مشات كتجري لغرفة تسنيم لقاتها فايقة مع الفرملية شادة واحد لعبة صغيرة بين ايديها غير شافت اسماء علاات ايديها باغا تمشي لعندها مارتاحت حتى هزاتها فحضنها وجلسات فوق السريير والحاجة سدات البااب وراهم …
اسماء : نزلي اختي ريدو الله يساهل عليييك
الفرملية علات حجباانها : و علااش؟
اسماء علاتهم كثر منها : غير سديه ولا نزليه الله يساهل علييك بغيت غير نقاد حوايجي وكلشي كيبان من برا..
الحاجة : ماجاي حد بلاتي…صبري بلاتي راه را هي مشات نيشان نوضي تشوفي نوضي……
نزلاات ليهم الفرملية ريدو باستغرااب وخرجات خلااتهم مخلية البيت مضلم على تسنيم وهي مخشية فاسماء سخفانة ومسخسة غير كضور فيعينها وشابرة فيها بضفارها كيف شي قطيطة ماطالقاش منها واسماء كتبوس على راسها وايديها وعويناتها بلهههفة مسنشقة رييحتها..
اسماء : ماما ديالي شوفي فيا علاش كنتي كتبكي على الطبيب وهو مسكين غير بغى يشوف كي بقيتي…
هزات كتافها كتمخشش فصدرها مخشية فيها متحسسة دفئها وحنانها وحتى اسماء مساخياش عليها بييه ومغرقها فيها فحين الحاجة واقفة عند الباب كتضور فعينيها وتقلب على مينة لاتبان ليها جاية من شي قنت حتى تفكرات عبد المتقي وهي تخرج عينها مدهووشة وتلفتات عندها حالة عينيهاا…
الحاجة : باااك بقى فالقهوة ديال سبيطااار عاصر على واحد كاس حلف لاينوض منها
اسماء تهز قلبها مكمشة ملامحهاا بخوف : ياربي السلامة ياربي تعميها عليه
الحاجة : وايلا شافتو..!
اسماء : فاييد الله اماما عييت والله ماندير شي حاجة ايلا مكتابة خليها تشوفو..
هزاات النفس الجاجة كتنههد وتستغفر الله رامية دعاويها على مينة وجلسات جنبها فوق الناموسية ..
الحاجة : مرت راجلك لولى شفتها مابيهاش تعمر العيين ملحة ومسرارة ماعرفت علاش طلقها…!
اسماء : الله اعلم ماعرفتش و وهي صراحة كتبان دروييشة ماعرفتش علاش طلقو
الحاجة : علم الله ااش وقع بيناتهم… الحاجة باينة فيها تموت عليها شفتي ااش دايرة عليها وباها ومها اش دايرين على محمد لبارح ليل كلو وهوما سهرانين معانا والله ايلا العجب…
اسماء : ممم مايغركش اميمتي ديك الضحكة الصفرة ماتعرفي القلوب اش فيها…تعقلي شحال تشكات لينا منها بلحق كي قلتي واخا هكااك كتبان عزيزة عليها
الحاجة : ماديريش بالك معاهم ابنيتي (دوزات على ضهرها واقفة محاولة تجبد منها الهضرة عارفة اسماء ماكتعاود غير اللي بغات ) ياك عكوزتك مزيانة معاك شيخك علامن دروشاتو وراجلك خلااص قاليهم ماتعرفوش
اسماء :وانا مزوجة بيه هو ماشي الحاجة ولا الحاج…وراني قلتها ونعاودها راحة بالي حسن ليا من كلشي مرتاحة والحمد الله محمد ولد الناس واللي دار علياا وعلى بنتي دخل للموت برجليه يجيبها ليا مانساهش ليه وعمري نوفييه حقو ومكيبانش ليا ودينة ديال مو حيت كو كان بصح ولد مو مايطلقش اسراء الحاجة راه حامقة عليها كي قلتي…لولا ولخرا تزوج بيا انا كون بغاها يبقى معاها
الحاجة :مانعرف هاد زييغة لاش ياك طلقو كاين تيليفون تسول فيه والله يعاون عارفاه مزوج ونتي عاد جديدة عندو…انا مانجيينش ونكون فبلاصتهم ويلي والله مانخليك تحطي عندو رجليك..
اسماء ضحكات كتدوز ايديها على شعر تسنيم : من بعد اماما ههه هاهي جات يحييو لي فات ولا يرجعها زعما..!!
الحاجة بنص عين شافت فيها : وو وماتعرفي عقل بنادم اش فيه….!
اسماء فهماتها فالسماء : ههه غير يرجعها بصحتو ماما حتى نتي فاش كتفكري وجدو لي عاد قطر عليه الصقف وجا كيجري من وجدة قالك حكّا المطلقة فال خايب عليييهم ولا حكّا كيبغيو يزوجوهم من دمهم…يسحابليك غنحبسهم ولا نقول شي كلمة را قلتها ليك انا مزوجة بيه هو وغراضي بيه هو…وهو نييت لي غنشوفو اش غيدير اما هوما يمشيو يموتو…
الحاجة : دمك شحال برد يابنيتي ناصر ماكنتي تقولي علييه هكا نهار تزوجتييه وكنا نضحك معاك بالضرة تخرجي فيا عينييك ههه
اسماء : لبارح لبارح وليوم حاجة اخرى اماما انا مانقدرش نعيش ولا نعيش بنتي وسط المشاكل وانا ماقلت حتى تفكيت من ديك تريكة ماتبقايش تجبديها ليا…ونهار تبان ليا العين فالتة فيا ولا فبنتي مانعقل على تا حد…انا كي قلت ليك محمد اللي هامني را كنشوف معزة بنتي فعينييه لباقي مانوضش ليه من نعاس شكون ما بغى يكون ..!!
الحاجة : ايوا وضروري ابنيتي من المشاكل واش كاينة شي دار هانية واش زعما تي اش يسحابليك الهنا كيجي من قلة المشاكل ابنيتي يكدب عليك الكداااب وراك مجربة زعما ماخليتي مشاكل ماخليتي محاكم مع ديك تريكة كلشي جربناه…(بنص عين عين كطل عليها) توحشتي المحكمة ولاا هههه
اسماء : اش فيها نعاودو نجربو هههه
الحاجة بجدية غوبشات: دوي نيشان من الملاغة…
اسماء : وفهميها كي بغيتي هههه(ضورات راسها) راك فهميتيني الشلاهبية
الحاجة : بلاتي غيير تغبر ديك اللفعة ونوضي يلاه حدا راجلك تبتي وجلسي حدااه دنيا تخطلت وكثر عليه البراني
اسماء : نحضييه زعما ! ههههه غيخطفوه الله يهديك اماما راجل راه بعقلو شغانحضي فييه راه كيعرف الصح من الغلط….(طلات على تسنييم بايسة نيفها) فطرتي احبييبة نشري لبنتي شي حاجة شنو بغيتي..حلوة دالكراميل لي كتعجبك ممم !
حركات راسها بلا باتما تهضر وتكات راسها على صدر اسماء وهي كتننهد وتمشط على شعرها قلبها محروق عليها….
اسماء : حفضها ليا الله اماما شوية ومكانت مشات ليا بنيتي وديك ساعة عاد نحماق بالمعقول ربي كبييير ااحمد الله الحمد الله على عيني كانو غيمشيو ليا بجوج ربي كبيير…نمشييو نشوفو بابا محمد تمشي عندوو اكبييدة ؟
الحاجة : هاي على بابا محمد…
اسماء : هو اللي قاليها تقولها لييه هههه بيناتهم داكشي انا مشاورونيش كاع عليها…طلي طلي وااش ماكين حد شوفي واش مشات…نخرجو..
الحاجة : بلاتي شوية نقطعو منها لياس….
اسماء : الله يعطيها العمى يعميها علينا مابقييت قادرة على صداع معاها…وهضرتها الخانزة مابغيتهاش تجي فودني….نهضرو مع كنزة ؟ نصونيو ليها……(قلبات جيباها و صدرها مخرجة عينيها) هييه تيليفوني فيين هو ؟؟؟ ب بقى عند محمد بقى حداااه !!!
الحاجة : مستوهة وهزيه معاك ديك ساعة
اسماء : تللفت…خ خليتو حدااه ومافيهش حتى الكود
الحاجة : بحاالك بحالو اش بغى يكون فيه كاع خلييه عندو مايجيش غير فايد شي حد اخر وصافي
اسماء :ما مافيه مايتشاف اش غيشوف فيه….(تخطفات واقفة)حبييبة ديالي بنتي نمشيو عند محمد نشوفوه مممم…اجي
الحاجة : حطي البنت تايجي طبييب فين تخرجيها قالها ليك..!!
عبد المتقي دخل عليهم : السلاااام عليكم….
الحاحة : شفتي ميينة دخلات الكلينييك من عند الباب شفتها داخلة تخطوي بانت ليك
عبد المتقي : وييه شتفها هي وولدها جا عندي غير هو هو وجا عندي سلم عليا واحد لولد عندها تقول ماشي من ديك التريكة قاليا داك الجلاخة ضارب فالحبس وضربوه شي ضربة الخطا قالو ليها راه جابوه هنا ساعة مالقااتو وماعرفت فين مشات تاني تقلب
اسماء : الله يعطيه العداب بغيت ليه شي موتة ماينوض منها(خنزر فيها عبد المتقي وهي تحدر عينيها ناسية رااسها قدامو) ….اجي اماما نمشي عند محمد… نمشيو عندو ؟
حركات راسها بلا وخشات راسها فعنقها مغمضة عينيها والحاجة كطبطب عليها…
الحاجة : حياني على الكبدة المعاودة مسخسخة مسيكينة باغة غير تنعس…جلسي حداها جلسي حتى تنعس راه مالاقية راحة سخيفينة باغة غير تحط راس شوفي كي مخشية فيك… ياك ميمتي تنعسي ابنيتي(حكرات راسها باه)
اسية : بنت الكلبة حكرااتك هاكي(صبعات ليها) سرك ونتي علاش غادا معاها من نيتك واخا تكوني اختي واكلة مخ ضبع وماتيقيش فيها هاد التيقة حفضك الله كون شدك بزز وحاملة اختي حاملة فيك جوج رواح وماقالوكش..
كنزة : وقطع ليا الباسبور وتيلييفون هرسو ليا خليت لييهم كلشي وهربت غير اللي تفكييت هاديك هي الدنيا….كون قرب ليا نقتل راسي ….عفتو مسسخ وضفارو حالتهم (شدات فمها عايفة) باغي يشد فيا ماحملتش رااسي غير تفكرتو زغب لحمي وقف..
اسية : فقصتيني فير سكتي سكتي لقاوك بوحدك خرجي فمهم عينييك وخودي حوايجك ينعس معاك بزز …كوميم اصبحيتي واخا كتلقايهم قحا/ب بنفسهم ماكتنعسش مع اي واحد جا قدمها…فخبارك هنا القح/اب وعاطينهم حقهم ماكتنعس ليك غير مع من بغى خاطرها…اااش خليتي لييهم تما..؟
كنزة : واكلشي..حوايجي وصاكي فييه كاع فلوسي وليكارط بونكيغ ديالي كلشي فيه حتى حاجة مابقات عندي..
اسية : اري نشوف دتك الباسبور ولاد الكلاب(جبدات تيليفونها كتصوني) آلوو…آلوو ممريم…(صاعرة) واااهضري اصحبتي…شوفي انا غنصوني ليك ابيل فيديو فالواتساب ياك جاوبيني الله يساهل علييك…دابا دابا..
قطعات عليها كتصوني ابيل فيديو..
اسية : هادي واحد صاحبتي خدامة ميناج فالسفارة اري نشوفو تسول ليك تما شنو ديري
عطاتو ليها وهي كتقلب فيه وكتصوني ابيل فيديو فنفس الوقت حتى جاوباتها ديك البنت وراتها الباسبوور وعاودت ليها كلشي حتى هي هزاتها النفس عليها ولات كتعاير وتسب فالتيليفون وكنزة غير كتسمع وتسكاني بعينيها وتعبر غير بعينيها….!
اسية : داكشي اللي قلت ليها تلصق فييهم صافي سيري الله يعاون غندوزو عندك بلاتي نشوفها غير اش غدير باشما كان نرد عليك…. سولي سولي لينا تما يلاه بسلامة…
قطعات…
اسية : داكشي لي قلت لييك قالت لييك لصقي بيهم فالسفارة يقادوه لييك ماكين اللي غيعاونك من غييرهم…نمرتي غنخليها عندك يجي راجلك وشوفي اش غديري بغيتي تمشي للسفارة عيطي ليا نشوفو مع هاد البنت توقف معاك…
طفات تيليفون ورجعات شعلاتو كتشوف هنا ولهييه والبيضة شاعلة فيها حتى عرقات مارضاتش وماحملاتش البلان اللي دارو دارو ليها..جالسة قدامها وتحلف عليهم وهي غير كتشوف فيها حتى وقفات على غفلة…
اسية : عرفتي شغاديري طيارة راجلك باقي ليها قرن وزمارة باش تنزل…نوضي نمشيو نجيبو حوايجك والله لا ربحات بيهم المسخسخة الخانزة خليتي ليها فين تبرع…ماري وتكون قداامي ناكلها كنكره بحال هاد الكلبات بنت بلادها ياحسرة عارفااك محتاجة كثر منها…
كنزة : كون قدرت ناخدها من عندها مابغييت مشاكل وديك القنت انا مقادراش عليها…حتى يجي راجلي ونشوفو اش غيدير خفت غير نقولها ليه ينوض شي مشكل وهو كي شي ثور خاصو غير فيمن يخرج..
اسية : تخافي تقولي ليه بغاوه يدخلوه عليا ووتزيدي تنوضي الحيحة كثر….ايلا جا راجلك غيرك كمديها وسكتي تجي فالورااق وماتجيش فالحبس ماكينش الراجل اللي يرضى على مرتو هادشي…بغيتي تا دابا تمشي نمشييو عندها بلحق تانعيط على صحاباتي مانمشيوش بوحدنا بعدا معانا الحمية نخرجو فيهم عينينا وناخدوهم بزز على والدييهم…ونتي فالاختيار دابا…
كنزة : انا غير ملي هربت وماقاصنييش نسييت كلشي
اسية : نحلف بالله(طبعات صبعها فالطبلة)حتى هادا غير فلم داروه ليك ماكين لا راجل ولا زمر هاداك حتى هو خدام معاهم….شافوك واقيلا مدهبة ومسرتلة بالخواتم والسلاسل(كنزة جمعات تصباعها شكيكو تحت طبلة ) ضربتيهم على الشعى قالو ارا نخلعوها تهرب وتخلي كلشي انا براسي بغاو يديروها ليا ما مرة ما جوج…يلاه دابا شنو تجيبي حوايجك…جيبيهم واجي عصري داك ساعة قدام المطار…
كنزة بتردد : وايلا مشيت وجا ورايا…
اسية : ونتي تعرفي راك شفتي طيارة ماتنزل تالتلاتة ونص ديال الصباح…انا غير بغيت نعاونك ازيين ماتيقيش فيا من حقك نتي تعرفي ها نمرتي قيديها عندك ايلا بغيتي شي حاجة مرحبا على راس والعين بنات بلادي ماكنبيغش ليهم التجرجير فبلادات الناس..!
وقفات كتجمع فصاكها وتقاد فعبايتها وكنزة بتردد كتشوف فيها واحد العقل كيقول ليها وقفي ولاخر كيقول ليها جلسي وتبتي….تزيراات وتلفااات ماعرفات ماديير قدامها…فالاخر دارتها فايد الله ووقفات معاها حتى هي…!!
يمكن يكون هذا الطاكسي رقم العشرين اللي كيقلب فييه عماد…بعدما شاف رقم لوحة الطاكسي اللي هز كنزة مع شي ناس بسيف باش قدرو يميزوها ويميزو حتى ارقام اللوحة وديك ساعة طلقات الحملة على الشرطة كيف الرمل كلشي كيقلب على مول داك الطاكسي اما عماد واخا عندو اللوحة متايقش فيه مااخلا حتى طاكسي من دوك الطاكسيات ماقلب فييهم….ما تحبط حتى لحضة ومزاال عندو جهد جهدين باش يقلب ويلقاها…
كان جالس داخل الطوموبيل ديال سلطان جالسين القدام وسلوى لور كتسمع فييهم كيهضرو بالانجلييزية حيت لا سلطان كيقدر يفهم الدارجة مزيااان ولا عمااد كرتاح يسمع لهجتهم شي كيفهمو وشي لا…قلبوها انجليزية كلشي فاهم كلشي مرتاح…
عماد : خاصك تعرف انا مراتي ماعندييييش ذرة الخوف عليها قد هكا من شي حد من غيرو…مرتي كنعرفها فيين طاحت كتسلك راسها متسرعة وماكتفكرش ولكن كتفك راسها وتخرجو من المشكل بحالا عمرها كانت فيه ولكن خايف عليها منو…شلاهبي ولد الق*بة كلمة ولا جوج يلعب بدماغها
سلطان : مزال كتهضرو مزال على تواصل ؟
عماد : يجررب….(عض شفايفو مغزف) هضر مع سلوى مررة وحدة قال ليها شي هضرة….(ضرب ايدييه مع طوموبييل بجههد قالب وجهو كيسب)يتهدد عليا بم*رتي برررب تانفررع ز زا*ل بوه
سلطان بجدة قرن حجبانو : عماد ايلا بغيتي تحضر وتشوف كلشي على عينيك داكشي لللي فبالك حيدو وايبلا هنا غنسد عليك كلشي..وحتى حاجة ماتعلم عليها…
عماد : غييير سد ارا نلقاها غييير هي الباقي لهلا يقلب فديلمو لي لاح راسو العافية نهزو منها انا ؟ الخير درتو فك/ري عاد نديرو فواحد اخر..!
سلطان : يعني تهز عينيك على هادشي نلقاو مرتك والله يعااون ؟
تلفت عندو كيشوف فيه مخرج ايديه من الشرجم قالب وجهو لبراا كيسب ويتمتم تحت شفايفو ماعرفو ااش كيقول لكن باينة فيه كيتحلف معصب ماكيشوفش اللي قدامو..لحضات وهوما على داك الحاال حتى جا واحد الشرطي وقف على سلطان من زاج شاد طابليت فابدييه وهو يحل لالبااب ونزل عندو وعماد قارن ججبانو كي الصقر طالق ودنييه كيتصنت علييهم…مكاملااش دقييقة حتى طلع سلطان مرة اخرى وديمارا الطوموبييل.
عماد : فيين قال لييك داها…تشد لييهم شافوه…كنتو داوين عليه؟
سلطان : سمعتييه….العفو ياك ماكتفهمش اللهجة…(حرك راسو) قرييب من هنا مابعدتش بزاااف !
سلوى بحمااس كبيير ضحكات فرحانة : ياربي الحمد الله…
تكعد عماد فبلاصتو كيهز فالنفس ويلوح فيها كأنه كيستاعد لشيي موااجهة قوية من دابا شوية لحضات غتوقع فحيين سلطاان زااد بالطوموبيل مورررك بصررعة كبيير غادي كيخبط فالطريق والطوموبيلاات وورااه صاكرين الشاارع باصوات صفارة البولييس كأنه غادي لشي لشي مداااهمة خبيييثة وهو يخرج بايدييه من الشرجم حرك ليهم حركة فهموها غير هوما وسكتو الصفاراات ديك الساعة غادين كيجبدو فالطريق بصمت… وعماد ولاا كيرجف مزيير لى ايدييه ماكرهش يهز طوموبيل ويطيير بيها وحتى سلطان حاس بيه عاطييها كثر من الجهد كيخبببط بيها فالطرييق !
جلسات اسماء مع تسنييم فالشومبر شاداها عندهاا كل لحضة تبوسها وتعنقها لصدرها وتحمد الله و تشكرو ماساخايشا تنوض من حداها…خلاتها مع الحاجة وعبد المتقي كيهضرو عاد باغين يلحقو عليها عند محمد وخرجات هي سبقاتهم عندو…من الباب كتسمع صوت الهضرة كثيييرة وبادب دقات جوج دقات ودخلات كتشوف فيهم كل واحد واشنو كيدييير المهدي كيف خلاتو غير شاد تيليفونو و واليدين اسراء جلسو كيتجمعو مع الحاج…
غير جات عينيها على اسراء واقفة جنب الحاجة ايديها على شالها كتقاد فيه وتبسم بالعبار والضحكة عندها هاادئة وثقييلة وخاترة….تزيرااات وقندشاات حاسة بالسخونية طلعااتها من رجليها لرااسها حتى ولا كيضرب فودنيها ولكن مابينااتش ليهم رسمات تبسيمة على وجهها وقربات حدااهم مبسسمة …!
اسماء : خلاتك الحاجة تشربها راه زويينة غير هادشي اللي كياكلو حيت كلها فيتامينات…
محمد هز فيها راسو بهدوء: قالو..
اسراء بهدووء علات فيها عينيها مبسمة : عاد شرحت لحاجة راه مكانتش عارفة هه بالعكس اخالتب هادي هي الماكلة اللي خاصها تكون قدامو تخليه حفييف وماشي غير تشبعو بالعكس تشعبو بليفيتاميين…فيها بزاف ديال الفوائد شفتي هادشي كامل اللي جبتيه لييه ايلا قارنيتيه بهاد الزلافة اللي جابو ليه حسن منو وبزاف..
شافت الحاجة بنص عين فاسماء كضحك : القراية تبارك الله هادشي باش زينة ايلا طليتي تعرف راسك ااش كناكل انا هادشي تعطيه ايلا مناكلوش ولا يجي ف فمي ولكن ملي شرحت ليا اسراء عاد فهمت المغزى منها…الله يرحم اللي قراك القراية زيينة ابنتي تنفع وتعمر الراس الخاوي..كاين بعد الريوس ضربي فيهم يعطي صداه بالخوا الخاوي لي فيه…!!
هزات راسها كضحك وتشوف فاسماء وهي مبسمة بالعة غصتها بزز نازلة مع حلقها و وااضح عليها تحسسات من كلام الحاجة والقراية اللي ديما عندها ماضي اسود معاها غير دكراتها ليها وشكرات اسراء قدامها تزيرات والرااحة هربات عليها من ديك الغرفة شدات صباعها قدامها كتلعب فيهم وتشوف فاسراء مفاهمة هي والحاجة تقول عمرها كانت مرت ولدها وناضو بيناتهم مشاكل ووصلو حتى المحاكم …!
——————-
دارتها كنزة فايد الله و واخا جات الطوموبيل ديال صحابات اسية حتى لقدام المطار متاقتش فيها وشدات طاكسي بايديها خلات اسية غير كضحك عليها
اسية :كون درتي هاد قلة التييقة فديك الكلبة مايكّريسيوكش الله يعطينا وجهك..تحكيتي عطات ريحتك وهكاك ردي بالك…
ركبات لور واسية القدام وصحابها لور بنت و ولد الي غير كتشوف فيه كنزة وتعوج ف فمهاا عايفاه ومحامله يقرب حداهاا راجل وبلباس العيالات حاط رجل على رجل يتعوج عليهم ويضحك ويضرب بالايدين كلو مزوق بالالواان والخواتم والدبالج ماعرفاتو راجل ولا مراة كون ماصوتو اللي فاضحو..!
لحسن الحظ كانت عاقلة على الحي اللية نعتات الهام لمول طتكسي نهار مشات معاها وقالتو لاسية خلاتها كضحك هي وصحاباتها عرفو الحي وعارفين ااش فيه واش كيوقع فييه كلهم داو منو وتقريبا كاع اللي نزلات فدبي كدوز منو حتى هي…!
كنوة لور غير كتسمع لييهم وتصنت مرة مرة حاضية طريق بعينيها كتنههد وتعاود تقول هازة هم دنياا فور كتافها عقلها غير مع عماد متأكدة غيكون مخلوع عليها لا تيليفون تهضر معاه فييه ماعندها كيفاش تواصل معاه املها الوحيدة فداكك المكار جلس قدامو حتى يجي عندهاا…
ماحساتش بالطريق سااهية وسط شواارع دبي اللي كانت كتمنى تجي ليها تسارا وتهزى وتضحك فيها حتى ضارت بيها دنيا ولات باغة غير تهضر منهاا اراا غير تخرج منها ساالمة عمرها تدكرها على فمها…شوية وهو يباان ليها الشارع اللي نزلو فييه دازوه وهي تقز دغيا كتهضر
كنزة : هناا هنااا …هاهوو هنااا هنا فيين وقفات
اسية : واش هنا متأكدة ؟؟
وقفات الطاكسي خلصاتو كنزة طبعا ونزلو متباعيين واسية كضور فعينيها وتشوف مع المكان حتى رشقات صابحتها فكتها ضاحكة…
اسية : ااعع ريحة الجنابة عطات من هناا تفو على حاالة..
صاجبتها : وعلاه تتعفري هههه ناسية منيين جيتي ولا هههه
اسية : بزاف علييك غير سامعة ببه عمري حطييت فيه رجليي مانسخاش بلحمي نعطيه لهاد الوسخ…يلاطييف..واش هنا نيت
كنزة : لاا غنطلعو مع هاد طلعة راه ديك ضورة شفتي فين مجمعيين دوك درااري تماا..
اسية : ويلااه يلاه خلااص راه البنت باغة ترجع للمطار..
صاحبتها : وااه شحال توحشت المدابزة معاك ا اسية حلوة ياختي حلوة ملي قلتيها ليا فالتيليفون طرت بالفرحة تقول جاية للعرس ماشي ندابز
اسية : ههه و على الله نييت ناخدو غير سيمانة روبو…
كنزة : كيفاش ؟
اسية : ايلا دابزتي كيعطيوك سيمانة روبوو هههه ومكينقصوش ليك من صالير كيخافو تكون فيك شي قمشة تهرب الكليان منك بلعكس كيزيدوك باش تداوي رااسك دغيا ههههه
حركات راسها بايجاب غادا جنبهم ومخليهم فايتينها بخطوة هوما القدام زعما ايلا هجمو يهجمو هوما ….هي فيها غير دفيع الجبهة تعاير وتسب ملي توصل لمعقول تولي تضور فعينيها…واسية تقول جاية لدار جداها دافعة صدر وغادا كتعوج ولي دازت من حداها يلوح ليها كلمة ولاا جوح غير مايكزيد يرفعوها ويخليوها تزيد فغرورها وتهز الرااس مخنزرة عاجبها الحاال…
يلاا وهوما طالعين حتى كتبان لييهم واحد الجوقة ديال الدراري تفرتكات تقول حطو وسطهم قنبولة كلشي غادي كيجري مشتتين كل واحد غادي فاتجته لي عندو شي كروسة سمح فيها وهرب ولي عندو شي عاهرة وسط داارو هز سروالو وفرتح مهليها ورااه خارجة كتحري لاوية عليها ايزار هربانة..خرجات عينيها ووقفات فبلاصتها حابسة كنزة توقف وراها ملي بانو ليها طوموبيلات دالبوليس جايين داخلين فداك الدرررب بصوتهم العالي مخلي قلبها كيضررب فراسها…كتشوف غير البوليس كينزلو من طوموبيلات كي الرمل اللي تشد فايديهم كيحكموه …دنيا تقربلات بحال شي حرب تالتة نايضة فيها بين البوليس وناس ديال داك الدرررب….رجعات خطوة لور جامدة….
اسية : احااا البولييس…تقربلات البنات…!!
__________
جمعات المونطو على جنابها بهدوء كتقاد فشالها بصباعها وتدخل خصلات شعرها لايباانو منو… عاد وقفات …
اسراء: نخليكم دابا اخالتي نمشيو براكة نخليوكم ترتاحو منا صدعناكم واقيلا ههه
الحاجة : مزاال الحال علييكم عاد دخلتو …
رقية غمزات بناتها بجوج يتحركو : مرة اخرى الحاجة الله يجعل شي براكة بالشفاء انشاء الله…الله يحفضهم من كل شر ربي جا من جييهتهنم لهلاا يوريك فيهم الضر..
ناضت الحاجة عند رقية كتسلم عليها هي وراجلها فحين اسراء حدرات عينيها فمحمد مبسسمة بخجل كبيير واضح فعينيها ماكتقدرش تطول فيه شوفة…
اسراء : وصلني ايمايل من (ميلات راسها بحالا كتنعت ليه شي حد وهو حرك رااسو بايجاب فاهمها هاد الحركة اللي حرقات اسماء ملي شافتهم كيتفاهمو غير بالعيون ) حيت انا ديجا هضرت معاه ورجع جاوبني على حسب البروجي و فايف ستار اللي بغييت ناخد قبل مانساحب ولكن قال ليا نتا اللي كتعطيهم حيت هوما غير واخدين انفي منك يعني نتا االي كنقاد ليزيكيب دونك فاش كيخرج شي حد نتا اللي كتعطيه دوكري دوتخافاي ديالو !
محمد بجدية جمع حجبانو كيتدكر : ديجا خليتهم لييك ..!
اسراء: لا ماصولني…حتى حاجة داكشي علاش سيفطت لييه ايمايل وجاوبني..عاد باغة نرجع نسفط ليه..
محمد حرك راسو : انا غنشوف…
حركات راسها بايجاب محافضة على تبسيمتها: شكراا نخلييكم….(شافت فاسماء) على سلامتكم مرة اخرى
اسماء مبسمة بحالها : ماتشوفي باس…
غير تحركات اسراء من قداامو ضارت اسماء بطريقة مفضوحة وقفات عليه وعطاتهم بالضهر محلياهم وراها كيسلمو على الحاجة خارجة معاهم حتى لباب والحاج كيهضر مع اب اسراء..
اسماء : فايف ستار هي اللي كتعطى مورا شي خدمة ديال شي حد لي ملي كتعجبك الخدمة ديالو…
محمد حرك راسو باعجاب كيشوف فيها : ممم ذاك شادة… بغيتي شي وحدة !
اسماء : وا حتى نخدم معاك…. نستاهلها هو لول ههه…(قشعات تيليفونها جنبو وحكات تحت نيفها ) واش حتى اسراء خدامة معاك ؟
محمد : كانت…
حدر عينيه شاف فين كتشوف وهي تحنى علييه هزاتو حلاتو غير كيشووف مشى تيليفون من باالو ونسااه…
اسماء : تيليفوني بقى حداك خرجت بلا عقل
محمد : تسنيم فاقت…
اسماء : فاقت…(جمعات ملامحها بقلق) ماكتهضر ماكتدوي وغير ناعسة حاسة بيها سخفانة واقيلا جو الكلينيك ماريحهاش
محمد : جو الكلينيك والخوف والنفسية عيانة….ماعندها مادير هنا شوية ونتحركو عطيني…داك المونطو….
ممدات ليه مونطو رمادي كيجي طوييل كتاافو عراااض وهماوي جابو ليه الحاج ملي جاو…
اسماء : غتنوض !! راك مزال عيان امحمد فيين غتمشي
الحاجة داخلة : فيين نايض اولدي
المهدي : هذاا هو..(وقف كيقاد فسروالو) قالو لينا فطريق لموت جينا نعزييو وندزقو كسكسوك ساعة كتبان ليا بسبع رواح مانخافش عليك
الجاجة : برا والباس عليه (باس على راسها معنقها كيضحك )غير تايضحك راني عارفاه مسكيين بالخلعة علييك جاا كيجري من ديك البلاد كون غير ياولدي تشد ارض وتجلس حدنا اش داك ليها ديك البلاد مانحملها مانقبلها
المهدي شاف فمحمد : هادشي غير كتمشي ليها مرة فعاميين كون جلستي تقرا فيها احتمالية تغبرر فرنسا بدعاوي الحاجة…..
الحاحة : الحاجة اللي تغبر ليا ولدي وتحرمني منو يخخ منها ولهلا يكتبها عليناا…الله ياودي مارتاحيت تاتهنيت من ديك البلاد كل شهر مغبراه عليا……
المهدي : اشنو غتحركو دابا نوصل الحاجة والحاج قداامك ؟
ااحاجة : لا انا نبقى تا نجي معاه وصل غير اسماء و(قاطعها معنقها تحت دراعو)
المهدي : وااتي يلا معايا نتي نيييت شنو باقة كتخايفي تركبي معايا ولا شنو ههه
محمد : سيري معاه الواليدة والواليد حنى نتا انا غنجيب اسماء ونخلف علييكم….مزال شوية هنا
الحاجة بقلق : وباقي الحال عليك اوليدي تايشووفك غير الطبييب ويشوف كي بقيتي وخرج مرتاحني وخلينا مرتاحين معاك..
المهدي : داك طبييب خاص محمد يشوفو نييت وااش طبييب باش يخليه يشوفو…اودي ولدك راا مشعكة عندو القضية واش هو طبييبب وتعيطو ليه على طبيب ماشي تضايوع هادا…
محمد غي كيسمع لييه مبسم كيلبس حوايجو مكيجوبووش عارفو طنااز وايلا شد معاه الهضرة ماغيسكتش لييووم تحنى يجر صبرديلو ديالو وهي تسبقو اسماء جبداتها ليه قربات تعاونو فيها وهو يحرك ليها بايديه لا وتحنى كيلبسها بوحدو بشوياا…
الحاج :ايواا نتا تعرف يلاه نتسناوك فالدار بشويا عليك اولدي ورد بالك مع الطريق
الحاجة : تمشي معايا اسماء…(شاف فيها محمد وكملات قالبة وجهها ماكتشوفش فيه) من باب الصواب عرضت على عايلة اسراء للعشاء ناوين انشاء الله يجيو يتعشاو معانا هاد العشية….ماكرهت اسماء تعاون خديجة راه مابقاتش تعرف دير شي حاجة بلا بيها..!
شاف فيها محمد معلي حجبانو كان كيلبس فالصبرديلة حتى وقف كيشوف فيها وهي قالبة وجهها مشافتش فيه كاع بحالا عارفة ردة فعلو…
الحاج : واش سيد يمشي يرتاح ولا يقابل الضياف الحاجة شهاد زربة ولات فييك..
الحاجة : انا غير بغيت ندير صواب ليل كلو وهوما واقفين معانا ماقدرت نقولهم بسلامة بلاما نرمي عليهم العراضة….ايلا غلطت سامحوني
محمد : مكاين باس الحاجة عرضيهم…تكلفي بيهم مع الحاج انا غنمشي للفيرمة تالغدا وندوز للدار…
الجاجة خرجات عينيها محركة راسها برفض : ايواا لوااه راك عياان اوليدي فين تمشي غير البرد والبراري تما ماكين لي يتهلى فيك ولاا يضور بيك….صافي بقى غير على خاطرك دابا ندوزوها بالزربة بقى لتحت ونقوليهم ماكيينش
محمد جمع حجباانو : نتخبى علييهم…..اش هاد الكلام الحاجة نعلي الشيطان ماعندي كانة نحضر لشي حد ولا نرحب بيه لا هوما لا غييرهم…كنت غادي للفيرمة…خودو راحتكم فالدار ايلا بغيتو تشوفها غدا نسيفط موراكم …
الحاجة جمعات فمهاا كتنهج راافضة: واسماء
محمد : هاهي معايا ملي نرجع غترجع معايا….
الحاجة : مايسحابليش اولديي سمح ليا راني شرفت و وليت نخرج وندخل فالهضرة حشمت قداامهم ومالقييت بااش نشكرهم وانا نلوح العراضة من فمي سامحني
محمد : مكاين باس الحاجة ماديريش فباالك مرحبا بيهم دار مفتوحة لاي واحد دق فيها …غير عرفي لمن تحلي بابها…
اسماء كانت غير واقفة كضور فعينيها بيناااتهم تفقصات لكلاام الحاجة ومن العرااضة داسراء وعائلتها تزيرااات ومابقات لاقية راحة عندهم لكن غير سمعات كلام محمد بررد قلبها وبدات من دابا كتوجد راسها تمشي للفيرمة معاه راس فرااس وغير تسنيم اللي معاهم…غير كتخاايل جمعيتهم كيفرفر قلبها بالفررحة شاظة الضحكة بزز ماتطلقها قدامهم…
متبعة بعينيها الحاجة هازة الغوباشة كتجمع فداكشي اللي جابت وهي تبسم ومشات كتلحمس عليها وتجمع معاها ضاحكة وفرحانة كتزيد تقتل الحاجة بديك الضحكة بحالا حاساها كتشفى فيها واخا مكانت ناوية فيها اسماء حتى حاجة…
لحضات قلييلة حتى تفتح علييهم الباب ودخلات غييثة وبناتها مورااهم…عيسى وفاروق وشي ولاد العمام تانيين وحتى سمييرة غير شافتهم اسماء جمعات ضحكة وقرنات الحجبام ماحاملة تشوفهم ولاا تلاقى معاهم فحين محمد كانت عينيه كتقلب على شخص واحد حتى بان لييه داخل موراه وهو يجلس فوق الناموسية كيحك فدقنو بملامح مبشرة واش مبسم ولاا عاقد حجبانو مواضح علييه حتى ملامح تميز ردة فعلو….!
تعلاات عبارات السلام والتعارف مابين العائلة…وكاع العينين على محمد كاين اللي اول مرة يشوفوه عن قرب هكا لهاد درجة وكاين اللي ملاقيه وشايفو ومعارفيين…ولاد العم كيسلمو علييه مبسميين لييه سلام رجوولي مبسميين وملامح الخجل واضحة علييهم نضرا لاول مرة يتعارفو على بعضيااتهم عكس محمد اللي واخد راحتو وهو كيتعرف علييهم وو اضح علييه ماكصدومش من شوفتهم كأنه فايت شايفهم مواضحش عليه اول مرة يعرفهم عكسهم هوما الي مزالين كيحققو فملامحو ويلاحضو الشبه لمن كيجر..!
فاروق : الله يجييب الشفاء دازت طريفة على سلامتك
عيسى : على سلامتكم دازت خييير على سلامتكم….عيسى عمك…متشرفين
محمد : الله يبارك فيك…الشرف ليا مرحبا بيكم..
عيسى حرك راسو مبسم : فاروق ولد عمك..سعد وياسين ولاد عمتك…وسميرة عمتك…و و الحاج جدك….
محمد : متشرفيين مرحبا بيكم جلسو…تفضلو مرحبا…
قربات اية عند اسماء سلمات عليها ووقفات جنبها مورا محمد كيبان لييهم غير ضهرو والحاج حتى هو واقف حداه والحاجة واقفة بعييدة علييهم جنب غيثة وبنتها الصغيرة…كيشوفو فيهم والجد بنفس الملامح القاصحة كيشوف فمحمد ويضور عينيه فالشومبر بحالا كيقلب على شي حد حتى بان ليه الحاج عاد ارتاح ورجع للور كينفخ فصدرو ويفشو ماعجبو حال وهوما دايرين منو لاطونسيون كلهم مبعدين منو ارا غير يلقاو السلاك معااه وهو حتى حاجة ماعاجباه…!
الجد عينو فالحاج : فيين وقفتي لهيه تعالى قرب حدايا وليتي تخبى اجي خرج فيا عينيك كيدرتي ليا لييلة البارح…
الحاج : ايلا جيتي تاني تخرج فينا ناابك ماعندك بلاصة هنا…ولدي مريض وراك شفتي ااش داز علينا بدل ساعة باخرى وخلينا هانييين
الجد تعصبب كيترعد : ماقلت تاكلمة العيب ماترونش ليا كلاامي وتخرج رااسك كي شعرة مني هكا كنتي ديير…شلاهبي من صغرك تضور كي الحنش تاطريق مشادها انا قلت ليه شي كلمة العيب…قلت شي كلمة العيب قدام هاد الناااس
محمد مبرررد : العيب هو هذا اللي كديرو فييه نعلو الشيطان…جلس اسي ابراهيم ..تشرب شي حاجة..تفضل !
من وراا اسماء طلاات اية عينيها خارجيين كتشوف فجدها ماشي غير بوحدها حتى عمامها وولادهم وحتى الحاج بنفسو شاف فالجد نيشان كيتسنى يشوف اش غيدير ملي نطق محمد اسمو هكاك كاامل “سي ابراهيم” لانو مااكينش شي حد من حفايدو ولا حتى ولادو كينطقو اسمو هكااك حرفية يا جدي يا با.
فحين هو معلي حجبانو وعينيه خارجين فمحمد مغوبش بطرييقة فشكل كتجيب الضحكة…..!
محمد :تشرب شي حاجة….ااش حب الخاطر..
الجد : مابغيت لا قهوة لا اتاي ماجايش نشرب ونجمع هنا…
محمد غير بشويا وبالعقل ااش كاين شرحو ليا نفهمو مجموعين شنو المشكل ؟..
سميرة : جدك اولدي ماقاال حتى كلمة دالعيييب(قاطعها بحدة)
الحاج : نتا ففراش الموت وكيقول ليا عطيني سوارت الداار كاين شي عصاب كثر من هذا اشمن دار لي كانت حجر وطوب شكون خدم وصلحها وخلص كراها ونقاهاا..!!!!
محمد : اشمن دار..؟
الحاج : داارك
الجد : داري..
محمد بسرعة تكلم قبل مايكسيريو بجوج : مكاين باس ….ارا الواليد داك السوارت…
غمزو والحاج قالب وجهو ماراضيش خاصة انه كيحشم من محمد كره نفسو يتحط فهاد الموقف قدامو وقدامهم كاملين جبد ساروت عطاه ليه ومحمد مدو لجدو نيشاان….
محمد : نخليوك غير على خاطرك هاني..ارتاح البال !!
الجد شاف فالحاج بحدة : دااري مامصدقهاش عليا…!
محمد : حتى دابا ماوقع حتى مشكل هاهي رجعت لييك ماكينش اللي ياخدها لييك..
ماعرف مايقول الجد تلجم ليه اللسان حكمو محمد وماخلا ليه فين يهضر فحين هاد الاخير كيشوف فيهم بجوج عارف كل واحد علاش مطوي لا الحاج باه للي كيفهمو طاير وعارفو ماكارهش يرجع للعائلتو وتصلح طريق بيناتهم…بعد السنين رشااه والخصام غير ماكيزيد يهرس ضهرو مهمى طال الصبر العودة للاصل كتبقى نوع ااخر من الرااااحة….وحتى الجد اللي مجايباه لا دار ولا دوار …نعم جاي ناوي على صداع ولكن داك الصداع اللي كيسالي بالصلح ماشي العكس…السي ابراهيم غير كيشوف هنا ولهييه كيقلب منين يشدهم تاني حتى بانت ليه اسماء موراهم وهو يتلفت محمد فين كيشوف وحرك ليها بعيينه تمشي..
محمد : وجدي تسنيم… نشوفها ونمشيو….
حركات راسها بطاعة وخرجات من تما لكن اللي فيها مامهنيها غير سدات الباب وقفات جنبو كتصنتت وتسمع ااش غيقولو وراها…!
الجد : نتا حفيدي واسمك على اسمي بسييف على اللي نكرو هادشي…تمنييت فيك الخير واخا ماكنتي تشوفني ولا طل عليا مانلومكش بسيف وكاع الفام تكرهك فيا وفاصلك وفتريكتك مجموعة حتى تقطع ليها رجل وعمرك تخمم وتقول نمشي نطل عليهم واخا غير فسبيل الله…قلتها ما مرة ما جوج وكلهم شاهدين على كلتمي ماكرهتك تكون فداري مع عمامك وحفايدي يعمرو عليك وتعمر عليهم سااعة ماضنييتك تكون بحاالو(قاصد الحاج) وتبع خطااه وافعالو….كملتي دينك وقلت مبروك وطلاق علاش…طلاق ماشي حل وماتنتفايلش بيه فعايلتي وها العربو بين عينيك كلشي كشتوفو راك بعقلك ومااعندي مانزيد نبين ليك..
محمد عقد حجبانو شابك ايديه قدامو بعدم فهم : طلقت ولا عاودت ااش غيزيدك ولا ينقصك اسي ابراهيم..؟
الجد : طلقتي وفات الفوت وعاودتي تزوجتي ومكاين بااس وليني مرتك مطلقة و(قاطعو كيمشي ايديه على دقنو بحدة وااضحة فنبرتو بصوت خشن رجوولي )
محمد : مرتي وعلى دمتي مانقبلش تنطق بيها ولا تجبدها فالكلام خلينا ملاح و ولاد الناس..!
الجد : ايلا كانت على دمتك راه من عايلتي وايلا هضرت عليها بحالا هضرت على جمييع عيالات حفايد ماكنقللش منها انا كنتناقش معاك عليها
محمد بنفس الهدووء : غنولي جالس كندي ونجيب معاك الهضرة فمرتي اسي براهيم دابا ولا كيفاش ؟ من امتى كتشد الكلام فعيالاات ولادك مولفة ليك والا عادة جديدة ناوي تحكمها !؟
قالها بنبرة جدية موضح ليه مايزييدش ينطقها مع فمو غير ايلا مابغاش يفهم وسميرة من بعيد كتشوف ماعجبها حال وماعجبهاش كلام محمد خاصة فاش بان ليها الجد تغلب وغير كيشوف فيه مايعجبهاش هاكة ومولفاه يكون كلامو هو الغاالب وصوتو هو اللي كيتسمع….صونى تيليفون فايديها سكتاتو وتمات خارجة تجاوب يلاه غتفتح الباب وهي تبان ليها اسماء راجعة لور مخرجة عينييهاا بارتبااك كتضور فييهم وتبلع فرييقها وهي ترجع تيليفون وراها وقرنات فيها حجبانها…
سميرة : ماهي قاعدة هادي تنصتي عند الباب دخلي سمعي اش كيقول راجلك لجدو علاش توقفي هنا وتحصي الكلام لمن باغة توصلييه !
اسماء : ماعندي علاش نتصنت كنت داخلة عندكم
سميرة : علاش كتكدب علااش قولها نيشان وخرج عينيك كي درتي فيا البااارح اش بااغة تسمعيي
اسماء طرطقات فيها عينيها : واش باغية الصداع اخاااالتي قلت ليك كنت داخلة عندكم ايلا كنتي مولفة بالمدابزة والصدااع انا مامربيااش عليه سيري شوفي لييك معامن تلاهاااي فوتيني علييك..
ياقة ماسرطااتش خالتي حتى كملاات عليها بكلاامها وبدات كتنفخ الريح من ودنيها واخا كانت كبييرة فالعمر قد الحاجة ولا صغر شوية ماتقبلاتش اسماء تقول ليها خاالتي…
سميرة : وااش مكتحشميش راه غنلعنك فاين غنتلاهى بنية صغيير انااا مولفة بالمداابزة شمكارة قوليها ليا فوجهي نيت برهوشة دالبارح وليتي تخرجي فيا عينييك…
سمع الغوات على براا وطل غير براسو حتى بانت ليه اسماء واقفة عند الحيط كتشوف وسميرة مخرجة فيها عينيها بصوت عالي مخلية كلشي خرج كيشوف اش عندها
محمد : ااش كاين….شهااد الغوات !!
سميرة : شووف مرتك ااش كدييير بالوجع الحمر كتصت عند الباااب وزايداها بتخراج العينين والكدوب كشتوف فيا وتقوليا ماكنتصنتش عليكم
شاف فاسمااء وهي حركات راسها بلا بعينين خايفين حطات صباعها على درااعو بصوت هاادئ ولكن مسموع ليهم..
اسناء : كنت داخلة عندكم مافهمتش مالها تعصبات عليا واش مريضة مسكينة ؟
الجد ياله وصل عنهد : ااش هاد الغواااات…ماالكي ااش كااين
سميرة : ابا ماقلت تاكلمة راه كانت تصنت علينا قلت ليها غي د خلي لداخل تسمعي على ودنيك ااش كنقولو علم الله ااش كانت باغة تسمع وهي تقول لياا الله يعطيك فيمن تلاهااياا اباا ااش وصلنا لهاااد الهضرة
محمد بحددة ضرو صوتو فودنيها وعدوه صوت المراة يعلى : بشوياا اشرييفة حدري صوتك هضري بشويا علاش الغوااات ااش كاين !!!
عيسى : ساعاتو الله اسمييرة لا حول ولا قوة ايلا بالله …
سميرة مراضيااش كتهز وسطهم : واااش قلت شي كلمة قلت ليها دخلي سمعي على ودنييك المرييضة هي …البركاكّة ااش باغة تسمعي على ودنييك تصنتي وتبحلسي على الباااب
الجد خرج فيها عينييه : قلت لييك هضري بشويااا ماالكي فرعنتيي
سميرة : نتا اللي حادر ليهم رااس ابا واش هي عند الباب كتصنت علم الله ااش كانت باغة تسمع ولمن باغة توصلها وزايداها كتقول ليا الله يعطيك لدفيمن تلاهااااي وااش انا شمكااارة….ايلا حدرتي ليهم رااس ابااا انا مانحدروش لييهم قلة ترابي ماعندها رجال لي يحكموها
محمد : هاااد الرجااال غيهدمو لييك وتزيدي حررف واااحد…احتارمني راسك وحدري صوتك ولاا براا علياااا
الحاج تدخل : نعل الشيطان اولدي رجوع الله ساعة غضب ماتخلييهش يتحكم فييه…محمد
سميرة : اشنو قللت انا دابااا ابا واش قلت شي كلمة قلت ليها دخلي ماتصنتييش عند الباب دارتني شمكارة وقالت ليا الله يعطييك فين تلاهااي مالي كدبت عليها كون لقات راجل يحكموها
قبل ماتكملها تسمعات ضربة قوية دالباب لي ضربو محمد برجلييه وخرج منداافع ليها واسماء خرجات عينيها راجعة خطوة لور والمهدي وقف قدامو داافعو واخا ماباغي لا يضربها ولاا يقييصها وعمرو اصلا يفكر يحط ايديه على بنت المراة لكن كلمة الرجال لي كتعاود ففمهااا ضلماات دنيا فعينييه مابقى كيبان لييه حد دفع المهدي بعد علييه وخررج قال شي حاجة للفرملية وهي مشات كتجري فحين سميرة باقة وسط غييثة وخوها عيسى واية مرااضيااش وغي ماكتزييد تعالى و تطول رااسها مسمعة لييه كلاامها ماسرطاتش علاش يدفع عليها البااب تشابكت شي كيفك فيها شي كيهدن محمد وهو غير كيسوووط وايديه كيرجفو كتبقى مراة وكبر منو والاهم عمتو تربى على الاحترام واخا ماخلاوهش فالتيقار…
الجد : قطعي حسسسك…قطعي حسسك القبييحة قلت لييك شد فمك ايلا بغيتي تجيي معايااا خرجي قداامي يلااه زييدي قداامي…
عمر داك الكولوار غير بيهم هوما وشي فرمليات مجموعين كيتفرجو واسماء ساكتة كتشوف وراها كل مرة متمنية غير ماتجيش الحاجة لاتولي تقول شي حاجة لكن ماتحققش مرادها وبانت ليها الحاجة جاية مع الكولوار يشوفو اش كاين…
سميرة : وااش قلت شي كلمة اباااا ماااقلت لييه وااالو واش كدبت علييه… كتصنت علينا عند الباب قلت ليها دخلي ماتقبلتوهاش مابغيتونيش نجبدها على فمي ….مرمدو لييه وجهك قدام لي يسوا واللي ميسواش وحادر لييهم راااس يغوتو فوق منو..
على كلامها دخلو جوج ديال ليسيكيرتي كبار ومكضرين كيشوفو هنا ولهييه حتى بان لييهم محمد هضر معاهم غير بالعينين وهوما مشاو عند سمييرة رافعينها من دراعها مخرجينها وهي كتنتر عليهم والحفايظ ولاد خوتهاا كيبعدو سيكيرتي منها حتى نطق فاارووق بعصببيية كينهج ..
فاروق : وااا غيطلقو منهاا ولاا نوضووها هناا اجدي…..امحمد اصحبي ماشي فعاايل هاادو
محمد انداافع لييه سيفتو كتخلع كثر منوو : خرجها وخرج ت(جمع لساانو)…براااا نتاا ويااها غتنوضووهااا نوضوو اصل مهااا اااش كاااين
كانوو شوية وغينوضوها كلشي دمو حمى وسخنو والجو تكهرب كثر من المتوقع لا الجد قدر يحكم ولاا الحاج ولا الحااجة..خرجو سميرة من تما وخرجو موراهم الحفايد وحتى الجد لاح الساروت ديال دار لي خدا من محمد لاحو للحاج وخرج ورااهم كيضرب بعكاازو ويترعد غيطييح بالسخفة والمهدي دخل ورا محمد لداخل كلهم غير كيشوفو لا الحاج ولا الحاجة وحتى اسماء وقفات فالباب كضور فعينيها حتى دار عندو محمد بغفلة…
محمد : مهدي دييهم للدار مزاال شوية هنا…
المهدير: واخا ..
ماقدراتش الحاجة تهضر ولا تقول شي كلمة هزات صاكها وجمعات مسائلها عطاتهم المهدي وخرجو كامليين مع البااب واسماء بغات تهرب من قدامو الحشمة هازاها من صبعها الصغيير عمرها شافت حالتو هكا وماعندهااش فضول ابدااا تعرف عليها ولا تسمعو ااش غيقول
محمد : وجدتي تسنييم نشوفها ونتحركو !
اسماء : ماما كتلبسها بغيت غير نقوليك راه فيقتها حتى…..(هزات ايديها)انا غنمشي نشوفها واش لبسات…
عطاتو بالضهر دغيا خرجات من تما هرباانة منو ومن حجباانو المقرونيين تقول عمرو تبشر…مشات كتجري عند الحاجة لقاتها واقفة فالباب عينيها كيضورو بالفضول تعرف ااش كااين…
الحاجة : ماالهم يتغاوتو ااش كاين
اسماء : والو بيناتهم اماما داكشي ديال العائلة انا ماكنبغييش نتدخل فييه….تسنيم مزال نااعسة نفيقها
الحاجة : عااد نعساات بعدي من البنت
اسماء : لا غيجي يشوفها وغنمشيو…غنمشيو لفيرمة ديالو غنباتو فيها هاد ليلة واقيلا…تسنييم بنتيي نوضي… تسنييم… فين بابا..؟
الجاجة : مشى يصلي ومالو غادي للفيرمة تالحاجة غادية معاكم ومالو مايمشي لدارو يرتاح وقت شي قيرمة ابنتي هذا
اسماء : سيري طلي عليه ملي تعصب تقولي عمرو كان مرييض باغي يمشي يعزي فداك السيد لي مات فالبحر مسكيين الله يرحمو فهاد النهار ماعرفتش امتى واش ليوم
الحاجة : الله يرحمو مسكييين مابانت ليا عائلتو مابن ليا حد هنا كون ناقلها ليا بااك مانعرق بيه
اسماء : لا راه مكانش معانا اماما هاد راجل راع كبيير قالها ليا محمد اما لي دخلو معاه هو غير دراري صغار ميطناجورات الكبير فيهم عندو خمسة وعشرين عام راه عاقلة عليهم واحد واحد…الله يرحمو مسكين فهاد النهار والله يصبر عائلتو صعييبة وقاصحة الله يحسن العوان…
الحاجة :اميين .. الحاجة ماجات عندي ماقالت ليا على سلامة بنت بنتك الحاج نسيبي كل مرة سولتي عليك ماهي حد الان ماسمعت منها شي كلمة
اسماء : وغديري فيها راسك اماما الله يحسن العوان حتى هي كانت تالفة ودايخة شكون بقى عندو شي خاطر يسول فواحد ااخر…يلاه جمعت دماغها لرااسها جاو عائلة راجلها فينهو العقل ديال شي هضرة..
الحاجة : انا راه ببنتي كانت شاظة ليا الفراش وبنتها ببين الحياة والموت ومشيت عندها وسولت فيها وفولدهاا وهي ماقالت ليا حتى على سلتمتكم ماسمعتها من فمها
جمعات الحاجة فمها ماعجبهاش الحال واسماء كتشوف فيها بنص عين…!
عند كنزة…
رجعات اسية خطوة لور كتشوف هنا ولهييه خايفة غير من حنابها وصاحبتها شادة فدرااعها كثر منها مخرجة عينيها خايفة ظنيا مقلووبة بالبووليييس كل واحد وفيين كيجري وكنزة كتشوفف يهم حالة فمها مصدومة بحالا كتشوف شي فلم …
صاحبتها : هيييه مرووعة دنيا يا اسية فيين غنمشييو اختي..
اسية: يلاطيف يلااطيف شوفي شوفي شدارو لييه ناري هزوه بلا سرواال ..
ص : كلشيي بان ليا هربااان هجمو علييهم(ضربات خدها) ويلي ويلي وففيي كلشيي مشى يلاطييف شووفي لعار… ويلي شوفي هادااك تخشى تحت طوموبيل اولي ايلا دازت عليه..
اسية مركززة معاااهم كلها كتهز : غيشدو غيشدو شوفي…
ضرباات صتحبتها ف فضخها بصوت مرتافع وكتغوت زعما يسمعها : هررب….هرب..ورااك وراك
اسية غمضات عينيها بحسررة : اااحح شدو الصكع يلااطييف شدووه صافي
جراتها : يلاه اختي يلااه نمشيو قبل مايحمعونا تاحنى معااهم
اسية : اصبري بلاتي
_نااري اسية ختي لاا… نمشيو دوصي عندي عامر معااهم خاصهم ليا غييير سبة يلاه ا اسية…
اسية فيين..متبعة معااهم كتشوفهم ااش كيجمعو فبناادم حتى نقزات صاحبتها بغووتة مخلووعة…
ص : وجاين لجيهتناا اااسية يلاااه…يلاااه ااسية
اسية : يلاه نمشييو يلاه..
ماخلاات لكنزة فيين تزيد تهضر جراتها دغيااا وراها وهي غير كتشوف مصدومة ومدهوشة هادشي ماشي اول مرة تشوفو ولكن فهاد اللحضة بالضبط تدهشات وكلشي جاها بزربة وعلى غفللة قبلا ماتستوعب لقات رااسها طلعات فاطاكسي وبدون ساابق انداار كسيرا غادي راجع بييهم منيين جاو…وهي غير كتسمع وتشوف فيهم كيضهرو على للي شافت عينيهم دابا شوية ماسمعو كلامها ماسمعو تعليقها غير ساكتة وكتشوف…حتى تلفتات عندها اسية..
اسية : شوفي ماتخافييش مزال نرجعو هادشي كيوقع ديما ومن زهرنا طحنا فييه هاد نهار ..داباا غيقلبو لييهم ديور ويمشييو غير تهدى دنياا عندهم ونرجعو ماتديرييش فباالك
_كيقلبو كلشي ايلا لقاو وراقيها تما كلشي غيدييوه ليها عندهم تما…ايلا لقاو مثلا لاكارط غيديوها حتى تجيهم شكاية بلي توضرات ولا طاحت لشي حظ..
باندفااع بحالا كانت ناعسة وعاد فاقت على غفلة مدات ليها ايديها..
كنزة: عقااك عطيني تيليفونك
اسية : تهضري مع شي حد ؟
كنزة : ااه عفااك غير دقييقة ونرحعو لييك ولا نخلص ليك المكالمة غير غيطيني نصوني عفاااك ا اسية..!
تحل باب الدار ودخلات اسراء ولمياء موراها عبد الكريم ورقية موراهم بصاك فدراعها والمشية بالعبار الجلاابة انييقة والطاالون والشاال رقيق مربوط فالعنق….
رقية : كلمة وحدة راه قلتها جلسي ابنيتي وتقلي حجرتك الله يرضي عليك ماتخليش الفام يتحلو علينا..!
اسراء: ماقت حتى كلمة اماما غير ملي عرضات علينا مابغييتش نرضوها فوجهها ولكن نتوما تعرفو…
رقية : كون ماسبقتيني وقلتي ليها غنجيو نردوها لا فرصة ولا مناسبة جابتها الوقت تانمشيو عندها بغيتي تشوفي طليقك على وجه العشرة اللي تعاشرتو قلت ليك واخا ومشينا معاك الله يجعل البراكة ابنتي مرة اخرى ونسولو فيهم…
لمياء : مافيها والو اماما واصلا الحاجة لي عرضات عليكم ماشي نتوما غتمشيو عندها مافيها والو غير عشاء خفيفة غيدوز وترحعو..من باب الصواب والعراضة مكترجعش..
رقية : دوييت معاكم وانا دابا غنعيط ليها ونعتادر ليها ونقوليها ماغنقدروش نجيو وخرجو لييا ضياف على غفلة….نخرجو من باب وااسع…
عبد الكريم : واكلام المعقول قالتو مك السيد تزوج وبلا زواج مريض وعيان ماجابتها الفرصة وابنتي نمشيو عندهم مرة اخرى ونسولو فييهم عارفك ابنتي نيتك خير ولكن ماشي الوقت المناسب لشي عراضة…
اسراء برجفة فصوتها بلعات غصتها: اللي بغيتي ابابا انا ماعندي كلام فوق كلامكم…غير من باب الصواب قلت ليها واخا ملي زيراات علينا نجيو مالقيت مانقول ولكن نتوما تعرفو…انا غنمشي لبيتي..
رقية : الله يرضي عليك ماتغبريش فيه تاني شوية واحي جلسي جنبي وجنب باباك…
حركات راسها بايجاب ومشات لبييتها ولمياء متبعاها بعينيها…لاحضت فيها فرحتها ملي عرضات عليهم الحاجة طريق كلها وهي داخلة للانستا كتقلب علة لبس للمناسبابات تضوموندي عليهم من هنا للعشية وكل مرة تسولها كيفاش تزين وشنو تلبس حتى صدماتها رقية برفضها للعراضة… زكاتهم وخلاتهم ملاهين مع بعضيااتهم وهي تبعها للبييت بدون ماتدق حلات عليها الباب على غفلة ودخلات عليها لقاتها شادة تيليفون بين ايديها فوق الناموسية باقة بحوايجها تنهدات بصوت عالي حتى قفزاات اسرااء وهزات فيها عينيها مدمعيين ولمياء قرنات حجبانها كتشوف فتيليقون لي بين ايديها ودموعها دايزين..
لمياء : مالكي ؟
قربات ليها كتشوف فتيليفون بين ايديهاا واسراء كتررعد وتكتب فالكلافي دغيا…
لمياء : ماالك اسراء ااش كيدري..اش كيدري اري نشوف..
خطفات ليها تيليفون كتشوف واسراء مجبدة معاها باغة تاخدو كتغووت مخرجة فيها عينيها…
اسراء : ااري لياااا زمرر الميااااء ماتخطفيييهش ليا من ايدي
لمياء بصدمة خرجات عينيها : ااااش هادشي كديري…حماقيتي سيفطتي هادشي لشي حد وااش سيفطتييه لشي ححد …
خرجات عينيها بصددمة كتشوف فصورة اسماء ملي كانت واقفة مع المهدي بلباس المستشفى صيقانها عرياانين وشعرها تريان وراها ودراعها حتى هوما بحكم اللبسة كانت قصييرة حاطة ليها حوج صور وحدة من لور ووحدة بان فيها نص وجهها…في منشور فالفيسبوك ومعاهم حتى صورة محمد وكاتبة فوق منو….
” اناا اسماء زوجة الدكتور محمد هو محتاج لدعواتكم عفااكم دعييو معاه ينوض على خير قلبي محروق علييه ربي اللي عالم بيا هو محتاج لدعواتكم وانا محتاجة نهضر ونخوي قلبي هذا رقم تيليفوني 06***** دعواااتكم الله يجازيك بالخيير …”
مسحات لمياء البوسط دغيا لحسن الحظ كان يلاه كيف تلاح ودخلات للواتساب كتجىي تقلب فيه وفالميساج ديال الفيسبوك لاتكون لاحتو لشي حد مالقاات واالو…
لمياء : حماقيتي ا اسراااء ااشهاد النيفو لحتي رااسك فييه وصلات بييك تشوهيها هكا ماشي حشومة ايلا كانت هي لفغة نتي راك مربية وبنت عائلة ااش هاد الحالة كديري فراسك وفينا….
اسراء بحرقة غوتات : خليهم يشوفو مرااات دكتور شوفي وشوفي التعلقيات قراااي كلشي كيسول على مرتو لي غرقت معاه كلشي باغي يشوف الكونط ديالها ويعرفها خليني نوريها لييهم(بغيرة) شوفي ااش كاتبين لا حقا مرتو غتكون زويينة لاا سعدااتعا بيمن تزوجات لا سعداتها حداامن كتنعس…..خليني نوريها لييهم ويشوفو نييت حدامن كينعس دكتورهم…
لمياء : جمعي رااسك ا اسرء احتاارمي رااسك كامراة وعطي قييمة لراسك زدتي قيه اختي وعيقتي والله العضيم عدوتك اييه نتقبلوها وتخسري ليه صورتو هو…. هادي هي كنبغييه وندير اي حاجة على قبلو هاد صورة قبل ماتضريها بيها هي غتضريه حتى هو معاها سمعتو غتضرب عرض الحااائط…اش هااد المستوى وليتي ٥يه غير شرحي ليا
اسراء مسحتييه يلاه اري ليا لهنا وبعدي مني دخلي لسوق راسك انا عارفة شغلي واخر مرة دخلي فياا
لمياء : مسحتو وايلا كان عندها شي زهر حتى حد ماغيشوفو راه واخا كيتمحسو ليبوسط كاين لي كيطلعو عندو قبل مايتسمحو شكون قال دابا مايسكرينيه شي كيموت على الفضيحة وشوهها..والله مايرحموك هادشي راه فيه تشهير غتمشي فيها نتي قبل منها..!!
بزز باش فاقت ليها تسنيم مزال شاد فيها نعاس نوضاتها كتبوس فيها وهي مرخية بين ايديها مساخياش بالمخدة والنععاس باغة غير تحط راسها بلا مرض بلا غرق كتموووت على النعاس وزادت عليها تسخسيخة لغرقة كملات البااقي…خلاتها كتدوز على شعرها وتهضر مع الحاجة غير تحل عليهم وهوما يسكتو ودخل نييت محمد الحاجة تبسمات وحدرات راسها تحشم منو بدون سبب غير وجودو كيخليها تخشي راسها فعنقها وتشد زيف على فمها كتولي غير ضور فعينيها مبسمة ..
وحتى اسماء بعدات شوية خلااتو قرب عند تسنيم هي والحاجة غير كيتفر٠و وهو كيفحص فيهاا ويدقق فالوراق اللي فوق راسها كان موصي الفرملية ووجدات ليه التقريير ديالها باش يشفو عاد يقدر يقول واش تخرج ولا لا….كيفحص فيها ويضحك معاها بحركات فيقها من النعااس واخا مسخسخة ناضت كضحك وتحرك معاه فاااشلة بزز باش كتهضر وضحك ماحسات بييه حتى رفعها هزها لعندو وهي كتضحك فالسماء وتخشي وجهها فعنقو مييتة بالضضضححك بحركاتو لي كيلعب بيها كيف شي كورة فرداعو
محمد : وقفي نشوف اشهاد الفشووش عجباتك النعسة هنا ولا كيفاش…وقفي..
هو كيعلي صوتو زعما باش توقف وتجبد وهي مييتة بضحك واخا كيغوت عليها كيجييها بحالا الضحك معاها كلما حركها كتفشل لييه كضحك وهو مكمل معاها مخليها على خااطرها بكلاامو وحركاتو غيق الحمااس اللي فيها وناضت فوق السرير كتنقز بين دراعو وتعوج فرااسها تجبداات وصحصحات ولعبات معاه حتى عيات وخلاها لاسماء كتلبس ليها مبسسمة فرحانة لكن مزال الخجل من اللي وقع ليهم عاد دابا مع سمييرة ماقدراش تهز فيه راسها ولا تجبد معاه الهضرة ولا تسولو فاي حاجة خوفا من انه يجبد معاها الهضرة عليهم…!
الحاجة : الحمد الله على سلامتك اولدي الحمد الله الله يطول فعمركم ويخلييكم مجمووعيين ..
محمد : اللهم امين الحاجة..براكة الله فيك
الحاجة : غير ساعف اولدي ساعف على وجه الحاج والحاجة خلي الماء منيين يدوز … راه حتى حد مالاقيها زينة وتا حد ماهاني من المشاكل والهم …
حرك راسو بايجااب مزال ايديه كيرجفو على سميرة وعليهم كلهم ماشي غير هي عاقد حجباانو وغير كيتنههد بعدم صبر على كلامها فوظنيك كيتردد..!
وجدات تسنيم ولبساتها حوايجها كتشوف فمحمد قدام الباب مع الطبيب اللي كان شاد تسنيم كيهضر معاه…لحضاات عاد دخل عندهم وهي الكلمة اللي قال ليها كتحرك راسها بايجاب مرة كتجاوبو مرة لا مزال كيبان ليها عاقد حجبااطنو مزيير من الخصامة اللي وقعات حجبانو معقودين وكلامو بالعبار كيخرج لا معاها لا مع الطبييب ايلا تسنييم اللي غير كتشوف فيه ولا تهضر معاه كيتبشر ليها ويجاوبها بنفس مرحها ولهجتها كيضحك معاها…
قبل مايخرجو مشاات معاه بعدما قاليها تبعو حتى دخلاات وجلسات قدام واحد الغطفرملية قدامو خدات ليهاا عينات من الدم دياالها وهي غيروكتشوق ماعرفاتش علاش السبب ومازعمااتش تسول قدامو وحتى هو ماقاالش ليها علاش خبااهم دارو خدمتهم حتى كملو وخرجو من الكلينييك وصلها للطوموبييل خلااها تما مع الحاجة وعبد المتقي ورجع لداخل مدة طوييلة ما ساعة نا نص عاد جا لعندهم ركب بخفة جنب عبد المتقي لي جالس حداه والحاجة لور وهي حماهاا شادة تسنيم وكسيراا زااد مع الطرييق…الطريق كلها وهو كيهضر مع عبظ المتقي فجميع المواضع الريااض السيااسة الاخباار ماخلاو حتى حاجة مادازو عليها منسي لطرييق علاما وصلهم للدار …حاول معاهم ما مرة ماجوج باش يمشيو حتىزهوما معاهم للفييرمة حيت حتى واليديه غيجيو ولكن لا الحتجة ولا عبد المتقي قبلو عارفين لي عليهم وعارفين محمد باغي يرتاح وماغادي مبعد تالتما غير باش يلقى رااحة وايلا مشااو معاهم مابقات راحة فحين الحاجة اصلا من زمان نهار كتيزوجو بناتها ماكتعتب عندهم ماكتطلق عليهم رجل شادة رجليها حتى كيعرضو عليها ولا كيجيو عندها بناتها نييت باش تمشي هي كل مرة خيطي بيطي عندهم ماعندهااش وعمرها كانت لييهاا التيقااار احسن…!
وصلهم للدار كيف بغاو واسماء نزلات جنبو بعدما قامات بلاصة دتسنييم عاد شدو طريق نيشان للفيرمة قبل مايمشييو ليها بان ليها وقف قدام واحد المحل دالملاابس ديال العياالات حتى طل عليها وبانت ليه خاوية عاد عطاها الكارط بنبرة امر عارفها غتبدا لا ما لا…بامر عطاها ليها وخلاها نزلات منزلة معاها تسنييم وهو بقى كيتسناها برا عير قدام المحا خدات شي حاجة خفيفة تقدي بيها ديك النهار ولا داك اليومين وخدات حتى لتسنيم بيجامة منزليية داافية وخفييفة عاد دازو لسوبر ماركت تقداو كل نايخص للداار من خضر ولحم وماكلة وشدو طريق نيشان للفيرمة….
محمد : طلعي زاج البرد قاصح وحيدي حجابك ايلا جاك الصهد..
طلعات زاج من جيهتها وحيدات حجااها كتنفس وتنش على راسها مزنكة وخدودها حمرين وهو كيشوف عندها ضنا منو انه الصهد سباابها فحيين هي ما بيها لا صهد ولا حتى حاجة من الكلينيك لاحضت فييه وجهو لي مقلوب عليها بحالا تاق بكلام سمييرة وشك فيها كانت كتصنت علييهم…
تزيرت ومابقااتش مرتااحة شداتها البكية وماتسرطااتش ليها مايهضرش معاها والقلبة اللي قلب عليها جاتها قاصحة على قلبها ماقدراتش تبلعها…جبدات قرعة الماء كتشرب منها حاسة بايديه كيمشيو فوق شعرها كل مرة كيبعدو على وجهها…بعدات وجهها جيهت الزاج دايرة رااسها ماسموقاش وماحاساش بييه واخا راه قلبها متبع كل حركة من حركااتو…!
فحين محمد مامربييش ايديه عليها فينما رشقات ليه كيشد عجبو شعرها وجاتو الكانة علييه صايق بايد واييد تانية كيجر بيها خصلاتو منزلو على طولتو حتى كيوقفو تحت صدرها شوية ويعاود تاني يشد خصلة اخرى حتى وصل للسطوب ووقف كيتسنى الاشارة الخضراء…عاد تلفت عندها حسات بشوفاتو وضارت عندو وهو يغمزها بسؤال
محمد : مرتاحة..!
حركات راسها بهدوء باقة على نفس وضعيتها ملفتة عندو مبسمة مامبيناش واخا هازة فقلبها من جيهتو واحظ اللحضة وهي تحس بيه شدها من عنقها جارها لعمو عاض على فمو مغدد
محمد : اللي يشوف هاد العيون مايقولش هوما اللي كانت غطيح عليهم روح دابا شوية
فهمات قصدو وبصوت هاادئ مستغلة انوثتها وحلااوة لساانها تلعب بيه وتنسييه فاللي وقع..
اسماء : انا ماقلت ليها الو كنت داخلة عندكم حتى غوتات عليا يحسابلي غير درت ليها شي حاجة بلاما نقصد…بقيت غير كنشوف فيها…(شافت فيه بصوت هامس محركة راسها) مادرت ليها واالو..
محمد : مادرتي والو…!
حركات رااسها بلا مبرئة راسها وهو كيشوف عندها مطول باعجاب مفضوح فعينيه واخا يعيى يخبيه كيبان فعينيه وحركاتو كيفضحوه قبل من لسانو…واسماء ملي كتلاحظ داك الاعحاب عاد كتزييد تنفخ ريشهاو يعحبها الحاال وهرمون الانوثة كيطللع للسطح ويحركها برحكات غير ارادية كتبسم وتلعب بشفايفهاو وترطبهم بلسانها مرة مرة… وتميل عنقها وايديها على ايديه باغة تحيدهم ليهم غير حطاهم وتلحن فصوتها لا اردايا…
اسماء : كتقصحني امحمد….ايدييك
جنناتو صوتها وحركاتها وملمس ايديها كيفقدووه سيطرتو..عض ف فمو مغدد عليها و تلفت عند تسنييم …
محمد : غطي ابنيتي عينييك
لاحت تسنيم تيليفون وغطات عينيها كضحك يسحابل ليها كيلعب معاها واسماء غير كتشوف شادة الضحكة حتى حسات بيه جرها كثر من دقنها ميل راسو لمستواها ملاقين العيون قبل من الشفايف تبسماات لعينييه المبشرين وغمضاااتهم فااش حسات بيه حط فمو على شفايفها بقبلة عنيييفة مغدد عليها وايديه مزييرة على عنقها جابدها لعندو ماعرفاتو باغيها وبا باغي يعاقبها…اللي عارفة هو عاجبها الحاال ومرتاحة معاه واخا ماقدراش تمشي معاه فنفس الوثير فاش كيزرب كتحبس وتخليه بوحدو مسيطر على شفايفها بين شفاايفو كيتكالو بالمهههل وملي كيضعفها كتحاول تماشى معاه…قبلة داافئة كثر من جو الطوموبيل لي تهزت بحرااارتهم لمساات وحركات ظاافية…مع نفس سخونة كضرب فوجههم ..مرة مرة نضراات مبسمة منها وعيون نايمة بشهوة ولههفة عليها منو…
مابعد غير على صوت الكلاكصون وراه قلب الدنيا عاد رجع لور كيتنفس بسرعة وحيد السمطة دطوموبيل عاد كسيراا غادي كيرخف فالجاكييط على عنقو ويفتح ازرار سمطة دالسروال وهي قالبة وجهها كتشوف فزاج شادة ضحكة حاسة بالحرااارة تحكمات فجسدها من حشمة ورغبة قووية بيه واخا ماكتبينهاش ليه ابداا ولاا تخليه يحس بيها باغاه…!
مدات ليها اسية التيليفون وهي شدااتو دخلات نيشان تكتب رقم اسماء كتكتب فالنمرة وترجع تمسح نصها محافضاهاش ولكن كتخايلها وكتخايل ارقامها….تكتب وتعاااود مضاربة بين الارقام حتى كملااات نمرة وضربات على الله عيطات ليها ماعارفة واش غتجاوبها هي نيت ولا لاا….لحضات كيصوني فودنيها حتى تفتح ورداات بلهفة..
كنزة : الوو اسماء..
صوت رجولي : الوو ..شكون معايا ؟!
قطعات كنزة دغيا وقلبات جوج ارقم الاخرين شاكة فيهم وعاودت صونات تجرب ما مرة ما جوج كتصوني وتعااود و ولا جابة من داك الرقم وجبدات تاني جربات واحد ااخر يلااه غتصوني لييه وهو يعطي ليها الرقم لول اللي مجوبهاش و بلهقة اكبر جوبااات….
كنزة : الو اسماء !!!!
_الو…ميلوود
كنزة عوجات شفايفها : شكون ميلود.. ؟
_ رااجلي…شكون نتي الاالة ؟
كنزة : غلطت فالرقم واقيلا اشريفة…سمحي ليا…
قطعات علييها بعصبييية حاسة بسخونية طالعاها معصببة وجربات رقم اخر….
صوت رجولي اخر : ألوو…سلام علييكم ؟
كنزة زربت عليه : ماشي اسماداء سمح ليا اخويا غلطت فالنمرة
بصوت هادئ متساائل : شكون اسماء
كنزة : ختي…
_ااه ماشي مشكل…شنو سمييتك ؟
قطعات علييه دغيا مغددة باغة تبكي واسية وصحابها
كيضحكو القدام….تحطماات وتكات مغمضة عينيها كتخايل رقم اسمااء حافاضه متأكدة غير مقلوبين ليها الارقام….فجأة هي تحل عينيها بشههقة وبسرعة صححات الرقم بعدما قدرات تتدكرو اخيرا…كتبات الرقم بسرعة وحطاتو على ودنيها بلهفة عاضة فصبعها الكبيير كتمنى تجاوبها وتكون هي ماشي شي حد ااخر…حتى تفتتح الخط قفزات معاه كنززة..
كنزة : آلوو اسماااء…
بصوت هااادئ ردات عليها ….
اسماء : الو….شكون معايا
كنزة بفرررحة لمعو عينيها وهوما شافو فيها : اسماء هادي كنزة …
اسماء :كنزة !!!….ايوا الله يمسخك عاد تفكرتي اسماء الكلبة فيين غابرة ماكتسولي ماتعيطي وزايدااها ماكتجاوبيش مغبرك علينا هو داكشي علاش زربان يديك
كنزة : غير مع السفر هههه وريزوو قلييل شوية فهاد المنطقة….لباس علييك ااش كتعااودي
اسماء : الحمد الله هاد ساعة كلشي مزيان هههه كلشي بخييير ونتي
كنزة : فين شاديينها ياك هانية كلشي هو هاداك وتسنييم مع القرااية ولفات ليك شوية(بمرح) فداار الدكتوور
اسماء ضاحكة: الحمد الله عاجبها الحاال هناا غير غير لبارح ديتها البحر وتخنقت شوية مع الماء حتى جبتها للكلينييك
كنزة تخطفاات : اويليي اااش كتقولي ا اسما ؟؟كيفااش تخنقااات وفيين كنتي نتيي
اسماء : لا لاا راه لبااس عليها والله العضيييم يلا خليتينا وصلنا لفريمة ديال محمد غنباتو فيها ليوم مابيها واالو غيرتخنقت شوية وصافي حتى تجي ونعاود ليك..
كنزة بقلق: وريها ليا نصوني لييك فيديو نشوفها فواتساب
اسماء: وعلااش مخلوعة دابا راك قلت لييك لباس عليها صوني انا غنخدم لكونيكسيون
قطعات دغيا قربات عند اسية…
كنزة : عفااك عطيني نصوني ليها من الوااتسااب (حلات بزطاامها) نخللصك بااش كتعبئي تيليفونك الله يسااهل عليك
اسية :حمايقيتي من نييتك اويلي هاكي هضري خودي راااحتك غير قولي لياا فين نوصلوك..
كنزة بدون تفكير: للمطااار…
صونات ليها من الواتساب دغيا حتى بانت ليها اسماء وسط الطوموبيل غير بوحدها مكانش محمد معاها وتسنييم لور عطاتها هضراات معاها وتسنيم لسانها كيااكلها حتى تبغي تعاود ليها وتشكي عليها كيف العادة وكتشوف فاسماء تغمز فيها موصياها ماتقول واالو وترجع تسكت وتحرك راسها باه ولاا لا…
اسماء : شفتي ااش قلت لييك اري اماما نهضر مع خالفتك راه لبااس عليها فيين نتي ماشي فالدار…
كنزة : لا خاارجة فورماطيت تيليفوني ونسيت على نمرة عمااد عندك ياك سيفطيها لياا مكااينش معايا وانا خاصني نهضر معاه ونمرة مشات ليا
اسماء : فيين مشى خلااك و بوحدك…كيف غادا مع الحماالة…
دوخاتها كنزة بالهضرة تدخل من هنا وتخرج من لهييه حتى نساات عمااد والسفرة بقااو كيعاودو غير على احواال بعضهم لا كنزة عاودت على اللي واقع ليها لاسماء باش ماتشطنهاش وماتخليش بالها معاها وعارفة اسماء مخلوعة غير بوحدها شي سيناريوهات غتخايلهم ماكيينش…..ولا حتى اسماء عاودت لكنزة ااش وقع ليها ولا تسنيم ولا محمد مابغاتش تخلعها وهي عاد رجعت لدارها مسافرة مع راجلها عايشة الحيااة وناسية الهم مع عماد…على حسب تفكيرهاا…!!
سيفطات ليها نمرة دعماد ودييك لحضة صونات ليه كنزة لكن لا رد منو ماجات فين تعاود تصوني لقاو راسهم قدام المطار نزلو منو وكنزة فينما تبغي تعاود تصوني حتى كيصوني تيليفون اسية فايديها من شي حد من الخدمة ديالها حيت تعطلات وخاصها ترجع الخروج عندهم بالوفت وممنووووع يفوتوه…تنهداات كنزة على زهرهااا وكتباات النمرة عندهاا مهم تبقى عندهاا حتى تقلب منين تعيط ليه مسحات نمرتو و نمرة اسماء من تيليفون اسية ونقاتو عطاتو ليها كيف خداتو واسية حتى هي كتبات ليها العنواان ديالها غاداا مزروبة عقلها بقى مع كنزة بقاات فيها وعزات عليها مابغاتش تخليها بوحدها ولكن من الخدمة كيعيطو ولازم ترجع فالوقت نيشااان وايلا سيمانتها معاهم كحلة….واعدتها صباح الغد ترجع عندها ايلا لقااتها…!
خلاوها كيف الراس المقطوع جالسة فوق الكرسي قدام المطار والناس قدام عينيهاا شي داخل فرحااان كيتعاانق مع عائلتو لي فاستقباالو عند البااب شي كيودع بالبكى وهي بوحدها كترمش فييهم…ها النمرة فايديهاا باش غتهضر بااش غتوااصل معااه…عياات تحبس دموعها وتوقي رااسها لكن غلبووهوحدراات راسهاا عاضة فشفاايفها ودموعها كيطقرو فوق ورقة النمرة…!
كيف قطعات مع كنزة صونات للحاجة ديك ساعة…كانت غير بوحدها فالطومويل مع تسنيم كتهضر معالحاجة وعينييها فالربيع قداامها الاراااضي كبااار و وااسعيين شمسية خفييفة مشرقة على داك النهااار..والغنم كي الخير مشتتة فوق دوك الارااضي مع الساارح دياالهم اللي واقف شاد العصى فايديه الطربوش فوق رااسو وعينيه جيهت الطوموبيل دمحمد اللي داز يشوفو فيه ولي غادي حاضينو بفضول لاشمن فيرمة واشمن دار غيقصدو…الجووو غزاااال كيحمممنق واحد الهدوووء وراااحة فشكااال موسعة الصدر ومرخية القلب غيير بالشوفة فهاد الطبييبة الخلاابة….نعشااتهم وخنقة الكلينيك والبحر بحال شي غمامة وطارت من فوق صدرهم…
اسماء : يلاه وصلنا وهو يعيط ليه واحد الراجل كيعرفو يمكن نزل عندو داب وهو جااي
الحاجة : واسيري ابنيتي ردي البال لرااسك ولبنتك وتهلااي فرااجلك الله يكمل علييكم ويفرحكم ابنيتيي بالي مرتاح علييك وهاانية علليييك ربي جاب ليك ولد الناس الله يبعد عليكم شر الخلق..سيفطي ليا نمرة ديك المخلووقة نصوني ليها نصبنها على هاد الغبرة لي غبراات يومين ماتفكرااتني
اسماء : اللهم امييين اماماا اللهم امييين…انا غنسيفطها ليك ماتصدعيهاش ايلا مجوباتكش راه معندهاش ريزوو تما واقيلا..
قطعات مع الحاجة كانت لكونيكسيون مزاال خداامة دخلاات للفيسبوك طاالعة نازلة فيه بعد المراات كتطلع ليها صورة محمد اللي انتاشرات بسرعة فمواقع التواصل الاجتمااعي بصفة طبيب بعض الصحفين مشاركنو فصفحاتهم والصفحات الرسمية دبعض المستشفياات حتى هوما وليكونط الرسمي ديال اغلب الاطباء حتى هوما مشاركيين صورتو متمنيين ليه الشفاء…مافلتش حتى من بعض الفنانين لي ديجا كانو مرضى عندو حتى هوما ماسخاوش عليه بدعوااتهم….حتى بانت ليها واحد الصورة لييه وهو مع احد الممرضين دياالو بطابلية بيضة والسماعة فوق صدرو والفرملية رانيا كتعرفها جنبو ضاحكة للكامييرة تبسماات وسيكراناات عندها الصورة بقات عندها عااد دخلات للتعلييقات كتقرا فيهم….
_هادي مرتوو واقيلاا اصلا هو طبيب مرتو غتكون فرملية بااااينة
_خايبة ماعجباتنيش صفرة وقصيييرة اش عجبو فيها
_لا البناات راه مامزوجش اصلا
_يااربي يموت الاكس وتعييش نتا ازين هههه
_قااالو فغيبووبة دعييو معاه البنااات
_ماشي شي زيين ولكن كيجدب العيين البنااات مهيااب
_لهاد الدرجة صلاات بيكم البناات حشومة والله دعييو معااه مسكيين بالشفااء….
تبسمات اسماء وحطات ليها جادوغ على الكومونطيير وصبعها طالع ناازل كتقرا فالتعلييقات واحد يضحكها وااحد يقلقها وااحد تعش فشفايفها وتدخل تسينيالي مولاتو بغيرة معوجة شفايفها وخرجات تاني كتشوف فصورتو زومات عليها وقطعات صورة رانية من جنبو خلاتو غيير هو فعلا ماشي داك زيين اللي تحل فييه العين ولا تقووول واااو اش هادشي….زينو عادي لكن قااااصح حروفو كحليين وعيونو كثر حرشيين ونضرتهم كتباان جديية وقااصحة فالشووفة حجباانو عرااض وقويين بجال شعور مقرونين وكحليين لحية معمرة وجهو طويلة شوية فوق عنقو…غير الشوفة فيه وحركات وجهو الهادئة كتميزو عاطياه هيبة وحضوور قدام قرانو معاونااه حتى وقفتو العاالية وكتاافو عرااض مخلينو مهزوز ومجبد…
جمعات تيليفون ملي شافتو جاي حتى ركب جنبها وتلفتات عندو مبسمة حتى طلع جنبهاا مبادلها التبسيمة وبايديه ضرب نيفها…
محمد :مشينا..
اسماء بدهشة : مزال ماوصلنا.. يحسابلي صافي وصلنا…
محمد : قربنا..شفتي الدار اللي ديريكت فوجهنا..
اسماء : هادييك ..الرمادية..
محمد : ممم هي هادييك…
قاد السمطة علييه وكسيراا بشوياا غادي مع طريق مخرج ايديه من الشرجم كل مرة كيسلم بيها على وااحد يمكن معروف هنا كثر من الدار لهييه اللي مامضسرينش عليهم لا جيران كل مرة يدقو لاا صرف بياتهم…بحكم ان الطريق كانت محفرة شوية كان كيصوق بشكل هااادئ دقة دقة على حسب تسنيم لور … كيهضر هو وياها ويشرح ليها كيفاش تبنات الفيرمة وشكون هاد الناس اللي كيسلم عليهم وهي غير مبسمة كتسمع لييه وايديها فايدييه كيحرك صبعة وسط راحة ايديها حتى كيهرها وكتبعدها ضااحكة وكيرجع يشدها تاني…
وقف الطوموبيل قدام باب الفيرمة الكبيير كحل ومرشوش بالابيض شوية فصالتو ملكييية كيجدب العين كلاكصونا جوج مرات وهو يحلو ليه البااب ودخل بالطوموبيل حتى دخلاها لدااخل عاد وقف نزلات منها كتضور عينيها وتكتاشف وحلات الباب على تسنيم نزلات حتى ضار عندهم وتسنييم كضور بين رجلبيه وترمش بعينها مادة ليه ايديها مارتاحت حتى تحتى هزها عاد ضحكات وشد فاييد اسماء غادين داخليين وهو يباان ليه واحد الرااجل ومرتو خارجيين مورا حيط الفييرمة مبسميين لييه…طلق من اسماء وسلم عليه بايديه سلام رجولي وسلم على مرتو لي سلمات على اسمااء غير بعينيه كيربحو بيهم..
فرحااان بجههد انسان درويش فوحهو كيبان الخير والقنااعة :
_مرحباااا مرحباا بالطرييق اللي جابتكم ماعلمتينا اسي محمد نديرو استقبااال يلييق بزجهكم..
محمد : الله يباارك فييك بخيير الصحة هانية
_الحمد الله لهواا نقي دسيدي ربي والخيير موجود نتا مول الخير الله يباارك فييك(غمز مرتو وهي بفهم مشات مبسمة) البنية تبارك الله الله يحفضها ليكم ااش سماها الله..
محمد حرك راسو مبشر : تسنيم اللهم امين…الجلسة القصبية واجدة ؟ بانت ليا لرض جافة ؟
_ماصباتش الشتاء والو هاد اليومين مزاال ليلة الخمييس صبات شوية الحمد الله ..والجلسة واااجظة تمشييو ليها واحد المنظر قدامها يشهي فالجلسة..
محمد شاف فاسماء:تمشي تشوفيها..!
حركات راسها بايجاب ومد ايديه شد فيها عاد تمشاو وهو كيهضر مع داك الراجل تقريبا كلاامهم كلو على لارض والفيرمة وااش واقع فغيابو اش تزاد واش نقص اللي فهمت منو هو هاد انه هاد السيد هو اللي مقابل ليه الفيرمة عايش هو ومرتو ووشي بنت صغيرة دكرها فكلامو ما تأكدات منها حتى شافتها خارجة منين خرجو هوما…غادة مبسمة كتصنت لييه وتشوف فاالجو الغزاال قدامخا منضر كيحمممق غير باالشوفة ماارداتش الباال للحجر اللي قدامهم والارض جيهت الربييع محفررة كانت غتطيح كون ماشادة فيه…خطفها دغيا من خسرها لعندو
محمد : بشويا عليك ردي البال…شدي فدراعي
اسماء : ماشفتهاش فف
شدات فدرااعو مزيرة علييه غادا بشوياا رادة البال فين كتع وحتى هو راد معاها البااال هاز عندو تسنيم كي الكميشة بين ايدييه كتبان حتى وصلو للجليسة القصبية مفرشة بزربية حمرة والخداادي منشوورين وسطها مع طبلة خشبيية والربيع ضاير بيها رمى داك السيد الصابو من رجليه ودخل كيقاد لمحمد فبلاصتو ويرحب بييه فرحاان بمجيتو ماقادااه فرحة ماكرهش يفرش حوايجو لييه..طبيعة الحاال حيت مهلي فييه مسكنوو فابور واكل شاارب كلشي عندو بشرط غير يقابل ليه الفيرمة لا غير حتى من بنتو كتقراا بفلوس محمد وهو اللي قنعهم حتى وافقو يقريوها بعظنا كانو رافضيين فكرة القرااية ليها…
تمرحات اسماء فالجلسة هازة كتافها ومحافضة على تبسيمتها الشوفة فوجهها كتطمن مبشررة ومقبوولة دغيا كتدخل للخاطر مغطية كلها غير ايديها لي كيبانو بيضيين فوق فخاضها جنب محمد اللي مفرش ليه المخااد مضورهم بين رامي درااعو علييه قدام داك السيد كيهضر معاه وتسنيم قداامو هي وبنت داك السيد كيشوفو فبعصيااتهم بنضرات التعاارف ومرة مرة كتزعم وتقرب حدااها باش يلعبو بجوج…
لحضاات وهي تجي فاطمة زوجتو بالصينيية بين ايديها حطاتها قداامهم ريحة اتاي مشحرر كتشهي كيف شي فرفاارة مشات ورجعات كتجري بواحد الطبسييل كبير متسوطو جبل من الزبدة وسط بحر من العسل الحر والزيت البلدية…وشبيكة فيها الخبز دشعيير سخوون بخارو مزاال طاالع …عمرات ليهم الطبلة الخشبيية وجلسات حتى هي معاهم كتخسر وتمظ ليهم فالكيسان وترحب وتعاااود باسماء…
كلاو وشربو معاهم عايطنهم صواابهم حتى كملو وناضت فاطمة كتجمع فالدنؤاا واسماء متبعاها بعينيها كتشوف فالدار ماكىهاتش تنوض تستكشفها وتضور فيها على خاطرها حتى رد ليها محمد الباال فاهم نضرااتها وبهدوء نطق بينو وبينها..
محمد : تمشي معاها تشوفي الدار ؟
اسماء : اللي بغيتي نتا مزال هنا
محمد : سيري معاها شوفي الدار شوية ونلحق عليك…
حركات راسها بايجاب موافقة لكلامو
محمد : ردي البال بشويا طريق محفرة…تسنييم خليها معايا..!
حركات راسها بايجاب مهنية من جيهتها تضور على خاطىها ماتبقاش مشطونة معاها جات فاطمة وناضت معاها اسماء خلاتو متبع ليها لعين حتى غبرات من قدامو وضار كيهضر مع داك سيد وتسنيم قدامو كتلعب مع بنتو….
فحين اسماء مشات مع فاطمة عاد كيتعارفو فاطمة من النوع ظالعياالات اللي غير ضاحكين الحشمة غالبة عليها…غيرركضحك وتجاوب اسماء على قد سؤاال مبسمو كتوريها ركن بركن فالفيرمة اللي تصلحات من لدااخل واخا مزال ماكملوها ونص لور مزال كيتصلح لكن غير من لمقدمة كتبااان فخمة…الفصاالة عرييضة ومقسمة بحكمة والزلييج ملكي بلون هاادئ انييق…طلعو لفوق فين كاينين البيوتة مفرقين محلولين على بعضياتهم مفرشين ومجهزين كل بيت فيه سريير وماريو جنبو ايلا واحد البيت الي كان مجهز مزيان بالبلازما وليفوطوي والطبلة زجاجية والماريو لاصق فالحيط والمرااية جنبو كان بيت محمد اللي فاش كيجي كيجلس فييه لاخرين ديال الضياف…
اسماء : الدوش فالبيت حتى هو واقيلا يااك
فاطمة : لاا هه تعالي معايا هاهو جنب البييت وكاين واحد اخر لهيه فالقنت وجوج لتحت بانو لييك ياك
اسماء : ااه لتحت شفتهم يسحابلي كاين واحد حتى فالبييت هههه مكاينش هنا شي حد كتقدااو من عندو..حانوت ولا مارشي ولا شي حاجة
فاطمة : لاااهادوك غير فالمديينة بعييد علينا خاصك تشيدي عليهم طريق ااش خاصك محتاجة شي حاجة نحضرها ليك
اسماء : لا لالهلاا يخطييك غير بغييت ندوش موحال واش غنلقى شي حاجة فالحمام ايلا كان غير ديال محمد..
دخلات للحمام وكيف توقعات ماكين حتى حاجة مستلزمات الرجال الخاصة بمحمد لكن فاطمة عتقااتها وغتحيب ليها كاع اللي تحتاج بحال شومبوان دبنتها الصغيرة كان افضل بديل لشمبوان الخاص بالبروتين اللي دايرة لشعرها…نزلات معاها حتى لتحت خدات اطراف وريقات الورد ورجعات طلعات كتضور فالفييرمة واخدة رااحتها ومرتاحة كتساراا فيهاا وتضور ظايرة راسها نولات الداار وجات معاها..!!….ملي قالت ليها فاطمة مغيدخل عندك حد وجدات الحماام لاحت فيه وريقات الوررد وعويدات دالقرفة وشوية دالسكر سنييدة خلااتهم كيدوبو فيها وخدات واحد الصحن صغير عمرااتو بالملحة وحامضة قسماتها على جوج خلاتهم على الطرف…
عاد حيدات حوايجها كلهم طلقات الشعر جمعاتو لفوق بقات بديباردو وشورط ديالو حتى سمعات صوت الباب قالت شكون وجوباتها فاطمة وهي تحل عليهاا البااب وتحل معاه فم فاطمة ملي شاافتها هكالك نصها معرري لحمهاا بيض كيشع فالعين واخا ضعافت مع المرض جناابها عاامرين مع الكديرة وصدرها وااقف كيبان وشعر كحل مجموع الفوق سنسلة رقيقة مزينة رقبتها بييضة ورجيلها حفيانين ضفار نقييقن مامصبغيينش مع الصلااة حاطة ايديها على صدرها ومادة ليها تانية خدات منها الشومبوان وشي حوايج لقاتها جايبانهم ليها بلاما تقولها لياها شكرااتها ورجعات دخلات سدات عليها للبااب ودخلات للدوش مكملة روتيينها..
تهلاات فرااسها رغم قلة المستلزمات لكن باش كاين قداات ووفات حكات اكواعها بالحاامض والملحة ودخلات وسط الجاكوزي مدلعة جسدها وسط المااء معطرة بالورد والقرفة اللي كترخي الاعصااب وتفتح المسام…كتفلي جسدها بعينيها ركن بركن وتقلب لاييبان ليها شي عيب تحاول تقاادو كتحماق على بشرتها تقيصيها فعينيها وماتقيصيهاش فلمحها ماشي غير دابا من اياام زماان ومن مراهقتها معروفة بهاد القضيية غير ايلا تجرحات كدير كنازة والحرقة لي خلات اثرها فايديهاا معقدااهااا مكرهااتش تبدل ليها الجلدة مالقات ليها جهد..داكشي باش بقات بشرتها بيضة كيف الحلييب نقيية وحتى شي طاش مافيها ماخاسرة على لا فلوس لاا حتى حاجة بااش ما كان كتقدي واخا غير قشور لخضرة كتهزهم وتطليهم على وجها مهلية فشعرهها بماسكات خفاف ورخاص مرة مرة…حاكة ضفارها منقياهم مرحية تحت باطها وعنقها وشق صدرهاا وحتى كدامها ديما محكوك حمر واخا تحكز غير بحجرة وماتعكزش علييه..منقية راسها بزيرو درهم حيت عمر النضافة تجي بكثرة الماال والموجود هادي غير كدبة كيستغلوها المعكازااات…
كملات تدواشها وخرجاات كتشعل بالنقى ورييحة كتحمق طاالعة منها عجبها رااسها نشفاات حالتها ووجها عاد رشاات عليه ماء دالورد وخلاتو ينشف بوحدو على خاطرو دهنات زيت جونسوون فايديها ودوزاتو على لحمهاا كلو معطرااه غير كملاتو وهزات ايديها كتشم فييهاا محمقاها رييحتها عااد فرحات وارتااحت ملي تنقات ماركهاش تنقي حتى تسنيم وتدوش ليها ولكن بقات مع محمد لتحث..
لبسات اللبيسة اللي جابت ليها فاطمة مستورة ولاخت عليها الشاال مغطي كتافها ودراعها ونص فضهرها مبسمة قدام المراية كتشوف فوجهها تنور وبان عليها دوش خدودها حمرين بالسخونية وشفايلها بالتورييد بحال حب الملوك موردين..لبسات فرجبيها وجمعات الحمام عاد خرجات راضية على رااسها نزلات لتحث عند فاطمة عرفات منها ان محمد مزال مع السيد ومغيرجع حتى يتغداو مجموعين واخا راه قريب العشاء… شكراتها ورجعات ليها داكشي اللي عطاتها وهي كتشوف فيها مبسمة غير تحركات من قدامها اسماء شعلات فيها الغيرة ودخلات كتجري حتى هي الحماام مقلداها فاشنوو دارت فحمامها حتى هي…
رجعات عند محمد بحلة جديدة جلسات جنبو حتى ضارت بييه سحاابة رائحتها الزكية كتحمممق تلفت فيها بعينيه كيشووف فيهاا ملاحظ التغييرا للي طرا فيها وشوفاتو كلهم اعجاب…كيهضر مع السيد وعقول معاها دوخاااتو خاصة ريحتها اللي كضور بجيوب انفو لسوء الحظ جابت جنبو ماشي مقابلة معاه…
يعيى يركز مع الرااجل كلن كل مرة كيتلفت يشوف فيها ويرجع يهضر معاه تالف مامرزكش معاه فالحديث حتى ناض داك السيد عند مرتو يشوفها فين وصلات غير تحرك من قدامهم وهو يتكعد محمد مقااد فالجلسة مد ايديه وحرهاا لعندو حتى طاحت علييه ايديها على صدرو كضححك مجنناه ضحكتها كيهضر مغدد باغي ياكلها بين شفايفو..
محمد : ااش هاد الفعايل فيك ممم..
قربها لييه اكثثر وباس خدها مطول قبلة هاادئة مسموعة فودنيها مبوورشها مغمض عينيه مستنشق رييحتها عن قررب وايديه على جنابها محطوطين وهي مبسنة كتعوج فعنقها كيعجبها الحال ملي كتححس بيه هكا….
البنات الصغار قدام الجليسة كيلعبو ماشاافوهش عنهدم كاع كيبانو من بعيد حالسين عااادي حيت عاطيهم محمد بالضهر مخبيها مكتبانش فين جالسة ولا اش كديير… لكن غير تقربي شوية للجلسة تحسي بديك اانااري اللي خارجة منهاا مقربها لييه رجل مسرحة ورجل مطلوقة وهي قدامو حاطة ايديها على صدرو كتمييل وتعوج علييه حاضية وراه لايجي شي حد كتحس غير بشفايفو على خدودها وعينها كيتسارا بقبلااتو بكلام هامس مبورشها شي كتسمعو شي لا حاسة بيه باغي يقبل شفايفها وهي كتلعب عليه ماخلااتوش يقييصها فينما يقرب بشفاايفو كتقلب ولديك جيه يقرب تاني تقلب وحهها لجيهة اخرى كضحك حتى ت٠نن عليها وشد شفايفها بيين سنانو مغدد وضرب جنابها المزيرين هبلااتو..
محمد : نتي لي كنقول عليك مراة…جوج بحالك وتفنى الدنيا…!
________
محمد : نتي لي كنقول عليك مراة…جوج بحالك وتفنى الدنيا…!
شفايفو دافين مايلين للبرودة كيتساراو على خدودها فينما حطهم كيحس برطوبة وشعر لحيتو بخشونة كيتحك على بشرتها مستنشق ريحتها دوخاتو كان عيااان ومسخسخ جاي للفيرمة على اساس غير ارتاح وسط طبيعتها ويستنشق هواء نقي ينعش جسدو ويصحصحو لكن غير شاف الروايح طبييعية والرطوبة وزيين منشور حداه والضحيكة زوينة مزينة وجهها تحلو عينييه وتوكّد كي سبع مشات التسخسيخة والعيى ولات عينيه فحاجة اخرى…!
اسماء حركات رموشها مبسمة : الجو غزااال هنا…
باس ايديها بصوت هامس رجولي وخشن كيعجبها يهضر بييه..
محمد : بحالك….(شاف عنظها)عجبك نبقاو نجييو…!
اسماء بايجاب : كون غير جات معانا الحاجة غيعجبها الجو هنا وترتاح حتى هي مسكيينة…
محمد: على بالك اول وحدة تجي معايا هي نتي….كنجي بوحدي كنضرب دورة ونمشي..
اسماء بدهشة علات حجبانها مشى بالها لاسراء مبااشرة : عمر شي حد فايت ليه معااك
محمد : لا كيجي الحاج يغطي غيابي ويضور يها شوية… الحاجة يمكن شي مرة ولا جوج معاه..
حركات راسها محافضة على تبسيمتها….زعمات شوية كتشوف فيه وتكات على كتفو معنقة دراعو كتشوف فالطبيعة قدامها وهو شاد ايديها بين ايديه كيدوز صباعو عليها مرة مرة كيبوس على راسها….فرحااات ملي عرفات رااسها اول وحدة تجي معاه يعني حتى حد معارفو مزوج قبل وجات وحدة قبلها يحطوها فالمقارنة معاها……بقدر ماعجبها الحال بقدرما كبر فضوولها تعرف سبب الطلاق بيناتهم…كتبان ليها الحاجة هازة معزة كبيييرة من جيهتها من خلاال تعاملها فالكلينيك وكيفاش كتضهر عليها يعني المشكل عندها مع محمد علاش غيطلقهاا شنو ووقع بيناااتهم…؟
الفضول كياكلها ولكن باش تزعم تسولو ماقدرااااتش…تقادات فبلاصتها كتغطي فراسها ملي بان ليها داك السيد جاي هو وفاطمة فجنبو هازين شي حاجة من بعيد مابانتش ليها حتى قربو وهي تحط ديك المراة جوج قراعي دزااج كبااار فيهم شي حاجة بيضة ماعرفاتها حتى دااقتها تبين لييها انه وحدة فيها الرايب بالبلدي ووحدة فيها اللبن…سكتو العيالات غير كيشوفو مبسميين فيهم كيهضرو ويشاركو الحدييث مع بيعضااتهم وداك السيد عينييه ماكيشوفش جييهت اسمااء بخطرة يا كيشوف فمحمد يهضر معاه
يا كيشوف قداامو على وجهو باين الوقااار والاحترااام داكشي اللي مخلي محمد مرتااح معاه وعاطييه وقتو كيقشع بنادم من عينيه ايلا بانت لييه فاالتة كيقلب عليه قلبة العمر والعكس…!
حرك محمد للبنات بجوج تسنيم وبنت داك السيد قربو حدااه وعطااهم حتى هوما يدوقو…الشميسة تقابلت معاهم مباشرة وصحصحات مزيااان بعد الزوااال تقول ماشيي البرد والشتااء وتسنييم مخشية فييه كتشوف بنص عين فديك البنت حتى هي مضاسرة على محمد كتضحك معاه حشمانة…شادة فايديها دفتر واقلام ملونة كترسم فيه وكتعطيه لمحمد يشوف وهو كيصحح ليها ومرة مرة يلون معاها…تزيراات تسنيم وعينيها عمرو بدموع كتشوف فاسماء كتلقاها كتضحك مع فاطمة بعدما قربات عندها بهمس مع بعضيااتهم…كترجع تشوف فيه وهو كيهضر داك سييد غارقيين فالكلام على الارااضي والخصبة والشتااء والصيف والحاالة….وترجع تشوف تاني فديك البنت اللي تكاات برااسها على صدر محمد معنقة كتااابها عندها…
غير شافتها هكااك وهي تدفعهااا بجهههد حتى تقلبااات لواحد الجيهة مصدوومة ماعرفات باش تبلات كتوجد فالبكية وتسنيم كتبكيي بصوووت عاالي مشاات لصقات فمحمد مكمشة فيه وهو كيشوف مدهوش غفلاتو واسماء قفزااات كتسول ماعرفات ااش وااقع كتبان ليها غير تسنيم كتبكي على صدرو وديك الببنت جرهاا باباها كتبكي علييه مخلوعة وعينيه على تسنيم تبكي كثر منهاا قال ضربااتها..
_مااللك مع ختتتك ااشدرتي ليهاا …دوي ااش درتيي ليهاا
محمد : ماوقع واالو ماوقع واالو…ماتغوتش عليها….(بزعفة) خلعتيها طلقها هنا طلق..
فاطمة : ماعرفت مالهم كانو هانياات
اسماء مشطونة باغة تنوض عندها وماقدراتش : ماعرفتش…ششش صافي اماما
معنق عندو تسنيم كيطبطب عليها وداك السيد صيفط ليه بنتو مشات عندو كتمسح فعينيها تنخصص بالبكى حاضية من تسنييم يلاه قاصتو فمحمد وهي تنوض تاني تسنييم بغات تدفعها حتى جرها لعندو قلب ليها وجهها لجيهة اخرى وعنق البنت بايديه تانية كيسكت فييهم بجوج ويراضي فيهم ولاخرين كيتسااائلو على السبب حتى سكتهم وهدنهم بعدهم على بعضياتهم ورجعو لحديديتهم ناسيين الموضوع….!!
لحضات وهوما غاطسين فحدييتهم ماحسوش بفاطمة اللي ناضت توجد الغدا باش تحطو واسماء كتطيح بنعاس هضرتهم مملة حاسة براسها غتنعس مرة مرة كتشوف عند تسنيم حاضية معاها ملي رجعات كتلعب هي وديك البنت كأن شيئ لم يكن وماشي عاد دابا دابزو…حتى جابت ليهم فاطمة الغدا بلدي بامتيااااز وكيقولوها ملي كيعرض علييك المسكيين غير فرحي لعرضاتهم فيها كيحط لي قدامو ولي رواااه كيدير فوق جهد باش يعمر عينييك ويكون فحسن الاستضافة اللحم والشلايض منوعة و غير الطبيعي….
تغداو مجموعين وقبل مايمشيو ضرووري ما تسنيم تكملها ب مباركة مسعودة يلاه ناوين وهي تنوضها مع البنية دفعني ندفعك حتى غفلاتها ديك البنت رادة ليها الضربة دقبييلة دفعااتها حتى هي حتى تكركبات تسنييم وسط الربيع والغيس لاصق فيه ناضت كتغوت وتبكيي واسماء طارت لعندها بدون شعور نوضااتها كتسكت فييه هزاها عندها مطبطة عليها خايفة وديك البنت هربات مابقاتش بانت كااع هضرات مع محمد غير بعينيها وهو حرك ايها خلاها مشات مدية تسنيم غايديهاا لداخل الفييرمة طلعات مباشرة للبيت مدخلاها للحمام كتسكت فيها وتحزر فيها حتى سكتااات شوية شوية كتنوض تبكي تاني مارضاااتش وتنخصيصة مزال فيها ….
اسماء : يلاه صافي احبييبة…وعلاش كتبكي ختك كتلعب معاه نضتو دابزتو ماشي حشومة..
تسنيم رمشاات دموع من عينيها: د دفعااتني فالغيس خايب و ومسخ
اسماء : ونتي علاش ضربتيها ملي عنقات بابا محمد ماشي حشومة حنا ضياف ماجيناش نضربو الناس..
تسنيم هزات شفايفها عاايفة كثر من اسماء: مسخ فيا ريحة خايبة بحال ديال بنت خويا ديالك هشام..
اسماء : اشمن رييحة (باستغراب كتفكر حتى ضحكاات مفكرة بنت هشام صغييرة ملي كتخنز لكوش ديالها كتعيب عليها تسنيم كتولي ضور وتسوط) ااااه هههههههه غناااكل مك شهاد الهضوور غناااكلك شي نهاار…
عنقاتها كتبوس وتعنق فيها بلهههفة وتحزر فيا وتطبطب عليها بزز باس تفشات ومزال مرة مرة كتبغي تبكي …دوشات ليها بالخف على البرد لبساتها تما وهزاتها داافية فايديها كتبوس فيها خلاتها فوق السريير ورجعات هي دغيا كانت عمرااتها بالغيس فلبااسها برجلين تسنيم ملي هزاتها سلتااات غير الفوقانين طالع ليها الدم حيت ماعندهاش البديل وسرحاات فخاضها فوق الدرجة دالجاكوزي كتغسل فيهم وتشمشم خاايفة توصل ليهم الرييحة وتلصق فيهم…
من عند الباب دخل محمد كيسمع صوت الما فالدوش وباب البييت محلول طل علييه بانت ليه غير تسنييم ناعسة فوقو بهدووء….دخل طمن عليها وباس على رااسها كيغطي رااسها ويدفي فيهاا…
عاد توجه للدوش بلاما يدق فتح الباب ودخل سادو وراه باحكام….!
تلفتات عندو اسماء قافزة ماتوقعاتوش يتبعها تبسمات وشافت قدامها دايرة راسها مامسوقاش وكتصرف بطبييعة قدامو حاسة بيه مشى كيبروسي سنانو وراها
محمد : نعسات كتبكي…مافهمتش كانو هانيين شفتي شي حاجة ؟
اسماء : لا هي اللي شافت شي حاجة ماعجباتهاش ماغتجيش وتضربها ولكن ماشفت حتى حاجة
حرك رااسو بايجااب تفكيرو مشطون هاد الحوادث الاخييرة اللي عاشت تسنييم تتأثر منهم وتمييل للعنف بااش تعبر على اللي حاسة بيه لداخل عندهاا…نفسيتها عياانة كثر من الخلعة اللي غتكون مزااال فيها…يلااه شلل فمو كيدوز ايديه على لحيتو حتى سمع صوت تيليفون على برا كتصوني داخل تجاكيت خرج يشوفو وهي بالخف شللات فمها ب بروس اخرى لقاتها تما جديدة وعطرااااتو مالقات ماتلوح عليها من لفوق باش تخرج تلبس وهي ترمي عليها البينوار وحلات الباب حتى لقاتو فوجهها جاي داخل بشوفات مكرة مبسم جننب دفعها رجعات لدااخل كيسد لبااب مورااه كيشوف فالبينوار مغطيها…
محمد : عدبتي راسك.. .
تسد الباب موراه كيتمسع غيير صووت ضحكاااتها عالي مرة مررة كلامهم هاامس كتكسر داك الصمت بينياتهم بضحكها..سخن الحمااام وبخاار الحرااارة كيخرج من تمحتو موحي على لهيييب الشهوة اللي كيتهز بيها لداااخل…لمسااات داافية منها وحركات خشنة منو مامخليش ليها فين تحرك ولا تخدم معااه غير شادة فردااعو مخلياه يدير لي بغى….تسلتو حوايجها مع حواايجو والماء خفييف بوثيييرة قلييلة كينزل عليهم ملتااحم بين اسجدااهم بجوج وجسدها كيلنع قدامو رطووبتو كتجنن فينما قاص كيقيص غير الرطوبة كتزييد تجهلو وكتيجبها غير فرااسها فلللخر….
صوت ضحكاتها تحولو للغوااات حتى كيعاود يسايس معاها بدون صبر عليها راافعها معااه لعالم تااني مخليها مهزوزة على الواااقع حتى كتحس بيه دخلها للمعقووول كتهز الحمام بالغواات والبيت حتى هو على رااحتها ماكين لي يسمعها ولا لي يدخل عليهاا…
حط جبهتو العرقاانة على جبهتها بحاالو عرقاانة كتننهج ودمووع دايزيين شادة وايديه بسلب كتحررك رااسها
اسماء : لا لاا ماقدرتش قصحتيني….. ماقدرتش
محمد : صبري شوية نورمال غتكوني تجرحتي ولا تزريتي بالخف…نحاول مررة اخرى
سكتات كتبلع فرييقها راادة معاه البال مشات الشهوة ومشاا كلشي حاسة بنصفها السفلي كيحرقهااا ماشي خوف او كيف كان كيوقع ليها وكتخاايل ناصر فبلااصتو بالعكس وسط دراعو ودفئو حااس برااحة غرييبة لكن كتحس بسيوفة كيضربوو فاسفلهاا بحال شي جرحة كتعاود تفتح بعنف..رفعها معاه مررة اخرى منسييها يلااه كيحااول مررة اخرى ناضت كتبكي وتبعد فييه ماصبراااش باس على رااسها ماصابررش كثر منهاا ومستحيييل يزيد يصبر كثر وهو وصل معاها لمرحلة قااصحة وصعييبة علييه يصبر وينعس كيف دار لاول مررررة بعدما داق منها وحس بنعومتها واحساس المعاشرة معاها…بقلة صبر نطق…
محمد : خليني نشوف..
اسماء بخجل حركاات راسها : ءءء !!ل لاا ماقدرتش كنتقصصح لاا
محمد : خليني نشوف شنو كاين..تجرحتي يمكن
جمعات رجليها بخجل كبيييير قلبات جهها منو وحركات رااسها بلاا وهو تفهمها مابغاش يحرجها كثر خلاها بخاطرها وباس على راسها معنقها لعندو صدرو دافي وجسمها اكثر وهي بحالا عندها كنازة غير قاص راسها صدرو بدات كتبكي بجههد مارااضياااش و مع الحرييق اللي شدها فاسفلها وهو كيمسح دموعها ويقبل شفاايفها مسكتها منغامس معاها فقلبة مرة اخرى معااود التسخينات دياالو من الاول كيحااول ويساايس معاهاا لا هي قادرة تصبر . حااس بتفاعل جسمها معااه وايلا ماوصلاتش لرغبتهاا غتمرض ولا هو قادر يصبر ومستيحييل يصبر…طول معاها التسخينات كيف العادة كيلعب على نقط ضعفها لي عرفهم من اول معاشرة مداعب اسفلها حتى ترفعاات كتغوت باهات خفييفة باسمو ودموع دايزين بشهوة كبييرة مع جناب عيونها حتى حساات بيه اخناارق اسفلهاا بسررعة غوتات غوتة منزللة لييه ضهرو وعنقو بضفارها القصار بعدم صبر حطات دقنها على عنقو عاضة فكتافو مزيرة على عينيها عاضة فالصبر على قبلو مابغاتش تحرمو ورغبتوو فيها باينة فعينييه كيحرقو كثر من الجو اللي حرق الحمااام حراارة اجسماهم كثر من داك الماء السخون اللي كينزل علييه حاط جيهتو على جبتها برضى كبيير فعينيه علييها وهي مبسمة كتنهج وترتاااح بفضوول هزات فيه عينييها وايديها فلحيتو كتساارااا…
اسماء : محمد ..
محمد بهمس قبل شفايفها : روحو…
اسماء غمضات عينيها مبسمة باستسلاام ونطقام بدون شعور : …والو
محمد زير جنابها : شنو بغات البكاية
اسماء : بغييت نسولك و وماتقلقش منيي…
حرك رااسو وهي مزعمة رااسها بهمس بزز باش مسمعاه كلاامها نطقات
اسماء : ع علاش طلقتي اسراء…
باس عنقها ختى عوجاتو مبوورشة بصوت مرااوغ كيهضر…
محمد : وعلاش جدك جا من وحدة وعلاش الحاجة ماجاتش معانا..وقت هاظ الاسئلة امدام ؟
اسماء محافضة على تبسيمتها : لاا غير بغيت نعرف كلااني الفضول وصافي
محمد بنفس النبؤة: علااش هاد الفضول…
اسماء : شكيت فلول يكون عندها مشكل مع الحاجة ولكن الحاجة كنشوفها عزيزة عندها اسرااء و وحتى نتا فالكلينيك (بغيرة) مكانش كييبان ليا بيناتكم شي مشكل باش توصلو للطلاق…
محمد : كيوقعو المشاكل مكتابة وسالات بالطلاق..نسااي
اسماء جننبها برودة وحتى هي بحالو مبرردة : اشمن مشااكل اللي وصلوكم للمحكمة غير بغيت نعرف من باب الفضوول…
محمد : ديك السيدة كانت على دمتي مانبغييش نشركها فالكلاام وقعو مشااكل وكان الحل هو الطلااق ..اللي يكون فباالك الواليدة خط فات الحدود عندي…ماعنديش الراحة فالنقاش عليها…
اسماء : غير بغيت نعرف ماتقلقش مني…صافي ايلا مابغيتش تعاود ماشي مشكل
محمد : ماشي مابغيتش نعاود ليك ماترونيش الهضرة ماكيين والو ماتعرفي…اللي لازم تعرفيه كّلتو ليك…
اسماء باصراار وغيرة حارقة ماتسرطش ليها برودة اجوبتو: ولكن ايلا دارت شي حاجة للحاجة علااش كيدوييو عادي المشكل تحل زعما ؟ وحتى نتا كتهضر معاك عاادي فحالا عمركم تلاقيتو فالمحكمة…ايلا كان تحل المشكل دغياا علاش طلقتو من لول
عقد حجباانو بحدة حرك رااسو بسؤاال…
محمد : غنحللو وناقشو المشكل هنا دابا ولا كيفاش ؟
اسماء : غير بغيت نعرف امحمد ماقلت والو…
سد على عينييه مزير عليهم ورحع فتتحهم حس بيها تزيراات وحشمات من حدتو فالكلاام ورجع كيهدن ملطف الجو…
محمد : ماعندك ما تعرفي حيت ماكين حتى حاجة تشغل بااالك مكتاابة….مشكل وكان الحل ديالو الطلاق بلاما يزيد يكبر ونشوف شي حوايج ماغيعجبوني لا انا ل هيا…(باس رااسها مكوول كيهضر فوق جبهتها)
نهار كيتعرا الكتاب من مقدمتو كتبان النهاية..! … (رفت ليها ايديها لفوق وراسو فعنقها قلب الموضوع) خلييك منهم اجي نشوفوك ماالك نتي على هاد البكى كامل..
ضمها لعندو مرة اخرى مقبل شفايفها وخدودها وخلف ودنيها بهممس طالقها معاه بسررعة مخليها كحضحك رااجع لمداعباااتو ولمسااتو الجريييئة…
تشنيم فالبيت حلات عينيها مكيباان ليها حتى حد حداهاا كّبعات شفايفها حاسة بالنقص وهي مولفة كتفيق على مداعابات اسماء وشفايفها على خدودها ظفئها وحنانها مغرقاهم فيه..تحركات من بلتصتها وناضت مجرجىة وسط لايزاار لاحتو عليها معصبة وخرجات من البييت كتضور فعينيها حتى بان ليها بااب الحماام مسدود عقلاات عليه ملي دخلو ليه قبييلة ومشاات بغات تحلو وهي تلقاه مسدوود وبصوت باكي دقات فيه …
_ماماا…ماماا علاش مازيتيش عندي…ماما نتي هناا…
هز راسو من عنقهاا ملامس لثديها كيسمع فتسنيم على برا وهي مبسمة سخفاانة ماقدرااتش حتى تجاوبها زادت ضحكات فاش سمعااتو قال..
محمد : ماماك مشغولة ابنتي
تسنيم كتكرر كلامو بتركيز : ماما مشغولة
محمد : كتوجد لييك فخوتك
ضحكات اسنااء متكية على صدروو كتنننهج بعياااء مطيح ليها رجل مع اليد..
تسنيم : خوتي دياالي
محمد : دياالك…شحال بغيتي !
تسنيم بحمااس جلسات شدات فالباب كتسمع ليه : ب بغيت بحال سلطان مابغيتش بحال اميرة قبيحة وخايبة بغيت بحال سلطاان قولها ماما جيبي ليا بحال سلطاان زويين مابكاش كيضربني…
بعد يومين….
يومين وهوما فالفيرمة واجمل يومين ارتاحت فيها اسماااء ونفسيتهاا حسااات بيها غير فهاد اليومين افضل اااالف مرة على كيف كانت….جمعات طاقة كبيييرة وسط جوها وطبيعتها…مع محمد وتسنييم اللي رجعات لحيويتها مابقاتش ضارت بنت داك السيد صافي نساتها لقات واحد القطيطة كتضور بجنابها ولات غير تابعاها فين ما مشات كتبعها تجري…غير الخلا والربييع والجو هااادئ ماكينش البرااني هنا كلشي كيعرف كلشي ديور بعاد على بعضيااتهم ماكين اللي كيشوف لاخر ااش لابس ااش كيدير وفيين غاطس…حتى داك السيد من مهار الغدا مابقاتش شافتو وهو ملي عرف محمد كاين ومرااتو حتى هي فالدار قطع رجل من تما مابقاش كاع كيضور جيهت الفيرمة…!
وحتى البناية نهار جاو رجعهم محمد حتى يمشيو عاد رجعو يكملو …على الصباح الباكر فهاد اليومين غير كتحل عينيها كتلقى فاطمة موجدة لييهم الفطور فالطبلة لتحت فالصااالة بكااع اللي تتشهى النفس كتحشم اسماء ماكتلقى ماتقول ليها من غير كتزعم وتمشي لعندها لداارها بعدما كتشاور محمد وملي كيعرف راجل فاطمة ماكينش فالدار كيخليها تمشي عندهاا سواء وقت الفطور ولا الغدا ولا العشااء مجميعن بجوجات دغيا تعاارفو وشركو الكلام حتى كتوصل وقيتة دالغدا وكترجع لداخل لفيرمة توجدو بحمااس كبييير كتسارا فالكوزينة العريضة واخدة رااحتها..وهو كيخرج نييت معاه ماكتشوفو اسماء على شحاال عاد كيرجع يدوش طبيعة الحال مع جرئتو وبساالتو وايدييه اللي مامربيهمش عليها…
واحد راحتو داخل الفيمرة حتى حد ماكين غير هو معاعا را فالرااس فينما ضاار كيحكمها بقبلاتو ولمسااتوو نهار على نهار كتحس برغبتو فيها كتزااد كثر من قبل طلقها معااه والحشمة بشويا بشويا كطييير منها فينما كيدخل من الباب كتعرف راسها غتساليها بالدوش عندو كيف نهار كيف ليل وحلاوة المعاشرة بالنسبة ليه هي فالصباح البااكر…
نهاار تالت عندهم فالفيرمة كانو غيزيدوه هو وغيمشيو لكن ملي صونات الحاجة وعلماتهم بقدومها هي والحاج تراجعو وقررو يزيدو حتى داك النهار على قبلهم….
كيف العادة خارجة من الدوش لابسة حوايجها والفوطة مزال على شعرها سمعاات شي حس فالبيت عندهم قاالت غير محمد ولا تسنيم ماكين اللي كيدخل مع طلاات بانت ليها الحاجة هازة حوايج محمد كتجمع فييهم بنترة وتعاود تطوي فييهم واخا كانو مكووين غير كترونهن باقة بجلابتها وزييفها وصاكها محطوط جنبها عرفاتها يلاه وصلات باستغراااب تبسماات…
اسماء : الحااجة على سلااامتك وصلتو …
تلفتات سارقة فيهل النضرة وف الفوطة على راسها عرفاتها مدووشة وجمعات فمها كتعييب…
الحاجة : هممم الله يسلمك ااش هاد روينة فالبييت حوايج ولدي مرويين فاطمة مكتطلعش تجمع الدنيا فيين كانت مخلية هاد القيامة نايضة فالبييت…!!!
فمكان اخر..وبالضبط فالشومبر عند المهدي بتريكو داافي مبسم للكاميرة كيهضر ابيل فيديو مع صاحبتو كتصور لييه كرشها والجنين دياالو اللي كيتحرك داخلها متحممسة كتعاود ليه وضحك فرحانة….كمل حديتو معاها وقطع كيهضور فالفيسبووك والانستاا ويتميساجا هناا ولهييه معروف انسغرامو غيطرطق بليزابوني وليمبسياج غير كيحط البوسط كيطيرو علييه بلاايكات والبناات غير كيتشايرو عندو لي عجبباتو من لبروفايل يجابوها ولي مابنتش لييه كيخليها معلقة تما كيضحك ويضور فراسو بسلب عليهم…
خرج من تما ودخل لفيسبوك عاطي حقو كيتسركل فيه حتى بانت ليه صورة محمد مليوحة فواحظ الصفحة دخل كيشوف كلشي كيدعي معاه وهو يضحك السيد عايش الحياة فالفيرمة ديالو هنا باقي غير كيدعيو معاه شبعوه دعاوي غير ايلا مابغاش يصح…
دخل ليكومونطير كيقراا والاغلبية كيسول على مرااتو عطيونا كونطها وريوها لينا… شنو سميتها…واش عندها كونط تبسم عارف عمرها غتباان ولا محمد يقدر يشاارك شي نهار صورها ولا يبينها ليهم…لكن غير شاف تعلييق بالعرض مكتوب ” ها مراتو يلاه لاحت منشور دخلو شوفوه” وحاطة ليان نحت منو…بدون تردد دخل لداك ليان وهوما يطلعو ليه تلاتة د الصور…كيشوف فيهم وحدة بوحدة بعدم تصدييق نطق….
المهدي : شهااادشي…م مايمكنش….(عقد حجبانو حتى طاح تيليفون فوق صدرو ورجع هزو كيحل عينيه مزيان) ..ااش كتروون هادي..!!!!!
تكعد جالس كيقرا فالبوسط ويعاود ويرجع يقرا ويعااود تااني بعدم تصديق قارن حجبانو من النمرة اللي مكتوبة تما نفسها اللي كانت سيفطات ليه ميساج بيها….دخل للصورة كيزومي عليها ويحقق فاجسداهم بجوج تقدر تكون صورة من جوجل مهزوزة تقدر تكون شبه بيناتهم كيشوف رااسو واقف عاطي بالضهر وهي جنبو…. كيقلب فاصغرر تفصيييل فديك الصورة تكدب عينييه ويقول عندي الحق وعيني اللي كدبات عليا…لكن كان العكس ملي تأكد من صورة التانية لي فيها نصفف وجهها باين و واضح هي …سيكرينا البوسط دغيا ودخل للنمرة دياالها سيفطو ليها وهو كيسجل فوكاال بعصبيية خافض صوتو ماباغييش يعليه عليها…!
المهدي : شهاااد المرض….مسحيييه ولا ديري شي حاااجة … شكوون صورنااا….شكون قال ليك حطي هاد الق(بلع لسانو)..المرررررض
شاف الميساج طلعو فييه جوج شرطات لكن بظون اجابة وهو يصوني عليها من الوااتسااب حتى طلع ليه كيصوني وهو يقطع غير باش تشوف الميساج ديالو وتجااوب…
مارتاح حتى طلعت ليه شرطة زرقة شد تيليفون بفضول كبير كيتسناها تجاوبو بعدما طلعات ليه انها كتكتب…حتى وصلو ميساج منها …
💬_شنوو هادشي ماشفتوش م ماعرفتش شكون صورنا شكون ممكن يدير هكا…شنو غندير امهدي عاوني عفاااك
المهدي كيكتب : ماشي نتي لي حطيتيه ؟
طلعلت ليه جوج زرقات ديك ساعة وموراها طلعات ليه تكتب…
💬_لاا واش انا حمقة نحط هادشي ايلا شافو محمد غيتقلنيي مافيهاااش شنو غندير امهدي ماعرفتش كيفاش تخاد هادشي..
المهدي :انا غنشوف شنو غنديير محمد خاصو يعررف مايمكمش تخبي عليه غييوصلو سواء ليوم ولا غدا….
💬_لا عفااك امهدي ماتقوول ليه واالو ماغيعرفش الله يخليك ماتقول ليه حتى حاجة خليها بيناتنا بجوج ايلا كانت عندك شي معزة جيهتي ولو غير شووية…
قرا الميساج معلي حجبانو وطفى تيليفون شااد رااسو كيفكر مستحييل يخبي على محمد شي حاجة بحال هادي ولكن ايلا ورااه هادشي يقدر ينسى الصورة ويعلق على كلاامو معاهاا كيفاش حتى وصلات نمرتها عندو وكيفاش اصلاا عطى النهدي لنفسو الحق يهضر معاها وهي فحرمتو وعلى دمتو…الصور ايشوفهم سواء ليوم سوااء غدا مستحييل مايعرفش بيهم ومشكلة كبييرة ايلا عرفو عارف وماعلموش وماقالهااش ليه…تننهد وهي كيشوفها،متسيكف ليه ميساح موراه لااخر كترغبو مايوريهمش لمحمد…
💬_مهدي مغتقوول ليه واالو عفااك ماتقول ليه حتى حاااجة اناا غنشوف شنو ندير ماعرفتش كيفاش وقع هادشي والله مااعرفتش غنحماااق امهدي
المهدي يكتب : تهدني دايا غتحااول مانقول واالو ولكن خلينا نشوفو حل لهادشي قبل مايتشوه كثر …
تبسماات اسراء مربعة فوق واحد الكرسي برا الجردة كتقرا فالميساج ديالو مبسمة بسخرية….
اسراء : لاا عفاك ماتقولهاش لييه…..آلمهدزي ههه
بلات شفايفها و حركات صباعها كتكتب ليه حتى كملات وسيفطاتو…
_شكرا عمري نسى خيييرك شكرا بزاف المهدي شكرا على كلشي…ماعرفتش شنو نديير باش نشكرك …!
___________
تلاات اياام…باشهر دازو عليها وحسات بيهم…اليوم الاول فالمطار والثاني فالمطار كثرة المداقيااات و الكلام فودنيها وكاين كاع اللي كيزعم ويجلس جنبها حتى كتخلييه وتنوض تبدل البلااصة كيشحم ويبدل ساعة باخر عاد ترجع تاني السلسلة لي باعت بالمقاارنة مع ماكلتها طول اليوم عاد البياتة فارخص اوطييل بان ليها وتيليفون الصغيير اللي خدات باش تقدي بيه حيت جربات تحط تيليفونها يتصلح طلع علييها كثر من ثمن الجدييد دارت بناقص وخدات واحد جدييد… ولكن فلوس السلسلة مابقاوش مافيين…او بالمعنى لادق الفلوس اللي يهزوها هاد ليلة عندها…!
اسية طول هاد تلات ايام كتجي لعندها الوقت اللي كيعطييو ليها فالخدمة تخرج فييه كتجي فيه عند كنزة حتى كيوصل الوقت وتمشي وكنزة شادة فمها ماكتخرج منو حتى حرف لحد الساعة اسية ماعندها حتى معرفة بآش واقع لكنزة ولا شنو السبب اللي جايبهت لهنا من غييير عارفاها كتسنى راجلها ولكن مزال مابان وماعرفت عليه شي حاجة….ارتاحت ليها كنزة واخا معطياهاش نيتها ولا تقتها لكن اسية واقفة معاها وقفة الرجااال من اي ناحية احتاجتها كتلقاها ماكتسولها ماكتبحت وراها كل مرادها تعاونها حتى تستقر ولا ترجع لبلاادها….تقلب الجو فالمطار وكنزة ساقت الخباار كتسنع غير شي حد ماات وراا المطاار شي كيقول مقتلو شي كيقول موتة دالله….الدنيا تطوقت بالبوليس وهي ولات كترعد خايفة يجي شي حد يسول فوراقها…وحتى اسية ولات خايفة عليها لكن غير عرفاتها مابقاوش عمدها الفلوس حتى باش تبات من هنا لغدا زيرااتها تمشي معاها فين كارية هي والبناات ماقبلاتش كنزة ومراارا وتكرااراا كترفض بعد الهام مابقاتش كتقدر تيق فشي حد…ولكن ملي تحزات كثر من الاول لدرجة حتى باش تبات فشي اوطيل ماعندها ومايمكنش تبات فالزنقة دارت نيتها فالله ومشات معاها…!!
يوم جديد وهي عند نافدة البيت شادة تيليفون فايديها كتصور فالدرب اللي كارية فيه اسية وتسيفط للواتساب دياال عماد واخا طالع ليها ايااام باش ماداخلش….غير حسات بيها جاية وهي تجمعو وتلفت عندها كتشوف فيها جاية مبوقة بالنعاس هازة مقلة البيض مقلي فايديها بواحد سربييتة غير بكسوة سمطة رقييقة مقززبة جلسات فوق طبل مونجي..
اسية : مزااال مافطرتي
كنزة : قادييت ليا وحدة صباح قبل ماتفيقي غير فطري بصحتك
ضحكاات اااسية كتخوي ليها اتاي وعينيها عليها محركة رااسها بسللب وكنزة كتشووف فيها باستغرااب جلسات جنبها
كنزة : ضحكينا معاااك
اسية : شتي هاد قلة نية كون درتيها قبل ماتحطي رجلك ها واهليي فيييين تكوني….(حدرات كنزة راها فتيليفون كتسمع ليها) ….لاا خبار عليه ؟ (حركات راسها بسلب)جربي اصحبتي تصوني لمو ماعندوش ؟؟
كنزة : هاديك كثر من ماما غير غنقول ليها عماد غيهزوها لسبيطار كتموت عليه وايلا قلت ليها مكيجاوبنييش غنولي قاتلاها بالخلعة اخر ياامي نولي سباب فموت عكوزتي
اسية :ايواا ماعندو شي حد ااخر ماعندو شي حسااب فيسبوك ولا سناب
كنزة : عندو بخوفيسيونيل مكيهضرش فيه كاع هو كتهضر غير سكريتيرة دياالو عندو خوتو وخواتاتو و ولاد عمو شلاااا ماكيتحسبوش ولكن عندي غير مرة وحدة حتى هي مكتجاوبش
اسية : شي ختو اخرى ولا شي خوه
كنزة : ماعنديش نمارييهم فاش كنت كنهضر معاهم ولا نجلس معاهم كيتجمعو ولاد عمامو كاملين مضاسرين على بعضياتهم غير كيشوفهم دخلو علينا كيقول ليا نوضي من وسطهم كنعرف غير سمياتهم وخدمتهم شي حاجة اخرى وااالو…
اسية كتاكل: وااهادشي فيه لعجب اختي نكدب علييك ويلي..لا راجلك لا تريكتو ياكاما كنتو مدابزيين ولا نتي هرباة منو لهنا وبغر يتبعك هههههه…(هزا تفيها شفايفها وهي ضحكات) غيير كنضحك معاك دابا يجاوبك….صبري ماعرفتي مسكيين ااش عندو
كنزة : هانا صاابرة وعاضة فالصبر واخا نعرف نتسنااه عمري كلو ا اسية ايلا كان فعلا جاي عندي داكشي اللي سمعت منو قبل مانجي ماخلاانيش نزييد خطوة وندير لي فبالي…(بعيون حاقدة سوداااء كملات) ولكن ايلا حسيت بيه وايلا وصلاتني الخبار باقي فالبلااد ومخليني انا هنا كتنسنى اااقسم بالله ايلا بقى شاف وجهي ماشي اول مرة ولا تاني مرة كيديرها كنعيى نصوني وهو منخلني حتى كيقولها ليه راسو عاد يجاااوبني وهادشي لي داير لياا دابااا عااارفني محتااحة ليه وماعنديش غيرو لي نحط عليه رااس ونعاول عليه ونلقاه زعماا منخلني ولاا مسبق الغضبة وانا فهاد الحالة..مانكدبش علييك مانعقلش عليييه
اسية مافهمت واالو محاولة ٦ير تهدنها: وماتعرفي ااش كاين شنو عندو ختى هو…
كنزة : يعلمني يقووول ليا ااش عندووو يوقع لييه لي وقع ليااا هاا تيلييفووون مشااا لا فلووس لا بااسبوور لا كارط بونكييغ لاا حتى حاااجة ونزززلت نيفيي وطلبت تيليفووون من عباد الله باااش نهضر معاااه ونسول عليييه اش غيكون عندو هو حبسووه حتى هو وبغاو يتعداو علييه سرقووه هاداك يتسرق ؟؟؟ نقول مشى ليه تيليفوون مايحاولش يقلب من جيهة اخرى ويهضر معايااااا ؟؟؟
شافتها تعصبااات ووجها حماار شاادة لبكية بزز مترحمعاها للغواات…
اسية : بردي بردي اختي العصاب مامزيانش ليك ولاد القح*اب هوما هكااا تلقاايه مهدن ومرتاح ونتي كتفقصي بالاعصاااب…اجي يلاه تفوجي ليوم شوية ارتاحي وفكري ااش غديري…!
قلبات كنزة وجهها وسكتات فاش بانو ليها صحابااتها دخلو مع الباب من غير هادوك اللي كانو جاو عندها على حسب المداابزة…البنات اشكال وانوااع كل وحدة ااش داخلو ديير مجموعين فبيت واحد ها اللي مسرحة شعرها كتنتف فييه بسيشواار ها لي كتبرد دفارها ها لي فايقة مقطوعة من نعاس كتكمي وتفنخ فالدخان حتى تخنقاات اسية وهزات ايديها ودغمة ف فمهاا
اسية نووضي ت*دي كمي برااااا اصحبتيي فرعتي لييا صدري بهاد الخرااا
بغضب : علاااش كتغوتي داباا
اسية : وااااكمي برااااا
_ماتغوتييبيش عليااا صبااح الله يلاطييييف( دفعااات طبلة وناضت كتزدف فرجليها وهونا كيشوفو مولفينها)
اسية : كديرا لا صدر لا ك/ر لا معامن تهضر….غا وصلة وعندها جوج درجليين ماتعرفيها غادا ولا جاية
نطقات وحدة مسركلة فسناب…
_ياربي سلامة نايضة فالمطار على داك خونا لي مات…قالك اختي مقتول ماشي موتة دالله
اسية : تانتي مالها اول مرة علم الله ااش داير لييهم حتى هو خلييه يتحاسب مع قبو
كنزة بفضول : شحال عندو من عام ؟
_قاالو تمنية وربعيين
اسية شافت فيها مخرجة عينيها : رااااجلك شحاال عندو من عاام ؟؟؟
كنزة : عيقتي ا اسيية تئ
اسية : اكنضحك معاااك هههه…..واصافي تانتي الحاجة ايلا تعكستي معاهااا عاد تعكس معاه حتى هي رخي نفس شوية راا ماتمشي غير فيين مشااك الله….
كملاات كتهضر مع صحابتها وكنزة حاطة ايديها تحت خدها كتشوف فيهم وتسمع لكلامهم مرة تبسم ليهم مرة تعييف وتقلب وجهها من كلامهم
حتى صونى تيليفونها بسرررعة شافت فيييه لكن غير شافت نمرة “رشيد ” !!!!
فالشاشة بدون مبالااة قطعات علييه وتنهداات كتشوف فيهم وفكل وحدة فين غاطسة..حتى طلات عليهم وحدة شافتها كنزة جمعات حجبانها من منضرها لابسة ليبة مشبكة مبينة لحمها كاامل وشومييز كحل نازلة على صدرها وشعر وااقف والكحل دايع …مفرقة رجليها كتحك تحتها…
_اااسية ختي عتقيني ماجبتي ش ليا من سوبر ماركت اللي قلت لييك
اسية دغمة ف فمها : شنو قلتي ليا ؟؟
_بغييت قرعة كوكة…كنحك بزاااف شدني الحرييق واقيلاا قلت ليك ٠يبيها ليا
اسية طانزة :اشمن حكة حكيتي باش نعرف اشمن كوكة نجيب ليك ههه
_ءء ….كيفااش !!
ص ١: وااش زعما حكة تبعاد السليييب
ص٢: ولا حكة تفرااق الرجلين
ص٣ حكات ايديها مع بعض : ولا حكة مقراج علاء الدييين
طاحو على بعضيااتكم كيموتوو بالضحك سخفاانيين واسية كملاات مبسمة…
اسية : هاادي ماكون غير حالة جوج دلييل ياك قلت لييك نعسي بكري بقاي مقابلة داك الخنز تاتولي دايرة شي التهاب تحت منك
_انا غنتزوج ماكندييير والو غير بغيت نغسل بكوكة ونشوف هاد الحريق مناش قتلني ليل كلو وانا كنتقلب مادقتش نعاس كداااير…
مشات كتحك وتحررك تحتها وهوما رجعو كيهضرو عادي..
ص 1 : عرفتو فيين غنمشيو ليوم قالتها ليا الاستادة
اسية : علمااتكم ماوصلني واللو !!!
ص 2 شدات لصاحبتها فمها مانعاها تهضر : بلاتي بلاتي نقوولها ليهاا اناا غنقوولها لاسيةهههه
ص2 : لااء بلييز ماتحكي شيئ خليينا لانوح ووتشوف على عيونها ههه
نطقات واحد الجابونية كتعبر وهوما حالين فمهم فيها تاحد مفهمها…
ص١ بشوفة بلهاء : مالها ؟
اسية : غييير كحبات…..كملي فيين قالت ليكم غنمشيييو…
ص2 : واحد السيدة كتحمااااقي عليهاا (حركات ليها اسية بحجبانها شكون وهي تتشوف فصحااتها كيضحكو ويراشقو فايديين بعضياااتهم حتى علاات اسية حجبااانها بصدددمة وركلااتها برجلييها)
اسية : و ومن بعد ااش كاين ايلا مشينا عندها عاادي..(بغيرة) لااااش مخبينها زعما عادي
ص١: شووو وجهها شووو ..
اسية : مال وحهي
ص ١: الغيييرة كتقطر منووو ههههه
اسية : علاش غنغيير…..(قندشات) وااش من نيتتك الاخت علاش بغييت نغيير كاااع باش ناقصينييي زييين بحالي بحاالهم التحية لي كتنزل ليهم هوما فنهار كتنزل ليا …. بحالي بحاالهم فالنقط والخلاص.. .وشوفي مخك نتي لي لا روبو لا خلاص لا نقط حضيني اناا
ص١: غيير كنضحكو معااك
اسية : ضحكم بااااسل اصبحتي صافي قلبي الهضرة غضسري عليا بنادم ااش من غييرة جمعو رااسكم الهضرة كتوصل ولي حزقناها هنا كيشموها هوما لهييه
ص٢: اويلي غير كنضحكو ااسية بناقص كاع تانتي اصبحتي كتصبحي مقطوعة كون غير مبلية مانلوموكش..
نااضت خلاتها مشاات واسية كتنكر مورااهاا وتقبل وتشقلب فدييك المقلة معصبببة وكنزة بفضول شافت فيها
كنزة : ماالكي معاهم ..
اسية : واالو تكوني هاانية تاكيخرااو علييك بكلاامهم تفو يلطييف…يلاه ضربي معانا دورة ونتي غتشرفي بالهم طلقيها تسرح تانتي شحال معكسة…مغبنة وغبنتينا معاك….!!
كنزة :فين غتمشييو ؟
اسية : عندي ليوم مرقص وسط المدينة فواحد لاوطيل….مكنحلمش نخدم فيه…كنجي لا درهم لاا جوج …
كنزة عقدات حجبانها: علاااش ؟
اسية : حنا ااش كمشميو نديرو ؟…كنشطحو…رقص الشرقي مغربي هندي لي جا بسم الله كلشي كنعرفو لييه ولكن البنات لي فداك المرقص كديرو بحالنا حتى هوما غير الفرق بيناتنت حنا كنمشيو من مرقص ل مرقص وهوما لاا كيبقاو فداك المرقص خداميين فييه ساكنين واكلين شاربين فيه….والكليان لي كيجي كيفضلو دوك البنات علينا حيت مكيخرجوش كيكونو مميزين علينا تاحد مكيشوفهم من غيرهم….كيحطو فلووس صحيييحة بااش غير يدخلو يتفرجو فيهم ماشي اي واحد يقدر يدخل…ريووس صحااح نيت ها البرلامانيين ها تحاار المباار حتى البووليس كيدخلوو يزهاو معاهم..
كنزة بدهشة هزات حجبانها : وعلاش حتى نتي ماتخدمييش معااهم…
اسية : حماقيتي ولاا ايلا خدمت فييهم نسى شناهي الحرية…قلت ليك كتبقاي ديما عندهم ماتخرجي ما درجي عند روبّو واحد فالسيمانة الخلصة مطرطرقة والماكلة والشراب كلشي موجوود ولكن هوما لي متحمين فين ماتهضري فتيليفوون ماتخرجي كيف قلت لييك ماتشوفي حد غير خدامة كتخلصي تا تكلمي الكونطرا ديالك عاد يطلقوك…كاين لي كتكون دايرا تلت شهر كاين ست شهر وكاين لي دايراها اعوااام…ولكن صراحة غزاال تما بزااف الدنيا نقيية ماكينش لي يهضر معااك ولاا يقييصك ولا شي حاجة وااخدة راحتك لي جايين يتفرجو راه باينين ولا جاايين يشطحو راه باينيين…مزال حنا كيتزللو بينا ويتحكو بينا حيت عارفيينا ماشي بنات داك المرقص….
كنزة : قاصحة شوية صرااحة ايلا كانو يتحكمو فييك بناقص من شي خدمة معاهم
اسية : داكشي لي قلت واخا زويين تما ولكن اختي الحرية هي كلشي عندي روبو كل نهار بحالا خدامة فالشركة ماشي بحاالهم الخدمة عندهم نهار كامل وروبو واحد فسيمانة وبالوقت من لفوق…(حركات راسها) يلاه تمشي تفوجي شوية لي بغيتي راك غتبقاي غير جالسة ماعندك ماديري نكمل خدمتي ونجييو بجوج …
كنزة :ماعرفتش حتى نشوف…ماعنديش الكانة لشي خرجة…
صونى تيلفونهاامرة اخررى وهي تلقااه رشيد كيصووني وتاني قطعات عليه وبدات كتوصني فنمرة عماااد وكيف لعادة لا رد منو ماملااتش وفينما تاحت ليها الفرصة كتصوني وتسيفط ليه ليمايسااج لا فصفحتو على،الفيسبوك ولاا على الانتسقراام لكن حيت عندو كونط بروقيسيونيل مكيجاوبوهاش و مكيشوفوش الميساج دياالها…الميساحات من رشيد فقصوها مخلي ليها فوق عشرين ميسااح فالواتساب عرفاات هضرتو واش باغي منها وهي ماباغة تخطي حتى خطوة بلا عماد طفات الكونيكسيون وتهنات…
تعاشات لعشية واسية مرة اخرى سولاتها وا تمشي شاافت تاعياات وناضت معااها عطاتها واحد السوااغي كضحك ولاحتها عليها كنزة مفقوووصة واسة ميتة عليها بالضحك كتبغي تشد فيها مدات ليها غير سروال دجيين وشوميز دياالو لبااستها جاوها مزيريين حيت كانت عامرة شووية عليها طلقات شعرها سامبل وخربقات فوجهها وشوية مخبية التعب لي باين فييه وجلسات كتشوف فالبنات كيجرييو من جيه لجييه وحدة باغة تبان حسن من تانية ها الشفار طواال ها لخدود حمريين ها الفم منفوخ حمر ها زرق فوق العينين كمشات ملامحها عايفة حلاتهم كي جنيات بداك المكياج وقوة الالوااان فوجهها بحال البهلوان بقات غير كتشوف فدوك الحجبان مطراسين كي طيارة فوق حجبانها وقلبات لساانها قالبة عينيها منهم خايفة توحم على شي وحدة وتخرج الولد ولا البنت بحالهم…
نزلوو للتحت فين كان طرونسبور كيتسنااهم اسية بقات معاهم والبنات مشااو حيت مغيطلعوش معاهم كنزة وهي ماخدامااش معاهم شدات طاكسي هي واسية ومبااشرة للمرقص المعلوم…طرييق كاانت طوييلة وكثر من المتوقع خرجو فضو ماوصلة حتى قربااات طيح الضلمة…!
اسية :وصلنا…شوية شفتك بحالا دختي فالطرييق
كنزة : شووية شووية..
اسية : شوفي ايلا مكنتيش مرتاحة رجعي للدار …
كنزة : ياك قلتي ليا غنجلس فشي طبلة بوحدي مايقرب لياحد مانهضر مع حد بغيت غير نفوج ونرتاح من تخمام شووية
اسية : دوينا غنوصي علييك لي دوا معااك عيطي ليااا غنبقى هازة تيليفون معاياا ولكن ايلا وصلات واحد الاغنية لي قلت ليك عندااك تعيطي ليااا حيت غنزل للمنصة..
حركات راسها بايجااب ومشااو داخليين مع الشارع كيف قاالت اسية لكنزة غي مدخل الشارع بووحدو فاااااات الاناااقة وكثر…شارع فخم السياراات مستفيين فييه كيضربو على الشعى وباينة الناس لي عايشيين فيه هاااي كلااص وعايشين فالخيير ديال بصح..تمشات معاهت حتى وصلو قدامو واحد المبنى كبيير وعالي ملي قرات اسمو كنزة عرفاتو اوطييل صوراات المدخلة دياالو وسفطاتو لعماد فالواتسااب واخا مكيشوفش ليميساج ديالها ولكن لاحتو لييه عاد دخلاات ورا اسية…بقات فمدخل البااب كتشوف فيها كتضهر مع سيكريتير شوية جاا شي راجل ومعاه مراة معاها حركات لاسية بايديها زعماا تدخل عااد شكرااتها اسية مبسمة ورجعات عند كنزة
اسية : يلااه
كنزة : شكون ديك المراة
اسية : باطرونة ظساالي طلبتهاا تدخلي بلا خلاااص بزز بنت الحرااام غتنقصها من الخلصة هاانية تانتي ماشي مشكل يلااه….
كنزة بشك ضورات راشها ضاحكة وحاشية للهضرة: غير ديري فباالك راك بديتي كدخلي ليااا شك شحال خلصتي عليا…باش غنرجعهم ليك ؟!
مشات قدامها كتنفخ وتفش ماعجبها حال وماحملاش الخدمة هنا كنزة غير كتشوف باستغرااب…دخلاات للوطيل كتضور فعينيها كيف بابو كيف الدخلة اتاتو فخم وحتى ناس لي فييه كيباانو صحااب الفلووس نييت….ناس غادين جايين جنبهم بجنسيات مختلفة من لبااسهم وشكل وحههم ها الكوريين ها الهنود هاد العرب على الانوااع تعجبات من المكان كلو مطوق بليكارد كوور والكاميييراات لي مافهمااتش اشنو كديير مرقص وسط هااد الاوطييل الفخم…!!
تعجبها زاد كبر واستغراابها اكثر ولكن ملي نزلات مع دروج لتحت بحالا نازليين لاسفل الاوطييل ودخلات للمرقص وسط ضلمة وغير الضواو مولنين كيزدحو بحال شي ديسكو صوت الموسيقى الخليجية من الباب كتسمع قهقهات البنات عالية الشراب والاكل على الانواع والاشكال ليفوطيو دجلد كحلين ومنصة الوسط كبيييرة مضوووية شي غادي شي جااي شي خاشي وحدة بين رجلييه شي جالس لسوط وربعة ضايريين بيه وكاين لي جالس بوحدو منغم مع كاسو مامسوق لحد مامسوق ليه حد…تبعات اسية حتى داتها لواحد القنيتة خاوية بجليسية فيها ليفوطيو ناس فيها قلااال باينة فييهم غير جالسين يفوجو مابيها لا رقص لاا صداع…
اسية : جلسي هن انا عنسيفط ليك شي حاجة تشربيها من الاحسن خودي غير شي كوكة دنيا مخلطة غيوليو تالفين وعاطينك شي حاجة …فوجي شوية وفكري على خاطرك تاحد مغيقرب لييك انا غنمشي
كنزة :مرة مرة جي عندي
اسية : تيليفوني عندك اصحبتي عيطي لياااا ايلا احتاجيتيني ايلا بدات الاغنية لي قلت لييك ماتعيطييش ليا تانسااالي صاافي…خودي راحتك راه وصيت عليك ماتخافيش ماكينش لي غيجي عنددك..
مشات اسية وهي جلسات تما شادة عندها صاكها بشويا بشويا حتى ترخات وارتاحت فبلاصتها ماكين كاع لي كيشوف عندها ولا يقرب ليها شعلات تيلفونها بآمل اخر كتحاول تعيط لعماد وترسل ليه رسااائل متأمل يجااوبهاا طلعو ليها عشرة ديال ليزابيل من عند رشيد مابغاتش تجاوبو ولا ترد علييه…
اسية ل سيرفور: كوكا بلييز لدييك طبلة….(وقفات كتسنى باش تسفطها ليها عاد تمشي حتى وقفات عليها الباطرونة كتفرنس حتى بحالهم كلها ملونة والشعرورواايح بلباس رسمي كيف شي معلمة كي كيسميوها هونا استاذة المرقصة….
_الجديييد احبي…شكون دييك البنت
اسية بضحكة مستهزأة فاهماها : حااملة ازين ومزوجة غير جات تفوج شوية وتمشي فحالها…قلبي عينييك… ماتصلاحش ليك
_ايوا نجربو…شكون هادي اللي كتجي لهنا ايلا مكانتش عينيها تضبر على مصروف ليلة هههههه (بغمزة) ياك ولا لاا احبيييبة
اسية : ايلا كانت غير هادييك سيري عندها غتسمعك خل ودنييك…هه عندها حساسية من هاد الخدمة غير هني بالك…
شافت فيها قالبة شفاايفها وتكلمااات …
_البنت كتحمممق ا اسية مع دخلة كاع العيون شفتهم مشاو ليها كتبان نقية وحتى شوفتها بريييئة ماشي بحالك مطرطرقة عنييك هههه راقصة ديال ارااك من بعييد ههه..(بجدية ضربات فايديها) تجيبيها عندك خمسين فالمية انا وياك فيفتي فيفتي..والله مانضيعك فدرهم راك عارفاني ااش كنسوا..
اسية بفضول : شكون حط عليها العين..؟
_مول الشي سول عليها قال ليا شكون دخل مع بنتك…راه فين حاضيها..!
كانت جالسة بهدوء وكيف قالت ديك الباطرونة ببرائة كضور عينيها فالمكان هادشي كتشوفو غير فالافلاام وتسمع علييه ويعاودو ليها علييه حياتها كلها عمرها حطات رجليها فالبار ولا طلات عليه كيف داير عبد المتقي مزير السمطة والخروج بالعبار غير من مواقع التواصل والكروبات واليوتيب والحالو هوم اللي عرفوها على هاد العااالم…حسات بشي حد وقف عليها وهزات معاه عينيها لقاتو سيرفور حط ليها كوكا قدامهاا ومشى مبسم….وهي هزات الكاس كتشمشم وتشوف فيه بشك فالاخر حطاتو ودارت بناقص منو وعيون من بعيد حاضيينها مبسميين غير شاف حركاتها العفويين وعينيها كيضورو ومع كل حاجة كيتفااعلوو مرة تكمش وجهها عايفة مرة تحل عينيها مدهوشة مرة تخنزر …حط الكاس من ايديه وناض غادي لجيهتها حتى وقف عليهاا وبدون اددن جلس جنبها وهي كحزات علييه مستغرربة..
_مرحبا…
كنزة زربات عليه : مزوجة..
_ قرب عندها : نتلكم شوية وبس !
كنزة بعداات : كنتسنى شي حد حد عفااك خليني
_من وين انتي..؟!
.قلبات وجهها حاضية معاه مارجعاتش جاوباتو واخا كيسولها ويعااااود حتى عيى وتنهد وناض مشى عاد ارتاحت وشدات تيلفون منسية بييه واخا هكاك ماعجبهاش الجو كثرة الصداع والضحك والضوااو جابو ليها دوخة وحسات برااسها سخفاانة ماعندها جهد لحتى حااجة…رشيد مارجعش صونى عليها وهي مشطونة غير مع عماد ماتوقفااتش ولو لحضة على الاتصاال بييه…حتى عيات تااني ودخلات لواتسااب باغة تسيفط ميساج لاسماء طالعة ليها اياااااام مداخلاش ليه عارفاها حتى هي ماعندهاش مع تيليفون شارياه غير لتسنيم وصافي..
يلاه بغات تسجل اوديو وهي تطلع ليها نمرة مغربية دتصوني عليها ضرب قلبها وبدون شعوور وقفااات وجوباات بلهفة
كنزة :الوووو (شدات ودن من صداع الموسبقى) الووو شكون معايا…الووو
دغيا دغيا ناضت من تما كتجري مبعدة على الموسيقى حتى بان ليها حمام العيالاات وهي تدخل ليه…
كنزة : الوو الووو شكوون معايااا…
قلبها كيضرب مستنية الاجابة حتى سمعت…
رشيد :مدام كنزة علاش كنصوني ليك مكتجاوبينيش
كنزة بحسررة تنهداات خافضة صوتها : هذا نتا ارشيد اش واقع مالك ؟
رشيد : فييين نتي امدام
كنزة عقدت حجبانها : علاش شنو وااقع ؟!
رشيد : واش نتي بوحدك بعدي ايلا كان حدااك شي حد
كتزة : هضر ارشيييد راك خلعيتينيي ااش كاين..!!!
رشيد : مدام كنزة…عزوز مااات….مات مقتول الالة…
بصدمة طاح تيليفون من ايديها ورجعات هزاااتو كلهاا كترحجفف وجههها تخطف منو لوون
كنزة : اااش كتقول ارشيييد !!؟؟؟
رشيد بصوت رجفاان كيبكيي : والله القاساام امدام ايلا ماات يلاه وصلاتني الخباار …ماات تما لحق علييك لدوباي عند المطاار تقتل كيقولو ماات وهو والله العضييم ايلا تقتل امداام عزووز قتلووه ما مااتش
كنزة جلسات فلرض على ركابيها فااشلة دمووعها جاامدين : اويلي ارشييد ااش كتقووول اااش هادشي ارشيييد كيفاااش تقتل واش غتسطينيي كيفاااش ماااات
رشيد : خلييت ليك شي حاجة فالواتسااب شوفيها امداام سيفطتهم لييك الباارح علاش مادخلتييش شتفييهم …
قطعات عليه دغيا كتررعد تيليفون كيطيح من ايديها وكترجع تهزوو حاسة برااسها فااشلة و عينيها كيتقلبو عليهاا ودووخة غريييبة تملكاااتها حتى تضببات عليها الشوفة…ساعفاات بزز ودخلات للواتساب كتشوف فتصاور عزوز وخبر موتو المفاجأ فالمطار صورة وحدة لي مسربة ليه ماحاطين حتى صورة اخرى عااد تفكرااات ملي كانت جالسة لبارح فالمطار وتطوقت دنيا بالبولييس بخبر موت شي حد وحتى البنات فاش هضرو عليه يعني كانو قاصدين عزوز…مع اخر ميساج منو ضررب قلبهاا بحههد والخوف تملك دااتها وهي كتقراه ” ردي بالك امداام…حضي مع جنابك وردي باالك الله يحفضك ” ..!!
قلبها كيضرب ورجليها فاشلين ودماغها خدام كتفكر ويعاود وحتى شي طريق مابانت ليها تخنقات تما بغات غيير تهرب غير تشم الهواء وتدخلو لصدرها لي تخنق مابقاتش قادرة تهز النفس..ناضت خارجة من الحمام لحسن الحظ خاوي كلشي طالع يتفرج حلاات الباب وخرجات حيط كيلوحها لحيط فاااشلة واقفة على رجليها بزز…
حتى بان ليها واحد جاي قدو قد السخط جار شي وحدة ورااه وهي كتنتر منوو وتبعد الشعر على وجهها ناازل علييه..لصقات كنزة فالحيط عاطياهم طريق وهو دايز كي تران ماشافش عندها وهي كتشوف فيه وتشووف فالبنت لي جار حتى قفزااات ملي بان ليها جمعها معاها بتصرفيييقة حتى داااخت وهزات رااسها حتى هي مامفامااش دفلاات فوجهو كتسب فييه بالدارجة..!!!
وغير بعدات الشعر على وجهها كتسب فييه وهي تهههشق كنزة بصوت مسمووع و تطلق تيليفون من ايديها مخرجة فيها عينيها وفمها توووسع بصددمة كتشوف فيها جاية داايزة من جنبهاا حتى قرباات حداهاا والكولوار ديق قاصتها بكتفها وبدوون شعور نطقات كنزة بصوووت هاافت مصدووم ..
كنزة : هند…
هند غيرسمعات اسمهاا دغيااا تلفتاات كتشوف فكنزة مصدوومة كثر منهااا مخرجة عينيها….ااش كدييير هادي هنااا ؟ سكتاات من الغواات وترخات فايدين هاداك لي جارها وهي ملفتة رااسها فكنزة حتى كتبغي طييح وتعاود توقف تاني كتشووف فيها مدهووشة…!
شدات فالحيط وجهها مخطوف منو لون فااااشلة ماحاساش برجليها هازاها هند غادا قدامها وهي تابعاها بعينييها حتى شاافت داك السيد لي جارها مدخلها لحماام الرجااال شدات فجنبها كتنننهج بسرررعة وواحد الصهدة طلعااات معاها رااسها زند عليهاا مخنوووقة واش اللي شافتو حلم ولا حقييقة…واشهند ولاا غير تخايل ليها…
بلا تفكير تبعات رجليها لي دفعوها لفين مشات هند مامسوقة لا لهاداك لي كان جارها مامسوقة لا ليها هي برااسهاا كل ماا فباالها دابا غير تأكد من لي شافت عينييها بكثرة مادايرة بالها مع البنات اللي سيفطات ومع هند بالاخص….شكات فرااسها تكون تخايلت وماشي هي بصح اللي شافت…!
دفعات البااب ديال الحماام ودخلات كتقلب هنا ولهييه خاوي حتى حد مافيها ل لحضة كدبات عينيهاا بلي ماشافت تاحد وغيرر تخاايلت وهي تسمع شي صوت جاي من جيهت باب من بيبان الحمام المستفيين…
صوت غرييب وماغريبش فنفس الوقت….واخا عمرها سمعاتو…ولكن قدرات تفرزو….اهات خفيفة جاية من صوت رجل كتسمع فواحد من دوك البيبااان مع صوت كحة نساائية مراافقة لدوك الاهااات….بحال فاش كنبداو نوجدو للتقية داك الصوت اللي كيجي قبل منهاا بحال هكااك….ترخفو حجبانها وقلشو ودنيها بفضووول شاكة فيهم يكونو هما…ولكن اش كيديرو واخا داك الصوت كان موضح ااش واقع…رغم ذلك تبعات الصوت منين جاي حتى وصلاات للبااب المعلوم……وبلا تفكيير حلاتو عليهم حتى قفزاتهم مخلوعييين وهي تخطططف من بلاصتها مطرطقة عينيها وسداااتو دغيا هربانة من بلاااصتها وبالها كيعاود ليها الصورة لي شاافت عااد دابا….حاسة بفمها جاي بالماا عاايفة للدرررجة ماكتخاااايلش…شداات عليه ونزلاات ايديها على لافابوو كترجع كاع لي فكرشها عينيها خارجين حاسة بقلبها مروع غيخرج من فمهااا بصوت مسموع حتى لعندهم وحتى حد فيهم مااخرج ولا عطى ردة فعل..
وهي شادة فلابو حااسة بالموت خارجاها غمضت عينيها طاردة صورتهم من باالها وهو بحالا معاند معاها كيعااودهم بحال شي صور متكرررة فعقلهاا من اللحضة اللي حلات علييهم البااب وباانت ليها هند جاالسة فللرض شعرهاا
واااقف مشدوود بايدين داك السييد والكحل ساايح من عينيهاا وشي سائل لزج ابيض منتور فوق وجهها كيزلق منو وهو حمر بالتصرفيييق…عينيها بعفوية تحولو لجيهت العضو دياالو اللي كان ف فم هند وهو هاز رااسو لفوق منتشي بشهوة حيوااانية معاها…!!
خلات كلشي وخرجاات كتجري من تماا هربانة من دوك الاصواات حتى وصلاات للبااب وتحنااات سخفاانة وقاشلة كترجع لي فقلبها عايفة وعقلها مامتقبللش لي شاافت عينيها روعو خاطرها وهزو قلبهاا بداك المنضر المقززة اللي كانو فييه..بقات كترجع ماابقاا ليها ما تزيد حتى تجرح حلقهاا و بدات كتلوح داكشي بلون حمر بحال دم عاد حبسات كتنهج…وهي تم جاية اسية مع داك الكلواار عينيها كيضورو غير شاافت كنزة طارت عندها جاية كتهضر وتهز فايديها
اسية : فيين مشيتيي اصحبتي وااش جبتك ندير بالي معااك ضورت عيني فبلاصتك مالقيتيش عقلي بغى يخرج ايلا كنتي غتسارااي قوليها ليا تانسالي ونصوني عل…(شافت حالتها كتخلع) اويليي ماااالك
كنزة فاااشلة بصوت عيااان :عطيني نشرب عفااك
اسية : ماالكي ياك لباس دختي وااش شداتك دوخة اجي تجلسي زيدي…..ناري ماعندك فين تجلسي هنا
خطفات ايديها منها ولات عايفاها حتى هي ماقدراتش حتى تشوف فوجها…
كنزة قالبة عينيها : بلاتي نغسل وجهي
دخلات لحمام العيالات غسلات وجهها وشللات فمها مغمضة عينيهاا ومنضرهم بااقي فدماغها كيتعاااود عاد خرجاات مشاات معاهاا كل مرة كتلفت تشوف فين دخلات هند مبورشة حاسة بمعدتها ومصارنها وكلشي مقلوب فيها لداخل باغة غير تقيى ماعندها ما تخرج من كرشها والو واسية فوق راسها كتهضر وتوصي وتعااود بنية خالصة بقات معاها حتى رجعاتها لبلاصتها فين كانت جالسة حيدات ليها داك الكوكة كتوصي فيها لا البيبي مابغاش الكوكة لا البيبي جاه الصداع سيري للدار نسيفط ليك شي حد يوصللك..لا بلاتي نجيب ليك صلاد خفيقة حسن….عزات على كنزة وكثر ولكن من منضر هند عرفات كلشي كيمشي على هاد السيييرة فهاد المرقص وحتى اسية منهم…عافتها وعافت قيصة ايديها فدراعها فينما تقيصها كتهربها منها…مشات اسية خلاتها جالسة كتشوف هنا ولهييه البيضة حامية فيهاا باغة تنوض من بلاصتها فين غتمشي وتجي الله اعلم غييرر تنوض ديير شي حاجة ايديها واكلينها ورجليها كثر….
شاافت المرقص سخن والشطيح والغنى على الجهد صوت الضحك طللع اكثر والنشاط والحيحة وهي عينيها على الممر اللي كيدي الحمامات حتى بان ليها داك السيد خرج كيقاد سمطة سرولو كيبان نقي وشخصية عااطية العين ماتحاايلش فيه العفن لي كان غير دابا فيه…لحضااات طويلة عاد خرجات هند كلينيكس فايديهاا كتمسح اطرااف صبااعها مقادة الحاالة هازة الحجبان ويلاه كتمشي خطوة خطوة بالمهل بحال شي برلماانية بدون شعوور وقفاات وتمات غادا لجييهتها وهند شافتها هكاك قلباات عينيها كتشوف وراها كتبان ليها كنزة جاية قاصداها عرفاتها غتوقف عليها مع قربات حداها لوات رجليها دارت راسها تعكلات وبسرعة شدات فدرااع كنننزة كتهضر قالبة وجهها..
هند: ماكتعرفيني ماكنعرررفك….(متصنعة الالمم عبنيها كيف شي لفعة كيضورو وتسكاني غير من لتحت لتحت ) ااححح رجلي….ماتعيقييش اللي وراك كتشوف فيك….مولات الشيئ خالت حياة مولات الصالون اللي كان خدامة فييه ختك…. ماتهضري ماتوقفي معاها وياك تسمعيها صوتك قح/بة من الطراااز الرفييع تشرييك وااقفة برررب المعبود لابقيتي رميتي الخطوة برا…هادشي اصلا علاش سيفطاتك ديك الكلبة ديال حيااة وصلاتني الخبار و ضحكت عليهم قلت ماغتجييش صدميتيني كنتي لاعباها دكية ضحكات علييك بجوج كلمات وتبعتيها فيهم….!
كنزة : اااش كتقولي مافهمت حتى حاجة
هند : ماتفهميي حتى حاجة هزي حوايجك ورجعي منيين جيتي شري سلامة رااسك اكنزة ورجعي عند واليديك نقية..(مع علات رااسها وهي تبان لييها ديك الباطرونة جاية بلعات ريقها وبخفت قربات لكنزة كتهضر فودنيها مامبيناش ليها) سمييتك فااتن…فاااتن….كنزةفالمغرب هناا فاتن..سمعتيني فااتن..
طلقاات منها وتحدراات جالسة قفازي كتقلب فرجلييها متبتة عليهاا راه تعكلات ماشي كتبوهل عليهم كيف كدير ديما حتى وقفات عليهم الباطرونة..
_غِنوة…بخيير ؟
هند(غِنوة) : ياس مزيان تعلكت على رجلي..(وقفات كتعتر عليها عاد تلفتات فكنزة بابتسامة عرييضة) اسفة ما ردييت البال علييك
طلعات ونزلات عينيها فكنزة كتفرنس عارفة انها مغربية من اسية وهي كتشوف فهند ومن اسم “غنوة” لي تدكرات واش مبدلة سميتها هادي ولا كيفاش ؟
_الغزالة مغربية غيير خودي راحتك
هند بلعلت ريقها متصنعة عدم الوف : بصح؟ مرحبا بييك ومتشرفييين ههه شنو سمييتك نشريو معاك العشرة فهاد الغربة هههه(هزات حجبانها)
شافت فيها كنزة مطوولة ورجعات شافت فالباطرون وهي كتشوف فيها بعيون فضولية وتطلع وتنزل فيها وتقاارن صفاتا مع الصفات اللي عطاها شعيب حتى نطقات كنزة
كنزة : ك ..فاتن
هند فرحات : متشرفيين …. انا غنوة….نخليك احبييبة مرحبا بيك مرة اخرى
غير مشات هند حتى كنزة تبسمات لديك المراة ومشات دخلات للحماام مرة اخرى مخلوعة كثر من كلام هند خوفاتها بيه واخا مافهمت منو حتى حاجة زادت تخربقاات ودااخ دماغها كثر من لول…حاسة بهادشي لي كتشووف ولي كتسمع كثر من قدرتها العقلاااانية…!!
__________
لحضات وهي فالحمام عاد رجعات لبلاصة فين كانت جالسة وتيليفون فايديها كتصوني لعماد بحالا غيجاوبها مااطلقاتوش من ايديهاا ولاا لحضة الدمعة واقفة فعينييهااا كلام رشييد وكلام هند كيضرب فودنييها مابقاتش عارفة اشمن جييهة تفكر فيهااا…كتسمع صوت الموسيقى مجهههدة فواحد القنت من المرقص…وكانت هي نفس الموسيقى لي قالت ليها اسية ماتصونيش علياا حتى تكمل ديك الاغنية…الاغلبية دالناس لي كانو تما خواو ديك البلاصة وكلهم زادو القدام كيبانو ليها كيطلو بحالا كيتفرجو فشي حد وهي بفضوول قرباات عندهم كثر عينيها كيضورو كلها ولااات كترجف وقلبها مزال مروع عليهاا طلاات منين كيطلو حتى هوما…
حتى كيبااان ليهاا الضوااو بالالواان كيضربووو شادين جيهة وحدة وهي واحد المنصة متوسطة المرقص صوت الضححك مجهههد وغوواات والدنيا مخلطة رجاال ونسااا منوضيين الحيحية على البناات منهم اسية هند وحتى البنات لي سيفطات معاهم كاينييين تما !! فوق المنصة بملااابس مفضوحة كيشطحو على ايقاهات خليجيية وقراعي دالشراااب كيتخااو علييهم كلهم فازكييين كيقطرو ويضحكوو جالسيين على ركابيهم على وضعية الكلب كيحركوو فاجساامهم ولجمهم كيبري بالشراااب مفضوح ومعري…
غمضات عينيهااا مافهماتش كيفاش هاد الناس لي جنبها عاجبهم الحااال بحالا كيشوفو شي تحفة قداامهم وهي مرووعة شادة فمها وعينيها مقلوبين كارهة الوضع وكارهة معاها حتى دوك البنات وهند كيبانو ليها ضاحكيين وفرحانين باشنو كيديرو وهي عقلهاا خارج معااهم دوزاات المرر واصعب ما يمكن يدوز فييه الانسااان فبلاد الغربة فالاخييير كتجي تشوفهم مرتاحيين وفرحانيين يشطحو لهااد النااس..!!!
حتى حبسات الموسيقى وهي تبان ليها هند نزلاات من المنصة كتجري وتجمع فشعرها وشي رجال من المتفرجيين باغين يتبعوها وليكارد كور شادينهم …
سمحات فكلشي ورجعات جلسات فين كانت شادة على رااسها تالفة ودايخة قلبها كيضرب كتمنى تكون غير كتلحم وتبقى فخدعة ان البنات واقعة ليهم شي حاجة ولاا تشوفهم فهاد الحااالة وعاجبهم الحااال من لفوووق !!!!!
حتى جات عندها اسية مضورة الفوطة على كتافها وقفات حداها كتسول فيها كيف بقات وهي تلفت عندهاا حتى بانت ليها واحد الورقة نقدة لاصقة فصدرها نعتات فيها كنزة واسية حدرات ليها راسها وضحكات شداتهاا بسخرييية..
اسية : هادشي لي طلع فنهاري شفتي على حااالة اودي عمري باقة محط فييه رجل…
كنزة حاقدة : البنات لي قلتي ليا هوما هادوك لي كيشطحو تماا ؟
اسية : مممم شي تمنية تما مغربيات هاديك جابونية دوك جوجات من باكستاان واللي بقا كلهم عرب..مفرقيين…ملي كيطلعو المنصة كلشي كيولي من بلاد وحدة وكلهم كيوليو مغربيات
كنزة : علاش مغريات بالضبط انا مغربية يعني كنديير هاد لخنز..؟ …سمحي ليا ااسية هادي ماشي حالة اختي واخا نعرف نغسل الكابينات ومانحطش راسي فهاد الوسخ هكاا
اسية بدون ملاامح مكملة كلامها : العرب كيموتو على المغربيااات ….شوفي ماكيموتوش عليها حيت بناات المغرب زيين والحلاوة كلشي تو تو تو….كيموتو عليهم حيت حتى فالعهر بلا قيمة…شفتي لي قلت ليك عليهم مغربياات كيحمقو بالزيين شوفي كيف دايرييين هادوك السبعة تقريبا وشوفي لاخريين لي معاهم كيف دايريين وقارني بينااتهم لا مجال للمقااارنة وحدة كتنسيك فلي قبلها…شنو الفرق بيناتهم ؟… حتى فالعهر بنات العرب دايرين قيمة لرااسهم والمغربيات لا…كتلقاي مغربية كتهبل بالزين لي شافها كيحل فمو بشحال كتمشي بمية درهم مغررربية كتنزل للمنصة تما كتشطح حتى كتعياااا ليهم واحد يشير عليها بقرعة واحد بكرسي وااحد يدفل عليها وهي كتفرنس وعاجبها الحااال بنات العرب لاخريين لاااا غير ايلا شير عليها بوردة حمرة وقااصت فعنيها ولا جرحاتها كتسمح فكلشي وكتننزل كتنفخ ماعجبها حااال…
كنزة : ولكن علاش كلهم قلتي ليا كيولييو مغربيااات …(بانفعال)ياك المغربيات يلا قييمة علاش كيوليو كلهم مغربياات ؟
اسية : حيت العرب ملهوفييين عل المغربيات عارفينهم رخاص حادريين راس فين مشى يمشيها وكي دار ليها كدير معااه كيوليو مغربيات غير هنا ملي كيوصلو للخلاص ولمعقوول كلهاا كيضرب على عرامو عاد كيباانو من اينا بلاد وعاد كل وحدة كتبين معدنهاا ومنيين جات…
كنزة مارضاتش : تخربيييق هااادشي كيفاش كيولييو كاملين مغربياات وكيفاش العرب كيشوفونا رخااص مدام انه لي جات كتقول مغربية ! يعني هاادووك الي كيرخصو رااسهم ليهم هوماا لي كيعطيو صورة خايبة ورخييصة علينا حنا غير مدين التهمة
اسية : ودوك المغربيات لي كتشوفو قداامك اش كيبان ليكم فيهم كلهم من طرف لطررف عاجبهم الحاااال وهوما كيزيدو يتبتو علينا التهمة ديال قلة القييمة لي لي كيعطيوها لينا هوما(قاكعتها حااقدة بسخرية)
كنزة : كتهضري بحالاا كتهضري على وااحد ااخر ونتي كنتي وسطهم ا اسية كتجمعي فالمغربيات حب وتبن اصحبتي كتشوفي ااش واقع بنضرتك راه ماشي لي حات هناا قليلة القيمة…ماشي لي جات كتمشي لديك طرييق عطى الله موضفاات ربة بيوت…عممتي كلشي والتعميم لغة الجهلاء(قاطعتها كضحك)
اسية : علااش تعصبتي راه غيير كنعاود ليك ااش واقع هه
كنزة : م..مافهمتش اش هاد الحالة دايريين فرااسكم والله ماباانت ليا ماشي دياالك هادشي وحتى وجهك ماشي دياال هادشيي ااش داك ليه….و وهادو لي قلتي ليا هنا كيفاش جاو هنا ….
كنزة :واحد البنت شفتها غير سالات الاغنية نزلات كتجري لديك جيهة ونتوما بقييتو..سمعتهم كيقولو ليها غنوة
اسية بتدكير : اااه ديك البنت علاام…محمقة الباطرونة ديالها هي لي طالعة ليها دايير راسها هبييلة كتضحك علييهم عندها واحد الشطيح علاام كاع الكليان كتعرفهم وكاع الكليان كتعجبهم هاديك هي الشاف دالبنااات تقريبا كيمشيو على صباعها ايديها…نهار جات سمعتهم نوضاات معاهم الحرب واحد نهار دارت ليها وحدة الما ديال سودانية فبلاصة الما ديال ليلونتي ههههه وهي تنوض هادي شرات ليها صداع مع الباطرونة الغد ليه جراو عليهاا كي الكلبة مع البااب…بلا باسبور بلا وراق…!
كنزة مصدوومة : هوما لي قلتي مكيخرجوش برا المرقص يعني مكيخرجوش مع الرجال..
اسية : هادو لا مكيخرجوش
كنزة : علاش مكيخرجوش هوما لي كيختارو هادشي ولا كيفاش مافهمتش ؟
اسية : هادو مكيخرجوش بيزنييز فهميني..يعني شفتي هادو كاع لي هنا واخا يموتو علييهم مكيخرجوش معااهم نفرض مثلا انا كنت معاهم وعجبت شي حد…غيخلصني ليوم على الشطيح لي شطحت لييه غيقول ليا يلاه معايا غنقول ليه حتى لغدا…غدا غنقوليه حتى لبعدو وكل مرة ندير سبة بحاجة ومانخرجش معاه وهو كل نهار كيحط الفلوس عليا حتى كيتخوا ليه جيب ويتفتخ مزيان عاد كيتوب ويمشي بحالو مايبقى يرجع…!!!
حركان برااسها قلبها كيضررب ورااسها كثر كترجفف شدات علييه وقالت..
كنزة : ماكنحسش براسي هي هادييك بغيت نمشي لداار مزال معطلة نتي ياك !
اسية : مزاال شووية عاد بدات السهرة…اجي ناخد لييك طاكسي يوصلك حتى البااب ياك لباس جيتيني مغييرة ملي وصلنا لهنا ؟
كنزة : لا لا واالو غير دخت شوية وصافي مع الضواو والصداع..
اسية : واخا اجي..بلاتي نعطييك لكارط باش تحلي الباب…
حركات راسها وتبعاااها شوية وهي توقف كتشوف فيها كتهضر مع شي حد عند البااب والباطرونة كانت واقفة موراها جاية كتعيط فااتن ما فااتن وكنزة مداارتش عندها عقدات حجبانها ووقفات فبلاصتها جبدات تيليفون دغيا صورات كنزة من لور ومن جنب وجهها مسيفطاها لرقم شعيب عاد قربات كتغوت عليها مرة اخرى بفاتن وكنزة مدارتش عندها قالت فنفسها واش حتى هي بدلات سميتها وعطاتها لقبها ولااا كيفاش ؟
حتى وصلات عندهاا وقاصت فدرااعها
_فااتن !! ههه عيطت ليك ماسمعتينيش واقيلا
كنزة : ءء ل لاا ن ماسمعتش الصدااع بزاف هه
_غتمشي مزال الحال خليك معانا عاد بدات السهرة وعاد الجو غيزيان
كنزة : شكراا بزاف والله مرة اخرى انشاء الله..
حركات ىاسها بايحاب ومشات خلااتها وقفات حدا اسية مافرقاتهااش حتى خرجو لبرا بجوج ركبااتها فطاكسي كتوصي عليها بحال امانتها وكنزة رموشها عمرو بالدمووع غير زاد بيها طاكسي حدرات رااسها دمعة تابعة ختها بقلب محرووق على بنات بلادها وأش شافت عليهم هاد نهاار حرقااتها هند واسية كثر كتشوفهم ضاحكين بفمهم وعينيهم حكااااية اخرى شكون غتصدق فيهم واش الفم المبسم ولا العين الحزينة…شبعات بكى وغير وصلات للداار مسحات دموعها جربات تخلص مول طاكسي لقاتو مخلص ونزلات خلاتو نيشاان للدار لفوق..
يتبع
التعليقات 0