فواحد من المستشفيات الخاصة فالرباط و فشومبر فيها زوج ديال الناموسيات اختاروها محمد و ياسمين كل واحد جالس فديالو بحوايج السبيطار ياسمين متكية عادي و محمد ناعس عوج بسباب الجبيرة اللي جاتو فذراعو ليسر بسبب كسر تعرض ليه فالحادث….
دايرين بيهم عائلتو من ماماه و باه و احلام و الحاجة كلثوم و حكيمة و معاهم مصطفى و ثورية كيديو و يجيبو فالهضرة و سميرة جالسة حدا راس ولدها مخلوعة عليه….
سميرة: الله ياولدي الله عيت معاك جلسو جلسو وااا هانتا غتجلس بلهلا يطريه ليك..
احلام:(كضحك كانت جالسة حدا ياسمين من جيهة اخرى) وا ماما الله يهديك ولدك راه تيموت على دارو
محمد:(ضحك على هضرتها و خدا يد ماماه بليد السليمة باسها) معندك لاش تخافي الواليدة ولدك شديد شوفي غا مرات ولدك مسكينة (دار شاف فياسمين اللي كانت متكية تتشوف فيهم و ضحك و غمزها عند بالو مشافو حد و هي تتحمار و تصفار)…
🔙🔙فلاش باك🔙🔙
جر محمد ياسمين حتا تكات على كتفو هازا فيه عينيها كتشوف فتقاسيم وجههو محساتش ايمتا قالت….
ياسمين: كنبغيييك
محمد:(صدماتو نزل فيها عينو بسرعة و رجع شاف فالطريق لقاها خاوية و استغل الفرصة رجع هبط عينو فيها و قال بدورو) كنموت عليك احياتي….
مورا هاد الكلمات ممنعش شهوتو و مشاعرو انهم يتحكمو فيه و نزل عليها بقبلة حنينة زلزلات ذاتها و شعلات النار فقلبها….. بادلاتو القبلة للحظات و فصلاتها…. عينيه معلقين عليها و قلبو كينبض بسميتها…. هزات عنيها بعفوية فالطريق حتى توسعو و غوتات بلاما تحس…
ياسمين: عاااااااندااااااااك…
شاف محمد قدامو بالزربة و بصدمة لقا كاميو جاي نيشان ليهم بسرعة خارقة دور الفولون ديال الطوموبيل حتى خرجات على الطريق و فقد السيطرة عليها اكتفى يشد فيد ياسمين بقوة محاول يهدنهاااا حتى تخبطات الطوموبيل مع شجرة…..
غابت ياسمين بحر الخوف على الوعي فالبلاصة و طاحت على لإيرباغ ديال الطوموبيل فحين محمد كلا دقة بيدو فالبلاصة و طاع عليه الزاج ديال السرجم اللي فجنبو بسبب جدع اللي تخشا فيه الشي اللي خلا الزاج يجرحو جريحات صغار فوجهو و يديه….. دور عينو لعند ياسمين لقاها غايبة على الوعي و ضربة فجبهتها كتسيل بالدم…
محمد:(مد يدو بصعوبة لذراعها و زعزعااا محاول يفيقهاا) ياسمييين….. ياسمييين حبيبة فيقييي ياااااسمييين
حاول معاها لكن مفاقتش فحاول يحل الباب لكن عكس ليه بسبب الضربة القوية….. عيااا و طاقتو استنزفات و حس براسو غادي يغيب لكن بقا كيكابر حتى مبقاش ليه فين و غاب على الوعي….. بقاو قرابة زوج سوايع هكاك بحكم الظلمة حد مارد ليهم البال حتى تمو دايزين شي دراري فتقادة ديال محمد بالطوموبيل و وقف واحد فيهم يقدي حاجتو و لفت انتباهو الدخان اللي طالع عيط على صحابو و جراو عندهم حاولو يحلو الباب لكن عكس…..
صوناو للبوليس و الاسعاف…. استغرقو وقت باش يجيو لكن بالزربة جبدوهم عتقوهم و بقاو البوليس تيقلبو على سبب الحادث….. وصلو بيهم يله مدخلينهم فاقت ياسمين راسها دارهااا كتحاول تستوعب هي فين….. غير شافتها الفرملية طلبات منها النمرة بالزربة ديال شي واحد…. بالدعقة عطاتهااا النمرة ديال محمد….
صونات جاوبوهااا البوليس اللي كان عندهم تيليفوناتهم بزوج…. قطعو و قلبو حتى لقاو بزطام محمد فيه دي كارط فيزيت منهم لكارط ديال المحل و ديال باه و يوسف….. صوناو على يوسف اللي فاق مفزوع علموه بالخبار….. لبس بالزربة و خرج بلاما يعلم حتى واحد لكن قلب الام كان حاس….
منعساتش سميرة و قلبها كان مقبوط عليها…. بقات حتى الفجر حالا عينها حتى صلاتو و صونات فالنمرة ديال محمد مجاوبهااا حد…. تزاد معاها الزايد و صونات لياسمين فين جاوبها بوليسي علمها بالحادث ناضت قافزة فيقات حسن كتفتف و خلطو عليهم فالكلينيك فين كان يوسف تكلف بكولشي و محمد فاق و جبرو ليه يدو و داواو ليه جرحات و ياسمين اللي كانو فحصوها و مكان عندها والو من غير الجرحة اللي فجبهتها داواوها ليها و داروهم فشومبر وحدة…..
فاقت ياسمين لقات محمد متكي و حال عينيه كيدور فيهم غي حسن بيها فاقت دار عندها طافج بصوت ملهوف….
محمد: ياسمين حبيبة فقتي كضرك شي حاجة
ياسمين:(تقادات فالجلسة و تقابلت معاه) لا انا بيخير نتا اللي كليتي الدقة (كابرات و ناضت لعندو واخا ركابيها محشوشين حتى وصلات عندو و جلسات فجنب سريرو) سمح ليا احبيبي اناا اللي بقيت داويا معاك
محمد:(خدا يدها باسها و حطها على حنكو كيشوف فيها بحب) شششش يا الهبيلة متقوليش هكاك كتااابت معندناااا منديرو الحمد لله خرجات طريفة و موقع لك والو
ياسمين:(دوزات يدها على حنكو بحب) ولكن نتا شوف
محمد: مالي انااا بخييير تجربي ازين (مع غمزة)…
يله بغات تجاوبو دخلات سميرة كتفتف مع حسن و يوسف اللي كان براا مشات كتجري لعند ياسمين ياسمين عنقاتها….
سميرة: الله يابنتي اشنو وقع ليكم (طلقات منها و دازت لمحمد غير شافتو نقزات الدمعة من عينها) و ولدي مالك اش عندك..
ياسمين:(سلمات على حسن و جلسات فسريرها) خرجات طريفة اخالتي حكم الله و تصرف
محكد:(تقاد فالجلسة حتى جلس و ذرع مو بليد اليمنى كيبوس فراسها) امالك الواليدة مكاين والو حادث صغير و صافي
حسن:(قرب لعندو سلم عليه) الله ياولدي اشمن صغير كيفاش وقع لك
عاودو ليهم الحادثة كيفاش وقعات و بقاو جالسين شوية حتى دخلات ثورية و مصطفى و دعاء مخلوعين كيتفتفو حتى هوما سلمو عليهم و طمنو عليهم…. دعاء صونا ليها باش ترجع و بقات ثورية و مصطفى معاهم حتى جات احلام جايبا معاها الحاجة كلثوم و حكيمة…
دخلو لقاوهم جالسين ناضت سميرة من حدا ولدها مخلية جداه تريح حداه..
..
كلثوم: الله على الغالي ديالي اش هاد المكتاب تصرف عليكم كيوقع ليكم اولدي
محمد: هانيا الميمة راك قلتيها مكتاب الله و تصرف معرفتي علاش هزات و خرجات طريفة
حكيمة:الله على كبدتي ماطريفة والو (دارت عند ياسمين) ونتي ابنتي باش تتحسي ياكما تقصحتي
ياسمين: لا لا انا بيخير محمد اللي هز الدقة مسكين
سميرة: غيي ملي مكاينا تا حاجة الداخل راه هانيا دابا يبرى ان شاء الله نقابلو بيدي….
محمد: الا الواليدة دااااري لا تفلت
سميرة: ايلا مسكتيش غنهرس والديك من الرجلين بجوج و ديك ساعة نديوك تال دزاير تا معطوب و مرتك عيانة شكون غيقابلكم
ثورية: عندها الحق اولدي جلسو معاهم غي تتولي لاباس
محمد:(شاف فياسمين) صافي امدام حكمات المحكمة… (قاطعو دخول يوسف) افين اسبع اش درتي فلافير
يوسف: كون هاني كولشي هو هداك غاااا توكض معانااا
حسن:(ابتاسم بفرحة كيشوف علاقة وليداتو مزيانة) الله يرضي عليكم اوليداتي (دار عند لوخرين) سي مصطفى يله ترتاحو ليكم شوية يله الواليدة خليوهم يرتاحو..
ثورية: غير خلينا معاهم شوية
مصطفى: عندو الحق معندنا مانبقاو نديرو يله نشدو الطريق تاحنا
حسن: ايه واخا غتشدو الطريق
سميرة: وااا كون غا خليتيني
حسن:يله يا هاد المراة فحالك
سميرة: بااااز (دارت عند يوسف) يله معانا اولدي نوجدو لك ماتجيب ليهم (سولات ياسمين) ياك كاين كولشي فالبيت
ياسمين: اه اخالتي كولشي راه فالبيت قادي الساك…
خرجو كاملين مخلينهم الراس فالراس…. مع خرجو بدا محمد كيحاول ينوض حتى ناضت ياسمين كتعاون فيه…
ياسمين: شنو بغيتي دير
محمد: بغيت نتصور اختيي راني تزيرت باغي نقدي حاجتي
ياسمين:(شاداه من يدو) متتحشمش ياربي سلامة
محمد:(وقف حتى تقابل معاها و مد يدو لخصرها جارها عندو كيشوف فعينيها) نحشم منك اوهو و مالك اختي على هاد الزين الناس تيخيابو ملي كيمرضو و نتي غادا و تتزيدي تحلاي فعيني
ياسمين:(طلعاتها التزنيكة و حدرات عينيها) ههههه و صافي مبقيتيش مزير
محمد: شوف هاد الزين مازال كيحشم قالك ياختي حلوة (هبط على فمها ببوسة جمع فيها شفايفها بزوج مكانش بزاااف حتى بادلاتو حتى هي البوسة بحب قاطعهم غي صوت التيلي اللي صونا) الحب نتي سيري جاوبي..
فعلا مشا هو كيتعكز لطواليط و مشات هي جاوبات كانت سميرة تتسولها على اشنو ديير ليها..
فالرياض وصلو كل واحد مشا يقدي شغالو الا سميرة اللي دازت عند حنان علماتها باش توجد ليهم ما ياكلو من صوبا و خضر مفورة و طلعات للبيت خدات ساك جمعات فيك كولشي اللي غيحتاجو….. نزلات لقات حنان سالات و قادات كولشي فقفة….
سميرة: لبسي ابنتي عليك تدي ليهم هادشي راه صافي تگزرت
حنان: واخا اخالتي ولكن معرفتش الكلينيك فين جا
سميرة: الا منصيفطكش بوحدك راه يديك يوسف
حنام:(حمارت و صفارت بحكم كتحشم من يوسف كثر من لوخرين) واخاا اخالتي هاني غادة….
مشات لبيت لمخصينو ليها خدات جلابة كحلة ديال المليفة مخيطاها ملي كانت باقا شوية ضعيفة و ملي بدات تتزيد فالوزن جاتها قتالة مع بيوديتها لبسات معاها صبيبط بلا حتى هو كحل و طلقات شعرها رطيطب جمعت ليه الزغيبات القداميات بفليل جات زوييينة و بسيطة….. رجعات للكوزينة كتقاد فداكشي حتى دخل عليها يوسف مبدل عليه حتى هو و لابس مزيان….
يوسف: كملتي احنان..
حنان:(دارت عندو مخطوفة) اه اسيدي كملت
يوسف:(هز فيها عينو بالزربة على ديك الكلمة حتى تبشر وجهو ملي شافها قد ماهي بسيطة قدما هي تتفتن بالزين) سيدي قدي قدك و تقولي ليا سيدي غير يوسف باراكا عليك
حنان:(حدرات عينيها بالزربة حشمانة) واخا اسيدي….
هز هو القفة و الساك و هي تابعاه كترمي فخطيوات صغار و راسها فالارض حتى تلاقاو بشيماء فالدخلة لابسة من غير هدوم غير كسيوة قصيرة مع كاب لايحاه عليها و صباط طالون مناقصها حتى غير….
يوسف:(وجه ليها هضرتو) تباركالله على مدام فين كنتي النهار كامل ماشي فالمحل و ماشي فالدار فين شاداها
شيماء:(كتشوف فحنان بسم ماحملاتهاش) كنقدي شي شغال و نتا فين غادي نتا و هادي
يوسف:(عصباتو بنبرتها خطف نظرة لحنان لقاها بعدات عليهم حادرة راسها) اولا هاديك بنادم و عندها سمية ثانيا الهضرة مازال ماشي دابا و ثالثا ماعوالاش تمشي تشوفي خوك
شيماء:(بعدم اكثرات) شكون خويا و مال هاد خويا
يوسف: بسيف ما تسيقي خبار كظلي نهار كامل دارعة ولكن بلاتي خوك محمد دار كسيدة هو و مرتو
شيماء:(دورات عينيها بسم و هزات يدها كتشوف فظفارها بمياعة) ماتو و لا مازال
يوسف:(خنز فيها و زاد غادي) ميكروبة و حياتك كاملة غتبقاي ميكروبة…
شيماء:(ماداتهاش فهضرتو و زادت كتعوج) بلغ ليهم دعواتي
مشا يوسف حتى قرب لحنان و بداو غادين ماحس براسو تا دوا معاها….
يوسف: ماديهاش فهضرتها راه هي هكاك خاصها غي معامن
حنان:(حادرة راسها واخا متوقعاتش منو يبرر ليها و عجبها تصرفو لكن خاطرها ضرها و قالت بصوت مخنوق) ماشي مشكل ولفت..
يوسف:(حل لوطو تا ركبو عاد دار عندها كيشوف فيها كيفاش مكيمشة و حادرة راسها بحزن) متقوليش هكا نتي بنادم و مامنحق اي واحد ينقص منك و شكون عرف تكوني حسن منها
حنان:(قلبها نبض بعنف بسبب هضرتو هزات فيه عينها لقاتو حتى هو كيشوف فيها… دامو نظراتهم للحظات سرعان ما نزلات عينيها و دوات بصوت خجول) شكرا اخويا….
يوسف:(ديمارا الطوموبيل صارط ديك خويا بجغمة ديال الما حتى قرر يفتح معاها موضوع للحوار) شحال فعمرك احنان تتباني صغيرة
حنان: عندي 22 عام
يوسف:(دار مصدوم) تبارك الله مازال صغيرة واش معندكش واليديك تا خرجتي تخدمي
حنان:(تجرحات من هضرتو واخا هو مقصد بيها والو غير من باب الفضول لكن هي كان وقع هضرتو على قلبها بحال السم دوات بصوت مخنوق) لا معنديش انا يتيمة كون كانو عندي گعما نخرج نتكرفس عند مراة بحالي بحالها…
يوسف:(حس بالحزن فنبرتها و عاود دور السينتا عاد عاق بشنو قال عض حنكو من الداخل) سمحيليا احنان مقصدت والو
حنان: لا ماشي مشكل….
عم السكوت بيناتهم حتى وصلو للكلينيك و نزلو فصمت….. وصلو عندهم للبيت دقو حتى سمعو صوت محمد كيسمح ليهم بالدخول….. دخلو لقاو محمد كيتفرج فالتلفازة و ياسمين ناعسة بالعيا و الخلعة اللي رجعات عليها….. سلمو عليه و دخل معاه يوسف لطواليط يبدل و يغسل فحين مشات حنان فيقات ياسمين بشوية….
سلمات عليها و طمنات على حالتها…. ستفات ليهم الماكلة و تسناو حتى خرج محمد غاسل و مريح لابس سيرفيط مريحة و جنبو يوسف اللي عاونو حتى لبس عاد دخلات موراه ياسمين غسلات حتى هي و تعطرات تحيد ريحة ديال السبيطار…..
مشطات ليها حنان شعرها اللي عذبها و ظفراتو ليها عاد لبسات حتى هي سيرفيط بحال محمد…. جمعات الحوايج و داكشي و عاد خرجات جلسات حدا محمد باش ياكلووو…. كلاو فجو من الضحك خصوصا ان محمد كل مرة يحشم ياسمين محاير فحتى واحد اللي حس بيه كيقولو…..
بقاو معاهم حتى لديك الخمسة و مشاو يخليوهم يرتاحو…. دخلات عليهم الفرملية شافت ياسمين بالزربة و مشات عند محمد كتكسول و تعيوج و ياسمين غي حاضياها…
الفرملية:(كتقلب فيدو) شوية اسيدي
محمد: الحمد لله غي كنحس بيدي مزيرة عليا
الفرملية:(بميوعة) طبيعي تزير عليك المهم ماتكون كضرك حتى حاجة
محمد:(دخل معاه البلان هز عينو فيها لقا صدرها خارج كيشمشم و الوجه مصبوغ كلو ماكياج ضرب شوفة لياسمين لقاها مزنكة و من عينيها باينة تتغلي رجع شافيها و دوا بصرامة) انا مزيان اختي لابغيت شي حاجة غنعيط لك…
سرطاات الفرملية القمعة و خرجات بما تبقى من كرامتها اما محمد فحول نظرو لياسمين لقاها تتخنزر فيه دار ضحكة حمقة و دوا بصوت مازح….
محمد: غا بشوية امدام مادرت والو انااا
ياسمين:(دارت فيه ديك الشوفة ديال من نيتك)
محمد: وا والله الالة مادرت حاجة اوه واش انا عندي بلارة فريميجة ديال الماكلة و نشوف فديك موكة
ياسمين:(حبسات الضحكة بزز على التشبيه و بقات ساكتة)
محمد: بنادم دافع علينا كبير نوضي اجي نعطيك شي حاجة
ياسمين:(هزات كتافها بطفولية) مافياش
محمد: هاي هاي ولات تهز فكتيفاتها تي نوضي راه دارها ليا المرض اما تلقايني فوقك…
ياسمين:(جمعات الوقفة بتذمر لكن داخلها عاجبها الحال) شنو بغيتي هاني جيت
محمد:(هز حاجبو بتخنزيرة) جلسي
ياسمين: فين راك شاد الباياس كامل
محمد: فوق رجلي (يله بغات تقول لا دوا بصوت قوي) قلت لك جلسي من الهضرة
ياسمين:(جلسات فوق رجلو ماحسات غير بيدو كدور على خصرها و تقربها ليه حتى ولا وجهها فوجهو فارق بيناتهم اقل من سنتيم عينيه هايمين فعينيها)
محمد:(عينيه فعينيها دوا بصوت هامس كتسمعو غير هي) ملي نقولك راه عمرني نشوف او تحلالي غيرك ابنت الناس تيقي بيا راه ما جيت لداركم و جبتك لداري تا راه صافي ديتي القلب و العقل و عمر شي وحدة مازال تزيان فعيني (حنيكاتها تزنكو و حدرات عويناتها بحياء) و هاد الحشمة ديالك هي اللي زايدة مطيرة لجد مي العقل ياختي….
مخلاهاش تهضر قرب وجهو كثر و مسح المسافة بيناتهم واخد شفايفها بقبلة رقيقة كيترجم فيها حبو و عشقو ليها….
تبادلو القبل بحب و قلوبهم كتخفق باسماء بعض حتى تقطعات فيهم النفس و بعدو بزز محاملينش يخليو للهواء مسافة فين يفرقهم….. ضمها لصدرو باليد السليمة و عنقها ليه بكل حب مستمتعين باللحظة و داخل كل واحد فيهم كيحمد الله على سلامة لآخر و كيدعيو يحفظهم لبعضهم……
جابو ليهم العشا و كلاو و بزز عليها محمد تنعس حداه واخا مبغاتش لكن لح عليها حتى نعسو مزاحمين لكن نعيسة حلوة….
و على حبنا ألف آية فلق 🤍
بعد مرور اسبوع….
سيمانة دازت على أبطالنا دوزو منها ثلاث ايام فالكلينيك حتى ردو صحتهم و بقات لمحمد غير الجبيرة اللي داير ليدو…. خرجو و اصرات عليهم سميرة و حسن و حتى واليدين ياسمين باش يمشيو للرياض و فعلا قبل بنهار من خروجهم دخلات سميرة و احلام و حنان خرجو الفراش كامل حتى سيقوه و غسلوه عاد ردو الفراش و عطروه رجعوه كيشعل بحالا عاد جايين عرسان جداد….
فرحة سميرة كانت بالدنيا و مافيها علاش لا و وحيدها و ولدها البكر جاي يريح معاها تقابلو و تتهلا فيه ما خلات ما وجدات الحلاوي و سلو و الشهيوات…..
خرجات مع احلام و خدات لياسمين بيجامات جداد و ريحة و خدات لمحمد سيرفيط المهم مابخلات عليهم بحتى حاجة و مخلاتش من حقها باش تبين ليهم فرحتها…..
الحياة فالرياض بقات على عادتها حنان خدامة من نيتها و دارت بلاصتها عند كولشي بضرافتها و معقولها….. وافقها جو الرياض و الراحة و الماكلة و بانت فيها زادت فالوزن و الوجه صفا و زيان…..
خلصاتها سميرة و دورات معاها تدويرة صحيحة نيت خدات منها لبيسة ديال الخروج كاملة و شي بيجامات ديال الدار و بقات ليها شي براكة بغات تاخد بيها تيليفون حتى هي…..
شيماء بان عليها الحمل و الوحم و هاد المرة جاها قاصح كثر من حملها الاول كظل نهار كامل تبوع و محاملا والو لدرجة ولات كدوز النهار كامل يا برا يا فبيتها باش مايعيقوش بيها و لكن يوسف و حسن عايقين بشي حاجة و غير ساكتين….
النهار اللي خرجو فيه سبقو الدار هي اللولة دوزهم ليها يوسف اللي كانت معاه حنان بطلب من ياسمين باش تعاونها….. هاد الجوج اللي من نهار جاو لكلينيك بزوج و الهضرة اللي دارت بيناتهم تكونت واحد الكهرباء بيناتهم كل واحد حاس بيها بوحدو…..
من جهة حنان اللي كتحس بخجل شديد غير على الاخرين ملي كتلاقا معاه و لا كتهضر معاه مع اعجاب بيه طبيعي انها تعجب بشاب وسيم شخصيتو زوينة و الاكثر مستقل بذاتو لكن كتقنع نفسها انها مستحيل تكون معاه او تكون بيناتهم شي حاجة……
و من جهة يوسف اللي كتعجبو بجمالها الطبيعي و خفتها و عاد ضرافتها و حشمتها لكنو مأجل اي علاقة دابا خصوصا ان قلبو مازال مفطور من العلاقة باميمة اللي عمرو مازال عاود شافها و اللي سمع انها سافرت لشمال خصوصا ان الولد بقا معاه فما بقا عندو لاش يهضر او يتلاقا معاها……
دازو للدار ديال محمد جلسو الرجال فالصالون و عمرات ليهم حنان اتاي باش مايملوش….. دخلو البنات للبيت و بدات ياسمين كتعزل فالحوايج بدات بديال محمد جمعت ليه حوايجو و برودوياتو عاد دازت لحوايجها….. بدات كتجبد و فينما بانت ليها شي حاجة عندها منها جوج او عجبات حنان كتعطيها ليها واخا امتانعت لكن بزات عليها جمعات حتى هي حوايجها و دازت لي برودوي حتا هوما عطات لحنان بعضهم من باندوش و دي كريم و حتى ماكياج ما بخلاتش عليها و عطاتها الحوايج اللي كانت كتحلم تشريهم……
شكراتها بزااااف و دعات معاها بالخير و التيسير و الدمعة واقفة عند عينها بالفرحة….. جمعات الحوايج اللي عطاتها ففاليز صغيرة و خرجو عند الرجال يجلسو شوية فعلا تبادلو الهضرة و الضحك و كل مرة محمد محشم ياسمين قدامهم حتى ناضت و خلاتوو….. خرجو فاتجاه الرياض فين كانو معرضين ليهم بالحليب و التمر و فرحانين بمجيتهم…..
دوزو ثلاث ايام فالرياض عادية مرة مرة كيمشي محمد يطل فالمحل و اليوم قررو يديرو صدقة يعرضو فيها على اقرب المقربين بما انهم ناضو بيخير….. الصباح فالرياض غير على كل الصباحات بحيت ريحة الطياب عاطية و الكوزينة فيها الطيابات خدامات….. الصالات مخملين و معطرين…..
و النسا كل وحدة و شنو كدير….. فبيت محمد و ياسمين جالسة ياسمين كتجمع حوايجها و حوايج محمد فقفيفة باش يهبطو للحمام البلدي اللي كاين فالرياض و بحيت محمد مضروب فيدو كطر تدوش ليه هي…… كتجبد فحوايجها و هو داوي قتيلي مع علي و شي صحابو كيعلمهم يجيو…..
قطع و دار شافيها كانت لابسة بيجامة سخونة مكونة من كولون و بيل قصير فالاسود و شعر مطلوق عينيه شعلو فيهم قلوبة و دار فيها شوفة تزلالية بامتياز…. تمرح بجلسة رجولية فوق الفوطوي حاضيها غادية جاية و طرفاية كتحرك معاها بالكولون….. ماحسات بيه حتى طلق تصفيرة طويلة….. دارت تتشوفيه مستغربة وهي تلقاه داير ديك الجلسة و ديك الشوفة و حتى هو معطلهاش عطاها غمزة طيحات منها النص…. غلبات عليها الضحكة….. و قالت تتفرنس..
ياسمين: ههههههه مالك تاني
محمد:(تنهد) ميلتيه ليا اختي بداك الطروفة عندك.
ياسمين: اشمن طروفة
محمد: الطروفة اللور و القدام و زايدة ماديا ذنوبي بداك الكولون
ياسمين:(عطاتو بالظهر بالعاني و دوات) على مال الكولون تا هو منلبسوش
محمد: ازين انا مكرهتكش ما تلبسي والو حبيبك تيموت علك زبطة
ياسمين:(كانت هازا تيشورت فيدها دارت ضرباتو بيه كضحك) والو متتحشمش ههههه
محمد: نحشم منك نتي انا اللي والداني و متنحشمش منها عاد نتي حلالي اجي ازين نقولك
ياسمين: غي خليني ممسالياش
محمد: تي اجي لوالديك نديرو شي فشي عايمين عايمين
ياسمين:(خرجات فيه عينيها) ويلي حماقيتي راك مريض عاد مكاين وقت
محمد:ممريضش شكون قالك مريض مازال كي العود غا اجي غا نقولك
ياسمين: ولا امحمد راك يدك مريضة
محمد:(دار فيها شوفة قاصحة) شنو دابا مابغيتيش
ياسمين:(بدات غادا عندو) ماشي مابغيتش ولكن يدك داراك امحمد خلي غير تتبرا (وصلات بغات تجلس حداه و جرها فوقو فليد لوخرى)
محمد: موحشك اياسمين بزاااف مهاماني لا يدي لا والو المهم تكوني نتي مزيانة و باغا راني موحشك كثر من القياس (خشا وجهو فعنقها كيبوس بنهم و يهضر بكلمات شي كتفهمو و شي لا) كنبغيك…… عمري نتي….. توحشتك
ياسمين:(مرجعة راسها لور مستمتعة معاه و مبغاتش تحرمو من حقو) حتى انا توحشتك و كنبغيك (هز راسو فيها و غير قالتها مشا لشنايفها و طبع عليهم بوسة فرنسية من الطرفين كيمصو و يجرو فشنايف بعد……)
في حظن قلبك خليني 🤎
دوزو علاقتهم الحميمية بكل و حب….. سرات بيناتهم جملة من المشاعر و رغم انها خايفة عليه لكن مقدراتش تحرموو من حقو…… لبسو حوايجهم و نزلو من الدروج اللورانيين فين مكاين حتى واحد للحمام اللي ديجا كانو مسخنينو…..
دارو عومة بلدية من داكشي حتى خرجات ياسمين سخفانة مع الغدا نيشان تغداو غير اللي كانو فالرياض بحكم الكل خارج بحيت الصدقة مكاينا حتا الليل…… كل واحد طلع لبيتو يرتاح محمد تكا و ياسمين نشفات شعرها بعدما دارت ليه سيروم مخلط ب قطرات ديال مسك سائل خلا ريحة شعرها كتهبل دورات ليه باتشا و دازت كتصبغ اظافرها بلون وردي فاتح فتح لون يديها…..
سالات و خرجات للبالكون كتهضر مع دعاء مجمعين حتى سمعات صوت الغوات فالوسط ديال الرياض خرجات بالزربة من البيت و طلات من الفوق لقات شيماء مغاوتا مع حنان رجعات للبيت بالزربة تلبس بينوارها لقات محمد حتى هو هابط نزلو لقاو حنان حادرا راسها و شيماء كتغوت و تعاود و مها غير كتجر فيها مهدودة و مريضة…..
شيماء: تباااارك الله ولات خدامة ديال الخلا باغا تجابه معايا بالحق ضسارتناااااا هادي اما الكلب كيبقا غا كلب..
حفيظة:(بصوت عيان واقفة مثنية و وجهها صفر و المرض و العيا باينين فيها) دوزي يا هاد البنت فحالك و خلي عليك الدرية راه مدارت لك والو العافية الزرقا
شيماء: دارت قالاك مدارتش اشنو هي فملك الله تا نقول ليها الحاجة و تقوليا لا معرفنا شكون تراس عند لاخر
ياسمين:(وصلو لقات حنان كتبكي مشات كتجري عندها عنقاتها كتسولها) مالك احنان شنو واقع
شيماء:هاهيا جات المحامية و الملكة اللي ولات كتقرر شكون دخل و تخرج
محمد:(كان جاي مورا ياسمين لكن سمع الهضرة كاملا غوت بصوت مجهد حتى الكل قفز و اللي ماسمعش غواتهم سمعو و خرج يطل) شيماااااااااااء جمعي فمك و سكتي من الغوات مالك ثاني واش عافيتك مكطفاش
شيماء: لاااااا كملااااات جيتي تحامي عليهم يله زيد ترجل عليا كيما موالف كدير…
محمد:(قرب ليها معصب الشرار تيطير من عينيه و خداها باليد السليمة من ذراعها مزيرها عندو) غتجمعي فمك ولا كنقسم لك بعزة و جلال الله حتى نهرسو ليك و نخليك تحسبي سنانك السلكوطة زدتي فيه..
حفيظة:(قربات ليه مهدودة شداتها غير تيسير باشما طيحش شداتو بيدها كترعد و دوات بزز باش خرجات دوك جوج كليمات) طلقها اولدي الله يرضى عليك طلق الحمارة تمشي تغبز وجهها..
محمد:(دار شاف حالتها و تصدم فنفس الوقت بقات فيه ماحس حتى طلقها بنطرة حتى كانت غطيح و شدات كرشها بسرعة الشي اللي مارد ليه البال غير ياسمين و احلام اللي بالزربة دوزو الشوفة بيناتهم لكن خلاوها لمن بعد…. دار محمد عند حنان اللي كتبكي و تشهق فحظن ياسمين توجه عندها و دوا معاها بصوت هادئ) غير بشوية علك اختي راك غتسخفي مالك غا بشوية جلسي بعدا (عيط على نسرين) اري شي كاس ديال الما..
حنان:(تمشات مع ياسمين حتى جلسات و شربات الما حتى تنفسات عاد هضرت بصوت مبحوح) انا كلفتني خالتي سميرة نقاد الصواني و الطباسل ديال الحلوة و الفاكية حتى جات لالة شيماء لقاتني كنقاد فيهم قالتلي نحط ليها الغدا مشيت حطيتو ليها يله بغيت نرجع نكمل خدمتي قالتلي طلعي بدلي الفراش ديال بيتها و نخملو ليها ملي قلت ليها راه مكلفاني بخدمة اخرى حتى لغدا بقات كتعاير فيا و انا والله العظيم ما فنيتي نتجابه معاها انا غي خدامة هنا مغراضي والو اهئ هئ هئ هئ سبتني فشرفي هئ هئ هئ…
جراتها ياسمين لحظنها و الدمعة واقفا فطرف عينها بقات فيها و مكرهتش تنوض لشيماء تخلي فيها غير اللي نسات…
محمد:(تنهد بضيق نفس مكيحملش بحال هاد المواقف خصوصا ملي كيشوف شي واحد كيقلل من شي واحد او شي واحد كيحگر على شي واحد) سكتي اختي متقوليش هكا من نهار دخلتي لهاد الدار و نتي وحدة منا و مكاين اللي ينقص منك ولا يهينك منك من احلام من تيسير خدامة بشرفك و بعرقك و حسن من الف واحد مسحي دموعك اختي و متخميش حقك يوصلك..
حنان:(قالت ليه بالزربة) لا لا عفاك مكاين لاش يزيد يطوال هادشي انا مسامحاها دنيا و آخره غير بلاما يزيد هاد الصداع يطوال..
محمد:(وقف طالع ليه الخز باغي غي فين يفش غضبو قال و هو غادي) يكون خير (مشا فاتجاه الدروج كيصوط)
ياسمين:(معنقة حنان جنب كدوز يدها عليها و احلام جالسة من جيهتها لوخرى و البنات فالبلايص لوخرين) صافي اصاحبتي براكة علك من البكا عينيك طيبتيهم..
احلام: عفاك اختي مسحيها فيا راه هي هكاك دايرااا شوفينا حنا خواتاتها و كيفاش كتعامل معانا الله يسهل علك لاما براكة طيبتي ليا قلبي..
حنان:(مسحات دموعها و ابتاسمت وسطهم ابتسامة بشوشة و قالت بصوت حنين) شكرا بزااااف البنات لهلا يخطيكم واخا مكانجيكم ما والو لكن وقفتو معايا..
ياسمين: سكتي الهبيلة راكي ختناااا دابا و وحدة منا و اللي قاصك قاصنا (وهي داويا دخل يوسف كتافو مهدودين و عيان خصوصا الحمل ديال المحل ديال محمد اللي بقا حتى هو فوق ظهرو زاد لقا البنات فجليسة ديال المرح هز عينو مباشرة فحنان لقاها جالسة وسط البنات عينيها و خدودها و حمرين و باينا من الطيارة باكيا)..
يوسف: السلام عليكم (ردو عليه البنات السلام لكن هو عينيه بقاو معلقين على حنان لي هزات فيه عينها بنظرة خاطفة و بالزربة هبطاتها لكنها كانت كفيلة باش يعرف بيلا كانت كتبكي سول الكل باشما يعيقش) ماعندكم مايدار جالسين هنا..
احلام: كيكون عندنا ما يدار تا كيخرجو لينا بلانات ختك من الجناب (قرصاتها حنان فيدها لكن دارت عندها بالزربة) هداي خليني نقوليه مالو معارفهاش راه عافية زرقا..
يوسف:(تنهد بعنف) متكون غا شيماء شنو دارت تاني و مالك احنان كتبكي..
احلام: ماخلات فالبنت غير اللي نسات بالمعيور و الهضور و جا يهضر معاها محمد زادت ليه تاهوا..
يوسف:(تنهد بغضب من جيهة قهراتو شيماء بشخصيتها الصعيبة و صداعها اللي مكيساليش و من جيهة بقات فيه حنان حيت عارفها ساكتة و حانيا الراس و عمرها تجي من عندها) هذا الله شهمتني (وجه كلامو لحنان) مسحيها فيا احنان و مديش عليها غير خليها حسابها معايا هو التالي…
حنان: (كدوي معاه حادرا راسها ماقدراتش تهز فيه العين) لا ماشي مشكل انا مسامحاها دنيا و آخرة (ابتاسم ليها يوسف بود و طلع فاتجاه بيتو غير هو درق قرساتها ياسمين بشوية حتى شافت فيها و دارت ليها ضحيكة ديال اش تما) شنو اختي..
ياسمين: نتي اللي شنو النظرات و الناس حشمانين و هو سولك نيشان اش بان لك ا احلام..
احلام: انا ياختي بانت ليا شي قصة حب جديدة جايا فطريق ما فيهاش ههههههه..
بقاو البنات مطلعينها على حنان شوية و ناضت كل وحدة لبيتها…. مشات ياسمين للبيت لقات محمد مكاينش عرفاتو غيكون فالسطح مشات جبدات قفيطينها ديال جوهرة مخيط بالراندة حطاتو و حطات معاه شنو غتلبس……
عند محمد اللي طلع لسطح مباشرة معصب بزااااف من فعايل شيماء اللي مكتساليش و ضسارتها اللي مبغاتش تحد….. جبد گارو من جيبو شعلو كيكمي فيه و دماغو مسافر ما فاق غير على صوت شي واحد تحرك موراه دار لقاه يوسف مبدل عليه بتشامير او گندورة رجالية….. تبادلو السلام فصمت و وقف يوسف حداه كيطل حتى هو لبعيد حتى هضر بهدوء…..
يوسف: اش معصبك العشير و مخليك ساهي ياكما شي مشكل مع المدام
محمد:(ضحك بخفوت و دار شافيه) الله ياودي هاديك هي اللي مديرش المشكل شكون من غير ختك معصبني و مرضني
يوسف: ايلا كان على هاديك خاصني شي گارو بعدا نرد بيه المجاج (عطاه محمد گارو شعلو و نتر نترة طويلة عاد كمل على هضرتو) تيقني لا قلت طلعات ليا فراسي بفعايلها..
محمد:(بالفقصة سالا الگارو اللول و شعل الثاني بلاما يحس بطبعو مكيكميش بزااف الا ايلا كان معصب دوا بعصبية) مفهمتش انا هاد التمكريب ديالها منين جايباه وا مكتهدش مكتوعاش
يوسف: هي هكاك طبيعتها هكاك معندك مادير ياك جربنا الغوت جربنا الهداوة جربنا كولشي حتى من الراجل نفراتو منها و ولد الناس ميستاهلش..
محمد:(دار شافيه عينيه حمرين بالدخان) انااا بعدا من هنا نقولها خرجت سوقها تموت و لا تنتاحر ولكن نهار توصلني انا ولا مرتي راه نحرهاااا و نخلي دمها يسيقو بيه الرياض..
يوسف: قول اعوذ بالله من الشيطان الرجيم اصاحبي و تهدن بغيتي ترجع لأيام زمان..
محمد:(دار ضحكة رجولية مع بحة فصوتو خطيرة) اودي فورات دمي منلقاش عندك شي طريفة نقادو بيها المجاج
عبدالله:(طلق ضحكة طوييييلة) موجوووووود اخاي ديالي ولكن اليوم لا بغيتييي حسن يعاود لينا مدار لينا فياماتنااا..
محمد:(ضحك حتى هو و دار غادي) و هاهي عندك كنتسالك شي ليلة غا بيناتنااااا نديفولاو اولد با هههه
هبط محمد مهدن شوية واخا ريحتو تتقلب بريحة الگارو دخل لقا ياسمين كدهن فلحمها لابسة دوبياس فالبيج دونتيل مع ديباردو و شورط فنفس اللون و شعرها مطلوق على ظهرها كتبان فوق الناموسية بحال الحورية…..
نهار على نهار و ساعة على ساعة كتزيد تحلا فعينيه و تزيان كثر…. تكا بكتفو مقابل معاها مكرهش يبقى غير يشوف فيها و عمرو يمل من طلتهااا…. هزات راسها بعفوية لقاتو واقف ابتامست ليه بحب و قالت بنبرة مازحة….
ياسمين: مال الزين كيخمم
محمد: ااااح و كان تعرفي هاد الزين شحال تيموت عليييك
ياسمين: هههههه و حتى انا تنبغي هاد الزين بزاااف گاع
محمد:(ابتاسم ليها بحب و تمشى حتى جلس حداها عينيه كيشوفو فعينيها) و كون تعرفي هاد اللحظة اش باغي
ياسمين:(ساهية بدورها فعينيه) اللي بغيتيها تحضر غير قول
محمد: بغيت شي وليد ولا بنيتة منك يكونو كيشبهو لك فكووولشي نسخة صغيرة منك
ياسمين:(صدمها بطلبو اخر حاجة كانت كتوقع يطلبها حلات عينيها على وسعهم و قالت) شنو ولكن
محمد: مكاين ما ولكن خلي هاد الموضوع من بعد و نهضرو فيه و دابا وريني شنو غتلبسي..
بدلات الموضوع لكن بقات دايرا هضرتو فبالها وراتو شنو غتلبس و جبدات ليه حتى هو سروال جينز مع شوميز بيضة و فوقاني بحال جبادور محلول…..
عند حنان اللي كانت سالات داكشي باش كلفتها سميرة لكن قلبها بقا ضارها من هضرة شيماء و معاملتها ليها غير سالات داكشي طلعات لسطح بالزربة ما لقات حتى واحد فيه خدات راحتها و دارت لواحد البلاصة مخبية…..
مدات يدها لشعرها حيدات المقبط حتى طاح على ظهرها مسبسب فلون اسود لامع…… عينيها غرغرو و شريط حياتها داز قدامها….. من النهار اللي وعات على راسها فالخيرية…. للمعاملة اللي كانو كيتعاملو بيها تما….. لحياتها مع خالتها….. للفترة ديال علاقتها مع ايوب و الحب المزيف اللي كان معيشها فيها…..
دموعها هنا طاحو بغزارة و شداتها الشهقة مع البرد ديال العشية اللي كيطير شعرها….. كتبان فحال شي لوحة….. دازت قدام عينيها حياتها الزوجية مع محمد و العذاب اللي عاشتو لكن اللقطة اللي خلاتها تشهق بصوت عالي و تبكي بحرقة هي ذكريات حملها و ولدها اللي مكتابش انه يشوف الدنيا…..
من جهة حمدات الله و شكراتو اللي شاف من حالها و من حال داك الوليد و مخلاهش يجي لدنيا و يعيش الحكرة و الظلم اللي عاشتو مو….. و من جهة تمنات كون عاش و و تزاد و هزاتو بين يديها و تشوف عويناتو باش يهونو عليها احزانهاااا…..
طالع للسطح بعدما كثر عليه اللغا ديال العيالات و سخن عليه راسو طالع يتبرد….. دخل مبان ليه حتى حد حتى جا يدور و هو يبان ليه جسد ديال بنت شعرها مطلوق كطل من فوق الصور و شعرها كيطيرو البرد…. من لبستها عرفها حنان لكنو نتابه لذاتها اللي كتقفز كل مرة و من حركاتها عرفها كتبكي و كتشهق…..
عقد حواجبو بانزعاج ظناً منو انها كتبكي على الفلاش ديال شيماء….. معارفش بيلا هداك الموقف ماهو الا نقطة فبحر احزانها و مشاكلها…… توجه لجيهتها و مد يدو لكتفها قاسها حتى قفزات و بعد شوية حتى دارت عندو مخلوعة…..
هنا تصدم ملي شاف وجهها….. عينيها حمرين بالدموع و التزنيكة طالعاها بلا شنايفها اللي حووومر بحال حبات الكرز….. و مع شعرها اللي كيجي على وجهها بالبرد….. بانت ليه فحال شي قمر مكتمل فأوج جمالوووو….. بكثرة ماااا بقات فيه و شفاتو حالتهاااا….. لكن جمالها فات الحدود و مخلاش ليه الوقت فين يفكر فشي اخرى من غير هاد الوجه البريئ المفعم بالجمال اللي قدامو…..
عجبااااتو بزااااف و قلبو ضرب بعنف….. رجعو لارض الواقع بجوج بيهم و كل واحد عاق براسو هي مدات يدها لشعرها كتجمعو بالزربة و هو بعد نظرو عليها و يدو كتحك فعنقو بحرج…..
يوسف: حنان علاش جالسة بوحدك و كتبكي
حنان: لا لا ماشي كنبكي غي حرقوني عينيا بالبرد
يوسف:(ضحك بسخرية) واش بنت لك كنرضع صبعي ولا راك باينا باكية غي من دوك العينين اللي هلكتي
حنان:(حدرات راسها للأرض ما عرفات ماتقول و مازال البرد كيطير ليها زغيبات على وجهها)
يوسف: واش كتبكي بسباب الهضرة ديال شيماء هاديك ضربيها على حسابي و الله ما تبقى فيها..
حنان: لا لا واللهما على داكشي انا نسيتو عفاك متقوليها والو منبغيش نكون سبابكم الله يخليك..
يوسف:(ابتاسم بلاما يبين ليها على الطريقة باش كطلب فيه) صافي الالة منقول ليها والو ولكن بشرط غتعاودي ليا علاش كنتي كتبكي
حنان:(حناكها تزنكو) منقدرش عفاك غادي غي نزيد عليك بهمي حتى هو…
يوسف: الالة انا عزيز عليا الهم و الغم غتعاودي يعني غتعاودي اجي نجلسو بعدا (زاد قدامها و تبعاتو بلا حيلة جلسات مبعدة عليه شوية) يلاه بداي…
حنان: احم….. (بدات كتعاود ليه قصتها من الاول للآخر)
نخليوها تعاود ليه قصة حياتها و نهبطو عند ياسمين اللي كانت لبسات قميصها مع بليغة و جمعات شعرها نص جمعة مخليا النص لتحتاني مطلوق…. مع اكسسواراتها الذهبية و زينت عيونها الخضراء بكحل حر اسود و مسكرة و عكر خفيف……
محمد حتى هو لبس حوايجو و هبط لتحت يستقبل مع باه الناس اللي بداو كيجيو….. يله بدات كترش الريحة حتى سمعات دقات فالباب…..سمحات للي كيدق باش يذخل حتى لقاتها سميرة لابسة حتى هي قفيطين ابيض مع مضيمة ديال الذهب و شال ابيض مكحلة عويناتها كتبان مبشورة و مسرارة و مازال زينة و صغيرة…..
داخلة هازة فيدها بواط حمرا مخملية متوسطة الحجم مبتاسمة….. سمات الله ملي شافت ياسمين و قربات حظناتها بحب كأنها وحدة من بناتها…..
سميرة: بسم الله ما شاء الله عليك ابنتي قمر ربي يحجبك من العين
ياسمين: لهلا يخطيك اخالتي حتى نتي تبارك الله كتحمقي
سميرة: عويناتك الحبيبة ديالي قولي لي كيف بقيتي شوية محاسة بوالو ياك ابنتي
ياسمين: اجي جلسي بعدا (جلسو فوق الفوطوي) لا اخالتي بيخير الحمد لله
سميرة: الحمد لله ابنتي (مدات ليها ديك البواط حتى حلاتها و لقات فيها سنسلة ديال الذهب طويلة و ثقيلة مع علاق ديال اللوزة كتبان زوينة و تقيلة) هادي ابنتي بغيتك ديريها اليوم و تخليها امانة عندك حتى لنهار تولدي شي وليد و يتزوج و تعطيها لمراتو
ياسمين:(خداتها بابتسامة كتقلب فيها عجباتها) زوينة بزاااف اخالتي ولكن بزاف هكا يكفي الكادوات اللي كتجيبي كل مرة..
سميرة: حتى حاجة متغلى عليك ابنتي ولا على ولدي محمد راه الغالي و حتى نتي دابا معزتك من معزتو..
عنقاتها ياسمين بحب و باست ليها راسها عاد عطاتها تركبها ليها جاتها واصلة لكرشها فوق القميص كتبان تقييلة نيت و غالية…. دارت ريحة و سدات الباب و نزلات معاها ضاحكين لقات النسا گاع فالصالة سلمات على اللي جاو شي كتعرفو و شي و العنين گاع عليها كيطلعو و يهبطو شي عجباتو و شي محملهاش و شي حسدها و شي مداهاش فيها گاع…..
جلسات حدا الحاجة كلثوم اللي كانو جالسين معاها شي نسا فتقادة ديال سميرة و حكيمة….. داوين و ياسمين غير كتسمع و تبتاسم حتى دوات وحدة من دوك النسا اللي كانت بنت خت الحاجة كلثوم سميتها سعاد…
سعاد: ايوا اخالتي هادي هي مرات محمد
الحاجة كلثوم: اييه هادي بنتي ياسمين مرات محمد
سعاد:(طلعات و هبطات فيها مزيان و معنات الشوفة فيها) زيييينة الحق يتقال غير هي ضعيفة شوية (هزات فيها ياسمين بالزربة عينها و نزلاتها)
ح. كلثوم: الله يابنتي مازال صغيرة و مشا ليك الشوف ايلا بانت لك هادي ضعيفة كيف داير الزين عندك تبارك الله كاملة مكمولة من كولشي
سعاد:(بتمياق) ايوا اه مقلناشاي ولكن شوية الغلض زين بحال بنتي سناء تبارك الله شوفي على فورمة عندها ما خلا شكون خطبهاااا..
هنا هزات ياسمين عينيها فواحد الرباعة ديال البنات تتقلب على هاد سناء حتى استقر نظرها على وحدة فيهم عرفاتهاااا غتكون غا هي….. و كيدايرا هاد سناء الشعر كحل مطلوق مصاوب لكن باينا فيه محروق و واكل الدق….. الوجه بحال الرويضة الحناك فايضين و الحجبان مطراسيين بالكحل مع مكياج صارخ بحالا عندها سهرة فجلسات وناسة……
لابسة جلابة زوينة لكن مزيرة عليييها بزاااف مبينة تفاصل جسدها اللي فايض بهاد المعنى…… لا خصر باين ولا جناب جاية طاي وحدة بحال الوصلة و الشواكل خارجين و الفخاض ملاسقين….. الحاصول فورمة ديال الله يحسن العوان….. حبساتها الضحكة و بزز باش حبساتهاااا….. ما نقذها من الموقف غير دارهم اللي دخلو….. ناضت بالزربة سلمات على مها بحرارة و دازت لدعاء حتى سلمات عليها…..
دعاء اللي حتى هي ملي دخلات عرفوها ختها و بداااا تبرگيگ….. ولكن ملقاو منين يعيبوها….. اللون خمري كيسكر و الشعر مسبسب كحل….. العوينات كحلين غرين و زادتهم التكحيلة زين على زين….. جلابة مخزانية مخدومة بالحجر و العقيق خفيف مع ذهيبات خفافيييين و الصويك صغير فالجنب مع ظفيرات مقادين….. شافو حتى عياو و قالو ثورية والدة الزين….. و حتى هي مسلماتش من نظراتهم بحيت تتبان بحال ختهم الكبيرة تحلف عليها ما مهم…..
جلسو شوية حتى تمات داخلة سميرة سلمات عليهم بحرارة حتى هي و تبعوها البنات و دارو جليسة كيتحثو……
نرجعو لور شوية عند حنان و يوسف اللي عاودات ليه قصتها كاملة حتى لموقف ديال شيماء…… حسات بجبل كان فوق ظهرها و حيد ملي خوات قلبها لكن هو كان عندو احساس اخر…..
تصدم و تبهض و ما عرف ما يقول….. كان كيقول مكاينش اللي عاش مشكيلتو و مكاينش اللي عندو شي مشكل كبر من ديالو لكن تصدم….. و عرف بيلا المقارنة بين مشكيلتو هو و مشااااكل حنان مستحيييلة….. مشكيلتو ماهي الا قطرة مقرنة مع محيط مشاكل حنان…..
بقات فيه بزااااف و ضرو خاطرو عليييها….. كيفاش بنت مازال ما فاتت حتى 25 سنة عاشت هاد المشاكل و الضغوط كاملة….. بوحدها لا حنين لا رحيم يحس بيها و يواسيها….. لا فلوس ولا دخل يعاونها شوية و يهز عليها شوية….. و الاهم كيفاش باقا واقفة و منهارتش…..
ايلا كان هو راجل و بدارهم بفلوسو و مشكيلة بسيطة قدام مشاكلها خلاتو ينهار و يكره راسو و يسهر الليالي و يكره الناس و الحياة…… هي اللي غير انثى لا حول لها ولا قوة اشنو غديييير….. احترامها فداااااخلو و احتارم قوتهااااا و كراااامتهاااا و كبريااااءها اللي مخلاهاش تمد يدها لحتى واحد و تخدم بذراعها…..
احترم شرفهااااا و احترامها لذاتها اللي مخالاهاش تسلك الطريق الساهلة و تعيش بيخير بل اختارت الطريق الصعيبة اللي عامرة بالحفاري و العقباااات….. عامرة بالظلم و الحكرة….. عامرة بالاحتقار و الاستفزاز…… لكن شريفة و راضي عليها الله و مكمل عليها….. عاطيها الخير فداك الدخل الصغير و البركة……
سكت حتى عيا و ماعرف او ما لقا حتى كلمة باش يواسيها ولا يخفف عليها ولا….
يوسف: الصراحة صدمتيني ماظنيتش تكوني مدوزة هادشي كامل الصراحة بزاف على بنت فسنك كيف قدرتي تبقاي واقفة
حنان: القدرة ديال الله بوحدها اللي خلاتني نبقى مازال واقفة على رجليا (وعات على راسها بيلا تعطلات جمعت الوقفة بالزربة) تعطلت بزاااف غنمشي دابا
يوسف: ولكن بلاتي اجي (عيط حتى عيا ولكن كانت مشات….)
هبطت حنان و خلات يوسف موراها كيفكر فيها و فحياتها و كيفاش هي غير بنت و قدرات تجاوز مشاكلها و تكمل حياتها وهو اللي راجل مازال حابس راسو فالماضي و داير حد لحياتو….. بقا مدة لا بأس بها كيفكر و يخمم حتى استغفر الله و نزل…..
طاح الظلام و الناس گاع جاو….. اتاي و الحلاوي كيتسرباو للناس….. النسا فصالة و الرجال فصالة….. جاو صحاب محمد و اختارو يجلسو فالمريح ديال الرياض بغاو ياخدو راحتهم….. واحد اللحظة ناض محمد يتكلم لباه….. و فنفس اللحظة خرجات ياسمين مع ولد ختها غاديا بيه للطواليط……
مرداتش لبال لشكون جالس دازت حادرة راسها لكن هوما كاملين ردو معاهت البال و گاع وجهو انظارهم متسنينها تخرج….. فعلا قدا اويس حاجتو و خرجاتو….. شوية تحنات كتعقد ليه سيور السبرديلة و هوما گاااااع حاضينها عجباتهم كاملين….. زادت كملاتها منين قالها اويس شي حاجة و ضحكات بجهد حتى دوا واحد بلاما يحس…
الشاب1: اميمتييييي على الضحكة اش هاد العسل
الشاب2: هاد الزين اخويا معرت فين كينبت تكون خت محمد نخطبها ليوم قبل غدا
الشاب1: اهدى عليا اخويا باغي دي هاد الفريزة كاملة بوحدك شوف غا اللوين و الشعير…
بقاو هوما كيتغزلو و ياسمين دازت دخلات تاني….. لكن اللي ماردوش ليه البال هو محمد اللي حضر للموقف كامل واقف موراهم عينيه حمرييين و ذاتو كترعد بالاعصاب….. زاد شوية حتى وقف على وحد من لور و هز يدو خبطو فظهرو حتى قفز لاخر و قال بصوت معصب…..
محمد:لقيتو الدار عامرة و الهضرة ماشي هنااااا اماااا نفرج فيكم امة محمد اشمايت
الشاب1: امالك اخاي محمد على هاد الهضرة
محمد:غتنوضو تقودو دابا قلت ليكم الهضرة ماشي هنا هاديك اللي كنتو تتزلو عليها راه مراتي ا زو****
الشاب2: ولكن سمحلينا والله ما عرفناهااااا مرتك غلطنا اخويااااا
محمد:هضرت دابااااا غت**قودو من هناااااا و الهضرة من بعد…
ناضو الدراري ندمانين حتى ماقدو مخليييينو كيترعد بالاعصاب مكرهش يشدهم يفرشخهم و لا معرت شنو يدير باش يبرد شوية….. بانت ليه نسرين دايزا غوت عليها تا قفزها…
محمد: نسرييييييين اجي لهناااا (جات عندو تفرغع ليها فوجهها) غاتبقاو خيطي بيطي هناااا ولا شنووووو دخلي كوني حدا مك و كلمي ياسمين (يله بغات تهضر صهل فيها) منعاودش هضرتييييييي..
مشات مسكينة مصدومة عيطات على ياسمين….. خارجة عندو كضحك على نيتها فرحانة و راشقة ليها لقاتو حدا الباب فواحد الكوان مدرق….. مع هزات فيه عينيها لقاتو عاقد واحد التخنزيرة طيح الزرزور من فوق السور…..
تلاشات ضحكتهاااا و عقدات حواجبها باستفهام…..يله حطات يدها على ذراعو و بغات تسولو اش بيه هو ينتر ليها يدها بجهد و دوا بصوت معصب…..
محمد: كنقسم لك بربي و ما اعبد و نلقااااك خارجة ولا معتبة قدام الصالة حتى نقطع لك العصب ديال رجليييك
ياسمين:(تصدمات و للحظة ظناتو كيضحك معاهاااا ابتاسمت بزز منها و قالت) اويلي مالك هههه كضحك معايا
محمد:(استفزاتو ضحكتها ماحس تا شدها من ذراعها تا حسات بالدم تزير فيها) مكنضحكش معاك غتق**ودي تكوني حدا مك و لا غنجرك لدارك و العالم الله اش غندير فيك (نترها وزاد مخليها موراه مصدرمة)..
فهاد اللحظة بالضبط ياسمين مكانتش عارفا باش حاسة….. كانت فصدمة… بعدما كانت ناشطة و المورال طالع….. جا محمد بهضرتو و فعلتو و هبطها لسابع ارض…..
تصدمت و ماعرفت باش تبلات….. علاش و كيفاش و شنو مافهمااااتش علاش و مالو تقلب…..عينيها غرغرو و قلبها ضرها و بزز باش حبست دموعها و رسمت ضحكة صفرة….. دخلات للصالون و الارض كدور بيهااا…. مع هزات عينها فدعاء عاقت دعاء بشي حاجة خصوصا ان وجهها كان صفر مسقوط من الدم…..
أشارت ليها ياسمين بوالو غير راسها و جلساات و عقلها مسافر كيخمم و يفكر و يحاول يلقى ليه سبب علاش عاملها هكاك لكن مالقات والو….
فكرات تا عيات ولقات راسها ما غلطات فوالو باش يعاملها هكاك….. مودها تبدل و الضيم طاح عليها….. ما بطا عليها غي وقتاش يسالي هادشي و تمشي خلاص لبيتها….. تمنات كون كانت فدارها تسد عليها و تبقى تبكي حتى تفش قلبها…..
جاتها صعيبة تحبس البكية و تبقى محافظة على ضحكتها واخا قلبها كيبكي…..حسات بيها دعاء ماشي على برجها لكن خلاتها على خاطرها….. تسربا للناس العشا و عاد تحط اتاي و الفاكية….. ياسمين ملقا العشا منين يدوز ليييها والو….. غصة فقلبها غادة و كتكبر….. مرضاتش يتصرف معاها هكاك بعدما ولفها معاملة زوينة……
جالسين حتى نقزات مرة تكون فالتقادة ديال سميرة….. حروفها كحلين و وجهها مبشور كيبان فيهاااا السر و الطيبة…
نعيمة: اختي حفيظة العشا و تعشيناه الله يخلف ندخلو دابا للمعقول
حفيظة: ايه مرحبا الحبيبة
نعيمة: ايلا قبلتو علينااا ناويين نتناسبو معاكم ان شاء الله
حفيظة: الله ياودي على حنااا نلقاو حسن منك ولا لا اامي الحاجة
كلثوم: ايه ابنيتي بنت خو الحاج و منا و فينا و حتى وليداتك الله يعمرها دار غير هو شكون فالبنات ناوية تخطبي
نعيمة: ربي يخليك اعمتي… ماكرهتش تيسير لولدي الكبير ياسر تبارك الله عليها زينة و قارية و حادكة تمناها اي ام لولدها..
حفيظة: ربي يخليك اختي حتى ولدك تبارك الله بعقلو و بخدمتو
نعيمة: لهلا يحاشمنااا اختي
حفيظة: ندوي مع باها و يكون خير…
بدلو الموضوع و بقاو هضرة تجبد هضرة حتى تناص الليل و بداو الناس كيمشيو….. حلفووو على دار ياسمين مايمشيو و فعلا بقاو نيت سوقان الليل خايب….. تفرتكات الجقلة و كل واحد قصد بيتو و حتى ياسمين مشات لبيتها….. مع حلاتو ضربات فيها ريحة ديال الگارو مجهدة حتى خنقاتها…..
شعلات الضو لقات محمد جالس و الطفاية حداه عامرة باينا كماااا و عطا لقلبو حتى ما قد و هادي كانت اول مرة تشوفو هكاك….. دخلات فالسكات مدواتش معاه حيدات البلغة و دازت تتحيد فذهبها و تردو….. يله بدات كتفسخ شعرها حتى سمعاتو وراها داوي دارت لقاتو تيلبس بسبرديلتو….
محمد:(دوا بصوت قاصح) متسناينيش نقدر نتعطل
ياسمين: ولكن فين غادي فهاد الليل
محمد:(طلع فيها عينو مخنزر) كيفاش فين غادي خاصني نقولك فين غادي و فين جاي ولا كيفاش امدام…
ياسمين: لا غير زعما الليل هدا و نتا يدك داراك و عمرك خرجتي فهاد الوقت
محمد: طالع ليا الدم و تخنقت بغيت نبدل الجو
ياسمين:(دخلو كلماتو بحال السم لقلبها عينيها غرغرو و البكية حبساتها قالت بصوت مخنوق) مالك امحمد كتعامل معايا هكا شنو درت لك
محمد:(ضراتو نبرتها فخاطرو ولكن الغضب اللي حاس بيه كثر من اي حاجة تمشى تال الباب و قال) ماشي وقت هاد الهضرة (خرج و خبط الباب)…..
مع الخبطة ديال الباب نزلو دموعها كيجرييييو….. طاحت للأرض كتبكي و تعطي لقلبهاااا بواحد الطريقة تخلي اللي شافها يبكي معاهاااا….. فديك اللحظة بالضبط كتحس براسها بوحدها و ماعندها تا حد…..
كيفاش و علاش و شنو دارت معارفاش ولكن علاش يعاملها هكاك….. علاش بين ليلة و ضحاها يتبدل عليهاااا و هي دايرا المستحيل باش ترضيه….. كانت اول مرة من نهار اللي تزوجو غيتخاصمو هكاااا و يتعاملو مع بعضهم بهاد الطريقة…..
بكات و بكات حتى حرقها راسها… ناضت بزز حيدات القميص و غسلات وجهها و رجعات تلاحت فسريرها تكمل موجة بكاهاااا….. العينين تنفخو و الوجه رجع تيشعل……الوحدة…. الجوج…. الثلاثة مازال فايقا تتبكي و تتسنى فيه…
مولفاتش تنعس بلا بيه….. بقات على ديك الحال حتى غلبها النعاس و غابت…..
نمشيو عند محمد اللي كان داير مع يوسف باش يمشيو لشقة ديالو يسهرو فيها….. وصلو حطو اتاي و المكسرات و داكشي باش تحلا الجلسة و محمد غييير حادر راسو و ساهي…
يوسف: مالك اصاحبي ساهي و مكره اش عندك
محمد: اودي والله حتى المشاكل حاس براسي خورتها ولكن راه طالع ليا الدم ديال بصح
يوس: اش عندك اصاحبي
محمد:(عاود ليه الموقف من اللول حتى الهضرة اللي دارت بينو و بين ياسمين منين خرج)
يوسف:شتي نتااااا برب حتى غا كتخور واش اصاحبييي هي شنو دارت تا تعاملها هكاك
محمد: راه داكشي اللي بقا فيا مدارت والو لكن تعصبت اصاحبي و بقات فيا مسكينة واخا هكاك بقات تدوي بشوية
يوسف: عاطيك الله بلارة اصاحبي و باغي تقودها معاها برب كون وحدة اخرى ما تصبر لك
محمد: راك مشفتيش اصاحبي دوك الشمايت كيفاش كانو داويين راه بزز باش شديت راسي عليهم بالحق برب ماتخرج ليهم طريفة
يوسف: ولكن مرتك مدارت لك والو و نتا غلطتي معاها دونك تحمل اش غيوقع لك و دعي الله تطلع بنت الناس كثر من هكا….
نقا ليه يوسف وذنيه مزيان حتى عاق بخطؤو…. شربو كاس ديال اتاي و قررو ينعسو ديك الليلة تمااا مقرر الصباح يمشي يداخل عليها و يطلب السماااحة….
عند ياسمين مسكينة اللي بقات كل مرة كتفيق مكتلقاهش كتزيد تبكي…
صبح عليها الحال كيف الجرتيلة العينين حمرييين و منفوخين و الوجه حالتو…. اول حاجة دارتها جبدات ساك صغير دارت فيه تبديلة و برودوياتها و وراقها و داكشي ديالها…. لبسات جلابة سخونة و لاحت شال على راسها و دارت نظاظر ديال الشمش ما عندها خاطر لوالو…..
يله بغات تخرج دخل محمد حادر راسووووو ندمان و الندم تياكل فيه….. هز راسو لقاها لابسا حوايجها عقد حواجبو باستغراب و دوا بصوت هادي….
محمد: علاش لابسة حوايجك فين غادة
ياسمين:(مشافتش جيهتو) غادة للدار
محمد:(تصدم و قرب ليها) كيفاش علاش اياسمين غتمشي للدار
ياسمين: بغيت نمشي مع الدار توحشتهم
محمد: ولكن صبري غير نشرح ليك..
ياسمين:(حيدات النظاظر حتى بانو عينيه منفوخين و هزات فيه الشوفة و دوات) ماعندك ماتشرح ليا صافي (رجعات النظاظر لعينيها و هزات ساكها و نزلات مخلياه موراها حاط يدو فوق راسو و كيشوف عرف راسو عورها نيييت)…
نزلات لقات الدار جالسين كيفطرو سولاتها سميرة علاش لابسة و تحجات بتوحشات الدار لكن كانت باينااا من الطيارة مخاصمة مع محمد….. سكتو و خلاوها على خاطرهااا و محمد تاهو هبط طالع ليه الدم و نادم حتى ما قد…..
فطرو و ناضو بغاو يمشيو واخا عياو مايشدو فيهم لكن صافي بغاو يمشيو….. و هوما خارجين عيط محمد لياسمين و بعدو عليهم….
محمد:(حط يدو على حنكها كيدوز صباعو بحنان) ايلا بغيتي ترتاحي و توحشتي الدار سيري لكن متفوتيش يوماين اياسمين راه منقدرش بلا بيك…
ياسمين:(طاحو دموعها اللي كانت حابسة حيدات النظاظر و شافت فيه بجرأة و حزن وقالت) لا قدرتي امحمد قدرتي و كون غي عارفة علاش
محمد:(قتلاتو النظرة باش شافت فيه و دموعها نزلو على قلبو بحال السم مد يدو بالزربة مسحهم ليها و قال) لا مقدرتش ولكن كان خاصني نبعد احبيبة راك معرفتيش حالتي بقاي معايا و نقولك علاش عفاك متمشيش..
ياسمين:(قصحات قلبها و رجعات النظاظر و قالت) لا غنمشي بغيت نرتاح…
محمد:(حدر راسو بأسى) واخا سيريي ترتاحي احياتي راحتك هي اللولة ولكن ديري فبالك راني كنموت عليك و راني معذور (مد يدو لجيبو جبد شي فلوس محسبهمش حدو دارهم ليها فالساك) خلي هادو عندك ولا احتاجيتي شي حاجة صوني ليا (نزل على جبهتها باسها و داز لوذنها قال بهمس) سمحيلي احبيبة…
بعدات عليه و قلبها كيضرب بالجهد من جهة متأكدة من حبو ليها و عارفا بصح بيلا ميقدرش بلا بيها و حتى هي….. و من جهة شدات فخاطرها من جيهتو و خاصها وقت باش تنسا….. تبعات دارهم بعدما سلمات على الكل و توجهو للطوموبيل فين مشاو بصمت الا شي جمل صغار…..
غير خرجات طلع محمد للبيت ساخط مخلي الكل غا كيشوفو عاقو بيهم مخاصمين لكن فضلو مايدخلوش…..
وصلات ياسمين للدارهم طلعو هي و والديها و دعاء مشات لدارها حتى تعاود ترجع…..هبط باها يحل المحل و دخلات هي لبيتها اللي توحشاتو….. تلاحت نيشان على السرير عينيها فسقف و عقلها مسافر…..
متنكرش انه رغم الحب و الحياة السعيدة مع محمد لكن توحشات ايام الخوالي….. توحشات بيتها الصغير اللي كان حاظنها….. توحشات حياتها فدارهم….. بقا هكاك حتى دخلات عليها مهااا….تقادت فالجلسة مخلية لمها فين تريح…..
ثورية:(جلسات و شافت فياسمين) يله خوي المزيودة ارا ماعندك يا هوا
ياسمين: اشمن مزيودة علاش كتهضري
ثورية: باغا ديريها عليا راه انا اللي والداك ماشي العكس مالك مع راجلك
ياسمين: مامالناش عادي بانت لك شي حاجة ماهياش
ثورية:ياسميييين طلقي راسك
ياسمين: والو غير تناقشنا و صافي و نيت انا كنت غنجي شنو نرجع فحالي
ثورية: ويلي عل المسطية داركم هادي سكني تا فيها ولكن عمرك ابنتي متعلمي الغضبة عمرك شفتينيي انا غضبت
ياسمين: ما غضبتش اماما راه هانتي (جبدات الفلوس اللي عطاها) هو عطاني قاليا سيري فوجي و ارتاحي غير مناقشين شوية
ثورية: اممممم مناقشين و العينين مبزلين مابقا فيكم صبر ابنات اليوم وليتو تغضبو على الهضرة…المهم اللي نوصيك عليه ابنيتي تهلاي فدارك و فراجلك راه عطاك الله ولد الناس الف وحدة تمناه و تاهو ايلا دارلك شي حاجة غي قوليها لينا و رجعي اللور..
ياسمين:(ابتسمت بحب ملي داز قدامها شريط حياتها معاه) لا بالعكس اماما واللهما كيخصر ليا مهلي فيا و اللي بغيتها و اللي مابغيتها تتحضر
ثورية: ايوا الحمد لله الله يواتيكم للخير (ناضت خارجة) يله لبسي بيجامتك و تبعيني لكوزينة
ياسمين:(خرجات فيها عينيها) اويلي على الكوزينة
ثورية: ههههههه غا كانضحك معاك ارتاحي ابنتي و فكري فهضرتي…
فعلا خرجات ثورية و خلات ياسمين كتفكر فهضرتهاااا و فتصرفاتها…. هو عمرو من نهار عرفاتو ما خصر ليها ولا قلقها ولا حتى قاليها لا على شي حاجة….. ديما محتارمها و محتارم رأيها و الحاجة تحضر قبلما تقول بغيتها….. مجاتش تجي دابا و تحكم عليه قبل ما تعرف السبب….
عيات من التفكير ناضت طلقات شعرها و عاودات جمعاتو الفوق و بدلات حوايجها ببيجامة من هادوك اللي بقاو فالدار لقاتها تزيرات عليها من الفخاض و اللور و الصدر….. ضحكات بينها و بين راسها ملي تفكرات هضرتو و تخيلات ردة فعلو كون شافها هكاااا و شنو غيقول…
دوزات نهارهااااا عادي فالعشية خرجات مع ماماها للمدينة ضربو دويرة بدلو الجو و خداو معاهم العشا من برا و رجعو….. مع دخلات صونا ليها التيلي هزاتو لقاتو محمد خلاتو صونا شوية بينماااا طلعات لبيتها….. سدات عليها لقاتو قطع مشات كتبدل حتى يعاود يصوني فعلا عاود صونا عاد جاوباتو..
ياسمين: الو
محمد:(كان متكي فبيتو ملي مشات وهو فيه مخرجش منو من غير وقيتة ديال الماكلة) توحشتك
ياسمين:(ابتاسمت لكن جاوباتو بصوت بارد) مزيان
محمد:(ضحك بثقالة) هههههه ايه الالة نسرطها بجغمة دالما شنو زعمااا متوحشتينيش واخا غا شوية
ياسمين: لا متوحشتكش
محمد: امممم احياااااني علييك هي غدا ندوز عندك نجيبك
ياسمين: كيفاش لااا انا مازال باغا نبقى فالدار
محمد: ياسمين الله يهديك راه بغيت نشرح ليه فاص ماشي فتيلي و راني توحشتك محشوماش تخلي راجلك بوحدو
ياسمين: راجلي هو اللي قلقني و خلاني الليل كلو كنبكي و نوح و زاد قهرني بهضرتو
محمد: نادم احبيبة والله حتى ندمت حتى ماقديت ولكن عذريني راه المنظر اللي شفت يخليني نقتل
ياسمين: على الاقل قوليا غي شنو شفتي متخلينيش بحال الاطرش فالزفة من حقي نعرف
محمد: كنتي مخرجة اويس للطواليط و دزتي من قدام شي دراري صحابي وملي رجعتي بداو كيطلقو فشي هضرة غير شديت فراسي اما نقتل شي واحد ملي تنشوف فرعاوين ديال الخلا كيتزللو ليا على مرتي و يعبرو فيها و يقولو داكشي اللي ماقلتوش انا نيت قبلما ناخدك اشنو كتسناي مني ندير اياسمين..
ياسمين:(تصدمت و مكانتش متوقعة هادشي گااااع ماعرفات متقوليه) ولكن انا ماكنتش عارفا هادشي
محمد: وهانتي عرفتيه دابا و عرفتي علاش كنت هكاك الحمدلله اللي خرجت قبلما ندير شي حاجة نندم عليها..
ياسمين: و فين نعستي يلاه
محمد: عند صاحبتي الثانية اختي منعاودش لك الليلة دازت سانك سانك…
ياسمين:(غاضها) باسل والله (قطعات عليه التيلي خلاتو غا كيشوف) يلاه تعلم دابا..
يله بغات تنوض عاود صونا ليها مجاوباتوش هو يصيفط ليها ميساج…..
💌محمد: تقطعي عليا لوالديك ايلا مجاوبتيش ساعة تلقاينيي عندك…
ضحكات و يله بغات تخرج عاود صونا جاوباتو على وعدها و سعدها..
محمد: شتي البسالة هاد القطيع ديال التيلي مازال مابغا يحيد
ياسمين: ونتا ديك البسالة ديالك مازال مابغات تحيد سير عند صاحبتك
محمد: اش تي هبيلة راه كاينا غير نتي القلب بغاك غا نتي و عمر عيني تعمرها غيرك نتي راك ديتي كولشي و وليتي كولشي
ياسمين:(حشمات تاني) ههههه گاع هادشي
محمد: و كثر احبيبة والله راه تنبغيك ابنت مصطفى حني فهاد المسكين
ياسمين: غييي خليك تشوا انا مازال موحشة الدار
محمد: ايه داركم توحشتيها و راجلك لا واخا مزيان يله سيري تنعسي
ياسمين: اجي بلاتي
محمد:صافي خليني نمشي راني عيان تصبحي على خير
ياسمين:(عرفاتو تقلق) كنبغيييك (لاحتها ليه و قطعات خلاتو غا كيضحك)..
نعسو ديك الليلة مرتاحين ملي حلو المشكل اللي كان و صفاو القلوب…. قرر محمد يخليها على خاطرها تتبغي تجي…
صبح الصباح عليهم و كل واحد ناعس فقنت لكن قلوبهم مع بعضهم…. اول حاجة دارها محمد فاق خرج جرا شوية بحيت شحال ما تحرك و بدات الكرش كتخرج ليه….
داز لبنكا دوز لياسمين شي بركة فالكونط ديالها بحيت عارفها واخا ميكونش عندها مغتقولش ليه….. رجع للدار فطر و خرج لخدمتو…. كانت غير ياسمين اللي تتشدو فالدار ملي مكايناش محملش الدار….. خدا طاكسي بما انه باقي مكيسوقش…. دوزو طاكسي من شارع اخر…
وقف فالسطوب و مع دور عينو محمد لجيهة واحد الكافي بانت ليه شيماء جالسة حدا شي واحد معنقها من جنب….. تأكد منها يله بغا يشوفو زاد طاكسي….. ماعرف باش تبلا بالزربة قاليه يوقف….. خلصو و نزل كيتمشى بالزربة حتى وصل لديك الكافي….
هز عينيه كيقلب وهي تبانليه جالسا وهو معنقها و ضحكها واصل معرت فين…. تصدم و ماعرف لا يزيد لا يوقف….. الارض دارت بيه….. مهما كانت علاقتو بيها خايبة لكنها كتبقى ختو و شرفوو….. و جاتو قاصحة يشوفها فداك المنظر…..
هز تيليفونو بالزربة صونا ليوسف علمو باش يجي عندو….. يوسف سمع هكاك عرف غتكون شي حاجة طارئة مكانتش ربع ساعة حتى وصل عندو….. نزل كيجري قصدو لقاه حادر راسو و كيخمم….
يوسف: مالك اصاحبي شنو عندك خلعتيني
محمد:(هز فيه عينيه بنظرة جامدة) معرفتش منقوليك اخويا الارض دايرا بيا
يوسف: اش كاين سربي حزقها راك خلعتينييي مالك
محمد: شيماء ختك جالسا فالكافي اللي مقابلة معانا مع واحد خونا
يوسف:(دور عينو مبان ليه والو) ايه كوراه شي كليان هادشي علاش
محمد:(وقف و جرو حتى تقابل معاها و خلاه كيشوف) ها الكليان ها الق***** ختك كتبيدق فينا بالحق بالرب ماتبقا فيها (زاد عندها بالزربة حتى جرو يوسف اللي كان مازال ماستوعب)
يوسف: وا بلاتي الخرا نفهم هاد الزمر اللي طاري شكون هداك
محمد: تبعني و غتعرف شكون…
تمشى بالزربة غادي وذنيه كيسوطو ناوي عل خزيت ماحسو حتى وقف عليهم شيماء تصدمات و وحلات ليها و ايوب اللي كان معاها مافهم والو….. جر محمد الكرسي جلس و يوسف بقا واقف كيرمق شيماء بنظرات نارية وهي غير كدور فعينيها…
محمد: صباح الخير اولاد الناس كملو فطوركم ديرونا مكاينينش (وجه كلامو لشيماء) ختي شيماء مرتاحة ليا ياك
شيماء: محمد…. يوساااف…. شنو كديرو هنااا
يوسف: صبري على خبزتك طيب ابنت ميمتي
ايوب:(مفاهم والو كيشوف فيهم و فيها) شكون نتوماااا شيماء شكون هاد خوتنااااا
محمد:(تقاد فالجلسة و شافيه بشوفة وحدة خلاتو يزم) حنااااا معرفتيش شكون حناااا…. حنا هومااا الرعاوين اللي مخليين ختنا كتق*** مع الزو**** قدام الناس اون بلان بيبليك عرفتينا دابا
شيماء:(دخلاتها الرعدة ولأول مرة فحياتها غتحشم من محمد و يتزاد معاها الزايد) بلاتي غي تفهمووو
يوسف: خليتي لينا منفهموووو اختيي هادشي غا اللي باين العالم الله اش مخبي
ايوب:(لقا القضية حماضت ناض بغا يعلق) المهم نخليكم انا دابا (دار مخاطب شيماء) نتلاقاو من بعد اشيماء
محمد:(وقف شدو من كتفو زير عليه و دوا بنبرة قاصحة) اريح اصحبي مازال الهضرة (صونا ليه التيلي لقاها ياسمين بعد عليهم شوية و جاوب)الو ياسمين
ياسمين: صباح الخير كيصبحتي
محمد: ابتي نقولو مزيان ونتي
ياسمين:الحمد لله مالك نتا شنو عندك واش ضراتك يدك
محمد:ضرني البعد واخا تخلي من بعد و نصوني لك
ياسمين:(عرفاتو غيكون مشغول) واخا صافي تتسالي…
قطع معاها و رجع اشار ليوسف باش يريح…. جلسو كيتسناو فيهم يبدااااو ساعة تاحد ماهضر….
يوسف:يله الاخوان كنتسناو شي واحد يفتاتح الجلسة يقولينا شهاد الخرا كنشوفو
شيماء:(قصحات وجهها و دوات) هذا ايوب خدام فبنكة و باغي يتزوج بيا
محمد:ياك المرضية و ملي باغا باغا تزوجي رجعي لراجلك اللي ضيعتيه و ضيعتي ولدك معاه ولا كتموتو على الحرام و كتموتو مع اللي كيضحكو عليكم و يشطحوووكم فالزناقي و البراتش (تنفس بعصبية)
يوسف: هضر اسي ايوب شفتك ساكت سمعناااا صوتك
ايوب:(كيدور فعينيه كان مازال رافض فكرة الزواج ولكن شاف حتى عيا و دوا) اه الصراحة انا بغيتكم ديرو شي نهار نجيب واليديا و نخطبها
محمد: مكاين بو زواج (الكل شافيه مصدومين و اكثرية شيماء صدمها) كون بغيتيها تقصد دارهم ولا باها ولا واحد فخوتها متبقاش تخيط نتا وياها الدروبة
شيماء:ولكن مايمكنش
يوسف: هضرة وحدة تقالت و بلاما يوصل هادشي لواليد باغا تزوجي رجعي لراجلك و ربيو ولدكم
ايوب:(سكت حتى سكت و حزقها قد راسو) مايمكنش راه شيماء حاملة….
لحظة صمت…. لحظة صدمة…… العينين خارجين….. الوذنين كيحاولو يكذبو داكشي اللي سمعو…… القلوب كتخفق بسرعة…… الغضب…. الصدمة….. الخوف…… العار….. الخزي….. الخجل…… كولها مشاعر كانت كدور بيناتهم……
يوسف حدر راسو بخزي و عار…… و محمد كيشوف فيها بصدمة و غضب….. و شيماء حادرة راسها بخوف و خجل….. لسانو تلجم….. ماعرف مايقول…… متوقعهااااش…… توقع كولشي منها….. لكن تال هادي لا…… طيحات براسو و راس عائلتو للأرض….. بدون ما يزيد حتى كلمة….. وقف و تحرك….. سرعان ما وقف يوسف و جمع الدفلة ففمو حتى جمعهاااا….. و لاحهاااا على شيماء للوجه نيشان حت عمرات وجهها…..
مخلي كاع اللي جالسين كيشوفو جيهتهاااا….. تبع محمد حتى لقاه حداات لوطو…..طلعو بزوج و ديمارا الطوموبيل….. تحركو لجهة البحر بدون ماينبس حتى واحد فيهم ببنت الكلمة…… الصدمة و الغضب مسيطرين عليهم……
عند ياسمينتناااا….. فاقت ناشطة صبحات على واليديها ببوسات….. واليديها اللي توحشو نشاطها و وجودها فالدار….. و اليوم فكراتهم فايام زمان و تمناو لوكان غير ترجع….. عرفاتها مها تصالحت معاه غي من ضحكتهاااا….. فطرت و صونات على دعاء دوز عندها و تجيب حوايجهاااا….
فحين هي وصلها ميساج فتيلي من الابليكاسيون ديال البنك كتفيد بيلا حول ليها محمد مبلغ من المال….. ضحكات بسعادة و صونات ليه هي فين جاوبها و كان مشغول….. وصلات دعاء لقاتهاااا لابسة جلابتها باش جات و جامعة حوايجهاااا….. نزلات عندها لقاتهاااا جات غير فطاكسي هزو طوموبيلة باها و توجهو لمركز كاريطا…..
واحد من ارقى و احسن صالونات الدار البيضاء…. ديال الناس اللي لاباس عليهم…… غاديين فالطريق مخدمين الموسيقى و ناشطين حتى نقصات دعاء و دارت عندها…
دعاء: ايوا ياختي ممعولاش تعاودي ليا ولا كيفاش
ياسمين: اش غنعاود لك
دعاء: ياسمين راك ختي و عارفاك ارا ما عندك يا هوى
فعلا عاودات ليها ياسمين لافير من اللول تال اللخر و دعاء غير كتصنط تا سالات عاد دوات….
دعاء: عاذرااااه ياختي اويليييي العالم الله اش سمع مسكين ملي صبر و مدارش لك نييت علاش تغضبي عند بوك الزهر
ياسمين: تانا ملي عاود ليا سكت و طمرت عرفتوووو تعصب و مقصدش اصلا عمرو عاملني هكاك (وقفات فواحد سطوب)
دعاء: ياختي راه تيغيييير الحوب (هزات راسها فالزاج اللي مورا ياسمين حتى تصدمات و قالت) فارس
ياسمين عقدات حواجبها باستغراب و دورات راسها تفاجأت بالدكتور فارس اللي كانت تلاقات بيه فعرس رانيا….. راكب فالرونج ديالو دور حتى هو عينو بعفوية حتى تلاقاو عينيهم….. عرفها بالزربة و ابتاسم ليها و حتى هي مقدراتش متبتاسمش ليه…..
شعل الضو و زادت و زاد حتى هو…. شوية جا قدامها و عطاها الضو باش توقف…. ماعرفات مادير حتى قالت ليها دعاء وقفي….. فعلا وقفات الطوموبيل و بقات فيها حتى بان ليهم جاي عاد عبطات الزاج…
فارس: نهار غليظ هذا عاش من شافكم
دعاء: دكتور فارس لاباس عليك امورك بيخير
فارس: الحمد لله كولشي هو هداك و نتوما مزيانين
ياسمين: الحمد لله الله يخليك
فارس: ايوا صدفة زوينة هادي اللي تلاقينا تبارك الله جاية لعام
دعاء: اه واللهيلا صدفة بصح
فارس: هادي هي الفرصة فين نديرو شي كافي يله انا عارض عليكم
ياسمين: لا لا واللهما نصيبو وقتنا مدروك غير شكرا بزااف
دعاء: اه واللهيلا الوقت مكاينش غير سمحلينا
فارس: لا مايمكنش مالكم شنو عندكم كاااع نعيطو لسي ياسين يجي عندنا و نديرو شي قهيوة
دعاء:(ماحسات تا حزقاتها) لا راه دايرين مع راجل ياسمين
فارس:(شافيها و رجع شاف فياسمين بعدم تصديق) علاش ياسمين تزوجت
ياسمين: اه هادي شي خمس أشهر باش تزوجت فالرباط
فارس:(حس بمرارة فحلقو مينكرش انها كانت عاجباه لكن ماعندوش حق يهضر لانو مدار حتى خطوة) مزيان الالة الله يكمل بالخير مبروك عليك تساليني كادو
ياسمين: ربي يخليك اخويا مابيناتناش….
توادعو و كل واحد زاد مع طريق…. غاديين ناشطين حتى وصلو لصالون فين كانو ديجا واخدين رونديفو….. بداو ليها بشعرها هو اللول دارو ليها سوان مرطب و مغدي و مشات دير لاسير بينما شد ليها فشعرها…..
دارت لاسير لذاتها كاملة حتى رجعات حمرة لكن حس الرغبة مكيدورش….. غسلو ليها شعرها و دازت لسبا دارت حمام بعقلو رخا ليها عظامها و اعصابها حتى رجعات تتحس براسها خفيفة….. دارت سوان عميق للوجها نقاتو مزيان حتى رجع كيضوي….. قادات ظفيراتهاااا و صاوبت شعرهاااا….. دارت سوان العروس حتى رجعات كتشعل و كتشقشق….. دعاء صبغات شعرها و صوباتو و قادت الظفيرات حتى هي….
نمشيو عند محمد و يوسف فين خليناهم….. دورو الطوموبيل لواحد الجهة خاوية فالبحر فيها غير شي صيادة مفرقين…. وقفو الطوموبيل و خرجو وقفو قدامها كل واحد شعل گارو كيكمي فيه و دماغو مسافر….. حتى سالاوهم عاد دوا يوسف….
يوسف: اش غنديرو فهاد الموصيبة
محمد: من عندي انا ضبر كر** صافي ماشي شغلي دير اللي بغات
يوسف: ميمكنش اصاحبي راه توصل للواليد يمشي فيها
محمد:(شافيه بجمود) تا بالرب العلي العظيم مندخل و لا نقول شي كلمة واش هي مخنزاها اش غنديرو شنو رجعاتنا شمايت اصاحبي
يوسف: مصيبة حق الرب تا مصيبة طلع دابا نمشيو نقديو شغالنا
محمد: واخا سبقني ندوز واحد لابيل (جبد تيليفونو دوز رقم ياسمين اللي كانت ديك الساعة فالصالون صونا شوية عاد جاوباتو) الو الزين
ياسمين: ساليتي دابا
محمد: اشمن ساليت راه القضية مرونة و صافي نتي اش تديري حداك الصداع بزاااف
ياسمين: انا فالصالون ملي صونيت ليك كنت باغا نعلمك
محمد: ايه بالصحة حبيبة ستيكي ليا على الحالة و تقادي ليا و متنسايش الفيرني حمر راه كنذوب
ياسمين: ههههههه الله يمسخك
محمد: بغيتي شي مسخ كثر من هذا ههههه اشوفي متنسايش تاشي شوميز كحلة احححح وكان مع داك اللوين و دوك تفيفيحات الله ياربي الحياة
ياسمين: فخبارك انا اللي مسطية دايرا فيك راسي هههههه سير سير قدي ليك شي شغل
محمد: كون هداك الله كوراحنا تنقديو فيه دابا سيري وكان فيقتي علينا الراگد
ياسمين: يله باي باي بيزوات
محمد:جوطيم (صيفط ليها بوسة و قطع)…
طلع مع يوسف حطو فالمحل ديالو و مشا هو لخدمتو….. دوزو نهارهم عادي واخا يوسف دوز نهارو معصب و معارف مايدير….. من جهة ماكرهش يقتلها و يمسح العار اللي دارت بحيت كيبقى رجل شرقي شرفو اهم من اي حاجة….
و من جهة كيفكر لواليديه مو اللي مرضات و تهدات و باه اللي حتى هو كبر و مابقات عندو خرقة للمرقة…. و من جهة كيشوف انها كبرات على انه يعاتبها او يعقب عليها….. خلا كولشي للوقت….
محمد حتى هو دوز نهارو فالخدمة و تغدا فيه….. وصل وقت الخروج خرج مع علي اللي سبق و دار مع الدراري اللي كانو فالصدقة فواحد الكوان خارج على المدينة…. فعلا مشا هو و علي حتى وصلو عليهم لقاوهم خارجين و واقفين قدام الطوموبيل….. غير نزل محمد كحلو بالعمى بالزربة حدرو ريوسهم….
محمد:افين الاخوان صافا مرتاحين
الشاب1: خويا محمد هاني ليا
علي: محمد راه طالع ليه الدم ديال بصح راه مادرتو فيها مايصلح الدراري
الشاب2: غير سمح لينا اخويا والله حتى ندمناااا بزاااف مقصدناش
محمد: واش عرفتو شكون هاديك راه مرتي كتفهمو شنو هي نسمع فيكم تتزلو على مرتي محتارمتو الدار اللي مدخلكم ليها محتارمتووو حضرتي والو
الشاب1:(تصدم و حس بحالا تكب عليه سطل ديال الما) لا حول ولا قوة الا بالله والله اخاي محمد ماعرفناها واللهتا شوكيتيني داباااا
محمد: غنقوليكم جوج كلمات غندير بوجه العشرة اللي دوزنااااو سنين و غندوزها ليكم لكن من اليوم متعرفوني الطريق اللي ندوز منها خويوها (رما ليهم هاد الكلمات و زاد مخليهم تيعيطو لكن والو مشا ركب و تسنى علي اللي بقا داوي معاهم شوية عاد جا ركب و ديمارا طوموبيل…)
نرجعو عند ياسمين اللي خرجات هي و دعاء من الصالون مشاو تغداو على برا….. و توجهو للمول يجيبو شي دويرة بيناتهم…..
دعاء: اجي مكنبانش لك غلاضيت
ياسمين: لا بالعكس فورمتك زوينة انا اللي تزاديت
دعاء: نتي راك تزاديتي غا من طرفاية و الصدر هههههههه محمد قاد ليك الشغل
ياسمين: متتحشميش ياختي هههههههه اجي ندخلو هنا بغيت ناخد شي جلابة…
فعلا دخلو لواحد من محلات الملابس التقليدية….. جات عندهم البنت اللي مكلفة تتجبد ليها فالجلالب و اخر ماخرج….. اختارت مجموعة من الجلالب و دخلات تقيسهم فحين دعاء بقات كدور تعزل حتى وقفات ورا زوج ديال البنات كتشوف و هوما مردوش ليها البال كانو داويين بيناتهم…..
البنت1: شوفي هاد الجلابة عرفتي شكون شفت لابسهاااا
البنت2: زوييينة و باينا غالية شكوووون ياكما صاحبتنااااا
البنت1: اشمن صاحبتناااا هادي راه وحدة اخرى نتي مازال مطايحة عليييها عرفتي رشا اللي كانت كدوز معانا السطاج فالمحكمة
البنت2:(كتفكر) رشااااا رشااااا……. اه ديك الشهبة ديال الميكة هي اللي لقيتيها لابساهااااا
البنت1: ايه هي هاديك زطيونح كلها غي منفوخة ياختي دارت بداك القاضي اللي مازال صغير تا ماقدات
البنت2: شكون فيهم واش عبداللطيف
البنت1: الا اصاحبتي ياسين بنعباد…
البنت1: الا اصاحبتي ياسين بنعباد دارت بيه تا عيات والو معطاهاش وقت و عاد دازت لداك الزلال ديال عبداللطيف هو اللي كتفتخ فيه دابا..
البنت2: ولكن راه داك ياسين كيقولو عندو واحد المرة بلارة هكا تدير بالزين بالسيف يخلي الزين و الحلال و يمشي عند ديك عود الند وجهها بحال السفنجة…..
ضحكات دعاء على هضرة البنت و فنفس الوقت دخلها الشك و معرفاتش شكون هادي اللي دارت براجلها….. سمعات صوت ياسمين خرجات دارت عندها مقررة تخلي الموضوع بينها و بين راسها حتى تشوف اش دير…..
تمشات عند ياسمين اللي استقر اختيارها على جلابة بقميصها ديال السوسدي فالازرق ملكي و قميصها ابيض خياطتها بسيطة و انيقة….. عجباتهم بجوج فقررات تاخدها… اما دعاء فاختارت عباية منزلية على شكل فراشة فيها حجيرات خفاف فيها مجموعة من الألوان….. خلصو و خرجو لمحل ديال الصبابط فين خدات ياسمين صندالة بيضاء فطالونها رقيق و من الفوق مزينة بحجيرات مع صاكها صغير بسنيسلة طويلة…..
بعدما سالاو جولتهم توجهو لدار فحين حطت ياسمين دعاء فدارها و كملات هي للدار مهلوكة…… لقات باباها فالحانوت سلمات عليه و دات و جابت معاه فالهضرة و عاد طلعات لقات خالتها مريم كاينا سلمات عليها سلام حاااار و جلست معاهم بعدما حطات داكشي اللي خدات فالبيت و خلات تا تيلي تما ناسياه بلا صوت…… نزلات عندهم و بقاو داويين هادي تنفع هادي ضر و تيليفون كيصوني الفوق حتى قنع و قطع محمد اللي كان مدوز ديك الليلة فدارو….. مبغاش مازال يتلاقا مع شيماء ولا يشوفها……
اما فالرياض فكانو مجموعين كاملين فالصالة حتى دوات حفيظة….
حفيظة: الحاج بغينا نقولو ليك شي حاجة
حسن: ايه الله يسمعنا خبار الخير
حفيظة: نعيمة بنت عمك خطبات تيسير لولدها الكبير و تتسنا اش غنرضو عليها باش تجي تخطب رسميا..
حسن: ايه نهار مبارك و مسعود هذا نعيمة مزيانة و حتى ولدها تنعرفوه تبارك الله مهندس بدارو بكولشي نشوفو غي البنت اش باغا انا من عندي الله يسر..
كلثوم:(كانت جالسة حداها تيسير حشماااانة عنقاتها بالجنب و قالت) اش قالت لالة بنتي فهاد الهضرة
تيسير:(بصوت خافت) معرفتش اميمة اللي درتوها انا معاكم
سعيد: ايهاي هاي هاي على شنيولة تاهي ولاو يجيو فيها الخطاب ههههههه بقاات غا امنية و سلوى غيبيرو هناااا
حكيمة: تفرق ليا من بناااااااتي تشكاو عليييك اسيدي…
كملو هضرتهم فالضحك حتى دوا يوسف بتخنزيرة فشيماء اللي مهزاتش فيه عينيها ملي دخل….
يوسف: بلاتي الاخوان كيبان ليا غيكثرو العراسات هاد اليامات…
نسرين:(بمزاح) ياكما تانتاااا اخويا بغيتي تزوج هههههه
يوسف: (بملامح جامدة) لاااا ماشي اناا ولكن شيماء باغا تقوليكم شي حاجة (شافت فيه بصدمة و الكل شافيها) ولا لا اختي..
حسن:(شافيها هاز حاجبو) خبار الخير
شيماء:(حمارت و صفارت و معرفات كتقول) هو…. د دابا…. انا واحد الولد بغا يجي يخطبني
حسن: شكون هاد الولد و مال راجلك بغيتي تزوجي رجعي لراجلك لاش تيتمي داك الولد فحياة واليديه..
شيماء: ولكن ابابا صافي راجلي راه كل واحد غيبني حياتو
يوسف:(محاملش هاد الهضرة ولكن بزز منو خاصو يقولها) الواليد يجي الولد شوفوه و عاد دوي دير الما منين يدوز..
حسن: دابا نشوفو هاد الحريرة فين غتخرج غدا يجي عندي للمحل…
قاطع هضرتهم دخول حنان اللي كانت هازة الخبز باش تحط العشا….. غير شافها يوسف تقاد فالجلسة و شافيها بلاما يعيق لحتى واحد كيعبر فيها من الفوق لتحت….. مفهمش هادشي اللي حاس بيه لكن اللي عارف انه من نهار السطح وهو كيحس فشكل منين كيشوفها لكن اللي عارف انه كتعجبو بالجهد و كبرات فعينو…..
نعل الشيطان و نزل عينو تيلعب مع ولدو هاد الاخير اللي كل مرة يسول فمو اللي تتهضر معاه غير فالتيلي بعدما تنازلت لباه بالحضانة ديالو و سافرت….. و بقا الولد ضحية ديال ام طايشة معلابالهاش بكبدتها…… تعشاو و ناض كلا واحد….. مع خرجات شيماء جرها يوسف لجيهة مظلمة حدا الدروج و نتر ليها يدها بعنف…..
يوسف: باش بلاما تقولي درت هادشي على قبلك… هادشي درتو على قبل با ومي اللي مابقات عندهم طاقة للمشاكل و الصداع و ايلا سمعو فعلتك مشاو فيها داكشي علاش غتزربي فهاد الروينة ديالك و غتقودي نتي و خنزك من هاد الدار…..
زاد و خلاها خير تتشوف مشافش الشخص اللي كان واقف حاط يدو على فمو مصدوم و شككو كاملة تأكدت….
طلعات ياسمين لبيتها بعدما مشات خالتها اللي واخا حلفو عليها لكن مشات….. اول حاجة بدلت و طلقت شعرها فرحانة بيه….. هزت التيلي تا تصدمات بالكم الهائل ديال المكالمات و المسجات….. فالبلاصة صونات ليه…. تعطل شوية عاد جاوب بصوت مبحوح باينا فيه يله فايق من النعاس….
محمد: الو احم ياسمين
ياسمين: كنتي ناعس
محمد: اه داتني عيني كيدوزات الحبيبة ديالي نهارها
ياسمين: الحمدلله مزيان ونتا صافا يدك
محمد: مزيانة خاص نرجع ندير الكونترول ايوا مهداكش الله تجي الدار خاوية بلا بيك
ياسمين: كيفاش الدار خاوية علا نتا ماشي فالرياض
محمد: لا ناض صداع مع شيماء و جيت فحالي لخربتي و غدا غندوز نجمع دوك الحوايج نرجعو لدارنا
ياسمين: ولكن غتقلق خالتي سميرة
محمد: خالتك سميرة معارفاش بيلا ولدها بغا ياخذ راحتو فدارو مع روحو ابنتي
ياسمين: ههههه هضرتك شحال حليلوة تتحمقني
محمد: اححححح اقلبي على حليلوة كاين شي حلاوة قدك نتي راك الروح ديالي
ياسمين:(بغنج) ونتا حبيبي
محمد:(ساح و ذاب) احححح زيدي اشنو اخور
ياسمين:(بصوت شبعان انوثة و تحلوين) و راجلي
محمد:(بدا تيتزير عليه الحال) ايه و شنوووو تاني
ياسمين: و روحي و حياتي و حبقلبي و كولشي نتااااا بيبي
محمد: احححح ابنت الهم نوضتي الراگد ملي كنكون حداك گعما كيكون عندك هاد اللسان تاكتبعدي
ياسمين: لا صافي غنولي ديما نعبر لك (فهاد اللحظة تفكرات الهضرة اللي دارت بينها و بين مريم….)
فلاش باك 🔙🔙🔙
وهوما جالسين دخل السي مصطفى سلم عليهم و مشا لبيتو عاد تبعاتو ثورية….. غير خرجت دارت مريم عند ياسمين موجهة ليها الهضرة…..
مريم: ايوا عندرا كيغادا مع راجلك
ياسمين: الحمدلله هاد الساعة مزيانين و راك عارفة دوك النقاشات الصغيرة
مريم: ضروري منهم هادوك هوما الملحة ديال الحياة تيقينيي ايلا قلت لك شي مرات مع ادريس (زوجها) كنوليو نجبدو صداع من والو غير باش نتغاوتو شوية و نبدلو الروتين ههههههه
ياسمين: هههههههه ضحكتينيي حنا قليل فين كتناقشو اصلا اناااا مازال كنحشم منو
مريم: اويليي على الهبيلة طالعا فستة اشهر باش تزوجت و مازال تتحشم مالك حماقيتي راه ميبغيش هكاك
ياسمين: ولكن هو عمرو قاليا
مريم: و مغيقولش لك الحمقة راه واخا يضحك و واخا تكون تتعجبو ديك الحشمة ديالك غيجي واحد النهار و يمل الراجل احبيبة تيبغي مرتو تكون من كل فن طرب
ياسمين: مفهمتش شنو كتعني
مريم: هاني نفهمك بالشوية دابا الراجل بصفة عامة كيكون خدام يعني ديما خارج ديما كيتلاقا مع انواع و اشكال ديال بنادم و سيرتو العيالات و بصفة خاصة راجلك اللي خدمتو تسعين فالمية منها مع النسا يعني تيشوف الحشومية و الجريئة و الضحوكية و النكدية و المهدنة و الطيورية و كولشي الانواع و نتي معرفتيش نفسو ديك ساعة شنو تتقوليه راه واخا يكون تيحماق على تراب رجليك ولكن ضروري مغيشوف شي منظر فالزنقة و غيعجبو
ياسمين: و هادشي كامل و مازال مافهمت شنو دخلني انااااا ايلا عجبووو هو
مريم: سطلة يا بنت ختي سطلة اللي خاصك تفهمي هو انو خاصك تكوني هاد الانواع كامليين خاصك تكون حشومية و جريئة و مهدنة و ضحوكية و جدية و معقولة غير خاصك تعرفي ايمتا تأكتيفي كل مود… ملي يبان لك مقلق ولا ضراه شي حاجة هنا خاصك تفكري بعقلك و تكوني رزينة و مهدنة ندير كاس ديال اتاي و لا قهيوة فصوينية زوينة و نطلق شعري ندير شي رويحة خفييييفة و عكير خفيف و نجي عندو متسوليه لا مالك لا والو نوضي شمري كتيفاتك و بداي تماسي ليه كتيفاتو تا يشرب قهوتو جلسي و قولي ليه يحط راسو على فخضك بداي تحكي ليه فشعرو ديك ساعة بلاما يحس غيبدا يعاود ليه….. ملي تلقايه معصب و طالعا ليه القنديشة ماتهدري معاه ما والو قدي شغلك و جلسي كوني دوا معاك جاوبيه و سكتي غوت علك گاع و لا عايرك دخلي لبيتك و خليه ديك الساع منين غيتهدن غيقول مع بالو وايلي شو هاد السيدة عايرتها و مجاوبتني ماوالو و غايجي يطلب السماح……
مريم:(شربات الما) لكحتيني ههههههه ايوا ثاني حاجة ماشي ديما البادرة تجي من عندو لاااا مرة من عندو و اكتيفي المود حشمة مرة من عندك مرة لبسي و تقادي و قصديه مرة مرة خدمي الموسيقى و شطحي ليه هادشي راكم عارفينو نتومااااا المهم متخليش كل ليلة كيما اللي قبلها و اهم حاجة كوني نتي ديك الق**ة اللي غيخونك معاهااااا…. بغيتيي شي حاجة متطلبيهاش منووو ملي يكون جالس ولا معصب ولا ديريي ليه شي لويلة و خلي تتساليو راك عارفا و طلبيه….. علاقتك مع مو ديما تكون مزيانة….. الاحترام مع خوتو قدام باه ديما لوحي شال على راسك واخا متكونيش دايرا الزيف غير من باب الاحترام….. شري شي كادو و خلي تتكونو جالسين و عطيه لعدوزتك قولي ليها هذا خديتو لك انا ومحمد…. هكا دي جيست صغار ولكن زوينين…
ياسمين: بصح انا ديما غير حشمانة منو شي مرات كيتعصب
مريم: هاااا شفتي راه ديما التغيير زوين (بانت ليها ثورية جاية قلبات الهضرة) اشمن صالون مشيتي خدمتهم زوينة…
قلبو الهضرة لكن بقات ياسمين كتفكر فيها و لقات انها على صواب…. و باش تحافظ على زواجها خاصها تكون شوية من گاع داكشي اللي كيكون فالزنقة….
العودة 🔙🔙🔙
رجعات لارض الواقع مكملة هضرتها مع محمد….
محمد: شي يهودي مات فالملاح ملي لالة ياسمين تكرمات علينا
ياسمين: ههههههه وا صافي دابا غنحشم تاني
محمد: دابا شنو غدا نجي نجيبك
ياسمين: لا لا بلاما تعذب بابا عندو شي شغال فالرباط و غيجيبني
محمد: ايوا صافي المهم جي للدار نيشان
ياسمين: صافي واخا يله رجع دابا ترتاح احبيبو
محمد: اححح على حبيبو سيري ازين ديال حبيبو تصبحي على خي
ياسمين: تصبح على خير ايلافيو
محمد: كنبغيييييك (ختمها ببوسة و قطعو)….
أحببتك مرة واحدة، ولكنها الى الأبد… 🧡
بعدما تعشاو و رمى لشيماء دوك الكلمات…. طلع لبيتو معصب بدل حوايجو بملابس بيتية و داز لبيت ولدو بقا معاه تنعس… متحسر على زهر هاد الوليد اللي كتاب عليه يتزاد عند ام معندهاش ذرة حنان….. كتاب عليه يعيش و يكبر مفرق بين واليديه…. معرفش شنو يدير باش يعوضو و ميخليهش يكبر معقد….. مكرهش شي وحدة اللي تحن فيه و ديرو ولدها…..
لكن فمجتمعنا قليل فين تتلقى زوجة الاب تتحن فالولاد هدشي ايلا مقلتيش مستحيل…. بقا معاه حتى نعس عاد داز لبيتو هز جاكيط و طلع لسطح….. بلاصتو ديال ديما فينما كان مخنوق…..
لكنها من نهار جات حنان مبقاتش بلاصتو بوحدو….. وبقات كل ليلة كتهز لحاف و طلع تجلس تبرد و تشم الهوا نقي….. فعلا طلع و رد الباب غادي لجليسة اللي كتكون حتى لقا الضو مشعول و هي جالسا مكمشة و شعرها كيطيرو البرد….. ضحكو منظرها نحنح برجولية باش ترد ليه البال….. هزات راسها مخلوعة لقاتو هو هاد تنفست…. جمعت اللحاف و بغات تنوض حتى وقفها صوتو…..
يوسف: غا جلسي مالكي تخلعتي بوعو انا
حنان:(ضحكات بحشمة) لا ههههه غي بغيت نخليك على راحتك
يوسف: جلسي ابتي مالي هازك هانا مرتاح (جلس قريب ليها) ايوا اش خبارك نتي مزيانة مع الخدمة
حنان:الحمدلله مزيان هاد الساعة
يوسف: الحمدلله قولي ليا تال اش وصلتي فالقرايا
حنان: ملي كنت فالخيرية وصلت تال سيزيام و العام ديال الباك خرجت فنصو كنت سيونس ماط
يوسف: تبارك الله راك قرايا على هاد الحساب ولكن علاش مكملتيش
حنان: شوية ههههه مكملتش حيت خرجت و انا فالباك كان خاصني ندير انتقال و داكشي لكن خالتي مبغاتش و صافي ملي جلست عندها ضربت على القرايا و خرجت خدمت
يوسف: ودابا متتفكريش تكملي ولا دخلي ديري شي ديبلوم بعدا متبقايش خداما هكا
حنان:(ضحكات بمرارة) غير قوليا شكون غيقبل يجلسك عندو موكلك مشربك مخلصك و يزيد يقريك من غير واليديك واخا يكون عسل غيتقادا
يوسف:(بقات فيه نبرتها المجروحة) بصح عندك الحق و مفكرتيش تعاودي تزوجي
حنان:(شافت فيه) نجيك للصراحة (حرك ليها راسو بايجاب) ولاو گاع الرجال كيجيوني بحالو بالحر اللي دوز عليا و العذاب اللي شفت من عندو و عند مو ولات عندي عقدة..
يوسف: راك غالطة اللي خلقو خلق غيرو خلق بحالو و كفس منو و حسن منو ايلا عاودت لك انا قصتي نتي براسك تبهضي يمكن
حنان:(بلاما تحس قالت) عاود ليا
يوسف: واخاا مكنحملش ندوي فهاد الموضوع ولكن كيما فتحتي ليا قلبك و عاودتي ليا حتى انااا غنعاود ليك انااا الالة ملي بدات تتشدني المراهقة و انا كتعجبني واحد بنت خالتي سميتها اميمة كبرت شوية وصلت لدوك بداية العشرينات صافي ولات تتعجبني بالجهد زينها و شخصيتها وكولشي و حتى هي كانت تتبين ليا بيلا كنعجبها نهار كملت قرايتي و خدمت مع الواليد صيفطت الواليدة تخطبها صافي قبلات تال نهار الخطبة كنتصدم بالسيدة مفرحاناش وايلي اش هادشي مهم كملنا تزوجنا و بحالا البنت داك الإعجاب ديالها غادي و كينقص معاملتها تقيلة لمدة اربع سنوات عمرها سولتني على راسي عمرها اهتمت بيا عمرها قالتلي تا واش راك بيخير افلان…. كنت ديما كنلاحظ معاملتها اللي سبيسيال مع محمد ولكن كنقول مكاين باس محمد اللي كانت كتحرشني عليه اللي مكنتش گاع كنهضر معاه….. تال النهار اللي غنكتاشف بيلا انا اللي كنت حمار وسط هاد البشري كامل ههههه كولشي عايق و اناااا مقلوبة عليا القفة السيدة كتبغي خويا و دارتني غي طريق تا صدقات مزوجة بيا (لاحظ ملامحها المصدومة) متصدميش مازال جايك فالهضرة….. ماشي تزوجت بيا و استوعات بالعكس زادت فداكشي و ولات تتحرش بخويا حتى خوا الدار بمرة لكن زواجو كان بحال وقيدة و لحتيها علييييها جهلات و ولات وحدة اخرى تال النهار اللي غيفضحها الواليد كولشي عارف و حتى حد ماقد يفيقني (حدر راسو) تصدمت احنان صدمة عمري حسيت برجولتي تهانت شنو فيه و مافياش شنو اللي فيا خايب نحيدو غي باش ترضى عليا….. ما علينا صافي خويت الدار و عطيتها النخال السيدة ملي لقات راسها بلانها مع خويا تفضح ولات باغا عاد دور بيا لكن انااا كان قلبي كفر رفعت عليها دعوة ديال الطلاق و باش تعرفيها مهامهاش حتى ولدها لاحتو و تنازلت على حضانتو ليا و مشات…..
حنان:(مصدومة مكانتش متوقعة يكون عايش هادشي كامل) الصراحة معرفت منقولك هادشي قاصح والله مين كتشوف مشاكل الناس كيهونو علك مشاكلك
يوسف: غير باش تعرفي بيلا كل واحد عندو ماضي كحل مع طرف اخور ولكن هادشي ميخليكش تحكمي على كولشي بالعكس نتي مازال صغيرة و زوينة (حشمهاااا حتى خشات راسها فعنقها) مازال الحياة قدامك تعيشي و تزوجي و تولدي
حنان: عندك الحق بالصح شكرااا بزااف على هاد الهضرة ريحاتني
يوسف: ياك حنا صحاب دابا مبيناتناش شكرااا ولا لا؟!
حنان: اه صحاااب…
حنان: اه صحاااب (وقفات ملوية فاللحاف و شعرها مخبل كتبان فحال شي بنيتة صغيرة) خاصك شي حاجة نجيبها ليييك
يوسف: الصراحة مكرهتش شي قصرية ديال الرفيسة دابا نيت (خرجات فيه عينيها) هههههه سيري تنعسي اش غنبغي فهاد الليل
حنان: هههههه واخا تصبح على خير
يوسف: تصبحي على خير….
مشاااات قدام عينيه و هو حاضيها حتى درقات و نزلات فالدروج وهو مستغرب فراسو….. بطبيعتو شخص كتووووم بزاااف لدرجة خوتو و صحابو مكيعاودش ليهم هكا لكن معاها هي حس باحساس غير…..
حس انه خاصو يبرر و يعطيها حجج بيلا ماشي كولشي بحال بحال…. ماشي كولشي خاصك تحكم عليه على حسب داكشي اللي عشتي فماضيك….. معرفش علاش بغاااا يقنعها باللي كان بيلا هو ماشي بحالو….. مبغاهاش حتى تحاول تقارنوووو بيه….
يمكن رجولتو متسمحش…..و يمكن الموقف اللي حطاتو فيه اميمة خلاه يكره اي وجه للمقارنة بينو و بين اي رجل…. اللي عارف ان حنان عجباتو و كيما هو واخد عليها نظرة زوينة و من اول نقاش بيناتهم عرف انها ماشي بحال اميمة….. حتى هي بغاهاااا تعرف بيلا ماشي بحال طليقهاااا….. بقا جالس شحال حتى دعقو البرد عاد نزل لبيتو…..
صباح جديد…. فاقت ياسمين بكري فطرت و جمعت حوايجها اللي خدات و اللي جابت معاها فساك عاد لبست جينز واسع و شوميز بيضة فوقها كاب صوفي ازرق و سبرديلة بيضة….. طلقات شعرها فرحانة بيه و نزلت بعدما توادعت مع مها…. ركبت مع باباها غاديين و داويين…..
مصطفى: كيغادا ابنتي مع راجلك ياكما كيقلقك نجبد ليه الودينات
ياسمين: ههههه لا لا بالعكس عمرو قلقني ديما تيدير ليا خاطري
مصطفى: ايوا شفتي تانتي عمرك ابنتي تقلقيه ولا تخصري ليه و ديما كوني مرضية معاه راه رضى الراجل من رضى واليديك ايلا خصرتي ليه مغيقولش فلانة ممزياناش غيقول واليديها معرفوش يربيوها…
ياسمين: كون هاني ابابا والله عمرني نحشم بيكم (كانو قربو يوصلو) وقف عافاك فشي مخبزة ندي الفطور….
وقفات فالمخبزة خدات الفطور و الحليب بما انه الدار شحال و هوما خاوينها مافيها والو….. وصلو و عيات مع باها يدخل مابغاش طلعات هي…. وصلات حلات الباب بالسوارت و دخلات…..
لقات الدار مضوية و الشراجم محلولين عرفاتو غيكون محمد…. حطات داكشي فالكوزينة و مشات لقاتو فالصالون كيتفرج حاط كاس ديال القهوة كيشرب فيه توجهات عندو تسلم عليه….
محمد: اهلا اهلا بالمدام توحشنااااك
ياسمين:(حطات داكشي اللي فيدها و نزلات سلمات عليه بجوج بوسات) حتى انااا توحشتك (ماحسات تا جرها فوقو) هيييه هههههه خلعتيني
محمد: ايوا نتي بعقلك مسلمة عليا بحال هكاك باك اناااا (عنقها عندو و خشا وجهو فعنقها كيشمشم و يطبع بوسات) احححح على رويييحة نتي مخاصكش تخطايني راني مبلي بيك
ياسمين:(هرها و لحيتو دگاتها) ههههههه وااا هدا هريتيني (بقات كطرطا حتى حيد عاد دارت و بزعامة عمرو شافها طبعات بوسة على شنايفو حتى شدها هو…. تبادلو القبل حتى تقطعت فيهم النفس عاد ناضت مبعدا عليه كتنهج) احم سخفت انا نمشي نوجد لك الفطور
محمد:(تلاح على الوسادة اللي موراه كيمثل راسو سخفان) فطوري موجود غا نتي الله يهديك…
ضحكات و مشات للكوزينة مخلياه تينگر وجدات ليه فطور متكامل و داتو ليه كلاه بينما مشات هي قادات حوايجها….. كمل فطورو و قرر يخرجو يتقداو…. عطا لياسمين تسوق و هوما غاديين فالطريق وقفها عند واحد المحل ديال الطوموبيلات…
محمد:وقفي هنا اياسمين
ياسمين: علاش ياك لاباس (سطاسيونات الطوموبيل)
محمد: (كيحيد فالسمطة) نزلي و غتعرفي شنو كاين
ياسمين: واخا (حيدات تاهيا السمطة و نزلات دخلو من الباب محمد اللي تلاقا معاه كيسلم عليه حتى جا عندهم واحد عرفاتو هو الجيرون تمااا سلم عليه)
محمد: ايوا اسي بنعمر داخلة شي حاجة جديدة
بنعمر: كولشي موجود اسي محمد غير هو واش لك نتا ولا لمن
محمد: لا انا طوموبيلتي مازال عاجباني بغيت شي وحدة للمدام ان شاء الله (هنا ياسمين شافت فيه بصدمة وهو غمزها بالريط حتى ضحكات)
بنعمر: ايه اجي معايا نوريك (وراه مجموعة من الطوموبيلات و تا حاجة معجباتو) واش باغي تاخد ليها شي حاجة تعلم فيها ولا ديجا طالقا يدها
محمد: (شاف ياسمين و شارت ليه براسها بمعرت) لا طالقا يدها كتسوق مزيان مكرهتش نشوف ليها شي بي ام…
بنعمر: موجودين ولكن راه طالعين دابا فالتمن شوية
محمد: ماشي مشكل الثمن حتى نتا المهم المدام يعجبها الحال (عنقها باليد السليمة كيضحك و هي حشمات قدام الراجل)
تمشاو معاه تا وصلو لواحد البي ام دبليو سيري 6 رمادية زوينة عجباتهم من برا…. ركبو فيها و ساقتها ياسمين فواحد الساحة مور المحل عجباتها و ارتاحت فيها….. قالها محمد تخرج لطوموبيل امااا هو بقا حتى تفاهم مع السيد فالثمن و عطاه شيك في النص و النص تيكملو ليه…..
دار معاه تبقى عندو تاتبرا يدو و يدوز هزهاااا….. كمل و خرج لقاها راكبا و طالقا اغنية هاد الولد ديال رجاء بلمير مع ركب حداها دارت عندو تتغني و تعيوج…..
ياسمين: هاااااد الولد زينو سطاااااني…. سطاني سطااااني ياااا ناس…. فبالييي يانااااا شاغلني و مخلينييي بلا نعاااااس (تلاحت عليه معنقاه بفرحة كضحك) احححح علك شكرااااا بزاااف واللهتا هادشي بزاااف اللي كدير معايا راه بزاااف علييييك..
محمد:(بعدها عليه و خدا وجهها بيدو) نتي راك حمقة راك دابا وليتي نتي هي انااا و الحاجة اللي نبغيها ليا نبغيها ليك راك وليتييي قطعة مني
ياسمين: كنبغييييك بزاااف والله ياربي ميحرمنيش منك….
بلاما يجاوبها نزل على فمها بقبلة فرنسية كيترجم حبو ليها بالفعل….. كملو طريقهم بعد موجة ديال المشاعر لسوبير مارشي خداو التقدية اللي خاصاهم…..
فالمحل ديال اب محمد السي حسن محل كبييير ديال الأثاث عندو زوج واجهات على الشارع قاسمو بين منطقة ديال الاثاث و العصري و لي صال امونجي و منطقة خاصة بكل ماهو بلدي من ثواب و جليسات و زرابي حانوت كبييير و عامر…..
جالس حسن فالبيرو اللي لتحت حدا الباب كيتحاسب هو و سعيد حتى دخل يوسف سلم عليهم و علم باه بيلا ايوب جا و فعلا دقيقة و دخل حادر راسو كيف الكلب…
ايوب:(سلم عليهم باليد و تلاح لحسن على كتفو) السلام عليكم السي الحاج كيبقيتي
حسن:(محملوش و مدخلش ليه لخاطرو لا هو لا سعيد خصوصا الطريقة باش كيشوف فالمحل و عينيه اللي كيشعو بالطمع) الحمد لله اولدي جلس نتكلم معاك (تسناه تا جلس و دوا بقصوحية) شوف اولدي داك الصواب فيه غير تضياع الوقت قالت ليا شيماء بغيتي تزوج بيها…
ايوب:(حدر راسو بتمسكين و ادب مصطنع) ايه اعمي ايلا قبلتو عليا
حسن:(شاف فولادو و لاحظ شوفات يوسف اللي مخنزرين فيه و رجع دوا معاه) واش فخبارك اولدي بيلا شيماء مطلقة و عندها ولد واش موافق على هادشي ولا تخلي تال النهار اللخر و تعايرها بيه
ايوب: حاشا اعمي ولدها غنديرو ولدي و انااا موافق عليها و باغيها هي و ولدها
حسن: امممم وفين تعرفتي عليها و فاش خدام اولدي و عندك شي واليدين ولا لا
ايوب:(تلبك مني سولو فين تعارفو حيت طبعا ميقدرش يقوليه الحقيقة شاف جيهة يوسف لقاه كيخنزر فيه حدر راسو بالزربة) انا اعمي خدام فبنك و كانت شيماء تتجي فين خدام و ملي عجبتني قلت ليها تعطيني عنوانك واليديا مازال عايشين بزوج (زفر يوسف بغضب من هاد الكذوب محملش يكذب على باه ولكن مقدرش يصارحو ناض خرج و خلاهم)
حسن: مزيان اولدي ايوا جيب واليديك و يكون خير
ايوب: ايمتاااا نجيبهم (شافو فيه بزوج) زعما عطيني شي وقيت
حسن: جيو بعد غدا ان شاء الله و يكون خير
ايوب: واخا اعمي بسلامة عليكم هاد الساعة….. (توادع معاهم و خرج ضاحك كيقول مع راسو جاب ليا الله دجاجة بكامونها دار مع واحد الزنيقة حتى خرج ليه يوسف) اه خويا يوسف مالك….
يوسف: خووووك از**** بزاااف على مك نكون خوووك اجي نوريك خوك (شنق عليه بيد و عطاه كروشي نيشان للوجه حتى داخ…. محتال يفيق حتى عاودو بواحد اخور و تبعو براس حتى رعف…. دفعو حتى تلاح مطاكي على وجههو مازال كيحاول يستوعب هو ينزل عليه بالركيل لكرشو حتى سخف…. جمع الدفلة ففمو حتى جمع و رماها عليه و دوا بصوت مغلغل) و دابا روح تقود يا الرويجل تفو عليييك….
زاد كينهج مخليه طايح عاد برد شوية لكن باقا حرقة شيماء و كيحلف و يعاود كون مكانت حاملة حتى يخلي عشتها و يخليها تمنى الموت و متلقاهاااا….. طلع ليه الدم و مابقا عندو خاطر للخدمة لكن الغريب ان اول شخص طاح فبالو هو حنان….
معرفش علاش ولا كيفاش اللي عرف انه بغا يشوفها…. شد طريق الرياض…. واخا عندو السوارت دق بلعاني باش تحل ليه و فعلا حلات ليه وجهها مزنك و شعرها لاصق عليها بالعرق رمات عليه السلام بابتسامة و ردو عليهاااا حتى هو….
يوسف: مالكي مزنكة و عرقاناااا ياك لاباس
حنان: كنت مقابلة الفران داكشي باش عرقت
يوسف: بغيت نقولك واحد الحاجة و الصراحة معرفتش واش غتبغي ولا لا
حنان: لا ماشي مشكل غير قوليا
يوسف: عندك بعدا دابا شي وقيتة ولا لا
حنان: معرفتش على حساب خالتي سميرة شنو غتقول علاش
يوسف: بغيت نخرج محمد امين (ولدو) يتغدا برا و يلعب شوية و بغيتك تمشي معايا (باحراج كمل) الصراحة معارفش لداكشي ديال الولاد الصغار و داكشي خفتو يوسخ ولا شي حاجة
حنان: الصراحة معرفتش خالتي سميرة واش تخليني ولا لا
يوسف: دابا غا واش نتي تمشي خليها عليا هي
حنان: واخا ماشي مشكل نمشي
يوسف:(ضحك بفرحة) يله سيري لبسي حوايجك (يله بغات تهضر) وا سيرييي صافي…
مشات كضحك و خلاتو هو تابعها كيقلب بعينو على سميرة تلاقا مو و جداه جالسين سلم عليهم و طلب تيسير تلبس محمد امين و تقاد ليه محيفيظة ديالو فيها فوطة و دي لانجيط و مشا هو لعند سميرة لصالة سلم عليها و قال…
يوسف: باغي نطلبك و مكرهتش متخصريش ليا
سميرة: ايه اولدي مرحبا فين عمرني خصرت لك
يوسف:(خدا يدها باسها) لهلا يخطيك عليا بغيت نخرج محمد امين و بغيت ندي معايا حنان راك عارفا معارف والو على الدراري الصغار
سميرة:(صغرات فيه عينها) امممم معارفش احياااني عليك قول عينك فيها…
يوسف:(حشم) ههههه ولا تحشميناش
سميرة:هههههه هانا ساكتة غا رد ليها البال اولدي راها بنت الناس و دريويشة
يوسف: كون ماعرفتها بنت الناس منهضرش معاها گااااع
سميرة: الله يسر ليك اولدي يله هاني نمشي نعلمها تلبس…
مشات تعلمها فحين هو رجع جلس مع مو و جداه… عند حنان بعدما علمتها سميرة تلبس حست بفرحة فشكل علاش معرفتش اللي عارفا انها مرتاحة و فرحانة وهي خارجة معاه مشات للبيت ديالها لبسات سروال واسع اسود و شوميز سخونة بوردو سمطتها منها من الحوايج اللي عطاتها ياسمين…..
لبسات معاها سبرديلة بيضة و سويك كحل….. ظفرات شعرها اللور من الفوق و دارت كريم ديال الشمش و عكير خفيف و ريييحة خفيفة….. هادشي كامل من الحوايج اللي عطاتها ياسمين….. خرجت لقاتو كيتسناها هو ولدو مشات معاه تاال لوطو ركبات حداه و ديمارا….
يوسف: فين بغيتو تمشيو
حنان: شوف محمد امين فين بغا يمشي
محمد امين:(بصوت طفولي) ناخدو هابي ميل و نمشيو للغابة
يوسف: نمشيييو للغابة ولكن هابي ميل مايدير لينا والو ناخدو غدا كامل ياك احنان
حنان:(جمعت زغيبات مورا وذنها حشمانة) اللي بغيتو…
كملو طريقهم مرة مرة فين تيهضرو حتى وصلو لواحد الريسطو نزل غدا غدا كامل امبورطي و شدو طريق الخرجة فين كاينا واحد الغابة كتكون عامرة بالعائلات و بالناس اللي كيديرو الرياضة فيها طبيلات جلسو فيهم…..
قادت حنان الغدا و بداو كيتغداو واللي لاحظ يوسف ان حنان اسم على مسمى…. حنييينة بصح و شاف كيفاش تتعامل ولدو و تتوكلو بشوية و تمسح ليه وحتى ولدو مرتاح معاها و كيهضر معاها و يضحك معاهاااا…..
شنو غيبغي اي اب كثر من وحدة تهتم بولدو و تحن فيه…. عاد يوسف اللي ضراتو حالة ولدو فخاطرو و قهراتو اللوحة اللي لاحتو موووو…. فرحاتو معاملة حنان معاه و مندمش انه خرجها معاهم و نهار على نهار كتكبر فعينو…..بقا ولدو ملاهي مع واحد الروبو تيلعب بيه فحين هو حاول يجبد معاها الهضرة…
يوسف: عجبك الجو هنا ولا تبغي نمشيو لبلاصة اخرى
حنان: لا لا هنا زوين تتعجبني الطبيعة
يوسف: ايوا مزيان اجي عندك تيليفون ولا لا
حنان: كان عندي و خسر و دابا عاد باغا ناخد واحد و معرفتش منين
يوسف: انا معاك و معرفتيش منين ليوم ندورو ناخذو واحد
حنان: لا لا واللهتا بلاش نتا مخرجني و تزيد ديني نشري تيلي تا نطلب نسرين ولا مروة تخرج معايا
يوسف: ايه الالة انا معاك و نتي تفكري فنسرين حشومة گاع صافي دويت منعاودش هضرتي…
ضحكات و سكتات مقابلة محمد امين اللي ناض كيلعب مع شي دراري شوية تا طاح ملي دفعو واحد من الدراري….. ناضت كتجري مشات لعندو عاد تبعها يوسف….
هزاتو بالزربة تتسكت فيه و تمسح ليه فدميعاتو و يوسف تيقلب ليه فرجلو اللي مجروحة حتى جات مرة فديك ثلاثينات حاملة كرشها لفمها و جارة ولد قد محمد امين من وذنو كتوبخ فيه تا وصلات ليهم….
مرة: سمحي ليا الالة راه هاد الولد شهمني ياكما وليدك وقعات ليه شي حاجة هانتي تشوفي تا باش نتبعو مثقلة..
حنان:(عزات عليها و فنفس الوقت فكراتها فحملها اللي مفرحاتش بيه قالت بحنان) لا لا ماشي مشكل هادو هوما الدراري غير ارتاحي راكي واحلة فروحك..
مرة: لهلا يخطيك (خدا يوسف محمد امين من عند حنان عاد ردت ليه المرا البال) سمح ليا اسيدي عافاك
يوسف: لا الالة وايلي راه دراري هوما هادو شوية يتصالحو مديريش فبالك
مرة: الله يحفظكم لبعضياتكم ياربي و يخلي ليك مراتك باينا فيها بنت الناس غا تهلاو (جرات ولدها و زادت مخلياهم كيبقلو حشمانين موراها)…
مشاو للبلاصة فين جالسين جبدت حنان لانجيط و بدات تتمسح ليه بشوية و بحنان و كضحك معاه باشما يتقصحش و يوسف غير مقابلهم و هايم فيها…. قلبات ليه مخو مع قلبو مابقا عارف مايدير…..
دارت لأمين سبارادرا و ناضت معاه لبلاصة فيها الالعاب حاضياه مخلين يوسف جابد گارو كيكمي فيه و عقلو غايب….. دوزو عيشتهم تما حتى وصلات الستة و ناضو دازو لكافي تطل على البحر خداو الگوتي و عاد ناضو و فطريقهم وقف يوسف عند حانوت ديال التيليفونات و مستلزماتهم…
يوسف: (حيد السمطة و دار عند حنان) بقاي مع محمد هاني جاي دابا….
فعلا دخل شي عشر دقايق و خرج هاز ساشي صغيرة….. طلع و سد الباب بالزربة دار عندها كيضحك…..
يوسف: البرد تحرك السميقلي (ضحكات معاه و مد ليها الساشي)
حنان: شنو هادي (حلاتها لقات فيها بواطة ديال تيليفون سامسونغ أ50 و كارط سيم ديال انوي شافت فيه باستغراب) شنو هذا
يوسف: باطو تحرقي بيه لطاليان تيليفون اشنو غيكون…
حنان: واش ليا انا (حرك ليها راسو بايجاب و فالبلاصة رجعاتو ليه تتحرك راسها يمين و شمال) لا لا اويليي سمح ليا منقدرش ناخدو تيليفون دقة وحدة
يوسف:(عطاه ليها و حمر فيها) شنو دابا تردي عليا الهدية و الرسول صلى الله عليه وسلم مكانش كيردها
حنان: عليه الصلاة والسلام ولكن منقدرش ناخدو بزاااف هكاااا
يوسف: غتاخديه و يدك فوق راسك اري نركب لك الكارط و دخلي الالة غا نمرتي صافي (غمزها تاحشمات)
حنان: واللهتا معرفتش شنو نقولك(مدت يدها للساك جبدات شي فلوس مداتهم ليه) هاك خود هادو تال الدار و نكمل لك عفاك راه منقدش
يوسف:(هرب يدو منها) استغفر الله العظيم واش بغيتيني نكعا عليك شدي دوك الفلوس و هذا كادو سالينا…
مخلاهاش مازال تهضر و هي حشمات تا ماقدات حرجها بزاف لكن كبر فعينها….. جبد التيلي شعلو و قاد فيه الكارط….. دخل نمرتو و صونا على راسو حتى طلعات ليه النمرة هاد مدو ليها….
يوسف: هاكي الالة بالصحة و الراحة تتوصلي للدار و عطي لشي وحدة فالبنات دخل لك الكود و ديري واتساب ولا اللي بغيتي
حنان: الصراحة معرفتش شنو غنقولك شكراااا بزااااف والله خيرك منساهش..
يوسف: هاد الحمقة هادي زيدي دابا تجري علينا سميرة بثلاثة..
مشاو للرياض و كانت نفسية كل واحد فيهم مبدلة….. المورال طالع و واحد الراحة نفسية و فرحة غامرة كل واحد…. هو ارتاح ليها و هي كثر….. زاد تعرف عليها و عرف بيلا حنينة و بصح بنت الناس و بنفسها واخا قلة الشي لكن كرامتهاااا و كبريائها حاضرين و بقوة….. حيت وحدة اخرى غتستغل اي فرصة فين تجبد من عندو…..
وهي عرفت بيلا ولد الناس و محتارم اهم حاجة انه ما مسها ما قرب ليها بسوء حتى الهضرة مفاتش معاها حدود الاحترام…. و سخي بزاااف واخا حشمها بكرمووو….
وصلو و تفارقو فالباب شكراتو على اللي دار معاها وهو مكرهش مازال تبقى معاه لكن الحق حق….. دخلات نيشان للبيت بدلت و خرجت للكوزينة فرحانة تلاقات مع سميرة كطيب فالحريرة سلمات عليها و لوخرى ملاحظة ضحكها و نشاطها جلساتها فالصال أمونجي و جلسات حداها و قالت…
سميرة: كيدازت خرجتكم ابنتي فوجتي شوية
حنان: مزيانة اخالتي الحمدلله الله يخلف على السي يوسف
سميرة: ايوا مزيان اللي نبغيك تعرفي ابنتي انو من نهار جابتك ياسمين اللي ولات وحدة من بنتي وليتي حتى نتي وحدة منهم و معزتك كبيرة فقلبي والله شاهد خصوصا انك درويشة و بنت باب الله و ماشي شي وحدة اللي باغا طير عزيتي عليا و ماشي غي انا حتا عمك حسن و مي كلثوم و كولشي درتي بلاصتك عندهم و نبغيك اي حاجة كانت عندك يا مقلقة يا مخنوقة و باغا لمن تعاودي يا فرحانة يا محتاجة اللي بغيتيها تجي عندي راني ميمتك دابا..
حنان:(نزلو دموعها مع حناكهاااا كيجريو من الهضرة اللي سمعت هادشي اللي عمرها فحياتها قالو ليها شي واحد عمر شي واحد حن فيها ولا قال محتاجة ولا مقلقة ولا فرحانة ماحسات تا تلاحت عنقاتها تتبكي) شكراااا شكرااتتت بزااااف اخالتي حتى نتي دابا فمقام مي اللي معنديش انا…. عمر شي واحد قالي هاد الهضرة (تحبسات ليها الهضرة بالبكا)
سميرة: سكتي سكتي ابنتي (كتمسح دموعها اللي حتى هي نزلو ليها) مقلتش لك هاد الهضرة باش نبكيك غي بغيتك تعرفي بيلا ماشي بوحدك و حتى يوسف راه ولد الناس و راجل و انا مكرهتش يكمل عليكم الله و تزوجو (حشمات حنان و هبطات راسها) الله يرضي عليك ابنتي و يكملك بعقلك…..
بقات معاها تا سكتات عاد ناضو كيوجدو فالعشا بالضحك….
نرجعو لعند الكوبل ديالنا اللي مشاو تقداو مستلزمات الدار و دازو يتغداو برااا عند واحد من المطاعم ديال الحوت خدا كل واحد بلا ميكست و جلسو كيدردشو….
محمد: اش بان ليك فشي تسافيرة امدام طلعت ليا هاد الرباط فراسي
ياسمين: اللي بغيتي غير هو فين دابا بارد الحال
محمد: وانااااا مكرهتوش يبرد كثر من هكاااا باش نسخنو نيييت هههههه نمشيو لاگادير تتكون زوينة هاد الوقت
ياسمين: هههههه عقلك موسخ واخا نمشيو ايمتاااا بعدا
محمد: نمشي غدا للمحل نشوف الخدمة فين واصلة واللي حاصلة نحولها للمحل ديال اگادير و نمشيو غالبا بعد غدا نقلعو غا عولي تسوقي احبيبة..
ياسمين: ههههههه ولكن بشرط
محمد: تشرطي يا العمر نتاااا تآمري
ياسمين: ههههه نمشيو فطوموبيلتييي
محمد: ايهاي على طوموبيلتي واخا الالة غدا نخرجوهاااا و نمشيو يله دابا نتحركوووو….
خلص محمد و مشاو للدار طلعو كولشي فالسانسور و دخلو اول حاجة دارت ياسمين بدلت بكسيوة خفيفة ديال الدار و جمعات شعرها…. مشات ستفات كولشي فالكوزينة….. طلات على محمد لقاتو متكي خرجات باشما تصدعوش……
صونات على دعاء بقاو داويين و جاتها گانتها دير شي گوطي متكتك فعلا جبدات الدقيق و دارت عجنة قداش ديال المسمن…. خلاتها ترتاح و دازت خلطات كيكة دارتها طيب عاد بدات كطيب فالمسمن….. دوزات ديك العشية فالتوجاد زادت حريشات صغاااار…..
كطيب فيهم تا حسات بيد محمد كدور على خصرها و وجهو مخشي فعنقها سخون حتى بورشها…..
محمد:(بصوت مبحوح بالنعاس) اش كدير الحبيبة ديالي
ياسمين:(حيدات الحريشة اللي كانت كطيب طفات البوطة و دارت عندو معنقاه من خصرو و مكاليها البوطاجي من اللول كتشوف فحنيكاتو حمرين و شعرو مشعكك كيبان بحال شي بيبي) وييينو عاد فقتي كنصاوب الگوتي قلت ندير شي مسيمنات و هكاااا
محمد: احححح على الحداكة انااا اللي تزوجت و صافي باراكا عليك احبيبة اجي تجلسي
ياسمين:ننصب العشا بينما برد هادشي و نجي جلس معايا ونسني
محمد:(خطف بوسة من فمها) نجلس مع الوريدة ديالي…
بقاو داويين وهي كتنصب فاللحم فطاجين ملي عرفات محمد عزيز عليه الماكلة البلدية قررات دير ليه طاجين ديال اللحم بالبرقوق….. سكتو للحظة حتى قال محمد بدون سابق انذار…
محمد: شيماء غتزوج
ياسمين:(دارت عندو مصدومة) اويليييي غترجع لراجلها
محمد: لا غتزوج بواحد البرهوش حاملة منو
ياسمين: بلاتي اش كتقول اويلييي
محمد: داوي معاك راه روينة نايضة
ياسمين: هادشي فخبار خالتي حفيظة و الدار ولا لا
محمد: فخباري انا و يوسف ونتي صافي
ياسمين:صدمتيني والله
محمد: ماعندك لاش تصدمي انا حلفت مندور بساحتها يوسف تكلف انا ماسوقيش فيها من هناااا لقدام ضبر مخها
ياسمين: معرفت مانقولك نسا داباااا و سبقني للصالون ناكلو…
خداو الگوطي ديالهم و جمعات ياسمين الماعن عاد دازت لبيتها….. حيدات الكسوة اللي فيها ريحة ديال الطياب و جبدات كسيوة عمرها لبساتها و مكانتش زاعمة لكن ملقاتش شي فرصة حسن من هكا كانت كسيوة مخملية (موبرة رقيقة) سميطاتها رقاق و جاية تال الركبة لاصقة عليها فاللون الأسود….
قبلما تلبسها ذهنات لحمها بكريم بنكهة الشوكولا خلا لحمها كيبري….. لبساتها فوق دوبياس دونتيل كحلين….. طلقات شعرها اللي كيحمق محمد مع اظافرها ديال رجليها اللي مصبوغين بالاحمر قاتم دارت خلخال و سنيسلة فعنقها قصيرة…… ختمات لوكها بعكر احمر دم الغزال….. و عطر مثير…
خرجات مدازتش عندو مشات للكوزينة قادت طبسيل فيه الفواكه الجافة….. و طبيسيل فيه طريفات ديال الكيك اللي صاوبات بشوكولا…. مع عصير صاوباتو ديال الليمون و الفريز…… قادت داكشي فبلاطو و نقسات على الطاجين و مشات عندو…..
كان طافي الضو ديال البيت و مشعل غير زوج فييوزات عاطين ضو خفيف….. حطت داكشي فوق الطبلة و مشات شعلات الضو…. دار عندها محمد و تصدم….. عينيه تحلو و فها فيها…. عمرو شافهاااا بهاد الشكل…… فورمتها مرسومة كتبان فديك الكسيوة بحال شي حورية…..
ضحكات بحشمة و جرات الطبيلة حداه….. جلسات حداه و بدات كتكب فالعصير وهو عينيه غي على فمها و صدرها اللي كيطل…
ياسمين:(مدات ليه الكاس) هاك احبيبي شرب
محمد: ياكما غنموووت
ياسمين:برا الباس عليك احبيبي الله يحفظك ليا مالك على هاد الهضرة
محمد: واااا راه اختي عمرني شفتك هكا قلت الوداع هدا
ياسمين: بغيت ندلع راجلي شوية شنو فيهاا خود ليك كيكة
محمد: تگهمت اناا ولكن نتي ممزياناش بان لك الدلع غا ملي اناااا معطوب
ياسمين:(قربات لوذنو و قالت بصوت خافت) اللي بغاها حياتي نديرها ليه لهلا يحوجك
محمد:(تلاح اللور كينش على راسو بيدو) اححح اربي على العمر ديالي عندي طلب واحد (حركات ليه ياسمين راسها) متشربيش الكينة (تقاد فالجلسة و خدا يدها باسها و كمل) بغيتك تحبسيها احبيبة بغيت شي قطعة منك تعمر عليناااا..
ياسمين:(حطات يدها على حنكو) اللي بغيتيها هي اللي تكون وا خود كووول
محمد:(خطف بوسة من فمها) وكلينيييي ازاين هههههه
ضحكات و مدات يدها كتوكل فيه مع بوسات و لمسات وحتى هي ممنعاتش راسها منووو…. قررات انها لاول مرة فحياتها غدير داكشي اللي كيملي عليها قلبها و مغتقمعش شهوتها عليه…… كمل كاسو و ناضت دات داكشي كتعوج…..
رجعات لقاتو تكا نص تكية….. برونشات التلفازة مع التيلي و خدمات اغنية شرقية…… خدات حزام ديال الموزون كانت واخداه مع اللبسة ديال الرقص….. تحزمات بيه مع شوفات ديال الاغراء….. بدات الاغنية و بدات تتحرك معاها باحترافية….. مع كل نغمة كتحرك خصرها و مؤخرتهااا……
محمد كيشوف مبهوض……عمرو تخيل انها غتوصل معاه لهاد الدرجة…… فرحاتو بزااااف و عجبو الحال….. وصلات ليه فكرة انه كيما داير مجهود باش يرضيها حتى هي غاديييير المستحيل باش ترضيه…… دارت و عطاتو بالظهر و بدات تتحرك فترمتها يمين و شمال حتى حوالو عينيه…… تمشات حتى وصلات لعندو و بدات كتطلع و تنزل وهو تابعها براسو…..
مع حدرات راسها عندو جرها من خصرها حتى طاحت عليه…… و تلاح على فمها بوابل من القبل و يدو تتلعب فصدرها اللي بارز بشكل خطيييير…… تكره و دعا فالنهار اللي تهرس فيه….. مكرهش يكون بيخير و يمارس عليييها طقوس حبو…… مد يدو حيد ليها الحزام و نوضها عليه شوية….. فمها مجلخ بالعكر و هو كثر منهااااا….. خشات وجهها فعنقو كتبوس محس بيها حتى جمعات ليه مصة و عضة….. حتى قفز خلاتها ليه كتوزوز…..
محمد: كتعضي القطييييطة
ياسمين: ههههههه….
مدات يدها كتهز ليه فالتيشرت و هو خلاها دير اللي بغات….. ماشي ديما كتعيشو علاقة بحال هكااااا….. حيدت ليه التريكو و مدات يديها كتقيص فعضلاتو و رجعات فمها لفمو….. السنتهم كيتصارعووووو….. يديه فصدرهاااا هبطو ليها الكسوة و يدها طالعين هابطين على كرشو حتى قاصت و بلاماا تقصد رجولتو اللي كانت منتاافخة….. انتافض بشهوة و مد يدو كتلمس ففخاضها….. فصلو البوسة و قال ليها بصوت مبحووح…..
محمد:حيدي كسوتك احبيبة……
بدون متجاوبو هزات الكسوة و حيداتها تا بقات قدامو بدوبياس كحلين….. عينيه شعلو فيهم قلوبة……شير ليها لسروالو جراتو ليه باثارة و مشوية قاصدة تهيجووو….. حيداتو ليه و بقا ببوكسور اسود بارز عضوو اللي كان منتافخ و باني العلام باين واصل لحدو….. مد يدو لسوتيان من اللور حلهم بيد وحدة….. الإحتراف فالاداء…..
حيداتهم هي و بلاما تحس جرها حتى هبطت عندو عاد خشاااا وجهوو فيهم….. كيبوس و يلحس…… يدو مشات لسترينغ ديالها نزلو ليها حتى وصل لركابيهاااا…. كملاتو فالنصيل و مدات يدها لبوكسورو حتى هو نصلاتو ليه بدون ماتشوف فيه….. مازال ماوصلات لمرحلة ديال انها تشوفو او تقيصوو…..
تهزات شوية حتى قاد رجولتو مع مهبلهاااا….. جلسها بسرعة حتى غوتات ملي حسات بيه فاعماقها….. بقاااات كطلع و تنزل فوقو حتى جابت بليزيرها….. لكنها موقفاتش حتى جابو حتى هو….. طاحت على صدرو سخفانة وهو كثر منها….. وجهو فشعرها كيطبع بوسات…
محمد: احسن ليلة احبيبة كنبغيييييك كنموت عليك
ياسمين:(هزات راسها فيه سخفانة و مشعككة) حتى انااا كنموت عليك 😍 (نزلات على فمو كيتبادلو قبلة فرنسية حتى شمات ريحة ديال الحراق هزات راسها بالزربة و غوتات) ريحة الحراااق الطااااجين…
ناضت من فوقو بالزربة هزت كسوتها لبستها فوق لحمها هكاك عريان…. مشات بالجرا للكوزينة لقات الطاجين يله بدا كيتحرق طفات عليه بالزربة كتنهج….. للحظة وقفات حشمانة بينها و بين راسها ولكن فرحانة انها اول مرة غدير معاه علاقة متكاملة بلا حشمة…..
طفات الضو و مشات للبيت….. حيدات كسوتها و تلاحت فوق السرير ساترة راسها بيزار و عيطات بصوت محلون….
ياسمين: محااااامد اجي للبيت..
ناض حتى هو بلا عجز عليه شرب كاس ديال العصير و مشا عريان….. لقاها متكية و كاضحك….. وصل و تلاح فوقها خاشي وجهو فعنقها…… كملو ليلتهم هكاك من بوز لبوز يستاراحو و يكملو حتى تهدو….. و الجهد اللي جمعو كاملين مشاااا…..
الوحش ديال شحال فداوه فبعضهم و تا واحد ماقمع شهوتو على لاخر….. هو عنقو مزوق بالعلامات الزرقاااا كيما عنقها و صدرها تاهي مزوق بيهم…… ظهرو كلو قمشات هابطين معاه….. فمها طايب و منفوخ بالبوسان و فمو حتى هو….. ارتاحوووو عاد ناضت لبسات بينوار سخون شوية و مشات تسخن العشا اللي ماكتاب يتعشاو بيه حتى لوحدة ديال الليل…..
حطاتو يسخن و قادت الطبلة اللي فالكوزينة عاد مشات للبيت هزات الحوايج اللي كانو مليوحين فيها دارتهم فالماشين….. هزت البلاطو و قادت البيت و مشات عيطات ليه…. ناض بلا عجز عليه لبس شورط و تبعهاااا للكوزينة ناشط و مقاداه فرحة….. كانت واقفة حاضيية البوطة حتى حست بيه خورهاااا….. قفزات و دارت عندو كضحك….
ياسمين: باسل والله امحمد جهلتيييي
محمد: احححح علك نتي راك دوختي هاد محمد اليوم والله حتى فرحان احبيبة ترمتي تتصفق بالفرحة ههههههه
ياسمين:( طلقاتها بضحكة ديال الشيخات نيت) هههههههههههههههههههههه اربييييي(هزات الطاجين حطاتو فالطبلة و جلست) هههههه يله وا كول راك غاتكون جعتي
محمد: غناكل ايلا جمعتي عليا صدرك (هبطات عينها لقات البنوار هرب على صدرها غطاتو بالزربة)….
تعشاو فالضحك و الرومانسية مرة يولكها مرة توكلو حتى كملو……مشا هو سبقها للدوش فحين هي بقات تا جمعات الماعن كاملين دارتهم فلافيسيل و مسحات الدنيا…. عاد تبعاتو لقاتو خرج بعدما دوش و توضا….. دخلات تاهيا دوشات و توضات…. تلوات فبينوارها على البرد…..
لقاتو متكي كيتسنا فيهااا… لبست بيجامة سخونة و جمعت شعرها باتشا فزيف حياتي….. مشات حداه و تخشات حتى عنقها عاد طفات الفيوز و تخشات ليه….. احسن نعسة نعسوها من نهار تزوجو….. بعد علاقة متكاملة بيناتهم كانت السيطرة من طرفهم بزوج….. و احسن نعسة كتكون عند اي كوبل هي النعسة اللولة مورا اي مخاصمة…..
كيكونو توحشو بعضهم و باغيين باي طريقة يوصلو حبهم لبعضهم…..
محمد فالغد ديال الليلة المنشودة فاق ناشط خرج جاب فطور اموبورطي قادو فبلاطو قبل ما تفيق ياسمين مع وريدة و داه ليها حتى الفراش….. فيقها بدلع و بشوية و حتى هي كانت مرتاحة و المورال طالع…… فطرو مع بوسات من هنا و كليمات من هنا…… مشا للمحل قدا شغلو و الخدمة اللي كانت غتبقا ليه كلف بيها علي باه نو يبقى مرتاح……
داز عند الطبيب ديالو اللي علمو بيلا مبقاش ليه بزاااف و يحيد الجبيرة دار معاه موعد باش غير يجي من اغادير يحيدها…… فحين ياسمين بقا فالدار جمعاتها كاملة و سيقات و دازت كتجمع فالحوايج….. ففاليز متوسطة اول حاجة دارت اختارت لبسات ديال الخروج مقادين دارتهم عاد دازت لحوايج الدار مكاين غي الله يعطيك صحيحتك فالعراااا….. ناوية تقتل محمد بالحلوة و تركب فيه السكر…..
دارت غدا خفيف و تسنات على محمد تيجي عاد جمعات ليه حوايجو….. داز نهارهم عادي فالعشية مشاو خرجو الطوموبيل من لاميزو فرحانة بيها و حتى محمد مقمعش ليها فرحتها…..غادة طالقة الشعر كيطيرو البرد من الزاج و الزدحة مطلوقة على جهدها….. و محمد حداها مكسل بديك الكسدة ديالو تيضحك و مرة مرة يصورها…..
وقفو فواحد السطوب وهي تبدا تحرك مع الموسيقى غافلة على العينين اللي معلقين عليها من طوموبيل اخرى…..
حتى تهز محمد و بان ليه ولد تكون عندو ديك 22 عام باينا فيه زويزو ولد بابا و ماما حاضيها غير بان ليه محمد مخنزر فيه و داير فيه ديك الشوفة ديال يا تحدرهم يا نعميهم لجدك….. حدر راسو و معاودش هزو حتى شعل ضو و داز منير……
كملو عشيتهم فالدار مخشيين فبعضاتهم ففوطوي واحد مغطين بكويطا خفيفة مرة يتفرجو مرة يهضرو مرة يقلبوها بوسان…….
و حتى فالرياض داز نهارهم عادي حنان فخدمتها النهار كامل….. دارت الواتساب فتيليفونها و اول واحد طلع ليها هو يوسف اللي واخا بغات تصيفط ليه مسج لكن مزعمتش….. يوسف اللي النهار كامل مشافتوش و مشافهاش…..
بعدما تفارقو البارح طلع لبيتو معاودش نزل و الصباح خرج بكري قبل ماتفيق…… معرفش علاش لكن للحظة حس براسو زرب على راسو و على حنان….. تفكر هضرتها ديال انها كيبانو ليها الرجال فحال فحال و خاف انه تكون حاسباه منهم….. قرر انه يعطيها مساحة و ميأثرش عليها بأي شكل حتى تبدل رأيها….. قرر من دايتو لراسو معارفش انه عارفاه ماشي بحالهم و تايقة انه عمرو يكون بحال داك الشماتة….. لكن صافي قرر انه يبعد عليها…..
هكا داز النهار حتى فالرياض شيماء ضالا فبيتها النهار كامل بما ان الوحم بدا كينقص عليها مخرجاتش حيت عارفا راسها ايلا خرجت غتنوضها مع شي واحد فضلت تبقى فبيتها……
الغد ليه فاقو محمد و ياسمين بكري مع جوايه الثمنية و بما ان الحال برد مبقاش عندهم مشكل البرد…. فطرو و بدلو حوايجهم بملابس مريحة للسفر….. تأكدو من البوطة و الضواو و كولشي عاد خرجو فاتجاه عاصمة سوس…..
فالرياض كان اليوم الموعود….. اليوم اللي غيجي فيه ايوب و عائلتو….. و كأي ام مغربية غتزوج بنتها سواء كانت مزيانة ولا خايبة و بغض النظر على عدد التزويجات….. كيخصها ضروري دير اللي فجهدها و كثر باش تحمر وجهها ووجه بنتها قدام نسابها….. هكاك حفيظة اللي واخا مريضة لكن صبحات فالكوزينة هي و حنان و تيسير تيوجدو و يطيبو….
ماخلاو مادارو ها المسمن ها الغرير ها الشيار ها الحريشات و عاد العشا اللي كان عبارة على كوكلي محمر بالدغميرة و نص حولي فالفران….. خرجات حفيظة من الكوزينة مخلية حنان اللي مسيكينة الوجع من جيهة و الوقفة من جيهة….. وجهها صفر مسقوط من الدم بسبب وجع الدورة اللي شادها و اللي كيمحنها لكن متقدر تقول والو……
شعرها لصق عليها و كولها رجعات تتبري بالعرق…… الجهد مبقاش عندها و مكابرة و واقفة غا بزز….. للحظة حسات لركابيها خواو و غتغيب فاي لقطة….. داخل يوسف كيقلب على مو تكتبان ليه متكية على البوطاجي….. رجليها كيرجفو و خارجة ليها فالبيجامة البيضا بقعة كبيرة ديال الدم….. حدر راسو بالزربة و مشا تال عندها….. طل لقاها عرقانة بحالا كبيتي عليها سطل ديال الما و عينيها كيتلصقو….
يوسف: حنان (هزات راسها فيه بزز مقدراتش تجاوبو) واش شوية…
ماحسات تا طاحت على طولتها سخفانة….. شدها بالزربة قبل ماطيح للارض مخلوع معارف مالها….. دخلات مو لقاتها سخفانة وهو شادهااا و معارف مايدير مشات تتجري لعندو……
حفيظة: مالها اولدي مالهاااا ياك لاباس
يوسف:(معصب) وايلي الواليدة على مالها واش البنت مريضة و موقفاها فالكوزينة (هزها عندو غادي بيها لبيتها) صيفطي ليها وحدة فالبنات..
وصل لقاه مسدود حلو بصعوبة و دخل حطها فوق السرير….. هز الما من الكوافوز و رشو عليها حتى بدات تتفيق….. دخلات عليه تيسير لقاتو تيتسنى فيها حاط يدو على جنبو غي شافها داز خارج و قال…..
يوسف: شوفي اختي الله يحن عليك بدلي ليها و عطيها شي دوا راك عارفا داكشي…
خرج حشمان خلا تيسير تكلف و مشا عند مو لقاها جالسا وجهها صفر كثر من حنان حتى هي عيات جلس حداها و خدا يدها لعندو….
يوسف: الوالدة الله يهديك نتي مريضة و البنت مريضة و نايضين تتشقاو نوضي البنات ولا جيبي داكشي من الزنقة گااااع
حفيظة: وا ولدي شغندير خطبة ختك اليوم و مبغيتش نحشم بيها
يوسف:(اصلا كاره هاد السيرة) هاد ختي تهبط هي نيت توقف على شغلها ولا نتوما غتبقاو غي مضسرييينها تاطلع ليكم فراسكم عطي الراحة لراسك الواليدة…..
خرج كافر و معصب من جهة بقات فيه مو اللي عيات و واخا هكاك نايضا باغا تحمر وجه وحدة محارتش فيهم و نزلات بوجهم للتراب…. غير هاد الفكرة تتخليه يبغي يحماق و يضرب راسو للحيط…..
مرضاش و مكرهش يجري عليها و ميبقاش يشوف كمارتها لكن مجاتش اللحم لا خناز كيهزوه ماليه و يدك منك واخا تكون مجدامة….. زوينة ختو و خايبة ختو…. و من جهة قلبو دارو على ديك بنت الناس اللي عايشا فتمارة و مسكينة المرض و كولشي و مع ذلك واقفة و مقالت حتى كلمة……
طلع لبيتو بدل و داز هز ولدو و قرر يدوز معاه النهار فدار محمد اللي خلا ليه السوارت محاملش يحضر ولا يشوف وجه ايوب…..
اما حنان فنوضاتها تيسير بشوية بدلت و غسلت و شربات الدوا عاد طاحت دودة….. و احسن نعسة تتنعسيها هي ديك اللي تتجيك مور الوجع ديال البيريود…. تتحسي بحالا كل همومك و احزانك مشات و تترتاحي…. وحتى هي نعسات فحال شي بيبي مخلية كولشي وراها…..
داز النهار عادي فالليل جاو واليدين ايوب بالورد و الشوكولا اللي شافهم يقول هنا نبات….. تناقشو و دوزو الهضرة باش يديرو ليلة وحدة بيناتهم فيها ضريب الصداق و صافي تمشي مع راجلها….. لكن الغريب انهم تصدمو انها قبلات تسكن مع دارهم واخا السبب الاول فطلاقها كان بسبب ام طليقها…
حسن مرتاحش ليهم و حتى حفيظة لكن ملي شافو بنتهم باغا وكلو امرهم لله و دارو للما منين يدوز…… توادعو معاهم و فضلو انهم ميتكلموش فالموضوع خصوصا مع نفسية شيماء اللي خاصها غا معامن…..
الجوج كانو محمد و ياسمين فاگادير…… عيات ياسمين فالطريق…. خصوصا انها ممولفاش السوكان بزاف….. الجو دافي و زوين واخا الضبابة…… تغداو على برا و ارتاحو شوية عاد دازو تقداو عشاهم و مشاو للدار…… مع دخلت سمات الله و بدات تتحل فالشراجم……
عجباتها الدار و فراشها….. مشات لبيت النعاس لقاتو حتى هو مفرش زوين….. حطت لي فاليز و تلاحت عيااااانة….تبعها محمد كيضحك موراها و تلاح حداها…..
محمد: هاي هاي على لمدام عيات زعما راه خاصك تكوني فرحانة ههههه
ياسمين: سكت عليا نتا اللي جا معاك الضحك جاي مرح
محمد: ههههههه هاهو ساكت (سكت شوية و دار عندها) زعما منخرجوش
ياسمين:(شافت فيه مغلغلة و ناضت) انا غنغبر وجهي علك مكاين خروج ليوم….
خرجات و خلاتو كيضحك….. كتعجبو منين كتعصب كتجيه بحال شي بنيتة صغيرة معصبة بحيت واخا تتقلق متتعايرو متتغوت عليها حدها ديك بعد مني سكت عليا……
دوزو نهارهم فالدار فالعشية صاوبت الگلية و شدو فيلم كيتفرجو ليه حتى سمعو على غير العادة الغوات حدا الباب جاي من الدروج…… ناض محمد بالزربة يطل و تبعاتو ياسمين بعدما لبست بينوار طويل على الكسيوة اللي كانت لابسا….
حل الباب كيبان ليه الباب اللي قدامو محلول و جاي منو الغوات ديال المدابزة و صوت الموسيقى مجهد….. نزلو جيرانهم الفوق و وقفو مع محمد تا واحد ماقدر يدخل حتى طلع الكونسيارج…..
دق مجاوبو حد بدا داخل هو يبان ليه ولد تكون عندو ديك 25 عام لابس غير الكالسون….. وجهو كلو دمايات خارج كيجري و تابعو راجل فالربعينات كيبان صغير و شاد فراسو…… تبعو للباب و شدو فالكولوار و تكا عليه بالعصا و ياسمين و الجارات اللي الفوق حشمو من داك المنظر وهو كيسلخ فيه و يعاير…..
الرجل: وا ينعل ****** ا ز******* تبيدقووووونييييي اولاد الكلاب مخلينيييي تا خرجت يا دينك اليوووووووم يصليو عليك ******
جراو الرجال يفكو و محمد معطوب مالقا كيفاش بزز باش بعدوه عليه يله بغا يهرب شدو الكونسيارج و الراجل تكا راسو على الحيط و بقا كيخبط فيه و الرجال كيجرو فيه وهو ففمو كلمة وحدة…..
الرجل: اشنو فيه و مافياش اعيباد الله هاد الكلبة قتلتني (دار عندهم) واااااا عمري فنيتو علييييها واااا حياتي نعطيها ليها و فاللخر تبيدقنييي مع زا*** قد ولدهااااا….
جبد تيليفونو صونا للبوليس و جلس فالدروج منهار…… بقا فيهم كاملين و حطمهم منظرو خصوصا ان الدموع حاصلين فطرف عينو…… زعمات وحدة من الجارات و دخلات و تبعتها ياسمين بعدما عطاها محمد الاوكي…..
اول حاجة لاحظو تصميم الدار اللي زوين و مفرشة بفرااااش غالي و عاطي للعين….. دازو على الصالون لقاوه مظلم و مشعولين فيه ضواو فالالوان بحال الديسكو و طبلة مقلوبة و الارض فيها الشراب و القراعي مهرسين و الموسيقى مطلوقة…..
طفاتها بنت الجار اللي الفوق و تبعو صوت البكا تا وصلو للبيت النعاس اللي اقل ما يقولو عليه انه رائع و غيكون طالع بالزبابل ديال الفلوس….. لكن المرايا ديال الطابل دونوي مهرسة و الماكياج و الروايح مشتتين و فوق الناموسية مرة فثلاثينات ملوية فيزار و تتبكي و تعطي لقلبها….. وجهها مخلطة فيه دموع و دم لكن مخباش جمالها اللي كان باين…..
العينين خضرين و البيوضية و الشعر زعر و الفورمة باينا من الصدر قتالة…… الظفيرات مسبوغين و مقادين….. قربو ليها وهي تبدا تغوت عليهم……
المرة: خرجووووو عليااااا خرجووووو ق*دوووووو مابغيت نشوف تا واحد…
تاوحدة ماقدرات تبقى خرجو كاملين اماااا عند الراجل اللي غير سمع غواتها بغا ينوض يكمل عليها لكن شدوه الرجال بهداوة حتى خرجو النسا وكل وحدة قصدت دارها….. دخلات ياسمين و رومات الباب بقات كطل موراه و قلبها ضارها على الزوج اللي باينا فيه تيبغيهاااا لكن هي كانت ضاسرة بزينها و ماطلباتش السلامة……
دازت شي ربع ساعة و جاو البوليس….. دخلو عليهم فهمو شنو كاين و هزو الولد بدماياتو هكاك عريان و تبعوه المرة بليزار كامل هابط عليها و تبعهم الراجل كيترعد كلووووو….. سد الكونسييرج الباب و بقاو الرجال غي صافنين فداك المنظر و ديك الشوهة اللي متبغيها لعدوك….
تكفحو الجيران كلا لدارو مستنكرين هاد الفعل و كل واحد و اش كيقول و كيفاش كيحلل و هادي مغريبش على مجتمعنااااا….. مجتمع الحكم المسبق و المناظر بامتياز….. شي كيقول حشومة تخونووووو….. و شي كيقول العالم الله علاش دارتها….. و شي كيقول سرو باش يحسو باحساس المرة ملى كتخان….. وشي كيقول تفوتو غا هو وتجي فيمن ما بغات….. شي كيطلب السلامة….. و اللي تيعرفها و غاير منها تيتشفى فيها و يطلب ليها الغرق….. دخل محمد لقا ياسمين جالسة تتفرج جلس و ساط بالجهد…..
محمد: بقا فيا الراجل مسكين
ياسمين: وايييه موقف خايب تحط فيه
محمد: الصراحة كاينين شي عيالات خاصهم الحريق
ياسمين: متنساش بيلا تا الرجال راه كاينين بنادم فيه و فيه
محمد: واييه بنادم حجر و طوب غير الله يهدي ماخلق…
دوزو عشيتهم عادي واخا راه الموقف اللي طرا صعيب ينساوه و اثر عليهم واخا مشكوش ولا ولكن بقا شاغل بالهم…..
مشات ايام و جات…. و سيمانة دازت على أبطالنا….. محمد و ياسمين دوزوها كلها عسل فعسل ماخلاو فين مشاو مكانوش كيدخلو….. شبعو حلوة و عجبو التغيير اللي طرا فشخصية ياسمين اللي تخلات على الحشمة الا فبعض المواقف…..
مبقاتش كتقمع نفسها ولا تحشم فشي حاجة رجعات اللي بغاتها كديرها معاه….. حلالها و عندها كل الحق فييه…. و حتى هو رجع معاها حسن و حسن غرقها شريان حتى رجعات كتقول باراكا…… اللي شافتها و عجبتها تاخذها لسميرة عاد لمها….. تهلات فيها ديال بصح و ماخلات ماخدات ليها…..
مشات مع محمد للمحل و بان ليها بروش ديال الذهب من الشوفة اللولة حمقها و قالت ليه بغيتو لسميرة…… كبراااات فعينو ديال بصح بتصرفاتها و شنو غيبغي الراجل كثر من مرتو و مو مفاهمين…….
سميرة اللي كانت الروينة ديال التوجاد نايضة عندهم فالرياض….. ضريب الصداق ديال شيماء بقاو ليه يوماين….. ومن قلة عقلها بغات تنگف و دير العمارية و اللبسات….. حد ماقدر يهضر معاها ولا يقوليها شي حاجة باغيين غير السلاكة معاها و سلامة الوقت….
يوسف من داك النهار وهو كيدوز نهارو فدار محمد….. محاملش داك الجو و محاملش وجههو يتلاقا مع وجه شيماء ولا يشوف المهزلة اللي دايرا اللي كون عرفو واليديه شوهتهااا كون دفنوها فأرضها ولا يبقاو عايشين على شوهتها….. وفنفس الوقت كان باغي يدوز وقت بينو و بين نفسو باش يعرف نوع الاحاسيس اللي عندو من جيهتها و فعلا عرف انه كيكن ليها اعجاب و كبير و فمدة قصيرة خدات بلاصة فحياتو و خدا قرار اللي من بعد و غتعرفوه….
حنان كانت مدهية فخدمتها و تتحاول ما امكن متحتكش بشيماء اللي شوكتها غير طالعة و باغا غير معامن….. عايشا مرتاحة فالرياض و كولشي محتارمها و تيعاملوها مزيان لكن اللي شاغل بالها يوسف اللي مبقاش كيبان مرحبا….
صور ليها عقلها شلا سيناريوهات و قالت مع بالها عطاك شوية ديال الوقت طمعتييي دارت فبالها انه معارف مع وحدة اخرى و داكشي و قررات انها تركز على خدمتهاا و تنسى دوك الافكار…..
اليوم الكوبل ديالنا اليوم راجعين للرباط باش يحضرو لليلة شيماء اللي بالطليب و الرغيب باش قبل و غادي و محاملش….. اليوم كان بارد و شتى مزكاتش….. خرجو بكري مكبطين شدو الطريق و كل شوية ينزلو ترتاح ياسمين شوية و يكملوو…..
وصلو دازو للرياض نيشان بما انهم بزوج عيانين مقادرين على والو….. وصلو دخلت ياسمين ساك متوسط كانت دايرا فيه داكشي اللي جابت لسميرة و البنات…..
يتبع
التعليقات 0