نهار نشربك من نفس الكاس وتعيش وتحس بكاع داك شي لحسيتو
– عصام ضحك مبين سنانو : راني كتليك ازينة بلي رجعت تحت رحمتك ديالك ديري فحبيبك لي لبغيتي ميݣولش لا – فنينة تنهدت : ديران لي غندير حتى نخرج من هاذ الباب اما من حدو مسدود معندي مندير – عصام : نزلتي عليا بكورسي لراس شنو مزال باقا بغا ديري ..احح – شد فراسو
– على شوية كنت قسمتيلي راسي على جوج هاذي كلها جعرة فيك أسايبة – زاد ظغط عليها خشاها فيه حيت كانو بقاو غا بجوج فصالة كنزة كانت جرت حمزة وخرجو منها – عصام : علاش مبغاش تسمعيلي ؟ كنواعدك نعاود ليك كلشي وديك ساعة حكمي عليا باش ما بغيتي
– فنينة : مابغا نسمع حتى حرف من عندك – عصام : علاش خايفة لنقنعك بهدرتي وعواض ما تخرجي فيا عينيك تولي معنقاني وبايساني ؟ خايفة لميبقاش عندك لسباس فين تزيدي ترطاي وتهزي نيفك لسما عليا …غير كوني هانية احبي غير سمعيلي بالعقل وحاولي تفهميني وحسي بيا ونعطيك شهرين ديال التعفار والفشوش ..تفشي عليا كي ما بغيتي وخا معنديش مع التحزار نخلي كلشي ونقابلك غا نت منك من بنتك نشد بخاطرك وتفشي ونتاقمي كيف بغيتي …
فنينة : رآه كنݣوليك نت راك مريض وخصك تمشي داوا بالرب مراك طبيعي مريض ومريض بزاااف – عصام: بصح راني مريض او بزاف شد يديها بزز حطها على قلبو
– هذا بزز باش رجع كيخدم غير على قبل حبابو لخلا وراه وعلى قبل السايبة ديالو …..والى السايبة ديالو بقات معفرة عليه ومقلقة من وحاقدة عليه وكتخرج فيه عينيها وكتضرو بهدرتها بحال والو يقدر يسكت فخطرة ديك الساعة عاد غتعرف شنو هيا الشمتة ديال بصح ،،،،، فايلتي على راسك بالبيض افنينة راك غتصدقي لابساه ديال بصح وعصام غيمشي فخطرة وغتبقى غا سميتو ديك ساعة متجيش تبكي عليا وتكولي ندمت كمديها وسكت حيت نت مبغتيش تسمعيلو ومحنتيش فيه وخا هو مريض – فنينة عبست وجهها مقصحة قلبها ومتجاهلة كلامو : انا مكندويش على داك الشي انا كندوي على المرض لعندك فعقلك
– عصام نيم فيها عويناتو بشكل خطير وضاحك فعينيه : علاش كتكولي على راجلك مريض فعقلو هو ممريضش حشومة هاذ الهدرة مكتكالش غتحاسبي عليها من بعد – فنينة : طلقني خليني نوض فحالي حسن منعطبك هاذ المرة ديال بصح – عصام : انا معطوب وغتزيدي تعطبيني وغتوحلي فيا غا نت حيت من شيم الزوجة الصالحة القيام والسهر على رعاية زوجها – فنينة:كتفقصني دابا ياك كتلعبلي على الاعصاب ياك – عصام ضحك مبين سنانو وهدر بطريقة كأنه كيهدر مع شي بنيتة صغيرة دار تقابل معاها وزرب عليها قبل متنوض شد ليها يديها : لا منعصبكش انا علاش لي نعصبك بالعكس انا جاي قاصد نشد ليك بخاطرك وكنت متوقع هاذ الشي وكثر كاااع وعارفك باقا مخبية ليا ما كثر وباقا غادي تشحفيني انا نطلب ونت تصدي هههه ضحكت عرفتي علاش ..لو كان قبل منشوفك يجيو عندي ويݣولولي عصام راه غيجي واحد الوقت لغتولي فيه طلب وترغب وتشد الخاطر وعلى الله غير شوفة من عينين الزينة وضحك ليك مستحيل واش كنت نتمزك لهاذ الهدرة ونتيق ..ولكن شندير مبقاتش عندي سلطة على راسي قدام الزينة لمحيرة العقل والقلب …
فنينة : حتى انا مبقيتش مزكة لهدرتك او ودني مبقاوش باغيين يسمعو حتى شي حاجة منك
– عصام : غادي يسمعو ،،،،، غادي تعطيني الخاطر وغادي تسمعيني بالعقل انا غنكول ونعاود ليك كلشي من الاول لاخر ونفهمك مزيان وحتى نت غادي تسمعيني ..غنمشيو شي بلاصة لنكونو فيها غا بجوج ونشرح لبنتي كلشي وانا متاكد غادي تعذريني ولكن عارفاك حتى تخرجي اعصابك فيا مزيان عاد غادي تعذريني ..- دوز يديه على وجهها – بنتي سايبة وحنينة فنفس الوقت ..حنينة ومولات القلب الكبير يااااك وملي ولدتي حنيتك ضاعفت وغادي تحني فراجلك ياك – فنينة: غا كتخربق اولدي غا كتخربق
– عصام : لا مرانيش نخربق عارف راسي شنو كنكول وعارف السايبة ديالي كيف دايرة ،،،،قلبك طايب من جهتي عارف ولكن عارف كيفاش نداويه ونرجعك تحت يدي مرة خرى يااااك امم بنتي ومم خوتها انشاءالله مزال فين غترطابي اصلا نت صبيبرة وماشي شي وحدة الخفيفة ثقيلة وعقلك وازن داك الشي باش بغيتك وخا راك معكسة وعزيز عليك تشدي معايا ضدد ،،،، غنعاود ليك وكلشي غادي يتلصح كنواعدك انشاءالله مغيكون غا الخير ..غير نت خصك تصغري راسك وتفتحي عقلك معايا وتنقصي من عصبيتك ووتسمعليي حتى الاخر – فنينة دارت بتسامة عريضة مستفزة على الاخر حركت راسها بالنفي دليل على رفضها
– عصام ضحك على ردة فعلها وعلى ديك طريقة لدارت بوجهها وزير على يديها كيتلمس فيهم هز عينو فيها : يديك غلاضو ..مالهم اصلا كلك بنتي ليا تزاديتي حتى حناكك زادو على مكانو واش حيت ولدتي انا كنموت ابنت الحرام ونت جالسة كتربي الجناب وكطرفي محشمتيش هاذي هيا كتبغيني و كتموتي عليا وحاسة بيا رآه كتليك كبدتك ماشي عليا – ….
عصام زير على يديها كيتلمس فيهم هز عينو فيها : يديك غلاضو ..مالهم اصلا كلك تزاديتي واش حيت ولدتي انا كنموت ابنت الحرام ونت جالسة كتربي الجناب محشمتيش هاذي هيا كتموتي عليا وحاسة بيا رآه كتليك كبدتك ماشي عليا….- فنينة سلتت يديها بزربة مخنزرة فيه حيت بصح شهمها : كنقسم ليك بالله الى نت انورمال فعقلك وطالق علينا حماقك سير شوف شنو دير لحالتك حيت هاذ الشي ديالك بالله مبقى واكل معايا- عصام ضحك :..غير كنبغي نتلف الجو ما بقيتش قادر على النكد- فنينة : يكما يحساب ليك بهاكا وبهاذ الشي لكدير …كتدير شي مزية رآه بالرب الى غير كتزيد تحقدني عليك وتزيدني شعلة فشعلة رآه بربي لخلقني وخلقك الى داك الشي لفراسك غير حيدو من بالك حيت مغيكونش وانا رآه غنخرج من هنا و غنمشي فحالي وبلادك غنخويها شفتي البلاصة. لفيها نت انا والله منعمرها
– عصام : فين جهدك غتمشي غتطيري حتى طيري اخيرتك غتاكلي قتلة العصا وتبركي تكمشي – فنينة : فراسك بلي مكنخافش منك فراسك بلي فاي لحظة نقدر نرتاكب شي جريمة ولتطرا شي فضيحة هنا مقودة
– عصام : باينة غا ملي نزلتي عليا بكورسي لراس – فنينة : اوا كان هذاك اندار عليها غدير خير فيا فراسك وتخليني نخوي باقل اضرار ممكنة اسي الشريف -عصام غمض عينيه وفتحها ونطق بلا
– فنينة : رآه والله مغنكون مسؤولة على داك الشي لغيوقع – عصام : نت ديري شي حاجة وانا برب حتى نعاود لدينمك فترابي نخليك غادا جنب الحيط تمشي على البيض متهرسيه ونت راكي عارفاني ملي كنشدك …
فنينة : الله ياودي بلاتي بلاتي انا علاش باقا شاركة معاك العربية …طلقني خليني نوض ن*ود فحالي
– عصام ضربها لفم بلور ديال يديه : رجعتي لمك لهاد تطياح الهدرة غا لقتيها خالية زغتي ودرتي ما بغيتي ادوي هنا رجعت لمك دابا معندي شغل عليك عندي غا نت غنظل مقابلك ونشوفو هاذ الزعامة وهاذ الشي ديال فين غادا بيه – فنينة : ياماتك سلااااااو اباااا عصااااام جمعنا وطوينا شفنا وقنعنا غا سير شوف عليمن تجيب حكامك اما انا خرجت من تحت يديك الله يجيب ليك معامن اولد كنزة اما انا غتفوتني عليك متوصلني منوصلك بيني وبينك غيبقى شبر ديال التقار حسن مواحد فينا يتخص – عصام : ال*لاوي لا
-خنزر فيها – غتصلحي فمك وغتعرفي اش كتخرجي منو رآه مباغيش ندير فيك يدي مقلقة عليا واه عارف مخليك فخاطرك وكنحاول نشد بيه علاش حيت عارف كري انا لغالط وغالط بزاااف داك الشي علاش صابر ليك اما كون من شحال جمعتها معاك وشديتي الارض هاذي هيا العنصرية والطغيان لكتدوي عليه ولكن ما بغيتش هاذ الشي ختاريت الطريق الصافية وخليني فيها ومتخرجتيش على طوعي حسن ليك ..مباغيش نتقلب عليك حتى نت مديريش علاش ݣلنا ليك تقلقي شوية ماشي طلعي لسما وتبداي طيري عليا رآه نحيد المك الجنحين ديالك غا زيدي طلعي لي الخز لراسي – طلقها دفعها ورجع لبلاصتو تكى خشى راسو تحت الوسادة وهدر : جيبي شي ملاية دريها عليا خليني نرݣد حتى نفيق ولينا هدرة خرى …غير هو ديري فبالك ملي غيطلع الصباح غتكلسي تربعي يديك وتبتي حتى تسمعي كلشي داك الشي لعندي والى بديتي كتفتفي وطيري غنضطر نخليك تسمعي بالعصا …تحكري جيبي لي ملاية ديريها عليا
-فنينة زادت حتى لعندو وحنات عليه مغددة : الهدرة لغتخرج من فمك والله لسمعتها ..الحجر تعاود ليه يسمع ليك وفنينة والله لسمعت ليك ..- عصام : جيبي لي ملاية غطيني راه فرعني البرد – فنينة: كين الكفن خاصك ؟ نجيبو ليك ؟
– عصام : ملي كتفايلي على راسك هاكا شريه وخبعيه ليا غدا ولا بعدو تلقاي راسك وليتي من الارملات يلاه دوري حيدي عليا من هنا…
خنزرت وخرجت بحالها من عندو كانو باقين كالسين كنزة وحمزة فالجهة الاخرى ..بغات دوز نيشان لبيت نادى عليها حمزة : اجي لهنا اجي
– مشات لعندهم كلست كتزفر
– حمزة : شݣاليك شنو كنت كتكولو من صباح
– فنينة: مݣالي ما ݣتلو يفرقني عليك اربي واش طلبت شي حاجة عيب طلبت غا تساع بغيت غير نمشي فحالي
– كنزة: مݣاليك والو معاودليكش شنو سباب هاذ الغيبة ؟
– فنينة: معندها حتا سباب او وخا يكون او واخا يبغي يعاود منسمع ليه ميسمع ليا غا التقار تقار زين – كنزة تنهدت : وا نت تعرفي اش غيصلح بيك نهيت وعييت ديرو لتسلككم غير هو ابنتي لنقدر نݣوليك انا ونصحك بيه انك دابا ماشي بحال هذا شحال دابا راكي ماشي وحدك راكي ام وعندك بنت يعني قبل متفكري فراسك خصك تفكري فيها هيا لولة ..عندكم بنية وسط منكم خصكم تفكرو فيها هيا لولة حيت اي قرار غتاخدوه بنتكم لغادي تضر – فنينة: بنتي معندها ما تضر بنتي نهزها بسناني ملي غنخرج من هنا غنكون قادة بها ونخدم عليها فاش ما كان ..انا عارفة راسي شغندير خصني غير نخرج من هاذ الباب – حمزة : نت راه حماقتي فراسك سمعي انا دابا لغنكوليك نقصي من الطيران ديالك عنداك .عنداااك تهوري وديري شي حاجة لتخرج عليك وتخرج على البنت. فنينة قبل متديري شي حاجة تشاوري معايا
. – فنينة : لا – حمزة : كيفاش لا ..وكيفاش هاذي تاني نخرج نخدم عليها فين باغا تمشي تكرفسي وتكرفسي بنتك معاه بحال إلى معندها بب معندها عم. نت واش هبيلة فمخك تبتي الله يرضي عليك – فنينة: تصبحو على خير غنمشي نعس يصبح ويفتح – حمزة ؛ سيري سيري وديري عقلك فراسك الله يرضي عليك
– فنينة: ما شي شفتيني كنحط حوايجي فالزنقة وكنغوت بالعداو .. مطالبة والو انا طالبة غير حقي ملقتوش….
مشات دخلت لبيت فين كين بنتها خداتها ضمتها ليها كترضعها وعاضة على فمها عينيها كيقفزو رموشها كيترعدو بحال إلى حابسة شي حاجة ..بصح رآه كانت حابسة ..مبغاتهمش ينزلو عيااات تحكم فراسها لكن خانتها دمعة حارة نزلت على خدودها ومن وراها تبعوها دموع خراين مقدرتش تحكم فراسها شحال وهي كتغوت وكطعطع فالاصل داك الغوت كان تحاول تحارب بيه غير دموعها باش مينزلوش قدامو مبغاتوش يلمس ضعفها نيهائيا وملي نفاردت براسها ..مقدرتش تحبسهم مرة تانية – نزلت عينيها لبنتها كتلمس فوجهها كتشم رحيتها وكتبكي وكتهدر بصوت كيترعد: علاش رجع علاش مكانش عليه يرجع ..علاش حتى ولدتك عاد رجع وكيكول عليك بنتي لا نت مبنتوش نت بنتي انا وحدي انا لتعذبت عليك وشفت عليك الويل هو خايب ميستاهلش تكوني بنتو ..هو ميستاهلش ميستاهل حتى وحدة فينا لا انا لا نتي .. مغاديش نسمع ليه نهائيا حيت كذب عليا بزاااف وظلمني سمح فينا ..وخلانا ..خلاني معذبة وزاد متسوقش لينا حتى دابا مغاديش نتسوقو ليه …نت شاهدة ابنتي نت شاهدة علينا انا مظلمتوش هو لظلم راسو وظلمنا معاااه – كتراري ببنتها – ولكن غا بلاتي كنحلف ليك ابنتي الى مندمتوش راني مرضعاك السم ماشي الحليب غا صبري عليا وتشوفي ..انا لعارفة شغندير ….
وصلا الحداش ديال ليل كان عصام ناعس غارق فنعاسو اه هو نعاس ولكن دوا رخاااه بزاااف ومن اعراضو الجانبية النعاس وعاد المرض وطريق لشد معقلتش على راسو العيا والمرض جاب ليه تمام فهاذ الاثناء كلشي كان فبيتو حمزة كان باغي يخرج ملي شاف الباب مسدود عليه حتى هو دخل نعس كنزة خلاص حتى هيا مع البراوات لكدك نعست تم تم كين غير فنينة لبقا حالة عينيها كدور فيهم بحال موكة وشمن نعاس غا يديها بغا تخرج وربي كبير ناضت خرجت من لبيت كتسلت كان سكير فدار مشات على اطراف صباعها حتى لفين هو طلت عليه نفسو. كان كيتنفس بجهد ..عارفة نعاسو ثقيل فكرت تسرق لي ساروت من جيبو داك الشي باش قربت وقفت ليه على راسو كان ناعس على ظهرو شافت فوجهو كان لونو ماشي طبيعي وكان عرقان بزاااف باين فيه المرض كيتنفس بجهد وكينين باالم .حاولت متهمتش ومدت يديها لجهة جيبو فلحظة تحرك وتنهد متالم ملي تحرك خنزرت عرفت راسها يقدر يفيق بها مقدرتش تغامر بلا متشعر نطقت بيها : تنعس ما تنوض رحمة ربي – وزادت خرجت من عندو كتغزز فسنانها كتفكر شنو دير شوية وهي تفكر واحد ساروت دوبل. الثالت كان عندها بقات كضرب فراسها كتحاول تفكر فين تقدر تكون حطاتو : اووووف اووووف افنينة تفكري تفكري فين تكوني حطيتي الخرا ..تفكري تفكري – فتحت البلاكار كتقلب تحت الحوايج وفين ما قالها ليها عقلها والو ملقاتش مشات المكتب ديالو كتقلب ملقاااتش مشات المجورة ديال البلاكار تاني ملقاتش حتى كعاات وبداك الاعصاب لفيها بدات كتسب ..خرجت ودخلت الكوزينة تفكرت واحد البلاصة فجهة الروفوف فين محطوطين المواعن طلعت فوق البوطاجي باش توصل لدوك رفوف وبدات تقلب ماشي بزاف وترسمت على وجهها بتسامة باش لقاتو هزاتو وتنهدت براحة نزلت من تم ودخلت بالخف لبست حواجيها ودارت عليها مونطو لبست بنتها وهزت غير ساك بنتها اما حتى فاليز ديالها مهزتهاش شافت فتلفونها حتى كانت غتهزو شكت فحمزة يقدر يطيح عليها منو وسمحت فيه مداتوش وخرجت كتسلت لباب فتحاتو بشوية وخرجت خلاتو محلول وراها وصلت الباب تحتاني خرجت من. هو لسادتو كانت الشتا شوية كتنشنش زربت على راسها خرجت من الحومة بالزربة حتى طريق شوية ما حست غير بالشتاء لرجعت كتنزل خيط من السما والمشكل مهازة معاها حتى مظل باش درق بنتها تعصبت عنقت بنتها محاولة تخبيها من الشتا ملقات فين درق حتى ليل ومع الشا طاكسيات قلالو لكيدوز كيدوز عامر بنتها بدات كتبكي حيت فزكت وحتى الريح تحرك مجهد جاية اربع ساعة وهي واقفة كتنسى شي طاكسي او والو مكينش بدات تقلب غير فين درق بنتها من الشتا ملقاتش حيت غا شارع جات فبلاصة مكين حتى شي باش درق تحتو ..فلحظة فكرت ترجع لدار اللهم تسمح فكرامتها وبنتها متاذاش البنت باقا تربية عويناتها بزز باش كتفتحهم وشربت البرد وفزكت…
حتى قررت ترجع عاد حبس ليها طاكسي ركبت فيه عطاتو العنوان لغادا ليه وزاد ..بقى كيشوف فيها من الزاج كان راجل كبير شاف فالتربية لكتبي بقات فيه : الله يابنتي مالكي تعديتي عليها وخرجتيها فهاذ النهار الكحل واش صبت عليها الشتا – فنينة كتبكي على بنتها : اه فزكات ليا شوي. – الشفور : ويكون خير يكون غير توصلي بدلي ليها بالخف رآه يشد فيها المرض – حركت راسها ساكتة ….—-مسافة طريق وكانت وصلت لفين ساكنة سناء البنت لكانت خدامة معاها فالقهوة ..دقت عليها ديجا قبل متخرج كانت علمتها وكانت لخرا كتسناها …غير دخلت قبل متهدر حيدت لبنتها حوايج بدلت ليها كلشي وكتحاول تسكت فيها ..حتى بدات ترضعها عاد سكتت ليها شوي – سناء كتقيس فالبنت : وقيلا ازغبية البنت غتمرض ليك ..اش خرجك فهاذ ليلة الكحلة اصحبتي – فنينة: مكتاب الله ظطريت – سناء : شنو وقع ليك – فنينة مبغاش تعاود ليها : غير تناكرت مع دار راجلي ومقدرتش نبقى وخرجت بحالي نت عرفاني مكنقدرش نصبر – سناء : على بنتك بزز منك كنت تصبري اما حسن افنينة كنت تصبري ولا تمرتي بنتك وتخرجيها يسوط فيها البرد شوفي بالبنت كي كتنفس ..نيوفها تسدو – فنينة عنقت بنتها كطبطب.عليها : مغيكون عندها والو غير شوي وترجع مزيان -فاتت ديك ليلة مع سبعة الصباح كانت ناضت الروينة فدار غير ضرباتو الفيقة دخل لبيت فنيتو يشوف بنتو كيلقاها خوات عرفها دارت لفراسها وحلفت او وفااات .. بالاعصاب لشدوه نوض الروينة قلب كلشي وزادت كملت باش شافها مخلية تلفون ..كعى ديال بصح …ديك ساعة لو يشوفها ويلمحها بحال والو كان يفوت فيها شي ضربة لنيشان القبر ..بقوة ما هو صاعر ليها ولات لكتجي قدامو كيهرسها محرك تلفون مع معارفو كيقلب ..وحتى حمزة مراسيش مستغل خدمتو وشي معارف عندو هنا كيحاول يشوف كيفاش يوصل ليها ولكن قبل صونا لاكرام وعرفها انها ممشاتش لدارهم اصلا كان متوقع مغتمشيش لتم …كنزة شافت حالة عصام شدت حمزة كتهدر معاه بشوية : حمزة ولدي الله يرضي عليك حاول تلقاها قبل منو وخبيها حتى يبرد رآه الى طاح عليها هو غيقتلها ولا غيدير فيها شي فضيحة – هيا دوات بشوية ولكن حتى عصام قدر يسمعها جاوبها صاعر : هذاك الشي لغيوقع نيت اكنزة برب منرحمها ..بنتي حرام عليا لرحمتها….
&&دازت مدة شوية …فنينة كانت حالتها حالة بالبكا وهي كتشوف بنتها كتموت بالسخاين ..كتگدي بالسخااانة العافية شاعلة فيهاا ..داتها الفرماسيان عطاها قويلبات ودوا ومدار ليها والو باقا سخانة طالعة فيها بزاااف مجهدة
– سناء : اوووف افنينة ها العار اخيتي لما سكتي نت بالبكا باش تعرفي اش ديري – فنينة: رآه مرضها صعيب ملي كتمرض كتخنقلي لي حتى كنݣول ماتت ..معرفتش شغندير شوفي شحال كتحرق بالسخااانة ..علاش دوا مقدا فيها والو عنداك اختي توقع ليها شي حاجة عنداك بنتي تموت – سناء : أستغفر الله اش كتكولي بعيد البلا – فنينة: هاذ الشي ممسلكش غنوض ندي بنتي طبيب منخليهاش
– سناء : زيدي نمشي معاك – كمدتها فملايتها وخرجو شدو طاكسي حيت معندهاش الفلوس وقدرتش تكول سناء عطيني عارفة معندهاش ظطرات تديها لسپيطار الغابة ديال المخزن لهلا يوصل ليه شي مسلم ..غير وصلت دخلت بها المستعجلات كتصدم من دنيا كيفاش عااامرة كلشي مزاوط فالارض هالي مفرشخ هالي مشرك ها لي مهرس كلشي كيتسنى حتى لكراسة ليجسلو عليهم مكيننيش ..ملقات ليشوف فيها ولا معامن تهدر ….-فنينة : اويلي شنو هاذ الشي – سناء : هاذي هيا الحالة هاذ الطبيب لهلا يكتبو على شي مسلم – فنينة بان ليها واحد خونا خدام تم مشات سولاتو – جاوبها : اختي فين هو طبيب رآه شوفي كلشي كيتسنى طبيب باقي مكينش
– فنينة: اويلي شهاذ الحالة واش هذا طبيب ولا كوري ..واش بالعاني كيديرو هاذ الشي واش باغين حتى بنادم يموت .حسبي الله ونعم الوكيل خونا : غير صبري اختي غير يجي طبيب ونشوف معاك ندخلك نت لولة – فنينة : لا شكرا غندي بنتي لكلينيك مالي حمقة نخليها هنا – رجعت شافت فسناء : سناء اري تلفونك نصوني على عمها ني لكلينيك – عطاتها سناء تلفون دخلت نمرة حمزة صونات عليه – فحين كان عصام يلاه خارج حتى جا ودنو تلفون حمزة كيصوني دار شاف فيه : شكون كيصوني هيا
– حمزة : نمرة معرفتهاش
– عصام : جاوب – فتح حمزة الخط غير سمع صوتها قفز: فنينة فينك – غير سمعو عصام خطف ليه تلفون من يدو ونزل عليها بسبان : درتيها ابنت دين الكلب يااااك فينك ؟؟؟ عرفتي وطيحي بين يدي لمكويتش لمك دوك رجلين راني بصح شماااتة شفتي لمربيتكش رآه مراضع من كنزة غا الحرام غا صبري عليا – فنينة بقلة صبر : ساليتي ؟ آلى ساليتي اجا تبعني لكلينيك رآه بنتك كتموت……
قلبو ضرب بعنف وجهو هرب منو الدم : كيفاش
– فنينة: جي لكلينيك لحدى سبيطار الغابة -قطعت ..تم تم خرج هو وحمزة كيجريو كيصوني عليها وكيعاود خلاتو غا يحمااق ..قلبو تزير عليه بكثرة الخوف على بنتو تعصب وعروق قلبو تزيرو عليه كيصوني والو واش بغات تجاوب حتى صونيا ربعين هاد فتحت لخط – عصام : جاوبي ابنت ال*حبة جاوبي ..- فنينة: نعام شنو؟؟؟ كتليك اجي لكلينيك صافي جي – عصام : رآه داك لكلينيك ملي غنجي غنعسك فيه حدا بنتك هاني جاي ليك نهار نهارك ابنت ال*حبة غنجي غنشتف لمك على راسك – عاودت قطعت عليه رمى تلفون وزاد فالسرعة كسيرااا بجهد حارق الطريق ..- غا وصل دخلو طايرين نيت هيا كانت دخلت بنتها وخرجت لباب كتسناهم غير شافتهم وشافتو هو جاي قاصدها وتعابير وجههو عرفت هاذ نهار محالش واش يدوز على خير – غير.وصل ليها شدها من كتافها بجهد حتى توعتت : فين بنتي ؟
– حمزة : شواقع ليها افنينة – فنينة شافت فحمزة كتعاود ليه وكترعد : البارح باش خرجت كانت الشتا بزاف وتقاصت طلعت ليها السخانة راهم دخلوها لداخل ليغجونس -عصام : خرجتيها فالشتا ياك بغيتي تقتلي لي بنتي ياااك تقتلي لي بنتي عاد تبرد ليك من جهتي ؟ – ركلها- دوي الله ينعل مك – فنينة بعدت مخنزرة : انا صونيت على عمها نت اش جابك – عصام محسش براسو حتى كان جمعها معاها بتصرفيقة وعاودها بالظهر ديال يديه شدها زدحها مع الحيط خانقها شدو حمزة من اللور بغى يجرو ركلو برجليه : دخل سوق كرك نت حسن منشركك نت وياها – حمزة: شوف ناس كتشوف اعصام طلقها – فنينة خلعة ديال بنتها وعاد زيد هو محستش براسها حتى نزلو دموعها كدفعو وكضرب فيه: سير ت*ود بعد مني سير شكون نت شكون…. اش جابك مالها بنتك مبنتكش علاش جاي …علاش …جاي كتهز فكتافك علياا دا شحال فين كنت ..ملي كانت تظل ليل كامل كتخنق وكتموت فين كنت حتى لدابا عاد جاي وداير فيها مخلوع عليها ااااا؟ اااا هاذ شحال فين كنت نت بب نت مفيكش حس الأبوة بلا متجي دير فيها الاب الصالح حيت مجاش معاك الدور – عصام ضرب ليها فمها و شد ليها وجهها غارس صباعو فحناكها كيدوي بتهديد : مغتجمعيش فمك ياك ؟ مغتكمشيش ..ولكن غا بلاتي على مك باقي فين غنتحاسبو مزيان غنربيك غا تسناي عليا دواك عندي غنوريك كيفاش تهزي البنت وتخرجيها فالشتا بغات تهدر ضربها الفم – الخير لغديري فراسك حسك منسمعوش ودابا حيدي من قدامي قبل مندير فيك كارثة – حتى كان غادي داخل ورجع لعندها شاف فيها : شفتي نقسم ليك بحق من بعث محمد وتوقع لبنتي شي حاجة ديك ساعة عاد غتعرفي عصام راجلك اش كيسوا ….الى مدبحتكش افنينة راه مولدونيش الرجال
حتى كان غادي داخل ورجع لعندها شاف فيها : شفتي نقسم ليك بحق من بعث محمد وتوقع لبنتي شي حاجة ديك ساعة عاد غتعرفي عصام راجلك اش كيسوا ….الى مدبحتكش افنينة راه مولدونيش الرجال – سمح فيها ودخل هي بقات واقفة صدرها كيطلع ويهبط كتمسح فدموعها
– حمزة كيحرك راسو : مدرتي فيها ميصلاح افنينة كطيري ابنتي كطيري – فنينة غلبوها دموع كتهدر وكتمسح.دموعها : كنخرا انا ماشي كنطير بصحتي لكنت كنطير بعدو مني فرقوني عليكم ..- سمحت فيه وزادت دخلت
..- كان عصام دخل شاف بننتو وسول طبيب لخبرو بلي حالتها تحسنت وحرارتها قدرو ينزلوها خرج ليها طبيب شي ڤتامينات ..كاليه تكمل غير سيروم وتقدر تخرج – ..بقى كالس حداها عصام كيشوف فسيروم لفيديها كيدوز يديه عليها هز يديها كيبوس فيها : مرضاتك ليا ابابا ..صبات عليك الشتيوة هيا لمرضاتك ابابا – كيبوس فيها – شكي على باباك ابنيتي شكي ..ضراتك سخانة ابنتي كرفساتك ديك الحمقة ديال مك للعقل طاير ليها ..بالحق انا لغنرجعو ليها غا تصبر عليا حيت عيقت وزادت فيه بزاااف – كيشم فيها – اححح امي على ريحة فيك ابنتي بغات ترزيني فيك – كيبوس فيها – تفتح الباب ودخلت هيا كتشوف بنص عين .. جات غتقرب ليها دفعها – فنينة : واش تسطيتي نت ولا مالك
– عصام: نهار ديري عقلك فراسك وتعلمي تكوني ام وتحملي المسؤولية عاد اجي شدي بنتك – فنينة بكثرة صدمة من هدرتو طلقتها بضحكة : ههههههههههه ليا انا هاذ الهدرة ؟؟ انا لخصني نتعلم نتحمل المسؤولية ؟ ههههههههه وقيلا راك كدوي على راسك ومحاسش
– عصام ناض : سمعي نكوليك رآه نكون معاك الرب ديال الزوين ..تجي فيا انا هااانية ومت هانية تقصيني فبنتي برب منعقل عليك سمعتي ..الا بنتي الا بنتي افنة..
فنينة: اسبحان الله اشريف شفتك كدوي بحال إلى هاذي ماشي بنتي كنسهر عليها ليل ونهار عيني مكنسدهش الى منعساتش هيا ماشي تجي نت دابا لعاد طفات عليك الشمعة وفقتي من الݣلبة تجي تورني كيفاش نربي بنتي ..اصلا هاذ الشي كامل لوقع بسبابك ولكانت البنت وصلات لهنا رآه نت سبابها – عصام : انا سبابها علاش انا لكتليك تنغلك الفارة وتخرجي دلعي بيها والشتا خيط من السما
..- فنينة: باش منشوفش كمارتك نخرج فالاعصار ماشي غا فالشتا
– عصام : هانتي خرجتي إش وقع هانتي واقفة قدامي كتخرجي فعينيك -شدها دورها لعشق – وهاذيك لجات فيها ..انا وياك وهيا مالها اش دارت اش دارتليك باش تكرفسي عليها هااكا – فنينة: كتليك انا معندي حتى دخلة كلشي بسبابك وقبل كنت باغا نقتلها بسبابك – عصام بعد الفهم : كيفاش ؟ تقتليها ؟ شكتخربقي نت -فنينة : اه مكنتش بغيتها كنت بغا نطيحها غير حيت منك وحيت مجاتش باراضتي حيت غتاصبتيني باش انا حملت بيها وبيني وبينك كون غير زعمت وحيدتها ولا هاذ الحالة ديك الساعة عاد كنت نخلي قلبك يتشوى عليها ديال بصح
– عصام جمع يدو على شكل قبضة جا غيضربها خبعت وجهها بيديها ضرب يدو مع الحيط حاصرها كيشوف فيها وهيا بقات مغمضة عينيها كتحس غير بنفسو سخونة كتضرب فوجهها – عصام : فمك كيخرج شي حوايج لصعااب شفتي كون تهورتي ودرتي شي حاجة مكنتيش تخلي حتى راسك حيت كون رجعت وكنت زعمتي ودرتي شي فضحية بربي لخلقني وخلقك نقصح كبدتي عليك وندير فيك لمكيدارش – فنينة: وليت نكرهك ربي شاهد عليا حتى وليت نكرهك – عصام : شعورك تجاهي مبقاش يهمني بغي ولا كرهي مشكلتك هاديك ماشي مشكلتي ..انا لغنكوليك هو غديري عقلك فراسك وغتربي بنتك بالعقل كان غيبقى عقلك مفرفر والله بنتك لا عاودت جات فيديك
– فنينة: معندكش الحق ..- عصام : عندي الحق وبزايد هذا هو عصام لكتكولي عليه خايب وعنصري انا غنوري مك العنصرية كي دايرة – فنينة: مغنديرش عقلي وغنعاودها المرة التانية وغنعاود نهز بنتي وهاذ المرة والله لطحتي عليا ..ولكنت اليوم صونيت غير حيت ضطريت ماشي شوقي فيكم حيت مكانش عندي الفلوس اما والله لصونيت لشي واحد فيكم…..
عصام تحت سنانو : مباغيش نهز عليك يدي راك بزز باش شاد راسي متخرجنيش على السيطرة راه والله مغيلقاو فيك ما يجمعو – فنينة : منكرهش حيت غتهنيني ديك الساعة عاد غنرتاح حيت كلشي طلع ليا فراسي مليت كلشي
– عصام صغر عينيه: كي درتي وليتي هاكا شهاذ الحالة وليتي فيها من ايمتا كنت تفكري بهاذ الأنانية خلي كلشي جنب خليني انا بعيد وخا منعرف شنو كنت درت ليك راه كنتبقى بنتك كتبقى روح زرعها فيك الله تجي نت وتفكري تحيديها – فنينة: ماشي سوقك فيا بيني وبين بنتي ولكتهدر على الانانية نت سبقتيني ليها وانا حاولت نولي نشبه ليك باش نحس بنفس الراحة لكتحس بها نت ملي كتفكر غير فراسك – عصام : دابا انا جيتك مرتاح ..شوفي حالتي .بانت ليك فوجهي الراحة – دخل عليهم حمزة : شكاين تاني حتى هنا بنتكم كتموت ونتوما كتقاتلو فوق راسها
– فنينة:دوي معاه هو لمبغاش يفهم راسو ويفرقني عليه وجاي كيتهز عليا كاامل – حمزة: حتى نت افنة ماشي حسن منو هاذو ماشي فعايل كيدارو نت عارفة بنتك مريضة وصحتها غا على. قد الحال وخاطرتي بها وخرجتيها فداك الجو هاذي رآه أنانية فيك كوليلي كون وقعت ليها شي حاجة الله يحفظ كيفاش كنت تقدري تسمحي لراسك
– فنينة نفاعلت بعصبية : ونت شعندك نت سوقك حتى واحد مسوقو فيا بنتي هاذي ندير فيها لبغيت حتى حد ما سوقو فياا انا حرة نقتلها ولا نخليها بنتي وحرة فيها دخل سوق راسك احمزة حسن – عصام غير ساكت كيشوف مزير على يديه كيحاول يتحكم فاعصابو قدر الإمكان
– حمزة : علاش هاذ الحالة شنو كتليك انا كتليك مديريش الحاجة قبل متشاوريني كنت نخليك تخرجي البارح وانا كنت نديك فين ما بغيتي مكانش غيوقع هاذ الشي
– فنينة تخربقت فراسها مبقات عارفة اش كتكول دفعت حمزة كتغوت : انا ما بغيت حتى واحد فيكم ما بقيت باغا نعقل على حتى واحد حتى نت طلعتيلي فراسي كلشي كلشي مكرهتش شي بلاد بعيدة لمنشوف فيها حتى واحد حتى ديك البنت لربطتني بيكم مكرهتش كون متزادتش
– عصام مبرد غير كيسمع وحمزة: بلا ميشعر عصباتو بهدرتها محس على راسو حتى كان هز يدو غيضربها قبل ميوصلها ليها شدو عصام ودخل فيه براسو رعفو وشدو مزير عليه على الحيط عينيه حمرة: تعاود تفكر تهز عليها يديك …برب الكعبة حتى يديك نحيدهم ليك ..شكون نت لغتهز عليها يديك -ضربو الوجه -, اخر مرة سمعتي اخر مرة متوصلها متوصلك….
فنينة بقات تشوف فحمزة كارزة على فمها نزلو دموعها وطارت هاربة من حداهم باش تفرغ وتبكي حيت دموعها غلبوها تم تم خرج عصام كيجري تابعها قبل متوصل الباب كان جرها من يديها معنقها بجهد حاط ليها راسها على صدرو وخاشي يديه تحت الزيف كيطبطب عليها وكيبوس ليها فراسها وهيا كتبكي وصدرها كيتهز ويزل بالبكا : هئ هئ هئ حمزة خويا هز يدو عليا بغى يضربني هي هئ
– عصام: كون قاصك كنت نحيد لديلمو العصب ديال رجليه باقي معاش ليحط يدو عليك وانا كاين – فنينة: هي هئ هئ شنو درت ليه هو مبقاش كيحملني هئ هي حتى خالتي كنزة ملي. رجعتي نت تقلبات عليا فرحات برجوعك وانا لهلا يقلب بيا مكينش لتسوق لي ولا تسوق لداك الشي باش كنحس بحال إلى انا غير زبل ومكنحسش حتى واحد محس بيا بلي راني مظلومة وهاذ الشي لكندير رآه من حقي
– عصام كيبوس فراسها وهز يديها كيبوس كفهم : من حقك كلشي من حقك مكينش ليكوليك لا ..ومعندك مديري بيهم ..برك عليك غا انا متسوقي لحتى واحد – فنينة ( كتبكي ) مكانش يحساب لي بلي بنتي تقدر تاذى لبارح وتمرض اما كنت نصبر ومنخرجش ..مرضت بزاف كانت غتموت لي كنت غنقتل بنتي انا سباب ..كون وقعت ليها شي حاجة كنت نموت وراها مكنتش نصبر – كتنخصص بالبكا حتى بدات تكحب كتخنق – هو كيمسح ليها وجها وعينيها وكيبوس فيها :ششش دابا نت لغتموتي ليا ششش صافي سكتي الله يرضي عليك احبيبتي ششش كلشي غيكون مزيان غير سكتي – فنينة كتنخصص : انا مدرت والو باش كلشي يدور فيا – عصام كيبوس ليها يديها : انا لدرت احبيبتي انا لدرت كلشي انا لغالط وملي جيت وانا كنكوليك غالط نت مدرتي والو نت كديري غير داك الشي لخصو يدار ومن حقك لدرتيه فيا من حقك
– كيحك ليها على ظهرها : سكتي الله يرضي عليك راه هاذ دموع لكتنزليهم كيزيدو يهلكو لدنمي القلب كثر ما هو مهلوك ..اجي معايا ازينة اجي…..
رجعو دخلو الغرفة عند بنتهم كان حمزة باقي جالس حداها شاف ففنينة غلباتو الضحكة : الخوادرية ديالي
– فنينة دورت وجهها لجنب – ناض حمزة قاصدها حبسو عصام : قلب ستة تسعود قبل منخليك تشد شومبر هنا – حمزة : مداير والو انا ،،،،، انا كندي غا العيب بياناتكم – نزل راسو طل على فنينة خبعت عليه وجهها ضحك : ههههه ختيتو مقلقة عليا -عصام : خرج احمزة الله يرضي عليك غيرها – حمزة ميل فمو : هاهو خارج && خرج مشى فحالو وهوما بقاو حتى عاود دخل طبيب عاود طمن على البنت وكان ديك ساعة بامكانهم يخرجوها ..هزها عصام مكمدها فملايتها مزيان على البرد وخرجو من لكلينيك حتى وصل لوطو خلاها حتى ركبت عاد مدهاليها وطلع حتى هو ركب ديمارا شاد طريق كان الصمت هو سيد الموقف حتى واحد فيهم منطق بحرف حتى لاحظت فنينة بلي مشادش طريق لدار .عاد سولاتو بلا خاطر : فين غادي ؟ هاذي ماشي طريق لدار – عصام : مغاديش لدار انا واياك محتاجين نكونو غير بجوج عندي بزاف ما يتݣال ونت خصك تسمعيني
– سكتت مجاوباتوش &&&&وصلو لدار عاود هز بنتو وفتح ليها الباب حيت عرفها غتعكس مغتبغيش تنزل بقى شاد بنتو بيد وجرها بشوية شادها من كتفها وزيدها قدامو جاو لنفس دار لداها ليها ديك الخطرة .غير دخلو سد الباب بساروت ومشى واحد من البيوت دخل ليه بنتو نعسها فالسرير ودور عليها الوسايد باش مطيحش ..وعاد رجع لعندها فحين كانت واقفة ساكتة مربعة يديها ..بقى يشوف فيها وتنهد بصوت مسموع : اوااا دابا الآلة فنة زينة البنات اش كاين
– فنينة بلا خاطر : شفتك عاود سديتي الباب واش ولفتيها قاعدة ولا كيفاش -عصام : حيت عارفك نت ماشي ديال الخاطر ابنتي ومكتسمعيش الهدرة كتمشي غير بالعنف….فنينة :دابا شنو الاستفادة من هاذ الشي كامل شنو بغيتي شنو المطلوب مني
-عصام: مطلوب منك تسمعي لي – فنينة: هاني سمعت ليك اي ابغي اش غادي يتبدل زعما غنرجع نشوفك بنظرة اخرى جااامي صورتك توسخت عندي ولعطى الله عطاه اولد الناس – عصام : سمعي ابنت الحلال مجيتش ومشيت ماشي حمق ولا ملقيت ما يدار كانو عندي ظروفي -فنينة : عام هههههه عام ونت عندك ظروف شمن ظروف غتكون لمدة عام . عام كامل لداز بكل شهورو بكل ايامو بشتاه وبصيفو عام كامل داز وانا قلبي محروق مݣلتي مع راسك ناخد حتى 30 تانية من وقتي ونصوني لديك الكلبة لخليتها ورايا ولي كلشي شمت فيها عام ونت بعيد معرفاك حتى فينك ومعارفة حتى كيفاش نقدر نوصل ليك سديتي كاع البواب فوجهي غنسولك وغتجاوبني كنت معاها ياك ؟؟ – عصام : معامن ؟ – فنينة غوتت : عصام بلا متسطى عليا نت عارفني مزيان عليمن كنهدر بتي ما صبحتي نت وياها شنو بغيتي توصلي زعما هيا حسن مني وفضلتيها ومشيتي معاها
– عصام : هاذ الشي مكينش ديك ليلة كتليك ماشي مراتي وما كتقربني والو داك الشي باش غير انليها من هاذ السيجي حيت ملي غتسمعي لي غتفهمي كلشي …..
فنينة: شغنفهم اش جايبها مدخلها عليا كتكول عليها مراتي وتقبليها بزز منك شوية ضاربها بسكرة ورجعتي تكول بلي نت لمراتي وللخرا مقايصها ما كنقربها ..جيت نحل عيني فصباح مكنلقاك لا نت لا هي شهاذ التناقض شهاذ الخرا كدير فيه نت واش هبيل – عصام حك راسو بملل : شلا بلاانااات ابنتي لو تعرفي هاذ الراس اش هاز تعذرني كلسي ونتفاهمو نشرح ليك كلشي – فنينة ؛ لا مخصنيش بالشرح ديالك كولي فين هيا ؟ فين دتيها فين سكنتيها عام ونت عايش سعادة معاها ياك – عصام ضحك : هههههه مخصكش بالشرح ديالي ومسولاني عليها – فنينة سكتت كتنش على راسها بكثرة الصهد لجاها وخا البرد – عصام : صهدتي ؟ حيدي الزيف تنفسي – فنينة: ماشي سوقك – عصام كيقرب ليها : انحيدو لحبي انا – فنينة خرجت فيه عينيها: بعد مني متقربليش حسن ليك – عصام كيضحك : نحيد ليك غا زيف – جات غتهرب طار عليها شدها وهي كترطى -عصام : ورصاي الخرا غنحيد ليك غا زيف ملي جيت مشفتك محيداه نشوف غا شعرك وعنقك ههه – فنينة عصبها : رآه غنرتاكب فيك شي جريمة – بالغدايد لشدوها طارت عليه بعضة من كثفو غرزت فيه سنانها هو عض على فمو بألم وكيضحك كيحاول يبعدها : اححح كتبردي غدايدك فيا بردي بردي احححح وصافي برك وشحال هازة -دفعها شد على كتفو : وااااه واش لهاذ الدرجة سنانك تطراساو واش جهلتي شداتك الصعرة – فنينة كتسمح وجهها : اه صعرت هاني غنوريك الصعرة كدايرة ياك شحفت وانا كنكوليك بعد مني فرقني مبغتيش ودابا شد – هزت قرعة ديال الزجاج كانت محطوطة حداها مفكرتش جوج مرات شيرت بيها عليه خوا جاو فالحيط تفكرتت – عصام ميت بالضحك عليها :الله ينعل مك راك كنت غتجبيهالي فوجهي
-فنينة : داك الشي علاش كنت ناوية
– عصام : برب الى نهار على نهار كنتاكد بمراتي مصعورة وجاهلة كثر مني ..ملقاناش ربي غا هاكاك – فنينة عاودت هزت كاس : غتبعد مني ولا مغتبعدش – عصام : احح انا عاد ناوي نقرب ونخاويو عشق شي جوج فدقة دابا اش بان ليك دخلي معايا فهاذ لافير – فنينة زفرت وشيرت بالكاس تاني خوالو جا يخطوي زطم على الزاج حتى بدا الدم كيشرشر من رجلو هز عينو فيها : هانتي وصلتي لداك الشي لبغيتي حلفتي حتى تسيلي الدم امراتي
– حتى حيد زاجة من رجلو ومشى قاصدها : نت سيلتي الدم وحتى انا ناوي نسيل حاجة خرا…..
قبل ميوصلها هربت ليه الكوزينة هزت اول جنوية بانت ليها : والله حتى ندوز عليك بيها
– عصام : هههه بغيت
-فنينة : رآه غتقرب لي والله حتى نخشيه فيك – عصام : غنقرب ليك وغنحيد ليك الزيف ولقدرتي خشيه
– طار عليها شدها وهي بعدت يديها لفيها الجنوي سلت ليها الزيف بقات كترطى هيا وياه حتى ختل توازنو وطاح وجات فوق منو حطت ليه جنوية على عنقو : غنذبحك – عصام : ههههههههههه ههههههههههه قادي الجنوي مزيان باش تجي هيا هاذيك – ممسوقش لجنوي لفوق عنقو يديه مشاو لشعرها حيد ليها البانضة وطلقو كامل : ههههه اح على حبي شحال طوال تبارك الله – فنينة: طوال عجبك – عصام : احح جاب لمي تمام زينة والولادة زادتك زين على زين
– فنينة : الى عجبك هاني غنوريك شدت شعرها وشدت الجنوي ناوية تدوز عليه وهو يضرب ليها يديها صاعر شد شعرها لواه على يديه بتملك : تزنزنتي فمخك لدينمك بغيتي ترزيني فسالفي – فنينة: منين جاك كنت كتربي فيه
– عصام : ديالي ازينة ديالي ملك خاص رآه تحطي عليهم يديك مرة خرا نحيد ليك الصباع ديالك ..- كيتلمس فيه ويضخك – رآه هاذ السالف هو لروحي واقفة عليه وهو لطيح مي على وجهي نهار الاول علاه انا الخاطري حكمت عليك تغطيه ..كان عاجبك ابنت الحرام كنت نهار ومطال ونت طالقاه كدوري بيه بحال تݣولي مختنة جدك
– فنينة كتجر شعرها : طلقلي شعري
– عصام : الا – فنينة : كتفقصني ياك – عصام : كنحبك واه – فنينة غمضت عينيها مزيرة عليها وعاودت حطت جنوي على عنقو مزيرة عليها حتى بدى دم كيقطر من شي جريحات خفاف دارتهم ليه فعنقو – عصام مغمض عينيه كيضحك مرتاح : ناوية عليها ابنت الحرام
– فنينة كتزيد تغرس الموس وكتدوي مزيرة على سنانها: فين كنتي ؟؟ ومعامن كنتي تكذب عليا كنقسم بالله حتى ندبحك راني حمقة كثر منك والله حتى نجر جرة وحدة – عصام : ههههههههه والله منكذب كنت مغيب تضربت ودخلت كومة كي فقت جيت لعندك ازينة – ….
فنينة كتزيد تغرس الموس وكتدوي مزيرة على سنانها: فين كنتي ؟؟ ومعامن كنتي تكذب عليا كنقسم بالله حتى ندبحك راني حمقة كثر منك والله حتى نجر جرة وحدة
– عصام : ههههههههه والله منكذب كنت مغيب تضربت ودخلت كومة كي فقت جيت لعندك ازينة
– فنينة: شنو تاني هاذ الشي كيفاش تضربتي شكتخربق – عصام حيد ليها جنوي وجرها قلبها وجا هو فوقها : كيف كتسمعي – كيقيس عنقو – شوفي شنو درتي ليا واش من نيتك – فنينة: دابا هدر لكنت غتهدر باش جيتي شفت صدرك فيه شي حاجة وتقيتي دم شنو داك الشي
– عصام نصل تريكوه : هانتي شوفي
– فنينة كتشوف جرحو غمضت عينيها مقدرتش تشوف داك الشي حيت بلاصة العملية مزال عندو باينة وخا داز عليها شوية الوقت مي مزال كتبان جديدة
– فنينة : شكترون اعصام شهاد الحالة ..شنو مخبي – عصام ناض ونوضها مشى بصالون جلست وجا كلس قدامها فوق الطابلة : باش غنبدى ليك ..عارفة راجلك فاش خدام ؟- فنينة ضحكت : ههههههههههه انا سميتك او وليت شاكة فيها ..تأكدت بيك راك بزناز وخدام مع البزنازة
-عصام : ماشي حشومة هاذ الشي مخالف للقانون وانا رجل قانون -فنينة : فين كنت ؟ عصام : خدمتي هيا لخلاتني نظطر انني نغبر عليكم – جبد لاكارط ديال خدمة ومدو ليها : انا عميل سري افنة تابع الشرطة السرية – فنينة وسعت عينيها من صدمة ومن ديك لاكارط لكتشوف فيديها جات غتهدر قاطعها : شششش خليني حتى نكول داك الشي اللي عندي ..احم خدمتي فشكل ونسبة الخطورة فيها طالعة هي لخلاتني ندير بزاف الحوايج خارجين على ارادتي
– فنينة: ههههههههههه ايه ايه زيد كمل
– عصام خنزر فيها: كندوي معاك بلا ضحك ينعل مك ….
فنينة: وراه خصني نضحك لمضحكش عقلي غا يهرب واعر هاذ الشي عندك رآه كنت نكوليك نت مصافيش فراسك هاذ الشي لكتعاود لي عاد مغيزيد يحقدني من جهتك حيت كنكتاشف كذوبك كاذب عليا فكلشي
– عصام زاد خنزر فيها : انا مكذبتش عليك غير مكنتش ݣايل ليك وصافي
– فنينة: راجلي ومعارفاه حتى فاش خدام تقدر تكولي باش انا مراتك باااش واش حاطني ديكور مشاركني غير فالخاوية – عصام : مي حياتي كلها وانا معاها ومعارفانيش فاش خدام ..خدمتي هاكا دايرة – فنينة مضحك بكثرة الفقصة : ههه ايه زيد شنو اخر من التبزنيز لعميل سري مفهمت والو انا شهاد التخربيق وخا وخدمتك فرضات عليك داك نهار تشد راجل ودير ليه ديك الحالة هاذ الشي داخل فخدمتك ؟ – عصام : لا داك الشي كان بعيد حيت هذاك تمادى. وبغى يتطاول على. حياتي الشخصية عليها قررت نطبق عليه القانون ديالي ..حياتي الشخصية ونتوما مبعدكم وممخليكمش فالواجهة باش متاداوش داير جهدي كامل باش تعيشو حياة عادية كامل وحتى حد ميوصلكم
– فنينة: عقلي حبس بهاذ الشي صافي بركة مبقيتش باغا نسمع والو والله – عصام : لا ماشي بخاطرك ازين غتسمعيني حتى الاخر – فنينة: باش نزيد نحس براسي كنت نكرة فحياتك وماشي مهمة .دخلت عليك بالله واش كين شي وحدة معارفاش راجلها فاش خدام …باش حنا مزوجين الى مكنتيش غتشركني ونشركك كلشي كولي باش ..من ديما عصام فين خارج جوابك هو ماشي سوقك تغبر وترجع وملي نسولك تكولي كنت مشغول وتسد لي فمي شهاذ الحالة كولي بالنسبة ليك هاذي عيشة هذا هو الزواج عندك نت ؟
– عصام : فنينة بلا منبقى نخدم معاك الخشيبات نت عارفة قارية اواعية وعارفة خدمتي مصافياش خصني نتنازل على بزاف الحوايج وماشي ديال الراسي عندي مسؤوليات وشي حوايج خص يبقاو سوكغي ماشي حيت انا بغيت حيت هاذ الشي من القواعد الضرورية ..وأصلا نت باش غيفديك كون عرفتي يكفيك تعرفي راجلك خدام عندو محل ديال الالكترونات وسدينا ….فنينة: واش بعقلك داوي واش من نيتك متاكد رآه عقلك فبلاصتو ..؟؟
– عصام : اه حيت نت هاذ الشي كامل مكيهمكش لكيهمك هو دارك وطرف الخبز لكتاكليه مع راجلك سالينا….
فنينة: هانت ݣلتيها طرف الخبز لناكلو مع راجلي ماشي وحدي سمح فيا عام وزاد خلفة معرفتو فين هز الراس – عصام حيد تيشورت ديالو : ها فين كنت شفتي فين كنت .. يكما يحساب ليك عجبني حالي ومشيت ندور وعاد نويت نتشبب – فنينة كتشوف فجروحو ودورت وجهها
– عصام ؛ كنت رجل فالدنيا ورجل فالاخيرة اليوم نموت غدا نموت – فنينة خنزرت فيه : ما بقتيش فيا – عصام : عارف كري – فنينة: حيت نت درتيها لراسك وغير دنوبي هاذو ودنوب دموعي – عصام: زيدي باقا شي حاجة اخرى
– فنينة: باقي بزاف حيت قلبي هاز – عصام : هاز فرغي فرغي جهدك ترتاحي – فنينة: عمرني نرتاح غير نتفكر دوك ليالي ومداز عليا نزيد نحقد – عصام : شدرت ليك انا واش مشيت لخاطري رآه كنت كنموت اتبي استغفر الله مترتاحي حتى تخرجي دين مي على السيطرة – فنينة: تقدر تكون كنت كتموت ولكن هاذ الشي مغيشفعش ليك ان نهار الاول بتي ما صبحتي بخاطرك – عصام : خدمتي انم خدمتي عندي مسؤولية كبيرة لو تعرفي هاذ راس اش هاز رآه الرواح للاصقين فظهري ماشي عاجبني كري وزدت
– فنينة: شكون ديك خيتي وكيفاش مزوج بيها قبل مني
– عصام : بحال هاذ العلاقات كيقدرو يوقعو ضمن الخدمة يعني كتكون علااقات مصالح تزوجت بيها غير على الورق من مور زواجي الاول منك ماشي بزاف باش طلقت انا وياك .. واحد العميد كنت نحتارمو ومقام الواليد كان فواحد المهمة وتصاب وقبل ميموت وصاني على بنتو وطلب مني انني نتزوجها حتى وكان تبعد على عينين ناس لقتلو باها ويستقر الوضع وتقدر تخرج من البلاد وتعيش حياتها عادي وانا واقفت حيت مكان عندي منخسر
– فنينة: اه معندك متخسر اصلا نت من يوم يومك كالس غير زوج طلق عندك داك الشي بحال شريب الما عصام : غير زواج على الورق مالي مشيت كويتها – فنينة: رآه بحال والو مع نت فقيه وفيك غض البصر غير ترجع حلالك كتبغي طبق شرع الله ماشي هاذ الشي لدرتي معايا فزواجنا الاول حكا محكا بغيتك وبغيت نطبق معاك شرع الله وتشهيت حيت نت مراتي ..حتى هيا غتكون شفتي فيها وعلاش لا قربتيلها حيت ديك ساعة راها مراتك – عصام : هاذ الشي كيعني افنة مفهمتيش قصدي باش كتليك نت حاجة وناس حاجة تانية باش كتليك شوفة لكنشوف فيك ماشي هيا لكنشوف بها كلشي ..نقسم ليك بلي خلقني وخلقك الى الان ملامح وجهها مراني عاقل عليهم وعمرني كملت فيها حتى شوفة شبغيتي كثر من هاذ الشي اعمارة الدار…..
فنينة ؛ دار خلتيها ملي زدتي خلفة ومدرتي حساب
– عصام ؛ وربي الى كنت عوال غير على سيمانة
– فنينة ؛ ميحسابش ليا سيمانة فيها 12 الشهر
– عصام : مكتابة ليا واش نوقف وجه الله ونكوليه علاش تكتاب ليا اش بغيتني ندير -فنينة سكتت حانية راسها – عصام : مقنعتكش – فنينة : لا مقنعتنيش
– جبد تلفونو دخل لتصاور لكان واخد ليه العميد باش يظيفهم فراپور وبدا يوريها : هانتي شوفي راجلك فين كان انا كنت معارف ليلي من نهاري ونت جالسة تربي فطرف شوفي – فتحت عينيها كتشوف داك الشي وهو فالعناية وحالتو كي كانت كتشوف وكارزة على سنانها – عصام : شفتي رآه ماشي الخاطري – فنينة ؛ كي درتي تضربتي
– عصام : قصة طويلة مي غنعاود ليك بتخصار …كانت عندي مهمة كيف ديما وداز كلشي مزيان وحتى ديك البنت قاديت ليها امورها وصيفتها بحالها ،،،كنت ناوي نرجع قبل متكمل السيمانة كنت ناوي نرجع لعند السايبة ديالي من ورا يومين مي وقع بلان م*ود واحد وجه الحبس كان خصو يتربى وربيتو حيت كان داخل جاسوس بيناتنا انا كنت عارفو من الاول علاش داخل مي مكانش عندي دليل ملموس داك نهار خرجت انا وياه فاص درت معاه لازم وخا ندمت علاش خليتو حي كان عليا حتى نخرج بروحو عاد نوض من فوق منو فغفلة مني تيرا بسلاح مكنتش ظانو بلي يقدر يكون مسلح تصابيت بجوج رصاصات جهة القلب عليها طولت عليكم الغيبة كنت كنموت ماشي كنت كنزهى كيف كنت ظانة سأتي بيا الظن امراتي الله يسمح ليك……..
عاود ليها كلشي بلديطاي منسى والو كان معاها واضح او عاود ليها حتى شي امور ديال خدمتو باش يقدر يوصل ليها الفكرة وهيا كانت غير كتمسع ليه وساكتة خلاتو حتى سالة وبقات ساكتة هازة راسها لسما حاسة بروحها تالفة
– عصام كمل هدرتو : فراسك ازينة حسيت بيك غتكوني مخبية ليا شي حاجة زوينة عندك هيا لخلاتني نبقى متشبت بالحياة ونوض باش نشوفها …فراسك بلي بنتي لكانت مرافقاني ومضوية عليا عتمتي على طول العام كنت كنحس بيها بزاف ديما كانت يدي فيديها هيا لكانت مفرحاني..
.- تنهد – علاش سمتيها عشق ..انا لكنت باغي نسمي بنتي كنت باغي نسميها فنة ..ههه باش يوليو عندي جوج فنات
– فنينة غير كتسمع ومدورة وجهها الجنب محافظة على تعابير. الجدية -عصام : مالكي دوي معايا
– فنينة ناضت من عليه خدات كاس الما شرباتو وبقات شاداه فيديها وساكتة -عصام ناض حتى هو شد على قلبو مزير حيت دار ايفوغ نورمال يشدو الحريق : فنة مالكي اش بان ليك فهاذ الشي لعاودت ليك – فنينة مسحت على وجهها : معرفتش – عصام : كيفاش معرفتيش رآه عاودت ليك اش كاين ماشي الخاطري – فنينة: جيت فالنص او وقفت معرفتش واش نتعاطف معاك ونݣول اه مسكين مكانش لخاطرو ونسمح ليك ونستقبلك بالاحضان ولا نقصح قلبي ومنخليش دم وجهي يمشي باطل ونرجع واخا غير شوية من كرامتي لتمرمدت فالارض ونبقى مرجعة ليك اللومة فكلشي – عصام: علاش هاذ الشي افنة ؟ هانتي دابا عرفتي كلشي فين كين المشكل – فنينة: نت من ديما معندك مشكل كلشي عندك صافي انا لعارفة راسي اش قاسبت اما نت كنت مجبد والدنيا هانية عندك
– عصام خنزر فيها بجهد : انا كنت مجبد ودنيا عندي هانية ؟ شوفي فيا واش هذا حالة واحد عندو الدنيا هانية تعاويد وعاودنا ليك الشرح وشرحنا ليك فين كين المشكل مالك دابا شكاين شعاندك شنو مشكلتك
– فنينة: شنو مشكلتي مشكلتي هيا نت أنك من الاول كنت حاسبني الزبل انا كنت واضحة وصفحة بيضاء معاك لعندي كامل كنت عارفو ونت مخليني عارفة غير داك الشي لنت بغتيني نعرفو بحال إلى انا زايدة ناقصة راجلي ومعرفاه حتى فين كيمشي ولا حتى اش كيدير من الاول ناوي فيا الشر نت سباب فهاذ الشي كامل لوقع لو من الاول كنت صافي معايا وعرفتيني عليك بالكامل مكانش غيوقع هاذ الشي كون لكين تكولها لي مكنتيش غتخليني هاكا معارفة. ساسي من راسي …داك الشي لكان بناتنا ابدا واش سميتو زواج حيت زواج اسي عصام معناه أعمق من داك الشي لفبالك ..وهاذ الشي لعاودتي لي دابا غير زاد أكد لي بلي راك بصح اناني وكتفكر غير فراسك ..والاهم من هاذ الشي كامل بينتي لي على انك متايقش فيا…..
عصام: متايقش فيك ؟
– فنينة: اه متايقش فيا كيفاش ديك امور سرية شنو فيها لو كنت عاودتيلي وعرفت راجلي فين كيمشي وشنو نوع خدمتو باش حتى انا منبقاش غادا غالطة …-حطت عينيها فعينيه
– رآه هيا هاذي اعصام متايقش فيا شنو واش كنت ظان بلي نقدر نغدر بيك ونعاود شي حاجة ولا نفرش خدمتك نت عارفني مزيان وعارف بلي اي حاجة كتوقع بيني وبينك مستحيل يعرفها ثالت
– عصام : هاني عاودت ليك دابا كلشي لعندي
– فنينة: عاودتي فالوقت الغلط عاودتي حتى طاح الفاس فراس ..عاودتي حتى داز عام ديال البكا والمعناة عام وانا كنطيح وكنوض عاد. عاودتي شفتي ديك الكومة لكنت فيها مكرهتهاش حيت اكيد حسن اوبزاف من الحالة لكنت فيها انا واش عارف المعنى ديال تكون كتآكل من الداخل ديال انك تفقد السيطرة على. راسك وتفقد التواصل مع الناس لدايرين بيك ..كنت كنموت اعصام كنت كنموت لداز عليا ابدا ماشي قليل شفت الويل واش فراسك هاذي لكتكول عليها بنتك وداير عليها روينة شحال من مرة كانت كتبغي طيحلي من كثرة ما انا كنبكي ومقلقة وهازة الدقة وساكتة هاذ الشي كامل لاش حيت نت عندك امور سرية وانطيغدي تخرجهم مخليني انا عايشة انا فالوهم ..بسباب خدمتك شفت الويل انا اعصام …شفتي اي حاجة يمكن ليها تمشي الا حاجة وحدة -خدات يدو حطتها على قلبها
– الا الوجع لكيجي هنا ملي كتكون حاس براسك تخذلتي ..واش لهاذ الدرجة كنت انا رخيصة عندك ..ههه رخيصة عند واحد كنت شايفة فيه كلشي
– عصام : بلاش من هاذ الهدرة حيت نت عارفة راسك مزيان اش كتسواي عندي انا مكندويش من فراغ كوني متأكدة انك كنت وغتبقاي عزيزة عندي….
فنينة: لا اعصام لا ماشي هاذ الشي لبينتيلي بصح راك بينتي لي انني مكنسوا والو شفتي كون كنت بصح عزيزة عندك مكنتيش تقدر تصبر على دموعي ديك ليلة وانا كنشوف وحدة داخلة عليا وكتكول بلي راها مراتك فديك ليلة كان عليك تصارحني وتشد بخاطري وانا كنت غنتفهمك وديك الساعة كانت غتكون القلوب صافية بناتنا ولكن نت درتي العكس فضلتي تحسسني بالنقص وتخليني نشوف راسي بلي انا تافهة عندك ومشاعري معندها حتى معنى ومعندها حتى شي أهمية وماشي مشكل الى تقلقت ولا هزيت فقلبي – عصام : نت دابا شفتي الأمور من واحد الزواية اخرى ومبقاش عندك المشكل فغيابي شدتي فانني علاش مصارحتكش من الاول وعلاش خبيت عليك وفسرتيها بلي انا متايقش فيك .وهاذ الشي مكينش كون مكنتش تايق فيك مكنتش نقبل نربط حياتي بيك من الاول انا ماشي خبيت انا غير اجلت حتى يكون الوقت المناسب لهاذ الهدرة ..اصلا واخا كنت تعرفي مكان غادي يتغير والو حيت الأمور كانت غادى فرتابة وكلشي كان مزيان حتى خرجلي هاذ البلان من الجنب ومعندي ما نضيف دابا حيت كاع داك الشي لعندي راكي عرفتيه والكرة دابا بقات عندك لتشوفيه مناسب دريه اش بان ليك ؟
فنينة غمضت عينيها او فتحتهم : بغيت نطلق اعصام – عصام هز حاجبو فيها : الطلاق ..؟؟؟؟ حاسة براسك غترتاحي فالطلاق ؟
– فنينة: كنت شوية تشافيت ولكن برجعتك تقلبات عليا المواجيع ..من اول وجديد وهاكا نقدر نمرض ونزيد نتالم ويبقى فيا الحال على غيابك..ولكن ماشي مشكل نقدر نعتابرو مرض ومعندوش الدوا ومغاديش نقلب على العلاج ..فراسك بلي مكينش شي حاجة فهاذ الدنيا لتقدر تشفيني …ممكن الالااام يمشي ولكن اثر ديال الموس وديال دوك ليالي غادي يبقى …- عصام : عارفك تعذبتي ..وعارف راسي غنقدر نعوضك …..
-فنينة : سمحلي على هاذ الشي لݣنكولو اعصام وسمحلي آلى مقدرتش نسامحك …عصام رآه بزاف الحوايج يقدرو يوقعو نقدر نرجع نبكي نقدر نرجع نتعصب على راسي نقدر نرجع نحن ليك ونتوحشك ونبكي نقدر ندير هاذ الشي كامل الا حاجة وحدة منقدرش نرجع لشخص باعني واذاني لشخص بعز حاجتي ليه ملقتوش فجنبي …لشخص ختار يبعد ويخليني .عواض ميشاركني كلشي نت محتارمتينش ومعتابرتنيش شريكة حياتك ..ونقدر نكوليك بلي ما بغتنيش كاااع – عصام قاطعها ضارب يدو مع الحيط : الا هاذي افنة الا هاذي تقدري تعبري كيف بغيتي و تكولي اي حاجة الا انني ما بغيتش ..الا هاذي الا هاذي حيت نت مغاديش تقدري تعرفي شنو عندي هنا – شير لقلبو
– فنينة: تقدر تكون بغيتي ولكن بعد الخطرات الحب بوحدو مكافيش اعصام مكافيش
– عصام : متأكدة بلي بغيتي طلاق ؟ – فنينة: اه طلاق هو الحل حيت انا ما بقيتش نشوف حياتي معاك انا وياك وخا نبغيو رآه مستحيل نكون مزيان انا وياك كيف العافية وزيت ..علاقتنا فشكل طوكسيك منقدروش نكملو ..نت كنت ݣلتيلي بلي غادي تعاود لي وباش ما حكمت عليك غديرو – عصام : اه ݣلتها ولكن متنسايش كتليك كلشي الا الفراق – فنينة: البعد والفراق وهو انسب حل لينا بجوج انا وياك رآه بزاااف ونت عارف هاذ الشي – عصام: حتى انا مغنشدكش الى كنت غتلقاي راحتك فطلاق والفراق ما عليش براتك غتوصلك ابنت الناس -؛فنينة :او بنتي ؟؟؟
– عصام : بنتك هاذيك ديالك مكين لحيدها ليك
– فنينة: شكرا -عصام : لكن كين واحد حاجة – فنينة: لهي؟
– عصام : غتبقاي فدار حتى تخرج براتك وتكملي العدة ديالك غتبقاي قدام عيني حتى وكان تخلص المدة لشرع ليك الله بها،،،،، شرع الله غنطبقو معاك ابنت الناس وما بغيتش نقاش فهاذ الموضوع بلا عكس خاوي – فنينة حركت راسها بالايجاب – خدا تركوه وزاد لبيت كيحرك راسو وكيردد من تحت سنانو بصوت خافث: هاني غنوري مك الطلاق كي داير انا وياك متفرقنا غا الموت أسايبة حتى دفنيني عاد نقدر نبعد …،، معاك نت مكنعرفش شنو كيعني الطلاق ومكنعرفش شنو هو الفراق ،،،، غطيحي بين يدي وغترطابي ازينة انا لنعرف لمك …..
لبس تركوه وشد بنتو عندو كيبوس فيها حتى تهدن شوية عاد خرج عندها كانت كالسة فالحاشية ديال الفوطوي كتحرك رجليها بثوتر نطق بلا ميشوف فيها: قادي حوايجك وصايبي زيفك نمشيو – حركت راسها ودار عليها زيفها قاداتو وخرجو فتح الباب وجات عينو عليها وعلى شي زغيبات خارجين من الزيف هز يدو خشاهم ليها وهبط ليها شوي الزيف على جبهتها هيا شافت فيه سبقها قبل متهدر : راك باقا محسوبة عليا ابنت الناس وباقا تحت يدي من حقي نحكم فيك ونشوف ليسلكني فيك و للا – مجاوباتوش كملت طريق معاه هاذي لكان الصمت هو سيد الموقف بيناتهم حتى وصلو لدار دخلت نيشان لبيت اخر هيا وبنتها غير هذاك ديال عصام حتى هو لقى غير سلام على مو ودخل لبيتو ينعس حاس براسو مدكدك داز ديك ليلة وعلى غدا فاقت دارت روتينها الصباحي رضعات بنتها ونعستها عاد خرجت من البيت لقات حمزة فوجهها تبسم ليها دورت وجهها عليه جامعة فمها زعما مقلقة وداز من قدامو حتى حست بيديه جروها كيضحك : اجي لهنا اكلبة الما – فنينة: حيد بعد مني -؛حمزة : انت زعلان مني ما نك سئلان عني ههههههههههه – فنينة: وحيد حيد بعد مني مغنهضرش معاك – حمزة : لا والله حتى تهدري معايا – فنينة: لا غنبقى مخاصماك غا بعد مني – حمزة : دابا غا كوليلي شنو نديرو باش نراضيوك نعرض على ختي شي خريجة برا تشري فيها لبغيتي – فنينة: فلوسك زيدهم فيك معندي مندير بيهم – حمزة : ههههههه وصافي تاني متقصاحيش را انا غا حمزة ماشي عصام
– فنينة: وملي نت غا حمزة سير ت*ود بعد مني – حمزة جرها كيضحك : وراه حيت عصبتيني نت عارفة كلشي الا عشق رآه منبقاش نعقل عليك وصافي تاني صافي اجي نتصالحو…
فنينة: كنت باغي تضربني – حمزة : علاه انا نقدر مشفتيش هو كي دار لي ديت غير العيب بياناتكم فين تلتوها باش ساليتوها ؟ – فنينة بغات تلف ليه الهدرة : شفتك هاذ ليامات بديتي تزعم عليا وتهز فديك – ضرباتو بركلة ورجعت ليه يديه وراه : شعندك اااا؟ – حمزة : عندي كنزة واكرام غا طلقيني ازمر هههه – فنينة: غتبقى تمد يديك
– حمزة : غير خفة يد دارتهالي علاه انا نقدر -فنينة : باقي تعاود ؟ – حمزة : والله منعاود – فنينة: اوا هاكا
– طلقاتو جرها عنقها باخوة : سمحلي اختيتو وحتى نت ديري عقلك – فنينة: ندير عقلي مالي شفتيني كنلوح حوايجي فالزنقة وكنغوت بالعداو ..نت احمزة شفتي كلشي على عينيك يعني نت اخر واحد تلومني – حمزة : عارف عارف ولكن عشق اش دارت بيناتكم اش تسال فديك التكرفيسة نت عارفة بنتك مريضة يعني كان خصك تنازلي وخا غير شوية عليها – فنينة حنات راسها : بصح عندك الحق تكرفسات هذاك نهار حتى انا مفكرتش كان هامني غير نخرج حيت بصح مكنتش نقدر نبقى – حمزة : وخا وانا شنو كتليك ياك كتليك غنكون معاك فاي حاجة غا دريها وكتليك مدريش الحاجة من غير متݣوليهالي اش فيها لو كنت علمتيني انا كنت نمشي معاك حتى نامن عليك ..انا هاذ الشي لعصبني اختي والله – فنينة حركت راسها بالايجاب
– حمزة : حتى دابا الله يسامح – عنقها مرة تانية ورجعو لنفس المود ديالهم. اصلا بجوج مكانوش هازين وحتى فنينة مفكرتش فالموضوع ومخداتش فخاطرها عليه كاع عارفة بلي غير لحظة غضب وصافي….
فاق عصام من نعاسو ضايخة به الارض عيان بجهد خرج بزز دوش معافر غير بوحدو باش ميقيس جروحو بالما سلا و لبانت قدامو لبسها وخرج كانت كنزة وحمزة كالسين غير بجوج فالواسطة كيشوف معاها شي حاجة ديال دوا مشى لعندهم باس الكنزة على راسها وكلس حداهم مدة وهو ساكت عاد نطق : فين هيا ؟ – حمزة : راها فالبيت مع بنتها
-عصام : نوض غوت ليها تجي -حمزة : واخا
– ناض لعندها دق عليها فالبيت : دوزي عصام بغاك
– فنينة: شعندو ميبغي فيا ياك سالينا الهدرة البارح – سمعت صوت عصام لكان باين فيه صبرو تقادى : كتليك اجي لهنا بلا زيادة – ..زفرت بجهد طبطب عليها حمزة زعما غا صبري جرها وزادو لعندهم – بقات واقفة كتشوف فيه ..هز عينو فيها : ريحي الارض – فنينة كلست بنفخة : هنا اش كاين
– عصام : ݣلتي ليهم اش كاين عاودتي ليهم داك الشي لعاودت ليك ؟ – فنينة: ما ݣلت والو انا لبغيتي تعاود شي حاجة عاودها بفمك ..انا معندي منكول – عصام حرك راسو : مزيان ..شاف فكنزة : بغيتي تعرفي الحنينة فين كنت ؟
– كنزة : حنا هنا مبقات عدنا قيمة الغالي مكتبغي تكول ما كتبغي تنطق بداك الشي لعندك حتى كيطيح الفاس فراس – عصام باس يديها : حاشا الحنينة ولكن كين شي حوايج لمكيتعاودوش وخا نبغي منقدرش شي حوايج خاصين ماشي عليا ولكن حيت محمل مسؤولية كبيرة وميصلاحش هاذ الهدرة تشرك مهم ما علينا -عاود ليهم وسرد عليهم كلشي حمزة حال فمو كان شاك فخوه عندو شي حاجة غير من دوك العلاقات والمعارف لعندو – عصام : هاذ الشي لكين الحنينة – كنزة : من ايمتا ونت فهاذ الخدمة شحال ونت مخبي – عصام : من شحال كنت نقرا هاذ دومين بالسر واحد لكان عارف هو الواليد – كنزة : كان عارفك وكنت مسترين
– عصام : ماشي مسترين وانما كين خطوط حمرا مخصش الواحد يتجاوزهم وانا باش ختاريت هاذ دومين كان خصني نتنازل على بزاف الحوايج – كنزة : وهاذ الخدمة لكانت غتسالي ليك عمرك اش بغيتي بها اااا؟ هاذ الشي مكيدارش اعصام خوك مخلا فين قلب عليك تمحى ليك الأثر شنو كنت بغيتي دير اااا؟ هانت كون متي ومسقنا ليك كاع الخبار اش كنا نديرو ..- كتسمح دموعها
– هاذ الشي حرام اعصام لدرتي
– عصام زاد لعندها عنقها كيبوس ليها على راسها : دابا علاش كتبكي الحنينة -دموعك غاليين
– كنزة : خلتيني معلقة اولدي ماشي حشومة مكنت نعس مكنت نشوفو دخلانية مكانتش مهنياني ..كبدتي كانت مشوطة وكتفرتت عليا ..
– عصام : المسامحة الحنينة كلشي فااات -…
كنزة : اش عندي منتفكر فيه نت معذب فجيه وحنا معذبين فجيه ..نكول انا مك غندير حجرة على ݣلبي ونصبر عليك سوا درتيها زينة سوا درتيها خايبة – شيرت لفين كين فنينة – وهاذيك بنت الناس اش دارت ليك اش دارت تحت الله باش تصبر عليك كلمة الحق اولدي تقال مكانش عليك تخبع عليها لكين كان خصك تكولولها باش حتى هيا متمشيش غالطة – عصام حرك راسو ساكت – كنزة : شدرتو دابا فاش تلتوها – شافت ففنينة: اش درتي ابنتي واش بان ليك فهاذ الشي – عصام : فنينة طلبت الطلاق – كنزة : الله ياربي . اش هاذ الشي افنينة من اول مشكل طالبة طلاق
– فنينة: خالتي هذا ماشي مشكل هاذي راها كارثة علاش باقي غيوقع كثر من هاذ الشي ؟ – كنزة : لا اله الا الله محمد رسول الله ديرو غا الما منين يدوز راكم شاركين الدم دابا غير على قبل ديك البنيتة الله يرضي عليكم
– فنينة: الخاطر خسر اخالتي وانا ولدك علاقتنا مريضة غير غنزيدو نأذيو راسنا لكملنا
– عصام مخنزر : صافي طلبتي طلاق غتاخدي طلاقك بلا هدرة زايدة طلاقك غتاخديه غا سكتينا – فنينة: مساكتاش – عصام بالاعصاب لشدوه من هدرتها كانت قرعة الما صغيرة حداه هزها وشير عليها بيها جاتها فالجبهة حتى ناضت قافزة واقفة فوق سداري – – عصام : يلاه سكتي دابا….
فنينة هزت نفس القرعة غتشير بها خرج فيها عينيه: والله وتشيري على ما هرست مك كلسي تركني الارض
– فنينة كرزت فمها وشيرت وخا موجهتهاش ليه غير ناض هربت ماشي بزاف وكان جرها صلاها معاها الجناب : ما بغتيش ديري عقلك ؟؟؟ – فنينة: حيد يديك عليا والله وتقيسني حتى نمشي ندعيك – عصام : نت بالرب مترتاحي حتى نجمع ليك رجليك مع يديك عاد غادي تحمدي الله – فنينة: غا طلقني – حط يدو محاصرها بستفزار : ولا ما بغيتش اش غديري – فنينة: غا نطلق بزز منك
– عصام : انا وݣانتي شفتي لمݣالتهاليش ݣانتي والله لخديتي براتك هنا غتبقاي – فنينة: نت عارف مزيان انا مكيمشيش عليا سيف او ضدد كنموت عليه نت غتبغي دير لفراسك وانا غندير ليك شي فضيحة – عصام : نت ديريها وانا نربيك ديري علاش تاكلي العصا مالكي كبرتي عليها
– فنينة: قبلت نرجع معاك غير حيت وافقتي طلقني وقبلت ندوز العدة ديالي هنا علاش دابا بديتي كترجع فهدرتك – عصام : نو مرجعتش طلاقك غتاخديه …حيت انا كتليك كاع داك الشي لعندي ومبقى حتى شي تبرير اخر وقبل شديت ليك بخاطرك بزاف ونت بقيتي طالعة ليا السما …مفيها باس الى كان خاطرك فطلاق حتى انا خاطري فيه والجهد لبغيتك نت ودخلتك لداري ندخل وحدة خرا ،،،،،،، بنات ناس الصبارات عطاهم الله ولباغين غير يديرو ديورهم او ولادهم حتى انا هاذ الشي لبغيت راني شرفت مباغي دوران مباغي زناقي باغي غير ندير علاش نستقر وندير ولادي – فنينة كتحرك راسها سارطة ريقها : اه اه مزيان مزيان – عصام : وعلاش لا هاذ المرة منديرش نفس الغلاط ..منشوفش جهة البراهش هاذ المرة نشوف شي وحدة بعقلها كبيرة اجي او وازنة نكونو تقريبا من نفس الجينغاسيو نفس اللاج باش نقدرو نتفاهمو انا وياها ونقدرو نجيغيو حياتنا مزيان
-فنينة كتفرنش وتحك فراسها : اه اه مزيان التغيير
– عصام : واه دابا الشي لبان لي حتى انا ..وعلاش لا نشوف هاذيك البنت لكانت جات – شاف فمو – كنزة هاذيك بنت خت الواليد شنو كان سميتها – فنينة دارت بتسامة عريضة مزيرة على سنانها : سارة ..سمتيها سارة – عصام كيحرك راسو : اه سارة بانت لي ديك الدرية كبيرة وشاربة عقلها صبارة ديال الزمان – فنينة: هاذ الشي كامل شفيته
…
عصام : نو ديجا عارفو يمكن حيت من دمي كانت غتفهمني وعواض متشعل فيا وتعطيني القاصح وانا راجع من الموت كانت تحن فيا وتكون ليا مرا لنعول عليها تكون راحتي ماشي فين ما نهدر تخرج فيا عينيها لا وتهز عليا جنوية وتبغي دبحني هاذي مرا هاذي ؟ ماشي هيا هاذي الزوجة الصالحة
– فنينة غمضت عينيها وفتحتهم : والو مقدرتيش انك تستفزني مقدرتيش تلعب لي باعصابي
– عصام عاض على فمو غالباه الضحكة : وااالو زعما مقدرت نحرك فيك والو
– فنينة غمضت عينها ونفات براسها : والو هانتي شفتي باقا محافظة على الهدوء ديالي – عصام :رآه غنتزوج عليك المسخوطة وهاذ المرة ديال بصح تخايلي معاياا مزوج وداير ليها العرس وبارز معاها غا تخايلي
– فنينة: تدير ليها العرس لمدرتيهش ليا انا
– عصام حط يدو على وجهها : كنت ندير الزينة لبغات نت لمبغتيش وحتى دابا باقي الحال نعرس بيك ولحليتي عليها فمك تكون عندك – فنينة: ياك حنا غنطلقو وغادي تزوج بوحدة خرا كبيرة أو واعية وثقيلة وغادي تخطيك من البراهش – عصام : علاه انا ديال راسي راني محجوز ..فقيك صحيح لدينمك غا عتارفي حيت بصح هاذ الشي لواقع لي ماشي نورمال – فنينة: كون كنت نعرف نشد هاذيك الطريق كون رآه لاباس منخليكش تلعب عليا العشرة
– عصام ؛ سحور لفعينيك كافي او موفي ازينة البنات قالب لمي الالي مع الروتور متحتاجي تشعلي مجمر — شاف فكنزة : ..كنزة كتعرفي شي فقيه مزيان ؟
– كنزة : شبغيتي بيه – عصام : ناوي ندير القبول على الله تشوف فيا الزينة ههههههههههه ههههههههههه
– فنينة كتحك راسها بالفقصة ملي كتشوفو كيضحك كتعرفو كيدير ها ليها بالعاني باش يستفزها كتحك راسها وكضحك : ههههه مسكين كيضحك هههه كيعجبو يضحك …..
جا غيهدر حكماتو الكحبة حط يدو على قلبو بدى كيحكب بجهد كيف عادتو وحاط يدو على فمو حيت فالكحبة كيخرجو ليه نقيطات ديال دم ..حيد من حداها ومشى كلس حاني راسو كيكحب قتلاتو الكحة هيا بقات واقفة كتشوف فيه حتى كانت غتقرب وسبقتها كنزة شدت فيه من جهة وناض حمزة تبعها حتى هو شد فيه حاط يديه على كتافو – كنزة كتبكي : شهادا اميمتي راك مقتول فصحتك -عصام كيسرح حلقو: احمممم لا بلا متخافي غير كتشدني الكحبة مزيرة شوية وصافي -حمزة : خويا تمشي لطبيب ضروري -عصام : ماشي دابا حتى منبعد ونمشي ندير لاڤزيت احمممم دابا نورمال غير حيت فورصيت على راسي
– كنزة ناضت كتقاددلو الفراش ..: خصك ترتاح اولدي تطلق تجبد الله يرضي عليك – قاداتو مزيان ودارت عليه ملاية جات حداه وكلست حاطة يديها على راسو كتمسح عليه كتهبطها حتى لوجهو وكطلعها لراسو كتحكو ليه وكتبكي ..هز فيها عينيه : ششش صافي امي علاش كتبكي دابا مالي شنو فيا ..سكتي الله يهديك بلا متزيدي فيه
– كنزة كتسمح دموعها بحوايحها : كانو غادي يرزيوني فيك كانو غيشويوني فكبدتي – عصام : دابا علاش هاذ البكا مالي مت حتى نموت وعطيني نهاري ارا متبكي – كنزة حطت يديها على فمو بايساه من حبهتو : متذكرش هاذ الهدرة على فمك بغيت نهاري يكون قبل نهارك الغالي
– هز راسو عصام شوي وزاد حتى لحجرها وتكى ليها على فخداها وغمض عينيه وبقات تلمس ليه وجهو وكتبكي بالحس – حمزة حط يديه على. كتفو : خويا تمشي لطبيب نطمنو غير على حالتك
– عصام : صافي دويت مكين والو بلا فريع الراس رآه غير طريطمو ديال دوا راني متبعو حتى نساليه عاد نمشي نعاود الكنطرول – فنينة كانت باقا واقفة فبلاصتها كتسمع الحذيث ديالهم شوية عاد تحركت من حداهم زادت الكوزينة حطت يديها على وجهها مسحت دموعها لنزلو خدات كاس الما شرباتو وتكات بيدها على البوطاجي صدرها كيطلع وكيهبط من الظغط لحساتو عليها ودوك الافكار لكتضارب فعقلها كلشي فيها باغي حاجة فشكل مشاعرها واحاسيسها ولاو متناقضين قلبها باغي يحن على حبيبو والعقل يكوليها سطوب واش راك ديري نسيتي شحال ديال المراار عشتي ..قهرتك ولياليك ديال الدموع مخصهاش دوز بالساهل…..
داااز داك النهار وصبح الحال وتعشات العشية كان ناعس فبيتو الدوا كيرخيه بزاااااف ناض ميت بجوع خرج دخل طواليط دار روتينو عاد خرج شاف فين كين كنزة : الوالدة مكين ماكلة – كنزة ندات على فنينة لكانت تنعس بنتها غير سمعتها خرجت لعندها : نعام اخالتي
– كنزة : راجلك بغى ياكل خلتيلو غداه
– فنينة بجفا : مخليت والو لحضر رآه كلا ولمحضرش يخرج الزنقة وياكل معنديش الفرارق مرانيش عندي السبوع باش نخلي كل واحد بوحدو – عصام صغر عينيه فيها ومن هدرتها : وليتي مسمومة بزاف امدام – فنينة عينيها فعينيه: كنت مدام – عصام : او باقا مدام او باقي خصك تقومي بالواجبات الزوجية ديالك ..- فنينة: كتحلم وبالالوان
– جرها دفعها الكوزينة : تحركي ديري لي مناكل رآه خصني نشرب دوا – فنينة: حيد بعد مني والله لكلتيه من عندي ..را ثلاجة قدامك سير كول داك الشي خضر – كنزة لحقت عليهم : اناري نعلو غا شيطان انا ندير ليك – عصام بقى يشوف فيها مزيان بواحد النظرة فشكل : معندي مندير به . مبقى عندي ما ندير لا بشي ماكلة لا بخرا – دفعها حتى كان غطيح : حيدي من قدامي – خرج زاد فحالو – كنزة شافت فيها : شحال فيك تا نت ديال العكس كون خليتيلو لقسم الله – فنينة: ما سوقيش فيه معندي منخليلو
– كنزة : اناري يا بنتي مالكي عليها را الخير مجود – فنينة: والى مجود يدوز يطيب راسو – خرجت مو الكوزينة غا كتسوط شي حال معاجبها —- دخلت طلت على بنتها عاد عاودت رجعت الكوزينة لقات كنزة مزال كتفتف تشوف شنو دير ليه حكت راسها بالفقصة : غير حيدي خليك اخالتي انا غندير ليه مياكل ياكل فيه السم – كنزة : الله ينجيه نعلي الشيطان يا هاذ البنت – مجاوبتهاش خدات الخضرة كاملة دارتها تسلق .حتى طابت عاد قادتهاليه فطبسيل ندات على كنزة : نوضيه يحنجر ..رآه درت ليه الخضرة ناقصة من كلشي مفيهاش الملحة على حساب دوا وهاهو اللحم غير بخرتو ليه ياكلوا هاكا ميزيد فيه والو – سمعت صوتو من وراها : غير عذبتي راسك مخصنيش ومغناكلوش
– فنينة : هاهو حداك هنا بغيتي كولو كولو بغيتي لاوحو لاوحو – كنزة : دوز خود تاكل اولدي الله يرضي عليك وشرب دواك شو كي ضعافيتي – عصام : مخصنيش بماكلتها
– زاد فحالو وخلاهم – فنينة : حسن نيت غنديرو فثلاجة تا يجي حمزة وياكلو رآه كيجي فيه جوع – باقا مكملتش هدرتها حتى تم راجع داخل حيد ليها داك الشي من يديها وكيخنزر مراضيش ولكن فيه جوع – حط داك الشي بجهد فوق طابلة وبدى ياكل بالنفخة – كنزة كتحرك راسها : كول اوليدي كول رآه فيك الجوع – هز عيينو ففنينة لقاها كدير فيه شي شوفات خطااار كتستفزو زعما – زاد خنزر وفمو عامر بالماكلة كانت فيديه فورشيط شير عليها بها جاتها فصدرها : حيدي ت*ودي من قدامي ينعل مك ….
يلاه جات حتى هيا غتهز كاس تشير به جات وسطهم كنزة : نتوما فعار الله اناري كي لمش مع الفار شي نهار تفوتو فبعضياتكم شي ضربة خايبة الله يهديكم
– عصام كياكل ومخنزر : غا خليها تبقى تقلب عليا راني غا مريض فراسي المرة الجاية نجيبها ليها بين عينيها – فنينة: وعلاش انا يدي مݣرودين – عصام : رآه مݣرودين نيت ملي مبقيت نلقى منلبس،،،، الخير لغدريه فراسك ومن هاذ تخراج العينين سيري صبني لي غا منحط على لحمي
– كنزة : غير خليها انا نصبن ليك اولدي – عصام : وعلاش هيا شكدير – فنينة تبسمت مبينة سنانها بفقصة : مغنجاوبكش مغنحرگش دمي معاك – خرجت بحالها من الكوزينة وتبعتها حتى كنزة – حتى كلا كلشي على خاطرو ومسح فمو زاد كيغسل يديه حتى دخلت هيا كان يحساب ليها خرج جات راجعة فحالها وقفتها هدرتو : جيبي لي دويا من البيت – فنينة: عندك رجليك – عصام : هدرت معاك
– دارت لعندو قربت عاقدة حجبانها : تقدر تكولي شنو هاذ الشي كدير فيه ااااا؟ تقدر تكولي لاش باغي توصل بهاذ الشي ديالك- عصام مبرد : مباغي نوصل لوالو غير كنحاول نفكرك فواجباتك الزوجية – فنينة : ياك حنا واقفين على الطلاق ..- عصام : واقفين عليه باقي مطلقناش وباقا محسوبة عليا وباقا متحررتيش من واجباتك كا زوجة – فنينة صغرت عينيها فيه :عصام شنو هيا خطتك ..لاش كتخطط
– عصام قرب ليها لودنيها كيطلق فيها نفس سخونة : خطتي هيا نزيد نغرقك بالولاد ونتقلك بيهم حتى متبقاش تلقاي الوقت حتى تخرجي من هاذ الباب عساك تفكري فطلاق ههههههههههه – نش عليها الما بديه فعينيها وخرج وخلاها كتغيدد – صباح نهار الموالي كان هو كنزة جالسين على طابلة الفطور عصام شاد بنتو متكيها عليه ناعسة حكامها بيد ويد غير كينقب بيها شهيتو مسدودة : فين هيا فنة مبانتش ليا نادي عليها تجي تفطر – كنزة :رآه هيا لطيبت الفطور كانت ترضع عشق وتقيات عليها داك الشي باش دخلت وقيلا تدوش – عصام : امممم – شوية وبانت ليه خارجة لابسة بيجاما سخونة باقا دايرة الفوطة فراسها وحناكها مزنكين باين فيها ضربتها بفركة نيت عصام كيشوف فيها وحط يدو على فمو كيحرك لسانو بين سنانو صابح رشقالو عليها بالجهد دور راسو لعند مو موجه ليه الهدرة كيشوف فيها تنهد وحط يديه على حناكو وبدى يغني خلاها فنينة توقف على الحركة كتشوف فيه – عصام : ودازت قدامي ويا مي وايا محلاها بنت بلادي شابة ويا لبغاها ،،،،،كيفاش ندير يامي رآه الݣلب بغاها راني وليت كل اليوم انا نستناها ،،،،،،سكنت قلبي و يا مي ومقدر ينساها حبها رشاني يامي وبغيت نلقاها ،،،،،،،- ناض وقف لعندها شدها من يديها عينيه ضاحكين فيها :
سكنت قلبي ويا مي ومقدر ينساها حبها رشاني يامي وبغيت نلقاها ،،،هههه- حيد ليها الفوطة من راسها – ،،، وخارجة من الحمام كتشالي بالفوطة يا البنية صغيرة شابة يا مربوطة….
سكنت قلبي ويا مي ومقدر ينساها حبها رشاني يامي وبغيت نلقاها ،،،هههه- حيد ليها الفوطة من راسها – ،،، وخارجة من الحمام كتشالي بالفوطة يا البنية صغيرة شابة يا مربوطة – فنينة بقات غير ساهية فيه ماشي غريب هاذ الشي على عصام حال واحوال المزاج ديالو كيتقلب عشرين الف مرة فنهار كنزة بقات غير كضحك وكتطبل بيديها فرحانة بزاااف وكتمنى من كل خاطرها ربي يرطب قلبهم ويفك الخصام بيناتهم ….زاد قرب ليها بوجهو بزااف حتى ولا فمو قريب لودنيها : بصحتو الدوش ازينة البنات -تبسم بمكر
– هيا ليلة ليلتي ..نخاويو عشق اش ظهار ليك – فنينة باقا محافظة على نفس ملامحها المكشرة : انا بعدا غنبقى نكول غا بااااز – عصام : علاش ..نبغي غير نطبق خطتي لحكيت ليك عليها -فنينة : غايتك غير تفقصني ياااك وقيلا رجع يبان لي نمشي فحالي حسن حتى ديك العدة نقضيها بعيد – عصام : علاش ازينة هاذ الشي بخاطرك ولا على ݣانتك ننن هاذ الشي ماشي على هواك امحنة الݣلب ..بلاتي بعدا شعاندك زربانة خليك غير حتى تمشي تخطبي لي وتزوجيني وتهناي على طليقك عاد روحي فين بغيتي -فنينة مسحت على راسها : عصام انا فواحد الوضع لي والله العظيم معندي فين نشد كلمة من عندك نفسيتي مضرورة بالجهد والظغط عليا كثير حن غا شوية – عصام : وانا شكون يحن فيا ..اجي نحن عليك وحني عليا نمشيو شي بلاصة لنكونو فيها غا بجوج ونحنو على بعضياتنا – غمزها – اش بان ليك
-فنينة : تأكدت بلي الحوار معاك عقيم
– عصام : نت لخلتيه يكون عقيم طلعتي لسما ما بقيتي باغا تهبطي هاذ الشي فات الفشوش لهيه خضعت معاك طاولة الحوار ما بغيتي تنازلي ..كولي شنو الحل لبقالي معاك ازينة – فنينة : البعد الفراق …مكين ما حسن من الفراق حيت هو انسب حل لهاذ الشي لكنعشوه بجوج
– عصام : انا منجمش ومنقدش عليه نت قادرة تنجمي وتستحمليه ؟ – فنينة : ستحملتو من قبل علاش لمنستحملوش دابا شحال ما صعاب ميوصلش لداك الشي لشفتو وعشتو من قبل الغالي – عصام تبسم : الغالي ..كتعتارفي باقي غالي عندك
– دوز يدو على وجهها : اصلا كلشي فيك باغيني بالجهد غير وكان راسك شوية قاصح وخصو يرطاب -فنينة : عصام الله يحن عليك بلاش من هاذ الهدرة حيت غير كتزيد تعقد الامور بيناتنا ..دوينا اطابل وشرحتي ليا كاع داك الشي لعندك وخلتيلي الفرصة فين نبين موقفي وݣلتي بلي غتحتارم وغتقبل قراري كيف ما كان،،،، علاش دابا رجعتي تلعب بالهدرة خليك على نفس هدرتك – عصام : انا مزالني على نفس هدرتي والى كنت عاقلة مزيان. كتليك بلي غلطت واي حاجة حكمتي بها غتكون بالحق ستتنيت الفراق .
.- فنينة: نت وافقتي باش طلقني – عصام : نهار نحس بلي فغي بغااه من خاطرك ومبقتيش بغاني راجل ليك بعيد كل البعد على تقليقتك عليا نهار نحس بلي مبقيتش معمر عينك انا راسي غنزيد مع طريق وخا عيني غتبقى عليك ….
فنينة : ولكن أنا بصح باغا الطلاق وملي طلبتو الا وبصح هو لنفسي فيه – عصام : انا كبر منك ابنتي يا فنينة وعارف مزيان شنو كيدور فدماغك وراني كتليك شنو نهار لنحس بلي باغا طلاق نت خاطرك بلا متحتاجي نت طلبيه انا راسي نعطيه ليك مع بزاف ديال الشروط طبعا مغندويش عليهم دابا حيت اصلا داك نهار مغيجيش ..اما ..دابا نت طلبتيه ماشي حيت ما بقتيش باغاني حيت
– حط يدو على راسها
– حيت هذا كيدور وكيفكر فشي حوايج تافهين ..والى شفتيني مبرد معاك دابا على حاجة وحدة حيت متاكد مزيان بلي رغبتك فيا مزالة وغير بيا عينيك عامرين غير وكان راك مزال مقلقة عليا حيت كنت ومزال نهمك ومزال انا كلشي عندك ..لو كنت رجعت وتصرفتي عادي مكنتش نحمل راسي حيت ديك ساعة غنعرف بلي نفسك من جهتي باردة ومرانيش نهمك كيف كنت كيف لا بالحق بينتي العكس بهاذ لغياكسيون ديالك وبهاذ الشعلة لشعلتي فيا
– بقات حالة فمها فيه وفكلامو حست بلسانها تلجم مقدرت تهدر مقدرت تنطق غمضت عينيها من زفيرو فوجهها : بصحتو دوش ازينة البنات – زاد وخلاها متبعاه بعينيها كتحك على يديها بثوتر وشي دموع معمرين عينيها معرفتش علاش واش عليه ولا على راسها ولا من هاذ الاحاسيس المتناقضة لغير مكتزيد تهلك فيها ،،، بقات مدة واقفة فبلاصتها ساهية حتى سمعت صوت كنزة فيقتها من سهوتها : اجي عندي لهنا ابنيتي اجي – حركت راسها ومشات لعندها كلست حداها شدت ليها كنزة يديها بحنان : عاودي لميمتك شبيك باش كتحسي – فنينة تنهدت مدمعة : كنحس بزيار عندي فصدري ونفسي مخنوقة بزاااف – كنزة : فرحتي ملي رجع ابنتي ؟ – فنينة : لا – كنزة : دوي بصارحة متخبيش على ميمتك – فنينة : باقي فيا الحال ومقلقة عليه بزااف تقدري تكولي حاسة يضعف ديال ديك تقليقة باش كان غايب ..شوفتو قدام عيني عاد مكتزيد تضرني
كنزة : سمعي نكوليك ابنتي وغادي نصحك بداك الشي لعلمني الله ..من حقك تقلقي وتزيدي تقلقي وانا ماشي عكس هاذ الشي لكديري فيه مزيان ديري اعتبار لراسك ..ومتدوزيهاش بالساهل باش المرة الجاية يبقى يدير بحسابك ..غير هو ابنتي تاني ربي وصا بالوسطية شوية هاكا وشوية هاكا ..والخصام الى طول وزاد على حدو كيولي بسالة ..نتوما ابنتي عاد بادين ودرتو بنيتة ماعليش تنازلو شوية عليها باش تربى وسط منكم ..رآه من بعد هاذ الخصام غا ياثر عليها هيا وعلى تربيتها
زيرت ليها على يديها – سمعي ابنتي بين الراجل ومراتو ضروري ميتخالفو ويوقعو بيناتهم المشاكل رآه الزواج مافيهش غير الزوين فيه حتى الخايب وباش يكمل ولابد من واحد فيكم يتنازل شي شوية انا ابنتي ابدا واش كنجي عليه رآه كندور فيه قدامك ولكن غير ما بغيتش ديك الدرية تكرفس وسط منكم وهي عاد قالت بسم الله فاالحياة ومن حقها تعيش وتفتح عينيها وتوعى وسط باها ومها – فنينة: ماشي بيدي اخالتي ماشي بيدي حاسة براسي تالفة والله مابقيتش عارفة شنو ليصلاح وشنو للا – كنزة : انا لكتشوفيني حداك ابنتي مدازش عليا القليل وهاذ الشيبات لكتشوفي فراسي مدرتهمش من والو ..انا كندوي معاك الا وعارفة اش كنكول وعن تجربة منكوليكش موقفتش مع المرحوم على طلاق لا وقفت ما مرة ما جوج ولكن فالاخر كنت كنتراجع ونصبر على وليداتي باش منشردهمش ونكبرهم زواج ابنتي هاكا داير خصو الصبر خص المرا تكون صبارة والراجل يكون حكيم ..رآه ساهلة ابنتي طلقي وتزيدي مع طريق ولكن صعيب تصبري ..ربي حنا الوليات نعم علينا بالصبر وحتى نت ابنتي ماشي شي وحدة لخفيفة بالعكس راكي ثقيلة وعارفة ومربية راسك براسك تبارك الله الله يحجبك من العين كوني حتى نت مرا صبارة وصبري دابا كلشي يفوتو الله ..متفكريش فراسك اي قرار تبغي تاخديه حطي بنتك قدامك وخوديه….
– فنينة : معرفتش معرفتش منقدرش ندير شي حاجة لتضر بيا والله نݣولها ليك اخالتي ونحيد التقليد عليا مبقاش عندي الجهد لولدك …ما بقيتش قادرة عليه وخا نبغي منقدرش منجمش نكمل معاك والله انا وياه ولينا بحال جوج جبال عمرهم يتلقاو ..رآه اخالتي مبقاتش فانني حاقدة عليه ولا باقا مقلقة عليه ولكن بقات فانا ما بقيتش مامنة على راسي معاه نهائيا ما بقيتش لاقية راحتي وحتى صحتي على قد الحال وخاطري دياق اخالتي فكرت او فكرت وفكرت وشفت هذا هو انسب حل لينا بجوج نتفارقو ..خلي كل واحد يشوف حياتو فجهة خرى وربي يسهل عليه وعليا نقدر نكون بصح مرانيش البنت المزيانة ليه وحتى هو نفس الشي ربي يسهل عليه ما حسن يمكن بصح كيف ݣال يقدر يشوف شي وحدة من نفس الجينغاسيو ديالو وتصدق ليه يكون عقلها كبر من عقلي وتقدر تصبر عليه اما انا صبري ليه حدود ميمكنش ليا ندير شي حاجة فوق طاقتي هذا الله بلا منزيد نافق راسي ولا نافقو – كنزة كانت حانية راسها كتسمع ليها لهزة لغتهز جات عينيها على عصام كان واقف من ورا فنينة ومن الشوفة لداير باين سمع الحذيث لدار بيناتهم ..دارت فنينة شافت فيه مطولة وحنات راسها وناضت غادا قبل متفوتو شدها من يديها : مبقتيش تشوفي حياتك معايا ؟
– فنينة : لا ما بقتيش – عصام : انا وياك ولينا بحال الجبال عمرنا نتلقاو ؟
– فنينة: ابدا – عصام : ما بقتيش مامنة على راسك معايا – فنينة: الجهد ولا فوق جهدي – عصام حرك راسو : غدا غندفع وراق طلاق وغنعجل فيه – فنينة: غيكون حسن – طلقها من يديها كمل هدرتو : ولكن طلاق غيكون بشروطي الخاصة
– فنينة: لهما ؟ – عصام : عمرك تفرحي تكوني لشي واحد من غيري اما لعصام ولا لحتى واحد – فنينة: ماشي من حقك
– عصام : من حقي – فنينة: شكون عطاك هاذ الحق ؟ – عصام : عطيتو لراسي حيت شارك معاك الدم ودم بنتي منبغيه يتخلط مع حتى شي واحد – فنينة : كتخربق
– عصام: واه كنخربق هاني غنوريك تخربيق كي داير نهار تسيني على طلاقك غتسيني على الحبس
– فنينة: ديك ساعة مغيكون عندك حتى شي حق عليا
-عصام : فيك نت منحتاجش شي واحد يعيطني الحق ياك كتكولي عليا عنصري غنخليك تعرفي حجم هاذ الكلمة وتحسي بيها مزيان ..
زاد فحالو وخلاها واقفة شافت فكنزة وضحكت مستهزءة :هذا هو لكتكولي صبري عليه وتنازلي هنا اخالتي تعرفي بلي راه عندي الحق اي حاجة ݣلتها عندي فيها الحق &&&عند حمزة كان شاد ابيل فيديو مع اكرام باين فيه معصب – اكرام : وصافي احمزة ياه شنو بغيتيني ندير رآه مقدرتش – حمزة : والخرا بلا متعصبني وطلعيلي الخز لراسي كتار ما هو طالع شحال قدي نستنى عرفتي دابا شحال كملنا ولا معرفتيش ..اليوم غدا اليوم غدا راك عيقتي
– اكرام بحزن : وراك عارف حليمة كي دايرة مقدرتش نفتح معاها الموضوع عارفاها غتشد العكس ومغتبغيش
– حمزة : علاش لي ما تبغيش مالنا غنديرو الحرام …رآه الحلال هذا ..اكرام شوفي انا نهار الاول دخلتك بالحلال وما حدي انا جبدت معاك الموضوع الا وبصح ما بقى فيا لتسنى حتى نت فهمي راسك شوية ..- اكرام : صافي واخا
-حمزة : فوقاش غطلعي حيت مبقاليش بزاف لكونجي ضروري نشوفك حيت خص نعاودو نهدرو فهاذ السيجي وهاذ المرة غطلعي القردة لكري غنجرك نيشان عند العدول وديك ساعة حليمة يديها فيه – اكرام وجها تزنك : حشم شوية – حمزة : علاش نت خليتي علاش نحشم
-شاف الابيل ديال فنينة كتصوني : قطعي قطعي نشوف تاني هاذ ختك شنو بغات من بعد ونصوني ليك
– اكرام واخا – قطع الابيل مع اكرام وجاوب فنينة
– فنينة: فين كنت اراس الحمار من قبيلا وانا نصوني – حمزة : شفتك كتصوني مقدرتش نجاوبك كنت نهدر مع ديك الزمرة ديال ختك عصبتني – فنينة: نفس الموضوع – حمزة : راسي طاب معاها هذا الله بقالي غير نجرها بسيف واااه دافعة عليا شبابها غالي – فنينة: هههه راها غير تخاف من حليمة رآه الى بقيتي معول عليها والله متجبد حس الموضوع تم بقيتي اللهم دير شرعك بيديك – حمزة : هذا اخر اندار ليها من بعد غندير داك الشي لغيكولو راسي ..معلينا مالك اش بغيتي – فنينة: جيب لي معاك لكوش تقادى لي وحتى شي بواطة ديال نان داغي بالخف متعطلش – حمزة : واخا
– بقى كتهدر حتى قفزت من الكاس لجا مشتت قدامها فالحيط …كان عصام خارج يلاه كي دار الكينة ففمو غيشرب عليها الما جا فودنو هدرتها مع حمزة لضراتو فخاطرو كيفاش تطلب من خوه يجيب الحوايج لهو لخص يجيبهم هنا حس بيها نقصت منو بزااف دارت شافت فيه حيدت تلفون من يديها : مالنا واش ولفتيها ولا كيفاش….
شافت فيه حيدت تلفون من يديها : مالنا واش ولفتيها ولا كيفاش – عصام : علاش ؟ – فنينة : شنو لعلاش ؟
-عصام دوز لسانو على شفايفو وبدا يقرب عندها بشوية قاصدها نظراتو والطريقة باش كيقرب زرعت فيها الرعب بلا هواها تمت راجعة بخطوات سريعة لور غير وصل ليها غوتت : خااالتي – ماشي بزاف وكان ندوز يديه عليها خانقها : علاش نافية الوجود ديالي ؟ امممم شنو بغيتي توصلي لي بهاذ الابيل ديالك مع حمزة ..بغيتي توصلي لي بلي انا مكينش بلي هو لباها وانا معندي والو
– فنينة حيت خافت من. ومن شوفاتو ولات باغا غير ترطب : لا غير هو خارج عليها كتليه ملي تكون جاي جيب معاك – عصام كيحرك راسو بالنفي : لا افنة لا راني نعرفك..مزيان وعارفك كديريها بالعاني …عارفك ما بقيتي تفلتي حتى شي فرصة باش تبيني لي فيها بلي وجودي مبقات عندو حتى شي أهمية ونافية دوري كأب
– فنينة بقات غا ساكتة وكتشوف فيه -عصام محاول انه يبرد راسو : علاش لتصوني ليه وانا كاين ؟
– فنينة: حيت هو اولى بها عليك
– باقا مكملتش هدرتها حتى حست بتصرفيقة منو قلبت ليها الوجه ..دفعها من قبالتو حتى كانت غتجي على وجها وخرج زادح الباب حتى كان غيطير ..بقات تشوف من وراه مخنزرة وبلا متحس دعات عليه من خاطرها : بغيت ليك غا مصيبة مشية بلا رجعة منكرهش يكون هذا اخر نهار نشوف فيك تخرج وتجيني خبارك ياربي امين
– دارت لقات كنزة مخنزرة فيها : علاش لتدعي عليه هاكا – سكتت ملقات متكول حنات راسها وزادت
مدازش بزااف ديال الوقت حتى سمعت تليفونها كيصوني هزاتو بانت ليها نمرتو .بقات كارزة عليه فيديها فلحظة مشعرتش براسها حتى كانت فاتحة الاپيل دارت تلفون فودنيها حتى حد فيهم ما هدر من غير انفاسهم لمسموعة لمدة حتى نطقت هيا بصوت خافت : عصام
– عصام نطق بصوت باااااح : نساي شي حاجة سميتها عصام
– فنينة كشرت ملامح وجهها ملي سمعت صوتو : سكران ياك – عصام: ..عاد صحيت وعرف ݣري مزيان شنو كنسوا عندك ..طحت بين يديك ومرحمتنيش
– فنينة : سكران اعصام رجع لدار – عصام متجاهلها : ربي كيغفر شكون نت لمتغفريش – فنينة: عصام – عصام : ربي كيسامح شكون نت لمتسمحيش – فنينة: عصام رجع لدار ونهدرو – عصام : هاذي اخر هدرة غتكون عندك معايا ..من اليوم ما بقات بيناتنا هدرة تحملت كلشي صبرت على كلشي الا تنفي وجودي عند بنتي. هنا خلتيني نوصل الاخر ديالي بفعلتك هاذي غتخليك تخرجي من قلبي فخطرة ومغتبقاش عزيزة عليا افنة عصام…
– قطع عليها خلاها شادة تلفونها كلها كترعد حابسة دموعها لكن غلبوها ونزلو نفسها ديقة عليها بزاااف عيااااات دير شهيق زڤير غير باش ترخف او وااالو ..- فحين ماشي بعيد على دار بزاااف غير على شارع الرئيسي كان كلشي هاذئ وسيرورة طريق غادا مزيانة حتى تسمع اصطدام بجهد خلا كاع المراااا يدورو ولدار يتفزغ ويكول الله اكبر من ديك الكسيدة لطرات كان طنوبيل دخلات فكاميو على اثر الاصطدام مالت الجنب وتقلبت كانت هاذيك اللوطو ديال عصام وعصام لفيها غير قطع معاها الأبيل رمى تلفون معصب وكل ما كيتفكر كلامها ليه من اول الاخر عاد مكيزيد فالسرعة والسكرة لاعبة عليه مكيشوفش قدامو محسش حتى كان دخل فالكاميو لكان جاي قبالتو &&&&&& عند كنزة كانت هازة سطيلة ديال الما فيديها غدا توضى محست حتى طاحت ليها من يديها وشدت على قلبها كتنهج نطقت كتردد : ياربي سلامة ياربي ياربي خير ياربي خير
– فنينة شافتها يحساب ليها داخت مشات طايرة شدت فيها: خالتي مالكي – كنزة : ولدي .ولدي عصام …عصام بيه شي حاجة عصام – فنينة جرتها ݣلستها : غا بشوية عليك تهدني مكين والو – كنزة : فين هو تلفوني صوني عليه شوفيه فين كاين ولا اري نشوف انا مريض وخرج غيكون تزاد عليه الحال ملي خرج مدي لي تلفون – فنينة : هاهو تلفوني غنصوني عليه انا – حتى هيا خاطرها مفزوع عليها بزاااف من قطعت معاه الأپيل وهي ماشي هيا هاذيك حيت عرفاتو ملي كيسكر كي كيولي – خدات تلفون دارتو على ودنيها ويديها كيترعدو صونات وعاودت ولا مجيب غير كيصوني حتى كيتقطع على خاطرو وبين أپيل وأپيل الظغط والثوتر كيزيد وكتبان على ملامحهم بجوج قطعت شادة تلفون كتحرك رجليها بثوتر – كنزة : واقعة ليه شي حاجة داك الشي باش مكيجاوبش غيكون تزاد عليه الحال ولا طاح فشي خلا انا متأكدة خاطري ممهننيش – باقا كتتهدر حتى بدى تلفون كيصوني فيديها تبسمت من عينيها : هاهو خالتي كيصوني هاكي هدري نت – فتحت الخط ومداتو لكنزة : الو عصام ولدي
– الراجل : لا اميمتي ماشي ولدك
– كنزة وشكون – فنينة جرت تلفون من عند كنزة كلها كتقفز : عصام ؟؟ – الراجل: سيد مول تلفون داير كسيدة بزز باش قدرنا نخرجوه من طنوبيل كنتسناو لامبيلونس باقا مجات – فنينة قلبها ضرب بعنف ناضت واقفة حاسة بالعرق هابط على طول ظهرها سرطت ريقها لسانها تقال : فين ..فين هو – الراجل: اجي حدى **** – محستش براسها حتى رمات تلفون وخرجت كتجري هاكاك كتجري وكنزة خرجت حتى هيا وفيديها تلفون كدوز الخط لحمزة ..
– فنينة محبستش على جري حتى وصلت الشارع حيت شافت الجوقة كي مجموعة زاد قلبها كيضرب بجهد علاين يسكت دخلت بناتهم كتبعدهم حتى جات عينيها عليه مجبد وعلى الدم لداير به جهة راسو الدنيا دارت بيها رجليها تقالو بزز باش قدرت تكمل خطاويها لعندو غير وصلات ليه طاحت عليه على ركابيها حطت يديها على وجهو كيترعدو دموعها هبطو شلال وهي كتشوفو مغمض عينيه مكيتحركش كتقيس دم وكتشوف فيه : الدم ..دم عصام فيك الدم هئ هئ عصام دم فيك بزاف- كتسمح ليه وجهو – وجهك فيه دم …علاش هاذ دم كثير بحال هاكا ..عصام كتسمعني ..عصام حل عينيك جاوبني ݣولي واش كتسمعني .- نزلت براسها بشوية لجهة قلبو حكت ودنيها عليه مغمضة عينيها عاصرة دموع : ماااات – كتشوف فناس – واش ماااات – عصام حبيبي مديرليش بحالك هاكا الغالي الله يرحم ميميتك ..- حطت ليه راسو على فخادها كدوز يديها عليه وكتقيس دمو وكتبكي بصوت مرتافع : عصام عافااك الله يخلي ليك بنتك ….الله يخلي لي بنتك الغاااالي لما فتح عينيك – كتمسح ليه دم – عافااك اعصام رآه ما بقيتش قادرة رآه غنطيح حداك. عصام والله حس بيا والله ما بقيت قادرة غنطيح حداك هنا نصبر على كلشي الا نشوفك هاكا مكتحركش حلفتك بمعزة بنتك لما نوض ….
– كتمسح ليه دم – عافااك اعصام رآه ما بقيتش قادرة رآه غنطيح حداك. عصام والله حس بيا والله ما بقيت قادرة غنطيح حداك هنا نصبر على كلشي الا نشوفك هاكا مكتحركش حلفتك بمعزة بنتك لما نوض- كتبوس فيه من وجهو وكتحاول تنوضو : غا كولي شمن حياة غتبقى عندي من وراك – نوض فتح عينيك يرحم والديك ما نوض – الاسعاف تعطلت باش تجي وهي بقات تعنق فيه وكتشهق بالبكا حتى رجعت طاقتها فيپل وطاحت سخفانة فاقدة الوعي حداه ….
بعد جوج سوايع عاد رجعت لوعيها كانت ناعسة فوق السرير عرفت راسها فالكلينيك غير عاودت تذكرت الاحذاث ديال قبيلة قلبها ضرب بعنف سلتت السيروم بجهد من يديها وناضت خارجة كدور راسها وكتقلب شافها حمزة مشى عندها كيجري شدها : مالكي نضتي انا كنت جاي لعندك علاش نضتي راكي باقا عيانة – فنينة كتسرط ريقها كتنخصص : عصام .فين هو عصام شنو وقع ليه فين هو ݣولي كي بقى – سمعت صوت كنزة من وراها : كتسولي عليه باغا تعرفيه واش باقي حي ولا مات باش لكان مات تحمدي الله وتشكريه حيت استاجب ليك الدعاء ديالك ياك – فنينة عقدت حجبانها عينيها حمرين : شݣتكولي اخالتي شهاذ الهدرة حشومة عليك – كنزة كتمسح دموعها : علاش ابنتي ماشي هاذ الشي لكنت باغا….ماشي نت لدعيتي فيه وطلبتي الله يخرج ما يرجع وتجيك خبارو . اوا هاهي جاتك خبارو فرحي ونشطي وغني ..- شهقت بالبكا – هاهو ولدي كيموت لي ومبقى لينغص عليك ولا ليكوليك لا درتي ولا فعلتي – فنينة صوتها باح بالبكا : حشومة عليك اخالتي علاش ديري لي بحال هاكا واش عارفاني نقدر نصبر ونشوفو فهاذ الحالة- كنزة: ياك نت لكنت نهار ومطال دعي فيه باش يوصل لهنا بقى فيك الحال وقيلا ابنتي حيت ربي مستجابش ليك دعاءك كامل ومزال روح كطلع فيه وتنزل ياااك خصك حتى يموت عاد تبردي – حمزة شد مو معنقها كيسكتها : ششش صافي امي شهاذ الهدرة دابا ..ماشي وقت هاذ الشي رآه حتى هيا شوفي حالتها كي دايرة رخفي عليها شوية
– كنزة : وانا شكون ليرخف عليا رآه ولدي هذاك. لباقي مزاوط لداخل معندي ليه لا حس لا خبار معرفتو مات ولا مزال حي حد مبغى يعطيني خبارو وكلشي بسبابها ولدي رجع كيموت مكيقدرش يوقف حتى على رجليه رآه انا لكنت نتصنت عليه بليل وهو كيكحب ويرض غا الدمايات وهي والو واش بغات تعف عليه ولا تشوف لجهتو ..رآه الى كان ولدي هنا وانا محروكة فكبدتي رآه بسبابها خرج تعصب معاها وزاد خرج ودعات فيه. ماشي حرام عليك ابنتي دعي لي فكبدتي دعاك عليه هو لجبدو هاذ التجبيدة الحارة
– فنينة كتبكي وكتحرك راسها بلا : والله ما من قلبي والله مخرجت داك الدعا من خاطري غير تعصبت حيت صرفقني وانا مدرت ليه والو – كنزة : من ديما كنت عزيزة عليا ودرتك بنتي ربي لعالم قبل حتى مياخدك عصام كنت مقطرة ليا من عينيا ولكن هاذ الشي لدرتي لولدي منبغيه ما نقبلو ..حتى نت وليتي ام وغتحسي داك الشي لكنحس بيه الهدرة لولة والآخرة لغنكوليك ابنتي لمات ميعري على وجه لاخر ….
فنينة طاحت شادة فيها : لا اخاالتي عاافاااك حشومة عليك تكوليلي بحال هاكا نت عارفاني مزيان وعارفة بلي نتوما لعندي متزيدش حتى نت تقهريني لفيا كافيني ياك كتكولي عليا بنتك علاش ديري لي بحال هاكا لسان ما فيه عظم
– كنزة بعدت : رآه حتى هذاك ولدي لمجبد رجل فدينا ورجل فالاخرة ..رآه هذاك شفت عليه الويل باش كبر دوك الكتاف تشويت عليه باش جيتي ولقيته قد هاكا ماشي عاد تجي نت تشوبني فيه كفايا عام وانا محروقة عليه نظل نبكي ونبات نبكي سمعي ابنتي نكوليك الخير لغديري فراسك هو سيري فحالك من هنا حيت ميكينش لاش تبقاي سيري صلي ودعي فيه مزيان لكانت شي دعوة فيه مزال واحلة ليك
– مشات كتعكز حتى فين كين الكراسة وكلست مسندة بيديها كتبكي وتدعي مع ولدها ينوض بسلامة فحين فنينة بقات ساهية مدة كتشوف ناضت وقفت حست بدوخة جاتها غمضت عينيها بجهد او ولات فتحتهم بغا يشدها حمزة حبساتو بيديها وخرجت مبعدة ..حتى حمزة حس بيها وفضل يخليها وحدها ومشى كلس حدى مو كيواسي فيها وكونطاكطي مع اكرام لتم تم صونا ليها حمزة طلعت لدار رادة البال لعشق – كانت جالسة قدام باب لكلينيك من الباب لور جالسة ونقيطات شتا كيهبطو عليها ضامة رجليها لعندها كتبكي بصوت مرتافع بصوت كيقطع فالقلب صوت شهقاتها عالين بزاااف وهي كتفكر كاع دوك الاحذاث لوقعو من الاول الاخر بلا متحس لقات راسها كضرب فوجها وكتندب بظفارها وجهها كلو هبطاتو بالنديب وكتحك رجليها مع الارض هزت راسها السما : ياربي رحمني ورحم ضعفي راني ما بقيتش قادرة على هاذ الشي ياربي حن فيا ياربي ..راك عارف اسيدي ربي ما فيدي حيلة ياربي سلامة من عندك ياربي …ياربي غير هاذ المرة تخرج سالمة عمري باقا نعاود ولا نخرج شي دعا على فمي هئ هئ هئ – مسحت دموعها بيدها عصراهم وناضت دخلت مبغاتش توصل حتى لفين كين كنزة شيرت غير حمزة بيديها جا لعندها : امدرا باقي مكين حتى شي خبار ؟ – حمزة مسح على وجه بحزن : باقي مخرج حتى واحد من لكين لداخل
– حركت راسها ومشات شوية مبعدة عليهم كلست منها الارض دايرة راسها بين رجليها وكتسنى وكتدعي فخاطرها ….
-شي ساعة عاد خرج الطبيب ناضت قافزة لعندو وقلبها كيضرب بالجهد وهي كتشوف ملامح الطبيب لكان باين عليه للاسف فوجهو مقدرتش تهدر ولا تسول من غير حمزة لكان كيستفسر على حالة خوه وطبيب كيجاوبو
– الطبيب : درنا جهدنا كامل المريض لقيناه ديجا معرض الاصابات على مستوى القلب وطلعنا على الملف ديالو الوضع كان خطير وشحال وهو فكومة وهاذ الحاذث زاد من حدة اصاباتو وخلا الخطورة تزاد عليه باش نكون واضح معاكم رآه معجزة كبيرة باش باقي عايش حتى لدابا – حمزة تنهد عينيه مدمعين : دابا شنو كيفاش حالتو – الطبيب : كاع داك الشي لطالع بيدنيا درناه خصو يفيق عاد نقدر نكوليكم على حالتو اما دابا وضعو مباينش – دعى طبيب بشيفة وزاد خلا كلشي منهار حمزة شاد دموعو بزز كنزة كتبكي وتكول ما بكيت اما فنينة خلاص نفسها علاين تحبس من كثرة الخنقة ديال شهقات لكيخرجو ليها ….فنفس ديك ليلة العميد جا راسو حتى لكلينيك مكانش فالمغرب غير سمع الخبار شد اول طيارة وعلى حسب عصام والمكانة ديالو دفع طلب لخرج تم تم بنقل عصام المستشفى العسكري باش يتلقى عناية خاااصة … وداك الشي لكان وخا كان خطار عليه انه يتنقل غامرو بيه وتحول وفق رعاية طبيبة حتى وصل …دازت ديك ليلة صعيبة على كلشي كلشي محسر فنينة معلقة ما حليتها لعصام ما حليتها لبنتها لمخلياها غا الاكرام واش تقد وتعرف ليها ولا لا كلشي تجمع عليها واكثر حاجة كتزيد تفشلها وتزيد تكمل على ما بيها هيا شوفات كنزة ليها كتحس بيهم بحال مواس كيدكو فيها هاذي اخر حاجة كانت توقعها هي كنزة تقلل منها العين وتدير ليها بحال هاكا بالحق ملامتهاش ابدا حيت عارفة بلي حقها حيت مكين حتى شي ام تبغي تسمع شي واحد كيدعي على ولدها وخا يكون ولدها خايب مفيه ما يصلاح داك الشي علاش فنينة ملامتش وخا بقى فيها الحال شرقت الشمس صباح لكان بنسبة ليهم توقيت متواصل حتى حد فيهم مغمض عينيه ..&&&&&خرج الطبيب من الانعاش فين كين عصام بعد سلسلة من الفحوصات المتواصلة هاذ المرة كان حتى العميد معاهم وقلبو واكلو على عصام حيت فعلا عندو مكانة خاصة عندو واخر حاجة يبغي هو يشوفو هاكا
– طبيب كيشوف فالعميد : شغنكوليكم حالتو غدا وكتصعاب نت كنت عارف حالتو مزيان كي كانت وبصعوبة كبيرة باش قدر يتجاوز الخطر حتى يمشي يكمل العلاج ديالو برات البلاد ..باش علمتيني بلي رآه فاق اصريت انه يبقى تحت المراقبة وميتنقلش لكن عصام دار عكس هاذ الشي نهيك على الحاذث لتعرض ليه عصام كان فحالة سكر شي لخلا عروق ديال قبلو يتبوشاو القلب عندو مبقاش كيضخ الدم ومبقاش يتنفس خص نديرو ليه الصمامة ضروري وهاذ العملية مكتسناش – حمزة : واش خطيرة هاذ العملية
– الطبيب : الحالة لفيها خوك دابا اولدي اي حاجة عليه خطيرة
-عميد: شنو نسبة نجاح هاذ العملية – طبيب : بالنسبة لشخص عادي نقدر نكوليك غالبا ما كتنجح – غير ملامح وجهو
– اما فحالة عصام غنديرو لجهدنا والكمال على الله غير متنساوهش بدعواتكم…
كنزة كتبكي وعينيها تغرزو ولا يدكوها بكثرة دموع لخرجتهم المرا كبيرة ضروري ميبان عليها التعب حست بدوخة شدتها فنينة قبل مطيح لكن مي كنزة بادلتها بتخنزيرة
– فنينة كتمسح دموعها : اجي اخالتي كلسي شوية نجيب ليك الما تشربي – كنزة : ها العار ابنتي لما قيليني عليك مبغيتش نضرك بهدرتي ونسمعك لمغيعجبكش خليني غا مني لهمي وخليني نموت انا كاع اللهم نموت ولا نبقى حتى نسمع شي خبار خايبة على ولدي – فنينة: غينوض بسلامة انا متأكدة عصام وراني نعرفو غيرجع لينا غيرجع مزيان ..كنعرف عصام كنعرفو حاسة حاسة به
– كنزة : ومالكي معرفتيه وحسيتي بيه ملي كان يشكي ليك بضرو ونت كنت تعطيه غا راس مخليتي حتى دعوة مدعتيهاش عليه …-فنينة : غير كنت مقلقة عليه والله ما من قلبي رآه منقدرش نشوفو هاكا رآه عدويا ومنبغيش نشوفو هاكا عاد باقي عصام ..رآه عصام هذا اخالتي واش عارفة عصام شنو كيسوا عندي ولا معارفاش هئ هئ هئ هئ – كنزة : دعاوي صعااب مخصش الواحد بدعي غا هاكاك حيت بعد الخطرة كيكون باب العرش مفتوح ..ونت مكنتي تفلتي حتى فرصة فين دعي ليا عليه انا صرفت فيك ابنتي غير الخير مدرتش معاك العيب ولكن نت قصتيني فولدي فالضوء ديال عيني ….- فنينة كتبكي طاحت ليها على رجليها : ها العار اخالتي راكي ماشي عاد غتعرفيني بلا متزدي تقهريني رآه وقيلا انا لغيكون نهاري قبل نهاركم كاملين راه هنا خص نكونو يد وحدة نواسيو بعضياتنا ماشي ديريلي بحال هاكا – كنزة كتبكي وتسمح دموعها بشال ديالها : نت لبغيتي هاذ الشي ..انسولك ابنتي نت علاش دابا هنا .ياك كنت بغيتي غير فوقااااش تخوى عليك دنيا وتاخدي بنتك وتزيدي هاهي خوات عليك فينك شفتي باقا ممشيتي ….هاهو لكان حابسك ناعس مجبد نفس مبقاتش باغا تخرج منو مالك مغتانمتيش الفرصة ومشيتي – فنينة عضت فمها دموعها هابطين شلال ناضت كتشوف فيها وكتبكي مقدرت تݣول والو حتى بعدت شوية اولات رجعت شدت يدين كنزة كارزة عليهم و كتشوف فيها وبزز باش كيخرجو الحروف على فمها : سمعي اخالتي نكوليك رآه لغيوقع لولدك غادي يوقع ليا …الى عصام عاش حتى انا غنعيش والى وقعت لعصام شي حاجة كنقسم ليك بالله والله منزيد وراه الدقيقة ..
– كنزة : شباغا ديري ؟ – فنينة كتبكي : نقدر نجيك حماقيت ولا حمقة تقدري تشوفيني كيف بغيتي ولكن كنقسم ليك بالله اخالتي وطرا لعصام شي حاجة حتى تنقتل راسي … حيت وراه معندي عيشة …..
خلات كنزة غير كتشوف فيها وهي متأكدة بلي فنينة كتدوي بصح حيت كتعرفها مزيان …كنزة ضاخت مبقات عارفة اش دير من غير دعا والبكا …——-العملية خداااات وقت طويل بزاااف ستغرقات لمدة ستة سوايع ومزال مكين عليه حتى خبار ..حالة فنينة كانت بحال شي جثة دموعها نشفو مبقاوش كينزلو ..مبقات طيحت حتى دمعة ومبقات نطقت بحتى كلمة غير كالسة على كروسي وساكتة عيا فيها حمزة تاكل غير شي حاجة رافضة تدوز حتى جغمة الما
– حمزة مسكين نصو هنا ونصو هنا بالو مع عشق واكرام كيمشي يطل عليهم ويعاود يرجع ..من حد سوايع العملية كيزيدو والثوتر كيتزاد …فلحظة هدوء وكلشي حاط يدو على حنكو …وكيدعي فخاطرو حتى تهرس داك الهدوء ملي تفتح باب غرفة العمليات وخرجت منو احدى الفرمليات كتجري كتنادي على الفريق الطبي البديل
– كلشي وقف والهدرة كثرت اما فنينة حست بودنيها تشلات ملي سمعت كلام الفرميلة كتكول على أن المريض قلبو توقف او فقدوه ..- هاذ الهدرة خلات كنزة طيح على طولتها فالارض حمزة جمع يدو على شكل قبضة وضربها بالجهد مع الحيط ورجع كيضرب براسو على الحيط كارز على فمو حابس دموعو لكن مقدرش يحبسهم ونهار …اما فنينة مدارت حتى ردة فعل من غير تبسمات بتسامة عريضة مبينة فيها سنانها وتمت راجعة بلور كتحرك راسها يمين وشمال حتى بعدت عليهم وعلى انظراهم مشات جهة الحمامات نزلت عينيها ليديها فين كانت كارزة على ديك زيزوار بجهد شدتها وقادتها على معصم يديها ليسرية غمضت عينيها وجرت جرة وحدة حتى خلات دم كيطير فالسما ورجعت حطتها على اليد تانية …شافتها وحدة من موظفات الميناج شهقت حطت يديها على فمها ومشات قاصدها كتغوت : اويلي ابنتي اش كديري حيدي داك الشي حيدي
– فنينة : حيدي بعدي مني ماشي سوووقك – المرا : اويلي ضربتي يديك….
بدات تغوت على لي يجي يعاونها ..هنا فنينة بكثرة داك الد&&م لكيشرشر من مع&صم يديها وبسباب الع&رق لضر&بت بداو اعضا&ئها كيفشلو عليها وراسها كيمشي ويجي ودنيا كدور بها حتى طاحت بجهد مخلية ضاية ديال الدم تحت يديها غير تشاعت الخبار حمزة قلبو كان غيسكت الارض ضاخت بيه من هاذ الشي لكيوقع …اما كنزة ضربت على فخادها كتندب حنااااكها وكتغوت : دارتها المسخوطة دارتها …….انااااري داااروها بجوج ويتمو ديك البنت الله يااااربي …الله يا فنينة واش تسالي راسك واش تسالينا …الله يا بنيتي وعقلك ماهواش معاااك
فنينة هاذي تاني مرة ايمانها كيضعااف بالجهد وكتنفي عقلها وكتخليه يحبس على التفكير …هيا واعية ولكن بعد الخطرة كتجهل وكتخلي العاطفة تغلب عليها وكضعف ايمانها بزاااف وكتفقد صبرها وكتفقد عقلها وكترجع تصرف شي تصرفات لكيكونو خارجين على ارادتها مكتكونش متحكمة فيهم كاااع بحال إلى كدخل فحالة الهوس كتولي بحال شي مريضة عقلية وكيترفع عليها القلم وبصح لشافها فحالتها دقبيلة يقسم عليها بالله على أنها مريضة عقلية ..محاولتش تاخد وقت طويل فالتفكير هي مجرد فكرة جاتها وطبقتها تم تم ملي حلفت لكنزة على انها جامي تزيد وراه دقيقة مكانتش تدوي من فراغ .كانت متأكدة بلي تقدر ديرها وتعداها وهاذ الشي ماشي غريب عليها ضربت يديها بعنف وقررات تنهي حياتها ومحنتش فراسها ولكن الغريب فالامر ان اينفوا سمعت ديك الهدرة اول حاجة جات فبالها هيا طبق فكرتها او مكلفتش راسها حتى تستفسر وتسنى تشوف اش غيوقع هاذي هيا فنينة بعد الخطرات كتكون خفيفة ولا يمكن غير ملي كيتعلق الأمر بعصام مكتبقاش قادرة تكابطي وتحكم فروحها هو فغرفة وهي فغرفة هو مجموع عليه طقم طبي مضاعف كيحاولو ما أمكن يسيطرو ليه على الوضع ويرجعو ليه الحياة لقلبو وهي فغرفة تانية كيحاولو يوقفو ليها النزيف الكثيف لجاها ويسيطرو على العرق لغزاتو. سيغتو وان ضربة كانت قبيحة حيت ضربتها فاليد الشمال وعرق لمتاصل مع القلب ..وديجا كان طونسيو طايح ليها بزااف شي لخلا قلبها تنقص دقاااتو …وجسمها فاشل ممستاجبش كاع العلاج ولا داك الشي لكيطرا عليها وهنا كان احتمال كبير قلبها حتى هيا يسكت بجوج بيهم كيسارعو الموت مخلين وراهم فلدة كبدتهم لي فاي لحظة تقدر تولي يتيمة الاب والام فدقة وحدة …..
خرج طبيب من الغرفة لفيها فنينة ..لقا حمزة وكنزة فوجهو الحزن و الارهاق والتعب باين على وجههم بزاااف ..حمزة مبقاش عندو الجهد باش يهدر حرك غا راسو زعما آش طرا – حتى طبيب فهمو وبدى يشرح ليهم الوضع : الجرحة كانت عميقة العرق تقطع ليها كامل هاذ الشي لخلاها تنزف بزاف ديال الدم بزز باش قدرنا نوقفو ليها النزيف وحتى حالة جسمها مكانش معاون مكانتش فحالة مزيانة طونسيو كان عندها ناازل بزاااف وجسمها فاشل شي لخلا دقات قلبها ينخافضو ..وجاتها كريز وسط العملية الحمد الله غير باش قدرنا نتحكمو فالوضع – حمزة : ودابا كي بقات فاقت ؟؟ – الطبيب : لا مزال مفاقتش خصها تبقى تحت العناية المركزة بالقليل شي يومين عاد ترجع لوعيها ومن الاحسن هاكا حيت لفاقت ودارت شي ردة فعل عنيفة يقدرو يطراو عليها مضاعفات خايبين واحتمال تخسر حياتها …البنت حالتها النفسية متضررة بزااف وهاذ الشي لمفشلها
– دعى بالشيفا وزاد مخليهم ..كنزة شدت فركابيها ومشات كلست زاد حداها حمزة وكلس داير وجهو بين يديه كيحك راسو وتفاحة ادم كطلع وتهبط
– كنزة : واش هاذ المكتاب نزل علينا الى من عند الله مرحبا بيها والى من عند العبد انا مسامحالوش ..اربي واش هاذ الشي كنت فالولد جاتني الدقة حتى ديال البنت
– حمزة تنهد : اش درتي افنينة اش كنت متاكد غدير شي حاجة كنت متاكد غتآذي راسها – كنزة : واش تسال راسها واش تسالنا اربي حبيبي ياربي تلطف ياربي ياربي تحد الباس – حمزة : فنينة تضرات بزااف – كنزة : كلشي مضرور
– حمزة : لا هي كثر ..-شاف فكنزة
– حتى نت الله يهديك الحنينة زدتي قهرتيها بهدرتك ..دويتي بحال إلى مكتعرفيهاش واش هيا غتدعي عليه من قلبها ..نت كنت شاهدة على كاع داك الشي لقساتو مكانش عليك حتى نت تلوميها حيت حتى هيا كان حقها وبالزايد …كنت تنصحيها ماشي تقهريها …رآه ماشي غير جات وفكرت تقتل راسها راه حتى تخلط عليها كلشي ….-كنزة كتبكي : انا تقلقت عليها غير حيت دعا خايب ومخصهاش تدعي ..دعا ديما الواحد يتجنبو -حمزة : انا نعرف فنينة ماشي من خاطرها .شفتي فنينة متصبرش حتى تشوف عصام مجروح عاد يسخى عليها تشوفو هنا …رآه انا لنعرفها ونعرف عصام اش كيسوى عندها -كنزة : حتى هو مقطرة ليه من العينين كلشي الا تقسيه فيها ياربي ينوضهم بسلامة ياربي غا على وجه ديك البنية لا ترزيها فيهم ياربي…..
كتسبح وكدعي : ياربي غير تنوضهم بسلامة وكلشي يرجع مزيان وغترجع لينا حتى الفرحة ياربي لهلا ظلمها على شي مسلم بقاو يتسناو حتى خرجو الاطباء لكانو مكلفين بعصام …وكلهم امل يسمعو شي خبار زينة
-طبيب : درنا جهدنا وبعد مجهود كبير الحمد لله قدرنا نسيطرو على الوضع …منقدرش نكوليكم على حالتو دابا حيت باقي مباين والو منقدرش نكوليكم واش وضعو ستقر حيت فاي لحظة يقدرو يجيوه مضاعفات مي شوية دابا حسن من قبل وحالتو غادي تحدد فخلال هاذ ربع ايام الى فاق نقدر نكوليكم غيكون تجاوز الخطر بشكل نسبي والى مفاقش احتمال كبير يعاود يدخل فغيبوبة للمدة ديالها مبايناش …لكن نتمناو الاحتمال الأول ويقدر يفيق ويستاعد وعيو دازت ثلت ايام …عاد فتحت عينيها حاسة براسها فاشلة والبنج لاعب عليها ..-اصلا كانت الوقت لكتبغي ترجع لوعيها كيرجعو ينعسوها مع مضادات حيوية حيت جسمها فاشل ومخصهاش تفيق وتجاهد نفسها ….غير فتحت عينيها شحال وهيا ضايخة .تفتح وترجع تسدهم شحال باش خلات نظرها يستقر وبدات تستوعب راسها فين ماشي بزاف وبداو يرجعو ليه كاع الاحذاث فراسها زيرت على عينيها عاصراهم بجهد ونطقت بصوتها الفاشل : بقيت حية ما متش – عينيها تجمعو بالدموع – حتى الموت هيا الآخرة معنديش فيها الزهر ..علاش علاش – بدات كتجبد كتحاول تنوض دخلت الفرملية على غفلة : اختي شكديري تهدني
– فنينة جاها نهيار عصبي كتحاول تقطع سيروم ودوك الخيوط لفيديها : حيدي لي هاذ الشي ما بغيتهمش هاذ الشي لخلاني نبقى عايشة ما بغيتوهش ما بغيتش – كتنتر
– حيدي لي هاذ الشي دويت معاك -الممرضة صونات بالجرس طلبت المساعدة عاد دخلو عندها جوج شادين فنينة وهيا كترطى وكتغوت بجهد وكتبكي بغى تحيد داك الشي لفيديها عقلها واش ݣاليها ..فبالها بلي هادوك الخيوط هوما لمخلينها عايشة وغير تحيدهم غتموت …العقل شوية وميبقاش ..عندها ..شدوها مزيان حتى جا طبيب ودك ليها مهدئ وبقاو شادينها حتى بدى مفعول المهدء كيسرا فيها وبدات ترخى عاد طلقوها وقادوها على السرير بعد متفصحو ليها الضربة ..المهدء منعسهاش غير رخاها وخلاها فاتحة عينيها حمرين كتشوف فالسقف عقلها كيفكر فبزاف الخطط باش تنهي حياتها لكن جسمها فاشل باش ينوض يطبق داك الشي لكيدور فراسها ..
– حمزة كان على برا غير وصلاتو الخبار جا كيجري لقى طبيب يلاه خرج من عندها : مالها ؟. – طبيب : هاذ الشي علاش قلت ليكم بلي ضروري تبقى ناعسة حتى يقدر جسمها يرجع الحيوية ديالو ..نفسيتها متضررة غير فاقت جاها نهيار عصبي حتى حقنا ليها مهدء عاد تهدنت…..
حمزة : نقدر ندخل نشوفها – طبيب حرك راسو : لكن متبقاش معاها بزاف ولكن لكانت شوفتك ليها غادي تعصبها من الاحسن بلاش – حمزة : لا غتبغي تشوفني غير خليني ندخل – طبيب : تفضل من الاحسن مطولش حيت خصها ترتاح ومترهقش راسها بزاف – كترمش عويناتها فالسقف بهدوء وجها شاحب ورجع لونو صفر التعب باين او واضح على وجهها .وقف عليها حمزة عينيه مدمعين وهو كيشوف حالتها خدى يدو دوزها على وجهها : ختي كي بقيتي – فنينة تبسمت ونطقت بصوت كيرجف ثقيل من اثر المهدء : بغيت نموت – حمزة : تموتي ؟ وليمن تخلي بنتك ؟ – فنينة – تبسمت: ليك نت وخالتي – زادت تبسمت
– تاخدها نت واكرام تربيوها – حمزة سرط ريقو : وخا وليمن تخلي عصام ؟ – فنينة نزلت دمعة : عصام مغنخليهش وحدو عصام فين ما كان غنكون معاه والى كنت متوفقتش المرة اللولة غنقدر المرة الثانية وغنمشي لعندو – حمزة تبسم : ولكن عصام باقي هنا ..عصام باقي معانا – فنينة هزت عينيها فيه بشوية مقدرتش تهدر ولكن نظرتها كانت كافية تخلي حمزة يفهم سؤالها ويهز راسو بالايجاب كيضحك : مماتش عصام باقي قدرو ينقدوه ..كون صبرتي غير شوية معنا كنت تسمعي الخبار لغتفرحك – فنينة تبسمت غمضت عينيها منزلة دموع حااااارين – شد ليها يديها ليمنية : عصام ماشي ضعيف بحالك هو بقى متشبت باش يرجع لينا والاهم يرجع ليك ولبنتو ونت بغيتي تقولبيه وتمشي كون بصح فاق وملقاكش امممم مكنتيش غتبقاي عزيزة عليه – فنينة مبسمة وكتهز فراسها باه وكتبكي – حمزة : ششش صافي بركة من دموع اخيتي صااافي كلشي غيكون مزيان كلشي …كلشي فااات ..عصام فاق وحتى نت فقتي وغترجعو بجوج عند بنتكم لسمحتو فيها وخلتوها ..بغيتو تيتموها فيكم ماشي حشومة – فنينة مبسمة : فاق – حمزة : ههه اه فاق خويا راسو قاصح انا لنعرفو ..كنا نݣولو هو لغادي يتعطل باش يفيق صدق هو لفاق قبل منك ونت بقيتي مجرجرانا ..عصام خويا ديما هارب على التوقعات فراسك كلشي تصدم ملي فاق قبل اضعف الوقت لكانو محدديلو – فنينة كضحك بحزن عينيها مدمعين : ولا مزيان -حمزة : ماشي مزيان مزيان ولكن حالتو ستقرت مبقاش عليه الخطر كنا خايفين يدخل فغيبوبة مي دابا ولات احتمال مستبعد باقي فالانعاش لكن ݣيكولو لينا نوعا ما حالتو شوية مزيان – فنينة تنهدت : مسخاش ببنتو
– حمزة : ومسخاش حتى بيك – فنينة : خالتي غتكون فرحت – حمزة : فرحتها كانت ناقصة حيت بنتها كانت باقا مفاقتش اما دابا عاد فرحتها غادي تكمل
– فنينة : حاسة براسي فرحانة اخويا – حمزة : حيت قلبك فرح إنشاالله اخر الاحزان….
– فنينة : دخلتو شفتوه – حمزة : غير من الزاج باقين مسمحولناش ندخلو لعندو …بالحق كاليك غادي وكيتحسن ومبقاش بزاف يخرج من الانعاش ويحولوه الغرفة عادية وديك ساعة نقدرو ندخلو نشوفوه ونكلسو معاه
-, فنينة كتحرك ليه راسها مبسمة هاذ الطريقة هيا لقدرت بها تعبر على الفرح ديالها حيت متقدرش تنوض فاشلة بزاااف &&&& دااازت ثلت ايام قدرات فيهم فنينة تنوض شوية على رجليها هاذ الشي كامل غير باش تقدر تشوفو واخا غير ورا الزاج ..جاب ليها حمزة بنتها كتقيل معاها وتدوز نهار كامل وهي واقفة ورا الزاجة مراقباه منها ..بهدوء ..تام فتصرفااتها ..معاوداتش هدرت كاع هيا وكنزة ماشي حيت مخاصمين ولكن غير حاسة براسها مواجداش والامور مزال مخربقة وباش الخواطر تصفى خص شحال والحذيث طويل ..وماشي الوقت المكان المناسب لهاذ الشي ….——-دازت كثر من سيمانة كانت فدار ضطرات تمشي باش تدوش لبنتها حيت تكرفست معاها هاذ اليامات الاخرة فالطبيب وهملتها بزاااف كانت هي واكرام بوحديتهم وكنزة تخالفت هيا وياها فطريق هي اللخرة مشات وهي دخلت …- شادة بنتها كترضعها ومغمضة عينيها وساكتة واكرام كتشوف فيها تنهدت ونطقت : باين فيك العيا اختي بزاااف – فنينة حركت راسها وبقات ساكتة
– اكرام : مابغيتش نجبد هاذ الموضوع ولكن اختي علاش هاد الشي واش عارفة راسك شنو كنت بغا ديري ..توصل بيك تبغي تنتاحري اختي واش لهاد الدرجة ايمانك ضعاف – فنينة : بدلي هاذ السيرة حيت معنديش الجهد والله -اكرام : اري نشد ليك البنت ونوضي دوشي ولا اري نعسها وندخل معاك نعاونك على حساب يديك باش ما تقسيهاش بالما – فنينة : لا غا خليني مقادراش
– اكرام : غير توگدي شوية نت راه مشايفاش حالتك شوفي وجهك كي ولا صفر .علاش اختي عزيز عليك تآذي راسك ماشي غير. دابا من عقلت عليه من ديما كي كتوقع شي حاجة كتآذي راسك واش عزيز عليك تنتاقمي من راسك لهاذ الدرجة مكتحنيش فراسك – فنينة: يدير ربي الخير يدير -…
سمعت تلفونها كيصوني : نوضي مدي لي تلفون شوفي شكون كيصوني – هزت اكرام تلفون : حمزة هدا
– فنينة : اري دغيا نشوف – خدات تلفون فتحت الخط مخلوعة : الو حمزة وقعت شي حاجة – حمزة : اناري بسم الله عليك ردي الروح فراسك موقع والو وقع غا الخير صونيت ليك نكوليك بلي رآه حولوه الغرفة العادية ودابا نقدرو ندخلو نشوفوه – فنينة ضحكت مبينة سنانها : هههه – حمزة : اجي باش دخلي نت لولة تشوفيه – فنينة متوترة : احم احم منقدرش – حمزة : علاش
– فنينة: هاكاك مقادراش غير دخلو نتوما انا حتى من بعد وندخل -حمزة : باقا مقلقة منو – فنينة : ماشي منو من راسي ..- حمزة : خودي راحتك حتى تبغي ودخلي – قطعت معاه – اكرام : على سلامتو اختي – فنينة: الله يسلمك – اكرام : علاش ما بغيتيش تدخلي عندو تشوفيه – فنينة: منقدرش – اكرام : علاش – فنينة: اخر مرة خرج حاقد عليا بزاف بسبابي باش وقع ليه هاكا واكيد دابا غيكون مقلق ومحاملش يشوفني ..ويقدر لدخلت عندو وشافني يتعصب وتوقع ليه شي حاجة اللهم بلاش حتى يرجع مزيان
– اكرام عنقتها كطبطب عليها : علاش نت معندكش الزهر اختي – فنينة : هاذ الشي لعطى الله اختي الحمد الله على كل حال .فايق حال عينيه وجهو شوية رجع فين لون نفسو منتاااظم ..وهاذئ غير سمع صوت شهقة دور نظرو بعينيه جات على كنزة لبكات من الفرحة كان شاد فيها حمزة وقربو حتى لعندو حطت يديها على وجههو كتنخصص : الله يا حبيبي الله اوليدي وقطعتي قلبي عليك واش تسالني – عصام بزز باش كيقدر بهدر باقي حاس بالتعب : ششش صافي الحنينة مزيان شوية دابا
– حمزة كيسمح دموعو – عصام : من نيتك كتبكي نت – حمزة : كنت خايف لا نتيتم ونفقد با -شد ليه فيدو – حيت بصح ما نحسبكش خويا كنشوف فيك الواليد
– عصام غمض عينيه ليه : الله يرضي عليك -كنزة باغا تبوسو ولكن ممنوع تقيسو شادة ليه غير فيديه: حمدتك يا ربي وشكرتك كي نوضتيلي ولدي ومشوتنيش فيه.. باش كتحس اوليدي مضرور ياااك ..تمحنتي اكبيدتي تمحنتي ..شكي على ميمتك ݣولي…..
عصام كيحرك راسو بلا بصوت ثقيل : حمد الله شوية دابا بلا متخافي مكين والو -حمزة : ݣالينا طبيب غتضر بزاف ملي البنج غيمشي – عصام : فات الألم فثلت ايام لولة باش فقت دابا رجعت مزيان -سكت شوية ورجع هدر- فنة
– حمزة كان متاكد غيسول عليها من دخلو عندو وهو حاس بلي باغي يسول فيها : احمم فدار – عصام : علاش مجاتش – حمزة : احممم كانت غير مشات تقابل بنتها شوية وترتاح – عصام : عرفاتني فقت او مجاتش – كنزة : لا ماشي هاكاك غير – قاطعها عصام : خليوها فراحتها غير تبقى بلا متجي — قال هاذ الشي ورجع سكت فخطرة معاودش جاوبهم دازت ثلت ايام فيهم عصام شوية بشوية بدا يرجع صحتو والاطباء قايمين بالواجب معاه ..لكن طول الوقت وهو عينيه على الباب يستنى مجيتها نفسو فيها وفشوفتها،،،،،، وهي داخلة من هذاك الباب …لكن فنينة طولاااات عيا معاها حمزة باش تدخل عندو لكن كانت ترفض ..طول هاذ الوقت لداز وهي كتجي لعندو لكن كتبقى واقفة غير فالباب شحااال،،،،،، معندهاش القدرة باش تدق ولا تفتحو ودخل …مقادراش تشوف فوجهو الوضع متوتر بالجهد كان فايق من بعد مدوز روتين الفحوصات اليومية ..ونفس كل مرة عينيه على الباب بدون ملل ساهي كيشوف فالباب ..فلحظة تنهد من الاعماق بطريقة بين فيها رآه مل الانتظار ديال بصح شاف فالباب ونطق فنفسو : طولتي ازينة بزااف وصبري عليك قلال ومبغايش نتعصب عليك خايف نضرك بعصبيتي ..الى مجتيش غنولي واحد اخر ولكن لجيتي -باقي مكملهاش تفتح الباب هز عينو كانت هيا ..كانت كيف كل عادة تجي وتبقى واقفة عند الباب لكن هاذ المرة معفرفتش شنو جاها باش تشجعت وفتحت الباب ودخلت يمكن بغات ترحم راسها خلاص من هاذ العذاب وݣالت مع راسها لي ليها ليها يا يشوف فيا ويحن فيا يا يصدني ويعطيني بالظهر وهاهي دابا عينيها فعينيه نظراتهم بجوج كتحمل بزااف المعاني كتشوف فيه وجاهلة المعنى ديال دوك الشوفات لكيدير فيها حتى كانت غترجع بلور وسمعاتو نطق : علااااش -هزت عينيها فيه مدمعين وهيا مفاهماش شنو قصد بالظبط واش زعما علاش جات سكتت مجاوباتوش حتى عاود سول
– عصام :, علاش تعطلتي باش دخلي علاش تجي وتبقاي عند الباب – فنينة : كنت خايفة – عصام : منين – فنينة: منك خفت لمتبغيش تشوفني – ضحك مستهزء وهز راسو لسما ورجع كيشوف فيها شحال وكيشوف تعب لعلى وجهها والحزن لظاهر عليها ومصعبش عليه يعرف ان حالتها ونفسيتها متضررة بزاف حرك ليها راسو : اجي عندي….
فنينة ضحكت ومسحت دموعها بالكم ديال حوايجها ومشات لعندو بزربة وقفت كتشوف فيه عض على فمو وزاد كحز شوية مخلي مسافة صغيرة فسرير : زيدي تخشاي حدايا – مرفضتش كاااع اصلا حست براسها بحال إلى كتحلم وكون كانت تحلم تمنى انها متفقيش – تخشات. حداااه هو واخا مزير مفورصي على راسو وهز يديه حاوطها وزاد خشاها فيه بالجهد ماشي بزاف. وبدى يتسمع صوت بكاها بالجهد كتبكي بصوت مرتافع وهو كيدوز يديه على ظهرها : غير بكي بكي ..خرجي الخلعة لفيك — هي بحال إلى كيعطيها الضوء الاخضر ..عصام غير من شوفتو لولة فيها عرفها وحس بها انها جامعة وقلبها مضيم وكلشي مجموع عليها وبلي نفسها هازة بزاف وكلشي رجع عليها وكارزة على نفسها وحابسة داك الشي فداخل ديالها غير من وجهها الشاحب قدر يعرف داك الألم لكتحس به – كتبكي وكتشهق وهو كيدوز يديه عليها : خفتي ؟ – فنينة: هئ هئ هئ بزاااااااف خفت بزاف كنت غنموت علاش درتي ليا هاكا علاش هئ هئ هئ هئ علاش انا ليوقع لي هاكاا ..واش ماشي من حقي نتقلق عليك واش ماشي من حقي حتى انا نتقلق شوية علاش ديرولي بحال هاكا علاش كلشي يدور فيا -عصام : شكون لدار فيك – فنينة كتنخصص : كلشي كلشي دار فيا ونت مخلتنيش نتقلق عليك فراحتي نت عارف كنت نتقلق شوية ونرجع بالحق نت مخلتنيش ..زدتي غا قهرتيني وكحلتي دنيا فعيني كثار ما هيا كحلة هئ هئ شنو فيها كون خلتيني فراحتي ومن بعد نرجعو عادي علاش درتي لي بحال هاكا هئ هئ هئ
– عصام : انا معنديش صبر،، عليها ختاريت طريقة لتخليك ترطابي بالخف – فنينة:( كتشهق فصدرو ) طريقة للقيتي هيا ترزيني فيك وشمن حياة غتحلالي وراك غا ݣولي
– عصام : داك الشي باش غير حليت عيني لقيتك فوجهي – فنينة: كنت خايفة لمتبغيش تشوفني وتكون مقلق ومحاملنيش هئ هئ هئ مكنتش نقدر نصبر على شي حاجة خايبة منك – عصام : هاذ الشي علاش كنكوليك عزيزة عليا حسن من ديك كنبغيك ديالك ،،،،،،حيت نت غا كتبغيني عليها كتقلقي عليا وتشدي فخاطرك من جيهتي وحيت نت عزيزة عليا عليها مكنعرفش شنو هو نشد فخاطري ولا نتقلق عليك نت مكنعتابركش الطرف تاني ولا شريكة ديالي نت انا ومني وفيا – فنينة: هاذ العام شفت حوايج خايبين بزاف وبكيت بزاف بغيت نهرب والله بغيت نهرب من كلشي
– عصام : نهربك ؟ تهربي عندي ..بغيتي نخبعك ؟
– فنينة: ايه – عصام : نخبع بنتي هاني غنخبع الزينة ديالي – زاد خشاها فيه وجر داك ليزار غطاها بيه كاملة وكيزيد يخشيها فيه : هاني خبعتك خبعت الفنة ديالي ….
يتبع
شاركنا رأيك في هذا الفصل 🌹