كريمة: (واقفة حدا لباب وداير يدها على خصرها واليد التانية شادة سوارت باش متخرجش ديك لمرا.. كطلع وتهبط فيها ها الحواجب مقادين رقاق والبشرة ببضة باينة مهلية فيها لا كلف لا حبوب لا تقاابي شنايف واخا ممعكرينش مطراسيين وحتى لطاي منين دخلت كتسول فلكوزينة على فتيحة عبراتها ليهونش وصدر واقف) من لوكاش تجوجك مصطفى؟
ليلى: (هزت حاجبها) من شحال هادي
كريمة: شحال ݣاع؟
ليلى: وعلاش باغا تعرفي ياكما حتى نتي مجوجك؟
كريمة: انا راه خت هاديك للي جاية داحسي معاها
ليلى: بزعطة منين تجي هي غتعرفي (هزت شنافتها) ااااا اخت ضرتي لعزيزة
كريمة: (عوجت راسها وفمها وفنفسها هادي باااينة مسهلاش) الله يكون معاك اختي وصاافي.. عندك شي ولاد معاه
ليلى: (هزت من صاكها تيليفون وبقات كتبقشش فيه شافت فيها كريمة بانولها ظفار طوال ومقادين بقات غير كضور فراسها وتخسر سيفتها… أما فتيحة منين شافت أمال مكرهتش نمشي دفنها حدا مصطفى دازت من حدا الناس للي عاد جاي يعزي استقبلت العزايا ككنات مبانش فيها حتى شي ردة فعل.. دازت حداها مريم)
فتيحة: مريم بنتي اجي!!
مريم: (كانت كتسناها معصبة ولا تسخف تغوت.. مشات حداها كتجري) نعام اخالتي؟؟
فتيحة: فينو راجلك؟
مريم: منين كنا فلقبور ݣالي غنبقى شوية من تماك مشفتو
فتيحة: اممم انا تيليفوني راه مجلي عيطيلو دابا ݣولو مك بغاتك
مريم: واخا خالتي (بعدت من حداها وهزت تيليفونها بغات تصوني ساعة ملقاتش الصولد عندها حيت كان شرالها تيليفون جديد لهيهه بنمرة ديال بلجيكا مشات تقلب على أمال تفكراتها هربت من مها وطلعات لدار عمها قلبت على هند مكيناش فلبيت مع الحاجة تزدحات مع شيماء فلكولوار) هاء سمحيلي
شيماء: معلييش كتقلبي على راجلك؟
مريم: لا كنت نݣلب على هند ولا امال ملݣيتهمش
شيماء: بغيتي شي حاجة؟؟
مريم: غير خالتي فتيحة بغات محمد يجي وانا مزال مدرت النمرة دالمغرب فتيليفوني
شيماء: اممم انا نصوني عليه
مريم: لا لا بلاش انا نمشي عند ماما
شيماء: تو تو عادي
مريم: واخا انا نعطيك النمرة
شيماء: (تبسمت بلا متشوف فيها) عندي
مريم: (ندمت علاش ݣاع قالتها لها ولكن فكرات بعقلها وخافت تنوض شي روينة وشي شوهة خرا وخاص محمد يحضر بقات كتسنى شيماء تهضر وهي واقفة دائرة نصف ابتسامة شريرة فوجهها حيدات التيليفون من ودنها)
شيماء: مكيجاوبش
مريم: انا عرفتو مغيبغيش يجااوب صافي اختي بلا منعذبك نمشي نشوف ماما
شيماء: كفاش كفاش علاش مغيجاوبش
مريم: هم ميجاوبش على نمرة ميعرفهاش
شيماء: ونتي عارفة شنو نوامر لي عندو
مريم: لا صراحة ولكن نمرة وحدة مجوجة شنو غدير فتيليفونو
شيماء: (هزت حاجبها) انا ممزوجاش امريم مالكي تالفة ومحمد الا كانت عندو نمرتي راه ولد عمي ولا نسيتي
مريم: يمكن اختي.. (خلاتها واقفة ومشات كدق على مها للي مبغاتش تفتح ليها حتى لقات ختها وهي تصيفطلو ميساج فيه انا مريم جاوبني عاد صوناات عليه وجاوب دغيا)
محمد: مالكي امريم!؟
مريم: بغاتك خالتي فتيحة تجي
محمد: ممساليش امريم راه واقف على رجال هنا
مريم: (بعدات من حدا ختها ودارت يدها على فمها بحال كتخبع صوتها) محمد راه خاصك تجي درك
محمد: سمو واقع امريم؟
مريم: ميصلاحش نهضر اجي وشوف
محمد: صافي انا لتحت طالع ݣولها تجي لبيتي (قطع وشاف فزهير) انا جاي (وقف خرج من القاعة فين كيوجدوها الليل حيت اليوم لعشا وطلع للدار مع دخل لقى شيماء وقفاات هو داز فيها ودخل نيشان لبيتو فين لقا مو ومريم دخل سد لباب وشاف فيهم باستغراب)
محمد: سمو واقع عاود؟؟؟؟
نعيمة: (دخلو للبيتها هي وهند ووليد) بنتي هند وربي شاهد علية من نهار شفتك کلت هادي بنت الناس وتمنيتك لواحد من ولادي (هند تبسمت) حتى جا وليد وݣالي راه هي لبنت للي باغي (هند شافت فيه وهو زعما كيشوف بتعالي) راه هو وباه سلعة وحدة يبغييو لوحدة ولكن ماشي ديما تسمعيها
وليد: دخلي امي فالموضووع
نعيمة: ههه واخا كشتي ابنتي الوقت ماشي ديال الخطبة والعرس لوسي مزال مشويين فيه
هند: اه بالصح حتى ويبغي وليد انا منبغيش
وليد: يااك!!
نعيمة: عارفاك ابنتي مصواابا
وليد: ورااه فاسية تبيعك حوايجك ونتا ظااحك
نعيمة: وليييد
هند: غير خليه اخالتي ولفتو
نعيمة: الله يخليكم لبعضياتكم ابنتي ويتبت غرسكم خلي تفوت 40 ونجيو عندكم
هند: وحتى مي لالة تكون جات من الحج
نعيمة: الله يديها ويجيبها على خير ابنتي
وليد: ولكن خاص
نعيمة: اولدي راه نيتك زوينة مع لبنت راه ميمكنش عمك عاد مات ومزال حتى مخطبناها ونتا تنوض دير الكاغيط
هند: (شافت فيه مصدومة) الكاغيط
وليد: وسمو خاص نكون مرتاح راه كنبقاو بجوج كنخرجو شحال من حاجة (مو حشمت وهو نسا راسو)
هند: اه ولكن مهضرناش فهادشي أوليد وزايدون الوقت ماشي ديال لاكط
وليد: واخا نهضرو فيه داابا
نعيمة: حم ولدي راه عمك للي مات ولعزايا للي لتحت وعاد خاصك تعاون مع ولاد عمك راه شفتي عمامك لفوق ميهزو ما يحطو
وليد: واخا هضري بعدا مع حناها غدا… (زفر) بفف انا راه خاصني يكون داكشي رسمي باش نرتاح فمخي (خرج مخليهم غير كيشوفو)
هند: خالتي راه انا ووليد مممم معمرنا مدرنا شي حاجة ماشي هي هاديك
نعيمة: ههه عارفة ولدي غير كيزروط وعارفة تربيتو وتربيتك ابنتي ياااا ريت وكان شيماء بحالك فعقلك ولكن الله يهديها
هند: (مبغاتش تعمق معاها فالهضرة) امين
نعيمة: انا نهضر مع حناك غدا ووماماك؟؟
هند: ماما من بعد
نعيمة: (مزادتش هضرت فقط تبسمت فرحانة بهند لوليد حتى عنقااتها وهند عاجبها الحال) بنتي زوينة
هند: (تبسمت) انا نوض نشوف واحد امال راها غابرة
نعيمة: (بتنهيدة) الله يهدي ديك فتيحة وخلاص عصبااتني لبارح بزاف
هند: وي بزااف وأمال سعداتها بداك الخاطر
فتيحة: نيت عندها الخاطر أما وكان انا وكااااان راه طجيبت شحال هادي
هند: وااا منكذبش عليك اخالتي نعيمة انا وماما مزياانين ماشي خايبين کاع ولكن شي حوايج متنتفاهموش فيهم داكشي باش متنتناقشووش بزااف انا سكنت فوجدة شي 5 سنين عماين قريت فيهم لكونطا و3سنين لكيني وهي عايشة مع راجلها اصلا ديجا عاودت ليك كفاش عايشين
نعيمة: واه ابنتي ولكن تبارك الله عليك منين شديتي فلقراية
هند: لا لا عمري حبست حتى فاش كنت فاس كنت فلفاك كنقرا وفنفس الوقت كنتعلم اللغات
نعيمة: (تبارك الله عليك) حتى انا كنت نقرا فلفاك الشريعة قريت غير عمااين وخديت دوݣ وبا جوجني لاحمد كان اصلا غيخرجني وشفت نيت فاحمد راجل معقول تبعني مرة وجوج وتلاتة ݣلت مكابنش لاش نبقى مع مرت با نصدق قاتلاها تجوجت احمد واخا صعييب ولكن معايا (تبسمت) راه ݣالوها ابنتي لحلاحة غلبات سحاارة اوا ولدت وليد وشحال فرحنا بيه كان تزاد هو ومحمد بيناتهم سيمانة حيت انا وفتيحة تجوجنا فنهار واحد
هند: مكانش فخباري
نعيمة: غير مجلسناش ولكن دابا صافي وليتي بنتي ولقيت الكنة للي نجلس نخبر عليها اصلا قهرت سناء مسكينة شدي النوبة دابا هههه..
محمد: (مكيشوفش فيها) هضري اميي راه الناس لتحت كيتسناو
فتيحة: شوف فية امحمد ولا تݣلبتي؟؟
محمد: واش معيطااي على دشي
فتيحة: مريم سيري ابنتي ݣابلي الناس
محمد: اش غتݣاابل وا هضري خلاص
فتيحة: اوا منين باغي تعرف لاش انا معصبة واخا مكلفت راسك مرت بااك راها جاية لابسة لبيض يا ربي تلبسو على عمرها
محمد: (باستغراب) سمو؟؟
فتيحة: (بعصبية) بااااك صدق مجوج علية
محمد: (بقا سااكت مدة وهي كتنݣر كتنݣر مفقووسة حتى نفختتلو راسو وهو ياله كيحاول يستاااعب شنو ݣالتلو) جات وحدها؟
فتيحة: واه.. راني سديت عليها لباب شوهني بااك هاد نهار (بقات تبكي) منسمحلكش امصطفى منسمحلكش فه…
محمد: وااااامي ماشي وقتها دالهضرة
فتيحة: وقتهااااا (كتغوت) بحالا مسمعتنينيش راه تجووووووووووج (كتخبط فراسها) خلاااالي جووج مصيبااات وزاااااد
مريم: (تحطات فموقف خاايب بغات غير تهرب مكنقدرش لصداااع)
محمد: سمعت (بعصبية) سمعت تجوج وهو دابا مات داابا لاش حنا نزيدو نحرݣووه حدك دعييلو بالرحمة وهو مدارش الحرام تجوج بحالو بحال اي راجل ميسر وعندو باش
فتيحة: (طرطقت عينها كانت كتسنى منو يمشي يضرب ديك لمرا ولا يلوحها من سرجم وحتى مريم كتستوعب شنو كيݣول)
محمد: مريم سيري الله يحفظك جيبيلي نشرب (خرجت وخلاتو واقف فحيرة داير يدو على خصرو شاف فمو للي بحالا مصدومة فيه) مالكي تشوفي فية هاك
فتيحة: (ببحة) تبدلتي اولدي محمد
محمد: وانا سموووو ندير واش ننمشي نقتلها صافي وقع للي وقع خاص نتقبلووه راه ݣلت مدارش لحرام
فتيحة: دار لحرام وفااتو ماشي حرام انا نفني حياتي وهو يمشي يضربها بتجويجة ماشي حرام يعاقبني على عمري وشبابي للي فنييتو عليه وهادشي غير حيت مصخوطة ولدتها وبسبابها مبقيتش نولد هادشي كامل حيت ولدتلو بنت و..
محمد: شو نسااي هاد الهضرة امال متعاوديش دخليها فداكشي دياالك الا نتي ممعتابراهاش بنتك انا راه معتابرها ختي وبنتي من هاد نهار انا المسؤول عليها حتى نمووت ݣلبي على ساحتها امّي (دخلت مريم هازة بلاطو فيه كاس دلما مداتو ليه هزو نزل عليه مخلي فتيحة غير مطرطقة عينها وقفات باغا تخرج وهو يشدها من ذراعها وتنترات وهو لاح داك الكاس بعصبية)
فتيحة: منين هاكا اولدي ديرني حتى يانا مت ومنين الام تبغي ولدها يوقف معاها ومتلݣاهش غير بلاش مني معاكم (جات تخرج ورجع شد فيها) طلݣ امحمد (طرطقت تبكي) طلݣني نخرج من هاد الدار كنت دايرة فيك بّا وولدي وخويا ودابا عاطيني بظهر
محمد: (زفر) واش بغيتي لوح ختي؟؟
فتيحة: (غير كتبكي وبكاها كيزيد يأزمو)
محمد: (عنقها وهو حاس براسو ماشي حتى لهيييه) أمال امي راه منفرطش فيها تمشي تجلس عند الناس وعائلتها كاينة دابا خلينا فهاد لمرا للي جات فينها دابا وشنو ݣالت ليك؟
فتيحة: (سكتت من لبكا) راها فبيتي حيت الا خرجت ݣدام الناس نقتل والديها لكلب
محمد: جات وحدها؟
فتيحة: معرفت ليها سير سولها نتا انا منشدش راسي ݣدامها. ݣولها متحلمش دخل فالورث ولا دخل شي جحموم معاها داك الورثى حقك نتا وخوك علي
محمد: وأمال مهم (زفر) واخا.. مريم سيري شوفي أمال فدار عمي وݣولها تهبط
فتيحة: تهبط نذبحها
محمد: (بعصبية) راه الا مجاتش انا للي غنخوي هاد الدار وخليهالك (خرج وتبعاتو فتيحة كتنݣر نيشان لبيتها دقو) حلي اخالتي (حلات كريمة ودخلو.. محمد غير دخل شافها عرفها حيت عندها حانوت كبير كان ديال راجلها للي مات منين كانو صغار وبقات هي شاداه ودايرة جوج خدامة وهي مقابلة غير لحساب وكتجي مرة مرة تقدا السلعة من عندهم سمعها تجوجت من عند الخدامة للي عندهم ولكن مݣالوش باه هو للي تجوجها.. هزت راسها فيه ووقفت)
ليلى: البركة فرااسك اولدي
محمد: (ببرود) ممشا معاك باس
فتيحة: (بعصبية) لا ولدي عنݣها وݣولها مرحبا بيك امي التانية
ليلى: لالة انا مجيتش ندابز انا جيت ناخد عزو راجلي بكل هدووء (حلت صاكها وجبدت ورقة ومداتها لمحمد للي بقا كيقراها كان عقد الزواج نيشان مشا لتاريخ عقد القران كان عمرو 10 سنوات جمع الورقة وشاف فيها)
محمد: عندك شي ولاد؟
ليلى: واه جوج بنيتات تويمات كيقراو فالرابع خليتهم عند مي وووو.. مهم وجيت بوحدي
فتيحة: وباش نعرفوه بناتو؟؟
محمد: مي!!!!!
ياله البنات تجمعو بغيت نحط ليكم الأجزاء باش نتفرغ للعائلة…
زهير: (بقا جالس مع خوه كيهضرو حتى نطق) اخويا شنو بانلك فجواج أنوار
لكبير: اش نݣولك اخويا حتى حد مبغا فديك الدار هاد جواج وانا مكنشوف فيه حتى شي عيب ولا لا
زهير: (هز حاجبو وهو حادر عينيه) معرفتش
لكبير: انا عارف أنوار ماشي مسؤول
زهير: (زرب عليه) اوا بلا متجوجو نهار يجي يݣولك نبغي نتجوج وسير معاه
لكبير: ولكن هو باغي لبنت
زهير: اخويا راك نتا للي بركتي عليه حتى نطق ببنت صاحبي للي مكيعرفهاش ونتا شتي الناس درااوش وفكرة طلاق معندهمش ونتا عارف أنوار صعيب فلكراكتير ديالو وهوما اجيهم حتى لهاد النقطة ومكيتفاهمووش
لكبير: نتا سبقتي طلاق على لعرس
زهير: مسبقت والو انا كما خايف على بنت الناس خايف عليه حيت مكنشوفوش ديال جواج
لكبير: علاه سمو شت فيه انا بني تبدل
زهير: متبدل والو وانا ولد الوقت بحالو وعارف.. (سكت موصل لخوه فكرة الشك)
لكبير: (سكت مدة) دابا نعاود نسولو حتى يانا مباغيش نتحاشم مع هاد الناس.. اوا ونتا؟
زهير: انا خويا كنتسنى تسالي 40 يوم وغنخطب بنتهم
لكبير: (باستغراب) بنت المرحوم؟؟
زهير: واه
لكبير: (هو عارف عليها مزنزنة شوية كقالت مها داك نهار فاش شافوها فلخطبة وأكداتها شيماء) علاه تداوات؟؟
زهير: (باستغراب) علاه كانت مريضة
لكبير: هادشي للي کالت مها ݣالت كانت طاحت على راسها ومن تماك كتشدها شي حالة وداك نهار فين جينا
نخطبو لأنوار بانت لينا فشكل
زهير: (ظحك بفقسة) ههه ديك مها عندها شي ظحك بااسل…بحالها..
لكبير: نتاع بالصح؟؟
زهير: لبنت صحة سلام وزين ما تختار من لبنات
لكبير: ههه ياو ݣاع!!! هاد مها خاصها عقل كاين للي يݣول على بنتو هاك
زهير: اوا هانتا ݣلتيها مهم هاد الهضرة خليها هنا حيت با..
لكبير: ايه ايه اخويا باش ربي يسهليك
زهير: ههه السترة زيينة اخويا…
~~~~~~~~~~~~~~~~~
ليلى: غندير مسمعت والو حيت عارفاك غتكوني مصدومة
محمد: منين عارفاها غتكون مصدومة علاش جيتي دابا فهاد الوقت
ليلى: ناخد عزو راجلي راني بحالي بحالها او لا
محمد: لا ماشي بحال بحال هي مجوجها بلعلالي ونتي بالسترة يعني باش يخليك بعيدة على العائلة وهادشي كان ممكن ناقشوه من بعد ماشي نهار لعشا دياالو
ليلى: (بقات كدور عينها حيت اكتر واحد كانت خايفة منو هو محمد ولكن بانلها مزال مهدن عكس للي كان كيعاود عليه راجلها)
محمد: (كمل كلامو) عزاك غتاخديه فدارك مع عائلتك ياك عارفينك مجوجة
ليلى: وولادو علاش ميتجمعوش معاكم؟؟
فتيحة: (محملاتهاش ومنين دخلت وهي تسكاني فيها) ياك معندكش لولاد عندك (قالتها بقرف) غير لبنات
محمد: هادوك مرحبا بيهم فدار باهم
فتيحة: والله ويدخلو حتى نحرݣهم
ليلى: علاش شنو دارو ليك هووما؟؟
فتيحة: منين عارفة الراجل مجوج لاش ماشية دوري بيه وتلواي عليه بحال اللفعة غير باش تحلبيييه
ليلى: اولا انا برزقي تانيا هو للي طلب ورغب باش ن
محمد: اهنيينا الآلة من هادشي وعرفي شنو كتخرجي من فمك لداابا مزال محتارمك حيت نتي مرت با أما باش تبقاي تفرعني ݣدام مي خلي هادشي لهيه عندك فدارك هنا غتجي باحترامك وتمشي باحتراامك ولعزو حنا خدينا ووفينا والا بغيتي شي حد يعزيك غيعزيك فداارك فين كنتي متعاشرة مع رااجلك ماشي تجي لدار عمرك وطتيها فحياتو باش توطايها وهو ميت والا عندك شي حق هنا غتاخدييييه
ليلى: (بلعت ريقها) اوا بناتي؟
محمد: بناتك غيجيو لدار باهم حيت هازين كنية الغازي ومن هاد نهار انا مسؤول عليهم واليوم فالليل مي دايرة عشا على قبل المرحوم باش يترحمو عليه الناس ماشي باش يجمعو بيكم والسلام علييكم.. فتحيلها لباب اخالتي تمشي عند بناتها
ليلى: اممم وحقي؟؟
محمد: حقك للي عندنا غتاخديه ودابا الله يهنيك (مشا حدا مو للي لوخرا دازت من حداها وبغات طير عليها) امي (هاديك مشات وبقات مو كتندب)
فتيحة: واش انا حايباك باش طردها ونتا تݣولها حق بناتك
محمد: واش بغيتيني ندير راه يبقاو خوتاتي وصغاار امي
كريمة: هاء (خنزر فيها محمد وهي تخرج)
محمد: (شاد الخاطر) سمعي هي مغتجيش تسكن معاك انا هضرت على لبنات
فتيحة: (بعصبية) ااااا والله وتجي حتى نحرݣها هي وبناتها وهاد حق الله نحايد والديييه كما عذبتيني يااااا مصطفى فحياتي ربي جابلك غير لبنات تعذب بيهم انا بغيتك تع (خرج محمد معصب ماباغيش يسمع دعاوي على باه للي كان عندو عزيز واخا ت عصب منين عرفو مجوج على مو ولكن ماشي بطريقة يدعي عليه… هبط نيشان لتحت كان الحال بدا يظلام ومشا يكمل شغلو مع الناس ويشوف شنو نااقص.. زهير كان مجمع مع وليد على الخدمة ومرة مرة وليد كيهبط يسلم على الناس للي بداو كيتجمعو حتى جاه ميساج)
هند: أمال غابرة منين جينا من لقبور
وليد: (صونا على هند) مكايناش فدارنا؟؟
هند: لا قلبت عليها فدارهم فسطح فداركم حتى فبيت مها قلبتو واالو مكيناش وتيليفونها بقا عندي
وليد: واش شفتيها خرجت
هند: مريم للي شافتها خرجت كتجري منين شافت مها
وليد: امم واخا (قطع ودخل عند زهير) هند عيطاتلي وݣ..
زهير: هاي هاي على الناس حقا كفاش بلانك الخطبة جايبها مع ديالي
وليد: وسمع أمل راه مكيناش فالدار من الظهر مبااانت
زهير: (تقاد فبلاصتو وغوبش) كفاش من ظهر علاه فين كااينة (بغا يخرج)
وليد: وااا سمع هند ݣلبت عليها الدار كاملة مكينااش
زهير: كفاااش مكيناااش شتا رااك ترݣع (خرج من تمااك ووليد لحقو قبل ميمشي يعرعر تمااك) طلݣ اصاحبي نشوفو الطفلة
وليد: نمشيو نݣابو عليها هنا
زهير: واش هي ݣد هاااك غتبانا هنا وفين تكون زاادت يااا ربي على هادي تجي عندي ياااانا واش فݣعها شي حد ولا سمووو؟؟؟
وليد: مكااين واالو هند وكان كانت شي حاجة غتݣولها
زهير: ارا دوك سوارت
وليد: صبر نمشي معاك
زهير: جلس نتا هنا الا بانت عيطلي (شد سواارت من عندو وركب كينݣر وزااد اول بلاصة مشالها هي لقبوور فداك الليل دخل كيقلب بلبيل ديال تيليفوونو) نخاف نعيط ونسمع شي حاجة تخريني (بقا كيقلب ومشاوحتى لقبر باها والو مكيناش مشا كيقلب فصبيطار لكبير واالو قلب على كوميسارية مشا كيسول تماك وااالو مكيناش كيزييد غير يخااف عليها سول واحد لبوليسي) المحطة دلكيران قريبة من هنا اشريف؟؟؟
…: واه اولدي سيرر على ليمن نيشان ودور على ليسر غتخرج فيها
زهير: الله يرحم الوالدين (زاد ركب فين نعتلو حط الطموبيل ودخل كيقلب فوجوه النااس على امال واالو مكينااش رجع عاود قلب عليها قنت قنت مكيناش لبنت خرج من تماك وتزاد معاه الزااايد وفباالو واش صافي مغنعاودش نشوفها صونا على وليد) امدرا؟؟؟
وليد: واالو عاودت قلبت الدار انا وهند وحتى العائلة كولشي هنا قلبنا حتى هنا فالحي
زهير: (بعصبية) دابا عرفلي غير شكون هضرها
وليد: امهضرها حد اصاحبي مريم مرت خوها ݣالت شافت مها وخافت وخرجت من تماك مباانت
زهير: متأكد مهضرتهاش؟؟
وليد: لا هادشي للي ݣالت مرت محمد
زهير: وهاد م (قشعها قاطعة طريق) قطع عليه وهو كيهضر (رد التيليفون لبلاصتو وقطع ممنتابهش للطموبيلات حتى كيكلاكصونيو عليه ممسوقش وصل عندها وجرها من ذرااعها ضارت كانت هي بقا كيشوف فيها وهو مغوووبش) فين كنتي
أمال: (كانت ميتة بلبرد وفيها الجوع ومعدتها ضرااها حنات راسها)
زهير: هضري لاش نتي هنا راه كنت نتسطى عليك الا ملݣيتكش
أمال: (وااالو مكتهضرش غير شافت فيه كترمش عينها)
زهير: ياااااو هضري
أمال: (دارت يدها فوق فمها) كنت باغا نمشي رجع لوجدة ومكانش عندي فلوس ب..
زهير: (حيد ليها يدها بالزربة قشع سنتها الأمامية مهرسة ودغبا سدت فمها) زيدي معايا بعدا من هنا (باستغراب) شكون هرس ليك سنتك
أمال: (تحرجات محملاتش راسها) طحت
زهير: ولاش طييحي ولاش خاارجة سمو وقع
أمال: (حانية راسها ودايرة يدها فوق فمها) عفااك مترجعنيش لديك الدار
زهير: غنديك لوجدة….
زهير: غنديك لوجدة اصلا غدا كولنا ماشيين وخاطري ممهنينيش تبقاي هنا وحدك
أمال: (بحزن) وااخا محمد ݣالي متمشيش ولكن واش هو ديما غيبقى حااضيني
زهير: الحاضي الله أمل (شاف فيها كيدقق الشوفة فيها وهي كتشوف قدامها) الحاضي الله
أمال: (بحزن) حتى لغدا ونمشييو
زهير: (بقا صايݣ حتى وقف فواحد الشاريع لي بدا يخوى سكت الطموبيل وضار عندها) سمو بغيتي ندروه ونديرو ݣوليلي فاش راكي تفكري باش نفهمك مليح
أمال: مبغيتش شي حد يبقى يهضر عليهم واخا انا غرجع لسيتي نكمل قرايتي ولكن مبغيت حد يبقى يهضر فيهم
زهير: (زفر وهو كيشوف فيها) خايفة على علي (حركت راسها بلا) خايفة على مك (شافت فييه) الا على محمد راه راجل مغتهموش هضرة لعيالات
أمال: (معرفتش تشرحلو)
زهير: أمل اجي نهضرو فالمفيييد (شافت فيه بحزن) ݣولي شمش (طرطقت عينها عاد شظت الظحكة وهو كيفرنس دارت يدها فوق فمها وكظحك) غير نوصلو لوجدة نديك تݣادي سنينة.. فوكاش عندك الامتحانات
أمال: مور عيد لكبير
زهير: وداكشي دلخياطة للي كديري؟
أمال: حتى لشهر 7 دابا غندخلو فالتطبيقي عطاتنا شي موديلات كنديروهم وانا صاوبت دتك نهار واحد وبديت فالتاني عرفتي داكشي زوييين (حيدت يدها من فمها وبقات كتهضر) مكرهتش نبقى نخيط ݣاع دوك لكساوي للي كيعجبوني وحتى هند عطاتني واحد لموديل نخيطو هههه هبيلة ديك لبنت
زهير: (عجباتو وهي كتهضر واخا لداخل منين كتبان سنتها مهرسة كيبغي يظحك وحيت عارفها مزال متطلقات معاه مزيان كيشد راسو ميشدش فيها) وتبقاي ترسمي وعاد خيطي
أمال: واه داكشي للي ݣالتلي ديك للي كتقرينا
زهير: وݣولها تعلمكم حتى حوايج رجال باش تبقاي تخيطيلي
أمال: (فرنست وجمعت فمها وشافت قدامها)
زهير: زيدي سمو اخر؟!!
أمال: (حركت كتفها زعما صافي)
زهير: نديك ترتاحي دابا فالدار وغدا غنديك معانا والوقت باقي فين نهضرو وݣولي شرووطك ݣاع الآلة
أمال: (شافت فيه ممتخيلاش غتجوج واحد بحال زهير كفاش واحد بحالو بغااها وعرف ݣاع العيووب وأنها منبووذة من دارهم ومشاكلها وبغاااها ووقف معاها وتعاملو معاها كولو كان رجولة فرجوولة وحتى هو بقا كيشوف فيها ديك الشوفة ديال العااشق الولهااان غير كيشوفها كيفرح بغاها بلا مقاابل هضرتها تحركاتها كولشي فيها عاجبووو صوابها اخلاقها دوك لحشمة الانييقة) حم نمشيو؟؟
أمال: (حركت رأسها باه)
زهير: اجي علاش خرجتي من الدار
أمال: (غيعرف غيعرف) اليوم صباح بانت واحد لمرا وݣالت هي مرت بابا
زهير: هكاااك ونتي اش مدخلك فهاد صوالح؟؟
أمال: معرفتييش (حرك راسو بلا) ماما غتݣولي نتي سباب وبسبابك باك تجوج علية وخفت منها بزاف صافي وانا نهرب ملݣيت راسي غير جيت للمحطة وبقيت ݣالسة فيها فاش دخل واحد لكار بغيت نݣطع الشاريع وهو يدخل فية واحد مول لبيكالا كان جاي يجري طحت على فمي
زهير: وهاد خينا مزال فالمحطة
أمال: (حركت رأسها بلا وهي عارفاه مزال تماك حيت كانو كيظحكو عليها) معرفت كنت باغا غير رجع لوجدة
زهير: نتي مزال معرفاني أمال داك نهار حلفت ليك ونتي يمكن معارفاش حلوف رجال سمو هو.. للي ضرااتك ابنت الناس روااحي عندي وشكي وكحزي اللور انا نفرجك فيه
أمال: (حركت رأسها باه)
زهير: متعاوديهاش مرة أخرى هاد لمرة خرجت فيه بيكالا المرة جاية متعرفي سمو غيخرج فيك خدمي عقلك الله يرضي عليك (ديمارا) شنو يعجبك تاكلي
أمال: لا لا ما فيااش
زهير: انا مغدي وفية الجوع (صاݣ) توحشت طياابك صرااحة فيه واحد اللذة زيييينة
أمال: (تبسمت وصلو لسناك هبط وبقات متبعاه عاجبها بزااااف رجع حداها جايب ليها شوارمة فطبسيل مع فريت وهو كلاه بلعيش عطاها فرشيطة وبقات كتاكل بشوية اصلا شنافتها مع السنة لي تهرسلت تفلحت ليها الجرحة فشنافتها التحتانية بقات كتاكل بشوية حيت من لبارح مكلات والو كمل ومسح فمو بموشوار وشاف فيها كتاكل بشوية خلاها على خاطرها) انا جاي (هبط كيكمي وهي بقات كتزرب وكتاكل حتى شافت راسها مخلية غير الخص ومطيشة للي تماك طل عليها ومد يدو باش تعطيه الطبسيل ومداتو ليه حيت كما غير كارو لقاها سالات مع الطبسيل حيت كان طلب ليها طبسيل ديال جوج دالناس تبسم وشاف فيه) جوووع قديم فييك ابنتي!!
أمال: (حشمت وهي كتبسم رد الطبسيل وداز لكيوسك عمر شي بلاستيكية مزيان وتم راجع حطها فوق رجليها وهي حشمااانة منو) وا..
زهير: حتى طلعي لفوݣ وكولي على خاطرك (زاد صايݣ كانت الدار قريبة وقف بالطموبيل فالدورة وسكت الطموبيل وشاف فيها) متعاوديش أمال تمشي لمحطاات مراكيش وحدك فهاد الدنيا باش تفكري طجي (حركت رأسها باه) ياله نطلعك افووݣ
أمال: نطلع بوحدي
زهير: متيقنة؟؟
أمال: واه وشكرا بزااااااف على كولشي ازهير
زهير: ياا مّااا وشحال حلوة عندك هاد زهير
أمال: هااء (خرجت وخرج كيظحك عليها كانت سابقاه غير وصلت لدروج دارهم زربت وحنات راسها طلعت كتجري وهو بقا متبعها حتى شافها طلعت دروج لوخرين يعني مدخلتش لدارهم جبد تيليفونو وصونا على وليد باش يعلم هند تمشي عند أمال…)
~~~~~~~~~~~~
لكبيير: (كان كيهضر مع احمد خوه للي كان مأزم لفقدان خوه) صبر ابن عمي
احمد: (بتنهيدة) ونعم بالله
لكبير: ولدي كان بغا يجي ولكن هو للي شاد الخدمة ومراعي لمحال عمو
احمد: (حرك راسو باه) مجيتكم كاافية اخويا الله يكتر خييركم
لكبير: (حس باحراج أكترية منين شاف احمد مأزم بزاااف كان عيا مع أنوار يجي ولكن هو تحجج ليه بالخدمة جا زهير وجلس حداااهم كيسمعو لقراان…)
نعيمة: (كتسربي لعيالات دخلت للكوزينة لقات بنتها عمرت كاس أتاي وهازة حلوة فيديها) جعتي ابنتي؟؟
شيماء: والله مواكلة نهار كامل
نعيمة: صبري ابنتي لعشا قرب يتحط سيري طلعي وجلسي مع بنت عمك وهند
شيماء: (قلبت عينيها) هاني جالسة مع بنات خلاتي هنا
نعيمة: حشومة ابنتي بنت عمك محتاجاك داابا ومنها تقادو علاقتكم
شيماء: اشمن علاقة انعووومي ههه صافي هي للي بغات تقلب الله يعاونها وهند راها معاها كتحامي عليها وكتمسح ليها دموعها ههه
نعيمة: (حركت راسها لا حولة) اجي نتي بعدا هضرت معاك لكاملة
شيماء: لا الله يجعل النوبة فيها
نعيمة: اويلي استغفر الله اش هاد لهضوور الحمارة
شيماء: اوا راه عمي هداك للي مات ماشي خشبة باش متعيطش وتعزيني
نعيمة: اوا وداك رويجل
شيماء: لعشية كولها وهو يعيط مجااش غي حيت بقى مقابل لباه الخدمة
نعيمة: علاه معندو خوت للي يشدولو عشية باش يجي اوا الله يعطيني وجهكم بجووج مو تحافيها علاش مجاتش وهو تلݣايلو السبة (خرجت مخليااها مكرهة هي عارفة هادشي ولكن مكتبغيش دخلو لرااسها.. نعيمة للي سولتها على فتيحة كتخلق ليها االسبة دير صواب معاهم وتمشي لجهة أخرى فين كاينة الحاجة مجمعة مع شي عيالات وحتى هي لقات معامن تجمع.. دازت لبيت فتيحة ودخلت لقاتها ببيجامة فلبيض وحازمة درت حياتي عليها وفنواظرها دايرة جوج نصوصة دلحامض) فتيحة ختي خرجي عند لعيالات راه كولهم يسولو عليك
فتيحة: منخرج عند حد براااكة غير مخرجت جرييت علييهم من دااري
نعيمة: اعووذ بالله من الشيطان الرجيم استغفري مولاك لبسي عليك وياله تخرجي
فتيحة: (غمضت عينها وحركت راسها) مسهلااااااااااااش انعييمة
نعيمة: عارفة مسهلاش ولكن هضرنا فهادشي داك نهار منين عرفنا
فتيحة: مݣلتش غتجي برجليييها ياااا نعيمة مݣلتش نشووفها فداري وانا مكتفة مݣادة حتى نجفف بيها وسخي
نعيمة: لا حولة ولا قوة الا بالله العلي العظيم هو الله يسمحلو ونتي برااكة متلومي ديك لبنت
فتيحة: منحملها منحمل للي يحملها صافي من نهار اللول مكان عندي خاطر ليها ومحدها تكبر محدي نكرهها
نعيمة: الله يهدييك على رااسك اختي وصاافي…
أمال: (بقاو كيتعاودو وكياكلو من شنو شرا زهير وهند شدت فيها مزيان على سنتها حتى طلعت ليهم مريم طبسيل ديال كسكسو.. كلاو فيه بتلاتة وبقاو مجمعين عاد هبطات) غدا نمشي لوجدة
هند: تمشي معايا لفاس؟؟
أمال: بلاش منها تهضري مع وليد على خاطرك وانا بغيت نبقى وحدي عفاك متقلقيش مني
هند: نتقلق وكان بغيتي تمشي معايا لفاس
أمال: هاء هههه
هند: وشنووو هه عرفتي حشمني مع مو قبيلة واااالو متيعرفش يوزن هضرتو
أمال: ولييد بالصح يبغيك
هند: حتى انا اختي كنتوفاااا علييه
أمال: هههه وحتى انا زهير كيتوفا علية هه
هند: هداك راه شاكة فيه واكل تقااشرك
أمال: ههه (تخشات فلكاشة) ظريف بزااف (دارت ملامح حزن على وجهها) انا خايبة اهند
هند: (كتاكل الشكلاط) شوية
أمال: (ضرباتها حتى زلعات عليها داكشي للي كانت هازة) نتي لخايبة
هند: هههه شنو بغيتي تقولي وكان
أمال: دابا بابا عاد مات وانا جالسة فرحانة حيت زهير يبغيني
هند: اختي نتي بكيتي بما فيه الكفاية خاصك تفرحي شوية انا متأكدة فلداخل ديالك بقا فيك باباك
أمال: واه والله حتى بقا فية واخا مكانش يبغيني
هند: اوا هدا هو المهم نتي شنو حاسة وطززز فلبشار شنو تيشوف
أمال: واخا هكاك ديما كانحس بتانيب الضمير واخا نكون انا المضروورة
هند: غير تيبان ليييك انا تنفكر فمحمد خووك
أمال: (بتنهييدة) يا ربي غير يخليني نمشي حيت بالصح كنتخنق هنا….
~~~~~~~~~~~
أصبحنا واصبح الملك لله مع 8 كان لكبير والحاجة وزهير راكبين فطموبيل ديال خووه ووليد وهند وأمال راكبين فطموبيلة تحركو وأمال كتشوف فدارهم وخصوصا فمحمد للي بان راسو من سطح جابلها لبكية مع دارو تكمشات فبلاصتها اللور وبقات كتبكي ضارت هند شافتها هكااك وطبطبت بيدها فوق رجليها مخليااها تبكي على خاطرها طلقات القران وأمال تبكي وتݣول مبكييت بقات هكااك شي ساعة ونص وهي كتبكي حتى نشفو دموعها وعينيها تغمضو… (أما زهير صاايݣ ومرة مرة يجاوب حديثهم وكيتفكر لبارح منين قال لمحمد شنو وقع لأمال وقنعو غتمشي لوجدة وحتى محمد منطق بواالو لقاها غتعذب وأكترية فتيحة هازة شوكتها عليه حتى هو وجرح الضرة مزال جديد وكولشي مسبياه فأمال… وصلو لوجدة نيشان مشاو لدار زهير وقفو وزهير جا كيطل حيت امال مخرجاتش لقاها مدورة وجهها وناعسة وقفت حداه هند) بكات بزااف
زهير: (بقات فيه) اودي انا وموت با للي داز عليه عمر مزال كيبكيني
هند: بالصح صعييبة انا نفيقها
زهير: غير بشوية عليها طلع للدار وتكمل نعاسها
هند: وااخ
زهير: (رجع طل عليها) انا غنمشي للخدمة ولييييد طلع اخويا نتا رتاح نمشي نحل المحال راه لكلبان برزطووني
وليد: انا بلاتي ولحݣ عليك
زهير: ياك غتمشيو اليوم
وليد: حتى لغدا صباح انشاء الله (هند مشات نوضات امال وباينة فيها مأزمة طلعات لدار الحاجة للي بيدها مشات وجدات ليها هاد لمرة بيت زهير للي فيه نموسية وللي مكيدخل ليه حتى واحد ودخلاتها ظلمات ليها الدنيا باستها فجبهتها وأمال باغية غير تشكرها ومقدااش غالب عليها غير لبكى مع سدات لباب بقاات كتبكي وتمنات وكان كانت فدارهم وفتيحة ديرلها بحال الحاجة عمرها تفكر فشي جواج ولا تقلب على للي يحن عليها…)
زهير: (بدل حوايجو وطرف حالتو دار كصكيطة على راسو وخرج من بيتو كان وليد فلبيت لاخر وجالس سااهي)
زهير: اجي نعقدو على والديهم هنا ونتهناااو
وليد: هههه عندك شي أفكار
زهير: فكر فييها حنا نبغيو نتلݣاوهم وحنا مرتاحيين علاش منديروش الكاغيط حتى تݣاد الامور ونمشيو نديرو صواااب مع واليديهم!!
وليد: (سكت مدة وشاف فيه) اهاااااه حل مخير هدا
جدة: حبيبتي تلقااها مشوية على باباها
هند: اه بالصح مسخااتش تجي
الحاجة: واه مسخااتش طربݣ كاملة وهي تبكي وهاد سمعت بكاها فلبييت وكان غير مها نعلت الشيطان
هند: (مكانتش عارفة الحاجة عارفة وتسائلات واش أمال للي تكون معاودة ليها؟؟)
الجدة: علاه مال ماماها
الحاجة: غير ݣالت ليها خاصها تحبس من لقرايا وأمال عندها امتحانات هاد ليامات ومبغيناهاش ضيع فيهم وهي شحال وهي تحفظ فيهم
هند: (مفهمت واالو) بالصح
الجدة: لا إلا لقراية ميمكنش لواحد يضرب تمارة وفالتالي يحبس باها مسكينة الله يرحمو خاصها تشوف مستقبلها.. بنتي صباح ان شاء الله
الحاجة: والله مسخيت بيك الحاجة ولكن داك لمقام هو اللول
الجدة: غير نجي من تماك نجي عندك ولا نتي اجي باش تحضري لخطبة هنوودة
هند: (تبسمت)
الحاجة: الله يكمل بالخير ابنيتي فكرتوني نمشي نديلهم القهوة
هند: غير جلسي الحاجة انا ندييه
الحاجة: لا لا بنتي جلسي مع حناااك (وقفت مشات للكوزينة طفات على بريق قهوة دارتو فصينية مع جوج غرارف وطبسيل فيه حلوة ريشبوند لمفضلة عند زهير وهبطت بشوية مشات عند دراري كان لباب محاول) زهييير زهييير (كانو لفوق مسمعوهاش طلعت دروج هو داير بلان ديال دروج فوسط الدار يعني لفوقاني مشروك مع التحتاني سمعت هضرتهم فلبيت ومشات)
وليد: (سكت مدة وشاف فيها) اهااااه حل مخيير هدا
الحاجة: (وصلت كتلهت) من ݣبيل وانا عيط
زهير: (زرب عند مو هز من عندها الصينية) عيطي أمّا أنا نجيبو لاش محنة رووحك
الحاجة: ممحناا وااالو اولييدي
زهير: كبقات أمال
الحاجة: واالو اوليدي دخلتها لبيتك تنعس كانت تبكي ودابا تكون نعست
زهير: اممم.. سمعي امّا واحد لبلان
وليد: حم (كيخرج عينو فيه باش يسكت)
زهير: (شاف فوليد للي كيخرج عينو) وليد ݣال ماااا حد الخطبة مزالة معطلة نديرو الكااغيط حتى يصلاح ونمشيو نخطبووهم ومنها نوجدو امورنا مزيان
الحاجة: (خرجت عينها وشدت فحنكها) اوييييل لعداااااا (هي اويلي)
زهير: (كان عارف ردة فعل ديالها ضار خنزر فوليد) والله مكتحشم عمك ياله 4 أيام باش مات ونتا كتفكر فالكاغيط باااااز على ولاد هاد الجبيل زرباانين على خلاااهم
الحاجة: (عارفة ولدها مول الفكرة) وباااز
زهير: سمعتي وبااااز هههه
وليد: مكتقشرش اصاااحبي
زهير: داابا امّا هو بغا يدير الكاغييط زعما مجايااااااش
الحاجة: (ضرباااتو على ظهرو بشوية شادة الظحكة) واايني راااك ولد النييييفر (خرجت مخليااه كيظحك هبطت فدروج عرفت ولدها طاح على راسو نيييت مع أمال وحتى هي امال عزيزة عندها بزاااف وأكترية من مور كلام دوك نسا للي عاودولها على الشووهة للي دارت مها وطردتها نهار دفيينة ومبغاتش تعاود هادشي لحناين هند حيت اصلا مبغاتش تحرج أمال…)
لكاملة: (خرجت عند الحاجة) الحاااااااجة
الحاجة: (ضارت تسناتها حتى جات وتسلمات معاها) كبقات جهان
لكاملة: الحمد الله راها نااضت ودابا مݣابلة ولدها كبقاو دوك الناس
الحاجة: علاه الكاملة متعرفيش تهزي التيليفون وتصووني على خطيبت ولدك وتعزي وتوااااسي راه شوي وتولي مرت ولدك ودوك نسا للي جاو ودارو الواجب معاهم متعرفيش تجي نتي وولدك
لكاملة: يااااء ونخلي مرت ولدي وحدها واحلة فتيلادها مجاااتش
الحاجة: ونݣولو نتي مجااتش وانواار للي منااسب معاهم
لكاملة: اوا راها طريݣ كانت ݣدامو وكان بغا وكان مشا هو للي يمكن مبقا بانلو فهادشي
الحاجة: اوا يحد ماشي يبقى مسمي عليييها
لكاملة: (قوست عينها) هي للي شكات عليك؟؟
الحاجة: وعاد نتسناها تشكي للي باين راه باين يال دوزي بخييير
لكاملة: تسنااي ضياافك مزال عندك
الحاجة: اممم
لكاملة: ومااشي طولو؟ بناتك ولاو بغاو يجيييو عندك شوي
الحاجة: يجيييو دار باهم واااسعة وكبيرة الا عمرت داري الدار التحتانية خاوية ودار خووتهم كاينييين ولا لݣاوها سبة
لكاملة: انا غير وصلت ليك سمو ݣالو
الحاجة: اوا وصليلهم دابا سمو ݣلت يانا (خلاتها ومشات بناتها شحال مهزت وحدة تيليفون وسولت فيها غير هي للي كتسول طلعات للدار مسخياش بجدة هند ولكن ضروري مكان غيجي نهار للي يمشيو فيها لقات هند وحناها مجمعييين جلست جمعت معاهم وهند كتجمع حوايج حنااها جاها ميساج من عند وليد *هند خرجي عندي* وقفت خارجة مسلتة وهبطت لتحت بانلها أنوار واقف حداهم كان زهير للي بغاها مشا عندها)
زهير: أمال نعست
هند: واه طليت عليها لقيتها ناعسة شوية وتفيق مزياانة راك عارف شنو داز عليها
زهير: اممم تيليفونها طافي ديري اختي يتشارجة ولا خبطي مو راه عصبني
هند: اه اه غنديرو يتشارجا غير كنت نسيتو
زهير: انا غنمشي للمحال كنت بغيت نطلع عندها نشوفها ولكن مصاالحش
هند: هي غير تفيق نصوني علييك واصلا باش نمشيو للدار
زهير: علاه تمشيييو ݣلسو هنا وهي غتبقى وحدها تجلس هنا
هند: (شافت فيه شحال باغاه يفهم) خلييها تبقى لوحدها شوية هي كتبغي الجلسة هنا وانا صاحبتي وكنشوفها شحال تترتاح هنا ولكن حسن هاد الأيام تبقى بوحدها
زهير: تبقى تبات بوحدها؟؟؟
هند: اصلا غنمشي مغنتعطلش مي لالة موجدة كولشي وهي بعد غدا غتمشي مع ماما لفرنسا حيت هي من تماك غتمشي للحج ماشي من المغرب يعني غنوصولها وغنجيو لغد ليه يعني غتبات غير ليلة وحدة ولا يوماين ݣاع الا طولنا وموووحال
أنوار: (كيشوف فهاد الثنااائي وهو كيعتاذر لوليد للي اصلا ممسوقلوش يجي ولا ميجييش غير كينعم ليه وصاافي) خلاولي الخدمة كولها فوݣ راسي
وليد: لا لا عادي والله بحال جييتي
أنوار: والله حتى حشمان منكم وغدا غنمشي عندهم
وليد: لا لا بلا متعذب راسك صافي جا بااك وقام بالوااجب (بقا أنوار على نفس الهضرة ومرة مرة كيلوح عينو فلوخرين للي باين كيهضرو فموضوع مهم) زهيييير مشيينا (شاف فانوار) خاي أنوار بلا منشدك على الخدمة حتى حنا غنمشيو راك عارف المحال مكناش فيه ومزال خاصني نشوف شنو دخل وشنو خرج
أنوار: (تفقس حيت تأكد راه دخل مع زهير فالمشروع) واااه مهم انا نمشي ياكما نوصلكم فطريقي
وليد: لا لا كاين غير سير الله يهنييك (مشا حدا زهير وشاف فهند ديك الشوفة ديال توحشتك)
زهير: مهم باشما كان صوني على وليد هو يعلمني
هند: وااخا
وليد: ياله سيري طلعي انا نصوني عليك
هند: (تبسمت) اوكي بيبي ok bb
زهير: ههه (مشا يديماري الطموبيل)
وليد: (خنزر فيها) متعاوديش تݣولييها ݣدام النااس وݣدام زهييير بالظبط
هند: واااخااا
وليد: ݣولي غير منين نكون انا وياااك
هند: (تبسمت بدلع) اوكي بيبي (تبسم معاها وهي طلعات وهو مشا عند زهير للي شد فيه طريق كااملة حتى وصلو لمحال وبدا المعقول والجدية…)
أمال: (فاقت مضهشرة مقداتش تحل عينيها بقات فبلاصتها شحال حتى دخلت الحاجة طل عليها لقاتها جااالسة.. حشمت منها) الحاجة
الحاجة: بنتي كبقيتي (مشات قاست ليها جبهتها لقاتها مسخونااش) مراكييش حامية
أمال: (باستلها يدها) لهلا يخطيييك الحاجة
الحاجة: (عنقتها) ابنتي معزتك عندي كبييييرة وزاد عززك عندي ولدي زهيير للي بغاااك من ݣلبو الله يتاااويكم ابنتي ويجمعكم فالخيييير
أمال: (تبسمت وحشمت) امين
الحاجة: اجي ديري كاسكروووط ابنتي راني موكلاش ݣاع ودرت ليك دوك ملاوي دالشحمة للي تبغي
أمال: (تبسمت) لهلا يخطييك الحاجة (وقفت حشمااانة من هاد التعااامل مشات خرجات عندهم كل واحد وكباغيها تجلس ويضحكها حطو كاس كرووط مقاااد جات لكاملة جمعات معاهم وعزات امال)
هند: امووولة ياله نمشيو (كانت ديجا عالمة الحاجة وحتى حناها بغات تبقى هاد الليلة مع الحاجة للي باينة مسخاتش وحتى لوخرا كانت محتاجة تواانس ودغيا تفاتهمو واخا عقليااتهم مبدلين وبزاااف هند وأمال خرجو من تمااك نيشان لدارهم غير دخلو)
هند: كبييييدة
وليد: (حداه رجال) امممم
هند: قولي شي كليييمة
وليد: حم اممم
هند: ولا قولي ولا غنتقلق منك وبحال والو داابا نشد طرييق لفاس
وليد: (دار إشارة للكليان زعما انا جاي وبعد شوية وعطاهم بظهر) وهضري اهند راني واݣف مع لكليان
هند: لااااء حتى تقولي
وليد: عوينااتي نتي غير صبري على واالديك نعقد علييك وتشووفي لكبدة والرية فين غتخرج
هند: (بقات حالة فمها)
وليد: هه وااسمووو أحبيبة
هند: هه حم راه وصلنا للدار
وليد: وعلى سلامتك الآلة انا نسالي ونصوني عليييك
هند: وااخ (قطعت وفرنست واخيرا خرجت منو شي حاجة غير هو زايد على شنو كانت بغات تسمع شعلت تيليفون أمال للي كانت شرجاتو وهو تطلع نمرة وباينة زهير حيت امال عندها نوامر باينين داتو لامال لقاتها كتصلي جاوبات وعلماتو راها كتصلي بقات هند كتجمع الدنيا عاد مشات لبيتها جمعات حوايجها ودخلت كدوش أمال امال كتصلي وهازة القران فيدها مرة تبكي مرة تبقى غير كتنهد حتى حست براسها رتااحت)
هند: امووووووولة راه الدووش وااجد
أمال: شكرا اختي هند (جمعت حوايجها ومشات للدوش حكت رأسها النبت حتى حست بلعيى وهي تخرج مزنݣة ولاوية عليها درة صغيرة من لتحت وشال غليض وبيجامة سخونة)
هند: وينو على الزييين بصحتك الالة
أمال: (تبسمت) الله يعطيك الصحة اختي
هند: راه وليد جاي فطريق وجاايب لينا لعشا مخلانيش نعاود نطيب
أمال: قهرتيييه بالملحة داك نهار ههه
هند: مسموووومة كانت غير نغيزة زايدة وصااافي
أمال: اممم هههه
هند: لهلا يطيحو فكرشكم المرة جااية (صونا عليها) هاا هو جا انا جااية
أمال: تهبطي عندو للدار؟؟
هند: (كتقرا لميساج) لا عاد نمشيو انا ويااه نجيبو لعشا (لبست بنطوفتها اصلا كانت نشفت شعرها ولابسة كيطمة) ياله باي باي ازييين (مشات خرجات وهي سمعت تيليفونها كيصوني لقات زهير حيت حافضة نمرتو من ايام مشا لبلجيكا جاوباات) حم سلاام
زهير: وعليكم السلام كبقيتي؟؟؟
أمال: لباس الحمدلله ونتا؟؟
زهير: خرجي لبالكو
أمال: (باستغراب) نعام؟
زهير: خرجي لبالكو
أمال: (خرجت حلت لباب طلات وهو يبانلها واقف متكي حدا طموبيلو بحال جالس كيشوف فلبالكو وبوطو ديال الضو فلوسط مضوي عليه وعليها.. تبسمت وفنفس الوقت تحرجت من شكلها بدوك دروور وبينوار غلييض)
زهير: جاك لبرد؟؟
أمال: لا لا حم عاد مدوشة
زهير: امم مزييينك ونتي عاد مدوشة
أمال: (حشمت) أحااااي
هند: (بفرحة) نركبو فلموطور دياالك؟؟؟
وليد: (فكر انها غتركب من موراها وضروري غتعنقو ولا يكون احتكاك معاها وهو منااقصش) لا نمشيو على رجلينا الجو زويين
هند: اممم ولكن نسالك شي ركييييبة
وليد: ههه ضرووري
هند: كنعرف نصووݣو
وليد: واييلي شكون علمك؟؟
هند: (صاحبها لقديم) واحد لبنت كان عندها وكانت مرة مرة كتعلمني نصوݣو
وليد: مزيان (شاف فشعرها) جمعي شعرك
هند: نعام!!
وليد: جمعي شعرك اهند ومتعاوديش طلقييه
هند: (بدلع) متيعجبكش مطلووق
وليد: (شاف فيها وعينيه على شنايفها حتى نوااها) كيعجبني ولكن يعجبني وحدي ماشي ݣاع العالم يشووفووه معايا
هند: امم حم مجبتش لاستييك
وليد: (جبد يدو من جيابو ووقفها وقرب حتى طرطقت عينها شد لقب ودارو على راسها) هاكا مزيان
هند: هه حمق
وليد: منين كنت فبلجيكا كنت جاي باش نسمعك كلام خاايب ولكن غير جيت كولشي تمسح
هند: مدرتش غلاط كبييييير للي يستااهل انا غييير (تنهدت) بغييتك
وليد: (كان بغا يجاوبها وهي تسكتو شاف فيها وهي كتشوف فيه متبسمة وباينة لقلوبة خارجين من عينيها مكرهش …. وصلو لسنااك) سمو بغيتي
هند: اممم بغيت 2 سلاد غيش وبيتزا 4 فروماج ونتا
وليد: (شاف فيها فشكل بحال كيقولها بغيتك نتي) حم (ضار كيدوموندي وهي كتفرنس مقدتش تجمعها واخا كتحس براسها بحال شي كلوون ضار عندها من بعد مطلب حتى ليه وهي تجمعها) نتي مكذبتيش غير فسمية كذبتي فبزااف
هند: هادوك غير لكذبات صغار للي ماشيين مع لكذبة لكبيرة (بكل ثقة كتهضر) ميمكنش تكذب كذبة وحدة ضرووري وحدة تجر وحدة فهمتي
وليد: يااااك الآلة وهادي زعما من تقاليد ديالك
هند: ههه لا ولكن وكان قلت ليك هند كنتي غتهضر معايا كما كنتي تتهضر مع غيثة
وليد: واصلا كنت عارفك هند
هند: باش عرفتي؟؟؟
وليد: (جلسو على ميوجد الطلب ديالهم) شحال من مرة كنتي كتهضري معايا وكنسمع يا شيماء يا أمال كيعيطو ليك وصووت ختي مغيخفاش علية زيد نمرة للي كنت عاطي لشيماء ومالين الدار عندهم غير هوما وشيماء بوحدها للي فوجدة ونتي للي كنتي زايدة وعاد عرس ادم حطيت عليك العين مزيااان
هند: اممم وزهير مقالك والو
وليد: لمح نهار مرضات مو وجيتي نتي فبلاصة غيثة
هند: ههه وعلاش مقلتيلي واالو
وليد: وعلاش انا للي كااذب
هند: وواخا سمحلي منعاودش نكذب عليييك
وليد: غير جربي
هند: تتهددني؟
وليد: وي وبلمبااااشر شي اعترااض؟؟
هند: (لوات شنايفها وهو بقا حاضييهم.. عيطلو الدري ناض خلص هز الساشي وقفت وبقاو مكملين حدييثهم)
~~~~~~~~~~~~~
أمال: أحاااااي
زهير: هه هادي علاش كنت نݣلب
أمال: (بقات حتى هي كظحك ولكن وهي سادة فمها)
زهير: (يد مربعها فوق كرشو والتلتية شاد بيها التيليفون فوق ودنو وهو كيشوف فيها) غدا مع 2 نجي عندك نديك لعند طبيب دسنان
أمال: معليش نمشي وح..
زهير: هنييينا خلييك مزيانة انا غدا للي ندييك غير صباح غنكون انا للي شاد وميصلاحش نطلق صواالحي للخداامة
أمال: انا والله مكنبغي نصدعك معايا براكة غير سمحتي فخدمتك وجيتي لتاوريرت كتعاون فلعزو
زهير: تاوريرت جيت ليها على حسابك وانا باغي نكون معاااك ونتي مكتصدعينيييش نتي امل هي للي تخليني ناشط وفرحاان
أمال: (تبسمت وحنات راسها كتشجع فراسها) حتى نتا كتفرحني
زهير: (فرنس حتى عينيه تبسمو شوية شافها هزت راسها ودخلات كتجري ضار لقا وليد جاي) الو
أمال: الو (مشات للسرجم للي فبيت هند كطل عليه) أحاااي حشمت من ولد عمي
زهير: ههه واخا أمووول انا بلاتي ونهضر معااك (قطع وتقاد فلوقفة) مهم انا مشيييت
وليد: غدا عنداك تنسى دوك الديكورات للي بقااو فداك لبيت
زهير: (ركب وطل عليه من السرجم) اوكي بي بي ههه (صااك مخلي لاخر غير كينݣر حتى قلبها ظحك أما هند عواجت حداه بالظحك…)
فتيحة: (من بعد مخوات الدار بقات فالصالون جالسة حتى شافت جوج بنات داخلييين ومن موراهم محمد طيرتهم شكون غيكوونو) خرج علية زبل
محمد: مريم مررررريم (جات عندو كتجري) خودي لبنات للصالة وعطيهم ياكلو (دخل بصبااطو وباينة تعصب) هضرنا داااك نهار
فتيحة: اقسم لك يمييينا اولدي محمد وتزيييد تعصبني دقييقة منبقااا هنا نلبس جلابتي ومتعرفوني فييين عطيييت نديير بحال لكلبة نطج من هاد الدار
محمد: أماال بسباابك طجاات من دار بااها
فتيحة: ههه وكان كانت مسوقة لباك ولا ليك مكانتش تشوهك وتمشي مع الراجل للي ما بيننا وبينو واااالو مشااات فنهار الݣهااار ݣدااامكم وحتى حد مݣد يشدها ويجرها من داك شعر ويطلعها
محمد: فين يطلعها ياك بيديييك طردتييها
فتيحة: اييه طردتها حيت عمرها مكانت تسمعلي ديما كلمتي عندها زاايدة ناااقصة ومغدخل لهاد الدار غييييير الا انا بغييت
محمد: بزاااااف هادشي كنا غير نسمعو فيه ودابا نشوفووه واش كاينة شي أم دير مع بنتها هاااك
فتيحة: داباا تصدم فيها شي نهار غير صبر (دارت صبعها فوق لسانها ودارت علامة إكس فالحيط) دابا تشوووف
محمد: لا حولة ولا قوة الا بالله العلي العظيم مهم انا غنطلع عندها لوجدة ومنين تسالي 40 غيجيو الناس يخطبووها
فتيحة: والله يا باباهم حتى نطردهم
محمد: كنهضر على دااري غيجيو لداري يخطبوها مني
فتيحة: (تصدمت وضارت عندو) هااا
محمد: كسمعتي
فتيحة: (رجعت كتبكي) زيييييييدني زييييدني اولدي محمد هادا هو لي كنت نتسناااااه منك هو تخوي علية الداار
محمد: (حس بدمو سخن وراسو كيفور) سمو بغيتي مني ندير ختي وسمحتي فييها رجعت شماااتة وماشي راجل غير باش نتي مديريش شي شوهة خليتي صااحبي جا خدااها من حدا عيني وانا كنطل عليهم بحال شي شمااااتة سمو بغيتي ندييييير باش متبقايش زايدة فهباااالك بقاالي حل معااك هو نخوي اصلا وكان مسمعتش با مات والله مكنت رااجع كنت غنضبر باش نستاقر تماك انا ومرتي
فتيحة: (طرطقت عينها)
محمد: بزااااف وعاد تݣولي مال باك تجوج علية شكوون يصبر لييك امي وبنتتك للي مكتهزش الراااس لا ݣدامي لا ݣدام شي حد اخر هربت مع صاااحبي واش كتفهمي هادشي ولا لا
فتيحة: اوا سييير جيبها والا بغيتي نتعامل معاها مزيان عطيها لنبيل ولد عمك
محمد: هه ههههه انا بيدي ݣلت ليك غنجوجها لزهير والا حتى هو مخطبهاااش انا غنمشي نخطبو ونجوجلو ختي حيت هو صدق رااجل كتر مني وحمااها منك ومني ومن كولشي وديك لبنت برااااكة سطووووب مغتوليش تعيش للي كانت عايشااه براااكة غير تݣولي انا اصلا كنت يتييمة ودابا تيتمت بلورااق يعني حنا الالة ميتييين عندها بنتك عاااقت وفاقت مبقاتش ديك لبنت للي كانت عايشة تحت حجرة حاشا واش نݣول عايشة تحت جنااح مها حيت نتي وكان لݣيتي تقتليها مكنتيش ترجعي اللور
فتيحة: (بغيض) بسبااااابها رجعتي تهضر معايا هك
محمد: (مكملش معاها الهضرة خرج نيشان من الدار وطلع لسطح يبرد جنونو فلݣارو أما مريم غوبشت حيت سمعت كولشي واصلا كانو كيغوتو ضارت عند لبنات وزادتهم حلييب وكتهضر معااهم وعاد.فهمت أمال شنو كانت عايشة عكس داكشي للي كانت كتعاود بيه خاالتها…..)
هند: ههه
وليد: بلعي من داك الظحك
هند: ههه والله حتى هاد زهير علاااام
وليد: اممم (مراضيش حيت عارف غيكرهو فيها.. طلعو فدروج ووقف حدا دارو) انا غندخل
هند: ياله طلع تعشا معانا متبقاش بوحدك
وليد: (هز حاجبو) عاود؟؟
هند: (بدلع) وراه دابا رجعتي خطيبي
وليد: (قربلها وحط يدو فالحيط حتى خلعها) اجي نتجوجو نيشااان
هند: (حطت يدها على فوق صدرو كتبعدو) وليييد!!
وليد: (شاف فيدها ورجع شاف فوجهها) كتعرضيني نطلع معاك للدار شكون ضمن ليك غنجلس بعقلي
هند: (وترها حتى بقات كدور عينها) حيت عارفاك كفاش تتفكر وعارفااك بعقلك
وليد: (زاد اليد التانية على الحيط ورجع قريب كتر وكانت أول مرة بتقربو هاكا) معارفة واالو (بصوت خافت ومتقل) وانا مغنجلسش بعقلي وقدامي وحدة عجباااني وبزااف (بعد شوية من عليها وتكى على الحيط للي مقابل معاها) سيري طلعي اهند وغدا مع 8 غنصوني عليك باش نمشيو نجيبو حنااك (مد ليها الساشية ديالها شداتها وبقات كتبرق عينها فيه) واااا طلعي (طلعت متوترة من تقربو اما هو تبسم ودخل لدارو للي كانت سفلية نيشان للدوش وشد الخط مع نعيمة…)
~~~~~~~~~~
هند: (دخلت للدار مضهشرة مبيناش فوليد زهوااني ولكن بهضرتو دابا بان العكس دخلت عند أمال لبيتها لقاتها واقفة كتمشي وتجي ودايرة التيليفون على ودنها.. بصوت منخفض) شكون
أما:ل: (حركت شنايفها) زهير
هند: اممم هنا غنحط لعشا
زهير: (باقي صايݣ داير هوت بارلول ومونس بيها فطريق) تعشاي أمووول
أمال: ها وااه ونتا
زهير: ههه سيري ابنتي تاكلي واش حتى لماكلة تحشمي فيها
أمال: (تبسمت وفنفس الوقت رتاحت حيت هضر معاها كان كلامو كولو كيقوييها) بسلامة
زهير: بسلامة ازين ديالي
أمال: (قطعت وكلمة الزين ديالي كتعاود عيا يقولها أنوار ولكن عمرها حسااتها بحال كخرجها زهير شافت فلمرايا للي لاسقة فالحيط) انا زوييينة (فرنست وبانت نص السنة للي مهرسة وجمعت الظحكة وخرجت نيشان عند هند لقاتها بدلات حوايجها وبقاو كياكلو وكل وحدة كتعاود التانية شنو وقع وحيت لعيا كل وحدة مشات لبيتها تنعس…)
~~~~~~~~~~~~~
أصبحنا وأصبح الملك لله
هند: (لبست كيطمة كانت مطرطقة نشات لبيت امال وفيقتها بشوية وبصوت خاااافت) أمولة حبيبة هانا مشييييت نوصل ونصوني عليك
أمال: (دايخة بنعاس) واخا ختي الله يديكم على خير
هند: امييين يا رب رجعي نعسي انا مشيت (خرجت لبست سبيرديلتها الطاالعة) نمشي هاكا بعدا مرتااااحة حسن من دجين (كانت لابسة سورفيت كولون وتربكو قصيير مبين الفورمة ديالها صونا وليد عليها) صافي جبتي حتى مي لالة؟؟؟
وليد: واه غير هبطي (هزت صاكها دارتو جنب والصاك للي فيه حوايج للي تحتاج وطلقت شعرها وتمات هابطة بجرا مشات نيشان للطموبيل وفتحت لباب وجلسات)
هند: سلااااام
وليد: (كيستوعب!!! شاف ففخاضها عاد هزو لوجهها وهي متبسمة)
هند: مي لالة شربتي دواك ديال الدووخة
وليد: ونتي شااربة دواك
هند: (باستغراب) اشمن دوا؟؟
وليد: (غوبش) واقلة راك تلفتي وجيتي بحوايج نعاس (حناها طلقت ودنيها)
هند: حم لا لبست سورڤيت باش نمشي مرتااحة وصاافي
وليد: (وقف الطموبيل وتكى بذراعو على سرجم الطموبيل) سيري راه مزال الحال لبسي حوايجك
هند: هاء (شافت فيه ورجعت شافت فحناها) راه غير حيت طريييق وصاافي
وليد: انا كنتسنااك سيري لبسي حوايجك
هند: بفف (خرجت وطلعت على سعدها ووعدها حيدت لفوقاني وهي كتنكر ولبست قبية طويلة حد لفخاض وجمعت شعرها كوب شوفال وهبطت وركبت حرك راسو بلا حولة وزاااد مخليها مكتهضرش أما حناها قطعت الورقة ونعست هي وسميرة مرة مرة كتشوف فيه وبقصد منو كيبقى يشوف ففخاضها للي باينين وكتهبط القبية ندمها على لقصير…)
أنوار: (كان كيحسب مع باه شي حاجة حتى نطق) الوااليد كنت بغيت ندير الكاغييط هاد لياماات
لكبير: (هز راسو) ومبانلك الكاغيط حتى مات عمها؟؟
أنوار: راه كنت داير على هاد ليامات مكنتش ضارب حساب تجي لمووت
لكبير: مݣلتيليش!!
أنوار: ونتا ݣلتيلي نهار توجد نمشيو لعندهم
لكبير: اوا دابا غير تفووت بعدا 40 يووم
أنوار: لا لا غير السيمانة جاية ولا هي تجي هنا نديرو الماغيط ومن بعد عاد تجمع عائلتها
لكبير: هدا علية حتى باها للي تݣولهالو راه حاالتو
أنوار: اممم اوا دابا نهضر مع شيماء اصلا منين نتا جيت انا غدا غنمشي نعزي ورجع فلعشية
لكبير: (شاف فولدو معقول فهاد جواج عكس شنو قالو زهير سكت وبقا كيكمل شنو بادي صونا لفيكس جاوب) واه اخويا.. دانا درك نجي… (قطع ووقف لابس سلهامو)
أنوار: ماشي عند زهير؟؟
لكبير: اممم نحضيلو لمحال بغا يمشي يقضي شي غرااض
أنوار: معرفت علاش انا مكيݣوليش حضي لمحال وغبر 3 فتاوريرت ومخسرش علية نطل على المحال بحالة خافني نشفرو
لكبير: تشفر کاع!!
أنوار: انا غير ݣلت
لكبير: مجابتهاش الوقت وصاافي هو عارفك شادلي الخدمة مبغاش يكتر علييك وصاافي
أنوار: اممم بعدا داك وليد عاطيه حتى سوارت كوفر فور فين حاط فلوسو ووراقو
لكبير: الله يتاوييهم هاديك هي الصحبة والا فالا وحتى نتا خاصك تجمع مع نسييبك راه الله يعمرها داار وقاااري ووااااعي
أنوار: علاه انا كنضرب بلحجر للي قراه راه قريتو وݣاع كنعرفو لحساب ولفرونسي غير خوك بغا يدخل لبرااني أما من اللول ݣلتلو نتشارك معاك
لكبير: هو مشرك معاه حد صاحبو غير كيعاونو على مكيشوف يدير المحال هنا
أنوار: علاه هو ناوي يعيش هنا فوجدة؟؟؟
لكبير: وكاين شي حاجة حسن من بلادك اولدي ها زهير مشا ورجع وصاحبو حتى هو رجع
أنوار: رجعو بفلوسهم من بعد مدوزو تمارة ولكرفي
لكبير: يكون غير حلال اولدي هاني مشيييت تسنى داك السيد للي غيجيىي يتحتاسب معاك راه عليه 5 شهوور (مشا لعند زهير لقاه فبيرووه كيلبس قبيتو رش بارفان ديالو ورااه شنو يدير وخرج زربااان صايک طموبيلة ديال خوه كيتسنى يكمل شي حاجة يشري طموبيل ديالو صونا على أمال باش تهبط وحيت قريب دغيا وصل لقاها كتسنااه كانت لابسة شميز طويلة حتى لرجليها فلبلو مارين فيها وريدات صغار للبيض ولمارو مفتوحة من جناب ولابسة سليم فلمارو وسميطة رقيقة فالخصر مع شحال فلمارو فيه بلومارين بشدة تركية ودايرة صاك جنب فلكحل كانت انييقة وقف حداها وخرج عندها ممدش يدو حيت عارف مغتسلمش وحتى هو مكيسلمش) تعطلت عليك؟؟
أمال: (تبسمت وكتهضر بشوية باش متحلش فمها) لا
زهير: تغديتي؟؟
أمال: ياله فطرت (تبسمت) صبحت ناعسة
زهير: المهم هو تكوني مرتااحة
أمال: (حركت راسها)
زهير: سمو هاد الزين على صباح
أمال: (تبسمت قالبة وجهها)
زهير: يياله باش لحݣو (حلها لباب باش تركب زادت وهو كيستنشف ريحتها ركبت سد لباب بشوية ومشا طلع ركب حدااها) فواحد العمارة كاينين بزااف تماك غنمشيو انا هنا مكنعرفش شي واحد مزيان
أمال: (حركت رأسها باه حشماانة منو من نهار تطلقات معاه وهو كيفرووني بالصرف صحييح بلا حتى متطلب بلعكس كيبزز عليها شحال من مرة ومبينلها بأنها محسوبة عليه ماشي كيديرها باش يبين فحوولتو ويغريييها وصلو للعمارة دخلو وبقاو كيقراو فدوك اللوحات ديال الاطباء والتخصص ديالهم)
زهير: هادشي غير رجال ولا كفااش؟؟
أمال: (حتى هي كتقرا) أغلبية رجال
زهير: مبقاوش طبيبات دسنان ولا كفاش
أمال: (تبسمت شاف فيها وهي تعض بشوية على شنافتها التحتانية)
زهير: انا ومزال مقست دوك شناايف ابربي ميحط عليهم شي واحد يدوو زيدي نݣلبو على طبيبة….
هند: (وصلو لفاس حديثهم كان قليل حيت أغلبية جدتها كانت كتنعس وتفيق) اححح على ظهري عيييت
وليد: دخلي رتاااحي
الجدة: الله يرضي عليك اوليدي سبحان الله مدختش معاك فمرة والله محسيت بطريق
وليد: مرحبا الوالدة المهم تكوني مرتاحة
الجدة: مرتاااحة اوليدي الله يعطيك ما يريحك
وليد: (تقلبو عينيه لهند وهي فرنست اوطوماتيك) اميين
هند: وياله دخل باش ترتاح
وليد: انا غنمشي لوطيل
الجدة: لواااه اوليدي ججيت للدار لكببييرة وتمشي لوطيل مجاياشي فمرة
وليد: معلييش اميمتي نمشي نرتاح مرة أخرى وندخل
هند: هااء يااله دخل
وليد: هند نتي عارفاااني غير دخلو انا لعشية ونصوني عليك
الجدة: (عجبها ميباتش عندهم) اوا ولدي لعشا هنا
وليد: ان شاء الله اميمتي
هند: سميييرة دخلي مي لالة ترتاح انا جاية.. (شافت فوليد) وكان دخلتي علاش غتمشي تكرفس فلوطيلات
وليد: قربي (شافت فيه بجنب) ههه قربي وكان (قربت ولكن ولات دير اطونسيون حيت من لبارح بان وجه فشكل لوليد) داك لمقزب والتزياار نساايه انا لعشية نصوني عليييك (ديماارا) عيني علييك ابنت الحاااج ياله دخلي (دخلت وهي كضور حتى شافتو زاد سدت لباب)
هند: هدا هو وليد السكووتي (دخلت كانت لقات خالتها هي للي غتمشي مع مها لفرنسا سلمات عليها نااقص حيت منساتش نهار نقصت من وليد وطلعت لبيتها وتفكيرها غير فوليد ولكن بلعيى وقلة نعاس مبظلتش حوايجها حدها حيدات سبرديلة غسلت رجليها ويديها ووجها ظلمت الدنيا وجبدت عليها بنعسة)
~~~~~~~~~~~~~
زهير: (لقى طبيبة فالعمارة للي حدا لوخرا أما أمل حشمت مرݣت مولاتش هضرااات طلعو كانت غير فالطابق اللول) عنداك تخاافي راه مغتقسحيش
أمال: أول مرة نجي لدونتيست
زهير: علاش معمرك ݣلعتي شي ضرسة
أمال: (حركت راسها بلا)
زهير: ݣولي عندك سنين لحلييب
أمال: ههه لا حايدتهم
زهير: واخا حيدتيهم باقية حلييب وعسل (تبسم ليها ودخلو هضر مع السكرتيرة جاب الله كانت خاوية دخلت نيشان عندها دخل معاها) واحد سنينة تهرست ليها وبغيتك تݣاديها ليها (ناضت طبيبة قلباتلها فمها وسنانها)
طبيبة: مزيان مافيهاش شي نفخ فاللثة تقاد ليها اليوم
زهير: وضربي شي دورة عندها الا كانت شي حاجة تݣاد
أمال: هههه
طبيبة: ههه مرحبا (تكات أمال وهو جاه ابيل من عند خوه خرج برا ودوزات الآلة للي كتحايد لكالكير كان عندها باين فسنان لتحتانيين عاد بدات كتقاد ليها السنة ودارت ليها المعجون ومن بعد الليزر وبقات كتنحتها ليها وقدات ليها حتى للي حداها قلبت معندها حتى شي سوسة غسلات ليها فمها ببرودوي زاد جوج درجات ديال التبييض حيت باينة لاخر عندو فلوس ومغيتشاطرش يعني خدمات على راحتها عاد حيدات ليها واحد لعيبة كتخلي لفم محول) مزيان؟؟
أمال: (اوطوماتيك مشا لسانها لبلاصة السنة لقاتها كبرت وتبسمت) مزياان
طبيبة: (رجعت للبيرو) هدا راجلك؟؟
أمال: حم خاطبني
طبيبة: اه الله يكمل عليك بالخير هي قريبة شي عراسية
أمال: (بنيتها) لا لا منديروش العرس ياله بابا مات
طبيبة: اه البركة فراسك احبيبة (سكتت مدة) كاينة فلوف صاحبتي كدير توريد الشفاه كيبقى لمدة عام الا بغيتي نقولها تهبط لماتريال تخدملك مدة نصف ساعة
أمال: وشحال
طبيبة: ماشي بزاف 1000 درهم غير باش كتجي الظحكة مزييونة مع سنينات (جات حداها وجايبة مرايا كتوريها سنانها للي جاوها واعرين بدلو حتى الابتسامة أمال مفكرتش جوج مرااات حركت رأسها باه)
أمال: ولكن مبغييتش يعييق
طبيبة: لا لا متخافيش حتى هاد توريد شفايف راه غير كتحايد الطبقة الميتة من شنايف يعني مغتكونش معيقة شنايف غيرجعو لونهم الأساسي وصاافي حتى انا دايرااه (قتانعات امال وصونات طبيبة على صاحبتها للي فاتحة عيادة ديالها لفوق هبطت كان زهير مكاينش فالعيادة قدات لييها شنايفها وكيجمعو معاها جاتهم ضريييفة بزااف وتعاملو معاها مزيان سمعو الدقاان كانت هي كملات.. دخل زهير شاف فأمال للي حشمااانة ومع تبسمات بان فيها التغيير عجبو الحال منين شافها فرحانة وعجبااتو هي نييت شكر طبيبة وحتى أمال وخرج خلص بلا ميناقش الثمن للي مهم هو أمال عجبها الحال هبطو وركبو فالطموبيل عاد ضار عندها على خاطرو وشاف فيها وفشنايفها وتبسيمتها كان باين الاختلاف شوية)
زهير: شحال ما بغيت نشكر فزيينك مغنكملش
أمال: (حنات راسها متبسمة)
زهير: (زفر مبعد عينييه على شفايفها) انا نوصلك للدار وغنرجع للخدمة
أمال: (حركت رأسها باه) شكرا بزااف زهير والله عمرني نسا شنو كدير معايا نتا مزيان بزااااف
زهير: (تبسم) راك نتي للي زيينة وهادشي للي ندير فيه منتسناش منك شي شكرا نتي غير طلبي وكولشي باذن الله يحضر
أمال: (معرفت متقول ديمارا الطموبيل ونيشان داها للدار حيدت لاسنتير) بسلامة
زهير: نكمل شغلي وندوز عندك (حركت راسها باه) ياله طلعي (دارتلو باي باي وطلعت متبسمة وعاجبها الحال من ردة فعلو وحتى من سنانها لي تقادو غير وصلت للدار زولت الشال ومشات قدام لمرايا كتبوزا تبسم وظحك وتهضر…)
دعاء: (خرجت فرحانة من القنصلية وصونات على أنوار) حبييبييي صافي خرجووو ورااقيك باش تجي عندي
أنوار: (تبسم) فاينلي (واخيييرا)
دعاء: اه انا فرحانة بزااف بزااف بزااف وحتى داري كملتها فلفراش وكولشي
أنوار: صافي حتى نقطع لبيي
دعاء: قطعها غدا
أنوار: لا مزال خاص نقضي شي صواالح
دعاء: بزااف؟؟؟
أنوار: لا ماشي بزاف احبيبة ݣولي شي 15 اليوم
دعاء: لاااا بزااااف شحال وحنا نتسناو نتجمعو ودابا كتقول 15 اليوم!!
أنوار: راه غنجي نعيش حياتي كاملة معاك مزال خاص نعلم ماالين الدار ونصفي شي شغل عندي
دعاء: بففف حشومة عليك ضيعتيلي فرحتي
أنوار: مضيعت وااالو احبيبة
دعاء: ونتا ݣاع مباين فيك فرحان
أنوار: بلعكس انا موحشك بزااف غير ضروري نݣاد شي صواالح
دعاء: اممم واخا انا انقطع حيت غنصووݣ
أنوار: نكمل شي شغل ونصوني على الزين دياالي (قطع معاها ودخل باه عندو عارف مغيبغيش هادشي سكت وخرج ركب فطموبيلتو ونيشان عند أشرف للمحال ديالو) خرجو لورااق
أشرف: اوا مبرووك غير توصل لتماك ضبر لصاحبك على شي تيتيزة نطلعو حتى حنا
أنوار: المشكل كغندير فالعائلة
أشرف: غير العائلة وديك لبنت للي خطبت
أنوار: هاديك غنعقد عليها عاد غنمشي تكون عندي لمرا فالمغرب ومرا لهييه
أشرف: ههه يااار** مكتسالاااش
أنوار: دابا الطموبيل خاص فين نغبرها
أشرف: مغتبيعهاش؟؟؟
أنوار: وعلاش غنبيعها وعندي لهيه منين نشري 4 هادي غنخليها هنا
أشرف: خليها فداركم
أنوار: لا غيطمع فيها شي واحد من خوتي ولا يديها زهير للي طامع فطموبيلة دلواليد
أشرف: دابا زهير غيطمع فطموبيلتك للي معاونك فنص فلوسها باش شرييتها هههه والله حتى وجهك قاسح
أنوار: عرفتي شحال ساوية ديك اللوطو ولا غير حال ***** تشريك نتا ومحاالك
أشرف: ههه صافي تكاالما داابا دوك الفيديوات للي بغيتي مبغاوش يرجعو ولكن واحد خينا غيخدملي على أبليكاسيون ونشوف معاه
أنوار: لميساجات وتصاور؟؟
أشرف: تصاور يمكن ميساجات ونوامر لا
أنوار: اممم ياله تهلا وشوفلي مع داك خينا للي كنشري من عندو لباسات واش جاب سمو موصيه
أشرف: واخا العرييس
أنوار: تهلا (خرج ودوز نمرة ديال شيماء) وييي حبيبة
شيماء: واش بالصح غدا غتجي
أنوار: والله وغنشوف مع بااك نديرو لاكط هاد لياماات
شيماء: يااك ݣلتي معندكش فلوس
أنوار: واش نتي هامك غير لفلووس من شحال هادي كنتي باغية غير نخلي بنت عمك ونشوف فيك وداابا جالسة تشرطي علية وتهضري غير على الماديااات
شيماء: (بحال طرشها) نتا للي ختاريتي تجي تخطبني
أنوار: وااقلة غتندميني حيت ختارييتك
شيماء: لا لا لا متندمش انا بفف نتا للي كتهضر معايا فلفلوس انا بغيت غير نفهم واش نتا معندكش
أنوار: عندي للي يشريييك ويفووتك ودابا تهلاي من بعد ونهضر معاك (قطع عليها ورجع صونا على دعاء واراك للرومانسية والظحك…)
أمال: (جالسة مطيبة البيض واتاي كتغدا وفاليد التانية شادة لمراية كتبسم وتامل تفكرت منين مبغاش شي طبيب يقيس شنايفها فرنست وحلفت تفرنيسة متجمع ليها حتى صونا تيليفونها كانت هند صونات ابيل فيديو جاوباات وهي الظحكة واصلة ليها لودنيها) الوو
هند: (قشعت السنة للي مقادة) هاي هاي على الناس بصحتك الالة الثنة
أمال: هههه صاافي مغتبقايش ضحكي علية
هند: هههه الآلة هاد زهير معندي منسااالو
أمال: زويين يا ختي
هند: زوين من شحال هادي غير نتي ياله كيتفتحو ليك دوك لعوينات
أمال: قاديت فمي كولو (حلات فمها كتوريها) بانو سنان فشكل
هند: واه ولكن زوينين بزاااف (طلعاتلها ابيل ديال وليد) امال قطعي نجاوب وليد (قطعت.. وجاوبات بدلع كمواالفة) الووو
وليد: كبقيتي؟؟
هند: عاد فقت والله (تجبدت) معرفت الليل شنو ندير فيه
وليد: حتى انا جبدت عليها بنعسة حتى ضرني رااسي
هند: نتا هاد الايام ݣاع مكنتي تنعس
وليد: ويييه وااحد ظهر عندي واكل لعصى
هند: خاصك ليه شي مسااج
وليد: (لعب بلسانو فوسط فمو) اهاااه نمشي لشي صالون دابا
هند: باش نقتلك
وليد: سمو هو؟؟؟
هند: نقتلك نقتلك اوليييد والله حتى ندييرها وتفكر فيها اه قالك يمشي لصالون يدير مسااج
وليد: ههه وشكون يديرو لي
هند: (ها هو ندمها عاود)
وليد: اجي نتجوجو
هند: ماشي هاكا تيتطلب زواج
وليد: اه خاصني نجي نحني على ركابية ونمد ليك خاتم ونݣوليك واش تجوجيني؟
هند: (كتلعب بشعرها) اه
وليد: ومن بعد نوقف ونعنݣݣ ولا نبوسك عاد نعنݣݣ
هند: (تبسمت) لا بوسني عاد عنقني
وليد: (حسابلو غتحشم ومتجاوبش) ومن بعد نهزك ونطلعو لشي شومبر
هند: اممم والشومبر لاش
وليد: غير باش نعرف واش بغيتي ولا لا
هند: ههه هاء وراه غنجاوبك منين درتيلي الخاتم
وليد: (حس براسو تعصب وعمرو كان بغا يسولها) عمرك تعرفتي على شي حد
هند: لا
وليد: (بهاد الجواب ماشي تيقها حيت الماضي معندوش الحق يهضر فيه ولكن لا ديالها رضااات واحد الجانب عندو دايرلو الضجيج) مزيان
هند: (عارفاه كفاش كيفكر) وااا كمل
وليد: اش نكمل حدي نزيدك 3 أيام ونمشيو اقرب عدوول سني وهانتي مجوجة
هند: نو نو نو انا تنبغي كولشي يكون رومانسي
وليد: ضرووري غيكون رومانسي
هند: (طرطقت عينيها فاهمة قصدو فين مشا) امم مزال مغتجي؟؟
وليد: مع 8 نكون عندكم سموو ديريلي مساااج
هند: وليييييد!!
وليد: واا مكانش فبالي هاد لمسااج نتي للي عمرتيلي عقلي بيه
هند: سيير سييير
وليد: ياله سيري نصلي المغرب ونخرج نصوني عليك (قطع وصونا على مو) اااامي
نعيمة: لباس اولدي؟؟
وليد: الحمد الله ݣبيل كنت عيان مع الصوݣان وقلت نعاس مصونيتش عليك
نعيمة: راحتك هي اللولة اولدي
وليد: (حس بنبرة ديال صوتها ماشي هي هاديك) ماالكي امي؟؟
نعيمة: (دخلت لبيتها وسدات عليها) اولدي داك خطيب ختك غدا جاي يعزي
وليد: ومزيااان سمو للي معاجبكش
نعيمة: کال لختك يهضر مع بااك على حساب لعقييد يديروه السيمانة جاية
وليد: مرييض هدا ولا سمو؟
نعيمة: معرفت اولدي وبااك مرااهش فݣانتو ياله اليوم للي خرجو محمد شوية هو وجدك
وليد: انا غنهضر معاه
نعيمة: انا ݣلت صافي مبقاش غيجي ودابا كيهضر على لعقيد وهو لعزو ومحضرلووش
وليد: انا نهضر معاه (قطع مع مو وصونا على زهير) صيفطلي نمرة ديال ولد خوك
زهير: علاش
وليد: واش هو مريض عمي ياله ميت وهو ماشي باش يهضر مع با يعقد على شيماء السيمانة الجاية
زهير: انا نهضر معاه
وليد: (خلا زهير هو يهضر باش ميجبدش العيب من دابا) واااخ
زهير: (قطع وكمل الهضرة مع الناس للي كيتبايع ويتشارا معاهم…)
أنوار: (من بعد مسالة وطرقو المحال داز عند زهير للي صيفطلو ميساج لقاه حتى هو سد لبيرو ديال وهاابط) مزال مسدييت؟؟ 9 ونص هادي
زهير: كان عامر اليوم
أنوار: اممم اللهم باارك
زهير: (دخل مع دراري شي تخربيق كان على برا طفا الضو سدو المحال لقاه واقف على برا جبد ݣارو ودارو ففمو كيقلب على بريكا فجيابو) غتمشي لتاوريرت؟؟
أنوار: واه غدا
زهير: مزيان غتمشي وحدك ولا تدي معاك مك
أنوار: بوحدي
زهير: (تسناه يقولو على الهضرة) مهم عزي ودير الواجب ورواح بحالك
أنوار: هه وراه داكشي للي غندير
زهير: (جاه نيشان) داكشي دالكاغيط من بعد وهضر فيه كولهم مزاال واكلينها ومصدومين مع موت باين (كان غيكول أمال) باين محمد
أنوار: هم كتعرف محمد
زهير: كنهضر دابا على الكاغيط
أنوار: انا ولبنت متفاهمين
زهير: أنوار سير عزي وروح فحاالك
أنوار: زهير داكشي بيني وبين لبنت للي غنتجوج
زهير: اهااااه وصلات هااكا
أنوار: ونتا للي جالس كتأمر علية واصلا شكون ݣالك غندير شي كاغيط
زهير: (خنزر فيه) علاش هادشي فيه الدسان؟؟؟
أنوار: مافييهش ولكن متعيقوش هادشي ديالي يانا وحدي
زهير: سمع حتى واحد فديك الدار ما باغي الكاغيط وحتى وتفاهم مع بنتهم الهضرة ماشي ديالها وحدها كاين باها وكاين خوتها وكاين مها متحطش راسك فموقف بايخ راه لمووت للي كيدوزو منها ماشي لعبة خلييك مرجل وسير دير الوااجب وروااح فحااالك (عاد.شعل الݣارو.. داز ومشا ركب فطموبيلة وتبعو أنوار ديمارا وهو كيشوف قداامو)
أنوار: دابا نتا لاش زااعف
زهير: مزااعفش ولكن تعلم تسمع الهضرة من عند الناس ماشي نتا ديما عندك الحق
أنوار: ياله نمشيو نقصيو فشي قنت
زهير؛ عندي شي غراض وما كتسناني لعشا
انوار: سمو هاد الغراض
زهير: شي حاجة وصاافي
أنوار: (بغا يقولو واش غتمشي تلاقا هند ولكن دار بناقص) وااخا نتلݣاو فالدار ونكملو هضرتنا
زهير: (حرك راسو باه ونيشان مشا للدار عند أمال ولاخر بغا بتبع زهير وضار من الجهة الأخرى مشا لسيتي…. جبد تيليفونو ودوز نمرتها ياله غيصوني لقاها فلبالكو لابسة كيطمة فلكحل دارت باي باي هبط متبسم وتكا فالمقدمة ديال الطموبيل وشاد التيليفون فيدو) الزين ديالي
أمال: هاء
زهير: ههه كدوزتي نهارك
أمال: مزيان ونتا؟
زهير: لمخيرة هي منين وليت نشووفك ونهضر معاك انا شحال هادي كنتي قاطعة لما والضو
أمال: (تبسمت) كدايرة الحاجة؟؟
زهير: شوفي دابا مع ولد الحااجة ابنتي أما الحاجة راه دوزت ياماااتها مع باا
أمال: أحاااي (دارت يدها على فمها بدليل هدا مكيحشمش)
زهير: تعشيتي؟؟
أمال: حم واه
زهير: وفين حقي
أمال: نطيبو ليك
زهير: (تبسم) راه طاايب مسكين
أمال: شكون
زهير: هه ݣلبي هههه (حك على لحيتو وهي تبسمت هاز حاجبو) تبقاي بوحدك؟؟
أمال: (خافتو يݣولها تمشي تلات مع الحاجة) معليش غدا غتجي هند
زهير: مغيهناليش لبال تبقاي وحدك
أمال: بات فدار وليد هه (بغات تمازح معاه)
زهير: اممم صراحة فكرة وحتى سوارت مطلبتهملوش
أماال: (فنفسها الحمد الله منين مخلاولوش سوارت) حم وسير بحرا توصل وتعشا مع الحاجة
زهير: دغيا تسخااي بية اݣليع الݣلب
أمال: (غير كيحشمها)
زهير: انا مكرهتش نمشي ولكن لݣاك نتي فديك الدااري امحااينك غتكوون زااهية
أمال: (معرفت دخل للدار ولا تلتح من بالكو ولا شنو دير بقات غير واقفة كتشوف وكترمش عينها بانت فيها.. قشع مرا كطل من لفوق) ياله أموول دخلي انا نصوني عليك بلاتي (دخلت بجرا وهو طلع فطموبيلتو لقاها قطعت عرف غتكون حشمت دوز لخط لوليد وصاݣ للدار…)
تفاعلو ساعة ونص نرجع
هند: (شهقت) ويلي على لبس قفيطين امي لالة واش حمااقتي
الجدة: وشنوو تلقاايه الراجل بلبيجامة دنعاس حشوومة
هند: ههه اللهم بيجامة ولا قفطان اويييلي واش السيد عاد مات ليه عمو ونخرجلو بقفطان لا نتي سيري جيبي شي نݣافة وهبطيني بالعمارية
الجدة: ههه حيت باغية مصلاحتك
هند: ههه (عنقاتها وباستها غحنكها) انا لبس كسوة طوييلة
الجدة: ههه جا للي يحكم فيك ݣاع داكشي للي مربيتكش فيه فلحوايج جا الوجدي يربيك فيه
هند: (تبسمت) ماشي وجدي من تاوريرت
الجدة: هم هم احبيبة دياالي ولكن عجبني فيك لبارح انا جدك كان يدخل علية بداك لباس للي كنتي لابسة لبارح ونحايدو غير رجل دسروال ونتي خارجة بيه لزنااقي
هند: وراه ديما غنبقاو نتخاصمو على لحوايج اصلا نهار اللول محملنيش بدوك لحوايج ولكن (هزت حاجبها) حلفت حتى نطيحو فيية
الجدة: وصدقتي نتي طايحة فييه نوضي ابنتي لبسي وغير عتارفي جا للي يحدهم لباباااك
هند: (عوجت فمها ومشات طلعات لبيتها كانو دبجا عندها حوايج تماك لبسات كسوة طويلة مضيقة جهة صدر ومن تماك هابطة واسعة طلقت شعرها ودارت ميكاب خفييف مباينش رشت بارفاانها وهبطت كانت جات خالتها وجابت حوايجها باش الغد ليه غيمشيو لفرنسا وحتى تمشي لتماك عاد غيشريولها لحوايج.. بقات كتميساجة فالتيليفون مع وليد للي كان جالس فقهوة)
الخالة: هند مقلتيليش فين وصلتي فقرايتك
هند: مسولتينيش
الخالة: وهانا تنسولك دابا
هند: عندي سوتنونص شهر جاي
الخالة: اممم وشنو غديري تمشي تزاحمي فلكلينيكات تمسحي زبل ديال الناس
هند: نعذرك حيت ممتقفااش بزااف ولكن انا تخصص كيني عارفة شنو تيعني؟؟
سعد: ايييه نتي حتارمي ماما
هند: (ميقت فيه) ماما!! (شقلبت عينها وشافت فخالتها) لكيني احبيبة ديالي هو الترويض يعني لواحد منين متيكونش تحرك واحد المدة تشلل او دار كسيدة الله يحفظ او كان مهرس وحايد لحديد كيحتاج لكيني باش يرجع يتمشى او يوقف ككان
الخالة: اممم وراناي عارفة هادشي
هند: اممم بالصح مبيناش
الخالة: مالك الهيماجية على هاد لقباحاات
هند: (ببرود) تربييتكم اخالتي لعزيزة
الخالة: واشووفي امي هاد لبرهووشة متتحتارم حتى شي واحد ومديراش حتى اعتبار للي معانا
هند: اواااا بين نسا مكاين حشمة
سعد: (وقف كيتهز) اسمعي اديييك خييتي وااا ب ربي ومتسكتي حتى ن…
هند: (ببرود) ن… شنو كملها
سعد: هانتوما شهدو عليييها راه هي للي تتجبدني
هند: ويينوو على لكتكوووت تتدير شهوود
الخالة: زيد اولدي نمشيو هاد لحمارة ممربياش وملقاتش للي يربييها
الجدة: بنتي اش هاد الهضرة كتقولي على بنت ختك
الخالة: نتي بحالة مشفتيهاش شنو كتقول
هند: شنو قلت نتي بغيتي تفهمي شنو تنقرا وانا شرحت ليك
الخالة: دابا طفريييه ياله اولدي وكان كنتي بعقلك وكان شي واحد جا غير يخطبك ونتي داخلة فتلاتينات ومسول فيك حد
هند: زوااج خليتو ليك اخالتي لحبيبة انا براكة علية غير لكبييييدة (عنقات جداها) ديالي نعيش معاااها ما فيا للي يتبلا بولاد منقدرش حتى تفرز بيناتهم شكون ذكر وشكون الراجل
الخالة: ولينا معيااار معياار ميييييي متهضريش معاها
هند: واا خالتي حتى نتي متتقبليش الظحك زعما نتي مولاتو
الخالة: الظحك راه فييك على وجه ختي ومي انا غنسكت وندير مسمعت واالو سععععد ها هو طلع لوليدي الدم عاود… (خرجو مكرهين من عندهم وهند كتقاد فشعرها حيت علمها وليد راه جاي فميساج)
الجدة: بنتي شنو قلتلك داك نهار
هند: مي لالة والله منساها لييهم كانو بغاو يقتلووك داك نهار وجالسين يتفااصلو على داك الرياض بحال هوما للي بنااوهم وهوما عارفيينك شحال تتعزي داك الريااض وكملوها جايبين الشااري لقااعو وحطوك زعما أمام أمر الواااقع كرهتهم وكان شفتي شنو دوزو علية خلاوني غنحماق من تاوريرت لفاس وانا يحسابلي متي وحتى واحد مابغا بجاوبني ولا يقولي غير شنو وااقع
الجدة: صافي ابنتي موقع واالو
هند: ديري رايي ݣاع متمشي لعندها تسجلي بحال الناس هنا وتسناي النوبة امي لالة ولا نشوفو شي شركة طيران تمشي معاهم
الجدة: وصااافي ابنتي نعلي الشيطان راني ماشية عند ولادي
هند: الله يلعنو ويخزيه مهم مي لالة انا نطل فلكوزينة واش طاب لعشا وليد راه جاي….
هند: (خرجت لبرا وحلات ليه لباب شاف فيها كانت زويينة هاد الايام مكانتش كتقاد واخا هو فعينو أحسن بنت الا اليوم زايدة نغزة وحتى لكسوة عجباتو عاد شعرها كولشي فيها زويين عجباتها ديك الشوفة دالاعجاب) مرحبا بيييك…
وليد: (هز عينو فيها) غتخرجي ديل ملتي على ديني
هند: (تبسمت حتى تغمضو عويناتها) دخل (شافت فيدو كان هاز 3 ديال كرطونات) شنو جبتيلي
وليد: شي حاجة وصافي (دخل ومدات يدها باش تشدهم) خلي بعدا غير حناك تشوفني مدخل شي حاجة
هند: هههه دخل
وليد: (دخل وهند تابعاه وشحال فرحانة وكانت كتسنى امتى يبغيها ويجي لداارهم رحبت بيه جدتها للي متهنات حتى لبست قميس جوهرة فلبيج وفوقو كاب رحبت بيه وحط داكشي للي جاب فوق الطبلة جات هند وجلست فوق التكاية ديال لفوتووي وميلة على حناها كانت جدتها كباتلو اتاي ومداتلو طبسيل ديال الحلوة مشكلة)
هند: (حنات وحلات لكرطونة اللولة كان فيها شكلاط) امممم (حلات التانية كان فيها ماكارون) يااااااي تنحمااق علييهم
الجدة: (مرضاتش) هند خودي هادشي للكوزينة ولدي علاش عذبتي رااسك
وليد: ماشي شي حاجة الحااجة
هند: (هي كتاكلهم ولكن حيت جابهم وليد زادو عجبووها ناضت هزااتهم ومشات كتعوج وتماايل وهو متبعها بعينيه الماليين كفاش كتعوج ضارت حيت متأكدة كان كيشوف بابتسامة غمزاتو وكملت طريقها مسح على عينو وشاف فالحاجة زعما مسمعتكش)
وليد: نعام الحاجة!!!! (بقاو مجمعين حتى شافو هند ووواحد لبنت كيحطو فصالة مونجي كان الديكور خطييير عاون جداتها فلوقوف وجلسات وجلس هو حداها وهند قباالتو كياكلو فسكات كانو جوج وجبات محنشة ديال دجاج ولحم بلبرقوق واللوز كلاو للي كتب الله عاد تحط الديسير مشكل فطبسيل كبير معاه تشيز كيك قطعات منها هند وحطاتلو قدامو طرف كبير)
هند: انا للي قادييتها
وليد: (تبسم وداق منها) خلي منها واحد شوية
هند: (تبسمت) عجبااتك؟؟؟؟
وليد: الا باش غير الا سولوني فليرجوونص شنو كليت تعطيهم شي عينة باش يوجدو دوا
هند: (هزت حاجبها) هاهاها
الجدة: هههه الله يعطيك الخير اوليدي بنتي هند بينها وبين طياب غير الخير والإحسان
وليد: (حرك راسو باه وكلا من تشيز كيك للي كانت بنينة شاف فيها لقاها كتخنزر فيه وكتشقلب فعينها) الله يعطيك الصحة الآلة هند.. الحاجة (تقاد فالجلسة ومسح يدو بموشوار) انا كنت غنجيب الواليدين نتعرفو عليكم كتر ونديرو خطوبة على ميجيو واليديها ولكن بموت عمي كولشي تأجل
الجدة: الله يرحمو اوليدي
وليد: اميين.. بنتك باغيها لحلال ومكرهتش نكون العلاقة رسمية كتر باش (هند طرطقت عينها خافتو يزبلها عاود) نخرجها على خاطري نجلسو نوجدو الدار حيت حاليا كنفكر نجلس فالمغرب (هن
طرطقت ودنيها حيت أول مرة غيهضر فهاد الموضوع) غنشوف واحد المحال وغنعمرو بالالكترونيات
هند: بحال محال زهير
وليد: هو الاثاث وانا الالكترونيات يعني بزاف دالشركات دارو معايا عروض مزيانة ومزال كنفكر والمحال ديال بلجيكا غنخلييه مهم مزال كندرس الفكرة حيت مغنشريش المحال داابا غير غنكري هو ݣراج كبير جاي فظهر ديال محال صاحبي خاصو شوية ديال الإصلاحات (كيشوف ردة فعل ديالهم)
هند: غيكون مشروووع طووب والله (تبسمت) انا من شحال هادي قلتلك على عاد المشرووع اممم نقلتي الفكرة من عندي
وليد: اممم جزئيا
هند: ههه نقاال
وليد: واخا لالة مهم الحاجة للي بغيت نوصلك بنتكم غتعيش معايا فنفس المستوى للي كانت عايشة فيه
هند: وليد انا متيهمونيش الماديااات بقد متيهمني الاستقرار والراحة
وليد: وهو للي يكون ان شاء الله
هند: انا براكة غير تبغيني وعمرك تخوني ولا تفكر تجي تقولي انا غنتزوج وحدة أخرى حيت فكرة التعدد عندي غير مسموح بيها
وليد: (حرك راسو باه)
هند: قولي والله منديرها
الجدة: هند!!
هند: مي لالة راه ضرووري نسمعها
وليد: علاش مكتيقيش فية
هند: كنتييق وبزاف وعارفة كلمتك كتكون سيييف على رقبتك ولكن ديرلي خاطري وحلف (حرك راسو باه)
وليد: مزال نهضرو على بزاف دلحوايج وانا اهند براسي فكرة التعدد معنديش فقاموسي كوني هانية (كيتحلف فيها.. شاف فالجدة للي بانلها معقوول وباينة كيبغي هند أما هند باينة كتمووت فيه وعاد كظل تعاودلها عليه) مهم الحاجة انا نسبيا غنخطبها من عندك على مترجعي ونديرو خطوبة وكاغيط للي بغيتو (تبسم) غير المهم نديرو الكاغيط
هند: ههه
الجدة: (تبسمت حست بيه باغي علاقة جدية تجمعهم) مرحبا اوليدي انا ملقاش واحد يتهلالي فعويناتي بحااالك الله يتاويكم للخير نرجع والعائللات يتجمعو ونديرو للي بغيتو
وليد: ان شاء الله الحاجة الله يجيبك على خير (وقف) الله يخلف علييكم (ودعهم وخرج وتبعاتو هند وقف وضار عندها)
وليد: فايت ليك مضرووبة بفردي خااوي ولا سمو؟؟؟؟
هند: ههه علاش
وليد: راه كاين الهضرة للي تكوني بيني وبينك والهضرة للي خاص تݣال ݣدام العائلة واااا الله يرضي عليك عرفي سمو كتݣولي
هند: (شافت فعينييه) اوا حلفلي
وليد: هادشي ميحتاجش نحلف بييه
هند: لا حلف
وليد: (جابتلو الظحك) واش نحلف منتجوش عليك وانا مزال ما تجوجتك حتى نتي
هند: اه غير حلف
وليد: ويلا متجوناش نبقى لا نتي لا حتى وحدة أخرى ههه
هند: (غوبشت) وليييد
وليد: ههه واخا والله منجوج شي وحدة أخرى من موراك
هند: متجوجش ݣاع الا متجوجتينيش انا
وليد: عفاك غير متحلفيليش الا مشيت للجنة منشوف حتى فشي وحدة حتى تجي نتي
هند: (متهنات حتى حلفااتو ودعها مشا لوطيل وهي رجعات لقات مها مصونية على حساب الهضرة للي قالت لخالتها كانت راشقة ليها وغير كتنعم لمها عاد سولاتها على وليد مشات جدتها تنعس وهند طلعت لبيتها وصونات على امال ابيل فيديو كيتعاودو شنو وقع فهاد نهار وهند معتابرة وليد راه خطبها من عند جدتها يعني دابا بقاو غير واليديه يجيو وهي كيهمها هو وزاد فرحها منين عرفات غيستاقر فالمغرب…)
~~~~~~~~~~~
أصبحنا وأصبح الملك لله
أمال: (لبست حوايجها وشافت فتيليفونها كتسنى ابيل من عند زهير وتفكرت خوها محمد) من نهار جيت مخسرش علية ابيل وعاد ݣالي بقااي (حست بخوف بسبب افكار عندها الا حتى زهير سمح فيها غترجع عندهم وحياتها غترجع جحيييم كتر من اللول ولكن هدأت راااسها مدارتش مكيااج فقط حيدات شي زغيبات ناضو فديڤي هزت صاكها وخرجت من الدار شدات تاكسي نيشان لفاك ومرة مرة كل على تيليفونها حتى ضربت 10 منين خرجت للكافيتيريا تفطر عاد طلعات سميتو فتيليفونها فرحت بزااف شداتو) حم سلام
زهير: (بصوت شبه باح وباينة عاد فاق من نعاسو) صباح الخير الزين ديالي
أمال: (تبسمت) صباح الخير
زهير: قارية؟؟
أمال: واه ودابا كنفطر
زهير: وفينو حقي!؟
أمال: ݣاع ميعجبك تفطر برايبي ومادلين
زهير: لا يعجبني نفطر بحاجة اخرى
أمال: (بنيتها) شنو هي؟ (باغا تعرف شنو كيعجبو)
زهير: بيك نتي
أمال: احااي (بعدت التيليفون عليها وحطاتو فوق الطبلة كتحشم منو بزااف وأكتر واحد كتحتارمو سمعاتو كيظحك بقات كدور عينيها فالناس بحال كولشي سمعو شنو قالها.. قطع ورجع صونا عليها ورجعت جاوبااات) حم مخدامش
زهير: هه علاش مكنتيش تجاوبي
أمال: ها مسمعتوش
زهير: اممم لا مخداامش ازين ديالي الجمعة مكنحلش فيها المحال
أمال: (وترها) بحرا ترتاح شوية
زهير: سمو نجي عندك نجيبك ترتاحي شوية ومتبقايش وحدك
أمال: لا لا عندي لقراية مغنخرج حتى ل 6
زهير: بزااف نهار كامل تقراايه؟
أمال: حيت كنت غيبت بزاف خاصني نعوض باش نفهم شحال من حاجة
زهير: ورخفي على راسك ابنتي
أمال: ههه واخا
زهير: (سمع الدقان) صبري أموول (كبعجبها فاش كيقولها #أمووول ) دخل
أنوار: (دخل عندو وشاف تيليفونو دايز ابيل فيه) واش تمشي معايا لتاوريرت
زهير: لا عندي شي غراض نقضييه اليوم أنوار غير سير نتا
أنوار: واش نمشي وحدي عندهم
زهير: سموو فيها دير الوااجب ورجع ومتهضرش فالكاغيط كاع زربانين ولكن كنخدمو عقلنا
أنوار: اممم انا نشوف اشرف يمشي يمشي معايا
زهير: واه يونسك يااله سد معاك داك لباب
أنوار: (خرج مكره ضرباتلو فلخوا ميمشيش ولكن غينوض عليه غير صداع مع باه اللي كيتفااداه وخاصو يكون معاه مزيان…)
زهير: اوا الزيينة ديالي فين خليناها
أمال: (تبسمت ولكن ماشي تبسيمة ديال الفرحة عقلها بقا مع أنوار للي ماشي لتاوريرت)
زهير: امل؟؟؟
أمال: هم نعام
زهير: مالكي؟؟
أمال: والو غير جات واحد لبنت سولاتني على شي حاجة
زهير: لا لا ياكما شي واحد كيضسر عليك تماك؟؟
أمال: لا لا مكنهضر مع حد مكيهضر معايا حد
زهير: وهادشي للي عارف عليك.. سمو متجييش للدار؟؟ زعما عند مّا أما أنا مدااابية نجيبك عندي ونسد علييك
أمال: ههه
زهير: غير ديريها فباالك الدار ممفرشااش عمرك دخلتي ليها؟؟
أمال: حم لا
زهير: خاصكي تجي باش تفرشي دارك راه فيها غير كاسرونات ب 30 الف ريال
أمال: هههه
زهير: كاينة واحد سويقة زيينة فسوق الفلاح وعاد محالات ديال 5 دراهم يعجبك داكشي
أمال: ههههه لا انا غنفرش غير من عندك
زهير: امحااينك ابا زهييير جابلك الله للي تحطهم عليها ونتا ظاحك حتى لودن….
أمال: هههه غير كنظحك معاك
زهير: هكااك بقاي ظحكي ومولاها ربي ولكن غير معايا
أمال: (تبسمت) انا ندخل لونفي
زهير: وااخا أموول ديالي ندوز عندك مع 12 نجيبك تاكلي طعام معانا ونردك تقراااي
أمال: عفااااك بلاش
زهير: واخا للي يريحك ولكن ضروري فلعشية نشووفك
امال: معرفت
زهير: لا لا ضرووري أصلا جبت شي سلعة جديدة بغيتك تشوفيها متخافيش غتكون حتى مّا (سمعها ظحكت) انا ضروري خاص نهار نشوفك خاص يكون شهود
أمال: حم انا نمشي
زهير: سيييري وكان (سمعها قطعات شاف فالتيليفون) مكتعطلنييش (ناض راشقة ليه دخل للحمام قاد امورو توضى وخرج صلا ونيشان لعند مو مع الدخلة كيسمع صوت خوتاتو طلع سلم عليهم والحاجة داخلة وهازة صينية تعرضلها كان فيه فطورو)
عيشة: اوا شتك اخويا مخدمتيش اليوم ولا حتى نتا داير بحال لكبير الجمعة مكتحلش
زهير: (كيشرب اتاي) اممم
عيشة: اوا مشفنا منك والو فهاد السلعة
زهير: دوزو وخودو للي بغيتو
مينة: اوا سمعنا مات باين شي وحدة من دوك لبنات للي كانو يجيو عند ما ياكما عرووسة لكاملة؟؟
زهير: (شاف فمو للي بعينيه كيزيد ينبهها متعاود والو)
الحاجة: لا باين لوخرا
عيشة: ݣولي باين ديك رقيقة على مزيناتها
زهير: (شاف فختو ورجع كمل لماكلة)
مينة: منين جاتها وهي غير كدور فعينها مسكينة مها شحال شكات علينا داك نهار مكتحتارمها لا هي لا خوتها لا بااها ومنين كانت تجي وعينيها غير طايرين لباب كتسنى غير فوكاش تمشي ويا حسرة مغربة على دارهم باش تشبع من مها خاصها غير ترجع لفين ساكنة
زهير: (بلا ميحس) ختي اليوم الجمعة ونتي جالسة تاكلي فلحم لبنت بلا حتى متعرفيها ولا تعاشريها وعاد عندك بناتك!!
مينة: انا بناتي مربيين العتبة ميفوتوها غير الا ماتشاورو ولا كنت معاهم
زهير: عرفتهم مربيين وحتى ديك لبنت معرفتي واش مربية ولا لا
عيشة: انا بعدا ديك مها معجباتنيش تبقى تجمع ببنتها ونعيمة ديك لمرا زوينة بلعكس كتشكر فيها كتر مكتشكر فبنتها للي غتولي عروووس
زهير: اوا شفتي (الحاجة جابلها الظحك منين كيدافع على أمال) ها هي عرفات ونتي جالسة تاكلي فلحمها متقشرييش اميينة
الحاجة: أمال ميعرفها حد ݣدي لبنت غزاالة وظريفة تحطيها بحال الأمانة متدخل فحد متهضر فحد
زهير: (كمل فطورو وناض) الحمد الله (خرج وهو يتم راجع) نوضي أمينة صلي ليك ركيعات ونتي حاضية غير فلانة نوضي ستغفري مولاك ومتبقايش تهضري على شي واحد نتي معرفااهش (خرج خلا فيهم لعجب عمرو جمع معاهم هااكا خلا مو كتموت بالظحك حيت هي للي عارفة ولدها وماابيه… طلع لسطح فين كتعجبو الجلسة للي دايرة مو كولها ورد وخضورية جبد ݣارو كيكمييه وتفكيرو فاموولة للي قرب يوصل ليها ماشي غير على زوااج لا على داك لقلب بغااها تبغيييه باش يتزوجها وهو عارف بيناتهم حب زويين ونقي… كمل ݣاروه على خاطرو نقز لسطح دارو وهبط لبيتو بدل حوايجو كان الجو بدا يدفا لبس عبايتو هز صلايتو وداز على خوه لكبير وحتى ولادو مشاو للجامع صلى صلاة الجمعة ورجع بدل حوايجو مشا تغدا ونيشان لجنان كيقاد فيه للي خاصو يتسقى للي جناه لمو ولي عاود غرسو هاكا دوز عشيتو حتى وصلات 6 مشا لدارو دوش بدل عليه ولبس داكشي مأنتك كابيتشو فلحمر ودجين كحل كاط كحل وبوني على شعرو هز جاكيط وخرج عند مو للي دار معاها تخرج معاه ولكن بلا خوتاتو وخصووصا مينة.. ركبو فطموبيلة ديال خوه ومشاو ناشطين.. دوز نمرة ديال أمال وهضر معاها قداام ومو وهادي كانت أول مرة يهضر معاها قدامها) أمووول 10 دقايق تلݣاينا تحت الدار
أمال: حم ضرووري؟؟
زهير: واه ضرووري ومأكد هاني جايب معايا حتى مّا ارا غير تخرجي (ضرباتو مو لصدرو) هه ياله هاحنا جايين
الحاجة: راك تحشم فلبنت اولدي
زهير: وغير بغيتها تطلق معانا شوية
الحاجة: وهي كتحشم
زهير: انا مدااابية وكان راها مرتي ولكن شتي سمو وقع منخليهاش تحشم واش تخرج عندي ولا معانا وحتى دابا راني خطبتها نهار دفنها باهاا
الحاجة: (ويلاات) اويييلعدا لا تݣولهاش اولدي
زهير: هه والله مهم الطفلة انا بغيتها تكون مرتاحة وفرحانة معانا
الحاجة: انا ولدي نديرها بنتي وكتر
زهير: وانا نديها مرتي ههه (ضرباتو لكتفو بقاو ناشطين حتى وصلو صونا عليها وهي تهبط حشمااانة خرج عندها ووقف حداها.. هزت عينها فيه منين كيوقف عليها كتحس بواحد كمية الرجولة فيه فشكل عاد ريحتو للي مكيبدلهاش وعينيه لي عليها بحال صقر كتخلي فيه الهبة) السلاااااام عليكم….
أمال: وعليكم السلام
زهير: (زفر وهو كيشوفها زويينة والابتسامة على وجهها) ياله وكان (مشا حلها لباب وهي وقفات حدا باب الحاجة لاش تسلم) زيدي حتى توصلو ليه وتسااالمو
الحاجة: هه سيري ابنتي حتى نخرجو (شافت فيه واقف شاد لباب اللوراني دازت من حدااه)
زهير: الله يجيب للي يسلم علينا حتى حنا راه قتللنا الناشف
أمال: (طلعت ركبت مولاتش شافت فيه سد لباب وطلع لبلاصتو صاݣ وهضرتهم كانت على أنوار للي بغا يمشي يدير الكاغييط وصلو للمحال كان مسدود خرجو عاد أمال مشات كتسلم على الحاجة وهو مشا يحل لباب دخلو ورجع سد لباب ودار اللافتة ديال #مغلق تبعوه وهبطو لتحت وأمال غير كتشوف فداك الأثاث كولشي زوين وكتعاود هضرتو ديال يعمرو الدار جاتها كببببببببيرة وعمرها تخيلات يكون عندها رأي وذووقها يتحتااارم فعااام تقريبا منين خرجت من دارهم رجعت انساان وخصووصا نهار تلاقات بزهير.. شعل الضو بانو كراطن ومشا حلهم أغلبية كانو ديكوورات ترياات جاوه من تركيا)
الحاجة: تبارك الله اولدي هادشي على مزيناااتو
زهير: امل زيدي شووفي
أمال: (حنات هزات طبسيل حسابلها خفيف سلعة كان تقيل زرب مشا حداها وشدو من يدييها) أحاااي كان بغا يطيييح
زهير: (فنفسو الحمد الله منين عتقو) نخااف عليك غير من الزااج
أمل: (فرنست وجبد كيوريها فالديكوورات وكيركز على الثمن حتى جمعت يدها مكتقيسهمش غير كتشوف وهو كيهضرها عليهم ويشاورها فين يحط وحتى هي كتجاوب ومو مشات كتقلب فالصالونات)
زهير: أمل سمو عجبك تخلي للدار
أمل: اشمن دار
زهير: (كان مقرد هز راسو فيها) دار اجدك
أمل: (تبسمت) ياك ݣلتي نمشيو ديال 5 دراهم
زهير: ههه ونتي تعرفيني نفرش لحبيبتي ماعن د5 درااهم
أماال: (طرطقت عينها على هاد الكلمة ماشي حتى فالتيليفون فالمبااشر حست بسخونية طلعت مع وجهها أما هو كيعجبو هاد ردة الفعل للي كديير)
زهير: رواحي نݣولك (حركت رأسها بلا قوس عينو فيها) روااااحي
الحاجة: (هازة فاز وجاية عندو) ولدي ندي هدا لڤاز للسعدية جارتي كانت داك نهار وصااتني نجيبلها واحد من السوق
زهير: (شاف فمو ووقف) اتبارك الله على مّا وعلى للي غنتجوج داخلين علية بربح!! واش عارفة اما داك لفاز شحال ساوي باش نتي تديه للسعدية وتݣولك هاكي 400 دريال وتݣولها والله منشدها
الحاجة: شحال ݣاع!!
زهير: غير 12 الف ريال
الحاجة: (ميقت فلڤاز) غاااالي!!
زهير: ميغلاش عليك أماّ ولكن تحطييه فدارك ماشي تديه للسعدية
أمل: هه
زهير: مزيينك بظحكة (ظحكها وبقاو مجمعيين) غنشد واحد بيت نعاس حتى نصيفطولك فلواتسااب
أمل: (دارت يدها على فمها مخرجة عينها) احاااي
الحاجة: وااه اولادي خاصكم تفرشو الدار راها تصفر خاصك تشوفيها ابنتي باش تعرفي سمو ديري
زهير: داكشي للي ݣلتلها
الحاجة: واه ابنتي خاصك تفرشي على يديييك
أمال: (حشمت بقات غير كتهز فراسها حتى صونا تيليفونها جبداتو لقات نمرة محمد حست بالدوخة) حم انجاوب
زهير: شكون؟؟
أمال: (وراتلو التيليفون) محمد خويا
زهير: مݣلتلكش وريني انا غير شفتك تخلعتي.. سيري دخل لتماك وجاوبي على خاطرك (دخلت وهي تجاوب) الوو
محمد: لباس عليك
أمال: الحمدلله ووونتا؟؟
محمد: الحمدلله انا نصيفط ليك شي فلوس غدا فوافاكاش نسيت داك نهار معطيتك وااالو
أمال: (معرفت متقول ولكن بالصح معندهاش لفلوس)
محمد: خاصك شي حاجة امال؟
أمل: لا
محمد: نجي عندك انا ومريم فلويكاند؟
أمال: واه اجيو
محمد: (شافها رحبت بالفكرة) صافي حنا نجيييو
أمل: (تبسمت) سلم على مريم بزاف
محمد: انا نݣولها تهضر معاك بالليل دابا راكي عارفة الدار عامرة
أمل: اممم (كتحس براسها ديما غريبة على ديك الدار لدرجة مبقات بغات تعرف وااالو)
محمد: ياله الله يعاون
أمل: بسلامة (قطعت لقات زهير جالس فكرسي غير شافها وقف)
زهير: كولشي مزيان؟؟
أمل: فين الحاجة
زهير: صدرتها باش نبقاو انا ويااك الراس فالرااس…
زهير: صدرتها باش نبقاو انا وياك الراس فالراس…
أمال: (تخلعت وبااانت فيها اوطوماتيك جا فبالها السيناريو للي دار أنوااار حتى استغرب لردة فعلها)
زهير: واش تخافي مني؟؟؟؟
أمل: (حركت رأسها بلا ولكن باينة فيها)
زهير: واش أمل تخافي مني أنا؟؟ غير جاوبيني
أمل: لا لا لاااااا
زهير: مّا راها لفووݣ جا خويا وطلعت عندو (تحول للجدية) مفهمتش علاش تخافي مني واخا انا عمرني بينت ليك ناوي على شي حاجة خاايبة مهم (سكت مدة لعب بلسانو فوسط فمو كيشوف فعينيها) منبغييكش أمل تخاافي مني انا بااغيك للحلال ويمكن من نهار للي هضرت معاك وعرفتك حطيتك بين عيني نجيييبك لداري ونتي حلالي… (زفر) ياله نطلعو
أمال: (بغات تشدو ولكن رجعت يدها) لا زهير انا مكنخافش منك والله نخااف من كولشي الا نتا..
زهير: (قوس عينو فيها وهي كتهضر)
أمال: عفااك متقلقش مني
زهير: جامي نزعف منك انا يغييضني الحال تكوني خايفة مني
أمل: (حركت رأسها بلا) بلعكس انا معاك مرتااحة غير حم (نبسمت) نطلع عند الحااجة
زهير: ابردي على الحاااجة وولد الحاجة ازين معندو حق فييك
أمل: (طلعت فدرووج كتفرنس تبعها من بعد مطفى الضو لقا خوه خرج ومو كتقلب فشي ديكورات.. خرجو من تماك نيشان للشوايااات فين عرضهم بقا بالظحك ديالو كيعاود وحتى الحاجة نسااو أمال كولشي وبقات غير كظحك وتصرف على طبيعتها وصلوها فين ساكنة سلمت على الحاجة وخرجت طل عليها زهير براسو)
زهير: انا نصوني عليك (حركت رأسها باه ومشات لدار فرحااانة ومرتاحة بزااف مع زهير مكرهتش تقولو بزااف دالهضرة ولكن مزعمااتش عليييه… صونات عليها مريم جاوبات)
أمل: الووو
مريم: (كتغوت) لهلااااا يحيييييك
أمل: (حسابلها مع مها) احاااااي مالكي؟؟؟
مريم: مع واحد لكلبة.. ياله خرجي من هنا
فتيحة؛ (بلغوات) مريييييييم
مريم: واش مسمعتيهاش هي سمو تݣول بزااف عليها أماال
فتيحة: الله يعطيهم مصييييبة بجووج يييخ حتى حااجة موالات تفرح (دخلات لبيتها وزدحات لباب)
أمل: شنو واقع امريم؟
مريم: واحد لكلبة جاية تعزي ومنين جلسنا معاها وهي تهضر فيييك سمعها خووك وطردها وهود وبقات تعاير فيه وفييك كنت غنضربها
أمل: شكون دي؟؟
مريم: معندك متعرفي فيييها
أمل: (تنهدت) عنداك غير محمد يضربها
مريم: وكان ماشي خالتي والله حتى نطييير عليها
كريمة: هاي هاي وليتي ضااسرة ياك سمعها الهضرة لاش حميتيييها نتي
مريم: حيت للي يجبد ختي أمال غنوضلو (دخلت لبيتها) الووو
أمل: (تبسمت حيت مريم صدقات معاها ضرييييفة) حمقة نتي للي بغا يݣول شي حاجة يݣولها
مريم: انا راه خوك للي زعمني ههه
أمل: ههه عاارفة
مريم: كراكي لباس عليك وكراها هند
أمل: هند مشات لفاس مع حنااها وغدا ترجع
مريم: بقيتي وحدك؟؟
أمل: معليييش (تبسمت حيت زهير مخلاهاش فين تحس بالوحدة ولا لقنط)
مريم: عرفتي شيما جا داك للي خطبها عزا هو وشي صااحبو ورجعو
أمل: اممم مزيان
مريم: خالتي نعيمة ݣاع معاجبها الحال وشيما ناضت تݣادات وصوبات لوجه دارت لحشوومة
أمل: ماشي شغلنا فيها امريم
مريم: اوا فعايلها للي جبدوها اما انا ݣاع منبغي نهضر فشي حد
أمل: ههه وااه تقتك…
هند: (رجعو من مطار سايس فاس من بعد مودعو الحاجة هو صايݣ وهي غير كتفكر) مسخيييتش بمي لالة
وليد: حتى انا
هند: (شافت فيه وظحكات) طاااانز؟؟
وليد: وعلاش نطنز عليك انا للي جاية فية شووف فوكاش ترجع باش نديرو لاكط
هند: وليد هه كتفكر فلاكط بزااف
وليد: غنشدو طريق نيشان لوجدة يااك!!
هند: نجيب حوايجي
وليد: كنفكر فلاكط بزاف حيت خاص ضميري يكون مرتاح نجلس معاك وانا واخد راحتي نقييسك وانا مكنحسش براسي داير شي حاجة للي كتغضبو
هند: اممم ولكن ضروري خاص نزيدو نتعرفو
وليد: انا حاس براسي مقتانع بيك ولكن نتي بانلي باقي باغا تعرفي
هند: لا لا بلعكس متنسااش راه انا للي جبدتك
وليد: اودييييي عرفتي نهار اللول شفتك ݣلت غتخرجي على لبنات
هند: هاهاها (شقلبت عينها) عادي مولفة بنادم كيسبق النظرة البايخة علية
وليد: انا بايخ؟
هند: وي وبزااف وهادشي رجع يعصبني أوليد انا مكنخرج حد لطريق للي فنيتو يخرج مكيتسناش للي يدفعو كيقلب غير على الفرصة
وليد: وصافي متقلقيش
هند: لا عصبتيني حيت تتقولها
وليد: وصافي حنا غير كنهضرو
هند: (وصلو وهبطت) متبقاش تقولي بحال هاد الهضرة
وليد: وراه صافي فهمنا متبقايش تغوتي
هند: (كتغوت) انا مكنغوتش (فتحت باب الجردة ياله دخلت وهو يخلعها سعد الي جرها) اويلي واش تسطييتي طلق مني
سعد: دابا غنورييك واش انا راجل ولا لا
هند: وطلق مني الحمار وبزاف على مك الرجلة (بقات تنتر وهو حاكمها بذراعو حتى لواها وعطاتو بظهر وبحال معنقها) ولخرااا طلق (وليد دخل على غواتها ولاخر كان داير حسابو هدا كيمشي لوطيل.. وليد غير شافو كشادها صعر مشا نيشان عندو وحيت لاخر ترخى هند دفعاتو حتى طلقها ووليد شدو من كول شوميزتو وعطاه بريوسية للنيف حتى طوش دمو ولاخر حتى هو دفعو بغا يبونيه ساعة لاخر زرب عليه عطاه بونية لعينو حتى دوخو وغير بغا يزيدو سعد وجد بونية عطاها لوليد حدا حاجبو ليمن ولكن مݣراتش فيه)
هند: (كتغوت) ولييييد وليييد
وليد: (شاف لاخر بغا يهرب عطاه بركلة طيحاتو هنا جا العساس للي كان كينقي لبيسين وبقا كيفااك سعد هرب ووليد بحرا تفاك من العساس خرج يقلب على سعد ملقااهش رجع عند هند وهو صااعر) داابا ديني لدار داك *****
هند: (أول مرة تسمعوا كيخصر الهضرة) وليد نعل الشيطان
وليد: واش تديني ولا نݣلب على مو هاد فاااس دار بداار
هند: (للي خافت منو طاحت فييه) اجي غير دخل أوليد ونهضرو
وليد: وااا منهضرش (سكت معصب ضار عند العساس) كتعرفو فين يسكن (هند خرجت عينها فيه باش يسكت)
العساس: لا اولدي مكنعرفش غير نعل الشيطان
وليد: (خرج من تماااك باغي غير يلقااه هند تبعاتو حتى شداتو فذرااعو) طلݣي
هند: عفااك أوليد دابا نتا الا خرجتي وهو رجع عندي
وليد: (زادت صعرااتو) وااا ديني عند ل…. لكلب نــــــننننقتل مو
هند: واا غير اجي داابا معايا (طلقت من ذراعو وزاد وهو كينݣر ويسب وصل لباب لفيلا) دخل
وليد: (معصب) مغندخلش غنتسنى مو هنا
هند: (جابلها الظحك واخا خايفة من المحاسبة ديالو) دابا غير دخل
هند: داابا غير دخل غير يجي خرج عندو
وليد: (خنزر فيها) دايرااني بز ولا سموو؟؟؟ (زاد كيقربلها) علاه كان شاادك لبغل؟؟!! وسمو كان يݣوولك؟؟؟ ومن امتى عندو كلام معاااك؟؟
هند: هااء وراه شفتييه هو للي هجم علية
وليد: كفااش هجم عليييك؟؟
هند: لا زعما ياله بغا يشدني ونتا جييت عندو عطيييتو والله حتى غزييتي فمو لكلب لاخر على شوية كنتي غتقتلو غير ربي كتبلو عمر جديد
وليد: (حرك راسو باه.. وسكت 5 دالثواتي) سموو كان يݣوولك؟؟؟
هند: دابا غير دخل أوليد
وليد: لا دابا غتوريني دار لكلب تحركي
هند: اوييييلي أوليد واش باغي تكمل عمرك فلحبااسات على قبل شماااتة
وليد: (بعصبية) سموو كان يݣوالك؟؟
هند: شوف هاد ولد خالتي انا ديجا عاودت ليك عليهم لبارح كنت تناقشت معاهم لدرجة طردتهم غير بلفن هو ومو صافي مرضااش وجا باش والله معرفت شماتة معندوش حتى صحة لعصى… دابا غير دخل منبقاوش برا
وليد: سيري جيبي حوايجك نمشيو (خرج معصب وهي دخلات معصبة حتى يكون جو زوين وتجي شي حاجة ضيعو مشات جابت صاكها كان وااجد وباليزة فيها حوايج ربيع كانت تقداتها ليها حناها قبل متسافر خرجت جرااهم وليد كان واقف شدهم من عليها دارهم فلكوفر وشدو طريق لوجدة وهوما ساكتين لمدة ساعة فوقما بغات تهضرو كتسكت حيت باينة معصب)
هند: نااااري ݣاع مجبت لخليع لامال كانت وصاتني علييه
وليد: (لا رد)
هند: وليييد وصااافي
وليد: شوفي كنكره شي حاجة سميتها لكذوووب ولا تخبعي علية وخصووووصا منك نتي اهند داااابا غتݣوليلي علاش كان شااادك ميمكنش يشدك غير هكاااك
هند: سمع داك لكلب منين كنا صغار كنا قرااب لبعضياتتنا (ضار مخنزر ) صغاار يعني ياماات الليسي
وليد: الليسي راكي مرا الآلة قدك كانو بولادهم وهازين مسؤوولية اشمن صغار
هند: ياك نتا باغي تعرف انا مقلتش كنا مصاحبين غير كنا انتييييم
وليد: امم زييد أنتييم
هند: اوا صافي منين حليت عيني مبغيتش نكمل فداكشي للي كانو راسمين باش نتجوجو وهو مرضااش حتى صافي مبقيناش نهضرو وكل ملقاتنا الوقت كنبقاو ندابزو ولكن دابا مفهمتش شماتة شنو قاليه داك ز.. (ضار بالزربة عندها وتداركات الأمر) الا داك زبل ديال مخو والله عمرو تجرأ هاكا يمكن حسابلو بقيت بوحدي ومي لالة مشات ومبقى حد معايا
وليد: (بعصبية) ݣلنا نديرو لكاغييط ونتي مباغيااش
هند: (سكتت)
وليد: ااااخر مرة اهند تخبي علية شي لعبة وغنجلسو باش انهضرو فهاد الكاغيط مغنبقاوش هااكا
هند: واخ
وليد: دابا غنهضرو فشيماء
هند: ولييد مدخلش شي فشي ونتا دابا معصب خاصك غير منين دووزلي واش مبقييتش فيك مي لالة مسكينة عاد مشاات ونتا كتلومني على كوولشي
وليد: مك لالاك مشااات للحج ماشي ماتت
هند: ياااك أوليد كتفايل علييها (ربعت يدها وقلبت وجهها غضبااانة هو بقا مرة مرة كيشوف وفنفس الوقت حاضي طريق)
وليد: هند (مكتشووفش فيه) وااااا هند (واالو) وصاافي اهيييندة دياالي (هزت كتفها عاجبها الحال ولكن غضبانة)
وليد: ندخلو لكرسيف نتعشااو؟؟
هند: مبغييتش
وليد: وصااافي الآلة الله يطول فعمر حناااك ويخليها ليينا وتشوف ولادنا
هند: متبقاش تفاايل عليها راه هي للي عندي فهاد الدنيا
وليد: وانا؟؟
هند: حتى نتا ولكن متفايلش عليها كما منبغيش للي يفايل عليك ولا يقول كلمة عليك
وليد: وااخا الآلة سمو ندوزو لتاازة ولا ݣرسيف
هند: لي بغيتي
وليد: ندوزو لݣرسيف حسن عارف تماك واحد كيدير كفتة يا سلاااااااام
هند: ههه مضرووب غير على كرشك…
وليد: لهلا يوريك علاش مضرووب اخر غير الله يهدي شي ناااس
هند: ݣاع مضرووربين
وليد: (تبسم وحرك راسو كتعجبو بهاد الجرئة ديالها ولكن يكون هادشي غير معااه وهادشي للي غيربيها عليه فعلاقتهم ولكن غير كيتفكر داك سعد كيشعل لدااخل ديالو اما هو مبين عااادي وصلو لكرسيف كانت 11 دالليل هبطو فواحد الشواياات جايين مع الدخلة دلمدينة هي داك لكاب للي كان على كتافها دارتو فوق شعرها ونازل لكتافها حيت كان الريح محرك وهي كانت سخونة دخلو هي جلسات وهو مشا دموندا مع جلس)
هند: ويييلي راك مضرووب فحاجبك
وليد: (غوبش وبحال قاس الجرحة) كفاش هاد مضرووب راه غير قستها بصبعي….
هند: لا راه جرحة والدم يبسلك فوقها
وليد: اممم (وقف) انا جاي (دخل للحمام ديال القهوة لقا بعدا مراية شاف فيها) **** عندو ظفار بحال لعياالات (مسحها بلما دخل لطواليط وخرج) مزال مجا هدا
هند: (تفوهت) مزاال
وليد: فيك نعاس
هند: منعستش سهرنا انا ومي لالة وصباح فقنا بكري وعاد مشينا جبنا شي سخرة لماما من الطاالعة تخسيييخة مكرهتش غير نعس (عاودات تفوهات) نتا معييتش
وليد: (حرك راسو بلا) غير نتعشاو شي ساعة ونص اع نكونو فوجدة ان شاء الله
هند: ان شاء الله أمووولة تكون نعساات
وليد: حݣا محمد ومريم غدا يجييو يمكن مݣايلينش ليهم راكم ساكنين وحدكم
هند: لا واش رجعو لسيتي؟؟
وليد: لا انا غنݣولهالو حسن هاكا بوحدكم طرووونكيل
هند: (تبسمت غير منين كيفكر هااكا وتاايق فيها عجبها الحاال تحط بلاطو عامر مشويااات كلاو على اش قدو وناض خلص جاب معاه كرطونة وجمع داكشي للي بقا) فين غتدي هادشي
وليد: راه مخلص احنينتي (وقف وشاف فيها) ياكما نتي من دوك للي يلوحو النعمة
هند: ههه لا
وليد: (كيجمع) حرام النعمة تلاح
هند: ههه (مشات ركبات وهو لحق ياله ديمارا شاد طريق لوتورووت بانلو واحد كيفرش ينعس فالزنقة حبس الصوݣان) مالك
وليد: انا جاي (خرج هو لكرطونة للي عمر وداها لهداك المسكين ورجع تبسمت باعجاب فيه وهادشي زادو نغزة) فهمتي داابا
هند: ههه فهمت دابا غير صووݣ نوصلو راه غنعسلك هنا
وليد: وولفي ابنتي الله يرضي عليك سهير شوية
هند: هههه مكتقادااش
وليد: واايلي على نتقدااو وحنا مزال حتى مبدييينا (بقاو مجمعين كتعاودلو على أيااام المرااهقة محايدة غير +18 وحتى هو كيعاود ليها حتى وصلو للحي فين ساكنين كانت علاين 2 هبطات كتجبد وهو هبط مد ليها لكونطاكط وتمو ماشيين لباب الدار هي كانت دار على 4 ايطاج وهو فالسفلي الدار كانت عندو. صغيرة حيت مقسومة بين دار وبيك ݣراج وصلو لدروج)
وليد: (قاس فجياابو) تأ…مجبتس سوارت الدار
هند: (بابتسامة ديال عايقة بييه) سيري نعس فالطموبيل
وليد: وتسخاي
هند: هاهاها ياله انا نطلع
وليد: (بقا متبعها حتى قربت تغبر وطلات عليه)
هند: بونوي bb
وليد: سييري وكان طيحتي علينا الذل بهاد bb ديالك
هند: (كملت طريقها) ولف اكبييدة (جبدت سوارتها وحلات لباب ودخلات طالقة ودنيها واش دخل ولا مزال)
وليد: ودخلي (تزدح بابها عاد دخل هو كان مسخسخ دخل للدوش نيشان سخنو عاد دوش توضى وخرج صلى للي باقيلو عاد دخل لبلاصتو صونا عليها مجوباتش عرفها نعسات حط تيليفونو ونعس)
~~~~~~~~~~~~~~~
أشرف: (كيتفرج فتصاور لفيديوهات لميساجات كولشي رجعو من تيليفون أنوار طاح على تصاور كان مصاحب مع شي بنات للي كانو صحابات أشرف قلب التاريخ كاين للي فنفس علاقتو معاهم كاين للي من بعد.. تفرج ففيديو وعاودو عرف هدا هو أهم فيديو عند أنوار فاللول كان تصوار عادي ولكن من بعد قشع تسلل خطيييير) اممم دابا فهمت علاش باغي الفيديوهات ولد ***** ميأمن ليك حد (رجع كيعاود لفيديو.. دوز واحد اخر حتى من دعاء مصورها ولكن اغلبية ديال لفيديوهات كولشي بخاااطرهم مكاينش فيديو دايرو والطرف الاخر معااارفش حتى من تصاور… زاد كيتفرج طاح فتصاور أماال…..)
أشرف: (قوس عينو فتصاور) طااايح اوليدي أنواااار.. *** غير كنت مسبݣها سنطبحة (كانو تصاور عاديين وباينة مواخدااش بالها منين كان كيصورها مرة واقفة مرة كتهضر ولا كظحك مع لبنات مرة حانية راسها كتاكل ولا كتشرب عصير لابسة حوايجها عادي كما كان يشوفها معاه مرة مرة بلعكس حتى من الفولار زغبة وحدة مخارجاش يعني كانت عادية جدا) خلا وحدة بنت دارهم ومشا عند **** ( هو كانت عاجباه شيماء وبالجهد ولكن لاحظ تصرفاتها للي كانت باينة عاجبها صاحبو عاد منين كانت كتصيفط اوديوهات وتصاور لأنوار باش تخسر صورة امال كيزييد يكرهها وباغي غير شي نهار يشدها يلومها ولا يضربها ݣاااااع… شد تصاورها كاملين للي كاينين ومسحهم) من اللول هاد بنت الناس مكانتش ديااالك الكلب هي درويشة ونتا أكبر ولد **** عرفااتو البشرية…( عاد هبط كيشوف تصاور اخرين مكمل بيهم التقصيرة…)
~~~~~~~~~
أصبحنا وأصبح الملك لله
فتيحة: غتخليوني وحدي وتمشيييو؟
محمد: عندي شي شغل
فتيحة: خلي مريم بعدا
محمد: علاه؟؟
فتيحة: هااء راها مونسااني
محمد: ياك خالتي كريمة كاينة معاك ومونسااك
فتيحة: لا لا غير خلي مريم
محمد: كفاش هاد خلي مريم ولاش انا مجوجها من اللول باش نخليها ليك راه مرتي ونبغيها ديما تكون حدايا
فتيحة: (فهمات قصدو) اولدي نتا غتمشي على غراضك والسلعة هي لاش تعذبها معاك انا راه نفكر غير فمصلاحتكم
محمد: انا ماشي على ود أمال
فتيحة: لاااه مالها هاد أمال ياك هي طجات من دار باها للي مضورش حتى السيمانة
محمد: ݣولي هربات.. هربات منين مها طردتها نهار دفينة دباها
فتيحة: شت عييبك اولدي خرج معاااايا يااا والله حتى نهز جلابتي متعرفني فين زدت
محمد: (خرج من داك لبيت حيت الهضرة غتولي عقيمة معاها وعاد هو شحال ما خياابت مع ختو هو راه كان الحنان والعطف والاهتمام كولو تقريبا ليه عاد علي عاد راجلها أما امال منعدم… يعني يلومها على امال ولكن هو ميقدرش يلومها عليه حيت اصلا كيلقى غير الفائض من عندها.. داز عند مريم للكوزينة) اري شريبة (مداتلو كاس دلما جلس شربو وحط لكاس فوق لبوطاجي) جمعتي حوايجك
مريم: واه
محمد: مور لغدا نشدو طريق
مريم: واخا راني طيبت مسكوتة(كيكة) وجوج دجاجات ولخبز ولملاوي وشوية دلحلوة والزميتة بقاو باش ندييوهم لامال واش نطيبلها شي حاجة كتعجبها
محمد: (لقى راسو معارف والو على ختو حتى شنو كتبغي تاكل بزاف معارفووش) صافي مزيان الله يرضي عليك
مريم: (تبسمت) امين
محمد: انا نهبط للحانوت
مريم: الله يعاونك
محمد: امييين (هبط كان ياله فتحو المحال شي يوماين حيت سلعة ديال لحوانت عندهم وخاص الحركة ترجع ككانت حيت عمامهم بداو فلمعاندة كي ديما..)
فتيحة: (دخلت عند مريم وهي كتجمع فالطاسااات) مريم!! نتي للي ݣلتي لمحمد نمشي معاك؟؟
مريم: لا خالتي والله ما انا
فتيحة: وعلاش لاسݣ فييك هاك
مريم: (معرفت متقول اصلا سؤال ماشي فمحلو)
فتيحة: عنداك تبقاي تلسݣي فيه هاااك راه متبقاوش غير سفر سفر سفر راه عندو خدمتو وشحال من حااجة
مريم: لا خالتي والله مكنݣولو على شي سفر
فتيحة: وااا تبتي الله يرضي عليك راه انا للي جبتك عروسة هنا حيت عارفاااك بعقلك
مريم: (سكتت وبقات شادة سربيتة كتلعب فيها بيدها)
فتيحة: هاني طلعت عند نعيمة وجدي ابنتي كاس أتاي
مريم: واخا خالتي (مشات فتيحة ومريم خافت فتيحة تقلق منها حيت هاكا علاش مربية متخليش لكبير عليك يتقلق منك واخا نتا مداير واالو…)
أمل: (غير فاقت مشات لبيت هند للي توحشتها حيت مولفاتش يتفارقو.. لقاتها نااعسة تبسمت وبديك الفرحة مشات كتطيب فلكوزينة طاجين حيت عارفاها مغتنوضش دابا غير من نعستها ونيت على متفيق يتغداو نيشان تفكرت تيليفونها جىدت الخضرة دجاج حطاتهم فوق لبوطاجي ومشات لبيتها هزت تيليفونها من فوق لكوافوز كتقلب لقات ميساج من عند زهير *صباح الخير حبيبة ديالي* فرنست عاجبها الحال مشات للكوزينة طيبت طاجين بقوااامو نقصات عليه البوطة وبقات كتنقي الدنيا فوق لبوطاجي حتى شافت تيليفونها كيصوني طلعت باسم #زهير كل مكتشوف سميتو او كتسمعها قلبها كيتهز مسحت يدها من لما وجاوبات) سلااام
زهير: الزيينة مزال راݣدة
أمال: لااا (بغات تطلق عليه حداكتها) فقت ووجدت لغدا وجمعت الدار وكنتسنى هند تفيق
زهير: هي تجي نتغدا
أمل: (فكرت) نݣاد ليك طاجين؟
زهير: لا لا منبغيش نعذب حبيبتي
أمل: (فرنست. وبانت فصوتها) لا لا مكاين عذاب والله نديرلك طاجين
زهير: راه غير ظحكت معاك ابنتي
أمل: عفااك
زهير: (عجباتو هاد عفاك) وااخا ولكن راه مبغيتش نعذبك
أمل: (تبسمت وغمضت عينها كتشجع فراسها..بصوت خافت) عذابك رااحة
زهير: (تبسم وضار للحيط) سموو!!
أمل: (كتجمع تفرنيسة) والو واالو
زهير: وااخا على جدك
أمل: ههه بسلامة (قطعت تفكرت عندهم غير طاجين وااحد فكرت حتى عيااات هزت كوكوط ونصبت العدس مع رداتو فوق لبوطة مع هند جاية كتجر رجليها عنقاااتها وأمال تبسمت وحتى هي عنقاتها تعلمات بزاف دالحنان من هند للي بحال شي بيبي فهاد الناحية) فوكاش وصلتي
هند: (باستها فحنكها) لبارح مع ديك 2 عييييت والله (شمت) اممم ريحة الطاجين للي فيقتني
أمل: (ضورت عينها) انا مطيبة العدس
هند: وداك الطاجين
أمل: اممم طيبتو لزهير
هند: يييه زهير ياكل طويجين مع راسو وانا نضرب فلعدس
أمل: ههه دابا غير سمعي انا طيبت الطاجين وصونا وݣلتلو شنو مطيبة وݣالي فين حقي ݣلتلو نط..
هند: (عاد لاحظات سنان والظحكة لمبدلة) ايهااااي هاااي على سنييينات واش بدلتي فمك كامل واش نفختي شناايفك؟؟
أمل: وااا صبري غير نكمل ليك
هند: وصااافي فهمنا الطاجين لزهير ولعدس لهند دابا ݣوليلي المعقوول واش زدتي شي حاجة تماااك
أمل: (فرنست) صوبلي فمي كامل وحيدت لكالكير ودرت داك توريد شنايف
هند: ههه واايلي دابا راكي ممعكراش
أمل: لاا
هند: ههه واااعرة والله حتى جيتي مبدلة وحتى سنينات لقداميين جاوك واعرين وبياضو
أمل: واااه
هند: مزياااانة بحرا نبوس ومنخافش لعكر يمشي
أمل: أحاااااااااي
هند: وماال مك راه خايبة تباسي ونتي معكرة وتجلخي لا نتي لا داك للي بستي
أمل: (ناضت رجعت للبوطاجي)
هند: ههه وزمرة والله حتى جيتي زويييينة فين درتيها نمشي نديرها بااا زهير منخاافش عليه كولشي مفكرك فييه
أمل: (شهقت) عنداكي تݣوليهاالو راه مفخباروش هو منين بدات تصاوبلي خرج وهاديك عيطات على صاحبتها قداتلي فشي نص ساعة وهو يرجع مهم مفهم واالو حتى للي خلصها کالتلو شحال وخلص بلا ميهضر
هند: ايييييييه رجعتي تفتخي
أمل: سمو هاد نفتخ
هند: تجري لفلوس بالسياسة
أمل: (دارت يدها على فمها) رجعت خايبة؟؟
هند: عادي عادي راه غيرجع راجلك ونتي مݣاديتي هادشي غير لييه شحال بعدا
أمل: عشرين الف ريااال
هند: وراه رخييس نخرجو وريني فين نمشي نݣاد
أمل: ههه حتى يطيب الطاااجين
هند: اممم ݣولي حتى نضرب العدس انا نمشي ندوش خاص لخبز؟
أمل: انا نهبط نجيبو غير سيري دوشي …
شيماء: مرت عمي لباس؟؟
فتيحة: (دخلت للكوزينة) الحمد الله اشيما فين مك؟؟
شيماء: طلعو هي وسناء ينشرو واحد الزربية
فتيحة: اممم
شيماء: فينها مريم؟؟
فتيحة: راها كطيب لغدا
شيماء: مزال محملات
فتيحة: اوا ياله شهر باش تجوجو مزال ميبان لحمل
شيماء: اممم معيطاتش أمل ولا صافي مولاتش ترجع لهنا وداك للي بغا يخطبها واش جا ولا غير هضرا
فتيحة: (مفقووسة) لهلا يردها
شيماء: وداك للي يبغي يتجوجها
فتيحة: غير الا كان هبيل يتجوج وحدة مخطووبة سكتيني مباغاش نهضر فدشي
شيماء: مالكي امرت عمي؟
فتيحة: راها مايلااالي (هبطت نعيمة كتلهت سناء مشات للحمام وهي دخلت للكوزينة منين سمعت صوت فتيحة) امالكي تلهتي
نعيمة: زربية تزلعت عليها براد اتاي وطلعنا سربيناها انا وسناء
فتيحة: ولاش نتي معذبة راسك
نعيمة: طلع لوحدها افتيحة؟؟؟
فتيحة: طلع شيما معاها
شيماء: عاد كنا انا وياك مزيانين هه
فتيحة: الله يمسخك نتي جالسة هنا ومك تشتف على زربية فسطح
شيماء: هه وراه دخلت نقاد لغدا
نعيمة: اماالكي مفقوسة
فتيحة: محمد يا ختي ملݣى ميدير ݣالك يمشي عند ديك لمنحوسة لوجدة ويدي مرتو
نعيمة: واش فمرة (شيماء قلشت ودنيها)
فتيحة: اويلي لا راه غير نهار
نعيمة: وشنو فيها اختي فتيحة يمشي يشوف ختو ويرجع
فتيحة: ولاش يدي مرتو
شيماء: تلقايها هي لسقت فيه
نعيمة: (طرطقت عينها فيها) سكتيييي الحمارة وديها فشغلك ولا خرجي علية من هنا انا نطيب داك لغدا
شيماء: صافي انا نكملو
فتيحة: لا لا مريم ملسقتش هو للي ݣالي مرتي نبغيها ديما تكون حدايا
شيماء: (هزت حاجبها وعوجت فمها)
نعيمة: اوا مݣال عيب نهار مدا مجااب خليهم يمشي يطلعو على ديك ليتيمة
فتيحة: يتييمة؟؟ انا للي بغيت نتيتم فييها
نعيمة: اعووذ بالله واش نتي مبغيتيش تسالي من هاد الهضرة والله يا فتيحة وكان محضرت ليك لديك لولادة منݣولش راها بنتك
فتيحة: (بتنهيييدة تفكرت ليلى للي مجوجها عليها منين جات محايدة حق الله وكتسول على شي حاجة من وراق مصطفى باش تبدل الحالة المدنية ودير انها أرملة طردتها ولكن كلام لوخرا للي كان قرطاس وعاد استفزازها خلاها كتقلى) حݣا جا راجل بنتك لبارح
نعيمة: غير خاطبها جا يدير صواب ومشا
فتيحة: وعلاه مكانش جا من شحال دي
شيماء: مكاانش مسالي
فتيحة: مسالاش لعزو عمك؟؟؟
نعيمة: لعساااك ممنووش
شيماء: ،(مرضاتش) علاش ممنوش شنو دارلك باش تݣولي هاااك
نعيمة: (معصبة) غتسكتي ولا نجي لوالديك لكلب يا لحمارة (خرجت من لكوزينة مفقوسة ومرضيااش)
فتيحة: كفاش ممنوش ياكما بغا يفسخ؟؟
نعيمة: لا بغا يدير الكاغييط ݣالك مزروب يدير لݣاغيط وحتى نزيدو شوية ونديرو الحفلة على ميوصل الصيف ونديرو العرس
فتيحة: هادشي ݣالولكم لبارح؟؟
نعيمة: لا ولاايني ݣالو ليها هي
فتيحة: اوا لكان هاك خلييهم باحرا تهناي عليها
نعيمة: لا يا ختي مالي مفرطة فبنتي…(دخلت مريم من بعد مسلمت على نعيمة) جلسي ابنتي
مريم: نمشي امرت عمي بغيت غير خالتي تهود راه جاو دراري وبغاو يتغداو
فتيحة: وااخا ابنتي سيري وجدي هاني هابطة من موراك (هبطت حطو لغدا وفتيحة منفخة على محمد تغداو مريم جمعت الدنيا وغسلت لماعن ومحمد هبط ݣاد شي حاجة مع خوه وولاد عمو وطلع لقا مريم كتجفف)
محمد: واش مزال ملبستي
مريم: أنا نكمل غير لكوزينة ونلبس
محمد: ولبسي راه تابعنا نشدو طريق
فتيحة: بشوية على لبنت (مشات منفخة لبستها تبعها محمد)
محمد: واااا مي واش فوكما هضرنا على امال دير هاك
فتيحة: مدرت واالو راها ميلااالي معاكم
محمد: (مشا جلس حداها) راه غير اليوم وغدا رجعو
فتيحة: اممم
محمد: (وقف باس راسها) انا مشيت
فتيحة: بقى تابع ديك المنحوسة حتى تعديك بنحسها وتلسݣو فيك
محمد: لا حولة ختي هاديك نمووت معاها ݣاااع (لقا مريم لبست لبسة حجابية طويلة.. دخلت سلمت على فتيحة للي مخسرة كمارتها ومشات دازت عند مها للي جابوها تونس فتيحة وهوما شدو طريق…)
~~~~~~~~~~~~
أمل: (لبست بيجامة مقادة حيت كانت لابسة سروال فجيه وتربكو فجيه وقدات الشال على راسها وخرجت هازة بلاطو فيه طاجين كيترتر بسخونية وجوج خبيزات بحرا هزااه وماشية حدا لباب فين كان واقف مع هند غير شافها دخل ومشا شد من عندها الطاجين)
زهير: عيطيلي ديك السااع نهزو عليييك
أمل: معليش
زهير: الآلة الله يخلف علييك
هند: اييه شي يضرب لعدس وشي ياكل الطاجين
زهير: (فهم جزئيا) محسااادة كداايرة
هند: ههه انا؟؟
أمل: هههه
هند : يااك يااك ازهير وانا للي مغيزة ليك لبلان مصدقتييييش اخااااي
زهير: (ظحكاااتو بهضرتها مموالفش يسمع من عند شي بنت هاكا وعاد هند عزيييزة عندو) اوا هي الا ݣلبتي ستة وتسعود وخليتيني مع لغزااالة ديااالي
أمل: احااي حشومة
هند: وااخا غير فهم لغزالة ديالك ديرها منين نكون مع حبقلي
أمل: هـــــــــــــــند
هند: اوا ختي لموسيو ديالك للي بدا (بقات كظحك) غير تنظحك نمشي نضرب على كرشي العدس.. زهير متنسااش وليد معاك راه صبعي تماك فداك الطاجين
زهير: ههه بناقص من طاجيينك (مشات وساف فأمال للي كتبسم) زين ديالي؟؟ عذبتي رااااسك
أمل: لاااا معذبتش راسي
زهير: خوك جاي لعشية؟؟
أمال: واه هو ومرتو
زهير: ݣالهااالي وراني ݣلتلو فين ساكنين (طرطقت عينها) ماالك
أمل: وسمو ݣالك؟؟
زهير: وماالك مخلوعة
أمل: (بارتباك) لا
زهير: ولاش لخووف راه هضرنا ابنتي… ورويييحة ياكما نݣلس تاكلي معايا
أمل: هااء
زهير؛ (تبسم) سمعي ااااالتووت ديالي (فرنست حانية راسها) هكاااك.. خوك جاي هو ومرتو غيشوفووك بغا يعرف راكي مزيانة وغيمشي معندك مناش تخاافي نجي فلعشية لݣاك خايفة ننن مهم انا عارف سموو ندير.. ياله انا مشيييت ياا لطيف مݣديتيش حتى تعرضيني ندخل
أمل: ههه لا مدخلش
زهير: (قلدها) عاارف… (رجع لملامحو) وعاارف فوكاش ندخل (غمزها) انا مشيييت
أمال: الله يهنيك
زهير: شي كلمة أخرى
أمال: الله يعرضك الخير ههه
زهير: مّا كدعي معايا وصافي (هبط ببلاطوه عاجبو الحال اما هي ابتسامتها وصلت لودنيها وحلفت متجمع….)
كملو غدااهم وكل وحدة ناضت كتجمع الدار هند هبطت الحانوت جابت شي تقدية ودخلت للكوزينة قدات تشيز كيك وأمال قدات بغرير معمر بالجبن (تقريبا قطايف غير هو بغرير ديالنا وكيتعمر بالجبن ويتغمس بالعسل)
هند: غنمشي نقاد لبيت للي كانت فيه مي لالة هو للي كبير
أمال: انا نݣادو
هند: وكملي اصاحبتي بغرييرك (مشات هند كتجمع الدنيا وطلقت بخور كانت جايباه معاها جداها ودوزت على الارض تجفيفة صغيرة بسانيكروا حيت هو باركي ومكيصلاحش يتسيق (هو أرضية خشبية كدار فوق الزليج او لاموزيك كيجي فلون الخشب او ݣري) مشات عند أمال لقاتها سالات بغريرها ومزوقاه فطباسل وحتى أتاي ملقماه على ميوصلو وحاطين طبيسلات فيهم فقيقسات وكعك وفاكية) كولشي هو هدااك
أمال: ميݣوليش رجع معاه؟؟
هند: موووحااال
أمال: اصلا ميخليهش زهير
هند: هاي هاي طواالك لساان
أمال: وراه زهير للي طولولي اما وكان راني يا حانية الراس يا لايحة راسي من دارنا انا حتى الا هربت يفنيو عمرهم يݣلبو علية وغيلݣاوني
هند: ويييه شحال زوينة يكون واحد واقف فوور على كولشي
أمال: (حركت راسها بلا) مزال ميكونو وصلو؟
هند: شوية ويكونو هنا راه وليد للي غيجيبهم هه واخا كيعجبني زهير يكون هنا كيحدهم لخووك
أمال: لا ختي مكيعجبنيش هاكاك والله حتى لداخل كنبقى نحس بتانيب الضمير واخا هوما للي كيظلموني
هند: متبقايش تفكري هكاك ولا غتمرضي فرااسك (صونا تيليفونها كانت خالتها للي فبرا قطعت عليها) سيري ت*** نتي عاود
أمال: مالكي
هند: ديك **** كتصوني باينة لمريوة ديال **** ولدها مشا يبكي عليها
أمال: أحاااااي اهند هضرتك مااسخة
هند: ههه (سمعت دقان في فلباب) ها هوما جاااو (طلات على راسها كانت لابسة سورفيت كابيتشو طويل مع سروال فضفاض حيت الجو بدا يدفا أما امال كانت باقية لجلابة ديال صلا فتحات لباب كانت مريم فالمقدمة لابسة جلابة فالصومو وشال ديالو بابتسامة عريضة تساالمو عاد شافت بابتسامة فمحمد) سلام خويا محمد صافا؟؟
محمد: الحمد الله اختي (مريم مشات كتسلم على أمال)
هند: كي بقى الخاطر
محمد: (حرك راسو باه) الحمد الله الحمدلله اختي
وليد: دخل اخاي محمد (دخلو وأمال جات مدات يدها سلمات عليه)
أمال: (حشماانة منو) سلام
محمد: لباس عليك
أمال: الحمدلله ونتا لباس عليك؟؟
محمد: لباس
وليد: (بحال كيشوف شي جوج ماشي خوووت) دخل امحمد جلس
محمد: (شاف فأمال) مݣلتيليش سكنتي وحدك
أمال: (كترمش عينها) غير نسيييت
محمد: وعلاه هادشي يتنسى؟؟ الا باك مات انا راه مزال حي ولا دفنتي كولشي داك نهار
أمال: (معرفت متقول كان متوقعة كلامو حنات راسها واخا لسانها كلاهما تجاوب وتخرج عينها ولكن الاحترام للي فيها وللي كبر فيها ميمكنش تنقزو..)
وليد: جلس بعدا عاد نهضرو
محمد: انا نهبط نجيب شي حاجة برا اجي معايا امال
أمال: ،(هنا تمنات زهير يكون بقات كتشبك فيدها وكدور فعينها.. حنات راسها وزادت من موراااه…)
هند: عنداك يردها معاه
وليد: ههه اوا حنا نشدولو مريم
مريم: هه هو بغا غير يهضر معاها
هند: بففف انا نوجد كاس كرووط
مريم: انا نجي معااك
وليد: (بقا جالس فوق السداري وهو يصوني عليه زهير) افيين ابا زهير
زهير: وصلتيهم للدار
وليد: اش نݣولك مع وصلناهم هز أمال ورجعو (شافو سكت حتى سمع) طيط طيط (بقا كيظحك) ههههه (رجع صونا عليه ومجاوبش……)
شيماء: علاش مانرجعش وقراااايتي
نعيمة: وعلاش نتي كتقراي
شيماء: (متصرطاتش ليها مترجعش تقرا) لا لا غرجع اويلي واش أمال رجعات وانا لا
نعيمة: أمال كتقرا
شيماء: شكون ݣالها ليك هي راها عاطياها غير لتسلݣيط تمااك ومبقاتش حتى ساكنة فالسيتي
نعيمة: عارفة
شيماء: كفاش عارفة؟ وفين ساكنين؟؟
نعيمة: ديها فراسك اديك لبنت
شيماء: انا نعيط على أنوار ندير الكاغيط نتوما باغيين تخليوني هنا مربوووطة
نعيمة: (بقات كتشوف فبنتها) لهاد الدرجه ابنتي مݣاداش تبقاي معانا خاصك غير فين تهربي منا
شيماء: انا بغيت نرجع لوجدة نقرا ماشي تدفن حياتي هنا فتاوريرت مندخل منخرج نبقى غير شقا شقا شقا بزاااف الناس راه كيطورو ماشي كيرجعو العصر الحجري
نعيمة: ونتي باغا ترجعي لوجدة باش تخرجي ودخلي؟؟
شيماء: انا بغيت نرجع نقرا
نعيمة: قسما بالله ابنتي حتى نطلݣ عليك خووتك ونتبرا منك خليني زوينة معاك اشيماء
شيماء: اماما رديني نقرا نبقا مع لبنات
نعيمة: ههه لبنات وكان بغاوك تسكني معاهم وكان علموك فين ساكنين نتي ابنتي عيشتك حااارة وحاسبة راسك نتي هي كولشي
شيماء: بففف لا لا منبقااااش هنا عفااك اماما ومنجوجش أنوار
نعيمة: (خرجت من لبيت وتبعاتها شيماء كتبكي وتزاااوݣ…)
~~~~~~~~~~~
محمد: (هبط لتحت ومشا حدا الطموبيل وهي تابعاه.. ضار عندها) علاه مݣلتيليش تحولتي لدار بوحدك مع هند وعلاش تحولتي؟؟
أمال: (شافت فين) تحولنا حيت كانت جات حناين هند وكان ضروري تجلس فالدار وهند كرات هاد الدار وانا جيت سكنت مع صاحبتي وكتر من ختي
محمد: وعلاش مݣلتيهاش حتى نعرفها من عند لبراني (على زهير)
أمال: مݣلتش واش وصاافي
محمد: وعلاه بالسلامة تلاݣينا فدفينة ديالك لاه متݣولييهاااش
أمال: اوا هانتا ݣلتيها امحمد دفينة مكانش العقل خدام وانا هند فينما مشات نمشي معاها هي مشفت منها غير الخير للي مشفتوش من لحمي
محمد: علية انا؟؟!!!
أمال: (عاد صححاتها) هم لا على شيماء
محمد: اممم وهي مسكناش معاكم
أمال: اصلا مݣلنالها والو وموريناهاش حتى فين ساكنين ومبغينااهاش تعرف
محمد: حسن وعلاش مصونيتش علية نصيفطليك لفلوس
أمال: (سكتت فبالها نورمال تعطي بلا منطلب)
محمد: شحال جايلك ففلوس لكرا باش تبقاي تخلصيه؟
أمال: معرفت هند مكتبغيش تݣولي وهي مسكينة ݣاع مكطلب مني
محمد: واخا مطلبش خاصك تخلصي واخا مفهمتش صيفطناك لسيتي شوية رجعتي كارية وحدك هادشي معاجبنييش
أمال: وانا مرتاحة هنا
محمد: (بعصبية) شتك من ݣبيل ونتي تخرجي فعينييك
أمال: مخرجتش.. انا هنا عاجبني الحال وقريبة للمعهد للي دايرة والا بغيتي شي حاجة كانخرج نجيييبها (خرج عينو) واه مغنكذبش كنخرج نشري شي خيط ولا توب ولا شي حاجة خاصاااني
محمد: اييه زيدي
أمال: (شافت راسها انفاعلات) انا مكندير واالو خاايب كنمشي نقرا قرايتي ولا المعهد ونرجع للدار ومرة مرة كنخرج انا وهند نمشيو ناكلو ولا نشريو للي خاصنا وشييييييي مرات كنطلو على الحاجة فدارها
محمد: (بقا كيشوف مبعد عينو حطاتلو كولشي وكان بامكانها متݣول واالو حتى شاف شي صباط وقف هز راسو لقاه زهير….)
وليد: (طل من لبالكو متبسم كيتفرج)
زهير: (كيشوف فيهم بجوج وحتى هي مفهمااتش علاش جا واخا فرحااات) سلام عليكم
محمد: وعليكم السلام (كيتعقد منين كيشوفو واخا عزيز عندو)
زهير: كولشي مزيان
محمد: اممم مزيان الحمد الله سيري طلعي نتي امال
زهير: (شاف فيها مشات ورجع شاف فيه) واش الأمور مزيانة
محمد: وعلاه متكونش مزيانة
زهير: ومنعرف علاش هاودين لتحت
محمد: راه خوها انا ولا نسيت
زهير: اوا وااخا خوها هضرنا داك نهار متديهاش غتكمل قرايتها ها هي ملهية فيها على منجي نديها من عندك
محمد: وماالك شتني دااايها
زهير: (حطو وليد فموقف متماااش) مݣلناااش انا جيت غير نشوف كبقيت
محمد: (متاقش) الحمد الله بفف زهير متنساش انا راه خوها لكبير باها مات خلاهالي فعنݣي خلي هاد النقطة باينة نهار اللول ترجلت معاك وحايدت شحال من جيست درتيه وبقيت فكلمتي غنعطيهالك
زهير: اسي محمد انا جاي باش نشوفك وصافي لݣيتكم برا سولت (كيتحلف فوليد)
محمد: وااخ طلع
زهير: لا غرجع لمحال ديالي خليت غير الخدامة فيه
محمد: انا شوية ونجي مع وليد (شافو مكره)
زهير: مرحبا (ضار ومشا ركب فطموبيلة صونا على أمال للي جاوبات بصوت خافت) أمل
أمال: الوو
زهير: واش خوك كان بغا يديك
أمال: لا كان كيسولني على لكرا وصافي وݣالي نخلص حقي انا وصافي
زهير: اممم مهم الا خصاتك شي حاجة صوني عندي واخا
أمال: وااخ (سمعت حس محمد خفضات صوتها اكتر) زهير انا نقطع خويا راه فالدار
زهير: وااخا زين ديالي (قطعت وتبسمت خرجت كانو حطو كاسكروط جلس كيهضرو فالخدمة ولبنات كيهضرو فشي حاجة عادية… حتى محمد ووليد خرجو وبقاو لبنات بوحدهم….)
~~~~~~~~~~~~~
شيماء: (جالسة مفقوسة حتى جاها ميساج فيه حلي لواتس بلا عكز حلاتو وهي تجيها تصويرة ديالها كانت معرية شعرها ولابسة مزير وجالسة فقهوة… غوبشت وهو يصوني تيليفونها بديك النمرة.. وقفت منفاعلة) شكوووون؟؟؟
….: للي **** ابنت *****
شيماء: (خرجت عينها) بزااف عليك الكلب الله يعطيك موصييييبة
….: هههه هي للي راهي جايلك ازين اليوم تصويرة وغدا فيديو
شيماء: (حلت فمها كتحاول تعرف غير الصوت) سير سيير برااكة من لكذووب
…..: هانتي غتشووفي نمرة وليد هي 06********
شيماء: (تصدمات) ششنو بغيت
…..: منين تجي لوجدة غنجي تا لعندك ونوريييك شنو بغيييت (قطع وبقا قلبها كيضرب وكترجف الا وليد اصلا رجع على نقشة جلست حلقها نشف رجعت صونات عليه لقات نمرة طافية جربت نصوني بريفي واالو قلبت عليها ف truecller واالو مطلعاش ماشي نمرة للي بلكونترا مشات كتجري لتيليفون سناء مرت خوها للي كيكون محطوط صونات والو طاافي نسات ممسحاتهاش حسات بلخلعة معندهاش حتى فين تشك حتى من أنوار مقدرتش تسولو خاافت لا تزيد تخسر معرفت مدير غتهبل رجعت للتصويرة باينة مزومية حيت يد باينة حداها وهي كانت كتخرج غير مع هند وأمال….)
زهير: (صيفط ميساج لوليد) ******************* (رجع المحال مفقوس حيت براسو وكان فموقف محمد مكانش يعجبو الحال ويدير شي حاجة خايبة.. دخل للمحال جات وحدة كتشاطر معاه ومع معصب) هزييه ولا حطييه.. احمد اجي شوف مع السيدة (هبط لتحت كيجمع دوك لكرااطن.. هبط عندو انوار)
أنوار: نتا هنا كنت نݣلب عليك
زهير: سمو باغي
أنوار: واالو شحال مخرجنا نديرو شي قهيييوة
زهير: واه بلعشية غنخرجو تخرج معانا؟؟
أنوار: (مخسر كمارتو) مع وليد؟؟
زهير: واه هو وولد عمو
أنوار: هه وليد ندوزووه ولاخر واش هداك حالة تديه لشي قهيوة
زهير: (شاف فيه مخسر كمارتو) بنيتك ****
أنوار: للي كنعرف معندكش معاه حتى نتا
زهير: شكون ݣالها ليك
أنوار: سمعتك شي نهار كتݣولها
زهير: كنت نهضر علييك نتا
أنوار: ها ها ها وشنووو تخرج
زهير: ممساليش أنوار
أنوار: شتك ما هوااش
زهير: مزيان (هز دوك لكرااطن) واش غتعاون ولا تبقى غير تبلبل
أنوار: الله يهنيك عندي ما يتقضى (لاخر دخل لديبو وانوار طلع تلاقا بوليد ومحمد دخلو.. دار راسو مشافهمش وخرج اما هوما كيهضرو ووليد كيوري المحال لمحمد للي أول مرة غيشوفو… لتحت زهير شافت تيليفونو صونا كانت أمال تبسم أول مرة تصوني.. قطع ورجع صونا عليها)
زهير: نهار زييين هدا للي لالة أمل صونات
أمال: (تبسمت) كنتي مغير ݣبييل
زهير: واايلي على نتغير وانا ظال نشوف الزاااز ديالي
أمال: ههه راهم جايين عندك
زهير: انا راني فالديبو كنستف شي سلعة
أمال: (كانت فبيتها) مزيان
زهير: غنجي بلاتي نشوفك
أمال: واخا وخويا؟؟
زهير: خوك يعاودها لمخو (سمع وليد كيعيط عليه) انا نصوني عليك بلاتي (قطع وخرج مكيشوفش فوليد للي كيظحك بقا مجمع مع محمد وزاد وراه كولشي وجلس حدااهم حتى كملو شغلهم وخرجو تقهواااو.. اما لبنات محيحيين بتعاويد والظحك حيت لعشا جابتو معاها قلاو غير فريت حيت حتى من شلاظة جايباها وصلت 9 ونص سمعو الدقاان أمال ومريم مشاو يديرو زيفهم وهند حلات كان وليد ومحمد…)
مريم: يا ختي سعدااتكم باينة عايشين عيشة زيييينة هنا
أمال: (تبسمت) واه (صونا تيليفونها كان زهير) انا جاية (لبيت دهند وجاوبات) الو
زهير: طلي علية
أمال: احااي زهير مصالحش
زهير: طلي ابنتي راني نتسنااك (خرجت حيت بيت هند للي فيه بالكو لقاتو متكي على طموبيلتو) يااا جدك غير منزيد نتوحش فيييك
أمال: (كتجمع التبسيمة) انا ندخل
زهير: تسناي
أمال: واا محمد راه جا
زهير: صبري
أمال: عفاك نمشي بسلامة (شيراتلو بابي باي)
زهير: اجدك راه نطلع لعندك
أمال: ههه (قطعت ودخلت خايفة من خوها ردات التيليفون لجيبها وخرجت حداهم فين كانو مجموعين حتى سمعت الدقان.. دورت عينها حتى شافت وليد ناض حل لقاااه زهير)
وليد: لا زهير!!!
أمال: (ضارت بالعرض البطيء كترمش فعينييييها…)
أمال: (هربت للكوزينة غير شافتو كتويل)
محمد: (كان لح عليه باش يجي يتعشا معاهم واخا مبغاش فاللول) دخل اصاحبي
وليد: ههه دخل
زهير: نتا بالظبط قلب على *** هاد السااعة
وليد: ههه ونتا للي دمك حامي ظحكنا معاك ندمتينا
محمد: (مفاهمش شنو واقع شاف وليد كيظحك ولاخر لا وقف بيناتهم منين زهير دفع وليد حتى طاح على السداري مكرشخ بالظحك) سمو واقع؟؟
زهير: (جلس فالسداري لاخر) برهوش
وليد: هههه (ميمسح عينو) جعنا
زهير: (غير كيتحلف فيه حيت اليوم حطو فموقف باايخ ومبرهش مع محمد وهو مموالفش هاد تبرهيش)
محمد: وليد لݣيت لمحال
وليد: واه غدا صباح نديك ليه باش نتفاهمو نيت مع السيد
محمد: مهم نتا غير ݣولي شحال خاصني باش نوجدهم
وليد: دابا نجي لتاوريرت ونتفاهمو مزياان
زهير: الا كانت شي حاجة انا هنا
محمد: الله يحفظك اخاي زهير
زهير: (شاف هند جايبة طبق ديال خبز وتبعاتها مريم هازة بلاطو فيه شلايض حطو داكشي ورجعت هند حاطة طبسيل فيه دجاجة مع فريت وزيتون والو مبانتش أمال)
محمد: (هز الخبز كيفرق) يااا باسم الله
زهير: (زادو كياكلو ولبنات حطو فصالة مونجي للي فلكوزينة كيتسمع مرة مرة ظحكهم… كمل مكلتو وناضو لبابو غسلو يديهم) الله يخلف نمشي انا
وليد: هانتا جالس
زهير: وبراسك نوض تهز من تماك لبنات يبغيو ياخدو راحتهم ولا ينعسو خاي محمد الله يهنيك حتى لغدا ونتشاوفو ونديرو حسابكم لغدا عندي فالدار لهيه
محمد: ااا بلا منع…
زهير: ومّا للي عرضااكم ماشي يانا (حل لباب تبعو وليد هبط فدروج قبل ميوصل لباب غفلو ضار شانق عليه) اش داك ***** درتي صباح
وليد: ههه وراه صونيت عليك ونتا مجاوبتش
زهير: عقل على هادي مزيان (طلق منو) السيد واݣف مع ختو وانا واݣف عليهم بحال شي هبيييل مدرتي فيها ميصلاح أوليد الظحك ظحك والمعقول معقول انا براسي يدير سي واحد هكاك معايا ابربي حجر وجدة بتبعو كامل
وليد: ههه راه ݣلت لمحمد سمو كاين
زهير: برهوش ها هي عندك (خرج كينݣر ياله غيركب بانتلو كطل عليه من سرجم حيت لبولة دالزنقة مبيناها دار حركة بحال كيحلف فيها وهي تغبر ظحك عليها وساݣ لدارو….)
أمال: (مشات كتجمع الدنيا وكتسمع محمد كيهضر مع مو للي غير كتسمع صوتها كيبقى قلبها يضرب شافت باينة كانو كيهضرو ابيل فيديو سمعتها)
فتيحة: وفينها بنتي؟؟
أمال: (وقفت هزت راسها ومحمد شاف فيها)
محمد: (ضور الكاميرا لامال) ها هي كتجمع الطبلة
فتيحة: (شافتها وعوجت وجهها) كنهضر على بنتي مريم
محمد: (دغيا قلب التيليفون وأمال مشات من تماك… خسر كمارتو) ضروووري تلوحي شي حاجة
فتيحة: مالي سمو ݣلت سولت على مرت ولدي مالها ماشي بنتي
محمد: بففف استغفر الله العظيم ياله بسلامة
فتيحة: اص.. (قطع شافت فختها) وشوووفيلك كارية دار وجاالسة مفطحة تمااك بالسيف متحملش تجلس هنا
كريمة: اودي هاد الجييييل وكان غير ماشي خوتها صعااب
فتيحة: اوا راه ݣالوها الله يݣلع علية با وما وندير ما بغيييت
كريمة: ومنين جاوها لفلوس
فتيحة: كون راه داك للي تهضر معاه هو للي يخلص عليييها
كريمة: ميكونش محمد؟؟
فتيحة: وووو ما نعرف…..
محمد: (حط التيليفون وجات مريم كتشطب الزربية باي باي متبعها حانية على ركابيها من بلجيكا مقاسها.. كملت وتبسمات معاه ومشات للكوزينة كانت هند كتغسل لماعن ضارت عندها)
هند: امدرا؟؟
مريم: ههه محايدش عينو
أمال: (دايرة يدها فحنكها) لمسخ
هند: ههه سيري تزمري نتي, بلعكس امريم هداك راه حلالك نااااري يانا وكان كنت بلاصتك نعطيه 3 أيام ونمشي نعزي ههه
مريم: ههههه
محمد: مريم
هند: (طرطقو كيظحكو بشوية مريم غسلت يدها ومسحاتهم بفوطة ومشات عندو) مالكي نتي
أمال: واالو
هند: وقوووولي
أمال: اوااالو ياله نمشيو نعسو عييت
هند: (طفات لبوطة والضو وخرجو لقاو محمد مزال جالس حدا التلفاازة حسابهم مشا لبيت للي عطاوه) خويا نوجد ليك اتاي؟؟
محمد: لا ختي الله يحفظك.. أمال روااحي….
أمال: (مشات جلست فالسداري للي اونفاص معاه)
محمد: متديش على مك
أمال: اصلا مكنديهاش فهضرتها من شحال هادي ولفتها كرهااني
محمد: هي مكرهاااكش غير مكتعرفش تهضر كما الحال كتبقى مك
أمال: (حنات راسها مغوبشة) امم
محمد: سمو كتقراي فالمعهد
أمال: (بقات حانية راسها) لخياطة
محمد: بغيتي ترجعي خياطة
أمال: بغيت غير نعمر راسي
محمد: وعلاش مݣلتيهاش شحال دي حتى فتاوريرت كيتعلمو لخياطة
أمال: (شافت فيه) حيت مكنتوش تخليوني
محمد: ياك داك نهار ݣلتلك دابا للي بغيتيه ݣوليهالي
أمال: راه 3 شهور وانا فهاد المعهد وكانتعلم حتى لفرونسي
محمد: (حرك راسو باه) هانتي تعلمتي لخياطة ولفرونسي وقريتي فلفاك سمو غديري بهادشي
أمال: (رجعت حنات راسها)
محمد: واا هضري ياك باغية للي يهضر معاك
أمال: هاء راه لواحد كيعمر راسو حتى نتا قريت فلفاك ومشيت تخدم فلحانوت
محمد: انا هو نتي؟؟
أمال: علاش ربي فاش ݣال #إقرأ ݣالها غير ليكم راه کالها لكولشي والاجتهاد فالعلم حتى هو راه عبادة يعني مكنديرش شي حاجة خايبة باغية غير نتلعم وصااافي
محمد: (ملقى باش يجاوبها اصلا هدفو من الحوار هو يعرف فاش كتفكر) اهاااه اوا والسكنة هنا؟؟
أمال: راني ݣلت ليك اخويا حيت مع هند وحناها هانتا شفتي لبلاصة زوينة وقريبة لمدينة حتى من وليد ساكن لتحت
محمد: لا هادشي معاجبنيش
أمال: والا رجعت لسيتي يعجبك الحال؟؟ انا وشيماء مبقيناش نتفاهمو اصلا مكنتهاضروش حتى كيف بغيتيني نعيش معاها وانا وياها فشومبر وحدة
محمد: الا هاديك للي متهضريش معاها ونهار شفتها لابسة هكاك كان عليك تݣوليلي راه بالصح هي كتخرج هكاك
أمال: علاش اخويا نتا كنتي كتشوف فية واقلة مكنتيش عارفني حتى عايشة تجي لوجدة وتخرجها وتساريها وانا للي ختك مكتسولنيش حتى واش لباس علية واخا هكاك نهار تخطبت معجبنيش الحال علاش دارت ليك هكاك
محمد: (مرضاش مناش كان هارب حطاتولو فوق الطبلة اما هند فبيتها تكرشخات بالظحك حيت كانت حاطة ودنيها على لباب كنسمع بحكم بيتها هو اللول فالدخلة وقريب للسيجور)
أمال: (حست بالذنب) شيماء مبقيتش نهضر معاها حيت أنا براسي دارت معايا حواي..
محمد: (بانفعالية) سمو دارت معاك
أمال: (سحبت كلامها) داكشي للي دارت معاك نتا
محمد: اممم مدارت معايا والو وسدي هاد الهضرة مبغيتش مريم تسمعها
أمال: (بتنهيدة قلبت وجهها)
محمد: بقات 20 يوم لربعيين غنجي نديك باش ترجعي للدار
أمال: (حركت رأسها باه)
محمد: (كان متوقع تقول لا وهادشي كتزيد غير تندمو) انا مكنتش نخرجك حيت كان يحسابلي هاديك بعقلها
أمال: الله يهديها وصافي
محمد: مهم (معرف ميقول) صافي سيري تنعسي (وقف ورجع هضر) كتهضري مع زهير فالتيليفون؟؟
أمال: (ضارت عندو مخرجة عينها) لا
محمد: كيجي عندكم هنا؟؟
أمال: شي مرات (بانت تعبير فوجهو) شي مرات مع وليد الا كانت صيفطات الحاجة ولا جابو شي حاجة لا هو ميطلعش للدار والله عمرو جا قسما بالله أول مرة دخل هو هاد نهار معرفتش علاش جا واش نتا للي عرضتيه ولا وليد؟؟ (بقات غير ترمش فعينييها)
محمد: ونتي مالك فشكون عرضو
أمال: لا مماليش
محمد: سيري تنعسي (ضارت مشات لببتها وسدت لباب اما هو ناض طفا الضو والتلفازة ومشا نيشان لبيتو غير سد بابو هند فتحت بابها بشوية ومشات فتحت باب أمال دخلت كتموووت بالظحك)
أمال: أحاااي كان غيحصلني
هند: غير نتي فرشتي راسك براسك
أمال: ههه
هند: تطلق ليك لسانك معاه
أمال: حشمت والله مكانش خاصني نݣولو هكاك
هند: شوفي نتي كتݣولي الصراحة وهو باغي يتقرب منك ويعرفك ولكن معارفش خلييك نتي لمزياانة ولحنينة
أمال: بالصح؟؟
هند: والله تنهضر معاك خليك نتي لمزياانة
أمال: (فرنست) زهير كان معروض وكيتفلى علية حسابلي غير طلع لعندي
هند: ههه ماشي لديك الدرجة السيد راه بعقلو (جاها ميساج قراتو) شيماء مصيفطة ميساج (قراتو بالجهد) عفاااك اهند رغبي خويا وليد نرجع نقرا…
أمال: (سكتت حيت مبقاش عندها غراض بشيماء)
هند: مخلوهاش ترجع واقلة
أمال: سيري سيري ندخل نعس عيني كيتغمضو
هند: (ردات التيليفون لجيبها) حتى انا والله (باستها) بونوي (مشات لبيتها ولوخرا جبدت عليها بنعسة مخليين محمد ومريم شادين السهرة بعد غياااب….)
أصبحنا وأصبح الملك لله
شيماء: (كتبكي) عفااك اماما رجع نقرا عقاااااك هءءءء
نعيمة: هاويييييلي على هادي نعرف لوكان بيك لقرايا كنتي تقراي من اللول
شيماء: وراه كنقرا دخلت ݣاع les modèles بقااتلي هاد الدورة منضييعش فيها عفاك اماما (مشات لنقطة ضعفها) عفااك اماما ياك نتي ديما باغياني نقرا والله مكندير شي حاجة راه وليد دابا فوجدة وحاضي كولشي عفااك اماما
نعيمة: (بقات غير كتشوف باغية بنتها تقرا وتقف راسها) معرفت (سمعت غوااات حتى شافت سناء جاية من بيتها) امااالكم (جاي ادم هاز تيليفون وكيشير)
ادم: ودياااالمن هاد النمرة يا ر**
سناء: (تخبعت من مور ظهر نعيمة) والله اخويا معرفت منين جات
ادم: (كيعاود يشوف التوقيت) مصونية نتي مع 9 وكنݣوليلي معرفت ودابا صونيت جاوبني راااجل
نعيمة: اولدي غير بشوية علييك عاود صوني تهضر بلعقل
شيماء: (بقات غير كضور فعينها حيت هي للي صونات فديك الوقت غير كيحسابها مسحات النمرة)
سناء: (كتبكي) والله معرفت انا مصونيتش کاع والله اخالتي نعيمة مصونيت لحد
ادم: (بعصبية) مي خليك نتي بعيدة وطلکيهااالي
نعيمة: واش حماقيتي نتا عاد غتعرف سنااء
ادم: (بغا يخبط تيليفونها ولكن خلاه دليل ضرب غير فاز حداه تشخشخ من الحيييط) وطلݣيييييييييها
نعيمة: الله ينعلك الماااسخ كلب ارا داك التيليفوون
ادم: لا
سناء: ادم والله مدرت شي حاجة انا والله معرفت ديك النمرة
ادم: دابا غاااخرجي من تم شحال ݣد تخراي ورا مي
نعيمة: (بعصبية) ارا التيليفوووون (مدو ليها بقات كتقلب لقات بالصح هي مصونية مع 9) هارا تيليفووونك (عطاه ليهاا وهو كيتحلف فسناء.. طبات النمرة ودارتو فودنيها صونا) الوو السلام عليكم
….: وعليكم السلام
نعيمة: واخا نعرف شكون معايا
….: شكون نتي للي راكي تهضري معايا
ادم: (خطف لمو التيليفون) وشكون نتا للي مصوني على مرتي
….: وسيييير **** انا هاد النمرة ياله لبارح شاريها (قطع)
ادم: (زاد تعصب بغا غير يدوز ليها وشيماء ونعيمة فلوسط كيفااكو حتى دخل نبيل على لغوات)
نعيمة: خرج علية هاد الجيييييفة
ادم: اب** اليوم بيا ولا بيييييك (جارو نبيل مخرجو كيربب ويغوت هبطو لتحت والدار بقات سناء كتبكي وتحلف مدايرة واالو وغير باطل جااها فوق راسها…)
~~~~~~~~~~~~
الحاجة: (جات الكاملة كتعاونها بلغدا للي موجدة لضياافها) اسمو درتو فكاغيطكم
الكاملة: يااا ربي لهلا يكمل داك الكاغييط
الحاجة: احشمي راه عندك بنات ومزال جايين حفيداتك فطريݣ
الكاملة: انا مݣلتش راها خارجة طريک ولكن هي مديالوش وهو مديالهاش
الحاجة: لا حولة ولا قوة الا بالله العلي العظيم وااالو يا لكاملة الناس تكبر دير عقلها ونتي وااالو
الكاملة: علاه سمو درت.. صافي معندنا منديرو بيها راه بنت عمو اولا بيها على مزيناتها وكتسناه غير فوكاش يخطبها.. ياك هوما كيجوجو ولادهم وبناتهم لبيناتهم تمشي تشوف ولد عمها ولا ولد خالتها خير لييها
الحاجة: ونتي ماالك اخرجي داك السوووق.. وشتي أنوار غير مسݣد لجواج براسو ولدك ماشي ديال جواج
الكاملة: علاه كشتي ولدي
الحاجة: مزيينو ولكن مزال عقلو مكبر معاه حسن ليك خويو راسكم من جواج نهار يبغي راه يديكم تخطبولو….
نعيمة: (باتت فالسيجور خايفة ولدها يدير شي كارثة ومبغاوش احمد يعرف اما ولدها بات لتحت مع علي للي مقالوش على المشكل فهمو غير مناقش مع مالين الدار وصافي.. فاقت مشات دخلات عند سناء للي منعساتش وعينيها منفوخين بلبكى وشك حال خايبة راجلك يشك فييك ويكون الدليل ونتي مدايرة والو..) ابنتي الله يهديك
سناء: (رجعت كتبكي) والله اخالتي مصونيتش على حد
نعيمة: (جلست حداها وراسها مطبوووخ) ولكن ابنتي راه تيليفونك كانت فيه النمرة ونتي للي مصونية
سناء: والله والله ما انا شي حد للي صونا
نعيمة: (حاارت هي كتيق فسناء) ياكما غلطتي وبغيتي تصوني على شي حد
سناء: اخالتي مع التسعود انا كنطيب لعشا مقربتش لتيليفوني ݣاع
نعيمة: ياكما ابنتي عمك هو صونا انا نمشي نسولو…
~~~~~~~~~~~
مريم: (كانت جالسة حدا امال كتفيني واحد الكسوة قداتها) ياااااا ختي شحال فنة هاد لكسوة
أمال: (بابتسامة) بالصح؟؟؟
مريم: والله على مزيناااتها واش بالصح نتي للي خيطتيها
أمال: واه هه
مريم: فنة والله
أمال: خوديها
مريم: الاااا
أمال: والله حتى تاخديييها غتجيك زوينة فصلتها علية وانا وياك عندنا نفس لفصاالة ياااك (مريم كانت صحيحة شوية عليها)
مريم: واه بحال بحال
أمال: دخلي قيسيها
مريم: (خداتها من عندها) واخا (دخلت فرحانة لبيت فيستها كانت جايااها عباار مضيقاش وموسعااش كانت كسوة غزاالة مزيرة فذراع ولكتاف وجاية مرخوفة من لتحت وتوبها رطب وبارد خرجات لوسط الدار وشعرها باقي مطلوق وفازݣ) يااا ختي فنة ومهوية (كان محمد تماك واقف) هاء جيت
محمد: وهاد لكسوة
أمال: (حشمت من خوها وفنفس لوقت وتوقعات منو تنمر)
محمد: بالصح نتي للي خيطتي دشي
أمال: امم
محمد: برااافو عليك هادشي عندك زوين
أمال: (فرحت) بالصح؟؟؟
محمد: والله (شاف فمريم) ياله سيري بدلي باش نخرجو
أمال: لا غير خليها تلبسها
محمد: واخا سيري لبسي درتك متعطليش عااود (أمال بقات كتشوف فرحانة جمعت الخيوط للي فلماكينة) هند خارجة؟؟,
أمال: واه مشات تخرج شي فوطوكوبيات
محمد: اممم شوية وغنمشيو عند الحاجة (حركت رأسها باه وهي فرحانة حيت غتمشي عند الحاجة للي كترتاح عندها وعاد غنشوف زهير دورت وجهها ومشات للكوزينة لاحت شي خيوط رجعت لقات مريم لبسات شالها لقاتها كانت كتلبس عصري هو محترم ولكن علاش هي كانو فارضين عليها ديما عبااية واسعة ماشي حقد على مريم ولكن للي داز عليها عمرو يتنسى… جات هند لبسو حوايجهم تسناو محمد ومريم للي رجعو ومشاو نيشان لدار الحاجة كان سكاااات حيت مكيقدوش يهضرو وياخدو راحتهم قداامو وصلو لبنات طلعو وهو بقا كيسنى دراري للي راهم جايين فطريق.. بقا واقف حدا طموبيلتو حتى دخلت طموبيلة #رونج_روڤر بقا كيشوف حتى هبط أنوار نافخ صدرو وكيشوف وهو متعالي وقف حدا محمد)
أنوار: سلام
محمد: (محاملوش) سلام
أنوار: كتسنى شي واحد؟
محمد: (طلع وهبط فيه) تقلت عليك اشريف ولا؟؟
أنوار: نو بغيت غير نعرف الا كتسنى شي حد دخل لداري تسنااه متبقاش مليووح هنا
محمد: حتى نكون جاي عندك عاد باش ندخل لدارك
أنوار: وعندك سنطييييحة شيماء عندها الصح فيييك
محمد: (قلب وجهو كيشوف فقنت اخر كيلهي راسو واخا عينيه خارجين ممتقبلينش الهدوء ديالو)
أنوار: شي بشااار (محس غير براسو مجرووور من كول كابيتشو ديالو عطاه بريوسية حتى دوخو وخلا الدنيا كدوور عليه ونيفو طوش بالدم ومع كابيتشو ف الصومو طبع بدماياااتو)
محمد: ها البشار يا ***** **** بلا رب* تعاود ضوور بساحتي نحي لوالدييييك *****…..
نزهة: (كانت كطل شكون هداك للي جا أول مرة تشوفو أما امال وهند كتعرفهم حتى شافت أنوار مشا لعندو بقات كتحقق فوجه لاخر حتى شافتو كيسلخ أنوار)
محمد: ها البشار يا ****** *** يلا رب* تعاود ضور بساحتي نحي لوالدييييك*****
نزهة: (تصدمات) أوييييلي مااااااماااا وااا مامااا (خرج راجلها من بيت التلفازة) جري جري خووك كيضربو شي حد (خرج عبد الله وعبد الواافي كيجرييو لقاو مطايفة تمااك مشاو عند محمد كيفكو وغير حكموه بقاو يضربوه وغير تخصار الهضرة وترباب حتى من محمد يضربو فيه وهو مسامحش فحقو كيضرب فيهم واخا هوما تلاتة… )
الكاملة: (خرجت كتويل) ااااااااا اولادي بغاو يقتلوووكم فوسط داااركم اجري ياااا لكبييييير شكون دا للي دخل علينا
نزهة: اويييلي شكون هدا
جهان: (شادة ولدها كتراري بيه وكتفرج خايفة على راجلها)
الحاجة: (ولبنات كانو لداخل مجايبين خبار حتى تزدح لباب التحتاني) باسم الله الرحمن الرحيم
هند: انا نطل (محدها كتقرب للبالكو ديال لبيت محد الصوت غير كيجهاد طلات بانلها لغباابر ومحمد كياكل لعصى وشاد أنوار عاصر عليه) هههههه ويلي عطى للمسخوووط (جات أمال كتجري حيت هند فتحات لبالكو والصوت وصل لعندهم) جري تشوفي خوك تيوكل الهرمكة لأنوار
أمال: (طلات) أحااااي مححححمد (جا كولشي كيطل هند جمعت الظحكة حيت شافتهم تخلعو هبطو حتى هوما والحاجة رجعت صفرا هي كتخااف من لغوات وصداع بكترة مشافت فحياتها وفشبابها لقتييلة…)
عبد الوافي: (مشا للدار صااعر ان تشدو مو ومرتو واالو فدقيقة تم جاي جايب معاه فرديييه وهنا حماا لغواات)
الكاملة: وييك ويييييييييك اعبااااد الله
أمال: (فمها يبس منين شافت لفردي)
الحاجة: اعبد الواافي اااااعبد الواااافي (مشات تجري عندو و)
هنا دخلت طموبيلة ديال زهير ظاحكين مع دخلو كتبانلهم كوربة دالناس شي فوق شي وليد قشع ولد عمو هبط والطموبيل ياله غيوقف وزهيير تبعو وهو ممسكتهاش اما لكبير للي كان جالس لقدام غير مطرطق فمو)
وليد: (جر عبد الله من ظهرو غير وقفو وجه لوجه عطااه بوونية)
زهير: (مشا نيشان عند عبد الواافي للي كيبغي يشد عبار بلفردي باش يتيري فمحمد دفعو لاخر مرضاش رجع دفع زهير وهنا لاخر صعر بدأ يضرب فيه حتى طيحو داز لعبد الله دفعو هو ووليد) وااااااااا لبشااااار (دفع محمد من جيييه وشاف انوار للي اصلا مليوح فالارض سخفااان عمر لفردي وشير بيدو لسما حتى تسمع صوت القرطاااس كولشي بقا كيشوف عاد دور عينو محمد شوميزتو عامرة دمايات ونيف حتى هو أنوار كولو دمايااات عبد الله باينة غير مرمد فالارض وعبد الوافي حتى هو حمر من جهة العين اما وليد كيلهت حيت هو دخل غير ضرب… بلغوات) سموووو واااقع
أنوار: (بحرا كيقد ينوض غير كيبغي يوقف كتخوالو رجلو)
لكبير: (خرج من الطموبيل مفااهم واالو)
أنوار: (كيلهت) للي كدير على قبلها هادشي هي للي فضلاتني عليك نتا يا لهييماااجي
وليد: (هنا طرطق عينو ومشا عندو بركلة على جهدو جابو مليوووح فقنت ومشا عندو تبعو محمد حتى هو كيخبط فيه هنا زهير دفع ولاد خوتو للي ماشيين عندو وجر وليد ومحمد من ظهورهم دافعهم) من هاد نهااار مبقاا واالو جامعك مع ختي
الكاملة: (مشات تجري وحنات عند ولدها) الله يعطيييكم لݣطع خرجوووو علينا يانا من اللول محملتكم محملت ختك
وليد: (شير لأنوار بصبعو) منعاودش نشوفك الحمار كضوور بييها
أنوار: (تبسم كان فمو عامر دم حتى بقا كيظحك) منبغييش نصدمك الا ختك بغات تبعد مني اجي نتفاهمو ديك السااع…..
نعيمة: هااا لعار احمد الولد غيقتل لبنت
احمد: (من نهار مات خوه وهو غير هادئ) انعييمة ويلا لبنت صدقت كتلعب
نعيمة: بلعمى انا للي معاشراااها خليني غير على مانتاكد والا صدقت هي نردوها لدار باااها منها هي متقتلش وولدنا ميدخل لحباسااات فكر فيها هااااك
احمد: (دغيا كتقنعو) ولكن عرفيلي انعيمة سمو وااقع كما كان الحال تخافي حتى على شرف ولدك
نعيمة: وتعرفني نسكت على الحق انا راه خفت عليهم بجوج وسناء راها بحال بنتي
احمد: (بتنهيدة) استغفر الله العظيم ياله نوضي انا غنهضر معاه ولكن يومااااين خاص يكون كولشي باااين
نعيمة: وااخا اسي احمد…. (خرجت كانت شيماء كتلعب بتيليفونها وياله كتفطر) فقتي
شيماء: (تفوهت) اممم شنو وقع فداكشي
نعيمة: (عصباتها ببرودية ديالها مشات للكوزينة لقات سناء كطيب لغدا وكتبكي) ابنتي سيري لبيتك ترتاحي لاش نايضة درك يجي ادم وينوض الصغرة
سناء: (كتشهق) والله ما يانا للي صونيت اخالتي
نعيمة: صافي ابنتي من لبكى سيري لبيتك وسدي عليك
سناء: نكمل لغدا
نعيمة: سييييري لبيييتك (مشات سناء وهي كتبكي بشهيق دازت من حدا شيماء للي كتفرج ففيديوهات هند للي كتحط فالانستغرام وكفاش فرحانة وأمال كتبان غير يدها او كسوتها كتزيد تطعن بغات تعرف غير فين ساكنين وعندها شك ساكنين فدار الحاجة ولكن أنوار كان يقولها لها…. اما سناء دخلات لبيتها كتبكي سدات عليها ومشات لنموسيتها نعست فيها كتبكي على مصيبتها للي مدارت لا بيدها لا برجلها….)
~~~~~~~~~~~
وليد: (صعر شادو غير زهير)
لكاملة: زيد نمشيو الجدارمية اولدي
عبد الله: هادشي ملݣاو من هاد نسووبية
أمال: (كتزيد غير تكره أنوار وتندم على نهار للي هضرت معاه شاف فيها ومحسات دارت ابتسامة استهزاء على وجهها)
أنوار: (صااعر) خرجووووووو من هنا تق (أمال بخوفها يقول شي حاجة دغيا حنات هزت فيدها كياس (داك لحجر صغير للي كيدار فطريق باش عاد يتزفت من فوقو) وعطاتو بيه لوجهووو خلاتو مصدوم للي جا فيه للي جا فلكاملة.. محمد مشا جيهت ختو وليد ظن منو كدافع على شيماء اما زهير محضرش على هاد اللقطة حيت كان كيطرد ولاد خوتو)
أنوار: (جا يخصر الهضرة ولقاهم فاص ليه عرف الا هضر شي روح اطييح وبلخوف ممكن يكون ديك الروح للي غطييح)
أنوار: تحركو خرجو علية
لكبير: أنواااار دخل للدار
عبد الله: واش مكتشووفش أبّا سمو دارو جايين هاجمبن علينا عصااابة
لكبير: (بلغوات) دخلوووو للدار
زهير: (ضار عند أنوار ومزال هاز لفردي) دخل للدار
أنوار: (شاد فجنبو وبحرا كيتمشى) خرج علية هادو بعدا وهادشي راه متسالاش هنا
محمد: سييير قبل منكمل على جدك
زهير: محمد!!!! (شاف فأمال) طلعو نتوما للدار.. مّا طلعي
محمد: غنمشيو زيدو نمشيو من هنا
زهير: (بعصبية) مكااين فين غتمشيو غنهضرو هنا باش كولشي يتݣااااد
وليد: مكااابن ميتݣاد هاد خينا فطريݣ وختي فطرييييݣ
الكاملة: كييشتنا حنا
لكبير: لكااااااملة جري ولدك ودخلي
أمال: (شحال عجبها زهير وهو هاز لفردي وعجبها خوها سلخ أنوار بقات بحال متبسمة فوجهها أنوار فݣس من حركتها وزهير شافها مفهمش لاش هاد التبسيمة)
أنوار: وظحكي نتي دابا ي
زهير: (بلغواات) اييييييييه بقاااو جوج قرطاسات غيدخلو يفرݣعو ليك داك الراس الا مطلعتيييييش…..
الحاجة: ياله ابناتي نطلعو
محمد: (بعصبية) أمال مريم هند ياله
زهير: راه هضرت
وليد: زهير نمشيو هاد السااااعة
عبد الله: اش يبقااو يديرو هنا على شوي كان يقتلو خويا صغير ونتا مزاال لاسݣ فيهم يعاود شي حد يدخل هنا نفرݣع لمو الرااااس
وليد: (مشا جيهتو) اجي فرݣع
هند: ويلي (كتعيط) ولييييييييد
زهير: وليييييد اصااحبي.. (ضار عند خوه) خوويا هضر مع ولادك يدخلو نفكوو هاد لمناااامة
محمد: زهييير متحمقش راااسك حنا غنمشيييو ياله نتوووما (غوت على لبنات) يااااااله
لكبير: (مشا عند محمد) اولدي سمو واااقع باش نفهمووو
محمد: انا واااݣف كنتسنى فلخووت حتى جا ولدك كيتهز علية عييت نوقرو وهو مابغاتش يحشم
زهير: (عارف أنوار غيكون لاح شي هضرة على شيماء.. تحط فموقف خايب ولد خوه للي عزيز عليه ونسيبو المستقبلي ولكن الحق حق عاارف أنوار مكيحملش محمد ومكيحملش عائلة كاملة وفيه التطياح ببنادم)
لكبير: لا حولة ولا قوة الا بالله العلي العظيم على وجهي دخلو حتى نتفاهمو
وليد: الحاج نتا على راسي وعيني ولكن مبقا واالو صاافي تلقااو خوت حسن نتفارقو هااااك
عبد الله: حسن
عبد الوافي: ونتا لكبير ݣاع سكت خلي يجي با ولا واحد فينا نتفاهمو معاه ماشي دير شراع يديييك
محمد: انا درتو فيك حتى نتا
زهير: صافي هنييونا مّا طلعي لبنات
محمد: راه هضرت غنمشيو ما بقى مجياااان هنا
زهير: كفاش مبقى مجيان هنا.. (دار لمو إشارة بليد للي فيها لفردي) طلعو للدار ونتوما ياله معايا خويا عيط على لبرهوش دولدك يتبعنا لجنان
لكبير: لا حولة ولاقوة الا بالله العلي العظيم (زهير كيدفع فدوك الجوج للي كيخنزرو فجوج لوخرين كان بغا الخطوبة تسالي ولكن ماشي بهاد الطريقة وصلو لتمااك)
عبد الوافي: شوووف فية
وليد: سييير ت**** ونتا بحال لمرا اش غنݣجدر بكمااارتك جايب سلاح تيري فظهر ولد عمي هنا تعرف راسك شماااتة
زهير: واااا سكتوووووونا
محمد: مفهمتش لاش بغينا نزيدو نتجمعو مكيبانلكش واحد محامل لاخر
زهير: نتا عاارف علاش!!! (ضار عند وليد) خلييك مول العقل
عبد الوافي: حنا بنا ليك هباال اااا عمي زهيير ولا نسييت حنا راه كبارين علييك
زهير: (ضار عندو) غير العمر اما وكان كنتي بعقلك تفك المطايفة ماشي تزيد تحااما راه كنتو 3 على واااحد
محمد: (مرضااش) وطيحتكم
زهير: وااا محمد
محمد: سمع منحملش للي يقلل من بنات عائلتي وولد خوك فات حدوو
وليد: (معصب كايغزز شنافتو التحتانية مخنوق مقاادش يزيد دقيقة تمااك) شووو خليني نرجع للمحال ازهير راه الا بقيت هنا غندير شي كارثة
زهير: (حس بيه هو اكتر معرفة بوليد ظرييف ومهدن ومكاالمي ولكن دابا شااااعل) ياله لداري وا
وليد: (بجدية) زهيييير هاني هضرت
محمد: صافي اخااي زهير نتا معلييك وااااالو… انا نعيط لبنات
زهير: (بغا يقولو خلييهم ولكن معندووش الحق بقا غير ساااكت شافهم مشاااو شاف فولاد خوه واقفين نافخين ريشهم حتى هوما كانو كيدافعو على خووهم صغيير اش غيحاسب فييهم هوما معارفين وااالو ضار ومشا بشوية شاف لبنات ركبو فطموبيلة مع هند وأمال كطل عليه من السرجم وهو كيشووف فيها ووليد صاك حيت محمد كلاها شوية عاد تبعاتهم طموبيلة ديال هند تبعهم حتى مشااااو هز داك لفردي حتى لسما وخبطو مع الأرض بعصبية وتم ماشي عند أنوار……)
وليد: ويلي لديلمو نشدو نطرطݣ لمو دوك ل***** ياا رب* خلا دمي يفووور
محمد: (معصب) عند مو زهر أول مرة نخلي فردي فالدار ونجي بلا بيه ولكن والله لبقات ف*********
وليد: اش بغيت شي سلاح تلاح فلحبااسات على كلب
محمد: صاافي ريدو ديك الخطبة
وليد: وانا هبيل نخليها (هز تيليفونو ودوز نمرة مو مع جاوباات عرعر)
وليد: هزي التيليفون لشيماء نهار نسمعها كتهضر مع لكلب ابربي حتى نحيلها راسها من عنݣها
نعيمة: اولدي نعل الشيطان شنو واقع
وليد: وااااراني هضرت تيليفوونها خليه عندك حتى نجيييييلو
نعيمة: اوليييد فهمني شنو وااقع
وليد: ماشي دابا (قطع) من اللول محملتوووش
محمد: (قلب وجهو زاافر داك نهار عمرو يتنسااالو ولكن هي للي باعتو برخييييس)
وليد: سمو ݣالك عليها
محمد: مهضرش عليها يانا للي بدا يتهز علية
وليد: **** حتى يانا ديما يتهز علية تݣول شاد سما ب***
محمد: هاد العائلة ما هي ديالنا ما حنا ديالهم
وليد: (شاف فيها) مدخلش شي فشي داك **** ميوصل زهير حتى فربعو
محمد: كيف كييف كدير ختي تعيش مع هاد رباااعة
وليد: غتعيش فدار راااجلها ماشي معاهم دابا بلا متزيد تعصبني تا نتا خلينا فموضوع وااحد
محمد: نتا غاااضك الحاال على ختك وانا مبغيتيش يغيضني الحال
وليد: حتى يكون زهير كيف داك شماااتة ونتا عارف زهير مواقفش عليك تبغي بلا متنوض بلبااالة براكة غير خلينااااه غيحمااق ووقف فوجه ولاد خووه (سكتو… اما لبنات اللور )
هند: ههههه ويلي شحال كنت باغيااها فيه ههههه
مريم: (كتعجب فيهم كيضحكو وكانت الروح غطيح هي كانت ميتة بالخلعة أكترية على محمد)
هند: ههه ونتي أمال صرعتيها منين ضربتيه بداك الحجر جمعتييه هو ومو
أمال: أحاااي ههه انا كنت باغية نضرب غير داك لكلب
هند: تخيلي شيماء منين يوصلها اخبار
أمال: غتحرݣ ديك الدار بمااا فيها
مريم: أوييييلي واش مبقى فيكم حد
هند: هاااء وهوما رجال ضاربو عادي بلعكس محشمووناش وجاابو الكاس هههه
أمال: (فرنست) شفتي زهير فاش ضرب بالقرطاس عجبني (دارت باتسامة عريضة) كنت ديما نشوف سلاح ولكن هو جا معاه
هند: هههه حب مصووفج عندك حتى انا عجبني واخا كان عليه يتيري ف** داك شماتة
مريم: أوييييلي
أمال: واااا هند ضرووري دخلي لمسخ
مريم: واش مبقاش فيكم محمد مسكين
هند؛ وراه هو للي حاب لينا شرف العائلة.. أمال مخفتيش محمد ميبغيكش تجوجي زهير
أمال: (جمعت تفرنيسة) زعما؟؟
مريم: وعلااه بقا فيها شي جواج مشتيش كضاااربو
أمال: الاااا واش انا شيماء ديما خارجة فعووودي لا لا زهير ݣاع ميسخى ويفرط بية
هند: ههههه وييينو على ميسخااش
أمال: (صونا عليها زهير) ها هو يصوني (جاوبات) الوو
زهير: عنداك خوك يدييك معاه الا غوت ولا عصب عليك متجاوبيهش راه معصب والا كان بغا يديك بزز لتاوريرت صيفطي ميساج نكون عندك ولكن أمل هاني نوصيك متجاوبيش معاه هو دابا معصب
أمال: اممم (حركت رأسها باه عاجبها الحال ولكن هو محداهاش باش يشوفها دارت اه) باقي هاز داك لفردي
زهير: (باستغراب هو فين وهي فين ومع كان معصب) واش سمعتي سمو ݣلت
أمال: (تحرجت) واه
زهير: (كان جالس فديك النافورة أنوار مبغاش يحل لباب وخوتو كينݣرو الاجواء كانت مكهربة)
أمال: زهير
زهير: اممم
أمال: حم حنا وصلنا ونݣطع
زهير: أمل الله يرضي عليك عنداك تزيدي تعصبي خوك الا زاد فيه عاد صونيلي
أمال: واخا
زهير: الله يرضي عليك ابنتي
أمال: هههه واخا
زهير: كظحكي
أمال: جيتي زوين ونتا هاز لفردي
زهير: ومخفتيش نفرݣع بيه شي حد
أمال: مديرهاش نتا بعقلك
زهير: لهلا يوريك هاد لعقل منين كيتقندش.. ياله زين ديالي حتى تكوني وحدك وصوني علية…..
أمال: (دارت تيليفونها فصاكها وشافت فمريم للي مستغربة فيها) مالكي؟؟
مريم: واش مشفتيش لفضيحة للي ناضت ونتي ݣاع متخلعتي
أمال: تخلعتي منين شفت لفردي ولكن منين شدو زهير عرفت مايكون واالو
مريم: وخوك للي تضرب وكولو دمايات
أمال: (زفرت) راه ضربهم كاملين ولاخر للي جبدو
مريم: لا لا نتي رجعتي فشكل
أمال: اختي مرجعت وااالو صافي ضاربو عطاه بلعكس عجبني الحال
مريم: اوا وخوك الا حلف متجوجي زهير
أمال: (بكل ثقة) جوج حوايج زهير الا حتى عيا منهم ومني انا غنطج من ديك الدار.. أرض الله واااسعة المهم اليوم انا رتاااحيت (خرجت وفعينها واحد لبرييق أنوار مذكرهاش وكان بإمكانو يقول كوولشي ولكن خووفو خلاه يسكت زيد تمرميدة للي تمرمدها برااات جزء من العافية للي كانت فيييها محدو كان يتضرب وبديك الحالة مليوح لداخل ديالها كيفرح كولشي جا قدام عينيها نهار خلاها فصبيطار ويدها مغرزة وكان تاتي اسوء ليلة نهار وهمها بالاغتصاب ولدابا مزال القضية غامضة فداكشي نهار لبوليس منين وصلو للكوميسارية ايام هددها ونهار جا خطب شيماء.. وقف عليها محمد مخنزر شافت فيه ياله غتبسم وهو)
محمد: وتحركي طلعي ولا كتسناي شي حد
أمال: هااء (زعزعها حنات راسها ضارت لقاتو واقف مع مريم حتى هي كيسخسخها علاش هبطات قبيلة كتفرج تبعتها مريم اما هند كانت واقفة مع وليد للي مكره وبااااينة فيييه…)
وليد: بففف صافي سيري طلعي دابا للدار
هند: فين غتمشي نتا؟؟
وليد: معندي فين غندخل محمد عندي للي راه يݣلب يرجعلو
هند: اويلي على يرجع حمااق صافي راكم سخسختو زمر
وليد: (مكره) سيري اهند طلعي وطلعي لبنات
هند: انا نمشي لسناك نجيب لهم شي حاجة
وليد: (بعصبية) انا نطلع غير سيري طلعو
هند: (لوات شنايفها) متغوتش علية
وليد: اجي نتي بعدا عارفة شي لعبة
هند: ياله متنساش تجيب لبنات راه جااعو طاحو ريوݣنا على داك دجاج وفالتالي غنتليوها بطاكووس (دغيا لحقت على لبنات ضامساااه… مشا عند محمد للي وجهو مخمج وشاد فجنبو حيت مقصح تماك) زيد غسل وجهك
محمد: ولاد ***** يجيو واحد واحد وتشوف وكان منطحنش ******
وليد: زيد دابا دخل (صونا تيليفونو كانت نمرة شيماء.. مدلو سوارت) سييير دخل للدار (بعد.. بعصبية) مزال شادة داك التيليفون
شيماء: (كتحماق بلبكى) علاش اخوويا ݣلتي لماما راك وݣفتي الخطبة
وليد: مزاال كتسولي ولكن انا غنجي عندك ونتفاهم معاك مزيااان مدي التيليفون لمك
شيماء: هءءءء علاه شنو درت ليك باش راك تكرهني هااااك
وليد: (غوت عليها) وعطي التيليفووون لمك (قطعت وهي كتبكي ضارت عند مها)
شيماء: والله منسمحلو الله يااخد فييييه الحق
نعيمة: اري التيليفون الكلبة كدعي على خووك للي باغي ليك الخير (سمعو الفيكس كيصوني) اري داك زمر
شيماء: لا والله منعطيه ليكم
نعيمة: (مشات ترد على لفيكس على اساس وليد للي صونا حتى طلعت ننمرة فكس لكاملة) الو السلام عليكم
الكاملة: مكاين لا سلام لا كلام الآلة نعيمة للي نطولوه نقصرووه
نعيمة: بشوية عليك وحتارمي راسك السلام راها غير ديال الله
الكاملة: مخليتو فيها سلام داحيين ولادكم يتهجمو على ولادي فݣاع دارهم وكان ماشي عمهم وكان راكي تجي تبكي وتندبي على ولدك
نعيمة: (غوبشت) شنو؟؟
الكاملة: بنتك الآلة مبقينا باغيينها
نعيمة: باسم الله عليك حنا راه شحال هادي فسخنا الخطوبة علاش مݣالهالكش ولدك
الكاملة: (سكتت)
نعيمة: اوا حتى تبقاي تشاوري ولادك عاد هضري انا من اللول معجبنيش هادشي وكنت ديما كنݣول الا ما فيه خير بعدو على بنتي والحمد الله كل نهار كيبان عييب لالة لكاملة ولدك مزال ديال الدوران ماشي ديال زواج متعذبوش معاكم بنات الناس خليه حتى يكبر وزوجوووه.. السلام عليكم (قطعت وهي مفهمااش وشيماء حداها كتبكي) ها هي بفصيييح العبارة ݣالتلك مابغينهاش من نهار اللول مزاال غتزيدي تغبني
شيماء: هءءءءء حرااام عليكم علاش كدييرو هاااك
نعيمة: الكلبة اش غديري بهادااك راه غتعيشي غير فالعذااب
شيماء: وانا بغيييت نعييش فالعذااب ماشي شغلكم فية….
نعيمة: اري بعدا داك التيليفووون
شيماء: (شداتو معنقااه وهي كتبكي) لا
نعيمة: (نتراتو ليها) ااااااااااااااري (شداااتو) دخلي لبيييتك دابا (مشات لبيتها ولوخرا كترغب وتزاوک مع جلسات مع صونات النمرة للي نعيمة حفظاااتها طرطقت عينها) اش هاد النمرة؟؟؟؟؟
شيماء: (طلت ورجعت شافت فمها بالخوف حتى لبكى وقفااات منو) معرفتش….
~~~~~~~~~~~
أمال: (طلعت حيدت شالها وجلسات وهند حتى هي بقات جالسة ساااهية فوليد للي كل مرة جابد ليها شيماء أمال مريم جالسة فالطرف وكتفكر غير فمحمد علاش دابا مع خطيب للي كان كيبغي!!!!!!!) جعت
هند: مبقى واالو فالتلاجة مريااامة سمحييلنا حبيبة جيتي تفوجي
مريم: لا لا ختي أنا بقى فية محمد باين معدم
هند: هبطي عندو لتحت
أمال: بلاش والله غيبقى يغوت ويفهم علييك اصلا هو فالح غير يرد اللومة للناس (ضارت عند هند) ݣالي سمو كتسناي هنا؟؟ ولا كتسناي شي حد زعما على زهير
هند: وراه معصب
أمال: اييه معصب ولكن يفرق
هند: انا بغيت غير نعرف علاش داابزو
أمال: معرفت
مريم: (ساهية) دابز على شيماء؟؟
هند: (تشاوفو هي وأمال) لا لا موووحال اش جابو لشيماء
مريم: وراه كان يݣول انا منحملش للي يهضر فبنات فاميلتي
أمال: واا غي حيت بنت عمو
هند: شتي وليد من شحال هادي على لقرس باغي هاد الخطبة تفرتك واليوم لقا السبة علاش انا وكان دار الما منين يدوووز
أمال: مريم محمد وكان غراضو فشيماء مكانش يݣولك نعيشو لهييه وحتى فاش رجع مكانش يشوف فيها الشوفة وحضرت لواحد نهار هي بقات كتشوف فيه وهو ݣاع ممعبرها حتى نهار عزاااتو مجاوبهاش
مريم: اختي نݣولك الصراحة داك نهار طلعت لسطح نجيب باكية دالملح ولݣيتها واݣفة مع زهير
أمال: (طرطقت عينها) احااي؟؟؟
مريم: معرفتش سمو ݣالتلو ولكن شوية ويضربها ݣالها تاقيت فيك وجه خوك اما نوريييك (سمعتو طردها وانا نهبط دغيا)
هند: (هزت حاجبها) جاب الله وليد خوها
أمال: (زادت كرهتها) بغات دوز حتى لهدا
مريم: علاه شكون اخر طمعات فيه
هند: اي راجل عندو ** وجوج **** كطمع فيه
مريم: ههه وييلي
أمال: تفوووو غير مكنزيد نكرهها كملي وشنو ݣالها اخر
مريم: اختي هادشي للي سمعت والله اصلا حتى لملحة مجبتهاش هودت نجري باش ميشوفنيش ويݣول نتصنت عليهم
أمال: وكان غير کلتيهالي وانا تمااك
هند: وااه كنا نتفرجو فشي كومبا عاااود
أمال: بزاف عليها حتى نوسخ يديية فيها
هند: هكاك نبغييك ناااري كغتكون حالتها داااابا ووليد غير كيتحلف (سمعو الدق) ناااااااري القلب على القلب (فتحت كان محمد هاز بلاستيكية دخل كان غاسل وجهو ولابس قبية حط داكشي فوق الطبلة بنترة وشاف فأمال)
محمد: اخر مرة نعرفك كتهضري مع داك خينا
أمال: (بخوف) علاه
محمد: (بعصبية) كفاااش علااااش؟؟ صافي سالينا زبل
أمال: وانا شنو دخلني فداكشي ديال ديك خيييتي
محمد: (تم ماشي جيهتها ووقفت مريم وهند فالوسط هو مكانش باغي يضربها) انا هضرت
أمال: (رجعلها داك الخوف منو ولكن متقدرش تبعد من زهير.. بقات غير سااااكتة كتشوف فيه وهادشي هو للي كيستافزو حس براسو مبقاش عندو شي هبة ولا قيمة عندها خرج من تماااك هند سدات لباب وأمال بقات واقفة كتشووف)
هند: متديهااش فيه نتي عارفة زهير شاااريك
أمال: (حركت رأسها باه وهي ساهية)
مريم: (هزت ديك البلاستيكية دخلت للكوزينة فتحات كانت دجاجة معمرة ومعها لي صوص وشلاضة كبيرة حطت فطباسل وخرجت لقات أمال فبلاصتها)
هند: أمووولة زيدي تاكلي
أمال: ما فياش غير كولو
هند: زييدي تاكلي ازمرة
مريم: والله ان تزيدي تاكلي
أمال: (زادت غير كتنقب وكولشي سااااكت…. )
أنوار: (ندم ݣاع علاش وقف مع محمد بقا غير كيݣمݣم هز يدو وهو صبعو صغير كيلعب ومقصح فيه بزااااف) غيكون تهرس ولد ****** ****** (مرضاااش غيمووووت بالفقسة صونا على تيليفون شيماء لقاه طاافي عرف القضية صافي وصلات ليييها لاح التيليفون بعصبية وبين عينيه غير ثورة أمال وهي كتبسم وتشفى فيه وتقلي ليه الݣلب بحركتها) انا غنتبااالا بجد والديك الكلب صاافي يحساااب ليك غير مشا التيليفون راك راااابحة الا مفرݣ&عتش مك منتسمااااش رااااجل (بالزز وقف حيت كان فالحمام شاف فوجهو للي بدا يبرد عينو فيها دويرة حمارة ونيفو مفرݣع والدم مزال مبغى يحبس كان وجهو مزوق وهو الا وجهو للي كيعنى بيه كتر من لبنت… خرج من تماااك وهو يلقى كولشي كيتسناااه تم زايد وهي توقفو مو)
الكاملة: ابرديييييي على ولدي اللله يعطيييييهم مصييييبة كحلة فهاد نهار الله يشتتهم
لكبير: اسكتيييينا من دعااوي شتي ولدك غير زيييين
الكاملة: (بحرقة) زيييين وحسن منها ومن كوولشي زيد اوليدي ياله نقيدو فيهم عند الجدارمية
زهير: (غير كيشوف من لبعد ومغوبش)
أنوار: خليني الوااليد
لكاملة: لالا نقيدرو راهم هوما المهاجمين وكلنا شهوووود
عبد الوافي: (شاف فزهير) ماشي كولشي كاين للي يجي علييييك
زهير: (نيشان شاف فيه) تبغي نبداو انا وياااك معندي منخسر ولا شكون نيتم
لكبير: (بلغوات) سكتووووو واشتا ولكن دمواااصل
زهير: (دخل وصطهم وجر أنوار من ذراعو حتى غوت وهنا شد فصبعو)
الكاملة: بشوية عليه الله يعطيك مصييبة يا الجحمووم (دغيا سرطت لسااانها خايفة من ردة فعل لكبير وزهير والحاجة)
زهير: (حرك راسو بلا حولة) زيد نديك لصبيطااار
أنوار: لا
لكبير: تحركي نتي من هن
لكاملة: راه غير خرجت
الحاجة: وليدي أنوار رواح معايا للدار نعيط على للي دير ليك جبيرة بلا صبيطارات
أنوار: (بعصبية) انا ممهرسش
زهير: (خنزر فيه) هضر مع حناااك مزياااان
الحاجة: خلييه اوليدي راه مقصح
زهير: حيت هو للي ݣلب عليييها
عبد الوافي: اشتك نتا عن..
زهير: هضرتي مااشي معاااك والا بغيتي شي كلام اخر هود لتحت
لكبير: لا مزيان تبارك الله كولها يجيب فرديه وݣلسو كتريو
الحاجة: صلي على نبي اولدي… أنوار زيد اولدي نعيط على لمرا
أنوار: (كان مقسح حتى بغا يسخف غير شاد راسو.. تما ومو معاه زهير بقا وااقف مربيع يدو وداافع صدرو)
لكبير: سير اخويا مع مّا
زهير: انا مااشي غير نفهم ولادك حاجة وليد صاحبي مزاالو خدام معايا وغيفتح من مورا محااالي محال ديالو وجهو ديما غيجي فوجهكم لا هو لا ولد عمو داكشي دهاد نهار خليوه هنا وووو كما نتوما كتبهااو بسلااحكم حتى هوما راه عندهم سلاااح ومعند جد بووهم ميخسرو ها هي عندكم خويا اجي معايا (انا وتبعو لكبير مخلي لوخرين مكرهوش واحد يشدو واحد يذبحو)
زهير: هضر مع بات لبنت وݣولو سمو كااين
لكبير: لا حولة ولا قوة الا بالله العلي العظيم انا غنهضر غير هو لاش دابزو
زهير: حتى واحد مبغا يݣوول انا مشيت لمحااالي (خرج من تماااك داز عند مو كانت جالسة معاهم فالصالون) مّا الا خصك شي حاجة عيطيلي (شاف فانوار) نتا حتى نجي ونهضرو… (خرج معصب كان فاللول نهار زوين وشحال كان فرحان منين غتكون أمال عندهم يتغدااو واخا ماشي مجموعين ولكن كاينة عندهم وفالتالي كولشي خسر عاد خوها للي على سبة يعيى يكون زوييين معاه ولكن فهاد النقطة كيحس بييييه مموافقش 100٪ حيت هو فرض راسو علييه…..)
احمد: (كان كيفكر فكلام نعيمة واخا ممقتانعش ولكن خاف على ولدو للي راه كيخدم بعصبية وكيدابز حتى مع لكليان) حم ااااااادم
ادم: بلاااتي اباااا
احمد: اجي بعدا دوزلي هاد النمرة
ادم: (باه مقاريش اصلا… مشا عندو حتى حط واحد لكرطونة بلاصتها محامل حد) سموو؟؟
احمد: دوزلي اولدي هاد النمرة لبارح تلفلي تيليفووني
ادم: راك خليتو فلمجر ابا سربيني راه داك لحمار كيتسنا شي سلعة
احمد: واا صبر مااالك غير مفݣوووع
ادم: (بعصبية) اوااالو طلݣ ديك النمرة
احمد: (عطاه النمرة فورقة مكتوب عليها بصوت مواضحش بزاف مول لهوندة) كان يسالني واحد ربعميدريال
ادم: (شد النمرة معصب هو كيطابيها وباه كيهضر)
احمد: كان يسالها لعمك الله يرحمو هلالي النمرة مسكين فالݣنااازة ولبارح صونيت عليه من تيليفون فالدار ويمكن كتبت النمرة غلاط وليد عيا يوريني وماعرفت وااالو
ادم: (طرطق عينو حيت كان مقيد النمرة وكاتب عليها شماتة حيت كل شوية كيصوني عليييه شاف فباااه) دياالمن دالنمرة
احمد: ديال واحد السيد عندو هوندا
ادم: من عن من صونيت لبارح
احمد: وماالك تسول هااااك
ادم: (معصب) ابااااا جااااوب من عندمن صونيت نتا اشمن تيليفون واش دمي ولا دشيما
مصطفى: معرفت لهم واحد فيهم كان محطوط فوݣ الطبلة
ادم: (مسح على وجهو معصب) هاد النمرة ديالمن؟؟
احمد: بن حماار الآخر راه ݣلتلك ديال مول الهوندا بناااقص منك نتا نبيييييل وااا نبيييييل مزيااان تبارك الله بقااالك غير تهز عصى وضرب (جا عندو نبيل) عطي النمرة لخووك (شدها نبيل وادم غير واقف) دوز اولدي هاد النمرة وݣول لمولاها يجي ياخد فلوووسو (وقف داز فادم ومشا للقهوة للي اونفاص معاهم تماك كيجلس مع صحابو…. )
~~~~~~~~~~~~~
نعيمة: (بشوية كتهضر) أوييييلي على لكلبة بغات تخرج على جواج خووها على ديك بنت الناس
شيماء: (ضربت الطم)
نعيمة: (طرشتها ورجعت نتفتها) جالسة تشوفيها تاكل لعصى ونتي صاااقرة يا ليهووودية
شيماء: (شادة فحنكها ومكالية واش تجيها شي ضربة لوجه)
نعيمة: هضري هضري الكلبة ديالمن ديك النمرة
شيماء: دياالي واحد لولد كيقراو معايا فلفااك كنت صونيت عليه ومبقاليش الصولد وهزيت تيليفوونها (شدت فيد مها كتبوسها ولوخرا جرتها) والله اماما غير نسيت ممسحتها وخفت نهضر ويسبي فية شي حاجة
نعيمة: يسبي ياااا لكلبة ومتخليييهش يشك فشرف البنت للي بايتة وضاالة تبكي
شيماء: هءءءءء والله مبغيتلها شي صداااع طلقي اماما والله حتى حشوومة عليك كولشي هاد نهار ضااار علية
نعيمة: (دفعتها) اليوم هزيت يدي علييك الكلبة (مداتلها التيليفون) ديري الكووود
شيماء: عفااك اماما عطيني التيليفووون
نعيمة: ديييري لكووود (بخوف حركت رأسها بلا) وااخا (هزت التيليفون حتى لفوق يدها ولطخااتو مع الارض حتى الشاشة تفرشخت) وربحي بيه داابا (خلات شيماء غير كضور عييينها مصدوومة..)
~~~~~~~~~~~
وليد: (كان فالخدمة كيحاول يبرد راسو طلع لبيرو كيدخل شنو خرج وشنو دخل وكيرد على شي ايميلات حتى دخل عندو زهير) جييت
زهير: فين ولد عمك
وليد: بقا فالدار
زهير: (جلس وبقا ساااكت)
وليد: زهير والله مكنا بغيننا شي روينة نتا عارف كنا جايين بيخير حتى لݣينا ديك لفضيحة
زهير: (حرك راسو بأه وهو كيلعب بلسانو وسط فمو)
وليد: محمد والله مغيجبدو غير هكاك أنا براسي شحال من مرة كان يطيح مني وكنت ندير عين ميكة
زهير: من جيهتي للي ݣلب على شي حاجة كيلݣاها
وليد: (زفر) مترونت واااالو صافي من اللول داكشي مكانش بغا يكمل نتوما تشكاو وهوما يتشكاو جات السبة علاه الله يسهل على ختك وعلى ولد خويا
وليد: ولكن ݣال شي كلام
زهير: واا غي حيت معصب وجيب يا فم
وليد: (سكت كيفكر)
زهير: انا غير متشبكوش شي فشي
وليد: اودي
زهير: مكاين لا اودي لا *** داك ولد عمك يخلي راسو عزييز بلابز عينيييه نجبدهم ݣدامو نفرݣعهم الا عاود ݣال على أمال حتى هي كلمة جوج يݣول لا صاافي يكبر عقلو….
زهير: مكاين لا اودي لا **** داك ولد عمك يخلي راسو عزييز بلابز عينييه نجبدهم ݣدامو ونفرݣعهم الا عاود ݣال على أمال شي حاجة.. كلمة جوج يݣول لا صاافي يكبر عقلو شوية مباغيش نصحب ختو راه باغيها لجواااج ميمرضنيش حتى هو
وليد: معقولة
زهير: اوا خليه يبقى معقوول راه باشما بغا دايها دايها ولا عاد بانتلو ياك جرااو عليها انا باغيها ونعيشها فوݣ فݣييݣ هنا نعرفو باغيلها الخير
وليد: واش هادشي عاد فييك الشك (بقا صااقر كيفكر غير فحريرت ختو مرضااااش يقولو أنوار الا هي بغات تفرق مرحبا علاش يقول هكااااك!!)
زهير: مااالك نتا عاااود؟؟
وليد: خاص نتلااݣا ولد خووك بانلي مزال عندو ميݣول
زهير: (تنيرڤا) يااا صافي أوليد يا فرقتووه سمو بغيت ياااخر
وليد: حل فمو بزااف
زهير: وسديتوووه وݣردتووه ݣااع متعيقش كولها يشد تيقاارو عندو ماشي انا نبردها من جيييه ونتا باغي تشعلها
وليد: انا ما باغي نشعل وااالو نفهم لاش ݣال شي هضرة
زهير: هضرة فدبااز وصاافي وختك سولها وهي تحكم الا فات حدو معاها مغنشدكش عليييه (وقف وخرج حطهاالو نيشان.. مسح على وجهو كيستغفر الله وهبط يشوف شغلو…)
~~~~~~~~~~~~~~~~~~
ادم: (مشا جلس فكرسي وكيفكر مخرج عينييييه كان متاكد حتى جا باه وبدلو كولشي باه معااارفش وحتى من مو متقدش تݣولو شنو وقع يعني بالصح هو للي دوز النمرة وحتى وتكون مرتو مغتكونش مكلخة للي تهضر مع شي حد وتخلي النمرة فتيليفونها للي كيظل محطوط فكل قنت فالدار… وصلت 8 طلع للدار مهضر مع حد نيشان دخل للحمام طرف حالتو توضى ومشا يصلي المغرب وتسنى لعشا وهو فوق السجااادة سااهي.. نعيمة كانت غير جالسة كتفكر فهاد لحريرة اخر حاجة كانت تشك فيها هي بنتها ولكن باش تجبد مونتيف قد الصخط ودير مفراسها واالو صدماااتها كان على الاقل تشد مها وتعاود ليها.. ناضت وصحتها طايحة عليها دخلت عند سناء لي كتشوي بسخاانة حشمت منها بزااف هي صاحبة حق ولكن دابا كفاش غتحلها وغير منين ولدها طلع مهدن عرفت احمد راه قضى الغرض) بنتي نوضي نجيب ليك حريييرة
سناء: (تبحت) لا لا خالتي والله مݣااادة
نعيمة: وااا نوضي ابنتي الله يرضي عليك باش نعطيك دوا راه الا شربتيه على لخوا ضرك معدة ديالك ابنتي
سناء: (سكتت مقادة تهضر ولا تجاوب وقلبها غيسكت باالخلعة وزادت منين سمعت صوت راجلها..)
نعيمة: جييييت (زعما منفخة عليه كتكب حريرة بتشيشة ودجاج لبلدي فزلافة)
ادم: فيها سنا
نعيمة: بعد من لبنت انا ساااخطة عليك الا قربتلها خليها مسكينة غير مع سخااانة
ادم: صافي راه عرفت شكون صونا
نعيمة: ماا سوقيش تعرف ولا لا مزيان تبارك الله ولينا نجيبو بنات الناس عندنا ونتكرفسو عليهم اش خليتي البراني يدير مع ختك
ادم؛ وصااافي امي راه مشعرتش وحطي راسك فبلاصتي
نعيمة: ياك من ديما نݣولك خدم عقلك
ادم: وصااافي امي
نعيمة: (حطلت اميرات وبيض بلدي وزلافة فصينية) دي لمرتك راه موكلاش
ادم: اوااا هااااا راها ضسر
نعيمة: (بامر) هز لمك
ادم: بففف (هز داكشي براسو خاصو باش يتصاالح حيت من نهار جات مشاف منها غير الخير وكانت نعمة الزوجة وحتى نعيمة ديما كتشكرها كتخليه يزيد يبغييها دخل لبيت هي غير شافتو بغات ترد مصارنا باالخلعة شافتو حط لبلاطو فوق لكوافوز هي جلست وهو جلس حدااها) كولي باش تشربي دواااااك
سناء: (هي غير كتشوف)
ادم: وصاافي صااافي كولي باش تشربي دواك وغدا نديك عند مك الا بريتي
سناء: لا خويا متدينيش راه والله ما انا للي صونيت هءءء
ادم: وماشي نديك فخطرة غير تشوفيهم ظلي معاهم ونجيبك فالليل
نعيمة: (دقت لباب عاد دخلت) والله غدا متخرج وتكسيها من راسها لرجليها لا خرجت معاك
ادم: هههه وااخا ياله كوولي
سناء: (دغيا فرحت عاد كانت كتوقع أسوء المساوء بقاو معاها حتى كلات عاد خرجو بجوج باش نعيمة تقرصو واخا متفهمة ولدها الا عاارفة بجووج ضحية غلط من تحت راس بنتها للي راها دايرة جناازة فبييتها…..)
داز نهار مكهرب عند ݣاع ديور محمد بقا صااقر فالدار حيت عقلو مابغاتش يحبس باش يرجع يفدي دقتتو وليد بقا فالخدمة متلف الوقت كيحسب كولشي من زييرو زهير رجع لدارهم معصب صقيير وبقات فيه حتى مو شحال وهي توجد الغدا وفالتالي بقالها كولشي تعشا معاها ودخل لبيتو لي فدار مو يتكى من بعد نهار مجبد ومرييض وحتى الحاجة شربت دواها ودخلت نعست فدار أنوار خوتو مزال بتحلفو ويسبو عائلة وليد الكاملة مبغاتش تبردلها هضرة نعيمة ديال فسيخ الخطوبة كان من شحال هادي أما أنوار لفوق شرب كينة دنعاس وجبد عليييها وبكترة الاعصاب كيحلم غير بأمااال للي حتى هي فبيتها مفقووسة من كلام خووها وخاافتو يدير بكلامو وزهير يمل من هادشي كل مرة طالبها كل مرة كيلقى جواب لا يا من عندها يا من عند خوها مريم فلبيت للي عطاوها متكية وتفكيرها علاش راجلها داابز وااش على شيماء.. شيماء للي غتهبل بلبكى محيلتها لخطبتها للي تفسخت وݣاع لفشر ونفااخة مشااات مع الريييح وحتى من تيليفونها هرساتو ليها مها وخوفها الأكبر هدا للي كيهدد الا نفذ تهديداتو وصيفط لخوها لفيديو وتصاور للي عندو واخا تكون غير عادية ولكن بلا درة ولمزير هاديك بحد ذاتها مصييييبة….
دازت 7 أيااام والوضع بقي على ما هو علية زهير كيصوني لأمال كل ليلة كيطمن عليها ويقطعو
محمد: (كانت مريم موجدالو حوايجو للي شراهم بحكم مجايبش حوايج بزااف.. خرج من الدوش مداتلو مريم حوايج لبس قدامها حيت ديجا تحايدو لبلايك منين كانو فبلجيكا مريم شافت فكرشو مزال طبعة زرقاا فجنبو مقدرتش تهضر حيت من كلامو مكيحملش للي يسمعو راه تضرب) دوزي نمرة مي امريم
مريم: واخا (هزت تيليفونو ياله كتقلب على نمرة مو ضربت طليلة واش بريڤي مزالة كتصوني لقات من شحال هادي مصونات دوزت نمرة فتيحة للي دغيا شدت الخط) الوووو خالتي
فتيحة: اوا نتي ابنتي هاد السااعة للي خالتي
مريم: حم علاش
فتيحة: مشيتو على نهار صدقتو فكتر من سيمانة ياكما غترحلو تم؟؟
مريم: اممم لا
فتيحة: اري محمد نتي مكتعرفي حتى تهضري
مريم: (بقا فيها الحال شافت فمحمد للي لبس) هاك خالتي
محمد: (شد التيليفون) الوو
فتيحة: اوليدي واش مغتجيش تݣاابل شغلك هنا؟؟
محمد: عاد عيطتلهم كولشي مزيان
فتيحة: وكيف يكون مزيان ونتا مكاينش
محمد: دابا نجي
فتيحة: فوكاااش اولدي راه ديك الماسخة كل شوية تنقز وتجيب دوك الموصيبات لعندي
محمد: انا نهضر معاها
فتيحة: لا دعيها
محمد: واخا انا غنقتلها نيشان
فتيحة: ههه و اااجي اوليدي راه توحشتك وخليتي علية لقنط
محمد: واخا امي نكمل شي شغل هنا
فتيحة: اشمن شغل
محمد: حتى نجي ونݣولك
فتيحة: واخا وليدي ومتعطلش راه 40 دبااك مبقلهااش بززاف
محمد: عااارف دابا الله يهنيك من بعد ونصوني عليك (قطع) انا غنمشي نشوف السلعة واش وصلت
مريم: متݣولهاش لخالتي
محمد: حتى نمشي عنداك امريم تݣوليها نتي ليها ولا لمك
مريم: لا منݣولش حتى تݣولها نتا
محمد: مزيان انا غنمشي دابا للمحال حتى نجي بلاتي ونخرجك شوية
مريم: واخا (خرج من لبيت مكان حتى واحد حيت هند مشات ليكول ديالها وأمال فلفااك هبط لتحت ومشا على رجلو للمحال وصل لقا وليد تماك هو وزهير والمحال عامر سلعة تبسم ابتسامة خفيييفة ممتيقش غيولي عندو محال واخا مشروك هو ووليد ولكن عندو محال ويلا كتاب كاع يدير بحال فتاوريرت كان زهير داير نظاظرو ولابس كويرة على تيشورت بيض حيت لحال بدا يسخن)
وليد: (للي كيبين الهدوء ولكن لداخل ديالو كلام أنوار منساهش…) مبرووك علينا اولد عمي
زهير: مبروك
محمد: الله يبارك فيكم
زهير: شكون غيبقى يݣابل معايا انا لمحال
وليد: انا هنا دراري غيخدمو وللي تباع راه باين غنجي غير نطل عليهم مرة مرة راه كولشي ناضي حتى من دراري جمعتهم
زهير: مزيان فوكاش تحلوه
محمد: من مور مدوز 40 دبّا
زهير: اممم ݣولي هاد الأيام مغتسمع غير مبروك مبرووك….
محمد: (تلف معرف باش يجاوبو حدو حنا راسو اما لاخر حاضي مزيان ردة فعل ديالو)
زهير: مهم انا غنجيب عائلتي نهار 40
محمد: والربعين زعما راه دايرين الفقهة اصااحبي الناس يترحمو على موت الواليد ولا يضحكو علينا
زهير: مهضرتش على داك نهار انا هاضر على تاني يوم
محمد: اوا ماااااا
زهير: جمع ليها وراقها الا هبطتي هاد لياام
محمد: ههه شتك زربتي علية
زهير: مزربت والو طالب غير لحلال
محمد: ايييه ولكن صبر بعدا تفوت 40
زهير: معارفش 40 غير بدعة وهادوك غير تقاليد دياللنا وصاافي علاش انا غنتسنى هاد 40 العرس الا بغات ختك انا معاها مابغاتش انا معاها
محمد: ماشي وقت هاد الهضرة
زهير: وقتها مهم انا غرجع لمحالي اصلا كترنا الهضرة فهاد السيجي كملو واجيو عندي (قبل مايجاوب لاخر مشا وبقا كيخمج فكمارتو)
وليد: مفهمتش نتا مالك
محمد: واالو مهم انا غدا غنمشي نتا مزال هنا
وليد: لا حتى انا غدا غنمشي على شي غرااض.. ولا عرفتي هاد لعشية نشدو طريق باش غدا
محمد: واااه مهم انا نمشي (مشا من تماك مع ضار لقا واحد من خوت أنوار فوجهو بزق فالارض وكمل طريق صونا على مريم تهبط ومشاو يتقداو شي حاجة ليها وحتى لفتيحة ومريم منساتش مها… أمال كملات قرايتها مع خرجت لقات هند كتسناها طلعت حداها)
هند: مريم راه خرجت مع راجلها ندوزو نتغداو
أمال: (مكرهة) حسن
هند: ههه مالكي راه عادي الا مصوناش بلعكس هو تيشوف الاجواء مكرهبة مبغاش يزييدها يكهربها
أمال: وخااا وليد كيضل يهضر معاك نتي
هند: يااا ختي طحتي ولا حد سمى علييك
أمال: انا خفت اهند نكون طلعلتلو فراسو مبقاش حتى يظحك معايا (خبطت فخضها حتى خلعت هند ) أحاااي يكون أنوار ݣالو شي حاجة؟
هند؛ امم نوووو متنظنش
أمال: احااي صاااافي مشاا زهير (بقات كتحسر وهند كتسكتها حتى عصبااتها)
هند: سكتيييييي وااايلي اصااحبتي حتى نتي زهير مغيخليكش وحتى الا خلاك ميتستااهلكش
أمال: لا يستااهل
هند: بففف منك
أمال: (بقات هكاك غتحماق وقفو عند محال الحوت جلسو طلبو فريتورة كبيرة مع شلايض وهي غير مهموومة حتى جلس حداهم وااحد هزت عينها كان وليد) هاء خويا (ضورت عينها مبانلهاش) اممم فين محمد
وليد: (هز شنايفو زعما معرفتش) صاڤا؟؟
امال: الحمد لله اخويا هند مشات غير الحمام وتجي
وليد: ݣالك محمد شي حاجة
أمال: (مكرهتش تشكى.. حركت راسها باه)
وليد: اممم مهضرتش معاك شيماء؟؟
أمال: (خافتو يسولها على شي حاجة) لا لا والله مهضرت
وليد: وااخ (وقف) انا نشوف هادي فين زادت (تبعاتو أمال بعينيها حتى وصلت للباب دريسطو فين تم زهير داخل بديك الهيبة ديالو وصدرو وااقف زول نظاظرو وقلبها زاد فرفر بقات كتشوف فيه وهو كيقلب بعينيه حتى شافها تبسمت بلفرحة توحشاااتو محدو كيقرب عندها وهي كتحشم حتى جلس اونفاص معاها)
زهير: زين ديالي
يتبع
شاركنا رأيك في هذا الفصل 🌹