الرجوع إلى القصة
عبق الياسمين
الفصل 6 • 117 دقائق تقريباً • 13/10/2026

الفصل 6

قصة عبق الياسمين بقلم Aya Oulaaidi على Qisatok
قصة عبق الياسمين الفصل 6

بعد السلام و الاحضان و داكشي عطات لسميرة الساك اللي فرحات بيه و عجبها الجيست اللي دارت ياسمين….. هاد الاخيرة اللي منساتش حنان اللي ديما كانو على تواصل جابت ليها تاهيا الباروك فساشي كبيرة شوية عطاتو ليها و لوخرى كدعي معاها و تشكر فيها…..

تغداو معاهم و عياو يشدو فيهم يتعشاو لكن والو مبغاوش….. جلسو شوية و ناضو خارجين….. يله غيفوتو الباب جا عندهم يوسف…..

يوسف: محمد…. ياسمين بلاتي بغيت نهضر معاكم فشي حاجة

محمد: ايه مرحبا يله تحرك معانا ولا هنا نيت

يوسف: لا هاد الموضوع خاصو جلسة نيت نمشيو لشي كافي و يكون خير

محمد: حالفين يا خويا متخليوني مع مرتي براحة وا قيلوني

ياسمين: ويليي تا حشم هههههه زيد اخويا

يوسف:(خرج معاهم تا بانو ليه وقفو قدام طوموبيل دوبلفي) هاي هاي بصحة الحديدة بدلتي ديالك اسيموحماد

محمد: لا اخا هادي راه ديال المدام

يوسف: هكاك ايوا مبروك اختي ياسمين العقبة للباطو و الطيارة

محمد:(هز اليد الصحيحة قرفدو بيها) غرق جد بابايا ايوسف راني تنصنع الصوارخ..

عبدالله: وا غي نبسطو معاك يله طلعي اختي سوقي بينااا

ياسمين: لا اخويا هاك (عطاتو الكونطاك) سوق نتا حشوووومة نتا كاين و نسوق بيك

يوسف: لا لا شدي سوقي طوموبيلتك

محمد:(حل الباب ركب و عاد دوا) زيد لا بغيتييي تسوق وكان هاديك راها غير عيات بالطريق…

طلعو شدو طريق المدينة….. وقفو قدام قهوة كبيرة عائلية صطاصيونا الطوموبيل و نزلو…. عنق محمد ياسمين جنب فرحان بيها و حتى هي الراحة باينا على وجهها…. علاقتهم عجبات يوسف بزاف و مكرهش حتى هو يعيش شي نهار شي علاقة بحالها….. خداو طبلة حدا شوميني اللي كان شاعل فيه العواد مسخن القضية….. داو و جابو فالهضرة شوية عاد قرر يوسف يدخل فالموضوع….

يوسف: الصراحة معرفتش كيفاش نهضر فهاد الموضوع و ماعرفت مانقول

محمد: ياودي غا بلزهااااا شحال فعمر الدري

يوسف: علاش داوي نتاااا

محمد: داوي على هادي اللي حملت منك و قالتلك تزوج بيا ولا نشوهك

ياسمين: اويلي محااامد ههههههههه خليه يهضر باراكا من البسالة

محمد:(قرب و دوا فوذنها بهمس) هاااد محاااامد تتفيق الراگد تتفكرني غا فالناموسية (ضرباتو ياسمين بيدها حشمانة) هههههه يلاه اسي قول اللي عندك

يوسف: مغندويش معاك نتا بحيت ميكروب غندوي مع ختي ياسمين

ياسمين: خليه راه باغي غا يضحك و يتفلا

محمد: خلينييي اختي نضحك مالك بغيتيني نموت صغييير اغي صبري عليا غدا نحيد هاد الگبص من يدي و تفرجي

يوسف: ماعندك عقل المهم اختي انا بغيت نهضر معاك على ود حنان

ياسمين: مالها ياكما كاين باس قلقاتك فشي حاجة

محمد: تي اشمن قلقاتو السيد راه مزعوط شو كيتايدير

يوسف: نوض اخويا سير غبر كمارتك خليني نهضر…. لا ختي بالعكس معمرها دارت شي حاجة خايبة غير بغيتك فواحد البلان ايلا سمحتي

ياسمين: ايه اخويا على الراس و العين

يوسف: بغيتها ان شاء الله للزواج و مقدرتش نقوليها والو خليت تتهضري معاها نتي و تشوفي اشنو تحت راسها عاد يهضرو معاها الدار حيت امكن ماعندها تا عائلة من عندمن نخطبوها

محمد:(بجدية) اشوف اسيدي ديك بنت الناس نهار تلاقينا معاها ولات ختي و دابا بغيتيها غتقصدني انا و تخطبها من عندي انا انا و ياسمين هوما عائلتها….

يوسف: حتى هذا نظر اش قلتي اياسمين

ياسمين: ماعندي حتى مشكل بالعكس فرحت ليكم بجوجكم مزيانين و واتيتو بعضياتكم الله يكمل بالخير…..ولكن اللي نقولك تهلا فيها راها بنت الناس و يكفيها اللي عاشتو..

يوسف: ما توصينيش عليها فهمتها و عرفتها درويشة و بنت باب الله و كون كانت غير هكا منكملش معاها حتى كلمة…..

كملو جلستهم حتى صافي عياو و ياسمين بدات تتحس براسها كيتقال عليها و شي مرضة جاياها فالطريق ….. ناضو بعدما خلص يوسف و اصر عليهم يمشيو للدار و هو غيشد طاكسي فعلا مشاو للدار مع دخلات ياسمين مشات تتجري لطواليط تتبوع ردات غذا و قهوة و كولشي و محمد موراها بقوة الخلعة خلا باب الدار محلول تيدوز على ظهرها….

ردات كولشي حتى كانت غتلوح مصارنها و ناضت سخفااانة و الدوخة قاتلاها و محمد شادها بسيف محناه الجبيرة….. تكات فالبيت و حطت راسها على الوسادة كتحس بالبيت كيدور و راسها ثقيل….. فالبلاصة محمد جاب ليها عصير ديال الليمون شربو ليها بزز غي تگعد قلبها و تحيد ديك التبويعة……

خدات بارفان ديالها و رشاتو فالسرير و الوسادة و البيت كامل على و عسى تحيد ريحة ديال الزفورة اللي تتخليها باغا تزيد ترد….. محمد جالس حدا راسها مخلوع تيحك فشعرها حتى سمع شخيرات خفاف…. طل عليها لقاها بحال شي ملاك ناعسة جر عليها الغطا و ناض من حداها خرج للكوزينة خدا غير كاس ديال العصير و كما گااارو عاد رجع حداها و نعس معنقهاا……

يوسف اللي خدا طاكسي داه للرياض دخل لقا كل واحد مخشي فبيتو خصوصا البرد….. طلع الفوق لبيت ولدو لقا ضو شاعل حل الباب لقاه متكي فالناموسية و حنان معنقاه ليها كتحك فشعرو و تفرج معاه فالرسوم……

سهى فداك المنظر و شحاااال عجبو لدرجة قلبو نبض بعنف…. مهضرش بقا واقف و محسش بشحال ديال الوقت وقف حتى هزات عينها بصدفة و شافتو….. بغات تنوض لكن دار ليها بيدو حركة ديال غي جلسي….. تمشى حتى هو للجيهة الثانية ديال ولدو و جلس حداه….. شافو ولدو باسو فرحان و دار ابتسم لحنان اللي بادلاتو بدورها بابتسامة دافئة….. عنقو و بالصدفة جات يدو فيد حنان…..

بغات تحيدها لكن شدها ليها و زير عليها…. شافت فيه لقاتو كيشوف فيها بهيام و عينيه كيوصلو ليه دوك الحوايج اللي مقدرش فمو ينبس بيهم……

حدرات عينيها حشمانة و يدها مازال فيدو كيتحسس نعومة يدهاااا…. للحظة هزات عينها فيه و هزها حتى هو و فلحظة ضعف قربو لبعضياتهم و زادو قربو حتى لقاو ريوسهم منغامسين فقبلة رقيقة كتنبض بالمشاعر….. بعدات بسرعة ملي وعات براسها و ناضت طافجة هزات كاب كانت لابساه و خرجات تتجري…..

و يوسف فيناهو مازال ذايب فاحساس القبلة اللي خلاه يبغي كثر….. حلاوة شفايفها و رطوبيتهم خلاوه ينسى اي ملمس قاسو من قبل….. حس براسو غارق فالعسل….. ملي عاق بيها خرجات ناض من حدا ولدو باسو و قاد عليه الغطا حتى يرجع عندو و خرج تيقلب عليها بعينيه…..

ملقاهاش عرفها غتكوو فالسطح يله طالع داز من حدا واحد الكوان فالدروج خاوي لقاها جالسا فيه دافنة راسها بين ركابيها و كتنخصص عرفها كتبكي….. عقد حواجبو و توجه عندها…..

يوسف: حنااان هزي راسك و باراكا من البكا (مسمعاتش ليه حتى ريح حداها و هز ليها راسها حتى شافت فيه عينيها غارقين فالدموع) دابا لاش تتبكي مالك

حنان: اناااا ماشي هكاك هئهئهئهئ انا ماشي خايبة

يوسف: واعرفتك ماشي خايبة انااا اللي خايب غا سكتي باراكا

حنان: انااا مبغيتش نكون هكاك مبغيتش

عبدالله:حنااااان (خدا وجهها بيدو باش تشوف فيه و كمل بجدية) تسنتي ليا انا عارفك مزيانة و ماشي هكاك و كولشي غيتصلح نوضي دابا غسلي وجهك و سيري تنعسي يله…..

ناضت مازال كتخنصص مخلياه جالس فنفس البلاصة كيفكر فطينة هاد البنت اللي قلبت ليه حياتو سفاها على علاها و تزادو سبب اخر باش يبغيها زوجة بيه و ام لولدو…..

نعل الشيطان و ناض لعند ولدو لقاه نعس مخلي كولشي مشعول طفاه عليه و غطاه مزيان و مشا لبيتو…..

صباح الحنة ديال شيماء….. الدار كتنغل….. عائلة حفيظة جاو و حتى ام اميمة و ختها لكن هي مجاتش……على الصباح خوا يوسف الرياض معندو جهد يتلاقا مع حد…… حنان فالكوزينة ظهرها غيتقسم…..

الفطور طاب و تحط على ثلاثة المرات….. و كل مرة يجي واحد يبغي شي حاجة…… بلا ضسارة ديال ولاد عائلة حفيظة اللي خلاتهاااا تجلس فالكوزينة متخرجش كونمااااا تيسير اللي مونساها…..

كتغسل فالماعن حتى دخلات ياسمين اللي عاد جات سلمات عليها و سولو على احوال بعضهم….. ياسمين اللي فاقت بيخير شوية على الليلة اللي قبل و واخا قالها محمد متمشيش لكن اصرات بحجة مجاتش….. وصلاتو للطبيب فين غيحيد جبيرة و كملت للرياض…..

بقات جالسا مع حنان شوية و ناضت لبيتها….. شوية كتسمع حنان شي واحد كيعيط ليها…..مسحت يدها فالفواطة و خرجات لقاتها سميرة….. يله بغات تمشي عندها تا سمعات صوت صغير كيعيط ماما حنان…. دارت لقاتو محمد امين اللي كان جالس عند جداه ماين ماما….. دارت كضحك حلات ليه يديها يله بغا يجري عندها وهي تشدو جداه…..

الجدة: اجي فين غادي شكون هاد ماماك حنان

محمد أمين: هاديك (كيشير ليها) ماما حنان خليني نمشي عندها

الجدة:(طلعاتها و هبطاتها عرفاتها خدامة دوات بصوت مسموع لكولشي) اييييوا تباااااارك الله على ولد بنتي اللي ولا تيعيط لخدامة ماما هادشي اللي بقاااا

سميرة: نعلي الشيطان اختي و عرفي اش تتقولي البنت راها بنت الدار و الولد مولفها

الجدة: مكاين مايتقال الالة ولد بنتي عندو ام وحدة متوصلهاش حتى فظفرها تجي تبدا طمع فالولد فعايل بنات الحرام راه معروفين……تصيد البو بولدوووو

حفيظة: حشمي شوية و سكتي واش باغا غير تنوضي الصداع

الجدة: مابغا نوض تا صداع غي هو منرضاش شي موسخة تجي بلاصة بنتي

سميرة:(طلعليها الدم ديال بصح خصوصا ملي شافت حنان مشات كتبكي للكوزينة) الااااالة من الصباح و حنا ناعلين الشيطان و ماباغينش نخصرو هاد اللامة و نتي زايدة فيها وااااا وعاي شوية و نعلي الشيطان..

الجدة:(زادت رفعات صوتها غرادها تنوض الصداع) ايوا مزيييان تباااارك الله جينا نحضرو لليلة بنت ختي غنوليو نتعايرو من عند اللي يسوا و اللي ميسواش…..

داخل محمد بعدما حيد الجبيرة و عجز يمشي تال الدار يهز الطوموبيل رجع غي لعند ياسمين حتى سمع الصداع و قوة اللغا دخل مع هضرة خت حفيظة دوا بصوت جدي…..

محمد: اش كاين اش واقع هنا ياك لاباس صوتكم مسموع حتى لبرااا

سميرة: لا والو اولدي مكاين والو على سلامتك ملي حيدتي الجبيرة

نسرين:(اللي كانت جالسا و حضرت لكولشي و عصباتها الهضرة اللي قالت لحنان جات حداه و سرسبات ليه كولشي) و هذا مكان اخويا الله يعاون (هربات ملى شافت مها تتخنزر فيها)

محمد:(تعصب و ضرب فيها واحد تخنزيرة ماهمو لا كبر سنها لا والو اللي عارف انه اللي محترم يحتارمو) سمعينييي الالة هاديك اللي قلتي عليها خدامة حسن من الف وحدة و بنت هاد الدار و داك الولد لقا فيها الخير اللي ملقاهش فمو و ايلا على فعايل بنات الحرام راك باينا غتكوني كتعرفيهم مزييياااان جيتي ضيفة مرحبا بيك دوزي النهار و سيري باحترامك ماشي تجي تبغي تلعبي العشرة على بنادم هنايا و اللي هضر معاك طليه جي باحترامك و سيري باحترامك و فوتي عليك ديك بنت الناس ولا غتشوفي اللي ميعجبكش(زاد رفع صوتو) و هاد الهضرة لگاع مالين الدار احتارموووو ديك البنت و فوتوها واللي بغا شي حاجة يقضيها راسو…..

لاح ليهم ديك الهضرة و طلع فالدروج مخليهم غير كيشوفو…. ياسمين كانت مع حنان فالكوزينة سمعات كولشي و ابتاسمت بحب على الطريقة باش دافع على حنان…..

ناضت خت حفيظة تتنتر بغات تخرج هي و بنتها شداتها حفيظة ملي مبغاتش خلاتها على خاطرها حتى هي عصباتهااااا لبست جلابتها و زادت مع الطريق….. و الباقي كل واحد دخل سوق راسو و تمكن فبلاصتو و الدراري خرجو خواو الدار گااااع…..

طلع محمد للبيت ملقاش ياسمين هبط تيقلب عليها حتى لقاها فالكوزينة هي و حنان و تيسير…..

محمد:(وجه كلامو لحنان) مديريش فبالك اختي راك شفتي باغا غا تنوض الصداع و صافي

حنان: ربي يخليك اخويا و يسهل عليك و يعلي مقامك كيما ديما معلي بمقامي

محمد:(بابتسامة) امين اختي…. ياسمين اجي معايا (مشات معاه حتى وصلو للباب شدها من خصرها بيد و بالثانية اللي مازال كضرووو و مكيحركهاش مزيان حتى يدير الترويض دوزها على حنيكاتها) كيبقاااا حبيبي شوية

ياسمين: الحمد لله مزيان دابا نتا حيدتي الگبص على السلامة..

محمد: حيدتوووو واخا محني مازال خاصها الترويض

ياسمين: تمشي دير الترويض و ترجع لاباس ابب

محمد: لاباس دابا غا وريني نشوف منين غيخرجو وليداتي

ياسمين:ههههههه باسل باسل دابا شنو خاصك خرج راه الدار عامرة عيالات

محمد: انا من غيرك احبيبي متيبان ليا حد (نزل على فمها جرو ليها ببوسة و عضة حتى طوش الدم) احححح علك حلوة

ياسمين:(كمشت وجهها بألم و هزات يدها كتقلب فيه لقاتو كيجري بالدم و حمر) عيقتي امحمد شوف شنو درتي ليا واه وليتي مجعور

محمد: امالك حشمتي غا حبيبك ازاين اري اري سوارت ديال الطوموبيل عطلتينييي

ياسمين:(خشات يدها فجيب جبدات الكونطاك عطاتو ليه) شد شد و عنداك تنسا الفاليز اللي خليت فالدار جيبها ليا ملي تجي لغذا

محمد: حبيبة الدار مخلطة غنتغدا برا و ندوزها ليك (باسها ففمها برقة) كنبغييييك

ياسمين:(عنقاتو بحب) احح تنموت عليك يله باي باي….

خرج مع الباب مخليها تضحك و فمها كيعگرها مشات نيشان لبيتها لقات العضة فالشنوفة تحتية تتبان زرقة مسحاتها بكريم و دارت عكر يدق شوهتها و نزلات عند حنان….. وهوما جالسين بداو شي ولاد تيدخلو برزة ديال الحنة خضرة…. داكشي ديالها……

تحط لغداااا تغداو و واخا هكاك حفيظة مدازتش ختها داها سعيد تال دارها هزتها و جات لكن علمتها باش تشد فمها و تسكت…… مور الغدا جات النگافة عند شيماء….. دخلات عندها هي و البنت اللي كتصاوب الماكياج و الشعر محملين بدي فاليز كبار….. لقاوهاااا داوية فالتيلي بميوعة كتعيوج و هازة قرعة ديال الشوكولا مرة مرة تدير معلقة ففمها….. سلمو عليها وهي ماهياش هناااا…..

النگافة: يله نبداو اختي باش يله تسالي مع الوقت

شيماء:(طلعات فيها و هبطات) واخا (ناضت تقادت فالجلسة شوية وهي دور مخسرة سيفتها) شكون فيكم اللي دايرا شي ريحة مجهدة

البنت: اناا اختي ولكن ممجهداش

شيماء:(رفعات صوتها بعصبية) لا اختي مجهدة ديك الساعة مديريهاش واه بنادم ميعرفش يختار تا الريحة

النگافة:(غمزت البنت و بدات تتسايس) صافي اختي سمحي لينا….

بدات البنت خدامة و شيماء غير تتنگر حتى كرهاتهم فالنهار اللي جاو يخدمو ليهااا…. دخلات مها لقاتها تتنگر عليهم غمزاتهم بمعنى غا سايسو و خرجت تدور راسها بلا حول ولا قوة الا بالله…..

ياسمين بقات مع حنان تا جاو السرباية و داكشي و طلعاتها معاها للبيت….. دخلو جلسات حنان مشات ياسمين تتجبد فالحوايج و هاضرة معاها…..

ياسمين: ياختي محمد امين ولفك

حنان:ههههه شحال حليلو داك الوليد حتى انا عز عليا مسكين

ياسمين: تا باه الله يعمرها دار و درويش

حنان: اه السي يوسف تاهو مهلي فيا الله يسهل عليه

ياسمين: (جلسات حداها) و ايلا قلت يوسف راه طالبك للزواج

حنان:(خرجات عينيها) اويلييي واش تضحكي اختي

ياسمين: اويلي على الهبيلة واش هادشي فيه الضحك راه داويا معاك هضر معايا انا و محمد باش نهضر معاك و نشوف اش غتقولي

حنان:(حدرات راسها حشمانة) معرفت ما نقولك انا ماشي من مقامو اختي و انا غير خدامة وهو تبارك الله ولد الدار الكبيرة

ياسمين: شتي نتي والله حتى حمقة متفكريش هكا تانتي بنت الناس و يتمناك الف واحد و كون مابغاكش مغيجيش يهضر معانا

حنان: ولكن معرفتش خفت اختي والله خفت نعيش داكشي اللي عشتو مع اللول

ياسمين: شوفي اناااا خوديها گارانطي من عندي والله يوسف تا ولد الناس و غيعوضك على گاع اللي داز غير فكري و ديري بين عنيك ولدك اللي ضاع و محمد امين اللي جابو الله فبلاصتو…..

ناضت للدوش خلاتها تتفكر مع راسها….. راس كيقوليها شوفي ابنت الناس شنو دار معاك و كون كان خايب كون نهار قلتي اللي ليه مطلقة ميزگلكش ولكن بالعكس احتارمك و وقرك و ماخلا ما دار معاك اللي ميديروش معاك خوك…..

و راس كيقوليها افلانة راك متبدلي صاحيك غير بما كرف و گاع الرجال بحال بحال و ماشي بعيد لا تزوجتي بهذا تعيشي كثر من داكشي…. حارت و معرفات مادير…. بقات هكاك حايرا تا خرجات ياسمين عندها….

ياسمين: فكرتي ولا مازال و اناااا معاك فاللي اختاريتيها كوني هانيا راك ختي

حنان: معرفتش والله خفت اياسمين

ياسمين: كاين حل غتهضري معاه بينك و بينو و ديك الساعة يدير الله خير…. نساي دابا و نوضي لبسي هاد القميص اللي حطيت لك بينما لبست تا انا و اجي نصاوب ليك…

جبدات ليها فراشة زوينة عصرية الفوقي رمادي و حمرة من التحت مخدومة بعقيدات و عقيق حتال الوسط و ليزيسطراس و ياسمين جبدات قميص جوهرة ديال الزقلي فالابيض و الذهبي مخدومة بالراندة……

لبسو حوايجهم و ياسمين طلقا شعرها بعدما بوكلاتو على طولتو اما حنان جمعاتو سفينجة اللور….. دارت ليها ماكياج خفيف و نزلات لعند النسا تعاونهم…. بقات ياسمين تتسنا فمحمد يبان مع الفاليز ديالها…..بدات تدير فماكياجها تا دخل مبدل على اللبسة ديال الصباح و هاز فاليز صغيرة حطها و توجه لعند ياسمين اللي جالسا باسها بقوة فحنكها تا قفزات من برودة وجههو….

ياسمين: احححح وجهك بارد بارد

محمد: راه الزفزوفي برااا تيخبط بغينا غا نسخنو مالقينا معامن

ياسمين:(هزات فيه حاجبها) كيفااااش مالقيتي معامن

محمد:(مشا جلس فالسرير مقابل معاها) تهدني امدام داوي غا عليك كونما ركزتي على هاد الحزاق كوراحنا فدارنا تنسخنوووو ياخزيت

ياسمين: محمد راه مجاتش متحضرش راك خوهااااا

محمد: ياسمين قلبي هاد السيرة احبيبي مافيا اللي يتعصب وانا تنشوف فهاد الزين قدامي مالك عليه اختي موحال نخلي والديك تهبطي

ياسمين:هههههه حماقيتيي ولا حگا هضرت مع حنان

محمد: وشنو قالت

ياسمين: مازال مترددة و خايفا مسكينة

محمد: الصراحة راه ماشي ساهلة من حقها تخاف و شنو درتي معاها

ياسمين: قلت ليها تهضر معاه و يكون خير…

لتحت كانو النگافة و الماكييوز سالاو مع شيماء بمشقة الانفس….. نزلو بعدما حلفات عليهم حفيظة ميمشيوش واقفين قراب للكوزينة داويين….

النگافة:غي خمسة بحالها نخلي تانگافت و نقلبها مسمن قلبات ليا راسي

البنت: بزاااف على نگييير معرفتش كيفاش كايديرو معاها

النگافة: ختي هكاك مالين الفلوس قليل اللي تتلقايه متواضع

البنت: هادي اختي معرت هاد الراجل كيبغا يصبر عليها

النگافة:غيصبر بلهلا يطريه ليه على نتي معقتيش بيها

البنت: لا مالها ماعقت بوالو انا راه حمارة فهادشي

النگافة:ايوا نوضي على سلامتك راها حاملة مشفتيش الشكلاط اللي كانت كضرب بلاما تعقل و الريحة اللي خسرات سيفتها ملي شماتها

البنت:(خرجات عينيها) واااايلي بصح هادشي

النگافة: ايييه احبيبتي راني والدة ثلاثة النفوس ميخفاش عليا الحمل و الوحم و هي كتوحم عليها الراجل بهلا يحزقو ليه غيصبر..

البنت: ياختي بااااز بغيت نعرف غير هادو اللي تيحملو بلا زواج كيتايديرو باز ليهم

النگافة: على ما سمعت راها مطلقة على ولد يعني لعبات فالنوار تا شبعت و هاد الحمل غا زلق ليهم

البنت: لا حول ولا قوة الا بالله الله يستر اختي الله يستر……

بدلو الموضوع و بقاو كل مرة داوين فحاجة محسوش بالشخص اللي كان واقف وراهم مصدوم من داكشي اللي سمع…. و بدا كيذكر كو افعال شيماء هاد الايام و تصرفاتها الغريبة و فعلا تأكد انها حاملة….. لكنو كان مصدوم و معارف مايدير حاس بالارض دارت بيه…..

نزلات شيماء جلسات فالبرزة و الصالة عامرة بالنسا منهم ياسمين و مها و حنان جالسين كيضحكو خاصاهم غير دعاء اللي تعذر عليها المجيء بسبب مرض عدوزتها…. بقاو قولها و ضحك عليها و النقاشة خدامة تتنقش لشيماء اللي حتى النقاشة مسلماتش من حدة طبعها و شخصيتها القاصحة ها الملاحظات على كل حاجة ها التعياب ها حشيان الهضرة….

الحاصول شيماء هي شيماء و عمرها غتبدل حيت وقتما كتبغي تبدل كيغلب الطبع على التطبع….. حنان ناضت بعدما صيفطات ليها سميرة بنيتة صغيرة تكلم هي و ياسمين فعلا ناضو خرجو…. متوجهين لصالة اخرى صغيرة شوية من غير الصالة اللي فيها الرجال….

دخلو ليها لقاو محمد جالس بجبادور بلون كاسي كيبان شهوة منو مع الدخلة غمز ياسمين تيطلع و يهبط فيها محمقااااه بالبلدي و اللي لبستها كتجي معاها خلاتو منزل كواريه و طيرات ليه العقل لدرجة اللي يوسف معاها ميقولش هدا محمد ديال شحال هادي….

و عبدالله حتى هو يالالة بالجبادور رمادي واخد منو حتة و سبحان الله و يا محاسن الصدف جا مواتي هو و حنان اللي ملي دخلو عاقت بالبلان و حشماااات حدرات راسها معاوداتش هزاتو مخلية يوسف غير حال فمو فيها…. ايلا كانت بالبيجامة و الفواطة و تتحمقو و طير ليه العقل اش غتكون دارت فيه بالبلدي و الماكياج اللي واخا خفيف جا معاها و باااان فيها…..

جالسة سميرة بالقفطان ديال ميبرة مراية فالبوردو مخدوم بنفس اللون مع مضمة ديال الذهب و الزيف فالبوردو و الذهبي نازل شوية على شعرها مع كحيل و عكير تحلف عليها ما والدة محمد تتبان وسطهم بحالا ختهم…. و حفيظة اللي عيات و مرضاااات و ولاو تيقولو فين ايام حفيظة اللي كانت متتهدش و متتعياش ولكن الزمان هدها و الصحة غدرتها و من هنا الظالم ياخد عبرة بيلا كيجي واحد النهار و قداش ما كنتي عالي و ظالم و متحبر غطيح و ترجع كثر من ولد صغير حيت لا الفلوس كيدومو ولا الصحة كدوم كيدوم الفعل الزين و الكلمة المزيانة و ايلا كنتي مزيان راه يهزوك فوق شفارهم اما لاكنتي خايب فواخا يكون عندك الف واحد نهار طيح مغتلقى حتى واحد…..

جالسا حفيظة بقفطان بيض و شال بيض و كحل وجهها سمار بزاف و ضعااافت و بان فيها المرض…. المرض اللي عارفاه هي و الطبيب و الله…

حفيظة: زيدو ابنتي دخلو جلسو

سميرة: تبارك الله على الزينات قل اعوذ برب الفلق

ياسمين:(ابتاسمت ليها) ربي يخليك و يحفظك اخالتي (غمزت محمد بلاما يشوفها حتى واحد و رد ليها هو بوسة من عندو مزهيين الوقت)

حفيظة: ايوا اليوم هضرتنا غتكون مع حنان

حنان: اهاه اخالتي مرحبا

حفيظة: شوفي ابنتي انا قبل مندخل فالموضوع بغيت نقولك و لهاد الناس واحد الحاجة انا الحاجة اللي ندمت عليها بزاااف فحياتي هي تدخال اللي دخلت فحياة ولادي و خصوصا يوسف….. حاسة بالذنب حيت انا اللي اختاريت ليه عروستو و كنقول يمكو كون خليتو اختار بوحدو واخا يكون اختار اميمة نيت مكنتش غنحس هكا ولكن دابا حاسة بذنبو و ذنب داك الوليد عليا..

يوسف:(خدا يدها باسها ليها) متقوليش هكاك الوالدة هداك مكتاب و المكتابة توصلك توصلك و داكشي ولا ماضي نشوفو الحاضر و المستقبل اش جايبين..

سميرة: ايه عندك الحق اولدي ختي حفيظة ضروري الانسان يدوز و يندم و يصحح هكا الدنيا غادة ولكن الله اللي عارف اش مخبي اللي جاي

حفيظة: ايه عندكم الحق و انا والله شاهد عليا من نهار دخلتي لهاد الدار دخلتي لخاطري لامن ظرافتك لا من صغر عقلك ولا من كولشي و زدت فرحت ملي شفتك كيفاش دايرا مع محمد امين اللي كيقطع ليا فقلبي وليدي مسيكين (نزلو دميعاتها و مدات يدها لشالها كتمسح فيهم)

سميرة:(عنقاتها جنب كتواسي فيها و حتى هي غرغرو عينيها) متبكيش اختي تا دابا جاب ليه الله اللي تعودي و تملي الفراغ اللي فقلبوووو

حفيظة: ايه الله يشوف من حالووو….ايوا يابنتي ملي جا اليوم ولدي يوسف و قالي الواليدة بغيت نخطب (هنا يوسف شاف فحنان لقاها كتخطف منو شوفات حشمانين ابتاسم بشوية و رجع كمل مع مو) قلبي قفز قلت الله ياربي و شكون بغا يتزوج تكرفس ليه على ولدو و لكن ملي قاليا حنان بحالا طفا ليا العافية اللي كانت شاعلة فقلبي قلت ليه اولدي انا معاك حنان هي اللي غتهلى ليك فولدك و تصونو و بنت الناس تستاهل….

سميرة: الحق يتقال حنان من نهار جات عمرها هزات العين فشي واحد بنت باب الله و درويييشة و تستاهل كل خير وانا كيما قلت ليها داك النهار غنقولها قدامكم من نهار دخلت وهي مقامها من مقام ياسمين و احلام و نسرين و تيسير ايوا اش قلتي ابنتي

حنان:(عينيها فالارض و كدوي غا بزز) انا مخليتو ليا منقول والله حتى انا من نهار دخلت لهاد الدار و انا حاسباكم واليديا اللي معنديش و خير ياسمين عمرني نساه فحياتي (حطات ياسمين ايدها عليها) و محمد امين ولفتو و حاسة بيه و ربي اللي شاهد عليا ولدي اللي مولدتوش و اللي بانت ليكم ديروها انا خليت الامر فيديكم…

محمد:(غمز مو و ياسمين و حفيظة) ايه نا هذا نظر ولكن ميمنعش انك تهضري نتي و يوسف و تناقشو و تعرفو اش كاين و اش مكاين نخليوكم دابا هضرو بيناتكم….

خرجو بربعة…. مشات حفيظة و سميرة يشوفو شغالهم و محمد جر ياسمين لواحد الدخيلة لصقها مع الحيط و لصق معاها مدرقها عينيه فعينيها و شفايفهم بيناتهم سنتيم و يتلاقاو كيستنشق عطرهاا و كتستنشق عطرو….

محمد: حصلتي دابا الحوب

ياسمين:(ضحكات بغنج خلاتو غيحماق) ههههه مالي شنو درت

محمد: احححح اربي مدرتيش مدرتيش نتي راه كولك عسل

ياسمين:(عضات على شنايفها) و نتا الحلاوة كولهاااا

محمد:(نزل كيبوس فعنقها و حنكها مكرهش ياكلها) مالك اختي على هاد الزين كااااامل و الحلاوة كاملة تلفتي جدي على القبلة غتمرضيني بالسكر قبل الوقت…

ياسمين: يمرض عدوك احبيبي ولا تقاس ليا شعرة منك راه راجلي و حياتي نتاااا

محمد:(بعد عليها كيدور فراسو) وااااا تعاليييي يااااا سميرة تشوووفي ولدك على حلاوة عندو واش انا هادشي كامل ديالي واكواك الحق

ياسمين:(ضحكهاااا تا ماقدات بقات تاضحك) ههههههههههههه وا ههههههههههههه ديالك ديالك

محمد:(زاد لصق معاها تتهز صدرها و تبغج) شوووو هاد الخايبة هادي تا الضحكة تتقتل (شاف فشفايفها لقا العكر) دابا لاش دايرا داك الزبل بغينا غا نبوسوك ملقينا منين

ياسمين:هههههه ايوا ضروري واااه

محمد:(هبط عينو لقا الفرقة ديال صدرها تتبان من الفتحة ديال القميص شاف فيها بمكر) ايوا لمكانت هادي تكون هادي (و خشا راسو ففرقة صدرها كيبوس فيه)

ياسمين:(تصدمات و قفزات مبعدة) اويلييي محمد حماقيتييي ناس غيشوفونا

محمد: وااا حلالي يشوف اللي بغا يشوف

ياسمين:(قادت حوايجها و شعرها و بعدات عليه) نتا حمق و اللي تبعك كثر منك خلينيي عليك….

زادت كتقاد فحوايجها مخلياه وراها كيضحك و كيستغرب لهاد الحالة اللي وصلاتو ليه….. حمقاتو و خلاتو كي الهبيل كون يلقى يبقى غير معنقها و خاشيها فيه موحشها وهي حداه و حبها فقلبو غادي و تيزيد…..

ملي خرجو من الصالة بقات حنان جالسا فقنت و يوسف فقنت بيناتهم ميترو (مسافة الامان) هي حادرة راسها للارض حشمانة و هو تيشوفيها و يقول هاهيا غتهزو لا هاهيا غتهزو تا طاب و ناض جلس حداها مابيناتهم حتى شبر ديال تيساع…..

مد يدو هز ليها راسها حتى طلاقاو عويناتهم….. هي وجهها كلو مزنك بالحشمة وهو بسمة زوينة مرسومة على شفايفو خلاتها للحظة ترتاح و تمعن النظر فعينيه….

يوسف: راسك ديما يبقى هكا و عمرك ماتحنيه سمعتيني

حنان:(حركات راسها بايجاب) اممم

يوسف: كنظن عرفتي السبب علاش جالسين هاد الجلسة ولكن كيما انا باغي نسمع رأيك حتى نتي خاصك تسمعي رأيي من عندي (حركات ليه راسها بآه) اول حاجة و اللي عارفك اتقوليها بينك و بين راسك هي هذا باغينييي غي نربي ليه ولدو و هادي غي حيديها من بالك تاني حاجة من نهار جيتي ابنت الناس و انا كتعجبيني بظرافتك و رزانتك و زدتي كبرتي فعيني ملي عرفت قصتك و كيفاش خليتي الطريق القصيرة و الساهلة و اختاريتي الحلال اللي واخا هكاك طويلة و فيها بزااف العقبات عرفت بيلا نتي بنت الناس و حسن من الف وحدة فعمرك و ايلا كنت غنختار شي وحدة نكمل معاها حياتي غتكوني نتي و تا وحدة غيرك…. واللي خلاني نزرب فهاد القرار هو معاملتك لولدي اللي منكذبش علك كان مخليني متردد ففكرة الزواج و حارقني فقلبي كيفاش كيشوف ولاد فعمرو مع امهاتهم وهو لا لكن جيتي نتي بحال شي ملاك و ضميتيه. دابا ابنت الناس انا بغيتك تكوني مرتي قدام الله و الناس و تكوني ام ولادي ان شاء الله و اش بان ليك…

حنان: احم كيفما جيتيني نتا للصراحة تا انااا غنكون صريحة معاك…. من نهار هضرنا فالسطح و عاودتي ليا قصتك عرفتك متستاهلش نحطك فديك التشبيه مع لوخرين و مرة على مرة تتكبر فعيني و كنعرفك راجل ولكن منكذبش علك خايفا خايفا بزاااف..

يوسف: انا من جيهتي ابنت الناس نعطيك عهد الله حتى نصونك و نتقي فيك الله و سبقلي قتلك عمرك تجمعي كولشي

حنان:(حشمات حدرت راسها تاني)

يوسف: السكوت علامة الرضا ابنت الناس و كيما قلت لك ثيقتك فيا والله ما تمشي هكاك(وقف قدامها و تحنى على جبينها طالع بوسة كتحمل كل معاني الاحترام و التقدير)….

خرج و حلاها حيت عرفها غتكون محرجة و فعلا حشمات ولكن مندماتش على قرارها عرفات انها اختارت الشخص الصح….. بقات شي خمس دقايق عاد خرجات مع الدفوع داخل….. الدقايقية كيشطحو و اخرين هازين الطيافر و العريس جاي مع مو…..

وقفات حدا ياسمين و مها و احلام كيشوفو حتى تصدمات….. حكات عينيها و عودت شافت….. فمها تلجم و جاتها السخفة ماحسات تا شدات فيد ياسمين و بغات طيح كونما شداتها ياسمين….

عينيها معلقين عليه و متقين و عقلها رافض يتيق تتقول ميمكنش….. واش الدنيا صغيرة تال هاد الدرجة باش يجي تال الدار اللي ناوية تكمل فيها حياتها و يتزوج بوحدة منهم……. ياسمين تتسولها اش بيها وهي وذنيها مصمكين مكيسمعوش شنو داير بيها……

بعدما كان كيدور عينو على الحضور كاملين راسم ضحكة عريضة نفسها راسماها مو ماشي ديال الفرح و انما ديال الطمع….. جات عينو فعينها وبلاما يحس ضحكتو تجمعات و وقف…… استغربو الناس و مو نغزاتو والو كان حتى هو مصدوم ف اش كيشوف….. رغم انها مبدلة لكن ميمكنش مايعرفهاش وهي اول ضحية ليها…..

اول شخص غيتعلم فيه كيفاش يكون شماتة…… شافت مو فين كتشوف و تصدمت هي لوخرى……شعور كيحسو بيه ثلاثة الاشخاص فوقيتة وحدة….. لكن كل شخص و باش مقرون عندو داك الشعور….. حنان تتحس بالصدمة و الحزن و الغضب…… ايوب بالصدمة و الاستغراب من اش كدير هنا….. و مو بالصدمة و الغيض من انها يله تفكات منها……

حنان مقدراتش تستحمل كثر طلقت من ياسمين و مشات كتجري فاتجاه الدروج طالعا للسطح…… هو عاق ملي نغزاتو مو و زاد مرفوع لا هو لا مو نيت….. ناحية البرزة فين كانت شيماء جالسا و مابحالها حد ضحكتها تال وذنين….. ناقشة ليدين و الرجلين و فرحانة حتى ما قدات…..

جلس حداها مرفوع حتى كولشي لاحظ حالتو واخا عيات تنغزو مو و شيماء لكن حاس فشكل…… الفعل ديال انه يشوف طليقتو اللي فقرارة نفسو مقادرش ينكر انه ظلمها و تعدى عليها و اللي كانت رغم الظروف اللي عايشة فيها و معاملة الجفاف اللي كانو كيعاملوها بيها كانت زوينة ولكن دابا وهو كيشوفيها وزنها زاد و الخير بان عليها حس فشكل…….

فالسطح سميرة جالسا و محمد حداها حادر راسو و هي تتهضر بفقصة و صدمة هي الاخرى لكن صدمتها كانت بوحدها……

سميرة:(كتمشي و تجي قدام محمد اللي حادر راسو كيخمم) كنتي عااااارف يااااك عليها محضرتيش هزيتي مرتك و زدتي

محمد: كنت عارف الواليدة ولكن مبغيتش ندخل حيت عارف راسي خايب..

سميرة: مصيبة ايلا عرف باك ولا حفيظة مصيبة مارتاحت حتى دارتها عاد بردات

محمد: الواليدة نجيك من التالي انا خرجت سوقها واللي بغات ديرو ديرو واش اللي مضرباتش الحساب لولدها و باها عاد ضرب ليك ولا ليا الحساب خليها هاديك مشات ضاعت….

قبل مايكمل هضرتو دخلات حنان كتنهج و تبكي و تشهق…… كانت فواحد الحالة هستيرية مكيبان ليها حتى واحد مع شافوها مشات تتجري سميرة شداتها من يدها تتسولها مالها…..

سميرة: امالك ابنتي اش عندك مااالك ياك لاباس

حنان:(كتبكي و تهضر بكلمات غير مفهومة) هنا لاش هئهئهئهئ تابعني لاش

محمد: تهدني اختي غير نفهمو بعدا (جبد تيليفونو دوز نمرة يوسف) الو فينك اصاحبي….. شوف ياسمين و طلعو للسطح دابا…… جلسيها الواليدة بعدا

سميرة:(جراتها بشوية حتى جلسات و عنقاتها جنب حتى بدات تتهدن شوية) امالك ابنتي خلعتينا مالك اش عندك….

دخل يوسف كيجري و تبعاتو ياسمين مع وصل لقاها كتبكي مشت بلاما يحس جلس حداها و خدا يدها مابقا دايها فحتى واحد من غير هادي اللي كتبكي قدامو و كتقطع ليه فقلبو….

يوسف: حنان شوفي فيا شوفي (هزات عينها فيه) لاش تتبكي مالك واش على الهضرة ديال قبيلة واش مبغيتيش (حركات راسها بلا) وشنو مالك (دار عند ياسمين) واش معرفتيش اختي مالها

ياسمين: لا كانو مدخلين الدفوع و حنا واقفين حتى تصدمات و كانت غطيح شوية مشات تتجري مافهمت انا والو

حنان:(دوات بصوت مبحوح و مخنوق) مازال تابعني حتال هنا هئهئهئ

سميرة: شكون هذا ابنتي واش دوا معاك شي واحد ربي لا قولي راه قلبي مبقاش مستحمل

يوسف: حنان غير قولي شكون هذا اللي هضر معاك والله لا بقات ضوات بولتو غا قولي..

يوسف: حنان غير قولي شكون هذا اللي هضر معاك والله لا بقات ضوات بولتو غا قولي..

حنان: العريس اللي غيتزوج بشيماء هو هداك اللي كنت مزوجة بيه

ياسمين: كيفاااااش (غوتات بلاما تحس معبرة على صدمتها…. اللي مكانتش قل من الاخرين لكن اكثرية هي و يوسف حيت عاودت ليهم شنو دوزت معاه)

يوسف: واش هو داك الكلب متأكدة ولا غير تغالط لك

حنان:(هزات فيه عينيها حمرين بنظرة قطعات ليه قلبو) واخا يتخلط ليا بين مليون واحد نعرفو

سميرة: الله ياربي اش هاد المكتوب و هاد الدنيا شحال قصيرة تهدني ابنتي دابا ماعندك لاش تبكي

ياسمين: حنان شوفي فيا اصاحبتي اش قلنا نتي دابا ماشي على ذمتو و تجاوزتي ديك المرحلة ماعندك لاش تخافي منوووو

يوسف:(بانفعال) تخااااف منوووو معاش ولا كان هذا اللي يخلعها يقرب ليها نحسب ربي ماخلقووووو اساسا ذاك الشماااااتة مازااااال نذوقو المرار (عض خدو من الداخل بفقصة)

محمد:(جرو من يدو كيدوي معاه بهداوة) تهدن اصاحبي غتزيد تخلع الدرية و مفهمتش كيفاش مستعقلتووووش النهار اللول اصاحبي شايفو معاها عند الطبيبة

يوسف:(شاف فيه مخنزر) كنتي عارف داك الكلب

محمد: كااالم اصاحبي راه معقلتش عليييه و على الفعايل اللي كان كيدير مزيان ملي معقلتش عليه ماكنتش عاطيه اهمية

يوسف: ياويلي غييير يفكر يقرب ليها ولا يعاود داكشي نعذب اصل مووو

محمد:(ضربو بخفة لورا عنقو) ششش بالهدااااوة ايوسف تفكر الواليد و الواليدة بالعقل اصاحبي….

بقاو جالسين تما جاية لربع ساعة حتى تهدنااااات و حيدات منها البكية هاد نزلو….. سبقوهم كاملين و بقات مع يوسف اللور….

يوسف: سمعيني احنان نتي من دابا محسوبة عليا و منبغيك تخافي من حتى حاجة حيت مغنخلي حتى حد يآذيك فهمتينيييي…

حنان: ماخفتش ايوسف ولكن تجمع عليا كولشي حسيت فشكل راه ماشي ساهل اللي كيدوز عليا

يوسف: وانا ساهل عندي انا مكرهتش نهبط نجرو نبقا على ديلمو تا نمحي ليه الملامح ولكن داروها الظروف

حنان:(وقفات و شدات يدو عينيها فعينيه) شكرااا بزاااف ايوسف حيت ديما واقف معايا خيرك منساهش

يوسف:(خذا يدها باسها) نتي راك حمقة من دابا الفوق نتي راك انا مني و فيا و اي واحد قاصك قاصني و دابا غنفاريو هاد البلان….

شابك يدو مع يدها و نزل لقا لوخرين واقفين ضحكو ملي شافوهم هكاك….. و زاد بيها يوسف بلا حشمة بلا حيا قدام الكل تا تقابل مع شيماء اللي مداتهاش فيهم مهاماها حتى حاجة من غير اللي حداها…..

ايوب اللي تزادتو صدمة اخرى ملي شافها معامن و مشادين ليدين من الفوق…… النفس ضاقت فصدرو و كثرو عليه الصدمات حتى ما بقا عارف مايقول ولا يدير عينيه معلقين عليها هي اللي ضربات فيه تخنزيرة قاصحة و تبعاتها بشوفة ديال الاشمئزاز فمو اللي كانت تتميق فيها…..

حتى جا محمد امين كيجري عندها هزاتو باستوووو و جابتو وسطها و وسط يوسف….. كيبانو عائلة سعيدة و هالة ديال الفرحة دايرا بيهم…..

مكانش ايوب و مو هوما الاشخاص الوحيدين اللي مصدومين منهم….. صدمة ام اميمة و ختها كانو كثر….. كان مزال عندهم امل ديال ان بنتهم ترجع تعيش فالرياض فالرفاهية و الفلوس و الابهة…..

لكن املهم تبخر ملي شافو الشدة اللي داير يوسف فحنان و الشوفات اللي كيدير فيها….. بغات تهضر البنت لكن نغزاتها مهااااا و بقاو كيشوفو و يتقلاو فسمهم…..

دازت ديك العشية طويلة….. تعشاو و مشاو و بداو الدراري تيهزو البرزة ديال الحنة و حطو برزة اخرى بلاما يركبوها…… شيماء عيات و حسات بظهرها غيتقسم بلا رجليها اللي بداو تيتنفخووو…..

رجعات غي كتسوط و ماخلات فيمن عايرت لكن حتى حد مكيجاوبها كل واحد كافي نفسو شرها و كلامها اللي كيف السم…… حنان حتى هي كانت نفسيتها تحسنات شوية مبقاتش كيما اللول مع هضرة يوسف و لوخرين و وقفتهم معاها حسات واخيرا انها عندها عائلة توقف معاها ودافع عليها…..

حسات انها عندها سند فهاد الحياة….. حسات انها عندها صدر حنين ترمى عليه ملي يتشد عليها الحال….. حسات و اخيرا بالدنيا ضحكات ليها….. مور ما خرجو الناس تجمعو فالصالون حنان و سميرة و حفيظة و يوسف و محمد و ياسمين و سعيد و مرتو….

جالسا حنان حدا سميرة و ياسمين و يوسف حدا مو و باه…… تيدوي حسن مع محمد بما ان محمد قالهم انه هو اللي غيكون من طرف حنان و غيخطبوها منو….. وشحال فرحات و بكات و دعات معاهم حتى عيات….. فعلا فعل مايحس بقيمتو غير المحروم بحالها…..

حسن: ايوا اسي محمد حنا اليوم جينا طالبين فيد بنتكم حنان لولدنا يوسف هههههه (ضحكو كاملين)

محمد: اش غنقولك اسيدي بنتي مازال باغا تكمل قرايتها راه خطبها بيلوط گاع و مقبلاتش (ضحك الكل حتى سالاو و رجع كمل بجدية) انا من جهتي يتهلا فيها و يصونها و يخاف فيها الله هذا هو المهم و لما باقي غتكون الكلمة كلمتها هي اللي غتقرر و هي اللي غتشرط بنتنا راه مارخيصاش علينا (كمل هضرتو و ضحك مخلي ياسمين غا حالة فمها فديك الضحيكة و ديك الهضرة و كمية الرجولة و الهيبة اللي عندو بقات غا فاهيا فيه تا شافيها هكاك و غمزها عاد جمعت راسها)

يوسف: انا قدامكم و قدام الله كنعطيها عهد الله اني نصونها و نخاف عليها و نحسبها طرف مني و عمرني نقلقها ولا نظلمها….

حسن:الله يرضي علك اولدي و دابا خاص غا لالة العروسة تعطينا الموافقة ديالها اش قلتي ابنتي

حنان:(حدرات راسها كتبتاسم بحياء ماقدات تقول تا كلمة)

حفيظة: ايوا السكوت علامة الرضا مبروك عليكم اوليداتي والله يكمل عليكم بالخير…

ناضو يوسف و حنان باسو يدين الكبار و سلمو على ياسمين و محمد ياسمين اللي عنقت حنان بفرحة كأنها ختها من لحمها و دمهاااا اللي تزوجت….. فرحت ليها و دعات معاها بتيسير و بينات ليها على طيبة قلبها و زادت كبرت فعينين محمد واخا عمرو قالها شي حاجة….

لكن محمد من النوع اللي كيلاحظ ابسط الاشياء….. يعني ابسط حاجة كيلاحظها يقدر شي مرات يقول و لكن فغالب الاحيان تيخلي داكشي بينو و بين نفسو كيحلل بينو و بين نفسو و ياخد قرارات بينو و بين نفسو و هاد النوع غالبا مكيكون صعيب…..

يعني تخيل انك تكون كدير شي حوايج بعفوية و يحللها هو بينو و بين نفسو بدون ميسولك او يشوف رأيك و كذا ولكن فنفس الوقت مزيان الواحد يكون يلاحظ و يميز….. على عكس ياسمين اللي قليل فين كتلاحظ بحال هاد الامور و حتى يلا شافت شي حاجة معجبتهاش تتقولها….. لكن هاد الاختلاف فشخصياتهم هو اللي مخليهم متكاملين….

الصباح بكري مع جوايه الثمنية ناضت ياسمين من حدا محمد لابسة كولون و تريكو سخان ديال البرد…… لبسات بينوار سخون و دخلات لطواليط قدات حاجتها (حشاكم)….. ملي خرجات تخبط ليها باب طواليط بلاما تحس…..

عضات على لسانها حتى سمعات محمد كيهمهم بسميتها بصوت مبحوح بالنعاس….

محمد:ياسمين مالك احم

ياسمين: ماماليش غا تخبط الباب غير رجع تنعس

محمد: و اجي تانتي تنعسي مازال الحال

ياسمين: لا غنهبط نعاون خالتي غير نعس

محمد:(تقاد فالجلسة حتى تقابل معاها شعرو مشعكك و عينيه ناعسين) كيفاش اختي فاش باغا تعاوني خالتك و خالتك براسها غدوز تريح

ياسمين:(خرجات فيه عينيها) اويلي امحمد حماقيتي الدار عامرا شكون بغا يفطر الناس

محمد:(تخنزر فيها و ناض كاعي) دخلي عينيك بعداااا و ماشي الدار كتنغل بالعيالات تنوضي نتي و خالتك و ديك بنت الناس ديرو ليهم الفطور نوضتيني دابا و حالفا تا تكعيني جلسي لرض هانا راجع نحلو هاد المشكل (هز قبية ديالو لبسها و تيليفونو و خرج)….

هبط فالدروج مدوز لابيل لشي واحد تسنا شوية حتى جاوب….

محمد: الو خاي عمر بيخير….. الحمدلله ربي يحفظك….. محتاجك اخويا فواحد الغراض….. صيفط ليا فاطمة و نعيمة و شي بنت اخرى تكون ثقة للدار….. لا لا غا هوما و شي بنت ثقة راك عارف الدار…. يله اخويا الله يعاون….

كمل لابيل و هبط لقا الضو ديال الكوزينة مشعول دق فالباب عاد دخل حادر راسو لقا مو و حفيظة و حنان واقفين كل وحدة و اش كدير…..

محمد: صباح الخير عليكم (ردو عليه) مالكم صابحين واقفين ياك لاباس

سميرة: ايوا اولدي نوجدو للناس الفطور اما تا الغدا غيجيبو طريطور

محمد: نتوما راكم حماقيتو سيرو ترتاحو راه جايين شي بنات غيتكلفو و نتي الواليدة لبسي جلابتك ضربي معايا واحد الضربة…..

ملقاو مايقولو و حتى هوما جاتهم من الجنة و الناس لبسات سميرة جلابتها فالوقيتة فين طلع محمد للبيت لقا ياسمين جالسة فوق السرير مع دخل لقفاتو…..

ياسمين: شنو درتي و علاش مخليتينيش نهبط

محمد:(قرب لعندها حتى جلس حداها تيشوف فيها) ديال غير اللي يمرمقها مع جدك على هاد الحنانة صافي غيجيو شي عيالات و غنخرج دابا مع الواليدة نجيب الفطور واخا كون جاو عليا والله قندوح لا كلاه

ياسمين: هههههههه ياختي على الراجل نتا هو رجل المهمات الصعبة

محمد:(مد يدو قرصها من صدرها اللي كانو باينين ريوسو مع ما لابساش لي سوتيان) ونتي امل صدر هاااء امل صقر….

ياسمين: باسل هههههههه حيد خليني نوض نزل

محمد: اجي بعدا بوسي عمو (جرها طالع بوسة على فمها حتى شبع عاد طلقها) الله يرضي على بنتي…

ناض مخليها كضحك على هضرتو هز بزطامو و سوارت الطوموبيل و لبس سبرديلة…… هبط لقا سميرة لابسا خرجو كان الحو بارد….. ركبو فلوطو متوجهين لوحدة من المخبزات الكبار فالمدينة…..

دخلو و بدات سميرة تتاخد كومير الشيار كرواصا الحليب….. المهم خدات كولشي ديال الفطور بزايد بحساب الناس اللي فالرياض كاملين…… خرجو محملين طلعو داكشي للطوموبيل و رجعو للرياض…… دخلو لقاو النص فاق و بدات الهضرة تتكثر…..

العيالات بثلاثة جاو واقفة معاهم حفيظة…… و ياسمين و حنان كيديرو غي شي شغيلات خفاف مجاتهمش يبقاو بلاما يديرو والو….. الفطور وجد و تحط فالصالون على ثلاثة ديال الطبالي محملين بالخير و الخمير كولشي كاين….. طبيعيي اللي سولتيه على عائلة تاج الدين يقولك الجود و الكرم و الدار الكبيرة……

تحط الفطور اللول و تهز و رجع تحط الثاني….. و عاد هابطا لالة العروسة فبيجامة بيضة ببينوارها و الحنة حمرة فيديها كتمختر….. دخلات للصالة ماسلمات على حد جلسات فالطبلة….. جالسين النسا كاملين بما فيهم حنان…. حتى دوات شيماء بسم و كره كيما عادتها….

شيماء: ماما سمعت بيلا يوسف خطب

حفيظة: ايه ابنيتي خطب حنان و ان شاء الله يحيد هادشي ديالك و نباليو بيهم

شيماء:(شافت فحنان طلعاتها و هبطاتها تحت نظرات الكل و كملت) ايوا مزيان ولكن اللي فخباري هي مطلقة ولا لا

سميرة: ايه مطلقة و حتى يوسف مطلق و زايدون مكاين حتى عيب

شيماء: ايوا سمحي ليا اخالتي المرة ماشي بحال الراجل المرة خاصها تكون لالة و مولاتي باش تعاود التزويجة و عاد المطلقة تتكون الطريق عندها مسرحة يعني معرفتي اش دوزات..

حنان:(تصدمت من هضرتها و حسات بالظلم حسات بيها كطعنها فشرفها و حتى لهنا و مقدراتش تسكت يكفي انها سكتات ليها مرة وحدة) ياك اختي شيماء حتى نتي طلقتي و على ولد من الفوق و عاد عاودتي تزوجتي اذن عادي مافيها عيب….

شيماء:(خنزرات فيها و دوات بصوت قاصح) اش بغيتييي تقصدي كتقارني راسك نتييي بيا اناااا انا احبيبتي رااااه غيييير

سميرة:(فخاطرها لا باينا غير) شيماء كولي و خلي النهار يدوز بيخير لا يصدق مجبود شي صداع كحل نتي مقداش عليه و اللي فالدنيا يطلب السلامة (غمزتها)

شيماء:(وصلات ليها الفكرة و عرفت ان سميرة عارفا و ماشي من مصلاحتها تزيد تقاجح معاها كملت كاسها و ناضت كتعيوج لكن مقداتش متلوحش كلمة اخيرة) ايواااا غير ردي بالك احبيبة الرجال راه تيموتو على الحرام و الحلال صعيب ضربي الفگد فراسك…..

خرجات و خلات شي مشفي فحنان و باغيها فيها….. شي فاقصاه بهضرتها اللي ماليها معنى…… شي غير كيشوف فتقصيحة وجهها حيت هادشي اللي تتقول فيه هي غارقا فيه تال وذنيها و شكون عرف كونما ديك الكرش كوراها باقا تسكسك فالحرام…..

الحاصول و كيما كيقول المثل الجمل كيشوف غا حدبة خوه مكيشوفش ديالو هي ديال حنان….. و اللي تيكون كينصح و كيعيب هو اللي كيكون غارق فالعيب تال وذنيه…..

بعدما تافقو حنان و ياسمين و احلام يمشيو لصالون يقادو الحالة و يلبسو عند ياسمين عاد يجيو…. غادة حنان لبيتها كتخمم منين غيجيها باش تكري قفطان تلبسو و منين غيجيها باش تخلص الصالون وهي اللي شاط من خلصتها يله يكري ليها قفيطين على قد الحال…..

ماكرهاتش تاهيا تلبس بحال گراناتها شي قفطان زوين و غالي و تمشي حتى هي للصالون تقاد الحالة و تبان كيف البنات قدها لكن دارتها قلة الشي و الفقر اللي ولفاتوووو…. ولفت انها تشهى الحاجة ولكن متلقاش منين تجيبها….. غادة مرفوعة حتى سمعات شي واحد كيعيط ليها دارت لقاتو يوسف كيعيط ليها…..

وقفات حتى وصل عندها…..

يوسف: صباح الخير حنان كيصبحتي مزيان

حنان:(بابتسامة بشوشة مزينة ملامحها) الحمد لله مزيانة و نتاااا

يوسف: حسن من اي مرة قاتليا احلام غتمشيو للصالون اليوم

حنان: اه غنمشيو

يوسف:(مد يدو لجيبو جبد كارط ديال البنكة مع وريقة مطوية مدها ليها) هاكي هادي خلصي بيها اللي بغيتي راه الكود فالورقة

حنان: لا لا واللهتا عندي غير بلاش

يوسف: يالالة عارف عندك ولكن هادو بوحدهم خودي بيهم شنو غتلبسي و تهلاي ليا فالحالة اللي تشهاتها نفسك ديريها

حنان: ولكن والله حتى بزاف هادشي تيليفون و الفلوس منقدرش

يوسف:(قرب لعندها و خدا يدها بين يديه) نتي دابا راك وليتي مرتي قدام الله و من حقك نصرف عليك و منخليك محتاجة لوالو واشدي دابا الله يرضي عليك باش يقولو يوسف دا الزين

حنان:(حشمات و ضحكات) هههههه واخا الله يخلف عليك

يوسف: تايخلف وجي حشيه ههههه صوني ليا نجيبك

حنان: لا راه غنجي مع ياسمين واش واخا ديت معايا محمد امين هنا عامرة

يوسف: ولدك هاداك ضبري راسك معاه ديني تا انا لا بغيتي

ضحكات ليه و زادت قدامو مخلياه حاضيها من اللور و للحظة غرو الشيطان وجلس كيعبر فيها من شعرها اللي مخربق لكتيفاتها لمؤخرتها….. مالقا مايعيب فيها بالعكس عندها حقها فالزين و حقوق الناس ملقات ليهم جهد و مع التهلو تولي حسن…..

نعل الشيطان و مشا خرج فحالو فحين هي خدات ساك متوسط جمعت فيه ملابس داخلية مع اونسوبل ديال التحت سخون و الفلوس اللي كانو عندها و الكارط اللي متنكرش انها فرحت بالموقف و عجبها انه فكر فيها خصوصا انها كان شاغل بالها موضوع الفلوس…..

لبست جلابة سخونة و مشات لعند محمد امين لبساتو حتى هو حوايج سخان و هزات ليه حوايج زوينين باش يلبسهم و مشاو لمرح لقاو ياسمين و احلام واجدين خرحو ركبو فلوطو ديال ياسمين…… قرر يدوزو لعند مولات القفاطن هي اللولة…. فالطريق غادين داوين حتى سولاتهم ياسمين…..

ياسمين: البنات هادي شي 20 يوم باش قطعت الكينة و مازال مكاين والو…

احلام: زربانين ههههه راه شي مرات كتشد اصاحبتي

حنان: ايمتا خاص تجيك ليغيگل تسناي تتشوفي متزربيش

احلام: واحد صاحبتي شدات ليها الكينا شي عام و نص و ملي حملات بقات تتجيها لي غيگل حتى وصلت للثالث عاد تقطعت عليها

ياسمين: كان خاصها تجيني ولبارح غنتسنا واحد 4 ايام و ندير تيست

احلام: زربانين زعما بلاتي عليكم شوية عيشو لافي

ياسمين:هههههه الله يجعل البركة محمد بغا شي وليد و تا انا ماكرهتش شي بجيغيط يونسني

احلام: ايوا الله يسهل عليكم و نتي احنان فرحانة مع يوسف

حنان: الصراحة هو ولد الناس و دار معايا داكشي اللي ميديروش معايا لحمي ولكن منكذبش عليكم مازال خايفة….

ياسمين:(اسطاسيونات الطوموبيل و دارت عندها تتحيد فالصمطة) طبيعي داك الخوف اصاحبتي راه عادي ولكن غير غطيحو العقد و غتشوفي داك الخوف غيمشي الصراحة تستاهلو تجمعو والله بزوج بيكم عانيتو و تستاهلو ترتاح

حنان: ايوا الله يدير اللي فيها الخير اختي…..

نزلو للمحل ديال القفاطن اللي كان كبير….. رحبات بيهم مولاتو بما ان احلام كليان ديالها و بدات تتجبد ليهم فالقفاطن اخر ماخرج واحد ينسيك فلاخر….. اختارت احلام قفطان احمر بالفوقي و التحتي عامر و ثقيل مخدوم بالعقيق و الحجر و الكول ديالو جاي اوفيص مع مضمة ذهبية كيحمق خدات معاه صبيبيط دومي طالون مذهب بما انها كتبقا هازة وليدها متقدرش تعذب…..

اما ياسمين فاختارت قفطان اصفر فاتح مطروز كلو من الفوق و الكمايم و جاين طريزات هابطين لتحت بليد بالوان متناسقة مع الاصفر و حنان وحلات ماعرفات متختار بحيت خبرتها قليلة فهدشي و عرس واحد اللي حاضرا ليه هو عرسها اللي ممحسوبش تا عرس…..

تكلفت ياسمين تختار ليها وفعلا اختارت ليها قفطام ازرق ملكي حتى هو مطروز بالوان صيفية و كمايمو جايين واسعين….. اختارت معاه صباط فلون الوردي…… خرجو من تما متوجهين للصالون اللي موالفا تتمشي ليه احلام و ياسمين….

فالرياض الجري فسما و الارض….. مالين البرزة كيقادو فيها و طريطور جاب طباليه و داكشي كيقاد فيه….. مالين الدار يتجاراو من هنا لهنا الا واحد الزوج حلفو لا حطو يديهم فشي حاجة هوما محمد و يوسف من الصباح وهوما فالمحل ديال محمد سالتين بحجة الخدمة بزوج بيهم مازال ماتسرطات ليهم شمتة شيماء و مقادينش يدوزوها بجغمة ديال الما…..

شيماء اللي كانت النگافة جات غير هاد المرة زادت بنت اخرى بداو تيقادو ليها فالظفار و الشعر على تيساع….. قررات انها تلبس 5 اللبسات و مع البرد العرس كانو غيبداوه مع الخمسة باش يله يسالي بكري…..

البنات فالصالون كيتهلاو فالحالة حيدو الزغب بلاسير و حنان غواتها بقا فالسما و الارض مع اول مرة تجرب حتى من البكا بكاتو….. دارو مساج رخاو العضيمات….. طلبو الغدا تما نيت تغداو عاد بداو الظفار و الشعر و ختمو بالماكياج…..

ياسمين بوكلات شعرها على طولتو و جمعات نصو منفوخ الفوق مع مكياج ثقيل شوية واللي اول مرة كانت غتجربو جات يا سلام….. حنان لبسات محمد امين حوايجو عاد بدات تاهية الشعر اللي صاوباتو سامبل و جاي حتى لتحت عاد بوكلاتو مع مكياج خفيف مناسب بشرتها القمحية…..

اما احلام فدارت شينيون خفيفة مع مكياج خفيف….. جات كل وحدة كتقول لثانية متبانيش قدامي كيبانو كيف الحوريات….. لبسو قفاطنهم و خلصو واخا ياسمين عيات فحنان تخلص ولكن رفضت حنان و خلصت بوحدها فرحانة حتاهيا و حاسة فشكل هو غدير اللي نفسها فيه و تخلصو هي….. خرجو من الصالون مع الخمسة و نص و محمد كل مرة يصوني……

ياسمين: فضحني ياختي بالتعياط

احلام: كلهم هكاك بحالا مفطومين

حنان:(شافت فيهم كضحك) هههههه انا لا

احلام:(شافت فيها بمكر) نتي راه غا باقي حشمان منك

ياسمين: غا تسناي يدوق العسل متبقايش تزحزحي من حداه

حنان:(حشمت و ضحكت عاجبها الحال) صراحة مكنتيخلنيش انا و يوسف كنديرو شي حاجة

ياسمين:(ضحكت بقوة) ههههههههه على انا كنت نتخيل داك الميسخ عندي تنديرو شي حاجة لهلا يوريك احنينتي

احلام: فاللول مغتخليش شوية غذوقي و تحشمي شوية غتاكلي و متحشميش شوية غتولي نتي طيبي ماكلتك بالمهل…. (ضحكو على هضرتها و كملو طريقهم ضاحكين)

وصلو صوت الجوق مسموع شيماء دارت عرس نيت واخا واليديها مابغاوش لكن ماشي شيماء هي اللي تسمع هضرة واليديها…. ماشي شيماء اللي يتملى عليها شنو دير…..

شيماء هي اللي كادير اللي گالها ليها راسها ماعندها سوق فحد…… شيماء هي اللي غارقا فالعيب و تتزيد تعلم عليه….. لبسات و نگفت و تقادت و اللي شافها يحلف مامزوجة غا هو كرشها فارشاها و بدات تتبان و ملقات النگافة كيدير درقها……

الرياض عامر بالعائلة و الجوق خدام و شيماء فالبرزة تتسنى سي السيد….. داخلين البنات بثلاثة بحال الحوريات وحدة تنسيك فالاخرى و مكذبش اللي قال المغربيات اجمل نساء الكون….. من لباسنا لجمالنا لحضورنا لهيبتنا اي حاجة فالمغربية تخليك توقف احتراما و اجلالا ليها….. و المغربيات ملكات ميحتاجوش تاج لان مغربيتهم هي تاجهم……

مشات احلام من الباب للبيت تشوف بنتها و كملات ياسمين و احلام طريقهم للطبلة ديال العائلة و الانظار كلها عليهم….. كاين اللي ماعرفهومش بزوج و تيسول شكون هاد الشميعات اللي داخلات….. و كان اللي تيعيب فيهم و حاسدهم…… كاين اللي عرف ياسمين مرات محمد و تيسول شكون حنان……

وصلو للطبلة فين كانت سميرة و تيسير و نسرين و زوجات العم و مرت سعيد و مرت امين….. سلمو عليهم و جلسو كيشكرو فبعضياتهم و البنات فديك الطبلة وحدة تنسيك فلوخرى……. الجوق مشخد القضية و البنات تيشطحو و الدراري مقابلينهم و العيالات اللي عندها شي ولد بلا زواج راها راميا السنارة تصيد ليه و طبعا كلنا عارفين ان الاعراس هوما اكثر بلاصة تيتعزلو فيها العيالات لولادهم علاش تتلقاو بعض الأمهات تيقولو لبناتهم نوضو شطحو و اخرات تيقولو ليهم جلسو و كونو……

داخل محمد و يوسف و سعيد حتى هوما مشيكين على الحالة و ريحة بارفانهم كتشم منين يا منين……

ضربو على طبلة البنات يوسف شاف حنان بجنب مبانتش ليه كاملة اما محمد كانت عاطياه بالظهر…… مع وصلو رماو السلام مع جاتهم الصدمة بجوج……كل واحد مخرج عينيه فمدامتو…… من محمد اللي عمرو شافهاااا بالماكياج الثقيل و اللي فعلا صدماتو و مكانش كيكذب ملي كان كيقوليها اللي درتيها تتجي معاك…..

اما يوسف حاجة اخرى…..عينيه لمعو و قلبو ضرب….. طيرت ليه حنان العقل…… طبيعي منين تتكون تتشوف شي واحد ديما بلا ماكياج و نهار تيديرو تيبهرك….. ولكن يوسف حاجة اخرى…..ملقاش شي كلمة توصف شعورو ولا حالتو فهاد اللقطة….. اللي عارف انها عجباتو و صدماتو بجمالها حتى انه غار من العينين اللي كيشوفو فيها….. جر محمد كرسي جلس خدا مرتو و يوسف حتى هو زعم و جلس حدا حنان…..

و اللي فالطبلة كيتغامزو عليهم و يضحكووو….. بلا الحضور لاخر اللي كيما العادة مقسوم لشي عاجبينهم….. وشي حاسدينهم….. وشي محاملينهمش….. و شي معارفينهمش اصلا……

محمد:(قرب لوذن ياسمين باش تسمعو و قال) ديما مطيرة ليا عقلي ابنت الناس حني فهاد القلب مسكين

ياسمين:(ضحكت و قالت فوذنو) وا كون تشوف نتا راه بقا ليا شوية و نتف شي وحدة

محمد:(دار فيها واحد الشوفة تاضحك تا ضحكات بجهد و ضحك حتى و قال) الهضرة ماشي دابا امدام ههههههه جيتي تتحمقي احبيبة ما شاء الله

ياسمين:(ضحكات ليه حتى هي و قربات بحالا باغا تهضر فوذنو و باستو) حتى نتا جيتي زوين….

عند الكوبل ديالنا التاني جلس يوسف و عينيه على حنات اللي مقداتش تهزهم فيه و فينما علات عينها فيه تلقاه كيشوفيها ترجع تحدرهم اما هو جاتو بحال اللقوة بحال الحشمة ماعرف يقوليها جيتي زوينة ماعرف مايدير بحالا اول مرة غايجلس حدا شي بنت و راه تقريبا اول مرة غيجرب هادشي حيت اول مرة ليه كانت مع اميمة اللي مجمدة المشاعر كان كيقوليها شي كلمة زوينة تتقلب وجهها جاتو صعيبة دابا يعبر لحنان شاف تاعيا و قرب ليها و قال…..

يوسف:جيتي زوينة تبارك الله

ضحكات ليه حنان و كملات تفراجها فالناس…… وقف الجوق و تسمع صوت الدقايقية كيشطحو من برا معلنين على العريس اللي جا هو و عائلتو….. وقفو الحضور كاملين و جات طبلتهم حدا البرزة كولشي….. وقفات حنان و وقف حداها يوسف شد فيدها زير عليها شافت فيه و رمش ليها بعينيه بمعنى انني معاك و ديما واقف فجنبك……

داخل ايوب و عائلتو ضاحكين و ايوب عينيه غير كيدورو كيقلب على حنان حتى لقاها و ياريتو مشافهاااا….. عاوتاني مشادة مع يوسف بليد……. يوسف اللي يموت و مينساش ليه القتلة اللي عطاه و اللي من داك النهار عرفو اش كيسوا لا هو لا محمد……

بدا العرس كيسخن و بداو الماكل كيتعطاو للناس و حفيظة و سميرة واقفين على السربايا اما زبيدة ام ايوب كدور على الطبالي بواحد القفطان و شي ذهيبات عند بالها مالكا الدنيا وصلت لطبلة ديال العائلة كانت جالسة ياسمين حدا حنان كيضحكو حتى وقفات عليهم ناضو العيالات سلمو عليها وياسمين حتى هي سلمات مع ناضت حنان مشات و خلاتها واقفا…… ضحكت حنان و سرطتها بجغمة ديال الما و ريحات…. ضحكت لياسمين بمعنى ولفت هادشي……

دازت الليلة شاخدة عند مالين العرس تعطا العشا للناس كلاو و بدا بنادم كيمشي حتى بقاو أقرب المقربين….. جا محمد امين عند حنان مزير باش دخلو لطواليط فعلا ناضت طوات جلايل القفطان و داتو خلاتو يدخل بوحدو و بقات تتسناه حتى وقف عليها العريس بشحمه و لحمه شافتو قلبت وجهها و بعدات على البلاصة فين جاي لكن هو كان مصر تبعها حتى وصلو لحدا الباب…..

ايوب: اجي غا نهضرو معاك مالك هاربة

حنان:(بنبرة قاصحة) ماعندي مانشرك معاك و الله يخليك بعد عليا و عطيني التيساع

ايوب:نسيتي گاع داكشي اللي داز بيناتناااا صافي نسيتي ياماتناااا احنان

حنان:(غوتات فوجهو) اشمن ايام غا قوليا الله ينعل دوك الايام اللي دوزت مع كلب بحالك

ايوب:(قرب عندها و مد يدو شدها من فكها بعنف حتى دمعو عينيها)….

ايوب:(قرب عندها و مد يدو شدها من فكها بعنف حتى دمعو عينيها) تحلك الفم ابنت طيط درتي محامي و تي ضسري راك طيري ولا تنزلي غتبقاي ديالي و كلبة ديالي

حنان:(نزلو دموعها من هضرتو لكن حافظت على تخنزيرتها و جمعت الدفلة ففمها تا جمعاتها و لصقاتها ليه فوجهو) الكبير فخيلك ركبو اشماتة هداك راجل علك و متصلوش الكلب ديال بصح….

ايوب:(مسح وجهو مغلغل) كلب حيت مقتلتكش و تهنيت منك الشياطة كيما تهناو منك واليديك

حنان:(شافت فيه مصدومة من وقاحتو) الكلب غا كلب و بلاتي دابا تفرجني فيييك الايام و نتفرج فيك مزياااان اعيفة الرجال….

خرجت محمد امين و جراتو مخلياه كيغلي موراها مراضيش بإهانتها ليه….. اساسا ملي شافها البارح مرضاش كان خاصو يشوفها مازال مبهدلة و مازال تتعيش تحت الصباط….. ملي شافها تقادت فحالتها و زيانت و بان عليها الخير مرضاش يشوفها كتبني حياتها مع واحد تاني…..

مسحت دموعها و مشات بحالا ماواقع والو واخا وجهها بانت فيه الحمورية ديال التزيرة و فقلبها غصة كذبح فيها من كلامو و ذكرو لواليديها بلاما يراعي ليها ولا تكون عندو حتى ذرة انسانية يشفق على حالها…. جلست و اول من رد ليها البال هو يوسف فالبلاصة مد يدو لوجهها كيقلب و هي غير كدور فعينيها….

يوسف: مال وجهك حمر احنان اش هادشي

حنان: لا لا والو يمكن غير البومادا دارت ليا شي حساسية

يوسف:(بعدم تصديق) اممم واخا وا نوضي مسحيهااا لا تزيد تأثر علك

حنان: هاهو غيسالي و نمسحها متخافش

يوسف:(زاد قرب ليها كثر) كيفاش منخافش عليك و نتي وليتي مني و فيا

حنان:(اكتفت بابتسامة صفراء و حدرت عينيها متلفة شوفاتو)

العرس سالا و الضياف كلا قصد دارو….. شيماء بدلت عليها بجلابة بيضة و هزات باليزاتها و مشات مع راجلها مخلية ولدها مع مها….. جمع الطريطور قشو و النگافة قشها و ماخرجو العيالات حتى رجعو الدنيا تتشعل دايرين معاهم يرجعو الصباح ثاني بعدما خلصهم محمد و شيط عندهم خلاهم تيدعيو معاه و يعاودو……

حنان دخلات لبيتها كولها تتصفگ و ترعد بالفقصة و الخلعة….. تتحس من جيهتو بشي حاجة فوق الكره….. مكرهتش تاخد موس و تغرسو ليه فقلبو و تفرح لألمو لأنو فعلا ظلمهاااا بزااااف فحيااااتها…..

بعد مرور اسبوع….. ❤️

سيمانة دازت على الابطال ديالنا عادية…. نبداو بشيماء اللي لحد الساعة مستقرة فدارها مع عدوزتها و اللي مازال لهاد الساعة موقراها و عايشين هانين مازال المشاكل مابداو واخا مرة مرة شيماء تيطلع ليها الدم من هضرة زبيدة لكن مازال دايرا عقلها و مابغاتش تبدا بالمشاكل….. ايوب مازال مبين ليها الوجه الزوين و عاطيها العسل واخا هو بينو و بين نفسو مازال حرقة حنان مبغاتش تبرد ليه و مازال كيحلف حتى يطيحها و يخليها كي الكلبة…..

صحيح مدايرا ليه والو و اشمن عار مصرفة فيه لكن كاينين بعض الناس هكا….. كاين اللي مكيبغيش يشوف بنادم عايش مزيان و مرتاح فحياتو…. كاين اللي خايب و خبيث كيلقى نشوتو فعذاب الاخر و هكاك ايوب….. نشوتو و شهوتو يشوف حنان طايحة و مدمرة بلا حنين لا رحيم ولا من يعاونها….. و ملي شافها ضاحكة و عايشا مع ناس قدروها و داروها منهم حرقاتو فقلبو و حلف تايرجعهاااا كيما اللول و لكن واش غيوصل لمرادو ولا لا… ؟

محمد و ياسمين مازال علاقتهم غادة فاستقرار….. غادة مزيان عايشين الحب و الغرام و ممخلينش للملل او المشاكل يدخلو بيناتهم….. ضروري من دوك المشاكل الصغيرة لكن مصغرين عقلهم و بالزربة كيحلوها….. ياسمين تتحاول تعامل مع محمد على حساب الگانة ملي تيكون ناشط راه العسل تيتقطر و الضحك و النشاط و ملي تيتعصب تتخليه تا كيبرد….

و حتى محمد ملي تيلقاها دايرا ليها النقشة تيبقى معاها تا كيهدنها….. لان ياسمين من داك النوع اللي يلا تقلق ولا تعصب مكيبغيش يتجاهل ولا يبقى تا يبرد تتبغي تحزر و يشد ليها بالخاطر تا تبرد…. عكس محمد الا كان معصب و مشيتي تا هضرتي معاه تيشعل غواتو تيولي مسموع منين يا منين….. حفظو بعضياتهم و رجعو فاهمين و عارفين كيفاش يتعاملو مع بعضهم….. مشات معاه للمحل جوج مرات باش تحيد شوية الملل و عجبتها الخدمة…..

فديك السيمانة خرجت مع حنان ثلاثة المرات عاوناتها فداكشي ديال ضريب الصداق و الدهاز بحالا خارجة مع ختها مابخلات عليها بوالو و وقتما احتاجت شي حاجة تتلقاها….

اما فالرياض فكيما ديما الهدوء و كل واحد مدهي فشغالووو….. سميرة تتوجد لضريب الصداق ديال يوسف مع حنان اللي لقان فيها الام اللي ماعندهاش….. مشات معاها للخياط و تكلفات ليها بكل ماهو بلدي و داكشي تقليدي فحال ليزارات مطروزين و الفواطي و داكشي فعلا بينات على طيبة قلبها و عاملت حنان على انها وحدة من بناتها….

اما حفيظة فمن عرس حنان وهي مريضة متتهزش الراس و الطبيب اللي حلفت ماتمشي ليه واخا عياو فيها لكن اللي فراسها فراسها جابو ليها واحد للدار قالهم ضروري تمشي دير شي تحاليل و راديوهات لكن الصبيطار اللي مبغاتش تمشي ليه….

يوسف و حنان عايشين الحب البريئ نظرات منهنا….. كليمات من هنا….. حنان تتفادى تلاقا معاه راس فراس منها حشمة و منها متبعة وصايا سميرة….. و حتى هو محترم قراراتها و مخليها على خاطرها و مابقا قدما فات….. و اليوم كان عندهم ضريب الصداق اللي قررو يديروه غي بيناتهم يجي العدول يكتب كتابهم و جوح طلبة يقراو القرآن و عشا بيناتهم و صافي…..

كان قرار يوسف و حتى حنان…… على الصباح جات الطيابة و جاو جوج نسا يخملو الصالة و يقادوها و يعاونو اما حنان دازت عليها ياسمين و احلام و تيسير مشاو لحمام على الصباح يديرو ليها حمام عروسة صغير…. فعلت مشاو لواحد حداهم نيت مدخلينها بصلاة و سلام على رسول الله واخا غي بوحدهم و هي وسطهم فرحانة بالجيست….. خلصو و حيدو حوايجهم و دخلو لقاو معامر ما خاوي كاينين شي عيالات قلال…..

ختارو بلاصتهم حدا القوادس و بداو وحدة تقاد و وحدة تعمر….. بداو بواحد التبريمة صاوباتها ياسمين لحنان و دارو منها كاملين فيها الحنة و الورد البلدي مطحون الشيح مطحون العرعار مطحون الداد مطحون و معلقة ديال القهوة مطحونة مخلط بالصابون البلدي و شوية ديال الحامض…. ريحتها زوييينة دارو كاملات و تبندو قولها و ضحك عليها…..

احلام: عرفتي منيمتاااا مادرت شي حاجة هكا والله نتي اياسمين تا تحفة

ياسمين: ملي كنت فالدار كل تحمحيمة ندير فيها حاجة هكا ولفتها فينا ماما

حنان: هادشي راه نبقاو نحكو حتال بعد غدا

احلام: ايوا هادشي غا على ودك الالة العروسة بااااش سيدي يوسف يدوز يدو يلقا غا الزبدة ياك اياسمين ههههههه…

ياسمين:(تاضحك على حنان اللي حشمت) هاااء هي غا الزبدة شوفي الشعر و شوفي الفورمة گاااع هادشي مخبياه عليييه العفيريتة

تيسير:ههههههه شوفو وجهها كي ولا مالك باغا تمشي تجودي القرآن غا عولي من العشا للناموسية السيد بدلها گااااع جاب وحدة سيلونسيو هههههههههه

ضحكو كاملين على هضرتها و شللو بالما عاد عاودو بصابون بلدي بالعكر الفاسي و شللو و بداو تيحكووو و اراك لسباغيتيي تنزل و الشعرية الصينية…..عاودو الحكان ثلاثة المرات حتى رجعو حمرين…. موراها غسلو شعورتهم و خلاو العيالات فالحمام غا حلات فامهم تبارك الله وحدة تنسيك فلوخرى……

خرجت تيسير و بقاو البنات بثلاثة كيديرو كوماج ديال القهوة للحمهم حتى وقفات عليهم بنت تكون عندها ديك 28 29 ولكن باينا فيها والدة من الكرش اللي مكمشة و قاتلها الزمان وقفات عليهم تدور عينيها عليهم وحدة بوحدة…..

البنت: السلام البنات لاباس عليكم

احلام: الحمد لله اختي لاباس اش حب الخاطر

البنت: ختي بغيت نسول هاد البنت (شيرت لياسمين اللي كانت تتجمع فشعرها) بغيت نسولك اشنو تديري لشعرك

ياسمين:(على نيتها) مكندير ليه اختي والو غير شومبوان و ديميلور صافي

البنت:(بقات كتحكر) غا قولي ليا عفاك شوفي كيبقاو فيه جوج زغبات نتي شعرك قوي و طويل قولي ليا شنو تدير

ياسمين:(تتقرا المعوذات فخاطرها) والله اختي مكندير ليه حاجة هكاك وراثي تبارك الله

البنت:(ميقت فيها) اشنو فيها لا قلتو و انا طلبتك زعما بالصواب

احلام:(نيرفاتها) اختي راه حلفات ليك بالله مكدير حاجة علاش غتخبي عليك

البنت:(مرضاتش وهي تشعل مع احلام) انا داويا معاها زايدون عنداكم ضسرو راه غي سولتكم السم ياربي سلامة بالحق على سمها والله زغبة ماتبقى فيه

ياسمين:(خرجات عينيها بصدمة) الله ياختي الله مالك على هاد الهضرة واش مريضة

البنت: انا مريضة يا صفرة المعاگل تعالي نوريك المرض (تلاحت ليها نيشان على شعرها بنتفة وحدة قرمت عليه مابقات بغات تطلق و مع هي واقفا و ياسمين جالسا عاد هي مفورمية عليها عياو البنات يفكو و النسا يجرو والو و ياسمين تتغوت بحر نتيف) ادوي اي صفيرة يا المسيميمة هااااا الشعر اللي فرحانة بيه يا المسلوتة يا فورمة مسيسي

ياسمين:(حامياها للغوات) طلقييييي طلقيييي يا البقرة واكوااااك اعيباد الله اطيرليا الجلدة (مدت يدها قرصتها من صدرها حتى قفزت و بعدت تتحك عاد ناضت ياسمين بمعاونة احلام تتنهج) الله ياخد فيك الحق الموسخة المسوفجة حيوانة

البنت:(كتنتر بغات دوز ليها ملقات منين حرزوها العيالات) ياك احزقة البول فرحانة بديك الشعكاكة وهي اللي فيك يا خانزة البيطان يا زرقة الكعاب يا مفرگعة العينين والله حتى نتفو ليك زغبة زغبة طلقووووني عليهاااا….

احلام: بزاااااف عليك و على اصلك يا المطوطة شفتك بغيتي تحگري عليها اجي قربي يا منتوفة الشعر يا المهتوكة يا المشروكة يا زرقة الوجه بغيتو تاكلو بنادم وا بزااااف اش كتصحاااابي راااسك

البنت: ايه كتحاماو الكلبات واخا لا بقات فيكم بقات فيا الموسخات عقلو على هاد الكمارة (طلقت من المرة اللي شاداها و مشات لبلاصتها تتجري بدات تتجمع قشها و خرجت بلاما تكمل عومانها)

مرة:(كانت واقفا كتفك دارت عند البنات) امالكم ابنتي على الصداع مع هاد النوع منهضرش معاه انا گاااع راه معندو ما يخسر

حنان: والله اخالتي ما جبدناها اتا لاحت باطلها علينا

المرة: اوا مكاين باس ابنتي الصبر الله يرضي عليكم (مشات و خلاتهم جلسو سخفانين حتى قالت احلام بالضحك)

احلام: كانت خاصانا غا هادي ههههههههههه

ياسمين:(تتحك فشعرها و تمسد) احححح ضرتني بنت الحرام محناتني فيه نتفت من نيتها

حنان:(شداتها من وجهها) هيييه مك على قمشة حدا عينيك بنت الكلب علماتك يشوفها محمد يدخل عليها للحبس قاصت ليه بليليرتو (غمزتها تتقلب فيها)

ياسمين:(شهقت) اويلي بصح واش كبييييرة الله يعطيها الگرد الخانزة تفووو (طلع ليها الدم)

احلام: غسليها بالما سخون تاتمشي لدار و مسحيها بلالكول لا تلتاهب لك نهار هدا تاهو….

حنان:محسيتيش بيها نتي ديك الساع هربي وجهك

ياسمين:(كتقيص وجهها اللي غيطرطق بالحمورية) انا لدابا ماحاساش بيييها غنوحل غي مع اللي عندي فالدار

احلام: قولي ليه كنت كنغسل وجهي و قصتو بظفري عنداك تمشي تحطي ليه كلشي

ياسمين: ايييه باش يكمل عليا سربيو سربيو راه بديت كندوخ….

عاودت ياسمين غسلت شعرها و دارو الصابون خرجو زعفانين لقاو تيسير متكية على الساك خامرة ماهياش هنا فيقوها كيضحكو…..

احلام: حنا منوضينها لداخل و نتي ناعسا نتي اللي جات معاك

تيسير:(تتحك فعينيها) مالكم اش واقع (شافت حنك ياسمين من لتحت) هييييه تي مالكي فحنكك اويلي ضاربتو

حنان:(عاودت ليها البنات من اللول) ايوااااا هذا ما وقع

تيسير:(تفرشخت بالضحك) ههههههههههههه قوة الهم كضحك هههههههه واش باقيين بحال هاد الناس عايشين

ياسمين:هههههه باقييين اختي و دابا علماتني معرت اش غندير مع خوك

احلام: واااا ضبراتي عليها من عند خونااا هههههه غا متفتفيش ديري اللي قلت لك

كملو ضحكهم بينمااا ارتاحو و بداو تيلبسو….. حنان تعطرات و لبست كولشي بيض من دوبيااس لاونسوبل سخون لجلابة…. و البنات حتى هوما تعطرو و لبسو جلالبهم و خرجو مزنكات كيف الشميعات….. ياسمين زادتها تزينكة الحمام على تزينكة المضاربة مع القمشة اللي حدا عينها قداش تتزدح…..

خرجو كيضحكو يله دارو مع الزنقة تا كتبان ليهم صاحبت دعوتهم واقفة بجلابة ديال الكاشمير حمرة و صابو عالي و الزيف لاوياه معاها بنت تكون ديك 23 لابسة كيطمة و صندالة مع التقاشر و جامعة شعرها الفوق و بنت اخرى تكون قد اللولة بجلابة و صابو…. تصدمو البنات و مع ذلك كملو مشيتهم تا وقفات قدامهم البطلة ديال الحمام حاطة يدها على جنابها كتمضغ فالمسكة قالت….

البنت: افين الواعراااات بردو عليكم عضامكم

البنت2: دابا عاد غيبردو عليهم نيييت

احلام: دابا علاش تتقلبي نتي واش ملاعباش فصغرك

البنت:(دارت عند صحاباتها) هاهاهاهاهاهيايوهات سمعتو هاد فرطير اش قالت لا احبيبة ملاعباش و لعبي خايب و الهضرة مع ديك الحميمة اللي مواك…

ياسمين:(شعلات ليها البولة الحمرة و تعصبات حدات الساك و السطل و زادت القدام تا تقابلت معاها) من الصباح وانا ناعلة الشيطان و كنقول تهدني ساعة نتي بنتي ليا ماشي تاع التهدن نتييي تتقلبي على خزيت وانا هي مولاتو (قربات ليها مولات الكيطمة اللي كانت دير منها جوج حتى وقفت حداها وحطات يدها على كتفها كاضحك)

البنت3: واااا قبيحة القطيطة مع راسك اااااا (بغفلة من ياسمين مدت يدها لشعرها داتها و جابتها بالزربة ياسمين شنقت عليها و جبدت رجلها ركلتها حتى تنات ركبتها)

شبكت بيناتهم جاو بغاو يتحاماو هوما يهجمو البنات مخلين غا حنان شادة الحوايج ملي لقاتها شعلت و بنادم دخل كيفك و الروينة هزت واحد الطاسة و زادت اللي جات قدامها تتعطيها للراس…. شبكت القاضية و الناس تتفك شوية تسمع صوت الفرگووونيط….. مولات الكيطمة سلتات و حصلو الصگعات مع البنات بجوج….

نزلو جوج باليس طلعوهم بلاما يسمعو ليهم ولا يعطيوهم فرصة فين يشرحو ليهم…… طلعو البنات اللور مصدومات وحدة تتشوف فلوخرى مخرجات عينيهم خايفات على لوخرين….. طبيعي بنات عمرهم حتى ضاربو جاو دابا و طلعو فالعمارية دقة وحدة…..

ياسمين قمشتها تتسيل بالدم و زيفها خاسر….. احلام شعرها خارج و تيسير خلاص يديها واكلين الدق بالحق هاد المرة تال خرينات ماسلموش….. مولات الحمام شعرها واقف و مقموشة جوج قمشات فوجهها. لوخرى الجلابة مقطعة ليها من جهة ديال اليد…..

وصلو للكوميسارية نزلوهم بسيكانهم و سطولتهم….. دخلوهم لقاو الدنيا غطيح ببنادم….. دخلوهم لبيرو خاوي بقاو واقفين مستفين بحال السردين……

احلام:(بشوية كتوشوش للبنات) كحلناها يالبنات هادي اللخرة لينا

حنان:(بغات تبكي) ياويلي يا البنات العدول فالدار وانا فالحبس شفتو على زهر

ياسمين:(كانت مقلقة ملي سمعت اش قالت ماحسات تا خرجت ليها الضحكة و تبعوها صحاباتها) هههههههههههههههههههه ضحكتيني بعدا غا العمارية راك ركبتي فيها ميبقاش فيك الحال(وهي كضحك بصوت مجهد و رقيق تسمع صوت من داخل بيرو داخل فالبيرو اللي ليه هوما و صوت خطوات جايين)

……..: اتبارك الله على الانسة تضحك جمعي فمك الالة لنجي نهرسو ليك

جمعو البنات بالزربة الضحكة و هزو ريسوهم فالصوت اللي هضر بان ليهم شاب فمقتبل العمر تكون عندو ديك 29 30 عام طويل و عامر حروفو كحلين و زوين لابس زوين داخل مخنزر فيهم…. جلس فالبيرو ديالو مقابل معاهم كيطلع و يهبط فيهم واحد بواحد…..

الشاب: عاوتاني الحمام واش توما ضاربكم الله تمشيو تحيدو وسخ الدنيا تهزو وسخ لاخرة

احلام:(جمعت نفس و دوات بادب) سمح ليا امون كوميسيغ ولكن الغلط ماشي منا حنا كنا كنعومو في امان الله حتى هجمت علينا هاد البنت على سبب تافه اللي مخاصش اساسا نصدعوك عليه

البنت:(نقزت كتغوت بهضرة ملاوطة) انا اللي تلاحيت علك عساك اشاف راه شوف هوما شحال حكروني اشاف و ممسامحاش

الشاب:(غوت حتى قفزو كاملين) زمووووو عليا دراقشكم يله (وجه كلامو للبنت) مدويش تنعطيك الكلمة من تنقاز تتكوني فدارك و نقزي (دار عند احلام) ملي عارفا الالة بيلا هاد السبب تافه لاش منوضين عليه الروينة تا جمعوكم من الزناقي

ياسمين: سمح لينا عفاك والله ماعمرنا تحطينا فهاد الموقف و اخر مرة عفاك

الشاب: ساهل دابا طليب متتفكروش دوزو بعدا عيطو لشي واحد من عائلتكم يجيب ليكم لي كارط دياولكم…..

ياسمين:(وشوشت لأحلام) سيري صوني لشي واحد من غير محمد

احلام: الا ختي صوني نتي ولا تصوني تيسير لسلوى ولا يوسف

حنان: يوسف لا بغيتو طلقوني قبلما نتزوج

الشاب:(غوت تا قفزهم) يلاااااه غنبقاو هنااااا….

بالدعقة مشات ياسمين لتيليفون دوزت نمرة الدار تطلب و تعاود ميجاوبش محمد تسنات شوية حتى جاوبت مراة عمو…

ياسمين: الو خالتي…. لاباس كاينا حداك خالتي سميرة كلميهالي….. الو خالتي عفاك غنطلبك…… لا والو غا جيبي لي كارط ناسيونال ديالنا بربعة و جي عندنا لكوميسارية اللي قريبة ليكم……. لا لا متقولي والو لمحمد راه مكاين والو متخافيش….. صافي……

قطعت معاها و بعدت فحين مشات لوخرى حتى هي صونات لعائلتها حتى سالات و رجعت وقفت حداهم كيتسناو الشاف يكمل شي حاجة كيديرها….. سالا خدمتو هز راسو فيهم تيسوط و رجع هز التيليفون….

الشاب: وي خالد دخل عندي بغيتك (تسنا تا دخل البوليسي باللبسة) خرج هادو للكولوار تايجيو عائلاتهم….

عطاه التحية و خرجهم جلسو فالكراسا اللي كاينين فالكولوار هاد برد عليهم راسهم و رجعت عليهم الندامة و قالو اش دانااااا و علاش مشينا و كونما خفت ليد يخليوهم يعايروهم و يسكتو و هدشي ديما اللي تيوقع للانسان ملي تيندم ديما تيزلق فيها و يديرها قد راسو و ملي يبداو العواقب تيبدا يقول هاااا ندامتي و كون غييير درت درت و كون غير فعلت و فعلت و كون و كون كون و بين الكاف و النون يكون اللي يكون و الانسان مفراسوش بيلا اللي مكتابة ليه توصل واخا يتخبا عليها فجبل توصلك توصلك….

جالسين شي عشرة دقايق هكاك تم داخل محمد و يوسف كيجريو مع شافو البنات توجهو ليهم….. ياسمين غا بانو ليها نغزت حنان و حدرت راسها تتلعن النهار اللي مشات فيه للحمام….. وصلو عندهم كينهجو مخلوعين ماعرفوهم معامن واش تگريساو ولا شنو بداو تيسولو…..

محمد: مالكم اش واقع واش تعرض ليكم شي واحد ولا شنو (شاف وجه ياسمين) مالك نتي فوجهك شكون قاسك دوي

احلام: قصة طويلة اخويا ماتعرض لينا حد صافي تاندخلو عند الكوميسيغ و تعرف…..

يوسف: هادو راه عليهم حالة المضاربة ضاربتو فالحمام…

مكملش هضرتو دخلت مرة كبيرة شوية لكن مازال شادة فراسها توجهت عند البنت تدوي بالجهد و تغوت…..

المرة: تي معامن تاني غا قولي ليا صداعك مكيساليش وريني معامن (شيرت ليها على البنات) دابا هاد زطيونح تاهوما غلبوك و وصلوك للكوميسارية الخراجة حفات لك صافي

محمد:(بصرامة) احتارمي راسك الالة و جمعي فمك شوية…

جا عندهم البوليسي دخلهم عند الكوميسير….. دخلو كاملين توجه عندو محمد و يوسف و من الزهر صدق يوسف تيعرفو جلسو فالكراسا تيتسالمو و يسولو على الاحوال……

يوسف: واش سي مصعب هدا نهار غليض هذا

مصعب: سي تاج الدين عندنا فالكوميسارية حولها ليوم مضلمة اش خبارك اخاي و سي محمد هذا وا نهار مزوهر هذا

محمد: بيخير اخويا ما مزوهر والو ملي ولينا فالكوميساريات مدرناهاش تاحنا دراري

مصعب: هههههه هانيا هانيا غا ملي جيتو معرفة اش كيجيوكم بعدا

يوسف: المدام ديالي و المدام ديال محمد و خواتاتناااا

المرة:(شافتهم غيقلبوها معرفة نقزت عليهم) الشاف راه هوما اللي ظلمو بنتي شوف هوما شحال

مصعب: الالة تجمعي شوية من التنقاز تا نهضر معاك و راه باين اللي مظلوم من اللي لا…..

كمل هضرتو مع الدراري و البنات غا كيشوفو عياو بالوقفة و رجع عليهم العيا ديال الحمام و المضاربة بلا ياسمين اللي كلات الشحط راسها تيزدح و قمشة تتحرقها…..

مصعب:(دوا مع البنت و مها) شوفي الالة على وجه الدراري معرفة غتسامحو هاد المرة مرة اخرى نشوف كمارتك هنا نهبطك تگلاساي يله رولي من هنا…..

خرجو حامدين الله و شاكرينو اللي خرجت طريفة بقاو غا البنات و الدراري اللي يدورو دورة و يخنزرو فيهم خصوصا محمد فياسمين و احلام…..

مصعب:(وجه كلامو للبنات) نتوما اختي بنات نقيات اش وصلكم لبحال هاد النوع اللي خاصو غير علامن يحط باطلو حمدو الله خرجت طريفة

محمد: ربي يحفظك اخويا شكراا بزاف واخا كون جيتي عليا هبطهم يبردو عليهم نيت عضامهم و يجربو برودة السيلون (دارت فيه ياسمين الشوفة ديال ياك وهو يضربها ليها بواحد التخنزيرة تا حدرت راسها مابقاتش هزاتو)…..

مصعب: لا لا ماشي ديالهم غا ديوهم وكان يرتاحو راه الخلعة تتحش الركابي

يوسف:(وقف هو و محمد و وقف معاهم مصعب) شكرا اودي اخاي مصعب الله يحفظك و سمحلينا على هاد الصداع

مصعب: مكاين حتى مشكل اخويا بالعكس ملي غي معرفتكم باين الظالم من المظلوم…

شكروه و خرجو البنات تبعوهم الدراري اللول مدواوش معاهم حتى وصلو لطوموبيل وقفو قدامها حتى لحقو عليهم الدراري حل محمد البيبان باش يحطو باگاجهم اللي نصو بقا مشتت فمسرح الجريمة يله بغاو يطلعو وقفهم….

يوسف:تبارك الله على العويتقات صيفطناكم تغسلو وسخكم وليتو فالمضاربة عمرها كانت ليكم المدام اليوم عروسة تا غتصدق حباسة

محمد: مشفتيش نتاااا واحد الملاك عندي متتحركش الدجاجة من فوق بيضها نهار دارت علمات الوجه گااااع خلات فيه السيكاطريس معنديش تاانا بالحق الهضرة ماشي هنا طلعو دابا….

طلعو البنات اللور مزاحمين حابسين الضحكة حيت الموقف نيت تيضحك و الدراري القدام غادين داوين فالخدمة….. بقاو هكاك تا وصلو نزلو خلاو ليهم الباكاج و زادو دقو….. حلات عليهم سميرة اللي كانت حدا الباب تتسناهم غير ايمتى يدخلوووو تخلعت عليهم و ماعرفت مالهم….

سميرة: على السلامة مالكم ياك مكاين باس شنو وقع

احلام: والو اماما ماوقع والو سوء تفاهم و تحل

محمد:(جا وراها) شوفي وجه لالة ياسمين و غتعرفي سوء تفاهم

سميرة:(شافت فيها لقات الشرطة قداش فحنكها شهقت) هييييه ارسول الله مااالكي شكون دار لك هكا

ياسمين: والو اخالتي اجي ندخلو و نعاود ليك… (دخلو للصالون جلسو كينهجو ارتاحو عاد بدات ياسمين تتعود) كنا كنغسلو شعرنا تا وقفت علينا بنت سولتني شنو كندير لشعري قلت ليها والو بقات كتحكر وانا كنحلف ليها وهي تبدا تعاير و تلاحت ليا على شعري نتفتني دابا راه الجلدة تتحرقني و قمشتني…. كلمنا عومانا خرجنا لقيناها معرضة لينا هي و جوج بنات بداو تيضاربو معانا تا وقفت الطوموبيل ديال البوليس هذا مكان..

سميرة: اويلييي بغيت ليها الگرد يعطيها موصيبة شوف كيفاش دارت ليك ياك غا عطيتوهم حتى نتوما

محمد: هكاك الوالدة سيري نتي گاع عاودو دوزيام ميطا وليتو صعيصعات هنا بقات غا الكوميسارية تاهيا وصلنا ليها

تيسير: اويلي بغيتي نسكتو ليهم تا من حنان ههههههههه هزت الطاسة و تتعطيهم (ضحكوووو البنات و حتى الدراري بلا مايحسو)

سميرة:هههههعه هكاك الله يرضي عليكم متخليو حد يحگر عليكم

يوسف: تبارك الله على الدريويشة كنا انطيحو العقد فالكاشو

حنان:(حشمت) سمحولينا راه هوما اللي حگرونا

سميرة: نوضو يا الهبالات بصحة بناتي واللي نسميه راجل يهضر يله نوضو ترتاحو ابنياتي….

ناضو كل وحدة لبيتها سخفانين…. دخلت ياسمين طايح عليها الضيم علاش الله اعلم مع دخلت دارو دموعها فررر جلست فوق الكانابي حيدت الزيف بعدما سدت الشراجم كاملين و طلقت شعرها يرتاح و جلست تنخصص و طيح عشرة للعين تا دخل محمد لقاها هكاك مشا كيجري كيسول فيها مالها….

محمد: ياسمين مالك علاش تتبكي واش تضرك شي حاجة دوي (مد يدو لوجهها تيقلب فيه)

ياسمين:(تنترت منو) بسع مني نتااا اللي ضريتيني خليني عليك (خشات وجها فيدها كتبكي)

محمد: علاااش احبيبة اش درت لك اناااا اللي ضريتك

ياسمين:(هزت فيه عويناتهاااا مدمعين بحال المشة) مابقيتش فيك گاااع ماقربتي ليا ماسولتي فيا فالح غي تخاصم وانا مقلتيش نسول فديك الكلبة اللي وجهها گاع مقموش…

محمد:(بالصدمة شداتو الضحكة حبسها بزز و عنقها عندو هاز راسها عندو تيشوف فيها دموعها مخلطين مع الخنونة و كتنخصص بحال بنيتة صغيرة) نتي برب تا هبيلة واش انا اش عندي من غيرك احياتي راك الحب ديالي نقتل على ودك ولكن راه خفت ملي سمعت الكوميسارية ماعرفت واش تعرض ليكم شي واحد ولا شنو (هبط باس القمشة و دوز عليها صبعو بالشوية مخسر وجههو) دابا نمشي نقلب على هاد الكلبة فينما كانت نوريها تخسر ليا وجه بنتي اححح على حبيبتي..

ياسمين:(عجبتها هضرتو و بغات الضحكة تخرج ليها لكن بقات محافظة على تغوبيشتها و قالت بدلع) نتفااااتني امحمد و قمشاتني ضرتني بزاااف

محمد: الله على روح محمد الله ضرو ليا حبيبتي صافي صافي متبكيش الزين ديالي (هبط على فمها ببوسة رقيقة حتى شبع عطشو عاد بعد تيشوف فعويناتها) يخلي ليا الزين ديالي نوضي دابا داويها تانجيب لك شي كريم ديال السيكاطريس

ياسمين:(ذايبا وسط حظنو مبغاتش تنوض زادت تمخشت فيه و خشات راسها فعنقو كتنفس فيه) خليك بلاتي مازال بغيت نعنقك توحشتك

محمد:(تبورش من نفسها اللي كضرب فعنقو و زاد خشاها فيه و تكا) هاني احبيبي ماعندي فين نمشي (خشا نيفو فشعرها كيشم ريحتوووو)…

حنان دخلت للبيت حيدت الزيف و طلقت شعرها بدات تتنشف فيه بسيشوار خداتو مع الدهاز تا دق الباب و دخلت سميرة هازة ساشي ديال الحوايج…. حطاتها فوق الناموسية و جلست حدا حنان…..

سميرة: ياكما حتى نتي تعطبتي من شي قنت و الليلة ديالك

حنان: هههههههه لا كنت كنضرب من بعيد

سميرة: ايوا صافي تبقى هادي فالتاريخ هههههه لبسي ابنتي هاد القفطان و البلغة و ديري هاد الشبكة فوق راسك

حنان:(ضحكت بفرحة و عنقتها) شكرا بزاااف اخالتي معرفتش شنو غنقولك والله خيرك منساهش

سميرة: سكتي يا الهبيلة سكتي راك بنتي….

خرجات مخلياها تتكمل تنشافها….. سالات و تكات على ظهرها كتشوف فالسقف و مخها مسافر كيفكر….. كتقول واش بصح غنبدا حياة جديدة….. غنعاود نتزوج و نبني عائلة……

غتولي عندي مسؤولية جديدة خاصني نكون قدها و قادرة عليها….. واش اما قادة على هاد المسؤولية….. واش قادرة ندخل فعلاقة جديدة….. واش غنعطي فيها ولا غيغلب عليا الخوف….. و ايلا منجحتش…..

و ايلا صدق كيما اللول….. و ايلا ناض صداع….. و ايلا كانو مشاكل….. واش داك الوليد غنقد نعاملو بحال مو و نسد ليه فراغ الام اللي عندو…..

المعاملة قبل الزواج حاجة و مور الزوااج حاجة اخرى…. واش غنقدر نرضي هاد الراجل و نكون ليه نعم الزوجة….. واش غنقدر نحمل و نولد و مجرد التفكير فهاد النقطة خلا قلبها ينبض بعنف و الدموع يعمرو عينيها…..

اصعب حاجة وقعت و الحاجة اللي خلات الكاس يفيض هي الاجهاض اللي دارت و ولدها اللي مشا…… بقات هكاك حتى جاو عيطو ليها لغدا فهلا خرجات تغدات مع النسا بالضحك و النشاط و كل مرة تجبدها وحدة تاحشموها….. سالا الغدا و تجمعو عندها البنات كل وحدة هازة قشها…..

بدات ليها ياسمين بالشعر سرحاتو ليها كامل بالبلاك حتى بان طويل و دار ليها زيت جونسون اللي خلاه تيلمع….. قادت ليها تيسير الظفيرات بصباغة نيود خفيفة….. ناضت احلام خدمت الشعبي و تحزمت و بقات كتلوز فيها حتى نوضات فيهم الهوايش….. تبعوها ياسمين و تيسير و عاد حنان بقاو كيشطحو و يدردكو تا هجمت عليهم سميرة مع خولة و حياة تاهما بقاو كيشطحووو…..

البيت رجع كيزدح بالدرديك و الدراري مجموعين فالصالون تيضحكو عليهم….. اذن العصر و تفرتك المجمع بقاو غا البنات لبسو قفيطناتهم…..

حنان لبست قفطان بروكار بيج مخدوم بالعقيق ديال العريسات مع بليغة عالية….. طلقو ليها شعرها كيمشي و يجي فوق ظهرها و دارو ليها مكيااااج خفيييف بزاااف عاد دارو فوق راسها فوال ديال الشبكة….. ريحوها و بخروها بالعود و جلسو معاها كيتسناو فالعدول يجي……

عند يوسف كان هو و محمد فالبيت لابس جبادور ابيض و بلغة و مقاد الحالة و حداه محمد لابس قميجة و سروال…..

محمد: هانتا غتعاود تاني تدخل للقفص المصدي

يوسف: مصدي گااااع تسنا نقولها للمدام و غتشوف الصدأ ديالك فين غيوصل

محمد: نتوما اللي عندكم مصدي اما اما مذهب و مرصع بالدياموند هههههه لا معاك بصح و جاوبني بصراحة دابا واش تتبغي ديك بنت الناس

يوسف:(تقاد فالجلسة) شوف اخويا غنجيك نيشان الحب دابا راه مكاينش واش مازال ماكملت حتى شهرين باش عرفتها غنبغيها كاين الإعجاب كاين الاحترام عارف بيلا هاديك بنت الناس هي اللي محتاج فحياتي و فحياة ولدي و الحب مازال يامو جايين..

محمد: اش غنقولك الله يسهل عليكم تستاهلو بجوج كل خير…

اذن المغرب و جاو العدلين دخلوهم للصالون فين كان يوسف و حسن و محمد و الرجال جالسين…..بداو كيديرو فالمعاملات اللولة….. نوضو حفيظة باللي فيها لبسات قفطان بيض حتى هي و نزلت عند حنان اللي كانو معاها البنات خرجتها هي و سميرة و البنات موراهم…..

دخلت للصالة و تتحس بگااع العينين عليها… حشمات و حسات بالحرارة….. جلست فوق السداري و بينها و بين يوسف العدلين فقط…. سولوها على شروطها و على الصداق اللي فالبلاصة جبد ظرف من جيبو مدو ليهم و بدورهم مدوه ليها…..

عطاتو لياسمين بلاما تقلبو ولا والو….. سولوهم واش قابلين و عطاوهم سناو….. تعلنو بزوج زوجا و زوجة….. قراو الفاتحة و دارو دعاء…… خرجو العدلين بعدما خداو مستحقاتهم و بقاو العائلة مجموعين فالصالون……

قرب يوسف لحنان و بدات تيسير مدخلة صينية فضية ليها زوج خواتم و الحليب التمر و تابعاها نسرين بصينية اخرى فيها ساعة ديال اليد و اونسوبل ذهب فبواطات….. خطو داكشي و صلاو على النبي…… مد يوسف يدو بعدما تقابل مع حنان و حيد ليها الفوال….. هزت فيه عينيها بشوية و الشعوو داز بيناتهم….. باس جبينها و ضحك ليها بالرقة تحت تصفيقات الكل……

هزو التمر بزوج بيهم و عطاو لبعضهم و تبعوه الحليب….. هز الخاتم اللي خدا ليها اللي كان عبارة على خاتم ذهبي من زوج قطع سامبل مرصع بحجيرات خفاف لبسو ليها و طبع بوسة على يدها….. هزت هي خاتم فضي بسيط ديالو لبساتو ليه…..

رجع هز لاونسوبل لبس ليها العقد و البراصلي و الخاتم…. تصورو معاهم و صلاو على النبي فرحانين ليهم….. فداخل حنان كاين تخوف صغير لكن متجاهلاه و محاولتش تفكر فيه زيادة باش ميغلبش عليها…..

دوزو عشيتهم بيناتهم زوينة ناشطة تحط العشا اللي كان ديال العراس بامتياز تعشاو و ناضو عرسانا مقررين يدوزو ليلتهم الاولى فأوطيل……

طلعت نسرين جابت لحنان فاليز صغيرة دايرا فيه مستلزماتهاااا من بيت يوسف اللي كانو حولو ليه حوايجها كاملين….. دارت سلهام بيض فوق قفطانها و خرجو بعدما سلمو على الكل…… فديك اللقطة بالضبط تمنات حنان تكون عندها ام….. توقف معاها….. تودعها…. تعنقها و تبكي فوق صدرها….. توصي راجلها عليها…. طاحو دموعها و هوما فالطوموبيل و خرجو منها شهقات صغار….. سمعها يوسف دار عندها بالزربة…..

يوسف: مالكي كتبكي احنان (دوز الطوموبيل للجنب و وقفها عاد دار عندها حاط يدو على كتفها) دابا غا قولي ليا علاش تتبكي

حنان: علاش انا معنديش ام حتى انا توقف معايا و توريني و توصيني علاش انا بوحدي

يوسف:(صدماتو بهضرتها مخلاتش ليه مازال فين يقول شي حاجة حطماتو و ضراتو فخاطرو جرها لعندو عنقها كيدوز يديه بحنان على كتافها) شششش متبكيش انا مك و ختك و باك و كولشي علاش دابا تتبكي راك عروسة زعمااا (خشا وجهو فشعرها كيطبع بوسات عليه و كيحاول يسكتها)

حنان: ولكن علاش (ناضت و تقابلت معاه كتشوف فعينيه) علاش تا انا متكونش عندي مي ولا با ولا ختي اللي يكونو معايا و يوصيوني و يوقفو معايا تا انا بغيت

يوسف:(خدا وجهها بين يديه) شوفي سمعيني من اليوم انا مك اما باك انا فيا كولشي كيما نتي وليتي كولشي ديالييي من اليوم اللي بغيتيها نحققها ليك غير سكتي باراكا من البكا طيبتي عينيك (شافها مغاديش تسكت قرب ليها كثر و…..)

خدا شفايفها ببوسة شغوفة….. اول بوسة ليهم بجوج….. اول مرة غيبوس الشفايف اللي شحال وهو مشهيهم….. اول مرة غيدوق مذاق ريقها اللي كان كيف العسل….. دامت قبلتهم اللي كانت فقط من طرفو اما حنان مازال غالبة عليها الصدمة لثواني حتى ذاقت نفسهم و بعد عليها لكن بقا مقرب وجهو لوجهها….

يوسف: منبغيش مازال نسمعك كتقولي هاد الهضرة انا ديما معاك فهمتيني (حركات ليه راسها بايجاب بتاسم ليها و) الله يرضي عليك….

رجع ديمارا الطموبيل و مشا فاتجاه لوطيل…… نزلو بزوج بيهم باينين من الطيارة عرسان هز الفاليز و حاوط يدها و دخلو اللي شافهم يبتاسم ليهم….. اكد على الحجز ديالو و خدا الكارط و طلعو لشومبر ديالهم اللي كانت مصاوبة و مقادة بالورد و الشمع رومانسية على الاخر لانه فالحجز خدا شومبر ديال العرسان….. دخلو بالحشمة جلست حنان فوق السرير….. عرفها حشمت مشا تال حداها و قال…..

يوسف: دخلي نتي احنان بدلي علك هاني شوية و غنرجع

حنان: غتخرج ولا

يوسف: مالك خفتي هههههه غنخرج غي هنا و نرجع

حركات ليه راسها و تسناتو تا خرج هاد ناضت مرتاحة شوية بعدما بكات و فرغات حزنها و حتى هضرتو قدرات تهدنهااا شوية….. حيدت السلهام و تبعاتو القفطان عاد لبسات بيجامة حريرية بالديباردو و السروال و البينوار فيهم ديطاي زوينين ديال الدونتيل بيضة كاملة ديال العريسات…..

خدات تروس صغير و دخلت للدوش ديماكيات وجهها و تبعت نصائح ياسمين اللي قالت ليها….. غسلت وجهها بالصابون الخاص بيه و رطباتو و رطبت فمها و غسلت يديها و عنقها مسحاتو بفوطة فازگة عاد رطبتهم بكريم بنكهة الشوكولا….. وهي كتحيد فالساعة و البراصلي ديال لونسوبل سمعت الباب تحل عرفاتو رجع……

حشمت تخرج وهي عارفا شنو تابعهاااا….. هاد الصورة اللي غيشوفها بيها عمرو شافها هكاك حشمات….. صدر البيجامة عريان و الشعر مطلوق و مصاوب و مع السوان و النور ضارب فوجهها و تزنيكة الحشمة كتبان بحال القمر…… بقات شي خمس دقايق بدل فيهم يوسف حوايجو بتيشرت و شورط بما ان الشومبر سخونة……

جلس كيخربق فتيليفونو حتى سمع الباب كيتحل….. هز عينو لقاها خارجة حادرة راسها و شعرها مليوح على وجهها مدرقوووو…..مقدرش يخفي جمالها اللي باين فالبيجامة و زاد برزو اللون البيض……حط التيلي و حضاها حتى حطت الطروس و فنما وقفت كتعطل….. ضحكاتو بحركاتها و عرفها خايفا ناض راسو حتى وصل عندها لقاها غا كتخربق حط يدو على كتفها تا قفزت و قال بضحكة….

يوسف: هههههههه امالك خايفا غا بشوية علك

حنان: هاااا لا والو مخايفاش والو مالي

يوسف: لا لا ممالكش ههههه اجي تجلسي (جرها من يدها بالشوية للناموسية و جلسها عاد جلس قريب ليها) من الصباح ونتي تفتفي مالك

حنان: لا لا والو عادي

يوسف:(زاد قرب ليها تا ولا وجهو فخدها و نفسو تضرب فيها قال بصوت هامس) نتي دابا مرتي يااك

حنان:(بلاما تحس) اه مرتك

يوسف:و هاد مرتي الزوينة اللي طيرت ليا العقل بغيتها دابا (كيتسنى جوابها لكن هي ضربتها الساكتة و المسكوتة…)

خشا وجهو فعنقها استنشق ريحة الشوكولا و طبع بوسة عليه سطحية….. هز راسو لقاها مرجعة راسها اللور و مغمضة عينيها بنشوة….. مد يدو لكتف البينوار هبطو حتى حيدو ليها و بقات بديباردو……

قتلو لونها الخمري فاللون الابيض….. قتلو لمعان جسدها و رطوبتو….. و للحظة فبالو سول واش ايوب كانت عندو هاد البلارة و سمح فيها و عذبها….. رجع تقابل معاها و هاد المشا للمركز نيشان…..

طابع قبلة فرنسية كيبوس و ينزل فيها حتى تكات فوق السرير و جا فوقها…… تبادلو القبل و يديه تيلعبو فجسدها الشهوة لعبات عليهم بزوج و…………. 🔥

كم كان حظي كبيرا حين عثرت عليك ❤️

بعدما خرجت حنان طلعات للبيت مسهوطة و رجع عليهh العيا ديال النهار كامل بغات غير تحط راسها….. طلعت كتعكز و دخلت للبيت راسها ضاااارها….. حيدت قفطانها علقاتو و لبست شوميز طويلة ببينوارها….

جمعت شعرها و ديماكيات وجهها…. رطباتو و هي تترطب يديها دخل لابس جاكيط و هاز ساشي ديال فرماسي….. حطو و قرب عندها وقف وراها كيشوف فيها من المراية…. حط يديه على كتافها و بدا كيماسي ليها كتيفاتها…. رجعت وجهها لور بارتياح حتى سمعاتو قال…

محمد: عيتي احبيبي

ياسمين: بزاااف امحمد كنحس براسي عيانة و نفسيتي مريضة قتلني الروتين

محمد: و ايلا قلت لك عندي ليك واحد المفاجئة غتخرجك من الروتين هوما جوج الصراحة

ياسمين:(تقادت بالجلسة وحلات فيه عينيها) بصح شنووو هوما قوليا عفاك

محمد:(خدا يدها وقفها) اجي معايا بعداا (تمشاو تال السرير جلس و جرها فوق ركابيه وجهها فوجهو) وحدة غنوريها ليك دابا و وحدة من بعد

ياسمين:(بضحكة ديال الفرحة صفقت بيديها بحال شي بنيتة صغيرة) يااااي وريني وريني

محمد: هههههه شوف هاد الهبيلة صبرييي (مد يدو لجيبو جبد جوج ورقات عطاهم ليها) هاكي الالة شوفي راسك

ياسمين:(شافت فيهم خرجت عينيها شافت فيه و قالت) ناري متقولش ليا (رجعت قلبتهم) هوووووووما ياك (لاحتهم و تلاحت عليه تتغوت بفرحة) عاااااااا محاااامد شكرااا شكرااااا

محمد:(غلبت عليه تا طاح و طاحت فوقو تيضحك) ههههه بشوية علك الهبيلة ايه هوما

ياسمين:(تهزت شوية تتقابلت معاه) ناري تركيا امحمد تركيا غنموت بالفرحة

محمد: فرحاتك غا تركيا بوووك انا لا ايه عليك يا طميميعة

ياسمين: تركيا معاك امحمد ناري الحياة تنبغيك والله…

رد عليها بقبلة كترجم ردو ليها….. حبو ليها فات الحدود حتى ان الكلمات مبقاوش قادرين يوصفو مشاعرهم لبعضهم….. بدلت ليه حياتو و غيرت ليه النمط ديال عيشتو….. تفكيرو تبدل و حياتو رجعت بالألوان…..

عمرو كان يفكر انه يقدر يلقى شي وحدة بحال ياسمين اللي يبغيها كثر من راسو….. حتى جا النهار اللي لقا فيه ملاكو الصغير كيما كيقول….. البراءة تتمشي على رجليها…..

مدارت حتى مجهود باش طيحو او تبهرو غير بحشمتها و برائتها قدرت تكسر حاجز قلبو و تخترقو….. دامت قبلتهم لثواني ثم طورت لدقائق باش تولي علاقة متكاملة….. علاقة كيمارسو فيها طقوس حبهم…..

حبهم اللي توجوه فالحلال و ربي كمل عليهم….. حبهم اللي ممشروط بحتى حاجة…… كيبغيها حيت ياسمين….. و تتبغيه حيت محمد…… تيبغيها حيت ملاكو الصغير….. و تتبغيه حيت ملاكها الحارس….. تيبغيها حيت هي….

و تتبغيه حيت هو و ماشي غيرووو….. ماشي غير هو اللي كان داير حاجز لقلبو….. هي كثر منو….. حتى انها كانت بانية حصن منيع حتى حد ماقد يجتازو قبلو….. حاولو كثار و ماخلاو مدارو و بجميع الطرق لكن كان غير الرفض من عندها…..

كان عندها خوف و قلق و رفض….. من كثرة ما كانت كتشوف حالات البنات و أحزانهم و الالم اللي كيسبب ليهم الحب كرهاتو قبل ما تعيشو….. و ظنت انها عمرها غتلقى شخص اللي تعيش معاه الحب السامي….. حتى بان محمد اللي من الأول بين على معدنو الصافي…..

بين على رجولتو و بين انه مباغي منهت والو بالعكس هو كان طامع…… طامع فالحلال مع الانسانة اللي حب قلبو و عشقها….. ختمو ليلتهم بحظن دافي و فداخل كل واحد فيهم كيدعيو ربي ميحرمهمش من بعضهم و يوهبهم الذرية الصالحة اللي تكون ثمرة حبهم و قطعة من قلبهم….. ❤️

عرسانا حتى هوما عاشو اول ليلة ليهم عادي كأي ليلة دخلة….. مكانش مشكل البكرة او العذرية او “الدم” مسبب مشكلة عند يوسف كيما كيسببها للبعض اللي كيقولك انا من سابع المستحيلات ناخد وحدة معندهاش بكرة و مغينزلش ليها الدم و “ماشريفاش” حتى انهم كيقيسو شرف البنت بقطرة دم….

كيقيسو شرف البنت بجلدة…. بمعنى ان البنت تقدر دير اللي بغات و تمشي فنما بغات و تعرا كيما بغات لكن تبقى محافظة على ديك جليدة راها شريفة….. واخا يكون هو مطلق سبعين مرة بالنسبة ليه الراجل غير راجل و خاصو ديما ياخد بنت بنوت….. تبا و سحقا لهذه الافكار…..

الافكار اللي غتخلينا عمرنا نرتقيو و نزيدو القدام….. علاش المطلقة ممنحقهاش تعاود تزوج و تعيش…..الارملة ممنحقهاش تعيش….. المغتصبة ممنحقهاش تعيش….. اللي تزادت بلا ديك البكرة ممنحقهاش….. بأي حق اساسا كيخرجو بهاد الاحكام…. بأي حق سولت لهم انفسهم يحكمو على نساء ضحايا مجتمع ذكوري شرقي بالموت…..

حتى ان الرسول صلى الله عليه وسلم اشرف خلق الله و افضلهم…. تزوج أرامل و مطلقات….. فبأي حق يجي واحد مكيحطش جبهتو للارض…. عارف من الدين غير مرتي دير زيف و الشرع حلل اربع نساء….. و يحكم على بنت اللي هو معارفش اصلا ظروفها بأنها ممزياناش لمجرد انها منزلتش منها قطرة دم…..

نهار غيختفيو هاد الافكار من مجتمعاتناااا….. فاعلموا اننا ارتقينا و اصبحنااا مجتمع يصلح نعيشو فيه…..

و يوسف عمر هاد المشكل ما سبب ليه عائق…. المهم عندو انه عارف ان حنان شريفة و بنت الناس و بنت الاصل….. مغيحكمش عليها بالموت من تجربة فاشلة سببها شماتة معرفش يصون بلارة كانت عندووو بل و اكثر بدلها بشخص من خبثو تفرق الخبث……

دوزو ليلتهم عادي و محسسهاش انها خايبة او ممزياناش حتى انه غازلها و مدح جمالها و جمال ثنايا جسدها اللي مقدرش ينكر انهم حمقوه….. ختم علاقتهم ببوسة على جبينها حاملة كل معاني الاحترام و الود و شكرها….. ماشي حيت دارت شي حاجة ولكن شكرها لانها هي…..

تكاااها فوق صدرو كيلعب فشعرهاااا و يغلغل يدو فيه و هي غير مهدنة تتسمع لدقات قلبو و شفايفها مرسومة عليهم ابتسامة صغيرة تتحمد الله و تشكرو على يوسف و الامان اللي عطاها و تطلب يدوم عليها هاد الفرحة….. فيقها من افكارها صوتو كيسولها….

يوسف: فين تبغي نسافرو احنان

حنان: نسافرو؟

يوسف: اه نمشيو ندوزو واحد السيمانة نبدلو لجو شهر العسل زعما

حنان: معرفتش انا عمرني سافرت فينما بغيتي

يوسف: (حيد ليها خصلات ديال الشعر كانو مدرقين وجهها باش يبان حنيكاتها مزنكين و طالعها السر) وايلي عمرك مسافرتي

حنان: والله حتى عمرني فت الرباط مرة اللي مشيت مع يوسف لسلا و كنت غنموت بالخلعة هههههع

عبدالله:(سرح فضحكتها) علاش مالك

حنان:(بدات تتعود ليه بعفوية) مشينا عند لوستها و خرجوني نتسخر مع المرة ماعندها اللي يتسخر ليها وهو يتبعني واحد الشمكار هههههه والو نتزوج بيك صدقت راجعة للدار بلا سخرة كنترعد

يوسف: هههههه بالسيف ما يتبعك تانتي عاطية للعين تبارك الله زينة معرفت لمن شابهة

حنان:(بعدما كانت ضاحكة جمعتها بحزن) قالت ليا خالتي كنشبه فالعينين لبابا و الملامح لماما قالت ليا يوسف زوينة بزااف و حتى بابا الله يرحمهم….

يوسف:(بقات فيه و ندم علاش جبد ليها هاد الموضوع) الله يرحمهم ياربي يله دابا وقت النعاس و السفر خليه عليا (حط يدو على حنيكاتها و قرب وجهها ليه باش ياخد بوسة من شنايفها) تصبحي على خير

حنان:(حمارو حنيكاتها بالحشمة ضحكت و قالت) الله يصبحك فراحتو….

تكاها على صدرو و طفى الفيوز اللي كانت حداه…. عنقها عندو و غمض عينيه مستمتع باللحظة….. ❤️

يانور فجري….. يا قلبي البعيد 😍

الغد ليه فاقت عروستنا ناشطة و فرحانة و نفسيتها مرتاحة دخلت دوشت و توضات…. لوات عليها فوطة بيضة و خرجت عند بالها غتلقى يوسف مازال ناعس تا لقاتو جالس صدرو عريان كيحك فشعرو مخربق…. بالزربة باش بغات دور خبطت فالفاليز تا طاحت…. دارت بشوية لقاتو تيشوف فيها و يضحك….

يوسف: حشمتي زعما هههههه صباحك مبروك لالة العروسة

حنان:(ضحكت حشمانة) ههههه صباح الخير

عبدالله:(ناض بشورط حتا وصل لعندها باسها فخدها و قال) كيصبحتي مزيان مرتاحة

حنان:(هزات راسها بحال بنيتة صغيرة) اه الحمدلله

يوسف: مزيان لبسي حوايجك ندخل ندوش باش نفطرو و نتحركو…..

دخل و خلاها غطير بالفرحة قلبها كيخبط بعنف و كتحس براسها اول مرة تعيش هادشي….. لبست ملابسها الداخلية و فوقهم اونسوبل سخون و جلابة مخزنية بيضة ستيلها زوين خداتها معاها ياسمين…. نشفت شعرها و جمعاتو….. دارت ايكرون و عكر خفيف و بقات كتجمع الحوايج حتى خرج ملوي عليه الفوطة و الما كيقطر مع صدرو….. شعلو القلوبة فعينيها بالزربة حيدت نظرها عليه و كملت جميعهااا….

لبس حوايجو و خرجو بعدما جمعو حوايجهم كاملين…… وهوما هابطين فالسانسور عامر حاوط خصرها بيدو و جرها عندو بتملك….. هبطو لريسطو ديال الاوطيل فطرو فجو زوين كيتبادلو اطراف الحديث و يحاولو يتعرفو على بعضياتهم كثر….

يوسف: شنو بان لك نمشيو لافران تتكون زوينة هاد الوقت

حنان: كيكون فيها الثلج ياك نمشيو علاش لا

يوسف: صافي نمشيو دابا ناخدو شي حوايج و غدا الصباح نخرجو

حنان: ومحمد امين غنديوه ياك يمشي معانا

يوسف:(ابتاسم ليها) لا غنمشيو ندوزو راس فالراس اش بغيناه

حنان: لا لا عفاك والله حتى ولفتو

يوسف: يالالة غا كنضحك معاك بغيتي نديوه نديوه….

كملو فطورهم بالضحك و خرجو بعدما خلص دازو لبوتيكات ديال الحوايج خدا ليها زوج مونطوات و تريكوات سخان و دي بوط خسر عليها الفلوس…..

مشاو للرياض لقاوهم معرضين ليهم بالحليب و التمر….. مشا يوسف للمحل نيشان و طلعت حنان مع ياسمين و تيسير للبيت….. دخلو حطت داكشي و تجمعو فوق الناموسية كيتحتو….

ياسمين: يالالة و الناس صابحين ناشطين و منورين ما السر يا ترى

تيسير: هههههه الحلوة يا اختاااااه مشفتيهش صابح ناشط يخسر و يشري فالحوايج

حنان: هههههه ماسخات متتحشموش راه غي حوايج البرد غنسافرو لافران

ياسمين: ايوا بصحتك احبيبتي كيدوزتو ليلتكم ياك كولشي سانك سانك

حنان: الحمدلله كولشي هو هداك يوسف صدق حنين بزااف و راجل تخيلو اول مرة غنسافر فحياتي

تيسير: خوتي گااااع رجال ياختي الله يجعل سعدي بحال سعدكم و بصحتك والله حتى فرحت لك تستاهلي

ياسمين: و ايلا قلت ليكم حتى حنا مسافرين و عرفتو فين (خرجو عينيهم فيها) طووووركيا

حنان: بصاااااح سعداااااتك

تيسير: وااااكواك الحق المزوجات عايشات و انا البرد فيا الملل فيا الحزقة فيا يا القردة سيري لطوركيا ديري هوليوود سمايل عند صوفيا

ياسمين: ههههههه طااااالوني محمد يديني عند طااالوني بغيتيه يطلقني تم و يرجع بشي تركية نيت

حنان: شكون هاد طالوني البنات اويلي

عاودو ليها على صوفيا و قلبوها ضحك حتى ضروهم كروشتهم…. شوية ناضت تتقيس الحوايج و هوما تيوريوها شنو تدي معاها حتى قادات فاليز ديالها و عاد نزلو يشوفو الرياض اش واقع فيه…..

محمد فالمحل جالس فالبيرو كيشوف شي خدمة حتى سمع الدقان سمح بالدخول وهي تدخل نعمة البنت اللي خدامة عندو….

محمد: وي نعمة كاين شي مشكل

نعمة: لا اسي محمد غير جات واحد الكليانة تتسول عليك

محمد: شكون هادي و علاش تتسول ياكما قلقها شي واحد

نعمة: لا لا هادي مادموزيل رجاء برحيل اسي محمد راك عارف ديما تتبغي تعامل معاك نتا

محمد: اه وي صافي هاني هابط سيري نتي لخدمتك…..

ناض بعدما سمع سمية….. كيفاش لا و هي كليانة مهمة للمحل بنت واحد من اغنياء البلاد و تتاخد جميع مجوهراتها غير من عندو و قديمة حتى ان صحاباتها و عائلتها كولشي كياخدو غير من عندو الشي اللي كيخليه يكن ليه واحد الاحترام و يدير ليها قيمة حتى انها متاخدش يلا مكانش و كانت هادي مدة باش مجاتش للمحل…..

سد بيروه و هبط بانت جالسة فالبيرو تتدور عينيها….. بنت فالعشرينات من عمرها زوينة بزااف و باين عليها الغنى والترف اللي عايشا فيه….. شعرها الاشقر مصاوباه بعناية مع مكياج متقون مواتي العدسات الرمادية اللي دايرااات….

لابسا صاية قصيرة ديال الجلد كحلة مع بيل اسود و فيست فالابيض و الاسود لايحاها عليها و بوط طوال….. من الساك اللي هازة و الاكسسوارات و الساعة اللي دايرا يبان لك مستواها المعيشي و لأشمن طبقة مجتمعية كتنتمي…

محمد: (وقف عليها ماد يدو) اهلا انسة رجاء نهار كبير هذا اللي شرفتينا

رجاء:(ابتاسمت و فعينيها لمعة غريبة) اهلا سي محمد كيف داير الامور تمام

محمد: الحمدلله تفضلي جلسي شنو تشربي بعدا

رجاء: قهيوة سادة اذا كان ممكن

محمد: طبعا ممكن الله ياودي الانسة رجاء تطلب جمل مشوي يحضر

رجاء:(كتهضر بزرانة و رقي) شكرا ربي يخليك الصراحة ليك وحشة والله العظيم

محمد:(بعفوية) حتى نتي المحل نور بوجودك ايوا اش حب الخاطر نجيب لك الكطالوغ تشوفي الكوليكسيون اللخرة

رجاء:(بغات تهضر وهي تجيب البنت القهوة تسنات حتى مشات عاد كملت) لا الصراحة هاد المرة عندي طلب خاص

محمد: وي مرحبا على الراس والعين بحالاش هاد الطلب

رجاء: الاخت ديالي الكبيرة عيد ميلادها الشهر الجاي و بغيت ليها شي حاجة سبيسيال حتى واحد مدايرها شي اونسوبل يكون خفيف و مرصع

محمد: فهمت طلبك كاينين شي حوايج فالكوليكسيون زوينين و مازال مخرجوش شوفيهم و اذا معجبوكش نتافقو هلى حاجة اخرى…..

جاب ليها الكطالوغ تتشوف حتى استقر اختيارها على واحد خفيف و زوين و عاطي للعين علمها انه غيكون واجد من هنا لواحد السيمانة….

تبادلو أطراف الحديث وهي محافظة على ادب و رزانة فهضرتها حتى انها كتبان قمة فالانوثة….. سالات قهوتها و ناضت مودعاه املا فلقاء اخر….. خرجات من عندو فرحانة كيما ديما وهو وصا الدراري على المحل و خرج…..

تغداو مجموعين فالرياض و جر مرتو واخا طلبوه يبقاو لكن دركهم الوقت و الطيارة اللي مازال تابعاهم عندهم مع الثلاثة دالصباح و عاد جميع الحوايج….. توادعو معاهم و خرجووو فاتجاه عش زوجية ديالهم…..

ياسمين: محمد دوز لشي سيبير مارشي ناخد شي تخربيق

محمد: من هنا نعلمك دي فاليز صغيرة صافي تال تما و خودي الحوايج راه موجودين و رخاص

ياسمين: صافي واخاااا اححح شحال فرحانة…..

وقفو قدام مرجان هز بزطامو و دخلو مشات لجيهة ديال لي برودوي خدات باندوش و شومبوان و لابخي شومبوان و ديودورون و قطن المهم خدات جميع الاساسيات اللي غتحتاج تما….. شافها هزت اولويز قرب عندها كيضحك…..

محمد: باقي مابغا يعفو علك الله من نعومة بالاجنحة و تجيبي شي مومو تيطير

ياسمين:هههههه وااا مكاين والو هاد الساعة مي نديو الاحتياط

محمد: غا ديري فبالك راه متجي من تم تاتجي هازة صبري تقادة ابنت مصطفى….

ضحكت و زادت مخلياه تيسوط….. خلص و خرجو فاتجاه دارهم….. مع وصلو دخلت دوشت باش تربح الوقت دارت دوش خفيف بما انها مستيكية الحالة و دايرا سوان و كولشي….. خرجت نشفت شعرها بفوطة و ظفراتو گرينات باش يله يتبوكلا من هنا تيبغيو يمشيو…..

دخل محمد يدوش حتى هو و هي بدات تتجمع فالحوايج….. جبدت اللبيسة باش غتمشي و جوج لبيسات اخرين حتى لتما و تاخد و الما باقي عمرت الفاليز شوميزات بالالوان و الاشكال….. معولة تخربها…. قادت ديالها كاملة و دازت لديال محمد حتى هو جمعت ليه مستلزماتو…..

الوقت بالزربة داز و وصلات العشرة و كان خاصهم يخرجو يله يتعشاو و يمشيو للمطار بحيت الاجراءات تتاخد وقت….. حلت شعرها اللي كان تبوكلا كامل دارت ليه سيروم و خلاتو مطلوق على راحتو….. لبست اونسوبل ديال الخيط عبارة على بيل خفيف بيج و سروال فنفس اللون واسع مع جاكيط سخونة كحلة و سبرديلة بيضة…..

هزت ساك متوسط غتهزو معاها فيه گاع داكشي اللي غتحتاج و خرجو بعدما تأكدو من ان كولشي مسدود و البوطات طافيين……وصا محمد الكونسييرج و دور معاه حتى غرقو دعاوي و مشاو فاتجاه مطار الرباط سلا…..

تعشاو و دارو جميع المعاملات و دفعو الباگاج و بقاو كيتسناو موعد طيارتهم اللي كان قطعها محمد فالبيزنيس كلاس لاسطنبول باش يمشيو مرتاحين….. وهوما جالسين ياسمين جالسا و محمد حاط راسو على فخاضها و يديها تيلعبو فشعرو…..

ياسمين: حبيبو الطوموبيل شنو غدير فيها

محمد:(هز فيها عينو ضاحك) جديدة تاني هاد حبيبو اختي ههههههه خليتها فالباركينغ في امان الله وحفظه خفتي على خرشاشتك

ياسمين:(نتفاتو بالشوية) بزاف علك تا خرشاشة مالك شاريها ليا

محمد: ايه تتنتفي يا المصفرطة مالك شكون شراها لك كنتي خدامة فوزين الكحبة

ياسمين: شوف دابا غرضك تعصبني ياك

محمد: احححح كون تعرفي غرضي غرضي نتكي والديك هنا و ندير لك ماكلة جمل

ياسمين: راه انا اللي غندير لك ماكلة الضبع

محمد:(هبط ليها راسها لعندو و قال بهمس) كولشي من عندك زين ازين (طبع بوسة على شفايفها)….

وصلو للديار التركية بعد رحلة طويلة عياو فيها نيت…. خداو طاكسي بعدما وصل باگاجهم و دارو جميع المعاملات فمطار اسطنبول الدولي…. اتجهو لأوطيل فور سيزن واحد من احسن الاوطيلات فالمدينة كيطل على البوسفور وصلو ليه و مع نزلو تبهضت ياسمين من جمال المنظر…. هندسة معمارية خطيرة و تصميم أروع بلا الضواو و داكشي غير الدخلة واو….

ياسمين: هادشي زوين بزاااف امحمد باينا غالي

محمد: تا حاجة متغلا على حبيبي

ياسمين:(عنقات يدو) ياااااي شكرا حبيبي بزااف

دخلو اكدو الحجز ديالهم و خداو الكارط و جا عندهم الشخص اللي كيجر لي فاليز فكروسة….. طلعو فسانسور و ياسمين متحمسة……

خداو شومبر زوينة فيها شرجم كبييير تيطل على البوسفور و البالكون فيه جليسة تيطل على البيسين….. غرفة رائعة بالدوش ديالها…..مع دخل ليهم الولد لي فاليز دور معاه محمد و سد الباب…..

دار عند ياسمين اللي كانت تتحيد فسبرديلتها ماحسات بيه حتى هزها و لاحها على السرير و طلع فوقها مكالي بيديه باشما يرميش بثقلو عليها…..

محمد: شحال وانا صابر علك و شاد روحي عليك بسيف

ياسمين: خلعتيني امحمد

محمد: محمد مرض بيك ابنت الناس وا عطيني دوايا ولا نهتر و نخرج نحيح على التواركا

ياسمين: ماشي دابا عافاك غنموت بالعيا و عرقانة خلي غير حتى ندوش

محمد:(هبط لوذنها عض ليها اللحيمة ديالها حتى قفزت و رجع همس فيها) باغيك بكلشي ليك و كيما كنتي كنتي

ياسمين:(كبرت عويناتها وسبلاتهم) دقيقة امحمد دقيقة

محمد:(ساط و تلاح عليها لجنب كيسوط) نوضي الالة تابعاك تابعاك غا نوضي…

لاحت ليه بوسة و ناضت بالخف حيدت جاكيط الفوقية…. مشات للفاليز جبدت طروس و بينوار و ملابس داخلية و دخلت بجرا للدوش….. جمعت شعرها كلو الفوق….. حيدت حوايجها و دخلت دوشت بلاما تغسل شعرها….

نشفت بالخف و دهنت لحمها بكريم مرطب ريحتو زوينة…. لبست ملابس داخلية شبكة فالبيج مع بينوار حريري واصل لنص فخدها…. عقداتو و رطبت وجهها….. دارت مرطب شفايف كيلمع….. خلات سنيسلة رقيقة فعنقها و خلخال ذهبي فرجيلاتها….. جمعت الدنيا و

خرجت حفيانة كتمشي على طراف صعبانها….. شافت جيهة السرير لقاتو متكي سفاحي غير بلكالسون….. ضحكات وهي كتشوفو غير كيسوط و معاجبو حال….. حنحنت باش ينتابه ليها و فعلا هز راسو هو يتبهض….. ديما باهراه و مفاجآه رغم انها مكديرش شي مجهود لكن كلها على بعدها كتعجبو و تيموت فيها….

تسناها تا وصلت عندو….. جرت حزام البينوار و هي كتشوف فيه بنظرات اغراء….. لاحتووو برجلها و مشات فوق السرير على ركابيها تا وصلات عندو….. بغفلة منها جرها فوقو و خدا شفايفها عندو كيلتاهم فيها….. مكان عندو لا الوقت ولا الجهد باش يهضر….

دخل نيشان فالتطبيقي…… من قبلة رقيقة تحولت لقبلة عنيفة ترجمات وحشو ليها…. ترجمت الحب القوي اللي كيكنو فيها…. حتى انها مقدرتش تجاريه فقبلتو….. كلا ليها شفايفها حتى رجعو كلهم دم….. للحظة حبس…. بعدها عليها و شاف فعينيها بنظرة عمييقة….. محاول يوصل ليها افكار كثيرة و مشاعر اكثر….. قال بصوت فيه بحة رجولية دخلات مع مسامعها بحال سيمفونية…..

محمد: حياتي قلبتيها….. رجعتي مني دري صغير تتحركيه كيما بغيتي…. رجعتي مني مريض و دواه نتي…. اش درتي فيا ابنت الناس

ياسمين: ماشي حسن منك انا…. ايلا نتا مرضتي انا راه نموت بلا بيك… حتى اني كنطلب ربي يجعل نهاري قبل نهارك

محمد:(حط سبابتو على شفايفها و ضغط باش تسكت) ششششش متجبديش على فمك سيرة الموت مازال الدنيا قدامنااااا ششششش….

بخطوة جريئة منها عضت على صبعو باغراء….. باش يرجعو يغوصو فعالمهم الخاص….. عالم فيه هو و هي….. متحدين اجسادهم و قلوبهم….. كيمارسو الحب على اصولو….. كيوصلو لبعضهم احاسيسهم بالفعل قبل القول…… كتوصل ليه حبها بقبلات و حركات….. و كيوصل ليها حبو بقبلات و كلمات الغزل…..

دوزو ليلة طويييلة رغم العيا الا انهم حتى حد ماقدر يمنع نفسو على لاخر….. ختمو ليلتهم و علاقتهم فالدوش فين بقات فاحظانو فالبينوار عامر بالما حتى بدا الحال كيصبح…. ناضو كل واحد دوش و خرجو نعسو فاحظان بعضهم بعد ليلة بقات مرسخة فعقولهم….. 🔥

فالمغرب و تحديدا فدار شيماء…. دار من جوج طبقات كبيرة و زوينة مصبوغة و مجلجة و حتى فراشها زوين و نقية….. جالسا زبيدة (ام ايوب) فالكوزينة تتنقي الخضرة للغدا…. كانت العشرة و نص دالصباح جالسا و كتنكنك حتى دخل عليها ايوب يله مدوش مازال شعرو سارد جاي كيتمختر دخل لقاها جالسا هز قرعة و كاس و جلس حداها…..

ايوب: صباح الخير الوليدة

زبيدة: ظهر الخير هذا يله فايق متابعك والو

ايوب: الويكاند الواليدة هذا متنكديهاش عليها اش بغيتي نوض نعجن لك

زبيدة:(خصرت سيفتها) اممم تعجن عجنت تا مرتك اللي مازال خامرة لدابا معولة تفيق تلقا كولشي واجد

ايوب: وا راك عارفة الواليدة حاملة و مولفة الفشوش خليها ولا سيري فيقيها المهم خرجوني سوقكم

زبيدة: حاملة كتقول فيها بوجهك حمر واااا حشومة تقولها و نتوما درتوه فالحرام. الفشوش اللي مولفة راه خلاتو فدارهم كون بقات عا ديك الحرامية ديال حنان كنت مستفاداها

ايوب: فيناهيا حنان ضبرت على راسها بنت الكلب بالحق واللهما تبقى فيها

زبيدة:(خرجت فيه عينيها) اش بغيتي بالخنز يله گلنا تفكينا منهاااا باغي تجيبها تاني (يله بغا يهضر تسمع صوت اللور)

شيماء:(جاية كتعيوج ببينوار مزير عليها و الشعر مطلوق مناقصها خير) شكون هادي اخالتي

زبيدة: غاااا واحد الكلبة حاشاك مع ولدي تيموت على الكلبات يحيد وحدة يجيب التانية

شيماء: اويلي على كلبة حماقيتي اايوب راك عارفني حاملة خايب ليا

ايوب: مديهاش على الواليدة راها غا ضاحكة معاك جلسب تفطري

زبيدة: ما بقا فطور ايلا بغيتي تفطرو قادوه فطرت انا و باك و غسلت الماعن بغيتي نخليهم تال العصر

شيماء: (ميقت فيها) وحنا اخالتي كون غي خليتيه لينا

زبيدة: ايوا مناشي باردة القلب و ميتة ليا النفس تانخلي الماعن تال وسط النهار النسا الحرات دابا راه غداهم مردود و خبزهم طايب ولايني دارتها قلة نفس بنات اليوم….

شيماء:(تمرحت فوق الكرسي تتشوف فظفارها) ايوا حتى انا مولفة الخدامات يوجدو ليا ممولفاش نوقف نصاوب فطوري (ناضت و خلاتهم)

زبيدة:(تفقصت و تعصبت من هضرتها و برودة دمها) مكذبتش اولدي ملي قلت لك تتموت على الكلبات وليت نتعاير قدامك ولا حركة منك يا قليل النفس تفو على الرجالة بحالك

ايوب:(تعصب ملي قالت ليه مو هكاك ناض بعصبية مشا للبيت لقاها واقفة تتقلب فتيليفونها مشا ليها نيشان شدها بغفلة منها من شعرها و جرها لعندو و دوا بصوت مغدد) كووولشي نسكت ليه تال الواليدة ديك الهضرة ديال بنات الق&$# ماعندي ماندير بيها مي تحتارميها و يدك فوق راسك تتسمعي..

شيماء:(مصدومة تتوجع و تتحاول تفك منو) طلق منييي طلااااق واش حماقيتييي انا تضربنييي

ايوب:(زاد زير عليها و داها و جابها حتى حست ببنادم مشا و جا فكرشها) شششش صوتك ميعلاش الكلبة دابا غتبدلي هاد الحالة و تخرجي تعاوني الواليدة ولا معجبكش الحال رجعي للدار باك يلا قبلو بيك…. (طلق منها و دفعها حتى تزدحت مع الحيط)

خرج ايوب خلاها شادة كرشهت كتوجع و دموعها نازلين….. ماشي دموع الحزن و انما دموع الالم و الغضب…. ممتيقاش كيفاش قدر يعاملها هكا شافت تا عيات و ناضت بعدما فاتتها كرشها خرجت تعاون زبيدة خايفة يرجع ليها تاني حيت عندو الحق….

هاهيا مدارتش بهضرتو يا تاكل العصا يا ترجع لدار باها اللي اصلا مبقاتش تقبل عليها…. خرجت لعندها للكوزينة محاملاش راسها دوات فوق خاطرها….

شيماء: فاش نعاونك اخالتي

زبيدة:(شافت فيها لقات عينيها حمرين عرفاتها غتكون باكية ضحكت و قالت بتمسكين) ايوا ابنتي مبغيتش نشقيك و نكثر علك ولكن داك الصالون من شحال هادي متخمل ملي ضرني ظهري

شيماء: اويلي اخالتي صالون كامل

زبيدة:(رفعت صوتها باش يسمعها ايوب) ايوا ابنتي واه الظهر قلتني اما كنت تنخرج ربعة فنهار

شيماء:(سمعت ايوب كيحنحن) واخا ولكن خاص اللي يعاوني

زبيدة: هانتي راه داكشي ديال الميناج فالطواليط لتحت طلعي لي برودوي و داكشي و راه ايوب يهز معاك السدادر حكي الحيوطة و الارض و مسحي الثرية عاد فرشي الله يرضي على بنتي…..

ناضت تترمي الخضرة فالطنجرة مخلياها تتقلا فسمها تا شبعت و مشات حيدت البينوار بقات بكولون و تريكو جمعت شعرها و شافت فظفارها اللي عاد دارت ليهم الجيل تتحسر عليهم….. جابت لي برودوي و وقفت عليه مرح فالصالون كيتفرج فالتلفازة….

شيماء: نوض هز معايا السدادر نخويو البيت

ايوب: صبحنا على الله لاش تاني يله ريحت منرتاحش

شيماء: ايوا مك قاتليا خملي البيت

ايوب: شوفي راه ها وذني منك داك ديسكور ديال مك مرتك معنديش معاه….

ناض بدا تيخرج معاها كولشي تا خوا البيت و هي غير شادة ظهرها اللي عطاها الحريق مع مموالفاش الهزان…..عمرت السطل و دارت ليه شوية تيد و جافيل و بدات تتخوي فالما تا وقفت عليها زبيدة…..

زبيدة: هذا هو الحكان فبلادكم ابنيتي

شيماء: كيفاش غنحك الحيط راه كبير

زبيدة:(زادت التيد و جافيل فالسطل حتى طلعت الرغوة و هزت شيتة عمرتها و بدات تتحك) هكااااا تيحكو الناس و دابا حكي كولشي و القنات خصوصا و حكي الارض تاهيا…

شللات يديها و زادت مخلياها تتحك على قلبها و تشلل حتى تهرسو ليها گاع ظفارها…. سالات و جلست ترتاح بينمااا نشف البيت تتحس بظهرها غيتقسم هاهو خرج ايوب لابس و مأنتك دارت شافت فيه مطلعاه و مهبطاه و قالت…..

شيماء: على فين بالسلامة

ايوب: موالف كنتشاور معاك امدام خارج عند صحابي

شيماء: ايه وانا شكون غيدخل معايا هادشي

ايوب: اري ليا طابلية و جلسيني حداك سميني سعاد لا تشاو بيبي….

خرج خلاها غتموت بالفقصة رجعت البيت كلو بوحدها ماسلات حتى سخفت و ظهرها تقسم…. فرشاتو كامل و مسحات الديكورات و ها زبيدة تتعيط باش يتغداو…. مشات تتلهت رمات السلام على شيخها و ريحت غتموت بالظهر…..

شيخها(عبدالحفيظ) : امالك ابنتي واحلة فروحك و تتخرجي فالبيت خليه تنجيبو المرة اللي مولفة تتجي ليه كل مرة

زبيدة:(يله بغات تهضر سبقاتها) ايوا هانتا تشوف الحاج عيت فيها قاتلك والو اخالتي البيت توسخ نخرجو قلت ليها نجيب لك مرة قاتلي الدار داري و قادة بيها

عبدالحفيظ:تبارك الله الله يرضي عليك ابنتي

ابتسمت ليه شيماء و الصدمة مابغاتش تسرط ليها كيفاش نكرتها بقات غا كتشوف حتى الماكلة مبغاتش دوز ليها…..

اللِّي كَيْعَمْلُه إبْلِيسْ في عَام, تْعْمله العْكُوزَة فْسَاعهْ

عند محمد و ياسمين…. فاقت ياسمين كتحل فعينيها بزز تتحس بالبينوار ديال الدوش اللي نعست بيه ملوي عليها و شعرها مخربق….. تحسست بيدها البلاصة حداها ملقاتش محمد….

هزت راسها ملقاتوش…. جلست فالسرير تترتاح و تستوعب فين هي و شكون هي و اش كدير…. ناضت من بلاصتها طلعت الريدو حتى دخل الضو….. دازت للكوموند لقات وريدة حمرة محطوطة فوق ورقة مطوية….. خدات الوردة بابتسامة شماتها عاد هزت الورقة حلاتها لقات محمد كاتب فيها

“صباحو حبيبة بدلي و هبطي عندي”

حطاتها و دخلات نيشان للدوش غسلت هاد خرجت لبست ملابسها الداخلية بالخف و جبدت حوايجها اللي غتلبس عبارة على مومي جينز ازرق مع بيل كولو طالع شوية مزير كحل و فيست بوردو…..

عقدت الفيست و دارت معاها ويست باگ او حقيبة خصر ديال الجلد….. سرحت شعرها بالزربة وغي من الفوق. و جمعاتو ذيل حصان مع مكياج خفيف نهاري بعكر خفيف….. رشت عطرها و لبست سبرديلتها و خرجت….

نزلت للاستقبال تتقلب على محمد تا بان ليها جالس فجريدة لورانيا…. وهي غادة عندو كيبان ليها جالس مع شي واحد او بالأحرى وحدة….. عقدت حواجبها باستغراب مظنتش انه ممكن يتلاقا مع شي واحد تيعرفو…..

وصلت عليهم شافها هو اللي كان مقابل معاها ابتاسم لكن البنت كانت عاطياها بالظهر شافت غير شعرها المطلوق على راحتو و شمت عطرها…..

ياسمين:صباح الخير

محمد: صباح النور جلسي تفطري (شافها شارت ليه بشكون هادي) غير جلسي هادي انسة رجاء كليانة مهمة ديال المحل و تلاقيتها صدفة ملي نزلت….

ياسمين:(جلست و عاد شافت رجاء اللي كانت هاد المرة على طبيعتها بعيونها البنية و وجهها الصافي صدمتها بجمالها ابتاسمت ليها بود و مدت يدها تسلم عليها) اهلا انسة رجاء متشرفين

رجاء: اهلا حبيبتي متشرفة بيك لكن معرفتش نتي شكون (طلعاتها و هبطاتها)

ياسمين:(معجبتهاش طريقة هضرتها لكن صرطتها و قالت بثقة) انا ياسمين مرات محمد

رجاء:(شافت فيها بصدمة و رجعت شافت فمحمد و قالت باستغراب) نو واي متقولش ليا تزوجتي ايمتا و كيفاش واو

محمد:(على نيتو قال) ايوا هادشي اللي عطا الله ربطتني هاد بنت الناس مخلاتنيش مازال نتفافا (شاف فيها لقاها تتخنزر فيه ضحك عند بالو غير كاضحك)

رجاء:(بضحكة استفزازية) هههههه ايوا ملي هكا حالك ساهل بالزربة تفك غا حبيا

ياسمين:(عصبها محمد بجوابو و كملت ليها رجاء الباهية قالت بحدة) حتى دابا يلا بغا مرحبا حشومة نشدوه صحة (وقفات تحت نظراتهم) معجبنيش هاد الفطور غنمشي نشوف شنو ناخد (زادت تحت نظرات محمد المستغربة ناض وقف حتى هو بغا يتبعها)

رجاء: سمح ليا امحمد اذا كنت خلقت لك شي مشكل بسبب كلامي انا والله دويت عن حسن نية و غير ضاحكة

محمد: لا لا بالعكس مكاين حتى مشكل نخليك دابا حتى نتلاقاو ( زاد تابع ياسمين فين مشات).

رجاء:(تبعاتو بنظرها حتى اختفى عليه و قالت وهي تتشرب قهوتها) حالك ساهل القطيطة ماشي نتي اللي تغلبيني…

تبع محمد ياسمين مستغرب من حدتها و تصرفها اللي عمرو كان ليها مع انه كيشوف انه لا هو لا رجاء قالو تا حاجة غالطة غير ضاحكين و صافي و ظن انها ولفات ضحكو….

لقاها واقفة فالبيفي ديال الفطور هازة طبسيل كتهز فيه داكشي اللي بغات تا وقف عليها….

محمد: مالك اياسمين واش تقلقتي علاش مشيتي و خليتي الفطور

ياسمين:(تخنزرت فيه و رجعت كملت شغلها) علاش غنتقلق درتي ليا شي حاجة؟ومعجبنيش داك الفطور

محمد:تتبعها للطبلة فين مشات ريح حتى هو) و علاش هضرتي هكاك و مشيتي مالك عندك شي مشكل قوليه

ياسمين: نتا اللي شنو مشكلتك و شنو ديك الهضرة تتقول قدام ديك خيتي يحساب ليها غير بصح شاداك نيت

محمد: عادي كنضحك اشنو فيها ياك قلتها لك ما مرة ما جوج مالك دابا

ياسمين:(بعصبية) قلتيها ليا مي قدام ناس مقربين لينا ماشي قدام وحدة مكنعرفهاش اصلا هاديك ماشي هضرة تقال

محمد: ياسمين الله يهديك هضرة عادية هاديك و غير ضاحكين وحتى هي غير ضحكت الا ايلا بغيتي تجبدي الصداع

ياسمين:(خرجت فيه عينيها) دابا انا اللي وليت باغا نجبد الصداع (صفقت ليه بيدها بالشوية) برافو لا برافو سير كمل هضرتك مع كليانتك ضحكك و خليتي لا نجبد لك الصداع…

خلات ليه الفطور و زادت مخلياه غير تيشوف مفهمش مالها و لحد الآن مازال ما بان ليه الغلط ناض تبعها وهي غادة تتشتف اول حاجة معجبهاش تلقاه جالس مع رجاء خصوصا ملي شافتها و شافت جمالها و رقتها طبعا اي وحدة مكتبغيش راجلها او خطيبها يجلس مع وحدة زوينة و مأنثة واخا تكون ثقتها فنفسها مية فالمية و ثاني حاجة اللي زادت كملت عليها الطريقة باش كتهضر معاها هي و الطريقة باش كتهضر معاه و اخر حاجة اللي خلاتها صافي تنفر منها هي هضرة محمد و جوابها هي و كيفاش ثايقة فنفسها و تتهضر متأكدة…..

طبعا هادشي مشافوش محمد او مردش ليه البال لأنه كيبقى راجل و الرجال فغالب الاحيان مكيعرفوش فعايل العيالات بيناتهم كتقدر الحاجة تبان ليهم عادية لكن بالنسبة للمرة فهي معادياش فيها و فيها…. كذلك و مثال بالنسبة للرجال تكلبين الراجل ميعرفو غير الراجل…..

داكشي باش محمد لحد الان مفمش مال ياسمين و مالقا لتصرفاتها حتى تفسير تبعها بالخف شدها من يدها و حاوط خصرها بيدو محاول ميتعصبش حتى هو باش يبقاو زوينين….. حط سبابتو تلى خدها كيدوز فيه و عويناتو الخوضر فعسيلاتها هايمين……

محمد: دابا مال الزين ديالي كاعي راه خاصك تكوني طايرا بالفرحة ماشي العكس احبيبي

ياسمين: كنت فرحانة اما دابا زعفت امحمد

محمد: روح محمد نتي صافي سمحي ليا واخا معارفش شنو درتي اجي متكونيش غايرة

ياسمين: غايرة هههههه انا نغير و منين من هاديك لا كتحلم احبيبي

محمد: اححح (همس فوذنها) خارجة من فمك كيف العسل ههههه يله احبيبي نهارنااااا طويل يله…..

خرجو من لوطيل بعدما بقا حتى طيب خاطرها و رجع الضحكة لفمها اللي مكيرتاح تا كيشوفو ضاحك و عويناتها مبسمين كيلمعو كيما ديما….. اول حاجة داروها هي مشا كرا طوموبيل باش غيبقا يتحرك….

عاد بداو رحلتهم….. اول وجهة ليهم كانت هي القلب النابض لمدينة اسطنبول…. معشوق السياح…. ميدان او منطقة تقسيم…. البلاصة اللي مكتخواش….. البلاصة اللي وقتما مشيتي ليها تلقاها عامرة…. فيها كلشي…. مطاعم…. متاجر….. مقاهي….. بوتيكات…… فنادق و كولشي….. سطاسيوناو الطوموبيل و خدا محمد كامرتو اللي مكتخطاه فحتى رحلة….

بداو بميدان تقسيم اللي كان عامر كيف العادة بالسياح نظرا لتواجد واحد من المعالم التاريخية الجميلة فالمدينة اللي هو نصب تذكاري او تمثال الجمهورية التركية اللي تنحت سنة 1923 على يد نحات إيطالي بمناسبة الذكرى الخامسة لتأسيس الجمهورية التركية….. تصورو معاه و الاغلبية ياسمين صورها بجميع لي بوزيسيون و فينما دارت يصورها…..

خداو الكعك التركي من عند راجل تما بكروستو و تمشاو لناحية للشارع اللي فيه الحوانت و البوتيكات…..كان عبارة على شارع طويييل عامر بالمحلات التجارية واحد حدا واحد و وسطو دايز المترو….. هنا بدا هرمون السعادة تيتفرز عند ياسمين و لقات محمد قالها متعرفيش كل مرة يدخلها لمحل يحملو و يجملو و يخرجو و مع الحوايج رخاص مكاين غير الله يعطيك صحيحتك…..

من ملابس داخلية لبيجامات لشوميزات بالألوان و الاشكال ليها و للبنات لملابس خارجية لملابس تقليدية تركية….. غير الشيلان و الزيوفة دارت فيهم خبلة….. الصبابط و السيكان غير تتهز و محمد يهز و يخلص…. حتى ما بقا عندهم فين يزيدو مازال…. اضطرو انهم يرجعو طوموبيل يحطو بگاجهم و يرجعو…..

محمد: دابا خاصك متشريش الحوايج واحد العماين امدام.

ياسمين: ههههه مال هادشي كامل ليا مازال نمشي نفرق

محمد: مالي اختي شاري لك نتي ولا ليهم لي بغا شي حاجة يجي ليها انا كنشري لحبيبي يلبس حبيبي سيرتو داك الشوميز الحمر ليوووووم ابنتي

ياسمين: سكت سكت يسمعووك الناس اويلي متتحشمش

محمد:(شافيها بمعنى من نيتك) لاااا والله نتي تا عندك بلاصة العقل عتد حمار مجبد شكون بغا يفهمني هنا….

ياسمين: يااااااك حماااار واخا (زادت تدردك خلاتو تابعها كيضحك كيف الهبيل و كل مرة يصورها)

تجوهو لواحد من المطاعم اللي كان تما نيت اختارو مطعم تقليدي كلو بالخشب ديكورو زوين و عامر….. دخلو خداو الموني لقاو فيه مختلف الاطباق من كباب و مشاوي و فطائر و حوت گاع الاكلات المعروفة فيه….. خداو كباب مع فطائر و جلسو مستمتعين بالجلسة مع بعضهم…..

العائلة السعيدة ديالنا جمعو حوايجهم و حوايج محمد امين و قررو باش يخرجو بكري شوية….. فعلا الخمسة ديال الصباح فاقت حنان نزلت للكوزينة وجدت فطور خفيف و رجعت لبست حوايجها فيقت يوسف و مشات تفيق محمد امين….

لبساتو و كبطاتو على البرد و نزلت باش يفطرو…. فطرو علاش قدو و بينما دا يوسف الباليزات لطوموبيل غسلت لماعن و لبست مونطوها و خرجت….. محمد امين جالس فكرسي خاص بيه اللور و يوسف فبلاصتو حال الباب و جالس مقابل معاه تيكمي فگارو على الصباح يحل ليه دماغو….. طلعت حداه لاح الگارو و دار عندها كيسد فالباب….

يوسف: صبحتي تتشقاي على الصباح ديك الساع خلي تال شي سطاسيون

حنان: لا لا مكاين حتى مشكل نفطرو عاد نمشيو و تا يلا جاع محمد امين نهبطوه ياكل شي حاجة

يوسف:(خدا يدها باسها و حطها على حنكو) شكرا

حنان:(ابتسمت ليه بحشمة) مدرتش علاش…..

خدم الراديو و شدو الطريق مرة يدويو مرة يسكتو وقفو جوج مرات دخلو لطواليط و خداو لمحمد امين السقاطة عاد رجعو شدو الطريق….. و بعد تقريبا ثلاث ساعات وصلو لسويسرا المغرب…..

مدينة افران….. المدينة البيضاء…… مبهوضين بطرقانهااا اللي كتحس براسك ماشي فالمغرب….. الشجر بيض بالثلج…. و كيبانو القرودة كينقزو….. بلا الارض اللي نقية تتشعل متلقاش الوسخة…. بقاو غادين حتى وصلو لواحد المكتب ديال العقارات….. بقات حنان فالطوموبيل و نزل يوسف دخل…..

بقا مدة لا بأس بها عاد خرج هو و واحد السيد ركب السيد فطموبيلتو و تبعو يوسف من اللور…. زادو شوية و وقفو فحي كالم كيما گاع الاحياء ديال المدينة غير هو كيتميز بستيل اوروبي حي لبريري….. دخلو مع السيد للشقة اللولة كانت كبيرة بزااف معجبتهمش…

زادو لشقة اخرى وهي اللي عجبتهم كثر صغيرة و على قدهم فيها صالون زوج بيوتة ديال النعاس كوزينة بستيل اوروبي و طواليط و دوش….. مجهزة بكولشي و مفرشة على حقها و طريقها….. قررو انهم ياخدوها و فعلا تافق يوسف مع السيد على الثمن حتى خلاها ليه ب300 درهم للنهار……

خرج السيد و يوسف و بقات حنان و محمد امين اللي كان فرحان….. اول حاجة عطاتو ياكل و جلساتو قدام التلفازة و مشات هي تتستكشف الشقة و البيوتة….. لاحظت انها نقية خصوصا ان الفام دميناج كتجي كل سيمانة تنقيها….. رجعت حدا محمد امين كتلعب معاه و تعنكش فيه حتى دخل يوسف بليفاليز كيترعد بالبرد…..

يوسف:(حط لي فاليز و مشا حدا شوفاج اللي كانو معرفوش يشعلوه شعلو عاد ريح) واااا البرد كيصرفق الحناك اش هادشي

م.امين: ههههه انا مجانيش البرد انا بطل

حنان:(عنقاتو عندها) نتا ولدي الواعر اللي غينوض يعاوني ياك (حرك ليها راسو بايجاب و دارت عند يوسف) خاصنا نتقداو

يوسف: واخا نمشيو نتغداو و ملي نساليو نتقداو….

مشات دات ليفاليز ديالهم للبيت و بقات كدور هي و محمد امين فالدار حتى وصلت وقيتة ديال الغدا و خرجو يتغداو….. مشاو على رجليهم لمطعم بلدي كيدير الطواجن على الفاخر اختارو طاجين اللحم ديال المعزي بالقوق طايب على الفاخر بنييين كلاو حتى شبعو و خداو تصيورات عاد ناضو مشاو لاقرب سيبير مارشي تقداو و مشاو للدار…..

نرجعو لعند الكوبل ديالنا اللي ختمو نهارهم بعرض ديال الاوبيرا حضرو ليه فمركز اتاتورك الثقافي….. موراها خرجوو و دازو خداو عشا خفيف ضريف عاد شدو طريق لاوطيل سخفانين…..

و هوما داخلين محملين سمعو صوت بنت كتعيط محمد دارو لقاوها رجاء….. كحلت ياسمين بالعما و وقفت بالسيف عليها تا وصلت عنذهم…..

رجاء: كتبانو ليا متقلين ههههه مخليتو والو

محمد: ضروري اللي بغاتها المدام تحضر ولا لا اياسمين.

ياسمين:(بضحكة صفرة) اه هههه الله يخليك ليا و خلاص

رجاء:(ردت ليها الضحكة و قالت) ايوا بصحتك(وجهت كلامها لمحمد) كيما عرفتي انا جيت بوحدي و مالقيت معامن داكشي باش قلت غدا نمشيو اونسوبل فرحلة فدوك العبارات ديال البوسفور اذا مكان عندكم حتى مانع…

محمد: الصراحة ماعرفتش مانقولك (نغزاتو ياسمين) كون غير عفيتينا

رجاء:(حطات يدها على ذراعو بجرأة) عفاك امحمد عارفني بوحدي هنااا

محمد:(مشكلاتو ياسمين اللي تتنغز فيه و فنفس الوقت ماقدرش يرفض) واخا صافي مكاين مشكل

رجاء:(ضحكت بفرحة و زادت نقزت ملي شافت ملامح ياسمين اللي كدل على أنها بقا ليها قسم و تنفجر) ياااي شكرا المهم غدا مع العشرة نتلاقاو هنا يله تصبحو على خير (زادت كضحك مخلياهم موراها)

محمد:(دار عند ياسمين لقاها تتخنزز فيه رفع حواجبو قال بقلة حيلة) هانتي تشوفي امدام ملقيتش كيفاش….

مجاوباتوش ياسمين زادت و خلاتو تتحس براسها غتنفجر بالفقصة و الغيرة و زادتها الردة اللي جاتها زادت قدامو مخلياه غير كيشوف ما عرف مالها مع دخلو مشات تتجري لطواليط ترد…. بقات كتبوع حتى حسات براسها غتلوح مصارنها…..

جا محمد كيجري خايف عليها وقف موراها كيحك ظهرها حتى سالات…. ناضت غسلت و خرجت مع بغات تزيد شدها من يدها….. هزت فيه عينيها بتخنزيرة و نطراتها ليه بالجهد معصبة و ماعندها فين تزيد…. مشات لسرير تكات و حطت يدها فوق عينيها تا حست بيه جلس حداها و حط يدو على كرشها كيدوز عليها….

محمد: خلطتي بزاااف احبيبي تا رديتي (تسنا جوابها لكن والو) شوية دابا ارتاحيتي نجيب لك شي حاجة (وللو مجاوبتش) ياسمين جاوبيني معاك كنهضر

ياسمين:(حيدت يدها من فوق عينها و قالت) محمد القردة مقلزة ليا فوق گنتي خليني عليك دابا

محمد: كيفاش القردة ولا الزمر اش هاد الهضرة كنسولك مالك كتقولي ليا قردة مالها هاد القردة تا طالعة

ياسمين:(جلست معصبة) ماماليش اسيدي متسولنيش صافي هكاااا مزيان معصبة خليني طرونكيل

محمد: اش عصبك عاد كنتي بيخير واش على رجاء

ياسمين: لا تبارك الله حافض تا سميتها ياك كنا دايرين بروغرام بأش من حق تقرر بوحدك

محمد: سمعي احبيبة تهدني السيدة طلبتنااا و بوحدها مجاتش نرفضو

ياسمين: مسكين قلبك كبير مقررين نمشيو لأيا صوفيا تا صدقنا فالعبارة ولا البعارة تضرب بكلمتي الحيط على ود كليانة امحمد

محمد: وا الله يهديك صافي نمشيو غدا و بعد غدا نمشيو فين بغيتي مازال الوقت قدامنااا

ياسمين: سير بوحدك اسيدي انا واللهلا ضربت فيها ضربة و مزيان نعرف اش كنسوا عندك مزيان…..

ناضت و خلاتو غير كيشوف حيدت حوايجها بدلتهم بسيرفيط و ديماكيات وجهها…. بقا محمد كيشوف تا عيا و ناض تاهو دخل للدوش معول يخرج يدوي معاها بالشوية تكون تهدنت….. فعلا خرج معول يهضرو تا لقاها ناعسة فبلاصتها عاطياه بالظهر…..

محمد:(تمشى عندها كيعيط ليها) ياسمين نوضي ياااسمين (مجاوباتوش) نعستي راه عارفك مناعساش (حط يدو عليها كيململها) نوضي نهضرو نفكو المشكل

ياسمين:(دوات بصوت مخنوق) ماعندي فاش نهضر دابا عيانة و باغا نعس….

شاف تا عيا و خلاها على خاطرها بدل تاهو و مشا للبالكون سف جوج گاروات عاد جا نعس حداها و لاول مرة غتنعس ياسمين بعيدة على محمد رغم انها معاه فنفس الفراش لكن الفرق انها منعستش فحظنو…..

ناعسين جنب بعضهم لكن كل واحد هاز فخاطرو من جيهة الثاني….. ياسمين دموعها نازلين مرضاتش يخلي البروغرام اللي دايرين و يقبل يمشي مع هاديك و من الفوق معتارفش بغلطو….

و محمد مفاهمش مالها و مارضاش تهضر معاه بديك الطريقة….. و الحل حاجة وحدة….. الحل مجرد حوار…. كون هضرو بالعقل و كل واحد قال شنو ضارو مكانش غيكبر المشكل هكا…..

النوم هو الملجأ الوحيد لكل شعور سيء…. 💔

بعدما تقداو و دارو شوية جاو ارتاحو من العيا ديال السفر عاد ناضت حنان نصبت العشا….. خلاتو كيطيب و مشات للبيت فين كان يوسف جالس فوق فوطوي مغطي بمانطة و شاد قدامو محمد امين اللي نعس بالعيا…..

مشعلين الشوفاج و الدنيا سخونة…. جات حنان لقات محمد امين ناعس فحظن باه قربت ليه بالشوية و قالت بهمس باش ماتفيقوش

حنان: نعس بلا عشا واش نفيقو…

يوسف: لا لا غي خليه غيخسر فيه النعاس

حنان: اراه ليا نديه للبيت

يوسف: لا هنا نديه انا….

وقف بيه هازو ناعس بحال شي ملاك داه للبيت اللي حدا بيتهم قادو و غطاه مزيان عاد خرج….. مشا لقا حنان جالسا فسداري اخر مشعلة التلفازة كتفرج مكمشة فبينوار….. جلس فبلاصتو و دار عندها….

يوسف: حنان اجي هنا

حنان: بلاما نزاحمك غا خلينيي

يوسف: تي اجي اشمن زحام (ناضت لعندو كحاز شوية تا دار ليها بلاصة حداه تخشات فيها مخشيين فبعضياتهم) تزاحمو تراحمو دابا عاد غندفاو….

ضحكت ليه و جرت الغطا و دارت كتفرج….. كيشوف فيها شعرها مطلوق رطب مدرق وجهها….. مد يدو حيد ليها زغيبات و ردهم ورا وذنيها….. سرح فوجهها الصافي و حنيكاتها الطالعين….. رميشاتها الكثاف اللي مع كل ترميشة كيطلعو و ينزلو….. فمها المنيفيخ حميمر بحال حبات الكرز….. سبحان الخالق اللي خلقها فأحسن صورة…..

يوسف:(بصوت هامس) عمرك مقالك شي واحد بيلا نتي زوينة بزااف

حنان:(هزت فيه عينيها بحشمة و قالت حتى هي بهمس) لا عمر حتى شي واحد ما مدحني

يوسف:(سهى فعينيها) عميين و ناقص ليهم الشوف و معندهمش الضمير انا بحال زينك ماشفتش سبحان الخالق اللي بدع فخلقك…. من حواجبك لعينيك لفمك لشعرك آية فالجمال

حنان:(حدرت عينيها حشمانة من مدحو ليها و الكلام الزوين اللي كيقول فحقها)

يوسف: هزي عينيك متحرمينيش منهم هزي عينك و قتليني بيهم (مد يدو لحنكها كيدوزها بشوية) رطييبة بحال الزبدة و لونك يسكر بلا شراب اش تديري فيا

حنان:(قلبها تيضرب بعنف) زعما بصح هادشي اللي كتقول

يوسف:(ضحك و خدا يدها حطها فوق قلبو) شوفي براسك اش راكي دايرا فهاد القلب اللي عمرني ضنيتو يرجع يضرب

حنان: حتى انا عمرني ضنيت نتلاقا بشي واحد اللي ينبض قلبو على ودي و يقول بحال هاد الكلام ليا عمر شي واحد ما طيب خاطري بكلمة

يوسف:(حط يدها على لحيتو) هداك الزمان ولى دابا كاين انا و كاين قلبي اللي نبض بسميتك كان انا اللي حمقتيني كلك بزينك و رزانتك و تقالتك و مازال ابنت الناس تشوفي معايا يام زينة و حلوة عاطيك عهد الله احبيبتي…..

حدرت حنان عينيها بعدما عمرو بدموع حتى نزلو من عينيها….. دموع الفرحة….. دموع الامتنان….. دموع كتمنى بيهم ان ربي يكمل عليها فرحتها و يخلي ليها يوسف….. مد يدو كيسمح دميعاتها بالشوية و هز ليها راسها شوية حتى ولات فمستواه…..

خدا شنايفها ببوسة ملي جلست وهو مشهيها….. مشهي يلتاهم شنايفها و يقبلهم كيما بغا…… تبادلت معاه القبلة بعدماااا ما قدرتش تحبس نفسها…. باش ينتاقلو لعالم اخر….. عالم فيه هو و هي….. نساو العشا….. نساو محمد امين…. نساو البرد…..

نساو العالم….. نتاقلو لعالم تجردو فيه من ملابسهم و سمحو لأجسادهم يلتاحمو و يمارسو الحب بطريقة ملحمية….. الثلج كيسب على برا….. و النار شاعلة ليهم لداخل…… كيقبل فنهديها و كيتفنن فيهم….. كيمص و يعض و يخلي طبايع ملكيتو عليها….. هابط بقبلاتو تال سرتها باش يستقر بلسانو فيها….. و هناااا كانت نقطة ضعفهااااا….. ماحساتش الا بسائل كينزل منهاااا…..

ظهروووو هابط بقمشات طوال على طولو….. بعضهم خارج منهم الدم….. لكن شكون حس بيهم….. كل واحد ليهم مرفوع لعالم الشهوة……احاسيسهم مخلطة….. و كل واحد باغي يستمتع بالاخر…… للحظة دارت حنان مقارنة…… بالسيف عليها واخا عارفك انه غلط و غلط كبير تكون على ذمة شخص و تقارنو بشخص اخر……

لكن النفس بنت الحرام….. النفس الأمارة بالسوء حطتها فمقارنة بين عبدالله و ايوب….. و فرق كبير و شاسع كيفاش كيعاملها يوسف و كيفاش كان كيعاملها داك الشماتة….. مسبق متعتها على متعتووو…. كيمارس معاها بالشوية و بكل حب مع الغزل….. تيحاول يحببها فالعلاقة و يخليها ترتاح….. على عكس ايوب اللي كان بحال شي مكبوت…..مكيهمو لا الوقت ولا الحالة ولا والو…..

الوقيتة اللي بغاها خاصها تلبي ليه رغبتو….. اللي اصلا مكايناش بلاصة ليها فيها….. اللي هامو يخوي خنزو فيها كأنها مرحاض…… طردات دوك الافكار من راسها و استمتعت بكل دقيقة مع يوسف…. سالات الميطا اللولة و مشا طفى على العشا اللي مبقاوش عقلو عليه….. عاد رجع ليها هزها بين يديه و داها للبيت فين سدو عليهم باش يغوصو تاني فعالم الشهوة….. حتى قرب يصبح الحال…..

طاحو مهدودين على السرير العظم اللي ينوض مكاينش….. جرو عليهم الغطا و نعسو هكاك فحظن بعضهم….. و داك العشا مكتابش گاع يتكال…..

لم يخبرها بأنها جميلة بل كان دائما يزيح خصلات شعرها عن وجهها ليتأمله ❤️

صبح الصباح على الكوبل ديالنا…. فاقت ياسمين هي اللولة المورال عندها تحت الصفر و طالع ليها الدم….. دخلت لطواليط شاكة بيلا لي غيگل جاتها لكن ملقات والو رجعت خرجت صايبت قهوة بلا ماشين ديال الكبسولات اللي كاينة فالشومبر و جلست تتشرب فيها و عقلها مسافر…..

من جيهة تتقول راه مافيها والو وهي زادت فيه…. و من جيهة تتقول مخاصوش يضرب بروغرامهم فالزيرو على ود هاديك….. بقات هكاك تتفكر و عاقدة المية و حضاش اللي قليل فين تتبان لك التغوبيشة على وجه ياسمين…..

فاق محمد و حتى هو مكانش حسن منها قال صباح الخير لكن ماسمع تا جواب ساط و دخل للدوش قدا حاجتو عاد خرج….. مشا جلس حداها مقرر يدوي معاها فالموضوع و يلقاو حل لأنهم ميمكنش يبقاو هكا…

محمد: مبقيتيش تتردي عليا تا صباح الخير امدام

ياسمين: مافيا اللي يهضر امحمد صابحة مريضة

محمد: مالك اشنو عندك شنو ضارك نمشيو دابا لطبيب

ياسمين: مضارني والو غير صابحة ماشي هي هاديك

محمد:(حط يدو على فخضها) شوفي احبيبة انا بغيت نعرف غير مالك علاش هادشي كامل

ياسمين: حنا دايرين بروغرام و نتا ضربتيه فالزيرو على ود كليانة ديالك واش جاتك نورمال

محمد: ولكن راك شفتيها تطلب قدامك مقديتش نرفض و مغنمشيش بلا بيك راك معايا واش غيرة ولا شنو

ياسمين: خلي الغيرة ابار انا معجبنيش كيفاش ضربتي قرارنا بعرض الحيط باش تمشي معاها تخيل انا نديرها مع واحد اخر

محمد: بلاما تحطيني فهاد الموقف صافي غلطت سمحي ليا مباقيش غنعاود مازال تا نهضر معاها غير نجيو و نديرو اللي بغيتي

ياسمين: انا مغاداش لا بغيتي تمشي سير

محمد:(وقف و حط يدو على جنابو مخنزر) كيفاش تاني هاد الهضرة واش حالفة تا تشربنيني فهاد صباح ربي كيفاش نمشي بلا بيك كتشوني مبرد راه مصبر راسي صحة

ياسمين:(حطت يدها على راسها) مافيا اللي يمشي كنت هاماك غتريح حدايا مكنتش هاماك غتمشي و اذا كنتي كتقلب على السبة ديال الاعصاب ماتجيش بيا

محمد:(غوت بعصبية) هادشي مافيهش واش هاماني ولا لا نتي غاراضك تمشي كلمتك عليا و ندير اللي تتقولي غراضك تجلسيني حداك تيتي نيني باش يقولو اه حگااا راه كيدير بكلام مرتو و حاكمة فيه

ياسمين:(شافت فيه بصدمة) وااااش من نيتك امحمد عارفني كنفكر هكا (ضحكت بحرقة) ههههه لا والله حتى صدمتيني اخر وحدة تفكر هكا هي أنا واش مازال ماعرفتيني لهاد الدرجة

محمد: مابقيتش عارفك انا بالله قلنا نمشيو ميمكنش نرجع على كلمتي واش نتسما بلا كلمة باش ندير لك خاطرك اياسمين

ياسمين:(دارت فيه شوفة عميقة عامرة الم) لا مديرش ليا خاطري امحمد (تحولت نبرة صوتها للبكا) نتا راجل و بكلمتك و شكون انا اللي تبدل رأيك على ودي (طاحو دموعها و ناضت تتجري لطواليط فين دخلت و سدت عليها….. 💔)…

تعليق Qisatok

صدمة ليلة الحناء ما كانتش فالحساب بعدما ظهر أيوب كعريس لشيماء، لكن شهامة يوسف قلبت الموازين فاش رد الاعتبار لحنان، وتوج حكايتهم بعقد قران وسفر رومانسي لـ إفران نسّاها خيبات السنين، فمقابل شيماء اللي بدات كتدوق مرارة العصا وحكرة عدوزتها. 🤍✨

وبعد طرافة مدابزة الحمام الشعبي اللي سالات بالكوميسارية، سافرو محمد وياسمين لإسطنبول باش يعيشو أرقى لحظات الغرام، لكن الفرحة ما كملاتش مع الظهور المسموم للكليانة رجاء؛ غيرة ياسمين وتسرع محمد فقبول مرافقتها ضربو برنامجهما فمقتل، وفجرو خلافاً قاسياً سالا بدموع ياسمين اللي حست بكرامتها تهانت. 💔⚡

واش غادي يقدر محمد يتدارك غلطو ويصالح ياسمين قبل ما تفسد سفرتهم فتركيا؟ وشنو المخطط اللي كتلعب عليه رجاء باش تقرب منو؟ 👀

الكاتبة Aya Oulaaidi جمعت بين عدالة القدر اللي كتعوض الصابرين بالهناء، وبين نار الشك اللي كتدخل من أضيق البيبان باش تهز استقرار القلوب. 🌹🍂 شاركونا رأيكم وتوقعاتكم لهذا الفصل ولبقية فصول «عبق الياسمين» على Qisatok. 💖📖

شاركنا رأيك في هذا الفصل 🌹

التعليقات 0

اترك تعليقاً

لن يتم نشر بريدك الإلكتروني. الحقول المشار إليها بـ * إلزامية.