بندير خميسة

تقديم بقلم ✍️ Qisatok
آ سيدي أجي تسمع… راه حجايات زمان ما كانوش كيتعاودو كاملين، وشي أسرار كانو لولين كيدفنوها حتى مع الكلام. 👀🔥

فزمان كان فيه السر أمانة، والفضول كيجيب المحاين، والكلمة إلا خرجات من الفم ما بقاتش عند مولاتها…

كان واحد البندير.

شكله بحال أي بندير، يتهز فالفراح ويتضرب عليه مع الغنا والشطيح… ولكن هادا بالذات، وراه حكاية ما خاصهاش توصل لأي ودن. 😶‍🌫️

حيت بعض الأسرار إلا بقينا ساكتين عليها كتنعس…
ولكن غير كيتحل عليها باب الفضول، كتفيق معاها حجاية كان الأحسن تبقى مدفونة مع زمانها. 👀🔥

واش كل خرافة قالوها لولين غير كلام باش يخوفو بها الصغار؟
ولا بعض الحجايات وراها حقيقة ما كيعرفها غير اللي جرّبها؟

بندير خميسة… قصة قصيرة تراثية بالدارجة المغربية، فيها حجايات زمان، الغموض، الفانتازيا، الأسرار والمواقف اللي مرة غادي تضحككم ومرة تخليكم تقولوا: كان عليكم تخليو البندير فبلاصتو وتسكتو! 😂🔥

القصة بقلم سناء الصنهاجي
قراءة ممتعة مع Qisatok ♥️📖

بقلم الكاتبة ✍️👇
▪️قــالو نــاس الــزمــــــان▪️
- ماتخالط ما تقول انا الغالط .
ماتعاشر النحل ما تشكي من لسعاتو .
أحكي سرك للغريب ، حتى وإذا محافظش عليه ، ينشرو بعيد على دوارك .
ولا تحكي سرك للقريب ، كي ينشرو يجيبلك العيب لباب دارك .
- زين النساء في السترة .
والراجل يتقاس بالهدرة .
ومتحكمش على الناس بالنظرة .
تحب تشرب الماء صافي شوف مجراه .
ولا حبيت تحكم لغزال تبع خطاه .
وعمرك لا تقول كلام وما تعرف معناه .
لازمك كلام موزون وزيد ثبت معاه .
- لاعينك تصحب أصحب الراجل لفحل ،كي البارود ديما يخلي الدم يسيل معاه .
- خيار لكسيبة للخيل وتكون قادر على عشاهم ، وخيار لحباب الرجال وتكون تعرف معناهم ، وخيار أهواية البارود والصيادة حذاهم .
- وقالو سيادنا اللوالة :
لي تربات على القناعة عمرها تولي طماعة .
ولي كابرة فالخير تشم يديها تشبع .
ولي تربات فجوع بمال دنيا ماتقنع .
اسيدي اجي تشوف وتسمع .
حال الدنيا عاد يخلع .
بنادم طماع مابقا يشبع .
زمان حسب حسابو وجمع .
مابقا معقول مابقاو حباب .
لي هبط هبط ولي طلع طلع .
وطريق الله ولات تعاب .
وبنادم كاع ما يقنع .
أو سبحانك يا مبدل الأحوال .
يالي تبدل من حال لحال .
او تجود على عبادك بالمال لحلال .
- حاجيتك ماجيتك ، على الخا بنت الحا ديما ناشطة ومبسمة ، العيون كحلة والشامة ، والخدود وردة وكملتها بالحشمة والرزانة ، الزين والعقل زادوها وسامة ، كيف الݣمرة إلى طلات فالمراح ضوات ، وشعرها ليل سرّْح سوالفو على كتف الصباح ، هازة بنديرها وتشالي كيف البراح ، من خيمة لخيمة صوتها بهي صداح ، تلقاها حاضرة وناضرة فݣاع الفراح ، بنديرها بندير غريب وعجيب ، وراه مخبي سر كبير و مفتاح سرو مدفون مخبي ، مازال متعرف ليه طريق .
- أسيدي اجي تشوف وتسمع ، حل ودنيك وتمتع ، مع قصة خميسة بنت حمان مولات البندير مغاتشبع .
🍃إهداء🍃
- إهداء إلى كل مغربية تعشق التراث الشعبي المغربي ، وتُبحر في عالم الكلمة الموزونة ، قصتي هي هدية الى كل من إشتاق إلى أيام الزمن القديم ، أتمنى أن تنال مخطوطتي إعجابكم .

الموسم الثاني: بندير خميسة الموسم الأول : غربال حورية