أمال: (تبسمت) سلام
زهير: وعليكم السلام لباس عليك امول؟
أمال: الحمدلله ونتا؟؟
زهير: الحمد الله.. مبنتيش شي نهار عندي فالمحال!!
أمال: (حنات راسها كتبسم وهو كيسكاني وجهها للي بان الفرق على نهار لكنازة كان منور وعمرت شوية.. هزت عينها لقاتو كيشوف فيها ديك الشوفة للي كدوبها وكدير ليها الرجفة رجعت حناتو وهو حمحم)
زهير: كدايرة مع لقراية؟
أمال: مزيان
زهير: فين واصلة مع لخيااطة (حركت رأسها باه) عندي واحد لبيت فالدار غنخليه ليك تمشغلي فيه بهادشي للي يعجبك الا مشيتي مزيان نربحو معاك ونبدا نبييعلك
أمال: ههه
زهير: متخافيش نضور مع الزين ديالي
أمال: (هزت راسها وهي كظحك) هه
زهير: (عاجبااه) هااكا ورينا سنينات راه تݣادوو لية زعما
أمال: (شافت راسها عيات متزعم فراسها غير شافتو رجعت زيزوونة) حم كبقات الحاجة
زهير: الحمد الله خووك مݣالكش شي حاجة
أمال: (حركت رأسها بلا جاو دوك جوج كيضحكو وجلسو) فين مشيتي
هند: هاني جيت (بقاو كيهضرو على محال وليد ومحمد تحط لغدا زهير كيقشر ولا كينقي الحوت ويحطو فطبسيل أمال وكيهضر مع وليد يعني كيتصرف عادي وهند كتغمز أمال اللي فرحانة اصلا غير كتشوفوو كتفرح كملو غدااهم ناضو غسلو يدييهم وتمو خارجين وليد مشا كيهز شي حاجة من عندهم)
هند: هاااا زهير االاالة كانت هاد ايام غير زهير زهير زهير
زهير: (هز حاجبو) اممم
أمال: أحاااي (دارت يديها على وجهها)
زهير: (تبسم كيشوف فيها مكرهش يعنقها ولا….) ها زهير حداك الآلة
أمال: تأ هييند بففف
هند: هههه ياله نمشيو بحرا نسلمو على مريم
أمال: علاه غتمشي
هند: حقا مقلتش ليك غيمشيو لعشية حتى وليد غيمشي مع..
زهير: (ساهي فأمال لمس على موسطاجو بإبهامو) صحاحييتي (ضارو بجوج عندو) زعما سروال رجع يجي ضيق
أمال: (خرجت عينها جا وليد هاز بواطة من عندهم) امم نمشيو؟؟؟ (مشات هربت طموبيلة ديال هند)
وليد؛ وصلي أمال وبغييتك تمشي تجيبي معايا شي حاجة
هند: اوووووكي ب
وليد: (قبل متكملها) ياله سييري زيد نتا ركب دغيا (ركب زهير وهو كيظحك عليه هند مشات ركبت وأمال كتغوت عليها وتلوومها ولوخرين رجعو للمحال..)
أمال: (بقات ساكنة شحال حتى فرنست) صحاااحيت؟؟
هند: دابا نهضر ولا نسكت
أمال: هضري غير منين نݣولك هضري
هند: ههه صراحة زدتي شوية نعبروك الآلة بلاتي
أمال: (تبسمت) ختي زهير زوييين
هند: ههه ناري الوعكة مابين الواحد مدمدم
أمال: كفاش؟
هند: هههه غنوصلك نخرج مع وليد بغا يشري لمو شي حاجة
أمال: امممم دايك تقدااي لمووو
هند: وااا شووف المسمومة
أمال: ههه (بقاو ظاحكين حتى وصلاتها وهي رجعت عند وليد طلعات للدار حلات كان محمد تمااك جمعت تفرنيسة) السلام علييكم….
وليد: (طلع عند هند ودار لاسنتييير)
هند: هاهاها ختك راه صوااݣة منذ الطفولة
وليد: واه بإمارة داك نهار للي كنتي باغية تݣلبي فيه راسك مع لبنت
هند: اممم فين غنمشيو؟؟
وليد: بغيتك تاخدي شي كادو زين لخالتك نعيمة شحال هادي نجبت ليها شي حاجة
هند: اممم ذوقي كيعجبك؟؟؟
وليد: بيان سير براكة غير عجبتك هنا بان ذووقك كلاااص
هند: (ميقت فيه) الثقة وكان كانت بنادم
وليد: ههه دابا جيني نيشان اهند واش شيماء كانت كتعرف أنوار قبل ميخطبها
هند: (ببرود) اه (شافت فيه) عادي كما نتا عرفتيني باش باغي تزوجني
وليد: (قوس عينو فيها) بلا ديك الفلسفة ديالك نتي عارفة قصدي انا ابنت الناس يديك ومكنقيصهمش ليك وكل نهار وداابا مزال فكلمتي يالك نديرو لكاااغيط
هند: نديرو لكاغييط بلا خطبة بلا واالو؟؟
وليد: حيت باغيك ومبقيتش نݣد مصبر راسي بالسييف داكشي باش لاسݣ فالكاغيط اما عارف ماشي صواب هادشي للي كنݣول
هند: (فرنست) قول كنبغيك؟؟
وليد: مزال فموضوع شيماء انا داك شماتة دانوار محملتش ديل.. استغفر الله (حبسات الطموبيل) مهم ݣال داك نهار كلام معجبنييش وزيد السرتفيكة للي لقيت عندك فالطموبيل
هند: (سدت باب الطموبيل وشافت فيه) وليد كولشي كيتحل بلعقل ونتا مولاه علاش متشدش ختك وتهضر معاها الا كانت شي حاجة راه مغتقدرش تخبي واش فهمتيني
وليد: يعني نتي معندك متݣوليلي
هند: (تنهدت) نتا واش تقدر تعاود أسرار زهير ولا محمد لية انا؟؟ (بقا كيشوف فيها)
وليد: يعني كاينة شي كارثة؟؟
هند: مكاين لا كارثة لا واالو وانا متنعرف والو قلتلك غير هادشي غتعرفو من عند ختك حسن
وليد: اممم واخا لالة ياله دخلي وكان….
~~~~~~~~~~~~
محمد: جمعي حوايجك تمشي
أمال: (حست بمعدتها ترونات عليها بالخوف حتى طلعت ليها التقية دارت يدها فمها قبل متوصل للحمام فلكولوار بوعت داكشي كاامل مشات عندها مريم ومحمد مخرج عينوو)
مريم: مااالكي
أمال: (دارت يدها فمها ونقزت داكشي ودخلت الحمام تكمل ومعدتها عاطياها لحريق حتى كملت كولشي وعينيها دمعو وقفت مقادة ومشات تغسل فمها حتى دخل محمد وجرها من ذراعها مقصحها) شنووووو
محمد: اش هادشي؟؟؟؟
أمال: (مزال عينيها مدمعين) وجعتني كرشي
محمد: (بعصبية) ولااااش وجعاتك
مريم: (هزت جفاف للي فيه يد خرجاتو بسطلو كتجمع فداكشي)
أمال: (متجاهلة خوها) مريم خلي عليك داكشي اختي (دفعها حتى بغات تزلق شدها غير هو نييت.. بصوت فيه لبكية) ماااالك عاااود
محمد: تقرا وراسك يوجعك وتعصبي علية وتݣلبتي وليتي وحدا أخرى وهداااك فمو غير جواج وباغي يدير الكاغييط (شدها من تريكو دكتفها) نحر ديلمك ونمشي عليك الحبس يا بنت لحرااام….
أمال: (قلبها كيضرب غيسكت ونفسها بحرا مطلعو موالفة تسمع هادشي من عند مها وولفاتووو ولكن محمد للي هو راجل كان يضربها يسبها ولكن ماشي يهضر فشرفها هاكااا!!!!! عينيها تضببو وهي مطرطقاهم فييه)
محمد: (فلبلاصة تنادم معاه الحال) هضري عععلااش كتقياااي؟؟؟
أمال: (جمعت شنايفها للي كيبغيو يلواو باش يبكيو وصرطت ريييقها)
مريم: (بقات حالة فمها فمحمد ياك تبدل علاش ݣال دابا هااكا)
محمد: (بعد من عليها ومبعد حتى عينيييه) سيري جمعي حوايجك تمشي لداركم
أمال: (زادت شادة فكرشها شافت فمريم للي مرضاتش يقولها هكاك حنات راسها ومشات لبيتها سداتو بشوية ويدييها كيرجفو زادت طرقات بالسااروووت عاد دموعها داروو فرررررررررر كانت حالفة من شحال هادي متبكيش عليهم ولا على كلامهم ولكن حست بيه غذرها من بعد متبدل جزئيا وبغى يصلح…)
مريم: علاش امحمد ݣلتي هاااك؟؟؟
محمد: (بعصبية) سكتيييييي نتي وسيري جمعي شطااايطك نمشيو من هن (حطت الجفاف ومشات لبيت جمعت حوايجها بقات فيها أمال وحقدت على محمد جا هو بقا غير كيمشي ويجي مشا لبيت ختو دق) وا ياااااااااااله
أمال: (كانت ظلمت ودخلت لبلاصتها مغطية بجوج كواش وغير كتبكي)
محمد: أمااااال
أمال: (بلغوات) وااااا بعدنييي
محمد: (دق لباب بالجهد) حلييي هاد لباب ولا غنهرس مو
أمال: (بصوت مخنووق) هرسوووو ولا دير للي بغيت غير بعد مني
محمد: (بقا كيزدح لباب) حليييييييي
مريم: (بغات تشدلو ذرااعو) محمد صافي خليييها
محمد: (نتر ذرااعو) عمرك تدخلي بيني وبين خوتي
مريم: أمال ختى حتى انا علاش كدير هاكا
محمد: (سكت حيت معندوش حتى باش يجاوب) سيري امريم خليني معاك مزيان
مريم: حتى نتا متزيدش ضيعها كتر خليها علييك وياله نمشيو ياك اصلا مكنتيش دايها معانا
محمد: (خرج عينو وهضر بشوية) سكتي (رجع دق فلباب) حلي نتي هاد زبل.. ايييه زعما وعاريتي وليتي تسدي علينا لبيبااان
أمال: (غير صاقرة وكتشوف بعوينتها… هنا وليد وهند داخلين وليد دخل لدارو وهي طلعت للدار حلت وهي تشوف محمد كيدق فبيت أمال ومريم واقفة حداه يد مربعاها على كرشها والتانية حطاها على حنكها)
هند: سلاااام.. (سدت لباب ودخلت حداهم سلمت على مريم للي بانلها ماشي هي هاديك ومحمد مغوبش) لبااس؟؟؟
محمد: الحمد الله (شاف فمريم) انا نهبط لحوايج سلمي عليهم وتبعيني (شاف فهند) الله يعاونك اختي (دخل لبيت هز حوايج وجر مريم معاه من بعد مسلمت على هند وزاد من تماك كااره لساانو.. غير تسد لباب دقت على امال )
هند: أمال!! نتي هنا؟؟؟
أمال: (بقات على حالتها)
هند: (جبدت تيليفونها صونات على أمال وتسمع الصونيط من بيتها قطعت) أويييلي مالكي عااااود؟؟
أمال: (بصوت مخنوق) واش مشااو؟؟
هند: واش خوك ومرتو؟؟ اه مشااو
أمال: (ناضت وهي كترجف كتحس بسخانة لباردة صحتها طايحة وعظامها مفصلين حلات لباب وشافت بعينين ذابلين) مشاو؟؟
هند: شنو وقع عاد صباح كنتو مزيانين
أمال: انا وياه ولا ديك العائلة عمرني نكون معاهم مزيانة صافي من هاد نهار مبقيت نحملهم
هند: شنو واقع ازمرة؟؟؟؟ (سمعت الدقان أمال دخلت كتجري لبيتها وهند مفهمت والو مشات حلات كان وليد) bb
وليد: اهيا هنييينا
هند: ههه صافي ماشي؟؟
وليد: اممم مغنتعطلش غدا تلݣايني هنا
هند: الله يجيبك لية على خييير
وليد: (تبسم) بسلامة الا خصاتكم شي حاجة عيطو لزهير الاااا خصاتكم
هند: اوكي بيبي
وليد: اودي…..
شيماء: (غير سمعت خوها جاي وهي شادااها تقفقييفة) علاش دابا جاي حتى ضيعلي حياااتي
نعيمة: سيري من حدايا
شيماء: عفاك اماما متݣوليلووش على ديك النمرة
نعيمة: سيري بعدي من ݣدااامي (سمعو صوت فتيحة) سيريييييي
فتيحة: (وصلت حداهم) السلام عليكم
نعيمة: عليكم السلام جلسي
فتيحة: افين نجلس راه لعيالات مزال يݣادو فالحلوة غير نسقسيك شحال نجيب من دجاجة
نعيمة: اولا راكي عارف حباب المرحوم بزااف غير جيبي ووفي
فتيحة: داكشي للي ظهرلي
نعيمة: مبقاتش جات عندك ليلى
فتيحة: (مفقوسة) ربي الا مسكتي لبارح هبطت نعيط على علي حتى كلݣاها خارجة من لمحاال وشادة فكرشها بحال زعما هاازة ولا حاملة بغيت نطرطݣ انااااااااري وتكون حاملة
نعيمة: مشكلة نيييت
فتيحة: (تنهدت) واا هبطي انعيمة شوفي داكشي كبقات سنا
نعيمة: الحمد لله اختي راها خرجت مع راجلها تفوح شوية
فتيحة: اربي خناتك فين غيوصل اوا هبطي هبطي راهم يتسناوك وهبطي شيما معاك
نعيمة: واخا (مشات فتيحة ونعيمة تنهدت ودخلت للكوزينة غطات شنو كانت موجدة لوليد وهبطت لتحت كانو شلا عيالات كيوجدو ل40 وجلست حتى هي توجد واخا معندها خاااطر…)
~~~~~~~~~~~~~
هند: دابا غير قوليلي ماالكي
أمال: (بصوت مخنوق) واالو اهند (كانت كتقلب على بزطامها)
هند: واش تناقشتي مع خوك؟؟
أمال: (ضارت عندها معصبة) علاش انا عندي شي قيمة عندو باش يهضر ولا يناااقش
هند: وشنووووو وقع؟؟
أمال: فينووو زمر (قلبت فصاكها دلخروج ملقاتووش قلبت فلبلاطاار) مشفتيش بزطامي
هند: راه خليتييه فبيتي دابا قولي الخرا غير شنو واقع
أمال: (مشات لبيت هند كتقلب على بزطامها لقاتو وخرجت لقات هند وااقفة دخلت وهي كدمع منين كتفكر شنو قال وشنو قصد)
هند: أمال هضري شنو وقع
أمال: (وهي كتبكي) بقا يغوت علية ويݣولي نديك معايا واخا مريم سمعتها بودني كتݣولو حنا کاع مكنا دايينها كيبغي غير يفقصني اختي بحالا ناااقصة وحياتي كتشقشق
هند: بففف متديهاش فيه
أمال: (بعصبية) راه ݣالي نتي حاملة وكتقياي وكدوخي وهادشي علاش تبدلتي وعلاش زهير لاسݣو يتجوجني واش كاين شي أخ يݣول لختو هاااكا
هند’: (طرطقت عينها)
أمال: (كتلبس حوايجها معصبة) صاافي يبعدووني ياك مبغاونيش حتى انا هربت من عندهم اش باغيين بية عاااود يقيلووني عليهم غير شويي
هند: دابا فين ماشية نتي
أمال: عند زهير (كتمسح دموعها ودارت شالها مخربق)
هند: زهير؟؟
أمال: واه ياك حتى واحد مبغاني نكون مرتاحة فحياتي انا غنمشي عند الراااجل للي مخليني فرحانة ومرتاااحة
هند: هم!!!!!!!!!
أمال: (هزت من بزطامها كارت ناسيونال) هاني مشييييت…..
محمد: (صايݣ وللي وقف حداه ولا هو نيت دار لافووت كيبقى يعررعر وكيغوت ويكلاكسوني ما وصل للطوالا باش يدخل لتورووت حتى مريم حشمت من سبانو ووليد غير كيشوف مفاهمش سباب هاد العصبية كاااملة… قطع تيكييت نيشان لݣرسيف وكسييرا حتى مريم شدت فكرسي وليد للي كان قدامها)
وليد: حاااول اشرييف
محمد: ماالي سموو درت
وليد: لا غير ݣلبنا نتا وݣول سمو درت؟؟ عندك شي حاجة زارباااك
محمد: (سكت كيشوف قداامو طل فلمرايا على مريم اللور وكمل طريقو)
وليد: هضر اصاحبي سمو وااقع؟؟
محمد: والو غير دييك لبرهوشة حلفت متجي معايا رخفتلها بزااااااف
وليد: ههه رخفتيلها ݣاااع وصراحة خاصك تزير معاها شوية كنعرف واحد الحبس الا بغيتو تديوها ليه يطيح ليكم قل من الخيرية
محمد: (خنزر فييه) خلييينا من ظحكك الباسل راه بسبااابك تغولت
وليد: لا حولة طلق طلق داك الراديو خيير من كلاااامك (شعل الراديو بوحدو وقلب وجهو كيتفرج فطريق وتفكيرو فشيماء للي عندو حدييث طويييل عرييض وبزاااف دالاستفساارات اصلا ماشي غير على ودها… أما محمد كيلعن لسااااانو للي خرج شنو شك فيه فلحظة وهادشي للي خلاه غيطرطق…)
~~~~~~~~~~
هند: (جابتلها الظحك) اوييلي فين غادية؟؟
أمال: (مشات لباب حلاتو وهند تابعها معرفت ظحك ولا تبقى فييها)
هند: اصبري الزمر واش ماشي عند زهير؟؟
أمال: واه
هند؛ ولاكاارت ناسيونال علاش؟؟؟
أماال: (بكل برود) نتجوجو
هند: هههه واش ظاحكة ههه عفاك قوليلي ظاحكة
أمال: كظحكي علية اهند الله يرحم ليك الوالدين
هند: (جمعت الظحكة) ولا غير زعما لعدول تيسدو مع 6 ودابا راها 7 مغتلقاي حتى واحد حال
أمال: (شافت فيها شحال) لا شحال من وحدة عقدت مع 9 دالليل
هند: لواااه هادوك كيكونو دايرين مع لعدول يجييو للدار خلي حتى لغدا ونمشيو
أمال: نتي محساااش بية كولشي عندك ظحك
هند: (بجدية) واخا نتبعك تمشي عند زهير تݣولو ياله نتجوجو وبحكم هو تيبغيك طاالب علييها فين هوما لورااق
أمال: هو غيضبر (حلت لباب هند هزت صاكها للي كان باقي فوق لكرسي وتبعاتها) صافي غير سيري انا نمشي على رجلي
هند: نوصلك ورجع
أمال: (طلعت ركبت وتفكيرها فمحمد للي كلامو كيتعاود وهادشي مخليها معصبة ومعدتها كتنقزها ومزال الردة فيها دغيا وصلات حدا محال زهير هبطت وهند بقات كتسطاسيوني حيت الدنيا عامرة فهاد الوقت.. أمال شافت فالمحال ودارت شهييق زفييير ودخلت كتقلب بعينيها عليه كان المحال عااامر حتى لقااتو كيوري لشي وحدة لقجورة وهي كظحك وتبسم معاه.. عقدت حواجبها وبقات كتشوف غير من لبعيد حيت لقاتو هو هضرتو جدية. غير تبسم زادت عقدااتهم وفنفسها) داابا انا سمو نديير سمووووو!!! (معندهاش الشجاعة تمشي عندو حيت حاطة فبالها هادي بلاصة خدمتو وطرف خبزو ومن جهة أخرى هي ولفت زهير ديالها غير بوحدها.. مكملت هضرتها مع راسها وعينيها بحال سقر عليه كان هو ضار قشعها استغرب لوجوودها)
زهير: احمد روااح كمل مع السيدة
….: علاش نتا مشغول
زهير: (مجاوبهاش عينو غير فأمال للي كتخنزر) كمل مع السيدة ونقص ليها 10٪ (غمزو حيت اصلا هو قالها التمن زايد بديك النسبة.. هي تحلات ليها وهو مشا نيشان عند أمال غير وقف حداها هي باالخلعة وتدهييشرة وكولشي تجمع عليها جبدات كارت ناسيونال وهزت يدها بحال كتوريهاالو)
زهير: (باستغراب) سموو!! تسالاات ليك؟؟؟
هند: (تكرهت كولشي عامر حطاتها بعيد وجاية تجري تعتق صاحبتها لي تصوطا ليها عقلها دخلت لقات المحال عامر طلعت نيشان المكتب ديال زهير تقلب عليها)
زهير: (مصغر عينو فأمال للي هازة كارت ناسيونال بحال شي حكم كيعطي لشي لعااب بطاقة حمراء باش طردو من لماتش) أمل هضري
أمال: (جاتها لبكية ماشي من كلام خوها ولكن من الموقف للي حطات راسها فيه هبطت يدها بشوية) حم
زهير: (شافها ماشي هي هاديك عاد تلقاها فوقيتة دلغدا وكانت ظاحكة وفرحانة وأكترية لاحظ عينيها حومر من جناب مومو عينيها.. قلب عينو كانت الدنيا عامرة وكيسمع شي كليان شحال هادي؟ شحال هادي؟..
ودراري للي معاه ياله مكافيين مع لكليان )
أمال: اممم انا نمشي (حست باحراج كبييييييييير)
زهير: (طير كارت ناسيونال من يدها) طلعي المكتب لفوق انا جاي
هند: (غير شافتهم جات عندهم) عليكم تنقلب
زهير: طلعو المكتب انا جاي (دار كارت ناسيونال فجيب الدخلاني ديالي كويرتو)
أمال: عفااك نمشيو
زهير: (بهدوء) صافي أمل نشوف مع السيد ونجي عندك وااخا.. (ضار ماشي وهي تنطق هند)
هند: واش مبغاش تجوجو
زهير: (مضارش ولكن سمعها وابتسامة خفيفة وقف حدا واحد السيد كيسول على ناموسيات ديال بنات بتواشا ديالهم..
هند: (وصلو للدار أمال دخلات لبيتها ومعدتها عاطياها لحريق أما هند دخلات كتهضر مع وليد للي وصل وبقا لتحت على ميهضر) وي بيبي
وليد: انا وصلت الا مصونيتش بلا متشطني
هند: اه عارفة غتكون مشغول مع الدار
وليد: اااييه الله يرضي علييك.. ولكن غير ندخل لبيتي نصوني عليك
هند: اممم اوكي
وليد: ومالكي تعوجي باش عام
تنطقي بها
هند: اووف وليد متيعجبنيش تقول تنتعوج
وليد: غير كنظحك معاك اهنووودة
هند: (تبسمت) اممم
وليد: بݣرة وصاافي (سمع طيط طيط تبسم وضار طالع مع دروج هاز ساشي كبييييرة.. سمع هضرة دلعيالات كتيبة فدار عمو تنهد) الله يرحمك اعمي (طلع للدار مع دخل لقا شيماء خارجة من لكوزينة غير شافتو صفااارت اما هو ماشي مبقاتش عزيزة ولكن حاس براسو مقلق منها بزااف) سلام
شيماء: (ممشاتش عنقااتو ولا سلمات عليه كمواالفة وكموالف هو) جيت
وليد: الا بغيتي؟؟ مغتسلميييش على خووك ولا سمو؟؟؟
شيماء: ها (مشات سلمات عليه مادة حنكها) لباس
وليد: لباس نتي بيخيير؟؟؟
شيماء: الحمدلله اخويا امم انمشي نعيطلك لماما (شدها من ذرااعها مرجعها… تبوحطات) أيييي اخوويا ضريتيني
وليد: (بقا شادها) جلسي محد الدار خاوية باغي نيت نهضر معاك
شيماء: حم راه سنا هنا
وليد: ومن بعد راها وحدة من العائلة
شيماء: لا حيت مريضة
وليد: شوية لباس؟؟ آش جاب لمرض الهضرة (بهدوء) جلسي (جلسات وهي كضور فعينيها حط الساشي فوق الطبلة وجلس مفرق رجليه) ݣالتلك مك على الخطوبة للي فسخت
شيماء: (حنات راسها وغوبشت) اممم
وليد: هداك ماشي دجواج ميستاهلكش
شيماء: علاش سمو داار؟؟
وليد: دار بزااف وبغيت نعرف انا خووك ونتي عارفة معزتك عندي ݣداااش بغيييتك تجاوبيني
شيماء: (بلعت ريقها ونيشان جا فدماغها للي كيهددها أنوار على قبل فلوس)
وليد: هداك شماتة واش فات حدودووو معاك؟؟؟ حيت كنتو قربتو دير الكاغييط (كيهضر معاها غير بالسياسة)
شيماء: (بقات كتشوف فيه وجات سينتة ديال أنوار قدام عينيها زادت حنات راسها ندماانة وغتمووت بالفقسة)
وليد: هضري اشيمااااا
شيماء: (بلعت ريقها وحركت راسها بلا)
وليد: (لعب بلسانو فوسط فمو ياله جا يهضر وهو يسمع مو)
نعيمة: (بفرحة) ولييييد (تمات جاية وهو وقف وعنق مو وباسلها راسها ويديييها) والله مشت محمد دخل حتى شفت مريم لابسة بيجامتها وجلست حدانا
وليد: (متبسم) عرفتك غتكوني مبرزطة معاهم
نعيمة: انا وليدي هو اللول عاد كولشي من موووراه جلس اوليدي نوجد ليك كاسكرووط
وليد: بلا متعيي راسك امي
نعيمة: كووولشي واجد احبيبي.. كبقات أمال وهند وزهير
شيماء: (غير كتشوف وكتسمع من عندو)
وليد: الحمد الله امي (شاف فشيماء) اجي معانا للكوزينة (تبع مو هاز الساشية للي مدهالها وجلس فوق صالة مونجي شيماء كتحط فالطبلة حيت كولشي كان موجد ومحطوط فوق لبوطاجي نعيمة كتسخن غير للي خاص يتسخن حطو كولشي وغسلت يديها ونشفتهم وحلات الساشية جبدت تفصيلة فالصومو) هاديك ديال مرت ادم
نعيمة: (فرحت) الله يكبر بيك احبيبي (كان فلميكة ديال التفصيلة شال وسروال بوديه.. جبدت وحدة أخرى كانت فلموطارد) هادي دشيماء؟؟
وليد: (تبسم وشاف فشيماء) عارف ختي كتبغي صفر (تبسمت معاه شيماء ولكن ابتسامة موصلاش لعينيها)
شيماء: شكرا خويا (شداتها شيماء حتى هي كانت فيها بحال ديال سناء)
نعيمة: (جبدت تفصيلة فلݣرونة مغلوقة معاها تفصيلة ديال جوهرة وبزاف ديال تواشي تبسمت ومشات كتعنق فيه فرحانة من ديما كيتفكرها فلحوايج حتى ولادها كيعطيوها فلوس ولكن وليد كيشري ويعطي وهي من النوع للي كيهمها شنو شريت ماشي لفلووس… جلست معاه كياكل وشيماء غتفرݣع بغات تنوض وهو ينطق)
وليد: جلسي مزال مكملنا هضرتنا….
شيماء: اخويا وجعني راسي
وليد: وااخا سيري تنعسي انا بلاتي ونجي عندك لبيييتك
شيماء: (غير خرجت من لكوزينة بدات تندب وتنݣر حيت واخا كيهضر مهدن بحال عارف شي حاجة وكيتسنى غير اعترافها تزاد معاها الزايد وفبالها غير أنوار عاود ليه شنو كانت كدير معاه ختو…)
نعيمة: وليد عاودلي شنو طرا؟؟
وليد: كنا معروضين عند الحاجة سبݣنا محمد ولبنات مع طلعو وݣف عليه داك لبغل لحمار عرفتي منين دوزت مع زهير رمضان كتعاون فيه كل مرة كيتهز ومطيح العين بحال جد بابااه مݣلسني عندو وكنت نتااقا فيه وجه الله ولكن محمد مصبرلوش شو سمو ݣالو حتى عطاه محمد طريحة دلعصى وتجمعو خوت لاخر تحماو على محمد مدخلنا غير على سلاح كان غيتيرييو فمحمد وكان مجيناش فالوقت اوا بالسيف باش تفكينا معاهم نوضنا صداع معاهم ورجعنا بحالنا
شيماء: (طرطقت عينها كتصنت عليهم)
نعيمة: ياااا لطيييييف ولاش دشي كامل واش بينو وبين محمد
وليد: شكون عرف الكلب هو هكاك داير ديما خاص يبين الواحد تحتو مفرعن بديك لحديدة للي عندو
نعيمة: لا حولة ولا قوة الا بالله العلي العظيم
وليد: صافي نيت جات السبة ݣلتلو نشوفك فطريݣ ختي مرة أخرى نحي والديه الكلب.
نعيمة: بعد اولدي معندك مدير بصدااع ونتا خاصك السمعة لمزياانة تماك باش مشروعك للي درتي يتمشى ليك مزيان
وليد: لمشروع غيمشي بمشيئة الله ماشي بلعبد امي وهداك الا ݣلب على خلا دار بوه غيلݣاني
شيماء: (دخلت عندهم) يعني محمد مابغاش يتفرق مني
وليد: (ضار عندها ببرود) ديك الساعة بقاي هنا حدانا ماشي تخباي كتصنتي
شيماء: (بعصبية) دابا نتا كتهضر هاكا حيت محااسش بية ياك محمد تجوج علاش يضيعلي حياااتي واش بالسييف علية نقبل بيييه
نعيمة: الله يقلل حياك الكلبة حتارمي خووك وعرفي شنو كتݣولي ݣدامو ولا مسمعتيش مزيان شنو كيعاود
وليد: (جغم من أتاي) يمكن بغات تسمع غير سمو كيعنييها
شيماء: (بعصبية) انا كنت نبغي أنوااار ونتوما محملتووهش وبقيييتو تحفروولو حتى بعدتوووه مني وتخليوني محبووووسة هنا (مع ناض وليد هربت كتجري لبيتها)
نعيمة: هاكا اولدي ولات عصبية حرت شنو ندير معاها
وليد: للي بغات نديروه نديرو نسمح لكولشي ونجي نعاود ربيها عندي هااانية… (تكره) هادي هي شيماء للي كنت دايرها بحال بنتي وعمري خسرت ليها الخاطر…..
~~~~~~~~~~~~~
زهير: (بدات الدنيا تخوى شوية بشوية) احمد رد لبال انا جاي (خرج من تماك جبد كارت كيشي من جيبو شاف تصويرتها ديال لكارت ظحك) ديلمها كما نشوفها تعجبني (تبسم ركب فطموبيلة دخووه ودخل لأقرب سوبر ماركت خاص لمنتوجات ديال الخاريج سطوكة انواع الشكلاط شيبس دانونات شوينݣوم بيسكوي عمر ساشي مزيان خرج حط داكشي فالطموبيل) للي ريحتو ابا زهير فصباح حطو لالة أمال ونتا ظاحك لودنيييك بنت مصطفى باينة ساحرة لية (داز حدا ليها جوج بيتزات ونيشان للدار صونا على تيليفونها مطفي صونا على وليد باش علم هند للي هبطت عندو) فيها أمل من ݣبيل تيليفونها طاافي
هند: اممم راها مريضة
زهير: مريضة؟؟ سمو كيضرها شتها ݣبيل ماشي هي هاديك
هند: غير المعدة ضرااها
زهير: ميصلاحش ليها تهود (هز عينو لسرجمها وهي تحني راسها دغيا) ݣولها تهبط ولا نطلع
هند: (عرفاتو قشعها) ههه وااخ (طلعت عندها لقاتها حدا لباب) غير هبطي احبيبتي
أمال: أحااااي حشمت
هند: والا مهبطتيش هو غيطلع
أمال: بفففف (مشات لبساات جلابتها ولوات شال وهبطت حشمااانة منو اويلي شنو تقولو كانت جاية نديك باش تجوجك لقاتو متكي على طموبيلتو مشات حداه حك فلحيتو بسوارت طموبيلة) حم سلام
زهير: فيين مبغيتيش تشوفيني؟؟
أمال: (حنات راسها وفقلبها انا مكرهتش نبقى غير معاك)
زهير: غنفهمها بغيتي تشوفني
أمال: (هزت راسها وتبسمت)
زهير: سمو ضارك؟؟
أمال: دابا مزيانة
زهير: علاش ݣبيل مشيتي
أمال: مجاتش نبقى تماك ونتا خدام حشومة براسي معرفت لاش جيت
زهير: حيت موحشااني مالكي ݣوليها وهنييني
أمال: هه
زهير: مهم الحال مشا داابا (فتح لباب ومد ليها الساشي وجوج كراطن) وكولي مها دابا باردة باش نوريك تقسحي راسك ومتهوديش دغيا
أمال: (مكتعرف متقوولو شدتهم وعينيها رجعو كيبرييو) مكنعرفك منݣول
زهير: ݣولي سمو باغي نسمع منك….
أمال: (تبسمت ولكن هاد المرة بفرحة كبيرة وشافت فيه وهو صغر عينوو كيتسناها) انا نطلع مشا الحال
زهير: ههه (حرك راسو ولسانو كيلعب فمو) واااخا ها هي عندك الآلة (عوج شافتو وغمض عين وحدة بغا يهضر وهو يسكت) سيييري وكاااان
أمال: تصبح على خير (بقا غير متبعها حاس عندها شي حاجة والا علاش جات عندو المحال هكااك ولكن مبغاش يبرك عليها وشك خوها عندو شي علاقة… ركب فطموبيل كانو دراري يدو المحال هو ديجا كان سد لبيرو.. خرج أشرف لعندو وركب معاه)
زهير: تبات معاه؟؟
أشرف: طموبيلتو داها صاحبي يقضي شي غراض ويلحݣ بية لداركم (صاݣ وماشيين فطريق هضرتهم أغلبية على الخدمة وعلى المحال التالت للي غيحل أشرف فالقيسارية جديدة مسافة نص ساعة وصلو حيت طريق كانت خاوية) دخل معايا اصاحبي عاد سير
زهير: (زفر وزاد قدامو مع دخل كانت الكاملة جالسة مع ولادها) السلام عليكم
جاوبوه ناقص حتى بان أشرف عاد رحبو بيه وحتى هو مسوقش ليهم مشا جلس مع خوووه
زهير: مزيان الحمد الله اخويا كيف بقا أنوار
لكبير: راه فبيتو ميخرج ميهضر مع حد بغيتو غير يرجع خدمتو يكمل سمو خلا
زهير: راه غير لعظم تشققلو
لكبير: هانتا تشووف وزيد باين لبنت هضرت معاه مغوت مݣال والو حدو ݣال الله يسهل على كل واحد حشمت بالله الا حشمت
زهير: کلتهاالك داك نهار اخويا
لكبير: واش بالصح داك ولد عمها خان خاطبها ومنين تفارقو تخبطت التوتر ولاخر منوض هاد الحيحة على داكشي
زهير: لبنت اااخويا مبقالها رزق معاكم خلي هاد الهضرة لعيالات بالجنب والى على ولد عمها راه تجوج شحال هادي
لكبير: امممم
زهير: انا نمشي عند مّا نطل عليها عاد نرجع نطل على انوار (مشا نيشان عند مو للي كانت كتهضر فالتيلفون مع وحدة من بناتها غير شافتو)
الحاجة: اوا سيري ابنتي نوض نسخن لعشا لخووك
زهير: غير خليك (باسلها راسها) نبدل حوايجي نصلي نمشي نطل على انوار عاد نجي
الحاجة: واخا وليدي الله يرضي عليك (رجعت كتهضر مع بنتها وتسمع لشكاويييها..)
~~~~~~~~~
أشرف: وكان ݣلتيلي نجيبلك شي تيليفون معايا
أنوار: مابغيتوش دابا
أشرف: ومرتك؟؟
أنوار: كنهضر معاها مرة مرة من سكايب
أشرف: اممم اوا سسمو درتي مع شيما
أنوار: تليفونها طااافي بغيت غير نوصل ليها والو حتى لفيكس والو يا مها يا خوتها
أشرف: اوا منين سالييتو لاه مازال لاسݣ
أنوار: انا عارف علاه
أشرف: انا كنشوف هي للي خاصها تلسݣ حيت مفرݣعها ماشي نتا.. (دق زهير وانوار دار إشارة لاخر يسكت)
زهير: (دخل) اماالك حازن هنا
أنوار: محاازنش غير باغي نبقى وحدي
زهير: اوا والخدمة
أنوار: (زفر) زهييير اصااحبي
زهير: نوض اصاحبي ونتا مكسل تماااك بحال شي وحدة حااملة راه تاابعك شغل وباك راه حااصل وݣاع شغل بقا وااݣف علييك
أنوار: (هز حاجبو كيتأفاف)
زهير: معجبكش الحال
أنوار: شوف نتا واش هاد الهضرة تنيرڤي ولا لا
زهير: علاه مفخباركش
أنوار: سمو؟؟
زهير: ممزيانش الحاملات يتنيرڤااو
أشرف: هههههه…
زهير: نووض اصاحبي راك مهرس من صبعك صغير ماشي من ***** ودير خدمتك الا باغي دير شي مستقبل زيين كما بااغي.. أشرف هضر مع صااحبك انا مشيييييت….
أصبحنا وأصبح الملك لله…
أمال: (كانت فلبيڤيت ديال لفاك كتلخص شي درس حتى صونا تيليفونها كان محمد خوها.. رداتو بلاصتو وكملت حفااظتها باركة على داك الخوف للي فيها رجع صونا وحلفت متجاوب) والله منجاوبك (رداتو صيلونص وحطاتو فصاكها جغمت من كاس القهوة للي كتشرب وكملت التلخييص للي خدا منها ساعة ونص جمعت المفردات للي مفهمتهمش عاد هزت تيليفونها لقات مصوني 4 دلمراات.. شعلت 4G ودخلت لgoogle كتبحث وتكتب وتهرب من داك الخوف… كملت حيت حسات بلعيى جمعت وراقها وستيلوياتها فصاكها وخرجت من تمااك جبدت تيليفونها طاحت فمريم كتصوني جاوبات) الووو
مريم: كان محمد يصوني عليكو مجاوبتيش..
أمال: مبغيتش نجاوبو
مريم: كان بغا يصيفط ليك شي فلوس
أمال: ݣولو يزيدهم فراسو مبغيت واالو من عندو
مريم: هاء وباش تصرفي تم
أمال: مشغلووش نخدم ومناخد والو من عندو
مريم: (سمعت غواات وخرجت من بيتها) مال هادي
أمال: مالكي؟؟؟
شيماء: فييييييينك اخااااي فتيييحة اجي شدي ولدك علية يبعدني يعطيني التييقااار
أمال: هادي شيماء؟؟
مريم: وااه (موجهة الهضرة لشيماء) مالكي؟؟
شيماء: اسمعي نتي شدي رااجلك عندك والا منقنعااهش يمشي يقلب فجييهة اخرى ويبعدني انا
أمال: (دارت يدها على فمها) أحااي
مريم: (ردات التيليفون فجيب فواطتها) كفاش
فتيحة: (كانت ياله مدوشة وبالزربة كتلبس حوايجها باش تخرج عندها وكريمة خرجت حتى هي من لكوزينة)
كريمة: مالكي تغوتي نتي.
شيماء؛ نغوت ولا نخرا ماشي شغلك فية ولا درتي راسك نتي مولات الدار
كريمة: (متوقعاتش الوقاحة)
مريم: هضري مع ماما مݣااد راها كبر منك
شيماء: ويلا مهضرتش شنو ديري؟؟؟
مريم: (بغات تمشي ضربها وجراتها مها) هاي هااي تيقتي رااااسك
فتيحة: (خرجت وهي كدير درتها) اماالكم شيما مالكي تغوتي
شيماء: ولدك الآلة يبعد مني راه من اللول مبغيتوووش ومغنبغيهش
فتيحة: باسم الله عليه كشتييه غير مدفݣ عليك
شيماء: واه مدفݣ ولايح رووحو علية ولا علاش يمشي يضرب هداك للي كان خاطبني ويبقا يݣولو بعد منها
فتيحة: (سكتت)
شيماء: اوا دابا هضرت بفمي معاكم لمرة جاية ندير صباعي فودني ونغوت نجمع عليه شهود
فتيحة: اسمعي ابنت نعيمة ولا حتى ندݣدݣ والديك الا مطلعتييش لداركم وعندي كلام مع مك
شيماء: واه غير متݣديش تهضري مع ولدك تمشي لنعيمة للي ضريفة (خرجت من تماك مخلية كولشي كيغلي اما هي طلعت بجرا قبل مترجع مها ووليد للي خرجو وسدت عليها لباب قبل كيرجعو حيت من لبارح محلاتلو لباب)
نعيمة: (كانو خرجو هي ووليد وجايين بشوية وحديثهم على هند وفوكاش يمشيو يخطبوها مع طلعت لقلت فتيحة فم لباب كتعيط على نعيمة غير شافتها دخلت متقدرش تغوت قدام وليد) مال دي
وليد: معرفتش ومباغيش نعرف انا نطل على دراري أمي ونجي نشوف ديك لبرهوشة
نعيمة: واخا وليدي (طلعت ودازت عند فتيحة للي كتحس براسها باغيا تجييف مع دخلت نعيمة سرسباتلها شنو وقع) اويييلي
فتيحة: غير ݣوليلي واش محمد دابز مع داك السيد مرتو لداخل مبغات تݣول والو
نعيمة؛ ولاه انا كنت معاهم سولي محمد للي يݣولك سمو كاين اختي
كريمة: بنتك ممربيااش اخت
نعيمة: ايييه انا ماشي فتيحة باش تجي تهصريلي فبنتي ومجلس معاك ناكل لحمها ݣوليلي سمو دارت نمشي نكمل تربيتي ولكن ماشي تݣولي ممربيااش
كريمة: (ضربت الطم)
فتيحة: لا غير بغات ضربنا كاملين وکالت لختي مكنهضرش معاك نتي ماشي مولات الدار
كريمة: اوا خفت دابا نهضر معاك حتى نتي تبغي ضربيني
نعيمة: لوااه مبنالكش هبل نضربو للي يجي ݣدامنا مهم انا غنطلع عندها (طلعت مخلية كريمة تسب وفتيحة خايفة غير محمد يكون مزال طامع فشيماء وباغي يزييدها على مريم وهادشي للي كانت كتفكر فيه حتى مريم وهي جالسة فبيتها كتعاود طويان لحوايج للي فمرايوها)
نعيمة: (واخا دافع علي بنتها الا بغات تاكلها دخلت كتغوت) شيماااااااا شيماااااااا (مشات كدق عليها بالجهد) حلي يا الكلبة وليتي بوووعو تهبطي ديييري شرااع يديك وتغولي على للي كبر منك
شيماء: هو لي فرقني على للي كنبغي
نعيمة: حلي يا لكلبة حلي نوريك لي كيبغي
شيماء: (بقات جالسة محد محلاتش لباب هي فأمااان موقف شعر راسها حتى سمعت)
وليد: اسمووووو وااااقع
نعيمة: ختك اولدي صافي قربت تحمقني لا بزااف هبطت عند فتيحة وتݣولها شدي ولدك علية
شيماء: (تصدمت من مها للي سرسبات كولشي موالفة متستر عليها)
وليد: (دق بالجهد فلباب) حليييييييي
شيماء: عفااااك اخويا رجعني لسيتي بغيت نقرا ونخوي راسي من هنا
نعيمة: ديها اولدي راه غتنوض شي فضيحة للي يقتلوووها عليها
وليد: هادي الا مقتلتهاااش انا نييييت (بعصبية) حلييييييييييييي (فكرت تمشي على هاد الخطة باش ترجع لوجدة.. تجرأت وحلت لباب للي مع حلاتو جرها وليد من شعرها وهي حماتها غوات) رجعتي صعصع فهاد الدااار
شيماء: هءءءءء عفاااك اخوويا ديني نقرا فوجدة مبقاالي وااالو هنا
وليد: (طرشها حتى طاااحت) ومك الكلبة دغيا نكرتيييييها
نعيمة: (كتشوف فبنتها للي مبقاتش كتيق فيها بحال اللول) بغات تقرا خليها تقرا محدك كاري تمااك خليها معاك وها هي تحت عينيييك
شيماء: (مسحت دموعها بيدها ولكن هي مدارتش حساب تسكن مع وليد واخا هكاك ضربت الطم) واه نسكن معاك اخويا منخرجش ݣاع الا بغيتي نتا تمشي تجيبلي لبوليكوبات نحفظهم
وليد: (بقا ساكت ماشي من هاد الفكرة حيت خرج مو باش يقولها راه غيديها معاه ولكن سكت باغي يفهم لاش كتخطط) جمعيلها حوايجها من هاد نهار انا للي غربيك…. (خرج من الدار ونعيمة بقات كتشوف فشيماء)
شيماء: (ناضت كتعنق وتبوس يد مها وتبوحط وتلسق) والله اماما غير بقات فية الحرقة والله اماما كنت نبغي أنوار بزااااااف
نعيمة: وهو بغاك؟؟
شيماء: (بحزن كتبكي) انا هاكا كان يبان لي
نعيمة: ولاش هبطتي نوضتي صداع لتحت ولا ولفتي تشعلي لعوافي
شيماء: والله تماما محسيت وانا درت هكاك
نعيمة: هبطي طلبي سماااحة منهم عاد اجي جمعي علية شرااوطك ااااه متسهليش وليييد حيت بالصح راه على سبة علييييك……
شيماء: (مشات مها ووقفت بحال شي حمقة وجهها دغيا تبدا من ملامح الحزن ولبكى لوجه عادي واخيييييرا غترجع لوجدة حتى كانت كتفكر تهرب ولا طج دخلات لبيتها وهي ماشي فرحانة حيت مزال كاين للي كيهددها بالصور وخاصها توصلو قبل لاخر ميوصل لوليد… جمعات شي حاجة حيت أغلبية لحوايج بقاو فالسيتي وهاد خارج بزاف الموديلات كتشوفهم باغية تشرييهم أما قضية وليد راه كيضل فالخدمة مخيفاش بزاف فهاد النقطة.. وليد هبط لتحت لقا محمد مكاينش فالمحال ومشا عند شي صاحبو)
محمد: (كيسمع غوات مو وهو غير كيشوف) دابا مطلعاني مخلية لكليان باش تݣوليلي هاد تخربيق
فتيحة: واه ݣولي هاد تخربيق واش منو ولا مامنووش راه حتى مرتك خاصها تعرف
مريم: (جالسة ومربعة يديها كتشوف فيه)
محمد: مرتي مغتسنانيش نهضر حيت هي عارفة سمو مكاااين وانا ماشي هبيل نايض نتجوج غير باش نفقس ديك لبرهووشة
كريمة: (محساش براسها ولكن كتميق فيه)
محمد: من هادشي ݣوليلي سمو السلعة للي خاص نجيبلك ومتهاوديش تمرضيني بهضرة لعيلات مرتي الا بغات تعرف شي حاجة غنݣولها ليها منين نكونو بجووج ولا لا مريم
مريم: (حركت رأسها باه وكتمنى هضرتو تكون بالصح.. خرج من تمااك وهبط لتحت مكره كيخدم… أما وليد طلع وهبط هو وشيماء جارة باليزتها)
وليد: صبري هنا انا جاي (طلع بالزربة لدارهم نسا شنو شرات نعيمة لهند ومنساتش حتى أمولة… وهي بقات لتحت شحال مخرجات من دارهم حتى وقف عليها محمد)
محمد: سمعي اديك لبرهوشة داك تنووعير وت**** للي كديري ماشي معايا والله حتى نخرج فعدو***
شيماء: (مخرجة عينها حيت معندها باش تجاوب)
محمد: اخر مرة تݣولي شي كلمة کدام مرتي ولا مي وهانتي ماشية نعرفك كطووفي بسااحة ختي نحر والديييك هي فطريݣ ونتي فطرييݣ (طلعها وهبطها باستفزاز ومخسر وجهو ورجع للمحال أما هي مقدتش تنهنه بقات غير جامدة بلاصتها حتى هبط وليد هاز فيدو صاك كبير تمو ماشيين جا ادم لحق عليهم بطموبيلة باه ركبو ووصلهم للمحطة فين تسناو شوية وهوما ساكتين حتى جا لكار ركبو بجوج وزاادو.. بقات شحال عاد هضرات)
شيماء: فين كريتي اخويا
وليد: هانتي ماشية وتشوفي غير نوصلو غدخلي متخرجيش على منجي وغدا نمشي معاك لفااك باش نعرف فوكاش دخلي وتخرجي مهم انا غرسي كولشي
شيماء: (غير كتنعم باه)
وليد: أمال شنو عندك معاها؟؟
شيماء: ها
وليد: شنو عندك مع أمال..أمال شنو عندك معاها..علاش دابزتي نتي وبنت عمك وݣطعتو حتى الهضرة؟؟؟
شيماء: هي للي دابزات معايا نهار تخطبت
وليد: اه غاارت منك ونتي باش تردي ليها بغيتي ضيعي صورتها ݣدام زهير
شيماء: (طرطقت عينيها اوطوماتيك جا فبالها زهير عاودلو كولشي) لا لا لا.. لا مبغيتش نضيع علاه هي مصاحبة مع زهير
وليد: لا غير مخطوبين بحالا معارفة واالو
شيماء: انا خويا مبقيتش نسوق شنو كدير أمال ولا غيرها
وليد: وي راني شفت بأمارة وليتي بوحدك وغير كتخربقي وكان كنتي بعقلك مضيعيش ديك الصحبة للي كانت بيناتكم بتلاتة
شيماء: حتى دابا رجع معاهم
وليد: شيماء من هنا معندك كلام معاهم السلام من بعد مجايبكش تسرااي جايبك تقراي وغردك لداركم هادشي الا مشيتي على كلامي ورزنتي
شيماء: حم واخا خويا… (سكتت شافت فزاج لكار وفبالها شحال من حاجة تقضى وعارفة راسها عزيزة عندو واصلا شحال قدو يحضيها نهار سيمانة 10 أيااام ومن بعد غيقلب عليها على ميرجع لاوروبا وهي ترجع لسيتي…)
أمال: بالصح!!!
هند: عادي غنعتابرووها مكيناش
أمال: ولكن نتي غتكون لوستك خاصك تعاملي معاها مزيان
هند: وتعاودها لمخها الا كانت ختو راك مزال مكتعرفيني أمال
أمال: (هزت شكلاط فريرو كتاكل) والله حتى عارفاك غير وليد مزيان وخالتي نعيمة حتى هي فوجهم عامليها مزيان
هند: انا مغنجبد معاها لا صداع لا والو وهدا أكبر تيقار غنعطييها (مدت يدها لبواطة بغات تهز وحدة وضرباتها أمال بشوية ليديها) يااااك لمك
أمال: غير نظحك معاك (هزت لبواطة ومداتها ليها) هزي
هند: لا صافي مخاصماك
أمال: ههه لا لا غير هزي والله إن تهزي
هند: غير حلفتي اما والله منهز.. (بقاو كياكلو ويهضرو حتى جاها ميساج كان وليد وصل المحطة) ها هوما وصلو
أمال: عرفتي هاد المرة تبغي دورلي بزهير والله إن نطيرلها راسها
هند: ههه هكاك نبغييك
أمال: والله هاد المرة منفلتهالها واخا يكون بݣطييع الرااس
هند: اممم ݣطيع الراس لحال سمعت الأخ زهير كيقول هاكا
أمال: ههه (رجعت كتاكل) غنووض نݣاد واحد لمودييل
هند: شفت قبيلات شريتي دوك تويبات كيحمقو ديال شي صوارية واااعرة
أمال: (تبسمت) غنݣاد وحدة لية ووحدة ليك ولكن غنديرهم بالكم وطواال
هند: لاااش لااش نتي كتلبسي طويل وانا لاش
أمال: هه تعلمي تلبسي طويل الآلة (بقاو مجمعين وأمال كتحاول تاخد لعبار لهند حيت أول مرة غطبق عليها هاد الدرس بكترة الظحك كيعواجو ويرجعو يقادو حتى صونا تيليفوون هند مسحت دمعة بكترة الظحك وجاوباات)
هند: وي bb
وليد: راكي فالدار
هند: اه
وليد: انا جاي عندك نجيبلك شي حاجة
هند: اوكي bb (قطعت وشافت فامال) مالكي
أمال: مكتحشميش تݣوليلو هاد bibi
هند: ههه سميتها baby ماشي bibi هههه لواه فرووج
أمال: وووومكتحشميش
هند: وعلاش غنحشم هو راه لكبيدة ديالي (سمعت الصونيط فلباب) انا نحلف لحبيب ديالي ههه (مشات حلات لباب وشافت فيه ديك الشوفة ديال توحشتك) صاافا؟؟
وليد: (شحال كيحماق على ديك ضحيكة ديالها) الحمدلله ونتي بخير؟
هند: شفتك ورجعت طووب ديال طبوبين
وليد: (خرج عينو فيها) هند
هند: هاء زعما قصدت طوب ديال طوب ماشي زعما داكشي للي فهمت قصدت غير طووب ديااال طوو
وليد: ݣولي الحمد الله وخرجي من باب وااسع
هند: هم الحمد لله
وليد: (مد ليها ساشي) هادي صيفطاتها ليك مّي
هند: (تبسمت) مسكينة الله يعطيها الخير (طلت على الساشية كانت 2 بيجامات ديال توركيا والساشية لوخرا للي تقيلة كانت جوج سوبيرات (طاسات)) شنو هادي
وليد: قسمات لينا لعشا الآلة
هند: هههه (بامتنان) شكرا بزااف والله يخلف عليها مكانش تعذب راسها
وليد: علاش نتي عندنا قليلة
هند: عارفة راسي عزيزة عند خالتي نعيمة ولكن معرفاش انا شنو عندك اوليد
وليد: نتي هي لقليب ديال وليد عنين وليد حيااة وليد
هند: (بفرحة) حتى انا تنبغيك
وليد: (تبسم شوية جمعها) ياله سيري دخلي مشا الحال
هند: اوكي bb
وليد: وسيري دخلي (سدت لباب بشوية ودخلت فرحانة كتوري لامال حتى جاها ميساج من عند وليد) راه وحدة ليك وحدة لامال عنداك تهرفي عليهم بجووج الهبيلة ديالي
هند: ههه راه وحدة لية وحدة ليك
أمال: (فرحت كتر من هند ناضو قيسووهم وسخنو رفيسة للي صيفطات ليهم نعيمة حتى من تمر معمر واللوز مقلي صيفطاتو حطوها فطبسيل مزوقينها وسلقو حتى لبيض ودارو سيلفي تصورو وصيفطوها لواتس ديال نعيمة فلبلاصة صونات عليهم كتجمع معاهم وهوما كياكلو ومنساتش توصيهم على شيماء وينتتبهو لتصرفااتها للي رغباتهم يوصل لها الا كانت شي حاجة للي تخليها تجي ترجعها ….)
وليد: (جاب الله كاين بيت صغير فديك الدار للي كرا عطاه لشيماء كانو فيه 3 سدادر وتلفازة تماك غتبقى) شيماء انا غنخرج للمحال بغيتي شي حاجة
شيماء: خاصني لحوايج اخويا من السيتي
وليد: قضي بللي عندك وغدا نمشيو تجيبي دوزانك
شيماء: اممم وااخا الا كنت تعطل دوزني عند لبنات فين ساكنين على مترجع
وليد: (مع المدة غتعرف فين ساكنين) راه هضرنا فلكار هند وأمال حسبيهم مكاينش غتقراي قرايتك وغير تكملي الامتحان غترجعي
شيماء: (ببراءة) انا غير ݣلت وصافي
وليد: (دخل لبيتو بدل ومشا نيشان توضى صلا صلاتو ودخل لبيتها كانت بدلات حوايجها) انا خارج الا بغيتي شي حاجة ݣوليها غير لعساس راه غيكون واقف غير حدا لباب انا نسد بسوارت غتلقاي الضوبل فوق بلاكار صبابط للي حدا لباب (خرج مطورو ومشا مسورت من موراها لباب… وخلاها كتعوجو يعني الا خرجت العساس غيشوفها جبدت من صدرها تيليفون لقديم للي كان عندها وكانت مخبعاه مع حوايجها ومنين مها هرست ليها تيليفونها هزت لابيس (النمرة) وخباتها.. غير خرج ناضت جابتو وركبت النمرة أول حاجة بلوكات ݣاع خوتها وحتى مها وبريفي وجاوبها بزاف دلميساجات دبواط فوكال ديال للي كيهددها وحتى ديال انوار بغات دير واتساب بهاد النمرة ساعة مكانش عندها كونكسيون وبقات حطااه حتى صونا أنوار جاوبات) ألووو
أنوار: علاش طافية هاد *****
شيماء: بشوية عليك ونتا كتغوت راك مبقيتش خاطيبي للي تحكم فية
أنوار: يااك نتي للي كتݣولي هاكا
شيماء: (بفقسة) مشتكش درتي علية شي حاجة باش تسمى باغييني بحال كنتي على سبة
أنوار: داك الز**** دولد عمك للي كان على سبة سموو رجعتيلو؟؟
شيماء: حمق لا؟؟ علاش رجعلو راه كان ݣدامي ديما ومبغيتوش
أنوار: اممم فينك
شيماء: فدارنا فين غنكون حابسيني هنا
أنوار: ومغتجيش
شيماء: هي الا جبتي باك ومك وطلبتو سماحة وزاوݣتو رجع
أنوار: هه بنيتك
شيماء: بحالا منستاهلش
أنوار: لا ماشي متستاهليش ولكن راه الديفو منهم هوما
شيماء: اوا شوف شي حل
أنوار: واخ انا نشووف
شيماء: ياله بسلامة (قطعت وبقات كدور فالدار حتى من حوايجو مشات فلاتهم لقات باغفااان تماك عرفاتها ديال هند وكفاش متعرفهاش وهي عارفة كولشي عليها وكانت كنبغي تقليدها فكولش…)
~~~~~~~~~~~~
زهير: (كان غارق فالخدمة حيت الخميس كتكون الدعوة مسطوكية والجمعة كيكون ساد غير شاف وليد جاي وقف) سير سير عندك السيد راه شوية ويزعف
وليد: ݣلتلك بلا متزططش
زهير: اوكي بيبي
وليد: (شاف فيه ديك الشوفة ديال لا حولة ومشا كولشي كان خدام غير وصلت ديك 9 ونص بدات تخوا حيت 10 كيسد.. طلع زهير ووليد لفوق) انا غنمشي ختي بقات وحدها (زهير حرك راسو باه) نتاقشعو غدا
زهير: جيب لبنات عند مّا ورواحو تاكلو طعام
وليد: بنيتك
زهير: وسمو فيها تماك راه داري وكاينة دار ما ودار خويا للي معجبو حال راها كولها حيوط
وليد: الله يخلف عليك أسيدي بلاش
زهير: نجيبو مو داك طعام ونجيو انا وما نتغدااو معاكم
وليد: ههه ممفاكش
زهير: (كان غير كيظحك) انا غدا نجيبلكم ݣصعتكم
وليد: تهلااا (مع خرج لبس لكاسك ديالو أشرف وقف بطموبيلتو ودخل نيشان عند زهير للي كان كيستف ربيكات دلفلوس)
أشرف: با زهير
زهير: (مهضروش حتى كمل لحساب .. عاد شاف فيه) فيين
أشرف: صافي لوراق مريݣلين
زهير: غدا ان شاء الله نجيب فلوس ونتلݣاو عند الموثق والله يسر أسيدي..
أشرف: (فرح حيت المحال التالت للي بغا يفتح كان خاصو نيت فلوس زهير طرح عليه فكرة يتشارك معاه ويكون ربح ديالو بنسبة ولاخر قبل حيت عارف زهير معقول وحتى زهير كيعرف أشرف من شحال هادي ومن جهة الخدمة عارفة ݣاابض) ياله نخليييك
زهير: الله يعاون (دار شي فلوس فكل جوا وهبط من بعد مسورت مكتب ديالو وعطى لكل واحد خدام معاه جوا وكانت هادي بريم زائد الخاصة على ميريݣل وليد شي حاجة للي غيبقى صالير كل واحد يوصلو فلكونت ديالو نيشان خرج عطى العساس برا ركب فطموبيلة ديال خوه ومشاا نيشان حدا دار أمال طل كاين غير ضواو مكرهش يشوفها ولكن مشا الحال ومبغاش يعيق حيت رجع كل مرة مكيسخاااش يتفارق معاها……)
شيماء: (مع فاقت بحرا ناضت حلت السرجم كطل حتى كتبان ليها أمال واقفة فالجهة الاخرى ديال الشاريع قاطعة بقات كتشوف بعينيها حتى زادت قربت ومع فيه الشبيك دلحديد ملقاتش كيف دير تبعها براسها) ݣووول لكلبة ساكنة قرييييبة.. خزييت على صباح بيييمن صبحت (ناضت لقات وليد جالس شاد كاس أتاي وقدامو فطور اصلا كانت نعيمة مخلات مصيفطت معاه.. من كيكة لمسمن حلوة…) صباح الخير خويا
وليد: صباح الخير
شيماء: (ولات كتحس بعلاقتهم غير مكتزيد تبعد) مݣديتش نفيق (زادت تجبدت)
وليد: من نهار الاثنين عولي تبداي تقراي
شيماء: نمشي حتى من دابا الا بغيت اخويا
وليد: للي قرا اشيماء راه فاق مع 8 ورجع فحالو يتغدا
شيماء: هههه رجعتي دغيا كتعصب دابا نتا خاصك تكون ناشط غتجوج الإنسانة للي كتبغي خاصك تكون فرحان
وليد: (صغر عينو فيها زعما نتا غتجوج للي كتبغي وانا مبغيتونيش نتجوج للي كنبغي)
شيماء: (جلست حداه) معمر هند عاودات عليك كانت مخبية علينا كاملين بنت لحرام
وليد: (قلب عينو) دوزي تفطري انا غنمشي للجامع خاصك شي حاجة؟
شيماء: خاص نمشي لسيتي راه قريب من هنا
وليد: حتى نمشيولو انا وياك لبارح ݣلتلك أي بلاصة غنمشيولها انا ويااك
شيماء: امم غير مبغيتش نصدعك وصاافي (شاف فيها شوفة ديال بنيتك.. هز صلايتو وخرج مسورت لقا هند عاد داخلة)
وليد: التوتة
هند: هه صافا؟؟
وليد: الحمد الله ونتي بيخير؟؟
هند: (شقلبت عينها) عيييييت السوتنونس بقاتلو سيمانة وديرونجاني بزاااف
وليد: غتهناي منين يفوت
هند: بغيت نجي اللولة باش عاد نتهنى
وليد: عارفة غتكوني طوب ديال داكشي للي ݣلتي لبارح
هند: ههه مقلت واالو
شيماء: (حلت لباب باغا تعرف خوها معامن كيهضر دورت الساروت وبجوج ضارو كيشوفو حتى حلت وخرجت راسها لقاتها هند) هند
هند: شيماء صاڤا؟؟؟
وليد: سمو بغيتي اشيماء؟؟
شيماء: والو اخويا كنت غير بغيت نݣول لعساس يجيبلي شي تقدية ندير لغدا
هند: انا طلعت بسلامة عليكم
شيماء: (بالزربة) علاه نتوما ساكنين هنا؟؟؟
وليد: (ضار خنزر فيها وهند شافت فوليد زعما واش مفخبارهاش) دخلي
شيماء: خليني اخويا نطلع حدا هند عفااااك ختي هند رغبيه عفااك
هند: (تحرجت) اه خليها طلع
وليد: لا طلعي نتي لداركم ونتي غدخلي ولا كار 5 يردك (طلعت هند وشيماء دخلت مكرهة)
شيماء: اممم ݣولي ساكن حدا قح**ك وانا دايرلي فيها قال الله وقال الرسول باينة كان ساكن معاها تفوووو غير انا للي مضيعينلي حياااتي (هزت تيليفونها والو ديك النمرة معوداتش صونات بقات هكاك فطرت ودارت لماعن فلڤابو ومشات كتفرج فالتلفاازة وغير تسمع صوت بنات كتخرج طل فهاد اللحظة وليد واقف حدا لباب غير شاف زهير مشا عندو)
زهير: كتسناني؟؟
وليد: واه انا نحط لبنات يتغداو ونلبس حوايجي نمشي معاك
زهير: (هز ݣصيعة متوسطة مغطية بسولوفان وفوقها منديل) نتا متاكلش
وليد: لا لا منطلعش حدا لبنات
زهير؛ وراه مغطلعش تواليهم راه جبتلك طبسيل ديالك
وليد: (بامتنان) لعععز
زهير: أنا نجيبو سير نتا طلع لبنات (تبعو طبسيل حتى وصل حدا لباب ودور الساروت عاد تفكر راه ختو معاه)
وليد: حقا راه معايا ختي
زهير: وييه نسيت حتى انا (كان جايبو طبسيل مكبيرش بزااف انا لوخرا غير سمعت صوتو لوات شال عشوائي وحلات لباب)
شيماء: سمعت بحال مبغاش يحلك لباب هاء حم سلام خويا زهير
زهير: عليكم السلام
شيماء: (شافت الكصعة فيد خوها) الله يخلف عليك اخويا والله كنت مشهيااه
وليد: سيري دخلي اشيماء
شيماء: (مدت يدها للݣصعة وبعدها وليد من يديها) هاااء
وليد: واش عمرك كليتي طعام باش دايرة هااك؟؟ سيري دخلي (حشم حيت بينات بحال عمرها حلاتو وكدير فيها غبية)
زهير: صافي هي طلعو لبنات ياكلو مجموعين اصلا الطبسيل لي جبت ليك ميݣدكمش
وليد: (هو كان ناوي يخلي لختو طعام ومياكلش كيحاول مااا أمكن يبعدهم ولكن مبغاش بين لزهير عاود) طلعي من مورايا.. خاي زهير دخل (خلاهم حتى مشاو وهو دخل غير طلعو فدروج وهو يدور عندها مكره) هادشي ميدووزش اشيمااء خلي حتى رجع ونتفاهم معاك سمعي داك تشوطين ديريه معاهم غيوصلني يوصل أمال متهضريش معاها ولا والله حتى ردك لداركم تااكلي وتهبطي (حركت رأسها باه وتبعاتو دق وهي تحل هند تبسمت فوجه شيماء)
وليد: جبتلكم ضيفة
هند: هه مرحبا بيها دخلي اشيماء (دخلت شيماء وعند شدات الݣصعة ووليد شاف فيها ديك الشوفة ديال غير سلكي) عادي عادي راه بجوج كبارات
وليد: لي كانت صوني علية (هبط ممرتاحش ودخل لدارو اما لفوق كانت شيماء دخلت جلسات وكتبرݣݣ فالدار للي باينة زوينة غير من فراشها حطت هند لبن حيت زهير ديجا علم أمال غيجيب كسكسو)
شيماء: ݣاع مݣلتيلي سكنتو هنا مخلياني بوحدي لهييه
هند: ههه بحال معرفاش شنو وااقع حنا من شحال هادي مبقيناش صحابات
شيماء: علاش؟
هند: واش بعقلك كتسولي ولا صافي حيت مبقيتش مخطوبة غترجعي ككنتي صافي نتي من اللول ختاريتي
شيماء: راه انا للي فسخت الخطوبة
هند: شيماء بلا متبداي تزيدي راه كنت تماك وحضرت على كولشي وانوار قال ختك اصلا متقدش تفارق معايا قالها لخووك قدام كولشي واش فهمتي!!!
أمال: (خرجت من بيتها من بعد ملبسات حوايجها حيت كانت دوشات لقات شيماء تماك اخر وحدة تبغي تشوفها شلفت فهند باستغراب وشيماء غطرطق بردة الفعل ديال امال)
هند: ياله زيدووو تاكلو راه غيبرد
أمال: (مشافتش فشيماء جلست وعند فالوسط وشيماء فالجنب عراو لݣصعة) امممم كتحمقني فتفاااافية
هند: حتى انا الحاجة كتسرع ديك التعسيييلة
شيماء: كل جمعة كتجيبلكم طعام؟؟؟ (لا رد بقات كياكلو)
هند: (بقاو كيهضرو القراية وشيماء غير كتسمع كتشوف فأمال وديك التعكيرة وسنانها مقادين مفهمت واالو) عرفتي قبيلاات كنت غندخل فواحد الكلبة قاطعة بشوية عليها وانا مخلياني كنطبخ
شيماء: ديك الساع دوزي فمها (أمال هزت راسها لقات شيماء كتهضر وتشوف فيها) مالكي
أمال: مالكي نتي؟؟
شيماء: مماليش بييخييير مع راسك..
أمال: او من بعد
شيماء: ااااا سمعي نتي انا مكنتش باغا نطلع هنا غير خويا للي بزز علية نطلع
أمال: اوا هبطي
شيماء: (لاحت لمعالقة على كرش أمال) نتي راه صبرت ليك بزااف
أمال: (شافت لمعالقة للي كانت فيها ديك التعسيلة ديال تفاية وسخات ليها لبيجامة للي شرات ليها نعيمة وكانت فرحانة.. شافت فيها مشعراااتش حتى جراتها من شالها بكل قوتهاوغطست ليها راسها فداك طعام للي بقا وجمعت يدها وعطاتولها لظهرها ببونيا حتى غوتت شيماء هند صدموها عاد مكانتش كيتهاضرو جرت أمال بعداتخا وشيماء هزت راسها كولو طعام وشي بقايا خضرة جاب الله مبقاش سخون بزااف ولكن كاين الحرارة شوية بقات تنفض وجهها وتخسر الهضرة)
أمال: ياا والله ياا جدك ومتبعدي مني ومن طريقي حتى نوريييييك اش كتسوااي
هند: (معرفت تظحك ولا شنو دير بقات تنقي طعام من وجه شيماء بالزربة للي بغات طير على أمال وحتى لوخرا مكانتش من لعاݣزين حتى هي باغا دااابز وكتحسر على البقعة للي فبيجامتها جديدة) صاااافي ازمرات هنييييونا
شيماء: كتغيييري مني وبغيتي تحرݣيلي وجهي والله منخليها فيييك
أمال: اش عندك الكلبة مدييري خويا محمد ومبقاش محاشيه ليك وانا براسي مبقيت مسوقة لحتى واحد يعني غنقرا وغنتعلم الصنعة ونكون وحدة راسها عامر بقرايا والمعرفة ماشي وحدة راسها عامر غير لرجال وكتجلس تخير بيناتهم بحال شي بنت الزنقة سييري سيري عند زهير ياكما يسحاابليك بحالو بحال داك شماااتة للي كنتي غتخبلي باش يشوف فيك
شيماء: طلݣيييني اهند طلݣيييني على لكلبة
أمال: (حتى هي كتمد يدها) خليها نشووفو شنو فيها راه نيت هادشي لاش تصلاح تاكل لعصى ولماكلة وترجع اللور بحال شي كلبة….
هند: (بحرا مفااكتهم أمال مشات لحمام كتݣد ديك البقعة بقات فيها بيجامتها وأمال كتنقي للي بقا من طعام) بعديها عليك اشيماء
شيماء: (كتبكي دغيا كتمسح دموعها حيت مرضياش) شووو كردااتني والله منخليها فيها
هند: مزالة كتزيدي تحلغي فيها يا ختي هي عطاتكم التيساع عطيولها حتى هي ونتي اشيماء صافي مبقى متدي منها
شيماء: (حركت رأسها باه) انا نوريييها نفرعنة بداك زهير راه انا للي شتو ݣبل منها
هند: لا بالصح راكي حمقة نقزتي من أنوار لزهير؟؟ راه عمو واش كتفهمي
شيماء: وحتى هي كانت مصاحبة مع أنوار وتصاحبات دابا مع عمو ولا حرام غير علية انا
أمال: (خارجة كتعرعر عليها) واش نتي هبييييييلة ولا هاربة من شي صبيطار دييري العز راسك شوية زوينة هاد شفتو انا الاول ياكما هدا هو داك شماتة للي بقيتي تحرضيه علية وسرقيتيني نتي وياااه ففلوسي ونهار الخطبة لاعبين علية بجوج الله يعطيييكم مندية (مصيبة)
شيماء: انا نسرق ليك فلوسك يا السراقة؟؟
أمال: ههه بحال نتي عطاوهملك بخااطرهم بجووج سراقات لا انا لا نتي غير أنا كنت محتجاهم اما نتي كانو مغرقينك فالخير يا لكلبة متستاهليش ام بحال خالتي نعيمة ولا اخ بحال وليييد
هند: صافي هنيونا البنات غيجي طالع وليد ويسمعكم
أمال: يسمع مساعدة نعاود كووولشي
شيماء: (بخوف) حتى انا منخاافش
أمال: (ظحكت باستهزاء) واااه عارفة حيت معندكش لاش تحشمي (مشات دخلات لبيتها وشيماء بقات كتخسر الهضرة وتغوت وهند غير كتشوف فيها)
هند: شيماااء حنا من نهار سكنا صوتنا متسمعش مبغيناش للي يحب فمو فوقما ساكنين ناس محتارمين
شيماء: حتى نتي زدتي معاها نورمال توقفي معايا راك غتولي مرت خويا
هند: اه من هنا نفاريوها داك تبرهيش مماشيش معايا مرت خوك مرحبا حتارميني نحتارمك شي حاجة دلحيس الكاپة معنديش وكما قال خوك كليتي شبعتي تعايرتي سيري هبطي باش ميجبدش يسمع هاد تبرهيش (جات ماشية) صبري انا جاية (دخلت لبيتها جابتلها بيافين (بومادة لحريق) ) ديريها فوجهك باش تعرفين مرت خوك شحال حنينة (شداتها وهبطت كتحلف دخلت للدار وسورتات عليها نيشان للحمام لمراية فين وجها مطبع بلحمورية وطعام واصل لشعرها بلا للي دخل فصحتها مفكها غير دوشت…)
~~~~~~~~~~~
زهير: (من بعد مريݣلو الأوراق قانونيا مشاو للمحال كان كبير ديال التيليفونات وحتى لاب توب هز واحد samsang صغير فلبيض وفيه صميطة فالغوز) هادي العباسية ديالي
أشرف: (فرحان) ههه بصحتك
وليد: (فرحان لصاحبو للي كيكبر راسو) مبرووك علييكم
أشرف: الله يبارك فيك اخاي وليد حتى نتا مبروك داك المحاال
وليد: الله يبارك فييك (بداو صحاب أشرف كيجيو والمعارف زهير عطاه لبيسي يعطيه دوزان ديالو للي كيمشي معاه عيا معاه بشحال الثمن واالو لاخر مبغاش براكة غير خلاه يسمي المحال باسمو بوحدو وزهير شريك مخفي… خرجو من تماك)
وليد: والله صرااحة تمنيت وكان كنت أمال
زهير: ههه بزااف على والديك توصل للزين ديالي
وليد: وبناادم حتاارم راسك راك مزال مزايا راجلها
زهير: انا معتاابر راسي راجل ديك السيدة من نهار شفتها اجي نتا حايدهاالي
وليد: (قلب وجهو كيظحك مشاو للدار وصل وليد وهو بقا لتحت صونا على أمال)
زهير: امول هبطي عندي
أمال: اممم والله عاد دوش
زهير: مفيكة هبطي نشوف الزين ديالي عاد مدوش
أمال: ههه زعما!!!!
زهير: ديري الجلابة وروااحي خارجة عندي منشدكش بزااف
أمال: (لوات عليها مونطو ولبست بانطوفتها ولوات شال جات خارجة ورجعت لمراية كانت هي هاديك حيت هند عاد حيدتلها لموسطاش وشي زغيبات وتبالات بلبوان نواغ رجعت هزت غير ريحة دارت رشة وحدة وخرجت مشات عندو لحدا طموبيلتو فين كان جالس طلعها وهبطها وكيزيد يحشمها) سلااام
زهير: وعليكم السلام الآلة فين غيوبك مغتجيش عندي زعما منك راسك
أمال: (هزت كتفها بدلع وهي كتبسم) تأ
زهير: ياااك!!
أمال: ههه ݣول الحاجة شكرا بزااف كان بنين
زهير: (كيشوف فشنايفها) شكون
أمال: هااء (قلبت وجهها كتجمع الظحكة وقف وهز داك لاب توب مدو ليها) شنودا؟؟
زهير: باش نشاطيو انا وياك ههه هدا الآلة بيسي ينفعك فشي حاجة
أمال: زهير والله حتى كتحشمني عفااك راه.. (معرفت متقول) والله بزاااف
زهير: شدي وكان
أمال: علاش درتيها
زهير: اسمو درت ابنتي شدي وبلاتي غندخل للدار نبغي نشوفك باش نهضرو
أمال: (بقات كتشوف فيدو لي ممدودة) حشمت
زهير: وصاافي شدي راه وليد طريق كاملة وهوو طامع فيه
أمال: احااي وليد راه هنا
زهير: هااادي ابردك (كتعجبو من كتكولها)
أمال: (شداتو وجات دايرة بالزربة) نمشي عفاك نحشم والله
زهير: هه ديري السبة بولد عمك ودييه (شافها بحال تصدمت) واا سيري بلاتي نهضرو!!
أمال: ههه واخ (مضورة وجهها وماشية وكتهضر معاه) شكرا بزااف (هو غير متبسم ومقوس عينو فيها حتى طلعت كتجري….)
هانا على وعدي شي تفاعل مطرطق نستاهل حيت ساعية على قبلكم كونكسيون
أمال: (طلعت فرحانة كتحنقز فدروووج حتى وصلت حلت لباب حيت كان ديجا ممسورتش لقات هند ياله فاقت من نعاس شيدرت بيدها) شوفي شنو شراالي زهييير
هند: (قوست عينها بانلها فالصورة دلكرطونة بيسي) هاي هاي هاي هادشي مجهد عندكم اختي
أمال: ههه (فرحانة ݣاع مكنت معقولة علييها) عجبني بزااف
هند: (قربت ليها وحلو لكرطونة كان زوين كشكل) غزااااال حسن من هدا للي عندي
أمال: دابا يجيبلك وليد حتى نتي
هند: (جاتها كتهضر بحال شي بنت صغيرة) ههه واخا
أمال: ݣالي نهضرو فيه بلاتي
هند: عطيني نقاد ليك فيه لواتس وكولشي
أمال: واخا انا ندير شي طاجين
هند: (خنزرت فيها) خليتيني بلا غدا اليوم
أمال: معليش ممشاش فزبل مشا غير فوجه شيماء ههه
هند: ههه يا ختي وليتي عاطيااها لكلاش
أمال: ههه شوي وصااافي (مشات ترد لعشا وهند كتخربق فتيليفونها اما شيماء لتحت كتحسر غير على دوك طبائع للي بقاو حومر فجبهتها ونيفها صونا عليها أنوار جاوبات معصبة)
شيماء: ويييييي
أنوار: مالنا على عاد الدخلة
شيماء: معصبة مكتفهمهاش
انوار: داركم ݣالووولك علية شي حاجة
شيماء: انا فوجدة جابني خويا عندووو ودابا مع ديك **** دامال
أنوار: علاه هي ساكنة مع خووك
شيماء: (الا عاوداتلو على علاقتها مع عمو غتركب فرااسو تيبغي يبعدهم حتى يرجع يبغيها لراسو هكا ݣالها مخها) تقريبا ساكنين قراب باش يبقاو يتلقااو ولا نيت كتبات عندو حيت فبيتو داكشي مقاد ولقيت حتى حوايج ديالها داكشي باش دابزنا
أنوار: (هز حاجبو) اممم فينك نتي نجي عندك
شيماء: علاش تجي عندي خااصك تشوف مع والدية
أنوار: واش حنا صغار علاش نتسنااوهم يبغيو صافي كبار نتجوجو ونسكنك فديك الدار للي كاري على منشوف شي حل اصلا شحال من مرة ݣلتليك مبغيتش نسكن معاهم مباغيش زحاااام
شيماء: شوف أنوار هضرت معاك منقدرش ندير شي حاجة هوما معارفينهاش ونتا شفتي بعينيك شحال صعااب
أنوار: (مرضاش) صعااب على **** شيماء متصعرينيش واش نتي مبغياش تكوني معايا
شيماء: بااغا (قالتها بتحسر وبين عينيها غير أمال كيف ولات )
أنوار: ديري شي وقيتة غدا نهضرو
شيماء: خلي بعد غدا حيت وليد مغيخلينيش نبقى بوحدي
أنوار: وااخا لالة
شيماء: صيفطلي شي تصويرة باش كتهدد أمال
أنوار: علاش
شيماء: بغييتها وصاافي
أنوار: مبقاوش عندي
شيماء: ݣول مݣااادش خاايف عليها!!
أنوار: سيري متعصبينييش (قطع) وكان لݣيت داكشي متلݣايني كنهضر معاك الخنز (رد التيليفون لجيبو ورجع لمحال صاحبو كيشارك معاه فرحتو) كدير تحكم فشي كاميرات من تيليفونك
أشرف: خاصك تجيبلي لكاميرا وندير ليك أبليكاسيون فتيليفونك
أنوار: اممم داك ل**** متݣادش؟؟
أشرف: لا واالو ݣول تحرݣ (مشا كيتكلم لشي نااس بقاو محتافلين حتى سدو المحال ومشاو لدارهم للي كاريين كيشيشو) سمعت شيماء جات مع خوها
أنوار: عارف راها كتݣولي كولشي
أشرف: اممم متݣوليش مزال تلݣااو
أنوار: وسمووو عاد
أشرف: بعد منها من نهار اللول كانݣولك بعد منها
أنوار: من نهار مابغاتش تصاحب معاك ههه
أشرف: حسن مبغااتش ولا راني نكون ملصݣ فية برووصي
أنوار: ولكن بروصي زيييين ح**** مع راسها اعشييري
أشرف: (كيشيش وكيشوف)
أنوار: ياله ياله وصلني للدار
أشرف: شوو غتجي عندي واحد الصاطة نوصلك عند زهير وسير معاه
أنوار: واخا شي تيتييز بعدا!!
أشرف: (مكاين جايب حتى وحدة) شوية (هبطو لتحت وصلو عند زهير ورجع فحاالو..)
وليد: (غير شاف زهير كحل بلعمى) ياله نخليييك
زهير: رووح اصاحبي
وليد: لا راك عارف سمو كاين ا
أنوار: (جاب نافخ صدرو ومدخل يدو ليسرة للي مقصح فصبع ومزال محيد جبيرة منها داز من حداه وليد مكيشوفش فيه كانو جالسين غير لتحت حيت اليوم مخدامينش جلس اونفاص مع زهير) مزال متمشي للدار
زهير: شوية ونمشي كنتسنى واحد السيد درت معاه يجي يدي شي سلعة
أنوار: اممم مزيان
زهير: كنتي حدا أشرف
أنوار: واه فتح شي محال جديد هو للي عطااتو ليام هدا التالت
زهير: دير بحالو سمو مانعك شوف سمو باغي واجي نعاونك
أنوار: (سكت مدور عينو) اودييييي انا باغي ندخل معاك معاد المحال
زهير: الا باغي غير دخل فحيط راه ݣلتلك هدا للي منتشاركش فيه شوف نتا سمو باغي ونعاونك متردلي منردلك
أنوار: ارااهم فلوس اصاحبي
زهير: لا حيت غير غتفرتك مهم على الخاويات وصاافي
أنوار: واخا دابا نشوف.. ݣولي (هز راسو لفوق) داير الكاميرات باينين خاصك درݣهم
زهير: بلعكس
أنوار: هضرت مع اشرف يديرلك أبليكاسيون فالتيليفون تبقى حاضي المحال غير من تيليفونك
زهير: (عجباتو الفكرة) مخيرة
أنوار: باش تحضي مع دراري شوية
زهير: (حرك راسو باه صونا تيليفونو خرج عند السيد للي كان جايب ولادو معاه خرجو السلعة للي شرا يمكن كيفرش من جديد خرجو زهير وانوار ركبو فطموبيلة وزادو كيهضرو غير فالخدمة.. وصلو مشا طل على مو هز عشاه للي موجداالو هي دخلت تنعس وهو مشا لداارو مع وصل لدارو هز تيليفونو صونا على أمال للي جاوبات فلبلاصة) نص ساعة نصوني عليك واخا
أمال: (تبسمت) وااخا (قطع مشا يبدا عليه مع كان مصلي فالخدمة وكلا داكشي بالزربة.. وهي ناضت لبست شالها للي قداتولها هند ودارت مسكارا لشفرانها وجلست فاحسن موقع فبيتها للي فيه الضو باين دايرة لبيسي فحجرها وكتسنااه حتى بااان ابيل فيديو بتصويرة ديالو تبسمت وبركت على accepté وهي تبان صوتها فتيليفونو وهي بانت صورتو فبيسي ديالها)
زهير: زين يا زين
أمال: ههه لباس عليك
زهير: الحمد الله هاد الساعة خدملك لبسي مزيان
أمال: خدملي زوين بزااف شكرا والله منسى هادشي للي كدير معايا
زهير: (ظااحك) لا غير نسااايه امحاينك
أمال: (كتلقاه ديما مقشب مكيجازبش بعاطفة ولا دراما) ههه
زهير: (بقاو كيهضرو على نهار شنو دوزو وشنو دوزت هي وهو حاضيها وهي مكبرة تصويرها كتزيد تسبل عويناتها وظحك بلعبار) حݣا راه اليوم دخلت فمحال مع واحد السيد
أمال: مبروووك عليك
زهير: الله يبارك فيك الآلة راه للي درتو ديالنا انا ويااك
أمال: (تبسمت فرحانة) هم فين الحاجة لباس عليها
زهير: الحاجة راه ݣطعت الورقة وشخيرها واصل لعندي
أمال: هههه مسكينة نعسات داك دوا كينعسها
زهير: وااه بعدا داير معاها لمزيان
أمال: اوا بلا منصدعوها
زهير: انا فدااري (دور التيليفون كان بيت فيه ناموسية وجوج كوافوزات وبلاكاار فالحيط) ها بيتك الآلة
أمال: (حشمت غير كدور عينها) ها
زهير: مزال نݣادوه بجووج.. نوريك الدار
أمال: هم واه
زهير: درتلك دارك وحدك باش متݣوليش حݣا نحشم من مك ولا من طاسيلتك (مكتجاوبش وهو كيظحك عليها كيعرفها منين كتحشم كطرطق عينيها بقا كيوريها لفوق للي كان دايرو بيوت كوزينة مزال ممقادها ولكن كيفكر يديرها من نوع كوزينة أمريكية (للي كتكون مفتوحة) ولتحت هبط مع دروج) متدينيش على هاد لبولات لعميين
أمال: ههه زوينة بزااف (حمقها شكل الدار بقا كيوريها لتحت للي بغا يديرو صالونات على دخل لكوزينة كبيرة ولكن ممجهجاش دورلها شافت كرطونة فتحها)
زهير: ها كاسروناتك
أمال: ههههه وانا كنݣول فين راهم
زهير: ها هوما فالحفظ والصون
أمال: (تبسمت والفرحة باينة فيها ممتخيلاش غتكون عندها دار بحال هاكا وراجل بحال زهير حتى لعݣوزة عندها حنينة كتر من مها بقاو كيهضرو حتى سمع شي حد كيعيط عليه)
زهير: أمووول بلاتي ونهضر معاك شي حد كيعيطلي
أمال: واخا (قطع وبقات سااهية بفرحة كبييييرة….)
دازت يوماين روتينية… وليد حط بمطورو شيماء حدا باب الكلية من بعد مفتا عليها الشرووط وجميع التهديدات ومشا عند زهير للي خرجلو شي بلان… دخلات من بعد ممشا كدور تمااك شحال من وحدة شافتها تعجبات ولكن قالو راها تحجباات موالفين كيشوفووها بشعور والمكياج وتقزااب ولمزيرر بانتلها أمال وااقفة مع شي بنات كانت لابسة لبيسة زويييينة كلاص وبانت صحاحت وعاد الشدة ديال لفولار ووجها للي كيبان منور وملامحها ظاحكين زادت مع طريق كتقلب على شي بنت تجمع معاها ملقااتش او بالأحرى مكانت عندها ݣانة مع دازت نص ساعة خرجت كتسلت من لباب مكانش وليد شدت تاكسي ونيشان لدار للي كاري أنوار طلعات وفدروج تلقااات أشرف هزت راسها بتعاالي وهو كيشوف بطرف عينو حتى طلعات قلب وجهو مفهمش خوها هنا وهي جاية بكل حرية للدار اما هي دايراها ذبحة ولا ربحة مغتمشيش بوحدها فالرجلين (مدقتش حيت كان محلول دخلت كان فالصالة كيشيش)
أنوار: (طانز) تحجبتي!!!
شيماء: (كتر منو) تهرستي!!!
أنوار: (حيد داك التيو من فمو) غموض ل*** ن*** مك ****
شيماء: نتا للي جبدتي
أنوار: اري داك التيليفون بعدا
شيماء: (جلست اونفاص معاه) تهرس احبيبة دابا غير معدية بواااحد هضر فالمفيد راه معنديش وقت غتمشي لدارنا ولا لا
أنوار: نعقدو هنا
شيماء: لا
أنوار: نتي باغاني انا ولا عينك فشي حاجة اخرى بحال زهير مثلا
شيماء: كتهضر على راسك نتا للي باغي أمال ودايرني طريق
أنوار: هه أمال كانت بين يدي وانا لي لحتها ولا متيقين راسكم شي جمال راه وااالو
شيماء: (تبسمت) ماشي شي جمال ولكن لكونت عاامر (هزت ورقة من جيبها وفتحااتها كيشوفها ولاحتها فوجهو) هادشي علاش كنتي لاسق فية
أنوار: (ببرود) اري التيليفون
شيماء: تيليفوني بالصح مهرس وللي كتقلب عليه مخبعاه مزياان حيت نتا مفيييك ثقة
أنوار: (هز لورقة لقاها relevé de banque ديال كونط أمال فاش هز لفلوس ديالها)
شيماء: الاخت يحسابلها انا للي عطيتك لكاارط باش تسرقو
أنوار: (هز وجههو ببرود) فين التيليفون
شيماء: نبغيك تمشي لتاوريرت تطلب سماااحة منهم ونكملو لعقييد انا كنبغييك ومغنخليك حتى لوحدة
أنوار: شتك كتهزي
شيماء: (معصبة) مكنتهزش بسباابك كولشي مبقاش كيحملني وانا وااقفة كنسمع على قبلك الهضرة وناكل لعصى حتى من خويا وليد مبقاش حاامل الهضرة معايا باش نتا فالتالي تخليني وتزيييد
أنوار: متغوتييش
شيماء: واش نتا هاامك غير لغواات؟؟؟
أنوار: (بعصبية) وسمو بغيتي مني نديير
شيماء: سيييير فاري معاهم دااك صدااع بغييت نكوون ديالك
أنوار: وراك ديالي
شيماء: لا نكونو مجوجيين أمال كل مرة تعايرني تکولي ميݣدش يتجوجك حيت كيخاف من دارهم ومن عائلتنا
أنوار؛ فين مخبعة داكشي؟؟
شيماء: مخبعة وصاافي
أنوار: بغييتهم هاد الليلة
شيماء: واخا سير عند خويا وليد تفاهم معاه باش يبعدني وميبقااش حاضييني فالدخلة والخرجة واجي نعطيك شنو بااغي
أنوار: كديري الشونطاج؟؟
شيماء: (وقفت) وااه.. ونزيدك انا عندي زيييرو درهم فلكووونت الا كنتي معول على شي رياال مني (خرجت من تماك مخلياااه كيغلي اما هي تسلتت كدور فجنابها وشدت تاكسي تابعها أشرف فطريق وهو كيصور فيها حتى وصلت لفاك وهو بقا تماااك…)
أنوار: (خرج من تماك وتمشى على رجليه حتى وصل عند باه ملقاهش تماك سول قالو لو مشا عند زهير مشا عندو وهو محااملش راسو طلع نيشان لقا باه جالس وزهير كيدو فجنابو بحال مزرووب) فييين
لكبير: جلس اولدي
زهير: (حل لكوفر هز شي وراق) انا غنجي عندي شي غرااض مع واحد السيد ضرووري راه خليتو كيتسناني
لكبير: حتى حنا نمشيو داابا
أنوار: نيييت راه باغي نهضر معاك فشي حاجة (خرج زهير وتبعو خوه وولد خووه…..)
زهير: (مشا نيشان عند السيد فالمحكمة وعطاه فوطوكووبي ديال كارت ناسيونال ديال امال) شوف يشحاال وانا معاااك
…..: خييرك سااابق اخااي
زهير: هي تهانينا نيت من الرشوة ومرحبا بيك فالعرس
…..: مرحبااااا ومبروك مسبقا (دخل باش غيقاد لوراق ديال امال بلا ميحتاج زهير يطلب وريغب خوها للي كل مرة معكسلو من جييه…)
~~~~~~~~~~~~
محمد: ورااه زعما 40 دعمك ولا صاافي دغيا نسيتووه
وليد: امنسينا وااالو ابنااادم (زفر) حنا بلاتي نشدو طريݣ
محمد: عنداااك متجيبهااش
وليد: شوف راه مغنبزز على لبنت واالو
محمد: هادشي عاد فيه التبزاااز راه الربعين دبااها
وليد: صاافي امحمد بلاتي ونجيو (قطع معاه حيت مكاانش مساالي والناس واقفين علييه…. مع كمل جا زهير) لعشير حنا غنمشييو لتاوريرت
زهير: دي أمال معاك
وليد: وهي تبغي
زهير: أمال بعقلها غتبغي اصلا الغد ليه غنجي انا وخويا ومّا
وليد: ههه غتخلبها متورخة اصاحبي ميعرفو الناس يݣولو لباركة فراسكم ولا مبروك عليكم
زهير: مالي غنديرلها عرس راه غنجبو رسيو اموورنا لبنت خاصها باش تجي تشوف الدار سمو خاصها ونݣادو شحال من حاجة
وليد: اممم ضعتي غتجوج وغتولي حاضي جيب جيب جيب
زهير: انا مجوج غير باش نسمع ديك جيب جيب باش نبدا نݣر عليها
وليد: هههه أنا مشيت
زهير: انا غنهضر معاها (مع مشا هز تيليفونو طالع لمكتبة ودوز ابيل فيديو للي كانت مع لبنات غير شافتو صونا بعدا كتقاد فزيف شعرها مشات بين شجر وجاوبات) زين دزهير
أمال: (محدو كيهضر وهي كتفرنس) سلام
زهير: (متكي على لكتب شاد بيدو تيليفونو مقابلو معاه وليد مربعها فوق كرشو) احح يعز علية نضيع لحبيبتي ظحيكة ولكن وليد غيجي يديييك لتاوريرت
أمال: (جمعت الظحكة) لا عفااك
زهير: سمعيني نتي غتبقاي مع وليد وخالتي نعيمة غنهضر معاها تبقاي معاها وتباتي عندهم وانا لغد ليه غنجي
أمال: (بقات ساكتة)
زهير: غدا الربعين دبااك أموول سيري حضري وترحمي علييه وغنبقى معاك فالتيليفون
أمال: (كتيق فيه وتنهدت) واخا
زهير: متخافيش مغيوقع واالو
أمال: واخا
زهير: (عجبو الحال تسمع منو) الله يرضي عليك ابنتي
أمال: (تبسمت بالزز)
زهير: شوفي اخر واحد نبغي نبزز عليك تمشي توالييهم ولكن خاصك تمشي أموول
أمال: وااخا
زهير: وضحكي
أمال: (تبسمت)
زهير: ووريني دوك سناان
أمال: ههه
زهير: هكاك ابنتي ياله سيري نمشي نخدم على ولادي (قطعت عليه عارفااه غيبزݣلها فالتالي ويحشمها.. هبط لتحت يكمل شنو بدا زهير وتفكيرو باش يكمل بكري هاد نهار ويجيب مو للسوق تقدا شنو خاص يتقدا باش يمشيييو….)
كالعادة شادين طريق بربعة
هند: هاد الطموبيل قربان تحظ طريق وتقولك صافي بلا متعيي راسك اسي وليد نمشي بوحدي هههه
وليد: ها ها ها
هند: (ميقت فيه وشقلبت وجهها صار شافها تقلقت وهو يطحك ضارت عندو لقاتو ظاحك) وجهي فيك كلووون
وليد: هنييينا
أمال: هههه
شيماء: اووووف مزال منوصلو اخوويا
وليد: مبقاش بزااف
أمال: (مرة مرة كتب مع زهير للي كيتعطل باش يجاوبها حتى صيفط تصويرتو سيلفي وهو داير وجه ظاحك ولكن فنفس الوقت مزرووب بقات كظحك وشيماء طلاات لقاتو هو زادت خيبت سيفتها…. كتباتلو) بقيتي فية باينة عندك خدمة كتيرة
زهير: بلعكس واخا كتيرة الا مرتاح فيها
أمال: الله يخليك ديما مرتاح
زهير: معاك..
أمال: (تبسمت قالبة وجهها.. للسرجم وهي تبانلها الدخلة دتاوريرت قلبها تكمش خبعت تيليفونها فصاكها وبقات كدور عينها فات من حدا المحطة الطرقية تفكرت نهار طردتخا مها ولكن دغيا جات ذكرى زهير زوينة للي جا كيقلب عليها.. وصلو حدا داارهمو وهي تبانلها القاعة مݣادة نفس القاعة خلات فالتلتيام نيت بحال مشات لوجدة غير ساعة ورجعات حيت حتى وجع داكشي للي وقعلها رجع… خرجو كان محمد تمااك واقف هو وادم سلم عليهم وليد أمال أمال وعند طلعو مخسراتش فيه حتى الشوفة عكس شيماء للي فينما بانلها حس رجال تطلق زينها وتمشى غير بشوية… طلعو نيشان لعند نعيمة دارهم مكلفاتش راسها صور تشوف فيها خايفة تصادف مع مها كتخااف وكتخلعها رجعات عندها كاابوس بحال والو تشوفها تسخف بكترة ممركبة فيها الرعب رحبت بيهم نعيمة بالابتسامة والترحيب ديال نتوما مرحب بيكم وهادي دااااركم… لحقت شيماء مع دخل للدار تطلق لويفي ديال دارهم وهو يحبها ميساج من عند ديك النمرة حلاتها وهي تقرا ***ساعتك قربان*** غوبشت وخبعت التيليفون تااالفة دخلت نيشان لبيتها حتى قالت تهناات من هادشي صونات على أنوار للي مجاوبش صيفطاتلو ميساج *داكشي باش راك كاهددني عندي كتر منو ماشي معاناتها كنبغيك غديرلي هااكا* خبعت التيليفون بدلت حوايجها وخرجت لقات مها حاطة كاسكروط لبنات غير شافت بنتها مبدلة معجلهاش الحال كفاش جات ومسلمتش حتى عليها!!!)
نعيمة: الا صدعنااك الآلة شيماء نطلعو لسطح
شيماء: علاش اماما شنو درت عاود
نعيمة: وشووفي نتي
شيماء: (مشات كتعنقها وتبوس فيها وكتشوف فأمال شوفات فشكل ديال شوفيني انا وماما كدايرين.. لوخرا معطاتهاش وقت وقلبت وجهها حتى دخل وليد.. باس لمو راسها)
وليد: تهلايلي (هند تبسمت) فأمال راه شي ناس يشدو علينا طريق ويردمو علينا هاد الدار
أمال: (حشمت) هههه
نعيمة: هههه يااك
هند: (هزت حاجبها فيها)
وليد: وتهلايلي حتى فهاد الاخت
هند: متحتااجش توصي علية خالتي اااااخويا
نعيمة: هادي راه وحدة من بناتي
شيماء: (بغات دخل راسها) وراه عندك غير بنت وحدة اماما
نعيمة: عندي نتي وعندي أمال وسناء وزادت الغالية هند
هند: يخليك ليلي ويطول فعمرك
وليد: (كتعجبو بهضرتها) يييه (دخل لبيتو يبدل عليه باش يهبط يعاون محمد بقاو مجمعين ونعيمة هبطات معاها لبنات للي أمال مرتاحتش منين دخلت وشي ناس كيتوشوشو عليها اما شي وحدين معارفينهاش اصلا بنت فتيحة بكترة عمرها خرجاتها معاها ولا داتها معاها لشي عرس… شوية شافو شيماء سخفت كانت جالسة ما بيها معلييها وحاضية التيليفووون حتى جات على وجهها سخفااانة كولشي تصدم ونعيمة جات تجري خايفة على بنتها وامال غير شافتها فتيحة بدوك الشوفات خرجو من الدار من بعد مجاو خوت شيماء هزووها لصبيطار)
أمال: (طلعو للدار) علاش عزيزتي التيليفون
هند: خفت تكون شي فضيحة (هزت التيليفون للي بقات باركة فلافيشور باش ميطفاش ومتعرفش لكود حلاتتو حتى طرطقت عينيها فشنو شافت….)
وليد: (واقف داير يد حدا فمو من علامة التوتر ويد مربع ونعيمة كتمشي وتجي.. خاف على ختو صغييرة واخا يوقع للي يوقع من ديما كيشوفها شيماء صغييييورة خرجت فرملية) اختي واش فاقت
….: اخويا واش مرتك
وليد: لا هي ختي
….: اه واخا راه دابا دݣينا ليها واحد ليبرة باش تهدن شوية على ميشوفها طبيب فصباح ݣاع تخرج
نعيمة: اويييلي علاه مال بنتي عاد ݣبيل كانت صحة سلام اشمن شوكة ابنتي دݣبتو ليها
….: راه منين فاقت بقات تبكي وتركل حتى دݣو ليها شوكة وهي ترخا ودارو ليها الأكسجين حيت تخنقت
وليد: (خاف يكون بكترة الظغط لي دار ليها فالدار) واش طبيب باقي عندها
…: واه اخويا راه كيشوفها هي وواحد السيدة اخرى (مشات وهو مو بقاو غير كيتشاوفو اصلا بقاو بجوج حيت صدرو لوخرين للي رجعو يقابلو الناس…)
وليد: واش امّي كنتي معاها منين طاحت؟؟
نعيمة: (خايفة) لا كنت فلكوزينة حتى سمعت هند كتعيطلي وجيت نجري لݣيتها طايحة على وجهها
وليد: (مفهمو واالو فيها بقاو تماك حتى خرج طبيب للي طمنهم على حالتها وأنها غتفيق حتى لغد ليه حيت دݣات جوج ابرات…)
نعيمة: الله يااا ربي فين كان مخبي هادشي
وليد: ولكن كانت مزيانة غير صباح كانت عادية واش هضر معاها شي حد ولا سمو
نعيمة: كفاش تكون عادية اوليدي وهي طاااحت سمعتي طبيب ݣال دݣو جووووووج ابرات باش عاد نعسات ليهم
وليد: (بقا ساكت)
نعيمة: من نهار تبعت هداك ولد لحرام وهي اللور اللور خرج على لبنت تبدلت هزيت وحدة وحطيتو وحدة أخرى ندمت حتى درت بريها وريي وصيفطتها لوجدة كانت بعدا بعقلها حدايا
وليد: انا نشوف كفاش نديوها للدار منخليوخاش هنا
نعيمة: واه اوليدي انا نحضيها الليل كامل يا ربي غير تفيقلي…..
~~~~~~~~~~~
أشرف: كان راااجع ومحسش براسو بقى وحداني لا هو كان كيولف شوية بشوية… رجع للدار للي كان كاري ودخل لاح سوارت جاكيطتو وبقا بتيشورت وبقا سااااقر لمدة طوييييلة ساهي فسقف وكيفكر فشحال من حاجة وشحال من ذكرى شاااف انه فتقدم راه بدا من محال وااحد منكرش باه للي مات وجا داك الزرع عاونو يكبر المحال ويزيد يخدم خدمة ديال الاختراق الالكتروني نفعاتو يجمع حصيصة يفتح المحال التاني ويفضل زهير قدر يحل المحال التالت مزال طامع يكبر راااسو ويخلي عليه ايام ترووهيق فجنب هز تيليفونو دخل لفيديو نيشان ديال للي صور شيماء فيه صباح وهي كتسلت بحال شي شفار خارجة من عند أنوار للي طلع الكاميرا وزووماها للسرجم كان طل عليها عاد تم تابعها حتى وصلت لفااك… تعجب كفاش كيبان خووها واعجب لتصرفااتها حتى من بنت عمها عكسها وݣاع داكشي للي عاودت أنوار عليها متااق فيه حتى شي حرف من غير تصويرة كانت عندو فيه أمال ناعسة وباين شعرها وحتى من لباسها باين بحال مقطع دخلو الشك انه تعدى عليها غير منين كانت مغمضة عينييها.. ولكن للي بعد هاد الاحتمال هو تصرفات أمال العادية.. صونا تيليفوونو وكان متوقع شكون للي غيصوني جاوب….
لكبير: ولدي أشرف واش أنوار راه معاك!!!!
أشرف: اعمي أنوار ݣبيلة هضر معايا نديه لشي بلاصة مع مكنتش مسالي ݣالي يشوف شي واحد اخر
لكبير: عارف شي نمرة شي صاحبو اولدي
أشرف: ݣولي سمو واقع نمشي نݣلب عليه انا (سمع لكاملة مو كتغوت وكتݣول مشالي ولدي)
لكبير: سير شوفلي فين كيعمر اولدي انا نولي نصوني عليك
أشرف: واااخا الحااج (قطع معاه) حشووومة يكون عندك واليديك كيبغيوك هناك وتنووض نتا تشوييهم وتجازييهم بهاكا… (تكره معرف ميدير)
لكبير: (بقا واقف معارف باش يبدا)
لكاملة: (كتخبط فصدرها وتليد) الله يااا كبدتي فين عطيتي الراس واش راه حي ولا ميت!!!!
أمال: (طلعو لدار عمها) علاش هزيتي التيليفون ديالها
هند: خفت تكون شي فضيحة (هزت التيليفون للي بقات باركة فلافيشور باش ميطفاش ومتعرفش لكود حلاتتو حتى طرطقت عينها فشنو شافت…) ولد لحرااااام
أمال: (طلات كتشوف خافت يكون تعدا عليها كما دار ليها واخا وهمها راه عاشت العذاب النفسي وداك العذاب متمنااايه حتى لشي واحد… كان واقف حداه باليزة كبيرة وصاكادو) سافر
هند: مكتقرايش المطار قدها قدااش..(قرات لميساج) أحسن حاجة هي مغنبقاش نشوف كمارت ال**** براكة غير قالب شبعت فيك تعبااز وفداركم وفداري وفاي وقت لعبتي **** كبغيت انا دابا شدي ف**** وجري طواالك دوماج مبقى عندي حتى شي حاجة اما شوهتك نتي غبقى متووورخة
أمال: أحااااي على لحماار
هند: (شافت التصويرة التانية كان مع شي وحدة كيسنيو شي كتاب) مجوج
أمال: هادي للي كان معاها داك نهار فاش دابزنا فالقهوة
هند: (حققت فيها) اااه عقلت عليها
أمال؛ ولد لحرام باينة مجوج شحال من هادي.. احااي انا للي هرستلو التيليفون أما يشوهها ويشوهني معاها
هند: شماااتة ولد **** تهنات منو وتهنينا منو حتى حنا
أمال: هي مكانتش تسمع من حتى واحد
هند: اودي لباس منين تجي غير على هاكا شيماء كانت خفيفة معاه معرفت اشمن سطاج تكون وصلت معاه
أمال: الله يستر وصافي..
هند: مصائب قوم عند قوم فوائد هانتي تهنيتي من أنوار
أمال: شتي انا ماشي بحال ديك لحمارة والله حتى بقات فية على الله هادي ديرلها لعقل..
هند: غير الا مبغاتش (صافي طفات تيليفون شيماء خبعاتو وهي تهز تيليفونها صونات على وليد مكيجاوبش) منين مشا مجاوبش ماشي فشكل
أمال: الله يسمعهم خبار الخير….
~~~~~~~~~~~~~~~~~
أشرف: (ديمارا طموبيلتو ونيشان عند زهير للي كان فبيرو ساد علييه طلع دق ولاخر بحال مغيب غير مطرطق عينيييه عاود دق هز راسو دارلو إشارة باش يحل زهير شاف فيه لمدة 5 الثواني بحال كيتوݣض عاد وقف وحل ليه لباب) أنوار مجاش عندك
زهير: (بحال صرفقو) فينو أنوار؟؟
أشرف: اودي!!!
زهير: فينو (دخل احمد)
احمد: والله اخويا ماا أنا راه وليد للي تلا فبيرو ديالك
زهير: راه مݣلتلك واالو سولتكم وصااافي (لاخر بقا كيبكي) وصااحبي واش جيت ݣلتلك شي حاجة!! متكفرنيش تا نتاا اصاحبي وعود لخدمتك ولا عرفتي صافي طرقو علية لخرا حتى نصوني عليكم (خرج وطل عليهم) داري (باشرة انهم غيسدو ودخل مكره)
أشرف: سمو وااقع (خرج احمد.. وزهير رجع جلس بلاصتو مفاهم واالو اااااخر واحد يشك فيه هو وليد.. أشرف شاف فيه كان باين معصب وحتى شوفتو كانت متركزة لكوفر دلفلوس للي محلول.. سمع تيليفون زهير كيصوني) زهير واش صاڤا!!
زهير: (صدعو التيليفون هزو مغوبش دارو فودنو كيسمع خوه كيسول على ولدو ولكاملة كتبكي) سمو واقع
لكاملة: ولديييييييييييي
لكبير: شي حد صونا ݣالنا ولدكم حرݣ
زهير: شكون هدا
لكبير: معرفتش دابا شوفلي أنوار فين راه أشرف خرج يݣلب عليه
زهير: (شاف فاشرف وقطع على خووه) فين أنوار اشرف؟؟
أشرف: ݣولي نتا مالك
زهير: (بعصبية ولݣا مع من يتعصب) وݣولي فيين داك لبغل
أشرف: واش تسرقو ليك لفلوس
زهير: (طرطق عينو وناض بالزربة شد أشرف من كول تريكوه موقفو شانق عليه وزدحو مع الزاج) اش عرفك بشي فلوس!!
أشرف: (تخنق) دابا غير طلݣ
زهير: (زاد قجو) فين لفلوس؟؟؟
أشرف: راه أنوار للي شحال وهو يبلاني يشفرهم ليك…..
فتيحة: (دخلت ليلى وبناتها للي كانو لابسين جليلبات بحال بحال شافتها جلست فالسداري للي مقابل معاها عقدت حواجبها جات كريمة تجري توصل تبرݣيݣة ساعة لقاتها كتشوف فيها حنات كريمة عندها) يا تخرجووها يا نقتل والديييها
كريمة: اختي غير صبري الناس راهم مجموعين متخليهمش يديو ميعاودو والصابون راه مطرطق
فتيحة: (ناضت بنترة ومشات عندها) اش جابك نتي هنا
ليلى: السلام بعدا افتيحة
فتيحة: مبيناتنا سلام هزي علية هاد لملقطات وخرجي علي من داري
ليلى: حاشاااك باش تݣولي على ربيباااتك ملقطات راهم فحكم بناتك
فتيحة: (بعصبية شدتها من كتفاها) واااا خرجي علية
ليلى: (وقفت كانت بنفس طولها غير هي طايتها (بحال طاي الشيخة طراكس) وشافت فيها) اييييييييوا حدك تمااك توقع شي حاجة لولدي نصيفطك الحبس
كريمة: اويييلي حاملة!!
ليلى: كلامي مع ختك ماشي معاك
كريمة: ونتي مهجمة عليها فمحالها وباغا تصيفطيها الحبس لا مزياان نييييت
فتيحة: (دفعتها حتى طاحت فوق السداري) ومفخباركش الهاجم يموت شرع
ليلى: (شدت فكرشها كتبوحط) ويييك ويييييييييك عتوووو الروح (بغات طيح عليها فتيحة وغير لعيالات للي شدووها خلاو المقرئات فالصالون وجاو يطلو على شوهات فتيحة للي مكيتسلاوش)
فتيحة: (كتغوت بالاعصاب) خرجي عليااااااااا
ليلى: فدااااااااار رااجلي شكون نتي للي تخرجيني (شادة فكرشها وبناتها ضايرين بيها كيبكيو) وعتقوووو الروووووح اعبااااد الله ونتوما كتفرجووووو
مريم: الآلة بغيتي تمشي لصبيطار هودي نديييوك ولا نتي جاية غير باش ديري الشووهة احترامي غير القرآن للي مطلوووق
كريمة: هضري ابنتي على دااارك الله يرضي عليييك
ليلى: وعتقوووووووني
مريم: (كترجع لعيالات للصالون وليلى كتغوت حتى طلع علي) خويا جيب شي اومبيلوونص
علي: (غير شافها كحل بلعمى) نوضي خرجي *** من هنا (لعيالات للي كانو تماك هربو) غتهزي ولا نجي نفرݣع لبناتك رااسهم ياك كنتي مرت با راكي عارفة فاش كان خدام وتهزي **** لداارك
ليلى: (تبسمت باستهزاء) للي فجهدك ديرو
فتيحة: طلݣيني على لمووسخة اختي جاية تشنتي بالحمل انا نورييك
ليلى: (دارت يدها فوق كرشها) عندي وليد فخباارك الولد للي مݣديتيش تجيبيييه ونتا ااااا ربيبي الا حتى قستيني والله منخرجك من الحبس
علي: (بغا يضربها وهي تجرو فتيحة وكريمة كيخرجوووه مهم الشووهة نايضة عاد تم طالع محمد للي عيطاتلو مريم…)
~~~~~~~~~~
هند: (كانو بوحدهم فالدار) شي غوات لتحت
أمال: (باستغراب) حتى انا سمعت
هند: ياكما جات شيماء
أمال: وها هي جات لاش يغوتو (شهقت) ياكما زهير ضربلو شي جوج لتحت
هند: ههه ولفتييها ياله نهبطو؟؟؟
أمال: لا لا منهبطش نبقاو هنا حتى يجييو ما فيا اختي منسمع شي حاجة..
هند: حسن (رجعت صونات على وليد للي جاوب) الوو فينكم
وليد: هااحنا جايين
هند: كبقات شيماء
وليد: (قطع عليها)
هند: قطع يمكن كيصووݣ
أمال: يمكن…..
زهير: فين لفلوس؟
أشرف: راه أنوار للي شحال وهو يبلاني يشفرهم ليك ولكن لبغل مظنيتش يديرها بالصح
زهير؛ (تصدم) أنوار!!!!
أشرف: شحال دالك؟؟؟
زهير: (عينو خرجو وجلس فوق الكرسي مصدووم شاف فيه) وباش نعرف هو للي دااهم
أشرف: (زفر كاره الموقف المحرج فاش تحط) هو دابا تكون طيارتو قربت تقلع غيمشي لفرنسا مجوج وحدة شي شهرين دابا
زهير: (مصدوم كيسمع)
أشرف: كانو ناقصينو فلوس بغا يتسلف من عندي وحيت عارفو مغيردش مبغييتش نعطيهملو من تماك مبقيناش مݣادين.. حتى شفت شي فيديو فتيليفونو (كان حاطو عندو خدمو وحطو فمكتب زهير كيتفرج كان فيديو فيه زهير كيحل لكوفر ولكن بطريقة بطييييئة باين فيها كولشي زهير غير كيشوف ويتصدم من عقل أنوار) بقا تابعني باش نݣادلو التيليفون ولكن انا ݣلتلو راه متݣادش وللي كنت عارف مكانش عارف كيدير يهز لفلوس بلا هاد لفيديو مكنتش بغيت نجيبو ليك غير باش مينوضش شي صداع خاايب ولكن لحماار داارها والله اخاي زهير معرفتو يديرها
زهير: (غير صاااقر عكس لداخل ديالو)
أشرف: والله مكنت عااارف أخاي زهير
زهير: (ناض جاااعر خرج من تمااك تابعو أشرف ساعة ملحق فيه واالو حيت خاف يخرج ويخلي المحال بووحدو اما لاخر ركب فطموبيلتو وكسيرا وحفظ الله مكانش شي حد فطريقو اما يعفس عليه شد طريق نيشااان للمطاار نص ساعة دالسبان فطريق وجعير باش وصل دار فردييه فسرالو من اللور ودخل مزروب للمطار اول مهز عينو فلوحة المسافرين وطلعااتلو الرحلة ديال فرنسا بالظبط لباريس قلعات ب 5 دقايق والرحلة الاخرى حتى ل6 دصباح.. عرف غيكون مشا بقا كيتنفس بالزربة ووجهو رجع حمر خرج وهو حاني راسو وهمووم الدنيا فوق كتاافو حس بالشمتة لغذر إحساااس خاايب تيليفونو كيصووني صدعوو محس غير خرج برا هاز الفردي ديالو وماشي جاي بحال شي مجنوون وعقلو خااااارج كفاش أنوار يدير هاكا راسو غيتفرݣع خاصو يوصل لييه يحطو قدااامو محس غير هز يدو لفوق سما وهو يتيري 4 دالقرطاساات خلا الناس كتغوت تماااك ومن سووء حظو البوليس كانو تماااك للي دغيا تجمعو عليه هبط يدووو مكيفكرش دغيا يسمعلهم هزووه فسطافيط وداااااوه…..
~~~~~~~~~~~~~
لكبير: (جاهم ميساج من عند أنوار فتيليفون خوه عبد الله للي قرااالو راه سافر وغيرجع من بعد شي 5 سنين او اكتر… بقا مصدووم ولكاملة تسهف وتنووض اما عيالات خوتو رتاحو منو ومن فشووشو الهاااويين ومن بساالتو للي كيبقى يتأمر ويتمرد عليهم …. مشا عند الحاجة للي بقات مشطونة معه وفنفس الوقت كتصوني على زهير ومكيجاوبش… طلع عندها ولدها لكبير مهموووم) مشا امّا مشا لفرنسا
الحاجة: (باستغراب) اش مشا يدير
لكبير: (هز يدو) عياااني داك لولد امّا وعيا مو عمرو يجلس هاني غير يطيييير سمو كان خاصو باش يمشي هاارب بحال معندو عائلة كولشي كنت دايرو ليه فيدوو انا وعمو باغيين نفتحولو محال غير يݣول هو سمو بغا وحتى منين جا ماشي مݣلهاناااش
الحاجة: لا حول ولا قوه الا بالله العلي العظيم صافي اوليدي متفقصوش راسكم دابا يدير عقلو ويرجع
لكبير: معندو رجووع عندي هو بغا يمشي بلا ميݣولها ميحلمش يرجع عندي غير الا مت (كيهضر وهو مقهوووور)….
أشرف: (بقا فالمحال مكره من صااحبو)
#فلاش_بااك
أشرف: (كان صايݣ مع وقف فصطوب شاف أنوار لابس مقاد وحداه باليزة وصاك حتى من الجبص محايدو كيشوف فالساعة هز تيليفونو كيشوف فيه وكيهضر) فين؟؟
أنوار: (كيهضر بالزز) ويي
أشرف: فينك نجي عندك نمشيو نݣصرو شوية
أنوار: راني خارج مع عبد الله نكمل معاه شي شغل (وقفت عليه I10) مهم الله يهنيك داابا (قطع عليه وطلع كانت بنت طلع باليزتو وزاد أشرف تبعو كانت باينة طريق لمطار عرفو صافي غيمشي فحالو وعارفو مناوييش يرجع للمغرب بقا فيه الحال راه كانو صحاااب ولكن للي بانلو العكس صحاب غير على المصلحة بقا كيشوف ورجع فحاالو…..)
#باك
مݣالش غيسرق ززهير للي داير فيه بزاف دلحوايج زوينين من نهار عرف أنوار وزهير مهلي فيه فلوس حوايج اي حاجة وقف عليها كيعطيهالو بلا محااسبة.. ولكن للي مديرونجييه هو الفردي للي كان فيد زهير ومصلاحلوش حتى يتبعو طلع لمكتب زهير دخل شاف فلكووفر كانو باقيين شي بريكات تمااك سدو معارفش شحال يكون خدااالو وللي مطمن ليه شوية هو نهار شاف زهير داي فلوس للبنك يعني ماشي كولشي حاطو تماك مشا يطفي ضواو حتى شاف فالمكتب باسبوور محلول ولكن مقلوب قرب هزو حتى كيبانلو مقطع.. زفر عرف هادي خصلة ديال انوار زاد قطعلو حتى لباسبوور بقا كيسب ويلعن فيه طفا ضواو سد لباب وهز سوارت للي كانو معلقين تمااك طرق كولشي خرج لتحت طفا ضواو وخرج كيسد لمحال.. حتى تفكر نمرة وليد للي عندو صونا والو مكيحاوبش…
~~~~~~~~~~~
هند: (وقفات منين شافت وليد هااز ختو مدخلها)
وليد: هند حلي باب بيتها
هند: (ناضت دغيا حلات لباب وهو يدخل هزت مانطة وغطااتها) كبقاات
وليد: ݣالو لينا تعصبات ولا معرف
شيماء: (كتمتم) أنوااار
وليد: واش هاد ولد الكلبة دارها شي حاجة كانت جالسة حدااكم شتو سمو وقع معاها
هند: كانت جالسة حتى طاااحت
وليد: هادي عندها شي تيليفون
نعيمة: راه هرستولها اولدي
وليد: وماالو طاح عليها الوحي شي حاجة وصلاتها باش دارت هااك (شاف فهند) ياك مهضرت معاها حتى وحدة
هند: (حركت رأسها بلا وعاد عرفت التيليفون للي كان عندها دايرااه تخبية) لا
نعيمة: خرجو برا وهضرووو اولادي (خرجو وبقات نعيمة أما امال بقات غير حدا لباب وكتمنى ميكونش خسرها حيت جرباات داك الاحساس عاد نعيمة ووليد وحتى باها ميستاهلووووش)
وليد: (هز تيليفونو كانو بزاف دليزابيل صونا على زهير يشوف مال هادي كتهتر بسمية ولد خوه.. دارو فودنو واالو مكايجااوبش وزاد تعصب ضار عند امال) مصوناش زهير عليك
أمال: حم (تصدمت من سؤال) لا
وليد: صوني من عندك نتي بعدا غيحاوب طاااير
أمال: (لغات تموت بالحشمة كتعرف وليد بعقلو هزت تيليفونو ودوزت نمرتو كتصوني ووهي حشماانة ومحرجة وكولشي كيشوف فيها باش تجاوبهم ساعة نجاوبش) همم مجاوبش
وليد: رجع صونا ووالو هبط لتحت لقا لغوات فدار عمو معندو خاطر يعرف شنو أما محمد دخل كيجري لقا لعيالات واقفين فوسط الدار
محمد: الا جيتو على شي اجر جلسو فبلايصكم (دغيا بقاو كيتفرقو اما هو دخل حدا مو للي شادة علي كيحلف فليلة وهي جالسة ودايرة يديها على كرشها كتوجع) اش جابك نتي هنا
ليلى: اويلي على شنو جابني دار راجلي هادي
محمد: راجلك مات وهو مباغيكش تجي لدارو اما منين كان مجوجك تخبييعة علينا مبغاناش نعرفووك
ليلى: هاد الهضرة قبل منعرف راسي حاملة بولد
محمد: اومن بعد
ليلى: كفاش من بعد هو كان كيتسنى لولاد
محمد: راه مات مفخباركش الا والدتي ولد ولا بنت غتربيهم وحدك ولا نمشيو نجبدووه من لقبر (شافها كتلون) والا على شي ورث راه كولشي مكتوب لية….
ليلى: (مصدومة) كفاش!!!! كفاش مكتوب ليك
محمد: هاد الهضرة غدوة نهضروها دابا خلينا نكملو هاد الليلة على خير
ليلى: (مخرجة عينها) لا لا لا ميمكنش
محمد: سيري لدارك وسرطيها على خااطرك دابا تهزي من هنا اه ولا حاملة جابك لوحم خالتي كريمة عطيها تاكل هي وبناتها عاد تمشي (خرج من تماك مخرج مو وخوه مشا لبيتو وتبعاتو مو) فين أمال
فتيحة: اولدي واش كاتب ليك باك داكشي بالصح
محمد: فييين أمال
فتيحة: وانا عرفت لخانزة فين عطااات
محمد: كفاش فين عطااات ولاش تݣولي عليها خاااانزة
فتيحة: داابا لاش تفقصني بغيتها سير ݣلب عليها
محمد: (شير بصبعو) مبغييت مشاااكل خلي دالليلة دووز
فتيحة: (حركت رأسها باه وهي فرحانة ولكن فقسة ليلى حاملة مغتنسالهاش وأكترية منين کالتلها قدام لعيالات جبت للي مقديتيش تجيبيه ليها عاد تفكرت معياارة وانها ولدااهم قبل منها زادت تفقست علاش مردتش عليها.. خرجت من تمااك وطلعت لدار نعيمة تسول على شيماء حتى كتخرج فبنتها جالسة شادة تيليفونها كتكتب لزهير فلواتس وجاتها غريبة مسولش فيها لعشية كاملة) نتي هنا الكلبة
أمال: (وقفت كتشوف فيها)
نعيمة: (كتحنزز فيها وغتكذب الا قالت بنتها مزيانتش حتى من وجهها للي كانو عظام حنوكها باينين رجع وجه مدور والبشرة رجعت صاافية )وجاااية معكرة يا الخاانزة بقالك غير موزووون وهودي حيري وشطحي على موت باك
أمال: (مسحت بيدها على فمها) ممعكرااش
فتيحة: (مخسرة وجهها فيها) الله ينزل عليك اللعنة الله ياااااخد فيك الحق
أمال: (كيبقى يوجعها قلبها منين كتبقى دعي فيها هااكا) علاش والله مفهمتش ياك صاافي هو مااات علاش مزالة كديري فية هاااك
فتيحة: (مكرهتش ضربها وتفش غدايدها فيها) عمرك تحلايلي
أمال: عارفة داكشي باش كنسولك علاش مزالة كدعي فية صافي ديريني بحال مكيناااش ككنتي اصلا كديريلي
فتيحة: (غوتت) الله يعطيييك مصييييبة ومزاالة تخرجي عيييينييك الله يعطيك لمووت يا بنت لحرااام الله يعط
نعيمة: (خرجت نعيمة من لكوزينة تجري) اماالكم
فتيحة: طالعة نشوف شيما كبقات وانا نلݣى هاد لبوومة يخخخ منحمل نشوف كماااتها (أمال مشات من حدااهم وبالتلفة مشات لبيت شيماء لقاتها حالة عينييها)
شيماء: (كانو عينيها حوومر شافت فيها) جاية تشفااي
أمال: مكنتشفاش اشيماء
شيماء: خرجي من داارنا لاش كتجي عندنا واش غير داركم لايحيينك جاية تسعااي منا حنا بعديي منا
أمال: (تنهدت كتشوف فيها.. خرجو من تماااك لقات هند كتقلب عليها) ندمت علاش جييت
هند: صافي مبقى واالو غدا زهير يجي ويديييك معاه
أمال: أول مرة ميجاوبنييش
هند: صوني على الحاجة
أمال: أحااااي مجيااش
هند: اوا يمكن عندو شي شغل دابا يرجع يصوني اجي ندخلو نجلسو فلبيت راها مك هنا بلا متلقاي معاها
أمال: (تبسمت) تلاقيتها وسمعاتني ديسك ديالها
هند: متديش عليها.. انا نصوني على وليد نشوف واش زهير صونا عليها راه ساعة باش هبط مرجع طلع (جاوبها دغيا) الوو
وليد: (كان أشرف عيطلو وعاودلو اهم المستجدات ماشي بالتفصيل ولكن أنوار سرق فلوس زهير وهرب ولاخر تبعو لمطار بلفردي) هند انا داابا صاايݣ من بعد ونصوني عليك متݣولي لحد راني رجعت لوجدة (قطع وخلاها مصدوومة)
أمال: مالكي؟؟
هند: ݣالي مشا لوجدة
أمال: دابا؟؟؟؟
هند: اوييلي ياكما مشا لأنوار يرجلو يسولو شنو واااقع
أمال: أحاااي دابا ينوض صداع كتر من داك نهار انا نصوني على زهير يمشي عندو….
زهير: (جالس فالسيلون كان ديجا عامر ها للي مخصر هالي سكران ها للي مهمووم وهو جالس مصدووم مكيهضر مواالو غير كيشووف بحال كان محتاج شي واحد يحبسو كيفكر غير امتى هزهم لييه تفكر صباح فاش جا خرجو كاملين واش رجع ولا شنو؟ واش كان مخطط كولشي باش تسمى الشفرة فوليد مفهم واالو حتى وقف عليه وااحد)
….: حط نتا ديك سبرديلة
زهير: (هز عينو فيه ببرود) رووح فحالك
…: يااا رب* ومتحطش هاد سبرديلة حتى نشلض لمك ر(مع مك مع زهير هز راسو ناطحو براس حتى لاخر مفهم حتى حاااجة دخلو كيفااكو ولغواات كتر دغيا دخل بوليسي كيفاك بلعصى جات ضربة فكتب زهير بغا يدووور لبوليسي وهو شي حد دفعو جا طاايح مبعد دخلو بوليس اخرين كيفااكو لقاو المشرمل للي محيح ونيفو مطرطق بالدم.. هدا لغوات من بعد تهديدات لبوليس زهير كينفض سرواالو طيراالو.. خرجو لوخرين وسدو علييهم)
زهير: يا **** يا **** ومتبعد من ݣدامي حتى نفلعص لمك دوك **** وطرطݣ فية عينيييك (جلس اونفاص معاه ولاخر كيسكتوه لمشرملين للي بحالو وعطاوه ݣاارو.. هنا زهير حتاج شي باكية يبقى واحد من مور وااااحد…..)
~~~~~~~~~~~~~~~
أمال: والو مكيجاوبش
هند: صافي مغيوقع واالو اصلا لاخر يكون مشا فحاالو وليد يهلل شوية ويتمو جايين بجوج لتاوريرت
أمال: داكشي واصلا زهير داكشي باش مكيجاوبش
هند: غااالبا…
~~~~~~~~~~~~~
وليد: (من بعد ساعتين ونص وليد كان حدا محال زهير فين باقي أشرف جالس فطموبيلتو.. خرج عندو بالزربة) فينووو زهير
أشرف: واالو ݣلبت حتى فالمطاار مكااااينش وووكان وقعت شي لعبة غيكون تمااك مݣلووب بلبوليس ولخبار توصل
وليد: ولد لحرااام من نهار شنو محمملتو.. كنتي عارفو غيسافر
أشرف: واه حيت كان بغا يلحݣ لمرتو
وليد: (خسر وجهو) مرتو؟!!؟!!
أشرف: واه شي شهرين باش مجوج شي وحدة
وليد: ولد ***** ***** وياااا ** ويطييح فيدي… انا نمشي عند الحااجة
أشرف: صونيت للحااج بانلي مفقوص غير على ولدو وسفر مزال موصلاتو على الشفرة
وليد: وزهير تم
أشرف: لا مكاينش
وليد: (عارفو كيمشي لواحد لقنت) انا نمشي نݣلب عليه
أشرف: حتى انا غنمشي نشوف صبيطارات جاع يكون دار شي كسيدة ولا شي حاجة
وليد: الله يحفظ لا لا مغيكونش داارها (طلعت معاه) لا لا هو بعقلو (ركب فطموبيلتو وهو يتفكر بحال والو يتبع أنوار خرج وهو يمشي عند اشرف) ياكما يكون مشا تبعو
أشرف: ݣطعلو الصفة اللولة دباسبور ديالو اودي داك النمس..
وليد: (مصدوم واش هادي حلفة قدييمة ولا شنو وكفاش كانت معاه شيماء وكانت غتجوج واحد بحال هدا!! ركب ومشا كيقلب عليه من قنت ولاخر كيقلب من قنت اخر…)
الحاجة: (كانت 4 دصباح مجاهاش نعاس ومشربتش حتى دواها بقات علية فبيتها على السرجم) الله اوليدي فين رااااك (عاو هزات نمرتو وبقات تصوني والو مكيجاوبش حتى من لكبير مشا لبيتو يشرب دوا السكر للي طلعلو بغات غير ولاد ولدها تخليهم يقلبو عليه مقدتش تهبط برجليها لعندهم حيت وجعوها وتنفخو ونمرتهم متعرفش تجبدها حيت ممقيدينش بلعربية.. بقات هكاك فكرت يكون مشا للربعين ديال باين أمال ولكن كان يعلمها وعاد غدا ناويين يمشيو يخطبوها… راسها غيطرطق حتى لوقت معطل باش تسول أمال….)
~~~~~~~~~~~~~
وليد: الليل كامل وهو كيقلب وحتى أشرف مخلاش من حقو وصلات 8 دصباح ووجدة رجعت عامرة بلبشار كولها وشنو يقضي تلقاو حدا المحال ديال زهير هبط أشرف وعينو نايمين…) والو!!
أشرف: واالو تݣول الارض سرطاتو خايف غير يتيري فروخو فشي خلا
وليد: لا لا زهير بعقلو غير الحمد الله ما تيراش فداك لبغل يضيع عمرو عليه
أشرف: والمحال
وليد: غنفتحو.. سمو غندير (مسح على وجهو حااير فين غيكون زاد صااحبو وميكذبش على راسو هو خايف عليه وشمتة بحال هادي مغدوش ساهلة.. مدلو أشرف سوارت شدهم وشاف فيه) خاي أشرف سير لداركم ترتاااح راه واليديك يكونو مشطونين عليك حتى نتا
أشرف: معنديش (وليد سكت حيت مكيعرف والو عليه من غير صاحب أنوار و تشارك مع زهير) مهم باشما نعس واحد الساعتاين ونخرج نسول حتى واحد صاحبي بوليسي غخل مع 9 ويجاوبني (لاخر مشا فحالو. ووليد جاوب هند للي الليل كامل بقات معاه فالتيليفون كتسولو باغا غير تفهم علاش مشا.. خرج من طموبيلا ومشا حل لباب وهو داير تيليفونو بين ودنيه وكتافو)
وليد: مزال منعستي اهند
هند: ولييد (نقصت صوتها منين شافت أمال ناعسة) قولي غير شنو وااقع وحتى من زهير متيجاوبش أمال
وليد: (زفر) عليه اصلا كنݣلب من لبارح هو تالف
هند: كفاش تالف
وليد: داك لق (شد لسانو) داك شماتة دولد خوه مشا لفرنسا من بعد مسرق زهير وݣطعلو باسبورو
هند: (شهقت) اويلي
وليد: خرج من لبارح مولاش رجع والمشكل هاز فرديه معاه
هند: ويييلي (أمال للي كانت ناعسة فايقة ناضت كتشوف فهند) اوا
وليد: هاد الهضرة متݣوليها لحد اهند انا غنحل المحال نشوف الا رجع ونتي نعسي شوية
هند: مشكلة
وليد: هند نعسي داابا الله يرضي عليك
هند: واخا ونتا؟؟
وليد: انا غنحل المحال دابا (دخل وطلع نيشان المكتب) ياله بسلامة حبيبة (قطع وهي منتابهاتش لهاد الكلمة للي اول مرة يقولها لها حتى هي بقى فيها زهير..)
أمال: شنو واقع
هند: واالو نعسي نعسي داك لكلب راه مشا… (رجعو تكااو أمال حشمت تعاود تصوني عليه قالت فبالها معصب من ولد خوه وبغى يبقا بووحدو اما هند نعاس طار من عينيها بدا بأمال وكملها بزهيير….)
~~~~~~~~~
أنوار: (من بعد الإجراءات خرج من باب المطار فجو مغيم وبارد تبسم ابتسامة الإنتصار وصل لشنو كان باغي ومخطط بانتلو دعاء واقفة لابسة مونطو كلاص مع ليبة فلون لحمها وميني بوط بطالو وشعرها مبوكلي مع ميكاب زوين واقفة حدا بيجو وااعرة غير شافتو بقات كتنقز بالفرحة ومشا عنقاااتو بادلها العناق وداك لكلام لمعسل ديالو هزت كونطاكط فيه سينتة بابيو فالشيبي)
دعاء: كادو بسييط لحبيبي
أنوار: (تبسم وعنقها بيد باس راسها) مكانش عليك تعذبي رووحك
دعاء: أصلا نتا هو رووحي عارفاك خليتي كوولشي على قبلي هدا كادو خفييف عاد اليوم كاين احتفال فالعائلة على قبلك
أنوار: (حدو تبسم جر باليزاتو حل الطموبيل كيبرݣݣ فيها ماشي بحال الرونج للي خلا فالمغرب مغبرها على لوخرين ولكن حتى هادي كانت وااو وجدييدة هي للي كانت صاݣت على ميقاد ورااقو وبقاو كيهضرو والفرحة غتنقز من عينيييها…..)
محمد: (فاق فصباح نيشان هبط لتحت كانت القاعة تجمعات منين رجال مشاو حل المحال وبدا فخدمتو على ميلحقو لخووت.. هو تيليفونو يصوني على وليد للي غبر) فيييين نتا
وليد: هاني
محمد: مشتكش لبارح واش ختك مرضت بزاف
وليد: جبناها فالليل ودابا جيت لوجدة
محمد: وجدة ݣااع!! شتك مبقيتش تحمل تݣلس هنا نجيبوك سوايع وترجع لوجدة
وليد: محمد مرشقاليش والله
محمد: واش واقعة شي لعبة!!! (فهم وليد مشا يشد بلاصة زهير باش يجي هو ومو يخطبو)
وليد: غير راني خداام
محمد: امممم واخا منين تكون مساالي صوني باش نشوفو سمو نديرو فلحريرة التانية (قطع وليد كيقلب فوراق زهير المهمين ديال المحال والشركة للي دار مع أشرف لقا كولشي كاين حتى من وراق الدار كاينين بحكم مكيتيقش فولاد خوه للي تما جابهم لمحالو.. عاد مشا لبلاصة الكاميرات كيقلب حتى شاف فأنوار للي داخل بكل برود ماشي كيتسلت حل لكوفر للي زهير كان جا بالزربة خدا شي وراق خلاه محلول تماك أنوار استغل الفرصة وفتحو حنا هز بريكات زورق دارهم فجاكيطتو من لداخل وهز لباسبوور ولكن مبينش قطعو سد لكوفر وخرج بكل دم بارد) غير هاد لفيديو يصييفط مو يتݣلاصا ولد لكلب (بقا كيسب ويلعن فيه ناض قاد لبيرو جاو دراري للي كيسولو واش الأمور تقادات بهضرة من وليد خلاهم يرتاحو انهم ممشكوكش فيهم وغير شي غلط تمااك واخا هوما كاملين اخر واحد شافووه فالمكتب كان هو.. هبطو للخدمة للي مشات عاادية كليان داخلين خارجين للي كيجي يشري للي كيتمنظر حتى يجي… وليد كيحسب معاهم حتى دخل أشرف عاقد حواجبو غير شافو وليد طلع للبيرو وتبعو دخلو سدو عليهم وجلسو..)
أشرف: (با مقدمات) عيطلي صاحبي لبوليسي طابا سميت زهير وطلعلو مشدووود
وليد: ااااو!!! علاش مشدود؟؟
أشرف: مشكلة كبيرة صرااحة مشدود على حساب سلاح ضرب
وليد: (قبل لاخر ميضرب هو خرج عينو) شكون ضرب!!
أشرف: مضرب حد ضرب فسما ولكن حدا المطار فيها الترهيب وسين وجييم
وليد: فين راه دابا؟؟
أشرف: الشرطة القضائية لقليلة عندو 12 اليوم فالتحقيق عاد يدوز فالمحكمة
وليد: (تصدم ويبس فبلاصتو معرف باش تبلى)
أشرف: مهم انا محضيلك المحال على مترجع حيت ضروري تم…
وليد: واه واه (لبس جاكيطتو وعينيه خاارجين) عارف شي محامي
أشرف: انا نشووفلك
وليد: (خرج أشرف من تماك سد لبيرو واشرف مشا يخدم مع دراري من بعد معطاه لادريس ديال الكوميسارية فين كاين صااحبو ومشا طاير فطريق مصييييبة ونزللات فوق رأسهم… وصل ودخل بالزربة كيسول حتى عطاوه فين كاين المكتب بقا كيتسنى حتى بانلو زهير خرج من لمكتب وقف ومشا عندو) كولشي مزيان
زهير: (ملامح وجهو كانت جامدة) سير عند مّا وݣولها زهير سافر يجيب شي سلعة راه غير يسالي يصوني عليك
وليد: وااه نمشي نتا واش مزيان سمو داارو معاك
زهير: جيب أمال لوجدة ورد ليها لبال راها امانة فعنݣك داابا ومتݣول اخويا واالو على لكلب دولدو (شدو لبوليسي من ذراعو باش يزيدو) متݣووول حتى شي حاجة لشي واااااحد (وليد تحط فموقف معرف ميدييير بقا فيه صاااحبو بزااف وهو كيشوفو فهاد الحاالة.. دق فلبيرو وخلاوه يدخل من بعد مقدم راسو شكون هو وهضرتو لي كان باين إنسان مثقف عطاوه وقت وشرحوولو خطوورة الأمر للي دار صاااحبو وحتى المكان كان لاعب باش يزيد يغرقوو….)
بنات على منحط الأجزاء الباقين دخلو لاخر فيديو حطيت
معطاوهش تفاصيل حتى يجيب محامي لزهير خرج من تماك غيحماااق رجع ضار شاف للكوميسارية اخر بلاصة ممكن يفكر يجي فيها عند صاااحبو للي معروف طيب وكيعاون ولكن الشمتة للي جاتو من عند ولد خوه للي كان صااحبو وخووه عمرها تنسى دخل للطموبيل شحااال كيفكر ودار اول وصية شد طريق نيشان لدار الحاجة للي مزالة عاسة ولدها يجي وراسها ضاارها… ساعة لاروب وصل للدار مع كان زحاام وكيصوك بشوية وكيفكر.. مع هبط لقا اب أنوار داير كرسي وجالس ساااهي…
وليد: السلااام عليكم الحااج
لكبير: (وقف) ولدي وليد لباس؟؟ فينو زهير؟؟
وليد: (بهدووء) راه مسافر على حساب شي سلعة
لكبير: (باستغراب) سلعة!!
وليد: لبارح جابني فالليل من تاوريرت كانت 40 دعمي (لاخر متبع معاه واخا وليد مكرهتش يسرسب كولشي) كان شي حد وقعلو السيزي ومشا لمراكش باش يشوف ديك السلعة راك عارفو مكيتفااكش
لكبير: وغير يصووني اولدي مو راه من لبارح منعست مشربت دواها كتسنى فيه
وليد: راه عيا يصوني فلفكس مجاوباتوش داكشي باش صيفطني لعندها فينها فالدار
لكبير: وااه انا نجي معاه (سبقو وليد كيشوف فالدار فين كان عايش أنوار وكانت ختو غتعيش معاها كلب غذااار نجا الله ختو منو.. طلع فدرووج) الحاااجة الحاااجة
الحاجة: (خرجت كتجري) هانا وليدي فين زهير
وليد: كتسولي غا فزهير انا لا
الحاجة: (بخوف) اوليدي راني منعس مشاو ݣلبي كلاني عليه فينرااه ولاه مجااش
وليد: ولدك راه فمراااكش (لحق لكبير عاودلها على بتفاصيل وزاد من عندو باش تزيد تقتانع) بالتلفة حتى شارجورو مدااهش عيطلي غير من لوطيل غير يخرج يشري شارجوور يصوني علييك
لكبير: وهاناي سمعتيه بيخير زيدي اما فطري وشربي دواك لبنات بلاتي غيجيو
الحاجة: (شافت فوليد ديك متيقة وممتيقاش) ياك هو مزيان؟
وليد: هه بحال ديما كييلبغل
الحاجة: متݣولش على ولدي بغل
وليد: ههه انا نرجع نݣابل المحاال (دار مفراسو واالو على زهير) شربي دواك نعسي باش ميتخلعش عليك ويخلي كولشي ويجي يجري يݣولنا حݣا مكنتهلاولووش فموو راكي عارفاااه مݣنوي فمخو هه
لكبير: (تبسم بالزز وهو فبالو غير ولدو للي قطع معاهم صلة الرحم هو هاكا عتابرو) الله يرضي عليك اولدي سير نتا لمحال متخليهش وحدو
وليد: نوصلك ولا تجي مع واحد فولادك
لكبير: (حرك راسو بحسرة) غير سيير اولدي انا اليوم غنبقى مع مّا
الحاجة: سير اولدي لمحاالك
لكبير: محالي هو نتي هاد السااااعة زيدي تااكلي تنعسي ولدي أنوار سير بلا منشدووك والا حتاجيت شي حاجة عيطلي (وليد خرج من عندهم كااره هاد لبلاصة بلا صااحبو صونا على اشرف للي لقا محامية عطاه نمرتها تهضر معاها شرح ليها كوولشي وللي معاونو فالقضية ان سلاح مرخص ومكان حتى شي إصابات بشرية… مشا عندها للمكتب ديالها كانت صغيرة وزوينة استقبلاتو وسمعات منو وخرجو باش يمشيو عند زهير على الاقل تاخد تصريح باش يدخلو ليه شي ماكلة ومنهم ݣاارو مخلاوهش يشوفو حتى لغدا ولكن لماكلة دخلاتلو رجعها للمكتب خلص السكرتيرة حتى يعاود يجي يجيب لوراق دزهير وهو مشا للمحال طلق اشرف للي شكروا ومشا للمحال ديالو حتى هو يشوف رزقو وهو بقا تماك كيتعامل عادي جابو غدا دراري وكلا معاهم باش يعرف يدوز نهارو انا هو محسش بيه….)
~~~~~~~~~~~~~
هند: (منعساتش مزيان بقا عقلها خداام حلت عينيها لقات أمال حالة عينيها كتشوف فسقف) منعستيش؟؟
أمال: تخيلي أنوار عاود لزهير كولشي علية قبل ميمشي داكشي علاش
هند: موحااال
أمال: هو كان دغيا يجااوب ودابا شحال صونيت وكتبتلو فلواتس مجاوبش راها بااينة
هند: (بغات تعاودلها) شوفي وهو (سمعو غوات ناضو كيجرييو خرجو لقات شيماء كتبكي بحال باغا تخرج ومها شداااها) اويلي مالها
شيماء: مشا وخلاني هءءءءء عمرني نسمحلوووو
نعيمة: ابنتي راه مااا فيه خير نهار اللول ݣلتلك ما فيه خيير (دخل باها غير شافوه وقفو ساكتين) احمد نحط ليك اتااي
احمد: (وجه هضرتو لشيماء للي كانت نعيمة عاودات ليه شنو وقع) هو شحال دي فرتكتو ديك الخطبة نعاود لݣاك مطيحة دمعة وحدة ولا صوتك علا غنتفاهم معاك بساالة ياله سيري تفطري ولا شوفي سمو ديري (مزادتش معاه دخلت لبيتها وهي كتبكي)
نعيمة: بناتي اجيو تفطرو (لاخر خرج ولبنات مشاو تبعو نعيمة للكوزينة) بنتي فين وليد حدو صباح ݣالي انا خدام مشغول وقطع
هند: وااه کالي زهير جاتو شي خدمة وهو شد المحال
نعيمة: ويمشي بلا ميعلم
هند: (سكتت معارفة متݣول حطو فطور وبقاو كياكلو هي وأمال وصقييير كاين…)
شيماء: (هزت تيليفونها فين مخبعة فيديو للي هزاتو من عند أنوار وشافت فيه) هدا باش كنتي غتشفر داك عمك والله حتى نشوهك مع العائلة كاملة (غير كتفكر ميساج انه مزوج شحال وتصويرة ديال هاديك ريتها كتبغي تخرج وكترجع لبكى.. دخلت عليها مها للي خايفة) ماما عفااك ماشي حتى نتي تݣوليلي نسكت
نعيمة: واه غنکولك سكتي الهبيلة واش بحال داك يبكيو عليه النااس سيري تفطري ماشي هو عاايش حياتو ونتي تغبني رووحك هنا
شيماء: (رجعت كتبكي) والله مساااهلة اماما عاد كان ݣالي غيجي لهنا ويطلب سماااحة
نعيمة: وحتى وكان جا شكون يسمعو راه الا بانلهم ياكلوه وانا براسي نطردو راه ماشي دجواج ابنتي
شيماء: وشكون دجوااج اماما؟؟
نعيمة: داابا يجي الراجل للي يستااهلك
شيماء: فوكاش كولشي لݣا معامن الا انا علاش معندي زهر علاااش
نعيمة: هااء راكي مزالة صغيرة يا لهبيلة
شيماء: اممم (بالزز نوضاتها مها وصيفطاتها للكوزينة مع دخلت سمعت)
أمال: مبانليش غيجي يخطب اليوم
هند: (ركلتها بشوية لرجليها باش تسكت جلست شيماء حدااهم وعينيها منفوخين بلبكى) شوية نتي؟؟
شيماء: (بقات مدة عاد جوباات) اصلا شحال هادي لحتو
هند: وعلاش بقى فيك الحال ودايرة هاد لجنازة عليه
شيماء: حيت كان طمااع (شافت فامال) ماشي انا للي سرقت ليك لفلوس راه هو وانا مكنت عارفة واالو براسو كان طامع فية
أمال: وباش عرف؟؟
شيماء: وانا ماالي
أمال: ݣلبي على جدي حسن ليك (ناضت من تمااك معصبة علاش مصوناش عليها مقدتش تعاود تصوني عليه اصلا من اخر ميساج صيفطات قالتلو الا كنتي مسالي صوني مصلاحلهاش كيف دير وكفاش مشا يجيب سلعة لا لا ماشي مبرر باش يغبر هاكا غير الا كان أنوار عاودلو ولا ݣالو شي حاجة داكشي لي كان كيبين ميمكنش بين ليلة ونهار يزيد حتى بلا ميعطي الخاتمة… قرب يظلام لحال ومبان لا زهير لا مو كانت جالسة ومعدتها وجعااها حتى دق لباب وسمعات سميتها)
محمد: أمااااال
أمال: (قلبها تهز وفرحت حيت قالت راه جا خرجت عندو لقاتو واقف حدا لباب) نعام
محمد: سمو مغتجيش لداركم؟؟
أمال: واش جاو؟؟
محمد: شكون دا للي غيجي
أمال: (وساعو عينيها وبقات كدورهم ضارت هاربة لداخل)
محمد: (حتى هو مفهمش علاش مجاش زهير للي كان منوض فوقاش يجي يتجوجها ودابا مجاش ومكلفش حتى يصوني يݣول مجايش حيت محمد كولشي كان مريزيرفيه من لباتيسري ولكن تخبية على كولشي.. رجع دق فلباب) أمااااال
نعيمة: (شافت أمال دخلت) مالو ابنتي (لوخرا مجاوباتش بقات سااكتة واش دارلها بحال أنوار ولا شنو.. خرجت نعيمة عندو وهي كتسد بينوارها) ولدي شنو واقع؟؟
محمد: والو بغيت غير ختي تهبط لدارهم
نعيمة: خليها اوليدي على خاطرها
محمد: وراه شحال وحنا مخلينها تهبط لتحت راه مكاينش للي يهضر معاها
نعيمة: عفاا ولدي خلييها على خاطرها ها هي مع لبنات هنا
محمد: وحتى لتحت راها كاينة مريم (شاف نعيمة كترغبو بعينيها) وااخا انا نطلع لسطح بلاتي نرجع نهضر معاها (طلع لسطح فين موالف كيجلس شحال يكمي ويريح راسو عاد كيهبط لتحت… )
شيماء: (تسلتت على اساس دخلت الحمام وطلعت لسطح يا ذبحة يا ربحة ولكن ميمكنش تبقى بووحدها… لقاتو كيكمي) محمد
محمد: (ضار عندها مستغرب غير شافها كمش وجهو)
شيماء: (بحزن) وصلت لموت ومجيتش عندي حتى تسول فية
محمد: موتي ݣااع
شيماء: هادشي من ورا قلبك
محمد: هبطي لدااركم
شيماء: (كانت لابسة ديباردور تحت لبينوار حلت لبينوار وعرات كتفها) طحت على هنا
محمد: (مع سطح مضوي بقا غير كيشوف)
شيماء: (كانت فرقة ديال صدرها باينة) وتخنقت ودارولي الأكسجين
محمد: (تلف وعطاها بظهر كيكمي) سيري اشيمااء
شيماء: هءء كنت غنتحار نهار تزوجتي دغيا نسيتيني انا راه بابا وخوتي للي بززو علية جواج حيت هو كان كيجي لداك صاحب وليد نتا معاارف واالو ودغيا نضتي تجوجتي نسييت كولشي
محمد: (ضار عندها معصب) انا للي نسيت ولا نتي عاد فصباح كتهضري معايا وتشعري علية وفلعشية نجي لݣا خطبتك حمدي الله مطلعتش قتلت مك داك نهار
شيماء: قتلتيني نهار تجوجتي
محمد: من عندي غير مووتي داابا لاش باغيا توصلي
شيماء: (زادت قربت) بغيت غير نݣولك توحشتك بزاااف ونمشي (ضارت متبسمة حازمة بينوارها وهبطت وتفكيرها كولو فأنوار ودابا راه عاسة عليه غير يفتح لفايس ولا اي وسيلة توااصل باش تفهم منو…. دخلت وجلست حداهم بحال مدارت والو)
هند: انا غدا خاصني نرجع سوتنونص بقاتلو 3 أيام
أمال: (بخوف) نمشي معاك؟؟
هند: ضرووري راه حتى نتي تابعاك قرايتك
شيماء: حتى انا اماما نمشي نقرا
نعيمة: هضري مع خوك
شيماء: خويا مشا لوجدة وعادة للي هنا مممغيبغيوش وانا الا بقيت هاكا غنطركق ولا ندير فراسي شي حاجة اللهم نعتق هاد العام راه السومستر اللول دخلو كولو بلا راطرباج
نعيمة: هاد الهضرة دخلي ݣوليها لباك
شيماء: (بانفعال) والله حتى نقتل راسي الا بقيت هنا
نعيمة: والله هاد الأيام متحركيه من هنا غير كوني هانية
شيماء: (دخلت لبيتها كتردح وعينيها غير على التيليفون…)
~~~~~~~~~~~
زهير: (كان جالس فالسيلون وكيكمي وتفكيرو فمو وفأمال وخوه والمحال ولكن بعدا وليد غيكون عينيه ا البوليسي للي رغبووه وهو يعيط بسمية ديالو مشا حدا باب دلحديد ومدلو تيليفون نوكيا بيل اول نمرة طباها بالزربة هي ديال مو للي جاوبات هي) الو ما
الحاجة: الله اولدي وعمرك درتيها
زهير: (كيظحك بالسيف عليه) ههه كنجرب واش توحشيني ياك كنظل مصدعك
الحاجة: لا اوليدي مكتصدعنيش غير رجع لدارك (دخلت لبيتها كتجري) اولدي والخطبة والناس؟؟
زهير: (غير كيتفكرها كيبقى يدور فراسو بحال المجنون) لا راه هضرت معاهم حتى نكمل هادشي
الحاجة: اولدي راه مابغاتش دخلي لراسي هاد الغيبة ديالك للي على غفلة
زهير: أمّا راه سمعت السلعة غطيح بطاطا وانا نشد طريݣ شنو تعرفي على ولدك راه ݣابض متخافيش عليه
الحاجة: الله يجيبك على خير اولدي فوكاش غدا توصل
زهير: (لاخر ضرب فلحديدة باش زهير يزرب) شوفي انا مزال ݣالس شي يامات مهم انا غدا نصوني عليك دابا راه معايا شي رجال واخا
الحاجة: واخا اوليدي الله يرضي عليك
زهير: (زفر) امييين (قطع وشاف فلاخر) دقيقة أخرى الظابط
….: اخاي حتى لݣى شي سلتة راه الشاف هنا ومزير الدعوة (شد تيليفونو) بلاتي ورجع ليك (مشا مخلي زهير كيتسنى فهاد لبوليسي كتر مكيتسنى شنو الحكم للي غيكون عليه…..)
هند: (كانت متكية حدا أمال للي باين الخوف فعينيها) مكيجاوبش اامال غيكون نعس راه زهير مكاينش حدااه ولا علاش غيكذب
أمال: خاصني نهرب
هند: اوييلي على تهربي غدا نرجعو لوجدة
أمال: مغيخليونيش
هند: لا لا محمد غيخليك انا نهضر معاه ونفهمو راه الامتحانات قربت
أمال: (بصوت مخنوق) علاش دار معايا هاكا
هند: أمال وليد راه كيتسنى يشوف زهير للي كاين فالحبس
أمال: (كانت ناعسة حتى وقفت) فين؟؟
هند: أنوار شفر زهير دالو فلوسو من من لكوفرفور وقطعلو باسبور ديالو وهرب اوا زهير تبعو للمطار جاب الله ملقاهش خرج وبقا كيضرب فلقرطاس فسما حتى هزوه لبوليس
أمال: (هبطت حنوكها) أحاااااي
هند: (شافت فيها) القضية عندو حامضة بالصح
أمال: (بقات مصدومة هند جلست تكمل شنو دار وليد وعلى الحاجة وحتى على المحامية) وفوكاش يخرج
هند: حتى واحد معارف عندو بعدا 12 اليوم فالتحقيق عاد يدوزوه للمحكمة باش يتحكم
أمال: (شهقت حتى بقات كتبكي تعانقو وهي كتبكي ماشي على راسها بقد مكتبكي على زهير وباش يكون كيحس راه جرباتها قبل منو…)
هند: أمال حتى حد مختصة يعرف زهير مبغا حتى واحد يعرف راكي عارفاااه (أمال بتحسر هزت راسها….)
أما هو مكينعس مكيشوفو غير كيكمي ومرة مرة يهز من داكشي للي صيفطلو وليد ياكل باش ميلواش مشدوود بحال شي مجرم ولكن فارض راسو حتى هو مكاينش ديك لبسالة ديال لمحابسية ويخدولو حوايجو جالس غير كيفكر دماغو خدام 24 ساعة على 24 ساعة كيفكر غير فانوار وشنو دوزو بغا غير شي لقطة أنوار بين فيها النوايا ديالو وزهير كان غبي فيهم… وعاد مو للي هضر معاها دقيقة وحس بيها متيقااش عاد أمال غير كيتفكر راه فلت الخطبة كيوقف معصب يمشي ويجي… فهم معنى الحبس للي عمرو ظن يوصل لييه…)
~~~~~~~~~~~~~~
أنوار: (لابس كوستيم كيشوف فلبوفي للي دايرين فالجردة ديال لفيلا كان حتى الشمبانيا تبسم طاح فعائلة من داكشي رفيع وعاد للي شافو من حوايج وطموبيلات ولبخ… جات دعاء بقفطان للي كولو منبت دورات يدها على خصر أنوار) زين ديالي
دعاء: ناااري ممتيقاش جييت
أنوار: (جبد من جيبو بواطة طلقت كتشوف فرحانة جبد من لبواطة خام ديامو مكبيرش بزااف ولكن منيظر طاحلو ب12000 درهم بقات كتغوت حتى ضارو الناس وهدا كان هدف ديالو حيدت الخاتم للي كان عطاها فالمغرب وركب ليها جديد عنقااتو وكولشي كيصفق)
دعاء: merci حبيبي بزااف والله j’adore
أنوار: حتى انا حبيبة.. عجبك؟؟
دعاء: ويييي بزااف
أنوار: (حنا خبرها) مزال منمشيو للدار
دعاء: هههه من بعد لطارت ونمشييو (كولشي عجبو أنوار وحتى مها حيت منساهاش من لكادويات… كملو السهرة ومشاو للدار للي عجبات أنوار جاية فالسونطر واخا صغيرة الا مقاادة بأتات زوين… مع دخلو هز تيليفونو كانت مو كتصوني وتقطع) حبيبة دخلي انا جااي
دعاء: اوكي بيبي
أنوار: (صونا على مو من نمرة دعاء ببريفي) اامي لباس
الكاملة: يااك اوليدي کاع مسخييت بيك (كانت فبيتو كتبكي)
أنوار: وصافي امي هنا للي عندي مستقبلي الا بقيت تمام غنبقى حياتي كاملة كنحسب لبا سمو دخل اسمو خرج
الكاملة: وكان غير کولتيها اوليدي ماشي تمشي وباك ساخط عليك
أنوار: يعرف يسخط علية غير انا وداك زهير للي يظل يعايرنا بيه عاجبو الحال حتى انا جيت هنا ومجوج وحدة لباس عليها
الكاملة: وتجوج بلا مك
أنوار: دابا نجيبك هنا وتشوفي فين عايش
الكاملة: نشاعالله اوليدي.. واخا هكاك هضر مع باك وطلب سماحة منو
أنوار: حتى لشي نهار.. سمو ݣال زهير
الكاملة: معبركش اوليدي بحال عمرك كنتي مجاش حتى للدار يعرف ويفهم راه مشا يشري شي سلعة من مرااكش
أنوار: (استغرب ولكن ݣال فراسو يمكن بالصح مزال معرف ولا جات فوليد للي راه يحطهم مليون مليون) ياله سيري تنعسي راه مشا الحال
الكاملة: كنعس ووليظي مكاينش فالدار
أنوار: نعسي ورتاحي ولدك راه عايش حسن بزاف منين كان فداك المغرب
الكاملة: (تنهدت) الله يرضي عليك اوليدي….
هند: (مع فاقت صباح بكري حيت دارت تيليفونها على 8 قلبت على أمال ماقلتهاش قالت راها فطواليط ناضت كتجبد خاصها اليوم ترجع حيت السوتنونس من بعد يوماين خاصها تعاود تحقق من لبيسي ديالها وشحال من حااجة عاد نهار بحرا يكفيها تقاد أمورها وقفات لبسات حوايجها على متجي حيت منين سمعت على زهير وهي كترد أمال خرجت لقات نعيمة فايقة كتقاد مسمن دخلت عندها) صباح الخير
نعيمة: (مدت حنكها وتسالمو) بنتي رتاحيتي شوية؟؟
هند: شوية خاص رجع باش نقاد أموري ياك تجي
نعيمة: (تبسمت) ان شاء الله الحبيبة الله يوفقك
هند: أميييين اخالتي نعيمة نمشي نوض أمال
نعيمة: اجي بعدا وهضرت مع خوها راه ابنتي موحال يخليوها ترجع
هند: وقرايتها؟؟ والمعهد للي ماشية فيه مزيان
نعيمة: ابنتي ماشي انا للي منخليهاش راه خووها اما حتى مها معندها سوق فيها
أمال: (مع كانت داخلة عندهم سمعت هاد الهضرة وجمدت فبلاصتها)
هند: ياك محمد ݣاع بغا يخلص لكرا
نعيمة: ماشي قضية بكرا ولكن للي فهمت منو لبارح منين مابغاتش تخرج مبغاهاش ترجع على حساب زهير للي مجااش وݣال هداك كيتفلى وأمال نية بزااف
هند: زهير غير مصلاحلوش اما هو كيبغيها كتر مكيبغيها شي واحد فهاد الدار
نعيمة: (تبسمت) الله يدير للي فيها الخير هو غتلݣاوه لتحت
هند: بفففف نمشي نشوفها (مشات لبيت لقاتها مكينااش دخلت للحمام قضات غراضها عاد طلعت معاها دغيا خرجت كتقلب الدار طلعت حتى لسطح دخلت لبيت شيماء واالو رجعت للكوزينة) مجاتش امال؟
نعيمة: (كتحط لفطور) لا علاه مراهاش فلبيت
هند: اويييييلي وتكون هربت مكينااش لا فالدار لا فسطح ومن لبارح وهي نهرب نهرب
نعيمة: أوييييلي… (هند لبست سبرديلتها ومن سوء حظها هبطت لتحت قشعها محمد للي كان كيتحاسب مع شي مول سطافيط جاية تهز السلعة…)
محمد: واخ واخ انا جاي (شاف ممعاهاش أمال ولكن هادي علاش خارجة كدور فراسها.. تبعها حتى فقدت الامل فطريق خافت تلف مع ضارت لقاتو) مالكي؟؟
هند: (تلفت) واالو
محمد: واش باغية شي حاجة نمشي نجيبهالك
هند: لا لا (باينة فيها تالفة) انا رجع حيت خاصني باش نمشيو
محمد: فينها أمال
هند: فالدار
محمد: (مفهمش ردة فعلها حرك راسو باه هي ماشية وعارفااه تابعها بغات غير تعرف فين مشات هادي على صباح طلعت والمشكل تابعها حتى وصلت للدار مابغاتش تعيق دخلت وهو بقا كيدق برا شافت فيها نعيمة وحركت راسها بمعنى ملقيتهاش.. خرجت عندو)خالتي نعيمة كلميلي أمال
نعيمة: اولدي ختك راه خافت منك معرفت فين زادت هاد صباح سير ݣلب عليها قبل متلفنا (خرج عينو وتم هابط بجرا) رخفو عليها شوية غتقتلووها غير بالخلعة.. (دخلت) لا حولة ولا قوة الا بالله العلي العظيم
هند: علاش اخالتي قلتيهالو
نعيمة: والا مشا تكرفس عليها شي حد ابنتي ذيااب برا مكيرحمووش
هند: بفففف مغيخليهاش تمشي ومعنديش حتى لوقت باش نبقى هنا
نعيمة: نتي سيري وحتى وتبقاي معندك مديري ابنتي انا غنحاول مع خوها كيفما كان الحال محمد كيسمع مني.. (شافت هند كتبكي) سيري ابنتي مضيعيش مستقبلك….
زهير: (كيتسنى يطلعوه لفوق ولكن مزال مجات نوبتو.. ندم على تسرعو عاد بقى كيبرد ولكن فهاد اللحظة يحطو أنوار حداه يݣلعلو رݣبتو من ݣسيدتو…)
….: شي شعييلة الاخر
زهير: (مد لباكية محلولة ولاخر هز وحدة.. زهير حتى هو هز وحدة دارها فمو كيتسنى شي حد يعيطلو راسو ضرو ميمكنش يبقى هكاك بلا ميعرف بمصيرو… شوية بان وليد وقف ومشا حداه)
وليد: كبقيت
زهير: بحال شي عريس
وليد: (تبسم بلا خاطر) مكانش عليك تخرج اصااحبي! شماتة خارج فرحان ونتا جالس هنا
زهير: (زاد غوبش) وليد!! سمو ݣالت ديك المحامية
وليد: بلاتي غتجي باش دخل معاك التحقيق راني ديت لوراق حتى الترخيص دلفردي عندها
زهير: فيها حبس بزاف؟؟
وليد: (زفر) مهم سمو خاصك
زهير: مشيت عند مّا؟؟
وليد: راها مزيان وعاد جيت دابا من عندها باش مشيت جبت شي حاجة من دارك مهم بلاتي هضر معاها ونت..
زهير: وامل؟
وليد: غتكون ݣالتهالها هند
زهير: (بعصبية) ياك ݣلتلك اصااحبي متݣوولها لحد
وليد: توصلها توصلها وزايدون خاصها تعرف لبنت لبارح كنتي غتهطبها وممشيتش سمو غتݣووول منين ممشيتي معيطتي
زهير: تݣول للي تݣول فاش غنخرج ونمشي عندها غتفهم ماشي تݣولها دابا بفففف مكتسمعش أوليد والا وصلات حتى لما والا هي ݣالتها لخوتها
وليد: مغيوقع والو من هادشي
زهير: (بعصبية) واه واه (شاف فيه) متݣول والو للي فالمحال خلي السمعة مزيانة
وليد: واش نتا مريض عاد كتوصي؟؟
زهير: واه أوليد نوصيك حيت هادشي مبغيتوش يوصل لأمال ونتا طاير تݣولهالها باش محمد يلݣى السبة باش يشدها تماك
وليد: دابا نتا تهدن وعرف سمو كتݣول فالتحقيق متزيدش تعصب (خرج حيت كان خاصو يخرج….)
~~~~~~~~~~~~~
محمد: (مع خرج بالطموبيل كيقلب على ختو دغيا لقاتها ماشية كتزرب ببيجامتها وجانية الراس… هبط بكل عصبية جرها من ذراعها وهي كتبكي وحيت اصلا كتخاف من الشوهة طلعت معاه) فين *** كنتي تفكري باش خارجة هاااك
أمال: عفاااك هءء خليني نرجع لوجدة
محمد: باش ترجعي عند هداك للي مكلفش راسو يݣول نعيط
أمال: بغيت نكمل قراايتي امحمد هءءء عفاك نكمل هاد العاام
محمد: والله لا رجعتي لتماااك مزيان تبارك الله خارجة بحال ما علييك حكاام
أمال: (كتبكي) كنت عارفاك مغتخلينيش رجع
محمد: مزيان منين عرفتها ودابا غطلعي للدار لدااارنا ماشي عند عمي
أمال: عفاك خليني نمشي مع هند امحمد متكونش حتى نتا خاايب معايا
محمد: طلعي للدار (خرج من الطموبيل خرجها جارها من ذراعها وهي كترغبو شافت هند هابطة)
أمال: هند هننند (بحال شي بنت صغيرة كتستنجدها باش تجي تفكها هند قرباتلها)
هند: محمد خليها تمشي نتا شفتي كولشي بعينيك
محمد: هند دابا معندها رجعو من بعد ورجعها غير سيري نتي
هند: حشومة علييك (كولشي خرج كيتفرج)
محمد: صافي اختي يامات وانا غنجيبها (هند معندها مدير اما تجلس معاها ولكن مستقبلها ميمكنش 3 سنين دلقرايا ضيع نهار سوتنونص حتى أمال بقات كتبكي عنقات هند)
أمال: سيري اختي نتي بعدا مضيعيش راسك كما هادو ضيعوني وخرجو علية (نترت يدها من محمد وطلعت للدار تبعها وهند هبطت ودموعها فعينيها واخا ماشي بيدها حسات براسها تخلات عليها وصلها ادم للمحطة الطرقية كان لكار خارج ركبت وزاادت وقلبها كيتقطع على أمال…)
وليد: (خرج من عند زهير نيشان للمحال يكمل الخدمة حتى صونات هند كتبكي شنو وقع) صافي احبيبة انا غنجييبها
هند: تفووو كرهت راسي هء هء والله حتى بقاات فية
وليد: صافي متقلقيش دابا فوكاش توصلي
هند: شي ساعة
وليد: انا نجي عندك للمحطة
هند: واخا شنو دار زهير حقا
وليد: اودي مهم كاين الضو
هند: على مولانا ميستاهلش مسكين… (قطعت معاه حيت باين مشغول صونات على أمال مكتجاوبش اصلا تيليفونها بقا تحت وسادتها فبيت وليد.. وصل الكار مع الدخلة كتصوني على وليد مكيجاوبش)
هند: بفففف غيكون مشا للكوميسارية (مولاتش صونات… وصلات نزلات من لكار مكانش عندها شي تقل من غير صاك صغير فيه بيجامتها شدات تاكسي صغيير يديها للدار وهي دوز طموبيل حمرا تبعاتها وكفاش متعرفش طموبيلتها ولمشكل الزعرة للي كانت معاه.. خرجت عينها مجات تݣول التاكسي يدوور حتى حصلو فالرومبوان وزحاام..)
وليد: ماشي مشكل الكفاالة مهم ميبقاش محبووس
….: لا ان شاء الله ميتحبسش اصلا الحمد الله مكانش ضحايا
وليد: غير ستر الله
….: باين صاحبك دمو حامي
وليد: وي
….: غير من الأحسن حتى واحد ميعرف شنو وقعلو باش متضررش سمعتو بين المجالات أكترية كولشي كيهضر على المحال ديالو
وليد: لا لا ان شاء الله حتى حد ميعرف (رتاح مبدئيا بهاد الخبر وهي تجيه هند لبال شاف فالساعة وهز تيليفونو لقى ابييل من عندها) بففففف (دوز نمرتها مجاوبااتش) مشكلة عااود (دوزها مرة أخرى قطعات عليه)
…: شي مشكل اخر
وليد: (غوبش) لا لا (وصلو للكوميسارية مكانش كيدير يرجع حيت دابا زهير غيطلع وخاص ضرووري يوصل المحامية لعندو دخلو كيتسناو حتى طلعو زهير….)
~~~~~~~~~~~~~
أمال: (دخلت للدار فينما بانلها شي فاز حدا يدها شخشخااتو) مبغيتونيش نقرا هااااه (زادت كتهرس بكل عصبية)
فتيحة: ويلي على بنت لحرااام (جات ماشية وهو يسبق محمد مشا موقف مو) خليني على لكلبة (مشاتلها لفيترينة) ويييلي ويلي مشاتلي للفيتريينة الله يعطيك الهرس
أمال: هادو للي كنتي تخليني كل شهر نغسلهم بجافيل ها هوما (كتهرس فنجال بفنجال)
محمد: اهدااي اديك لبنت
مريم: (معرفت ظحك ولا تسكت ولا شنو دير)
أمال: ااااه هاد الطبسيل کاع مشتو منين هرست لوخرين اجي لوالديك هنا
فتيحة: والله يابنت لكلاب والله (كتنتر من محمد) وطلݣنيييي (بحال ملامح نعيمة لبدوية)
نعيمة: (هبطت كتجري لقات أمال كتشخشخ لماااعن) أماال ابنتي ماالك؟؟
فتيحة: اويييييلي على نيعناتي طلݣني امحمد نعيييمة سيري جريها اختي من حلفتها
أمال: (كتشوف فيه وهي شادااه كان كاس دلكريستال) هدا حياتي كاملة كنت نتشهى نشرب فيه غير لمولادا غير لمولادا ها هوو دابا (تشاااخ مع الأرض هنا فتيحة تحولت تنترت من محمد قبل متوصل مع أمال خفيفة جرية وحدة فوق طلامط برجليها) بعديني بعديني
محمد: (مشا جر أمال ودفعها لبيتو وضار عند مو مخرج عينو) صااافي
فتيحة: والله حتى نذبحها
محمد: قيسيها نهزها ونطجو من هنا (دخل لبيتو لقاها وااقفة تمااك) لاش هاد لهبال على صباح
أمال: بعدوووووو منيييي
محمد: انا نرجع لوالدييك (خرج من تماك مطرق لباب بالساروت) مريم الله يحفظك دخليلها تفطر
مريم: هي اللولة نيت كنت دايرة ملوي بالشحمة للي كتبغي
فتيحة: (قربت تسخف….)
محمد: (شاف فمو) عاود شوهوونا بلغوات انا غير لتحت (هبط معصب وفتيحة ضارت تشوف فالمتحف التاريخي ديالها للي تهرس ݣدام عينيها شدااتها السخفة من رموش عينيها….)
وليد: زهير متهضرش خليها هي تهضر
زهير: (شاف فيها وحرك راسو زعما السلام)
صوفيا: سلام سي زهير (مدت يدها)
زهير: (هز يدو زعما مكنسلمش) سلام
صوفيا: (دغيا كمشت يدها وعنقت الملف) نتمنى تكون بيخير
زهير: الحمد الله (شاف فوليد) جات أمال
وليد: لا جات غير هند
زهير: (حدو حك سنانو مع بعضياتهم.. دخلووهم كما العادة اسئلة متعاودة علاش كنتي تماك والمحامية كتجاوب حطاتلهم الرخيصة ديال سلاح قراوها انا حتى الجنسية معندها باش تنفعو حيت للي كيطبق على المغربي غيطبق على الأجنبي.. ومنين بان التصريح مبقاش تهمة حيازة سلاح دون رخصة بقات المحامية كدافع وان زهير معندووش سي سواابق زيد مكاين حتى شي ضحايا وانه كان فحاالة للي خلاتو يدير داك التصرف العشوائي… كملو التحقيق وخرجووه)
وليد: (حيد التيليفون من ودنو وقطع على مو) امدرا غتخرج
صوفيا: لا ميمكنش يخرج دابا خاص ضروري يكمل التحقيق ولكن متخافوش (شافت فزهير) غتخرج
زهير: (حرك راسو باه وشاف فوليد) عطيني تيليفونك (رغب وليد داك لبوليسي صونا على أمال تيليفونها مطفي وهنا وليد حط شي فلوس فجيب زهير بتخبية ياله بغا يصوني لمحمد ولبوليسي خطف التيليفون حيت كان داخل الشاف لكبير) هضر مع داك ولد عمك أوليد (شاف فلبوليسي) 100 درهم يعطيهالك صاحبي وعطيني 5 دقايق (لاخر شاف فيه زعما فين لفلوس) هز من جيبي (وصلو هاد المرة لغرفة انفرادية فيها باياص ديال لحديد فوقو ملاية راشية بلا الروائح مهتمش دخل وهو دار يدو فجيبو جبد فلوس هز منهم 100 درهم) 10 دقايق
… عاد کلتي 5 دقايق
زهير: تعامل مع خوك الظابط
….: وااخا ولكن الا عرفت الشاف غيهبط غنخطف ليك التيليفون
زهير: مشات (مد لفلوس ولاخر مدلو التيليفون شاعل صونا على نمرة ديال أمال طافي مسح النمرة ورجع طابا النمرة ديال مو للي جاوباات) مّا
الحاجة: (كانت كتسناه) اوليدي مال تيليفونك طافي
زهير: لا راه شاعل بيه هضرت معاك هادي النمرة التانية
الحاجة: واش لباس ازهير؟؟؟
زهير: (دور عينو فداك الحبس) بييييخير غير بغيت نعلمك راه غنمشي لبلجييكا
الحاجة: على انوار؟
زهير: (غزز سنانو) علاه مال أنوار؟
الحاجة: حتى تجي اوليدي ݣولي فوكاش تجي؟؟
زهير: مزال امّا مطول شوية منين نوصل لبلجيكا نصوني عليك حيت نماري المغرب مغيبقاوش خدامين ووليد راه حاضي المحال
الحاجة: الله يرضي عليه مسكين كيوصلني جوج دلمرات يسول فية
زهير: الخير امّا تلݣاااه غير فلبراني (زفر) جاو خوتاتي عندك
الحاجة: واه شي عطلة وجاو يدوزو شي سيمانة
زهير: مزيان بحرا يونسووك
الحاجة: ونتا اوليدي فوكاش تجي
زهير: مزال امّا للي خصااتك ݣوليها لوليد يجيبها لعندك
الحاجة: ونتا؟
زهير: (بقات فيه) انا ݣلتلك غنمشي نجيب شي سلعة راه بدا سطوك يخوا والناس كيطلبو
الحاجة: (تنهدت) وأمال اولدي؟؟
زهير: (بفقسة) بقات مع دارهم شوية دابا تجي لوجدة
الحاجة: حتى هي تيليفونها طافي واش قلقتيها اوليدي
زهير: لا (معرف ميقولوا وداك لبوليسي هبط بلعصى بشوية على حديد لباب) مهم أمّا أنا شوية ونركب فالطياارة غدا ونهضر معاك
الحاجة: واخا اوليدي الله يديك على خيير
زهير: امين.. اميييين
الحاجة: راه أنوار مشا لفرنسا (مقدتش تصبر ومتعاودلووش) وكولشي راه حالتو حتى من خووك بغا يطيح بالسكر غير عتقوه وجابولو طبيب
زهير: (سبب من علاش مبغاش توصل لخوه) مّا حتى نولي نعيطلك
الحاجة: الا صلاحلك اولدي سير عندو راه مشا لفرنسا وديرلو عقلو
زهير: اممم ياله امّا الله يعاون
الحاجة: الله يرضي عليك اولدي
زهير: امين (قطع مسح النمرة ومدو للبوليسي) فوكاش تعاود تكون هنا
….: انا غير نكون نجي عندك
زهير: لعز.. (مشا داك لبوليسي وزهير بقا كيفكر فكلام مو منين ݣالتلو ديرلو العقل هو وكان شاافو عقلو يفرتكوولو.. كيبقى تماك غير كيخرق دمااغو يتحلف فأنوار فمحمد للي غيكون مبزز على أمال مترجعش لوجدة… )
هند: (مكتشووفش قداامها ميمكنش دييلو اعذاار وتݣول غير موصلها اصلا لاش يوصل شي وحدة واش هي كانت كتسناه وهو مجاش وفالتالي تلقاه مع شي وحدة… شعلت داك لبيسي كتخدم ولكن لعقل وااالو… مقدرتش تجاوبو حيت معصبة حتى سمعت الدقان للحظة شكت تكون أمال جابها محمد ناضت) شكون
وليد: حلي اهند
هند: (غوبشت) لا
وليد: كفاش لا راه كنت فلكوميسارية داكشي باش مسمعتوش
هند: سير اوليد فحالك
وليد: (هز حاحبو) هند الله يهديك راه كانت باغي نجي وجات مع لوقيتة للي طلعو فيها زهير للتحقيق
هند: (حلت لباب وخنزرت) يااك وديك خيتنا لي كانت فطموبيلتي شكون؟؟
وليد: المحامية؟؟؟
هند: مبقاش محامي؟
وليد: راه بالصح مشيت جبت محامية من لمكتب ديالها وديتها
هند: ههه قالولك كنرضع صبعي
وليد: (غوبش) واش ممتيقانيش؟؟؟؟
هند: لا ممتيقاكش اسي وليد حيت وكان كنت كنهمك غتجاوب فالتيلفون ولا حيت كانت معاك ديك لمونيكا
وليد: سمعي اهند
هند: منسمعش! عفااك عندي سوتنوونص خاصني نوجدلو هاد لخبيرات ديالك عاودهم رااسك
وليد: (صدمااتو بردة فعلها)
هند: اخر مرة تعاود تركب شي ميكروب فطموبيلتي
وليد: (جبد سوارت طموبيلتها اصلا كان جايبهم ليها باش منين تحتاج شي حاجة تجيبها حيت أغلبية وقت رجع عاامر ولكن الطريقة) هاكي
هند: انا مقلتلكش عطيهملي
وليد: شدي اهند
هند: (حست براسها قوت فالهضرة) متخلطش الأمور أوليد
وليد: (مد يدو للبلاكار للي كيحطو فيه صبابط وولي كيكون حدا لباب حطهم تماك بهدوء) اولا هاديك محامية معرفت واش سمعتي مني غيكون محامي تانيا كنت باغي نجيبلك سوارتك باش تحتاجي شي حاجة وقتي رجع عامر بين محال زهير وبيه هو نيت ومو حتى من لمحال للي كنت غنحل سديتو
هند: (كتبغي تهضر هو مكيسكتش كيكمل هضرتو)
وليد: سورات طموبيلتك راه عندك الله يعاون (هبط من تماك هند معرفت واش تبعو ولا شنو ندمت لاش تسرعات ولكن هي تعمات منين شافت هاديك معاه تعيا تكون هادئة ولكن مشدتش راسها راه كانت غتكون ردة فعلها أسوء واشرس.. سدت الباب معصبة عارفااه مضغووط مكانش عندها غراض فالطموبيل دخلت ورجعت لبيسي مقتانعة هاديك راها محامية ولكن مكانش خاصها تركب معاه تجي فتاكسي ولا على رجليها متركبش حدا وليد.. أنا هو خرج موطور ديالو نيشان رجع للمحال….)
~~~~~~~~~~~
أشرف: (كان خداام مع شي كليان غير مشاو جابلو الدري للي معاه سندويتش بقا كياكل وكيخرب فالتيليفون ديالو دخل لدوسي كان دايرلو كود بوحدو طلعو تصاور لبنات ومنهم شيماء معرف واش يمسح زمر عليه ولا شنو غير كيشوف خووها كينسى شنو كان باغي يدير معاها ولا الشونطاااج خووها درويش ورجوولة ميستاهلش ديك الشيطانة صونات نمرة ديال فرنسا فتيليفونو اوطوماتيك عرفو أنوار جاوب)
أنوار: فييين
أشرف: زعما داير فيها وااعر تفوو الله ******* الا كانت الرحلة بالشفرة يا ****** ولكن مغدوووزش بيخير ااااصااحبي (قطع عليه لاخر معرف باش تبلا بقا مصدووم واش صافي وصلات لكولشي راه شفر جات دعاء معنقاه مصطانع الابتسامة… أما لاخر مع تغدا مع المحال عمر وناض يكمل خدمتوووو)
أمال: (كانت فبيت خوها جالسة ومعدتها واجعاها كتسمع ففتيحة كتحلف فيها وكتخبط لباب باش تحلها لباب تقتلها..) والله ونخرج حتى نكمل على الدار بعدي مني
فتيحة: حلي حلييييي (جراتها نعيمة)
نعيمة: سكتي دابا يطلعو هنا دراري
فتيحة: يطلعو بيا ولا بيها مريم مرييييييييييييييييم
مريم: (جات كتجري) نعام اخالتي
فتيحة: حلي دلباب
مريم: ها (دورت عينها) معنديش الساروت
فتيحة: غتحلي ولا والله يا مك حتى نبدا بيك نتي اللولة
أمال: (من مور لباب) وبعدي من لبنت غير يانا خرجتي علية باغا ديريها حتى مع بنت ختك
فتيحة: (كتخبط فلباب) حليييييييي
أمال: (مشات جلسات فوق الناموسية كتفكر فزهير.. تنهدت بقا فيها بزاف وبقا فيها حتى راسها هند قالها وليد عندو القضية صعييبة يعني فيها الحبس دعات معاه من كل قلبها يفرج عليه الله أما هي للي فبالها غديرو كان زهير غيكون احسن مكافئة على صبرها ولكن تجري الرياح بما لا تشتهي السفن…. فتيحة بالسيف حيدوها من تماك طلع محمد يتغدا ونعيمة طلعت للدار تحط لغدا حيت حتى سناء مكينااش مشات تشوف مها…)
محمد: مريم دخلتي ليها شي حاجة تاكلها
مريم: ممممكانش عندي الساروت
محمد: اممم سيري وجدي شي حاجة (دخل لبيتو لقاها جالسة ساهية غير شافتو قلبت وجهها) اش داكشي درتي صباح
أمال: خليني نمشي امحمد
محمد: الامتحان منين توصل وقيتة غنديك دوزييه
أمال: (بترجي) عفاك خليني نمشي عند هند والله مكندير شي حاجة خايبة..انا والله محاملة ككنتي ݣلتيلي
محمد: سكتيييييي
أمال: خليني نمشي عفااك مبغيتش نسمح فالمعهد عفااك
محمد: ما حد داك زهير فديك لمدينة معندك مشيان
أمال: (بانفعال) علاش
محمد: (خرج عينو) وعاد كتخرجي عينيك لبارح مكانش داير يجي يخطبك لاش مجاااش
أمال: انا مبغيتوش يجي ݣلتلو حيت الربعين حشوومة
محمد: ههه ظحكي على راسك
أمال: عفاك امحمد خليني نرجع نقرا
محمد: نتي ما بيكش لقراية
أمال: (عصبها لدرجة راسها غيتفرݣع) نتا للي دماغك موووسخ وديما ناويها فية عوجة (مجات تكملها حتى عوجها بطرشة حتى فقدت توازنها وشدت فالحيط شدت فحنكها) هادشي فاش حادݣين غير فالضرب
محمد: (شاد راسو ميضربهاش) مرة جاية غنݣطع لمك داك لسان (دخلت مريم ببلاطو) حطيه للكلبة (مشا حدا لباب مريم شافت أمال هكاك حطاتو فوق الطبلة ومشات خرجات سد عليها محمد لباب ومشاو يتغداو أما هي تفكيرها غير فزهييير وكان كان مكانش خوها يعاود يضربها… بقات هكاك مقاداش تاكل اصلا معندها ݣانة للماكلة…)
~~~~~~~~~~~~
دازت يوماين هند واقفة قدام لمرايا لابسة شوميز بيض وڨيست فاكحل كلاص جاية مسانترية معاها وسروال لاطوال لاصق مع طالون دارت اخر اللمسات فلميكاب وحتى شعرها دارت مشيطة سامبل فشعرها… هزت بيسي ديالها وتفكيرها وكان غير كانت أمال معاها حتى من وليد من داك نهار مصوناش مسولش فيها وحتى هي كرامتها مقدرتش تهضر معاه… خرجت من لباب نيشان لتحت وعينيها على باب وليد هاد الوقت مكيكونش فالدار أغلبيية فالمحال خرجت وقلبها ضااارها هاد نهار كانت كظن غيكون كولشي معاها سااعة ها هي بوحدها كما كانت.. ركب فطموبيلتها ومشات لقاعة الاجتماعات للي كراو… وصلات خرجت هازة لبيسي والطابلية ديالها دخلت باش تقلد امورنا وهي متحسرة على وحدانيتها….
أمال: (راسها ضارها كتنعس على الارض واخا حداها الناموسية ديال خوها هزت راسها مشات بغات تحل لباب كان مسدود تزيرت لغات دخل لطواليط كاين غير سقير بقات كتشطح بييها والو تزيرات محست غير نزلات ليها واخا كانت شداها نزلات بحريق ديال نبوولة تصدمت واش بالصح بالت على راسها هنا جاتها حݣرة خاايبة جلست فالارض كتبكي مخنووقة عاد تفكرت كاين الدوش فبيتو كتحس بلفزاݣ ولكن مهمهاش بقات فديك الحالة حتى حلات مريم لبيت عليها ولقاتها جالسة)
مريم: أمال منعستيش عاود علاش جالسة هنا
أمال: (شافت فيها بعينين ذابلين) بغيت نمشي من هنا امريم
مريم: والله خوك ندم بزااف على سمو دارلك
أمال: (عضت على شنافتها شادة لبكية) خلي سوارتك بحال نسيتيهم نهرب ومتجي فين تفيقو حتى نكون مشيت
محمد: (هنا دخل محمد) هانتي هربتي (تقابل معاها) فين تمشي؟؟ لوجدة؟؟
أمال: (حركت رأسها باه) واه بغيت نرجع نقرا
محمد: للي سمعك تݣولي تقراي بحال راك جيتي نتي اللولة
أمال: الا خليتني نمشي غنجي انا اللولة
محمد: مريم سيري وجديلي فطوري
مريم: (كتستغرب من الريحة للي كتشم) واخ
أمال: (وقفت) عفاك خليني نمشي بقا تحضيني دير كاميرا ݣاع غير خليني نرجع (كتبكي) راه مكنحملش هاد الدار قتلني ومنبقااش هنا
محمد: تعودي هادي راه داركم حتى يسهل الله فولد الناس من غير هداك للي عمرلك راسك ورجعتي ممربيااش بحال هاكا لوكان كان راجل كون جا خطبك
أمال: (بعصبية) هو رااجل وورااجل مزيان ودير فية للي بغيت (ياله هز يدو جات تهرب زلقت فبولها جات على راسها كتبكي) خليني نمشي هءءء (محمد غير مغووبش كيشوف عمرو فكر يتحط فموقف ختو دافع على واحد وبكل جرأة هز جاكيطتو حيت كينعسو هو وأمال فبيتها وهاد لمرة مسدش لباب فرحت حسابلها خلاها تخرج مشات كطل لقاتو جالس كيفطر ومريم حداه ومع الضو مشعول بيجامتها الحمرا بان فيها لفزااݣ)
مريم: تزلع عليك لما؟؟؟
أمال: (شافت فراسها) كنت بغيت ندخل لبيت لما
محمد: (بعصبية) راه الدوش تما
مريم: متسدش عليها کاع لباب (ضار خنزر فيها سرطت ريقها من ديما منبه عليها مدخلش فهاد الامور غير الا كانو بجووج) اجي نعطيك بيجامة
أمال: (حاضية غير واش يعاود يسد لباب.. شافت فمريم) حشاك اختي والله متفكرت الدوش حتى طلقتها اصلا ضربني لبرد
مريم: اويييلي عليك راه كتوقع
أمال: عطيني نجفف ديك لبلاصة (سمعو باب برا تردخ) جلااااا (ضارت عند مريم) عطيني جفاف (مريم كانت بغات تجفف ولكن مخلاتهاش أمال دوزت بجافيل وسانيكروا على لبيت كامل وعينيها على لباب ياله مشات تحل لباب)
علي: اديييك لبغلة شكون حلك لباب وااااا مي
مريم: (خرجت من لكوزينة) راه محمد للي فتح ليها لباب
أمال: بغيت نطلع عند خالتي نعيمة (هنا خرجت فتيحة من بيتها عقداااهم)
فتيحة: خرجتي اوا بيا ولا بييك (أمال طارت شدت فلمرايا للي على برا.. حتى طرطقت عينها) والله تم والله وتقيسيها
أمال: (بخوف) تقيسيني نشخشخها
علي: (مشا هااجم عليها وهي جبدت لمرايا واخا تقيلة وهزاها غير بالسيف كشفة.. معندو غرااض فلمرايا باغي غير يوصل ليها) وليتي عندنا بوعو فالدار
فتيحة: علييييييي بعد ديك لفضيييحة
أمال: (بخوف حيت كيضربوها ضرب ديال تنعس بيه تفتح لباب كان محمد شافها فداك المنظر وكولشي باين تكره وهو كيزفر)
محمد: وااقلة هضرتي فهاد الدار زائدة ناقصة
أمال: انا بغيتكم غير تبعدوني ولا قتلوني
محمد: غتسكتي ولا نصمك مك.. (شاف فيهم) هاد لباب لي دخل وللي خرج يسدو أمال غترجعي لبيتك وتحركي فالدار (شاف فمو) للي هرساتولك غنشريهلك غير مضربيهاش..(شاف فعلي) ونتا فطر وتبعيني ديرها معيشاش معاك (بقات هازة لمرايا حتى تفرق كولشي وفعلا محمد وعلي خرجو وسورتو لباب من بعد مهزو سوارت التانيين بقا الدوبل غير مع فتيحة تقلات عليها ديك لمرايا وهي كضور عينيها حطاتها بشوية على ميردوها ودخلت لقات فتيحة جالسة هي ومريم كيفطرو دخلت للكوزينة لقات مسمن أتاي كلااااات حيت حسات خاصها تاكل سوا بشهية ولا بلا بييها……)
هند: (عوجت فمها وهي كتشوف صاحبتها كتقاد لبوفي ولكراسا للي حاطة فيه عائلتها كاملة شافت فلكرسا 7 ما فيهم حد حتى لبوفي كانت موجداه عصير وصواريه وشي حليوات مشات جلست فكرسي حيت صاحبتها بدات فالسوتنونص ديالها.. وهند كتشوف تفكيرها فجوج دالناس وليد للي حست براسها مقلقة منو بزاااف ومن أمال للي بقات فيها كتر من راسها حاليا… صفقات دايرة صواب وهي تشدها خلعة خفيفة ناضت هازة لبيسي ديالها برونشااتو من ديك لعيبة للي كتعطي صورة كبيرة الحجم فالحيط كانو الأساتذة جالسين كيتسناو الطالبة المتفوقة تطفا الضو والضجيج وقف بدات كتهضر وتشير بيديها وتشرح بطريقة زويينة ولكن كولشي بالفرنسية ݣاع للي وجداتو بيناتو قالت الكلمة التالية وبفاو كيصفقو عليها تشعل الضو وهي تقشع بين دوك لكراسا وليد جالس كيصفق ولكن مظاحكش تبسمت مهم جااا مشات كتسلم على الأساتذة وكتعرضهم على لبوفي وقف وليد ومشا عندها هاز لكاسك ديالو وقف حداها بصوت خافت)
وليد: ماشي بالضرورة تسلمي على رجال بيديك
هند: (شافت فيه فرحانة) فوقاش جيتي
وليد: منين بديتي كنت هنا
هند: اه زعما ݣاع هادي صدفة
وليد: مصدفاش منين خرجتي من الدار وانا تابعك مبغيت ندخل حتى يجي دورك (تعابير جامدة زعما راه مقلق)
هند: اممم (فرحانة)
وليد: (حك حدا نيفو) مبغيتش تبان باش متلفيش وانا كاين
هند: هههه اجي تشرب عصير
وليد: بلاش عطتيهلي داك نهار
هند: وصافي أوليد راه انا للي خاص نتقلق منك ماشي نتاا (وقف بروف ديالها كان صغير فابأربعينات كيهضر مع هند فالبحث ديالها ووليد كيشوف ككيشوف فيها ويتبسم مبغاش يدخل راه قرايتها هادي هو جاي يحضر معاها ماشي يدابز حتى مد يدو منين بغا يسلم على هند.. تبسم وهو مخسر وهضر بلفرونسي) راجلها
….: اه مبروووك (شاف فهند زعما مݣلتيليش)
هند: الله يبارك فيك (لاخر مشا وكتشوف فوليد للي متبع لاخر) شفتي حتى انا محملتكش تركب معاك ديك لمونيكة
وليد: (ضار عندها) ياك بخوشتك عندك ركبي فيها للي بغيتي
هند: تأ غضبة ديالك خايبة
وليد: (شاف مطولا فيها حنا لسروالها شككها فيه بحال موسخ حتى كانت غتشوف ورجع شاف جهة صدرها حنات كان الديباردور باين دغيا سدات صداافة)
هند: اممم غير تحلت
وليد: (شاف فشنايفها ومرة فعينيها وتم غادي وهي متبعااه حتى غبر وترها هزت تيليفونها وشافت فلكاميرا كانت معكرة موڤ ماط… هو خرج ركب فموطوورو ونيشان للمحال…)
هند: (جاو عندها شي بنات كتعرفهم باركو ليها ضيفااتهم كملت مع الأساتذة وجمعت داكشي داتو لطموبيلتها ونيشان للدار نوااها فحوايجها وأكترية شوفاااتو صونات على مريم وهاد لمرة جاوبات امال) أماال؟؟
أمال: توحشتك بزاف اهند حبسوني هنا ݣوليلي شنو درتي فقرايتك
هند: (بتنهيدة) والله مكرهتكش وكان كنتي معايا اختي
أمال: حتى انا هوما للي مخلاونيش
مريم: (مشات للكوزينة خلاتهم يهضرو على خاطرهم….)
وليد: (مشا كيخدم مع دراري وتفكيرو غير فهند شنو كانت لابسة وكفاش ماكية وجهها وشعرها وكفاش شاف فيها داك لبرووف حتى كيبغي يمشي عندها للدار وكيهداااا وفنفس الوقت تفكر كفاش هضرات وقدمت السوتنونص ديالها ولي بروف للي تماك عجبااااتو…. بقا ملهي مع الخدمة زهير ميمكنش يشوفوو حيت شافو فصباح كمل مع 8 بداو كيجمعو الدنيا غدا الجمعة مغيخدمش مكملو حتى ل9 ككمل وهو مسخسخ هز ساشي وركب فموطوورو نيشان للدار.. دخل دوش كان صلا ونيشان صلاتو فالخدمة عطر راسو وطلع لدار هند دق بالزربة حلات حيت كانت دايزة حداااه) علاه حالة لباب دغيا
هند: ههه حيت دقيت
وليد: ݣولي شكون بعدا
هند: ولييد اصلا حتى واحد متيدق علية من غيرك
وليد: اممم (مد ليها ساشي) واخاااا
هند: (تبسمت وشدات عليه) مزالة تنقولها راه انا للي خاصني نتقلق ماشي نتا
وليد: (قوس عينو فيها)
هند: قولي شنو دار زهير امال مسكينة حبسها محمد وزايد حابسها فالدار
وليد: وايلي؟؟
هند: وشنو تتسنى من محمد بففف مرضني محملتوش داك نهار باينة غيكون ضربها حيت هربت
وليد: هربت؟؟
هند: اه كنت بغيت نعاود ليك ولكن منين شتك مع ديك لمونيكة..
وليد: هاديك راها محامية
هند: محامية على راسها بغات تخدم تشد تاكسي وتلحق بيك ماشي ضروري تكون جنتل مان مع كولشي براكة غير معايا…
وليد: (جابتلو الظحك ولكن وجهو بقا بارد) كفاش هربت أمال وعلاش
هند: سول داك لحمق دولد عمك لاش حابسها غير للي يكلاري بيه
وليد: تكللماي ابنتي
هند: لا حيت مشفتيهاش كفاش كطلب وترغب ولا حيت زهير تشد دار فيها ما بغا
وليد: متغوتيش… ()زفر انا مصالحليش حتى كندير نمشي نجيبها والله مكيوصل الليل حتى كندووخ
هند: دخل نهضرو
وليد: لا
هند: راه غنخليو لباب محلول
وليد: واااݣتلك لا (شافها صاطت) اجي نجمعو ورااقنا نديرو لاكط على متجي حناك
هند: (شافت فيه) يعني متخطبنيش؟
وليد: وراه خطبتك من عند حناك داك نهار
هند: لا مكفياش خاص تجيب عائلتك
وليد: اممم نخطبووك وعلاش منخطبوكش ولكن اجي نسبقو لاكط
هند: ههه واش حمق
وليد: واخا هند مرة خرا متلومينيييش (جاي هابط وتبعاتو)
هند: كفاش منلومكش
وليد: (خرج عينو) واا سيري دخلي واش مراكيش تشوفي باش راكي خارجة؟؟
هند: (مع عطاتو بظهر شاف للي كان هارب منو وحتى هو عينيه كيهربو ديما تمااك ومع سبور وعانية براسها كانت عندها مقادة وواقفة ضارت منين دخلت لقاتو شبه حال فمو وعينيه نايمين) انا دخلت
وليد: (شتت انتباهو ) حسن… (سدت لباب كظحك اما هو ندم علاش ݣاع طلع… فتحت هي الساشية كان صاك ديال الجلد زوين مع شال صغير ديال العنق من الحرير عجبها بزااف…)
~~~~~~~~~~~~~~
محمد: (هز لمريم التيليفون كيحيح) تعاودي تعطيها شي تيليفون نقتل مك
أمال: هي مداارت واالو انا للي طلبتها نهضر مع صاحبتي
محمد: (شاف فامال) متشوفينيش مكنضربكش صافي راك ربحتي
أمال: هضرت غير مع هند
محمد: ها ودني منك والله يا مك حتى نحرك
أمال: (هزت كتفها بلامبلاة بشوية قالتها) نحر
مريم: (وقفت فالنص منين بغا يضربها) صافي منعاودش نعطيها التيليفون
محمد: اصلا مغنخليهلكش لا نتي لا هي (شاف فامال) هاري داك التيليفون بعدا
أمال: معرفت فينو
محمد: غتجيبيه ولا نتفاهم مع ولديك الكلبة
أمال: راه بالصح معرفتش فين راه ولا علاش كنطلب من مريم نهضر من تيليفونها..
محمد: اممم واخا نساااي صاحبتك هند ونساي ديك وجدة
أمال: علاش حشووومة عليك والله
محمد: دابا هضرت بفمي
أمال: ياك ݣلتيلي غتديني ندوز الامتحان
محمد: لا (خرج مخليها كطلبو وترغبو سورت لباب وطلع نيشان لسطح مكيجاوبش وليد للي كيصوني عليه… مع دخل وجلس فبلاصتو شاعل لݣارو سمع الحس عرفها هي ضار عندها كانت لابسة بينوار ستان حيت الجو بدا كيسخن وباينة لتحت ملبساش بزااف وحتى من الشال شدات فيديها وطالقة شعرها طلعها وهبطها بشوية وهو كيكمي)
شيماء: شنو مقلقك هاد نهار عاود امال؟ ولا ديك مرتك؟؟
محمد: علاش كطلعي عريانة عندي هاك؟؟
شيماء: (بهدوء ومتبسمة) حيت نتا محمد ماشي شي واحد للي غريب علية
محمد: (هز حواجبو بجوج) اممم ماشي زعما حيت خونا سلت وجايا تلسقي فحميدة
شيماء: (بقات محافظة على الهدوء) علاش مفخباركش انا سلت يدي منو من شحال هادي
محمد: ههه بأماارة منين کال لخوك الا ختك ݣدت تبعد اجي دير فية ما بغييت
شيماء: دوماج مبقاش عندي التيليفون باش نوريك ميساجات طليب ورغييب باش نسمحلو
محمد؛ واخا سمو المطلوب مني انا
شيماء: (قربت وباغفان ديالها كيزيد يجهاد) واالو غير منبقاوش بحال شي وحدين عمرهم تباغااو
محمد: تبغااو؟؟ كبرتي اشيماء وتعلمتي تق**** مزيان
شيماء: (طرطقت عينها)
محمد: واقلة مشفتيش الفرق بينك وبين مريم عاودي شوفي راسك فلمرايا حيت انا بالصح مكنقدش نشوف فيك راه في حيت متبعيني بالغباء للي فيك داكشي باش كنبقى نسمع ليك (لاح لݣارو عليها بقات كتنتر تحايدو وهو هبط… مخليها غطرطق… أما هو مينكرش انه شوشات عليه كيحاول يبعد الافكار الشيطانية… هبط لقا أمال جالسة مع مريم للي تحايد ليها التيليفون ونبقى عندها كيف دير تهضر حتى نعيمة هبطات ليها التيليفون لقاتو مديشارجي وفالدار مبقاتش شارجور حيت محمد مهبط ديالو وديال علي لتحت وتيليفون مها ايفون ماشي بحال ديالها…. دازت 7 أيااام والوضع بقي على ما هو عليه أمال فوقما لقات فتيحة الفرصة ضربها ولوخرا تهرس ليها ميعناتها حتى مولات قرباتلها ولكن كدير ماا كتر من الضرب السب والإهانة… حتى لواحد صباح كانت ناعسة أمال لقات شي حد كيزعزعها حلات عينها لقات مها قفزت بلاصتها واقفة)
فتيحة: (بهمس تنطقي كلمة وحدة نقتل والديييك.. مدت ليها فلوس) هاكي وباب الدار راهو محلوول سيري من هن
أمال: (طرطقت عينها شافت فلفوس وشافت فمها للي ديما دوك النظرات دالكره والاشمئزاز) فين نمشي
فتيحة: للجايحة… غير متعتبيش تاوريرت ووجدة حيت خوتك غيجيو يݣلبو عليك تم
أمال: (بلعت ريقها وشافت فيها) تاني مرة كطرديني اماما!!
فتيحة: (شدتلها يدها وحطاتلها لفلوس) ها لعاار الا ما غبري كماارتك قبل مترزيني فماعني يا المسخوطة (أمال هزت شال دارتو عليها هزت جرت بانطوفتها وهزت التيليفون تحت وسادتها مولاتش ضارت من موراها مشات بشوية لباب لقاتو محلول وحتى لباب التحتاني محلول يعني مها قدات ليها كوولشي هبطت بشوية كان صباح ياله كيطلع وصلات لاخر درجة ضارت كتشوف لقات لباب كيتسد بشوية تنهدت وخرجت من باب الدار حانية راسها وكتزرب فخطواتها…)
~~~~~~~~~~~~~~~~
زهير: (هبط من صطافيط نيشان دخلوه لواحد الحبس فالمحكمة على ميجي الوقت برا كان وليد والمحامية اما هند من داك نهار مطلع عندها ومرااقبها حتى هي مولاتش خرجات فقط كيهضرو فالتيليفون.. حتى سمعو نمرة ديال القضية ودخلو كان زهير جالس مور قضبان السجن بان فيه الضعف شوية ولحيتو مشعككة دخلت المحامية كدافع على زهير فجلسة مغلقة حتى وليد بقا برا القاضي عطا الحكم بعد المداولة….. خرجت المحامية عند وليد)
وليد: امدرا؟؟؟
صوفيا: اممم (شافتو غوبش وهي تبسم) 6 شهور حبس
وليد: (تصدم) سمو!!!!!
صوفيا: مع وقف التنفيذ ههه سمحلي خلعتك (مظحكش كيتسناها تكمل) غرامة مالية 5000 درهم وسحب رخصة السلاح 5 سنوات اممم درت ما فجهدي حيت زهير مصر سلاح يبقى عندو
وليد: كان عليك تجري فسحب رخصة السلاح نهائي
صوفيا: ههه مهم هو غيكمل شي إجراءات وغيخرج
وليد: (تبسم) واخا فين غنخلصو الكفالة
صوفيا: اجي معايا….. (مشا وليد خلص الغرامة للي كان متوقع اكتر ولكن حسن السيرة ديال زهير خلات الحكم يكون فصالحو حتى من الحبس كانو معولين علييه خرجو برا) ݣلت ليك غنجيب البراءة لموسيو زهير
وليد: (تبسم معاها بلباقة) شكرا بزاف بالنسبة للأتعاب ديالك تان..
صوفيا: نو نو ماشي وقتو الاهم دابا هو البراءة غندخل نقاد شي وراق ونجي (دخلات خلات وليد متبسم واخيييرا زهير غيخرج…)
هند: (هادي سيمانة كل نهار كتصوني على مريم تيليفون كيصوني مكيجاوبش ومرة مرة كتلقاه مشغوول بغات غير تهضر مع أمال لدرجة صونات على شيماء كتقولها مكتشوفهاش مانعين عليها لخرووج.. صونات على وليد) الوو
وليد: وي هند (كيسني وراق الغرامة)
هند: شنو دار زهير؟؟
وليد: (متبسم) شوية ويخرج
هند: وبعدا خبار زوين أمال بغيت نوصلها ووالو شنو بالك نمشيو نجيبوها
وليد: اودي (مد لوراق لصوفيا) ها هوما.. (خرج لكولوار المحكمة وهو شاد التيليفون) راك شفتي انا ويااك معاركين ندمت علاش ݣاع تشاركنا
هند: هو كيجي حتى لموضوع أمال وكيرجع لحال شي مكلخ مزال عايش فالعصر الحجري
وليد: اودي ولكن نشوف زهير راه كبقالو صبر غيدي مو ويمشيو يجيبوها
هند: نمشي معاهم
وليد: سمو هوااااا!!!!! هنيينا اديك لبنت راه شحال وانا باغي نخرجو شوية نهضرو
هند: اممم
وليد: سمو هاد اممم!!
هند: والله معرفت مع عندي بزاف دشغال
وليد: شغال کاع؟؟ مهم انا شوية نجي نهزك من الدار (شاف زهير جاي مع المحامية وداير يديه فجياابو) بلاتي اهنوودة ونهضر معاك (قطع عليها وهو ماشي حدا صاحبو)
هند: (بقات كتفرنس) هنووودة (كتجمع الظحكة بيدها) ناااري هاد الحب كيخليني بحال شي غبية (نيشان مشات كتقلب شنو تلبس..)
وليد: (سلم على صااحبو بعناق وهو ظاحك) على سلامتك
زهير: (مغوبش دار ابتسامة موصلاش لعينيه) الله يسلمك اصاحبي (شاف فيه) ولا خويا
وليد: (قرب حداه) ديرني حتى ولدك
زهير: لا غنبقى نݣولك mon bb
وليد: ههه ها با زهير للي كنعرف صافي خليها على مولانا
زهير: (حرك راسو باه) مهم انمشي دابا
وليد: صبر نوصلك
زهير: (شاف فعينيه) انمشي على رجلي شوية ومن بعد غنشد تاكسي للدار
وليد: (تفهمو) واخ
زهير: (شاف فالمحامية) شكرا اختي
صوفيا: (تبسمت) العفو هادي خدمتي (خرج من تمااك بحال كيحاول يفورطامي رااسو.. وليد حتى هو تم خارج وخارجية معاه صوفيا) نوصلك معايا؟
وليد: (من ديما كيرفض) لا عندي لموطور ديالي
صوفيا: واااااو (أول مرة يمشي بيه) شحال كشهية نركب فيه
وليد: نوريك منين شريتو (ركب ودار لكاسك)
صوفيا: الا مافيها مشكل ممكن توصلني
وليد: (هز حاجبو) لا (طرطقت عينها جامعة الابتسامة) الله يعاااون (نوض داك الصوووت وزااد مخلي غير الصوت من موراه ركبت فطموبيلتها ومشات نيشان للمكتب ديالها وهي مزالة عارفة غتولي تلقاااهم….)
وليد: (غير وصل للمحال صونا على مو سمع صوتها ماشي هو هداك) ماالكي؟؟
نعيمة: (بتنهيدة) بنت عمك هزت راسها وزاادت ولدابا ملݣااها حد
وليد: اماال؟؟ وفين زادت
نعيمة: معرفت خوتها راهم يݣلبو مشاو لوجدة وهوما حالفين فينا وأكترية داك علي
وليد: (بقا كيحك من مور ودنيه) الا جات هنا غتكون جاية للدار هنا ولا لسيتي انا نخرج نقلب عليها قبل ميوصلوها هوما
نعيمة: (بصوت خافت) اولدي الا لݣيتها ديها للبوليس تماك ميݣدوش يقربولها ويبعدووها تكمل قرايتها ولا تشوف شنو دير تا صاحبك مولاش جا
وليد: هو راه ياله دخل للمغرب مهم صافي قطعي انمشي انا وهند نݣلبو عليها.. (فلبلاصة صونات هند حيت شيماء صونات عليها وصلاتلها لخبار) راه عرفت عاد کالتهالي مي
هند: وشنو نديرو؟؟؟
وليد: احمد احمد (جا عندو) انا نغبر ساعتااين خلي لكتاب عندك
احمد: كون هاني اخاي وليد
وليد: لبسي حوايجك اهند نمشيو لسيتي!!!
أنوار: (كان فاسبانيا خرج كيتسارا من بعد مخلا دعاء ناعسة كيتمنظر فالاجواء الساحرة ممتيقش هاد الأيام للي كيدور فاوروبا كبغى جلس فقهوة للي فيها غير التيتيز ولعرا ساوي ريال.. ولكن ملقى لمن يهضر فقط تصور ولاحهم فانستغرام باش يكمونتيو ويقرا شنو باغي يسمع… صونا تيليفونو كانت مو قطع ورجع صونا عليها) ويي
لكاملة: (كتفايش على عيلات ولادها) اوليدي لباس عليك؟
أنوار: الحمد الله الوالدة هاني فسبانيا
لكاملة: (ظحكت) صبانيا!! ياك مشيت لفرنسا
أنوار: هه كولشي بحال بحال كجاتك مرتي؟؟
لكاملة: غزاااااااالة يا وليدي وهااا الزين والطولة
أنوار: (تبسم) علاه ولدك ݣليل
لكاملة: ولدي مزييينو وميات وحدة تهبل عليه
جهان: منهم ديك شيماء غتكون كتاكل راسها ههه
نزهة: ههه وييه
لكاملة: بغيتها فيييها
أنوار: (كيسمع مزال داير اطونسيو تمشي تعطي لفيديو للي عندها) اوا حتى لبلاتي ونصوني
الكاملة: اولدي مصونيتيش على باك؟؟؟
أنوار: شي جوج مرات مجاوبش خليه حتى يبرد.. خوتي كيهضرو معايا عادي من دون الناس مفرحليش
الكاملة: وحناك اوليدي؟؟
أنوار: مساالي نهضر معاها حتى هي… زهير مبانش؟؟
الكاملة: لا راه خرج لبرا
أنوار: (بلا ميحس وقف) فين؟؟
الكاملة: شكون عرف لوالديه الحاجة حدها ݣالت خرج يجيب شي سلعة هادي شي سيمانة
أنوار: (سيمانة نيت باش جا لاسبانيا ولكن اليوم لخر) ومزال مرجع؟؟
الكاملة: لا
أنوار: (حط فلوس معرفش حتى شحال) انا اناااا مهم انا نقطع من بعد ونهضر معاك (قطع زربان يوصل لوطيل حيت فبالو زهير جا يقلب علييه…..)
~~~~~~~~~~~
علي: والله يا مها لا باقي زادت شي نهار ݣوول جاية تݣلب على صاااحبها
محمد: يا تسكت يا نهبطك
علي: هبط نديرو اوطوسطوب ولحݣ علييها.. هانية ندوز الحبس مهم منبقاوش مسكة ففام الناس
محمد: (شاف فيه) سكتنا من داك تبرهيش ديالك
علي: والله يا مها حتى ندبحها خليني حتى نوصلها (بقا يتحلف طريق كاامل واي بنت دازو من حداها فطريق يدور يقلب واش هي ختو… وصلو لوجدة ومحمد نيشان مشا عند الدار فين كاريين لبنات طلع محمد كيقلب وعلي وجد بونقشة (داك اموس للي كديرو طراق وكيتحل ههه معرفتش نوصفو مزيان) جبدو تخبية على محمد موجد راسو فاي لحظة يذبحها.. عياو يدقو حتى علي بغا يفرع لباب)
محمد: ودااك لمريض راه ساكنة مع بنت هنا
علي: وهاديك **** هي للي خرجت عليها شوف بنت عمك بقات فوجدة وختك طايرة تجي هنا عندها
محمد: سكتنا (والو محلووش حك راسو بعصبية نيشان عقلو مشا لدار الحاجة مشات عند زهير للدار هبط كيجري تابعو علي ونيشان شدو طريق لعند الحاجة هبط محمد من الطموبيل طل فالشق ديال لباب مكانش محلول قشع طموبيلة ديال هند تماك وهنا محمد تأكد ختو راه كاينة تمااااك بقا كيدق بالجهد معمر لباب تسد هاكا….)
نعيمة: (كانت مفقووسة جالسة فطابل مونجي للي فلكوزينة وحداها شيماء كتقاد لغدا وتزوق وتقاد شلايض.. سمعت لفيكس) شوفي ابنتي شكون راه يصوني
شيماء: واخا (مشات كدندن وتغني جاوبات) وييي
أمال: عطيني خالتي نعيمة
شيماء: ههه الوو الوووو (قطعت عاد هزت لباراي محطاهاش مزيان) بسلااات معرفت شكون كيتفلى
نعيمة: شكون ابنتي
شيماء: معرفت اماما مع هزيت سمعت شي صوت شي راجل كيݣولي توحشتك ما توحشتك هدا باينة داك لكلب من نهار مشى وهو بصيفطلي
نعيمة: بلوكيه مݣدينا على شي صداع ابنتي
شيماء: بلوكيتو داكشي باش كيصوني فلفيكس (رجعت كتقاد فشلايض حتى دخلت سناء ومها للي مشات لطبيب) واا فين اصاحبتي
سناء: هه خليتكم
نعيمة: دخلي اختي السعدية
السعيدية: مريضة الآلة نعيمة
نعيمة: مشكيت عليك غير الراس وصاافي دخلو جلسو شيماء ردي الغلاي
السعدية: با جيبي لمونادا راه قربتي تولي جدة
نعيمة: (تبسمة) ااو؟؟
سناء: (حشمت) عاد ݣالتهانا طبيبة فصباح
نعيمة: (ناضت فرحانة عنقاات مرت ولدها كدعي معاها بالذرية الصالحة وحتى شيماء بركات ليها ودارت صواب واخا عقلها كيانبها علاش قطعات اووموان تعرف غير علاش صونات أمال صوتها كان ماشي ديال إنسان مرتاح…. أما نعيمة فرحانة بحفيدها ولكن غصة امال مزالة واحلة ليها.. كما واحلة للي لتحت مريم غير كتمشي وتجي معرفت حتى تخدم مقاد فالدار)
فتيحة: خاايلتيني جلسي شوي
مريم: غيقتلووها الا لݣاوها
فتيحة: لا لا حدهم يضربووها هاااو يضيعو عمرهم فلحبااسات على ود هربااانة
مريم: (شافت فيها لقاتها مبردة) خالتي واش مبقاتش فيك
فتيحة: ولاه تبقى فية مكفاتش دالشوهة للي غدير وعلم الله لاه هرباانة باينة هزت وغير خاايفة مشتيهاش غير معصبة وظل تاكل
مريم: ولكن هي مثقفة
فتيحة: ويلا شربت
مريم: كفاش شربت؟
فتيحة: بعدي نتي من هاد الهضرة وسمعيني شتك مزال محملتي؟؟
مريم: هاء (حشمت) راه محمد للي مباغيش داابا
فتيحة: مباغيش حيت شيماء ها هي جلست وحدااه
مريم: لا لا محمد مكيفكرش کاع هكاك
فتيحة: اوا للي ظهر ليك خليه حتى يجيب للي تحملو الا كتشربي شي كينة حيدييها
مريم: (كانت فهم رجعت فجوج) داابا نشوفو أمال
فتيحة: اوا جلسي تخممي فديك الهاربة وخلي ولدي يجيبلو لي تهزلو ولادو فكرشها (وقفت) هاني طلعت عند نعيمة شوي….
زهير: (من بعد مرجع لدارو مضار لا هاك لا هاك دخل نيشان لداارو سد لباب وطلع لبيتو نيشان للدوش حيت حس براسو مݣلݣ بلمزيان من بعد دوش سخون خرج لبس حوايجو وصلا ولكن مطولا… )
فدار الحاجة طلعت هند ووليد كانت هي وبناتها وليد بقا فدروج وهند طلعت عندهم من بعد مسلمت
هند: حم الحاجة اجي معايا جبت ليك شي شوكة على ود رجليك
الحاجة: (فهمتها بغاتها بوحدها فشي حاجة) الله يرضي عليك ابنتي منسيتينيش فيييها (ناضت لبيتها وتبعتها هند هنا وليد منو راسو مشا سد لباب دبرا خاف تكون أمال وتخاف يرجعوها وتهرب.. كيصوني على زهير طافي مزال مشعل تيليفونو فضل يبقى تماك يتسنى شنو كاين)
الحاجة: (من بعد مسدت لباب) باك لباس ابنتي
هند: الحاجة قوليلي واش أمال جات عندك
الحاجة: لا بنتي
هند: عفاك غير قوليلي راه منقولها لحد عفااك
الحاجة: (خلعتها) ابنتي والله مجاات علاه فين مشات مسيكينة حتى من تيليفونها كان مطفي
هند: بفففف كان حسابلي لقاها هنا (بتنهيدة شافت فالحاجة بحزن) هربت من دارهم وهي مكتعرف حد كتعرفني غير انا ونتي
الحاجة: هربت؟؟؟؟
هند: خوتها كانو حابسينها مخلاوهاش ترجع تقرا وهربت والله معرفت
الحاجة: (بقات غير كتشوف) حتى زهير مزال مرجع من برا
هند: (اذا زهير مزال مجا) الله يجيبو على خير ونخليك الحاجة عفااك الا جات خبيييها وعيطيلي
الحاجة: الله على بنيتي يكونو عاود تكرفسو عليها الله يهدي ديك مها
هند: هاديك عمرها تبدل ولا تحن فبنتها (خرجت والحاجة من صواب وصلت معاها لحدا لباب سمعو غواات.. هند هبطت كطييير فبالها جات ولا تلقاو ليها خوتها لقات وليد ومحمد كيتغاوتو مشات برا والحاجة حدها بقات حدا باب دارها لتحت كتحنزز شكون)
هند: مالكم مالكم؟
وليد: سيري اهند
محمد: اوالله حتى ندخل نجيبها
هند: هي مكينااش غير كون هاني بسباابك غتكون فشي خلا ولا معرفت مسكينة فين كيضربووها لحيوط والطرقاان
علي: نتي بعدا ال*”*** غير سكتي
وليد: (طرطق عينو فعلي حتى مشا شنق عليه بيد ويدو ضربو ببونية لكرشوو محمد كيفااك وهند كتقلي السم لعلي وحبات ياكل لعصى)
محمد: (كيفك حتى فاارقهم ضار عند وليد للي شادو على علي) سير جيبها أوليد ختي ممنحقكش تخبيها
وليد: غنخبيها ونيشان للبوليس تهنى منكم ومن عقليتكم
علي:ا والله وتكون تحت ارض حتى نحر والديها
وليد: حسابلك داركم باش تستقوى على ولية (بقاو فلغوات من وليد من محمد من علي هند مولاتش هضراات.. هنا زهير كمل صلا حل السرجم دبيتو للي شاد الشوفة فكولشي وحتى من لباب قشع غير طموبيلة ديال هند اما هوما لمدابزتهم بقاو كيبعدو حتى كانو من مور الصور.. هو مشا بالو نيشان تكون أمال منين قالولها راه يكون خرج كان غير بتيشورت حيت سخون الحال خرج مو هنا طلعت لسطح باش تبرݣݣ مزيان حيت بعدو منين كيكون الامر فيه تبرݣيݣ رجليها كيوليو فيهم 60 خيل… محدو كيقرب لطموبيلة هند كيسمع غوات مشا لباب كيلقاهم بتلاتة مطايفين وهند واقفة بقا واقف حدا لباب)
زهير: اييييييييييه (ضارو) سمو وااقع؟؟؟
محمد: (مشا لجيهتو وتابعو علي) فينها؟؟؟ فييينها؟؟
زهير: (مفهمش تسناه وصل حداه وهو يجبدو من كول تيشورت ديالو)
محمد: فينها أمال؟؟؟
زهير: (غير سمع أمال طرطق عينو وحتى هو شنق عليه) عاود!!
هند: هو راه عاد جا من برا
الحاجة: (قشعت ولدها وهبطت ماشية لعندو)
محمد: فينها ختي؟؟
علي: (حتى هو بغا يشنق وجاه زهير طوييل حيت كان قصير عليهم شوية بقا حاضي غير جيبو وحدو كيهلل ويتحلف فأمال اما زهير دفع محمد)
زهير: بنيتك جاي تسولني على ختك؟؟ علاه نتا فين كنتي باش جاي تسول (عرفها تكون هربت عاود) الطفلة من ݣدام عينيكم طج وجااي تسول رااجل اخر عرفتي دااابا نتا ماشي واحد للي يݣد على المسؤولية.. حابسها فالدار باش تبان رااجل هانتا طلعتي شماااتة تسمعني وبربي لكبييييير وملݣهاااش وجد تدفن حدا بااااك…..
نعيمة: (بقات فلكوزينة بوحدها وتفكيرها فأمال هزت تيليفونها كتصوني على نمرتها طافية دخلت شيماء) علم الله مسكينة فين راها دابا
شيماء: دابا شكون فينا لمرزنة وشكون للي خفيفة جلست تنفخو فيها حتى هربت من دارهم وشو علاش
نعيمة: (باستغراب) علاش متحمليهاش؟؟
شيماء: (شافت فمها كظحك) ههه لاااا
نعيمة: وا بااز متشفاايش ابنتي
شيماء: متشفييتش (هزت الصينية ومشات جلسات حدا لوخرين) اوا خالتي فتيحة مزال مصوناو دراري
فتيحة: (كتجاوبها ناقص) علاش بغيتيهم فشي حاجة
شيماء: اممم اوا راكي عارفة علاه نسول
فتيحة: سيري قضيبك شي شغل واش کدي ݣدك باش نجي نتعاودو انا وياك
شيماء: ههه اوييلي واش مزال غضبانة على ديك لمرات
فتيحة: (صارت عند السعدية عطياها النخال)
سناء: (ردت لبراي دلفكس) تلݣاي شحال من حد صونا ولݣاه مشغول
شيماء: انا للي درتو هكاك
سناء: علاه؟
شيماء: كفاش علاه حيت بغيييت
سناء: (مرضاتي قدام مها) خالتي نعيمة راه شحال كنسول لفيكس واش خداام خلييه هااكا (دخلت مكرهة للكوزينة حطت شنو باقي رجعت نعيمة حتى هي جلسات….)
~~~~~~~~~~~~
الحاجة: (وصلات حداهم) زهير جييت اولدي؟؟
زهير: (بقا كيشوف فمحمد بتحدي) يااو رد بالك معاايا مݣادش عليها نهار اللول عطيوهالي نجيبها عندي
علي: (كيهز يدو) ااااا شتك نتا جالس تهز علينا ختنا ومنعطيوهااالكش
محمد: علييييييي
زهير: تحرك من هنا البرهووش ݣبل منردك خت أمال
محمد: (فاش سمع ديك جيت اولدي مفهمتش واش بالصح مكانش هنا) عطييييتك وقت تجي فيه وتم..
زهير: (بملامح باردة قاطعو) سير ݣلب على ختك الوقت للي جاي تهز ختك علم الله فين عاطية المرة اللولة غبرت نص ساعة مشات ليها سنة داابا راه سواايع ولا علم الله وشحال وهي هربااااانة
علي: (شاف فهند لي كتخنزر فيه متصرطش ليها محملاتوش) شوفي فية نتي
هند: (جاوباتو وهي كتهضر بقرف) تشوف لعمى
وليد: راه كتݣلب علية نتا
زهير: (جاي ضااير ماشي وعلي وقف عليه)
علي: دخل عيط لها
زهير: دخل نتا باش نطرق على مك لبيبان ونفصل ***
علي: (جبد داك بونقشة) وجبدها هي جات هربااانة هنا داابا تجبدها ولا يطييحو رݣابي فيها
الحاجة: (غوتت) اولدي الله يهديك أمال والله مجااات هنا
علي: مهضرتكش نتي ابناااااادم (هود عليه زهير ببونية لوجه حتى طاااح دخل محمد يفاااك وقف لاخر ووليد مشا عندو وهو بقا كيهيب عليه) وسيير اشمااااتة مخلي بنت عمك مع راجل ما بينو بينها واالو وجالس ترجل
هند: (بخوف على وليد) ولييييد بعد من حداه..
علي: سير تكلم لل*** ديالك وبعد راك من ديما خواااف (وليد مسوقش لموس باغي غير يشدو ومحمد كيتغاوتو هو وزهير.. هند كتجر وليد حتى لاخر ضربها ليديها تريكو للي كانت لابسة تشرݣ)
هند: (كتنقز وتغوت ربي للي خلقها) الدم الدم هءءء (مخلوعة غتسخف عيات تشوف فضرابي ودمايات منين كتكون عندها مناوبات فليرجونص وهاد الألم عمرها جرباااتو… وليد طرطق عينو اصلا كولهم تصدمو وهند كتغوت ودمايات كتشرشر من يدها الحاجة مشات عندها كتشدها وهي كتنقز وليد هز داك لموس ماشي عند علي)
محمد: هرب هرب الحمااااار وليد (لاخر شدها جرية)
زهير: سيير عند هند انا نجيبو (مشا يجري ومحمد تعرضلو)
محمد: داكشي بيناتنا
زهير: (ياله ماشي محمد دفع زهير خلاه مشادش توااازنو وهو يجري تابع خووها لطموبيلتهم زهير حتى هو كيجري ولكن لوخرين سبقووه بدا فينما كان شي حجر كينيش عليهم ويسب ويجري ݣاع الزاج للي اللور شخشخو عليهم مخلي محمد تالف فالصوݣان والطموبيل كتلعب حتى بعدو وزاد لڤيتييس مبعد مزياااان….)
يتبع
شاركنا رأيك في هذا الفصل 🌹