لاحت ليه ديك ميمو و قطعات بالزربة حشمانة من راسها محساتش حتى قالتها و خافت يتقلق و لا شي حاجة صيفطات ليه فالبلاصة..
💌ياسمين: محمد سمح ليا راه معرفتش كيفاش خرجات
💌محمد: ههههههههه غا ملي هضرتي هانيا واخا تقولي تا ميمااا
حطات التيلي و دارت على جنبها كضحك فرحاااانة و مرتاحة حتى فاتت القياس عمرها كانت كتصور غيجي شي نهار تبغي شي واحد و يبغيها تزعم عليه و ترتاح ليه و تزوج بيه..
ديما كانت كتفكر انها اذا تزوجات غيكون تقليدي بحيت شخصيتها مكانتش كتسمح ليها دير علاقات و كذا حتى تلاقات مع محمد اللي بدل فكرتها و قدر بشخصيتو الاجتماعية يقتاحم حياتها و يخليها تبغيه و تزعم عليه، بقات كتفكر حتى نعسات…
نخليوها و نمشيو نشوفو محمد اللي ضحك تا ما قد عليها و فنفس الوقت عجباتو زعامتها ناض بلا عجز عليه دخل للدوش و بقا حتى برد شوية عاد خرج كيدور فدارو اللي من نهار وقعات الواقعة مع خوه مبقاش عاود مشا للرياض باتت عندو مو و عمتو و جداه و امنية و نسرين واحد الليلة هي فين شافهم اما لوخرين عمرو مازال شافهم كفر عليهم بمرة…
زادت فكرة يسكن بوحدو ترخسات فعقلو و حتى مو ايداتو واخا مكرهاتوش يسكن معاها ولكن خوفا عليه و على ياسمين اللي متقدرش على دوك القوم صبرات….
تلاقا شحال من مرة مع يوسف فالمحل و كان يوسف تيجبدو فشي حاجة ولكن محمد مكيجوبوش دوا مع باه على الخواض اللي طاري فالمحل و باه دوا مع خوتو و ناض الصداع تاني على محمد اللي ديما خارج خاسر من المحل حتى ولا كيفكر يفك هاد الشركة ولكن مازال مجاتو الفرصة….
سعيد فعاود مشا عندو بغا الفلوس ولكن هاد المرة رفض محمد بحجة معندوش و الكريدي و كذا بحيت عيق عليه و مازال الفلوس اللي دا من عندو راه فايتين ل10 ملاين الشيء اللي عصب سعيد و خلاه يعري على الوجه اللي كان عاطيه على قبل الفلوس و عرى على نيابو ولكن محمد مابقات حتى حاجة كتهمو..
عارف ان دوك الناس واخا يقطع من لحمو و يعطيهم عمرو يگر فيهم و عمرهم يعتارفو ليه بيه فعلاش حتى هو ميشوفش حياتو و يدير مستقبل ولادو و داكشي اللي كان بدا من المحل اللي قرر انه تفوت الخطبة غيفك الشركة و يدير شي مشروع اخر و سعيد اللي حلف مايبقا يشد السانتيم و الفيرمة ديال مراكش اللي كان كل واحد تيوصلو حقو منها بحالا الجد باقي عايش قرر انه غيقطع عليهم كولشي حتى يعرفو بقيمتو…
فهاد الايام كانت سميرة غير كتشري و تحط لياسمين حتى عمرات ليه البيت مخلات ماخدات ليها بحالا كتشري لبنتها و محمد غير كيسمع ياسمين و يحط على قلبو حتى هو ختار ليها الخاتم اللي كان خارج واحد خداه ليها و ختار ليها الذهب اللي غيديوه و الشي لاخر بقا على مو، مشا هو بدورو ينعس…
صباح جديد على ابطالناااا اللي كيحسبو فالدقايق فين يتجمعوو فيما يرضي الله صبحات ياسمين جابدة عليها و حتى مها مفيقاتهاش واخا استغربات بحيت مولفة كتفيق بكري….
محمد فاق تريض و فطر عاد خرج مشا للمحلات و قرر يتغدا فالرياض داز بعدا عند الحلاق حسن شعرو من الجناب والتحت ديگرادي و خلا الفوق طويل شوية و خفف اللحية موراها داز خدا ليه الحوايج اللي غيلبس….
كانو عبارة على كوستيم كحل مع شوميز بيضة داهم للدار عاد مشا للرياض مع الدخلة لقا صداع اميمة و شيماء فوجهو اللي ملي جات وهي دايرا عليهم قايدة تأمر و تنهي دخل مكره منهم لقا السلام و سلم على مو و عمتو و جداه سلام حار عاد جلس تيتعاود معاهم و الدار كتنغل بعائلة حفيظة نغيل و الدراري ولاد خواتاتها تيبغيو يجروه فالهضرة و يجبدو معاه الحتيت ولكن هو طالعين ليه فراسو…
حتى دخلات خالتو و ولادها سلم عليهم و بقا كيضحك مع ولادها حتى ناض طالع للبيت فجأة وقفات قدامو اميمة بطلتها المعتادة و صدرها اللي ديما مدفق برا…
اميمة:(بصوت مق**ن) على السلامة امولاي السلطان
محمد:(بصوت غاضب طلعات ليه فصحتو بتصرفاتها) حيديي من قدامييي
اميمة:(قربات ليه كثر و حطات يدها على كتفو) برد الحبيب ديالي ممزيانينش لك الاعصاب و نتا عريس و الليلة ليلتك
محمد:(بملامح مشمئزة عينيه رجعو حمرين بالاعصاب نتر ليها يدها بالزربة و زير ليها عليها حتى تجمع فيها الدم) اخر مرة باقا تحطي عليا يدك الموسخة و داك التق**ن ديالك ديريه فقنت اخر طلعتي ليا فكر ك*ري
دفعها بقوة حتى تضرب ظهرها مع الحيط…
طلع و خلاها مصدومة بملامح متألمة كانت هادي اول مرة غيخرج فيها هكا و يتعامل معاها بعنف و للحظة ندمات تا وقفات فطريقو ولكن سرعان ما رجعات رغبتها فيه بحيت كل ما كيرفضها و مكيخضعش ليها كتزيد تجري وراه و تحاول تفوز فالتحدي….
على عكس راجلها اللي لاصق فيها و جاري موراها الشيء اللي كيخلي غرورها يزيد و تكبرها و كتزيد تكرهو هو قدات حوايجها و شافت فيدها لقاتها حمرة مجموع فيها الدم هبطات مكرهة يله جلسات دوات شيماء و هوما ينوضوها بيناتهم فحين هو طلع معصب لبيتو كيزفر بصوت عالي طلعو ليه تصرفاتها فالراس فكل مرة كتبدا تحلون عليه كيكره و يحقد و اللي كان شافع ليها علاقتو مع خوه اللي كان خايف تخسر اما دابا مابقا عندو لاش يسكت لا على خوه اللي اصلا مدايرش ليه قيمة ولا على تصرفاتها اللي كتقييه و تخليه يكرهها و يكره جميع النسا بحالها قرر انه ماباقي غيسكت لحتى واحد فالدار…
نرجعو عند ياسمين اللي فاقت من النعاس حتى ل12 عينيها منفوخين و حناكها حمرين بملامح منزعجة منعساتش بزيان فالليل جاتها ليغيگل و نغسات عليها النعاس بالوجه خصوصا ان وجعها قاصح و هاد المرة جاتها قبل الوقت بالخلعة و التوتر بقات كتنعس و تفيق حتى تشاد عليها و ناضت شربات دوليبران همداتو عليها شوية ولكن مع ناضت عاود جاها حتى رجليها مقادراش تحركهم باغا تبكي….
دخلات لطواليط بدلات و هبطات كتعكز لقاتهم جالسين كاملين دخلات عليهم هكاك تخلعو عليها ماعرفو اش بيها..
ثورية:(قفزات ملي شافتها عرقانة و شعرها لاصق عليها بلا عينيها المدمعين و ملامح وجها اللي كيدلو على الالم) امالك ابنتييي شنو عندك المصران عاوتاني
ياسمين:(شدات فيها بالسيف باش كتمشى حتى جلسات و قالت بزز) حق الشهر اماما ايييي
دعاء:(بملامح حزينة) الله ياختي مالقات ايمتا تجيك غتكون غير بالخلعة و كتمحنك..
زوهرة:(دارت عند بنتها اللي كانت كتشوف فياسمين بشفقة بقات فيها) سيري اهاجر تبخي ليها الخزامة ايلا كاينة ديرها..
ثورية: اه كاينة ابنتي راها فالبلاكار ديال العطرية و العشوب (دارت عند دعاء مخاطباها) فين داك القرد ديال خليل يمشي يجيب ليها الكينة..
دعاء: كوراه فالبلاي انا غنمشي نجيبها
مشات دعاء تجيب ليها الكينة ديال الوجع فحين هي مرسات على حتى جيهة مرة تكا مرة توقف مرة تجلس عرقانة و حاسة بذاتها سخونة مشات مريم وجدات ليها الفطور تاكلو قبل ما تشرب الكينة مقدراتش تاكل اكتفت بكرواصة بزز و كاس ديال الحليب شربوها الخزامة سخونة همدت عليها الوجع للحظة و شوية عاود شدها حتى شربات الكينة اللي بقات شي نص ساعة عاد بدات كتعطي المفعول ديالها و ملي مشا ارتاحت و جاتها واحد النعسة حلوة طلعات ظلمات البيت و نعسات…
مخلية التيلي كيصوني حتى طاب و تشغل بالو ممولفاش ليها تردد بزاف عاد دوز لابيل لدعاء اللي كان طلب نمرتها من عند ياسمين فمرة من المرات كان وقع فيها بحال هكا صونا شوية و تقطع بحيت كانت كتغدا تسنا شوية عاد صونا تاني و جاوبات معارفاش النمرة ديالمن….
📱محمد:الو السلام عليكم
📱دعاء:(عقدات حواجبها باستغراب ملي جاها صوت راجل غير هو الصوت كان مألوف) وعليكم السلام شكون معايا
📱محمد: انا محمد اختي دعاء
📱دعاء: اههههه كنقول الصوت مغريبش عليا كيف داير اخويا لاباس عليك
📱محمد: الحمد الله اختي الله يطول عمرك و نتي لاباس عليك راجلك و ولدك كولشي بيخير (الصواب عاطيه عشرة لضس ههههه)
📱دعاء:(عجبها بصوابو و ظرافتو كيدير بلاصتو دغيا) جمع كولشي و قول الحمد لله ياك مكاين باس اخويا
📱محمد: سمحي ليا اختي صدعتك ولكن من الصباح و انا كنصوني لياسمين مجاوباتنيش خفت تكون عندها شي حاجة
📱دعاء:(شربات البلان والا لاش غيكون مصوني ليها مثلا ضحكات بشقاوة و غمزات مها و خالاتها اما حتى باها تغدا بوحدو فالكوزينة مخليهم واخدين راحتهم) ااه ماشي مشكل اخويا غير مفاقتش بكري و ناضت عيانة شوية و رجعات نعسات..
📱محمد:(قفز مورا مسمع عيانة و قال بصوت مرتافع) كيفاش عيانة مالها شنو عندها واش بزااف نجي نديها للطبيب
📱دعاء:(قفزات على صوتو المرتافع يالاه كان مزيان حبساتها الضحكة و كملات) لا لا ماشي شي حاجة (بتقزدير ماعندها علاش تحشم) غير البيريود و كتجيها قاصحة شوية ديما هكاك
📱محمد:(حشم هو فبلاصتها مقدرش يهضر معاها فالموضوع ولكن فنفس الوقت مخلوع عليها) و شربات الدوا……. ولا مشات لسبيطار…… نجي نديها……ولا نجيب ليها شي حاجة
📱دعاء:(مقدراتش تحبس الضحكة ولوخرين غير تيشوفو فيها) لا لا مكاين لاش شربات الدوا و ولات بيخير دابا غير تهدن
📱محمد: سمحي ليا قويت عليك اختي هانتي ايلا كانت شي حاجة صوني وجه الله اختي انا شوية و نعاود نصوني
📱دعاء: واخا اخويا كون هاني فعينيا
📱محمد:الله يحفظك اختي يله في امان الله…
قطعات عليه و طلقاتها بواحد الضحكة عالية ديال الشيخات حتى بقاو غير معجبين فيها..
هاجر: امالك اختي تيهروك ملايكتك
دعاء: لهلا يوريكم شكون دوا معايا دابا هههههههههه….
ثورية: شكووون سربي خلاص
دعاء: عريس الغفلة اختاي هههههههه
مريم: شكووون واش خطيب ياسمين
ثورية: واش محمد
دعاء: ايه هو بشحمه و لحمه
ثورية:(باستغراب) لاش صونا لك اش بغا
دعاء: بغا يطمن على حبيبة القلب ههههههه قالك من الصباح وهو يصوني خلعاتو
زوهرة: وا هانتي على بنت ختي كيخاف عليها گااااع
دعاء: واك واك احبيبتي (خالتهم الكبيرة تيعيطو ليها حبيبتي العائلة كاملة) كون تشوفي ملي قلت ليه عيانة (بدات كتقلد فيه وهوما غير كيضحكو) مالها شعندها نجي عندها نديها لسبيطار ههههههههه سرسبهم ليا كاملين خلعني
مريم: هههههه السيد غاااارق ياختيي ياسمين فقيهها صحيح
هاجر: وا هانتي على الحشومية ههههههه بالحق تستاهل
دعاء: واللهيلا ضحكني هههههه….
كملو هضرتهم فداك المنوال قولها و ضحك عليها مقشبين و فرحانين حتى نزلات ياسمين مدوشة من العرق حنيكاتها حمرين و شعرها فازك دخلات للكوزينة كلات شوية و عاودت شربات الكينة باش توكض شوية عاد خرجات عندهم لقاتهم حاطين المكسرات و جالسين على النميمة غير شافوها طلقاتها هاجر و دعاء بضحكة طويلة حتى شافت فيهم باستغراب طالع ليها الخز محاملاش تهدر لاعبين عليها الهرمونات حتى دوات مريم بمزاح..
مريم: ياختي فقيهك صحيح عطينا غا النمرة
ياسمين:(باستغراب)كيفاش
دعاء: كيفاس مع مكناس ههههههه نتي نعستي و خليتي سيد غيحماق
ياسمين: مفهمتش دوي نيشان راه راسي دارني
ثورية: دعاء هداي على ختك راها مريضة (دارت عند ياسمين) راجلك ابنتي من الصباح وهو يعيط لك حتى عيط لدعاء
ياسمين:(وقفات بالزربة) اويلي نسيت مطليت على التيلي…
زوهرة: غا بشوية علك ابنيتي
ياسمين: ماما حگا بغيت نقولك شي حاجة
ثورية:(تقادات فالجلسة) الله يسمعنا خبار الخير
ياسمين:(حشمات عاوتاني و بانت فيها معرفات ماتقول بقا غير كتمتم) دابا… ه. هو انا….. محمد
دعاء: ههههههه مالك كتهجاي تي طلقيها بلا تعصار
ياسمين: وا دابا هو محمد….. قاليا نسافرو (خرجات فيها مها عينيها ولوخرين ضحكو) زعما مورا العقد
ثورية:(بجقات فيها عينيها) كيفاش اختاااااي
ياسمين:(بارتباك) والله حتى هو اللي قال انا ماقلتش مابغيتش صافي
دعاء: عادي مالها شنو فيها راه غيولي راجلك واش نتي حمقة
ثورية:(دارت عند دعاء مخنزرة) هذا ماقدرك عليه الله ابنت كرشي (دارت شافت فياسمين) فين بالسلامة
ياسمين: مراكش
زوهرة: مافيها باس ابنتي ديك الساعة راه غيولي راجلك حلالك سيري معاه تال طركيا
ثورية: لا لا معندها فين تمشي
مريم:(خرجات فيها عينيها) اويلي واش حماقيتي من الدقة والحين تقول للراجل لا (شافت فياسمين) سيري اختي راه حلالك هداك دوزي وقيتة زوينة باش توجدي ثاني للعرس..
ثورية:(شافت فيها ياسمين بمعنى اش قلتي و هي هزات راسها بعدم حيلة) اش غنقولك سيري اختي غير حضي راسك و قاعك
ناضت ياسمين باستها راشقة ليها متنكرش انها رغم الخجل اللي شادها و الخلعة حيت عارفاه غيولي حلالها و غتولي حلالو و حتى حاجة متمنعها عليه ولكن كاينة واحد الفرحة كبيرة انها غتسافر مع راجلها و حبيبها يدوزو وقيتة زوينة بجوج….
طلعات لبيتها بعدما علماتها دعاء باش تنشف شعرها و تلبس قميصها بحيت النقاشة غتجي هزات تيليفونها لقات فيه كثر من ربعين ابيل و المسجات على الجهد ضحكات بخفة على هاد التصرفات و المواقف البساط اللي تيبينو ليها مكانتها و معزتها عندو يكفي انه صونا لختها باش يطمن عليها قلبها كيضرب بعنف جراء هاد الافعال البسيطة ولكن الوقع ديالها على نفسيتها و حتى شعورها كبير….
كتعقل فترة خطوبة دعاء و حتى العام اللول من زواجها كانت كتعاني من برودة زوجها و عدم الاهتمام ديالو بل التجاهل و الاغرب انها للان كتلاحظ واحد البرود فعلاقتهم رغم انهم كيبغيو بعضياتهم ولكن واحد الهالة ديال البرود دايرة بعلاقتهم كتقول مع بالها واش حتى هي ملي غطول فالزواج مع محمد غيوقع هكا….
ولكن كترجع تقول ان سبب البرود ديالهم راجع لاساس علاقتهم اللي متبناتش على اسس مثينة منها الاحترام و الثقة و الحب القوي بحيت كانت ديما دعاء كتعاني من اهانات زوجهاااا و كانت ديما كتحصل عليه دلائل على الخيانة و كتبرك عليها مها و كتصبر و حتى ملي بغاها كيما قال مكانش الحب كافي بحيت بغاها و بقا مكمل فاهاناتو بقا ديما عند بالو راه غتصبر و راه حبو ليها كافيها بلا مواقف الغيرة اللي كان خانقها بيها لدرجة غار من منصف اللي هو بمثابة اخ ليها مكانش عارف ان الحب بوحدو مكافيش…
الحب بوحدو بحال شي بطاطا حطيتيها و قلتي هذا هو الغدا بلا تقشار بلا طياب بلا والو واش كافية ديك البطاطا لا اكيد محتاجة تنقا و تغسل و طيب و تزاد عليها شحال من حاجة هكاك الحب….
الحب بلا احترام إهانة فحق الطرفين، الحب بلا ثقة بناء معندوش الساس و مبني بالمسوس فاي لحظة يقدر يطيح….
الحب بلا تضحية بحالا كاري دار و ساكن فالزنقة نتا مشرد ولكن كلا شهر كتخلص الكرا كتعطي و مكاتخدش و اخيب حاجة تقدر ديرها المراة او حتى الراجل فحق نفوسهم انهم يصبرو للاهانات و مايديرو حتى ردة فعل بحيت الطرف الثاني كيولف علك مكدير والو و مكتوقفوش حتى كيتمادا و كيبقا ديما يعاملك بنفس المعاملة بحيت الانسان بطبيعتو مهما كان واعي و مثقف ايلا عطيتيه فرصة فين يهينك و يركب علك تأكد انه عمرو غيتردد….
العكس ايلا ولفتيه سكوتك على حقك و جيتي شي نهار و دويتي غتسما ممزيانش و ولد الحرام و كتقلب و مصدقتيش فحين هو مكاينش اللي يحاسبو على افعالو و هادشي واقع لجوج شخصيات فقصتنا (قولولي نتوما شكوو هاد جوج شخصيات نشوف واش متبعين 💗)…
دوزات ليه لابيل و جاوب فالبلاصة تقول كان عاس عليه جاوب بصوت مرتافع مخلوع كيستفسر على حالها..
📱محمد: الوووو ياسمين…. كيبقيتيييي شوية
📱ياسمين:(بصوت متعب خفيف) شوية الحمدلله
📱محمد: خديتي دوا واش نجي نجيب لك شي حاجة؟
📱ياسمين: لا… خديت دوا و نعست دابا مزيان
📱محمد:(تنهد بجهد و قال بصوت حنين) تخلعت عليك بزااف احبيبة
📱ياسمين:(ابتسمت بحب على خوفو عليها و النبرة الحنينة باش قالها) معندك علاش تخاف انا بيخير نتا مزيان
📱محمد: ايلا كنتي نتي مزيانة غنكون انا مت…. سيري اياسمين ترتاحي
📱ياسمين:(تفكرات موضوع السفر) اه محمد بغيت نقولك على السفر
📱محمد: حگا فكرتيني اشنو تشاورتي مع ماماك
📱ياسمين: اه تشاورت معاها و عطاتني الاوكي
📱محمد:(بسعادة) صافي غدا ان شاء الله نمشيو يله حبيبتي تهلاي فراسك
📱ياسمين:(بحب) بسلامة…..
قطعات معاه و حطات التيلي للحظة على قلبها اللي كان تيعزف بعنف سيمفونية عشقها ليه مشاعر وليدة كتحرك كل مرة داخلها كتخليها مغرومة بيه و متيمة برجولتو و شخصيتو الخفيفة على القلب بضحكو الموزون و ظرافتو و حنانو دخل لقلبها بدون استئذان و الاكثر انها سدات عليه بسوارت لاحتهم بعيد…
محساتش الا وهي واخدة التيلي لعند فمها و طابعة عليه قبلة كأنها كتقبل فمحمد نيت و فلحظة تبدلو مشاعرها و مودها بعدما كانت مقلقة و زعفانة رجعات كضحك و وجهها تبشر ناضت كيف الفراشة….
نشفات شعرها و سرحاتو ببلاك و لبسات قميص خفيف فالموف بارد مخدوم بالعقيق جاها ملبوس اكتفت بمرطب و عكر خفيف و نزلات لقات رانيا و نعيمة و خالتها فتيحة و بنتها نرجس جاو سلمات و جلسات كيتسناو فالنقاشة تجي حتى دوات نعيمة…
نعيمة:(بفضول كتلولب فعينيها) ايوا ا ياسمين العريس معارفا معاه زعماااا فايتا مصاحبة معاه (غمزتها كضحك)
ثورية:(نقزات قبل ما تجاوب بنتها) لا ياختي مشا عند مصطفى للحانوت دوا معاه سول لقاه مزيان و قبل قاليه شافها و تبعها تا عرفها فين ساكنة..
نعيمة:(بتمياق) ايوا تا نجم راه مزيان على مالو ماقبل بيه ولا قبلات بيه بعدا كتعرفوه و تعرفو عائلتو ماشي تنوضو تعطيوها للبراني يتكرفس عليها..
رانيا:(بارتباك نغزات مها بالريط و قالت ملطفة الجو) كل واحد كيدي اللي مقسم ليه الله و الله يدير ليها اللي فيه الخير..
ثورية: على مافخباركش انعيمة داك نجم ديالك اش دار للدرية ولا فخبارك و كتعاماي
نعيمة: بالعمى ياختي واش فخباري شي حاجة اش دار
ثورية: علاه ماشي تحرش بيها حتى كانت غتسخف و هاد الخانزات ماقالو والو خلاوني ناعسة على ود (قاطعها صوت الصونيط كانت نقاشة)..
دخلات نقاشة اللي كانت صاحبة ثورية شربو اتاي و طلقو الماسق و بدات كتنقش لياسمين فيديها نقش خفيف و زوين حتى سالات ليها و دازت للبنات نقشات ليهم صبيعات عاد العيالات دوزو عشية زوينة….
شدو نعيمة و رانيا يباتو و فعلا باتو قصارين الا ياسمين اللي هضرات مع محمد شوية و نعسات بكري باش تصبح مرتاحة…
صبح الصباح على عرسانا عند محمد اللي حل عينيه و تفكر اش يكون ليوم و ابتاسم بفرحة كتب ليها مسج كيما ديما فيه…❤️
“صباح الورد في طاسو صباح الحليب في كاسو صباح العسل في تغماسو صباح اللوز في تهراسو صباح الخير أو ناسو…أو سعدات اللي شاف حبيبو أو باسو صباحك مبروك احبيبتي”
و ناض بحيوية دوش و فطر و خرج يقضي شغلو حتى جات سميرة و حكيمة و جابو الطيافر فين غيستفو الحوايج كلفو احلام و تيسير باش يجيبو التمر اللي كانو مدومونديين عليه معمر و الشكلاط جابوه مقاد فطيفورو و خرجو عاوتاني جابو الحليب و الورد و بدار كيقادو….
الطيفور اللول كان فيه المسكة الحرة…بواطة ديال اجود انواع العود و مبيخرة صغيرة…. باك ديال الصلاة عبارة على مصحف و صلاية(او زربية الصلاة ❤️) و لباس الصلاة.. مع مريشة فيها مازهر و زوج شميعات منقوشين فيهم سمياتهم بزوج و بلاطو دالزاج مكتوبة فيه (بارك الله لكما و جمع بينكما في الخير محمد🤍ياسمين)…
الطيفور الثاني كان هو ديال التمر بريستيج و الشوكولا….
الثالث كان ديال الحنة فوقو واحد اصغر فيه الورد البلدي و دايرين بيه كميميسات ديال الحنة مطروزين….. صينية ديال الحليب جابوها مقادة…..
الطيفور الرابع كان ديال القفاطن اللي كانو اربعة زوج مخيطين و زوج لا واحد ديال التليجة حرير فالاخضر الملكي و واحد بروكار بروشي فالازرق السماوي و الذهبي و ثوب ديال الساري فالبوردو و ثوب جوهرة حرير فالابيض و الذهبي حطوهم مطويين و حطو الوسط صندالة طالون شيك ديال المناسبات و صباط بيج قاعو احمر….
الطيفور الخامس كانو فيه زوج جلالب طالعين وحدة بقميصها فالاصفر و الموف و تدرجاتهم و وحدة ديال الكريب و ثوبين واحد ديال جلابة كريب جوهرة فالاحمر و واحد قفطان الفوقي اوركانزا بروشي فالاسود و الذهبي و التحتي لامي فلفي فالذهبي حطو فوق الجلالب صباط بلا ستيلي مع صاكو و فوق القفطان صندالة و ساكها…..
الطيفور السادس كان خاص بالروايح و الماكياج و طقم ديال الحمام فيه بينوار و الكمالة ديالو مع سيشوار و بلاك…..
و الطفور الاخير كان ديال الملابس الداخلية و البيجامات و ملابس النوم…..
اما الذهب اللي كان عبارة على زوج اطقم واحد بلدي فالذهب الاصفر و واحد راقي و عصري حتى هو ذهب اصفر كل واحد فبواطتو مع ساعة ذهبية فخمة و خاتم الزواج اللي كان حاجة خيالية خاتم من الذهب الابيض قطعة واحدة فيها ماسة كبيرة الوسط و مرسعة بماسات رقاق فالجناب و خاتمو هو اللي كان بسيط منقوشة فيه محمد من داخل…..
و بهكا كانو سالاو مع الثلاثة عاد تغداو و ناضو كيوجدو ريوسهم فدار محمد نيت مخليين لوخرين فالرياض و حفيظة و شيماء فقصتهم ميعودوها لحد كيفاش ميحاشيوهاش ليهم..
دخل محمد مع الستة بعدما جاب صطافيط اللي غدي الحوايج من غير الذهب غيمشي فطوموبيلتو لقاهم تقريبا واجدين معولين السبعة يقلعو…
دخل دوش و زاد قاد لحيتو عاد لبس حوايجو و تريح خرج عندهم و هوما يبداو يصليو على النبي و يزغرتو..
حكيمة: صلاة و سلام على رسول الله ايلا جاه لا جاه سيدنا محمد الله مع الجاه العالي لولوولولولولولي (طلقاتها بتزغريتة حارة و عنقاتو) الله يبارك ليك اولدي و يسهل عليك
سميرة:(عنقات ولدها بعينين مدمعين فرحانة ليه) الله يدخلها عليك اولدي و علينا مباركة مسعودة يجعل ليكم البركة فهاد الزواج
محمد:(عنق كل وحدة من جيهة وقال) آميييين ياربي الله يخليكم ليا…
سلم على الكل و بداو كيهبطو فالطيافر ركبات معاه مو و عمتو اللور مخلين القدام خاوي لجداه و تيسير و احلام زادو لطوموبيلة احلام حتى وصلو و بداو تيخرجو سوق ربي العالمين و الاغلبية عائلة حفيظة و محمد معصب و معاجبو حال مكرهش يضور فالحزاق كامل و يقولهم رجعو منين جيتو ولكن مجاتش ركبات الجدة القدام و نسرين اللور و الشي لاخر تفرقو فالطوموبيلات و خلطو عليهم الدقايقية اللي كان جايبهم علي و مشاو ناشطين فرحانين خصوصا محمد اللي فرحتو ميعطيها لحد حاس براسو مالك الدنيا و حد ما بحالو…..
نخليوهم و نرجعو عند ياسمين اللي فاقت حتى هي باحاسيس جديدة غالب عليها التوتر و الخجل شافت مساجو و ردات عليه ب
“صباح الخير و الرباح”
و ناضت بحيوية دوشات و هبطات تفطر لقات العائلة كاملة جات و كولشي فرحان ليها الموسيقى خدامة و الدراري الصغار كيتجاراو و الطريطور جايب الماطيريال ديال الديكور كيقادو اللي كان عبارة على بوفيه حدا الباب فيه الحليب بالزهر و التمر معمر و دي ماكارون ملونين و شكلاط غيتكلف بيه واحد من السرباية…. عاد الصالة الكبيرة اللي غيجلسو فيها العيالات قاد جليسة صغيرة بفوطوي واحد فالابيض و الذهبي قدامو طبيلة ديال الزاج فيها الورد و الشمع اما الماكلة فحتى يجيو الناس و يجيبوها تغداو فجو مرح…
تغداو فجو مرح قولها و ضحك عليها و جات سعيدة اللي طلبات منها تلبس شي حاجة خفيفة صالحة للمكياج…..لبسات بينوار ستان ابيض…
بدات ليها بالاظافر اللي صبغاتهم بلون بوردو مع حجيرات خفاف مع يديها بويض و الحنة حمرة جاو يا سلام و عاد دازت ليها للشعر اللي صاوباتو بوكلي كامل و مع قوي و طويل بان كثيف عاد جمعات ليها النص الفوقاني نص جمعة و خلات تحتاني كيضرب فنص ضهرها بفعل البوكلي خلات ليها زغيبات ملويين مزينين وجهها…
بدات ليها فالماكياج اللي عتامدت ليها لوك خفيف بما ان ملامحها مكيجيش معاها التقيل خدمات ليها عينيها بتدرجات اللون البني… الوان ترابية هادئة و لمعة خفيفة فالمنتصف مع ايلاينر جبد ليها عيونها كيف القطة و رموش اصطناعية زادت نظرتها جمال بلا لون عيونها الفتان و اللي واتاه اللون البني و زاد برزو…
خدمات ليها وجهها باساس فنفس لونو مع كنتور خفيف و احمر خدود مشمشي و هايلايت او اضاءة ذهبية خفيفة عاد دارت ليها عكر ماط بين القهوي و المشمشي برز شفايفها المنفخة…
دارت ليها زيف على راسها و لبساتها اول لبسة اللي غتعقد بيها اللي كانت عبارة على تكشيطة فالأبيض مايل للبيج من قطعتين مطروزة و منبتة بعقيق فاللون الذهبي ملكية و راقية جاتها ملبوسة مع السوتيان اللي بلاصة واحد دارت جوج باش يتهز الصدر اللي تبرز مع القفطان و بانت الشامة اللي مزيناه دارت ليها تاج صغير فشعرها و اكسيسوارات خفيفة ذهبية…
دخلات مها و دعاء اللي كانو لابسين و كيستقبلو فالناس كيصليو على النبي سرعان ما فتحو فامهم من جمال اللوحة اللي موضوعة قدامهم من ابداع الخالق عمرهم شافوها بهاد الشكل نظرا لستيلها الخجول الا انها بهراتهم بجمالها و السر اللي نزل عليها غرغرات مها و حست بناقوس الخطر كيضرب و ساعة الحسم قربات فين غتفارق مع الحنينة ديالها عنقاتها بحب و قالت..
ثورية: تبارك الله ما شاء الله عليك ابنتي آية فالجمال….
ياسمين: (عنقاتها بدورها و قالت) اللي يخليك ليا اماما
دعاء:(جات عنقاتهم حتى هي و قالت) الله يخلينا لبعضياتنااااا يارب (باست ختها) الله يكمل عليك اختي بالخير
ياسمين:(شافت فيها بنظرة حب من ديما كانت الاخت المثالية بالنسبة ليها مثال ديال الاخت الكبيرة الحنينة الناصحة اللي ديما كتسمح فحقها لختها اللي كضحي على ود ختها و ايلا غير شمات ريحة شي واحد جبدها كتوقف فوجهو عنقاتها بحب و قالت) الله يخليك ليا احبيبتي و ميحرمنيش منك….
اكتفت دعاء بتعناقها و مشات جابت مبيخرة فحين مها قرات عليها ما تيسر من القرآن خوفا من العين بخراتها بالعود اللي كانت ريحتو جميلة و رشات ريحتها حتى سمعو صوت الدقايقية فالزنقة دليل على وصول العريس خرجو بالزربة يتعضرو ليهم فحين هي رجليها بقاو كيقفقو عليها قدات ليها سعيدة مضمتها و خرجات معاها تحت اصرارها هي و دعاء اللي أكدو عليها باش تلبس و تحضر بحال معروضين….
خرجاتها تحت صلاة و سلام ديال الحضور اللي كانو مبهورين بجمالها الفتان جلسات فبلاصتها متوترة و حاسة بمعدتها كضرها بكثرة التوتر تسمع صوت الدقايقية كيقرب دليل على وصولهم و دخل محمد اول واحد هاز بوكي ديال الورد فيد و طقم ديال الذهب فيد جانبو مو اللي كانت هازة الطقم الاخر و جدته هازة الخواتم و عاد الحضور اللي صدم ثورية مكانتش متوقعة هادشي كامل ولكن جاب الله كانت دايرا بحساب زايد و دارت السوكور…
سلم محمد على مصطفى و ياسين و دعاء و ثورية و خدا التمر فقط بلا حليب لأنه مكيشربوش و دخل بجانب مو و جداه كيحسب فالخطوات باش يوصل لعند محبوبتو ما ماديها فحتى واحد من غيرها و بنات عائلتها حطو خمسة على فامهم و خدمو عينيهم كيشوفو فالسعد المقاد الراجل كيف الجبل زين و طولة و تجريدة اما الدفوع خلاهم حايرين اش منك يا ذهوبات واش منك يا حوايج ايلا كان هدا دفوع الخطبة فالعرس اش غيدير ماشي غير هوما اللي تبلعو ليهم الفام…
حتى عائلتو تصدمووو المخيرة فيهم ما جاهاش داك الدفوع شيماء اللي كتقول يا ارض نهدي ما عليك قدي تصدمات و شرعات عينيها و قلبها واكلها بالفقصة و الغيرة يمكن كون كانت تقدات مع مها ماكانوش غيجيبو ليها تا ربع فداكشي ولكن بالنسبة لمحمد ياسمين لوكان يجيب وزنها ذهب مايوفيهاش حقها و ميبينش ليها قيمتها عندو…
للحظة توقف عندو الزمن هادشي غير مازال ماشاف ملامحها اللي زادهم الماكياج فتنة كيشوف غير فلبستها اللي رجعات فيها كيف شي اميرة و شعرها الاسود المصفف لايق عليها مع لونها الابيض اللي زادتو الحنة جمال على جمال….
خصوصا انه مكانش من النوع اللي مكيحملش الحنة و لكن فيدين ياسمين زاد عشقها و مل يديها بلا بيها….الحنة حمرة كتشعشع زاد قرب كثر و حط داكشي اللي هاز فوق الطبلة وقفاتها دعاء حتى تقادات معاه و هزات عنها بحشمة و فضول….
و يااااااالهي صدمتووو ماليها مثيل ملاك مصور قدامو حورية من حوريات البحر اميرة من قصور الف ليلة و ليلة اذا كانت مهبلاه بطبيعتها فأكيد بهاد الطلة و السر اللي طالعها طيرات ليه الفرافر ديال عقلو وقف عندهم الوقت هي كتشوف فوسامتو الطاغية و الفرحة اللي خارجة ليه من عينيه كيفاش لا وهو اخيرا لقا محبوبتو اللي كان كيتمنى و مابقا الا دقائق معدودة و تكون ليه و يعيش معاها اجمل ايام حياتو يتوجو حبهم بثمرة منو و منها تحمل اسمو يصونها و يخاف عليها..
و هو تيشوف ملاكو الطاهر اللي كلما شافها كتكون كأنه شافها لأول مرة من ديما كتبهرو بجمالها و جمالها الداخلي اللي كينعكس على صورتها.
قبط يدها خداها حتى لعندو باسها و طبع قبلة على راسها عاد جلسو فالبريزة و الاهل و الاحباب دايرين بيهم فرحانين ليهم ولكن كاين اللي كارههم و كيتوعد ليهم بالشر…
اميمة اللي ملي دخلات و هي محاملاش راسها والجو قلبها كيتعصر بالكره و البغض و نفسها تزيرات عليهااا وهي تتشوف فياسمين بجمالها البريئ و محمد اللي فجنبها محتوي ايديها و عينيه معلقين عليها و المقارنة اللي كدوز فبالها كتقتلها بحالا كيدوز عليها موس حافي….
سلوى حتى هي مكانتش حسن منها اللي رفضات مرارا و تكرارا انها تجي لولا تدخل محمد اللي اصر عليها تجي و ياريتها محطات رجلها فداك المكان ولا شافت المنظر اللي دخل لقلبها كيف السهم تتشوف فالولد اللي حياتها كاملة و هي كتبغيه اللي بنات عليه احلام جالس كيحقق فيهم مع وحدة اخرى و فقرارة نفسها عارفة انه ما عندو حتى ذنب بحيت عمرو عطاها امل او لمح ليها بشي حاجة و هي اللي دارت كولشي لراسها…..
شيماء الغيورة و الحقودة اللي متترضاش تشوف شي واحد حسن منها قلبها واكلها بالحسد و الغيرة وهي تتشوف ياسمين و زينها و حشمتها و كولشي فيها اللي مقدراتش بينها و بين راسها تنكر انها زوينة بجميع المقاييس و هادشي اللي كيذبح فيها غير على الحوايج اللي جاوها والاهتمام اللي عاطينها كرهااااتها بلا تعرفها حكمات عليها من اللول و توعدات ليها بالجحيم…
و حتى مها مكانتش حسن منها… “قلب الجرة على فمها تطلع البنت لمها” هاد المثل فغالب الاحيان كيكون بصح ماشي حيت كتخرجي تشبهي لمك ولكن بحيت داكشي اللي فيها و مربية عليه تتربيك حتى نتي عليه داكشي باش حفيظة السم اللي فيها كامل زرعاتو فبنتها شيماء مجاتش و جابت داك الخبث من الخوا كانت حفيظة هي السبب فيه و زادت ملي شافت انهم تخلاو على رأيها اللي كان هو كولشي كانت مولات الري و الشوار حتى جات ياسمين اللي مسمياها “قدام النحس” و تقلب كولشي بعدما كانت راس رجعات رجلين….
تحط الدفوع فالارض و المصورة كتصور لقطة بلقطة و الخطيبين فرحانين قابطين فيدين بعضياتهم مسايعاهمش الدنيا بالفرحة حتى قرب محمد لودنها و قال
محمد:(بصوت هامس ضربو انفاسو فعنقها حتى بورشات) سبحان من صورك اغزالي…. القمر غار من جمالك…..و قالهم نزلوني و طلعو ياسمين فبلاصتي
لاحظ ابتسامتها الخجولة و زاد ابتاسم مكرهش يضمها لعندو و يتلي عليها قصائد و ابيات شعرية يمجد فيهم جمالها اللي ماشاف ليه مثيل….
تقدمو الصواريات و العصائر بعدما تفرقو الرجال على النسا و بقا غير محمد و خوتو و بعض اولاد عائلة ياسمين حتى جا علي و جاب معاه العدول دخلوهم لصالون و ناض محمد و باه و مو و اب ياسمين دخلو تممو الاجراءات اللولة حتى نده العدول على ياسمين اللي جات برفقة الام ديالها لقات السلام و تلى العدول الكلام ديالو و جاءت ساعة الحسم…..
سؤال واحد غيحدد مصيرهم بزوج…. بكلمة غيبنيو حياة و مستقبل و اسرة…. كلمة كافية تبني او تهدم….
العدول: بنتي السيد محمد تاج الدين طالب سيادتك للزواج على سنة الله ورسوله واش قابلة تزوجي بيه و تعيشي معاه فالسراء و الضراء؟؟
ياسمين:(مقدراتش تجاوب يمكن هاد الحشمة اللي حاسة بيها دابا عمرها حسات بيها للحظة قالت واش انا بصح باغا نكمل حياتي مع هاد السيد و لكن قلبها مخلاش الفرصة لعقلها فين يفكر و ضرب بعنف كجواب على سؤالها اعتمدت الصمت من حشمتها حادرة راسها)
حسن: السكوت علامة الرضا…
العدول:(بامتناع) السكوت لا يعتد به اسيدي لازم نسمعو القبول او اشارة عليه من عند البنت (دار عند ياسمين) تفضلي ابنتي عطينا موافقتك او رفضك
ياسمين:(بارتباك تحطات بين نارين ولكن فالاخير زيرات راسها و قالت بصوت خفيف) موافقة (غير سمعها محمد حس بارتياح…)
العدول: على بركة الله….. توصلتي ابنتي بالصداق ديالك
محمد:(خلاه تا سالا و مد ليه ملف فيه بعض الاوراق و قال) هاهو اسيدي صداقها
العدول شاف داخل الوراق و عطاهم للاب ديالها بلا حتى كلمة و حتى مصطفى مقلبهمش و عاود سول ياسمين اذا كانو عندها شروط و ردات بلا عاد عطاهم العدول الثاني الكتاب وقعو فيه و وقعو الشهود اللي كان علي و ياسين و تعلنو انهم ولاو زوج و زوجة على سنة الله و رسوله…
عطا العدول عقد الزواج الاصلي لياسمين لأنه فالقانون و الشرع من حق المرأة و عطا النظير لمحمد اللي بالنسبة ليه داكشي غي بروطوكول اهم حاجة ان حبيبة قلبو ولات مراتو و حلال فالشرع و القانون و قدام العالم كامل….
تسالمو العروسين مع عائلاتهم و خداو رضاهم…. خرج علي مع العدلين بعدما رفضو انهم يبقاو للعشا و عطاهم مستحقاتهم….
خرجو من الصالون تحت صلاة و سلام و الزغاريت و الكل فرحان بيهم رجعو للبرزة جلسو تحت و قرب لودنها و قال بصوت حنين..
محمد: مبروك علينا امراتي
ياسمين:(شافت فعينيه بحب كتقول واش انا تزوجت واش محمد راجلي دابا و قالت حتى هي بصوت احن من ديالو دخل مع مسامعو بحال شي اغنية هادئة) الله يبارك فيك…..
خدا يدها قبلها من الفوق و من الظهر بحب تحت نظرات الكل ماعندو علاش يحشم مراتو و حلالو و اللي خطفات قلبووو…..
متحرجش من نظراتهم لانه بالنسبة ليه بوسة اليد تتعبر على العشق و الاحترام و مايديرها غير اللي تيبغي شي واحد بصح….. على عكس بعض الرجال تيضنو ان قبلة اليد كتنقص من رجولتهم……
جاو العائلة تصورو معاهم و ناضت ياسمين تبدل باللبسة التانية اللي غتعشى بيها و تلبس الخواتم و ناض معاها حتى محمد قابط فيدها فاتجاه بيتها اللي كان خاوي بعدما خرجات سعيدة مخلية للعروسين وقت مع بعضهم…
دخلو بهدوء و سد محمد الباب و رجع عندها فين كانت واقفة قرب ليها حتى ما بقا كيفصل بينهم والو كانت واصلة ليه لكتفو بسباب الطالون اللي لابسة….
حط يديه على خدودها و طلع راسها اللي كان محني حتى شافت فعينين بنظرات مرتعشة ضد نظراتو الثابتة الشغوفة مخليين عيونهم تتكلم و تعبر على حبهم لبعض….
تبادلو النظرات للحظة حتى طبع قبلة على جبينها كيفما عودها حتى انها ولفات عليه و اصبحت شيء عادي بالنسبة ليها و العكس كانت كتحسسها بالاحترام اللي كيحس بيه من جيهتها…. بعد وجهها و قال بصوت جهوري رجولي زعزع قلبها بدون مقدمات..
محمد: بغيتك من اول مرة شفتك… و كنبغيك… و غنبغيك… و غنبقى نبغيك حياتي كاملة…. مغتفرقني معاك غير الموت…. ❤️
ياسمين:(تلفات.. ضهشرات.. تزعزعات.. الاحاسيس اللي حسات بيها فديك الثانية بالضبط كانو اول مرة تحس بيهم.. الطريقة باش ضرب قلبها كانت جديدة عليها… العنف اللي ضرب بيه كان ممكن يسكتو.. الفراشات اللي لعبو فمعدتها و الرجفة اللي جاتها و عيونها اللي تغرغرو…. كانو والووو قدام البحر ديال المشاعر اللي كانت كتحس بيها… و بدون ما تحس بعفوية تامة قالت وهي كتشوف فعينيه تخلات على خجلها و عبرات على مشاعرها كيما عبر حتى هو و محبساتهومش) حتى انا كنبغيك و غنبقى نبغيك امحمد…. ❤️
كانو دوك الكلمات بمثابة النقطة اللي فيضات كاسو…. كانو بمثابة زر الانطلاق اللي خلاه و بدون سابق إنذار يهجم بقبلة سطحية على شفايفها اللي كانو الملجأ و الملاذ اللي من نهار شافها وهو متمني يدوق عسلهم….
طبع عليهم قبلة سطحية مرة و زوج و ثلاثة…. بعد عليها شوية فين وضاحت ليه صورة وجهها لقا حنيكاتها حمرين مغمضة عويناتها و عايشة معاه اللحظة مخليا كولشي عليه….. رجع لملاذو و هاد المرة كانت قبلة شغوفة فين بدا كيقبل فيهم ببطء شديد مستمتع بيهم اشد استمتاع كأنه كياكل فقطة مارشميلو هشيشة كيقبل فكل شفة بوحدها وعاطيهم الخاطر كيستمذق طعم شهدتيها…..
وهي مخليا ليه زمام الامور مخلية ليه فمها كيقبل بكل شغف و هي مستمتعة لاقصى حد بقبلو الحنينة…. اي نعم حاسة ببعض من الخجل ولكن كان الحب و الرغبة طاغيين عليه و الاستمتاع باول قبلة ليها فحياتها مع حب قلبها و حلالها ميمكن تخلي لحتى حاجة الفرصة فين تنغص عليها استمتاعها….
قفزات على إثر عضة خفيفة فشفتها التحتية و حلت فمها بعفوية و هداك كان المطلوب دخل لسانو و بدا كيصارع لسانها بمهل مستمتع بطعم ريقها اللي جاه حلو بحال قطر السكر…
دامت قبلتهم الشغوفة لدقيقة حتى تقطعات فيهم النفس و فصلها ببطئ لكن مابعدش عليها حط جبينو على جبينها و قال بهمس حتى ضربات انفاسو سخونة فوجهها…
محمد: هزي عينيك
ياسمين:(استاجبت لطلبو و هزات عيونها ببطء و خجل و قالت) اممم
محمد:(بضحكة ساحرة) عاوتاني اممم هههه (بنبرة حنينة) كنبغيك اغزالي ❤️
ابتسمت بود و هاد المرة مكانتش عندها الجرأة باش تجاوب بقا غير كتشوف فعينيه و توصل ليه الرسالة من خلال شوفاتها لأنها مكانتش عندها الجرأة الكافية هاد المرة باش تعاود تعتارف ليه يكفي انها قدرات ديرها مرة….
قاطع جلستهم الرومانسية دقان فالباب و صوت دعاء كتستأذن بالذخول…. ابتاسم فوجهها و طبع قبلة على جبينها عاد سمحو لدعاء دخل مع سعيدة و خرج هو عند الرجال…..
لبسات ياسمين اللبسة الثانية اللي كانت عبارة على تكشيطة فالازرق ملكي و الابيض مطزورة بالابيض و بعض الذهبي برزات لونها الابيض اكثر من اللي سبقاتها…. طلقات هاد المرة شعرها و دارت ليها سعيدة اكسيسوارات عصرية بيضاء مع تاج رقيق… احتفظت ليها بنفس ظل العيون غير كحلات ليها داخل عينها بلون اسود برز لون عيونها الاخضر الصافي و دارت ليها لون ازرق تحت عيونها و بدلات ليها العكر الماط بگلوس….. طلة جديدة زادت هاد الجميلة فتنة على فتنة… اقل تفصيل كيتزاد عليها كيزيدها جمال…
أعيناك حباً.. أم الحب شيئاً من عيناك…. ❤️❤️
خرجات ياسمين برفقة محمد اللي تبهر اكثر ماهو مبهور بجمالهااا و كمية السر و الفتنة اللي فيها لدرجة اللي لبستها كتليق بيهاااا… خرجو تحت نظرات محبة و الأخرى كارهة….. نظرات ودودة و الأخرى حسودة…. شي يدعي معاهم و شي يدعي فيهم….
بداو السربايا كيقادو فالطبالي اللي قاد الطريطور بشكل راقي عبارة على مساحة فين يتحط الطبق محطوط فيها بوكيه ديال ورد الجوري الأحمر دايرين بيه اطباق ديال الزاج و النحاس بالغطايات ديالهم فيهم المملحات و المكسرات و عاد الاطباق فين كاين طبق كبير فوقو طبق متوسط و عاد طبق صغير محطوط فوقو موشوار مربوط من الوسط باحترافية مع كأس و شوكة و موس شكلهم راقي…..
كانت الطبلة الرئيسية فين جلس محمد و ياسمين و سميرة و حكيمة و كلثوم و ثورية و دعاء و مصطفى و حفيظة اللي جلسات و مقدروش ينوضوها و حسن….
جلسو فديك الطبلة كيضحكو بيناتهم مجمعين الا حفيظة اللي جامعة فمها على شكل نقطة و عينيها كيقطرو بسم الشيء اللي لاحظوه ثورية و دعاء و حتى ياسمين و من تما عرفات ان اللي قدامها محاملاهاش…..
طبيعي تفهم شوفاتهاااا ماشي درية صغيرة كتعرف و كتفرق بين اللي كيبغيها و اللي مكيبغيهاش….. للحظة سمعو غوات شيماء اللي خلا الحضور كامل يتلفت ليها و هي كتعاير و تقلل من شأن وحدة من السربايات…
شيماء:(بصراخ) قلنا لك ماتزيدي علينا تا واحد حنا عائلة بيناتنا ايلا مكتعرفوش تخدموو لاش كتلاحو..
السرباية:(بهدوء عارفة خدمتها و ماشي من الصواب و حتى القانون تغوت على وحدة من الحضور كتكلم بهدوء و ادب) سمحي ليا اختي غير هو كولشي الطبالي عامرين و البلايص عامرين..
ثورية:(جات هي و سميرة كيجريو يحاولو يفكو المشكل قبلما يكبر) اش واقع ابنتي مالكم
شيماء:(بتكبر و نبرة غير محترمة) والو اشريفة غير بان ليا معرفتوش تختارو ناس مأدبين يخدمو
حسناء:(وحدة من البنات اللي كانو ملاقينش بلاصة كانت بنت اخ ثورية قالت) عنداك اعمتي البنت مقالت حتى شي عيب مالقيناش بلاصة و هنا البلايص الخاويين جينا نجلسو وهي تنوض الاخت تتغوت على البنت اللي كدير غير خدمتها
سميرة:(تتحاول تساوي مع شيماء عارفاها جلاخة و غراضها تخسر ليهم اللامة) الله يهديك ابنتي شيماء البنات راه ولاو من عائيلتنا
شيماء:(بتعالي مازال كتغوت) الطبلة بغيت نجلس فيها مع عائلتي هوما يشوفو فبلاصة اخرى راه انا احق و اولى
حسن:(تيشوف فيها كيفاش شنتات و تزادت فيها ضلعة و تيرجع يشوف فمحمد اللي مزير على فكو فالاعصاب ماباغيش ينوض عارف لا ناض غتسالي الليلة بشي حاجة ماهياش… ناض عندها و قال) شيماء اش هاد التصرف احتارمي راسك شوية (دار عند السرباية) سمحي لينا ابنتي (شاف فالبنات) تفضلو ابنياتي جلسو (رمق شيماء بتخنزيرة قاصحة خلاتها تفافا و جلسات فالبلاصة)…..
تقادو الناس فبلايصهم و محمد معصب غير مزير راسو و كيحاول ميبينش… حفيظة كتشوف فبنتها بابتسامة انتصار مفتاخرة بتربيتها رغم انها موصاتها بوالو ولكن عجبها البلان اللي دارت… تحطت المقبلة اللي كانت عبارة على سلطة بفواكه البحر…. و الطبق الثاني اللي كان بسطيلة بالدجاج و اللوز…. و الثالث كان لحم بالبرقوق و المشماش….. عاد الديسير اللي كات عبارة على مختلف انواع الفواكه فوقهم طارط گلاسي….
حيدو العشا و جا وقت تركاب الخواتم جابت تيسير الصينية اللي كانو فيها جوج كيسان ديال الحليب شكلهم راقي مع تمر برستيج و الخواتم ديالهم….. الخاتم ديالها اللي بهر كل من شافو رغم ان البعض قالو
“شلا…. خاتم واحد…. باينا نقرة”
ولكن الناس اللي ذواقة و تيفهمو عجبهم….. حطو الصينية قدامهم هز محمد تمرة عطاها لياسمينة عضات منها طرف صغيرة و عينها فعينيه….. عطاتو بدورها تمرة موراها الحليب اللي خدا رشفة صغيرة باش ما يحرجهاش…. خدا الخاتم و خدا يدها ركبو ببطء و عينيها معلقين عليه عجبها بزااااف ببساطتو خصوصا انها من ديما تتميل للحوايج و المجوهرات البسيطة….. قبل يدها قدام الجميع بعدما لبسها خاتمها….. خدات حتى هي يدو الضخمة الرجولية برجفة لبساتو خاتمو و بدون شعور فقط قلبها كيملي عليها شنو دير خدات يدو و باستها حتى تحلو عينيه بصدمة و اعجاب من تصرفها و ضحك…..
مكانش غير هو اللي مصدوم حتى اللي كيعرفوها تصدمو فيها و هي تصدمات فراسها ولكن ملي شافت ضحكتو و نظرات الرضى فعيونو فرحات و مهتماتش بالباقي….. طبع قبلة على جبينها…. تعالات التصفيقات و رجعو جلسو…. تفرق اتاي مع الحلويات المغربية….. و جا وقت الوداع توادعو العائلات مع بعضياتهم و خبر محمد ياسمين بأنه غيوصل غير عائلتو و يهز حوايجو و يرجع عندها باش يشدو طريق…..
داز الوقت ووصلو لرياض و هنا دخل محمد معاهم جلس اللي باغي يرتاح و شي طلع لبيتو…. يله بدات شيماء طالعة لبيتها حتى قاطعها صوت محمد المعصب…
يله بدات شيماء طالعة لبيتها حتى قاطعها صوت محمد المعصب اللي مازال متنساش ليه تصرفها ديال قبيلة…
محمد:(بصوت مرتافع) شيمااااااء (دارت كتشوف فيه بصدمة بعدما قفزها) اش داك التصرف درتي قبيلة (قرب عندها تا شدها من كتفها بقصوحية) واش ماباغاش تهدي خلااااااااص عيقتيييي بزااااف كتشوفييييني ساكت لك كتسحابينيييي خايف منك راه بديتي كتخيخي ليااااا فراسييي..
على اثر غواتو خرج الكل من بيتهم و مها جاية كتجري باغا تفكها هي و يوسف اما تا سعيد جار راسو لتيساع و عارف تا ختو لفعى و سمها مكيبردش و الكل عارفين محمد ملي كيتعصب غير خوي من قدامو….
شيماء:(بصوت مرتافع كتحاول تفلت يدها من يدو) طلااااق منييي وااااش حماقيتيييي (كتنخض باش يطلق منها حتي قصحها) زدتييي فيه كثر من القياس
حفيظة:(تتخنزر فيه و تغوت) طلق من البنت وااااش حماقيتيييي طلاق
يوسف: طلق منهاااا هي و دويي معايا انااااا ارعوااااني
محمد:(غوت بصوت مرتافع حتى كولشي و طمر تا واحد ما بقا هضر) زموووووو خرابيييييكم (شاف فيها مغلغل) وااااااش مكتبردي تا تجبدي الصداع منين طينتك منيييييين (داها و جابها فيدو حتى تنخدات)
حسن:(كيحاول يهدن فولدو عارفوووو دارت ليه النقشة و صعيب يتهدن) غير بشوية اولدي غنتفاهمووو
محمد:(كيحاوب يهضر بشوية مع باه نطق عاض على سنانو) الواليد خرج هاد السوق عافاك (دار شاف فشيماء اللي الدم هرب من وجهها بالخلعة عارفاه و عارفا طباعو) كنقسم لك برب الجلالة و بلي خلقني و خلقك ايلا ملزمتيش حدودك و فتينييي عليك حتى نشوفك اللي معمرك شفتيه ابنت بااااا (نهض فيها) فهمتينيييي ولا لا
شيماء:(حركات راسها بسرعة باغاه غير يطلق من يدها اللي حسات بيها غتقطع و خايفة يفوت فيها شي دقة من عصبيتوووو) اه غييير طلق
طلق منها محمد بجهد حتى مشات و جات و شاف فيها بعينيه حمرين معصبين حتى حدرات راسها بالزربة و حتى واحد ما قدر يهضر معاه خرج من الرياض معصب قاصد دارو يبدل و يهز حوايجو…..
نرجعو عند ياسمين اللي بعدما خرجو الضيوف بقات غير خالتها مريم و الزوهرة و بنتها… خرجات دعاء و ياسيين وصلات سعيدة و عطاتها مستحقاتها و بزيادة… مسحات ياسمين الماكياج و غسلات عاد بدات كتجمع فحوايجها و هوما معاها فالبيت كشوفو الدفوع…
مريم:(شادة واحد من القفاطن كتقلب فيه) تبارك الله ياختي دفوع ديال عرس….
دعاء: شفتي ياختي الذهوبات تبارك الله
ثورية:(ممعاهمش فهضرتهم كتنگر على ياسمين اللي كانت كتجمع فالحوايج) توگدي شوييية و جمعي قبك و عنداك نسيق ليك الخبار درتي شي حاجة والله لا باقي شافك حضي قاعك خلي تايفوت العرس راني نعيق نعيق..
ياسمين:(حشمات تهضر فالموضوع قدام خالاتها) صافي اماما وااه وااا حشومة حشوووومة
زوهرة: عيقتي اثورية واش هبلتي راه مرتوووو ايلا بغا يدير غيتشاور معااااك ولا راه الرجال قيصيهم فكولشي تال حجرهم كيحكمهم
دعاء: هاديك راها حماقت …واش اماما تحبس السيد و اصلا راه عليها حق الشهر (دارت عند ياسمين بتذكر) دي معاك ديك البومادا اللي قلت لك (غمزاتها)
ثورية:(بنگير) وحلت معااااكم غا نتوما نوض نقضي شغلي
خرجات عند طريطور اللي كان كيجمع ماطرييل ديالو هي و الزوهرة و بقاو الصغارات مع ياسمين …خرجات ثورية من هنا نقزات مريم من هنا ….
مريم: شوفي اياسمين واياك تمنعيه راه اول حاجة يسخط علك و تنعلك الملائكة و عاد تابعاك تابعاك …فالعرس كتكوني عيانة اللهوما حيديها عليك (غمزاتها بمكر) باش تسرح طريق تولي حلوة..
ياسمين:(تزنكااات بالحشمة كتحاول تمسح دوك الافكار من بالها) اويليي حشمي (قاطعها دخول ثورية مسرع)
ثورية: ويل الشيطان تلفت و نسيت ما قلت لك …. شفتي صداقك ابنتي (حركات راسها بلا) ايوا راه كتب لك نص فدارو و شيك فيه 3 ملاين (حلات ياسمين و هاجر عينيهم بصدمة متوقعوش هادشي كامل) الوراق عند باك و شيك قالك لا بغيتيه يعطيه لك واخا ماعندك ماديري بيه تمشي تخسريه..
ياسمين: بزااااااف (حنات عينيها بخجل من تصرف محمد اللي مكيزگل حتى فرصة باش يبين ليها حبو و يبين ليها بيلا شاريها)
دعاء: ههههه بزاااف خفتي على رزق ولادك..
ضحكو الكل و كملو هضرتهم فموضوع الخطبة و ياسمين جمعات فباليزة متوسطة حوايج الدار بزايد و بينوار ديال الحمام مع ماكياج قليل و برودوياتها و حوايج الخروج كثرات من الكساوي ….
ناضت لبسات جينز واسع زرق مع شوميز خفيفة بيضة و صنيديلة خفيفة بيضة باش ترتاح فالطريق و جلسات كتسنا فمحمد حتى دوات زوهرة …..
زوهرة: هاديك البنت اللي عايرت سرباية ختو يمكن
دعاء:(عوجات فمها بتمياق) اييه ختو من باه …شبعانة نفاخة
مريم: ياختي فرق كبير بين خوتو الشقاق و خوتو من باه سبحان الله
ياسمين: كولشي من الام …..
سمعات مريم ختها كتعيط ليها و قربات دعاء عند ياسمين…
دعاء: ياسمين سمعيني اختي بغيت نهضر معاك
ياسمين:(شافت فيها بتركيز) هانا اختي قولي
دعاء: دابا نتي غتمشي تسافري مع راجلك حلالك يعني جائز ليكم ديرو علاقة متكاملة بيناتكم (شافت فيها كتسنط ليها بتمعن) و كيما كتشوفي محمد راه ماشي غي كيبغيك راه كيموت عليك و فكل فرصة كتجيه كيعبر لك و حتى نتي راه كتبغيه مكاينش شك (هزات ياسمين راسها بايجاب مزنكة) و خاصك ديري فبالك راه اي راجل طبيعي كيما بغا يكون عمرو او جنسيتو راه الجنس هو كولشي عندو عاد ايلا كان مع شي وحدة كيبغيها راه كيولي من الأساسيات حيت الزواج اختي ماشي غير شقا و طمان و دار و طياااب ….لا الزواج راه نصو العلاقة الجنسية ايلا كانت مزيانة و متكاملة غينجح و ايلا كانت العلاقة فاشلة كوني مأكدة ان الزواج فاشل …. ديري فبالك واحد الحاجة الراجل تيعطي الحب و الحنان باش ياخد الجنس و البنت او المراة كتعطي الجنس باش تاخد الحب و الحنان … يعني كيما هو كيحاول و غيحاول يرضيك نتي واجب عليك ترضيه و تمتعيه و متخليش ليه فين يتفنفن عاد محمد راه شاريك..
ياسمين:(سمعات لهضرتها كاملة و دخلاتها لمخها ) ولكن اختي راك عارفاني كنحشم..
دعاء: الراجل الهبيلة تيبغي الوسطية و الاعتدال … الراجل راه تيموت على الحشومية ولكن ماشي كثر من القياس تحشمي فالسيمانة اللولة الشهر اللول گاع …موراها كيمل عاد مخاصش دايما البادرة تجي من عندو حتى نتي جريه و بيني ليه لعبي ليه على الشخصيات مرة حشومية مرة جريئة مرة ضحوكية كل مرة واش ….. انا عارفة ماما مغتقولش لك هاد الهضرة و مبغيتكش طيحي فداكشي فاش طحت اللي عليك هو تستاجبي ليه لا بغاك و رخي ليه راسك هو راه أكيد عارف شنو كيدير و مغيبغيش يضرك…
ياسمين:(شافت فدعاء بتأثر و قربات تا عنقاتها بحب) الله يخليك ليا احبيبتي معرفتش بلا بيك شنو كنت غندير
دعاء:(كضحك و دوز يدها بحنان على ضهرها) سكتي الحمقة على شحال عندي منك …..
قاطعهم صوت التيلي اللي كان كيصوني بنمرة محمد كيعلمها بيلا التحت هزات باليزتها و ساكها و خرجات سلمات على الكل و رفضات ينزلو معاها ولكن نزلات دعاء حتى وصلات لعندو ….
كان مهدن متقوليش هو اللي يله نوض قربالة هكاك محمد فدقيقة كيتعصب و فدقيقة كيتهدن الا ايلا كانت شي حاجة نيت ديك الساعة كيشعل و اش جا ما يطفيه ….
سلمات عليه دعاء و توادعو معاها و ركبو فالميرسيدس بينز كلاس A ديالو بابتسامة من الطرفين شدو طريق مراكش الحمرة واخا عيانين ولكن غاديين داوين …..
محمد:(سايق فالطريق خاوية و كيشوف فيها مرة مرة) تبغي نمشيو للفيرمة فالخرجة ولا نشوفو شي اوطيل فسونطر
ياسمين:(كتشوف فيه بدورها فرحانة) معنديش مشكل فينما ارتاحيتي
محمد: انا معاك ازين نرتاح تا فبراكة هههههه
ياسمين:(ضحكات و حدرات راسها بخجل) هههههه
محمد: اش قلنا على حدير الراس واااايلي تي هزي نشوفو الزين المنور
ياسمين:(بتذمر خفيف) راك كتحشمني بهضرتك
محمد: هاد الساعة شفتي غي الهضرة الحبيبة ديالي هههههه
كملو طريقهم ضاحكين حتى نعسات ياسمين من فرط التعب و كانت اول مرة غيشوفها محمد ناعسة فاذا كانت فايقة و كيف الملاك ايلا كانت ناعسة راه حاجة اخرى ….
العينين مغمضين ببراءة و الحنيكات مزنكين مع شعيرات خفاف مليوحين على وجهها عطاوها رونق اخر و براءة مثيرة خلات محمد غير ساهي فيها و كيسول راسو اشمن حسنة دار حتى جاب ربي فطريقو هاد الملاك …. و كيشكر فنفسو النهار اللي طلع للسطح و شدها فيه اللي من تما و هو مسحور بيها و بشخصيتها و بكلها …..
انت الحياة و انا على قيدك انت 🤍🤍
وصلو لواحد الاستراحة فطريق و ديك الساعة كان النهار يطلع قرر محمد باش ينزلو يفطرو و يستراحو شوية…
وقف الطوموبيل و ضار عند ياسمين اللي عزت عليه يفيقها فعز نعاسها ولكن خاصها تاكل و ترتاح قرب تا لعندها هز يدها باسها و حطها على حنكو فوق لحيتو الخفيفة و بدا كيفيق فيها بصوت خفيف…
محمد: ياسمييين حبيبتي فيقي انعاسة
ياسمين:(حلات عينيها بشوية مازال مامستوعبة لافين هي ولا معامن و رجعات غمضاتهم كتهمهم بكلمات غير مفهومة) خلينغيتنعسض دعاء…
محمد:(ضحك على طريقة باش شافت فيه و داكشي اللي كتقول و رجع تيزعزع فيها بشوية و محافظ على صوتو خفيف باشما يضهشرهاش) ياسمييينة نووضي باراكة علك نوضي حبيبة نفطرو
ياسمين:(حلات عينيها هاد المرة بشوية و شافت فيه بين رموشها حتى استعقلت عاد توگضات و قادات جلستها و ابتاسمت فوجهو بلطف) احم … صباح الخير
محمد:(خدا يدها اللي كانت على لحيتو و حيدتها رجع باسها و جرها منها معنقها قايل بصوت هامس) صباح الحب ياسمينتي …. ارتاحيتي شوية…
ياسمين:(ممنعاتش راسها من انها تعيش اللحظة و تحقق داكشي اللي فبالها ضورات يدها عليه و تمخشات فيه بلاما تعيق و قالت) الحمد لله كسرت النعاس شوية …. نتا مرتاحيتيش
محمد: ماشي مهم حبيبتي المهم نتي تكوني مزيانة
ياسمين:(حرافت ليها فهاد اللقطة بحيت بحال هاد اللقطات مكتعرفش باش تجاوب اكتفت بابتسامة و هزان راسها من حضنو شافت فيه) نزلو ولا غنكملو
محمد:(ملي شافها هزات فيه راسها حدر راسو بلاما يجاوبها حتى خطف قبلة خفيفة سطحية من شفايفها يبدا بيها صباحو حتى شافها خشات وجهها فصدرو بالحشمة ضحك بصوت عالي) ههههههههههه ترررر اوليدي ترررر درنا الدراري بكري ههههه نهبطو اختي…
رخى منها حتى حيدو بزوج السمطة هزات هي ساكها اللي كات كبير شوية دايرا فيه مستلزماتها نزلو بجوج كيقادو فحوايجهم ..
خدا يدها شابكها مع يديه و زادو شوية حتى استأذنت باش تمشي للطواليط ….. بدلات فوطتها الصحية بوحدة جديدة و القديمة غسلتها من داكشي اللي كان فيها حتى ما بقا والو عاد لاحتها (هادي معلومة ضرورية البنات ولو تكوني فداركم اولويز او اي فوطة صحية غسليها من الدم حشاكم عاد لوحيها عمرك تلوحيها بدمها) غسلات يديها مزيان و غسلات وجهها عاد عاودات ليه ليكرون و مرطب شفايف رشات ريحتها و جمعات شعرها اللي صهدها بفعل قربهم من مراكش بدا الصهد تيدخل معاهم …..
خرجات فاتجاه جريدة ديال القهوة فين كان محمد جالس بعدما طلب فطور كومبلي جرات كرسي جلسات حداه …..
طلع فيها عينو باعجاب تيشوف فوجهها الصافي بحال شي بيبي خصوصا و انها مدايرا حتى قطرة ماكياج و هادشي اللي تيعجبو فيها صفاؤها و نقاها بلا حنوكها الحمرين اللي كيخليوه يتشها يعضهم فحال شي تفيفحات طالعين…. نزل بنظرو مع وجهها لرقبتها الطويلة البيضاء اللي كثير غريزتو من جيهتها فكل مرة كتجي عينو عليها…. لاحظ انها مزنكة على غير عادتها اللي ولف معاها و ممرتاحاش فالجلسة عرف شي بلان تما….
محمد: ياسمين صافا شفتك ممرتاحاش
ياسمين:(بارتباك) ها… احم اه مزيان..
تأكدو شكوكو و لاحظ ان نظراتها كيهربو لموراه دور راسو بشوية و غير بالريط لقا وحدة من الطبالي مقابلة معاهم جالس فيها ولد و بنت و الولد كيشوف فجيهة ديال ياسمين و يبتاسم بجرأة و مرة مرة كيغمزها…..
شعلات فيه العافية و فالبلاصة دارت ليه النقشة ولكن حاول ميبينش ليها قال بصوت هادئ على عكس العافية اللي شاعلة فيه..
محمد: حبيبة اجي جلسي فبلاصتي حسن لك خليني انا تماك غدور عليك الشمش و ضرك
ياسمين:(اصلا كانت طالبة عليها ملي جلسات و جات عينها فالولد اللي قبالتها و هو مدايقها بشوفاتو و غمزاتو الشي اللي بان عليها ولكن عند بالها هي راه محمد ماعاق بوالو قالت بسرعة) اه واخاا (ناضت جلسات فبلاصتو تسناتو يجلس لكن بقا واقف شافت فيه و قالت) مالك واقف
محمد:(تيشوف فالولد اللي مداهاش فمحمد بحالا مكاينش و زاد تعصب كثر شافيها بابتسامة غيض و قال) هانا جاي احبيبتي
تمشا حتى وصل للطبلة ديال الولد اللي تقاد فالجلسة و جمع راسو بحالا ماشي هو اللي يله كان كيتزلل..
محمد:(بهدوء ما قبل العاصفة) السلام عليكم الخو واحد الدقيقة
الشاب:(بتكبر و عجرفة) وي تفضل
محمد:(صبرو بدا كيتقادا كيبان ليه غيدخل فيه براس يتلف ليه البلاصة فين كاين هو) على انفراد مجاتش ندويو قدام الانسة (غمزو)
الشاب: واخا اسيدي (ناض كيقاد فحوايجو كان شاب قصير شوية على محمد ماغليضش و مارقيق تكون عندو ديك 26 دار شاف فالبنت اللي معاه) هانا راجع
تمشا مع محمد اللي سبقو حتى لورا القهوة فواحد البلاصة فيها العاب ديال الدراري ولكن كانت باقا سادة بحكم الصباح….
وقف محمد كيتسنا فيه يوصل عندو حتى حسن بيه وراه مع الدورة دخل ليه كروشي فوجهو بالغفلة و الغدايد حتى طاح الدري اللور مضهشر..
محمد:(قرب حتى لعندو و نزل شنق عليه بعينين حمرين و انفاس ملتهبة) انا ز**ل قدامك تشوف ليا فمرتي يا ولد الواسعة متوقروووو حد القو*د
الشاب:(مازال حر الدقة شاد فيه و الدهشة ولكن مد يدو بغا يضرب محمد كيغوت بصوت معصب) طلق از** مال ربك بانت لك فيا هاد الصباح اللي جا يبدا يتهز
محمد:(زادو ديريكت اخرى بالفقصة و قال بالغوات) كضرب من الفوق از**ل (دخل فيه براس حتى داخ الدري و محمد مازال ما برد) لگا اولد الق*بة تشوف ليا انا فمرتي نعمي لكلب بوك عينيك (شاف لاخر سخفان بالدق اللي كلا هز يدو تا هزها و عطاها ليه بطرشة راخي يدو و قال بتحذير) هادا غا درس صغير باش زا*بوك مرة أخرى متحطش بلابزك الموسخين على عيالات الرجال..
نفضو و وقف مخليه مليوح راعف و جنب عينو منفوخ قاد حوايجو و جبد گارو كماه بعيد عليه عاد مشا لقا السرباي حط الفطور ولكن ياسمين ماكلات والو كتسنا فيه تمشى حتال وراها و نزل راسو طابع قبلة على خدها و ريحة الگارو مخلطة مع ريحة بارفانو خلقو مزيج رائع قال بصوت خفيف هادييي تحلفي عليه مكان مضارب عاد دابا جوج دقايق المود عندو فحال السلام عليكم….
محمد: تعطلت علك احبيبة
ياسمين:(تزنكات بالخجل خصوصا نظرات الناس ليهم و قالت بابتسامة) لا لا متعطليتش جلس تفطر
محمد:(دار لبلاصتو جلس و جبد يدها قبلها و شم ريحتها… عجبو ملمس يديها الناعم خلاه كيضرب دورة و يبوسها بلا ريحتهااا اللي ديما زوينة و عاد الحنة و الفيرني زادو زينوها تقابل معاها و حط يدو تحت ذقنو تيشوف فيها بتمعن) خليتي عشتي اختي وا الحنة هي اللخرة معنديش معاها بزاف و عشقتها فيديك (غمزها) تمسح عاودي وحدة أخرى….
ياسمين:(ضحكات بشقاوة على هضرتو و نضراتو اللي ولفاتهم و قالت بضحك) هههههه فطر فطر…
فعلا فطرو فجو زوين ضاحكين كل مرة يلوح ليها نويطة تحشمها حتى شبعو الكريشة…..
وصلو لمراكش… مدينة البهجة و النشاط… شد الطريق نيشان للخرجة فين كاينة الفيرمة اللي كان علم السيد اللي مقابلها بيلا غيجي دار بيها و نقاها…
مكانتش نص ساعة حتى وصلو مسهوتين طالبين غير يطيحو قتلهم قلة النعاس و عيا الطريق….وصلو و كانت فيرما صغيرة عبارة على فيلا بجريدة و بيسين متوسط عاد اللور فين كاينة ارض كبيرة دايرين فيها شجر الزيتون و كوري صغير ديال البهايم مكلف بيهم و بالفلاحة و كولشي كساب ساكن فدار تابعة للفيرمة…
دخلو مع الباب اللي حل ليهم السيد هبط محمد تسالم معاه و عاد هبطات ياسمين عضامها طايحين…. هبط محمذ الباليزات و دخلو… تبهرات ياسمين بالفراش اللي كان تقليدي و زوين الفيلا كاملة كانت تقليدية… طلعو لبيت النعاس اللي كااان كبييير واسع فيه الوسط ناموسية كبيرة مفرشة بالرمادي و الاسود مع كوافوزاتها و طابل دونوي عاد الماريو اللي كان فالحيط و جليسة صغيرة بالفوطوي و حمام داخل…. حط محمد شوانط و دار كيتكلم معاها…
محمد: بدلي حوايجك احبيبة و ارتاحي انا نمشي نشوف السيد و نجي
ياسمين:(تتشوف فيه باين فيه العيا قالت بحنان) واخا و ماتعطلش تانتا عيتي
محمد:(قرب عندها حتى وصل المستواها و نزل بوجهو لوجهها بصوت هامس قال) يخليلي اللي كيخاف عليا (طبع قبلة على شفايفها اللي جاه مداقهم كيف الشهدة من نهار داقو ما بقا حلا ليه حتى مداق من غيرهم) متخافيش احبيبة هاني راجع دابا…
عاود طبع قبلة على خدها و خرج مخلي قلبها كيخبط فالتسعين و حناكها مزنكين تتحس براسها طايرة فالسماااا السابعة تتعيش الحب مع اللي بغا قلبها و نهار على نهار تتزيد تبغيه و تعشق فيه…..
بدلات حوايجها ببيجامة خفيفة عبارة على سروال و فوقاني بصدايف نص كم حريريين فالأبيض و فيها بعض التفاصيل بالدونتيل…. غسلات وجهها من الغبرة ديال الطريق و رطباتو و طلقات شعرها اللي تزير عليها… رشات سبراي منعش برائحة الياسمين اللي مكتخطاهاش… ظلمات البيت و تلاحت فوق الناموسية مكانتش حتى خمس دقايق و مشات من فرط التعب…
دازت ربع ساعة و تم داخل محمد مصهوووط كيحل فصدايف الشوميز غير دخل مع البيت ضربات فيه ريحة السبراي اللي مخافياش عليه و اللي تتحمقو بخفتها و رقتها شاف جيهة الناموسية و بانت ليه ملاكو ناعسة بكل اريحية ببيجامتها البيضة اللي زادت برزات بياضها مع الكول اللي كان واسع شوية مبينة السنيسلة الخفيفة اللي مزينة رقبتها و شعرها اللي مليوح وراها بحال الحور العين…. قرب تال عندها و نزل براسو خشاه فعنقها استنشق ريحتها اللي دخلات مع اعماااقو و هز راسو بنشوة و تلذذ كانه خدا جرعة من مخدر…
خلاها هكاك و دخل لدوش بعدما خذا برودوياتو و فوطة خدا دوش دافي حيد العرق و التعب ديال الطريق و خرج فايحا منو ريحة الشومبوان و الباندوش خدا كالسون مع شورط وتيشورت لبسهم و تلاح حداها من الجيهة لاخرة…. مد يدو دورها عندو بالشوية و قربها حتى لصقها معاه….
فاقت على اثر لمساتو دايخا هزات فيها راسها كتشوف بعينيها مضببين شعرو الكثيف سارد مليوح على عينيه و حنيكاتو حمرين بالدوش بلا عيونو اللي كبريو…. تخشااات فصدرو كثر سامحة لنفسها تلصق فيه و تمنع عن الهواء اي فرصة باش يجي وصطهم….
طبطب على كتفها بحنية و قال بصوت خفيف “شششش نعسي حبيبتي نعسي”….
مجاوباتوش حيت كانت نعسات و حتى هو تبعها فالبلاصة من فرط التعب عاد الحضن اللي كانو بزوج شحال و هوما كيتمناوه و يتمناو وقتاش ينعسو فحضن بعضهم….
حضنك هو بيتي، ومنفاي، وسجني، وكل دنياي ❤️❤️
كانت احسن نعسة نعسوها كل واحد مخشي فحضن الآخر و كيتنفس ريحتو و يسمع دقات قلبو… حلات ياسمين عيونها الخضراء معسلين بعدما شبعات نعاس و راحة بشوية لقات محمد مخشي فحظنها…
ابتسمت بحب و هبطات عينيها كتشوف فتقاسيم وجهو الوسيمة… عيونو اللوزية اللي تحتها القليل من السواد الناتج على السهر و التعب…. و تجاعيد فجوانب عيونو بسبب كثرة الضحك… مرورا لنيفو المنگاد… حتى لفمو اللي كان حميمر بالنعاس و الدفا مدفون وسط لحيتو اللي كانت خفيفة…. نزلات بنظرها لعنقو و تحديدا تفاحة ادم اللي كانت بارزة بشكل رجووولي…. دازت بعيونها لشعرو اللي كان نشف ولكن مازال طايح على عينين عاطيه منظر بريئ ديال طفل صغير…..كملات ملاحظتها و تأملها بيه…
للحظة جاتها رغبة فانها تقيس شعرو حشمات ولكن فالاخير قالت علاش غنحشم وهو حلالي…. مدات يدها لشعرو… كان ملمسو رطب و كثيف… غلغلات يدها فيه و بدات كتحك فيه بحنان مبتاسمة فيه…. حسن بلمساتها و يدا كيفيق حتى هو مرتااااح و عال العال… هز راسو بشوية من حظنها حتى ولا فمستوى وجهها و شاف فيها عينيه منفوخين بالنعاس ضاحك…. حشمات و بغات تجر يدها من شعرو لكن مد يدو و رجع يدها لشعرو و شد لوخرى حطها على قلبو و…..
محمد:(بصوت رجولي مبحوح بالنعاس) ارتاحيتي احبيبة…
ياسمين:(بصوت خفيف كيدخل مع مسامعو بحال نسمات هواء بارد فصباح صيفي) اه الحمد لله نعست مزيان و نتا
محمد:(بابتسامة خدا يدها قبلة و حطها على عنقو) احسن نعسة فحيااااتي ❤️❤️ من مور النعسة فوق صدر سميرة
اكتفت بابتسامة صادقة… قرب ليها كثر حتى حط راسو على وسادتها و تشاركو الانفاس… عينيهم معلقين ببعض كيشوفو فعيون بعض بحب و شغف… هز يدو حتى لوجهها و دوز ابهامو على شفايفها برقة كيلمس نعومتهم… غمضات عيونها بفعل عنف دقات قلبها ناتجين على حركتو….
همهم بصوت خفيف باسمها باش تحل عينيها…. حلاتهم بشوية و شافت فيه بين رموشها…. زاد قرب كثر و عينيه منيمين فعينيها رافض يسدهم و يحرم راسو من هاد المنظر اللي قدامو…. دارت اللي فرضو عليها قلبها و محساتش حتى قربات هي كثر و لغات المسافة بيناتهم…
فرح و وجهو تبشر و لصق شفايفو مع شفايفها بقبلة سطحية شوية بشوية بدات تتحول لقبلة عميقة…. كيقبل فشفايفها برقة و حب…. مستمتعة بتقبيلو و مدايرا حتى ردة فعل بحيت مكتعرفش….
خدا شفتها السفلية و عطاها حقها من التقبيل حتى رجعات حمرة…. حلات فمها بشوية استاجبة للعضة اللي عضها فشفتها السفلية…. دخل لسانو يتسارا فثغرها و تمذق ريقها اللي كان حلو بحال العسل….
دامت قبلتهم لدقايق و هوما كيفلورطيو مستمتعين يديها مورا عنقو وهي مغيبة فعالم النشوة كتلعب ليه فشعرو و عنقو من اللور…. هو يد كتلمس خدها الناعم و يد كتعجن فخصرها و تطلع فيه و تنزل….. حلات عينيها منيمين و حمرين شافت بعينيه اللي كانو معسلين….
طلق من فمها اللي تنفخ و ولا حمر و طبع قبلة بل قبل على خدها ثم ذقنها باش يستقر فعنقها اللي كان بحال الجنة بالنسبة ليه…. حط نيفو و استنشق ريحتها بثمالة عاد طبع قبلة سطحية و ثانية و مجموعة من القبل….. غير وصل لعنقها قفزات و بورش لحمها و هنا عرف ان نقطة ضعفها هي عنقهااا…. علات راسها للفوق سامحة ليه يغوص فبحر رقبتها…. قبل عنقها بقوة زيادة على مصة و عضة حتى تجمع فيها الدم و رجعات حمرة طابع بيها ختم ملكيتووو….
تأوهات بصوت مسروط دخل مع مسامعو بخفة…. زادها مصات اخرين حتى ما بقا ليه فين يزيد….. حيد يدو من خصرها اللي كان خشاها من تحت تريكو منها للحم كتملس فيها و يقيص لحمها الرطب…. للحضة وعى على راسو و تفكر انها غيگلي….
حس بدمو كيفور و ذاتو سخنات… هز عينيه حمرييين فعينيها اللي كانو مشقلبين و قال بصوت سخووووون و انفاسو ملتاهبة كضرب فعنقها…
محمد: شحال تتبقا فيك
ياسمين:(بعدم فهم دوات بصوت خجول وهامس كعادتها) شنو هي؟
محمد:(بسخط) لي غيگل واش قريبة تسالي؟
ياسمين:(بخجل مقدراتش تهضر معاه فالموضوع تحاشت بعيونها من نظراتو الساخنة و قالت) على حساب 4 او 5 ايام
محمد:(كيحس بذاتو سخوووونة و المعلم بنا الخيمة و خاصو غير فين يدق الوتاد دوا بصوت ساخط) زهري خارين فيه المشاش انااا….
ناض بشوية عليها عاقد حجبانو ندم حتى بدا وهي فهاد الحالة و فكر انها كون مكانش عندها عذر مكانش غيزگلها رغبتو فيها كبيييرة و شهوتو فيها مابقاش قادر يسيطر عليها ناض عليها حتى ولا شبه جالس شاف فعيونها المنيمين عرف انها حتى هي ماشي حسن منو خصوصا انها اول مرة ليه نزل طبع قبلة على جبينها….
محمد:(قال بصوت حنين) كنبغيك اغزالي
ياسمين:(حتى هي كانت ذاتها سخونة كان داكشي بالنسبة ليها جديد عليها و اول مرة تحس بدوك المشاعر الوليدة و متنكرش انها عجبها الحال و استمتعت بلمساتو.. لاحظت انه كعا خصوصا انها شافت كيفاش باينة فيه واصل لحدو لكن ابتسمت ملي سمعت اعترافو ليها و ممنعاتش نفسها من انها تجاوبو بمثل نبرة صوتو) حتى انا كنبغيك ء….
محمد:(بسرعة) ء شنو كمليها
ياسمين:(بابتسامة خجولة و فنفس الوقت شقية و صوت هامس بزز باش شد ديك الكلمة) ء حبيبي
محمد:(ضحك بصوت عالي و شد على قلبو قايل بمزاح) اححححح اميمتي قلبييي… اش بغيتي عندي اختي زعزعتي ليا محاسيسي (نزل بسرعة مصمص ليها شفايفها بقبلة شبه عنيفة مغايرة على قبلاتو اللي ولفها… خرجات عينيها كردة فعل و رجعات انغمست معاه فقبلتهم اللي دامت للحظة حتى قطعها ساخط عاوتاني) نوضي عليا اختي خرجتي علياااا الشكوة للعالي.. مفهمتش انا منين جايبا هاد الحلاوة واكواك..
ناض عليها كيقاد فتيشورت ديالو و شورطو فيه خيمة بانيها المعلم مخليها كضحك على هضرتو و طريقتو كيفاش تيعاير حتى جات عينيها بالصدفة لحجرو لقات داك المنظر و تخرسات….
خرجو عينيها و حيداتهم بالزربة حشمانة و فنفس الوقت حابساها الضحكة عليه… دخل يدوش باش يبرد عليها مخليها تتقاد فالفراش اللي تخرمز…. مشات لطابل دونوي شافت فالمرايا لقات شعرها مشنتف و فمها منفوخ و عنقها بالزربة بانو طبعاتو تصدمااات و بقات مخرجة عينيها حتى شبعات عاد جمعات شعرها كعكة مهملة و خرجات للحمام الثاني بدلات فوطتها الصحية و غسلات و هبطات توجد ماياكلو خصوصا و انهم فاقو مع الثلاثة….
مشات للكوزينة اللي كانت كبيرة و زوينة عندها باب ديال الزاج كيشوف فجردة اللورانية فين كاين البيسين و كولها شراجم فروجية شهاتها طيب…. حلات الثلاجة لقاها عامرة و كولشي كاين بحيت تقدا السيد قبل ما يجيو….
هزات سطيك ديال الدجاج دارتو فجبانية كبيرة دارت عليه شوية زيت ملحة ابزار قبصة سودانية معلقة مايونيز معلقة موطارد حكات زوج فصوص ديال الثومة صوص صوجا زعتر مطحون و جوج معالق دانون مسوس… خلطاتو مزيان حتى تطلا كامل و خلاتو يشرب داك الخليط بينما دارت السلاد…. خدات بطاطا قطعاتها فريت و دارت ليها الزيت الملحة ابزار السودانية و زعتر مطحون… مرمداتها حتى هي فالخليط و دارتها فلاطة دخلاتها للفران طيب…. دارت سلاد ماروكان بماطيشة و البصلة و الخيار و الخص… خدات داك السطيك اللي كان شرب شوية (ايلا بغيتو تجربوها خليوه كثر من 3 سوايع فين كيشرب مزياااان) و خدات مقلة دارت فيها شوية الزبدة و حطاتو يتقلا….
بقات ملاهية مع الطياب اللي كتمشيي معاه و كتبقا تفنن حتى كتنسا راسها و فين هي… حتى حسات بيديه كيدورو على خصرها و راسو على كتفها….
محمد: اش كادير الحادگة ديالي
ياسمين:(تنفضت ملي دگها بلحيتو و قالت بخفة) كنوجد الغدا
محمد:(باسها فحنكها بنهم) يخليلي الحادگ (طلق منها و زاد لقدامها) تانا شدني الهيمري
ياسمين: خاص غير الخب(هزات راسها فيه حتى تصدمت ملي لقاتو لابس غير شورط قصير حمر مبين فخاضو القاصحين و لي مولي مخدومين و مزغبين هابط شوية على الحزام مبين الصمطة ديال الكالسون بيضة مكتوبة بالكحل عاد كاين صدرو العريض فيه زغب خفيف مبينو مثير بلا قياس … حشمت و حنيكاتها تزنگو وهو تيشوف فيها و يضحك) خ خبز 🥖
محمد: امالك درتي بوز… سيدي مشرط ولا هههههه
ياسمين:(تحاشت بنظرها عليه و عطاتو بظهر حشمانة) لا والو والو
محمد:(بمكر) ايوا دوووري عندي مالك
ياسمين:لا مقابلة البوطة (عاقت بيه كيتزلل وهي تقوليه بضحكة) سير جيب الخبز سير
محمد:(قرب تال عندها هاز حاجبو و دورها لعندو حتى تخبطات فصدرو) مالنا احبي على هاد الحشمة كاملة (خطف قبلة من فمها بزربة مخليها تترمش بالزربة) راك مرتشي اختي وااايلي (عاود خطف قبلة اخرى) شوفي الخبز فالكونجيلاتور احبي…
طلقها كدور فعينيها و مشا لجليسة اللي فوسط الدار تلاح و شعل التلفازة مخليها كتكمل القلي حتى سالات و بدات كتقاد فالطبلة مخلية الخبز يسخن…. وجدات الطبلة و جات كتشهي عيطات ليه باش يجي يتغدا…..
جر الكرسي و جلس و يله بغات دور تجلس فبلاصتها جرها بالزربة جلسها فوق فخضو حتى خرجو عينيها… دور ليها وجهها بالشوية لعندو و دوا بصوت حنين…
محمد: ياسمين بغيت نهضر معاك فشي حاجة..
محمد: ياسمين بغيت نهضر معاك فشي حاجة..
ياسمين: احم واخا..
محمد: ركزي معايا احبيبة (شد فيدها و عينيه فعينيها) اول مرة شفتك حمقتيني وشي حاجة فيا الداخل قالتلي غتكوني ديالي… مواراها عجبتيني بحشمتك و هاد الحنيكات اللي كيحمارو اينفوا نهضر معاك (قرص ليها حناكها بشوية) و بشوية بشوية بديت كنبغيك حتى وليت كنحماق علك و دابا نتي حلالي و انا حلالك دونك مكاين لاش ديك الحشمة الزايدة احبيبتي (قبلها فشفايفها بقبلة خاطفة و كمل) كيما كنتي فاللول كتموتي بالحشمة و بديتي بشوية كطلقي معايا… تا دابا مابغيتكش مازال تحشمي مني انا حلالك و ديالك شوفي فيا كيما بغيتي ديري فيا اللي بغيتي مكاينش اللي يحاسبك و مكاين لاش ديك الحشمة…. عبري كي بغيتي دوي كيبغيتي لبسي كي بغيتي راه انا وياك غتولي بيناتنا عشرة عمر…. غنكملو عمرنا مع بعضياتنا فهمتيني اغزالي…
ياسمين:(مازال عينيها فعينيه حركات راسها بايجاب و قالت) فهمتك و غنحاول
محمد:يخليلي الزين اللي كيسمع الهضرة (نزل عليها بتشلقيمة جمع فيها فمها كامل حتى قطع فيها النفس) نصبرو راسنا اختي بهاد الفيم حتى يتحلو الحدادات..
ياسمين:(تزنكو حناكها واخا مفهماتش اخر جملة و قالت بصوت هامس) تخليني نووض..
محمد:(على طريقة ساري كوول) شناااااهو…. اشاوا من الصباح وانا نخبر لك (شدها من خصرها و زير عليها) من اليوم بلاصتك هنا اعتابري الكراسا تهرسو سمعتيني..
ياسمين:(ضحكات بخفة على هضرتو) هههههه واخا…
كملو غداهم على داك المنوال مرة يوكلها و زعمات حتى هي مدات ليه ياكل و زادت تعرفات عليه كثر عرفات انه من النوع الغلاق كياااكل مزيان و ماشي من النوع اللي يعاف او يتنفخ على الماكلة بالعكس عفوي و متواضع معندوش مشكل يدويو فالهضرة… كياكل و يضحك و يهضر و يقرص….ماشي بحالها هي اللي ولفات السكات… كتاكل ساكتة و هادية كتعقل على كل كلمة فين غادة وهي اصلا هضرتها قليلة…. عكسو هو كيضحك و يهضر فكولشي المواضيع يقدر يجبد معاها الكورة گاااع المهم ميسكتش….
فالرياض كانو عائلة حفيظة باقيين تيتي نيني حتى كرهووو كولشي… شيماء ولات كتعمر الحانوت و دخل فالصغيرة و الكبيرة ولكن علي كان شاد بلاصة محمد حيت عارفهم كينوعرو مورا ضهرو و فعلا ناض سعيد خدا كريدي بسمية ديال المحل و هادشي مافخبار لا باه و عمامو ولا محمد غي بينو و بين يوسف و شيماء… وعائلة ياسمين حتى هوما كان الحال على ما هو عليه كيرتاحو و يرجعو الجهد باش يبداو فتوجاد العرس..
كملو غداهم و مشا محمد يتفرج فشي ماتش مخلي ياسمين كتجمع الماعن مواراها طلعات لدوش لقاتها بدات كتنقص بحيت مكطولش فيها لي غيگل… بدلات حوايجها بكسيوة ديال الدار نص كم و فايتا الركبة فالغوز بارد طلقات شعرها و دارت ليه بانضة رشات ريحتها و هبطات عند محمد لقاتو مكرشخ بديك الكسدة فوق الفوطوي مطلع الشورط على فخاضو و تتبان واحد الكتلة حشمات تشوف فيها حنحنات حتى دار شاف فيها و دار واحد تصفيرة طويلة…
محمد: اش هاد الزين اختي رحمييينا شوية
ياسمين:(جاية كتكسول و ضحك حتى جلسات حداه) مالي شنو درت
محمد:(جرها حتى تخبطات مع صدرو و وجهها فوجهو عينيه كيدورو على وجهها) قولي شنو اللي مدرتيش (تنهد) العافية شاعلة احبي
ياسمين:(حشمات و حدرات عينيها حتى حست بيدو على ذقنها هز ليها راسها و شاف فعينيها بتركيز بواحد الشوفة كذوب حتى غرقات فيهم و قالت بلاما تحس بصوت حنيييين بزاااف) محمد
محمد:(حتى هو مكانش حسن منها كان ذايب فعينيها و غرقان فعسلهم دخلت سميتو بحال ضو فذاتو بورشاتو حتى همهم بايجاب) هممم
ياسمين:(هايمة فعينيه و قلبها كيضرب باسمو قالت بعفوية و خرجات داكشي اللي فقلبها) انا… احم
محمد: نتي شنوو
ياسمين:(وعات على راسها و حدرات عينيها من عينيه بالزربة مزنكة وقالت بصوت مخنوق) شنو ندير لعشا
محمد:(خرج فيها عينيه بطريقة كضحك) نعااااااام… هادشي اللي باغا تقولي
ياسمين:(دارت وجه بريئ) اه صافي
محمد:(بسخط قرصها فخصرها حتى قفزات) سوقك خاوي لحبك… عارضين علينا السي العربي و مرتوو غا تهناي و جلسي حدايا..
ياسمين:(ضحكات على ملامح وجههو) ههههه واخاااا
محمد:(هايم فضحكتها) اححح على ضحيكة تي مناش مصنوعة مناش (دخل وجههو فعنقها كيطبع قبلات و هي كتهرب عنقها بدلع) رساي لوالديك خليني ندوق العسل…
هز راسو فيها و مشا ديريكت لفمها لجمو بقبلة فرنسية تصارعو فيها السنتهم حتى بدا كيحس براسو سخن..
محمد:(هز راسو شاف فيها وجهو حمر و انفاسو كيضربو فوجهها سخون قايل بصوت سخون) ايمتا غتمشي منك
ياسمين:(كانو حتى هي حناكها مزنكين و فمها منفوخ و حمر بصوت خفيف قالت) يمكن غدا
محمد:(هز يدو حيد ليها زغبة من عينيها و قال بنبرة مازحة) ايوا نوضي اختي مادوري بيا تتفوتك داعيها لله
ياسمين: هههههه (ناضت عليه مخلياه متكي فوق الفوطوي كيبرد على راسو) نوجد لك شي حاجة؟
محمد:(كيطلع فيها و يهبط) شي نوار قاصحة و نتي ازين
ضحكات ياسمين على هضرتو و مشات وجدات ليه القهوة…..
دوزو وقيتة زوينة مقدروش يخرجو بحيت مازال عيانين اكتفاو انهم يدوزو عشية زوينة ضاحكين وفنفس الوقت كيزيدو يتعرفو على بعضياتهم…
عرفات ياسمين ان محمد بلدي فشي حوايج مثلا الماكلة عزيز عليه داكشي البلدي اي حاجة فيها الدسم بسم الله و حتى اللباس اعتارف ليها انها حمقاتو بالبلدي كثر…. وهو عرف انها عندها واحد الجانب كوميدي اللي اعترفت ليه انه ثاني واحد غيعرفو مور دعاء…. زادو قلصو المسافات بيناتهم و حيدو بزااااف الحواجز….
انفاتحو على بعض و بدات ياسمين كتولف على وجود راجل فحياتها اللي ماشي بحال گاع الرجال اللي دازو….. راجلها و حبيبها و حلالها….. الراجل اللي غتشارك معاه حياتها….بلحظاتها الزوينين والخايبين….
غيتشاركو الفراش الماكلة الشراب الحب و واحد النهار غيديرو ولاد و غيتشاركو الدم هاد الموضوع اللي دواو فيه و فضل محمد انها تاخد شي مانع حمل اللي غتخرجو ليها الطبيبة بعد موافقتها اكيد واحد العام او على الاقل 6 اشهر يعيشو فيها و يديرو داكشي اللي بغاو وكيما قال ليها “ملي تحسي بيا بديت كنطلع لك فالراس نولدو”…..
مشاو تعشاو عند السيد اللي فرح بيهم هو و مرتو و ضايفوهم بالطاجين المراكشي المقفول او المعسل اللي كلاو فيه بزوج و حتى ياسمين تصدمت فالشهية اللي تحلات ليها…. ختموها ببراد ديال اتاي منعنع مع هضرة السي العربي و مرتو اللي كانو مراكشيين قحين مسكتوش من الضحك…. توادعو معاهم و خرجو معانقين كيف شي جوج حميمات…
بدلات ياسمين حوايجها و هاد المرة تحدات خجلها خصوصا ان الصهد و مراكش سخونة و رفضات يشعل الكليما بحكم كتمرضها…. لبسات بيجابة عبارة على ديباردور و شورط فوق الركبة و كانت هادي اول مرة غيشوفها محمد بهاد الشكل…. الذرعان بيضين عريانين كيشقشقو و الفخيدات والو الزغب حتى هوما بيضين و الرجيلات صغار بگديماتهم حمرين مزيناهم الصباغة الحمرة و الخلخال تعلقو عينيه عليهم و جاتو شهوة و رغبة غريبة فانه يبوسهم و يمصهم استغرب فراسو….. طلعات حداه كتسرق شوفات فصدرو العريان بحيت كان لابس غير كالسون رمادي عازل ليه سي السيد اللي ملي شافت المنظر تصدمات و معاودتش هبطات عينيها لديك الجيهة بقات كتشوف غي فشعرو اللي كان مخربق و طايح على عينيه بشكل كيوت….
كتستغرب لوسامتو و شكلو اللي كان مزيج رائع بين الرجولة و الطفولة…. ملامح طفولية ولكن حدة رجولية…. ملي يكون كيضحك او يتمازح تحلف عليه حتى دري صغير عندو واحد البيبي فيس حمقها…. ولكن غير يقربش او يكعا او يتحول للجدية كتحول ديك البراءة لكتلة من الرجولة و الحدة…. بلا هضرتو اللي كذوبها و بوساتو اللي مارس بيهم عليها طقوس حبو…. تبادلو القبلات للحظات حتى انه تجرئ و خشا يدو من تحت الديباردو باش يلامس جسدها الناعم اللي شهوتو يطبع عليه بوسات و مصات كامل حتى تبقى علامات ملكيتو مبصومين عليييها… زاد طلع بيدو كثر حتى لصدرها اللي كانت ملابساش عليه السوتيان… قاصو من التحت وهي تقفز بعدما كانت مغيبة… بغات تبعد لكن زرب عليها بقبلة حنينة حتى رجعات غابت من جديد… كيتسمع فقط صوت بوساتهم و بعض التأوهات الخفيفة منهم بزوج…. رجع يدو لصدرها و هاد المرة حد كامل يدو على ثديها و خداه بين يديها….تنهد بنهم على ملمسهم الناعم و قياسهم الصغير اللي يله جاه فيدووو…. تأوهات بألم و بعدات وجهها عليه بنفس سخون قالت…..
ياسمين: كيضروني امحمد مع ليغيگل
محمد:(مازال مغيب معاهم رخف يدو شوية و بقا غي حاطها و شاف فعينيها بعينيه حمرين ناعسين) غي بشوية حبيبتي
مجاوباتوش بحيت ماعطاهاش فرصة و هبط وجهو لعنقها كيمص فيه و يديه وحدة فصدرها و وحدة كيمررها بين خصرها و فخدها…
مد يدو هبط ليها السمطة ديال ديباردور على كتفها و هبط ببوساتو من عنقها لكتفها وهو غادي و كيهبط على عرا على النص فصدرها و هز راسو شافيه ببيوضيتو اللي حمقااااتو و الخالة اللي كانت الوسط اللي عمرو شافها…. محسش حتى طبع عليها بوسة عميقة و زاد هبطو حتى بان صدرها كامل وهي مكايناش فهاد العالم…
عرف كيفاش يخليها تغيب و تغوص فبحر الشهوة اللي ماحسات براسها حتى كان خاشي وجهو وسط ثدييها و كيبوس بنهم… حسات بقلبها كينقابض…. كانو احاسيس و مشاعر جديدة عليها….. اول مرة غتحط فهاد الموقف و هي معارفة مادير…. خلات ليه كولشي…..كانت مرتاحة خصوصا و ان الخوف من افتضاض بكرتها مفكراتش فالموضوع فقط كانت عايشة اللحظة و كان عاجبها الحال بحنانو و عضيضاتو الخفاف….
بقا كيبوس فيهم و يعض يطلق من وحدة يشد فوحدة… هبلو لون حلماتها الوردي مع بيوضيتهاااا… و يديه كيعجنو فمؤخرتها… بقا على داك الحال مدة لا بأس بها حتى حس براسو جاب البيليزير ديالووو ف سليبوووو…. طاح عليها بتعب و شهوة….
عمرها كانت ليه و عمرو وصل لهاد المرحلة لا بوحدو لا مع شي وحدة…. اكيد كانو علاقاتو كثار لكن عابرة…. راجل وسيم برزقووو و كاريزما ديالو مايمكنش ميكونش مدوز…. دوز حقو و حق غيرو….
لكن عمرووو ما ضحك على بنت المرة…. كان فالأول كيوضح الأمور انه عندو غرض فقط بتدواز الوقت و حاجتوو… وحتى الطرف الأخر كياخد حاجتو من متعة و فلوس….
حتى جات ياسمين فواحد الفترة اللي كان مدة طويلة مدارش حتى شي علاقة و دات ليه القلب و العقل….. غير شافها عرف انها مغتكونش بحال كاع العلاقات اللي دازووو….حس انها غتكون حلالووو…. و فعلا مشا معاها بالنية و المعقول….
محمد:(تقلب على ظهرو فالجيهة لاخرى كيسوط بسخونية) الله ياختي اش بغيتي عندي(تسناها تجاوبو لكن ماسمع منها والو كانت جامعة اللون الأحمر ديال العالم كامل فوجهها طلعات عليها الديباردور و ليزار و خشات حتى راسها معاه حشمانة حتى ما قدات شاف فيها لقاها بداك المنظر و هو يضحك) غبرتي تاني يا نعامة ههههههه بسيف تحشمي على ها الحالة اللي دايرة فيا (مقالت ليه حتى كلمة مخلياه كيعبر بوحدو) حلوة ابنت مصطفى عسل اللي ذاقك ميشبعش من حلاوتك (تنهد) مخلياني داوي بوحدي لوالديك (جر عليها ليزار لقاها كضحك شاف فيها بمعنى منيتك) يااااك اختي ضحكي نتي اللي جاات معاك اما انا هجرتووووو (مد يدو قرصها من فخدها)…
ياسمين:(و اخيرا دوات تأوهات بالم من قرصتو و قالت بصوت خفيف حابسة الضحكة) شنو درت لك انا…. احم قصحتيني(هبطات راسها كطل من تحت ليزار لقاتها بالزربة حمارت و دارت العلامة)
محمد:(مد يدو جر ليزار يشوف فخدها حتى قفزات و هبطت الشورط بالزربة) الله ياختي الله باطك شحال قريب واكواااااك شوف لحمك بوحاااطي (تلاح على فمها ببوسة شرك فيها شنايفها بجوج) سمحي ليا احبيبتي
عاودها بوسة اخرى و ناض عليها هز شورط و كالسون جديد و دخل للدوش يبرد على راسو مخليها كضحك عليه حتى نعساااات من فرط التعب موراها خرج حتى هو و تلاح حداها جرها عنقها و نعسوووو فرااااحة فرحانين فحظن بعضهم)…… ❤️
فمكِ اللذيذُ يُحبني وأحبهُ فالحبُّ عندي قبلة و عناقٌ….. هذي الشِّفاهُ تُهينني ببقائِها مختومةً وتُحيطها الأوراقُ❤️
فالصباح الباكر عندهم هوما اللي نعسو معطلين كانت العشرة و نص فاق محمد على صوت الدقان فالباب شاف جيهة ياسمين لقاها ناعسة بحال البيبي ابتاسم بعينيه منفوخين و ناض لبس تيشورت و نزل يحل و الدقان محبسش… للحظة استغرب حيت ظن ان السي العربي هو اللي كيدق ولكن علاش غيبقا يدق…. حل الباب و هنا كانت الصدمة…. حل عينيه بتفاجئ…..
حل عينيه بتفاجئ ولكن للأسف غير سار…. فالبلاصة عقد حواجبو باستغراب و غضب…. كانت قبالتو حفيظة و شيماء و ولدها و كذلك اميمة و ولدهااا….. مفهمش اشنو واقع و كان مازال ممستوعب حتى قاطعاتو حفيظة بصوتها الرخم كضحك بصفورية…
حفيظة: ولدي محمد لاباس عليك
شيماء:(كطلع فيه و تهبط معاجبها حال كيما ديما) متخليناش ندخلو اخويا
محمد:(مجاوب حتى وحدة فيهم من فرط الغضب اللي حاس بيه بعد من الباب حتى دخلو كاملين و حفيظة غادة كتمختر هي و بنتها بافتخار كأنهم دارو شي انجاز بقات غير اميمة اللور كتشوف فيه بنظرة لعوبة حتى رد ليها البال و قال بغضب) اشنو كديرو نتوما هنا عندي فندق ولا
اميمة:(بتحلوين كيما عادتها) بشوية علك امولاي السلطان غير جينا نشوفوك نتا و عروستك (غمزاتو و زادت كتعوج فمفاتنها مخلياه موراها معصب)
طلع لبيتو بخطوات سريعة و غاضبة مخليهم جالسين فالصالون مرحين مناقسهم حتى خير.. دخل للبيت لقا ياسمين يله كتحل عينيها بتثاقل.. هزات فيه عينيه بابتسامة حتى تصدمت بواحد الوجه اول مرة تشوفو…
مزير على فكو حتى خرجو العروق فجبهتو و عينيه حمرين… جمعات الابتسامة و عقدات حواجبها باستغراب و قالت وهي كتجمع فشعرها…
ياسمين: مالك امحمد بنتيلي معصب
محمد:(بصوت غاضب بلاما يحس كيخرج قاصح) شكون يخليك ترتاح مع ك.. (كان غيزبلها و جمع فمو بالزربة) مع مخك (ساط) جاو حفيظة و شيماء و اميمة
ياسمين:(باستغراب على حالتووو) مرحبا بيهم علاش اشنو فيها
محمد:(ضحك بعصبية) لا مافيها والو غا جايين ينغسو عليا هاد الجلسة (قرب تال عندها شد فحنكها و قال) بدلي عليك و هبطي جلسي معاهم متنوضي ديري والو (يله بغات تهضر قاطعها) ششش تا كاس دالما لا بغاوه يتهزو ليه متعطيهمش وقت خلي الخيخ اللي بغا شي بعرة ينوض ليها (تنهد بعصبية) انا غنفك هاد المشكل(كمل بصوت مرتفع و الغضب عما عينيه) ميييييرد…
خلاها كتبقلقل و هبط لقاهم مرحات كيضحكو حتى قفزهم بصوتو القوي…
محمد: دغيا توحشتووني عااد كنت معاكم گاع هادي معزة
حفيظة: ايوا جينا نشوفوكم اولدي و ندوزو معاكم واحد اليوماين حتى نرجعو مجموعين
شيماء:(جامعة فمها كيف النقطة تتميق فيه) ايوا الفيرمة ديال جدي (وركات عليها متعمدة تفكرو) فروجية و زينة اولالا ء اميمة
اميمة:(حتى هي جارية معاهم فالهضرة كتشوف فيه مبرد واحد البرود فشكل و غير كيتسنط ليهم) داكشي اللي كاين نونسوهوم مجاتش يبقاو بوحدهم
محمد:(خبط يد مع يد) ايه مقلتو عيب مرحبا (تلفت لدروج فين كانت هابطة ياسمين بقميص خفيف مع صنيديلة كتجر طالقة شعرها و جامعة غير الزغيبات اللورانيات بقراصة الوجه منور كيشعل شاف فيها بابتسامة و قال ممسوقش ليهم) اجي احبيبة ترتااحي
شيماء:(مصات الحامض على قلبها كطلع و تهبط فيها فداخلها مقادراش تنكر انها زوينة لدرجة الجنون وهادشي اللي مصطيها قالت برخامة) اهلا عروستناا
ياسمين:(قربات كتسلم عليهم بابتسامة خجولة) صباح الخير
اميمة:(عينيها كيقطرو بالسم شافتها مشات جلسات حدا محمد اللي دور يدو على كتافها و عنقها عندو بحب) قولي مسا الخير راه العشرة هادي (شافتو خنزر فيها و هي تقلبها ضحك) ههههه اولا لا
حفيظة:(مكانتش حسن من لوخرينات حتى هي مفقوصة و معاجباهاش كتقول مع بالها جاها الخير تال بين يديها تمرح فيه كانت طامعة فيه لبنت ختها ساعة ضرب بكلامها فالحيط) ايوا راه مازال جداد مازال يشبعو من بعضهم
محمد:(مداهاش فهضرتهم گاااع معاطيهمش وقت كيدوز يدو على كتف ياسمين حتى تگعد شوية و دوا معاها) انا ندوز واحد لابيل احبيبة و نجي داكوغ
حركات ليه راسها بايجاب فحين هو ناض كيتمختر خرج لجردة هاز تيليفونو دوز مكالمة تسنا شوية عاد تقبل الطرف لاخر…
محمد:ألو السلام عليكم الواليد
حسن:وعليكم السلام اولدي بيخير
محمد:الحمدلله نتوما مزيان واحد الواليدة و جدة
حسن:كولشي بيخير اولدي بنتي ياسمين مزيانة
محمد:مبرعة الواليد (سكت شوية عاد هضر) الواليد غنقولك واحد جوج كلمات.. هاد الثلاثة اللي صبحو عليا مع النبوري يا تصيفط ليهم اللي جابهم يديهم اليوم يا نخرج فيهم و نكحلو السوايع و نرجع نيت معاهم برهوش
حسن:(مستغرب) كيفاش امحمد علامن داوي
محمد: مرتك و بنتك و مراة ولدك مصبحين عليا اش بغاو عندي كنفرق فالدعم (ساط بغضب) گاع هادي معزة فيهم ينغسو عليا يوماين ديال الراحة….
حسن:بيميني اولدي مافخباري شي حاجة (بصوت مصدوم) هادوك بنات الحرام كيحطو الراس على الراس و تيزيدو و لكن انا اللي غنتحاسب معاهم غير تهدن الله يرضي علك ماعليهم حكام هدوووني
محمد:(معصب لأقصى درجة) مكاين ما تهدن الواليد باقي عاد عاقد و جاي انا و مرتي نرتاحو و ندوز وقيتة زوينة جايين تابعيني يبداو ينوضو ليا فالمشاكل البنت متعرف لفعايلهم يا تصيفط اللي يجيبهم يا ندير شي حاجة متعجبهمش و تقد متعجبكش تانتاااا
حسن:(بأسف محملش الموقف اللي تحط فيه بعدم مشاوتهم ليه و حاس بولدو) ساعف اولدي ساعف انا دابا غنصيفط ليهم سعيد يجيبهم واللهلا باتوها تم السيبة هادي
محمد: كون غا كانو مزيانين نخوي الدار و نخليها ليهم ولكن هوما جايين ينوضو صداع مع ديك بنت الناس اللي معارفاش للعبهم نية و خبز ربي فطبگو (رفع صوتو بانفعال بلاما يحس) ملي دخلو و هوما يحشيو فالهضرة وايليييي….
كمل مكالمتو مع باه اللي بقا كيهدن فيه و يتأسف و كان بدورو غاضب اول حاجة متشاوروش معاه كأنه رجل كرسي ثاني حاجة غادين هاجمين عليه وهو مازال ماضرب حتى يوماين صحيحة فمحالو و ثالث حاجة حشيان الهضرة و الصداع اللي غاديين يجبدو و هو عارفهم لفعات مقطراااات ماغادية بيهم لا معزة ولا هول غاديين غير يبردو سمهم فبنت الناس وهادشي اللي ميقبلوش الا الظلم و الحكرة…. 💔
فالأثناء فين خرج محمد يهضر بقات ياسمين جالسة حادرة راسها و كتفرك صباعها مع القميص و الثلاثي مقابلينها وكل وحدة كطلع وتنزل فيها من قنت كلا وفاش كتعبر…
دارت بكلام محمد و مقدراتش تكسر كلمتو و تنوض توجد ليهم شي حاجة واخا عارفة مجاتش فالصواب لكن من جهة كلام راجلها اهم و من جهة اخرى حسات بيهم محاملينهاش من الخطبة و حتى هي نفرات منهم و هي واخا حشومية و درويشة بلا قياس لكن حقها متسكتش عليه و اللي محملاتوش او مرتاحتش ليه تتحطو سطل بلا تقرقيب….
واخدة ميدالية ذهبية فاللامبالاة و فالتجاهل يجلسو معاها تا شهر متهضرهمش….. بقاو على داك الحال حتى دوات شيماء بسم…
شيماء:كيجاتك الفيرمة اياسمين
ياسمين: زوينة تبارك الله
حفيظة:(كتمص فالحامض) ايوا بسيف ابنتي ماتجيك زوينة باينة عمرك شفتي بحالها (تقرصات ياسمين و عقدات حجبانها اما لوخرينات ضحكو ليها فوجهها) الله يرحم عمي اللي دمر فيها تا طلعها و داوها فاللخر باااردة على قلوبهم
شيماء:(بسم دوات تحت سنانها لكن بصوت مسموع باش ياسمين تسمع) واايه امي فاللخر خلاها لشمايت
حفيظة:(تتشوف فياسمين طلع وتهبط) ايوا ابنتي عندرااا كاين شي
ياسمين:(باستغراب مفهماتش سؤالها) كيفاش اخالتي
حفيظة:(بضحكة صفرة) زعما واش بنى بك ولدي محمد (بتفسير) دخل عليييك
ياسمين:(بصدمة لجمات ليها فمها و وسعات عينيها معرفات باش تجاوب) احم
شيماء:مالك صفاريتي و خضاريتي سولاتك جاوبيها حيت من العادة تجيبي ليها صبوحك تشوفو كيما دارو گاااع اللي سبقوك
ياسمين:(عقدات حواجبها بغضب و عدم رضى على وقاحتهم وفضولهم) احم علاش
حفيظة:(رفعات حاجبها بشوفة قاصحة عند بالها درويشة و حشومية غتغلب عليها) كيفاش علاش راه فالعادات تعطي لحماتك صباحك تشوفو و تخبيه اولا لا ء اميمة…
يله بغات تهضر اميمة تسمع صوت محمد اللي كان داخل وجات فوذنو هضرتها ملي سولتها زير على يدو و تسنا حتى يسمع ردها اللي عجبو كيفاش معطاتهمش راس الخيط….مع بغات تهضر قاطعها هو بصوت بارد مخبي موراه عافية شاعلة فيه….
محمد: ايوا حتى تكوني نتي حماتها (جلس حدا ياسمين اللي ابتاسمات فوجهو بلطف و خدا يدها باسها مخليهم كيغليو حتى دار شاف فيهم هاز حاجبو ملي شافهم مهضروش لقا وجهها مسقوط من الدم و شيماء مخنزرة فيه) هاد الموضوع بالذات مسوقكومش فيه ايلا غتجلسو واحد الساعة احتارمو ريوسكم و احتارمو المكان فين جالسين و ناسو…
خلاهم محشماااات غير كيشوفو فبعضياتهم و حتى ياسمين بقدما عجبها فيهم و برد ليها قلبها قدما بقاو فيها على التحشيمة حتى دوات حفيظة بصوت مخنوق بحر الفقصة..
حفيظة: ايوا يا بنيتي مكاين اتاي مكاينة قهيوة زعما راه دااارك على قولة راجلك هذا الصواب اللي جبتي من داركم..
محمد:(يله بغات تنوض ياسمين وهو يرجع جلسهااا قدامهم و قال بصوتو الرجولي) بغيتو اتاي نوضو طيبوه هي ماشي خدامة عندكم و داكشي اللي معلمة فدارهم مكايناش بنت المراة اللي تعرف ليه (دار عندها مخاطبها) سيري احبيبة وجدي فطورك فطري و وجدي ليا معاك شي قهيوة..
شيماء:(صبراااات حتى عياااات و فكرات حتى عيااات فتوصيات مهااا فالطريق ولكن زاد صبرها على حدو و تفرگعات على وجهو بصوت غاضب….
شيماء:(صبراااات حتى عياااات و فكرات حتى عيااات فتوصيات مهااا فالطريق ولكن زاد صبرها على حدو و تفرگعات على وجهو بصوت غاضب) زدتي فيه نتاااا كثااااااار من القياااااس (زفرات) شنو كيسحاب ليك راسك گااااع من الصباح و نتاااا على الهضرة و المعيور ياك شي باس مكاين..
محمد:(هز فيها وجهووو و شاف فيها بنظرة مستفزة) كترفعي صوتك من الفوق الالة شيماء..
شيماء:(نظرتووو المستفزة كتزيد تشعلها حتى وقفات و شافت فيه بتحدي) و نرفعو على سيد سيدك يالموسخ
محمد:(كيطلع فيها و يهبط غرضو يعصبها و يحرق دمها ناسي هاديك النملة اللي حداه اللي كتشوف فيهم بصدمة حالة عينيها على الآخر كانت عارفة شيماء واعرة لكن مظناتش انها غتكون لهاد الدرجة) متأكدة من هضرتك اختي
حفيظة:(كتهدن فبنتها بحيت عارفة لا بقا حتى ناض محمد مغيجلسو تا دقيقة فهاد الدار) شيماء احتارمي خوك (دارت عند محمد بضحكة صفرة) لا اولدي راك عارفها خضرة
محمد:(بصوت قاااااصح كيعكس صبرو اللي تقادا) ايلا خضرة تخرج عليا و طيب مناقصيني مشااااكيل جاي نتهنا ماشي تبعووني تال هنااا
لاح ليهم هاد الكلمات و ناض كينفخ طلع للبيت و ياسمين غير كتشوف فهاد الجو اللي عمرها شافتو ولا عاشت فيه و مصدومة فمحمد اللي اول مرة غتشوفو معصب هكاااا….
ناضت ياسمين تبعات محمد مخلياهم كيمصووو الحامض على قلوبهم حتى طيبهم الجوع و ناضت اميمة عمرات اتاي اللي معقلوش كيفاش شربوه بحر الفقصة ديال هضرة محمد حتى صونا حسن لشيماء كيسب و يغرق مخلا لييهم فين يزيدوووو حتى ندمات حفيظة و حلف ليها يلا مباتتش فدارها هاد الليلة عمرها مازال دخل ليهاااا….
ندمووو حتى جاو و انقلب السحر على الساحر كااانو ناويين شر فياسمين و محمد و ناويين ينغسو عليهم فرحتهم… ساعة نيتهم غلبات و فرحتهم هوما اللي ماكملات….
نرجعو للحظة فين طلع محمد و تبعاتو ياسمين لقاتو فالبالكو مسرح عينيه لبعيد و كيكمي… وقفات حداه و حطات يدها على كتفوو حتى نتابه ليها…
بقاو ساكتين واحد المدة حتى دوا محمد بصوت خفيف اللي خلاها تلاحظ انه معاها هي غير مع الناس لوخرين و ابسط دليل نبرة صوتو اللي كتبدل من عندها لعند واحد اخور..
محمد:(بعد صمت طويل) تصدمتي فيا..
ياسمين:(عاقدة حواجبها باستغراب قالت بنبرة مستفهمة) علاش غنتصدم
محمد:(شاف فيها مباشرة فعينيها بنظرة عميقة) الطريقة باش تعاملت معاهم و كذا
ياسمين:(ابتاسمت فوجهو بارتياح) لا معندي علاش نتصدم… هوما اللي جبدوك (سكتات شوية كتفكر واش تقولها ولا لا)
محمد:واحلة ليك شي كلمة غا طلقيييها الدنيا هانية ازين نتي ديالنا ههههه
ياسمين:ههههه انا من اللول لاحظت بيلا خوتك شقاق ماشي بحال خوتك من باك
محمد:(بتنهيدة) ولاد حفيظة فيهم غير تيسير اللي صادقة و غير حيت رباتها الواليدة اما الشي لاخر كولشي باغي يديرك تحت الصباط الله يعفو عليهم ربات فيهم الحقد الله يسمح ليها وكان
ياسمين:(زعمات شوية ملي لاحظت الطريقك باش كيدوي كانت خليط بين الغضب و الألم…خدات يدو باستها حتى شاف فيها بوجهو مبشور وقالت) الله يهديهم و يكفيك شرهم ياربي
محمد:(عجبو تصرفها و كبرات فعينوو بحنانهاااا و رقتها خداها لعندو بضمة لصدرو دافية مغلغل نيفو بين خصلات شعرها كيستنشق ريحتو الزكية) الله يخليك ليا
اكتفت انها تدعي بالمثل فنفسها و تمخششات كثر فصدرو متناسيين هادوك اللي لتحت حتى سمعو صوت الباب… حل محمد الباب لقاه سعيد اللي كان شاد الطريق راجع حتى صونا ليه باه و مخلاش ليه حتى هو و رجعو فالساعة اللي ميعقل رجع فنص الطريق…
سلم عليه محمد سلام ناقص و دخل لقاهم جالسين حاطين الصينية مع الخبز و الفرماج و الزيت و الزبدة و داكشي عاد شي حليوات جابتهم معاها ياسمين يبقاو يدوزو بيهم اتاي…. مرحين و فرحانين مناقصهم حتى خير….حتى هزات حفيظة راسها و لقاتو… كمشات سيفتها باستغراب و قالت….
حفيظة: الله يا وليدي اش رجعك دابا ياك كنتي راجع فحالك
سعيد:(طالع ليه الدم و محامل يهضر) نوضو تهزو غنرجعو
شيماء:(ميقات فيه) ويلي على غنرجعووو فين غنرجعو…
سعيد:(صهل فيها) فحالك الالة راه الواليد قاليا نرجعكم
شيماء:(شافت فمحمد بغيض) ايوا بزاااااف خريتي گااااع
محمد:(بملامح متهجمة) غتجمعي فمك تبارك الله مغتجمعيهش غتحسبي سنانك…
سعيد:(ماحملش هضرة محمد ولكن مايقدرش يجبد معاه الصداع) زمي نتي و نوضو تگعدو مانيش شيفور نبقا تابعكم راني مارانيش دري صغير تلوحوني وسطكم
حفيظة:(شافت فمحمد بشوفة قاصحة) هدا هو المظنون فك اوليدي
محمد:(عارفها شنو تتسوا مخسرش عليها تا شوفة) جاي نرتاح فمخي هارب من الصداع ماشي الصداع يجي عندي
شيماء:(ناضت هزات ساكها غادة تابعة مها و اميمة اللي تمو خارجين كي الكلبات حتى قربات ليه و دوات بنبرة شابعة سم و غل) ديرها فين تجيك اخووويا و عنداااك تنساااا مردودة بالتاني و المتني (غمزاتو و زادت كتنهج بالفقصة)
طلع محمد لعند ياسمين خبرها بيلا مشاو و هبطو فطروو بعدما خسر ليهم البلان اللي كانو موجدين الصباح قررو انهم يتغداو عاد يخرجو….
غاديين فالطريق كيتشواو بالفقصة ديال المجية اللي خرجات ليهم فالصو…. ماتصرطاتش ليهم كيفاش عاملهم محمد واخا كانو من ديما عارفينو هكاك داير يموت و مينافقش و گاااع الحاجة اللي تجيب ليه الصداع يلوحها و يتهنى…
لكن هوما استفزوه ظانين انه ميقدرش عليهم حاسبين فريوسهم هوما الصح و الكل غالط… لكن محمد غيييير وقف فوجههوم و وراهم قيمتهم الحقيقية الشي اللي زاد كبرهم كرههم ليه و توعدو ليه غير بالشر…
حفيظة:(كتبرد على راسها بالشال حر الفقصة) والله لا بقات فيه والله ما تخرج ليه طريفة
شيماء:(بغيض) كنگوليكم ديما راه ضسر بزاااف ولكن تال هادي بزاااف
اميمة:(كتزيد الملحة فوق الجرح) ايوا ضسروه الفلوس و الفيرمة و حتى عمي زايد ليه فيه
حفيظة:(دارت عندها مخرجة عينيها) مكاين اللي قاتلني و فاقصني قد داك عمك و باه اللي ماماات تا مكن ليه الملاكات خلاه يطغى
اميمة:(بسم) ايوا اخالتي تا دابا فرمشة عين يطير ليه كووولشي
شيماء: كيفاش لاش كتلمحي
اميمة:(بشر) ايوا نتي و شطاارتك و فهامتك ابنت عمي (بغمزة)
سعيد:(هو معصب بالطريق اللي ضرب فربعة و نفخو ليه راسو بهضرة العيالات) دابا هاد الهضرة لاش… السيد عندو الحق جاي يتهنى من الصداع ينقي مخو نتوما تابعينو (بصوت مرتافع) لاش هاد الفعايل ديال الخرا
حفيظة:(دارت فيه) ونتا مالك اش لك اش مشا لك كون كنتي راجل كون راك نت اللي مرح فهاد الخير
سعيد:(بغضب) الواليدة حفيتييي هاد الكاسيطاا (بنبرة تحذيرية) تاقيو شري راه معندي خاطر لهاد الزعت ديالكم و فوتو السيد عليكم…..
قطعو الزي بعدما صهل فيهم و دار فيهم…. يقدر بزااااف منكم مغيفهمش شخصية سعيد…. ولكن كنأكد ليكم بيلا فكل عائلة كاين شي واحد بحال سعيد…..
يا عمك يا خالك يا خوك يا باك….. شخصية مركبة….. بصح طماع و عزيز عليه الفلوس…. ايلا عطيتيه الفلوس راك خوه و حبيبو….. و ايلا حيدتيهم ليه متسناهش يوقرك…. لكن كيبقا حقاني و معقول…. كيفهم و يعرف الظالم من المظلوم….
هكاااا سعيد عزيز عليه الفلوس روحو فيهم و لكن فداخلو راه مزيان و حقاني…. من اللول كان رافض يجيبهم لكن اصرو عليه و مالقا غير انو يخضع ليهم…. حط راسو بلاصة محمد و تفهم موقفو… اكيد من حقو يتعصب و يدير اللي دار ليه كل الحق…. عارف مو و ختو و حتى مراة خوه…. ميخفاوش عليه فعايلهم و شرهم… و شاف و عرف حتى طينة ياسمين و عرف انها مغتعرف ليهم و لا معاملتهم و لكن عارف محمد قدها و قدود و الى اقتدى الأمر يوقف معاه لكن الجانب الطماع منو كيخليه كاره محمد اللي كيما كيقول جمع حب و تبن…
فيرمة و محل و النص فالمحل ديال باه…. كانو مصبرينو دوك الفلوس اللي كان كيمشي ياخد و ديك الساعة كان خوه و حبيبوو لكن ملي قطع عليه الما و ضو رجع ممزيانش…. الحاصول سعيد شخصية متناقضة مع راسها و صعيب تفهم…..
خرج الكوبل ديالنا شادين الطريق للمراكش الحمرة…. مدينة النخيل و الخضورة….. مدينة البهجة و النشاط….. مستحيل تدخل ليها و مضحكش…. ناسها و جوها الدافي و خضوريتها و كلها كتفتح النفس….. توجهو لجامع الفنا اللي كان عااامر هااا النصارى… ها الآسياويين… من كل بلاد جاو ليها…. ماخلاو حلاقي تفرجو فيهم…. ماخلاو قرودة ولا حناش تصورو معاهم….
عطاها محمد الخاطر اللي مافوق منو خاطر…. و حتى هو كان فرحان لفرحتها و عجبو كيفاش بدات كتطلق معاه و كيزيدو يتعرفو على بعض…. ياسمين كانت بالنسبة ليه كتاب محلول…. ساهل عليه يقراه و يقلب صفحااااتو…. على عكسو هو اللي كان غامض بعض الشيء بالنسبة ليها….. مكانتش قادرة تتعرف على شخصيتوووو كاملة بحيت معاها ضااااحك و ضارب الدنيا بركلة…. لكن ملي شافت ردة فعلو ملي جاو حفيظة و بنتها و كيفاش تقلبات ديك الشخصية المبهجة لأعصاب و غوااات….
مقدراتش تفهم تركيييبتو و خلات كولشي للوقت المهم انه معاها ضاحك و ناشط و ممخلي حتى حاجة تنغصها عليهم….. شي حاجة اخرى مكتهمش…. كلات الببوش… شربات الحريرة…. شربات العصير….. خدات هدايا لدارهم و دار محمد…. من گنادر و بلاغي و محمد غير كيخلص….. كلاو لحم الراس او غير هو اللي كلاه هي معندهاش معاه…. المهم داقت من كولشي و محمد غي خايف تقلب ليها معدتها…. بقاو حتى للزوج ديال الليل عاد رجعو للدار مخليين الدنيا مازال عامرة بالناس….. وصلو مطحطحين كل واحد بدل و نعسو فاحظان بعضهم….. ❤️
وصلو لخزيبيات للرياض فين كان حسن كيتسنى فيهم على احر من الجمر…. كانت الوقيتة فين كيكونو مجموعين كلهم باستثناء امين و حياة و ولادهم اللي كانو سافرو يدوزو العطلة الصيفية…. مجموعين فالباحة ديال الرياض و حسن غادي جاي فوق ريوسهم معصب و معاجبو حال….
حسن غادي جاي فوق ريوسهم معصب و معاجبو حال…. طالع ليه الدم و كون كانو قدامو يتيري فيهم… من جيهة ضربو بكلامو الحيط و قللو منو و حسسوه انو والو كانو رجل كرسي…. و من جيهة ثقبو الوراق مع محمد اللي ماشي يديفولا حتى بعثو معاه و هادي مايقبلها لا ربي لا عبدو…..
هادشي مكانش فخبار سميرة حتى دوا معاه محمد و عرفات…. تعصبات بدورها و غوتات حتى ما قدات و معجبهاش تصرفهم و قررات انها مغتسكتش ليهم هاد المرة…. حتى حكيمة و الحاجة كلثوم و حتى هوما معجبهمش التصرف اساسا اللي سمعها مكيعجبوش الحال لانها مجات لا فصواب ولا ادب ولا والو…..
دخلو حادرات الراس حتى وقف فوجههم حسن و صرخ بصوت عالي خلا الكل يقفز و هوما من كثرة الخلعة تراجعو ببعض خطوات اللور….
حسن:تبارك الله على عيالات الرجالة ملقيتو اللي يحكمكم
حفيظة:(تتحاول تبرد و تهدن الوضع) غااا ببشوية الحاج
حسن:(قرب ليها و صاح فوجهها بصوت اقوى من الاول) مكاين لا حاج ولا هم يحزنون…. خليتيي فيها شي حاج ادااااارعةة… سبتي و مالقيتي اللي يحكمك رديتي الحاج ولية قدامك
سعيد:(معجبوش الحال يشوف مو كتعاير قدام بنادم ولكن فقرارة نفسو عارف انها دارتها لراسها) الواليد بلاما تعصب را (قاطعو باه صارخ عليه تا هو)
حسن: زم نتااااا حييييت مازااااااال نوبتك ارويجل (دار عند شيماء) دوي الالة الفاهيييييم هااادشي لاش طلقتي من داك ولد الناس على التشطين و الدرعة
شيماء:(هزات فيه راسها بجرأة و دوات كأنها مدايرا والو و فعلا هي بالنسبة ليها مغالطة فوالو هوما اللي غالطين و هي اللي خاصها تغوت على فعلة محمد) علاش الوالييييد مالي شنو درت فملك الله (نغزاتها مها بالجهد كتقرص فيها و لوخرين غير كيشوفو فقصوحية وجهها)
حسن:(قرب تال عندها و جبدها من يدها بالجهد حتى نفضها و قال بصوت قاصح) مازااااااال عند وااااالدييييك الوجه بااااااش تجاوبي معاااااياااااا نعلة الله واعليييييك يااااا المسخووووطة يا بيضتي الخامجة
شيماء:(بالرغم من انها مقصحة الا انها محشماتش و شافت فيه بلا ما يرف ليها اي جفن و قالت) هاد الهضرة قولها لولدك اللي جاري علينا من رزق الجدي اللي دمر فيه اما هو داها باردة…و من الفوق المعيور و التنفاخ علاااااش جاتوووو
سميرة:(مكانتش باغا دخل ولكن ملي جبدات محمد مقدراتش تصبر خصوصا انها كتهضر عليه بالخايب) حدك تم ا شيماااء ولدي فوتيييييه علك اش داكم لعندو اصللااا
حسن:(صهل فالكل و طلع ليه الطونسيو بالأعصاب) سكاااااااات مانسمع حتى كلمة…
حسن:(صهل فالكل و طلع ليه الطونسيو بالأعصاب) سكاااااااات مانسمع حتى كلمة (رخا من يدها و خداها من شعرها حتى تأوهات بألم) ضسرتييييي ابنتي تا وليتي تهزي فيا عينيك ضسرااااتك مك و رجعااااتك فحااااالهاااا تا ولييييتو عندييي بحال لفاعي فهاد الداااااار (زير على شعرها كثر) خفافو علك عضااااامك و مالقيتي اللي يحكمك اييييوا سمعي اش غيجييييك ملييييح… ليوووووم قبل غدا درگي عليا زلافتك لداااااااارك ماااااعنديش بناااااات كيطلقوووو
نفضها بالجهد اللي ماكنتش واقفة مزيان حتى طاحت مصدومة عاد عرفات بيلا هادي اللخرة ليها و الهضرة ايلا خرجات من فم باها مكيتعاود فيها نقاش….
حفيظة:(ألمها حال بنتها و دوات محاولة تبردو) الله يهديك الحاج عافاك لامااااا سمح لينا غلطناااا و طالبييييين منك العفوووو
حسن:(تمشى حتى لعندها و هز يدو حتى هزها و عطاها كف قوي حتى دار خدها تحت صدمة الجمييييييع و صدمتها هي غييييير كتحس براسها فبير غااااااارق و مظلم كتسمع طنين فوذنيها) زمي درقووووووشك لاماااااا بغيتيش تبعي بنتك (زفر بغضب) دييييما كنگووووولك فوتيييي ساحة محمد عطيييييه شبرين ديال التيسااااااع و نتي حاطااااا عليه و باغا تحكميييييه… هادشيييي كلووووو كوم…. و فعاااايلك كووووم اخوووور شحالللل واناااااا داير عين ميكة و كنجمع ليه….. حشياااان الهضرة و المعيووووور بالعلالي لانتيييي لا العقربة ديال بنتك دايريييين ليا الرية و سكينة(خرج فيها عينيه) هااااا اللولة….
(نهج بعنف و كمل):سمعتي الخطبة و مشيتيييي جبتي ترييييكتك كاااااملة و هادشي كلوووو غير ضد فسميرة و قلنا مكاين باس… ها الثاااانية…. بنتك اللي مشات تال عند الناس و بغات تخصر لامة خووووها و نتي فرحانة و كضحكي..
(هز ليها وجهها بعنف من فكها و هي دموعها شلال): كتصحابينيييي عمى مشفتكش لااااااااا غير مبغييييتش نحرجك قدام النااااااس و لكن نتوماااااا كتزيدو طغاااااو….. (تنفس عاد كمل بعدما حس براسو سخف) تهزي بنتك و مراة ولدك اللي حاشة واش يكون راااااجل و تزيديييي تال مراكش لا حس لا خبر بحالااااا مكاينين رجاااااالة يحكمووووووك تال هنااااا ولا… سبتيييي و خرجووووو رجلييييك الشواااارييي….. ضسرووووك الفلوس احفيظة و نسيتييييي مقااااامك….. عمرنيييي نويت نضرك ولا نفكرك بمقااااامك لاكن مليييي نسيتييييه نفكرك فيييييه….. تمشي عند الولد و هو مازال يله نهار باش مشااااااا هاجمة علييييه ياااااك لاباااااس….. عاطيكم التيسااااااع ولا بغيتووووو تقيلوه….. وحدة فالطلعة و النزلة تعاير فيه و تنقص فيه وهي المعيور فييييها….. ووحدة باغااااا دخل فيه بزز و تمشيه على هواهاااااا……
(شافت جيهة اميمة بتخنيرة قاصحة):و الثالثة عند بالهااااا ناعسين على ودنينا بحاااال راجلهااااا(مشااااا حتال عند اميمة اللي كانت منزلة راسها و خايفة اه خايفة بحييت هاد الحااالة عمرها شافتها طيلة عمر زواجها) مليييي جيتيييي و نتي كدووووري بالولد خواااااا الداااار بمسبتك ولااااا بغيتيييي تحشميييي….. كرهتي الخوووو فخووووه…. مزوجة بوااااحد و طاااامعة فلاخر و عند باااالك تا حد معااااارف و لا فااااااهم فعااااايل بناااات الحرااااام و كااااان ممقنعكش دااااااك الراااااجل اللي عندك الحرااااامية….
يوسف:(دخل مع هاد الهضرة اللي دخلات لقلبو كيف السيف ضهشرااااتو و مافهم واااالو كيسمع فبااااه كيسب و يعاااااير لكن فبالو مازال كتكرر جملة… “مزوجة بواحد و طامعة فواحد”…. مفهمش كيفاااااش ولكن فداخلووووو حس بصدق داك الكلام عقد حواجبو و دخل مقاطع باه بصوت قوي) كييييفاش الوااااليد هاد الهضرة مااااافهمتش
حسن:(عض حنكو من الداخل و قال بغضب) كيفاااااش غتفهم ونتااااااا معايشش هناااااا مخلييي مرتك بلا حكااااام نتااااااا رااااااجل اللي متعرف مراتك فين مشات ولا صدات..
يوسف:(بدات كدور ليه النقشة) الواااليد وضح كلاااامك الله يخليك و فهمني اش طاري
حسن: واخااااا بغيتييي تفهم واخااااا (قرب ليه و هضر) اللولة خوك اللي مخلي الشياطين يدخلو بينك و بينووو مخلي البراني يحرشك على دمك هادي هي تربيتك (بغا يههضر يوسف لكن قاطعو بالغوات) زموووو تا نكمل عاد هضر (تنفس) و الثاااانية واش عمى ولا عور ولا ضاربة طاسيلتك تالفة مرتك تتزلل قدامك على خوك و نتا كيف للضبع حال فمك….
هنا عقد يوسف حواجبو بغضب على اثر هاد الهضرة و شاف فاميمة بنظرة قاصحة كون كانو عينيه قرطاس كون راها الله يرحمها…
حسن:تجيييب الصغير فالدار تسولو يقولك اميمة عينها فمحمد اللي خوااااتو الدار فالساعة اللي ميعقل (دار شاف فيها باشمئزاز و شاف فحفيظة بنفس النظرة حتى حدرات راسها) بالحق راه الدم كيجر (رجع شاف فيه) و الثالثة مخليها مسافرة لا ري ولا شوااار غادة تابعة السيد مع مرتوووو فييين جات هادي فييين….
حس فالطونسيو طلع ليه حتى رجع كيسمع غير التصفار فوذنيه و جاتو الضبابة بين عينيه حتى اختلت وقفتووو…
غوتت سميرة بالزربة و جراو لعندو كاملين من غير شيماء و اميمة و يوسف اللي كان واقف فبلاصتو مصدوم و سينتة ديال الأحداث كدوز فرااااسو من نهار بغاها و تزوج بيها تال دابا….
بدات كتوضاح ليه الصورة و بدا كيفهم سبب نفورها منو بدا كيفهم برودها معاااه اللي كان من ديما محيرووو…. كان غارق فبحر ديال الافكااار كتخبط فراسووو ماقال حتى كلمة و مدار حتى ردة فعل من غير انه واقف فبلاصتو و كيشوف….
غوتت سميرة بالزربة و جراو لعندو كاملين من غير شيماء و اميمة و يوسف اللي كان واقف فبلاصتو مصدوم و سينتة ديال الأحداث كدوز فرااااسو من نهار بغاها و تزوج بيها تال دابا….
بدات كتوضاح ليه الصورة و بدا كيفهم سبب نفورها منو بدا كيفهم برودها معاااه اللي كان من ديما محيرووو…. كان غارق فبحر ديال الافكااار كتخبط فراسووو ماقال حتى كلمة و مدار حتى ردة فعل من غير انه واقف فبلاصتو و كيشوف….
صدمتووو كبيييرة رغم انه مباغيش يتيق لكن تصرفاتها و بزاااف ديال الحوايج كيخليوه يتيق بزز منووو…. يوسف فعلاقتهم كان هو الشخص اللي كيعطي ديييما كيعطي و قليييل فين كياخد…..
كيعطيها الحب و الحنان و العطف و الاحترام و كان كيبين ليها حتى من الجانب المعنوي….. و هي قلييييل فين كانت كتعطيه شي حاجة لدرجة انه ايلا شي نهار ابتاسمت ليه و دوات زوين كيفرح…. عمرو عقب على تصرفاتها و عمرو اصلا بانت ليه خايبة بحيت الانسان بطبعو هكا منين كيبغييي شي واحد و كيتغرم بيه مكيبقاوش يبانو لك العيوب ديالووو كيولي فنظرك ملاك معصوم من الخطأ فين غي المزايا و بس….
بقا يوسف على داك الحال فحين لاخرين مجموعين على حسن اللي ناضت سميرة عتقاتو بفرع ديال ثومة دارها فنيفو و تيسير طبخات ليه ورق الزيتون مع ثومة محكوكة حتى طلعات فيه الغلية و عطاوه ليه يشربووو حتى تهدن شوية و طلع لبيتو يرتاح….
بقات الحاجة كلثوم و حكيمة و سميرة و البنات فالباحة فحين حفيظة دخلات حتى هي مصدومة لبيتها و شيماء كتنگر فوق راسها….
شيماء:(كتمشي و تجي مفقوصة) عمروووو حتى ماقد عمر لييه الشواااارج (كتنهج بالجهد) انااااا يدييييير لياااا هكاك قداااام الخااااانزاااات (شافت فيها مخرجة عينيها) والله لا رجعت لداااك ولد مو بالله
حفيظة:(نفخات ليها راسها حتى صهلات فيها) زميييي درگوووومك زمييييه يا الزرمومية (ناضت ليعاتهاااا بقرصة) خرجتي عليييا ابنت الحراااام و نوضتي عليااااا النحل لييييوم ترجعييي لدارك ماعندك بلاصة هناااا
شيماء:(شافت فيها بصدمة) ياااااك امي قلبتيييي عليااااا وجهك ولا ياكمااا (ضحكات باستهزاء) خلعااااتك هضرة الواليد و رجعتييي باغا تعبدي سيدكم محمد
حفيظة:(شافت فيها بصرامة) ماباغاش نخرب داري بعد هاد العمر كامل نرجع مطلقة نولي شفاية للناس و يشربو بيا الكيسان هادشي اللي بغيتيييي ابنت كرشي
شيماء: ونتييي ترضاي نمشي حانية الراس عند داك الكلب بعدما خرجت بعزي
حفيظة: اش دار لك داك ولد الناس اشمن عار صرف فك تا خرجتي مستحملك و نتي عافية زرقة و مازال كتعفري ايواااا راه اليوم و دابا غتهزي ولدك و حوايجك و ترجعي…..
آ الخارجة بلاسواط آ الراجعة بلا دخيل….
فغرفة من غرف الرياض كانت اميمة جالسة فوق السرير تتشوف فالفراغ و عقلها مسافر تتفكر فلعبتها اللي كانت مكشوفة وهي عند بالها حد مجاب خبارهااا….
مابقا فيها لا شيخها يعرف ولا راجلها ولا والو…. اللي متحسرة عليه انها صبحات فخطر شوف واش يصبر عليها يوسف ولا لا و شوف واش غتبقا فهاد الدار ولا لا واش مازال غتشوف محمد ولالا…. الحاصول كلا و هموو….
بعد لحظات دخل يوسف للبيت كتافو طايحين و مازال الصدمة راكباه…. من غير الصدمة ديال هضرة باه…. صدمة ان كولشي صحيح و مكاين حتى تفسير اخر لتصرفاااتها….
زاد حقد على محمد كثر و كرهو كره مرير لدرجة توصل بيه انه يتيري فيه بدون مايرف ليه جفن…. باعتقادو انه دا ليه بلاصتو واخا عارف انه مابينو و بينها والو حيت من ديما كان كيلاحظ انه مبعد منها و عاطيها تيساع لكن مرضاش كيفاش حتى مرتو تفضلو عليه…..
من ديما كان محمد هو المفضل عند الكل… عند الجد و الجدة و الاب و الاعمام و يوسف كان كينفس داك الغضب ديالو فالقبح و الغوات و الشغب و التهراس الشيء اللي كيخليه يتلقى الاهتمام الغالط و كيغوتو عليه و يضربوووه… و دابا متقبلش فكرة ان مرتو حتى هي تفضلو عليييه….
ثيقتو بنفسو فهاد اللقطة كانت تحت الصفر…. كان كيحس برااااسو صغيييير و ملايق لوااااالو كيحس براسو اسفل السافلين…. تحز فخاطروووو و سأل نفسو مرارا و تكرارا واش انا خايب واش شي ذنب هذا كنصرف فيه… علاش كولشي هادشي كيوقع ليا غير انااا….. دخل ذابل لقاها جالسة كيف عادتها….
سمعات صوتو و تلفتات فيه…. هز فيها راسو بدورو و رمقها بنظرة عمييييقة….. نظرة كلها مشااااعر….. نظرة فيها حزن…. كره…. خيبة امل….. الم…. غضب…. نظرة دخلات مع الأعماق ديالها و خلات قلبها يضرب بعنف……
لماذا عرفنا اكثر مما يجب؟ 💔
شاف فيها لمدة طويييييلة و هو مازال واقف مهدود الحيل معندو جهد للكلام ولا والو….. طاقتو كلها استنزفها التفكير…. حتى رجعات شهوتو فهاد اللحظة انه يحط راسو على الوسادة و يغرق فنوم عميييق و لكن كان عارف انه مكاين نعاس الليلة….
يقدر اي واحد يتألم اه ولكن غتجيه هادي مبالغة…. لكن هو كااان عارف ان هادشي اللي حاس بيه والو قدام اللي جاي…. حبو ليها فات كل الحدود…. عشقها و معمرو حلات ليييه شي مرة من غيييرهاااا….
حاول ما أمكن يتجب يهضر باش متصدموش بشي جواب يزيد على ما بيه…. لكن النفس بنت الحرام…. النفس الأمارة بالسوء….. بلاما يحس دوا بصوت مخنوووق كأنه حابس البكية…..
“علاش”… 💔
لماذا أحزنتني يا فرحتي؟ 💔
يوسف: علاش
اميمة:(مقدراتش مازال تشوف فعينيه حدرات راسها و قالت) معرفتش
يوسف:(بأمل) قولي ليا غير كذوب
اميمة:(حسات براسها مبقاتش قادرة مازال تكذب او تخبي وراقها تفرشو و اكثر حاجة مكتعرفش تقنها هي دور الضحية عرفات انها خاسرة ضد محمد و متقدرش تخسر حتى ضد يوسف) سمحليا 💔
يوسف:(تغرغرو عينيه بلاما يحس و هز راسو بايجاب بطريقة هستيرية و قال بصوت مرتافع) فهااااامت امرااااتي (تحرك مخليها كتشوف فيه و احساس ديال الألم و الخسارة مجتاحين مشاعرها)….
اميمة: يوسف غير سمعني عفاك (قربت ليه)
يوسف:(انتافض للور بعنف) متقربييييش (كمل بالغوات) عيت منبرر ليك تصرفاتك و نعطيك اعذار لكن هادي اللي عمرهااا جات فبااالي… غير قوليليا فاش قصرت معاك (بغات تهضر و قاطعها) ششش صوتك كيوسخ ليا وذني (عطاها بالظهر) نخرج منلقاااكش هنا….
دخل للدوش طلق الما باااارد و تخشا تحتو بحوااايجوووو على الله يبرد النار اللي شاعلة فيه سرعان ما بداو دموعو كينزلو بغزااارة….. تقابل مع مرايا كاينة فالدوش و هز يدووو و دخل فيها بكروشي حتى تهرست المرايا و تطبع دمو على بقاياهااااا….
زاد فوق هداك الزاااج حتى تخشا ليه فرجليه و خرج عينيه حمرييين جمرات…. بينوارو الرجولي الأبيض تقاس بالدم اللي كان هابط من يدو قادوس….. و رجليه كيخليو اثار الزطمات بالدم….. من هادشي كامل هو محاسش…. ذاتو سخوووونة كتفور و الأعصاب لاعبين عليه….
صدرو مزير بداكشي اللي رد ليه….. كانت مبدلة عليها ببيجامة بيتية مستورة على غير عادتها…… جامعة شعرها الفوق مخلية ملامح وجهها الجميلة تبرز….. لكن كان وجهها ناقصاه شي حاجة….. يمكن الكحل اللي كان ديما مزين عينيها…. او اللمعة اللي كانت فيهم….. او احمر الشفاه اللي كان كيفتنووو عليها…..
گااااع هادشي مشافوش بحيت مطلعش فيها عينيه على عكسها هي اللي شافتو ملي خرج و شافت الدم…. انتفضت بسرعة على غير عادتها و تمشات عندو حتى وصلات ليه خدات يدو اللي كانو محلولة بطريقة خايبة لازمها ضروري تخيط و هبطات عينيها لرجليه لحتى هوما كان خارج منهم الدم…. 💔
اميمة: يوووسف ماااالك شوووف يدك و رجلك كيفاش كتنزف (تسنات جوابو لكن متلقات والو فقط كيشوف قدامو فالفراغ و مخليها كتقلب فيدو) يوسف جااااوبني راه خاصك تمشي تخيط (حركاتو بسرعة لكن مامن مجيب الجهد باش يجاوب مشاااا) فين البواط ديال الدواااا نعقم لك (خلاتو و ناضت كتجري للحمام جبدات علبة الإسعافات لقاتو تكا ببينوارو بكثرة الإرهاق اللي شدو مشات حتى وصلات ليدو هزاتها بغات تعقمها وهو ينترها ليها بالجهد حتى دوات بصوت قوي) واش مريض خليني نعقم لك يدك دابا تعمر ميكروبات…
عاودات هزاتهت لكن نترها مرة اخرى و دار عطاها بالظهر مخليها كتشوف فيه حتى ملات و ناضت خلاتو على راحتو…
خرجات من البيت قاصدة السطح فين تجلس مع راسها و تراجع نفسها….. كان هوا خفيف كيضرب حسسها بالإنتعاش لكن دماغهاااا عاااامر و مسافر كيفكر و يحلل…..
بزاااف منكم غتجيه اميمة متناقضة هاهيا كتبغي محمد شوية بغات يوسف…. اميمة مكتبغي لا هذا ولا هذا…. اميمة كتبغي راسها…. اميمة شخص اناني بل نرجسي….. فالاول كانت معجبة بمحمد لكن ملي شافت رفضو ليييها مرضاااتش…. خصوصا انها شخصية متكبرة و عاجبها راسها…. مرضاتش كيفاش يرفضها و خداتو رهان بينها و بين نفسها انها غطيح ليه زنافرو….
بقات كدور بيه و تحاول معاه و ماكتلقى غير الرفض من عندو…. مع المدة زادت رغبتها فيه بحيت كلما الحاجة مقدرتيش توصل ليها كلما كتزيد رغبتك فيها و كتقاتل باش تحققها…..
هكاك هي كل مرة كتزيد تقاتل باش توصل ليه حتى وهمات نفسها ان داك الرغبة حب ليه لكنها كانت غالطة هاديك كانت مجرد كذبة كذباتها و تيقاتهااا رهان حلفات حتى تحققو…. حتى جا النهار فين تزرفت فالتزويجة اللي كانت عند بالها محمد و كانت فرحتها كبيرة بانها كسبات الرهان حتى فاقت على الحقيقة المرة و حسات انها بعدما كانت متقدمة بعشر خطوات القدام رجعات بعشرين خطوة اللور…..
و هناااا بدات كتخطط و تحاول ترجع تكسب محمد غير مبالية لا براجلها ولا واااالو بقات غادة فداك المنوال لكن حاجة تبدلات او تزادت….. معاملة يوسف ليها اللي فكل مرة كان كيرفضها محمد كانت كطيح فيها ثقتها فنفسها و غرورها كان اهتمام يوسف و حبو كيزيد يرفعهم…..
ولفات اهتمامو ليها و رجعات كتفرح منين كتمرمدو و هو مازال داير ليها فالخاطر من جميع النوااااحي….. كانت كتلعب على الحبلين ضانة انها هي الجوكر وحتى حد معايق بيها لكنها كانت كتلعب على المكشوف حتى جا الوقت اللي تفضحات فيه قدام الكل و هنا خدات احسن تصرفيقة فيقاتها على الواقع…..
بديك الهضرة ديال حسن عرفات انها خسرات محمد بل خسرات الرهان لأنها تأكدات انها عمرها بغااااتو ولا حباتوووو بل رغبتها فانها طيحووو و طيح ليه زنافرو كانت حاسباها حب….. لكن اللي مكانتش حاسبة حسابو هو انها تخسر حتى يوسف و اهتمامو و عطفوو…. هنا حسات بناقوس الخطر كيضرب عندها…. حسات انها غتصفى بوحدها و غتخرج خاسرة من هاد الحرب….
ردة فعلها ملي شافت يوسف كينزف كانت فقط من تأنيب ضميرها اللي عاد فاق…. عرفات انه بسبابها ولا هكااا و بسبابها تجرح و بسبابها طفى بحال الشمعة….. اميمة كتبقى انسانة عندها مشاعر و احاسيس و ضمير…. كل انسان فداخلو كاين شر و خير…. مزيان و الخايب…..
شي مرات الإنسان اللي كيتحكم فاشمن جانب باغيه يغلب على الآخر واش الجانب المزيان ولا الخايب….. وشي مرات المجتمع او الآخر هو اللي كيتحكم فهاد القضية وهو اللي كيخرج من الواحد يا الجانب الشرير يا الجانب الطيب….. و غالبا ملي كيكون المجتمع هو المتحكم عرف ان الجانب الشرير هو اللي رابح الماتش…. لكن فحالة اميمة حتى واحد متحكم فيها او اثر عليييها….
هي اللي كانت متحكمة و هي اللي اختارت انها تنعس ضميرها او دير ليه بوز و تبين للعالم شرها…. لكن ملي فاق ضميرها اول ما دار هو اكد ليها انها خسرااات الحربين….. عاد بدا فتأنيبو ليييها…… 💔
صباح جديد 🌼
دازت ثلاث ايام على ابطالناااا فمراكش دوزوها كلها حب و غرام و دوران… استغلوها مزيان و ماخلاو فين مشاو…. زارو سيتي فاضمة دوزو فيها نهار كامل بين شلالاتها و جبااالها و جوها الرائع خصوصا ركبو فالبغال و طلعو فجبال… تغداو بطاجين طايب على الفاخر لذيذ و ختموها بأحسن براد ديال اتاي تقدر تشربو وسط الطبيعة و الماااا…. فاليوم الثاني تغداو فاوريكا اللي حتى هي كانت منطقة خلابة ميمكنش تمشي ليها و متعجبكش خصوصا الما اللي غير كيجري من تحتك…
كانو فرحانين بزاااف و كل مرة كيزيدو يتعرفو على بعضهم و يبغيو بعضهم كثر يقدر تجيكم المدة قصيرة ولكن فهاد المدة محمد مبقاش قادر يبعد على ياسمين و العكس…. ياسمين الحشومية طلقات معاه وولات كضحك و تهضر و دي و تجيب فالهضرة…. رغم انها خلال العلاقة الحميمة تتحشم و متتعرف والو لكن كان محمد مكلف و مخليها على راحتهااا….
يكفي انه كيشوف المجهود اللي كدير باش تطلق معاه فهداك فحد ذاتو حاجة كبيرة بالنسبة ليه….. مقال ليه باه والو على اللي وقع فالرياض باشما ينغصش فرحتووو….. تغداو فاوريكا و دوزو العشية فحدائق ماجورييل الجميلة و البهية…. اللي تتنعش النفس بالخضورية اللي فيها…..
منين رجعو للدار كانت ياسمين دخلات دوش من ليغيكل اللي مشات منها و فالداخل ديالها واحد التخوف رغم انها قدرات تزعم شوية لكن ماشي لدرجة انها تقيم علاقة متكاملة….. خرجات من الدوش لابسة حوايج مستورين عالله و عسى يفوتها مكانتش عارفة انها بالنسبة ليه فتنة ولو تكون ملوية فيزاار…. كان فالبالكو كيكمي…..
دخلات كتنشف فشعرها و سهات حتى حسات بيديه خداو من عندها الفوطة و بدا كينشف ليها شعرها بابتسامة….. هزات عينها فيه من المرايا و هو بدورو شافها و ابتاسم ليها بحب….. ردات ليه الإبتسامة كتسنشق ريحتو الرجولية اللي كانت مزيج بين ريحة الگارو و برفانو…. كيدوز خصلات شعرها بين يديها بحب…. كيحمقو شعرهاااا اللي جاي عليها بشكل خطييير و مناسب انوثتها الطاغية…..
محمد:(خدا خصلة منو و شمها حتى دخلات ريحتو الزكية مع عروقو و قال بصوت هامس حنين) شعرك كيحمقني اياسمين زوين بزااف
ياسمين:(ابتاسمت على هضرتو بخجل و قالت) مكرهتش نقطعو
محمد:(خرج فيها عينيه و دوا بصوت عالي) شناااااهو اختييي عاودي مسمعتش (دار حتى تقابل معاها مازال مخرج عينيه) تقطعيه رجيلاتك ازين نقطعهم لك
ياسمين:(قفزات من غوتو لكن ضحكتها ردة فعلو) ههههههههه ضحكتينيييي بزااااف هههههه
محمد:(كيشوف فيها منيم عينيه) اححح امي على ضحيكة الشكوة لك لله ابنتي (رفع حاجبو فيها بمكر و قال) مازال ماهداك الله دوقينا عسيلة ابنت ثورية
ياسمين:(حشمات و صفارت و خضارت بقات غا كتبقلل حتى قال “مممم” عاد قالت بصوت خافت من حشمتها) دابا هو انا بغيت…. احم نطلبك عافاك
محمد:مالك ابنتي تتهجاي قولي شنو عندك
ياسمين:(هزات يديها درگات وجهها عاد دوات) ورااه حشمت… المهم بغيت نطلبك نأجلوها حتى للعرس
محمد:(ضحك بصوت عالي و قال بمكر)هههههههه شنو هي احبيبة
ياسمين:(شافت فيه بمعنى من نيتك) وا داكشي امحمد ماتبقاش تحشمني
محمد:(ضحك على تصرفها الطفولي و قال) نوضي اجس معايا ابنتي نوض (نوضها من يدها و جرها حتى جلس فوق السرير و جلسها حداه) الحبيبة ديالي خاصك تفهمي واحد الحاجة…. اولا ابنتي متحتاجيش تحشمي فهاد المواضيع لأنها عااااادية قولي اللي بغيتي و سولي علاش ما بغيتي ديجا دوينا على الحشمة اولا لا…
محمد:(ضرب ليها نيفها بالشوية حتى ضحكات و كمل بصوت جاد لكن فيه نبرة من الحنية) ثاني حاجة الحبيبة ديالي هداك ماشي طلب طلبيه مني هداك قرارك و لازم نحتارمووو…. خاصك تفهمي واحد الحاجة انااا راه نهار بغيتك مابغيتش لحمك ولا شعرك ولا عينيك ولا…. بصح هادشي عجبني من اول نظرة ولكن نهار تعرفت عليك و بغيتك بغيت شخصيتك و روحك و طيبتك و حشمتك…. منكذبش علك اياسمين شهوتي فيييك كبيييرة و كلما كتحركي قدامي كتشعلي فيا نيران هوما (بدات كتزنك و هو يضحك) هاهي تاني غترجع ماطيشة بشوية علك اختي لا طرطقي (جمع الضحكة و كمل) رغبتي كبيرة فأني نمارس معاك الحب بطريقة اخرى و نزيد نبرهن لك على مشاعري لكن حتى نتي طرف فهاد العلاقة و حتى نتي عندك قرارات لازم تحترم…. انا ماشي مكبوت او جاهل او عمرني شايف العيالات باش نرغم علك العلاقة بزز بلاما نشوف نتي باش حاسة و شنو باغااا
(حط يدو على حنكها و دوزها بحنان مستمتع بملمس بشرتها الناعم كيف البيبي)..
اول حاجة تربيت عليها هي احترام المرأة ابنتي و ماشي نجي و نبزز علك شي حاجة مباغاش انا معاك بغيتي تال العرس معنديش مشكل غير هو الى كان هاد القرار خديتيه بسبب شي تخوف راه غنضرب طاسيلتك تا تصلقي مع الحيط (شافت فيه بصدمة حتى ضحك عاد ارتاحت) مال جدك تخرجي عليا فعينيك كي الببوشة (طرشها بالضحك) تخافي مني لوالديك انااا راه تجي فيا ولا فيك يا حشيشة قلبي معايا نساي شي حاجة سميتها الخوف (خدا يدها قبلها) نرجعو لرباط ان شاء الله و نمشيو لعند شي جينيكولوغ نشوفو داك المسائل واش ساهلين ولا خاصهم الحريث (بغمزة) و نشوفو شي بيلول لزين ديال انا
ياسمين:(شرعات عينيها على الآخر و حلات فمها امااا حناكها بحالا مرشوشين بالعكر الفاسي) اويلييييي اويلييي
محمد: حشمت نقولك تغرقي فيه تي مالك
ياسيمن:واش متتحشمش امحمد ويلي (دورات وجهها)
محمد: الا اختي متنحشمش على مالي واكل حق ليتامى راه رزقي هاداك (دور ليها وجهها لقاها حابسة الضحكة) ايوا دور ازين شوف فينا و ضحك لينا
ياسمين:(شافت فيه بنظرة طويلة جامعة بزاااف ديال الحب و الحنين و تلاحت معنقااااه من صدرو العريان اللي ولفات عليه بكثرة ما ديما لايح حوايجووو زيرات عليه و بلا ما تحس باستو فصدرو و قالت و الفرحة غامرة صوتها) كنموت علك امحمد والله بزااف الله يخليك لياااا ياربي و ميحرمنيش منك ❤️
محمد:(بابتسامة سعيدة زير عليها حتى هو و قال) كون تشوفي محمد قداش تيبغيك يا عينيه و حياااتو الله يخليك ليا حتى نتي ازيني 😍
عنقو بعضهم مدة لا بأس بها حتى شبعو من حظن بعدهم و ناضت عليه توجد العشااا…. طيلة هاد الأيام حمقاتو بطيابها لدرجة ولا كيفضل ياكل غير من يدها ولكن مكيبغيش يشقيها مادام مسافرين مخصهاش تقابل الكوزينة….. عجباتو بنة يديها خصوصا انها فاشما جيتيها كي بلدي كي رومي…..
حمقاتو كلها على بعضهاااا و تحسر على الأيام اللي دوز بلا بيها….. تبدلات حياتو 180 درجة و فرحان حتى ما قد بهاد التغيير….. وجدات ليه طويجين من داكشي الرفيع باللحم و الجلبانة شكر فيها تا عيا عليه و ختموها ببراد ديال اتاي فالجريدة ديال الفيرمة قولها و ضحك عليها…. قريسات من هنااا و بوسات من هناااا و تعنيقات من هناااا…..
كانت كولها عاجباه لكن كانو نقط ضعفو معدودين على الأصابع….. شعرها اللي كيهبلو بطولو و لمعاااانو كون يصيبها تبقى غير طالقاه لكن فالزنقة شرط عليها تجمعو اولا خوفا من عين بنادم و ثانيا خوفا من عين شي ولد الحرام بردو عليه عضااامو….. عويناتها الخضراوات اللي كيغرق فيييهم و فبحرهم و لمعاااانهم و ايلا بقااات حتى دارت ليهم الكحل مع شفيراتها الطالعين محمد كيعيط بالعاداو و كيرفع الراية البيضة….. ❤️
طاغية الجمال خضراء العيون… 💚
رجيلاتها الصغيورين كانو حكاية اخرى….. ملي كتزينهم بالخلخال مع گديماتها الحومر….. نقايا كيشعلووو و شنو كيبغي الولد فالبنت غير انها تكون نقية….. اهم حاجة النقاااا و النقا كيبان فأبسط الأشياء اللي تتقدر تجينا حنا تافهة و مغيردش ليها البال….. الولد تيرد البال لاصغر تفصيل فالبنت…. واول حاجة تتجدبو هي النقااا و الريحة الزوينة عاد كيجيو دوك الكماليات….
هكاك محمد كان كيحماق على نقاوة ياسمين اللي تتبان من رجيلاتها….. عاد اللي تيجيب ليها التمام و اللي تيطيح فيه النص هو صدرها و ديك الخالة اللي كاينة فالفلقة البز او شق الثدي…. بقد ماكان صدرها صغير و على قياسها كان عاجبو و مهبلو ببيوضيتووو و حجمو اللي يله كيجيه فيدو…..
ايلا لبسات شي حاجة مكشوفة من ديك البلاصة عينيه كيحوالو على ديك الشامة حتى كيحشمهااااا….. ❤️
جلستهم مخلاتش من غزلوووو و لمساتو اللي كل مرة كيمد يدو يقرصها من صدرها بجرأة ثقيلة حتى كترجع تحشم و يبداو ازيرو….. دوزو ليلة زوينة ختموها بقبلات على فراشهم حتى حس براسو غيتحنسر كيما ديما وهو يحبس حتى برد عاد نعسو فاحظان بعضهم…..
لولاك ما أدركت الحب يوما ❤️
صباح جديد على ابطالنا كان هو اخر يوم ليهم فمراكش و مكان حتى واحد فيهم ساخي لكن كان ضروري يمشيو بسبب خدمة محمد اللي كان مقابلها غير علي و عاد المحل اللي ملي سمع ان سعيد خدا كريدي باسم المحل بلا خبارو رغم انه شريك فالمحل بالنص شعلات ليه البولة الحمرة و طلع ليه الخز كيتسنا غير يمشي ليه….. فطرو فالدار و قررو انهم يدوزو النهار برة بين المنارة و جامع الفنى يتوادعو معاه و ياخدو اش بغاو…..
فالرياض كانت الحياة رجعات عادية بعدما عيط حسن لراجل شيماء بخصوص موضوعها….
حسن:(تسنا حتا جاوب عاد هضر) السلام عليكم اولدي كيداير لاباس عليك
منير:اهلا عمي لاباس الحمد لله نتا بخير الصحيحة مزيانة
حسن: الحمد لله اولدي كنعديو واحد الواليدة ولات شوية
منير:شوية اعمي هاهيا عندي نيت مقابلها
حسن: مافيها باس اولدي (سكت شوية و قال) ايوا اولدي واحد الأمانة ديالك مدوزش ليها
منير:(بنبرة مسغربة) اشمن امانة اعمي مافخباري والو
حسن: مرتك و ولدك امنير و لا نسيتيهم صافي
منير:(غير جبدها ليه تعصب و طلعات ليه الگناوية استحمل راسو بزز و دوا بصوت شبه قوي) ولدي اسي حسن على عيني و راسي نهزو بسناني و نعطيه دم جوفي لكن بنتكم ما بقات معاها عيشة
حسن:(لثاني مرة مكيحملش راسو اللي كيحطو فموقف لا يحسد عليه بسبابها و بسباب تصرفاتها) عارف اولدي عارف الله يسمح ليها منك ولكن واش تخليو داك الولد يضيع كيشوف گرانو مجموعين مع واليديهم و هو مفرق مرة معاك مرة معاهاا..
منير: معاك اعمي فكل كلمة گلتيها ولكن بنتك ما دايرا بحساب داكشي الى انا ضحيت هي راه طلعاات ليا فوق راسي بهاد المعنى والعيشة معاها حرارت (تنهد بعصبية و قال) واش ترضى اعمي مي انا اللي عندها نلوحها فدار العجزة باش هي ترتاح…. سمح ليا على هاد الهضرة اللي غنقولك ولكن شيماء جامعة گاع عيوب الدنيا و معرت اش حاسبة فراسها كتحتاقرني اناا راجلها حشومة گاااع مابغيتش نتوقح عليك ولكن صافي العشرة حرارت و عطات ريحتها..
حسن:(حشم حتى ما قد) اش غنقولك اولدي معاااك فكل كلمة قلتيها و حشمااااان منك بالحق راه انا باها و شهماتني قرارك اولدي يحترم و كون اكيد غتبقى معزتك هي هي و فينما احتاجيتي شي حاجة قلدتك بوجه الله تجي عندي..
منير: ربي يخليك اعمي راك فمقام الواليد الله يخلي ليك وليداتك و يخليك لينا جميع…..
نهاو المكالمة بعدما توادعو و حسن حشمان من تصرفات بنتو اللي طيحات بوجهو و قيمتو اللرض….. خرجات ليه من الجنب و حررات فيه عيشتووو…. ما كتهد و ما كتعياااا دبما طالعة كاطريام و معرفها لمن خرجات…..
ديما محتاقرة الناس رغم أنها اصغر منهم ببزااااف….. اللي وصلات بيها تحتاقر الطبيبة و المهندسة…. عند بالها هي حسن من كولشي ماجايبة للدنيا خبار بيلا تكبرها و جهدها ماعندو فين يوصلهاااا بالعكس غير ما كيزيد ينفر الناس منهاااا…… هبط لصالون فين كانت جالسة مو باس ليها راسها و ريح حداها مهموم…..
كلثوم: مالك اولدي اش عندك كتافك طايحين و بالك مشغول
حسن:هدااااتني الواليدة و عياتني معرفتها منين جابت هاد الجهد
كلثوم:(عرفاتو داوي على شيماء) غير من قلة عقلها اولدي دابا ديرو متعصبش راسك
حسن: تالين اميمتي تالين واش المرة عندها 27 و والدة و مازال مابغات دير عقل ما غاديرو هي تانطيرو انااا
كلثوم:الصبر اولدي الصبر مفتاح الفرج
حسن: هاني صابر اميمتي و موكل امري لله (دار جيهة الباب كيعيط ليها) شيمااااااء…. اجي نهضر معاك…
شيماء:(داخلة كتبومبا بقميص خفيف و طالقة الشعر الروايح كتعطعط منها تقول ملكة زمانها جلسات حداه وقالت) نعام ابابا بغيتينييي
حسن:(مهزش فيها راسو گاع و مشافش فيها دوا بصوت ناشف) دويت ليوم مع منير
شيماء:(حطات رجل على رجل و رفعات حاجبها بتكبر و قالت) علاش ياك لاباس ياكما عيط كيطلب باش نرجع ليه
حسن:(ضحك باستهزاء و عصبية) ههههه اه بصح طلبني و رغبني ولكن ماشي باش نرجعك ليه لا باش يتفك منك و من خليقتك
شيماء:(بصدمة خرجات عينيها) كيفاااااش…. دابا داك الموسخ ولا باغي يتفك مني انا
كلثوم: ايوا يا بنتي الله يعطيني وجهك السيد قرا تا حفى و تقولي موسخ
حسن: خليها راه عند بالها كولشي تحت منها هي ما شادة تا الباك كيلالياتها وتعاير فالسيد مهندس دولة تواضع و قبل بيها و رجعات تتقول موسخ..
شيماء:(بعصبية مرضاااااتش و كون لقاتو قدامها تخنقو) بزاف عليه لالاه اناااا ولد مو بحالا انا غير ميتة عليه
حسن:غير سكتي دابا السيد كرهتيه فعيشتو حتى ولا طالب غا السلاك وا شوفي دابا شكون يساومك
شيماء:(طلعات ليها الدم هضرتو حتى غوتات فوجهو) الواااااليد باراكا من هاد الهضرة ديال الزفت راه انا اللي بنتك
حسن:(وقف فوجهها) ايه راه نتي اللي والداني على هاد الغوت امسخوطة الواليدين الله يفكني منك (زاد و خلاها تتسوط و معاجبها حال و كلثوم غير مقابلاها و تتقول منين جابت هاد الجهد كامل)
خلال هاد الأيام كانت حفيظة اخرى…. حفيظة غير على اللي كانت…. ماعرفوها تبدلات بصح و دخلات معاها هضرة حسن و دخلات سوق راسها….. ولا غير كتمهد ليهم لشي خطة جديدة…..
من داك النهار و حسن هاجر فراشها و مخليها كل ليلة تتقلب و تشقلب بحر الفقصة و الغيرة…. تبدلات معاملتها مع الكل…. قلالو تدخلاتها فالكبيرة و الصغيرة…. و مبقاتش تتجبد سميرة اللي اصلا متتجبدهاش من اساسو….. ولات غير مهدنة و تتحاول ترجع بلاصتها عند حسن اللي نفر منها و طلعات ليه فراسو بهاد المعنى….
لكن ميمكنش بعد هاد العشرة و الولاد يطلقها لذلك بقات على ذمتو…. معاطيهاش قيمة و متيشرك معاها حتيت ولا هضرة…..
نفس الشيء بالنسبة ليوسف اللي كانت الصدمة كبيرة عليه و مازال لحد الآن متقبلهاااش….. خوا الدار لغد ليه ديال الواقعة و مشا لأوطيل و من داك النهار ما رجع….. بقا مع راسو كيحاول يصفي مخووو و يرجع تفكيرووو….
خلا اميمة كتحرم فالرياض وحدها و تحسر على راسها و شبابها….. وقع ليها المثل ديال (لا تاعي بقى لا وجهي تنقى) هي ديالها…. ماهيا بمحمد ماهيا براجلها….. اللي متنكرش انها ندمااااات عليه خصوصا انها داقت فراقو و عدم اهتمامو هو اللي كان مولفها الدلال و الدلع رجع ممسوقش ليها و اعظم دليل هو انه خلا ليها الدار و خرج….
يتبع
التعليقات 0