كسرة جناح

تقديم بقلم ✍️ Qisatok
كاين جروح كيبان أثرها فالجسد، وكاين جروح ما كايقدر يشوفها حد… من غير مولاها اللي عارف شحال كتوجع وتضر. ومرات الإنسان كيتعلم يعيش بجناح مكسور، حتى كيولي مقتانع أن الطيران صافي سالا بالنسبة ليه.

ولكن الحياة عندها طرق غريبة باش تجمع بين ناس كل واحد فيهم داخل بمعراكتو، وتفتح وسط الماضي والأسرار والخوف باب لحكاية ما كانتش فالحسبان.

وقصة اليوم «كسرة جناح» بقلم سكينة أهناني، حكاية فيها الثقة ما كتتعطاش بسهولة، والحب ما كيجيش ديماً فالوقت المناسب، وكل خطوة ممكن تداوي جرح… أو تزيد تكسر شي حاجة أخرى.

فواش الجناح اللي تهرس يقدر يترمم ويرجع يطير؟ ولا كاين كسور كيبقى أثرها فينا مهما داز الوقت؟

القصة بعنوان: كسرة جناح
بقلم: سكينة أهناني
قراءة ممتعة على Qisatok 🌹

بقلم الكاتبة ✍️👇
بعد مسار طويل من القصص (عبق الوجد ، أحييني بشوقك ، مقدر ومكتوب، تاج راسي ، سيد الليل، أبو عائشة………وغيرها)
قصتنا لليوم ، بغيت نبداها بتحية خالصة من أعماق القلب، لجميع انواع الجروح ، الظاهرة منها ..والمخفية ، الجروح اللي باش تشوفها خاص تفتح عينيك قبالت مرايتك ، تقيسها باش تزيد من الالم وبيها تحس، وجروح .. الى بغيتي تشوفها.. يكفي تكون عيونك مغلقة ، قلبك معصور وعقلك غايب وحاضر فنفس الوقت، جروح مع تتقيسها تتخرج حروف تعبيرا على الالم، وجروح.. تعبيرها الوحيد هوما التنهيدات ، ولو ماتكونش باغي عليهم تتكلم، بعفوية وبشكل فاضح تايخرجو ولو فأجمل لحظاتك المفرحة-"نسبيا"
تحية للجروح ، الظاهرة منها والباطنة ، الجروح اللي مرات تتكون على شكل جرح مدمي ، او جرح روحي، مرات تتكون على شكل كسرة يد ، كسرة رجل، او ،،، كسرة جناح …
قصة بعنوان: كسرة جناح
الكاتبة: سكينة أهناني
مبدعة الكوڤر: Safiya nagat (asnagat)