لعشقكي انحنيت ♥️
– عصام : نخبع بنتي هاني غنخبع الزينة ديالي – زاد خشاها فيه وجر داك ليزار غطاها بيه كاملة وكيزيد يخشيها فيه : هاني خبعتك خبعت الفنة ديالي
– فنينة كتزيد تمخشش فيه : ايه خبيني محتاجاك تخبيني ..بغيت نهرب من كلشي ..باغا نتخبع عندك ما بغيت حتى واحد يشوفني – عصام كيزير عليها : ششش صافي ازينة ديالي صافي حاس بيك حاس – فنينة: لا محاسش بيا محاسش كون كنت بصح حاس مكنتيش تزيد تعذبني ..كنت تخليني نتقلق عليك فراحتي وتبقى شاد لي بخاطري حتى وكان نبرد. ونت عارفني كنت ندور حتى نعيى وعندك نرجع حيت منجمش بلا بك ولكن نت اش درت ختاريتي تزيد تعذبني كثر ..وخليتي كلشي يرجع يلوم فيا بحال إلى انا شي وحدة خايبة وممزياناش – عصام كيطبطب عليها : ششش نت الفنة ديالي والفنة ديال عصام زينة وغتبقى زنية مخايباش ومعند حتى شي واحد الحق يكول فيها حاجة خايبة ولا يلومها ششش صافي سكتي من البكا
– فنينة كتشهق : خالتي دارت فيا ..كاتلي بسبابك باش نت وصلتي لهنا حيت انا دعيت فيك ملي خرجتي
– عصام : تدعي فراجلك ما حشوماش
– فنينة كتنخصص : دعيت وݣلت يارب يخرج وتجيني خبارو
– عصام: وجاتك خباري شفتي – فنينة: خبارك جاتني خايبة وضراتني فصحتي بزاااف ..اصلا مدعيتش فيك من خاطري والله ما من قلبي – عصام كيمسح ليها دموعها : دعا خايب متبقاش تدعي عليا …حشومة ما ممزيانش دعي معايا ماشي عليا احبيبة عصام – فنينة كتحرك راسها: لا مبقاش نخرج شي دعوة على فمي مباقا نݣول والو حيت دعا كيخرج غا فيا
– عصام : حيت نت انا ..ولا. تقاسيت ولا تضريت . نفس الشي كيوقع عليك…..
فنينة: شفت وعشت وقنعت وليت طالبة غا السلامة
– عصام باسها من راسها : فيها خير فيها خير كلشي كيوقع من الخير ازينة – فنينة كتبكي مخلط عليها كلشي : ما بقيتش زينة ما بقتيش هاذ العلاقة المسمومة خرجت غا عليا كل نهار كتزيد تاكل مني – عصام خنزر فيها : علاش كتكولي على داك الشي لبناتنا مسموم ..داك الشي لي بناتنا انا مقدسو وحتى نت خصك تقدسيه ..اخر مرة افنة اخر مرة تدوي على العلاقة لجامعنا بهاذ الطريقة – فنينة: انا ݣلت غا لكاين ولكنشوفو – عصام دغيا تقلب ليه المود ؛ زيد هلكي دين مو هاذ القلب زيدي…هاذ المرة وقيلا حتى تسمعي ان الله وان اليه راجعون عاد تبردي مزيان أما دابا باقي كي والو
– فنينة غير سمعاتو زادت زيرت عليه خاشية راسها فيه بتملك – عصام : غير خرجي الهدرة كي السم وشعليني بها وتخباي – سكتت مجاوبتش – عصام نغزها : رآه معاك كندوي – فنينة: مبغاش نهدر – عصام : يلاه زيد عاود تاني
– فنينة: عافاك نعسو فيا نعاس بزاف – هز ليها راسها قابل وجهها معاه كيشوف فيه بتمعن ودوك الهلات السواء تحت عينيها زفر معصب: شهاذ الحالة ..مال عينيك هاكا كنت قاطعة الما والنعمة ياك – فنينة: وحتى نعاس مكنتش نشوفو – عصام : بهاذ التصرفات كتزيدي تصعريني عليك وكتزيدي تصحقي لمي القلب. بقات غا الكبدة لفيا صحيحة زيدي قتليهاا حتى هيا بهاذ الاعصاب لكديري ليا ….علاش لمترديش البال لراسك خليني انا محبد سوقك اخريتي غنوض .حتى نموت هاذ ديري هاذ الحالة ماشي انا مزال عايش ونت موصلة راسك لهاذ الحالة
– فنينة حانية راسها كتسمع ليه وكتنخصص
– شدها درعها غاطس ليها راسها فيه وباس ليها على راسها بتملك وكيتنهد – عصام : مي يا مي كندير وندير ليك. وشكون تحلالي من غيرك ازينة …..
سكت شوي عاد هدر – نكول الزينة تسمحلي ؟
– فنينة: عارف راسك غلطتي ياك – عصام : غالط وغالط وغالط بزاف بزاف الحوايج مكانش عليا نديرهم ودرتهم بزاف الحوايج كان عليا نشاوركم فيهم ومشاورتش ..حقك عليا اعمارة القلب والدار ..ݣولي شنو ندير باش زينة ترضي عليا ومتبقاش هازة من جهيتي .وترجع الحنينة ديالي تغرقني فحانتها كي دا شحال – فنينة: كتليك قبيلة ما بقيت هازة فخاطري على حتى شي واحد وليت طالبة غا السلامة – عصام عقد الحداش فحواجبو : دابا انا واحد ؟
– فنينة: نت عصام – ….عصام : وشكون هو عصام
– فنينة: عصام لنصو جنة نصو نار – عصام : ونت لتختاري بغيتي الجنة بغيتي النار – فنينة : قصت فيك غا النار اما حتى الجنة معرفتش واش ديك الشوية لشفت واش جنة بصح ولا غير حلم وفقت منو – عصام ضحك بشوية : الجنة هيا لغتشوفي معايا من مور منخرج انا و الزينة من هنا
– جات غتهدر حط يدو على فمها : ششش متكولي والو الزينة خصها تنعس دابا غتبقى تنعس فالوقت وتفيق فالوقت وتاكل فالوقت حتى تنور لحبيبها وتداوي ليه قلبو بضحكتها ..
– فنينة غير كتشوف فيه وساكتة -عصام : تيقيني لكتليك راحتي فعينيك ملي كيضحكو ..ففمك ملي كينطق عصام راجلي …ياك انا راجلك ديالك احبيبتي ؟؟ – فنينة حركت راسها بلا: ما بقيتش عارفة – عصام كشر حواجبو : علاش لي متعرفيش انا راجلك وديالك وخير دليل انني والد معاك بنيتة ..-تفكر وعاود كمل : فنينة – فنينة : امممم
– عصام : شهاد امممم ملي نادي عليك كولي نعام اعصام – فنينة: نعام اعصام – عصام : ملاحظتيش بلي بنتي كتشبه ليا بزاف – فنينة : كي تزادت لاحظتها خالتي
– عصام : واه علاش زعما حيت انا باها؟ عليها ضروري متخرج تشبه لي
– فنينة بلا متشعر :يمكن حيت كنت كنتوحم عليك
– عصام : كيفاش عليا ؟ كنت كتشهايني زعما ولا كتحلمي بيا…..
فنينة تعمرو عينيها بدموع باش تفكرت دوك الدكريات الأليمة : كنت موحشة فيك بزاف لواحد الدرجة متخيلش لجاني جاني عليك وخا فديك الفترة كنت كارهاك ومقصحة منك بزاف ولكن كان جهد فوق جهدي مكانش يديني نعاس ريحتك كانت بين نيوفي كنت قريب نتسطى وانا بغا نشم ريحتك ومكانش عندي منين نجيبها -عصام : زيدي كملي شنو وقع ليك اخر تعاودي لي كلشي بديطاي بغيت نعرف كلشي – فنينة :ما بغيتش دابا بغيت غا نعس
– عصام : لا ازينة عاودي ليا ونعسي
– فنينة كتبكي : انا ماشي غير جيت وما بغيتش نشوف فيك وقصاحيت غير هاكاك ..رآه بصح لداز عليا ماشي قليل شفت الويل ..نت يحساب ليك ملي رجعتي ولقتيني فدار بلي كلشي هاني بحال إلى عمري خرجت منها ..لا حتى باش قربت نولد عاد رجعت لدار – عصام كارز على سنانو : عرفت بلي جاو داوك بزز – فنينة: لا ماشي بزز انا مشيت معاهم بخاطري حيت مكان عندي منبقى ندير فديك الدار
– عصام : كيفاش فديك دار ..ديك دارك ديالك حقك – فنينة: ونت غايب وجودي معندو حتى شي معنى …كنت كارهة بالجهد لدرجة كي عرفت راسي حاملة كنت بغيت نطيحو وصلت بيا لدرجة أنني نقتل بنتي ومنخليهاش تزاد
– عصام : مكنتيش ديريها كانت غير هدرة خاوية وكنت معصبة مني راني نعرفك ازينة راني نعرفك ماشي معاودلي عليك وعارف راسي معامن شركت دمي وزرعت فيها روحي – فنينة: من وراها دازت عليا دازت فترة قاصحة مرضت بزاف وصحتي رشات وضعافيت والوحم قهرني هو لكان مكمل عليا راسي مكنتش نهزو ..واحد الخطرة على شوية كنت غنفقد بنتي كلي هبطت بطروفة ديال الدم وملقيتش حتى ليعتقني وديني الطبيب حتى الاخر عاد با شفق عليا
– عصام كزز على سنانو ساااكت تفاحة ادم كطلع وتهبط وجهو ولا حمر دليل على الغضب لتملكو : نعسي برك عليك نعسي دابا – فنينة : لا خليني نعاود ليك ياك كلتيلي عاوديلي وخليني نعاود متسكتنيش
– عصام : هاذ الشي لكتكولي كنحس بيه كيفشلني بلاش ازينة بلاش ….. فنينة: علاش لمتكونش معايا علاش كون ملقتكش فجنبي وعشتي معايا كلشي مرحلة بمرحلة علاش حمزة لكان يمشي معايا عند طبيبة وماشي نت
– عصام : حسبت روحي فلت من العقاب بهاذ التجبيدة لتجبدت كولي نت كنت مسنياني غير نفيق…..
فنينة: كتنخصص : بابا مات ليا فيدي ..مرض مسكين بزاف وانا لهزيتو حتى واحد معقل عليه بقيت مساعفة معاك ونسيت كلشي نسييت اي حاجة وكنت مستعدة نهزو بسناني ولكن مات وخلاني مات ليا فيدي بالحق فرحت حيت مات حتى تسامحت معاه ورضى عليا ..عمري مكنت نسمع منو الله يرضي عليك ابنتي وملي سمعتها فرحاتني بزاف
– عصام : حيت مرضية ابنتي مرضية وحنينة وحنيتك انا لقايسها وعارفها بوحدي – باسها – ربي يحفظ ليا الحنينة ديال عصام درتي المزيان ملي محافتيش .. ودرتي داك الشي باش وصا الله . الله يرضي عليك – فنينة مزال كتنخصص : عاود ليا على ماما كالي عليها بزاف الحوايج ماما مسكينة كانت غا درويشة – عصام : او بنتها سايبة ..وسيوبيتها جات معاها وجاية لعصام على ݣانتو ومهبلاه وممخلياه فين يزيد يشوف – فنينة: ملي مات معرفتش علاش حسيت براسي زدت تيتمت حسيت باحساس خايب بزااف
– عصام : حيت مكنتش انا – فنينة: لو كنت نت مكنتش غنحس بنفس الاحساس ؟ – عصام : حيت كون كنت انا كنت غنعقك ونخبيك بحال هاكا – زاد ظغط عليها
– ومنخليكش فين تحسي بالفراغ…هو غير باك البيولوجي اما انا الاب الروحي ديالك ابنتي. ..انا وهو كلشي فحياة فنة ياك – فنينة: علاش لتخليني وراك علاش كنت ديني معاك فين ما مشيتي رجلي برجلك فكلشي
– عصام : دابا هدرتي نت وسمعيني شوية حتى انا ….انا عمري مكنت اناني معاك وابدا ماشي عنصري حيدي هاد جوج كلمات حيت كيخسرو ليا خاطري ومكنحملش نسمعهم من عندك ..فهاد الدنيا افنة كين شي حاجة سميتها الارزاق وهاذ الارزاق ماشي حنا لكنكتبوهم ولا كنختاروهم داك الشي جاي من السما وربي لمسرف فيه اما العبد ما فجهدو ما يدير …وربي كتب ليا طرف الخبز هاكاك ..وملي وافقت ندخل لداك العالم الا واذا كنت عارف راسي غنخسر كثر ما نربح وبلي خص نتنازل على بزاف حيت خدمتي كلها اسرار وحتى شي حاجة مخصها تخرج للعلن ..بحال مثلا دوك الاسرار لكيكونو بينك وبين الله ..ديك الخطرة باش تبعتيني تم وقعو بزاف الحوايج وتقلب وطاح على ظهري بزاف ..ودرت جهدي كامل باش منخلي حتى شي مخلوق يوصلك ولا يحط يدو عليك ازينة وهاد الشي كامل درتو وانا مخليك تعيشي بحرية….
فنينة : عليها كنت داير لي الحبس فين غادا وفين جايا وعلاش هاكا وماشي هكا
– عصام حك جبهتو : لا هاذ الشي مكانش عندو علاقة فشي لاخر هاذ الشي بديت نديرو ليك باش عيني بداو يطيحو ويميلو لجهتك وبديتي تعششيلي فراس …مهم ماعلينا من ورا داك الشي تراكمات الاحذاث وكل مرة بدى يخرج ليا بلان فشكل حتى لقيت راسي غارق ..من ورا ديك ليلة الكحلة كان ضروري خص نمشي على برا باش نفك داك الزمر كامل ونرجع هاني ..كنا فسيمانة وقل كاااع تا صدقت مجبد عليها عام …فلول متيقتش ولكن اش ندير انا واحد الراجل لعارف بيني وبين الله الحمد الله وعارف بلي ضروري الرضا بالقضاء والقدر سوا باالخير سوا بالشر …تحاسبيني افنة على شي حوايج كانت يدي فيهم اما شي حوايج كانو مكتابين عليا لا ..هاذ الغبرة كانت مكتابة عليا …مكتاب الله او دوزتو – فنينة: وربي تاني كتب عليك وكاليك دخل عليا ديك خيتي وتكول عليها مراتي وتحطني امام الامر الواقع بلا مدير حساب لحالتي ولا شنو غيوقع لي
– عصام : داك نهار كنت عارف راسي عن*ودها وكنت متوقع ردة فعلك غتكون عنيفة ،،،،،، باش جبت ديك خيتي .حيت مكانش فين ومكانش حل اخر من غير نجيبها لدار وسديت الموضوع بمراتي حيت مكتش نقدر نفسر بزاف
– فنينة: كيفاش سديتي الموضوع بمراتي ره كانت مراتك دبصح – عصام : هانتي غتشعليني تاني شمن مراتي ولا زمر مكنعتارفش بها ورقة كانت وتفسخت ..متبقايش تكولي عليها مراتي .. حيت ماشي مشيت تكيتها ولا حملتها بالتوام وجهها مرانيش عاقل عليه …حتى نكون داك الشي لدرتو معاك نت درتو معاها عاد كولي عليها مراتي ولا زعتر .
.- فنينة: هيا ماشي مراتك – عصام : وشكون لمراتي ؟
-؛فنينة هزت كتافها ؛ معرفتش – عصام: معرفتيش شكون لراني والد معاها .. ودرت انا وياها بنية
– فنينة عاودت هزت كتافها : معرفتش – عصام حط يدو على كرشها : شكون لعمرت ليها الكريشة عاد مشيت ههه….
فنينة عاودت هزت كتافها : معرفتش – عصام : شكون لكنعنقها – فنينة: معرفتش – عصام : شكون لكنبوسها
– فنينة: معرفتش – عصام : شكون لي ملي كنشدها كنخليها كلها مطراسية ومنجمش نبعد عليها – فنينة: معرفتش – عصام : شكون لمنكرهش نبقى غير نبوس فيها
– فنينة: معرفتش – عصام : شكون لمنكرهاش تبقى معنقاني وكنرتاح ملي كتلعب ليا فشعري – فنينة : معرفتش
– عصام : شكون لكتدخل تعوم راجلها وتحك ليه
– فنينة : معرفتش – عصام : شكون الحنينة ديال عصام ؟ – هزت كتافها – عصام : شكون سايبة ديال عصام ولشيباتو – عاودت هزت كتافها – عصام : شكون هزت على راجلها جنوية وبغات تدبحو – سكتت – عصام : شكون دارت لراجها السم وشرباتو ليه وشربت معاه ..حنينة لمك لدرجة ما بغتيش تصيفتني وحدي …هيا هادي ،،،، يا ليك يا الموت هاذ الأنانية والحاجة لنموت عليها فيك هي هاذ القيمة لعندي عندك يا ديالك وحدك ولا تقتليني وتقتلي راسك .. من ديما نكوليك ربي مجمعناش غير هاكاك ..نت تشبهيني بزاااف بحال مثلا متبغيش شي حد يشركك فيا كيف ما أنا نكره لي لمحك حتى بشوفة وخا غير بالغلاط ….انا واياك كنبغيو بطريقة خاصة – فنينة: مريضة – عصام : يمكن اه ويمكن تكون فاتت المرض لهيه – عصام : دابا زيدي كوليلي شكون لخافت عليا
– هزت كتافها – عصام : ههه شكون لموحشني ؟ – نفس الشي كتفات تهز غير كتافها عصام خشى يدو تحت زيف كيلعب ليها فشعرها : شكون لكتبغيني وكتموت عليا
– كرزت على فمها قلبت عينيها لجنب – عصام : وخا وكوليلي شكون جاه الوحم عليا وكان غيموت باش يشم ريحتي ؟ – بقات ساكتة – عصام : كنت موحمة غير على ريحتي ولا حتى على شي حاجة خرى ههههه – فنينة هزت كتافها مغبنة : بعد مني -ميلت شنوفتها لتحت – ضحك عصام وشد ليها شنوفتها بصبعو كيلعب فيها : شكون لمقلقة عليا ؟؛
– فنينة نقطت فاتحة فيه عينيها : فنينة – عصام جر ليها شنوفتها كيضحك : هاذي عرفتيها – باسها من راسها معنفجها : وخا على مك أسايبة المفشة ديالي …كنواعدك غنعوض الفنة ديالي وغنفششها منك من بنتك نحسك قدك قدها بجوج بيكم الفنات ديالي وتفششو عليا كي بغيتو ..ولبغاتها عمارة داري هيا لتدار …..
باسها من راسها معنفجها : وخا على مك أسايبة المفشة ديالي …كنواعدك غنعوض الفنة ديالي وغنفششها منك من بنتك نحسك قدك قدها بجوج بيكم الفنات ديالي وتفششو عليا كي بغيتو ..ولبغاتها عمارة داري هيا لتدار
– فنينة : فنظرك يقدر كلشي يتصلح
– عصام : علاش لميتصلحش ..واش نت غريبة عليا ولا انا غريب عليك ياك واعدتني تكوني معاياا على الحلوة والمرة .اوا المرة مشات دابا جايا غير الحلوة ..الحاجة لغنبغي منك هيا خوي دماغك من كلشي..وخليك صافية معايا ..ازينة ديالي – فنينة حركت راسها : انشاءالله – عصام تنهد باسها من حناكها : الله على راحة دابا تقدري تنعسي الفنة ..يلاه غمضي عويناتك ونعسي – غمض ليها عينيها بقى كيلمس ليها فرموشها هيا رجعت عليها العية تمتم غفااات فحضنو وهو وخا معذب فنعسة ولكن راحتها قبل راحتو خلاها تعلق وتمخشش فيه على خاطرها وهو غير كيحرك يديه ويلمس ليها على ظهرها ويتنهد كل متفكر هدرتها وعلى داك الشي لدوزت ..وهو يكول الله على راحة ولكن واش بصح حاس بالراحة اكيد لا حاس بخاطرو ضارو ديال بصح وهو شاف راسو كان سباب فبزاف الحوايج وقعو ليها خايبين كيلوم فراسو حيت واعدها يكون ليها السند ..وقفت لحتاجتو مكانش وخا ماشي لخاطرو هاكاك كيلوم راسو وخا مكانش عندو كفاش يدير كيلوم فراسو ويكول حقها عليا مكانش عليا نخليها ورايا فين ما كنت نمشي كنت نديها معايا رجلي برجلها ..ولكليتو تاكلو ..من ورا هاذ ليلة دازو ايام روتينية وهادئة بين كلشي كانو ديما عندو ومعاااه واكثريا فنينة اما حتى كنزة كتجي خفيف مرة فاليومين صحتها تدهورت شوية رجع عليها العيا وتمارة والخوف ديال دوك اليامات المرة ..حمزة همل خدمتو لكن اعذارو كانت نوعا ما مقبولة وملي ولا عصام شوية رجع يقابل خدمتو …دازو تقريبا جوج سيمانااات وهو فطبيب هاذ المرة صغر راسو وحاول بستحمل ماشي لخاطرو كان امر من فنينة انه يبقى حتى تحسن حالتو مزيان ومكان عليه غير يقبل عارفها راسها قاصح ولا بداو يعاندو غيقلبو داك طبيب ……
كان يوم صافي وهاذئ كان يلاه غمض عينيه شوي ماشي بزاف ورجع حلهم ملي سمع الباب تفتح ودخلت عليه فنينة بكسوتها الحجابية لابساها فالزرق وهازة بنتها حتى هيا ملبساها كبيبيط سخون فنفس اللون ..غير شافهم تبسم ماشي على فنينة على بنتو موحشها كانت جابتها ليه غير مرة وحدة ومسخاش بيها ..- فنينة شافت فيه وتبسمت : كنشوف غير كندخل عليك هاذ تويشية ضرسة العقل كتبان ليك من ديك الابتسامة لكدير -عصام تكى كالس شوية مد يدو : اريلي توشية ديالي اري – مدتهالو بشوي: شد مقادد رآه غتفلعصها هاكا كيشدو ناس – عصام: دخلي سوق راسك غتوريني كي نشد بنتي – فنينة: وراه يديك كبار متزيرش عليها بيهم – عصام : هاذ اليدين كبار غيتصورو ليك فوجهك لمسكتيش وعطتيني بنتي – خداها من عندها حط نيفو عليها كيشم ريحتها وكيتبسم : كنشم ريحة الحياة الله على رويحة – فنينة:على هاذ الحساب كنت مولف غير بريحة الموت – عصام كيبوسها من حناكها شاف فيها وضحك : خليني مركز دابا غا مع بنتي توحشتها بزااف ..ياك ابابا توحشتيني حتى نت ..عشقي ݣولي توحشتي بابا – خدى يديها كيبوسهم – فنينة: كي صبحتي اليوم شوية ؟ – عصام: كنت صابح خاسر لكن بشوفة الزينة المورال تقادد – فنينة تبسمت : تعطلت عليك ياك – عصام تبسم ليها : واه تعطلتي باش تجيبي لي الزينة – فنينة كشرت حواجبها : شكون الزينة ؟ – عصام باس عشق من نيفها : هاذ الزينة لوالد كاملة ومشفتيهاش
فنينة ؛ الزينة ديالي انا
– عصام : لا عندي غير زينة وحدة – فنينة جمعت فمها وسكتت – عصام : مي يا مي كندير وندير ليك الزرق ابنت الهم بغتيني نغرق – فنينة تبسمت : عجباتك الكسوة خديتها جديدة باش نجي عندك بيها جاتني زوينة – عصام طلع حاجبو : علاش حتى نت لابسة الزرق مشفتكش مرديتش البال انا كنشوف غير هاذ الزينة لكتشبه لباها
– فنينة جمعت يديها عقدت حواجبها : باها مزينش
– عصام كيوريها وجههو : شوفي هوكان شوفي مزيان – فنينة: لا مزينش شوف الشيب لناض فيك- عصام : شيب وقار ابنتي – فنينة: الشارف شرفتي – عصام : غير خليني – فنينة: الشيباني – عصام : وكتموتي على الروح ديالو – فنينة: انحيد ليك هاذ شيبات – عصام : تحطي عليهم يديك نحيدها ليك – فنينة: غير هاذو لعندك فلحية
– بغات تمد يديها خنزر فيها : حيدي يديك ينعل مك خليهم
– فنينة : شوف هاذ التجاعيد لعندك جنب عينيك
– عصام : من الاعصاب لركبتي فياا فهاذ الفترة الأخرة باش جاو .قصحتي معايا ابنتي – فنينة هزت كتافها : تستاهل – عصام : ياك لمك معندكش الݣلب عليا …يتبغ
فنينة: وحيت عندي الݣلب عليك عليها كانت ردة فعلي هاكاك سينورمال يغلبني الحال ..علاش حيت جاتني من واحد عزيز عليا – عصام: هههه حتى نت وليتي تكولي عزيز عليا
– فنينة: حيت زوينة حسن
– عصام : صافي نتبادلو انا نرجع نكوليك كنبغيك ونت رجعي تكوليلي عزيز عليا
– فنينة: لا خليك غير فعزيزة عليا هيا لبغيت – عصام زاد شوية وجرها تكاها عليا : رجعاتلي الحبيبة …فراسك نجم ونقدر على كلشي الا على فراقك – فنينة: علاش زعما
– عصام : علاش نت تقدري على فراقي – فنينة: حتى انا منقدرش ولكن نت علاش
– عصام: قبل كانت حياتي روتينية ومملة بزاف مكانش شي حاجة لتفوج عليا ولا لتفرحني ولا حتى لتنكد عليا كان واحد الهدوء قاتل ملي جيتي. نت دخلتي التغيير. لحياتي …كنت حاس براسي وحدي ..ولكن دابا ما بقيتش وحيد حيت نت دابا مراتي – فنينة: حركت راسها مبسمة
– عصام : مكنتش نتخايل بلي غيجي شي نهار ونلقى راسي مستقر ببنت الناس وداير ولادي. كلشي جا بالزربة مفهمتش كيفاش..كنت نقدر ندير لكنزة خاطرها من كثرة الظغط ونخليها هيا تشوف لي شي وحدة نتزوج بها بالحق معرفتش واش كنت غادي نحس معاها بنفس هاذ الشي لكنحس معاك ولا لا – فنينة خنزرت : اكيد لا
– عصام : بصح اكيد لا حيت نت حاس راسي مرتاح معاك بزاف ودخلتي فكلشي فيا وندير معاك اي حاجة ونكوليك اي حاجة بلا منتردد ..يمكن حيت هاذ الشي راجع ليك وغير حيت نت داك الشي علاش بزز مني لقيت راسي شاد فيك….
فنينة : وقعو لينا مشاكل بزااف كانو يقدرو يخليونا نساليو قبل حتى منبداو – عصام : ولكن مساليناش بالعكس كملنا …عرفتي شنو خصك ديري فبالك افنة
– فنينة: شنو – عصام : فاي مشكل يطرا وخا معرف شنو يوقع بيناتنا وخا منعرف شنو. ندير ليك ولا تديريلي ..اي حاجة وقعت كيف ما كانت ..تحيدي تانيلي من بالك شي حاجة سميتها الفراق . خصك تعرفني بلي انا مكنعرفش شنو كيعني الطلاق ومكنعرفش شنو هو الفراق معاك نت تقلي خودي راحتك ولكن ديما راك قدام عيني ..سولني علاش نكوليك – فنينة: علاش – عصام : حيت انا وياك علاقتنا ماشي بحال الناس وماشي بحال كلشي. ..انا مكنبغيكش كيف ما كيبغي كلشي ونت مكتبغنيش كيفما كيبغي كلشي ..دوك لكيوقفو على الطلاق علاقة لبيناتهم غير علاقة سطحية ..انا وياك غير داك الشي لبناتنا روحي وفطري بالجهد
– تكات ليه على كتفو كتلمس فوجه عشق : وهاذ الشي زعما ديما غيبقى بحال هاكا مغيجيش نهار لنطلع ليك فيه فراسك – عصام : ها علاش كنبقى نكوليك راك غا كتخوري بعد الخطرة كتكلخي وكيتلف ليك الالي مع الروتور شنو كنت نخبر عليك من الصباح …راك فايت ليا كتليك سنيتي معايا كونطرا داڤي – فنينة : لصقة وصافي – عصام : لصقة لصقة وهاذ لصقة غيعمر مك ولاد حتى متلقايش فين تحكي راسك
-فنينة خرجت ليه لسناها : من نيتك
– عصام : والله العظيم غيكونو عندك جوج ولدات فالعام ومال ثلاتة ونوريك الشيباني والشارف واش باقي يقضي فيك الغراض ولا جهدو نقص ونشوف هاذ الوحم عاود لغيجيك عليا وشنو غدريلي زعما تقدري تغتصابيني -فنينة : درتي الشيب خصك توقر وتمرك ماشي عاد تزيد فيه – عصام : علاش مالي شفتيني كنتلوط على الدريات فراس الدرب ..داك الشي معاك حلالا طيبا نتلوط عليك ونصيدك ..نرجع معاك المراهقة
– فنينة: شمن مراهقة شرفتي اشارف سير شد تسبيح وكلس فالقنت وتسنى الوقت – بقى كتهدر جرها من زيف شد ليها فمو بين سنانو حتى عليها بعضة مسيل فيها دم خلاها كتنهد دار ليها الشفط من فمها حتى تخنقت وهيا بقات تضرب فيه باش يرخيها حتى حس بجهددها تقادى وبصح مبقاتش قادرة عاد رحمها وطلقها كتنهد ..غمزها كيضحك : كي جاك الشارف دابا ..شرفت ولا باقي قادر نعمر ليك كرشك بالتوام
– فنينة: احح مي فمي كيوزوز ..- قاست الدم
– اويلي الدم واش نت حماقتي – عصام كيحرك راسو بالايجاب
– فنينة: اويلي على مصعور – عصام غمزها : لهلا يوريك هاذ المصعور اش هاز ليك ..وشحال وهو صابر عليك وكيتنسى غير الخلوة وشي بيت يتسد عليك ويشدك يعمر ليك القنات…..
فنينة: سافل – عصام كيلمس ليها فمها بلاصة الجرحة لدار ليها : توحشت نقيسك – فنينة: هاهو بدا
– عصام : كندوي معاك بصح . عام مقستكش فيه بزاف ياك ؟ كنت عوال غير نجي نشدك فنفس النهار هههه مكتابش ..نخرج من هنا نكتبوها صافي
– فنينة: هههه شرفتي وشبتي وهترتي – عصام :الشيب وقار – فنينة: اوا وقرني – عصام : نوقرك؟ شكون نت ؟ ههه كتحلمي بالالوان. فراسك دابا كنتخايل ملي غنشدك كي غندير ليك. هههه غنفرسك – فنينة سرطت ريقها كتشوف فيه – عصام: خفتي ههه – فنينة: بلا ضحك – عصام :ولكن أنا مكنضحكش والله حتى كندوي معاك بصح موحشك بالجهد ..ازينة – باسها من فمها بشوية – فنينة. حتى لدابا عاد رجعت الزينة ؟ ياك عندك غير زينة وحدة ولابسة ليك الزرق وها نت شادها – عصام : عندي من كل حاجة جوج …,,,,عندي جوج بنيات ( كيبوسها ويبوس بنتو ) وجوج زينات ( ضرب على نيف بنتو ونيف فنة ) وجوج فنات – باسها من جبهتها وباس بنتو ) – فنينة: متبقاش تفرق بيناتنا ياك ݣلتيلي منك من بنتك لدرتي هاليها ديرهالي – عصام؛ انشاءالله
– فنينة: لا كولي – عصام خنزر فيها : كتليك انشاءالله علاش انشاءالله معجباتكش. . انشاءالله خير من كلشي – فنينة تبسمت : صافي ومن تبقى تكول الزينة سمي واش انا ولا عشق – عصام: واخا انشاءالله..اجي بعدا نتي هاذ السمية منين جبتيها .منين نزلت عليك – فنينة: كانت عاجباني من هاذي شحال – عصام : علاش زربتي انا كنت بغيت نسمي فنة – فنينة: حتى عشق زوينة – عصام: فنة حسن ..غنعاود نسبع بنتي مدرتو ليها والو – فنينة: درنا ليها سبعنا ليها ودرت ليها صدقة – عصام: لا غنعاود نسبعها وغنبدل ليها سمية – فنينة كشرت ملامح وجهها : لا صافي سميتها عشق حتى نولد مرة خرا وسميها لبغيتي. – عصام : ولا ولدتي دري نتقولب لا ديرلي خاطري فهاذي .بغيت نسمي فنة – فنينة : ولكن هاذي راها سميتي اشريف – عصام : نت سميتك فنينة ماشي فنة – فنينة: ولكن نت عمرك كلتيلي فنينة ياك نت بوحدك لكتكولي فنة – عصام : وصافي – خدى يديها كيبوسهم من كفهم – ديري الغالي ديالك خاطرو غنبدل ليها سمية خاطري ونفسي ففنة ..- فنينة هزت حاجبها : وشنو غيطلع لي انا من هاذ الشي – عصام : استغلالية لمك هه متعرفيش ديري فسبيل الله – فنينة: لا والو المقابل ولابد الشيباني – عصام : وخا يكون سبوع وعرس ليك – فنينة وسعت عينيها : هانتي حمزة ماشي بزاف وغياخد ختي اكرام ونشركو كلشي ديرلي عرس اوسبوع فدقة مع عرس ختي
– عصام : جاتك وغتخليني نبدل ليها السمية ؟ – فنينة: وماشي غير عرس مزال ديريلي حوايج خراين – عصام تنهد : وندير ليك لبغيتي وانا عارف اش غندير ونعطيك ودابا غا طلقينا خلاص نبدل ليها سمية – فنينة : ههه صافي هاهي فنة ليك – عصام باس بنتو : فنة عصام -….
فنينة كشرت حواجبها بالجهد هاذ المرة : ولا ولا ماشي هاذ الشي علاش كنا متافقين ..بلاتي بلاتي تشاركت معاياا فالزينة وتدخل معايا حتى ففنة. او فنة عصام من الفوق لا ما بقيتش لاعبة غير خلي داك الشي عندك ما بقيت باغا والو – عصام : نت مولات العقل ونت الاصل وهي نسخة صغيرة منك – فنينة: نسخة صغيرة منك نت راها كتشبه ليك نت مالها كتشبه ليا انا – عصام : انا بغيتها كون خدات فيك نت كلشي باش ملي تقلقي عليا يكون عندي الكوپي ديالك معايا -فنينة : على هاذ الشي لكتدير حتى انا لكتب الله شي ولد غنسميه الغالي – عصام : لا انا الغالي ديالك وحدي
– فنينة : لا والو ها نت غتشوف – عنقها باسها من كتفها: نت كلشي عندي اعمارة داري ولمدخلة لمحنة القلب – فنينة: ما بقيتش مفرحاه وليت محناه – عصام : ركدي رݣدي مديش عليا راني غير بوهالي ناس الكبار ملي كيكبرو مكيبقاش. عارفين راسهم اش ݣيكولو – بقى يتقادد فنعسة قاصها فيديها عضت فمها وطلقت انين خافت مصبرة راسها حيت تضرت بزاف – عصام : مالكي ؟ – فنينة كدور عينيها وجرات شوية الكم ديال كسوة على يديها : لا والو – عصام مستغرب : مال يديك ؟ – فنينة : احمم لا والو غير البارح نعست عليها ليل كامل وما تقلبتش داك الشي باش ضراتني شوية – عصام : اري نشوف – فنينة جرت يديها ودورتها عليه : والو مفيها والو خلينا نعسو شوية نعسة هنا حلوة – عصام ضربها لراسها : الله يحفظك ليا – فنينة: لا مقصدتش هنا قصدت على صدرك – عصام : وعمرك تلقاي راحتك من غير على صدري – فنينة: غير يومين ونمشيو بحالنا من هنا – عصام : اه ومزال صبرت غير عارف نݣيرك عليا مايساليش – فنينة: ومالك فيها بوحدك هاني ديما معاك مونساك – عصام : الله يرضي عليك ..بالحق مكين ما حسن من دارنا – فنينة: عنداك يحساب ليك تمشي غتنوض لا غتبقى شاد الفراش حتى تجمع صحتك مزيان
– عصام : متخافيش حاس براسي وليت مزيان
– فنينة: وخا هاكاك &&&&&& جا نهار لخرج فيه عصام من طبيب ورجع لدارو ..تلقات ليه كنزة بزغاريت وصلاة على نبي .. ودموع الفرحة فعينيها فرحانة بولدها وكتشكر ربي وتحمدو وتمجدو .وتبوس اللارض حيت نوض ليها ولدها بسلامة ورجعت عمرة عينيها بشوفتو وعاودت شافتو واقف على رجليه مرة خرى ..-دخل لبيتو كان دييجا فنينة مقداه ..عاوناتو حتى بدل حوايجو وتقادد فبلاصتو. .- عصام : فنة بان فيك العيا حيدي عليك داك الزيف والكسوة خليك لابسة غير شي حاجة خفيفة واجي تنعسي
– فنينة بدات تدور فعينيها حيت مبغاهش يشوف يديها : لا غير خليني مرتاحة هاكا
– عصام : علاش كنكوليك حيدي حوايجك تبداي دوري فعينيك خايفة ههه متخافيش حتى نزيد نجمع صحتي ليك مزيان عاد نشدك غير حيدي واجي تخشاي حدايا…
فنينة: واخا واخا غنشوف خالتي بعدا اش عندها حيت يمكن غيبداو يدخلو عدنا الناس – عصام كمش ملامح وجهو : شمن ناس ولا زعتر – نادى على مو دخلت
– كنزة : هانا اولدي شنو خصك – عصام : شمن ناس غيجيو انا مباغي يجي عندي حل – كنزة : غير ناس وجيران يجيو يحمدوني عليك بسلامة واصلا ناوية ندير صدقة
– عصام : مكنعرف حد وميجي عندي حد.
– فنينة: نت مالك جهلتي راها غير زيارة المريض – عصام : دويت – شاف فكنزة : ولي دخل يرجع على وقفتو ولا سيري شوفي شكون ليقد بهم – شير لفنة – هاذي لحداك بزز باش واقفة .منبغيها تعمر حتى كاس اتاي ولا تحط يديها فشي حاجة
– كنزة : اناري يا ناري لفيك ما هناك ..هاهي حداك قرقر عليها وسد عليها نت كاع – فنينة عضت فمها كضحك تحت منها – عصام جر فنينة من يديها بجهد باش يجيبها حداه محس عليها ومحست على راسها حتى غوتت من الألم حيت ظغط عليها بجهد غوت بجهد حتى قفزو – عصام : مالكي
– كنزة : رخيها رخيها من يديها – عصام شاف فمو : مال يديها – فنينة شدت يديها بزز باش كتهدر خايفة منو : لا والو مفيها والو – عصام : اري يديك نشوف لهنا – طلع ليها كم الكسوة خرج عينيه : شهاذ الشي ؟ – فنينة سكتت – كنزة : يلاه هدري كوليلو شهاد الشي – عصام غوت بجهد : هدرت ..شهاد الشي مال يديك – كنزة : العزبة عندك ولات تضرب يديها – فنينة بتأني : خالتي لا
– كنزة : مكينش لا افنينة خليني نݣولو حيت داك الشي لدرتيه ما كيدارش ومكروه عند الله والعبد عواض متجلسي تذكري ربك ودعي وتشكي …جابداها مع يديك هذا هو حد الايمان عندك ..علاه ربي وصى هاكا
– فنينة مغبنة : مكنتش عارفة راسي اش كندير – كنزة : وفوقاش كنت غتعرفي حتى تيتمي ديك دريرية وتخليها لا والي لا تالي انا فيا صحة لنهزها ونبقى معاها …عواض متحضني على بنتك وذكري الله وتكولي حمدتك ياربي وشكرتك تبغي تقطعي يديك وتجبدي عليها سيمانة فالكومة ..مشوية وزدتي شويتيني بقيت الوسط ما حيلتي ليه ما حيلتي ليك- عصام وجهو ولا حمر ..نطق بشوية كيشوف فكنزة : ضربت العرق ديديها – رجع شاف ففنينة – ضربتي يديك ..ولات عندي شمكارة فدار كضرب يديها – سكتت مجاوباتوش
– عصام : زيدي عندي لهنا -, فنينة كتغبن -حتى عاود قفزها بصوت بالجهد : ݣلت لمك زيدي عندي
– بغى يجرها تهزت وجات ورا كنزة مخبية فيها -كنزة درقت عليها : متقيسها ما تقربها انا عاودت ليك باش ترجع ليها العقل .لكنت باغي تخاصم غا تخاصم غير بفمك متمدش يديك – عصام بقلة صبر : كنزة مدخليش ..حيدي من عليها وخرجي بحالك وسدي داك الباب خليني مني ليها ….- فنينة لصقت فكنزة : لا خالتي متخلنيش مني ليه – عصام طار عليها جرها : را غنصمك مك ..بلا متصعري دين مي …
– عصام طار عليها جرها : را غنصمك مك ..بلا متصعري دين مي-فنينة كتحاول تفك منو : غير بلاتي غا تهدن غتفهم كلشي غا بلاتي – عصام : ال*لاوي لغنتهدن
– شاف فكنزة وستغفر الله : كنزة خرجي بحالك ..حيت ما بقيتش مسيطر على. راسي اش كنكول ..
– كنزة: انا معاودش ليك باش دير هاذ الشي عاودت ليك باش تهدر معاها وتنصحهها بالعقل ماشي بهاذ الطريقة هاكا كتجاهد على راسها وعليها ونت مريض دويو غا بالعقل وفهمها بلي داك الشي لدارتو ميكدارش
– عصام وجهو زاد تزير بالاعصاب : شحال من غزرة فيك – فنينة كتنطق من تحت فمها : عشرة
– وسع فيها عينيه : عشرة …عشرة الغرزات لتم مهبطة يديك كاملة حيدي البانضة نشوف – فنينة: لا منقدرش نحيدها كضرني – عصام : تضرك ولا جلسي كتليك حيدي البانضة – شد يديها وبدى يحيد ليها فالبانضة وهي كتنين بألم لحظة شوي منها كان باقي لاصق على الجرح جرها بالجهد حتى غوتت متالمة وهو شد يديها كيشوف وكلما كيشوف ديك الخريطة نفسو كطلع وتهبط او وجهو كيزيد يحمار والعرق بدى.كيتصبب منو دليل على درجة الاعصاب لوصل ليهم ..شاف فيها ونطق بشوية على عكس داك البركان الثائر لفيه لداخل : علاش ..- فنينة كتبكي : معرفتش – عصام : شكون لغيعرف – فنينة: كنت معصبة بزاف مكنتش حاسة على راسي – عصام ؛ تضربي يديك ..ولينا فضريب اليدين ..مراتي انا تولي تضرب يديها وتكولي محسيتش – فنينة: ملي كنكون معصبة نقدر ندير اي حاجة
– عصام : حتى انا معصب دابا ونقدر ندير فيك اي حاجة – هزت فيه عينيها لمحاتو بنظرة ورجت نزلاتهم
– عصام : شنو ندير فيك امممم نضربك ؟ ضرب مبقاش يݣر فيك ،،،،نغوت عليك ؟ جهدي تقادى معاك ؟ شنو ندير كيفاش نعاقبك ؟ كيفاش نخرج هاذ الاعصاب لفيا من جهتك ..- بقات ساكتة وهي كتسمع ليه وكتعض على فمها – عصام ؛ هدري هزي عينيك شوفي فيا وكوليلي شنو ندير معاك ..شنو ..علاش مصرة ديما تحقديني عليك وانا مباغيش علاش عزيز عليك تضرني ،،، حتى نكول الله ساليت وربي نزل رحمتو ..فالاخر نلقى روحي مزال غارق ومزالة حتى حاجة مسالات بالعكس مزال يلاه فالديبي….
فنينة : مدرتش حتى حاجة لتستاهل منك هاذ العصيبة وتستاهل هاذ ردة الفعل هاكا حيت مزال كلشي نورمال وانا مآديتكش اديت غير راسي – مع نطقتها مع بالجهد لفيه جمع معاها بتسرفيقة حتى تهزت شادة حنكها كتقفز رجعت بلور -بغات تشدها كنزة بعدت عليها : بعدي مني اخالتي بعدي – كنزة شافت فعصام: ماشي هاكا اولدي
– عصام حيد مو وقرب ليها كينهج شدها خانقها بيد : عاودي شنو ݣلتي امم عاودي مآدتنيش اديتي غير راسك
– فنينة كينزلو دموعها : اه الى كان شي واحد خصو يتعصب رآه انا لخصني نتعصب من راسي ويبقى فيا الحال على راسي نت علاش ياك يدي هاذي لحمي هذا ندير فيه لبغيت ماشي سوقك – كنزة شدتها من كتافها: سكتي المسخوطة رآه غيقتلك – فنينة: خليه يقتلني ياك نت هاذ الشي لباغا داك الشي باش عاودتي ليه كنت عارفة بلي هاذ الشي غيوقع وبغيتي تشويتي وتحرشيه عليا
– كنزة كتشوف فيها باسف: الله يسمح ليك ابنتي الله يسمح ليك هاذ الشي لغنكوليك – عصام طلقها بعد عليها كيدوز يديه على وجههو : لمبردش غندير شي فضيحة فيك وفراسي .،،، – رجع قرب ليها : عقلي على هدرتك مزيان. .لحمك هذا وماشي سوقك فيه وديري فيه لبغيتي ،،، ياك هاد الشي لݣلتي ..خليك عاقلة على هاذ الهدرة – فنينة : نت لكتبغي تعقد الامور حيت القصة متستاهلش هاذ الشي كامل لحضة غضب ودازت – عصام : دابا نت ايمتا متعصبي تضربي يديك تبغي نجيب ليك وقيلا شي حاجة مزيانة لتقضي ليك الغراض ؟
– بقات ساكتة حانية راسها ضرب الكورسي لحداها حتى تفزعت : كندوي معاك هزي فيا عينيك وشوفي فيا
– هزتهم فيه : هنا شنو – شد ليها الفك ديال فمها زير عليه : ومزال كتݣولي شنو مزاااال ..شنو ندير معاك شنو جهدي تسالات معاك ما بقيتش عارف كيفاش نربيك ولا حتى كيفاش نتعامل معاك غلبتي عليا وفرعنتي وطرتي ما بقيتي باغا ترݣني ..شنو ندير ..نهز السمطة نبقى ناكل فدينمك حتى يطلع الصباح ..-فنينة : غتبرد هاكا ؟؟….
عصام : مكينش ليبردني وانا كنشوف فداك اليد مكينش …الخير لغديري فراسك غطيري تغبري من وجهي كمارتك ما بغتيش نشوفها كدور حدايا حيت لبقيتي كوني أكيدة غندفن مك حية – فنينة معصبة معارفاش راسها اش كتكول : واخيرا جا الفراااج – عصام ضربها الفم وزير عليها ضرب ليها راسها مع الحيط : بدلت رئييي ..كيبان لي غنبقى نخبط فمك حتى تخرج روحك على يديي
-فنينة : مكرهتش باش نتهنى – عصام : منين تهناي مني ؟ – فنينة: من كلشي ..مكرهتش حيت بصح عيييت ومليت من كلشي – عصام : نت ماشي فوضع مزيان باش تلعبي دور الضحيه ..غالطة وغالطة وخصك تعاقبي
– فنينة: معندكش الحق تعقابني نت ..انا لعندي الحق نعاقب راسي ..حيت مآذيتكش اذيت غير راسي
– عصام عاود ضرب ليها راسها : ماذتيش غير راسك امدام ادتيني معاااك وانا لتآذيت كثر ..مكرهتش نحيد ليك هاذ اليد ومنبقاش نشوف فيها – فنينة هزت يديها وقابلتها مع وجهو: هاهي شنو كنتسنى – عصام : كديريها بالعاني. ياك ..هاذ الشي كامل لكديري فيه كيبين حاجة وحدة انك باقا حاقدة عليا وقلبك مصافيش وناوية فيا الشر ..- هز حاجبو : براڤو عليك بصح راكي ختاريتي احسن طريقة ديال العقاب ..حيت مكينش شي عقاب بصح من هذا ..وميمكنش يكون شي احساس خيب من هذا لكنحس بيه – فنينة: مبقى عندي منكول – عصام : ومخصكش تكولي والو ..حيت فعايلك وحدهم قاضيين الغراض فيا بالجهد ابنت الناس ..- دوز صبعو بشوي. على يديها : نهار على نهار كنعرف قيمتي عندك وكنعرف راسي مزيان اش كنسوى وكنعرف بلي ممعبرانيش وزايد ناقص عندك ولكن ماشي مشكل انا لبغيت وانا لختاريت وخصني نتحمل مسؤولية كاع هاذ الشي لكيوقع من بعد – فنينة: غلط او وقع وسالا
– عصام : مسلاش ومغيساليش لكان سالا عندك نت انا مسلااااش ..خرجي غبري من قدامي ما بغيتش ندير فيك يدي – فنينة: راك درتيها ماشي عاد غاديرها
– عصام : ملي باقا واقفة على. رجليك راني مزال مدرت والو ..سيري بعدي مني…..
شافت فيه مطولة وحنات راسها وخرجت كتبكي تبعتها كنزة وهي جلس فجنب سرير كيزفر حط يدو على. قلبو كيحاول يرخف راسو لكن الاعصاب حاكمينو بالجهد ..كيزفر وكيخرج نفس سخونة على وعسى يبرد شوي. لكن بدون جدوي ..كلما كيتفكر داك الشي لدارت وحالة يديها كيزيد يصعر معرفش كيفاش غيتعامل معاها ولا شنو لخص يدير .كيشوف بلي خفتها خارجة عليه وعليها …كيحرك رجليه بعصبية مع الارض ويرجع يمسح على وجهو ..بصح فهاذي زادت صعراتو بالمزيان —-فحين هيا كانت خرجت كلست جنب سداري حالها ماشي حسن من حاالو حتى هي كلشي رجع ليها بكا وكلها كترعد ..هزت راسها فكنزة لكانت تشوف فيها
– فنينة بصوت باكي : اش فيها كون كنت درقتي عليا ومݣلتيهالوش غير حتى يبرا شوي انا راسي كنت غنكولو كلشي بشي طريقة حسن من هاذي
– كنزة : ملي بغيتي تصعي لخلقك علاش مفكرتيش فهاذ الشي
– فنينة: حشومة عليك اخالتي والله والله حتى حشومة بالله مكنتيش معايا هاكا – كنزة : انا منقدرش نشوف المنكر ونسكت عليه ..والام ملي تشوف ولادها خرجو على طرق وا لابد ما تنهي وتخليهم يرجعو طريق الصحيح قبل ميفوت فيهم الفوت ونت ابنتي حالك مبقاش عاجبني وليتي غير دبزي ما بقتيش تعرفي راسك اش ديري وما بقيتي حاسبة حساب الحد بحال إلى راك عندك غير راسك وحدك – ..سكتت فنينة ودورت راسها الجنب مجاوبتهاش حتى كنزة مكانتش تستنى منها جواب قالت داك الشي لعندها ومشات وخلاتها وحدها —-دازت مدة وهو بعاااد ..حتى عم سكوت فدار عاد ناضت هيا بشوي. فتحت عليه الباب كان باقي جالس على نفس وضعيتو قبل متهدر كان سبقها – عصام : رجعي فين كنت وجري معاك داك الباب – فنينة تجاهلاتو وزادت قربت عندو – عصام : واش مكتسمعيش – فنينة وصلات لعندو وحنات على ركابيها :نت لغتسمعني دابا – عصام : مبقات عندي هدرة معاك دابا
– فنينة: سمعني اعصام نكوليك هاذ الشي دابا معندوش باش يفييد وباش نكون واضحة معاك انا عارفة راسي غالطة وعرفت راسي مدرتش المزيان وايماني قل وعلى شوية كنت الدنيا لا دين ..ماعلينا ..لكن هاذ الشي ما كيعنيش بلي انا المدنبة الوحيدة ..لا حتى حد ما حسن من لاخر كلشي دار حقو …الامور مخلطة وحاجة جارة حاجة ..عصام واش ملاحظتيش بلي حتى كنكولو تقادت وترجع تعواج من شي جيه ..هاذ الشي باش كتليك رآه ميمكنش رآه واخا نبغيو منقدروش – .خنزر فيها بعينيه
– فنينة: ما تشوفش فيا هاكا حيت كنكول غا الواقع انا مكندوش على الفراق بالحق كندوي على شوية الاسباس انا واياك محتاجين كل واحد فينا يكلس مع راسو شوية ويفكر ويعاود يحاول يرتب افكار باش نقدرو نتحكمو شوية والأمور متزيدش تخرج على السيطرة كثر من هاكا…..
عصام : شنو بغيتي – فنينة : حتى العلاقة بنيتي وبين خالتي توترت هي مقلقة عليا وحتى انا خاطري شوي. ضارني بغيت غير نبقى بوحدي شوي. وناخد وقت نفكر فيه يمكن بصح خالتي عندها الحق هاذ الفترة الأخرة وليت غير كنخربق وما بقتيش عارفة راسي اش كندير ..عصام والله عاافاااك الله يرحم ليك الوالدين – خدات يدو باست كفها
– الله يرضي عليك الغالي لمخلييني نمشي نبقى غير شوية مع راسي – عصام مخنزر : لفين
– فنينة: فين ما بغيتي نت معنديش مشكل نمشي لدار لعندك فلاڤيل لوط غير شوي محتاجة نرتاح ونكلس مع راسي شوية حيت بصح حاسة براسي ما بقيتش قادرة بهاذ الشي لكيوقع
– عصام : واخا ..نوضي لبستي عليك وهزي بنتك ويلاه
– فنينة تبسمت ليه : شكرا بزاااف
– ناضت بالخف لبست كسوة ولبست بنتها وهزت غير ساك صغير فيه غير لتحتاج لقاتو واقف كيتسناها
– فنينة: غتوصلني ؟ بلاش نت عيان غير خليني غنمشي راسي غير بقى كنعرف طريق
– عصام : تحركي قدامي – …طريق كلها وهوما ساكتين غير تبجغيط ديال البنية هو لكيتسمع حتى وصلو لدار ستناها حتى دخلت وامن عليها عاد تحرك رجع لدار &&&&&&دااازت الوقت دخلت قادت داك الشي ديال التقضية لشرا ليها فطريق بغات تطيب تاكل شي حاجة مقدرتش بيديها ودارت مناقص من بعد دخلت دوشت دوش ثقيل حاولت ترخي فيه عظامها مزيااان وترتاح فيه ورادة البال ليديها باش متقيستهاش بالما ..دوشت حتى لبنتها وخا مولفة كنزة لكتعاونها لكن شوية ساعفت وخا غير بيد وحدة تعافرت معاها وقضات الغراض خرجت شعلت تلفزة وتكات بقات مونسة بيها لكن غير مطلوقة اما العقل ممعاهاش جالس يخمم ويخطط ويفصل متكذبش بصح كانت محتاجة لهاذ القعدة لكن فنفس الوقت معرفتش علاش حسات براسها توحشاتو …كانت ثلاتة ونص ديال ليل ..ناعسة حتى كتسمع دقات فاقت قافزة مخلوعة ..مشات الباب ونطقت بخوف : شكون – عصام : راجلك
– عاد رجعت فيها الروح ملي لقاتو هو فتحت عليه الباب وبقاو يشوفو فبعضياتهم مزيان حتى كسر هو هاذ الهدوء – عصام كيشوف بعينين نايمين :مقدرتش.
فنينة ؛ علاش مقدرتيش – عصام : مقدرتش نعس ونت ماشي فدارك – فنينة: لا راني فداري حتى هاذي داري اولى
– عصام : دارك هيا لنكون فيها انا وتكون فيها ريحتي دايرة بيك – دفعها ودخل ودفع الباب برجليه سادو
– فنينة : اناري غا بشوية مالك على هاذ الدخلة
– عصام : مواكل والو من الصباح ومشاربش الدوا دوزي ديريلي مناكل بغيت نتعشى – حركت راسها بثوتر حيت مغتقدرش بيديها هاكاك سلمت امرها لله ودخلت الكوزينة جبدت داك الشي لغدير خدات الخضرة والموس باش تنقي عياات تحاول غير تظغط على يديها تحطيها الحريق اصلا فاشلة عليها مزال مكنقدرش تحكم فيها عيااات تحاول ..وهو كان من وراها جاري مع البلان كامل كيشوف ويغزز ففمو قرب ليها : مقدرتيش ياك ..شوفي الموس مقدرتيش تحكمي فيه – فنينة تنهدت وقلبت نظرها لجهة خرا
– عصام : غتكملي وغتديري ليا مناكل وما سوقيش فيك كاااع موتي ولا كلسي – فنينة: منقدرش كتضرني – عصام : ما سوقيش فيه فهمتي ماشي سوقي تضرك ولا تطير لك كاع ..يلاه تحكري..- غوت بجهد ودفعها
– كتليك تحركي واش مكتسمعيش ..حتى نهز يدي عاد تسمعي كتمشي لديمك غا باالعصا – فنينة كتبكي : عصام حرام عليك علاش كدير هاكا – عصام : عاجبني راسي ..طالب حقوقي وكنآمرك ديري واجباتك …يلاه تحكري
– شد ليها يديها وزير بها على الموس حتى بدات تنين بألم منزلة دموع – عصام: يالااه نقي. .نقي يالاااه – فنينة كتبكي : حشومة عليك اعصام – عصام : ال*لاوي هذا ماشي عصام ..من اليوم عصام مغينحنش فيك واجباتك غدريهم واخا تكوني كتموتي
زاد زير ليها على يديها حتى غوتت ربي لخلقها
– فلحظة طلقها و كلست الارض شادة يديها وكتبكي
. – وهو بديك الصعرة لفيه جر الكوزينة كلها قلبها ولبانت ليه كيهرسها كيتسمع غا صوت الخبيط وتهراس ….
هي بكثرة الخوف لجاها حنات راسها وسدت ودنيها كتبكي رافضة تسمع داك التهراس ودكديك…حتى حبس على خاطرو وبقا غير صوت نفسو المجهدة بقى واقف كيجمع انفاسو عاد مشى لجهتها هي تفزعت يحساب ليها غيضربها مي مقربهاش جهدو مشو لحداها وكلس تاني رجل وطالق رجل وبقاو ساكتين شوية حست بيه شد يديها المضروبة ..خداها عندو وبدى يدوز عليها اطراف صباعو شوية بشوية بحنية زايدة ..- ناض مشى لواحد الجهة من الكوزينة هز بواطة ديال الاسعافات ورجع لعندها جلس قبالتها فالارض مربع رجليه – رجع خدا يديها وبدى يعقم هاليها بشوي بطريقة كتبين خوفو عليها وفنفس الوقت كيدير ليها مساج يسرح ليها العروق بدات تنهد براحة حتى سالا ودور عليها البانضة صايبهاليها مزيان وباس ليها على يديها وشدها من يد الاخرة : اجي نوضي من باابرودة – نوضها معاه ومشى لجهة الفوطوي وكلس وجابها كلسها عليه ..حيد ليها البانضة من شعرها وطلقو ليها كيدوز يديه عليه بشوية وعينيه مع يديها كيشوف فيها حاني بعينيه مستقر نظرو عليها —هي بقات تشوف فيه حاني راسو فلحظة هز عينو ودور راسو الجنب متفادي يشوف فيها ..هي غيرت ملامح وجهها بستغراب وخدات يدها سليمة وحطتها على وجهو بغات تدورو عندها ضرب ليها يديها رافض يشوف فيها ..حتى شدت ليه وجهو بزز ودوراتو عندها شهقت ملي شافت عينيه حمرين ومدمعين بزاااف اول مرة غنشوف دموع فعينيه وباين داير ايفوغ كبير باش مينزلهمش تفاحة ادم كطلع وتهبط ..نطقت كترعد بصوتها : الغالي – عصام سرط ريقو حابس دموعو : متبقايش تكوليلي الغالي حيت منستاهلهاش مدرتش علاش تكوليلي الغالي واعدتك نكون راحتك وتكون السند ليك فكلشي ولكن درت العكس تعديت عليك ابنتي بزاااف
– حطت يديها على عينيه ماسحة ليه دمعة قبل متهبط : دموعك غاليه الغالي -جرها من راسها معنقها خاشيها فيه : سمحيلي .. افنينة سمحلي بزااف عمرني نعاود ندير شي حاجة بلا منعلمك وفين ما مشيت نديك معايا عمري نخليك ورايا ابدا …. تكرفستي معايا بزاااف سمحلي – شدت ليه راسو كتحاول تهدنو باستو من كتفو ومن راسو ومن حناكو وهو كيهدر بهستيرية وصوتو كيترعد – فنينة: ششش صافي اعصام موقع والو – عصام : لا وقع شوفي وقع بزاف شوفي يديك شوفي صحتك نقصت خرجت عليك ياك تعديت عليك حاقدة عليا بزاف ياك – فنينة: لا لا مكين والو من هاذ الشي غير تهدن ( كتبوس ليه راسو – ) ششش صافي
– عصام : عنداك يكون بهاد الشي ما بقتيش تبغيني – فنينة.:لا لا كنبغيك وباقا كنبغيك وباقا باغا نبغيك غير كون هاني – عصام : حلفي – فنينة: والله – عصام: كولي وحق البنت لشاركين حتى باقا كتبغيني وعمرك تخليني – فنينة كتقيس ليه فراسو : السخانة جاتك اعصام حرارتك طالعة خصك ترتاح اجا تنعس – عصام : لا حتى تحلفيلي
– فنينة : وحق البنت لشاركين صافي يلاه اجي تنعس – عصام : عنداك تفكري تخليني عنداك كنحظرك عنداااك افنينة منقدرش بلا بيك …
عصام : عنداك تفكري تخليني عنداك كنحظرك عنداااك افنينة منقدرش بلا بيك – فنينة: واخا يلاه غير اجا معايا تدخل تنعس – عصام : غتنعسي حتى نت معايا
– فنينة: اه يلاه – عصام : وبنتنا غتكون وسطنا ؟
– فنينة: اه اه – دخلاتو لبيت تكاتو فوق سرير ومشات جابت عشق عطتهالو عنقها فوق صدرو وزاد طلق يدو فهماتو بلي بغاها تكى عليه داك الشي لدارت تخشات معاه حاطة راسها هل. كتافو وجمع يديه معنقها ومقربها ليه بزاف .. حطت يديه على. جبهتو كتقيس ليه فحرارتو وكتفحص فيه وهو شد يديها كيبوس فيها – كتحك ليه فراسو وكتهدر معاه وخا مغمض عينيه عارفاه كيسمعها : فديك لحظة عقلي حبس على التفكير مبقى قادر يفكر فواالو معرفتش شنو وقع لي ملي سمعت المريض قلبو توقف
– عصام نطق بصوت مبحوح : عارف عاودت لي كنزة كلشي – فنينة: لا خصك تسمع مني انا …باش كالو بلي قلبك وقف تم حست بلي وقفت عندي الحياة ..وكلشي فيا جمد ..حاجة وحدة لبقات تدور فدماغي هيا نت متي وانا معندي منبقى ندير وراك – عصام : علاش فكرتي تنتاحري حيت كنت خرجنا مخاصمين ودعيتي فيا على هاذ الشي ؟
– فنينة: لا ابدا ماشي على هاذ الشي وماشي تانيب الضمير لخلاني نفكر ندير هاكا ..درت هاذ الشي حيت بصح مكنتش نقدر نزيد وراك الدقيقة مكنتش نقدر نستحمل بعد اخر ..البعد الاول كنت على أمل انني مزال فين نشوفك ونلمحك ..ولكن البعد تاني منكتش نقدر عليك وانا متأكدة بلي ما بقيتش غنحس بك وما بقيتش غنشوفك معايا ..ومباقيش غدخل عليا ..مكنتش نقدر عليها ..عارفة بلي هاذ الشي قضاء وقدر ولكن
– عصام : الموت عليها حق افنينة وشحال ما طولت نقدر نمشي …بحال والو نعس ومنعاودش نفيق خليك على هاذ بال حيت الصحة عندي ولات غا على قد الحال اليوم انا معاك غدا الله وعلم ….
فنينة سدت ليه فمو كتبكي : ششش متكولش هاذ الهدرة عافااك ..منحملش نسمعها كتخنقني وكتضرني بزاف
– عصام ؛ لا خليني غير نكوليك ونفهمك اش كاين ..دابا انا وياك ماشي ديال راسنا وخصنا نعرفو كيفاش نتحكمو فتصرفاتتا حيت ولات عدنا مسؤولية عدنا بنت خصها تربى وسطنا – فنينة: ها نت ݣلتيها بنت خصها تربى وسطنا ماشي نربيها وحدي يعني نت خصك تكون حاضر فكلشي
– عصام : متافق معاك ولكن الى ربي بغاني وداني شنو نوقفو فوجه الله .. شد يديها باس كفهم وحطهم على وجهو : سمعي افنينة نكوليك انا دابا كندوي معاك بصح .الاعمار بيد الله سبحانه وانا معارفش راسي واش العمر باقي عندي طويل ولا قريب يتحد .هانتي كتشوفي فيا الصحة عندي مبقاش هيا هاذيك وليت كلي.دوا باش يقدر هاذ القلب يضرب ..لحيدت دوا يسكت ماعلينا ..لي نبغي منك والحاجة لغتخليني نبقى ديما نرضي عليك وخا بعيد هو الى قدر الله وخليتك ورايا بغيت نخليك مرا قادة وتكوني نت عصام فكلشي ..تاخدي بلاصتي فكلشي .انا عارفك تقدري عليها وعارف بلي يعول عليك الواحد ..ما بغتيش تهوري وتآذي راسك بالعكس تحمدي الله على كل ما عطاك وتربي البنية لعدنا احسن تربية بحال إلى انا كاين وتصبري .حيت صبر هو كلشي – فنينة كتدور راسها كتبكي وكتشهق : عليك نت معندي صبر ..- شدت وجهو عندها كتبوس فيه وكتبكي : ..سكت من هاذ الهدرة حيت مقادراش نسمعها ومتكوليش صبري متكوليش حيت والله منقدر
– كتمسح ليه على وجهو – ونت مفيك والو نت مزيان ومغيوقع ليك والو وغتبقى معانا ..وغنبقى معاك ..وغنقابلك مزيان تاكل وتشرب دواك فالوقت وغترجع مزيان غترجع حسن من قبل – هانتي شوف ما بقاش وجهك شاحب كي ما قبل هانتي شوف رجع فيه لون ..هاذ الشي كيعني بلي عاد مكترجع تصح وترجع مزيان ..
– عصام كيحاول يهدنها : ششش صافي افنينة صافي – فنينة بهسترية :وغندير كلشي باش تكون مزيان والله منبقى نعصبك والله منبقى ندير شي حاجة .كلشي غيكون غير براحتك وخاطرك ولي ݣلتيهالي غنديرها بالحرف غتكون مرتاح والله العظيم ..ربي شاهد عليا غندير عقلي وغنسمع ليك وعمري نتزايد معاك فالهدرة غير خليك معايا – عصام ساهي فيه عينيه مدمعين وحمرين : ما هاذ الشي هو لكيعجبني فيك ازينة البنات….
فنينة ؛ لا هاذ الشي كيعصبك فيا غادي نحيدو باش تبقى مرتاح ..من اليوم خاطرك هو لغيكون
– عصام : ولكن نت خاطرك فوق خاطر كلشي – فنينة: لا خاطرك دابا الغالي ..- حطت صبعها على فمو كتلمسو : فيك جوع احبيبي جيتي لعندي وكلتيلي ديريلي ناكل فيا جوج انا نوض ندير ليك – عصام : يديك احبيبي كضرك بلاش – فنينة: وخا تضرني نت اهم خصك تاكل وتشرب دوا غنوض ماشي مشكل يدي مالها شنو غيوقع ليها كاع راك دويتهالي رجعت مزيان غنوض – جات نايضة جرها عنقها بالجهد : اححححح على الحبيبة – فنينة كتبكي :متخلنيش عاافاااك انا دابا لكنكوليك متخلنيش منجمش بلا بك
– عصام زير عليها بالجهد فحضنو وزير حتى على عينيه ونزلو دموعو : حلفتي حتى تنزلي دموعي ازينة عليك وخا عييت منشد فيهم – فنينة شادة ليه فتريكو : بقى معايا عااافااااك منخلنيش عاافاااك -عصام كيبوسها من راسها : طلبي الله كولي ياربي يبقى لي عصام راجلي – فنينة من نيتها هزت يديها لسما : ياربي يبقى لي عصام راجلي ياربي نت طول ليا فعمرو ويبقى حدايا حتى تديني انا اللولة – ضرب ليها عصام فمها مخنزر : كيفاش هاذ انا اللولة نت مبغتيش تعذبي وانا بغتيني نتعذب ل
ا – عصام هز يديه بنفس طريقتها : ياربي تخليني فنينة مراتي وتبقى حدايا حتى تديني – قطعاتو ضارباه لفمو : متكول والو خليها هاكاك – تبسم ليها بعينيه الحمرين : اححححح على البنية – فنينة : ݣولي للخرا
– عصام : اححححح على الحبيبة – فنينة تبسمت : اححححح على الحبيب – عصام : لا بغيت للخرا
-فنينة : احححح على الغالي – عصام كيجر فيها : اجي قربي عند الغالي ديالك اجي – فنينة: هاني مقربة
– عصام : لا كثر نبغيك تخشاي فيا زيدي
– زاد جرها بغى يطلعها فوق منو حبست : وعصام متقدرش صدرك غيضرك – عصام : ما سوقكش مغيضرنيش اجي….
قاددها فوق منو : متوحشتيش بلاصتك
– فنينة : توحشتها عام ما بقيت نعست هاكا – عصام : هانتي رجعتي لبلاصتك ..حتى بلاصتك توحشاتك بزااف كثر ما نت توحشتيها – كتزيد تعنقو وتمخشش فيه كثر وكثر خى خبات وجهها فيه- عصام :خرجي وجهك خرجي
– فنينة: هئ خليني – عصام : لا غير خرجي وجهك نكوليك
– فنينة هزت راسها قابلت وجهها مع وجههو : هنا- عصام : نبوسك وتبوسيني شوية ؟ – فنينة طلقتها بضحكة نت خاطرها : ههههههههههه – عصام : مالكي كضحكي ݣلت شي حاجة ماشي هيا هاديك – فنينة : ههههههههه غير ملي كتهدر بحال هاكا كتضحكني – عصام كشر حواجبو: كتليك نبوسك وتبوسيني شنو لكيضحك فهاد الهدرة – بغات تجاوبو قاطعها : رجعي وجهك فين كان ورݣدي حسن ليك
– فنينة : وما بقتيش باغي تبوسني – عصام : ما بقيت باغي والو. نعسي لباغا تنعسي – فنينة: ولكن أنا باغا نبوسك ومغاديش نعس حتى نبوسك – عصام : ما مخصنيش ومنخليكش تقيصيني – فنينة : بزز منك غنبوسك ..- عصام : لا – فنينة:اه – – هز راسو بعد فمو عليها – فنينة كتهبط ليه وجهو وشدت ليه شنايفو بيديها : مال الشارف ديالي تقلق – عصام غير ساكت ومكيشوفش فيها
– فنينة: مال السمر ديالي مابغاش يهدر معايا – عصام : حيت البيضة مبغاتش تبوسو -فنينة : وملي منبوسش السمر شكون بغتيني نبوس – باستو من فمو وبعدت كتشوف فيه : زيانيتي ولا غا جاب لي الله – عصام: غا جاب ليك الله اصلا انا خايب – فنينة: نت خايب ؟ ههههه كتحيد عليك العين خالتي كنزة توحمت وعرفت اش ولدتلي – عصام : كنعجبك ؟ – فنينة: بزاااف كنكراشي عليك ازين البلدي – عصام : عجبتك من يلاه جيتي سكنتي عدنا – فنينة: من اول مرة شفتك وانا نطيح على زنافري …من ديك الصبحية لخرجتي تصلي الفجر ..وانا نكول صافي هذا هو المكتوب هههه – عصام : ايمتى
– فنينة: باش يلاه سكنا .كنت خرجتي تصلي الفجر
– عصام : عقلت كنت مشعلة الضوء وكطلي
– فنينة: علاش محملتنيش ومكانش عندك معايا
– عصام: راجلك هاكا داير مع البعيد – فنينة: ودابا اش – عصام: دابا رآه شاركين الدم الحبيبه…. ينبع
فنينة: ومزال غنزيدو نشركوه كثر. وكثر.
-عصام : بغا تزيدي تشركيه معايا -فنينة مبسمة مبينة سنانها : باغا باغا باغا- عصام : شحاااال باغا
– فنينة : باغااا بزاااف وكلهم يكونو يشبهو ليك
..- عصام : ناوية تغرقيني ياك هادي هيا الخطة ديالك -, فنينة: اه كيكولو بلي المرا لبغات تشد راجلها وتحكمو تحت منها خص تغرقو وتشدو بالولاد -, عصام ؛ ولكن أنا مشدود خلوق اصلا هاذي فكرتي انا لكان فايت ليا كتليك بلي غنتقلك بالولاد – فنينة : غا تقلني بغيتك تقلني – عصام: فراسك واحد الحاجة – فنينة: لهي – عصام :بلي شحال ما ولدت غتبقى عشق هيا العزيزة عندي – فنينة: علاش زعما
– عصام : حيت ماعشت معاك المراحل ديالها بالديطاي و عاد تاني عشق قريبة ليا بزاف كنت نحس بيها على طول المدة لكنت فيها مغيب كانت ونيستي فالعتمة – شافت فيه مستغربة – متشوفيش فيا هاكا يقدر بصح يجيك هاد الشي غريب ولكن بصح هاذ الشي لواقع معايا وحتى باش عرفت بلي رآه عندي بنت متفاجئتش حيت كنت حاس بها وحاس بلي غنفيق على شي حاجة زوينة وبلي مخبية ليا حاجة زينة عندك ..احسن شعور والله وهو باش عرفت بعشق ..احساس الأبوة لكنحس به فشكل واحد الاحساس زوين بزاااف -فنينة : حسيت بيك غير ملي مكنقدرش تفرق عليها – عصام : هاذيك نسخة صغيرة عليا شي حاجة ديالي ومني ومن صلبي – فنينة : حتى انا ديالك ومنك
– عصام : او صلبي كنديرو فيك ههه
– فنينة: هانت غتبدى تاني – عصام : دابا نقصي من الهدرة واجي نتباوسو شوية – فنينة : ههههههههههه ههههههههههه ههههههههههه مشكلة معاااك نت والله يسمعك شي واحد كتكول هاد الهدرة يشبع علينا غا ضحك ههه- عصام : ماسوق حد فيا ليبغي يحل فمو نهرسو لدينمو -….
بغات تهدر قاطعها : دابا نقصي عليها من الهدرة واجي -شدها حاكمها وبدى يبوس فيها حتى حست بيه غرق فيها مزيان وبجوج بيهم انفاسهم كتقطع .حطت يديها على صدرو ملي بدى ينهج بعد فمها بزز : عصام غتجاهد على راسك راك مريض – عصام : عارف راسي شكندير اخر مرة تبقاي تقاطعيني – فنينة مقاطعتكش غير خليك حتى تولي مزيان – عصام : انا مزيان واش مبغانيش نقرب ليك
– فنينة : الا من نيتك باغا غير هو شوف نت دابا فيك شوية السخانة و عاد يدي انا كضرني شوية
– عصام : الى كانت يديك كضرك صافي ماعليش حتى لغدا صافي .- فنينة : ههههه يحن الله يحن
– عصام : واه يحن الله ولكن رآه والله لفلتي منها ولا عطتيني بالظهر غا يغضب عليك الله تبغي الله يغضب عليك ؟ – فنينة : هههه لا ما منبغيش – عصام: ادن خصك تطيعي الزوج ديالك وتلبي.ليه الرغبات ديالو لشحال وهو كابحها عليك
– كيقيس فيها بجراة -, بقيلي شوية ونفاجر عليك هههه – فنينة : واخا انا خصني نطيعك ونلبي ليك الرغبات ديالك باش ربي ميغضبش عليا ونت ربي ميغضبش عليك – عصام : علاش انا شدرت ليك بغتيني وكتليك لا – فنينة: ملي كنت موحمة عليك – عصام : ها يعني كتعتارفي بلي مكنتيش مشهية غير. ريحتي كانت عينيك فحاجة خرا
– فنينة: هههههه وا نكذب عليك اه ههه
– عصام : ههه كتكوليها لمك ما بقتيش تحشمي ههههه – فنينة: علاش غنحشم را حقي شرعي هذا علاش غا نت لعندك رغبات هههههه – عصام شد ليها راسها خشاه فيه وكيضحك من نيتو : هههههههه اه حقك شرعي حقك ابنتي حقك ههههه فهادي معندي منكول….
دازت ديك ليلة ودازت وراها سيمانة كانو فيها كي العسل مع السمن الاهتمام فبعضياتهم كان واضح عندهم بجوج كل واحد كيفكر لاخر كثر ما كيفكر راسو بهتمام عصام بييديها لكل شوية معقمها ليها رجعت تحركها شوية وكتقضي بها الشغل
*لابسة بينوار سخون على البرد خرجت من لبيت قلبت عليه ملقاتوش سمعت تقرقيب فالكوزينة مشات دخلت بان ليها مرون دنيا – فنينة : الله يا خويا واش كدير
– عصام : ناوي نطيب مناكلو قتلني جوع امدام
.- فننية : ݣولها لي اصلا كنت نايضة ندير شوف كي تكرفستي على الكوزينة ..والله كون درتي هاذ الحالة عند كنزة كون دارت ليك نهار – عصام جرها من حزام پينوار : تحركي دريلي مناكل حسن منمضغ مك ونت بقيتي حاظية غا بنتك اما انا لهلا يقلب بيا – فنينة : بنتي مالي ولدتها بوحدي
– عصام : اححح لا انا لكويتك باش جبتيها ( كيفتح ليها پينوار ) مدخليش معايا فواحد المشروع اخر شي ذكر دابا – فنينة ؛ حيد حيد بعد مني – مشات لثلاجة جبدت منو قرعة العاصير كبات ليه كاس مداتو ليه : شد عصيرك شربو
– شدو من عندها وضحك : تفكرت غا نهار لدرتي لينا فيه السم بغيتي تقتلينا لدينمك – فنينة بشر : يا معايا يا تموت – عصام جرها من شعرها من لور قالب ليها راسها لعندو عضها من ذقنها بجهد حتى غوتت : كنحماق على دينمك أسايبة – فنينة:اي عنقي مالك عندك هاذ البوس المهاوش اناري غا بشوية ههه -عصام : نت هاذ الشي ليصلاح معاك
– فنينة: جرب معايا الخاطر راني حلوة نعجبك ازين
– عصام : لا كيعجبني فيك العكس كثر ههه
-فنينة : شرب عصيرك وسكت شرب
– عصام ميل فمو : بصح فيا جوع -فنينة شداتو من يديه وتعلات باستو من كتفو : وزعما الغالي ما يكموندليناش شي حاجة من الزنقة – عصام : ومال الزينة يديها مݣرودين .لتجيها الماكلة الزنقة – ….
فنينة: التغير ابيبي التغيير – عصام : تغيير كوليه غا بوحدك كموندي لراسك وانا طيبي ليا عشايا – كيقيس وجهها وبدى يرطب – فنينة : ههه كول شنو باغي ݣول كنعرفك ملي كتبدى تغمض عينيك – عصام : مدريش لحبك الرفيسة
– فنينة : وتااا بعد مني – جات عتهرب شدها : هههه غير اجي نكوليك ههه والله حتى مشاهيها – فنينة : مكينش ليفرتت معايا بعد مني – عصام : والله حتى نعاونك حشومة عليك مشهيها – فنينة : باش ؟ – عصام : بالدجاج
– فنينة: خرج جيبو – عصام : علاش ما بقاش
– فنينة : واش كليتي لبارح – عصام : واخا غنخرج نجيبو – فنينة: ما تعطلتش – عصام : لا غير المارشي ونجي – فنينة: انا غنبدا نعجن – عصام : غير بشوية على يديك بلا منبدى نهدر تاني – فنينة: كون هاني غا سير —–خرج مشى يشري الدجاج وهي خدات عجنات الحرشة دارت غير خبزة وحدة مجات طيب حتى كان عصام دخل جايب ليها الدجاج ..خداتو من عندو غسلاتو وقطعاتو خدات غير القياس دارتو فالكوكط وبدات تنصب عليه وهو كالس حداها حاظييها – عصام : ديريه كامل علاش قسمتيه – فنينة: من نيتك وعلاش الضياع ..خليت منو باش ندير العشا – عصام : لعجبك – كملت النصيب وحطت الكوكوط تشحر وخدات طبسيل : يلاه اجي دير يديك معايا – عصام : وخا غير وريني شنو ندير وقيلا راني عارف كنت نعاون كنزة ملي كنت صغير – فنينة: ملي كنت صغير ..هانت كبرتي ودرتي الكتاف اوليتي كتعاون مرتك
– عصام : غا حيت معطوبة اما والله منحط يدي معاك فشي حاجة – فنينة: هههه حرام عليك – سلات داك الشي وتغداو وسلاو عاونها حتى غسلو ورجعو كلشي لبلاصتو عاد كلسو مقصرين..كانو هاديين حتى بدات تحس بيديه كيتلاوحو عليها بجراة فمناطق محظورة -فنينة كيهرها : وعصام الشارف هدا – عصام : الشارف باغي البنينة ديالو الفتية – فنينة: دير عقلك – عصام قرصها: زعمتي لمك وليتي كلمة بكلمة معايا – فنينة خرجت ليه لسانها قبل مدخلو كان شدو ليها حتى زوات : شنووو دابا باقا تعاودي
– فنينة: عمرني نعاود عمرني – عصام : واجي يلاه نديرو شي حاجة ديال الوليدات رآه نكبرو نرجعو عليهم وخا نلقاو ليمد لينا غير كاس الما ههه……
عصام : واجي يلاه نديرو شي حاجة ديال الوليدات رآه نكبرو نرجعو عليهم وخا نلقاو ليمد لينا غير كاس الما ههه
– فنينة : ناري يا خويا ملي كتبغي حاجتك كي كتبقى دير كضحكني غا ملي كتبقى تذبل فعينيك
– عصام: اه مخصش نبقى ندير هاكا ونشد بالخاطر حيت عاد مكتزيدي تشنعي هاد المرة خصني نجر مك نيشان – فنينة : مالك مكتعلمش مالك كتبقى تجي على غفلة –
عصام : علاش كي بغتيني نجيك – فنينة : خلينا غير شوية الاسباس فين قادو راسنا ونلبسو ليك ونتقادو ليك نت فين ما كان شعري شاد ريزو وحالتي حالة تجرني ..- عصام ضحك حتى تغمضو عينيه : كنموت عليك ملي كتكوني مشعكة كتجيني على الݣانة – فنينة كتقيس فشعرها وجهها : بصح شوف شوف واش بصح مشعكة – عصام : اه
– كيزيد يشعكك ليها شعرها ويهبطو ليها على عينيها – فنينة هزت كتافها كضحك : عادي غا نت هدا – عصام كيحك راسو : غا انا هذا – فنينة: عنداك تمشي تبدلني لكنت غديرها غا علمني نبدى نقادد ونزوق – عصام : مكيعجبينش داك الشي كون كنت تعرفي كيفاش نشوف فيك تبقاي غا ساهية -فنينة : بصح – عصام : اه – ضحكت : كبرت فعيني
– عصام : وكبري حتى نت فعيني واجي قربي لعند الغالي ديالك – فنينة كتقيس فراسها : بغيت نبدل اللوك – عصام : مثلا – فنينة: نبدل للون ديال شعري ..ندبل ليه تقطيعة نبدل لفوغم ديال حواجبي – عصام ؛ تقطيعهم زعما
– فنينة.: اه نقاددهم – عصام : ايه زيدي – فنينة ؛ نزيد شي ثقيبات فودني البنات عندهم بزاف انا عندي.غير وحدة – عصام ؛ نوضي تنعسي – فنينة: كنتخايل راسي مبدلة لون شعري بشي لون زوين يجي معايا- عصام : مزيان ملي عارفة راسك غير كتخايلي ..تخايلي مع راسك حيت هاد الشي غيبقى غا فالخيال ومغيطبقش على الواقع
– فنينة جمعت حواجبها : حرام عليك – عصام ؛ بدلي هاد السيرة من حدي باقي مبرد بلا منجهل عليك تاني ونوض نوريك تقطاع حواجب كي داير ..تحطي يديك فشي حاجة نبقى ناكل فمك حتى. يديك النعاس……
فنينة: اناري ياربي سلامة مالك داغي قلبتي وجهك غا كنهدرو مالك منهدروش – عصام : قطعي حسك حسن ليك ..الهدرة لمعندها حتى طريق معندي مندير بها – فنينة: غنوض نعس – عصام: يالاه تكركبي – ناضت من حداه زعفانة —-بقى وراها شحال عاد ناض البيت تبعها ..حيد شورت بقى غا بسيكليزم وتكى حداها شد شعرها جرو لعندو كيقيس فيه وضحك بفقصة : ولهيلا كاتليك تبدل لون ..جربي باش نبدل ليك لون عينيك ونخليك كتشوفي غا الكحل – فنينة جرت شعرها مغبنة : رخي لي شعري دابا رخي – عصام : هداي طلقي الخرا – فنينة: ونت لخصك طلق رآه شعري هذا
.- عصام : متاعكش وحدك – فنينة: وطلق راك ناتنفني – عصام : اصلا نت منتوفة – فنينة: بصحتي وراحتي – عصام : بغيتي تخسري معايا قيسي شي حاجة فيك ولا ديري شي عجب – فنينة: مغندير والو كنت غير هادرة
– عصام : حتى الهدرة متهدريهاش – فنينة : هاني ساكتة -عصام : لكنت غتنيرڤيزي غا بقاي ساكتة – فنينة كرزت فمها معصبة ..بقات تشوف فيه بزاااف وحتى هو بقى يشوف فيها حتى محس بها كي دارت طلعت فوق منو وشنقاتو من عنقو : علاش كتقلب دابا امممم من صباح ونت معيص عليا اش خاصك اااا؟ شنو ندير ليك دابا – عصام : عضيني – فنينة عضاتو من عنقو حتى خلات ليه ليتراس : باقي تعاود – عصام: احح لكنت غديرلي بحال هاكا باقي نعاود بزااف -( حطت يديها على. عنقو ) فنينة: غنذبحك
– عصام : ماشي اول مرة ليك – فنينة: غتخليني ندير لبغيت – عصام : والله لحطيتي يديك فشي حاجة فيك
..- فنينة: غنحط – عصام : بغيتي متبقايش عزيزة عليا -فنينة خرجت شنوفتها تحتانية : اناري لا
-عصام : ولبغيتي تبقاي غا مراتي ديري هاذ الشي ولبغيتي تبقاي مراتي وعزيزة عليا سمعي لهدرتي وشدي بخاطري – فنينة دورت يديها عليه من عنقو وبدات كتبوسو من حناكو ومن نيفو ومن فمو وكتهدر : غير كنضحك معاك الغالي والله مندير والو غا بغيت نضحك معاك -خدات يدو كتبوس كفها – عصام : الله يرضي عليك……
حطت نيفها على نيفو وغمضت عينيها حتى قربت بفمها بزاااف: بغيت – عصام : شبغيتي – فنينة: بغيت نعاود نحمل – عصام : ههههههه ما بغيتش – فنينة : وانا بغيت حقي الشرعي هذا عطيهلي ولا ندعيك الله – عصام تجبد كلو تطلق فوق السرير : هناااا يلاااااه خودي حقك راسك
-فنينة : وناخدو مالي نحشم ههههه نغتاصبك
– عصام ؛ يلاه بداي نشوف – ضحكت وشداتو بدات تبوس فيها وكضحك – عصام : تعلمتي تبوسي -فنينة : الله يخلف عليك نت لعلمتيني -عصام: حتى دابا نعلمك حاجات خرا – فنينة : وانا غنكون تلميذة مطيعة هههه – تم تم قلبها تحت منو وشدها غطس فيها ما عاود طلع راسو كيبوس فيها بالجهد موحش فيهااا بزاااف وشحال وهو جامع ليها أجسامهم كانت موحشة بعضياتهم شهور ويامات ما تم الاتصال .بيناتهم ..مكانش غير هو حتى هيا كانت باغاااه ومشتاقة فيه بزاااف …من وجهها داز لعنقها كلاه ليهااا حتى بدات تنين بألم فين ما داز مخلي علامات ملكيتو عليها واضحين وحتى هو نفس الشي طراست ليه عنقو وظهرو حيد ليها البيجامة وتبعهم بدوبياس وبقى كيشوف فيها بجراة – حتى نغزاتو كضحك : اسبحان الله اشريف فين سهيتي – عصام : كنشوف فرزقي شنو تزاد وشنو نقص -فنينة : وشنو بان ليك نقص
– عصام : انا بان ليا داك الشي تزاد – فنينة: وكول تبارك الله
– عصام : تبارك الله غا نقصي من الماكلة شوية – فنينة : مالي كناكل بفمك
– عصام : غتزيدي تطرفي وتغلاضي ونتي كتبان فيك فلور كثر وانا لغنوحل معاك حتى حجابك مغيبقاش يسترك – فنينة: نت هاذ الشي لقاتلك – عصام: ايه نبقى غادي معاك وترمتك مزيرة نحيدها ليدنمك وعندي الربح ..عراضي وشرفي ميبان لحد-فنينة : غير حيت ولدت بانت فيا دابا نرجع لوزن الاصلي -عصام : وزنك الاصلي راك كنت عامرة من لور ملي كنت تلبسي دوك سروال مكنتش نحملك كنت دايرة ما بغيتي ابنتي مكان عليك حكام – فنينة : عليها دابا كنخلص
– عصام : تجربي تعاودي تلبسيهم دابا نحيد ليك العصب ديال رجليك….
فنينة : اناري صافي ونت كنت غا على سبة – سكت مجاوبهاش وكمل على داك الشي لكان يدير تم تم ماشي بزاف وكانت متجاوبة معاه بكاع احاسييها -عصام : حيديلي تريكو -حيداتولو ورماتو – عصام : حيدي حتى شورط
– فنينة : تهز شوية معندي كي ندير – تهز من عليها شوية عاد حيداتولو ورجعو للنفس المود ونفس الأحاسيس حتى وصلو المسكي عصام رجع كلو كيقطر بالعرق معاها وبكثرة داك الشي لجاه عليها كيزفر نفس حااارة ودنيها وكينطق بصوت كيبورش : تزيرتي بزاااف – فنينة: معرفتش
– عصام : لا راك تزيرتي حيت هادي شحال ما قستك
– فنينة: يمكن – عصام : عجبني هاكا – فنينة: اوا غا لعجبك دابا – عصام : اري يديك شابكيهم مع يديا – مدات ليه يديه شابكهم مع بعضياتهم — عصام : هزي عينيك شوفي فيا – فنينة شافت فيه كضحك – عصام : عاجبك الحال ؟
– فنينة: بزااف ههه – عصام : مرتاحة – فنينة: اه
– عصام باس ليها واحد الخالة كانت فصدرها : مولات الخالة راني نهبل عينيك كبار راني مشلول – فنينة: ههههههههههه
– عصام : زينك هبلني – فنينة: كتفشلني فراسك – عصام : انا فاشل من الديبي – —–كانت احاسيسهم مجهدة فبعضياتهم بزاااااااف دازت بيناتهم علاااقة متكاملة بكل معناها مسكتش فيها عصام كاااع كل شوية يلوح ليها كلمة بالحق مكانتش تحشم كانت ترد عليه بما كثر شي لعاد زاد جهلو عليها وخلاه يفتارسها كثر دامت العلاقة حتى الصباح واذن الفجر ..عاد عف عليها – عصام كيبعد ليها الشعر من وجهها وكيضحك : سخفتي – فنينة : هههههه مت يا خويا حلفتي او وفيتي – عصام : حسيت بلي زيرت عليك الله يسامح رآه عام مقستك حسي بيا هههه كنت جامع ليك ..غتحملي ما فيهاش
– فنينة : عارف راسك درتيها – عصام : ههه درتها درتها – فنينة: ههههههه مبروك عليك – عصام : علينا ازين علينا
&&&نهار جديد خارجة من الكوزينة كتمسح يديها كانت تغسل فالمواعن وعصام كان ناشر رجليه فوق الفوطوي وشاد تلفون كيهدر مع كنزة حتى بانت ليه فنينة خارجة
-شير ليها بيديه تجي لعندو : اجي هاكي مك بغات تهدر معاك – خدات من عندو تلفون : الو خالتي – كنزة : مخالتكش واش نت عجبك دوران مناوياش ترجعي لدارك وتخملي ركانيك – فنينة كتفرنس : ناوية والله حتى ناوية
– كنزة : ليلة تباتو فدار – فنينة : هههه كلامك هو الكبير – قطعت معاها وشافت فيه: اصلا قنطت هنا نرجعو لدارنا – عصام: غا نت ولبغيتي دابا -فنينة كتبسم : ملي دوات معايا خالتي نرجعو يحاسب لي مزال مقلقة عليا
– عصام : داك الشي بيناتكم هي مك ونت بنتها – فنينة: ونوض يلاه نرجعو فحالنا – عصام : صافي غير دوات معاك كنزة سخيتي بيا انا – فنينة : علاش نت بسلامة مهاجر ..- عصام : سيري تلبسي ولبسي بنتك – فنينة : ونت – عصام : مالي أنا انا غنلوح عليا غا تشاكيطة ونزيد -$$$$_ مسافة طريق وكانو وصلو لدار سقبلتهم كنزة فالباب لولة طارت عليها فنينة كتعنق فيها وكتبوس : سمحلي الحنينة سمحلي – كنزة كتبوس فيها : راكي بنتي الهبيلة وحتى لخاصمت عليك متقلقيش رآه من مصلاحتك باش كندوي وحيت ݣلبي عليك وربي شاهد عليا الا كيفك كيفو بجوج معزة وحدة – فنينة كتبوس ليها يديها: الله يخليك لينا اميمتي
– كنزة : يرضي عليك انوارة دار ..- عصام : الى ساليتو تقدرو تخليوني ندوز وديرو لينا مناكلو رآه فيا الجوع
– فنينة: باز ياكل وينكر ..حتى كلا عاد جينا نت مالك وليتي لضاربك صاربك على كرشك وليتي تاكل بزاف
– كنزة : خليه ياكل شبغيتي عندو
– فنينة: غا يدير الكرش – عصام طلع حاجبو : ونت مالك فيها ..تحركي دريلي مناكل – فنينة : اناري يلاه مزال واقفة بحوايجي خليني غا نتنفس – شافت فكنزة
– خالتي حمزة فينو مشى ؟ ؛ كنزة : يلاه كي مشى الصباح – فنينة: دويت معاه البارح كالي غادي حتى العشية
– كنزة : صوناوليه كالي شي خدمة ضروري
– فنينة: ناري على خويا مسكين معذبينو
– عصام : ونت مالك فيه خليه يتحك – زاد هاز عشق فيديه ودخل هو وياها البيت شوية عاد تبعاتو فنينة بدلت عليها بقات غير بالبيجامة وهزت شعرها كوب شوڤال وخرجت الكوزينة تشوف اش دير ليه …عمرات ليها براد ديال ااتاي ودارت ليه ماطشية بالكفتة — ومشات لعندو دخلت عليه كان كيلعب هو وعشق : انوض تحنجر
– عصام ؛ جيبي لي هنا – فنينة: انوض غطيح لي الفراتت وغيتجمع النمل ومفيا ليخرج البيت
– عصام قاطعها : صافي غا سكتي بلا متبداي هنا نايض….
نعس عشق وقاددها وناض تابعها لكوزينة كلس حطت ليه داك الشي عوج فمو – فنينة: مالك
– عصام ؛ يحساب لي مطيبة المرقة
– فنينة: كي ندير ليها وخا نكون غنطيبها بااضوء متوجدش دابا …كول داك الشي لقسم الله وحمد.الله هاني شوي وغندير العشا وندير ليك المرقة – دارت تكمل شغلها كتمسح وتقادد وهو حداها كياكل – عصام : اجي افنينة تاكلي
-فنينة : شبعانة غا كول – عصام: اجي
– جرها كلسها فوق فخادو كياكل ويوكلها معاه بالسكات فواحد لحظة لصقت ليها شوي. الماطشة من الجناب ديال فمها زاد بفمو ولحسها ليها وكمل ماكلتو عادي —-يوم جديد سلات شغلها ومشات لعند كنزة فين كانت كالسة فالصالة مقابلة تلفاز وشادة التسبيح ..مشات لعندها وكلست بالجهد فوق سداري كتغبن : هئ هئ قنطت انا قنطت
– كنزة : قنطتي نوضي عندو يخرجك مالكي جاية كتهرني عليا انا – فنينة : داك المرض غيبغي معكس
– كنزة : نوضي عندو تغبني وتبحلسي عليه هو ..نوضي سيري مغنقريكش انا – فنينة: بيا ولا بيه – ناضت لعندو فتحت البيت بجهد كان متكي فسرير شاد بيسي ديالو خدام اديسطونس مكونسونطري حتى تفتح الباب بداك الطريقة شي لخلاه يهز عينو شاف فيها : مالنا ؟ – فنينة : ممالناش..قنطت انا بغيت نخرج واه تخنقت بغيت نخرج نشم الهوا – عصام مبرد : بغيتي تشمي الهوا طلعي لسطح الله ينعل ليشدك وليكوليك هبطي -فنينة : عصام رآه حرام والله حتى حرام ..ملي تزوجنا لهنا كول شي جوج خرجات لخرجنا – عصام : بلاتي ياك نهار ومطال وانا مجبد حداك واش شفتيني خرجت ومخرجتكش معايا -فنينة : ومالنا اخويا عليها – عصام : غتخرجي شغتشوفي غا البشار شي غادي شي جاي عارفاني معنديش مع الاختلاط البشري -فنينة دمعت عينيها : حرام عليك نت واكل لي حقي بزاف حتى من شهر العسل مذقتو ما شفتو – عصام : وقيلا بصح فنينة : واش انا وجهي ما شي.وجه تفواج – عصام تبسم بقات فيه حيد لبيسي وناض عندها جرها معنقها كيطبطب عليها : ناري على حبيبي وعلى الزينة ديالي صافي صافي نديك زين ديالي فين ما بغا ..لبسي عليك نخرجك دابا ومن بعد فكري فين بغيتي تمشي ندي حبي ولا صبري حتى نقادد ليك الوراق وختاري شي بلاصة برا على المغرب نديك ليها
– فنينة بلا متشعر طارت عليه معنقاه كتبوس فيه : عرفتك كنت متأكدة بلي.وليتي حنين- عصام : حنين غير الفزينة….
لبست كسوة جاتها هيا هاذيك اوققت تشوف شمن شال دير معاها ..حتى جا وقف عندها – عصام : مالكي ؟
– فنينة: شمن شال يجيني مع هاذ الكسوة – عصام: ديري لكان – فنينة: نت ديما عندك لكان خصك غا تفك – جبد شال ماشي مع شكل او لون الكسوة ودارو عليها : ديري هذا
– فنينة: زوين جا .. ولكن عرفتي هاد الكسوة كون كنت طالقة شعري كي كنت غنبان – عصام بقلة صبر : مكنتي غتباني الحد جيت مغتفوتيش بيه العتبة ديال بيت غطي الزمر وزيدي لباغا تزيدي – فنينة: اناري هانا غا لبغى يضحك معاك –
عصام : يا كما توحشتي يامات السراول مزيرين وشعورك مطلوقة ليل نهار بحال لمختنة باك- فنينة: ما توحشت والو – عصام : انا باقا مبارداليش على دوك القهاوي لكنت تخدمي فيهم – قرصها حتى زوات – ملقيتي دينمك غا القهاوي
– فنينة هربت منو : واش من نيتك دابا اعصام – عصام : نادم مكرهتش كون تلاقيتك باقا تحبو فالارض باش نكلع ليك كاع ضسارة قبل متبداك – فنينة: اويلي لضسارة دابا انا لا ضسارة لكانت مخدماني راه قلة الشي أصاحبي والمصارف الكثيرة لمخدمتش على راسي منين كنت بغتيها تجيني
– عصام : عطى الله فين تخدمي من غير القهاوي – فنينة: ميحسابش ليا كون طلبت زهري فشي كورسي فالبرلمان – عصام : مكنضحكش معاك والله
– فنينة: دابا نت بالعاني باغي دير لي هاكا باش متخرجنيش كتبغي تلقى غير السبة – عصام : بلا مدخلي شي فشي ..انا ݣلت داك الشي لمنيرڤييني وكي نتفكرو نشعل ..دابا زيدي تخرجي بلا هدرة زايدة – فنينة : هاهي خارجة
– قادت زيفها وخرجو وقفو على كنزة لغير شافتهم ضحكت : هههه شفتي ها لي ݣتليك – فنينة: اودي دعي غير هاد الخرجة تكمل على خير ..خالتي را عشق وكلتها ونعستها غير مرة مرة طلي عليها صافي…….
كنزة: واخا ابنيتي – زاد سبقها حتى تبعاتو . فتح لوطو وطلع وبقى يتسناها حتى تجي تطلع حتى مشات لعندو فين هو ودقت على الزاج هبطو كيشوف فيها : مالنا تاني طلعي – فنينة بدات تضحك وكتبتاسم
– عصام : مالكي كتفرنسي اش كاين طلقي ما عندك – فنينة: تخليني نااا سوݣ يرحم ميمتك
– عصام : كتعرفي تسوكي عندك البريمي – فنينة : عندي – عصام : فوقاش درتيه – فنينة : كي شديت المنحة الاولة درتو – عصام : وطالقة يديك ؟
– فنينة: شوية كنت نعرف واحد البنت عندها طنوبيل كانت تعطيني نطلق يدي شوية فيها …دابا شنو فكني غتعطيني ولا لا – عصام نزل : دوزي قتلي منا كاااع نت هاهي خشيها فشي حيط – فنينة: اناري شحال فيك ديال النݣير ههههههه نزل نزل – نزل وجات لبلاصتو محمسة
– ركب هو حداها وكسيرات بالجهد
– عصام : بشوية ينعل مك – فنينة: هههههه مالك خوااف تهدن مغيكون غا الخير
– زادت كتسوك بحترافية باقي معجب فيها – فنينة : هههه اش بان ليك كنعرف ولا ولا -عصام تجبد : الله جاب لي الله شيفور فابور – فنينة: غناخدها ليك
– عصام : غاديها ديتي مولاها عاد تحراف ليك فيها هيا – عصام : فين باغا تمشي لا لا نسيت نت لسوليني فين باغي نمشي – فنينة: ههههههههههه فين باغي تمشي
– عصام : معاك نت وهاد السرعة لغادا بها رآه باين فين غنمشي……
فنينة طلقتها بضحكة: ههههههههههه ههههههههههه
– عصام : شوفي شي ريسطو مزيان وحبسي فيه
– فنينة : حتى نطلعو الفوق شوي – عصام تطلق على ظهرو وغمض عينيه : ملي توصلي فيقيني-
– حبس قدام ريسطو جا على البحر فمهدية دخلو شدو طابلة بعيدة على بنادم اصلا مكانش عامر بزاااف … فنينة كتآكل وكتشوف فيه : مالك كالس ومعاجبك حال
– عصام : مالي شعندي – فنينة: ملي كلستي ونت عاقدهم مالك متطلق بحالك بحال عباد الله اناري
– عصام : كولي وسكتي – فنينة: كيعجبك.تبقا مخشي غا فدار
– عصام : معنديش.مع بنادم كنقنط ..شفيها هاد الشي لكتاكليه هنا كون جبتو ليك لدار ولا طيبتيه بيدك – فنينة : مجايبناش حنا الماكلة غير نفوجو شوية – عصام : فوجي ها شكون شدك سرحي عينيك – فنينة طلقتها بضحكة : ههههههههههه هاني كنسرحهم – ضرب ليها رجليها مخنزر : ضحكي بشوية ينعل مك – فنينة: اويلي مالك منضحكش – عصام : لا مضحكيش اختي فالزنقة ..ملي تكوني فالزنقة غتجمعي فمك – فنينة: على معقد كي داير
– عصام : مناقص نوضي تهزي ن*ودو فحالنا – فنينة: عصام رجوع الله ..شدرت ليك – عصام : مدرتي والو انا لمريض فراسي – فنينة : كول ماكلتك مقصتي فيها والو – عصام : مخصنيش حتى لدار وناكل -؛فنينة :حتى انا شبعت
– عصام حس براسو قصح معاها شوية : غير كولي بخاطرك
– فنينة: حتى نت تاكل – عصام : وخا هاني عناكل – بداو ياكلو بجوج ويقطع ليها ويحط ليها قدامها عاد ياكل هو وراها مسبقها على راسو …سلام خدات كتمسح ففمها من يديه مسح ليها واحد البلاصة غفلت عليها ..بقاو جالسين شوية عاد ناضو خصل لكونسوماسيو عاد خرجو
– فنينة شدت ليه فكتفو : عصام عفاك نخليو طنوبيل ونزيدو نتمشاو شوية على رجلينا
– عصام : وخا زيدي – تبسمت وباست ليه كتفو : شكرا بزاف الغالي – خدا يديها شابكهم مع يديه بطريقة متملكة وزادو كيتمشاو….
كيتناقشو لاحظت بيه تطلق شوية معاها فالهدرة مبقاش مزير دارو مزيان وكان طالق يديه كتاخد لبغات وتشري لبغات بخاطرها ….وخا قتلاتو بدوارن وهو معندوش الخاطر لهاد الشي ..بقى صابر صابر وفالاخر هدر
– عصام : مزال مابغاش يهديك الله
– فنينة: واخا واخا اجي معايا غير هنا ..بغيت ناخد لخالتي غير شال ..لواحد الجلابة ..كانت مخيطاها هذا شحال ومخداتش ليها شال – عصام : زيدي – وقفو فالبوتيك وبدات تعزل وتخير فالالوان ..حتى لقات لون لبغات هزاتو كتشوف فيه وكتقلبو – عصام : صافي لقيتي لبغيتي خوديه وزيدي – فنينة: اويلي نت خليني نقلبو نديه غا هاكاك نشوف غير توبو كي داير ..نلوح الفلوس غا هاكاك حتى نعرف ….دابا خفت نديه ويكون كيتجمع – عصام : حطيه وزيدي
– فنينة: لونو زوين غيجيها مع جلابة او وجهها – عصام : ديه – فنينة: معرفتش – عصام: خليه – فنينة: لا رآه زوين
– عصام : ديه – فنينة: الخيط فيه مشادش راسو – عصام: رآه غنخسر الهدرة – فنينة : صافي غنديه ليها
– عصام : فكي – …خلصاتو وزادو – فنينة : ناخد ليها شي شربيل – عصام جرها : زيدي رآه طلع لي الخز لراسي ..حتى تخرجي نت وياها انا معنديش لخاطر لهاد دوران
– فنينة: نشربو غير ببوشة – عصام : مصيبة هاذي ..خودي ديها فيديك – فنينة: نشربها هنا علاش – عصام : غنضرب دين مك حتى طيري غتكلسي تفركي فالشارع لغادي والجاي عليك ..زيدي تحركي حتى لخربتك وكوليها.
.- شاراها ليها فميكا وزاد حتى لفين طنوبيل – عصام : دوزي تسوكي – فنينة : لا غا سوك نت – عصام : مقادرش عيان دوزي تسوكي -فتح الكوفر دار فيه داك الشي لشرات وركب وهي ركبت فمكان السياقة و ديمارات لدار
– غا وصلو دخلو لاح ليها دوك السيكان فالباب وتلاح فسداري مسهوت – كنزة : ههه اويلي مالو هذا لاح هاذ الشي فالباب – فنينة كتهدر بشوي : هههه ششش سكتي رآه غا على سبة حمقتو اليوم عمرو باقي يبغي يخرج معايا ههههههههههه – عصام كينادي عليها : فننييينة – فنينة : نعاام
– عصام : جيبي شي ملاية لوحيها عليا – فنينة : وخا واخا – دخل عليهم حمزة : ها واحد السلام عليكم – فنينة ضرباتو الكرش : الساااط عاش من شافك – عصام غوت : فنينة دويت معاااك تحكري ديري لكتليك – فنينة: اناري هانااا ..- شافت فحمزة – تسنى نت متخرجش بغيتك – حمزة : هاني مزال جاي فيا جوع بغيت ناكل – فنينة: كول رجليك
– حمزة دفعها : دويت مع كنزة نتي شكون دواك – عصام بجهد وباقي على نفس الوضعية خاشي راسو تحت الوسادة: رصا عليها ينعل مك….
حمزة كيغوت : فين قصتها فين فين – كنزة : رآه مقاصهاش ونت خاشي راسك تحت الوسادة وكالس تغوت …سيري نت جيبلو باش يتغطى.يهنينا – مشات دخلت لبيت جابت ليه ملاية دارتها عليه – فنينة : نوض تدوش وتبدل حوايجك ونعس فراحتك – عصام : لا غا خليني مقادش
– فنينة: غنعاونك ندوش ليك انا غا نوض
– عصام : لا حتى لصباح – فنينة: غندير لعشى غتنوض – عصام : شغديري ؟ – فنينة: غير الروز بالحليب -عصام : بلا متفيقيني
– فنينة: اويلي مغتعشاش مغتشربش دوا – عصام : بلا متفرعي لي راسي مخصنيش – فنينة : مباغيش الروز شنو ندير ليك ؟ – عصام : مخصني والو غير سالي خلاص ودوزي نعسو – فنينة: غندير ليك شي حاجة بوحدك لتعجبك وغتنوض تعشا وتشرب دوا عاد تنعس – مشات وخلاتو …. يوم جديد سلات تخمال لكوزينة .وخرجت لبسات حجابها وهزت كروسة ديال الخضرة ومشات لعند كنزة : خالتي غنخرج نتقدى رآه مبقات حتى حاجة كدور – كنزة : غتمشي وحدك
– فنينة: داغي ونجي – كان عصام برا جا معاها خارجة غاشفها عقدهم : لفين بسلامة – فنينة: لسويقة نتقدا
– عصام : وطامعة تمشي وحدك
– فنينة: مالهم غياكلوني – عصام : زيدي قدامي نمشي معاك – فنينة كتغبن كتشوف فكنزة وتحرك راسها بلا : لا اناري غا سير متمشي معايا متمشي معاك مغاتخلينش نتقدا فخاطري غتبقى تنكر عليا وانا خصني نشوف ونتخير ونتشطر
– كنزة : خليه يمشي معاك – فنينة كتهرنن :: خالتي رآه ولدك آلى كاولولي بطاطة ب 100 درهم لكيلو يكولي خوديها وزيدي …
عصام جرها : زيدي من الهدرة الخاوية – خرجو لسويقة لمكانتش بعيدة بزاف ..وبدات تقدا وخا ما شي فخاطرها عصبها مكيخليهاش تحني تعزل كااااع كيمشي غير عند مالين الحوانت .اما هيا جنونها باغين تحني فين كين العمرة وتعزل وتقلب وتشوف ..خنقها ..- فنينة: عصام وراه ….
– قاطعها : قطعي حسك …تقداي وسكتي
– تنهدت .ورجعت تشوف : دابا انا علاش غنشري بطاطة بمئة وعشرين علاش ..وهيا لهيه دزنا عليها دايرة غا تمانين – مجاوبهاش …صونا ليه تلفون جبدو بعد شوي من عليها جاوب كيهدر ..- هيا واقفة كتشوف داك الشي محست غير بواحد واقف عليها كيشوف فيها ويطلع ويهبط : مكرهتش ديري حسنة فهاد اليتيم ..غا نت ونتوب جبهتي منعاودش نهزها من الارض ..السترة جات معاك بحال شي شمعة وسط الظلام – فنينة كتشوف فعصام لداير كيهدر وكتشوف فيه : سير فحالك المسخوط رآه نت لغتولي تشوف الظلام – خونا:ماعليش عويناتك هوما الضوء
– هاد الهدرة. جات نيشان فودن عصام ..غا شاف البلان يلاه غيخطوي تعرضات ليه فنينة: عصام يلاه فحالنا والله مكال شي حاجة مدار والو غا سولني
– عصام دفعها من عليه : حيدي – .. خونا غير شافو عرفو : خويا عصام ..والله اخويا سمحلي معرفتهاش من العائلة نت عارف اخويا عيبنا واحد – عصام مسمعتش هاذ الهدرة كاملة ماشي بزاف وكان دخل فيه براس وعاودو الفم حتى تشتت بالدم ..خونا كانو صحابو جاو يحاميو ديك ساعة. عصام نسى شي حاجة سميتها المرض ولاو فيه عشرة صح ودمو سخن وفار ديال بصح …مبقاش يحن لطاح فيدو مشا ضربة حسن من جوج ..ضرب ديال الموت كيدير— فنينة شافت القضية ترونت ومبقى عندها فين تفك .ولا فين تدخل . وخايفة على عصام مريض وعارفاه مزير على راسو ودمو سخن ديال بصح وخا هاكاك جهدو باقي كيضرب ما كيعقل جبدت تلفون كتصوني لحمزة من زهرها جاوبها تم تم : الو حمزة فينك – حمزة : مريح فالقهوة – فنينة: نوض تهز اجي لسويقة عصام كيدابز – حمزة ناض تم تم : معامن
– فنينة: مع واحد وجوه الحبس جي خلاص رآه غا بوحدو وهوما بزاف ..شوف متجيش خاوي هز شي حاجة معاك – القهوة كانت قريبة فنفس الفاص ..مكاملاش جوج دقائق وكان وصل حمزة باقي بعيد حيد تريكو لاحو ودخل عليهم ..بقات غا فيا فيك …..
تجمعو ناس وترونت الدنيا بالمعقول داري لجاو على صاحبهم ولاو غير يلقاو الفرصة كيهربو حتى خلاوه وحدو لبقى شادو عصام كيخبط فيه وراه الموت ..مبقاش قادر يهز حتى يدو ..حمزة مشى لعصام كيحاول يجرو : صافي أصاحبي راك غتقتلو – عصام : حيد اتبي – حمزة : رآه غيموت فيديك – عصام : حيد – رجع كيخبط فيه يلا محنة بلا شفقة ..كلاه مزيان وحمزة كيجرو حتى حكمو وناس الخير جرو لاخر هربوه وعصام باقي كيترطى باغي غير منين يدوز ليه … فنينة واقفة لور كتدور غا فعينيها ببراة وجها حمر خايفة وكتحاول متبينش خايفاه يكمل عليها ..غا شافتو جاي قاصدها طارت تخبات ورا حمزة – فنينة: عاافاااك بلا شوهة بلا متشوهني هنا مدرت والو خلي حتى لدار وعبر بالشكل لبغيتي – عصام : قدامي – بقات لاصقة فحمزة طول طريق مخشية فيه متفادية تزيد جنب عصام – كتهامس هيا وحمزة : قفرتها ياك – حمزة : على حساب شنو درتي ..باينة القضية صعيبة راه حلف لا طلقو شفتي خونا حالتو كي كانت – فنينة: وانا مالي هو لوقف عليا كيتزلل
– حمزة : دابا غا سكتي – فنينة: غتجي عليا ياك ..اصلا غنبقى لاصقة عليك منفرقكش – حمزة : غيحير فيا انا زعما رآه يشركني انا وياك -فنينة : عولت عليك بكري خواف لاخر تفوووو – ..بقى كتهدر مع حمزة شافت عصام مشى الحانوت ..وراجع هاز فديه كارو مشعلو خرجت عينيها وجهها ولا حمر يلا غيخشيه ففمو طارت عليه محيداهلو : واش نت مرضتي فراسك ..ولا مالك ماشي ممنوع عليك الكارو واش باغي تقتل راسك – عصام : طلقي ال*لاوي وحيدي عليا – فنينة كتفرتتو : والله لجا ففمك – عصام : دخلي سوق راسك ياك كلتي مابغاش شوهة – فنينة: الى كان غا على هاذ الشي معنديش مشكل نتشوه معاك -شدها من كتافها : تحركي قدامي لدار -فنينة : هاهي محركة
– وصلو لدار دخلو على كنزة بعجاجتهم – كنزة : امالكم اناري فين ها الخضرة -حمزة غلباتو الضحكة: ههههههههههه الخضرة هههه الخضرة تصلقت وطحنت
-عصام جابها قدامو : قبل مندور انا شنو كان يكوليك تكذبي نذبح مك – فنينة طارت جات ورا كنزة : ياك كتليك اخالتي منمشيش معاه كتليك – عصام : اه متمشيش معايا باش يتزللو عليك كيف بغاااو ..ويعجبك الحال
– كنزة : قتل شي واحد باينة هذا …..
فنينة كتغبن : ايه اخالتي ايه وبغى يكمل بيا انا ..وانا غا بريئة. مدرت والو – عصام : ايه مدرتي والو
– فنينة تعصبت : مدرت والو شنو درت انا شنو واش انا كتليه اجي لعندي كتليه قرب لي ..ياك هو لجا انا شنو درت لعساك اخالتي كنت واقفة فامان الله حتى وقف عليا – عصام : وشنو كاليك – فنينة : كالي شحال فالساعة – عصام محس حتى كان جمع معاها بركلة : متكذبيش ينعل مك الحمارة – فنينة كلست الارض ربعت يديها ورجليها وبدات تبكي وتطل عليه بنص عين- كنزة : الله يهديك اعصام هاذ الشي عادي كيوقع والزلالة راه كثاااار بنادم مخلط ومكيعرفش – عصام حنى لعندها بشوية : شݣاليك ؟؟؟ – فنينة : غير لاوح الهدرة مسمعتش مزيان وديك ساعة باش درتي نت – عصام : صافي سكتي من البكا
– ناض بحالو لبيت وخلاهاا – فنينة هزت راسها شافت فيهم : نتبعو ؟ – كنزة : ولا بغيتيه يهرسك تبعيه – هزت كتفاها : غنتبعو منخليهش معصب – ناضت دخلت عليه لبيت لقاتو واقف على الشرجم ومن وقفتو باين كلو كيترعد والاعصاب باقين حاكمين فيه – مشات لعندو وقفت حداه شداتو من كتافو وتهزت باستو من عنقو بورشاتو – عصام دور وجهو : شخاصك ؟ – فنينة: راحتك الغالي لخاصاني
– عصام : فنينة سيري بدلي ساعة بخرا حتى نترخف- فنينة: غنبقى معاك – عصام : فنينة ساعة الله – فنينة : انا مدرت ليك والو متحملنيش الدنب شي حاجة مدرتهاش كنت معاك ومدايرة حاجة عيب خارجة معاك وراضي عليا بنادم مريض شغندير انا – عصام: وجهك فتنة
– فنينة سكتت بقات غير كتشوف مدة عاد رجعت هدرت وباينة فيها معصبة : ..نت خصك غير ترجع ليا لومة انا فكلشي – عصام : معصب افنينة فوتيني عليك الله يرضي عليك – فنينة: غتعصب عليا الى درت شي حاجة والى كانت عندي يد فشي حاجة اما دابا راك غير ظلمتيني اعصام ..وقيلا انا لغنتقلق دابا ماشي نت
– عصام : تقلقي ولا كلسي – فنينة: ايييه الله يرحم الوالدين اولد الناس…..
خرجت وخلاتو شاف حتى عيا وطفى تلفون ديال الخدمة لكيصوني وضربها بنعسة محاول ينسى هاد الشي لوقع ونفس الوقت باقي حالف فخونا الى مشى حتى خرج فيه مشى فيها – رجعت رضعت بنتها او بدلت ليها ونعستها عاد ..خرجت كلست معاهم كتنهد وكتسوط بغضب
– حمزة : بوطة كاز ناوية طرطقي
– فنينة : بعد مني حسن ليك شوفي اخالتي رآه مكنجبدوش غدايد خوه غنبردهم فيه – كنزة : هههه نت كتحكري غا على هذا – فنينة : كيتهز كامل وينفخ فريشو بحال إلى انا لكتليه اجا وقف عليا ولدك اخالتي عندو تفكير مزمر – كنزة : انا مندخلش بيناتكم انا كندي غير العيب وسط منكم حلفت عمرني ندخل – حمزة : دابا شوي. تشوفيهم مصلاحين لكنتو غا نتوما العقل مكيطي عندكم – فنينة كتلوي ففمها : بصحتنا وراحتنا – حمزة : ها لي ݣلنا ههه – فنينة : غنوض ندير ليه العشا يتعشى – كنزة : هههههه نت واش مكتعرفنيش تغضبي راكم مخاصمين زعما خصك تصبري حتى يجي يحزرك – فنينة : الى عولت على ولدك هنا بقيت
– كنزة : بركي الارض خليه حتى ينوض وشوفيه إش يدير – حمزة : لا عساك نوضي اختي ديري لينا العشا – فنينة: اصلا باش غنديرو مكين والو – حمزة غالباه الضحكة : ياك مشيتو تقديتو – فنينة شيرت عليه بوسادة : انا مطنزش عليا ابن الحمار لاخر -حمزة : هههههههه نوضي نخرجو نتقداو انا وياك – فنينة : بقى لي غا نت دير حقك فيا
– حمزة : لا انا ظريف ماشي عنيف بحال راجلك – فنينة: ايه نت مطفرو عليه بجوجكم مسكين بمغرف وحدة – حمزة : وحتى نت مسكية معانا -شاف فكنزة – نكوليها ولا نسكت – فنينة : شعندك متكول جمع فمك حسن ليك – حمزة : والله حتى نكوليها ..- كنزة : كول كول شدارت – حمزة : بنتك الماصونة صونات لي ماشي تكولي اجا فك خوك كيدابز كاتلي اجا ومتجيش بيديك خاويين هز معاك شي حاجة ههههههههههه – كنزة دارت يديها على وجهها : ويلي ميمتي ويلي عندي عصابة فدار غا المفرفر لخوه – فنينة : وراه لا .. معرفتش ديك ساعة ..لبانت لي ݣلتها ..خفت لخراين يجبدو شي حاجة داك الشي باش كتليه – كنزة : غا سكتي ابنيتي غا سكتي بحال إلى معارفاش ..مكينش واحد يرد واحد كي غا المفرفر و ولاخر يكولو زيد متعرفش …ماشي بعيد كون زدتي حتى نت ديري يديك – فنينة : غا خفت من عصام لا يجمعني معاهم اما كون كنت غير انا وحمزة وااااهلي هههههههه….
حمزة : ههههههه نت كنت بغيتي المطايفة متساليش وميستفردش بيك عصام – فنينة: وعارفاه تفكيرو مزبل تم يجمعني بنص ونيت راه كان غايديرها
– تفتح باب لبيت وخرج منو عصام …شافت فيه ودورت وجهها حتى هو مدوا مع حتى شي واحد ..دخل دوش ……دوش وخرج كيمسح فراسو ورجع لبيت لبس حوايجو و خرج هاز بنتو فيديه كان ملبسها مزيان على البرد وخرج هو وياها ..مخليهم غير كيشوفو وراه – كنزة : هدا مالو مهدر معانا ما كلمنا فݣعان علينا كاملين – فنينة : كيسوط كي العجل …سير ياربي انا بغيتها غير تنوض تبكي ليك وتشوهك بيك دنيا وترجع نت وياها قبل متفوت الزنقة – حمزة : يخخخخخ هلى مغيارة كي دايرة سيد باغي يخرج هو وبنتو طيط اطيط ونت مالكي – فنينة: بنتو. والدها بوحدو بن الدحش لاخر الحكار -كنزة : راك كتقلبي عليه
– فنينة: نقلب عليه مالو برا عنداكو تحسبوني كنخاف منو رآه غير كنحتارمو – حمزة : فنينة رآه وراك كيسمع فيه – وجهها هرب منو لون : دخلنا عليك بالله – دارت بشوية مكتلقى حتى واحد ..كرزت على فمها وتلاحت على حمزة كتقتل فيه : نت لجبدتيني وشد داباااا – كنزة : اتوووما هداو انااااري ..هداو رآه غيتمو داخلين علينا جيران ..هداو الله ينعلها قاعدة فيكم انا بغيتو غير يدخل عليكم ولقاكم هكا يشرك والديكم بجوج – فنينة: غنتحماو عليه هههه
– حمزة : هههه تحماي غا وحدك – فنينة: على خواف تسلط على ختي -حمزة : نعم الزوج مالكي – فنينة: ماشي من نوعي المفضل – حمزة : نت نوعك المفضل غا عصام لمجرجر مك ..اما شي واحد حنين فحالي مكيعجبكش – فنينة: نت حنين نت كتهدر بحال ختي مكتعاودليش اش مدوز عليها مسكينة لقتيها صغيورة ونية ودرويشة
– حمزة : ايييه هاد الشي ولا فيه تعاويد اجي فينينة مدريش معاك خوك مزيان – فنينة :ابعد مني – حمزة : صوني على اكرام كوليها تجي عندك شي يومين – فنينة : اسمعتي اخالتي سمعتي ولدك بغى يردني هاديك لبينة قوسين وبغى يرد ليك هنا دار دعارة هههههه
– حمزة ركلها : جمعي فمك ينعل مك وكوني تحشمي شكون جبد هاد الشي غا بغينا زعما – كنزة : شبغيتي ؟ – حمزة : مناقص ما بقيت باغي والو المهم فوقاش نمشيو نخطبو الزمر – فنينة: ختي سميتها اكرام ماشي زمر…..
حمزة : سدي غا فمك كولي اكنزة
– كنزة : دوات مع مها علمتها ماشي ندخلو غا هاكاك – حمزة : بزاف واه حسو بيا شوي. شحال وانا صابر كل ما تجي حاجة نرجع انا بلور وتاخرو لي دابا واخا يجي الاعصار ..- فنينة: غندوي انا مع اكرام ونشوفو شي وقيت …ولكن غنمشي وغنسكت تجبدني حليمة نقلب عليها ديك دار
– …ناضت دخلت لبيت صونات على اكرام وبداو يتبدالو اطراف الحذيث – اكرام : هاد الشي لكاين ..دابا دارت تحاليل وكتنسى يخرجو خايفة عليها اختي والله – فنينة: متخافيش مغيكون عندها والو – اكرام : ماشي بعيد بصح يكون عندها المرض الخايب ..- فنينة: حيدي هاد الافكار انشاءالله مغيكون غير الخير – اكرام : ..معرفتش شنو غندير غير انا لبقيت ونت عارفة مكنعرفش كيفاش نتعامل فبحال هاد الاوضاع
– فنينة: هاد الشي كلتيه لحمزة – اكرام : ما بغتيش نشطنو عارفها غير مريضة مدخلتش معاه فلدطاي – فنينة: ناوي يجي يخطبك هاد السيمانة – اكرام : ناري دوي معاه اختي نت وفهميه الوضع انا كيبقى يتعصب عليا ومكيفهمنيش ..دابا راسي محرحر غير مع حليمة ..مقادرة نركز فوالو – فنينة تنهدت : غنجي نطل عليها ونشوف شنو خص يدار منخليكش وحدك – اكرام : اجي اختي عاونيني يحرم ميمتك انا منعرفش لهاد الشي سبيطارت وسير من لهنا واجي من لهنا مفهمت والو – فنينة: غنشوف كي ندير ونجي انا وحمزة – قطعت معاها ومشات رجعت لعندهم لاحظوا ملامح وجهها المبدلة – كنزة : ياك لاباس ابنتي – فنينة: دويت مع اكرام ..حليمة غير مغادا يتزاد عليها الحال شاكين واش يكون عندها المرض الخايب – كنزة : الله. اكبر لا حول ولا قوه الا بالله – حمزة : علاش ملي دويت معاها مݣاتليش هاد الشي – فنينة: يمكن مقدرتش ماعلينا اكرام صغيرة ومكتعرفش فين تمشي وفين تجي وبقات غير وحدها عارفاها مغتنجمش غنظطر نمشي عندها وقيلا – دخل عصام مع هاذ الهدرة لسمع : معندك فين تمشي – دارت شافت فيه : منخليش ختي وحدها عارفاها كتخاف ومغنقدرش ومغتعرفش شنو ندير غيقوى عليها الشغل وغدوخ – عصام حط البنت فحجر كنزة : دويت معاك – فنينة: عصام راه ختي خصني نعاونها
– عصام خنزر فيها : الى نت نسيتي مدارت فيك مها انا منسيتش …تفوتي عتبة الباب نتفاهم معاك
-. فنينة: انا مكنحقدش ..ربي كيغفر شكون انا لمنغفرش ..وانا غير على ختي بغيت نشوف غا شنو كاين ولكانت شي حاجة نعاونها فيها وسالينا – عصام : ديك المحنة ديال والو ديالك ميصلاحش تخدميها مع اي كان وديك خيتي مدوزاتش عليك القليل ..وقبل متجيني الفرصة فين نخلصها انا ربي سبقني كيخلص فيها…..
كنزة : ربي غفور رحيم اولدي بغات تمشي توقف مع ختها مفيها باس – حمزة : انا لغنمشي نبقى مع اكرام غير خليك افنينة انا غنقوم بالواجب
– فنينة: مفيها باس نمشي نطل عليها حتى انا
– عصام ضرب يدو مع الحيط : معامن كندوي حتى انا غنزيد معاك كلمة غنزدق مسبق يدي -…فات داك نهار وجا نهار جديد …فاق حمزة وكان غادي وحدو لعند اكرام ..حتى خرج عاد صونا ليه عصام كاليه رجع دي فنينة معاااك وشرط عليه ترجع من نهارها هاد الشي كان يكولو لحمزة وقاصد يسمعو ليها هيا حيت مزال مكيهدروش ..لبسات حجابها وهزت ساكها وحتى بنتها داتها معاها وخرجو مشاو لسيدي حييى ..هو خرج وراهم مشى يقضي شي شغال عندو …..—&& بعد شوي وصلو تلقات ليهم اكرام فالباب سلمت عليهم و دخلو كانت حليمة شادة الفراش فبيتها ..فنينة دخلت بملامح عاديين شافت فيها ونطقت بصوت هادئ : كي بقيتي احليمة
– حليمة مقدرتش تشوف فيها نطقت تحت منها بصوت باين عليه المرض: كنعاديو – فنينة: ربي يشافيك
– حليمة : امين ياربي نت كي بقيتي وكي بقات العزبة
– فنينة : نكولو الحمد الله – خرجت من لبيت هي وحمزة وتبعاتهم اكرام بداو يهدرو فحالتها وكتواسيها شوية – اكرام : المرض الخايب رآه خرج عندها فالتحاليل الأولى غير عاودوهم باش يزيدو يتاكدو عيييت والله
-فنينة : ششش صافي دبا ..مكتاب الله هو هذا ربي يفكها على خير . ..- بقات معاها داك نهار كامل ..وخا مكلسش فخاطرها كل نص ساعة كان عصام يصوني على حمزة داير بحال لارام المرة الاخرة صونا عليه علمو باش تخرج عندو حيت جا ليها وحابس عند الباب ..ناضت رجعت طلت على حليمة وتمنات ليها شيفة بقلب خالص و هزت بنتها وخرجت لعندو فحين حمزة بقى مع اكرام حيت فصباح بكري خص يطلع معاها رباط على حساب الفحوصات وتحاليل….
فتحت الباب طلعت حداه ديمارا وزاد بلا حتى شي كلمة عصبها قاطع معاها الكلام معرفتش علاش اش دارت ليه الله وعلم حتى هيا حلفت والله لا دواتو ….وصلو دخلو ..مشى نيشان توضى وبدأ يصلي لي عليه وهي مشات لعند كنزة تعاود ليها على الاجواء وحالة حليمة وبجوج كيدعيو ليها بشيفة ..ابدا فنينة هنا ومن الاول قررات انها تخلي امر الخلق للخالق ورجعات تآمن بالعدالة الالاهية …..
—- داز داك نهار ..على غد ليه كان عصام خارج مكينش ..فنينة سالات شغلها ومشات لعند كنزة : خالتي نسخن ليك دوش تدخلي تعومي
– كنزة : ناري ابنيتي البرد مرانيش نقدر عليه
– فنينة: شظهار ليك نمشيو الحمام ؟ – كنزة : والبنت معامن تخليها – فنينة: .راها ناعسة دابا وعصام وقيلا رآه غا فالجامع صوني ليه كوليه يرجع
– كنزة : صوني عليه نت – فنينة: انا باقي هاز عليا شوكتو لسما صوني ليه نت علميه يرجع يقابل بنتو – كنزة : يلاه غاسيري جمعي الحوايج
– ..صونات عليه كنزة علماتو بلي البرد ومتقدرش تعوم فدار ..كاتلو يجي – يلاه سالات جميع الحوايج وهزت سطولة ..لبسات غا جلابة ولوات عليها شال ومشات لكنزة خدات رزمتها دارتها معاها فساك ..باقا كتقادد حتى دخل عليهم عصام ..- كنزة : راها اولدي ناعسة متقربهاش لتعود تفيق ليك وتبكي غير بقى معاها ورد ليها البال غير شوية ونجيو مغنتعطلوش
.- عصام حرك راسو خشى يدو فجيب جبد متين درهم حطها لفنينة فوق ساك ..هزتها خشاتها فالبسطام كتنفخ ..حتى هيا ..حتى كان غادي ورجع جر ليها الزيف على شعرها حيت كان باين وزاد فحالو…..
خرجو وصلو الحمام دخلو شدو بلاصة شوية فالبارد على حساب كنزة مكتقدرش على السخون ..بدات بيها هيا لولة دارت ليها صابون والحنة من بعد مغطاتها فركت ليها مزيااان ..وحكت ليها كاملة ..عاد بدات براسها وكترزب هلى حساب عشق تقدر تفيق ليه تبغي ترضع ….غسلت لكنزة شعرها وعاد غسلت لراسها وناضت تعمر سطولة باش يشللو ..حطاتهم فنوبة ورجعت كلست حتى توصل نوبتها …وهي كالسة ودايرة بالها مع البرمة مع وصلت نوبتها شافت واحد خيتي دفعت ليها سطولة وحطت دياولها ناضت لعندها : مالنا اختي شكاين شعندك ياك لاباس – خيتي كتمضغ. المسكة باينة على وجهها وجه الشر وديكباج زعر فشعر : شكاين نت لجاية كتهزي ..سيري تكمشي البنوتة حسن ليك ولا وجهك غتشوفيه كيهبط قدامك – فنينة: سمعي نكوليك ..غدوري ت*ودي ابنت ال*حبة من حدايا حسن ليك مغتمشيش غنقلب على ديك مك هاد الحمام فوق راسك .. راك مكتعرفينش يكما يحساب ليك عاد حطني الكار ..دخلو بناتهم ناس وكنزة قلبها كيترعد كتجر ففنينة – كنزة كنهدر مع ديك خيتي : غير دوزي عمري ابنتي نت لولة – شافت فنينة: ونت ليهديك الما هاهو غا مدفك الخير مجود مناقصين مشاكل ..- خيتي كترطى : سمعي هدرة مك وسيري تكمشي وخليك فرحانة بوجهك ..راني ضاربة ليكسطا جاية عوالة عليها ..سيري حسن ليك ..زيدات سطولتها كتعمر وكلها كتهز – فنينة: ..سيري الله ينعل *حبة مك فين ما كانت ابنت الواسعة ..- فنينة مكانتش من العاكزن دفعات ليها سطولة : والله لعمرت شي *حبة اليوم ..- شافت فخيتي – غتقلبي عليا غنخشي لمك راسي فديك البرمة – خيتي : لكنت واعرة خرجي البرا وتفرجي – فنينة: انا علاش غنتسنى حتى البرا اجي هنا – طارت عليها …بخفة لخرا بدات تهز فيدها بالحق مكتوصلهاش لفنينة فنينة كانت هيا لمتحكمة للخرا كانت باغا طير تاخد غير سلاحها لهوا بيك ديال زيزوار بالحق فنينة فهمتها علاش ناوية مخلاتش ليها الفرصة ومطلقاهاش سيقت بيها الحمام كلاتها ماكلة الكلب ..حارو فيها الفكاكة وحمى الغوات على الاخر ..هزت فنينة سطل وضربتها بيه راس حتى طاحت البنت سخفانة كيكبو عليها الما وخرجوها كتلهت ..فحين فنينة عمرات سطولاتها وتشلات على خاطر خاطرها وكنزة كتنكر عليها ..خرجو لبسو حوايجهم ومشاو دريكت لدار دقو فتح عصام غير دخلت ..لاحت كنزة سويك صغير لكانت هازة وحطت يديها فوق راسها : هذا الله. .هذا الله – عصام عاقد حواجبو : شكاين ؟ تعطلتو وكنت جاي نسول فيكم – كنزة : كنت غطلع لكومسارية تبع مراتك – عقد حاجبو بستغراب – كنزة : ماشي هاذ زنزال عندك نوضتها فالحمام ومعامن مع بنت الباطرونة مخلات فيها غا لنسات ماهيا غا رعدة حارو فيها الفكاكة – فنينة حطت سطولة بشوية بتأني ودارت يديها ورا ظهرها وتمت غادا سالتة بشوية – ماشي بزاف وحسات بيه جرها حتى طير ليها زيف وجرها من شعرها – فنينة: اي اي زيفي زيفي غيضربني البرد شعري فازك – بقى شادها من شعرها وعينيه على كنزة : كملي زيدي شنو اخر – فنينة: هي لظلمتني – عصام خرج فيها عينيه : سكتي نت ..- شاف فكنزة – كملي – كنزة : الى كانت غا هاذي لعندك انا هزيت منها يدي . شفت ضربك نت وضربها هيا معندكمش المحنة غاربي كيلطف اما ماشي بعيد تهزق شي روح بين يديكم – .عصام جر فنينة قبالتو : تضاربتي ؟ – فنينة: هيا لجبداتني بغات تحكر عليا ودفع لي سطولاتي تاخد لي نوبتي – عصام : كيقيس فوجهها وفعنقها : شفتي غتدخلي لبيت وغنشوفك كاملة بالله العلي العظيم ونلقى فيك خبشة صغيرة ..ولا تقاسيتي غتاكلي من عندي لعمرك كلتيه ..تجيني ضاربة ماشي مضروبة ….- فنينة كتفرنس : ههههه والله مخليتها تقيسني ههه انا لغلبت راك عارفني –
– فنينة كتفرنس : ههههه والله مخليتها تقيسني ههه انا لغلبت راك عارفني – كنزة دارت يديها فوق راسها : اويلي يا ويلي على الراجل عواض يدور فيها ويرد المرا عقلها ..كيزيد يزعم فيها ..اويلي مغيمشيو حتى يقتلوني ولا يقتلو شي حد .غا السوفاجي على خوك تجمعو فهاذ دار
– فنينة: اخالتي هه – كنزة : سكتي نت سوفاجية وراجلك سوفاجي وخوك سوفاجي كلكم كلكم
– عصام : فنينة قدامي البيت – فنينة : كي خص ندير العشا
– عصام : هدرت – فنينة: اجي بعدا نت ماشي كنت مخاصم معايا ؟ كيفاش زعما دابا – كنزة سمحت فيهم وخلاتهم غادا كتنكر – عصام : جرها دفعها قدامو للبيت دخلها بالنترة – فنينة: احح ابشوية ابنادم – عصام : حيدي حوايجك نشوف – فنينة : والله مكين شي حاجة – عصام شدها من شعرها : شاعل ديال بصح رآه غندخل فمك بلا قوة الهدرة
– جا غيحد ليها الجلابة وحبس عاد رد البال : بلاتي بلاتي شفت هاذي جلابة. لرجعتي لابسة فين هو حجابك لمشيتي بيه – فنينة: موسخ ونعاود نلبسو نت مالك تسطيتي عادي خرجت لبست جلابتي ودرت زيفي
– عصام هز حاجبو جلابة دورها كانت مطراسية عليها من لور شوية – عصام : جيتي هاكا – فنينة: ولا غا حيت لابسة كولون غليض شوية لتحت – عصام ؛ جيتي هاكا
-فنينة : تا غا سمعني -فنينة : دويت جيتي هاكا
– فنينة جات غتهدر قاطعها – عصام : شحال من واحد تلاوح عليك من كنت جاية – فنينة كتغبن ؛ وراه خارجة من الحمام شوف الزيف لكنت دايرة قداش شبغاو يشوفو فيا
– عصام دار يدو على وجهو كيزفر حتى ضرب كورسي حتى طار فنينة تهزت مخلوعة : عيقتي والله حتى عيقتي اعصام بزاااف هاذ الشي الى مرضتي سير شوف شنو دير لراسك…
دار خنزر فيها وجهو حمر وتم جاي لجهتها مكيشوفش قدامو ..هيا حست براسها كحلاتها بالخلعة طارت هاربة من لبيت لجهة بيت كنزة فتحاتو عليها وطارت تخبعت وراها معرفت المرا باش تبلات – كنزة : شدرتي اناري
– فنينة كتخشى فيها : قفرتها اخالتي قفرتها
– عاود تفتح الباب ودخل عصام دار ليها إشارة بيدو زعما نوضي – فنينة تجاهلاتو هازة عينيها السقف : خالتي شوفي شوفي وقيلا ديك الترية مشاداش راسها تقدر طيح
-كنزة : وا الروح لغطيح اما الثرية راها شادة راسها
-عصام : نوضي تهزي من تم اجي عندي
-كنزة : سير اوليدي بدل ساعة بخرا سير -عصام خنزر ففنينة غا بعينيه فهمت شنو قصد يعني يا اما غتنوضي يا اما غتزيدي تقوديها على راسك -عضت على فمها متوترة وزادت لصقت فكنزة – هنا عصام قرب ليها قفزت مخلوعة
– عصام : كاالم مكين ليقيسك ..سمعي نكوليك كنبهك من بزاف الحوايج ونت ديما كديري عكسهم بحال إلى انا هدرتي زايدة ناقصة هاذي الشي شنو كيعني .سولني نكوليك ..- غوت حتى قفزو بجوج -سولي
– فنينة كترعد : شنو كيعني – عصام : كيعني انك مدايراش ليا الحساب ومكنسوا عندك والو – فنينة: من نيتك
– عصام : سمعي نكوليك قدام هاذي مك ..لشاهدة عليك من اليوم هدرتي مدوزش على هدرتك ..- فنينة : اويلي غادي تخاصمني – عصام : حسن حيت معندك مديري بهدرة واحد مريض فراسو ..ياك هاذ الشي لي ݣلتيه – خلاها وخرج – فنينة دارت عند كنزة : ناري خاصمني اخالتي ناري
– كنزة : مالو علاش ياك قبيلا تصالحتو شنو وقع تاني – فنينة: وا معايا على الجلابة علاش مرجعتش بداك الشي لمشيت بيه تزايدنا فالهدرة وعايرتو كتليك نت مريض فراسك – كنزة : وغير سيري ابنيتي فرشي ليك حدايا هنا ..ولا عرفتي شنو ناموسيه تقدنا بجوج ههههههه
– فنينة : كضحكي عليا اخالتي
– كنزة؛ ههههه غا خليه دابا يتفش – فنينة: ولا ماتفش….
كنزة : غا صبري على خبيزتك …..- ناضت خرجت من لبيت دخلت الكوزينة. بلا نفس دارت الما خلاتو كيسخن ومشات البيت …كانو شي حوايج مشتين كان باين فيه هو لدخل بدل عليه ورون كلشي ..جمعات وطوات كلشي رجعاتو لبلاصتو ومشات جابت شطابة وبدات كتشطب فاتحة شراجم يتهوى البيت ..حتى تم داخل دازت من عليها بلا ميشوف لجهاتها رجع حيد داك تريكو رماه مجاهش فكانتو وهز تريكو خر ونفس الشي طيح كلشي عاود الارض ..
– حبست على التشطاب عاضة فمها مزيرة على شطابة متحكمة فراسها باش متهودش عليه بها الراس
– تنهدت : حشومة والله حتى حشومة كديرها بالعاني ياك – مهدرش معاها خرج بحالو وخلاها كتغيدد ..عاودت كلشي من الاول وخرجت دخل حمزة وحطت ݣوطي
– فنينة: نوض غوت لخوك يجي يدير كسكروط – حمزة : انا مالي نوضي غوتي ليه نت
– فنينة: مكيدوش معاياا انا – كنزة بان ليها خارج من لبيت : اعصام دوز تاكل اولدي دوز – عصام : مخصنيش – فنينة كتدوي مع كنزة : باش غيشرب هاذ دوا لمكلاش – .دخل كوزينة جبد المقلة وخدا الكفتة والبيض معارف منين يبدا ..حتى دخلت عليه هيا تاني مكلاتش
– فنينة: شكدير ؟ – مجاوبهاش
– فنينة: عصام رآه كنهدر معاك شوف فيا – سمح ليها فداك الشي كامل وزاد فحالو خلاها واقفة حالة فمها حتى دخلت عليها كنزة : والله حتى ولدك مشى فيها ..معرف مالو غا منفخ ..مبقاش باغي يشوف لجهتي كاع بحال معرف اش دايرة ليها عيق هاذ الزمر – حتى هيا ضربت داك الشي وزادت
تلاقات لحمزة شافها طالعة ليها جرها : اجي عندي اجي – فنينة: حمزة خليني عليك مراشقاليش – جارها بزز حتى لصالة : شكاين تاني – فنينة : من داك نهار ديال داك خونا وهو معيص عليا بحال انا معرف شنو درت ليه اليوم دوا على الحمام وجلابة ما جلابة شنو بغاني ندير ولا كيقلب غا منين يدوز لي – حمزة : حتى واحد فيكم مغالط نت مدرتي والو وهو تاني نفسو خايبة رآه افنينة داك نهار ملي مقتلوش رآه ربي دار فيها الخير حتى نت فهميه شوية ..ونت راكي يمكن وليتي تعرفي عصام كثر. مني وعارفاه كي فاش داير – فنينة: ولكن توصل بيه يقطع معايا الكلام عمرها كانت ليه هادي – حمزة: ممولفش تقطعو الكلام- فنينة : انا اه هو لا عمرو- حمزة: شوفي غير نت بلا متزيدي طلعي لسما حاولي ديري لما منين يدوز حيت لداز عليكم ماشي قليل افنينة شوية هاكا وشوية هاكا عام لضاع بيناتكم غا هاكاك .حاولو تعوضو دابا ماشي فالخصام بالعكس – فنينة حركت راسها فاهمة هدرتو ….
ناضت من حدا حمزة ودخلت لبيت ناوية تحاول تحزرو وتهمد القضية وتحل داك المشكل لمعرفاتو فوقاش بدا – دخلت سمعت صوت بنتها كتبكي وكان هو هازها كيسكت فيها – مشات لعندو بغات تاخدها من عندو دفع ليها يديها وعطاها بالظهر – فنينة : وارا اعصام رآه البنت كي خصني نرضعها راها فيها الجوع – مهدرش معاها زاد هاز بنتو وخرج من لبيت كيسكت فيها حتى سكات ليه مكانش بيها جوع غير بكا عادي نعسها فحضنو كيطبطب عليها ويبوس فيها
– خلا فنينة واقفة بلاكة : اللهم طولك يا روح
– تعصبت وخرجت ضربت الباب حتى طار وتفزعت البنت فيديه
– عصام : ينعل ديل مك الحمارة خلعتيها – …دخلت الكوزينة كتقضي فشغلها وكتضرب فالمواعن ..دخلت عليها كنزة : مالكي تاني – فنينة: تارت عليه الحالة تاني ..وباغي يمرضني هاز خنافرو السما بحال معرف اش درت ليه وجهو كي اللفت المحفور ..- كنزة : تشهيتو ابنتي ديريه لينا
– فنينة : غندير الحاجة لمغياكلهاش هو وخليه يمشي يقلب على الماكلة فالزنقة ولا ينوض يطيبها راسو
– كملت شغلها ورجعت دخلت البيت كان ناعس هو وبنتو معانقين حمقتها البوزيسيو ..خدات تليفونها وصورتهم ..ومشات حداهم كتشوف فيهم : شحال زوينين ..الله يحفظكم ليا ياربي ..خدات من يديه البنت بشوية باش متفيقوش ورجعت غطاتو وخرجت خلاتو ناعس فحين هو كان حس بها من يلاه دخلت غا خرجت رجع تكى على كرشو شاد المساحة كاملة خاشي راسو تحت الوسادة مع دوايات كيرخيوه …..- سلات العشا حطاتو : خالتي سيرو عندو شوفيه لبغى يتعشى
– كنزة : ههههه ياك كلتي باغا ديري شي حاجة لمياكلهاش هو ههههه مكيسخاش عليك – فنينة هزت كتافها كضحك – مشات كنزة دخلت لعندو كان مزال ناعس : عصام اعصام ولدي – حل عينو حمرين بنعاس : امممم نعام
– كنزة : نوض تعشى ورجع تنعس – عصام : لا غير تعشاو – كنزة : نوض اولدي كول وخود دواك ..قبيلا ما كلتيش وتاني دابا متعشاش ما بغتيش تنوض نجيبو ليك هنا
– عصام : واخا جبيه هنا – كنزة : كولي اوليدي مالك مع الدرية مقاطعها ماشي حشومة – عصام : خوي راسك اكنزة نت من هاذ الشي انا لعارف اش – كنزة : غير كولي علاش ..واش على هذاك لتبسل عليها
– عصام : عليهم كاملين واولهم حيت جايبة معاياا العكس انا لضسرتها وانا لغنحدهم ليها – تنهدت كنزة وخرجت : مابغاش غنحط ليه بوحدو – خنزرت فنينة : كتغوت كتسمعهالو : طبسيل واحد لغيتحط مالي عندي خيرية انا مالو غيغسلهم معايا ..ينوض الطابلة لباغي ياكل…..
كنزة : سكتي المصيبة سكتي رآه جامع ليك ..غا كتزيدي تقفريها على راسك
– فنينة هزت كتافها مغبنة : يمشي يقود
– كي نطقتها تفتح باب لبيت شافتو مخنزر فيها هاز حاجبو : عاودي نمشي اش ؟ – فنينة وجها تحقن بالحمورة وعينيها دمعو : ما ݣلت والو – كيقرب ليها جات كنزة وقفت قبالتو : مݣالت والو اولدي مݣالت والو – عصام غوت بالجهد : حيدي اكنزة بعدها من قدامو – شاف فيها : عاودي شنو ݣلتي نمشي نتقود ياك ؟ – فنينة حنات راسها كتفرك فيديها : غا خرجات لي والله – عصام : بحال باش ݣلتي عليا مريض حتى هيا خرجات ليك – فنينة: وعلاش مالك ممريضش ملي مخاصمني على والو – عصام جمع معاها بتصرفيقة وعاودها بالظهر يديه بلا ميحس
– شدت وجها عينيها حمرين : عمرك مغتبدل – زاد ناوي يكمل عليها شدات فيك كنزة
– كنزة ندبت حناكها : ويل الشيطان ويل شيطان
– زادت دخلت لبيت سدت الباب بنفخة حتى كان شوية غيطير شدت مشات حدا بنتها وكلست كلها كترعد وشادة حنكها كتسب فيه من تحت فمها – فحين هو دوز يديه على وجهو ومشى جهة الباب بغا يفتحو لقاه مسدود تعصب : فتحي الخرا – كنزة : اولدي خرج بدل ساعة بخرا ونعل الشيطان
– عصام ضرب الباب برجليه : كتليك فتحي ال*لاوي ولا غنهرسو لمك فوق راسك
– فنينة بقات مخنزرة وشادة بلاصتها كتاكل فظفارها – عصام ..عاود ضرب الباب برجليه وزاد السطح صاعر
دازت شي نص ساعة حتى سمعت دنيا سكرت عاد فتحت الباب كطل براسها – كنزة : اعلى سلامتك – فنينة ؛ فين مشا – كنزة : ملي طلع السطح منزل – ..هزت كتافها وزادت الكوزينة كتحك فوجهها مخنزرة خدات الما شربت ..وريحت فصالون طالقة رجليها -وكنزة كالسة حداها كدور راسها بلا حول ولا قوه : باز ابنتي باز شهمتوني نتوما غا عوينة وخرجت فيكم اولادي – فنينة شادة تلفون وكتلعب برجليها ممسوقاش : لعاودت هدرت معاه راني بنت الكلاب ..ونشوفو هاذ تخاصيمة فين غا تخرج حتى انا مسالية معندي ميدار ..وفين ما بغات تخرج تخرج
– كنزة : غتخرج غا فيك غا يفلعصك من شي قنت ويخليك شادة الركنة حدايا – ..سمعت حسو هابط تخلعت بالحق مبينتش ..دخل وريحة الݣارو داخلة معاه حيت كان باقي مشعلو فيدو ..دخل نيشان الكوزينة هزت كاس القهوة كحلة ديجا كانت فطيرمو زاد قصحها غا شوية بنيسكافي ورجع طلع لسطح ..
– كنزة : اويلي واش هاذ المسخوط طالع كيكمي – فنينة حكت راسها معصبة حيدت البانضة من شعرها وعادت جمعاتو شفنجة الفوق مزيراها عوالة على الحرب لغتبدا وناضت – كنزة: فين غادا حتى نت
– فنينة: طالعة لعندو اليوم يا بيا ولا بيه ..تسمعي لسمعتي اكنزة مطلعيش خلينا بيناتنا….
كنزة: فين غادا حتى نت – فنينة: طالعة لعندو اليوم يا بيا ولا بيه ..تسمعي لسمعتي اكنزة مطلعيش خلينا بيناتنا
– كنزة : دوزي تبركي حسن ليك بارك من الخفة
– فنينة : بالعاني ..كيديرها تبريت فيه عيييت ..معاه الݣارو لا هو غير يتعصب يزيد ليه ..بغى غا الصداع انا مولاتو ..سمحت فكنزة وطلعت كطير السطح فحين مي كنزة تنهدت وكلست معندها ركابي لتطلع معندها صحة ليهم …..كان كالس فوق واحد الياجورة كانت تم طالق رجليه كيكمي ويجغم سمع حس الباب هز عينو فيها بانت ليه مع كان ضارب فيها الضوء ديال البوطو ..غا شافها دوزات الساقطة ديال الباب عرفها ناوية على خزيت ..كمل نتيرو ..ممسوقش ليها ..حتى وصلت ليه حاطة يديها على جنابها بقلة صبر : حيد داك الݣارو
– سكت مجاوبهاش – فنينة: رآه معاك كندوي اسي الشريف
– عصام : لمنزلتيش تقودي غنطفيه لمك فعينيك
– فنينة : غا زيد مرحبا حيت نزول منازلاش ..لمحيدتيهش .او قهوة كحلة من الفوق واش باغي تقتل راسك. ولا شنو شهاذ الخرا اعصام
– عصام : علاش كتقلبي هاذ ليلة ااا علاش مبغاش وقيلا يطلع عليك الصباح – فنينة: لكان على هاذ الشي لهلا يطلع دين مو كاع – عصام : مباغيش نعصى ربي فيك هبطي تكركبي وديري شي حاجة لداك الوجه رآه حمار
– فنينة: عاد كتكولها دابا اوا الله يخلف على يديك
– عصام : سيري هبطي بحالك – رجع حط الݣارو ففمو نتراتولو كتغوت : والله لجا ففمك .ولبغتيه نكميوه بجوج علاش لا نترة ليا ونترة ليك – عصام مشعرش حتى كان جرها متكيها على سور ديال سطح خانقها بيد ويد دفك بها القهوة لكانت فالكاس وضربو شوية مع الحيط حتى تهرس وبقات زاجة فيديه شدها وحطها ليها فوق عنقها : عاودي شنو ݣلتي ؟
فنينة ممسوقاش لزاجة لحاط ليها فعنقها غادا غير مع نفسو لكتسوط فيها : متكميش اعصام كيضرك فذاتك غير كتكميه كتمرض وكيتزير عليك قلبك
– عصام : قلبي نت لكتزيريه بفعالك
-فنينة : انا مدرت ليك والو والله
– عصام : لا درتي كوليلي علاش كتقلبي ااا كتقلبي عليا نذبح مك ونتهنى – فنينة: متقدرش بلا بيا عمرك تشوف الهنا بلا بيا اولد كنزة
– عصام : ولد كنزة فشلتيه كي يدير معاك ااا كيدير….
عصام : لا درتي كوليلي علاش كتقلبي ااا كتقلبي عليا نذبح مك ونتهنى – فنينة: متقدرش بلا بيا عمرك تشوف الهنا بلا بيا اولد كنزة – عصام : ولد كنزة فشلتيه كي يدير معاك ااا كيدير هبطي بحالك دابا نبرد ونزل
– فنينة : لا مغنزلش حتى تكولي شنو درت ليك بالحرف – عصام : زايد ناقص عندك انا مكتسمعليش
– فنينة: هاذي غير بلا متكولها عارفني كنخاف منك وكنحتارمك- عصام : لا باينة كتخافي
– فنينة : وخا كولي غير شنو درت ليك راه الى كان شي واحد خصو يشد فخاطرو ويتقلق فراه هيا انا حيت داك نهار مدرت والو كنت معاك وكلشي داز على عينيك ونت رجعتي ليا انا كلشي – عصام : ماشي على هاذ الشي انا – فنينة: لا هاكا بدات من هاذاك نهار ونت منفخ عليا
– عصام : ما بغتيكش توصلي لعند ديك حليمة ونت شديتي العكس – فنينة: مشيت عند ختي انا ونت لشديتي العكس ماشي انا ..كون كنا مصالحين كنت نهدر معاك وغتفهمني علاش بغيت نمشي – عصام : جاية مقزبة من الحمام ترمتك كلها باينة .. معايا او موقروكش عاد باش جاية وحدك ..وكتكولي مدرت والو ..هاذ الشي كامل او والو .وملي هدرت على حقي وليت مريض ونمشي نتقود …- فنينة دورت راسها الجنب ..رجع دور ليها وجهها عندو : هدري علاش دورتي وجهك دابا ..شنو هاذ الشي كامل متستاهليش عليه شي قتلة العصا لعمرك تعاود تهزي فيها الراس ..
– غوت – كتليك هدري حقي ولا ماشي حقي – فنينة قفزت : حقك والله حتى حقك – عصام : علاش كتقلبي ..اااا؟ كتقلبي نبقى نخرج بالساروت وندخل بالساروت الشمس ديال الله منخليكش تعاودي تشوفيها ..باش عاد ديري بحسابي – فنينة : لا ويلي ماشي ديالك هاذ الشي – عصام : لا غيولي ديالي ..شفتي ملي مراتي يبداو يتزللو عليها وهيا معايا غيولي ديالي ..نسد على مك لبيبان والشراجم وعندي الربح ..- فنينة : دير لبغيتي دابا
– عصام لاح زاجة من يديه : هبطي بحالك
– فنينة : تصالح معايا – عصام : هبطي بحالك – فنينة: بغيت نتصالح معاك – عصام : كتليك هبطي – فنينة: وانا باغا نتصالح…..
عصام : بصح معنديش لخاطر ليك دابا هبطي عند بنتك شوفيها مالها – فنينة : نشوفو باها بعدا
– حطت يديها على لحيتو : بغيتي تسد البيبان وشراجم سدهم معنديش مندير بالشمس ..حيت نوري هو نت الغالي – عصام هاز راسو مكيشوفش فيها : ما بقيتش الغالي انا ياك انا غا مريض – فنينة: مرضك زوين ازوين ديالي
– عصام : حيدي بعدي مني – فنينة : انتصالحو الله يرحم ليك بها الوالدين. .تصالح معايا حشومة عليك
– طلقها وزاد كلس فوق الياجورة ..مكانتش من العاكزين مشات كلست فوق راكبيه مدروة رجل هاكا ورجل هاكا – عصام حرك رجليه : حيدي من فوق مني
– فنينة: والله منوض زادت ترخات عليه : الله مزويناتها كلسة .
.- عصام مخنرز : حيدي من البسالة – فنينة شدت وجهو : انبوسك شوية – عصام قصح شوفتو فيها : فنينة – فنينة: الحنين ديال فنينة – باستو من جبهتو ودازت لعينيه وحناكو بجوج وهبطت لفمو جرت ليه شنايفو .كتضحك حاسة به غير مزير وشاد راسو بزز باش ميتجاوبش معاها نزلت لعنقو عضاتو حتى حست به قفز – رجعت راسها لور كضحك : طحت على بوان فيبل ديالك رجعت كتبوسو من عنقو وهو مزير جبد تلفونو كيتلف وهي والو واش بغات تحشم حتى شدت ليه يديه حيدت ليه تلفون وخدات يديه بجوج باستهم بوسة عميقة من لدخال وحطت راسها عليهم وعاودت كتبوسهم بشوية وكتردد : سمحلي الله يحن عليك ..منعاودش سمحلي ..كاع لتقلقك منعاود نديرها سمح لي الله يرضي عليك انا عرفت راسي غلطت ومكانش عليا نكوليك ديك الهدرة حيت كان الحق حقك سمحلي
– سكت مجاوبهاش – خشات يديها فلحيتو وزادت لودنيه كتهمس بصوت كيبورش : شنو ندير باش الغالي يسمح ليا – عصام بصوت قاصح : بوسيني من عنقي…..
عصام بصوت قاصح : بوسيني من عنقي
– رجعت راسها لور كضحك : ههههههههههه ههههههههههه هههههههه
– ودورت يدها على راسو مطلعها لشعرو كتحكو ليه وبدون خجل لتاهمت عنقو كتبوسو ليه هو رجع راسو لور مع الحيط مخليها كتاكل ليه فعنقو كي بغاااات مكتبعد من بلاصة لبلاصة حتى كتخلي ليه ليطراس .. خدات تلفونو دارت لپيل كتشوف فداك الشي لدارت ليه: ويلي ويلي كي رديت ليك عنقك كلو طبع المسخوط هههههههههه غتبقى دخل وتخرج بتربكو كول ههههههه – عصام كيهدر ميك وباقي فكعان : صوري نشوف – دارت الفلاش وصورت ليه شاف ديك روينة لدارت ليه فعنقو .تبسم شوية وعاود جمعها تم تم
– فنينة: تعقل ديك المرة باش كلتيلي بغيت بحالهم …يلاه حتى انا بغيت بحالهم
– عصام: انا ما بغيتش
– فنينة: درتهم ليك ديرهم لي حتى انا – عصام : ما بغيتش ندير هم ليك – فنينة طارت عليه بعضة بجهد حتى غمض عينيه منشوي : عقل فيها اولد كنزة – عصام ؛ هنا عاقل – تبسمت وتمخشت فيه مدورة يديها على ظهرو العريض حطت راسها على صدرو وغضمت عينيها تنهدت : متهونش عليا تقليقتك الغالي ..ومتسخاش عليا
..- دازت شي نص ساعة وهي غير معنقاه ومغمضة عينيها وساكتة وهوا نفس الشي حتى بدا يديها نعاس وفعلا نعسات فوق صدرو العيا ديال الحمام ومن سهيرها مع عشق محساتش حتى كانت غفات فوق صدرو ..هو حسن بنفسها نتاظم عرفها نعست ناض بشوية ومزال شادها بين يديه محاول ميفيفهاش ..هيا حست وتململت ليه بغات تحرك فمها تهدر سبقها هو : شششش غير كملي نعاسك حط يديه على ظهرها ضامها ليه وونزل بشوية فالدروج حتى دخل غا شافتو كنزة ضربت فخادها : اويلي قتلتيها
– عصام :غير داها نعاس امي بشوية غا تفيق ….
دخل بيها لبيت ودفع باب برجليه سدو داها الناموسية حطها بشوية قاددها وغطاها كيدوز يديه على وجهها البلاصة فين ضربها باسها براس ديال شفايفو ..وناض دخل دوش ورجع لبس عليه كيطمة حيت باقي محرك شوية البرد هز بنتو وجا تخشى حداها جرها لعندو حطهم بجوج فوق صدرو خشى يدو فشعرها حيد ليها البانضة وطلق ليها شعرها باش ميعذبهاش فالنعاس ..كان مزال فازك وريحة الحمام و شمبوان فايحة منو ..دوز نيفو على وجهها حتى لودنيها راسها وهمس فيها : مي يا مي كندير وندير ليك غا كوليلي ..- بدات تلمط فمها هيا وبنتها فدقة وحدة تبسم جنب وزاد ضمهم ليه كثر وكثر : نتوما هوما الحياة ——شرقات الشميسة معلنة على يوم جديد فاقت هيا لولة كتلقى راسها مدور عليها يديه وبنتهم وسط منهم حتى هيا حالة عويناتها وكتبجغط تبسمت وهزت لبنت عندها كطبطب عليها فحين كتستعد باش تبدا تبكي وفنينة كتحاول تسكتها : ششش ازوينة راك غتفيقيه تاني خليه ناعس ششش
– بدات البنت تبكي بصوت مرتفع
– سكتي ابنتي عاافاااك ششش بلا متبداي ها العار ..- حل عينو نص حالة باقي شاد فيه النعاس نطق بصوت باح : مالها – فنينة: وانا عرفت مالها غا بوحدها
– عصام : غتكون باغا ترضع رضعيها
– فنينة: مابغاتش تشدها ..- عصام : اري لهنا – خداها من عندها دارها فصدرو كيطبطب عليها بشوية وكيبوسها فراسها : مال بنت باباها شبغات مال الزوينة ديال عصام ششششش – فنينة: غنقادد ليها رضاعة لبغات – عصام : سيري – خرجت كوزينة داغي صايبت ليها رضاعتها ..ورجعت كانت سكتها ضحكت : نت لكتعرف ليها
– عصام : اري – عطتهالو بدا يحاول يرضعها .مابغاتش تشدها وبدات تمد يديها لصدر فنينة لكانت قريبة ليها ضحكت : ههه عاد بغاتها شفتي ارا ارا نرضعها
– مدها ليها غير شدت فنينة ناضت تاني كتبكي
– فنينة: اويلي هاذي مالها …- كتشوف فعصام وكتبكي وكتمد يديها ليه ضحك عصام : باغا ابنتي ترضعي وبغاني انا ..- فنينة: معكسة ياربي سلامة – عصام : خصني نبقا شادها ونت رضيعها -جر فنينة : اجي لعندي اجي
– كلسو فوق سرير – فنينة: كي غندير نرضعها رآه مابغاتش تجي عندي
– عصام : انا نشدها ونت رضيعها ..يلاه تكاي – تكات فنينة كضحك على هاذ الشي فحين عصام فتح ليها صدايف ديال بجامة حتى بان صدرها وحط بنتو عليه قبل متبدى تبكي كان حتى هو حط راسو على صدر فنينة ويد وحدة دارها فوق شعر بنتو كيحكو ليها ومرة مرة كيلمس وجه فنينة….
فنينة مبسمة : ولفاتك او ولفات ريحتك بزاف غير تخرج تنوض تبكي هاذ الشي علاش كنت نكوليك متولفهاش الهزان بزاااف – عصام : بنتي هاذي ديالي طبيعي تولف عليا حيت كتبغيني بزاف ياك ابابا ..باباك عزيز عليك بزاف ياك – باسها ..وتنهد براحة – فنينة حطت يديها على وجهو كتحك ليه فراسو : عصام تصالحنا – عصام مغمض عينيه وهدر بصوت خافت : علاش ايمتا كنا مخاصميين
– رجعت راسها لور كضحك: لا حول ولا قوه الا بالله ههههههههه نت غتحمقني والله ..ياك غوتي عليا وكلتيلي عمر هدرتك تجي على هدرتي – عصام : نساي ابنتي نساي حيت ملي عرفتك وليت نهدر الهدرة ونرجع فيها نكول الحاجة ونصدق داير عكسها ..- عضت فمها كتضحك : علاش زعما امممم – عصام (كيقيس فصدرها ) : حتى تسالي بنتي الرضاعة ونكوليك علاش ونوريك حتى كيفاش لا بغيتي – فنينة فهماتو : الا خصني نوض ندير الفطور وبزاف ميدار – عصام: غا حطي ترمتك الارض من هاذ لبيت مراكي خارجة ..- زاد قرب كيهدر مع بنتو – ݣوليلي احبي شحال تبغي باباك يدير ليك ديال خوت ..اممم كوليلي ازوينة ديالي شحال بغيتي .- زيد ودنو : آلااا شحال خمسة بغيتي خمسة ديال خوت ابابا وخا صافي – شاف ففنينة : سمعتيها كاتليك خمسة – فنينة: انعام نعام خمسة مالي قنية
– عصام : غتولديهم – فنينة: غا كتخربق اصلا عشق باقا صغيرة وعوالة ناخد الكينة
– عصام : ديالاش – فنينة: منع الحمل – عصام : ملي تبغي تقوديها على راسك سيري شربيها وتفرجي اش غندير ليك ..- فنينة شافتو عقدهم بدات ترطب : وماشي هاكاك غير حتى تكبر عشق شوية أصاحبي مالك
– عصام : دويت معاك مغتاخدي والو ..نت غديري لفراسك وانا غندير لفراسي وتفرجي ديك الساعة – فنينة: مناقص عصام : مال مك كتسوطي عليا ياك لاباس اش كاين ..- فنينة: البنت باقا صغيرة انا مغنقدش
– عصام : علاش كتربيها بوحدك رآه كنسهر عليها كثر منك وقيلا ..وانا قاااد عليهم ..مغيغلبونيش…
فنينة: ناس هاذ الشي لكيديرو بين ولادة ولادة كيبقاو بزاف – عصام : ما سوقيش انا فالناس مغتاخدي والو ولجا من عند الله مرحبا بيه افنة ..بلا متزيدي تشعليني وتخليني نهدر بزاف ..- فنينة عينيها دمعو : دازت عليا فالوحم وفالولادة اعصام تعذبت بزاف داك الشي باش هدرت دابا ..تعذبت بوحدي – عصام حك جبهتو وبقى يشوف فيها شحال وناض عليها حيد بنتو لكانت نعست قاددها وجر فنينة عنقها بجهد خشى يدو فشعرها : هاذ المرة انا معاااك ..هاذ المرة مغيفرقني عليك والو .هاذ المرة معاك خطوة بخطوة …هاذ المرة مغتعذبيش ..الحاجة قبل متضرك غتضرني ..ولكن حاجة وحدة لبغيتها منك ونطلبها منك شد وجها قابلو مع وجههو : ها العار ازينة .ومعزتي عندك والدم لشاركين متعاوديش تجبدي لي حس دوك ليامات لكنت فيهم بعيد ونت بوحدك ..- فنينة: حتى نت مكنتيش لخاطرك – عصام : وخا هاكاك حتى حاجة مكتشفعلي ..شنو ما كان مكانش خصني نكون بعيد … فنينة فراسك واحد الحاجة
– فنينة: شنو – عصام : كنحس بلي معندي على بنتي حتى شي حق ..معرفتش علاش كنحس بلي منستاهلهاش حيت نهار رجعت لقيتها واجدة ومكنتش معاك ..كاع داك الشي لكان خصني انا نديرو دارو خويا هاذ الشي لكيضرني فخاطري بزاف وملي كتزيدي نت تجبدي دوك ليامات كيزيد خاطري يضرني كثر وكثر – هز راسو كيسرط ريقو بحال إلى حابس شي حاجة باش متنزلش فنينة: ششش واش من نيتك اعصام شهاذ الهدرة ..مكينش هاذ الشي. علاش لقتيها واجدة مالك ملي رجعتي لقتيها عندها عشرين عام ..راها شوف فيها قدامك باقا لحمة بين يديك اعصام من نيتك…
– عصام : وخا كان خصني نكون معاك فكلشي -فنينة : نت عارف بينك وبين الله مزيان وعارف بلي داك الشي كان مقدر ومكاتب متبقاش تكول بحال هاكااا اعصام ..الله يرضي عليك احبيبي ..وها مزال غيجيو خوتها وديك ساعة مكين ليشدك عيش كل لحظة بلحظتها هههه – عصام : ياك ݣلتي مابغاش تولدي دابا – فنينة: وياك نت خرجتي فيا عينيك وݣلتيلي غتولدي هيا غتولدي ههههههه ..تهشيت شي عصام صغيور دابا ههههه – عصام باسها من راسها : انشاءالله ياربي
– عنقاتو مدورة يديه على عنقو كتمخشش فيه ..بطريقة بورشاتو خلاتتو يهدر بصوت خافت غالبة عليه الشهوة : شنو كديري ..ياكما كتقلبي عليا ندير ليه داك عصام صغيور دابا – فنينة : اه بغيتو – عصام: وراني *امل الى خليتك بلاش ليلة ….
جرها بالجهد – اجي لهنا نوريك اجي ..- فنينة: اح اناري ابشوية ابنادم – عصام : فكرتيني كنت ݣتليك غنقلبك واش خلات فيك لطراس – فنينة: هههه والله مخليتها توصلني – عصام : انا انشوف – غطس فيها بجهد معاود طلع راسو من غير يديها هيا لكيتسراو عليه الشي لكيخليه يزيد يغرق فيها كثر وكثر – فنينة: عصام غير بشوية كضرني
– عصام : الحمالة ديال الولد صعيبة ماشي بحال البنت خصك تصبري باش يجي خلاص احبي
– فنينة: ههههههههههه – خدا يديها دوزهم على وجهو مرورا بفمو باسهم عاد عطهم على صدرو كان عرقان وهيا كثر منو بقى كيشوف فيها شحااااال سهى فيها حتى هزت يديها وحطتها على وجهو كتلمسو ليه فحين هو غمض عينيه منشوي بها وبلمساتها عليه : مااالك الغالي
– عصام فتح ،عينيه نايمين فيها : كنبغيك – فنينة: ما بقتيش عزيزة عليك وليتي غا كتبغيني هههههههه – ضحك وتكى على ظهرو وهزها بخفة جابها فوقو شعرها طايح عليه : كنموت على الدم لكيجري فيك – فنينة: ههههه هيا الفقيه عندي صحيح مكانش يحساب لي غادي يقضي لي الغراض بحال هاكا – عصام كيقيس فشعرها : باغي نعيش معاك بزاف الله يقدرني حتى نديرو بزاف الولاد والحفايد وكل فين يشق حياتو ونبقى غير انا وياك الغالية
– فنينة : هههههه مغنطلعش ليك فالراس – عصام : زيدي عندي عنقيني نكوليك -تبسمت وعنقاتو : هنا
– عصام جر ليها حنكها بسنانو حتى خلا لطراس – فنينة: اي ابشوية – عصام : شنو هو عصام بالنسبة ليك
– فنينة تبسمت مبينة سنانها : عصام عصام عصام عصام ههههه معرفتش هههههه معرفتش شنو نݣول خايفة نظلم ومنقدرش نوصليك داك الشي لكنحس به ..ولكن لنقدر نكول – كتقيس وجهو – نت هو عليمن كنحط الراس نت لعندي ..معاك نت رجعت عندي عائلة ورجعت نعرف شنو هو للعيد وشنو هو رمضان وشنو هي اللمة ديال العائلة ….- باستو من راسو – كنكوليك الغالي حيت بصح غالي بزاف عليا – خدات يديه باست كفها – الله يخليك لينا
– عصام باس ليها جبهتنا : الله يرضي عليك ازينة….
فنينة: امين ….ايه ونت شنو كتعني ليك فنينة شكون هيا فنينة بالنسبه لعصام – عصام بقى ساكت شحال عاد هدر عينيه فعينيها : فنينة – فنينة تبسمت : نعام ؟
– عصام : لا قصدت فنينة … عصام رجع هو فنينة .عصام كلو ولا منحاصر فيك .غادي تيقيني الى كتليك بلا بيك كنتلف ..الارض كتولي دور بيا مكنبقى عارف فين نعطي الراس – فنينة: هههه اربي حلف – عصام : علاش كضحكي مولف نتمازح انا معاك – فنينة تنهدت : ههههههه الله ياربي على راحة ..- عصام : بصح مرتاحة معايا ؟
– فنينة كتقيس ليه فرموشو: بزاااف – عصام : شكرا -: فنينة: هههههه علاش – عصام : حيت كتصبري عليا ..وحيت مكدوزينيش – فنينة جرت لفيه فمو : الى دزتك غير نمشي نموت حتى نت مكتفوتنيش – عصام : نفوتك ؟ طحتي على كرك لا -جرها دارها فوق منو : كين شي واحد كيفوت ولادو وكبدتو وعليمن كيحط الراس – فنينة دورت يديها عليه كتحك ليه راسو : الى كنت نت كتلف بلا بيا انا رآه النفس كتبغي تحبس لي – تبسم ليها كيتلمس فيها يديه مزاكيينش : حيت حبي كتبغيني بزاف – فنينة : حيت عزيز عليها بزاف – ضحك جنب – فنينة: اح امي زينك زين الضحكة الغالي – عصام : شنو ليقدر يدير الغالي ويكفرك فيه – فنينة: شفتي كاع اغلاطك عندي مغفورة الا تخوني
.- عصام ضحك بلا ميحس : ههههههه نخونك – فنينة: ناري اعصام الى مشيتي حتى شي نهار جاتك المراهقة المتأخرة ودرتيها عرفتي اش غندير ليك – عصام طلع وجهو كيضحك : الله ياودي عارف ..غذبحيني – فنينة: علاش عندك فيها شك والله حتى نديرها بالله – عصام : حتى انا كتليك عارف حيت ماشي اول مرة ليك ههههه
– فنينة صغرت فيه عينيها : زعما تقدر ديرها ؟ – عصام قلبها حتى كانت غطيح : تهزي ت*ودي عليا نوضي شوفي اش تقضي – فنينة كتحك فيها : احح ابشوية مالك انا غا سولتك – عصام مخنزر : سايط ليك ريح فكرك مدرتها حتى وانا عزري .عاد باقي وانا مزوج او والد
– هزها رجعها فوق منو كيقادد ليها شعرها على كتافها بعنف – دابا غا كوليلي شنو لغادي يخليني نشوف برا وانا عندي الكبدة فدار ..لناوي نسد عليها البيبان والشراجم ..ونحجبها -…
فنينة: ايه دور عليا شي كريااج ومرة مرة لوح لي شوية اللݣط وشي غريرف الما لا نعطش
– عصام جر ليها راسها فمها على فمو : الى عطشتي نروي حبي بريقي .. ياك كيعجبك ريقي بنين ذوقيه شوفي – خشى يدو فشعرها كيبوس فيها بالجهد ممخليها فين تنفس كيبوس وكيضحك عليها حيت كتبغي تجاري معاه مي هو سرع منها -طلقها كتنهج : اناري مالك كانو رابطينك
– عصام طلقها كيدوز يديه على وجهو : احح امي. راني طايب من جهتك – فنينة: والى طايب برد
– عصام : وهي لجتيني درتي شغلك ونقصتي من هدرتك وجيتي ديتي الاجر وبردتي راجلك
– فنينة : حيد حيد بارك من البسالة – عصام شدها من رجليها : هداي لدينمك برك من الركيل رآه غنفلعصك – هزت رجليها الفوق حطتها فوق منو كضحك
– عصام : مال مك جاتك ال*ملة
– فنينة: ههههههههههه معرفتش شدني الضحك – شد ليها رجليها كيقيس فيهم – فنينة: اي رآه ولاو يضروني : عصام : معرفتيش منين ..من سندالة لكنقيل نغوت متمشيش بالحفة ونت غا غذا كتهيسي. كي الحمارة – قرصها غوتت : رآه باقي نشوف مك دالعة بالحفا ..نبات معلݣهم ليك بالخبيط حتى تشدي الارض – فنينة: وغير كنساها
– عصام : حتى انا دابا دويت – تقادد فنعسة جات فوقو مدورة يديها على عنقو لحمها على لحمو خشات نفيها فودنيه كتمخشش – عصام : راكي غا من*وديها على راسك .رآه غنرجع نتكي مك حتى طلع عليك الشمس
– فنينة: وعلى هاذ الشي كنقلب انا – عصام : رآه مكذبتش باش كتليك شداتك الحالة اجي ندي فيك شوية الاجر…
تم تم قلبها ورجع هو فوقها بطريقة عنيفة خلاتها تندم علاش قلبت عليه من الاول لكانت كانت حتى هيا مسارياه عاجباها ديك السلطة لكيمارس عليها وداك الشي لكيدير.
.فكل شوية كانو كيكتاشفو شي حاجة جديدة كتعجبهم بجوج ..معاندين كل واحد فيهم باغي يوصل الاخر داك الشي لكيحس به لكن هاذ المرة ماشي بالكلام ..كانت لغة الجسد لخدامة
&….هاكا توالات الايام وكانت خطوبة حمزة واكرام هي حذيث الساعة تقامت ليهم الخطبة على حقها وقفت عليها فنينة مخلات مشرات ليهم وما جهزت كانت لاعبة الادوار بجوج كا اخت العروس واخت العريس …دارو الخطوبة الرسمية محظرتش فيها عصام بقى غير هو وبنتو فدار مابغاش يمشي معندوش مع دوك الاجواء …….
لبسو الخواتم وحددو موعد ضريب الصداق تافقو باش ميدورش العرس كان طلب الاول من اكرام على حساب حليمة شادة الفراش مجاتهاش تدير فرحها ومها هاذ ساعة معاها وساعة اخرى شوف واش تبقى ولا مول الأمانة يدي امانتو حتى حمزة معتارضش متفهم الوضع وخلاها على خاطرها حاط يديه فيديها وماشي معانا شوية بشوية شي لخلا اكرام تشكر الله من خاطرها حيت ربي لقاها بيه وخا مكتبانش فيه مي كان ليها السند وقف معاها ديال بصح سوا ماديا سوا معنويا ———————- .
.كانت فالكوزينة كتغسل فالمواعن حتى دخل عليها هاز بنتو فيدو او اليد الاخرى شاد بيها ميكا عامرة فيها السقاطة …غير شافتها حبست على داك الشي لكدير ودارت شافت فيه كتضحك : دياولي هادو ؟….
غير شافتها حبست على داك الشي لكدير ودارت شافت فيه كتضحك : دياولي هادو – عصام : لا دياول بنتك
– فنينة : ابااااارك بنتي دايرة السنان بعدا باش تاكل هاذ الشي – قرب ليها جر ليها شنوفتها حتى قاس سنانها بسنانو : لا مراتي لدايرة السنان شدي ها بليتك ومتجيش عندي تاني توزوزي بالضرسة – بعد عليها رمى داك الشي فطابلة مد ليها البنت خدا كاس الما شرب وشاف فيها : درتي شي عشا امدام – فنينة: كين سير دخل دوش وبدل عليك انا غنحطو – عصام : شنو درتي ( طلع على الكوكوط ) المرقة تاني
– فنينة: مطايباش بالفريت وعارفاك مكتاكلش المرقة رآه كين شلاظة ديالك مخليها ليك – عصام : اري ناكلها دابا ونزيد نتحرك فخطرة – فنينة : حشومة عليك كلس تجمع معانا فالطابلة مكدوزليش بلا بيك – عصام جر ليها فمها: هاهي بدات تشدك الحالة وكي خصني عاود ندي فيك الاجر – فنينة : هههه بعد مني نت وليتي غا على سبة
– عصام: فت الحد كاع غا الله يعميها ليك ..هنا غادي ندوش
– زاد خارج حتى عاود نداتو : اجا لهنا دي بنتك معاك نعسها – عصام : اري – شدها من عندها ودخل بيها البيت حطها فبلاصتها عاد دخل يدوش – ردات الكوكوط تسخن ومشات دخلت لبيت جبدات ليه حوايجو حطتهم وهزت والفوطة ومشات لعندو دقت عليه : ديما ناسي الفوطة – عصام : وشنو خدمتك نت ملي متبعيهاليش – فنينة: باز يا خويا باز شد شد – عصام : دخلي – فنينة: ولا عندي الكوكوط فالبوطة – عصام : هدرت معاك – عوجت فمها ودخلت قاست الما : ها حنا تاني على الما البارد – عصام كلس مسترخي ..مخليها دير. خدمتها ..ولفاتو ديما هاكا حكات ليه وغسلت ليه شعرو كدوز يديه على شعرو ولحيتو وكضحك : احح اربي غير انا لمزوجة – عصام مخنزر : واش وقت ال*ملة هاذي رآه داك الخرا حرݣني فعيني – فنينة: غنعذبك ههههه
– عصام : ومشفتيش لعذبتك انا وتكيتك هنا وخليتي داك الشي يتحرق – فنينة: ماعليش البيض وماطيشة مجودة هههههههه – عصام : خدا الما رشو على وجهو حتى توضحت ليه الرؤية وجرها : ياك احبي – فنينة: ههههه غا كنضحك والله حتى غا كنضحك عمرني نعاود
– عصام شدها كيبوس فيها بالجهد : لا بغيتك تعاودي. – ضحكت تسلتت منو بزز مخلياه يكمل وخرجت هيا تشوف العشا فين واصل..
حطت داك الشي تجمعو عليه كان غير واحد طبسيل صغير ديال شلاظة بقى من الغدا بدا بيه حمزة هو الاول داخل فيه – فنينة ضربت حمزة برجليها : تسنى حتى يجي خوك ونت غا حال فمك – كنزة : شبغيتي فيه خليه ياكل رآه ممغديش – فنينة: خليتو ليه هو لمبغاش ..ياكل شكون شدو ها طبسيل المرقة قبالتو ممشى غير لهداك لمفيهش بزاف ..
– كنزة عاقت بيها : ومافيهش بزاف خليه ياكلو علاه ليمن مخلياه – حمزة : بحال إلى غير عصام لعندو فم ويعرف ياكل شلاظة وانا لا ..- فنينة خنزرت حيداتولو : والله لكلتيه حطو ..كون بغيتي كون ملي سولتك قبيلا تݣولي ديري بحسابي ..ماشي حتى حطيت هاذ الشوية تجي تزاحمو فيه …نت عارفو مكياكلش المرقة بزاف ..باغي تخليه بلا عشا ويشرب الدوا على الخوا – كنزة باغا تشد فيها : تي هديك الله حطي لطفل ياكل مالكي على هاذ الشي
– حمزة : معرف مال دينمك على. هاذ الحبس الخاوي – فنينة شادة الطبسيل معنقاه : بصحتي
– ..تم داخل عصام كيمسح فراسو : مالكم معااااهاا – كنزة : ما مالناش اوليدي غير هي وخوك كيف دايمين مناݣرين – عصام شاف فجهتها : مالكي نت معنقة داك الطبسيل – فنينة حطاتولو قدامو : هذا ديالك خليتو ليك نت معندكش مع المرقة بليل عليها خليت ليك هذا – عصام : وفين كين المشكل فهاذ الشي – كنزة : غير حمزة بغا يدوق شوية وهي مخلاتوش ..ݣاتليك مخلياه ليك نت – عصام شاف فخوه : دوز تاكل لبغيتي تاكل – حمزة شاف ففنينة مخنزر فيها : ها هو مݣال والو مالك نت على هاذ الحبس الخاوي
– ركلو عصام برجليه حتى توعت : ݣلنا ليك ݣول ..اوا ݣول وسكت بلا هدرة خاوية – حمزة رجع بلور : لدارت رجعوها لي انااااا – عصام : شفتك درتي الكتاف وبديتي تهزهم عليا ياك لاباس شكاين اش تزاد عليك – فنينة كتفرنس : ههههههه غا يتزوج – دار خنزر فيها – كنزة : اناري ياربي سلامة توما ݣولو وقطعو حسكم برك من التركال كي البغال
– فنينة: ههههههههههه البغال – كنزة : كضحكي امجبد البلا..بااااز ابنتي انا بعدا بديتي تشهميلي ..غير مزايدة والعقل كيطير ليك ..كون عطتيه ياكل معاه دوك جوج جدوݣ بلا هاذ زيادة فالهدرة حتى غا يرجعو يقلبو علينا طابلة
– فنينة: وراه قدامك ݣتليه وااش خصك باش نديرها ݣالي لا وغير داك الشي لكان خليتو لعصام . – شافت فحمزة – هو بحال الحمام عزيزة عليه ماكلة الزحام
– حمزة : هاهي دابا قدامكم واش دابا انا كنجبدها -كنزة : برك نت الارض وسكتنا متديش عليها – فنينة: ما يديش عليا مالي حمقة – ضربها عصام بخفة لفمها : جمعي فمك من ردان الهضرة….
ضربها عصام بخفة لفمها : جمعي فمك من ردان الهضرة – شدت فمها كتعصر فعينيها ناوية تنخصص
– حمزة : يحيا العدل – كنزة : وسكت تاني حتى نت
– فنينة كنتخصص غا على سبة : علاش غيسكت هو غير انا لخصني نسكت ..ولا يضربني هذا لفمي ..- خنزر فيها عصام : هذا سميتو راجلك – فنينة: وانا مالي فيك كول ولا ضبر مالي فهاذ العيب كامل لغنديه معاك
– كنزة : اناري ابنتي مالكي على هاذ تنخصيص – حمزة : كانت غا على سبة
– خنزر عصام فيهم جرها لعندو كيمسح ليها على راسها : بعدو لي منها – كنزة : هههه غا حنا شكون قربها ليك ههه – فنينة كتنخصص : كيضحكو عليا – عصام كيدوز يديه على راسها ويهمس ليها فدونها بالحس : مكينش ليضحك عليك اعمارة الدار – فنينة كطل على حمزة بنص عين : را هو كيضحك عليا – شاف فيه: جمع فمك نت فرقها عليك
– فنينة : ݣولو ميبقاش يهدر معاياا
– حمزة : غير حتى ندير العقد ولبغتي خاصميني اما دابا واقف عليك – عصام دوز يدو على وجهها : دوزي تاكلي كملو عشاكم – فنينة: انا مخصنيش – كمل ماكلتو ميك وهي مربعة يديها كتشوف فيهم وبقى فيها الحال حيت مشدش بخاطرها باش تاكل
– كنزة : دوزي تاكلي ونت قرااادة تحسبي لينا فدغامي – فنينة : مفياش مقادراش على المرقة بليل غا كولو بصحتكم – عصام مطمر : غير كولي اكنزة كولي خليها لمبغاتش خليها – هزت كتافها كتنخصص بالحس ——زاد غير جوج دغمات من صلاد وناض دخل لبيت لبس عليه قبية وهز سوارتو وخرج – حمزة : ودابا ملي خرج عاد غنتولاك
– فنينة: والله وتقيسني راك عارف – حمزة : امو عينين ما نت ساهلة( كعيبها) لا ديال عصام هاهو جمع مع مك لفم يلاه شدي
– فنينة زادت لعند كنزة كتغبن عنقتها : شفتي شفتي شكدير – كنزة : اداك البغل كليتي ساليتي نوض تهز. عليا من هنا – فنينة 🙁 كتنخصص على كنزة )) انا خليت ليه وديت لعيب مع حمزة وانا ملي نفخت على الماكلة. محزرنيش كمل ماكلتو عادي وخرج شفتي اخالتي شفتي ….
كنزة قرصتها حتى طارت : ياك كنكوليك الماكلة مكيغضبوش عليها ناس .سرك عبر عليك ونت كالسة تشري فالعيب على حسااابو – – فنينة كتنخصص وتعصر فالدموع بزز
—-حمزة : يلاه زيد تاني مع هاذي واش نت غا مكتلقاي مديري كتبداي تنخصي ولا شنو شنو
– فنينة بعد مني
– مشى حمزة جرها من نيفها : غير انا لمخاوي …فراسك بلي نت هيا الفرحة ديال هاذ دار هههههههه
– فنينة: بعد مني مغنتصالحش معاك – حمزة : وانا لخصني نتقلق لي محيدة لي النعمة من فمي ههههههه
– كنزة : خلاتها هيا نت لعزيزة عليك حاجة زحام
– حمزة : ماكلة زحام بنينة فنينة: اممممم
– كنزة كطبطب عليها : ضحكي ازينة ضحكي متجيش معاك تغوبيشة ..- حمزة : ما حيت هيا الفرحة ههههه
– كنزة : مكذبش نت هيا الفرحة ديال هاذ الدار هههه.
– فنينة كتهز فكتافها كتفشش – كنزة : نوضي جيبي ليا المشطة اجي نمشط ليك داك الشعر ونت نوض تهز عليا من هنا جيب ليك شي دورة -حمزة ناض كيتفضفض: هاهو نايض – مشات فنينة جابت ليها مشطة وزيت وجات قردت حداها فالارض – كنزة : نوضي قبل ديري لك شي حاجة كوليها – فنينة : باقا المرقة ومقديتش عليها – كنزة : بالعاني كون كنت باغا تاكلي متنفخيش – هزت كتافها : دابا نوض نخربق شي حاجة نسد بها الجوع رآه كين الطون دابا نديرو فالخبز ——– كنزة حيدت ليها زيف وطلقت ليها شعرها : قبيلة كتليك اجي نسلكو ليك ونت غا غادا جاية ما بركتيش
– فنينة: مساليتش – كنزة كتمشطو ليها بالتاويل وكتسلكو – فنينة: معدبني داغي كيتشربك – كنزة : زغبتك رقيقة ونت كترخي عليه ..حتى لغدا بحول الله ونخلط ليك شي عشوب نديرهم ليك تشكيكة مزيانين وندير حتى انا معاك
– فنينة: صافي واخا – تفتح الباب..ودخل منو عصام لاح سوارت فطابلة وشاف فيهم اما عينيها هيا كانت غير فديك الميكة لهاز : نوضي هاهو عشاااك جبتوليك
– فنينة تبسمت كضحك كانت حاسة خرج باش يجيب ليها شي حاجة عارفاه يموت وميخليهاش تنعس بجوعها ولا نافخة على الماكلة ..وخا يعرف يوكلها بالعصا ….
بقا كنزة مدوزة ليها المشطة على راسها حتى ناضت طايرة واقفة – كنزة : الله يابنتي ونت كطيري من المقلة كلسي خليني غير نكمل ليك دوك سوالف ..تموتي فماكلة الزنقة الله يحضر سلامة – خلاتها كتهدر وخاشية راسها فداك الشي لجاب ليها هزتهم عاد رجعت لبلاصتها لعند كنزة هيا كتمشط ليها ولخرا كتآكل
. – كنزة : ماعرف اش يعجبك فهاذ الشي اناري كولو زيوتااات
– فنينة : شفتي علاش نفخت على هاذ الشي هههههه – كنزة : وباش عرفتيه غيخرج يجيب ليك
– فنينة : علاش اول مرة ليه ههههه ياك ديما كنديرهالو – كنزة : لقيتي عليمن تجيبي فشوشك هههه انا المرحوم وخا نتقطع حداه خصني نوض نحرك الكوكوط
– فنينة : ولكن ولدو خرج حنين
– كنزة : غا معاك اصكعة …كنتخايل ولدي مزوج بشي وحدة خرا يكون معاها زعما كيفك – فنينة: ها تخسار الهدرة اخالتي ..ما بقيتش باغا نمشط مناقص
– جرتها من شعرها : تي كلسي ونت كطيري الله يقلل حياك – فنينة كتهز فكتافها: وما تكوليش وحدة خرا متكوليش – كنزة : شهاد المحبة المهاوشة عندكم الله يحضر سلامة كين غا تي تي هيا دواه وهو لحادهم ليك – فنينة : اوا شفتي هانتي وليتي فنيونة اكنزة الزوينة يلاه – مدت ليها – هاكي غير دوقي والله حتى بنين – كنزة : حيدي عليا هاذ الشي ..معرف اش خاشين فيه …قادي راسك خليني نكمل ليك هاذ جوج زغبات – خرج عصام من لبيت لعندهم كلس حداهم فسداري كيشوف فيهم ومرة مرة فتلفون وهي كتشوف فيه – كنزة : جرت ليها بجهد : ونت قادي راسك وتي معوجاه لعندو – فنينة : اايي ضرتيني
– عصام : ابشوية عليها امي ..مشطي ليها غا بشوية كنزة : لا هاكا مشط ليها نت نيت .
.- فنينة تسلتت وناضت لعندو كتغبن عليه : شوف تنتفت ضرتني – كنزة : وملي فيك هاذ تغبان كامل علاش كتخليه حتى كي يتخبل زيدي عندي لهنا نكمل ليك
– فنينة شدت فعصام : لا ما بقيتش بغيت مناقص
– كنزة : غير زيدي غندوز المشطة غا بشوي – عصام : غير نوضي تكمل ليك غا بالشوية مغضركش ..- شاف فكنزة – غا بشوية امي عليها ..غير بشوية سلكيه ليها ومتضرهاش ….
رجعات مربعة رجليها كتلوي ففمها – كنزة : باز ابنتي باز – رجعت تمشط ليها غا بالشوية وتفك ليها حتى سلكاتو
– كنزة : نوضي جيبي مقص نحيد ليك شوية من لتحت مگرد – عصام بلا ميشوف لجهتهم : لا
– فنينة : رآه لبوانت اصلا كنت بغيت نحيدهم
– كنزة : راهم كيعكزو الشعر ويخفوه نوضي جيبيه نحيدهم ليك باش يخلف زوين – فنينة شافت فعصام غمض ليها عينيها وفتحهم زعما نوضي – تبمست ناضت تجيبو وعينيه بقاو متبعينها حتى جابتو وعاودت رجعت شداتو من عندها كنزة وقادت ليها شعر خدات غير لبوانت
– عصام : صافي غير حد تم متزدييش…. ضحكت كنزة على ولدها و بدات تقطعهم تحت عينيه اكيد
..- سلات وظفراتوليها : يلاه نوضي تكعدي جيبي لي ملاية غطيني وقيلا غا نعس غير هنا مفيا ليدخل شي بيت – فنينة : شربتي دواك – كنزة : شربتو شربتو – مشات لبيت جابت ليها ملاية قادتها وغطاتها – كان عصام باقي مجبد فوق سداري : اجي افنة – مشات لعندو كلست حداه مربعة يديها : اصلا باقا مقلقة منك – جرها من ظفرتها لعندو : مقلوبين ليك الهرمونات منديش عليك ..نوضي بدلي عليك رآه سروالك مطبع
– فنينة كتقيس فراسها : اويلي جاتني المسخوطة
– عصام : علاش محستيش براسك – خنزر – عنداك يكون شاف شي واحد من غيري سروالك مطبع- فنينة : منظنش يمكن عاد دابا ..غنوض نبدل نوض تنعس
– مد ليها يديها جراتو عنقها بجنب : سير تاني خصنا نصومو واحد الربعيام – فنينة عوجت فمها : واييه بزاف – عصام كيلعب ليها بظفرة باسها من عنقها : تموتي لدينمك فقلة الحيا
– فنينة: ( غمزاتو ) نت لولفتيهالي اسافل
– عصام : ياك غا معاك كندي فيك وفيا شوية الاجر –دخل لبيت هز بنتو كيلعب معاها شاف فنينة. كتجبد حوايجها : عندك داك الشي لكديري ولا نخرج نجيبها ليك
– فنينة هزت اولويز : لا ملي جبيتهم لي ديك الخطرة باقين- حرك راسو ..جات عينيه على رجليها كانت خارجة بالحفا – هز صندالة شير عليها جاتها فترمتها : لبسي عليك ونت تموتي فالحفا رآه غيزير عليك الوجع وتبيتيني فايق ينعل منك – لبستها كتأفاف وخرجت لطواليط….
دخلت بدلت عليها وطرفت حالتها وخرجت كتنقز لعندو حتى تلاحت عليه فوق كرشو : راجلي الزوين ههههه
– عصام : وليت متحمس نحملك عرفتي علاش
-فنينة : هههه علاش – عصام : الى كانو غير ليغيكل كيديرو فيك هاذ الحالة تحمست نشوف ملي غتوحمي عليا شنو غديري ..ماشي بعيد تتت – فنينة قطعاتو كضحك عضاتو من حناكو : ههههههههههه سكت سكت – عصام : خليني نكوليك اش غاديري هه – سدت ليه فمو كضحك عصام جرها من قرفادتها : دوزي ترگدي وهنينا برك عليك من السهير
– فنينة كتقيس فيه : لا خليني ههههههه
– عصام : البنيتات قدك ممزيانش ليهم السهير خصك تنعسي معاش ما كتنعس بنتك – فنينة : بنت كتنعس فكل وقت – عصام: حتى نت نعسي معاها فكل وقت مالك شعندك مديري – فنينة كتمخشش فيه : وشكون لغيطب ليك ما تاكل لراجلي العزيز وشكون لغيقابلك ويلبي لي الرغبات
– عصام قاطعها : الرغبات الجنسية ديالي – فنينة: هههه الله يمسخك
– شدها من شلقومتها مزير : تعاودي تمسخي فيا وانا كبر منك – فنينة ::احح اعصام طلق طلق والله منعاود
– عصام : سكتي من توحويح حسن ليك ودوزي ترݣدي
– فنينة دوزت يديه على عنقو : لا غنبقى سهرانة معاك ههه عصام : علاش كتقلبي يا هاذ البنت واش كتقلبي على السخط ؟ – فنينة : هههه علاش
– عصام : لا راه كتقلبي عليا نسخط عليك
– فنينة كتبوس فيه : شدرت ليك الغالي -عصام : كتعذبي الغالي ديالك واش عارفة راسك محمية وقايسة فجهتي با تعذبي راجلك ماشي حشومة وعارفاه معندوش من غيرك…..
– فنينة كتقيس فوجهو ونعس على صدرو : غا راشقة لي عليك – حط يدو عليها من لور : مي يا مي كندير وندير ليك ..- فنينة: تاني هاذ كندير وندير ليك هههههههههه – عصام باسها من راسها : واش محاسباس ليها وقتها علاش كتنساي تلبسي عليك كون شي واحد اخر لرمى عينو عليك – فنينة : خالتي ماشي مشكل – عصام : ايه او حمزة ؟
– فنينة: وصافي متعاودش – عصام : قبيلة كنت غنفكرك فيها غير نسيت – فنينة: علاش كتحسب لي هههههههه- عصام : عاقل ليك على وقت ومع داك تنخصيص لبديتي تنخصي من والو وداك الفشوش فالماكلة كنعرفك – فنينة : هههههه داك الشي باش خرجتي جبتيلي من برا – عصام كيطبطب عليها فظهرها : وخا منكونش عارف ميدينش نعاس ونت حدايا بلا عشا : نعسي العزيزة نعسي .. فنينة عنقت يديه كتبوسها : عزيز وغالي —- عنقها تحت منو حتى نعسو بجوج &——- كانت شي ثلاتة ديال ليل 🌃 حمزة باقي شاد الهدرة مع اكرام فأپيل فيديو كيتافقو على حياتهم الجديده لغتكون فمدينة بعيدة شوية هلى قنيطرة ماحيت خدمتو واستقراو غيكون تم كيهدرو بجدية شوية شوية كيقلبوها ضحك – اكرام : سير بعد مني خليني نعس – حمزة : صبر لمك انا جهلتيني وغدا تنعسي اجي نكوليك فودنك
– اكرام ؛ وااااسير بعد مني سير ههه بغيتي تكولي قلة الحياء بعد معندك متݣولي – حمزة : مال مك غير غنصحك نديو معاك شوية الاجر – اكرام خرجت ليه لسانها : حتى التطبيق – حمزة : هههههههه باغا تطبيقيه معاايااا اقليلة العفة هههههه – اكرام : اصلا نت راجلي – حمزة : منين جيتك ههههه بسم الله عليك – اكرام : لمديتكش انا والله لفرحت بيك شي وحدة – حمزة : عائلة المجرمين سلعة وحدة نت وختك تعديتو علينا انا وخويا وحنا غير ابرياء – اكرام : ههههه ليسمعك ݣول غتاصبتك – عض على فمو منيم فيها عينيه : مكرهتش – اكرام : تلاح تلاح نت شفتك بديتي تخرج على السيطرة انا لمفيا ربح مصونيا ليك فنص ليل معرف علاش كنقلب- حمزة : كتقلبي نحط عليك سروالي – قطعت عليه تم تم كضحك….
اما فالبيت لاخر عصام كان ناعس حتى كيحس بيدين فنينة كيفيقوه وكتنخصص – حل عينو ضايخ بالنعاس شافها شادة كرشها : فنة ؟ شادك الوجع بزاف
– جرها لعندو خشاها وسط منو وحط يديه على كرشها كيماصيها ليها : شنو ندير ليك ؟ كينة ممزياناش ليك ..ندير ليك الزعتر يسخنك شوية
– فنينة كتمخشش فيه : ما بغيتش والو بقى غير حدايا – عصام : انا حداك ابنتي الله يهديك فين عندي نمشي
– فنينة: هئ هئ بقى فايق معايا – عصام : هنا مناعسش فين عمري درتها باش نديرها دابا غير سكري شوية دابا يفوتك -فنينة : ممولفاش تجيني بالوجع بزاف بحال هاكا – عصام خنزر فيها : هاذ هو داك الحفا لكنقيل ندوي عليه ولا نت بغيتي تسمعي – خدا تلفونو كيشوف فيه شي حاجة تسكر الوجع – عصام : انوض نشوف شنو ندير ونرجع
– فنينة: متعطلش عليا – ناض لكوزينة قادد ليها الوصفة ديال كامون ماحيت كتسخن دات شوية ..وخدا قرعة سميكة دار ليها فيها ما سخون ورجع عندها شربها بزز داك الكاس عاد تكى وتكاها عليها وقادد ليها القرعة على كرشها بدون متحرقها وفنفس الوقت يقرا عليها شوية القرآن ..حتى بدات تحس بيه كيسكر عليها وبدات تستحلى النعسة خدات يديه لفيها الخاتم شابكاتها مع يديها وباستها : الغالي
– عصام : نعسي نعسي الݣمرة
– فنينة عينيها معسلين بالنعاس : الكمرة؟ – عصام : نت الݣمرة لمضوية الركاني ديال هاذ الدار – تنهدت براحة وزادت زيرت ليه علي يديه ونعس وهو ماحيت طار عليها نعاس بقى يلعب ليها غير فراسها كيحكو ليها حتى طلع صباح….
دازو ايام عادية وروتينية نوعا ما ..خارجة كتنشف شعرها من بعد الدوش كان ناعس لابس غا بوكسور وداير بنتو حداه حاط لبيسي فوق منو …- عصام هو فيها عينيه : فنة لساليتي اجي لعندي – فنينة حيدت الفوطة وخلات شعرها مطلوق ومشات لعندو تكات حداه : شكدير -شافت فالبيسي : كتشري لبنتك الحوايج وانا ؟
– عصام : شوفي معايا – بداو يختارو بجوج
– فنينة: صافي برك بزاف راه هاد الشي كولو غير شي شوية وغيصغار عليها من بعد – حرك راسو زاد كموندا شي لبيسات عجبوه ..- من بعد خرج من تم ودخل بلاصة خرا ديال المحجبات ..وبدأ يعزل ليها الالوان على دوقو وستيلات لجاوه على قلبو وعاد كيشوف تاني معاها مرة مرة كتحبسو لعجبتها شي حاجة…
– هو طالع كيشوف داك الشي..حتى دازو على شي موديلات ديال النقاب هو زاد منتابهش حتى حطت يدها على يدو فوق الݣلافي مرجعها لمنشورات لقبل : حبس حبس خليني نشوف ..- هو هز عينيه فيها كيشوف فداك الشي ويرجع يشوف فيها وحتى هيا نفس الشي حتى رجع راسو لور مبتاسم: ندوز الكموند ؟ هه
-فنينة : ودابا غير قلب على شي حاجة خرا شدني بها من غير وجهك فتنة – عصام : ههههه جرها من ݣفاها معنقها غاطس ليها راسها لتحت وباسها من ورا راسها : هه الله يرضي عليك ..عاد عرفت راسي عزيز و غااالي عليك
-فنينة : ههههه ورخي رخي راك خنقتيني ابنادم هههه- عصام شبك يديه مع يديها : غا انا لمزوج
– خرجت ليه لسانها كضحك
– عصام ؛ شفتي دابااا غا طلبي لبغيتي معنديش الفم لنݣوليك لا – فنينة : اصلا ممخصصني من والو ولكن غنطلب
– عصام: شنو تبغي الزينة المنقبة ديالي – فنينة كتقيس فيه : الزينة باغا حقها من راجلها – عصام: ههههه كتموتي ليا على قلة الحيا لمك شنو ندير ليك دابا نرجع ليك البلان ديال باش كانو فيك لغيكل – فنينة: الا ماشي ديالك هاذي تخلي مراتك بلاش حشومة ربي غا يغضب عليك عطيني حقي
– عصام: مراتي باغا حقها – فنينة زيرت عليه معنقاه كضحك : عطيني حقي ولا ناخدو راسي ختار – عصام : تحملي مسؤولية هاذ الهدرة لݣلتي منسمعش من عندك بارك
– معطلهاش تم تم قلبها تحت منو معيشها فنشوتو ومعيش راسو فنشوتها…….
وصل موعد ضريب الصداق ديال حمزة واكرام سناو عقدهم لكانو شاهدين فيه عصام او وفنينة ..من بعد تقاااامت صدقة خفيفة….مباركة لهاد اليوم ..ناوين حتى تصح شوي حليمة عاد لبغاو يفرحو براسهم ديال بصح مجاتهمش يديرو شي حاجة وهيا شادة الفراش …سدو دار لفسيدي حييى حيت اكرام نتاقلت تسكن مع راجلها فمراكش ودات معاها حتى مها ..هاكاك كان الوالدين وصا عليهم الله وخا تكون بصح حليمة كانت خايبة ومتسوا متصلاح ومكانتش كاع كتحلى فيها صفات الام المثالية لكن كيف ما كان اكرام كتبقى مها ..دراري معقلوش كل وݣيكول غا انا وانا لكن البنت لا البنت حنينة ..ماشي غا جا وتقالت عليهم المؤنسات الغاليات ….البنت قلبها كيحن ..واكرام طاحت فحمزة حتى هو واخد حقو فالحنان ..وخا هاكاك عزت عليه حليمة .. بزاااف وتكلف بكاع مصارف علاجها …وخا حالها غا غادي وكيرجع ما حيت المرض متمكن منها ..ولازالو ينهك فجسمها .وهذا هو. الحااااال ..دنيا هيا هاذي حتى حاجة مراها دايمة فيها اليوم حال وغدا حال اخر ..كل وباش تجيبو الوقت ..وعمرك تفكر تغر وتكول غنبقى قوي فيها ديما رآه فلحظة كاع ديك القوة تلقاها طارت ..بالجهد لطلعك بالجهد لتقدر تلقى راسك الارض ..دنيا غدارة ..ولازم متحسب ليها حساب ………..——- داخل كيف عادتو هاز فيديه ميكات ديال الدسير دخل الكوزينة حطهم : فنينة …فنينة .فين مشات هاذي – كنزة : راها فالسطح كتصبن
– عصام : فهاذ للشمس واش مرضت هاذي ولا مالها
– تم طالع كيزفر – لابسة بيجاما طويلة هازاها حازماها فخصرها مدورة عليها طابلية وكتصبن فالملايات كتفرك فيهم والماكينة مدورة فيها الحوايج – قفزت ملي سمعت صوتو : نت واش مال دينمك قايساك السخطة مدوخة فدماغك ..الشمس معصعصة ونتي تحت منها…..
فنينة : اناري خلعتيني غا بشوية .. الشمس راها فالسما وشغلي هاني كنقضيه .- عصام : مال مك عزيز عليك تمارة اااا؟؟ ديك ساعة خليهم حتى نديهم المصبانة وهانت هانية – فنينة: جوج مانطات حتى هوما غنديهم المصبانة ..هاني قربت نسالي ..هبط تغدا رآه غداك مخلياه ليك فالثلاجة
– خدا كورسي وكلس حداها : حتى تكملي ونهبطو بجوج – عصرت الحوايج هوما لولين نشراتهم عاد دازت المانطات عاونها فيهم حتى نشراتهم ..ودار معاها يديه حتى سالات وجمعت وبدات تسيق السطح – حتى تعصب جرها : دوزي تحركي ونت بقاليك غا الزليج محيدتيهش
.- هبطو ….. دخلت الكوزينة تسخن ليه الغدا تبعها : غيري سيري شدي الارض راك عييتي انا نسخن لراسي – فنينة : لا غا كلس مفيا والو ..- حطت ليه الغدا وكلست معاه ..كياكل ويوكلها معاه وخا مغديا عاودت تفتحت ليها الشهية من يديه سيغتو ملي كلسها فوق ركابيه : نوضي نعسي شوية وأنا غنخرج نقضي شي شغل وفالعشية نخرجك
– فنينة : ههه فين غا ديني
– عصام : فين ما داتنا رجلينا غااااا نوضي تنعسي ..ونت وليتي تفيقي من تحت ليل بقاليك غا للحيوطة تهزيهم حتى هوما ..- دخلت كنزة عليهم كضحك: كول تبارك الله ونت ݣالس تعين فيها مخليتي البراني ما يدير –
عصام : البراني فين غيشوفها نعميه قبل ميهز العين فيها عاد باقي يضربها بها —كمل ماكلتو مطمر – كنزة : اودي ..حتى انا ملي كنت قدها نفسي حارة نموت فالكراطة والجفاف – عصام : وبزاف تاني – جرها من ودنيها : غا شوية شوية واخر مرة تكون الشمس معصعصة ونلقاك شادة سطح هاني علمتك وحيدي عليك جاڤيل غيضرك فيديك …..
غسل يديه وناض خرج مخليهم – فنينة: شحال فيه ديال النݣير – كنزة : رآه كيدوي لمصلاحتك حتى انا دويت معاك الشمس رآه حارة اش مطلعك فيها مجاك عليهم الحال غا اليوم – فنينة: المهم حيدتهم عليا لا بقيت اليوم غدا اليوم غدا رآه حتى حاجة مغدااار —–راجعين من الخرجة لطلعو فيها الرباط لشحفاتو فيها كيف لعادا ..عاد رجعو هازة كاع داك الشي لشرا ليها ..وحتى لمو لمبغاتش تخرج معاهم وخا عيات فيها فنينة …دخل دوش ينعس وهيا من وراه محيدت نقابها ..كلست حدا كنزة كتوريها شنو خدات ليها ولراسها …هاكا مكملين يومهم وايامهم لشدات منحى روتيني ….واققة فالكوزينة كتفور فكسكسو وشادة أپيل فيديو مع اكرام كتوريها شي حوايج حتى تم داخل هو هاز فيدو اللبن شافتو قطعت : متحطوش فطابلة ديرو فالثلاجة – حرك راسو حطو فثلاجة وخدا قرعة الما وكلس حداها كيشرب وشاد تلفونو فحين هيا رجعت كسكسو يفور تفويرتو الاخرة وكلست حداه : نديرو اعصام شي نهار ونطلعو لمراكش عند ختي وحمزة – عصام : انشاء الله نسالي غير شي شغل ونمشيو – فنينة: مزير فالخدمة فهاد اليامات ؟- عصام : شوية – فنينة : امممم عصام – عصام : نعام – بغيت نتشاور معاك فواحد الحاجة – حرك راسو كيشوف فيها : لهي – فنينة : بخصوص قرايتي – عصام : خديتي الاجازة ديالك – فنينة : اه وبغيت زعما ندفع التعليم ونشوف زهري – عصام : باغا تخدمي – فنينة : وقرايتي تمشي باطل – عصام : عرفتي اش غديري ..غدفعي الماستر غتقرايه ياك فهاد الوقت غتكبر شوية عشق وعلاش لا غتزيديني شي وليد اخر وديك ساعة نت غير حركي راسك وانا نخدمك فأقرب ليسي حدانا وما شي بعيد غير هذا لفدورة باش تكوني قريبة – فنينة ضحكت : عمري تخايلت غنخدم بباك صاحبي ههههههههههه هههههه ههههههههه – عصام : راجلك ..ولكن كي ݣتليك ماشي دابا – حركت راسها كضحك حطت الغدا تغداو مجموعين وكتحس بعينيه عليها معرف اش جاه عليها ..صهد وكسكسو ..حس براسو باغيها سلاااو وجمعت طابلة ولحقت عليه البيت كي دخلت شدها .مقنتها فالباب كيخشي يديه تحت الحوايج وكيبوس فيها بعنف : فنينة بزز باش كتهدر : اعصام بشوية مالك – عصام :ششش رخي راسك باغيك بالجهد – فنينة : وخليني غير ندوش بعدا – كيبوس فيها : ششش حتى نساليو وندوشو بجوج غا رصاي برك متبقاي تحركي بزاااف …هزي يديك ازوينة – هزت يديها حيد ليها الفوقاني….
ويديه كتهبط ليها الكولون – متكيها على الباب محاصرها ممخليها فين تحرك متحكم فيها بالجهد …………………..- الويكاند ديال هاذ السيمانة دوزوهم فمراكش دوزو معاهم يومين..خفيفة ..ضحكو ونشطو فيها شوية – حتى وصل الوقت باش يرجعو فحالهم كشر حمزة كيدوي مع كنزة : كلسي امي كملي معانا غير هاد السيمانة – فنينة : اسير نت حمقتي باغي تخليني بوحدي سير لهبلتي شوف شنو دير لراسك مالها مك غا بوحدك – كنزة : غا خليني اولدي توحشت داري منݣدش نبقى اصلا تبدل عليا الفراش – عصام : تشد الكونجي واجي نت … فنينة نوضي جمعي حوايجكم غنتحركو دابا شوية ..****تبادلو السلام…سلمات فنينة على حليمة بقلب خالص تمنات ليها الشيفة ..عاد توادعو وخرجو ..شادين طريق القنيطرة راكبة فنينة وبنتها لور ..مخلية كنزة تكلس قدام حيت كدوخ وصلو حتى طاح الظلام دخلت كنزة لبيتها ترتاح فحين حتى هوما دخلو لبيتهم يلاه بدات تحيد حوايجها حتى حست بيه لصق عليها من لور : واااا عصام خليني نبدل حوايجي – عصام : ما بغيتكش تبدليهم بغيتك تحيديهم كاااع بغيتك بلاش بيهم – فنينة: هههههه تا غا ݣولي اش ولا يطرا ليك – كيبوسها جهة عنقها : يومين لمقستكش …انا توحشت نت متوحشتيش نقيصك -فنينة دارت لعندو مدورة يديها عليه باستو من فمو عضاه : اش بان ليك – عصام : بالي شادك الحال كثر مني – ……&&&&&&…هابطة كتجري فدروج من بعد ما ݣاليها لبسي عليك وهبطي عندي ..غير فتحت الباب لقاتو واقف متكي على لوطو غير هاذ المرة كانت مبدلة ماشي هيا نفسها ديالو : اشااااوااا بدلتي طوموبيل – عصام رمى ليها كونطاك شداتو : طلعي سوكي بيا جربيها – شادة كونطاك : ايه الله ياودي رونج كلها ومنصوݣهاش ههههه – طلعت كتقيس فيها : احح اربي – طلع : برك من توحويح وديماري – فنينة ديمرات شادة الطريق : غزالة بصحتك – عصام : انا معندي والو ديالك هاذي – خرجت عينيها فيه – عصام قرب ليها لودينها : كل عام ونت معايا كل عام ونت عزيزة عليا ازينة – حلت فمها :: الله ياربي – عصام : خليك عينيك مع طريق ونت مخرجاهم فيااا – فنينة: اليوم عيد ميلادي نسيت ههههههههههه هههههههههه مالقيتي ما تجيب فهاذ الكادو الرونج نيشان ماشي بزاف اعصام هيا كتهدر وهو كيشوف فيها ديك شوفة لولفتها قبل ميجرها – فنينة: الا اعصام كنعرفك ملي كدير فيا دوك شوفات دير عقلك را حنا فطريق حتى لدار ماشي وقتو – عصام بدا يقرب ليها حتى وصل لعنقها باسها : حبسي فالجنب -فنينة : الا عصام واش حمقتي واش فطنوبيل -…..
حط يدو على يديها دوز لوطو جنب حبسها ..وهزها جابها كالسة فوق منو هبط ليها الحجاب على شعرها خشا فيه يدو : نبوسك ؟ – فنينة: هههههههههه بوس مراتك شوية
– عصام : بزاف ولا شوية – فنينة: بغيت بزااف
– عصام : حتى انا غنبغي بزاااف – فنينة كتقيس فوجهو : كنبغيك بزاف فراسك – عصام دور بلا كيضحك – فنينة: عزيز عليا فراسك – حرك راسو بأه مبسم – فنينة: وانا ؟ – عصام : معرفتش – هزت حاجبها : كيفاش معرفتيش – عصام : انا فت مرحلة ديال عزيزة عليا ..- فنينة: لاش وصلتي – جر ليها فمها تنفس مزيان وزفر نفسو سخونة فيها : وليتي بحال هاكا – فنينة: ههههههه مشات لودنو باستها – حتى زير عليها فكرشها : علاش تقلبي لدينمك – فنينة: اححح رصا متزير عليا تم غتضرك ولدك – شاف فيها بعدم الفم بمعنى كيفاش – فنينة تبسمت حاطة يديها فوق يدو على كرشها – عصام : درتها ؟ – فنينة : هههه درتيها – عصام وجهو حماااار تلف ضاخت بيه الارض : واش حملتك فوقاش عرفتي – فنينة: غير شوية قبل متصوني لي نهبط عندك – رجع راسو لور هاذئ شوية تبسم شوية بدا كيضحك : ههه غتوحمي عليا دابا وغنشوف كرشك وغتولدي وغنكون واقف عليك وانا اول واحد غيشدو وانا لغادي ناذن ليه – فنينة: هههههه اه اه غا صبر الوحم جاييني غنكرهك فعيشتك هههههههههه اولد كنزة – عصام : غير تفششي ابنتي عليا كما بغيتي ولد كنزة ليك ازينة – فنينة كتبوسوو: كنموت انا على هاذ عصام – عصام : الى نعست معاك دابا منقدرش نزيدو شي حاجة خرا حدا ولدنا باش يوليو عدنا جوج – فنينة خشات يديها فشعرو : هانت بديتي تحماق – عصام كيبوس فيها : حمق وكتموتي فالدم ديالي – جات غتهدر سكتها – ششش سكتي دابا من الهدرة وخلينا نقيسو بعضياتنا شوية ..الغالي ديالك موحش فالعزيزة عندو .
النهاية
شاركنا رأيك في هذه القصة 🌹