الإنسان بطبيعتو مكيعرف قيمة الحاجة حتى كيفقدها….. و هكاك اميمة ما عرفات بقيمة يوسف حتى حسات بالخطر من جيهتو و انه فاي لحظة يقدر يطير…..
خصوصا انه ولد الوقت و زين و قلدة…. و فوق هادشي البنات عطاهم الله الزين و الآداب و الصواب….. علاش غيصبر ليها هي اللي معمرها صرفات فيه الخير…. حارت و معرفات مادير…. سولات سعيد على مكانو لكن براسو مكانش عارف….
داكشي باش صبرات حتى يجي و تشوف اش دير….. حتى حسن مكانش حسن منهااا…. ندم اللي قصح معاه فالهضرة و لاحها ليه بديك الطريقة اللي اي راجل كيما كان مغيتقبلهاش…. عاد قدام كولشي و قدام خوه ميرضااااش واخا معرت شنو يكون….. لكنو فساعة الغضب معرف لا شنو كيقول ولا شنو كيدير….
كان خارج على السيطرة و معارفش اشنو داير بيه…. حتى رجع لوعيو و ندم حتى ندم الزغب فراسو…. طلب السماحة من ولدو و نصحووو باش ياخد وقتو و يفكر و اللي دارها غيكون معاه فيهااا…. و حتى سميرة ما بخلاتش عليه بل واساتو و صبراتو و نصحاتو انه يبعد حتى يصفي مخووو…..
الشيء اللي نفع يوسف لا فالتفكير فالمشكلة و لا حتى نفسيتو اللي تحسنات ولو بنسبة قليلة ولكن المهم انه حس براسو واقف معاه شي واحد و كاين اللي ينصحو و يرجع ليه منين ديق بيه….. هكا داااازو هاد الأيام على الأبطال ديالنا….. ❤️
الربعة ديال الصباح…. الفجر كيأذن…. و برد خفيف مع نسيم عليل كيدخل من الشرجم….. فايقين عصافير الحب ديالنا معمشين بالنعاس….. كيستعدو باش يرجعو للرباط فالحال بارد….
فاق محمد هو اللول خلا ياسمين ناعسة دوش و وجد قهيوة شربها ووحدة لياسمين عاد طلع لبس و فيقها باش يله يخرجو فالبرد….. ناضت كتموت بالنعاس باغا غا تحط راسها و تنعس ما طالبة والو…..
مدواتش معاه نايضة خاسرة خلاها حتى هو على خاطرها و بدا كيجمع الحوايج اللي كاينين حتى خرجات واخا غسلات وجهها عينيها محلولين بزز…. قرب عندها و جرها حتى لصقات مع صدرو مطلعة فيه عويناتها معمشين….
محمد:(باسها فحنكها بشوية و هضر بصوت شبه هامس) فيك النعاس احبيبي
ياسمين:(بالنعاس اللي فيها حطات راسها على صدرو و غمضات عينيها) اممم بزااف
محمد: تشربي قهيوة باش توگضي ولا تخلي تا تكملي نعاسك فالطوموبيل
ياسمين:(هزات راسها فيه عينيها مغمضين و عاقدة حواجبها كانو ملامحها كيضحكو) لا نشرب قهوة باش نونسك
محمد:(ضحك على ملامح وجهها و قال) احح على حبيبي تيفكر ليا (تحنى عليها لجم شنايفها ببوسة حنينة حتى خدا جرعتو الصباحية من رحيقها عاد بعد عليها بعينيه منيمين فيها بحب) سيري احبيبة تلبسي…
فعلا مشات ياسمين تبدل خدات جينز مزير مع شوميز حمرة واسعة…. دخلات للحمام تبدل يله لبسات السروال لقات راسها ما هزاتش الشوميز خرجات للبيت لقاتو جالس فوق الفوطوي مع شافها تحلو عينيه و طلق واحد التصفيرة طوييييلة حتى دارت شافت فيه باستغراب….
محمد:(عينيه على مؤخرتها اللي عصرها الجينز و بينها مكورة و منفوخة وراها) الله ياختي و راك هازا ما هاز قلبي
ياسمين:(تحلو عينيها بلهلا يحزقو ليها بالصدمة و الحشمة مالقات ماتقال ولات غي كتولول) ويلي امحمد متتحشمش
محمد:(مازال عينيه عليها تيطلع و يهبط حتى سمحات فيه و دخلات للدوش غوت بالجهد باش تسمعو) واااا راك مليييحة ابنت ثورية اغا تاعت الشوااا احح و كااان
مجاوبااااتوش حيت اصلا كانت مفرشخة بالضحك على هضرتووو مخلياه داوي بوحدو…. لبسات حوايجها و ضفرات شعرها….. جمعات البرودويات اللي كانو فالدوش و خرجات جمعاا باقي الحوايج حتى يطلع ليهم محمد….. جرات فرجليها صنيديلة خفيفة و هبطات لقاتو تيدوي مع السي العربي كيوصيه…..شربات قهوتها حتى تم داخل قاصدها….
محمد:(قرب عندها من الجيهة لوخرى ديال البوطاجي) يله اماما نوصلك المدرسة….
ياسمين:(ضحكات على هضرتو حيت فعلا كانت كتبان بحال شي بنيتة صغيرة و قالت بمزح) محفضتش جدول الضرب غضربني لاميطخيس هههه
محمد: هههههه يله ابنتي لبيت النعاس نحفضو لك الله ياودي…
دار عندها حتى وصل حداها و جرها عندو نازل عليها بقبلة اللي كانت هاد المرة فرنسية بامتياز خصوصا انها لأول مرة غتجاوب معاه حتى هي واخااا معرفتها و خبرتها غير على قد الحال لكنها نوضات فيه الساكن و فرح حتى ما قد بحيت بدات كتطلق معاه…
مد يدو لمؤخرتها و عجنها منها مقربها منو حتى قفزات…. لكن سرعان ما رجعات نغامست معاه…. تبادلو القبل لمدة تقريبا ربع ساعة حتى عاقت ياسمين براسها و بعدات عليه بحنيكاتها مزنكين عاوتاني…. بقوة الحشمة خشات راسها فصدرو مخلياه كينهج و ضاحك حتى بانت ليه ضرسة العقل…. ❤️
محمد: حلوة ابنت الناس العسل بشهدو
ياسمين:(بخجل دوات) محمد كتحشمني
محمد:(عنقها و زير عليها) نتي راه العمر ديال محمد…. والله ما ساخي بيك اياسمين
معرفتش كيفاش غندوز هاد ليام بلا فلوستي
ياسمين:(هزات راسها من حظنو و تقابلت معاه و قالت) حتى انا امحمد ولكن…
محمد:(بأسف) عارف احبيبة عارف ماديريش فبالك..
سالاو جلستهم الحميمية و خرج محمد الباليزات فحين ياسمين بقات كتأكد من الضواو و البوطات و كولشي رغم ان السوارت عند السي العربي و تيتكلف بالدار لكن الحذر واجب….. خرجو من الفيرمة غادين فطريق خضرة ترتاح ليها النفس و الصباح عاد كيطلع مازال كاين واحد البرد زوين…..
غاديين داويين بيناتهم موانسين فالطريق حتى وصلات السبعة وبدات الشمش كطنطن و الصهودات….. عرقات ياسمين بشعرها و هزاتو الفوق…. ندمات اللي تحزمات فالدجين و قالت كون غي خرگت شي جلابة…..
تا محمد ما عطلهاش وقفو فواحد الباحة نيت باش يفطرو…..حليها الفاليز حتى هزات جليليبة مخزانية خفيفة و توبها بارد…. لبساتها فالطواليط و خرجات مبردة كليماتيزي منها للكالسون و السوتيان…. وصلات عندو خير ربي كيطلع و ينزل مخلياه كيحوال فثنايا جسمها….
فطرو فجو زوين و ناضو مساخينش لا ببعضياتهم ولا بمراكش ولا بالفيرمة…. دوزو وقيتة زوينة زادو تعرفو فيها على بعضهم…. و دوزو اوقات حميمية زادت وطدات علاقتهم ببعض حتى رجعووو كيف الحميمات واحد مساخي بالآخر….. بشخصية محمد الهادئة واللي ساهل تعيش معاهااااا….
شخص هادئ رومانسي تياخد و يعطي كيتحاور و الأكثر دمو خفيف و مكايخدش الأمور منين ثقالت…. عاطيها الحب و الإهتمام اللي خلاها طيح فيه و تبغيه فمدة قصيرة….. و كيما سبق و ذكرت الإهتمام هو جزء لا يتجزأ من الحب و واخد حيز كبير منوووو….. بحيت الحب بوحدو مكافيش…..
فكيفاش مغاتبغيش محمد اللي موفر ليها الحب و الاهتمام و الحنان و الأكثر من هادشي كامل….. شخص واعي و متفهم كبر فعينيها بزاااف ملي برهن ليها انه ماشي من ولاد جيلو و ماشي بحال الرجالة عموما….. حيت كان فاستطاعتو ياخد حاجتو بلاما يديها فيها هي او يعطيها وقت….
لكن محمد كان غير تفهمها و فهمها و شرح ليها….. و احتارم رغبتهاااا….. عمر الوعي او التفهم كيتقاس بالقرايا او العمر او الجنس….. كتلقا واحد عندو دوكتورا و جاهل….. و كتلقاااا واحد مفايتش الجامع او المسيد و واعي…. كتلقااا واحد صغير فعمرو لكن فعقلو شارف و منتاهيا صلاحيتو….. و كتلقاااا واحد كبييير لكن عقلو صغيييير و عندو عقل لكل عمررر…. الحاصول الناس حجر و طوب…… 🤎
وصلو لرباط مع جوايه العشرة عيانين بقلة النعاس…. مشاو نيشان لدارو يرتاحو عاد يمشيو يتغداو فالرياض فين كانو موجدين ليهم الغدا و عارضين عليهم و حتى هوما جاتهم من الجنة و الناس…. وصلو لفين كاينة الدار دخل مع الاقامة و ياسمين كدور عينيها من الزاج عجباتها الاقامة نقية و باينة فيها دوليكس…. باركا الطوموبيل و دار عندها لقاها عينيها راگدين و حمرين بالنعاس….
محمد: فيك النعاس احبيبي
ياسمين: بزاااف غنطيح
محمد: احنا نطلعو دابا نرتاحو و بلاتي مانمشيو تال ديك الجوج
ياسمين: عنداك نتعطلووو
محمد:(حط يدو على خدها) و هاحنا تعطلناااا گاااع المهم معطل مع الزين (خدا يدها باسهااا) يله احبيبة تشوفي دارك
نزلوو من الطوموبيل و هز محمد لي فاليز…. دخلت للدار برجلها ليمنى كتسمي الله باش ربي يبارك الله فالدخلة….. اول حاجة لفتات انتباهها الضو اللي داخليها و التشميشة…. كانت مشمشة و مضوية فروجية عاد الالوان اللي كان معتامد فتدرجات الأبيض كانو كيبينوها واسعة و منورة….
دخلات بيت ب بيت كتمنضر فالفراش اللي حمقها و شكراتو ملي عرفاتو هو اللي مفرشها بذوقو….. دخلات للكوزينة لقاتها مجهزة من مجاميعو بكويزين عصرية مجهزة بكولشي شهاتها طيب فيها شهيوات عاد الماعن و داكشي كولشي كاين… عاد دخلات لبيت النعاس اللي كان واسع و مضوي مزيان عجبها بزاف لا فراشو ولا تصميمو….
لقات محمد دخل يدوش بدلت عليها بكسيوة بيتية و ظلمات البيت عاد تلاحت عيانة تقول كانت جاية على رجليهااا….. خرج بحال عادتو مسفح مدور على نصو الفوطة فقط و الما كيقطر مع صدرو و من شعرو اللي كان طايح على عينيه بطريقة كيوت…..
جاذبية لا تقاوم خلات ياسمين غير حالة فمها فيه و ساهية فيه…..الحشمة تبخرات هاد الساعة جالسة و كتنقل عينيها من صدرو لعنقو لشعرو لوجهو ماعرفات ماتشد…… مسمعاتش صوتو اللي كيعيط عليها حتى قفزات على اثر وسادة صغيرة ديال الفوطوي رماها عليها
محمد:(هاز فوطة صغيرة كينشف بيها شعرو) فين سهيتي الزين المسرار عجبتك ولا (بغمزة)
ياسمين:(مفعفعة و مازال مفاقتش مزيان قالت بعدم فهم) هاااا
محمد:(لاح الفوطة لجنب حط يديه على جنابو) هو هي اتي مالك مضروبة بفردي ديال الما فين سهيتي
ياسمين:(ضحكاتها هضرتو) هههههه ضحكتيني غير العيا عيت
محمد:مممم عيتييي ايوا ضحكي اختي ضحكي ايلا ما ضحكتي بغيت نضحك انا اللي هجرتو(شافها بدات كضحك تاني بهستيرية و ديك الضحكة عندها منغمة و محلونة تادخل مع وذنيه بحال شي موسيقى طول فيها الشوفة مدة عاد قال) نعسي الله يرحم باك طيحي تخمدي شويتينا (زاد و خلاها موراه كضحك خرج للكوزينة و وقف مبتاسم معري على سنانو البويض و مزينو بضحكة قال بصوت خافت بينو و بين نفسو) بنت الحرام على ضحكة عندهااا اححح وكان حلوة…
دخل لقاها تكمكرات مغمضة عينيها خلاها تنعس و لبس كالسون خرج كماااا قاد المجاج عاااد تخشا حداها عنقها و نعسو…..
فالرياض كانت الريحة ديال طياب عاطية و ريحة النقا…. الباحة كتشعل مسيقة و النافورة الما كيجري فيها الهرج و كل واحد و اش كيدير منشطين الجو بيناتهم قولها و ضحك عليها من غير شيماء اللي سادة عليها فبيتها بعدما دارت فيها مها اللي لحد الآن كولشي مصدوم فتغييرها و بقد ما عجباتهم شخصيتها الجديدة بقد ما خلعاتهم و خلاتهم كيتسناو اي حاجة…..
قررات انها هي اللي غطيب الكسكسو بالتفاية خصوصا انها كتصرعو…. و اميمة كانت مشات لدارهم بعد مشاحنة كبيرة وقعات فعاديك الليلة بينها و بين يوسف….
🔙🔙🔙🔙
جا يوسف لرياض بعدما دوا معاه باه و جداه و طلبو منو يرجع و فعلا ملي لاحظ تغير معاملتهم ليه استاجب ليهم و رجع و نيت كان حتى هو فكر و خوا عقلو و خدا قرارو…. دخل عليهم مع الوقيتة ديال العشا فين كانو جالسين كاملين فالصالون كيما ديما…. دخل سلم على الكل بقمو الا باه و مو و جداه باس ريوسهم….
معطاش لأميمة وجه گااااع و مشافش لجيهتها خلاها كتقلى فسمها هي اللي ملي دخل و هي متبعة ليه عينها و كتقول هاهو غيتلفت جيهتي هاهو غيهدر لكن عطاها اكبر مشي و مداهاش فيها….. دوزو العشا عادي و ناض كل واحد تكفح لبيتو منهم يوسف اللي دخل لقاها مقابلة مع المرايا بشوميز دونوي بوردو جاية على لونها الخمري كتحمق و شعرها الأسود منسدل على ظهرها بحال الليل…..
كانت فاتنة و زوينة لكن نظرة يوسف ليها كانت خالية من اي مشاعر كان كيشوف فيها بنظرة فارغة بحالا كيشوف فشجرة واخا فداخلو قلبو كينبض بعنف لكن جرحو قوا من اي حاجة اخرى…. تمشا حتى جبد حوايجو بلا حتى كلمة و دخل لدوش مخليها موراه كتسرط فالقمعة…..
دوش و خرج لابس بيجامة رجولية لقاها جالسة فالسرير بحالا كتسناه…. مع حط رجليه فالبيت دوات هي بصوت هادئ على غير عادتها..
اميمة:يوسف مالك
يوسف:(مدواش بل اكتفى انه يشوف بيها بديك النظرة ديال منيتك)
اميمة:(فهمات نظرتو و بالزربة حدرات عينيها و دوات بنفس النبرة) مبغيتيش تهضر معايا؟
يوسف:(بعد سكوت طويل هضرة بنبرة جافة) شنو مازال غنشرك معاك
اميمة:(صدمها جوابو و ماعرفات ماتقول) كيفاش…. زعما راه حنا مزوجين و عندنا ولد
يوسف:(شاف فيها بتفاجئ مصطنع و قال بصوت قاصح) هاد سبحان الله عاد تفكرتي راك مزوجة و انا راجلك و عندك ولد تصدقي كنت ناسي
اميمة:(غوبشات و ماعجباتهاش هضرتو) كطنز عليا
يوسف:(غوت حتى قفزها) اش بينيييي و بييينك تا نطنز علك
اميمة:(خلعاتها نبرتو حتى قفزات و قالت بصوت مرتجف) كيفاش شنو بيني و بينك عندك الحق غلطت ولكن حتى نتا سمح ليا
يوسف:(كيشوف فيها مصدوم ولكن هاد المرة بصح مصدوم من تقزديرتها و هضرتها كتهضر كأنها حرقات العشا او طيحات فاز ماشي وحدة دايرا غلط لا يغتفر) واش منيتك….. بزاف على تقصيحة ديال الوجه واش نتي دايراها يزلق فيها جمل و مازال كادوي (دوز يدو على وجهو بعنف و قال بصوت قاصح) عرفتي شنو نيت مابقاش يتأجل هادشي جمعي حوايجك يله..
اميمة:علاش غنجمعهم
يوسف: باش تمشي لداركم و براتك غتوصلك
اميمة:(بصدمة) كيفاااااش
يوسف:كيما سمعتي مابقات معاك عيشة اللهوما نتفارقو خوت كيما تلاقينا
اميمة:(حسات بشرارة مشات فجسدها وقفات و قربات ليه تتشوف فعينيه قالت بنبرة هامسة) ميمكنش واش صافي سخيتي بيا متأكد من هضرتك
يوسف:(مشافش فيها گاع دوا بصوت قاصح) مليون فالمية غدا سيريي قبل ما يجي محمد و مرتو و المحكمة بيناتنااا (مشا لبلاصتو خلاها واقفة تتشوف فالفراغ لمدة حتى عيات و مشات لبلاصتها)….
ديك الليلة دازت عليهم طويييلة منعس لا هو لا هي…. هو كيفكر فشنو العيب ولا الشر اللي صرف فيها…. وهي تتلوم راسها و قلة عقلها اللي خربات بيتها…. 💔
فاقت فالصباح ملقاتوش لكن كان مخلي ليها مسج مأكد فيه انها تمشي….. ضرها قلبها من هضرتو اللي عاودها بزاااف كأنه كيجري عليها….. تنهدات وخلات كولشي للوقت…. جمعات حوايجها و حوايج ولدها و هبطات لقاتهم كيفطرو….. استفسرو على البالز لكن حتى حد ماقد يحبسها خصوصا ان فعلتها ابدا لا تغتفر و ميقدرو يديرو والو ايلا راجلها مابغاهاش…..
🔙🔙🔙🔙🔙🔙
فاق محمد من النعاس لقا ياسمين مخشية فيه و معنقاه بحالا غيهرب…. تبسم بحنان و هبط بنيفو شم ريحة شعرها اللي كتحمقووو عاد باسها فوقو….. هز التيلي لقاها الوحدة و نص و كان هداك هو الوقت يله يوجدو….. دار كيفيق فيها بشوية باشما يضهشرهاش…
محمد: ياسمين…. حبييييبة فيقي اكبيدة فيقي نمشيو (حلات عينيها فيه مكمشين و شفارها مخبلين و صدرات انين خفيف حتى ضحكاتو) القطيطة ديالي وا فيقي راه ملخني الجوع (مد يدو هرها حتى قفزات بغوتة) ها الكلام…
ياسمين:(كتعوج من هنا و لهيه و كتغوت و ضحك بحر الهران) ههههههه ااااا واهههههه زگااا هههههه اناههنههه فااااااقت تهههتسههههههه (طلقها كتنهج و شعرها كلو مخبل وهو تيشوف فيها ضاحك ماحسات تا تلاح عليها هي التحت و هو فوق منها كيشوف نيشان فعينيها)
محمد:(بصوت هامس) اشنو درتي فيا اياسمين
ياسمين:(بنفس نبرة صوتو و عينيها حتى هي معلقين فعينيه) معرفتش
محمد:(كيزيد يقرب بوجهو كثر) وشكون غيعرف (زاد قرب حتى ما بقا فاصل بيناتهم والو) صبري تقادا ابنتي (تلاح على فمها بقبلة نارية كيجر فشنايفها بجوع و نهم و كينتاقل من الفوقية للسفلية حتى حبس ملي حس بياسمين كتبادلو القبلة على قد معرفتها… زاد كمل فتقبيلو ليها)…..
يديها فعنقو كيلعبو فشعرو من اللور و يديه كيعجنو فخصرها و مؤخرتها….. غرقانين فبحر الشهوة و كيذوقو شهد بعضهم….. يديها كيتغلغلو فشعرو و تيحكوه و يديه كتلمسو فخصرهاااا برطوبيتووو….. فصل قبلتهم و هو نازل بتقبيلو من فمها لذقنها لعنقها اللي كان موطن بالنسبة ليه يحتلووو و يرجعو كيان غير ليه….. قفزات و عوجات عنقها الشي اللي عجبو و خلاه يحول قبلاتو لمصيصات كيجمع فيهم اللحم حتى كيتجمع فيه الدم و يرجع حمر و يطلقو و مرة مرة يحتي عليها بعضة حتى كتأوه بصوت عالي…..
منغانسين فالحلاوة و لولا صوت التيلي اللي قاطعهم كانو الله عالم فين غيوصلو….. ناض عليها محمد ساخط مخليها موراه كيتحيد فشعرها و ضحك…. حنيكاتها حمرين بحال كل مرة كيقبلها او يقرب ليها…. رغم انه دوا معاها على الحشمة و دوات دعاء و بدات كتولفو لكن الطبع غلب التطبع و اللي فيه شي حاجة راه فيه وهي حشمتها فطرية ماشي كتصنعها باش تجي بين ليلة و نهار تقزدر…..
كان حسن كيسول فين وصلوو…. قطع عليه بعدما علمو انهم مسافة الطريق و يكونو عندو….. رجع عندها لقاها ناضت و كتقاد فالسرير مشا حتى لوراها و عنقها من خصرها حاط وجهو على كتفها….
محمد: مكنشبعش منك اغزالي شهدة بعسلها (باسها فعنقها حتى لمح شب حاجة فيه بعد وجهو لقااا علامة حمرة بزاااف مايلة لزروقية كبيرة شوية كانت علامة المصيصة اللي دار ليها ضحك بجهد حتى دارت شافت فيه باستغراب) طبعتك اختي ماباقاش تلفي ليا وسط الغنم
ياسمين:(علامات الإستغراب بانو على وجهها) كيفاااش مفهمتش
محمد: هههههههه سيري لمرايا شوووفي و وجدي راسك نمشيو (دخل للدوش مخليها موراه مستغربة)
مشات للمرايا ديال الطابل دونوي كتقلب حتى ثار انباهها عنقها شافت داك الأثر حتى قفزات و غوتات بجهد
ياسمين: محاااااامد (سمعات ضحكتو من الداخل) حرااااام علك اش غندير ليها داباااا
محمد:(خرج راسو كيضحك) ههههه طلسي ليها داك الجير اللي كديرو لكمامركم 😂😂 (دخل و خلاها كتسوط)
شافت تا عيات و ضحكات على تصرفو….. دهنات لحمها بكريماتها ديال ديما و لبسات جلابة مخزانية فالابيض فيها طريزات بالذهبي فالكمام و الجناب جاتها زوينة و بيناتها راقية…. لبسات معاها صندالة ديال الدان بيج مع ساكهااا….
طلقات شعرها و جمعات الزغيبات القداميين بمقيبطات الشي اللي خلا وجهها المنور يبان….. خرج محمد لقاها يله باغا تبدا فوجهها قال بصوت مازح…
محمد: راك بومبا ابنت ثورية غا هو الزواق بلاش
ياسمين: واخا ندير شوية الكحل
محمد: الخضورية و الكحل بغيتي تجيبي ليا التمام وكاااان(شاف حتى عيا و مابغاش يحرمها و اساسا هي مكتكثرش داكشي عندها خفيف) ديري احبيبة ولكن متقويش…
ابتاسمات ليه كاجابة و دارت ايكرون مع فاراجو كريمي و كحل اسود برز لون عيونها كثر و خلاهم كيلمعو مع الماسكرا اللي طلعات ليها رموشها و عكر مشمشي و هكا كانت دارت ماكياج خفيف لكن رجعها فاتنة خصوصا الكحل اللي طيح عليها السر….
شاف فيها و حمقاتو بالكحل مكرهش كولشي يتعما و يشوفها غا هو لكن خلاها فرحانة و تغزل بيها حتى ما قدات…. رجعات ثيقتها فنفسها مية فالمية و عجبها الحال بزاااف…. دارت سنيسلة كتجي لاصقة فالعنقة فيها بزاف العلاقات على شكل فراشة مع حوالقها اللي كيجيو لاصقين فالوذن و براصلياتها اللي عطاها فاول دخلة لدارهم مع خاتم زواجهااا…..
دارت لقاتو لبس سروال ثوب بلومارين مع تيشرت بولو فالازرق سماوي و سبرديلة بيضة….. ساعتو الفخمة كالعادة مع كورميطتو و الروايح كيتشمو منين يا منين…. كانو بزوج بيهم زوينين مشكلين كوبل رائع كانو جايين مع بعضياتهم بزاااف….. هز محمد ساك ديال الجلد متوسط فيه الكادويات اللي خدات ياسمين لدارهم و خرجو ضاحكين…..
فطريقهم دازو لمخبزة خداو كرواسا و الحلوة و الموناضا و دازو للخضار خداو الديسير تحت إصرار ياسمين بحيت مجاتش يدخلو بيديهم خاويين…… وصلو للرياض فين دق محمد و حلان تيسير….. سلمو عليها بحرارة و دخلو ياسمين حشمانة و حناكها مزنكين…..
خرجو للباحة فين كانت سميرة واقفة ببلاطو ديال الحليب بالزهر و حكيمة بطبسيل ديال التمر معمر باللوز و الكركاع و كلثوم كترش عليهم الزهر…..
حكيمة:(غير دخلو طلقاتها بتزغريتة حامية) لولولولولولوولولولوي مرحباااااا بالغالي و الغالية نورتوناااا (عطاتهم التمر و سلمات عليهم بحرارة)
سميرة:(عطاتهم بدورها الحليب و عطات البلاطو لأحلام و حلسات تعنق و تبوس فيهم بجوج) مرحبااااا بوليداتي توحشتكم
محمد:(عنقها و باس راسها) حتى اناا اميمتي توحشتك
دازو سلمو على كلثوم و كملو بالبقية بحرارة حتى وصلو لعند حفيظة اللي سلم عليها محمد سلام ناقص لكن مقالت والو و سلمات على ياسمين عادي سولات فيها و كولشي…… دخلو للصالة جلسو كيسولو فأحوال بعضهم….
حسن: مرحبا ببنتي ياسمين عندنا نورتي دارك
ياسمين:(بخجل تحنات على يدو باستها) ربي يخليك اعمي و يطول فعمرك
جلسو و الصواني ديال اتاي محطوطين…. عطاو لحسن يعمر فوق الطبلة بما انه كبير العائلة مع الربايع و داوه تشحر عاد جابوه و جلسو كاملين من غير اميمة اللي مازال فدارهم و شيماء اللي حلف عليها باها و يوسف و سعيد اللي كانو فالمحل….. جات حفيظة جلسات ساكتة الشي اللي ثار استغراب محمد لكن محكرش….
سميرة:(جالسة حدا ياسمين و تضحك مقاداها فرحة) فوجتي ابنتي شوية
ياسمين: بزاف اخالتي الجو زوين
كلثوم: ساراك داك بوراس ولا والو
محمد:وااالو حبستها فالدار و بقيت كنخرج بوحدي مع كيشتي انا مكنحشمش و معندي قلب
ياسمين:(كضحك على هضرتو) لا عنداك خرجني و تسارينا
كملو هضرتهم حتى تحط الغدا و جات شيماء كتعوج فواحد القميص مناقصها خير واخا فقصة الراجل مابغاتش تنسى ليها وولات تتقول كون غا قبل نخرجها منو ولا يلوحني هكا لكن قدام الناس مكتبينش دخلت لقاتهم مقادين فالطبالي محطوط الخبز و الكيسان و الموناضا و الغدا مازال….. مشات نيشان جلسات خلات الكل غير كيشوف…
شيماء:(هازا حاجب و تتشوف معفرة) لا سلام على طعام ولا لا؟
مرد عليها حد واخا حتى واحد ماعجبو تصرفها لكن طمرو بحيت عارفينها جلاخة و مافيهم اللي يبدا معاها هضرتها قاصحة و مكتحتارم حد اللهوما يفوتوهاااا….
تغداو بالدجاج محمر و كسكسو بالتفاية اللي طاحو فيه عميين بحيت حفيظة كتصرعووو…. تهز الغدا و تحط ثاني اتاي…. خرج محمد مع باه و عمامو للباحة يهضرو فحين بقات ياسمين مع النسا اللي طلقات معاهم شوية فالهضرة كضحك مع سميرة و حكيمة و البنات و حفيظة غير ساكتة و داخلة سوق راسها…..
حتى نقزات شيماء اللي ملي دخلات و هي كطلع و تهبط فيها و تمص فالحامض….
شيماء:(بصوت شبعان سم) غلاضيتي ياختي وافقك جو مراكش
سميرة:(بغات تعتق الموقف نقزات بالزربة) مرتي ولدي زينة بلا مراكش بلارة
ياسمين:(ابتاسمت لسميرة بحب و باست راسها و دارت عند شيماء معولة تعطيها خو جوابها) الراحة معامن كتبغي هي اللي كتغلض و تنور
شيماء:(صدماتها مكانتش متصورة انها غتجاوبها حتى عطاتها القاصح دوات باستهزاء) الحب غا اشاعة احبيبة هاد الساعة الحب هو الفلوس ياك ولا لا
حفيظة:(بصوت صارم) شيمااااء نوضي لبيتك من الهضرة
ياسمين:(هزات فيها حاجب بتخنزيرة و قررات انها متسكتش ليها) غير خليها اخالتي راها عارفة فهادشي حسن مني
شيماء:(وقفات بالجهد ملي سمعات جوابها اللي استفزها غوتات) نتي شنو كتقصدي
حكيمة:(بصرامة صاحت فوجهها) واش نتي حماقيتي ولا ضاربك طران واش مبغيتيش تهدي و تبدلي مازال زايدة فيه
مع هاد الهضرة دخل حسن و محمد و الاعمام اللي وصلاتهم الهضرة مخنزرين…. مشا حسن جر شيماء من يدها حتى مشات و جات و غوت فوجهها…
حسن:مالك يا هاد الموصيبة عاوتاني واش وذنينا ميبردوش معاك
محمد:(مشا عند ياسمين اللي كان باين فملامحها عدم الإرتياح و سولها) مالك شنو عندك قالت لك شي حاجة
شيماء:(مخنزرة فيها و مقصحة من شدة باها) متسولنيش اناااا سول مراة ولدك اللي مازال حتى ما جات ولات كتحشي فالهضرة
محمد:(طلق من ياسمين و تمشا تال عندها و غوت فوجهها حتى رجعات اللور) واش مكتحشميش ابناااادم مناااااش مصنووووعة (شير لياسمين) بقات لك غا هاد بنت النااااااس قااااديتي كولشي تفووووو على كمارة
يوسف:(دخل هو و سعيد مع الغوات مشاو كيجريو حتى لقا داك المنظر و هو يهجم على محمد شنق عليه) لاش كتغوت عليييييها و دفل عليها مااااالك فهااااااد الضساااارة
حسن:(طلق من شيماء ولاحها حتى طاحت و مشا هو و سعيد كيجريو يفكو يوسف اللي شانق على محمد فحيت لاخر كيشوف فيه بواحد البرود كيزيد يستفزو) طلق المسخوط واش حماقيتي واش مااااابقيتوش تتحتارموني واش انا شنوووو قدامكم المساااااخيط
سعيد:(تيجر فيه و لاخر مكنزز فيه و عينيه عامرين حقد) طلق اصااااحبي واش هبلتي طلق راك عارف فمها حامي
يوسف:(ماماديهااااش فيهم عينو فمحمد و اللي زاد عصبو انه ما شنق عليه ما والو مخليييه كيتبخ الراسو) خلينييي نحدهم ليه من هاد الضسارة
محمد:(مازال كيشوف فيه ببرود دور عينو لعند ياسمين لقاها خايفة مابغااااش يضارب قدامها و قدام واليديخ مخليه تايدير ما بغا) خلييييوه يحيد ليا الضساااارة خلييييوه يخرج سمو و حقدو لا هو لا ديك الكلبة لوخرى
حسن:(جر يوسف من يدو بجهد و غوت عليه) ها السخط ها الرضا ايلا مطلقتيش منوووو
يوسف:(طلق منو بالنفضة و بعد مخنزر كيشوف فبااااه بحقد) تسخط عليا على ودو انا ماااااولدكش ايلا كاااان غا السخط غير سخط عيييت انااا عيييت
محمد:(توجه لعند ياسمين جرها بلطف من يديها و دار غادي)
سميرة:(ملي شافتو غادي قلبها قفز من بلاصتو و قالت) محمد فيييين غااادي اولدي نتاااا و مرتك
حسن:(بعدما كان كيشوف فيوسف رجع شاف فمحمد اللي كانت باينة على وجهو معصب عيط عليه بدورو) محاااامد اجي لهناااااا مكاين خرووووج تا يتحل المشكل…
محمد:(دار شافيه حجبانو مقرونين و شاد ياسمين من يدها مزير عليها بلاما يحس و لوخرى صابرة عارفاه معصب) الواليييد خليني نبدل الساعة بختهاااا الله يحفظك ايلا بقيت غنق (حبسها بزز) غنكحل السوايع..
حسن: دوييييييت مكاااااين خروج تا يتحل المشكل نتووووما وليتو عديااااان ولكن كولشي من راس ديك اللفعة (دار عند شيماء اللي كانت جالسة معلى بالهاش بشنو طاري) دعيتك لله المسخوطة دعيتك ليه ديمااااا منوضة الصداع بيناتهم نتي واللفعة دمرتو خليتو الخوت يرجعو عديان وكلت فيك و فيها الله
شيماء:(لأول مرة دخلات ديك الدعوة لقلبها كيف السم سراااا مع ذااااتها شافت فيه مصدومة و مقدرات تنطق بوالو اكتفت انها تمشي لبيتها)
جلس محمد و جلسات حداه ياسمين اللي كانت فداخلها تتندم فراسها و كترد ليه اللومة و تتقول كون غي مجاوبتهاااش…. حسات انها هي اللي جبدات الصدااااع و ندمااااات اللي عطاتها خو جواااابها……
خرج يوسف مع سعيد و عمامو للباحة و بقا حسن غير تيشووووف حتى تبعهم مخلي النساااا و محمد اللي صبر راسو بزز باشمااااا يضربش يوسف و مابغاش يخرج عندهم باشماااا يوصلش معاه لشي حاجة ماهياااش…..
فدقيقة تقلبات فرحتهم لصداااع و ولا كل واحد جالس مهموم و لاقي حجبانو حتى من ياسمين مافرحات براسها ما كملات فرحتهم بيها…..
عند الرجال فالباحة كانو جالسين كاملين و يوسف غير كيسوط حتى دوا العم رشيد برزانة…
رشيد:(موجه هضرتو ليوسف) بردتي دابا شوية اولدي (هز راسو بالموافقة) ايوا قولينا دابا شنو المشكل اللي عندك مع خوك اللي خلاك دير ليه هكاك
يوسف:(تنهد بغضب هو براسو معارفش المشكل محملو المسؤولية ديال جميع مشاكلو و ناسي راسو اللي هو السبب فكولشي) ضسارتوو هي السبب لاش يغوت عليها
رشيد: واخا اولدي نسولك عمر شيماء دوات معاه ولا معاك ولا مع شي واحد زوين (حرك راسو بلا) عمرها وقرات شي واحد ولا تعاملت مع شي واحد زوين (عاود حركو بلا) اذن واش محمد ظلمهااا واش عمرو ظلمها ياك ديما تتجبدو و تعايرو ومع ذلك متيديرش راسو فيها كاينة ولا لا (مجاوبش يوسف لكن فقرارة نفسو كان عارف ان كلامو صحيح مية فالمية)
حست:(سكت حتى عيا و قرر انه يهضر نيت باش يتحل المشكل) انا نقولك شنو المشكل… اول حاجة التحراش اللي من كل جيهة ها مك تحرش ها ختك ها مرتك كيعمرو ليك الشوارج و يخليوك الوسط يلعبو بيك كيف الكورة (شاف فيوسف لقاه مزير لكن عارف ان هادشي اللي قال كاين و فعلا كان تحراش من كل قنت) و ثاني حاجة و هادي هي المهمة هي المشكل اللي وقع بينك و بين مرتك و نتا عند بالك محمد راه كان كيدور بيهااا (تزير يوسف و خرجو العروقة فراسو لكن مدواش حادر راسو كيتصنط لباه) واش اولدي عمرك شفتيه مشارك معاها الهضرة ولا الكلام ديما محتارمها عاطيها التيقااار و مبعد منهاااا لدرجة انه خوا الدار غير باش يبعد من الصداااع و هي اللي كانت زايدة فيه و تابعاااه كاين هادشي ولا مكاينش (تنهد بحزن) راجع نفسك اولدي و سول راسك واش عمر داك الولد قاصك ولا ظلمك ولا تعدى عليك راكم مرضتووني والله حتى مرضتوني(قالها بنبرة مخنوقة بالالم)
يوسف:(ناض بالزربة لعند باه تحنى ليه على يديه باسها و باس ليه راسو بصوت نادم قال) سمح ليا الواليد سمح ليا الشيطان ولد الحرام
حسن: الله ينعلو و يخزيه و الله يرضي علك اولدي ايلا ما حافظ على علاقتك مع خوك راه الخاوة حدها الدنيا….
كملو حديثهم فداك المنوال فحين عند النسا بقات سميرة و حكيمة كيقادو الخاطر و يطلبو السماحة من ياسمين حتى تهدن محمد شوية و ناض خارج…. تلاقا بيهم مازال جالسين شافوه و ناض باه قاصدو…
حسن: فين غادي اولدي ريح معانا بلاتي شوية
محمد:(مازال منزاعج) غير خليني الواليد نمشي نغيرها والله حتى الراس فيه شلا مطارق
حسن:(شاف حتى عيا و حس بولدوو محتاج يمشي و حتى ياسمين كانت باينة فيها مقلقة بزاااف عذرهم و تنهد) اش غنقولك اولدي سير ترتاح نتا و مرتك و ماديرش فبالك
محمد:(باس ليه يديه هو و ياسمين و قال) الله يعاون الواليد
خرجو من الرياض ساكتين مخلين حسن مقهور و قلبو واجعو على ولدو عارفو طيب و مزيان و قلبو بيض ميظلم حد و ميتعدا على حد لكن ديما مشاكل ولاد حفيظة تابعينو مشا عندهم و هضر مع يوسف بعتاب…
حسن: دير فبالك راه محتارمك فوق القياس و داير بحسابك و بحساب الأخوة و بحسابي انا اللي كعما عارفهم نتا گاااع راه ماشي مقادش لكن احتراما ليك و لينا مكيبغيش يجاوبك و راجع نفسك حتى نتا (مشا و خلاه كيفكر و يدي و يجيب فالطرقان و كيفكر فالهضرة كاملة اللي تقالت)
عند النسا كان سميرة كطيح فدميعاتها كيف الحجر و الكل معصبين و مقلقين على الصداع ديال اليوم و الحالة اللي مشا فيها محمد…. جاي فرحان محملين و مجملين و العروسة اول دخلة ليها وهي منهم و فرحانة بيهم و شارية ليهم الكادوات وفاللخر خرجو مقلقين و سامعين الهضرة….
سميرة تقهرات على ولدها اللي ملي دخل كانت باينة فيه الفرحة و الراحة و السبب راجع لياسمين اللي حتى هي كانت بنت الناس لكن فرحتو ما كملاتش كيما ديماااا كينكدوها عليه و يخرجوه مقلق بحالا عدوهم حتى هرب من الدار….
ماحسات الا وهي نايضة بنفضة حتى خلعات الكل و خرجات كتحري فاتجاخ الدروج و البنات تابعينها حتى وقفات عند بيت شيماء و دقات بالجهد كتغوت صادمة الكل فيها و فهاد الوجه الجديد اللي عمرهم شافوها بيه طيلة 28 عام ديال زواجها بحسن لكن كيما كيقولو بلغ السيل الزبى….
سميرة: يلااااااه خرجيييي اللاااالة شيمااااااء داااااباااااا هانتي طججتيه بردتي دابااااا و برد سمك ولااااا مازاااال خرجيي تمرحييي فيهاا
حكيمة:(تتجر فيها و تزاوگ فحين الرجال طلعو كيجريو ملي سمعو الغوات) صافي اختي الله يرحم الوالدين خليها اللي فيها يكفيها صافي يله فحالك
سميرة:(مداتهاش فحكيمة گاااع كانت كتبكي و تغوت بحرقة) خرجييي دابااااا تكركبي فيها هاهو خلاها ليييك دعيتك لله ياااااخد فيك الحق كيماااا حاطة على داك الولد الله يعطيك ماااا يلهيك عليه
حسن:(جرها من يدها كيساوي معاها حاس بيها و دايق حرقتها بالدوبل عليها لكن الغوات لا فايدة منو) يله فحالك اسميرة صافي باراكا من الصداع تقهرنااا
سميرة:(جاها واحد الجهد اللي مسمعاتوش گاااع اش قال جات الوسط و بدات تتغوت و تبكي) اناااا غاااا قولو ليا اش دارليكم داك الولد اللي حااااگرينو و مطيحين بييييه اشمن عار مصرف فيكم ولدي ياك كيحيد من لحمو و يعطيكم و محتارمكم كااااملين مهلي فيكم و داير بحسابكم فالعيد يمد فالعواشر يمد يجيب ليكم غير الذهوبااااات الغاليين و ياربي يا عبدو غير ترضاو علااااش هادشي كااااامل (غوتات بالجهد) الدعوة بيكم لله كيما قهرتو داك الولد الله يجيب من يقهركم (طاحت على وقفتها سخفانة و مشاو كيتجاراو عندها و الكل هضرتها كتنغل فيه)….
حفيظة تتقول مع بالها هادشي بصح و كاين و عيات تراجع فنفسها تشوف واش فعلا هاد الولد صرف فيها شي عار لكن والو اللي بيها مبغاتوش يكون ناجح و يبني حياتو بغاتو يكون تحت الصباط و يبقااا ديما لتحت…..
يوسف بدورو راجع نفسو و فكر و فكر حتى تقهر هز راسو و خرج و فبالو غي محمد و كيفاش محتارمو و رغم انه كيعايرو و ينقص منوو كتوصل بيه انه كيبغي يضربو لكن كيبقا محتارمو هادشي كان كيبينو ضعيف لكن هو فقط داير بحساب خوه الكبير….
شيماء فبيتها و لأول مرة يمكن من نهار كبرات دموعها كيجريو فخدودها و دعاوي باها و سميرة كينخرو فقلبها و عظامها نخير… تتقول مع بالها واش بصح انا هكا قبيحة و خايبة تال هاد الدرجة….. الحقد و التكبر عما عينيها و عند بالها ديما هي الصح و الباقي كلو غلط……
عياو يفيقو فسميرة و والو حتى هزوها بالزربة لكلينيك عتقوها و وصاهم متبقاش تعصب لأن السكر نزل ليها للصفر و لولا قضاء الله كانت توقع ليها شي حاجة….
نمشيو عند محمد اللي تقلب ليه المود فدقيقة خرج معصب عينيه جمرات و مراضيش قدام ياسمين مع ذلك هدن راسو و مشاو فالطريق ساكتين حتى دارت ياسمين تقادات فالجلسة تقابلت معاه هو اللي كان مركز مع الطريق حاط مرفقو على الشرجم و يدو عند فمو حجبانو معقودين رغم انه معصب لكن هالة ديال الرجولة دايرا بيه… دوات معاه بصوت حنين
ياسمين: محمد واش صافاا؟
محمد:(دار شافيها بعينيه حمرين دار شبه ابتسامة) صافا حبيبة… فين تبغي نمشيو
ياسمين:(كانت غتقوليه الدار لكن فكرات انه مخنوق و خاصو يبرد و يهضرو شوية) نمشيو للبحر
حرك ليها راسو بايجاب مطمر حتى وصلو لواحد الكافي على البحر باركا الطوموبيل و نزلو شادين فيد بعضياتهم…. طلعو لفوق فين كان طيراس كيشوف للبحر و واخا الصيف الا ان الجو معمر و مغمغم بحالا غتصب الشتااا….
جلسو طلبو اللي بغاو و بقاو جالسين محمد كيشوف فالبحر مسرح عينيه و مخو مسافر و ياسمين كتشوف فيه و تنهد معجباتهاش حالتو و الأكثر كترد اللومة لراسها على انها هي اللي جبدات الصداع….. بعد سكوت طويل لمدة تقريبا عشر دقايق دوات ياسمين….
ياسمين:(بصوت حنين خدات يدو بين يديها و قالت) سمحليا
محمد:(تلفت لجيهتها عاقد حواجبو باستغراب) علاش غنسمح لك
ياسمين:(حادرة راسها و مازال شادة فيدو) انا السباب فهاد الصداع سمحليا عفاك
محمد:(جابت ليه الضحكة) واش اختي منيتك
ياسمين:(هزات عينيها فيه لقاتو تيشوف فيها) اه كون غير مجاوبتهاش
محمد:(ضحكاتو طريقتها باش كتهضر بحال شي بنيتة صغيرة دارت ليبيتيز) هههههه راه كون مجاوبتيهاش كنت غنخلي عشتك انا نيت (ضحكات بلا هواها) هادشي اياسمين قبل ماتكوني نتي ولفتهم رجع كيجيني عااادي راه كيوقع ما كثر
ياسمين:(ترددات بزاف عاد هضرات) و ولكن علاش تيديرو معاك هكا زعما شنو سبب فهادشي
محمد:(ضحك باستهزاء) تيقيني لا قلت لك بالله ما عارف (هز كتافو) اصلا ولفت مبقيت كنتسنى منهم والو و حتى هوما مابقاو يشوفو مني والو (شافها مركزة معاه و ملامحها متألمين دار ضحكة عريضة و قال مازح) مالنا اختي على النكد و حنا عاد جداد ضحكي ليها ابنت الهم ضحك ليك
ياسمين:(ضحكات شوية و رجعات عقداتهم تاني) احم محمد
محمد:(شاف فيها مزيرة) اشنو تاني غي حزقيها اختي حزقيها
ياسمين:(حناكها تزنكو و حشمات) اويلي كون تحشم احم…..بغيت نقولك شي حاجة انا مابغيتش العرس
محمد:(استغرب لهضرتها) علاش مابغيتيهش واش على هادشي راه عادي اياسمين ميمكنش نضيع ليك عرسك على سبب تافه
ياسمين: لا ماشي على داكشي انا مابغيتوش و صافي
محمد: ومن ايمتا مابغيتيهش عاد دابا ولا من قبل
ياسمين: من اللول ماباغاهش ولكن ماما بزات عليا و دابا بغيتك تقوليهم نتا اللي مابغيتيهش
محمد:قوليها ديك الساعة فاللول (قال بضحكة) بغيتي اختي نسيبتي تسخط عليا هههههه تا انا نيت معنديش مع داك الصداع كنت غنجي ليه غا بزز (خرجات فيه عينيها) جمعي عليا دوك نقيطات ديال النعناع مخرجاهم فيا دابا نتكي والديك هنا صافي غنهضر معا باك و من هنا لسيمانة نديرو شي عشية و نجيب الحب لعندي (باس يدها)…
ياسمين:(شافت فيه مصدومة) اويلي على سيمانة ياك قلنا شهر
محمد:(حمر فيها عينيه حتى طمرات) شهر ملي كان العرس دابا مكاين عرس و باش نجيك نيشان ولفتك حدايا و سيمانة راه كثيرة عليا اياسمين راني مبقيتش قادر نصبر
ياسمين:(حشمات لكن عجباتها هضرتو) صافي اللي درتيها مع بابا
محمد:(قرص شنايفها بحنية و قال بصوت كأنه مخاطب طفلة) احححح على بابا ياختي نتي راك عسيلة
ياسمين:(حشمات وعطاتها غير لضحك) هههههه وا صافي
محمد:(شاف فيها هايم) نوضي اختي للدار راه تابعنا الحفير منين مابقا لا عرس لا والو
ياسمين:(بعدم فهم) ديالاش الحفير باغي تبدل شي حاجة؟
محمد: لا باغي نقب على العسل تنخرجو منك قطرة قطرة
ياسمين:(فهماتو منين شافت نظراتو الماكرة و نقزات كي الگلية) ولاااال مازال مامشينا لطبيبة
محمد:(حمر فيها) وا متتحشميش حارماني و كتشرطي هاحنااا غنحلو المشكل دابا (جبد التيلي ديالو دوز لابيل تسنا شوية عاد جاوب) الو علي بيخير….. الحمدلله مت المزيان….. قوليا كتعرف شي جينيكولوگ مزيانة مع نتا سابقني فالحرفة……. لا راه غتولد غدا هههههه انوض من الطنز……. صافي صيفط ليا النيم فمسج نشد رونديفو….. تلاح العشير…. (دار شافيها لقاها تاضحك مد يدو قرصها من شنايفها) طاحت و لقيناها امدام..
ياسمين: كولشي عندك ليه الحل ههههههه
محمد: بيان سيغ الزين راه الحفير هداك خصوصا لا كان مع شي زين بحالك (تزنكات تاني) بداي تحماري و تخضاري نوضي اتا نمشيو نضربو دويرة فالمول و نتعشاو عاد ندخلو تتخنقني الدار……
داكشي اللي كان خلص الكونسوماسيون ديالهم و ركبو ضاحكين واخا محمد محمد مازال كيفكر لكن مابغاش ينكدها عليهم و يخصر جوهم…… توجهو للرباط سانتر نزلو هي بجلابتها و طلتها الراقية و هو بالكسدة ديالو منينما دازو تيخليو بنادم تابعهم خصوصا انهم مواتيين لدرجة خطيرة بزااااف و جايين مع بعضياتهم…..
شادين فيد بعضياتهم و الإبتسامة مزينة ملامحهم الفرحة مقاداهمش من جيهة هي كتعيش مراهقتها و حبها الأول معاه و من جيهة حتى هو كيعيش حبو الأول معاها بالرغم من انو دوز علاقات كثييييرة لكنها كانت عابرة و عمرو فات فشي وحدة شهر…. مكانش كيضحك على بنات الناس او كيواعد بالزواج و كيخوي بيهم كحال شباب اليوم….. كان من اول نهار كيوضح رغبتو للبنت فأنهم يتصاحبو بهاد المعنى و يدوزو وقيتة زوينة متصدع ليه راسو ميصدع ليها راسها كياخد اللي بغا و حتى الطرف لآخر كياخد نصيبو….
حتى بانت ياسمين اللي دق قلبو ليها من اول نظرة…. رغم انه عمرو آمن بالحب من اول نظرة لكن جا و طاح فيه….. مرة على مرة كان كيتأكد ان هادي اللي بغا قلبو و عادي اللي جابت ليه التمام و فعلا ملي هضر معاها تجنب دخلاتو ديال ديما و عرف انها هي معامن باغي يكمل حياتو…. طلبها للمعقول حتى هي كانت شافت فيه المواصفات اللي كتبغي اي انثى فاي راجل و الأكثر ارتاحت ليه و حسات بالأمان معاه…..
دخلو لبوتيك ديال الملابس العصرية و بدات كتشوف وهو فينما عجباتو شي حاجة يهزها و يعرم فيدو حتى مابقاش قادر يزيد يهز….
محمد:(غادي معاها لجيهة ديال التقياس) قيصي احبيبة و خرجي عندي نشوف
ياسمين: ولكن راه بزااااف
محمد: دخلي اتا لا بغيتيي دخلي و كوني تحشمي غيخلصهم باك
دخلات كضحك على هضرتو مخلياه واقف كيتسنا حتى وقفات عليه بنت تكون عندها 25 عام زوينة و عاطية للعين طايتها مقادة و لابسة زوين الشعورات مطلوقين و الماكياج و تتبان من الطبقة الراقية….. حادر راسو فالتيلي كيبقشش فيه تا حس بيد كتقيص كتفو هز راسو فيها حل عينيه بشوية كردة فعل….
البنت:(ابتاسمت ليه) واس محمد هذا
محمد:(رد ليها الإبتسامة بوحدة خفيفة و مد يدو) اهلا نرجس بيخير
نرجس:(شدات يدو و تجرأت و مدات وجها سلمات عليه بلابيز) الحمدلله غي ملي شفتك و نتا صافا
خرجات ياسمين مع التسليمة لابسة سروال باطيليفون كحل جاي لاصق تال لتحت و وساع مع شوميز بوردو طويلة من اللور مدرقة ترمتها و قصيرة من القدام عندها صميطة من الوسط مبينة خصرها النحيف جاتها زوينة بزاااف مع شعرها اللي طالقاه و لون شوميز اللي بين لونها….. هزات راسها مع التسليمة فالوجه عقدات حواجبها تلقائيا ووقفات كتشوف فيهم مشاركين الهضرة رغم انه كيهضر معاها بطريقة عادية لكن طريقتها بالهضرة و الضحك معجباتهاش….
هز راسو بعفوية لقاها واقفة بديك اللبيسة و عاقدة الحجبان بحال شي بنيتة صغيرة سهى فيها مخلي لوخرى تتهضر حتى شافتو مكيشوفش فيها….. دارت شافت فين كيشوف تا لقات ياسمين كتشوف فيها باغا تاكلها طلعات و هبطات فيها عند بالها شي بنت 18 عام و دارت عندو…
نرجس: محمد فين سهيتي
محمد:(مبتاسم و عينيه على ياسمين) واحد الدقيقة
توجه لعند ياسمين حتى قرب ليها و صفر تصفيرة طويلة حتى رجعات كتحبس فالضحكة طلعها و هبطها…
محمد: الله يا ختي الله واش نتي كولشي تايجي معاك مدوقيناش من هاد الزين عندك
ياسمين: بصح جاتني زوينة
محمد: والو خااايبة مافيك مايتشاف احح و كان
ياسمين: امممم تيقتك (هزات عينها فنرجس اللي مازال حاضياهم) محمد شكون هاديك
محمد: الزين ديال محمد غاير ولا (شدها من يدها) تعالي و تعرفي شكون…
توجهو لعند نرجس اللي ملي شافتو شد فيدها تقادت فالوقفة و عينيها على يديهم حتى وصلو لعندها…. ياسمين زيرات على يدو بدون ماتحس فحين هو ابتاسم فاهمها….
محمد: هادي نرجس كليانة قديمة ديال المحل (دار عند نرجس) هادي ياسمين المدام
نرجس:(حلات فمها و عينيها و وذنيها و اي حاجة تقدر تحلها بالصدمة اول حاجة مكانتش متوقعاه يتزوج و ثاني حاجة ماشي بياسمين حيت عند بالها مازال صغيرة داركت نفسها و مدات يدها بابتسامة صفرة لياسمين) متشرفين مدام ياسمين (شافت فمحمد) صافي دخلتي للقفص الزوجية
ياسمين:(مدات ليها يدها بزز ماحملاتهاش) متشرفين حبيبة (عاودت زيرت على يدو لكن هاد المرة من نيتها بمعنى سالي هاد المهزلة)
محمد:(من التزييرة فهم شنو قصدات) ساعة سعيدة هادي مادموزيل نرجس نخليوك دابا….
مشاو فجيهة ديال التقياس مخلينها موراهم تتشوف و تحسر على محمد اللي طار من بين يديها….. وصلو لبلاصة ديال تقياس الحوايج و هو يوقفها…
محمد: شي ناس مكرهوش يضربونا
ياسمين:(عقدات فيه حواجبها مقدراتش تخبي غيرتها او تسيطر عليها خصوصا انها اول مرة كتحس ببحال هاد الإحساس) شكون هاديك
محمد:ههههه تا شو هاد الفارة كيتاتخنزر قلت لك احبيبة كليان والله العظيم
ياسمين:(مازال عاقدة حواجبها) و علاش سلمتي عليها من الوجه
محمد:(ضحك بمكر) ايوا جريتها بغيت نبوسها من فمها ساعتي هي متتحشمش زربات عليا فالحنك عههههههخ (شافها حمارت) والله احبي ايلا مديت ليها يدي تا نقزات سلمات عليا هي…
ياسمين:(فكات الغوباشة لكن بقات مطمرة) مممم واخا
محمد:(قرصها فعنقها و بقا كيعنكش فيها تا ضحكات) هادي مزيانة خليها و سيري قيسي الشي لاخر…
دخلات ياسمين و بقات لبس نصل حتى ختارو اللي بغاو و حيدو المزيرين و اللي ميليقوش تلبسهم…. دار خلص و حط فلوس صحيحة و خرحو محملين مباشرة دخلو لمحل ديال الملابس البيتية و الداخلية…. ختار ليها عاوتاني شلا بيجامات مكاين غير الله يعطيك صحيحتك فالتقزاب و العرا…. بغا يختار ليها الملابس الداخلية لكن حبساتو بحكم الدنيا عامرة بالعيالات و الرجال قلال حتى صدمها..
محمد:(تمشات شوية مبعدة عليه حتى دوا معاها رافع صوتو حتى سمعوه معظم الناس) شوفي الحمر و الكحل احبيبة كثري منهم هههههه
حشمات و تزنكات و بقات كتولول و كتقول واش هذا ما عندوش المراگات علاش يحشم حتى دوات معاها بنت اخرى كانت كتقلب فشي شوميزات..
البنت: هههههه نتي عندك هذا كثر من وعدي مكيحشمش
ياسمين:ههههههه والله ياختي تا مرگني
البنت: عادي احبيبة مدام حلالك مكاين اللي يسالكم اللهم فيك ولا فبنات الزنقة راه كثرو.
وافقتها ياسمين الرأي و ختارت حتى هي ملابس داخلية منوعة فالألوان اللي طلب نيت و زادت البيج و الأبيض….. مشات لقاتو خدا ليها ثلاثة شوميزات ببينواراتهم فكرطونة مختالفين فاللون و الشكل كيبانو غاليين حتى قرقشو عينيه على لبسة معلقة ديال الرقص كانت على شكل دوك العبايات ديال مصر اللي كيجيو لاصقين بزاااف فيها فتحة تال فوق الفخض و عريانة من الصدر معاها فاللون الأسود و الذهبي معاها حزام ديال الموزون عامر…..
شافتو فين كيشوف تا تصدمات كون لقات الأرض تنشف و تبلعها…. شاف فيها و ضحك بمكر حتى قال للبنت اللي خدامة تعطيه وحدة فقياصها…. غير شافتو قال هكاك هزات ساكها و بعض الساشيات و خرجات مخلياه حتى خرج محمل و ضاحك حتى كتبان ليه الخوية ديال ضرسة العقل فرحان و مناقصو حتى خير….
محمد:(قرب ليها كانت عاطياه بالظهر قرصها فخصرها تا قفزات و شافت فيه كيضحك ليها) هههههه اح دابا مكاين غي جلسات وناسة و غنوة
ياسمين:(تجمع ليها الدم فوجهها شافت تا عيات ضرباتو لصدرو و قالت بصوت متذمر) باسل والله حتى باسل
خلاتو كيضحك موراها على حشمتها و عقلو كيدورو فيه غير الأفكار السافلة…. دخلو لمحل اخر ديال الصبابط بطلبو اما هي تتقوليه غي باراكااا…. خدا ليها عاوتاني مجموعة ديال الصبابط و السبرديلات و لي صوندال بسيكانهم حتى مابقاو لاقيين فين….
ياسمين:(هازا سيكان قلال بحيت مخلاهاش هو اللي محمل و مجمل) وا محمد فين غنديرو هادشي راه بزاف
محمد:(خرج وجهو بين الكراطن و شاف فيها) ياختي من صباح و نتي تنگري تقولي مخلصاهم من جيبك (حط الساشيات حطاها) دو مينيت وانا معاك….
مشا خلاها تتشوف و تضحك على هضرتو ولكن فرحانة باهتمامو و سخائو و اكثر طبع ممكن يكون خايب فالراجل هو البخل… كاينين رجال اللي مفحالهومش و على باب الله لكن سخاوتهم كتخلي الرزق غير مشتت عليهم و ربي زارع ليهم البركة فداك القليل اللي عندهم…. و كاينين اللي عاطيه ربي مناش و ميسور لكن بخيل و الريال الحمر ميخرجو تا كيبقا ديما بلاش و نهار كيمشي كيخليها كاملة و كيما كنقولو كبير الكرش تفرگع ليه…..
رجع عندها جار باليزا كبيرة فالغوز بيبي مع سامسونيط ديالها ضحكها لكن كانت احسن فكرة…. تكاواناو فواحد القنت و جمعو الحوايج فيها تتمشي للدار و تقادهم…. حتى بداو غادين بحيت عيات وهو يبان ليه محل ديال الماكياج و الي برودوي جرها ليه دخلها و قاليها تاخد مستلزماتها كاااملين…. دخلات كضحك عليه لقات المحل داير باك كامل ديال الماكياج بثمن مناسب خداتو و خدات البرودويات و لي جيل دوش و جا عاوتاني خلص…..
ماخرجو من داك القنت حتى كانو تسخسخو بالبيان ركبو مسهوتين كان الليل طاااح…. قررو انهم يتعشاو برا بزوج بيهم عاد يدخلو بما انهم سيمانة مغيشوفو بعضهم بغاو يشبعووو…. مشاو لواحد السناك فحي شعبي ديال الحوت خدا كل واحد بلا ميكست ديالو و بداو الماكلة حتى سالاو و خداو مونادا باردة كيتبردو بيها و داويين….
محمد: نتي ممعولاش ديري شي حاجة ولفتي الجلسة فالدار
ياسمين: كيفاش مفهمتش
محمد: زعما ما باغاش تعمري وقتك بشي حاجة قريتي تا عيتي باش تريحي فالدار مكتمليش
ياسمين: الصراحة كنمل ولكن شنو غندير راه دفعت و اللي كيعيط كيكون غير باغي يتفلا
محمد: تخدمي معايا فالمحل؟
ياسمين: بصح مكرهتش ولكن نتا عندك كونطابل
محمد: ونتي سوقك اختي نتي غتكوني سيكريطيرة ديالي احبي
ياسمين:هههههه واخا صافي انا معاك
محمد: اححح على ضحيكة و مع هاد الحوت ختي غنبات فالصالون اليوم
ياسمين:(بعدم فهم) علاش مالك
محمد:(كان گالس جنبها محسات بيه حتى قرصها من فخدها) انا اللي عارف مالي نوضي تگعدي…
فعلا ناضو ضاحكين خلص و مشاو فاتجاه الدار…. وصلو مصهوطين دخل محمد البالز و مشا نيشان للدوش فحين هي بدلات ببيجامة خفيفة و جلسات كتقاد فحوايجها فليفاليز…. خرج لابس شورط قصير كحل سيورو گري كيلعب بيهم و شعرو الفازك طايح على عينيه….
كانت ملهية كتقاد لي برودوي فسامسونيط حتى حست بيه درق عليها ضو هزات فيه عينها فعفوية حتى فهات فطلتو و وسامتو الطاغية…. سهات كدور عينيها عليه و عقلها مسافر غير عينيها اللي كينتاقلو من شعرو لوجهو لصدرو العاري حتى حنحن حابس الضحكة عاد حدرات راسها حشمانة و حتى هو مبغاش يحرجها يكفيه انه رضى غرورو كرجل و شاف فعينيها نظرات الإعجاب اللي قليل فين كيشوفهم من عندهاا…
محمد:(دوا معاها بصوت حنيين) متقدريش تزيدي معايا تا غدا
ياسمين:(هزات فيه راسها بشوية عينيها كيبريو) منقدرش ضروري خاصني نمشي
محمد:(جرها من يدها وقفها حتى لصقها مع صدرو هازة راسها فيه) ولفتك بزاااف معرفتش هاد السيمانة كيفاش غدوز
ياسمين:(بانت لمعة فعينيها اللي تغرغرو بالدموع مقدراتش تنكر انها تا هي ولفاتو) حتى انا ولكن ما بقا قد ما فات….
مجاوبهاش اكتفى انه يهزها من خصرها شوية حتى وصلت لمستواه و خدا شفايفها ببوسة حنييييينة و خفييييفة كيقبل فيهم بكل رقة عاطي لكل شفة حقها حتى حس بيها حتى هي تتفاعل معاه و تتقلدو فتحركاتو…. كانت قبلة حنينة ترجمو فيها المشاعر ديالهم بزوج لغة كيفهموها غي هوما…
يديه كيعجنو فخصرها و مؤخرها و يديها وحدة حاطاها على صدرو كتلمس فيه بلاما تحس و يد كتلعب فشعرو من اللور….. تزير عليه الحال و حاس بذاتو سخووونة بزاااف خصوصا انه واكل الحوت…
تكونو فجبهتو حبيبات ديال العرق و تزيرو فيها العروق و بدا الحاج تهامي كيبني الخيمة…. وعا على راسو و بعد عليها شوية لقاها مازال سادة عينيها خداها عنقها كيسوط و ينفخ سخن عليه الحال و ماقادر لا يحبس لا يزيد….
بقا معنقها وهي محاوطة ظهرو بيديها كتنفس بالجهد حتى هي كانت سخنات و حسات بنشوة قدر يسيطر عليها من بوسة وحدة…. نعسو فاحظان بعضهم بعدما جمعات حوايجها كاملين حتى تجيب اللي بقاو فالدار…..
يأتي الصباح فأحبك اضعاف ليلة امس 🤍
جا صباح محمل معاه احداث جديدة بداية من الثنائي ديالنا اللي فاقو بحماس واخا حتى واحد فيهم مساخي بالآخر كل واحد فيهم ولف لاخر….. محمد ولف وجودها فحياتو عمرات عليه و خرجاتو من وحدتو…. نورات دارو بعدما كان كيدخل ليها بوحدو رجع كيدخل معاها و يخرج معاهااا….
جرب معاها حب الحلال و عرف ان الحرام ماليه حتى طعم قداموو…. و ياسمين ولفات ضحكو و شخصيتو اللي قدرات تخرجها من ديك القوقعة اللي كانت بانية عليهااا…. قدرات تحدى نفسها و تخالط معاه تهضر معاه تعاود ليه و تعطيه رأيها و الأكثر تنصحو…. حسات انه بحال الطاقة الإيجابية بالنسبة ليها كيشجعها و يعاونها تلقى نفسها و تخرج من انطواءهااا…
ولفات تزلالو و ضحكو الباسل اللي كيعجبها بزااف بقد ما كيخليها حشمانة و غرقانة فحوايجها بقد ما كيعجبها و يزيد من غرورها…. لكن كيصبرو ريوسهم بما بقا قد ما فات…. فطرو بزوج بيهم فالدار و خرجو متوجهين لعند الطبيبة اللي خداو عندها موعد…..
جالسين فقاعة الإنتظار كيتسناو نوبتهم توصل و كاينين عيالات حاملات مع رجالهم و وحدين بوحدين حتى لفت انتباههم بزوج و مجموعة من اللي جالسين منظر واحد الكوبل فين كانت البنت لابسة جلابة قديمة كلها كاشفة فجافيل و صابو محرتك لكن برغم من هذا ممنعش جمالها الخلاب يبان بلونها القمحي و عيونها السوداء و ملامحها البريئة و الرقيقة و شعرها المجموع الفوق رطب لكن كانت حزينة و كتبكي و تنخصص فحين الطرف الآخر او الزوج كان على عكسها تماما لابس احسن لباس اللي باين فخم و من ماركات غالية و الساعة اللي داير مخفاتش على محمد انها غالية بزاف بلا ماركة التيلي اللي كيهضر فيه بصوت مرتافع الظاهر مع بنت اخرى كيدوي بجرأة و كيتغزل بيها قدام الناس و مرتو ممهتمش بديك الصغيرة اللي كرشها لفمها و كتبكي عشرة للعين….
بقات ياسمين مراقبة المنظر و قلبها واجعها على البنت مسكينة و حتى محمد بقات فيه و احتاقر الراجل مكرهش ينوض ينفس فيه غضبو…. شافت ياسمين فمحمد بمعنى واخا نوض فحين اشار ليها هو بالإيجاب….. تمشات تا جلسات حداها و قالت بصوت حنين…
ياسمين:(مدات يدها جبدات كلينيكس من صاكها بداتو للبنت و حطات يدها على كتفها) مالك اختي ياك مكاين باس
البنت:(خدات من عندها كلينكس كتشهق حتى كتبغي تسخف) اهئهئ والو اختي اهئ…
ياسمين:(مدات ليها قرعة ديال الما) هاكي اختي شربي و بشويا راك غتموتي
الراجل:(دار عندها بعدما سمع الممرضة كتعيط عليها) تهزي لا بغيتي دخلي ديما مشوهة يخ على مراة….
ناضت معاه مخلية ياسمين غير كتشوف فيهم و كتحتقر فالراجل كيفاش كيهضر مع مرتو حتى دخلو عاد مشات حدا محمد…
محمد: مالها شنو عندها
ياسمين:(تنهدات بحزن) معرفتش مبغاتش تقوليا ولكن باينا بسباب راجلها
محمد: فففف كاينين شي ذكورة بزاف عليهم كلمة رجال
قلبو الموضوع و بقاو كيديو و يجيبو فالهضرة لمدة لا بأس بها حتى خرجو البنت و راجلها و هاد المرة خرجاات وجهها صفر و منهارة كثر من اللول و الراجل جاي معاها و كيعاير…
الراجل: جاب الله السبة باش نتفك منك يا وجه النحس من نهار شفتك ما شفت الرباح
البنت:(منهارة كتبكي حتى وصلت للكرسي طاحت عليه بالجهد الشي اللي خلا ياسمين بلاما تحس ناضت كتجري لعندها و تبعها محمد بثقالة)
ياسمين:(عنقاتها من كتفها بمواساة و قربات تبكي معاها) مالك اختي ياك لاباس قالت لك الطبيبة شي حاجة
البنت:(كتشهق و تهضر بصوت كيضر فالخاطر) قالت ليا اهئ هئ الولد ميت هئ فكرشي ثلث ايام دابا (زادت فالبكا و ياسمين مصدومة ماحسات تا طاحو دموعها و عنقاتها تتواسي فيها و محمد واقف ضراتو صورتها فقلبو لكن كتافا بالسكات حتى سمع صوت الراجل كيعاير فيها)
الراجل: تهزي يا الحمارة الليلة ليلتك تهزي ليوم تخرجي من حياتي بغيتي الشوهة راك مشوهة
محمد:(تعصب من هضرتو خصوصا انه خاصو يواسيها ماشي يزيد عليها مشا تال حداه و حاول يهضر معاه بشوية) غير بشوية عليها اصاحبي راك شفتي حالتها
الراجل:(طلع و هبط فمحمد بطريقة مستفزة عصباتووو و دوا باستفزاز) شكون نتا تا توريني شنو ندير علاش نتوما المغاربة عزيز عليكم دخلو فاللي مكيعنيكمش
محمد:(جمع يدو على شكل قبضة مزير عليها مكرهش يدخلها ليه فكمارتو لكن لا المكان ولا الزمان مناسبين) حمد ربك جيتيني فحالة ماهياش امااا نسيك حليب مك رعواني اللي حطك
مشا من حداه كيبرد فراسو و ياسمين مازال كتواسي فالبنت اللي كانت عندها عملية استعجالية خاصها تمشي ديرها خدات من عندها ياسمين النمرة تتهضر معاها و مشات مخلياها دموعها دايزين كتحسر عليها تا جا محمد عنقها و حط راسها على صدرو….
محمد:(كيطبطب عليها بحنان) صافي حبيبة ديالي براكا متحمقي راسك
ياسمين:(كتمسح فعينيها دوات بصوت مخنوق) حشومة عليه شوف مسكينة حالتها و بغا يطلقها
محمد:(شاف لبعيد معصب و دوا بصوت غاضب) كاينين شي شمايت دايزا فيهم الذبيحة… اللهوما يطلقها ولا تبقا مع رعواني بحالو يعطيه الحبس….
سكتها بزز و العينين تنفخو حتى سمعو سميتهم و دخلو لعند الطبيبة بعد اخد و رد دخلات تقلبها و ياسمين حشمانة حتى سالاو خرجات معاها فين جالس محمد و بدات كتسول فيها بعض الأسئلة…
الطبيبة: الوغ مدام ياسمين غنسولك بعض الأسئلة
ياسمين: واخا تفضلي
الطبيبة:(حاطة قدامها دفتر كتكتب فيه الملاحظات) كتعاني شي مرات من حريق البول او كتحسري
ياسمين:(حشمات قدام محمد لكن خاصها تجاوب) اه مرة مرة
الطبيبة:(كتبات فالدفتر و طلعات راسها فيها) و بالنسبة ليغيگل تتجيك بالوجع او عادي
ياسمين:(حناكها تزنكو مكرهاتش ينوض يبعد منها) اه وجع بزاااف كتمحني
الطبيبة: كتحسي بيها مجموعة او محبوسة ياك و مقدراش تنزل و كتنزل قليلة
ياسمين:(بدات كتخلع من الأسئلة ديالها) تماما هادشي اللي كيوقع ليا
محمد:(لاحظ ملامح وجهها الخايفة و حتى هو بدات كطلع معاه الخلعة دوا مخاطب الطبيبة) علاش ادكتورة ياكما كاينا شي حاجة گغاف
الطبيبة:(بامتناع) لا لا ماعندكم مناش تخافو المدام عندها غشاء البكارة الصغير و هو عبارة على غشاء رقيق كيغطي الفتحة ديال المهبل كامل لكن المشكل هو فيه فتحة صغيرة هي اللي كتعيق تدفق الحيض و حتى البول شي مرات..
محمد: و شنو الحل واش كاين شي دوا او شي حاجة ديرها
الطبيبة: كاينا واحد العملية جراحية صغيرة غنحيدو بيها دوك الزوائد و صافي حتى الإتصال الجنسي مغديش يصعاب عليها
ياسمين:(بخوف) اويلي على عملية الا منقدرش
الطبيبة:(ضحكات و ضحك حتى محمد) معندك مناش تخافي راه بسيييييطة بزاااف ايلا بغيتي ديريها حتى دابا نيت
محمد:(خدا يدها كيهدن فيها) معندك مناش تخافي كيما قالت بسيطة غديريها دابا و نتهناو
ياسمين:(شافت فيه مبتاسم ليها باطمئنان و رجعات شافت فالطبيبة حتى هي مبتاسمة ليها دارتها فيد الله و وافقت) واخا صافي…..
دخلاتها الطبيبة لغرفة ديال العمليات صغير دارت ليها بنج موضعي و ضربات ليها غير شوية حيدت الزوائد من جيهة غتنفعها فليغيگل و من جيهة سهلت عليه العملية الجنسية…..
خرجات بعدما ارتاحت شوية لقاتها كتبات ليها البيلول اللي غتاخد و كالمون و بومادا دهن بيها….. خرجو من عند طبيبة محمد حابس الضحكة و هي مطمرة حشمانة شاف تا عيااا و طلقها بضحكة طويلة…
محمد:ههههههههههههه (بدا كيعيب فيها) اويلي على عملية هههههههههه
ياسمين:(دورات راسها لزاج كضحك) ههههههه (دارت عندو حابسة ضحكة مخنزرة بلعاني) دابا علاش تاضحك غا قوليا
محمد: كنضحك على الطبيبة متيقاش فقدراتي هههههههههه و على الخلعة ديالك
ياسمين:(حشماااات تاني و تزنكات) وا صافي عفاك سكت
محمد:(شافها حشمات مابغاش يزيد عليها شد يدها باسها و حطها على قلبو) كنبغيك احبيبة ديالي (كتافات تبتاسم ليه بحب وهو كمل هضرتو) ندوزو ناخدو الدوا و نشدو الطريق..
فعلا خدا ليها الدوا و كيما دارو مع دارهم خدا الديسير و الحلوة و المونادا و توجهو لداهم فين كانت مها و ختها كيوجدو الغدا…..
وصلو مع الطنطينة و الفرخ مكيدورش فسما تيقيقت صافي نزل معاها لي فاليز و تمشات هي هازة غي المياكي الخفاف حل عليها خوها عنقاتو و باستو بوحشة و طلعات و محمد تابعها فين تعرض ليهم باها فباب الفصيل تلاحت عليه بتعنيقة كبيرة زيرات عليه تبوس هنا و هنا موحشاه كثر من اي واحد و حتى هو عينيه و روحو كيعنق و يبوس حتى سخفو و دازت لمها حتى هي و دعاء و راجلها….
جلسو فالصالون مبرد بالكليما تيرددو التراحيب ببعضياتهم حتى جابو الغدا اللي كان متول و من داكشي تغداو جمعو الطبلة و تحطت الصينية فين قرر محمد يهضر مع باها فحضورهم كاملين….
محمد:(بصوت جدي) عمي مصطفى عندي ليك شي هضرة
مصطفى: اهاه تفضل اولدي مرحبا
محمد: بالنسبة للعرس كنا مقررين يكون مورا شهر و لكن انا مباغيهش و ملي سولت ياسمين لقيت حتى هي معندهاش مشكل
مصطفى: علاش اولدي مابغيتوش ليلة وحدة فالعمر و غدوز
محمد: معنديش مع داك قوة الصداع و مكنبغيش نتخالط مع بنادم بزاف و حتى دابا لا بغاتو ياسمين ميكون غير خاطرها
مصطفى: لا اولدي لا كنتو متافقين مانزيديكم غير الله يسخر حياتكم و قراركم حنا معاكم فاللي بغيتو
ثورية:(خنزرات فياسمين حتى حدرات راسها و نقزات) ولكن ياسمين كانت باغاه كيفاش تا مابقاتش…
محمد:(طلع فيها عينو مقروص محملش هضرتها و عارف شنو قاصدة شاف جيهة ياسمين لقاها كتشوف فيها معاجبها حال كان غيهضر لكن سكت احتراما لعمرها و مكانتها)
مصطفى:(معجباتوش هضرة مرتو اساسا حتى واحد ما عجباتو واحد دعاء حداها طيباتها بالقريص نهض فيها بصوت قاصح قدام الكل) ثوووورية الولاد عارفين مصلاحتهم
لبدات ثورية مور مدار فيها كتخنزر فياسمين و تحلف عليها و كمل محمد هضرتو على الرواح اللي غيكون مور سيمانة بغات تعتارض تاني لكن سبق ليها مصطفى تخنزيرة تا صرطات هضرتهااا….
توادع معاهم محمد معصب و محاملش راسو من جيهة هضرة النسيبة اللي طلعات ليه الدم و من جيهة فراق ياسمين….. غير خرج هو و تبعو راجل دعاء وهي دور ثورية لياسمين بغوتة حتى قفزتهااا….
ثورية:تبارك الله على الدرية اش هاذ الفعايل
ياسمين:(قفزات و ملقات قدامها غا تلصقها فمحمد) وا ماما راه مابغاش العرس و تا انا مابغيتوش واه
ثورية: صافي غير ضحك علك بجوج كلمات درتي بناقص العرس ها فعايلو بداو يبانوووو
ياسمين:(بدات كطلع ليها الگناوية) ماما واش عارفا اش كتقولي ولا لا
دعاء: وا الله يهديك اماما هوما حرين فراسهم نتي مالك فيهم
ثورية: و الناس اللي معلومين اش يقولو علينا مقدوش يديرو العرس
مصطفى:(كان عاد دخل مع هاد الهضرة) ثورية ديها فسوق راسك مبغاوش العرس يضبرو مخاخهم واش نتي اش ليك و بلا ديك الهضرة ديال قبيلة حشمي شوية راك زدتي فيه
ثورية:اش درت گااااع واش بغيتو ضحكو فينا الناس
ياسمين:(ناضت مخلياها كتنگر) هامك غير الناس..
مشات ياسمين مخلية حرقة ثورية كطلع و تنزل ديال العرس تبعاتها دعاء جارا معاها البالز تالبيتها اللي توحشاتو مع دخلات تلاحت فوق الناموسية و جلسات دعاء حداها…
دعاء:(تتشوف فليفاليز) الناس مشاو بباليزة جاو بثلاثة و ساك اش هذا ههههههه درتي لنسيبي السيزي
ياسمين:(تقادات فالجلسة كضحك) واااا هو اللي بغااا داك الساك بعدا كلو ديالكم و ديك الفاليز و السامسونيط كولشي خداه ليا البارح جديد
دعاء: باينا فيه سخي و ولد الخير ماشي شي جيعان
ياسمين:(بحماس) ياختيي ماشي غير سخي راه بزاااف والله العظيم حتى كيعطي بلاما يحسب وااا ايلا غير جات عيني فالحاجة كياخدها (بضحكة) اما الفيرمة فمراكش راك شفتيها فالفيديو و تهضري معاه شبعااان مع راسو متواااضع بزاااف
دعاء: حتى نتي احبيبة تستاهلي كل خير (غمزاتها) قديتو الغرض ولا مازال
ياسمين: اشمن غرض تعالي نعاود لك (عاودات ليها كولشي و دعاء مصدومة) و دابا خاصني نوض ندير الدوا
دعاء: نوضي اختي نوضي هاد نسيبي مسكين ماعندو زهر و كان….
فعلا بدلات ياسمين حوايجها و دارت الدوا و قررات انها تخلي الفاليز ديال داكشي اللي خدات هكاك و الشي لاخر تا تكمل الشريان و تقادو….. تعشاو فصمت مازال هازا فخاطرها من جيهة مها و حتى مها مازال فگعانة حتى تهز العشا و جلسو كيتحتتو….
مصطفى: ايوا ابنتي كيف دوزتي هاد اليوماين
ياسمين:مزيانين ابابا مخلينا فين مشينا و محمد مخلا ما شرا ليا راه وريت لدعاء
مصطفى: تبارك الله عليه ولد الخير و مزيان الله يجمع بيناتكم فالخير
ثورية:(من تحت نيفها) اممم جات تال عرس و حرافت ليه اما الشريان و خسير الفلوس فالحين فيه بزوج
سمعاتها ياسمين و الكل لكن طمرات مافيها اللي يجبد الصداع زادت معاهم شوية و مشات لبيتها دوات مع محمد شوية و نعسات بالعيا طاحت طيحة وحدة….
نرجعو لعند محمد ملي رجع للرباط توجه للمحل ديالو لقا علي مكلف بكولشي و توجه موراها للمحل ديال باه تاهو قلب لقا شي خواض لكن ممساليش ليه و اساسا تيفكر يفك الشركة فمكاين لاش يصدع راسو…..
طلب من باه يمشي معاه للدار و فعلا مشاو للرياض لقاو غير سميرة اللي بان عليها العيا و الحزن غير شافتو قفزات تعنق فيه و تبوس و عينيها فيهم شلال ديال الدموع وهو غير كيطيب فالخاطر عاد سكتات ليه سلم على الكل عاد جلسو كيهضرو….
محمد: الواليدة مالك بنتي ليا ماشي تا لهيه
سميرة:(جالسة حداه معنقاه و دوات بصوت باين لين المرض) غير العيا اولدي و صافي
حسن:(مبغاوش يقولو ليه على اللي وقع بحيت عارفينو غيكحلها عليهم كاملين) كيدايرين نسابك اولدي
محمد: الحمد لله الواليد سلمو عليكم وداكشي لاش جيت اليوم بغيت نقوليكم بيلا مابقيناش غنديرو العرس السيمانة الجاية غنديرو عشا بيناتنا و صافي
حكيمة: علاش اولدي ياك لاباس
محمد: لا لا والو غير ياسمين اصلا مكانتش باغا العرس و انا راكم عارفيني مبعد على الصداع
حسن: ايوا فيها خير و العائلة من بعد و نديرو ليهم شي صدقة
تمات داخلة حفيظة يله بغات تسلم عليه وقف و دوا مخاطب مو….
محمد: الواليدة لبسي حوايجك يله معايا باغيك فشي غرض
سميرة: ياك لاباس اولدي
محمد:لا والو غا عارض على لالة سميرة فيها شي حاجة
حسن: سير عرض على مرتك و خلي ليا مرتي فالتيقار….
ضحك محمد و خرج مخلي حفيظة غير تتشوف و تسرط القمعة اما شيماء مبانتش قدامو سادة عليها فالبيت من البارح…..
لبسات سميرة جلابة زوينة مع صندالة طالون ب ساكها و زويف مع ماكياج خفيف تتبان بحال ختو الكبيرة متعطيهاش مو…..
ركبو فالطوموبيل متوجهين للبحر فين گلسو فواحد القهوة عائلية عندها طيراس على البحر….. طلبو اللي بغاو كيديو و يجيبو فالهضرة….
سميرة: ايوا خلي تال السابع ديالكم و نديرو صدقة للصحاب و العائلة
محمد: انا مكنفهمش فداكشي نتوما ديرو اللي بان ليكم (تنهد و عاد دوا) صراحة الواليدة انا باغيك فشي حاجة اخرى (حركات ليه راسها بمعنى شنو) بغيت نفك الشركة ديال المحل اميمتي
سميرة:(تصدمات) اويلي علاش ياك مكااااين باس واش على يوسف ولا شنو عارف باك ميعجبوش الحال
محمد: الدعوة مخلطة من غير يوسف و شيماء المحل فيه الخواض بزاااف و خسارتو كثر من ربحووو و هازين شلا كريديات و مغنتسناهومش تا يديرو ليا المش فالسروال عاد نفيق اللهوما دابا
سميرة: ايوا اش غنقولك اولدي نتا تعرف شغلك و ايلا على باك انا نهضر معاه
محمد: راه فيا منقولها ليه ولكن بغيتك تسبقيها ليه
سميرة: ايوا تال العشية و نهضر معاه
محمد: لا مكاين بو عشية غتباتي معايا اليوم تبدلي الجو شوفي وجهك صفر
سميرة: والو اولدي غا العيا ايوا يله باش نصاوب لولدي شي طاجين متكتك
محمد: نيت توحشت طواجنك
سميرة: غا طواجني العفريت ها ياسمين جات تعمر بلاصتي
محمد: كل وحدة و بلاصتها الواليدة نتي ميمتي وهي مرتي و بجوجكم اللي عندي
سميرة:تانا اش بغيت ليك اولدي غا الهنا و راحة البال و يزرع فديك بنت الناس البركة و يجعل دخلتها دخلة خير يارب
محمد:(خدا يدها كيبوس فيها) امين الواليدة الله يطول ليا عمرك….
خرجو من القهوة فاتجاه الدار فين دوزو ليلة بيناتهم ضاحكين و كيتافقو اش يديو و شنو يتقداو…..
ليت كل الهواء عطرك 🤎
صباح جديد و سيمااانة دازت على ابطالنا بحلوها و مرها…. سيمانة اللي كانت عامرة بالأحداث و الشغال حتى ملقاوش فين يحكو راسهم…. كل نهار كتخرج ياسمين مع دعاء يتقداو بداية من طقم ديال لي فاليز باللون الأبيض ديال العرائس و خدات لبيسات بلديين جاهزين بحكم يله كفاها الوقت تخيط تكشيطة و قفطان فقررات ان شي لاخر غتخلي تال من بعد…..
خدات بيجامات جداد و ملابس داخلية كلهم فالوان هادية ماعدا اللون الأسود و الأحمر اللي فينما دوات مع محمد كيركز عليهم….. كانو كيهضرو كل نهار بالسوايع محاولين يشبعو من بعضهم واخا الشوق قاتلهم لكن مابقا والو و يتجمعو تحت سقف واحد…. مشات لسونطر ديال التجميل كبير دا ليها النهار كامل هي ودعاء دارت سوان لشعرها و وجهها مع لاسير كاملا صاوبات ضفيرات و خرجات كتشعل و المفاجأة لقات محمد كيتسناها….
محمد اللي دازت عندو السيمانة عادية قرر انه ما يهضر مع باه على المحل تيفوت هادشي و بقا خدام عادي عمرو ما مشا للرياض مو و عمتو كل مرة كيدوزو عندو يحطو شي حاجة من داكشي اللي شراو…..
و اليوم دوا مع ياسمين عرفها غتمشي لسونطر و مقدرش يصبر مازال خلاهم كيخملو فالدار و هز هو طوموبيلتو و مشا عندها بقا كيتسنا بالسوايع لكن ميهمش قدام شوقو لمحبوبتو…. خارجة بوجهها منور و شعرها مشدود ذيل حصان اللور مع جليليبة و بليغة….
الظفيرات دايرا ليهم الجيل و مصبوغين بالبيج و لون لامع فالبنصر ديالها…. تتبان بحال الحورية حمقاتوو كان داير نظارات شمسية هبطهم بابتسامة من عينيه اللي هايمين فيها….. و مكانش بوحدو اللي ساهي كانت حتى ياسمين ساهية فيه و فوقفتو و طلتو كلشي فيه كيصرخ بالرجولة…. تتقول مع بالها كنغبر عليه يوماين كيزيان ولا كيفاش….. شافتو دعاء حتى هي و بتاسمت قربو لعندو…..
دعاء:(مدات ليه يدها) اهلا اهلا بنسيبي كيف داير لاباس عليك
محمد:(سلم عليها بنظرة خاطفة و رجع كيشوف فياسمين) الحمدلله اختي و نتي بيخير
دعاء: بيخير الحمد لله (دورات راسها لعند ياسمين لقاتها مازال ساهية فيه نغزاتها بشوية حتى وعات على راسهت و مدات ليه يدها)
محمد:(خدا يدها سلم عليها حابس الضحكة) كيدايرا اختي لاباس عليك تشاوفت معاك غا البارح..
ياسمين:(حشمانة قدام ختها) لاباس ونتااا
دهاء: نخليكم انا دابا غيكون ولدي مروم الدنيا (خدات من عند ياسمين ساك صغير ديال الحوايج مخلية ليها غي ساكها و زادت لطوموبيل بعدما ودعاتهم)
محمد:(تسنا حتى مشات دعاء عاد جر ياسمين حتى لصقات مع صدرو) تسلمي عليا بايدك خوك انا (هبط باسها فحنكها) ادوي بحالا بايت مقصر معاك
ياسمين:(حدرات راسها حشمانة خصوصا انهم مازال فالزنقة) وا غير حشمت دعاء و الزنقة
محمد:(بعدها عليه شوية و جرها لجيهة طوموبيل حتى ركبو عاد دار عندها بلا مقدمات خدا شنايفها ببوسة جر ليها فمها كامل فيها عاد بعد فمو مخلي جبهتو محطوطة فوق جبهتها كيشوف فاحمرار خدودها و النور اللي على وجهها) اش هاد الزين كامل كل دقيقة تتزيدي تزياني كثر واش مكتعيايش من الزين
ياسمين:(ضحكات بغنج) بصح زوينة؟
محمد:(بعد راسو حتى وضاحت ليه صورتها هايم فضحكتها دوا بصوت حنين) ايلا كان غير الزين اقلبي راك فتيه بدرجات الله يحفظك….
ابتاسمت ليه ياسمين بحبو زادت عنقاتو وهو بدورو زير عليها حتى قدرو يرويو شوية من الشوق عاد حرك الطوموبيل….
محمد:غتكوني باقا ماكليتي
ياسمين:من فطوري
محمد:غندي الحبيبة ديالي تاكل احسن غديوة….
وصلو لسناك شعبي فيه الماكلة الشعبية من رفيسة كسكس لوبيا لحم الراس…. گلسو و ياسمين كدور عينيها من ديما كيعجبوها هاد الأجواء و كيجيوها دافيين…
محمد: دابا غتعرفي احسن اكلة عندي
ياسمين: شنو هي
محمد: الكرعين باللوبيا (شافت فيه بعدم تصديق) اوالله العظيم اختي راه هاد الشوية ديال الكرش اللي خارجة سبابها غا ليدام هههههه
ياسمين:(ضحكات عليه عاد قالت طلبها) راه غتولي بحال البرلماني نقص من ليدام
محمد:(بنظرة لعوبة) متخافيش ازين غاتجي عندي غتمشي
ياسمين:(باستفهام) كيفاش مفهمتش
محمد:(قرب ليها بهيام) نغلق بنهار و نحرق بليل الزين ديال حبيبو
ياسمين:(احمرو خدودها بحشمة و ضربت خمسة على فمها)…..
طلبو طلباتهم و جلسو داويين كيتسناو فيهم حتى جاو كلاو عرگوها عاد خرجوو مشادين كيضحكو مقاداهم فرحة….
ياسمين: صافي وصلني للدار خاصني نمشي غتكون ميمة و خالاتي جاو
محمد: وايلي على نوصلك مازال مادوزنا تا جوج سوايع مقادين
ياسمين: راك عارف اليوم الحنة و غتكون العائلة جات
محمد:(بسخط) صافي سيري اختي بالحق مابقا قد ما فات غا وجدي ليا راسك (ضحك بمكر و زادت ضحكتو علات ملي شاف تزنيكتها)..
وصلها تال قدام الباب اللي كان محلول بحال گاااع ديور العرس بحيت بالرغم من انهم قالو مباغين لا عرس لا والو لكن حلفات ثورية تادير ليها ليلتها بالأصول و تركبها فالعمارية و دار العرس راه ديما الرواج…..
وقف قدام الباب دور راسو هاك و هاك مالقا حتى واحد وهو يتلاح عليها ببوسة على غفلة حتى خنقها….. كيقبل فيها بجوع و نهم مكرهش يحيد شنايفها و يديهم معاه يصبروه هاد الليلة…. دامت قبلتهم الفرنسية لمدة طويلة حتى تخنقو و بعدو مساخينش فالبلاصة عنقها لصدرو كينهجو بجوج حتى شبعو…..
محمد:(كيشوف فيها) ولينا كنديرو فعايل البراهش امدام
ياسمين:(كضحك حشمانة) بقات غير ليلة
محمد: يادلي راه هاد الليلة كثر من شهر نزلي اختي نتشاوفو غدا
ياسمين:(تتشوف فيه مترددة حتى زعمات راسها بزز و حدرات بالزربة باستو فخدو و بعدات حلات الباب حتى بغات تنزل و لاحت ليه) كنبغيك (نزلات كتجري مخلياه كيضحك عليها حتى شافها طلعات عاد حرك الطوموبيل متوجه لميحيلو)..
طلعات ياسمين للدار لقات الجليسة ديال الحنة مصاوبة و النقاشة كاينة اللعابات كيسخنو فطعارجهم و بنادرهم العائلة القريبة جات سلمات عليهم و جراتها مها تاكل كلات شوية تاني عاد مشات للبيت لقات دعاء و مريم و هاجر كيلبسو و موجدين ليها هي لبستها اللي كانت عبارة على قفطان بالطرز الفاسي مع سروال قندريسي بنفس الطرز و شربيل ديال الصم الحر فرجيلاتها….
طلقات شعرها اللي كان كيتسبسب بالسوان اللي دارت ليه و كحلات عويناتها بكحل طبيعيي حاااار خلاهم يدمعو و يحمارو مع تزنيكتها الطبيعية و النور اللي فوجهها و نفتة بسيطة ديال مرطب شفاه خلا منظرها يبان روعة…..
لاحو عليها فوال مدرق ليها وجهها و خرجوها بالصلاة و السلام مع الحيحة ديال اللعابات و البنات كيشطحو….. بدات النقاشة كتنقش ليها رشيمات فاسيين اكدات عليهم ياسمين….
نقشات يديها و عمراتهم و بدات ليها فرجليها حتى دخل باها عليهم هز ليها الفوال بعينيه لامعين بدموع….. دموع فرحة لبنت قلبو اللي كبرات و ولات عروسة….. و دموع حزن و قهر على فراقها اللي مقادرش يتصورو مساخيش بصغيرتو و الحنينة ديالو….
يجي من الخدمة تعرض ليه فالباب تسخن ليه غداه و تجلس معاه…. يمرض تقابلو و تبات حدا راسو و طلب تجي فيها ولا فيه….. دات رضاتو و دعاويه و عمرها دارت اللي يقلقو ولا يغضبو….. ايلا تناقشت مع ختها ولا مها ولا خوها تدخل لبيتها تاتهدن و تخرج…. حنا على راسها و طبع بوسة عميقة فجبهتها حتى نزلات دمعة من عينو طاحت على خدها اللي كان عامر بدموعهااا….
كتنخصص و تشهق ايلا كان فراقها صعيب عليه هي راه قلبها كيبكي الدم….. كيفاش تفرق الشخص الوحيد اللي حن عليها و بغاها كثر من نفسو…. كان ديما حنين عليها كثر من مها اللي مها…. تلاحت على صدرو معنقاه كتنخصص و هو دموعو غير دايزين….. بكاو كولشي حتى شداتها السخفة و بداو كينوضو فيها…
ثورية:(معنقاها من كتفها كتشرب فيها الما) بسم الله علك ابنتي بسم الله علك
جداها”ام ثورية”: (واقفة كترش عليها فالما) عوينا و صابتك يا بنتي بسم الله علك..
بقاو معاها تا شدات فراسها شوية عطاوها الما و السكر و الشكلاط حتى توگدات بعدما بكاو كولشي حاولو ينساو شوية الحزن و نوضوها تشطح قبل ما تبدا ليها النقاشة فرجليها….. كتشطح بثقالة و خوالاتها دايرات بيها كولشي شطح و برد هوايشو عاد كملات ليها النقاشة رجليها اللي حتى هوما دارت ليها نقيش فاسي عامر مع ظفيرات مقادين و مصبوغين يا سلام…..
اتاي كيتسربا للناس مع الحلوة و الفاكية….. سالات ليها النقيش و وقفات الزوهرة على الجبانية اللي فيها حنتها حتى هزاتها دوراتها على العويتقات يديرو الفال دويويرة للوحدة عاد خلطو ليهم حنة جديدة باش نقشو كاملات…..
كرمات حنتها و جابت مها اناء ديال الفضة فيه الما و النعناع مع دمليج ديال النقرة الحرة الصافية و بدات كتقشر بيه ديك الحنة اللي خرجات حمرة كتدل على صفاء و نقاء قلبها…. غسلات يدها فداك الما و ذهنوهم ليها بزيت اللوز الحلو و نفس الشيء داروه لرجليها….. تسربا العشا للناس فحين ياسمين و دعاء و مريم تعشاو فبيتها اللي كانو محطوطين فيه حوايجها اللي جمعات فليفاليز من ذهب و كولشي اللي غيديوهم ليها فالفطور من غير فاليز وحدة صغيرة غديها معاها…..
تلاحت فوق سريرها مجموع عليها عيا النهار كامل لقات بزاف لي ميساج و ليزابيل من عند محمد…. دوزات ليه لابيل صونا شوية عاد قطع عليها و فالبلاصة عاود صونا هو بصوت ثقيل كيبين بيلا كان ناعس بحيت كانت قريبة ثلاثة ديال الصباح….
محمد: الو ياسمين بيخير
ياسمين:(بصوت عيان) الحمدلله كنتي ناعس
محمد: لا كنت سارح معيزات راه ثلاثة هادي (سمعها كضحك) كضحكي بغيتي طيري عليا نعاسي
ياسمين:(عاد جاتها الحالة عليه و بغات تضحك و تهضر) واشنو نبكي
محمد:(تنهد) لا انا اللي نبكي…. كاينا شي بلاصة حداك
ياسمين:(كضحك فسرها) كاينا علاش بغيتيها
محمد: بغيت نعس فيها اختي و نعبز فخيورات سيدي ربي راه يدييا واكليني (سمعها صقلات) سكتي تاني فيقتي الراگد و طمرتي نتي
ياسمين:(كضحك حشمانة و فرحانة) وانتا باسل اش غنقولك
محمد:ايه باسل انااا دابا تبسالي تانتي ابلاتي تولي تقلبي عليه (سمعها كتولول) يغرق فيه شيطانك ابنتي شنو دابا منشوفوش الشهد
ياسمين: كيفاش ياك تال غدا و غتجي
محمد: نصوني لك فيديو؟
ياسمين: لا لا عيانة و اصلا مخاصكش تشوفني تال غدا
محمد: امممم زعما عمرني شايفك راه لا جيت نعاود ليهم على كل شبر منك غيصحبوني غا والدك سيري الله يعطيك ما تعطا ليا مفيقاني و مفيقاااا عليا هاد الحنش بوسكة…
قطعو مع بعضياتهم هي كضحك و تمرغ ففراشها مكانتش حتى ربع ساعة تا داها النعاس اما هو غير ضحكتهااااا خلاتو يتنشوا بقا شوية تا برد عاد رجع عنق وسادتو و نعس…
صباح جديد هلى ابطالناااا….. النهار اللي غيتجمعو فيه و يوحدو حبهم و ميفرقهم غير الموت…… بطبيعة الحال فدار ياسمين كتهز و تحط…. النگافة كتقاد البرزة من قنت و الطريطور كيقاد الديكور من قنت….. الناس داخلسن خارجين و اللي شادة نوبتها عند شي كوافورة راه شاداها…..
مشات ياسمين و دعاء و هاجر عند سعيدة كالعادة اللي مكانتش عندها الخدمة بزاف بحكم دارت السوان و كولشي قبل….. اما عند محمد فرياض كانت القضية هادية…. شيماء حلف عليها باها متمشيش و يوسف اساسا مازال علاقتو بمحمد متوترة و حتى حفيظة حلف عليها باش تشد فمها و تضرب الطم و الباقي راه كل واحد كيوجد فراسو…..
الحوايج اللي خداو ليها قادوهوم فدي بواط مستيليين ديال الكادوات…. مشا محمد حتى هو عند الحلاق قاد الحالة و دار خدا كوسطار جديد و صباط كيلمع….. دوز طوموبيلتو للافاج تغسلات و رجعات كتشعل…. عاد دوزها لناس اللي مكلفين بتزيين الطوموبيلات دارو ليها ديكور خفيف و زوين…
اذن المغرب و بداو اقرب المقربين كيوصلو مستقبلاهم فالباب ثورية بقفطانها و ذهبها و العينين مكحلين و الوجه منور باين زين بناتها منين جايبينو…. حداها مصطفى حتى هو بالكوستيم و مازال شاد فراسو…. و الزوهرة هازا مريشة فيها الزهر….
اذن العشا و تعلمو بيلا عائلة العريس وصلات و غيمشيو يجيبو ياسمين اللي كانت واجدة بتكشيطة خضرة ديال الحنا مع مجوهرات ذهبية و مكياج خفيف برز ملامح وجهها و شعرها مجموع نص جمعة كانت كيف عادتها آية فالجمال كل من جات عينو عليها كيصلي على النبي و يسبح لخالق هاد اللوحة…
گالسين كيضحكو حتى تسمع صوت الكلاكصون ديال الطوموبيلات قفزااات و هزاااتها الرعدة و التوتر مناش الله اعلم اللي عارفة انها حاسة بالتوتر….. بقات جالسة حتى دخلات عليها سميرة و احلام لابسين حتى هوما قفاطن راقيين و ذهب لعلك ترضى و الماكياج تحلف عليهم حتى خواتات…..
سماو الله و شكروهاااا و تغزلو بجمالها الفتان….. حتى وقفت الحياة عندهم و سهاو فعيون بعضهم كأن مكاين حد من غيرهم…… رغم ان المسافة كانت قليلة بيناتهم لكن كانو كيحسو بيها طويلة و باغيين غير فوقاش يوصلو عند بعضهم…..
بابتسامة عريضة و عيون لامعة كيلمح محبوبتو مزينة باجود الألبسة و المجوهرات لكن المميز انها هي اللي زادتهم جمال و ماشي العكس….❤️
قرب ليها حتى خدا يدها قبلها مبتاسم فعينيها و قال بصوت حنين دخل مع مسامعها بحال شي نغمة هادية ريحات اعصابها….
محمد: سبحان من خلقك الله يحجبك (ضحكات بحشمة فحين هو طبع قبلة سخونة على جبينها) اخيرا غنتجمعو وياك فبيت واحد و مغتفرقنا غير الموت…
ياسمين:(عندها بزاااف الهضرة تقولها لكن الشجاعة الكافية مكيناش فاكتفت بكلمة لخصت كولشي) كنبغيك
ابتاسم ليها محمد برضى و عاود قبل جبهتها….. خرجو ليد فاليد و الكل كيشوفو و يصورو فرحانين ليهم…. ركبو فطوموبيلتهم اللي فضل انه يسوق هو و يمشيو بزوج عاد تبعوهم لوخرين بالكلاكسونات محيحين…
محمد:(سايق و كل مرة يدور يشوف فيها حتى خدا يدها اللي حمقاتو بالحنة باسها و شمها بعمق) جاتك زوينة بزاااف
ياسمين: اللي كنعرف الرجال مكيحملوهاش نتا معندكش مشكل؟
محمد: بالعكس ديما كانت الواليدة و عمتي و جدة كيديروها مولف ديما فييديهم و مكانش عندي معاها لكن نتي حاجة خرااا (غمزها حتى حشمات تاني) هانا على الحشمة اليوم تحد لوالديك…
ياسمين:(بتذمر) وا صافي حشوما
محمد: هههههه حشومة دابا تشوفي حشومة ديال بصح غا صبري على خبزتك احبيبة…
كملو طريقهم مرة ضاحكين مرة محشمها حتى وصلو لدارهم فين كانو الدقايقية ملقين ليهم طلعو فالدروج و الكاميرامان كيصور…. حتى دخلو و تلقاو ليها بالميدة (العمارية اللي كتكون فاللبسة ديال الحنة) طلعوها فيها وهي فرحانة بحيت برغم من انها مبغاتش العرس و كذا لكن تتبقا ليلة مهمة فحياة كل بنت و ميمكنش دوز هكاك سكوتية…..
تتشوف فناسها و حبابها فرحانين لفرحتها بجمعتها مع الشخص اللي بغاه قلبها شنو غتبغي مازال….. نزلوها بالصلاة على النبي و تمشات حتى جلسات فالبرزة مع محمد اللي كانت الضحكة واصلة ليه تال وذنيه رغم انه معزيزش عليه هاد التجمعات هكا بزاااف لكن هاد المرة كانت غير هاد المرة الناس متجمعين باش يشهدو على بداية جديدة فحياتو….
بداية علاقة غتكون اسرة مكونة منو و منها و عاد ثمرات حبهم اللي غيجيو فالطريق…… بدات العائلة كتجي تصور بداية مع سميرة و حسن اللي باركو ليهم و تصورو معاهم حتى جبدات سميرة بواط مخملية حمرة ديال الذهب فيها سرتلة ديال 7 متكونة من دمليج عادي و دمليج مفتول شكل تقليدي لكن مكيقدامش ركباتو ليها دمليج بدمليج و ياسمين فرحانة….. علاش لا وهي كتشوف فحماتها مكبرة بيها قدام الناس و دايرا ليها الوجه….
اكيد اي وحدة منا غتبغي تحط فنفس الموقف….. ناضت سميرة و جات ثورية و مصطفى حتى هوما باركو ليهم و تصورو و جبد باها بواط بحال ديال سميرة حلها كانت عبارة على سنسلة طويلة ديال الذهب مفتولة بالعلاقة ديالها اللي كانت عبارة على مصحف كبير و وازن….. رغم انها عارفة هادشي قليل فين غديرو لكن حاجة بسيطة تفرحك فمابالك يكبرو بيك قدام الناس و العائلة…..
تبعاتهم احلام و حكيمة و الجدة كلثوم اللي جبدات براصلي كبير ديال عصير الصابون لبساتو ليها و لوخرى باست راسها بالضحكة و الصواب….. و كملو العائلة تصوار و كل واحد كيلغي بلغاه….
شي كيقول كاين اللي عطاتو و كاين اللي زواتو…. وشي كيقول فقيهها صحيح و باينا شلح صويري…. و شي كيقول سبع ايام ديال المشماش تحيد و تفدي داك الذهب…. وشي كيقول تستاهل حتى هي بنت الناس…. و شكون فينا اللي ساكت و مكيقول والو…. كلنا كنقولو و النفس بنت الحرام امارة بالسوء يستحيل تسكتهاااا….. حتى ايلا ماگلتيها خايبة فهادي راك تعيب فهادي….. و بنادم مستحيل تسكتو او ترضيه…. واخا تحشي ليه لويزة فكل تمرة ياكلها و يقول يخ على سقرام حاط وحدة مالو مايدير جوج……
تعشا بنادم فالنشاط و الحيحة و عاد ناضت بدلات عليها بتكشيطة بيضة ديال العريسات كلها منبتة هي باش غتروح بدلات معاها ليزاكسيسوار اللي كانو عبارة على لونسوبل اللي جاب ليها محمد تماشيا مع التكشيطة….. خرجات بصلاة و سلام شطحات مع محمد و العائلة دارو حقهم و نشطو مع حبابهم و جا وقت الوداع….. اصعب وقيتة فحياة البنت…. كتودع المكان او العرين اللي احتواها حياتها كاملة…..
اللي دوزت فيه اهم لحظات حياتها….. من الولادة…. لأول خطوة….. لأول كلمة…..لأول يوم فالمدرسة….. لبلوغ البنت…. لخطبتها للزواجهاااا…… المكان اللي دوزت فيه طفولتها و شبابها….. اللي تقاسمت فيه الحلوة و المرة مع عائلتها الصغيرة….. العائلة اللي فراقهم اصعب…..
كيفاش تفرق باها الحنين….. اللي عمرو دخل عليها بيدو خاويين….. اول حب فحياتها….. اول و اكثر شخص بغاهاااا و غيبغيهااااا….. اللي عمرو بخل عليها او تردد فانه يبين ليهت حبو و عطفو و حنانو….. كان ليها نعم الأب كيفما كانت ليه نعم الإبنة اللي عمرها طيحات براسو للأرض بل العكس من ديما كان رافع راسو ببناتو و مفتاخر بيهم…. و امها اللي رغم علاقتهم اللي مكانتش قريبة و داك الوجه القاصح اللي كتعطيها…. لكنها كانت عارفة و متأكدة انه من مور داك الوجه الحديدي كاين اطيب و احن قلب قلب الأم…..
الواليدين هوما اكثر شخص كيبغيك و يخاف عليك و يدير المستحيل باش يرضيك و باش يشوفك فاحسن المستويات و المراتب…… الأم و الأب مكيرضاو حتى واحد يكون حسن منهم ولو يكون خوهم ميرضاوهش يكون حسن منهم الا ولادهم ديما كيتمناو ليهم الأحسن فكل حاجة….. الواليدين هوما الوحيدين اللي كيبغيوك حب صافي طاهر….. حب مامشروط بحتى حاجة….. كيبغيوك كيف خايب كيف زوين…..
ثورية فالكوزينة كتبكي و تعطي لقلبها….. البكا اللي بكاتو فهاد اللحظة مبكاتوش على دعاء….. ماشي حيت مكتبغيهاش و انما حيت عارفة ان دعاء تربية يديها متخافش عليها حقها تاخدو بسنانها و متفرطش فيه….. عكس ياسمين الحنينة الدرويشة المسالمة….. يقدر يحكرها الواحد و باش تجنب الصداع تسمح فحقها ليه….. تحرك خوفها عليهاااا….. وحتى الندم على داكشي اللي معلماتهاش و ماوراتهاااش…..
دعاء معاها فالبيت كتلبسها سلهامها و الدمعة واقفة فطرف عينيها….. حتى هي مساخياش بتوأم روحهااا و بنتهاااا….. بالرغم من فارق السن اللي كان صغير لكن كانت كتحس بيها بنتهاااا….. حنات فيها وهي صغيرة….. حيدات الحاجة من راسها و عطاتهاااا ليها…. و ملي كبرت لقات فيها رفيقة الروح اللي كانت مستعدة تسمع ليها منين تكون محتاجة تهضر….. تنصحها منين تكون محتاجة النصيحة….. تعاونها و ماعمرها بخلات عليهاااا….. و نفس الشيء بالنسبة لياسمين اللي دارت عندها خدودها مالينهم الدموع و تلاحت عنقاتها بكل قوتهاااا كتشهق…
ياسمين: غنتوحشك اختي بزااااف بزاااف
دعاء:(نزلو دموعها حتى هي و عنقاتها بقوة) حتى انا احبيبتي غتخلي بلاصتك عليا
ياسمين: سمحي ليا (كتشهق) ايلا شي نهار قلقتك او درت شي حاجة غضباتك سمحي ليا
دعت:(خدات وجهها بين يديها كتبكي و تحرك راسها يمين و شمال) ابدااااا اختي ياريت يكونو گااااع الخواتات بحالك نتي راك بنتي (باستها بحرارة) اي حاجك احتاجيتيها او بغيتي نصيحة فيها غتلقايني معاك غنبقى ديماااا فجنبك…
تعانقو و بكاو فحظن بعضهم حتى رجعو كل وحدة عينيها جمرات و منفخين…. خرجات و تبعاتها دعاء بفاليز صغيرة لقاو محمد جالس مع باها اللي كان وصاه ملي دخلووو….
مصطفى:(جلس حدا محمد اللي كان كيتسنى ياسمين تخرج) ولدي محمد سمعني بغيت نهضر معاك شوية
محمد: اه تفضل مرحبا
مصطفى: هو فالحقيقة بغيت نوصيك على واحد الأمانة (شاف فيه محمد باستغراب) بغيت نوصيك على ياسمين… ياسمين راه قطعة من قلبي غنحيدها و نعطيها لك…. راه مهما قلت لك مغنوصفش لك بلاصتها فقلبي قداااش فراااقها كبييير و قاصح عليا بزاااف و كثر ما تصور…. ياسمين بنتي راه ماتلقى معاها حتى موشكيلة حنينة و كتحشم بزاااف ماطلب منك والو باغيك غي تصونها و تخاف عليها بحال شي جوهرة نادرة اولدي..
محمد: سمعت لهضرتك كاملة اعمي و انا كنواعدك عمر بنتك مايوصلها الشر ولا السوء معايا غنديرها فعينيا و عمري نقلقها..
مصطفى: ثايق فيك اولدي و عارفك ولد الناس الله يكملك بعقلك و يكمل عليكم بالخير….
كملو هضرتهم و فهاديك الأثناء خرجات ياسمين مع دعاء و مع هزات فيه عينيها قشعها من الطيارة باكية…. تزير عليه قلبو و ضرو خاطرو مابغاش يشوف دموعها لكن الدموع فهاد اللحظة بالنسبة ليه شر لابد منه….
تعرض ليها خليل اللي ديما كانو كيف المش مع الفار ولكن فداخلهم هي كانت حنينة فيه و اللي بغاها ديرها ليه و العكس حتى هو كان كيخاف عليها و واخا صغر منها كان كيحاول يحميها….. عنقو بعضهم و بدات تاني كتبكي بالجهد حتى خرجات ثورية من الكوزينة عينيها و نيفها حمرين بالبكا معاها مريم و الزوهرة اللي حتى هوما باكيين….
شافو منظرهم و بداو تاني كيبكيو و شكون يشوف هاد المنظر و مايبكيش هي تتشهق وهو تبكي بالسكات لكن كينزلهم عشرة للعين….. طلقات منو و تلاحت على باها اللي حبس دموعو بزز باش يصبرها و يخفف عليها بجملة
” غدا هاحنا معاك و بيناتنا غير ساعة ديال الطريق”
لكن واخا هكاك البنت ملي كتزوج و كتخرج من دارهم راه واخا تكون بينها و بينهم دقيقة تتولي غريبة حيت كتبني عائلة اخرى….. عنقات مها و بكاااااو و عبرو على مشاعرهم حتى كانت غتسخف….
حمر فيها محمد عاد سلمات على باقي و خرجات مع سميرة و احلام و دعاء اما مها سخفات ليهم بالبكا….. ركبت معاه فالطوموبيل كتشهق و تبكي بقوة حتى عصباتو…
محمد:(دار شافيها) دابا مالك فهاد البكا كامل واش انا غادي نقتلك (دارت شافت فيه و رجعات تتبكي شاف تا عيا و مد ليها كلينيكس خداتو تتمسح وهو غي تيشوف) واش انا غنخطفك ولا غنضرك راك بنت قلبي و وقتما بغيتي تمشي عندهم سيري مغنمنعكش عليهم (حدرات راسها تتبكي وهو دوز طوموبيل للجنب و عطا الضو لوخرين باش غير يمشيو اما هو سكت طوموبيل و حيد الصمطة عاد دار عندها خدا يديها)…
محمد:ياسمين سمعيني سكتي من البكا و سمعيني (هزات راسها فيه) بغيتي تكوني معايا ولا لا (حركات راسها باه) تتبغيني ولا لا (عاودت ردت بالايجاب) واش عارفاني غنضرك ولا ندير شي حاجة اللي تقلقك (حركات راسها يمين و شمال) ايوا علاش هاد البكا كامل احبيبتي ايلا بغيتي نرجعك دابا نرجعك تتبغي نتي ولكن هاد البكا راه غتسخفي بزاااف علك…
ياسمين:(سكتات من تنخصيص وجهها فازك بالدموع كتشوف فيه بشوفة تتقطع فالقلب) مقدرتش على فراقهم صعيب عليا بزاااف والله امحمد
محمد:(خدا يدها باسها و جرها لعندو عنقها حاط راسها على صدرو) عادي احبيبة حتى هوما مقادرينش على فراقك ولكن هادي سنة الحياة و هدا هو مصير اي بنت كيجي واحد الوقت و كتودع دار واليديها باش دير حتى هي دارها و وليداتهااا ولكن هادشي مكيعينيش انها صافي عمرها مازال غتشوفهم بالعكس راه وقتما بغيتيهم ولا احتاجيتيهم نديك حتال عندهم ولو يكون بيناتنا 24 ساعة ديال الطريق ماشي غي ساعة (هبط راسو شاف فيها لقاها سكتات من البكاااا و كتسنت ليه ساكتة باين انها اقتانعت بهضرتو) فهمتيني احبيبة ياك (هز ليها راسها حتى شافت فيه و حركات عينيها بايجاب)
محمد: نكملو طريقنا دابا و لا عجباتك البلاصة تتسناي يخرجو لينا بعضين يكشطو والديناااا (ضحكت بشوية وهو ملي شاف ضحكتها ابتاسم و نزل لفمها قبلو بحنية و حب عاطي لكل شفة حقهاااا كيقبل فكل وحدة وحتى هي ممنعاتش رغبتها فانها تبادلو حتى تقطعت فيهم النفس هاد بعضو عينيهم فبعضهم و ريق كل واحد فيهم على شفة لاخر) يله اختي نمشيو راني بديت تانديماااااري دارناااا بوك لا تفلت (ضحكات و رجعو قبطو الطريق داويين او بالأحرى هو اللي داوي اما هي تتجاوب بنص جملة)…..
وصلو للدار اللي غتشهد على ليلة حبهم و الليلة اللي غيلتاحمو فيها اجسادهم….. دخلات حشمانة برجلها ليمنى كتدعي فنفسها ربي يبارك ليها فزواجها و يخلق بيناتهم المودة و الرحمة….. دخل الفاليز ديالها للبيت فحين هي جلسات فالصالون بعدما حيدات سلهامها تترتاح من البكا اللي مازال اثارو على وجهها من عينيها اللي منفوخين و حمرين….
خرج لقاها كتشوف قدامها عرفها غتكون متوترة و خايفة و الاكثر حالتها و البكا اللي بكاتو بينو و بين نفسو مقدرش يتخيل انه يدير معاها شي حاجة وهي فهاد الحالة ضروري خاصها تكون فاحسن الأحوال داكشي باش قرر انه يخلي تال نهار اخر…. توجه لعندها و وقف قدامها حتى شافت فيه عاد هضر بصوت خفيف و حنين كعادتو….
محمد:نوضي احبيبة تبدلي باش تنعسي ترتاحي
ياسمين:(تفاجئت من هضرتو لأنها كانت كتوقع انه غيطلب منها العلاقة الجنسية اللي هي فالاساس حقو لكن دوا بطريقة عادية و فكر فراحتها الشيء اللي خلاه يكبر فعينيها ابتاسمت ليه بحب و ناضت حتى تقابلت معاه و تلاحت عنقاتو) شكرااا بزاااف امحمد حيت دخلتي لحياتي
محمد:(زير عليها مبتاسم بحب) نتي راك عمري راني كنموت فجدك احشيشة قلبي..
ضحكات ياسمين على هضرتو و عنقاتو لمدة حتى شبعات عاد طلقات منو متجهة للبيت فين جبدات شوميز دونوي عبارة على كسيوة بيضة حريرية بيضة بصميطات رقاق فوق الركبة بشوية معاها بينوار ملبساتوش….
حطات الذهب كامل دارتو فليبواط ديالو و تسنات تايجي محمد تسولو فين تحطو عاد دخلات فكات شعرها حتى تطلق فوق ظهرها مموج و قوي و مسحات الماكياج كامل بقاااا غير اثار الكحل فعينيها…. خرجات لقات محمد مبدل عليه بشورط و تيشرت خفيفة دوات حادرة راسها مشايفاش هداك اللي مع هز راسو تصعق و ندم تا قرر انه مايقيسهاش اليوم…..
نوضات عليه المواجع و حركات رغبتو فيها بطلتها الفاتنة بحيت كتبان بحال شي طفلة مثيرة و ايلا تجمعت الطفولة و الاثارة فاقوى الرجال و اكثرهم صبرا ميقدروش يقاومو فما بالك بمحمد اللي كيشوف فحلالو و محبوبتو قدامو بديك الطلة و هو مقادر يدير والو….
ياسمين:(حادرة عينيها كتدهن فيديها) محمد داك الذهب معرفتش فين نحطو (تسناتو يجاوبها لكنو مكانش هنا فعاودت عيطت ليه) محمد وا قوليا فين نحطو (والو مكان حتى جواب من عندو حتى هزات راسها فيه لقاتو واقف كيشوف فيها ساهي و عينيه منيمين قربات حداه بحشمة من نظراتو و حركاتو من كتفو شوية) وا محمد تاا فينك
محمد:(فاق من سهوتو بعدما حس بلمستها) انا فين انا فبير غرقتيني فيه ابنتي اش بغيتي عندي و خلاص
ياسمين:(كتغنج عليه معارفاش راسها شنو كدير فيه بابسط حركة عن غير قصد) مالي شنو درت لك ديما تتقوليا هكا
محمد:(جرها من خصرها حتى تزدحت معاه مخرجة فيه عينيها بتفجأ) مادرتيشاي انا اللي دارت ليا واش نتي مكتعرفيش تخيابي (ضحكات و ضحك هو لضحكتها و عينيه مازال منيمين فيها) صبري قليل اياسمين و مراعي ليك راعي ليا حتى نتي..
هضرتو دخلات لعقلها و قلبها و خلاتها تفكر لثانية من نهار عرفاتو حتال هاد اللحظة….. عمرو خسر ليها شي حاجة….. عمرو بخل عليها بشي حاجة….. ديما كيبين ليها حبو بشتى الطرق و قدام كولشي…. معمرو طلب منها شي حاجة و الأكثر ديما كانو طلباتها مستجابة واخا كان كيصبر راسو لكن مكانش كيخسر ليها…..
امتانعت تخليه يقيسها فمراكش و مع ذلك عذرهااا و مخسرش ليها و كون واحد اخور مغيفكر فرأيها من اساسو…. سهات فعينيه و فكرات و فكرات و لقات انها ظالمة هاد السيد معاهااااا….. كتختابر صبرو و حبو ليها واخا هي مقاصداش لكن بطريقة خايبة و قدما صبر غيتفركع….. راجعت نفسها و لقات انها حتى هي باغا تفك و تهنى و متبقاش هاد الليلة عائق قدام حياتها الزوجية…. ذكرات هضرة دعاء و لقات انه بصح مخلا مادار على ودهاااا باش يبين ليها حبووو…. وهي مطلوب منها حاجة وحدة فقط…. انها تسلمو نفسها برضاتها و يرجعو زواجهم كامل…
ياسمين:(جمعات شجاعتها كاملة و دوات بصوت مهزوز سابقو احمرار خدودها) و شكوون ق قالك راعي لليا…
محمد:(خرج فيها عينيه بصدمة) كيفاااااش واش عارفة شنو كتقولي ولا غا ضاحكة هادشي مافيهش الضحك..
ياسمين:(قبلما يكمل هضرتو كانت قاطعاتو بسرعة) مضاحكاش امحمد انا ليك (حدرات عينيها بحياء)
محمد:(توسعو عينيه بفرحة و ترسمت على محياه ابتسامة لكن قال متردد) متأكدة اياسمين عنداك تكوني مازال عيانة..
جوابها كان عبارة على قبلة خفيفة طبعتها على شنايفو بعذما تعلات على اصابع رجليها مخلياه مشرع عينيه بالصدمة و الفرحة فوقيتة وحدة و قبلما تحتال تحيد شنايفها كان ملجمهم بقبلة فرنسية من الطراز الرفيع مارس بيها طقوس حبو على شنايفها…
مخالطين الريق مع بعضهم و شنايفهم تتسارع فحين رجليهم غاديين بيهم جيهة السرير حتى وصلو ليه و قطعو القبلة بلاما يبعدو على بعض و خيط ديال الريق فاصل بين شنايفهم كينهجوو حتى تكاها فوق السرير و تهز هو نصل تيشرت باش تبان فصالتو الرجولية و رجع نزل فوقها مكالي بيد باش مايلوحش ثقلو عليها و اليد لوخرى كتعجن فخصرهاااا باش يتيهو فقبلة فرنسية اخرى كل واحد فيهم كيقبل و يمص فشفة الآخر حتى حسات بعضة على شفتها السفلية باش تحل ثغرهااا و هنا بدا صراع من نوع اخر صراع الألسنة و كل واحد كيستمذق ريق الآخر…..
مص لسانهاااا بنهم حتى قفزت و حطت يدها على صدرو دليل على ديق التنفس…. استاجب ليها و بعد شوية حال عينيه الحمرين و الناعسين فعينيها اللي مكانوش حسن من ديالو بل الأكثر الحمورية ديال النشوة دايرا باللون الاخضر عطاتهم منظر جميل….. نزل بفمو لذقنها كيبوس فيها و هو نازل حتى استقر فالرقبة ديالها و مصها بقوة حتى قفزت مبورشة و هنا كان عارف انها نقطة ضعفها و هي اللي خاصو يلعب عليهاااا….. مصها حتى تجمع الدم فيها و داز لبلاصة اخرى و منينما داز فالرقبة ديالها كيخلي اثرو كأنه كيعلم طريق رجوعو باشما يتيهش…..
عضها فاخر خطوة تماااا و تهز شوية على ركبتو عاطيها مساحة فين يقاد النظر ديالو و يسقي عيونو بحورية قلبو بطلتها البيضاء كيف الملاك….. نطق بصوت ساخن و هامس كفحيح الأفعى “شنو كديري فيا اياسمين اشمن سحور دايراه ليا” متسناش منها الاجابة لأنه كيشوف فحالتها اللي كانت يمكن كثر منو بعدما داز على رقبتها ببوساتو كانت دخلات فالنشوة ديال بصح و كانت فقمة الإستمتاع…. كيفاش لا وهو متعمد يمتعها هي عاد يشوف راسو باش متفقدش العلاقة بنتهاااا و متكرهش العلاقة من اول مرة…
حتى فهاد القضية كيفكر ليها و كيسبقها عليه هو…. مد يدو لفخضها مطلعها معااااه كيتلمس فيه و رافع معاه الكسوة حتى وصلت للحد فين ناعسا عليها عاد مد لوخرى كيهز فيها بشوية….. بانت ليه لابسة سترينغ فالأبيض مشبك….
حوالو عينيه فالبيوضية و الرطوبة و زاد طلعها كثر حتى حيدها و لاحهااااا مخلية جسد كينبض بالأنوثة فدوبياس بيضين ديال العرائس قبالة عينو وهو مكتفي بالنظر….. كيشوف و يشبع عينيه و يتمنظر اما هي مكانتش هنااااا كانت فعالم النشوة ما حسات حتى حط يدو على صدرها فوق السوتيان و ورك شوية عاد رجعات للواقع و قفزات مبعدة عليه شوية بحشمة حتى عاودات سمعت صوتو اللي يله المرة الثانية فين غتسمعو من بداية العلاقة..
“شششش متخافيش احبيبة كولشي غيكون هو هداك تهدني”
فعلا هدنها شوية بهضرتو حتى رجعات غمضات عينيهااا كتحس بيديه كيهبطو سميطات السوتيان و وجههو هابط حتى تحط على الشق باين الفلقات و تحديدا على الخالة لمزيناهم طبع قبلة سخونة عليها خلات جسدها ينتافض بنشوة و زيرات بيديها على الفراش اما هو كمل باساتو على الظاهر من صدرها حتى هزها شوية باش يحل السوتيان اللي طاح مبين صدرها الصغير بحال التفاح بحلماتو الورديتين طيرر ليه عقلو و خلاوه بلاما يحس يدخل فاللاوعي و ينزل على وحدة بايدو كيعجن و لوخرى بفمو كيمص و يعض و يتلذذ فيهم…..
بقا كينتاقل من وحدة لوحدة حتى عيا عاد تهز عليها شوية نصل الشورط اللي لابس مخلي غي الكالسون مزير عليه مبين رجولتو منتفخة و بانية العلام…. رجع نازل بقبلاتو مع كرشها مرورا بسرتها اللي جرها بمصة حتى تجمع فيها الدم و هو هابط داز مباشرة لفخدها قبلها فيه باش تتجرأ يدو و تمشي للمركز…..
تلمسو من فوق سترينغ حتى تسمع تأوه مكتوم بزز باش خرجاتو بالحشمة تبعوه بزاااف التأوهات بسبب يدو اللي تتلمس المركز حتى حس بالفزوگية فيه دليل على وصولها لنشوتها وهنا جات نوبتو هو اللي رجع لفمها كيقبل فيه و يدو كتنزل كالسونها متبعو بكالسونو هو حتى رجعو عريانين على طبيعتهم….. بعد شوية حتى نزل بنظرو بمهبل ديالها اللي حمقو ببيوضيتو و نقاوتو كيبان كيشعل…. قفزات ملي حسات بشي حاجة كدگها فيه يله بغات تجمع رجليها زرب ليها ببوسة فرنسية تلفاتها على القبلة و خلاتها ترجع ترخا باش يلقا هو الفرصة فين يقاد العضو ديالو مع ديالها و بدا كيدخل بشوية و حاس بداكشي مزير…..
شاف فعينيها نيشان و حول القبلة لوحدة حنينة و مازال عينيها فعينيه حتى شرعاتهم فيه بصدمة و عضاتو فشفتو السفلية حتى حسات بمذاق الدم ففمها بسبب عضو الكبير اللي اختارق الرحم ديالها بدفعة وحدة….. حسات بالضو ضربهاااا و بعدات فمها عليه باش تطلق غوتة صغيرة مكتومة و دموعها يديرو فرررر…. كتحس بسائل سخون كيهبط معاها…..
خرجو بشوية باشما تقصحش و مد يدو خدا مشوار ابيض مطروز مسح بيه عضوو من اثار دم عذريتها عاد لبس كالسونو بالزربة و تهز عليها كيشوف فالدم هابط مع فخاضها و هي مدورة وجهها لجيهة لوخرى كتبكي بالألم…. گعدها بشوية حتى جلسات كيطلب فيها تسكت….
محمد:(قادها فالجلسة و تناا ليها فخادها لعند صدرها و عنقها مزير عليها) شششش صافي احبيبة كولشي داز مزيان معندك لاش تبكي حبيبتي الم و غيفوت (كانت مازال تتبكي و تتحس بشي حاجة تتخرج منها اللي كانت بقايا الدم اللي كانو داخل زير عليهم باش يخرجو عاد بدا الألم كيخفاف شوية) شتي هانتي غي شوية و يفوتك كولشي احبيبة (طلع ليها راسها كيشوف فعويناتها مدمعين بحب قبلها على فمها بحب) شكرا يا اغلى ما عندي الله يخليك ليا….
وقف بعدما سكتات ناض متوجه للدوش فين طلق الما فالبينوار سخووون و لاح فيه وحدة من الخنيشات اللي سبق ليه و خدا ليها من الفارماسي كتجمع اللحم و داوي الجرح حتى عمر عاد خرج عندها لقاها جالسة عوجة ملوية عليها ليزار كتمسح فعينيها و تجمع فشعرها اللي تخبل…..
وجهها كان منور بحنيكاتها حمرين و العوينات منفوخين احسن عروسة فنظرو توجه لعندها بعدما حسات بوجودو و هزات فيه عينيها حشمانة….
محمد: نوضي دوشي اكبيدة راه وجدتو
ياسمين:(بزز باش تتخرج الهضرة) بلاش مافياااش عافاك
محمد:(توجه للفاليز ديالها جبد ليها بينوار ديال الدوش و حل تروس لقا فيه فوط صحية و بومادا خرجاتها ليها الطبيبة و برودويات الدوش هزهم دخلهم للدوش عاد خرج عندها كينوض فيها) غير نوضي احبيبة راه مزيان ليك درت فيه الدوا باش يبرا الجرح واخا (استسلمات لطلبو و ناضت ملوية عليها ليزار حتى دخلات بغات تحيدو و حشمات) غير حيديه راني عاد شفت كولشي احبيبة و اساسا ماشي وقت الحشمة (حيداتو حشمانة و دخلات للما سخون اللي غير جلسات فيه و قاسها داك الما للجرح بحالا شوطها قفزات بغوتة) شششش راه غير الدوا هداك فيه معقم باش يتنقا الجرح..
رجع عاونها حتى جلسات كتقفز بحدها سرعان ما ارتاحت و ترخاو عليها عظامهااا عاد حيد هو كالسونو و دخل موراها مخليها تتحمار و تصفار….. طلق الرشاشة فوقهم و خدا شومبوانها محاول زعمة يغسل ليها شعرهت اللي غير بداا كيرغوي فيه و هو يتخبل ليه و غلب عليه بطولو حتى رجع ندمان…. خدات من عندو المشطة كضحك بخفة سرحات شعرها بزز هو كيشلل وهي كتمشط حتى حيد شومبوان عاد جمعاتو الفوق فحين هو غسل شعروو…. جالسة قدامو متكية بظهرها على صدرو مستحلية سخونية المااا و الدوا اللي همد الجرح و حيد الألم واخا عظامها مرخيين و كيدروها لكن لكن حسن من الأول….. نزل براسو باس كتفها و حط راسو عليه كيقبل فعنقها…
محمد:(بصوت هامس كيخلي انفاسو يضربو فعنقها) عمري كنت كنقول غنتزوج فهاد الوقت و تكون عندي تا انا البنت اللي نبغي و نكمل معاها حياتي كاملة (طبع قبلة) حتى بنتي نتي فحياتي بحال الشميعة ضويتها و عطيتيها مذاق خليتيني نبغيك من اول لحظة و نشوف فيك البنت اللي باغي نكمل معاها حياتي (عاود طبع قبلة) ايلا قلت كنبغيك غنكون كذبت انا راني كنموت علك احبيبي…
ياسمين:(دورات راسهت فيه بشوية حتى تقابلو العنين و دوات بابتسامة زوينة زينات وجهها) حتى انا كنت كنقول عمرني نلقا اللي فهمني و يبغيني بشخصيتي و يتقبلهااا…. عمرني نلقا اللي يبغيني و يخاف و عليا و يصوني و يبغيني للحلال حتى بنتي نتا و ثبتي ليا بيلا راني غالطة (هزات عينيها فيه لقاتو مبتاسم) حتى انا كنبغيك و غنبقى نبغيك و نفديك بحياتي امحمد…
كان جوابو عبارة على قبلة حنينة تشاركو فيها ريق بعضهم و برهنو على حبهم حتى تقطعت فيهم النفس عاد ناضت حشمانة مخلياه فاشل فالما…. دارت باندوشها بالزربة و شلات عاد لبسات بينوارها و خرجات بشوية واخا الألم خف لكن كتحس بلحمها مشكرف…. دارت البوماد اللي خرجات ليها الطبيبة و برداات عليها عاد لبسات كالسون قطني مع فوطة صحية و بيجامة حريرية عبارة على ديباردو و شورط و نشفات شعرها عاد مشات بدلات ليزار ديال الناموسية باللي فيها…. تم خارج من الدوش ملوي عليه فوطة كحلة لقاها تتقاد من هنا و هنا نده عليها…
محمد: حبيبة غي خلي داكشي تانجي نتي مازال مقصحة غير ارتاحي
ياسمين: ماشي مشكل غير قوليا فين نديرو واش زعما تبغيه
محمد:(لبس شورطو و دار عندها يدو فشعرو كينشف فيه) فاش انبغيه غي ديريه فلاماشين حتى يتصبن و صافي (بان ليه ذهبها فوق طابل دونوي عاد تفكر ملي سولاتو) هاداك الذهب ديريه فواحد الكوفر كاين فالبلاكار الفوق الكود هو 0089 ولا خليه هاني نديرو…
فعلا جلسات هي فالسرير تترتاح باغا غير تنعس ترتاح فحين هو حط دوك ليبواط وهز بواط اخرى حمرة مخملية متوسطة…. دار تكااا حداها و حل ديك البواط تحت انظارها هاز منها ثلاثة ديال البراصليات مشبكين راقيين و زوينين من الذهب الأصفر و خدا يدها بدا كيلبس فيها بالواحد بالواحد…
محمد: صباحية مباركة يا عروسة قلبي (خدا يدها قبلها و رجع شاف فعينيها المصدومين) واخا معرفت شنو نعطيك منوفيكش حقي احبيبتي…
ياسمين:(فرحها الموقف كثر من فرحتها بالذهب خدات يدو بين يديها قبلتها تاهيا بحب و قالت) الله يخليك ليا ياربي امحمد
محمد:(جرها حتى تصطحات مع صدرو) الله يخليك ليا اه و ديك محمد لاش واش انا مانسمع حبيبي ما نسمع حياتي غا محمد محمد خايفاني نتلف على سميتيي
ياسمين:(ضحكات بحشمة كتهز فيه عينيها كيف القطة) وا شنو بغيتي نقولك راني كنحشم
محمد:(سها فعينيها) لاش غتحشمي واش انا خوك راني راجلك احبيبة قولي حبيبي دابا يله قوليها
ياسمين:(خرجات فيه عينيها) لاااا منقدرش (حمر فيها حتى بدات كدور فعينيها) وااا فففف (لقاتو مازال كيشوف فيها بنفس تخنزيرة) ح حبيبي (خشات راسها فصدرو اللي كان كيتهز بالضحك) صافي بغيت نعس
محمد:(شبع ضحك عليها عاد هز ليها راسها طبع قبلة على شنايفها) نعسي احبيبي تصبحي على خير…
نعسو فاحضان بعضهم فرحانين مشاو فنومة عميقة بعد ليلة طويلة عليهم و العيا اللي تمكن منهم….. ناعس على ظهرو حاط يد على عينو و لوخرى معنقها بيها فحين هي دايرا على جنبها عاطياه بالظهر و خاشية راسها تحت الوسادة…. النهار طلع و الشمس توسطات….. صونا تيليفوونها لكن شكون يسمعك خاشية راسها و مجايبة للدنيا خبار….
تقلق محمد من صوت تيلي و حل نص عين بشوية كيبان ليه تيليفونها كيصوني هزو لقاها دعاء….. مد يدو كيزعزع فيها بشوية و كيدوي بصوت مبحوح بسبب النعاس…
محمد: ياسمين حبيبة فيقي راه دعاء تتصوني (بدات كتمخشش فالفراش) واتي نووووضي يااااسمين فيقي (هزات راسها بانزعاج فيه عينيه مغمضين و الشعر مخبل بمعنى شنو) بسم الله الرحمن الرحيم اش هاد الشي فين ياسمين (حلات عينيها فيه بديك الشوفة ديال منيتك) شدي اختي تليفونك انا معاك بالله والشرع
ياسمين:(خدات من عندو تيلي لقاتها دعاء جاوبات فالبلاصة) صباح الخير….. ههههه فيقتيني والله…… بصح شحال باقي ليكم تقريبا….. ايوا صافي غير توصلو صوني يجي ليكم محمد…. بسلامة (قطعات معاه و عاد تحلو ليها العينين شافت فمحمد لقات حاجة اخرى حتى وهو يله فايق من النعاس منظر رجولي.. شعرو طايح على عينيه اللي كانو منفوخين و حمرين و الصدر عريان جالس كيشوف فيها كيتسنى تقوليه شنو كاين…)قاتليا خرجو من الدار دابا شادين طريق من هنا لساعة يكونو عندنا على ود الفطور صوني حتى نتا لخالتي و العائلة يجيو…
محمد: اهاه واخا مرحبا بيهم انا ندوش و نخرج نجيب شي حاجة نحطوها ليهم…
ياسمين: لا لا مكاين لاش راه غيكونو جايبين كولشي بلاما تعذب راسها….
محمد:(قرب لعندها كيشوف فعيونها نيشان) عدابكم راحة حبيبتي (جرها عندو و نزل عليها بقبلة كيفدي فيه گااااع الجوع ديالو من جيهتهاا حتى سخفو) تتسالي معايا ابنت الناس هدا الله….
دخل محمد يدوش فحين هي ناضت قادات الناموسية بالزربة و حيدات الفاليز خشاتها فواحذ الكوان بعدما قادات دوك الحوايج بالزربة فالماريو….
جبدات قفيطين ابيض مخدوم بسلتة رقيقة ديال الراندة فالغوز بيبي و طريزات فالصدر من الجناب بجوج…. جاها ملبوس و نور وجهها… دوزات على شعرها غي من التحت ببلاك و خلاتو على طبيعتو…. خرج محمد لقاها كتصاوب فيه طلع و هبط فيها و مشات ليها ماحسات حتى قرصها من مؤخرتها…
محمد: شلا ترامي امولاي التهامي ههههههه خير ربي گاع جامعاه نتي
ياسمين:(قفزات و دارت عندو بالزربة) ويلي امحمد حماقيتييي
محمد:(جرها من خصرها) من نهار شفتك وانا حمق تا حوايجي وليت كنلوحهم هانتي تشوفي (ضحكات على هضرتو) مزيناتك بضحكة ياختي ديال الماكلة (نزل كياكل فشنايفها ماكلة خلاها فينما تبغي تبادل معاها كيزرب عليها حتى داقت نفسها و قرصاتو عاد طلق كينهجو بجوج بقا فمها حمر و منفوخ) تي راه كنقولك راه منشعبعش من ديك الشهدة عندك ..
ياسمين:(طلعات يدها لشنايفها كتلمس فيهم منفوخين كيوزوزو) ضريتيني امحمد غتخليهم مطبعين و الناس جايين
محمد: ياك احبي و الناس اش عرفونا بايتين كنديرو راه باك اللي باك و عارفك بايتة هازة رجليك (ماحتالت تجاوب حتى عاود ليها بوسة ديال الغدايد) زيدك هادي ازين…
مشا يلبس مخليها كضحك عليه طلات فالمرايا لقات فمها تنفخ و حمر و واحد البلاصة الفوق معضوضة دارن ليها خافي العيوب بالزربة و عكرت بعكر خفيف درق ديك الشوهة و اكتفت بكحل حر لعينيها….
لبسات براصلياتها مع خاتمها ديال الزواج و خرجات من البيت فحين محمد مشا تقدا فطور كومبلي و خدا كرواسا و الحلوة و دي طارط گلاسي مع العواصر…. حلات ياسمين الشراجم كاملين ديال الدار حتى دخل ليها الضو و تبدلات فيها الريحة و هزات سطل بكراطتو و جفافو كبات فيه سانيكروا اللي لقاتو فالدوش دوزات على الدار بالزربة حتى ولات ريحتها زوينة….
دخلات للكوزينة تتقلب فالمجورة و البلاكارات لقات بزاااف الحوايج ناقصين فالماعن…. طبيعيي راجل عزابي او زوفري كيما كنقولو شنو غيدير بالماعن عندو غير لي ماشين و داكشي التقيل…. دخلات عاوتاني لگاع البيوتة تتشوف شنو ناقصها و تقيد فالميمو ديال التيلي حتى يخرجو يتقداو….
تحل الباب كان محمد جاااا حطو الفطور فطرو بالزربة يله كتهز فداكشي صونا تيليفونها كانت دعاء تتعلمها بيلا وصلو….. جمعات داكشي بالزربة و قدات داكشي اللي جاب فبلاطويات و طباسل حطاتهم فالصالون البلدي….. رشات ريحتها بالزربة و عطرت الدار بمعطر الجو…..
تسمع الدقان وهي تركبها الترعيدة و الحناك تزنكو عند بالها محمد و دارهم جاو حتى حلات عاد لقاتها سميرة و حكيمة و احلام و تيسير و حسن جايين حتى هوما محملين مجملين بالديسير و المونادا ممخلينش من جهدهم…..
سلمات عليهم بحرارة و عطاتهم صوابهم بالتاويل حمقاتهم كاملين و حتى هي عزو عليها…. طبيعي ملي كتشوف شي واحد داير لك الوجه و مكبر بيك حتى نتا بلاما تحس غتلقا راسك محتارمو و يعز علك….
تسمع صوت الساروت و هي تقفز ناضت بالزربة حدا الباب غير تحل دخل محمد هاز جوج فاليزات داز و دخل باها هاز تاهو جوج فاليزات تلاحت عليه بالزربة كتعنق و تبوس بحالا عام مشافتو….
حط حتى هو داكشي اللي هاز و عنقها عندو زير عليها كيبوس فشعرها حتى شبعو عاد داز تيضحك من وراه كان ياسين راجل دعاء هاز فاليز و سامسونيط سلمات عليه باليد بحرارة كضحك و الحنيكات مزنكين و الوجه حمر….. دخل خليل هاز بلاطويات ديال الحلوة عنقاتو تتبوس فيه و تنتف فالشعر حتى خلاتو مشنتف و دازت لدعاء وهنا حاجة اخرى…
تعانقوووو بالجهد كيضحكو و الدموع واقفين ليهم عند عينيهم حتى جراتها ثورية حتى هي تتعنق فكبدتها و موراهم مريم حتى هي….. سالاو جلسة التعناق و البوسان و دازو يستاراحو بعدما دخلو كلشي ديال الفطور من حوايجها ودهازها اللي خذاو ليها بما فيه كواش كويطات ديكورات اما الغداا و داكشي دارو مع طريطور يتكلف…..
دخلو جلسو عاطياهم حتى هوما صوابهم و فرحانة بيهم و شكون البنت اللي متتفرحش ملي تيزوروها واليديها لدارها اول مرة….. كتعرض و تحط عمرات اتاي و حطات الحلوة و الفاكية فرحانة و محمد فرحان لفرحتها عجبو كيفاش كتحرك بحال شي فراشة و الصواب و الادب اللي فيها…..
واحد دعاء و احلام تافقو و ملي دخلو مسكتوش من الحتيت و الضحك كل وحدة ارتاحت لوخرى اما ياسمين فمرة هاضرة مع الكبار مرة مع تيسير اللي كانت فنفس عمرها و تقريبا نفس شخصيتها ملقاتش مشكل معاها و حمدات الله اللي مجاتش شيماء…..
عيط باها لطريطور باش يعلمو يجيبو الغدا فحين ناضت ياسمين و دعاء و احلام كيجمعو الطبلة….. حلفات دعاء تتغسلهم و بقات معاها ياسمين….
دعاء: عندرا كولشي داز بيخير
ياسمين:(تلفتات ليها حشمانة) الحمد لله مزيان
دعاء: ياكما تقصحتي ولا
ياسمين:(قربات عندها) شوية ولكن كان خدا شي خنيشات درتهم فالما هو فاللول بنت ليه عيانة مبغاش ولكن بقا فيا
دعاء:(غمزاتها) اممم بقاااا فيك هههههه
يله بغات تهضر ياسمين دخل محمد وهوما يضربو الصمط اللمط رما عليهم السلام و غير داز من حدا ياسمين لقا دعاء عاطياه بالظهر هو يقرصها فترمتها حتى قفزات و خرجات فيه عينيها تتحبس فالضحكة وهو كثر خرج و خلاهم و هي غير تتشوف فقصوحية وجهو..
دعاء:(مسحات يديها ففوطة و دارت عند ياسمين) الدار عندو تبارك الله زوينة و مشمشة و فموقع زوين
ياسمين:اه الصراحة فروجية و تا فراشها زوين كان قالي تبدلي لا بغيتي مي مكاين مايتبدل
احلام:(دخلات عليهم) الفتيات نعاونكم فشي حاجة
دعاء: لا الزين كملنا غير يله نجلسو معاهم…
خرجو جلسو مكانتش خمس دقايق حتى جا طريطور جاب الغدا عبارة على بسطيلة بالحوت و لحم بالبرقوق بمونادتو و ديسيرو…. تغداو حتى شبعو و تهز داكشي…. دوزو عشية زوينة بيناتهم و زادو تعرفو العائلات هلى بعضياتهم…. و جات لحظة الوداع من ثاني و جديد….
عنقات مها و باها و الدمعة غتنقز ليها من عينها لكن مكانتش بحال البارح واخا هكاك كانت تقبلات الواقع شوية…. مشاو عائلتها و بقاو عائلتو شوية و مشاو حتى هوما و بقاو الراس فالراس…. كانت الثمنية ديال العشية الحال بدا كيظلم و يبرد….. دخلات تبدل حوايجها يله تتحط ذهبها تا دخل عليها محمد..
محمد:(قرب لعندها عنقها من اللور) حبيبي صافا
ياسمين:(تنهدات بحزن) شوية و صافي غير مازال ماولفت
محمد:(باس عنقها) دابا تولفي حبيبتي.. تبغي نخرجوو
ياسمين:(دارت شافت فيه) فين نمشيو
محمد:دوري عندي بعدا (دارت عندو و شدها من خصرها كيشوف فعينيها) نتعشاو برا عاد نجيو مالنا نبقاو فالدار هممم (متسناش جوابها ثارو فمهااا و شنايفها المنفوخين ماحس براسو تا نزل تيقبل فيهم بحنية و بطء حتى شبع من رحيقهم و هز عينيه فيها لقاها مغمضاهم و ماهياش هنا) مانخرجوش ازين
ياسمين:(حلات عينيها حشمانة) ممم
محمد: ههههه سيري تلبسي سيريي…
مشات ياسمين لبسات صاية بيج بلي بلي واصلة لنص ف ساقها مع شوميز كحلة كم و صباط بلا بصاكو….. خرجو من الدار ضاحكين توجهو لكافي كطل على البحر جلسو فيها مبردين خداو طلباتهم و بقاو داويين فمختلف المواضيع… اجلو السفر حتى يرجع يقاد محمد خدمتو و يفك مشكل المحل اللي دوا مع مو باش تهضر مع باه….
هبطو للبحر كيتمشاو فيه و يضحكو عايشين احسن لحظات حياتهم…. توجهو لبلاصة ديال الصخر و مشاو لوحدة ناشفة جلس محمد وجر ياسمين حتى جلسات على ركابيه غير مصدومة…
ياسمين: اويلي امحمد حشومة ناس غيشوفوناااا
محمد: اسكتي و زگاي الناس تيديرو العجب شكون داها فيهم
ياسمين: ولكن حشومة ويلييي (كدور فعينيها حتى لقات ولد بنت يكونو عندهم ديك 18 عام جالسين كيتباوسو خرجات عينيها و سقلات)
محمد:(لقاها سكتات دور عينو شاف فين تتشوف تصدم و ضحك بالجهد) ههههههههه شفتي اختي الناس اللي تتقولي ايشوفونااا…
مبقاتش ياسمين دوات حتى قرصها ففخدها و دواها بزز عليها…. جلسو شوية حتى وصل وقت العشا و ناضو تمشاو على رجليهم تال المرصة لواحد من دوك المطاعم الشعبية ديال الحوت…. خداو شوايا بشلايضها و مونادتها كلاو حتى شبعو و ناضو متوجهين لدارهم….. وصلو اول حاجة دارت ياسمين شربات لبيلول ديالهاااا عاد بدلات حوايجها بشوميز عبارة على كسيوة حريرية بالأسود ببينوارها….
حيدات مجوهراتها و غسلات وجهها و طلقات شعرها…. مشات لصالون لقات محمد فالبالكو كيكمي قلبات الدورة للكوزينة شربات و مشات للبيت….. يله جلسات و هي طيح ليها فبالها البنت اللي تلاقات بيها عند طبيبة…. جبدات تيليفونها و مشات لنمرة اللي كانت مقيدة باسم حنان….
صونات المرة اللولة حتى عيا مجاوبها حد…. قطعات و صونات المرة الثانية بقا كيصوني تا بغات تقطع و هي تجاوب البنت بصوت ناعس..
حنان:الو شكون معايا
ياسمين: الو السلام عليكم ختي كيبقيتي
حنان: وعليكم السلام الحمد لله اختي
ياسمين: الحمد لله معاك ياسمين البنت اللي تلاقات معاك عند الطبيبة عقلتي عليا
حنان:(بصوت مبشور) عقلت عليك اختي الله ياودي كيف دايرا نتي و راجلك لاباس عليك
ياسمين:(دخل محمد لقاها كتهضر سولها بيدو شكون قالت ليه من بعد) الحمد لله اختي يسول فيك الخير و نتي اش خبارك
حنان:(تقلبات نبرة صوتها للحزن) الحمد لله اختي كنسلكو و صافي راني خرجت من عند راجلي و دابا واقفين على الطلاق
ياسمين:(تصدمات) لا حول ولا قوة الا بالله و دابا فين جالسا
حنان: كاريا واحد البيت مع الجيران فدوار الحاجة و خدامة تندير الميناج فواحد البنك كنتقاتلو..
ياسمين:(زادت صدمتها درجات بزز باش دوات) عندك شي وقيتة غدا اختي
حنان: كندخل مع الستة و نخرج مع الربعة وقتما بغيتي نتي
ياسمين: صافي اختي غدا باشما كان نرد علك باش نتلاقاو سيري اختي تنعسي فيقتك ونتي غتفيقي بكري
حنان: واخا اختي يله خليتك فراحة الله تصبحي على خير
ياسمين: بسلامة اختي الله يصبحك فراحتو..
قطعات ياسمين مصدومة و قلبها ضارها على الحالة ديال البنت اللي مازال صغيرة و قاسات و مازال تتقاسي و بنت فعمرها و جمالها كتستاهلش هاد الحالة بالعكس تتستاهل الخدامات يدورو بيها…. دارت لقات محمد جالس بشورط فوق السرير كيشوف فيها و يتسناها تسالي..
محمد: ياك لاباس معامن كنتي داويا
ياسمين:(بملامح حزينة) عقلتي على ديك البنت اللي تلاقينا بيها عند الجينيكو هي معامن دويت دابا
محمد: سي عقلت عليييها مالها مسكينة شنو عندها
ياسمين: واقفا على طلاق و كاريا بيت فشي بلاصة سميتها دوار الحاجة ولا معرفت و خدامة كدير الميناج فشي بونك…
محمد:مسكيينة و ديك البلاصة فين ساكنا خطيرة عليها بوحدها و انا ملي شفت داك الشماتة ديال راجلها كيفاش كيعاملها عرفتو رعواني
ياسمين: دابا ايلا بغيتي غدا نتلاقا بيها و نشوف لا لقيت باش نعاونها
محمد: اه ماشي مشكل ديري معاها وقيتة نوصلك و نشوف الواليدة لكانت تعرف شي مراة مزيانة تخدم عندها تخرج من داك القنت (جرها من يدها) وا اجي دابا شوفي حبيبك حتى هو راك مسكين
ياسمين:(كضحك بغنج) مالو مسكين اش عندو
محمد:(كيحيد ليها فالبينوار و لاحو فالأرض خليها بالكسيوة) احححح وكان لهلا يورييك اش عندو (جرها تا ولات تقريبا فوقو عينيه ف عينيها و وجهو قريب لوجهها) علاش نتي زوينة بزاف هكاااا و عسيلة علاش..
ياسمين:(تخلطات عليها حشمة و ضحكة عطاتهت غير لضحك) ههههههه
محمد:(تيقرب بوجهو لوجهها حتى مابقا فاصل بيناتهم والو) ديال الماكلة دايرا بحال شي شكلاطة اختي..
تلاح على فمها ببوسة شغوفة كيقبل و يعاود فشنايفها بجوج و ماحس حتى بادلاتو القبلة بحب….. يديه وحدة فخصرها و وحدة كتهبط فسميطة الشوميز و هي يديها لعنقو من اللور….. بعدها شوية عليه و تقاد هو عاد قلبها تحتو و رجع خدا زمام الأمور…..
قبل شفايفهاااا و صارع لسانها بلسانو مكتاشف مختلف بقاع ثغرها….. داز لعنقها باش يبدا جولة المص و العض و طباعة علامات ملكيتو على جسدها الفتي و الرطب…… تهز عليها باش تبان ليه بثوبها الأسود اللي عاكس بيوضية لحمهااااا…..
طلع بيدو شوميز كيتلمس فخادها فنفس الوقت و غادي مطلعها حتى نصلها ليها مخليها فقط بسترينغ اسود بدون حمالات صدر….. قفزات بالزربة و دارت يدييها على ثدييها محاولة تدرگهم لكن كانت يدو سابقاها…. حيدهم ليها و طلعهم فوق راسها شادهم بيد وحدة و لوخرى شاد بيها فصدرها…..
كيمص فيه بفمووو و ينهش فيه مذوق حلاوتوووو حتى طابت…. طلق يدها و نزل بقبلاتو لبطنها ثم لسرتها اللي خشا لسانو فيها كيلعب فيه….. مسموع فالبيت صوت تأوهاتها اللي مقدراتش مازال تكبحهم كتأوه بصوت عالي كيزيد يهيجو و يخليه يتنهد و يدوي بكلمات غير مفهومة…..
مد يدو لجناب كالسونها و هبطو ببطء حتى وصل لرجليها و هنا ممنعش راسو ينزل يقبلهم….. قفزات ملي حسات بقبلتو عليهم لكنو معارهاش اهتمام و تحولو قبلاتو لمصيصات طالع مع سيقانها و فخادهاااا حتى وصل للمركز….. اللي كان فازگ بعدما وصلات لنشوتها و هذاك كان غرضو….
خشا راسو بين فخضهاااا و طبع قبلة على عضوها حتى انتافضت و طلقت غوتة كانت حابساهاااا….. ضحك و كمل موجة تقبيلو شوية بدا كيمص و يلعب بلسانو مستمتع بصوت آهاتها و تأوهاتهااا…. عينيها كيبكيو بحررر النشوة و هو مستمتع حتى جابت بليزيرها للمرة الثانية عاد سكتات سخفانة كتنهج….. و هنااا جاااات نوبتو هو بعدما متعهاااا و عيشها العسل كان خاصو حتى هو يشبع رغبتووو….
فمحاولة منو باش يقلل حشمتهااا خدا يديها حطهم على جنابو….. فالبلاصة و بلاما تحس زيرات عليهم و غرسات ظفارهاااا فيهم حتى تأوه بالألم…. خداهم مرة ثانية و حطهم على جناب الكالسون ديالو اللي كان مزير عليه و مبين رجولتو اللي بنات علام و خاصها غير فين دگ وتادها…..
بداااا كينزل بيديها و هي مغمضة عينيها رافضة تشوف شي منظر يحشمها….. حيد كالسونو و بقاااا عريان بحالهاااا…. نبهها باش تحل عينيها لكنها كانت رافضة…
حتى مد يدو قرصها من بذرها….. حلاتهم بلهلا يطريه ليها حتى لقات داك المنظر قدامهاااا….. مولاي التهامي بشحمه و لحمه واقف و معنتت قدامهاااا…. غوتات و رجعات غمضات عينيها بالزربة مخلياه كيضحك…. نزل لعنقها خشا فيه راسو كيبوس و يدو كتقاد رجولتو مع انوثتها…..
قادو معاه و بدا كيدخل فيه بشوية مراعي لأنها عاد ديفييرجات و غتكون مازال مقصحة…. تأوهاتهم مالية البيت…. دخلو حتى استقر و بدا فعملية الحفر…. يدها على ظهرو غارسا ظفارها فيه كيمشيو و يجيو محاسا لا هي ولا هو…. النشوة غالبة عليهم…. بدا كيسرع فعملية الإيلاج و فمو كياكل فعنقها….. للحظة هز راسو و بدا مرة يزرب و مرة يبطأ…..
حتى تنهد بصوت عالي و نزل عليها وهي كتحس بسائل سخون كيتخوى فيها من الداخل….. نزلات راسها لكتفو و عضاتو بعنف حتى تأوه و بعدووو..
محمد:(ببحة رجولية) كتعضي و تقمشي المشيشة…
مكانش اساسا كيتسنا جوابها لأنها كانت مازال غايبة على الوعي…. بدا كيخرجو بشوية حتى خرج كامل و مد يدو لكوافوز خدا كلينيكس بدا كيمسح لراسو و ليها هي اللي كانت طايحة مهدودة على الفراش كأنها كانت كتجاهد…. ناض فوقها كيضحك لبس كالسونو بالزربة و دخب للدوش غسل يديه و عمر البينوار رجع لقاها سرحات عجول لاخرة و نعسات لايحا عليها ليزار مغطيها….. عرفها عيات و تسخسخات قرب ليه صاوب عليها ليزار….
محمد:ويلي معامن انااا اللول و نعسات مخلياني واحل فروحي..
جمع حوايجهم خرجهم لاماشين و دخل لدوش دوش و جمعو….. كما گارو فالبالكون عاد خرج نعس حداها معنقها…
في يسار صدري لك وطن… ❤️
فنفس الليلة فالرياض اللي مازال الأحوال كعادتهاااا يوسف قليل فين كيعمر الدار…. و شيماء مازال كيما هي عجرفتها و ضسارتها لكن الشيء اللي تبدل ان تا واحد مابقا كيسكت ليها حتى دخلات سوق راسها شوية….
حفيظة تتبان بلي بصح ندمات خصوصا حسن اللي مازال هاجر فراشها و قاطع هضرتهاااا ولات كيف المقموعة طالبا غير يهضر معاها و هادي اللي عمرها كانت ليه عرف كيفاش يودبها و ترجع طالبة السلة بلا عنب…..
شيماء طلقات و حضانة ولدها كانت من نصيبها و حتى يوسف بقات ليه جلسة وحدة و اميمة مازال نادمة و مازال تاطلب لكن العيشة حرارت بيناتهم….. فبيت سميرة جالس حسن نصف جلسة فالسرير و حداه سميرة ضايرا عندو كيديو و يجيبو فالهضرة حتى قررات تفاتحووو فالموضوع…
سميرة: الحاج بغيت نقوليك شي هضرة و سمعني مزيان
حسن: الله يسمعنا خبار الخير
سميرة: خير اللهم اجعله خير غير محمد بغاني نوصليك شي حاجة
حسن: ياك لاباس ياكما خاصينو الفلوس ولا شي حاجة
سميرة: لا لا بخيرو الحمدلله غير بغا يفك ديك الشركة ديال المحل
حسن: اشمن شركة واش بغا يبيع حقو
سميرة: مازال ماناوي يدير والو حتى يتشاور معاك و يشوف واش بغيتيه نتا ولا واحد فالدراري و لا يبيعو للبراني..
حسن: لا البراني مكاينش ندخلو وسطنا البراني و علاش بغا يبيعو ياك لاباس ياكما عندو شي مشكل
سميرة: الحاج راه ماعندو تا مشكل غير بغا يركز على خدمتوو كثر و نيت الوجه المشروك عمرو مايتنقا
حسن: وايني مامسروطاش ليا هاد القضية لاش يخلي رزق باه فالنص ايلا كاين شي مشكل نحلوه
سميرة: حسن بلاما درق الشمس بالغربال راك عارف علاقتو مع خوتو و شيماء اللي دخلات تاهيا و. بلا هادشي هاديك حريتو بغاااا يفك الشركة سوقو وايلي غتجي تال اللخر و تعكس ليه و هو من نهار دخل معاك فيه عمرك طحتي فشي مشكل تا دابا راه بغا يشوف خدمتو تاهو…
حسن:(تنهد بعصبية) فففففف نعسي دابا تال من بعد و نشوفو هاد المشكل..
تكا حسن مخو كيدي و يجيب من جهة حقو هذاك و عارف و متيقن بيلا مور المشاكيل اللي وقعات مع خوتو الدار و خواها ليهم عاد المحل و لكن من جيهة اخرى مراضيش يخليه بعدما فكو من شحال من حاجة فالمحل و فظرف قل من عام خلص گاع الكريديات اللي كانو عليه و كسب كليان جديد…. خلاها على الله و نعس…
صباح جديد فالرياض…. الطبلة ديال الفطور محطوطة مشكلة و منوعة…. النص فاق و جالس فيها من الكبار و يوسف و شيماء و سعيد و مرتو و امين و مرتو و الصغار راه مازال ناعسين ماعندهم مايديرو فالصباح بكري..
حسن:(تكلم موجه هضرتو لسميرة) صوني لمحمد و مرتو يجيو يتعشاو معانا اليوم
سميرة:(هضرت معاه تتشوف فيوسف و شيماء) محمد حالف على هاد الدار مايحط فيها رجلو راك عارف لاش
حكيمة: حنا غنهضرو معاه و الباقي عليك الحاج راك عارفو كيحشم منك
سميرة: الله ياخد الحق فاللي كان حيلة و سباب (ناضت معصبة مخلياهم شي كيخنزر و شي كيخمم)..
عند محمد و ياسمين كانو مازال ناعسين بحكم محمد مازال جالس فالدار كيخدم غي من بعيد و قليل فين تيمشي…. ناضت ياسمين مدگدگة و عظامها مرخيين عليها دورات راسها لقات محمد ناعس عرفاتو ايكون دوش بالليل ناضت ملوية عليها ليزار ضرباتها بتدويشة هي هاديك خرجات الحنيكات مزنكين و الوجيه منور لقات محمد كيتجبد باغي يفيق…
ياسمين:(مشات للكوليس ديال البالكو و السرجم كتحل فيهم سامحة للشمس دخل) صباااح الخيير فقتي
محمد:(كمش عينيه على الشعا تتبان ليه مضببة) صباح الزين اللي مازال ما شفتو
ياسمين:(ضحكات و قربات ليه حتى وضاحت ليه الصورة) دابا بان ليك ههههه
محمد:(شافها بداك البينوار رجع تلاح على الفراش كيعيب فصوتو) احححح امي شفتووو بغا يقتلني (تهز شوية و دار فيها شوفة ديال المكر) اجي عند حبيبك يشوفك مزيان
ياسمين:(مازال واقفة حدا راسو حركات راسها بامتناع كاضحك) لا ههههه مابيتش
محمد:(خنزر فيها بلعاني) تجي ولا نوض
ياسمين:(عاد جاتها الگانة ديال اللعب) غير نوض انا مجاياش
محمد:(فالبلاصة تهز حتى قفزها ماحتالت تهرب حتى مد يدو قلبها فالفراش) راه تا نقولك ماتبقايش دفعي الجبهة الحب
ياسمين:(ماحسات براسها تا لقات راسها مليوحة فوق الفراش وهو فوقها السمطة ديال البينوار عوجة الشي اللي خلا فخاضها يتعراو و صدرها يبان كامل) ويلييي يا محمد متتحشمش
محمد:(كيضور فعينيه عليها) تزوجت بيك باش نحشم ازين حلي حلي داك البينوار نشوفو نيت هاد الحشمة ديالك…
ياسمين:(خرجات فيه عينيها) لاااا اويلي حماقيتي
محمد:(جلس مبعد عليها كيخضر فعينيه) الالة حمق انا هبيييل مسطي و غتحيديه بلهلا يحزقو ليك
بدات ياسمين كطرطا عليه وهو حابسها برجليه حتى صونا تيليفونو مع مد يدو يتماطا ليه نقزات هي نايضا مبعدة عليه بالزربة خلاتو غي كيضحك… كانت النمرة ديال مو جاوبها فحين ياسمين جبدات كسيوة ديال الدار لبساتها مورا ما رطبات لحمها و عطراتو…. نشفات شعرها و جمعاتو على شكل كيكة مهملة..
محمد: الو الواليدة بيخير…. الحمد لله كولشي مزيان…. الوالد لاباس…. ايوا الحمد لله….. لا لا غير عفيني الواليدة…. لا ولكن راك عارفة اش كاين….. صافي داباا نشوف…. الله يعاون….
سالا مكالمتو معصب مجرد ذكر الموضوع كيعصبو و يخليه يشعل عاد يمشي يتعشى معاهم…. من جيهة ماباغيش يمشي و من جيهة مقادش يخصر خاطر مو اللي عمرها خصرات خاطرو…. فاق على صوت ياسمين اللي كانت وجدات الفطور بداكشي اللي كاين فالدار و حطاتو فصال امونجي بعدما حلات الشراجم و ضواتها… دار عندها مغوبش وهي غير شافت فيه عرفاتو ماشي على برجو قربات ليه و قالت…
ياسمين:محمد مالك ياك مكاين باس
محمد: لا لا والو غير الواليدة عرضات علينا للعشا
ياسمين:(فهماتو) ايوا مافيها باس نمشيو ديرو ليها خاطرها
محمد: داكشي اللي كاين (طلع و هبط فيها و ضحك) فلتي منها الفارة بالحق تابعاك تابعاك
ياسمين:(ضحكات بدلع) ههههه يله تفطر راه موجود…
فطرو بجوج بيهم فجو صامت بعض الشيء قليل فين تيهضرو و موراها ناضت ياسمين جمعات الدار و خبراتو باش يمشيو يتقداو بحيت الدار خاوية و مافيها والو لا من تقدية و لا داكشي اللي ناقص…..
لبسات عليها سيرفيط واسعة مع سبرديلة بيضة و ضفرات شعرها معتامدة لوك رياضي مريح حيت عارفة راسها تابعها الهزان و الحطان…. حتى محمد لبس نفس الشيء و هبطو فاتجاه مرجان…. دخلو بداو اول حاجة بالماعن و داكشي ديال الزاج اللي خاصهم…..خدات سيرفيس ديال الطباسل من الكبير ل صغير بمختلف الاحجام… و كيسان ديال اتاي و ديال العصير و ديال الما….. سيرفيس ديال القهوة بطيرموساتو و كيسانو… مجموعة ديال المولات ديال الحلوة بالاحجام و اخرين ديال ليگراطان تاهوما بالأحجام…. بلاطويات و ديكورات للدار و الكوزينة….
كان الشاريو عمر خلصو داكشي و خرجو قادوه فالطوموبيل اللور مزيان عاد رجعو ياخدو الشي لاخر…. دازت لجيهة الفوطات و داكشي خدات سيرفيس ديال الفوطات ديال الايد للضياف و آخر ديال الوجه…. خدات طابيات للدوش و عاد دازت لمواد التنظيف خدات كولشي داكشي اللي غتحتاج مع الصابون ديال الايدين و الباندوش و شومبوانها و ديال محمد و كولشي…..
دازو للمواد الغدائية و بدات تتاخد كولشي من آ تال زاد دايرا ليست و كتمسح كل حاجة خدات….. خرجات الشاريو لثاني مرة خواتو و دخلو تاني كيكملو…. خداو جميع المستلزمات حتى سخفو و خرجو مخليين فيها زبالة ديال الفلوس مسهوطين….. دازو لواحد من السناكات تغذاو فيه و توجههو للدار فين حطها محمد و هز معاها داكشي و مشا للمحل يطل…..
بدلات حوايجها و بدات رحلة التستاف فالبلاكارات و داكشي….. ماقادات داكشي حتى غفر ليها الله و ماسالات حتى كانت الثلاثة و نص…. تفكرت حنان و دوزات ليها لابيل…
ياسمين: الو السلام عليكم
حنان: وعليكم السلام ختي ياسمين لاباس
ياسمين: لاباس اختي الحمد لله ونتي
حنان: الحمد لله يسول فيك الخير
ياسمين: ايوا الحمدلله خرجتي من الخدمة ولا مازال
حنان: مازال اختي حتال الربعة
ياسمين: واخا ختي قولي ليا شي كافي حداك نتلاقاو فيها
حنان: كاينا وحدة مقابلة مع البنكا سميتها جوهرة
ياسمين: صافي اختي مع الربعة تسنايني فيها…
كملات معاها المكالمة و دخلات للدوش دوشات حيدات عليها العرق بلاما تقيس شعرها….. فهاد الأثناء دخل محمد راشقا ليه كيصفر و يدور السوارت فصبعو….. دخل للكوزينة لقا كولشي مقاد و مستف….
ابتاسم و وجهو تبشر و فبالو كيقارن حياتو بياسمين و حياتو قبل ياسمين…. فعلا ولا ليها طعم اخور ولا كيشوف دارو نقية واخا قبل مكانش كيعاني من هاد المشكل…. ولا كيحس بطعم انثوي فدارو و عندو مرة معمرة عليه و تتسناه…. سمع صوت الدوش مشا كيضحك بمكر حتى حل الباب و دخل عليها كيبان ليه الزاج ديال الدوش مضبب مكيبين والو….. نصل التيشورط و السروال بالرزبة لاحهم و مشا كيتسلت حتى وصل للباب حلو بشوية بلاما تحس بيه….
مد يدو لخصرها حتى قفزات و غوتات بحر جهدها…. تخلعات حتى ماقدات و ماعرفات راسها باش تبلات…. مع القفزة زلقات بيها رجلها حتى كانت غاطيح كونما شدها بالزربة لصقات فيه….. خرجات فيه عينيها صفرة كترجف كاملة…. بقا شحال شادة فيه حتى عاقت بروحها و هي تهز ايدها ضرباتو لصدرو و دوات بصوت معصب…
ياسمين:(مخنزرة فيه) حشومة علك امحمد اش هاد اللعب قتلتيني بالخلعة
محمد:(حابس الضحكة تيبرر) واللهما قصدت نتي اللي مريعيدة (تنترات منو و عطاتو بالظهر ملي عاقت براسها حشمات) اتي مالك عطيتيني بالظهر راه يسخطو علك الملائكة (نزل باسها فكتفها و عينيه تيدورو)
ياسمين:(قفزات و دورات وجهها بالزربة) لا لا محمد راه البنت تتسناني حشومة نتعطلو عليها
محمد:(سخط) حشومة حق الرب تا عيب واه نوضناه فالصو
ياسمين:(ضحكات و مدات يدها بالزربة للفوطة لواتها عليها عاد دارت عندو لقاتو مغوبش تهزات بشوية على صبعان رجليها طبعات بوسة خفيفة على خدو) سمحليا ولكن حشوما نخليو البنت تسنا (همسات بصوت خفيف و بزز باش خارج) نعوضها لك مرة اخرى ا حبيبي…
خرجات كتجري مخلياه غا مصدوم موراها شوية بدا كيضحك عليها و كمل الدوش ديالو فحين ياسمين نشفاات ذاتها و رطباتها و عطراتها عاد لبسات ملابس داخلية و جلابة موطارد مخدومة بالراندة بقميصها لتحت ابيض مزوق بوريدات حتى هو مخدوم بالراندة….
طلقات شعرها بعدما بوكلاتو من التحت و دارت براصلياتها ديال صباحها مع سنسلة رقيقة و خاتمها ديال الزواج و حويلقات رقاق…. دارت كحل حر و مسكرة و عكير خفيف و لبسات معاهم صندالة بوردو بساكها….. خرج محمد حتى هو لبس جينز زرق و تيشرت بيض مع سبرديلة بيضة….. خرجو ايديهم فبعضهم ركبو متوجهيين لكافي جوهرة فين كانت حنان كتسناهم….
دخلو قلبات بعينيها ملقاتهاش عرفاتها غتكون الفوق بقا محمد التحت و طلعات هي عندها…. فعلا لقاتها جالسة مواخدة والو كتسنا فيها لابسة جلابة كحلة و لاويا زيف بطريقة عشوائية كيبين شعرها الاسود رطب…. كانت ضعافت شوية على المرة اللي فاتت لكن مازال ملامحها البريئين باينين…. توجهات عندها ياسمين سلمات عليها بحرارة و سولو فاحوال بعضهم….
ياسمين: ايوا ياختي فين وصلتي مع راجلك
حنان: الله يقطع الرجال بحالو دعيتو لله فهاد النهار الله يحرر فيه عيشتو الكافر
ياسمين: نتي كيفاش حتى تزوجتي بيه…
حنان: اش غنقولك اختي انا حليت عيني فالخيرية اللي عارفة مي و با ماتو و عمي هو اللي حطني فيها (هي كتعاود و ياسمين مصدومة) بقا مرة مرة كيزورني حتى درت 15 عام تما عرفت بيلا مات و مابقا عندي لا حنين لا رحيم وصلت ل 18 و كان خاصني نخرج كانو كيدورو معانا بشي باراكااا ديال الف درهم ديك ساعة معندي دار معندي فين نمشي شنو غدير ليا ديك الف درهم..
ياسمين ضرها خاطرها و عينيها غرغرو….
حنان:تعاطفت معايا المديرة و عطاتني عنوان دار عمي كان حاطو فالملف فعلا مشيت ليه و لقيتها دار عمي لكن بقات غير مرتو و بنتها و ولدهاا… جلست عندها شهر بالحساب عشتو كلو رعب البنت تتغير مني و تتقلب غي فين تحفر ليا و الولد حشايشي سكايري طامع فيا نظل النهار كلو واقفة العذاب الاليم….. دخلت لعند واحد الخياطة تنتعلم عندها و ملي بقيت فيها وهي ساكنة بوحدها سكناتني معاها فحي راقي شوية ماشي بحال اللول تما فين شافني ولد الحرام ديال راجلي كانت سميتو ايوب كادر فالبنكا ساكن مع واليديه مو من دوك الفاسيات العقروشات و باه مسكين دروييييش الحق يتقال كان مغلوب على امرو كان ديما تيشوفني تنخرج التسييقة ولا خارجة نتسخر تيبقا حاضيني و تابعني بعينيه تال نهار زعم و هضر معايا و تماك بدات الكذبة ديال الحب…. طيحني فشباكو و تمسكن حتى تمكن و خطبني تزوجنا و تماك عرا على وجهو الحقيقي…. الخلصة كاملة توصل لمو وهي تصرف و تعطي تخيلي اختي ياسمين عام ديال الزواج تكسيت فيه جوج مرات…. بلا الجوع و القهرة تيبينو للناس البخ و الابهة و هوما جيعانين
حنان:(طاحو دميعاتها على عينيها و تقهر قلب ياسمين عليها) تبدل عليا 360 درجة الخيانة و قلة الاهتمام و الكذوب و الاحتقار دوز عليا عذاب الدنيا و الآخرة الله ياخد فيه الحق و وقتما طلبت الطلاق تنوض مو تقوليه ها السخط ها الرضا ماشي حبا فيا ولكن شكون هادي اللي لقات خدامة فابور و ساكتة و فرطات فيها (خدات رشفة من عصير الليمون اللي كانو طلبو عاد كملت و ياسمين غير تتسنت) حملت و لا وحم دوزتو كي الناس لا والو تخيلي كنتشها الرايب و موجود على الجهد غا بالرخا و تتحلف لا جابتو ليا بالسيف داك الولد مسكين ما يموت كوراه مات غا بحررر فقصتي نهار عرفوه مات قالو ليا الباب الحباب فلت بسنسلة ديال الذهب خداوها ليا فالخطبة هي باش كريت و هاني عايشة
حنان:(مسحات دميعاتها عاد هزات راسها فياسمين لقاتها كثر منها العينين تنفخو و حمارو بالبكا ضحكات حنان فعز بكاها و خدات يدها) تيقيني لا قلت لك گاع هادشي اللي وقع ليا من الخير خلاني نتعرف على خبث الناس و نميز بين العدو و الصديق….
ياسمين:(مسحات دميعاتها و شربات الما عاد هضرات بصوت مخنوق) باز لك اختي والله العظيم على هادشي اللي عشتي الله يشوف من حالك و يعوضك باشما حسن….
كملو هضرتهم عادي حتى بغاو ينوضو كان محمد ديجا خلص كولشي…. جبدات ياسمين من ساكها رزمة ديال الفلوس مداتها ليها بعدما رفضات و مبغاتش تشدها لكن بززات عليها ياسمين….. توادعو فأمل اللقاء مرة أخرى و مشات كل وحدة لحال سبيلها….
توجهو للرياض فين كانو فاستقبالهم الكبار كاملين من غير يوسف اللي كان خارج و اساسا قليل فين كيعمر الدار و شيماء كانت فبيتها…. شربو اتاي فجو ضاحك و مبهج و ناضت ياسمين لبيتها حيدات جلابتها و لبسات بليغة كانت جايباها معاها مع حوايج النعاس بعدما قررو يباتو…. فديك الاثناء خرج محمد و باه لوسط الرياض كيدويو حتى جبد باه موضوع المحل….
حسن: و كيفاش تاني هاد القضية ديال المحل اشنو لمشكل نحلوه دابا نيت
محمد: الواليد كيقولك الباب اللي يجيك منو ريح سدو و استريح و انا هكا الحاجة اللي تجيب ليا الصداع ندير منها خيرة
حسن: ولكن اش من صداع دار لك
محمد: مغنتسناهش تايدير ليا يكفي غير المشاكل اللي جاوني منو يكفي غير الكريديات اللي غرقان فيهم بسباب ولادك
حسن: ايوا اش غنقولك اولدي حدد الثمن و انا نعطيك
محمد: نتا عارفني الواليد مغنقدرش نعطيك شي ثمن نديرو نهير و نتلاقاو مع سي مصطفى النوتير و حدد نتا جهدك نتكاتبو و نبينا عليه السلام
حسن: ايه ما قلتي عيب…
كملو عشيتهم عادي هبطات شيماء هازة شوكتها لكن معطاها حد وقت خلاوهاااا تتبرك فسمها كتشوف كولشي تيضحك مع ياسمين قتلاتها الفقصة….. دخل يوسف حتى داز سلم على الكل وصل عند محمد اللي مد ليه يدو حادر راسو….
يوسف:(شد يدو و دوا معاه) باغي تبقا مخاصم مع خوك الكبير السي (هز فيه محمد راسو بالزربة و رجع حدرو بلا جواب حتى جلس حداه يوسف و خبط ليه على ظهرو) وايلا قلت سمح ليا اخويا على گاااع داكشي اللي فات ديرني حمار و متنفهمش..
محمد:(شاف تا عيا و مقدرش يبقا مخاصم مع خوه) متقولش هكاك صافي الله يسامح لكل واحد..
خداه يوسف بحضن قوي و بادلو محمد مخلين الكل مبتاسم الا شيماء اللي تتموت فسمها…. الكل فرح بالصلح واخا ملي قاليهم باهم على المحل مابغاوش لكن محمد قرر و شاف مصلاحتو…..
تعشاو ضاحكين لاعبين و سول محمد مو واش محتاجة شي خدامة او تتعرف شي وحدة خبراتو انها دابا محتاجة هي وحدة و رشح ليها حنان و قررو انهم يشوفوها من بعد….. حيد العشا و طلع كل واحد لبيتو…. دخلات ياسمين بدلات حوايجها بشوميز عبارة على شورط و ديباردو حريريين….
غسلات وجهها و جلسات كتسنا فمحمد شوية حتى دخل حتى هو راشقة ليه…..مع دخل طلق تصفيرة طويييلة كيطلع و يهبط بشوفة ماكرة….
محمد: اش هاد الزين تاني واش نتي اللي لبستيها تتجي معاك ولا كيفاش
ياسمين:(كدهن فرجليها) هادشي اللي عطا الله
محمد:(غمزها) ايهاي هاي هاي تحل ايك الفم اشنيولة (حلس فوق واحد الفوطوي) اجي عند حبيبك ازين
ياسمين:(حركات راسها بلا حشمانة) لا مبغيتش
محمد: المسخوطة تقولي لا لراجلك راه لا نضت لك مانتي فخير
ياسمين:(ضحكات بغنج و بقات فبلاصتها تا بان ليها جاي ليها و بدات تطلب) عفاك امحمد راحنا ماشي بوحدنا
مجاوبهاش گاااع مع وصل عندها بدا كيهر فيها حتى قربات تسخف كيتسمع صوت ضحكهم من برا….. دايزا شيماء من حدا بيتهم للدروج حتى سمعات داك الصوت…. قربات شوية لبيت كتسنط و الصهدة طالعة معاها بالفقصة و الغيرة…..
كتشوا علاش هوما مجموعين وهي صبحات مطلقة معارفاش بيلا دارتها ليها خفة رجلها و لسانها السليط…. بقات كتسنط حتى قفزات على اثر يد تحطات عليها…. قفزات و دارت مخلوعة ماااا تنفسات حتى لقاتها مها االي كانت مخنزرة فيها بعيونها المكحلين تدخل فيك الرعب و خلاص….
حفيظة:(بصوت منخفض) اش كديري هنا ابنت الحرام بقاااا ليك غا التصنات على بيبان الناس(جراتها من يدها حتى وصلاتها لبيتها و دخلاتها عاد رضخات الباب) ادوي ابنت الحرام اش كنتي تاديري متتشبعيش من الصداع..
شيماء: مكنتش كنتصنط غا سمعت الصداع و نتي بحالا بنتي ليا بصح ضرافيتي و دخلتي سوق راسك اش هذا
حفيظة: ايه دخلت سوق راسي و بعدت من الصداع حيت مافياش اللي يطلق و يجلس يدور من دار لدار على اخر عمري و بعد هاد العمر كامل
شيماء: نتي متيقة بيلا بابا يقدر يفرط فيك
حفيظة: باك يفرط فيك حتى نتي لا درتي ليه المشاكيل زايدون الباقي فالعمر يدوز فطاعة الله معرفت ايمتا نموت و نصدق لا دنيا لا آخرة(حدرات راسها بحزن)
شيماء:علاش مالك اماما واش مريضة شفتك ماشي على برجك واش عندك شي حاجة مخبياها..
حفيظة:(دورات راسها مبغاتش تشوف فعينيها) ماعندي والو اش بغا يكون عندي اللي عندي هو تجمعي راسك و تبعدي على الصداع متنسايش راك مطلقة بولد و خوتك يصبرو تا يعياو و طلعي ليهم فالراس…
شيماء: هوما اللي طلعو ليا فراسي بفعايلهم
حفيظة:(خنزرت فبنتها) اللي بحالك نتي مايدوييش…
بقات حفيظة مع شيماء تترض ليها فعقلها و تنصح فيها تبعد على الصداع و المشاكيل….
نرجعو لعند الكوبل ديالنا اللي بداوها بالهران و كملوها بعلاقة جنسية متكاملة غا هوما سدو عليا الباب هاد المرة مخلاوني نشوف والو مع كيشتي ختكم بايرة خافتني ياسمين نطمع ليها فالراجل…..
وما الذي بك لا يعشق.. ❤️
ثلاث اشهر دازو على ابطالنا و عائلاتهم بالحلوة و المرة…. الزينة و الخايبة….. داز فيها العيد الكبير او عيد الاضحى اللي دوزوه الكل فالرياض و من موراه مباشرة بدات حنان الخدمة فالرياض و فالبلاصة دارت بلاصتها فقلوبهم بضرافتهااا و حدااكتها….
تقادت فحالتها شوية و زادت فالوزن الوجه تنور خصوصا مع طلاقها اللي خداتووو و الراحة اللي مرتاحة النعاس فالوقت و الماكلة فالوقت واخا الخدمة لكن البال هاني…. مكانتش غير هي اللي خدات طلاقها حتى يوسف كان طلق اميمة اللي ندمات و عيات تطلب و تزاوك لا فيه ولا فمو ولا فالكل لكن كولشي حقدو عليها و استصغروها بتصرفها اللي ماليه حتى معنى….
مع سالا يوسف الجلسة النهائية سافر لفاس فين كان عندهم محال اخر ديال الاثاث غير هو صغر من اللي كاين فالرباط منها يقابلو و منها يخوي مخو….
حفيظة باقا على عادتها داخلة سوق راسها و شادة تيقارها الحاجة اللي تبدلات هي وزنها اللي نقص بشكل ملحوض و كبييير…. وجها كحال و تحت عينيها ولا زرق و ولات غير سخفانة و قليل فين كتحرك الشي اللي حنن قلب حسن عليها و حاول يرجع معاها مزيان…
شيماء اللي رجعات كتغبر النهار كامل و ولدها مخلياه غير لحنان و لا مها ماهيا لا فالخدمة ولا فالدار و حد معارف علاش مطوية….. بدا الحال تيبرد و دخل الخريف بارد و مظلم….
و فصباح صبح فيه الجو مضبب و مخنوق و البرد غادي و تيقصاح…. فاقت ياسمين على لمسات محمد اللي كان فاق و تكا بالجنب تيشوف فيها لابس فقط كالسون بعد ليلة حميمية وهي ملوية عليها غير ليزار….. ياسمين اللي بان فيها الزواج و الراحة….
زادت فالوزن و الصدر اللي كانت تادير ليه البونج رجع كبير بلا بيه و المؤخرة زادت على قبل مع شوية ديال الكريشة…. الحنيكات زادو عمرو و الوجه تنور بالراحة…. الشعر طواااال حتى رجع خانقها لكن رطب و مسبسب بلي سوان اللي كانت فينما قنطت تمشي للصالون دير سوان من الفوق تال التحت بلا الحوايج اللي تتشري غير من المول و الذهوبات بان عليها الخير و العز ديال بصح و حتى هي ممقصراش من جيهتهااا محمقا محمد و مهبلاه…
مهلية فراسها ممخلياش ليه فين يشوف برا…. و مهلية فدارهاااا بالنقا و التخمال و الماكل و الشهيوات…. مصوابة و مهلية فواليديه متمشيش بيديها خاويين….
اش غيبغي الراجل فالمرا حسن من هكااا….. فاقت على لمساتو و كمشات عينيها فيه لقاتو متكي بجنب كيشوف فيها بعينين هايمين فيها….
ابتاسمت ليه بحب و قربات ليه حتى خشات راسها فعنقو…. مد يدو لخصرها كيدوزها فوق و تحت ختى شبعات من ريحتو عاد هزات راسها فيه بصوت مبحوح بالنعاس قالت…
ياسمين: صباح الخير
محمد: صباح الحب حبيبتي صافا
ياسمين: الحمدلله واخا مازال خاطري مروع
محمد: نمشيو لطبيب؟
ياسمين: لا مكاين لاش نوض ندوش و نكون بخير..
تلاح عليها محمد ببوسة قبل ما تنوض كيفدي فيها وحشو اللي ديما حاس ليه من جيهتهااا.. دامت قبلتهم لدقائق عاد بعد عليها مخلي ليها مجال فين تنوض….. توجهات للدوش باش دوش و تغسل من الجنابة….
ياسمين اللي سيمانة هادي و هي ماشي على برجها…. كتحس بهرموناتها طالعين هابطين و مودها مرة مزيان مرة طايح للصفر بلا معدتها اللي محناتهاااا بالردان اللي كلاتها متتبقاش تا ربع ساعة و تتردها كاملة…..
دوشات فحين محمد لبس حوايجو ديال الخدمة و مشا وجد الفطور و حطو فوق الطبلة و مشا للبالكون كيكمي حتى خرجات ملوية على راسها فوطة و لابسة بيجامة عبارة على سروال و الفوقي ديالو قصير ثوبها قطني…. جلسات فالطبلة كتسناه حتى جا غاسل فمو بالبان بوش و مريح بالبارفان ديالو اللي كيحمقهااا…
محمد:(كيشرب قهوتو) مغنجيش احبيبة لغدا اليوم تابعاني الخدمة بزااف و الواليد باغيني فالمحل
ياسمين: ماشي مشكل حتى انا غنخربق شي حاجة لغدا و نرتاح بينما جيتي
محمد: سيري لصالون ايلا بغيتي تاندوز عليك راه العشا فالدار اليوم ولا نسيتي
ياسمين: طارت من بالي والله صافي غنمشي و منين نسالي نصوني ليك
محمد: وا عليه (ناض و تمشا تال عندها) يله حبيبة اتوت (نزل عندها باسها من شنايفها و بدلاتو هي القبلة حتى تقطعات نفسهم عاد بعدو على بعضهم و ريق كل واحد فشنايف لاخر) حلوة ياختي عسل…..
مشا محمد لخدمتو فحين ياسمين جمعات الفطور و ناضت للدار دارت بيها خملاتها و غسلات طواليطات عاد سيقاتها كاملة…. دارت گغاتان ديال لي باط بصوص بلونش كلات علاش قدات و تكات ارتاحت حتى وصلات الثلاثة عاد ناضت لبسات كسيوة كحلة لاصقة فايتة الركبة بشوية مع كاب طويييل واصل حتى لرجلين بوردو جاي محلول….
جمعات شعرها شفنجة و دارت ايكرون ديالها و مرطب شفايف مع اكسسواراتها و خاتم زواجها….. هزات ساك ديال شانيل متوسط الحجم فالاسود مع صباط طالون بيج قاعو احمر بوانتي…. هزات سوارتها و خرجات بعدما تأكدات من البوطة و الضواو و توجهات للصالون اللي ملي جات للرباط عمرها بدلاتو…
نخليوها هي و نتوجهو لشقة اخرى فالرباط نيت و تحديدا بيت النعاس اللي كانو فيه راجل و مرة متكيين فوق الناموسية مستورين فقط بيزار…. كانت شيماء متكية فوق صدر راجل عريانة و حتى هو عريان اللي كيبان انهم كانو فعلاقة جنسية…..
كتلعب ليه فزغيبات صدرو و مرة مرة كتهبط يدها بقذارة و جرأة لعضوو تلمسو و تزير عليها ختى كيتهند فحين هو يديه كيلعبو فصدرها و كيزيرو عليه حتى هزات راسها فيه و قالت…
شيماء: ايوب رسا نقولك شي حاجة
ايوب:(كيقرص و يهضر) غير قولي العمر ديال ايوب
شيماء: ايمتا غتجي للدار خلاص واش نسيتي بيلا حاملة و كرشي بدات تتبان
ايوب:(حيد يدو عليها و ناض عريان مقابل معاها) راني يله تفكيت من وجه النحس عطيني احبيبة وقت نعلم الواليدة
شيماء: ولكن تالين راه قرن و زمارة و نتا تتقولي عطيني وقت عندك الوقت غير ديال الكوا شي حاجة ديال المعقول والو
ايوب:(قرب لعندها و شد ثديها بقرصة حتى نقزات) اش جمعنا النهار اللول غا الكوا ابنت الحرام ياك كنتي محنة فينما دزتي من حدا بيت شي واحد فخوتك تشدك اللي متتعلمش و دابا تتعايري فيه
شيماء:(ضحكات ضحكة ديال الشيخات) احححح علك عارف ليا البوطونة ايوا الحال مايشاور (وقفات على ركابيها عريانة و تمشات تا وصلات لعندو و نزلات لعضوو كتمص فيه و دير صوت مقرف و هو عينيه مقلوبين الفوق)…..
مشا محمد للمحل ديالو كمل الخدمة اللي عليه و عاد داز للمحل عند باه لقا باه و سعيد و عمو سلم عليهم و خدا الملفات و الرولوفي ديال البنك كيشوف الحسابات و الكريديات…
محمد:(شاد ملف فيديه كيقرا فيه) اش هادشي الواليد 30000 درهم السيمانة اللي فاتت و 40000 درهم البارح مكاملاش تا اربع ايام و ممدخلينش تا السلعة اللي تشرات بيها بغيتو الضريبة هاد العام ضربكم تاتلصقو..
سعيد: المشكلة هي متشراتش بيها السلعة خرجات بسمية شيماء و لدابا معارفينش شنو دارت بيها
حسن:(جالس طالع ليه الدم) خاصنا نعرفو دوك الفلوس فين تيمشيو وهي براسها رجعات غير غابرا حاس بشي تنوعيرة هادي مافيهاش..
محمد: المهم الواليد بينك و بين بنتك ولكن باش يخرجو هاد المبالغ كاملة و مازال يله عاطين النص فالسلعة اللي غتجي و من هنا لشهر خاصك توجد النص راه مغتنجمش..
سعيد: راه دابا ممنجمينش السي عبدالقادر باغي فلوسو هاد ليامات و كانو موجودين و شايط الربح كونما خرجوش هادوك..
محمد: ياك يوسف جاي اليوم من فاس يجي و نشوفو فالعشية شي حل نيت تكون ديك خيتي فالدار….
عند ياسمين…. دارت سوان مرطب لشعرها و صاوباتو بوكلي على طولتووو…. و دارت سوان ليديها و رجليها حتى رجعو يشعلو كثر من اللول و ولاو روطب…. صبغات اظافر رجليها بلون بوردو برز بياضهم و اظافر يديها بلون فاتح و وريدات صغار….
تهلات فراسها و مورالها طلع….. دارت مكياج خفيف و صونات لمحمد باش يدوز عليها اللي كان ديجا مشا للدار دوش و بدل حوايجو…. خلصات و خرجات بعدما علمها بيلا وصل…. كان واقف قدام الباب متكي على الطوموبيل حادر عينو فالتيلي حتى سمع صوت الطالون…..
طلع راسو بشوية حتى كتبان ليه جاية بحال الحورية….. زگاو عينيه فيها و سهى فجمالها و انوثتها الطاغية….. تقادات ليه الهضرة و عينيه حوالو فيها حتى ما بقا عارف منين يبدا ولا شنو يقول…..
وصلات عندو مبتسمة بحب لكن متكونش كثر منو هو اللي بحالا دارت ليه الطلاميس…. مابقاش هضر و مسمعش حتى صوتها وهي كتنده عليه حتى قاصدتو بيدها عاد فاق بحالا كان فبير…
ياسمين:محمد حبيبي فين سهيتي
محمد:(خداها من خصرها فالزنقة مهامو حد كتبان ليه غير هي و بس) سهيت فعمر و حياة حبيبها سهيت فاللي طيرات لجد مي العقل
ياسمين:(ضحكات بغنج ودلع) تال هاد الدرجة زعمااا
محمد: وكثر اختي كثر سيرتو هاد الضحيكة اللي تتهبل والدياااا طلعي اختي قبلما نتكي والديك هنا…
طلعو فالطوموبيل يديهم مشادين و توجهو للرياض اللي كانو موجدين الگوتي و كيتسناو فيهم…. دخلو على صوت الضحك و الهضرة مسموعين تال برا…. سلمو على الكل و سلم محمد على يوسف بحرارة بعدما تقادت علاقتهم فهاد الثلاث اشهر و زادو تقربو من بعضهم….
مشات ياسمين لعند حنان سلمات عليها و سولاتها على الحال و الأحوال عاد مشات خدات الگوتي فالهضرة و ضحك….. تهز الگوتي و مشات ياسمين للكوزينة تتعاون حنان و تحتت معاها حتى دخل عليهم يوسف باغي يشرب….
يوسف: ختي ياسمين بيخير
ياسمين: الحمدلله اخويا كولشي هو هداك و نتااا كيف داير
يوسف: والله ايلا لاباس ربي يخليك (نتابه لحنان اللي كانت حادرة راسها كتنصب فالعشا) ختي لاباس
حنان:(نتابهت ليه و هزات راسها فيه حشمانة) الحمدلله اسيدي
يوسف:(طلع و هبط فيها و تمعن فيها عاد قال بنبرة مازحة) سيدي گاااع قولي غير خويا ولا يوسف بلاش من ديك سيدي
حركات حنان راسها بايجاب و كملات شقاها فحين يوسف طول فيها الشوفة لمدة دقيقة و خرج مخليهم على خاطرهم……
داخلة شيماء لابسة كسوة قصيرة لاصقة عليها مع فيستا بطول الكسوة و صباط طالون مقادة الحالة واللي شافها يحلف عليها مذيعة فالجزيرة…. غادة كتعيوج طلات فالكوزينة لقات ياسمين مع حنان عوجات فمهااا و زادت لصالون اللي كانو فيها غير يوسف و سعيد و محمد و باها….. لقات عليهم السلام و يله بغات تخرج عيط ليها باها…..
حسن:(كيشوف فحالتها مخسر سيفتو و معاجبو لباسها) اجي بغينا نهضرو معاك..
شيماء:(تزاد معاها الزايد خصوصا الطريقة باش كيشوفو فيها بربعة دفعات الجبهة و دخلات) وي بابا محتاجني فشي حاجة
سعيد:(كيشرف حتى هو فداك نص شبر اللي لابسة) اول حاجة بعدا اش هاد اللباس لابسة شفتك غا سنيتي على براتك وتي تبداي تزيغي و تشمي ريحة بيطانك صافي لقيتي الحرية قطعتي الواد و نشفو رجليك..
شيماء:(مرضاااتش يقوليها هكاك خصوصا قدام محمد تزنكات و خنزرات فيه) شنو بغيتيي تقصد بهاد الهضرة
يوسف:(حتى هو كان بحالهم و بدات تاطلع ليه القنديشة) كيما فهمتي ابنت مي و تا دابا راه ايلا ماجمعتيش راسك راه نرجعو معاك الجاهلية ماشي دراري صغار باش تستغفلينااا و تلعبي مور ظهورنااااا راحنا شبنا فداكشي و گاع مدوزينو اطونسيو (دخلاتها هضرتو الشك و رعداتهاااا دازت قدامها السينتة كاملة من نهار تلاقات بأيوب حتال دابا)…
حسن:(مخنزر فيها و فضل ميهضرش فموضوع اللبس و يدوز للمهم) كيفاش درتي ليها نتي فقل من سيمانة مخرجة 70000 درهم من فلوس السلعة بسميتك لا من شاف ولا من سمع ما عالمة حد مامشاورة مع حد المحل ديالك ولا كيفاش…
شيماء:(تصدمات و مالقات باش تجاوب عينيها دارو فراسها و وجهها تزنك و بانت فيها التلفة) اه ه هادوك ك.. راه خلصت شي كريدي كان عليا و دفعت فشي ذهب
سعيد:(تم نايض ليها وهو يشدو محمد حتى غوت فوجهها) واش الحمارة تمك مريضة فمخك ولا مالك كاع 7 المليون كريدي و ذهب ها خوك عندو حانوت هزي تاتقنعي غيحبسك ولا..
حسن: واش نتي متتفكريش الفلوس حاطينهم للسلعة مشيتي خسرتيهم فالخوا الخاوي راه بحالك بحال اي خدام تما تيوصلك صاليرك و نسبتك من الربح والله يعاون واخر نهار مازال تحطي رجلك فداك المحل جلسي فدارك قابلي ولدك و نقصي من التزقزيق (ناض تايسوط مخليها معاهم)
يوسف:(غير خرج باه ناض رد الباب و رجع ليها جرها من كتفها حتى وقفات) شوفي اديك الكلبة هاد الفعايل مدوزينهم تا قنعناااا متجيش دابا و تلعبي عليها اخر مرة هي اخر مرة تعتبي المحل و زگي معانا شوية ولا نقتلك و نشرب من دمك..
سعيد: خليها كيصحاب ليها تانرضعو صباعنا راه كاع دوزنااااا داكشي باش تجي هي تبدا تلعب مور ظهورناااا….
خرجو و خلاوها كضرب اخماس فاسداس مع طلعات لبيتها اول حاجة دوزات لابيل لمنير اللي صونا تا قنع والو مجاوبش…. بالاعصاب رضخات التيلي فوق السرير و بقات غادا جاية حتى تحل الباب و دخل ولدها قمة فالبراءة مع عيط ليها غوتات فوجهو..
مهدي:(بصوت طفولي) مامي زيتي زبتي ليا سوكولا
شيماء:(غوتات فوجهو) جبت لك الخرااا اللي طليتو معاك خرج عليا الله يديك عليا و نتفك من كمارتك..
خرج الولد كيجري مخلوع و دموعو دايزين مايتصطح غير مع محمد اللي كان فبيتو هابط و داز على مسامعو الحوار كامل…. تأسف على حالو و هزو هبطو معاه كيحاول يسكت فيه….
تحط العشا و تجمعو عليه داويين ضاحكين و عينين يوسف متبعين حنان منينما دازت و ياسمين حاضياه و عايقة بيه منين يله دخل للكوزينة….. تهز العشا و جلسو شوية حتى وقف محمد و ياسمين….
شدو فيهم تا عياو لكن رفض محمد بلطافة بسيف عينو فشي ليلة حمرة…. خرجو للطوموبيل و باش يوصلو بالزربة اختار يدوز من طريق خاوية و واسعة كيدوز منها الحديد الكبير….. غاديين مشادين حتى خدمات اغنية يارت ما بعرف…
مابعرف كيف بنظرة بتعمل هيك!
بتاخدني ليك وبموت عليك
ما بعرف شو اللي عم يسحرني هيك!
لمسة ايديك
ضحكة عينيك
حسيت بقربك بالأمان
صرت بزمان غير اللي كان
حسيت بقربك بالأمان
صرت بزمان غير اللي كان
جر محمد ياسمين حتا تكات على كتفو هازا فيه عينيها كتشوف فتقاسيم وجههو محساتش ايمتا قالت…
ياسمين: كنبغيييك
محمد:(صدماتو نزل فيها عينو بسرعة و رجع شاف فالطريق لقاها خاوية و استغل الفرصة رجع هبط عينو فيها و قال بدورو) كنموت عليك احياتي…
مورا هاد الكلمات ممنعش شهوتو و مشاعرو انهم يتحكمو فيه و نزل عليها بقبلة حنينة زلزلات ذاتها و شعلات النار فقلبها….. بادلاتو القبلة للحظات و فصلاتها…. عينيه معلقين عليها و قلبو كينبض بسميتها…. هزات عنيها بعفوية فالطريق حتى توسعو و غوتات بلاما تحس…..
ياسمين: عاااااااندااااااااك……
يتبع
التعليقات 0